SO FAR AWAY By Melis Hmar (Completed)

[Ngaia]

So far away

Chapter-1

By
Melis Hmar


"Lalhlimpui ...nang hian suangtuahna nei in sang tak ah thlawh i in ring em ni? hahhhhh....i suangtuahna chu lo kal kual pui vel mai mai rawh kei hian ka thlen tir ngai lo ang..."

Ka dawhkan hma a ding chunga thamlo deuh a min tawngkhum tu hi tudang ni lo in Hruaii ngei a ni ,a sirah a thiante pahnih an lo ding ve ran bawk. Hetia a rawn tawng chhan pawh exam kan neih zawh takah amah ai a ka tihthat vangin.



"tinge...beiseina sang tak te i neih buai duh a, nang ang fahrah ve mai mai hi chuan maw...duhthu sam ve chiam pawh a ngai kher lo " Ka biang tawn tawnah a kut pakhat a hmer kawpin min thing deuh nawk nawk a, ngeiawm deuh a min nuih suk pahin an thian ho chuan an kal chhuak lehnghal a.

Hei hi chu ngaiah ka nei tawh an vawikhat na pawh ani tawh lo . An thianho khan Higher kan kal lai atang tawhin min tibuai thin , zak tak a min siam lah sawi sen a ni tawh lo.



class kan ban chuan awm khawmuang lo in hmangmawh deuh in ka haw nghal a , achhan pawh ka dawr thawhna bakery dawr a kal kawi leh ka ngaih vangin. Kan college ban hun vel hi kan buai lai tak a nih thina, hmangmawh deuh a dawr a kal a ngai thin, college kal lai ka nih avangin min hrethiam thin tho mahse keiman nuam ka ti thin lo.

"in lo buai em??"dawr ka thlen in ka ti lut nghal a

"buai lo e..." Dawr nei tu nu muanpui in min lo chhang nghal vat a.

"in bang tawh mi??" Nu muanpuii bawk chuan a lo ti leh a.

"immm..."chair pawt chhuak in ka thu a.


Nu muanpuii hi chu ka chungah a fel ve ngawt mai hnathawk dang te ai pawn min duhsak bik a. Hnathawk dang ho pawh hian min thik tih pawh ka hre reng ka hrelo der ve hmiah. Ka thawhnaah pawh hian kawm em em ka nei lo Nu muanpuii leh Hmingi ka kawm ve ber an ni mai midang ho in min kawm duh hek lo.


"melo ...order hi va pe lawk mai ta che ...vawin chu kan delivery boy hi a in daih lo lutuk a ...i hreh em??"min en pah chuan Nu muanpuii chu a thutna atangin a rawn au a.

"hreh lo e..."thawh pahin a dawhkan a chhang fun chu ka la a lehkha them min lo pek chu la in ka chhuak a


In lianpui hmaah chuan ding in ka lehkha ken a address nen chuan ka en kawp a, "a dik e..."mahni a phun sep in gateah chuan ka lut a .

kawngka bulah chuan lut mai lo in ka ding a, in leh a vel chu ka thlek kual a , a mawi in a nalh lutuk pangpar te lah chu a nalh in a changkang bawk si ...en reng reng pawn a nei tu te hi an khawsa thei tih a hriat ,a in ringawt pawh hi turu tak a ni . Inchei hluai ni si lo in simple deuhin a zahawm ru riau. Ka awmdan hi mi in min lo se chuan mi â emaw min ti hial ang, hetiang a in nalh hi ka la hmu tlat lo a lawm.

"A va nalh awm ve ,mami" nuihzatna aw ri ka hriat chuan ka hnunglam ka hawi vat a. Mipa sang lam nen kan in hmachhawn ta ran mai.

A chhip sam chu a buk lek lek a, a pian pawh a dik viau ...dik mai ni lo in a dik mah mah , a hmel pawh a chhe hran lo, mahse a luhlul in a ngeng hmel ngawih ngawih.

"Ka hmeltha tih chu ka hria lawm , khatia min en reng kher kha a ngailo "inringtawk zeta a rawn tih leh chuan ka harh zawk ,zahthlak lutuk inher in door bell ka hmet nghal a , rei vak loah Nu pakhat ngo lam hleitling deuh hian a rawn hawng a.

"Bawiha...i lo let leh tawh a ni maw? "ka hnung a mi pa chu a bia a...chhang pawh a chhang lo zei zir in a chhang pawh a ni mah na.

"Bawiha hei hi i thiannu mi??"nuisang chung chuan min en a ka hnung a mi a lo nui ri huk.

"Ahhh...aih...ni lo...in chhang order ka rawn pe dawn che u a..."ka ti bah nawk nawk a. He pa thiannu hi eng tin nge ka nih a nga kan vawikhat in hmuhna chauha la ni lehnghal.

"Eee...a nih chu in lo ding dun sia...bawiha rawn hruai che maw ka ti mai che a"ngeinatawm deuh a nuih sang pah chuan ka thil ken chu a la a.

"pawisa pawh ka rawn keng chhuak lo, lo lut la thingpui te lo in la " A ti leh nghal a.

" In lo mai ang , hetah ka lo nghak mai ang che"ka ti leh vat a . Ka hnungah awm an awm tih ka hriat vang a niang ka awm a nuam thei thlawt lo.

"A nih min lo nghak rawh aw...ka rei lo ang" In chhungah a lut leh a , ka hnung lam a ka in her leh chuan kha pa kha a lo awm tawh miah lo a intibo thei a maw le...a thawm pawh ka hre miah lo.


Ui bauh ri ka hriat takah chuan In sir lam ka pan a ,ui buang pakhat lian tak hi a lo awm a , a sirah chuan ka thu thla a.

"Hey...i ril a tam mi a?" A lu a tui pah in ka ti a , a awm hle hle mai.

"Thil mak tak a ni " Ti ri ka hriat chuan ka sir lam ka hawi vat a , mipa pakhat nichin a mi pa ang tho a sang kha a ni , an hmel pawh a in ang; mahse kha pa kha chu a tluk lo deuh , ka bulah chuan a rawn thu thla ve a.

"Roger, Tinge i bauh vak a?" Ui luah chuan a tui a, pakhat lah chuan nuam a lo tingang mai.

"Roger...maw??"ka lo ti vat .

"immm...Roger hi ka u ui a nia...ka u thusawi lo chu a awih mai mai ngai lo kan thusawi nazawng pawh hi a awih duh lo , mi hi a nel har lutuk a, kei ni pawh hi min nel har, lutuk hmelhriat lo lak ah phei chuan a sual thei lutuk. mahse, a vawikhat hmuhna atanga a nel nghal mai che kha thil mak tak a ni"a tih chuan ka lo nui tawp 'ka u ' ti a asawi chu kha pa kha a nih ka lo ring ve tawp an in ang e...mai.

"Hmeltha chu a hre ve khawp mai"a rawn tih chuan ka tum vang reng pawh ni lo in ka nui chhuak huk , a bul a awm chu a nuam lo hran lo e.

"malsawmkima ka nia...kima tiin min koh dawn nia" A rawn ti leh a.

"melody ka nia...melo emaw melody i duh duh ni mai" Ka tih chuan " Tehrengs...." Tiin min rawn chhang a naupang chhia ti tawk in ka lo ner nang . A hmel en pawn a la upa lutuk dawn lo tih a hriat mai.


"Hetah a nimaw in lo awm" Nichin a mi nu kha kan lam pan in a rawn kal chuan kan lo ding vat a.


"i haw daih tawh a maw ka ti hman a lawm " A rawn tiphei pah mawlh mawlh a, za vak lo in ka nui ringawt.

"malsawmkim , class i bang tawh nge ? i lo haw leh tawp tawh? " Kan bul a rawn thlen rual in kima chu a rawn be nghal a.

"A mak!! ka nu tunah ban loh pawh a hun tawh lo " Tum bur chung in a nu chu a lo chhang a, a awmdan avang chuan ka lo nui tawp.

"kha bawihi , kan lawm lutuk a nia "pawisa chu lo ban vat in " Kei pawh le, a nih ka kal leh phawt mai ang "ka ti nghal a.

"A nih aw..." Ui lu a tui pah chuan ka tuai pah zeuh a.

"melo, kan inhmu leh dawn nia" Anu bul a din pah chuan nui chung in a rawn ti a.

"umm...kan in hmu leh dawn nia" Ti tha ve mai in ka kal a.

" Inbang tawh tak tak maw? "A nu in ringhlel deuh a a zawh chu kal pah in ka nuih pui vur vur.

" Bang tawh ka tih chu, duh leh ka u pawh zawt rawh class la tan lo mahse ban hun te chu a hre ve tho ang " Lungawi lo fe a a ti bul bul ri chu ka la hre pha , an nufa awmdan chuan nuih te pawh an tiza zawk. An nufa chu an inngaih tih hriat tak a an inbiakna chuan ka nu min ti hrechhuak zawk mai , a hmel a takah la hmu lo mah ila thlalak ah chuan ka hmu ve fo tawh .


" I va pe thei maw"dawr ka luh in nu muanpui in a lo ti vat a.

" Immm...pe thei hram" Zawi zet in ka thu thla nghal .

"Melo , chhang pack bang tlem a la awm a ,va pack la i haw dawn nia " A tih chuan nuih vur vur chungin "yesssss..."tiin ka tho nghal a , Nu muanpui in min nuih tawp , a chang hi chuan ka che naupang chhia thei lutuk hi min nuih tawp zel.

.
.
.

In ka thlen chuan lut mai lo in pawn ah ka ding leh rih a, saw in chhung a luh sawh ka thil ngainat loh leh chak lo te zing a mi a ni.


"I lo va haw har ve??"ka pate'n inchhung ka luh rual in a lo ti nghal a.

" Library-ah ka kal kawi a"a hriat phak tur tawk lek chuan ka ti a.

"Han inthlak la chaw ei rawn siam nghal ang che" A tih chuan a rang a rang in ka roomah ka tlan chho nghal , ka haw tlai avangin min hau lo hlauh .


A hmanhmawh thei ang ber a inthlak in inhnuaiah ka chhuk thla leh a chaw ei ka siam ve nghal a, chaw ei ka siam har leh kan ei har a ni mai. zing lamah rawng ka bawl a tlai lamah nutei in a bawl ve thung Nuni ve thung chuan engmah a ti ngai lo.


"Bawihte tunlai enge i zirlai te a an??"ka pate an chaw ei lai in nuni a zawt a.

"A tha a ni mai , kan class a thiam ber ka ni tih chu in hriat kha " Nun'n a lo ti a . Ka patea te nupa hi chu a bum hneh ve chiang a ni an ni lah hian an lo awi leh vek tawh an fanu rangkachak kha a ni miau a an sawi chhe phallo , class a thiam ber a nih leh nih loh chu a classmate te bak hian kan hrelo ang thiam ber chu sawi loh classah a thiam lo ber te pawl a mi a ni.


"Awi awm loh, in class a thiam ber thin chu u melo-i lawm " Nuni chhang chiah puipuian a lo ti a.


"Lalnunpui lo ngawi rawh" Nun'n a lo vin nghal vat.

Puipuia hi chu Nuni ang lo tak in mi a nel em em a keipawn he inchhunga ka nel ber a ni. kum 16 lek a la ni a Nuni nen hian an chhang a khat ang reng. Nuni nen hian school kan kal lai atang tawh in kan class a in ang ziah a tunah pawh college khatah kan lut dun a kan 3nd year na tur a ni ve tawh .

Ka inchhuang vang ni lo in school ka kal lai atang tawh in kan class-ah a thiamthei pawl ka ni thin. Zirtirtu te fak pawh ka hlawh fo, fak na ka dawn thin avang hian min ngei tu leh itsik tu pawh tam tak an awm hruaii te thianho in a min tihduhdah na chhan pakhat a ni bawk; chubakah ka pa thil tih avangin an thianho mai ni lo kan class pumpui in min hmuhsit phah a. College-ah chuan tiang hi a ni tawh lo ang ka tih a ,mahse college-ah lehzel pawh a thleng chu nih hi.


kan eina ka seng fel hnu in ka roomah lehkha ka zir a ,ka lehkha zir lai in ka room kawngka a rawn in hawng ri thuai a ka la phu vak zui! Nuni a rawn lut nghal a.

"i assignment kha min lo pe teh" Pehhel kual vel lo in a rawn ti nghal a.

"Proffessor in, in ang in ziah a phal loh kha"ka thutna atanga en pah chuan ka ti a.

"ka hria lawm , nang te chu i fing a lehkha i thiam thei bawk a, a dang i lo ziak leh mai dawn nia , i tan chuan a harsa lo ang "ka assignment ziah sa en kual pah chuan a ti a , keng chungin a chhuak nghal hmak.

kha thil ziak tur khan hun rei tak ka hmang a sin, naktukah submit tur a ni tawh si engtin nge a dang chu ka ziah leh ang le.

.
.
.
.


ka harh chuan zing a lo ni tawh. Ka lehkha zir na dawhkanah ka lo muthu chu ni in , ka hnung zang te chu a kham tûm mai. Ka assignment ziah sa ho remkhawm sawk sawk in ka bag-ah ka dah fel nghal a ka inphih fai hnuin inhnuiah chhuk in rawng ka bawl nghal a ,nuteii pawh a rei vak lo hnuah a lo tho zui ve mai. Nuni erawh chu chaw ei dawnah chiah a tho thin .


Chaw ei kham in kan ei na ka ti fel leh phawt a, chumi zawhah ka roomah chho in ka insiam nghal a , ka tlai deuh tawh avangin hmanhmawh deuh in ka kal a .Nuni chu pate an a car in a thlah mai thin ,kei chu an rilruah ka lang pha ve lo tlat.


Hmanhmawh tak in kawngah chuan ka tlan a bus ka la nang hman lo zui! minute 10 chiah hun ka nei tawh ke chuan minute 10 chhunga thlen ngaihna a awm si lo, a hla ve angreng bawk si.


"Lo chuang rawh..."ka sir lam chu ka hawi vat.Mipa pakhat hi bike a chuang chung in a lo ding a , helmet a khum avang in tunge anih ka hre thei lo , chhang lo chuan ka kal chhunzawm leh nghal a ka sirah tak chuan a rawn ding leh.

"Tunah minute 10 chiah hun i nei tawh chumi chung lek chuan college i thleng hman lo ang" A tih leh chuan mak ka ti ang reng engtin nge chungte chu a hriat le.

"I rawn chuang dawn chuan rawn chuang vat rawh , ka nghak reng hman lo che nia" A tih chuan ka hmanhmawh tawh bawk nen ka chuang ve tawp a ,a nih nih ni tawh mai teh se.

college kan thlen chuan bike an dah na lamah chuan a ding a , a bike a rawn ti awn thut a mawng sawh dawt in leiah ka la tla zui!, ka lo inring lo nen a na zek lehnghal a.

"A na em? I chhuk tawh a maw ka ti a " nuihza insum tih hriat tak hian a rawn ti a, a thilsawi chu ka awih teh chiam lo, ka tlak naah khan ka insawh na deuh tho a, mahse ka nat loh thu chuan ka chhang tho. kan ding chiah a ka tan chhuk na hman a la awm lo; chubakah a khalhtu a nia ka la chuan leh chuan loh chu a hre reng ang.

"Ka lawm e, min thlah avang in "ka ti let a, min chhang tawh lo in a helmet a la thla chiah chu thawveng zet hian a thaw nghal kawk a, a bike darthlalang-ah a sam a siamtha nghal zui mawlh mawlh chu ang phuau in ka lo en , nimin a ka order sem na a ka hmuh pa kha a ni chiang lutuk kima û kha , engtin nge a nih theih? thil mak tak chu ni , a rawn chhuk zui nghal a .

kan in din hnaih chiah chuan ka rin ai in a sang daih, a dar ka chen ve chang chang chauh a ni, a sang tih chu ka hria a, mahse nimin khan hetiang em em hian a sang tih ka hre miah lo.

"Vawin chu i lucky day a ni ringawt a lawm tiraw? Keimah vangin i tlai lo a; chubakah ka phurh-ah i la chuang zui , lucky tricket i dawng a ni ringawt a lawm "a ti duah a chhan tur nge chan loh tur pawh ka hrethiam lo.

A bike chu nghengin hawi kual thuak thuak pah chuan cigarette a phawrh a ,min ngaihsak zui tawh lemlo in a fawp zui vang vang .Class ka luh chuan vanneihthlak tak in ka la tlai lo hlauh.



"Ricco-a kan collageaah a lo lut dawn "

" A ni maw?? Tak tak a mi?? "

"Aw... Kan class-ah a ni lehnghal "

"A van nuam dawn tak "

"Phaiah khan a zir char char a, thil an tithei bawk a heta rawn insawn mai mai chu a har miah lo ang " Ka hma a mi te chu an phun sep sep a, mipa hming te an lam in ka hria, an bialpa chungchang an sawi turah ka ngai ve tawp. .

"saw...a lo kal e...ricco a ngei a ni"ka hma mi te chuan an ti leh a, kawngka lam chu ka hawi zawk a, mahse ka thil hmuh chu...khapa bawk kha!! Ricco-a an tih chu kha pa kha maw! , engthil nge thleng zo zai hi...hmeichhe ho lah chuan an lo bawr nghal luih luih a celeb ang mai.


Hruaii te thianho an lo lut ve chiaha kan mithar pa chu an bawr nghal lai lai mai , an inhresa ni ngei ang an in be mihrang lo e mai.


Proffessor a lo luh chuan class kan tan nghal a kan assignment kan submit a ,ka ziah sa Nunin min laksak daih sia ka ziah nawn leh hi duh ang pawn ka ziak tawh lo.


Lunch ei a hun chuan canteen-ah kal hmasa lo in bathroom-ah zung tur in ka kal phawt a, bathroom atanga ka chhuak chiah chu ka lu atang in tui a rawn luang thla nghal hawk ,ka hmaah hruaii te thianho lo ding in min nuih nghal suk.

"Nang hian ricco kha i lo chhai kual vel em ni...mawh...???"hruai in ka lu a min nem pah chuan a ti a.

"Ahhh...aih..."ka ti bah nawk .

"Haaaah ...awihawm loh lutuk tukin zingah pawh khan in rawn in phur kha "a ti leh a

"kha chu kan in hmu fuh mai mai a nih kha...diktak chuan a ni kha kan college-ah hian a lo lut ve dawn tih ka hrelo hrim hrim"ka ti leh sep a. Ka thusawi chu a awih lo tihhriat tak in a ngeiawn tak in a ner suk.

"Chuanlam fahrah lutuk! ohhhh...tak a nangmah pawh hi fahrah chu i ni lawm tiro" A aw a min nuihsawh tih hriat reng chuan a ti a ,an thian ho chuan an nui zui ar ar a .


"Eeee...ka la sawi tello tualthattu fanu pawh"uang thuang deuh chuan a sawi leh a an nui leh ar ar a
ka kun a ka mittui a far fap .


"Ricco hlat ah hian lo awm tawh ang che..."min nem vak in an chhuak a, ka ka mawng na lam sawh dawt in chhuatah ka tlu a , a na reuh lutuk chu ka ner zui suk. Ka mittui tla chu ka kut in ka hru thuak thuak a tho in ka sam huh chu tihro dan ka zawng a. Ka thawmhnaw chu a huh nasa em em lo , engtin tin emaw ka tih kual hnu chuan ka sam huh lutuk pawh a zia deuh.


Lunch ei ta lo chuan class-ah ka leh tawp a, class lak chhung zawng chuan ka awm a nuam thei thlawt lo, ka sam huh bawk , ka kawr huh bawk ka ni deuh chuap mai.


End of chapter-1

(A ngaihthlak nawm loh inti em? )

(Ads kha min lo click sak ve theuh dawn nia )

[Ngaia]

SO FAR AWAY

Chapter-2

by

Melis Hmar



ka thawmhnaw in a zir loh em vangin class banah pawh dawrah kawi lo in in lam ka pan nghal a , phone in nu muanpuii ka kal theih loh tur thu ka hrilh a a lo phal ve mai bawk a.



In ka thlen in nutei'n rawng a lo bawl dawn mek a. Ka room-ah chhoin ka inbual nghal a, ka inbual zawhin nutei rawng bawl pui turin inhnuaiah ka chhuk lehnghal a.


"Melo , tinge i kawr kha a huh vek a??" min lo hmu hman a ni ngei ang.

"Ahhh ........ Kha kha maw......." Ka ngawi leh deuh vang vang a dawtsawi tur ka ngaihtuah pah mawlh mawlh.

"ka rawn haw lam in kawng sir a tui pipe a lo dawk a, chu chuan min theh huh a" Ka ti ta ringawt a , a awih ve chuan ka hria chhuanlam dang han siam mai tur ka hre hlawl lo.

Nuni a rawn haw chuan nuteiin a lo be nghal vat a, tha deuh in a chhang ve mai a kei erawh chu min melh no lo khawp mai ,engthil tak chu thleng ang maw.


Zanriah ei lai in patean nuni chu a class chungchang a zawt a ,pakhat lahin a ngaite bawk in dawt hlawm a lo hrilh leh a , an lo awih ve em em zel . kan ei na vel ka tihfel hnu in ka room-ah lehkha ka zir a , ka lehkhazir laiin ka room kawngkhar a rawn inhawng ri leh thuai tawh! Nuni a rawn lut nghal zat bawk.

"Engtinge Ricco nen class in lo kal dun theih ??" A aw ah chuan a lungawi lo tih a hriat theih.

"kawngah kan in hmu a ka tlai tawh sia ka chuang ve tawp, kan college-ah a lo lut dawt tih pawh ka hre lo"ka thilsawi chu awih lo tih hriat tak hian a ner zui suk .

"Dawt sawi lo mai teh"

"Dawt ka sawi lo , i duh leh kha pa kha va zawt rawh" Ka ti ve deuh ngat a, ka ning lutuk vawina class ka thlen atangin khapa chungchang hlirah khan buaina ka la nei.

"ka zawh kher a ngaihna ka hre lo Ricco-a hnaihah hian awm tawh suh ang che , chu chu i tan a tha ber tur a ni" Ti leh nghut in a chhuak a. kha pa vang khan tinge an buai hlawm em em le , college kan kal rual ringawt pawh chu enge a pawi viau na le.


ka room kawngkhar a rawn in kik leh chuan lut tur in ka ti a puipuia a lo dak a, " U melo...i buai em? maths ah hian hriatthiam loh ka nei a min lo en pui lawk" Inthlahrung deuh hian a rawn ti a .

"Buai lo e ,lo kal rawh "ka tih chuan a rawn lut nghal zat a . A thiam loh lai chu ka thiam ang tawk chuan ka'n hrilhfiah ve a , a hrethiam ve chuan ka hria .

Arts la mah ila maths hi chu school ka kal lai chuan ka thiam ve, keimah hian ka tui bawk a, la thei ngat ila chuan ka duhthusam a ni ,mahse zir na sen so a hautak lutuk a , chu mai bakah ka patea te chawm ka nia a inthlahrun awm . kan inhrilhfiah zawh hnu chuan keipawh ka mu nghal mai a .

.
.
.


Class lam pan a ka kal lai chuan ka kal kawng ka lo en lo bawk nen tu emaw hi ka su a keimah zawk a tluah ka la tang leh nghal.

"I na em??" Tih pah in a kut ka vawn turin a rawn phar a, ka lo vuan ve mai a min pawt tho nghal vat.

"I na em??" Nui suk chung in a rawn ti leh a.

"Aih...na lo e...tihpalh lutuk aw ka kalkawng ka lo en lo a" Tihbah nawk in gaihdam kan dil hnuhnawh leh a .

"A ho lutuk, kei pawn kalsawn nachang ka lo hre bik lo a, i lo kal lai kha ka hmu reng che a i va ngaihtuah mûk hmel ve " Ngeinatawm deuh a nuih paha a tih chuan ka lo nui suk.


Kan ding dun chiah chuan a sang khawp mai;mahse khapa Ricco-a an tih ai kha chuan a hniam zawk chuan ka hria. T shirt var a mah ti fresh zual turin a ha a ,a chungah Denim jacket ha leh in cotton kekawr dum a ha leh tawp a , a inthuam dan chu inhmeh tak a ni . A sam chu a mawi tawk tur vel lek in a phir siau a. Chutia ngawi renga a mah ka lo en vung vung lai chuan ka hmah a kut a rawn hmet ri khep a, ka lo phu zawk, zahthlak lutuk.

A thil sawi kha ka hrechhuak thut a ,"Thil ho deuh ka lo ngaihtuah mai mai" Lai angreng tak a ka tih chuan a lo khi suk .

"Thil ho deuh deuh ngaihtuah rual chu i ni tawh lo mi le" Min thlek vung vung pah a a tih chuan ka lo nui ve mai.

"A nih ka kal " Class lam ka pan nghal a. Ka thutnaah thu in ka lehkhabu ka phawrh nghal a proffessor a lo luh chuan class a la nghal mawp mawp a uluk tak in ka lo ngaithla mahse ka rilruah a lut hleithei meuh lo! Nichina ka hmuh pah ringawt kha ka ngaihtuah zel! Ka rilru ka pe theilo lutuk chu ka lu te ka thing leh vak thul.


Lunch ei a hun chuan canteen lam ka pan nghal a ,ka order a lo thlen chuan ka ei nghal a , midang ei pui ka neih ngai lem loh avangin mahni in ka ei deuh tlawng zel.

"Hey ...i ril a ve tam tawh awm ve " ka hmaah thutna awm chu pawt chhuak in a thu nghal zat a.

"Tam ve tho" A mah chu melh zawk in ka ei chhunzawm lehnghal a. A rukin ka zak lutuk chu ka mal ka sik vak.

"Enge i ei a??ka lo ei ve chhin ,a va tui hmel ve " Ka thil ei lai chu a lamah pawt hnai in a ei nghal a, ka hmamhaih lutuk chu tawng nachang pawh ka hrelo, ka en mawl tawp.

"A tui loh lem loh hi " min lo en zawk in a ei mial mial a.

"ka thil ei lai i ei zo tep a nia" Inthlahrung takin ka ti a, min lo en zawk in a thil ei lai chu a en leh a .

"sorry ...pawi lo kan order leh dawn nia , ka treat ang che" Ngaihsam deuh a tiin a dang order leh mai a tum chu "A ngai chuang lo ka puar tawh tho " Ka lo tivat a " Keimah ka la puar lo, ka ei chhung chu lo ei ve rawh min lo awmpui ve a ni mai " Ka chhan let hmain a order zui nghal zat a, ka hnial ta bik lo.

"A nih chuan ka ei teuh dawn a nia " Thutak deuh tak hian ka ti a " i ei teuh dawn nia " Awlsam te in a lo ti mai a .

"Lallawmsanga ka nia...nang tunge i hming ve ??" Thil ei mawl mawlh pah chuan a rawn ti a.

"melody " Ka thil ei tur chawk kual pah chuan ka ti ve mai a.

"melody tih tawp maw??hmingpum te i nei lo mi??"

"Nei ve e..."

"A nih chuan sawi tel ta che "

"a ngai kher lo"

"i zak a ni chiang mai"

"Engvang chuan maw ka zah a nga??"

"i sawi duh si lo a , pawi lo laldangdaii ni mai rawh " Uang thuang tak a a rawn tih chuan "kha ti khan min ti suh"ka ti vak a. Ka tawng ring lutuk chu canteen a awm ve ho chuan min en thup a, an inhrilhru sap sap hlawm a. Ka awm an tinuam lo zo vek.

"Enge i hmingpum i sawi duh loh chuan tikhan ka koh mai ang che laldangdai "nuihzat aw lek lek chuan a ti leh hram a ka van ngei reuh tak .

"Amak !! , Lalhlimpuii...a tawk em?? ti khan min koh tawh hlek suh ang che"kan ti ve ngei a , a ni tan chuan hlauhawm lo tak ka ni. kan ei zawh chuan class lam kan pan a .



"mi thar a mi i nih ??ka van hmu ngai lo che" Ka chhuah rual khan min lo zui ve nghal a ni ngei ang.

"Nilo e ... kan class a in an loh vangin min hre ngai lo mai mai a niang "

"A niang , class a in an loh hi chuan a hranpa a in hriat hi a har ve lutuk a "a ti ve mai a .


"class ka nei a ka kal phawt mai ang " kan class zawn ka thlen chuan ka ding a.

"Kan inhmu leh dawn nia "chhan hma hma in a kal nghal a, keipawh ding khawmuang tawh lo in ka lut a .

Ka thutna-ah ka thu fel chiah tih in hruaii te thianho ka dawhkan hmaah an lo ding nghal a .

"Heyyy...Lalhlimpui ...Ricco-a hlat tur che a ka tih vang che in Lawmsanga ah tan ila ta em ni "Hruaii chuan rum tawkin min melh pah a.

"Lehkha zir hi bansan la mipa lem kual lamah hian kal daih mai rawh "ngeiawm deuhin Hruaii bawk chuan a ti leh a .

"i theihnghilh ta em ni , tualthattu fanu ve mai i nih kha ,nang ang hi chu maw ...thinlung tak in an kawm emaw, an duh ve tak tak ngai lo ang che, chu chu theihnghilh ngai suh "ka lu a min nem sawk pahin Hruaii bawk chuan min hmuhsit hmel deuh chuan a ti sui hlak hlak a. Kawngka lam ka va hawi chu Ricco-a an tih pa chu a rawn lut ve chiah a, kan mit a la in tawngfu chat zui, ka hawisawn nghal vat.


"Ricco a rawn kal a nia"An zing a pakhat chuan a ti sep.

"I nihna hi theihnghilh ngai suh ang che" Hruaii chuan ti leh in an kal a. Ricco-a bulah chuan a va thu nghal chat a . Class kan tan leh chuan a ngai te bawk in uluk tak in ka lo ngaithla a ka zirlai hi chu bel hle hi ka duh thin .



Ban a hun chuan a hnuhnung lamah ka chhuak a thil ngaihtuah neuh neuh pah in ka kal a, ka hma a kut hmet khep ri ka hriat chuan ka harh zawk mai. College kawt ka lo thleng der tawh chu ni in.

"Enge i lo ngaihtuah leh tak a? thil ho deuh deuh bawk a mi??"ka chhan hma chuan a rawn ti zui nghal a, ka lo nui ve tawp.

"Chuang la " A tih chuan hrethiam lo tawk in ka en vat a.

" Ka lo thlah ang che " A tih leh chuan ka hrethiam chiah.

" A ngailo taxi ka la thei a lawm " ka tih chuan " Chuang mai mai teh " A ti awlsam leh et a.

"Aih a ngailo tak tak" Ka ti leh vat a. Kan dinna sir deuh atangin Ricco-a pawh chakzet in a rawn tlanchhuak nghal , mi a su abg tihpawh a hlauhawm a lawm le.

"A free a nih hi lo chuang vat teh " A tih chuan hnial ka inthlahrung ve deuh tawh bawk nen zak chung chung chuan ka chuang ve ta nge nge. Ka dawr thawh na lamah ka in dah tir a .

"Hei hi in in maw??"ner nung in a hawikual a.

"Aih...ka dawr thawhna nih hi"

"Bakery dawrah i thawk a ? "a tih chuan ka lu ka bu zeuh.

"A that chu ,coffee in tur in ka lo kal thin ang" tiin a tlan chhuak zui nghal a. A tlan liam chu khi vur vur chung in ka en a. Dawr chhung a ka luh chuan Hming in min lo pawt nghal dawr dawr ,a mak thei a nia.

"sawi nghal rawh tunge rawn thlah tu che kha??"a ti nghal buan buan a, thut pawh thut fel hma hmain.

"kan college a mi a nih kha "

"college a mi chauh maw??"chik deuh a min en pah chuan a ti a.

"Aw...ka thian pawh a ni lo ,vawina ka hriat ve chauh a nih kha "

"Tak tak em?? dawt min hrilh vaih"min rin chiah loh hmel deuh chuan min en kur a .

"enge dawt ka hrilh ang che..."ka tih leh chuan a awih ve deuh .

"A chhelo reuh em a ... lo chawlh pui tur che lawm" Ta deuh deuh chuana henu tak hi chu a.


Hming in chhang a lo ur mek a thil dang tih em em tur a awm hrih lo bawk a ka pui ve nghala. Chhang ur hi chu keipawh hian hneh ve tawh tak ka ni .


"Melo...i hman hun ah lo phei lawk teh aw..."nu muanpuii chu a rawn au lang lang a, kei in choka atangin ka lo chhanglet a ,ka hman ve leh chuan a awmnaah ka phei a.

"Nu muanpui enge ni ta ??"
a thutna bulah chuan ka thu thla ve nghal a.

"felfeli te hi an exam a hnai tawh si a, tution i pe hman a ngem le ??class 10 hi chu a pawimawh lutuk a"

"Theih chu ka thei a mahse hna thawhzawh hnu lamah lo chuan ka hman lo ang "

"Dawrah hian pe mai la nang pawn hna thawh pah in i en pui zeuh zeuh a nga "

"A pawi chuang lo nang ber in i phal te chuan "Dawr a tution pek a phal chuan ka tan pawh a awlsam sawt a nga, hlawh a double bawk nga, ka ngaihtuahna vang chuan ka khi vur vur.

"Naktuk tlai atang in tan u la ti raw"

"Nia pawi lo felfeli pawh lo hrilh la "kan inbiak zawh chuan chokaah bawk ka let leh a. Kan chhang ur ho kan pack leh te te a. Dar 5 a rik chuan haw tur in ka insiam a. Hmingi nen kan in kawng a inang loh vangin ka haw rual ngai lo.


In ka thlen chuan pate a sofa-ah a lo thu a, nuteiin chaw a ei theih tawh thu a lo sawi ve chiah bawk a.
Ka room-ah chho in ka bag vel ka dah a, inthlak lem lo chuan ka chhuk leh a nuteii chaw ei ka siampui nghal a.

"Lalnunmawii pawh hi khawi ah nge a tawm bo leh tak le... chaw ei te hi siam nachang hre lo reng reng mai "chet pah in nuteii in a ti hlak hlak a , nuteii hi chuan che tur hian a ti ve fo , patea erawh hi chuan a duat lutuk a ma thu a a ti te a nih loh chuan a hranpa in a tir ngai lem lo.

.
.
.



ka room a rawn in kik chuan lut tur in aw ka pawh vat a puipuia a rawn lut a .

"u melo...min lo pui leh lawk mai" Kawnka a rawn dak chung chuan a rawn ti a, a inthlahrung thei lutuk hi a khawngaihthlak zawk thin.

"Lo kal rawh..."a lo lut nghal vat a a thiam loh thenkhat chu ka tihpui leh nghal char char a.

"fel feli te nen khan in in classmate tiro??"

"immm..."

"A nih pawh naktuk atang in tution ka pe dawn a"ka tih chuan ,"maw!! ,u melo...felfeli tution i pe dawn maw?? khawiah ??" A rawn ti nghal vat a, min tihamhaih lek lek a lawm le.


"An dawrah tinge??"

"Engmah...ka lo kal ve thei a ngem le"A rawn ti leh vat a.

"I duh te chuan i lo kal dawn nia...mahse patea ten an phal dawn mi??"

"Ka thiante nen lehkha kan zir kawi dawn ka tia nga an phal mai ang " Awlsam deuh chuan a ti ve mai a.

" Aih chuan i school banah i lo kawi thin a nga , kan haw rual leh thin mai dawn nia"ka tih chuan a lu a bu zeuh a , a thimloh lai ka enpui zawh hnu chuan keipawh mu turin khum ka pan a ka chau ve deuh a niang khum ka deh rual in ka muhil nghal a ni mai.



.
.
.


"I tha maw??"ka hnung atangin ka dar tawn tawnah a kut a rawn nghah chuan ka lo phu zawk.

"min ti phu lawm"

" sorry ...class i nei mi??" A ti zui nghal a.


"Immm..."kalpah chuan kan ti ti phei a pangai tak a kan inbiak ai in min fiamna a tam zawk. kan inbiak lai chuan Ricco-a chu kan lam pan hian a lo kal a, kan mit lah hi a in tawng fu thei em em zui! Lawmsanga lam a kal a ni bawk nen ,a kal pah chuan a rawn nek lui deuh kher a lawmsanga thin a lo sa ve phat a .


"Heyyy..."a ti nghal thuai a pakhat lah chuan ngaihpawihmawh loh hmel deuh in a lo nuih san hmak .

"Min nek kher lo khan i kal thei lo mi??"lawmsanga chuan a tichang fak a pakhat lah in ,"ka lo nek che law"ngeiawm deuh in a rawn ti leh kher a.


"Min nek lo la ka sawi dawn mi??"lawmsanga chuan za lo deuh a nuih pah chuan a ti a.

"A nih chu..."ti a kal leh mai a tum chu lawmsanga chuan a au let leh a .

"Enge buaina i la nei mi? Hmeichhia i kalpui ve a i inti pa ve tihna mi? "kan pahnih chuan ngeiawm deuh a ner suk in min melh dun a.

"Ka thin i tirim a nge aw... Fimkhur rawh " Insum tum hram hram chuan lawmsanga chuan a ti a.

"A nih chu..."ngeiawm deuh chuan a ti leh a. Lawmsanga chuan a ngeithei tawh lo a ni chêk ang, va pan hnaiin a bekah a hnek nghal thuai a , a ngeiawm ve em a ni , an insual chu a ni nghal mai. Lawmsanga zawkin a hneh lo lek lek a ni. Chet na chang pawh ka hrelo midangho chu an rawn pung khawm nghal a, thelh an tum pawn an thelh hleithei lo. Proffessor a rawn kal chuan an in thlah thei hram.

"Nangni pathum kha ka office-ah min rawn hmu rawh u "

kan pathum a min en pah chuan a office lam a pan a ,a then an lo phun sep sep a hruaii te thian ho lah chuan min thah chak hmel zetin min lo melh hraw hraw.

kan pathum chuan proffessor office lamah kan inzui phei a ,proffessor dawhkan hmaah kan pathum chuan kan ding ta ran mai .


"Engvangin nge in insual ?? naupang chhia ang a insual rual pawh in ni mi??" proffessor chuan khauh zet in a ti a, ka lo tim sawng sawng thei ka tah pawh a chhuak zawk hetiang hi ka la tawng ngai bawk si lo nen.


"Sawi rawh u ??" A rawn tih leh thawt chuan ka lo phu zawk. Ka sir a ding te pahnih lah chu tawng an tum loh hmel ropui si.

"Nangmah hi a mi kut thawh hmasa? " Ricco-a lam chu a hawi a.

"kut thawh hmasatu chu a ni hian a hre chiang ang "ngeiawm deuh a nuih suk pah in min rawn melh a ,
van ngeiawm reuh tak kut kha a thlak hmasa tu a ni lo miau a .

"melody ...a tu zawk in nge kut thawh hmasa zawk" Proffessor in min en kur chung chuan a ti a, Lawmsanga hming ka sawi ngei a ngai dawn a ka hreh ru ang reng khawp mai.

"Ihh...ihhhh... Lawm.....lawmsanga"ka mit ka chhing sawk , ka dinglama ding lah chu hnehtu chang inti zet in a lo la nui suk lehnghal.

"mahse Ricco hian a rawn tibuai hmasa" Ka ti leh nghal a.

"A tawk "ka tawng zawh rual chuan a rawn ti leh a, ka lo phu zawk zui!.

"Inpathum khan inbang tlai a nga, chuan nangni pahnih in bathroom zawng zawng in tifai vek ang "ka sir a ding te ve ve chu a kawk in ti nghet churh a.

" Nangin an zawh hma i veng ang " Min en pah a a tih leh chuan chhan zui ngam chi a ni tawh hek lo . Ka lu ka bu ringawt.


Vawin chu hemite pahnih vang hian ka bang tlai dawn , ka van hne tak. Office atang a kan chhuah chuan mahni class lam pan theuh in kan kal a. Ricco nen kan class a in an vangin kan kal na a inang lo thei lo. Ka hmaah chuan a kal a lawmsanga khan a khawi na ve hman a niang a hmui sir a thi ser ser mai.


proffessor in class a lo la mek a ,kan thutna lamah ve ve-ah kan kal nghala, ka lehkhabu phawrh in ka ngaitha ve nghal a . Proffessor a chhuak chiah tihin hruaii te thianho ka dawhkan hmaah an lo ding thap tawh .

"I thil tih pawizia kha i hria em??"
Hruaii chuan a rawn ti vin deuh vak a , eng thil pawi nge ka tih le.

"Nangmah vang in lawmsanga leh Ricco-a an insual phah a ,i awm mai mai theih chu inring hauh suh "a ti leh kharh a. Ricco-a leh lawmsanga insual chhanah khan ka thiamloh na a awm in ka hrelo, Lawmaanga nen a kal dun kan nih avangin an insual lai khan an bulah ka lo awm ve a ni mai a ; mahse tinge an insual pawh chu thil pawi a nih na le.

"Henu vang hian Ricco leh lawmsanga te an in tibuai leh ngei dawn nih kha "An zinga sang ber Ruati chuan a rawn tia.

"Enge chu chu awmzia??"k a lo ti sep a. An thilsawi hi ka hrethiam hlawl lo.

"Huizz...han hrilhfiah teh u" Hruaii chu a chek hlak hlak pah a.

"Ricco leh Lawmsanga te hi an school kal lai atang tawh a in hmelma an nih hi tunah an in huatna chu nang hian i rawn thar thawh leh a ni "Ruati bawk chuan a rawn ti leh a chuvang a nih chu an inbiak danah khan an inngaih pawihmawh loh dun em em ni.


"I hre tawh ang chu tiro ? Ricco te pahnih buaina i thlen avangin nang hi thlamuang taka i awm ring reng reng suh hria maw..."ka kawr awmah chuan a rawn tham a min thlah thut in " Lo hruai rawh u" A kalsawn zui nghal . A thian pahnihte chuan ka ban tawn tawnah vuan in min pawt chhuak nghal a .

Midang ho lah chuan min lo chhan eih pawh an tum lo hmuhnawm thlir in min thlir hi a ni mah zawk . Bathroom chhuatah chuan min nam thlu dawrh a, bang chu ka ngheng nghal rawk rawk . Hruaii chu ka hma ah a rawn thu hniam a.


"Ricco-a buaina i thlen avang hian i châk dawn lo, nang hi buaina hlawm i nih hi "ka luah chun min nam sawk sawk a , ngeiawm deuh a min nuih chung hian a kut a hnunglamah a phar a phakhat chuan a kutah bakcheh a rawn dah nghal a. Ka hlauthawng lutuk chu ka meng phawk vak. Nilo...an ni ho hian ka chungah eng thil nge tih an tum ,nilo... nilo.....ka chiai nghal vek , ka rilru in min pui tur ka au mawlh mawlh bawk.

"khawngaih in ti suh,khawngaih in " Ti lo tur in khawngaih ka dil nghal a. Ka thilsawi chu engah mah an ngaihloh hmel ,min nuihzat zawk hial ani . A thiante pahnih chuan ka banah an lo vuan a. Hruaii chuan ka dar atangin ka kawr chu a chep a ka lo tal ve vak vak .

Bathroom kawngkhar chu a rawn in phih hawng thuai a Ricco-a a rawn lut nghal, beisei nei deuh in ka lo en tawp.

"Ricco enge hetah i rawn tih dawn a??" Hruaii chuan Ricco hmel a hmu chu a lo tinghal vat.

"Helaiah hian thil hlimawm deuh a thleng ni in ka lo hria a" A rawn tih chuan a lak a ka beiseina pawh a bo vek tawh engemaw ka hriat a, a lakah hian beiseina te ka lo neih theih zawk le hepa pawh hi an ni ho ang chiah a ni tih hi ka lo theihnghilh hman a tin ni .


"Ricco henu vang hian lawmsanga nen in in tihbuai phah a zirtir na kan lo pe anih hi " Hruai'n a tih chuan ricco-a chuan min lo melh zawk in Hruaii a en leh a.

"ka lo chhunzawm tawh mai ang "A tih chuan hruaii chuan "maw!!"a ti hu a, athil sawi chuan a thawng bawk a niang.

"Lo va chhuak rawh u" A ti ban charh a. An ni ho pawh chu an chhuak ve mai . A jacket chu hlip sawk sawkin min lo bah tir a ka rin loh lam lutuka a rawn chet avang chuan chet mai nachang pawh ka hre lawk lo, harhchhuak thut in "ka lawm e..." Ka ti nghal vat a.

"lawmthu sawi angai lo tikhan kan in rul tawk chiah" Vei nei lo tih hriat tak hian a thle buk a

"engah chuan maw??"

"proffessor hma a thudik i sawi vang a nih kha " Tiin a chhuak leh nghal a. Ka thutna atang a tho in ka kawr ka'n en chu duh ai in a lo thler thui! a hnuaiah kawrbah ka ha hlauh a , a tihzia phian. Class a ka luh chuan Hruaii te chuan mak an lo ti nasa mai ,a chhan pawh an mi duh em em ricco-a jacket ka ha miau a min ngei leh vet vet ang chu .


Class ban chuan Lawmaanga leh Ricco-a te bathroom tifau chu ka vil a. An inngeih lo ropui si ,ka tan pawh hreawm tak a ni. An che muang dun lutuk chuan ka thin an ti rim zawk ,tution pek ka ngai bawk nen ka rilru chu a hmanhmawh ru angreng.Hemite pahnih erawh hi chuan ka rilru tur an dawn pha ve hauh lo.


Show post links
Top

[Ngaia]

SO FAR AWAY

CHAPTER-3

by
Melis Hmar



"ka lawm e , chuan vawin a i hming ka sawi avang khan ka tihpalh "ka chhuk rual chuan ka ti nghal a. Ricco-a jacket ka hak lian lutuk chu ka pawt ka pawt bawk.

"A ho lutuk, dawt i sawi pawh a ni loh kha, kut thawh hmasa tu zawk ka ni rêng bawk a lawm ,engah mah ngai suh "a ti awlsam et a. A ni pawn engah vak a ngai lo hmel khawp mai .

"Thingpui in ah te min sawm dawn lo mi?? " ka kal tur chu a rawn ti leh a.

"Eee...aw lo lut la " kan ti tlaikhawhnu leh a , hahthlak thei lutuk mai.


Dawrah chuan kan inzui lut a. Hmingin min lo hmuh dun chuan a mit min lo siai nghal a min ti lai zo vek. Nu muanpui pawn Hmingi awm dan chu a lo nuih kurh kurh mai. Ka tution pek tur te pawh an lo zir mawlh mawlh tawh .

"Hming..lawmsanga hi thingpui lo siam teh a " au lang lang pah in naupangho bulah ka thu nghal a ,an thiamloh lai te chu ka en pui nghal . Class 10 lai an kal ve tawh a naupang chhia ang a chiartir lauh lauh chi an ni tawh vak lo a, an mahni in an zir a an thiamloh min zawt mai .

"Eisss . .... Tu jacket nge i rawn hak haw a " Lawmsanga thingpuii a rawn pek pah in Ka bengah a rawn ti ru sar sar a. A hmelah chuan zawhna a ngah hmel ngang mai. "Nakinah kan sawi dawn nia" A hriat tham tur lek in ka ti let a , a lu bu zeuh in a kalsawn nghal a.

"Hming , lawmsanga kha a chhuak tawh mi? " Ka hmuh mai loh vang chuan Hmingi awmna bulah va kal in ka va zawt ta tawp a. Naupangin min lo be bawk nen a la awm turah khan ka ngai char char a.

"Imm... Nichin deuh lawk khan a haw" A lo ti vat a. Naupangho bula kal leh mai ka tum chu ka banah a rawn vuan a.

"Sawi tawh rawh le, tu jacket nge i rawn hak haw a, hmeichhe hming kha sawi miah suh ang che, mipa jacket a ni tih a hriat vek " A ti nghal zung zung a.

"Ka kawr a thler palh a kan collage a mi pakhat in min hawh tir" Ka tih chuan awih lo tih hriat tak in a chêk hlak hlak.

"Nu muanpui henu hian nitin in a hriat ngailoh mipa a hmu thin nimai in ka hria, zep rei miah lo ang" Mei nei deuh a tiin Nu muanpuii chu a au zui lang lang a, nu muanpuiin a thilsawi chu a lo nuih pui hawk hawk.

" Melo, i thiannu kha han hrilh tha ve mai mai teh" Nuih pah in nu muanpui in a lo ti ve bawk a.

"Engmah hrilh tur pawh a awm lo" Ka tih chuan Hmingin a hmui a lo tipawrh vak.

"A hming tal sawi rawh? " Hram hram thin a henu hi chu aw.....

"Ricco, tawk em " A mah melh chung chuan ka ti a, a lu lo bu ve mai.

"An hausa dawn tih chu a hriat reng, a jacket pawh hi en reng reng pawn a tlawm zawk zawk dawn lo tih chu a hriat mai" Ti nuah nuah pah in ka jacket hak lai chu a khawih kual pah mawlh mawlh a.

Puipuia nen kan haw rual a mahni a haw tlawng ai chuan a zia deuh in,"enge i an? i thiam belh em??"

"imm...thiam bel e..."a ti mai a. Pui puia hi chu a nu leh pa pawn an ngaihtuah vak lo lehkha a thiamthei hrim hrim a ,a mah pawh hian inbuaipui chung chung ang kha a duh tehchiam lo ,mipa hi chu an heti tlat zel.
.
.
.

"Vawin khan i chhuah lai ka hre miah lo " Ka lehkha zir kar lak in lawmsanga nen kan inbia a, lawm loh in ka khi leh vur vur thin.

" Miss chu inbuai lutuka i inleng pawh min hrechang tawh lo a nih kha " A message ka chhiar zo chu ka nui chhuak hawk . Ka lehkha zirlai pawh zir tawh lem lo in ka mut hma chu kan inbiaa ka mutthilh lai pawh ka hrelo.

.
.
.



Thil ei chak na ka neih lem loh avang in building chungah ka note bu nen ka chho a thutna awmah chuan thu in ka note ka keu nghal a ka earphone chu ka bengah ka hnawh lut nghal zat bawk . Hla ngaihthlak pah chuan ka tihziah thin dan in ka rilru a thu lo lut hmang chuan hla ka phuah a ka ziah kar lakah meimichhing chung in hla chu ka ngaithla vang vang . Hla ka ngaihthlak vang vang hnua ka meng chiah chu ricco an min lo en run mai! kan la in hnaih em em zui ka phu nasa lutuk chu ka tawlhsawn nghal dawr thei! .

"Eng...eng nge hetah i tih a?"ka ti nghal thawr a.

"Tinge thil i ei loh a ??"ka zawhna pawh chhang lo chuan a rawn ti daih .


"ka rill a tam lo" ka ti tha ve mai a.

" Tam vang chauh in ei tur a ni lo, hrisel na atan pawh a tha lo. Duh duh huna ei tawp tur pawh a ni lo, tam loh pawn tlem tal ei thin tur"enge a hriat a hriselna chungchang te an sawi duah chu le. Lawmsanga nen an insual atang khan kar hnih lai a liam ve tawh class a rawn kal khat lutuk a a jacket pawh ka pek theih loh phah.

"Enge hei hi??"ka note bu chu a rawn pawtthla nghal a.

"Mi personal thil an khawih tawp ngai lo"ban tum chuan ka phar ve vak vak a.

"keiman ka khawih a lawm"a ti awlsam et a.

"Delivery girl leh hla phuah maw a chhiat lem loh hi"ner nung pah chuan a ti a ka note chu a en kual a.

"min lo pe rawh "ban tum chuan ka phar leh a ka ban phak lohah a la keng daih zui, a sang si ka zuan vak vak chung pawn ka la ban pha lo .


"Hei hi chu ka lo kawl hrih a nge" Ti in a chhukthla daih a, ka auh vak vak pawn hre lo ang hmak in a kal ngai in a kal zui hmiah lhmiah, " Kha thil kha chu tumah hmuh tir ka phallo a sin" Ka hriat tawk let in ka phun sep.


Class a ka luh chuan an lo bengchheng tha leh tawh khawp mai. Ka thutnaah thu in ka lehkhabu ka phawrh a ka en nghal daih.


"Game khel ang u "pakhat chuan a rawn ti a midang ho in an duh tih nan an lo au dual dual a, class a free bawk nen bengchheng tak an ni .

"Nia...game chu khel i la, game hmasaber atan in zai siak ti ila "thawveng zet a rawn din chhuah pah in Ricco chuan a rawn ti a, midangho chu an lo au leh dual dual a, zai hmasaber nih an in chuh nghal sap sap.


"A zai hmasaber tur chu keiman ka thlang ang "ricco bawk chuan a ti leh a ,an thilsawi chu ka ngaihsak zui tawh lemlo.

"A ni saw..."a ti leh a , tunge a tih pawh ka hre lo ,ka lehkhabu ka en miau a an thusawi ka lo ngaithla ve chauh a ni .

"Melody Lalhlimpuii..."a rawn tih leh chuan ka hawichhuak nghal vat, kan in melh fu nghal siah mai ,midang ho chu an lo au vak vak a an phur khawp mai.

"kal ta che, i hming i hre lo mi??"Hruaii chuan rum fahran a min melh pah in arawn ti a. A thiante pahnih chuan ka thutna atang chuan min pawt chhuak nghal a , a hma lamah chuan min nam nghal rawk rawk ,an lo nui huh huh hlawm a fiamthu thawh nan min hmang hi ni ringawt. Pakhat in bottol chu mice atan min rawn pe a midang nuih a za zual sawt.


"leee..delivary girl zai tawh rawh le"Ricco chuan a ti leh a, hepa ka ngei zia hi pui tak a ni . Midang ho lah chuan "zai rawh, zai rawh "tiin an lo au zui nghal a ; mahse vanneihthlak tak in tu emaw hian professor rawn kal thu a rawn sawi ta hlau . Ka lawm zia chu pui tak a ni.

" Ahhh.... Hun lo ve" Ti in an phun zui nuah nuah a. Ka tan chuan vanneihna ropui tak a ni.

"Nakinah kan chhunzawm leh dawn nia..." Ricco bawk chuan ti leh in an thutna lam an pannghal sap sap .



Class ban a hun pawn a hnuhung lamah ka kal a kawt ka thlen chuan lawmsanga pawh a bike nen a lo ding vang tawh.

"tinge ...i rei theih em em a ? " A bul ka thlen rualin a lo ti nghal .

"Rei min tih chuan min lo nghak thin lo mai rawh "ka lo ti let ve khauh a. A ruala haw chu nuam tiviau thin mah ila achang chuan nuamlo ka tive thin .

A ni chu hmeichhe tamtak duh rawn a nia, ka background en chuan kawm ve tur pawh ka ni lo tih ka hria ; mahse ka hriatloh karin duhai in ka lo kal thui a ni. A mah a nelawm in mi a be chhe ngai lo a, pangai tak a ka biak ve thei leh ka ngam ve awm chhun a ni a ka tan chuan ngainat loh chu a har em a ni.

"i ho chuang teh " a bike a ti nung nghal a , ka chuang ve nghal mai bawk . Dawrah bawk min dah leh a dawr chhung ka luh chuan Hming in "tinge lawmsanga kha i lo chawlhpui leh lo a "a li ti vat a.

"A buai ve thei a lawm a hman reng bk lo ang "ka tih chuan "a buai i rin pawn sawm tho tur a lawm tikha chuan engtin nge hma i sawn theih ang "a la ti hram .

"Eng hmasawn maw? " Hrethiam lo ang deuh in ka ti let hu.

" Hrethiam lo der vel suh,lawmsanga kha i star tih ka hre vek" A rawn ti deuh vak a.

"Awih awm loh " Ka ti vat.

" Melody i pha thei chuang lo ang, ka hrethiam vek i melh dan atang khan" Sawi dik inti tawk in a mit a lo kan ak.

"I ho...." Lai deuh a nuih pahin naupangho bulah ka thu nghal a an zirlai ka enpui leh nghal thuak thuak .

.
.

.

Ka room a lehkha ka zir lai chuan inhnuai lam atang in ka pate a hian pawr deuh hian min rawn au a ka a rang a rang in ka chhukthla nghal a

"Aw... pate min koh a mi??"ka tih chuan ka biang a ri nghal sawk mai! ka kut chuan ka dawm nghal vat a , a na lutuk .

"A mak!! pa a ...tha deuh khan sawi phawt rawh "nuteii chuan a lo khap vat a.

"Nang hian Nuni pawisa i la em??"a rawn ti chang fak a.

"Aih...aih ...pate ka la miah lo"ka lu ka thing nghal nawk nawk .

"mate ...i dahna i hre lo a ni lo maw??"nuteii chuan Nuni en pah chuan a ti a.

"Aih ...nu thil ka dah na hi ka theihnghilh mai mai ngai lo pawisa ngat phei chu, Melody lo haw atang chiah khan ka hmu zo tawh lo, ka lo haw pawh khan ka la hmu reng "a ti nghal zawt zawt a.

"i pawisa dah na chu sawi rawh ??"pate a chuan min en kur chung chuan a ti leh a , chhan ngeihna pawh ka hrelo an thilsawi hi ka hrethiam lo takzet.

"pate ka ti tak tak , ka la miah lo "mittui parawl pung chuan ka ti a.

"mate...engzah nge bo a??"nuteii chuan a nuni chu a zawt leh a.

"cheng 500 tukinah ka pain lehkhabu leina tur a min pek a nia."

"Nute...ka la miah lo pate an a pek lai pawh ka hre lo "nutei chuan min ring se tih melh in ka melh ngawt ngawt.

"i room check ila ni mai lawm..."nun'n a tih chuan"aw...i duh chuan han check rawh "ka lo ti ve nghal vat .

Nuteii leh patea te nen kan pali chuan ka room lamah kan chho a Nuni chuan ka room chu a'n en kual vel a , a hmu lo a ni ang ,ka la lo miau a lawm; mahse nuteii te chhuah an tum lai mek chuan "hei hi anih hi"a rawn ti ta mai! ka va en chuan thla hmasa a ka hlawh bang 500 ka dahthat ka lehkhabu kar a ka dah chu a rawn la chhuak a .

"kha kha chu ka pawisa a nih kha ..."ka lo ti nghal vat a .

"khawi a tang in maw??"Nuni chuan mit kan ak in lo ti leh a ,chhan mai dan tur ka hre lo pate a te hian bakery dawrah ka thawk tih an hre lo miau a.

Ka ngawih tak vang vang avang chuan pate a chuan min rawn pawt sawn lawp a inhnuaiah min pawt thla nghal a chhuatah chuan min theh nghal thuai a ka khup a thip sawk mai .

"Engvang a dawt sawi nge i nih ??"pate an rum tawk a min melh pah chuan ati a.

"Dawt ka sawi lo pate, ka ru lo ka ti tak tak "ka ti nghal mawlh mawlh a pate a erawh chuan min rin hmel loh khawp mai .

"Dawhhehnu leh ..."ka biang a ri leh nghal sawk. A hmasa ai khan a na daih zawk ka lu a hei chiai chiai mai patling harhfim in a thapui zawng zawng nen mm a min han ben neuh chuan na lo chi a ni lo .


Patea chuan min pawt tho leh nghal nawk nawka kawngka pui chu hawng in pawnah chuan min theh chhuak nghal a ka khup a thip leh sawk mai kawrfual ka khup khuh vel ka ha a ka taksa chuan lei vawt vel chu hretak a ni .

"Dawt i sawi vang in zanin chu hetah hian i riak ang, dawt sawi ching hi ka huat zawng tak a ni " Ti hluk hluk in a lut zui nghal a , nuteii chuan leinat hmel tak a min en chung in a lut ve nghal a ,Nuni rawn chhuak leh in ngeiawm deuh chuan min rawn nuih a.

"Nuni tinge ti hian i tih ?? pawisa kha ka la lo ti i hria ni lawm ni "ka ti tiau a .

"A dik pawisa kha i lak a ni lo "

"A nih chuan tinge tihian i tih a , i chungah tihsual ka neih âwm ka hre si lo a"ka ti leh a .

"ka chungah chuan tihsual chu i nei lo reng a lawm mahse i awmdan hian ka pawi a sawi "

"engtin nge ka awm vak a??"ka ti let ve salh .

"vawina Ricco nen a building chunga in awm dun te kha ka hriat loh i ring a mi??"

"kha te kha chu awmdun pawh a ni chiah lo a mah zawk a lo kal a nih kha"za lo deuh chuan a nui suk a. "chuan tihpalh i ti tho dawn a mi??"ngeiawm deuh chuan a ti leh a.

"Ricco bul hnai a i awm apiang in i chungah thil duh awmlo deuh deuh a thleng ang a lehpekah phei chuan hei ai hian a hreawm ang hei te hi chu nep te a la nih hi , mangtha aw...sweet deram bye...bye... "
ngeiawm deuh a tih pah in a lut a. kawngkhar khar in a ri zui mawlh mawlh a, a rik danah a kalh tih ka hre mai.

ka phone chu keng tal i la chuan nu muanpuii phone in riah ka dil mai tur a nia , hrilhlawk hmasa lo chuan va kal tawp ka hreh bawk si. Ka thutna atang a tho in kawngpui reh ruihah chuan pan bik pawh nei lo in mahni chuan ka kal a .


"Delivery girl...khawiah nge i kal dawn??"ka sirah bike a rawn ding zui nghal. Helmet a khum vangin a hmel hmu thei kher lo mah ila tunge a nih tih chu ka zawh kher ngailo in ka hre mai, achhan pawh a mah chiah in hetiang hian min koh thin..

Chhang lo chuan ka kal ngai in ka kal chhunzawm zel a, chhan pawh ka tum lo, tum chhin na chhete pawh ka nei lo, hetia ka awm chhan hi a mah vang a la ni leh nghal. College a lo join tir atangin buaina hlir min la thlen, a lo lan loh pawh hian buaina ngah tawh sa nak a lai a min rawn siam belh hi a ni ringawt .

"zawhna ka zawh che kha i hre lo mi??"chhang lo a ka kal mual mual chu ka bana rawn vuanin min kuai her a ,ka lo rak that ka ban ka en chu a lo pilh phung mai ka tluk naah khan a ni ngei ang.


"Ngati nge a ??"zahna mitmeng a min en chung chuan a ti a.

"Engmah a ni lo "tiin ka ban ka la sawn vat a .

"ka ban na lo lamah rawn vuan leh in min pawt kal nghal a ,damdawi dawr kawtah chuan min thut tir in dawr chhungah a lut nghal a , a rawn chhuah leh chuan sarang in thil a rawn khai chhuak a , a thil rawn khai chhuah chu hawng rawk rawk in ka ban rawn ban a tum chu ka lo dahsawn vat.

"A ngai lo nakinah keimah in ka ti ve mai ang "

"luhlul chhuah lo khan ka peih lai hian dawh ve mai mai rawh"dawhtheih loh hmel deuh hian a ti deuh hluk a .

"ka chungah that chhuah der vel kher kha a ngai lo vawinah pawh zak tak in min siam a "ka ti leh sep a

"That ka chhuah lo ...dawh mai mai rawh"ka ban a rawn ban nghal a damdawi a hnawih lai chuan a thip lutuk chu ka ner nung a min en zawk in a khi leh suk thin.

"Hey...min nuih kher suh"pawr deuh chuan ka ti a

"ka nuih lo che"ti chung in khik suk pah chuan a hnawih chhunzawm mawlh mawlh a.

"Dawhheh ..."ka ti sep a ,min chhang tawh lem lo ka khup pilh te chu min hnawihsawk nghal vek .

"ka lawm e...naktukah damdawi man hi chu ka rul leh vek ang che, tunah chun ka purse ka keng chhuak lo a "ka tih chuan "theihnghilh rawh"a ti duh chauh . A duh emaw duh lo emaw ka pe dawn tho tho midang lakah ba neih ka duh lo .

"i phone ka lo hmang lawk ka lo keng chhuak lo a "inthlahrun ang reng tak chuan ka dil a min pe ve mai bawk a, Hmingi no type in ka call nghal a.

"Hello!!" Mu tawh tih hriat tak in lehlam a mi chuan phak chuap hian a rawn ti a .

"Hming...melo-i ka nia , i mu tawh mi??"

"imm...tu phone nge??"

"ka hmelhriat pakhat phone a nia"tiin Ricco chu ka en chho a , a mit ko a lo san ak.

"i nu te an awm em??"

"aw awm e...tinge??"

"Ahhh...engmah mu leh tawh rawh ka lo be mai mai che"tiin phone ka dah nghal a , a nu te an awm chuan riah dil chi a ni lo ,a nu leh pa te hian kei hi min kawm tir vak an duh lo tih chu sawi chhuak kher lo mahse an cheziaah ka hai bek lo , an in ah pawh ka kal zen zen loh phah reng bawk.


"zan a rei dawn haw tawh rawh hmeichhe tan khawlai a awm a him lo "a phone chu a ak tha leh nghal a ,a kal tawh chu ka au let leh.

"i bike khan rei lo te min phur kual teh a , khawngaih in ...i petrol man chu naktukah ka pe leh ngei ngei ang che..."inthlahrung tak chuan ka ti a ,min chhang lo chuan a ngawi vung vung a "min lo zui rawh"tiin a kal zui nghal chu ka zui ve vat .

A bike dahna kan thlen chuan a lawn nghal a engmah sawi tawh lem lo in ka chuang a "in vuan nghet rawh ka tlan chak dawn a nia"a ti chuan ka lu ka lo bu a min muh leh hmuh loh pawh ka hre tawh lo.

"i kawngah hian ka kuah mai dawn a sin"ka ti chuan a "imm..."tih chiah in min chhang a kawngah ka kuah in a hnug ah chuan ka bei nghal a , a ni pawh a tlanchhuak zui nghal a . Thli thaw chuan min ti harh sawng sawng thei.

"Enge hetah kan tih dawn a? "zawhna a khat mitmeng chuan ka en rân a , kan awm na hmuh chu a reh ang reng sia khawpui pawn ni in ka hria .

"mahni a awm i duh ka ring a, ka rilru tawt chang a ka in tih thawven na thin a nih hi" a tih chuan mak ti tawk in ka lo en.

"rilru tawt chang te i nei ve maw??"ka lo ti hu a. Ka thil sawi chu atthlak tih hmel deuh in a ner suk.

"Robot ka nih loh hi harsatna tawk thei lo ka ni bik hleinem"a ti leh a , ennge kei pawh hian ka hriat le mi hausa an nih vang mai hian haraatna tawk thei lohah te ka ngaih theih le , mihring ve tho a lawm le an nih le.

Thutna awmah chun kan pahnih in kan thu dun a , a tu a ve ve mah kan tawng lo tawng mood-ah pawh ka cheng lo.

"lo awm lawk rawh "tiin a kalsawn a , arawn let leh chuan beer can 2 hi a rawn keng a.

"i duh ve em??"pakhat chu ka lamah a rawn dah phei a ka duh loh tih nan ka lu ka lo thing vat a.

"i duh loh chuan a pawi lo ,mi duh lo chung tih luih kher ka tum lo"a thil ken chu a lem zeuh a , a pahnih chuan a in zo vek tho.

"let tawh ila zan a rei dawn tlat ,i chhung te pawn an lo ngaihtuah tawh ang che "a ding hlui a , keipawh ka ding ve nghal a , ka chhungte chuan min ngaihtuah hauh lo ang ka awm ve tih pawh an hre leh tawh tawp lo ang.


" Chuang ta che" Chuang lo a ka din tak reng ah chuan a rawn ti a.

"Zu i in bawk sia, kan accident a nge" Ka ti sep a.

"Bear chauh a nih kha, zu pangai pawh a ni lo, kha tiang mai mai a accident pui duh tur khawp che ka ang a mi" A tir lam chu pangai viau in sawi majse a tawp lam chu a lungawi loh hmel lek lek.

A bike chuan kan in phur chhuak leh a kan in awmna min zawh chuan chhang lawk lo chuan ka ngawi vang vang a min zawh leh chuan chhan loh theih tawh loh .


kan in kawtah chuan a bike a ti ding a, muangchang chuan ka chhuk a "mangtha..."ti sep in in lam ka pan a , a tlan chhuak ri in a zui nghal, a thim vek danah an mu tawh tih ka hre mai ,tunah dar engzat nge tih pawh ka hre lo , a hma zawk zawk tawh hauh lo ang,
kawngka bulah chuan thu in ka kut chu ka khupah nghat in ka lu ka nghah hnan a .


"Enge hetah i tih a ...lut ta che??"ti ri ka hriat chuan ka hawi chho vat a . Ricco-a lo ding vâng mai! , a lo kal lai pawh ka hre lo reng reng , a bike ri tak ngial pawh.

"I haw tawh maw ka tia"a zawhna pawh chhang lo chuan ka ti ta daih a.

"lut ta che..."min chhang bik chuan lo chuan a ti nghut a .

"Ahhh...ka la lut peih hrih vak lo a, pawnah hian ka la awm duh a "za lo deuh chuan ka nui pah a .

"i la awm duh vang hrim hrim nge ...i chhung ten luh an phal lo zawk"min melh run chung a a tih leh chuan chhang lo in ka hawi sawn daih. kan ngawi vang vang hnuah chuan a rawn tawng chhuak a .

"ka in ah i lo riak duh em??"


Show post links
Top

[Ngaia]

SO FAR AWAY

Chapter-4

By
Melis Hmar



"Maw?? "

"Hlauthawng vak suh, keima in ah a nia ka tih, ka chhungte an awm ve lo" Ka chhang lo . Ka ngaihtuahna a buai vek. Zui ta ila a pawi a ngem? Nge a ni hian min ngawngaih vang a sawi? Class-ah min nuihzat nan a hmang a ngem?. Ka rilru in zawhna ka inzawt mawlh mawlh.

"I duh chuan min lo zui rawh ka sawi nawn tawh lo ang" A kal nal nal a, duhthlan tur dang ka nei lo pawn a riah ai chuan a zia zawk ang tiin ka zui ve ta ringawt.



Bike a ding dat danah chuan kan thleng tawh tih ka hre mai ka chhuk nghal vat a , ka hma a building in lian em em lo chu ka thlir vang vang a, a mawi takzet mahse duh ai in a awmna hi a fal mah mah zan ah phei chuan ka tih lek lek.

"Kal ta che" A rawn ti thum dut a ,ka la phu zawk zui.

"Ahh.. Aw.. Aw " Ka hma lamah chuan ka kal zui hmiah hmiah.


"Enge ni leh ta?? " Kawngkhar hma a ka ding leh chuan a rawn ti a.

"Ihh,...a neitu te i ni sia lut hmasa rawh" Thaw ri hrawk chung in a lut ve mai a, a sawi ang tak tak in tu mah an awm lo, a inchhung chu mimal awm na tih hriat tak in a fel fai thlap a, bal hmuh tur pawh a awm lo! A pawn lam landan ai in a chhung chu a nuam lutuk ringawt an hausa awm hle mai a ma pual in hetiang in te a nei a nia.



"Saw mi room saw I hmang thei ang " Choka bula room awm chu a kawk zeuh a, ka lu ka lo bu zeuh, choka ah a lut tlang a kei ka room tur ah ka lut nghal .


A nuam hi a ni ringawt room lah chu duhthusam in a zau ka room let ang vel a ni kan in (pate te in ) ai pawh in a zau in a nalh zawk!!



Mut hma in bathroom-ah ka hmai ka phih leh te te a, hmai han hruk na tur mai ka keng lo bawk nen bathroom a towel awm sa chu ka hmang tawp a, a pawi em lo ang chu.



Ka harh chuan zing a lo ni der tawh ,ka awmna ka la hai tep zui. Bang a sana intar chu ka en vat a ,dar 6 chiah a la ni a la tlai lem lo e.., bathroom-ah lut in ka hmai te ka phih leh te te a chumi zawhah choka-ah lut in breakfast a siam tur fridge ah ka enkual a , riahna tur min pe tawh a breakfast hi chu ka siam tur ni ve in ka hria.


"Eng thil nge i tih a?? " Ka rawngbawl lai a Rawn ti thawt tu avang chuan ka phu zawk, ka hawi let vat a ricco nen kan in melh ta siah mai a hmel ah chuan a thinrim tih hai rual a ni lo.


"Ihhhh....breakfast tur ka lo siam a, fridge a ka hmuh hmuh ka siam mai" Inthlahrung tak chuan ka ti a min chhang lo in a room-ah a lut zui hmak . Ngaihdam ka va dil mai dawn mi le? Te ka ti hman lek lek a awm dan khan ka awm a ti nuam chiah lo.


"I in a min riah tir avang in ka lawm e" Min melh zawk a, a ei chhunzawm leh mial mial , biak lah hi a har reuh zek a. A chang in ngeiawm khawp in a thawng duh a ,a chang leh awm nuam lo khawp in a tawng mawh leh bawk si. A mizia hi ka hrethiam thei lo.



Kan ei na ka tih fel leh te te hnu in, in a haw tur in ka insiam a " Khawi ah nge i kal dawn ?? "A room atang in a rawn chhuah chiah.

" class kal ka ngai sia haw ka tum a "

" Ka lo thlah kawi ang che " A hla ve tham sia taxi a kal ai chuan ti in ,ka sawi buai tawh lem lo pawisa pawh ka keng chhuak rih chuang lo.


Pawnah chuan ka ding vang vang a ka la lut ngam mai hrih lo patea hian luh lo phal lo ta se. Ka theitawp a tam boruak ka hip lut in ka thaw chhuak leh kawk a , engpawh hma chhawn hum in kawngkhar chu ka hawng a, a lo reh thuap mai. Patea chu sitting room-ah chanchinbu a lo chhiar a, min lo melh zawk a a thil chhiar lai bawk a bih zui leh a, ka room lam pan in ka kal nghal a .

Ka room a ka lut tur chiah chu Nun in "pawn a riah chu enge a an?? A nawm dan a dangdai viau lo maw?? " Ngeiawm deuh hian a rawn ti a

"Ti khan i lo in zir lawk a ni mai , i la riak chhuak zeuh zeuh lo ang tih pawh a sawi theih lo " Min nuih deuh suk pah in a rawn ti leh a chhang lo in ka room ah ka luh san hmak. Pawnah riak lo in a mi duh em em in ah ka riah tih hre ta se chuan min vaw thlu duh hial ang ,Class kal tur in ka insiam nghal sawk sawk a .


"Melo , engtik in nge i lo luh a?? I lo luh lai ka hre miah lo" Nuteii chuan chaw bar mawlh mawlh pah chuan min zawt a


"Nichin deuh lawk khan a la rei lo" Ka ti ve mai a min zawt zui tawh lem lo ,patea erawh chu engmah a sawi lo.


"Pa naktuk hi ka birthday a ni tawh a , ka thiante nen kan in ah party neih dawn a nia aw" Kan ngawih vang vang hnu chuan Nunin patea chu a rawn dil a patea lah chuan a lo phal nghal mai a, mak ka ti hran lo a fanu duat kha a ni miau a nuteii erawh chuan tul a ti teh chiam lo.


"Birthday lawm rual pawh I nih tawh lo kha" Pui pui an a lo ti nghal zat a

"Lalnunpui lo ngawi rawh" Pakhat in melh hraw pah in a lo ti a unau pahnih lek mah ni si hi an in ngaih thlawt lo.



"Vawinah lo haw hma ang che, naktuk zan ka party na mi tur mamawh lam khawm ka ngai a nia" Kawngka kik lo in a rawn lut leh thawr tawh.

"Naktuk pawh hun a la awm a lawm"a mah en lem lo chuan ka insiam pah mawlh mawlh.

"Vawin a lo in lam lawk kha ka duh a lawm , I hria maw theihnghilh suh ang che" Ti vin hlar in a chhuak a.


Ka bag la a kal mai ka tum chu ka khum bul a thawmhnaw in khai chuan ka mit a la deuh tlat, 'hetiang thawmhnaw ka neih awm ka van hre lo' ti sep in ka en chiang a. Ni dawn tak! hmani khan Riccoan min hman tir tak a, ka theihnghilh chiang lutuk ! thlep tha sawk sawk in ka bag-ah ka khung a.




"Hemi vang hian ka lawm e" A dawhkanah a jacket ka dah a kal leh nghal mai ka tum chu.
"Enge hei hi?? " A rawn ti thum dut a ,a nei tu a nia en mai pawn a jacket a ni tih a hre awm reng sia

"Hmaniah min hman tir kha"
"Ka lo hman tir che law" Chhang tawh lem lo in ka thutna kam ka pan san daih.



Lunch ei a hun chuan canteen lam pan hmasa lo in building chungah ka chho nghal a thutna awmah chuan thu in ka earphone phawrh in ka bengah ka vuah nghal a ,ka mit ka chhing nghal zat. Riccoan ka hla ziahna note min laksak daih vang in tun tum chu hla chiah ka ngaih thlak phah.


"Eng hla nge i ngaihthlak a?? " Ka earphone lehlam a rawn phawi nghal ,ka meng chiang khawp mai ,ka va en chuan a bengah a lo hnawh lut fel der tawh!

"He hla hi ka hria " Tih pah in a sak pui nghal a, ka nui tawp ,a mah a palian sia a inhmeh lo tawp,mahse a aw chu a mawi zek leh nghal a! Ka thin la chu chhan awm lo in an phu nasa em em mai leh nghal!.

"Ka note kha min pe tawh la ka mamawh a " Min melh zawk hria ang pawn a awm lo, ka phone atang in hla play ka ti tawp a, a rawn hawi chiang e!.

"Tinge I off a?? "

"Ka thil sawi chu?? "

" Enge i sawi a?? Sawi i nei mi?? " A hre reng ka van ngei tak play leh tur a min tih pawn ka play duh lo lui tlat .


"Tul ka tih hunah ka pe mai ang che " Ka phone a rawn la a a play zui nghal zat!, kha maw a hre reng, a hre lo der chiang lutuk . Ngawi reng chuan kan thu dun a ka phone a rawn ri thut , screen a lawmsanga hming a rawn lan chuan ka bul a mi athaw ri hawk. Ka hawi chho vat a kan mit a in tawng nghal siah! Earphone chu phawi in phone chu ka bengah ka ngaithla a.

"Thil i ei tawh em? " Ka chhan hma hma in a rawn ti nghal.

"Aih"

"A that chu kei pawn ka la ei bik lo, ei dun i la khawi ah nge i awm? "A rawn ti nghal zung zung a.

" Building chungah ka awm a"ka tih rual a Ricco ka hqn melh chho chuan ner suk pah in a hawi sawn hmak.

"Canteen-ah lo chhuk la ka lo nghak ang che" A rawn tih leh chuan ka chhuk tur thu sawi in ka inbiak na ka ti tawp a .

Ka bul a thu ka han en chho chuan rum tawk in min lo melh! Ka trim sung sung mai, enge tihsual ka neih le? Min melh rum mai bawk si ka thin lah chu a hma ai khan a phu rang zawk a maw tih tur in a phu dup dup reng!.

"Ka chhuk phawt mai ang lawmsangan min nghak a " ka ti a, min chhang lo muang chang in ka tho a thil ti sual ang mai in ti dek in ka kal.


Canteen ka luh chuan lawmsanga lo thut na lam chu ka pan nghal zat a "ka duh duh ka lo lam kep tawp mai che" Ka thut thlak rual in a lo ti ngal .

"Imm... Thanks" Ka nuih ver ver a, a ni pawh a nui ve suk.

"Melo..., thil ka zawt ang che aw... " Thu tak deuh a a tih chuan ka lo aw vat.

"Mi vei deuh i nei ve tawh em? " A tih chuan ka tui in lai ka hak a ka khuh nghal bawrh bawrh. A thil sawi kha ka rin lom lam daih a nih vang a ni.

"Ahhh..... Pakhat chu ka nei ve tawh" Ka sawi zawng chuan ka zam vek thei.

"Tinge? Vei deuh i nei mi? " Ka tih chuan lai deuh hian a khi suk.

"Immm... Nangmah chiah ka hrilh ang che" A tih leh chuan ka lu ka lo bu vat. Hriat chak hmel deuh in ka lo en ran bawk.

"A mah chu ka bul hnaiah a awm reng , mahse a lak a ka rilru put hmang hi ka hrilh ngam thlawt lo" A tih chuan ka thin a phu nasa lutuk. A bul hnai a awm tam ber chu keimah ka ni in ka inhre bawk si. A ni hian min lo duh ru ve reng tih na em ni? Ka rilru chu a buai vek, lawm bawk si, inring phal chiah bawk si lo.

"Hetiang hian vawikhat mah ka la awm lo. A tir chuan thian mai mai khan ka en a mahse thian chauh kha ka lo duhtawk lo a deuh a ni"sawi tur pawh ka hre tawh lo.

"Ti nge lunch i va ei tlai ve? " Ka ti ta daih.

"ka buai deuh hlek a " A ti ve mai

"Nang pawh " A rawn tih chhunzawm nghal a.

"Ka ril a tam vak lo a " Ka tih chuan a awih loh hmel nasa mai.

"Ka ti tak tak ka ril a tam lo a lawm " Ka ti leh vak a

"A nih kha ril tam vak loh pawn I plate a mi chu i ei zo vek thei ni maw" Nuih zat hmel deuh in min en a, ka plate ka en chuan ka lo ei zo ti toh tawh! Ka hre lo reng reng ka zak ve chem chem mai melh pawh ka melh ngam tawh lo


"Min nuih reng suh" zah tawh nak a lai in min la nuih chat char chu ka ngei hlur mai

"Awle, ka nuih tawh lo ang che" A biang sen tawn tawn ah chuan a nuih a la za tih a hriat reng

"Ril tam loh pawh a plate a mi ei zo vek thei" Ti a phun sep in a nui chhuak hawk a, a mah chu melh in ka nui chhuak ve tawp ka ngaihtuah chian in keipawn mak ka inti ve tho .

.
.
.

"I va rei ve , ka nghah na che a rei tawh lutuk" A bul ka thlen chuan a lo ti bul bul a .

"Nia... Processor nen kan in be kawi lawk a " A bike hnungah chuan ka chuang zui nghal hmeichhe thenkhat min lo en tawk pawh an tam, a mak hran lo college-ah mai pawh ni lo school kan kal lai atang tawh a thian kawm ngai lo leh ka pa nih na avang a min tu ma kawm duh loh hi kan college a chhelo pawl leh hmeichheah pawh tla na ve tak in min phur miau a lawm.

Lawmsanga pawh hi tawng duh ve tak a ni a mahse biak har chang chu a nei ve thin. Ka thianpa chu ni lo se chuan ka be ngai miah lo ang; mahse Ricco-a ve kha chu a ngeiawm a ni tawp mai ni.

Lawmsanga chu a nui duh a tu pawn an nel hma. . Ka tawng tam lo, mahse ka mi nel tawh te bulah chuan tawng duh ve tak ka ni . Mi nel hi ka nei vak lo hrim hrim a, ka nei awmchhun chu Hmingi , Nu muanpuii leh Lawmsanga te hi an deuh ber mai.



Bike a din chuan ka chhuk ve nghal a "ka lawm e aw... " Ka nuih sang a.

"Lo lut kawi la" Ka ti chuan a bu ve mai a, dawr chunga Lawmsang nen kan lut dun Hming in a lo hmuh chiah chuan a lo ri leh hluai tawh. A lo phur thei nia.

"Lawmsanga chu i lo leng kawi a ni maw" Nu muanpuii chuan a lo ti vat a, a ni pawn tha deuh in a lo chhang ve mai.

A rawn luh ngun ve tawh avang in nu muanpuii te pawh hian an hre ve tawh lutuk , ka tution naupang te bulah chuan ka thu thla ve a, lawmsang pawh ka sirah a rawn thu ve nghal maths an lo chawh mek chu ka en pui nghal thuai a.


"Maths I va thiam ve mahse Arts line ah i kal daih bawk sia" Lawmsangan a rawn tih chuan ka nuih tawp.

"Kei te chu ka bawn a lawm" Ka mit hmul ka sang khum zeuh a.

"Nia, I bawn a lawm, ril tam vak loh pawh a plate a mi ei zo vek thei kha i ni miau a " Nui suk pak in a rawn ti a ka melh nghal rawm rawm mai.ka melh na chu hria ang pawn zu awm duh thak lo!

"Sawi tawh suh kha thil kha" Ka tih chuan a nuih a za zual sawt a maw tih tur in a hma ai in a rawn nui nasa , ngeiawm thei a nia naupang ho thiam loh lai chu a enpui ve a naupang ho pawn an man chak khawp mai.

"Lawmsang hei thinpui aw.. " Lawmsanga sirah chuan Hming in thingpui a rawn dah a, kei chu ka in ngai lo tih a hriat avang in min rawn pe ve lo.

"I ti lawmawm lutuk e" Lawmsangan a tih chuan a nuih suk a min rawn en leh in hmui ohun in "tang rawh " A rawn ti a. Ka melh hrawk ringawt.
.
.
.


"Rawn haw hma rawh ka tih che kha tinge I va rawn haw tlai ve, dar thumah college kan bang a tunah dar 5 a ri tawh a khawiah nge i lena kawi a?" Ka room a rawn luh rual in a rawn ti zui bawrh bawrh a.

"Thil pawimawh deuh ka tih kawi tur ka nei a" Ti in ka lo chhang a

"Lawmsanga nen a leng kual vel kha mi i thil pawimawh tih tur chu ? " A rawn ti leh a .

"Lawmsanga nen khawi ah mah kan leng kual lo" Ka ti sep a.

"College atang a in in phur chhuak kha kan hmu vek " A rawn ti leh a , ka chhang peih tawh lo ka chau a ngaihdan ang kha lawmsanga nen kan inkarah engmah a awm si lo a .

"Naktukah haw pah in rawn lam kawi ang che ,engmah kha kam hmeih bawk suh ang che " Ka dawhkanah a list ziahna chu a rawn dah a .

"Thurawn ka pe mai mai ang che remruata pawh hi hnaih vak suh buainaah i lut thuai mai ang; chubakah nanghi chu nangmah chauh pawh hian buaina hi i ni hrim hrima " A chhuak tep tawh chu rawn ti leh sep in a chhuak zui nghal a.

A sawi dik ve reng Lawmsanga pawh hi mipa dang ang mai mai a ni lo tih chu ka hria buaina ka la tawk dawn tih pawh ka hria , mahse a mah chiah hi min kawm duh tu leh min en hrang ve lo tu awmchhun a nia tu nge kawm lo phal bik ang, chuan ka mipa star ve hmasa ber.


Show post links
Top

[Ngaia]

So FAR AWAY


Chapter-5

by
Melis Hmar





"Class ban ah I hman em? "

"Hman lo bazar-ah kal kawi ka ngai a "

"A nih chuan dawrah i kal dawn lo mi? "

"Imm....vawin tlai chu ka kal lo mai ang "

" Banah min lo nghak rawh aw... Bazarah chuan ka kalpui ang che, keipawh thil lei tur ka nei a "chhan pawh chhan let hma hma in a class lam a pan nal nal ,hepa pawh hi hahthlak thei lutuk mai .

Class chhung ka lut chu bengchheng leh tawh tak an ni. Ka thutnaah thu in ka lehkha bu ka bih nghal a professor a lo luh hma hi chu tiang reng hi kan class chu a ni mai ,naupang school kal ang mai kan la ni thin.

Khuh kharh kharh pah in Nuni chu a rawn ding chhuak a " Zanin a ka birthday party na a lo kal vek tur in ka sawm a che u " A tih chuan an lo phur hlawm ngang mai kut an lo beng nghal dur dur .


Ricco thutna lamah Nuni chu a va kal hnai a "Ricco, zanin chu lo kal ve rawh aw" Lai deuh tut hian a ti a, a hawklak pawl ho in kut beng pah in an lo chheih fiam nghal.



Class ban a hun chuan in khung tha sawk sawk in ka chhuak vat a, kawtah Lawmsanga ka lo nghak a, a la rei reuh zek lehnghal , an class mi ho pawh an haw zo deuh vek tawh mahse a hmel reng reng hmuh tur a la awm ve lo ka beidawng lek lek zawk.

"Lo chuang rawh" Ka sir lam ka hawi vat a, Ricco-a chu a bike nen ka sir ah a lo ding vang mai!.

"Ahhh..... Aih...Lawmsanga ka nghak a , a lo chhuak tep tawh ang "

"A haw daih tawh"

"Maw...??!! "Mak ka ti lutuk chu ka ti nghal hu.

"I hriat te chuan min zawh leh kher a ngai toh lo" A ti nghut a. A hmuh lo lai in ka hmui ka ti sawi zeuh.

"Engtik in nge a haw le... A mah lo nghak tur khan min ti si a " Ka hriat tawk lek chuan ka phun sep a a lo hre pha a ni ngei ang.

"Class ban hma deuh khan " A rawn ti leh a
"I rawn chuang dawn nge dawn lo ? Ka nghak reng hman lo che nia"a rawn ti leh nghal a.

" Taxi ka la mai ang, bazarah te kal kawi ka la ngai a" Tha deuh chuan ka chhang a.

"Chu lamah chuan ka kal dawn a lawm; chubakah taxi chu a vang deuh ang " A ti leh a . A ti dik ve reng gate lam va hawi pawn taxi chu a van hmel lutuk, kan college hi a fal ve ang reng bawk em a ni.

"I chuan dawn chuan lo chiang vat rawh , ka kal dawn a nia" A rawn tih leh tak ah chuan keipawh ka chiang ve nghal mai a .


Bazar kan thlen chuan Nuni thil min chah ho chu kan lam khawm nghal zung zung a . Ricco pawh hi thil lei tur a neih ring a kal ve a maw ka tia ,mahse engmah a lei bawk si lo a . Ka thil lei lai vel in ka hnungah min lo zui ve dur dut zel . Cake tih loh chu kan in lam khawm kim vek tawh a, Nun'n a lo order sa tawh avangin lam tur in cake dawr lam pan in kan kal leh a.

"Lo leng rawh u" Kan luh chuan an lo ti nghal var a.

"Eng lam te nge in duh a " Counter a lo thu chuan a lo ti zang vah a.

"Lalnunmawii cake order kan lo lam dawn a " Ka ti ve nghal a.

"Ee.. An buaipui mek a, an la zo lo deuh a ,an zo tep ang , lo nghak lawk rawh u... Lo thu ula " Thut na min kawh hmuh na lamah chuan keini pawh kan thu ve mai a . Customer pawh an awm ve nual a ka ngeih bel nge pawh ka hre lo kan thutna lam hi an lo en duh riau in ka hria, a awm ve tho ka hma a thu pa hi a chhelo ve bawk em a ni.


Kan cake nghah an siam zawh tawh thu an sawi chuan counter-ah kan phei leh a .

"Kha aw.... " Cake box chu a rawn nawr phei a pawisa pek pah in ka lo la nghal vat a.

"bialpa i nei vanneih hle mai, in inhmeh bawk si" A nawi min pek pah chuan ka bul a ding chu a melh pah a.

"Ahhh.... A ni hi ka bialpa a ni lo a " Lo nuih let sang pah in pawisa chu ka lo ban a.

"A nih chu ka tihpalh lutuk, in ngaizawng ula in in hmeh dawn teh lul nen" Ka khi suk ringawt. Sawi tur pawh ka hre lo.

"A nih kan kal phawt a nge "

"Awle, kan lawm lutuk e,, min lo dawr leh ziah dawn nia.. " A lo ti let a.

"Tehreng mai" Ti a nuih sang pah in kan chhuak a



"Lawk aw... " A bike a a thu tawh chu a banah ka vuan a zawhna mitmeng a min en pah in a mithmul a kân zeuh a .

"Hman zan a damdawi min leisak na leh min phurkan kual na man kha ka pe ang che , kha hei hi lo keng la" Cake leh thil dang ka lei ho chu a hmaah ka lek kang a

"A ho chuang mai rawh " A ti nghut a.

"Aih ...midang lak a ba neih hi ka duh lo, lo keng lawk la a rei lo ang"

"Ba i nei tunge ti? Min pe chak viau a nih chuan khawlai ah khan paih rawh " Ti nghut in a bike a start a a tlan chhuak nghal hmak!! A thinrim ringawt mai sawi sual ka nei a min le ka ba pek ka tum mai a nia pawi lo nidang ah ka pe mai ang.

Ka kalpui pa ber in min hawsan daih sia taxi in ka haw ta ringawt a .

"I lo hawn kim em? theihnghilh te kha i nei em lo maw?? " In chhung ka luh rual in Nun'n a lo ti nghal zat zat.

"I lei kim ve chuan ka hria"ka thil lei ho en pah chuan a ti sup a.

" Ee.. Melo I lo haw tawh a? Chawhmeh ho chu leikhawm sa a awm nual a in lo tla thei mai ang"nuteii chuan kan awmna lam a rawn kal pah in a rawn tia.

"Nute chhuah na tur in neih a mi? "

"Aw... Champhai lam a Nuni te nuteii hi a damlo a, a zual thut an rawn ti a , I patea leh puipuia te nen kan zuk kal ve dawn a nih hi, Nuni nen in lo awm thei ang tiro ? " An thil ken tur ho a siam mawlh mawlh.

"Imm.. Thei e kei ni chu kan ngaihtuah awm loh"ka lo chhang let vat a.

" Nu... Naupang chhiah pawh kan nih tawh loh hi"a nu thusawi chu a hne tih hriat tak in Nun'n in a lo ti ve nghal chat a.

"Nang phei chu zaninah birthday lawm te i la tum lehnghal a, mu tlai reng reng suh ang che u" A ti zui hlak a.

"Nu in tlai ang va insiam ve vat vat rawh" Nun thil dang a lo sawi daih. Nuteii hi chuan Nuni hi a hau ve ziah thin hei vang hian Nuni hian a hne thei lutuk a duh leh mamawh a neih pawn patea bulah a sawi daih zel patea lah in a duh apiang a lo tihsak zel mai bawk si.
.
.
.

"I la insiam na nge??tih tur a tam em khu , Hmanhmawh ve deuh thin rawh , an lo kal khawm tang tawh a nia"ti lut hlak hlak in a sawi duh a sawi zo a a chhuak leh nghal nal nal.

Kawrful vun rawng ka khup chen vel chu ka inthawlh a darthlalang ah ka in en vang vang a nalh chu ka in ti ve khawp mai. He kawr hi Hmingi nen kan bazar tum a kan lei a ni a I vun rawng nen a in rem bawk si I inhmeh min tih tlat avangin ka lei ta kha a nia, ka tisual lo ve khawp mai.


Inhnuai lam a ka chhuk thlak chuan an lo tam khawp mai. Ka rin ai in a sawm zau zek, Nuni chu sofa ah an thian ho bik a ni ang chu 5/6 vel an lo thu khawm a thla an la ho a, nuam a tih hmel fu mai. Kawr sen lar zet a ha a a pian ti lang chiang deuh tur in a kawngah a in pawt tight deuh a, a mah a sang bawk nen thawmhnaw inhmeh lo tak tak a neih lem lo. Choka ah lut in juice in tur ho no ah thli chhuak a.


"He lai nula chu ka va hai teuh ve" Nui vur vur in Lawmsanga a rawn lut a, lei ka lo chhuah zeuh ka zah (zak) chang apaing a ka tih dan .

"Vawin kha ka tihpalh lutuk kan project thilah kan haw hma leh ta sia, ka phone class-ah ka theihnghilh daih bawk nen" Ka sirah a rawn ding ve nghal a.


"A pawi lo inthiam lo duh suh" Ka lo ti let ve mai a.

"Min lo nghak rei em?? Bazaar te kha ka kalpui ang che te ka lo ti si a" A aw ah pawh a inthiam lo tih a hriat ngawih ngawih.

"Nghak rei lo e, ka hmanhmawh bawk nen Bazaar ah ka kal ta daih a lom" A awm nawm nan ka ti sup a, dik tak chuan Ricco-a kha lo kal lo se chuan tlai thim thleng kha ka nghah ka ring.

"I phone chu engtin nge i tih dawn?? " Thil dang ka sawi ta daih a.

"Ka thiannu in min rawn hawn sak a" A phone a rawn lek chhuak a.

"Khawi ka lo ti ang, i chhelo bawk si ,i intihbuak palh ang" Ka thil ken lai min rawn laksak nghal a.

"Ti baw lo e, thil harsa pawh a nih loh hi" Ti in chuh leh ka tum a a lo phal thak lo.

"Aw, enge?? " Kan ti ti lai in a phone a rawn ri a , a phone biak chhung in a thil tih lai ka lo chhunzawm ve leh thung a.

"Aw ka lo kal ang" A phone a dah rual chuan min lo en a, enge tih nan ka mit ko ka lo San zeuh.

"Kan project kha zanin ah zawh law law an ti deuh a "inthiam lo deuh hian a rawn ti a.

"A nih chuan va kal rawh, va kal tawh " Zangkhai deuh in ka lo ti vat a.

"Ka inthlahrun viau nang in ka kal phawt mai ang"

"Inthlahrung duh suh, a tul vang zawk a nia, a ho lutuk" Ka lo ti zung zung a.

"Nuni chu min lo wish sak mai dawn nia" Ti in a chhuak zui nghal a.

Cake zai an la tih lawk loh avangin inhnung lamah thli fim dawng tur in ka chhuak a ,juice no ka kut leh lam ah ka hum vang bawk.

"Tinge inchhungah i awm loh a?? " Aw lo chhuah na lam chu ka hawi vat a Ricco-a nen kan in melh nghal siah! Ka sir ah a rawn ding chawpchilh ve nghal a.

A mi uap lah chu na tak a ni, ka thin te hi an sawt chhuak dawn emaw tih tur khawp in a phu rang!! A tu a mah tawng lo chuan kan ding ngawi dun vang vang a.

"Ka zawhna che kha i la chhang miah lo?? " A ti thum dut a .

"Maw..... Eng ....eng chu?? " Ka ti bah niai a. A rawn tawng leh thut sia thawm a reh deuh bawk nen ka ka aw ka control hman lo..


"Zawhna pakhat chiah ka la zawt che" Nuihzat aw lek lek hian a rawn ti leh a.


"Ahhh... Inchhung chu a bengchheng lutuk a" Ka ti tha ve leh mai a , tinge ka zam em em le??.


"Ricco, hetah i lo awm daih a, ka zawng char char che a " Ti ri ah chuan Ricco nen kan hawi rual that!.Kawngka bulah Nuni chu a lo ding kur a ngeinat awm tawk in a nuisang bawk! Sawtiang nui hmel saw ka la hmu ngai lo , ka bul a mi pa vang hian a niang. Kan lam pan in a rawn pen phei ve nghal a.


"I kawr chu a nalh hle mai " Ricco chuan ka hriat thei tur tawk lek in a phun sup a, ka thinphu chu a hma zawng ai in a phu rang! Thil dang a sawi leh hma in Nuni kan bul a rawn thleng chiah a Ricco banah a rawn kuah nghal chat bawk.

"Ricco lut ila cake kan zai tawh dawn a" Ricco-a chuan chhang lo in a lu a bu zeuh a, inchhung lam pan in an kal a, chumi hma in Nun'n rum tawk in min melh hram.


Dar 12:30 dawn ah ka mu ve thei hram, an thil tih hnawk ka thian fai leh teh te a , Nuni erawh chu a thian te thlah tur a a chhuak a la rawn let lo thung.

.
.
.

Class ka neih loh avangin library lam ah lehkha chhiar tur in ka kal a, a tam zawk in class an neih avang in library ah tu vak mah an awm lo hlauh, tawng duh zawk zawk leh rual pawl lo chi ka lo ni bawk nen mi tam na a awm hi nuam ka ti lo, ka dinhmun in a lo zir lo bawk nen.


Ka lo muhil a ni ngei ang thawm ka hriat chuan min ti harh a ka sir vel a mi kal ho chu ka hmu ruai ruai a ham bai bai chung a zik mar pah in ka dawhkan bawh na atang ka tho a.

"I mutui bawk maw?? " Aw thum dut ka hriat chu ka thu ngil nghal vat, ka hma a chairah chuan lehkhabu keng chung in a lo thu rum, engtin nge ka hmuh loh theih, a lehkhabu ken lai saw ka lehkhabu chhiar lai kha a ni tih ka chiang.

" Nang... nang hi" Sawi zawm tur ka hre leh chuang lo .

"Darkar khat chhung i muhil" A rawn ti leh thut a.

"Maw....??!! " Ka ti nghal vat, library a midang awm ve dang te chuan min en thup a, ka kâ kan hup leh rang khawp mai.

'Class ka nei a sin.... ' ka hriat tawk lek chuan ka phun sep sep a, ka thil ho ka bag-ah ka khung nghal sawk sawk bawk a.

" 20 min,liam ta khan class chu an tan daih tawh "ka hma mi chuan a rawn ti leh a , ka bag ka ken lai chu dawhkan ah ka dah leh rih a.

'Tinge ka lo mut thluk kher kher le'ka kut in ka lu ka khawng keuh keuh a.

" I lu kha chhut keh vek i tum a mi?? "Nuihsat aw lek lek a, a rawn tih chuan ka kut ka dah thla nghal vat a. A mah ka han en chho chu chiang tawk in min lo melh kiau mai.


" Lunch ei a hun tep, hawh lunch lo zuk ei ang an lo chhuah tam hma in "a ding nghal vut a.

" Maw... Maw.. "Ka ti bah nawk nawk.

" Ka sawi kha i hria, chuvang chuan i thutna atang khan i tho thei"dawhthei lo tih hriat tak hian a thaw nghal kawk bawk a.

"Ka ril a la tam lo" Ka ti sup a. A ni nen hian thil kan ei dun thei lo ang, buaina ka tawk nghal a ni mai.

"I ril tam leh tam loh ka zawt lo che... I note book kha i la duh let te a nih chuan min lo zui thei ang " A kal sawn ngal vut a. Ka note book!!... Ni dawn tak a la tak e..... Note book kha ka mamawh bawk si a ni hi thil ka eipui thei bawk si lo.


'A pawilo class an la la hlawm vek tho" tiin ka tho ta nge nge a, a kal na lam chu tlan chung in ka pan ve nghal rawk rawk a.

Ngawi reng in kan ei tur ve ve kan ei a, ka tawng tam vak lo bawk nen sawi tur ka hre thlawt lo, a ni pawn a hre bik vak lo a niang.

"Ihh.. Ka notebook chu " Kan ei zawh chuan kal mai a tum chu, inthlahrun tak in ka ti a .

"I hmanhmawh nih kha" Ti in a chhuak nghal vang vang.

"Melo... " Bathroom lam pan a ka kal tur chu min koh ri ka hriat chuan ka kal lai ka ding a ka leh hawi chuan ka lam pan in kima Ricco-a nau kha a rawn tlan phei a.

"Kima nang hetah maw? " Ka hmu thut ka awih lo lutuk chu ka bul a lo then rual in ka ti nghal.

"Niang chu" Tiin a khi nghal sawng mai.

"Hetah hmuh che ka inring maih lo a " A mah chu ka en run a.

"Kepawh ka hmuh che ka inring bik miah lo, i kal phei lai kha ka hmu che a, ka hriat hnu ang ka ti lutuk a ka lo en zui che a " A lo kal na lam chu a melh pah vung vung a.

"Ehe! Chu min zui ru ni maw? " Fiamthu deuh a ka tih chuan, a lo nui chhuak ve hawk.

"Hmeltha deuh te chu kan zui ruk chang te pawh a awm ang chu " Fiamthu vek in a rawn ti ve leh a kan pahnih in ka nui dun hawk hawk a.

"I last year na ve tho a mi? "

"Ni lo e... Kei ni te chu , in junior Junior" A then sui suk a.

"A nih chuan senior min ti thei" Ka tih chuan a ner zui suk.

"A hmeichhia zawk senior tih chu a " A phun nuah nuah a , ka lo nuih vur vur thung.

"Ka kal phawt mai ang, kan inhmu leh dawn nia" A thian ten an rawn koh tak avang in a kal sawn a.


"Lalhlimpui " Bathroom ka lut chiah tih in Hruaii te thianho an lo lut ve chiah bawk. .

"I va ngampa sawt ve a " Hruaii chuan ka luah a rawn nem nghal a.

"Ricco-a lunch te i lo eipui vel a, kan hriat loh i ring a mi??"thur tawk in min melh nghal siah a, bathroom ah chuan a thiante pahnih chuan min nem lut nghal rawk rawk a.


" Ricco-a hnaih lo tur khan ka hrilh chiang viau che a ni lawm ni?? "Ka hma lamah a rawn pen hnai rual chuan ka lo tawlh hnung ve zel a bang ka sik tak ah chuan a ni pawh a rawn kal hnai tawh lem lo.

" I nih na hre chiang rawh ka ti che a ni lawm ni" Min beng tum in a kut a rawn phar chhuak a,chumi rual chuan kawngka lam ah thawm a awm ve nghal a . Ka mit chhing chung in ka sir lam ka hawi nghal vat a . Hruaii chu a thaw nghal hawk a, min beng mai loh avang chuan ka mit ka meng diar diar a, kawngka bul ah chuan Nuni a lo ding vang mai!

"Enge i duh?? " Hruai in thaw hawk pah in a lo ti a. Nuni chuan chhang mai lo in min rawn melh a, Hruaii en leh in "enga vak mah, bathroom ka hmang duh mai a nia" A ti sam et a.

"Hruaii, prof in a koh che in ka hria" A rawn ti leh a. Hruaii chu a then suk a " Theihnghilh tawh suh ang che "ti leh sup in a thiante nen chuan an chhuak nghal a.

" Huiii..... Buaina ral liani i nih hi" Ti sup in a chhuak ve zui nghal a. Nie.. A ti dik kei chu ka awm mai mai pawn buina hi ka ni ringawt.


Show post links
Top

[Ngaia]

SO FAR AWAY

Chapter-6

By
Melis Hmar


"Hey.. " Ka dar a a rawn khawih chuan ka phu zawk.

"Enge i lo ngaihtuah leh tak a?? Ka koh na che pawh i hre miah lo" Lawmsangan min thlek run pah in a rawn ti a.

" Engmah a mi?? "Ka chhan hma in min rawn chhan khal a, chhang zui tawh lo in ka nui ringawt , a ni pawh a nui ve suk.


" Zanin enge i tih dawn"ka sir a kal chung in hma lam a melh run a.

"Maw... Zanin maw??" Ka ti nghal hu.

"Aw.... Zaninah enge i tih dawn ka ti" Nuihzat aw hian a rawn ti a,a mah pawh a nui nghal hawk.

"Lehkha ka zir ang, tinge?? "

"Thianho intih hlimna kan nei dawn a, lo tel ve la ka tia " A rawn ti leh a.

"Ahhh...... A chi loh inthian ho an nih chu hriat pawh ka nei ve lo; chubakah patean zan chhuah a phal vak lo a" Ka ti nang nang a. Chubakah ka peih teh chiam lo.

"Thian ho tih ah midang pawh an awm ve dawn tho, in class a mi te pawh an awm dawn, nuam i ti ngawt ang" Ka kal ngei a duh avang in an zawi uar deuh kher a.

"Ka lawm e... Mahse ka kal lo phawt mai a nge aw... " Ka thluk vak a, ei lo hmel deuh in a hmui a lo ti sawi vak , ka lo nuih vak vak thung .




"Hi, melody! " Class la luh rual in Hruaii te thianho in min lo ti nghal chawng chawng a, ka hamhaih lek lek melody ti in min koh ngai lo tlat.

"Melo,,,,, vawin chu i kawr hi a va nalh ve " Ruatin ka kawr khawih thuak thuak pah in a ti a. Hemite hi enge an hriat le.

"I sam rang hi nalh ka tih chi tak " Siami ve thung in ka sam chul mawlh mawlh pah in a lo ti ve bawk, an awmdan teh thut chuan min ti hamhaih lutuk a awmdan tur pawh min ti hre lo.


"Melo,,,, thil min tihsak ta che " Hruaiin aw dam deuh chuan a rawn ti a, chhan ngaihna pawh ka la hre lo.

"I thei ang tiraw?? " Ka lu ka bu ringawt.

"Tha lutuk kha titur kha ni" A ti hluai a.

"Enge tihsaktur che u in min duh a?? "

"Thil ho te, karleh khi ka birthday a ni tawh a chuan, Ricco-a bulah sawn ka birthday a lo kal tur i sawm ang "

"Maw!!? chung te chu i birthday a nia, keima lo sawm ve chi pawh a ni dawn mi, a awih dawn mi?? "

" I sawm kher duh lo se chuan nanghi titur in kan ti miah lo ang che, thil dang sawi kawi lo khan e ti mai rawh , hneawm lutuk " A ti hlak a. Enge Ricco chuan ka sawm kher chu a phut le.

"Le..va kal rawh le " Ricco thutna lamah min nen kal nghal dawt dawt.

"Mi..,min lo hrethiam lawk, Ricco"thatchhe zet a thut pah in a phone a khawih a, ka aw a hriat in min lo en zawk in a phone bawk a bih leh nghal .


" Sawi duh I neih chuan sawi vat rawh " Tawng lo a ka ngawih leh reng takah chuan a rawn ti nghut.


"Hruaiin a birthday a tel ve tur in a duh che a " Ka'n ti tawp a han sawi dan vak pawh ka thiam lo.


"Chuan " A mithmul a San zeuh in min en ran a, awm dan tur pawh ka thiam lo min ti lai lek lek a ni.


"I lo tel ve thei a ngem?? Tel ve ngei ngei tur in a duh che a " Hmun dang melh kual rak rak pah in a ka ti leh a. Min chhang mai lo in a hnung lam a hawi a, Hruaii te thianho a hmuh chuan a mitmei zeuh a an lo kal ngalh vat.


" Ricco I lo tel thei ang tiraw?? Hei melody in a sawm tawh bawk che a " Aw no tawk in hruaii a tih chuan ka hma mi pa chu a thutna a siam rem te te a.

"A tha lawm, nangpawh sawm I ni ve ang chu tiraw ?? "Min en run chung a a tih chuan " Aw,,,,,,, sawm e, melo-i te chu kan hmeih phallo hrim hrim "Hruaiin a rawn ti nghal vat a, a ngaihna hrelo zet in ka lo ding tawp. Hruaii birthday tihpawh Hruaiiin Ricco-a bula tel ve tur a sawm tur a min tih khan ka hre ve chiah a ni, min sawm chu khawi lam.

" Aw,,, aw, sawm e.... " Hruaiiin min signal tak zeuhah chuan hrethiam chiah in ka ti nghal vat a , Ricco-a erawh a hmui a lo ti sawi zeuh.

"A nih chuan party na ah chuan kan iinhmu dawn nia" A phone a khawi leh nghal mual mual.


"Party na ah chuan i lo kal ve kher a ngai lo ang , a buaithlak mai mai, Ricco-a bul ah kal tur ang a insawi kha a tawk " Ka thutna a ka thut rual in an rawn ti a, heti tur hi a ni , anni thian ho tan hi chuan buaina mai ka ni.



.
.
.


"Zanin chu?? " Dawr kawt a bike a tihdin rual in a rawn ti leh hram, vawinah ringawt pawh vawi engzah nge a sawi tawh ni.

"Min sawm, min sawm suh . Ka chhanna chu a ngai reng" Ka chhuk nghal thak.

"I patea chu ka lo dil sak mai ang che " Hram hram chuan.

"I mak....kal mai teh " A dar ah ka nen zeuh, a la ner nang zui.


"Tinge Lawmsanga kha a lo luh kawi loh a " Ka luh rual in Hmingin a lo ti leh zat tawh.

"Vawin tlai chu a tan lo luh loh a tha ber " Ti liam puat in naupang awm na lam ka pan a .


"U melo, helai hi min lo hrilhfiah leh teh a ka theihnghilh daih" Felfel in ka thut thlak rual in a lo ti nghal a, ka en pui leh nghal zung zung . Vawin tlai chu nidang ai in kan haw tlai ka naupang zirtir te an laklawh deuh avanga in tlem in kan rei deuh hlek.



"Tinge i va lo haw tlai ve ?? " Inchhung kan luh rual in nuteiin min lo be nghal a


"Nia vawin tlai chu ka laklawh deuh hlek a " Ka tih chuan min zawt zui tawh lem lo. Class ban hian Library ka kal turah an ngai thin miau a.

"Han in tifai ula chaw kan ei thei a ni mai" A tih leh chuan chhang tawh lo in inchungah kan chho nghal a.



"Nu zanin chu kan thiante in ah assignment kan ti dawn a nia" Chaw ei lai a Nunin a rawn tih chuan ka lo hawi phawk nasa mai ,achhan chu assignment kan nei tlat lo.


"Zan chhuah hi ka phal vak lo a sin le" Nuteii chuan phal zan lo chuan a ti a.

"Tu i thiante in ah maw? " Nuteii bawk in dil chhut deuh a a tih leh chuan"kan class a mi a nia, I hre lo ang, chubakah keimah chiah ka ni dawn lo a melody pawh a tel ve tho a lawm, tiraw melody?? " A ti ngha vat a Eng emaw sawi tur in min rawn mit mai zeuh bawk.


" Nia, nute kan group a in ang a " Ka ti ve tawp, a dang sawi vak tur ka hre tlat lo, Hetia dawt a sawi danah hian chhuahna tur a nei tih ka hre mai.

"I pa thu thu ni mai" Nuteiin a ti leh chuan Nunin patea a dil nghal vat a.

"Zirna lam a nia a pawimawh a lawm, mahse rei lo ula" Patean a tih chuan ri hluai lo mahse Nuni chu a hmelah a lawm zia a hriat vek.



"Hey" Tih leh kawngkhar in hawng chawrh ri in a zui nghal, tu nge a ni chu en kher ka ngai hran lo.

"I la insiam na nge " Ka khumah a thu thla nghal zat, ka hau in ka lo en thung ,a thilsawi awmzia ka hre tlat lo.

"Khawi kal tur in?? " Hriatthiam lo fe in ka en a.

"Chawei lai a ka sawi kha i hre lo mi" A mit chet kual ralh pah a a tih chuan chawei lai a a thilsawi kha ka hre chhuak chiah.

"Kha te chu i chhuanlam mai mai a ni lawm ni"


" Ni reng e.... "A ti hlar.

" Ka kal ve kher a ngai mi? "

" Ngai lo se, insiam tur in ka ti dawn che mi" Ka thilsawi chu ning tih hriat zet in a thaw kawk.

"Ka lo kal lo mai ang, nuteii te chu engmah ka hrilh ang ,bakah lehkha zir ka duh"


"A mak!! Thildang sawi kual, sawi kual lo khan insiam mai rawh, zan khat leh lehkha I zir loh avang khan i thih phah lo ang" Ti hlur in a tho thurh.

" I kal ve loh te chu ka duhthusam a ni, mahse ka nu chuan keimah a ka chhuah a phal leh dawn si lo a, i lo awm ve hi chu buaina hi a ni ringawt" Kawngka lam a pan nghal nul nul.

"Sawi nawn ngai lo in lo insiam ang che" Thupe deuh a ti in a chhuak nghal hmak.


Kal tur a min tih tak tlat si ah chuan insiam tur in ka wardrobe lam ka pan a. Kan kalna tur a sawi bawk si lo a inthuam dan tur pawh ka thiam lo , smart pants leh t shirt pangai la chhuak in ka inbel tawp a sandal zangkhai deuh ka bun a ka zo der.


"I inpeih em" Kawngka-ah a lo ding ran tawh mai. Ka lu but zeuh in ka bag ka la a. A ni chu kei ang lo tak in crop top a ha a , a hnuaiah kekawr bul a ha leh a, a chungah Kardigan a khup khuh vel a ha leh a, kan kalna tur hre lo mah ila duh ai chuan a inha thelep mah mah ka ti deuh.



" Rawn haw har lo ula" Kan chhuah dawn chuan sitting room atangin nuteii a rawn au a, kan haw har loh tur thu in ka lo chhang ve vat a, Nuni erawh chu nuteii thusawi zawh hma in a chhuak nghal vut.


Gate atang a ka chhuah chuan kan inbul deuh a Nuni leh mipa pakhat ka la hriat ngai loh lo in bia ka hmuh chuan an lam pan in ka kal ve tawp a.

" Kan kal thei a mi " Chupa chuan min lo melh zawk in Nuni a en leh a. Nunin kan kal thei thu a chhan chuan chupa chu kan bul lawk a car lo ding chhungah chuan a lut nghal a .

"Chuang rawh" A tih hmuk chuan ka chuang lut ve nghal mai a. A hmaah Nuni leh mipa kha an chuang a , an vawikhat inhmuh na a ni lo tih hriat tak in an inbe nghal bawrh bawrh a, kei a hnungah ngawi reng in ka thu kur thung.


Khawpawn kan tlan takah chuan ka awm a nuam zân tawh lo, kan kalna tur ka hre bawk si lo , ka hma a thu te han zawh dawn lah in an tawng tui dun bawk si.

Rei vak lo kan tlan leh takah chuan motor chu a ding ta a ,glass chhan atang chuan pawn chu ka en kual a ,a reh in a thim bawk si ka ngaih a tha lo lek lek , Nunni te pahnih an chhuah takah chuan ka chhuak ve nghal vat a.


" Helai atang chuan ke in inkal a ngai tawh ang, motor a lut thei tawh lo a " Kan rual a kal ve pa chuan a tih chuan Nuni chu a bu zeuh a.

" Lo va kal rawh u, keipawh ka rawn kal ve nghal ang, motor hi ka'n hung tha lawk a nge" Chupa vek in a tih leh chuan Nuni pawn chhang toh lo in kan bul lawk a hnim leh hnim inkar a kawng te reuh te fai kur mai ah chuan a kal nghal a , engkhaw sawi set set lo in ka zui ve nghal tharh.

Kawng lo awm ah chuan kan kal zel a, a reh ang reng bawk nen ka rap lek lek, kan kal zel takah chuan hla ve deuh tak atangin thawm ri dup dup leh tawng nuah nuah thawm ka hria a , thui vak lo kan kal leh chuan building in chawng lian em em lo hi kan thleng a music inchhunglam a an play chu ring tak a ni, pawna lo awm ho chu en reng reng pawn an harhfim vak lo tih an hriat mai, a then an nui vak vak a, a then lo infawp ngawng ngawng tawk lah an awm bawk.


Inchhung lam pan a Nuni a kal tak zel ah chuan hetiang hmun a ka vawikhat kal na lo ni bawk nen ka zui ve nghal vat a, inchhung chu pawn lam ai mah in mipui an tam in thawm pawh tha tak a ni beng bul a au vak vak lo chuan tawng pawh a hriat theih lo ang tih tur vel a ni.

"I duh duh na ah lo awm rawh, ka thiante bul ah ka kal dawn a nia" Chhan pawh ka chhan hma in a thiante niawm tak lo thutkhawm na lam pan chuan a kal nghal daih .

Music rem a lam pawh an tam khawp mai. Pawn ang chiah in inchhungah pawh zahpah nei lem lo a lo khawsa tawk pawh an awm nawk mai, mi chetla vel inkual a ka hawi kual lai in tu emaw hian min rawn su deuh chawrh a ka lo in ring bik lo nen ka mawng sawh dawt in chhuatah ka tlu a. Min su tu chu harh fim lo tih hriat tak in a pai chat chat a, a hmel erawh a sam in a hliah avangin ka hmu theilo.

"I kal na en ta che " Min su tu chuan a rawn ti deuh hlar a.

"Ka,,,,, ka tihpalh " En lem lo a ti chung in ka thawmhnawh beng thuak thuak in ka tho a.

Kal mai ka tum chu "Lalhlimpui ,,,,,, i ni tirawh " ring ngam chiah lo hian a rawn ti a. Ka hming a min koh tak ah chuan ka hawi chhuak ta nge nge a. Ka hma a ding nen chuan kan in melh phawk dun ngang mai, ngeiawm deuh a nuih suk chung in a rawn thaw chhuak hawk a.


"Nang hetah maw??? , ka awih thei lo, nangnu hi helai hmun a ka hmu che hi ka mumang ni hram teh se "a tih chuan chhang lo in ka en mawl tawp.

" Zahna chang te hi hre ve ta che, hetiang hmun te hi chu nang ang mi awm ve na chi a ni lo, ka sawi tawh kha nang ang mihring hi chuan tuma lawm leh ngaihsak i hlawh ve ngai lo ang ka tih kha i theihnghilh ta em ni" A mitmeng a min hmusit zia ti lang chung in a ti ta piap piap a.

"Mahni ninna hre reng chungin i awm na hmun tur i thlang thin tawh dawn nia" Ngeiawm deuh a khik suk chung in a kalsawn a.


Thutna awl ka hmuhah chuan ka thu a chhuat lam bih ngur chung in ka ngaihtuahna ka kawm ta mial mial a, ka sir ah tu emaw lo thu an awm tih chu ka hria mahse ka ngaihven lem lo.

"Tinge engtin mah i tih let loh a? " Ka sir a thu in a tih sup chuan ka hawi chhuak vut a, hmeiche sam buang thân mai ngo ving veng chuan ngeinat awm deuh a nui chungin min lo en a.

"Maw! " A thilsawi hriatthiam loh hmel deuh in ka ti hû ringawt.

"Nichina kha nu tihdan che kha " A tih chuan hruaii nen kan inbiakna kha a sawi tih ka hrethiam mai.


"In inkarah enge awm chu hre kher lo mah ila, mi fel zawk zawk chu a nih ka ring lo " A hma lam melh run chung in a ti sup a.


"Tumah hi inhmusit thei kan ni lo , in mamawh tawn vek kan ni a, mi dang deuhsawhna dawng mai mai tur kan ni hek lo, chutiang tur a duan kan ni miau lo. A ni pawh khan engtin mah i tih loh avang khan a zuam che a, ngaiah a nei tawh a nih kha, chhang let la ,a tih ang ang che khan awm kual mai mai suh. Then khat hi chu an inhmuh chhuah theih nan hian an tih ang a kan tih let ve a ngaih chang a awm thin a nia. chuan tumah hi rin lo tur " A bear can ken chu a lem zeuh a min lo en in a nui suk a, kei erawh in a thilsawi ka lo ngaithla uluk hle.


"Ka tan che ka tihna a ni miah lo a nia, kha nu awm dan kha ka mil lo reuh em a ka sawi mai mai nih kha. Kha nu ai pawh khan ka sual maithei a ni " Nui chung in a ti hluai a.

"Zosangpuii ka nia" A rawn ti leh nghal zat a.

" Melody " Ka lo ti ve vat thung.

" I hmelthat ang chiah in i hming pawh a mawi hle mai" Ngainat awm deuh a min nuih vur vur pah in a tih chuan ka lai lek lek , ka hmeltha thu hi midangin a min hrilh hian naupang pawh ni se lai nasa thei tak ka ni.

"Ka kalsan phawt ang che , saw ka thian ten min koh tlat, ka tel lo hian an awm rei thei thlawt lo, kan in hmu leh dawn nia melo " Ti hlak hlak pah a tho in a kalsawn chu ka ei zui vung vung, engtin emaw tak hian ka ngeina reuh riau mai.


Show post links
Top