MY HONEY BY Chhephaki Muani (Completed)

[Ngaia]

MY HONEY












CHAPTER-13












BY CHHEPHAKI MUANI







MEDALINE POV*







Ka remti lo chung pasal min neih luih tir dawn laia,biak in hawng ngeia ka nei theilo leh zel tur hian ka rilru a ti tak zet,a hma khan isaaca pa khan biakin hawng ngeiin a ti a nih kha,mahse tunah a hun a lo thleng ta cheng a, in kut suih ringawt in a ti leh si,engvang nge ka hre lo, tih theih ka neilo a,kan dinhmun angah chuan an thu awih mai hi kan tih theih sang ber a ni













He fahrahin atang hian chhuak ngawt ila,tu nge ka pan ang,eng nge ka ei anga,khawiah nge ka chen ang tih lah ka hrelo,mahni a in chawm tur chuan engmah hna leh tih theih ka nei silo a,ka nu ka ngen lawm lawm chung pawh in,a hrelo der hmak hmak mai bawk si











Naktuk lawk hi kan in neihni tur chu a ni ta a ni, an chhung hnai vai leh keini fahrah in a awm te nen,an in ah pastor auh a,in neih tir min tum a ni,mi hriat tir tam aj duhloh vang a ni tih erawh ka hria,an ni chu mihausa chhungkua an ni a,kei ni ang mai mai an fapa in an nei dawn a,a awm ve tho











Mahse ngati nge tianga mipui te hriat an hlau a nih chuan min neih tir lo a, a mah phu ngei mihausa fanu chu neih tir mai tur,ka hre thiam theilo a ni,a fapa nen kan in duh pawh a ni silo a,ruati lah chuan ka rilru hahna hrethiam silo hian nuam a lo ti em em a,kan in nei tur chu a phur zawk emaw tih mai tur a ni












A duh in a vei hle kha a nia,a sawi reng thin kha a nia,a thinrim lo emaw ni henu mizia hi chu a mak ve ngawt mai,naktuk atan chuan a theih ang tawk in a in buatsaih ve a,a kawr hak tur leh a bun turtr a duang nasa tawh hle











DENGHMINGTHANGA POV*(ISAACA PA AW)



Tunah chuan kha hmeichhia ka hnaih theih siloh,a vun deh chakawm tak te leh a pian nalh takte kha tunah chuan a ma nu ngeiin,a dah bo duh luat ah,ka hnaih takah a awm thei dawn ta,ka fapa in a haw em em bawk a,kei in nawm chennan ka lo hmang thung anga














Ti rilru chung chuan keimah chuan ka nui hawk hawk a,ka nupui lah chuan ka dawt sawi a awih em em bawk a,hmeichhe bum nuam ve tak zawng a ni e,medalinei nu(fahrahin a mi aw) ka vo bet tawh bawk a,ka kawng dal tu tur an awm ta lo bawk a,thlamuang takin ka duh ka hmu thei tawh ang















Ka zu no ken a,ka zu thlit chu ka thlak nghal pawp,a tak tha bawk a,ka thawk a thip thla nghal ham ham,zan tam a mah suangtuah chungin ka muhil tawh a,tun atanga reilo te ah chunu chu ka kiang hnai,he ka in ngei ah hian a awm tawh bawk dawn a





***************


Tunah chuan kan in neihni tur kan chuangkai ta reng mai,midang chuan an in neihni ah an hmel a,hlimna awm tih chiang reng leh thinlung hlim tak chungin an in neihni an hmang thin a,kei erawh chu ka hmel a nui hmel awm lo leh thinlung na takin ka hmang thung dawn a nih hi













Engvanga thiang em em a vanduai a min siam bik hi nge,a nih tih ka in zawt fo, ka beiseina awmchhun pawh ka nu leh pa zawn chhuah a ni,ni e an ni ka hmuh hunah chuan hemi lak atang hian min chhan chhuak thei ngei ang, an nj pawh khan min lo zawng char char tawh pawh a ni maithei a













An lo lungngaiin in thiamloh na nen hun an lo hmang angem,an fanu ka ni a, an rilru a nat ngei ka ring,min zawng hmu zolo pawh a ni mahna,mahse keiman ka zawng chhuak anga, kan chhungkua in hlim takin kan awm leh ngei ang













Tih chiah hian a ni min hnem tawh chu ni,mahse chu pawh chu beiseina chau tak zawng a ni,ka zawng hmu ngei angem tih ka hrelo a,khawiah nge an awm tih leh he mizoram chhungah hian an awm ngei em tih ka hre tlat lo a ni











Ho lam taka in neihna neih a nih dawn avangin ruati leh nu sangin min buaipui a,min chei lai te chuan ka melh ngai ka melh ngawt ngawt ringawt,ka nunah hian hun harsa tak ka paltlang ve tawh thin a,mahse midang kei aia hun harsa tak tak tawk an awm a,an tuar chhuak thei thin tiin ka in fuih a













Mahse tuna ka tawn ang hi chu a nep bik chuang hauh lo,"awii i mawi lutuk,ti hi chuan kan mopa tur chuan a mit a la sawn thei hauh lo ang le"nu sangi chuan ka melh ngai melh a, ka in ngaihtuah vung vung lai chuan a rawn ti hlaui a














Ruati pawh chuan"dik chiah ti hi chuan medai kha i ang tawh lo,reng reng i mawi in i nalh lutuk"alo ti ve bawk,chungtr chuan ka tah an ti chhuak ngawih ngawih,ka mit a mittui tling pam chung chuan an mahni chu ka melh a











Ka tap tur hmel an hmuh chuan "e tap suh kha i makeup a chhe vek mai ang"tiin nu sangi chuan min rawn kuah a,ka hnuk a no tulh tulh thung, ka in sut hrawih a,nu sangi chu ka kuah let ve vat











"meda i tuar chhuak em em ang,hreawm ti duh suh,nangma tana khuanu ruat mipa pawh a ni mai thei sin,tianga in nei a in hmangaih ta hi an tam trh a nia,pathianin i hlimna tura kawng a siam sak che a ni zawk thei a nia,chuvang chuan chhel takin awm rawh"alo ti ve bawk













Ka chhang theilo,ka hrawk hi a thip na ngut ngut a,ka tawng chhuak a nih chuan ka tap mai dawn,ka ngawi reng a,chutia nu sangi nena kan in kuah lai chuan,ka nu chu alo lut a,"khatia in kuah renglo khan lo chhuak tawh ta cheu, kan kal a hun dawn a nia"a tih hlar takah chuan kan in kuahna chu kan thlah a














Ruati chuan ka nu chhuak leh nghal chu en zui vang vang in,"tunlai ka nu mizia hi a mak ngawt mai,tiang hian a awm ngai silo a"a ti sup sup a, nu sangi chuan"hrethiam ru,medain a kalsan tur vang mai mai a nih kha"alo ti vat a,














Engmah sawi zui tawhlo in,kan chhuak zui ve nghal a,pawnah kan chhuak tlang nghal a, pawnah chuan pu denga te driver alo ding vang bawk,chumi lam chu kan pan a,mo kawr chu ha ve mah ila,in nei pangai tur kan nilo a,tul ka ti em em hran lo














Kei chuan mizo takin puan bih ila nalh ka ti ber, dan khatna a in neite ropui taka in neihna buatsaihtr pawn,puan chei then khat ho in an han bih hi chu a nalh ka ti,mizo kan nihna ang a kan tih tur ni in ka hria,in lak changkan vang mai mai a,kan mizo thuam in neihna a an hman ber,in bel lo a,khung sap leh hnam changkang te tih dan anga,in neih kawr hak kher hi ka tih mi a ni velo( a ni chiah em phei chu ka hre lo, ka rilru a awm ka sawi mai a ni e)




















"Ti khan ruati nen khan lo va kal ula,pu denga te car hian,keini chuan kan motor in kan lo kal ang "ka nu chuan a ti a,kan motor a tih hi,sorkar min pek a ni a,ven a ni,leng pawh kan leng tawk hle, han in tih hlim ni khua a,kan hman thin a ni













Engmah sawi buailo chuan car chhungah chuan kan lut a,ruati chuan motor kan chuan chhung zawngin,thu tha a hriat ang ang leh chhel taka awm tura min fuih na thu a sawi reng a,ka hnuk a ul leh lek lek thin,ka in sum hram hram a ni


Show post links
Top

[Ngaia]

MY HONEY













CHAPTER-14









BY CHHEPHAKI MUANI









Phur lo tak chung chuan isaaca te in kawt kan thlen chuan car atang chuan ka chhuak a,a hma in an in ka hmu tawh tho nangin,an in ropuina leh a mawina chu ka vawikhat hmuhna ang mai ni in ka la ngai,mizoramah chuan an ni ang em em a in mawi hi ka hmu tawh kher lo ang













Ruati rawn chhuah ve hnu chuan in chhunglam pan mai lo in,pawnah ka nu te lo thlen hun chu kan nghak a,an rei zek leh nghal a,minute40 vel kan nghah hnu ah an rawn thleng ve leh mai bawk,kan hnung maiah an tlan emaw ka tia,











"ti nge in lo la luh loh a,an lo nghak reng tawh ang cheu"ka nu chuan car atanga a rawn chhuah rual chuan a ti nghal hlar a,ka tih tawh kha tunlai chu ka nu mizia hi a dang,a thinchhia in a sual ka ti dawn nge,a khirh ka ti zawk dawn pawh ka swwi thiamlo











Ka nu chuan hma hruai in,a hnungah naupang ho nen kan zui a,nu sangi erawh chu naupang ho sawi dan in,an rawn kal dawnah a nuam lo thut ni in an sawi a,tunlai chu nu sangi pawh hi a thawk rim leh lutuk a,a taksa in a tuar a ni ber












Kei ka awmloh phei chuan ka nu hian naupang a buaipui chawt a,ruati lah hna ah a buai ni leng zak zel bawk si,naupang ah lah chutianga chhawr rual an la awm bawk silo nen,a hah leh zual ngawt ang











In chhungah chuan an chhungkaw hnai vai ho leh an mahni isaaca te chhungkua chauh an lo awm a,pastor ni ngei tur pawh alo awm ve bawk, isaaca chu kil khatah a thu tum hmuk a,ka melh zawk a,ka hawi sawn leh nghal vat











Lawmawmi pawh a tel ve ngei e,isaaca dar nghengin a thu a,isaaca ban ah a vuan chawt bawk,isaaca kawr hak chu a in hmeh tak zet, coat pawl a dal lam a ha a,a hnuaiah kamis var a ha a,necktie a coat rawng a awrh bawk,a kekawr pawh chuti tho,ka melh zeuh emaw tih laiin,a thawmhnaw hak zawng zawng ka hre kim hman vek a nia











Em em lutuk hian,in thling harh vat in,ka nu chu ka melh zeuh a,a din ngaia ding reng chung chuan, "kan lo thleng tawh e"a ti var a, ka nu aw an hriat rual rual chuan an lo hawi nghal thap, pu denga chu a rawn ding hluai a,a nupui pawh chu a rawn ding ve nghal zat"kan fanu hmeltha chu ilo thleng ta maw,hei an lo nghak thup tawh che a nia"tih pahin min rawn pan a,min rawn kuab thuak thuak bawk












Ka sawi thiam chaih bik lo,ka sual vang nge ni pu denga hi ka nel thei tlat lo,ka hnaih tha vak ngamlo,chutianga min rawn kuah ringawt te chu ngaihsual tur awm silo hian,ka lo hlau thawng ru em em a,min rawn kuah zawk pawh khan in la hrang vatin,ruati ka bula ding banah chuan ka kuah vat











"nia hei zinglamah kan che buai deuh a,kan rawn tlai a,min hrethiam hram hram a niang chu"ka nu chuan thu pha chawi pah chuan a ti nghal zung zung a,pu denga chu ka ngairuat vang nge,min melh vung vung ni hian ka ngai tlat pek a,hahthlak hian









Isaaca leh lawmawmi erawh an thut hmun atang in min lo en dun reng a,midang lo awm ve te chuan,mi fak liam liam pahin min rawn chibai deuh phak phak a,nuih luih chu har tak a ni,ti chuan thutna ah chuan kan thu phei ta hlawm a,puitling ho an titi laih laih a,pastor chu rawn tawng in











"kan tan tawh mai dawn em niang,hei tih tur tul ka nei thut mai si a,kan ruahmanna ang khan kan kal theih loh hmel"a rawn tih takah chuan "nia ti zung zung ila,a tha tak ang,hei kan nupa tuak thartr pawh hian hun thawl an mamawh ang"isaaca nu chuan a ti a











Ka lo zak chem chem,isaaca nau kima chuan min rawn melh zeuh zeuh hnu ah,a nui suk suk zel a,min ti lai lek lek naupangte mahni se, a melh ringawt pawn min ti zam thei hial,a u ang em chuan hmeltha lo mahse,hmeichhe duh chi tak a ni a,ka rualpui chu nise chuan kei ngei pawh in a,ka duh chi tur a ni,mahse a ni miau silo a,ni pawh nise duh thlang thei dinhmunah ka ding miau silo a ni














Pastor in in neih thutiam min chham tir lai te chuan ka kun kur a,isaaca nen kan in hma chhawn ran mai bawk si nen,ka zam takzet,ka kuttin ka kheuh neuh neuh a,pastor in thu a sawi duah te chu a rei ka ti takzet,a hnu fe ah in neih thutiam kan chham ve ta hram a,ka hrawk hi a in hnawh khat tlat ang mai hian,ka tawng chhuak tha theilo,a hming mai ni mahse ka zam takzet














Tiam tlat e kan tih zawh hnuah chuan kan pastor ber chu eng eng emaw puitling ho nen an sawi hnuah a kal ta a,isaaca nen erawh kan in neih thu min chham tir lai bak kha ka kiang hnai ah a awm leh tawh lo














A chhungtr pawn pawi an ti hranlo nge ni, lawmawmi nen,khan an kal bo ta daih a,an awmna chin ka hre tawh lo,ka zawng thin a an vang em em mai leh nghal,mahse ka zawn chhan erawh ka hre lo,engvanga a hmel hmu chak em em nge ka nih ka hreli














Zanlai ah,zawmna ka rawn dah ang aw,ka type sa copy turah,ka cut vek a,ka theih ang ang in kan type leh a,ti khan lo chhiar phot ula)


Show post links
Top

[Ngaia]

MY HONEY













CHAPTER-15











BY CHHEPHAKI MUANI







Tlaiah chuan midang hlim tlang taka chaw an ei a,an titi melh melh laiin,kei erawb ngawi reng in chaw ka ei a,tu mah in min be buai biklo, ruarti leh naupang,nu sangi te lah,chaw eilo in an haw a,ka nu chiah a awm tawh bwwk si nen,a ni lah chuan melh khat pawh in min melh eih silo a










Kima nen a changin kan in be zeuh zeuh chauh tih loh chu,tu mah biak ka neilo,Isaaca te lah chu khawi atang nge tih pawh hriat loh in, chaw ei dawn ah,an rawn lang hlawl a,biak pawh min be lo in,chaw eina dawhkan an rawn kil ve nghal a,lawmawmi chu a leng halh halh hle, ka melh zeuh zeuh a,mahse ka lam reng reng a rawn hawilo,ka awmvelo ang hmak in a awm hmiah











A bialnu a awm vang pawh a ni mahna,chulo ah ka beisei ka lo tih san ve vak khan,a ni ah eng mah ka nih siloh chuan ka natna a thuk mai mai,ka duh vang a nilo a,midang laka beiseina kan neih hian kan beiseina te ah engmah kan hlawh chhuah leh siloh hian kan rilru a nat dan a thuk mai mai











Chaw eina vel chu an awmpuite chuan aj ti sang sang hlom a,tih fel ve ka tum chuan pu ka ti dawn nge,pa ka ti tawh zawk ang chuan "lo ti fel duh suh,kha ti fel tur an awm kha"tiin choka tang chuan min kai chhuak a,ka kut a vawnna chuan ka awm a ti nuam chiah loh vang chuan











Choka kan chhuak chiah tih ah ka tal chhuak nghal a,"engmah ka tih veloh chuan nuam ka ti nang,ka reilo ang kan tih fel pui lawk ange"ka tih pawh chuan "a ngailo ka tih tawh kha,ti khan engmah lo tih ve a ngailo,i chawlh hahdam duh chuan in room turah bawihan a hruai dawn che nia"a tih chuan ka mamawh rih loh thu in ka chhang mai a












Sitting room a lamah kan peih dun ta zawk a, isaaca nu leh lawmawmi an lo in kawm a, an hlim hmel hle,kima an bulah tv en chungin a lo thu ve bawk,isaaca erawh khawiah nge a awm ka hrelo thung,












"kha meda bawihi i ei tui maw"tiin isaaca nu chuan alo ti thuai a,lawmawmin min hmuh rual rual chuan a nui lai a tawp nghal chawt,nuam ka ti chiahlo,an in kara in rawlh anga ka in ngaih tlatna hian,ka awm an ti nuamlo











"aw puar lutuk nang zawk"ka ti let vat a,"umm ka ei tui khawp mai,lo thu rawh i titi ho teh ang u"isaaca nu chuan a lo ti leh thuai a,ka nu han tih mai leh ka pa han tih mai chu ka harsat ve hle,ka hreh a nu ber












"sawi tur vak pawh ka hre velo,ti khan in thu sawi ka lo ngaithla mai ang"ka lo ti sap thung a, a ni tak tak sawi tur ka hrelo,"ahh i ti awm anglo e mai,tawng ve bawrh bawrh rawh,a nuam lo kan tan pawh"lawmawmi chuan nui sang tho si a mit menga,min huatna leh min ngei na chu ka hmu thiam ve reng










Ka dem hranlo,a bialpa ka pasal a ni sia,an in ngaihzawn lai takin,kan in nei a,a tan chuan a na duh ngawt ang,kei pawh ni ila a tih aia nasa hian ka ti ngei ang,sawi tur ka hriat vakloh vang chuan an bulah chuan ka thu ngawi reng a, ka pa ti ve mai ang,chu a mu nghal daih a,kima lah tv a en tui em em mai bawk si,isaaca lah a awmna chin ka hrelo












Ka nu chuan a chang zeuh zeuh in min rwwn be ve leh ka chhang tih loh chu ka tawng ve lemlo, ka phone lah chhuna,room lama ka thawmhnaw ruati nena kan dah fel laiin room ah ka dah daih bawk si










Lawmawmi chuan a ngeiawm tawk lek lek a tawng a thiam bawk si,han huat a han thinrim lui hluai tur ni silo hian tawngkam a thiam em em mai leh nghal bawk nen,nuam ka ti ta chiah lo











Hnuailam bih chungin ka kuttin ka sik nep nep ringawt,ka mut a chhuak tawh bawk si,an ni lah an la titi tui em em mai leh nghal a,han mut san daih lah a nuam chiah bawk silo,ka mawng lah chu ka thut rei tawh vang nge ni,a kham thum leh nghal bawk nen











In chung pan chhoh na step ah chuan rawn pen thla ri a awm vang chuan kan hawi rual nghal thap,isaaca in bual zo tih hriat zet hian a sam a la hnawng chap a,a pawr deuh pheng bawk,ala in hmeh em em zui,awii kei hi! eng nge ka ngaihtuah hi le













Ti rilru chung chuan ka in thing nawk nawk a, ka mit ka chhing sawk sawk a,ka hawi sawn nghal vut,"bawiha min va thlah tawh la,a tlai tawh sia" in la no deuh chuan lawmawmi chuan a lo ti nghal hnap a,pakhat pawh chuan twwngka a chhanglo in,a bu nghat














Min melh eih lo chuan pawn lam a pan nghal vang vang,a nu pawh chuan a lo hrethiam a niang chu,"meda hrethiam hram hram rawh aw, kan fapa ve hi chu,hriat thiam a ngai teh ngai a nia,a sual vang a nilo tih hria la,a rilru hi chu a tha a nia,a ngaina thuai mai ang che"a ti sawk swwk a,chutianga a awm chu ka dem hranlo













Min haw mahse pawi ka tilo,ka tan engmah a ni chuanglo a,ka awmna hmun ka thlak ang ah chiah ngai ila,ka rilru a hah lo a ni mai,tih chu ka in hnemna ber a ni rih,chutianga awm pawh chu ka tum reng bawk










"nu ka han mu tawh ang aw,ka chau deuh riau a"ka ti sap a,a ni pawh chuan a lo remti ve mai bawk,ka tih tawh kha,mi ri hlut hlut karah hian ka awm rei theilo,mi tam deuh karah pawh,ka chauh phah vak zel vang a ni,naupang in fiamte pawh hi in fiam theihloh pui chang ka ngah thin












"kim mangtha aw,nu nang pawh muttui le" tiin ka mangtha ta hlawm a,kima pawh chuan "mangtha le,naktuk chu walk ila ka ti dawn nangin,in pa a chena awm sia,ni dangah a ni mai"tiin min lo fiam pah zeub a,a thleng dawn lo lutuk chu ka nuih tr lam lam a ti za,a sawi hrethiamlo tur chu ka ni biklo











"kan walk dawn nia,ka walk ngailo a,kan tum dawn nia,a nuam ngawt ang"ka lo ti ve a,a tawngkam kha chu ka hrelo der hmak thung, "umm a nih kan walk dawn nia,muttui aw"a ti ve mai a,a tv en lai a en zawm leh nghal, mipa ho leh in khel hi chu in hmeh ve ngawt mai










Room ah chuan ka lut a,isaaca room kha kan hmang nghal a,mahse khum khata mut dun erawh ka tum hauhlo,a room chhunga sofa te ve lam,ka thum in hma chhawn zawnga an rem that ah chuan,ka puan ken pan te chu ka la chhuak a,sin turin sofa kamah chuan ka keng phei a,ka mu nghal hmak










Isaaca lo haw hma ngeia,mutthilh ka tum a, ka mit ka chhing vang vsng,ka nu leh pa ka hmuh hunah,engtin nge ka hma chhawn ang tih ngaihtuah in ka lo muhil a niang,room kawngka in hawng thawmah chuan ka harh a,alo haw tawh a nih ka ring nghal mai,meng duh chuanglo chuan ka muhil der ta tawp













Ka mutna lam chu a rawn pan a,engmah a sawilo,ka ke lamah chuan a ding vang vang tih chu ka hria,mahse ka meng ngam teuhlo,mutthil der lah chu ka thiam loh lam tak a ni bawk si nen,light chu lo off lo ila chuan min man tawh ngei ngei ang











"I muhil der reng dawn nge,kan in be dawn"a rawn ti hmuk a,chutianga a rawn tih takah chuan mutthilh der reng theih ni silo,ka meng ta ngei ngei a,"eng nge i sawi duh chu"ka ti ve ta nge nge a,ka mutna tang chuan ka tho kang nghal vat











"naktukah a ni mai"tiin a kal leh nghal daih a, khumah hian mu rawh,room dangah ka mu dawn"ti hmuk in a chhuak zui daih,kei pawh chu khum lamah chuan ka in sawn ve mai bawk, kan in be tlem leh lutuk hi nuihte lam lam a za zawk








(in vaiin muttui vek ule,story ka ziah tirh atang min lo fuih phur tu ber leh min lo tan em em thin tu,nu ho zingah khan in tam tih ka hria a,ka lawm takzet,midang min lo tantute zawng zawng an awm ve nual tih ka hria,chung ho chungaj pawh chuan lawmthu thinlung takin ka sawi e)


Show post links
Top

[Ngaia]

MY HONEY











CHAPTER-16









BY CHHEPHAKI MUANI






Ka mutthilh leh theih lawk loh vangin,ka meng tlang zak a,ka mit a kham em em zui,zing dar 5 velah in hnuai lamah ka chhuk thla a,tu mah an lo la tho lo,rawngbawl dawn lah in an bungraw dahna leh an thil rem dan ka hre bawk silo a, bawl ngaihna a awmlo













Tiu tur ka hriat loh vang chuan in hnunglam ah ka chhuak a,a nuam reuh phian leh nghal pangpar a tam in,thei a tam reuh zek a,ka rin aiin a zau zek bawk, ka chhuak chiah tih a vei lam,sir ah pen hnih vel ka pen phei a,ka hma zawnga pen10,vel turah thutna nawm hmel zet a awm bawk














Chumi lam chu ka pan a, ka thut fel hnu chuan thawk kan la vang vang a,zing kar boruak chu a nuam takzet,ka tho hma ve viau thin khan ka hre sia,mahse zing dar5 hmel hi ka la hmu ngailo hrim hrim











A hmun vel chu ka en kual mai mai a,ka thutna atang chuan ka tho chhuak chuanglo,nuam ka ti hwlai hmun hi,awm reng mai tr ka duh rum rum,thli a thaw in pangpar leh thei te hian mit an ti tlei si,chu ber aiin khaw thlirna a rem chang ber hi a ni















Tlang in thuah cham phei put te chu a nalh takzet,chutia pangpar vel ka lo en mai mai lai chuan,khuh kharh thawm ka hria a,ka hawi phei vat,Isaaca chu a lo ding reng chu ni in,sawi mai tur pawh ka hrelo,han be ngawt dawn ila,min be hmasak loh chuan biak dan tur ka thiam der bawk silo













Pawilo min biak loh chuan belo mai ang,ti rilru chung chuan ka hawi sawn vut a,ka lam a rawn pan thawm ka hre zawm zat,"kan in be thei tawh ang chu maw"a rawn ti deuh hmuk a, a lam chu hawi in,a kawng bawr leh a dul in thep zaih chiah ka hmu a,ka dak vah












"sawi la,sawi duh ka neih ve awm ka hrelo"ka lo ti mai a,"okk...a tha a nih chu,ka nun ah lo buai velo la, i nunah ka buai heklo ang, chuan nang nen hian kan in hria ang in kan awm tur a ni heklo ang,ka sawi awmzia takah chuan,kan nun hman dan veve ah tu man thu in neihsak kan tum tur a nilo,"ti hmuk in min melh ran a













"umm a tha lawm,i tih ang chuan ni rawh se"tiin ka melh chho leh ha a,a ni pawh nui suk chung hian,"thian chu kan ni thei em ang chu maw" a rawn tih chuan "ni lo zawk ila a that ka ring,kan in millo vel vek,kan in suallo anh tih pawh a sawi theihloh"tiin ka ding chhuak a












"ka lo va lut hmasa ange"tiin in chhung luhna lam chu ka pan san ta daih a,a ni hi hnai lutuk lo ila,ka tan pawh a that zawk ka ring,ka lo duh hman lo ang tih ka sawi thei silo,awi tunah khan Isaaca duh chungchang ka sawi! ka zak zawk e a,














Ka rilru chu ka kawm phei mawlh mawlh a,ka kalna kawng en heklo,in chhung luhn kawngkhar ah chuan ka in tauh chawrh a,ka thal tawp,ka chal lah chu a na em em zui a,nui hawk thawm ka hre zawm zat,rum lutuk in ka melh phei a,a nui tawp hmak zui











Ka chal chu ka tuai vut vut a,a na em em mai leh nghal a,"kawng en ta che,chet chut mai"a rawn la ti kher chu ka ngei lutuk chhan dan tur hre silo chuan,rum lutuk ka va melh ringawt a, eng atan mah a ngai lem lo tih hriat takin











In kuangkuah chungin,min lo la nuih ang sawng leh nghal a,"a nat mah nak a laia,mi an chetsual laiin an nuih ngailo"ka ti bak hlar a,chu tia ka vin ngam chu mak ka in ti zawk,"mi i ni hlei nem,medaline i ni in ka hria"a rawn ti leh mai chu












Sawi tur pawh ka hre tawh lo,ka lut vang vang, ka phun lut nang nang a,choka ka luh dawn thleng chuan ka la phun char char a,"khatia mahni a i phun i phun chuan i â emaw an ti ang chr"kima chuan ka hma taka rawn din pah in a ti phuy a

















ka phu nasa lutuk chu ka tê chhuak that a,ka awm zawn ka dawm vang vang bawk,"min ti phu lawm,i thawhna a rei tawh em"ka ti vat a, "ka tho chiah,i va tho hma ve, i chauh awm nen nen"alo ti var a











"chau hranlo e,thingpui in ila,i duh ve em"ka tih chuan a bu nghat a,choka lamah kan in zui phei nghal,thingpui lumna te min hrilh a,ka lum ve thei naw naw,no a ka thlu chhuak tur chiah chu "ka duh ve a nia,min lo thlit khep rawh"tih ri a awm nghal zat,ka hawi chhuah nak chuan












Isaaca choka luh dawna,ban awmah chuan kawisawi zeta,bang hngeng chung chuan a lo ding a,"i in ngai silo a"kima chuan a ti hu,"in ve zeuh zeuh a tha ve a"a lo ti then mai si a









no chu ka lak belh ve leh mai a,kima chuan a u chu a en leh thin a,an thingpui tur an thutna dawhkan zawn veve a dah sak pah in,"kima i u chu ti nge hmuh thianglo hmu ang mai a,i melh leh thin ni"tiin ka fiam zeuh a















Ka sawi tawh ang khan kima nen hian kan in nel ka tih tawh kha,"engmah nilo e,zing walk kan tum lah kha,ka lo tho tlai reuh lutuk a,a pawi tak tak,i thawh hma ve tawh tawh nen"a ti niap niap a











"pawi ti duh suh,zanlaiah ka harh a,ka muhil thei tawh lo a,ka tho hma mai mai lawm,naktuk ah chuan kan ti ngei ngei tawh dawn nia"ka lo ti vat a,"a tullo lutuk"Isaaca chuan a ti hluk a












Kima nen kan melh dun vat"engvang"kima chuan a lo ti a,"tih tur a tam"alo ti hmuk,ka hmui phunin,thulo ber ka va ti chu a meng rum teh sin,kan nunah tu mah in rawlh lo turin kan in hrilh tawn veve zo chiah a










Chulo ah a mah ber in,tu mah kan nun dan in sawisel saklo turin leh kan nundana engmah thu neihna beih tumloh tur ti zo chiah si, kir ker mai









"a ho e,zingah engmah tih tak tak hma in kan tlan zawk dawn ni mai a"kima chuan a lo ti mai a,a thingpui a in zawh takah chuan a tho chhuak zui nghal vut,"nia buaina tur a awmlo tiro,kima"tiin kima ka melh a,a dik alo ti












"ti khan i in zawhah thleng silna ah lo dah mai rawh aw,ka hmai kan phih lawk nge"tiin in chunglam ka pan chho a,kiman ka hnung ah min lo zui ve nghal zat bawk,ka nui ver ver, isaaca kha ka chhan ngam ka ring ngailo nia











lawm loh in ka nui chho vur vur a,room lamah chuan ka phai phih turin kima pawh be tawh lo chuan ka lut nghal a,zing hmai phih hi chu nuam ka ti,mahse khawvawh lai hi chuan min ti lui viau mahse












Tu man min ti lui thei ngailo,a vawh lutuk vang hian,thih hreh in ka hreh a ni ber, vawt te hi ka ti fal bik thin lutuk hi,ruati pawh hian over min tih chang a awm fo













Ka hmai ka phih zawh chuan in thlak fai leh tete jn,in hnuai lamah ka chhuk leh a,ka nu leh pa ti ila,Isaaca nu leh pa a ni zawk mah ang chu,a hming in an mo te ka nj ve tawh sia,ka auh ve mai loh chuan












Te pawh an la tho lo a,Isaaca pawh a thutna ngaiah la thu reng chung chuan phonr a khawi mawlh mawlh,biak pawh be leh tawh chuanglo chuan no thingpui kan in na vel chu ka sil nghal a











"Isaac rawngbawl ka tum a,in thil dah na vel ka hre silo a"in thlahrung tak chuan ka zawt a, nichin lawk kha chuan ka ngam em.em a,kima awm vang bak a nj silo a










"ka hre bik hlei nem"a lo ti leh hmuk tawh," in in a nia,i hre ve em em lo mi"mak ti zet chuam ka ti a,"rawngbawl tu ka ni hlei nem"a lo ti leh hmuk a,tawng nem hi a thiam velo emaw tih tur a ni











"A nih engtin nge ka tih ang"ka ti leh hram a, ning hmel zeta thawk lak pah in,"ka hre bik nang mawle"ti leh hmuk in a tho a,a kal daih,ngei zetin ka melh zuu vawng vawng a










Ka lo zawt ta kher khet kha ka in chhir let ling zawk,eng rilru pu a lo zawt ngs maw ka nih nj, lak tlak loh lutuk,


Show post links
Top

[Ngaia]

MY HONEY















CHAPTER-17











BY CHHEPHAKI MUANI










ISAACA POV*





Henu hi hreawm taka nun tir ka tum pawn ka thei lo,ka hrethiam biklo,a mah ah hian min hip bet tlat tu an awm ni mai hian ka hria,karkhat dawn lai kan in hrawn ve tawh a,a mize nu hnap kara a duhloh dana,awmte a tawngkhum dan te, a nui hmel keimah vang ni hauh silo a, ka lo hlimpui ve em em thin te,nia a dik a nui hmel ka hmuh hian min ti nui in ka chhungril hi a hlim veng veng thin















Kei ngei pawh hi ka in hrethiam tawh lo, min hmuh apianga,a nui hmel a tawp.hmak zel te hian ka thin an ti rim thin a,a tir chuan ni e a dik ka haw ngei alawm,mahse a awm twwh tlat si, min biak hlau ni awm taka a awm thin te, min be ngailo te hian min ti thinrim ringawt thin leh nghal a















Mahse a mize mak leh na em em chu,ka hna thawk tur hi min thah ve ziah a,mahse min be ngai chuang derlo,mahse nuam ka ti ve em em ringawt,nawm ka tih chhan lah ka hre chuang silo,nun hreawm tak hman tir tum mah ila, ka chhungril hian a phallo ka ti dawn nge,ka ti thei thin lo

















A ngaite bawkin zingah chuan hna kal turin ka in siam a,medai erawh in hnuaiah ka nu nen rawng an bawl thung,ka in siam zawh chuan in hnuai lamah ka chhuk thla a,choka lama ka phei chuan













Lawmawmi leh ka nu an lo titi dun a,medai ka melh deuh chuan ka hmu lo chuan ka nu bulah chuan"khawnge medai"tiin ngaih ho hmel zet chuan ka ti a,"kha kima nen medai thianpa nge ka hrelo,a damlo a an kal ta a nih kha,chaw pawh an la ei mang silo a"a ti nang nang a














Ka rum nghal nghut,tu nge mipa chu ni ta ang tih chu ka rilru a lo lang hmasa ber a ni, mahse engmah chu ka sawi chhuak lem lo










Mahni nun veve a buai tur kan ni,tiin keimah leh keimah ka in hrilh a,Lawmawmi pawh chu ka be leh tawh chuanglo,ka nu bulah ka hna a ka kal tur thu ka hrilh nghal a,ka chhuak nghal vut













Lawmawmi pawh chuan ka awmdan chu mak a ti tih ka hria,mahse ka ngaihven hranlo,kei ngei pawh hian hetianga ka awm chhan hi ka hre bik lo













Pawn ka thlen chuan lawmawmi chuan min lo zui chhuak ve nghal a,"bawiha ti nge i awmdan hi"a rawn ti sap a,"engtin nge ka awm vak a"tiin ka bike ah chuan ka lawn nghal a













"min be duh miah lo a,kan ngai che a, kan lo pan ve em em chr a"in ti no tak mai hian a ti nang nang a,ngai pawimawh vaklo chuan"hna kal ka ngai,ka kal thei tawh angem"tiin a mah chu ka melh a
















Mak tih hmel taka min en chung chuan"kha nu vang kha a ni tiro"tiin rilru nat hmel takin hnuai lam a bih deuh ngar a,"tu khanu maw"ka lo ti hmuk a













"medalinei kha,kha nu vang kha a ni tiro"tiin a rawn au vak a,ka beng bulah tak a ni bawk nen ka beng a kiau vawng vawng thei,thaw hak in "a nilo ka mize dang nachhan ka hrelo,haw tawh rawh,kei pawh ka tlai tawh dawn,kan hna ban velah ka rawn bia ang che"tiin ka tlan chhuak nghal vut















Ngaihven zui hranlo chuan chak zetin ka tlan a, ka tlai tep tawh bawk si,medalinei leh kima chuan tu nge an hmuh ang tih ngawt ka la ngaihtuah zui,engvanga he ka ngaihtuahna hi luah reng nge a nih
















A chhan ka hriat hma loh chu henu hi ka kiangah a awm reng tur a ni,ka venghim bawk ang,a chhan ka hriat hma loh chu,tiin ka in hrilh mawlh mawlh












Ka hlat ah a awm tur a nilo,he ka rilru a luah tlat chhan leh a na lai hmuh har ka ti tlat te,hreawn taka awmtir ka hreh tlat te hi a chhan ka zawn chhuah hma loh chu ka hmeichhe venhim tur ah ka dah hmiah a ni
















Ka speed a sang bawk nen damdawi in chu ka thleng vat,mahse ka duty pui te chu kan duty na gate luhna bulah an lo thu leh vang tawh, an ni hi zawng an hman bawk a,an thleng hma thei fu












Kan la night miah lo a,midang an night tir rih a,kei ni chu chhunlam hi kan duty hun hi a ni rih mai,ka bike chu gate luh phat a,dinglam ah hian motor thlan thlakna tur a awm a,tah chuan hna thawk ho lirthei leh tlema mi khawsa thei deuh ho in an dah thin












Ka bike ka hun fel hnu chuan ka chho vat a, min lo la nuih dun thaw zui,"in nu kan hmu a nia i nau nen"an rawn tih chuan ka hawi buai deuh nak,"i nau kima khan min lo hria a,kan in be luam a,in nu pawh min in hmel hriat tir,a chhelo hle mai"tiin an nui hawk hawk a














"Tah an lo kal maw"ka ti hu,hahthlak min tih hmel fe a min melh in,"aw lo kal e,tukin khan khu lai lawkah khuan accident an awm a,chumi chu an thianpa a niang an lo kal a,"nuna chuan a lo ti vat a












"a reng reng thuah mahni nupui te kalna chin pawh hriat loh,i â e mai"zira chuan a lo ti ve a,ka khi suk ringawt,"aw zingah thawh ka hai a, ka che buai lutuk a,tlai ka hlau bawk sia, engmah ka hre hlei nem"tiin dawt leh thu tak chu ka sawi ringawt a











Engmah sawi zawm tawh lo chuan kan duty na bul lawka,kan in thlakna room tura room an dah ah chuan ka lut nghal a,ka in thlak zawh ah ka chhuak leh vat,in lama in ha sa lo in, damdawi in ah hian kan in thlak mai thin













"I va rang ve,in nu i hmu duh deuh a ni maw" tiin zira chuan min lo fiam a,"ngawi maj mai teh hmeichhe hlau"ka ti hluk,a la nui ang huk huk zui leh nghal a













Medai chu hmuh duh viau mah ila,mi kha an lo awm ve emaw a nia nga,chulo ah han hmu ngawt ta pawh ni ila,eng nge ka sawi chuang ang,sawi tur ka hre awm der silo a













Ka sawi tawh kha ka tawngtam lo ang bawk hian sawi tur hi ka hre thin lo,hmeichhia bem dawn ta ila,ka sawi tur zir lawk ang chi kha a ni ve a,pawi ka ti hranlo,ka pan ngailo hian hmeichhia hi chu ka haih chham vak lemlo a









(in duh ang thlap thlap in ka ziaklo tih ka hria, in duh dan tlangpui hi hriat a har ve a, then khat in an duh laiin,a then in an duhlo a,chuvang chuan a nia,ka ngaihdan leh ka duh dan anga ka ziah tak ni,min lo hrethiam dawn nia,chuan story hi in duh ang in a thui thin lo tih ka hria,hun hi ka neilo ve lutuk a,mahse hun a theih ang ang in ka lo in siam anga,a thui lam chu beisei ve phawt ang aw,thui deuhin kan dah twh ang kan tih pawh,ka buai ve deuh thin vang hian kan thei leh thin silo a,mahse chu chu hrethiam a,mjn sawisel sak ngailoh vangin,in chungah ka lawm tek meuh meuh a ni)


Show post links
Top

[Ngaia]

MY HONEY


(chungtunu leh changtupa te ah in sawr bing twh ang aw)







CHAPTER-18










BY CHHEPHAKI MUANI










Kan duty dan a hahdam thlak bawk a,thutna tur kan dah leh dawhkan,kan thil eng eng emaw dahna tura kan dah chu bawh chung chuan damdawiin luhna kawngkhar chu ka melh zeuh zeuh thin a













Tunah dar11 a ri tawh dawn a,an hmel reng reng hmuh tur ala awm lo,kima em em pawh hi haw pui vat nachang hriat tur hi a nia,mawl leh lutuk,ka rilru chuan ka ti mawlh mawlh twwh










Eng nge an lo chhuah hun pawh chu ka ngaih pawimawh viau chhan lah chu ka hre der lo leh nghal a,mahse an lo chhuak har lutuk te chuan ka thin an ti rim hlur tawh











Ti lang ngam silo in,keimah leh keimah ka in kawm a,ka rilru in ka âng ka âng tawh,a tawp a tawp ah chuan kima leh medalinei ngei chu an lo chhuak a,an hnungah hmeichhe pakhat in a rawn zui chhuak ve bawk













Ka ding deuh hluai a,ka thiante ka duty puite chuan an titi lai tawp chawtin min rawn en tih ka hria,mahse ka ngai pawimawh hranlo"gate hawn a ngai"ti hmuk in medai te damdawiin chhung atanga lo chhuak chiah te lam chu ka pan a









An nui ho leh hak thin pawh chu ka hre reng "kima eng nge in tih em em a,haw a hun viau tawh tih hre ta cheu,ka nu engmah chin chang in hrilh bawk silo"an kalpui nu ngaihtuah map lo chuan ka ti a











An pen lai tawp chatin ka lam an lo hawi rual thawt,"u ka thianpa a accident a,u medai hian min kalpui alawm"a ti sap a,a thusawi chu ka ngaihven hran lo,"chupawh nise nangmah in kal mai ta che,in ah tih tur a tam lutuk ka nu leh pi muani chauh in an ti senglo"ka ti hmuk














"ka nu te chu kan tlai tur thu ka hrilh tawh a, aw a pawilo a ti tho sia kan tia,kan awmpui rei deuh a lawm"kima bawk chuan a lo ti leh a,ka rum nghut a,engmah sawi zui tawh lo chuan gate mihring chhuahna tur zawk chu ka hawng a"haw vat ru,ni dangah in kal tha leh dawn zawk a nia"an bula damlo chhungte ni awm tak an awm vang chuan kan ti mawi ve satliah a












Chetsualna chu kan chungah a thleng vek thei tih ka hria,tu pawh hian tanpui kan ngaih chang leh midangtr kan mamawh chang a awm fo tih pawh,midang kan mamawh lo emww kan tih hnu ah pawh hian,kan mamawh na tur tak ala in her chhuah loh vang a ni mai a












An mahni chhung ngei pawh kha ka mamawh hun ala thleng ngei ang,tih pawh ka hria,an nj chungah chauhlo pawh,vanduaina a thleng theuh thei,kan chungah ngei pawh an kal kha ka duh loh vang a ni miah lo a










Khatia ka tawng chhan pawh kha ka hre biklo, mahse medalinei vang a ni berin ka hria, a bialpa tur anga kan ngaihruat khan mak tak mai in ka thin a ti rim thut thei











Engvanga tianga hriatthiam har tak taka awm thin nge ka nih,gate chu khar leh thuai in ka thiante lam chu ka pan a,"ehh...an nu chungah alawmlo vel a ni maw"tiin zira chuan min lo chhaih a












"ngawi mai mai teh,lungawiloh na tur a awm pawh ka hrelo"ka lo ti hmuk,thu tak deuh zawk chuan nuna chuan"enteh maw bro ka hriat thiam loh chu,ihhh....kima bulah khan in in neih ni kan zawt a,ila tlangval emaw kan tih vang khan mak kan ti in kan lo zawt chiang a,














Heta ilo thawh hnu a ni bawk sia,in in neihna thawm awm reng reng ka hre miah lo"a tih chuan ka nui hak a,"aw keini ang dinhmun ah te chuan han tih hlauina tur nei heklo"ka lo ti mai a












"Sawi tha mai mai teh kan sawi chhuak dawn pawh ni hleilo"nuna chuan alo ti leh hluk a, "aw ka ti tak tak alawm mawle"ka tih leh chuan zira chuan"nang hi zawng thuruk neih hi i ching a"a ti bai bai














"tak tak in a,kan in nei chiah pawh a ni rih lo,in kutsuih bak kan la tilo,tih huk lam hi chu kan la hlat deuh"ka tih chuan an awih ve ta deuh ni tur a ni,an ngwwi zui ve leh mai,dawt ka sawi thiam ta lutuk hi a mak a ni














Nileng chuan gate in hawng chhawk in kan awm leh a,damlo an lo hruai luh leh mitthi emaw damlo an chhuak tawh tur han buaipui pui hi kan tih tur a ni tel bawk thin a,tiang an awm chang hian kan buai deuh a,a ni mai












Mahse hlawh erawh atam lemlo thung, chhungkaw chawm nan chuan engmah a nilo a, tlangval awm mai mai tan chuan a tha khawp ang,hna dang dil tur ka en reng bawk a,mahse ka tih theih awm hi a vang ve riau a













Ka hna ngai ah ka la tawm ngar ngar a nih ber hi,mahse zira leh nuna vang hian nuam ka tih phah a,a hma thiante zinga a hming leka tawng thin kha,an ni bulah hi chuan kan duh loh thleng thlengin kan sawi leh nawlh zel.















Hun hi hriatloh karin a kal chak khawp a, ban a lo hun leh ta reng mai,kan thian thum chuan in zui chhuak hlom in,ka bike chu gate pawna chhuah phawt a,gate atanga chhuah ngai kherlo turin,pawn lam atangin ka lut thla a












Kawngpui pawh chhohna a awm a,ta tang chuan ka tlan chhuak mai thin,kei leh ka thiantr bak in chutiang chuan kan tlan chhuak ngailo, midang erawh a him zawk vang nge maw ni, chep viau mahse an tlan chho kher zel














Kei pawh ka thiantr nen an haw na peng theuh a kan in then tak avangin,ka tlan chak leh tawh viau a,ka sawi tawh em,hna ka thawh atang hian bike in tlan siak tih leh zu tih vel hi ka ti ngai ta miah lo a,chubakah ka thiante a hma ka zu in pui thin tr leh bike in tlan siakna a ka tel pui thin tr lam in ka be tawh ngailo














Hei pawh hi ka mize danglamna pakhat a ni ve tlat,a hma kha chuan khatianga nun kha nun nuam ber ni in ka hre thin a,ka duh duh a ka tal khan nuam ka ti emaw ka ti thin a,mahse alo nilo











Kan nawmchen lai chiah khan nuam kan lo ti a, kan tih loh chiah khan hreawmna chu a in tan thin,ka phone ri vang chuan kan in ka thleng tep tawh pawh chu kan ding leh ren rawn a












Phone ka en chu lawmawmi alo ni, ka thlah thlam ngawt thei silo a,ning viau mah ila,a unaupa ka thian leh ka unaupa ni bawk a thih hma ngei a,kalsan lo tura ka in tiamna kha ka bawhchhe thei silo a












Ka lo dawn uk na in ka la ta tho,"bawiha ka ngai che,zanin chu ka bulah lo riakla"a rawn ti no leh hnap tawh,"ka hmanlo tih i hriat kha,tunlai phei chu ka pa nen kan boruak ala tha thei bawk silo,ka buai ka dah aw,zanah kan in be dawn nia"tiin min chhanna pawh nghak lo chuan ka dah hmak














A hma kha chuan a bula awm ka chak em.em thin kha a nia,mahse ka ning tan ta tlat mai hi nge a chhan ni ta ang,engvanga ka nun hi tun hnai chho a,zawhna hlir a khat nge a nih,a chhanna lah chu hriat chhuah harsa tak a ni bawk si












Heng zawhna zawng zawng hi medalinei ah hian chhanna a awm ngei ang,a mah atanga in tan a nih vangin,chu zawhna keimah atanga zawhna lo chhuak chu ka chhui chhuak ngei ang













In ka thlen chuan tumah sitting room ah chuan an lo awmlo a,choka lamah tawng thawm ka hriat vangin ka lut nghal vat,kan awmpui pi muani leh medai chuan rawn an lo bawl hi a lo ni a









Min la hmu lawklo tih hriat takin an thil tih pah chuan an titi mawlh mawlh a,an nui leh hek hek zel,medai nui hmelte leh a hmel a chezia zawng zawng tr chu tha ka ti in,hmuhnawm ka ti deh thut











Chet mai na chang ka hrelo,engvanga chutia awm ta mai nge ka nih tih bawk chu zawhna rawn awm leh nghal zat chu a ni,mjdang hi ka awmdan tr hi sawi ils,tih dan an hre miallo maw tiin ka ngaihtuah tan tawh hial













Mahse midang han hrilh em chu ka ti leh deuh thin si,thian han tih tur ka nei em em lo a,zira leh nuna hi an ni mai si a,an ni lah chuan nupa kan ni tih an hre tawh bawk si,zawhna an ngah dawn lutuk














"khawnge midang an awm vek a,an va reh ve" nu muani choka eirawng lo bawl mek chu choka luh pha chuan tiin ka zawt a,"e ilo haw ta maw,i pa chu a hna tang alo la haw lo a,i nu chu roomah ka nuamsam lo a tia a mu a nih kha, kima leh medai chu kawmchar lamah an in fiam a nih kha"a tih chuan ka bu nghat ringawt a,













Choka tang chuan chhuakin,in chunglamah ka chho nghal a,ka nu te room hi hnuai lama a awm vang in,in thlak zawh ah a that leh that loh en mai chu ka tum ta zawk,






ADD CLICK AH KHAN TAN MIN LO VE LEH HRAM DAWN NIA


Show post links
Top