ENCHANTING by Calm Bird (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ENCHANTING by Calm Bird (Completed)

Unread post by Ngaia » September 4th, 2022, 11:37 am

Chapter - 13
ENCHANTING
by Calm Bird




Zanah chuan ka zawhte thar Candy-i nen kan mu dun a, ka rin aiin a fel phian lehnghal. Mu chung chuan phone ka khawih a, Candy-i erawh ka awm bulah a muhil sek sek thung. "Ka fanu kha eng nge a an?" Tih massage Ranger-a hnen atang chuan YouTube ka en laiin ka dawng a, ka seen nghal vat. "Ka talh" tih zawng ka thawn let a, a seen ve nghal. Ka nui suk. "Ka awih" tih a rawn thawn ve leh a, thu ho tete sawiin kan inbe nghal char char. "Naktuk Saturday a ni bawk a, bazar dun ve ila" a rawn tih chuan nui sen sen in "Aw" tih ka thawn let a, naktuk ni tawh se ka ti nghal rum rum. Min care ve ropui sia ka rinaiin, a fel hi a ni tawp mai. Sual viau e tilo hian zu a in awm kala hre miahlo a, a zia phian.













Kan inbiak zawh chuan Sawmtei nen kan inbe leh char char a, Ranger-a chungchang ngawt kan sawi. Thianten min tuipui hi chuan ngaihzawng neih pawh alo nuam a nih hi. Engkim kan hrilh vek thei a, thuruk lah a him. "Eng zat chiahin nge i duh?" Tih a rawn thawn chuan ka chhang mai lo, ka inngaihtuah vang vang a, a bula ka awm apianga ka zam dan te, a hmel ka hmuh apianga ka laih dan te leh nuam ka tih dan te... "Ka hrelo, mahse kan inngaihzawnna reilo viau mahse ka duh tawh lutuk" tiin ka chhang a, ka rilru dik tak a ni bawk. "Mate, fimkhur la ka duh. I hriat angin a ni chu playboy a nia, chumai bakah bad boy kan tih ang chi hi a ni bawk. Fimkhur ang che" tih massage min rawn thawn chuan awle tih zawngin ka chhang a, ka ngaihtuahna erawh a vak kual nghal ruai. Min tih nat chuan ka kehchhe hneh dawn lutuk. Duh aiin ka lo duh hnehsawh tawh viau tih ka hre bawk.















"Chuan, khawiah nge kan kal dawn?" A bike a lawn chung chuan ka ti a, Candy-i ka pawm ran bawk. "Tlachawp" ti a min chhangin a bike chu a tinung a, kan tlan chhuak zui nghal. Candy-i eitur kan lei sak a, park pakhat lam panin min tlan pui a. Park kan thlen chuan a chhungah kan lut a, ka kawngah min kuah ran bawk. "Min lo then" tiin pipuah chuan ka thu thla a, nui sukin min then ve mai. "A aia chakin" ka tih chuan a hma aia chak mahin min then a, ka nui hawk hawk. Candy-i a ban lehlamin a pawm ran a, lehlamin min then bawk.














Bench lo awmah chuan inkuah rialin kan thu dun a, ka chhipah min fawp leh zeuh thin. Candy-i ka mal chunga tui zeta muhil chu ka chul heuh heuh a, tuma tihbuai loha Ranger-a nena awm chu thil nuam tak ani. "Hmeichhia engzah nge i kawp tawh?" Ka ti chhuak phawng a, engtinmah min chhanglo. "Zawhna ka zawh che chu" tiin a hmel entur chuan ka inher a, a hmui a tisawi nang. "Chutiang in zawh hun a nilo" tiin min chhang a, ner nangin "Engtik nge in zawh hun?" Ka tih chuan "Engtik mah" tiin maksak zet chuan min chhang a, mit ka chet kual ralh. "Min chhang tawp suh" ti nui nuiin hmalam ka hawi a, ka tum bar bawk. "Engtikah nge i nute an lo haw dawn?" Ti a min zawh chuan "Engtik mah" tiin a hma a min chhan dan ang chiah chuan ka chhang a, a rum nghut. "Sawi tha la Duati" a tih takah chuan Monday a an lo haw tur thu ka hrilh a, bu nghatin "Zanin leh naktuk zanah ka rawn riak thei tihna a nih chu" a tih chuan "Teuuuuhlo! Ka nuin hman zanah i rawn riak tih pawh a hre leh vek tawh ania, kan vengah CCTV an tam lutuk! Ka in sawi fihlim thei hlauh a nih kha" tiin ka chhang a, ka sawi uar a ti deuh nge a nui zui suk. A nuih zawng a a biang sum rawn lang chu ka hmu fuh a, avan hmeltha ve chiang tak!











"In veng chu an va tawngtheih hmel hlawm bik ve" a tih chuan ka nui hawk a, an tawngtheih dan chu pui tak ani! Kan in luah lai hi in mal ding niin chhawng hnih a awm a, tha viau lo se chu luah loin veng dang kan zawng ang. "Nangang chiah" ka tih chuan min pen ri kawlh a, ka lu ka tuai nghal vut vut. Min dim lo mai sia maw!












Hmun pakhatah lutin ice-cream kan ei a, kan ti ila keimah chiahin ka ei. Ka ei mial mial lai chuan min en vung vung thung a, a hmel en tur a ka hawi chhuah chuan a nuih za hmel ka hmu nghal. Eng nge tih nan ka mitko ka san a, nui ri sukin ka hmui sir chu a kut zungpuiin min tuai sak a, ice-cream ka kam sirah a kai tih ka hre chiah. A kutzungpuia ice-crean ka kam sira kai a ei chuan ka meng kawk a, a kutzungpui chu hmuam in a ka atang chuan a la chhuak leh a, ka mak ti hmel a hmuh chuan a kiai suk.











Bazarah chuan kalin thawmhnaw kan en kual a, couple tshirt lei a tih vanga bazar lama kal kan ni a, kan vei hnem tawh khawp mai. Ka duh ang a duh ve silo a hahthlak tak ani. Pawisa lah chu a pai hnem em em a, restaurant kan chawlhna a "Khawi ami nge khatiang zah zah kha i neih a?" ka tih chuan an in race thu leh a chak thuin min chhang a, in race tawh suh tiin ka councelling khum nghek. Accident a hlau lo em mawni.












"Hei a tha" a tih chuan a thil kawh chu ka en nghal vat a, couple tshirt nalh zet, love phel lehlam lehlam awm dun chu ka hmu a, a pawl tak rawng a ni a, a nalh takzet. "A that hi" ka tih chuan an khaina atang chuan ala thla a, pawisa pekna lamah a khai phei nghal. "A va tlai chak ve" dawr atanga kan chhuah chuan ka ti a, a lam ka hawi chuan Candy-i a ban lehlama pawmin lehlam chuan kan thil lei paper bag-in a khai a, a chhangchhe reuh lutuk chu ka nui tawp. Engkim tuna kan thil tih dun hi a inhmeh velo. A inchei dan nen pawh a inremlo hul hual. "A tlai tawh sia min thlah tawh la" khua a tlai tawh vang chuan ka ti a, bu nghutin a bike lamah chuan kan inzui phei a, kan in lamah chuan in phurin min thlah haw a, a zawhte kan phurh tel vang nge a tlan chak lemlo.


















A couple tshirt lei chu ka ta tur zawk ka la a, Candy kalsan a kan in lam pan ka tum chu rawn chhuk rawk rawkin Candy-i a pawm a, ka in kawngkhar bulah dahin a bike-ah a chuang a, a chet dan vang chuan ka ner nang. "Hawn rawh amak" ka tih chuan kiai sukin enkawl tha tura min ti in chak zet chuan a tlan chhuak a, ner nangin Candy-i chu ka melh a, nizan ka room chhuatah a lo zung a, ka ngei phah vek. "I sual chuan khawlaiah ka hnutchhiah ang che" tiin kawngkhar ka kalhna chu ka hawng a, Candy-i chu pawmin inah kan lut a, ka room-ah chho tlangin ka in thlak nghal sawk sawk. Ranger-a tshirt min lei chu lain ka en vang vang a, ka nui sen sen. "Nang chu enkawl uluk i ngai" ti supin tshirt chu almerah-ah ka khai a, ka chhungte phone in chanchin te kan in hrilh a, Candy-i eitur ka pe pah bawk.
















Zanah chuan vawiina Ranger-a nena kan hun hman dan ka ngaihtuah let a, muthmunah chuan ka nui ka nui mai. Zingah chuan inkhawm turin ka insiam a, Sawmtei nen kal dunin thil kan sawi pah a, Candy-i erawhin in a nghak thung. Biakin a hruai chi va ni suh. Kan inkhawm ban chuan a lehkhabu a thiante inah lam a tum a, kalpui turin min sawm naa Candy-i ka ngaihtuah tawh deuh avangin ka hnar a, mahni in a kal ta hnak hnak. Kan in kawngah chuan mahniin ka kal a, kawng kawi laia inkhawm bang ho lo pung khawm thup ka hmuh chuan ka ding dat. Engthil nge tih hriat tumin an lamah chuan ka kal hnai a, an hnung atang chuan an thil en hmuh tumin ka bih de de a, Ranger-'an mipakhat thingkung a nem bet chunga a hnek chawrh chawrh ka hmuh chuan mite inkara inzepin an lam pan chuan ka tlan rawk rawk a, Ranger-a chu duhtawk turin ka ti nghal. "Ranger a tawk!" A kawr hnunga tham chung chuan ka ti that a, midang pawn thelh tum viau mahse khawih zel a tum vangin an thleh theilo.








"Ranger!" Ka tih leh rual chuan rawn in her thutin ka nghawngah min rek a, kan vel amite chu an au that. "Ranger" zawi te chuan ka ti sup a, min rek na lutuk!
Ranger-a kut chu ka vuan a, a mitah tak ka en bawk. A mit chu a sen ram a, ramsa thinrim tak ang mai ani. "Ranger" ka tih leh sup chuan a mitmeng chu inthlak danglamin min thlah a, chhuatah thu hnawkin ka khuh nghal bawrh bawrh. "Ka,, ka tihpalh Duati" tiin ka sira rawn thu thlain min buaipui a, ka khuh bawrh bawrh thung. Police motor ri ka hriat chuan hlauthawng zetin ka hawi chhuak a, police thenkhatte chuan kan lam an lo pan mek bawk. "Ranger" hlauthawng zetin Ranger chu ka melh a, ka hnungah min chul hliau hliau thung.














"Man i ni. Tho la, chunglamah i ban phar rawh" police pakhat chuan Ranger-a silaia tin pahin a ti a, Ranger chuan a ban pharin a tho zal zal a, hlauthawng zetin police-te leh Ranger-a ka melh tawn zak zak. An zinga pakhat chuan Ranger-a chu kutkawl a bun tir a, "Nilo" zawi zet chuan ka ti chang chang a, ka hrawk ala nat ngut ngut vang chuan ka tawng chhuak theilo. Ranger-a sawisak pa pawh chu an buaipui nghal vat a, Ranger-a motor lama an kal pui chuan thoin Ranger-a chu a hnunglam atangin ka kuah a, an ding nghal chawt. "Aih, Ranger... Kal suh" tap teuh chuan ka ti a, nui ri suka ka lam lo hawiin engkim a that thu leh a awm rei dawn loh thuin min chhang a, lu thingin ka tap chhuak hawk. "Tap suh Duati, thil ka hrilh ang che" tiin ka beng bulah a rawn kun hniam a, zawi te chuan "Ka pain darkar 24 a liam hmain min bail chhuak dawn. Lungngai suh" tiin a in la hrang a, ka thla a muan phah chuang lo. Unbailable te lo ni ta se? "Aih, Ranger" tiin a kawr hmawrah chuan an kal tur chu ka pawt tang tang a, chhan neilo in khang thil kha a tilo ang, a rilru a tha lutuk tih ka hria.

















"Ranger!" Motor a an tlan liam chu ka au tuarh a, midang lo awm ve te chu ka ngaihsak thei tawhlo. Tap chhuak hawkin leiah ka thu thla hnawk a, Sawmtei chu lo lang hlawlin min buaipui a, a tih ang ang chuan ka awm. Police-te khan lo sawisa ta se, tinge an hruai bo rikngawt! "Haw ang aw" Sawmtei chuan tiin min kuah tho a, "Ranger" tiin ka phun sap sap. "A tha leh vek dawn alawm. Apa a hausa lutuk" Sawmtei chuan min hnem tum takin a ti a, lu thingin "Tunlaiah pawh Minister ten an fate an bail chhuak hleithei tawh hleinem. Hrehawm a ti tawh ngawt ang" tiin sana ka en a, zan dar kua lai a pel tawh! Kha thil thlen atang khan engmah ka la ei leh tawhlo bawk.












"Kal ang" tiin ka tho vut a, ka room-ah chhoin ka inthlak sawk sawk. "Remruat, ti teh... A rawn chhuak leh vat mai ang" a tih pawh chuan ka ngaithla lo. Ka thil tih lai ka tih chhunzawm char char. "A dinhmun tal ka hriat a ngai, ka mu thei chuanglo ang... Min zui dawn nge dawnlo?" Ka tih chuan thaw chhuak hawkin a bu ta nghat a, a scooty chuan police station lamah kan inphur chhuak a, a hmel tal ka hmuh loh chuan amah ngaihtuah avangin ka thi thei mai ang. Kalo duh hman hle mai!











"Ranger, Ranger Lalhruaitluanga... Vawiin chawhma lam khan an rawn hruai a, hmuh ka duh" police lo duty hnenah chuan ka ti thawr a, a awmna cell a min hruai tur thu sawiin Ranger an khungna lamah chuan min hruai a, Sawmtei erawhin pawnah min nghak thung. "Ranger" Ranger-a thawven hmel zeta thutthleng nge khum? Chuta lo mu dar dar ka hmuh chuan ding datin ka ti a, ka tawng ri a hriat rual chuan ka lam a lo hawi a, min hmuh rual chuan thoin ka lam a rawn pan a, chhuah theihloh na tur thir tlawn sei zet zet a awm avang erawhin ka bulah a rawn kal theilo mai zawk a! "Minute nga chiah hun in nei" ti supin min hruaitupa chu a kalsawn a, Ranger chuan thir tlawn chu a kut leh lam lehlama vuanin min nuih sang a, thinrim zetin ka melh nghal.











"Eng vanga sawisa nge i nih?" Ti supin amah chu ka hnaih a, ka kut chu thir ban atanga rawn zen lutin a la a, a hum vang vang. A kut lah chu a vawt kher lehnghal. "Ka pawi a sawi a ni mai" a tih sup chuan thir chhungah ka ban lehlam rawlh lutin a darah ka beng pawp a, a nui hak. Mi'n ngaihtuah em em in kan kal a, ala nui vur vur aniah! "Ka tihpalh" ka nghawng melh ngurin a ti a, ka nghawng chu ka tuai nghal zeuh. "A ho lutuk" ka tih chuan "A na em?" Inthiamloh hmel tak chuan a ti a, lu ka thing vat. "Ka chhuak leh vat dawn i tih nen khawnge i pa chu?" Meinei deuh taka ka tih chuan nui sukin "Tikhan awm rih se a sim ve phah mahna min ti" a tih chuan ka nui hawk. "I sual viau a ni maw!" Fimthu titih a ka tih chuan a kiai ve suk a, mahni pain a fapa jail tang rih tura han tih mauh mai chu!













"Min va ngaihtuah lo ve?" Lungngawi loh hmel deuha a tih leh daih chuan ka en hu a, zawhna mitmengin ka melh bawk. "I rawn nui hak hak thei aniah! Mahni bialpa te jail a an tan laiin" a tih chuan za zetin ka nui chhuak. "I tha viauin ka hria, i mut dante kha ka hmu hman vek alawm. Ipa tihdan takah tikhan awm rih la a tha ang" ka tih chuan a ner nang a, a tha tih ka hmu a ka thaw huai mai. A thawven danah an sawisa em lo anih hmel. Duh duh hunah Sawmtei sawi dan takin a chhuah theih ka ring a, a chhungte pawn a tang tih an hre vek tawh zawk ang!












"Hun a tawp" police pakhatin a tih chuan ka bu nghat a, Ranger-a chu melhin nui sang chung chuan "Tui deuhin i mu dawn nia" ka ti sup a, chulai hmun atang chuan kalsawnin Sawmteii min nghah na lamah ka kal a, chanchin min zawh chuan a that mah mah thu leh kan haw theih tawh thuin ka chhang a, station atanga chhuakin scooty chuan kan in lam kan pan a, in kan thlen chuan alo luh dawn tawh loh thu leh a haw tur thu min hrilh a, a tlai tawh tho avang chuan ka dang lemlo. "Cindy! I pa jail-ah a riak dawn asin, mahse lungngai duh suh, police pakhat sawi dan chuan a chhuah theih daih tawh thu leh a pain a la tan bellh tir thu min hrilh a, a hlauhthawn awm loh a nih chu. Ei teuh rawh" tiin a bowl-ah chuan a eitur ka pek belh a, ka thusawi pawh ngaihtuah lemlo chuan a eitur bowl a ka bun chu a ei mial mial.
Kan haw dawn khan police khan min hrilh a, chuvang chuan ka rilru hahna te chu an bo nghal vek! A hma a ka rilru hah hman zia leh ka chiai nasat zia ngaihtuah chuan thawveng tawh tak ka ni.













Zingkar hma takah ka chhungte an rawn thleng a, kan in tifel zung zung a, college kal ka ngaih vang erawhin ka pui hman meuhlo. Ranger-a'n a chhuah tawh thu leh a rawn kal tlai tur thuin min chhang a, Sawmtei nen kan kal rual a, mahni te chuan class-ah ka thu. Thian pakhat pawh ka nei leh talo a, Daisy-i lah thehmeh ang maiin a reh hmak a, thusawi chu ngun takin ka ngaithla ta ngawt ngawt. Chawhma class zawng ka zawh chuan inchungber lamah ka chho a, Sawmtei ka hmu hlawl. "Chhuk rawh, hawh" ti a min kaih chhuk dawr dawr chuan lo tangin ka kut ka tal pit a, a chhan ka zawt nghal. "Lo chhuk vat mai rawh!" A che reng reng chu a hmanhmawh a, a hlauhthawn hmel hle bawk. "Ngatinge?" Ka sawi zawh rualin Kylos-a kawngkhar atang a rawn chhuak a, min hmu chu a hmel a thlak nghal hlawk.












"Remruat, chhuk ang u" a ni pawn a ti ve nghal tawng a, inchunga ka chhoh an hlau ni ta deuh berin ka hria! "Eng nge in hriat a?" Ka sawi zawh rualin Christy thian pakhat sam sen deuh chuan "Va en la" tiin ka bulah a rawn ding a, hrethiam lo zetin an vai chuan ka melh. Chutah Christy thian bawk chuan inchung lam kawkin "Kal la, va en rawh. Ranger nihna dik tak pawh i hriat phah ve mahna" a tih chuan rang zetin inchung lamah chuan ka chho a, Sawmteiin kal lo turin min ti nghal zat. Mahse ka thleng fel hman der tawh thung. Ka thil hmuh vang chuan ka bing mup mup a, ka zawi hnawk thei. Ranger-a'n min bum amaw? Ka awih theilo zawk. Christy nen chuan an in fawp ngawng ngawng a, an duh thawh hle bawk. Ka mittui ka biangah a luang nghal ngiai ngiai a, Christy chuan min hmuh rualin a aia nasa in Ranger chu a fawp a, Ranger chuan a kawnga chelhin a fawp let ve tan tan bawk. Hei bak bak a inbumna!














"Duati" min hmuh rual chuan Christy a fawhna chu thlahin ka lam a rawn pan a, inherin step-ah chuan a chak thei ang berin ka tlan thla a, ka mittui vangin ka khaw hmuh a fiahloin a phe vek a, ka thin ring zetin a phu dup dup bawk. Ka thin hi vih sawk sawk angin a na a, ka na, ka na lutuk hi a rapthlak zawk. College chu chhuahsanin taxi ka hmuh remchan ber ka phar a, kan in lam ka pan tir nghal. In ka thlen chuan kun ngulin ka chhungte taxi fare min peksak turin ka ti a, ka room-ah lutin ka inkalh khum nghal. Chhuatah chuan bang nghenga thu thlap hnawkin tah rin hlau si chuan ka hup chungin ka tap hlawp hlawp a, ka mittui tam zetin a tla a, ka insut hlap hlap bawk. Thoin Ranger-a tshirt min lei chu la chhuakin ka suasam a, pawh chhiat vek tumin ka pawt vak vak a, a ri thawt thawt mai. "Engvang nge? Mawh? Engvang nge? Ka ring che asin... Mahse, mahse hmeichhe dang ang thoin min lo play a maw? Ka... Ka hmangaih che sin" chhuatah chuan thu hnawkin ka tap khur leh char char a, ka chhungten ka tap ri an hriat loh nan ka ka ka hup tlat bawk.












_____ _____ _____ ZAWMNA _____ _____ _____



Ngaihtuahna chawmawlh vek chung chuan bang nghengin ka thu reng a, eng nge ka melh bik pawh ka hrelo hmalam chu en bik pawh neiloin ka thlir reng. "Bawihte, i thiannu alo kal ania." Ka nuin kawngkhar kik dat datin a ti a, ka chhanglo a, ka awm ngaiin ka awm reng. "Remrem" Sawmtei chuan kawngkhar rawn kikin a ti a, ani pawh engtinmah ka chhanglo. "Remrem, kawngkhar rawn hawng teh" tiin kawngkhar a chum ri leh dat dat a, ka mittui ka bianga luang chu hru zeuhin "Mahnia awm ka duh" ka ti a, "Aih, Remrem, lo hawng vat teh. Sawi dun ang,,, aw? Ka awm hi" a tih chuan thoin kawngkhar ka hawng a, a rawn pen luh rual chuan min kuah nghal.













"Anih chuan, a hma a fimkhur tura min tih chhan kha hei vang hi maw?" A hmel enin ka ti a, a bu nghat. "Dawr ka kal turin an in phur lai ka hmu a, finfiahna ka neih chuan siloh avangin tikhan ka rawn ti tawp. Chuan Remrem, mipakhat vang ringawtin tikhan awm suh, i chhungten i lakah beiseina sang tak an nei tih i hriat kha, i chhungte tan tal pawh fight rawh" a ti mawlh mawlh a, nui sukin "Keipawn ka duh alawm, mahse,,,, a har lutuk" tiin ka tap chhuak hawk a, min kuah nghal vat. "Ka,, ka hmangaih alawm... A na lutuk, ka na, ka thinlung nat zia hi i hrethiam pha kherlo ang" tiin Sawmtei awmah chuan ka tap hlawp hlawp a, ka hnungzangah min beng thak thak a, engkim a that vek thu min hrilh mawlh mawlh.
















"A hmel hmuh leh ka duh tawh lo, engtin nge kei hi infiamna leka min hman theih? Hre tur ka nia sin,,, engtin nge a mi sawmna kha ka pawm theih? Ka thiam loh vek ani." Ka ti malh malh a, Sawmtei chuan ka kuta vuanin "I thiam loh a nilo a nia, engmah thiam lohna i neilo. Mipa dang tam tak an tam alawm. Ila naupang a, ngaihzawng pawh ila nei dawn tan chauh, i ngaihzawng neih hmasak ve ber a nih vang a nih kha i lak nat" tiin min hnem a, ka ngaihzawng hmasa ber a nih vang niloin a mah hrim hrim ka hmangaih vanga hetia awm ka ni tih ka hria, mahse ka bu nghat tho. Ka thin hi chawl loin a na a, ka rilru nen lam a na tel vek.















"Zanin chu ka lo riak ang, anute ka'n phone ang nge" tiin a phone chuan a chhungte a call nghal a, an chhan rual chuan ka in a riah a dil nghal zat. Sawmtei hi chu ka thiantha ber a ni, engkim ka thuruk a kip a kawiin a hria a, chutiang chiah chuan keipawn ama thuruk ka hria. "An phal, zanin chu lehkha zir lo mai rawh" tiin chhuat a ka kawr pawhthler chu a chhar a, zial khawm nawk nawkin ka room a dustbin ka dahah chuan a paih nghal.

















Zanah chuan in kuah rialin kan mu dun a, kan titi leh zeuh thin tihloh chu kan inbe lo. Candy-i chu ka chul heuh heuh a, a mutui khawp mai. A hmel chu ka thlir vang vang a, mahse Ranger-a nena kan nunhlui zawng zawng a hmel ka hmuh apiang hian ka hre thar leh thin. Engtin nge hmalam ka pan theih ang? Ni e, ka thei em em ang, ka nuna a rawn lan hma zawng pawn ka awm thei alawm tiin ka infuih mawlh mawlh.
















Zingah chuan kan insiam rual a, a thawmhnaw a ken loh avangin ka thawmhnaw a inbel a, kan tho tlai bawk nen a thawmhnaw lak na hun kan neilo. "In kal tawh dawn ami?" Ka nuin kan chhuak tur chu a rawn ti a, Sawmtei chuan aw tiin kan kal tur thu chu a hrilh a, ka nu pawh chuan lo riak leh fo turin a chah. "Be lo la, let leh tawh suh. Engmah thlenglo angin awm rawh" tiin scooty a kan inphurh chhung zawng chuan a ti a, ka chhang lemlo. A chang chuan keimah hi amah zawk ni daih se te ka ti.















College kan thlen chuan chhukin a scooty chu a park tha a, a sirah dingin ka nghak reng. "Kal ila" a tih chuan gate lam panin kan in zui a, gate chhung kan luh rual chuan Ranger-ate thianho leh Christy kan hmaah tak an rawn ding thup. "Kan Ranger-a duati chu i tha maw?" Alan-a'n nui sang chungin a ti a, midang ho pawh chuan min nuihzat hmel zetin min melh. "Oh! Alan, Ranger-a game-ah a chak lo tih kan hriat kha, pawisa kan chan phah" Fakawma'n a tih chuan ka kut ka hum ruh vak a, Sawmtei chuan ka kutah min kai nghal. Pawisa hmangin inchawina an lo nei amaw?















Ranger chu ngeiawm zeta nui chungin ka lam pan chuan a rawn kal hnai a, ka zawn a thlen ruala dingin a ipte atang chuan pawisa tam zet hi ala chhuak a, ka hmai zawnah rawn lekin "Ka lawm e, nang awmlo lang chuan hengte hi ka dawng thei hauhlo ang" tiin a kiai suk a, insum hman loin a hmaiah ka beng pawp a, a thiante an au nghal dual. "Hremhmunah kal rawh" huatna leh natna mitmenga enin ka ti a, ka sawi zawh rualin ka kalsawn nghal. "Mi ka duh theih te i ring reng reng em ni a? A bikin taxi driver fanu ngat phei chu" a tih chuan ka kal lai ka ding dat a, hawi let lo chuan ka kal zawm leh hlawk hlawk.














"Remruat" step a Sawmteii nen kan inzui chhoh lai chuan Kylos-a'n a rawn ti a, alam ka hawi nghal vat. "I tha tiraw?" A tih chuan bu nghatin class lam chu ka pan a, Sawmtei chuan min ngaihtuah kher mai. A chhan pawh Ranger-a nen class khata kan awm vang ani. "Remruat, kal lo mai rawh" class room kawtah chuan ka bana chelhin a ti a, nui lui sukin "Ka pehhel reng chuan hmalam ka pan thei nang, i sawi kha nangpawn...?" Ka tih chuan "Mahse.." a ti a, a sawi zawh hmain Kylos chu lo lang lehin "Lo lungngai suh, keipawn vawiin atang a subject lak ang hi ka la ve tawh dawn a, a bulah ka awm thei tawh dawn alawm" kan bula rawn din pahin a ti a, mak tizetin ke en. "Min ngaihtuah hlawm viau naa, a nuamlo zawk ania. Keima harsatna a nia, keimahin ka chingfel thei alawm" inthlahrung deuh taka ka tih chuan Sawmteiin ka banah min beng ri pawp a, a hmel ka en nghal.















"Lalremruat! Lawm hle ringawt zawk rawh. Kylos, lo enkawl tha ang che aw. I awm chu avan tihzia tak" a ti nghal zung zung a, kalsawnin a falin an inbia a, class-ah lutin ka thutna thinah ka thut san a, Ranger-a nena kan thutna thin lam chu hawiin ka en a, ka rilru a na thar vawng vawng. Ka mittui pawh an rawn hnai leh kuar tawh! "Khalam kha hawi hawi lo la" Kylos chuan ka lu hmalama herin a ti a, ka nui tawi tak. Ka sirah chuan rawn thu thlain min be nghal bawrh bawrh a, tawi te tak takin ka chhang thin. Bell a rik hma deuh minute thum vel la awmah chuan Ranger-a a rawn lut a, amah melh duhloin hmalam ka en char char a, ka mitsir erawhin ka melh reng thung. A thutnaah chuan thu thlain a ke a thluang leh duai a, a kut veilama a zungbun bun chu a kut lehlamin a tuai vir nauh nauh.


















Class lak chhung chu rei ka ti kher mai, he class hi zo se class dang ka kal tawhlo ang ka ti rilru mawlh mawlh a, Kylos-a awmlo phei se chu class lak laklawh laiin ka chhuak vang vang duh ang. Ka tum angin ka awmlo ti ila kan sawi sual lo ang. Ranger-a melh loh a har si, a hmel ka hmuh apiangin ka rilru a na thar a, ka thin a phu dup dup bawk. Ka huat tluk zetin ka hmangaih a, thil hrehawm tak ani. Ka hnungah paper hian min rawn vawm thut a, Ranger-a ka melh nghal. Nui sangin paper dang chu a rawn vawm leh a, hmalamah inherin ka inhum ruh tung. "Ti suh" Kylos-a a thutna atanga thawh a tum chu a kuta chelhin ka ti a, thaw hawkin a thu thla leh dawt.


















Ranger chuan duhtawk mai loin ka hnungah min rawn vawm leh a, Kylos chu che phutin Ranger-a a pan nghal rawk rawk. Tho vatin an lam chu ka pan a, zirlai dang lo awm vete pawh chu an rawn pung khawm nghal a, zirtirtu pawh tiamin. Keimah vanga buaina chhuak chu ka duhlo kher mai. "Kylos duhtawk rawh" tiin a banah ka pawt ngar ngar a, ani erawhin Ranger-a kawr awmah thamin thinrim zetin a melh a, Ranger erawh thuin a nui sang. "Vawikhat pawh rawn tibuai leh tawh suh" Kylos chuan a ti chhur chhur a, Ranger chuan nui hawkin "Engvang chuan?" Tiin ngeiawm zet chuan a chhang a, zirtirtu chu rawn inrawlhin Kylos chu a pawt then a, zirtirtu chuan Kylos leh Ranger-a en tawn zak zakin thinrim zet chuan "Min va zah lo ve a, ka class-ah hian awm tawh suh u... Insual rual pawh...." a sawi zawh hma chuan Ranger chu tho vuta a jacket siam tha pahin "Ka awm peih i ring em maw ni? Ka nin nak laia" tiin a chhuak nal nal a, zirtirtu pawn a en zui ringawt.

















Kylos chuan ka kuta kaiin min chhuah pui a, zirtirtu ka va melh chuan a lungawilo tih hriat lutukin a in hum ruh tung. Tunge lungawi bik ang? Mahni zirtirtu an chhuahsan hmak hmak a, an la chhang zui, a in zah loh thlak lam mah ani. "Kylos, ti suh ka tih che kha" class atanga kan chhuah rual chuan ka ti a, ka kut a vawnna chu thlahin a thaw chhuak hawk. "Ila tan cheu em ni? Engkim thu dik i hre vek chung pawn" a hmai tuai puata tiin min melh run a, ka thaw hak. Lu thingin "Keimah vanga Ranger-a nen in insual ka duh hleinem" kun ngul chuan ka ti sup a, ka dar tawn tawna vuanin ka khabeah min kuai dak a, min melh chhuk ran. "Ka na lo ang, a tha em? Ranger-a'n a tihbuai che ka phal tawh lo" tiin ka chalah min fawp zeuh a, ka phawk lek lek a ni. Ani pawh hian min fiamkual velo ang tih pawh ka sawi theilo a, rin tur nge rin loh tur tih pawh ka hrrthiam lo.













"Kal ang" tiin ka darah min kuai her a, min kuah kal nghal det det. "Ranger-a nen in insual tih ka hria ania" Sawmtei rawn kal chuan Kylos chu a be nghal a, an in nel viauin ka hria. "A, insual hmanlo" tiin Kylos chu a nui suk a, Sawmtei hian Kylos-a hi a duh thu nizan khan min hrilh a, Kylos-a nena lo awm dun pawh ka inthlahrung ve angreng. "Ka kalsan ang cheu" tiin min kuahna chu ka la thla a, Sawmtei khan a en reng tih ka hmuh vang ani. Kalsawn tuma ka pen chu ka banah a man chawt a, hawi leta min vawnna kut chu melh zeuhin a hmel en tur chuan ka hawi chho leh a, "Eng nge?" Ka ti nghal sup. "Khawnge i kal dawn?" A ti sup a, Sawmtei ka melh zeuh chuan min chelhna kut a en reng tih ka hmu a, ka kut chu ka la hrang nghal vat. "Mahni a awm ka duh" tiin ka inher a, thaw chhuak ham ham in building hnunglam ka pan a, midang zi nuai nuai an awm avang chuan phei zelin store room hi ka hmu hlawl a, kawngkhar chu alo in kalh a, tala a a in kalh loh avang chuan hawngin ka lut thei mai.

















A chhung ka luh chuan ka hawi kual thuak a, parda chhan atangin eng tlem a rawn lang a, dawhkan hman loh a awm teuh bawk. Kawngkhar chu kharin dawhkan an dah khawmna lam chu ka pan a, bang nghengin ka thu thla dawt. Ka khup chungah ka khabe ka nghat a, ka kuah khawm vek bawk. Ka mittui chu a rawn hnam leh tiam tiam a, ka insut ri hraih. Ranger-a bawk ani ka ngaihtuah leh ni. Khang kan hun hman takte kha ni reilote ni mahse ka nunah alo bet nghet viau tawh te pawh a nia nge. A bula awm kha ka khamlo takzet. A sum, a pawisa leh a hmelthatna niloin amah hi ka duh a, ka hmangaih bawk. Hmangaih loh ka tum ang, mahse... mahse tih hi a awm leh thin. A chhan chu thil har tak ani.












Chutia ka awm reng lai chuan kawngkhar an rawn hawng a, pen thawm ka hre zawm zat. "Ranger, titeh... Ka mamawh che nia" Christy aw ka hriat rual chuan ka beng ka chhi vat a, Ranger-a hming a sawi rik avang chuan ka thin a phu nghal dup dup. Ka awmna lam an rawn hnaih zel avang chuan dawhkan hnungah an hmuh theih loh tur chuan ka biru rawk rawk a, ka hmaah tak an pahnih chuan an rawn ding. Christy chuan Ranger-a jacket hak chu a phelh sak a, a ban puamah a vuan bawk. "Ranger" Christy chuan ti supa dingdihlipin Ranger-a lu chu a kuai kun a, a fawp nghal hmiah ka hmuh chuan ka ka ka hup chawt. Ranger pawh chuan chhang letin bangah a nem bet rawk rawk a, Christy taksa chu a zut kual nghal ruai.





















Ka thaw a chham dawna ka hriat avang chuan boruak ka hip vak a, ka thin zawn nat zia hi ka tawn ang tawng ve te chauhin an hrethiam ang. "Ranger" Ranger-a'n a kawr chhunga a kut a zen luh avang chuan Christy chuan thaw hawkin a ti a, ka tap chhuak thei mai dawnin ka hria! An chet chhunzawm zel vang chuan tho thutin kawngkhar lam panin ka tlan rawk rawk a, Christy aw in "Remruat?" A tih ri pawh ka hre hman. Pindan atanga ka chhuah rual chuan ka mittui a luang nghal zawih zawih a, ka awm zawn tawt lutuk avang chuan ka tha a khur zawih zawih. Class room lam chu mittui tling pam chung chuan ka pan a, a tlan a ka tlan miau avang chuan mi thenkhat ka su leh chawrh thin. Classroom ka luh rual chuan ka bag lain ka chhuak leh nghal a, ka mittui ka kawr banin ka hru tawk. College chu chhuahsanin a chak thei ang ber chuan ka tlan a, motor tlan lohna lam, kawng fianrial lamah chuan tap chungin ka tha tawpin ka tlan.



















Kawnga tlan reng chyng chuan ka tap bawrh bawrh a, ka mittui pawh hruk ka tumlo. He ti em em a ka na hi ka awih theilo zawk. Ka ang pama thawk hip vakin kawng laiah tak chuan ka tlu hnawk a, hah avang chuan ka thaw chhuak ham ham. Theihtawp chuan nasa zetin ka tap a, midang an awmlo tih ka hriat avang chuan insum pawh insum loin ka tap hawm hawm. Rei ngial ka tah hnu chuan thingkung awmna lamah ka pen chhet chhet a, thingkung ngheng chuan ka thu ta reng. Ka chawmawlh vek ani ber! Ka nat dan hi ka sawifiah thiamlo, nung chunga inhal ang mai ka ni!




- End of Chapter 13 -


=>> Post timing ka nei tawh dawn lo a, dar sawm leh a chanve a rik tawh chuan ka post dawnlo tihna aw... Nitin pawh ka post theilo maithei (School lamah ka buai ltk a..)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:37 am

Chapter - 14
ENCHANTING
by Calm Bird




"I tha maw?" Motor pakhat hi ka hma zawn takah a rawn ding a, a driver chuan thingkung nghenga ka thu reng chu min enin a ti a, ka bu nghat. "Buaina i tawk em ni?" Ngaihngam zanlo chuan a ti leh a, lu thinga nui lui sangin "Ka tha alawm, ka inti thawveng a nih hi" ka tih takah chuan a tlan liam ve mai a, ka nui hmel ka thlak nghal rawk. "Tun hi amah vanga ka tah tawpna a ni tawh ang" ka hmai tuai hul nawk nawk pah chuan ka ti a, ka thutna atanga thoin ka in lam pan chuan ka kal a, kalo tlan hla viau lehnghal. Taxi hmuh tur pawh an awmlo a, hmun fianrial tak meuh ani.











"Lalremruat! Nge engmah sawilo a ilo haw daih, ka zawng nasa lutuk che" ka room a rawn luh rual chuan a ti hlak hlak a, ka nui tawi tup ringawt. "Naktuk chu ka rawn kallo ang college" tiin ka phone ka lukham hnuaiah ka rawlh lut a, phone ka khawih apiangin Ranger-a number ringawt ka thlir a, ka na thar leh zel. Vawi engzah nge khang kan massage inthawn thin tlem te kha ka chhiar nawn hman pawh ka hre zozai lo. "Amak, i awm loh ten... thian ka nei nang" tiin ka khumah a rawn thu thla a, a pheikhawk bun lai a phelh nghal sawt sawt. "I ngah em kha, Dawngi te ho" ka tih chuan ner nangin "Mahse nangmah an ni hleinem" a ti a, ka nui suk ringawt. Tawng mood-ah ka cheng hlawl lo.













"Vawiin eng nge Kylos nen in chanchin" chhaih titih chuan ka ti a, a nui nghal var var. "Eng vak mah, mahse mawww,,, a duh che" tiin a nui suk a, a hmel chik zeta ka en pawn danglam engmah a awmlo. A hma a Kylos-a'n min hrilh tawh avangin min thawng em em lo. "Min hua em?" Ka tih sep chuan "Engvang ngawtin?" Tiin zawhna min zawt let a, thaw hakin "Kylos vangin" ka tih chuan ka chawnah min beng ri thlawrh. "I mawl ami? Ngaihzawngte aiin thian ka dah pawimawh hmasa zawk. Chuan Kylos te chu ka duh ka ti mai mai a nih khaa, ka duh tak tak leh tak tak loh pawh ka hre chuanglo. A hmeltha ka tih vang aniang" a tih chuan ka nui ri hawk. "Nanghi! Nangmah vangin Kylos pawh ka hnaih tha ngamlo a!" Ka tih chuan ner vakin "Ni daih rawh u, i U hi ka bem dawn" tiin khumah a mu thla hnawk. Henu hian rilru mumal a pu hlawl lo!















"Tak tak a, ih maww... Kylos hi ka duhin ka hria, mahse nangmah a duh che a! Ka huat phah chuanglo che ania, midang duh ka tum dawn alawm" a phone khawih mial mial chung chuan a ti a, a sirah ka mu thla ve dawt. "Kylos ka duh lo tih i hriat kha. Mahse maw Sawmte, kei ang hian i na ve palh ang nge, thil hreawm tak ani" ka tih chuan ka lamah rawn in herin min kuah a, chunglam ka melh reng. "Ka na tawh zawk alawm" a tih sup chuan a hmel enturin ka in her a, a maimit chhing tlat. "Ka tihpalh" ka ti sup a, nui ri sukin min kuah nghet sauh. "A duh che chuan duh let ve mai rawh. I tan chuan pawi ka tilo, Ranger-a vanga i na lai hmel hmuh hi ka ning tawh" a ti sep sep a, a lama saisirin ka kuah let chawih. "Nangang thian ka nei che hi ka van lawm" tiin mit ka chhing vang vang a, nui hawkin "Keipawh, a chhan chu mahni aia hmelchhe zawk thian neih chuan kan lang tha duh" a rawn ti leh nghal zat a, ka beng ri thlawp. Kan thian dun hi chu kan in dim lo ve hrim hrim.















"Mate, na i nei ami?" Chaw ka ei lai chuan a ti a, ka lu ka thing nar nar. "Anih tinge college chu i kal dawn loh?" Chik zeta min en chungin a ti a, ka thil thial lem in ka nu chu ka en vat. "Ka lu hi tlemin a na deuh tih mai ania! Chutianga na tih tur chu ni chuanglo mahse thil tih a hreawm" tiin ka chhang a, ka pa erawh service turin zingah a chhuak leh daih tawh. "Imm, phone te kha khawih lo la. Mama, nangpawh i kal dawn chuan kal vat rawh" ka U chu melhin a ti a, ka U chuan a chaw bar zeuhin a bu nghat. "Khawiah maw?" Ka tih hu chuan hna a dil dawn thu leh interview a hmachhawn tur thu min hrilh a, duhsakna ka hlan nghal mawlh mawlh.












Nilengin ka mu a tih theih mai awm e, ka zung dawn te a nih loh chuan ka tho chhuaklo hrim hrim. Ka nu lah chuan damdawi ka khum bulah min chhawp sak hnur a, ei pawh ka eilo. Ka tap em bik tawhlo a, mahse ka rilru lam a nghawng ve det. Zanriah ei kham chuan ka mu leh nghal a, phone a ka message dawnte ka chhiar mai mai. "Vawiin kha chu Ranger-a'n Kylos-a kha a that dawn emaw ka ti hman alawm" kan college group chu ka chhiar thla dan dan a, chu message ka hmuh chuan ka scroll lai ka tawp chawt a, a hnu leh lam pawh uluk zetin ka chhiar thla.












"Keipawn, Ranger-a insual thiam zia kha... Eng nge an insual chhan ni ang le? Khatiang em em a Ranger thinrim kha ka la hmu ngailo"








"Kha...! hmeichhe pakhat, khaa... Rawn lut thar, Kylos-a pawn a biak ziah nu kha a ni tih chiang reng!" Tih ka hmuh chuan ka lum pap, engtin nge hetianga awlsam zeta an rindan an tlangau pui theih ni? Chupawh group-ah ka awm tih a hre ve reng awm sia.






"Remruati kha maw? A zaklo tak tak ani, Ranger-a a neih tawh chuan duhtawk mai awm Kylos lehzel! Amah vangin an insual phah bawk a"




Message chu chhiar chhunzawm duh tawh loin WhatsApp atang ka out hmak. Engmah hre chiang hlei loa min sawi chu ka ngei takzet! Thaw chhuak hapin ka mutna atang ka tho chhuak a, ka mu nileng lutuk chu ka hnung a kham vek! Sana ka en chuan zan dar kua a lo pel tawh a, ka ril a tam leh tawh avangin eitur lei tur chuan ka room atang ka chhuak a, ka nu thutthlenga tv en paha lo mu chu pawisa ka dil nghal. Engmah sawi lemlo chuan min pe ve mai a, dawra kal tur chuan in ka chhuahsan a.










Kan kawt ka pel fel chiah tihah chuan mipakhat hi chak zetin a bike chuan kan in a rawn tlan pel fua a, a bike leh a taksa pianhmang pawh ka hmu hmanlo. Dawr lam chu panin ka kal hnak hnak a, khua lah chu a vawt phian lehnghal. "Saw.. Ranger-a bialnu kha ani lawmni?" Zawi te a ti ri ka hriat chuan ka ding dat a, mahse ka kal zawm lehnghal. "A nih saw, hawh u,,, phuba lakna chance a nih hi" an tih ri ka hriat rual chuan a aia chakin ka pen hlawk hlawk a, chutah ka zawnah tak bike pathum hi muang changin ka rual chuan an rawn tlan a, ka thin a phu dut dut tawh.














"Uaiii, va chhelo ve a! Ranger-a bialnu ni awm tak pawh ini" pakhat chuan a rawn ti a, chhangloin a aia chak lehzualin ka kal zawm. Kan in lam a hlat zawk tawh avangin ka let duhlo law law a, dawr ka thlen ruala min kir san mai ka ring. "Ranger-a bialnu ai chuan keima bialnu ni awm alawm a nih zawk" pakhatin nui hawk hawkin a ti a, ka pen lai chu dingin an hmel ka en a, tlan turin ka inpeih at. "Min kalsan r'u" ka ti sup a, an nui mai mai thung? "Nang ang hi tuin nge kalsan duh tehlul ang!" Tiin an zinga pakhat chu alo chhuk a, helmet an khum loh avangin an hmel chiang takin ka hmu thei. Khua a thim lemlo bawk a.















"Min thlah rawh!" Ka ban reka a rawn vawn avang chuan ka ti tuar a, a thian dangte an nui hawk hawk. Hlauhna namen loin min tuam hlup hlup a, ka khur ru der der. "Kha i bialpa hrep khan engthil nge ka chungah a tih i hria em?" A ti chhur chhur a, a nui hmel ngeiawm zet kha thlakin rum zetin min melh. "Aih, ka bialpa a nilo! Ani nen chuan kan inthen tawh alawm!" Ka hlauthawng lutuk chuan ka rilru a awm awm ka sawi chhuak a, chu ka thusawi avang chuan a nui hawk hawk. "Lo inthen pawh ni ula ala ngaihtuah reng tho che chu ka ring" nui tawp leh hmukin a ti a, ka ban reka min chelhna chu laksawn tumin ka tal reng.




















"Anah!" Ka sama min tham dak awrh avang chuan ka rak that! Police lo kal se ka duh takzet. Tumah min pui tu tur an awm lo a, chu chuan min tih hlauhthawn belh! "Keimah min hneh loh avangin hmeichhe lakah in tuan ta ani maw?" Rawn titu lam chu an hawi thap a, kei erawh chu aw ka hriat avang chuan ka tawt up up a, mahse ka thaw huai thung. "Kan hlau nek lo a che" tiin kawngah chuan min nam dawrh a, lei charah khup nazeta sawhin ka tlu hnawk! "Mai mai cheu hian!" Ranger chuan ti hrawkin min nam tupa chu engkhaw sawi set set loin a hnek nghal thruai! An thianho chu bike atanga chhuk suauin Ranger chu an beihrawn nghal a, ka thin a phu ri dup dup tawh!















Lei atanga ka tho chiah chu tu emaw hian min man thut a, ka rak nghal chiam! "Zawngi leh!" A sahuat laia na zeta ka kiu a ka nghawk avang chuan ti thawtin ka hmaiah min hnek chawrh a, ka lu a hai nghal chhuih. A khawilaiah nge ka nghawk pawh ka inhre lo! "Ka that dawn khawp che" Ranger chuan ami sawi sak lai tlawh thlu thruaiin min hnek tupa chu a kawr awmah a tham nghal rawk rawk a, ka hmai na vung vung chu ka dawm reng. "Engthil nge ni ta?" Ranger-a thiante chu an rawn pung khawm a, Alan'an leia Ranger-a sawisak takte chu en kualin a ner sawk. "An tibuai che em ni?" A tih laiin Fakawma'n "Hengho bawk chu" a ti a, an che lai chu rum tiah tiahin ka en reng ringawt. An thianho chuan min hmulo ani ngei ang ka awmna lam pawh an la rawn hawi lo!















Ranger-a erawh chuan min hnek tupa chu a hnek chawrh chawrh a, a thiante lah chuan dan an tumlo tih hriat zetin ami sawisak takte chu an tung tho hlawm a, an pawt kal deuh dawr dawr bawk. "Vawikhat pawh ka pawi sawi leh tawh suh ang che u, nang leh in thian ho hi ka thah chimih hma che u hian" a mi hnekpa kawr awma thamin a hmai zawnah tak chuan a ti chhur chhur a, zawi zetin ka thlir mawl tawp. A kawrawm a thamna chu phih thlain a tho a, ka awmna lam a rawn pan ding nghal. "I tha maw?" Ti a min kaih thawh a tum chuan a kut ka vai per lawp a, "Min khawih suh" ka ti chang nghal rawt bawk. Hepa hi awmlo se tuna thil thlengte hi ka tawnglo ang! Ka rilru leh ka thinlung min tihnat bakah buaina lehzel min siam a, a em em mah mah!

















"Ti teh, kha tia awm hun a nilo ania" thaw hawkin a ti a, thawh tumin ka inbeng kang tawh chu ka lu hai lutuk vang chuan ka thu thla leh hnawk. Mipain a tha tawpin min hnek a, engtin nge ka lu a hai loh theih tehlul ang?! "Ka tha ka tih chu!!" Min kaih thawh a tum leh rual chuan a kut vai per lawpa vin tuarin ka ti a, ka thusawi ngaihsaklo zet chuan ka bana manin min tung tho tho"






"Ka hmu duh tawhlo che"



"Ka thlah ang che"



"Nangmah vang vek anih hi" ka hmai chu dawmin thinrim zet chuan ka ti a, ka bul hnaia a awm vang nge ka thin chu hlauhna vang ni tawhlo in a phu leh dup dup tawh!





"Keimah vang a nih rualin nangmah vang pawh a ni tel tho" ka sira rawn thu thla pah chuan a ti a, a thiante erawh ice pack lei turin a tir a, a thenin min tibuaitute ho bike kha an vaw chhe mek thung. Keini lam min ngaihven lemlo.




"Eng nge keimah vang a nih na? Nang awmlo lang chuan na ka tuar lo ang" ka ti hlak hlak.




"Nge zana i vah daw daw" a tih chuan thinrim zeta ner vakin ka melh nghal dawr a, min melh let ve siah. "I zak em!!? A vak daw daw chu nang i nih kha!" Ka ti nghal chiam a, zana vah ching ang maiin a lawm min chhuah!





"Thil pawimawh kan ti alawm, keini chu zana kan vahin pawisa kan hlawh tal a, nang ve i hlawh chhuah hi en teh" ti a ka khabe rawn dawm pah chuan ka lu chu a ti thle kual a, ka hmai an hnekna lai chu a melh kual bawk. "In race bak i tih loh kha" ti hlakin a kut ka beng per a, tuna min tawngkhum dan kha ka duhlo, ka duh hlawl lo! "Kha le" Fakawma'n ice pack kengin kan lam chu a rawn pan a, Ranger a pe nghal zat. "Kava zawm ang nge" ti a min melh zawkin a thiante bike suasamna lam chu a pan a, Ranger chu melhin inhnial inring zet chuan ka en. "Khawi i hmai kha" tiin ka hmai hliamah chuan a vur kenin a dep a, ka rak that. "Vurin dep ziah ang che, anih loh chuan lian puiin a vung mai ang" a ti a, tunah hian ka chungah engthil mah tilo ang maiin a che! A hmel chu ka en vang vang a, min ngaihtuah ve ang maia min buaipui avang chuan ka thinrim nge, ka lawm pawh ka hrelo!




_____ _____ _____ ZAWMNA _____ _____ _____





"Duhtawk tawh ru! Rohluate huan lamah lo va kal rawh u" Ranger chuan ka hmaia vur dep reng chunga a thiante lam hawi pah chuan a ti a, a che reng reng chu chik zetin ka en. Hepa hi ka hrethiam theilo, min tihnat a tum ti dawn ila min ngaihsak leh tho bawk si a, mize hriatthiam har tak a nei ani. Min tibuai tute kha chu an tlanchhiatna a rei tawh a, an bike an tlansan daih bawk! A thiante pawh chuan a thu awih zetin an thil tih lai chu an tawp a, an bike lam an pan nghal sup sup. "Ka thlah dawn che nia" a sawi lai chuan a thiante an tlanchhuak sup sup a, kan pahnih chauh kan bang tawh! Thawm pawh a reh nghal duk. Kan awmna lai hi in awm lohna lai tak ala ni zui! Ka ni trung tawh mai.






"Ngailo rawh se, dawrah ka kal dawn" tiin ka biang vura a dehna kut chu ka la thla a, a thaw chhuak hawk. "Kalo kal pui ang che" a tih leh chuan "Eng nge ka lak atang hian ila duh? Tinge min ngaihsak ang taka lan ila tum cheu!?" Ka ti ta vak, khang thil zawng zawng a thlen hnuah pawh min ngaihsak angin lem ala chang thei ania! Mi rapthlak, zahna neilo tak ani! Nge kei hi ka lo zuamawm viau zawk??





"Ka thlahthlam dawn reng reng lo che! I bulah ka awm reng dawn tih hre rawh" a tih chuan rapthlak ti zetin ka melh. "Eng nge ka bula i awm reng nachhan tur chu? Mawhhh! Eng nge!" Thinrim zet chuan ka ti ta thawt. A duh duh dana min control a tum hi ka duhlo. "Ka bula awm turin ka duh tawh lo che, ka engmah i nilo" ka tih zawm leh fak a, a mitmeng chu a dang zawk a, mahse rei a nilo. "Hengthil ka tih chhan hi i hre vat mai ang" a ti zawi ta ruih a, hnuailam a bih nghal ngur. Eng lemchan nge a beih leh dawn ni...? "Engthil nge i tih ka hrelo, mahse min chhaihkual chhan vel a awm tih i sawi na angah ka lo ngai ang nge. I mi chhaihkual theiha ka awm hi ka mawl takzet! Mahse, midang chunga rinna nghah that lohzia min zirtir a, ka lawm e" tiin ka thutna atang chuan ka tho chhuak a, ka khup ruh a na zawk.





"Ka chhaih kual lo che!" Pen thum vel ka pen tawh chu a thusawi avang chuan ka ding dat. Muang changa inherin Ranger lo ding run chu a mitah tak ka melh a, ani saw ka ta a nilo! "Pawisa hmangin in inchawi a ni lawmni? Kei hian ka duh che chuan pawisa i hlawh dawn a, a ni em? Chuan i hlawh reng bawk a! Khang pawisate kha mi rilru leh thinlung i tihnat man a nih kha, khang pawisa te vang khan hmeichhe pakhat chuan midang a ring thei tawh lo a, nat nawn leh a hlau ani." Vei nuih sukin ka ti a, in herin kan in lam chu ka pan ta zawk a.





Ranger pov:-





Ka dinna a ding khawng rengin Remruati kal liam chu ka thlir reng a, ka thil tihsual rah chu ka tel mek! Thaw hawka in thing harhin ka bike-ah ka lawn a, helmet pawh khum lo chuan chak zetin Rohluate huan lam ka pan nghal. An huan hi Aizawl khaw pawn lam deuha awm a ni a, kan thianho inhmuh khawmna ber ani. Ka tlan lai chu kawng sirah ka ding chawt a, ka bike hma chu ka chum ri bur! Engtin nge khanu tehhrep vang khan ka nat theih!





A tir atang reng khan kan thianhoin kan inchawi a, ni e, ka play,,, khanu kha ka play! Mahse engtik laiin nge feeling ka neih ka hrelo, kan inhmuh ngun em vang te pawh ania nge! Tum loh deuhin he ka game ngeiah hian ka tal awk a, ka duh vang ani biklo! Khami ni ka play tih ka hrilh ni pawh khan amah chauh nilo kei thlengin ka na! Hrilh ka duhlo, mahse kan inchawina ang a ni si a, ka chaponain a tlin lo a ni e! Mahni game-ah ka inhnuhdawh a thianglo bur. "Lalremruat, ka taah ka siam dawn che. Mahse tuntum chu inchawina vang a ni tawh lo ang" ti supin Rohluate huan lamah chuan ving zetin ka tlan leh a. A hmun ka thlen chuan an lo ri leh luih luih tawh! Bike ka park lai chuan Christy chuan min rawn pan leh vat a, bike atanga ka chhuk fel chu min ta neih leh nghal hmiah tawh!





Engtinmah pawh tiloin inchhung lamah ka lut a, an huan hi a zau a, in pawh chhawng thum laia sangin an sa nghe nghe. Chhungkuaa picnic nan an hmang tlangpui a, mahse kan thianhoin inhmuh khawm nan kan hman atang erawhin huanah pawh an feh dawn te anih loh chuan an kal ngai tawhlo. "Baby, kalo thlit sak ang che" couch a ka thut thlak rual chuan Christy chuan a ti nghal vat a, zu chu a thli nghal karh karh. No min rawn pek chuan laksak lawpin ka tlak nghal pap a, Remruati hmel ringawt chu ka mitthlaah a lang! Min kalsan dawn laia a thusawi lah chu ka bengah ring takin a ri nawn tluk tluk a, tih reh dan ka hre hauhlo.





"Wow, a dang leh aw" Christy chuan nui har har a tiin ka no chu min laksak a, zu a thlit zawm leh zat. "Bro, pawn lamah kan awm vek dawn asin" Jonathan-a'n a tih chuan chhan pawh chhangloin couch ka ngheng nghal dawt a, thatchhe zetin ka thu kak huau bawk. "I lo kal ve dawnlo tihna ami? Ka kal ania" a tih chuan ka bu nghat ringawt a, Chisty no min pek chu lain ka tlak leh pap.



🔞‼:-


Inchhung chu a reh ta thiap a, pawn lamah kan thian dangte zawng zawng chu an insawn vek! Christy lah chu ka sirah a thu tlat a, ka hne lek lek ani. "Baby, zanin hian engmah tih i tumlo em ni?" Ka beng bulah chuan sexy zetin a ti sar sar a, ka ner sawk. Ka jacket hak chhungah chuan zenin ka kawr chhanah chuan ka taksa chu a zut kual ruai a, a thu rem sauh sauh bawk. Engtinmah tiloin ka indawh mawl tawp a, ka thawven ve phah mahna! Ka hnar lo tih a hriat rual chuan ka chungah a rawn lawn kai a, min fawp nghal ngawng ngawg!





Min tih phur dan chu a hre ngang lehnghal a, ka kap bawr te chu ka kekawr chhanah a zut kual ruai a, ka kap lam pawh a inpeih nghal at! A mawngah dawmin ka fawp let ve ta a, thawh kan lawp paha infawp ngawng ngawng chung chuan inchung lamah ka pawm chho a, ka jacket a hlip nghal hmiah. Room kan luh rual chuan kawngkhar chu ka kein ka tlawh khar a, ka ban lehlama Christy pawm betin lehlam chuan kawngkhar ka kalh nghal hmiah. Khumah chuan theh thla lawpin ka kawr ala phelh loh chu ka phelh nghal sawk sawk a, a nui ri har har chu thawm awm chhun ani.





"Oh,, baby!" Duhthawh zeta ka fawh chuan rum dar darin a ti a, ka taksa chu a lum chhuak pup tawh! Mahse ka ngaihtuahnaah erawh Remruati na hmel hlir kha a lang a, tih bo tum zetin a aia uar chuan Christy chu ka fawp a, ka lei chu a ka chhungah thuk zetin ka hawl lut a, a uak that a, ka ngaipawimawh lemlo. A dul lang kawr hak chu ka hlim chho pawk a, a bra pawh ka phelh sak nghal zat. A kekawr bul zet chu ka pawhthlak sak a, a awmah chuan ka bur nghal chawt. Ka kut lehlam chuan a hnute chu ka tham bawrh bawrh a, nuam tizetin a rum dar dar.





Ka ngaihtuahnaah Remruati hmel bawk a rawn lan leh avang chuan a hma aiin ka che uar sauh a, Christy chungah lawnin ka fawp leh a, a panty chhanah a kap chu ka nuai sak bawrh bawrh a, a huh hliam tawh. "Babe, ka mamawh che! Khawngaihin" tham tiaka a tih chuan ka nui suk a, a panty chu phelh sakin a kap chu a lawngin ka nuai leh bawrh bawrh a, a eu ngawng ngawng. Vawitam ani nen hian sex kan hmang tawh a, mahse tuntumah erawh hi chuan ka tisa chakna vang niloin Remruati ka ngaihtuah tawh loh nana ti ka ni zawk. A hma angin a nawmna ka pawh lo a, pawh tumin ka che uar em em thung.





"Babe, ti tawh mai rawh" khur dar dar chuan a ti a, ka rum nghut. A kap chhungah chuan ka kutzungtang ka rawlh lut a, ka ti lut chhuak nghal zat zat. Nuam a tih thu a sawi chamchi a, a er leh ngawr ngawr thin. Ka kekawr chu phelh sawk sawkin Christy chu ka bawh run a, na zetin ka fawp bawrh bawrh. "Ranger" a tih sup rual chuan Remruati aw ka hre tel a, ka ngaihtuahnaa Remruati a lan sek avang chuan thinrim zetin ka inla hrang a, ka sira dawhkan chu ka chhuih nghal bur. "Renger tihsual ka nei em ni?" Christy chuan rawn tho chhuakin a ti nghal zung zung a, ka rum nghut. "Inha rawh" ka tih sup chuan "Aih Ranger, ka tihpalh. Tihsual ka neih chuan ka siamtha leh vek ang! Ka mamawh che!" A ti nghal chul a, khum atanga thoin ka thawmhnaw ka inbel nghal sawk sawk.





"Ranger khawngaihin!" Ka chhuak tur chu ka hnung lam atanga min rawn kuahin a ti a, ka kawngkhar hawn tawh chu ka khar ri bur. "Inha rawh ka ti ani lawmni?!" Ti hrawkin Christy chu bangah ka rek bet nghal rawk rawk a, ka thinrim lutuk hi ka sa pup pup a, Christy vanga thinrim ka nilo tih erawh ka hria. Hlauhthawn hmel zeta min enin ka reh behna kut chu phelh tumin a chum pawp pawp a, a ham tel bawk. Ka thlah rual chuan chhuatah saruak ngal ngatin a thu thla hnawk a, a khuh nghal bawrh bawrh. Ngaihsak lo chuan room atang chuan ka chhuak a, chhuata ka jacket tla chu chharin ka ha sawk sawk a, pawnah ka chhuak nghal. Remruati chauh ka duh rih!





"Bro, khawnge i kal dawn?" An mei chhemna atang chuan an rawn ti lang lang a, chhangloin ka bike chu ka ti nung a, Remruatite in lam pan chuan chak zetin ka tlan chhuak nghal. Aizawl chhung ka lut dawn tihah chuan ka tlanna tur kawng dang zawng tak hian bike pathum an rawn ding a, ka break ri nghal tuarh. Bike atanga rawn chhukte ka hmuh rual chuan ka inhum ruh tawlh tawlh. Nichin maia kan mi sawisak takte kha an ni! Bike dang pahnih an rawn din belh leh bawk a, nep lutuk! "I thiante awm loh takah chuan min hlau deuh em ni?" Victor chuan bike atanga rawn chhukin a ti a, hmanzana kan in race naah a chaklo a, chuvanga min tibuai pawh chu ani!





"Hei, ka thiante nen kan rawn kal tawh hi! Ka chhuah hauhlo ang che" tiin a nui sang a, ka bike atanga chhukin insual inpeih zet chuan ka ding a, chutia bike atanga ka chhuk rual chuan a thiante pawh an chhuk nghal suau. "Buaina ka duhlo, chance in neih lai hian kalbo ula... Ka hmanhmawh a nia" thamlo zeta ner nawkin ka ti a, a hmel inthlak hlawk danah chuan a run hle rih a lang reng. "Min ngam tak silohah chuan buaina i duh talo a?" A tih rual chuan a thiante an nui hawk hawk a, ka dawhtheihna leh insumna a thiat darh chiang khawp mai!





"Kan insual dawn chuan ti vat ila a ni mai alawm, ka hmanhmawh angreng a!" Tiin ka jacket chu ka phelh a, ka bike seat-ah ka dah nghal zat. Ka kut zaizir chuan rawn kal ru ka ti a, an vai chuan min rawn pan nghal a, kan insual chu ani ta der! "I chaklo tih chu pawm mai rawh" Victor-a kawr awma thamin insehruh trun chuan ka ti a, a hmaiah ka hnek nghal sawk a, a pai nghal khat khat. A thian dangte pawh chu ka sawisa nghal zel a, mipakhatin ka hmaia a rawn hnek rual chuan ka hmui atanga thi rawn chhuak chu ka tuai zeuha, min hnek tupa chu na zetin ka tlawh thal nghal pawp! "Warning ka pek lai cheu khan kalbo ulang chuan hetiang hian in awmlo tur" Victor leia mu chhir zawt pahin ka ti a, an rum ri tiah tiah hlawm. Ka bike lam panin ka jacket ka ha a, ka bike-ah chuangin ka kalna tur lamah bawk chuan chak zetin ka tlan.






Remruati te in hmaah tak chuan ka ding a, ka bike ka tih thih rual chuan a reh duk. An inchhung pawh a thim vek tawh a, ka kekawr iptea ka phone lachhuakin dar zah ka en a, dar khat lai a pel tawh. Ka phone lah chu kan insualna vang nge a screen a keh nuaih mai. Remruatite in chu ka thlir reng a, ka phone chu tinung lehin contacks-ah ka lut a, Remruati number chu hmet chhuakin ka call nghal zat. A ring chhung zawng chuan an in chu ka thlir reng a, a ring tawp rual chuan ka call nawn leh nghal. "Eng nge? Ka muhil min tibuai suh, biak che pawh ka duhlo" phone a lak rual chuan a ti nghak thawr a, call a hmet tawp zui nghal hmak bawk.





Luhlul zet chuan ka call nawn leh ngat a, a la duh tawh thaklo! Vawi tam ka call hnu pawha a chhan duh loh avang chuan thaw hawkin bike atang chuan ka chhuk thla a, ka ipteah ka phone ka thun nghal. An in lam chu panin Remruati room ni tur bera ka ngaih chu ka melh vang vang a, ka lawnna tur ka melh nghal thuak. Bangah chuan awlsam zetin ka lawn chho a,, parda ain zar loh avang chuan tukverh atang ka bih a, ka ring sual lo e. A tukverh chu ka kik ri karh karh a, ka thil rah hi a zawl hlauh a, nilo se chu ka tla tawh ang. A puan chu hlimin tukverh lam chu a rawn hawi a, min hmu chu a meng nghal kawk. Tho sawk sawkin light a on nghal a, tukverh chu rawn hawngin min pawt lut nghal rawk rawk. "I mawl ami!? I tla mai tur asin!" A tih chuan ka nui suk a, min ngaihtuah tal alawm!






"Ka hmangaih hmu tur chuan engkim tih ka huam" ka ti thum dut a, ner nangin ka darah min beng ri nghal pawp. Ka sawi kha ka ti tak tak a, Remruati hi ka hmangaih,,, chu chu ka hrechiang tawh bawk. "Game dang bawk maw? Ka room atang hian chhuak rawh!" Tawng ring thei ngat se zawng a auhin a au ang! Zawite hian a vin hlak hlak a, min vinnate chu engmah ka ngaithla lo, a hmui chauh ka en! A tawng laklawh lai chuan ka fawp thut a, a ding khawng nghal lawh! A bekah dawmin uar zet leh na zet chuan a hmui chu ka fawh sak a, chet nachang a hrelo.




- End of Chapter 14 -


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:37 am

Chapter - 15
ENCHANTING
by Calm Bird




Ka harh chhuah rual chuan ka nam lawp a, a inring biklo a niang hnung lamah a let dawr! A hmaiah chuan na zetin a vawihnihna atan ka beng leh ta siah! Ka tum ani biklo, min nawr lui ani! Lehlamah chuan a thle sawn a, a biang ka benna chu dawmin min en nghal run. "Tinge?" Ka sawi tum pawh ka sawi chhuak theilo. Ka dang a awk zo a, ka hrawk a inhnawh tup tup bawk. Ka mittui pawh a tling nghal pam.





"Duati" ti supa ka dara min kuah a tum chu ka tawlh hnung dawr a, ka kut chu min hnaih loh nan hma lamah ka phar bawk. "Aih, tisuh... ti tawh suh. Imi chhaih kual mai mai tur ka ni biklo. Eng game nge rawn khelh leh i tum ka hrelo a, mahse khawngaihin i game khelh hi ti tawp tawh rawh" ka ti tham tiak a, ka insut ri nghal hraih. "Duati" ti a min pan leh a tum chuan ka kut vaiin "Ti pawh khan min ko tawh suh" ka ti chang fak a, ka chhungte awmlo se chu ka vin vak tawh ang! A duh duh huna min pan a, a duh loh huna bawlhhlawh ang maia min paih hi ka duhlo.





"Duati, inbia ang... aw!?" Dam ruih chuan a ti a, ka lu ka thing nghal vut vut. "I dawt sawi ngaithla turin hun ka neilo, khawngaihin haw zawk rawh" ka ti a, a mitmeng chu ka chhiar thiam ta hauhlo! "I thinrim loh hunah kan sawi dawn nia, muttui le" ti supin a rawn luhna tukverhah chuan a let a, a chhuk tur chu rawn hawi letin "Ka hmangaih che" a ti sup a, bang atang chuan a lawn chhuk nghal. Thaw hawkin ka tukverh chu ka khar sawk sawk a, ka kalh thlap bawk. Ka tukverh sirah chuan bang nghengin ka thu ta reng a, a bike tlan thawm ka hriat hnu thleng pawn ka che changlo.






"Keipawn ka hmangaih che alawm... Mahse nang chuan i tider a!" Tiin ka tap chhuak hawk a, zawite chuan ka tap kerh kerh. "Bawihte! College i kal dawnlo ami?" Ka nuin ka room kawngkhar a rawn kik dat dat riah chuan ka harh hlawl a, bang nghenga thu chungin ka lo muhil reng! "Aw! Dawn e, ka insiam dawn chiah" ti zung zungin ka hmai chu ka kuthnungin ka tuai hul tawk a, bathroom-ah lutin ka inbual nghal sawk sawk. College kal tur chuan in atang ka chhuak a, ka U hna dil pawh naktukah a tlin leh tlin loh an puang chauh ang. Ka uin hna a neih chuan kan chhungkua pawh kan zangkhai ve deuh tawh ang nga, chhungkaw member pali chauh ni mahila neuh neuh a tam ve a, pawisa kan indaih meuhlo. College fee, inluahman leh chawhmeh tih ang reng te lei a ngai ve reng a, sum lut aiin a chhuak a tam thin zawk. College fee lah a to a, scholarship vangin a chanve chauh kan la pe zawk a a zia mah zawk!






Sawmtei chu ka sawm kawi pah a, a nuin a damloh thu leh a kal loh tur thu minlo hrilh a, a khua a sik ani awm e, mahni chuan kein taxi stand thleng ka kal a, taxi chu hire in college thleng ka inthlah tir. College kan thlen chuan chuan man pein ka chhuak a, hmun danga peng loin class-ah ka lut nghal. Ka thutna a ka thutthlak rual chuan Kylos alo lut ve nghal a, ka sira rawn thut thlak pah chuan "Iva hmahmawh ve" a rawn ti nghal. "Hmanhmawh hran chuang nang" ti supin ka phone ka phawrh a, khawih tur em em neiloin ka thai kual vel mai mai. Inbiak ka peih loh vang ani pakhat.






Ranger kawngkhar atanga rawn lut chu ka mit sirin ka melh a, ngaihven lo ang chuan ka phone ka khawih der char char. A thutna a thu lo chuan kan thutna hnungah tak a rawn thu thla a, a rukin ka thaw chhuak ham ham. Zirtirtu a rawn luh takah chuan ka phone dahin ka zirlaiah rilru pek tumin ngun zet chuan zirtirtu thusawi chu ka ngaithla a, ka hnunga thu vang hian ka theilo lam mah ani! "Duhtawk teh" hnunglam hawi chuan ner nangin ka ti hluk a, a nui mai mai thung. Hmalam ka en leh rual chuan ka sam bawk chu a khalh leh niap niap a, ka ning lutuk chu ka pen kenlai ka hum vak. "Nangni pahnih kha, awmdun tlak pawh in nilo. Vantirhkoh leh kutdawh thu dun in nih kha" hnunglam atang chuan Kylos nena kan hriat turin a ti a, Kylos chuan ning tih hriat zetin a ner nawk. Kan pahnihin class tan tirh atang min la tibuai char char a, Kylos-a danglo ilang chuan an insual leh bur bur tawh ang!






Zirtirtu a chhuah takah chuan ding hluaiin thinrim zet chuan Ranger-a dawhkan chu ka beng ri pawp a, class a awm hote chu an reh nghal duk. "I thil tih atthlak zet hi duhtawk rawh. Midang tihbuai tur zawng reng loin thil tha tih tur zawng rawh" a mitah tak enin ka ti chang fak a, thutthlenga ka bag chu lain class atang chuan ka chhuak nghal nal nal. Hneawm lutuk.





"Ka be duh che" tiin ka pen lai chu ka ban rekah vuanin min pawt let a, ka inringlo chu ka rak that. Kylos chuan class room kawngkhar sira bang chu nghengin kan pahnih chuan min en reng. "Eng nge!" Ning zeta ner vakin ka ti a, ka kut chu a hmer na zual sauh. "Kylos saw hnaih suh" a tih chuan za lo zeta nui chhuak hawkin ka hmui ka liak zeuh. "Ka nunah lo in rawlh suh. Ka duh duh ka hnaih ang nga i sawi tur a awmlo" ti sakin ka kut ka thing thla a, inhera kal leh mai ka tum chu ka ban rekah bawk min vuan leh. "Eng nge i hriat a!" Ka tih thawt chuan rum nghutin min kai kal nghal dawr dawr a, Kylos kha engtik laiin nge a bo hman ka hrelo a dinna lam ka en chuan a lo ruak huai. "Min thlah teh" tiin ka tal vak vak a, ka tal chhuak theilo a ni ber!





"Nanghi!" Ka kut a vawnna a thlah rual chuan ka ti a, ka hawi kual nghal ruai bawk. Christy nena tawm dun an tumna hmun ngei, store room-ah chuan min luh puiin kawngkhar a kalh hmiah a, min melh ta ngur. "Ka chhuak dawn, min tibuai tawh suh" ti a kawngkhar hawn ka tum chu min pawt let dawr a, ka inringlo nen ka pai deuh khat khat. "Ka thusawi ngaithla rawh. Tun chiah! Khaw...khawngaihin" thutak zet chuan ka mita melhin a ti a, a mitmeng chu a thuk ta ruih!





"Ngaihthlak tur ka neih awm ka hrelo. I lak atangin thudik chu ka hriat daih tawh kha! Eng nge a dang la awm cheu?" Ka tih chuan thaw chhuak hawkin a hmai a tuai puat a, vanvadakin a thaw chhuak leh hawk. "Khangte kha thudik anilo" a tih chuan ner nawkin "Khang bak bak! Game dang chu ka lakah khel tawh lo hram teh!" Ka tih chuan ka dar tawn tawn a vuanin min melh chhuk run a, a thusawi chu hrethiam turin min duh takzet tih ka hmu thei!





"Ka play che, ka phalo. Mahse ka tum loh deuhin ka... ka duh che! Nang nena hun kan hmante kha... ah, min ring hram teh! Khang thil thleng kha chu a hma ami a nih kha!" A thusawi tum pawh a sawi thiamlo. Mahse a sawi tum zawng zawng ka man vek! Rin tur a nih leh nih loh erawh ka hrelo. "Ka tisual tih ka hria, bul tan tha leh ang... aw?? Game vang ni tawh lo in" a tih chuan ngaihtuah tur ber pawh min ti hrelo. "A hma...hah! Engtin nge ka rin ang che?" Ka ti sep, a thaw chhuak ham ham a, ka dar a vawnna chu la thlain a sam a tuai chho puat a, min melh lehin "Ka hmangaih vang che in" a tih chuan engtinmah ka chhang lo a, ka ngawi reng.






"Ka ring thei lo che, tihpalh" tiin kawngkhar lam chu ka pan a, a kalhna ka hawn lai tak chuan ka bana min pawt let nawkin a awmah min kuah thlawp. "Min ring rawh, chance khat chiah min pe rawh" a ti hniam ruih a, ka thaw chhuak hawk. Ani nena inkawp leh chu ka duh alawm, mahse min tih nat ka hlau... A hma ang chiah khan inchawi nana min hman leh mai ka hlau ani! Amah ngeiin kan in karah min daidang turin bang a sa a, chu bang chu ka tan a nghet lutuk mah mah a, awlsam takin he rinna bang hi ka thiat theilo ani.






"Min ringlo tih ka hria, hun ka pe ang che.. Mahse ni hnih chiah, ni hnih chiah hun ka pe ang che." Ka chala fawp zauhin a ti a, kawngkhar a kalhna chu hawngin ka chhuah theih nan kawngkhar pawh a hawng nghal a, a mitah tak chuan melhin muang changin ka inher a, store room atang chuan ka pen chhuak nghal. "Ka hmangaih che tih i hriat chuan ka lawm ania" tiin a rawn au lung lung a, ka hawi let chuan nui sangin min en a, ka kalna tur lam bawk chu melh lehin ka in ngaihtuah nghal ngut ngut.






Ka khumah chuan muin chunglam chu ka melh reng a, ka hui leh pap thin. Min bum leh ta se? Tih te ka ngaihtuah a, chance pek leh mai te ka duh leh rum rum zel. Thla khat chhung pawn thutlukna ka siam zo hman lo ang! Ka hnar atanga thi rawn chhuak avang chuan thoin ka kut chuan ka hru zeuh a, ka kuta thisen kai chu enin lapua ka zawng nghal. Lapua chu lain thisen luanna hnu chu ka hru fai a, thi a tawp mai loh avangin ka hnar chhungah lapua chu ka hnawh lut ta tawp. Ka hnar thi ngun lutuk pawh hi in entir a ngaiin ka hria. Darthlalangah chuan in enin Ranger bawk chu ka ngaihtuah a, ka rilru kal bing lutuk vang chuan ka nu min auhna pawh ka lo hrelo! Inhnuaiah chuan chhuk nghal vatin ka nu pangpar ho chu pawnah kan rem chhuak a, inchhung ka tifel nghal zung zung. "I hnar chu ngati nge a?" Hna kan thawh zawh chuan min zawt a, a thi thuin ka chhang a, a ngaih a thalo nghal ringawt! "Lungngai suh, nisa hnuaiah ka awm hnem deuh vang aniang"ka tih pawh chuan a ngaih a tha thei meuhlo. Keipawh ka ngaih chu a tha vak bik tawhlo a, hmanni deuh atang khan a khat tawkin a thi deuh reng nen, rin dan erawh ka nei thiamlo thung.






"Chuan, ni hnih a liam tawh ania" gate a ka luh rual chuan Ranger-a'n ka dara min rawn kuah thawk pahin a ti a, ka hnar a hlau lo em mawni a zamlo lutuk chu a confi hi ka van ti tak! "Aih, hun kala mamawh" kal pah chuan ka ti a, min kuah pah chuan min zui ve zel. "Nakina min chhanna tur leh tuna min chhanna tur pawh a in ang reng a, tul lo lo ah hun i khawhral mai mai" a tih chuan ner nangin ka melh chho a, min melh chhuk ve nghal run. "Zamlo" tih chauh sawiin class-ah ka lut a, ka sirah a rawn thu ve nghal zat.






"Tikhan lo in ngaihtuah char char rawh, tlaiah chhanna ka duh tawh ang. Chuta min la pek loh fo chuan 'aw' i tihna angah ka ngai dawn nia" tiin thutna atang chuan a tho leh nghal vut a, melh chho hain "Class i kal dawnlo ami?" Ka tih chuan bu nghutin a peih loh thuin min chhang a, a chhuak nghal nal nal. "Remruat, vawiin hi ka birthday ania" Kylos chuan ka sira rawn thu thla pahin a ti a, mak tizetin ka en nghal. "I birthday maw!? Tinge i sawi loh a! Present pawh ka pelo che a! Happy Birhday!" Tiiin ka kut chu min chibai theihnan ka lek a, nui chungin min chibai a, ka chalah min pen nghal zeuh! "Eng nge" ti nui nuiin ka chal chu ka tuai vut vut a, nui hawk hawkin "Present chu tlai lamah min pe mai dawn nia, tlaiah ka inah kan lawm dawn a, ilo kal ka phut ania" a tih chuan ka inngaihtuah nghal vat.





"Ka hman ka van ringlo" ka sawi zawh rual chuan "Het! Hmanlo tih awm loh, birthday kum khatah pakhat chiah ka neih hi! Lo kal ngei ngei ang che" a tih takah chuan ka bu ta nghat a, zirtirtu alo luh avang chuan class kan tan nghal mawp mawp. "Chuan, i chhanna chu?" Tiin ka hmaah chuan Ranger a rawn thu thla a, ka eitur chu ngaihsak lo zetin ka ei zawm mial mial. Canteen a awm ve dangte lah chuan kan thutna lam an rawn hawi leh thup a, en tur hi a zawnin an zawng ni berin ka hria! "Engtia chhan nge i duh?" Ka tih chuan chimawm min tih hmel zetin a chek tlak a, ka nui sang. "Aw i tihna angah ka ngai" tiin dawhkan a rawn bawh a, min melh chho kur. "Tian ti ang, naktukah ka chhang dawn che nia... Tlaiah birthday lawm ka ngai a" ka tih chuan ner nawkin "Kylos em ni?" A ti nghut a, ka buk khum zauh. "Hnaih suh ka tih tawh kha" ti khui khuiin a tho a, canteen chu lungngawi lo zetin a chhuahsan nghal.






"Remruat! I kal ve dawn em?" Sawmtei chuan canteen atanga ka chhuak chu min ban nghal chuk chuk a, Kylos-a birthday party a sawina a ni tih ka hrethiam nghal. "Dawn e, min phut ve ang reng bawk sia" ka tih chuan "Yes! Ka lo sawm ang che kan kal rual dawn nia" tiin min kalsan leh nghal a, a phur lutuk chu ka nuih tawp.






"Kha kha hak i tum tih sawi miah suh" ner nangin a ti a, a in hak dan ka en chuan party naa kal tur tih hriat zetin kawr dum tight khup khuh lo hi a ha a, a dar bah pawh sin tak ani. "Ka tum vanga ka hak" tiin darthlalangah chuan ka in en a, kawr fual arh deuhreuh, khup khuhlo chiah chiah, tshirt ban ang chen vel nei hi ka ha a, a rawng sen duk ani bawk. Hei pawh hi mah mah kala ti tho! "Huis, pawilo... Tikhan kal mawlh teh! I hriat kha party naran mai mai a ni dawnlo tih, Kylos a nia... Mi tam tak an kal dawn!" Tiin ka khumah a thu thla a, a heel bun ka en chuan ka ner sak. "I kal thei dawn mi tiang te chuan" a pheikhawk sang bun melh pah chuan ka ti a, a min tih hmel zetin min melh.






"Eng pheikhawk nge i bun dawn? Bun la kal ang" a tih takah chuan ka pheikhawk dahna lam ka pan a, pheikhawk sang heel hniam te, inches hnih khat a sang ka la a, ka bun nghal zat. Inhnuaiah inzui thlain in atang kan chhuak nghal a, scooty a inphurin Kylos-a in lam chu kan pan nghal. A hmun kan thlen chuan ka rin ai daihin anlo tam a, Sawmtei chuan 'ka tih reng kha' ti niawm tak hian min melh khui khui a, ka hmui ka tipawrh vak ringawt. "In lo kal thei maw?" Kylos chuan kan bul a thlen rualin a ti nghal a, nuih sanga chibaiin Sawmtei nen chuan present kan pe nghal zat. "A ngailo a sin" tih pahin ka present pek chu a hawng a, tshirt chu pawrh pharhin a ha nghal zat. "Lei tur pawh ka hrelo a, i duh tho ka beisei" ka tih chuan nalh a tih thuin min chhang a, a lawm hmel reuh tak tak chuan ka hria.






"Inchhungah lut ila" a tih takah chuan inchhung lan kan pan a, a chhung kan luh rual chuan mipui an lo zi mur mur a, a then an lam bawk. "In tur i duh em?" A tih chuan lu thingin ka in ngai loh thuin ka chhang a, sofa-ah chuan ka thu thla nghal zat. "Tikhan lo inbe ro, ka thiante bulah sawn ka va kal ang nge" tiin Sawmtei chu a kalsawn daih a, Kylos nen chauh chuan kan awm tawh. "Coke tal in rawh aw? Ka lo lak ang che"a tih chuan ka bu nghut a, eitur an dahna lamah chuan a kal nghal. Kylos chu lo nghakin ka hawi kual mai mai a, midang chuan nuam an tih hmel ngang mai. Music ri dup dup chu kalo hne hlui thung a!






"Kha le" tiin coke cane inhawng sa hi min pe a, lawmthu hrilhin ka laksak a, tlem ka lem nghal khawlh. "Ilo kal tak tak pawh ka ringlo a" a tih chuan nui sukin "A tir te kha chuan tum nang" ka ti a, ka intur ken chu ka lem zeuh zeuh bawk. "Ihh Kylos, ka lu hi ana deuh tlat" tiin ka lu chu ka thing a, ka dawm nghal vang vang. "I tha maw? Engtin nge i awm?" A tih ri te chu ka hre vuai vuai a, ka mut chhuak lutuk chu men pawh ka meng hleithei lo. "Kylos" step a min chhoh pui lai chu ka hre vuai vuai a, ka bing mup mup hian ka hria. "Ka ta chauh i ni" a tih sup ri chu a khawk ri dur dur a, khumah min nam mu tih pawh chu ka hrethei vek! Ka sa pup pup a, ka hai chhulh bawk. "Ti suh" ka kawr hmawr a hlim chhoh chuan lo vuan bet tawk tawkin ka ti a, ka zawi lutuk chu dan pawh ka dang theilo.






"I nalh lutuk" ti supin ka ban thla te chu a zut thla zai zai a, a khawihna apiang chu a sa huam huam bawk. "Aih ka duhlo" ka kawr min phelh sak a tum rual chuan thei leh theiloin ka tal vak a, khum atang ka tla thla nghal dawp. Bang kilah chuan tawlh hnungin khum atanga a chhuk thla chu ka hmu phe vuai vuai a, ka inhup tung tawh. "Kylos!" Min kai thoin bangah chuan nghet zetin min nam bet a, min fawp nghal hmiah. Thawklehkhatah ka hmui atang chuan a hrang nawlh a, thil ri zui bur burin a zawm nghal. Ka zawi em avang chuan bang nghengin ka thu thla leh hnawk a, ka inzo meuhlo. Ranger-a'n Kylos a hnek chawrh chawrh lai chu fiahlo deuh hian ka hmu a, darthlalang pawh a keh chuai chuai mai. Men pawh meng hleithei loin Ranger-a'n Kylos a sawisak lai chu ka thlir reng a, zawi zetin ka thaw ri huam huam a, a lum lutuk chu ka alh thei dawn hialin ka hria!





"Ka that khawp ang che!" Ranger chuan ti thawtin Kylos-a hmaiah chuan a hnek leh pawp a, Kylos-a ka atangin thisen a chhuak nghal zawih zawih. "Ranger Ranger,,, duhtawk rawh!" Midangte chu kan awmna room-ah an lo pung khawm a, tupawh mai chu ka hmu mak vek a, ka hmu phe vek ani ber! "Ranger" mipa pakhat chuan ti lehin Ranger-a'n Kylos a hnek lai chu a pawt hrang a, Ranger chuan pan ala tum zel tho. "Duhtawk rawh! I that palh ang" tunge'n thelh ka hrelo, Ranger chuan a hmai tuai puatin ka awmna lam a rawn pan a, a leather jacket hak lai chu phelhin min hak tir a, min kaitho nghal zat. Ka din rual chuan ka tlu leh tep a, mahse Ranger-a'n nghet zeta min kuah avang chauha la ding thei ka ni.





"Kal ang le" tiin room atang chuan min kai chhuak a, muang tete chuan min kal pui. "Remruat in tha em?" Sawmtei'in a tih ri chu ka hria a, Ranger chuan "Kalo buaipui ang, lo ngaihtuah suh" tiin a chhang a, step-ah chuan min chhuk pui nghal dat dat. "Helamah" tiin pawn lamah chuan min chhuahpui a, a bike hunna lamah min hruai phei a, a bike chungah min hlang nghal zat. "I tha tiraw?" Tiin ka hmai chu a beng thak thak a, ka ang pamin thawk kala vak vak thung. "Kha tui hi in la i tha mai ang" tiin tui bottle min pe a, lain ka in nghal khawlh khawlh. Ka harh phah chuang pawhin ka hrelo. "Lo kal rawh sawlai deuhah sawn, midang an tam em mai" tiin min pawm lawp a, khawi lam emaw ni min pan pui a, a tih ang ang chuan ka awm tawp.






"Tikhan" tiin thutthleng lo awmah chuan min thut thlak tir a, a lum lutuk vang chuan a jacket min pek chu ka phelh a, min phelh pui ve vat. "A lum" ti supin ka ban chu ka zut a, ka sa huam huam a, awm ngaihna ka hrelo. "Hrep hian" Ranger chuan a ti nghut a, a lam hawiin ka nuih sang. "I van pa em em" tiin ka nuih sang a, a hma aiin a hmeltha sawt in ka hria! "Ka chhanna kha i hre duh tiraw? Aw,,, aw" tiin a nghawngah ka kuah bet a, min lak hran a tum pawh chuan a aia nghetin ka kuah sauh sauh. "Tinge? Min duh lehsi lo ami?" Thutthleng chungah lawnin ka thingthi a, a hmai zawnah chuan kunin a mitah tak ka melh kar. "Duh alawm, awmsawn phawt la" a tih chuan nui sen senin "Anih te chuan... Min kiss rawh" tiin fawh tum chuan ka kun hniam a, a kut pahniha minlo dangin ka kawngah min kuah a, min la hrang hlek bawk. A duh angin min la hrang theilo mai pawha!






"I rui a nih kha, nakina i inchhirna tur tih tir che ka duhlo" a tih chuan ka ner nanga, a nghawngah kuahin fawh tum chuan ka la bei ngar ngar tho. Eng nge maw ka fawh pawh chu a duh loh tlat le! "Uikawm lutuk, mahni hmui an ui tret trut ngailo" a hma a min chhan dan ang type chuan ka ti a, a nui ri sup. "I harh chian hunah kan ti dawn nia" ka hmui tuai zeuhin a ti a, a kut dawmin ka hmaiah ka chuktuah a, ka nui leh nghal seih. "Mahse tunah ka duh alawm" men pawh meng manglo chuan ka ti a, ka thaw a sa pup pup. "A lum" tiin ka kawr chu phelh ka tum a, ka kawr ka phelh chuan khawlum lutuk pawh a zia ve mai ka ring. "He heih" tiin ka kawr ka hlim chhoh tawh chu min pawh thlak sak a, duh lo zetin ka tal vak. "Bike-ah chuang ila thlifim i dawng dawn nia, a lum pawh a zia ve mai ang" ka kut pahnih man chung chuan a ti a, ka kawngah dawmin a mal chungah min hlang nghal zat. "Ka hmangaih che" ti nui nuiin a awmah ka bei a, a nghawngah nghet zetin ka kuah bawk. "Keipawn ka hmangaih che alawm" ti supin ka tukhumah min fawp zeuh a, thawm a rik huk avang chuan inla hrangin thawm awmna lam chu ka hawi nghal. "Ranger! Hre rawh! Ka chhuhsak khawp ang che! Ka that dawn che, i kutthlawn ka tuar dawn hauhlo ania" tia rawn au tuarh tuarh tu chu hmuh chian tumin ka mit ka khap fak fak a, a phe vek thung. Ranger chu a rum ri nghut a, Kylos-a aw ni ngeiin ka hria. Kan lam pan a rawn tum a, midangin an dang bet tang tang.




- End of Chapter 15 -


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:37 am

Chapter - 16
ENCHANTING
by Calm Bird




"Kylos, duhtawk teh. Lut ang u" tiin a thianpa chuan inchhung lamah a kuah lut lui a, en zawm tawh loin Ranger-a chu ka melh chho ha a, ka nuih leh sen sen. "Haw ang le" tiin min pawm nawlh a, a bike-ah min thut tirin ka hmaah a rawn lawn ve zat a, a kawngah nghet zetin ka kuah nghal. "Tlan chak rawh, a lum" tiin ka tep chiap chiap a, mutchhuak ni chiah silo hian ka awm. Ka harh vek tho bawk si a! "Hrep hian" kan hnung lamah bike pathum vel hi an rawn tlan a, min um zui ni berin ka hria! Ranger pawh a tlan chak sawt bawk. "Min kuah nghet rawh" Ranger chuan a ti a, min thlawh pui a ni ringawt!





Nuam tizetin a hnungah ka bei a, ka kut chu a tshirt hak chhungah zen lutin a hnute zawnah ka tawp chat. Ranger chuan thaw hawkin "Awm tha rawh" a ti a, nui sen senin a darah ka lu ka nghat a, a beng zawnah chuan "Hmeltha min ti em?" Ka ti sup a, min chhanglo in a bike chu chak zetin a khalh. Glass atangin kan hnunga lo tlan vete chu ka melh a, kan inhlat tawh khawp mai. "Tinge? Christy ai khan ka zeilo ami?" Hmui ti pawrh tarh chuan ka ti a, a beng zawnah ka thaw lum ham ham bawk. "I zei lutuk, Christy aiin i zei. Le, a hma aiin min han kuah nghet teh, ka hnute kha khawih tawhlo la. I zei em kha" a tih chuan nui sen senin a kawr hak chhung atang chuan ka kut ka la chhuak a, a kawngah nghet zeta kuahin a darah ka bei leh nghal. "A aia nghetin" a tih leh vang chuan nghet zetin ka kuah a, a in-turn thut vang chuan ka rak that! Kan hnunga min umtu te pawh kan tlan pel a, an rindan a nilo nge an bike an ti ding tawp.






"Inah ka thlah ang che" khawchhung lam kan tlan luh chuan muang changin a tlan tawh a, lum ti tawhlo mahila ka la hai deuh chhulh tho. "Ka duhlo, i bulah ka awm dawn" ti nui nuiin ka kuah tha sauh sauh a, ka maimichhing tlat bawk. "I chhungten an ngaihtuah tawh ang che" a tih pawh chuan ka duh loh thuin ka chhang a, ngaihna hriat loh hmel zetin a thaw hawk. "Anih lo kal rawh" tiin a bike chu hotel kawtah a ti ding a, a bike atanga chhukin ka chhuk hun min nghak ran. Chhuk tumin ka insiam rem a, chhuk pawh ka chhuk tha hleithei lo. Ka zak hnuaiah dawmin a bike atang chuan min pawm thla a, ka kuah nghal thlawp. "I.....love you" a kawnga kuah chung chuan ka dak chho vah a, a hmel chu chiang zetin ka en bawk. Min melh chhuk ve run a, min la kuah ve reng. "Keipawn" ti a nui sukin ka biangah min chuk zeuh a, hotel chhung lam chu min panpui nghal.





"Ka room chahbi" a tih nghut chuan hnathawktu pakhat hian hmanhmawh zetin a chahbi chu a pe a, an zah hmel ngang mai. "Kal ila" tiin lift lamah chuan min kuah phei a, ka pai leh deuh khat khat thin. Lift a kan luh rual chuan eng number emaw ber hi a hmet a, lift chu a che riai riai. A room kawngkhar chu hawngin min kuah lut a, kawngkhar chu a khar nghal zat. "Min thlah tawh la" a tih pawh chuan ka la kuah tho. Engtinmah min ti bik chuanglo a, duhlo pawh nise ka kuah lui tho ang! Ka bialpa a nih hi.






"Ran..." khuma Christy lo mu chuan a ti a, a hming pawh a lam zawh hma chuan min melhin a tawp leh nghal chat. "Chibai le, ilo awm ve a ni maw?" Korean hoin midang chibai an buk khum thin dan ang chuan ka kun a, mak ti zetin a ang pam. "Eng nge ka room-ah i tih?" Ranger chuan a ti nghut a, a awmah chuan beiin ka muhil lek lek tawh. "Engvangin nge henu nen hian in awmdun zawk? Riah dun in tum em ni?" Christy chuan khum atanga thoin a ti a, night dress chhing zet a pink rawng a ha bawk. "I hriat ve zel a tulin ka hrelo, chhuak rawh. Vawikhat mah ka room-ah lo lut ve tawh ngai suh" Ranger chuan nelawmna pakhat mah neilo hian a ti a, kei chu ka muthlu lawp lawp. An thusawi erawh ka hre vek thei tho a, ka awmdan tak pawh ka hrethiamlo!






"Aih, ka chhuah chuan henu pawh hi a chhuak ve tur a ni! I bulah a awm bik tur a nilo" ti tuarhin ka lam chu a rawn pan nghal hlawk hlawk a, ka banah hmerin min pawt leng lawp a, Ranger-a ka kuah nghet lutuk lo nen chhuatah ka tlu nghal thlawp. "Chhuak nghal rawh!" Ranger chuan a ti thawt a, chhuatah chuan muin ka maimichhing nghal daih. Tho leh turin ka mut a chhuak tawh lutuk. "Ranger!" Christy chuan a ti tuarh a, an che vel en tur chuan ka meng siar siar a, Ranger chuan Christy bana hmerin kawngkhar lamah a hnuk dawr dawr a, ka maimichhin leh rual chuan ka muhil titih nghal der!






"Muttui le Duatnu" ka chala a rawn fawh zeuh lai chu ka mang hriat ruai ruai a, ka sirah a mu ve tih hriat takin a taksa lum zet chu ka feel bawk. A lamah saisirin ka kuah nghal thlawp a, hahdam tak ka ni! Rei loteah ka mutthilh zawm leh nghal. Ham bai baiin ka meng diar diar a, ka sirah tu emaw a mu tih ka hriat rual chuan chulam chu ka hawi vat a, Ranger-a ka hmuh rual chuan au tuarhin ka tlawh thla nghal pawp! Nizanah eng thil nge thleng?! Ka kawr ka hak leh hak loh en tur chuan ka indap nghal rawk rawk a, tshirt ka ta ni miahlo ka ha! Keimaha ka hak nge midang min hak tir??






"Hahdam rawh Duati" a tih sup ri ka hriat chuan phu zukin ka sira lukham chu ka ban nghal rawk rawk a, ka vawm nghal pawp. Alo la dawng chat zui. "Nizanah ka chungah eng nge i tih? Khawnge ka awm?" Hawi kual ruaiin ka ti a, kan awmna hmun hi ka hre ngailo! A room a ni lo bawk! "Hotel-ah" tiin a tho a, kawr engmah a inbel loh vang chuan a taksa nalh zet leh a tattoo chhutte chu chiang takin ka hmu, cotton jeans dum chiah a inbel! "Nanghi!" Ti thawtin khumah chuan ka ding hluai a, ka melh chhuk nghal ram. "Eng vanga hotel a min hruai nge i nih? Ka chungah tih i nei em?" Ka tih chuan ner nangin min melh a, khum bula couch-ah chuan a thu thla nghal zat bawk. A sam chu tuaiin min melh chho leh a, rum zetin ka lo melh thung.






"Haw i duh lo a, min kuah bet tlat a nih kha mawle, mi mutui lai min la tlawh harh zui" tiin a ner leh deuh sak a, awilo tak ka ni! Haw ka duhlo amaw? Ka kuah bet tlat a ti bawk a! "Dawt sawi sawi lo mai teh. Ka kawr hi" tiin ka inthlek leh a, nui sukin "Lungngai suh, i taksa si loin ka hak tir che" a tih chuan ka ang pam a, mak tizet chuan a hmel ka en a, a nui suk suk thung. "Nang... nang hian kawr mi" ka sawi zawh hma chuan min pawt chatin "Ka haktir ringawt che, engmah ka tilo ka tih tawh kha" a sawi zawh rual chuan zah lutuk avangin ka au tuarh a, a beng a hup nghal hmiah. "Engvangin nge i thlak ve ngawt? Ka awih i ring ami?" Khum atang chuan thinrim zetin ka chhuk thla a, ani erawh thoin khum bula dawhkan lamah chuan a phei a, zial chu la chhuakin lighter hmang chuan a la kai a, pak khu hlat hlatin tukverh bulah dingin a mei zu pah chuan a dak vauh vauh.






Thaw chhuak hawkin chhuata ka kawrfual hak chu ka chhar a, bathroom-ah lutin ka inbual a, ka thinrim zak bawk si chu ka che deuh sawk sawk a, ka thawm chu a ring ngang mai. "I bengchheng lutuk!" Shower a ka inphuh lai chuan a rawn au lung lung a, kawngkhar lam hawiin ka melh rum nghek. Ka inbual zawh chuan nizana ka kawr ngai bawk chu ka ha a, bathroom-ah ka inthlak nghal vek. "Tshirt kha i inhmeh zawk asin" a tih chuan chhanglo in ka sam chu towel in ka hru ro a, kawr engmah haloin a leather jacket chu a lawngin a ha a, a tattoo-te chu hmuh pawh ka hmu thiamlo, mahse a inhmeh reuh lutuk. Pack lah chu a nei ve khanglang a!






"Khawnge ka bag?" Ka tih chuan lehlam hawi zeuhin "Kylos-a inah khan a awm a ni maithei, ka la reng reng hleinem" a tih chuan ka ner nang a, engvanga lo kal kher kher nge maw ka nih le?? Lawk! Nizan khan Kylos-a'n min khawih a tum! Ka hriat chhuah rual chuan meng phawk vakin ka ka ka hup chawt a, engtin nge ka chungah a tih theih?? Ranger kha lo kal lo phei se chuan ka chhe vek a ni mai! Ranger-a'n pawna min chhuah pui atang khan engmah ka hre tawhlo a, ka inturah khan eng emaw a pawlh a nih ka ring. Zurui ang mai hian ka awm a, khatih lai khan engkim mai kha ka thu hnuaia awm angin ka ngai. "Kylos hnaih lo turin ka hrilh mawlh mawlh che kha" vei nuih sukin a ti a, a kekawr ipteah a kut pahnih a zen lut at bawk.






Sawi tur pawh hrelo chuan ka sam chu ka hruk zawm ta vel mai mai a, Kylos kha khatianga a chet kha ka ringpha hauhlo! "Chuan.." tiin ka sam ka hruk lai chuan min rawn kuah a, ka tal nghal laih. "Ka bialnu i ni tih nem nghet la, nizan kha chu i ruih vangin i chhanna ka pawmlo" a tih chuan ka che lai ka tawp a, ka towel ken lai chhuatah ka thlauh nghal, nizanah eng thu nge ka sawi? "Min chhang la" tiin ka nghawngah a rawn chuk zeuh a, a lu a nghat nghal bawk. "Ka,,, eng nge ka sawi?" Ka ti bah niai a, engthu nge ka lo sawi hman ni? "Min hmangaih thu" ti supin a nui nghawr dat a, ka taksa pawh chu a che ve laih. "Ka... uang uang lo mai teh!" Ti hlakin ka tal nghal vak a, mahse min kuah nghet sauh thung. "Ka uang hauhlo" ti supin a lam hawi tur chuan min kuai her a, a hmel pawh en ngamlo chuan a awm zawn ka melh ngawt ngawt. Eng ang pawn sawiin sawilo mahila thudik a ni tlat a, ka tang thiamlo!






"Come on Duati, i hmai a sen vek a nia" nui chung chuan a ti a, ka biang sa hat hat chu ka feel thei. "Chuan yes or no?" Ti supin ka khabeah min kuai dak a, a mitah tak chuan chiang fek fawkin ka melh a, a mitmeng chu a dam ruih mai. "Ka haw duh, ka chhungten min ngaihtuah tawh ang" ka tih chuan chek tlakin "Chhanna min pek hma he room hi i chhuahsan lo ang Duati" tiin khumah chuan a thu thla a, a mitmeng dum fiah zet chuan min en ngur a, min melh dan leh lutuk avang chuan ka zam lek lek!






"Ka... Ranger!" Ka ti ta vak ringawt! Ka lei zet zawt pawh chu nge a lo sawi thawt thawt ni! Nui hawkin "Aw tih chu a harsa viau em ni?" Nui chung chuan a ti a, thaw haka kawng dawmin ner nang chuan a che vel chu ka en reng. "Ka hlau alawm" ka tih chuan a nui lai chu chawlin a tum ta hmuk a, a thutak ta ran. "Ka bum che maw?" A tih sup chuan ka bu nghat a, a hmai tuai puata tho chhuakin ka lam chu ka mitah tak min melh ran chungin a pan ding a, ka awmdan ngaia awmin a che vel chu ka thlir reng ringawt.






"A hma ang kha a ni tawhlo, min ring turin ka duh che! Tunah chuan ka ti tak tak tawh a, ka bum heklo che... Ka hmangaih che, i hria em? Khawvela ka hmeichhe hmangaih hmasak ber i ni!" Ka dar tawn tawna vuanin ka mitah tak melhin a ti a, a thutak zia chu ka hmu thei. "Min hmangaih maw?" Zawi deuh chuan ka ti sup a, hmangaih tih a sawi rik rual khan ka thin a phu rang nghal dat dat a, eng emaw hian ka taksa chhung hi che dawt khawpin a fan chhuak vek! "Imm, ka ti mai mai lo. Ka hmangaih che" tiin ka hmai zawnah chuan a rawn kun hniam riai riai a, ka hmuiah chuan dim te hian a fawp a, ka indawh mawl tawp.






"Chuan i chhanna chu?" Inla hrangin a ti a, chil lem dawkin "Ka ring thei che tiraw?" Ka ti sep a, kiai suka ka sam ka benga zepin "Lutuk" bu nghatin a ti a, ka lei liak zeuhin "Aw" ka ti leh nghal sep. "Ka lawm e" tiin ka hmuiah bawk chuan min fawp leh a, a mi fawhna dam lutuk vang chuan ka pum chhung a za mer mer a, ka ni deuh chiai hian ka hria. Ka fawh let rual chuan a hma aiin a duhthawh sawt a, bangah min nem bet nghal rawk rawk. "Duhtawk ang" ka nghawng a fawh kual rual chuan ka ti chhuak sup a, thaw lak a tawi mat mai. Thaw ham hama ka nghawnga fawp kual pah chuan "Min ring rawh, thil dang kan tilo ang" a ti sup a, chil ka lem khawlh.






"A hmaa ka tih ngai loh zawng zawng ka ti vek ang tih ka tiam a che" tiin ka hmuiah chuan min fawp zauh a, nui sen senin ka bu nghat. "Tlan chak suh aw, chhunah minlo lam hun kalo nghak ang che" ka tih chuan a bu nghat a, min bye bye zeuh a, nuih seihin inchhungah chuan ka lut a, a bike tlan chhuak ri ka hre zawm nghal. "Nizan Sawmtei-te inah i riah dawn thu min rawn hrilh tlai lutuka, kan hlauthawng hman alawm mawle" ka nu chuan min hmuh rualin a ti nghal a, Sawmteii'n a inah ka riah thu a lo hrilh a ni ngei ang. "Nia, nizan rinaiin kan awm rei a" tiin filter a tui chu ka dawh a, ka in nghal khawlh khawlh. "Kha eng nge i nghawng ami kha?" A tih chuan "Maw?" Tiin ka nghawng chu ka khawih a, engmah ka khawih fuhlo. "Tinge a duk a? Engpawhnise va inthlak teh" a tih chuan bu nghatin inchung lamah ka chho a.






Room-a ka luh rual chuan khuma ka bag nizana ka khai ka hmu nghal zat a, darthlalang hmaah dingin ka nghawng chu ka en a, ka hmuh rual chuan ka rak chhuak lo chauh! Lalhruaitluanga mai mai chuh! Love bite engtik laiin nge ka nghawngah alo siam hman ni, a nui suk suk khan ka hre reng a! A langsar ropui si, phun nuah nuahin ka inthlak a, college chu chhun lamah ka kal chauh ang, zing lam class kan nang fuh hman tawhlo a, Kylos-a ka haw hlur bawk.






"Nangni pahnih kha, nge min rawn call loh a?! Mi'n kan ngaihtuah em em cheu a!" Sawmtei'in Ranger nena min hmuh rual chuan a rawn ti a, ka nui suk ringawt. "Awmlo lang chuan ka chhungte anlo mangang ngawt ang! I va han fel tak" tiin a darah ka beng thek thek a, min ei loh hmel ngang mai. "Remruat nizan kha" Kylos-a'n a rawn tih chuan Ranger-a'n min kuah nghal chawt a, Kylos chu rum zetin a melh bawk. A hmai chu a khem nuaih a, bandaid pathum lai a hmaiah a bel bawk. "Thlawk bo rawh" Kylos-a'n thil sawi tuma a an zuau lai chuan Ranger-a'n a ti hrawk a, min kuah miau avang chuan a taksa tang lutuk chu ka feel thei.









_____ _____ _____ ZAWMNA _____ _____ _____





"Ka..!" "A tawk, biak che ka duhlo. Khawngaihin min kalsan zawk rawh" Kylos chu melhin ka ti a, Ranger-a'n a kut a hum ruh tung a, Kylos a khawih mai loh nan ka dawm sak ta tawp. "Mahse.." "Kal rawh" ka ti leh nghut a, biak ka duhlo. Ka thian tha tak, mifel tak angin ka ngai a, mahse a ni chuan ka chungah khang thil kha tih a tum si! Ka rinna hi engvanga min tihchhiat sak reng nge maw an nih le? College ka kal atang hian engmah hi a dik thei tawhlo!





"Awle" ti supin a kalsawn a, Sawmtei chu a thaw ri hawk. "Vawikhat mah khapa kha be tawh suh, khang thilte kha engtin nge a tih theih zawk ni? Ka haw lutuk" Sawmtei chuan a ti hlak hlak a, Ranger-a chu thinrim tih hriat zetin a thaw chhuak leh hap thin a, a hmel entur chuan hawi chhoin a kut ka humna chu ka hmer salh a, min melh ve nghal vut. "Kal ila" ka tih chuan thaw chhuak hawkin ka kut chu a la kang a, a fawp zeuh. "Keipawh ka kal ang nge, banah Ranger-a nen in haw rual dawn tho ka nghak dawnlo che a nia" tiin a kalsawn a, Ranger chuan ka kuta kaiin min pensawn pui a, class chhungah chuan kan lut a, kan thut dunna thinah kan thu dun ta ran. "Khapa kha ka la sawisa khawp ang" hmalam melh runin a ti chhuak leh thut a, a hmel chu ka en nghal vut. "A ngailo, tikhan duhtawk ang. Buaina a tam mai mai" ka ti a, ner nangin min melh a, mitko kan akin hmalam ka hawisan daih.





Duh chuan police hnenah pawh ka report thei a, jail a tan phah thei tih pawh ka hria, mahse ka thian a lo nih tawh na thin avangin ka tilo. Insiamthat phah nan a hman ka beisei a, mahse a hma ang khan ka kawm thei tawh kherlo ang. Khang thil ka chunga tih a tum kha mak ka ti tawp theilo. Class kan lak chhung zawng chuan ka kut a tuai heuh heuh reng a, ka hau ngai lemlo. Kan inthen tuma a bula ka thu theilo ringawt pawh kha hreawm ka ti a, tunah ka bulah, ka khawih theihin a awm a, ka thla a muang hliah hliah.





"Duati, Canteen-ah chuan chawl tawh lo teng. Restaurant tam tak a awm a, tah chuan kal zawk ang" a tih vang chuan a bike in restaurant lam kan pan a, a chhung kan luh rual chuan mipui an lo zi ve mur mur a, college a ka mi hmuh thinte pawh an kat nuk. "Hey bro! Helamah!" Rohlua rawn auhna lam chu kan hawi a, an thianho chu an lo kim thap. "Kal ila, nge i duhlo em?" A tih chuan lu ka thing a, "anih" tiin a thiante lo thut bial laihna lamah chuan kan kal a, chair chu min pawhchhuah sak a, ka thutthlak rual chuan ka sirah a rawn thu ve nghal zat. A hmaa thil thlengte, ka hma ngeia min fiam thu an sawilaite kha ka rilruah an rawn lang zut zut a, ka na nawn leh a ni ber. Mahse hun kal tawh chu hun kal tawh a nih angin ka liam tir a ngai.






"Ranger, eitur order teh. Ka ril a tam" Alan-a'n a ti nghal ham ham a, Ranger chuan waiter a ko nghal zat. "Eng eng nge eitur in neih?" Tia waiter a zawh chuan waiter chuan an eitur neihte a sawi zat zat a, Rohlua bawk chuan "Pizza rawn ti rawh pizza,,, kan eitlang thei ber! Bawm thum aw, a dang a ngaih leh kan rawn order leh mai ang" a ti a, Ranger-a'n ka beng bula rawn kun hniamin "Eng nge i ei ve duh ang?" Tiin a rawn phun ser ser a, ka scarf awrh chu a siam tha zeuh bawk. "An sawi ang kha a ni mai" ka tih sup chuan inla hrangin eitur chu a order fel a, ka scarf chu ka siamtha a, khawlum lai laia scarf awrh chu ka lang maksak ngawt ta ve ang! Ranger-a'n ka nghawngah love bite siam miau hek! Ka hliah loh chuan midangin an hmu dawn a, a nilo zawngin kan thang vak a ni mai.






"In ni tihna mi nangni pahnih kha?" Fakawma'n a tih chuan Ranger-a a bu nghauh a, a thiante ho chu an 'aw' nghal dual. "A nih chuan ka chak tihna a nih chu, Ranger...Khawi pawisa, Remruati i duh chuan pawisa min pek theih kha" Fakawma chuan a ti nghal chuk chuk a, ner nakin an chelai chu ka en reng. "Khawi kan inchawinaa ka pawisa pek che kha min pe let thei" Jonathan-a chuan alo ti ve bawk a, Ranger-a chuan engmah sawi loin a wallet a phawrh a, pawisa tam tham zet a pe nghal a nih chu! Lungngawi lo zeta ka thutna atanga thoin restaurant atang chuan ka chhuak a, ka tawt up up thei. Khang thil a thlen hnuah pawh pawisa chungchang, an chak leh chak loh thu an la sawi amaw? Ranger-a'n hnial map loin pawisa a chak loh vangin a pe bawk a!? Infiamna lekah min le hmang angah ka ngai. "Duati" tiin ka ban rekah a vuan a, min pawh let rual chuan ka ding dat.







"Tinge i chhuah daih a?" Ka bana manin min pawt let a, ka tal thla nghal vat. "In bula awm ka duhlo" ti a inher ka tum chu ka ban tawn tawnah vuanin min melh chhuk run a, ka tah a chhuak ut ut. "Tinge?" A tih nghut chuan za lo zeta nui chhuak hawkin hmui pet sawi zeuh chuan ka en chho a, ka mitah tak min en ngur. "Hah, i uang em ni?? Inchawi nan minla hmang fo a maw?" Ka ti chhuak halh a, ka thin zawn a na ngut ngut. "Ka!" "A tawk! Tuna thil thleng kha sawi dan pawh ka thiamlo! Ka,,, i chaklo a, pawisa i pe a! Kei hi... ka rilru a thil awm hi ka sawi chhuak thiamlo zawk!" Ka ti ta vak a, ka sawi chhuak thiamlo tak tak bawk. Ranger-a'n a game play a tih tawp tawh thu a sawi a, mahse tunah lawk khan!






"I ngaih ang a nilo, Duati" ka kalsawn tur chu ka hnung atang min rawn kuah a, ka thaw chhuak hak hak. "I eng nge ka nih? Ka laka i rilru put hi ka hrethiam pha tawhlo!" Ka ti halh a, ka tah chhuak lutuk chu ka haw lutuk! "Ka hmangaih, ka hmeichhe hmangaih i ni" a ti sup a, a hmel en thei tur chuan min kuai her a, a mitah tak chuan ka melh nghal. He a mitmeng, min ngaihsakna leh hmangaihna mitmeng hi a lem a nih loh hram ka beisei!






"Ka tihpalh" zawi zet chuan a ti sup a, a hmelah pawh a inthiam loh zia a lang. Vawikhat,, vawikhat lek a tihpalh thu a sawi a, ka nem nghal vek a nih chu! Rapthlak hian! "Khawngaihin in hau lo ang, aw?" Ti supin ka biang chu a kutin a thai thla riak riak a, thaw ham hamin ka bu ta nghat. "Ka hmangaih lutuk che" ti supin ka chal chu a chalin a rawn ti si a, a maimichhing vang vang bawk. Kan bula thawm ri huk avang chuan harh chhuak thutin ka nam sawn a, thawm awmna lam chu kan hawi nghal ve ve. "Hmelate chuh!" Sehchilh zet chuan a ti a, an in sualna lamah chuan kal hlawk hlawkin mipakhat a kawr hnungah a pawt let hrawk a, a hnek nghal siah! Ka te that a, Ranger-a-te thian leh Kylos-a-te thian chu an in phek sual a, indimna tel miahloin an inhnek buan buan! Tih ber tur pawh hrelo chuan ka ka hupin ka ding khur hlawk hlawk a, ka chiai lutuk vang chuan engmah pawh ka ngaihtuah theilo!





Kan chhehvelah chuan mipui an rawn pung tan a, mipa dang ten thelh an tum pawn an thelh hleithei lo! A then phei chuan thelh an tumna lamah hliam an nei a, an lo khawih tel ve zel! "Police ko mai r'u! Ti ringawt chuan a dik theilo" ka bul lawka hmeichhia chuan a ti a, a thiannu chuan "Ni e, an inthah hma hian" a lo ti ve bawk. Inthah tih an sawi vang nge ka thin a phu rang nghal dup dup a, Ranger-a'n mipakhat leia bawhbeta a hnek ka hmuh rual chuan an lamah ka tlan nghal hlawk hlawk a, "Duhtawk rawh!" Ti tuarhin a hnek leh tur chu a banah ka vuan a, tawp chawtin min melh nghal run. A mitko a khem niaih a, a kamsir a thi bawk. "Awmsawn rawh" vawt zet chuan a ti a, lu ka thing vat. "Duhtawk rawh, Ranger" ka tap thei dawn hialin ka hria! Ka mittui tling pam a hmuh takah chuan thaw chhuak hrawihin a tho chhuak a, ka banah manin min kai phei dawr dawr.






"Ka thiante ka puih a ngai, ka tha vek ania... Tikhan lo awm rawh" a tih chuan rang zetin lu ka thing a, a kawr hmawrah ka kut lehlam lehlam chuan ka pawt trai. "Aih ...aih, police-te an rawn kal dawn, va thelh zawk ta che!" tap ti tih chuan ka ti a, a ngen in ka ngen a ni mah zawk! He mipa luhlul leh ngeng zet hi engtin nge ka siamthat theih ang?? "Duati.." ka bianga dawmin a ti a, "Police! Che tawh suh u!" Tih riin a zawmzat. Hlauthawng zet chuan Ranger chu ka melh, a hma a jail a a tan ang mai mai kha a nih ka ring tawhlo.






"Kalo let leh ang" tia kal a tum chuan a hnung lam atang a kawngah ka kuah bet a, min hmu theilo mahse lu ka thing vak vak. Ka mittuite chu an luang zung zung a, a kal ka phallo! Thaw hawkin a rawn inher leh a, chutih lai chuan police-te'n midang insual ve ho chu handcuff an bun tir mek bawk! "Hethil hi hmu velo la ka ti" ti supin ka kut a la a, a fawp vawng vawng. A kutchang thi ser ser chu ka hmu a, tinge insual hi an tum kher zel le!? Bike a in um zui te an ching a, Ranger-a leh a behbawm hote reng reng hi buaina vek an ni!






"Tap lo la" nui suk chung chuan a ti a, ka insut ri hraih hraih thung. "Nangpawh man i ni" hnunglam atang chuan police pakhatin a rawn ti a, hlauthawng lutukin police-pa chu ka melh nghal dawr. "Kan inhmu leh ta maw!" Ranger chuan ngeng zeta nui chungin a ti a, police-pa lamah chuan a inher nghal zat. "Ranger, tuntum chu i chhuak thei kher tawhlo ang" police chuan a ti thum dut a, an inbiak danah an inhmuh ngun hmel hle a, an in man ngun viau a nih hmel!






"I duh chuan i pate i phone thei a, thiamthu sawi tur i neih chuan court-ah emaw thahnaah emaw i sawi thei bawk ang" tih pahin Ranger-a chu handcuff a bun tir pah a, a lock ri nghal khap. An hnungah chuan ngawi rengin ka thlir reng a, hlauhthawnna in min tuam hlup hlup a ni ber! "A pahnihin ka tilo mai ang nge, ka chhuah theih leh theih loh chu kan en dawn em ni?" Nui sawng chunga mit siai zeuhin a ti a, police-pa chu a tham loh hmel hle! "Mahni pa zara nung ve satliah" police chuan ti supin Ranger-a kawr awmah chuan a kut lehlamin a tham a, an motor dahna lamah a pawt phei dawr dawr. "Ah..aih" lu thing vakin ka ti a, Ranger-a-te lam chu panin ka tlan dawr dawr a, motor-ah an lut fel chiah thung. "Minlo hrethiam la, i duh chuan a hranin i rawn kal thei ang. I rawn chuang ve theilo" motor bula ka din rual chuan mipakhatin a rawn ti a, motor chu a tlan nghal vat bawk. "Mahse!" "Khawngaihin" a tih vang chuan engmah sawiloin ka kalsawn a, a ni pawh a motor-ah chuangin a tlan chhuak ve nghal. "Engtin nge ka buaipui dawn che" ti sep sepin taxi ka phar a, police station lam pan turin ka hrilh a, ka phone chu la chhuakin call tur ber pawh hrelo chuan ka contack list ka thai kual vak vak.






"Kan thleng e" taxi driver tawng riah chuan ka ngaihtuahna atang ka harh zawk a, pawisa pein ka chhuak nghal vat. A vawihnih nan police station-ah ka lut leh a, chu pawh Ranger vang bawk! A insual vang zel a la ni zui! "Ka pu, tun lawk khan mipa rual,,, an insual vangin an rawn hruai lut a, ka hmu thei ang ngem?" Police pakhat lo duty na hmunah chuan ka kal a, a dawhkan ka kut pahniha nemin ka ti vat. "Ranger Lalhruaitluangate thian ho kha em ni i sawi?" Tiin file chu a keu a, "Aw" tiin ka bu nghat. "Ani hi cell 08 ah khan va hruai ta che" constable pakhat chu melhin a ti a, constable chuan bu nghatin chu lam chu min pan pui a, ka kuttin ka sik niap niap. "Minute reilote chiah hun i nei" tiin a kalsawn a, cell lam chu muang changin ka pan a, Ranger-a-te thianho lo awmkhawm chu ka hmu a, a then an ding a, a then an thu a, pakhat a mu bawk. "Ranger" bar hmaah chuan dingin ka ti sap a, an thianho chuan ka lam an rawn hawi dual.






Ranger chuan ka lam a rawn pan nghal a, bar pahnih chu vuanin min melh chhuk ran a, ka melh chho ve vah bawk. "Tinge ilo kal" ner nawngin a ti a, min biak dan avang chuan ka hawihai lek lek! "A hreawm em? I pa alo kal ang tiraw?" A mita en chung chuan ka ti a, lu a thin avang chuan hamhaih zetin "Uan hun a nih loh hi!" Ka ti vak a, tum hmukin min melh chhuk run thung. "Alo kal dawnlo, a chhiahhlawhte bawk alo tir leh ang" ti supin a khi suk a, a thusawi chu ka hrethiam hauhlo! Mahse mi an rawn kal dawn thu a sawi avang erawhin ka thaw huai thung. "A tha hlauh e, i hmai kha... a na em?" Tiin bar-ah chuan ka kut ka rawlh lut a, a mitko chu dimte, tih nat hlau zetin ka khawih a, ka kut chu a hum hnan hmiah thung.






"I hria em,,, ni dangah chuan tumah ka chanchin ngaihven turin an rawn kal ngailo. Jail-ah ka tang tih an hriat pawn" ti supin ka kut chu a hum nghet sauh a, a hmelah chuan eng emaw hi a lang chhuak bawk. "Kan driver-te an rawn kal a, chupawh mim bail chhuak tur ringawtin!" A tih zawm leh nghut a, za lo zetin a vei nuih suk bawk. "Nang chauh hi kei min ngaihvena rawn lang thin i ni" ti supin ka kut chu a fawp vang vang a, a thusawi chu ka hrethiam in ka hria! Ka pa alo kal dawnlo a tihte nen, a chhiahhlawh alo kal dawn a tih awmzia te pawh kha! Tumah ngaihsaktu neilo ang maiin alawm a tawng ni, an chhungkua hi an inngeih ka ring ta hauhlo bawk!






"I rawn chhuah hun kalo nghak ang, chuan i driver, nilo tupawh lo kal se,,, chupa chu alo thlen hma tah ka lo nghak ang che" ka tih chuan inthiam loh hmel hi a pu a, ka kut chu thlahin a kun ngal bawk. "Ranger" ti sepin a kut chu ka kut pahnihin ka dawm a, ka nuih sang bawk. Mahse min en turin a rawn hawi chho lo hrim hrim. "Min en teh" tiin a hmaiah chuan ka dawm a, muang changin a rawn hawi riai riai a, ngui hmel a pu bawk. "Inthiamlo duh suh, i inthiamloh chuan a lehpek thlen tir tawhlo la tiraw? Min ti hlauthawng thin a nia, zanah pawh i insual ka hlauh thin avangin ka muhil tha thei ngailo a, i in tina a ngem tih te ka ngaihtuah thin a!" Ka ti sup sup a, mak tih hmel zetin min en a, ka thaw chhuak halh. "Min ngaihtuah thin maw?" a tih chuan ka bu nghat a, a mitmeng dum fiah zet, tle ralh chuan min en a, mak a ti tih a hmelah a lang reng!





"Ka,,, ka phulo a sin!" A tih chuan lu ka thing a, a thiante lo awm vete pawh ka ngaihsak lo! Tawng leh ka tum lai tak chuan "Hun a tawp" tiin constable lo tawng vang chuan ka ngawi leh ta zawk a, bu nghatin "Awle" ka ti sep a, pen hnih vel ka pen hnuah Ranger-a en tur chuan hawi let lehin "I bulah ka awm a nia aw" ka ti sep a, a nui ve seih. "In thusawi kan hre miahlo" a thiante chuan chimawm zetin an rawn ti lung lung a, ka nui ri sup. Jail tan tawh hnuah pawh an la thawveng thei a, a tha lamah ngai ang.





Ranger chu station kawta thutna awmah thuin ka nghak ran a, amah lo bail tu tur pawh chu a rawn kal har zek! Tlai lam a ni der tawh a, pawisa nei ngat ila zawng ka bail chhuahna a rei tawh ang! Mi tam tak station-ah an lut chhuak a, tu ber nge Ranger-a bail chhuak tur pawh ka hrelo! "Pawn boruak kan hip leh thei ta!" An rawn tih lang langna lam chu ka hawi vat a, Alan-a station kawta rawn inzimar chu ka hmu hmasa ber a, a hnungah a thiante an rawn chhuak ve mai bawk.






Nui sun sunin ka thutna atang chuan phur zetin ka tho chhuak a, an lam chu ka pan vat. "Ilo la awm alaw?" Jonathan chuan min hmuh rualin a rawn ti sup a, nui sen senin ka bu nghat a, Ranger-a ka zawng kual nghal. "A rawn chhuak tep ang, an la inbia" ka hawi kual lai chuan Rohlua'n a rawn ti a, ka bu nghat. "Amah kalsan turin min ti sia, kan kal aw" Fakawma chuan ka dara beng thak thakin a ti a, "imm" ti supin ka bu leh nghat. "Kylos-ate thian kha engtin nge ni ve?" Ka tih chuan min melh nghal thap a, sawisual ka nei ta emaw ka inti hial! "An ni pawh an rawn bail tep tawh ang, an rawn chhuah rualin kan sawisa bawk ang" Alan-a chuan a ti a, ka ner nang a hmuh chuan ka chalah min pen kawrh. "Ranger-a hian a duh takzet che a nia, amah hi ringhlel lo la, ngaihtha deuh khan awm rawh." Tiin min kalsan a, an kal liam chu ka hau in ka thlir reng ringawt.






"Duati" ti supa ka kawnga min kuah chuan ka phu zuk a, a nui nghal hawk. "Sir, thlah i ngai em?" Mipakhat kawr var veka inthuam hiam a ti a, Ranger chuan a ngaih loh thuin bul hmukin a chhang a, a kut pahnih chu ka dawm sak vat. "Anih ka kal ang nge, i pain haw turin a duh che a, inbiak a duh thu sawi turin min ti nghal bawk a" a ti leh sup a, Ranger chuan rum nghutin "Ka haw dawn loh thu hrilh rawh" a ti a, an thusawi chu kalo ngaithla ve ran. "Mah.." "Let tawh rawh" a ti leh nghut a, an driver a ni ngei ang, a inthuam dan atang pawh hian! Kalsawnin car pakhatah hian a lut a, a inkhalh chhuak nghal.






"Tinge haw chu i duh loh a? I pain a hmuh duh che chu!" Ka tih chuan min la kuah reng chungin "Chulam chu kan sawi tawh rihlo thei ang ngem? Ka ngaih hman zia che hi" tiin ka nghawngah a rawn nul thuak a, ip zawkin "Midang an awm ve hi! Min thlah teh" ka ti nghal vat a, chimzawm zetin ka nghawng a rawn seh leh hram!






A bike-ah chuan a thu a, dingin a taksa ka ngheng rial a, khawpui pe ut chu kan thlir dun reng! Kawng pakhatah kan pahnih chauhin kan awmdun a, tuma chimbuai loh naah! Thli chu a thaw heuh heuh bawk a, ka kawngah min kuah rial a, ka chhipah min fawp leh zeuh thin. "Vawi tam jail-ah ka lut tawh a, tan hlen pawh pawi ka ti ngailo. Haw chhan tur leh min nghak tu tumah an awm ngailoh avangin! Mahse zanin chu jail atanga chhuah ka phur em em a, jail a tang tur khawpa ka che kha ka inchhir bawk, chu pawh ka tih ngailoh a ni! Nang tereuh vang hian" nui supin a ti a, ka nghawngah bawk chuan min nul leh thuak a, ka za ti chu ka tal deuh aih. "Anih chuan tang tawh miah suh! Nghah chhung i rei si, a ninawm tehmai a nia!" Ka ti a, nui supin a khabe chu ka chhipah a rawn nghat a, tuna kan awmdan hi a nuam takzet! Nuam tih piahlam a ni!



- End of Chapter 16 -

Like leh comment kha in hnutchhiah hram dawn nia💜

Ps: ig-ah Zolanui follow follow lo khan min rawn follow zawk r'o😂 @calmbirdiee tiin ka in dah e💕


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:37 am

Chapter - 17
ENCHANTING
by Calm Bird




Ka inbual zo bathroom atanga ka chhuak fel chiah chu khuma ka phone dah alo ri a, ka bathrobe chu suih thain khum lam chu ka pan a, ka phone screen ka en chuan Ranger alo ni. "Imm" ka beng zawna dahin ka chhang a, darthlalang hmaah kalin lotion ka hmet chhuak a, ka taksaah ka hnawih kual nghal. "Ka ngai nghal der che" a rawn tih thawp sup chuan ka nui chhuak hawk a, a bula awm ka chak ve tho! "Kan haw chiah a min ngai nghal a maw? Ka awih dawn em ni?" Ka hmaia night cream hnawih pah chuan ka ti a, a rawn chek ri tlak. "Fiah i duh ami?" A tih chuan hrethiamlo deuhin ka ner a, a nui ri hak. A nui ri mawi zet chuan ka kaw chhung hi a fan raih raih mai!


"Khatia ner vak kher kha a ngailo"


"Duh leh ka ner ang nga! Ngawi teh, eng nga!?" Ka ti vak a, ka cream chu chhinin darthlalang hmaah ka dah a, engtin nge ka ner tih a hriat theih? "I bathrobe nen khan i lang sexy lutuk" a tih chuan meng kawkin ka thutna atang chuan ka tho a, ka hawi kual nghal ruai a, tukerh bula Ranger lo ding ka hmuh chuan mak ti zetin ka en. "Nang, hetah!" Mak tizet chuan ka ti bah nawk a, a lam ka pan nghal hlawk hlawk. "Ka ngai che tih ka sawi kha" ti supin ka khum lu lamah chuan a thu thla a, a hmaah tak chuan ka ding khawng nghal awt. "Engtin... Engvanga rawn kal nge i nih?" Ka ti nghal vat a, khumah zangthal huauin a mu a, a ke chuan lei a si tho.






"Ka ngaih vang chein ka rawn kal ka tih chu!" Ka lam rawn hawiin a ti a, ka taksa a melh thla dan dan tih ka hmuh chuan ka bathrobe chuan ka inkhuh tha sauh sauh. "Ka rin ai daihin i khal!" A tih chuan rum deuhin ka melh a, a lam pan sawk sawkin a malpuiah ka beng nghal thlawp. "Tho la chhuak rawh! Ka phalna tel lo in rawn lut tawh reng reng suh!" Tiin a banah ka pawt nawk nawk a, alo in dang ve zel. "Amak! Lalduat!" Tiin khumah min kuai thlu pawp a, ka chungah a bawk nghal ran. Kan awmdan vang chuan ka ip chawih a, a mitah tak ka en tlawk tlawk ringawt. Ka sam chu ka bengah muang changin a zep a, ka hmui hnuai a tuai nghal heuh heuh bawk. "Tho teh, ka chhungten an hria ang nge!" Harh chhuak thutin ka ti sup a, a awmah ka nam tang tang bawk. Nam sawn turin a rit lutuk mah mah!





"Ranger" ka ti sup a, ka hmui leh a hmui chu a insi tep tawh! Ka ban pahnih chu a kutin khumah a nem bet tlat a, a chil lem zawnga a hrawk bawk che ralh ka hmuh chuan ka mur chhuai thei! Ka hmui a a rawn fawh rual chuan ka taksa zawng zawng a mur chhuak nghal vek a, ka thisen zamah current a kal ang mai a ni! "Hmeichhe pakhat chu i ni ve chiang e" ti supin ka chalah a chal a tisi a, ka thaw chhuak ham ham a, Ranger erawh a maimichhing tlat thung. "Min thlah tawh la..?" Ka tih sup chuan rawn meng chhuakin hnai zetah chuan min melh a, ka ngaihtuahna en tlang tum ang hrimin chiang zetin min en!





"Hman atanga ka thil hrilh duh che chu" ti supin a chawl dat a, chutah rawn sawi zawmin "Hmeichhe te tak i ni" a sawi zawh rual chuan ka nam nghal pawp a, a ding mar nghal vut bawk. Nui sawng chunga a hmui tuaiin min en a, khum atang chuan thoin rum mangkhengin ka melh a, ka lukham chu lain vuak tumin ka tin nghal uaih. "Tunah chhuak nghal rawh, i chhuah loh chuan.." tiin ka chawl dat a, chutah rawn tawng leh hmanin "Chuan eng nge?" Chimawm zet chuan a ti a, ka ngei lutuk chu ka lukhamin ka vaw nghal pawp. "Chhuak la a ni mai! Vawikhat mah rawn kal ru tawh suh, i rawn luhna atangin chhuak leh nghal rawh!" Ka ti vak a, ka chhungte awmlo se zawng a auha ka auh ka ring!





"Ka tlawm e Duati" nui hawk hawka lo in dangin a ti a, chawlin ka hah vang chuan ka thaw chhuak ham ham a, a nui sang hmel ka hmuh chuan ka thinrim tet tet. Te min ti amaw? Ft nga ka pel ve em mai a! Thil ropui deuh a sawi dawn emaw tia ka tet thu a sawi a! "Hmeichhe te ho hi chuan te tih an duh lo reng asin" ka chhipa rawn chulin a ti a, a kut ka beng thla pawp. "Khati khan min ti suh!" Duhlo zet chuan ka ti treu hlar a, a nui ri suk suk mai. "Anih, i te lehlo,, ka dar i thlen phak loh vang mai mai alawm i lan tet" nuihza insum zet chuan a ti a, hmui ti pawrh vakin ka drawer lam ka pan a, ka thawmhmaw hak tur la chhuakin ka awm zawnah ka pawm bet tun a, Ranger-a lam chu hawiin "Ka inthlak dawn, ka kalbo hlanin ka room hi lo chhuahsan ang che!" Ti a inher vutin bathroom-ah bawk chuan ka lut a, ka inthlak nghal sawk sawk.






"Ala awm ka ti!" Ka chhuah ruala khuma alo mu ka hmuh chuan ka ti a, ka tawng ri a hriat rual chuan puan sin tha sawk sawkin a in lu khup nghal daih! "Ranger.." tiin a lam chu ka pan a, khum mawng lamah thu thlain a puan sin chu ka pawt dat dat. "Tak takin haw tawh la, ka chhungten an hria ang nge!" Ka ti a, inhnuai lamah awm lo phei seng chuan kan thawm an hriatna a rei tawh ang! Inhnuai lama an awm vang chauhin thawm an hrelo mai pawh a! "I bulah ka riak duh sia" luhlul zet chuan a puan hnuai atangin a rawn ti a, hahthlak ti zet chuan ka thaw hawk. "I mawl ami?? Riah dun a chi teuhlo mai!!" Ka tih chuan a ngawi ngal a, chet pawh a che eih lo.






"Hetah ka mu dawn, khum atang hian ka tho tawh dawn heklo. I mut duh hunah ilo mu ve mai dawn ania" a ti nghut a, mak tizet chuan ka ang pam! He room hi a ta emaw a ti a mawnle! "RangerrrRr" ka ti ta thlawt. Hepa luhlul lutuk hi chu! "Lo mu vat mai teh" a tih chuan a thu a sawh sawn dawnlo tih ka chiang a, bet lo zet chuan a sirah ka mu thla ta nge nge. Ka mutfel rual chuan a inkhuhna chu a hawng a, inla cool zetin min melh nghal! Phakar reuh lutuk. "Ka chhung ten an hriat vaih aw" ti nung nungin a lam hawi tur chuan ka inlet a, puan min sin tir nghal zat.






Ka chhungte thawm pawh hriat tur a awm tawhlo a, an mu tawh a ni ngei ang! Ranger-a nena kan riah dun zan hmasa ber kha ka hrechhuak a, ka nui nghal suk. "Naktukah kan in race dawn a" a tih sup chuan ka melh nghal vut a, min melh ve run a, a in ngaihtuah muk hmel takzet. "Chuan" ka tih sep chuan thaw hakin "Ka hrilh mai mai che, min ngaihtuah thu i sawi sia" a ti sup a, ka thaw chhuak ham ham. "Eng nge in race chu a tul kherna?" Ka tih chuan nui sukin "Min zuam tawhloh nan mawle" a ti then a, ka ner nghal nang. "An chapona hi ka thiah sak an ngai a ni" a tih zawm leh zat. "Police nih duh ve si in race-na a tel tel!" Ner nang chuan ka ti a, a kiai suk. "Ka nih chuan loh hi" a ti a, "Nih tum reng ta che!" Tiin ka chhang nghal vat.






"Ni turin min duh em ni?" Hniam ruih chuan a ti a, ka bu nghat nghat. "Engvang maw?" A tih chuan ka mut dan siam remin a awmah chuan ka bei a, ka kham turin a kut chu a rawn phar a, ka kham nghal vat. "Police thenkhat chuan tihsual in ang ro roah pawh mi hausa aiin mi rethei an tiduhdah zawk a, ti duhdah ti ila i hrethiam tho ang. Mi rethei chu an sawisa a, bail-na tur pawisa an neih loh vang maiin an tiduhdah a, mi hausa erawh an man chuan sum an hlep thei dawn tih inhriain engtin mah an khawih ve ngailo! Chu chu ka duhlo, ka hua! Mi retheite tan ding la, an thil tihsual ni miahlo a an tan chuan an dikzia finfiah sak rawh. Nang tluka tha an awmlo" ka ti sep sep a, ngun takin ka thusawi chu a ngaithla a, ni se ka ti takzet! A hna a tlin dawn tih ka hria a, chubakah a inhmeh dawn lutuk! A uniform zawng zawng nen!






"Naute i ngaina em?" A ti daih a, ka bu nghat. "Ka siam thiam a sin" a tih chuan a ban puamah ka chum ri nghal pawp. "Nangmah ang deuh hmeichhia ka siam thiam alawm, ka talent dawn a nih chu" mit siai zeuhin a ti a, ka sen nghal trawn trawn a, ka biang a sa vek bawk. "Duhawm lutuk" kiai suka tiin ka biangah min chuk zeuh a, ka lai lutuk chu a hreawm zawk! "Naktuk chu in race lo la" min chhaih leh hma chuan ka ti daih a, in race lo turin ka duh tak tak bawk. Lo accident palh ta se? A nunna te pawh a chan hial maithei! Bike khalh thiam viau mahse a tlu sual palh thei tlat a, second khat chhung lekin a nunna a chan thei bawk! "A ngai alawm" a tih sup chuan lu ka thing a, a taksa ka kuah nghal vut. "Aih, ka chan palh che ka hlau alawm!" Ka tih chuan min chhang zui tawhlo. A kal loh tur thu min hrilh se chu ka thla a muang sawt ang! Mahse min hrilh a tum miahlo! Chu chuan ka ngaih a ti tha lo bawk.






"Ranger" ti supin mit chhing chung chuan ka sir ka dap a, alo ruah huai avang chuan ka mit ka meng a, Ranger-a thla takngial pawh hmuh tur a awmlo. A haw tawh a nih ringin khumah chuan ka thu chhuak a, inzi mar talh talh in ka ham bai bai. Ka khum sira ka tui bottle dah chu ka ban pah chuan lehkha them hi ka hmu a, lain ka keu a, lehkha a thil inziak avang chuan ka nui sak. "Good morning, ka haw san mai che. College kal turin ka lo lam leh ang che. From, your future husband" tih hi a ni a, zing atang ka mood a fuh nghal ringawt! An in awmna a hla si a, mahse chuti chung pawn zing tin min rawn hruai a, a caring takzet!






Tho chhuakin ka intifai a, a hma lutuk tawh loh avang chuan college kal tur chuan ka insiam a, Ranger ka hmuh dawn vang nge ka phur sarh mai. "Hello" ka phone ri chu ka chhang a, chaw eiloin chhangthawp jam tah ka ei a, bawnghnute nen ka ei zung zung. "Ka lo lam dawn che em?" Sawmtei chuan a rawn ti a, a ngaih loh thuin ka chhang a, chek tlakin "Bialpa hi in nei thei bik a nia! Min theihnghilh tep tawh ang a! Bye" tiin a phone a dah hmak a, a titau lo tih ka hria a, ngatan mah ka ngai lemlo. Ani pawn bialpa a neihin min theihnghilh ve thin tho!





"In awm em?" Kawngkhar kik dat datin a rawn ti a, Ranger-a a ni tih ka hriat avang chuan ka thin a phu nghal dup dup a, ka nu chuan "Awm e" tiin kawngkhar hawng tur chuan a phei a, eng nge tun ataka inchhunga rawn luh kher a tum le? Ka chhungte bulah bialpa ka neih thu ka la hrilh bawk silo! Hrilh pawh ni ila Ranger kher chu min duhpui ka ring lo a, a chhan pawh a inthuam thin dan vang leh a tattoo te vangin mipa sual angah an ngai ang nga, then turin min ti hial maithei! "E Mami i rawn sawm dawn em ni a?" Ka nu chuan kawngkhar a hawn rualin a ti a, ka chhangthawp ken lai chu ka hmawm pawp a, bawnghnute nen chuan ka ei nghal sawk sawk. "Aih Remruati ka lo sawm dawn" a tih chuan thut khawmna lam ka hawi dawr. "Ah... Aw nia, Remruati hi Mami tiin kan ko thin a, thil a ei mek a hman tep tawh ang" a tih chuan Ranger-a'n "Mami in ti thin maw? Nick name avan ngah tawh dawn ve, keichuan Duati ka ti thin" a tih chuan ka meng phawk vak. Tunah khan engthil nge a sawi kha! Engvanga sawi nge a nih??! Lalhruaitluanga mai mai chuh. Ka ha chu thinrim zetin ka seh vak a, ka nu pawn chhan ngaihna a hrelo a ni ngei ang a ngawi tawp a, engtin mah a chhang tawhlo.






"Mami, saw i thianpa a rawn kal a nia. I bialpa em ni?" A tih chuan ka nui tawi tak a, engtinmah chhanglo in sitting room lam chu ka pan a, Ranger couch a lo thu ka hmuh chuan a lam pan vatin "Kal ila" ka ti a, a thutna atanga thoin pawn lamah kan inzui chhuak a, pawn kan chhuah rual rual chuan ka chum nghal trawlh. "Lalhruaitluang! Engvanga 'Keichuan Duati tiin ka ko thin' da dei dei dei ti nge i nih? Khatia tih kher kha a tul ami?" Ka ti nghal hlak a, a nui suk duh chauh lehnghal! "Tikhan i bialpa ka ni tih hre tawh rawh se, zanah pawh ka rawn rim tawh ang che" tiin a bike-ah a chuang a, thaw hawkin a bike hnungah ka chuang a, kan tlan chhuak nghal.






"I dam maw?!" Christy chuan Ranger hma a rawn dingin a ti a, Ranger erawh chuan engtinmah a chhanglo! Chuan college kan thlen atangin Kylos kala hmu miahlo bawk. "E Remruat, nangpawh! I dam maw?" Ranger-a'n a chhan loh vang nge min rawn melhin a ti ta zawk a, nui luiin ka bu nghat. "Enteh, hmanni a storage a Ranger nen kan tawm dun lai i hmuh.." "Sawi chhuah a tullo, Duati kal ang" tiin Ranger-a chuan min kai kal daih a, eng vanga kha thu kha Christy'n rawn sawi chhuak leh nge maw a nih le?






Nilengin class kan la a, tlai lamah chuan haw pahin restaurant-ah kan chawl leh a, thil kan ei dun leh mai mai. "Aw hello" a bike lam pan chuan kan kal dun a, ka kutah min kai tlat bawk. "Tunah rawn kal tawh rawh, hei kan kim thap tawh" ami biak chuan a rawn ti a, Ranger ka melh nghal zawk. In race-na a kal a tum tak tak em ni le? "Awle, ka hman hunah ka rawn kal ang" tiin a phone a dah a, ka ding nghal chawt. "Eng nge?" Ka din thut avang chuan a mitko kan akin a ti a, ka thaw hak. "In tlansiaknaah tel i tum em ni?" Ka tih chuan ka kut a vawnna chu a thlah a, a hmai a tuai puat. "Engtin mah ka awmlo ang, min ring rawh. Ka lo thlah phawt ang che" a tih chuan "Kal lo la" ka ti sep a, a kal dawn tho tih erawh ka hria. Control ka tum a nilo a, a chetsual ka hlauh vang leh ka ngaihtuah vang zawk a ni! Amah control turin a chungah thu neihna ka neilo hrim hrim bawk! Mahse a thil tih thin thenkhatte hi sim se, ti tawhlo se ka ti takzet!






"Lo kal rawh, a tlai hma hian haw vat ang" min chhanglo in a ti a, a bike lam chu a pan nghal bawk. Beidawng zeta thaw hakin a hnung lamah chuan ka zui a, bike-ah chuan inphurin kan in lam chu min pan pui a, kan in kawtah a bike a ti ding dat. "I haw hunah min rawn call rawh aw" ka tih chuan a bu nghat a, kal suh ti engang mahila a kal dawn tho avangin chesual lo turin ka chah mawlh mawlh a, ngaihtuah lo tura min tih pawh chuan ka ngaihtuah lo thei chuanglo.







Tlaia kan chaw ei lai chuan Ranger-a ka bialpa a nih leh nih loh ka nuin min zawt leh a, a nih thuin ka chhang a, an duh loh thu pawh sawi loin min fuih a, thianghlim taka in kawp turin min chah mawlh mawlh. Ka pa erawhin min fuih kar lakah min fiam zuk zuk a, Ranger-a hmu ve hman der silo! Zingah khan hma takah a service daih a, zing lam hi chu a chhuak hma thei lutuk.






Thaw ipik zet chuan ka room-ah ka vei tawn chhen a, a hma a in race naa min phur pawh khan amah tibuaitu an awm a, lung ten kan hnung lam atang min vawm kha a nia! Khalh thiam viau mahse midangin an tihbuai vangin a chetsual ka hlau! Ka phone ri ka hriat rual chuan rang zetin ka dahna lam ka pan a, Ranger a nih ka beisei tehreng nen Sawmtei a ni. "Imm" ka ti sup a, Ranger-a a nih loh vang chuan ka hnual nghal rawih thei. "Saturday-ah programme i nei em?" A rawn tih chuan "Aw, in entir kalo tum deuh a tinge?" Ka ti a, khumah ka thu thla dat. "Ka thil chah lam ka tum a min kalpui la ka ti. I inentir dawn tho chuan ka lo inentir pui che nga, i eng nge na reng reng a?" A ti nghal zung zung. "A tha khawp ang chu, ka hnar hi mawle thi a ching lutuk a, eng emaw ka hrisel loh vang te a nih ka ring" ka ti a, kan inbiak zawh chuan phone chu ka khumah ka theh thla hnawk a, ka hui leh pap thin.






Sana ka en chuan dar sawm lai a pel tawh a, massage ri ka hriat rual chuan Ranger a nih ringin rang zetin ka phone chu ka ban leh a, mahse Kylos-a number a ni. Open loh ka tum zet naah ka hawng ta tho. Ka thil hmuh vang chuan ka phone chhuatah ka thlauh pawp a, a ni theilo! Ka thin a phu nghal dup dup a, ka hmusual a nih ringin phone chu ka chhar leh a, thlalak ka en nawn ngial pawn ka thil hmuh chu a ngai reng. "Ranger, heng hi dawt a ni em? Min bum em ni?" Ka ti tham tiak a, ka khur nghal zawih zawih.



- End of Chapter 17 -

💜 Messenger group join duh tan link: https://m.me/j/AbYeGf1yY-V54Bxm/


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:38 am

Chapter - 18
ENCHANTING
by Calm Bird




"Da... Daisy-i maw?!!" Tiin thlalak chu ka zoom a, ka thin zawn chu a na nghal ngut ngut. Ranger-a nena an in kiss lai thlalak a ni a, ka hamhaih takzet! Sana ka en chuan dar sawmpakhat a lo ri dawn tawh a, tun thlengin Ranger-a'n call emaw message emaw pawh ala rawn hnutchhiah lo. Ka phone a rik chuan ka chhang vat a, lehlam ami chu a ngawi vang vang phawt. "Remruat, tun chiah min ngaithla teh.. Hman zana thil thleng kha..!" "Thlalak hi sawifiah rawh" kalo ti thung a, eng insawifiahna mah ngaihthlak ka duhlo.






"Ka thusawi hi ngaithla phawt la ka sawi ang" a tih vang chuan ipik zeta thaw hakin "A tha e, sawi rawh" ka ti sup a, khumah chuan thu thlain ka tukverh zawn ka melh char char. "Khami ni khan ka inchiu a, ka ruih vang a nih kha! Min ngaidam hram teh" a ti a, eng ang pawn rui mahse khatia chet kher! A inchiu thu a sawi bawk a! "I sawi zawh tawh chuan thlalak hi sawifiah tawh rawh" ka ti nghat a, ka awm chu ka chum leh dawt thin. "A tha e, zanin khan race a awm a" tiin a chawl dat a, a awmna atang a kalsawn nge thawm a ri sat sat. "Chuan en tur ringawtin ka kal a, chuan Ranger-a-te in kiss lai ka hmu ta a ni" a ti a, ka awih hlawl lo, mahse thlalak nen lam ka hmu vek si!






"Ranger hi hlat rawh. Bumtu a ni. Ka hrilh chhan che chu i rilru tihnat ka duh vang niloin nakina i nat lutuk hma a.." a sawi zawh hma chuan ka hang up a, phone chu khum kil lamah ka theh phei nghal pawp. Tah loh tum chuan ka insum tang tang a, ka hmui ka pet fan fan bawk. Mahse ka mittui ka dang zo lo! Ka biangah an luang nghal zung zung a, ka hai chhulh mai. Ka mittui chu ka hru tawk tawk a, mahse a dang an rawn luan belh zel. "Ka tap tawh dawnlo ka ti tawh. Ka tap tur a nilo" tiin ka phun sep sep a, khum atanga thoin bathroom lam ka pan a, tap herh hawin ka hmai chu tuiin ka tihuh a, tah ka insum nasa lutuk chu ka hrawk a na vek thei. Tap chu herh haw rengin darthlalangah ka inen a, ka hnar.. nilo,,, ka hmai zawng zawng a sen vek.






"I tana ruat a nilo tihna a nimai. Ani vang khan na lutuk lo teh" tiin ka nui lui suk a, tap chu herh tawpin ka hmai ka tuai leh puat a, thaw hawkin ka nui lui leh sak. "Mittui a tla tawhlo ang, ka chanlo che a, min chan zawk a ni" nui sang chung chuan darthlalanga in en pahin ka ti a, nui hmel pu mahila ka chhungril erawh a rum vawng vawng. "Eng nge, tunang zan reiah" Sawmtei chuan phak chialin a ti a, a muhil lai ka ti harh a ni maithei. "A vawihnih nan minlo bum leh lek a lawm" nui ri suk chuan ka ti a, inchung ceiling ka melh ngar ngar bawk. "Thil thleng a awm em ni?" A tih chuan thaw hakin "Ka hua" ka ti sup a, zanlai pawh ni mahse tuna ka inpaih ruah loh chuan ka thi thei mai ang!






"Eng nge? Eng thil nge thleng? Remruat i tha tiraw?" A ti nghal zung zung a, tunah tak hian ka bulah awm se ka ti. Mahse min ti dam leh thei tu tur chu Ranger chiah a ni thung! "Hmeichhe dang nen an infawp alawm, hah.. Ka mawl tiraw ka lo ring leh a" ka ti ro halh a, a mi fawh pawh chu Daisy-i, ka thiannu lo ni hman kha a ni bawk! "Remruat, i chiang maw? A duh tak tak che a, a inchhir ve viau khan ka hria sin?" A tih chuan "Keipawn ka ngai alawm, mahse thlalak nen lam ka nei a, minla rawn be miahlo bawk!" Ka ti a, amah vanga mittui tih tlak ka tum loh vang chauha la tap lo mai ka ni! Ka chhungrilah erawh nasa takin ka tap mek thung. "A pawi ee, mahse engkim a tha leh vek mai ang. Mipa dang nangmah hmangaih tu che ila tawng dawn alawm. Hunin i natna te chu a liampui mai ang" a ti sep sep a, kan inbiak zawh chuan phone kan dah a, mut pawh ka muhil theilo. Ka inlet tawn sek.






Zingah chuan mit kham thumin ka tho chhuak a, test nei dawnlo ilang chuan college pawh ka kal miahlo ang. Ka phone chu Ranger-a message a awm takin tiin ka en a, mahse engmah a awmlo. Nizan atang khan a reh tlawk tlawk hi a ni mai! Sawmtei nen chuan college lam kan pan a, Ranger-a chungchang erawh kan sawi vaklo. Kan kalna tur a inan chuan loh avangin a scooty park laiin ka kalsan a, class lam ka pan ding nghal. Class chhung ka luh ruala ka thil hmuh avang chuan ka ding dat a, ka en tlawk tlawk. Ranger leh Daisy inkuah riala lo thu ka hmu a, Ranger chuan min hmuh rualin Daisy-i hmuiah a fawp a, ka thinlung a ti kehsawm hneh lutuk!






Class chhungah pawh lut talo chuan washroom lam ka pan a, washroom ka thlen rualin kawngkhar ka kalh a, ka tap chhuak hawk. Ka rilru chuan taplo turin ka inti mawlh mawlh a, mahse ka theilo,,, a har lutuk mah mah! "Engthil nge ka tihsual a heti taka hliam min siam sak?" Tiin ka hmai ka phih sawk sawk a, ka rawmawl ken chu la chhuakin ka hru ro tawk tawk. "I mittui hi Ranger-a duh ber a ni! Chuvangin ti tla tawh miah suh. I inhneh tir tur a nilo" ti sep sepin washroom atang chuan ka chhuak a, ka mitthlaah Ranger nena kan thil lo tih dun takte a lang zawt zawt.






"Class i kal na nge tinge hetah i awm?" Rawn titu lam chu ka hawi a, Kylos a ni. Chhang loin hmalam chu ka hawi leh a, tlang sang tak tak leh van pawl nalh zet te chu ka thlir reng. "I tha maw?" Tiin ka sirah a rawn thu thla a, ka thaw hak. Mahni hian tuman min awm tir theilo a nih hi! Ngawi reng chuan kan thu dun char char a, ka ngawih reng vang nge biak min hreh niin ka hria. Pawi ka ti lemlo bawk. "Kha zan atang khan ka ngaihtuah reng thin che a, ka inchhir takzet bawk. Ka..." "Sawi tawh lo ang, hun kal tawh a nih kha" tiin ka pawt chat a, kha zan kha hriat reng ka duh tawhlo!






"Nangni pahnih chu, inlo awm dun leh ta a ni maw?" Ranger chuan Daisy-i kuah pahin a ti a, mit ka chhing sawk. "Chhuk daih ang, sang ka hlau" Daisy-i chuan a ti no diai a, ka ner sak. "Ka kal ang nge" tiin Kylos chu ka hrilh a,, ka thutna atanga thoin Ranger-ate chu ka kal pel a, an hmel ka hmuh reng chuan ka na thar mai mai. College kan ban chuan Sawmtei nen scooty-a inphurin kan haw dun a, a thian Dawngi te ho hi keima lam thiam loh nge ka nel tak tak theilo. An sual e tihna niloin, ka kawm chi an nilo ve tawp.






"Naktuk chu dar sawmah kan chhuak dawn nia" scooty atanga ka chhuk chuan a ti a, ka bu nghat. Inchhung ka luh rual chuan ka nu couch a mu paha tv lo en chu ka hmu a, ka pate erawh an la rawn haw lo a nih ka ring. Ka U pawh kha a tling ve hlauh a, kan zia chho turah ngai ang. "Ilo haw tawh elaw? I thawm pawh kalo hre lo a" a sira ka thut thlak rual chuan a ti a, ka nui sak. "Imm, vawiin chu ka ni hman a nuam lo lutuk a..." tiin ka bawh a, ka kuah nghal hlun. "I damlo ami" tiin ka pang a rawn dek a, ka lu ka thing mat mat. "Tinge i ni hman chu a nawm loh a?" A tih chuan Ranger-a ka rilruah a lo lang nghal a, ka khi suk. "Engmah a nilo, a nuamlo ve tawp. Ka va inthlak ang nge" tiin ka tho chhuak a, ka room lam panin ka bag khai chung chuan ka chho a, ka room ka luh rualin ka bag khumah ka theh thla nghal tawp.






Phone a hla play chung chuan ka inbual a, bathroom darthlalanga ka hmel ka hmuh chuan ka hnar a thi tih ka hmu a, ka phun hluk. "A thi leh ta, ava ninawm e" ti nang nangin ka hmai ka phih a, a thi zawm tawh lem loh avang chuan inbual zawmin in tih thawven tum zet chuan ka zai rat rat a, ka inbual zawh chuan chhuakin ka inha a, inhnuaiah eirawng bawl turin ka chhuk thla nghal.






"Naktukah Sawmtei bazar pui paha inentir ka tum a" kan chaw ei lai chuan ka ti a, ka pa chuan "I eng nge na a?" Alo ti vat. "Na em em pawh ka neilo ka hnar hi thi a ching lutuka, nisa ka do vang ti ngawt dawn ila ni sat loh lai pawn a rawn thi ziah tho a" ka ti siam siam a, ka nu chuan "Nia va in entir rawh. Hmeichhia chu thla tin te in check up zawk tur a nia, pawisa kan neih loh vang mai mai alawm kan in check up ngai loh" a ti a, chaw eikham chuan eina vel ka tifel a, thleng vel ka sil zawh chuan ka room lamah chhoin lehkha ka zir a, byheart tur a tam reuh nen ka thiam hleithei lo. Ranger-a nen pawh tian kan inthen chu a ni tawh mai.






"Dar sawm ti tu ber lah hi rei thei lutuk" a scooty-ah chuan chuangin ka ti a, a nui vak vak ringawt. Dar sawm atang ka lo nghak char char a, tunah chhun a ni der tawh! "Ka treat dawn che nia" tiin kan tlan chhuak a, bazar kan thlen meuh chuan dar sawmpahnih a pel der tawh. "Thil ei phawt ila kan bazar tan dawn nia" a ti a, a scooty park na tur remchang a awm hlauh a, tah chuan park-in thil eina tur lam chu kan pan a, a chhungah chuan lutin dawhkan awl awmah in hma tawnin kan thu a, kan titi dun nghal bawrh bawrh.






"Ka U chu i la star em?" Chhaih pah chuan ka ti a, a hmui ti pawrh vakin lu a thing nar nar. "A aia tha ka hmu hnem tawh lutuka ka star tawh lo" a tih chuan ka U thlavang hauh hmel zet hian ka tum der vak a, min nuih tlawn nghal ver ver. Thil ei pah chuan thu ho mai mai sawiin kan pawt a, midang vengthawng lo lekin kan nui leh vak vak thin. "Lapawchini ei ang" vai pakhat lapawchini zuara kawnga lo ding a hmuh chuan pan vatin a ti a, keiin Ranger-a lapawchini min lei kha ka ngaihtuah chhuak thung. "I zawhte hi ka van hmu ngai tawhlo" kal pah chuan a ti a, ka ner nang. "I hmu fuhlo mai mai a nih chu, inchungah a tawm tlat zel alawm. A tawm loh leh pawnah a vak chhuak a, a rai ka hlau teh ania" ka tih chuan za lutukin a nui hawk hawk a, eng berin nge a nuih ti za ni. "Ranger-a nena in fain a rai khalh dawn che tihna a ni maw!" Nuih pah chuan a ti a, ka nui ve sak. "Ranger-a chungchang chu sawi lo teng, ka ning" ka tih takah chuan bu nghutin thil dang a sawi a, a thusawi kar lakah kalo zawm ve leh zeuh thin.






"Sawlai jeans saw en chhin ang" tiin jeans an lo khai dualna lam chu kan pan a, an en kual nghal dan dan. "Thlang ve ta che i duh a awmlo ami?" A tih chuan ka mamawh loh thuin ka chhang a, ka phone chu ka melh leh zeuh thin. Ranger-a min biak hun ka chang a ni mah zawk! A jeans duh ber a thlan zawh chuan a lei nghal a, thawmhnaw pawh jeans tih loh kha chu a lei lo kawnga eitur an zawrh deuh hlir hi a lei a nimai. "Duh i neilo a nih kha kal ang! I thil chah chu lam ila khua a tlai tak ngial dawn!" Dawr pakhat atanga kan chhuah chuan ka ti hlak hlak a, a ni em em tawhlo. Hun khawhral na mai mai a ni!






"I ho eee, a nih kal ang" tiin a thil chah kan lamna hmun turah chuan kan inzui a, kan lam zawh chuan damdawiin kan pan tlang nghal. "Vawikhat mah thil lam ngai ka chah tawhlo ang" a scooty park pah chuan a ti nui nui a, chhanglo in ka phun tir vel mai mai tawh. A rak rakin rak teh se. Damdawiin chhungah chuan kan inzui lut a, rin ai takin mi an tlem. Ka hming kan ziah tir hnu chuan min koh hun nghakin thutna an remah chuan kan thu dun a, phone kan khawih loh leh kan titi dun a, ka hming an lam har zek leh nghal.






"Lalremruati" an tih chuan ka tho vat a, Sawmtei chu minlo nghak tura tiin room chhungah chuan ka lut a, doctor chuan thu turin min ti nghal zat. "I eng nge na a?" Nelawm zet chuan a ti nghal a, mipa invawng tak a ni ngei ang! "Na pawh a nilo, ka hnar hi a thi reng a, engvang nge ni ang le?" Ka tih chuan chik zetin min en a, ka melh let kar. "I taksa a na tel em?" A tih chuan ka lu ka thing a, inngaihtuah hmel a pu. "I thisen hi test chhin ila" a tih chuan "A serious ami?" Ka ti nghal vat a, nui chungin a lu a thing vat. Thisen te kan test zawh chuan dawmdawi pawh min chawh em em lo a, result chu Monday-ah a lam theih thu min hrilh a, biak a nuam reuh kher mai. Room atanga ka chhuah chuan a kawngkhar chunga hming in tar chu ka en a, ka nui sak. "Dr.Lalrinkima" tia phun sepin Sawmtei min nghahna lamah chuan ka phei a, chanchin min zawt nghal vat.






"Remruat! Lo ding teh!" Damdawiin kan chhuahsan tur chu min auh avang chuan ka ding chawt a, ka hawi let rual chuan Dr.Rinkima ka lam pana lo tlan ka hmu a, ka bag a khai tih ka hmuh chuan ka ner sawk. Ka van haihawt reuh tak. "Hei i theihnghilh a" bag min pe pahin a ti a, lawmthu hrilhin ka nuih sen sen. A doctor coat pawh a ha tawhlo a, damlo entur a nei tawhlo em mawni ka ti rilru nghal. "Engtin nge ka hming te i hriat zawk a?" Ka tih hu chuan a nui suk a, Sawmteiin min rawn sih vak chuan a kut ka ben sak pawp. A min tih hmel zetin a ner nang bawk. "I lehkha a tangin mawle" a tih chuan ka nui hawk. Ka hming a hriat loh rengin mawle! Hahthlak hian.






"Engin nge in haw dawn a? In duh chuan kalo thlah ang cheu keipawh ka haw thei tawh a" a tih chuan lu thingin "A scooty in kan rawn kal, thlah kan ngailo ang. Ka lawm tho e" nui pah chuan ka ti a, a nui sang reng a, a hmeltha a, a nui mawi bawk. "Nuam in tih hmel hle mai" rawn ti tu lam chu kan hawi thap a, Ranger ka hmuh rual chuan ka nui tawp hmak. "Nuam reuh e" Sawmtei chuan a ti a, Ranger a kiai nghal suk. "Ka ring" ti nghutin Dr.Rinkima a melh zauh a, keimah min melh leh zukin ngeiawm zet chuan a ner nawk lehnghal! Engmah sawilo chuan a kalsawn nghal nal nal a, eng thil nge damdawiinah a tih ve ni?






"Tuemaw ehem a ni maw!" A tih chuan ner nangin dr.Rinkima chu ka melh a, a nui suk suk lehnghal. "Doctor chimawm deuh bulah ka in entir niin a lang" ka tih chuan za zetin a nui a, keipawh ka nui ve tho. "Kan kal tawh phawt ang nge kan haw na tur nen khua a tlai zo dawn" tiin kan in mangtha a, in kan thlen hnu thlengin Sawmteiin min chhaih char char a, dr.Rinkima a fak chamchi bawk.






Monday-ah pawh chuan ka tihdan ngai tein college ka kal a, Ranger-a leh Daisy-i ka hmu ngun lutuk erawh ka rui deuh. "Intur min lei teh" Sawmtei chuan a ti ham ham a, ner nangin "Pawisa ka neilo" ka ti a, hmui ti pawrh tarhin "Min lei loh chuan damdawiinah ka kalpui lo ang che" a ti a, ka beng ri thlawp. Ranger-a'n min runluih emaw tih mai turin ka hmuh laiin Daisy-i a kuah vak vak a, fawh pawh a ching! Ka na lo ka tih chuan dawt a ni ang! "Kan inhmu leh ta maw!" Dr.Rinkima chuan a thutna atanga thoin nui chung chuan a ti a, nuih let vein a dawhkan hmaah ka thu thla nghal. "Result kalo lam dawn" ka tih chuan eng emaw a hmelah a lang chhuak a, mahse rei a nilo. A thutna chu pawt hnaiin a thu thla a, a kut pahnih dawhkan chungah a nghat bawk.






"Coffee te in dun phawt ila" a tih chuan ka duh loh thu leh ka thiannuin min nghah thu ka sawi a, a bu nghat. Ka result ni awm tak chu pawhdawh atangin a phawrh chhuak a, a nui hmel hmuh tur awm tawhlo chuan ka ngaih a ti thalo. "Eng nge awmzia?" Hrilhhai deuha nui hawk chung chuan ka ti a, ka lehkha ken ka lek va bawk. Ka awih theilo! Thil awihawm loh tak a ni! Doctor chuan thaw hawkin min melh a, nui lui sangin a hmel ka en reng thung. "Stage one chauh ala nia, i dam leh thei em em ang" a tih sup chuan ner nangin "In tisual a niang, mi..midang ta min pe zawk a nilo maw?" Tiin ka result chu ka en nawn leh ngat a, mahse ka hming chu chiang takin a inziak!






"Damdawi i ei that chuan a pangngai leh vek dawn alawm. Ka enkawl che ang nga, ka sawi tawh ang khan stage one chauh ala nia.. Damna chance a la tam lutuk" min hnem tum tak chuan a ti a, ka mit sulh thei. "Hei chu, hei chu thisen cancer a nih hi! Ka thisen zawng zawng hi lakchhuah a, thisen dang kan thun leh dawn te a nih loh chuan ka dam thei tawhlo! Hnar thi vang mai maiin ka cancer lo ang" la awihlo zet chuan ka ti a, ka hlauthawng lutuk chu ka chhaw huih. "I tha leh dawn alawm" ka mit taka min melhin a ti a, ka kut a hum nghal vung vung. "Engtin nge ka tih ang?" Tap triau chuan ka ti a, min khawngaihna mitmeng saw ka hua! "Tawngtai tha ila, Pathian a awm alawm." Tiin a thutna atang a tho chhuak a, min kuah nghal vawng vawng. "Ka..Ka chhungte! Ka kalsan theilo ang! Tihtur hmabak ka la ngah lutuk!" Ka tih chuan min kuah nghet sauh a, thi thei kala nilo! "Shh, i dam leh dawn ka tih chu... midang dam chhuak pawh an awm alawm" a ti sup a, lu thingin "Za a pakhat bak an damchhuak ngailo!" Beidawng zet chuan ka ti tham triak.




- End of Chalter 18 -


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)