ENCHANTING by Calm Bird (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ENCHANTING by Calm Bird (Completed)

Unread post by Ngaia » September 4th, 2022, 11:34 am

gmb8673n.jpg
R - Racing nuam ti tak, bike in tlansiak a awm tawh phawt chuan a hmel hmuh tur a awm ngei ngei zel.
A - Angel ang maia hmeltha ni mah se, setana ang maia sual ani thung.
N - Nunrawng tak, insual ching em em mai leh mi chaldelh tak leh mi chapo tak.
G - Gang hotu, an thianho zinga an zah ber.
E - Eng nge hmangaihna chu?
R - Remruati chu a diriam thin a, a hmangaih dawn tih reng a hrelo.
Tunge Ranger chu?
Ani chu bad boy, an college a an lalpa ni awm hiala thu nei, an hlauh leh an tlawn rawn, mi bully ching em em mai leh tlangval hawklak tak ani. Hmeichhiate star rawn, hausa tak ani a. An thianho chuan an college pumah ro an rel a, an thian zingah pawh ala thu ber nghe nghe.
A hmeichhe hmangaih ber nena an in hmangaihna zinkawng hlimawm leh lungchhiatthlak chu lo chhiar ve rawh le✨



Chapter - 1
ENCHANTING
by Calm Bird





"Naktukah kal pahin kalo sawm ang che" ka tih chuan "Awle, rawn tlai lo la aw... College fan pawh i duh ka ring, ka thriante pawh an fel hlawm lutuk. Kan vaiin kan inkawm ho thrin ang nga a nuam ngawt ang. Ka best friend i rawn tel tawh dawn phei chuan kan khawvel chu a wow vek ani mai" a tih chuan ka nui hawk2. "Imm awle, naktukah kan inhmu dawn nia." Tiin kan inbiakna chu kan titawp a, ka ril a tram deuh avang chuan ka purse a ka pawsa khawl chu ka la chhuak a, ka room banga sana ka melh chuan dar sawm leh a chanve alo pel tawh. Nu Muani te dawr ala in hawn ka rin avang chuan ka chapal bunin room a trang ka chhuak a, ka nu tv en chu dawra ka kal tur thu hrilhin ka chhuak tlang nghal.









Kawnga ka kal lai chuan ka piah building leh building inkara thawm ri avang chuan ka ding dat. Thawm rikna lam chu ka hawi a, current hi a eng deuh riai2 a, an mut tawh vangin dim light chauh an chhi a nih ka ring. Thawm ka ngaih chan deuh vang2 hnu chuan a ri leh chawrh2 thrin. Eng nge a nih hriat tumin dim te chuan ka pan hnai a, chutia ka pan lai tak chuan mipakhat hi ka hmaah a rawn bawk nghal rawk2 a, ka au thrat. Rawn theh tu an awm chiang lutuk.









"I thra em?" Tiin ka hma a mu pa chu ka en a, a na ti chu a rum leh hrawih2 thrin. A hmel ka hmuh chian rual chuan a biang te chu a duk thleh thuah a, a hnar a thi phung bawk. A hmai lah chu a khem nasa em2 mai lehnghal. "Tu nge i nih?" Mipa aw thum leh vin tak ka hriat rual chuan ka phu zawk a, ka ding mar nghal at. Ka hmaah chuan mipa pakhat mai niloin pathum ka hmu a, ka hnungah tak light a awm avangin ka hmel chu an hmu ve thei kher lo ang.









Mahse an hmel keichuan ka hmu chiang lutuk tlat! Mipakhat sam dum deuh hlap hi ani a, hnar beh a beh bawk. A bana tattoo te chu ka hmu hman vek! Midang ho pawh chuan bengbeh te an beh a, a threnin an hmuiah te an beh thung! Tattoo neilo pakhat chiah ka hmu! "Ka sawi i hria em tunge i nih ka tih chu!" Rawn titu chu khapa, hnar beh beh tu kha ani.










An inchei dan lah chu a'n han maksak mai2 khawp a! Jeans dum thler nasa deuh leh tshirt chungah leather jacket dum hi an ha a, an hmel lah chu a thra hlawm phian leh nghal. "Tumah ka nilo, ihh thawm ka hria a" ka sawi zawh hma chuan ka bula mipa an sawisak pa kha tho thutin a tlan nal2 a, ka en heu mai. Keipawh chuan mipate chu en zeuhin dawr lam pawh kal talo chuan kan in lamah ka tlan haw nal2.










Ka inkawt ka thlen rual chuan ka thaw kawk2 mai. Khangho khan min ti na hmanlo a ka lawm takzet. An inthuam dan atrangin misual an ni tih lah chiang reng! Khangho kha kan vengah kala hmu ngai miahlo. Zan tlai tak2 ah dawr ka kal fo a mahse khami te kher kha chu ka vawikhat hmuhna an ni! Veng dang atranga lo kal an nih ka ring. Addick an nih te ka ring rum2.










Inchhungah chuan ka lut a, ka nu pawh alo mu tawh aniang tv pawh a in on tawhlo. Kawngkhar chu kalhin light chu ka off a, ka room lam ka pan nghal. Ka khum bula dawhkana ka tui bottle dah chu lain ka in khawlh2 a, ka thin phu pawh chu ala rang ngang mai. Naktuk college kal ni ani tih hriain ka mu thra sawk2 a, khapa an zinga hmelthra ber, zawhna min zawt tupa kha ka mitthlaah a hmel a cham reng! A hnar ngul sang vah leh a hnar beh chu a inchawih reuh phian lehnghal! A tattoo te lah kha a stylish em2 a, mahse a hmel hrim2 kha a hlauhawm ngawih2. A mitmenga min melh ngur lai phei kha chuan ka hlau takzet. A meng rum ve bawk em ani! Ngaihtuah chhunzawm duh tawhlo chuan mutthilh tumin ka maimichhing a, ka thil tawn vang khan ka riltram pawh a reh vek!











Ni chuan ka room chu a rawn chhun eng a, ham bai2 in ka tho chhuak a, bathroom lam panin ka inphih fai nghal. Ka cream inhnawih thrin ho chu nitina ka tih thrin danin ka inhnawih a, sana ka en chuan dar sarih alo ri trep tawh. Ka wardrobe chu hawngin tshirt var plain leh boyfriend jeans chu kala chhuak a, ka inha nghal mawlh2. Ka tshirt hmawr chu bawkin ka vans pheikhawk dum chu ka bun a, ka sam chu sang takah ka trawn a, ka hman nghal der.









A hmingin powder leh lipstick chu ka inhnawih a, a sen tawk chauha ka inhnawih avang chuan lipstick hmang pawh ka ang lo. Ka inhnawih tlem em avang chuan lipstick inhnawihlo ka ang mah zawk. Inhnuaiah chhukin choka lamah chuan ka lut tlang a, bathlara ka pa chanchinbu lo chhiar chu ka hmu nghal zat. Ka nu chuan eirawng alo bawl a, min hmuh rual chuan chaw ei ka duh tawh leh tawhloh min zawt nghal.









"Imm, chaw a ei theih chuan kalo ei ang. Ka thriannu sawmkawi ka ngai sia. Pa i service dawnlo ami?" Tiin ka pa nilum ai chunga chanchinbu lo chhiar chu ka bia a, bu nghutin "Vawiin chu ka tlan loh ni ania, tian inah inu ka'n pui ang nge" a tih chuan ka bu nghat. "Kha le, tikhan chaw lo inkhawrh mai rawh. I U pawh chu ava rawn tho tlai ve!" Ka nu chuan a tih zawm a, chaw chu ka thlengah ka inkhawrh a, alu te chu suakin maian nen ka hmeh nghal.










"Ka hming lam lo hian in awm thiam thlawtlo. Mut kala khamlo a sin mawle" ti bui2 chuan filtera tui chu a in khawlh2 a, ka nu chuan ner nangin "Games zankhuain khel tawhlo la mut i kham mai ang. I inkhel dawn em?" A tih chuan ka U chu a bu nghat a, choka atrang chuan a chhuak leh nghal.









"Mami i college kalna tur chu a hla ang reng si a, kalkawngah te va fimkhur viau ang che" Chaw ka ei malh2 lai chuan kapa chanchinbu chhiar zo chuan a rawn ti lut a, ka hma chairah chuan a thru thla nghal zat. "Khalam ah chuan min lo ngaihtuah su, thriante nen kan kal ho dawn tho a" tiin ka chhang a "Fanu college kal rual te kan nei ve tawh ania, kan tar tawh khawp mai" Nui suk chuan a ti a, chhang lemlo chuan chaw chu ka bar mawlh2









"Nu-i keini pawh chaw kan ei ve nghal dawn em ni ang?" Ka pan a tih chuan ka nu chuan chaw ei chu a siam nghal mawlh2 a, ka thleng chu silhmunah chuan ka eikham hnuin ka dah a, ka kut ka sil nghal bawk. Ka room lamah chuan chho lehin ka bag chu ka la a, notebook pathum thunin ka box chu ka thun nghal a, ka purse leh tui bottle pawh ka thun nghal thlap. Inhnuaiah chhuk thla in ka kal tawhdawn thu ka hrilh a, ka in chu chhuahsanin ka thriannu in lam chu ka pan nghal.










"Sawmtei ka rawn sawm dawn" ka thriannu in ka thlen rual chuan ka ti lut a, anu chuan a room a ala insiam thu sawiin chho turin min ti a, keipawh Sawmtei room lamah chuan ka chho ve nghal mai bawk. "Lalsawmhlu, i insiam rei lutuk" a room kawngka pawh kik lo chuan ka ti lut a, darthlalangah lo inenin kawnghren a hreng mial2. "Ekhai! i khum chu leh" chek tlak2 chuan ka ti a, a thawmhnaw hi alo awm darh seng sung a, hak tur ah a buai tih lah hriat reng. "Ka insiam zo trep. Ipa rualin ami ilo kal?" A tih chuan lu thingin a khumah chuan ka thru thla a, a insiam lai chu ka melh reng.










"Vawiin chu a tlan loh ni ania, a lawmawm phian zawk. Nitin nisen sa hnuaiah passenger zawngin motor a khalh a, a tlan loh ni hi chuan hahdam ve rawh se" ka ti duah a, alo bu ve nghat2 mai. "In siam rei si, nikumah pawh hemi college ah te chuan i luh daih tawh kha eng nge thawmhnawah i buai vak" a kawr hak lai thlak leh a tum chuan kalo ti a, croptop la chhuakin a kawr haklai chu a phelh nghal zat. "Keini new commer kan nihin kan insiam rei2 nen nang ve ah! Naupang hriat chiloh" tiin a crop top chu a ha a, a hak zawh chuan a duh thu a sam tawh ania nge makeup a in bel nghal mawlh2.










"Kei ai kum khat bakin i upat loh kha. In college chu a nuam em? A nuam ee college te ka lut ve tawh dawn chu ania!" Ka tih chuan lipstick chu a inhnawih a, min chhang lawk lo. A mit a hnawih dum leh pah chuam "Mipa chhelo deuh2 pali an awm. I hmuh hunah chuan i star ngawt ang! Ranger phei chu e i hmuh rualin i kuah nghal duh ang" a tih chuan ner nangin "A nawm leh nawmloh a alawm ka zawh che" ka ti a, maskara inhnawih pahin "Hmelthra an awm te chuan nawm loh ngaihna a awmlo. Mahse student lal deuh2 hi an awm a, chung ho chu an hausa a, chuvangin i trawngkam thlahdah miah suh. An mi huat i nih tawh chuan i tan chuan college hi hremhmun tenau ani tawh mai" ati nghal mawlh2 a thusawi lah chu ka hrethiam lo em2 mai lehnghal.











A insiam zawh chuan inzui chhuakin a scooty chu a start a, a start lum zawh chuan inkhalh chhuakin college lam kan pan nghal. College gate kan thlen chuan chhukin college building lian zet chu ka thlir a, ka college kal ve na ni hmasa ber tur chu a nawm hram ka beisei. He schoola lut tur hian lehkha nasa takin ka zir a, ka thawhrah chu ka seng mek tih chiang takin ka hria! Scolarship hmangin he college ah hian ka lut thei a, lehkhathiam nilo phei ilang chuan he schoolah hian ka lut theilo hul hual ang. Mi hausa te chauh luh theihna ani a, kei taxi driver fanu ve mai tan hi chuan he college a lut tur ringawt pawhin a beih a beih a ngai.













Mi hausa tan chuan pawisa an pe a, test pawh nei loin an lut nghal a, mi rethei tan erawh hah taka lehkha kan zir a ngai a, a fairlo takzet. Mahse khawvel a ni a, mi rethei tan chuan an dam khawchhuah theih nan taima taka thawh a ngai thung.










"Remruat, sawlai ah sawn ka va park zawk si ang, hengho tlanchhuah na tur hi ka dal dawn tlat. Tikhan minlo nghak rawh" tiin a scooty chu hmun danga park turin a khalh chhuak leh a, ka dinna ngaia dingin ka nghak reng. Ka hma a ball rawn lir ka hmuh rual chuan ka sir atrang "Lo chhar teh!" An rawn ti a, thra deuha chhar ve mai chuan an lam chu ka hawi a, a hlat deuh avang chuan an hmel ka hmu chiang lo thung. "Min rawn pe ta che mawle" an tih leh rual chuan ka ner sawk. Thra deuha intih awmlo. Thu a pekin alawmle min pek.











Buaina thlen ai chuan tiin an lam chu ka pan a, an bul ka thlen rual chuan "Muang lutuk" tiin ka ball ken chu min laksak deuh sawk a, an hmel ka hmu chiah chu ka phit lo chauh. Nizan a ka mipa hmuhte kha an ni! Min hriat hlau tak chuan min biak hmaa kalsawn ka tum a, ka pen chiah tihah tu emaw hian ka banah min vuan a, hmui liak zeuhin zam deuh chuan alam chu ka hawi a, an zinga hmelthra ber, hnarbeh beh tupa ngei kha ani! "Kan inhmu tawh em?" A aw thum zeta a tih sup chuan chil ka lem khawlh. A mitmeng rum zet atrang chuan chik zetin min melh a, ka lu thingin min vawnna chu ka thing thla a, college gate lamah chuan ka tlan nal2.













Gate bula Sawmtei lo ding ka hmuh chuan a bulah ka tlan phei vat a, ka thlen rual chuan "Khawnge ilo awm daih a, i dinna ngaiah lo ding rawh ka ti reng sia. Kal ang ka thrianten min nghak reng tawh" tiin college building lam chu min panpui a, ka thin phu rang em2 chu dawmin ka thaw chhuak ham2. Khapa kha he college a a luh phei chuan nizana ka thil hmuh avang khan min sawisak te ka hlau. Min hriatchhuah loh hram ka beisei.













Thingkung bula thrutna lo awm ah chuan min phei pui a, a thriante ni awm tak tur te hi an lo awm bawk. Mipa pathum leh hmeichhe pathum an ni a, an bul kan thlen rual chuan tunge ka nih an zawt a, ka inhmelhriat tir nghal zung2 a, an hming te sawi ve in an nui nghal hawk2 a, an fel hlawm takzet. "Kum engzah nge i nih a?" Mark an tih pa chuan min rawn zawt a, a ni pawh hi a chhelo a, a luck ve phian ka ring. A hmelthra tel bawk nen. Mahse ka lakah eng affeck mah anei lo thung.










"Kum sawmpakua" ka tih sep chuan "Anih chuan i college rah hmasak na ber ani maw! Nula naupang i nih chu" a tih chuan ka nui suk ringawt. Ka hmelhriat chiah a nih avangin ka trawng vak lo a, ka nih dan ve hrim2 ani. Mahse mi ka nel ve tawh chuan ka dang hi a kal em2 a, ka trawng ve bawrh2 zel. "Mark, ilo hmu tai leh ringawt ang nge aw" a thrianpa Puipuia chuan a ti a, midang ho chu an nui nghal vek. "A fel teh mai ania, chhungkaw mo atan a tlak" Sawmteiin a tih chuan nui chungin ka beng ri thlawp. "Saw eng nge a?" Hruaiin a tih chuan a hawina lam chu kan hawi a, mi hi an lo pung khawm a, ka thrianten en tuma an thawh avang chuan keipawn zuiin an punkhawm na lam chu kan pan a, mi inkar a inzepin thei leh theilo chuan kan kal a, hmeichhe pakhat hnunglam atrang chuan vawiin a mipa ngei mai khan mipakhat a chunga thrut betin alo hnek deuh sawk2 anih chu!











A mi hnekpa lah chu a hmai a thi phengphung a, a thriante chuan a sir atranga lo thlirin mipakhat pa thau deuh an inhnek lai lo thlir ve tu chu an pawt chhuak a, alu a spin lawlhin thil an sawi a, eng nge an sawi erawh ka hrelo thung. A kut a dawh chuan pathau pa chuan a kekawr ipte zen rawk2 in pawisa a pe a, "Ranger duhtawk rawh! A thrianpa chu a tlan (Isuan a thisenin min 'tlan' a khami tlan kha) chhuak tawh e!" Tiin bengbeh fual zet kraws sign beh tu chuan a ti a, hnarbeh beh tupa kha Ranger ani ngei ang a hming! Chupa chu thoin nui sawng chuan a thriante lam chu a pan a, Pathau chuan a thrianpa chhuata let reng chu puiin a kalsawn pui a










Ranger chuan "Eng nge in la thlir reng? Sawisak ve in duh loh chuan kalsawn nghal rawh u!" Ti chhur2 in a hawikual a, mite chu an trin darh ta sang2. Ka hma a hmeichhia a kalsawn rual chuan Ranger chuan ka lam a rawn hawi ve ta chiah a, min hmuh rual chuan ka mitah tak min melh nghal run. Hawi sawnin ka pensawn a, ka thriante kan thrutna lam pan ve mekte chu pawh vatin an rual chuan ka kal a, Ranger a chungchang ngawt an sawi. "Eng nga ti nge ni ang le? First day atrangin an insual nghal chu ania, midang an tihduhdah leh nasat tur zia hi" Dawngi chuan a ti zui a, an thil sawi ngaithla pah chuan ka ngawi kar.











Ranger..... A hming lah chu a chang thra fak2 bawk a, a hming ang chiahin a sual anih dawn hi. An sawi hmangah mi a bully thrin a, a insual deuh ziah bawk. Zirtirtuten engvanga hnawtchhuak lo nge an nih le? College a kan senior chin an thrianho in an ni a, an hausa deuh vek bawk. Hausa si engvanga khapa pawisa dil kha nge an nih ang? An thrianho hi gang ang reng deuhin an kal a, he college ah hian gang dang pawh an awm nual a, an gang hi an thra deuh ber nghe2. An gang hming pawh Velina Revengers an ti a, he college ah hian gang chi hrang2 a awm thleh thluah ani awm e.











"Eng nge i period hmasa ber? Engtikah nge i neih dawn?" Sawmteiin a ti a, "Dar sawm ah hian ani in ka hria, chuan Science subject ania" tiin ka chhang a, a sana bun lai chu melh zeuhin "Ehe! Minute sawm vel bak dar sawm rik nan a awm tawhloh hi! Lo kal rawh i class turah kalo hruai ang che" a tih chuan ka thrutna atrang ka tho chhuak a, ka bag thingkung bula ka dah chu lain ka ak thra nghal. "Ruati chu kan bulah lo let leh rawh aw. Nuam deuhin hman i tum dawn nia" Mercy-in a tih chuan nui sanga bu zeuhin an vai chuan ka mangthra a, Sawmtei chuan ka class room awmna turah min hruai nghal.









"Science subject tuman kan la ve der mai silo a, i ngaihtuah awm em loh ang chu maw?" Kal paha a tih chuan ka nui chhuak hawk. "Lalsawmhlu nula ka nih tawh hi! Chutianga ngaihtuah awm chu ka ni lo" ka ti a, henu hi chuan amah aia ka naupan vang mai hian min ngai mawl lutuk a, tleirawl kan nih lai pawh khan ani hrim2. "Lian tawh viau mahla ka naute trahbelh deuh kha ila ni reng" a tih chuan ka ner nang. "Eng nge? Ania lawm... I insual apiangin chhan ngaiin i awm ziah. I inbeih puite hneh dawnlo mahla i kawlh hlik hlek reuh lutuk vang khan i in sualpui thrin zel tho ania, trap chungin an samah te khan i kek ang chiam2 leh nghal a. Tunah pawh i hmel en ang aiin i kawlh ru zek ang" a tih chuan a hnungah ka beng ri thlawrh. "I ninawm aw! Chutia tih te chuan nangpawn mipa i insualpui thrin a, keiin kalo puih ve thrin che kha. Puih ngaia awmziah kha tunge?" Ka tih chiam chuan anui hak2. Keipawh ka ni tho.











"Hei hi anih hi in class room. Buaina i neih chuan minlo hrilh la, ka kalsan phawt mai ang che" tiin kan in bye2 a, class roomah chuan ka lut a, zirlai ho chu an lo kim thrap mai. Tumah chu be lem chuanglo chuan tlar hnung berah ka thru thla nghal a. Seat awl awmchhun chu tlar hnung ber hi a ni miau a! Midang chuan thrutpui an nei vek a, keimah chiah chuan ka thru ta reng. Ka hma ami te chu rawn hawiin "New commer ami i nih a?" A tih chuan ka bu nghat ringawt. Thrian siam hi ka thil thiam zawng anihloh avangin thrian pawh ka nei tlem em2 a, Sawmtei deuh tlawng hi a nimai ka thrian chu! Ngawichawi leh mi inthlahrung mi ka nih reuh vang hi ani pakhat.










Class tran nan minute hnih vel bak a awmlo tihah chuan Ranger chu class roomah a rawn lut hlawl a, midang chu an phun nghal mur2. Ka lehkhabu la chhuak chuan milem ka draw leh mai2 a, Ranger a rawn luh tirha ka melh zeuh bak kha ka hawi chhuak leh tawhlo. "Khawia bawlhhlawh nge ka seat a lo thru hi?" Ngeiawm taka ti tu chu ka melh a, Ranger chu ka thrutna bulah tak min en chhuk runin a ding ran. Tshirt dum hi a ha a, cotton jeans hain a kawngah chuan chain hi a uai a, a thri lah chu a lian reuh em2 mai lehnghal. "Thrutna tur dang a awmsilo a helai hi a awl awmchhun anih avangin ka thru a...?" Ka tih sup chuan ner nawngin dawhkana ka lehkhabu chu a vai thla pawp a, ka pen nen chuan chhuatah a tla nghal! Ka bag chu la lawkin a theh leh pawp a, a chetdanin min thrawn em avang chuan a hmel chu ka melh reng ringawt.










"Mahni nihna hi hre rawh. Bawlhhlawh chu chhuatah kan paih thrin a, a awmzia i hrethiam em? Chhuat hi i awmna hmun tur tihna anih chu. Seat chu i nei ngah takzet! Chuvang chuan tho la, i seatah chuan va thru rawh le." A tih chuan melh rawmin ka ding chhuak a, ani chawmhlawm ve mai2 hian khati khan min trawngkhum tur hi a nilo reng2. "Minlo hrethiam la, nangang chhungte thawhchhuah ringa nung ve mai2 ai hi chuan kei bawlhhlawh pawh hi ka trangkai daih zawkin ka ring. Khatia min trawngkhum tur khan eng dikna mah i neilo. Heihi i seat ani tih hre ngat ila chuan i sawi ang khan chhuata thrut hi ka thlang zawk, i seat nawm bik vakna pawh ka hre teh chai lo e" ti let sakin chhuata ka lehkhabu leh pen chu ka chhar a, ka bag awmna lam chu panin ka chhar a, hmeichhe pakhatin min rawn hui zeuh na lam chu panin a bulah ka thru thla nghal.










"I van huai reuh em2 Keichu ni ila tikhan ka ti ngam miahlo ang. I duh chuan ka bulah i thru dawn ania. Mahse Red Notice ho gang black list ka nia, chuvang chuan tuman min kawm duhlo a, ka bula awm pawh i duh reilo ang" za lo zeta nui suk chuan a ti a, ka lu ka thing nghal vut. "Awm duhloh na chhan tur ka nei hleinem. Ka kawm duh chi tak ini tunge i hming ni a?" Ka tih chuan "Daisy ka nia" tiin a kut chu ka chibai theih turin a phar a, chibai in ka hming ka hrilh ve nghal sup. "Sanitizer pai in awm mial em ka thrutna hi ek rim a nam tlat" titu lam chu kan class pumin kan hawi nghal thrap.











Hmeichhe pakhatin sanitizer chu inthlahrung dek hian a pe nghal a, Ranger chuan a seata ka thrutna hnu chu a kap vak2 a, ka thin a rim ve det. Ngatan mah ngai duhlo chuan hmalam ka hawi a, bell a rik chuan an lehkhabu an phawrh chhuak nghal sap2. "Ranger hi chu a sual ve a, nangmah chiahin ami hmuhsitna kha i dawng lo ania, midang pawh an ni vek! Ani hi chu a sual lutuk. Setana chauh hi a aia misual zawk awm chhun ani mai" a tih chuan ka nui suk. A sawi dan hmangah chuan a sual zia a hriat.










Zirtirtu chu rawn lutin class kan tran nghal mawlh2 a, board a a thil ziah ka copy lai chuan ka nghawng a rawn thip zawk a, ka rak chhuak trep nghe2. Dawhkanah chuan rubber hi a rawn tla nghal zat bawk a, ka hawikual chuan Ranger chuan nuihsawh zetin min melh a, rubber in min perh chiang lutuk. Rubber chu lain ka kekawr ipteah chuan ka ak a, a thil tih man hi a tel khawp ang. Ka hawi leh chuan dawhkan bawhin a lo muhil der2 a, hetiang mizia nei chung hian engtin nge science subject a lak theih ni? Rubber chuan a nghawng zawnah chuan ka tin vang2 a, ka tin fuh ni a ka inhriat rual chuan rubber chu a nghawngah ka perh pawp a, phu zawkin a tho kang nghal uai. Ka lam a rawn hawi chuan a hma a min nuih ang chiahin ka nuih a, hawi sawnin ka zirlai ah chuan ka focus leh nghal. Naupan laiin sairawkherh ka perh thrin a, thil perh mai2 te chu hnehsawh tak ka ni.












Period a zawh chuan an inkhung sap2 a, kan inkhung fel hlawm lai chuan mipa rual pathum hi an rawn lut a, kan en nghal thrap. Engkhaw sawi set2 loin Ranger chu a kawr nghawngah an pawt kang dawrh a, Daisy chuan min rawn hrilh ruin "Red Notice ho gang an nih saw. Hemite nen hian engtik lai pawn an insual. Nizana Ranger te gang hoin an gang member pakhat an lo sawisa a, chumi vel vang chuan an in tibuai leh dawn a nih ka ring" a tih chuan nizana ka thil hmuh ka hre chhuak nghal zawk.










"Oh! Phuba in rawn la dawn em ni? In theih chuan han la ta che u" Rangeran a tih rual chuan mipakhatin a hnek nghal pawp. Hmeichhe ho chu an lo rak thrat a, a threnin mit tla lek loin an en thung. "Zawngsen leh" insehruh zeta tiin Ranger chuan a mah hnek tupa chu a hnek let ve sawk a, a lua vuanin a khupah chuan alu chu a tauh tir nghal sawk a, ka lo trim sung2 thei. He college hi ka rin ang ani dawnlo tawp mai.











"Hmela!" Tiin mipakhat chuan Ranger chu hnek leh a tum a, Ranger chuan a kut chu lo man sakin a herh sak pawp a, chupa chu a au deuh thrat nghe2. Tumah chuan threlh an tum lo a, threlh chu sawiloh hmuhnawm thlirin an thlir. "Nangni ho bawk maw!" Tiin Rangera thrianpa bengbeh beh pa kha a rawn lut a, a hnungah chuan a thriante dang pahnihin an rawn zui bawk. An rawn luh rual deuhthaw chuan Daisyin Red Notice ho gang a tih nen chuan an insual buai nghal chu ani mai.











"Hawh Daisy chhuak ang. Heta awm reng chu a diklo" ka tih chuan a bu nghat a, ka bag chu akin kawngkhar lam chu ka pan a, thil thlawk fua ka hmuh rualin bangah chuan thrutthleng a intauh chawrh a, chhuatah a tla nghal. Ka phu lutuk chu ka thinphu a chhuak lo chauh! Dawhkan ke chu a phel pheng phung a, school thil an tichhia a, teacher ten an hnawhchhuah loh chuan a mak ngawt ang!












"I thra em?" Daisy in a tih chuan chil lem khalhin ka bu a, mipa insual ho lam ka melh chuan Rangeran mipakhat pumah alo hnek sak sawk2 a, Red Notice ho chu an thrianho chuan an sawisak rawn a ni ber! Rangera hnek pa ka atranga thisen a rawn chhuah rual chuan ka meng kawk! Duhtawk chuanglo chuan a hmaiah te chuan a hnek sawk2 a, tuman threlh an tum luh avang chuan alam ka va pan vat. "A thi mai ang khawih tawh suh" a bul ka va thlen rual chuan ka ti a, hetiang em2 a insawisak! Tual an thah palh pawh an hlau lo emaw ni. An sahuatah an khawih fuh anih lek phei chuan an thi ang nga, jail tan bak an hmabak anilo.












"Ranger!" A tlawh thal leh pawp rual chuan ka ti thrat a, a mi sawisak pa chu chechang tur pawh a awm tawhlo. Ranger chuan ka lam rawn hawiin ka lam pan chuan a rawn pen pawk2 a, a mitah tak chuan ka melh ve ran. "Nanghian thu min pe turin tunge i nih?" Ka hmai bulah tak rawn kun hniamin a ti chher2 a, hetia min ti ngawt tur hian tunge a nih zawk? A thriante chu chhuata thru sawp niaihin meizial zu pah hian kan pahnih chu min en a, ka thaw hak. "Khatia min deuhsawh tur khan tunge i nih zawk?" A mit taka melhin ka ti a, a nui chhuak hawk. A zat vang anilo tihlah a mitmeng rum ul atrang chuan a hriat. "Tunge ka nih maw? Hah. Tunge ka nih hriattir i ngai dawn a nih hi" nui suka tiin a sira mipa let reng chu a chhir leh zawt a, "Kal ang u" tiin a thriante chu a bia a, class room atrang chuan an chhuak nghal.












"I thra em?" Tiin Rangera sawisak pa chhuata let reng chu ka pan a, a thrian dangte chu rum triah2 in muang changin an tho hlawm a, ani erawh a che hleithei der lo! "Hrep hian" tih hrawk ri ka hriat rual chuan kawngka lam chu ka hawi vat a, mipa rual coat suit sen hlanga inbel hi an rawn lut a, kan bul vela mi te chu an phun nghal mur2. Coat halo pahnih vel an awm a, mahse tshirt sen an la ha hram tho. "Hrep hian Revengers ho mai2 chuh!! Ka chhuah hauhlo ang... An ni ho hi buaipui ula hospitalah hruai nghal ru" a tih rual chuan an che nghal sap2 a, keipawh lo awmsawnin an thriante an buaipui lai chu ka thlir reng. Rangera sawisak pa chhuata na tuar chunga let reng chu buaipui ve miahlo chuan an chhuahsan a, hrilhhai zetin ka hawi kual vut. "Hey nangpa kha!" An boss deuh ber, hospitala hruai tura thupe tu pa chu kawngka a a chhuah dawn lai tak chuan ka au a, din pawh dinglo chuan a penchhuak ta tho! Ka au tih a hre chiang lutuk!














Um vatin corridor lama a kal chu ka au leh a, "Eng nge? Buaina i nei em ni?" A tih chuan a hmaah tak ka ding nghal a, a lo kal thui ve tawh bawk nen a tlana tlan ka nih a vang chuan ka thaw hlawp2 mai. "I thrianpa pakhat saw inla buaipui ve lo ania, na a ti tawh lutuk. A thi palh mai ang." Ka tih chuan ner sawkin "Chu2 ka buaina a ni em ni?" A tih chuan en haw in "I thrianpa a nih saw..??" Dak chhoin a mitah chuan ka en kal a, ka kut chuan kan class room lam chu ka kawk vah bawk. "Huh, mipa laktlak loh thrian atan ka nei peih tehhrep love. Min tihbuai zia hi i hria em hmeichhia? Black list a awm i duhloh chuan kalsawn rang rawh" hlauhawm zet chuan a ti a, mahse hlauh hun a nilo. Thihna thil ani tlat. "Mahni thrian pawh buaipui duhlo hi mipa laktlak ani bikin ka hrelo. A thra e, keiman ka buaipui mai ang" ti ve sakin kan class room lamah chuan ka let a, a hmelthrat thrat nen sual lutuk mai. He college ah hi chuan a hmel thra thra an sual dawn a nih hmel.











Class room ka luh leh chuan Rangera sawisak pa kha an lo buaipui a, tui an lo intir mek. "Hospitala kal a ngai ang a hliam hi a nasa lutuk" mipakhat chuan a ti a, "Ni e ka motorin kan pan pui mai dawn nia" pakhat chuan alo ti ve bawk. "Hruai kher a ngailo tikhan awm rawh se, midang chungah pawh hetiang thil hi hepa hian a ti ve thrin tho. Tikhan na kha tuar reng rawh se, a phu tawk chiah. Hospitala hruai a trullo" Daisyin a tih chuan a lam chu ka hawi nghal vat "Daisy!?" Ka tih chuan min melhin "A dik alawm. Sawisual ka neihawm ka hrelo" tiin a bag chu a la a, room atrang chuan a chhuak nghal daih!












"Daisyi kha chu ngaihkhatah ngai rawh u, Red Notice ho black list a ni sia an tiduhdah thrin tih te chu kan hriat ve vek kha. Eng ang pawn chhan duhlo mahila kan chhan tho chu a ngai, a nihloh chuan an black list ah min tel ve palh mai ang" hmeichhe pakhatin a tih chuan an bu tliar2 a, "Tiduhdah maw?" Ti a ka zawh sep chuan "Aw, tiduhdah. Red Notice ho leh Revengers ho black list a i awm tawh chuan tihduhdah na i tuar ang. Black list a an tel loh pawh an tihduhdah tawh nakalaiin black list phei chuu! Fimkhur ang che, ka sawi thraih lo che a, a nihna ka sawi a nih chu.... Chuan Red Notice leh Revengers ho hi hmelma kumhlun an nia, an insual deuh reng a ni mai. Mizorama gang ah chuan a top an ni! An in el em2 a, mahse an inhnehtawk lutuk. Ranger erawh tuman an hnehlo, he college lalpa hi ania. I rawn lut thar chauh sia thil nihna ka hrilh che a nih chu" a ti a.













Rangera sawisak pa pawh chu an kuah chhuak a, teacherte hian an hrelo nge an haider? Engthil nge ni ngai! He thil hi danin a phalloh tawp khawk ani. In tihduhdah maw? Black list an siam bawk a. Dan an siam chu keini hian




- End of Chapter 1 -


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:34 am

Chapter - 2
ENCHANTING
by Calm Bird





Chhunthil kala ei loh avang chuan class ka nei tawhlo tho bawk nen Canteen lamah chuan ka kal a, ka phone a sana ka en chuan dar sawmpahnih leh minute sawmpanga a pel tawh. Canteen ah chuan lutin dawhkan awl awmah chuan ka thru thla a, eitur chu order in ka phone chu ka khawih niap2 a, class dar khatah daih ka neih leh avangin ka hmanhmawh viau lo.












Ka eitur chah alo thlen chuan ka ei nghal a, eipui tur nei ta lo chu phone khawih chungin ka ei a, Sawmteite hoin class an la mek bawk nen thrian ka nei lo a, Daisyi lah a awmna ka hre tawh bawk silo. Mahni te chuan tihtur vang tak hi ani ringawt! Eitur ka ei zawh chuan chhuakin ka tei kual vel mai2 a, building hnung a ka kal chuan Daisyi ka hmu a, hmeichhe rual hian banga lo man betin a kawr chu an pawhthler sak ni ngei tur ani a kawr chu alo thler nual mai. "Engthil nge in tih?" Ka tih chuan an lo hawi hlawm a, hmeichhe paruk hi an ni a, an inchei dan lah chu party na a kal tur ang mai an ni!












"Thlawk bo rawh" hmeichhe pakhatin a tih chuan Daisyi ka en a, a mittui hi a tla zawih2 a, a insut leh hlap2 thrin. "Daisy, lo kal rawh hetah" ka ti a, an rual ve deuh bawk nen ka va pawh mai ngamlo. Amaherawhchu a trul phawt chuan thihchilh hial khawpin ka sual ang. "Huh? Tunge ni ni a i inhriat a??? A kal hun tur chu kan thu2, kan ui khawilai ania.. Ilo sawi ve tur a awmlo. Kan sawisak hma che hian tlan haw rawh" deuhsawh taka min tih chuan ka thinrim ang reng. Mahse Daisyi hi ka kalsan ngawt theilo. Ka hma lawkah hmeichhe tranpui ngai ka hmu a, puih chu ka hna ani.













Ka phone chu phawrh chhuakin camera ah chuan ka lut a, an thla chu ka la nghal zat. "Hrep hian!" Daisyi banga man bet tu chuan ti vakin Daisyi a man behna chu a thlah a, ka lam alo hawi nghal. A thrian dangte pawh an ni tho. "Enteh hmeli, thlalak kha delete nghal rawh. Buai ve i duhloh chuan thra takin awm rawh" an zinga thu neih ve hmel ber hian a ti a, a sira mi chuan "Christy, chance pek pawh hi a phulo" alo ti zeuh a, Christy chu nui sangin "New comer anih hi. He lai hmuna lalnu ka ni tih hi a hrelo a nih hmel" a tih chuan ka phone lek in "Helai hmunah hian lalnu an awm awm pawh ka hrelo. Chuan ka thriannu kha in chhuah lo a nih chuan he thlalak hi social media ah ka post ang" tiin ka vo a, hetia tih mai loh chuan chhuah an tum hmel loh.










"Nanghian min vo ngam a maw?" Christy chuan mahni inkawk chung chuan nui hakin a ti a, bu nghutin "Chhuah rawh" ka ti leh a, "Awi Remruat engthil nge thleng? Christy minlo hrethiam dawn nia kan thriannu hi lut thar ania, engmah ala hre ve lo a ngaidam rih mai teh u" Sawmtei chuan min hmu ani chek ang a thriante ho nen an rawn thlen rual chuan ka kuta kaiin a rawn trawng nghal bawrh2 a, a thriante ho pawh chu ka bulah an rawn ding nghal. "Lo hrilhfiah mawlh ang cheu, a thlen nawn leh chuan black list ah ka dah duh palh mai ang" Christy chuan inla thunei fahran hian a ti a, ka ner nawk. "Awle kan lawm lutuk e, hawh Remruat kal ang" tiin min kai kal nghal a, "Mahse Daisyi saw" tiin ka hawi let a, Daisyi chu chhuata lo thringthri in a kawr thler chu alo thram khawm a, Christy te thrianho chuan min thlir zui reng.














"Kal mai2 rawh. Lo thleng hman lo ilang chuan i tan a pawi ngawt ang" ti sawk2 in min kai kal dawr2 a, a hmaa kan thrut hona ah bawk min hruai a, an thrian ho chuan min melh deuh thrap hi ani mai. "En teh, khamite bulah khan kal tawh suh ang che. Christy kha Rangera bialnu anih kha. A bialpa thuneihna a hre teh mai ania aww, midang zawng2 hi a thuhnuaia dah a tum.. Chuan i thriannu chhan i tum pawh kha kawm tawh suh. Black listah a awm a, a bula awm apiangin buaina an tawk" a tih chuan hrethiamlo fe hian Hruaii chu ka melh a, ka ner deuh nang bawk. "Chhan a ngaih kha in hmu velo ami? Engvangin nge in tranpui loh?" Ka tih chuan thaw chhuak hawkin "Ngaithla teh. Nangmah chauh in buaipui rawh. I hria em? Nangmah chiah... Midang i puih zel chuan buaina i tawk zawk ang" hrethiam tura min duh zia chu a mit ah a lang thei hial!













"Hruaii, a hre chho ve zel mai ang. Titeh u thil ei ang u. Kan va chhan hman a engmah thil thleng a awmlo a buaina pawh a awmlo. Kal ang u" Puipuia chuan tiin a pensawn a, midang pawh chuan an zui ve nghal. "Kal ila" Sawmteiin ati a, "Remruat, ka thil sawi kha theihnghilh suh aww. Buaina tawk lo la ka duh" Hruaiin Puipuia te an hnunga kan zui lai chuan a ti a, pawm lo viau mahila ka bu nghat tho.














Canteen ah chuan lutin dawhkanah kan thru ho a, an eitur chu an chah nghal sap2 a, ka chah tur min zawh chuan ka ei tawh thuin ka chhang a, ei leh tura min tih pawn ka duh tlatlo. Ka puar tawh fu ani. Thil an ei mial2 lai chuan an thrutna kilah phone ka khawih a, khawih tur lem pawh ka nei chuanglo status ka en kual vel mai2. "Eng nge i next class Remruat?" Markan a tih chuan Chemistry anih thuin ka chhang a, thil dang sawiin an titi zui nghal mawlh2 a, a kar lakah ka inrawlh zeuh bak thil dang ka sawi lemlo.
















Thawm a rik huk rual chuan kan vai chuan chulam chu kan hawi a, Ranger leh a thriante ho bawk chu ka hmu nghal. Mipakhat hi a thrutthleng nen chuan chhuatah alo thal deuh huau a, an tlawh tlu emaw anih ka ring. Ranger chuan chupa chhuata let reng kawr awma thramin thil a sawi zui a, eng nge a sawi erawh kan thrutna atranga a hlat em avangin ka hre theilo. Canteen a awm ho zawng2 chuan chumite lam chu an hawi deuh thrap a, hmuhnawm an rawn siam hi ani ringawt. Chutia an lam ka thlir reng lai chuan Rangeran chupa chu a hnek chawrh a, kalo phu zuk mai. Thoin a hmui hnuai chu seh zeuhin chupa chu melhin a nuih sang a, dawhkana a rice ei lai chu a chungah a paih bua a, chupa awmah chuan rice a kai deuh vek! "Engthil nge ni leh ta?" Dawngi chuan a ti sep a, tuman a chhanna chu kan hrelo.














Ranger chu a hawikual a, keimah min hmuh rual chuan a tawp chat a, min en zui reng. Keipawn ka melh let ve kar a, kiai sukin a sira chair chu a vai thlu a, an thrianho chuan an pensawn nghal. "Tunah khan ka hmuh ang in hmu ve em?" Dawngi'n a tih chuan muangchangin ka lam an lo hawi thrap a, phawk zet chuan min melh deuh vek! "Hmu ve ee" Sawmteiin a tih chuan an sawi ka hrethiam mai. Ka dar ka kan uk a, ka hmui ka pet sawi zeuh bawk. "Ranger khan a en deuh reng bik che a nia, nangni hi in inhria a mi?" Hruaiin a tih chuan ner nangin "Kan inhriat nachhan tur a awm hleinem. Vawiin khan ka hre ve chiah, chuan vawiin hi ka vawikhat hmuhna ani bawk." Ka ti a, mahse nizan khan ka hmu daih tawh zawk. Mipa ho erawh an ngawi thrap a, kan thusawi erawh an ngaithla kar thung.
















"I chiang takzet maw?" Sawmteiin a tih leh hram chuan ner vakin "Amak e Lalsawmhlu!" Ka ti chiam a, an bu ta nghat2. "Class ka lak a ngai leh tawh a ka kalsan phawt mai ang che u. Chuan Sawmte in rei hmel sia, haw hunah keimahin ka haw mai ang aw. Ka lo nghak lo mai ang che" ka tih chuan a bu nghat a, Sawmtei hi chu lenkawi a ching ve a, ka zui haw peih tehchiam lo. Khawi khawiah emaw min hruai kual leh nghek ang nga, hun ka khawhral mai2 "Ka kal aw" tiin ka bag ak thra mawlh2 pah chuan Canteen chu ka chhuahsan a, class rooma luh hmain zung tur chuan washroom lam ka pan a, a chhung ka luh chuan Christy te thrianho an lo awm a, min melh thrap mai. Engmah thlenglo ang mai chuan toilet chhungah lutin ka zung a, ka zun zawh chuan chhuakin ka kut ka sil nghal mawlh2.




















"Kha la in belh rawh!" Tih ri ka hriat rual chuan toilet kil lam chu ka hawi vat a, kawngkhar rawn inhawngin Daisyi chu trap chungin a rawn tlan chhuak a, a hnungah Christy leh midang pathum chuan nui hak2 in an en zui hlawm a, Daisyi chungah engthil emaw tak an ti ni ngeiin a lang. Ka kut hru ro sawk2in Daisyi kal liam chu ka um a, "Daisy lo ding teh!" Um chunga ka auh pawh chuan ding loin chak zet chuan building chu a chhuahsan a, enliam chi ni a ka hriat loh avangin unzui zelin a hnungah chuan ka tlan a, ka ko leh vak2 thrin. Building hnunglamah chuan a kut veilamin bang a vuan a, kunin a trap nghal hlawp2. A din takah chuan ding ve dawtin ka thaw chhuak ham2 a, a lamah chuan muang changa pen pheiin a thrat leh thrat loh thu ka zawt a, min chhang lo chuan a ka hup meuhin ala trap hlawp2.

















"Daisy, i thra tiraw?" A dara vawn pah chuan ka ti a, ka lama lo hawi let thutin ka awmah min nam pawp a, ka pai deuh awr mai... "Engtin... Engtin nge ka thrat i rin a??? mawhh?! Tunah khan eng nge ka chungah an tih i hria em? Khang toileta tui awm ho kha min intir an tum asin... Ka thrat i ring maw? Min ngaihtuah ang tak khan awm der lo vel mai teh. I thrian dangte an awm chuan min kalsan tho anih kha,,, ka mamawh lo che. Tumah hi ka mamawh lo!" Au nghekin a ti a, "Nilo Daisy..." ka sawi zawh hma chuan tlanin a kal liam thleng chu ding chungin ka en reng. Thaw chhuak hawkin class room lam pan tur chuan ka kal a, "Hey nangnu kha!" Tih ri ka hriat na lam chu ka hawi vat a, Rangera te thrianho chuan min en reng a, leiah chuan duhdah deuhin an thru hlawm a, an hmelah chuan ruih neih an ang ka ti.
















Kalsawn leh mai ka tum chu "Hey!" Tih leh ka luah tak bottlein minlo vawm a, Ranger anilo tih erawh ka chiang. Phawk zeta an lam ka hawi chuan an lo nui hawk2 a, min au tupa rui zawi ngiai chu mipakhatin a darah nui pahin a ben sak thauh2 a, rum zet chuan ka melh nghal. "Hetah lo thru ve rawh. I mawng ala leng" min vawm tupa in a sira lei chu beng thak2 in a ti a, "Fakawm, a duhlo che a nih saw" a dara ben sak tupa chuan a ti a, ka mit chet kual ralha kal ka tum chu "Ding rawhhh amak!" A auha au chungin lung lian ve pangngai deuh chuan ka hnung zangah tak a rawn vawm ri pawp a, ana lutuk chu eu zawkin ka rak thrat. "Lo thru rawhhhh" tih leh ka bana min kaih a tum chu thinrimin a ngalah ka tlawh pawp a, chhuatah a thringthri thla nawk. "Hmela engvanga min vawm nge i nih a, mawl lutuk" tiin a samah ka kek a, ka thinrim lutuk chu ka ha chang ka thrial rap2 mai.

















"Ana min thlah teh! Hmeichhia ve si" ka kehna kut chu phelhtir min tumin a vuan a, ani ang zurui mai2 hian min hneh lul lo ang! Kal pawh a kal thra theilo ania. "Tikhan min ti tawh reng2 suh, i bulah khan ka thru peihlo tih hre rawh." Tiin alu a nem bu lawpin ka kehna a ta chu ka thlah a, an thriante an lo nui ri huk mai. "Min cho ami a!? Ti nghal ila ani mai alawm!" Ti a ding chungin a kawr chu phelh a tum a, a rui lutuk chu a che hleithei derlo! A din zawng te chuan a pai leh khat2 thrin a, a kawr lah chu a phelh thei meuhlo. "Atna chi khat i vei anih kha" ti supin ka kal sawn a, ka hnung lah chuan min la tur et2 leh nghal. Brickin aluah ka va vaw let pawp dawn zawk emaw ni! Ka thinrim chu ka in bengdai thei meuhlo. Ka zaidam ve viau na a tuna thil thleng kha chu ka enliam theih piahlam ani tlat!





















Class ah chuan lutin minute reilo te hnuah class kan tran nghal mawp2 a, ka hnung nat vang chuan thrut pawh ka thru ngil hleithei derlo! Kha Fakawma an tih pa vang vek kha! Min rawn ti leh na tehse ka dawh mai2 lo khawp ang. Class kan lak zawh chuan inkhung felin library lam ka pan a, first day anih avangin subject zawng2 kan zir kim rih dawnlo.a, tlem te tak2 chauh kan zir. Ka lehkhabu duhzawng chu zawng kualin ka chhiar tur ka dap a, love story ngaihnawm hmel deuh ka hmuh chu la chhuakin a kawm chu ka thlek kual a, chutia ka thlek lai chuan tu emaw hian ka lehkhabu ken lai chu min laksak thut a, tunge anih ka en tum lai tak chuan ka chhip atrang tuiin min leih nghal pawp! Tui lah chu a vawt reuh zek mai lehnghal!


















"Tunge!" Ka tih thrat chuan ka hma a Ranger lo ding reng chu ka hmu a, a mitmeng chimawm zet chu hmuh hmaih har tak ani! "Min la hria maw?" Kiai suka a tih chuan ka melh nghek a, ka sam atrang chuan tui a rawn far keuh2 a, ka thinrim lutuk chu ka sa pup2 thei. "Ka tih anilo ania, Fakawma i tih ang kha chuan min ti lul suh.. Ka hneh lo ang che" a tih chuan ka thaw chhuak hrawih. Ka sirah chuan a thrian dangte chu an rawn ding nghal khup a, kei ka te ve bawk nen ka bula an rawn din chiah chuan hmeichhe naupang tereuhte ang mai ka ni! "Engvanga min tibuai reng nge maw in nih le?" Ka tih chuam "Kan la tibuai tlem zawk khawp che alawm rawn lut tharah chuan. Saw,, rawn lut thar ho midang kan tih dan saw en teh" ka hmai bul cheta rawn kun hniam chuan a ti a, a sawina lam ka hawi chuan mipa leh hmeichhe threnkhat ho hian an luah lehkhabu hi an pu a, an kut chu hnung lamah an suih tlat bawk.
















"Engthil...?" Ka tih chuan kiai sukin "New commer ho kan lawm luh ve dan anih hi. Chuan va tel ve nghal rawh" a ipte atranga a meizial phawrh chhuak pahin a ti a, a thrian pakhat chu lighter a dil nghal zat. "Engvang ngawt chuan maw?" Ka tih chuan a meizial zu khu hlat2 pahin "Ka tih avangin" ti a bang ngheng ar2 chunga a tih chuan ka melh rum viau tawh. "Ka tihpalh!" Hmeichhe pakhatin hlauthawng zeta a tih na lam chu ka hawi vat a, a lehkhabu put lai a titla ni ngei tur ani hlauthawng zet chuan kun ngulin a ding a, chhuatah chuan a lehkhabu tihtlak a tla darh nuaih bawk..





















"Chhar la, pu leh nghal rawh" Ranger chuan a ti nghut a, ang pamin ka melh nghal. "Ka lo thleng e, inlo tran der alaw! Ehe babe" tih pahin Fakawma chuan ka darah min kuah a, a rim chu chhe tak ani! "Min thlah teh" tih paha a kut dah thlak ka tum chuan a awmah min kuah bei thlawpin "Min duh vanga khatia che kha i ni tih ka hria ania,,, min hnar tu hmasa ber ini. Mahse ka um zui theih nan che a khatia ti kha i ni tih ka hria ania aw" a tih ham2 chuan a zamlo ka ti ngang mai. Min kuah che sek chu ngaithei loin a keah ka rap pawp a, "Ana!" Ti pahin a ke a khai zeuh a, min kuahna erawh ala thlah chuanglo. "Min thlah nghal rawh" ka tih chuan "Amen" tih zawngin min chhang! "I inchhir ang nge!" Ka tih thrawt chuan "Hallelujah!" Tiin min pen pui a, min kuah pawh anilo a kuai in min kuai kun ani mah zawk! A thrian dangte ho chuan min melh thrap a, Ranger pawh tiamin! An mizia a inan loh hlawm nen2 engtin nge an inkawm theih ni?! "Awii ka thi" tih leh chhuata thringthrit a rual a, a kap chu dawm nghal vung2 in chung lam a hawi a, a hmai chu a sen nghal trawn2.
















A thrian dangte chu an nui hawk2 a, Ranger pawh a nuih suk lai ka hmu hman. A nuih khan a hmelthra takzet! A hmelthrat nen2 nuih ziah awm ka ti hmanhmawh! Fakawma pawh chu a maimichhing char2 a, a kapah ka khupin ka nghawk sak miau a, na chu a ti ve det ang. "Zawngi engthil nge ka bialpa chungah khan i tih" tih leh Christy thriannu pakhat sam eng deuh hi kan lamah a rawn tlan nghal hlawk2 a, Fakawma chu a buaipui nghal. "Ranger, hau ta che" Rangera melh pah chuan a ti a, a bialpa kap dawm vawng2 chu a luah a chul sak hliau2 a, Christy te an rawn lang ve nghal zat. "Bawihte,, chi ka thlah thei dawn talo anih hi. Zanin pawh kan nghei rih mai a ngai ang" seh chilh zeta a tih chuan ka ner nghal nang.















"Rosy, tikhan lo buaipui mai rawh. Keiman hremna chu ka'n pe ang nge" tih pahin Christy chuan ka lam a rawn pan a, ka hma zawnah chuan a ding nghal ran. "New commer te2 i zamlo hle mai" tih sup paha min ben a tum chu Rangeran "A tawk" alo ti nghut a, Christy chuan phawk zeta a lam hawi pahin "Duat! Engvang chuan maw? Eng nge i hriat a" no zet chuan a ti a, Ranger lah chuan ngatan mah a ngaih hmel loh em2 mai lehnghal. "Ka kutah dah rawh. Hremna chu keiman" a tih tak supah chuan Christy chu nui sukin mipa ho awmna lamah chuan a kal a, Ranger chuan ka lam rawn panin ka ban rekah chuan min man nghal chat. "Min thlah rawh" ka tih sup chuan kiai sukin "Thriante u kal ila" tih leh min kaihsawn dawr2 a rual a, a thriante chuan phur hmel zetin kan hnungah min zui bawk.

















"Hey engthil nge tih i tum?" Tih pahin ka kut chu lak hran ka tum a, mahse a vuan nghet sauh thung! Inchung ber lam chu min pan puiin stepah chuan min kai chho dawr2 a, ka hlauthawng takzet. Midang lo awm ve ho chuan min thlir zui a, inchung ber kan thlen rual chuan min theh pawp a, chhuatah lei nem meuhin ka tlu nghal! "Duat, dim deuh rawh" nui sawngin Christy chuan Rangera dara kuah pahin a ti a, hmusit zet chuan min en bawk. "Nang taxi driver fanu ve mai2 hian ka bialpa i khawih ngam a, i chantawk a nih kha" kil khatah Fakawma kuah chung chuan Rosyi chuan a ti a, ka thaw dep2 tawh. An thrian ho chu an kim vek a, an gang Revengers ho zawng2 chu an kim deuh vek zawk! Engtin nge ka pa taxi driver tih an hriat theih??



















"Chirh kha" Rangeran min melh ngurin a ti sup a, an zinga pakhat bengbeh beh ka tih pa chuan thir bucket hi a rawn khai a, Ranger chu a pe nghal. "Engthil nge ka chungah tih in tum?" Hlauthawng zeta ka tih rual chuan "Come on, nangmah chauh hi tiang hian kan ti hleinem che! Library a i mi hmuh takte ho pawh khan an paltlang vek tawh! He college a ila luh duh chuan kan thu hi zawm mai rawh" mipakhat sam var vek chuan a ti a, ka thin chu phu rang tawh tak ani!















"Engthil nge tih in tum?" Rangera hlauthawng zeta melh chung chuan ka ti a, nui sukin a bucket ken chu chhuatah a nghat thla a, ka lam rawn panin ka hma zawnah chuan a ding dat a, dak vah chuan ka melh chho nghal. Ipte zen ata rawn kun hniamin "Intihhlimna mai2 anih hi.. I la serious lutuk a nih kha" vei nuih suk chuan a ti a, lu thing vut2 in "He infiamnaah hian tel ka duhlo. Min kaltir ro" a ngen in ka ngen a nih mah zawk.






"He infiamnaa tel tur hian nangmah ngei i rawn inpe alawm. E, chuan thil pakhat. Nizana hmeichhia kha nangmah ini tih ka hria a nia" a tih chuan ka meng kawk. "Mak ti viau duh suh, i aw ri atrang leh i pian atrang hian a hriat alawm. Chuan i thilhmuh...." "Aih, aih ka sawi lo ang. Min chhuah rawh khawiah mah ka sawi chhuak lo ang ka tiam a che" a sawi zawh hma chuan ka ti a, ka hlauthawng lutuk ka chiai vek a, ka thin te hi a phu dup2 mai. Ka hmelah a lan vek ka ring.













"Ngawi teh, ka care i ring ami?? I duh leh sawi chhuak la ngatan mah ka tilo. Pawi tihna pawh ka nei heklo." Nui hawk chuan a ti a, a nuih a za ve tak2 in ka hria. "Anih.. Anih chuan min kaltir rawh" bah nak chuan ka ti a, ner nukin "Kanla infiam dawn chauh alawm. Nuam i ti ngawt ang" tiin a thriante awmna lamah chuan a pen phei a, lei atrang chuan thoin an che vel chu ka thlir reng. Thli chu a rawn thaw a, ni pawh a sa thra tak zet. Engvanga hetia min ti nge an nih? "Keiman ka'n tran ang nge" tiin bengbeh beha chuan a ti a, phur hmel zeta nui sawngin bucket kha ala a, midang ho chuan kut an beng tliar2 mai. "Jonathan, dim ve deuh la" Fakawma chuan a ti a, Jonathan chuan chhangloin ka lamah a rawn pen hnai a, ka hma a a din rual chuan a bucket ken lai chu a theh pawp a, ka au thrat. Chirh ka kai nghal vek! Ka mittui chu a tling pam a, ka trah a chhuak tet2 mai. Chirha min theh zawh rual chuan nui hawk2 in kut an beng dar2 a, Fakawma chu a nui nasa sa ah a trang. Ranger ka melh chuan a hmelah engmah a langlo.







- End of Chapter 2 -


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:35 am

ENCHANTING
Chapter - 3
by Calm Bird





Chutia rilru na zeta ka din khawng reng lai chuan Red Notice ho an lo lang a, Rangera te thrianho nui thawm pawh a reh nghal. "Inlo infiam e law? Ka tel ve chak asin" an boss a hmaa ka koh din pa khan a rawn ti a, Rangera thriante ho chu ding ngil atin an hmel an ti nelawm loh nghal vek! Nilo, an hmel a nelawm loh sa a, a hma aiin an la tih nelawm loh belh mai zawk ani! "I rawn kalna hmunah khan heng i ui khawi ho nen hian let leh rawh u, ui hri kan kai palh hlauh ang" Sam vara chuan ati a, an inbiak lai zawng chuan ka ding khur ngawt2.













"Oh! Alan, kan hri hi chu a hlauhawm reng asin. Nangni lo do zawh theih ani bawk silo a" tiin a chhang a, sam vara, a hming Alan chu a insehruh nasa hle a, a kut pawh a hum nasa tawh hle. "Eng nge in rawn tih dawn? Nangni biak hi ka phur vaklo ania" Rangera chuan a ti nghut a, Alana chuan lo chhangim "Ranger, he Kylosa hian eng nge rawn ti se i tih? Kan kut tuar turin a rawn kal anih leh pek hi" Red Notice a an hotu Kylos ti a a sawi chu en ngawt2 in a ti a, keiin an inhnial buai lai chu remchangah lain helai hmun chhuahsan na tur ka zawng a, inchung hnung lam pang kil deuh laiah chuan step sin te hi ka hmu a, Rangera te lam chu en zeuhin dim te, hmanhmawh deuh chuan step awmna lam chu ka pan a, ka chhuk thla nghal zat.















College chhung ka thlen chuan mi'n min en thrup a, kun ngulin library lam chu ka pan a, ka insut leh zeuh thrin. Ka hmai pawh a berh vek a vangin tuman ka hmel an hriat ka ring lemlo a, mahse zak tak ka ni. Midang mit fukna ber ka ni ringawt! Library ka thlen chuan lutin ka bag thrutthlenga ka dah chu ka la a, college chu ka chhuahsan nghal. In hlui zet hnunglamah chuan ka kal a, bang nghengin ka inpet ngawt2. Ka phone ka bag chhunga ka dah chu la chhuakin Sawmtei ka call a, rei loah a la nghal.












"I haw tawh ami? Ka zawng che a ka hmu silo che a i haw tawh aniang chu ka tia ka hawsan che asin" a tih chuan inpet ngawt2 in trah chu ka insum a, ka hrawk ana thei hial! "Hello, Remruat.. ka trawng i hre thei em?" Ka chhan lawk loh avang chuan a rawn ti a, inhnut ri hraihin "Minlo lam thei ang ngem?" Ka ti tham triak a, ka mittui pawh atla nghal zawih2. Hetiang taka inhmuhsitna ka dawng hi rethei viau mahila ka la tawng ngai lo a, la na tak ka ni. Lehlamah chuan ka nihna vek ani ti mahila ka rilru chhungril ber hi ana a, keinin midang inthuam dan kan sawisel ngam loh laia hetia min deuhsawh a, min tiduhdah ngam hi an huaisen ka ti dawn nge an mawl ka ti zawk dawn?














"Remruat eng nge thleng? I trap alaw? Khawnge i awm sawi nghal rawh ka rawn kal ang" a ti nghal sawk2 a, a awah chuan min ngaihtuahna ka hre thei. "College bula inhlui deuh hnungah khan ka awm" ka ti a, a rawn kal nghal tur thu sawiin phone a dah a, ka khup chu tawmin ka khabe ka nghat a, hmalam ka thlir ngawih2.















"Zaninah, dar sawmpakhatah. Durtlang kawngah kan in el ang. A chak zawk chuan a chaklo zawk bike an nei ang" chu aw chu Red Notice a an hotu, Kylos ani. Ka awmna in bul ah an ding khawm tih ka hrethei a, thawk pawh ka thaw thra ngam tawhlo. "A thra e, bike thar lei turin lo inbuatsaih la" Rangera trawng ka hre zawm zat. "Nangni kha lo inring zawk ula a thrat chu, a leina tur cement chawkin va inhlawh nghal la tawk" ti tu chu ka hrelo.
















"Nang angin cement kan chawh a ngai velo tlat. Pawisa kan nei a, duh2 hunah bike te chu kan lei thei. Nang ang a rethei kan ni velo" Rangeran a tih chuan a chapo ka ti takzet. "Vena a tawk" Kylosan a ti a, thawm a ri huk bawk. "Mai2 hian leh" Rangeran a tih treng chhuaih rual chuan thawm a ri pawp2 a, an insual a nih ka ring. Ka phone a massage tone a rik chuan ka en vat a, Sawmtei ani. 'I sawina chu ka rawn thleng tawh a mahse Rangera te ho an insual avangin kala rawn kal ngam rihlo aw, an insual zawh hun kan nghak lawk ang nge' tih hi a ni a, Rangerate ho heta rawn insual chu trullo ka ti tak2 ani. Inchungah te khan lo insual se thra mai tur.
















"In ti mah2 tawh, zaninah tunge champion chu kan hria ang" Fakawman a tih chuan lehlam ho chu an nui hak. An thawm atrang an thra hnem hle tih ka hre thei. "Kal ang u" Kylosan a tih rual chuan pen thawm a ri sang2 a, ka hmai a chirh kai chu ka bag chhunga ka rawmawl lain ka hru fai a, a khir deuh tawh avang chuan a reh har zek. Hruk nachang kalo hre lawk lo atin ni. "Kal ang u" Rangeran a tih chuan an ni pawh an kal darh a, reilo teah Sawmtei a rawn thleng a, min hmuh rual chuan a ka a hup chawt.



















"Rangera te thrianho tih ani tiraw? Awii ka khawngaih em mai che" min buaipui sawk2 in a ti a, ka trah a rawn chhuak leh nghal vek. "Hawh kal ang. Ka scooty hnuaiah raincoat ka dah a, chu2 i ha rih mai dawn ania" tiin ka bag a ak a, keipawh thoin a scooty dahna lam chu kan pan a, kan thlen rualin a scooty seat chu hawngin a raincoat min pe a, ka ha nghal sawk2


















Ka chhungte hriat tir ka duh loh avangin a in lam kan pan a, a nuin dawr a nghak a, a pa officeah a kal bawk a, amah chauhin a awm ani awm e. A in kan thlen chuan scooty a park thra a, a ipte atranga chahbi phawrh chhuakin tala chu a hawng a, inchhung kan luh rual chuan min buaipui nghal sawk2. "Tikhan va inbual la i hak tur ka rawn pe ang che" tiin a roomah min chhoh san a, inbual tura lutin bathrooma an darthlalang dahah chuan ka in en a, ka hmai rawngte chu a uk khurh mai. Ka intleuh lai te chuan ka mittui ka hru leh zeuh thrin a, naktuk a college kal leh ka peihlo nghal ngawih2.



















"Kha sofa a kha i hak tur ka dah kha, thingpui ka lo lum ang che i ril a tram tawh ang" bathroom atranga ka chhuah rualin a ti a, bu nghatin a thawmhnaw dah chu a room lamah ka chhoh pui a, ka inthlak zawh chuan chhukin choka lamah chuan ka lut a, cake alo zai mawlh2. Thrutthlenga thru thlain a thil tih chu ngawi rengin ka en a, ka awmdan a hrethiam nge engmah min zawt lo. Min zawt mahse ala sarhu em avang pawn engmah hrilh loin ka trap char2 thei ang. Min tih dan kha a lutuk mah2 ani! A thriante an kim vek a, college ami ho lahin min en thrup bawk a, thil zahthlak tawpkhawk ani.




















"Kha ei treuh rawh" tiin cake leh thingpui chu ka hmaah a chawp a, ka ril atram leh der tawh bawk nen ka ei treuh mai. "Min hrilh thei reng ania" ka thil ei laia a tih chuan ka che ka tawp chat, lu bu nghatin ka cake chu ka keih a, ka thrial lai chuan ka mittui a luang nghal. "An pawi ka sawi pawh ka hrelo" trap triauh chuan ka ti a, min ngaithla tih lantir nan min melh kar. "Inchung berah min hruai a, a bialnu Christy leh a thriante pawh an kim vek. Chuan Alan an tih pa sam var khan chirhin min theh a" ka sawi zawh rual chuan ka inhnit hlawp2 a, sawi tawh suh tiin ka hnungah a chul a, ka trap uar sauh.



















"Naktuk ah chuan minlo sawm leh la kan in atrang kan inphur leh dawn nia, mangthra aw!" A tih chuan bu nghatin a tlan liam thleng chuan ka bye2 a, inah lutin ka nu eirawng bawlna lam chu ka pan a, iskut alo kang mek. "Tinge in va bang tlai ve a, i thawmhnaw chu khawia mi nge?" Zawhna chu min hmuh rualin min zawt nghal mawlh2. Chair a thru thlain lehkha zir laklawh lai kan neih thuin ka chhang a, a bu nghat2 "Hei chu Sawmtei ta ka ha a, naktukah ka pe let leh ang. Ka kawr ho kha thil zumah ka tai thler alawm mawle. Ka jeans pawh ka tawlhthluk na lamah a bal vek a, a fai thei tawhlo ang" tiin dawt ka hrilh a, ka fimkhur lo tiin min hau leh nghal char2.


















Ka kawr kha chirh a kai nasat em avang khan su mahila a fai theih ka ring tawhlo a, ui deuh chungin ka paih ta ringawt kha a nia, Rangera te hmuh loh turin naktukah pehhel char2 ila a thra ang. Min hmuh chuan min chhaih leh mai ka ring. Ka inthlak tur thu hrilhin ka room lam chu ka pan a, room kawngkhar chu kalhin khumah ka bawk thlawp. An thrian ho ka haw lutuk hi a rapthlak zawk. A bikin an boss Ranger. Zaninah Kylosa te nen eng inelna nge an neih dawn ka hrelo a mahse an chakloh hram ka beisei.




















"Aaahhh ka ning!!" Ka sam tuai thur vakin ka khumah chuan ka tal chiam a, ka haw lutuk tih theih nei bawk silo chu ka thinrim trun mai. Ka kawr thlakin kekawrbul chu ka ha a, inhnuaiah kanu eirawng bawlpui turin ka chhuk thla nghal. "Nu khawnge apa?" Choka a ka luh rual chuan ka ti a, threnawma tukverh glass a kilh sak thu in min chhang a, a maian hih lai chu ka hih pui ve nghal zat. Eirawng kan bawl fel chuan kapa pawh alo haw a, tvah chanchinthar dd news a en nghal. "Chaw ei dawn tawh ila lehkha zir te i duh awm sia" a tih chuan bu nghatin ka thrutna atrang chuan ka tho tharh a, chaw ei siamin chaw te ka khawrh zawh hnu chuan a ei theih thuin ka au lang2 a, an thrutfel hnu chuan ka thru thla ve chauh.

















Anu a trawngtrai zawh chuan kan ei mial2 a, chaw kan ei lai chuan AU pawh thlan tla hluamin a rawn lut. "I rawn ei ve nghal dawn em?" Anun a tih chuan a ril a tram loh thuin a chhang a, a room lam a pan nghal daih. "Chuan eng nge vawiin i chanchin? In school chu a nuam em?" Ka pan a tih chuan ka mood a inthlak nghal vek. Nui lui sakin a nawm thu leh thrian thar ka chhar thuin ka chhang a, thrian chu ka chhar ngei a mahse ka ni hman dan chu nuamlo tak ani.















Chaw kan ei kham chuan kan eina seng felin thleng ka sil a, ka sil zawh chuan ka roomah lehkha zir turin ka chho a, ka rilruah a lang chuang lem hleilo a, mahse ka chhiar luih zel tho avang chuan dar sawmpakhat ka thleng ta tho a, peih tawhloin mu turin ka insiam fel a, trawngtraiin ka muhil nghal.



















"Sawmte ka van lut hreh tak" college bulah chuan kan ding khawm thrap a, kan thrianho kan kim vek. "I hreh viau ami?" Mercy chuan a ti a, ka bu nghat. Engtin nge phur deuhin class ah ka luh theih ang ni? "Science subject ala ve alawm. Class chhungah min tibuai char2 ang nga, ka pehhel theih pawh ka ringlo" ka tih chuan Caleba'n "A tihbuai che chuan i rawn chhuak nghal dawn nia, kan class room i hriat kha" a ti a,, ka thaw chhuak hawk. Peihlo eng ang mahila ka luh tho chu a ngai a, hreh tak tein ka hreh. "Mipakhat vang mai2 in i tih tum thrulh suh, i sawi thrin kha ila hria em?" Sawmteiin a tih chuan ka bu nghat. 'Mi i chuna an sual chuan thratna in hneh rawh' tih ka sawi fo a, Sawmteii an tihduhdah thrin vang ani. Mahse kha chu kan naupan lai, kum sawmpanga mi lek kan nih lai ania, insual pawh a zahthlak loh. Tunah chuan nula kan ni a, insual chu hmeichhia kan ni bawk nen a zahthlak bik.

















"A thra e, ani vanga ka hmahun tur ka tihchhiat hi ka duhlo" thaw hawkin ka ti ta nge2. Dawngi chuan ka dara bengin min nuih seih a, mahse min hlauhthawnpui ani. Ka attendance a chhiat chuan markah an cut dawn bawk si nen class luh ngei2 ka ngai. Ka thriante chu kalsan in kan class room lam chu ka pan a, ka luh chuan a thren an lo awm leh tawh a, Rangera erawh a rawn la kal lo a nih hmel a thrutna a ruak huai mai. Lo kal lo tawp mahse pawi pawh ka tilo, ka lawm zawk daih ang.

















Class kan tran hnu thleng pawn ala rawn lut lo a, period dang kan neih chhunzawm nghal dawn avangin Science min zirtirtu pawh a chhuak nghal a, teacher dang rawn luh leh hma chuan an titi sap2. "Niminah Rangerate leh Kylosa te thrianho an in race kha in hre ve em? A en turin kan kal a sin" ka hmaa thru pakhat chuan a thrutpui nu bulah a ti sa2 a, Daisyi a rawn kal loh avangin mahni tein ka thru. "Hre miahlo, tunge chak? Amah bawk ami?" A bula thru chuan a ti a, a bu nghat. "Kylos lah hian a hneh ngai chuang silo a, ti ila a hneh ve thrin tho. An inchak chhawk ani ber tiraw...? Nizan kha chu Rangera a chak" a sawi zawh rual chuan Rangera a rawn lut a, melh pawh ka melh peihlo. Kan hma ami te erawh an trawng chhunzawm tawhlo a, Rangera lo luh vang ni hmiang ka ti mai.
















"Ka thrutna hi ava paw em2 ve, thir te hi a tuiek tawh anih hi. Nangkha rawn tifai teh" a tih riah chuan alam ka hawi phei a, mipakhat hi kawkin a thrutna tifai tur chuan ati a, a mi tirh pawh chuan hnial ngamlo in a rawmawl chuan a hru fai mawlh2. "Hrep hian, thrutna thar dah a ngai anih hi" a reh theilo nge thinrim zetin a ti a, a thinrimna chu ho ka ti ngang mai. Ngaihsak zawm lohin ka lehkhabu ka phawrh a, ka box atranga pen ka lak chhuah lai chuan Ranger chu ka bulah a rawn thru thla a nih chu!! Class rooma awm zawng2 te chuan kan thrutna lam an rawn hawi thrap a, keiin Rangera chu ka melh nghal haw.
















"I seat ah va thru rawh" ka tih chuan kiai sukin hnai zetah min en a, "Ka thu2" tiin a inla hrang lehnghal vat. Trawng tuma ka an leh zuauh lai chuan zirtirtu a rawn lut a, trawng talo chuan zirlaiah focus tumin ka lehkhabu ka melh lui char2. Class kan lak chhung zawng chuan a che sek a, dawhkan a ben rik loh leh a faifuk a, duh ang pawn explanation ka ngaithla theilo. Ka khak lahin a aia bengchhengin thawm a siam a, chimawm tak ani. Nimina thil thleng pawh kha hre hmel a pulo.















Period a zawh chuan ka inkhung fel a, Ranger chu tho tharhin a chhuak nghal nal2. Class ah a hmingin a rawn thru hi ani ringawt! Engmah lah a ngaithla bawk silo. Canteen lam chu ka pan a, Sawmtei a awmna massage a ka zawh chuan class an lak laklawh thu leh an zawh trep tawh thuin min chhang a, mahni chauhin thil ka ei leh dawn anih hmel. Eitur chu orderin ka ei malh2 a, ka ei lai chuan ka hma ah tak Ranger bawk a rawn thru leh. Melh pawh melh duhloin ka thil tihlai chu ka tihzawm a, min tibuai tura lo kal bak anilo ang. "A man kalo pek sak ang che" ka eizo tih a hmuh chuan a ti a, "A ngailo" ti nghutin thawh ka tum a, ka tho kang uk tawh a thusawi avang chuan ka thru thla leh nghal. "Engmaw i sawi kha?" Thinrim zet chuan ka ti a, ani erawh anui suk2 thung. "Mahni ei man te ilo nei ve thei animaw?" A tih chuan "Nichina i sawi kha sawi thra leh nghal rawh" ka ti fak a, hepa hian hetia min hmusit turin eng nge a pawi ka sawi?















"Ipa taxi ah mi chi hrang2 an chuang a, i pawisa pawh kha an chuan man a nih ka ring. In motor tenawm tur zia chu" a tih chuan thoin dawhkan ka beng pawp. Ka thin tihrim hi a chak zek2 niin ka hria. 'Nangang taxi driver fanuin ei man i neihloh ka hlau a, puih che ka tum mai ania, i pain cheng sawm hlawh tur ringawt pawn motor a khalh ania, chuvang chu mawle' a ti anih kha. Chu a thusawi chuan ka thin a tirim ber. Kapa in ei kan hmuh nan nasa takin nisen sa hnuaiah nisa doin motor chhungah a thru nileng a, a tan hna hnuaihnung ni mahse hmuhsit a phu biklo. Keichu min sawi rawh se pawi ka tilo, mahse ka pa erawh hmer tel ve suh se. Chubakah taxi khalh hi hna hnuaihnung a niin ka hrelo.















"Ipa in a eiru lo ang tih tu ngen sawi thei bik? Tuna i pawisa kawl ho pawh kha black money anih ania ka rin ni. E,, ani thei tak ang a,,, ka kalsan phawt ang che, tikhan i pawisa,, nilo.. ipa pawisa thianghlim lo kha lo hmang la, keiin ka pa pawisa lakluh thianghlim tak a thlan tui luang hiala a thawh chhuah hi kalo hmang ang. Mangthra" tiin ka pensawn a, ka eina man pein canteen chu ka chhuah san a, intih thawven nan tiin kan college sira ram lam, thingkung tam zet awmna chu ka pan a, thawm hriat theihloh na chin ah chuan thingkung nghengin leiah ka thru a, ka phone phawrhin ear phone hmangin hla ka ngaithla a, maimichhing vang2 in ka thaw chhuak ham2.














Ka earphone lehlama ka vuah chu min phelh sak tu an awm chuan ka meng chhuak a, Kylos ka hmuh chuan ka hamhaih ang reng. "Ka trawng i hre theilo a" a tih chuan mit khap fakin "Eng nge ni ta" tiin ka thrut dan ka siamrem a, ka sirah a rawn thru thla ve nghal. "In race naah ka phur i duh em?" A tih chuan lu thing vakin "Teuhlo" ka ti vak a, kiai sukin "Timaw?" A ti a, ka hmui pet sawi zeuhin "In race kher,, ka hlau" tiin ka chhang a, a ngawih vang2 hnuah "Ka chak chuan nuaih khat ka hlawh dawn a, ka hlawh chanve ka pe ang che" a tih chuan a hmel ka en vat. Sing nga amah ka inphurh tir ringawtin ka hlawh dawn tihna ania, mahse tinge kei kher? "Chaklo ta la...? Chuan tinge kei daih2 min sawm. Inhriat pawh kan inhre lo" ka tih chuan min enin "Min hrelo a ka hria che. Khami ni a min auh din ni khan ka rilruah hian i cham reng a, khatia min vin ngam awmchhun ila ni" a tih chuan ka nui suk ringawt. A rilrua ka cham erawh ka inringlo.

















"Awihlo mahla a pawilo. Chuan in race naah chuan i rawn tel dawn nge dawnlo?" A tih chuan bu nghutin "A thra e kalo tel ang. Mahse min pek i intiam ang tiraw?" Ka tih chuan kiai sukin a bu nghat a, bike chuan ringawta sing nga hlawh te chu ka hnial hauhlo. College fee tur a daih a, chumai bakah thil dang pawh! Mahse accident ani ka hlauh tak ber chu.








- End of Chapter 3 -


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:35 am

ENCHANTING
Chapter - 4
by Calm Bird




"Zanin ah kalo sawm dawn che nia" a tih chuan lu thingin "Aih, inhmuh na tur sawi zawk rawh. Ka chhungten an hriat chuan an phal lo ang" ka ti a, bu nghatin "Kalo nghah na tur che sawi la" a tih chuan ka ngaihtuah rauh2 a, Kan veng leh kan in awmna ka hrilh a, kan in bul kawng penga minlo nghak mai turin ka ti a, mak deuh chu hepa pawh hian mi a bully thin an ti a, mahse ka chungah a thra leh em2 ang lawi si. Helai hmuna awmte hi an mak hlawm tak zet.











"Dar riatah lo kal ang che" tiin ka chhan hma chuan a tho vut a, a kalsawn nal2. Engtia inchei tur nge pawh ka zawt lo a, thil sawi chian hma2 a a kal daih chu ka ngei lek2. Pawisa ka mamawh a, kapa service na ringawt chu school fee nen kan kham lo. Ka U lah hlawh nei lo tawk vela inkhel ringawt ania, match a awm te a nih loh chuan pawisa ala lut lo. Inkhelh hi a tuina a ni ve tlat sia, hna dang te ala zawng ve turah ka ngai.










"Ka zawng che lawmm" Sawmtei te nen kan intawh chuan a ti a, ka nui suk ringawt. "Rangera chuan buaina a thlen che em? Engtin nge a tih che?" a ti nghal zung2 a, lu thingin "Engtin mah min tilo. Ka bulah a thu a thawm a siam reng tih loh chu" ka tih chuan a bu nghat a, "A that chu... Eng nga?! I bulah a thu a?!” A auhin a au ani ber! " Amak! Vak2 a che! A thutna a balh vang chauh alawm thil dang engmah a awmlo" a hnunga beng ri thlawpin ka ti a, ka beng na lutuk nge a er zawk mai.










"Lalremruat i kut a rang lutuk!" tiin ka banah min rawn beng ve leh a, amah zawk a pawh chu min han beng nghal a! "Ka chhun zo tawh che anih hi." Melh rum nghek chuan ka ti a, Caleb chuan "Thil kan ei zo tawh a, class neih loh lai2 hian kan ride lawk dawn ami?" a ti a, mipa dang ho pawh chuan an lo yes sap2. "Keiin Remruati kalo phur ang nga, Caleb-a'n Sawmtei. Chuan Puipuia'n Mercy... Hruaii leh Dawngi in in phur bawk ang nga tiraw..? Sawlai hmun zawl deuh ah khan ania kan kal dawn" Mark chuan a ti a, lu thingin "Ka kal ve duhlo" ka ti a, Mercy'n min rawn kuah thlawp in "I tello chuan kan kal lo ang, i rawn kal ve ngei2 a ngai" a ti a.











Ka hnial ve tang2 hnu pawh a min sawm luih tlat avang chuan ka pawm ve ta hram. "Khawi i bag" tiin ka bag chu a bike chunga ka lawn tur chu min lak sak a, aman a hma lamah a ak daih. "Khawi ah sak kher ka ngailo tian ka hnungah ka ak thei tho alawm" ti a ka va ban chuan "Chuang mai2 teh saw min kalsan vek tawh ania, tia ah hi a nuam alawm" nui chung chuan a ti a, kan thian dangte an tlan vek tawh avang chuan hnial loin ka chuang a, a bike a sang chi a ni bawk nen in fit a ngai zaih2 khawp mai.










"Khawi laiah maw kan kal dawn?" ka tih chuan "A hmun kan thleng ang nga i hre mai ang" a ti lang2 a, traffic a zam lemloh avang chuan kan tlan chak fu. "Ehe!" tih leh a ding chik tuarh a, a ding deuh phut bawk nen ka er zawk. "Eng nga tinge?" tih sup pahin ka hawi chhuak a, Ranger-a te thian ho ka hmuh chuan mak ka ti takzet. Hemite hi ka kalna apiangah hmuh tur an lo awm ve hman ziah! "Kan hmanhmawh deuh a kawng min kian thei ang ngem?" Mark-a chuan zaidam takin a ti a, Ranger chu kan lam panin a rawn pen pawk2 thung.










"Chhuk rawh" a tih nghut chuan hrilh hai zetin ka en a "Eng nga?" ka tih chuan "Chhuk rawh ka ti" a ti chang rawt a, min melh ngur bawk nen a hmel a hlauhawm tak zet! "Enteh Ranger, min kal tir teh, buaina kan duhlo ania" Mark chuan a ti a, Ranger-a erawhin min melh ngur thung. "Henu hi chhuk se buaina a awmlo ani mai" ti a min pawm thlak chuan ka rak that. A che thut bawk nen ka inring hmanlo! "Eng thil nge i tih a min thlah rawh!" Tiin ka tal a, ka ban leh lam leh lama a vawn a vang chuan duh angin ka tal theilo thung.








"Thlah nghal rawh." Mark chuan tiin a bike atang chuan a chhuk a, Ranger-a thiante chuan Mark-a chu an man bet nghal. "Engthil nge in tih hi, Mark saw chhuah rawh u" Ranger-a chu melh in ka ti a, engtin mah min chhanglo. "Dam ila duh chuan kal rawh. Henu hi chu ka bulah a awm dawn" a tih chuan phawk zetin Ranger ka melh. Mark chu an sawisak mai ka hlau. "Aih, ka hruai ania, ka rualin a kal ang nga ka rualin a let bawk ang" Mark chuan tal phutin a ti a, Alana chuan a chawnah a pet sak pawp! "Aih aih, engtin mah ti suh u, Mark kal mai rawh. Ka tha a lawm" ka ti nghal bawrh2 a, keimah vanga Mark-a'n hliam a tuar a nih chuan ka in thiamlo lutuk ang. "Remruat..?" A tih chuan lu thingin "Kal rawh, Alan chhuah rawh u" tiin Alan chu ka en a, Alan chuan Ranger-a melhin a rawn a, Ranger a buk tak nghut ah chuan an vawn behna chu an phelh a, Mark chuan min la thlir reng thung.










"I chiang amaw?" A tih chuan bu nghutin "Kal rawh" ka ti a, bike-ah chuan ngaihngam chiah loin a thu a, min rawn en leh zawkin a tlan chhuak nghal. "Nep lutuk" Ranger-a'n a tih chuan thinrim zetin ka melh a, "Min thlah rawh" melh vak chungin ka ti a, kan in san hlaih bawk nen ka dak chho vah mai. "Teuhlo" a tih rual chuan ka tal chiam a, a tha chak lutuk avang chuan tal pawh ka tal chhuak theilo. Rei fe ka tal hnu pawh a min la thlah loh avang chuan ka che tawp chawtin ka thaw chhuak huam2 a, ka sam pawh a thur vek tawh! Min vawnna kut chu kun lawkin ka seh sak vak a, min thlah nghal. "Kawlh reuh lutuk" a ti hluk a, rum zetin ka melh ngar.













"Engvanga chhuk tura min ti nge i nih?" Ka tih chuan a kut ka sehna chu tuai puatin a nui suk a, min en ngur ringawt. Jeans dum thler hnuang a ha a, tshirt dum leh jean jacket pawl tak a ha a, AJ purple rawng a bun bawk. A pian a nalh a, a sang a, a inthuam dan chu a inhmeh vei phian! "Ka hrelo" a tih chuan ner vaka en in "Eng nga!" Ka ti a, hmui pet sawi zeuhin "Ka hrelo" a ti nawn leh. Hepa hian min chhaih kual hi nuam a ti viau emaw ni! "Min tibuai tawh suh, awm pangngai hian awm ve teh" ka ti hlak2 a, ner nanga min melhin "Mipa inphur kual tir du2 thei khan tikhan min ti khanglang lo mai teh." A tih chuan ka sa pup2. Min sawi dan mai chuh! Hmeichhe hur herh tak ang in alawm min chhuah le!












"Nanga awm tha duhlo khan ti khan min tilo zawk mai teh. Tih tur a hriat loh thlak lutuk. Va mu lum rawh" tiin leia ka bag tlakna lam chu ka pan a, chhan nei loin min pawt ding a, mahni a ke a college lam ka pan a ngai dawn! Ka ngei lutuk hi a sama keh bawrh2 ka chak. Ka kut zawng2 hi amah sawisak chakin an za zek2 hialin ka hria! Ka bag chharin kan college panna lamah chuan ka kal a, a thiante chuan kan pahnih che vel an bike nghengin min thlir char2 a, ngatan mah ngailoin ka kal ngaiin ka kal char2. "Khawi" tih leh ka bag min laksak a rual a, hepa ka kham tawh dan hi! A hmelthat tluk zetin a ninawm.













"Min awm tir ve hle2 tehh!" Ti chiamin ka hawi let a, mahse ka bag a dar lehlam chauha akin a bike lamah a pen pawk2 thung! Kawnga kalte chuan min melh leh hrek2 thin ang leh nghal a, zahna bak min thlen ngailo a nih ber hi! "Khawi ka bag" a bula ka thlen rual chuan ka ti thawr a, a bike-ah chuangin helmet a khum fel der tawh thung. "Lo chuang vat mai teh, ka hmanhmawh a nia" a tih chuan a helmetah ka chum pawp. Zawk zamah hian ah! "I hmanhmawh chuan min pe vat ta reng che!" Ka ti vak a, hepa mizia hi chu belhchian fe a ngai a nih hi.













"Anih" tiin a bike chu a race a, chak fe chuan ka bag nen a tlan a nih chu! "Hmelaa!! Ding nghal rawh" ka dinna atang chuan ka au tuarh a, a tlan liam tawh thung. "Ka haw lutuk che!" Ti tan2 in ka ke ka per a, nui ri huk ka hriatna lam chu ka hawi nghal. "Nge i chuan vat mai loh, ke a i kal a ngai dawn ta a nih kha.. Kan phur dawn hlek lo che" nui chungin Jonathan-a chuan a ti a, midang pawh an nui vek! Tlereuh lah chu an inbel vek a, hnar beh, thi, zungbun lian pui2 leh bengbeh! An inchei dan lah chu an kekawr hak a thler vek a, jacket an ha deuh vek bawk. Khawlum nen khua an ti lum zual. Hmeltha mahse kawrlum hak hun an hre hlawm lo a nih hi.










"Kalo thlah ang che pawh ti mahla ka duh chuanglo" ti sakin ka pen hlawk2 a, ka thinrim lutuk chu ka kut ka hum ruh tung mai. Rangera lo let leh lam nen kan in tawk a, ka bag pawh ala ak reng. Hmu lo der hmakin ka pen ngai chuan ka pen a, a bike chu turn in ka rual chuan ka sirah a tlan char2. "Lo chuang rawh" a tih chuan ka chhanglo. A helmet chu a kut lehlamin a phelh a, ka zawn taka tlan ani bawk nen a perfume hman chu ka hip vang2. "Ala hla ania, ilo chuan loh chuan i phone ka vawm chhia ang" ti a ka phone a lek chuan ka ding chawt. "Min pe rawh" ti a lak ka tum chuan ipteah a ak leh daih a, in melhrum vanga thih theih chu nise a thih na a rei tawh ang!
















"Lo chuang vat mai teh, ka vawm chhe duh dawn tak2 ania" a tih chuan thaw chhuak hawkin a bike hnungah chuan ka chuang a, ka chuan rem hma hma chuan chak zetin a tlan a, a kawngah ka kuah nghal chawih. "Tlan muang rawh" tiin ka au lang2 a, awmzia erawh a awmlo. Police in min um emaw tih mai tur ani! "Min kuah nghet rawh" ala ti tak deuh2 a, a speed a san belh dawn tih hria in a kawngah chuan nghet zetin ka kuah a, ka maimichhing char2 bawk. Ka thin a phu dup2 a, traffic police an awmlo nge a duh ang tawka chak chuan a tlan a, ka rilru in kan accident loh nan ka tawngtai malh2 thung.












"Chuan belh ila chak deuh ami?" A tih chuan ka meng chhuak a, college kawtah kanlo ding reng tawh! Kawng kal hote chuan min en hrek2 a, chhuk vatin ka kawr chu ka pawt mar a, "Khawi ka bag leh ka phone" tiin ka kut ka dawh a, ka phone chu a ipte atanga la chhuak in min pe tha ve mai a, mahse ka bag chu hla deuhah a theh phei a nih chu! "Hmela" treu hlara tiin ka melh rum nghek a, ka bag a thehna lam chu thinrim zeta ke per tan2 in ka pan a, ka ngei lutuk. Mipa ve si che chimawm thei lutuk, dak thei si.














Alam chu ka hawi let a, min lo thlir reng, lei chhuah khum zeuhin class lam chu ka pan a, ka phone-a sana ka en chuan minute sawm laiin ka tlai! Hmanhmawh deuha kalin Ranger ka mawhpuh char2 a, ka ngei lutuk hi sawiin a siak lo. Class room kawngkhar hmaah chuan ka ding reng a, luh ka hreh dan chu a rapthlak zawk. Class attend loh mai te ka duh rum2. Ka rilru a insual buai lai tak chuan tu emawin ka kutah min kaiin class chhungah chuan min luh pui a, min kaitu hmel ka en chuan Ranger ani!














Zirtirtu chuan engtin mah min tilo a, zawhna pawh min zawt heklo. Ka thutna thin lamah chuan min kai phei a, class chhunga awm zawng2 chu an phun ser2 a, an mit chu kan chungah a fu thap. Thutthlenga min thut tirin ani pawh ka sirah a rawn thu thla ve nghal a, ka zak lutuk chu ka sa huam2 thei. "Le helam helam" zirtirtuin a tih takah chuan zirtirtu lam chu an hawi ta hram. "Heyy, eng nge i tih kha? Min ti zak lutuk" A bana sikin ka ti a, thinrim si tawng ring ngam bawk siloin ka awm. "Ka pui che a lawm hle zawk rawh" a ti hmuk a, chhan pawh chhang tawhloin ka lehkhabu ka la chhuak a, ka zirlaiah ka focus nghal.















"Vawiin kha Ranger-an engtin nge a tih che a?" Scooty khalh chungin Sawmtei chuan a ti lang2 a, ka thaw hawk. "Engmah, min tibuai a animai" ka tih nghut chuan "An bully leh che nge?" A ti a "Aih, bully chu min bully lo. Ka sawi peih tawh lo, ka ning" ka tih takah chuan min zawh chhunzawm tawh lemlo. "Yess naktuk Saturday school chawlh. Bazar dun ila" in kan thlen chuan a ti a, lu thingin "No money" ka ti a, ner nangin "I ti ve ziah ninawm." A ti nui2 a, ka nuih tawp.
















"Engtin nge ka phone number i neih?" Room kawngkhar kalh chung chuan ka ti a, a nui suk ri bak ka hrelo. "Insiam dawn tan tawh rawh. Dar riat a ri dawn tawh a nia" a tih chuan hre chhuak thutin sana ka en a, dar sarih bak a la rilo. "Ala hma em hi" ka tih chuan "Dar riat rik hmain i sawina hmunah khan lo kal ang che. Chuan Tshirt leh jeans ha tawp rawh, a tawk chiah" a tih chuan ka aw tha mai a, "Chuan ka number chuu?" Ka tih leh chuan "File atang ka en alawm. I buaina a ho lutuk, ka dah" tiin phone a dah a, thaw chhuak hawkin ka kawr hak tur ho chu ka la a, tshirt dum plain leh jeans kekawr tight dum ka ha a, ka tukverh atanga dakin van ka en a, khua a that avang chuan kawrlum ka ha lemlo.

















"Nu! Ka thiannu te inah ka kal dawn ania aw.. Birthday an lawm dawn a kalo haw tlai maithei. Minlo nghak duh su" dil lemlo chuan ka ti a, an aw ve mai. In race naah ka tel dawn tih sawi chi ni heklo. Ka room-ah chuan letin ka bag ka la a, ka phone chauh ka ak thung. Ka room ka chhuahsan hma chuan ka tawngtai te2 a, kan accident loh nan leh dam taka in ka thlen theih nan ka dil a, ka tawngtai zawh chuan chhukin min nghak tura ka tihna lam chu ke in ka pan a, a hmun ka thlen chuan meizial zuin a bike ngheng chung chuan khua alo thlir vang2.












"I thlenna a rei tawh em?" A bul ka thlen rual chuan ka ti a, min melhin a jacket chu a siam tha a, bu nghatin "Kalo call atang che khan tah ka ding tawh" a tih chuan awih lo lutukin ka ner nang a, a vei nuih suk thung. "Kal ila" tiin bike-ah chuan a lawn a, a helmet a khum nghal zat. Ka chuan rual chuan kan tlan nghal ani mai.









A hmun kan thlen chuan kawng sirah an lo phusa nuaih2 a, World Bank road a nih avangin lirthei veivak pawh an tlem a, mihring kal phei chu hmuh tur an awmlo. Hmeichhia, kawr chhing zet2 ha an tam hle a, a thenin kekawr tight uchuak an ha thung. "Kan kim tawh chuan tan ila" mipakhatin a ti lang2 a, hmeichhe pakhat pawnfen chhing zet feng chuan Kylos-a hmaah tak dingin "Min lo phur la" a ti no hnap a, a sam eng zet chu a tenawm lam mah ani. Mahse ka hmuhsit phah lemlo thung. Eng nge a tawn ka hre lo a, hetia a awm chhan hi a awm ngei ang. Chutiang a nih loh erawh chuan a awmherh ve hrim2 ah ka ngai.


















"Malsawmkim! I tel dawnlo tak2 maw?" Mipakhatin a tih ri ka hriat chuan chu lam chu ka hawi vat a, hmeichhe pakhat Malsawmkimi a tih nu niawm tak chuan lu thingin "Ka peihlo tih vawi tam ka sawi" a ti nghut a, hmeichhe vawt tak anih ka ring. A hmeltha reuh phian leh nghal. A sam buang thang te chu a pian pui tih hriat takin a tle siau a, a ngilin a sei nalh bawk. Makeup pawh helai hmuna hmeichhe dang anglo takin a hmang velo! Tshirt dum thawl zet leh jeans kekawr khup tet ang chi a ha a, amah a pian a nalh bawk nen a inhmeh reuh lutuk.















"Ka haw san ang che" tiin a bike ni awm takah chuan a chuang a, a helmet a khum nghal zat. "Anih haw mai rawh" mipa chuan a ti nui2 a, chhang tawh lem loin chak zet chuan a in khalh chhuak a. Kei ai kum khat a a naupan ka ring a, a dik ngei pawh ka ring. Kum sawmpakua ka nih chuan a ni chu kum sawmpariat a ni a, a hmel a khawharna kha ka hmuhhmaih hauhlo.
















"Eng nge i ngaihtuah vung2 a?" Tiin a kut chu a rawn hmet ri khep a, "Engmah" tiin ka ngaihtuahna atang chuan ka harh chhuak zawk. "Kal ila" tiin ka kutah min kai a, nichina a phur dil tunu kha engtik laiin nge a kalbo ka hrelo a, a chhan dan pawh ka hre heklo. "Kha hei hi khum rawh" tiin helmet pakhat hi min pe a, amah chuan min khum tir leh ang lawi a. "Inring rawh ule!" Mipain a tih chuan kut an beng dar2 a, an tha hnem bawk nen thawm chu a tha fu mai. Bike ah chuangin nghet zet chuan Kylos-a kawngah ka kuah a, hmeichhe pakhat kekawr bul chhing zet ha chu kan hmaah a rawn kal teu2 a, a flag a vai rual chuan an phit chhuak nghal. Kan tlan chhung zawng chuan ka thawk leh thawk loh pawh ka hrelo. Ka maimichhing char2 a, mipui au ri ai chuan ka thinphu ri ka hre chiang zawkin a ring zawk.



















A tlan chak dan chu sawi in a siak lo! A kual zawng te chuan lei kan tai lek2 hialin ka hria! A din rual chuan muang changin ka meng chhuak a, Kylos ka kuahna ka la thlah chuanglo. Ka khur titih hialin ka hria! "Kan chak ania, in thlahdul tawh rawh" dam dapa a tih chuan muang changin a kawng ka kuahna ata chu ka in la hrang a, chhukin kawng sirah chuan ka ding a, mipui au ri chu ring tak ani. Chutih lai pawh chuan finishing line rawn thleng an awm zut2 a, Kylos chuan a bike park thain ka lam a rawn pan a, ka thaw chhuak ham2.















"Ka rin aiin phurh i nuam zek" tiin ka samah chuan a chul a, dak vahin ka en heu ringawt. "I hmeltha lutuk" a tih chuan chil ka lem khawlh. "Awhaw! In ngaizawng thar kan nei dawn ta em ni?" Ranger-a aw ka hriat rual chuan ka veilam chu ka hawi a, Kylos pawn a hmel a thlak nghal hlawk. Ranger leh a thiante chu kan lam panin an rawn kal a, an hmeltha zet chu a rorum takzet! "I bike tawng zet hmanni a ka lawhman dawn kha vai thirchhe zawng hnenah cheng sawmin kalo hralh a, i duh let leh chuan chu vai chu ilo zawng chhuak dawn ania" a rawn ti nghal thawr! "Ngailo mai rawh se, hei a thar kalo nei tawh a" tiin Kylos chuan a chhang a, an hmel chu ka en tawn zek2 ringawt.






- End of Chapter 4 -

🌸 Kalo regu ang nga rawn comment regu ve ula tiraw? Comment a tlem chuan type pawh a phurawm loh. Minlo chawk phur ve ulaa....💕


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:35 am

ENCHANTING
Chapter - 5
by Calm Bird






"Kan kal ang nge" tiin Kylos chuan ka banah min kai a, Ranger chuan min kaihna chu a en chhuk nghal run. "Ding teh" Kan pensawn tur chu Ranger-an a ti a, Kylos chu hawi letin "Nang biakna hun che hi ka neilo" tiin min pensawn pui a, a bike lamah chuan kalin min din tir a, a thaw chhuak hawk. "Tinge in insual ziah a?" Ti a ka zawh chuan nui sukin "A hmel sawn ka pawi a sawi vang" tih chauhin min chhang. "Kylos, ka lawmpui a che. Kha i lawmman"mipakhat chu lo kalin a ti a, Kylos-an a lak rual chuan a kalsawn nghal. "Kha i bag-ah khan thun rih rawh. Nakinah kan insem dawn nia" tiin min pe a, ka bag ah chuan chung pawisa tam zet chu ka thun ve mai.











A bike-ah lawnin a helmet a khum a, ka helmet ka tibo tih ka hre chiah. "Kylos, ka helmet kha kan tlan lai khan a tla daih aniang, bike ațanga ka chhuk khan engmah ka khum tawhlo tih ka hrechhuak" ka tih chuan a helmet chhan ațanga min melhin a bu ringawt a, "Lawn rawh" tih chauha min chhan avang chuan engmah sawi zawm loin ka lawn ve mai. Ka thut rem hnu chuan chak zetin a tlan chhuak a, a kawng a kuah lo thei ka nilo a tlan chak lutuk a ka tla dawn hial ten ka hria!











"Hetah eng nge kan tih dawn?" Hmun pakhat a min hruai daih avang chuan ka zawt a, a bike a tih din rual chuan ka chhuk nghal. Tumah an awm bawk silo nen ka ngaih a ti țha lo lek lek mai. "Remruati tiraw i hming kha?" A tih chuan ka bu nghat a, eng êng mah a awm lo a, thla eng in kan hmel chu a chhun êng țawk2 ani ber! "Eng nge kan tih? Haw hma ka duh ania" rei fe kan ngawih hnu chuan ka ti a, bu nghutin a bike a ti nung a, engmah tih tur nei silo chu engvanga min hruai ringawt nge maw a nih ni?













Bike-ah chuan kan chuang fel a, headlight a ti nung chiah tih ah kan bul lawkah bike pali hi an rawn ding a, pakhatin a helmet a phelh rual chuan khanu, Malsawmkimi bawk kha ani. Kylos-a bike headlight-in a chhun fuh em a, a hmai a pem awm niaih chu hmuhhmaih har tak ani. A hmui sir a thi ser2 bawk a, ala naupan nen engtia hetia awm mai2 nge maw a nih le? Kan tlan hnu pawh chuan hawi let meuhin ka en reng a, a bike ațanga a chhuk zawng te chuan a chhelo takzet. "Khanu kha i hria em?" Ti a Kylos ka zawh chuan a hriat loh thu leh ala hmuh ngailoh thu in min chhang a, engmah kan sawi zui tawh lemlo.













Kan innghah naah bawk min drop a, pawisa pek ka tum chuan "Nei vek rawh" tiin chak zetin a tlan chhuak nghal daih! Ama lawmman a nia kei a lo neih vek chi a nilo. Monday ah emaw pe let ila a țha ang. In ka luh chuan an lo mu vek tawh a, sana ka en chuan dar 2 alo pel tawh. Ka room-ah chho tlangin ka hmai ka phih fai a, ka bag a pawisa tam zet chu ka almerah-a khungin mu tur chuan ka insiam a, ka chau bawk nen reiloah ka muhil nghal.















Vawiin chu chawlh a ni bawk a inchhung ka tifai a, ka buai ve viau mai. Dar 2 ah ka insu zo a, ka U pawh inkhel turin a chhuak leh a, a tui bawk a competition a tel turin an rawn sawm ve leh zeuh2 țhin. "Mate, i Nu Hriatpuii te inah hei iva pe lawk dawn mi?" Ka nuin puan polythene-a lo khai pah chuan a ti a, ka bu nghat. A sawi danin a lei dawn a ni awm e. Thoin ka thil pek tur chu ka la a, Nu Hriatpuii te in lamah chuan ka kal nghal. "In awm em?" Tiin kawngkhar ka kik a, an awm thu an sawi chuan ka lut nghal zat. "Hei Nu Hriat i puan tur" ka ti a, a țhutna ațanga thoin ka thil ken chu a la a, puan chu a thlek nghal zat. "Lo ding la pawisa kava la ang. Lo țhu hahchawl rawh i fel si ah" a ti nghal siam2 a, țhutthlengah chuan țhu thlain banga an thil tar chu ka en vel mai2.













"Kha hei aw, thingpui te i duh em?" Tiin zariat min pe a, ka duhloh thuin țha deuhin ka hnar a, in lam panin ka haw nghal. "Waiii, heta hi kan Remruati a awm anih hi... Kan lo thlah haw dawn che mi?" Rawn titu lam chu ka hawi a, Ranger-te thian bawk! Thaw hakin engtin mah chhanglo chuan kan in lam ka pan a, ka hma a Ranger a bike nena a rawn din thut chuan ka phu lutuk chu ka ding deuh chawt. "Lo chuang rawh" a tih chuan ner nangin "Teuhlo, min tibuai lo hian i awm thei lo ami?" Ka ti a, lu thingin "Theilo" ti supin a bike ațang chuan a chhuk a, ka hmaah tak a ding nghal run.














A leather jacket dum leh a jeans dum khup țet chu a inhmeh takzet. Ka hmai zawnah tak rawn kun hniamin "Ka thlah duh che hi lawm zawk ta che" ti a kiai sukin min melh run a, a hnarngul zum sang vaha a hnarbeh chu ka en reng thung. Chil lem khawlhin "Ka duhlo" ka ti a, kal pelh mai ka tum chuan ka banah manin min pawt let a, a chet ran em avang chuan ka let deuh thut ani ber! "Nang hian ka rilru i chawh buai man hi i hmu khawp ang" ti nghutin ka kawngah chuan nghet zeta chelhin a awmah chuan min kuah bet a, min melh chhuk ranin ka mitah tak a mitmeng vawt zet chuan min en a, a mithmul er sang nen chuan a mitmeng rum tak chu a rum belh leh zual.












"Eng nge min tihbuai reng a?" Ka ti ta tawp. Hei lo sawi tur dang ka hrelo. "A nawm vangin, college i rawn kal leh hunah chuan i ni hriat reng tawh tur in ka siam ang" tiin min thlah a, a bike lamah chuan penin a chuang a, chak zet chuan a thiante nen an dawk chhuak nghal.














In ka thlen chuan ka nu chu pawisa ka pe a, engmah sawi tawh lemlo in ka roomah ka chho a, khumah chuan thu ngawi rengin Rangera ka ngaihtuah char2. A thusawi hnuhnung ber 'Ni hriat reng tlak' a tih kha ka ngaihtuah ngut2 a, college kal min ti phurlo zo vek.













Tlaiah chuan kan chhungkua in chaw kan ei a, inkhawm tur kan awm lemloh avangin kan ei tlai ang reng. Eina te kan seng fel zawh chuan sitting room-ah tv kan en a, tv kan en lai chuan ka pa phone a ri a, a chhang nghal vat. An inbiakna ka ngaihthlak chuan zin chungchang vel a sawi a, an hire dawn a nih hmel. An inbiak zawh chuan ka nu'n a zawt vat a, Ngopa a an hman tur thu a sawi chuan in rawlhin "Zaninah maw?" Ka ti a, a bu nghat. "Thawmhnaw lum vel kha inbel tur minlo lak la, puan nuam kha motor vel a chhiat thut emawni taka sin tur khung nghal rawh. Lehlangin ka kal ang nga naktuk tlai emaw zanah ka lo thlen hman ka ring tluan chuan" a ti nghal zung2 a, ka nu chuan a thawmhnaw hak tur te lain a pe a, keiin a pai tur tui vel ka thun sak thung.












"Tikhan petrol in la kawi dawn ami?" Ka nuin a ti a, ka pa a bu nghat. "Petrol a full in ka thun ang nga, sang thum vel ka pai dawn ami?" A tih chuan ka nu pawisa la turin room lamah a lut a, pawisa an sawi takah chuan Kylos-a pawisa ka ngaihtuah chhuak thut. Kalo theinghilh hmin leh țhak tawh. Tikhan pawisa chu nei mahila engtin nge ka chhungte kutah ka hlan ang? Khawi ațanga ka neih nge tih min zawt ngei bawk ang nga. In race na a ka tel thu sawi chi ani derlo lehnghal.












Kapa kal hma chuan chhung inkhawm kan nei phawt a, kan in kawtah chuan dingin tluang deuh a a kal theihnan duhsakna kan hlan a, a motor tlan liam chu kan kawt ațang kan thlir reng. Pawisa hlawh tur chuan keini chuan a thawh a kan thawh a ngai a, kapa pawh tawhsual tawk thei reng ani. Zan zana mi'n an hman pawn a kal duhlo mahila a ngai tho si a, amah a tar ve țan tawh bawk nen insawisel ve zeuh hi a ching a, a ngaihtuahawm țhin takzet.











Inchhungah chuan lutin tv chu kan en chhunzawm a, dar 9 a rik chuan mut hma ka duh avangin ka room lamah ka chho a, mu pah chuan YouTube ka en a, ka bengah chuan Ranger-a țawng ri a thang khawk reng thung. Sana ka en chuan dar sawm lai alo ri leh der tawh a, inkhawm ka duh avangin mutthilh tumin ka maimichhing a, mahse Rangera hmel ka mitthla zel avang chuan ka muhil hleithei lo. Ka thaw chhuak leh hak țhin. A thusawi kha ka rilruah a cham reng a, college sawn daih te ka duh phah.














Zingah chuan dar ruk leh a chanve ah ka tho a, chawbel te siamin eirawng ka bawl a, kanu alo thawh țep tawh ringin thingpui ka chhuang a, ka rin ang ngeiin thingpui a so tawk vel ah a rawn tho a, ka thlit sak nghal vat. Eirawng kan bawl zawh chuan ka U chaw ei turin ka ko a, ala mutui khawp mai. Inzi mar țalh2 in alo thawh tur thu a sawi a, choka a letin ka nu chawei siam chu ka pui a, ka U pawn a rawn luh rualin min siampui ve nghal. Chaw kan ei zawh a kan seng fel meuh chuan dar kua a lo ri der tawh a, room lama chhoin inkhawm turin ka insiam nghal zung2.
















Sawmteiin min rawn sawm a, kan veng a in an avangin kan inkhawm rual ziah a, biakin kalkawng hi kan in lam a nih avangin Sunday-ah bik chuan aman min sawm ziah thung. "Nizanah Ranger-ate an intihbuai leh tawh kha i hria em?" Kalkawwnga kan kal lai chuan a ti a, lu ka thing ner2. "Kylos nen bawk ami?" Ka tih chuan "Aih, tu nen nge ka hrelo mahse, an insual tih erawh ka hria" a ti a, "A awm herh ve ngawt mai" ka tih chuan "A chhungte lawm" fan raih chuan a ti a, a hmel ka en zawk thung. "Eng nge a chhungte chu?" Tiin ka zawt nghal a, aw thian hmasa tetein "Apa hi ExMinister ania, tunah pawh polytics ah ala inhmang. Anu chu office a kal țhin. Apa hian a hnung zui turin a tia mahse Ranger'an a duh lo a, Police nih a chak te kha an tia, ka hre vak biklo. A chhungte hian an nawr lui ve țhin a, chu chu Ranger'an duhloin a runluih an ti" a ti a, khawia a hriat nge ni lehpek tawh ang ni. Ranger pawh police ni duh ve si ah chuan thil sual ala ti char2 a, Police te hmelma angin a che daih bawk sia, hriatthiam a har.














Inkhawm kan ban chuan Sawmteii'n ka thil chah min lam pui rawh a tih tlat avang chuan kein pheikhawk sang nen a sawina ah chuan kan kal a, kan lam zawh chuan haw lamah dawrte pakhatah thil kan lei a, kan thil lamnaah khan kan awm rei ve bawk nen inkhawm bangte pawh hmuh tur an awm tawh lemlo. Lengkawi ho hmuh tur an awm zeuh2 a animai. Bike rawn break ri tuarh kan hriat chuan kan au deuh țhat a, kan hawi chhuah chuan Ranger alo ding ran a, jacket hring duk lampang nalh zet hi a ha a, a jeans dum thler hnuang nen. A țhi lian em2 mai kha alo awrh leh tawh bawk. Sunday day-ah chutia inchei ka ti hmanhmawh. A insualna vang nge a hmui sir chu a pilh a, a mit ko tlangah chuan bandaid a bel bawk "Tunge i hming?" Sawmtei melh chung chuan a ti a, Sawmtei pawn hrilhhai angreng takin a hming a sawi a, Ranger chu chhukin "I țhiannu hi biak lawk ka duh deuh a ilo kalsan mai dawn mi?.... Sawmte" a sawi zawh chuan a kiai suk a, Sawmtei chuan min melh nghal haw. "I sawi duh chuan tikhan sawi mai rawh, kan hmanhmawh tawh" ka tih chuan ka thusawi ngaihsak lo zetin "I kalsawn thei em?" Tiin Sawmtei bawk chu a melh ran a, ka thaw chhuak hawk. Sawmtei pawh chu a kalsawn a, ka hmui pet zeuhin Ranger chu tur zetin ka melh a, a nui suk thung.
















"Kylos nen in in ngaizawng ami?" A tih chuan "Eng nge i tan a țangkaina?" Tiin ka zawt let daih thung. "A țha e, ka tan eng nge a țangkaina maw? Ka hmelma chu a chaklohna ka chhui chiang ang nga, a chaklohna chu hmang țangkaiin ka bei ang. Chuan nang hi a ngaina che niin ka hria a, lo inring rawh" tih zawng sawiin a bike-ah a chuang a, ving zet chuan a tlan chhuak nghal. Min hmuh apiang hian warning min pe ve ziah. Min vo nge min tihțhaih pawh ka hre niaih nuaih tawhlo. Nitin hian hmuh tur a awm ve ziah leh nghal. Naktukah pawh ka peh hel char2 tawh ang. Sawmtei thingkung bula lo ding lam chu ka pan a, eng nge a sawi a tih chuan engmah a nihloh thuin ka chhang a, phone kal tlanga engkim hrilh vek ka duh zawk. Tunah chuan ka rilru ala buai rih em a, thil nilo lo thlengin ka sawi palh ka hlau.













In ka thlen chuan ka inthlak sawk2 a, chawhnu lamah erawh ka inkhawm tawh lemlo ang. Kapa alo haw dawn bawk nen a chau awm si a, a ei duh zawng tui deuh siam sak ka chak. Zan tir lamah daih apa chu alo haw a, chaw ei a kan nghah avangin chaw chu tlai deuhah kan ei a, chawhmeh pawh alo hawn nual mai. A motor ke a chhiat thu leh kawng laka an thlak thu a sawi a, pawi em2 thleng lo a alo let leh chu ka lawm kher mai.




















Zingah chuan college kal turin ka insiam a, ka insiam zawh chuan nizan hmasa a Kylos-a pawisa min pek kha ka hlawh zat tihloh envelopah ka khung a, phone a biak em chu ka hreh vangin ka massage a, a seen ringawta min chhan chuan siloh avang chuan hmaichhana pek ka rawt ta ringawt. Sawmtei nen bawk scooty-in college lam chu kan pan a, a hmun kan thlen chuan gate-a Christy-te țhian ho lo awm khawm laih2 chu ka hmu a, Sawmtei nen kan class a in an loh avang chuan kalsan in building lam chu ka pan a, Christy chuan gate bul ka thlen ruala min dangin elhsen zet chuan min melh a, ka melh let ve kar. "Engvanga Kylos-a in race na a in phur tir nge i nih? I zak miah na nge?" A tih chuan "Pawi a awm em ni?" Tiin ka chhang let a, a țhiante chu melh kualin a nui hak. "Pawi a awm em ni a? Lo hnaih tawh suh. I hria em? Ranger pawh a hnaih theih nan che amah hua angin lem i chang tih ka hria ania, nawm chen i duh viau chuan mipa ka pe thei che alawm" a tih chuan ka tawt nghal up2.










"Nang anga mipa mamawh ka ni velo" tih chauha chhangin class lam chu ka pan a, Zak theilo a tih ri chu ka hre vuai2. Class ka luh chuan ka țhutna lam ka pan a, ka țhutna dawhkana thil lo inziak khat nuaih ka hmuh chuan ka sa pup2. "Eng nge surprise chu a an?" Rawn titu lam chu ka hawi a, rum zetin ka melh. Ka hming leh Kylos-a hming hawrawp chhe zetin correcting pen hmangin an ziak a, chumai bak ah țawngkam mawihnai lo tak2 an ziak bawk. "Kha surprise dang leh" tiin a juice ken lai chuan Christy'n min theh țhawt a, "Zawnga" tih țhawt ri leh Kylos thinrim zeta lo pen lut chuan Ranger-a a hnek sawk a, an insual nghal chu ani mai.






- End of Chapter 5 -


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:35 am

Chapter - 6
ENCHANTING
by Calm Bird



"Zawngsen leh" ti hrawkin Ranger chuan a hnek leh sawk a, Kylos pawn a khawih ve nual mai. Kil khatah ka ding tlawn zuarh ringawt. "Nang hian ka bialnu lo tibuai leh tawh ngai suh" tiin Kylos chuan Ranger-a kawr awma țhamin bangah a nawr bet a, Ranger chuan a hmui sira thi liak zeuhin a nuih suk a, an sang dunin an lian zuarh bawk nen an thawm ana ngang mai.










"Bialnu? Hah, nupui em pawh ala nih loh hi. Chuan minlo thlir rawh" tiin Kylos chu a nam pawp a, Kylos lo inring lo chu dawhkan delh rawk2 in chhuatah a tlu hnawk. Ranger chuan ka ban reka min kai thutin class ațang chuan min pen chhuah pui dawr2 a, ka ban a vawnna a hmer avang chuan ana zek lehnghal. College hnung lamah min pen pui pawk2 a, a tlan in ka tlan ani ber! "Min thlah teh" ka tih pawh chuan min thlah loin a kal zawm char2. Kawta kan chhuah rual chuan min theh pawp a, ka pai deuh khat2. "Eng nge ka lak ațang hian i duh? Engvanga min tibuai reng nge i nih? Eng nge i chungah tihsual ka neih heti fako a min ti tur hian?" A auhin ka au ani ber. A mitah tak chuan ka en kal bawk a, ka thinrim zak bawk si chu awm sep dawr2 khawpin ka thaw chhuak hawk2.

















Kan chhuahna kawngkhar chu kharin a kalh a, chutih rual chuan Kylos ka hmu hman zuai. He Kylos pawh hi ka hrethiamlo. A bialnu angin min sawi zo chiah a, tunah hian min chhan a duh vang nge Ranger sawisak a duh vang tih pawh ka thliar thiamlo. "Eng nge ka chungah i tihsual maw?" Tiin ka lamah chuan a rawn pen hnai a, ka hmaah tak dingin "Zan min ti muhil theilo" a tih chuan ner vakin a hmel ka en a, zan a mut theih loh chhanah min puh anih chu?! "Ka buaina a nih loh chu, i bula awm reng hi ka peihlo ka kal dawn. Hun pawh ka nei heklo" tiin kawngkhar a kalh takna lam chu ka pan a, vanneih thlak takin helai hmunah hian awm ve dang an awmlo hlauh. "Eng nge!" Ka kal pel tur ka ban rekah manin min kuai her lawp a, ka dar tawn2 ah a vuan nghal. "Ka la duh tawk lo ania, vawiin hi i ni hriat reng tlakah ka chhuah dawn ka tih kha" ka mitah tak enin a ti a, nunrawng ti zetin a hmel ka en ngawt2 ringawt. "Hmangaihna i nei ve miahlo ami?" Ka ti ta thlawt. A sual dan leh lutuk hi a turu bik ngawih2.

















"Eng nge hmangaih na chu?" A tih chuan ka en ngawt2 ringawt. "Nangni ang mi hausa chapo chuan in hrethiam ngailo reng ani" tiin min vawnna chuan ka phih thla a, kawngkhar lam chu panin a kalhna chu ka hawng a, ka hawi let chuan min thlir reng. Class lam pan chuan ka kal a, bang nghenga Kylos lo ding ka hmuh chuan ka thaw hawk. Hemite hi hlat ila ka tan a țha ber. Hmulo derin ka kal zawm a, mahse ka bana min vawn chawt chuan ka ding chiang hle. A lam chu ka hawi a, a hmui thi ser2 chu a ngaihsak loh hmel em2 mai lehnghal.

















"Eng nge in sawi?" A tih nghut chuan ka ner sawk. "I tan țangkaina a awmlo, min thlah rawh" tiin ka kut ka thing a, a lu thingin a vuan nghet sauh. "Eng nge in sawi ka tia lawm" a tih leh chuan ka melh rum hle tawh. "Min thlah teh, i hriat a țulna a awmlo" ka sawi zo chiah hnunglam ațang chuan "Thlah rawh" Ranger-a aw in a rawn ti chang rawt a, Kylos chuan a lam a min pawt hnaiin a awmah a taksa si chetin Rangera lam hawi chuan min kuah bet hmak thung. Tal chhuah tumin ka tal laih a, min kuahna a ti nghet sauh. "Ka thu2 thlawk bo rawh" Kylos-a'n a ti a, Ranger a rum nghut. "Baby, engvanga ngaihsak nge maw i nih le? Ti teh kal ang" Christy chuan Ranger-a bana chelh pahin a ti a, Ranger chuan a mit Kylos a melhna a ta la sawnin keimah min melh run a, rum țha tak ani.












"Khawi min thlah rawh" Ranger-a te kal liam hnu chuan tal laihin ka ti a, țha deuh chuan min thlah ve mai bawk. Kal ka tum chuan ka ban ah bawk chelh lehin "Ka bialnu i nih thu kha ka sawi mai2 lo ania" a tih chuan hawi letin "I bialnu ka nilo, nih pawh ka duh lo" tiin min vawnna chu ka thing thla a, class lam panin ka kal a, ka luh chuan minlo en țhup mai. Ka luh hnu reilo teah zirtirtu a rawn lut a, class chu kan țan nghal mawp2. Daisy-i chungchang eng mah ka hre tawh lo a, college dangah a lut pawh a ni maithei. Ka hmuh hunah biak ka tum ruh bur bawk.











Break a nih chuan zung turin rest room lam ka pan a, kawngkhar ka hawn chuan Christy-te țhian ho an lo ding țhup a, hmuh kana toilet-a luh ka tum chuan ka ban ah manin a phih in min phih let a, min vawnna chu ka thing thla vat bawk. "Nangnu hi i zaktheilo kher mai. Kylos pawh duh tawk loin Ranger thlengin i umzui a niah" a tih chuan thle bakin "I tan eng nge a pawina?" Ka tih chuan nui hak in a mitmeng chu a siam lian a, rapthlak min tih hmel zetin min melh bawk. Ka ngawi mai2 tawh biklo ang ka rilru chuan ka ti a, heng ho chhan let dan chu ka thiam ve lutuk. "Hnaih tawhlo la a nimai i hria maw?" Ka awm zawna kawk sawk2 in a ti a, a kut chu ka vai per thla nawlh. "Ka duh2 ka hnaih ang nga in lo sawi tur a awmlo" ti a kalsawn ka tum chu ka samah min kek thut a, ka hnung tawlh dawrh. "Țhiante u, hremna kan pek deuh a ngai anih hi" A tih chuan an zinga pakhatin kawngkhar a kalh rawk2 a, min kehna chu lakthlak tumin ka bei ve țang2 bawk.















"Nang hian min hlau lo ani tiraw? Ka hmuh tir khawp ang che" tiin a țhiante pahnih chu min man turin a ti a, ka ban lehlam lehlam ah chuan min chelh nghal. Chhuah tumin ka tal chiam2 a, an tam em avang chuan ka hneh biklo. "Khaw maw bakcheh kha?" Tiin a kut a dawh a, hmeichhe pakhatin bakcheh a pe nghal zat. "Heng i kawr țhing zet hi ipi ta ami ilo hak? Dawhkan hruknan a țha tawk chiah" tiin ka kawr hma chu a bakcheh chuan a chep a, "Duhtawk nghal rawh!" Ti tuarhin ka ke chuan ka tlawh pawp a, ka kawr a vawn lai a ni bawk nen a tluk zawng chuan ka kawr a thler nghal vek! "Mai2 che hian!" Ti țhawtin an zinga pakhat chuan ka hmaiah min beng thle pawp a, ka beng chu a kiu nghal vung2.













"Thil sual lian tak i ti ani" ti a min ben a tum leh chu kawngkhar an rawn kik a, min ben tumna kut chu la thla riai2 in "Tunge!" Vin zet chuan a ti a, "Hawng rawh, keimah" Fakawma aw in a tih chuan nui sukin va hawn sak ro a ti a, a chhiahhlawh te chuan kawngkhar an hawng nghal. Min man tute chuan min vawnna an thlah rual chuan ka kawr thler bang chuan ka inkhuh a, tawnzau ka hak lemloh avangin ka vun zawng2 a lang thei!










"Engthil..?" Min hmuh ruala a tih chuan ka kun char2. "Infiamna kan lo nei a nih hi" Christy chuan a ti a, chutih lai chuan tu emaw in artui in min rawn vawm a, ka kutah te chuan artui ka kai nghal vek. "Ranger-a'n ti lo tur che in a ti cheu" Fakawma'n ner nanga Christy melhin a ti a, ka rilru na lutuk chu ka thaw chhuak huai2 thung. "Ka thu2" tiin Christy chuan a chhang a, Fakawma chuan min melhin "Chhuak rawh" a ti a, Christy chuan Fakawma chu a chal ti chuar a melhin "Eng nga?! Fakawm!" A ti nghal a, Fakawma chuan chhuak tura min ti leh nghutin a kawr lum hak lai chu phelhin ka darah chuan a rawn bat a, thoin engmah sawilo chuan kun ngalin ka chhuak nghal. Mipa toilet-a Ranger lut tur nen chuan kan intawk a, kal pelh mai ka tum chuan min pawt letin "Engthil nge thleng?" A ti a, a mitah tak enin "I lawm em?" Ka ti sap. Hrilhhai zeta min melh te chuan ka thin a ti rim a, ka mittui a tling pam tawh. "I lawm em ka tih chu!" Ti a au khum tuarhin a awmah ka nam pawp a, a chet phah eihlo thung.















"Engthil nge thleng sawi rawh?" A tih chuan ka thaw chhuak hawk. Ka hrawk a in hnawh tup2 a, țah vak ka chak ber. "I duh dan a ni lawm ni? Hetia ka awm hi..? I sawi dik, vawiin hi ka ni hriat reng tawh tur ani" a tawp lamah chuan keimah leh keimah ka inbia a ni ber! Kalsawnin chhuahna lam chu panin a tlan in ka tlan a, Fakawma kawrlum min pek chuan inkhuh hlunin mittui parawl kuang chung chuan ka chhuak a, miten min en leh enloh pawh ka buaipui tawhlo. Helai hmun hi chhuahsan a engmah ngaihtuah lo a awm ka duh ber tawh. Kawngpuiah chuan dingin taxi ka chang a, ka taxi phar apiangte chuan passenger an neih zel avang chuan ka thinrim țun tawh.












"Ka lo thlah ang che" ti tu chu melh pawh melh duh loin taxi rawn tlan apiang te chu ka phar a, an tlan liam zel tho. "Lo kal rawh" ti a min kaih a tum chuan awm sawnin "Ka mamawh lo che! I hria em, i hmel hmuh pawh ka duh tawhlo." Ka ti tuarh a, a kut lehlama ka bag a khai chu ka hmu nghal zat. "Khawi min pe rawh" ti a chhuh sak ka tum chuan a kut dahsawnin "Lo kal rawh" a ti a, "Teuhlo" tiin taxi tlan chu ka chang reng thung. A duh leh nei daih se hal chhe mahse pawi tihna ka neilo.











"Luhlul lutuk" a tih ruala min pawm lawp chuan ka rak țhat. "Min dah thla rawh!" Tiin a hnungah chuan ka chum pawp2 a, kawngsira thingkung țo tuarhna lamah chuan min pawm phei a, țhutna lo awmah chuan min nghat thla nghal zat. Engtin mah tilo chuan hnuailam ka thlir reng a, ka insehruh țawlh2. Ka țah chhuak lutuk te chu ka hrawk a thip vek thei. "Ka tihpalh" a tih sup ri ka hriat chuan a hmel ka en a, mahse a thusawi ka awih loh avang chuan hnuai lam rang zetin ka bih leh nghal.












"Ka thlah dawn che nia" a tih chuan ka awm ngaiin ka awm reng. Ka mittui chu a luang ngiai2 a, mahni in khawngaihnain min tuam hlup2. Ka inngaihtuah lungpuam țan a, ka inhnit ri hrut. "Lo kal rawh" ti a ka kut a min kaih thawh a tum chuan thing thla in "I bulah ka awm peihlo. Kal bo rawh" ka aw zet chu! Hepa hmaa țah mualpho hi ka duh reng2 lo.











"I kawr kha i thlak vat a ngai ania" a tih chuan"I buaina tur a awmlo" ka ti nghut. Tih ngaihna min hre tawhlo in ka bulah chuan a rawn țhu thla a, inbe lo chuan rei tawk fang kan awm reng. "Lo kal rawh" tho vutin a ti a, en pawh en loin ka awmdan ngaiin ka la awm miah2 thung. "I phone a ri, ka chhang dawn a nia!" A bike chunga chuang chuan a ti lang2 a, a lam chu ka pan ta hram. "Lo chuang rawh" a bul ka thlen rual chuan a ti a, ka phone ka dil daih thung. "Min tih derh a ni maw!" A bike ațanga a chhuk thlak leh chuan ka ti a, rum deuhin ka melh.










"I lo kal phah a a țha daih zawk" tiin a bike-ah chuan min hlang kang thut a, engmah ka sawi ve hma chuan a bike-ah a lawn a, "Țhu tha rawh" a tih sup chuan sawibuai peih tawhloin ka țhu țha a, a tlan chhuak nghal. Khawi lam nge min panpui dawn ka hrelo a, ka kawr hi thlak ka duh tih chiah ka hria! Artui hel rim ka nam huam bawk nen mahni leh mahni ka in ten. "Hei khawilai nge?" In lian pui bula min din pui chuan ka ti a, an in a nih thu a sawi chuan phawk zet a enin "I mawl ami? Min hruai let leh rawh!" Ka ti nghal chul. "Lungngai suh kan awmpuite bak an awmlo." A tih chuan "Chu pawh nise" ka la ti hram. In lam a pan nal2 chuan duhthlan tur dang nei talo chu ka zui tawp a, kawngkhar chu hawngin min luh pui a, a chhung ka hmuh chuan a zau nuam takzet!












A sawi ang tak2 in tumah an awmlo. An awmpui pakhat varandah lama ka hmuh bak ka hmu lo a, inchhung chu a reh țhuap a ni ber. Chukchu pawh vak se a vak ri a hriat theih ang tih tur hial khawpin a reh țha. "Minlo zui rawh" tiin step-ah chuan a chho a, a hnungah chuan Fakawma kawrlum min pek hmanga inkhuh țhain ka zui ve det2. A room niawm takah chuan min luh pui a, engdang ti hmasa lo chuan a wardrobe hawngin a tshirt pakhat a la chhuak a, ha rawh tiin min pe nghal zat.












Hnar thei dinhmuna ka din bik loh avang chuan lain bathroom lam a sawinaah chuan ka lut a, ka kawr haklai thler nuaih chu phelhin a kawr min pek var thianghlim zet chu ka ha a, ka tan chuan a fual ngang mai. Ka kekawr haklai a balh lemloh avang chuan ka hak zawm a, Ranger-a tshirt chu a hmawrah bawkin ka siam rem a, ti hi chuan a pawi vak tawh pawhin ka hrelo. Bathroom ațanga ka chhuah chuan Ranger a room tukverha lo dak chu ka hmu a, inthlah haw tir nghal ka rilruk. A room-a sana a tar chu ka en chuan dar hnih lai alo ri tawh. College pawh kal chhunzawm loh law2 ka rilruk a, kal chhunzawm pawh ni ila class kan nang hman lo ang.











"I ril a țam em?" Ka lam hawi a a tih chuan ka bu nghat. Nui sukin room ațang chuan a chhuak vut a, ka zui ve nghal vat. Choka a min luh pui chuan hmeichhe pakhat hi alo awm a, chunu hnenah chuan eitur siam turin a ti a, hmeichhia pawh chu a che nghal sawk2. "Lo țhu la" a tih sup chuan chair pawt chhuakin ka țhu thla a, ka hmaah a țhu ve ran. Coffee leh pasta vel a rawn chhawp chuan lawmthu ka sawi sap a, Ranger erawhin coffee chiah a in dawn a nih hmel. Eitur chu ka ei nghal mial2 a, ka ril alo țam hman viau mai.












Eitur siam tunu chu puanpho seng turin a kalsawn a, Ranger nen chauh chuan chokaah kan awm. "Ka duh che" ka thil ei laia a rawn tih thut chuan ka thil ei lai ka hak a, ka khuh nghal bawrh2. Coffee chu ka tlak pap a, a sat lutuk avang chuan ka lei a kang nghal. "Fimkhur rawh" tiin tui min thlit sak a, la in ka in nghal khawlh2. "Min bum tum reng2 suh ka awihlo a nia, nang ang play boy hi chu ka hre chiang lutuk mah mah cheu" ka tih chuan a chal ti chuar in "Play boy..?" A ti sup a, play boy nih chu a duhloh hmel viau mai. "Aw ni e, play boy. Khang zozai ka chunga i tih hnuah ka rin che beisei suh" ka tih chuan "Ka duh vang reng che in a lawm khang thilte kha ka tih. Ka ngaihtuahna ațang hian ka paih bo theilo che a, chuvang chuan ka hua che. Mahse tunah chuan a chhan ka hrethiam tawh" a tih chuan ka ner vak.











"Naktukah kan inhmu leh dawn nia" bike ațanga ka chhuk rual chuan a ti a, nui sukin a tlan liam nghal. Ina ka luh chuan ka nu'n eirawng alo bawl ve mek a, ka room a chhoin ka bag chu khumah ka theh thla hnawk a, inbual turin bathroom-ah ka lut nghal. Ka inbual zawh chuan ka awmhmun kawrin ka inthlak a, ka khuma Ranger-a kawr ka dah chu ka en vang2. "Min bum i tum em ni?" Ti supin a kawr chu ka la a, hanger ah chuan khaiin ka thawmhnaw khai naah chuan ka khai tel ve a, min duh thu a sawi hma zawng kha chuan a sual tak2 lo turah ka ngai a, mahse min duh thu a sawi khan ka chiang ngam tawhlo.













Inhnuaiah chhukin ka nu eirawng bawl chu ka pui a, kapa service alo haw chuan a inbual na tur tui lum sak vatin a chapal ka pe a, tv-ah animal planet en in a mu thluang duai. Chaw kan ei fel zawh chuan lehkha zir turin room-ah ka inkhung a, dar sawmpakhat ka thlen chuan duh tawkin Sawmtei call ka rilruk a, college a kan inhmuh mang ngailoh avangin thil thleng pawh ka hrilh hman ngai meuh lo. "Hello, tinge i va in duh ve tunlai hi. Vawiinah ka zawng che lawm" a tih chuan thil hrilh tur ka neih thu ka sawi a, englam nge ti a min zawh chuan Ranger-a chungchang a nih thuin ka chhang a, a phul nghal hlut.












"Mahse Christy nen an ni loin ka hria, Christy zawk hian a zar reng a, mi zingah a in ti neitu a, chuvang chuan in ngaizawng than in an thang. En chhin phawt la a fel viau chuan i yes dawn nia" a tih chuan ner vakin "Ka duh thu ka sawi loh kha. A thil sawi ka hrilh mai che lawm" ka tih hlar chuan "I duh vat ang, keipawn ka duh ve tho. Mahse ka kian ang che" ala ti hram. A nilo loin min puh nghal ringawt! Rei fe kan inbiak hnu chuan kan inbiakna chu kan ti tawp ve ta hram a, mu tura insiamin ka mut fel meuh chuan dar sawmpahnih a ri tawh.













Dar hnih a rik dawn pawh chuan Ranger-a thusawi vangin ka che sek a, min tih mutthilh theih loh phah. Ka phone a massage tone a rik chuan ka muhil thei chuanglo tiin ka phone ka en a, dar hnih a ri chiah2. Massage ka en chuan number lawng ațang ani a, ka hawn rual chuan Ranger a ni tih ka hre zawm zat. 'Keimah, Ranger... Tunge i hmangaih?' Tih hi a rawn thawn a, a sawi awmzia ka man loh dan chu pui tak ani. Tunge ka hmangaih? Ka chhungte tih ka rilruah a rawn lang nghal a, mahse a zawhna chu chhungte lam a ni in ka hrelo. Mipa leh hmeichhe inkar anih ka ring.













Ranger-a zawhna 'Tunge i hmangaih?' Tih chu zing thleng ka ngaihtuah a, mut pawh ka muhil lo. Peihlo zet chuan ka tho a, sana ka en chuan zing dar ruk chiah ala ni. Nizan ka mu mumal lo nen ka mit chu a kham thum a, men pawh nuamlo tak ani. Eirawng ka bawl hman a vang chuan ka bawl leh te2 phawt a, ka bawl zawhah college kal tur chuan ka insiam a, ka hman meuh chuan a tlai leh duai tawh. In ațanga ka chhuah chuan Ranger a bike nena lo ding chu ka hmu a, mak tizetin ka en reng. A kut vai zeuhin a nui suk a, hepa hi engtia tih chi nge ni ang? Min fiam kual a nih chuan a chaklo ang. Nilo, min fiam mai2 zawk ani. "Hetah eng nge i tih?" A bul ka thlen chuan ka ti nghal tawng. "Ka bialnu ka rawn lam dawn che" a tih chuan ka ner vak.







- End of Chapter 6 -


(Ranger hian a duh tak2 nge play a tum ni ang le? Eng nge in rin dan?)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)