They Call Me Psycopath by Euricka (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: They Call Me Psycopath by Euricka (Completed)

Unread post by Ngaia » September 4th, 2022, 11:48 am

They Call Me Psycopath


Chapter 13:



Vawk chaw kan pe zo a,in ah kan in zui lut chu ka nu'n min lo be nghal a.Chhan pawh ka chhang ṭha peih lo.Ka u vawk ho vangin ka mood a chhe vek.Vawk chaw min chhêm daih tir ve kher kha a ṭûl lo ve eee.Ka chhêm nasa lutuka ka hmui te hi a kawh vek in ka hria.


Chaw einaah ka u chuan zanin K.Ṭ.P Night a nih thu leh an drama chan en ve turin min sâwm a.


"Zan tin hian zir tûrin i chhuak ve ziah a,drama channaah ka hmuh leh siloh che chuan i châk lo viau ang"ka nu'n alo ti.



"Dolly rawn kal ve duhna rilru i pu kha a lawmawm e,mahse rawn kalloh i tan a ṭha zawk"alo ti vei hmak a.



"Min bum tawh dâwn lo,ka rawn en dik dâwn che"ka nu chuan a ti leh.



"Ava mak e âw,i fapa hian ka bum ngai lo che,vawk leh ar hralhna pawh a bu ah chhinchhiah thlapin ka pe ṭhîn che min rinhleh fo avângin cheng 10 in ka belh ṭhîn bawk che"ka u in alo ti zung2 a.A dang te hi a nal ania,mipa zawk si hi.Ṭhenawm a rawn awm thar te pawhin debate Lalpa an tih hial kha.



"Cheng 10 i eiru ziah reng alawm"ka nu pawh chuan alo la chhang ngar2.Ka pa nen ngawi rengin kan in melh leh zeuh ringawt ṭhîn.kan bul ami te lah chu an inhnial peih si,a chang phei chuan naupang in hau te an ang lek2 zel.



"Rawn kal tum buai lo la animai,min hmu duh ṭalh anih leh,Tinkeri i video call dâwn ania"a lo tih san leh daih.



"Chaw ei chhûng tal te hi chuan insum ve deuh ula,in nun chhûng zawng debate in bei ngar2 zêl a,lu in ti hai" ka pa pawhin alo ti ve ta nge2 e.



Pa ber a ṭawng chhuah takah chuan kan ngawi ta ṭhap mai.Dawhkan hnuai lamah an debate chhunzawm aniang,a ri leh chawrh ṭhîn a.Ka nu pawh mahni fapa te khing ut2 ala ching hi sim vat sela a ṭha ang,a fapa hian a zah lo lek2 lam tawh chu anih hi.


Thleng sil pahin ka u chu a faifuk leh rût2 tawh a.A piahah fridge kalo ti fai ve mek bawk."Zams,ila insiam nange?"Zarzoliana aw ka hria chu ka hawi chhuak rang kher mai.



Kawr var fual,a hlui tawh tih hriat takin a tlang ṭhuina te chu a peh nual a.A kawr ban arh zet mai ha chuan kawngka bulah alo ding a,ala khi sung zui.



Ni e,chhum zing lemah a ṭâng dâwn a, secondhand kan thin pui khan chutiang lam chi kawr kan hmu zo lo anih kha.A nu kawr hlui a rawn hai chhuak ani ngei ang.



"Insiam lawk tur anih loh kha,a hmunah kan inthlak dawn alawm"ka u chuan alo ti pawr hle.Pakhata lah chuan "tihian a awlsam mai alawm,ka zâm chhe nghal vek tawh,tlân bo mai chi"alo ti thawp sup a.



"Pheikhawk dang a awm lo em ni?"chek hlak chunga ka u in a ke lam a en chu kalo hmu ve hauh lova.Ka'n en chiang chu Alladin pheikhawk hmawr er tân mai alo bun,ka nui chhuak hawk.



"Lo kal teh in thlak leh phawt la,a hmunah kan in siam ṭha dâwn ania"tiin ka u in a roomah a hruai lût nghal zat a.



Ka thiltih lai chu ti zo in,ka nu te bulah tv en in ka ṭhu ve rân a.Ka u te lo chhuak leh chuan kal ve ngei turin min duh sia.Min tih luih tak tlat avang chuan ka pa pawhin "boruak dang dawn ve te a ṭha alawm"tiin kal turin min râwn ve ta tawp.



Ka nu erawh chuan ka u te thiltih tûr chu ala awih lo fan a."Ka kal ve loh chuan ka awih lo" ati tlat mai sia,ani pawh insiam tûrin room ah a chho ve ta kha ania.Ka nu nen kan ṭawiawm dawn anih ber chu.



Thani pawh ka sâwm ve bawk a,a kal tawh thu in min lo chhang.Ani hi chu hma ṭhang tih takah tlai lutuka kal hi a thiam ṭhîn lo.



Kan in zui chhuak ve dam2 hlawm a.Kan hnungah ka u te pahnih an awmdan tur in hrilh nawn in an phun sur2 bawk a,an che chhia ang tih mawlh ka lo hlau.



Kohhran hall kan lut chu an lo tam ngang mai a.Ka u te group ṭhutnaah kan ṭhu ve tawp.Kohhrana in hman vak hi College ka zawh hma chuan chhûng te pawhin an rem ti chiah lova,kei kalo phur chiam bik lo nen.K.Ṭ.P thil tih naah pawh ka lang khat ṭhîn khawp mai.




Programme kan ṭan a,zai te pawh an zai ṭha in a hla thu ah ka lo cheng fal ṭhîn khawp mai.Ka u te hun a rawn in her a,ka u chu bar lemah a in theh ṭhil nasa khawp mai.A kawr hak a tawngchham bawk nen,a boxer kan hmu fua2 reng mai.A palian bawka,a sek ṭha bawk nen mipui lawm a hlawh ngang aniang,thawm a ṭha teh e.


Zarzoliana pawh sad scene ah rawn lang in,chhum zing tih a hnunga in ziakin a rawn ding chhuak ve a.A kawr hak chu a bal deuh nge mawni a mawng leh a zak a hiat tawn sek bawk a.Sinus a nei tel aniang,a khat tawkin a hahchhiau reng bawk a.A boruak ah min ti cheng lo zo.



"Thildang ti turin an chhuak dawn emaw ka tia,an lo fel ve anih dawn hi"ka nu chuan a rawn ti ru sur2 a."Fapa fel tak i neih hi,duat viau rawh"tiin ka lo chhang let.A lawm ve ngang aniang an thla alo lak sak nasa em mai.



A tawpa zai ho kan neih pawh chu ka bula ṭhu hi a nuam ti ber2 ah a ṭang a.Light an off a phone light a chungah kan lek fâr hlawm a,hetiang boruak dang hi dâwn fo a ṭha phian ang.Inah ka tawm im lutuka mi ningkhawng ka man lo lutuk ṭhîn a,tlema in tih thawven ve deuh chang te hi nei ṭhîn tawh ila a ṭha viau ang.


Tikhan K.Ṭ.P Night chu kan hmang zo ta der a.An refreshment te pawh a pangngai viau e.Ka u te nghak pahin ka nu nen an refreshment sem kan lo ei lai chuan Thani leh Marovi te kan bulah an rawn ṭhu ve a.Ka lock up riah chungchangte kha an lo hre ve aniang.Thani sawidan atang chuan Kan kohhran ṭhalai ho chuan ka lam an ṭan thu a sawi ve nual bawk a.Ka nu in lo tuihnih in ka nih loh zia alo sawi ve bawk.Kei erawh ngaihtuah chhuah ka duh tawh lo nen,ngawih ka chuh ta zêl a.




Ka nu phone a rawn ri a,"kan haw tawh mai dâwn em ni?In leng ka nei a"a ti nghal zât a.Tun ang dar zata in leng neih chu an pawimawh viau anih hmel.Ka u te pawh nghak tawh lo chuan kan haw ta a.


In kan thleng chu,ka rin aiin an lo tam.Kan veng VC pawh alo tel ve a.Roomah pawh lût tawh lo chuan sitting room lamah chuan kan ṭhu phei ve ta nghal a.



"Saizam,Amawitei chhûngte kan nia,kan fanu thihna avanga i tuar ve kha pawi kan ti tak zet ani.Vengchhungah pawh a chhe zawnga sawina i dawn hnem phaha a pawi kan ti tak zet ani".Tiin ka hmaa ṭhu patling chuan a sawi a.Inah ka tawm leh lutuka veng chhung ami te pawh hriat loh ka ngah mai.Tuna lokal te pawh hi kan VC tih loh chu ka hriat zawng an ni lo.


Ka pa chuan lo chhang in,"Ni e a zialo khawp mai,kan fanu,a tual leng lo ber rinhlelh a kai kha keini pawh kan lu a hai khawp mai a.Mahse hei thudik chu a rawn lang a,keini lam chuan ka ngai dam vek che u ania.In awm tih nawm loh phah suh u" a tih chuan ka sawi tur hre bawk silo chu ka lo bu leh nghut2 ringawt a.



"In in hawi zawng pawhin ka nau kha a mut kan phal tawh lo"kawngkaa rawn lut chiah ka u chuan a rawn ti nghal pung2 mai.Zarzoliana'n a rawn zui lut bawk a.



"Rinzam,sawi awm leh awm loh te hre rawh"tiin ka nu chuan alo khap nghal."Sawi awm ka hria alawm,ka ṭhianpa phei chu awm lo se,in tan tîr daih ang chu"ati leh pung2 a.A pawr zual sawt emaw tih tûrin,chhân leh in ring rân in a in kuang kuah ṭha leh a.



"Detective ka ruai i tih kha Zarzoliana hi maw?"ka pa chuan alo ti ve.Mak an ti ve tho ang,a nihna an hriat chian vak bik ka ring lo.


Inti thei fahran hian a ṭhianpa kuah chungin a lu lo bu nghut.



Kan debate Lalpa a rawn tel takah chuan puitling ho pawhin sawi tûr an vai ṭan aniang,a reh ṭhap mai.



"Ni e,detective khan thil awmzia te a chhui chhuaka,ni lo se chuan lo ngai haw lo ula,Saizami hi kan ringhlel ve hman lek2 a.Video kan hmuhah lah khan a nam thlâk hi a ang ve sia"naupang tê nu ni awm tak a rawn ṭawng chhuak leh a.



"Kha video kha en chiang ula a ṭha tur,hei hi alawm,hêta in lu bur chhûng a awm in kal kha in hmang ṭangkai ṭhîn lova.Ka nau in a nam thlâk lai a lang lova,chhan a tum a a ban lai zawk anih kha lang"chek hlak chung chuan ka u in alo ti zawm leh zat.Lu bur chhûngah kal a awm ngai reng2 amawni!!



"Rinzam room ah lo va awm ru"ka nu'n alo ti vat.Pawimawh a in ti deuh nge mawni,a che sawn duh ṭhak lo.


"Engpawh chu nise thudik a lang vek tawh a,kan lo thiam lo hul hual ani.In mi hriatthiamna kan ngen mawlh2 e"tiin VC a rawn ṭawng chhuak ve a.



"Ni e,in rem takin awm tawh ang u.In naute in chân pawh kan tawrhpui lutuk che u ania"ka pa chuan alo ti dam thluam a.Thingpui te in ho in,inrem taka awm zêl tûr a in be rem in kan in thlah liam ta a.


Ka pa chuan Zarzoliana haw tur chu a chelh a,an ṭhu kawi leh rih a.Kan thubuai chungchang a chin fel dan te zawtin an titi leh rih a.Ka u ṭawng bak kan ngaithla leh dawn lova ka hriat avang chuan room ah ka luh san daih.



Ka in thlak zo a,phone khawihin ṭhian ho group ah ka lut leh a.Seni bialpa thar neih chungchang an lo sawi mek chu zâwm ve in,kei a nei ngai lo ber hian tihdan tur te ka hrilh ve e ka tia."I suangtuahna thil kha rawn sawi sek suh,a taka i tawn hunah chauh i thurâwn chu approve chauh ani ang"min hrechiang tih takah Chhemawla chuan a rawn ti nghal zât a.Kan hlim hlawm viau e.



Hruaizela video call a rawn lut leh a,peih lo tak chungin ka la a."I hmel lo ti lang chiang la,inhmuh a khat sia"a rawn ti a,ka hma zâwnah phone chu dah in,"tikhan a chiang tawh em"nui sang chuan ka ti a."i kut pahnih rawn tilang la"a ti leh,zanin chu engnge maw a hriat ni.Eng sawi lo chuan ka kut pahnih chu ka ti lang leh a."Awle a ṭha e,midang angin ilo in zai ve ang tih ka hlau a"a rawn tih chuan ka chiang ve chiah.Mi tamtak chuan an rilru a nat leh harsatna an tawha an manganin an kut blade in an zai ta ṭhîn a.An huaisen hi ka tia,keichu chawhmeh channaa ka in tih pem hlek pawhin na ka ti ania.Ban zai chu a ngamin ka ngam lo bur.



Kan inbiak reng lai chuan a hnung lama a room mate khum lo siam ṭha mek ka hmu a. A chet phung hi hmeichhia a ang ka la ti tlat."I room mate chu ava buai awm ve a"tiin titi dang ka vawrh a.A room mate chungah hian ka dilchhut tih a hrethiam angem âw?



"Lo be ve la"nui sangin a room mate chu a biaa.A Biak dan te thleng chuan ka beng a ti vir leh zual.



"In2 ngaizawng em ni?"ka ti chhuak ta tawl mai.A rawn nui hawk a,"i ṭhianpa hi min va hrechiang lo ve,an pui ngaizawng chi ka nih loh hi"a ti ve mai bawk a.Mahse rei lo tê kan inbiak chhûng a a room mate a en dan ka hmuh hian ka ngaih a ti ṭha thei thlawt lo.Ka suangtuahna ka kawm nasa lutuk te pawh ani maithei ani.



"I nei tawh em?"tiin zawhna min zâwt ve teh mial a.Nei lo ka tih chuan ka zawhna avâng khân ka thik ah angai ang tih ka hlau bawk si nen,"nei e"tiin ka chhang ve tawp.Ka lungphu a ri dup2 in ka hria.



Ka ngaihbel mai2 nge,a mitmeng chu a dang deuh in ka hria rei lo tê chhûng kha chu."Wow ava ṭha ve, keipawn ka neia,nakinah ka la hmelhriat tîr ang che"a tih chuan ka nghilh dup thei.Kei hian ka ṭhian pa chungah hian feelings ka lo nei ru reng nge,ka ṭhian anih na aṭang tu emaw in min lak sak ka hlauh vang zawk?Kan kawppui te ve2 inhmelhriat tîr tura in tiam in kan in mangṭha a.



Phone dahin ka ṭhutna aṭang ka hawi chhuak chu,ka room kawngka bulah ka u leh Zarzoliana te'n in kuangkuahin mûk deuhin min lo en ngur anih chu."Min ti phu alâwm"ka ti chiam ringawt a.Che sawn miah lo hian,"Tumaw i ngaihzawng chu?"ka u chuan seh chilh deuh hian a ti a.A bula ding Zarzoliana a lo bu nghut.



"In ninawm,ka nei lo"ka lo ti hlar a.Ka ṭhutna ah an rawn phei a,ka bulah chuan in kuangkuah reng chungin an ding leh.



"Tuna i ṭhianpa bula i sawi zawh chiah kha,tu i sawina nge?"ka u bawk chuan ati leh.Ka sam ka tuai puat a,hmui seh zeuhin."Dawt anih kha"ka ti zawi sap.



"Huizz i nei lo tak2 tihna"ka u bawk chuan ati leh.Ka lu ka lo bu nghat a."Ka duh emaw a in tih ka hlau a,tikhan ka sawi tawp anih kha"ka ti leh tawp.Ka u bulah hian ka in zêp thei thlawt ṭhîn lo.



"Inhmelhriat tîr te in sawia,keimah min hmang dâwn tih na em ni?"ka u bawk chuan ati leh.Ni tak,tunge ka hman tâk ang?Ka u hi chu a hrechiang ve sia,a awih dâwn lo hul hual.



"Nang te chu a hrechiang che alawm,ngatinge khang kha kalo sawi le"rilru hah zet chuan ka ti a.


"Don't worry,your superman is here"tiin a bula ding Zarzoliana chu a kâwk a.Ka meng phawk chiang teh asin.


"Kei,keimah maw?"Zarzoliana'n alo ti."A teuh hian a hnai lo,kal teh u in ninawm"ka ti bak hlar mai.


"Come on Tinker,ka ṭhianpa hi legend ka tih tawh kha"a tih leh pawh chuan ka la pawm thei chuang lo.Hetiang anihna dik tak hriat har ropui si hi lem chan puiah pawh ka duh lo.



"Min hman duh chuan a pawi ka ti lo ania"alo ti ve khauh.Avan mawl tak,Tlangval ṭhan kin uai tawh si,Engtinnge kei a bialpa lemah chuan chan a duh theih zawk?Ka u hian a thluak a suk sak vek tawh anih hi.



"Midang ka zawng mai ang,tihbuai che ka duh lo"tiin ka hnar ve tawp.


"Ti chhin ila,min ti buai nge ka ti buai zawk che kan hre mai dâwn alawm"atih leh takah chuan "thlakhat"ka ti ve ṭhuai.Risk ka la ve tawp dâwn chu ania,he mi mawl bulah hian ka dam khawchhuak zo ange maw?



"Zanin aṭang kan chhiar nghal ang"ka u chuan alo ti vat.He pa hi engtinnge alo phur em2 theih zawk le.A vawk sensitive tak te khuan a thluak an ei khawro zo tawh ani ngei ang.



"Deal"tiin Zarzoliana chuan a kut a rawn phar chhuak a,ka u in lo zâwm ve vat in,keipawh ka phar chhuak ve ta nge2 a.



"Lawk in ka'n chhinchhiah lawk ange,Zanin aṭang hian Thlakhat chhûng Tinkeri leh Zarsa te an in ngaizawng"tiin a phone a a note ah chuan a chhinchhiah vei thlap a.Mahni nau te ngaihzawng tur a hmehbel ringawt.



"Ka va haw tawh ange,ngaihzawng ka nei tawh bawk sia,inbual ngun angai"tiin Zarzoliana a haw nghal.A tak2 angin a ngai ang tih chu ka hlau hle.



Mut tûmin ka in sil fai a,bawnghnute ka in leh a.Ka earphone vuahin,Flight mode on ka tum chiaha.Ka phone a rawn ri.Zarzoliana ve teh mial chu,phur vak lo chungin ka la a,"Ka Tinker te tukverh lo hâwng rawh le"a rawn ti ta mai.Mi mut chhuah tawh nen kan deals siam chu a bei lungrun ang tih ka hlau tak2.



Tukverh chu ka hawng a,an in leh kan in inkârah hian step a awm a,ka room tukverh bul lawkah hian step chu a awm."Engnge i tih dâwn"miin an hriat ka hlau bawk si chu zawi tein ka zawt a."Kan inngaihzawnna lawm nân ka awi dâwn che"alo ti hmiah.A kut a beng thuak a,a ṭingṭang pawm lai chu perh in,ka mitah min en chungin,"Mahte'n e tinkim dawna ka len laiin;Hriat loh sakhming hmelṭha kalo tawn che a;Ka vei reng ṭhin che thinlai ah;Nang ang renga hmangaih hi;Ka tawng ngai lo he lei chin ah;I zûnzam ah dâr tui angin ka luang ral ta.(in sak pui chiang mai😆)



A thu nawn a sak rual chuan ka u in a room tukverh atangin lai tawkin part alo pe.Kan van chhangchhe ṭhîn tak.



Tihian kei Saizampuii,vawikhatmah ngaihzawng ka nei ngai lo hian,A lemin ka nei ve dâwn ta der chu ania.Ka suangtuahna ang chiaha hmelṭha ala ni zui.A chhaw ve deuh tih mai loh chu,sawiselna tur ka hrelo.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:49 am

They Call Me Psycopath


Chapter 14:



*"Ka fanu"ti a min koh ri ka hria a,tumah ka hmu lo.Min ko tu ngai bawk chuan,"ka fanu"a rawn ti leh.Ka hmaa darthlalang chu ka bih chiang a,darthlalang chhûng aṭang chuan "ka fanu"a rawn ti leh.


"Nu"tiin ka ko nghal a,ka hmaa darthlalangah chuan min hringtu ka nu hmel a rawn lang hlawl.A nui sâng a,ngainatawm em2 hian min en bawk a.Darthlalangah aṭang chuan a kut a rawn phar chhuak a,a kut chu ka vuan nghal vat.



Min vuan nghet sauh a,Thing zâr buk deuh hnuaiah ka lo awm leh daih a.Zan ani a,a hmun chu a reh ruih bawk.



Mipa rual nui thlêr duar2 chuan ka beng a rawn luah leh a.Thing zâr buk hnuai aṭang chuan pen sawn in.Thawm awmna lam chu ka pan a.


Mipa lo awm khâwm ṭhutna ka thleng hlawl a,fiamthu thawh an awm emaw tih tûrin za tak hian an lo nui hlawm a.


A kar awng aṭang chuan engnge an nuih en tumin ka bih dek2 a.Thing a hrui hruala an phuar beh hmeichhe pakhat a lu an tuam sak a, mangang taka lo ṭap ka hmu.



Putar lam lek2 tawh pakhat hian alo sual mek a.A duhtawk a ngah hnuah patling pahnihin an sual rawn leh bawk.



Ka thil hmuh rapthlâk lutuk avâng chuan ka au chhuah hlau in khur zawih2 in ka kâ ka hup tlat a.



An duhtawk an ngah hnu chuan an hmeichhe man chu,a lu an tuam sak na chu an phelh a.Awi ka rei leh,min hringtu ka nu ngei ani.A kâ aṭang chuan thisen a luang chhuak a,a mit a chhing a.Mithi ang mawiin a zawi ngiai a,a ring pawh a tun zo lo lei ah chuan a mu zawi bâm a.Mipa rual ho zinga pakhat chuan a nghâwngah dekin,"a thi"a ti ta mai.


An vai chuan an nui hawk2 hlawm a.Putar pakhat chuan "ti khan I mumangah min lo hmu dawn ania,mumang nei thei nu"tiin a pumah a pet sak a.


An zinga patling pakhat chuan,"Ka pa,a thla a hrang ange,dawithiam thlah kal zêl an nih hi,hâl ang u,a hlauhawm ang"thlabar takin alo ngen lawm2 a."Khawilam dawithiam mah anni lo,dawt hmang annih kha,a unaunu leh a fanu pawh an thah sak tawh kha.Ti hian thlah kal zêl an nei thei tawh lovang.Anchhe dawng annih hi"tiin chil a chhak khum a.Ka nu chu a thi tawh ah ngaiin an kalsan.


Lei a ka nu,mitthi anga maia zâl ka en reng lai chuan,nutling pahnih an rawn lang hlawl.


Ka nu chu an bawih sâwm nghal a, pakhat zawk chuan,"ka u,khawih chi ani dâwn em ni?Ânchhe dawng fanu anih hi"tiin ka nu lo thlêk reng tu chu a bia a."Ânchhe dawng ani hleinem,thilpek an dawng zawk alawm.Kan in lamah hruai haw ang,fa ka neih theih loh hi,Lalpan fa min pe ta anih hi"tiin alo chhang mai.


Nutling pahnih chuan,motor ah an zâwn lût a,an chhuah hma chuan,lei a an hniak awm chu an ti reh leh vek a.An tlan chhuah pui ta a.


Motor chhûngah chuan ka awm leh a,Nutling pahnih te chuan,ka nu chu tuman an hmuh chhuah loh nan ina kalh khum tlat a rêl a.An inpeih hunah ram danga pem an rilrûk bawk.*


"Bialpa nei nu,tho tawh rawh"tih ri ah chuan ka harh zawk.Thlan in min lo bual leh vek tawh a.Ka pang rawn dek in,"i khawsik a awm silo,Iva thlan nasa ve"ka u in alo ti vat.Thawh hlim aṭanga a thawveng aw ngaihthlak ringawt te hi chauh na tham a tling.Ka mumang in min ti chau bawk si.


"In ti harh la,walk ang aw"a ti leh thâwr tawh.Walk tih thumal hi ka hua,min that dâwn nimai hian ka hre ṭhîn.Walk ai chuan hahdam takin mu ila,eiin lam a in diet pawh ka duh zawk.



Khuma ka ṭhu zawi reng chu min pawm tho lawk a,bathroomah min ṭhut tîr ringawt.Ka va han ngei thei tak,harh loh theih loh hian min siam ve ziah mai.



Ka mumanga ka nu ka hmuh dan ka ngaihtuah let a.Zarzoliana khan alo sawi dik anih dawn hi.Ka nu khan thil min hrilh tur a nei ngei2 ang,khang pawngsual rawn a tawh hnu khân a rai angem le?Mental hospital a kan kal ṭuma ka mang te kha,nau lo piang kha apa pawh hriat loh an ti anih kha.A awmzia chu kei hi,ka nu pawngsual anih vanga piang maw ka nih?



"Tinker i zo dâwn tawh em,kan tlai dawn"ka u in min ko leh ta.Engmah pawh ti lo chuan bathroom aṭang ka chhuak a.


"Khaia i hmai pawh i phih nange,i mit ek te kha sazuk ek anga lian anih kha"tiin bathroom ah chuan min hruai lût leh a,ka hmai min phih sak mawlh2.



Bathroom aṭang chuan min hruai chhuak leh a.I ha nâwt leh lawk ang ati leh zêl.Ka ha thleng chuan min nawh sak vek a,naute ang maia min cheibawl pawh chuan engtinmah ka ti peih lo.


Ka chau in ka zawi ngawih2.Ka mumang ringawt ka ngaihtuahnaah a awm.



Roomah min hruai lût leh a,ka la ngawi reng.Pheikhawk min bun tir a,ka kawr min thlâk sak chu a hreh ve deuh aniang ka mut kawr nen chuan min hruai chhuak a.


Pawnah Zarzoliana alo awm reng tawh."Morning ka Tinker"alo tih pawh chhang lovin ka ding reng ringawt.



Ka u chuan min kai lui zêl a,kan walk chhûng zawng vawi te khat mah ṭawng lovin ka tling tla fel.


Inah kan lut a,Ka nu'n thingpui alo siam a.In ve peih lovin room ah lutin khumah ka bawk thlawp.Ka chau ngawih2 a, men pawh ka meng peih lo.



"Good morning Mambawih"ka pa aw ani.Chhang chuang lovin ka awm ngai chuan ka awm reng a."I mu ṭha leh dawn ami,i mut dan te kha siam rem la"ti a ka sam a rawn chûl chuan ka mumanga putar in ka nu a tih dan kha ngaihtuah chhuakin ka au chhuak chiam a.


Ka u leh ka nu an rawn lut nghal.Khur zawih2 in khum kil lam ka chuh a,ka ṭhu tawm reng."Mambawih i ṭha em?"ka pa aw bawk ani.Kha putar kha ka mitthlaah rawn lang leh in ,khang mipa ho nui thâwm kha ka bengah a ri nawn tluk2 a.



"Pawngsual,nilo, pawngsual"tiin ka aw rawl tawpin ka au chhuak."Bawihte,i ṭha em?"ka nu aw ani.Ka mumanga nutling aw kha ka hre leh a,"Khung bet,nilo,an khung bet"tiin ka au chhuak leh.



"Tinker,keimah i u,min hria em?"ka u aw ani.Mahse ka mumanga patling aw kha ka hrechhuak leh a,"Ânchhia"tiin ka au leh vak.



Angaihna hriat loh hmel tak chuan min en reng hlawm a."Pawngsual ani,tu fa nge tih pawh hriat loh ka nih hi"tiin ka ṭap chhuak a.Min rawn khawih an tum pawh chuan an kut kalo nam sawn zêl a.An hmelah chuan ka mumanga ka hmuh te hmel hlir ka hmu.



Ka ṭap vak2 a,"min hnaih su,mi tenawm ho, ânchhia ka ni lo"tiin ka au chiam bawk.


Ka kutah chuan min man bet a,Ka ban chu a thip zawk a.Ka khaw hmuh a phe ṭan a,mipa rual nui thâwm pawh a reh tial2.



"Ala harh nange?"tih thâwmah chuan ka harh zawk a.Ka taksa zawi lutuk chu hrehawm ka ti.Men ka tuma ka mit te chu delh tu awm ang maiin a rit nulh a.Men luih ka tum ngial pawhin ka meng lui thei lo.Ka kut chu tih chet ka tum leh a,eng tha mah ka nei lo.Ka zawi ngawih2 ringawt.Tawng tûrin ka kâ ka ang thei bawk silo.Ka tihngaihna hrelo chu ka ṭap leh ringawt a.Mittui pawh a chhuak zo in ka hrelo,engkim mai chu a ro vekin ka hria.


"Zars,engtin chiah maw a awm,ka rawn thlen hma khan"titu chu Zarzoliana aw ngei ani.



"Ka vawk te chaw ka pêk dawna an lo duh lova an lu an thin vak ang hian"ti a lo chhang tu pawh ka u ani tih ka hria.



"Anih chu,tah hian awm rih sela,a rawn harh hunah a result a zir in,a awm zel dân tûr kan hre thei chauh ang"tiin Zarzoliana'n a chhang leh a.Kei hi inah ka awm lo em ni?Khawiah nge ka awm?



"Zara ni hnih ngawt nikhaw hre lovin a awm tawh a,ani em2 tawh dâwn em ni,taksa chak loh vang ngawt chu ani tawh lovang"Ka nu aw ngei ani.Ni hnih chhûng ka mu tawh maw?Ka buai vak kha nichin lawk niin ka hre sia.Ka chungah hian eng thil nge thleng ta hi,mumang vanga buaiin hetiang hian a awm ngawt theih dâwn em ni?



"Nightmare disorder a nei a,a in ṭanna hi ala rei lovang.Tun hnaiah rilru hah na emaw rilru kam tu a neih awm in hria em?"Zarzoliana zawhna ani.Ka mumang te a thlen dik leh ka hlau lutuk ṭhin vang kha ani thei mai angem le?


"A nei ve ang,a sawi ṭha duh ngai lova.Tun Chawlhni a thil thleng khan a rilru a luah hneh pawh ani maithei"lo titu chu ka pa ani.



"A tlai tawh, keima'n ka riah pui mai ang.Lo va haw ula,in bual fai ru,Dolly i ha te kha nawh angai tawh.Kuhva ka ei e i tia,uṭawk sahbawn sen hmuam i ang lutuk"midang ṭawng ve hma hauh chuan ka u in alo ti leh zung2 tawh.



"Nu ka nih tawh hi,ha sen mai2 a ho.Nangpawh"a ṭawng zawh hmain,"Tirawh haw phawt ang,Mama buaina a awm chuan min lo phone nghal rawh aw"tiin ka pa aw ka hre zawm leh zat a.Thawm a awm ṭak2 a,kawngka in khâr thawm in a zui.


A reh ta vang2 a,ka bul hnaiah chuan a khat tawka thaw leh hawk thâwm ka hre leh a.Ka u anih ka ring.



"Zars,engtinnge a nu chungchang kha ni ta?"ka u chuan ati zawi sap a.


"An chhungkaw thlah kal zêl hi Tinkeri ah hian a tawp a.A chhûngte dang hi chu anu kha a tlân chhuak ani mai a.Midang ho chu thah vek anni.Chhui chianna ah chuan, ânchhe dawng chhungkua an ti.Chu zawng chu ka chhui chhuak"ka mutna sir aṭanga aw ka hriat chu Zarzoliana ani.



"Ânchhe dawng chhungkua chu annih ka ring lo.Anu khan mumang a neih ve ṭhin thu a record ah a in ziah tak kha.An chhungkua zawng2 hi hetiang vek hi an ni tihna ani angem le?"ka u chuan alo ti leh a.


"Mental illness chikhat ania,an thlahtu bul lam te hian engngemaw sakhuana thilah in hlanna emaw,in rem siamna an neih ka ring"Zarzoliana'n alo ti leh.



"Enkawl dam theih ani dâwn lo tih ka hria,mahse a zual zêl loh nan tih dan a awm ang tiraw?"titu chu ka u bawk ani.



"Ka theihtawp ka chhuah dawn alawm,a reh vek thei kher lo anga,mahse hetiang em2 hi chuan a buai tawh lovang"tiin Zarzoliana'n alo chhang leh a.


Midang hmuh leh hriat loh ah chuan tihian an lo inbe ṭhin anih dawn hi.Ze thup mi ve2 an nia,mawl deuh anga lang siin a rûk in thil an lo chhui zui reng a.An lo mawl lo tawp mai.



Aw thian kharh thâwm ka hre leh a."Kan khawvel dangah kal leh tawh ang,kha khawvel kha chu kan in hmeh velo"ring leng lawngin ka u chuan a rawn ti chhuak leh a.An thutak rei theih ka ring lo rêng ani.



"Ka nau nena in ngaihzawn tak2 chu i duh dâwn em?"ka u zawhna mai2 chu'h ka chet theih hunah ka khawih na viau ang.



"Ka ti ngai lo tih i hriat kha,ka vawikhatna ania.A lem pawh nise awmdan tur ka hrelo.I nau in ka mitah min en phei chuan ka â lo chauh ṭhîn.Ka sawi thiam lo ka awm dan hi.Love is blind an tih ang hi aniang"Zarzoliana'n a rawn ti.A lem pawh nise a hmasa ber ka ni tihna maw?Hetiang lam hi a ngaihtuah lo hrim2 nge,dawt a sawi zawk?


"Love is blind an tih te chu pakhat zawk2 in a duh let veloh ang kha ani zawk ang.Engtinnge tun thleng2 a pakhatmah ila kawp loh theih?"ka u pawh chu âw,nei ngai lo tih an hriat ngawih2.



"Ram dangah kan awm a,hnam dang nula duh ka nei hleinem.Ka rawn haw a hnaah ka buai leh char2 a.Kawmthlang nuthlawi bak min hêl tu ka nei hleinem"Zarzoliana'n alo ti leh.Tunge kawmthlang nuthlawi pawh ka lo hre ve leh reng2 lo.


"Anih chuan,ka nau chu i duh nge duh lo i hre tawh em?"ka u bawk ani."Hre nang"tiin Zarzoliana'n alo chhang leh nghal zat.



Ri fawk ka hriat rualin,"hre ta che,ka zawh ngun tawh che nen,i hnaah ngai la i hre thei mai ang"ka u chuan ati leh a.



"Google a a in ziah dan chuan,mi,duh kan nei anih chuan,an bul hnaia kan awmin,timur a tho sung2 a, lungphu a rang ṭhîn bawk.Kan hawina apiangah an hmel kan hmu a,ka ngaihtuahnaah an awm reng zêl ati anih hi,kha en ve chhin rawh"Zarzoliana'n a ti leh anih chu.Engtinnge duh leh duh loh te Google ah a zawt theih zawk.A in hre thiam lo nge,a hrelo der zawk ni ang.A duh zâwng ka ni miah lo zawk anianga.



"Ka chhiar peih lo.Anih leh ka nau i hmuhin engtinnge i awm ṭhîn"tiin ka u chuan a zawt leh.Ava mak tak,chuti vak a han dil chhut kher.



"Ka rawn haw hnu a ka hmuh leh hmasak ber khan,kekawr mawng pawp ha in dâwra a kal ka hmu a.Kha ta ṭâng khan ka hmuh leh apiangin ka pangngai thei lo.Ka thawk te hi a tawp dâwn hialin ka hre ṭhîn.A bulah chuan ka che ho vek zêl.Zan mut dâwn apiangin ka ṭawngṭai pui ziah bawk a,a class kal leh haw lam hi a hnungah ka zui ru reng zêl"ati ta mai.Ka kekawr tight lutuk ka hak ni kha animaw,avan zahthlâk tak.



"Mmm kha2 alawm,love at first love an tih chu.I duh mai pawh ni tawh lovin i hmangaih tawh ang,i sawi dan aṭang chuan a rei tawh hmel em mai?"ka u chuan alo ti zawm zat.



"Duh leh hmangaih a in ang reng lo em mi?"Zarzoliana zawhna chuan ka nuih ati za tlat.Tlangval senior ani ve dâwn tawha,chung pawh lo la hriat loh.



"Ava buaithlak!Duh chu duh ang hi ani a,i duh na a rei telh2 a.Thla hnih a tlin tawh chuan hmangaihnaah a in update ṭhîn"Ka u chuan alo ti veleh.Awi hemi te pahnih thluak mawl lutuk hian min ti â zo dâwn.




"Anih chuan I nau chu ka hmangaih tawh anih chu,ava awlsam si ve.Ka nu khan mi hmangaih te chu a harsa lutuk ati ve ziaha alo awlsam em chu"ati nuah2 a.



"Use your brain maw bro!Tinkeri lo harh hunah i hrilh nghal dawn ania"phur aw tak hian ka u in alo chhang leh.



"Min lo duh ve lo ta se"Zarzoliana aw bawk ani."A duh loh che leh,vawk min bual pui dâwn ania"ka u chuan alo ti sam êt.



Ka taksa chauh vang nge ka mut chhuakin min zem leh a,ka u te titi pawh hre zui tawh lovin ka pil leh riai2 tawh.



*"Ka fanu"ka nu aw ka hre leh tawh."Nu"ka ti vat a."Hetah ka awm"tiin tui chhûng aṭang chuan min lo ko a.Ka ṭhutna bula tui chu ka bih ngar2 a,ka nu chuan a kut a rawn phar chhuak leh.Kalo ban ve vat a.Tui chhûngah chuan min pawt lût in,li thuk lamah min pawt thla zel a.



Inchhungah ka lo awm leh daih a,a hmaa ka hmuh tawh nutling pahnih bawk kha ka hmu leh.A naupang zâwk chuan,"chhuah tîr mai ang,nau a pai leh nghal"tiin a u bulah a ngên a.A u chuan,"Nau tih tlâkna tur ka siam mek hi"tiin a thil rawt lai chu a dip hma zawng a rawt ngat2 a.



A rawt dip vek hnu chuan bawnghnute ah pawlh in,a chawk rawk2 a.Ka nu roomah lût in an in tîr ta a.A u zâwk chuan ka nu lu ah chûl in,"naktukah chuan mi thar ini tawh ang"tiin an chhuah san zui.



Ka nu chu a pum dawmin a vial a vial a,a ṭhen tlawk2 bawk.A thlan te chu a rawn bawl ṭiam2 a,a na ti lutuk chuan a kawr te chu a hum tlawk2 bawk.A kawrah chuan thi kai ka hmu a,a rawn chhuak tam zêl a,ka nu a ṭap vawng2 bawk.



Nutling pahnih te chu an rawn lang leh miah lova,ka nu na tuar chu en in a bulah ka ding ve reng.Puih ka tum a,Mahse engtinmah ka khawih thei lo,thlarau ang maiin ka awm.




Ka nu chuan a kawr a thi kai chu a kut in a khawih a,a en vang2 hnuah a bula ka ding ve reng chu min hmu a.Nui sang hian Bawihte tiin a kuta thi kai hnuang chung chuan min ban a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:49 am

They Call Me Psycopath


Chapter 15:




Ka che thei bawk silo chuan hlau tak chungin ka nu chu ka en ta reng a.A kut thisen kai hnuang chuan,ka biangah rawn dawm in,"Ka thisen kai,mi danglam bik chhinchhiahna thisen kai ini tih in hre reng rawh aw"zawi te,fiah tak si chuan a ti a.




Chhan pawh ka chhang thei lo.Ka nu ni si,thil min hrilh duh a neih chuan min hrilh nghal mai se la.A fanu hian a hlau dawn ani tih te hi a hre ve lo ani ngei ang.



"Pa nei lova piang ini a,keima fanu chiah i ni.Nang chuan ka kawng zawh ang hi rawn zawh ve suh ang che aw.I thilpek dawn hi tlân chhiat pui lo la,midang tan malsawmna thlen tu ah i ṭang thei ania.Thilpek mah nise,anchhiaah i chan tir thei ania,fîmkhur ang che"tiin min nuih leh sen2 tawh.



Ṭhenkhat tan chuan a nui hmel chu a rapawm maithei.Mahse ka tan chuan a dan a dang leh daih,a nui hmel phenah chuan lungngaihna leh tawrhna tam tak ka hmu thei tlat ani.



Ka hmaia a chûl hnu chuan,nghet takin min kuah a."I hmuh tur ang i hmu zo tawh.Vana arsi eng berah khian ka chang anga,khita ṭâng khian kalo thlir reng ṭhin ang che,ka hmangaih che ka fanu"tiin min kai a,tui ah bawk chuan min luh pui leh a,li thûk lamah chuan min hruai zêl a.Ka biangah fâwp in min mangṭha ta.




Ka harh chhuak a,ka mit pawh ka meng leh thei ta."Nu"tiin ka ṭap chhuak a.Ka kut vuan chunga lo muthlu Zarzoliana a rawn harh a.



"Tinker,i harh ta maw"tiin lâwm hmel tak chuan min en a."A hmel ka hmuh chuan ka nu ka hrechhuak tlat lehnghal a,min vêng him thei dawna ka hriat vang pawh ani maithei.



"Nu"tiin ka ṭap uar sauh a."Mmm i nu ka nih hi"tiin min rawn kuah hlun mai.Ṭap chung chuan"ka nu i ni lo"ka ti leh lawi a.Min la kuah reng chung chuan,"Aw anih ka ni leh lo"ati thum dut mai.



"Nu"ka ti chhuak leh a."Aw"alo ti leh.A hnungah chuan ka chum dat a,"ini bawk lo"tiin ka ṭah khum.



Min kuah na chu phelh in,ka mita min en chung chuan,"Tun aṭang chuan,nangmah venghim tûrin ka awm reng ang.I mal ngai lovanga,i mit aṭang hian ṭahna mittui ni lovin hlimna avangin mittui a luang tawh zâwk ang"tiin ka kut a hum nghet sauh a.



"A last line kha ka tih angin i sawi lo ania"Ka piaha lo ṭhu reng ka u chuan alo ti.Ka harh khan ka hmu miah silova,alo awm ve reng anih chuan ka zak dâwn lutuk.


"Tikhan a emotional zawk alawm"Zarzoliana'n alo ti khurh.Ka ṭah chhuak zawng2 an hnawt ṭiau zo leh vek tawh.


"A reng2 ah Tinker nangpawh,i nu ni lo pui,nu i ti vak2 a.A hmuihmul te hi i hmu lo ami?"lo ti tu chu ka u bawk ani.Alo awm char2 tihna animaw.Avan ngawi rei thei zawk em2.


"I harh tawh bawk a,ka lo check lawk ang che" tiin min check dan2 a."Tun atân chuan I ṭha rih e"a ti ve mai a.


Ka nu min mangṭha na thu kha ka bengah a châm reng a.Ka khua a har ngawih2,tuna min enkawl tu ka nu hian min hmangaih viau mahsela,thisen zawm chu a dan alo dang em ani.



"Sawi rawh le, engnge i mumangah i hmuh?"Zarzoliana chuan ati dam thlup a."ka nu"tih tawp in ka chhang leh.



"Engtin?"ka u in alo ti vat."Ka hmuh tur min hmuh tir,chubak ka sawi peih lo"ka ti bak hlar.Ka harh ve chiaha,thu lo in zawh vak te chu a,ka nu ka ngai bawk nen,mood an ti chhe zo vek.Mawl dun ṭet ṭut si.


"Ka B'lem2 te,kha ei rawh le"tiin a kuta damdawi mum hnih awm chu min ei tîr a."B'lem2 chu engtihna nge?"kalo ti vat.Ka beng bulah rawn kun hniamin,bialnu lem2 a rawn ti sur2.Ava ho thei tak,hming pangngai pawhin a in koh theih reng sia.



Ka nu leh pate pawh an rawn thleng a,ka u in intifai tûrin min haw san.Ka ngainat em2 coconut tui an rawn keng bawk.




Zarzoliana a rawn lang sek bawk a.Ngaihtuah chhuah ka nei,kei hi hospital pangngai ah nge mental hospitalah zawk ka awm.Zarzoliana ka hmuh fo nachhan hi,Awi leh nilo kei hi Mental hospital-ah ka awm maw.Cabin ah ka awm bawk si khan eng hospital nge ka hre lawk thei lo anih kha.Zarzoliana rawn kal sek lo sela chuan ka la hre dâwn miah lo tihna.



Ka ṭhat leh ṭhat loh hriat nân,test hrang2 kan nei a.Ka hriatna thlengin an test vek in ka hria.Result nghah chhûng leh damdawi course kal lai awm bawk si chu zan hnih thum vel kala awm hmel ka tia.Class kal ka duh tawh viau asin le,zir tur ka in chhêk khawl hnem mai2.



Zarzoliana lah hi a hunawl neih apiangin a rawn lang hman ziaha.Ka nu leh pate hriatah B'lem2 tiin min ko zel lehnghal a.An hriatthiam vaih chuan a chi loh ngawt ang.



Ka nu leh ka u an inbiaa,ka phone kalo chah ve bawk.Ka nu'n speaker a on bawk sia,a vawkchaw pêk thawm zawng2 nen kan chhangchhe teh e.



A dah tawh dâwn emaw tih tawh hnuah,"Tinker"a rawn ti lauh a,ka lo chhang vat."Lapuii'n a khawngaih lutuk che a,hei alo tui ṭeuh mai.Ka chhum anga ka lo ken dâwn che ania.Lapui ka lawm e tirawh"ati leh zung2 a.Ar bula lawm thu sawi te chu a,bakah ar in min khawngaih thei reng2 ami?Lalrinzama ngaihtuahna mawlmang thei lutuk hi chu âw.



"Ti vat rawh,hei a nghak reng che ania"a la rawn ti.Ka nu leh pa ka melh zeuh a,an lo khi sung mai.Ka nu chuan "ti mai rawh dah ka duh tawh"ati bawk si.A tawpah chuan"ka lawm e"ka ti zawi sap.



"Lapui iti tel lova,a hrethiam lo ania"a la rawn ti.A ti mah2 ve deuh ṭhîn alawm.Ka nu'n dah a duh tawh si avâng chuan,"lapui ka lawm e"ka ti liam puat a.Ka pa a in sum zo lo,alo nui phuh ṭhawt.Zarzoliana'n kawngka nghengin nui chungin min lo en reng bawk a.An vai hian min bâwl rawn ni maiin ka hria.



A lum bawk si,ka ban chuap a.Ka nu'n towel ti huhin min hru fai tawp a.Tlem chuan a zia ve ta deuh.Ka ha te ka nâwt a,hmai te phih faiin ka sam ka phiar bawk a.Ti hian tlemin ka lang zia ve deuh ang.Damlo nih vanga hmel hmuh hrehawm deuha lan ka duh teuh lo mai.Ka che thei lo hul hual anih chuan thu hran ania.


Ka u a rawn thleng a,ka ṭhian te nên an rawn in zui lut ve teh mial a.Zualtei ka bulah a rawn ṭhu nghal tharh a,Seni leh Arini ten thei hai hmin an siam mek bawk.



Ka u in artui min kheh sak nghal bawk a.Chhemawla leh Thankima chuan ka u che tla chu an mit mei zui reng.Hmanni min tlân chhiat san kha ka ngaihtuah chhuak a,mahni in ka nui chhuak hawk.



"I damdawiin awmna tûr takah i awm anih hi"Thankima'n alo ti zauh.Arini'n nangni pahnih pawh kha awm ve nghal law2 ru,class chhunga in mawl theih nen,vawiin phei chu class lâk laiin thei hai hel an lo ei ru a.Sir in a man asin,hmeichhe ho wash room ah an kal ve ziah bawk"tiin min lo chhan a.



Thankima te pahnih ka en a ka nuih an ti za tlat.Tuai chuang miah silo hian,an hmeichhe awm leh hmiah2 ṭhîn a.



"Ava mak ngar2 ve,suangtuahna mak pui2 i nei te ani zawk lo maw"Seni'n nui suk2 chungin min lo ti bawk.Ka in sum hleithei lo an thusawi apiang chu fiam thu an thawh emaw tih mai turin kalo nuih ngat2 mai.Ka in hrethiam bik lo,a za ve em ani.



"Tinker,i tho fuh maw,ar lerh ang maia i dir char2 le.Zars,hetiang tûr hi ami?"tiin Zarzoliana a melh nghal a.


"Ani mai aniang chu"tih chauhin alo chhang leh tawh.Zualtei ka bul hnaih bera ṭhu chuan,"I dik miah lo,i sa lutuk ania"tiin ka pang alo dek bawk a.Ka nu leh ka pa an mangang leh tawh."Engtia tih tur nge,damdawi pêk leh mai chi nge,Zara lo endik teh"Ka pa chuan alo ti nghal zung2 a.




Zarzoliana'n min check lai pawh chuan ka la nui dir ngar2,a ngaihna ka hre tawh bik lo.



"Ka damdawi pekah engmah ruihna tur a awm silo,damdawi rui ang mai alawm le"ati khurh a.A rei tial2 a,cabin chhûnga awm ho chu ka hmu mak leh vek tawh.Tu te pawh mai chuan min nuih zât veka,ka hmu phe ruai bawk.



Ka mumanga patling ho nui thâwm kha a rawn ri nawn leh a.Ka bul a awm ho thleng chuan hlauhna in min zem buai leh tawh.Ka beng hupin ka au chiam2 a,kal bo tûrin ka ngên tawp.Ka awmdan hi tihngaihna ka hre tawh lo,eng ber hian nge min ti buaia.Mi â ang maia min siam tu hi,ka ngaihtuah na nge ka thil tawn vang zawk?



Ka bânah chuan a rawn thip leh zawk a.Ka zawi leh riai2 a,ka khaw hmuh a fiah lo zual a.Ka u in Tinker a tih pawh hla deuha awm angin ka hria.Ka meng zo tawh thlawt lo,ka chhing riai2 a,hmun thim thuk takah ka pil leh ta.




🦋

*"Saizam"ti a min koh ri ka hria.Ka awm na a thim bawk si,engmah ka hmu thei lo."Saizam"a rawn ti leh.Tumah ka hmu thei bawk silova,ka awmna ah chuan che sawn lovin,min koh na chu ka chhang a.



"Tûnah khan I mumang chhûngah i harh tih in hria la ka duh"a rawn ti leh.Zarzoliana aw ni tlatin ka hria.Ka ngawi reng a,"Hawi kual la,a thim vek ang tiraw?"a rawn ti leh a.Ka la chhang chuang lo.



"Hlau miah lo la,i chhûngrila i hlauhna zawng2 kha,kha hmun thimah khan khung vek i tum dawn ania"a ti leh a.Angaihna ka hrelo,engtinnge ka khung vek theih ang?



"I mit chhing rawh le"a tih chuan kalo chhing vat a.Thildang engmah ngaihtuah lovin,engnge i hlauh ber in zawt rawh le"a rawn ti leh.Ka chhing vang2 a,engnge ka hlauh ber tiin ka in ngaihtuah nghal.



Keimah ka in hmu."Engnge i hmuh le?"tiin min zawt leh a."Keimah"tiin kalo chhang vat."I hlauh ber chu nangmah,i nihna dik tak hai lan ani"a rawn tih chuan ka fiah kuar mai.



Ni e,keimah hi ka in hlau ṭhîn.Miin ka nihna dik tak an hrechhuak anga,eng angah nge min ngaih ang.Ka ṭhian te chuan mumang satliah nei mai2 ah min ngai ṭhîn.Ka chhûngte tih lo chuan tuman ka nihna dik tak hi an hrelo.Hre ta se tuman min pawm lo ang.Chu thil chu ka hlauh vâng in vengchhung ah pawh ka chhuak ngai lo,inah ka tawm tawp ṭhîn kha ania.



"Mi bik i nihna kha, ânchhia ani lo tih ka hrilh nawn duh che.Khang i nihna kha pawm la,hlauhna in hneh che a tum pawhin,i chak tawk ani tih in hrilh nawn mawlh2 rawh.Tumah mi chak bik kan awm lo.Mahse min ti chak tu Lalpaah chuan engkim kan ti thei ani.Saizampui i ti thei"tiin min hrilh leh a.Ka ṭah a rawn chhuak leh ringawt.



"Le tûnah kha i hlauh ber kha,kha hmun thim,tumah hmuh theih loh turah khan khung bo la.Rawn chhuak rawh le,hnehna chang tu i ni tih in hre reng la" a rawn tih leh chuan harsa ti takin ka meng chhuak.*

********###################*******

Zarzoliana nen chauh kan lo awm a,ngun tak hian min lo en."Khawnge ka nu te?"ka ti chhuak hlawl a."Cabin ah an nghak che"alo ti thawp sup mai.


"Ka buai tawh lovang tiraw"ka ti ta thlawt.Buai nawn leh ka duh tawh lo.Pangngai taka nun hman ka duh ve tawh ani.




"Keimah ni lovin,nangmah kha in ring rawh"a ti leh tawpa,a thutak phian leh nghala.Ka u ṭhianpa mawl deuh kha ani leh tawh lo reng2.




"Rawn awm leh thut ta se,engtinnge ka tih ang?"tiin ka zâwt leh a."I hneh thei ani ka tih tawh kha,i hmelhma lian ber chu nangmah kha i ni a.Hlauhna pawh nangma in siam chawp ani.I thil hmuh ṭhîn te kha eng anga hlauhawm pawh ni se,in hneh tîr tum suh.I chak lutuk ani tih in hrilh nawn mawlh2 la aw"tiin ka samah a chûl a.




"Zâr"zak ru deuh chung chuan ka ko a."Mm"ka mita min en chung chuan a rawn ti.


"Ka lawm e"ka ti leh tawp.A nui suk a,a biang sum a rawn lang leh tawh.A khabe hmul,sei si lova a zuah chu chûl zeuhin,"ka awm reng ang"nui sang in a rawn ti.Hetiang em2 a hmelṭha hi mihringah an awm pawh ka rin ngai loh ka suangtuahna ah chauh ka hmuh theih kha,a takin ka hmu thei bîk hi khawvela mi vânnei ber ka van ni teh lul êm.




Min pawm kang lawpa,kan awmna room aṭanga chhuakin ka cabin lamah min pawm phei a.Doctor leh nurse ṭhenkhat ten an lo fiam zauh bawk.Ka zak lutuk chu a awmah ka hmai ka phûm tlat a.Ani lah chuan engahmah a ngai lo nge mawni a rawn nui nghawr leh dat ṭhîn.



Cabin chhûng kan lut a,Ka chhungten min lo nghak ṭhap.Khuma min nghah rual chuan ka chalah a rawn fawp zeuh a.Ka nu ten min hmuh ka hlau lutuk leh ka zak bawk si chu ka hawi chhuak ngam tawh lo.




"Weed zu miah lo pawhin a nuih var2 theih tih Tinkeri aṭang hian ka zir chhuak"ka u in a rawn ti hlawl mai.



"Lalrinzam,weed ka zu lo iti ani lawm ni,vawk damdawi itih kha,nangma damdawi zawk animaw?"ka nu chuan alo ti vin hlar a.



"Lalrinzama tih leh weed tih thumal hi a in remin i hre reng2 ami?"alo ti duh lek chauh.



"Chu i zu tihna em ni?ka nu a tho hluai a ka u a din chilh rûn mai .Ka pa nen kan in en ringawt.



"Ka zu tih ka sawi lai scene a awm em?"ka u pawh chu sawi ṭhat ve mai awm,a chheih kual hmasa ve ziah.



"Awm thei tûrin i sawi kha"ka nu'n a ti leh."I ho em mai Dolly,vawk damdawi thu leh hlaah in face to face tawh lovang"alo ti liam puat.



"Ilo zuk vaih chuan"ka nu'n ka bula rawn ṭhu pahin ati leh a."Zu ila Pahlira te unau ho an nui vur2 reng dawn ami?"ka u in alo ti leh."Vawk an nui ngai ami?"ka nu ka lo chhân khalh a."Pahlira te unau chu kar tin weed vawikhat tal ka pêk loh chuan chaw nghei ṭawngṭaina an nei ṭhîn.Weed an addict alawm"alo ti.Ka va han awih lo ber tak,a vawk te hi mihring ang maiin a treat a,vawk weed addict an awm ngai lo ange.



"Kan haw dawn em ni,Mama dawt phuah chawp ngaihthlak reng chu a puar theih loh"ka pa pawhin a rawn ti ve ta nge2.Ka nu nen min haw san leh a.Zarzoliana leh ka u in min vil leh khua tawh.



An in melh leh zeuh ṭhîn a,"kan ṭan dâwn em?"tiin ka u in a zawt a.Engnge tih an tum leh tak le,thil mak deuh te hi alo ni leh lo maw.



Zarzoliana chuan laptop a rawn la a,ka hmaah a rawn hung.An pahnih chuan ka sir ve2 ah an ṭhu a.Laptop chu an on a, screen ah chuan Sabengtung alo lang.


"Hei hi engnge le?"ka u in a rawn ti.Ka hriatna ka hlauh an ring nge mawni."Sabengtung"ka ti zawi ruih a.A dawt ah Zawngte a rawn lang leh."Zawngte"zawhna min zawh hma in ka lo tih khalh.



An in en hû a,"Zars kan thil tih hi a dik lo,ka nau chungah hian thil sual rapthlâk tak kan ti ani"ṭap ṭuau chuan ati a,min ti hrilh hai let ling.



Zarzoliana chuan a laptop chu off in,"kan tih palh"a ti thawp sup mai."Zars ka khabe a ti chho thei tawh lo ania"ka u chuan ṭap chungin a rawn ti leh.



Ka en chu a lo âng huau a a khabe ruh a pelh aniang.Zarzoliana'n a siam ṭhat sak mawlh2 a.A zo ta aniang,a ṭap pawh a bang hmak.



Kan ṭhu ngawi ta reng hlawm a.Ka u chu a awm hle2 thei lo leh tawh aniang.A aw a rawn thian kharh a,"in pahnih hian chance te in nei ve duh em?romantic scene lam te?"a rawn ti hlawl.Zarzoliana nen kan lo meng phawk nasa asin.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:49 am

They Call Me Psycopath Chapter 16:

"Ka lo va chhuak ange,mahse ka rei dawn lo ania"tiin min chhuah san.Kan ngawi reng a,sawi tûr pawh ka hre lo.Zarzoliana pawh thil ngaihtuah nei ni awm takin a en ngai a en vung2 a.


Phone ka khawih san daih,in ngaizawng tak2 kan ni chuang lova.In care vak a ngaihna pawh ka hre hran lo.


A rawn thaw leh hawk ṭhin a,ka phone khawih pawh rilruah a lut thei tak2 lo.Ka bul ami hian min ti thlamuang lo zo.



"Thil ka zawt thei che angem?"ka ti ta tawp.Ka ṭawng hmasak loh chuan a ṭawng dâwn lovin ka hre tlat.



"Zâr,ka bia che"ka ti nawn leh a."Ar pathum"phu zuk chungin a rawn ti hlawl.Engnge alo ngaituah daih ang le?


Ka lo nuih suk ringawt."Engmaw i sawi?"a rawn ti ṭha leh a."Thil zawh che ka duh a"ka lo ti dam dap.A lu a bu nghut a,ka mit ah min en nghal bawk.



"Fire department ah khan I thawk in ka hria,a dik em?"ka ti a.A lu a bu leh nghut."Detective ini bawka,chuan tûnah Psychiatrist i ni leh bawka.Hei lo hna dang ila nei em?"tiin ka zâwt hmiah.Ka hriat chak na hian min tur na em ani.


"Gym instructor ka ni bawk a,ar ka in sual tîr ṭhîn bawk"alo ti thum dut mai."Engtinnge i indaih theih zawk?"ka ti leh.Dil chhut min ti viau in ka ring.



"Mipa ka nia lawm"a ti ringawt.Min.chhang tawi thei bawk sia."Anih leh hna pali i nei a,eng hi nge nuam tih ber?"tiin ka zâwt leh.



"A nuam vek"a ti tawi leh tak mai.Biak chhunzawm pawh a in thlahrunawm,min ning te pawh a ang lek2 alawm.



Ka ngawih san ta daih a,a ṭawng ve hun kalo ngai chang ru reng bawk.


"Nang engnge nih i tum?"a rawn ti ve khauh mai.Phur zet hian,"Doctor emaw designer nih ka tum"kalo ti chu a khi suk a."Designing zir zawk rawh i inhmeh zawk ang"alo ti ve,ka rin loh dan in min chhang daih.Doctor nih te chu ka in hmeh daih zawk ang,ka tui ve zia a hrelo mai2 ani.



"Movie i en ṭhîn em?"tiin ka zawt leh,zawt ho min ti tawh ngawt ang."Korean serial ka en ṭhîn"alo ti leh daih.Ka rin loh lam daih.Turkish serial ka en nasa a, Korean lam chu ka la en chhin ngai hauh lo.



"I chhuah hunah class kal ṭha rawh aw"a ti leh a,ka lo bu nghat.Ka ṭhian te ka ngai ve tawh reng.Inhmuh a khat thei sia,Chhemawla leh Zualtei te in hau thawm pawh hriat a chakawm tawh hrim2.



"Thlakhat kan in ngaihzawn der hnuah engtinnge kan awm zêl dâwn?"tiin min zawt leh a."A hma angin kan awm leh ang chu"kalo ti liam mai.Ka tan chuan thlakhat chhûng ringawt chuan kawng ro a su teh chiam lovang.


Ka phone a rawn ri a, Hruaizela'n a rawn video call leh tawh.La ta mai lo chuan Zarzoliana ka melh leh rên rawn a."Ka lo va chhuak dawn em ni?"alo ti thawp sup mai.ka lu thing vat in,"lem chan hun''ka tih chuan a che buai kher mai.


"Engtinnge ka awm dâwn?tah hian ka ṭhu dâwn nge?i bulah khan kalo mu dâwn?"a mitmeng zawng2 a buai vek,ka nuih te lam2 a ti za.



"Ka bulah hian lo ṭhu rawh"tiin ka mut na bul chu ka beng a.A rawn ṭhut hnu chuan ka la ve ta.A rawn nui leh sang a,"Ilo dam lova,ka hre chiah alawm"a rawn ti nghal a.kalo nui ringawt."Zarzoliana a rawn hmu a,kha2 ani em?"a rawn ti nghal.



Ka lu bu zeuh in,"Zara anih hi,Zar hei Hruaizela ka ṭhian pa"tiin ka in hmel hriat tîr a.Ṭha deuh chuan an in be ve mai a.



"Khawnge nang ve?"ka ti chu,rei lo tê chhûng a nui hmel a tawp a,a hnuah nui chungin,ka la hmuh tir ang che ati leh daih."Lo duat rawh aw,ka awm silo"tiin Zarzoliana a chah a.Call pawh kan ti tawp leh ta.



"In2 ngaizawng em ni?"a ti khauh mai.Kâ hau hian ka en a."In in en dan ah khan a ang ka ti"a ti leh ringawt.Ṭhian te ho pawhin min ringhlel kha ania.A vawikhat hmuhnaah a ringhlel nghal ringawt a,a zei lo viau emaw ka tia.



"Korean drama ka en nasa,bakah detective ka nia.Mi mitmeng leh hawi herah hian ka hre hrâng thiam ve"alo ti zawm zat."Kan in ngaizawng lo,ṭhian alawm kan nih"ka ti ta thlawt.A lu a bu nghut a,"nangman i ngaizawng lo maithei,mahse i ṭhian pa khan min hmuh chiah khan a mitmeng a danglam zeuh kha ka hmu alawm"a tih leh chuan,ka rinhlelh kha a dik animaw.Hruaizela hian min lo duh tak2 ami le?




"A ho lutuk,thildang sawi ang"ka tih san daih a,a ṭhutna ngaiah a let leh tawh a,ala in kuangkuah hlun zui.




"I duty lai ani lo em ni?Ngatinge ka room ah i awm reng zela?"ka ti ta ringawt,thildang sawi tûr ka hre tawh mai lo ani.



"Ka patient i ni a,i bula awm a,i awmdan zir chian chu ka hna ka duty ani"thutak deuh chuan ati a.A boring ṭan lek2 in ka hria.



"In a i awmin enge itih ṭhîn"tiin ka zâwt leh."Kan ar te battle field ah kan hruai ṭhîn.In bei romantic lo ê,in hmuhnawm loh"Kawngka bula ding chung chuan ka u in a rawn ti pung2.Hepa hi min lo en thla animaw.A nau hian pasal ka neih hunah pawh min enthlak zui reng tho ka ring e a.


"Tinker,mu tawh rawh.Naktukah kan chhuak tawh dâwn"

"Naktukah maw?"

"Aw,i duh vak nange?"

"Aih,duh e"

"Engnge awmzia?"

"Chhuak duh tih na"

"Ok,relax bawihte,hahdam deuhin mu rawh"


"B'lem2,damdawi ei leh phawt la,i mu dawn ania"tiin Zarzoliana'n damdawi min pe.Rei vak lo ah ka mut a rawn chhuak a,ka mutui khawp mai.Mumang pawh ka nei lo.



"In rawn kal kher angai lo ka tih kha"ka u ṭawng ri chuan min ti harh.Ka nu leh pa te an lo thleng der tawh a.Ka bungrua zawng2 ka u in alo pack fel vek tawh bawk.Ka harh hun alo nghak anih ring in,ka tho chhuak ve nghal a.



Dar 11 alo ri der tawh,ka van mu rei em2.Mahse ka hahdam,kham taka mut hi ka nei tlem a,mut ka kham chuan ka dam sawng2 ṭhîn in ka hria.



Ka in ti fai zo a,bathroom aṭang ka chhuak chu ka u in ka ei tur a rawn chawi lût mek a."A sat lai hian ei rawh a tui bik",tiin a hawp na tur fian min pêk a rual a.Buhhawp ka ngainat loh nen,ka ei ve ṭeuh mai.



Ka ei zo a,ka u in ka chhuahna tur alo ti fel leh diam tawh.Ka nu leh pate awm lo pawh nise ka u hi chuan min enkawl hnehsawh dâwn tih hi ka chiang.



"Mambawih,i hman tawh chuan kal dawn ang hmiang"ka pa chuan alo ti a."Ka la hman lo deuh"ka u in a rawn ti.Cabin chhuat alo nâwt fai chu niin."Rinzam,dah rawh,over viau ṭhin suh"ka nu'n alo ti hlak2 a.



"Fel hi over na anih chuan over nih chu ka thlang mai"alo ti."Dah tawh rawh an rawn ti fai mai ang,i vawk in chhuat te kha,ngatinge khatia i nâwt fai vak.Tukina ka vawk chaw pe pawh,i vawk ho an tawlh thlu nasa alawm.Ching tawh reng2 suh",ati zui hlak2 a.


"Chhuat bal ah awm duh hek lo,ka nawh loh hlekin dam loh an tum nghal zêl anih kha"ka u in alo ti veleh."I ngaihtuahna mai2 anih chu, vawk te chu tûn hma te chuan chirh ah alawm an inbual ṭhîn"ka nu'n a ti leh a.



"Zo vawk an ni reng ang chu.Ka vawk te chu zo vawk an ni ve hlei hnem.Royal thlah kal zêl an nia.An che zia te pawh a changkang bik em kha"alo ti leh chu ka pa nên in en in kan nui suk2 mai.



A nâwt zo a,a nawhna a su fai leh thlap a.A in sil fai leh te2 a,a hman tawh dâwn emaw tih laiin.Emergency ati leh a,a in thiar leh rih.Ka u nghakin kan khawtlai zo ani ber e.



Ka pa car ah kan chuang a,Kan tlanchhuah dâwn thlengin Zarzoliana hmel ka hmu lo.A buai anih ringin ka phone buai peih ta lova.



Hospital kan pel a,ka u Motor khalh lai a ding chawt a."Engnge"ka nu'n alo ti vat."Ice cream"a ti hmuka,kawngsira ice cream chu a lam nghal."Double cone aw"a ti zawm zat bawk.An ṭhian dun hian cone an dil belh ziah a,a cone hlâng hi a tui awm ka hrelo.Hemite pahnih hi chu an danglam ve hrim2.



In kan thlen hma chuan kawi na tur neuh2 a ngah lutuk a,min ti chau zo.Kan tlang ve thei tawh ang chu tih laiin kawng kual lai ah a ding leh a."Engnge ni leh ta?"kalo ti bak hlar.In thlen vat2 ka duh tawh.



"Vaimim rawh in ei chak em?"tiin zawh bik pawh nei lo chuan min en kual a."Haw tawh ang"kalo tih san hmak.



"A rei lovang"tiin motor aṭang chuan a chhuk leh a.Kawng sir a vaimim zuar te a biaa.An vaimim rawh zawng2 chu a lei zawh sak vek a,pawisa a pe nual bawk.Vaimim rawh tu putar chuan ka u chu ṭap chungin a kuah a,ka nu nen kan lo ṭap ve ringawt."I u hi chu a naupan lai aṭang hetiang tih hi a sim thei lo"ka pa pawhin alo ti ve bawk a.



Kan chhuah dun te hian a bikin kawng sira thil zuar a ṭhu ṭhîn ho hi a dawr nasa in,pawisa kîr lak duh loh châng te a ngah ṭhîn.A ran vulh chungchang hlir ka sawi ṭhin a,a nun aṭanga a thlauhthlak theih loh,midang a ṭan pui ṭhîn hi ka lo sawi hmaih alawm.Hei hi a ziaa ka duh ve ber ani hial awm e.



A vaimin rawn khai phei chu ka nu nen kan lo ei sak a.Ka kham lovin ei belh leh ka tum chu alo phal tawh der lo."Christophera te'n an ei ve duh ang"ati tlat.



In kan thleng a,ka nu'n ka bungrua min dah fel sak zung2 a.Inhnuaiah ka u nen Christophera te vaimim kan pe thung.



"Lapui hei Tinkeri kha ila hria em?I tûi i pek kha ania.A dam pui daih asin"tiin a arpui vâr chu pawmin a be mawlh2 a.Ka vaimim,mal ka ning chuan mal loh in an chuk tûrin lei ah ka dah a.Tuman an chuk duh lo,a mal sa kha an ei duh tho sia.



"Mal sak ta che,i bei rorum thei lutuk"tih pahin lei a ka dah chu a rawn la a.A beng fai thuak2 a,a mal nghal zung2 a,a mal sa chu thlêngah dahin a ar ho chuk tur chuan a dah leh.




"I ar te hi an van luhlul em2"ka ti ta thlawt.Ran mai2 anni sia,ran anga awm ve mai tur ania.



"An chhun che anih hi"alo ti liam puat.Chhan pawh ka chhang buai peih lo,debate neih pui ka peih thlawt rih lo.



Kan pe zo a,Chhoh mai ka tum chu ka kut ah min vuan a.A vawk in lam min pan thlâk pui leh.Ka van peih tawh lo,a rimchhe thei si.



"Pahlir,Nupui,hei Tinkeri ka rawn hruai.A dam lo in ṭawngṭaipui kha ania,hei a dam vek tawh e"ati leh tawh.Khawi lamah mah an ni hian min ṭawngṭai pui lo ange.



"Ka ning ka chho dâwn"ka lo tih san hluk a.Nui ṭha duh si lo hian,a vawk te bia in min fiam zuk2 reng.


Ka in bual fai a,ka nu eirawng bâwl pui tumin chokaah ka lut a.Mu rih tûrin min duh mahse,mut ka kham tawh miau sia,ka mu peih tawh lo.Ka mut ṭhat hi chuan zan anih loh chuan mut mai2 hi ka duh lo,min ti zawi zo vek zêl.




Zanah Zarzoliana a rawn leng a,ka u nen an in kawm nasa sia biakna hun pawh ka chang ve mang lo.Mu tûrin roomah ka luh san daih a,ka phone khawihin ṭhian ho group ah ka ṭawng char2.



"Naktuk chu class lo kal tawh la"Zualtei'n a rawn ti.Keini pahnih hi chu ṭhian ho groupa chat bakah hian private in kan in be leh ngei2 zêl.



Msg dang a rawn lut leh a,Zirzoliana hnên aṭang ani.



"Ka rawn leng ve a,min mut san daih a"
"Min ngai ve lo animaw"
"I mut dâwnah ka awi leh ang che aw"
"Ka haw anga,i tukverh ah khan lo dâk rawh aw"



A rawn thleng zung2 mai.Nidangah sawi tûr a hriat loh ṭhîn nen.Zanin chu a luangliam ve aniang.


"Awle"tih zawngin ka chhang a.Hruaizela msg a rawn lut ve zat.A bialnu thlalak alo nia,a sam sei mahse,a roommate kha ang ka la ti tho,phîr pui a nei zawk anilo maw?"A ṭhat kha"tiin ka chhang ve mai.


Ka room tukverh zâwnah chuan aw thian kharh ri ka hriaa,Zarzoliana ani tawh ngei ang.



Tukverh chu ka hawng a, tshirt leh boxer nen guiter pawmin step-ah alo ṭhu."Thla khi a eng tiraw"tiin van lam a en dauh2 a.Ka hawi chho a,thla eng ka hmu ve miah lo.



"Ka hmu ve miah lo"ka tih chuan a khabe tuai zeuhin,"Chhum in a hliah rih anih khi"ati thawp sup.Ka nuih a ti za tlat,in lak zei a tum ve in ka hria.



"Eng hla nge ka sak ang?"a rawn ti leh a.Ka chhan hma chuan ka room piah tukverh aṭang ka u in,",Ro tui bur vei hlo zial"a rawn ti.Ninawm chance min pêk a tum ve miah lo ami le?lo in rawlh ve hman ziah mai.



"Kimkima te hla thar,ka ngai che tih kha"kalo ti vat."Chutiang stage in la thleng lo"lehlam aṭang alo ti leh tawh.



"Mmm kan sa ange"Zarzoliana'n ati ve mai."I thiam ami?"ka ti hliai.A lu bu nghatin guitar a herh rem a.A aw thian leh in ka hla thlan chu min sak sak ta a.



"Run hmun len pui tura ka thlan;
Nang ngei ini Di te ka tan;
Suihlung leng hnemtu ber ini Bawihte;
Thinlung thianghlim dik na a thuam;
Mawina tinrêng fawm tura duan;
Awm khawhar hnem tu ber ini Bawihte;"



"Awi ka hmul thi a ding sur2 mai"leh lam ami in alo ti.Mi ngaihthlak tui lai2 a,avan buaithlak ṭhîn tak.



"Ramhuai an awm ami?"Zarzoliana'n alo ti.Hlauh a neih vanga hmul thi,ding ah alo ngai aniang.



"Awm aniang,i zai aṭang chiah khan ka awm,i bulah khan a awm hrim2,kawmthlang pa thla aniang"ka u in alo ti zawm zat.Zarzoliana a hawi phawk nasa tawh mai.



"In nawi dun em mai,ka mu dâwn"tiin tukverh ka khara khum lam ka pan san daih.An in bâwl phuan thei lutuk hian ka thluak ati na zo.



Msg a rawn thleng nghal zat a.Zarzoliana msg bawk."i damdawi ei theihnghilh suh aw"tih alo nia.Damdawi ei lai ka neih pawh ka lo hre leh tawh lo.



Khum aṭang ka tho chhuak leh a,ka nu bawnghnute rawn dah nen ka ei nghal.
"Muttui aw ka B'lem2"a rawn ti leh a,"muttui"tih zawngin ka chhang.



Earphone ka vuah leh a,Flight mode ka on dawn chiaha,Zarzoliana call a rawn lut."Ava mak mawlh2 ve"tiin ka la a.
"Light i off tawh sia,i mu tawh dâwn ami?"a rawn ti."Aw"kalo ti hmuka."I mut hmain Bible chhiar in ṭawngṭai phawt ila"a rawn ti anih chu.Min ṭhawng thut2 zêl.



"Ka mut a chhuak tawh e,naktuk zanah ti mai ila"tiin ka chhang."Awle,anih chuan muttui suk2 aw"tiin a dah a.A lem mah nise ka vawikhat neihna ania,mawl viau mahse,min ngaihtuahna a ti lang ve hrim2 hi ka lawm.



Flight mode ka on nghal a,ruah sur ri ngaithla in ka mu zui.



**********###############***********


*Building la sak zawh lovah ka awm a,na tuar thaw ri hrâwk2 thâwm ka hriaa.Thawm awmna ka pan hnai zêl a,thil dai fuh ka nei a,ka ke lam ka en chu thisen alo tling hmur mai.Ka hma lawkah chuan,mi pakhat thi chhawnga let reng ka hmu ta mai.Ka pan hnai vat a,a nâk aṭanga thi lo chhuak ka hmu a.



A thi chhuak chu tih tawp tumin ka kut chuan ka dawm sak ringawt.A chhuak nasa bawk si,a thi tawh angem le?A lu bula a phone let reng chu la in,damdawiin call ka tum a.Ka hmet eng a,a screen ah chuan dar 4:39 pm,ni 22 wednesday tih alo chuang hmasa ber a.



A pattern hâwn tum chuan ka buai hle a,a finger print chuan ka hawng thei hram a.Hospital call ka tum chu,ka bula thi chhawnga let reng chuan,thei leh thei lo hian,"Angai lo"alo ti ṭawk2 a.



Ka phu dawrh,a thih tawhah ka ngai hial ania.Tuinnge khawih ang le?



"I hliam na si,damdawiin pan vat loh chuan kan tlai ang"tiin call luih ka tum a.Ka phone ken lai chu rawn ban in,"Angai lo,a tlai tawh"a rawn ti leh.



"Anih chuan ṭanpui tu tur kan zawng ange aw,lo nghak rawh"tiin thawh san ka tum a.A nâk aṭanga thi rawn chhuak chu a zual a,ka kut chauh chuan a dang zo dâwn lova ka hriat avangin,ka kawr hak lai chu phelh a nâk ah chuan ka dam sak a.Kal san chu niin ka hre tawh bawk silo."Min pui ru"tiin ka theih tawp in ka au a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:49 am

They Call Me Psycopath


Chapter 17:



Ka harh chhuak zawk,thlanin min bual leh tawh.Nizan ka muttui teh reng nen,mangchhia hi chu ka ning ngawt mai.



Ka khum bula tui in chhawp,in ka tum chu alo awm tawh lo.Peih lo tak chungin tui thun tur chuan ka chhuak a.Ka u a rawn tho ve chiah bawk.


Khua a var ṭan lek2 tawh a,"walk tura kaih thawh i ngai tawh lo,i piangthar ani lo maw"ka biang rawn piai zeuh chuan ati a.Ka melh ling hlar mai.


"Oh iva tho fuh lo ve"tiin a nui suk a."ka walk dâwn lo"tiin ka tui thun sa kengin room ka pan san daih.Faifuk rût2 chungin bathroom a lut ve bawk.


Flight mode ka off a,Zarzoliana msg alo lut chiah.Morning tih vel bak ani leh dawn lo tih ka hriat vangin seen lo chuan ka mut san leh daih.


"Tinkeri ala tho nange class kal a hun dâwn asin"ka u ṭawng lung2 ah chuan ka harh leh a."Vawiin chu la kal suh se,ala dam kawr em mai"ka pa'n alo ti leh a.



"Rinzam i vawk pui nau nei tûr khu zuk buaipui rawh,min melh rum rût mai,ka buaipui thiam hauh lo ania"ka nu aw ani.



"A sehsam ve aniang naktuk zanah alawm a neih dawn"ka u in alo ti veleh a.


Ka tho na bur mai,class kal pawh ka phur lo.Mahse ka chawl rei tawh sia,ka tih ve hram2 loh chuan zirtur ka ngah dâwn bik lutuk.



Room aṭang ka chhuak a,ka u in chhuat alo nâwt mek."morning"an lo ti rual ṭhap a.Ka hawi hai teh asin.ka lu bu nghat in bathroom ka pan nghal.


Bathroom chhûngah vawk pakhat alo awm reng chu niin,ka hmu thut bawk sia ka au chhuak ṭhat a.Ka nu a rawn tlân nghal.


"Rinzam,engnge he vawk hian hetah a tih"ka nu'n ati vin leh hlar mai."Pu Thana te lawm thu sawina a talh tur anih kha"alo ti liam puat a.


"Chupawhnise,engnge hetah a tih"a ti vin leh hlar a." A in bual fai dâwn,Tinker i in bual pahin lo bual nghal nghe2 teh"a ti zawm zat a.


"Engnge talh tur apiang hi i bual ziah,zuk dah thla nghal rawh"ka nu bawk ani.


"Ava mak e âw ka sawi ngun tawh,zo vawk anni ve lo,fresh taka awm an ngai"alo ti leh ringawt.Dar zat ka en a,a tlai tawh bawk si chu ka in bual lui ta ringawt.Ka in bual zo ka in thlak lai chuan ka lamah a rawn kal a,ka ṭe leh teng tung tawh.


"Kawngka an rawn chum dawt2 a.Hmanhmawh takin ka hawng."Zika i u hi ilo hmu tai deuh em ni"tiin a hnung a rawn chûl sak.



Towel nen chauh ka la awm bawk si,"rawn hawi miah suh ang che u"tiin an hnung lamah chuan ka in thlak zawk2 a.



"Tinker,Zika hi a nau Pahlira te tan a in volunteer asin"a rawn ti leh."Engah chuan maw"ka lo ti bak hlar a."Tukinah meeting ka neih pui a,talh tûrin a in pe tawp asin,a khawngaihthlak zia hi"tiin ala chûl hliau2 a."A ho nang leh i vawk ho hi in en tir in ngai"tiin ka chhuah san.Ninawm lutuk zing aṭang a vawk leh ar chanchin bak sawi tur a hre ngai lo reng2.



Chaw eikhamah ka in siam nghal sawk2 a.Zualtei nen bus stand a innghak tûrin kan in be bawk.Ka u hi buai viau ṭhin lo se chuan bus a chuan reng ka ngai bik lo tûr ania.B.A ka zawh hma chu ka pa ten scooty min lei duh bawk silo.



Ka chhuak tur chu,ka nu leh ka u te'n vawk an bual ta ani ngei ang.Bathroom lamah an thawm a ring bawrh2 em mai.Ka pa chu alo chhuak fel leh der tawh a.A office leh kan college awmna lam te hi in ang sela a ṭha tur hi ania.



Kan kawtah car dum alo ding renga,model thar anih hmel,kala hmu ngai miah lo.Glass rawn ti hniamin,Zarzoliana ka hmu hlawl.A sun-glass vuah la thla in,a biang sum langa nui chung hian "lo chuang la,i tlai ang"a rawn ti.


Ka meng phâwk lutuk chu a nuih a za zual sauh a.Car aṭang rawn chhuak in,a kamis purple in bilh thlap te, a smart shoe zawng2 te nên kalo en chhuak vek.A kut rawn phar chhuakin,"kan kal dawn em ni?"a tih chuan muangchang in ka pan a.


A seat hnung lama ka chuang tur chu ka hnung lam aṭang rawn nawr in,front seat ah chuan min ṭhut tîr a,dim te in seat belt min hrên tûr bawk.Nawi rengin a che zia chu ka en reng a,"Ka va hmuhnawm awm ve"nui suka a tih chuan ka biang ka beng thek a,"mumang anilo"ka ti chhuak sap.


Ka beng bulah rawn kun hniam in,"Fairy tale anih hi"a rawn ti leh sup.Ka za chhuak vêkin ka hria.Ka biangah a kut pahnihin a rawn dawm leh a,ka mitah tak min en chungin,"Euricka-Era ah kalo lawm a che"a ti leh sup."Engnge chu2"a mita en ve chung chuan ka ti a.


"Ka sungtuahna ram,ka beiseina zawng2 kim vek na hmun"a rawn ti leh.A kut lum nuam taka ka biang a vawnna la thla in,a sûn glass a vuah leh a,kan tlan chhuak ta a.


"Eureka an ti zâwkin ka hria"ka ti zawi leh sap a."Eureka chu a dang daih alawm,a lassi tawngin hlim takin a awm tawh a.Euricka hun a in her tawh alawm,chu2 ka suangtuahna zawng2 kim vek na hmun ania"tiin nui sang chungin min en a.


Ka phone a rawn ri a,Zarzoliana vangin Zualtei kalo theihnghilh daih.Ka lak rual chuan,"i rei lutuk,kan tlai dawn ania"a rawn ti vin hlar mai.Zarzoliana ka melh leh a,"kan lam phei dâwn ania"alo tih takah chuan,"kan lo thleng ṭep"tiin ka dah a.



Bus stand bulah Zualtei chu kan lam phei a.Kan ngawi reng bawk sia,"hla ngaithla ang aw"tiin Zarzoliana'n music a on a.Nizana ka hla thlan,Kimkima te hla bawk kha a play leh a.Kalo lai ru ve em2 ringawt.



College kan thleng a,"in ban hunah min lo hrilh la,ka lo lam dâwn che ania"a tih chuan lu kalo bûk khum tawp.Min en reng bawk sia,ka zak chuan Zualtei kaiin Class room lam panin ka tlân pui dawr2.



Kan ṭhut fel hnuah,"sawi rawh le"tiin a khabe dawm chungin min lo en reng."Kan u ṭhian"ka ti chiah a,"I u ṭhian,i bialpa hmasa ber"mit ko san zeuhin alo ti.Ka zak lutuk chu ka biang a sa chhuak vek thei.



"Kan Ar te chu,a biang ava sen ve"Chhemawla te ṭhian dunin kan bula rawn ṭhu chung in an rawn ti.Seni leh Arini te an rawn thleng ve chiah bawk.


Seni'n ka pang rawn dek in,"I va sa ve,ila dam loh chuan rawn kal loh tur alawm"alo ti ve bawk."Dam loh na lam ani lo,thil ri ret2 awm vang zawk anih hi"Zualte'n atih chuan ka melh rum teh asin.


Thankima'n,"A lo thleng ṭep 5,4,3"a ti a an ṭhutna an pan nghal.Rei lo tê ah Sir Daniel a rawn lut.A strict bawk sia,a class ah chuan tumah mu thlu ngam kan awm ngai lo.Engtinnge Thankima hian a rawn kal dawn leh dawn loh hi a hriat theih ṭhîn zawk.


Break ah canteen kan pan leh a,Lucy te ṭhian ho kan seat ah an lo awm.Ṭhutna dang a awm tawh bawk silo.Engvakmah ei lovin an ti ti mai2 chu Thankima'n "in ei zawh tawh chuan kan lo ṭhu ve tawh ange"a va ti a.Lucy in min rawn hmuh chuan a ṭhian te a hrilh ru nghal a.An ṭhian ho chuan nui chung in min rawn en a.



Lucy chuan"U Hriat,kan order kha kan cancel leh mai ang.Mental chiang lo te an awm bawk si,ṭhutna kan ken loh chuan min that ve palh ang"tiin a ṭhian te nên an tho chhuak a.Arini'n "Tu maw mental chiang lo,nangmahni zawk hi chiang lo chu inni zawk lo maw"alo ti nghal a.Arini hi Hriati awm loh hnu a kan kawm thar ania,Hriati ai a awh zo khawp mai.


"Mental hospitala awm ngai khawpa buai Psycopath kan class in kan lo kawl reng bawk sia.Kan ti buai ngam lo che u"Lucy chuan a rawn ti leh.Engtinnge alo hriat daih theih le?Ka ṭhian te hian an sawi dawn tawp silo.


"Engtinnge ka hriat inhre duh em?i awmna hospitalah khan ka pa a thawk ve alawm"a tih pawh chuan ka la bo tho.A pa chuan min hre awm der silova."I la man chuang nange,a awm tho e,ka hmu che alawm"nui sang chung chuan ati leh."Lucy chhuak vat rawh u ka thinrim hma hian"Chhemawla'n a rawn ti."Ni e chhuak ang u,ka â zo dawnin ka hria"tiin nui hak2 chung chuan an chhuak a.


Thil ei pawh chu ka phur tawh lo,canteen chhunga awm ho mit chu keimahah a fu ṭhupin ka hria.Ka rilṭam na zawng2 a bo vek.Lassi chauh ka lam a,in pahin ka ṭhian te thil ei ka nghâk tawp.


Seni leh Zualtei te chuan Lucy te ṭhian ho chu an rêl zui mawlh2 a."In la hausa,ke ṭhiah bal anih kha,kephah mawii"Chhemawla'n a rawn ti ve.Kan nui hawk mai.Ani lah taka,a hmel fai ngaihtuahin a ke a bal thei lutuka,ke phah mawii tih pawh chu a in hmeh phian.


Chawhnu class chu angai te bawkin an muthlu leh ṭhap tawh.lucy a rawn ṭap chhuak hlawl a,kan en ṭhap hlawm mai.Miss in a ṭah chhan a zawt a,a rangkachak bracelet a bo thu alo hrilh.Miss chuan washroom a check tawh leh tawh loh te a zawt a.Class chhunga bo anih thu in alo chhang.


Kan class room chu Miss in a chhûng lamah a khar a.Tukverh zawng2 pawh khar vek tur chuan min ti a.Kan khar zawh hnuah kan kut chung lamah min phar tîr a,Class Cr leh Asst Cr te ko chhuakin,kan dawhkan leh bag an check ṭan a.


Lucy min rawn melh chunga a nui leh ṭhin chuan ka ngaih a ti ṭha lo.Zualtei bulah ka sawi a,"thang a kam ani hrim2"alo ti ve bawk.Ka ban dah thla in,ka bag check ka tum laiin,"Saizampui,i kut dah chho rawh"a rawn ti vin ṭhat mai.


Chu veleh,Cr ko in ka ṭhutnaah an rawn kal a,ka bag an check chu Lucy bracelet ngei alo awm.Ka hrilh hai lutuk chuan ka bag ka en reng ringawta ka tha a rawn khur leh zawih2 tawh.


"Aw kha2 anih kha"Lucy in a rawn ti vat.Zualtei'n"Miss a dah chawp aniang,Saizami chu kan bulah a awm char2"alo ti zawm zat bawk.



"Psycopath nena class khata awm reng hi ka duh tawh lo.Miss tuna a thiltih te kha en la,nakinah phei chuan kan College pawh ala hal duh maithei asin"Lucy bawk chuan a rawn ti leh.


"Lo ngawi rawh,Saizam,Lucy min rawn zui ru"ati fiak ṭhat.Principal roomah min hruai a,thil awmzia a sawi.Principal chuan chik zet a min en in,"I lâk ani em?"a ti thum dut a.Ka lu ka lo thing vat,"A awh na a rei tawh a,min dil fo alawm.Ka pa min lei anih vangin,ka pe phal lova"Lucy chuan alo ti leh zat2.


"I lâk anih siloh chuan,engtinnge i bag ah an hmuh theih?"tiin Principal chuan min zâwt leh.Min melh rum mai sia,ka hlauh lutuk na lamah ka zun ati chhuak zo vek.



Sawi tur ka hriat loh avâng chuan ka ngawi tawp a."In chhûngte phone ula rawn kal nghal rawh se"ati leh khur2 tawh.Ka nu te ka be ngam bawk silo,ka u ka call ringawta.Ṭap chungin thil awmzia ka hrilh a,a rawn kal nghal tur thu a rawn sawi a.


Darkar chanve pawh a tling lovang tih ah,ka u a rawn lang nghal.A rawn lan dan chuan min ti phu zawk thei.


Khawlum lutuk kârah Coat suit nen a rawn in duang zuih a,sun glass a rawn vuah ruh bawk,amah a pa lian bawk si,a khabe hmul zawng2 nen.Khua chu lum viau lo se chuan a chhelo ngawt ang mawle.


Ka bul a rawn thleng a,ka mittui rawn hru hul in,"bâng tawh rawh le,i u vawk pu"ati chiah a nakah ka loh sih sak.Vawk pu sawi tel kher kha a ṭûl lo lutuk.Si sap in,"I u ka awm tawh hi"a ti zui a.



Principal nen an inbiak lai chuan pâwnah kalo nghâk a.Lucy chhûngte pawh an rawn lang ve a,an lût ve nghal bawk.


"Kan college i chhuah san loh chuan,hei lo pawh hi tih tur kala hre ṭeuh ania"Lucy rawn ṭawng leh chuan ka thin a ti rim kher mai.



"Thiam lohna engmah ka nei lo,min tibuai tawh suh"kalo ti ve hmak.Za lo zet in a nui hawk a,"I el phak ka ni lo tih ila hre miah nange,I nu pawh kan hospital aṭanga thil rûk vanga ban anih kha"a rawn tih leh chiah ka insum zo tawh lo.


Ka in rin hmain,a biangah ka beng a.Min rawn beng veleh.Ka beng nawn leh a,"i châk animaw"tiin ka samah a rawn kek nghal a.Kut thlawn ba duh bik lo ta chuan theihtâwpin ka kek ve a,a dulah ka tlawh zawt.Leiah a tlu chawrh a,a ṭap nghal.Principal room a awm zawng2 an rawn chhuak a,Lucy pa chuan ka hmaiah a rawn beng nghal.Ka lu a rawn hai chhâwk a,ka u in Lucy pa khawih ve a tum chu Principal in a rawn dang.



"In cheap hle mai,rûk rûk chauh pawh duhtawk lovin ka fanu ilo khawih ngam amaw? Lucy pa in a rawn ti leh.



"Pafa in chhun tak innih kha,vawkah chang ula,zo vawk tum tawi deuhah in chhuak ang"ka u in alo ti veleh.A thinrim viau pawhin vawk bawk a sawi leh tawh.



Principal chuan office ah min ko lût leh a,ngaihdam dil turin min ti.Ka u thinrim lutuk chu a ban ka vawnna lam a khur zawih2 a,"ngaihdam min dil hmasak loh chuan kan dil bik lovang"zawi si fiah tak si chuan a ti a.



Lucy pa lah chuan,"kan ngaihdam tur zawk in nih hi,chapo chhuah lo khan ka fanu hi ngaihdam dil nghal rawh"alo ti ve bawk.


Lucy nen kan ngawi reng a,a tu a mah ngaihdam in dil tum kan awm lo.Lucy pa bawk rawn ṭawng leh in,"ka fanu hi he College ah hian zirna ṭha ka duh vangin ka luh tîr a,hetianga kut in thlak leh rukrûk a awm zêl dâwn anih chuan a luhna ka sawn thei reng ania"tiin Principal a kar leh.



"Pu Siam,ka thiam loh ani,hetiang thil hi a thleng tawh lovang"tiin kei chu min rawn en a."Ngaihdam dil rawh le"dam thlup in a rawn ti.Ka u in "a dil hmasa lovang"alo ti ṭâng at a.


Tlawm zawka ka ṭan hmasak loh chuan engmah a dik thei dawn lova ka hriat avang chuan,ngaihdam ka dil ta ringawt."Tinker"ka u in a ti hrâwk a,kalo hrelo awm hmiah.Ngaihdam ka dil takah chuan Lucy pa pawh a in thlah dul ta deuh a,Lucy hreh chung2 ngaihdam dil turin a ti ve bawk.Kan in ngaidam tawn ta a,kar khat chhung min suspend a,Lucy pawh ni khat suspend ani bawk.


Ka u chu thinrim takin a chhuak a,a hnungah ka zui ve dat2 mai.A bike a start lai pawh chuan be ngam lovin a bulah ka ding reng a."Chuang ta che"a ti vin ṭhawt mai,ka phu dawrh a,a in thiam lo leh si aniang,zaidam deuh hian"lo chuang rawh"a ti ṭha leh a.



Kawng tluan in a ngawi reng a,kan veng kawn kan thleng a,ice cream, kawngsir a zuar bulah a ding leh.Cone dil belh leh in,ka kutah ice cream min pe a."thinrim deuhin ei zo vek ang che"min ti kher.



A in thuam dan kalo en chiang miah lova,mawza a lo bun miah lo chu niin."Mawza i bun theihnghilh ami?"ka ti zawi sap a.A ke rawn lek kangin,"stye anih hi"a ti duh lek chauh.



Ice cream ei zawh hma chuan,a bulah ding hnaiin,"U,tlawm hmasaa ṭang ngam te hi mi huaisen an nia sin"ka ti leh sap a."Ka hria"alo ti hluk.Ka ngawi ta daih a,"Vawiin khan ka chhuang lutuk che"tiin ka sam a rawn chûl.Ala thinrim emaw tiin mak ti takin ka en a."kha aia na khan khawih hrep tûr che alawm,insual zir tîr i ngai dawn tlat"tiin a khi leh ṭhaw tawh.


Bike a start leh a,kan tlan chhuah hnuah faifuk chungin in min thlen pui.Ka nu bulah,chanchin a sawi zung2 a,ka nu pawh alo thinrim."Keimah zawk min call tur che alawm"alo ti hlar a."Come on,Dolly,i kal chuan buaina a so sang zawk,mi fing zawk ka kal a,a ṭha mai alawm"alo ti leh nghal zat.



Room ah in thlak turin ka lut a.Engtinnge Lucy khan ka nu chanchin a hriat theih le?Ka nu hi dâwtin an lo puh ve tho angem le?Min hringtu ka nu boral hnu a thil thleng ani awm sia.



Lawk in,ka u thling thlâk tu kha,nau pawm lai ani a.Thling thlâk zawh hnu ah nat em2 awm lovin a boral ta kha ania.Ka nu tak zawk khan a thih chhan engmah min hrilh tel miah lo.Ka u thling mil an hmuh kha ka nu hi ani thei mai angem le?


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:49 am

They Call Me Psycopath

Chapter 18:



Ka nu kha ka u vânga boral lo ni ta se,kei hi min khawngaih avâng leh an inthiam loh avângin min enkawl ani thei mai angem?



Ka pa khan a pawm vak lo chungin,ka nu hian min hruai lût zawk ani maithei bawk.An in hau thawm ka hriat khan,ka pa khan tawk a ti tawh viau anih kha.Engemaw thu in thup chu ala awm chiang alawm,ka u khan ka nu diary chhiar zawm a phal tawh loh nachhan te kha.Heng ka zawhna zawng2 chhânna hi a awm vek vang ani hrim2.Diary kha ka zawng leh anga,ka duh ang chhânna ka hmu ngei bawk ang.



"Tinker,min rawn pui rawh le"ka u in a rawn ti a.Phur zân lo chungin ka chhuak ve a.ka nu pot lei tharah lili alo phun mawlh2 ka va hmu a."Ka nu'n a ti thei mai lo ami?"ti a ka zawh chuan,"a rim an ngeih lo"alo ti mai.Nia,ka nu hian pangpar leh thlai rêng2 a khawih hlum zêl a.Pangpar te hi a ngaina ve ṭhin sia,ka u hi a en kawl tu ah a ṭanga,ka nu a thla latu ah.



"In va buai ve"gate chhunga rawn lut pah chuan Zarzoliana'n a rawn ti.Banah kalo lam ang che ati sia,engmah hrilh leh nachang ka hre silova,a thinrim angem le?


"Ava mak vung2 ve,hna a sawt lo lutuk ang.Lo lovey dovey rih suh"ka u in a rawn ti.Ngaihtuahna ka lo kawm leh veng2 zel hi chu a buaithlak ani.



"Ka lo pui ang che u"tiin kan bulah a rawn ṭhu ve a.Ngawi rengin pot ah chuan lei ṭha ka dah mawlh2 a.


"Ka lo nghak che a,i ṭhian te bak ka hmu lova"Zarzoliana'n a rawn ti ta chat mai.Ka in thiam lo ve ringawt lehnghal a."Ka hruai alawm"ka u in min lo chhan khalh.


"Mm"tih ringawt in a chhang a.A lungawi chiah lo anih hmel.Kan mit a in tawng fuh leh zeuh ṭhîn a,ka nuih pawhin min nuih let duh miah lo.


"Bro kan kal nghal mai dâwn em ni?"ka u in a tih chuan "khawiah maw?"ka lo ti nghal vat.


"Gym ah mawle"ka u bawkin min chhang."Ka lokal ve dâwn"ka lo ti vat a,min en hô mai.Mak an ti viau ang,gym kal ka peih ngai tlat lova,min sâwm luih ngial pawhin thih ka thlang zawk ka ti ṭhin kha ania.Tun ṭum erawh Zarzoliana biak ka duh vangin ka kal ve ngei2 tûr ani.



"Va in siam la"ka u bawk chuan ati leh a.Zarzoliana ala ngawi reng.ka insiam sawk2 a,ka chhuah leh chuan min lo en nasa mai."Tinker vawithum ka chhiar hmain va in thlak vat rawh"ka u chuan alo ti vat.



"Engnge hetiang hi an hak ṭhîn ani lo ami"kalo ti hû a."Midangin an ha ṭhîn,nang chu jogger pants ha ang che"alo ti leh hluk mai.Zarzoliana ka en chuan chik zetin ka ke lam alo en ngur mai.



"Ka inhmeh lo viau ami?"Zarzoliana en chung chuan ka ti leh a.A hmai a tuai puata lehlam a hawi daih."Miin an en duh lutuk ang che,figure lang thei chi in bêl lo turin ka tih che kha"ka u chuan alo ti leh hlak2 a.


Ti tau bar2 chungin ka in thlak leh a,jogger pants ha in ka chhuak chu an lo thaw huai thei nia.Hemi te pahnih chimawm zia hi,ka inhmeh lo viau anih chuan sawi ṭhat ve mai awm ania.



Zarzoliana car ah kan chuang leh a,ka u nen kan in be tluan ṭhak.Zarzoliana ngawi reng chuan ka ngaih a ti ṭha thei lo.



Gym kan thleng a,hmeichhe nalh tak2 an lo awm nual mai.Zarzoliana bulah ka kal hnai a,'engnge ka tih ve ang,instructor?"ka ti zeuh.Min en vung2 a,min chhang tawh dâwn lo emaw ka tih hnuah,"lu ko ki"alo ti tawi tak mai.Nui suk chungin a kal sawn a,kan piaha hmeichhe pahnih te a pui daih.



Ka u lah chu rit zawng2 chawi zawh vek a tum emaw tih mai turin ,a ban sek phiar vek khawpin alo bei bawk.



Ka tih tur hrelo chuan treadmill on in ka tlân ve ringawt.Ka bulah tlangvâl pakhat sa in phut mawi zet mai a rawn tlân ve bawk a.A khat tawk chuan min rawn be leh ṭhin a,ka phone no.te min dil hial.



A phone min pe a,ka no.type ka tum laiin,kut tha chak zet hian min chawi sawn dâwrh a,ka phone ken lai min chhuh sakin,"ka bialnu hian no.dang a mamawh lo"a lo ti hmuk mai...



"I bialnu maw?"

"Aw ka bialnu"

"Bialnu chauh ala nih chu,sava thlawk lai te chu biak ve a thiang ang chu"

"Sava thlawk lai ani tawh lo,a nei tu in,in a sak sak tawh"

"Chu,a la lawi lût em hleinem"

"Thereng an awm em ni?ava hram bengchheng ve"ka u a rawn lang nghal.Ka bula ding te pahnih lah chu mit tla lêk lovin an in en ngur tawh bawk si.


Ka u chuan ka bula dingte pahnih kârah chuan a kut rawn beng thak in,"thereng te chi animaw"tiin a kut a chhêm zui a.



"In ngur chhur2 ru,a chak zâwk ka ṭan"a ti zawm leh zat."Kei leh ka bialnu hmuh theihah hian rawn in lan tawh suh"Zarzoliana'n a ti leh chhar2 a."A u pawh tirawh"ka u in alo ti.Avan ṭûl lo thei tak.


Ngawi rengin min kal san a.Zarzoliana nen ka u kan melh rum dun khawp mai.Min en tawn zak2 chung hian,"ka ti ṭha tih ka hria alawm"nui suk chungin Zarzoliana dara ben pah chuan a ti a.A thil rit chawi lai a chawi chhunzawm nghal zat.


"Ka ti hlauthawng che em?"thutak deuh chuan a ti a.A mitah ka en a,a in thiam lo tih ka hre thiam."Aih"tih chauhin ka chhang a,treadmill bula tui chu la in ka in nghal a.


"A lem kan ni tih chu ka hria,mahse kan deal siam chhûng hi chuan I bialpa ka ni riha,vênhim che chu ka hna ani"a thutak mai bawk sia,chhan dân tûr pawh ka hre ve lo."I thu vek alawm"ka ti liam puata a, treadmill on in ka tlân san daih a.Ka hnung lamah chun min en reng tih ka hria.Kan deal siam,a rei dawn chuang lo tiin ka ngaihsak chhunzawm duh tawh lo .


Haw kawngah pawh chuan ka u ṭawng chiah ngaihthlak tur a awm. A vawk pui no nei tûr ringawt a sawi a,ka ngaithla ning tawh chuan tukverh lam ka hawi san tluan parh.


In kan thleng a,ka nu in rawng bawl alo peih fel leh der tawh."Khawnge ka pa?"ka nu ka zawt nghal a."I u vawk pui khu a na tawh riau in ka hriaa,a en dik dâwn anih kha.I u lah hian a ngaihsak ṭha der silo, vulh tawh lo sela a ṭha ang"alo ti nghal zung2.



"Ka vawk te khuan,mikhual emaw an tih cheu hi,a duat tu an hre thei teh mai ania"room aṭang a rawn ti lung2 a.Ka nu nen in melh in kan nui ringawt.


Room ah towel leh hahthlâk tur ka laa,ka u in bathroom min hman khalh hlau in,ka ṭuan ka ti rang ve khawp mai..


A room aṭanga a chhuak thâwm ka hriat loh vang chuan hmanhmawh takin bathroom ka pan a.Chhung lamah alo inkalh leh hman tawh."Mmm a rim aṭang chuan Tinkeri"a la rawn ti zui.Rim ka neih hran pawh ka hrelo e.


Ka nu hian an room ami hi hman a phal vak lo ṭhîn a.Ka pa rawn lut ka hmuh rual chuan,"Pa ka thak sup2 mai,inbual nghal ngei2 ka ngai"kalo ti vat a.A phalna thlapin,inchungah chho in ka inbual a.


Ka in bual zo ka thawmhnaw ka hâk fel lai chuan ka pa phone hmang thâwm ka hria a,ngaithlak chian tumin kawngka nghengin ka beng ka dawh a.


"Pu Siam,ka hrilh fo tawh che.Kha nau kha kan kawl lo tih vawi engzatnge ka sawi dawn"tu chungchang nge an sawi ang le.Tunge Pu Siama chu? an hnathawhna lam ami aniang tiin ka towel leh thawmhnaw bal keng in ka chhuak a.



"Mambawih,ila awm a"ka pa chu ava meng phawk ve,thil dik lo a awm anilomaw?"Ka in uluk alawm"nui sanga ti chungin ka chhuah san.



An hnathawhna thil anih vang aniang, room ah kher a rawn biak.Mahse a hnawthawh na leh nau chungchang a sawi khan inzawmna an nei miah lovang,a in per san lutuk tlat.Tu changchang tak sawi ang maw?



Chaw kan ei laiin ka u in thupui fun deuh hian,a vawk pui no nei tûr changchang a sawi leh a."Dolly nang chu lo awl la,Tinkeri'n min pui dâwn ania"tiin ro a rêl zung2 a.Vawk no nei lai vawikhatmah ka la hmu silova ka pui ve thiam ngawt dâwn ami le.



Chaw eikhamah a dan ngai te bawkin thleng sil pahin a faifuk leh rût2 a.Hmun tifaiin,chhuat te ka nâwt fai a.Zarzoliana a rawn leng lût leh hlawl mai.



Ka pa'n lo chhawn vatin,sitting room lamah an ṭhu phei a.Thu pawimawh sawi dun tur an neih vanga lokal anih dawn hi.



An thusawi ka hre ve chak tlat a,sitting room bul vela ka nu plants khawi chu puana hru faiin ka ṭhu hniam a.


"A file zawng2 kha i theih ang2 in lo thlak danglam vek rawh aw.A rawn zawn hmuh vaih chuan engnge thleng dawn kan hre lo na in,thil ṭha a thleng dâwn lo tih nangpawn i hria ang"Ka pa'n ati mawlh2 mai.Eng file chungchang tak ni ang maw?



"A nu record book pawh kha ka thlak danglam tawh a.Khatih laia,naute la tu leh naute pawh an thi tawh angin record ka siam fel bawk.A rawn zawng tawh lo turah ngai ang"Zarzoliana'n a ti veleh a.Thil pawimawh tak buaipui chu an nei ani,ka pa hlauhthawn dan em2 hi thil sual ti te pawh a ang alawm.



"Hrûk dâk vek i tum em ni?"ka phu zawk,ka u ka bulah ṭhu in alo nui ṭhû mai."A bal em anih kha"ka tih ve tawp."A fai tawh kha,kal rawh le,Mission start a hun"tiin ka bânah min kai a.



Apron min hrên tir nghal a,ka sam min tuam sak bawk.Kan chhuah dâwnah hawi let leh in,"Zars in zo tawh em, Charles Angel ho chet a hun ania"tiin a siai suk a.



An zo tawh aniang,kan hnungah a rawn kal ve nghal a.Inhnuai kan luh dawnah,ka u a ding leh rih,rawn hawi let in,"lâwk in,Zars Bible i rawn keng em?"a rawn ti.


Kalo hawi hû a,ka hnung ami lah chuan,"phone a awm alâwm"alo ti mai.Engthil nge tih an tum leh he mimâwla te pahnih hian.



"A ṭha vek e,tiin inhnuai kawngka a hawng a,vawk in kan thlen chuan light a on nghal a.A vawk pui chu in hran ah dah in,a chhûngah kan lût ho a."Zars dar engzatnge?"ka u chuan Zarzoliana en pah chuan a ti a.



"Dar 8:40"tiin alo chhang,"ok a hun chiah e,ṭâng ang hmiang"tiin a vawkpui lu ah chuan a kut a nghat a.

Mak ti takin ka lo en reng ringawt.He mite pahnih hian engemaw thil ropui lem lo tih leh an tum chiang ani.


Zarzoliana chuan a phone a Bible chang rawn chhiar in a ṭawngṭai nghal anih chu.A ṭawngṭai zo a,"Tinker, maimitchhîng ve ta che,Bawihbawihi pawh a maimitchhîng thlap asin"rum deuha min en pah chuan ka u in a rawn ti.



"Vawk no nei turah khatin an la urhsun ngai ami"ka lo ti hlak a.Chek hlak hian,"revival crusade neih pui vek an nih hi,vawk piangthar lo chuan an no an chhiat duh"alo ti hluk.Ava han awihawm loh ber tak.Eng engemaw dan hi ka siam kual e atia,amah chawp hian in en tir tak2 rawh se.


"A tlai zêl dawn ania"Zarzoliana'n a rawn tih takah chuan,glove min bun tir a,ka chapal bun pawh sarangin a tuam thlap."Tikhan Charles Angels form anih kha,kan ṭan thei tawh e"tiin Zarzoliana a pawt hnai a.



Artui min ken tîr chu pum khat te2 a barh turin min ti bawk.Pakhat a sang chhuak a,"Aw Lalpa,kan lawm e",an ti rual ṭhat a.An che zia chu ngawi rengin kalo thlir tawp.



"Bawihbawih,iti thei ania,ṭang leh rawh le"Zarzoliana'n vawk dul chul pah chuan alo ti zel bawk a.Ka u in a san chhuah hun nghakin a ṭhut chilh rûn bawk.



Thosi a tam bawk si,kalo in ha bul kher2 chu ka in chhir,ka chawn a sen vek tawhin ka hria.


"Paruk ani ta,a dik lo Bawihbawih,Pathian number tal i neih angai.Naktuk zâna nei tûr zâninah ka neih tir che a,a chhuak ṭha vek tur ani"tiin ka u chuan a vawkpui a be mawlh2 a.



"Zams kan tur mah2 anilomaw,enteh a ṭap in ka hria,a in hnut fuih2 mai"Zarzoliana'n alo ti."Tinker artui kha barh leh rawh"ka u in a rawn ti leh a.Ka barh leh lai chuan ka kutah min hap fuh,ka phu nasa lutuk chu ka kut phar chhuakin ka au chûl a.Zarzoliana'n min lo en sak vat."A pilh loh hi,ana rei lovang"tiin min chhêm sak a.



"Vawkin a romantic scene beih kha zak ve deuh ru,Bawihbawihi in zah lo lutuk"ka u in alo ti chang fak mai.Kan in thlah vat a, Zarzoliana'n ngawi rengin vawk dul bawk a chûl sak leh.



Darkar chanve kan nghah hnu chuan a rawn sang chhuak leh a,ka u ṭhian dun chu kut beng in an inkuah chung2 mai.An naupang chhia thei sia,an lawm zawng te hi ka tui ve teh chiam love a.



"Bawihbawih,ala awm em?"Zarzoliana chuan ati leha.Vawk pui a rawn thaw ri suk,"Mmm a zo tawh anih chu"ka u in alo ti.Engtinnge a hriatthiam theih zawk le.


Vawk note chu tuiin an hru fai leh vek a,a pui hnute hnek tir in a bulah an ṭhu dun leh ngar2 a.Vawk chaw chhumna inah ka lo nghak.A rei ka ti tawh lutuk chuan pan hnaiin,"kan kal thei tawh em?"ka ti thâwr a.



An pahnihin an lo la ṭawngṭai chu niin,ka ngawi leh ta rih a."Amak Tinker, ṭawngṭai hi i vei thlawt lo ani tiraw"ka u chuan beidawn hmel tak hian a rawn ti.Ka lo nuih suk ringawt a,"kan zo tawh bawka chho ila"Zarzoliana'n a rawn tih chuan ka lawm kher mai.



In kan luh dawn chuan hawi let leh in,Zarzoliana an in lama phei ve mek chu ka ko leh a."Muttui aw"tiin ka nuih var2 a,"muttui tih nân ala hma"tiin a kal zui nul2.Eng a sawi tumna nge ni ang le?Hna ala nei anga,a zan chhuah leh dawn aniang.Vawk no neih chhung kha a rei sia,hnathawka a chhuah leh phei chuan avan chau dâwn.


Mut dâwnah ka inbual nawn leh a,inbual nawn loh chuan vawk thang rim kha ka nam tlatin ka hria,ka mut theih ka ring lo.



Ka inbual zo a,ka nu bawnghnute dah chu in leh in mu pahin phone ka khawih a.Ṭhian ho group ah ka lut a,suspend ka nih chungchang an ngaihdan anih loh thu an lo sawi ho chiam a.Engmah ka sawi ve peih loh avangin ka out leh daih.



Zarzoliana call a rawn lut a,"zanin chu stepa rawn zai nan a tlai tawh sia, phone aṭang hian kalo awi mai ang che aw"a rawn ti sup a.Ka chhan hmain,video call in a rawn ti leh a.



A khum bulah ṭhu in guitar a perh a,Kimkima te hla bawk a sa leh.Ka hla thlan anih vang nilovin,mawi atih vanga sa ani tawh berin ka hria.



A sak zawh thleng chuan uluk deuhin ka lo en a,ka bialpa lem tur atân chuan a ṭha mah2 ani.Kan deal a zawh hunah engtinnge kan awm chhunzawm zel ang le. ka ngaihtuah peih lo!!!!



"Muttui suk2 aw,ka B'lem2,kar khat chhung i chawl dâwn bawka,kan in date lem2 dâwn ania"tiin a rawn nui suk a.A biang sum hian zûn a nei chiang alawm.


Lâwk in,engtinnge suspend ka ni tih a hriat theih?Ka ṭhiante nge ka u zawk in hrilh ang.Hrelo se ka duh asin,min hmuh dan a dan vek phei chuan ka chhe vek animai.



"Mut ila duh lo ami"a rawn tih chuan ka harh chhuak zawk a,"Aw,aih,nilo muttui le"tiin ka off a.Flight mode bawk chu on leh in ka mu a,ka chau aniang,mut a rawn chhuak nghal riai2 mai.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)