LAZARUS 21M - Season1&2 BY Pysces Ferry Khawlhring (Completed)

Episode nei ho a hlawm a dahkhawmna
27 SENORIA
Posts: 230
Joined: September 1st, 2020, 10:24 am

Re: LAZARUS 21M - 1 BY 27 SENORIA

Unread post by 27 SENORIA » September 25th, 2022, 8:55 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 7 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 7 BY 27 SENORIA
Post August 28th, 2022, 8:10 am

FB_IMG_1661654320024.jpg
Chapter - 7

Zing dar 9 chho velah Lawmsanga pawh mawi fahran hian arawn langa, min nuih sen sen hian ka la lai tlat thin.


Hospital lam kan pan ho nghal a, Thari Aizawl nuam ti lutuk chungchang rawn sawi chhuakin keiin ka lo zawm vata, kan pahnih in Thari kan han kah rawn chu min hnial ngaihna reng reng ahrelo, dawt kan sawi lah ani heklo, henu hi chuan Aizawl leh Champhai hi chu nuam a ti ve hlarh hlarh em.


Ward chhung kan lut chu bawihtea leh naua lo in fiam kual chu kan hmu zata, an khumah pawh an lo awm lo, bawihtean min rawn hmuh rual chuan arawn tlan vata, zankhat lek kan riah dun lova , ka ngaih ang tlukin min ngai ve tih ka hria.. "Ethan bawiha, iva tlangval tawh em em va a, nizanah anu hi ilo ngai em? " Lawmsanga chuan ka pawm lai renga a sam rawn tuai sak pahin arawn ti a, bawihtea pawn nui ver verin alu abuk khum nghal. "Tha lutuk i van fel tawh em em ve a, ehee nimin ai khan i lian leh tawh zawk anih hi, " Lawm pah ti tih chuan arawn ti leha bawihtea hlim lutuk chu a nui ver ver reng mai.


Lawmsanga chuan a pawm hrang diaha, Tharin azui ve nghal. Naua chuan zawi tea min rawn biain, "nizanah ward arawn fang leh a, mahse engmah min zawt lo... A ngawi thei khawp mai" Arawn ti sur sura, Ariesa chungchang tih ka hre thiam nghal. "Anih chu" Ka ti liam deuh puata, naua vek chuan, "nangmah i tha em? Hrilh vek a hun tawh anih hmel.. Hriat ve pawh phu alawm", arawn ti leha, Bawihtean min rawn auh avangin a khum lamah kan phei dun nghal.




Naua colege kal ngai chu a haw hma a, bawihtean angen lo hlauh, Lawmsanga nen phone en in an in be mial mial lai chu ka lo en dauh dauhva, Ariesa ni lovin Lawmsanga hi apa ni zawk se? An in pawh sa bawk nen, tihte chu ka lo ngaihtuah nauh nauha, azialo khawp mai. " Hei enteh" ka phone min entir pahin Thari chuan min nghawk zeuh aruala, kan school groupah chuan Ariesa nu a zual thu leh tawngtai pui angaih thu an posta, ka rilru a rawn lang hmasa ber chu eng natna nge ni ang le? Tih mai chuah ani. "Ka van khawngaih reuh" Thari chu arawn phun sepa, keipawh ka rilru puthmang chu ka in ngaichang ren rawna, ka lungphu a ran phah lova, ka pangai vek.


Ariesa chanchin lam hrim hrim ai chuan tuna ka kianga awma ka fapa duat em em tu leh min hmangaih tu Lawmsanga hian a luah khat zawk.

A khat mawi tawkin min nuiha, amit min siai zeuh lah aching reuh phian bawk. Tawng ka in kan in be luam hran lo, mahse a chezia hi a tawk khat viau lawi si. Ka phone arawn rí a, Latei alo ni ka pickup rual chuan "awi Teber, in dam lo leh tawh tih ka lo hria a, vawiin lamah a theih chuan kan lo kal ang aw.. A zialo hle mai" Arawn ti nghal bawrh bawrha, tumah ka hrilh si lova engtin nge maw alo hriat leh hman le..


"Tunge aa? " Call kan dah rual chuan Thari chuan zawhna mitmenga min melh kiau vin ka phone chu arawn bih thuaka, a ngaihdanah chuan Ariesa anih aring ani mahna .. "Ka thian nu Latei ania, ka school kalpui hlui.. Bawihtea chungchang hi alo hre leh hman a, ka hrilh miah si lova, engtin nge maw alo hriat leh hman dawn ni? A bengvar reuh khawp mai" Ka ti a, min chhang zui lem lo, Latei pawh a in sawi ang tak takin chhun laiah Hnemi leh mipa pakhat nen an rawn lang zata, thian hlut zia hi chu aw..


"Awi teber, ngati nge hman ni lawkah in chhuak chauh sia, " Hnemi zawk chuan arawn ti bawrh bawrha, thlahnih lai aliam tawha a dul pawh apuar tawh khawp mai. "Nia , abuaithlak anihhi" Ka lo ti ve mai. "Ee heihi Lalhnemi pasal anihhi, in chibai ru.. Lawma kan thian nu teberi aw, inkawm ho vek thin kan nia" Tiin Latei chu arawn tawng chhuak bawrh bawrha, hnemi pasal nen pawh kan in chibaia ka thiante pawh ka hmelhriat tir ve nghal. "Engtin nge damdawi in ah kan awm tih in hriat theiha? " Ka zawt chak lutuk ka in sum buai peihlo, an hriat theih ngawtna chhan tur ka hre lo atin ni. "Nia nizan khan Hmingmawian min rawn be ve teh miala, " Arawn ti , asawi awmzia chu Ariesan a hrilh tihna ani maw...! "Aries an maw? " Ka zawt nawn leh ngat. "Imm..hey khati khan koh reng reng suh, ahaw lutuk ania, keimah anga zun cheh ve i duh loh chuan Hmingmawi ti rawh, " Min warning zia pawh ahmelah alang, "engmaw zun ka cheh i tia mi? " Nuiza in sum ruh ruh phah chuan ka zawt leta, Hnemi pawh arawn nui khur chur chur. Latei erawh a tum bur nghal.




"Keiman ka hrilh ang che, Sangteite nen an in ah Zu kan in ho va, Hmingmawia awm loh hlanin mahse a rawn lang leh thut sia, chuan Sangtei nen khan an in hnial nasa lutuka, Latei hian engtin emaw alo be ve a, Aries tiin a ko bawka, Hmingmawia thinrim lutuk khan kan thil in zawng zawng pawh arawn ti darh veka Latei hi a tham nek alawm, henu hlau lutuk hian zun ala cheh zui, " Hnemi chu a nui put puta, ahmai asen vek danah a in sum nasa tih ahriat. "Mawngi chutiang pawh anih loh kha, ka thiam loh vek pawh anilo Teber, Sangtei kha atawng hnem ve em bawk alawm, Hmingmawia kha anu leh pa hmang ten a tawngkhum char chara, Hmingmawia pawh kha ain sum rei thei ve lutuk.. Kei lah ka lo rui ve tawh bawk nen Sangtei lamah ka lo in ti tang ve a, Hmingmawian in rawlh suh min tia, ka thu thu Ariesa ka tih khan e.. Awi thla a nei emaw tih turin kan bul a rawn thleng zata, a buai nuai nghal. Min pawt tho dawra, khata a hmela thinrimna kha tun thleng hian ka la theihnghilh lo, ka rui lutuk pawh min vinna avangin ka harh vek thei male.. A hlauhawm hi ani tawp mai. Chumi hnuah min nem thu deuh hnawka, akalsawn chiah chu zun ka zeh tih ka in hre chiah.. Min hriat kha ka ruih hi chuan ka che nawive thin sa bawk nen.. Khatia min vin na vak vak leh arawn chetdan kha ka hlau em ani, " A tawplam chu arawn nuive sun sun a, "mahse tumah hrilh suh aw Sangtei leh Hnemi tihloh chuan an hre lo ania, " Arawn ti leh sur sura, ka zep tlat tur thu ka lo hrilh nghal.


"A hrim hrimin Ariesa pawh hian Sangtei leh Anu in mil lohzia a hre veka in dan pui ve mai se tha mai tur heti hian an buai reng lo bawk anga tiraw Late, " Hnemi chuan Latei chu a zawt zeuhva, Latei chuan thaw hakin, "chutiang ngawt ani thei biklo alawm, fapa mal ani tawha, in leh lo saw a enkawl tur vek tho ania, bakah Sangtei pawh hi a luhlul ve em alawm.. Aa ka ning ka sawi peihlo an chhungkaw boruak vel hi chu.. "Ti hluaiin Lawmsanga te in fiam lai chu a thlek deuh ngur ngura, keiin zawhna ka nghah leh tawh khawp mai. " Late tinge Ariesa tih pawh chu ahuat em em na chhan a hming ani ve tho sia, "ka tih chuan Latei chu a ner saka, " Anu vang aniang, "a ti awlsam et ringawt, ahrechiang biklo ani ngei ang.. " Hmingmawia chu arawn lang thla tawh em, kan in hmu dawn nia ati vel luam sia, "Tiin Latei bawk chuan min rawn zawta, ka lu ka thing ringawt. " Anu a damloh kha i hrelo ami? "Hnemi zawk chuan rawn thlek ha in arawn ti a, ni dawn tak nizan khan group ah an rawn sawi tak e.. " A ho, anu nen an inkar a that loh em kha.. "Latei pawh chuan arawn ti let ve zat a.. Zawh belh ka chak tawhlo.


" Teber mipa hi i nau kha chu anilo tiraw... Tunge a? "Latei chuan ka beng bula rawn phun sur surin min rawn zawt a.. Lawmsanga a en dan chu ka lo duhlo ru khawp mai.

"Kan pa anihhi" Ka lo ti hmaka, min en deuh awrh lehnghal.

Nileng chuan Ariesa arawn lang lova, Lawmsanga leh Thari pawh phur fahran lovin an in zui haw hna hna a, theih nise Lawmsanga kha awm ve reng turin ka duh, abulah khan ka hlima, ka zangkhai vah mai hian ka in hria. Naua pawh a tlai laklawh tawh avangin rawn kal buailo mai turin ka hrilha, a zirlaiah in sawr bing se tha deuhin pass chhuak se ka duh ani.

A tlai thawkhat ve tawh avangin light kan down sap sapa, mahse avai chuan kan off vek lo, bawihtea pawn ka kawr chhung a zen leh rak rak tawh, Latei call ka dawng leh nawlha, ka pick ve mai. "Teber Hmingmawia nu athi em ni? Chanchin i hre chiang em? " Arawn ti deuh hlawp hlawpa, ahlauhthawn hmel khawp mai. Keipawh ka mu zal ka thu chhuak nghal. "Maw?? Ai engmah ka hrelo, athi an ti ami? " A damdawi in zawka awmin ka zawt let nawlha, azialo thei khawp mai. "An sawi deuhva, a serious ve bawk nen, hei keipawh ka rawn kal dawn group ah khan lut la a chiangin ka ring.. Sangtei ka rawn lam phah ang" Tiin a ri leh nawk nawk thin. Awm mai mai a, rilru pangai put tum chu a theihloh, thihna leh nunna chungchang thil ani si, bakah hmelhriat hlui alo nive leh zela, thihna chungchangah kher chuan ka phili buai vek thin.


Bawihtea lah kalsan chi ngawt ani si lo, ka rilru abuai takzet. Groupah ka lut a, athih leh thih loh erawh thuchiang ala awm lo anih hmel. Damdawiin lam rawn pan tum pawh an awm nuka, hetiang ni khua a lo lan ve loh chu anuam biklo, bakah ka tan kal harsa turin ka awmna ahla lova, Ariesa nu awmna damdawiin ah ka awm ve kura, lan loh chu a dik in ka hre lo. "Bawihte, anu hi ka kalsawn lawk dawna, nangmahin ilo awm thei angem? " Tiin akutah ka phone chu ka hmeh bela, bawihtea erawhin hriatthiam loh hmelin min en thung.


Lalpa min tanpui hram teh." Bawihte khi tah thil ka han lei lawk ange aw hei enteh tuiin tur pawh kan nei tawhlo anihhi, "tiin bottle ruak te chu ka lek kanga phone en in a tui chilh phiana ka lawm rilru hle, damlo awmpuitu thenkhat bulah chuan reilo te chhung min lo ngiahven sak turin ka hrilha , chutah khum sir lam ami tleirawl tir ve tak, a nu awmpui tu chu rawn kalin, " Ka lo awmpui ang, afel e mai a tap lo turah ngai ang aw"tiin khumah chuan arawn thu kai thaka, ka lawm rilru hle. Keipawh ka chhuaka, kawngkhar bulah bawihtea atah leh tah loh ngaichangin ka ding deuh renga mahse a tap maihlo, ka hahdam sawng sawng thei.


Step ka zawh chhoh lai chuan Sangtei hnen atangin call ka dawng leh a, ka pickup rang ngei mai. "Teber nang chu lo kal kher duh suh i fapa awmpui i ngaih kha kan tibuai lutuk dawn che, anuam lo a in thlahrunawm" Arawn ti a, ka pen lai chu ka chawl data, "a ho lutuk tih theih ka nei chuanglo rawn in lan loh em em kha chu adik biklo alawm, " Ka ti ve a, ka rilru diktak ani. "Mahse .. A buaithlak mai mai, lo kal duh suh.. " Arawn ti tal a, mahse bawihtea ka kalsan theih lai tak anih avangin a in thlahrunna àw kà chu ka hrelo der hmak, hetia ka kal hian Ariesa ka beisei vang emaw neih ka duh vang ani lova, hmel hriat hlui anih avang leh lan loh em chu a mawi lova ka hriat vang mai ani. ICU ka thlen chuan an lo awm nual tawha, Latei leh Mawizualan min rawn hmuve zata , Mawizuala hi mipah chuan ka kawm nasat ve pawl tak ani. Ka star kumhlun pa pawh alo awm ve renga min rawn jmu chu a meng deuh kawk tih ka hmu a, mahse a rawn kalchhan in azirlo bawk nen min nuih supin ICU chhunglam chu a melh leh zeuh zeuh thin. "Engtin nge Ethana i kalsan theiha? " Latei chuan ka beng bulah arawn ti su su a, boruak chu a rit khawp mai. "Nia, hei ka rawn tlansan deuh tawp, rawn lan loh em em chu ani theiin ka hre lova" Ka ti a, awm ho chu an nguaiin, mitthi ngah in an nghak tawh ni ber hian ka hria. Ariesa ka hmu mai lova anu buaipuii a chhung lamah a awm ve ani ngei ang.. Mahni nu te na tuar lai hmuha, a nunna leh thihna insual lai a hmu tur chu ka lainat ru khawp mai, kapa ka chan tawh a,a natdan tur chu ka hriatthiam pui lutuk.



Ka thlen atanga minute 15 hnu velah ICU room atang chuan an rawn chhuak deuh sap sapa, doctor te leh nurse te hmel en reng reng chuan rilru a veng mawlh lo. "Hmingmawi enge i nu chu a an a? " Ramdina chuan alo chiau au vata, Latei nen pawh kan pan hnaive nghal. "Imm a atha nai mai, ngai erawh ala awhlo " Aries an arawn chhanna avang chuan kan thaw deuh kawk hlawm in ka hria. A sam hnawk chiap leh amitmeng dul raih chu a hah tawngkhawng vang ani ngei ang. "Ava thlamuan thlak ve aw, lungngaisuh Pathian kan nei alawm.. "Mipa pakhat chuan arawn ti a, a hming ka hrelo a hmel chuah ka hria. " Engkim atha vek mai ang duat?ka lo awm tlangpui ang che aw " Sangtei chuan vuanin a hnem phah mawlh mawlh bawka. Chutah Ariesa chu rawn tawng chhuak lehin, "in ti lawmawm khawp mai, tun ang zan rei tawha kan mangan lai taka in hmel kan hmu hrim him pawhhi kan lawm lutuk ania thiante u, a tlai tawh si a, haw tawh rawh u, engkim a tha vek mai ang in rawn kal avangin thinlung takin ka lawm lutuk ania, " A thusawi maltin chu ka hrechiang dap dap khawp mai, arilru puitlin zia a hmel en pawh hian ahriat ngawih ngawih, "anih Teber keini pawh kan va haw ang aw, nangpawh chhuk vat rawh Ethana angaihtuahawm" Lateiin min rawn biak pah chuan a helmet leh bag chu a khai lawka, an in zui chhuak ta diah diaha, Ariesa pawn a mawi tawkin a thlaliam hlawma, min kalpel dawna a thu rawn sawi sup chu ka hrechiang lutuk lo.


"Ethana kianga awm tur ini asin" Ati maiin ka hria, midang an awm ve bawk nen zawh nawn ngam chi lah ni hek lo, "Teber, " Ka hnunglam chu ka lehhawi vata, Sangtei chuan min lo en kar bawk. "E aw Sangte, a zialo hle mai.. Pathian zarah a damchhuah leh vat ka beiseipui khawp mai.. I riahpui dawn ta tihna mi? " Ka tih chuan rilru bul bal hmel fahran lo hian alu abu a, in mangtha in keipawh ward lamah ka tlan thla nghal.

......
Zingah chuan bawihtea che deuh hrat hratah ka meng chhuak diar diara, mut ka kham loh zia chu pui tak ani. "Anu, " Bawihtea min au na thawmah chuan phur fahran lova meng chhuakin min en reng tu bawihtea chu ka nuih saka, hmuhnawm min tih hmel khawp mai. "I harh tawh chuan rawn tho chhuak la.. " Ka phu nasa lutuk chu ka thu chhuak nghal, Ariesa chu kan khum mawng lamah a lo thu rún anih chu. Bawihtea chuan min rawn pan nghal vatin, achezia-ah chuan Ariesa chu ahlau tih ka hai lo.


"Tinge i rawn kala? " Ka zawhna mawl mang lutuk chu awm anglo ka ti ve khawp mai, Ariesa erawhin bawihtea chauh a en reng thung. A sam apawr chiata, style hranpa pawh a nei leh chuanglo,mak tak in ahmaiah pem thar lam ka hmu lova,mahse a kutah erawh ka la hmu fan tho. He pa hi doctor anih rinhlelh awm rum rum khawpa khawsak hi nuam ati amaw ni? . "Va in phih harh rawh, in be lawk ang" Min rawn en thuakin Ethana a en leh daiha, ni e in phih harh chu ka ngai khawp mai, ka tho chhuak tur chu bawihtea hlau chuan min ngena, atap dawn ta mai.. Ariesa chu arawn che hruata, baiwhtea a ti thlabar zual leh ta nghal. "Aa ka hruai lut mai ang, lo awm rawh," Ka ti ta ringawta, afapa ngeiin ahlau chu a rilru ana tih ahmelah ka hmu tlang thei vek. Mahse tih theih vak ka nei chuang bawk silo ani.


Bawihtea hmai ka phih sak hmasa a, ka in phih fai ve lai chuan ka kawrah alo vuan tlata, ala hlau nge ni dawn ni?? "Bawihte hlauh tur ani hleinem, nangmah enkawl tu che ania.. Chuan.. " Ka sawi theilo, ka hrawk hi min hnawh tlat.. Apa anih thu hrilh ta ila a hrethiam kher ngem? Kan chhuak pheia, adinna ngaiha alo la ding reng, bawihtea pawh ka hnungah biru ti tihin min vuan tlata, a nuam lo duh khawp mai.


"Ethan, lo kal teh, vawikhat chiah ka lo pawm ang che" Pen thum vela kan in din hnaih chuan bawihtea lam thlekin a nuih ver vera, Ariesa nui hmel ka vawi khat hmuhna ani hial ang, bawihtea chuan pan mai lovin keimah min rawn en a, ka chhanna anghak tih ka hre reng.. "Khawngaihin lo kal tir teh" Ariesa chuan arawn ti supa, atawng zawi viau na chu damlo dangten an lo hriat ka hlau khawp mai. "Aaa bawihte va kal rawh, engtin mah ati lovang che.. " Tiin bawihtea chu kal phei tir ka tuma, ka nawr deuh bawk.. Mahse a sak lutuka, a tha neih chhunin min vuan tang tang, Ariesan arawn hnaih leh hrut takah phei chuan chhuak em em in a tap nghal. Ka pawm vata, ka thlem phah mawlh mawlh bawk.


Ariesa hrilhhai leh a fapa in a hlauh tlat avanga arilru na hmel chu nu ka nihna atang chuan ka hriatthiam pui khawp mai. "Ala duh mai ang che, in in hmu chauhva chuvang anihhi, thumah hi anel mai mai ngai lova, " Dam dapin Ariesa hreawm ti hmel chu ka en a, hrethiam hram se ka ti ngawih ngawih. Thaw hakin alu a bu a, "nakinah ka lo kal leh mai ang, in biak kan ngai, ka kal phawt ange" Tiin Ethan chu arawn en deuh ngar ngara, pawnlam panin a chhuak zui nghal.

____
Thari leh Lawmsanga arawn lang hma phiana, Lawmsanga chuan keimah ai pawn bawihtea angaihsak zawk. Ahnu ah naua a rawn thleng leh a, kan ri nawk nawk mai, bawihtea pawh a nui ri leh hak hak thin. "Op ka chhungte bulah i chanchin ka hrilha, an hmu duh che asin, apawi iti em? " Lawmsanga chuan ka beng bula rawn phur sar sarin min nuih sen sen renga, ka ip deuh chawi thei, ka lai takzet bawk. "I duh loh chuan angai chuang miah lo ania, kanu leh pa ten an hmuve hrim hrim chak che a, ka sawi mai mai " Inthlahrung àw alang tel zak nghal. Inngaizawng kan ni ve a, mahse ka khawsa zia hi a chang hi chuan awm anglo ka ti thin, Lawmsanga tana nuam lo tur leh hreawmna thlen tur ang hian ka awm leh thin hian ka hria, mahse mipa mize nghet tak leh min hrethiam reng tu ani a, eng chungchangah pawh min ngaichang thiam thei lutuk hian min ngaih pawimawhzia a lantir ngawih ngawih.


"Mahse a zahthlak e.. Engtin nge i hrilh hrim hrim a? " Ka ti ket sur sura, dawt ka sawilo arawn sawi chhuah ringawt pawh khan ka zak sa thei. Ka mipa hnaih hmasak ber ani ti ila ka sawi sual kher nang!! Ariesa chu zankhat thil thu ani a, duhna, hmangaihna, alakah eng ang feeling mah ka neilo, tuna kan in hmuh leh hnu thleng pawh hian.. Kan school kal lai a ka star thin Ramdina ngei pawh kha star kumhlun mai chauh ani, Lawmsanga erawh hemi te pahnih ai hian keimah ah chuan a chungnunga, a sang ber ahuah mek bawk.



Pathian hian eng din hmunah nge Lawmsanga nen hian min hruai thlen dawn ka hresa hauhlo na chungin, min kalsan hmasa anih loh chuan kalsan emaw then emaw ka tum hauhlo bawk, ka tan hian ahlu em ani.


Bawihtea fiama kan nuih dar dar laiin Aries arawn lang thuta, kan reh thiap nghal. "In be lawk ang hmiang" A rawn ti a, a àw leh a hmel chu a dam ruih mai. Ethana lah naua lama tawlh nghal hret hretin Aries an ahmu ve reng tih ka hria a, a hreawm ru ve khawp mai, "Thari'n min rawn nghawk na ah chuan ka harh phuta, Ariesan min nghak reng tih ka hria, " Va kal rawh, bawihtea chu kan lo awmpui ang, "Naua chuan arawn ti vara, Ethana pa ani tih a hre tawha, tha taka sawipui tura min duh vang ani tih ka hria, " Ni e va kal rawh, "Thari pawh chuan min nem tho deuh dat pah chuan arawn ti a, Lawmsanga ka melh zeuh chuan nui sakin a lu min buk khum chu ka hmu hman leh hram, Ariesa an Ethana chungchang ahrechhuak tawh tih ka la hrilh miahlo tih ka hrechhuak chiah.


Ariesa chu ka zui mawl tawpa, khawi lamah nge min hruai dawn lah ka hrelo, chutah ama room tih hriat takah min hruai lut a, tukverh khaw thlirna remchang lutuk awmna lam chu ka pan nghal, arokma room hi a sang ve thawkhat nge he damdawiin hi asang zawk ka hmalam ah chuan In an ding thluaha , anuam reuh khawp mai. " In tur eng emaw i duh angem? "Arawn tih chuan ka en zawka, ka lu thing nawk nawkin ka hmalam chu ka thlir san leh daih.

" Op"arawn tih leh chuan ka sirah a rawn ding ve chiaha, keiin ka lo en kar thung, "enge i sawi duh chu sawi la" Pangai takin ka ti let a, kan mi hmangaih loh leh duhna kan neih lohte bulah hi chuan kan zam chhe ngailo'
An lo tihhi ka ring ve ta, zamna leh han laihna engmah ka nei hran lo, "englo.. Ethana hi min enkawl tir phal mai em? " A tawng chu azawi mahse ka hre fiah mah mah. Ka en deuh awra, ka thinrim chuanglo, apa ani a, fa a awh zia lah ka hre kar bawka, afapa ngei nen an in hmu leha, a bula khawsaka enkawl chu a chak dawn ngei ngei. Ka chhang mai theilo, bawihtea tello hi chuan engmah ka ni lova, chakna leh huaisenna pawh ka nei lo.


Ariesa chu a rawn nui haka, mahse nuihzat vang erawh anilo. " Ka zak lo iti em? Theih nghilh daih rawh, hreawmna tamtak pe tu che ka ni tih ka lo in theihnghilh palh ani, "a sawi zo chu, ka en renga, arilru hi atha ka ti dawn nge a puitling ka ti zawk dawn, tun hma a Ariesa kha a ang lo ka ti telh telh mai. " Enteh Aries"ka ti hman chauh ang tihah, "Hmingmawia zawk" Arawn ti leh hrama, enge maw a hriat hrep ni, koh duh tur silo eng vangin nge a hmingah Aries an lo phuahsak(or Sa) thawt thawt ni dawn ni.

"Ava buaithlak, i hming anih tho kha" Ka ti deuh hrepa, ka ngam pa sawt lutuk te chu mak ka in ti,a landan athlak hmak nghal zui. Sangtei leh Lateiin koh aduhloh zia an sawi kha atak ngeiin ka hmu thiam, nie tuna a landan hi ahlauhawm. "Hmingmawi min ti thei dawn lo anih chuan min koh lo mai rawh, " A rawn ti khauh fuka, ka ip chawi thei, "awle, atha e. Pangai teh ka koh tawh lo ang che" Ka ti ta tawp, boruak hip luta thaw chhuak leh deuh kawkin a hmai atuai zata, "ka nu min kohna thin ania, ka ngaina lo," Arawn ti halh a, amak ka tihna a zuai nghal. Ama nu ngeiin a kohna chu eng vanga duh lo a, haw em em nge anih ang le.. Hepa nun hi thuruk vekin anihhi luah khat ni, hahthlak hian.


"Op min hua nge haw lo, " Min en kar a, ahmel adam leh ruih tawh. "Huatna chhan tur che a awm hleinem" Ka ti let ve maia, a duh tan chuan kawm tlangnel a awlsam phian ka ring. "Ngati nge min huat lohva khang thil avang pawh khan.. " A tawplam chu min hmaizah vang nge a sawi zawi supa, mahse ka hre vek tho. "I thiamloh chauh anih loh kha kan pahniha kan tihsual alawm, aho lutuk theihnghilh vek rawh keipawn engahmah ka ngai tawh hleinem.. " Nuih sak in ka chhang leta, dawt sawi engmah ka neilo, tu thiamloh zawk mah ani tlatlo ani. "Ka lawm hle mai, kum tam tak in thiam lohna in ka hun ka lo hmang thina, mahse tunah chuan azia vek tawh e..kha thil avanga kei ang mihring nena inzawmna kan nei ta mai hi a pawi ka ti khawp mai, ka fapa pawhin min hlau ania, mahse phun nawi thei ka ni lo, ka nundan in a zir lo a, ka lak atanga in in thiar fihlim duh pawn ka pawm vek ania, mahse a theih hram chuan Ethana hi pa hming pek min phal sak hram turin ka duh che. "Arawn ti a, a àw ah pawh min ngen zia alang.


" Anih Op khang kum kal ta chhung khan min rawn hrechhuak ve thin em a chhe zawng tal pawn? "Nui hak phahin arawn ti a, kan boruak tih zang khai a tum tih ka hria.. " Neive thin e, anih nang zawk? "Keipawh chuan zangkhai takin ka zawt leta, muk rüna in biak ai chuan a nuam deuh. " I hre duh lovang, "arawn ti daiha, ka ngei tawk a tling ru viau. " Sawi mai mai teh, "ka lo ti deuh hlara, thian tha tak pawh kan ang ve riau hian ka hria.. " I hre duh lovang ka tih chu"arawn ti leh a, ngei lutukin ka melh deuh hrawka, anui duh chauh lehnghal. "Tak takin, ka hrechhuak zing thin lutuk che a, abuaithlak zawk" Pangai tak chuan arawn ti a, rilru in thil angaihtuah neuh neuh nghal.


"Keichu chu anu leh apa te kha an fel a, nau ka pai tih an hriat khan kut min thlak emaw min hnawhchhuah hial emaw ka lo ringa mahse a letling thawkin an che, tawngkam vinin min hau lova, apawi an tih thu erawh mittui tla chungin an sawi, engmah kan siam danglam thei tawh silo an ti a, khang hun lai kha chuan huat zeuh chhang che ka nei ve thin, mahse i thiamloh anih bik loh zia ka hrechhuak leh thin a, " Ka ti a, a landan chu ka sawi thiam chiah lo, "nang engtin maw min lo hriat chhuah thin a? Sawi ve mai mai teh, iho e mai" Tiin ka melh khui khuia, amak lutuk ka nel ru riau a, amah hian nel awm ruk riau na anei ka ti mai.


Khi suka min en rùn in, "sex ka hman apiangin ka hrechhuak ziah che, " Arawn ti anih chu!!! Awi ka thinrim nge ka lungawilo nge mak ka ti tih pawh ka in hrelo, awilo tawpkhawk hian ka awilo lutuk chu ka melh thip khawp mai. "Ka uanglo Op, Virgin ka mutpui awmchhun ila ni, zep lovin kan hrilh ang che, kha thil thlen hma leh thlen hnu ah pawh khan hmeichhia chu ka mutpui fo mahse nangmah bawk min hriatchhiah tir thin, ka beisei vang che ni lovin virgin awm chhun inih vang ania" Thutak lutuka arawn sawi chuan ka ip deuh zawka, ka mur chhuak vekin ka hria.A landan leh atawngkamah dawt a sawilo tih min hrilh tu a awm a, a thusawi chu zeplo chuan ka ring vek. Rilru in thil angaihtuah neuh neuhva, chung zingah chuan anupui Sangtei ngei pawh a virgin tawhlo tihna !!!


"Lo in ngaihtuah rawh aw Ethana chungchang kha.. Apa ka ni a mawhphurhna tal ka lak min phalsak rawh, nupui nei tawh ka ni a,, mahse ka fapa hi pa tel lova aseilen ka duhlo bur, inau chu apa hming koh ani a, ka duhlo tihna pawh anilo, mahse apa diktak ka la dama , ka thisen ngei chu ka hming pek a, ka theih an ang anga dawm kàn ka duh ani, min hriatthiam hram ka beisei. " Arawn ti leh dap dapa, a awmdan hi belhchian hian a mak tawlh tawlh mai ani, anun hi a ruak kung mai hian a hriat. "Awle ka lo in ngaihtuah dawn nia, mahse nangpawh in ngun deuhin lo ngaihtuah la, Sangtei tan a rilru nat thlak dawn ania, Ethana lam chuah ngaihtuah lovin Sangtei pawh ngaihtuah rawh aw, hetia ka zep reng pawh hi hreawm ka ti tawh lutuk ania, " Ka ti let a, kal mai ka tum rilru tawh.


"Awle Sangtei chu ka kutah dah rawh, hmeichhe rilru tha tak leh zau tak ania, min hrethiam em em ang, 'chawl datin a thaw haka.. " Fa ka lo nei thei reng tihna ania, kum 5 teh meuh mahni in dem leh insitin hun ka lo hmang liam thin a, i thiannu bulah pawh ngaihdam ka dil angai ani, "arawn ti tlang leh nghal a, ka lo chhuang rilru hle, mipa anihna avangin a indah sang lova, adik lohna a pawm thiamin , in dah hniam mai pawh a pawi ti lo tih a hriat.


Ward lama ka let thlak leh hnu chuan Lawmsanga lao awm tawh lova, anu luhai in atlu thut alo ni, call mai ka tuma mahse ka tihbuai ka hlau rilru bawk si chu ka in sum leh ta zawk a. " Kha kha Ariesa chu ani tiraw, Ethana nen danglamna an awm lo keipawn ka hrethiam nghal. " Thari chuan phur lutuk insum ngaihna hrelek lovin min rawn kuah ang deuh thuak thuaka, Naua mit alo kham leh pek nge ni dawn, "henu cheng chung hi chu, i thlenna i chhungte pawh hian an ning ru ngawt ang che, " Arawn ti zek a, ka lo zak zawk keimah. "Engkim atha maw, bawihtea lah hian a hlau tlat sia, " Naua chuan pangai takin min rawn zawta, Thari pawn ka chhanna nghakin min en kar nghal. "Imm tha ni mai, pa hming pek aduh thu te asawia, mahse ka la chhang lo ka rilru a buai" Ka ti halha, engkim hreve ve tu an ni a, tihdan tur te, thurawnte min pe se ka duh.


"Apa ani a, kan dan theihna dan a awm hleinem, bakah tun ang laiah pa leh fa, in then vang emaw, chhendun theihloh pawn an pawt then ngai tawhlo, nangni phei chu in thiam loh ve ve ania, chuvang chuan pa hming pek aduh phawt chuan pek tir rawh,tun atang chuan bawihtea pawn pa hming koh tur a neive tak tak tawh dawn tihna ania "naua vek chuan a rawn ti leh a, keipawn pawi tihna ka neilo, engkimah Ariesa hming a chuang tawh dawn tihna ani maia, chu chu a thisen kai anihna vang pawhin a dan diktak tur ani bawk. Inneih loh vang maia pek phalloh tih vel hi keipawn ho ka ti lutuk.


" Nia keipawh tha ka ti, mahse Ethana tan hian ahrilh hai thlak duh awm nangman tha deuhin hrilhfiah rawh aw, "Thari chuan Ethan lam melhin arawn ti ve leha, ni e kum 5 teh meuh ka nau hi pa tiin alo au va, apa dik tak chungchang hi vawi khatmah ka sawi thawi ngai bawk silo, tunah tak phei hi chuan ahlau bur mai bawk si, kawng mam karah pawh petekna tur alo awm ve leh zel thin hi chu ka kham hluah hluah.


Zanah Lawmsanga nen in bia in bawihtea pawn ka kawr a rawn zen leh rak rak tana, keimah zawk pawh hian ngaiah ka lo nei tawh ni hialin ka in hria. Damdawiin stuff mipa pahnih chu kan lam pana an rawn kal avangin ka thu tung vata, call erawh ka dah chuanglo, "min lo hrethiam la thiannu cabin lama in awmna sawn turin thu kan dawnga, min lo zui ta che u, "pakhat chuan arawn ti a, ka phawk lutuk chu chhan mai ngaihna ka hrelo, " Ngati teh thut nge, cabin ka book hleinem thil in hresual aniang, "ka ti bah nak a, mahse min nuih sun sunin, " Hresual love, khawngaihin min lo zui rawh u, "tiin kan mutbu leh thildang vel chu an rawn ti fel nghal sawk sawk a, ngawi rengin kan en tawp.


" Ehe cabin lamah Ethana te nufa chuan min in sawn san dawn ani maw, in va ngaihawm dawn ve a? "Kan kianga lo awm ve Nu Matei chuan a rawn ti vur vur a, " Nia hei a mak tawp cabin ka book miah si lova, "ka lo ti let nghal. "Chu ava mak awm ve, helai hmun aia cabina in awm duhtu thil tih anih dawn chu, " Arawn ti leh maia, stuff pahnihte chu an in peih avangin mawl mang takin kan zui chhuak ve leh tawp bawk.


Cabin kan awm a tanga nikhat na ah Lawmsanga arawn kala, Thari te nena lo inkawm bawrh bawrha kan lo rik hak hak lai chuan nui ver verin a rawn lut a, ain thuam deuh tup danah in ah a haw hmasa lo tih achiang, "ka ngai lutuk che" Thari hawisawn zawk chhung chuhin ka biangah min rawn fawp zeuhva, a ding sawn vat nghal, achet ran dan chu amak zawk. Khi sun sunin keilah pekin ka en a, ka hmai asa hat hat thei.. "Lawmsang i rawn kal bawka, eitur min zu lei teh, engmah kan la eilo ania, tiraw Op" Laltharzeli nghal thin lutuk hi chu ka beng pawp chak thin.


Lawmsanga pawn i he sawi lovin thil lei turin a chhuak zui leh ta diaha, engtikah mah hepa hi ka kham theih ka in ring lo. Cabina min sawn tu hi amah ani tih Thari kà atangin ka hria a, Lawmsanga erawh in hrilh lo tura alo tih avangin hrelo angin ka awm deuh tawp, mahse ka thinlung hi ahneh takzet tawh, ka tilang chhuak thiam lo tih mai chuah ani.

Ariesa nen erawh kan in hmu leh ta miah lova, chhanna pe turin hun remchnag ka la in siam theilo, be dawn ila ano ka nei bawk silo, thiante bula dil lah ka zak ve tingtang bawk si, inhmuh hun ah ka hrilh ang tiin ka awm kual vel ta mai mai ani.


Lawmsanga pawh thaw hlap hlapin a rawn thleng chho leh a, Thari chu melh hrawkin, "ei zo vek ang che," Ka ti faka,Lawmsanga thlavang hauh chu ka pe na khawp mai. "Awi i zak lo vel lutuk, ka lakah hi chuan i tan tur ani miah lo" Arawn ti let ta hlak hlaka, tawngkam vina biakin aia vinin min chhang let a, a nema biakin a aia nem zawk za mah hian min chhang let thei bawka, he nu zet hi zawng a bawn ani.

"Ethana chu a that hmel tawh khawp hi tiraw, haw pui leh mai te i tum rilru em? " Lawmsanga chuan ka taksa si cheta min rawn din hnaihin min raw zawta, a thu zawk ni mah ila a taksa in min sikna chuan a khawih thleng thui khawp mai. "Aa ka hrelo le... Kanu ka ngaituah bawk sia, bawihtea lah hian apa kalsan ala duhlo bur mai si, ka rilru a in sual buai " Ka ti let ve maia, ka bula a rawn thut thlak chu ka lo tawlh vata mahse ka kuta arawn vawn avangin ka che sawn ngam tawh lo. "Ani ve tho mai, keipawh ka hna thilah Siaha a zin lawk ka ngai dawna, ni 4 emaw ni 5 emaw ka cham ka ring, ka rawn kir hunah hmuh tur ilo awm tawh lovang tih ka hlau khawp mai, chu chu ka chelhna tawngkamah che pawh i ngai thei ang, "arawn ti dap a,,He mihring pa àw pa hrak mai kiangah hian awm ka ning bik lul lo asin..


A zin chungchang tur vel kan sawi dun lai chuan Thari chu a rawn tap chhuak hawka, " Nu, ka duh lo, ka lo haw nghal ang"a rawn ti a, Lawmsanga nen chuan kan melh phawk dun khawp mai, chuti rual chiah chuan kanu hnen atangin call ka dawnga, Thari pu thih thu min rawn hrilh ta mai, rang zeta Thari chu kuah betin ka hnem mawlh mawlha, Thari pawh in sum tum nasa bawk si nen a taksa chu ain sep lawp lawp hi ani ber.. "Op ka haw nghal ngai" Tap àw tiau hian a rawn ti a, ka lainat lutuk, anu leh pa te ai maha a bawhbet zawk ani miaua , a chhan ta thut si nen tawrh thiam aharsa ngawtin ka ring ka thiam dan zawng zawngin ka hnem ti ila a dik ber ang..


Kan khaw sumo ka be kual a, mahse tumah zan la la a haw turin Aizawla awm an awm lo, ka mangang lutuk ka hui leh pap pap thin. "Keiman ka haw pui mai ang, ka thiannu hreawm tuar hi ka hmu theilo" Tiin Lawmsanga chu a rawn tawng chhuaka chuve leh Thari chuan , "ai naktuka zin chhuah i nghaih kha, atul lo" A rawn ti vin hlara mahse a inthlahrunna àwka ani tih hai rual anilo, keipawhin sawi ka lo tum chiah ani.


"Ka thian pakhat chu ka kiangah lungai mangangin a tapa, engmah ti lovin ka awm mai mai dawn mi? Laltharzel rawn kal rawh ka hruai haw ang che, " A ti ve deuh thata, alung a chhiatpui ve tih ka hria.. Thari lah inthlahrung bawk si chuan a duh lova, mahse a nawra ka nawr tak avang chuan an in zui chhuak ta nghala.

Thihna meuh hi chuan zún zam hi aneive chiang alawm Azawlah ka awma Thari pu erawh khua ah daih a awm thung, mahse thlarau leh thling ram thleng hian thihna chuan arawn fan pha thei tlat lawi si. Thihna nunrawng dik tak chu ani.

..............
Zingah bawihtea phun sep sep thawmin min ti harha, ka en chuan phone alo hmang ve ngei chu niin, a biak danah apa ani tih ka hria a, nizan zankhua deuh thaw in Thari tap thlemin ka menpuia, kawngtluana abula chuang ve ang reng ka ni. Lawmsanga pawh zin ngei ngei ngai anih avangin arawn let lehnghal zata, a chau dawn bawk si, amah chauh in ani lehnghal ka khawngaih reuh khawp mai.

______________
Ni thum aliam leh meuh chuan bawihtea pawh a dam tha pangai tawh khawp mai, doctor pawhin "in duh chuan in chhuak thei ang " Min ti a, damdawiin hne ber ta fam chu ka phur surha, bawihtea pawn chhuah chu a chak ve zek zekin ka hria. Lawmsanga ala rawn haw lova naua lah college a kal bawk si, taxi hman angai ngei dawn anihhi'ti nuah nuahin ka in pack sawk sawka, kawngkhar kik thawm leh Ariesa rawn pen lut chu ain rual zat nghal. Ka che lai chu ka tawp data, kan chhuak dawn tih a hre chauh a ang a meng deuh kak a. "A dam fel tak tak tawh maw,? " Tiin Ethana athlek daiha, rangzetin ka lo chhang nghal.

A room a kan biak atang tun hi ka hmuh lehna chauh ania, akarah call emaw messege pawn min rawn be bik miahlo chu mak ka ti ve det. "Lo kal ru ka lo thlah ang che u, " Keimah min rawn en tawh thung, "ai angailo i duty lai leh nghalin , taxi kan hmang thei alawm" Ka lo ti vata, mi hnathawk tih buai hi ka thil nuam tihloh ber pawl ani. "Kan in change fel tawh, " Tih leh kan mutbu ka thlehfel chu pawmin min melh rulha, hnial buai ka peihlo, asawt dawn lo tih a hmelah ka hmu tlang vek.


In lam pana kan tlan chhuak chu traffic jam nen kan tawlh det det mai hian ka hria, bawihtea chu arawn núr nar nar a, ka kawr kilh a rawn dap det det nghal. Ka hnute khal aduh tih ka hria, "bawihte tunah lo in ah aw" tiin a mutchhuak meng phelh phang chu ka bia a, a núr chhunzawm zel bawk si. "Nga ti nge? Eng nge aduha? " Tiin Aries an min raewn zawt vat, ahriatthiam hmel loh lutuk leh a bangbo hmel chu ka en deuh tawp. "Aaa engmah nilo ve bawihte in ah ka tih chu.. Tunah chuan a theih loh" Ka ti ve tlata, Ariesa bula chauh anilo Lawmsanga bulah pawh ka khawih tir duhlo, anuam lo.


"Enga tinge a duh chu tih tir mai la.. Nge keiman ka lo tihsak dawn a mi?? " Ala rawn ti.. Bawihtea kut chu ka damg ru hram hram, mahse a mut achhuak a, akhawih loh chuan amuhil thei dawn lo , akhawih hma chu anúar char char peih dawn bawk, chu chu aluhlul ve na lampang ani. "Englo Ethana hian hnute khawih hi a zawngchhang a, amut achhuah tawh phei chuan a khawih ngei ngei thin a.. " Ka sawi zo chu ka hmai hi meiling hma a hun an vel ani, asa pup pup thei. Ariesa chu rawn nui hakin "Kan in ang anih chu" Arawn ti thawp sata, ka melh nghek ringawt.


"Min zah ami, engah mah ka ngai hran lo ka hmu zing lutuk a muthilh theihna tur anih chuan khawih tir rawh, tiraw bawihte" Tiin Ethana arawn siai zuka, bawihtea pawn alo en kar bawk. Dan hleih theih nisi lo chu ka kawrkilh aphel zo veka, rawn khal nghal zatin amaimit chhing zui ta daih bawk. Tawnzau emaw kawr bah takngial pawh ka hak thuah loh avang chuan ka pangai theilo, ka kut chuan ka kawr pawtin ka in hliah ru tang tanga, Ariesa rawn hawi zuk chu duh lovin ka lo melh hrawk bawk. "Kha hei hi hmang rawh, " Thaw chhuak kawkin a kawr chung jacket chu ka lamah arawn lek a, ka ban rang ngei mai.


"A tir khan min pe vat ta che, " Ka ti vin hlara, Chuta min chhan dan chuan min ti hamhaih zawk. "Ka danglam phah ka in ring bik hleinem..." Tiin ka awm zawn arawn melh tel kher lehnghal. "Awi nanghi hetiang lam ringawt hi ami i ngaihtuahna ah hian awm a, pangai teh, " Ka ti leh deuh hrawka.. Ahmel chu a danglam deuh zuai in ka hria.. "Mipa ka nihhi Op, "a tawp data min rawn en in, " Mipa pangai leh hrisel tha tak"ala rawn ti a, mahse alandan erawh rilru na hmel a pu lawi si. Ka thinrim lova, hriatfiah chakna in ka khat zawk. "Enteh Aries... " A rum nghut a, ka hrechhuak lehnghal. "Oh Hmingsang tihpalh lutuk.. Englo engtin nge Sangtei bulah hian kan hrilhfiah ang Ethana chungchang hi.. Bakah kan thiante ho pawh hian an hre leh vek anga, min ngaih dan tur ka ngaihtuah ngam lo" Ka ti sapa, ka rilru luah ber tu thil ani miau ani.


"Midnang ngaihdanah buai angai hleinem Op, nu leh pa kan nihna hlen chhuak ila a tawk mai lawm ni? " A rawn ti leh dap dapa, "i zia hi a mak ve ngawt mai, " Ka lo ti leh hluai a, anui ve suk. "An ti zel , tun hma khan min hrechiang lo em alawm" Arawn tih chuan ner sukin, "nangpawn min hrechiang bik hleinem" Ka lo ti vata, ka hnial hrat ta lutuk chu Ariesa ka puh ta tlat.


In kan thlenga kan in luah a thlek vung vung lai chuan nuam lo ka ti khawp mai, ani ang mi hausa fapa tan chuan a hniam mah mah pawh ani ngei ang.. "A nawm hmel reuh hi, " arawn ti chhuak ta daiha, en deuh ha in, "i over e mai in In lakah chuan a ne pawh ek pha nang" Ka chhan dan avang chuan a rum nghuta, ahmel te lah chu a inthlak vek lehnghal. "Ka tan chuan hlim taka khawsak theihna hi In diktak zawk ani, in tha pui pui a chhunga chengte in lungrual lohna ai chuan in chhe ve tak tak hlim tlang taka chaw bel zen ho na hi ka tlang zawk" A tawplam chu a ri chang chang... Hun kal tawh ka ngaihtuah leta, Ariesa chu nu leh pa fapa duat ani tia an sawi kha ka hrechhuak, mahse tinge amah ber hi a hlim miah siloh.


"Ka lo pawm lut dawn ami? A muthilh hlan tala min hlau lo pawh hi ka duhtawk" A àw chhuak chu natna, hreawmna a khat ani.. Keipawn ka khawngaih lutuk. "Imm alawmawm ngawt ang, arit ve tawh lutuk a" Ka tih chuan phur em em a chhuak in , ka thutna lam kawngkhar chu arawn hawnga, a harh hlau takin ka pawmna atang chuan arawm pawm sawna, Ariesa hmela hlimna lang chhuak chu ka hmuh hmaih hauh lo. A hriatchhuah tirh atanga a khawih theih vawi 1 na ani miau a.

Inchhungah pawm lutin khumah chuan a muttira, a kal mai dawn emaw ka tih laiin Ethana muhil thlirin a ding khaw tawi leh rih. Keiin an pafa chuan ka lo en kar bawk. "Aa thingpui i in duh em? I let hma in i in hman ang chu" Tiin ka bia a, hria ang pawh in a awm lo lungawi hmel takin a fapa chu a thlir vung vung a, chutah muang changa rawn in herin , "ka kal phawt zawk ange, awm reina chi anilo e mai.. " Tiin a then suka... Kawngkhar lam pana a kal chu a hnungah ka zui ve dat data.


"Zanah Ethana ka lo bia ang aw, min biak duh nan lo thlem hram tum la.. " Tiin kawngkhar bulah chuan adinga.. Ka lu ka bu ve mai.. "Awle ka lawm lutuk e Op, oh chuan.. I kawr kha kilh vat la a that ka ring, " A nui suk pah tih ka hmu vuai, mahse chhan letna hman awm lovin stepah a chhuk thla nghal. Ka kawr ka la kilh tha miahlo tih ka hrechhuak hnu hnawha anih chuan Ethana arawn pawm sawn pawh khan a hmu vek tihna amaw ni dawn le..

Tlai khaw hnu ah ka kawr chu ka han pawt chip leh a, awmzia tawhlo ber ang. Mahse a jecket kha ka kenga chutianga lang thui a, langtam tur pawh ani chuang bik lo e mai a.



Phin nawi map lova min lo chhiar sak zel avangin ka hmangaih lutuk che u🥰.



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Bing [Bot], Euricka, Google Adsense [Bot], Nunui Hnialum, Partinkungi and 323 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms



Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 8:56 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 8 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 8 BY 27 SENORIA
Post August 29th, 2022, 7:19 pm

FB_IMG_1661654246563.jpg
Chapter - 8

Zanah Lawmsangan min rawn bia a, aham leh biai biai thin, achauh dawn teh lul nen muhil la ka tih lahin a duh bawk silo.

"engtin nge vawiin chu in awm? I nau in alo hruai cheu em? " A rawn ti a, "ai hruai lo, college a kal alawm Ih.. Aries an min thlah haw a? " Tim ru deuh tak in ka hrilh a, mahse Lawmsanga chu lungawi lohna pawh a neilo tih hriat takin, "a va tihzia ve hmelhriat loh taxi tih vela haw tawp ai chuan a tha lutuk alawm. Anih engtikah nge sawi chhuah in tum a?? Ka nghak ve reng che ania aw Op, " A rawn ti nui haka.

Ariesan pa hming pek aduh thu ka hrilh tawha, apawm thlap bawk. Lawmsanga ang reng a, Mipa rilru tha leh ngil hi ka la hre ngai lo, ka la tawng bawk hek lo. Ariesa nen kan nunhlui hre vek siin in pawh taka awm turin min duh thu a sawi bang lova, apa anihna anga Ethana pawhin pawh ve se a duhzia a sawi tawh bawk.


"Op engtiang pawhin zep tum mah la engtikah emaw ala rawn lang chhuak dawn thova, chuvang chuan a hma lama sawi mai hi a tha ka ti. Mahse i thu thu ania aw.. A hreawm dawn tih ka hria mahse lungngai suh a hreawm chhung ai a nawm chhung a rei zawk dawn, reilo te miin an sawina che chu i tuar thei dawn tih ka hria, i kiangah ka awm reng dawn tih hi hria la ka duh bawk, chutiang bawkin Ethana pa pawh hian nangmah maia i hmachhawn aphal bik hauh lovang, " Arawn ti leha, sawi tur reng ka hrelo,


"awle engpawh nise ka mut achhuak lutuk a, la ngai viau che mah ila kan mu phawt ange aw naktuk lamah kan in be leh dawn nia, " Tiin min mangtha zata, mahse a àw hriat ka la kham ngang lo, dah lo tur a hrilh ka duh bawk si.. "Lawmsang thil hrilh tur che ka nei, " Ka ti deuh thlawra, ka thin phu pawh chawp leh chilhin a rang sawt thei "Imm sawi la, ka ngaithla e" A rawn tih te chuan ka zam lutuk chu ka tàng tunga, ka taksa pawh akham vek thei. "Ih... Ka duh lutuk che," Ka sawi zo chiah chu ka in seh ruha, boruak atam thei ang ber ka hip lut kawk kawk nghal.




"Eng maw han sawi tha teh, ka hrechiang miahlo, " Min fiam tih ka hria, mahse sawi nawn leh ngei keipawn ka duh. "Lallawmsang ka duh lutuk che, " A aia ring deuh hlekin ka chhanga, phone chhanah mah nise Lawmsanga hlimna chuan min rawn fan pha thei hial.


"Ka hmangaih che Op, ka hmangaih lutuk che, " A àu a rawn aú letin a nui haka, athaw leh hak thin, aphur luat vang tih a hai theih loh. Keipawh ka lai ve tut bawk si chu ka heh ka peta, ka taksa mur chuai chuai chu tihreh tumin ka in sangmar tún bawk. Ka puan sin ka tham ngun malh malh khawp mai.


...........
Kan in mangtha fel deuh chiah tihin Latei hnen atang in call ka dawng leh zata, Thari biak ka tum lai tak anih avangin ka pickup phur lo khawp mai. "Hello Late... Zan zanah te..? " Ka lo ti vata, rilru-ah phurna in ro a rela Thari biak ka chak lutuk, "Op in chanchin ka lo zawt dawn che a, in tha zel em? Naktukah Sangtei nen lo kal kan tum asin," Arawn ti a, kan chhuak tih an hrelo ani ngei ang, hriat ngaihna a awm lo ve bawk em ani.


"Aaa kan chhuaka vawiin khan" Ka nui hak haka, Latei pawh zak bawk si , arawn nui ve hak hak nghal. "Awi kan lo in lak fel teh lul nen, mahse in chhuak thei ta chu ka van lawmpui che, i fapa hmeltha lutuk kha lo damtha reng rawh se.. Anih chuan Sangtei kan hrilh nge aw.. Heiham ani pawh ariak chhuak leh tawha, Hmingmawia zin ala rawn haw silo, a buaithlak anihhi, "arawn ti a, ka phu dawt thei. " Maw Ariesa a zin maw, mahse.. Tinge? "Ka ti deuh tawpa vawiin lama kan in hmuh thu chu ka sawi leh ta lo. " Awi i hreve lo ami, groupah pawh an rawn sawi kha.. Nang tak hi chu.. Anu kha kolkatah a kalpui alawm enkawl turin, "arawn ti chu ka phawk lehzual.


" Eng tikah khan" Tiin ka zawt let nghal. "Awi a nì tak chu ka hrelo, karkhat vel chu ani tawh maithei, i hreve reng emaw ka tia, " Arawn ti deuh hlara, ka in thla hrungin nuam lo ka ti ru khawp mai.


"Awi hre nang, Ethana buaipuiin ka buai ve thin sia, phone pawh ka en hman hleinem, " Ka ti a, rilru-ah Ariesa arawn lang zata, min rawn be pawp lo leh a hmel hmuh tur awm lohna chhan kha anu entira alo zin vang maw lo ni,mahse vawiin khan kan in hmu ngei sia a awmzia chu arawn haw deuh chiah tihna ani maw??


"A ho lutuk, keipawh Sangtei thinrim tawngchhuak mai alawm ka hriatna chu chumi hnu ah group ah khan Ramdina khan arawn post leha" Arawn ti a, Sangtei in Ariesa nu a mil loh zia asawi chu ka hrechhuak a, mahse mahni pasal te nu thihna ko tlanga a awm lai pawha a huatna ala tilang thei chu ka dem lo theilo, ka thian mah nise ka ngei ru takzet. "Late ka sawi tur ani em ka hrelo, mahse tinge Sangtei awmdan em em hi.. " Ka ti ta tawp, ka zep buai peih vel tawh lo.




Latei pawn buaithlak ati ve ngang aniang a thaw deuh kawk a, "awi sawi suh ka nin zia hi, lo in kawm thin lo ni phei ila chuan biak pawh ka be ngai lovang, mahse kawng lehlamah chhan Sangtei hi a lainatawm reuh lutuk, fa a awt lutuk hi a nun chhiatna bul ni berin ka hria.. Adopt tura kan tih lahin ka thisen ngei chuah ka enkawl duh ati tlat zela, ka lainat ve thin, mahse ruihhlo akhawih nasa hi chu ka enliam theilo, Hmingmawia hi dawh theilo pheise an in then hlen daih tawh ka ring, ka rinai tak Hmingmawia hi alo patling reuh a, "arawn ti a,


Ariesa hmel ka ngaihtuaha, engtik lai pawha hlim hmel pu ngailo, thil tamtak pai tún reng ang mai ani a, khawiah emaw tu bulah emaw in sawichhuak vek se, a landan pawh a zia deuh kawk ka ring. " Enteh thil pakhat ka hriat ka hrilh ang che, mahse Sangtei leh Ariesan kan hria tihhi an hre tur anilo aw"arawn ti deuh sur sura, phone chhanah pawh sawi rin chiloh anih zia alang. "Imm sawi la" Ka tih chuan Latei chuan.. "Kum liam tawh hnu daih a ka hriat ania, Sangtei rui ka buaipuia,chumi zan chuan arilru na lutuk a tap char char a, aphun char char bawk. Hmingmawia leh anu chanchin kha asawi nasa lutuk a.. "Ama nun ngei ti chhe tu lakah pawh min tan ve duhlo, ka pasal ve hi mipa pawh anilo.. A nu ang hmeichhe tenawm hur herh lutuk saw a hlau ve em em a, ama nun ngei pawh a tih chhiat sak vek a, Engtin mah ati ngam lo te hi ka haw hlauh hlauh" Tiin Sangtei kha atap char chara, mak ka ti tawp. Mahse ahnu zela ka hriatdan chuan Hmingmawia leh Anu in kar hi a tha lo lutuk an tia, khata tang khan Sangtei thusawi kha ka awi ve chauh alawm, mahse ka chiang lutuk biklo ania aw, hreve hrim hrim la ka duh , amak tawp Hmingmawia leh anu in kar hi... Aaa Sangtei pawh hi dem vekna chi pawh ani lo, thu chiang engmah kan hre ve bawk silo, Sangtei hi chuan ahrevek tih ka hria" Arawn tih chuan ka lo pawt chat vata,


"engtin nge i hriat, " Ka lo ti nghal. "A chhan chu Hmingmawia hi mipa rilru nghet lutuk anih vang male.. Ka sawi awmzia chu mipa diktak angin ache thin.. Sangtei nen an in neih dawn pawh khan dawt hmanga bultan a duhloh avangin a hun kal tawha a thil tih engkim ahrilh vek tiin Sangtei khan min hrilh a, keipawn chu kher chu ka ring.. Hmingmawia hi school kan kal ho lai atang tawh khan arilru hi anghet reuhva, ler hmel deuha lang si kha Sangtei tan a rinawm tluan thak theia, bakah tun hnu ah pawh hian chhuan rukna ka nei.. Heti khawp hian an nupa leh an chhungkua kar a zauva, mahse then ahnekin an inkar siam that atum ve zia ka hmu thiam tawh. "Arawn ti leha, rilru akal bing duh map map khawp mai.


Ka rinloh lam apiangah Ariesa chanchin hian min hruai lut zel anihhi.


Kan in biak zawh meuh chuan dar 9 alo hnai uar tawha, Thari biak phurna zawng zawng a bo zo vek tawh ,Ariesa chungchang ringawt maiin rilru aluah ngut ngut mai.

Heti em em a nunhlui angah leh chhui fe tham a neih hi ka ring lo hrim hrim,rilru khingbai ang maia a awm reng chung hian engtin nge Ethana tan pa tha tak anih theih ang? Mawhphurhna lak te kha a sawi liam mai mai angem le aw..? Tih te thlengin ka ngaihtuaha, hmeichhia hi chuan thil kan lo ngaihtuah thui thin khawp mai.


Thil thleng thei tur ang zawng zawng nen hian kan ngaihtuah pha tlat thin.


Ariesa call ka la dawng miah lo te chuan a rinthlak loh rinna min neih len tur tawlh tawlh zawk. A fapa a duatna hmel erawh kha chu hai theih ani bik silo.. Mahse ngai in thlahlel tak tak nise a rawn call em em chuan ka ring ve tho si.


Thari messege ka type tur pawh chu ka tui thei ngang lo. Aries biak ka tuma a no reng reng ka nei lo, School group ah lah ka hrethiam bawk silo. Rilrui pik tún a awm ai chuan tiin Latei chu ka call leh tawpa, Ariesa number ka dil deuh tawp. "Ka rawn pe ang che, Sangtei chanchin a zawh che chuan engmah hrilh suh aw, arui teh mai ania, " Arawn ti a, ka dil ve ngawtna chhan min zawt miah lo te chu ka lawm rilru hle.


Ariesa number chu tim lawkna pawh awm lovin ka call zata, vawi hnih a ring ral thak thak. Chhan lem awm lovin ka thinrim tún lehnghal. Minute 15 zet ka nghaka, mahse a reh tlawk tlawk.

Ka phone chu tur fē hian ka melha, ka hmer ngawt ngawt bawk. "Op thingpui min rawn siam teh, in tih harh ka mamawh" Naua chu rooma rawn dakin a rawn ham buai buaia, lehkha ala zir avangin rang deuhvin ka tho chhuak ve nghal. "va kal suh amuhil deuh chiah ania" Tiin Ethana lam pana min kalpelh chuan ka dang nghala, thuawi takin min zui chhuak ve nghal mai bawk. "A thlum ka duhlo aw, asen hang khan" A sawi ang ang chuan ka siam sak ve tawp.


"Ariesa nen chuan in in be rem thei tawh em? Eng nge i thu thlukna te? " A phone bih pahin a rawn ti a, chhan chakna pawh ka nei tawh lo, Ariesa nungchang khawsak dan hian min ti hnual vek.


"Op, zawhna ka zawh che chu, min chhang ta che" Mak ti ve deuh hmela min en in arawn ti nawn leha, ka lo ner khum súng thung. "Aaa ka hrelo, ka ngaihtuah chian hian a fuh dawn lovin ka hria, Ethana pawn ahlau tlat sia, abuaithlak ka ti.. Ti hian awm tawp mai ka duh tawh, " Ka tih chuan ngawi rengin min en kara, "i rilru tibuai thu thil hmuh emaw hriat emaw i nei ami? " A rawn ti tawl a, min hrechiang thin lutuk hi chu ka ngei lek lek.


"Englo Ariesa chanchin hi ka hre thui zela, abuai nuai mai bawk sia.. " Ka chawl data naua chu rawn in rawlh vatin, "naupang chhia ani tawh bik hleinem, thil i ngaihtuah nasa lutuk anih kha.. Nutling tak tak pawh i ang ve tawh alawm, " A thusawi tawpna avang chuan ka then ve suka, nutling tih tawngkam hi hriat nuam ka ti tlat thin.


A thingpui tur pe in room ah ka luhsan leh daiha, menpui duh mah ila ka chau ve deuh bawk nen duh tawka mut bawrh bawrh phawt ka mamawh.


Ka phone chu ka en a, Ariesa hnen atangin messege emaw call letna pakhat mah ka dawng lo, hepa hi a rintlak tak tak pawh ka ring tawh lo.

_______

Mut kham lo na na na chu thawh ka hai chiang khawp mai. Naua leh bawihtea inchhiah nui ri ar ar thawmah ka tho chhuaka, bawihtean min hmu chu min lo nuih pet pet lehnghal. "Anu i van muttui em em? " A lo ti reuh anih chu. "Enge in hriata nangni pafa chu" Ka ti let ve a, min en in an nui let tet tet thin chu ka ner khum chiam ringawt.


In phih harhin eirawng bawl ka tana, an phun rì leh ang sur sur thin chu ka hau leh thin. Mahse min en in an nuih aza zual ting thin si, ka nui ve leh tawp zela.

Nauan college lam pana min chhuah san hnu ah ka phone arawn ri ral rala, Ariesa number ani tih ka hre nghal. Pickup loh zet ka tum a, mahse engkim sawi fel law law ka duhna chuan min tur ve tlat bawk si nen ka pick ve nghal a. "I missed call ka hmu a? " Tih chu arawn sawi hmasak ber ani. "Imm nizanah ka rawn call che alawm" Ka lo ti deuh hmuk. "A zialo hle mai ka duty zan ah hian serious deuh deuh hi an awm thei lutuk a, bakah nizan kher kha chu ka thianpa nen phone kan lo in ah thleng daih a, kan silent ve ve bawk nen a zialo hle mai. Nizan dar 12 velah kan hrechhuak a, i missed called ka hmuh khan a tlai tawh sia, ka rawn call back ta lo che anih kha? " Arawn ti nghal vata, ain sawifiahna chu mak takin ka àwi vek.


Rinhlelhna ka nei miah loh na chhanah chuan mipa rintlak ve tak chu anih ka ring ve tho. Mi tupawh kan mi rin loh zawng leh mi rinawm lo chu engtiang pawhin an thil tih dikna ah ngawih ngawih pawh nise rin hi an harsa tlat thin hi. "A pawilo, englo i nu chanchin te ka lo hria a, azialo hle mai" Ka tih chuan Ethana chanchin min sawipui daih anih chu, anu nen chuan an in kar a tha lo tih a chiang nghal.


"Ih maw Hmingmawi ka ngaihtuaha, heti hian kan awm tlang mai dawn em ni? Ngun deuhin ngaihtuah ve rawh, Sangtei nen in inkar pawh ka hre nuala, he thu hi hre ta se a rilru a nat belh mai mai dawn tih ka hria, in in kar a chhiat ka duh lova, chutiang bawkin ka thian nu rilru tih nat belh ka duh tawh lo.. Nangpawh patling ini a, kan nufa min hriatchhuah hma nunah khan kir leh mai rawh, chuan tuma rilru tina lovin kan awm vek thei ang, chumi ka sawi avang chuan Ethana hi hmuh ka phal lo bur tihna ani miah lo ania aw, i hrethiam em? " Ka ti dap dap a, a rilru na thei zawnga tawng chhuah ka duh loh vang ani. Ka theih tawp chuan ka àw ka ti dam ve in ka hria..


Min chhan mai loh avang chuan "min hre thei em," Tiin ka zawt leh a.. Thaw hak ri ka hria a, "ka lo kal ang, in biak ka ngai anih hmel, " Thiana ka chhuak lawk dawn min lo kep leh mai rawh zanah ka awl ang che"tiin a zawm zata, phone chhan atangin ka lo dang ve tang tang mahse a thawm rawk rawk ah chuan awmzia a awm teh chiam lo, ka tawng pawh angaithla chhunzawm tawhlo tih hriat lutukin a ri deuh vuk vuka, call chu ka off ta tawp.


"Anu phone kha a lo en tawh" Bawihtean ka phone hmang zo a hmuh ve leh min dil nghala, ka lo pe ve leh mai.. Kawngkhar kik thawm rawn awm in Lawmsanga àw ka hre zata, phurna mak lutukin min bawh bet nghal.


"ilo kal maw" Ti hluaiin kawng ka hawna, min nuih ver ver chu tawrh ahar ta tlat, nizan ka thil sawi vang emaw ni ka lai lutuk ringawt bawk. "Vawiin chu ka awl lutuk a, ka ke lah hian in in lam ringawt hi a rawn melha" A ti nui ver vera, awi a va han chhelo chiang tak. Thingpuite ka siam saka, Ethana nen an titi sap sap te chu ka bengah chuan rimawi tluk zeta mawi ani.



"Op remchangah chaw lo ei ula, naktukah pawh a theih tho" Lawmsanga thu rawn sawi avang chuan ka ip chawia, awi awi awi chiloh lutuk ka ngam teuh lo mai. "Aaa iti awm anglo, ka ngam teuhlo, ka hlau ania" Ka ti ta hluaia, anui khur chur chur chu ka rún viau.


"Enga tinge i hlauhva, tu man an tina dawn hleinem che, " A rawn tih pawh chuan ka la duh chuang lo. Inngaizawng mah ila chaw va ei kher chu a teuhlo lutuk ringawt, ka zah ber thil ani hial ang chu.. "I van lawmawm tak" Ala rawn ti zui, ka ner khum vaka, amit min siai khumin flying kiss chu min rawn pe zat nghal. Lo nuih let vur vur bak tih theih alawi ka nei bik lo.



Minute 20 hnu velah kawngkhar an rawn kik leha, "awi tunge nge chhun chhunah " Ti nuap nuapin kawngkhar ka va hawng chu Ariesa alo ding rún a, ahmel chu sawithiam chiah siloh hian a chang rún ka ti mai. "Ka lo lut thei angem? " Arawn ti supa, Lawmsanga pawn a rawn hre pha ani mahna, "tunge a Op, " Tiin ka bulah arawn dinga, Ariesa a hmu chu a ngawi deuh ren rawna, kei lah char beh ang hlauh ka ni.


"Ethana pa i ni em? " Lawmsanga chuan arawn ti chhuak deuh phawnga, a àw chhuak chu apangai vek. "Aa imm Hmingmawia ka nia, " Tiin min rawn melh zawk phaha . "Ehe anih chu Lawmsanga ka nia, lo lut rawh lo lut rawh, hmuh che ka chakna a rei tawh lutuk asin, Ethana nen pawh in in ang hle mai, hai theih in ni hleinem", a ti bawrh bawrha, Ariesa erawh a tawng tlem ang reng khawp mai. Lawmsanga leh bawihtea kiangah chuan ka thu tla ve a, Ariesa erawh amahin a thu thung, alandan apangai vek a, awm pawh anuam ve deuh.


Ethana chuan Ariesa hmel ahmuh rualin Lawmsanga phenah a tawm chawia, Ariesa lahin a en ngar ngar bawk si. "Ethan tinge.. Hlauh tur a awm lo bawihte hei chu apa.. " Ati hman ang tih ah ka lo dang ru vata, Lawmsanga pawn Ariesa nen min en dun nghal. "Ee aw ni dawn si ka tihpalh lutuk in hrilh tawh emaw ka ti deuh thuta, Ethan bawiha hlauh tur a awm lo ka tih chu hei chu apa Hmingsanga nangmah enkawl dam tu che anih hi, " Tiin a malah a pawm kaia, Ariesan beisei hmel zeta Ethana a en lai chu keiin ka lo en reng.


"Ih maw Apa Hmingsanga hi doctor fel deuh mai ania, aduat lutuk che alawm, " A ti leh dap dapa, thikna a nei lo emaw ni ka ti hial tawh. Chutia Lawmsanga berin a tawng thlamuan chu bawihtea pawn Ariesa a en ve ngam a, Aries an alo nuih suk thung. "Inneih in tum em? " Ariesa thu rawn sawi avang chuan Lawmsanga nen kan han in melh deuh ngheka, chutah Lawmsanga vek chuan, "aa ngati nge?" A àw pawh chu mak tihna in akhat.. "Ka en che hian mipa tha ini tih ka hria, Ethana tan pawh pa tha tak tur ini ngei ang " Tiin Ariesan arawn chhang let a, min en leh zeuh thinna avang chuan nuam lo ka ti hle.


Lawmsanga chuan min nuih ver verin, "i bulah chuan zep neih ka duhlo, Op hi ala in peih lo deuhva... Nawr luih ka duhlo ka hmangaiha , ain peih hma chu nghah mai ka tum tawp. I rawn kal chu ka lawm khawp mai, a hranpa a in kawm hrim hrim ka chak thin lutuk a, "a tih chuan Ariesa pawh rawn khi sukin, "ava tha ve.. Mahse zak theilo min ti lo la, ka thisen ngei ka fa erawh hi chu ka mawhphurhna ah ka ngai a, chumi kawngah chuan min hriatthiam hram ka beisei.. " Tiin Ariesa chuan Ethana chu anuih leh sak a.


Lawmsanga pawn hrethiam takin, "tehreng mai, in pawh tlang taka awm ho hi ka duh alawm keipawn, khami kawngah kha chuan inthlahrung lo turin ka duh che, keipawh ni ila ka mawhphurhna chu a theihna chin chinah ka hlen zel ang, " A ti a, Ariesa chuan min rawn melhin hriatthiam har zet hian min rawn nuih suk zui, "ka lawm e, ka dinhmun min hriatthiam pui avangin, " Arawn ti a, mipa induhtawk tak emaw ka lo ti a, awlsam takin ahmelhriat thar bulah pawh lawmthu a sawi nghal mai thei te chuan mak min tih tir. Heti khawp hian amaw ni dawn le Ethana hi alo ngaihtuah??.


Thingpui ka lum sana, eng eng emaw sawiin an titi thei phian a, keipawh ka pangai viau. Ariesa leh Lawmsanga chu reitak lo in thiantha tawh ang maiin an hna chungchang te sawiin an nui dun leh hak hak thina, an hmuhnawm hi ani tawp mai.

A bikin Lawmsanga hi ka en kham theilo, athut dan posi mai mai pawh hi a in hmeh bik hliah hliah, an titi na chu a karah keipawhin ka lo zawm ve leh zeuh zeuh thina, kan han nui ho dar dar thei te chu a mak ka tiin, nuam ka ti lutuk ringawt.


Ariesa chu haw hmasa ah tangin a motor thleng Lawmsanga nen kan thlaha. Lawmsanga pawh awm rei tawh lo chuan a kal ve nghal.
...................
Bawihtea muthilh lai chuhin inbual tumin batroom lam pan ka tum chu stepa Ariesa rawn chho nen kan in hmu a, "i in bual dawn ami, ka phone ka theih nghilh em carah ka hmu miah lova damdawiin atangin ka rawn let leh vang vang, " Min en kar phah chuan a ti a "Awi ka hre lo, inchhung saw va en chhin rawh, mahse bawihtea a muhil aw" Ka tih chuan a lut ve maia, keipawh batrooma lut ta mai lovin ka va zawnpui leh rih.


"Min call chhin mai teh, ka tlai tawh lutuk, " Arawn ti a, ka phone la in ka call chu a ring rall thaka, thawm a rawn chhuah miau loh avangin kan in ah chuan a awm ka ringlo bur, kan en kual hneh em em bawk. "Ava buaithlak ve aw" Ti vawng vawngin a thaw haka, doctor phone na na an chu apawimawh viau ka ring. "A pawilo ka kal phawt mai ang, " Tiin kawngkhar lam apan chu ka zawhna zawh tur ka hre chhuak thuta, "Aries, tinge Sangtei hnenah i haw thu i hrilh lohva,? " Ka thusawi tawp rualin a ke pen a tawp ve nghal.


"Ih hmeichhia hi chu maw, kan thinrim hma thina, i haw thu pawh i hrilh si lova a thinrim in zu a in ania" Ka ti leha, min rawn en kar nghal. "Tu in nge ka hrilh lo ti a, amahin nge Latei in, " Arawn ti, ka phawk ta ngang mai.


"Aa ai chutiang anilo, ahrim hrimin in inkar te chu a hriat theih vek alawm, siam that tum tur ini asin, " Ka ti deuh tawpa, ka sawi tur hriat loh luatah ka sawi ve tawp. "Ka tum mek alawm, thil dang kan nupa inkar hriat duh ila nei em? " Arawn ti deuh khera ka rún tawk atling lutuk. "Awi Zohmingmawi khati zawng khan la kawi kher suh, ka thiante ve ve in ni a, in inkar hi tha se ka duh vang anih kha" Ka ti let hlara, ka tawng ring hret bawk.


"Chu chu kan nupa inkar thu ani, in inkara ka inrawlh i duh loh chuan rawn inrawlh bik suh " A rawn ti leh supa, a àw chhuak chu lungawilohna lam a lang chhuak eihlo. "Iva hahthlak tak .. Chiang deuhin heihi hre rawh in nupa i karah hian inrawlh ka duh lova ka rawn in rawlh ngai bawk hek lovang, mahse nupui te em chu thudik hrilh hram hram hi a tha ania,nupui pasal neih tawh hnu ah hi chuan tlangval anga len tum loh hram hi atha " Ka ti let faka, ka lung a awi bik lo.

Mahse chu thu ka sawi kher chu a chhan pawh ka hre chuang lo tlangval anga a awm lah ka hre chuang hek lo.

A lungni vak biklo tih a hmel chang rúnah chuan ka hre theia, mahse ka sawi zo vek tawh sia, "ka kal phawt ang.. Chuan khawngaihin Op thuchiang i hriat loh chuan khatiang khan sawi tawh suh ang che, alehpek a thlen loh hram ka beisei, ka in sum thei tawh kher dawn lo ania,ka fapa nu i i tih theihnghilhin ka che duh mai ang " Tiin a chhuak ta daiha, nie asawidik tunah pawh khan a in sum nasat zia ka hmuh hmaih lo, mipa ni ngat ila chu bung sawmah min chhuah diam tawh ang.

............
Mutna ah thawnthu sawia ka phun melh melh lai chuan naua rawn haw thawm hria in ka va chhuak phei vata, naua hmel ka hmu chu ka hamhaih nghal vek.

A hmai chu a pem nuai a, amit a sen vek bawk. "Enga tinge, in in sual ami? " Ka tih chuan 'imm'tih chiahin min chhanga , mahse ka duh khawp lo lutuk. "Tu te nen, eng vangin nge in insuala, an khawih rawn che ami?? Ka ti nghal zung zunga, ka nau mi tihbuai duh ngai lo leh insual phei chu ahlau emaw tih tur khawpa ti ngailo chutia a rawn duk haw chur avang chuan ka lawm lova, ka rilru a nä a , ka thinrim bawk.


"Remruatmawi min chhang rawh, engvangin nge hetianga i awm a, kan hriat loh hian insual te i lo ching em ni? " Ka ti tan tana, naua hmel chu rilru natna hlirin a khat tih tupawn hmu se an hria ang. "Ka sawi peihlo, ka in tifai anga ka mu dawn, " Arawn ti a, bawihtea pawh rawn tho chhuakin apa hmel ahmu chu a en phawk ve khawp mai. "Apa ngati nge i hmai kha" A ti ta reng bawka. Chutah naua chuan dam raih hian, "bawihte, apa hi ka tlu sual palh a, chuvang mai mai anihhi, " Tiin a chhang leta, naupang rilru fim tan chuan awi loh theih anilo.

Ka zawh hrep hnu ah pawh min chhan duh mai loh avang chuan ka beidawng thinrim ru tún in ka mut san ve ta tawpa.

____
Zing khua avara, bawihtea leh apa in be mawlh mawlh chu tho chhuak ta mai lo chuan ka ngaithla renga, naua awmdan mawlh chuan rilru ati na.. "Vawiin chu kan leng dawn ami? " Ka va tho chhuak thingpui lum tura gas lam ka pan chuan naua chuan zangkhai zet hian arawn ti a, ka leh hawia, band-aid a lo in bel tawh tih ka hmu, mahse a zawng zawng erawh a hliah hneh hauh lo.


"A tul tam lo, " Ka ti hmuka, achhan ka hriat hma chu biak that ka tum lo bur. "Hmeichhia vang anihhi, " Arawn tih zawih sup chuan phawk lutuk in ka lehhawi leh nghala, dawt a sawilo tih ka hria.. "A chhan min zawt tawh kher suh, hmeichhia vang ani tih hria la atawk mai" Tiin bawihtea chu a fiam zawma, ka rilru tak chuan ka nuihpui zawk, hmeichhia vang a insual anih chuan abialnu emaw a hmeichhe star ruk emaw vang anih ngei ka ring.

................
Chaw kan eikham insuk tuma ka in tingtuah lai chuan naua chuan lenchhuah bawk arawn rawta a hmai a pem nasa si ka lo hnial rang leh khawp mai. "Karkhat chiah class kal kan ngaia, awm tlang law law ula, chuan kan haw chho rual dawn alawm, " Ka in sukna bula rawn thu fel thanin a rawn ti a, a remchang ka lo ti ru khawp mai.


"Nia , mahse anu kan hrilh hmasa phawt anga, chumi hnu ah kan sawi chauh dawn nia, " Ka ti a, inchhunga min luhsan leh in minute 10 hnu velah bawihtea nen in duang ziahin an rawn chhuak leha, naua chuan mask arawn vuah chhuaka, tlem chuan a zia ta deuh. "Iva luhlul tak, a dam kawr sia, achi loh e" Ka lo ti nur nur a, lengchhuak lo se ka la duh rih vang ani. "A ho mai mai, i rawn telve peih si lova tikhan in lo nghak rawh, haw leh bawihte" Tiin ka tawng leh hma chuan stepah a tlan thlak pui nghala, ka nui ve tawp.

...........
Chhunah rinloh takin Hmingtei arawn langa, a in thlahrun hmel em em mai lehnghal. "U Op Remruata a awm em? " A rawn ti dek dek a, henu tereuh hian a star tak tak emaw ni le?? "Awm lo bawihtea nen an leng a, biak duhna i nei ami? Ka call sak ang che i duh chuan" Ka ti vata, fiam ti tih deuhin ka nuih sung bawk.

"Aa ai ngaihdam dil ka duh a, nizan thil thleng chung changah ania, " Arawn ti chu ka nui lai ka tawp chiang khawp mai. "Lo lut la, han sawi chiang teh, nizanah chuan eng thil nge thlenga,? " Ka ti nghal vata, Hmingtei chuan mittui tling pama hnuailam bihin, "kan thianpa pakhatin min khawih atum kha Remruata khan min lo chhana, ih chuan an thian ho in an sawisak rawn chiama, " A tawplam chu a sawi lawi vek. "I bula sawi lo turin min ti a, mahse keimah vangin a hliam nasa sia, ngaihdam rawn dil ka duha, buaina ka thlen ziah bawk sia.. " Arawn ti lawi leh rata, keiin ka lo hnem ve bawk.


Hmeichhe pakhat mangan chhan nana kut alo tuar chu ka khawngaihin ka thinrima, mahse ka chhuang ru em em thung. "Ih u Op khawngaihin ngaihdam min lo dilsak rawh aw, engmah pek theih ka neive silo, a hreawm ka ti lutuk .. Alo haw hma in ka kal leh mai ang, " Tiin a ding deuh hluaia, dan tumna em em ka nei hran lo, "ka lawm e Hmingte engkim min hrilh avangin, ka nau hi ka lo hrechiang emaw ka tia, mahse ka lo hrechiang lo hle tih ka hre chiah.. I mangan laia tanpuia tur che a alo awm chu ka lawm zawk ngawt mai. " Ka ti let ve a, naua chu hmuh vat vata kuah vawng vawng mai ka duh, ka chhuang lutuk ringawt.

Znariah ei dawnah an rawn thleng ve chuahva, an rualin Lawmsanga arawn tel ve zat bawk. "Chaw ka lo ei dawn asin" Fiamthu ti tak deuh chuan arawn ti hluaia, keilah ka lo mangan hman viau, mi pathum ei tur awm chauhvin ka siam miau ani. "Aa ni maw, nia i duh chuan lo ei rawh" Tia ka chhan chuan sexy zeta min en in, "i phal vaklo ni maw? " Arawn ti nui leh ver vera, lai lutuk in ka nuih let ve suk.

"Tak takin Ethana te leng nen hian kan in hmu fuha, ka rawn zui haw mai mai anihhi, ka hmu chak ve bawk si che a, chaw chu ka ei tawh ania, lungngai suh" A mit min la siai zuk zui, ka zak a, ka lai hulh bawk.

Naua chu inbual hmasak aduh avangin batroom lamah a chhuak pheia ka zui vat nghal. "Vawiin ah hmingtei alo kala" Ka tih chuan batroom kawngkhar atangin min en kara, a hmelah danglamna em em a awm hran lo. "Ngati nge min hrilh that ve mai lohva, " Ka ti leha, chuta min chhan dan chuan ka rilru ahneh takzet. "Ka farnu chunga thil thleng ang kha tu chungah mah ka thlentir thei lo, ka hmuh lai renga thil thleng tur a tan phei chuan, nizan khan lo hrilh ta che ila i hun kal tawh hrechhuakin i rilru anat ka hlau alawm, chu te mai chu" Arawn ti a, ka hnuk a ulh leh tulh tawh.

"Ka unaupa hi ka kuah thei angem? " Tiin ka pana, alo duhlo nasa ngang mai, mahse ka kuah lui thova, naua erawhin min pawh phelh phet atum tang tang. "Engtik lai pawh a ka lam i tan thin avangin ka lawm e aw" Ka ti sapa, ka hnungah min rawn beng ve thak thak phahin ,"ka farnu inia lawm,i lam ka tan lohvin tu lamah nge ka tan chuan ang,"a rawn ti ve a,min hmangaihna leh min ngaihsakna zawng zawng vanga tun dinhmun thleng thei chauh hi ka ni tih ka in hre chiang a,a bul atang khan ka lamah tangin min fuih ziah thinlo pheise tun dinhmun hi ka thleng pha kher lovang.


💙💙💙💙💙



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Google Adsense [Bot], Nunui Hnialum, Partinkungi and 320 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 8:56 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 9 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 9 BY 27 SENORIA
Post August 31st, 2022, 5:17 pm

FB_IMG_1661654252924.jpg
.

Chapter - 9
____
Ni 4 a liam leh der tawh Ariesa a reh vawng vawnga ka messege a hmu tih ka chiang bawk si, achhan letna awm chhun chu ka en leh ringawt zel ,"Aries ngaihtuah chiang la ka duh,Ethana chungchang hi Sangtei hi lo hrilh ta ila,tun hma thil thleng pawh nise a rilru ana thar ngawt ang,keima chanah ka in dah chhin pawh hian ka nà dawn tihhi ka hria,thil tha lo a tih phah te i hlau ve lo ami?? Bakah bawihtea lah hian a hlau tlat bawk si che a...ka rilru hi abuai teh mai ania,ngun deuhin lo ngaihtuah tha ve rawh aw"tia ka va text na chu thumal pali chuah hian min rawn chhanga.


"Lawmsanga vang a mi? " Tiin,awm anglo ka ti ngei mai.

Chutiang anih loh thu leh Lawmsanga nen inzawmna a awm loh thu a ka chhan na pawh a hmu veka,mahse min chhang let tawh lo hrim hrim,hepa rilru hi a kalsual anih hial ka ring.

***********
Lawmsangan min ngen nasat em avangin kan nufa chuan an in ah zanriah ei turin kan kala,kan kal ti ila min rawn hruai thlap zawk. Bawihtea chu aphurin a harh vang em em a,kei erawh ka zahzumna zawng zawng chuan min awp bet thung si, thawk lak te thleng chuan a sak vekin ka hria.


An in kan thlen chuan "lut ang u le, keimahni chiah min lo nghak tawha," Tiin ka kutah a rawn vuana,Ethana a pawm bawk..awi chhungkua tak tak kan ang lutuk ringawt.




Kawngkhar keiin ka hawnga, Lawmsanga chu lut hmasa a tangin, "kan lo thleng e, " A ti lut hluaia, a nu leh pate pawn min lo lawm ngang mai. Thutkhawmna kan pana mahse thil dik lo a awm, Ariesa a awm ve!!!.


Ka phawk lutuk chu ka melh kawk a, hetah hian enge atih ve? Engvanga rawn kal ve nge anih? Nge Lawmsanga te chhungkua nen hian inzawmna an lo nei zawk? Ka rilru chu zawhna hlirin a khat a, ka zamna ai mahin ka mak tihna a lian leh tawh zawk.


Lawmsanga chuan ka hrilhhai zia hmu in Ariesa chu a sawm ve thu a rawn sawi zata, in pawh tlang taka awm a duh vanga sawm a nih thu a sawi bawk. Lawmsanga nu leh pate chuan an fanu ang maia min chei bawlin min be siam siama, Lawmsanga hnen atangin ka chanchin thenkhat chu an lo hre fe tawh tih a hriat, Ariesa pawh an be awl lova, mahni aia upa biang biak dan lah chu a thiam in tawngkam bungrua a nei tha phian zela, ka lo en leh vung vung thin.


Lawmsanga nen innei vat tura min duhthu te a sawia, Ethana erawh a mawhphurhna anihve thu a sawi tel zel bawk. Kan boruak chu a zangkhai vah a, keimah ai mahin Lawmsanga leh achhungte chu an lawm zawk tih theih ani. Anu leh pate felna leh rilru zauna hi anih hi Lawmsanga hian alo chhun em em ni ka ti hial.

.......
Zan dar 8 velah Ariesa chu haw tumin a ding hluaia, keini nufa erawh Lawmsangan min thlah ka beisei ruk avangin ka la che sawn lo. "Op pawi itih loh chuan Hmingmawia rual hian haw ve mai ta che u, Ethana chungchangah leh thildangah pawh inbiak in mamawh tlatin ka hria, i duhloh pawn ka thlah thei tho che ania, " Lawmsanga chuan a rawn ti nghal zata, ka àng hman zuai, mahse a sawi dik sawifel pui ngei ngei ka duh keipawn..


"Awle nia a tha zawkin ka hria keipawn, " Ka ti let ve a, Ariesa chu kan zui chhuak ve nghal.

Car thleng Lawmsangan min lo thlaha, Ariesa car chhung a lut chiah tihah ka biangah rawn fawp zeuhin, "muttui le, " Tiin a ding sawn lehnghal. Nuih sun sun in carah chuan bawihtea pawmin ka thu luta, Ethana leh Lawmsanga chu kan lan chhung ban an in vai lawp lawp reng bawk.


Ariesa nen chuan kan ngawi dun kara, tawng hmasa tu nih kan in kian ni berin ka hria, bawihtea pawn a en kar a, ahlau lutuk tawh biklo nge abula ka awm ve vangin atap tawh em biklo, ka awmah bei fel thanin ka kawr chhung a zen leh rak raka, dan buai ka tum tawh lo nu ka nive tawh alawm.. "Engtik maw in haw ni tur kha Op? " Ariesa chuan ngawih reng chu hreawm a tive ni chek tur ani tawng hmasa zawkah arawn tanga, "naktuk tuklehah, ka nau pawh alo haw ve thei dawna an chawlh chhung reilo te, " Ka ti let vaha, ka àw a phurna chu ka dang hman lo.




"Haw iva chak hmel tawh ve? " Kha maw ka sawi kha ka phur zia alo hai biklo tih a hriat reng. "Imm chak ve tawh e, mahni khua te chu ngaihawm ve lawm" Ka ti a, anui ve hak. "Eng khua nge in nih hrim hrim a? " A rawn ti leha, kan boruak a zang ta riau mai lehnghal nuam reuh takzet. "East chawngtui, " Ka tih chuan min en zawkin, "Champhai district ah maw in awm? " A rawn tih chuan mak ka tive deuh, kan khua hi a té ka tih tawh kha hria alawi an awm ngailo, mahse kan khaw bul hnaia khaw dangte kan sawi hi chuan an hre leh em em thin ani.


"Imm engtin nge i hriat daih theiha? " Tiin ka zawt let vata, Ariesa chu nui sukin, "Champhai khua lawm kan nih Op, hna avangin Aizawlah hian kan awm mai mai alawm" Min melh zeuhin arawn ti a, kan han ri leh ang hlut a.


"Sangtei a tha maw? " Kan ngawih leh vang vang hnu ah ka zawt leh tawpa, ka rilru a awm reng ani. "ka hrelo le, a that chu ka beisei, " Arawn ti thawp sut thung, ka en nghal kawk. "Enge i sawi awmzia in in then ami a? " Ka ti leh deuh tawp, ka rilru athu awm sawi chhuah pawp ka ching hi chu a zia lo lam hret ani.


"Then love, mahse engkim ahre vek tawha a that leh that loh erawh ka hre chiah lo, " Arawn ti chu ka melh dawra, ka thu tung ut nghal. "Eng maw i sawi, i hrilh vek amaw?? " Ka àw chu a ring lam mah mah bawk. "Zep reng a tulna ka hre hleinem, nakinah an la hre vek dawn tho va" Engah mah ngailo ang maiin a landan apangai vek anih chu. Chu chuan min ti lungawilo takzet bawk.


"Zohmingmawi engvangin nge i lo hrilha, kan pahniha sawifel hmasak phawt ka duhthu kha ka sawi mawlh mawlh ani lawm ni, eng vangin nge i thu thu a ilo tih ngawt, " Ka thinrim lutuk ka àng buan buana, bawihtea pawh ka hrechang tawh lo ani ber.


Zohmingmawia lah chuan lungnih loh hmel zetin min melh zawk za maha, car chu thim lai deuhah tidingin a seat belt chu a phelha, "Ethan bawihte anu nen thil sawi dun lawk kan ngaia, car chhungah hian lo awm ta che,, kan rei lovang.. Chuan i duh duh ka leisak dawn che ania aw, " Tiin bawihtea samah chuan a rawn tuai saka, ka thinrimna angaihthlah lutuk leh min palzam lutuk chu ka puak keh lo chuah. "Lo chhuak la, pawnah in bia ang naupang hriata in hauh ka duhlo ania" Tiin a chhuak zuia, bawihtea lah chuan min enkar bawk si.


Ka thutna lam kawngkharah Aries chu rawn dingin min ngaichang renga, mahse ka rilru hi ana lutuk, a hrilh dawn anih pawhin min rawn hrilh hmasa tal se, eng ang khawpa mualphona leh sawi selna pawh ka dawn sawn theih nana lo in rinlawkna hun te ka in siam thei tur.


"Lalawmpui, luhlul viau lo teh, " A àw chhuak te chu ka ten hial tawh. Thinrim luat avanga mittui tling puauin ka melh hrawka, "sawi dun tur kan neih ka hre tawh lo, engkim i sawi chhuak tawh ani lawm ni? " Ka hnuk ulh phah bawk nen ka àw chu a lawi lek leka, mahse a ngaithla tu tan chuan ka thinrim zia ahai theih chuang lovang. "Anu, " Bawihtea chuan min en kar phah chuan Ariesa chu a melh leh zeuh thin.


"Naupang iti hlauthawng vek, lo chhuak phawt teh, "tiin car khawngkhat chu a rawn hawng leha, mahse chhuah ka tum lo hrim hrim. Sawi tur kan neih ka hre tawhlo, tunah chuan mah ni a awma tuarchhuak thei tura infuih tang tang ka mamawh ber.

" Lalawmpui rawn chhuak rawh, "a àw chu arawn vin ve deuh hlek. Bawihtea pawn a hlau deuh tih ka hria. Chu chu ahria nge Ariesa chu rawn kun lutin bawihtea chu a rawn piai zeuhva,

" Bawihte apa leh anu hi kan in hau miah lo ania aw, kha hetah hian i duh duh lo en la anu hi kan be lawk ang aw.. I phal em? "Tiin a nuih suka seatah la thu mah ila, ka bul seta rawn kun hniam anih avangin min hnaih mah mah bawk. Bawihtea chuan chhang mai lovin min ngai changa, chutah Ariesa chuan zawi sap hian, " Khawngaihin Op, "arawn ti, tih ngaihna vak a awm bawk silo nen pawn boruak hip ila ka zia deuh mai ka rin avangin bawihtea chu lo awm turin ka hrilha, chutia ka hrilh chuan a lu abu ve thei mai bawk.


Car hnunglamah pen nga vela car hlatin kan ding dun a, sawitur ka hrelo a duh leh a mah hian sawi vek rawh se. " Eng vanga lungawi lo nge i niha? Mawhphurhna lak ka tum hi i phallo nge i duhlo, chu chu chiang takin sawi tlang rawh. "A àw chu a khauh tluan parh a, nichin maia a àw nem te kha sawtah an awm leh vek tawh ani mahna..


" Engtin nge ka lungawi theih ang, engmah pawh kan la sawifel hleinem, hetia i hrilh hian lawm taka apawm mai i ring em ni? Mipa ini a i tuar thei pawh ani maithei, mahse keichuan ka tuar theilo, ka dawizepa hlauhna in ka khat, mualpho nawn leh ka ngam lo, kum tamtak kalta a ka mualphona ah ngei khan min din tir leh tihhi i in hria em, "ka mittui ka khap per sak. " Anih leh thudik i hrilh avangin Sangtei chu ahlim nge alungngai, apawm thiam em? Min hrethiam angem?, Lawmsanga anga hrethiam thei tur mihring anih ve loh saw.. Vawi khat mah kan hrilh dawn lo pawh ka tilo, mahse hun tal chu min pek ve tur che alawm, a hriatthiam theih ngei nan leh kan in thian thatna inkar pawhin anghawng loh theih ngei na tur a hrilhfiah zawk tur kan ni asin, "duhai ka àw chu a chhuak zawi, vin hrep ka duh mahse ka tah a chhuak tlat a, ka vin chhuak theilo.


" Anih.. Engtikah chuan nge i inpeih anga kum 5 chhung i tlanchia ani lawm ni, kum engzata tam nge Ethana pa ka nihna hi zep leh tura min tih? Min chhang rawh.. Apa ka nihna anga mawhphurhna ka lak thei nan chuan kan hrilh vat hi a ngai alawm, min hrethiam tur zawk ini, nge khapa Lawmsanga vang khan pa dinhmun hi ka phulo iti zawk? Heihi chiang takin ka hrilh ang che, i duh duh mipa i kawp thei alawm,mahse ka fapa, ka thisen kai erawh hi chu ka lak atang hian lak hran i tum tur anilo, thil pawi ber pawh tih ka hreh dawn lo ania, "arawn ti vei pap papa, kei lah thinrim puah keh vek chak tawh si chu insum ka tum buai lo.

" Eng vangin nge Lawmsanga pawh chu i sawi chhuah chhen ani nen inzawmna a awm lo tih ka sawi ngun tawh lutuk... Fa i nei thei tih i in hre tawh tho ani lawm ni, Sangtei nen pawh chhungkua in din thei reng alawm.. Lo sawi chhuak lo ni la hlim takin chhungkua in din anga, keini pawh kan hlim ang, chu chu i hrethiam lo ami? "Ka ti vin thak thak a, kan awmna areha, kan ven thawn ber bawihtea lah carah kan khar hnana , duh ang thala ka au ring ngam chu ka lawm khawp mai.

"Ngawi tawh teh, hmeichhia te hi in lo in ang vek, tawngthei, ngawihna chhang hrelo... Ka hre kham tawh lutuk hetianga in phun ri hi" Min rawn tilet zeka, avin lutuk lo na chu a nem bik chuang lo.

"Adik chiah hmeichhe thinrim hi ila hmachhawn lo anih hi tiraw, tupawh hian an hlau vek che a, i lakah tumah an thinrim ngam lo te hi i in hrelo ami?, i nupui ngei pawn a rilru a hreawmna leh a lungawilohna te pawh i bula sawi chhuah ai chuan athiante min pan thin.. Heti chung hian engtin nge mawhphurhna la tura ka rin ngam ang che... " Ka ti let fak faka, tawng in sum karna ka neih eihlo, neih pawh ka duhlo.


"Kan nupa in karah lo inrawh hlek suh, " Arawn ti duh chuah leh nghal. "Ka inrawlh lo, mahse mahni nupuite hreawmna thlen reng mihring ini tihhi in hre rawh, i nupui tlak ngial pawhin a hlau che ania, " Ka ti hlaka, ka sawi zawh rualin ka dar tawnah min men bet chawtin car si dawt khawpin min nem a,min hmer nat em avangin ka then deuh sak,athinrim zia ka hmu a, mahse ka hlau lo.


"A tawk ngawi rawh, thil tha lo ka thlen tir duhlo ania" A ti pawr chhura, ka ban bul chu a hmer na zual sauh lehnghal."Min thlah vat rawh,i awmdan leh i chetdan te hi in en ta che.. Naupang tan pawh a nelawmna pakhat mah i neih loh hi, engtiklai pawhin hliam i nei renga, engtin nge hetiang te chuan Ethana pawh hian a hlauh loh che irin reng renga, i khawsak dan hi nundan phung pangai pawh anilo, " Ka sawi zo chu min pawt hnai dawrin a taksa ka si chawt a, mai mitchhing vang vanga hnuailam bihin athaw deuh kawk kawk thung.


Keipawh sawi zawm tawh lo chuan ka ngawi ve ta rih a, "khawngaihin i duhtawk thei tawh angem Op, " À àw rawn chhuak chu a dang leh hlak tawh,natna tamtak tuar hrep ang mai ani.

Min en turin arawn hawi chhuaka, amitah tak ka lo en ve kar bawk, amit tle set set chu mittui rawn hnàm chhuak tur a ni tih ka hailo, hepa rilru hi ka tina em ni? Ni e ka tina ngei chu anih hi, mahse eng thu ka sawi vang khan nge arilru na ka koh chhuah sak ka hre hauh lo.


"Khawngaihin i duhtawk thei tawh ngem? Inhau tawh lovang, ka thiam loh ani" A mitmeng mawlh chu..a dul raiha, keilah hawisawn ahnekin a chezia chu hmuh hmaih hlau lutuk in ka en kur bawka, Ariesa pawn min en kar tho. Keiai fe in a sanga, mahse kan in en hnai em em lawi si ."Awle a tha lawm min thlah tawh la, "tiin min vawnna kut chu tal pit ka ruala, a ni pawh ading tha ve nghal.


" A tlai tawh ania, min va thlah haw tawh rawh. "Tiin hmalam en a a thaw deuh kawl kawk chu ka melh zeuhva, thaw leh deuh kawkin, " Reilo te aw, chuan kan kal dawn nia, "a rawn ti dul ruih. A landan a pangaia, mahse a àw a pangai lo, " I tha maw, nà i nei ami? "Tiin ka thlek chho deuh hà a, alu a thing vut ringawt.


Amah nghah nan tiin ka hriatchhak lutuk thil chu ka zawt leh phawng. " I chhungte chanchin hi min hrilh ve la, hriatve chu ka phu in ka hria, "ka ti salha, hmalam en reng chung si chuan, " Ni e i phu lutuk, mahse tunah nilo" arawn ti daih anih chu, "anih inu kha enge a an zela,? " Ka ti leha, khatia min chhan avang khan hriat belh ka chak zual tih a hrelo a maw ni le?.


"Imm atha ani mai, kal ang a tlai tawh" Tiin Car lamah a kal leh nghal daiha, a mak thin ti nge maw ni heti em em a nu chanchin sawi pawh chu aduh loh le!!



Car chuan in lam kan pana, bawihtea pawh muthlu lawp lawp pahin ka kawr chhung a zen leh renga, Ariesa rawn hawi leh zeuh zeuh thin chu ka lo hawi ve chiah thin nen, kan mit ain tawng fuh thei viau.

Chutah a kawr chung hak chu rawn phelin ka lamah arawn lek va a,"Kha in hliah teh, " arawn ti deuh sup nghal.. A sawi chhan pawh ka hre chiang khawp mai.

"Awi alum e, bakah nu ka nihhi ka zak tawh hleinem, " Ka ti ve maia, kawr min rawn pek hma kha chuan ka zak lo, mahse ka sawi zo chiaha ka zak leh hnu hnawh, hmeichhia tak hi chu..nilo ka awm a nuam lo zawk ni maiin ka hria,a hma a min chhan dan kha ka la hreve kar tlat ani.

Mahse dawt sawi pawh ka nilo a lum lam hret em
atin ni."Op, ka sawi ang chuan ti mai rawh, "tiin a thaw kawka, chuta a mitmeng danglam vek tawh nena a rawn hawi chiah chu ka tím uai thei, rang lutukin ka ban nghal.

" Enge i hriata nang hi, pa inih tawh kha..iva ler tak"Ka ti tawp, nupui anei tawha hmeichhe hnute te mai mai chu ahmu hne tawh dawn lutuk tlat. Chutiang bawkin hmeichhia pawh nulat lai ai chuan nu nih hnu ah zahna kan tlachham, khaw laia nau hnute pek mai pawh kan zak tawhlo, thil awm anglo pawh ani chuang lo.

Engmah sawi zui ngamna ni tawh heklo kan ngawi dun chiang khawp mai. Ariesa pawh apangai chho zel chuan ka hria.

In kan thlen chuan nauan pawnah min lo nghak a, alo tlaive tawh em bawk ani. Ariesa chu leng lut turin a sawm zata mahse alo hnar thung. Naktuka Sangtei nen an rawn kal tur thu sawiin a tlan liam ta nghala.

+++++++++++
A tukah chuan a sawi ang ngeiin Sangtei nen an rawn kal a, keimaha hmachhawn ka hreh em avangin Lawmsanga ka sawma, naua erawh college lamah a kal thung.

Sangtei ka hmu chu ka zakin, hreawm ka ti a, hmai a uanglo ngei mai.Ka ngaihbel nge a mit chu abui deuha, atap nasa pawh ani maithei, kan in hmuh loh karin alo cher hman em em bawk, makeup hmang ve luam mahse a vun chu a dãng em em lawi si, chutiang ang dinhmun a ka hmu chu awmdan ka thiam lo, Ariesan alo hrilh ta kher chu pawi ka ti zual hle bawk.

Mahse Lawmsanga ka in nghahna leh ka hma a ding tlat thin a awm a, aniin tha tak leh pangai takin thil awmzia a sawifiaha, inngaizawng kan nih thu te, Ariesa thil duh ang hi chu thil awm ve reng anih thu nen lam asawi dap dap a.Sangtei hmelah thinrimna ka hmu lova, tlem chuan ka zi ve deuh, Lawmsanga ka sawm kher chu ka tifuh ka in ti viau mai. Ariesa erawh an rawn thlen atangin ala tawng mang lova, mahse Sangtei kutah vuanin engtik lai mahin a thlah chhin eihlo, chu chuan an in hmangaih tawn zia min hriattira, tawngka a sawi kher lovin chetzia in Ariesa hian alantir ni maiin ka hria.

Mahse a changin min rawn en ve zeuh thin tih erawh ka hai der lui thei lo. "Sangte a pawi ka ti lutuk ania aw, hrilh hmasa ber tur zawk che ka nia, mahse ka tan pawh hian sawi chhuah hi a harsa lutuk a, min hrethiam hram rawh aw.. "Ka ti ve a, Sangtei chuan engthu vak mahin min chhang let lo, anui suka a lu a bu liam vel mai mai.

Ethana a melh zawnga amita natna tamtak lang chhuak chu a thup seng biklo tih alang reng, keimah chauh hian ka hmu thiam nge? Nge ka hmeichhiatpui anih avangin ka hriatthiampui zawk pawh ka hrelo, mipa pahnih lah an in be hrang daih bawk si.


"Naktuka in haw dawn chuan vawiin chu Ethana hi len chhuahpui i phal em? Kan rawn haw hma ang, min nel theih nan chuan hun kan hman dun te hi angaive ania,ka hmuh phak lovah a awm leh char char dawn sia " Ariesa thurawn sawi avang chuan Sangtei lak atangin ka mit ka la sawn thei chauh. "Aaaa imm amahin a duh phawt chuan.. " Ka lo ti ve vata, Lawmsangan ka kut arawn hmer salh, ka thla hi angam hlauh hlauh ani mai hepa kiangah hi chuan. Ariesa chuan a thiam ang angin a thlema mahse Bawihtea chuan a duh lo ngang mai, atawpah chuan a beidawng ve ta reng bawka.


Thinlung tak chuan Ariesa chu ka lainata, Ethanan a hlauhna chu tihreh sak ka duh, apa ani a nel tak leh in pawh takin awm ve se ka duhsak a, mahse tih theih ka nei miau silo...

Ariesa hmel pawh chu sawi thiam mai loh hian abeidawn hmela, Ethana chu rilru nat hmel takin a melh tlawk tlawk bawk. Chutah Sangtei zawk chuan Ethana chu rawn thlemin, anuih ver ver a, fa awt leh naupang chhawn chhaih thiam ngang ani bawka Bawihtea pawn a pan ve ta hial anih chu.!! Ariesa mak ti hmel chu ka en renga, min rawn en rualin ka hawi sawn lehnghal. Mak takin Ethana chuan Sangtei thlemna chu apawm a, Lawmsanga nen pawh mak ti lutukin ka nui hak ringawt.


Car thleng kan thlaha, chutah Lawmsanga chuan fiamthu takin, "lo haw har mah ula apawi hran lo ania aw, kan hun neih dun chhun hi kan lo chhen ve ange,, nuam deuh khan aw.. " Tiin anui vur vura, keilah a fiamthu tih hre reng mah ila ka lai chhe vek. Sangtei anui suka, Ariesa pawh a kiai ve suk tho.

------++--------
Tlailam dar 6 ah pawh an la rawn let lo Lawmsanga pawn min la nghah pui ngar ngara, call an pickup thei silo, ka mangang lutuk chu ka hui leh pap pap thin. Naua chuan min hnem mawlh mawlh bawk.

Darkar chanve aliam leh hle ang tihah Car rawn ding rí kan hriat avangin stepah chuan kan tlan thla nghala, Ariesa chu hlim hmel em em a rawn chhuakin Ethana tan a hnung kawngkhar a hawn sak zata, Ethana pawh hlim tih hriat takin min rawn pan nghal, him dam taka an rawn thleng tih ka hmuh chuan ka thaw a veng hawk thei.


Sangtei erawh a rawn telve tawh lova, chu chuan thil tamtak min ngaihtuah tir.

Ariesa te an lo thlen tawh avangin Lawmsanga pawh a duhlo chung ka nawr haw ve ta nghala, Aries an a car apark that lai chu lo nghakin nau an Ethana a pawm chho tawh thung. "Haw nghal i tum lo ami? " Eng thu nge maw ka zawh leh tak.. Mahse ka sawi zo vek tawh sia a awm ang lo thin mange.. Ariesa chuan a car lock thak phaha min melh in, "i hmuh ang hian dawn lo... Lungngaisuh buaina ka thlen lovang che ka fapa bula awm ka la kham lo, " A rawn ti ve zata, a àw chu apangai ang lawi si.


"Tinge Sangtei.. Engkim a tha vek em? " Ka ti leha, rilru a kap tún a zawh ngei ngei ka duh.. "A nuam sam lova arawn kir ta lo anih kha..hun nuam tak in hmang ava nih hmel ve" Rawn ti supin ka nghawng chu arawn melha, min kalpel in step lam apan ding nghal. Hrechhuak thutin tlaikhaw hnu ah ka han hup leh a, awmzia lo thei.


Vawin khan Lawmsangan ka ngawngah min seh sak a,ka thinrim em avangin ngaihdam min dil ngat ngat bawk.

..........
Zan dar 9 ah pawh Ethana chu Ariesa nghengin a phone ala en saka, a nel ve tan tih ka hmuh chuan ka lo nui vur vur thin. Naktuka haw tur kan nih avangin naua nen kan in pack sawk sawka, thingpui lum tuma choka ka pan chu in neitu te fanu Mawitei chu rawn lut hlawlin, naua chu eng emaw tih puiah arawn sawma naua lahin alo hnar nghal. "Maw please in apa a zuala, adamdawi a zo tawh bawk sia, " Arawn ti a, damdawi lei tura hospitala kal chu arawn sawm alo ni. Zan a rei tawh na chu damlo mangangin an rawn pana, naua pawh peihlo lutuk chungin Mawitei chu a zui chhuak ve nghal tho.


Thingpui siamin ka ngawi renga, Ariesa te thawm hriat tur a awm tawh lo chu ka hnunglam ka hawi vat, an lo muhil reng tawh chu niin, ka nui hak ringawt, Ariesa chu thutthleng ban nghengin a thu awn deuhva bawihtean a awmah beiin a phone en lai chu a muthilh san avangin a thlauh lek lek bawk.

Thawm dim takin ka pan hnaia bawihtea phone vawn tla thla tep chu la in ka thlir dun ta reng mai, pafa ah pawh in ang ber an ni hial ang.. An hnar ngul an mit hmul leh an hmai pian zawng zawngte chu in an lohna lai reng a awm lo. Bawihtea tih harh hlau takin Ariesa chu ka kohva, a hmaiah zawi te in ka beng thak thak bawk. A mut ngheh hman pawha ka rin loh nen a harh har hrep lehnghal.


"Aries tho rawh, hei harh teh, " Tiin a beng bulah kun hniamin ka hrilh a, ahmaiah a aia na in ka ben sak bawk.
Chutah ka kut chu rawn man thutin a rawn meng chhuak a, ka tawp chiang lutuk. ""Min beng nà alawm" Arawn ti thawp salha, ka kut ala thlah loh avangin ka melh kur thung, "tho rawh, i chau anih kha vaw haw la va hahdam rawh a tlai tawh ania, " Tiin ka phun leh sup a,min vawnna thlaha ahmai tuai thuakin, alu a thing sawk bawk.


"Awle bawihtea hi mut that tir ila ka haw dawn nia" Tiin a rawn che thuam thuama, keiin ka lo pui vat bawk. Bawihtea amut that tir hnu chuan a chahbi leh aphone vel chu zàwi em em hian a ban kuala, keiin a chezia thatchhe zet chu ka lo en reng thung. "Op englo Lawmsanga kha.. " A tawp data, min en reng chunga alu thing leh supin, "angai leh lo mai" Arawn ti leh daih nghal. "Tinge Lawmsanga chu.. Sawi la" Ka lo ti let nghal. " apawimawh hran lo" A ti leh daih bawk si, a àw a chang lam hretin ka hria,nge ka hriatsual zawk pawh ka hrelo..


"Naktuk dar engzatah nge in chhuah dawn? " haw tura in peih diam tawh chung chuan min en a. "Zingkarah dar 5 velah aniang chumi hma pawh chu ani maithei.. " Ka lo ti ve leh mai a,a hun tur tak ka chiang bik lo ani.. "Anih chu ka theih chuan lo thlah ve cheu ka tum ang.. Khawnge i nau hi" Hawi lual thuak phahin arawn ti zawm zata, pawnah in zui chhuakin Stepa a pen chu muang changin ka zuive zel..

"Englo in neitu pa damdawi lei turin an fanu in arawn sawma, an lo let tep tawhin ka ring, " Ka ti a, acar bul kan thleng chawpchilh nghal. "Lo nghah pui che i duh em? Nangmaha awm i hreh em" Ti pahin a ham biai biai a, ka lo nuih hman leh pek. A mutchhuak hmel te hi ka lawm ta tlat anih chu.."Ai angailo va haw rawh, i chau tawng khawng anih kha... Hahdam i mamawh alawm, fimkhur rawh aw, kawng laka i mut a chhuah chuan chawl zel ang che..in phih harh hmasak te i duh lo ami? " Ner nàngin ka ti a, arawn nui suk anih chu, hepa teh hrep hi eng maw a hriat ni. Fiamthu ka thawh pawh ni hlei lo .

"
Min ngaihtuah avangin ka lawm e...ka fapa nu.. Nge bawihtea nu zawk?" Tih leh car kawngkhar hawn aruala, anui tih ka la hmu hman hram..

Chhang lovin ka thusawi ka ngaihtuah kir nghala, ka zak ve det thei... Nupa emaw inngaizawng ang maia thu ka lo hrilh vak kha atullo ber awm e..

Ka ngaihtuahna chu a hria maw ni min en rengin a khi suka, keilah pekin ka ner khum leh vak thung,in mangtha in a tlan liam hnu ah in ah ka lut ve ta chauh bawk.

_____
"Anu sawtah sawn kan tlan zel dawn tiraw? " Tia bawihtean phur leh hlim tih hriat taka min rawn zawh chuan ka lo chhang let vata, kawng chanve pawh kan la tlan silo, mawng akham leh hle dawn anihhi. "Bawiha engtik thleng nge chawlh in neih dawn kha? " Ka bula thu ka nau ngawi ngul chu bia in ka thleka, a awmdan chu lungleng emaw eng emaw ngaihtuah rauh rauh hmel apu. "Karhnih leh tlem vel, " A rul tawk leka min chhan avang chuan ka en zeuhva, hmalam a en ngur thung.


"Nang hi enge hetia i awm kual vel a, iva in la muk ve.. Ngaih i nei a mi? Nanghi ka hriatloh hian bialnu te hi ilo nei ani lo maw? " Ka ti zawt zawt a, naua ner suk avang chuan a tukhumah ka beng deuh pawp nghal.


"Sawi mai mai teh, i bulah engmah ka zep ngai bik loh hi.. " Ka ti a, thawk la kawkin a thaw chhuak leh hawk phawt a .. "Hmingteiin min duh thu min hrilh la, chuan hmana a chunga thil thleng avang khan a in thiamlo nge ka hrelo, ka lak atanga in thiar fihlim a tum tih a sawi a, "naua thusawi lai chu chiang takin ka en a, ahlim miah lo, mahse Hmingtei a rawn phurh haw zan kha chuan a ngaih pawimawh hmel miah bawk silo.


" I duh em? Hmingtei hi" Ka ti ta tawpa, han sawi dan vak ka hrelo.. Alu thing vut in, "ka ngaihzawn phak ani lo, ka hrelo ka duh tih pawh" A thaw leh kawk ringawt, han hnem dan lah ka thiam bawk silo, chutianga naua awm chu ka vawi khat hmuhna ani hialin ka hria, a u ka ni a, hreawm ka tihpui lo theilo.


Ruah a rawn tla cherh cherha, kawng khu a zia phah ngei nan rawn tla nghek se ka duh khawp mai. Bawihtea chu nauan apawm muhil bawka, keipawh glass chhanah pawnlam thlir dauh dauhin, kan tlan chhuah dawna Ariesa thusawi mawlh chuan ka rilru a luah khat tún mai bawk. Bawihtea be mawlh mawlh chung si khan min melh zeuh vin, "ka tih danglang theih nise ka kiangah ka awm tir ngei ang che, "Tiin a sawi anih kha. Ka en reng lai anih avangin hawisawn mai pawh ka thei lova,bawihtea a sawi na nge keimah asawina ni ang tiin ka ngaihtuah zui ta reng bawk.

Bawihtea bula sawi ni mahse min en tlat na khan awm a ti nuam theilo.

Ka ngaihtuahna chu awm ang lo ka ti leh thul, a hmangaih em em nupuiah a nei tih hre chung rengin engvangin nge chutianga ngaihtuahna tha lo chu ka neih ngawt theih,ka in ngaihtuah chian phei chuan ka zak ru chem chem thei,ka lo in ngaihbel ani tih hre phei se min van ngainep dawn si em!

Ka ngaihtuahna kal bing lutuk tur chu duh lovin ka phone ka bel a,Call ka dawng zat nghal. Ka hmu sual lo Ariesa hnen atangin ani. Ka thin chu aphu rang deuh satin ka la hre zui, zahpuiawm lutuk. "Hello, enge ni? " Ka pickup rual chuan ka ti nghala, asawi tur sawi vat vat se, off daih ka duh. "Khawilai nge in thlen tawh Bawihtea a biak theih em? " Arawn ti zang vaha, ni e keimah hi ani diklo zawk chu ka van zahpuiawm tak, engtin nge khatiang thil maksak leh awm lo lutuk kha ngaihtuah pawh ka ngaihtuah chhin theih le...


"Hello Op, ka tawng i hre thei em? " A àw kí arawn san leh chuan ka harh chhuak ve zak nghal. "Aww hrethei e.. Bawihtea chu a muhil a, kan tlan tluang a thim hlimah chuan kan thleng hman ang, thlen hunah ka lo biak tir ang che, " Ka ti pangai ve leh maia, ka lungphu pawh a pangai leh vek tawh bawk. Keihi reilo te chhung thilmak an tih hian min pawl zeuh anih ngei dawn kha.. hahthlak hian..


"Ee awle ava zia ve, min lo biak tir ngei ngei rawh aw, ka in nel tan dawn chauhva min kalsan leh angai sia, mahse chelh ngam in ni si lo... Khawngaihin min pawh zual theih nan ka chanchin te ilo hrilh thin dawn nia aw..Op " A àw chu ala pangai reng , adam dup maia, angaithla tu nih akhamawm hlawl loh. "Awle, tehreng mai" Pawn lama ruah tla in glass arawn theh huh sar sar lai chu ka thlir renga, hun kalchak zia leh hun in her danglam dan mak zia chu ka chut neuh neuh reng,rei pawh in be lem lo chuan kan ti tawp zui ta daih bawk a.

Ahnu ah Lawmsanga ka ngaih ruk ve em avangin avawikhat nan call hmasa tu ah ka tanga, ani nen erawh kan in be rei ngang mai.
____

He story hi tih sei ka tum lem lova, zawh vat kan tum dawn nia aw. 💙



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Google Adsense [Bot], Nunui Hnialum, Partinkungi and 303 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 8:57 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 10 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 10 BY 27 SENORIA
Post September 2nd, 2022, 7:10 pm

Chapter - 10
____

Kan haw atangin karkhat aliam leh tawha, naua pawh kar khat tha chiah chamna hun anei tawh, atheih ang angin in lam chet leh in hlawhna tur a neihna ah achhuak awl lova, a puitling tawh lutuk chu ka lawmah a tla tih theih ani.

Thari lah apu a channa avanga alunglen khawharna a la reh tak tak thei lova, nitin zantin kan in len chhawk reng mai ani, amah avangin zan vah chuah ka ti zing viau tawh bawk.

Bawihtea pawh ngaitu anei tha ka ti dawn nge Lawmsanga leh Ariesan an rawn be awl lova, abikin Aries an arawn be nasa, Lawmsanga erawh kan in biak karin a be zeuh thina, mahse an in biak tak tak chuan phone ka chang chhunzawm tawh ngailo.

"Naktuk ah Pi Chhungin fehah min rawn sawma,i thiannu pawh a hman chuan rawn tel se a tia, " Thari chuan dawhkan bawh nguai phah chuan arawn ti chhuaka. A àw ah chuan apeih bik vak hmel loh. "Engti turin hlo thlawh ami? " Ka ti ve vat a, zeplo chuan ka feh chhuak chak, ina awm reng chu a hreawm... "Immm hlawh fa lak teuha nikhata zawh a beisei ani awm e.. Ka peih vaklo, mahse i peih chuan ka peih ani mai" A tawp lam chu nui suk pahin a sawi.


Ka phurzia leh ka chakzia ka hrilh chuan aner núng a, engmah phei chu a sawilo. Zan dar 9 dawnah pawh haw ala tum silo chu naua leng rawn haw chuan a melh kur renga, haw tura hrilh em chu ala in sum niin ka hria..


"Remruatmawi tikhan min melh chiam suh, ka riak dawn, ka haw peih lo" Thari thu rawn sawi avang chuan naua nen kan in melh nghal kawk.. Naua hmelah chuan a riah tur a sawi avanga mak tihna a langa kei erawh engtin nge laltharzeli hian nauan a melh kur tih alo hriat theih tih lam daih ani. "Hmeichhia si duh hun huna riah chhuah, " Naua thusawi chu a ring hran lo mahse kei pawhin ka hre pha a Thari bengvar lutuk phei chuan a hre dawn chiang sa. "I mawnguih va mu rawh, mood i ti off zual i ninawm e mai.. Naktukah Aizawlah let thla lehnghal la nia ka tih, " ati let hrepa, an in ngam dun bawka an tawngkam pawh an uluk viau lo.




Reitawk fang an in hnial hnu ah hmeichhe dang nal na na na chu a ding chang zawkah tangin naua chuan a room lamah aluhsan daiha, keini pawh mu turin room lam kan pan nghal.

................
Darkar chanve vel thawm areh dupa, Thari chu amuhil ani ngei ang a thaw lak a muang dalh tawh, kei erawh ka harh tawlh tawlh mai. "Op, i muhil tawh em? " Thari àw ka hria chu ka mit ka meng nghal kawk, amuhil tawh emaw ka tia, alo la muhil biklo anih ngei hi. "Ai muhil lo, i muhil tawh emaw ka tia iva ngawi rei thei ve" Ka ti fiamthu a, arawn nui che data a zia cool lutuk chu nuam pawh ka tilo.

"Op hmangaih ka neiin ka in hria, mahse ka beisei phak loh tur ania, engtin nge ka tih ang" A àw rawn chhuak chu a rilru hahna vanga rum vawng vawng ang ani. "Ehee nang hi... Tunge min va hrilh har ve? " Ka ti hluaia, Thari chu rawn in herin a hmel ka hmu chu ka nui lai ka tawp chawt nghal, a mit chu a hnawm chhapa, thawm chhuah miah lovin alo tap char char ani tih ka hre thiam nghal.


"Awi tinge i taha? Tinge i bialpa chuan a hnar che ami?, engtin nge atih che? " Ka ti nghal zata, ka mitah min en rengin a lu a thing bat bat a, ka duh khawp lo ngei mai. "Ka duh tih ka in hriatchhuahna ala reilo, mahse ka in hriatchhuah atang khan second khat pawh ngaihtuah lovin ka awm thei lo, mahse engmah a hrethiam silo, a hreawm ka ti.. Hetiang hian tumah ka vei ngailo Op, mahse tunge anih ka hrilh theilo che.. Khawngaihin min zawt lui suh aw.. Ka in peih hunah ka hrilh dawn che ania, Aries ani miah lo ania" Tiin a in her leh daiha, sawi chhunzawm chu ka duh, mahse a awmdan chuan min ti hnual vek tawh.

.... .....
Pi Chhungi te lo a feh tur ho pawh an in kawtah kan in nghak khawm thupa, mi 15 chu kan tling ngei ngei ang, phairam nisa zu tuar leh hlak ila ni mai.


Thari pawh nizan ang em em a muk chuan a awm tawh biklo, mi hlim thei ngang ani bawka, a mipa duh ruk deuh chu tupawh nise Thari ang hmeichhe fel leh rilru thianghlim hi ahnawl anih chuan ati fuh bik lovang.


Feh kawng zawhin kan ti ti sap sap a, kan tam tham bawka anuam khawp mai. "Op, Ethana chu ala pangai tluang zel maw? " Ka hnung chiaha kal Pi Muani chuan min rawn bia a, "aw la tha tluang zel chu ani mai Pathian zarah" Ka lo ti let vata min lawmpui thu min hrilh nghal. "Enteh hmanni khan Ration buhfai ka lak na ah i chanchin an sawi nasa lutuk a, a zialo ka tiru khawp mai, i nau in a hrilh tawh che em? A awm ve renga hreawm a ti ngawt ang" Pawi tih hmel lutukin a àw chu a kúr tel ruih bawk.




Engmah nauan chutiang a sawi hauh lo, chumi avang pawh chuan hriat ka chakna a zual sawt. "Ai hrilh miahlo, engtin nge min lo sawi a, " Ka ti a, Pi Muani chu hui papin, "aa ka sawi chhuak thiam tawh chiah lo, atir chuan boruak atha veka , tu rawn tan chhuah nge ni dawn i nau in buhfai a dawh lai vel kha ni ta in ka hria, an rawn in hnial chhuak phuta, inau pawh khan a rilru natpui ve che ani ang a rawn chhang let a, ka lo khap nan, a in bengdai thei ngang biklo a" Arawn ti leha engtiang chiahin nge min lo sawi tih hriat ka duh ber. "Nu Muan sawi tlang tawp rawh, engtin nge min sawi hriat ka duh" Ka ti leh tãwla, a ngawih vung vung hnu ah..

"Aaa sawn pai chuahin an chhuah che a, Ethana pa pawhin a pawm duhlo che ani awm a, Damlohna thila in Aizawl kal pawh kha Ethana pa beisei vang te an tia, nupui nei tawh beisei ang ah che an chhuah che alawm, chutah alo pawm duh loh che avangin in rawn haw chho te an tia,an sawi nasa.. Kei aiin i nau khan a sawi thiam zawk ang.. A hrevek alawm.. I pi Zingi te thian ho awmkhawm chu mirel leh mi chungchang sawi peih reng an ni tih i hriat kha, mirel bak thiam an nei lo, " A rawn ti zawm zata, mahse ka rilru chu a nú but mai, min lo sawi duh dan ka han ngaihtuaha, nà ka ti lutuk.

Sawn pai maw.. Ni e Sawnpai chu ka lo ni pawh ani mahna,ka nulat laia nau paiin,pa hming pek tur leh koh tur a nei ve lo miau a,khami lamah kha chuan sawi tur vak ka neilo.. Mahse mi pasal em chu ka beisei bik lo tih hi hria se ka duh,chutiang thleng thlenga an lo hriat theih dan lah chu ngaihruat dan pawh ka hrelo.


Kar kalta a thil thleng tunah ka hre chuahva mahse ka hmai chhana min tawngkhum ang tluk zetin ka nà , ka thinlung chhung tak meuh hi ana lutuk... Sawi tur ka hre lova chhan let ngaihna reng ka hrelo, tunah tak chuan thlamuantu ka mamawh ber ani.


Nileng chuan rilru muk leh hnual em em in ka thlawk tluan ve theia, ka lo feh ta kher kher chu ka in chhir leh hnu hnawh. Tharin min be renga athen azar chauh ka chhang let thei. A chhan min zawta mahse ka sawi theilo, ka nà chhuak vek in ka in hria.


In ka thlen chuan varanda ah thu sawp niai in vawiin lama ka thil hriat chu ka ngaihtuah reng a, mi pasal beisei, hlawhtling tak loh avanga haw let mai chauh anga min ngaihna chu tawrh har ka tih ber ani. "Ehee hei anu pawh thawm nei miah lovin alo haw anih hi, " Naua chuan bawihtea rawn pawm chhuakin a rawn ti hluta, ka awmdan min rawn hmu chu bawihtea dah thla in inchhunga lut turin ahrilh zat nghal. "Ngati nge Op, enge thleng " Ka bula rawn thut hniam pah chuan a rawn ti a, ka dang hman lo ka mittui chu arawn luang chhuak zata, naua chuan eng khaw sawi set set lovin min kuah bet nghal.

Keipawh ka tap chhuak haka, mahse bawihtean alo hriat ka hlauh avangin ka tap ring ngam lo. "Sawi rawh, tu in nge ti tap che" Arawn ti hriam hraka, mahse ka sawi theilo a hriatsa vek thil ani a, sawi chhuak ta ila hreawm ti tur zawk chu amah leh tho hi ani. Min hrilh miah lohna chhan pawh zawh kher angailo a farnu hi min hmangaih em a, ka tana hriat hreawm tur leh tawrh hreawm tur thil ani tih a hriat ve vang ani tih ka hailo.....


Zanah chuan ka boruak tawn avangin tha thona reng ka neilo, mahse ka nu leh bawihtea mit hmuah erawh ka nuihna phena ka natna chu ka phum lut zuala, vur hnan ngei tumin pawn lamah tan ka khawh ru fan fan bawk. A vur tu te an chak lo nge, asawt phah lutuk lo khawp mai.


Ka phone bawk chu rawn ri lehin Latei ani a, biak ka chak loh lai tak ani. Ka pickup 'hello' pawh ka ti hman lo, "Op enga tinge hetiang hi ka chungah i tih? Thian tha ah ka lo ngai che asin" Sangtei àw ngei chuan tap chungin arawn ti a, ka bíng chuk chuk nghal. "Hmingmawia ka hmangaihzia i hria ani lawm ni? Hmeichhe tamtak zingah nangmah kher chu ka beisei lo asin le.. " A ãw chu a buar deuh va, a rui tih hai theih anilo, a rilru na zu in ani ngei bawk anga, asawi duh ang ang chu sawi vek se, in paih thawl se a zia mai ka rin avangin tawngkam khat pawn ka la chhang lo..

"Lalawmpui, eng a tinge tun ataka i ngawih leh kur a, min zah thar deuh tihna a mi? Aizawla in lo kal pawn i pangai vek kha... Engmah thleng lo ang mai in, ka bula i awmdan pangai lutuk kha ka huat na tizual tu che an ni.. Enga tinge ka thian ilo nih kher kher, ka hnunglamah min lo bum reng ania, Hmingmawia nen hian in huatawm ngawih ngawih... "A rawn ti vin thata, Latei in a khap ri ka hre zeuh zeuh bawk.

" Sangte ka tihpalh lutuk,ka hrilh ngam ngang lo che alawm"ka ti a, he thu hi vawi engzat nge ka sawi la ngai dawn le.. Aizawla kan in kawm khawm tum pawh khan ka sawi ngun lutuk tlat, mahse hmeichhe thinlung zawng natna in ro a rel sak tawh chuan a nem in, a derthawng si a, awlsam takin a puak chhuak leh mai thin.


"Op, I hria em? Hmingmawia nen kan in neih dawn khan maw dawt hmanga bul tan a duh loh avangin kan nun hluia kan thil sual lo tih tawh kan in hrilh tawn vek a, in chetsual chungchang pawh ka hrevek tawh. Khami tum khan maw ka nà lutuk asin, engvangin nge ka thian tha ber nen kher ? Tiin zawhna ka in zawt awl lo... Mahse Hmingmawia hian ka hmangaih aia nasa in min hmangaiha a mizia angheh em avang leh mipa rintlak tak anih avangin ka ring nghet bura, amahah ka in nghah zia ahria a, ani pawn min thlahthlam ngailo asin.. Chuan engtik laiin nge ka lo theihnghilh ve telh telha, mahse maw Ethana ka hmuh khan hmana ka natna kha a rawn thar leh hial asin... Rinhlelh loh hram ka tuma mahse a engkimah khan Hmingmawia hmel vek an lang bawk si. Khami ni kan rawn kàn hmasak ber ni ah che khan Hmingmawia nen in hmuh tir cheu ka duh thu kha ka sawi a tiraw...mahse ka pasal bulah engmah ka hrilh theilo, achhan chu maw ka thik che, Hmingmawia nen a in in hmuh pawh ka duh loh em avangin a hna kal tur pawh ka dang thin asin, engmah ka zep buai peih lo... "Arawn ti leha, ka mit sulh tawh.



Sangtei lah atap char chara, awm ngaihna pawh ka hre tawh lo, damdawiin kan awm hmasak hun lai ka hrechhuaka, Sangtei in " Bike race na ah akal daiha , 'a tih vel te chu ka hrechhuak thar zata, khang hun chhung zawng khan a thawhna hospital-ah kan awm tih reng alo hrelo zawk a, keiin a hriat tawh ringin arawn inlan tak mai ka lo beisei a, ahmel hmuh tur reng a awm lo te kha ngaihtuahna sual hial min put tur hman asin.. Mahse chutiang nilovin alo hriatloh vang zawk ani sia.. Chu mai bakah Sangteiin kha zan chungchang kha alo hresa vek tawh tih ka hriat leh zel phei chuan awm dan tur ka hrelo, mahse Ariesa an mi pahnih in pumkhat na turin dawt hmanga bultan aduhloh avanga asawi chhuahna vang chauh ani.


Zohmingmawia hi engtikah mah ka hrechiang ngai dawn lo anihhi,a pawnlam landanah te chuan mipa in vawnglo leh a paw lawh zawnga khawsa ang chiah ani a,mahse a chungril erawh mipa diktak ani thung si."Op ka haw viau na che a, mahse maw ka thiantha ber ila ni reng asin.. Ka rilru iti na viau na a, mahse chan che ka duhlo ka thian tha ber ila ni reng, chutiang bawkin ka hmangaih ber pawh hi ka chan ngam lo... Fa ilo nei kher hi ka tawrh theih loh ber ania, in lo chhetsual te kha chu thil thleng palh ani tih ka hria.. Mahse keiin fa ka awh em em laiin pekin ka awm ve thei lova, kum 5 chuang zet hun hreawm tak tak ka paltlang ve asin. Enga ti bik nge Pathian pawh hian fa min pek ve mai loh, "a àw chu tawrhna ruam atanga rawn chhuak ang mai ani.


Ariesan fa a nei thei tih a hre chiang tawha, kum 5 teh meuh fa nei lova an awm chu mihring mihrinna atang pawhin lungawi a har dawn zia ka hriatthiampui. " Khawi duhtawk teh Sangte, Op tan a nuam lovang... "Ti ri leh thawm ri rak rak a awm a, Latei zawk chu rawn tawng zatin. " Hello Op, azia lo hle mai a rui lutuk a.. lo hrethiam rawh aw,a tap tlaivar thaka," Arawn ti bawrh bawrha, Ariesa nen kan inkar min zawt chik miah lo. Sangtei kà atangin a hre zul dawn a, min zawh chian ka rin nen engmah a sawi lo.


"Late, hreawm ka ti hetiang thil a thleng hi.. " Ka ti sapa, sawi tur reng ka hrelo, "engah mah ngai suh, kan duh dan vekin khawvel hi a kal silo alawm.. I in peih hunah min hrilhfiah ve hram dawn nia aw.. Mahse tunah chuan Sangtei hi kan buaipui phawt ang.. " Tiin a dah ta nghal daiha, taksa-ah thazam reng awm lo ang maiin ka chau a, vawiina ka hna thawh hah vanga ka hahna ai mahin ka rilru hi a chau zawk.

______
Karthar kan chuang kaia, keipawh school lamah ka kal leh hna hna tawh, bawihtea erawh apa nen an awm dun avangin ka thla angam viau. Chhun chawlh laiin kan headmaster chuan training tura kal a ngaihthu arawn sawi chhuaka, displine incharge ka nih miau avangin ka kal ngei angaih hmel. Kum dangah chuan ka ai min awh sak thina, chupawh bawihtea vang zelin, mahse tun tum erawh adam tha a, kal ngei ka duh, ka in thlahrun loh phah ve mial tak in..


School kan banga, naupang ho chuan min mangtha liam liamin an in lamah an tlan haw sap spa, naupang hian nun an tihhlim zia hi nu ka nih hnu chiah hian ka hria, ahma zawng kha chuan han pawma, han chhawn chhaih vel pawh hi ka peihlo, naupang hrim hrim in min hnaih kha ka duhlo bur thin. Mahse mahni ril arah fa han neih meuh chuan a duh ber berah ka tang leh lawi si.


In ka thlen chuan ka nu chauh ka hmu a, bawihtea leh naua awmna ka zawt nghal. "I nau chu amu anih kha.. Bawihtea chu a leng chhuak , Danny a ten an rawn sawm chhuak ve miala,a motor lem leh a silai lem zawng zawng nen an in pawm chhuak ve anih kha" Tiin a nui vur vura keipawh ka nuive tho, pawi ka ti hran lo tihian rualpawl tam te hi zir se, naua awm loh hnu ah pawh a thiante bula alo awm nilen ve theih nan a tha dawn ani.


Eirawng bawl pahin Lawmsanga nen kan in text a, a messege mai mai pawh ka hlimpui theih chu mak ka in ti, hetianga ka danglam hi ka in ring ngailo hrim hrim, mitin hian duhzawng bik kan nei veka, zu ngawlvei pawn hmangaihtu a tawng thei a, hmeichhe in zuar, hmaithai fa leh mi hausa fa, nuthlawi pathlawi,mi rethei fa tu te pawh hian hmangaihtu hi chu kan lo tawngin kan lo neive zel chu ani sia, tu emaw hmangaih chu i tan engmah anih loh laiin i hmangaih em em pawh ani tan chuan engmah ani bik lovang, i bialpa kha hmeltha ti viau mahla, hmeichhe thenkhat te pawn lo duh rawn viau mahse thenkhat te mitah chuan eng teh ual ani leh chuang lo,, khawvel ani a, kan hma hunah eng nge thleng dawn kan hriatloh ang chiah hian eng ang mihring lakah nge kan luanliam dawna, kan thinlung kan hlauh dawn kan hresa hauh lo.

Pawn lama bawihtea tap thawm leh Naupangin min au ri ah chuan tlan chhuak vatin bawihte chu ka pan rawk rawka. A hmai chu a bal in apaw ngei mai, amittui luan thlakna pawh a lang kulh thei. Chutiang bawkin a sam chu vaivut in a bawh paw vek bawk.


A in sut faih faiha, a kuta a jcb lem ban chhia keng chunga a mittui a hru leh zeuh thin ka en chuan ka thinlung ati na ngawih ngawih. "A nu Op, Ethana hi a tap ania" Arawn hruai haw tu Dannya chuan arawn ti a, Ethana nen an in tiat tawk khawp mai. "Bawihte ngati nge i taha, khawi maw i jcb lem chu iti chhia a ni maw?? " Tiin a hmai bal zet chu ka tuai thuaka, asam ka tuai chu a khu ngei mai, lei nawi a tla thei bawk.

Bawihtea chuan min chhang miah lovin a jcb lem chu a bih ngar ngara, apa leisak ve ngei kha ania chutia a chhe ta mai chu a rilru ana anih ka ring ve tawp. "Lal Danny iva fel ve a, hei nangpawh chu iva paw ve vaivut ah in cheng ami? " Tiin Danny a lu chu ka tuai sak leh thuaka, an cute dun reuh khawp mai. "Ai cheng lo hrim hrim.. Lalkimpuia ten leiin min vawma, Ethana jcb pawh hi Lalkimpuia tihchhiat alawm anu Op, " Felfai tak chuan arawn ti ta reuhva ka lawmah a tla viau na chu ka fapa landan mawlh chuan ka rilru ati na..


A mit ahnawm chhapa, a tap bang tawh mahse arawn in sut leh faih faih thin. "Tinge lalkimpuia chuan a tih chhiata, a tihchhiat sak lui ami?? " Tiin ka zawt leha, Dannya chuan alu thing nar nar in. "Ai ih maw.. Ka hrelo anu Op, lalkimpuia khan a laksaka , chuan Ethana nen hian kan um a, kan khalh ve duh a, mahse Lalkimpuia khan khalh ve aphal lova, chuan nakinah khan Lalkimpuia khan a tichhe daiha" A thiam ang ang chuan arawn sawifiah reuhva, ka lo nuih sak thung, atih luih ani bikin ka ringlo, Lalkimpuia an tihhi an aia kum upa hret ani a, mahse an in kawm tlang vek thin.


Inchhungah hruai lutin chair ah ka thut dun tir a,thingpui thlum ka siamsak lai chuan Dannya chuan, "Ethan lalkimpuia chu kawm tawh miah lovang aw, amah pui hi lawm kan kawm duhlo che kan tih pawh hian alo kal lui zel a, "ati ta reuhva bawihtea nen chuan an han titi vel ta nghal, kil khatah an titi ngaithla in ka lo nui sun sun thung, an pahnih chuan bual fai ve ve in, bawihtea pawh a nui leh ver ver thei tawha, ka fapa hmel hlim sàng mai hmuh ai bakah ka thinlung damna ala awm lo.

____
Kan kawmthlang pwd tuikhurah Thar thiani nen kan in su a, aze pangai apu leh tawh a kan nui dun leh uar uar tawh. A hmangaihpa chanchin ka zawt chhin lova, ain peih hun ka nghak ru deuh tawp mahse Ariesa ani silo, tunge ni ang tih ringawt ka ngaihtuah . Naua pawh tukin lamah Aizawl a pan thla leh hna hna tawha, akal dawnah thu min chah uluk leh viau bawk,.


" Eng ang selna leh mi relna pawh ilo hria anih pawhin , eng atan mah ngai lo la, Ethana tan chauh nung tur ini tih in hre kar thin ang che, irilru anatin nangmah in tuar tawh ngai lo la, inau ka awma ka bulah i rawn tlan thin tur ani.. Tanpui i ngaih hun apiangah i kiangah awm zel ka tum dawn tihhi hre bawk la, khawvel hi hmachhawn ngam la, hlau miah suh ang che, i bulah ka ding reng tihhi theihnghilh ngailo bawk la"min ti anih kha.. Ka sawi bang theilo heti em em a unaupa puitling ka nei hi, engtik lai pawhin ka lamah atang fan zel a ka tihsual leh ka tih dikloh na ah pawh min tan athulh ngai hlek lo, ka tan chuan engkim tih a huam a, unaupa aiawh zo ber ani ka ti lo theilo.


"Op, engtin nge Ariesa te nupa in kar chu ni ta zel i hria em? " Thari chuan thawmhnaw tleuh phah mawlh mawlhin min rawn melh zeuhva, ka lo ngaihtuah chhin ngai miahlo. "Ka hre miahlo, an that chu ka ringa mahse an pangai dun erawh chu thil theihloh anih ka ring, aaa ka hrelo le. A tu nen mah kan in be ngailo, " Ka ti let a, an nupa inkar lehzel zawt turin khawilama huaisenna mah ka nei pha teuh lo. "Thar amak ka tih deuh chu maw, Ariesan ama nu ngei hetiang em em a ahuatna chhan hi ka hrechak zawk.. A hminga koh tak ngial pawh duhlo hmak thei khawpin a hua ania, " Ka ti a, Ariesa ka mitthla zui zat nghal.


"Nia tiraw amak ve riau, tu pawh lo haw mah ila kan hming a min auh thinna thlenga huat em em chu a awm theih pawh ka ring ngailo, mahse ani kha chuan a haw hlum lo chuah ani sia.. Nang pawh khan i koh tawh tiraw? Engtin nge atih che? " Arawn ti zata, anui ruh ruh leh nghal. "Koh tawh chiang e vawi khat mai pawh anilo lehnghal, engtin phei chuan min ti hran lo, mahse a hmel a hlauhawm tawp " Nui ve sukin ka chhang leta, Laltharzeli chuan min nuih vur vur phaha ner sukin, "engtin mah atilo che maw, ava mak ve? "A àw chu a han thluk kúr kual vel khanglang anih chu.. Ka ngei tawk alo tling leh hle bawk.


" Hnapi ngawi rawh, i rilru hi silfai angai anih hi thil zawng zawng i ngai kawi reng mai" Ka ti hlak hlaka, arawn nui uar uar leh ta nghal. "Nge vak vak a che, thil mak anih chu.. I thian nu leh anupui tak ngial pawn an koh ngam lo iti a, ithiannu phei chu zun cheh hial khawpin a siama, chuta karah nang a hmelhriat thar ang tluk engtin mah a tilo che a, amak ve riau alawm.. Nge Ariesa hian nang hi.. " Ati chiah chu ka tui no ken a tui awm chuan ka theh thawta a tre ring ngang mai. Min rawn theh let ve zata, a tawpah phei chuan kan thawmhnaw suk ai mahin kan zawr tawh zawk.


"Dutawk rawh chutiang te mi bulah ilo sawi ange, awm ang lo lutuk" Ka ti hlaka, ner vak phah hian. "A duh che ka ring, " Ala rawn ti ham ham zui, ka chhan let zel chuan min chhang let zel dawn tih ka hria a, ngawih ka chuh ta zawk a.


Zanah Lawmsanga nen kan in bia a, Champhai lama an transfer thu arawn sawi rual chuan ka in perh tho rang hle, "keipawh kartawp hian training turin ka lo kal dawn sin Champhaiah chuan" Ka ti hluaia, bawihte an min en kar mai. "Ani maw ava tihzia ve ka hmu chak tawh lutuk che, keipawh naktukah emaw tuklehah emaw ka rawn chho ve nghal thei ang, kanin hmu dawn nia.. Ka hmangaih lutuk che Op" Arawn ti nung sarha, kan phur zia leh kan helhhawlna chu in sumna nei lek lovin kan ti lang hi ani ber.

Kan in be zo fel deuh chiah ti-ah Zaihminga arawn pen lut hlawk hlawka, ahmelah chuan thu hmanhmawh thak a awm ni ngei tur ani. "Lal Op, bike inthlansiakna a tel thin hmelhriat i nei ami? Tharzelin min hrilh a ka rawn zawt chiang dawn che" Arawn ti bawrh bawrha, kan thutna thuthlengah tho chuan arawn thu thla ve zat nghal. "Maw Racer maw.. Awm ang lo lutuk ka nei reng reng lo.. Thari chuan a tihder mai mai che anih chu" Ka sawi zawh rualin Aries ka hrechhak zata, racer ani ve thalin ka hria, mahse racer pangai tak tak anih leh nih loh erawh ka hrelo.


"Ani maw Thari khan i neih thu leh a no pawh i neih thu a sawi chiang ve viau sin le.. aa ava buaithlak tun tum tournament chu telve ka chak a sin le" A ti niap niapa, amangan hmel lutuk chu ka khawngaih ta tlat. "Aa Zaihming ka hmelhriat pakhat hi a tive thinin ka hria mahse ka chianglo .. Lawk aw a no ka pe ang che anga i be dawn nia" Tiin ka phone ka hmet zata Ariesa no chu ka thawn nghal. Zaihminga pawh chuan a call ve nghal maia, min rawn en leh zuk thin avang chuan a pickup theilo ani ngei ang. "A la theilo, ano hi i chiang maw? " Ringhlel deuh si ringlo ngam chuang silo àw thluk chuan min rawn zawt leh a, uar zetin ka lu ka buk khum.


"Doctor ania aduty aniang" Ka ti chu arawn meng pawng nasa ngei mai. "Doctor aaa!!!, i sawi awmzia chu doctor ni in bike racer ani bawk maw.. Eheee" A ti hluaia, angaihsan vang nge, ain daih zai atih vang zawk pawh ka hrelo.


A Call nawn leh a, apickup rual chuan in sawifiah nghal zatin a tel chak thu chu a sawi nghal zawt zawta, bawihtea nen phoneah cartoon kan lo en daih thung. "Op kha a be duh che" Tiin aphone chu ka lamah arawn leka, zawite a rawn phun supin, "min puih ka ngai nia, tha deuh khan be teh" Arawn ti sur sura, alo hriat theih vek ka ring tho. "Imm hello, " A reh ruiha, signal chhiat vang erawh ani lo. "I tha em? " A àw chu a thawp sat mai hian ka hria, a chauh hmel em em bawk. "Imm tha alawm nangni zawk, Sangtei a tha zel em? " Ka ti nghal zata, a thaw hak ri chuahvin min chhawn. A awmzia chu an la tha lo tluang zel tihna ani ngei ang..


"Tunge khapa kha? " Ka zawhna pawh chhang lovin min rawn zawt let daiha, chhang phawt tur a ka duh avangin ka zawt nawn leh ngat, "sawi phawt rawh Sangtei enge a an? I sawi chhuah thawt thawt avanga thil thleng anih kha.. Nangman chingfel vek ang che, buaina i thlen nasat zia hi i in hria em? " Ka ti hlak hlaka, Sangtei rilru na in min tawng khumna kha ka theihnghilh thei tlat lo. Sawi chhuak lo mah ila thinlung hian a pai ru tlat si ani.


Ariesa chu hah hmel takin athaw deuh halh a,min chhang se ka duh mahse ngawih a chuh leh tlat thung lawi si,chu chuan min ti thinrim zuala. Ahun lo lova a kà aven zawh loh vang vek. "Zohmingmawi ka biak che chu, min chhang vat ta che, i tawngthei viau ani lawm ni" Ka ti leh hlak a, Zaihminga awm ve pawh ka zah zo lo, ka thinrimna a thar thawh leh veka, ka rilru na dam thak thlenga phun khum bawrh bawrh mai ka duh. "Eng hi nge i hriata Op? Nang tal chu i dangkam ve ka lo ring asin" Vawt ruih hian a rawn ti a, a àw ah chuan natna alang chhuak thei.


Zaihminga leh bawihtean min en kar bawk si, in beng daih hram hram tumin ka in fuih mawlh mawlh a. "Enga tinge tupawh hian min dem reng mai le? Hriatthiam hi ka harsa viau ami Op, Pa hming ka pek hi i lungni ngang dawn lo anih chuan sawi theih ka nei hleinem, ka thisen a kai ve avanga dil ngam chuah che ka ni, mahse ka duhtawk san che angai tawh niin ka hria, nang tal chuan min hriatthiam ka lo inrin avangin zahtheihloh ka chhuah ve a, ka tihpalh ani.. "A tawplam chu a zuih ral ti tih a, chutianga min chhanna vang chuan ka hreawm tihna a tizuala, ka in thlahrunga, nuam lo ka tiin apa anihna anga a dinhmun chu luah chhunzawm zel tura ka duhzia ka in hre chawp chilh nghal.


" Chutiang zawngin ka sawilo, tinge maw a nilo zawng hlira ka thusawi hi i lak khawih tlat le.. I mak e mai, in nupa inkar chhiatphah na turin Ethana hi chu thlang suh ka tihna lam zawk ani, Pathian zarah nangni pawn fa duhawm tak tak in la nei ngei anga.. Sangtei nen in inkar tal hi chu chingfel hmasa hram phawt teh.. Ka thusawi hi lak khawihna tur a awm reng reng lo, "ka ti let zata, ka àw chu tlem chuan adam ta deuh. "Lalawmpui eng ang hmeichhia nge maw i nih le? "A rawn ti let ta daih a, ka sawi leh tur zawng zawng an bo diak nghal.


" Maw?? Enge i sawi awmzia? "Ka ti let nghal. " Min hlau ve lo ami, min vin hrep lehnghal, "arawn ti a, ka nui hak. Kan thusawi a rawn ti danglam daih bawk nen uar zet chuan , "hlauhna chhan tur che a awm mi? Ka hlau loh zia che chu pui tak ani" Ka ti a, Ariesa pawh arawn nui ri ve hak tho. "Nangmah ngeiin i sawi kha tu tan pawha ka hlauhawm zia leh ka nelawm loh zia, ka fapa leh ka nupui thlengin min hlauh zia min sawi khum vak vak kha ka hre reng alawm, " Arawn ti dul riaha, a àw chhuak chuan hlim derna pawh a pawh phalo,mahni insitna leh induh khawp lohna hlir in a khat hian a hriat, ka hnar ka hmu lian ngei mai,zahthlak tih piah lam ani.


"Khangte chu thinrim laia thusawi mai mai anih kha.. Lak thutak chi pawh anilo.. I hlauhawm hleinem, i fel lutuk alawm" Kan ti leh hnu hnawha, atangkai lo ber awm e, ka zah ru ngawih ngawiha, ka thinrim hian insum theihna hi ka hlauh tlat thin si a. Thil tha lo ber ani. "anih ka ring, khapa kha tu maw aniha? " Arawn ti a, Zaihming mei zu khu luih chu en zeuhvin, "ka thianpa ania, lo pui teh i in race ve thin tiraw kha" Ka lo ti ve leh hluai, Zaihminga pawh arawn phur ve hlut a. "A tha alawm, mahse Op a dawt leh awm tawh suh se aw, tun hi a hmasa ber leh atawpna nise ka duh" Arawn ti a, asawi awmzia ka man pha ta tlat lo.


"Enga?? Enge i sawi awmzia chu.. Ka hrethiam lo ania, " Ka ti let nghal a, chutah Ariesa chu beidawn hmel zeta thaw hakin, "tuna mi ang hi, ka ngaina lo" Tih leh off a rual a, phone chu ka melh reng ringawt. Hepa thusawi pawn lang thin lutuk hi chu aw.....


Zaihminga pawh a tanpui tur thu ka hrilha alawm ve ngang mai, min han chibai leh ang lawp lawp a.

_______
Champhai panin carin kan tlan a, middle school displine incharge Pu Ramdina leh anupui te nen kan riat nawk nawk mai, chhangchhe chhungkua an ni a, mahse a nupui hi amah ai kum 5 emaw kum 6 velin a upa fe a, naupang enkawl athiam in thunun dan a thiam bawka, Pu Ramdina lah Displine incharge kengkawh thiam lutuk ani bawk nen, an fate an thunun dan chu a tha fiat fiat khawp mai.

"Miss Op kum engzat chiah nge inih tawh" Pu Ramdina chuan seat hnunga an fanu nen kan thu chu min rawn bia a, "kum 22 ka nia, tinge? " Ka ti let nghal. "22 maw, iva la naupang ve, ka rinai daihin i nutling reuh.. Tun ang huna kum 22 te chu an laktlak loh hlawm teh lul nen" A nupui Nu Kungi chuan arawn ti zata, nutling tih thumal chu ka lo lawm leh hle. "Anih pasal neih leh te hi i tum nge tum lo, ila nuapanga nei leh awm tak chu ini? " Nu kungi bawk chuan arawn ti a.


Pu Ramdina pawn thlawp tih hriat takin, "ni e, keipawh ka rinai daihin ila nuapang a, nula tuai tan tur chauh alawm ila nih le... Chawngtui nula hmeltha leh fel,, chuan awm bawk si pasal tha tak nei leh ngei ngei tur ini.. Bakah hmeichhia hian in humhimna hi in mamawh nasa bika, pasal te thlazar hnuaia awm hi a hahdam thlak bik riau ania, nilawm ni Duhtak, " Tiin An nu chu a nuih vur vur a Nu kungi pawn uar zetin, "dawn lawm ni, hmeichhia hi chu kan derthawng lutuka, kawng engkima min thlamuan reng tu leh min awp lum tu kan mamawh.. " Ti pahin an pa biangah a piai saka, ka lo nuih ang vur vur a, an thusawi chuan rilru a luah khat ve riau mai, Lawmsanga ka ngaihtuaha, inneih thu sawi ila ain peih at nghal ka ring, kanin hmangaiha, hnarna chhan tur pakhat te mah ka hre lo, innei in khawsa dun ni ngat ila chuan min duatin, engtiklai pawhin min humhim reng dawn tih ka hria.


Mahse keimah lamah hian pasal han neih em em chu ka la ngaihtuah thei tlat lo, kum zawng pawhin ka la upa lova, chu vang te pawh ani mahna le..Training center kan thlenga, programme an lo tan ti tih tawh bawk nen lan lut nghal vata, hotu ten naupang enkalwl dan leh hrem dan te an sawi chu ngun takin ka ngaithla a,keimah ah sawtpui ngei ka tum bawk.


Tlailam dar 3 rik hma deuhvin kan tling tla thei hram a, Lawmsanga missed call tam zet chu ka call back nghal. In hmuhna tur arawn sawiah Racksaw la in ka kal zata, Nu kungi te in entur an la rei dawn tih ka hre bawka an hman hma chu Lawmsanga nen hun hman dun char char ka duh.

Remrem Restaurant kawtah chuan Lawmsanga ding chu a sir zawngin ka va hmu a, racksaw atanga ka chhuk thla chu min rawn pan nghal. A ban dinglam chu a ulh nge a thliak ni dawn a tuam chhah khawp mai. "Tinge i ban kha? " Thil dang sawi lovin ka pan hnaia ka zawt nghal. A kut tang zawng zanwg pawh arawn vung chhuak vek thei. "Ho te male, ke van vawr tak meuhin tlangval apumpa ka tlu a, a na lo miah lo" Nui vur vur in a rawn ti a, ka lo then chak thung. "Ivan fimkhur awm lo ve, anat hmel hle mai, a dam har ngawt ang" Ka tih pawh chuan ngaihngam taka awm turin min hrilh duh chauh, ana dawn lutuk tih hi ka chiang , an tuam lohna chin pawh a duk kulh thei tlat ani.


"Hawh lut ang ka ril atam tawh lutuk, ka lo nghak char char che alawm, " Tiin restaurant chhungah chuan min kai lut a, aban nã mawlh chuan rilru aluah. Eitur kan chah kan nghah laiin Pu Ramdina call ka dawnga, rang zetin ka pickup nghal. "Miss Op, khawnge i awm? Enteh hei bawihtei hi an admit leh thut sia, kan va haw rual theih hmel tawh loh ve aw,,ka in thlahrung viau na chu khaw thenawm rawn kalte khan sumo an hire a, anla haw ka ring lo i lo ngaihven chhin dawn em ni? " Inthlahrung tak chung chuan arawn ti dam dapa, damlohna thil hi chu tuma sawi lawk theih ni hek lo. "Awle ava zialo ve min ngaihtuah suh ka lo in buaipui thei mai ang, " Ka ti a, Lawmsangan min melh zuk nghal.


"Nga tinge, buaina a awm ami? " Phone ka dah rual chuan min rawn zawt ta nghal chiaha, "nia ka rawn kalpui te kha an fanu entur phah tur an nia, mahse an admit leh sia , haw na tur ka neilo tihna anih chu.. Mahse a pawi lo khaw thenawma thawk te ho hriat ka nei nuala kan be chhin ang, an la haw loh chuan an rual in ka haw ve mai ang, " Ka ti a, ka phone ka bih nghal, "avan buaithlak ve, "Lawmsanga phun ri sap chu ka hria, zeplo chuan keipawh ka buai ru takzet.. An lo haw hman vaih chuan engtin nge ka haw ve tak ang, Champhaiah riak ve dawn ila chhungte pan tur kan neilo hrim hrim, hmelhriat pakhat pawh ka neilo.


A tawp a tawpah Miss Hmingtei chuan call arawn pick theive teh mial, " Aw hello Miss Op , hla an play ring lutuka ka phone ri ka lo hre lova, enge ni ta", a au in a rawn au va, motora tlan an ni tih hriat takin a ri sur sur bawk. "In haw tawh ami? " Ka ti nghal zata, 'aih ti hram turin ka duh ngawih ngawih', "aw hei Zotlang pheiah kan tlan mek.. Thiante ho hi an hmanhmawh hlawm lutuk a,enge ni ta, in haw tawh zawk em? "Arawn ti leh lang langa, ka hnual nghal rawih thei. Kan chanchin ka hrilh hnu chuan ka off daiha,tihdan ngaihtuah vat vat ka ngai, " An haw tawh ami? Engtin nge ni ang, ka va thlah mai dawn che nge? "Lawmsanga chuan arawn ti a, a kut na chu ka thlek zeuh nghal.

" I kut anat kha motor i khalh thei nang" Rilru hah avangin ka tah a chhuak lek lek tawh. Lawmsanga chuan hmel hahdam zeta min nuihin, "kut veilam ka la nei alawm, aharsa lutukin ka ringlo, hahdam phawt rawh.. "Tiin ka kut arawn vuana, kan hun neih chhun tlemte chu bawh pelh ka phal bik loh avangin haw na tur chungchang lam chu thil ei zawh lama ngaihtuah thatah ka dah lui ve hmiah....

Inbe lem lovin kan in nuih leh suk suk thin a, avan laih theih ngai tak.. "Ehee saw Hmingmawia te,, " Tia Lawmsanga hawina lam ka en chuan Ariesa leh hmeichhe pakhat rai puar ul tawh hi an rawn in zui lut chu niin, engtin nge Champhaiah daih daih a awm leh theih le.. Lawmsanga chuan au vatin min rawn hmu chu Ariesa hmelah pawh eng emaw ka hmu tel zak.

Hmeichhia chu ka bulah arawn thu a, Ariesan a ngaihsak zia chu mak tih tham tak ani, anupui Sangtei ai pawn angaihsak zawkin ka hria.. Tu tak ni ang maw..?


???????? Tunge ni ang le tiru?? Ariesa nupui pakhat zawk kan nih tir mai dawn ami?? 🙃🙃



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Nunui Hnialum, Partinkungi and 281 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 8:58 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 11 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 11 BY 27 SENORIA
Post September 4th, 2022, 7:06 pm

FB_IMG_1662291632044.jpg
Chapter - 11


"Hetah te enge itih a? " Ariesa chuan min en karin chu zawhna ka rilru a zawh ka tum mek chu min rawn zawt zata, "nia hei arawn training ve anihhi, nang zawk Champhai ah daih daih" Lawmsanga zawk chuan min lo chhan khalha, mahse Zohmingmawia hian min en ngat ngat anih chu.. Enge maw ahriat hrep ni..


"Hei ka nau hi ka rawn kãn zuaia, nang zawk? " Tiin Lawmsanga lam chu a thlek ve thei hrama. "Nia van neih thlak takin Champhaia ka transfer dilna kha min pawm saka, ka lawm khawp mai Aizawl kha chu duhai ahla hreta" Tiin lai zetin min rawn nuih suka, Ariesa pawh anui ve suk tho.


An ti ti zawm ta zela, ka bula thu nu nen erawh kam khat pawhin kan in be lo.. Chuti chung chuan Lawmsanga leh Ariesa in biakna chu ka ngaihsak loh vang nge ka bengkhawn loh vang, ka hrechiang mumal miah lo bawk.


"Thianu engtin nge ka koh ang che keichu Lawmtei ka nia" Tiin raipuari chuan min rawn bia a, "Lalawmpuii ka nia Op min ti mai rawh.. Thla engzat nge ni tawha, " Tiin a dul chu ka khawih saka, apuar len danah a hrin tep tawh ka ring. "Thla 7 na ahmang mek, phir an nia, an rit khawp mai" Tiin a dul chu a chula, ka rai puar lai min ti hrechhuak thei hial.


"U Hmingmawia nen hian in in hria mi? " Tiin min rawn thlek hà a, Ariesa lam en in min rawn ngaihven lo dun khawp mai. "Aw school kan kal tlang thin alawm" Ka tih chuan a meng deuh àwr a, "anih chuan nangmah hi maw.. Op a tih.. Lawmi" Ariesa chuan arawn dang chat zata, ka melh tawn zuk zuk thung. "Ee englo in school kal lai chanchin min lo hrilh tawha u Hmingmawia hian" Arawn ti daiha, nichina asawi tum kha ani hauhlo tih mi à ka ni lova ka hrethiam lutuk, mahse zawh kher ka tum lo.




Thil kan ei zo chu kan in zui chhuak leh dap dapa, Lawmsanga nen chauha awm ka chak viau na chu a theih ngawt bik silo, "ka lawmpui ache" Ariesa chuan zawi em em hian arawn ti supa, min bia tih pawh an hre kherlo tih Lawmtei leh Lawmsanga chezia ah chuan ka hmu thei. Ka nuih let tawpa, chhan letna hman a awm miau lo. Eng vanga min lawmpui nge pawh ka hre lem chuang lo.


"In haw nghal dawn em? " Lawmtei chu thlek zeuhvin ka zawta, "ai haw nghal lovang bawihtea tan eng emaw leisak ka duha, nangni zawk"arawn tih chuan thil ka hrechhuak thut, bawihtea tan jcb lem leisak ila alawm viau in ka ring. " Keipawh bazar hmasak ka duh ve a, ka fapa tan" ka tih chuan a meng kàng leh deuh zawk chu ka hmu hman leh hram, henu hian min hresa amaw ni ka ti hial tawh.


Naupang thil leisak ngai ta ve ve chu kan in zui ho leh ta a, Lawmsanga nen chuan a hma ah kan kala, kan titi tuiin bawihtea tan a ka thil leiduh chhan te chu ka hrilha, min chhuanzia a tawngkama langchhuak chu ka ngaithla kham theilo.

Naupang bungraw zawrhna dawr lian ve pangai takah kan luta, ka thil zawn ber awmna lam tura ka rinah ka kal sawn nghala, Lawmsanga pawn hmun dangah alo zawng kual ve nghal.

..........
"Eng nge i zawna? " Ka phu nasa lutuk chu ka motor lem ken ka tlauh thei hial, "min hmu chu iva lawm vak hmel loh ve" Motor lem ka thlauh chhar phah chuan Ariesa chuan min en ngura, ka ner khum sak thung. "Thlarau sualin a man che ami? Thilmak pui pui i sawia" Ka ti zata, ngaihtuahna maksak tak tak anei hi ka hrethiam thei tlat thin lo. "Min man reilo se a tha ang, ngaihtuahna fim put hram hram ka ngai sia" Tiin ka kutah motor lem chu arawn hmeh bela akalsawn leh ta daih, ka en zui reng ringawt.


Hepa chezia hi chu amak ve thawt ani, "Op heihi a nalh iti em" Tiin Lawmtei chuan silai lem nalh zet hi min rawn hmuha alian tha a, mahse azang em em lawi si. "A tha lutuk leisak rawh i fapa chuan aduh ngawt ang" Ka ti a , aphur hmel viau bawk. Kei erawh ka thil zawn ber ka la hmu silo, ka haw na tur chungchang lah ka ngaihtuah mai thei silo, ka rilru a tawt ru tawh takzet.

"Ee Lawmte engtin nge Ariesa nen in in unauna a nu lam nge a pa lam" Tiin ka zawta , Lawmtei chu a meng kang deuh zawka mahse ain siam tha vat nghal. "Ai chutiang anilo U hmingmawia nen chuan inchhungkhatna kan neilo hrim hrim Home atangin kan seilian tlang mai mai alawm, mahse u ka neih chhun liau liau ania, " Ka thu hriat avang chuan ka vawn lai thil chu ka thlauh tih ka hria, mahse pangai turin ka in control hram hram..




"Engmaw i sawi kha.. Ariesa hi fahrah maw anih?? " Ka thaw tha theilo hial in ka hria, ka thin chu atawt up up mai. Lawmtei lah chuan mak min tih hmel zet hian, "aw ni e i hre nange, avan mak ve tu bulah mah a zep ngai si lova, i zawt chhin tawh reng reng em? " Arawn ti zata, thaw chhuak kawkin ka lu ka thing nghal.

"Ee chuvang anih chu, zawt rawh a hrilh vek ang che, keimah anglo takin arawn chawrchhuahna hi azahpui ngailo, amah avang hian tun dinhmun hi ka din ve phaha, nu leh pa kara seilian ni ta pawh ni ila Uhmingmawia min enkawl ang baka min enkawl bik ka ring chuang lo.. I hria em unaupa ka mamawh laiin unaupa angin a awm a, laizawn ka mamawh lahin laizawn angin a awm leh bawka, nu leh pa dinhmun zawng zawng nen a awh thei vek bawk asin. Ani ka tawng hi ka vannei khawp mai, ka tan chuan Pathian aia a nepna ka hrelo"arawn ti nung sarha , asawi zawng ringawt pawhin Ariesa chu a dahsan zia leh a tana ahlutzia a hriat theih.

Home atanga seilian maw alo nih reng? Mahse han en mai chuan Home atanga rawn seilian anih rinhlelh awm rum rum khawpin anun dan adang hlak si. Engtin tak nge a nun hi a fight chhuah ang le? Ka ngaihtuah chhin ringawt pawhin ka khawngaihna ka dang zo lo, ka lainat ngawih ngawih. A nun ruak em em a ka lo hriat thinna te kha a dik zia ka hma ah ngei hailanin a awm a, anun bul tanna hian azirlo em bawk ani.

"Op i tha maw? I hrelo chu mak ka ti zawk daih asin? " Lawmtei chua arawn ti leh a , kan school kal lai khan fahrah ani tih hi tu tak khan lo hria ang maw. Mi hausa rún bela seilian kha falak chawp mai alo ni reng bawka, ngaihtuahna a bing mup mup mai ani. "Anih Lawmte engtia rei nge home ah chuan a awm i hria em? " Ka ti leha, hepa chanchin hi hriat vek ka duh, ka tih danglam sak thei tawh dawn lo tih in hre mah ila, a rawn khawsak chhoh dan hi hriat ngei ka duh tlat.


"Ihhh ka hriatsual loh chuan kum 9 vel aniin ka hria Champhai a mi tho mi hausa deuh nu pakhat hian arawn hruai daiha, chumi hnuah Aizawlah an awm leha, keini pawh kum tamfe kan in hmulo char char alawm.. " A chawt data, Ariesa counter lama ding reng chu en phei vung vungin a nui saka. "U Hmingmawia hi awm lo ta se kan home pawh hi an ti tawp tawh ang, mahse Uhmingmawia hian a sum hmangin min enkawl pui char chara, keipawh pasal ka neih hnu ah ka thawk leh ngat alawm.. Kan tan chuan kan sei lenna kan inpui ber ania ahlutzia chu sawi thiam phak bak ani, lunghlu leh rangkachak in lianpui pui ai a hlu daih zawk.. I hria em Uhmingmawian nupui aneih tukah khan kan home mother 'nu'tih hlira kan auh thin in min boral sana, kan tuar thiamlo tlang asin aw. Abikin uhmingmawia hi ka khawngaih lutuk, amah bikhi home motherin a chawi seilen ania, a nun a beidawn sa tehlul nen a beidawng lehzuala, atan hi chuan thiantha tak amah hrethiam em em tu chiah a mamawh, ka bulah hian engmah a zep ngai lova, mahse dawt min hrilh zeuh a ching tih ka hriat khan a nun beidawn zia ka hriatchhuah phaha, achhan erawh ka la hrechhuak theilo, chuan nangma chanchin pawh hi ka hre nual asin, Uhmingmawia nen fa in nei tih te ka hria a, chuan mipa pakhat kha i bialpa ani tih pawh ka hria, "a tawpa athusawi avang chuan a rawn nui ver vera, kei erawh thu kal tawh ka ngaihtuah let thung,

Ariesan rilru nat hmel zeta 'hriatthiam hi ka harsa viau ami' a ti lai te kha ka hre chhhuak thara, hreawm ka ti ngawih ngawih. " U Op eng ber nge i zawn ka lo zawnpui ve ang che, keichu heng ho hi a tawk mai, "tiin a thil lei tur ho chu a dahkhawma, ka rilru kal thui luatah ka thil lei tur pawh ka lo hrechang tawhlo .

Chutih laiin Lawmsanga arawn langa, akut khing hnihin Jcb lem hi arawn keng bawk, ahma a bawihtea ta ai an lian hreta, ka mit alo la nghal hle. " Op hei ka hmu a, mahse duhthlan ngaihna ka hrelo, apahnih hian kan leisak mai dawn nge? "Tiin a lek kàng zeuhva, Lawmtei arawn nui hak hak nghal. " Lei sak rup rawh, pakhat achhiat hunah pakhat kha ani leh mai alawm, analh reuh sia, bakah a tlo hmel sia a tha lawm"arawn ti a, keipawn ka han bih chiang ve a analh dun reuh zek lehnghal, duhthlah tur ber pawh ka hrelo, pahniha lei em em chu a tihchi leh chuang si lova a dinglama aken zawk chu la thlanga counter lamah kan in zui phei diah diah nghal.


Pawisa kan tihfel laiin Lawmsanga chuan, "E Op i hawna tur chungchang kha, Hmingmawia hi ka lo hrilh a, thlah che alo in huam hlauh asin, kut veilam chauhva motor control chu ahim lo e mai" Arawn ti bawrh bawrha, Ariesa ka en zeuhva, min en ve lem hlei lova.. Lawmsanga chuan bawihtea jcb lem chu aman ape lui tlata, ka hnial hneh ngang lo. "Lo awm ula car ka va la lawk ang", tia Ariesa kalsawn chu ka en zui renga, a thil tawrh chhuah ka hre kim lo ngei mai, mahse a huaisenzia leh atawrh chhelzia erawh ka haider theilo.

" Op, ilo zin leh hunah kan Home te chu ila rawn tlawh ve dawn ania aw, kan thuam tha ve zela, a pangai tawh tawp" ti hluaiin Lawmtei chuan Ariesa kalna chu a thlek vu vu a.. "Tehreng mai, " Ka lo ti ve mai, kal lehna tur chhan avang mai dawn sia, training tur lahin hnakum lamah daih ani dawn bawka, eng tikah tak kal leh thei ang i maw..? "Ee U hmingmawia hming hmasa hi ka hrilh ang che aw, mahse hrilh kher lo la, " Tia arawn phun ser ser chuan ka lu ka bu vata.



"Lazarus ania, amak tiraw, Home Motheri phuah sak ani nghe nghe, mahse fa tan an rawn lak hnu khan Aries tiin an thlak sak leh daiha, mahse chuti chung chuan U Hmingmawia hian Lazarus tihhi ala thlah thei lo, home motheri a hriatchhuah phah thin a, amah auh nan chuan kan hmang tawh lo mai mai, Lazarus anih lai chuan maw mipa naupang hlim thei lutuk ania, a fel a, tupawh unau ang vekin a en a,min kawm vek thei a, kawm ngeih fal bik hi anei ngailo reng reng, awi khang hun ka ngaihtuah let chang hi chuan ka ngai ve thin, nu leh pate duhloh ni mah ila , chhungkaw ropui leh member tam tham zet Pathianin min pe a, unau kan tama, a nuam ve thin lutuk asin, "a sawi lai mekin Aries a rawn thlenga Seat hnungah ka thu lut nghal.

Lawmsanga erawh a awmna veng leh kan hawna tur kawng ain an miau loh avangin min en liam tawpa, hun nuam tak hman dun ka lo suangtuah ve te pawh engmah lo ah an chang vek. Lawmtei chu a tawng siam siam a, zin leh turin min chah awl lo, Lawmsanga nena inhmeh min tih thu te, fel leh tha a tih thu te, min care zia ahmuh avanga min hmangaih zia a hriatthiam thu te chu asawi awl lova, Lawmsanga chungchangah na na na chuan ka insum theilo, hlim sàng in ka lo chhang let ve zel a.

......... *****...........
Zotlang kan pel a, Lawmtei a telve tawh silo, Ariesa nen ngawih kan in chuh tih theih ani, Lawmtei ka ngai ngei mai, rawn tlang daih turin pasal fanau neia khawsa an ni ve bawk si.

Kan tlan zawnga thli thaw heuh heuh te chu a rimtui ka tiin hip zawh vek mai ka chak,thingkung ding khup mai thlazar hnuaia kan han tlan luh changte phei chuan ka hahdam sawng sawng thei,khawvel hi ahmang thiamte tan chuan chen tham ani a,a hmang thiam lo te tan erawh khawvel hreawm ani thung si, "hla ka play dawn pawi iti em? " Ariesa chuan min ràwn pahin min melh zeuhva,pawn lam ka lo thlir san veng veng vang pawh ani mahna..ka lo pawmpui viau mai, chutah a hmehna chu hmet rek rekin maimit chhingin keiin a hla rawn play tur chu ka lo ngaichanga,thlirfim thaw heuh heuh chu ka dawng kham mawlh lo,mahse hla arawn zia chiah chu Aries ka melh nghal kawk..!!

A hmel en in hiphop hle emaw rap lampang emaw love song ri dup dup chi arawn play ka rin nen, pathian hla a rawn play daiha, ka en tlawk tlawk, ka àt hmel ngawt ang.


"Hlim ni herliam in lungngaih niin kan khar leh thin,

Lawm ni herliam in tahniin kan khar leh thin;

Hringmi nun a lo ni si, kan rel leh ruat a ni si lo,

Min thlir, min hmu, min hrereng si, kan tana tha tura ruat a ni si."

Tih arawn sa chiah chu Ariesa ka melha, mahse pangai hmel takin hmalam a en deuh rún a, Lawmtei thusawi kha zawh chian ka duh a, mahse ama tan hian sawi ahreawm ka ring ve ru kar bawk si, han zawh dan mai lah ka hrelo..


"Heng zawng zawng hi tuar lo ila ka hringnun hi engtin hmang maw?

Chapo nain ka lo khat ang a, i hming reng ka lam awm si lo,

Lalpa i remruat a lo ni, kei ka tana tha tur zawk in."


He hla zet chu Ariesa hla ani ringawt alawm le.. Nguntakin ka ngaithla a,a chhungril nun puan chhuahna ni hialin ahriat. "Aries thil ka zawt che nga, thinrim lovin tha deuhin min chhang rawh aw, " Ka in sum thei leh ta pek lo chuan ka ti leh ta tawpa. "Imm sawi la, ka theih chin chin chu chhan che ka tum ang, " Landan hahdam takin min rawn en a ka awm anuam ve sawng sawng thei.

"Ih Lawmtei khan in naupan lai chanchin min hrilh a, ka rinloh lam daih ania, kimchang deuhin min hrilh thei em? Sawi aharsat chuan sawi kher suh, ka hre chak ve mai maia" Ka ti a, keini ila ka fahrahna nun hunlai sawi ka theih pawh ka in ring lo. "Engchin zawng nge ahrilh che sawi hmasa la.. " A àw chhuak ala pangai vek, mak ka ti letling zawk.. Mahse kum tam a liam tawha thil tamtak a tuar chhuak ve tawh ngei bawk anga, a puitlinna rilru zawng zawng nen chu thu sawi chhuah chu a harsat lutuk lo pawh ani ngei ang.

"Englo home a in awm tlan dante , tuna i nu in arawn lak daih dante leh i hming hmasa chungchang vel kha ni deuh mai, " Ka tih chuan nui hakin, "chu bak sawi tur a awm vak chuang lo asin, " A àw dam leh lutuk chuan ngaihte pawh a ti tha lo, a hmel en in mipa 'a MAN e, a pa e' kan tih ang hmel apu si ani. "Aw chulo pawh sawi tur a tam ang chu, inu in arawn adopt che a, chuan engtin zel nge i awm chhoh dan te, home a i awmlai hrim hrim pawh kimchang deuh hlekin min lo hrilh, " Ka ti leha, Lawmtei sawi ang chiah anihna, a rawn chawr chhuahna azahpui miah lo, chubakah tha deuhva zawh chuan min chhang tha ve zel tlat Lawmtei sawi ang chiah khan.


"Ka piantirh hian ka nu in min enkawl duhloh avangin kan home motheri hian min la a, ani chuan nunna min pe in, a hringtu nu ngei pawhin a hnawl hnu chu hmangaih taka chawi lianin a dawm kanga, silh leh fen a pe a, nu hnute a mamawh lai pawhin a tulh mai thin. Lung delh loh thing delh loh chu ka lo seilian ve zela, Kanu min hmangaihna kha naupangte nisi in ka hrethiam vek. Pem ka neih hlekin mangan àw rawl a chhuah bang lova, hritlang khawsik ka kai hlekin tawngtai in pathian min auh sak thin. Kawng diklo ka zawh hlauvin Pathian min hnaihzual min zirtira, tawngtai leh bible chhiar loh a phallo bur. "A chawl data, keiin ka en kar renga, a ngaihnawm ka ti lutuk chu hriat hmaih ka neih ka hlau em em bawk.


"Kum 8 ka nihin tuna ka nu hian a fa hming vuah atan min rawn la a, khatih laia ka hlimna khan van atawng hialin ka ring, nu leh pa neilo kha nu tih tur ka neive dawna , chumai bakah school te tha zawkin ka kal thei anga, Home motheri damlo enkawl thei ngei turin Doctor ka ni ang 'tih te thlengin naupang kum 8 lek khan rilru ka neive hial asin.. Mahse.. Tu hringnunah pawh khaw durin ro relsak chang anei thin angin ka tana khawdur Pathianin min pekna kawng ka zawh alo ni renga, hlim chang tamin lungngaih chang a tam zual zela, Kanu(home mother) min fuihna kha chhawm nung lo ni ila chuan Ethana pawh hi apiang lovang, "tia min rawn en chuan amit a tang mittui arawn luang chhuak a, tawrhna bak hmuh ka neilo,


" Aries" ,sawi leh tur reng ka hrelo, ka lo zawt duh kher ani, atan ahreawm dawn teh lul nen. "Op vawi tamtak intihhlum te ka lo tumve thin asin.. Mahse chunglam khian min la chhanhim zela, mahse dam thlakhlelhna ka nei ngailo, mi nung rama cheng siin mitthi ka ni thin. " Hmalam en ngar ngarin arawn ti leha, tunah zet chuan mî hnem thiamna neih ka chak ber.. "Aries sawi tawh lo mai rawh, ka hrethiam vek tawh e" Ka ti ta tawpa, ka chanah ka daha nà ka tihpui em ani.


"Min ngaithla duha ka lawm hle mai Op, " Nui suka arawn tih chuan ka nuih ve suka, hepa hian ngaithlatu tak ngial pawh alo neilo thin amaw..!!


"Anih nang nau i pai hun lai vela i hmachhawn dan min han hrilh ve teh, " Arawn ti zàng vaha, keipawh chuam ka hrilh ve mai, "Ethana arawn pian khan hnute pek dan te leh, han tihdan vak pawh ka thiam lo, naupang ngaina lo ber chi ka lo nive bawk nen, mahse a rei telh telh amaw.. Ka hnute a hnek laia min en kar te khan ka chhungril hi engtin emaw asiam danglam theia, akut te tak te , nem halh mai ka vawn te khan ka mittui a rawn tla leh tawp thin.. I hria em Ethana hi maw asen lai chuan min chhun daih zawk, " Inti thei takin ka àwki ka san khuma Ariesa pawh a rawn nuive hak hak nghal.


"Sawi zel " Arawn ti a, a àw ah chuan phúrna ka hre tel thei, keipawh a mood ah ka cheng veng veng tawha, ka kà a kal viau tawh bawk. "Kum khat leh thla 5 anih hian ka kalsana, kan dinhmun a sang silo, engemaw tal ka tih angai tiin ka in ti paukhauh ve a, kanu leh pa lah an hrisel bawk silo ka nau ala naupang bawk si, chuan Malaysia ah kum khat leh tlem ka han awm a, tlem chuan kan zia ve deuh, kapa in ila naupang thova 12 i pass tawh bawka Zirtirtu tal training ta che min ti thina, mahse kapa kha Malaysia ka awm laiin aborala,a ruang pawh ka thlahliam theilo,chuan Malaysia atanga ka haw hnuah zirtirtu hna hi ka training leha, chutiang vel chu ani mai, i tawrh lakah chuan ka tawrh chu nepte ani tiraw.. I chanchin hre chiang hmasa lova ka lo tawngkhum thin che avang khan ka tihpalh lutuk, englo ka thinchhe lutuk a, ka rilru a awm hi ka sawi leh phawng phawng zela, " Ka thinlung takin ngaihdam ka dil mawlh mawlh, hepa hi pawn lama chak leh huaisar hmel si, chhungril erawh keh chhe thei thut ang maiin a derthawng em em a, mahse a rilru patlinna hian ala chhanchhuak zel rih hian ka hria.


Kan ngawi leh ta deuh renga, chutah Ariesa chuan znagkhang vah hian, "love song ngaithla ang aw, Lawmsanga ngaiin i tap em lo turah ngai ila, " Awmze nei zeta min thekin a kiai suka, anuih erawh a zat hmel loh khawp mai. Kei erawh ka pangai vek.

"Kher a che, tap ul ul chi ka ni tawh bik mai mai lo, " Ka ti a , arawn nui ri ve hak nghal.

*""Mapui, nang nen a lendun hi a rem lo maw?
Anka nem ten biahthu di hlan dun hi a rem ve lo maw?
Nang ngaih lunglen a zual chuang mi u, ka lungdumtu,
Tlaitla engno riai thlir in, tlangrel sawi tam pawh ka dawn zo lo.""*

A hla play avang chuan ka ngawi chiang ngang mai, rilru ah zam rukna in hmun arawn luah nghal chata, eng emaw rilru min put tir,ka thinphu te hial pawh an pangai tawh lo. "He hla chu" Ka ti dek dek a, sawi leh tur pawh ka hre chuang lo, "hman ni deuh atang khan ka duh ta riau va, ka ngaithla reng mai. Pathian hla tih lova ka ngaihthlak nasat ber ania, " Min en reng pah chuan za lo zetin a nui suka,athusawi chuan engtin emaw ngaihtuahna awmze ru riau min put tira, ka in thunun hram hram angai tih ka hria, chutil o chu zawhna mak sak lutuk ka zawt anga ka mualpho palh mai dawn sia.

___
Khua in min thim hnan tawha, a awm ve tho Champhai atanga kan chhuah khan atlai tawh em bawk ani, ka nu ka hrilh vek tawha, Ariesa ahmuh chak thu hlir min hrilh, achanchin a hre zula, mahse ala hmu silo nen awm ka tive tho.

Bawihtean min rawn bia a,kan thlen tep tawh leh tawh loh te min rawn zawt thul, jcb lem ka leisak erawh ka hrilh duhlo, han surprise ve hrim hrim ka chak ani. Ariesa pawn a be ve luam a, an in biak chhung chu ngaihnawm ti takin ka beng ka lo chhi dauh dauh bawk.. Khaw kar kawnga kan tlan lai chuan Ariesa chuan car chu kawng zau deuh laia hungin engine a ti thi a, engmah sawi lovin ka en reng.. "Ka mut a chhuak lutuk Op, minute 10 chauh kan muhil lawk ang, minute 10 tak tak ani ang ka harh loh chuan min kai tho rawh aw, " Tiin chauh hmel tak chuan a ner deuh saka, amaimit chhing zui daih bawk.

Engmah sawi zui lovin amuhil chu ka thlir dauh dauhva, ni e apawnlam landan atang pawh hian a chauh hmel ngawih ngawih. Ka mut achhuah ve hlawl loh avangin ka phone ka sik melh melh thung, khawkar kawng ni ta fam chu a reh tlawk tlawka,zan anih vang nge motor veivak lah chu an awm derlo lehnghal.Ariesa Sana ban vai ri pawh ka hre kulh kulh thei.

Minute 20 a muhil tawha, han kaih thawh ka hreh bawk si. Steering bawhin a thaw ri chu ka ngaithla leh ringawt zel. Achangin ka ban zuaia sawi harh ka tum thul, mahse mi muttui lai kaihthawh hi thil nuam anilo, bakah chau lo nise a rawn harh ngei ka ring tawh bawk si, hmalam pana kal zel kan ngai bawka, awi a hreawm ka awmdan khalh kham lutuk hi..

Hun chelh din theih ani silo sana in a ban avai ve zel bawk si nen tlai lutuka kan thlen loh nan chuan ka kaih thawh ngei angai tiin a darah chuan ka sawi data, arum nghut avang chuan ka tawp leh rih. "Aries, tho tawh la.. " Tiin ka sawi leh a, arum leh nghut ringawt,hepa hi mu nghet ve chi ani hrim hrim anih dawn hi ka ti ta.. A aia ring deuha koh chuan ka sawi deuh pawpa, chutah steering bawh reng phaha rawn tawng chhuakin, "min ti nà ania.. Op" Arawn ti chu ka tawp chiang viau mai, ka ngawi renga, ka hresual nge a rawn tawngvai tih ka ngaichang ni berin ka hria..


"Hei Aries i harh em? Tho rawh kal tawh ang " Tiin ka be leha ka sawi tawh hran lo. Chutah arawn dak chhuak chu ka hamhaih vek thei. A thlan tuiin abual huh veka, ahmai rawng a däng deuh pulh bawk. Vanvadak deuhvin a then chak chak a, ka hresual lo Ariesa hian nà anei chiang lutuk.

"Awi Lalpa enga tinge hetia i awma? Aries i tha em? I enge na a? " Ka ti nghal mawlh mawlh, ka mangang lutuk chu ka phi chul mai ani. "Aries enge ka tih dawn? Engtin nge ka puih dawn che" Ka ti chul tawh , chutah chil lem khalha amit rawn mengin, "Op seat hnungah hian min sawn mai ta che" Zàwi ngiaia arawn tih chuan hmanhmawh lutukin ka che a, aseat kawngkhar ka hawn te chuan chet pawh a che theilo tih tluk ani,a zàwi em em mai bawk a,a eng ber nge na pawh ka hre silo, a sawi ang chuan car hnungah chuan ka mut luh tira,a bulah a chepa chepin ka thu thla ve nghal,a kamis hnung a nawm deuh chulha athlan tuiin abual tih pawh ka hria..


"Chuan Aries enge ka tih leh dawn doctor zawk inia, sawi tawp tawp rawh, " Ka ti mawlh mawlh a, keichuan engtianga han tih leh tur nge ka hre miau lo. "Ka kawnghren kha phelh thawl rawh le" A natzia ka hmu veka, chuti chung pawh tawngkam dam leh ngaihthlak nuam ala hmang thei chu mak ka ti ngawih ngawih.

A sawi ang chuan a kanwghren chu ka phelh thawla chumi rual chiah chuan arawn thaw chhuak hawk nghal, apum ana anih ngei ka ring nghal. Engmah sawi tawh lovin a maimit chhing a, mahse muhil lo tih a thaw lak danah ka hria, ana thawkhat hle ani ang a rawn then leh deuh chak thin a, aner suk thin bawk.Kei hmeichhe tha pawh hian tunah tak hi chuan duh ang thalin ka sawisa thei ang tih tur khawpin chakna reng aneilo.

Ka nu in ka pum nat apianga atih thin dan ka hre chhuak zata, Ariesa kamis chu engkhaw sawi lovin ka phel sak a, eng tin mah tawngka arawn nei theilo, ana ti lutuk ani ngei ang. A pum a dawmna zawn vel chu na lutuk lovin ka hmeh kual sak det deta, chutia ka tih avang chuan a pum adawmna kut pawh a thlahdul tih ka hmu a, ka nui suk.. Pum anat ngawih ngawih hi chuan zawi te te hian min hmehsak se a zia ve lutuk tlat.

Rei tawk fang ka hmeh saka , zan arei tawh nge ka muthlu lek lek thei hial, "Op, " Ariesa àw ka hriat chuan amah en turin ka hawi chhuaka, chutah a hmai hnawm chhap leh amitmeng dul raih fiah kak thungsi a min lo en reng avang chuan ka lai ti tih hial anih chu!! "Imm enge i an? I zia deuh tawh em, damdawi tal i pai ve lo ami" Ka ti a, zawite in alu athing mat thung.

"He kut hian min tidam alawm, " Tiin a pum ka dawmna ka kut chu arawn vawn hnan zata, keihi ka dik tlat lo ka ni luih mai. "Op, pasal chu neih i tum tak tak ami? " A zawhna avanga melh karin chhan mai na chhang lah ka hrelo. Ariesa lahin min en kar bawk si. Nei dawn lo ti ila ka sawi sual anga, neidawn ti pawh ni ila tun mai a neih ka la tum siloh avangin a ni thei chiah lo.


"Tun tut tutah chuan nei lo maithei, pathian thu thu,i zia tawh chuan lo tho la,i inthiar te achhuak em, inthiar theila chuan a zia in ka ring, " Tia ka che sawn tur chu ka kut avawn hnan chu ti nghet zualin, "min belhchian hi i chak ve lo ami?" Ril ruih mai chuan arawn tia , ka man pha leh ngang lo. "Aaa engtia belhchian maw, ka hrethiam lo,ka hre chiang lo che i ti deuh a mi?" Tiin ka tang deuh salha, ka kut a vawn pawh a thlah dul riai riai avangin ka la sawn nghal. Seat hma ah chuan ka thu fel at nghal bawk.


Ariesa pawn min chhang lem lovin a rawn tho tuah tuah a, "ka kawr i pelh alaw" Tun maia atawngkam hman aia àw ki sang deuh hlekin arawn ti a, mak a tih hmel hle bawk. Ka melh zeuhva a hmalam lang kung chu nichin mai pawh khan ka hmu a, mahse tuna ka hmuh erawh ka lai ta tlat thung si, tinge hetia ka awm tlat. "I hre na nge i pum ka hmeh sak che alawm, " Ka ti vuta, amah en miah lovin hmalam en chungin ka chhanga, mawi lo chu ka in ti ru ve tho. "I hlim tawm mai emaw ka tia, " Tih te chauhvin min chhanga, a in siam that hnu ah driver seat a rawn thu lutin kan tlan chhuak leh nghala.

Rilru a tawngtai mawlh mawlhin 'a pum ti na tawh suh Lapa' ka ti renga, kan tlai dawn e mai. Tunah pawh dar 8 ari tawha alo berah dar 9:30 ah tal chuan kan thlen hman hram ka beisei.


🎋🎋🎋🎋🎋🎋🎋🎋🎋🎋🎋🎋🎋🎋🎋🎋🎋🎋🎋🎋



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Nunui Hnialum, Partinkungi and 278 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 8:59 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 12 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 12 BY 27 SENORIA
Post September 6th, 2022, 7:21 pm

IMG_20220906_211424.jpg

Chapter - 12

Vanneihthlak lutukin a inthiar chhuak vawi 2 kan ding tih loh chu kan tlan tluang zaka, ka lawm rilru hle.

.........
Kan in kawt kan thleng chiah chu dar 10 alo ri leh der tawh, ka mut a chhuak ru ve tawh khawp mai. Ariesa pawh car atanga chhuakin kan in lam chu a thlir dauh dauhva, enge a ngaihtuah hriat ka chak takzet..

"Op toilet hman ka mamawh" Deuh thut chuan,,nuilo turin ka in sum ru hram hram .. "Aw lo kal rawh, kanu te pawn min lo la nghak reng alawm, " Tiin bawihtea jcb lem pack fel thlap chu ka la chhuaka, Ariesan min en reng erawh nuam lo chu ka tive deuh. In chhung kan luh rualin bawihtea arawn tlan a, ka ngai lutuk tawh tlat,nikhat lek kan in hmuh loh pawh hian ka ngai em em zel chu anihhi.. "Anu naktukah School a kal ve dawn, apiin a ti , " Phur sarha bawihtean arawn tih chuan ka lo nuih ver ver a.. "Chu bawihtea hian school kal te a duh ve tawh maw" Tiin ka thil leisak chu ka pe phaha, alawm ngang mai.


"Hei hi em ni Ethana Pa chu bawihi, " Tia ka nu in Ariesa a thlek deuh rún rún chuan ka lo chhang vat a. An han in chibaia Ariesa tawngkam bungraw nei tha lutuk chu ka en reng ringawt, kanu pawhin angaina tih a hriat theih nghal vek. Ka nu chuan bawihtea jcb lem chu lawmpuiin an khal pui vel luama,zui ve mai ka tum chu Ariesa chuan ka bana min vuan datin, "toilet chu" Zawi te, fiah em em si chuan arawn ti a, ka hrechhuak lehnghal. "Aw hei hetah hian lut rawh, " Tiin ka sir lama toilet kawngkhar chu ka kawk a, nui sukin a lut ve mai. A chhuak ve ngang anih dawn kha.

.........
Ka nu nen chuan kan toileta thu mek pa relin kan phun sur sur a, kanu ngei pawn doctor ani tih a ringhlel rum rum, mahse a chanchin ka hriat ang zawng zawngte ka hrilh hnuah erawh nû thinlung nem leh thianghlim kanu chuan alainat ta ngang mai. In bual turin ka lo in rua hman fel thlapa, kan toilet leh bathroom hi a in zawm nghal vek avangin Ariesa lo chhuah hun ka nghak ran bawk. A rei zek lehnghal.

.........
Minute 5 aliam leh ang tihah arawn chhuaka, ain paih thawl hmel viau mai, alandan pawh a veng hawkin ka hria. Inbual turin ka luhsan nghala, kawng a khu bawk nen ka ngap tuau in ka hria. Ka inbual zo ka chhuak phei chu ka nu rooma lut tur chuan min rawn hmu in, "e bawihi Ethana pa pawh hi inbual a duhve ang, lo buaipui mai rawh, ka mutsan mai dawn che u, bawihtea hi i pawm lut mai dawn nia aw,chuan Hmingmawi inthlahrung suh ka tih kha aw,i in ve tho ania, awm bawrh bawrh rawh aw" Tih leh luh aruala, Ariesa ka en chuan mit thla lek lovin min en reng chu alo ni.


"Nge khati vaka min en a, lo kal rawh i thawmhnaw tur ka lo pe ang che, " Tih leh naua rooma luh ka ruala, naua ai a len hret avangin thawmhnaw lian lampang ka melh kual zat bawk.



"Eng ang chi nge i hak duh, tshirt nge tawnzau lam , chuan kekawr bul nge a tluan i duh" Tia naua thawmhnaw ka pawh thlak sawk sawk chuan Ariesa rum nghut ri ka hria a, ka lehhawi vat, kawngkhar ngheng phahin min en renga, engtak chu hria ni maw.. "Sawi la eng ber chi nge i hak duh, ka mut achuak ania" Ner súngin ka en a, a khi suk duh chauh anih chu.. "Tshirt leh kekawr bul kha a ni mai" A rawn ti leh hnuhnawha, ka lak chhuah sa atang chuan ka thlang chhuak nghal zat . A dang ka hai kual peih tawh hlawl lo ani.


Towel nen pawm khawm in ka pe a, "va in bual vat la, khum hi ka lo siam fel sa nga, i rawn mu nghal thei ang" Tiin amah pawh ngaihsak zuilo chuan ka che sawk sawka, achhuak ve mai bawk. Thosi len ka zar sak a, thingtlangah chuan current êng bawm rannung thlawk an tam thei em ani. Bawihtea pawh chu room ah pawm lutin ka mut that tir a, chutih rualin ruah arawn thla sung sung nghal, khua adur bawka, a tak tha ngei mai..inchung atan rangva kan hmang bawk nen mut a tui leh ngei dawn e.

••••••••••••••••••••••••
Mang ramah ka cheng tan dawn chauh tihin Ariesa bathroom atanga arawn chhuak thawm chu ka hre zata, naua nena kan room inkara awm anih vangin a ri pawh achiang khawp mai. Chutah ka phone arawn ri a, amah Aries ani, engtak mamawh ang maw tiin ka zuang tho vata, naua room kawngkhar bulah kawr ha map lovin alo la ding reng..

"Enge ni, thildang mamawh i nei ami? " Tiin ka pan hnaia, a tshirt ken chu ka lama rawn lek hnaiin, "ka ha theilo, atawi deuhva, " Arawn ti a, kalo ban ve vat bawk. "Anih chuan steel-almera chhungah khan i hak tawk tur zawng chawp mai rawh, iduh duh kha i ha thei ang" Tiin ka bula balbawmah chuan ka kawr ken chu ka thehlut a..


"Nangman min zawn sak rawh" Mit ko san zeuhva arawn tih chuan ner sukin, "awi ka peih teuhlo ka mut achhuak lutuk en rawh dar 12 ari ti tih tawh leh nghal. Bakah mipa inih kha kawr ha lo pawh khan mu mai la, naktukah kan hai tha leh mai dawn alawm, naua pawn kawr a ha ngailo a mut dawn in" Ka ti vei hlak hlaka mut chhuak tawh nen ka ner súng bawk. Ka thinrim ti tih tawh.,

"min zawn sak lawk la, chuan i mu thei ani mai alawm, chu tilo chu ka pizawn mutui lai ti harh turin thawm chhuah turin ka siam ang che, "a mit min siai zukin nui suk pah chuan arawn kun hniam a, ka ngei ru hlauh hlauh. " I van niawm tak Zohmingmawi, mi tihbuai chiah hi ami i thiama" Ti hlak hlakin naua room ah chuan ka luta,almera lam ka pan nghal, ka thawmhnaw hai kual te chu ka tum bur tawh.

Phun chhuak ngam chiah silo, rilru chhungrilah ka àng nghek nghek mai ani. "



Kha heihi ha chhin rawh, a lian ber anih kha, " Kawr theh phei phah chuan ka ti a, a ha ve mai bawk. Ala tawi deuh na chu a zia deuh zawkin ka ring ahmasa ai chuan..

Ariesa hmel chu a lawm akim chiah lo tih a hriat theih, mahse ka hmuh zinga lian ber tura ka ngaih ania, zanin atan chuan ka zawn peih tawh loh vanga pe ka ni pakhat. "Kha kha athat kha, i in hmeh mu rawh zingah naupang thawm aring thin ania, i mu rei thei dawn lo, " Tia kawngkhar ka pan chuan , "i nu khan karkhat tal cham turin min ngen asin, " A thu rawn sawi avang chuan ka ding data, ruahsur cherh cherh nen avawt ve sur thei tawh.,

"i cham thei ngawt nang hna nei inih kha, " Chhuak ta mai lo chuan ka ti leha, ka mut chhuak pawh an kal liam zo.

"Cham turin min duh em? " Teh diah thina.. "Engvangin nge chu chu min zawha,i thu thu lawm,bakah Sangtei i ngaihtuah lo ami? I zin bo reisan lutuk thei hleinem", ka ti a , Sangtei tan anuam in ka ringlo, bakah champhai atanga min thlah haw ringawt pawhhi hre ta se a thik emaw, arilru anat emaw ka ring hial.


"I ngaihdan alawm ka zawh che...Op, " Tia rawn hawi chhuakin min rawn din hnaiha, amitin ka taksa a melh tih ka hmuh phei chuan ka ip deuh chawi thei. "Ava mak tak ka ngaihdan apawimawh hleinem Sangtei hrilh phawt la, aniin rilru dam taka alo pawm chuan a tha ani mai alawm, mahse Sangtei remti lo chung chu i cham theilo aw, naktukah ràwn ngei ngei ang che, ka zawt leh dawn ania", tiin ka chhuak zui nghal. Awi ka thinphu kha a pangai miahlo, tinge tunlai tak hi hetia ka awm tlat thin le...

___
Zingah bawihtea nen kan tho ruala, inchhung chet ka kuta a awm miau vangin mut kham lo viau mah ila ka thawh ngei angai sia, thingpui lumin bawihtea pawh amut ala chhuak nge dawhkan bawhin a zawi ngiaia, kanu erawh a vawksa chhumna lamah a awm leh daih tawh. Vawk pahnih avulh ve a, anun hlimna ania ka dang duh lem lo. "Anu school a kal ve chak tawh e, " Bawihtea thu rawn sawi avang chuan amah en in ka thlek hnai vú a, dawhkana ahmai nghatin pawnlam a thlir veng veng thung.

Kum 5 ani tawha, luhtir chu a hun ve tawh mahse ahrisel loh em avangin kum 5 anih pawhin a lut ve thei lova arualpui te erawh class one an ni fur tawha, a àwt deuh pawh ani mahna le.. "Bawihte school luh chu i chak tak tak ami? I chak chuan hnakumah i lutve dawn nia aw, i thianpa Dannya nen te in kal tlang thin anga" Tiin ka tiphur hluta, a chak ve ngang mai. Uniform lei te asawisa ta chiama, ka hlimpui em em lawi si.


Naua room atangin Aries arawn chhuaka, kawr ha lovin tawnzau arawn in bel daih thung. "Lo kal rawh thingpui lo in ve rawh, i thawmhnaw kha machine ah ka su a, vawiin chuan aro hman ang, " Ka lo ti zang vaha, dawhkan arawn kil ve zat nghal. Bawihtea a thu ngil zata, ala nel lutuk bik silo, mahse a tir ang em em kha chu ani tawhlo tih ka hria. "I muthei em,thingtlang hi chu zing kara naupang tual chai rí hriattur a tam zeka, " A thingpui in tur pek pahin ka ti leh bawrh bawrha.

"A zia ve mai, inkhua ah hian thawmhnaw dawr a awm em? " A thingpui lem khalh phah chuan arawn ti a , "awm nang, khaw thenawmah a awm, " Ka lo ti vat kan khua ah hi chuan nepnawi dawr leh naupang thawmhnaw zawrhna deuh chiah a awm miau ani.


"Lei ka mamawh a, min kalpui peih em? " Min en chungin arawn ti a, Sangtei lam daih ka ngaihtuah lai mekin, "Sangtei ka be tawh, ka cham dawn" Arawn ti zat nghal.

"Ani maw alo remti maw,!!? " Amak ka tihzia ka àw ah pawh alan chhuah theih hial ka ring, Ariesa pawn alu min buk khum zat nghal. "I duh chuan i zawtfiah thei ang" Deuh kher zel hian hepa hi chu aw..

Mahse ka zawt leh dawn tho tho sia.

Eirawng ka bawl zawma, Ariesa leh bawihtea erawh an leng daih thung. Kanu pawh a vawk chaw chhum zo arawn lut a, min rawn pui vel luam bawk.

"Ka tuar dam theilo, awi ana ka ti... Ka chan tur hi e i dawn love'm ni?..Lalawmpui, i awm maw? " Rawn ti lawng lawng tu Laltharzeli chu ka nu nen kan lo nuih vur vur a, "zaithiam min ti" Min melh dun ralh ralhin dawhkanah arawn thu thla zat nghal. "Mamawh i nei nge, pawimawh i nei zawk?" A hma a Mai pum vel tur dahthlak pah chuan ka ti a, alo ban ve zat mai bawk. "A pahnihin ani mai, Nu Hmingte i thlangra leh vaihlo chhunna ka mamawha, Op pangpar zar thenkhat ka pawimawh bawk, chu zawng chu, " Arawn ti awlsam eta, kanu lawmah atla a, anui huah huah mai.

..............
Ariesa te pafa an rawn haw Laltharzelin ahmu chu a phawk chiang ngei mai, ani leh chung bawk. "Ilo zin ani maw? " Tiin Aries abia a, Ariesa pawn a chhang ve mai.

"Ngati nge engmah min hrilh loh" Min rawn sik hlawkin arawn ti sur sura, hrilhna hun remchang la awm miau hek lo. "Niminah kan rawn haw chauh a, engtin nge ka hrilh hman ang che" Maite zai phel pah mawlh mawlhin min rawn thlah anih thu ka sawi tel leh hram pek a. "Ethana pa chu cham teh i tum em? Ilo zin vawi 1 na ani sia karkhat tal chu cham ve la, " Laltharzeli nghal hriam lutuk hi chu kuk fawk hi ka chak thin.



"Cham rei chu ka chak viau na in ka theih ka ring chiah lo, " Ariesa pawh chuan tha deuhin a rawn chhang leta, Thari lah lo phur cheng tawh bawk nen, "a van pawi cham rei hram la tha tur, Op tan pawh athlamuanthlak dawn asin.. " A sawi zo chu dawhkan hnuai atangin a ke ka rah sak chawrh, a na ve thawkhat ang, adawm rang e mai.

Chutah Ariesa chuan min lo hmuvek ni tur nge nui sukin, "thlamuanpui tur a nei tha tawh alawm, keichu min mamawh hleinem" A rawn ti a, kan in en reng, ahmel ah chuan eng emaw sawi tum mahse, sawithei silo ip beh anei thalin ka hria. "Hetah chaw ka ei ve dawn ania, chaw i chhum hnem em? " Tharin ka beng bula arawn tih sur sur chuan ka melh deuh hrawka,Ariesa awm ve vang bak ani nek lovang "hnem mai mai lo, i ninawm khatia i awm chung chuan a duhlo zawk ang che, pangai rawh, " Ka ti bak hlara, a engah vak a thawh hmel loh.

........
Tukthuan kan ei a, Thari leh Kanu titi kan ngaithla tluan thak tih theih ani. Ariesan thawmhnaw aleiduh tlat avangin Thari pawh thiam takin arawn in ham lut a, kei erawh school kal ka ngaih miau avangin tih ngaihna a awm lo.

.........
Ariesa te an tlan liam hnu ah school kal turin ka in siam a, kanu amah chauvin kan kalsan leh dawn si a, ka khawngaih reuh tak tak ani. "Bawihi zanin kha kan in a hla zir zan anih kha aw, tunlai kan hla zir chu kan sa sual nasa thei lutuk a, thiam pawh kan thiam hleithei meuh lo, " Nui ar ar phahin kanu chuan hlabu chu tarmit nen meuh abih ve a, kohhran hmeichhe khawmpui atan lengkhawm hla intihsiak tur ani a, an bei ngawrh ve thin khawp mai.


Zantin an zirna hmun an thlak a, angai hlira zir chu a panna hla tan aninawm duh ve vang pakhat ani.

.........
Lunch break laiin Headmaster in kan training-na chanchin te min zawta, report ka pekah alungawi zia ka hmu thei. Pu Ramdina te in admit erawh azialo a tihve thu te a sawi luam a, Ariesa chanchin min zawt zat bawk. Khaw te ah na na na hi chuan engmah hi athup theihloh an hrelo emaw kan tih lai hian khaw pumin an lo hre hman vek tawh thin.

Tlai banah naupang thenkhat nen kan haw a, primary-a ka thawh avangin naupang titi zawm chu ahar ve duh khawp mai. Hnakum lama Ethana school a luh ve tur thu ka sawive chuan an lo phur hlawm hle a, kan lo kawm char char ang te an han tive bawk a..


In ka thlen rualin ka in tleuh thuaka, kanu muhil tih harh hlau takin eirawng bawl ka tan vat, Ariesa te an la rawn let lo tih hriat takin kawtah car hmuh tur a awm lova, nuam an ti tlang hle ani ngei ang. Vawk chaw pe a huana
ka awm lai chuan bawihtea te pawh an rawn thenga, Car-ah hla an play dup dup a, an hla play ri ah chuan Ariesa play ani hauhlo ang tih ka hre nghal.

Ka ring sual lo Laltharzeli chu khi sawngin car atangin arawn chhuaka, a nuam ti hmel lutuk chu ka nuih ringawt, "anu, hei thil alo hawn che" Bawihtea chuan rawn tlan ter terin eitur naupangchhia zet chu min rawn pe a, Thari leh Ariesan an thil lei an rawn khai zat bawk.

"Ka lawm e bawihte, vawiin chu anuam iti em? " Tiin a samah ka chul saka.. "A ti viau ang, amah vengin nileng hun kan hmang alawm tiraw Aries" Thari chuan arawn ti zawt zawta, mahse atawpa Ariesa hming alam vang erawh chuan rang lutuk in Ariesa ka en a, a landan apangai vek avangin ka ngaih a ngam sawng sawng.

"Hei Lal Op zana kān tur chou leh papawr kan rawn hawn, " Thari chuan a thil khai lek kãn pahin inchhungah alut zata, bawihtea pawh hlim taka tê ri chulin api a au zui mawlh mawlh. "Bawihtea chuan a tibuai viau lo che ami? A nel ve tawh viau che in ka hria" Kailawn stepa chho pahin min zuitu Ariesa chu ka bia a, "a pangai ve tan viau, mahse 'pa 'min la tilo, " Vawt ruiha arawn tih leh chuan ding datin ka lehhawia, nilo ka en chho ha zawk male..


"Ala ti thei ve mai ang che, apiantirh atangin naua hi apa ati chawt sia, chuti maia thlak thut chu a harsat ve ang, i kawr duhzawng i hmu thei maw.. i lei duh khera i cham rei dawn silo, pawisa hmanna tur i hrelo e mai, " A thil khai thleka melh leh zeuhin ka ner khum saka, min ner khum ve suk tho.

"Pawisa hman dan min zirtir turin ka kiangah awm mai ta che" Rawm kun hniam deuhva min en reng chung siin arawn ti anih chu.. Ka tawp data, sawitur chu sawiloh chetsawn ngaihna pawh ka hrelo.Ariesa chu rawn nui sukin, "duhawm reuh lutuk" Tia min kalpel aruala, tunah khan duhawm min ti in ka hria, hepa pui reuh hi engthu nge min hrilh tak.. Duhawm min ti amaw..!!!!??

Thari min auhna avangin ka tlan lut zata, ka chaw chhum kang rim nam rum rum chu ka ngei takzet.. "Zanah chuan kan kang thei lo Thar thian, hetah kohhran nu ho in hla an zir dawna, an bei rei leh dawn lutuk naktuk zanah a nimai" Tiin an thil rawn lei ho chu ka dahfel sawk sawka. "Naaa mahse Ariesa a awm tawh nang, naktukah haw a tum asin, " Ka thil ti lai chu ka tawp dat thei, hepa hi nikhat lek tak tak cham a tum a maw ni le..

"I bulah a sawi ami? " Tiin Thari ka melha, lunghnur hmel lutuk in alu a bu vei lap lap . "Khawi ka lo ti ang, va zawt chiang teh naktuka ahaw te chuan heng ka rawn lei ho hian awmzia a nei nang nikhat dang tal cham rih turin va ti teh, " Ka bai siam tur sil tuma ka ken chu pawh thlak a ruala, Ariesa room lamah a nawrin min nawr nghal.


"Aries ka lo lut lawk" Tih leh kawngkhar hawn dek dek ka ruala, khum chungah inngaihtuah muk hmel zetin alo thu rún anih chu..

"Aries i tha maw, diklo a awm a mi? Sangtei chanchin lam nge, eng thil nge a? " Tiin ka pen lut a, ahma ah ka din chilh nghal. Thaw halhin arawn hawi chhuak a, ahmel chu abuai nuai ani mai. "Ni chiahlo, ani deuh tho bawk" Hawi sawn lovin min en remg a, asawi awmzia ka hriatloh lutuk avangin ka thle deuh sak. "Sangtei nikhaw hre lovin a tlu a, " A thu rawn sawi avanga phawk nghal hru in, "ehee tinge.. I haw vat angai anih chu,.. Chuvang ami naktuka hawn ilo tum na chhan chu" Ka ti bawrh bawrha, tawngkama min chhang lovin alu abu leh salh ringawt. A rilru a hah ve hle tih ahriat.


"A pawilo, Sangtei tan aneih chhun i nia, akianga i awmin enkawl la nuam iti zawkin ka ring, hetah cham lui ta ang la i rilru a nuam dawn chuang lo, ka sawi dik em? " Ka àw chu apangai vek a, hnem ka tum phah deuh vang ani pakhat, thlamuanna tlem tal a neih ka duhsak em ani. " A dik famkim tep," Thaw chhuak leh halhin arawn ti a, alungngaih hmel lutuk chu ka khawngaih reuh, tuna alandan hi chu mipa sual ve tak mahse nun beidawn em avanga mahni in hmu chhuaka kawngdik zawh duh si, zawh dan thiam lo beidawng ngawih ngawih hmel apu.

"Engpawh nise Aries Sangtei chu i nupui ani a, i ngai pawimawh hmasa ber tur ani, Bawihtea chu i dam anga ila rawn zin ve fo dawn alawm, bakah phone a awma, iduh hun hunah ilo be thei reng ang, in siampui i duh chuan min hrilh mai rawh aw, " Tiin chhuahsan ka tum chu rawn che thutin ka banah arawn vuan chawta, min din hnaih hrut nghal, "enga tinge nangmah hi ilo nih mai loh le Op.. " A sawi zawi viau na chu kan in hnaih em a ka hre fiah vek. Eng a sawi tumna nge ka hrethiam leh pha tlat lo.

Mahse chuti chung chuan kei ai ataksa a len em avanga min uap khupna boruak ni ruih chu ka feel nà mah mah..

"Aries" Min dang chat nghalin, "heti chauh hian Pathian hma a ka intiamna ka bawhchhe lo tiraw, Pathian pawi ka sawi lo ang tiraw. .Op" Arawn ti vawt ruiha, chil ka lem khalh ringawt, a sawi awmzia ka man chiang em ani.

Dan khatna hmang ngeia nupui neiin Pathian leh a kohhran mipui zawng zawng hma ah thu tiam an neia, chu thil chu thihna lo chuan a tidanglam thei hek lovang, tuna a awmdan hi Pathian lakah a in thiam chiah lo tih a lang reng, mahse kuah em pawh min la kuah lova, a ãwm chiah lo na chungin Pathian pawhin a hriatthiam ka beiseipui ru hial mai.


"Lawmsanga hi mipa vannei tak ani.. Kal tawh rawh le" Min thlah aruala, a tawlh sawn deuh avangin boruak a vawt deuh ruih nghal. Keipawh ka pangai chiah lo tih ka in hria a, awm khaw muang lovin ka chhuak nghal.


Thari chuan min lo ngaichang renga, mahse a haw ngei angaih thu leh Sangtei chanchin ka hrilh chian chuan lunghnur si, mahse thik hleihtheih ni chiah silo chuan a awm ta tawpa. ...

____
Zanah kohhran nu ho hla zir tur an rawn lut sap sapa, kohhran upa zinga rawn tawiawm tu Pu Jeho a pawh khuangte leh a vuak fung rawn chawiin zawi te te hian hla arawn sa luta, bawihtea hmuhnawm tih atling leh em em a, an in nghah khawm hlanin thingpui ka sem kual zung zung bawk. Ariesa leh bawihtea choka lam dawhkana phone en dun chu an thlek deuh renga, athenkhat phei chuan Ariesa chu an be vel luam thin, doctor anih thu nen lam an lo hre leh diam tawh.


Thari pawh damlai lusun iangin a rawn lang ta miah lova, lengkhawm hla zir tih takah an zai ri chuan mutchhuak a akai tho chiang hle mai. Mahse nula che tur an awm miau loh avangin ka in phih harh zela, thingpui a kal zut zut khawp mai.

Bawihtea leh Ariesa pawh room lamah an in zui lut a, ka mu ve chak tawh lutuk tlat. Dar10 rik dawn tepah an haw darh sàng sànga, kanu pawh mu turin a kal nghal.

Kei erawh mut dawna In tihfel loh thiamloh ka nih avangin hla zir ho chet tlatna vel chu ka tifel zung zunga, a tlai chak hrep lehnghal. Bawihtea mut that leh that loh en turin Ariesa room ah ka daka, khumah lo muhil dun in bawihtea chuan a kuaha, Ariesa erawh zangthal in a mu thung, mahse a kut veilamin Bawihtea chu akuah bet tho, ka nui suka, ka thil tih chak deuh ti turin ka phone ka lek chhuaka, an thla chu ka lak sak nghal zat ,ka phone hi a chhe ngawt te anih loh chuan engtikah mah ka delete lul lovang ka ti ru mawlh mawlh.

Bawihtea chu amut ngheh ve mai ringin ka room lamah ka phei sana, ka phone ka en chu Lawmsanga messege leh Sangtei messege alo awm vang mai.

Lawmsanga messege chu ka open zata, "ka ngai lutuk che,Ethana nu" Tihte mai ani, chu thuziak ho lam tak si chuan min tihlim leh veng veng thei. A tlai thawkhat tawha ka reply lem lo, zingah ka be mai ang tiin Sangtei Messege chu ka open leha., "Op Ariesa chu alo haw dawn nge dawn lo? " Tih ani ve thung. Online tawhlo mahse naktuka a haw tur thu chu ka hnutchhiaha, mutzai ka rel ve ta nghal bawk.



A hmawr kan bawk tep tawh e😅😅.



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Google [Bot], Google Adsense [Bot], Nunui Hnialum, Partinkungi and 294 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)