ENCHANTING by Calm Bird (Completed)

[Ngaia]

Chapter - 7
ENCHANTING
by Calm Bird




"I bialnu in i hai ava nih hmel ve?" Tiin ka hawi kual lui vel a, ka awmdan vang chuan a kiai suk. "Hai lo e" a ti sup a, zai zir chuan țhu turin min ti nghal zat. "Tlan vat zawk mai teh. Ka țhiannu nen kan kal rual dawn." Ka ti hlar a, mithmul ti kang zeuhin "In in a ka luh i duh loh chuan lo țhu vat mai teh" a tih chuan ka melh rum nghal vak. "Zah hi hre ve deuh teh" tiin ka pen hmawk hmawk a, ka hawi let zeuh chuan kan in kawngkhar bula a ding chu ka hmu a, ka tlan let leh nghal vat.









A bul ka thlen rual chuan a ban puamah ka beng ri thlawrh a, a bana vuanin a bike lamah chuan ka kalpui nghal hlawk hlawk. Thil nilo lo a sawi lo ang tih tu ngen hria? "Min tihbuai hi sim la kalbo rawh" a ban ka vawnna thing thla hnawkin ka ti a, dur khuiin ka melh bawk. "Ilo chuan loh chuan lutin ka bialnu i nih thu ka sawi ang" ka hmai zawna kun hniamin a ti a, ka thaw chhuak hawk. "A țha e, khawiah mah min kalkual pui loin college-ah min drop ang che. I hria maw" ka tih chuan nui sukin "Khatiang mai tur kha" a tih chuan rum lutukin ka melh. Bike-a ka chuan hma chuan Sawmtei massage in ka sawm dawnloh thu leh minlo nghak lo turin ka hrilh a, bike-ah chuan in phurin kan tlan chhuak nghal.














A phura chuan chu thla a muang duhlo kher mai. Kuah ka inthlahrung ve ting tang bawk nen ka țang țung a, thinthi hian ka chuanglo hrim hrim! "Heh heyyy! Engvanga helama tlan nge i nih!?!!" College kawng lo lam zawk a a tlan chuan ka au vak. Min chhanglo in a speed ngai reng chuan a tlan a, ka thinrim lutuk hi tlawh tlak pawp mai te ka chak! "Hmelaa!" Ti vakin a helmet chhanah chuan ka beng ri pawp a, a hma aia a tlan chak thut avang chuan ka er zawk a, a kawngah ka kuah nghal chial. Motor awm tam lohna lama a kal leh lek phei chuan tlan chak tawh tak ani. Kylos-a'n in race na a min phur ang chiah speed in a tlan a, ka maimichhing ta tawp. Eng nge a bialnu ka ni tih ka chhungte bula a sawi chu kalo hlauh em em ni? Ka inchhir hi ani tawp mai. Ka rilru chuan Lalpa'n țawngțai dan min zirtir angin ka țawngțai char char a, Kylos ai mah pawn a tlan chak zawk.














Motor kan tawh te chu a lehpel fua fua a, kawngkawiah te chuan lei kan nawr dawn hial țhin! A bike a tih din rual chuan hawi chhuak vatin bike ațang chuan ka chhuk nghal a, a helmet phelha alo chhuk rual chuan a taksa rem lai laiah ka chum nghal pawp pawp. A samah kek pha ngat ilang chuan kekin a sam ka pawt kawlh vek duh ang. "Duhtawk teh" tiin ka ban rekah chuan a man chawt a, phelh ka tum chuan a man nghet mah mah! Melh rum lamah ka țuan ta ringawt a, ka melh rumna te chu ngatan mah ngailo in a nui suk duh lek!












"Min dah let leh nghal rawh!" A mita enin ka melh chho ran a, mit ti zim sunin min en thung. "Ka bialnu ni rawh" a tih chuan ka nui chhuak hawk. "Hmangaihna hi infiamna angah i ngai ami?" Ka tih chuan a hmui ti sawi zeuhin "Engthil nge i bialpa ni turin ka tih ngai?" A tih chuan awihlo lutukin ka melh. "Engthil nge min tihbuai theih tawh loh nan ka tih ngai?" Tiin ka chhang let ve thung. Vei nuih sukin "Ka bialnu nih" a tih chuan ka kut a vawnna chu ka phih thla lawp a, a ni bula awm reng hi ka duh lo. College lam pan tum chuan kein ka kal a, a bike start thawm pawh ka hrethei. Kawnga ka kal laia min rawn tlan pelh vut chuan hnung lam ațang ka melh hrep ringawt.









Taxi lain College lam chu ka pan a, a fare pawh a to zek mai. Kha Ranger-a vang phiangsen khan ka pawisa ka hloh a, chu mai pawh ni loin class ka nang hman lo a, ka thinrim dan chu pui tak ani. Class ka nan hman chuanloh avang chuan lut lo law law in inchung berah ka chho a, a hmun ka thlen chuan thaw hawkin ka hawi kual a, helai hmunah ngei hian Ranger te țhianho in min bully a, ka theihnghilh theih tawh pawh ka ringlo. "Eng nge i tih a?" Rawn titu avang chuan ka phu zawk. Ka hawi let chuan Kylos ka hmu a, rawng sen lam a inbel lo ve tehmial. "Ka awm mai mai." Ti a chhangin building sang zet ațang chuan ka dak a, van pawl mawi tak te chu ka thlir hauh hauh a, thli fim in ka sam a chhem leh heuh heuh țhin.













Ka bulah dingin khua chu a thlir ve a, inbe loin ka ngawi reng. "Kylos, i pawisa khaa.." hrechhuak thutin ka ti a, ka lam lo hawiin "Eng ka pawisa?" A tih chuan "Hmanzan a kan in race na ami" ka ti a "E kha kha maw..? Ka pek tawh che kha. Ka mamawh velo" a tih chuan nur nang a melhin "Mamawh lo si engvanga race ah khan tel nge i nih?" Ka ti a, ka samin ka hmai a zar avang chuan ka bengah ka zep zeuh. "In race hrim hrim hi nuam ka ti alawm" ti a min chhan chuan ka ner vak. Thil țul lo tak ani. Tleirawl pawh an nilo a tlangval dik tak a chhiar an ni tawh. He college-ah pawh hian a senior pawl a ni a, mahse a mah aia naupang zawk te ai pawn a thil buaipui a ho zawk. Insual leh intlansiak. Thil țullo tak ani.











"Bawihi eng nge hetah i tih a?" Ranger aw ri ka hriat chuan ning zetin ka thaw chhuak hawk. Kylos nen an intihbuai leh chuan... Ngaihtuah pawh ka ngaihtuah peihlo. Tunah pawh thip zetin an inmelh leh tawh. "Ka kal ang nge" tiin ka kalsawn a, Ranger ka kal pel tur chu ka banah manin min kuai let dawr! "Hrep hian! Thlah nghal rawh!" Kylos chuan ati chher chher a, ka rin ang tak tak ani. An intibuai leh ngei ang. Ui leh kel thlun pawlh ti a an sawi dik tak ani!










"Ka bialnu ka chelh theilo tih na ami?" Ranger-a'n a tih chuan ka chhing sawk. Kylos chuan rum zeta Ranger melhin "I bialnu a nih lai ka va hrelo ve? Ka hmeichhia ani tawh" a tih chuan ka meng kawk! Hemite pahnih hian kei hi an in chuh chu ani em lo maw!? Kei hi an pahnih hian min fiam kual zawk em ni? "Min thlah teh" ka tih chuan ka awmah min kuah a, a taksa ka si chet mai. "Ka dawhtheihna fiah tum suh..... Ranger" Kylos-a'n a tih chuan ka thin a phu dup dup tawh. An insual mawlh ka hlau.












"Țhiana buaina in nei em ni?" Rawn ti tu lam chu kan hawi țhap. Alan sunglass vuah chunga rawn kal phei chu kan en a, amah tal țhelh thei tur a awm a ka thaw huai. "Nei deuh e" Ranger chuan ati nghut a, Alan, a țhelh tu tur zawka ka ngaih chuan Kylos lam panin a tlan thut a, a hnek nghal chawrh. Kylos nen chuan an insual buai nghal a, an in hneh tawk em avang chuan an in khawih chhawk zat zat mai. "Ranger, țhelh ta che!" Ka ti chul a, Ranger chuan ka kut a kaiin step lam chu min pan pui a, ka tal aih aih.













"Eng nge i awmzia hi" step-a min chhuk pui chuan a kut phih thla in ka ti a, thaw hawkin ka lam a rawn hawi a, min melh chho ralh. "Kha pa kha hnaih tawh suh" a tih nghut chuan ka ka ka ang pam a, ka ner nawng bawk. "Ka duh duh ka hnaih ang nga i lo sawi ve tur a awmlo" ka tih zawh rual chuan min pawt chhukin bangah chuan min nem bet thut a, a kut lehlam lehlam chuan ka lu zawnah bang a nem khalh a, ka mitah tak a mitmeng fiah kak chuan min en chhuk ran a, min ti zam lek lek hial!










"Ka bialnu ni rawh" a tih sup chuan chil ka lem khalh. "Tinge min duh loh a?" A tih leh chuan thaw hawkin "Khang thil zo zai ka chunga i tih hnu pawn tiang hian ila che ngam aniah... I zaktheilo tak zet!" Melh chho kiauin ka ti a, a hmui hnuai pet zeuhin "Ka ta ah kala siam ang che. Min duh hma zawng chu ka zar buai ang che" tiin a kalsawn a, inchung lamah Kylos ngaihven turin ka tlan chho nghal vat. "Kylos! Alan! Duhtawk rawh u!" Ka thlen chhoh rual chuan ka ti țhat a, chhuata an lo inbawh bet chu ka pan nghal. "Kylos thlah rawh" Kylos-a'n a hnek leh tur chiah chu ka ti țhawt a, Alan chuan a bawhbeh na ata talchhuakin Kylos chu a hnek sawk a, an ka te chu a thi phung tawh. Hetiang em em a insual!












"Alan duh tawk rawh!" A hnek leh tur chiah chu a kuta manin ka ti a, a tawp ve ta hram. "Duhtawk rawh u. Aw?? In insual hian buaina a chinfel phah lo." Ka tih chuan Alan chu thaw hawkin a ding țha nghal zat. Kylos pawh lo thoin Alan chu a melh run a, awmlo ilang chuan hnek thal tawp duh hmel a pu. Engmah sawilo chuan an in melh tawn reng a, in melh hlum an tum ni awm hialin an in melh na. "In insual chhan eng nge?" Ka tih chuan ka lam an rawn hawi nghal. "Min chhang ula, tu emaw zawk khan..?" Ka mithmul ti kang in ka ti a, ka melh tawn ran.













"Alan hi zawt la ti nia, amah hi bul rawn țan tu anih kha." Kylos chuan Alan melh ralhin a ti a, Alan chu nui sukin "Ranger i tibuai a nih kha" tiin Kylos chu a melh a, hahthlah ti zetin ka thaw chhuak hawk. "Ranger vangin Kylos kha i rawn hnek tihna ami? Chhan ho tak anih chu. In inhmuh apiangin insual in tum tihna ania, in insual fo hian chhan a nei bawk heklo. Ka sawi dik em?" Melh dun ralh chuan ka ti a, ka lam lo hawiin Alan chu a ner sawk. "Ka hmelma ania, ka hnek ani mai. A chhan lehzel i hriat de du a ngailo" a tih chuan mit ka chet kual ralh. "A chhan sawi tur i hriat loh vanga sawi i nih kha. Min rawn tibuai tawhlo ula a tawk animai. In duh chuan inthat ula, in duh leh he inchung ațang hian in paih thla ula ka sawi tur a awm tawhlo. In zalen e. Mahse hre rawh u, chung thil in tih hma chuan in tih chhan tur kha ngaihtuah hmasa ang cheu." Tiin ka kalsan a.














Sawmtei nen chauh chuan awmin kan titi a, Ranger-a chungchang ka hrilh chuan a phur ngang mai, a za cheng a, thurawn laktlak loh tak tak min pe bawk. Mercy-te hoin class an neih vek avangin kan pahnih in kan awm dun a, thuruk kan in hrilh tawn leh char char tawh. "Induh phawt rawh. Yes nghal tawp lo la, nahhh keimah ni ila! Kan school-a chhelo leh hmețha ber pahnih te nangmah vangin an insual aniah. Khawmaw teh i hmel. I mit a țhing si i hmui lah ro siii, engtin nge an duh theih che?" Ka hmai chu a kut pahniha vuanin a ti a, min thlek kual bawk. Mit chet kual ralh chuan a kut ka vai thla a, ka sam te chu a chul leh zeuh țhin.














"Ka hmelțha an ti tihna ani mai alawm. Nang ang hmui mawm hlap, mit nalh zet an duhlo tihna a nih chu" ka tih chuan ka hnungah min beng ri thlawp a, ka nui hak hak. "Remruat" rawn titu lam chu ka hawi a, Ranger ka hmuh chuan ka țhutna ațang thoin a hmaah tak ka ding a, Sawmtei chuan hnunglam ațang ka mawngah a rawn beng zeuh a, a tho nghal hluai bawk. "Kha hei i thil tur" ti a țhi a hum chu ka lamah a rawn dawh hnai a, ka en heu ringawt. "Tu pawisa a i lei nge?" Sawmtei chuan Ranger-a țhi hum lai chu melhin a ti a, Ranger chuan rum nghutin "Ka leina a pawimawh ber lo" a tih chuan runluih ka chak thut. Tun hi phuba lak theihna hun țha tak niin ka hria.















"I pa sum hmanga i lei ani maw? Hetiang mi thawh chhuah sa hmanga thil lo lei hi ka duhlo. A dawngtu nih lah ka duh heklo" kut kuangkuah ata tiin a hmel chu ka en a, a kut chu la let zal zal in a kalsawn nal nal. "A țha, mahse a țhalo. Khatianga hnar tu kha a nei ngailo ania, ala na ve ngawt ang. Mahse a duh tak tak che chuan thil dang hmangin a rawn tlawn leh ang che. Awi ka duh em mai Lalhruaitluanga hi!" A tih chuan melh huin "Lalhruaitluanga a? Tunge chu chu?" Ka tih chhan â min tih hmel zetin min en a, "Amak, Ranger-a! A hmingpum chu Ranger Lalhruaitluanga! Mahni bialpa te hming pawh hriat loh" a tih chuan alu ah kuk lawlhin "Ka bialpa a nih lai ka hrelo" ka ti a, țhutthlengah chuan ka țhu thla lehnghal.













"Sawmte ka U te an inkhel dawn asin. Republic field-ah" ka tih chuan a za nghal cheng. Ka U hi a star ve khanglang a, ka U erawhin a hrelo. Keimah chiah hi a hretu ka ni mai. "En ang, dar engzah ah nge?!" Phur zeta a tih chuan "Dar nga ah" ka ti a,, a phur lutuk chu a che sek tawh. Ka U inkhel hi a en chak thei em em a, a bikin tournament an neihin. Vawiin ah pawh veng dang nen tournament an nei dawn a, mahse an țhianho mai mai ani thung.
















Dar li rik dawn ah chuan college kan bang a, traffic a jam nasat em avang chuan ka Ute inkhel en tur pawh a huna kan thlen theih ka ringlo. Sawmtei chuan a thinrim lutuk chu a scooty horn a hmet leh tuar țhin a, kan hma a dingte chuan an ning pawh a nia nge "Hmet reng suh! I hmeh vang khan a jam loh phah dawn lo" a rawn ti lang lang a, Sawmtei chu chek hlakin "A jam loh phah dawn ka ti biklo" a ti let a, a hnungah sikin chhang lo turin ka ti a, kan tlan ve pawh chuan a sawt lo takzet. Kein kal ila kan thleng hma zawk ang.















Dar nga leh a chanve ah daih chuan an inkhelhna field kan thleng a, ka U bulah ka en dawn thu ka sawi avangin ka kal dawn tih a hre vek a, midang pawh an inkhel en tur an awm ve nual ani awm e. Field chhung kan luh chuan kil khatah an lo awm bawr laih a, mak kan ti dun angreng. Kan sira mi te thu sawi ka hriat chuan sawi nawn leh turin ka ti a, an sawi nawn leh mai bawk. "Mipakhat nen Remsiama an insual a, Remsiama chu ana khawp mai. An țhelh..." A sawi zawh hma chuan an awm khawm na lamah chuan ka tlan phei nghal a, Sawmtei pawh chu ka hnungah a tlan ve bawk.












"Awmsawn teu" tiin mi te chu ka nek a, ka U leia lo mu ka hmuh chuan ka ka ka hup chawih. Mipakhatin a lu ațanga thi lo chhuak chu rawmawl in a hup sak a, ka U bulah chuan ka țhu thla rawk rawk. "U i țha em? U..." ka mittui a tling pam tawh. "Awmsawn rawh" tiin rawmawla ka U hliam lo huptu chu ka ti a, a awmsawn ve mai bawk. Ka U lu chu ka mal chungah ka nghat a, rawmawl chuan a thi lo chhuak chu ka dawm vat bawk. "I chhungte kan ko tawh a, anlo thleng thuai ang" a tih pawh chu ka beng lehlamah a chhuak nghal vek. "Ranger, i tih ami?" Sawmteiin a tih ri ka hriat chuan Sawmtei ka melh a, a melhna lam ka en chuan Ranger hmai thi phunga lo ding reng chu ka hmu a, ka che vel chu min thlir char char. "I tih a ni em?" Ka tih chuan min chhanglo. "I tih ani em ka tih chu!?" Ka ti tuarh a, a hmai a tuai puat thung.










"Hetiang ang a hliam siam tur khawp hian eng nge i lakah a tihsual aaa? Mawhhh? Engvang nge?" Țap chung chuan ka ti a, ka mittui ka biangah a luang thla nghal zawih zawih. Ka U rum ri ka hriat chuan a hmel ka en thla a "U Anute an lo thleng țep tawh ang. Tuar hram hram rawh" tiin a lu chu ka pum zawnah ka dah a, ka kawr hak laiah leh ka kutah chuan thisen a kai vek tawh! Sawmtei pawh a insut ri leh hraih țhin a, Ranger erawh a kalsawn ta daih! Kalsawn rawh se, ka U chunga thil țhalo a thlen chuan ka en liam hauh lo ang. Ka theih ang angin phuba ka la ang nga, apa eng anga minister lian leh ropui pawh ni sawmsarih eng ang mahse a tawp thleng ka bei ang. Court a inlan angaih pawn ka inlan mai ang! Ka U chunga hetia ti tu hi ka ngaidam ngai lo ang. Ka U rum ri hrawih ka hriat te chuan ka tha a khur a, midang lahin tih vak ngaihna an hre heklo.












Motor an keng lo vek a, an zinga pakhat chuan taxi a phar ta tawp a, taxi ah chuan chuangin damdawiin lam kan pan a, an lirthei kenin a țhenin min zui bawk. Ranger... Ranger Lalhruaitluanga... Ka haw lutuk che! Nang ka tawn ațang che hian buaina hlir ka tawk a, engvanga min tibuai reng nge i nih? "U kan thleng țep" tiin a a thlan rawn luang te chu ka kut chuan ka tuai sak a, ka U țhianpa pawh chuan driver chu tlan chak turin a tur ve sek.












_____ _____ _____ ZAWMNA _____ _____ _____





Damdawiin kan thlen chuan ka U țhiante chuan pawm chhuakin an tlan luh pui a, Doctor-te chuan an buaipui nghal vat. Room pakhatah hian an zawn lut a, room bula țhutna an dahah chuan hlauthawng zetin ka țhu reng. "Remruat... Engtinmah a awmlo ang, i chhungte pawh an rawn kal mek e" Sawmtei chuan ka bula rawn țhu thlain a ti a, min kuah nghal chial bawk. "Ka U a insual ngailo asin" țah aw țiau chuan ka ti a, ka khur nasa lutuk chu ka kut ka hum ngawt ngawt.










"Bawihi, i U chu engtin nge a awm?" Ka nu chuan chak zeta kan lam rawn panin a ti a, ka chhang hleitheilo. Ka U țhianpa chuan a nat dan a sawi nghal a, ka rilruah erawh Ranger-a hming a ri char char! Ka pa chuan ka nu chu hlauthawng lo turin a hrilh a, țhutthlengah chuan an țhu thla dun nghal. "Remruat saw en teh" Sawmtei tih sup ri ka hriat chuan a sawina lam ka hawi a, Ranger lo ding reng ka hmuh rual chuan ka sa pup pup. Alo la in lan ngam zawk hi a huaisenin a zak theilo takzet! Thinrim zet chuan ka țhutna ațang ka tho a, ka chhungten ka kalna tur min zawh pawh chuan ka chhanglo.












"Engvanga la rawn in lan ngam zawk nge i nih?!" A bul ka thlen rual chuan a hma taka dingin ka ti a, a thaw chhuak hawk. A hmai tuai puatin "I ngaih ang kha a nilo" a tih chuan za lo zeta nui hawkin "Ka U i sawisa a ka ngaih ang hi ala ni lo a maw? Mipa hlauhawm tak i ni" ka tih chuan chunglam hawiin a dak a, a che vel chu rum theih patawp in ka en thung. "Min ngaithla teh" a tih chuan ner vakin "Thiamthu sawi tur i la nei cheu elaw? A țha e, sawi ta che" ka tih chuan ngawi vang vangin min melh chhuk run a, ka thinrimna chu a â lettawp te a nihloh chuan a hmu thiam ang.










"I U kha khatia siam ka tumlo, mahse amah khan min nawr lui a ni" a tih chuan phawk zetin ka melh. "Siam tumlo si hetiang hian i siam a..? Eng nge ka U chuan i chungah tihsual a neih? Nge kei min huat luatah ka chhungte i tibuai zawk?" Ka ti tuar a, kan chheh vela awm te chuan min melh leh hrek hrek țhin. "Min ngaithla teh" ti a ka dar a rawn vawn chuan ka kutin min vawnna chu ka phih thla a, "Ngaihthlak ka duhlo. Ka U ka hre chiang a, a thiamlo zawk pawh ka hria. Hetia i siam chhan chu engpawh nise a phu in ka hrelo" tiin ka inher a, ka pensawn nghal.













"Ka pawisa a ru alawm" a tih chuan ka pen lai ka ding dawt. In her letin "Engthil maw i sawi?" Ka ti a, a sawi ngai a sawi nawn leh sup. "Engzah nge? Engzah nge a ruk?" Ka ti a, ka awih thei hlawl lo. Engtiang a rethei pawh ni ila eitur kan nei a, ruk rùk lam kher chu ngaihtuah pawh kan ngaihtuah ngailo. Mahse eng nge ka hriat hi? Ka u'n thil a ru maw? "Sawi ila min rul thei dawn ami?" Nui suk chuan a ti a, tiang din hmunah pawh ala chapo takzet. "A rulh theih i rin loh vang chuan em ni hetiang a i chet?" Ka ti sep a, ka kut ka hum ruh ngawt ngawt. "Ni chiahlo" tiin min chhang a, a mitah chuan rilru na deuhin ka en. Ka U hetianga a chet vang hian ka rilru a na, a na takzet.












"Engzah nge?" Ka ti sup a, kan boruak chu a rit țha kher lehnghal. "Nuaih khat" a tih chuan mak ti zetin ka en. Engtin nge chutiang zah zah ka u'n a ruk theih? Eng atan nge a tih? "A țha e, ka pe let ang che. Ka pe let em em ang che" tiin ka let a, ka rilru a zawhna lian ber ta chu 'Engvang nge tih leh engatan nge tih hi' Ranger-a pawisa daih a ru chu mak ka ti a, Ranger pawh kha ka U'n a khawih ve nual a nih hmel. An kum pawh a inrual thawkhat a, Ranger-a erawh a naupang zawk ang. Eng ang pawn ru se kut inthlak kher!














Vanneih thlak takin ka U chu a pawi lai turah a hliam lo hlauh a, Cabin-ah an dah lut nghal. Ka nu chuan a khum bulah a țhut chilh deuh tawp a, ka rilru hahna zawng zawng an thlawk bo vek tawh. "Sawmte, i haw rualin ka haw dawn aw, inah thil tih tur ka nei a" ka tih chuan zawhna min zawt nghal. "I U i awmpui dawnlo tihna a mi?" A tih chuan lu thingin "Ka let leh ang" ka ti a, ka thawmhnaw pawh thlak ka ngai. Thisen ka kai nasa lutuk!










In lamah chuan kan in phur haw a, ka in thleng min thlah a, a in lamah a let ve nghal. In ah lutin ka inbual fai a, ka almerah a ka pawisa dah leh ka bag-a Kylos pawisa pek let ka tum chu ka la chhuak a, ala kim leh kim loh enin ka chhiar țha vek. Ka chhiar zawh chuan engmah kim lo a awm loh avangin envelope chhungah ka khung a, khumah țhu in ka pawisa ken chu ka en tlawk tlawk. Ka U chet danin min ti na tak zet a, ka nute erawh hriattir ka tum lo. Mahse a tih nawn leh erawhin ka sawi chhuak ang. Pawisa a mamawh tawp khawk turah ka ngai.











Ka phone phawrhin hman zan a Ranger min text na nunber chu ka hmet chhuak a, ka call nghal zat. Vawi khat ka call na a a lak theih loh avang chuan ka call țha leh a, a vawihnihna pawh ala chhang chuanglo. A tawp nan tiin a vawithum nan ka call a, rei fe a ring hnuah a la ve ta hram. "In hmu ang" ka ti nghal thawr. "Awle, a hmun tur sawi la" a tih chuan ka ngaihtuah a, kan in a lo kal turin ka ti tawp. Tukverh lam ka hawi chuan khua alo thim fel der tawh! Ka envelope ken chu melh leh zeuhin bag-ah ka khung a, in ațanga chhuakin Ranger lo thlen hun ka nghak char char.













Ka hma a bike a rawn din rual chuan hawi chhoin ka en a, a helmet phelhin bike ațang chuan a chhuk nghal. A hmai a khem ka hmuh na hnuah chuan bandaid a bel a, a hmui sir pilh pawh hmu chiang tak ka ni. "Sawi la" a tih chuan ka hawi kual a, kan țhenawm a nutling kawt a lo țhu ka hmuh chuan ka thaw hawk. Lirthei lah a khat tawkin an tlan reng a, sawi chi a ni pawn ka hrelo. "Hmun fianrial i duh a va ang ve! Lo kal rawh ka hruai ang che" a tih chuan duhlo viau mahila ka pawm ta hram a, kan inah lut lehin tala ka la a, in chu ka kalh nghal. A bike-ah chuan in phurin kan tlan chhuak a, a hma ang em em khan tlan chak lo mahse tlan muang ti a sawi tur chu a ni chuanglo.














"Sawi la" bike ațanga kan chhuk fel chuan a ti a, pehhel kual duah ngai loin ka bag a ka envelope dah chu ka la a, Ranger-a kut chu lain envelope chu ka hmeh bel nghal. "Hei eng nge?" A kuta envelope chu enin a ti a, hrilhhai zet chuan min melh nghal. "I pawisa" ka tih chuan a chal a ti chuar a, ka sam ka hmaia tla chu hui chho papin "Tikhan ka rul tawh che a, ka U leh kei hi min tibuai tawh suh. Ba kan rul tawh a, chuan ka Uin khatiang thil a ti kha a aiawh in ngaihdam ka dil nghal e" ka tih chuan thaw hawkin ka kut chu min laksak a, a envelope ken lai bawk chu a hmeh bel. "Ka mamawh lo. I U-in a rul tawh a, a thisen hmangin.... A ngai tawhlo tihna a nih chu" a tih chuan rapthlak ti zetin ka melh. Thisena rulh maw?













"Ranger, he pawisa hi i duh let leh vang a ni lawmni ka U i sawisak? La rawh. Ba neih ka duh lo a, i lakah ngat phei chuan. Chuvangin he pawisa hi la la, min tibuai tawh suh. Heng hi ka pek chhan che chu i ba hmanga min vo emaw min tihbuai loh nan emawa ti ka ni. Ka kal ang nge, taxi ka phar mai ang" tiin envelope chu a kutah hmeh belin kan awmna ațang chuan ka kalsawn a, tlem kal hlek ila in a awm nghal tuarh a, ke a kalchhung a rei lemlo. Taxi chu pharin damdawiin lam ka pan tlang nghal a, ka U cabin ka thlen chuan alo harh tawh.













A lu an tuam var luk a, a hmai ki lai pawh a duk chur mai. Ka nu chuan a be siam siam a, ka U erawhin a chhang zeuh zeuh ringawt. Ka pa pawh chuan a țhutchilh a, thilthleng an sawi lai a ni bawk nen an thusawi țhenkhat chu ka hre hman. Ka nu sirah chuan țhu thlain chik zetin ka U hmel ka en a, engmah danglam a awmlo. "Nu eitur rawn la ula, ka U kalo awmpui ang" ka tih chuan tho chhuakin "E, ngaihtuahna chang pawh kalo hrelo a, tikhan lo awm ula ka zuk la ang. Mama pa min kalpui la..?" A tih chuan ka pa pawh a tho nghal a, an chhuak dun nghal.















"Eng nge in in sual chhan?" Ka U melh chuan ka ti a, lu thing ngutin "A ho lutuk. Engmah anilo. Ka țha tawh a, ngaihtuahawm pawh ka ni tawhlo" a tih chuan ka thaw hawk. "Engatan nge pawisa i tih?" Ka tih chuan min melh nghal zawk. "Eng chungchang nge maw i sawi le?" A tih chuan ka mittui tla mai tur chu a dan nan tiin ka khap let fak fak a, ka U melhin "Ka hre vek... Engkim. Tinge? Tinge i ruk kher?" Țap aw țiauh chuan ka ti a, min en ngur thung. "Lungngai suh ka rul let leh vek dawn alawm" a tih chuan ka hmui ka pet a, țah ka insum nasat em vang chuan ka hrawk ana tut tut bawk.















""Ka rul tawh. Mahse khang pawisa zozai kha eng atan nge i hman?" Ka ti a, a rilru hriat tlang vek tum ni awm hrim chuan a mitah chiang takin ka en bawk. "Min zawt lo thei ang ngem?" A tih chuan ka chhing sawk. "A țha e... Ka zawt lo ang che. Mahse eng anga rethei pawh ni ila thil ruk lam kher chuan che tawh suh. Mahni thawh rah nilo a thil lei emaw pawisa hman emaw a țhalo tih i hriat kha." Ka ti a, ka mittui rawn baw zawih chu ka kut hnungin ka hru nghal tawk. "Ka nute bulah sawi suh aww, an rilru a na ang" a tih chuan ka bu nghat a, ka nute pawh an rawn lut nghal.













"Zan laia na i neih chuan hei ei la, min kaitho mai dawn nia" ka nu chuan ka U khuma mu chu a chah a, ka room-ah chhoin khumah ka mu thla hnawk. Sawmtei pawh hrilh ka tum lemlo. Ka U mualphona thlen tu nih ka duhlo bur. Mahse ka rilru kap tu zawk chu engvanga ru nge a nih tih ani. Engtikah emaw min hrilh beiseiin ka nghak țang țang mai ang. Ka hnar ațanga thi a chhuah avang chuan lapua in ka hru a, a thi chhunzawm tawh lemlo bawk nen eng tehualah ngailoin ka mu a, ka chau bawk a rei loah ka muhil nghal.









Zingah chuan eirawng te bawlin ka che sawk sawk a, college kal ka ngaih avang chuan keimah chauh chuan ka ei a, ka insiam fel chuan Sawmtei sawm turin ka kal a, scooty a inphurin kan titi dun char char a, Ranger pawh min duhpui tawhlo. A star pa a sawisa miau a. Mahse ka bialpa ni turin ala duh tho thu a sawi hram. College kan thlen chuan Sawmtei in park pawh nghak loin class lam ka pan a, ka luh chuan Ranger a seat-ah a lo țhu ran. Ka țhutna lam panin ka țhu thla a, ka dawhkana an thil ziah hnawk nuaih pawh kha a awm tawhlo a, dawhkan an thlak pawh ani maithei.












Science chu kan zir malh malh a, zirtirtu thusawi ka ngaihthlak lai chuan paper ball anga hlawm chu ka hma dawhkanah a rawn tla a, theh tih hai theih rual anilo. Ranger-a țhutna lam ațanga lo thlawk anih avang chuan alam ka hawi a, a kut zaizir chuan hawng turin min ti a, paper chu lain ka hawng ve mai bawk. "Ka bialnu chu ni rawh. Nimina thil thleng avang khan ngaihdam ka dil e, i U ani tih hria ilang chuan khatiang thil kha a thleng miahlo ang. Mahse a hrim hrimin i U nep zia kha" a tih chuan Ranger lam hawiin ka melh rum nghal nghek. Ala nui heu zui. Ka U nilo mahse khatianga tih kha a țul kher chuanglo. Midang hrim hrim ah pawh.










Paper chu hmet khawrin ka bag chhungah ka thun lut a, paper dang a rawn theh leh chuan ning zetin ka chhiar a, a thu sawi lah chu a ho thei em em mai khawp a, a hnuah phei chuan a peper rawn theh dang chu chhiar loin bag-ah ka khung nghal zel.



- End of Chapter 7 -


Show post links
Top

[Ngaia]

Chapter - 8
ENCHANTING
by Calm Bird




Class laklawh lai chuan Ranger chu a chhuak daih a, an en heu hlawm mai. Break a nih chuan chhuakin Sawmteite awmna tur lam ka rinah chuan ka kal a, ka hmuh loh vang chuan massage hnutchhiahin library a ka awm thu ka thawn a, library lam chu ka pan nghal. Library luh dawn chiah a kawngkhar bulah chuan Ranger-a'n mipakhat hi a kawr awma țhamin banga alo nem beh lai ka hmu a, an sir ațang chuan ka thlir reng. Midang pawh an pung khawm laih laih a, Ranger chuan rum zeta melhin ami man beh pa hmai zawnah tak chuan a țawng a, an sawi erawh ka hrethei lo. "In hria maw nangni pawh hian! Helai hmun hi ka rorelna anih hi! Min kalhzawngin tumah in awm tawh tur anilo! Vawi khat pawh in..." hawi kual in a ti a, min hmuh rual chuan a thusawi lai a tawp dat. A man beh pa chu thlahin a kal tir a, nui var var a ka lam alo pan chu ka thlir reng.











"Khawnge i kal dawn?" A tih chuan chhang loin library chhungah chuan ka lut a, ka lehkhabu chhiar tur chu lain țhutthlengah chuan ka țhu thla nghal. "Chhiar ring la, ka hre ve duh" a tih chuan ner nangin ka hmui ka liak zeuh a, ka lehkhabu ringawt chu ka en. Niminah khatiang thil kha a thleng a, min la be ngam hi a zaktheilo hi ka ti takzet! "Pawilo, tian ka thlir mai ang che. Ka bialnu hual" tiin dawhkanah chuan a bawk a, ka melh zeuh chuan a khi nghal sawng. Min thlir reng avang chuan thoin lehkhabu chu a awmna ngaiah ka dah let a, a mood-ah min chen tir theilo. Library ațanga ka chhuah pawh chuan min zui zel a, ka nin dan hi thu in a sawifiah zo lo.















Hmanni a Christy ten min tihbuai ațang khan Christy te ka hmu leh tawhlo a, ka hmuh pawn engtinmah min tilo. Thil dang plan an nei em mawni te ka ti rum rum țhin hial. "Min zui tawhlo thei em?" Ding datin hnung lamah ka inher a, Ranger chu ka melh chho ran. Mi zawng zawng hian Ranger vang nge min en sup sup a, chu thil chu ka duhlo takzet. "Theih phei sela chuan i taksa a incharh beh ania ka duh" a tih chuan ner vakin Canteen lam chu ka pan nghal hlawk hlawk a, ka hnungah min zui ve zel!













Eitur order-in ka țhu ngawi reng a, Ranger ka hma a țhu chu ka melh ngar. Amah zawk chu a lai nge a hawikual sek a, kei lahin mit lasawn hauhlo chuan a mitah tak ka melh reng. Eitur alo thlen chuan ka ei mial mial a, Ranger chu a țhu ngawi kur. "Remruat" Sawmtei aw ka hriat chuan ka hawi chhuak a, Ranger chuan min melh ngur thung. "Hei eng nge awmzia?" A hmui phuna tiin Ranger chu a kawk a, dar kan akin zaizir chuan rawn țhu turin ka ti a, ka sirah chuan țhuin eitur a order ve nghal. "Khawnge midang?" Ka tih chuan class an neih thuin min chhang a, a eitur a thlen chuan a ei nghal a, Ranger chu a khat tawkin a melh leh zeuh țhin.












"Remruat... Kalo zawm ve thei cheu ang ngem?" Kylos chuan kan bula dingin a rawn ti a, Sawmtei chuan ka banah min sik nghal vak. "Theih loh thu pawh a awm hleinem" ka tih chuan Ranger a rum nghut. Chair la sawnin ka sirah chuan a țhu thla a, eitur pawh a order lem chuanglo"Class i neilo ami?" kylos-a'n a tih chuan chhan ka tum ka ka ka ang hman zuau tawh "Nei lo a hetah a awm hi" Ranger-a'n a tih vang chuan ka chip leh nghal. "Bia che hi kan ang țhin" Kylos chuan tiin no-ah tui a thli chhuak a, a in nghal khawlh khawlh. "Helai hmuna rawn țhu ve tur hian sawm che hi kan ang țhin" Ranger-a'n a ti leh nghut a, an pahnih chuan ka en heu mai. "Min sawm ka ti hi a ang țhin" Kylos chuan dawhkana no dahin a ti leh nghut a, Ranger chu chek tlakin "Sawm silo i rawn țhu ta a? Lawm hmel kan put khum che hi a ang țhin" Ranger chuan a ti ve leh a, Sawmtei nen chuan kan thil ei lai chawl meuhin an inhnial chu kan thlir reng.











"Lawm hmel min put khum ka ti hi a ang țhin" Kylos chuan inherin Ranger a melh a, Ranger chuan melh let ve nghal in "I ti ka ti hi a ang țhin" tiin a chhang a, an mitmeng chu a rum dun tawh kher leh nghal! "Ti awm taka sawi hi i ang țhin" Kylos-a'n a ti ve leh a, harh chhuak thutin "In inhnial dawn chuan saw tah va inhnial rawh u, inhnial ri ka ngaithla peihlo" an pahniha melh dun chuan ka ti a, țawng zui loin an in melhna chu an titawp a, Kylos chuan eitur a chah nghal zat. "Nge ilo khak a, an inhnial chhunzawm dan hriat a chakawm asin" Sawmtei chuan ka beng zawnah a ti sar sar a, "An insual ka hlau alawm" tiin ka hrilhru ve nghal zat. Zep loah chuan an inhnial kha keipawn hmuhnawm ka ti. Mahse an insual chuan midangte an chawk buai leh vek dawn. An țhiante rawn kal khawmin an inphek sual loh ang tih pawh a sawi theih loh. An in khawih na thei ropui si!











"Eng subject nge next class a i neih?" Kylos-a'n eitur ei chung chuan a ti a, "Practical Science" ka tih chuan a bu nghut. "Vawiinah project min pe dawn a, kan pahnihin kan inkawp dawn nia" Ranger-a'n a tih sup chuan Kylos chuan Ranger-a melhin "I fail pui dawn a nih chu" a ti sup a, ka thaw chhuak huai huai. Inhnial phet hi an tum a a hahthlak takzet! "Future te hi nangni zawlnei der ho hian in han sawi lawk zit zet a, thil lo thleng tur hre lawk ang maiin" Ranger chuan Kylos-a lam hawiin a ti let a, Kylos țawng leh a tum chiah chuan tho thutin ka kalsawn tur thu ka hrilh a, Sawmtei pawn a ei zawh ve tho avang chuan a tho ve nghal zat. Kalsan loh chuan an țhu dun reng ang nga a tawpah an inhnial leh ang.








Counter-ah chuan pawisa pein kan chhuak a, Sawmtei chuan ka dara min kuah chawtin "An inhnial peih zia kha. Ranger khan Kylos a thik chiang. Kylos pawn chutiang chiah chuan. An star dun che ka tih tawh kha an pahnihin i laka țha zawk nih tumin an in el reng ka ring" a tih chuan a mawngah ka beng thlawrh. "Remruat!" Min auhna lamah chuan ka hawi phei a, Ranger-a țhian pakhat sam buang deuh mai hi ani a, a hming erawh ka hrelo thung. Mahse an țhian zinga mi a ni tih erawh chiang takin ka hria. "Eng nge ni ta?" Ka bul a rawn thlen rual chuan ka ti a, Sawmtei chuan a melh kar. "Kha" tiin envelope hi ka kutah a hmeh bel a, mak ti zetin ka melh nghal. "Eng..." ka sawi zawh hma chuan a kalsawn nal nal.












"Awii, Rohlua chiang deuha ka vawikhat hmuhna. A chhiatloh ziaaa kha. Eng nge a pek che kha?" Tiin ka thil ken chu a en a, keipawn ka en nghal zat. Envelope chu hawngin ka bih a, pawisa tamzet a lo awm. Lehkha ka hmuh tel chuan lain ka chhiar a, a thuziak chu chhiar a har zek leh nghal. "Ka duhlo ka tih kha, midang pawisa ka mamawh lo" tih hi hawrawp chhe zetin a inziak a, Ranger-a hnena ka pawisa pek kha ani tih ka hrethiam mai. "Eng nge?" Sawmteiin a tih chuan engmah a nihloh thu a chhangin ka bag-ah chuan ka khung a, paper chu hmet khawrin kan sira dustbin-ah chuan ka paih nghal.













Class kan neihna tur a hran avang chuan kan in țhen hrang a, class-a ka luh chuan an lo kim țhap tawh. Țhutna awl awm chhunah chuan ka țhu a, kan țhutna hi mi pahnih te te a țhutna chi a nih avangin classroom pawh țhutthleng rem a ngai tam bawk nen a zau khawp mai. Kan zirtirtu a rawn luh chuan board-ah thil a ziak a, a thil explain pawh chu ngun takin ka ngaithla, Ranger ka bula a rawn țhut hma kha chuan! Dusk Till Dawn hla hi a sa rat rat reng a, ka ning lutuk chu board melh ngar chuan ka thaw chhuak leh hak țhin. "I zai tawhlo thei ang ngem?" A lama inher chuan ka ti vak a, ka țawng ring lemlo thung. Mahse a vin lam mah ani. "Ka hrelo le, ka'n tum ang nge" a hmui pet sawi zeuh chuan a ti a, board lam chu hawiin zirtirtu thusawi chu ka ngaithla nghal.












Minute khat pawh a liam hma chuan a hla sak ngai bawk chu a rawn sa leh a, ka ning lutuk tih dantur hre silo chu ka kut hum ruh nghekin mit ka khap vak vak ringawt. "I mit khatia i khap vak vak avang khan i thlawh phah lo ang" a tih chuan a lam hawiin ka melh rum nghek. "Mipa ve si țawngthei lutuk" ka tih chuan nui seihin "Tuai ka ni nâh a i tan chuan mipa diktak ka ni thei" a ti a, mit chet kual ralhin board a zirtirtu thil ziah chu note-ah ka copy thla nghal.










Ka lehkhabu a a pen a a rawn thai ran zel chuan a hnungah ka chum thum dawt a, kan hma a țhu te chu an rawn hawi nghal vek. Kan hnungah mi an țhulo hlauh a a vanneih thlak zawk. "I chhungten awm dan mawi an hrilh ngai lo che ami? Midang laka awm dan tur te..?" Ka tih chuan ner sawkin "Mi fate awm anga awm turin min ti a, a chang leh mi fate awm dan anga awm lo turin min ti" a tih chuan ka en heu. A sawi dik hi ka'n ti mai mai khawp a, mi fate angin awm tur hian min ti ziah a, a chang leh an awmdan anga awmlo turin min ti leh a! Nui sukin ka thil ziah lai chu ka chhunzawm nghal.













"Project,, class hmasa lama ka sawi tawh ang khan vawiinah ka pe dawn cheu a,, in project atan chuan Plastic hi good conductor of electricity a nih dan leh a chhan. Chuan metal nge reactive zawk a plastic tih in rawn zawng chhuak ang nga... A diagram pawh in rawn ziak thlap ang. Google phalloh bur. In partner tur te țheuh thlang u la, pahnih ai tam in ni tur anilo. Tunkar Friday thleng hian a submit theih ang. Tikhan class kan zo e, țha takin project chu in lo ti dawn nia" tiin a chhuak a, midang chuan an partner tur te an thlang nghal sap sap a, classroom ațang chuan an chhuak nghal vek!











"Kan in partner dawn ania" Ranger-a'n a ti a, mahni a tih phal se chu mahni a tih ka duh zawk. Mahse le, partner neih ngei ngei a ngai miau si a. "Naktuk ațang kan țan dawn nia, mark a pu tih hria la uluk ve deuh ang che" tiin ka tho a, ka lehkhabute khung felin class ațang ka chhuak nghal. "Oh well, hei le kan... Eng nge a hming kha?" Christy-te țhian ho chu an lo ding țhap a, Christy chuan a țhiante a melh kual nghal ralh bawk. "Miss Taxi Note" sam seni chuan a ti a, an țhian ho chu nui hakin an in highfive kual a, kal pelh ka tum a ka bana min chelh avang chuan ka ding dat a, min chelhtu Christy chu ka en nghal. Ka thawmhnaw en kualin ka chhip ațanga ka keler thleng chuan a mitmeng min hmuhsitna a khat nen chuan a en chhuk a, chek hlakin "Second hand model" a ti sup a, a țhiante chu an nui nghal hak.











"Min thlah teh" tiin ka kut chu ka thing thla a, ngeiawm zeta nui sukin "Ipa taxi rim i nam. Ka rui dawn alawm le" tiin a kut chuan a inzap a, ka thaw hak. "Ni e, a kalna hmun apiangah a nam in ka hria" an zinga pakhat chuan a hnar hup chungin a ti a, tu emawin min kuah thut chuan phu zawkin ka melh chho a, Ranger Christy lo melh ngar ka hmuh chuan ka hamhaih ang reng. "Vawinah taxi ah ka chuang a, chuan ka duati nen hian kan lo.... Theihnghilh rawh. Keimah ațanga heng rim hi kai a nih hi" ti supin min melh chhuk a, min nuih sang bawk.













"Kal ila babe" tiin min kuah kal a, sawi buai lo chuan ami tih ang angin ka awm. "Engtin nge... Engtin nge min phatsan theih?" Christy'n a tih chuan Ranger chu a ding dawt a, min la kuah run chung chuan hawi letin "Ka phatsan lai che ka hre hauhlo. E.. I bialpa angah min ngai tih ka hria a, mahse ka nih loh zia hrechiang tu chu nang bawk." Tiin min pensawn pui a, a thil rawn sawi leh avang chuan ka ip chawih. "Khatiang thil zozai a thlen hnu ah engtin nge hmeichhe dang lakah min kalsan theih? Vawitam nupa te inkara thleng tur ang kan ti a, hnawmhnawk ang maiin henu vang hian min theh chhuak leh si" a ti a, Ranger erawh ding tawh loin min kalsawn pui pawk pawk.












"Khawi a tawk min thlah tawh rawh. Mi'n min en zui zel ania" tiin min kuahna chu ka dar ațang chuan kala thla a, min melh chhuk ngurin "Ka lakah chauh em ni khatiang khan i chet ngam?" A tih chuan hrethiam lo zetin ka melh a, "Enga?" Ka ti nghal sup bawk. "Ka sawi chu min vin reng a, min hnial reng bawk. Anni ve kha chu i ngawi reng a, i chhang ngailo hrim hrim. I hlau em ni?" A tih chuan nui supin "Nilo ee, khatiang ho kha khin tlaka ka ngaih loh vang alawm. Nang erawh hi chuan ka thin tertek i chawk tho leh țhin. Eng ang pawn tih let loh che tum mahila. Chuan ka haw tawh mai ang mangțha le" ti a kal ka tum chu ka banah min chelhin "Ka thlah ang che" a ti sup a, ka chunga a sual tawh lemloh avang chuan kan in pawh zawk theih nan tiin ka aw a, a bike-ah chuan chuangin kan inphur haw nghal.













"Nahh, ka in thlah tir tawh ngai miahlo ang che. Hmun nilo loah min phur kual ziah" dawr changkang ve deuh kawta a bike a tih din rual chuan ka ti a, ang hlak hlak in bike ațang chuan ka chhuk nghal. Khua pawh a thim fel tawh a, street light leh motor rawn tlante ho headlight bak eng a awmlo. Khawi hmun hmunah emaw min phur kual hrep a, a bike-a ka chuan chhung zawngin ka ang char char ani mai. Khua pawh min phur kual chhungin a thim hman hial!








"Ka haw dawn" tiin ka kalsawn a, thingkung pakhat lo ding ka pelh rual chuan min pawt let hrawkin ka hnung ațang min kuah bet a, talchhuah ka tum pawhin min kuah nghet sauh. "I lakah ka tlana tial tial mai zawng anih hi" tiin a nui ri suk a, ka che lai pawh ka tawp chat. Kei pawh hian haw tur ka ni tih ka inhria a, ka U laka a chet dan vang tal pawn. Mahse huat chu sawi loh ka hnaiha a awm hian nuam ka tiin ka thla hi zu muang tlat a! Ka dar hnunglama nghengin ka kawngah chuan min kuah chial a, ngawi reng chuan kan awm dun ta reng. (Khiii ta pic a in hmuh ang sawn an awm)





- End of Chapter 8 -


Show post links
Top

[Ngaia]

Chapter - 9
ENCHANTING
by Calm Bird




"Min hnar bik lo tih ka hria ania, ka bialnu nih chu duh mai rawh. Min duhlo mahla ka zar buai zel tho ang che" a bike ațanga ka chhuk chuan a ti a, ner nangin lei ka chhuah khum vak a, inah ka luh san nghal daih. Ka hnar lo maw? Ka hre tawh biklo le kha thil chu. Inbual faiin zanriah keimah chauh chuan ka ei a, ka haw tlai deuh vangin min nghak loin min ei san a, pawi tihna pawh ka nei lemlo. Dar sarih leh a chanve pel tawh miau hek!










Room-ah chuan ka eina ka tihfel zawhin ka chho a, ka lehkhabu chu phawrhin lehkha byheart ngai ka chhiar mawlh mawlh. Ka massage tone a rik pawn en loin ka zir char char a, thluak a kal laklawh lai hi a uihawm, a kal zen zen lo bawk nen. Ka zir zawh chuan sana ka en a, dar sawm alo pel tawh. Ka thiam hnem ve thawkhat vang chuan duh tawkin mu turin ka in tin tuah a, ka mut fel rual chuan phone chu lain WhatsApp-ah ka lut a, Ranger-a massage tam zet hi alo awm. Lutin a massage rawn thawn chu ka chhiar a, ka nui chhuak hak. Amah leh a massage rawn thawn chu a inhmeh hlawl lo.


"Bialnu induhnu"

"Project kha naktukah laptop kalo keng ang nga kan ti dun dawn nia"

"Min chhang lo tawp rawh"

"Min chhang vat ta che!"

"Ngai che ti teh"

"Khi nghal ver2 ni mai"


Tih te a ni nuk hlawm a, a thu rawn sawi lah chu a hran hranin a rawn thawn a, emoji pakhat tal ala dah tel ngei ngei zui. A hmel ka ngaihtuahin a massage rawn thawn chu a naupangchhia takzet! A massage ka seen tih a hria nge a number ațang chuan call ka dawng nghal a, nui sukin a call chu ka chhang nghal. "Ka massage i seen sia tinge min reply loh?" Ka hello hma hma chuan a rawn ti nghal thawr!











"I bialnu ka ni miau heklo" Khuma mu thluang duai a maimichhing vang vang chungin ka chhang. "Naktukah chuan i ni lo ang tih pawh ka sawi theilo" a tih chuan ka ner sawk. "Zamlo" ka tih chuan a nui sup ri in a zawm nghal. "Ka zam ten i thinlung ka hneh sak thei nang che. Mu tawh rawh, i mumangah minlo hmu la" tiin phone a dah nghal a, puan chu sin țha sauh sauhin Ranger ka ngaihtuah ta reng. Amah ti amah tu chu a tattoo leh a hnar beh ani. Midang chu ni se ka hmu nalh loin ka ten ang nga, mahse ani chu Ranger ani tlat!








Dar khat a pelh pawh chuan ka la in let sek a, Ranger-a hmel ringawt ka ngaihtuahnaah a lang! Ka duh em ni? A awihawm loh loh! Engtin nge ka U sawisa tu ka duh theih ang? Khumah chuan ka thil ngaihtuah avang chuan ka tal chiam a, Ranger vangin ka muhil theilo! Thil awihawm loh tak ani! "Ranger Lalhruaitluang... Ka ngaihtuahna hi chhuahsan tehh" ti supin mahni leh mahni chu ka inbia a, hepa hi a sual ang ai hian zun a nei ngah phian mai! Thaw hakin puan chu ka kuah nghet sauh a, ka maimichhin luih tlat takah chuan ka muhil ve thei ta hram.












Zingah chuan ka tih dan ngaite in eirawng ka bawl a, ka nu rawn tho pawn min pui ve nghal. Ka U pawh na em em a nei tawh lo a, a lu an tuam pawh an phelh tawh. Ka nu ten an insual chhan an zawh apiangin a sawi duh lo a, Ranger-a tih a nih thu pawh a sawi eih lo. In ațanga ka chhuah chuan Ranger bike nghenga lo ding chu ka hmu a, min hmuh rual chuan a kut a vai zeuh. Jacket dum leh a hnuaiah tshirt dum a ha a, jeans khup țet a dum rawng a ha bawk. A inchei dan hi a inhmeh em em zel zawng a nih hi.












"I dinna a rei tawh em?" A bul ka thlen chuan ka ti a, lu thing zeuh a a biang a rawn dawh chuan hrethiam lo zetin ka en. "Chuk chuk" a tih chuan ner nangin a biang a dawh ah chuan na vaklo in ka beng ri sawk a, nui sukin a bike-ah a lawn a, inphurin kan tlan chhuak nghal. "Kha lai te chu staff ho chiahin an park thei ani lawmni?" Staff ho parking na a a bike a park avang chuan ka ti a, min melh zawkin chhan pawh min chhanglo chuan min pen pui nghal. A fine leh a thu ni rawh se.















"Class lam kan pan chhung zawng chuan miin min en zui zel a, class-ah min luh pui dawn emaw tiin ka zui ve a, college hnung lam min pan pui daih! "Waiss.. Ranger chu bialnu lo nei leh tawh ni maw" Fakawma chuan a ti a, Ranger-a țhiante chu an țhu khawm laih laih. "Heyy, kan tlai ang nge..!" Ranger chu melh chhoin ka ti a, lu thing vutin "Ala hma" a ti sam et a, a țhiante țhutkhawm na lamah chuan min pen pui pawk pawk. "Khuss chu i nei em?" Rohlua chuan Ranger melhin a ti nghal a, Ranger chuan a neih loh thu sawiin țhuttheihna awmah chuan min nem țhu nghal. "Kha i duh ve em?" Tiin Fakawma chuan zu bur ka hmaah a lek a, a chhunga awm chu a sen rawng a ni a, Fakawma chu ka hau in ka melh. "Pek tum duh suh. A in lo" Ranger chuan rum nghutin a ti a, Fakawma pawh chuan a la let zal zal.










"Khawi keiman" ti a Jonathan-a'n ban a tum chu rum deuha melhin a hnungah a thukru nghal a, Jonathan lah chuan chhuhsak a tum sek bawk. "Ruattei pawh pek i tum a, a in ai ka in dawn ani mai alawm. Eng nge i chân (lost) zat tur a in ang reng!" Jonathan chuan a ti a, Fakawma lah chuan "Ruattei chauh pek ka phal. Midang chu ka pe ve dawnlo cheu" Jonathan-a a din avang leh ani a țhut bik vang chuan a melh chho kar a, an chevel chu nui ruh ruhin ka thlir. Ruattei lah chu min han ti leh ta nghal a! Ka ral khat hriat ve dan kha chuan misual, awmțha duhlo leh insual ching tih kha ania, tunah ve thung chuan naupang uikawm deuh awm khawm an ang.










Fakawma phei chuan tshirt dum hain jeans gray rawng a ha a, țhi fual leh lian zet a awrh bawk. Chumai bakah eye liner a hmang reuh emaw ni a mit chu a dum kak kak hle! Mipa boot dum hi a bun bawk a, a jeans lah chu a nih tur bak bak aia tamin a ti thler em mawni. Midang pawh an inchei dan a over vek! "I duh lo tak tak maw?" Fakawma chuan tiin min rawn melh a, nui chunga lu thingin "Duh lo mai ang" ka ti a, mithmul kan zeuhin "A lawmawm hlauh a nih chu" ti a a chhin hawngin a in nghal khawlh khawlh. Hemite bulah hian eng nge ka tih reng ni?











Ranger chu ka bul cheta rawn țhu thlain meizial a zu khu laih laih a, hmalam a thlir hauh hauh bawk. "Nizanah Alan-a nen blue film kan en a, a hmeichhia zawk kha a zei tak tak ani. Alan, mipa khan pistol a nei te tiraw" Fakawma'n a tih chuan an nui ham ham a, kei chu ka lo țang ru țeuh. Țhiante eng anga nel pawh nise chutiang sawi chhuah. A ngaithla tu nih ringawt pawh hi a inthlahrunawm a lawm le. Ranger ka melh zuk chuan a zial a pak khu laih laih a, an thusawi chu hria ang pawn a awmlo. Nge an sawi ngun tawh lutuk a ngaiah a nei zawk ni?












"Ka awihlo, khawi min hmuh ve rawh" Jonathan chuan a ti a, Fakawma lah chuan phur zetin a phone a phawrh a, a kutzungpui chuan a thai kual niap niap. A duh a hmu a ni ngei ang a phone chu a keng sawi a, a țhiante chu a hmuh nghal. An lam pawh hawi duhloin ka sir lam chu ka hawi char char a, "Ka hmu ve theilo" ti tu chu Rohlua a ni. An nui ham ham hlawm a, ka țhutna ațang tho vuta kalsawn ka tum chu "Ruatte la kal suh, hei lo en ve rawh" Rohlua'n a ti a, ner vakin Ranger-a lam ka hawi a, ani pawh ka kal dawn tih hriain a țhutna ațang a tho chhuak a, ka lam panin a rawn kal nghal. "Țhiante u class kal kan ngai a, kan kalsan phawt mai ang cheu" tiin ka kawnga chelhin min kal pui a, an bula awm tur chuan zah loh a ngai em mai!













"Khawi min thlah rawh" kan kal lai chuan ka kawnga min vawnna chu dahthlak tumin ka ti a, a awm si cheta min kuahin min la pen pui reng! A pen hlawk ropui si keichu a tlan in ka tlan a ni ber! "Lalhruaitluang!" Ka tih chuan ding datin min melh chhuk run a, tum hmukin "Tikhan min ko suh" a tih chuan ner nanga melhin "Ka duh duh danin ka ko ang che ka thu thu. Min thlah rawhhh" thinchhe zet chuan ka ti a, min kuah loh na lama a kut chuan ka chala min pen karhin "Tikhan min ko tawh suh. Min koh leh chuan ka fawp tawh ang che" a ti a, ka chal chu ka kut dinglam chuan ka dawm nghal vang vang. Min pen na zek leh nghal.













Class lama min pan pui lai zawng chuan ka tum hmuk a, mi te chuan min hmuh rualin an phun nghal sep sep a, thil nuam zawk zawk a nilo. "Wow, kan college couple-te hi rawn en teu! Kylos!" Tiin Kylos-a țhianpa ka hmuh fo țhin cher sang zet chuan a ti a, step-ah kan in tawk a, Ranger chu ka melh nghal zeuh. Kylos leh midangte pawh an rawn chhuk thla hlawm a, Kylos-a'n min hmuh chuan a ding dat. Ranger-a lahin ka kawngah min chelh ran a, ka boruak hip chu a dang nghal zar mai.











"Kylos, henu hi ka hmeichhia ti a i sawi țhin kha ani lawm ni? I chang lo ava ang ve" tiin mipakhat sam purple deuh hian step-a rawn chhuk thlak paha kut bengin a ti a, Kylos-a țhiante chuan an melh rum nghal ngar. Ranger-a'n engmah sawi lo a min chhoh pui a tum chuan ka lawm ru hle a, mahse sam purple-a bawk khan kan kawng lo dalin Ranger chu a melh ngar a, a mitmeng chu huat nain a khat! Step ațanga ka hawi thlak chuan kan che vel college a zirlai ho chuan min thlir țhup a, ka zahna hian van a tawng pha hial ang!








Ranger chu rum nghutin a hnungah min din tir a, ka thin a phu dep dep mai. "Tunah rih chuan buaina ka va duhlo ve" Tiin sam purple-a chu a melh ngur a, Kylos ka melh chuan ani chuan Ranger leh chupa chu a melh reng thung. "I duh loh vang khan buaina i neih loh phah dawn lo" ngeiawm zeta nuiin a ti a, Ranger kut in hum ruh țung chu ka hmu a, an insual ka hlau takzet! "Freddy, nang biak che hi kan chak vaklo ania, kan pawi i sawi a nih chuan i chan tur i hriat kha" Kylos chuan ka hma a rawn dingin a ti a, Kylos-a țhiante chuan Freddy chu an din hual nghal țhup.











"Kylos! Min hmu chu iva lawm loh hmel ve a..? Chuan nangni, ka gang pui ni țhin ho te u!" Hawi kual pah chuan a ti a, a nui huah huah bawk. Kylos-a țhiante zinga pakhat chu che phutin chu pa chu a hmaiah a hnek chawrh a, Ranger chauh nilo Kylos-a te țhian ho pawn an mil lo a nih hmel. "Min cho sual chhia va ani. Țhiante u!" A hmai an hnekna chu dawmin a ti a, inchung lam ațang chuan chupa țhiante ni awm tak tam zet hi an rawn chhuk a, hnuai lam ațang pawn chutiang bawk. "Oh! Phatsan tu tenawm chu gang dang chawk buai leh turin i mize phakar tak nen i va tel ani tih ka hrethiam e" Kylos chuan kiai sukin a ti a, Ranger chauh a mal țan tawh.













"Ranger, Kylos... In gang-ah ka tel țhin tih in la hria chu ka va lawm ve! Kawtah kan inbe zawk thei ang ngem? College hnunglamah" Kylos leh Ranger melh kawp chuan a ti a, Ranger chu rum nghutin "Nang biak nan che hian ka hun sen ka phallo" a sawi zo chiah tu emaw hian min pawt let thut a, ka rak țhat. Ka ban chu hnung lamah man betin min chelh ran a, tal chhuah ka tum pawh chuan ka theilo. "Zawng phiangsen! Chhuah nghal rawh." Ranger chuan a ti khur khur a, a melh dan chu hlauhawm tak ani! Hlauthawng deuh chuan an che vel chu ka thlir reng a, min man bet tupa lah chuan min hmer na mah mah bawk!










"Min zui la, ka chhuah ani mai. Min zui duh loh erawh chuan henu hi step ațang kan nam thla ang" a sawi zawh rual chuan min man tupa chuan step lamah min kuai herin a awn thei ang ber chuan min siam a, ka țe țhat. Min vawnna a thlah a nih vaih chuan step ațang ka tla ani tawh mai! "Zawnga!" Ti țhawtin Kylos chuan chupa kawr awmah chuan a țham a, Ranger pawh thinrim tawh tak ani. Ka mit sirin an che vel chu ka hmu thei vek a, mahse ka tlakna tur lam hi ka hmu hnem zawk!








"Insum teh Kylos. Min zui chuan ka chhuah ang ka tih tawh kha. In tih nat kher ngai loin min zui mai rawh u" Kylos melh chung chuan a ti a, Kylos chuan a kawr awm a țhamna chu thlah sawkin step-ah chuan a pen chhuk a, Kylos a chhuk takah chuan keipawh min din țhat tir a, ka kut an chelhna erawh an thlah hauhlo. Ka thin chu a phu dup dup a, hlauthawng reng reng hian ka awm ani ber mai! "A țha e." Ranger chuan ti supin step-ah a chhuk ve nghal a, Ranger hmel a thinrimna chu mi dawih zualte tan chuan nikhaw hrelo a awmna tham a ni.










Freddy-a chuan a kawr awm siam țha pah chuan min melh zeuh a, Kylos-a leh Ranger-a te kalna lamah chuan a kal nghal a, keipawh chu an lamah a nawr in min nawr phei. College hnung kan thlen chuan mi lo awmte chu Freddy-a hote chuan an hnawt kiang a, Kylos-a țhiante pawh inring rengin kil khatah an ding reng. "Mr.Andrew-a'n min rawn tir a, ani hi Reborn Gang hotu pa ani. Kan gang rawn zawm tur che u in a duh a, nihna sang tak in chelh thei nghal bawk ang. Gang-in a tih țhinte chu in hriat tawh kha. He sawmna hi in pawm a nih chuan lawmman țha tak leh gang-ah ropui taka lawm luh in ni ang" a ti dap dap a, Ranger-a leh Kylos ka en chu an meng rum khawp mai. An hmelma a in ang a nih hmel.












"Pu Andrew a maw?! Titanic film a putar kha em ni i sawi?" An rawn tihna lam chu ka hawi a, chutiang bawkin midang pawh. Ranger-a țhiante ho chu kan lam panin an rawn kal a, an țhianho chuan an kim vek! Alan chuan baseball bat hi a darah a pu a, midang zawng chu kut lawngin an rawn kal. "Freddy, in hmuh ava khat ve! Ilo dam maw?" Jonathan chuan Freddy chu melhin a ti a, Freddy chu nui sukin "Dam alawm. In hmuh ang hian kan inbe laklawh khawp mai a, saw laia Red Notice ho dinna lamah sawn in lo va phei ve dawn em ni ang? Nangni hi chu ka be peih lemlo cheu a" a ti a, Fakawma chuan a chimawm chhuahin "I sam chu a lem alaw? Ava țhing ve! E, Oh! Sorry... A nalh leh si" a hmui hup chuan a ti a, Rohlua chuan min melh zeuhin "Ruatte! Lo kal rawh" tiin min hui a, Freddy chu thaw hawkin "Phuar bet rawh u, hman a an mizia kha an la pu reng" a ti nghut a, Freddy-a hote chu che chhuakin Revengers ho gang chu beih an tum a, an pan nghal țhem țhem.











"Nia i sawi dik. Nang anga mizia thlak kual du du chi kan ni velo" Alan chuan a baseball bat vuan rem sauh sauh chung chuan a ti a, Freddy-a hoten an beih takah chuan an insual țan nghal. "Red Notice pawh kan awm ve alawm! Nangni hian min cho sual chhiava zawk ani! Pu Freddy!" Tiin Red Notice ho chu tlanin Freddy-a hote, Reborn Gang chu an bei a, Revengers ho nen an țang ho tih hria se kan college pum mak tih rawn ani ngei ang! Hmelma kumhlum kha an ni miau a!












Ranger chuan Freddy chu panin a hnek thlu nghal pawp a, ka awm dan tak pawh ka sawi fiah thiamlo. Ka hlauhthawn rualin Ranger-a leh Kylos, an țhiante thlenga an awm vek avang chuan ka thla a muang tel bawk a, Kylos chuan min rawn pan vatin min man bet tupa chu a samah țhamin banga insawh dawt khawp chuan a theh leng a, lei a a mu chu Kylos chuan a hnek nghal siah siah a, chupa tan chuan chetna hun a awm mang lo a che rang lutuk tlat! "I țha maw?" Ka lam rawn panin a ti sup a, min thlek kual nghal "Tikhan lo awm la lo che sawn suh ang che. Hmun dangah pawh an la awm tam ania" tiin an insualna lamah chuan a tlan phei a, Ranger-a lam ka hawi chuan Freddy-a chu alo hnek siah siah a, Freddy-a chuan alo khawih ve hman nge Ranger-a ka chu a thi a, a an zawng a a ha a thisen kai chu ka hmu hman.












A hnuah phei chuan an insual chu ka rap lutuk a, ka luak dawn hialin ka hria! Thisen lah a chhuak tam a, engtin nge zirtirtu pakhat tal pawh an lo lan miah loh theih?! Lei a țhu tung chuan maimichhingin ka beng ka hup a, ka tha a khur hlawk hlawk. An rum ri te chuan ka thauah min man a, nikhaw hrelo in ka tlu dawn hialin ka hria!









"Baby" ti sup riah chuan ka hawi chhuak a, Ranger chu ka hmaah dingin ka vawn tur chuan a rawn dawh a, ka vawn rual chuan min kaitho a, kan inkuah nghal. A awma bei chuan ka țap hlawp hlawp a, ka thin phu pawh rang zawih zawih tak ani. Ka tiril ah min fan a, ka hlauhthawnna zawng zawngte chu țah chhuah tum ni awm hrim chuan Ranger-a kuah nghet sauh sauh chung chuan ka țap a, ani pawn che lo chuan min kuah tawp.












"I țha tawh tiraw?" Ka in lak hran rual chuan chik zeta min melhin a ti a, ka bu nghat. Ka hawi chhuah chuan Revengers hote leh Red Notice hote chuan Reborn Gang ho chu an um chhuak a, thaw chhuak hak hakin ka mittui chu ka hru puat. Kylos min lo en reng chu ka hmu a, a mit mengah engthil emaw ka hriatthiam loh hi a lang chhuak a, a kut a a thing ken chu chhuata thlauhin min hnungchhawn zawng chuan a in her a, hmalam panin a kal nghal. Ranger chuan Kylos-a kalsawn tur a hmuh chuan "Kylos!" Tiin a au a, Kylos chu lo hawi letin Ranger-a chu a melh nghal chat. "Ka lawm e" Ranger-a'n a tih chuan kiai sukin "Ka hmelma ani ve tho a, lo lawm vak lo mai teh" ti sakin a pensawn nghal.







Third person pov:



Ranger chuan Kylos-a kal liam chu a thlir reng a, a rilru natna kha a hmu thiam ani. Kylos-a'n Remruati a duh tih a hre reng a, Kylos pawh chu Ranger-a leh a hmeichhe duh tak inkuah lai a hmuh chuan ana a, rilru na zet chuan a pensawn nghal. Remruati erawh chu la naupang tih takah engmah a hrethiam ve lo a, Kylos-a chetzia pawh a man thiam heklo. Ranger hian Remruati hi a duh ve reng em? Chu erawh amah chauhin a hria.












Kylos chu college ațanga chhuakin a bike a dahna lam chu a pan a, a bike ti nungin chulai hmun ațang chuan chak zetin a tlan chhuak nghal. A tlan chhuak lai lo thlir tute chuan an en zui vung vung a, hmeichhiate chuan a chhiat loh thu leh pa an tih zia te an sawi nghal sep sep a, hmeichhe tam takin a an star pawh hi a awm ani. A hmel a țha a, a pian a nalh bawk a, sawiselna tur pakhat mah a awmlo. Ranger nen pawha tehkhin an ni dun fo reng a ni.










Intihhlimna hmun pakhatah chuan lutin țhutna awl awmah chuan a țhu thla a, in tur a lam nghal. Remruati ngaihsak tum a a pan laia Ranger nena an in kuah lai chu a mitthlaah a cham reng a, a thin zawn chu sawifiah thiam phakbakin a na! "Kyle" rawn ti tu chu a țhianpa Marcus a ni. Kylos chu hawi pawh hawi chhuak loin a zu bur chu a hawng a, a lem nghal khawlh khawlh. Zu hmanga a natna te chu tih reh vek a tum a ni.








Marcus chu Kylos-a hmaah chuan țhu thlain a țhianpa rilru na hmel chu a thlir reng a, a khawngaih tak zet. A țhianpa tana rinawm em em leh a rilru na țawmpui ziah tu a nih vang ani. A țhianpa hian Remruati a duh tih a hria a, a chanchin a hnena a sawi fo tawh vang a ni. Chutih lai chuan Christy chu an bula rawn țhu thlain zu chu no ah a thli chhuak a, an chheh vel a tlangval leh nula music rema insawi te leh thawm ri hut hut te chu ngatan mah an ngailo. A thawm an hre țhang tawh miau a!






"Remruati vanga hetia awm i ni tih ka hria ania" a no a zu tlak zeuh pah chuan a ti a, Kylos a nui suk thung. "Ranger hi ka duh tih i hriat kha, an ni hi kan pawt hrang ang nga, kan pahnih a kan mi duh ve ve ten min duh let ve theih nan kan thawk dun dawn em ni?" A tih chuan Kylos chuan Christy chu a melh ngur a, chhan pawh chhang lo chuan thoin a kalsawn a, Christy chuan "I duh hun hunah min rawn pan thei a, engtik lai pawn ka inhawng ania. Thawh dun i duh hram ka beisei" a țhutna ațang chuan a ti a, Kylos pawh a ding dat. Engmah sawi chuanglo chuan chulai hmun chu a chhuahsan a.





- End of Chapter 9 -

(In cmt tlem thei bik lutuka a fair lo rawn cmt teh, khi nghal ver ver ni mai)


Show post links
Top

[Ngaia]

Chapter - 10
ENCHANTING
by Calm Bird




"Tinge zirtirtute emaw hi an lo kal ngai miah loh a? Principal emaw pawh? An hrelo nge?" College building chhawng chung berah kan awm dun a, class pawh kan skip tawp. Building ațang chuan kan dak dun vauh vauh a, Ranger pawh ka sirah chet dingin tlang sang tak takte chu a thlir a, min chhang dawnlo emaw ka tih hnu chuan "An hria" a ti sup a, a lam chu ka hawi nghal vat. "Hre si tinge? Eng nge awmzia?" Mak ti zet chuan ka ti a, college dang ang chu ni se an hnawtchhuak emaw ania nga, helai hmunah ve inhnawhchhuah chu khawilam hi ani ringawt!










"Hre tamlo la a țha zawk. He college nei tu hian sum chauh a duh tih zawng hria la" tiin min melh a, a khi suk bawk. "I ril a țam em?" Ti supin a bana sana chu a en a, ka bu nghat. "Canteen-ah kan ei dawn emaw tia tinge i bike awmna lamah min hruai?" A bike park-na lama kan kal avang chuan ka ti a, min chhanglo in a kal ngaiin a kal reng. "Lo chuang rawh" tiin a helmet a khum a, bike-ah chuan chuangin a tinung nghal zat. "Min hruaina tur sawi phawt rawh" ka tih chuan a helmet khum tawh chu phelhin ner nang chuan min en a, a mi melh dan chu min nin hmel lutuk a a inthlahrunawm lek lek hial!











"Zawhna min zawt lo khan ngawi rengin i rawn chuang thei em?" Thaw hakin a ti a, lu thingin "Theilo. I bike a ka chuan dawn chuan kan kalna hmun tur te hriat phawt zel ka duh tawh. Hmun nilo loah min hruai ve ziah" ka tih chuan nin hmel zetin a hmui a liak zeuh a, chutah ka mitah tak min en in "Eitur kan ei dawn.. A țha em? Vawiin zinga thil thlengte avang khan in tih thawven i mamawh" tiin a helmet chu a khum a, hmui ti sawi zeuhin a bike-ah chuan ka chuang ve mai.









"Heyy! Tlan chak suh!" A kawng a nghet zet a kuah chung chuan ka ti vak a, a tlan chak ngai chuan a la tlan chak reng tho! "Ranger Lalhruaitluang!" A hming puma ka auhnghek takah chuan a tlan muang a, mahse a tlan muan dan chu a muang leh over bawk si! "Awm pangngai in awm ve tehh!" A hnunga chum pawpin ka ti a, ke a kal ho pawn min lehpel a, leh hawi meuha min en zui lah banglo! Kan hnunga motor rawn tlan ho pawh an pît vak vak a, traffic kan ti jam a ni ber! "Ranger.. khawngaih takin tlan chak teh. Kan hnung ami te sawn min sawisa duh mai ang" a ngenin ka ngen a, kan hnunga bolero rawn tlan hian horn a hmet reng a, min vin leh vak zel bawk. A awmlo hran lo. Two wheeler te chu a sirah an inrawlh a, kan zawn an thlen apiangin min melh bawk.












Ka zak lutuk hi ka sa chhuak vek thei! "Ka hming pumin min au suh ka tih kha" tiin chak zet chuan a tlan a, ka inring lo chu ka eu deuh dawrh! Motor dang chu a lehpel fua fua a, a bike a ka chuang hi ka inchhir. Inchhir tak ka ni! A bike a ka chuan tawh chinah inchhir loh lai ka neih pawh ka hrelo. "Chhuk rawh" a tih nghut chuan ka meng chhuak a, chhuk sawk sawk in ka thin phu ri dup dup zawnah chuan ka dawm a, ka thaw chhuak ham ham. "Ka bike ka va park ang nge tikhan lo awm rawh" tiin a bike chu parking area-ah chuan a park a, ka hawi kual chuan tun hnai a restaurant an hawn thar, lian leh changkang zet hmaah kanlo ding reng! A kawt zawl pawh zau nuam tak ani!












"Kal ila" tiin a kut, a helmet khai lohna lam zawk chuan min kai a, restaurant chhungah chuan in kai rialin kan lut. Class lah chu kan skip nasa tawh mai si! Vawiin chauh chu tiin ka inhnem tawp. Ka țhutna tur min pawh chhuah sakah chuan ka țhu thla a, ka hmaah a țhu thla ve nghal zat. Ka hawi kual chuan a chhung chu a changkang takzet! "I duh duh order rawh" tiin menu min pe a, waiter chu min nghakin kan sirah a ding ran. I duh duh a ti bawk a, ka thil order tur hi a sawisel thei hauhlo ang! A inti hausa bawk a ti rilru nauh nauhin pasta leh ramen to zet chu ka order a, a hmel nui sanga ka melh chuan waiter chu melhin "Keipawn a duh ang kha kalo duh ang nge" a ti a, mit hmul kan zeuhin "Juice in neih zinga to ber kha rawn ti tel bawk la" tiin waiter chu nui sanga melhin ka ti a, bu nghatin a kalsawn nghal.












"A dang pawh i order duh chuan order belh rawh. A bill chu lungkham lo la" a ti sup a, ka khi ve suk. A vaia kan pahniha kan eina ringawt pawh a to dawn tih hriat reng reng. Pasta satliah a ni lo a, ramen pawh ramen satliah a ni hek lo. Kan eitur a thlen chuan khawmuang loin ka ei nghal mawlh mawlh a, inbe lo chuan kan thil ei lai chu kan ei mial mial. "Class kallo vek law law mai rawh vawiin chu. Hruaina tur che ka nei" a tih chuan "Ka duhlo, min ti zak ziah" ka ka a eitur hmuam țun chung chuan ka ti a, lu thinga kiai sukin "Ka ti tawhlo ang. Ka hming puma min ko leh te a nihloh chuan. A lehpekah erawh ka fawp tak tak tawh ang che" a tih chuan ka ner nang.













Counter-ah chuan kan eina bill pe turin kan kal phei a, Ranger-a'n a man a zawh chuan sangkhat leh zaruk a ni a, kalo ip ru chawih. Kan ei tlem tlem nen a to hi ka'n ti mai mai khawp a. Ranger chuan a credit card chu lain scan tur chuan a pe a, receiptionist chuan vawi thum vel a scan tawh a, chutah Ranger chu melhin "I account hi an block a nih hmel ka scan thei miahlo. Duh chuan a cash pawn a pek theih a nia" nui sang chuan a ti a, ri lo chuan ka faifuk vak. "Ti țha leh teh nimin lawkah pawh ka hmang alawm" Ranger chuan a ti leh hram a, ka nui ru suk.











"Sir, vawi tam ka scan tawh alawm" hneichhia chuan a ti leh a, Ranger chu thaw hawkin min melh zeuh a, "Lo nghak lawk rawh" ti a a phone phawrhin a kalsawn a. "Ruatte" rei fe mi a phone a a biak hnu chuan nui sang hian a rawn ti a, eng nge tih nan chuan kuangkuah thanin ka mithmul ka kan zeuh. "Englo ania" kun chunga a lu hiat neuh neuhin a ti a, chutah nui sanga min melhin "Sangkhat zanga i nei em?" A tih chuan mak ti zetin ka melh nghal. "Englo ania, ka credit card kha ka pa'n min block sak a, chuan vawiinah ka pawisa zawng zawng cheng za tih loh ka țhiante thil leina turin kalo pe vek a" a ti a, mitkhap lek lo chuan ka melh reng.












"Chuan, timaw i pa chuan i card chu a block a?" Restaurant a kan chhuah hnu chuan ka ti a, bike lam panin kan kal dun bawk. "Hrelo" a ti sup ringawt. Amah ei hek ka tum na lamah keimah zawk ka hek haw a, tunah phei chuan cheng sawm nawi bawk ka ak tawhlo! Bill zawng zawng ka pe vek ang a ti a, cheng za bak kan eina manah a thawh lo! He restaurant pawh hi eitur an ti to reng reng e ah! Chow half sawmthum man pawh a tui fee zawk!











Bike-ah chuan chuangin kan inphur chhuak a, ka pawisa ka ui lutuk hi ka thinrim hlur thei. "Khawiah nge kan kal dawn?" Aizawl pawn lama min phur daih avang chuan ka ti a, min chhanglo in a tlan zawm thung. Khua pawh chu kan tlan chhungin a duai hman a, dar li leh tih bawr vel a nih ka ring. Kan thlen meuh chuan khua pawh a thim fel der tawh a, min hruaina hmun pawh ka hrelo. Ka hawi chhuah chuan mi chi hrang hrang an lo awm țhup a, kawng sirah chuan bike nalh tak tak a ding fur bawk. Hmeichhe ho lahin kawr chhing fe fe an in bel a, an tam reuh phian leh nghal.












"Ranger! I rawn kal ve pawh kanlo ring lo a! I dam țha maw? Inhmuh lohna pawh ava rei tawh ve!" Bike ațanga kan chhuk rual chuan mipakhat pathau ve lampang, glove leh jacket spike zet mai ha hian Ranger chu rawn kuah thuak thuak in a ti a, an inkuah zawh chuan kei min enin "Awhaw! Bialnu te ilo nei ve tawh ani maw! Chibai le" tiin min chibai nghal a, a bialnu ka nih loh thu sawina hman pawh a awmlo min țawng khalh zel!










"Raaanngerr!" Thluk nei titiha mipakhat auhna lam chu kan hawi nghal a, bike a țhuin a țhiante nen chuan an awnkhawm laih bawk. "Ilo tel ve tur chu ka phur khawp mai. Pakhatna nih chu lo inbeisei suh.. kei ka awm tawh miau a" a sawi zawh rual chuan a țhiante chu an in high five kual a, an nui dar dar bawk. "I hriat ang khan Sawmtea hi chu ala inthlak lo. I bike ke te kha an lo hawlh thep leh ang nge, petrol chu kalo pe ang che" min chibai tupa chuan tiin a kalsawn a, Ranger chu melhin "Eng nge helai hmunah hian kan tih?" Dak chho vah chuan ka ti a, nichina lo au tupa Sawmtea an tih chuan 'In kiss ru' tiin alo au lang lang bawk. "Race" a sawi zawh rual chuan ka meng bial nghal kawk!









"Eng nga! Nanghi! E... Eng... Hmela!" Ka ti bah niaih a, ka awmdan vang chuan a khi suk thung. "Lungngai suh. Ka chakpui ngei ngei ang che. Racing te chu ka tih fo alawm" nui chung chuan a ti a, melh nghal hrepin "Ka duh lo. Let ang. Nunna kan chan hmain" ka zawi zawh rual chuan a nui chhuak hawk. A chhungril takin a nui tih ka hria chuan a nui mawi takzet! "I hlauthawng a nih kha min ring rawh" ti supin ka biang lehlam chu a dawm a, dak vahin a hmel ka en thung. "Lalhruaitluaaanggg... Haw ang, ka ngaih a țha lo ania" ka tih chuan ner nangin "Kylos-a phurah chauh i chuang duh bik tihna mi? Kylos aiin kei min ring lo amaw?" A tih chuan "Kha chuh" ka sawi zawh hma chuan ka hmuiah a rawn fawp a nih chu!










Min fawh rual rual chuan ka meng kawk a, ka biang leh lam leh lama dawmin min fawp ngawng ngawng a, engmah tih nachang pawh ka hrelo. Kan chheh vel chu a reh țhiap a, ka first kiss Ranger-a hnenah ka hloh! "Hremna" ka hmai zawnah tak chuan ti supin a kutzungpui chuan ka hmui a tuai zeuh a, che chang loin ka ding khawng reng. Harh chhuak thutin a awmah ka nam pawp a, "Engthil nge i tih kha!" Ka tih vin țhawt chuan kiai sukin "Ka sawi kha, ka hming puma min koh apiangin ka kiss ang che ka tih kha" ka mitah tak min melhin a ti a, ala nui sang zui! "Hmela! Eng nge i hmingpum pawh chu i ui em em! Ti ve ila i duh dawn bik ami!" Thinrim zet chuan ka ti tan tan a, chutah nui ri suka "Ka duh lutuk zawk" a tih chuan a awmah ka chum pawp.










"Min tih thinrim hi ching viau zel suh!" Ka ti kha kha a, nichina mipa kha alo let leh avang chuan ka ngawi ta hmak. Tui bottle a petrol niawm tak chu Ranger-a panga lai a pe a, Ranger chuan a tanky hawngin a thunna chuan a thun nghal. "Duhsakna ka hlan a che. Nangmahah ka pawisa ka bet ania, min chântir loh ka beisei" a tih chuan Ranger chu a bu nghat a, hamrik an ham tuarh rual chuan bike in race ri vut vut thawm hriat tur a awm nghal. "Lo chuang rawh" a tih chuan tih theih ka nei bawk silo chu ka chuang risk hmiah a, ka rilru chuan ka țawngțai nghal sap sap.









Starting line-ah chuan kan intlar țhap a, an bike te chu an race ri vak vak bawk. "Oh my Ranger.... Inring rawh" Sawmtea bawk chuan a bike steering bawh paha kan lam lo hawiin a ti a, ka thaw hak. Ranger erawhin ngatanmah a tilo nge a chhanglet lo. Hmeichhe pakhat bra leh panty nen chauha flag a dum leh a var rawng kenga lo kal chu an en țhap a, mipui an au ri dur dur. Hetiang Mizoramah an tițhin tihpawh ka hriat loh! A flag ken chu sang takah a lek a, Ranger chuan inring turin min ti nghal sup. A kawngah nghet zetin ka kuah a, a flag ken a vai chhuk rual chuan chak zetin an tlan chhuak nghal. Ka mit ka chhing char char a, mipui au ri pawh kan hlat tial tial. Bike ri chauh chu ka thil hriat awmchhun ani.








"Min kuah nghet rawh" ti a a auh tuarh rual chuan a kawi nghal zuk zuk a, thinphu dup dup chuan a aia nghetin ka kuah nghet sauh. "Ranger! Chak chu lo in beisei suh!" Ti lang lang ri ka hriat chuan ngam leh ngam loin ka hawi chhuak a, ka thil hmuh vang chuan ka meng kawk. Bike pathum hian Ranger-a tlan tihbuai an tum ni awm tak ani, side glass a Sawmtea kan hnung lawka rawn tlan chu ka hmu a, min tibuai tute pawh chu a țhiante kha an ni tih ka hria. Pakhat chuan min tlan pelin kan hmaah tak a ding a, Ranger chuan a steering cut pawpin chupa chu a hel a, au tur pawn tha ka neilo.









Ranger chu an la tihbuai zel avang chuan duh ang pawn a tlan theilo. Sawmtea'n min lehpelh dawn chuan kan lam lo hawiin a kutzung lai min rawn hmuh a, chak zet chuan min tlan pel nghal. Ka rilru chuan ka țawngțai bang lo a, Kylos-a min phurh kha chuan hlau mahila tiang buaina hi kan tawk lo a, heng bike min tibuai tute hian min su tlu pawp lo ang tih pawh ka sawi theilo. "Ruati, min chelh nghet la, min ring turin ka duh che. Chuan hlau duh suh" a tih ri chu chianglo ruaiin ka hria a, min tibuai tute chuan a khat tawkin zu um an lo vawm leh zeuh țhin a, Rangera'n bike a khalh thiam hlauh a nilo se chu kan tluk na a rei tawh ang.












"Le!" A tih rual chuan a hma aia chak chuan a tlan a, min tibuai tute chu an 'È' dual. "Tibuai rawh u!" An tih ri chu hnung lam ațangin ka hria a, "In chak tir tur anilo" tih ringawt pawh sawi ngun malh malh tak an ni. Ranger chu a tlan chak bawk a min tibuai tute kha kan tlan hlat tawh hle a, kan hma a bike pakhat tlan eng va va pawh ka hmu thei. Ka mit ka chhing leh ngam tawhlo hrim hrim hi a ni tawp mai. Inring rengin ka awm a, ka țang țung bawk. Sawmtea hnungah deuh tak tak kan tlan tawh a, hnunglam a rawn hawi leh zeuh țhin. Ranger chuan a leh pel dawn titihah chuan kan hnung ațang lungin Sawmtea țhiante chuan minlo vawm a, ka hlau lutuk chu ka ip chawih chawih a, ka mur leh chuai țhin.











Ranger chu hma lama awn vakin a bike chu a race vak a, Sawmtea chu a umpel nghal. Finishing line ka hmuh chuan ka thawl hawk thei. Ka sam ka țawn lem loh avang chuan ka sam chu hnung lamah an leng siau a, Ranger-a darah chuan ka bei ran bawk. Finishing line kan pelh rualin ding suau a kut beng chung chuan an au chiam a, Ranger-a'n a bike a tih din rual chuan a thawl hian ka thawl hawk ani ber! Sawmtea kan bula a rawn din rual chuan Ranger chu chhuk sawk sawk in eng khaw sawi set set lo chuan Sawmtea chu a hnek chawrh a, mipui an au nghal dual. Keipawh bike ațanga chhukin Ranger-a te chu ka en a, țhelh chi ani pawn ka hrelo. An insualna a ka inrawlh rualin hliam ka tuar nghal ang.









Ranger chuan Sawmtea chu a bike ațanga pawt thla rawk rawkin a pumah a hnek zui nghal chawrh a, au țhawtin ka ka ka hup nghal. Sawmtea ka ațanga thisen rawn chhuak ka hmuh vang ani! "Ranger duh tawk rawh!" A hmai a a hnek leh sawk rual chuan ka ti tuarh a, tawp erawh a tum hmel loh. "Zawnga!" Sawmtea țhiante rawn thleng chuan tiin an bike ațang an chhuk a, Ranger-a lam chu an pan nghal. Ranger chuan Sawmtea chu tlawh thlu pawpin a țhian pathumte chu a bei nghal a, pakhat chu a kiu a nghawk sawkin a khabeah a hnek dak awrh a, chupa chu pai nawk nawkin a khabe a dawm nghal. Ranger chu in herin amah lo hnek tumtu chu a kuta man bet chawtin a pumah vawi hnih lai a hnek a, chutih laia pakhatin thinga vuak a tum lai chu lo hmuin "Ranger i hnung!" Ka ti țhawt a, Ranger chuan a kut a man behpa chu nam leng dawrhin hnunglam a hawi a, thing a lo vuak tumtu pa a hmuh rual chuan lo in dive in chupa chu a tlawh leh chawrh.











A tawpah phei chuan chu mite chu chhuatah na tuarin an mu run a, Ranger insual thiam zia chu ka rin phak bak ani! Engtinmah pawh an khawih let ve hma a chutia a hneh vek thei chu mak ka ti takzet! A jacket hak chu siam țha pahin ka lam a rawn pan a, a hmel chu ka en reng. Ka bul a rawn thlen rual chuan a ban puamah ka chum nghal pawp. "I mawl ami a? Tinge i insual? Race pawh in race tawh suh ang che!" Ka ti chiam a, ka inhnit ri hruih bawk. "Engtin emaw awm ta la" ka sawi zawh rual chuan min kuah thlawp a, ka mittui chu a rawn tla nghal zawih zawih, ka insut ri leh hrawih țhin.










"Țap tawh suh le, engtinmah ka awm loh hi" ka dara min nam hla deuh chuan a ti a, min melh chhuk ran bawk. "Nui bawk suh" a nui hmel ka hmuh chuan ka ti țiau a, ka hmui ka pet ngar ngar bawk. "Min lo ngaihtuah tih ka hriat vang alawm ka nuih" a tih chuan ka dara min vawnna chu phih thlain "Tikhan min nuihzat reng reng suh" rum thei ang bera melh chung chuan ka ti a, a nui chhuak nghal hawk. "Ka lawm vang alawm baby" ti supin min kuah leh nghal chial. Khuh kharh ri kan hriat rual chuan kan inla hrang vata, nichina mipa bawk kha ani.














"Ka lawmpui a che Ranger. Min ti beidawng lo leh ta" ti supin Ranger chu a kuah a, a hnungah a beng thek thek bawk. Kan chhehvela mihring zi mur mur reng chu ka hne tawh takzet. Sawmtea te ka en chuan ka hmu tawhlo. "Kha le i lawmman" ti supin Ranger chu envelope chhah zet hi a pe a, Ranger chuan lain a kekawr kawngah a zep nghal. "Insual pawh ilo thiam hle mai. In Gang hming kha eng nge ni khah?" A tih chuan Ranger chuan "VELINA REVENGERS" a ti sup a, kan haw tawh tur thu hrilhin a bike-ah chuan kan inphur a, dar zah ka zawh chuan dar kua a pel der tawh!













"Aw khatah khan ding rawh, khalai thingkung bulah khan" ka tih chuan a ding ve mai a, kan in kawta inthlah tir ka duh teuh lo. Ka chhuk dawn chuan ka banah min manin ka kawngah min kuah leh a, hnehsawh zet chuan a bike hmaah min dah a, ka rak țhat. "Ka chhuk duh" tih paha chhuk ka tum chu ka kawnga min kuahin ka dar hnung lamah a bei nghal hlun. "Good night kiss" ti a inla hrangin ka biangah chuan a dawm a, a lam min hawi tirin min kiss nghal hmiah. Rei fe min kiss hnu chuan a tawp ve ta hram a, ka bianga chuk leh zeuhin "Ka bialnu ni tura ka sawmna che kha naktukah a chhanna ka hre duh ang. Muttui le" a ti sup a, a bike ațang chuan lai zeta chhukin kan inlam ka pan nghal.















Ina ka luh chuan an lo mu țhap tawh a, sana ka en chuan dar sawmpakhat a pel tawh. Kan kalna hmun kha a hla bawk a tlan chhung a rei ve bawk em ani. Ka ril a țam lo bawk nen chaw pawh ka eilo law law. Kawngkhar kalhin light chu ka off vek a, ka room lamah chhoin ka hmai te ka phih a, ka thawmhnaw chu thlakin khumah chuan ka mu nghal than. Ranger-a sawmna chu ka ngaihtuah rauh rauh a, ka duh tih pawh zanin khan ka chiang chiah. A hma daih ațang khan ka duh tawh a, mahse khatih lai khan ka hrethiam ngailo thung. Min kiss lai te chu ngaihtuah letin ka nui ver ver a, zaktheilo ka in ti lehsi chu mahni te ka in hau leh hnuhhnawh.







- End of Chapter 10 -

(Ka type peih thlawt lo, vawiin chu a zawi hian ka zawi ngawih ngawih. A mood-ah ka chenglo bawk nen ka type sa pawh vawithum lai ka delete hman a, a ngaihnawm viau loh maithei ani. Minlo hrethiam mai teu zanin chu)


Show post links
Top

[Ngaia]

Chapter - 11
ENCHANTING
by Calm Bird


"Mate, khawkawn lama i putea kha a thi a, kan va lan ve loh chuan.... ni hnih thum emaw kan cham ang nga, i U pawh lo kal ve a tum a, nang eng nge? I lo kal dawn nge dawn lo?" Ka nu chuan ka chaw ei lai chuan a ti a, ka chaw țhial lai chu lem te te in "Pute Siama kha maw? Eng nge a thih chhan?" Ka ti a "Stroke a nia, a uiawm reuh tak tak a ni. I duh chuan lo kal ve la ka ti. Mahni chauha in a awm chu a chi loh" a tih chuan lu thingin "Tunlai chu project min pe deuh reng a, college țhulh chi pawh ka nilo. Min lo ngaihtuah suh u, thlamuang deuhin va kal ru. Engtikah nge in kal dawn a?" Ka ti nghal a, zanin a an kal nghal dawn thu in min chhang. Mahni a awm chu pawi tihna ka nei lemlo a, ina inkhung deuh chawt chi hi ka ni ve bawk nen, huphurhna em em ka nei hranlo.
















"Iva rei ve" pawn ka chhuah rual chuan Ranger-a'n alo ti nghal thawr a, vawiin chu khua a vawt ve deuh bawk nen ani pawn kawrban tlawn var a ha a, a chungah tshirt dum thawl hnek hnawk leh jeans kekawr pawl tak ve lam pang a ha bawk. Mipa boot dum hi a bun bawk a, ka inchei dan ka en chuan ka hmui ka liak zeuh. Kawrban tlawn var leh kekawr tight pangngai ka ha a, pheikhawk var ka bun bawk. "Eng nge ila din reng a rawn chuang rawh" tiin a bike chu a race a, a helmet glass chu a ti thla zeuh.












Bike-ah chuan inphurin kan tlan chhuak a, college gate bula kan din rual chuan min hmutu te chuan min en țhup a, a nuamlo duh ve khawp mai. "Lo kalsawn suh" bike atanga ka chhuk rual chuan tiin parking lamah chuan a bike a park a, dingin kalo nghak reng. "Kal ila" ti supin ka kutah a kai a, gate-ah lutin class lam chu kan pan tlang a, a chhung kan luh chuan kal pawh an lo la tam lemlo. A țhutna țhin lam zawkah chuan min kai pheiin min țhut thlak tir a, midang lo awm ve te chu melhin "Chhuak rawh u" a ti nghut a, an hlau bawk aniang an chhuak nghal sap sap. "Eng nge chhuak rawh i tih kher a? An ngai kawi mai tur a sin" a lam hawi chuan ka ti a, lu a thing ringawt.












"Chuan... Eng nge i chhanna chu?" A ti sup a, ka mitah tak min melh bawk. "Eng chu?" Ka ti haw. Thil lah hi a sawi chiang ngai bawk si lo a, hahthlak. "Ka bialnu nih chungchang" zam hauhlo chuan a ti a, ka chil ka lem ri khawlh. Ka lo ngaihtuah miahlo. Amah hi ka duh leh duh loh chiah kalo ngaihtuah a, ka bialpa a nih ka duh leh duh loh lam ka lo ngaihtuah tello. "I ngawih reng chuan yes i tih na angah ka ngai dawn ania" tiin ka biangah chuan a hnar in a rawn nul thuak a, ka ip deuh chawih. "Ka hrelo" ka ti sap a, nui sukin ka khabeah chuan a lam hawi turin min kuai her a, ka hmai zawnah tak rawn kun hniamin ka hmui chu a kutzungpuiin a tuai a, ka hmuiah chuan a vawithum nan rawn fawp in "Tikhan i hre tawh em?" A ti thawp sup a, ka chil ka lem ri leh khawlh. Ka thin lah a phu ri dawt dawt a, a hriat phak hial ania ka rin ni!
















Ka biangah chuan a biangin a rawn nul leh thuak a, thaw chhuak hawkin "Class room a nih hi, mi'n min hmu ang nge" tham chhel chuan ka ti a, ka ngaihtuahna chu la peng hnehsawh tak ani! "Min hmu mahse eng nge pawi? Kan in ngaizawng tho a, in ngaizawngte tih fo țhin a lawm" kiai suk chuan a ti a, mit ka khap fak ringawt. A zawhna chhan dan tur ka hrelo, amah hi ka duh leh duh loh pawh ka chian loh laia engtin nge a bialnu ni tura min sawm na hi ka hriat theih ang ni?! Min ti dangawk zo vek tawh.









"Tun bak hi sawi dunna hun kan nei lo ania, min chhan hma loh chuan ka fawp reng ang che" tiin a hmui chuan ka hmui chu a rawn si thuak a, ka chian leh chian loh pawh hre lo chuan ka bu ta ngawt. "Sawi chhuak rawh bawihi" ala ti ta zel a, mi mah aw ti tur ringawta kan zam laia a ni'n awka a chhang kher tura min ti chu ka haw kher mai. "Aw" zawi zet chuan ka ti ta sup tho a, ka biang a sa nghal vek! Ka vawikhat bialpa neih ve na tur a nia a awmlo hranlo. Mi'n min bem te chuan phone kaltlangin an tia, hmaichhan a nih loh vangin ka zak ngailo a, tun țum hi chu a dang zar mai. Lehkha zir zawh hunah chiah bialpa neih ka tum vei nen.








"Chhanna dik tak ani baby" ti supin ka biangah chuan a chuk leh zeuh a, a hmel pawh ka en ngam tawhlo a dawhkan chu ka bawh ta tawp. Midang pawh chu an rawn lut leh sap sap a, kan țhutna lam chu an rawn hawi leh hrek hrek țhin. Class pawh chu kan țan nghal mawp mawp a,, Ranger chuan zirtirtu thusawi pawh a ngaithlain ka hrelo. Ka sam a khalh char char a, zirtirtuin thil copy tura min tih te pawh engmah zu han copy lo a! Break-ah chuan inzui chhuakin canteen lam chu kan pan a, min kai kher bawk nen mi mit chu kan chungah a fu țhap. Sawmtei leh Kylos lo țhu dun ran ka hmuh chuan an lama kal ka ti nghal vat a, Kylos-a vang nge a ner nuk. "Lo kal mai mai teh" tiin an lamah chuan ka pawt kal lui a, a kal țha peih țhaklo, a pawh a pawh kal a ngai.












"E Remruat... Lo țhu rawh. Hei Kylos nen kan lo titi dun a, eitur te kha chah ve nghal la" Sawmtei chuan an bul kan thlen rual chuan a ti nghal bawrh bawrh a, chair pakhat chu pawt chhuakin Ranger in la zawi ve chu ka nam țhu hnawk a, a sirah chuan ka țhu thla ve nghal. Eitur pawh chu kan order a, Kylos chu a ngawi hmak mai. Ranger pawh chuti tho. Eng nge maw an inhuat em em ni?










Kan eitur chah alo thlen chuan kan ei nghal a, Sawmtei pawh chuan an in hua tih a hria nge a ngawi hmak a, keichuan engatanmah ka ngai lo thung. "Kylos, eng subject nge i lak a?" Tiin Kylos chu zangkhai vahin ka bia a, Ranger chu a rum ri nghut. A spoon ken lai chu plate-ah a dah ri chawrh a, a chair nghen chhan chu a ngheng nghal. "Economics" nui suk chuan a ti a, Ranger a melh pah kher bawk. "Hey Ranger! Hetah daih in lo awm ani maw? Oh! Kylos pawh i awm a ni maw? Kalo zawm ve thei cheu ang ngem?" Christy chuan a rawn ti a, kan chhanna pawh nghak lemlo chuan a rawn țhu fel der tawh thung. Sawmtei chuan min melh zeuh a, ka nui suk ringawt.











"Kylos chu, i hmeichhe duh ruk em em bulah i awm sia nuam i ti awm?" Christy chuan nui sang chungin a ti a, Kylos chuan Christy chu a melh rum hle a, Christy lah chuan a hrelo awm hmiah hmiah thung. Sawmtei hi a duh amawnle ka rilru chuan ka ti a, mahse ka chiang ngam chiah biklo. Sawmtei lah khan kei nen min hmehbel reng bawk sia, kei leh Sawmtei inkarah Christy chu ala țhu vang zui a. "Awi kei chu, helai hmuna an thil siam hi ka ei thei țhaklo. Duhaiin a public sia ka ten deuh țhin a" Ka ka a eitur ka hnawh luh lai chuan Christy chuan a ti a, zalo deuhin ka nui suk ringawt.













"I ei duh si loh chuan chhuak rawh. Hetah tih tur i nei lo" Kylos chuan a ti nghut a, Ranger ka melh zeuh chuan kan che vel chu tum hmukin min en reng. "Hetah in awm sia ka rawn zawm mai che u a nih hi. Thil ka ei tawh a ka ril a țam lemlo bawk nen. I țan hle mai maw?!" Ding nuih suk chuan a ti a, Kylos chu awmze nei fe hian a melh a, Kylos lah chuan a melh ngur bawk. Eng thil emaw an inkarah a thleng a nih hmel. Inhmuh thiam lohna an nei pawh ani maithei a ni. "Ngaithla rawh Kyle.. Ka sawi chhuah i duh lo a, mahse ka rawtna kha i pawmlo a nih chuan ka sawi chhuak khawp ang" Christy chuan tho tharhin a ti a, ka hnungzawnah tak dingin ka beng bulah chuan a rawn kun hniam a, a thusawi vang chuan Christy chu ka melh dawrh. "Sawpa sawn a duh che" tih zawng a sawi a, a kalsawn nal nal.














"Ka kal phawt ang nge" tiin Kylos chu a tho a, a pensawn nghal. "Boruak an va ti rit tak" Sawmtei chuan Kylos kal liam hnu chuan a ti a, ka nui seih ringawt. "Ka kalsan dawn cheu sin, lawk! Nangni hi in ni ami?" A tho tawh chu a țhu thla leh a, ka lei liak zeuhin Ranger chu ka melh a, a zial alo țan mek a, chhan pawh a tum hmel loh. "Phone-ah ka hrilh ang che" ka tih chuan țhu ngil hluaiin "In ni chiang lutuk! Engkim ka hre duh dawn ania, ka rawn be tlut tlut ang che" tiin a tho a, a kalsawn nghal. "Engmah i la ei lo ania" a thleng chu melh chhukin ka ti a, keichuan ka ei zo leh vek tawh. A thlengah chuan a eitur a ngai ngaiin ala awm a, a la khawih che eih lo. "I ei zawh chuan kal ila" ti supin a zial chu a pak khu a, ner nanga melhin "I ei duh loh engah nge i chah? Ka chawi belh phah ringawt dawn. A hma lahin ni bawk" tiin ka thutna atanga thoin eiman pekna tur lamah chuan ka phei a, ka pawisa phawrha pek ka tum chu Ranger-an min lak sakin a ipte atang cheng zanga a phawrh a, hmeichhia lo nghaktunu chu a pe nghal zat.













"Pawisa nawi kan neilo asin" hmeichhia chuan a ti a, Ranger erawh chuan "A bang nei mai rawh" a ti awlsam et a, ka kuta kaiin min chhuah pui nghal. A phone chu kal pah chuan a ipte atang a phawrh a, tu emaw a call nghal zat. "Hello" lehlam atang chuan Fakawma'n a ti a, a sound a ti zawi lemlo bawk nen ka hre pha vek. "Ka laptop kha library-ah minlo pe ang che, ka hmang tawh dawn" Ranger chuan a ti a, kal pahin min kai bawk nen mi mit kan la lehpek hle.







"Nahh bro! Tunah kher, kan en laklawh" Lehlama miin a tih chuan Ranger chu ka melh nghal vat a, Ranger chuan ner sawkin "Lo dah rawh ka tih chuan lo dah la ani mai. Mi nghah ka theilo tih i hriat kha" tiin phone chu a hmet tawp a, Fakawma lah hi a, thil lah hi a sawi chhuak phawng phawng a, an thianho hi rin aiin an nelawm zek lehnghal. Library-ah chuan lutin a hma a kan thutna ah bawk khan kan thu thla a, rei loah Fakawma chu laptop kengin a lo kal a, a laptop chu Ranger-a pein "In hman zawhah min rawn pe leh ang che." Tiin a chhuak nghal nal nal. A lungawi loh hmel em em lehnghal a.













"Eng nge kan project kha sawi tha teh" a laptop a thil type mawlh mawlh chung chuan a ti a, ka hrilh tha ve mai. "Hetiang laptop pawh a ngaih vak loh chu. A diagram erawh google atang kan copy ang nga harsatna a awmlo" a tih chuan "Google an phal loh kha" ka ti a, ner nanga min enin a hui pap. "Diagram chu a in ang vek. Kan copy leh py loh an hrelo. Kan tih zawhah kan in date ang" tiin a phone bawk a phawrh leh a, ka hmui ka tih pawrh khum vak ringawt.








"Dar 2 a ri tawh a, last period kan neilo bawk. A that phian hi" tiin a hawi kual a, mipakhat pathau ve lampang chu a kutin a hui zeuh. "A4 paper i nei em?" A ti sup a, a awki chu nelawm loh tak ani. Kei min dil se chuan nei pawh ni ila ami dil dan vangin ka pe hauhlo ang. "Aw nei e" tiin a thutna lamah chuan a let a, paper chu kengin kan lam a rawn pan leh nghal vat. "A thlawnin in la dawn tihna mi? Pawisa a ka lei tho ania" Ranger-a'n a paper chhuhsaka thil a ziah nghal daih avang chuan a ti a, Ranger chuan a pen dah thla chawrhin chupa chu a melh chho vah a, chutah "Sawisak i duh tihna mi? I duh phawt te chuan a man te chu pek ka phur zawng tak alawm" tiin a kawr ban chu a hui chho a, chupa chuan lu thingin "Ngailo mai rawh se. Tikhan nei rawh u" tiin a kalsawn a, Ranger chu ka melh nghal vat a, a thil tih lai a tih chhunzawm leh mial mial thung!









"I van sual reuh tak. Pe ve mai ta che" rum zeta melh pahin ka ti a, bialpa hi ka thlang fuh dawnlo tawp mai. Bialpa sual deuh ka nei a ni ringawt! "Ka pawisa chu canteen-ah khan eiman pek nan ka hmang zo tih i hmuh kha" a laptop a thil type pah chuan min chhang a, ka melh rumna chu a en duh thaklo leh nghal. "Nge in ti hausa deuha min kir suh te i tih?" Tiin ka bag a ka purse chu ka phawrh chhuak a, sawmnga tlang la chhuakin paper min pe tu pa bulah ka phei a, pawisa chu pein lawmthu ka sawi a, ka thutnaah ka let leh nghal. Ani pawn man neiin a sawi ang khan a lei a, a thlawn a kan hman sak chhan tur a awmlo.













"Kha, tikhan diagram lo ziak la, a thu chu kalo phuah ve tawh mai ang" tiin paper leh a laptop chu min pe a, bu nghatin ka box a pencil chu ka la chhuak a, laptop a diagram lo lang chu ka copy nghal. Lem ziak thiamlo tih takah ka nawtreh leh ngun khawp mai. Ka ziak fuh hleithei lo hi ani tawp mai. Rei deuh ka try hnu pawn ka la ziakzo lo a, ziah tur a tam ve reuh bawk nen ning tak kani. "I la zo nange? Ka zo tawh ania" a tih chuan a hmel pawh en loin ner nang chuan "Nang anga thu phuah ngai a nih ve loh hi mawle" ka ti vak a, library ah kan awm tih hrechhuak leh hnuhnawh in ka ka ka chip leh vat. Kan inbiak pawn kan phun sap sap a, tunah kha chuan a auhin ka au! Ka hawi chhuah chuan midang lo awm te pawn min melh thap reng a, in thlahrunawm tak tak ani.











"Khawi minlo pe rawh" tiin ka paper leh ka pencil chu a lamah a hnuk phei a, laptop pawh a lam hawiin a kuai her nghal bawk. Diagram pawh chu ka ziah ai a ziak leh vek tawh. Amahin project a ti ani ringawt! Ka phone a rik chuan chhang vatin library chu ka chhuahsan a, ka nu chuan ka hello rualin "Bawihi, hei tunah kan chhuak lehnghal dawn si aw, chaw chhum chauh animai i tih ngai. Nangmah chauhin i awm dawn tho a ei siam vak pawh a ngailo ang. Khua a vawt reuh bawk nen zan a ruah a sur kan hlau sia, chuvangin kan chhuak nghal ania... In te kha lo kalh theihnghilh lo la" a ti nghal zung zung a, ka imm e liam mai mai tawh.









Library-ah chuan lut lehin kan thutna lam chu ka pan a, Ranger chuan paper chu stepler in alo chilh khawm der tawh! Khawia stepler nge a hman ni. "Tikhan kan zo, naktuka submit aiin tumah office-ah kal ila kan submit mai dawn nia. Vawiin ah period kan neilo sia" tiin a thutna atang chuan a tho a, ka pencil vel chu ka box a khung thain ka bag ka ak a, a stepler hman chu mipakhat kan chhuah lam chuan a pe a, lawmthu pawh a sawi lemlo. Office lamah chuan kalin kan project chu kan submit a, a ziah that leh that loh pawh ka hre lo. Period khat kan la neih avang chuan class room lam panin kan inzui leh a, class kan tan leh nghal mawp mawp. Class kan zawh chuan chhuakin school compound-ah kan inzui a. A bike chahbi chu van lamah a vawr a vawr mai. "Kan in date thei ta" tiin a bike dahna lamah chuan min hruai a, ka bialpa a ni ve tawh bawk nen ka hnial lo. A hma anga a chet loh hram beisei ang.












"Khawiah nge kan kal dawn?" bike a kan tlan lai chuan ka ti a, kan tlan thawt em avang chuan a vawt ka ti kher lehnghal. Kawr bantlawn chauh ka ha a, a chungah a hranin kawrlum ka ha lemlo bawk nen, ka kut pawh chu a vawt vek tawh. "Surprise an in hrilh ngailo" a tih chuan ka hmui ka ti pawrh vak. A surprise tih ve lah hi a ho thei si. A bike a tih din chuan chhuk turin min ti a, a chahbi phawiin ka kutah min kai leh nghal chat. "Hei hi maw surprise?" MC chhungah min luh pui chuan ka ti a, kan bazar dawn ti ila pawisa kan neilo dun ve ve. "Aw, inchung ber hi a nuam" tiin stepah chuan inkai rialin min chhoh pui a, ho ka ti ngei mai.











"Hruaite!" Ti a nutling pakhatin a auh chuan ding datin kan en a, nu pakhat sunglass vel lo zuar hian a kut a vai lauh lauh a, Ranger chu phun supin "Nu Mapuii a awm tih ka theihnghilh" amah leh amah inbe chung chuan Nu Mapuii lam pan chuan a ti phei bul bul a, a bul kan thlen chuan Ranger chu Nu Mapuii chuan a chibai nghal vat. "Hnarbeh lah chu ila beh reng alaw? I tattoo te lah chu" tiin Ranger-a kutphah hnunga a tattoo chu ner nangin a en a, Ranger chuan la sawnin "I khawih reh ang nge" a ti a, Nu Mapuii lah chuan "Khawih reh thei ilang chuan khawih reh a nia ka duh ni" a ti a, ka nui suk. A tullo ve em bawk ani. Hnar beh pawh a nalh na em em ka hrelo. "Vai film i en nasa ani maw hnarbeh te ilo awh" Nu Mapuii chuan a ti leh a, an inbiak danah chuan an in nel hle niin ka hria.










"E hei hi tunge? I bialnu ani maw! Khawmaw lo in chibai ila" tiin a kut chu ka vawn turin a rawn phar a, ka vuan let ve vat. "Tunge i hming ni a? Iva hmeltha em em ve!" Min nuih sang pah chuan a ti a, nuih let vein ka hming ka hrilh nghal vat. "Nu Mapui, hei tawm dun te kan duh ve angreng sia kan kal ang nge aw.. Kan in hmu leh dawn nia" Ranger chuan a ti vat a, in biak pawh an inbiak hma a ching cheng hian. "Tunlai tlangval hi chu a. In kal hmain Ruati, kha sunglass hi ka present ve reng reng ang che. Ranger-a te ilo duh ve a i fel hle mai. A ni hi zawng a sual reuh a, tuman ngaihzawn enah pawh an enlo" tiin sunglass pakhat nalh zet hi a la a, Ranger luck zia a hrelo ani chek ang. "Nu Mapui a ngailo, tikhan hralh zawk rawh" ka tih pawh chuan min pe lui tlat a, hnar hleihtheih pawh ani lo. Inthlahrung ang reng takin ka la ve ta hram a, lawmthu pawh ka sawi ngun malh malh khawp mai.









Ranger-a'n kal a tih avang chuan Nu Mapuii chu mangtha in inchung lamah bawk kan chho a, ka sunglass dawn pawh chu ka vuah zawm ta reng. "Mi an awm tam lo hlauh" tiin a kil lampang midang awm lohna lamah chuan min kai phei a, tlak dal an siama a lawn avangin ka khap nghal vat. "Ka tla lo ang, tla mahila ka thlawk thei alawm" a ti a, rum zetin ka melh. "Lo thu ve rawh, tian a view hi a nalh teh ania" tiin a sir chu a beng thak thak a, "I thil min surprise ve hi a" ti hlak hlak in thei leh theilo chuan ka lawn a, ka thufel chiah ka chhuk leh rang hle.











"Sang i hlau alaw?" Tiin min nuih a, ka melh vak ringawt. Ranger chuan khua chu a thlir vang vang a, keiin a thutna chu ka bawh ran thung. "Police nih i tum em ni?" Ka ngaihtuah chhuah thut avang chuan ka ti a, a hmel ka en chho nghal. "Duh.. Mahse ka pa'n a phallo" engmah a hmela tilang lo chuan a ti a, ka bu nghat. "I nih duh chu nih tum rawh. I thinlung kha zawm la, i thinlung in ti tura a tih apiang che kha ti tawp rawh" ka ti a, a thutna atanga rawn zuangthla in ka kawngah min kuah a, a awmah min kuah bei leh nghal hlu hlu. "Ka thinlung ka zawm dawn maw? A nih leh tunah hian ka thinlung hian eng nge min hrilh i hria em" ti supin min melh chhuk run a, lu thingin "I sawi hma chuan hre nang" ka sawi zawh rual chuan mawi zeta nuiin. "Fawp tur chein min ti" a sawi zawh rual chuan ka hmuiah chuan min fawp nghal vawng vawng a, thli chuan kan pahnih chuan min chhem heuh heuh bawk.












Min fawhna ata in la hrangin "Min chhan let nachang i hrelo tlat. Zirtir i ngai dawn a nih hi" a hmui liak zeuh pah chuan nui vur vurin a ti a, ka teu hlar mai. "I glass chu i inhmeh kha... Nangmah chauh a pe che a a fairlo riauh" tiin ka sunglass chu a nawr chho a, ka sam ka hmai zar tu ka bengah a zep zeuh bawk. "Inah ka thlah tawh ang che" tiin kan inkai chhuk a, MC kan chhuahsan dawn lai tak chuan mipakhat lukawlh deuh lu ah hian a beng thle lawlh a, min tlan chhuah pui nghal nal nal. "I va han ho thei tak" hah deuha thaw hliam hliam pah chuan ka ti a, a ni a nui sang thung. "Lukawlh ho hi khatia ben kha ka chakna a rei tawh lutuk. An lu um hian ka pawi a sawi" a tih chuan ka nui chhuak hak hak a, ka nui chu min han nuih chhawng ve leh a.










"Kan inah kal leh lawk ang aw. Thiante inah ka tlang nghal dawn sia jacket lak lawk ka duh" bike a kan chuan lai chuan a ti a, ka aw ve mai. An inah tumah an awm leh kha ka ring lemlo bawk nen. A in kawt kan thlen chuan chhukin a in lam chu kan pan a, a hnungah a mei ang maiin ka zui det det. Kawngkhar chu hawngin a lut a, ka luh rual chuan thil ri nghal sawk ka hria a, Ranger a thle nghal dawr bawk. "Nang hi ilo in race leh ani maw! Vawi engzat nge in race tawhlo turin ka hrilh che" Mipakhat chuan thinrim zetin a ti a, Ranger chuan min melh zeuhin chupa chu a mitah tak a melh let a, tunah khan hepa hian a hmaiah a beng chiang lutuk!










"Vawi sang chuang pawh ti mahla ka in race loh phah lo ang" Ranger chuan a ti let a, chupa chuan Ranger-a hmaiah ben a tum leh ni awm tak chuan a kut a lek kang uaih a, kalo ip ru chawih. Nuamlo duh tak ani. "Ipa hi zahna chhete mah min nei nange! Nang hian ka sum tih hek bak thiam i neilo!" Chupa chuan a ti vin leh hrawih a, Ranger chu nui chhuak hakin "Ka hna thawh duh ber min thawh tir duhlo tu kha tunge? Kha hna kha nangmah vangin ka chan asin. Police hna tih loh chu ka thawk dawnlo ka ti vek tawh" Ranger chuan a ti let khur khur a, an pafa inhnial thawm chu ring tak ani. "Kha hna i thawklo kha a tha khawp mai. Tun thlengin insual naah leh in race naah i tel a, police hna chelh tlak pawh i nilo" Chupa chuan a ti leh a, Ranger chuan ner nangin ka kut chu a hma aia nghetin a vuan a, a room lamah a pa chhang tawhlo chuan min pen chhoh pui pawk pawk. "Hre rawh Lalhruaitluang! Ilo in tlansiak leh anih chuan i bike saw ka hal chhia ang" a pa chuan step a kan chhoh laiin a ti a, Ranger chuan chhan pawh chhanglo in a room-ah min luhpui daih.











"I tha em?" A wardrobe a thawmhnaw a hai lai chuan ka ti sup a, a khumah chuan thu ranin a che vel chu ka thlir reng. Min chhanglo chuan a jacket a ha a, a wardrobe a hnek rik bur chuan ka phu zawk. "Ranger?" Hlauthawng zet chuan ka ti a, thaw chhuak hakin a hmai a tuai puat a, ka lamah lo kalin ka sirah chuan a rawn thu thla a, ka kut chu a hum vang vang. Thaw chhuak hakin ka mitah tak chuan min en a, rei tak a ngawih hnu ah "Ka thinlung zawm turin min duh tiraw?" A ti sup a, ka bu nghat. "Ka zawm khawp ang. A ni lo sawi ve tur a awmlo" ti supin khum atang chuan min kai tho a, a room chu chhuahsanin inhnuai lamah kan inzui thla a, a bike-ah chuan inphurin kan in lam min panpui nghal. "Zanah kalo bia ang che" ti supin ka biangah chuan a fawp a, bu nghatin kan inlam ka pan a, Ranger chuan chak zetin min lehpel nghal fua.












Apa a runluih vanga hetia awm hi nge maw ni le ti rilru neuh neuhin kan thenawmte inah ka lut a, chahbi lain kan in lam chu ka pan leh vat a, tala hawngin inah chuan ka pen lut nghal. Inthlak sawk sawkin ka inbual a, ka phone phawrhin ka nute ka phone a, an thlen chin te sawiin reilo te kan inbia a, kan inbiak zawh chuan phone charge in ka lu tuamna towel ka phelh a, ka khuih nghal zat. Sana ka en chuan dar ruk alo rik tawh avangin chhuar a ka cup noodles dah chu ka la a, tui chhuang soin artui a hmeh atan tiin ka kang a, ka ril a tam lemlo bawk nen noodles ei mai mai ila a tawk chiah. Tumah kep tur an awm chuanglo.












"Ava mak" ti nui nuiin ka room lamah ka phone rik vang chuan ka kal a, caller id ka en chuan Sawmtei ani. Min biak chhan pawh ka ring thiam nghal mai. La in choka lamah chuan ka let leh a, ka rin ang ngei ngeiin Ranger-a leh keima chungchang min zawt nghal. Tui a so tawh avang chuan cup noodles ah leihin ka chiah a, chair pawt chhuakin ka thu thla nghal. "Ka ring dik! Nuam ee, ka third wheel dawn a nih hi. Bialpa neih ve vat ka ngai" kan nih thu ka sawi zawh rual chuan a ti a, ka nui hak hak. Rei fe kan inbiak hnu chuan kan ti tawp thei ta hram a, noodles leh artui chu phone khawih pah chuan ka ei a, ka ei zawh chuan room-ah chhoin lehkha zir tur chuan ka in puahchah a, Ranger-a'n min lo massage leh sage loh chu ka en leh zeuh thin a, massage chu khawi lam a reh tlawk tlawk mai.








Lehkha ka zir zawh chuan dar sawmpakhat a pel leh der tawh a, Ranger-a lah chuan call pawh min la rawn call lo. Massage takngial pawh a hnutchhiah lo. "Min be tawp suh dawheh lutuk" ti a phun nang nangin ka night cream inhnawih tur chuan ka tho chhuak a, darthlalang hma a ka in en chuan ka hnar bawk chu tlem te hian a lo thi a, lapua lain ka hru fai ringawt. A vawihnihna a ni tawh, ni ka do nasat vangah puhin ka hmai chu ka phih a, night cream ka inhnawih zawh chuan khumah ka mu a, ka mu fel chiah chu ka phone a ri ral ral a, caller id ah chuan Ranger-a hming a lang kalh mai.












"Hello" ka tih rual chuan "Kawngkhar min lo hawn rawh" a ti nghal tawng a, dawt a sawi turah ngaiin "Ka mu tawh, min tihderh tumlo mai teh" ka ti a, min rawn call har lutuk ka lung nilo bawk nen ka chhang bul tek tawk hle. "Lo chhuk vat rawh, a vawt ania. Ruah hmi a tla" tiin a phone chu a dah daih a, ner vakin phun nui nui chung chuan ka chapal in thawlh in inhnuai lamah chuan ka chhuk a, kawngkhar ka kalhna chu hawngin ka pawt hawng a, Ranger ka hmuh rual chuan "Hey" a ti sup a, lut tura ka sawm hma hmain a rawn lut nghal thawr!










"I chhungte an mu tawh ami?" Ti supin sofa-ah chuan a thu thla a, a hma a sofa-ah thut thlak pah chuan an zin thu ka hrilh a, nui sukin "An zin chhung zawng ka rawn riak thei tihna a nih chu" a tih chuan ka melh nghek. "Teuhlo mai, i hope i pe sang lutuk" ka ti a, a nui suk. A mit ko pilh ka hmuh chuan a hmel chu chik zetin ka en a, a biang ki lai a khem leh a hmui sir thi ser ser ka hmuh chuan a bulah thu sawnin a biang ka dawm a, zawhna ka zawt nghal. "Hetiang mai mai a ho lutuk. Mipa kan nih zia ti chiangtu a nih hi" a tih ham ham chuan a hnungah ka beng ri thlawp a "Damdawi hnawih tur ka va la ang" tiin ka nute room lamah chuan ka lut a, damdawi hmeh chhuah chu lain Ranger-a sirah chuan ka thu thla leh a, a hliamah chuan damdawi ka hnawih sak nghal mawlh mawlh.














"Ka chhungten tiang hian min ngaihtuah ve thin sela tha tur" min melh vang vang chung chuan a ti sup a, ka thil tih lai pawh ka chawl dat. "I insual ami?" Hre chiang viau tawh mahila kala zawt hram a, a sawi ngei hriat ka duh vang ani pakhat. Ani hi ka duh, ka duh takzet. A thuruk engkim hriat ka duh a, a rawng duh zawng leh a thil ngainat leh ngainat loh thlengin. A bialnu satliah mai mai nih ka duhlo a, a natna a tawmpui theih leh a harsatna a thlen theih nih ka duh. "Imm" ti supin min chhang a, damdawi ka hnawih zawh chuan a chalah bandaid ka bel sak leh a, dandawi chu chhin in dawhkanah ka dah a, a lam ka hawi chuan min lo thlir reng. "Insual na ah tel tawh suh. Bialpa sual neih ka duh miahlo ania" ka tih chuan nui sukin a bula thu tur chuan min ti a, ka thutthlak rual chuan ka malah a lu nghatin a mu a, a hmel chu chik zetin ka en.




- End of Chapter 11 -

<::: Group a ka sawi tawh ang khan naktukah camping kan nei dawn a, zanah a hmunah kan riak nghal bawk ang. Phone pai an phal loh avangin story ka type thei dawn lo a, ni hnih thum vel chu in nghei a ngai dawn tihna a nih chu :::>


Show post links
Top

[Ngaia]

Chapter - 12
ENCHANTING
by Calm Bird



"I tha maw?" A maimichhin char char avang chuan ka ti a, a hmel chiang takin ka en bawk. "Imm" tih zawnga min chhan avang chuan ka nur nang a, hepa pui hi eng nge a hriat ni mi a ti thlamuang lo riauh. "Min fawp rawh" a tih chuan "Eng nga!" Tiin ka chhang nghal vat a, teh ngawt thin hian in.








"Muah" tiin a hmui a rawn ti pawrh vak a, ka kutin ka beng ri thlawrh. Chutah rawn meng chhuakin ner nangin min en chho vah a, a lungawi loh hmel kher leh nghal. "Mahni hmui an ui trut trut ngailo. Thing lutuk." A tih hluk chuan rum zeta melhin "Ka duh leh ka ui ang nga ka duh leh ka ui lo ang ka thu thu" ka ti a, min ei loh hmel zeta a hmel siam chhiain ka mal atang chuan a tho a, thu ngil hluai a min en in "Min muah duh hunah ka ui ve khawp ang. Hre khawp ang" a ti vak a, nur nasa tak ka ni. "Khawvel zawng zawng a ka pawi tih loh ber a nih chu" tiin sana ka melh a, dar sawmpahnih a pel tawh! "Haw rawh, naktuk college kal i ngaih kha" tiin ka tho chhuak a, dawhkan a ka damdawi dah chu lain ka nu te room a dah leh tum a ka pen chu ka kawngah min rawn kuahin min pawt hnung deuh dawr a, a mal chungah ka thu ran.










"Hetah ka riak dawn. Phal lo mahla ka riak tho ang." Ka dar a bei chungin a ti a, min kuahna phih thlak tumin ka tal faih faih thung. "Amak Lalhruaitluang! Khawmaw damdawi ka dahtha dawn alawm! Min thlah teh!" Tiin thawh tum chuan ka tal a, chutah thutthleng a min kuai muin ka chungah a bawk ta ran. "Sawi sual nei in i in hria em?" Min melh run chuan a ti thum dut a, a mitah tak ner nangin ka melh nghek thung. "Nei mai mai lo. Tho teh!" Ka ti hlak hlak a, ka sam ka hmai zartu chu a hui kiang a, ka hmai zawnah tak min si lek lek chuan a awm a, ka meng kawk! Ka hmuiah chuan a fawp leh a, tun tum chu a hma zawng aiin a duh thawh kher lehnghal! Min fawp ngawng ngawngin ka hmui hnuai chu a pet leh ngawng ngawng thin a, ka thawk a tibuai hial thei! A tirah lo tangin nam sawn tum ve viau mahila ka thei reilo, a affect hi a na mah mah!










A tawpah phei chuan ka maimichhing ta tawp a, ka in dawh mawl tawp. Ka thawk lah chu ala rang em em mai lehnghal. "Min chhang let rawh duati" ka hmui atanga in la hrang hlek chuan a ti sup a, min fawhna vanga a hmui hnawm chap ka hmuh chuan chil ka lem khawlh. Ka thawk tih pangngai tum chuan ka thaw chhuak ham ham a, Ranger chuan ka bek te chu a kut zung sei leh nalh zet chuan a thai thla riak riak a, thin a phu ri dup dup mai. Rawn kun hniam lehin ka hmuiah bawk chuan min fawp leh a, min fawp let rawh ti ni awm ang hrim chuan min fawp bawrh bawrh a, ka hmui ka tih chet zeuh rual chuan a hma aimahin a duhthawh tawh!















Rei ngial kan infawh hnu chuan kan in la hrang thei hram a, ka thaw chhuak ham ham. "Zawngchhang tlak tak a ni" a hmui tuai zeuhin a tho kang a, a kiai suk bawk. Kan thil tih zawh chiah zahpuiawm leh zahthlak em em vang chuan ka hmai a sa hat hat a, ka sir a lukham chu lain ka hmai ka hup thawk. Ka kawchhung te hi a sa pup pup a, Ranger-a min nuih ri ka hriat leh lek phei chuan zak tak ka ni tawh. Lo dang tur ka nia sin!










"Duati, khawnge kan mut dawn?" A tih ri ka hriat chuan ka thaw ham ham a, tho in Ranger chu ka melh ran. "Haw rawh. Ka nuten an hriat chuan ka thi a ni mai" ka ti sup a, a jacket hak siam thain a tho vut a, a chhuak dawn emaw ka tih hnuah inchung chhohnaah a chho a nih chu! Zaktheilo ka tih zia hi a rapthlak zawk! Hetiang a han ngampat em em mai chu keima thiam loh nge pawh ka hre tawh lo. "Lalhruaitluang!" Ka room a a lut ka hmuh chuan au nghekin ka room lam pan chuan ka tlan chho a, ka luh rual chuan ka khum a a mu ka hmu nghal zat. A ke chu a thluang duai a, a kut pahnih chu a kham ar ar bawk. "Tho rawh, tho vat rawh!" Tiin a chawnah te chuan ka beng a, a mit a chhing char char! "Lalhruaitluang! I muhil der tih ka hria ania!" Thaw hapin ka ti a, zu han meng duh thak lo a! Kawng dawm meuhin a mu lai chu beidawng zetin ka thlir vawng vawng ringawt.











"Mu rawh, mu mawlh ang che!" Ka lukham a sir ami chu ka la a, puan khum mawnga ka thleh chu lain room atang chuan ka chhuak a, kawngkhar pawh ka khar ri thuai. Inhnuaiah chhukin thutthlengah ka mut na tur ka siam ta ringawt a, ka tum bur mai. Light off in thutthlengah chuan ka mu ta ran. Inchung lam chu ka melh leh zeuh zeuh thin a, thawm a reh tlawk tlawk a, sana inchek ri bak hriat tur a awmlo! "Lalhruaitluanga mai mai chu!" Ti a phun bui buiin mutthilh tum chuan ka chhing a, ka mutna a chep angreng bawk nen ka taksa mutthilh hma hma chuan a kham tun mai.













Ni engin ka hmai a chhun avang chuan ka harh hlawl a, ka tho chhuak hlawl. Sana ka en chuan ni dang zawng aiin ka tho tlai! Dar sarih leh minute sawmpanga a pel tawh a, ka dar na chu ka chum dawt dawt a, mood off zetin ka tho chhuak. "Lalhruaitluanga chu a la mu em mawni" ti nui nuiin ka room lam ka pan a, kawngkhar hawng a ka pen luh chuan mangchhe zet a a mu chu ka hmu a, blanket ka almerah a ka dahthat chu a lo la ani ngei ang a ke chuan a kham ar ar a, mit chet kual ralhin room chu ka chhuahsan lehnghal. Chaw ka chhum a, Ranger ka chhum kep nghe nghe. Artui ka kang leh tawrh a, a awlsam phian! Chaw eiturin Ranger ko tur chuan ka chho a, a hmaiah chuan beng thak thak in tho tur chuan ka ti a, puan chuan a hmai a khuh ta daih! "Ranger Lalhruaitluang! Tho rawh! Tho nghal vat rawh!" Ti vin vakin a puan chu ka pawt a, a lo tan ve avang chuan ka pawtthla thei biklo.











"Harh reng si lo tho rawh. College i tlai ang nge" tiin ka sawi leh nawk nawk a, a hmai khuhna chu hlipin ner nang chuan min melh a, a hmui zawng zawng nen a pe chhe vek! "Ninawm sek! Ka kal dawnlo tikhan nangmah khan kal mai rawh. In kalo nghak ang" a tih chuan ka mitmeng chu thinrim nain a khat nghal. Zaktheilo lutuk! Min zah lo angah ka ngai hmiah tawh. Inlet thawk a a inkhuh leh avang chuan bathroom lamah thinrim zet chuan ka lut a, bucket a tui chanve lo awm ka hmuh chuan lain Ranger-a mutna lamah ka khai phei a, chawi kangin tui chuan ka leih a, au thawtin a thu ngil nghal hluai a, a ang pam bawk. "I mawl ami?!" Ti vaka min melh chuan ka leihna bang chuan a hmaiah ka theh leh thawt a, khum atang chuan a tho nghal. "Nupui atan i tlak dawn loh tawp mai" tiin min melh khui khui a, keiin rum zetin ka melh thung.










A sam atang chuan tui a far keuh keuh a, a hmai chu a huh hliam a, tui a luang ngiai ngiai bawk. "Ni rawh pawh ti mahla i nupui nih ka duh reng reng lo. I in a nih loh hi hre rawh. Rawn chhuk la, chaw rawn ei la, college kal ang che" tiin bucket chu chhuatah ka nghat thla a, choka lamah chhukin ka in phih fai a, chaw ei ka siam nghal sawk sawk. Dawhkanah chhawp tur vak a awm lemlo bawk nen chaw ei siam chhung pawh a reilo. Chaw, dal, artui leh antam a ni mai. Chaw chu khawrhin chair-ah ka thu thla a, Ranger nghak lo chuan chaw ka bar malh malh.











Chaw ka ei mial mial lai chuan Ranger-a step atang a rawn chhuk thla thauh thauh a, a tum nasa ropui lehnghal. Chair-ah chuan a thu thla a, a chezia chu kalo melh kar. "Hei hi eng eitur nge ni ngai" tiin a chawah dal a chawm a, fian chuan a hmet sawm mial mial bawk. Artui chu a la a, a thlengah dahin fian chuan a chaw nen a suah fin a, a ei rual chuan a thial nghal chak chak. A ei tuiloh hmel ngang lehnghal. "Khawi kalo seng ang, restaurant-ah i ei leh mai dawn nia" a chaw a chawk kual reng chu hmu ningin a thleng laksak tum chuan ka tho chhuak a, lak ka tum lai tak chuan "Ngai mai mai lo" a ti leh ang lawi a, lu hi a ti hai takzet. "I ei duh loh chuan ei lo mai rawh. Khatia tih kual kha a ngailo" tiin ka thleng chu ka seng ta zawk a, antam pawh belah ka chhung a, thlengsilna bula dingin Ranger-a thil ei lai chu ka thlir reng.















Eitur a duhtui tih lah hriat reng reng. A eikham chuan thlengsilnaah a rawn seng ve ngei a, kan eina chu tifai zung zungin room lamah ka chho a, ka insiam nghal sawk sawk. "I hman tawh ami?" Tiin a thutna atang chuan a tho vut a, bu nghatin pawnah kan inzui chhuak a, kawngkhar ka kalh lai chuan a bike alo start thung. A bike-ah ka lawn a, a kawra ka vawn chuan alo hnawm hlup a, ka thlah leh vat. "Tui a min theh vang a nih kha" tiin a tlan chhuak zui a, ka nui suk. Ka puan pawh ka pho a, ka bedsheet erawh suk turah ka dah hmiah thung. College kan thlen chuan bike atang ka chhuk a, a bike a park that hnu chuan in kai rialin class lam kan pan a, min en zui vawng vawng tawk lah banglo.













"Lawks!" Thutthleng a ka thu tep tihah min lo dang a, ka en chuan ka thutna a tifai nghal. Vut alo awm a, a kut chuan a hui fai thuak thuak a, a thil tih avang chuan ka nui suk. "I kawr kha a hrehawm em?" Kan thutfel rual chuan a lam hawiin ka ti a, a kawr hak chu ka bih thuak bawk. "Ka bialnu hnena thilpek ka dawn ve hmasak ber ania hrehawm hran lo ee" nui chung chuan a ti a, eilo zetin hmui ka ti pawrh vak. Min chhan dan avang erawhin ka lawm hle thung. "Khawi ti khan lo thu rawh ka lo copy sak ve tawh ang che" tiin ka thil copy lai chu ka lehkhabu leh pen min chhuhsak a, sir-in board a a thil ziah lai chu a copy thla nghal. Mahni ta pawh a copy ngai silo a ka ta min copy sak chu mak ka ti ang reng. Eng nge phut let a neih ang tih ka ngaihtuah.










"Vawiin hi eng nge i hriat a?" Mit ti zim sun chuan a thil copy laiin ka ti a, a mitah tak ka en bawk. "Eng vak nge hria se min tih? Ka awm ngaiin alawm ka awm" tiin min chhang mahse a chezia a danglam zia ka hria. A tha zawngin nge a chhe zawngin ni ang tih erawh ka hrelo. Zirtirtu a chhuak a, a thil copy ala zawh loh avangin a la copy char char thung. Peih na na na tiin laksak emaw ka tum hran lo. A fel khat em mai, reilote chu fel ve tehse.











"Zo ta! Engtin nge nitin i lo copy peih ni?" Tiin a inzi mar talh talh a, a dar te chu a chum leh det det thin. A copy tlem teh reng nen a dar thlengin a na hman aniah! "I no em mai" ka tih chuan a duhlo kher mai. Nur nangin min en a, a lungngawi loh hmel hle bawk. "I ho i ho" ti hlukin a thutna atang chuan a tho a, chhuah a tum chu "Hey! Class i kal dawnlo ami?" Tiin ka zawt a, bu nghutin classroom chu a chhuahsan nghal vut. A sawi ang tak takin class chu alo kallo a, engtak ti ang maw? Duh duh hunah hian class a kalin a kallo a, college te hi a hmingin a kal ve mai mai niin ka hre ber! Thian kawm turin!













"Ehe Kylos a rawn kal! A rawn kal ngai silo a avan mak!"


"Awiii sawpa saw chu ka duh ve chiang eee! Ranger ai pawn ka duh! A chhiat loh zia saw!"



"Ranger a tluk chuanglo, mahse ani pawh saw a chhelo chiang alawm!"





Zirtirtu chhuah hnu chuan an phun sep sep hlawm a, Kylos alo kal an tih avang chuan ka hawi chhuak ve vat. Ka thutna lam panin alo pen mek a, hoodie chungah jean jacket a ha a, cotton jeans dum a ha bawk a, Air Jordan eng rawng, a hoodie rawng ang chiah a bun bawk. A inhmeh reuh phian lehnghal! "Class ala zo lo ami? Tinge i la awm a?" Ka thutna sira rawn ding pah chuan a ti thum dut a, midang lo awm ve te chuan kan lam an hawi nghal thup! "Imm nia, hei ka la copy laklawh a" tiin tha deuhin ka chhang a, a ner sawk. "Lehkha zir reng pawh hi a nilo a nia, khawi... chhuak la, inti thawveng rawh" tiin ka lehkhabu chu a khup thawk a, ka pen hum lai pawh min chhuhsak nghal. Ka bag chhungah thunin bag chu a ak a, ka en mawl tawp. "Ka chhuak hmanlo asin Kylos!" Ka tih pawh chuan classroom atang min kai chhuak lui a, dam chhungin kan buai reng dawn tih zawngin min chhang thung.











"Anih anih, khawiah nge min hruai dawn?" A tawpah chuan ka ti ve ta nge nge. Ka kut a kai chung chuan building chhawng chung lamah chuan min kalpui a, a kalchak hle lehnghal. "Thlifim" tih zawnga min chhangin min kai chho zel. Building chhawng chung ber kan thlen hnu chuan thli a thaw heuh heuh a, a vawt tep. Tshirt leh jeans tight chi chauh ka ha a, thli lah a thaw nasa ve sia... Khua a tha em em bawk silo nen. "Tah hian thu ang" tiin thutna lo awmah chuan min thutthlak pui a, rei deuh tak inbe loin kan thu ngawi reng. "Vawt i ti a nih kha" tiin a jacket hak lai chu ka darah min bah tir a, "A ngailo asin" ka tih lai pawh chuan a jacket chu a siamrem mawlh mawlh.













Rei tak ngawi reng a kan thut leh hnu chuan rawn khuh kharh kharh in "Thil hrilh duh che ka nei a" a ti sup a, a hmel en tur chuan ka inher vat. A hmelah engmah a lang lo thung. "Ranger nen in inngaizawng tih ka hre tho naah, mahse hria la ka duh. Ka hma ka sial pawh a ni maithei..." chawl datin a thaw chhuak hawk a, a hmel chu ka en ran. "Ka duh che" a tih sup chuan ka hamhaih takzet. Awm dan tur ka thiamlo a, ka lakah fel thin viau mahse hetiang lam chuan ka en ngailo thung. Chhan dan tur pawh ka hrelo. A rilru tihnat ka hlau ve tho bawk sia, ka lo zui kher kher a ni te ka ti rum rum.











Zalo deuha nui ri sukin "Ka hmuh hmasak ber atang che khan a intan in ka hria, ka ngaihtuahnaah i awm zui reng a, i hriat angin keichu misual ka nia, mi zawng zawngin min hlau. Mahse nang... Nang hi chuan min hlau velo a, chutiang chiahin Ranger pawh. Uhh, ka duh che a ni tawp mai. I hmeltha ka ti a, min hip bawk. Min duhlo tih ka hria a, mahse ka rilru hi hria la ka duh" a sawi zawh rual chuan Ranger alo lang nghal a, Kylos-a kawr awma thamin a bekah a hnek nghal chawrh chawrh! Tho vatin Ranger chu thelh ka tum a, duhtawk tura tiin ka au chel chul bawk.










"Nang hian ka hmeichhia i duh thu ilo hrilh ngam vel amaw!" Tiin bangah chuan a nem bet chawrh a, Kylos chuan a hmui thi liak zeuha nui sukin "Tinge? Ka theilo ami? Chung chu ka thu thu" tiin Ranger-a mit taka melhin a ti a, hlauthawng zet chuan an pahnih chuan ka en reng. "Ranger thlah rawh" ka dinna atang chuan ka ti zawi sup a, Ranger kha alo awm ve reng em maw ni? Hepa tak hi chu insual hi a inpeih at reng mai.










"Lo hnaih leh tawh suh" ti supin a thlah a, ka ban rekah vuanin thutthlenga ka bag chu a la a, inhnuai lamah chuan min pen chhuk pui pawk pawk. "Ranger kal muang deuh teh! Amak e Ranger!" Min pen chak pui lutuk chu ka tlu dawn lek lek mai. "Eng nge khapa kha i biak ve ziah nachhan?! Mawh! Ka hmelma a ni tih i hre reng a.." ka kut a vawnna thlah in a ti a, a thinrim em em bawk. A lu dawmin a che vut vut a, hrethiam lo zet chuan a che vel chu ka en reng. "I hmelma a nih vangin ka hmelma a ni ve kher hleinem" ka tih sup chuan thaw hawkin min melh chhuk khui a, khatia a rawn chet vang khan thinrim lo ka ni biklo. "I duh ami?" A tih chuan hrethiam lo zetin ka melh a, a hma aiin a meng rum bawk. "Kha Kylos phiangsen kha i duh ami ka tih chu!" Ti hrawkin bang a hnek chawrh a, ka phu zuk. "Eng nge i hriat a? Engvangin nge a nilo lo in min puh ziah!" Ka ti let a, ka darah min hmer nghal vak.










"Duh lo si engvanga khapa phiangsen kha zui reng nge i nih!?" A ti hrawk a, ka hmai zawnah tak chuan a auhin min auh khum. "Ka thian a nia, ka zui a ni mai!" Ka ti vin ve thawt a, a duh duh dana min puh bik chhan tur hi ka hrelo. A hmai tuai puat chuan "Enteh" a ti sup a, inhnial cho zetin ka melh ve kar. "Khapa bulah khan awm tawh suh, a tha em?" Dam deuh zawk chuan a ti leh ta daih a, ka ner nang. "Tinge i huat a?" Ka tih sup chuan thaw chhuak hawkin "Hrelo mai rawh" a ti liam puat a, ka ngei tawk a tling em em ringawt.











_____ _____ _____ ZAWMNA _____ _____ _____




"A tha e, ka hrelo ang nga a ni mai lawm" tiin kalsawn ka tum a, ka kutah min manin min pawt let leh dawrh. "Be tawh suh, mi tha a nilo ania" a ti sup a, a thusawi chu ka hriatthiam phakbak a ni. An ni pahnih hi sual viau ang a langsi hian an chhungril a thaah ka ngai a, ka ring sual zawk nge ka hrelo. "Kan sawi nawn leh dawn nia, a tha em?" Ka biang tawn tawnah vuanin a ti a, ka bu ta nghat. "He thil teh hrep pawh hi phelh rawh" tiin Kylos-a jacket chu min phelh sak a, leiah a theh thla nghal. "Lo kal rawh" ti supin min kai chhuk leh a, ka zui ve zel. College building chu chhuahsanin a bike-ah bawk chuan kan inphur a, khawiah nge min hruai dawn tih ka hrelo a mahse ka zui zel tho.












"Ranger! Tlan chak suh!" A tlan chak em vang chuan ka ti a, khaw daifem lamah min tlan pui zel a, a kawngah nghet zetin ka kuah. "Duati! A hlauhawm loh a nia, hawi chhuak rawh" ring leng lawng chuan chak zeta khalh chungin a ti a, mit ka chhing tlat thung. "Duati, hawi chhuak la, a nawmna i pawh mai ang." A tih leh takah chuan ka meng chhhuak riai riai a, a kawngah chuan nghet zetin ka la kuah reng tho. A darah chuan ka khabe nghatin a sawi ang chuan ka hawi chhuak a, thli chuan min chhem heuh heuh mai. A seat hnung hi a sang ang chi kha a nih miau avangin a chhip ka pel a, kuah dawn pawn kun ngar a ngai.













"Khawi lamah nge min hruai dawn?" Ti a ka zawh chuan "Ka hrelo, tian kan tlan char char ang. Ride pui che ka duh deuh a" tiin min chhang a, chak zet chuan kan tlan a, lirthei lo tlan ve te chu kan tlan pel fua fua bawk. Bike khalh a hnehsawh takzet. A rei hnuah phei chuan hlauh lam aiin nuam ka ti a, ka ban te chu ka phar a, ka au vak bawk. "Ka sawi kha! A nuam tih" a tih chuan a kawngah kuahin ka nui ver ver a, bike khalhah na na na hi chuan ka ring ve tawh. Eng veng emawah hian kan lut hlawl a, a veng hming pawh a hre bik chuanglo. Restaurant te ve deuh lo awmah hian kan lut a, rice tih vel chauh an neih avangin kan chah a, inhmatawnin kan thu ran. "In race naah i tel ngun a ni maw!" nui chunga ka tih zeuh chuan bu nghatin "Chiang e, Mizoramah bike ka khalh thiam ber" nui chung chuan a ti a, ka nui chhuak hawk. "Imm, a ni ang,,, ka ring keipawn." Ka tih chuan ner sawkin "Ring suh, a ni" a ti a, kan nui dun ta hak hak.












"Tui deuhin in ei dawn nia, in ngaizawng em ni in nih?" Kan eitur rawn dah pahin nu pakhat hian a ti a, kei kalo buk nghut laiin Ranger chuan "Ka nupui a nih hi, hmanni deuh lawk khan kan innei" alo ti leh hmanhmawh a, ka nui tawi tak ringawt. Kan nilo va tih chi a ni tawh bawk silo a, hepa ziah zuah hi chu a. "A nih chu, hlim deuhin in awm dun dawn nia. In inhmeh hle mai" a ti leh a, lai deuhin lawmthu ka hrilh sup. Ranger chuan a phone phawrhin "Chutia inhmeh min tih te chuan kan inhmeh turah ngai ang. A mipa zawk hian ka zir em a, thla min lo laksak ta che" a ti a, chunu chu nui hawk hawkin Ranger-a phone chu a lak sak a, Ranger chu ka thutnaah rawn insawnin ka darah chuan min kuah liam a, camera lam kan en ran. Thla kan lak zawh chuan eitur kan ei mial mial a, kan inbe leh zeuh zeuh thin. Class pakhat ka kal loh phah a, a dang erawh tlai lamah a nih avangin ka hmanhmawh hranlo. Ranger-a bula awm hi nuam ka ti a, hetia awm reng mai te ka duh.










A thil ei lai chuan a hmel ka en a, a hmeltha chiang alawm! Ka duh tih ka pha lo a, a bul a awm nuam ka tiin a bulah ka hlim a, heti khawp hian ngaihzawng neih hi alo nuam dawn tih ka ring phalo. Ka ngaihzawng hmasa ber pawh mipa chhelo em em Ranger a ni a, min duh a, ka duh bawk a, ka vannei takzet! Kalo duh hman zia pawh ka hre thar awn awn mai. "Khatia min thlir reng chuan ka hmeltha takte hi an chhe zo palh ang" tiin menu ziahna chu lain a hmai a hliah a, ka hawi a heu mai. "Ka thlir lo che" tiin ka rice chu ka ei a, nui ri sukin a menu ken lai chu dawhkanah a dah thla a, a thingpui chu a lem nghal khawlh. Melh tawhlo ang deuhin ka awm a, ka mit sirin ka melh ru reng thung. En nin a har ve thlawt alawm! Ka la hmangaih lo ang tih pawh ka sawi theilo.












"I ei zawh chuan kal tawh ila" tiin a thutna atang chuan a tho a, kei pawh ka tho ve vat. Ei man a pek lai chuan a bike bulah ka ding a, midang che vel chu ka thlir reng. "Let tawh ila" ka tih chuan bu nghatin a bike-ah a lawn a, keipawh ka lawn ve nghal zat. Tlan chhuakin a hma ang bawk chuan chak zetin a tlan leh a, thawveng zetin 'Steal My Girl' tih hla chu a auh a auin a sa a, ka nui hawk hawk. "Kha ruah a sur mai dawn, sa tawhlo mai rawh" nui hak hak chung chuan ka ti fiamthu a, a ni lah chuan "Zaithiam min tih em kha ngaithla mai mai rawh" tiin ring zet chuan a sak zawm leh a, a sa uang bawk nen ka nui nasa kher mai.
















Uang kher lo se chu a zai thiam ngawtin ka ring. A zaithiam hmel em em lehnghal. "Lapawchini i duh em?" Kawngsir a vai pakhat lapawchini zuar a hmuh chuan a bike ti dingin a ti a, ka bu nghat. "Tikhan lo awm rawh ka va lei ang" tiin bike atang chuan a chhuk a, lapawchini nen chuan lo letin min pe a, bike-ah bawk chuan chuangin ving zet chuan kan tlan chhuak leh nghal. College kan thlen chuan kan chhuk a, gate bulah chuan vai pakhat hian mix alo zuar a, ka ei leh chak ta tlat! A lapawchini min pek pawh la hawng loin ka keng reng a, eichak em em pawh ka ni hranlo.











"Minlo nghak rawh, mix ka lei dawn" ti a pensawn ka tum chu min ti ding a, ka melh chhoh chuan "Tullo, a tenawm. A zun pahin a pistol a vuan a, a sil tawhlo. Midang mix zuar hrim hrim pawh, mipa chuan kan zun zawngin kan vuan zel a, kan sil leh tawhlo" a tih chuan ka ner vak a, ka eichaknate kha an thlawk bo nghal vek! Ka ten leh hnuhnawh a, tiang lam ngaihtuah nachang ka hrelo. "I duh tho em?" A tih chuan "Teuhhhloo" ka ti vak a, nui sukin classroom lamah chuan kan inzui leh nghal.













Kan thutnaah chuan kan thu dun a, class tan a hun dawn tawh avang chuan midang pawh an lo lut leh sap sap a, zirtirtu pawh reiloah a rawn lut. "A sam saw,,,, nalh i ti em?" Kan zirtirtu sam kawk chung chuan a ti sup a, lu thing a nui ruh ruh chung chuan "Teuhlo, pu Zoramthanga sam a ang tiraw?" Nui chung chuan ka ti a, a ni pawh a nui suk. "Michael Jackson-a sam a awt lutuk, tisawn sam a neilo chung pawn hmeichhiate mit lak ala tum aniah, i mit te kha alo la ve reu reu ang nge" a tih leh chuan ka nui kar kar a, ka ka hup chung chuan "La lo ang, nangman ka mit te chu i la tawh alawm" inti zei fe chuan ka ti a, a nui ri suk. "Imm, ka la tawh a, midang ka pe ve dawnlo" a sawi zawh rual chuan kan lamah chalk a rawn thlawk fua a, kan thu ngil nghal zawt. "Nangni pahnih kha in tawng rei lutuk, bengchheng ka duhlo tih in hriat kha... Nangkha sawtah sawn va insawn rawh" tiin keimah chu min en a, ka thutna atanga tho zal zalin ka bag nen chuan a sawina lamah ka insawn a, ka zak lutuk.



















"Tikhan ngaithla tawh ru" tiin board-ah chuan a ziak leh nghal a, midang kan lama lo hawi te chu ka kutin hawi let tur chuan ka ti a, an hawi let ve mai. Ranger ka melh chuan thatchhe zeta thluang duaiin zirtirtu a en a, eng tak ngaihtuah ang maw. Note ka copy lai chuan paper ka dawhkanah a rawn thlawk a, Ranger ka melh chuan hawng turin zai zir chuan min ti a, hawngin a chhung a thu chu ka chhiar a. "Ka cho loh val a ni khanglang a, lukawlh ho hian tha an ngah lutuk a, ka bei let ngamlo a nih kha" tih hi alo inziak a, nui sukin "I single nghal" tih chu paper a ziakin ka thawn let a, hawngin a nui suk. "Chi loh, ka la khamlo che" tih hi a rawn thawn let leh a, uang zet zet chuan lehkha class kan lak chhung zawngin kan inthawn ru char char.












"I love you" tih hi a rawn thawn a, lai zetin ka nui vur vur. Kan thil tih naupangchhia zet vang chuan ka nui leh kar kar thin a, Ranger pawh a ni tho. Ban a hun chuan kan in thleng min thlah a, in bye bye in inah ka lut a, inchhung ka luh rual chuan a bike chuan a inkhalh chhuak leh nghal. Ka inbual lai techuan kan thil tih ngaihtuah letin ka nui leh suk suk thin a, Ranger-a ngawt chu ka ngaihtuah. "Hello" ka nu hnen atanga phone call ka dawn chuan ka chhang vat a, a ngawih vang vang vang chuan ka hello nawn leh. "Nizanah mipa inah a lo lut ami" a tih chuan ka ngawi chawt a, ka thinphu a rang nghal zawih zawih. "Mate, miin an sawi ania, nizanah tlai takah alo lut a, a haw leh tawhlo an ti a nia. A dik em?" A tih chuan "Imm" zawi zet chuan ka ti a, a thaw ri hawk riin a zui nghal. "Tunge? Thil thalo tilo mah ula a mawi lo ania" a ti zui leh a, tuin nge lo sawi leh hman tawh ni, mi hi chu midang nunah an lo in rawlh peih ve ngawt mai.













"Ka thian ringawt alawm nu, engmah pawi a awmlo ania. A chhungte nen an intithiamlo deuh a, a rawn riak chhuak mai chauh a nia" tiin ka in sawifiah a, ka nuin min ngaih sual ka hlau ber. "Awle, mahse khatiang khan ti leh tawh suh ang che. Chuan kan cham rei deuh a ngaih hmel aw, hei inchhunga che tur hi an awmlo lutuk a, ka'n pui ve ang nge" a ti a, thu dang a sawi takah chuan ka thaw huai. Kan inbiak zawh chuan dahin khumah ka phone ka theh thla a, lehkha zir tumin ka bag chu ka phawrh chhuak a, Ranger-a lapawchini min lei ka hmuh chuan nui sen senin bag atang chuan ka la chhuak a, ka ei phal dawn em maw ni?











Khumah mu thla thawkin Ranger-a lawpawchini min lei chu kengin ka melh vang vang a, amah ka ngaihtuah zawng ringawt pawhin ka thin a phu dup dup thei. Mipakhat chu a ni ve chiang alawm. Lapawchini chu ka almerah-ah khungin sana ka en a, tlai lam dar nga a rik dawn tawh avang chuan lehkha zir thulhin eirawng bawl tum chuan inhnuaiah ka chhuk a, nidang anglo takin pasta tih angreng te ka siam teuh mai. Ka mood a fuh bawk a, eitur pawh ka lalut tha dawn a nih hmel.











Zanriah chu keimaha eiin ka tifel leh vek a, ka room-ah lutin lehkha ka chhiar malh malh. Kawngkhar kik ri ka hriat chuan chhukin ka hawng a, Ranger-a, zawhte bal zet pawm chunga lo ding chu ka hmu a, ka en haw. "Min kian dawnlo ami?" A tih sup takah chuan a luh theih turin kawng ka kian a, lo lutin thutthlengah chuan tlangnel zetin a thu thla a, a zawhte bal leh cher zet chu a chul hliau hliau bawk. Kawngkhar kharin a sir thutthlengah chuan ka thu thla a, a zawhte pawm lai chu ka melh reng. "Khawi a zawhte nge?" Ka tih chuan "Kan fa tur" tih zawngin min chhang a, ner nangin "Mi ta i ru ami?" Ti a ka zawh chuan ner nanga min enin "Teuhlo nasa! Khawlaiah ka hmu a, hawn turin min ngen a ka hawn ta a nih hi. Enkawl ang che" a tih chuan ka teu hlar. "Khatiang! Zawhte ka ngaina lo, bal sii... Min hawn rawh tiin a ngen lul lo ang che" ka tih vak chuan rum zeta min melhin a zawhte bal zet chu a chuk a, a intih bad boy nen zawhte te a lawm tawh!












"Khawi bual ang, a balh vang mai mai a nih hi i duh loh." Tiin a tho hluai a, a ti lui dawn tho tih ka hriat avang chuan bathroom lamah kan inzui phei a, tuilum chu herh haw in chawhtawlhah a inbualna tur ka siam a, shampoo nen lam ka chhawp vek. "Min in rawlh tir reng reng suh, tikhan lo bual la ka chhuak dawn" tiin bathroom atang chuan ka chhuak a, tv on-in thutthlenga mu ar ar chung chuan ka en a, zawhte tre ring zet vang chuan a mood-ah pawh ka cheng hleitheilo. "Remruat! Engtin nge ka tih dawn! A tal zel" tiin bathroom atang chuan a rawn au a, ner vakin "I tih tih khan tirawh" tiin ka au let ve a, an thawm chu na tak ani. "A thi dawn! Lo kal teh, hmanhmawh rawh" ti a min auh leh takah chuan ning zetin an lam ka pan a, Ranger-a ka hmuh rual chuan nui chhuak lo turin ka insum nasa takzet.














A zawhte chu bang kilah a tawm chawih a, a meow reng bawk. A phuan nasa em em mai lehnghal, Ranger chu a huh pheng phung a, a taksaah te chuan sahbawn phuan a kai nual mai. Chhuatah lah chuan tui a tling khat a, engtin em em nge an inbual bik ni. "Lo bual rawh" a tih chuan nui pat pat chungin zawhte chu ka pawm a, chawhtawlhah dahin tuiin awlsam te chuan ka tleuh fai a, kil khatah Ranger chuan dingin min en reng. "Nangma bawlh a duh vang lek a nih dawn kha" a tih chuan ka nui chhuak hawk. "Engtin em em nge bual i lo tum a?" Nui suk suk chuan ka ti a, zawhte chu pawmin ke hrukna kan dah chuan ka tuam a, bathroom atang chhuakin zawhte chu ka hru hul nghal. "Tikhan lo pawm teh, hair drier ka va la ang" tiin zawhte chu Ranger-a ka pe a, ka room-ah chhoin hair drier chu ka la a, chhukin zawhte chu kan pahnih chuan kan chhem ro nghal.














"I zawhte hming i phuah tawh em?" Ti a ka zawh chuan lu thingin phuah turin min ti a, ka ngaihtuah nghal rauh rauh. "Hruaitei kan ti dawn ami?" Ka tih chuan duhlo zetin ka rin ang ngeiin a ner nghal vak a, ka nuih hawk hawk. "Candy... Candy kan ti dawn nia" tiin a mah zawk chuan a phuah leh ang lawi a, ka nui suk suk. "I thu vek alawm, i zawhte ania" ka ti a, tho vuta choka lam panin eitur a dap kual a, a ban lehlam chuan Candy-i chu a pawm ran bawk. "Kha ei rawh" tiin a zawhte chu chhuatah a nghat thla a, ka pasta ei bang chu bowl-ah suak chhuakin zawhte chu a pe a, pa tawka zawhte a hrai vang chuan ka nuih a za ang reng.













"Heh,, heh,,,, hey! I zawhte hi hawn nghal rawh!" A zawhte thil ei lai hawsan tuma kawngkhar lam a pan chuan ka thutna atanga thoin ka ti a, lu thingin "I enkawl tura ka rawn hawn a nih kha. A eitur naktukah kalo lei dawn nia" ti a kawngkhar atanga a chhuah chuan chapal pawh bun loin hmanhmawh zet chuan ka um chhuak nghal. "Lalhruaitluang, ka vulh duh ka tia mi?" A bike a a chuang tawh tur chu a kawr haklaia thamin ka ti a, rawn in her vutin "Ka vulh peih biklo. Lo duat ang che, ilo paih mai mai ang nge" a tih chuan a hnungah ka beng ri thlawrh. "Peih silo engvangin nge i rawn hawn ve ngawt! Min vulh tir te chu ila tum lehnghal a! Zun leh ek thian peih ila ui ka vulhna a rei tawh ang" ka tih chuan min melh chhukin a ner nang a, hahthlak tih hmel zetin min en bawk. "Min hruai haw rawh ti miau hek. Vulh la animai, sual lutuk suh" a ti hluk a, hepa hi chu! Mipa mak ve tak a ni.

















"Lalhruaitluang!" Ka hmui a fawp zeuhin a bike-ah chuan a chuang a, chak zeta a tlan chhuak lai thlir chung chuan a hming lam chuan ka au vak! Ang hlak hlak chungin inah ka pen lut a, choka bula Candy-i thil lo ei mial mial ka hmuh chuan Ranger-a hmel ka rilruah a lo lang leh nghal a, Ranger-a nen an hmel pawh a in an viau hi! "I pa mawl zia hi" tiin zawhte, Candy-i chu a eina tihfel pahin amah chhanchhuak tu Ranger-a ka rel char char a, bowl-te lain tui Candy-i in tur ka ti khat a, chhuatah a in maitheih turin ka dah bawk. "Eng nge i pi ten an ei thin? Badam hel a awm i duh mai em?" Tiin badam chhuar ami chu chhuar kawngkhar vuan paha melhin ka ti a, Candy-i chu ka sirah thuin min melh chho ran a, a khat tawkin a meow leh zeuh thin.












"In tawng ka hrethiam lo, hahthlak ee! Lalhruaitluanga hi chu!" Thaw haka Candy-i melh chhukin ka ti a, ala vir kual zui. "A tha e, i toilet tur vel ka siam sak ang che. Varandah-ah hian chhuak zel ang che, i zun emaw i ek dawn emawin" tiin chawhtawlh te ve lampang kan hman ngai loh chu ka la a, pawnah chhuakin vut ka chhung khat a, varandah-ah ka dah chhuak nghal. "Hei i hmu em? I ek na tur a nih hi. Zung nghal bawk ang che" tiin Candy-i toilet ka siam sak chu kawk paha amah melhin ka bia a, a meow ringawt thung. "I sual chuan i pa hnenah ka pe let ang che" tiin Candy chu ka chul ve ta nge nge. Ran ka lawm hran lemlo a, lawm lo lutuk erawh ka ni biklo. Ka ran vulh hmasak ber tur chu he zawhte hi a ni nghe nghe.





- End of Chapter 12 -

(Commenet hnutchhiah theuh ang u auh!)


Show post links
Top