ENCHANTING by Calm Bird (Completed)

[Ngaia]

Chapter - 19
ENCHANTING
by Calm Bird




"Hahdam rawh, kha tui hi in phawt teh" tiin a inla hrang a, dawhkana a tui bottle chu lain a hawng a, min pek chuan ka in nghal khawlh khawlh. Ka mittui chu ka tuai hul puat a, thi nghal tur ang maiin ka in ngai. "Treatment kan la ang nga, i tha leh zel mai ang. Ka sawi tawh ang khan a stage ala hniam lutuk" a ti a, engtinmah ka chhang tawhlo. Chhuat ka melh tlawk tlawk ringawt. "Engtia in enkawl tur nge?" Tiin Doctor chu ka melh a, a chair-ah thu thlain min melh reng. "Treatment lak nghal pawh a ni chuanglo a, damdawi ka chawh phawt che ang nga, i dinhmun a zirin Chemo kan khai dawn a nia" a tih chuan "Engzah nge sen ngai ang?" Chu chu ka buaina ber a ni. "A sawi lawk theih loh, amaherawhchu insen ve nual a ngai ang." A ti a, ka bu nghat. "Ka kal tawh ang nge, ka lawm lutuk" tiin ka tho chhuak a, kawngkhar lam ka pan ding nghal.






"Ngawi lawk teh Remruat" kawngkhar hawnna ka vuan tawh chu min koh leh avangin ka ding dat a, a lam ka hawi let vat. "Bialpa i nei lo tiraw?" A tih chuan ka hamhaih takzet. "I sawi duh loh chuan pawi chuanglo, ka hre duh mai mai" nui sukin a ti a, lu thingin "Nei lo" ka ti sup a, kawngkhar chu hawngin room atang chuan ka chhuak a. "Eng nge a result?" Sawmtei chuan a thutna atanga thoin a ti a, a hmel ka hmuh rual chuan ka tah a chhuak leh nghal tet tet. A lam pan vatin ka kuah nghal a, mak tizet chuan a in dawh tawp. "Tinge?" A tih chuan ka insut ri hraih a, ka hnung zangah min beng nghal thek thek.






"Dam chhuak an tam em mai a, nang phei chu i tuar chhel a... i dam leh vat mai ang" ka kut pahnih chu hmerin a ti a, a mittui tling chu ka hmuhhmaih lo. Tah a insum ve takzet tih a hriat. "Imm, ka dam ang.. Ka dam leh vat dawn alawm. Doctor pawn damna chance ala tam thu min hrilh" nui lui sang chuan ka ti a, thaw hakin min kuah thlawp. Min vengthawng lo se chu a tah tawh hial ka ring! "I chhungte i hrilh nghal dawn em?" A tih chuan ka hriat loh thuin ka chhang a, a ngaithla tu tan pawh a nuam dawnlo a a sawi tu nih phei chu thil hreawm tak tur a ni. Chubakah ka chhungte an mangang dawn lutuk!






"Bye aww, in enkawl tha la!" A tih chuan ka bu nghat a, inchhungah lutin ka room lam ka pan tlang nghal a, khumah ka bawk nghal thlawp. Ka chhungte mai pawh niloin Ranger... Min tina tu ngei mai pawh kha kalsan ka hreh! Ka thih hmaa a bula hun hman leh ka chak takzet! Mahse thil theih loh hulhual a ni!






"Engtin nge an lo tih che?" Ka nu chuan chaw ei laiin min zawt ta nge nge. "Ahh, eng vak mah a nilo. Vitamin min chawh a" ka tih chuan a bu nghut a, damdawi ei tha turin min chah nghal bawk. Tunah chuan sawi turin chakna ka la neilo. Room-ah chuan engmah tiloin ka in kalh hnan tlat a, light pawh ka off thim vek. Ka khumlu bang nghengin ka inngaihtuah ngut ngut a, ka thaw leh hak thin. "Tinge ka ngaihtuah tel ve zel che le?" Ka phone a Ranger-a thlalak en chung chuan ka ti a, phone chu ti thimin ka mit ka chhing vang vang. "Lalpa khawngaihin min pui rawh. Kum sawmpakua chauh ka la nih hi. Khawngaihin min ti chak rawh" mit chhing chung chuan ka ti sep sep a, ka mittui ka biangah a luang thla ngiai ngiai.






"I chhungte i hrilh em?" College kawtah chuan vei kual pahin kan titi a, min vil chawt a ni ber! "La hrilh lo, sawi chhuah ka la hlau" ka tih chuan a pen lai ding chawta min melhin a thaw hawk a, hahthlak min tih hmel takzet. "Hrilh vat rawh, a rang thei ang berin in enkawl ula, i dam hma ting a ni mai" a tih chuan nui sukin a banah ka kaih kuah a, ka pen pui nghal hlawk hlawk. "Ranger sawn min hmangaih lo tih ka hre chung pawn ka thluak atang hian ka la paih bo theilo a nih hi!" Ranger-a leh a thiante lo thu khawm ka hmuh chuan dingin ka ti a, an lam ka melh char char bawk. "I hmangaih tawh takzet a nih kha" a tih chuan nui sukin "Ka thih hmain mipa hmangaih ka nei ve hman a, a tha alawm" nui vur vur a Sawmtei melhin ka ti a, ka banah min beng nghal pawp. "Thih lam kha sawi tawh suh!" A ti vak a, ka nui hawk hawk. Thinlung taka nuih a har ngei mai.






"Doctor pa nen chuan in tluang zel maw?" Ka bula rawn thut thlak pahin a ti a, ka melh nghal haw. "Eng chungchang nge i sawi a?" Ka tih chuan kiai sukin "Nang leh i bialpa chungchang mawle!" Tiin a bawp a khawkherh a, class chhungah chuan meizial a zu khu ham ham. "Eng atan nge i tih?" Tiin hmalam ka hawi a, midang pawh an thuthmunah an titi siam siam. "Ani nen te khan in inkuah vel a! Min then chhan..."

"Ranger! Tah hian ilo awm a ni maw?" Daisy-i chuan Ranger rawn kuah thuakin a ti a, an hmuiah an in fawp nghal zeuh. Hmalam hawi vatin zahzelah penin thil ka ziak daih a, class room an chhuahsan lai te chu ka mitsirin ka en reng. 'Min then chhan' tih a sawi erawh kha chuan ngaihtuahna a ti thui ang reng.






"I van rei, i hmel te chuh! Ramhuai hmu ang mai alawm i nih!" Gate bulah Sawmteiin min nghak a, a bul ka thlen rual chuan a ti nghal vak vak. "Hmu e, nidang ang bawkin Ranger leh Daisy-ite in chhai lai ka hmu nileng!" Tiin a darah ka kuah a, a ner nawng nawng. "An ni pahnih kha ka ei thlawt lo! Ranger pawh lerh lutuk mai! Chisty hi tunlai a reh tawp i ti ve em?" A tih chuan ka bu nghat. Ni eng emaw liam ta atang khan college ala rawn kal lo.






"A damlo amawnle, a kid te thawm a that that nen" tiin a scooty a ti nung a, a scooty-ah ka chuang fel chiah Ranger-a leh Daisy-i te bike a inphur lai chu ka hmu a, Ranger-a pawn min melh reng. Melh duh tawhlo in hmalam ka hawisan a, min tlan pel nghal fua. Khawiah nge an kal dawn le ka ti rilru nghal. "I chhungte chu hrilh vat rawh, naktukah pawh ila hrilh lo fo a nih chuan keiman ka sawi ang" a ti a, a darah beng thekin "Awle boss" ka ti a, ka malah a beng ri ve nghal thlawp. Kan in lam chu panin kan tlan haw a, traffic ala jam nasa em em zui.






"Aih aih aih, nilo nilo" Ka hnar rawn thi leh chuan ka kuta tuaiin ka khum atang ka tho chhuak a, lapua lain ka hru nghal vat. Darthlalanga in en chung chuan ka thi rawn chhuak apiang chu ka hru fai a, ka khur ru der der thei! Nidang zawng aiin ala thi tam zui! Ka hmaiah te chuan thisen a kai phung tawh! "Lalpa khawngaihin" ti sep sepin ka hmai ka phih fai a, ka thaw chhuak hawk. "Thih ka la duhlo asin!" Tiin ka tap chhuak hawk a, chhuatah ka thu sawp nghal niaih. Tah rin hlau zet chuan ka ka ka hup a, bathroom chhungah chuan ka tap khur char char hi a ni mai. Hetiang em tuar tur chuan ka la naupang asin!






Ka taksa chu a na hle a, ka thawk pawh a chham hial. Ka nu tap thawm chu hla tak atangin ka hria a, ka taksa na lutuk vang chuan ka mittui a luang zawih zawih. "Thisen pek a ngai! Thisen lo la nghal rawh u" doctor chuan a ti a, nurse pakhat chu rawn tlan lutin "A blood group mil thisen kan nei tawhlo! Engtin nge ni dawn?" Hlauthawng zet chuan a râwn a, ka nu chu a tap ring zual sauh. "Kan chhan hman talo" doctor chuan a ti sup a, ka chhungte an tap nghal hawm hawm. "Duati? Min kalsan suh" Ranger-a chuan ka bianga dawmin a ti a, Sawmtei pawh kil khatah a tap hlawp hlawp. "Aih, tinge a oxygen kha phelh in tum! Phelh hlek suh u!" Nurse-i'n ka oxygen vuah lai rawn phelh a tum chuan a ti hrawk a, hamhaih zetin an chetla chu ka thlir reng.






Thawklehkhatah ka ruang puana an khuh lai chu ka hmu a, Ranger-a'n doctor-te chu min la sawnlo turin a dang tang tang bawk. "Hetah ka awm! Nu! Pa! Ranger! Ka la dam!" Tiin an hmaah te chuan ka vei kual a, mahse min en loin khuma ka ruang chu an melh ngawt ngawt. "Nu! Ka la dam hi!" Tiin mangang zet chuan ka nu hmaah ka ding a, ka hawi kual ruai. "Ranger, nang tal chuan min hmu teh!" Ranger-a bula kalin ka ti a, mahse melh khat pawh min melh lo! "Mate, tinge min kalsan!" Ka nu chuan tap hlawp hlawp chungin a ti a, hlauthawng leh hrilhhai zet chuan ka thlir a, ka awm sep dawr dawr khawpin ka thaw huam huam. "Minlo zui tawh rawh le, he khawvel hi i chhuahsan a ngai tawh" Mipa pakhatin a ti a, a hmel ka hmu theilo a, a eng vek!






"Aih ka zui dawnlo che, ka chhungte bulah ka awm dawn" ka tih chuan "Man rawh u" a ti a, amah ang chiah chiah mipahnih hian ka ban tawn tawnah an dawm a, step pakhat thui zetah hian min kuah chho a, ka duhlo chu ka tal vak vak a, min thlah turin ka ngen chiam bawk. Vawi lehkhatah ka meng chhuak thuta, ka thu chhuak nghal hlawl bawk. Ka awm chu dawmin thaw huam huam chung chuan ka hawi kual a, thlanin min bual huh vek! Ka mittui chu ka kutin ka hru a, ka khum sira switch ka hmeh rual chuan a eng nghal pup. "Mangchhia mai a ni" ti supin dawhkana ka tui inchhawp chu ka la a, hawngin ka in nghal khawlh khawlh.






Tukverh lam ka hawi chuan ala thim vek a, ka phone chu hmet engin dar zah ka en a, zing lam dar hnih chiah ala ni. Thaw hawkin ka phone chu dawhkan chungah ka dah a, ka hmai chu ka tuai thuak thuak. "Kha thil kha a thleng tur a ni lo" ti supin ka awm chu ka dawm leh a, ka thawk pawh ala pangngai theilo.






"I la hrilh lo ami?!" Sawmtei chuan rum zeta min melhin a ti a, chhangloin ka bu nghut. "Ka awih theilo! Remruat! Nangmaha in enkawl i tum em ni?!" A ti a, engtinmah ka chhanglo. Ka tan sawi chhuah a harsat zia hi a hrethiam lo ani! "An lam hawi hawi suh" Ranger-ate thutna lam ka hawi reng lai chuan a ti hlak a, ka hawi sawn vat. Ka hriat loh kar hian ka lo melh leh veng veng zel! "Sawi tawh ang che" a chow ei pah chuan a ti leh hram a, ka nui sak ringawt. "I tha zel maw?" Doctor Rinkima chuan a ti a, bu nghatin thutthlengah ka thu thla nghal. "Na te i nei ngai em?" Tiin ka bp chu min check sak a, lu ka thing vat. "Na i neih chuan rawn in report nghal ang che, treatment pawh i na a zual zel chuan kan la dawn nia" a ti a, ka nui suk ringawt. "I thiannu nen ami in rawn kal?" A tih leh chuan lu ka thing a, taxi a ka kal thuin ka chhang a. "A that chu, a nih leh thil ei dun ila?" A ti a, ka bp a check zawh rual chuan a normal thu a sawi sup. "Damlo dang en tur i nei lo ami?" Ka tih chuan bu nghatin "Dar li hnulam hi chuan ka nei tawh vak ngailo" tiin min chhang a, a coat var sar chu a phelh a, thutthleng nghenchhanah a bang nghal zat. "A nih te chuan kal ila" nui sang chuan ka ti a, kan inzui chhuak nghal.






"Eng nge i ei duh ang?" Tiin min zawt a, "I chah ang kha a ni mai" ka tih chuan nui sukin a eitur chah ang chu min chah sak a, ani nen hian innel tawh tak kan ni! Amah zawk hi nel loh a har. "Nizanah ka mumangah kalo thi a" ka tih chuan nui hawkin "Mumang a ni hlauh a a va lawmawm ve!" A ti a, ka ner nang nang. "Kum engzah nge i nih?" Tih ka zawt ta daih a, a mitko a kan uk. "Nangai ka upa fee tih hria la a tawk chiah" a ti a, ka hmui ka ti pawrh tarh ringawt. Kan eitur an rawn chhawp takah chuan kan ei mial mial a, fiamthu a duh reuh bawk nen thil ei lai te chuan ka nui leh hak thin.






Ranger pov:-



Ka hmaa doctor leh Remruati hlim hmel zeta thil ei dun lai chu ka thlir reng a, ka fian ken chu nghet zetin ka hum nghek. Remruati hmuia thil kai a kuta a tuai fai sak rual chuan ka fian ken chu thlengah ka nghat ri chawrh a, Daisy-i a phu nghal chiam. "Tinge a Ranger?" Daisy-i chuan a ti a, tho vutin restaurant atang chuan ka chhuak vang vang. Ka bike bul ka thlen rual chuan ka bike seat chu ka chum ri pawp a, thinrim zet chuan ka thaw ri hrawih hrawih. Khapa kha eng nge kei aia a that bik na? A lakah thil ka lo tisual tawh ngei e, mahse a ni khan a laka ka thil lo tih tawh ang chiahin ka chungah a ti a! Kha doctor pa office-ah ngei an inkuah a, a thlalak thlengin ka la kawl tha vek! Chuan Daisy-i'n Kylos-a nena an thlalak, thingkung nghenga an thu dun lai min hmuh bawk a! Rapthlak hian!






"Tinge i chhuah daih a?" Daisy-i chuan vui aw lek lek hian ka bul a rawn thlen rualin a ti a, ka thaw hawk. Henu hi ka nu best friend fanu a ni a, ka nuin min duh pui hle a, inneih lam te an sawi hial! Mahse Remruati vangin ka hnar a, tunah erawh inhual tura min tihna ka pawm hmiah thung. A tel loin ka nung thei tih hmu ve rawh se!


- End of Chapter 19 -

(Ka type peih chen a nih hi ka mut a chhuak lutuk)


Show post links
Top

[Ngaia]

Chapter - 20
ENCHANTING
by Calm Bird





"Ranger khawnge i kal dawn? Daisy-i min auh zuina pawh chhanglo chuan chak zetin ka tlan chhuak a, khamite pahnih kha ka hmu reng a nih chuan doctor pa kha ka that duh mai ang! "Inah te hian awm ve thin em em teh. Tlaiah Daisy-ite an rawn len dawn kha" ka nuin a tih chuan chhanglo in inchungah ka chho tlang a, ka room-ah lutin kawngkhar ka khar ri bur. Ka jacket hak lai chu phelhin chhuatah ka theh thla pawp a, thinrim zet chuan bang ka chum ri leh bur. "Min ti a zo dawn" ti hrawkin ka hmai ka hup thawk a, vanvadakin ka thaw chhuak hrawih hrawih. "Hruaitluang" ka nu chuan ka room a lo lutin a ti a, ner nawkin khumah ka thu thla nghal dawt. "Chhuak tawh suh aw, mikhual ilo lawm ve lohin" a tih chuan melh runin "Ka mikhual an ni velo" ka ti nghut a, ka shirt hak lai hlipin khumah ka theh thla leh tawp.






"I nupui tur te alawm!" A tih chuan khum atangin ka tho nghal zawk. "Ka nupui tur a ni engtik laiin nge ka tih?" Ka tih nghut chuan ner nangin "I rem tih thu i sawi vek tawh kha!" A ti a, kiai sukin "Inhual chauh alawm ka rem tih. Nupui atan ka nei dawn ka ti tel hleinem" tiin ka wardrobe ka hawng a, off-white hoodie ka la chhuak a, shirt dum bawk chu ka la chhuak tel bawk. "Inhual i duh chuan inneih pawh i rem ti tihna a ni mai" a ti a, ka shirt inthawlh mawlh mawlh pah chuan "Inhual leh inneih a in ang lo. Ka hmeichhe hmangaih tih loh chu nupuiah ka nei ngailo ang" ka sawi zawng chuan Remruati ka mitthlaah a lo lang a, ka khi nghal suk.






"Hmangaihna mai mai! In innei ang nga i hmangaih ve mai dawn alawm! Fa te in neih phei chuan i..." "A tawk! Chulam chu ka nun a nia, ka thu! Min force tum reng reng suh ang che! Ka lo haw tawh dawnlo min lo nghak suh ang che u" tiin ka room atang chuan ka chhuak a, kawngkhar ka khar ri bur bawk. "Lalhruaitluang!" Ti a min auh lehna pawh ngaihven loin in chu ka chhuahsan a, ka nupui tur lehzel a ni min lo thlansak chhan tur a awmlo! Ka bike-ah chuangin chak zetin ka in khalh chhuak a, Fakawma in luah ka thlen chuan chhukin kawngkhar pawh kik lemlo chuan ka lut tlang a, an lo kim leh thap tawh. "Ilo kal dawnlo emaw kan lo ti hman a!" Fakawma chuan a zu no keng pahin a ti lawng lawng a, chhanglo chuan couch-ah ka thu thla dawt a, dawhkana zu bur chu lain ka in khawlh khawlh. "Vansangpuia kha i sawisa em ni?" Jonathan chuan ka hmaa rawn thut thlak pahin a ti a, ka nui suk ringawt. "Damdawiinah an in admit a, a hnar ruh a tliak a ni awm e" tiin a zial a pak a, ngatanmah ngailo chuan zu chu ka tlak leh pap.






"F.I.R. theh luh te kha an tum a, Sangpuia khan a mi khin tur a hre chiang a, an theh lut talo a nih kha" tiin Rohlua ka sirah a rawn thu thla a, beer cane a dawm vang bawk. "Tinge i sawisak reng reng a? Ka tel lo lehnghalin!" Alan chuan rawn tiin Jona sirah a thu thla a, lungngawi loh hmel zetin a ner nang. "Ka pawi a sawi tihna a ni mai" ti nghutin nghenchhan ka ngheng dawt a, mit ka chhing vang vang.







Remruati pov:-




"Awii bawihte" inchhung ka pen lut chiah ka nuin min rawn kuah thlawp a, a tah aw tiau bawk! "Nu tinge a?" Hamhaih zet chuan ka ti a, nghet zetin min kuah vak ringawt. "Khawi teh, rawn thut tir ve phawt la" ka pa chuan dam diai hian a ti a, ka nu chuan min kuahna phelhin a insut ri hraih a, thil thleng a awm em mawni? "Tinge a?" Thutthlenga thutthlak pah chuan ka ti a, ka U pawh a thu ve ran a, chhuat chu ding zetin a melh ngur. "Sawnteii'n min hrilh a.." ka pa in a tih rual chuan ka meng kawk. Ka thin a phu nghal dup dup a, thil tisual an man chhuah ang maiin ka awm. Ka nu chuan a kawr haklai hmawr hmangin a ka a hup a, a insut ri hraih hraih. "I..in hria maw?" Ti supin ka kun ngal a, ka kawr hmawr ka tham nghek. "Tinge min hrilh loh? Engahnge nangmaha tuar i tum?" A tih chuan ka pa chu ka melh zeuh a, hnuai lam ka bih lehnghal vat. A lungngai hmel kha hmuh a hreawm lutuk!






"Ka,, hrilh cheu ka tum alawm" ka ti sup a, ka nu a tap chhuak nghal hawk. Chu chuan ka mang a ti ang a, awm dan min ti thiamlo bawk. "A tul tul kan ti ang. Pawisa lam vang bawka zep i nih ka ring. A tul chuan loan kan la ang nga, taxi pawh kan tiral mai ang" ka pa chuan a ti a, a thutna atanga thoin ka hmaah a rawn thingthi a, ka kut pahnih chu lain nghet zetin min hum sak a, min hmangaihna mitmeng thuk zet chuan ka mitah tak min melh a, chu chuan min ti lungchhe takzet. "Bawihte, ka fanu neih chhun i ni a. Chan che hi kan duh lo, i dam leh dawn alawm. I dam theih nan chuan engpawh ka ti ang." A sawi zawh rual chuan ka tap chhuak hawk a, ka pain min kuah nghal thlawp. "Kan awm hi, i tan kan awm reng" tiin ka hnungah min beng dat dat a, a aw a lawi rat bawk. Tah a insum ve takzet ti ka hre thei!






"Thlai te kha ei tha rawh" ka nu chuan ka thlengah maian a rawn dah a, ala pangngai lo tih a hriat. "Awleeehh" nui var var a tiin ka ei nghal a, min melh mawl deuh tawp. "I doctor chuan engthu nge a sawi a?" Ka pain a tih chuan "Damdawi min chawh a, chemo khai nghal a chi loh a, nakina ka awm zel danin kan khai ang" ka ti sap sap a, a bu nghut. Ka U erawh ala tawng miahlo a, a changin min melh leh vung vung zel.






"I chhungte chuan engtin nge an tih che?" Kal pah chuan a ti a, ka nui suk ringawt. Lehlamah alo sawi kha a tha ang reng! Ka thawven pah hawk. "Min ngaihtuah khawp mai" ka ti sup a, ka sawi zawh rualin Ranger leh Daisy-i ka hmu a, ka thin zawn a na zawk. Daisy-i chuan Ranger-a banah kuahin a nui sang a, Ranger-a erawh chuan a ngaihsak tehchiam lo a nih hmel. A infiam nan a hmang lo ang tih pawh a sawi theih loh! "Christy rawn kal se Daisy-i saw kek nawk se! Ka ngei a nia Ranger-a a inti neitu em em zui! A ha a muat nasa ropui si" Sawmteii'n a tih chuan ka nui tawp. Huat a pe na thei reuh lutuk hi nuihzat lamah a kal zawk!






"Awii kha i hnar a thi a nia!" Sawmtei chuan a ti thawt a, ka hnar zawn ka khawih ve vat. Ka rawmawl chu la chhuak sawk sawkin ka hru nghal a, mahse a thi a chhuah belh zel! Ka taksa chhung chu a na ngut ngut a, na lo lai pawh a awmlo! "A thi belh zel a nia engtin nge kan tih dawn?!" Mangang zet chuan a ti chul a, engmah sawi loin washroom lamah a chak thei ang berin ka tlan a, Ranger-ate pahnih ka tlan pel fua. Ka hmai chu tuiin ka phih sawk sawk a, ka taksa chhung na ngut ngut vang chuan ka ner nawng a, ka hmui hnuai ka seh vak ringawt. Ka thaw chhuak hrawih hrawih a, rei loah Sawmtei a rawn lang ve vat. "Damdawiinah kal ang" a tih chuan "Ka tha" ka ti sup a, awihlo lutuk hian min melh a, ka kut pharin "Ka tha leh mai ang, nghak lawk ang" tiin bang ngheng chuan chhuatah ka thu thla a, tih theih nei lo zet chuan ka na dam hun tur ka nghak tawp. "Ka ka bag" ka tih sup chuan chhuata ka bag tla chu a chhar a, min pek rual chuan a chhung ka hai nghal rawk rawk.






Doctor damdawi, ka na a chhuah changa ka eitur a min chawh chu ka la chhuak a, ka kutah tam zet ka bun nghal tlawrh. Ka hmanhmawh tawh lutuk chu ka che reng reng a dik theilo, ka na vang chuan ka khur hlawk hlawk thei hial. Damdawi ka ei zo chiah Daisy-i tawng ri ka hriat avang chuan kawngkhar lam ka hawi dawrh a, Ranger nen chuan min lo en reng! "A hetih vang a nih dawn hi a nikhua loh em em! Drugs addict lek a lo ni a nih hi, ka awih theilo zawk. Belhchian a dawl lo hle mai" a sawi zawh rual chuan Ranger a kalsawn daih a, Daisy-i chuan a um nghal vat. "Khapa mai mai chuh! A ngai kawi chiang lutuk!" Ti a umzui a tum chuan a kutah lo manin ka melh chho a "Hrilh a tullo, engkim a hriat ve zel a ngaihna a awmlo" ka ti sup a, thaw hakin a bu nghat.






Ka na a dam hnu chuan ka hmai phih tha lehin ka damdawi tih buakte chu bawlhhlawh bawmah ka paih a, ka thlan a lo chhuak nasa hman takzet! "Engtikah nge i in entir leh dawn? In check up reng a ngai a ni lawmni?" Sawmtei vek chuan a ti a, ka bu nghat. Ka na a chhuah hunah sawi turin min ti a, va in report nghal a ngaiin ka hria.






"In enkawl tan a ngai tawh a nih dawn chu. Naktuk atang chemo kan khai ang nga, ka rin aiin a natna hi a zual chak" doctor-in a tih sup rual chuan ka nu lam ka hawi a, awih loh hmel tak hian a ka a ang pam. "Awle, mahse engzah nge sen ngai ang?" Ka pa'n a tih chuan insen ngai zat chu a sawi a, ka lo ip chawih thei. Damdawiin atanga kan chhuah chuan ka pain loan a va puk lawk tur thu sawiin bank lamah a kal hrang a, ka nu nen taxi hire in in lam kan pan dun thung. "Tawngtai tha ila, i dam leh vat mai ang. Pathian engkim ti thei a awm alawm" ka puan min sin that tir mawlh mawlh pah chuan a ti a, a che chu mu chungin ka thlir reng. College atanga in ka thlen hnuin ka na a chhuak leh a, eirawng ka bawl laiin a ni nghe nghe. Ka pa service lai ka nuin a be chuk chuk a, ka U pawh mangang hman tak a ni. Damdawiin lam kan pan nghal kha a nia!






"Nu, ka la sawi ngai miahlo a... Ka hmangaih vek cheu a nia aw, ka lo thi ta a nih pawhin a hma a in nun dan ang khan nung ula, lungngai a kun reng turin ka duh lo cheu a nia. Keimah vang leh lek phei chuan!" Ka sawi zawh rual chuan min kuah thlawp a, eng nge a ngaihtuah ka hrelo. Thi thut thei reng ka ni tawh a, hetiang thu sawi hi a ngai tlat! "Chutiang an sawi ngailo, i dam dawn ka tih tawh kha" tiin a inla hrang a, a mittui a tuai hul zeuh. "Zanin chu ka bulah mu la" ka tih chuan "Dawn e, dawn e,,, thil te kan sawi mai mai dawn nia" a ti a, ka sira a rawn mut thlak rual chuan ka kuah nghal chawih. Ka nu bulah hian awm reng thei ila ka ti takzet! Mahse Pathian'in min ti dam leh te a nih ngawt loh chuan kumkhua atan kan awm dun thei tawh dawnlo a, van atanga lo thlir ringawt bak tih theih ka nei dawnlo. Hmangaihte hmuh theih tho si khawih theih chuan loh chu thil hreawm tak tur a ni!






"I lo chhuah hun kan lo nghak ang che" ka nu chuan a ti a, ka nuih sen sen. Ka zam ru ve takzet. Room pakhatah hian min nawr lut a, ka chhungte leh ka thiannu Sawmtei ka en theih thleng chuan ka en a, operation chhung chu a eng pup. "Tui" ka mit chu ka meng diar diar a, ka nu tawng ri ang tak ka hre vuai vuai bawk. Ka dang ro lutuk chu a rapthlak zawk. Thawh pawh ka thawh theih loh vang chuan straw hmangin tui chu mu chungin ka in tawp a, ka mit ka la meng thei chuanglo. An tawng erawh ka hre thei vek thung. "Ranger" ka ti sup a, ka bulah awm se ka duh takzet. Ka hmuh mai theih inringin ka kut chuan ka khum ka dap kual ruai a, ka kut tu emawni'n min vawn sak rual chuan ka meng chhuak a, "Ranger" ka ti nghal sup. Mahse a hmel ka hmuh chian rual chuan ka ngui nghal vek. Ka pa ani! "Bawihte" ti supin ka kut chu a tuai heuh heuh a, Sawmtei khum mawng lama lo ding chu ka hmu phe ruai.






"I harh tawh maw?" Rawn titu chu dr.Rinkima a ni. Ka thil min khai sak chu a check zung zung a, a hmel hmuh hi chu a hahdam ve thlawt. "Engtikah nge ka chhuah theih dawn?" Ti a ka zawh chuan "Ka hre mai lo, i dinhmun azir a ni mai" tiin min chhang a, ka thaw hawk. Ranger-a be ngailo mahila nitin ka hmu thei tal thin asin! Tunah hian ka bulah awm ve se ka titakzet.






Kar khat lai chu damdawiinah ka awm tawh a, ka nu leh pa leh Sawmteii'n min riahpui deuh chawt a, Ranger ka ngaihtuahnaah a awm reng thin. Ka thlahlel ngawih ngawih hi a ni mai. "Ranger-a hming i mutthilh lai hian i lam reng zel a" Sawmtei chuan khuma thu chung chuan a ti sup a, ka nui tawi tak. "Ka lo hruai dawn em ni? Amah pawn i awmna min zawt thin a" a tih chuan lu ka thing vat. "Tinge?" A tih sup chuan "Ka thi tawh dawn a, ani nen chuan hma hun kan neilo. Hlim deuhin awm se chu chu ka duh ber! Eng ang pawn minlo duh ve mahse a theih loh, a theih loh bur. Ka tina mai mai ang. Ka hlata a awm hi a tha ber" ka ti a, engtinmah min chhanglo. "Ka'n inbual ang nge, ka nu pawh chu thil a va lei rei ve mawle" tiin ka inthlakna tur ka la chhuak a, bathroom-ah ka lut nghal. Ka inbual lai chuan thil ka ngaihtuah ngut ngut a, chutia ka in ngaihtuah lai chuan ka na a rawn chhuak leh a, chhuatah ka thu thla hnawk. Ka inbual zo tawh tho tiin ka thawmhnaw chu thei leh theiloin ka ha a, ka na ti chu ka then leh chak chak thin. Darthlalanga ka in en lai chuan ka hnar bawk chu a rawn thi leh a, ka mit a vai riai a, ka taksa chu rawn zawi thutin ka awn nghal riai riai.






_____ _____ _____ ZAWMNA _____ _____ _____





Sawmtei pov:-



Remruati bathroom atanga alo chhuah har em avang chuan ka phone khawih lai chu dahin bathroom lam ka pan a, chutih lai chuan Nu Zuali alo thleng ve chiah bawk. "Khawnge Mami?" Tiin a thil lei chu dawhkanah a nghat a, chhangloin hlauthawng ru zet chuan bathroom kawngkhar chu ka kik dat dat a, engmah thawm hriat tur a awmlo. Shower ri tak ngial pawh! "Tinge a?" Nu Zuali chuan a rawn ti ve nghal a, a hma aia ring chuan kawngkhar ka chum leh vak.






"Remruat?!! Lo hawng teh!" Ka hlauthawng tawh lutuk chuan ka ti a, kawngkhar chu ka chum chawllo bawk. "A chhungah a awm a nih chuan min rawn chhan a hun tawh, doctor Rinkima kha ka va ko ang nge" Nu Zuali chuan thil thleng hrethiam vatin doctor ko tur chuan a tlan a, keiin kawngkhar chu hawn tumin a handle chu ka sawi leh vak thin. Sawt mawh tak a ni!






"Khawi, awmsawn rawh" doctor chuan a rawn thlen rualin a ti a, kawngkhar chu engkhaw sawi set set loin a tlawh pawp a, mahse a inhawnglo. Tawlh hnung leh deuh hretin kawngkhar chu a tlawh leh pawp a, a inhawn rual chuan hmanhmawh zetin kan tlan lut a, ka thil hmuh vang chuan ding chawtin ka ka ka hup chawih a, nu Zuali pawh a ni tho! Doctor erawh kha chuan chiai miahloin Remruati thisen kara lo mu reng chu a pawm tho nawlh a, room atang a tlan chhuah pui nghal dawr dawr. "Nurse! Nurse! Tunah emergency room-ah!" Tiin a thawhpuite chu thu a pe a, emergency room lam chu panin Remruati chu an luh pui a, nu Zuali mangang zeta lo tap chu ka kuah a, Remruati pa ka call nghal vat bawk. Remruati hnar atang khan thisen bawk a rawn chhuak leh a, mahse tuntum chu a ka atang pawn a rawn chhuak tel!!






Pa Hmingtea leh a U lo thlen rual chuan ka thaw huai a, nu Zuali chu an hnem nghal mawlh mawlh. Mahse an mahni pawh an hlauthawng ve hle tih a hriat. "I chau em?" Remruati U Remsiama, ka bialpa ni bawk chuan ka bianga min chuk zeuhin a ti a, a chhungte thutna lam chu ka melh nghal vat a, kan lam an rawn ngaihsak lo hlauh. "Tikhan mi zingah rawn ti tawh suh" tiin rum zetin ka melh a, a nui suk duh chauh. A nau damloh vang nge tunlai hian a mitkhur a thuk thei em em a, a hma aimahin a cher bawk. Kan vaiin Remruati damlo hi kan tuar ni berin ka hria! Keipawh ka thil tih engkim a tuilo a, Remruati ka chan dawn anga ka inhriat tlat vangin ka tap ve thin hial!






A U nen pawh kan inngaizawng tih ka la hrilh lo a, amah a muhil zel bawk nen hrilhna hun ka neilo a ni. A hriat hun tur ka phur tawh hle a, vawiin pawh khan hrilh ka tum a mahse tiang thil hi a thleng ta si! Chuan U Remsiama hi chu ka duh na a rei ve tawh a, min duh thu a sawi tirh pawh khan ka awihlo hial zawk. Kylos erawh kha chu ka duh angin ka inngai a, mahse inhmel duhna mai mai a ni tih ka hrechhuak a, Remruati khawih a tum atang phei kha chuan ka haw hluah hluah tawh. Dawngite ho pawh ka kawm tawh ngailo a, drugs leh eng eng emaw an lo khawih thin tih ka hria a, ka hriat ni atang la la khan vawikhat pawh ka be leh tawh ngailo. Remruati hi ka thian neih chhun a ni a, ka chan a nih chuan ka ruak ngawih ngawih ang, ka engkim hre tu a ni a, ka nau ang hiala ka en a ni! Min kalsan ka phallo!






"Ka fanu hi chan ka duhlo! Ka khawngaih em mai keizawng!" Nu Zuali chuan a ti a, pa Hmingtea pawn a mittui a hru zeuh zeuh. Remsiama ka en chuan a ni pawh a ngui bam a, hlim kan awmlo! Ranger tihlo! Remruati ka riahpui apiangin Ranger-a hming lamin a tawngvai a, a ngai takzet a ni! Ranger-a pawh hian Remruati hi a duh ve hle in ka hria a, hetia a awm chhan tha tak a awm ngei pawh ka ring.






Remruati pov:-




Ka men rual chuan ka nu hmel ka hmu leh hmasa ber a, engvanga Ranger-a hmel hmuh inbeisei nge maw ka nih le? "Bawihi na i nei em?" Ka nu chuan a ti zung zung a, ka chhanglo. Engtin nge tun thlenga ka la dam theih ni? "Ilo harh tawh maw? I thisen test turin kan la a, i dinhmun kan hre thuai turah ngai ang." A ti a, chemo kan khai mek tawh bawk. "Ka dam phah dawn chuang lo a, in enkawl a tul kher pawn ka hre tawhlo" ka ti sup a, ka chhungte an ngawi dak. "I dam dawn ka tih tawh kha. Hmeichhe chak tak i nia lawm bawihi" ka nu chuan mittui tling piau chungin a ti a, ka thaw hawk.






Thla khat lai a liam leh ta a, ka mangah ka mipa hmangaih hmel ka hmu fo. A ni nen chuan thlaler, rose par hling neilo leh hnim hring tam tak awmna hmunah hmangaihna par kan tlan a, thihna a awm tawhlo. A ni nen chuan inkuah riala thu dunin van pawl mawi tak kan thlir dun thin a, zan a nihin thla eng bial nalh tak kan thlir dun thin a, duhthu kan sam dun thin bawk. Ka duhthu sam pawh engdang niloin a ni nena hlim taka kan awm reng theih nan a ni a, thil dang engmah duh kan neilo. Chu hmun nuam takah chuan infiam dunin kan in um kual thin a, nui thawmin a khat a ni! Mahse he khawvelah ve thung chuan mangram ami ang lo takin hreawm tinreng kan tuar dun a, thihna a awm bawk. Rose parte pawn hling an nei a, chu hling chuan kan pahnih karah buaina an thlen a, kan thinlung a chhun tlang thin bawk a, hliam min siam sak thin a ni. Natna tam tak a awm a, a ni nen chuan hlim takin kan awmdun ve theilo! Duhthu pawh kan sam theilo a, chu rose par hling zum tak vang chuan a ni!






"I inbual zo leh der tawh alaw?" Rawn titu avang chuan ka phu chiam a, Sawmtei a nui hak. "Ka sam minlo phiar teh, ka zawi lutuka phiar pawh ka phiar theilo" ka ti a, khumah rawn thu thlain dawhkana samkhuih leh samtawnna chu a la a, ka sam a phiar theih nan ka insiam rem nghal. Kar hmasa atang khan thisen pek reng ka ngai a, ka zawi tulh tulh bawk. Ka tha chakna a ni telin ka hloh a, thisen chaw kan khai tawp bawk. "Eng shampoo nge i hman a a van rimtui" ka sam a khuih lai chuan a ti a, nui sukin "Sunsilk" ka ti a, a hmui a ti pawrh vak. "Daw daw lo mai teh, sunsilk rim a nam hlawl lo" a ti a, ka nui hak hak ringawt. Ka sam a khuih lai chuan ka sam tam zet mai hi a khuih thla a, a che lai a tawp chawt. Ka hriat hlau zetin a sira bawlhhlawh bawmah chuan a paih a, mahse ka hmaa darthlalang atang ka hmu vek thung!






"Tunlai eng nge Ranger-a chanchin?" Ka tih chuan ka sam a phiar lai chu a chawl dat a, phiar chhunzawmin "I chungchang min zawt reng a.." a ti sup a, ka chungchang te alo ngaihven ve duh ang tih rin ngaihna ka neilo! "Engtin nge i chhan?" Ka tih sep chuan "I chanchin hrilh i phal bawk siloa an zin ka ti" a ti a, ka chhang zui tawhlo. "Therapy lak a ngaih kha aw tlaiah" ka nu lo lut chuan a ti a, ka huphurh ru hle. Tlai alo nih chuan sawi lawk angin therapy ka la a, ka chau hnawk thei. "A hmeltha tiraw?" Ka phone a Ranger thlalak en pah chuan ka ti sup a, ka nu chuan ka phone screen chu alo bih ve nghal vat. "Hmanni a kan ina lo kal kha em ni?" A ti sup a, nui sukin ka bu nghat. "Tinge ava rawn lang ngailo ve?" A tih sup chuan "A pawi hleinem, ka bula awmte apiang chu an tap zel a, a tah ve ka phallo. Nangni pawh tiamin" ka ti a, ka pa chuan kan titi alo ngaithla ve kur.






"Nilo, nilo Ranger!" Tiin ka au tuarh a, a lamah chak zetin ka tlan bawk. Mipa rual hian an sawisak rawn a, a bul ka thleng thei lo! A bula thlen tum chuan chak zetin ka tlan a, mahse ka awmna ngai rengah ka awm! "Aih!" Mipakhatin chema a vih rual chuan ka au tuarh a, ka taksa insawi dawt dawtah chuan ka thu chhuak hlawl. "I tha tiraw?" Ka nu chuan a ti a, ka thaw chhuak hlawi hlawi. Ka thlan chu ka nuin a kutin min hruk sak a, ka kuah nghal thlawp. "A tello chuan..." sawi zo theilo chuan ka tap hlawp hlawp a, ka hnungah min chul hauh hauh. "Ranger-a bawk ami?" Sawmtei chuan a ti a, engtinmah ka chhanglo.






"In lama haw ka duh" ka ti a, ka pa chuan a lu a thing nghal nghut. "Heta awm reng ka duhlo! Ka thih dawn pawn ka inah ngei thih ka duh" ka ti a, lainatna mitmengin min en reng. Sawmtei pawh keimah vangin college a chawl a, a chhan pawh ka dinhmun a thatloh vang a ni. Ka natna hian stage four lai kai tawh miau hek! Nizanah pawh kha mangchhia ka man zawh hnuin ka na a chhuak leh a, thisenin ka luak hial bawk. "Haw chu i duh viau em ni?" Ka nu'n a tih chuan ka bu nghat a, doctor a dil tur thu sawiin a chhuak a, kan ngui hlawm bar mai.






"I room ka lo tifel a" ka U chuan a ti a, ka room alo chei danglam a, hawi kualin ka nuih sen sen. "Ka khum ka ngaih tawh zia hi" tiin khumah chuan ka mu a, inchung ceiling ka melh nghal char char. "I thawmhnaw ho hi chu wardrobe a khung hma su phawt ila a tha ang" ka nu chuan ka thawmhnaw dahna bag rawn keng lutin a ti a, chau zetin ka mit ka chhin san daih.






Sana ka en chuan chhun dar hnih alo pel tawh a, inbual tum chuan ka inthlak a, doctor khan ina haw a phallo a, mahse a hnuah keimah ngeiin ka dil vangin a phal hlauh a, tunah chuan ka inah ngei ka awm tawh. Damdawi tam tak nen. Bathroom-ah chuan lutin ka lu suk hma chuan ka taksa ka tifai a, shower hnuaiah chuan dingin ka inphuh tir sang sang. Ka sam ka khawih lai chuan ka sam a tla a, shower herh tawpin ka kuta sam tam zet chu ka melh reng a, ka mittui a luang nghal zung zung. Bathroom a chhuar kan dah chu hawngin lu mehna ka la chhuak a, ka U ta a ni a, a bathroom-ah dahna tur a awmloh vangin hetah a dah a, ka kawl hlen phah daih.






Darthlalang hmaah chuan dingin ka in en a, lu mehna chu pluck-ah vuahin ka on a, ka sam tla ka hmuh apiangin ka rilru a na thar a, rilru nat reng ka peih tawhlo. Nawr kawlh ila, tla tur ta sa sa a ni tho tiin ka lu chu ka ziat a, sam tam tak chhuatah an tla a, ka lu ka ziah chhung zawng chuan ka tap a, ka na ve takzet!


- End of Chapter 20 -

Link hi click rawh: https://www.instagram.com/reel/ChcVDR-L ... MyMTA2M2Y= (Ranger-ate video)


Show post links
Top

[Ngaia]

Chapter - 21 (last)
ENCHANTING
by Calm Bird




"Awi ka nu!" Sawmtei chuan ka room a rawn luh rualin a ti thawt a, a lam ka hawi let nghal dawrh. "Ti..tinge?" Bah niaih chuan a ti a, ka chhungte pawh Sawmtei au thawm vangin ka room-ah an rawn tlan lut a, min hmuh rual chuan an meng phawk hra. "Hairstyle thar a nih hi" tiin ka nui sang a, Sawmtei a tah chhuah hawk rual chuan mak ti zetin ka en reng. "Bawihte ilu ziah kawlh kher a ngai hleinem" insut ri hraih in a ti a, ka lam rawn panin min kuah nghal thlawp. "Mahse i inhmeh lutuk tho a nia, i hmelthat ngaiin ila tha reng mai" a ti a, za lo zetin ka nui suk ringawt. Cher tawh tak ka ni! Thau sawi tur ka nei tawhlo a, ruh kawl ang mai ka ni!





Sawmtei pov:-



Remruati te in atanga ka chhuah hnu chuan kan in lam ka pan nghal a, ka khawngaih lutuk. A nat ber laiin a mipa hmangaih a bulah a awmlo a, midang zawng aiin khapa kha a mamawh! Naktuk college kal ngei ngei ka ngai. Zingah chuan hma takah ka tho a, ka insiam nghal zung zung. Chaw pawh ei lo chuan ka scooty in college lam ka pan a, Ranger ka hrilh ngei ngei a ngai! Engkim an inthen chhan ka hrechhuak tawh a, Christy leh khanu Daisy-i kha ka ngaidam ngailo ang!






Ka scooty chu park sawk sawkin gate chhungah chuan ka lut a, Ranger ka zawng kual nghal. Ka hmuh rual chuan a lam ka pan hlawk hlawk a, a bul ka thlen rual chuan a hmaiah ka beng ri nghal chawrh. "Engthil!" A bula thu Daisy-i chuan a ti tuarh a, rum zetin Daisy-i ka melh nghal. "Engthil nge i rawn tih kha?" Ranger chuan chang zetin a ti a, a thutna atang a tho chhuak nghal bawk. A hma chu nise tuna min melh dan vang hian ka tlanchhe nal nal tawh ang, mahse tuntum chu ka thiannu chungchang a ni tlat!






"I zak miah na nge? Remruati'n na a tawrh laiin hmeichhe dang nen in awm dun a, zu ilo in bawk a maw?" Tiin a thutna sira zu bottle let rem rum chu ka melh kual a, a thianten min en thap. "Engtin a?" Ham haih zet chuan a ti a, rum theih patawp in ka melh nghal ram. "Remruati, i hmeichhe hmangaih pawh ring lo in henu, Daisy-i hi i ring a? Chu pawh engmah hre chiang loin! A dawt sawi zawng zawng i awih sak a, a thlalak hmuh che apiang i awih a!" Ka ti a, Daisy-i chu a thutna atanga lo thoin min ben a tum a, a kut chu ka lo man sak chat. "Eng dawt thu nge maw rawn sawi i tum le? Kha i thiannu addick ve mai mai kha!" A sawi zawh rual chuan a samah ka tham dawrh a, chhuatah a tlu nghal hnawk.






"Khami ni a a damdawi ei lai in hmuh kha ruih a tum vang a nilo, chuan kha thil kha pills niloin cancer damdawi a ni!" Ka sawi zawh rual chuan Ranger a meng kawk a, mak ti zet leh hamhaih zetin min melh ngawt ngawt. "A thi tep tawh, i hming a lam reng thin asin" ka sawi lai chuan ka hnuk a ulh thut a, ka tap teuh kher mai. "Nilo, tunah...tunah khawnge a awm?" A ti nghal chul a, ka mittui chu hru zeuhin "A inah" ka ti a, chak zetin a tlan a, a bike chu ti nungin a in khalh chhuak nghal. "Daisy-i hian engthil maw a tih a?" Fakawma chuan a rawn ti a, Daisy-i hmelah chuan hlauhthawnna a lang nghal zut zut. Christy nena an tan dun dan leh an thil tihsual engkim chu ka hrilh a, Daisy-i chu a kun ngal.






Remruati pov:-






Ka room tukverh hmaah chuan ka ding reng a, ka damlai kha chu ni se tunah hian college-ah ka awm mek ang. Chutia tukverh a ka dah lai tak chuan ka room kawngkhar a rawn in hawng ri bur a, ka hawi nghal dawr. Ranger-a hmel ka hmuh chuan mak tihna in ka khat a, awihlo zet chuan ka mit ka khap fak fak. Thawk lehkhatah ka hmui chu a hmuiin a rawn ti si a, min fawp nghal buan buan. Engtik laiin nge ka bul a lo thlen hman ka hrelo, mahse ka natna zawng zawng an dam nghal vekin ka hria!






"Ka tihpalh" ka biang tawn tawna dawmin a ti a, a mitmeng chu a tle ralh a, inthiam lohna hlirin a khat. "Ka tihpalh, ka tihpalh lutuk" tiin ka chalah a rawn chuk a, ka biangah te chuan chukin ka hnar thlengin a chuk! "Ka hmangaih che" a sawi zawh chuan ka nghing lawih a, a ti tak tak tih ka hre bawk. Ka mangrama ka hmuh thin dan ang chiah chiah khan a awm! Min hmangaih a, keipawn ka hmangaih. Rose hling zum takte chu a rawn ti bil a, tumah chu hlingah chuan an inat thei tawhlo ang! Ka hmuiah chuan uar zetin min fawp leh a, ka chhang let vat. Min pawm nawlhin infawp tawn tawn chung chuan kawngkhar lam a pan a, kawngkhar a kalh nghal khep. Khumah chuan min dahthlain duhthawh leh uar zet chuan kan in fawp a, tuna thil thleng mek hi pawi tihna pakhat mah ka neilo! Ka thih hma ngeiin ka hmangaih nen hmangaihna kan chen thei a, chu thil vang chuan ka lawm tawk em em!






"Tikhan min melh reng lo teh" tiin ka lukhum chu ka la a, ka khum nghal zat. Ner nawngin "Lukhum khum kher a ngailo" a ti a, ka lukham chu min phelh sak daih! "Khawi min pe rawh! Ka khum duh alawm!" Ka ti a, chhuatah a theh thla daih a nih chu. "Sual lutuk mai" ti hlakin ka kut ka kuangkuah hmak a, ka tum bar bawk. Nui hakin min kuah mu thut a, ka tal nghal vak. "Hey Lalhruaitluang!" Ka ti chiam a, thawmhnaw pakhat mah kan inbel lo ve ve!






"A za!" Tiin ka nui vak vak a, ka khek chul bawk. "Min tihtauh san ka phal reng reng lo" tiin ka nak nem laiah te chuan min dek a, ka ke ka leng vak vak. "Ka Duatnu leh ka hmangaih em em nu" ka hmai zawna rawn kunin a ti a, kan thawm chu a reh leh thiap tawh. Ka hmuiah chuan a rawn fawp leh vang vang a, ka thin a phu ri dup dup a, a hriat phak hial ka ring! "Lalremruat!" Ka room kawngkhar an rawn kik rual chuan ka nam sawn nghal dawrh a, a nui suk. "Aw ngawilawk Sawmte" ka ti lang lang a, Ranger chuan a mipatna zahpui lo zetin puan pawh sin lo a muin ka che vel min en reng. "Inha rawh" tiin ka kawr chu ka ha mial mial a, a che chang lo reng reng!






"Nahh" tiin ka inthlak zawh chuan a mutna lam ka pan a, Sawmtei lahin kawngkhar a kik ri ve chhen bawk. Puan chu ka sin tir a, ka sin tir lai chuan khuma thisen chu ka hmu fuh a, ka meng kawk. "Awii" ka tih chuan nui sukin "Kan chhungkaw museum a dah ka lo rilruk a" a sawi zawh rual chuan a ri nghal chawrh. Puan chuan hliahin kawngkhar lam ka pan a, ka hawng nghal zat. "I van rei...!" A sawi zawh hma chuan khuma Ranger mu chu a hmu a, a ding chawt. "Ehem" nui vur vur chuan a ti a, lai zetin zahzelah ka hawi kual vak vak. "Ka zu chhuk leh si ang" tiin room atang chuan a chhuak a, kawngkhar a khar pah chuan "Nuam ti lutuk lo la" chimzawm zet hian a ti a, ka kut ka tin uaih rual chuan kawngkhar a khar phui hmak.






"A ngai kawi chiang lutuk!" Ka ti nang nang a, Ranger a nui hawk. "Ngaihkawih tur thil kan ti miau alawm" tiin a nui var var a, ka lei ka chhuah tut. "Khawi tho la, in ha rawh" ka ti sawk sawk a, a tho ve tiah tiah.







"Kum engzah nge i nih tawh a?" Tlaia kan chaw ei lai chuan ka nu'n Ranger-a a zawt a, Ranger-a lam ka hawi nghal zeuh. Zaninah rawn riah a tum ve ngawt a, amah leh amah a insawm tawp! Sawm loh mikhual chaw rawn ei a nih hi. "Kum sawmhnih pathum ngat le" a ti a, a thawveng lutuk hi chu a buaithlak. Ka kham tur chu Ranger-a'n hlauhawm hmel zeta min melhin "Thu rawh" a ti nghut a, "Ka ei kham tawh alawm" ka tih chuan min pawt thuin "Puarna tham i ei reng reng lo! I thleng ami kha i ei zawh loh chuan ka talh ang che!" A ti a, ner nangin "Ka thu thu, ka pum alawm" ti a thawh leh ka tum chu ka beng bulah rawn kun hniamin "Vawiina kan thil tih dun kha i chhungte bula ka sawi i duh loh chuan ei zo ringawt mai rawh. A proof na turin bedsheet ka neih kha" tiin a nui suk a, inla hrangin a chaw a bar zawm daih. Rum zetin ka melh nghek a, tum bar chungin chaw chu ka ei lui ta nghek.






"A changtupa hi ka khawngaih ee" khumah chuan Ranger-a taksa ngheng rial pahin laptop atang Hacksaw Ridge movie kan en dun a, ka tang lutuk chu ka au chhuak lo chauh. "Mu tawh ila a tlai tawh em hi" tiin ka nghawngah a rawn fawp zeuh a, lu thingin "Dar sawmpakhat pawh ala rik em loh hi" ka ti a, ka sam kalo ziat kawlh hman kha ka inchhir lutuk! Lu kawlh telin a bulah ka awm a ngaih phah. Mahse engmah a sawisel lo a, min zahpui nan a hmang heklo. Engkim min runluih chhan a sawi vek a, Daisy-i haw tak ka ni! Tunah tak chuan thih ka chakna te kha an bo zo a, ka dam leh theih nana theihpatawpa beih ka tum phah.







"I tha em" ka na a rawn chhuah vang chuan ka kun ngawih ngawih a, ka ka atang chuan thisen bawk a rawn chhuak a, Ranger chu a chiai takzet. "Duati" ti chulin khum atang chuan a tho a, light a on nghal vat. "Ti,, tikhan lo awm rawh. I chhungte ka va ko ang" a ti a, room atanga a chhuah rual chuan ka na ti chu ka rum tlawk tlawk a, ka mittui a luang zawih zawih. "Bawihi, motor va la chhuak ro. Damdawiin pan pui ang" ka nu chuan a ti nghal a, ka vai mup a, ka khaw hmuh a fiahlo tulh tulh bawk. A tawpah phei chuan engmah ka hre zui tawhlo.







Ka sira Ranger mu chu ka en reng a, ka kut a hum ran bawk. Damdawiinah bawk kan awm leh tawh a, thih ka duhlo, ka duhlo takzet. Ranger-a bula awm ka duh a, mahse ka thih hun a hnai tulh tulh mai bawk si! Ka hnarah oxygen pipe min vuah sak a, oxygen hmang chauha nung thei ang hialah ka inngai. Vawi engzah nge ka tawngtai ka hrelo, a chang chuan Pathian a awm te hi ka ringlo leh thin! Ranger tui taka a mu lai chu ka thlir tlawk tlawk a, ka mittui bawk chu ka biangah a luang leh tawh. Hru tawkin ka kut a vawnna chu ka la chhuak a, khum atanga thoin bathroom-ah ka lut a, ka tap chhuak nghal hawk. Tah rin hlau zet chuan ka hmai ka hup a, ka thih hunah min theihnghilh mai ang ngem? Hlim turin ka duh a, hlim tura ka duh tluk zetin ka telloa a hlim ka phal silo!







Ka hmai hru hul sawk sawkin khumah chuan ka mu leh a, Ranger erawh thutthlengah thuin ka khumah a bawk a, a mutui khawp mai. "Hmeichhe dang hmangaih neilo la, i hmahunah hmeichhe dang awm bawk suh se... Ka hma ka sial i ti em?" Tiin ka nui suk a, ka thu sawi tum ber pawh ka hrelo. "Ka sawi theih zawng chu nang ka tawng che hi ka hlim takzet. Khang kan hun hman dun takte kha hun reilote mah nise ka tan chuan a hlu takzet a, ka nuna i rawn lan avangin ka lawm e" tiin a sam ka tuai heuh heuh a, ka ipik lutuk chu ka thaw chhuak leh hawk thin.






"Eng hla nge kan play ang?" Tiin a phone chu a thai kual neuh neuh a, a hla duh a hmu a ni ngei ang nui sukin a earphone chu a phawrh a, lehlam ka bengah hnawhin lehlam chu a bengah a hnawh ve thung a, hla chu play in ka kut a hum nghal chawt. 'Dusk Till Dawn' tih hla bawk chu a play leh a, a ngaina hlein ka hria. Maimichhingin zawi te te chuan a sak pui sep sep a, ka kut chu a fawp leh zeuh thin.






"Khawia mi nge i rawn lak a?" Guitar a rawn keng lut a, khawi atanga a neih nge mawni lehpek tawh. "Damlo dang ta, ka hawh sak a nih hi" tiin ka khum mawng lamah chuan a thu a, guitar chu a herh dik nghal mawlh mawlh. "I perh thiam ami?" Ka tih chuan nui sukin "Chiang e" a ti a, thu tha sauh sauh pahin bang ka ngheng a, "Zai teh" ka ti nghal sup. "A nih, lo inring rawh" tiin a thu rem a, a herh dik zawh chuan a perh tan a, mahse a hla rawn sak chu One Direction hla 'You And I' tih a ni a, a hla sak chhung zawng chuan tah ka insum nasa takzet. A hla thu zawng zawng nen chuan ka in ngaihbel a, mittui tling pam chuan a hmel enin ka ngaithla a, ka mittui rawn luang chu ka tuai hul leh zeuh thin. A zaithiam takzet bawk.








"Ka hmangaih che" a guitar dahin ka biangah a rawn dawm a, ka mittui chu min hruk sakin ka hmuiah min fawp vang vang.






Ranger pov:-





"Inchiu na lo la vat ro" doctor chuan a ti chul a, hlauthawng zetin an sirah chuan ka lo ding reng. "Khawngaihin minlo chhuahsan ta che" nurse pakhat hian a rawn ti a, rilru buai nuaih chung chuan ka chhuak ve ta hram a, kawngkhar an khar nghal hmak bawk. "Lalpa, khawngaih rawn awmpui teh, nang lo chu tidam thei tu an awmlo" a nu chuan a ti a, a chhungte zawng zawng an kim thap a, a thiannu pawh tiamin. "Lalremruat, i dam chhuah loh chuan nupui ka neih san daih dawn che a nia, ka bulah hun ila hmang reilo lutuk! Lo tha chhuak la, nupui atan ka nei ang che. Ka tiam a che" kawngkhar vuan chung chuan ka ti a, ka rilru hah lutuk vang chuan ka thaw chhuak leh hawk thin.






"Lalpa, khawngaihin ka thil tihsual rah hi Remruati chungah burbun lul suh! Khawngaihin" tiin ka vanvadak a, ka mittui rawn luang chu ka hru thuak. Ka vawikhat tawngtaina a ni hial ang. Ka mittui pawh kum tam tak hnua a tlak vawikhatna a ni! Darkar tam fe a liam hnu pawh chuan tumah an la rawn chhuak lo a, ka awm ngaihna hrelo chu ka vei tawn chhen ringawt. "Doctor" doctor rawn chhuak ka hmuh rual chuan ka pan vat a, a hnungah nurse dangte an rawn chhuak nghal sap sap. "Kan inchhan thei hlauh a, mahse inring renga in awm a ngai tawh ang. Thisen nitin unit ruk pek ziah a ngai bawk ang, thisen kan indaih lo maithei bawk a" a sawi zawh rual chuan a kawr awma thamin bangah ka nem bet rawk a, thip zet chuan ka melh.






"Engmaw i sawi kha? Kan inring ang maw? Engah chuan??!! A dam dawn, a dam dawn ka tih chu! Ka Duati a nih saw, ka hmeichhia! Hmeichhe chak tak a ni tih hre rawh! Vawikhat rawn sawi nawn leh teh i lu ka zai chhum ang!" Ka ti hrawk a, Remruati U chuan min pawh hran a tum ngat ngat. Tawngkam chhe zet zet te chu khawlaia ka awm tam vangin ka hre hnem a, ka hmang hnem bawk! Ka tawngkam ala chhe lo mah mah zawk mawle! Ka sawisak nghal loh.






"Duati, meng tawh la..." kar khat zet kha thil a thlen atang khan a liam leh tawh, tun thlengin a la rawn meng lo a, a dinhmun a thalo tulh tulh a, thisen nitin unit ruk pek a ngai a, thisen pawh an kawl mang tawhlo. Ka thisen hi far khat pawh bangloa pek vek ka duh a, mahse kan blood group a inmil bawk silo! Chutiang bawkin a chhungten! Apa thisen pawh an la chhuak ngun tawh a, doctor ten an phal tawhlo zawk. Thisen kan indaih lo a, thisen hmangin a nung tawk tawk a ni ber!






"Ranger" a rawn tih sup chuan ka ban nghal vat a, ka nui chhuak nghal hawk. "Lalpa leh! I harh!" Tiin a biangah ka fawp a, a chhungte pawh lawmthu sawiin an tawngtai nghal sap sap. "Kalsan che ka duhlo" "Shh, min kalsan dawnlo. I bulah ka awm reng a nia" ka ti a, a kut ka hum sak vung vung.






A rawn harh atang kar khat zet a liam leh tawh a, a dang var pap mai. A hma aiin a rawn zia chho a, eitur pawh a ei ve thei tawh lutuk. Hla kan ngaithla dun a, guitar perhin kan zai dun thin bawk. A tha chho mek zel a, a dam leh ka ring hial! Treatment a lak dawnte hian ka awmpui tlat thin a, sam nei tawhlo mahse a hmelthatna a reh phah chuang reng reng lo! A pangpar tur leisak tumin ka chhuak a, pangpar dawrah kalin a pangpar duh zawng tur ni awma ka hriat chu ka lei a, mahse ka phone call dawn avang chuan ka nghing lawih thei!








"Ranger! Remruati a zual!" Ka phone ka chhan rual chuan Sawmtei'in a rawn ti a, ka awmna atang chuan chhuak sawk sawkin ka bike hunna lam chu ka pan a, chuang in chak zet chuan ka inkhalh chhuak nghal. "Hrep hian!" Traffic jam vang chuan ka ti hrawih a, hmanhmawh nen a intu lo kher mai! Ziaawm lam kan panin ka hria asin! Traffic lah chu a jam rei phian lehnghal a, ka tlanchhuah theih meuh chuan minute sawmpanga lai a liam hman tawh! Damdawiin ka thlen rual chuan Remruati awmna lam ka pan a, a kawngkhar bul ka thlen rual chuan tap thawm ka hria a, ka ding chawt. Sawmtei chu mit bui lukin a rawn chhuak a, min hmuh rual chuan a tap chhuak hawk. "Min kalsan" a sawi zawh rual chuan pindan chhungah ka tlan lut a, ka thil hmuh vang chuan ka helmet chhuatah ka thlauh chawrh. "Nilo" ti supin a khum lam chu ka pan a, ka mittui ka biangah a luang thla nghal zawih.






"A hnuk chah dawn thleng khan i hming a lam asin" doctor in a rawn tih sup rual chuan ka melh dawr a, ka mittui a luang zung zung bawk. "Mumang a ni, mangchhia mai a ni" ti supin Remruati lam chu ka pan a, ka sawi vak. "Lo tho leh nghal rawh! Engang game nge ka chungah play i tum?! Lo tho nghal rawh, vatin!" Ka ti hrawk a, ala rawn tho duh thak lo. "Luhlul hun a ni lo ania!" Tiin ka au vak a, doctor chuan inbengdai turin min lo ti chhen. A chhungte tap thawm chu ka bengah chuan a ring hle a, kan hun hman tak te, a nui hmel leh a nui ri ka ngaihtuahnaah an rawn lang zut zut a, namen lohin ka na! Ka na takzet! Ka taksa peng pakhat an la bo ta tihmai turin ka ruak a, awm ngaihna ka hrelo. Bang chu ka hnek nghal pawp pawp a, doctor leh nurse ten min lo dang a, ka kut atanga thisen rawn chhuak pawh chu ka ngaihsak lo.





///////




"E,, engthil nge tih in tum!? Rawn laksawn tum reng reng su! A mutthilh hi!" Remruati ruang rawn tuam an tum chuan Ranger chuan a ti chul a, doctor leh nurse, Remruati ruang rawn hlawm tum apiangte chu sawisak a tum nghal zel bawk. A intipachang thei meuhlo chu a ni e! Sawmtei pawh kil khatah a tap khur hlawk hlawk a, a nu tah paha a thu chham te chu ava ril em! Tu pawh, chulai hmuna awm te mittui chu a tla a, an mittui an dang zo meuhlo!






A ruang chu an in lamah an phur hawng a, zanah chuan mitthi dar a ri ral ral a, khawhar hla, chu in...Remruati nui thawm khah thinna hmun ngeiah chuan an sa a, tap thawm lah a ring! A ruang an chhin dawn te chuan Ranger-a'n alo dang a, tlangval dangin an lo man bet tawk tawk. A ruang an phum lai te chuan Ranger chuan zuanthlak a tum a, an lo dang hman hlauh. Engmah ngaihtuahna fim a pu thei tawhlo a, Remruati'n a kalsan mai hi a ring theilo! An intawnna a la reilo em atin ni! An hlim dun chhung pawh a reilo a, a hmangaih ve hmasak berin a kalsan a, engtin tak nung chho zel ang maw?!






Midang zawng zawng thlan atanga an kalliam hnu thleng pawh chuan Remruati thlan hmaah a ding reng a, a hming inziahna cross chu a en tlawk tlawk. Ruah a sur bur bur a, tek a tla bawk. Ranger pawh a huh zawr vek tawh. "Sawlai pa saw ava riangvai ve?" Thian rual ho hi chulai hmunah chuan an rawn kal a, zu um an hum far hlawm. "Malsawmkim, kha" tiin mipakhat hian pills pakhat alo pe a, Malsawmkimi an tih nu chuan lain a hmawm nghal vat. Ranger chuan chung ho thawm a hriat chuan mit sen ram pah chuan muang changin a hawi chho a, Malsawmkimi nen chuan an mit a in tawng chat.




- End of Chapter 21-

A tawp thlenga min chhiar sak avangin ka lawm e


°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
Follow me on instagram: https://instagram.com/calmbirdiee?igshid=YmMyMTA2M2Y=

Messenger group join duh tan: https://m.me/j/AbYeGf1yY-V54Bxm


Show post links
Top