Chapter - 1
Khawvela mihring cheng zawng zawng te hian harsatna in ang chiah tawk kan awm ngailo ang hian a then an hlim laiin a then lungngaihna tuipuiin a chimpil mek an awma, chutiang bawkin tahna a awm chuan nuihna tur pawh a awm chawpchilh ve zel thin. Tu te hringnun mah a tluang purh thei lova, a bumboh put theilo bawk. Lawmna, hlimna, lungngaihna leh hreawmna te hian engtik lai pawhin min hual renga, kan thil tawn a zirin a in thlak kual ve zel thin. Hringnuna bet tlat ani miau si a, kan pumpelh thei lova, kan dangthei hek lo.
"I nunah beidawn ngawih ngawih na tur thil eng emaw i tawng a, kal ngaihna i hre tawh lo anih chuan pan tur dik Lal Isua pan rawh, amahah tlu lut la, 'Lalpa ka rawn pan che , khawngaihin ka kut hi min vawn sak rawh, keimah chuan engmah ka ni lo, ka beidawng takzet tawh, beisei tur ka neive tawh lo"tiin Lal Isua chu i ruala kalpuiah sawm la, a ti beidawng ve ngai lovang che. Mihringte ang mai mai in kan beiseina a ti thlawn ve ngailo' tia thuhrilhtu in arawn sawi dap dap chuan ka thinlung a khawih dawt thei.
Ka nun ka chhui kira beidawng leh lungngai em em a khang kum 5 chhung ka lo paltlang te kha tunah chuan nunhlui tiin ka sawive thei tawha, chakna min pe tu-ah ka hmang ve thei tawh tih ka hriat hian khang thil ka lo tawng kha kawng lehlamah chuan ka lawm ani.
Mahni in khawngaih luat vang nge ka mittui a rawn hnam tiam tiam a, ka dang kir hman meuh lo. Ka mal chunga ka kut rawn hmertu lam chu melh zeuhin Ka thian Thari chuan min nuih saka 'i tuar chhuak tawh alawm, engkim atha vek tawh"tih ni awm hrimin ahmel landanah chuan thil tamtak min hnem nan asawi tih ka hmu thei. Biakin chhunga awm kan nih avangin a tawng lo mai zawk ani.
_______
"Zaikhawm kan tum em? " Biakin a tanga kan chhuah rual chuan Thari chuan a rawn ti zata, good friday te anih avangin zan zaikhawm a awm dawn tak e. "Ai zaikhawm lo mai ang zanin chu a zan khatna chauh ala ni bawka. Bawihtea a damsam lo bawk nen ka kalsan hreh deuh. Ka inkhawm san ringawt pawh hi nuam ka ti chiahlo. " Ka ti niap niapa, ka fapa ka hmangaih leh ka khawvel ni bawk pa tel lova ka chawi seilen chu ngaihtuahin ka nui saka. "Amak ka ti heti em em a Ethana hrisel lo hi, ka lainat reuh e, dam ni hi a nei pawn ka hre mumal lo," Thari chuan a puan bih siam tha mawlh mawlh pah chuan arawn ti a,
Ni e a sawidik ka fapa hi hrisel lohna zawng zawng hian a hual chhuak vek tih theih khawpin dam ni a hmu mumal meuh thin lo, apian tirhin karhnih chhung oxygen hmanga thawk tir a ngai nghal panga, mahse chuti chung chuan damchhuak turin a fight ve nasa a, tun kum nga chhungah pawh hian vawi engzat nge damdawiin kan rah luh pawh ka hre thei meuh tawh lo.
"Op thil ka zawt che nga, dik deuhin min chhang teh aw, " Thari chuan thutak aw zeta arawn tih chuan melh zukin ka lu ka buk khum a, "ih englo...Ethana pa hi lo lang thut ta se, pum khata in siam duh ta se engtin nge itih ang, " A zawhna chu kum 5 kalta atang tawh a ka chhan theih ngailoh zawhna ngai reng kha ala ni, achhan chu Ethana pa hi tu nge anih ka hre chiang tlatlo, khawi lama mi nge, eng ang mize pu nge tih tak ngial pawh ka hrelo.
Ka ngawih deuh rün vang nge Thari bawk chuan, "chhan a harsat chuan angai kherlo ania, ka lo ngaihtuah ve nasa thina, kum naupangte niin i raia, apa hian vawi 1 pawh arawn ngaihtuah chhin eih bawk silo, tunah kum 5 aliam tawha engtin nge hun a hman ang tih vel te ka lo ngaihtuah mai maia, kei ni ila ka pawm thei kher lovang, " Ka thlavang hauh àw zeta arawn tih leh chuan ka nuih let saka, Ethana pa chanchin hi ka hriat mumal loh avang leh ka sawichhuah ngai lem loh avang hian a demna àw kã a ri chhuak fo va, mahse dem tur anihna a awm bik lo.
Khami ni nupa tan chuaha serh hran Pathian hmaa kan bawhchhiat ni kha a hmel ka hmuh tawpna ani miau si a,khatih hunlai khan ka la naupan em avangin hmachhawn dan pawh ka hrelo, chutiang bawkin Ariesa pawh kha ala upa lua bik lo,bakah keimah hrim hrim khan rai inrin ngaihna thinlung ka pu thleng phalo eih lo,ka zah luatah kan khaw lamah ka haw ta daih a,ka thiante lakah leh ka hnungchhawn thil engkim lakah ka in dah hrang nghal vek bawk.
"Dem vak theih pawh ani chiah lo, ngaihtuah chian chuan keima àt vang ani deuh zawk a, a hunlai khan ka rai ka in ringlo hrim hrim , bakah maw Ariesa kha ka mipa duhloh chi anive bawk hrim hrima, " Tiin ka nui haka, tullo zetin a hmel ka mithla leh ta nghal. Thari pawh rawn nuive hakin, "i thil sawi hi a pawn lang thei lutuka, ngaihtuahna sen dan pawh ka thiam meuh tawh lo, " Arawn tih chuan kan in kawt kan thleng der tawha, biakin leh kan in hi ain hlat lo naa chu step zawh chhauh ngai chi ani khanglang reuh a, chuti nilo se tunai hma hian kan thleng thei ang. "Lo peng la, zaikhawm chu i tum dawn em? " Tiin step atanga pengin kan in panna step vekah chuan ka pen chho nghal zata,"hrelo i zaikhawm dawn si lova ka peih lo mahni chauh a kal chu" Tia min chhanna chu kan kawngkhar ka hawn nen a in rual khat a.
Ethana chu min hmuh rualin ka lam ah arawn tlana ka lo pawm nghal vat thung. A taksa vawt thlerah chuan khawsik anei tawhlo anih hmel. "Kan mipa naupangte chu i damtha tawh ani maw? " Thari chuan alu a rawn chul pah chuan a rawn ti a, a ngaite bawkin a chhang let ta chuanglo, Ethana hian tawng lamah harsatna a nei ani tih ringhlel awm rum rum khawpin angawi theia, Thari mai nilo ka nu pawh hian a be tawngthei meuh thin lo. Mahse ka bulah erawh chuan a tawngve siam siam thina, midangin an biak chang lahin a chhan ai achhan loh atam zawka a lu hmangin aw leh aiin a chhang let leh mai thin. "Min chhang ve hram la, hmelthapa i puitlin hun ka nghak anga ka ru daih dawn che, " Tia afiam chuan rang zetin Ethana chuan min kuah nghet sauhvin a lu athing mat mata, a fiamthu mai mai anih thu ka lo hrilh nghal vat thung.
"Nu Hmingte nangteh i pumpui ulcer chuan zialam apan thei em? " A bula thut thlak phah chuan a han kuah deuh thuak thuak a, thawveng ngang anih avang hian ka nu pawh hian ahlimpui phian thin. "Nia hei damdawi te chu kan han ei ve reng chu ania, ka dam vat turah chuan ka in ngai ve deuh, bawihi in zaikhawm duh chuan zu zaikhawm rawh u bawihtea chu ka lo awmpui thei alawm, " Min rawn en in a rawn ti zawm zata, Hunpui nikhua hi chu a ngaipawimawh thin reng ani.
"Aa nu zaikhawm lo mai ang, damsam lo ve ve kalsan cheu in ka zaikhawm tui chuang lovang, " Ka ti ve maia, min hnial lem lo, ataksa a hah ve tih ka hria a, Ethana avang pawh hian ahriselna athla hniam duai tih ka hre ve renga, damsam lo tih hre reng chunga a kuta engkim ngah hi nuam ka ti lo. Thari pawh lengrei ta lo chuan zaikhawmna in lam panin achhuak zui ta nge nge a, Ethana chuan min kuah deuh chawt avangin inthlak ta mai lovin kan han in awi leh ang lawp lawp phawta.
A changin ni thum ngawt te ka tlaivar angaia,ka taksa pawn a tuar, ka cher chak em em bawk. Mahse nu ka ni a, ka fapa damna ai abak ngaihpawimawh thil dang ka nei heklo, ka taksa chuan lo tuar eng ang mahse pawi tihna ka nei lo bawk.
Good friday a zo chiah chu mahni hna lamah kan phe leh suau suau a thintlang khaw chephnek te kan nih avangin kan eizawnna lian ber chu lo neih ani. Zingkar atangin lo feh tura in buatsaihna chu keini khaw tereuh te ah chuan thawm ríng ber ani a..a then mangkhawh tur te athen erawh mangkhawh zo hlim thai thar hmasa tur Arthur leh antam tih ang reng thlaka feh tawk te an awm bawka, keipawh ka hna (zirtirtu) kan chawlh lai tak anih avangin tih tur ka dapa, mahse Ethana avangin eng teh ual ka ti hleithei meuh lo, in bul huanah antam huante ka siam thar leha, kumtin ka siam ziah avangin bansan mai hi ka harsat tawh zawka. Tui har lai ni mahse eitawk tur ang chu Pathian zarah ka thar leh mai ka in ring ani.
Chhungkaw awp lumtu tur pa kan neive tawh lova, nu ho a cheng ta na na na chu eng emaw changin Pa ngaih ana duh ru riau thin. Nau mipa pakhat ka neia ,Aizawlah college a kal thung, thuawi tak leh hmeltha deuh mai ani tih kan sawi tel hram ange.
Ethana muthilh lai chuhin Thari nen thingphur turin kan in zui chhuak hlawk hlawka, ka hmanhmawh luatah ka puan lukhum pawh ka khum lo, hmun rem laiah phur nghatin kan kiang vela thingtang awm ang ang chu kan han fawm nghal sawk sawka, ka rilru ah Ethana muhil alo harh ang tih hlauhna hlirin ka khat tún a, alo rawn harh huna min hmuh loh chuan a lunghnur leh ngei dawn chiang sa nen ka phi chúl a tih theih ang.
"Op, second rei lo te thawk la lawk teh ang, ka lu a hai vek thei alawm, " Ka thing fawm khawm thawn awlsam tura ka rem fel lai chuan Thari chu a rawn thaw deuh hawk hawka, biak khat te pawh kan lo la in be reng reng lo tih tuna a rawn tawng khan ka hre chiah. Ka in thlahrung ru viau bawk ka sawm chhuak te te a, ka phili khum leh vak sia ngawi rengin alo fawm ve mawp mawp chu ani awm si. ", ka lu a hai vek tak tak ania, tui in chawlh nei ang, Ethana chu alo harh em bik nang, " Arawn ti dam dapa, kei aiin kum khatin anau zawka, arilru erawh apuitling fe zawk.
"Awi tihpalh lutuk ka lo mangnghilh vang vang che alawm, nia hah chawl lawk ang, " Nuih tlawn ti tih chuan in thawn tuma ka em ka lek kãn tawh pawh chu ka dah thla leh zal zala. "Kha tui hi in ve rawh, Op , Ethana pa hming kha tu nge kha? " Rawn ti zawm zatin tuium chu ka lamah arawn leka, tunlai taka Ethana pa chanchin min zawt uar lutuk hi ka hrethiam lo, hre vek ta pawh nise atan a tangkaina lah ka hre lo bawk.
"Aries tih chiahin ka hria, " Tui lem khalh khalh phaha ka chhan let chuan thaw hluaiin, "engtin nge ahming pum em pawh i hriat loh a,? " Mak min ti luat avanga mitmeng danglam vekin min melh khui khui a ruala. "Ka hrilh ngun tawh che nen, kan class kha kan tam em a za sawmnga (150) dawn kan nia, amah kher nilo hmeichhia leh mipa ah pawh khan an hminga koh theihloh ka ngah mai, kan thian ho bik kha kan inkawm hrang thin bawk nen, bakah ani ber kha chu ka hriat chian chakloh ber te zinga mi ani hial ang chu, " Ka ti a, higher kal lai leh class room a kan hlei theih zia te arawn thar uar uar a, keini ho lah hip hop leh kpop a buai incharkhawm ang maiin lam(dance)ah kan tui tlanga, kan thu bial luiha lam chungchang leh style thar kan hriat ang ang sawi ho nan classroom kha kan hmang thin.
Pathian zarah ka rilru chak tha pangai lo ni ngat se pawl sawm pahnih kha ka chhuak lul lovang, kumtluan khan kan lam (dance) reng mai tih theih ani. "Nia a awm ve tho mai chuti kawng zawngah chuan nih eng ang mizia nge anih hrim hrim a, Ethana hmel leh a mizia ka en hian nangmahni lamah chhun a neilo chiang sa bala mipa fa ania apa bak a chhun ka ring lo ve tawpa, Ethana hi ahmeltha sia Aries chu eng ang hmel pu nge? " Phur aw fahrana min rawn zawh leh chuan Aries a hmel ka mitthla let vang vang a, sawi mai ngaihna ka hrelo, ka mipa suangtuahna luah tur chi anilova, hmeltha ti tu kha chu anei ve nuk tih ka hria mahse mit a in ango ve miau tlat sia.
"Aa a sang a, keimah aiin kum 4 emaw kum 3 emaw in a upat ka ring, Aizawla awm nge khawdang atanga lut ve tho tih ka hre lova, a hmeltha an ti aniang an star ve nasa thin khan ka hria, chuan.. Meizial a pet ka hmu ngun em em bawk zu pawh ain thin an ti khan ka hria, chuan i sawi ang deuhin Ethan ang hian a tawng tam lem lo, chu bak hriat vak ka neilo, chumi ka hriatna pawh kan thian zinga Sangtei nen hian an inngaizawng char char zela, thiante ngaihzawng na na na chu ngaihven loh pawn an chanchin kan hre zul tho, anin hmangaih viau aniang an inthen pawn an in then hlen thei lo, " Ka dar san zeuhin ka êm bawk chu ka bana, ka thing fawm ka thawn lut nghal zung zung.
Thari pawn min zawt zui ta lem lo chuan a in thawn zuive mial mial a. Phur in vawn sakin in lam kan pan ta nghal bawk.
In kan thlenin Thari chuan zan lama arawn len tur thu leh sawi chhunzawm kan ngai ka hriat duh ka la hre kim lo, 'tiin an in lam a pan tlang nghal zata, chuti taka Ethana pa chanchin angaihven thar ta riau te chuan ka ngaihte lam a ti tha lo zawk. Vanneihthlak takin bawihtea alo la harh lo hlauha, rilru min kam tun tu pawh a bo diak nghal.
In chhung tifel sawk sawkin Antam tui ka pe kual leh den dena, an la rawn tiak chiah lo na chu ka hlim veng veng thung. Eirawng bawla ka vir buai laiin bawihtea arawn tho chhuak a, hmelner nanga ka che lai min melh kiau in, "anu, apa ka ngai, " Tho phang àw tih hriat zetin a àw pawh a lawi rat a, nuihver verin dawhkana ka phone chu ka pe a, lock ka dah loh avangin a hmet vel niap niap reuha, tunlai naupang tak hi chu phone khawih maite pawh hi an awlsam ru zek ta reuha. Ethan'an apa atihhi ka nau Remruatmawia (bawiha) ani a, apa tak anilo tih pawh ahreve kar tho, mahse pa hming koh tur neive ta lo chu a koh hlen ti tawh mai ang.
Bawihtea chuan engte ual pawh a sawi chuang lo, 'aw' leh 'ai' hlirin a chang maiin ka hria, mahse a hmel hahdam thlak zetah chuan a hlimve tih ka hre thei. "Anu, apain a be duh che, " Tia phone min rawn pe in pawm a beisei tih lantir nan a ban a rawn phar diai a, phone ban leh pawm ka rual ve nghal. "Bawihtea hriselna chu enge a an zela, he lama rawn entirte chu ilo ngaihtuah zui ta em? " Naua chuan arawn ti nghal zata, Aizawl lama entir turin min tur ngar ngar thina, mahse 'aw ka la pawh ngam chiah lo, kawng a thui tham chu thuhran lirtheia chuan hi a taksa hian azawh loh ka hlau ani.
"Imm hei a zia viau mai, a che vel pawh a zangkhai tawh lutuk, Aizawl kal chungchang hi chu ka la ngaihtuah vak lo, a dinhmun hi en thlak deuh ka duh, " Ka ti a, bawihtea chuan a mitmeng fiah kaka min en karin kan sawi awmzia hrelo takin ka kawrchhung a rawn zena a tih dan ngaiin ka hnutu a khal leh niap niap tan nghal, "khati khan iti ziaha kan tlai vaih chuan bawihtea tan khan a pawi dawn ania, risk lak ngam hi zir ve tawh teh, " Phun zui hlukin a lungawi loh hmel khawp mai, ka nau anihna ai mahin a patlinna rilru hi ka chhuang a, a zia hi midang tan nelawm lem loh mahse nu leh farnu hmangaihna alantir ãwl lova, bawihtea tan pa tak aia a nep bikna lah ka hre hek lo.
"Champhai tih vel ai chuan hmun pui law law pan pui hi a finthlak zawk, champhaiah khati khawpa tam sum seng ralin kan in entira engmah kan nih phah lo, helamah chuan hmanrua te pawh a changtlung zawk a, Champhaiah damna kan hmu lova Aizawlah chuan kan hmu thut thei ania, lo in ngaihtuah vat la, naktukah ka rawn bia ang che, " Tiin a cut zui daiha, rilru chu a buairu ta nghal phat mai, Bawihtea ka en a ka awmah beiin ka hnute akal niap niapa, dam chian ni reng nei lovin hun a hmanga, arualpui te pawl tur pawhin a hriselna hian tlin meuh lo, Aizawl chuti taka ka nau in a vei chu bawihtea tan pawha dam hlenna anih ngei a beiseiawm ka ti ta rum rum mai.
Zanah chuan Laltharzeli pawh a rawn thawveng lut leh ta khawp mai, mahse ahnungah chuan mikhual mipa pakhat hian arawn zui luta, chupa chu en mai chuan a fel hmel ngawih ngawih bik, a hmel a damthlup kan tih ang chi hi,amitmeng fiah leh inthlahrun hmel chu ka lo hmu chiang em em mai lehnghal. "Hei i chass thar tur ka rawn lenpui, " Ti ham hamin Ethana bula thut thlak leh a bianga piai aruala, lai zetin arawn luh puipa nen chuan kan in nuih tawp. "Chibai Lawmsangkima ka nia, nang chu Op-i " Tiin a rawn nui sen sena, ka zeplo a hmeltha ka tihchi tak ani, ka tleirawl chhuah kha chu nise ka atchilh dawn chiang sa!!.
"Aw chibai leh lo thu rawh i duh duh na ah khan, thingpui te i in duh angem? " Ka awmdan lai ta tlat chu ka in ngei ru viau, kan khaw mipa thenkhat leh khaw thenawm mipa te pawn min hel fo va hetianga zam hian ka la awm chhin eih ngailo, tinge hepa bulah hian ka zah tlat le.. "Aa ka la puar deuha nakinah aw, apawi itih loh chuan, " Mitmeng de sar sara min nuih let phah chuan a rawn ti a, ka nuih let ve leh tawp, mipa hi ka hnaih chhin eih ngailo , higher kan kal khan a vawi khat nan mipa 1 lakah ka luangliam hlum lo chuahva, mahse biak pawh ka be ngam lo thin, khami hnu atanga tuna ka bula thu hi ka mipa mit la tu ka hmu hmasak lehna ber ani ka ti ngam sak.
"Lal Op i phone kha en teh video ka lo send che, "ka tawng leh tur chu Thari min rawn biakna avang chuan ka ip hman hram, ka phone chu banin whatapp chu ka en a khawilama video, messege pali tawi fel tak tak hi alo in tlar diala.
"1.Mipa rintlak leh fel (hna nei anih kha)
2. I pic ahmuh avanga rawn zin(thinlung hmanhmawh-a)
3. Tawngtam lo leh mi invawng tak (a tuai kher lo)
4. Fa siam pawh zei dawn rass
"(a kap zawn ka en hian) A tawpna ka chhiar chu ka nui chhuak thuta, Lawmsanga chuan min thlek rang ngei mai, Laltharzeli nghal lutuk chu ka melh hrawka, hrelo ang hmakin a lo thu awn duai zui. Han biak hmasak turin sawi tur a vang duh bawk sia, ka nuih leh ringawt zel chu nuam lo duh tak ani.
A tawpah amah zawk rawn tawng chhuakin, "i fapa chu ahmeltha hle mai a, engtin nge ka koh ang? " Arawn ti a, ka fapa chungchang khera zawhna min zawt chu ka lawm rilru hle, achhan chu ka fapa chungchang sawi hi ka thil nuam tih ber leh ka hlimpui ber ani, "i van ti lawmawm Ethan lalvenhima ania, Ethan ti mai rawh atawng tam vak lo, i be tawng thei kher angem ka hrelo, " Ka ti deuh hluaia, ka fapa ka melh zeuh bawk. "Ethan lalvenhima.. A hming chu a mawi hle mai a, " Tiin Bawihtea lam en pah chuan a khi zui tih ka hre thei.
Rei pawh leng lovin a haw zui ta daiha Laltharzel'in a zui haw dawn emaw ka tih laiin a la thu nghet ang reng sia, "kawng ka bo em lovang" Ti fiamthu in Lawmsanga nen chuan kan in mangtha zui a.
"Lo thu teh, a kal liam em em tawh ang ,i duh zawng ani tiraw? " A àw chu a phur surha, kanu leng a rawn haw chiah bawk. "Tinge i haw pui lohva iti khawngaihthlak a vawi khat rawn zinna ani awm sia, " Ti niap niap in pawnlam chu ka thlek rauh rauha, Tharin min chhan hmain ka nu min biakna ka chhang leh te te phawt. "A ho mai mai, kan khaw zim te ah hian bo na tur a awm lo, Vawiin tlai khan arawn thlenga zanin la la a rawn hmuh nghal che aduh avangin ka rawn kalpui mai mai a nih kha, naktuka rawn rim pui che ka tum rilru zawka, " Tiin zep then awmlo lek chuan min rawn chhang let zeka, kanu chuan tu chanchin nge kan sawi hreve heklo min melh tawn zuk zuk a, min zawh mai loh avangin ka sawi kher duh ta lo, "a ho lawmsanga chu theihnghilh phawt la zanin atan chuan Aries a lam hawi ang aw,? " Rawn ti leh daihin a thu tha sauh sauha, sawi belh tur vak ka neih loh thu in ka lo hnial nghal.
Zeplo chuan Lawmsanga chanchin zawk kha sawi zawm se ka ti ru em em mai ani.
Ka nu chuan a chauh deuh thu sawiin min mutsan daiha, bawihtea pawh ka mal chungah arawn lawn kai leh nghal zat bawk,. "Chhuna ka zawh bak che kha ka zawt leh dawn che ania, " Arawn tih rual chuan lo dang chatin, "nga tan nge Aries a chanchin chu min zawh pheta, nang hi ka ngaih iti tha miah lo ania aw, i hriat hian enge i tan a tangkaina, " Ka aw tawplam chu a vin lek lekin ka hria, mahse ka thinrim hran lo.
"Awi...tangtai lutuk rapthlak e, Ariesa chanchin zawt tur che hian kum 5 ka nghak tih hria la, khang kum chhung zawng khan i sawi tha duh ngai miau si lova, tuna i sawi that duh laia ka zawh vat vat loh che chuan a chanchin hre mumal lovin mual ka liamsan mai thei che a, " Sawi fuh in tih hmel zeta amit ko min san khum phahin min rawn thut hnaih leh zuala. "Le sawi tan rawh le" Tiin lungthluk tak chuan min melh kiau lehnghal.
Thaw hakin, "eng tin chuan nge ka sawi tan anga, iho e achanchin sawi pawh hi ka peihlo asin, " Ka tih chuan thil ngaihtuah vung vung in, "a hmel awmdan ka hre duh? " Arawn ti mauh mai anih chu, rapthlak ti lutukin ka melh deuh kawka, aheh hnuai lam peta mit koh san euh euhin, "sawi vat rawh" Arawn ti núr núr zui leh ta nghal bawk.
"Awi chutiang sit set turin ka hrelo, va haw rawh i ninawm lutuk," Ka ti vin hlara engah mah angai duh thaklo, bawihtea pawn ka vin na àw chu mak a ti deuh nge a lu thle bakin min rawn melh chho kiau a, ka lo nuih let sakna chuan ati thlamuang ni chek tur ani ka kawr chhung chu a zen leh rak rak nghal. "Maw sawi teh, alandan ka hisap chak, Ethana ang hian a sam a kir ve em? Ethana ka en apiang hian Aries-a hi ahmelthat ka ring tlat anih chu, " Ti niap niapin bawihtea biang chu arawn chul a, ka lo nuih let ringawt, a hmel hmaiah chuan Aries a chu sawiselna tur a awm hran lo, mahse ka mit la lo chi anive tlat. "Anih Aries chu tunah engtin nge a awm i rin? in school kal lai ang khan amizia pu chho ta zel se? " Heiraw a zawhna maksak tak tak chu tihngaihna ka hriat loh tlukin chhan let ngaihna ka hrelo.
Aries a nen khan kan in biak awm pawh ka hre nek lo. Ka sawi tawh ang khan kan class kha ka tam thama an hminga koh theihloh an hmel chuahva ka hriat an tam lutuk tlat. "Zanin bak chu min zawt sek tawh suh ang che, ka sawi chhen duh tawh lo ania aw, 'ti pahin ka melha phur zetin a lu a bu nghal. " Kan school kal ho laia a zia ang kha apu reng anih chuan tunah chuan zu mai ni lovin damdawi a khawih ka ring a, hmeichhe lamah a kal nat viau ka ring bawk, street fighter ani tawh zawk mai thei, "tiin Aries a hmel mitthla let rauh rauh phah chuan ka chhang leta, ka rindan mai ani.
A bialnu sangtei bula a thut chhangin maimit chhin loh chuan hmuh loh theihloh, engtiklai pawha meng thip rún reng kha ani maiin ka hria, mipa dang anglo takin a kamis a bilh lut ngai lova, a necktie a pawt chip ngai heklo, chuan a hair style pawh school naupang hair style tur angin aput awm ka hre lo. " Hei ka biak che chu, enge ilo ngaihtuah vung vunga? "Min nem dat phaha Tharin min rawn biak chuan ka ngaihtuahna vanga lu thing nar nar in, ka nuih suka, " Aries i ngaihtuah ani maw, i sawidan hmangah hian a pa in a chhiatloh hmel sia, in hmu leh ta ang ula i luangliam put mai lawng maw le" Chiang kek kawka min rawn melh hnai phah chuan a rawn ti a, ka thil lo ngaihtuah zawh chiah vang nge ka lai ta thut pek a, awm anglo ber awm e..!!
"I sawi ang em em a sual chu ani lovang, anih Ethana chungchangah hian engmah hrilh i tum lo hlen tihna ami kum 5 aliam tawha, lo hrilh ta la mawhphurhna pawh ala ngam maithei asin, " Tiin thutak zeta min rawn zawh chuan chhan ngaihna tak pawh ka hrelo, ka rai inringlo lutuk avang kha ani ber mai,a hnu ah ka lo rai leh ta si , mahse thudik hrilh leh turin ka ngam leh tawh silo, khatih hunlaia ka rilru awmdan kha ka hre tawh lo, sawnpai leh nuthlawi dinhmun kha ka ngaihtuah thleng pha tlat lo ani. Bakah Sangtei nena an in lai chhina ka hre chianga kan chetsual chungchang kha Sangtei khan hre ta se , awi ka ngaihtuah ngam lo zawk.
Khatih hunlai khan Sangtei chan tur pawh kha ka ngaihtuah thleng pha ve vek chuan ka hria, engber in nge ka rilru luah khat pawh ka hre tawh lo. " Khami chungchangah kha chuan chhan dan che ka hrelo, chuan Aries a chungchang chu sawi tawh lovang, nunhlui ka hrechhuak leh vek dawn"? Tiin ka rum nghut a. Ka thiani pawn min hrethiam khawp mai, khangkum kal ta chhung khan ngaihtuah chhuah chang chu neive mah ila, rilru dam taka hmachhawn dan ka zir chhuak tawha, atira ka tahna leh ka hreawmna kha nuihna leh hlimna ah ka herchhuah puive tawhin ka hria. Thar thiani pawh dar 9 rik dawnah min haw sana an in a hlat lem loh avangin zan hawn tih velah buaina anei ngai lo, len hrat ngang ani bawka, hlauh a neilo ve khawp mai kei erawh thim hrim hrim ah chuan ka phawk hru zel.
_____________________
Ar rawn khuang chiah chiah thawmah chuan ka thang harha, room tukverh kaltlanga khawvel eng paw chiai maiin thawh ahun tih niawm fahranin ni zung a rawn kai chhuak ruah ruaha, sava chiar nauh nauh thawmin a zui ve zat bawk.
Pawna kan uipa thlun arawn bauh vak vak avang chuan rang zetin ka tho chhuaka, khawngkhar khalhna hawng sawk sawkin pawn ka va chhuak chu Pa biaka zing ramvak haw hi alo ni. Kan ui Jambo chu ka hau zui a, thuawi takin a mei akhup zal zal nghal.
"Pa biaka chu i rawn hlawhtling em? Zingkar karah eng sa nge i chan a? " Tiin ka zi mar tiah tiaha, "Sawtah ipa Chawia te ramah sawn sakhi nupa an awm a, mahse hei ka chang chhuak meuh lo anihhi, iva tho hma em em ve nang pawh chu" Tiin kan in kaltlang tu stepah chuan a thu thla a, "ava zialo ve aw, naktuk lamah chuan i kap tawh ngei ngei ang, sakhi sa ei pawh a chakawm leh tawh alawm, thingpuite rawn in lut ta che, " Tiin ka sawm zui zata, "aa ngawiteh ka han haw phawt zawk ange, ka bal e mai,muthilh ka mamawh bawk nen" Tiin a silai chu a ko ah ahruai hmanga batin an in lam pan chuan a chho tlang ta daiha.
Jambo bula dingin ka in zi mar tiah tiah a, nichhuak lam ena ka din vung vung lai chuan bawihtea min kohna àw hria in ka tlan lut nghal, a zun chhuak a kekawr phel hleitheilo chu ka phelh sak a, toilet lamah kekawr ha lova a tlan lut ter ter chu ka thlir zuia, avawi khat nan Aries chu lungthluk zetin ka ngaihtuah chhuak thut, fapa a nei tih hi hria se engtin nge a awm ang? Ka hmangaih ang hian a hmangaih in apawm ve angem tih chu ka ngaihtuah neuh neuha, ka fapa ka lam pana lo tlan phei chu en rengin apa hmel nen danglamna a awm lohzia te chu ka hmu thiam a, nidang zawngah pawh khan ngaihtuah ve zeuh thin mah ila, ka en liam puat zel thin anih kha. Tinge tun ataka ka enliam puat theih tak loh.
"anu" Bawihtea àw ka hriat avang chuan ka ngaihtuahna atanga harh chhuakin a hmai chu ka phih fai saka, duh loh chang aneive leh zeuh zeuh thin reuha, mahse ka theih chhung chu a hmai phihsak hi ka duh ani, apuitlin hnu thleng pawn ni mahse pawi ka tilo, ka neih chhun ngawih ngawih ani miau ani.
A bawnghnute intur ka chhuan saka ka nu thingpui tur ka siam sak phah bawk, bawihtea chu sitting room ah tv en in a thu ngawi kar reuha, ka fapa landan chuan Aries bawk min hriatchhuah tir a, ngaihtuah ka duhloh ber mihring a nih avangin ka ngaihtuahna luah tir pawh chu ka duhlo, mahse ka fapa mizia leh a hmel ah zawng zawng sawn Aries bak a chhun tur ka hrelo, min chhun na awmchhun nia ka hriat chu amithmul sei leh er mawi zetah sawn, abakzawng erawh apa ... Nie.. Apa Aries angei kha ani.... Aries Aries..
Ka nu arawn tho chhuaka thingpui ka lo chhawp sak vat thung, a bak sam pawr niai chu a bengah ka zeh saka, akum phu lova alang tar em em te chuan rilru a ti nuam mawlh lo. "Nu i damdawi hi i ngeih nge ngeih loh, engmah i sawi ngai bawk silo ilo ngeih loh rengte hi ani ange aw" Tiin a thingpui in lai chu ka en renga, "bawihi thin hi a, min ngaihtuah lutuk anih kha ka tha viau tawh zawk asin, a man a to bawka ka ngeih chuan ka hria, " A rawn ti a, bawihtea lam a en leh zeuh zeuh thin.
"Bawihi nizan khan i nauin min lo bia a, mu tura khum ka pan khan Aizawla bawihtea enkawl a duhthu kha arawn sawi leh a, i thu thu anih thu ka lo hrilh a, mahse ka rilru tak chuan kalpui vat la ka duh ru tawh khawp mai, a dam tha hmel hmuh chhung a reilo thei mai sia, ka lainat tawh e mai bawihtea hi, " Tiin bawihte alam chu a thlek phei leh vung vunga, sawipui ka lo tum rilruk a nih avangin keipawn ka tuihnih nghal zata, "nia nu keipawh nizan khan min lo bia a, nangmah hrilh che a, kan pahnihna thuthlukna siam ka lo rilruk a, mahse maw nu bawihtea tan hian kawng thui tak zawhpui hi ka ngam chiah lova, sumo phei chu kan duh duhin kan control thei dawn silo, bawihtea taksa hian a zo lovanga a nat zual phah hrep ka hlau deuhva, " Tiin dam dap chuan ka hrilh a, nu tana fate ngaihtuah lo nat dan hi kum 17 ka nih atang khan ka hre daih tawh.
"Chuan nu lo kal ta pawh ni ila engtin nge nangmah hi... I dam chiang mumal bik si lova nangmah chauhva kalsan che hi nuam ka tilo, kan pathumin kan kal zawk dawn em ni, bawiha kan tlawh phahna ani dawn thova, "ka thusawi chu pawm se rilru hahdam takin zin ho mai pawh ka pawi ti hran lovang.
Kanu chu rawn nui hak hakim, " Bawihi mai mai thin hi, iti awm lo e mai In hi tu in nge lo enkawl anga mi pakhat tal enkawl tu awm lova kalsan chi ani ngai hleinem, keichu min ngaihtuah duh reng reng suh bawihtea zawk hi ania kan ngaihtuah ber tur zawk chu sumo chhuak hmasa leh ber turah kal nghe nghe ula a tha ang, bawihtea kanghlang lai hi chuh atha, "arawn ti zawm zata, hnial ngaihna vak ka hrelo ka kar chhuak zo dawn lo tih ka chiang em ani.
Chhunah ka nu chu a thiante in ah lengin kan nufa chuan kan in awm melh melha, thenawm khawveng te lah mahni lo ah fehin khawchhung pawh a reh tlawk tlawka,. Mut te hial a ti chhuak in ka hria..
Chhuata bawihtea'n pencil huma thil a ziak rang kual chu ka thlek deuh renga, ka sawi tawh ang khan Ethana hian min chhunna anei lo chiang tihhi tuna ka hmaa a pencil hum mek danah pawh hian a chiang thawkhat khawp mai, a kut dinglam ai veilam a hmang thiam zawka, dinglam hmang tura ka nu in a zirtir pawn veilam ah a thlak leh daih thin.
Mahse dinglam pawh a khat mawi tawk chuan ahmang ve zeuh zeuh tho, Ariesa khan veilam nge dinglam ahman thiam zawk chu ka hrelo na a, mahse thup rual lohvin Ethana hi chuan Apa a chhun ve chiang ani. A hnar te reuhte in vuah fuh takte, amitmeng fiah kak te leh a hmai shape zawng zawng te nen lam hian apa hmel chiah chiah, chumi ni lova ka chhinchhiahna pakhat chu Ethana nghawng lai takah hian khuavang dum fiah zet a awma, chutiang chiah chu Ariesa pawh khan aneive tih ka hria, kha zanah khan ka hmu tlat ani. Ka ngaihtuahna chu duhlo in ka lu ka thing vata . Bawihte chhun thil eitur siam turin choka lamah ka phei a, bawihtea lah chuan ngawi rengin min zui det det reng bawk.
Kawngkhar kik thawmah chuan bawihtea nen kan hawi rual zata, Lawmsanga chu far sara rawn pen lutin min rawn nuih sen sen arual, lai zetin ka lo nuih let ve tawp a, dawhkan kan kil avangin kan hmazawna chair chu a pawt chhuaka athu thla ve nghal zat, ami uap a na em em mai te chu hmachhawn dan vak ka hrelo, awm pangai tak pawn ka awm thiam meuh lo.
"Khawnge i nu hi a awma? A hmel hmuh tur ava awm love nizanah pawh khan ka hmu chuang lo nan? " Hawikual phaha min thlek zeuhvin a thusawi tawp lamah a then saka, ka zep lo ahmeltha tlawt ani.. "Aa aleng chhuaka, a thiante ho nen an inkawm hlim ve thina? " Tiin lai rut chungchuan ka chhanga ka àw lawi ta vek te chu ka ngei khawp mai. "Anih tak chu nu fel tak anih thu Tharin min hrilha kawm a chakawm hmel ka tia, " Ti niap niapin Ethana lam chu a melh kiau a, belhchhian a tum nge ahmel chu a mitak rún leh ta nghal.
"Ethan, min in fiampui peih em? Hei min han enteh infiampui tur ka nei lova khawngaihin min in fiam pui ta che" Ka rinloh lutuk arawn sawi chhuak chu ka meng deuh awrha, mak takin bawihtea lah chuan alu abuk khum leh ta nghal. Lawmsanga chu ka melh tlawk tlawk hi ani ber, engtin nge Ethan hian a hmel a hmuh ngailoh bulah infiam a duh theih zawk le...??!!!
"Tha lutuk hawh in fiam ang le, chuan anu hian a phal chuan thingpui min lo siam se , " Nui vur vura ka lam rawn hawiin a mit ko min san khum zeuhva ka harh chhuak zawk nghal. "Aaa.. Aw tehreng mai, bawihte Apa lawmsanga bulah sawn va kal rawh le" Tiin bawihtea chu chair atang ka hlang thla a sitting room lama an in kai phei chu ring fãn meuhin ka thlek zui leh ta nghal.
Ethana mize mila chhawnchhiah a thiam em em a, Ethana pawn anel tih a khat tawka arawn nuih rik zeuh zeuh chuan ka hrethiam, amak ka tihna abo thei lova, a piantirh ata amah kuah deuh chawt tu Laltharzeli bulah pawh a infiam duh lova, in fiam chu sawi loh abe tawng zo lo tih tluk ani , chutia Lawmsanga bula a ngampa ngam ngawt te chu amak tih loh rual anilo, akhat tawkin parda phen atangin ka bih leh zuk zuka, Lawmsangan an balh hlau map lova chhuata a infiampui ka hmuhte chuan ka lo in thlahrung ru em em a, carpet phah vek mah ila, thingtlangah hi chuan chhuat hi a fai tak tak theilo, kan khua phei chu a ro hulha, leivut chhir per tur ala tam zawk bawk.
Thingpui chawiin ka pawh phei vata, bawihtea ka bulah rawn tlanin lemziah ran niai chu min rawn hmuha, chutah Lawmsanga chu kawkin, "a ziak a, keiman a chei" Arawn ti reuha, lawmsanga rawn nui hak chu ka lo nuipui ve zat nghal.
Bawihtea amuthilh avangin titi dangah kan kaia, a hnathawh chungchang leh ka hnathawh chungchangte sawiin kan titi a tui viau bawk. A chetdan leh a hawiher en reng reng pawn sawiselna tur ka hrelo, mi rintlak leh a nupui emaw abialnu tana in nghahna tlak ani dawn tih a lang chiang em em a, mi rilru nghet anih zia chu mi mawl ber tan pawn ahriatthiam theih ka ring hial.
Bawihtea Aizawl lama entir kan tum thu ka sawi chuan a haw ruala chhuk ve turin min sawm ngar ngar a, mahse àw ka pawh duh lo, ka ringtawk loh tihna ni lovin hmeichhia ka ni a, achhe thei ber ka ngaihtuah thlen zel angai, kan hmingchhiatna hi ho te ani, kan rin em em mipa lakah pawh hian hmingchhiat kan tawk thei reng si a.
Lawmsangan min hawsan hnu in eirawng ka bawl sawk sawka, bawihtea a muthilh avangin ka thawm ka dím ru hle, a khat tawkin in hnuai leh kawmchhar atang ten Arpa rawn khuangin arnu an chhaih ve tih hriat takin an thawm arawn na ve thei hle.
________________
A ngaite bawkin zanah Thari pawh arawn lang hma leh viau a, inkhawm a rawn tlan bo tih a thuamah chuan ka hre thiam nghal. Lawmsanga arawn tel ka ringa,arawn telve miah lo.
Arawn tel ka lo beisei sang lutuk te chu ka zak ru chem chem. "I bialpa apum ana , arawn telve lo" Ka ngaihtuahna a hria emaw ni ka ti hial, chhan mai ngaihna pawh ka hre hreplo henu zep zuap hi chu!!
"Aruala Aizawla chhuhthlak chungchang kha ka rawn sawipui dawn che.? " Ring leng lawnga rawn ti chhuakin ka nu tv en lai bulah chuan thut thlak aruala, khap hman pawh anilo, kanu chuan tu chungchang nge kan sawi tih min zawt nghal pang mai. Thari vek chuan, "ka thianpa fel deuh Aizawl atangin alo zina, haw thlak a tum hnaia, sumo fair save na ni pah fawmin Opi te nufa hian zui thla ve se ka ti mai mai, kawng lakah pawh inthlahrun awm tur a awm lova, Ethana tan pawh sumo ai chuan car chu anuam zawk ang, in duh hun hunah in chawl thei dawn bawka, " Ka nu zawhna chhang nisi , min melh kiau pah chuan a mitmeng ling hlar kar atangin hnial lo tura min duhna ka hmu tel thei.
" Tharte i thianpa chu kan hreve si lova, arintlak awm dawn mi? Mi tha kan tih ho pawh hian remchang an hmuh hi chuan pawisak an nei thin si lova, bakah bawihtei pawh hian a hre reng reng ami? Bawihi thari thianpa chu i hre ve ami? "Rawn ti zawmin min rawn en a.. " Aa hria ti ila, nizan khan an rawn lenga ", ka chhanna avang chuan ka nu hmel chu ngaih ngam zan lo hmel a pu a, sawi zawm lehin, " Aa nu min lo sawm tawha mahse ka hnial tawh alawm, sumo a kal ka duh thu ka hrilh tawha"ka tih leh chuan hahdam huai hmel apu lehnghal, Thari erawh ameng ràng nawk nawk tih ka hria. "A that chu mipa fel tak anih chu a rinawma, mahse hmeichhia tan hi chuan fimkhur tluk hi a awm lo, " Arawn ti leh dap dapa, reipawh min thutpui lovin min mutsan leh ta daih nghal.
Ka nu rooma aluh rual rualin ka ban bul thip zawk leh Thar mawng bali lung nilo hmel chu ka hmachhawn a, "i ninawm tikhan min beng pawp pawp zel suh, ikutthlak ana ropui si" Tiin ka lo vin let nghal, bawihtea chuan min melh dun karin mak min tih dun hmel em em bawk. ", tinge ilo hniala, chuvang anih dawn chu a ngui vek alawm, " Ti nuap nuapin ka bul setah chuan thut hmun arem a, sawi zawmpui ka peihlo tih lantir nan ka ner khum sawng bawk.
"Op ka ti tak tak, nangmah leh Ethana tan hian Lawmsanga hi ka duhpui lutuk che ania, ka hrechiang a, mipa fel tak ani, amahpawh hian aduh lutuk che asin, " Thaw hluaiin a meng dúr niai a, athianpa chu pawi atih pui ve hmel khawp mai. "Mipa fel tak ani tih chu ka hria lawm, mahse pasal neih emaw mipa han hnaih leh lam hi ka la ngaihtuah lo, heti hian pasal neilo reng pawh ni ila pawi ka ti lem lo, bawihtea tan hian nu tha ber nih ka duh a, pa ai awh zo tura beih ka duh bawk. Lawmsanga chu keipawn hmeltha ka ti a, amizia engkimah sawisel tur ka hrelo, mahse keimah ah hian a tawp thlenpui duhna ka la nei chhin lo, " A kut vuan chungin ka rilru diktak ka hrilha, min hriatthiam hmel takin a bu nghat nghat bawk.
Ka kum ala naupang avang hian khual khua ami te pawh hian nula rima min rim chang atama, fa ka nei tawh tihhi ka zep ngailo, kum 22 ka ni a, nuthlawi fa1 nei tawh ka ni, ka duh chuan nula len pawhin ka la leng vah vah thei , mahse ka fapa nen chauh pawh hian kan hlima, pa amamawhna em em ka hre hranlo, ka theih anga tha chuan ka enkawl ve viauin ka hria,
"nih engtikah chuan nge Ethan chu i kalpui dawn? " Tharin min rawn biak leh tak avang chuan ka ngaihtuahna ram atanga in thingharhin, "sumo kal leh hmasa berah anih ka ring, mahse ka hreh ka nu hi ka ngaihtuah sia, " Ka ti a, bawihtea ka ngaihtuah thu erawh ka sawi lang duh tawh lo, Lawmsanga ruala kal mai turin min nawr leh char char dawn tih ka chian sa em avangin.
"Lungngai suh ka awm hi, zantin ka lo rim ziah ang. " Nui ar ar phaha a rawn tih chuan keipawh chu ka lo nui ve vur vur tho, ani tluka thiantha hi ka neih tawh pawh ka in ringlo, min hmangaih tluk zet hian ka chhungkua min hmangaih puia, a naupang zawk ni chung hian ka kut ke ala nifan tho.
____________________
(Keipawn sei ka ti
)
, "
