LAZARUS 21M - Season1&2 BY Pysces Ferry Khawlhring (Completed)

Episode nei ho a hlawm a dahkhawmna
27 SENORIA
Posts: 230
Joined: September 1st, 2020, 10:24 am

Re: LAZARUS 21M - 1 BY 27 SENORIA

Unread post by 27 SENORIA » September 25th, 2022, 8:59 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 13 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 13 BY 27 SENORIA
Post September 8th, 2022, 7:00 pm

FB_IMG_1662548190428.jpg
Chapter - 13

Thawm ri rak rak ka hria a, mi in a lut ru duh mai an awm thin tih ka hreve kar bawk nen, hlau thawng ru tak chuan thawm chu ka ngaithla chianga,ka hresual lo tu emaw chu kan in ah an rawn lut ru ani.

Room kawngkhar hawng nghalin "tunge'tih ka ruala, ka mi hmuhpa avang chuan ka phu chiang lutuk. Ariesa lek chu lo niin, ain thuam dan en chuan kalchhuah a tum tih a hai theih loh. "Aries, tinge tun tut tutah.. Ala hma mah mah lo ami? Khua pawh ala var lohhi, " Tiin alamah ka pen phei nghala. Ariesa erawhin tawngkam khat pawhin min chhanglo, min thlir reng ringawt.

"Aries nga tinge Sangtei azual a mi.. Tun tut tut a kal chhuah i tum, ala thim ropui si, bakah kawng a chhe bawk nen zing khawvar tal chu i nghak thei lawm ni", banga sana in tar en pahin ka ti leh zata, zinglam dar 3 bak ala nilo, "enga tinge i rawn thawh duha, inhriat lohva ka kal theih ka lo in ring asin ", a thusawi avang chuan ka melh hrawka, lung a awi chiah lo.

" Iti mak enge kan hriat lohva kal i tum kher, Ethana pawn a thlah ve duh ang che chu... Iti awm ang lo lutuk Zohmingmawi, arawn harh hunah engtin nge ka chhan anga, bakah ka sawi tawh ang khan khawvar tal chu nghak hram teh... Car light ngawta tlan chu ahim lo ania Aries, luhlul hun pawh anih loh hi.. "Tiin ka dang ru ve tàng tàng, ani reng bawka, kan khaw kawng hi a chhingchhe ve rap rap lutuk tlat.



Ariesa chuan min thlek rúna thaw hakin, amit a meng sí chhalh bawk..

" Op khati khan ti tawh suh, in hriat lohva ka kal hi ka tan anuam zawk alawm.. Engmah hi i hrethiam lo a mi"? A mit ko a tichuar tap a, hrethiam tura min duhzia ka hmu..

"A engber nge ka hriatthiam loh chu.. Khaw en hma chu kal lo turin ka duh che alawm, a him lo.. Ka ngaihtuah vang zawk che anih chu... I hrethiam lo zawk anih kha.. Mahse i thu alawm lo kal rawh ka lo thlah ang che.. Luhlul bawk si", ti hlak hlakin kawngkhar kalhna ka hawnga, a car lam ka pan ding nghal.

Ariesa chezia ah chuan haw aphur lohzia ka hmu thiama, mahse a nupuiin amamawh tih ain hai bik silo, a in dah luh lai chuan a sirah ka lo ding ve renga, a haw dawn tak tak ralah chuan a ngaihawm ve thei rum rum mai.

"Ethana min lo biak rawh aw, ka thlen hunah ka rawn bia ang che, lut hmasa rawh, min tibuai ania.. " Tia asawi pah chuan ka ding chu min en leh renga, ka taksa a thlek tih ka hmuh rual chuan ka ip deuh zawk thei. Kawrbah leh kekawr bul chhing ve lampang ha in bra ka hreng lo hrim hrim, mutdawn a bra hren ka thiam miau loh avang leh bawihtean ka hnute khal aduh thin vang pawh ani ve tho.

Chuvang anih ngei dawn kha 'min tibuai 'arawn tih leh tawh ni. Thildang ani theilo hrim hrim.

"I mak lutuk Zohmingmawi ka en liam duh che alawm.. Hetiang te chu ka tihdan ziah anihhi. . Kal mai mai teh.. Khua avar chian hma chu tlan chak lo bawk la. " Inkuah fel at phah chuan ka ti tan tana, Ariesa mitmeng phi ruai leh in sangmar nasa lutuk avang chuan ka tím leh uai thei, mahse ka hrelo der lui tlat, akalliam lai ngei thlir ka duh ani. "Op mipa dang bulah chuan i awm thei anih pawhin ka bulah chuan i awm theilo, min hlau zawk tur ini.. Ka in sum zawh loh chuan engmah tih hreh ka nei ngailo ania", a àw lãwi phelh phang mai leh a chil lem kalh te pawh chuan a in sum nasat zia min hriattir a, a sawi zawh rual chuan min hnung chhawnin thawk ala kawk kawk nghal.

Thil hi a sawi phawng phawng zel mai ta nghal. Eng vangin nge ka bulah hetianga a awm zel mai le,min ti hlau thei tak tak dawn...

Mahse mipa ani a, vanglai hmang chho tur thisen lum that lai anih vang pawh anih mahna..

Min hnungchhawna a ding chu ka en renga, a taksa pian in chawih tak chu a tshirt hak phen atang pawhin a mawi bik ngawih ngawih, apian phung hi Ethana hian chhun ngatse zawng nula tamtak a zunah an uai ngei ang.



Ariesa awmdan chu keipawn nuam ka ti bik lo, mahse thil atthlak a ti dawn lo tihhi ka thinlung hian a hrechianga, ina va luh leh a va in hak leh hni hne vel ka peihlo bawk. "Op ka bulah chuan khatiang khan awm tawh suh aw.. A lekpek chu ka thei kher tawhlo ang", thaw kawkin a ding tha a, min rawn en in a beiseina tlem la chambang chu ka hmu a, atilang sexy zual ka lo ti daih anih chu.. Zahpuiawm hian...

" Awle ka hria e kal tawh rawh, khua pawh avar tep tawh ang" ka nuih ver vera, min en reng chunga nui ve sukin carah a lut a.. "Anih aw bawihtea nu,lo in enkawl tha ula " Tiin a car a start a, "tluang takin le Aries, " Tiin a tlan liam thleng chuang ka thlir zui a. A kal liam ta chu ngaih ve reuhna ka nei, engtikah nge kan in hmuh leh dawn a hriat si lohva.

Mut leh na turin a laklawh tingtang bawk si, khawvar hun nghakin tv ka on a, mahse ka rilru chuan thildang daih angaihtuah si, atlan tluang angem? Kawng lakah tawh sual te a tawk palh angem? Tih te ka ngaihtuah rauh rauhva, rilru in Ariesa tan ka tawngtai mawlh mawlh mai ani.
.... ...............
Bawihtea rawn tho chhuak chuan hmanhmawh tak hian, "anu khawnge apu kha? " Arawn ti ta reuhva, "bawihte apu chu a haw tawha,nizan i muttui em, ka bulah i mu duh si lova, " Tiin ka lo pawm vata, chair-ah ka thut tir nghal zat. "Imm tui lutuk anu, apu khan thawnthu ngaihnawm deuh deuh te min hrilh a, aphone min en tir bawka, afel lutuk e, "arawn ti zang vaha, a ngaina ve hle tawh tih ahriat theih mai. " Anu, school alut ve duh tawh e, form min lo lei ve, "tiin thudang arawn sawi leh daiha, school luh a chak thar ta thut chu ka lawm rilru hle,

" Awle bawihte kan lei dawn nia, mawi tawk kan lei anga, lehkhabu leh lehkhapuante pawh kan lei dawn nia aw.. I duh angem? "Amah ti phur zual thei tur chuan ka veh thlema, alo chak ta ngiang mai a ke leng vak vakin a nui ver ver reng mai ani. " Anu, apu khan nizanah maw apa min ti rawh atia,mahse ka duh lo, tuna apa hi ka duh daih zawk" arawn ti leh daiha, ka nui hak ringawt.

"Bawihte apu pawh kha apa tur tho alawm, nangmah nen pawh in in an em kha. Tuna apa nen chuan in in an loh em hi, " Ka han tikuala, zep rual lovin Ariesa hi pa tiin koh se ka duhpui, ahlim phah dawn zia ka hrechiang em ani.

A hringnun abumbo na kara anun hlimna tur tlem te ka tih theih alo awm ve anih chuan tihsak ngei ka duh. A fapa kà atang hian 'pa' tih rí chhuak thei turin bawihtea hi ka hrilhfiah anga, hun duh dawn mahse ka beidawng lovang.

"Chuan maw anu apu khan apa Lawmsanga nge keimah i duhzawk min ti a, " Tiin a ngawi daiha, a chhandan asawi tlang dawn emaw tiin ka ngaichang ru ve khiau asin ..

"Chuan bawihte engtin nge i chhana Pa Lawmsanga nge apu kha i duh zawk? " Tiin ka zawt ve leh tawpa. ", apa Lawmsanga ka duh zawka, mahse nizana apu pawh kha afel ka ti.. Apu bulah chuan maw anu nangmah ka duhzawk che ka tia" Naupang rilru thianghlim tih takah dawt a tel eihlo tih a thusawi ah khan alang vek.

Bawihtean chutianga achhang anih chuan Ariesa pawh a hlim ve ngei ang tih ka hre chiang em em bawk. "Chuan bawihte thildang sawi anei em apu chuan? " Ka ti leha, an pafa in biakna chu ka hrechak tlat pek a. "Imm apu khan a sawi nasa lutuk Apa Lawmsanga ai chuan ka duat zawk ang che, keimah hlir min duh zawk rawh atia, chuan maw anu, apu khan maw anu nen hian kan innei tep tawh atia, nangmah hi anu i ni sia apu nen khan in innei dawn ami? Enge innei chu anu?" Ka fapa zawhna avang chuan ka dang a ro hawlh thei anih chu.

Ka chhan let hun nghakin min en karna amitmeng Ariesa mitmeng nena danglam na awm eihlo ka en phei chuan ka zam thei hial. Ariesan min en reng ni maiin ka feel tlat ani.

Chhanna mumal pawh pe lo chuan ka um e liam kual vel mai mai a, a tawp lamah chuan a school luh chak thu rawn sawi lehin a phur zia leh a thiante bula school kal ve achakzia chu a sawi bang thei lo, kum tharah luh tir ngei ngei ka tum nget bur bawk.

Chaw ei laiin Thari chu iptepui nen arawn pen luta, tu lo ah tak feh ang maw? Ka lo ti rilru nghal. "Op vawiin chawlh ani sia pa zawng ila, pa leng to awm hunlai te ania, rep tur atan kanu phunchiarin a duh a, i peih loh pawn min zawnpui tal rawh.. " Rawn ti ham hamin dawhkan arawn kil zata, ka bai siam arawn hawp zui zat bawk. "Ni e bawihi keipawn rep tur chu ka duh ve asin, thal eitur atan pawh a tha alawm" Ka nu in arawn ti a, peih lo tih pawh awm lovin chaw ei kham chuan kan in zui chhuak nghala.

...................
"Ariesa ka van ngai reuh, " Thari chuan arawn ti chhuak supa, ka hnunga kal anih avangin ka lehhawi zat nghal.

"Enge ? Khati khan min melh suh, kan bazar ni a thil thleng i hrelo" Rawn ti lehin, arawn inti vei reuh leh ta nghal. "I sawi loh chuan hriat ngaihna a awm hleinem" Ka ti let ve zata, chutiang hrechak zawk zawk pawh ka ni hran lo. "Ka phone number te min dil vel.. Awi a nuam e hreawm zawk.. Awi jambo rawn tlan thut thut suh,i lian si " Ti nghal hlawk hlawkin kan uipa jambo-a kan bul vela rawn tlan leh thuak thuak chu a vin hrawka, jambo a pawh a ding nghal chawt thei.



"Chumi mai mai chu maw i lo uan pui ava ho tak" Chek tlak tlakin ke kawng atang chuan ramngaw chhah lamah ka pen pui nghala. "Ni chiah nang, Op enteh ka rinai daihin Hmingmawia hi apatling reuh chuan alo la upa vak bik lo bawka, "arawn tih chuan Ariesa kum zat ka hre miahlo tih ka hrechhuak zat nghal.

" Ni maw, kum engzat nge aniha? "Ka ti a, pa-leng var lo awm zeuh zeuh chu fimkhur taka la in ka em ah ka dah zel a. " Kum 25 lek.. Mahse maw abula awm a a titi ngaihthlak chuan a kum phu lovin a puitlinzia ahriat theih, mipa hi chu an puitling mawh viau thina, mahse Ariesa kha chu ani miah lo, bakah ka biak pawhin tha deuh deuhin min chhang peih ve zel te kha a hmel nen a in awm lo lek lek zawk.... A luhlul hmel teh lul nen a mak ka ti tawp, "ka hnungah min rawn zui zelin pa ka pawh chhuahna hnu te chu hmawlhte hian arawn chhun leh thin. Atawng tui lutik nita berin a hriat.

"Awi i tawng anih pawhin i thil tih thulh phah zel lo la, kan haw har lutuk ange, ruah asur leh hmel bawk si, " Ka ti a, thuawi takin rei lo te a ngawi ve renga, mahse a kà hnawh sak lo na na na chu arawn tawng leh zat tho..

"Englo maw Op thil pakhat chauh ka sawi anga ka la char char tawh ang, tikhan lo ngaithla tawp rawh.. Bazar tura kan kal lamah khan hla ngai ngawr ngawr aplay anih chu Hmingmawia khan.. Ka ning bawk si, ka fiam anih chu.. 'I hla ngaihthlak chu tu emaw i duh deuh nen in awmdun theih loh vang ani maw' ka tia, chuan Hmingmawia khan thutak deuhin " Imm thei lo, a theih ngai pawh ka ringlo atia, fiamthu deuhin ka zawta mahse thutak deuhin min chhang sia, a nuam duhlo tawp. "Arawn ti bawrh bawrha, asawi ang ngeiin a pa lak achhunzawm zat nghal.

" Eng hla nge chutia alo vei em em chu? "Ka tih chuan Thari chu ngawi vung vunga a hla sawi tur ngaihtuah ngur ngurin, " Awi ahla hming ka hrelo.. Spi sak ania..A hla thu chu maw.. Mapui nangnen lendun a rem lo maw.. Tih vel, biah thu di hlan dun hi a rem ve lo maw"tih vel ani nuk mai.. "Ti nuap nuapin sak chhuah ve ngei tum chuan a hla thluk vel ahan ngaihruat kual zata.

A hla sawi chu ka hrechiang mah mah, engtin nge ka theihnghilh theih ang Champhai atanga kan haw khan a play reng kha ani miau a.. Awm ang lo zeta inngaih belna rilru hial min neih tur tu kha ani miau ani, mahseThari bulah erawh ka sawi lang dawn lo..

Rinai takin pa chu alo tam zeka, ka ngainat ber pa-uithin pawh tlai hnih ei tur ang vel kan hmu bawka, ka hlim veng veng mai.

In rin lawkna pawh awm lovin ruahpuivanawn rawn tla phutin insa sengna hun reng kan nei hman lo. Kan tê chula, phur siam sawk sawkin hmanhmawh takin in lam kan pan a, rinai kan lo kal pilril deuh nge kawng kan pawh har zek leh nghal. Kan ui jambo a kan kianga awm ve reng chuan thla atimuang sawng sawng thei.

In kan thleng chu a zawrin kan zawr vek tawh, ruah lah chu han tange nge pawh atilo a tla uar suahin ka hria..

"Anu, anu, pa ilo van hawn hnem em em .. Apu khan min lo bia a, alo kal leh dawn ati", bawihtea thu rawn sawi avang chuan a mah en in ka tawp deuh chawta, bawihtea erawh min en in anui ver ver thung. Aizawl ala thlen ka ring chiahlo, mahse a tluang anih hmela ka lawm rilru viau bawk.

Inbual nghal sawk sawkin thawmhnaw lum ka in bela 'Ber' thla kan kai tep tawha ruah asur pawn avawt ve tawh kher mai.

Zanriah tur ka siam mawlh mawlh laiin ka phone chu arawn ri a, Ariesa anih avangin pickup in speaker ka on nghal. "I tha maw? " Ka zawh tur tak min rawn zawt hmasa leh ta.. "Imm tha alawm.. I thleng deuh chiah a mi nge la thleng lo? "Ka ti a, areh deuh vung vung leh phawta.. "Op... Ethana kha khawngaihin min lo biak rawh aw.. " A àw chhuak chuan ka eirawngbawl lai pawh min ti tawp chawt thei..

"Aries i tha em? Awle ka lo biak dawn che ania, vawin ah ilo bia tih a sawia" Ka ti zata, Ariesa chu a lunga chhia ni mai hian ka hria, ka hresual thei tho bawk.

"Imm , mahse i awm lo, " Arawn ti vawt ruiha, ka khua rawn vawt ser ser avang chuan ka hahchhiau that nghal. "I tha em? Lalawmpui enga tinge? " Arawn ti nghal zata, eng chu hria ni maw.. "Imm tha e tha e.. Vak vak a che.. Tharin pa zawn min lo sawma, ruahin min nan huh leh vek sia, chuvang mai mai" Tiin awlsam leh ngaihsam zetin ka chhang leta. Ariesa thaw kawk ri chu ka hriat awm chhun ani..


"Awle a tha e, in enkawl tha rawh aw.. Bawihtea tan.. Ka la thleng chiah lova,anih phawt le" Tiin a off zui daiha, keipawn ngaihtuah zui lem lovin ka eirawng bawl chu ka ti zawm mawlh mawlh nghal.

**********
Zanah Zaihminga leh Thari an rawn in zui luta, thutthlengseia ka mu zal chu Thari chuan min rawn mutchilh zatin ka mal chungah a lu arawn nghat a, "Op ruah kan do vang nge ka lu hi alian vekin ka hria, arit bur mai" Arawn ti a, ka awmdan ang chiah. Mahse chu ai fe chuan ka awmdan hi ala hreawm.

Ka pang a sa em em a, vawt ka tihna areh hleithei lo.. Ka hrawk a thip em em bawk, reilo te chhunga rawn danglam anih avangin damdawi pawh ka ei khalh hman meuhlo. "Op Ethana pa chu ngati teh thut nge a haw a, hmuh ka chak asin le" Zaihminga thu rawn sawi avang chuan Thari ka mawng lama mu chu asamah ka pawt thata, "enge anã.. Ka sawifiah loh chuan Zaihminga hian a hrethiam hleinem" Tiin arawn in sawifiah zut zuta..

"I ho e Op a tir khan min hrilh ve mai tur che ania, Ethana pa anih phei chuan keima tan pawh chance atha dawn lutuk , atihzia khawp mai. Mahse amah ber lah ka hmu leh hman si lova, engtin nge bike race chungchang chu ni ang aw.. " Ti nuap nuapin Zaihminga chuan alu a tuai thuaka, Ariesa number kha ka pe ngei sia an in be chhunzawm lo nge, chutia ala mangan hmel em em na chhan chu..

"A number kha i neive ani lawm ni? " Ka ti leh nghal tawpa, Chutah Zaihminga chu rawn nui sukin, "khami hnu ah khan vawi khat chiah ka call a pickup a, messege a ka biak pawn min reply loh atam zawk sia lawm.. " Arawn tih chuan Ariesa awmdan chu mak ka ti ru nghal viau.

"Bakah kan in biak khan in race lam ai i chanchin kan sawi atama, a awmzia lo khawp mai, min thik in ka hria i hnen atangin a number ka nei sia, " Nui sur sur a arawn tih rual chuan Thari pawn ka mal chu arawn sik hlawk, awm anglo ti lutukin ka lo hnial vat, chutiang mipa anilo , nupui nei reng chunga hmeichhe dang laka rilru dang pu thei tur anilo tih ka hria. Chuti nilo se a mah hrechiang tu pawn a rinawmna leh a mize nghetzia hi an sawi chhen lovang.

"A hrim hrimin Op, engtikah nge arawn kal leh theih ang, min hrilhsa tawh rawh aw ka hmu duh ania, bakah ka bike khalhte hi hmu ve se tel thei turin ka tling tawk em tih te ka hre duh ania" Zaihminga vek chuan arawn ti a, Tharin pawh rawn inti phurin nimin lama an papawr rawn lei chu kãn tumin an in tingtuaha, kei erawh ka lu ahai em avangin ka che peih chiahlo na chu, ka tho chhuak ve hram , dawhkan kilin an bulah ka lo thu ve tawp.

Tv en chunga bawihtea phone bia chu ka ngaithla a, "anu a dam lo nasa lutuk a" Ati ri te chu ka hria a, Lawmsanga anih ka rin em avangin ka lo phur rilru viau..

"Anu, apu doctor khan abe duh che a, anu chu ka lo tidam ang a ti" Tia bawihtea ka lam pana rawn tlan ter ter chuan arawn ti lang langa, ka mit ka khap zawng pawh chuan ka lu chu anã vawng vawng thei . "Khawi keiman" Phone ka ban rual chuan Thari chu rawn che chhuak thutin Ethana phone ken lai chu a rawn pawt thla a, dan pawh ka tum lo, tawngpawh ka tawng peih kher pawn ka ring lo..

Thari chu pawnah chhuak daihin ava bia a, keipawh ka tawrh theih tawh ngang loh avangin room ah mu lum turin Zaihminga leh bawihtea chu ka luhsan deuh tawp, ka hnungzuiin bawihtea arawn lut zata, ka bul setah arawn inthawlh ve nghal.

"Anu i van lum em em? " Ka taksa sa chhuak pup tawh chu bawihtea pawn alo hai biklo tih alang reng, khawsik tlun an tih chu ka tuar ve ta anih ngei hi..

"Op,ka lo lut ania, engtin nge i awm a, Zaihminga khan i mu tih a sawia? " Tia Thari rawn lut pawh chu ka chhawn peih meuh tawh lo. "Ehee Op, i pang a sa lutuk.. A van zialo tak ruah kan do vang anih ngei dawn hi.. " Arawn ti zawm mawlh mawlha.. "Nakinah rawn call mai rawh Hmingmawi.. Op a damlo a be thei lo che, atlun nasa lutuk kan buaipui lawk" Ti nghal hlak hlakin phone chu a off ni hmiang keimah min rawn buaipui chawpchilh nghala, anlo la in be reng anih ngei kha..

Chutah ka phone bawk chu rawn riin Tharin a ken avangin ka nghaihsak pek lo.. "Immm, engtin maw.. Aw a taksa a sa chhuak vek.. Awle awle.. " Tih vela a mibiak a chhan letna chu ka hre leh vuai vuai.. Ka mit ka men peih tawh miau loh avangin enge atih ka hrelo.. Mahse thil vawt raihin ka chal arawn tawh chiah chuan ka meng chhuak a, Thari chuan min lo nui sen sen nghal. Ka nu hla zir rawn haw pawh chuan min rawn chiau au ve vatin Thari a awm miaua min buaipui lutuk thei bawk silo nen bawihtea chu a lo awm hranpui ta zawk a.

Damdawi ka ei a thawk tha bawka, ka muhil ka harh leh chuan zanlai dar 2 emaw 3 vel emaw ani hial tawhin ka ring, mak takin ka zang kawk theia, ka taksa hnawm chuap ah chuan ka tlan nasa tih alang reng, puan ka sin lova, ka tui a hal em em bawk. Thawh tuma ka che hrut chu ka bul maia bawkkhupa mu Thari chu arawn in perh tho zata, "awi ka muhil lo... Ka muhil lo" A lu thing nawk nawk pah chuan arawn ti phawnga, atho à emaw ka ti hman hial..

"Ilo harh tawha, kha hei i damdawi ei tur, he thil avang hian lawmthu min la hrilh ang che, " Thinrim hmel tum bur pah chuan damdawi mum chu min rawn pe a, tui nen ka lo lem ve leh nghal mai. "Enge i an a, imm i pang pawh a vawt raih tawh mai, doctor enkawlna i ngeih hle mai" Nui leh vur vurin a mit min san khum euha, ka lo ner súng tawp. "I hria em Hmingmawian angaihtuah zia che chu, amah vang ania mut pawh ka mut ngam loh. I lo harh ruala i ei tur damdawi hi ka pek loh che ahlau lutuka, nangmah vang anih kha a damloh min ti hrepa ka muthilh a phal lo reng reng, hei enteh" Tiin ka phone chu min pe a, Hmingmawian whatapp a khawsik enkawl dan tur Thari arawn hrilhna chu ani.

Min ngaihtuah tih ka hriat chuan nuam ka ti a, ka hlim veng veng thei. "Zan tira kan inbiak khan i awmdan min zawt char char a, chuan khang kha min rawn thawna, chuti nilo se kei ve teh lul hi chuan enkawl ngaihna che ka hre lo viau ang, puan ka sin tir ka tih te khan min vin hrepa, sin tir suh a taksa asat chuan min ti hrep lehnghal. Khati em em a min rawn ti vak vak kha ka lawm bik lo... Kan phone ange" Tih leh a phone hmeh aruala, awm anglo lutuk tun ang zingkar la hma lutukah.

"Ala mu ang, call angailo" Tiin ka dang vata, chutah Thari chuan, "mu lo mu lo.. I rawn harh hma lawk pawh khan min rawn call zawt zawt alawm.. Bakah a duty a, i harh chuan amah call turin min ti alawm, " A phone a benga ngaihthlak zui phahin a ti awlsam leh et a, rei pawh a ring lo tih hriat takin Thari chuan, "a rawn harha, damdawi ka pe tawh bawk misual.. Amah nen in be mai ru ka mu ve lawk dawn, " Tiin phone chu min pek aruala, khumah a let thla nghal.

"Hello, Op enge i an a? " A àw chu azangkhai vah mai.. "Imm ka tha lutuk, Aizawl i thleng chuaha i duty nghal tihna maw, ngati em em nge? " Ka àw ah pawh mak ka tihzia alang reng ang.. "Aa nia, thianpa ai ka awh zuai mai, Op a dawt leh ah chuan sik leh sa inthlak tur ruah sur chu do loh hram tum tawh rawh aw... Ngaihtuah loh theih ini silo, " A rawn ti thawp sulha, ka ni ve hulh mai.

"Aa nia, a rawn tla deuh thut sia.. I chau ang ka dah aw, ka tha lutuk ania hahdam rawh nangpawh" Ka tih chuan rangzet hian, "nithum vel chu chhuak vak hrih suh ang che, School pawh chawl mai rawh a tul chuan. I dam chian hma chu pawn boruak hip tam suh ang che. Anih le"" Tiin a off zata, ka phone ka melh reng ringawt.

🍃🍃🍃🍃🍃🍃🍃🍃🍃🍃🍃🍃



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Google [Bot], Google Adsense [Bot], Majestic-12 [Bot], Partinkungi and 260 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms



Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 9:00 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 14 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 14 BY 27 SENORIA
Post September 10th, 2022, 7:56 pm

FB_IMG_1662548244228.jpg
Chpater - 14

Bawihtea min au lawm lawm thawmah chuan ka muhil chu ka thangharha, khua alo eng ut tawha, ka lo muhil nawn leh ni chek tur ani.. "Bawihi enge i an a, vawiin chu school chawl mai ta che" Ka nu chuan ka chhuak phei min lo hmuh rual chuan arawn ti a, ka chhang tur chiah chu choka atanga Thari chu rawn tlan pheiin, "a chhawlh ngei ngei angai, thupek ka dawng tlat, anih loh chuan min sawisa hrep duh hmel a pu sia, " A lei achhuah zuka, ka ngaihtuah chian chuan Ariesa anih ngei ka ring nghal.


"Nia nu apawilo ka taksa hi ala pangai chiah lova, " Tiin choka dawhkan kilin ka thu thla a, thingpui sa ver vawr ka han in chu ka harh sawng sawng mai hian ka hria.

"Thar vawiin enge itih dawn, lo feh in ngai em? " Ka thingpui chhem hlauh hlauh phah chuan Thari chu ka en a, "feh chu kan ngai ngeia, mahse ka feh san ngam nang che, " Arawn ti zata, za lo zetin a then suk leh ta nghal. "Ti maw ven ka ngaih lohhi engmah ti theilo pawh ka ni hleinem, "ka tih chuan Thari chu rawn chek tlak tlakin, " Chupawh nise, a sawm chhuak tu che ka nia, anuam lo alawm nikhat bak chu ka hman bik dawn lo" Arawn ti zata, "mahse vawiin chu ka mu nileng duh maithei mut ka kham miahlo ania" Rawn ti zawm leh nghalin a eirawng bawl chu a zawm zat nghal..

Chutih rualin a nu chu arawn lut thuta, kan lo beisei loh ber anih dun vang nge kan phu dun chiang ngang mai.



"Thari, vawiin chu buh lo pho chhuak rawh aw, tin thum lo pho la, tlaiah khawl kan her tir dawn nia, Op enge i khawsik teh chu a an a? " Tiin min rawn zawh zawm zata, ka lo chhang ve mai. Nufel leh rilru zau tak ani bawka, Thari sawi thin ang deuhvin aphun nasa tih mai loh chu sawiselna tur vak ka hrelo..

"In in tualah hian pho ila athat dawn hi, kan veng dun phah thei anga, bakah in in atang buh herna ahnai zawk bawk sia, " Tharin arawn tih nuap nuap lai chuan Sangtei hnen atangin call ka dawng zata, Laltharzeli arawn hawi rang khawp mai. Mahse Ariesa anilo tih ahriat rualin a ner suk nghal.

"Hello Sangte teh hlawl che chuan, " Ka ti zang vaha, inpawh taka kan awm chhunzawm thei chu nuam ka ti. "Eng ni love ka ngai riau che a, thiante zawng zawng hmun dangah in awm bo zo sia.. I hna lamah i tluang maw" A rawn ti a, "imm tluang lutuk, nang enge i hriselna te chu a an a? " Ka tih chuan rawn thaw deuh halhin, "aaa ka pangai ani mai, Hmingmawian zankhua in min awmpuia, arawn thleng tir chuah bawk nen a i thlahrunawm khawp mai" Nui hakin arawn ti a, ava mak leh zel ve, ka duty kha ati sia, hepa hian dawt min hrilh leh tihna ami??

"Ani maw ava tihzia ve aw.. Lo dam tha zel rawh, " Ka ti let ve leh maia, rilru a hmín zan lo.

"Awle ka lawm e nangpawh aw.. E chuan advance deuhin i piancham ka lawmpui ache... " Arawn ti a, ni dawn tak tun thla hi ka piancham ani tak e.. "Ee aw awi ni tak ka lawm e" Ka ti vel luama, call kan dah rual chuan Thari chuan, "Tunge a... " Arawn ti a, "Sangtei a nia.. Enteh nizan khan Ariesa aduty lo, Sangtei khan kan awmdun char char arawn ti, " Ka tih chuan Thari chu nui put putin, "ka ring reng ah" Arawn ti daih anih chu..

Ka hrethiam lo reng reng a sawi awmzia hi. "Enge i hriata? Eng maw i rin chu? " Ka tih chuan buaithlak tih hmel deuhva thaw hluai phah chuan. "Heiham i hrethiam lo e mai, azin haw ruala aduty nghal kha ka ring lo hrim hrim.. I damlo a buaipui vang che a, achhuanlam fahrah lutuk mai mai anih chiah chu.. A awm ve tho keipawh ni ila ka ti ve tho ang.. Heihammm zep buai tum mahse ka hrechiang Ariesa thinlungah hian eng emaw tak chu ini chiang ani.. A vawi khat hmeichhe chetsualpui leh hmelhriat satliah ang mai mai chu ini lo tihhi ka sawi ngam sak, " khi sawngin arawn ti a, nuihzatna tur a awm pawh ka hrelo, mahse chutiang em chu ka ring ngam chiah bawk silo.

Engmah pawh ka sawi chhunzawm duhlo, Thari ngaihtuahna hmang kual nasa lutuk hian ngaihtuahna mak pui pui min pe tan der tawha, ka ngaihtuah zawm loh hi atha ber ang.

_____________
Thla aliam a, 'BER' thla kan chuangkai leh ta reng mai.. Boruak lum lutuk pawh azia chho tan ve turah ngai ila, khawlum zawng tawrh ahar e mai.

Lawmsanga rawn zin lai ania a,bawihtea min lo awmsak thin avangin ka lawm rilru hle. Sangtei pawh min rawn tlawh ve hrim hrim aduh avangin Aizawl atangin arawn chho mek a ka nghah hlelhna ai mahin ka inthlahrunna alian deuh hret.



School kan bang haw tura kan in siam sap sap lai chuan kan thawhpui pakhat Miss Ngaihi chuan ", Op chu i dinhmuna awm hi ka chak ve ngawt mai? " Arawn ti nui vur vur a, a sawi awmzia reng ka hre lo. "Enge i sawi awmzia chu, tinge min awha? " Ka ti ha a, midang pawh chuan min ngaichang vek.

"Aww lehlamah doctor ania, lehlamah officer ani bawka.. Duhthlan aharsa ngawt lo maw.. Ka awt che.. A tu ve ve pawn nuam sa lutukin an awmtir thei dawn che sia, "arawn ti nui vur vura, thiante ho pawh an rawn nui ve hak. Min fiamthu khum tih hre reng mai ila a tawngkam chu ka ngaizam thei lo.

Ngawizawng pakhat chiah ka neia, Ariesa erawh Ethana pa ngawr ngawr ani, chutianga min sawi theihna turin eng ang nungchnag mah ka lan chhuah tir ngai heklo.

A sawi hmangah kha chuan mipa pahnihte chu awlsam te a, ka thlan kual theih mai an ni turah angai a, atu ve ve nen pawha kan inzawm nghal mai theih arinna turin ka nunchang leh mizia ah hmuh tleu viau na tur ka neih ka hre heklo. ", chutiang zawnga i ngai chu ava zialo ve, mi pasal beisei hmang deuhah min ngai loh hram chu ka beisei. " Ka ti let ngata, anui tawp riai riai. Midang pawh chuti tho..

Engmah sawi tawh lem lovin ka hawsan ta hlawma. Kawmthlang kawngpuiah Lawmsanga chuan naupang chumchiat tak tak ho chu alo in fiam kual puia, naupangho hlim rak ri chu a ring tha viau bawk.

Inchhung ka lut chiah chu ka phone arawn rí zata, Sangtei ani.. "Hello i lo thleng tep tawh ami? " Ka ti nghal thlawra, Sangtei pawh chuan phur fahran hian, "imm inkhaw chhung ka lo lut chiah.. Rinai ka rawn tlan tluang zeka, kawng ka bo lo hlauh bawk nen" Arawn ti nui ar ar a, in a lut ta mai lovin kawngah chuan ka lo nghak ve ta reng a, minute reilo hnuah Car chuan Sangtei chu arawn thlenga, Lawmsanga nen pawh a lo in hmu ve zuai tawh an ni bawka, a zia phian. Chutiang bawkin bawihtea pawn a hreve tawha, an awm dun thei viau mai bawk.

In ah ka hruai lut a, an in lakah chuan a chhe bik dawn sia ka tím ru takzet. Mahse kan theih ang tawka kan din leh kan sak ania, a hlutna hi sum leh paia lei mai chi anilo.

"I in bual duh nghal em? Tuilum a awm sa? Tiin ka be bawrh bawrh a, Sangtei tawngkam leh chezia pawh a zangkhai bawka , nuam ka ti takzet. " Ngati nge Hmingmawia pawh chuan ka call a pickup theih loh le"ti nuap nuapa a phun ri chu ka lo hre chiang ngang mai, Aries la ngaihtuaha alo kal ve ka rin viau laiin arawn kal ve silo.. Nilo a ruk tak chuan a hmel hmuh ka beisei ve reng.

"Op in khua ah hian Airtel signal hi a tha chiah maw.. Ka signal hi a chhe lutuk tlat" Sangtei chuan ka bula min rawn din hnaihin aphone signal chu min hmuh tir zata, tumkhat lek lo ding reng chu niin, kan han nui leh te te phawta.

"I phone kha restart rawh, azia mai ang, mahse data vel kha off hmasa la.. I awmna hmun i rawn thlak sia chuvang mai mai aniang, atha lutuk Airtel chu" Ka ti zang vaha, ka rilru in Ariesa rawn kal loh chhan zawh ka chak lutuk ringawt. Mahse ka ngam ngang silo.. "Op hei Ethan chapal a chhia a, Nga tinge inpa , ahmel hmuh tur ava awm lo ve, " Lawmsanga rawn lut chuan Sangtei en in a zawt zata, ka beng a ka chhi nghal kar.

"Nia a buai deuha, anu dinhmun a tla hniam leh deuh bawk nen, rawn kal ve chu a chak lutuk nan" Pangai takin Sangtei pawn arawn chhanga, Ariesa ka ngaihtuah zata, anu a huat em em mahse a dinhmun harsat laia kalsan daih chi ni dawn bawk silo, a awmdan laklawh kual lutuk tur chu hreawm ka lo tihpui. Chutah Lawmsang vek chuan , "anih chu ava zia lo ve, anu chanchin lam reng ka hre ngai miah lo, eng natna nge a? " Tiin ka bula rawn din hnaih aruala.

"Chiang tak chuan ka sawi thei bik lo, tar lam an nive tawha natna chi hrang hrangin a bawm ti ila ka sawi dik ber ang.. Hmingmawia lah hian mi hrilh ngai si lova, bakah keipawn ka zawt ngai lem lo. Sawi a hreawm dawn tih ka hriatthiam puia, " Za lo zeta kiai sukin a phone chu a en a, "ee aw hei Op atha , i va hre reuh ve, signal bar pawh a full pap mai" Hlim tih hriat taka khi ver verin a phone chu a bih chhunzawm daiha.

"Keipawh ka va phei phawt ang aw.. Zanah kan in hmu dawn nia, thilpek tur che ka nei, " Tiin Lawmsanga pawh Thari te in lam pana chhuah a ruala. Ka enzui reng lai chuan Sangtei chu ka kianga rawn dingin, "duattu leh ngaihsaktu neih hi chu anuam ani tiraw.. Keini pawh a tir khachuan khatiang chiah kha kan nive thin asin.. Mahse hun a kal a, engkim a danglam telh telh" Arawn ti chuai raiha, ahmel ka en a, lungngaihna hmel chiah ka hmu thei.

"Op Hmingmawia hi ka phulo iti em? Ani chuan engtik lai mai pawhin min ngaihsakin min dawh hram hram thina, mahse keive chu .. Hmmm sawi pawh ka zak zawk.. A chang hi chuan maw Hmingmawia hi ka tibuai zawk thin hian ka hre thin.. A rilru ka tina fo a, amittui lah ka tih tlak sak thin bawk. I hria em Op Hmingmawia hi maw hrechiang la chuan i khawngaih lutuk avangin i tah ve hial ka ring, engtinnge a tawrh chhuah theih ti hian tun thleng ka la in zawt thin, "thaw chhuak hakin a mit, natna tamtak lang chhuak chunga mittui rawn hnam tiam tiam nen chuan min en a. Enge tih tur ka hrelo.


" Thei ni ngat ila chuan khawvela hlimna zawng zawng hi pek hial ka duh. Mahse Hmingmawia hlimna tur atan chuan keihi ka awmloh angai dawn si a, ka hmangaiha, mahse ahlimna pe tur erawh chuan ka huaisen tawk silo.. "Rawn ti leh sapin thut khawmna lamah a pheia, kei erawh ka dinna ka la sawn thei mai lo.

Sangtei thusawi awmzia lah ka hre lo,Ariesa hlimna dal anga ain ngaihna chu ka hrethiam lo. Aries ka ngaihtuaha, mahse Sangtei pasal leh Ethana pa anihna aia thuk zawkin ka ngaihtuah ta tlat. Nga tinge Zohmingmawia hian min tihbuai tak tlat na chhan hi....

A chanchin mai ni tawh lovin, atha angem? A hlim angem? Hrisel takin a awm angem? ' tihte nen lam ka ngaihtuah tawha, keihi ka diklo zo tawh nge.. Mi pasal ngaihtuaha hun ka hman tak hi..

........ .....
Zanah Lawmsanga leh Thari leh thian dangte an rawn in zui lut sap sapa, kan boruak pawh azangkhai khawp mai.

Sangtei pawh an be tlangnel thiam viaua, Sangtei pawhin nuam ati viauin ka hria. Kanu erawh angaite bawkin hla zir turin min chhuahsan tawha, choka a thingpui luma ka din ngawih vung vung lai chuan Lawmsanga chuan ka hnunglam atanga min rawn kuah deuh thuakin a rawn nui sun sun a, ka lo phu nasa em em lehnghal.

"tihpalh, tihpalh tih hlauh che ka tum lo a nia" A ti nghal mawlh mawlha. Thian dangte erawh thutkhawmna lamah an awm veka parda in zarin min hliah vek bawk avangin min rawn ngaihven chu ka ring lo hul hual. "A pawilo a ho lutuk thil ka lo ngaihtuah neuh neuhva chuvang mai mai, " A in thlahrung hmel lutuk tih ziaawm tumin ka nuih ver vera, Lawmsanga pawh a rawn nuive vur vur tho.

"Awle a leh pek chu i thu lo chuan ka ti tawh lovang, Op heihi khawngaihin i pawm thei angem? " Tiin a kekawr ipte atang chuan Zungbun leh thi Silver rawng , design in ang chiah chiah chu arawn lek chhuaka, ka lo ban rang khawp mai.

"Awi avan mawi em em ve, mahse a to awm sia" Ka ti ner nera, Lawmsanga chuan engmah sawi lova min nuihin zungbun chu min bun tira thi pawh min awrh tir nghal. Ka lawm bawk si chu kuah ka tum thuaka mahse Thari rawn lan thut avangin ka tawp deuh dat nghal. "Op lo phei ve rawh , itello chuan anuam lo" Tiin ka chhanna pawh nghak lo chuan min rawn pawt sawn lawpa, athinrim emaw ka ti hman hial.

"Laltharzel" Lawmsangan a hminga arawn kohna pawh chu angaihsak zui miah lo. Henu hi a thinrim tak tak a maw ni dawn le??

In kum rual thah inkawm khawm kan ni a, kan titi pawh a rual khai thei khawp mai. Dar 10 dawnah an haw sap sapa, Sangtei pawh vawiin lama arawn chhohna vangin a chau chu mu turin min luhsana, kei erawh ka nu ka lo la nghak thung.


Kan ui jambo a nen pawnah thu in thla mang avanga en na reng neilo zanthim chhah mup karah chuan eng emaw éng tal ka hmuh fuh beiseiin ka hawi kuala, mahse min lo chhawntu awmchhun chu thim chauh ani. Hetiang ang hi ani angem Ariesan anun arawn hman chhoh dan hi.. Ka hawi na lam apiangah éng pakhat chu sawiloh de zeuh pawh a awm eihlo ang hian, anun kha thim hlangin alo bawm khat mup thin ngei awm si a. Engtin nge hetiang mihring hi an awm thei zawk? 'Ka ngaihtuahna ka suangtuahna ka rilru zawng zawng chu Ariesa ngaihtuah nan ka hmanga, Lawmsanga reng ka ngaihtuah theilo..


Nga tinge hetia ka awm tlat... Hetianga awm hi ka duhlo asin le.. Mi pasal ngaihtuahna pangai ni lova ngaihtuah ta tlat hmeichhia te zinga tel nih ve hi.

Torchlight eng pakhatin kan in panna lam arawn hnaih chuan ka nu ani tih ka hria a, ka lo ding vat nghal. "Nu ilo va haw har ve a? " Ka nu chuan min hmu thut chu a phu deuh zuka, anui hak nghal. "Nia ipi Remi te in ah ka rawn leng kawia, kan in kawm tui ta deuh alawm, " Ati a, in chhung kan luta, mut dawn athingpui in thin anih avangin ka siam sak leh hmasa te te a.

"I thiannu chu amu tawh ani maw, ava chau awm ve kawm pawh kan la inkawm hman si lova, tunge ni ahming itih kha bawihi" A thingpui dawk ri hlak phah chuan arawn ti a, "Sangtei ania, a mutna ala rei lutuk lo, tawngring vak suh nu, ala mu nghet lovang" Ka ti a, atawng zawi ve nghal mai.


"Bawihi zanin chu i chanchin titi khawleng sawiin ania ka rawn tlai.. Ka dampui lai che hian pasal tal hi chu neih hram tum ta che, kalo thihsan hunah cheu pawh rilru hahdam taka ka kal theih nan, hei Lawmsanga pawh hi mipa fel tak ania, a en dan che pawh ka hrethiam veka, pasal neih lam te hi ngaihtuah ve la a tha ka ti khawp mai. I pi Remi te pawn an duhpui lutuk che asin, "a àw chu ngaihthlak anuamin, a dam leh dapa, min ngaihtuah vanga sawi ani tih ka hrechiang em em bawk.

"Bawihi hmeichhia ini a, pasal neihloh ngawt te hi thil tha anilo, bakah bawibtea tan pawh hian Pa thlazar hnuaia seilen chu a tha zawk ania, ila naupang a, keilah ti mai hi ka ni tawhhi.. Ka mit hmuh lai ngei hian pasal nei hman hram la ka duh ania aw.. Han mu tawh rawh naktuk chu I pi Remi huan thlawhah ka va inhlawh ve dawn ania aw, "arawn ti tlang nghal zata, room lamah min luhsan zui nghal.

Ka rilru chu buai namen lovin a buai ta map mai, kanu thusawi zingah khan diklo lai pakhat mah a awm bawk silo, pasal thlazar hnuaiah awm ni ila chuan a sawi ang ngeiin ka nu hi a hlim ber tur ani. Chutiang bawkin ka in peih hun nghak rengtu Lawmsanga hi ngati nge ka 'yes' mai theih loh pasal neih lam ka ngaihtuah lo ka tih thin kha a in thlak zo tawh nge.. Vawiin lama Miss Ngaihi thusawi kha ka zawh tak tak ni zawk??

Chu erawh ni lul suh se.. Thil theihl oh tur chu ngaihtuah pawh ngaihtuah chhin loh ngam a tha. ..

............
Zinga ka tho chu Sangtei leh kanu lo inkawm ka hmu zata, min rawn nuihdun vur vur lehnghal. "Vawiin chu Ethana ka lo awmsak ang che aw school i kal chhung" Sangtei chuan zangkhai vah hian arawn ti a, innel tir atum ve hmel khawp mai. "Awi ka lawm viau ang, mahse asual ve tawh lutuk ania aw" Nui suk phahin ka chhang leta...

Nizan ka mu tha lo nen ka lu a rit bur mai. Room a ka kalsan ka phone ri chu ka hria a, bawihtea rawn tlan chhuakin min rawn pe zatin, "anu anu apu doctor kha, " Arawn ti reuhva, Sangtei mitmei ka veng nghal hru mai. Pickup loh chi lah ani si lo..

"Imm enge ni" Ka ti deuh tlawnga, mawng a za chuai chuai mai. Min en rengtu an awm miau sia. "Op Sangtei a awm em? Ka call thlang theilo biak ka duh a" A tir ang khan ngaihthlak liam mai harsa ka ti, keimah min biak duh vang anilo tih ka hriat phei chuan ka hnual rawih rawih lehnghal, hetianga awm hi ka duhlo..


"Awle lo vuan rawh kan pe ang, " Pangai takin ka la chhang let a.. "Sangte Ariesan a be duh che a, i phone ah arawn call tlang theilo anih hmel a, " Ka phone Sangtei lama lek phah chuan ka ti a, Sangtei pawn lo ban ve maiin, "nia signal ka nei mumal lova,, imm hello" A ti zata, ka awm theilo, ka kalsawn nghal daih.

Mahse khawi hmunah mah tlan chhiatna tur awm miau silo, Sangtei tawngri chu a ring tual tual emaw tih turin ka room atnang pawh chuan ka hre renga, nilo hriat ngei tumin ka beng ka chhi kar ani mah zawk.. "Anu, engtikah nge school chu a luh ve ang.. A kal ve chak tawh e, school form pawh a duh ve ania" Khum ka siam fel lai chuan bawihtea rawn lut chuan arawn ti a, "bawihte Chrismas leh kumthar kan hman leh phawt angaia, hnakumah i kal ngei ngei tawh ang.. School form chu ka leisak sa dawn che ania aw, " A hmai chulin ka ti a, ahlim lutuk akhek ta chul nghal.

"Ethan lo kal teh apa in abe duh che" Sangtei chuan kawngkhar rawn kik dat dat phahin arawn ti a, ka chhuahpui nghal. Eirawng bawl ka tana, Sangtei pawn a rem rem alo tive bawrh bawrh bawk. A tawng siam siama, kan khua chu nuam atih zia asawi bang lo.

School lam panin Sangtei leh Bawihtea ka kalsana, Lawmsanga pawhin alo va lenchilh leh ngei ka ringa Sangtei ngawr ngawr kha chuan a tih thiam lutuk ka la ring ngam chiah lo atin ni.

"Miss Op, nimin kha tihpalh lutuk ka han fiam vel hlut che a, ka tihpalh lutuk aw" Miss Ngaihi chuan ka hnunglam atanga min rawn bia in a àw leh ahmel zawng zawng pawh a in thlahrun hmel khawp mai. "A pawi lo , keipawh ka thiam bik hleinem.. Aho lutuk" Ka ti vata, a sawi kha a dik ani tih hi ka hria a, mahse ka ringhlel duh tlat.

"Ehee zungnun leh thi.. Khaiaaa propose tu kan tawng ava nih hmel ve" Office a luh phah chuan Ngaihi bawk chuan arawn ti leh hluta, zirtirtu lo kal tawh te pawn min rawn nuih leh ang sawng bawk. Ka lai leh hnuhnawh viau ta nghal.

Short break laiin kan school group chu ka check vel mai maia, Ariesa nu azual thu leh tawngtai pui mawlh mawlh angaihthu a tam ngang mai, tih theih neilo mah ila awm hmunah ka lo mangang ve ruai nghal. Ariesa biak chakna hlirin min luahkhat mup mupa, tun ang hunah hian engtiangin nge a awm ang, kan hmelma te ngawih ngawih pawh thihna ko tlanga an din chuan lainatna thinlung kan nei lo theilo thin a, Ariesa phei chu amah enkawl seilian tu ala ni zui, harsa viau mahse mihring rilru leh thinlung nei ala ni a, a huatna ai mahin a hreawm tihna a len zawk hial ka ring tun dinhmunah kher chuan.

Mahse chuti chung chuan han biak emaw ka ti ngam ta tlat lo, atir ang kha chu nise ka be bawrh bawrh ngam tur ania, mahse a tir ang mai mai kha ka ni tawh silo ani. Pen tam takin ka lo kal hnaih tawh tlat ani.

______
Khawlum em avanga thlan tla purin inchhung dai nuam tak ka rap chu ka hahdam sawng sawng thei. Sangtei hmuh tur a awm lo, acar takngial pawh ka hmu lo.

Lawmsanga leh bawihtea ka au va, an awm chuang lo . Ka phone ri ah rangtakin ka bag ka hai rawk rawka. Lawmsanga alo ni. "Hello khawnge in awm? Bawihtea khawge? " Ka ti nghal hluaia, ka mangang lutuk ringawt.

"Hahdam rawh Thari te in ah kan awm, ka lo phei pui ang, ee chuan Sangtei kha nichin deuh khan a tlan haw rum rum a. Hmingmawia nu thih ngamin ana zual ati a, lo awm rawh ka lo phei ang, " Tih leh off arawn rual zat nghal. Sangtei ka call nghal zat.

Reipawh ringlo chuan arawn pickup a, a àw chhuak a diklo, "Sangte i tha em? " Ka ti deuh tawpa sawi mai tur ka hrelo em ani. "Op Hmingmawia nu chu tun deuh mai khan a borala, Hmingmawia lo phone rawh aw, ka tlan chak dawn motor ka khalh phah duh dawn sia,ka haw tih hi ilo hrilh bawk dawn nia aw khawngaihin" A àw chu a lawi vek thei. Mihring tupawh hi thihna meuh hi chuan min lo vaw hniam thei mange.. Khati khawpa Hmingmawia nu huatpuitu Sangtei ngei pawh a thi tih ahriatna avangin a tap mek chu ani si a..

In be mumal lovin ka off ta daiha, kei ngei pawh ka hním rawih rawih thei. Call ka danwg zawm mawlh mawlha, Latei, Hnemi leh Ramdina, Buaii tih vel an sawi erawh angai vek.. "Hmingmawia nu a thi" Hrelo turah min ngai nge, an manganna leh an hrilh haina in van atawng zawk vangin min rawn hrilh mawlh mawlh mai ani.

"Op, i tha em? Nga tinge? " Dawhkan bawha ka lo mu zawi ngiai chu Lawmsnanga chuan min rawn pan rawk rawka, bawihtea a pawmna ti hniamin anghatthla zat nghal. "Ariesa nu a thi , " Chubak ka sawi theio, ka tah a chhuak ta tlata, ka mitsulh bawk.

Lawmsanga chuan min kuah bet chawta, akut dam takin ka hnung a chul phei chuan kapa min ti hrechhuaka, ka mittui pawh ka dang kir duhlo, "avan zialo ve aw... Kan kal ve thei mang si lova, hahdam tum hram hram rawh aw, " A àw dam lutuk te chuan Ariesa min ti hrechhuak tawh zawka, biak ka duh , engtiang in nge a hmachhawn hrelo mah ila tawngkam eng emaw tala hnem ve ka duh.

"Anu" Bawihtea àw hriaiin ka in la hrang vata, ka mittui hru thuakin ka phone chu ka la lawka, "bawihtea hi min lo en lawk mai aw" Tih leh room a luhsan ka rual nghal, Lawmsangan bawihtea a thlem ri chu ka hnunglam hriat tawh.

Ariesa chu ka call a, mahse a pickup lo chiang khawp mai. Thihna in an in ah thla azar laiin engtin nge phone hmang tura a rilru a hahdam teh lul ang ni. Mahse ka ti nawn leh a. Arawn pickup anih chu.. Mak ka ti a, ka ngawi ta reng bawk.

"Hello Op, " Hepa hi engtin nge tun ang hunah a àw hi ala dam raih theih. "Aries, itha em? Chanchin ka lo hria a, Sangtei pawh alo haw kha aw.. I tha maw Aries? " Ka thin chu a thip vek tawh kapa ka chan khan nà ka tihzia kha.. Khatiang khan atuar ve kherlo pawh ani mahna mahse ana ve dawn tihhi ka hriatpui tlat ani.

"Imm tha ve zel turah ngai ang, patling ka ni ve tawh alawm Op, " Arawn ti let supa, ka kawchhung arawn fan rawih rawih thei... Khatiang khan dam leh ril ruih, àw thum pa hrak khan ka hming lam reng se ka duh. Ka duh takzet. "Awle inbuai awm si a, ka dah phawt ang aw.. Rilru dam taka thlah liam tum hram la" Tih te leh hramin off ka tum chu a thusawi avang chuan ka tawp chawta,

"iti dik chiah Op... Ser nung min pe tu nimahse, thihna meuh pawhin a chungah zah angaih lohzia ka hmuh hian kei talin rilru dam taka a kal theih nana ka thlah liam hi angai ani. Mahse adam a zawk ka la ni a, ka ser nung hi engtikah mah a reh tawh dawn silo" A rawn ti dul ruiha, ngaithlatu tan pawh hlim lohna tham a pe hial thei. "Imm ani ngei ang, mahse a dam laite hi chuan hmalam kawng zawha kal hi kan tih tur ani, thil hlui hmanga min pawt bet theitu an awm anih chuan hmachhawn thei turin Pathian engkim ti thei a awm a, ani nen chuan engkim i hneh vek thei ngei ngei ang. " Ka tawngkam thiam ang ang chuan ka hrilh ve ang luam a, mahse ka rilru a thuawm fuihna tur chu ka sawi chhuak thiam der lo.

Ariesa nui ri hak ka hria a, phone dah hmasa tu zawka tan tum kha a off palh hlauvin ka in ip ru nasa tawh zawk. "Ka lawm e Op.. Khatiang tawngkam kha ka dawng ngai miahlo asin... Kum tamtak hnuah ka dawng leh theia chupawh nangma hnen atang ngeiin,ka tih theih chu nise engkim hi her danglam ka chak ngawt mai. Mahse Lalpa remruat ah thu kan neive si lova.. A rorel lo do dal tur lahin engmah kan ni lo tihhi ka pawm tan angai tawh niin ka hria.. Pasal i nei dawn tih ka lo hria a, ka lawmpui lutuk che ania aw, hlim hi i phu takzet ania Op, ka dah phawt ange lo in enkawl tha ula, "tiin a off zuia.

A thusawi zawng zawng zingah pasal nei tur anga min sawina chiah khan min khawih let.

Engtin nge alo hriat theih dawn ni. Ni dawn tak Lawmsanga leh Tharzeli te khan an status-ah khan an hmang thalin ka hria.

🌼🌼🌼🌼🌼🌼🌼🌼🌼



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Google Adsense [Bot], Majestic-12 [Bot], Partinkungi and 246 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 9:01 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 15 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 15 BY 27 SENORIA
Post September 12th, 2022, 6:58 pm

FB_IMG_1662548264355.jpg
Chapter - 15

Ni a ral zel a, thla thar kan chuan kai leh meuh chuan Chrismas pawh thlahnih chiahin min dal tawh.

A phurawm khawp mai, abikin kumin phei chu Pathian zarah dam tlang takin bawihtea leh kanu leh naua te nen kan hman tlan ngei ka beisei ru ve a, ka lawm em ani.

"Bawihi ka damdawi hi zanin ei bak a awm lo, khaw thenawma kal tur te an awm angem? Min lo chah sak teh" A damdawi bur ruak tawh min rawn pek pah chuan ka nu chuan arawn ti a.. Tunlai chho chu Bawihtea pawh hritlang in aman ve leha, mahse chutianga mu bet tur ani hran lo, akhuh leh a hrawk thip kan buaipui deuh ber ani mai. "Awle nu ka thiante kan be kual chhin ange aw.. Bawihtea tan pawh school form leisak ka duha kalpui turte hi awm hial se ka duh khawp mai, " Ka ti zata, ahre ber tura ka nghaih Tharzeli ka call nghal.

"Imm tun ang zingah hi chuan ka nu nen hian ka haw ber che u.. Mangpui man lai laia, sawi rawh" A àw teh hrep chu ala tho lo tih chiang reng, mahse min rawn chhanna avangin ka nuih let hrep a.

"Lalawmpui, ka off dawn nge i sawi dawn? " A rawn ti zata, a mu tui lai kaih thawh hi chuan amood hi avan uih ve thei tak. "Bawihtea form leh kanu damdawi lei ka ngaia khaw thenawma kal tur i hrelo maw, " Ka tih chuan ngawi vung vungin. "Ka van hre mai lo, keipawh kal ve chu ka duh, Chrismas kawr thar tur atan puan than en ka duha, " Ala naupang chhia ka ti dawn nge, mahse dem theih a nilo Chrismas dawn meuh hi chuan puitling thleng pawh hian thil thar neih ai bakah chak kan neilo,



A hmingin kawr emaw pheikhawk thar emaw pawh nei ila kan hlim ve em em mai ani.

"Lo ngaihven la a hre hmasa sa kan in hrilh dawn nia aw. Ke a kal chu ka theilo ni asa thei e mai.. Thlasik nisa hi ka do peihlo ania, " Ka ti zata, ka off nghal. Bawihtea pawr phanga rawn tho chu, ka pan hnai rawk rawk a, "bawihte i hrawk thip chu a zia deuh em.. I lu te ana em? " Tiin apang te ka deh kual sak zata, alu thingin, "anu a hrawk hi a chil pawh a lem ngam lo" Tiin zawite hian an lem khalh reuhva, ka nui hak thung.

Vanneihthlak lutukin Pu Zuala te khaw thenawm kaltur te nen inthurual theiin an motorah kan in hnawh ve a,tawt deuh mah ila ke a kal ngawt ai chuan a zia zawk.

Thari nen inzui kualin mamawh kan lam khawm mawlh mawlha Pu zuala te an hmanhmawh em avangin Thari pawn a puan than duhzawng tak ngial pawh a en chiang hman lo. Kei erawh bawihtea tan Form kamis leh pheikhawk tih vel ka leisaka, kekawr erawh thui chawp ngai anih dawn avangin apuan than ringawt ka lei thung. Keimah zawk hi ka hlim lutuk tawh tlat.

...........
"Awii ka ngei e ka lo lei duh palh palh Op hei chu a thing ka ti e, " In kan thlen hnu kan thut hahdam duai lai chuan Thari chuan apuan than lei belhchian phah chuan arawn ti a, zeplo chuan keipawn nalh ka tilo a vun rawng nen phei chuan inchawih lo tak hi ani ringawt. "Kal leh hunah thleng mai rawh U Rintei chu a fela a phal em em ang, adangin kan thleng dawn nia" Ka ti zata, a hahdam leh hmel viau si.

"Op Hmingmawia te nupa kha Chrismas hmaa rawn zin an tum em? " En pawh min en lem lo chuan min mawl mang zawh leh ta tawpa. "Ka hre biklo tum lovang, zin mai mai a har ve e, hna nei an ni bawk sia, " Ka ti a.

Ariesa suangtuahna dik lo zeta ka suangtuah thin a zual zel loh nan Tharzeli bulah pawh a chungchang sawi tam lo turin ka hrilh tlang veka, thuawi takin a sawi khat pharh nghal. "Lo zin ve awm ania, aaa mahse nia zin vel hi chu sawi mai aiia harsa hi ani thin sia.. Ka va haw dawn aw zanin chu thalai commitee kan nei dawna ka rawn leng hman lovang" Tiin a bungrua te nen chhuah a ruala.

________
Zanah bawihtea khuh leh luak buaipuiin ka nu nen kan phe buaia, tlang hrileng mai mai pawh ala na thei lutuk hi ka khawngaih thin. Zan dar 10 velah amuhil ve thei hlauhva, kanu pawh a taksa chaklo ve bawk nen min mutsan nghal.

Bawihte an aluak khum athawmhnaw vel chu machine ah ka thleh lut nawk nawka, ka hman diam hnu chuan dar 11 alo ri leh der tawh ,mu turin room ka pan nghal. Rei pawh a rial lovang ka phone rawn ri chu ban vutin Ariesa hming alo lang kalha, kan in be khat si, nilo a fapa nen chuan an in be ngun lutuk mahse kei nen erawh chuan a nu thih tuma kan in biak kha a hnuhnung ber ani hial mai awm e, bawihtea biak aduh changa ka lo pickup thin tih chauh lo chu...



"Hello, zanrei hnu ah enge nita? " Ka ti a, chutih rualin pawn a Jambo a bauh thut nen ka phu nasa lutuk ka kang zawk thei hial. "Op.. Pawn hi a vawt teh mai ania.. " A àw chu khaw vawtin a hmet na hle tih ahriat. akhur deuh hlak hlak a. Tunah khan pawn avawh thu asawia chuti chu hepa hi... "Nanghi khawnge i awm a? " Tiin ka thu chhuak nghala. Pawn lama Jambo rawn bo ri ka hriat leh takah chuan ka tho chhuak nghal.

"Kawngkhar min lo haw teh, " Arawn ti tham thuaka, tlan chhuakin kawngkhar ka va hawng chu. Kan in kaltlang tu step ah alo dinga, kan pawn light in a chhun phak loh chin chiah chiaha awm anih avangin a hmel ka hmu chang chang tih theih ani. Ka pan hnai vata ka mut thuam nen chauh a tlan chhuak ni ta fam chu khawvawt chu ka taksa pawh chuan a hre zat nghal.

"Awi Zohmingmawi, hetah te enge i rawn tiha, a vawh tehlul nen,nanghi zan khaw vawt hnuaiah hian irawn kal tihna ani em?" Vawt tih avanga inkuah ip deuh chawiin ka zawt a,min thawng lutuk chu ka melh reng ringawt. "Kan lut hmasa thei angem..Op a vawt ka ti tawh lutuk ania" A àw zawng zawng pawh an pangai pha tawhlo, a kat nuk mai hian ka hria. In chhungah kan in zui luta, boruak adang zat nghal.

Light éng ruih hnuaia ka hmu chu ka meng phawk leh nghal kawk. In sual zo hlim ang chiah in apem deuh nual anih chu.

"Ngati nge i hmai te chu, in insual nge i chesual" Ka ti a, awlsam zetin, "kan insual" Arawn ti zata, ahliam chu a tharlam hlawm bawk nen ngaihruat dan mai pawh ka hrelo. "Khaw thenawmah min lo tibuaia, ka in sual pui na anihhi, bawihtea amuhil tawh ami" Arawn ti zata, kei erawh an insualna chungchang ngaihtuahin rilru ka seng ru neuh neuh.


Khaw thenawm insual hrat tak tak asual ngam chu a bawn ka ti ngei mai, a huho an ni ngei awmsia.

"Aw muhil tawh e, mut lohna hun pawh anih loh hi... Ngati teh thut nge ilo kala" Ka tih chuan min melh kur arual zata, "ka vah kualna lamah in khaw kawng ka lo zawh renga", amit meng ti hniam ruihin arawn ti a, mahse rinai tak ka pangai viau a , chutianga pangai reng chu ka duh.

" Awle zanin chu mu phawt la, zingah kan in be tha dawn nia, va mu tawp rawh.. Inbual hmasa lo mai la a vawt si,i damlo palh ang, tui lum i duh chuan tuilum bawm ah sawn a awm bawk aw.. Naktukah i hmai pem vel kha tihdan kan ngaihtuah dawn nia, kanu leh bawihte an mak an ti dawn lutuk che.. " Tiin naua room ah luh ka ruala, a rawn lutve mai tih ka hria.


"Thosilen kha ka la thla daiha a tlai laklawh sia zanin chu heti hian mu phawt la, tiraw.. Eee Sangtei kha hrilh theihnghilh lo bawk la aw.. "Ti nghal zawt zawtin a puan sin tur ka lakchhuah saka, avawh em avangin rizia pahnih hi thuah se azia ka ring.

" Tikhan mu phawt mai rawh, keipawh ka va mu tawh a nge.. Muttui le", tia ka kalpel tur chu min lo dang vatin, "hetiang hian ka bulah awm tawh suh ka tih che kha, " A mitmeng chu adanglam leh vek tawh, pawi sak neilo mitmeng ani hialin ka hria. "Enge maw i sawi le.. " Tiin ka tawlh hnung deuhva, "i thawmhnaw kha" Rawn ti nghal zatin min thlek chhuak diak nghal, ka zam duh bik thak lo.


"Zohmingmawi heng te chu mut dawna ka tih thin dan ziah ka tih tawh kha.. I rilru a tenawm e mai, mi pasal i nih kha in hre ta che,bakah i rawn lang thuta i rawn kaldawn tih pawh ka hre hleinem " Ka sawi zo chu min si chet khawpa min din chilhin a in sangmar awp awpa, awm reina chi anilo tih ka hrethiam lutuk tlat. "Min ti hlau ania khatiang mitmeng kha chuan min en tawh suh, i duh chuan i nupui a awm reng alawm" Ti a tlan chhuah mai ka tum chu ka banah min vuan bet tlata, ka tah te hial achhuak tún tawh, au vak na chi lah ani silo.


"Ka tihpalh Op.. Hetianga ka danglam ziahna chhan hi ka duh dan ani biklo asin, mahse ka control theih phak bak ani tlat si.. Tun atang chuan Op ka laka atang hian in la hrang tlat ang che, ka lo hnaih che anih pawhin nangmah zawkin min kalsan hram hram dawn nia aw,a hma thil thleng ang kha a thlen nawn ka duh lo" Tiin a tawlh sawn hrata, athaw hrawk hrawk ri chuan min ti tim ur ur thei.

Heti em em a so sang thut thin hi a mak tih loh rual anilo. A chhan hriat ngei ka duh, chhan awm lovin hetiang hian a awm tawpin ka ring lo. "A chhan min hrilh la, nge hetiang hi i nihdan hrim hrim,ka pui theihna che a awm chuan puih che pawh ka duh" Lehhawi chuan ka zawt leha, mahse min lo hnungchhawn reng tawh. "Min puih i duh chuan ka lak atang hian in veng tawp rawh. Taksa langtam thei thawmhnaw in bel tawhlo bawk la, chu chu a tawk mai" Rawn hawilet map lovin min rawn chhang leta, zawh zui zel pawh ka chak lo.


Zep then nei map lova min hrilh tlang vek chu keimah zawk ka zak lek lek. Ka chhuahsan ta nghal reng bawk.

_______
Zing ar khuang chuah chuahin min tiharha, bawihtea muhil tuilai thawhsanin ka in phih harh vata, kanu pawh ala tho lo tih ka hre nghal mai. Naua room lam melha ka din vung vung lai chuan Ariesa chu a thawmhnaw ngai nen, alandan ngai chiaha rawn chhuakin kan in melh deuh renga, "inbual ka mamawh a, " Pangai tak chuan arawn ti sapa, "awle tui ka lumsak lawk ang che aw, thawmhnaw i rawn keng em? Nge i lei chawp leh dawn" Ka ti let ve nghal, " Leichawp angaih hmel min kalpui tawh la, "tiin dawhkan arawn kil thla a, ahmai pem vel chu hmuh hreawm ka ti, misualpa ang mai.

" Vawiin sunday ania, naktukah te chuan school kal leh ka ngai dawna, hun ka nei hleinem, Thari a hman maithei, " a inbualna tui tur lum sak phah chuan ka chhanga, sunday tukah hi chuan buai hi azual bik hian ka hria. Min chhang lem hlei lovin ka che lai chu min thlek deuh renga, hetianga amitmeng hriatthiam harsa zet a min en hi ka duhlo, beiseina awm anglo tak min pek phah thin.


Kanu leh bawihtea rawn tho chhuak pawh chuan Ariesa lo awm ve kur an hmu chu an phawk dun ta ngang mai, mahse thil awmzia Ariesan a sawi zung zunga, an in kawm leh bawrh bawrh thei nghal kanu nen chuan.

.........
Inkhawm dar khatna ari leh der tawh, ka thleng sil kalsan in bawihtea ka siam mawlh mawlha, kanu pawh in peih diamin kal hmat loh duh ngailo ani bawk a min chhuahsan nghal.

"Anu Op Ethana ka lo sawm dawn a, " Lal Dannyan inchhung rawn luh phaha min rawn auh chuan Bawihtea chu ka peih fel ve deuh chiah. A thawhlawm tur ka pai tir thlapa, "bawihte biakin ah ninhlei loh tur aw, bengchheng loh bawk tur, zirtirtu te thu awi reng tur ka tih thin kha aw... " Tiin a inkhawm dawn apianga ka chah thin chu ka hrilh nawn leha, alu min bum khumin naupang pathianni school awmna lamah an tlan chhuak nghal.

"Ka tel lo in i enkawl thei zawk anihhi tiraw" Ka thlengsil ka tan leh deuh chiah tihin Ariesa chuan arawn ti a, kalo nuih suk ringawt. "I tlai ange kha chu inkhawm banah pawh atih theih alawm, va in siam rawh" Arawn ti leha, asawi dik ve tlat ..

"Awle ti hian hnawk nuai mai rawh se aw.. " Tiin room lamah ka tlan luta, kan room lah chu ahnawk theih tawpin alo hnawk, inkhawm banah tihfel ngai hlirin min lo hmuak leh dawn anihhi.

In peih diamin room atangin ka chhuaka, Thari nghak ru deuhin hmun hnawk thenkhat chu ka han ti leh ang lawp lawpa.. "Aries nangmaha awm i nin takin tv te kha lo en mai rawh aw, kanin khawm rei reuh thin ania.. Thari pawh chu ava rei tak" Ti zui hlak hlakin pawnlam ka thlir dauh dauhva..

"Inkhawm lo mai la, " Ka per dawr thei.. Ka hnung chet atanga rawn tawng ani miau ani, ka thinphu pangai chu nghakin ka thaw deuh kawk kawka, ka chezia chu Ariesan min en reng tih ka hriat avangin ka sa pup pup bawk. "I à mi, khatia min rawn biak thut, " Ka ti bak hlara, ka lungphu ala pangai theilo. Engmah sawi lovin min hnaih hrut hruta, ka en reng ngam tawh biklo hnung chhawnin pawn lam bawk chu ka thlir leh daiha. Min hnaih takah ading tih erawh ka hrethei vek tho. Chu chuan nasa takin ka lungphu a ti rang bawk. Laltharzeli rawn lang har lutuk chuan min ti thinrim tún tawh.


"Op." A àw mawlh chu,haider luih mai ka duh.. "Imm sawi la, " Amah pawh enlo chuan hnungchhawn zawngin ka chhang let tawp, ka en ngam teuhlo. "Ka kuah dawn che aw, " Arawn tih rualin a kut chu ka zak hnuaiah arawn rawlh lut zata, "maw" Ka tih chhung lekin nghet takin akut pahnih chu a suihzawm hman bawk. Ka pangai lo, ka ni hulha, ka thaw lak pawh a pangailo, asa huam huam mai.

Ka dara a khabe rawn nghat liamin ka nghawng chu a tilui tih hriat zet hian a thawk khum ham hama, ka mur sung sung thei. "Aries, " Tia ka che hrut chu a hmui vawt riah maiin ka nghawng a rawn tawh avanga tawp chawtin ka chil ka lem khawlha.. "Lo che suh, " A àw chu a rapthlak tawh mah mah, chutah ka nghawng chu rawn seh zeuhvin a ri raka, ain la hrang vut nghal.

Ka nghawng ruak deuh hulh chu ka khawih vata, nilo ka thi awrh kha.. Ariesa ka en a, ka thi aseh chah ngei mai chu a rawn lek chhuak anih chu, ka ui lutuk.. Bakah Lawmsanga min pek ve liau liau kha ani asin.

"Zohmingmawi engthil nge itiha, ka thi kha i seh chat alaw" Ka àw chu a vin hlur nghal. "Tikhan engmah awrh lo khan a mawi zawk, " Ti awlsam et in ka thi chu a ipte ah a ak nghala , ka sa phat mai. "I mawl ami, engvangin nge khatianga itih a, Lawmsanga min pek ve liau liau anih kha.. Ka tan a ahlutzia i hria em.. Engvangin nge i seh chhiat kher, " Ka ti vin thak thaka, Ariesa hmel pawh a in thlak danglam nghal.

Zeplo chuan ka ui lutuk ringawt tlereuhah thi hi ka lawm bera, Lawmsangan min pek pawh khan hnial chhinna chhete mah ka nei phalo, adesign a danglamin ka duhzawng tak ani bawk. "Khawi min pe nghal rawh, engtinnge Lawmsanga bulah ka sawi tawh ang.. " ka lungni lo lutuk chu ka mittui a tla lek lek. "Op duhtawk teh, " Arawn ti a, ka ngei lutuk chuan ka nem deuh pawp.

"Op i hman tawh em.. Awi.. Hmingmawi ilo kal alaw" Thari chuan arawn ti lut deuh nawk nawka, mahse kan boruak in a zir silo, min en tawn zak zak nghal. "Engthil nge thlenga Op tinge i tah.. I tha maw.. Tinge i nghawng chu.. Ehee khawnge i thi kha.. " Min ngaihtuah hmel zetin min hnaih rawk rawka, ka mittui ka khap per sak.

"Zohmingmawi an min tihchhiatsak" Ka thusawi zawng te chuan ka àw a lawi vek thei. "Maw .. Tinge.. Hmingmawi tinge i tihchhiat sak kher a.. Lawmsanga pek ve liau liau anih kha" Thari pawh chuan ka thlavang hauh àw takin Ariesa chu a ti deuh thaka. Ariesa erawhin chhanna pakhat mah a pe lo.. "Hei i nghawng hi tlem a sen deuh ania Op, kan kal phawt mai dawn ami" Ti a ka kut a rawn vawn chuan Ariesa chu rawn che hrutin, "Op a inkhawm dawn lo.. Lova kalsan rawh" Arawn ti bul hmuk a, ka mittui nen ka melh hrawk nghal.

"Enteh Hmingmawi tun hi intihluihna chi pawh anih loh hi, a reng rengin eng vangin nge abialpa thi pek pawh chu ilo tihchhiat sak reng renga, enge i hriat le? " Thari chuan ati let zeka, min ngeipui ve tak tak ani ngei ang.

"Ka sawi chu lo va kalsan rawh, in biak kan ngai " Arawn ti a, ka va han inkhawm awm chiang tak engmah sawi tur kan nei reng reng lo. "Thar kal ang, sawi dun tur kan neilo" Tia Thari vuana ka pen pui rual chuan Ariesa chuan min pawt her lawpa, ka tal nghal zata, mahse a ban tha chak lutukin ka ban bul a hmer ngawt ngawtna chuan ka tha a ti dul nghal vek thei, "awle a tha e, Op in be phawt rawh u, pawnah ka lo awm ang" A ti chiah chu dar nawnna ri arawn ri zata, Thari nen mangang lutukin kan in en dun nghal.

"Awi dar an nawn Op, kan lut ngam tawh nang" Tiin Hmingmawia a melh deuh zawka, min ngaichang zetin min en reng bawk. "Lo va haw la ka inthlak anga ka rawn pheive daih ang, kan inkhawm hman tawh chuang lo, thleng ka sil zuai anga ka rawn phei ang, " Ka tih avang chuan Thari pawh lunghnur tak chungin a haw let hna hna a, Thari a kal chhuak chiah chu Zohmingmawia min vawnna chu theih tawpin ka thing thla a, room lamah in thlak tura kal nghal ka tum chu min pawt let nawkin ka dar tawnah min hmer leh nghek, ana lutuk chu ka then sawk thei.

"Min thlah nghal rawh Zohmingmawi , hei nangmah avangin kan inkhawm theih loh phah hi.. Buaina siam chauh hi ami i thiam a" Ka ti hrawka, min thing nek duh hmel apu.. "Kha thi avang chuah khan maw hetiang em em a min huat nghal theih? " A àw chu a vin ve lek lek, chu chuan ka thinrimna a tizual sauh. "Thi naran mai mai anilo, Lawmsanga min pek anih kha.. Tih chhiat kher kha enge atulna.... Ka tana ahlutzia min hriatthiam pui lo vem ni.. Min thlah teh ka inthlak duh" Tal chhuah tumin ka tanga, mahse a taksa si chet a min pawt hnaiin a thaw kawk a, "duhtawk teh Op... Ka thil tih kha a chhan ka hre biklo.. Chuan khawngaihin Lawmsanga hming kha sawi lang tawhlo hram teh, " Maimit chhingin a thaw chhuak leh kawka, ka tal pit vat nghal.

"Tih chhiat kher kha angai em ni.. I thil neih hlu tihchhiat sak lui ve ta che ila i lawm bik angem... A teuhlo mai .. Min that duh hial zawk ang chu nang ang mihring chuan.. "Ka ti hriam hraka, ka rilru ana ngawih ngawih mai. " Engtin maw.. Lalawmpui mi that duh tur khawpa misualah ami min lo ngaiha? "A tawng chhuak chu hreawm tihna alang tel zat thei.

" Eng pawh nise khawi thi kha min pe rawh, "tiin ka kut alamah ka lek chhuaka, a hawi sawn hmak thung. " Zohmingmawi min pe rawh ka tih chu, ita pawh anih loh kha.. Min pe vat rawh", ka ti vin thata, amitmeng sen vek tawh chuan min en hrawk nghal.

"Lawmsamga hi i hmangaih em? " Leh ta diah chuan.. "Ka chhan kher che a tulna ka hrelo, min pe vat rawh, " Ka ti let nghal a, a ngeng lutuk te chu chhut lawl mai ka duh. "I hmangaih nge hmangaihlo min chhang hmasa rawh" Arawn ti a,, rang zetin, "aw hmangaih tehreng mai, ka mipa tawn tawh zingah chuan ani aia hmangaih ka la neilo.. A thu hrimin Zohmingmawi tuna i awmdan hi in en rawh Pathian duhzawng ani nge nilo, I nupui in arawn hmu pha lo che a, chuthil avang ngawtin i duh duhin i awmkual thei tihna anilo" Ka ti hrawk, min pek a tum miau silo roomah ka luhsan nghal.

Ka inthlak mawlh mawlh lai chuan rawn lut leh thutin thi chu ka kutah arawn hmeh bel chawta, "he thil avang hian ngaihdam ka dil dawn lo che, " Tih leh chhuah a rual nghala. A thawm hla tial tial pawh chu ka hrethei, hahdam tumin ka thaw chhuak halha.

Heiham☺☺



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Majestic-12 [Bot], Partinkungi and 247 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 9:02 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 16 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 16 BY 27 SENORIA
Post September 14th, 2022, 6:38 pm

FB_IMG_1662548276973.jpg

Chapter - 16

Tlai eirawng bawla ka vir buai lai chuan Thari chu tum burin arawn lut a, "ka rawn kal dawn iti ve sia, khawnge Zohmingmawia teh chu" Arawn ti bawrh bawrha, ni e kal tum tak kha chu ka nive mahse thil thleng te khan kal chhuah chakna a hnuk hniam vek atin ni.

"Ka hrelo a chhuak" Ka ti deuh tawpa, akalna ka hre miau lo. "I nu pawh hi ka va hmulo ve, Op engkim a tha em? " Arawn ti zata, athusawi in perhsan lutuk avang chuan ka nui deuh tawp. "Imm a tha ani mai. Kanu chu a leng kawi nghal aniang, chawei dawnah bak alo haw ka ring lo, " Ka ti let a, Thari chuan min belchiang tih hriat takin min en kur lehnghal.

"Ngati nge Hmingmawia chuan i thi chu a tihchhiat a, bakah i awrh char char khan ka hre sia engtin nge a tihchhiat theiha, apawt chat ami? " A rawn ti hru hru a, ka chhang chak lo ber awm e.. "Ai a rawn seh chat" Ner nawng phah chuan ka ti let zata, amah phei chu ka en duh lo. "Lawmsanga athik ani maw.. Avan che naupang chhia tak, " A tawplam chu arawn nui tel hak hak nghal, kei erawh ka thi chhia ngaihtuahin ka nuih a za lo ngei mai.

"Lal Op, ka sawi thin kha Hmingmawia hian hmeichhe pangai ang mai mai chuan a en thlawt lo che..... Nangpawn chu chu i hria tih ka chiang.. Mi in kan laka feeling an neih hian a hriat loh theih loh. " Nui vur vurin arawn ti leh hram peka. Ni e mi à nileng ka ni bik lova rinhlelhna chu ka neive ngei thin alawm. Mahse keichuan mipa dang duhin ka hmangaih tawha, Ariesa erawh ka lo phek en vel mai mai thin. Bakah mi pasal pawm lai nei ngaih melh hi ka thil duhloh ber ani.



Zanriah ei dawnah ka nu arawn haw a, mahse Ariesa hmel hmuh tur reng a awm lo,kanu hnen atangin zawhna ka dawng zata, chhan ngaihna pawh ka hre chuanglo.

Hmanhmawh zetin Aries ka call a, mahse abusy char char, ka thinrim bawk si, ka phone chu ka hmer ngawt ngawt mai ani. Kanu laka inthlahrung daka min awmtir avang chuan ka haw em em bawk, buaina bak min thlen lo hepa hi chuan..

Zaihminga call ka dawnga, thinrimlai nen chuan in mil lo tak ani. " enge? " Ka ti hmuka, Zaihminga chuan rui àw pherh zet hian, "inpa te nen kan awm tlang tih ka rawn hrilh che, Hetah chaw a ei dawn aw" Tih leh cut arual zata, a awmna chin tal ka hria a, tlem chuan ka zia deuh. Kanu bulah pawh thiam takin ka hrilhfiaha, mahse Ariesa angaihdan tur erawh ka ngaihtuah thiam pha lo, mifel tha pangai lutuk ang chuan angaih ka ring tawh lo bur. A khawsa zia hian azirlo em ani.
............
Zanah pawh an mahni avangin ka inkhawm lo, inkhawm hlana rawn haw an tum thu Zaihminga khan min hrilh veka, khaw thenawma zu an in thu nen lam thlengin arawn sawi anih kha.

.......
Bike ri ka hria a, Zaihminga te an nih ngei ringin kawngkhar chu ka lo melh renga, an ni ngei e. Zaihminga chu rawn lut hmasa in Ariesa chuan ahnungah arawn zuia, Zaihminga ang em chuan aruih hmel lutuk loh, mahse a rui ve thawkhat viau chuan ka hria. Bawihtean mak ti takin a en kara, naupang hmuh laia arui chu ka thin a rima, ka rilru ana bawk.


"Lal Op ka thianpa hi lo hau miah suh ang che, a in tam lo ania.. Ka zu haw thla teh ang, " Thut pawh thu khawmuang lovin a pai chhuak nawk nawka, Ariesa pawh min en miah lovin a rooma luh arual nghal.


"Bawihte, tikhan lo awm lawk la, tv kha lo en char char rawh aw" Tiin Ariesa rooma luh chu ka ruala, khumah a kut pahniha lo in dawm kun ngula a thu chu ka pan hnai nghal, "Zohmingmawi, enge i awmzia hi ?? Engtin nge rui chungten i rawn haw ngam zawk a? Zahtlak ka nilo anih pawhin i cham chhung tal chu bawihtea leh kanu mit hmuhah i rui lo ve mai theilo ami? " Hriam hrakin ka ti chhuaka, ka àw rawl erawh aring hran lo. Bawihtea mit hmuhah em chuan ruilo hram se ka duh em vang ani.


Min chhang duh silo, angawi reng te chuan ka thin a ti rim zual. "Hetianga awm mai mai tur si chu rawn zin lo law law la tha tur, i awmdan leh i khawsak dan hi in enchiang rawh Hmingmawi, i fapa hian i kawng zawh ang hi rawn zawh ve se i duh em ni? "A tawplam chu ka sawi tluan thei tawk, ka hnuk a ulh teuh a, ka mittui ka dang kir hram hram.




" Ai " Rawn hawi chhuak map lovin min rawn chang leta,
" anih chuan eng vangin nge hetianga i awm a? I fapa hmuh laiin engtin nge rui chunga i rawn haw theih? " Ka ti let nghal zata, ka àw a vin lek lek bawk. "A chhan chu ka rilru hi ana ani Lalawmpui.. Ka rilru hi ana lutuk" Rawn dingchhuak hluaiin rilru nat hmel tak chuan min en ngawt ngawta, amitah mittui a tling piau bawk. Hui pap pap a thaw hakin.. "Naktukah ka haw ang,chuan i phalna la hmasa lo chuan ka rawn zin tawh lo anga, bawihtea pawh ka rawn be tawh lovang.. A hma a i sawi kha adik ani apa ni mah ila Pa dinhmun luah tur hian ka tlak loh", athusawi chuan min ti dawl ruih theih anih chu.


A hma kha chuan nise rilru pangai tak pu chungin 'ni e' ka ti thei mai anga.. Mahse tuna alandan leh athusawi avang khan ka hním ruih mai. " Awle a tha alawm, anih chuan mu hma rawh", ti halhin chhuah ka tum a, mahse ka hminga min kohna avangin ka ding dat... A tawng dawn emaw ti a ka ngaihchan lai chuan min pan hnai chhat chhata, ka lo ni deuh hu nghal.


"Zohmingmawi... Enge i hriat a.. Ding rawh" Ka tih rualin bang ka ngheng dawta, ka indan ve na ka kut chu la lawkin chunglamah a hmer kawpa, ka thinphu aran ang tlukin ka hlauhna anasa zat nghal. Kan in len hleih em avangin ka en chho ha a, ka tang ve thin mahse awmzia chhete mah aneilo.


"Zohmingmawi.. Min thlah rawh engthil nge i tih hi" Ka aw chu an khur chhe zo tawh. "Lo che suh, " A lu a min rawn si datin a thaw haka, ataksa lumna chu ka lo feel pui thei. A pangai leh tawh lo anih ringin ka che ngam tawh der silo. Mahse eng thil pawi mah kan tih loh nan ka in ring reng tho.


A kut pakhata ka dul arawn zen chiah chu tal phatin, "ai ti miah suh, Zohmingmawi in sum tum rawh" Ka ti nghal thata, mahse ka dul arawm hmer( tham) tak avang chuan nà tiin ka ip chawi nghal, "hetiang hian ka nu khan min khawih thin asin, " Rawn ti zawi raihin a kut tang chuan ka dul chu ariat kual a, ka za mer mer thei. Mahse a thusawi avang khan ka rilru a fim vek lawi si.


"Maw? " A thusawi kha ka hresual zawk nge ka hrefuh lo zawk.. A kut arawn chet leh rual chuan tal phatin, "Zohmingmawi duhtawk vat rawh, bawihtea pawnah a awm reng ania, " Ka sawi zo chu a mitmeng phelh phang nena min en in chil a lem khalah, a landan chu avairuai mai hian ka hria, thinrima ànkhumna chi anilo tih ka hria a, pangai taka ka lan theih nan hahdam turin ka in hrilh ru mawlh mawlh mai ani..

"Hetianga ka awm ziahna chhan hi kanu vang kha ani .. Op.. Zan tamtak hlauhna avangin ka mu ngailo, " Ka kut avawnna thlahin a hmai atuai puata, ahui leh pap pap thin.


"Enge i sawi awmzia chu.. " Ka hamhaih luatna avang chuan ka zawt mawl leh tawp... Chutah Ariesa chu khuma thu thla hnawkin a rilru chu hun kal tawh avangin ana thar tih hai rual anilo. "Ka kum 12 ka nih kum kha ania, kanu in a fa hming koh a zahawmna atihchhiatsak kum chu.. Ka hlau a, tap chungin kanu chetdan rapthlak zet kha ka dawh mawl tawp thin. Pathianin chhungkua min pek avanga ka lawmna chu kum 3 chauh ani, abak zawng chu tui luan kawr tawp taka khawsa ang lek ka ni zawm ngar ngar thung. Ka beiseina zawng zawng ka nghahna chuan ka taksa mawina bak alo beisei silo.. Kanu kha thah hial ka duh thin asin, " A sawi zawng ringawt pawhin harsa atihzia a lang chhuak thei hial. Kei ngei pawh ka thu hriat avang chuan ka tha a zawp ral thei vek.


Ariesa hi ama nu ngeiin a khuaikhem tihna maw!! Nilo chutiang em a nunrawnna chu a tawng tur ani bik lo asin..

Ka khawng vek mai hian ka hria khuma thu Ariesa chu ka melh tlawk tlawka, a hringnun zinkawng chu a fair ka tilo, fahrahna a bultan hnu ah pawh nuthlawi hurherh avangin a zahawmna a chan zui a,a kawng zawh engkimah éng lam ai thim lamin an awp hnem zawk bawk si..


"Mipa naupang hlauhna kha engtik laiin nge tisa chakna a a in thlak ka hre tawh lo, sex ka hman hian ka taksa peng kimlo lai kim angin ka hre ta hial thin a... Mahse a hnuah erawh hreawm tihna leh mahni intihhlum duhna hialin min awp bet thin. Ngaihruatna ah pawh ka lo ngaihruat chhin ngai loh ka chunga athlen khan mipa naupang khan rilru natna ka hrethiam a, pawngsualna an tih ngei chu ka chungah a thleng si, atisa chakna avanga in control theilo kanu khan aduhtawkin min suasam thin asin... Kha thil avang kha ania sexah hian ka san em em Op.. Tihreh chu ka duh thin mahse ka dan zawh loh hun hi alo thleng leh thina.. Chuan.. I lakah hian thu zep ka nei asin" Arawn hawi chhuaka a mitmeng chu natna tam takin luhchhuah nan tak an hmang hrep tih ahriat..


"Imm sawi la, " Ka ti let supa, ka en reng bawk. "Kha zana thil thleng kha tihpalh thil anilo, ka rui ngeia mahse ka tisa chak na avang khan ka in control thei silo, hmeichhe vanduai ilo nita anih kha.. Ka siam that theih nise khazan khan nangmah nilo hmeichhe dang ka awm tir ngei ang.. Keimah ang chiaha mi bawlhhlawh sa" Arawn ti zawi ruih a, athusawi avang chuan huat phahna ka nei lo, ahreawm tihna hmelte chuan ka lainatna an tizual sauh tih lah a hre der silo.



"Hun a kal hreta, kanu in hnamdang pasal aneih khan ka lawmna khan van a chen hial ang. Pathian pawh khian a tawk ative tawh nge hnamdang (vai) pà ka neih khan ka tan vantirhkoh ang ani a, pa anihna engkimah ahlena, mi hausa tak alo ni zel bawk nen kanu lak atang khan min chhanchhuak tih theih ani, mahse sexah ka kaisan hman vek tawh avangin hemi kawngah kher hi chuan min tanpui thei tawh silo, khang hun lai khan ka lo piang ve te, hreawm tuar hrim hrima ka hringnun a awm bikte kha second tin ka vui thin a. Mahse kan home motheri min fuihna leh keimah anga enkawl tu neilo naupang tamtak ka unaute ho ka ngaihtuah khan kei tal chu ka damchhuah angai tiin ka in fuih phur thin a. Mi dangte tanpui nan tiin doctor ka zir ta ni. Tikhan hrilh loh che ka neih ka hre tawh lo Op.. Ka nunhlui engkim i hre tawha in lak atang kal bo tura min tih pawhin ka pawm vek ania, ka sawi tawh ang khan kei ang hi chu Ethana pa ni turin ka tlak loh" A tawplam chu a zawih em avangin ka hre chang chang.


Ni e Aries Zohmingmawia hi tunah hian a rilru ana hle tih ka hria ani,a lung a chhia tih pawh ka hailo. Ka dan theih rual lohin biangah mittui arawn luang chhuaka, tunah chuan mipa pakhat lungngaihna,hreawmna leh rilru natna in a tuam hlawm bak hmuh ka neilo.

Hmana Sangteiin ka bula asawi kha ka hrechhuak thara,"Zohmingmawia hi hrechiang la chuan i khawngaih lutuk avangin i tah puive hial ang..engtin nge a tawrh chhuah theih bik tih te ka in zawt thin "a tih ngei kha..ni e,a sawi kha a dik vek tunah pawh amah ka khawngaih luat avangin ka tapa,engtin nge a harsatna tawh zozai hi a tawrh chhuah theih zawk Zohmingmawia hian.!!


Bawihtea min auhna thawmah ka in hru hul thuaka, Ariesa erawh a la che chang eihlo. Tih hmasak ber tur ka hriat loh tlukin sawi tur reng ka hrelo. Ka chhuahsan deuh tawpa, bawihtea zun chhuak chu akekawr hlih sak nghalin bathroom lamah ka kalpui vata..ka thil hriat tak zawng zawng avang khan ka thazam chu an chat zo emaw tih tur khawpin thaw lak pawh a sak talh mai.

"Anu apu kha zu a in ve ami, ahmel kha ahlau lutuk e, " Bawihtea zung zo ka lam pana rawn kal chuan arawn ti a , engtin nge ka chhan tak ang.. "Aa bawihte chutiang an sawi ngailo... Bawihte apu ti lovin apa tih theih tum tawh la.. Nangchu i fel em kha, " Tiin ka thlem ta ringawta, 'pa tiin koh se, Ariesa hmelah hlimna hmuh ka duh. , "mahse a hlau alawm, tuna apa hi aduh daih zawk" Arawn ti let zata tih ngaihna ka hre tawhlo. Min ti beidawng takzet..


"Mahse bawihte tuna mi hi apa diktak ani ka tih tawh kha.. Apu itih khan apa rilru hi ana lutuk a, apa rilru tihnat i duh ami? " Ka ti leha, ka tap lek lek tawh. Bawihtea pawh a ngawi ta renga, min chhang lovin hnuailam abih daih bawk.."awle bawihte duhtawk phawt ang aw.. Lo kal rawh tv en ang hmiang, apa pawh kha chaw ala ei lova, kan siam sak lawk ang aw" Thlem ti tih chuan ka sawm a, thuawi takin tv hma ah a thufel leh et nghal. Ariesa chu chaw ei turin ka koh va, mahse a ei tawh thu in min rawn chhang let zat thung, hreh tak chungin roomah chuan ka dak lut leh ta nge nge a.


"I ei tawh tak tak ami? Anih lo in tifai la, inkhawm pawh an rawn bang tep tawh ang, " Ka ti leh a, rilru in inkhawm ban hma a intihfel hman ka beisei ru viau bawk. "Thawmhnaw ka nei lo, " Arawn ti zawi ruiha, lut tlang zatin steel almera bawk chu ka hai leh rak rak nghal, alo kal hmasaka hai peihlo nen tunah erawh chuan hai peihlo tih lam reng ka hre tawh lo..

"Imm heihi a that hi, hei chu i ha tawk chiah chiah tawh ang.. " Tiin tshirt leh kekawr chu ka pe a.. A ngui lutuk chu hreawm ka ti ru takzet.. Mi tihlim turin fiamthu thiam lah ka nisi lo, " Va inbual la, hei i hmai pawh hi damdawi hnawih vat vat angai tawh dawna, nizan atangin kan hnawih ta miah si lova.. Va inbual harh la tlemin i zia mai ang.. Thil kal tawh ngaihtuahin i rilru ti na duh tawh suh... Tunah chuan mi tamtak awh rawn doctor hlawhtling tak inih tawh hi, "ka han ti vel luama, ka ka atanga chhuak atan chuan ka van chham mawi si em!. "

Lalawmpui" Arawn ti nguta, rawn ding chhuakin min en kar, vawilehkhatah alama min pawt hnaiin min kuah ta vawng vawng mai ani. Hnial ngaihna ka hre lova, hnar ka duh lo tih erawh ka in hria."Ka lawm e, " Rawn ti thawp salhin a in la hranga bathroom lama kal arual nghal.

.........
A inbual zo lo chhuak chu bawihtea nen kan en rual zata, tlem chuan a landan pawh a ziaawm deuhin ka hria.. "Lo kal la, damdawi hi lo hnawih nghal ang.. " Ka lo ti vata arawn kal ve mai. "I duhchuan mu hahdam nghal daih rawh.. " Ka ti leha, arawn tawng veleh ta hram. "Ai ka tha lawm.. Ka mut pawh ala chhuak lo" Arawn ti a, damdawi ka hnawih zo chu kan thu ngawi kara, nichin maia thil ka hriat vang te khan Ariesa hreawm tihna belhchah turin ka awm ang tih ka hlau si, biak hlim ka duh lutuk, mahse sawi tur hi a van hian avang rawih rawih.

", engtin nge Zaihminga te ilo hriat a, ka sawi awmzia chu ila hmu ngai si lova, i zui mawl ve tawp tihna ami? " Tiin ngawih kur hreawm ka tih em avangin be hmasa tu ah ka tanga. "Ni deuh mai, kalna tur dang ka hre si lova, mahse rinai tak kawm anuam a, afel khawp mai" Arawn ti ve leha, ahmai pem niai chu mit a tikham ru tak zet, "nia afel lutuk a tawng duh sia,thian ho zingah pawh boruak siam thiam ber ani thin alawm.. Zu in ve thin mahse a sual zawngin akhawsa lova" Ka lo ti hluaia, arum nghut ka hriat rualin ka ip deuh zawk nghal.

Hetiang hian ngaihtuahna diklo tak ka neih zel lohna tur hian awm thin lo se ka duh,zawh tawp emaw hrilh tawp emaw ka duh viau na in ka sawi ngam mai bik silo. "Ee i bulah asawi tawh em, abike khalh thiam leh thiam loh vel intihsiakna atana a laktlak em tih vel endik sak turin a duh che a, " Ka ti leha, Ariesa chuan alu bu nghatin, "naktukah min sawm a, inkhaw field ah ati maiin ka hria, " Arawn ti leha, tlem chuan a àw pawh azangkhai tan ve in ka hria. "Anih chu tihpui ve la, atuive ropui mai sia.. " Ka tihrual chuan min melh kurin, "haw ka tum kha.. " Arawn ti a, ka hnual ru takzet nghal.


"Aw ila cham ve anga ni mai lawm.. A khawngaihthlak enchhin ve hrim hrim rawh.. " Tiin chelh ka duhna avang a ka thusawi chu hrethiam se ka ti. A ngawi leh ta renga, achanga tawngve uk thin hi achang hian a tawng tlem leh em em lawi thina, amak ania hepa mizia hi chu..


Inkhawm an rawn banga Thari leh kanu rawn in zui lut chu an rawn nui rak nasa ngang mai, Laltharzeli hian a rawn bawl kual vel ani leh chek ang.. Sitting rooma thu Aries a chu melh deuh zuk zukin min rawn din hnaiha, "engkim a tha vek ava nih hmel ve" Arawn tih sur sur chuan ka thingpui chhuan suan thla in ka lu ka buk khum ringawt. "Inkhawm loh chhan pawh a tha hle mai, " Min rawn nek chhalhin arawn ti leh zata, ka lo nem let dawrh nghal, a nui uar uar duh chauh anih chu.


"Thudik hi chu akha thin an tih kha" Ala rawn ti ham ham zui, ka ngei tawk atling hle ringawt. "Ee naktukah i hman chuan khaw thenawmah va kalpui leh ta che, bazar a duh deuha" Tiin Thari chu ka nuih vur vur a, pawi tih hmel lutuka ner sàngin, "awi Op ka hman lo mi lo ah feh kan ngaia, naaa ka van ngei tak nilai ni ah chiah ka hman dawn chauhva, mahse acham rei leh awm silo... Ee ni tak a cham rei dawn em? Karkhat tal chu cham turin sawm la. Nangin i sawm phawt chuan a pawm em em ang, " Phur surhin a rawn ti zawt zawta, mahse keipawn aruk tak chuan karkhat vel tal chu cham ve se ka duh takzet.


", iti awm anglo e a,hna nei ania, rei lutuk a chawlh ngam dawn lo " Ka tih chuan dik ti leh viau si a lu bu lap lapin.. "A bula awm hi nuam ka ti tawp, amak ka ti.. A landanah a nelawm loh tehlul nen mahse amah te hian mi hipna riau hi anei ka ti mai. Abula awma tawngkam hnih thum vela han biak chiah hian a duhtan chuan anelawm zia hi ka hria,, engpawh nise ka va phei teh ang.. Muttui aw", tia a ding hluai chu a phone ri avanga thu thla lehin, "Lawmsanga nihhi, tinge le.. Khawnge i phone" Min melh kar phahin a pickup zata, ka phone ka zawng kual nghal.


Bawihtea ka zawta alo khawih bik silo.. Room a luh ka tum chu Thari chuan min rawn auvin Lawmsangan min biak aduhthu arawn sawi zata, ka pan phei nghal.


Min ngai hle tih a tawngkam chhuak tinah a hriat theiha, hnaa abuai thin em avanga min biak that theih loh avangin thupha a chawi awl lo, keimah ai Bawihtea angaihthu fiamthu takin asawi bawk,. Ka phone ka pickup theih loh avanga mangang Thari rawn call tawp anih thu arawn sawi zata, keiin ka phone ka hmuh loh thu in ka lo chhang let nghal bawk. Minute 30 dawn chu kan in biak ka ring.


Dar 9:30 velah Thar thian i haw tur ka thlah fel a, ka phone zawngin ka hawi kual leh ruai. Ka silent ani ngei ang Lawmsanga min rawn call pawha ka hriat lohna chhan... "Enge itih a??" Ariesa min rawn biakna avanga harh chhuak phutin, "ee khawimaw i phone kha.. Min lo call lawk teh ka phone ka hmu zolo, " Beidawng lutuka thu thla hnawkin ka en renga, ka thusawi chu a hria nge hrelo pawh ka ngaihruat thiamlo alandanah sawn.


"Engtin maw bawihi ka phone ka hmulo e a, khawiah nge i dah a? Engtin nge i hriat loh ngawt theih. I khum te i enkual tawh em han zawng chiang deuh teh" Kanu chuan arawn ti a, a hawi kual nghal ruai. "Ka silent aniang, Lawmsanga min rawn call pawhin ari chhuak si lova, khawiah nge maw ka dah dawn ni? Bawihte i khawih lo tak tak maw."? Tiin bawihtea chu ka zawt leha, alu athing mat bawk si. " Ka call a a ri chuak lo, i silent anih dawn hi.. Zing khaw engah arawn chhuak leh mai ang", ngaihsam zeta Ariesan arawn tih chuan ka melh kur a, "mi biak ngaite pawh ka nei alawm" Ka tih chuan a mitmeng inthlak thutin min melh kur anih chu..


"Ni e bawihi zing khaw engah zawn chhunzawm mai rawh, khawi lai emaw ah i dah palh aniang" Kanu in arawn tive leha, Ariesa melhna atangin ka hawisawn nghal.

😌😌😌



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Majestic-12 [Bot], Partinkungi and 255 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 9:04 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 17 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 17 BY 27 SENORIA
Post September 16th, 2022, 6:41 pm

FB_IMG_1662548294680.jpg

Chapter - 17

Zinga ka tho chhuak chuan thutthlenga ka phone lo awm reng chu mak ti lutukin ka pan vata, ngawi teh helai hi nizanah khan Ariesa kha athu thalin ka hria.. Anih chuan hepa hian alo thukru char char tihna nge?? Mahse chutiang thil naupangchhia lutuk chu atih peih ka ring chiah silo.

Kanu rawn tho chu a vawkin lamah a phei nghal daiha, Ariesa chu rawn tho se zawh hrim hrim ka chak.

..............
Tukthuan eidawnah pawh ala rawn tho silo, nizan khan arui sia chuvang te pawh ani mai thei,kanu in min tirh hmaa amualpho nepna turin kaihthawh ngei angai.


Kik pawh kik hmasa lo chuan, "Aries lo tho tawh la" Tih leh luh tlang ka ruala, ka thil hmuh avanga kà hauvin ka mit ka hup chãwia, ka hawi sawn nghal. Kekawrte nen tlawng alo mu atin ni. "Aries, Aries.. Tho teh chaw ei ahun ania" Tiin ngam leh ngamlo chuan a hnungah ka beng thlawka, amutui lutuk chu ka in thlahrung leting zawk.


"Awii, hei Aries tho rawh harh teh.. " Zah chit chetna dah tha in ka sàwi a, ka beng leh deuh pawp bawk. Arawn che tual tuala, a ner nàng bawk nen ka lo nui hak nghal. "I kut tlak hi ana tih ka la hrilhlo che ami? " Rawn ti tial ruakin a zangthal thaka, amit nuai nuah nuah in a lu chu a dawm leh thin, a pentawng landan chu mipa naupang nuar hi ka tehkhin ber.




"Lo tho rawh chaw ei tawh ang... Pentawng la na leh tur si in loh mai tur che lawm " Melh rawm rawmin ka ner khum suka, a rukin ka nui vur vur reng tho sia. Arawn tho tuah tuaha, kekawrte nen chauhva awm ani bawk nen ka lo tawlh deuh dawra, ka en tha ngam lo. Kum 17 ka nih khan ataksa ruak kàng kha ka hmuh hmasak ber leh hnuhnung ber ani a, tunah ruak thawthangin ka bul hnai taka ka hmu leha, ahma ai nasa mah zawkin min ti danglam ka tilo theilo, mipa puitling taksa hi ka hmu ngailo pawh ni tawp silo, hepa ka zah tlat hi a chhan pawh ka hrelo.


"I tha maw, ngati nge i hmel chu" Min thlek deuh hà in a in ha phah a, ka hmai ka dawm vat. "Ai ka tha lutuk.. Chaw ei ka lo va siam ang, "tih leh thlawh chhuah ka rual nghal, a hrethiam lo lutuk hmel kha ka hmu vuai hman bawk nen mi à ka ang ngawtin ka ring.

Chaw ei ka siam mawlh mawlh laiin Ariesa pawh arawn chhuak a, kanu leh bawihtea erawh dawhkan an kil fel at tawh thung. "Vawiin chu khaw thenawmah chuan i kal dawn em? " Dawhkan kila arawn thut thlak rual chuan ka lo zawt vata, "imm kal angai ang chu, Zaihminga khan ka kal pui ang che atia" A àw chu ala phak chap chap khawp mai. Pentawng ani bawka a chaw ei pawh atui miah lovang tih ka sawi ngam sak. Mahse kanu te erawh hi chuan an hriat ka duh lo. Nizan pawh khan theih tawpin ka veng ru ngat ngat anih kha..


"Ava tihzia ve, karkhat tal cham ve tawh la.. I hman chuan" Ka sawi zo chu an pathum chuan min en nghal thiapa, lak lawh lutukin ka then khum thu nghal. "Ni e, Hmingmawi karkhat tal chu min awmpui ve hman lawm ni?? In hriat chhianna hun pawh kan nei meuh dawn hleinem" Kanu chuan arawn ti leh dap dapa. Ariesa chu ka en renga, a hmelah ka sawmna avanga lawmna hmel ka hmu lova, hlim sawtna hmel phei chu hmuh tur a awm lo. A rilru abuai hmel em em zawk.


"Aa i hman dawn loh chuan angai kher lo ania, in thlahrun phah nan hmang kher lo la, min hmaizah avang maiin cham te tum lo la hna nei inia, reitak i chawl thei dawn lo tih pawh kan hria alawm.. Nuam lo tih phah lo la" Kanu chuan alandan a hai biklo tih hriat takin arawn ti leha, hreawm ka lo ti, kanu chu ka khawngaih takzet. Alo kal hmasak lahin nikhat lek a cham tawh bawk si, Ariesa pawn chhan mai a harsat ani tih ka hailo, duh hun hun thleng chawl thei ani bik lova, bakah tun tum arawn kal dan phei chu a diklo hrim hrim tawhsa leh nghal.


Hospital lam pawh ala hrilh ka ring chiah lo, Sangtei pawh hi a hrilh tawh em tih pawh ka hre chuang lo. "Ka tum dawn nia" A ngawih vung vung hnu ah arawn ti thum duta, ka melh vat, min lo en kar bawk nen lai zetin ka nuih leh suk a. School kal tura ka insiam lai chuan Ariesa min auhna avanga chhuak phei lehin kawngkhar bulah alo ding deuh rún chu ka pan hnai a.




"Enge nita, ti khan Zaihminga ilo nghak tawp thei tawh tihna ami? " Ti phei phahin a bul chu ka thleng chawpchilh nghal. "I bulah hian sawi a that zawk ka ring a, zirtawpni ah ka let angai dawna, engmah sawisa lovin ka bo thutsia hotuten insawifiah turin min ti a, inu chu nangman hrilhfiah mai ta che, "pawnlam thlir dauh dauh phah chuan a rawn ti hnual ruiha, mahse karkhat ang tha chu ani dawn thova, ka lo hlim em em lawi si.


" Awle , apawilo ava tihzia ve i cham thei tur chu.. Kanu pawh ka lo hrilh ang... Eee chuan Aries khawngaihin lo haw let vat in tum dawn nia aw... Bawihtea hi akhua ahar thei lutuka, " Ka tih rual chuan min en zatin, "hruai ka tum asin" Arawn ti ta mai. "Awi a chiloh, atibuai mai mai che, kanu bulah dah la nuam in ti zawk ang, " Ka tih chuan a mit meng ti hniam sutin min thlek leh vung vung a, "enge? Khatia min en a?" Ka ti mawl leh deuh tawp.


Chuta min rawn chhandan avang chuan ka awmdan ka hlauh hman tep ani. "i hmaifang hian belhchian a dawl ru reuh zeka, " A nui tel saka, avan hmeltha em em. Hmeltha hmuha ka hmuh vawi khatna ani hial ang. "Over suh, ka in siam dawn" Tiin room lam pan ka rual nghal.

...................
Schoolah chuan angaite bawkin naupang chumchiat tak takte nen nileng hun kan hmang leha, zirtirtute kan thawhhona atha bawka, ninawm ve deuh thin mahse a nawmna atam mah zawk thin. Sangtei hnen atangin messege ka dawng nawlha, open tur pawhin ka in sangmar nasa khawp mai.

"Op, in dam em? Hmingmawian alo be mial lo che maw? " thu pangai tak chu ani, mahse min ti phawk lek tu ani nghal zat bawk si. Sangtei hian Hmingmawia awmna chin ahrelo a maw? Enge awmzia tun thlengin Ariesa hian ala hrilh lo tak tak tihna em ni?.. "Nga tinge i be thei lo ami? " Tiin 'aw' leh 'ai' pawha chhang lo chuan ka view tawh avangin ka reply tawpa, Ariesa chu zawh chian ngei ngei angai leh dawn anihhi, a awmdan hi a dik lo tlat.


"Ka call thina, aring ral thak thak thin.. A thian kawm thin leh a thawhpuite pawn a awmna chin an hre silo ka mangang lutuk zahpawh dawn lovin ka rawn zawt tawp che a, khawngaihin a rawn biak pawh che chuan min lo hrilh hram rawh aw, ka ngaihtuah takzet ania" A voice ka ngaithla zo chu rang zetin Ariesa ka call nghala, apickup miah lo. Ka ti nawn leha ala pickup chuang lo.


Rilru hmin zan lo chuan ka nikhat hna chu ka tlingtla thei ve hrama. In ka lut chiah chu ka ke pen atawp chawt thei.

Ariesa ban chu Zaihmingan alo tuam sak meka, amah ngei pawh a kiu bawr vel a thi deuh nuai mai. "Lal Op lo kal vat teh, kha rawn tuam sak teh, ka tuam thiam lo,keiai chuan i zei zawk ang" Zaihmingan min rawn hmuh rualin arawn ti a, rang lutukin ka pan hnaia, Ariesa ban chu ka tuam sak mawlh mawlh nghal.


"Ngati nei nuai nge, khawnge bawihtea, ikut chu ava vung nasa ve" Mangang ruai in Ariesa leh Zaihminga chu ka en tawn zak zak. "Bike in khawvel ka nawrpuia, " Zaihminga chuan nui vur vurin a rawn ti a, akiu thi deuh that chu en leh thinin a ner suk bawk. "Awii engtin nge in accident theih a? Ana viau em i kut chu" Ariesa en pah chuan ka ti leha, mitmeng nung sarin alu athing mat thung. Ka awilo lutuk ana dawn hrim hrim a vung luk thei tlat ani.


"Zaihming nangpawh i kiu kha damdawi hnawih nghal ang, va sil fai hmasa la" Ka tih chuan thuawi lutukin a tho phata, akawr hnunglam pawh a paw bal lutuk ringawt.


"Ana lo tak tak ami i kut chu.. Tu in nge khalha" A kut zawite a khawih phah chuan ka ner saka, "Zaihminga khalh ania, na lutuk lo. " Arawn ti awlsam leh et a, ka taksa atang amit ala la sawn eihlo bawk."Anih khawnge bawihtea i hruai lo ami? " Ka ti leha alu abu leh ringawt. Ka thaw veng sawng sawng nghal.


"Ee englo I nupui engmah ila hrilhlo ami? , ngati nge engmah i hrilh loh min rawn zawt thuta chhan ngaihna ka hrelo ania" Vawiin chhun lama Sangtei min rawn biakna hrechhuak zatin ka zawt nghal chawta, Ariesa chu alan pangai renga langin a kut na chu a thlek daih. "Aries, tinge i hrilh loh, i nupui anih hi.. Hetiang hian tive ta se nuam iti bik dawn ami? " Ka ti leha, akun tlat avangin ka bih ti tih tawh. "Ka lo hrilh ang" Arawn ti thawp sulha, a lungnih loh hmel ber hian ka hre tawh.


"Iti awm anglo thei e mai, bakah a call i pickup ngailo ati bawk ania aw, hetiang hian awm suh Sangtei tan ahreawm dawn ania, " Ka tih chiah chu rawn hawi chhuakin a mitmeng rúm vawng vawng tih hriat tak chuan hnai em em ah min rawn en a. Ka hawi sawn duh bik lo.

"Hreawm ka tih loh bik i ring ami? Hetia awm hi ka duh bik hleinem " Tiin a ding chhuak hluaia, "mahse nupa in ni a, engmah in inkarah in hmuh thiam lohna awm bawk silo hetia chhan awm lova i biak loh ngawt emaw i zin bo san thut thut te chuan a hrilh hai dawn lutuk asin, i hrilh dawn loh chuan... " Ka ti chiah chu min rawn pawt chat in, "haw turin min ti leh dawn ami? " Arawn ti zata, amitmeng mawlh chu ka en rei ngam lo, natna bak ka hmulo..


"Zohmingmawi khatiang zawng kha chuan ngai kawi lo teh, " Ka tih deuh that chuan Zaihminga arawn chhuaka, keipawhin ka lo buaipui ve leh nghal. Ariesa erawh thutthleng pakhat ah amah chuaha thu in a ngawi kura, min rawn ngaihven reng erawh ka ring.

"I va tuam thiam ve, nupui tlak inih reuh dawn hi, " In ti thutak lutukin Zaihminga chuan mi rawn fiama, "Nupui tlak turin alawm ka in zir mek" Ka tih rual chuan rum nghutin, "Lawmsanga tan bak ani leh awm silo, " Arawn ti zata, ka lo nuih let ringawt.


"In inhual tawhte an tia ani ami? Hma rawn lak te ka tum asin" Thutak awm ang takin arawn ti leh zawt zawta, ka lo chum let tawk nghal. "Enge an sawi alawm i zungbun hi a pek che ani em? " Ka kut rawn chawi kàn phahin Lawmsanga zungbun min pek chu arawn thlek chianga, "imm nih ve hi" Nui then vur vurin ka lo chhang let nghal.


"Op in ufer hi atha em? " Ariesa min rawn biakna avanga alam hawiin ka lu ka buk khum zata, hla aplay duh ni chek tur ani a phone aphawrh a, ache ri rak rak nghal.


"Hei engtikah nge Thari hi bem i tum a? " Ti a Zaihminga ka biak sur sur chuan na theih tawpin ka ban bulah arawn piaia, ka eu ngawng nghal. "Tuma hriat chiloh ka tih kha" A kut zungchal a hmuia hmeh belin Ariesa lam amelh zuka, ka nuih vur vur nghal.

Thingpui lum sak phahin Ariesa hla rawn ply chu lungthluk takin ka ngaithla phaha.

"Thaleng dang nena i nuih hian
Lairila'n maw ana e.
Tleidang biahthu di hlana
Min liamsan hi ka hlau ber.

"Zantiang laikhum belh changin,
Nghilh i har thinlaiah,
Thlunglu a hai, ka hril thiam lo,
Hei hi maw ni, Hmangaihna? "

Tih arawn sa chiah chu thil nilo nilo ka ngaihtuah tan leh ta, Zaihminga play nise chu engtin mah ka awm hlek lo tur, mahse aplay tupa vang sawn ka danglam tlat ani.

"I hai bil reng hian ka ring lo,
Nang vanga lunglam ka vaih hi,
Thutin di hrilh ka thiam lo,
Engtin ngai che maw, mi u? "

Tih arawn sak leh phei chuan ka mangang ruai tawh tih theih ani. A tizual turin Ariesa ka lam panin arawn kal a, amitmeng chu a buai ve miah lo, ka awmdan hi min hrethiam lo hram rawh se. Biak pawh be lovin ka hawisawn daiha, hetiang hian ka awm theilo, a hlatah hian ka awm ngei angai. "Op, " Ka hnung atang mai ani a àw chu arawn rik, chu thil phei chuan min ti mangang zual.

"Aa enge ni mamawh i nei a mi" Thawk la kawka leh hawiin ka nuih vur vura, hriatthiam loh hmel lutukin a mit ko ati chuar deuh núng nghal, "engtikah maw inneih in tum? " Min en kar phahin arawn ti zawi sapa, ka lei te chuan chhan let a chak lutuk mahse ka tawng vaih chuan a bah chhuak nawk nawk dawn tih min hrilhtu a awm bawk si. "Aa Aries chutiang a awm lo, " Ka ti chhuak thei hram, athaw kawk a, za lo zeta nui hakin a kalsawn leh nghal.

............
Inkhawm lovin Bawihtea chu A, AW, B leh A, B, C ka zirpui mai maia, thawm nei hlek lova min lo thlir rengtu avang erawh chuan nuam ka tilo, tlai atang khan kan la in be tha mumal leh miahlo bawk nen nuam lo ve tak chu ani.


Pawn lamah Thari leh Zaihminga tawngri ka hriat rual chuan ka veng hawk thei. "Inkhawm tlan bo lawm ang u, papawr kân tur kan rawn keng" Zaihminga chuan a au a rawn au lutin Tharzeli pawh arawn then lut thu a..


Zaihminga hian an tleirawl chhuah atang tawhin a star ngat ngat thin a, mahse a hrilh ngam lo ve khanglanga, min lo duhve loh chuan ahreawm dawn emai, ka sawi duhlo a ti kumtluan thin. Vawikhat Thari ka fiam zeuhva, alo duhlo ngang mai si nen Zaihminga chu ka lainat ru ve reuh khawp mai.


"Bro, i ban chu ana viau em? Chawei tuina lek ani ang ka tih kha" Ariesa rawn kuah thuak phahin Zaihminga chuan arawn ti zata, Tharin ahnunglama alo chhiatkhum vak chu keiin ka lo nuihpui hak thung. "I accident pui sia intihsiakna ah chuan i tel thei dawnlo anih kha.. Ithiam lo e mai" Tharin arawn tih chuan Zaihminga chu inti vei zeta hawi cham vahin, "a ho e.. Tui thiam pawh tuiah an tla hlum thei a, thing thiam pawh thing atangin an tla ve thin tho.. Bike a tluk hi thiam loh tehna ani lo.. " Ati lek zeka, asawi dik ve riau leh nghal.



Thari nen papawr kangin choka ah kan awm a, Ariesa te pawh an titi tuive viauin ka hria, thian kawm tur a nei chu tlemin ka lo zang hawka, mal reng renga hringnun rawn hmang chho ani bawk nen, alainat awm reuh em ani.


Kawngkhar rawn kiktu an awm avangin ka va hawn sak vata, 'thlawisial Umanuni 'lek alo ni. " Awi Umanun nangmaw, teh thut che chuan.. "Tiin aluhna turin ka awm sawn deuha, " Nia , ka rawn leng khat sia ka rawn leng ve deuh tawp. Papawr in kan lai ani maw"arawn ti zata, rang zetin Thari chuan, "aho lutuk min lo kan pui nghal nghe nghe teh, alum duh viau ania" A zah a hlau tih hai thei loh chuan arawn ti ve hluaia. Umanuni ang thawi senior hi chuan zahna mai mai te hi chu an kalpel vek tawh ang, 'ka lo ti rilru mai mai thung.


Kan khua ah na na na hi chuan ani aia zahna tlachham tur an awm miau lo ani. "Op saw saw maw Ethan pa chu, van chhelo reuh" Kha maw ka sawi reng kha arawn len chak vang emaw arawn len khat vang emaw a rawn leng anih ka ringlo hrim hrim. Thari arawn nui haka, keipawh ka nui ve tawp, mahse a zat vang erawh ani hauhlo.

Papawr kan peih fel chuan thingpui nen sitting room lamah kan chawi pheia a dan pangai te in Umanuni pawh a boruak a kaisang leh at tawh, Ariesa bulah ngat ala thu ngam zui, abe bawrh bawrha, akhat mawi tawk bakin pakhatpa lah chuan achhang let silo, Umanuni mitmeng de sawr sawr leh Ariesa a endan diklo zet chu ka lo mil thei derlo lehnghal.


Dar 10 dawnah an haw thei hrama, nilo an hruai haw lui ani zawk mah, hawn an sawm pawhin reilo te reilote tiin tawi khaw muanna tur a dap ngat ngat peih nia male..

........
"Op min lo pui lawk mai ta che" Ariesan aroom kawngkhar atanga min rawn auh chuan ka tv en na atanga tho vutin ka pan hnai vata, "imm nge nita" Ka ti zat nghal. "Kawr hi min pelh pui loh chuan" A tshirt pawt zeuhvin min melh ve kara, "aw lut la, naktukah pa Biaka va hmeh tir ila i duh em? Ruh hmeh thiam lutuk ania" Ti phah mawlh mawlhin a roomah chuan ka zui luta. "Na tawrh ka peihlo, " Khuma thut thlak phaha rawn tiin a thaw hluai phah bawk. "A dam vat i duhlo anih chu" Tiin a kawr phelh tur chu dimte in ka puia, a kutna lam ka phelh sak chuan ka tihnat ka hlauh luatah ka khawng palh khanglanga, patling pumpa mah nise a then chak nghal.


"Awi, awi awi, ka tihpalh lutuk.. Ana viau em?? "Ti nawk nawkin ka chhem saka, Ariesa chu a rawn nui daih anih chu, " Nuih zat thlak ka sawi ami,? "Ka lo ti let that a, a ban na chu ka dawmsak ti tih bawk. "Lalawmpui tunge hetiang ban vung chhem ngaia, " Nui haka arawn tih chuan ka chhem leh tur chu ka tawp chiang lutuk.


"Chumi vang chuan maw i nuiha? Avan ho tak, tikhan mu rawh, ee ngawi lawk tuilumin hmet lawk ang aw, " Min chhanna pawh nghak lo chuan ka tlan chhuaka tuilum bawm atanga tuisa ver vawr chu thli chhuakin puan thianghlim nen Ariesa roomah chuan ka in chawi lut leh nghala, mak min lo tih hmel em em zawka.


"I duhchuan i mu phah thei reng ania, ikut dinglam ania i vannei hle mai.. " Tuilum a hmehsak phah chuan ka ti siam siam a, avung nasa bawk a avun pawh amar pung thei hial.

.........
"Op, khazana thil thleng kha siam tha thei dawn ta la, i siam tha angem? " Min melh kara arawn tih thut chuan a mah en turin hreh tak chung chuan ka hawi chhuaka. Hun liam tawh hnu arawn sawi chhuak thut bawk nen min ti hamhaih takzet. 'Aw' tih mai ka duha, mahse aharsa ka ti tlat. Kei hian khazana thil thleng kha ka lo pawm fel thlap tawh tihna em ni?.


"Ngati nge chutiang te min zawh a? Siam that theih ani tawh hleinem", ka ti let a, ka en tha ngam tawh lo. " Ti danglam thei dawn la, i ti danglam angem? " Arawn ti leha, hepa hian eng zawhna mawl lutuk nge min zawh hi!!, "Nga tinge min zawh sawi hmasa phawt la" Ka tive tlat a, achhan pawh chhanna ka nei miau lo atin ni.


Chutah ngam leh ngam lovin Ariesa chu ka en renga, min chhan mai ngaihna a hre biklo chu nuih sakin, "kha kha ani mai min chhan ngaihna i hriat bikloh kha, " Zangkhai takin ka ti leha, "ka ti lovang, siam tha thei dawn ta pawh ni ila ka siam tha lovang, " Arawn ti salha, ka zawhna tak chhang lo mahse phawk lutukin ka en nghal kawk. "Ti maw? Khatih hunlai khan hriat pawh min hre ngawt ami, keipawn ka hre lo tluk che ania", ka tih rual chuan a lu thing leh mat matin, " Hre chuang love, mahse.. Nangmah ilo ni kha ka lawm zawk.. "Arawn ti leh zata, a awmzia ka hrelo hle ,


" Hmeichhe pakhat thianghlimna ka suasam sak kha hmeichhia azawnga nunnem ber alo ni renga, hmeichhe dang nise min rawn tihbuai chhunzawm vek ka ring, mahse nang chu i reh nghal hmaka, zeplo chuan maw op min rawn tibuai lo kha ka lawm lutuk asin, zirlai mai chuah ka la ni a, ka chhungte khan ka thil tih kha hria se min hnawtchhuak duh mai dawn sia, "a landan chu adam ta ruih mai, eng vang nge ka hre lo min ti hahdam thei hial bawk.


" Ngatinge vawi 1 te pawh min lo biak loh hrim hrim a? "Chu zawhna chu tun hma atang tawh a ka chhan theih loh ani, tunah pawh chhan ngaihna ka la hre chuang lo. " Aa Aries sawi tawh lovang, hun kal tawh chu liam tir ahun tawh, kan tun hun hi a pawimawh ber... Nangpawh in ngaihtuah vak vak lo la, itun hun hi hlim taka hman tum tawh zawk rawh. ", akut tuam that sak phah chuan ka ti mawlh mawlha, anunhlui achhui kir reng hi ka duh pui lo em atin ni.


" Op.. Englo... "A ngawi data, eng emaw min hrilh duh hmel pu si sawi thei mai silo in sangmar tun hmel apu. " Imm sawi la, "ka tih chuan a lu thing leh ang vut lawi si.


"Awle sawilo mai rawh, mutawh rawh i kut hi fimkhur rawh aw, i delh palh ange" Tia ka tho chhuak chiah chu vawi lehkhatah ka kawnga rawn vuanin min pawt thu leh dawpa, "reilo te chuah la awm rawh, " Ril ruih maia rawn tiin ka darah akhabe arawn nghat zat a, akut veilamin ka dulah a kuah bet tlat bawk.


Ka chesawn ngam tawhlo, kan ngawih dun vang vang hnuah Ariesa chuan ka dul chu ka kawr chhana rawn chulin, "engkimah ka tlai tawh tiraw? " Arawn ti thawp salha, a kut atichhe reng chu tuar thei tawh lovin ka vuan bet chawt nghal. "Enge i sawi awmzia ka hrelo" Ka chil lem khalh phah chuan ka ti leta, awm sawn ngei ngei ka ngai, chutilo chu keimah zawk hi ka danglam zo dawn tlat.


"Lalawmpui" Tih ngawt rawn sawiin ka dar chu arawn seh zeuhva, ka eu ngawng nghal. "Zohmingmawi duh tawk teh, " Awm sawn tuma tal phat chuan ka ti chhuaka, a aia na in min la seh zui leh ta nghal. "Lo che suh, " Chu thu bawk chu asawi leh ta, he thu a sawi apiang hian eng emaw ati ve ziaha, mahse tun tum chu ka dan ngei angai.


"Ai ka duhlo" Tia thawh mai ka tum leh chu min sehna zual sauhvin ka kawr chhung arawn zen lut zata, na takin ka dul a tham zat nghal. "Zohmingmawi ana ania, " Tiin a kut che kual tur chu ka vuan bet vata, akut lehlam nà mahse a chak dan ala pangai reng tho. "Lo che suh ka tih che kha" Arawn ti leh daiha, angaite bawkin ka dar chu arawn seh leh nghal.


"Ai, duhtawk rawh. A na ania" Tiin a inrinloh lai tak chuan ka tho vata, second khat pawh awm khawmuang lovin ka chhuak nghal. Ka thinphu rang lutuk chu dawm vang vangin kan roomah ka lut a, darthlalang hma-ah engthil nge atih hre tura ka in thlek chu ka rak chhuak that thei.


'Love bite' lian tak alo cham kulh mai, asehna hnu chu chiang em em a langin asen duk deuh churh a, arei loh nen a ti thang ani ngei ang. Zak lutukin ka in siamtha nghal sawk sawk.

..........
Ni aral ve det deta, Ariesa pawh naktuk maiah a haw ve tawh dawn bawk nen zingkar atangin Bawihtea nen an in awm deuh chawta, haw ahrehna chu ka hriatthiampui khawp mai.

Van neih thlak lutukin akut pawh ahma ang em em a na chu ani tawh lo, aduhlo chung Pa Biaka tuk hnih lek ka pan puia, a thiam bawka, angeih ve viau chuan ka hria.

"Miss, Lalmanuni te an in sual ania" Office kawngkhar atanga mipa naupang pakhatin arawn ti lauh lauh chuan Miss Ngaihi nen kan tlan chhuak nghala, lunch-break lai ani bawk nen an in sualna avangin an chaw eitur pawh an ti baw vek a, min hmuh rualin an in thlah nghal vat bawk. "Lalmanun eng vangin nge in in suala, tu thiam loh hmasa zawk nge? " Ka tawngve hma hauhvin miss Ngaihi chuan arawn tia , Lalmanuni lah chuan tap pur chungin, "ka hmarcha pai ka pe duh lova, ka chaw min rawn tih buak sak male" Arawn ti a, a insual puipa lah chu class 4 mipa a lian ber ala ni zui.


"Dawt sawi duh suh, ka rawn ti baw lui lo , ka ti baw palh anih kha" A mipa zawk chuan arawn ti let nghal a, kalo khap vat nghal. "In chaw ei khamah office ah rawn kal ang che u, " Ka tih chuan an tí daka, hremna pek emaw ka tum hran lo, mahse zirtirna erawh chu ka pek ngei angai dawn.

.......
School banah Miss Ngaihi leh Sir Dinpuia nen kan haw ruala, school sport neih tur chungchang vel sawiin pakhatna la thei ngei tura tan lakpui a duhthu Sir chuan asawi sap sap a, kumdanga kan sport pawh hian top 3 ah hi chuan kan lang ngei ngei thina, kumin chu naupang kan neitha bawk nen pakhatna lak pawh a chakawm ka tiru khawp mai.

Sir Dinpuian min pen san hnu chuan Miss Ngaihi chuan zawite hian, "Ethana pa ala cham tiraw?? Zanin Chu mi rawn lenpui tur ka nei ania" Arawn ti sur sura, ka lo melh deuh awr nghal. ", Thlawisiali te pahnih ka rawn kalpui dawn" Arawn tih leh rual chuan rum nghutin, "i peih mai mai, an bawl chhuak che ani maw" Ka ti leta, umanuni te thiandun chu rawn lenglo hram se ka duh vang ani.

"Ni deuh tho, tak takin ka hmu chiangve chak hrim hrim phaha, ralkhat atang bakin ka la hmu silova, chuvang mai mai, UManunin a hmel thatzia leh apat zia a sawi uar nasa lutuk a, arawn len tum pawhin alo be tha tih thu te pawh a sawi nasa ngang mai, " Ngaihi thusawi avang chuan ka nui chhuak hawk hawka, awi kha zana arawn len khan Ariesa khan amawi tawk bakin a chhanglo, chu lovah umanuni zawk khan azar ngat ngat ka ti mai.
Chutiangin Ariesan abe tha hluam bawk lo.

"Anih umanuni thusawi chu i ring em? " Ka ti leha, Miss Ngaihi chu rawn nui hak hakin, "ring turin min ngai em? " Arawn ti nui vur vur a, keipawh za zetin ka nui hak nghal, umanuni te zawng a zia kan hrechianga, en liam tawp hi angai thin.

In ka thlen hnu in eirawng bawl ala hun chiab silo nen test paper check tur chu ka check mai maia, naua ka ngai khawp mai, kan chen ho lai kha chuan min check pui zung zungin reilote ah kan zo thina, tunlai kan in be khat bawk nen ka ngai tak tak ani.

Chutia paper ka enkual lai chuan phone ri ka hria a, ka ringtone ani miah silo, Ariesa room atanga rawn chhuak anih avangin Ariesa phone anih ka ring zata, hepa hi alo awm reng amaw nile ka ti a, ka kang zawk nghal. Mahse phone ri a tawp thak thleng pawha pickup tu awm ta lo chu kawngkhar chu ka kik dat data chhangtu a awm lo, "Aries" Tih leh hawn ka ruala, alo awm lo, aphone chu khumah alo len san tih hriat takin alo let bala, chhuah leh mai ka tum chu arawn ri nawn leh zata, ka en chuan Sangtei alo ni, pickup loh zet tumin ka tawi khaw muanga, mahse ani thei ngangin ka hre silo chu ka pickup ta tawp.

"Hello Sangtei keimah Op zawk Ariesa hi a awm lova, in ah a phone a hnutchhiah daiha, " Ka tih chuan ngawi deuh vung vungin, "a lo haw har angem? Biak ngei ngei ka ngai" A àw chu a chang ru fiat fiat khawp mai. A awm ve tho apasal phone hmeichhe dangin an pickup miau si a. "Ka hrelo le, khawiah nge an len ka hre lova, a tlai ve tan sia an lo haw har ka ring lo, alo haw ve leh ka lo hrilh ang, " Ka ti nghal zata, engkim apangai vekin a awm tihhi hria se ka duh.

"Enteh Op, ka sawia mawi chu anilo maithei, mahse khawngaihin Hmingmawia hi ka pasal ani tih theihnghilh lo hram rawh aw, ka neih chhun ngawih ngawih ania, atello chuan ka thi thei mai ang, in nufa a en dan cheu hi ka hai biklo, mahse athisen ngei lak atanga pawh hran hi ka tihtur anih loh avangin ka ngawi reng a, ka thian tha ini a ka rinna hi min tih nghin sak lo hram dawn nia, " A sawi zo chu, a cut ta daiha, anuam duhlo ngei mai.

Ka paper check pawh ka dahtha nghala, ka mood zawng zawng arawn ti down vek mai hian ka hria. Ka rilru baihvai chu Lawmsanga ka call a, aring ral thak thak a, naua ka call leh a, ala thei biklo, hmeichhe rilru no a rawn chhuaka mahni inkhawngaihna a khatin ka dinhmun chu ka hriatthiam tawh lohna chinah alo awm tawh si nen ka tap ta tawpa, kanu leh Ariesa te pafa an lo awmlo chu ka lawm letling khawp mai.



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, D rose chhangte, Google [Bot], Majestic-12 [Bot], Partinkungi and 238 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


27 SENORIA
Posts: 230
Joined: September 1st, 2020, 10:24 am

Unread post by 27 SENORIA » September 25th, 2022, 9:05 pm

STORYFB.COM
FAQMCP27 SENORIA
PortalSTORY AWMNAMizo Story DahkhawmnaLong story and EpisodeSearch

LAZARUS 21M - 18 BY 27 SENORIA
Moderator: writers


Search this topic…
1 post • Page 1 of 1
27 SENORIA
LAZARUS 21M - 18 BY 27 SENORIA
Post September 18th, 2022, 7:32 pm

FB_IMG_1662548303264.jpg
Chapter - 18 (Last)

Eirawng bawl zo diamin paper bawk chu check tumin ka la chhuaka. A tu a mah an la rawn haw hlawm silo, len cheh reuh hlawm lutuk mai, ka ti nang nang a, chutah kawta bike ri ka hriat rual chuan tlan chhuak vat in, ka thil hmuh avang chuan ka nui hak ringawt,

Ariesa chuan kanu leh bawihtea chu arawn phur haw ve ngeia, Ariesa hma-ah bawihtea athua, a hmaifang felfai tak leh ahnung chiaha thu apa nena an hmelthat dun zia te chu sawi loh law law ka duh zawk. "Kanu chu bike ah te ilo chuang ngam tawh ami? " Ka lam pana kanu rawn kal chu ka lo zawt vata, hman kumah kapa dam laiin a accident pui a khata tang khan a chuang ngam tawh reng reng lo, "nia a khalh muanga, bakah a thiamzia Zaihmingan a sawi uar lutuka ka ngaih a ngam ve tawp mai" Nui hak haka rawn tiin inchhungah alut zuia.

"Anu anu, bike akhalh thiam asin, apu hian min khalh tir char char a, tiraw apu" Bawihtea pawh chu a hlimzia hai theih rual anilo,a za cheng mai ani. "Ih i phone kha i keng si lova Sangteiin alo call a, thil hmanhmawh thlak a awm ani awm e," Ka tih chuan Ariesa chu inchhung lamah min kalpelin alut zata, tawngkam khat pawh a min chhang lo leh Sangtei'n arawn call tih a hriat avanga a chezia a hmanhmawh thut te avang chuan ka lo hnual rawih rawih thei. Khati khawpa anupui ngaihsak si engtianga rilru danglam tak hi pu thei nge ka nih hrep le..

Pawilo zanin bak a awm tawh dawn lova a hmel ka hmuh loh reng chuan a reh ve leh mai ang tiin mahni ka in hnem chawp tawp mai ani.

Zanah chuan Ngaihi pawh Thlawisiali te pahnih chu arawn lenpui tak taka, rilru tak chuan ka lawm teh chiam lo, an boruak a hit thei mah mah. Thingpui ka lumsak lai in Ngaihi chu ka bulah rawn kalin, "a chhiat lutuk loh saw, nupui a nei tawh tiraw? " Thutak zet hian arawn ti a, kalu ka lo buk khum zata, Umanuni leh u Zaii titi nui ri hawr hawr chu ka hre kham takzet. ", mahse, a muk lutuk a, biak that ngam pawh anilo, flim-a mi sualpa ang mai," Nui hakin arawn ti leha ,za lo zetin ka lo nuive leh ringawt.

An thingpui in tur pe a kal sawn mai ka tum chu Ariesa chuan, "thu rawh, " Arawn ti bul hmuka, Umanunite pawn min en thap nghal. "Aw hei inleng i neih hi, tikhan lo inkawm zawk ru", inthlahrun luat avangin ka ti let tawp a, Ariesa lungni vaklo hmel chu ka en duhlo lui tlat. Room ah luhsanin ,tui ka khawihna avanga ka kawr hmalam huh vek chu ka pelh a, Chutih rualin Lawmsanga call ka dawng zat nghal. "Hello i buai lo ami? " Ka ti nghal deuh tlawnga, lehlam ami pawh nuamlo tih hmel zetin a thaw deuh halh nghal.



"Op, innei tawh mai ang, i in peih hma chu ka zawt tawh lovang che ka tia, mahse hetia inhlat taka awm reng ai chuan chengdun tawh ila, rilru pawh anuam zawk ang, " Arawn tih chuan ka lawm viau na in, 'aw' pawh ka harsat ta tlat. Kawr ha lova awm ka nih avangin speaker ah ka dah zuia, ka kawr hak tur ka hai phah mawlh mawlh . "Op, khawgaihin min chhang thei em? Keimah ah hian tlin lohna a awm em ni? Min hrilh la insiam that ka tum ang, i duhdan engkim min hrilh rawh", arawn ti leha, ka kawr hai lai pawh ka tawp chiang asin, engtin nge ka chhan tak ang, a mizia ah duhloh lai ka nei silo, mahse pasal atan hian tinge pawm ka harsat tlat ka hre biklo.

Ka ngawih tak reng avang chuan Lawmsang pawh beidawng tih hriat taka thaw ri hrawkin, "a pawi love, nghak tu ka ni leh phawt mai ang, in dam tha reng reng em? Tunlai chu min lo be khat sia min ngaive miah lo ami Op? "" Arawn ti zawi ruiha, a rilru anat hmel hle bawk. "Aa chutiang lam anilo, buai ana duh lutuka.. I dam tha zawk maw? "" Ka ti let sapa, a hreawm ka ti lutuk ka awmdan rual rem lo lutuk hi. "Imm dam tha lutuk e, keini pawh buai ana thei khawp mai. Ethana a tha zel maw? " Arawn ti leha, ka chhang tur chu Ariesa rawn lut thutin phawk zet hian min en ta rún a, keipawh ka phu nasa ve tho,

"aaa imm dam tha lutuk e, hei thiante ho an lo lenga ka dah phawt mai dawn ami? " Ka tih chuan Lawmsanga chuan thaw halh phah hian , "awle , mahse Op rei lutuk min nghah tir lo hram rawh aw, khawngaihin ka hmangaih lutuk che, " A rawn ti a, a off zui nghal. Ariesa chu en vatin a landan chu ka sawithiam mailo, abuai niai mai hian ka hre ber. "Tinge, i rawn kal a, Umanunite an haw tawh ami? " Tia ka ding chhuak chu kawr reng reng ka la inbel lo tih ka hrechhuak zata, rang lutukin rizai chuan ka in tuam nghal,

"ka hmu vek tawh Lalawmpui, " A rawn tih phei chuan zahna in ka khat zo, "chupawh nise hetah te enge i rawn tih kawngkhar te i kik hmasa thiam lo em ni? Va chhuak rawh ka in ha tha dawn", melh rawm rawmin kawngkhar lam chu ngeiawm zetin ka thleka, chumi rual chuan Umanuni te nuiri hawr hawr leh hla ring zeta rawn play an rual nghal. "Chu i inleng te pawh an la awm chu , va kal rawh hetah tih tur i neilo" Ka ti leh tan tana, ka zak lutuk sawi tur hrelo sawi ve mai mai ka ni. "Lawmsanga i biak duh vang em ni? Thu ve tura ka tih che pawh i hnial na chhan? " A kekawr iptea akut zen lut phah chuan ngen hmel zetin min thlek aruala, chhuah atum hmel loh lutuk te chu ka ngei em em ringawt.

", Zohmingmawi thlarau sual hian a pawl tak tak che anihhi tiraw, chhuak rawh ka tih chu ka in ha duh,i va luhlul tak, " Ner khum nawngin ka ti leha,a che hruta achhuak dawn emaw ka ti hman. Mahse kawngkhar akalh ta daih anih chu., "awi, Zohmingmawi engthil nge itih kha, engvangin nge i kalh kher? " Tiin engmah ngaihtuah hman lo chuan ka pan hnai rawk rawka, kawr ka ha lo tih lam reng ka ngaihsak tawhlo, "hawng nghal rawh, engthil nge itih hi" Tia kawngkhar ka ban tur chu ka bana lo vuan chawtin kawngkhar ngheng dawp khawpin min nem chilha, ka tukhum ana vawng vawng thei.



"Zohmingmawi" Ka ti thata,In nem khalh rúna min en kur tu chu ka melh let ve kar nghal, zamna ai mahin a chetdan avanga ka hamhaihna chuan min hneh zawk. "Lawmsanga hi i hmangaih hle ani tiraw,? ", a àw chu a hním ruih mai, rilru chhungril a khawih lo theilo , " Mipa dang hi i lakah engmah an ni phave lo ami? "Min din hnaih lehzuala arawn tih leh chuan ka ip chawi thei, ka ngheng chhan kawgkhar chu ka hmer ngawt ngawt a, min din hnaih lutuk avang chuan thaw lak a sak vek bawk.

", khawimaw awm tha teh, Lawmsanga chungchangah sawidun pui tur che ka neilo, " Tiin ka tuar thei tawh lo chuan ka nem sawn deuhva, mahse chhete tak tak bak a che sawn lo. Ka kut chu la lawkin chunglamah a hmer kawp leh zata, a thawk rang leh sa huam huam chu ka feel thei vek bawk nen, ka taksa chu ka thunun theih phak bakin a rawn danglam awp awp nghal. Ariesa chu arawn nui haka, min hnaih zual hrut bawk si nen ka thaw tha ngam tawh lo.

", keimah ang tho ini Lalawmpui," Ka biang leh ka nghawng bawr vel rawn nul kual phah chuan arawn ti a , nie tunah hi chuan amah angin ka danglam vek tawh, inthunun turin chakna reng ka nei tawh lo,thiam tak maia ka dul a chul kual phei chuan thaw lak a harsa talh thei. "Aries",ka àw chu a rapthlak takzet. "Duhawm lutuk", rawn tiin a kut hmang chuan ka hmui chu arawn tuai a, ka mit ka meng ngam tawh lo,"he thil avang hian tu hnenah mah ngaihdam ka dil lovang", tih leh ka bra chhana ka hnute rawn tham aruala, ka rak chhuak that chu rawn nui hakin ka nghawng ruak kangah chuan min rawn seh leh zata, a hmui sa hiam hiam in ka nghawng bawra ro a rel chiah chu boruakah ka leng kang ni mai hian ka hria..

"Op, Lal Op"kawngkhar rawn kik dawt dawt avanga harh chhuak phutin Ariesa pawh a rawn hawi chhuaka, min la vawn beh reng avangin chetsawn mai ngaihna a awmlo.. " Op, room ah i awm em? "Ngaihi àw ani, ka mitmeng hmanga Ariesa chu awmsawn tura hrilhin a awmsawn ve mai.. " Aw Ngaihi ka in thlak lawk, enge? "Ka àw chu ka rinai a chhuak pangai zek lehnghal," Ee awle i tawm bo rei lutuka , lo kal vat rawh", tiin a kalsawn ta nghala. Boruak pangai ka dawn leh takah chuan hmanhmawh zeta in ha tha vatin ngawi renga ding Ariesa chu zahna avangin melh pawh ka melh ngam lo, min ngai nep ngawtin ka ring. "Lo kal rawh chhuak tawh ang", tihleh kawngkhar hawna chhuah ka ruala, ka hnungzuiin arawn chhuak ve tih ka hria, choka lama an awm vek avangin min rawn ngaihven lo va, ka thaw a veng sawng sawng thei. ....

______
" Lo inkawl tha ang che, kan fapa pawh hi i kutah ka dah ania, " Ka kut vuan phaha chu thu sawitu chu kallo mai tura chelh beh ka chak, nilo angen angen hial pawh ka duh rum rum. Mahse chutiang thil atthlak ti tur erawh chuan ka chhia leh tha hriatna te hian min la chhuahsan silo, "awle tluang deuhin i haw dawn nia", ka ti letve thei hram a, minla champui ve se, hun tlemte pawh hman dun ka la duh asin le..

Ariesa tlan liam chu kan thlir thapa, Tharin ka dara min rawn kuah chuan ka rilru ana thar takzet, tikhan anupuiin hlim takin alo hmuak ngei anga, nupa an nihna ti nghet zualin an awmdun char char thei awm si,keive chu a fapa nu bak ka ni pha leh tawp awm silo, zeprual lohvin Sangtei hi ka thik.. Ka thik takzet. ", Pathian hian engtianga awm turin nge a duh che le Op, in in kawprem chhoh ka lo ring viau asin, " Thari chuan min rawn kuah phah chuan arawn ti a, chakna thahrui reng ka neilo, ka beisei hauh loh tur ka beisei avanga ka hreawmna in thlenah hian tumah ka dem thei bawk silo, engvangin nge mi pasal alo nih kher kher.

'Lalpa hetianga min awmtir dawn ro ro anih chuan khawngaihin ka hriatrengna atang hian a hming hi min thai bo sak ang che, .

(Chrismas )
", Anu , anu, apa in i rei lutuk ati, " Bawihtea rawn au lang lang chu lo nuih vur vurin, hmanhmawh tak chuan ka che zawma.. "Bawihi kan tlai tak ngial dawn ania" Kanu pawh chu , ka hmanhmawh ve tho.. "Aww second 5 lek" Tiin ka sam ka tuai leh thuak thuaka,"le kal ang u, kan tlai dawn", kan tih khalh leh daiha Naua rum nghut chu a tukhumah ka beng bu deuh lawp nghal. " Anu anu, hnakum chu ani tep tawh tiraw.. Chuan school ah a kal ve thei tawh dawn tiraw, "biakin pana kan kal lai chuan bawihtea chuan per at at phah hian a rawn ti a, ahlimzia chu eng tawngkam mah hian ka sawifiah thiam lo.

" Dawn chiang lutuk e, school form pawh i nei kim vek tawha, A, AW, B leh A, B, C i thiam vek tawh bawka, ilut dawn hrim hrim , "tia ka chhan let chuan a khek ri riah raiha, " Chu ka lal fapa hmeltha lutuk hian school kal chu alo chak tawh hle ani maw",nauan asam tuai phaha atih chuan bawihtea chuan alu buk khum salhin a nuih ver ver a. Tihian hlim tak hian awm reng thei ila, kapa kha la dam ve nise a tupa puitlin ve tawhzia te hi hmu se a hlim ve dawn tehlul nen.

Inkhawm ban rual chuan thlalak ve ngei kan duh avangin kan tawi khaw muanga Chrismas ani bawka biakin an chei mawiin chhungkaw thlalakna turin photobooth te an siam a, bawihtea thla kan la nasa ngat ngat khawp mai.

In kan thlen chuan inthlak sawk sawkin chhangban eitur ka thet a, pitar leh puter inleng kan neih nual avangin thingpui ka lum awl lo bawk. Ka phone rí avanga rooma tlan lutin en pawh en hmasa lo chuan ka pickup zata, "Chrismas chibai bawihtea Nu, " A àw chu ala pangai reng, anem hran lova a khauh hran lo bawk. "Nangpawh chibai le, inhmang nuam em? " Ka lungphu dawm phah phahin ka zawt leta, thlahnih chhung khan kan in be mumal silo, chutia a àw dam ruih mai ka hre leh thut chu ka danglam tih ka hai lo.. Lehlama mi chu a thaw chhuak kawk a, "Lalawmpui," Chu chuah chu sawiin a thaw leh kawk a, kei ngei pawh hian a dawt leha a sawi tur chu eng pawh nise sawi lo se ka duh, ka hming alam zawng ringawt pawh hian thil tamtak asawi tel tawh si ani.

......
Ruai te thehin kan hlim tlang hle a, bawihtea dam tha lutuk chuan min ti lawm ber, Ariesa awm ve se nuam atih ve viau ka ring, mahse ani pawh a nupui nen hun nuam tak an hmang dun ve mek awm tho sia, ka neih theih ringa ka beiseina rawn de set set tan hi ka tih mit vat angai ani, thiante pasal ngaizawngtu nih ka duhloh tlukin ka thianten ka pasal an ngaihzawn ka duh lo, kan chunga thleng tura kan duhloh chu tu chungah mah tihloh ngam hi a tha ber.

Hun chelh din theih ni ta lo chu Chrismas pawh kan hmang zo va, kumthar nghaka kan in tingtuah mawp mawp lai ani. ", Bawihi lo kal teh, bawihtea pang hi a sa deuh vúr mai", kanu min rawn auhna avangin inah chuan ka tlan chhova, bawihtea chu thutthlenga lo mu bamin a mitmeng chu a zawi em em a, apang ka dek chu rin ai alo sa em em bawk, damdawi eitirin ka pawm muhil nghal a, " Tlang hrileng akai leh amaw ni le dawn le? "Ka nu chuan arawn ti chhuak sapa, chhang lem lo in bawihtea muhil chu ka thlir reng, arawn puitlin ve hunah chuan hetiang em em a hrisel lo chu anih tawh loh hram ka beisei pui takzet...
......
Zanriah kan ei laia bawihtea muhil arawn harh avangin ka buaipui leh vata, a sam adelh hnawk niai chung pawhin apa ang chiahin ala hmeltha em em tho, " Anu a ril atam lutuk, " A pum dawm phaha atih chuan nui hak hakin chaw eina ah ka pawm pheia, rinai a ei tam ve reuh zek bawk nen a ril atam ve hle ani ngei ang.. " Zan kan mu tur chu bawihtea arawn buai ta thuta, a pang asa in, arawn tawngvai nasa em em bawk.

Nasa taka khurin a tawm khawm deuh chiaia, thiam
ang anga bawisawmin tuilum hmang ten kan dep thul.. "Anu, amumangah mipa hmeltha deuh hian pangpar min lo pe a.. Chuanin maw Lal Dannya tan pawh ka lo dil saka, "tlema arawn hleikan deuh chuan chu thu mak tak chu arawn sawi chhuak zata, amitmeng afiah em em bawk. " Bawihte bawihte... Engtin nge i awm? Vawt ila ti em"" Tia ka biak mawlh mawlh chuan a maimit chhing leh daiha, athaw ri sek sek chu kan ngaithla thap ringawt. Engtin nge thenkawm khawveng ten kan chanchin an lo hriat hman pawh ka hrelo reilo te ah kan in chu an rawn luahlum leh ta a, thla hi an van timuang thei tak ..

Zankhua in bawihtea talbuai leh nuar buaipui chuan kan awma, min menpui tu te pawh hmai zah ana duh khawp mai. Zinglam dar 3 velah bawihtea chu maimit chhing reng chunga akut rawn phar chhuakin, "anu anu" Arawn ti chhuak a, akuta vawn sak nghalin ka be mawlh mawlh a, a awmdan chuan min ti mangang ngawih ngawih.. Ka biakna chu hreawm pawhin a awm lo, atawngvai ngat ngat a, asawi tak erawh a in perhsan hlawm em avangin sawi chhuahdan pawh ka hrelo, tu te mai pawh chu an mangang vek tih theih ani, kei ngei pawh hian achhe ber kan thlen ka hlau ngawih ngawih tawh.


Vawilehkhatah bawihtea chu fiah em em a rawn meng thutin arawn hawi kuala, min rawn nuih ver ver phah chuan, "Anu, pangpar tam deuh awmna ah a kal asin,.. Mipa hmeltha deuh mai hian min hruaia, ih maw anu a pangpar lak kha Lal dannya lo pe ve rawh aw, " Tih a sawi zo chu a mitmeng a dul raiha, ka auh lawm lawmna chu a chhang tawhlo, "bawihte bawihte, ai ka duhlo bawihte, tho teh... Ka fapa" Nasa theih tawpin ataksa chu ka sawi a, mahse a thawm chu a reh zui vang vang si, kanu tap ri rawih thawm leh Nauan min rawn kuah na ah chuan keipawh insum tur ka awm tawhlo, ka fapa nunna nei tawhlo chu kaithawh tumin ka au lawm lawma, mahse mitthi taksa ah a chang tawh.

Kan inchhung tukin ah pawh nuih ri hak hak thawmin a luah khah chu tap thawmin aluah khat zova, min men puitu te zingah taplo reng an awm lo.. YMA information ah avawi hnih nan ka chhungkaw hming alang leh ta... Nunna nei tawh lo bawihtea taksa chu ruang cheiin an chei bawla,a va han na ngawng ngawn tak em.. Ka be thin min chhang thei silo, amitmeng leh tur awm lo ka fapa, nunna nei tawhlo hmel chu ka en thin ka lawm hi akim theilo, hrisel lohna a khatin a hrungnun a fight a, afight chhuah ka lo beisei thin, mahse a tawp erawh a thleng thei silo..

"Bawihte , vawi khat chiah i mit hi lo meng hram teh, hei kumthar ani tep tawh asin.. School kal te pawh i chak em kha.. Ithiante bula school kal i duh kha bawihte, " Ka ti rawih rawiha, mahse maw a ngawi vang vang, hlim taka min lo chhang tur pawh aawm ve tawh lo. 'Lalpa ka fapa hian i engpawi nge a sawi le.. Tu pawi mah asawi ngai lo asin.. Vawikhat te mah ka dem chhin ngai lo che a, mahse tun tum erawh iti dik lo takzet... A hringnun nawm ber lai atleng dawna i hnena kal turin min laksak leh daih si, a fair lo, i rorel dan hi a fair thawt lo..
.
..........
Bawihte ruang kilin ka tapa, ka dara rawn vuantu avangin mittui nen ka hawi chhuak chu Sangtei hian mittui tling piauin min lo en renga,engmah asawilo mahse amittui hian thil tamtak asawi. Chhiatna ah kher hi chuan tumah a pachhan theih taktak thin loh. "Ka tihpalh Op, ka tihpalh lutuk" Arawn ti hlap hlapa, engvanga ngaihdam min dil nge tih pawh ka hre lo, ngaihtuah pawh ka la ngaihtuah buai peihlo.

Ariesa hmel ka hmuh phei chuan nasa zeta tap uar sauhvin afapa nunna nei tawhlo lam arawn pan chu ka lo en renga, mipa mitah mittui a luang chhuaka, hlauhna vang ni hauh lovin a kut akhur thei hial bawk. A sawi kher angailo a rilru natzia hi tupawn kan hmu thiam vek ang. A vuina hunserhte leh kan phum thleng chuan engtin tin nge hun ka hman ka hrelo, ka à huih mai hian ka hria.. Sangtei leh Thari chuan min thutpui renga, min hnem mawlh mawlh tih hre mah ila,enge an sawi ka hre lo hrim hrim.

"Op Lawmsanga saw i be dawn lo ami? " Tharin min rawn nghawk phaha arawn tih chuan a hawina lam chu ka en pheia, Lawmsanga chu thukhawm zingah amah chauvin alo thu a, hreawm atih hmel khawp mai. Alo kal tih reng ka hrelo, ngaihtuah pawh ka lo ngaihtuah pha lo, tha thona nei lovin amawi hnaiah ka pan pheia, min rawn hmuh ve rualin arawn tho kang zata, athaw halh nghal. ,"tih theih ka neih chuan khawngaihin min hrilh rawh, i mittui tla hi hmuh hreawm ka ti ania, chutiang bawkin Ethana pawn i mittui hi tla turin aduh bik lovang,,, "ka mittui rawn hru phah chuan ka darah arawn beng thaka, a lamdan nghet zet chuan min hnem takzet.

" Engtikin nge ilo thlena, ilo kal tih pawh ka hrelo"tap àw tiau chuan ka zawta, "Zinglam dar 8 velah khan aniin ka hria, a hreawm duh em a ka rawn be buai duhlo che anih kha... Le tap tawh suh le.. Ethanan a en reng che ania, " Ka mittui luang thla ngiai ngiai rawn hru hulin arawn ti leh a, kuah vawng vawng mai ka duh, mahse mi an tam si, chutiang thil tihna chi ani silo..

______
Engtin nge hun leh ni ka hman liam chhoh ka hre mumal lo, bawihtea thih thla khatna arawn her chhuah te chuan mittui bawkin hma arawn hruai leh a,thil engkim kan phum hnan vek avangin phone a athlalak en chuan ka tapa,, room atanga kanu rawn chhuak pawh chu amit abui lap thei. "Bawihi, ka khua ahar e mai", asawi zo theilo, inkuah in kan tap dun nghala, chutah ka nu chuan, " Pa a, i tupa alo kal kha aw, lo duat viau ang che.. Thim karah te lo kalsan lo la, thim a hlauh theih em kha,lo duat viau rawh aw"arawn ti chhuak rawi rawia, a sarhu lai ang chiahin ka tap chhuak hawm hawm nghal. Kumthar chuang kai mah ila, nun hlimna thar erawh aliampui tawlh tawlh mai si.

School kan tana mahse bawihtea rauthla hmuh tuma kal ka ni zawk mah thin. February thla kan chuan kai leh meuh chuan ka lunglen khawharna pawh a zia ve tan tawh viaua, engtiklai pawhin naua leh Lawmsanga hnen atangin fuihna thu ka dawng awl lova, mahse Ariesa erawh a reh tlawk tlawk thung, ka lo beisei nasa hle tih ka in hriat phei chuan ka in haw ngawih ngawih. Kan inzawmna neih chhun bawihtea aliam tawha,engtin nge biak pawh ka biak ngam tawh teh lul ang ni.

Sunday zan ani a, inkhawmpeih lovin tv hma ah ka thu a, inti thawveng turin ka phone ka bih leh thin. Chutah Ariesa no atanga messege ka dawng tih ka hmu chiah chu ka open vata,


" Tlang pakhata lawn chhuah tumin hruai fei tak hmangin ka in pawt a,ka hruai chu afei em avangin a chanve ka thlen pawhin engtin mah ala awm lo.. Mahse hmalam pana lawn chhuah ka tum chuan ka hruaihrual in nghahna lai lunghriam chuan a lo tai alo tai ta mai si a, min dawl zo ring fan fan chungin hmalam pan bawk a kal zai ka rela, mahse chawl lova lo tai tu lung hriam avang chuan min dawl zo ta lovin ka lawn tanna a mawngah min tlak thlakpui leh ta ani. A chip zawl min thlenpui tur ber ka hruihrual a chah tak avangin tih ngaihna awm tawh silo mihring kut hmang emaw tha emaw hmanga lawn chhuah rual anih siloh avangin lunghnur tak chungin ka kirsan angai ta ani. Chu chu ka hmangaihna kawng intanna leh tawp dan alo ni reng si. Thawnthu ziaktu te angin ka hringnun thawnthu hi ka duh zawng zawnga ka tih danglam theih nise Season 2 ka siam ngei ang."Tih hi alo ni,

Ka chhiar nawn leh thin, thumal pangai leh tluangtlam vek ni mahse hriatthiam a awl ai silo. Tlanglawn leh hrui a tehkhinna velte chu ka hrethiam lova, ahmangaihna kawng a tawp atihna chhante pawh chu engmah ka hrethiam lo.. Ka bangbo luatah reply nghal duh lovin ka tawi khaw muanga, reply nghal dawn pawh ni ila engtia han chhan mai tur nge ka hre tlat lo ani.

....
In tuaithar ni pah fawma training tura kohna avang chuan Champhai lamah Sir Ramdina nen bawk kan kal leha, tun tum chu kan pahnih chauhin kan ni tawha, kan haw rual theih ngei pawh ka beisei tawh. Zotlang kawng kan tlan laite chuan mi pakhat ka thinlunga thi thei ngai reng renglo pa bawk chu arawn thar leh a, he kawngah ngei khan tlan dunin nunhlui sawiin kan titi dun anih kha.. Tunah erawh inhre ngai miahlo angin kan kar ahla tawh a, amessege min rawn thawnna pawh thla tam aliam tawh, khami hnu atang khan areh vang vanga, be hmasa tur lahin nupui neilai anih tih ka hriat kar avangin ka tím tlat a, mi inkar tichhe tu nih ai chuan hreawm deuh mahse tawrh ka thlang zawk ani.

Training kan zo ala hma si chu lenkual duhna ka neih avangin Sir Rinpuia bulah chuan haw aduh huna min call mai turin ka hrilha, Ariesa rawn chawrchhuahna hmun HOME lam pan chuan ka kal ta nghal zat bawk.

Hmana Lawmtei lo sawi tawh ang chiahin a pangai reuh zeka, a pawnlam landan atang chuan inchhung chu anawm hmel reuh khawp mai. Lawmtei chu ka call a, reipawh aring hran lo arawn pickup rual chuan ka kal tih ka hrilha, té chulin arawn tlan chhuak nghal. "Awi awi awi.. I lo kal ang tih rin ngaihna ka hre hleinem.. Lo kal rawh lo lut rawh, " Arawn ti bawrh bawrha, min hmu chu ahlimzia ka hailo.. "I van fel em em ilo kal vang vanga, thingpui te i duh em" Ti leh bawrh bawrhin mi biak tlangnel pawh ahneh khawp mai.. Mahse chung thil zawng zawng aia ka kalchhan ber Ariesa chanchin zawh chu ka duh a, mahse han sawi tan dan mai ka hre silo...

", enteh Lawmte, thildang daih zawh che ka duh a, i u Ariesa chungchang hi... " Ka ti dek dek chu rang zet hian, "a awmna i hria mi?, khawiah nge aawm? I hriat chuan min lo hrilh teh, " Mangan leh phi chulin min rawn vuan nawk nawka, keipawh min ti hamhaih lek lek. "Aii hrelo, ka zawt duh zawk che alawm", ka tih chuan a hmel chu ahnual nghal rawih rawiha, a mangan hmel tawh takzet.. " Thla tamtak ka be tlang thei tawh lova, amah pawn vawi khat te mah min rawn biak atum tawh lo kan home chawmnan pawh pawisa arawn pe tawh ngai hleinem,ka theih ang angin ka zawng kuala mahse ramhuai thiltih zawk nge a chanchin engmah ka hre theilo, "a tawplam chu tap àw tiauin arawn ti chhuak a, keipawh ka buai ta map mai.

" Enge i sawi awmzia chu Lawmte.... Ariesa chanchin engmah i hrelo maw? " Ka rilru baihvai leh mangang lutuk chu ka chiai phung tawh. "Imm hrelo, khawnge a awma? Engmah sawi lova areh bo hmak te hian ka ngaih a ti tha theilo.. A hming irawn sawi khan achanchin i hria emaw ka ti hmana, ka lawm hman lutuk asin, " A mittui luang ngiai hru phah chuan arawn ti sapa, ka rilru chu a màng vek mai. Ka tawng tur leh tur chu kawtah car rawn ding rí tuarin Sangtei rawn chhuak chu ka va hmu phe vuaia, mittui tling piauin rilru hah hmelzeta min rawn pan chu tukverh chhanah chuan ka lo en reng.

"In awm maw... Lawmte " Rawn ti lutin min rawn hmu thut chu atawp chawta, keipawn ka en reng ringawt. "Op, hetah i lo awm ve ani maw.. "Arawn ti sapa, a hmel chu adãngin acher em em bawk. " Pathian ruat anih ngei dawn hi.. In be lawk ang hmiang hrilh tur che ka nei, "tiin a chhuak leh daiha rang zeta in hru hul thuakin ka um zui nghal.

Fianrial deuh hlek hmun ah ding dunin ka ngawi renga, sawitur engmah ka hre miau lo ani. " Ariesa ka zawnga, "Chu thu Sangtei ká atanga arawn chhuak chu mak tih leh zualna ka neilo theilo... Zawhna mitmeng nen a ka melh chuan amittui tla chu hru thuakin boruak ahip lut kawk a, " Thla 5 ani tawh Op, ka vawnbeh hauh loh tur ka vawnna lamah mipa pakhat hringnun chu ka tih chhiatsak vek anihhi... I hria em Zohmingmawia hian maw min lo hmangaih emaw ka lo in ti thina, mahse anilo, a hmangaih chu nangmah hi ini asin Op, "in pet fan fanin a thaw kawk kawk a, athurawn sawi chu sawi chhuah harsa a tih ang tlukin keipawh min thawng lutuk..

"Ka hriatchhuah tirh atanga tun thleng hian ka la pawm theilo ka mipa hmangaih em em in kei nilo hmeichhe dang,chupawh ka thiannu ngawih ngawih alo hmangaih reng zawk ani tihhi, Ethana vangin pawm thiam ka zir a, mahse maw Ka pasal mitmengah ngei ahmangaihna che ka hmuh khan ka tuar thei tawh ngang lo ani, kan inngaizawn atang tun thleng hian i tana aneih hmangaihna mitmeng kha ka hmu ngailo asin, mahse mipa rilru nghet tak anihna avangin Pathian hmaa a intiamna bawhchhe hmasa tu nih ahreha,a tuar tlawk tlawk thin, anuam ah leh ahreawmah , hrisel lai leh bawrhsawm lai pawha invuan tlat tura kan intiamna kha a vawng nung renga, pasal anihna a hlen chhuak lo ngailo, engkim ka hriatthiam hnuah pawh chan ka duhloh avangin ka hrelo der a, mahse ka tisual ani, lo kal tir ni ila,zalenna pe ta ni ila tunah pawh hian a hmel hmuh tur ala awm mai tur.. Hlimna adawn ve theihna chun pawh ka thiat sak zel a, a tawpah erawh inchhirna bak chhan ka nei leh ta miahlo anih hi, " A thusawi mal tin chu ka beng hian a hrefiah lutuk tlat, Ariesan min lo hmangaih reng tih ka hriat phei chuan ka lo hrethiam ngailo lutuk te chu ka in haw thar ngawih ngawih.

"Chumi vang chu ami bawihtea boral tuma ngaihdam min dilna kha, " In sum hram hramin Sangtei chu ka zawta, alu min buk khum salhin amittui chu ahru leh zat nghal.

"Op ka tihpalh takzet ani, ka thik thei lutuk che a, Hmingmawian hmangaihna mitmeng nen a en ka hmuh chang phei che chuan ka buai vek thin. Pathian hma kan intiamna bawhchhiat a duhlohna ka hriatchian em avangin ka sawikhum thin a, ka suahsual em vang ani ngei ang Pathian hremna ka chungah a tlak tak ni.. Ethana ka rawn hmuh hmasak ber khan rinhlelhna in ka khat nghala, in nunhlui ka hriat vek avangin Ariesa ni lovin keima diklo zawk hi anih ka rin nghet bura,ka in test tha leh chu , "tawp data thawk la kawk in, " Ka chibawm alo cancer reng tih ka hrechhuaka, kha thu ka hriat khan nasa takin zu ka in a,ka rilru ana lutuk, engtin nge Hmingmawian alo hriat ka hrelo, min then emaw min dem emaw ka rin laiin min tuam hlawm leh ta zawka, Pasal anihna ahlenchhuak leh ta ani. Mahse a hmangaihna erawh itan chauh ani si.

Engkim hi siam tha thei ni ila ngaihdam dilin hlim takin i bulah ka rawn kal tir ngei ang.. Op ka duhthu sam ber chu maw ka thih hma vawi khat chiah Hmingmawia hi hmuh leha, ngaihdam dila, engtik lai pawha ka tan a awm reng thin avangte hian lawmthu hrilh te ka duh,mahse hei ka ti thei dawn ta lo anihhi, "in sut faih faihin arawn ti chhuak thei hrama, engthil pawh ka chungah lo tise ka haw thei chuanglo ka thian tha tak ala ni tho, ka kuaha kan tap dun a, ka thinlung ruak kúng anga ka lo hriat thin chu aluahtur diktak ka lo hriatchhuah har em vang ani tih ka hre chhuak bawk, Ariesa ngei hi ani rei tak alo ngah ngar ngar chu.. Mahse a nghak chhuak leh thei ta silo,

" Sangte khawngaihin tihdan ngaihtuah rawh Ariesa hi ka hmuh ngei ngei angai, "in sum tur ka awm tawh lo, ka hmangaih nupui laka apasal ka dilna avang hian tupawn min lo demse pawi tihna lah ka nei tawh heklo. " Op ka hrelo, ahna abansana,a chhungkua akalsan bawka, biak tlang theih ani tawh bawk silo, hre tura ka rin biak loh ka neih pawh ka hrelo, mizoram hi a chhuahsan pawh ani maithei.. Ka hre lo khawiah mah hian asulhnu tak ngial pawh hmuh tur a awm lo, " Arawn ti a, tih nghaihna ka hrelo lutuk chu ka phone la chhuakin Ariesa number chu ka call a, atlang theih ka ring chuanglo mahse call ngei ka duh tlat si.

An sawi dik a number chu hman tawh loh tih hriat zetin min lo chhawntu àw adang zat nghal. Hmana amessege min hnutchhiah hnuhnung ber chu en nawn leh ngatin ka chhiar chhuak leh diama, ka hrefiah tawh lutuk tlat.. A lawnchhuah tumna tlang hi ka thinlung a sawina ani, ahruihrual hi Bawihtea kan fapa ngei kha ani bawk..Kan inzawmna bawihtea vanga beiseina neiin hmangaihna ah alut palh a, ka hmangaih ve theih mai beiseiin humsual dailo tawkin a hmangaihna ka lakah khan alo tilang thin.. Mahse kan in zawmna ber bawihtean min boral san tak avangin mi hrang ang hlak kan lo ni tawh si, ani nupui nei lai keilah bialpa nei lai bawk. Mihring beiseina ah chuan a fapa kaltlangin engtikah emaw kan awmdun theih mai alo beisei ru hle thin tih ka hriat phei chuan ka thinlung hi a rúm vawng vawng mai, ana a, mahni in huatna in ka khat zo, engtinnge ka lo hriatthiam ngai miah loh, ka laka adanglam ziah te khan mipa anihna vanga atur ve rengah ka lo ngai mai thin a, ka lo tisual ani.

Sangtei kal liam hnu thleng chuan chesawn tur ka awm lo ka nghilh dupa, ka rilru a màng vek.. Ariesa chu ka hawina lam apianga hmu turah ka in ngai tlat bawka, mahse beisei bo mai ani si.

'Aries khawiah nge i awm? Ka mamawh che asin, Ka lo hriatthiam loh thin avang khan ka tihpalh aw, i thinlung ka lo tina thim viau ang tiraw, khawngaihin hetiang hi chuan kan thawnthu hi tawp tir suh, i à e mai, tinge hetia i tlanchhiat daih a,Season hnihna(2) siam kha i duh ani lawm ni? Keipawn ka duh ania, mahse keimah chauh chuan ka siam thei lo, i rawn tel ve angai alawm, ka lo nghak dawn che ania aw..'

' Lalpa Aries Zohmingmawia hi khawi hmunah pawh lo awm se, venghim hram rawh aw, a hringnun hman mekah hlimna chauh pe tur che in ka rawn dilsak ania, a naupan lai atang tawhin ahlimna tur i laksak char char zela,tunah pawh ani tho,mahse khawngaihin tun atang chuan hlimna in vur hram rawh,chuan maw Lalpa ka lo nghak reng dawn tihhi min lo hrilhsak rawh aw.. Khawiah pawh awm mahse... Ka hnen i rawn hruai thlen leh hma chu ka lo nghak dawn ania. 'Tiin ka phun chhuak sapa, ka biang rawn vawt thla riai riai chu Ariesa tan anih avangin dan ka tum lo.

Aries Zohmingmawi khawiah nge i awm?


A tawp ta.



Show post links
TopADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
WHO IS ONLINE
Users browsing this forum: 27 SENORIA, Bing [Bot], D rose chhangte, Majestic-12 [Bot], Partinkungi and 258 guests

PortalSTORY AWMNA
Copyright © 2016 - 2022 STORYFB.COM All rights reserved.

Powered by phpBB® Forum Software © phpBB Limited

Privacy | Terms

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)