They Call Me Psycopath by Euricka (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

They Call Me Psycopath by Euricka (Completed)

Unread post by Ngaia » September 4th, 2022, 11:40 am

hexvtgnx.jpg

Prologue:

Hmun reh tak,dil kam mawi takah ṭhu in ka nunna tluk hiala ka ngaih,ka thurûk zawng2 awmna ka diary ah chuan ka suangtuahna ka ziak mawlh2 a.Suangtuahna tupawhin kan nei vek ang chu,chu ka suangtuahna a tak rama thleng ngei tura ka duh leh ka beisei rûk ṭhin,mahse a tak ram thleng ngai lo duh thu sâma zam kual mai2 ṭhîn he mihring ve mai hi tu tan teh lul nge malsâwmna ka nih ve theih ang tiin ka ngaihtuaha.ka hnung lam aṭanga thaw ri hrâwk ka hriat chuan hawi let vatin ka thil hmuh chuan min va ti phu teh kher em,ka hnung lama
"Bung" zara mi pakhat in awk lai ka hmuh chuan ka ṭhutna aṭanga tho chhuak vatin chhan tumin ka pan phei nghal dawr2 a,a zâwn ka thlen chuan a ke a man tumin ka bana ka ban fuh thei der lo,a hnuk a chat ta nge a lei sei takin a chhuah zûi a,min melh tlat leh nghalin ka hria,theih tawpa zuang chunga ban ka tum leh pawhin ka ban pha thei mai lo chu mangang takin ṭanpui tu tur ka au chêl chûla.ka harh chhuak zawka thlan in min lo bual leh vek tawh.Mumang mai2 mah nise a tak ava ang teh lul êm.Mitthi kan nei leh ngei dâwn anih hi ti chungin tui in tûrin ka room ka chhuah sana.

Mumang mak tak,a tak ang deuh si in mang ve thin em.A mak zia tilang chiang tûrin i mumang ngei chu a takah thleng dik leh si sela,engtinnge i awm ang,i ngawih bo pui dâwn nge midang nun chhanhim nan i hmang zâwk dâwn?




Chapter 1:


Mut chin tawk hi in hre lova,zan lamah mi hausa fa te ang maiin zan rei hre lêk lovin in meng a,zing lamah in vawk pui mut ang thlawrh2a,ka nu ang ri chu ka hre riai2a,harh chiang mang lova ka phone ka en chuan dar 8 alo pel der.Hmanhmawh takin ka tho chhuak nghala,bathroom pakhat chiah kan neih vangin ka u thawh hmaa ka hman ngei2 angai,anih loh chuan class ka tlai leh mai ang.


Towel la vatin room aṭang chuan bathroom ka chan hman loh hlauin hmanhmawh takin ka tlan phei nghal a.Hlauh ang ngeiin ka u in min khalh leh ta,kawngka ka chum dawt2a,san hnih bak kala sang lo alo ti hluk.ka van ngei thei tak,engnge min thawh khalh ziah le,inthiar rei thei ropui si.


Ka nu chuan min rawn zâwm ve nghalin,Lalrinzam mipa si engnge i tih chen2,tah khan zâm ral ṭhak i tum ami vin deuh taka atih chuan,bathroom chhûng aṭangin, ka zâm mek,ka khu luih tawh alo tih zawm zata,vin leh zualin "rawn chhuak hmanhmawh rawh,i nau a tlai leh dawn hi,tunge maw i chhûna heti taka i ṭuan a muang le"a ti hlak2 a.


"Ava mak e aw,zingkar aṭang hian in hau nghal ṭhîn suh u,ṭhenawm pa pawn in in hau ri ngaithlain a nuih leh vur2 tawh saw"ka pa chuan a rawn ti luta,"kan zam leu luaia hi alawm,a nau ati khaw tlai ziah zêl ringawt mai,a nau rawn thawh hma zawnga lût duh ngai silo,sana a en zuk2 a dar 8 a rik veleh a lût nghal hmak zêl anih kha"ati leh hlak2 a.ka nu leh ka u hi chu inchhang bung ang chiah hi an nia,nufa pawh an ang lo unau emaw tih mai tur hian an awm ṭhîn,kei leh ka pa hian ngawi rengin kan ngaithla ṭhîn.


Ni tak ka u bathroom hmang rei lutuk vângin insawi lawk nachang kalo hre leh pek lo,Saizampuii ka ni a,Aizawl West College ah lutin English ka core ve a,ka thiam lo ṭhîn hle,ka u ang lo takin ka rilru a chak ve hran lova,mahse ka tih tawh chu ti bur chi ni ve in,sang vak lo chung hian nihna sang ve tawk tak ka beisei ve fan tho ania.Ka u erawh hi chu medicine Doctor ni ṭhîn ania,mahse vawk farm siam a duh zawk vangin a hna bansanin vawk pu ah a ṭang daih.


"I tlai leh tawh"rawn titu lam chu hawiin Hruaizel ka ti hluaia,lo nui sûngin ka thlah hman che ania atih leh chuan awih lo zetin ka en hâw ringawt,mit ko san zeuhin "insiam la"ati leh zata.


"Ini chiang em"tiin a bânah ka hmer a,ka mumang ani lo,mak ti taka ka tih chuan."I harh chiang maw,i thawhna ala rei loh hmel si"ka bianga piai zeuh chuan ati a,sitting room lam a pan nghal.


Ka mangah khan ka hmu ngei ani,accident rapthlâk tak a tawk dâwn,engtikah nge ni ang le.Mumang mak deuh neih ṭhîn hi ka hne tawh ê,awm nuam pawhin min awm tir ve thei lo.


Ka hmaia tuia min theh tu an awmah chuan ka harh zawk,Lalrinzama mai2 chu'h."i mang ram atang ka kai tho che anih kha,ka fel em"inti thei deuh tak chuan ala ti zuia.


Rum zeta en chungin bathroomah chuan ka lut zui nghala,hepa mai2 hi chu tuman u atân an duh ka ring lo,mawl thei lutuk mai ti pahin ka in tifai mawlh2 a.


Chaw pawh ei lo chuan Hruaizela nen kan inzui chhuak a,a bike a chûan te hi a khat ania.A dara beng thak chung chuan "I rawn haw tur pawh min hrilh lova"ka tih chuan nui sukin "ka hrilh che chuan surprise ani thei nang"a tih chuan a helmetah ka beng ri thlawrh.


Ṭhian te chanchin kan sawi zawm leh daiha,duhaiin kawng a tawi hret."Bânah ka lo lam leh ang che"mit siai zeuh paha ti chungin a tlân leh daiha,chhânna hi a mamawh ngai lo reng2.


Class ka lut chu ka ṭhian te an lo kim leh ṭhap tawh,forever tlaii a rawn thleng ve ta tiin an lo phûl hluaia,nuih pawh ka nui ṭha peih lo ka u vang hian ka tlai ve ziah,ṭhiante phei chuan ngaiah an nei tawh.


Break ah chuan canteen lam panin kan inzui chhuak hlawma,kan ṭhian ho hi pasarih kan nia,mipa pathum leh hmeichhe pali.Kan mipa pahnih te hi mahni tawka in la pa ve tak ni chung hian min zui leh hnu2 zêl.Hruaizela erawh chu vei awm tak,hmeichhe tih lawm dan thiam em2 ani veleh thung.


"Mumang episode a awm leh tawh em"titu chu Thankima ani.ngawi rengin lu ka thin khuma,Zualtei ka best ve ber chuan Thankima beng zeuhin,"tuman episode nei an mang ngai lo"alo ti hlak a,Chhemawla'n lo chhang lêtin "kan Ar te chuan an nei fo alawm,saphihrik chhungkua pawh an thlah tute nên an hmu kim vek tawh ang"nui sunga atih chuan,ei lo zetin phui kalo tih pawrh khuma.


"In ninawm,mipa ve si in2 ṭan ve ziah,hmeichhe dang bulah in in ti sek ṭen ṭuna,kan bula in awm hian hmeichhia amaw in in ti ziah,engnge kan ei dawn,"Hriati chuan a ti zawm zata.Kan ṭhian ho ah chuan a thinchhe ber leh a thu ber ani hial awm e.


"Angai bawk ani leh mai lo ami"tiin Seni chuan egg roll leh lassi a lam nghal zata.


"Awi in hne hlei hlui lo ami,keichu chhang chhâwng ka duh"tiin Thankima'n alo chhang nghal.


"Ei ve mai2 ru,chhang chhâwng kan nei lo"ti chungin U Hlimpuii chuan kan eitur chu an rawn chhawp a,"Lal ṭhian a rorum ê kan lem thei dâwn ami"no taka tiin Thankima chuan Chhemawla a melh no vela.Chhemawla lah lo duai bik lo"ka hnang animai,awi U Hlimpui sandwich te a awm lo ami"no takin alo ti zawm zata.Angaihna kan awm lo ṭhîn ania.


"Lassi ah khan chiah mai ru"Zualtei chuan lo ti hmukin ka ei tûrah chuan sauce min pawlh sak nghal zata."Hmm Zualbawng nangmah khan chiah rawh"tiin Thankima chuan egg roll chu a ei nghala.


Chawhnu class hi chu sleeping class kan ti mai zel,tupawh mai hi kan riak lût amaw tih mai tur hian lehkhabua in hliah in kan chhing ṭhap ṭhîn,kan core hi chu tihngaihna kan awm hlawl lo.kei a muthlu ve ngai lo ber lah hian engmah hriat mumal kalo nei leh pek ṭhîn lova,kawng ro hi kan su lo ve chiang hlawm asin.


Bânah chuan Hruaizela alo awm reng tawha,midang ho nen an inhmuh chuan thawm a ṭha leh hle tawh.Hruaizela hi Delhi lamah B.A a zawm daiha,high School aṭanga inkawm kan nih hlawm avangin kan inpawh tlang ṭhîn hlawm hle.


Ina haw ta mai lo chuan kan ṭhian ho lenkhawmna ṭhîn Seni te inah kan lut kawi leh hlawma,A pi stricti pawh t.v enin alo ṭhu leh reng tawh,a tarmit kar aṭanga min lo en in nangni ṭhian ho kha bengchheng lovin inchung lamah han inkawm ru ati leh tawh.


Thankima chuan"Ka pi duhtak,sweet kalo ken che a,"tih pahin eclairs chu a bag aṭang a la chhuak rûiha,kan pi stricti lawm a kim leh der tawh aniang,"Vala hi chu i fel ṭhîn mang tak e,in ṭhiani ve hi chuan engmah pawh hi min hâwn ngai lo,a rawn meng dur haw em2 zela"a tih chuan Seni lawmah a tla vak lo aniang,
"I sih det thar tur pawh ka lei che kha",alo ti bak hlar a.


Aw thian kharh hian,Thankima chuan"sih det te chuan chhungril a fan ve hleinem tiraw pi"alo ti leh tawh.Pi stricti chuan lu bu nghatin a vawihnih nan sweet a hmawm leh nghal zata.


Seni chuan ei lo zet hian"Ninawm ka pi nên khân chance nei ru"tih leh inchunga chhoh a ruala.


Thankima bawk chuan"i tih tur i hre thei hle mai"ti chungin pi stricti chu a kuah nghal thân a.


Thankima tih loh chu inchungah chho in ṭawng inchuhin kan titi bawrh2 hlawma,Hruaizela'n a awmna ram chungchâng te report in kan hlim pui viau.


Khaw thim dâwnah in ka thlenga,Hruaizela nen in vai liamin kawngka ka lut chiah chu,"barakhaih"Lalrinzama'n lo tiin ka au nghal tuara.


"Amak Rinzam i nau khatin lo ti ziah suh,lung ṭhalo te a nei reu2 ange"ka nun alo ti leh hlak2 a,"lung paruk a nei alawm"nui sunga lo tiin ka u chuan min kuah lut nghal chawt2 a.


"Khawimaw i ninawm,ana ania"vin taka ka tih chuan"khatual ei rawh"tiin min thlaha,nangmah hi khatual inih hi"ti hlak2 in room ka pan sana.


Khatual maw,Lalpa khatual ti a ka ngaihtuah chian chuan hmanhmawh lutukin ka Shikhar dah ṭhatna ka en chuan alo awm tawh lo.ka u hi chu thil hi min hrilh tlai thei lutuka,a rûka lei leh angai dawn anih hi ti chungin ka inthlak nghal zung2 a.


Zanriah kil dawna chhûng inkhawm kan neih chuan hlauh ang ngeiin ka nu chuan ka Shikhar dah ṭhat a man thu leh ei tawh lo turin min zilh leh ta.U Rinzama lam ka melh chuan "khatual ka tih kha"
hmui phun hian a ti a,engnge in signal nan khatual a hman kher ni ka theihnghilh ve ziah lehnghala.


Chaw eikhama thleng ka sil ula lai chuan,gas hru fai pahin ka nu ka bulah a rawn dinga,i u hian weed a zu ṭhîn in ka hria, vawiinah a thawmhnaw bawmah ka hmu a,ipa hriatah ka sawi ngam silova a ṭha lo emai,a ât tawh sa nen an thluak hman tlak a awm lo vat mai ang"a tih chuan mak ti takin ka thleng sil lai châwl meuh chuan ka u t.v ena ṭhu chu ka melh hâw a.


"Kalo chhui dawn ania"ka ti ta ringawt.ka nu sawi ang tak2 in ka u hian weed alo zu anih chuan a thluak hi expire vek ang.


Lehkha zir tura intin tuahin ka lehkhabu chu ka keu rên râwna,ngaihtuahnaah ka u ringawt a awm vang chuan a roomah lutin ka check kual ve ringawt,engmah lah chu ka hmu silova ka nu khan ala zo vek aniang.


Bal bâwma a thawmhnaw vawm khawm ka hai leh lai chuan ka u chu rawn lutin a faifuk rut2a,a faifuk te lah hi a lai rûta,zaithiam lo tih hriat leh lutuk mai.a khum chunga a jacket chu rawn vawnin kha hei pawh a bal a rawn ti ringawta.


Ngawi renga ka en reng tak avâng chuan,"khatual bawk kha ami"a rawn tih leh takah chuan ka lu thingin khumah ka pawt ṭhu a.


"Weed i zu ve ami"ka tih chuan lungawi lo hmêl pawh a pu lo.Ka chala pênin "vawk damdawi tuinnge zu ngai"ring leng lawnga atih chuan min pen nawn leh hlauin ka chal ka sâwm vat a.


"I zu lo tak2 maw"ka tih leh takah chuan In dap ruk2 in "nangmah hi nimaw lo la"atih chuan Dolly Parton ka ti ringawt.Chek hlakin room a chhuah san nghala.


"Dolly khawiah nge ka vawk damdawi i dah,a vâng ropui si,ilo paih leh daih ange"ati nghal lung2a.


"Vawk damdawi hi iti ve ziaha,nangmah hi vawk zawk ini lo maw"ka nun alo tih chuan "Lalrinzama ka nih hi,weed zu mi ka nilo,vawk vulh mi ka nih hi"a ti leh ṭhata,room atanga kalo khi vur2.


"Fridge chungah ka dah,i zu tih ka hriat vaih chuan"ka nu'n a sawi zawh hma hauhin"min talh dâwn ania"ka u chuan ati nghal zât.


"Talh khawp ang"ka nu'n atih leh chuan ṭawng thlawn ba duh hek lo le,"Dolly zingkar aṭang i khuang vak2 zel mai,i hah ve tawh ang,hah châwl tawh rawh"ka u chuan a'n ti zawm leh zata.ka nu lah lo duai duh bik ṭhak lo,i arpa khuan nachang hre lo ai chuan an ṭha zawk"atih leh chuan,kawmthlang te inah zuk khuang rawh ar an lawm khu"tiin a chhuak tur chu rawn hawi lehin "relax"tiin an kut vai chung chuang a chhuak taa.


Lehkha zir tuma lehkhabu ka en leh lai chuan Hruaizela ka manga ka hmuh zan kha ngaihtuah chhuak lehin,hepa hi accident a tawk tak2 dâwn ami le,tih leh phone ban ka ruala**


(Ti hian ti chhin phawt ang aw,comment a zirin kan chhun zawm leh dawn ania😊)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:41 am

Chapter 2:






Kan ṭhian ho group ah chuan lût in,Thankima leh Chhemawla,in la romantic deuhin an lo in be ngar2,group an ti hnawk hnehsawh thei ania.



Hruaizela a online tak silovah chuan ka call ta ringawta,a ring ral ṭhak,beidawng duh lovin ka call nawn leha,a vawithumnaah a la thei hram e.




"Aw ka buai riha,nakinah kan inbe dâwn ania"engmah pawh ka sawi ve hmain a dah leh daih!!!





"A buai viau aniang"tiin phone chu dahin lehkha zir tumin ka keu leh ṭana,"zir tui a har si,lehkha zir hmuchhuak tu hi chu ka haw ngawt mai,chhiar ngai chhiar nawn tluk2 mahila rilruah a lut thei thlâwt lo."



Hruaizela call nghakin ka zir ti ila a dik ber ang,call a rawn lut chiaha,phur zeta ka en chuan ka ner sak,Lalrinzama lek!!!





"Hello"ka ti chiah,"Bawihi i lokal dâwn lo maw"a rawn tih chuan,angaihna hrelo takin,"Bawihi a!engmaw?khawiah maw?"
kalo ti bak hlara,lehlam ami chu rawn nui sukin,"Aw a pawi lo,i hman loh chuan,kalo leng zawk mai dâwn ania".
zawi deuh taka a rawn tih leh chuan,ka bo telh2.Hepa hi min hai nge min fiam!!!!



"Lalrinzam,i rui ami?tunge ka nih i hria em?"ka vin tawh khawp mai."A rawn nui leh suka,"keipawn ka ngai che alawm,ka rawn thlawk phei nghal ang,ka zâwlaidi"a tih chuan ka man ve chiah.A ṭhiante bulah a awm rei peih lo ani leh ngei ang,chhuanlam atân a bialnu lemah min hmang ve ziah.



WhatsApp ah ka lut leha Hruaizela ala online lo fo."Engnge a tih ang le,buaina a tawk angem le!! Aaaa ka ning,a hman hunah min lo call dawn tho".



Ka phone chu dah lehin lehkha bawk chu ka en leh a rilruah a awm thei tak2 chuang lo tiin diary la chhuak lehin ka suangtuahna ka ziak tlar leh dul tawh.



Ṭhenkhat hi chuan diary hi an nitin nun hman dan chhinchhiah nân an hmang tlangpui a,kei ve thung chuan suangtuahna ziah nân ka hmang daih thung a,tûnah pawh hian kumin a ka suangtuahna part 42 na ka ziak leh mek!!!



*Suangtuahnaah hian pêm daih thei ila'ng chuan ka neih zawng2 nen ka pêm lût tawh ngei ang*



Ka mit rawn hup thut tu an awmah chuan ka phu chiang asin.A kut ka dap kual chu,tudang an ni lo, tuman u atâna an duh loh tur ka u,Lalrinzama,vawk vulh mi kut ngei ani.



Vin deuh takin,"I ninawm la thla rawh,thil ka ti laklawh ania",ka tih chuan,min thlah lovin ka thil ziah chu a chhiar ri ta mai.



"Brad Pitt anga hmelṭha,a heh sen hiam leh amit meng paw râm,a sam pawh a tawk chiaha buk"a chhiar zawm leh dawn chiaha,a kut zungṭangah ka sih sak vaka,a au ring ngang mai.




"Dolly,Tinkeri hian bialpa neih a tum ania"a ti zawm zat a,ka van ngei tak.



"Ka tum bawk lo,i room lamah va bengchheng rawh"a awki ang chiah a ring a ka tih ve takah chuan,ka diary chu min chhuh sak tumin a rawn ban vata,a lak hlau takin kalo pawm bet ve bawk a,a rawn pawt thlêr hman hram!!



"Ka tum dan ani miah lo"tih pahin a pawh thlêr chu min pe a,a thar ka leisak dâwn che ania,"ati ta ringawt,a inthiam lo ve deuh anih hmel.



Ka ngawih tak reng avâng chuan ka biangah rawn piai in,"ka Tinker hi a thinrim viau animaw,a beng a êng phêt2 mai"atih chuan ka beng ka dawm nghal vat,engtin mah a awm der silo.



Chutah nui vur2 chung hian,"Thinrim duh miah loh tur,dumdê ah i chang mai ang"min la ti zuia,ka ner khum chiang asin.



"Ka zâwlaidi i nih kha aw"ati leh khera,nui chunga min chhuah san a tum lai chuan,vin deuhin,
"I zâwlaidi tak2 tur zawng tawh rawh,i ṭhian ten an hriatchhuah vaih chuan I zak dâwn teh ania"ka ti ve bawka a engahmah a thawk lo aniang,lu min thin khum chungin a chhuak zui nghala.



Man chhuak pawh nise a zak leh chuang miah lovang,zahna hi a tlâkchham te zing ami ani ve a.



Dar 11:30 ah pawh min lo la call miah lo,ka phone chu en leh ṭhîn in ka call dâwn nge dâwn lo ka inngaihtuah rauh2a,"ka ti buai zual zawk mai2 ang"tiin ka dah leh ta a.



Mut hma ve deuh ka duh tiin intifai tûrin bathroom ka pan a,mut hma a inbual hi ka nuam tih chi ani ve a,a thawven thlâk ṭhîn ka ti.




Ka inbual lai chuan bathroom kawngka rawn chum dawt2 in,"A chhuak tawh lutuk"rawn titu chu ka u bawk ani.Zanah leh zêl pawh, min tih buai hi a sim thei lo.



"Ka zo ṭep"ka tih san maia."Saizampui come out,i u hi ka tuiral dâwn"atih leh takah chuan hmanhmawh takin ka in tleuh sawk2a,ka chhuak ta vat a.



Rang lutukin bathroom ah chuan an tlân luta,kawngka pawh a kalh hman tawh lo,a chhuak ngang aniang.



Ka sam te ti ro in, mut nghal mai ka tuma,ka nuin ka inbual hlanin ka khum bulah bawnghnute alo chhawp leh reng tawh,ka mut buai ṭhîn avâng hian tui taka ka mut theih nan min in tîr ziaha,engtikah emaw chuan ala thawk ve ang chu.



Earphone lain,ka download sa,ruah sur ri chu ka play nghal a.Bawnghnute in leh zawkin,earphone chuan ruah sur ri chu ka ngaithla a phone Flight mode ah ka dah nghal.Hetiang hian ka tan chuan mut a awlsam ber.



****************



""Khua a chhe hlê a,khawchhia tizual tûrin khawpui riin a zawm nghal zata,ṭêk leh thli nen,a vawt vur mai".
Zualtei chu call in bus kan nan hman loh ka hlauh vang chuan ka tur sek bawka.Hetianga khawchhiaah hi chuan nihliap khum pawh awmzia a awm lo,ka huh zawr lo chauh.*




Bus stand ah chuan Zualtei nghak pahin hla ka ngaithlaa,ka hma zâwna Ralte Café chu ka en reng laiin a rawn puak thut.



Ka phu dâwrha,bus a rawn thleng nghal bawka,bus a chuang ho chuan kangmei lo chhuahna chu an hmu ve aniang,ṭhelh turin an au tuarh2 hlawm a. Zualtei rawn thlen lai pawh hre lovin a chhung a naupang ṭap thâwm ka hriat tel avâng chuan ka pan phei nghal vat a,a kawt zawn ka thleng chiah tihah, mipa lian tawk tak kang ṭhelh zing ami chuan min lo pawt hrang vat,chu veleh ka hnung lamah chuan ri dawt ka hriaa ka hawi let chuan building chung aṭanga single sofa rawn tla chu ka hmu nghal a.



Mangang taka naupang ṭap thâwm bawk chu hre leh in min kuah bet tlattu bulah chuan chhan chhuak tûrin ka ngen tawpa,"A tlai tawh"ti a min lo chhan avâng chuan mak ti takin ka en hâw a.A hmel chu thiin alo khat vek a, ka rap lutuk chu ka au ta vak a."""



"Ka harh zawk,thlanin min bual leh vek tawh,ka thaw rang lutuk chu tih reh tumin ka khum bula tui inchhawp chu ka in khawlh2a,mu leh ta mai lo chuan ka zung leh phawt a."



"Ka zung zo,bathroom aṭanga ka chhuak chiah chu ka u alo ding run mai,ka phu nasa lutuk chu ka au tuarh a."



Ka dara a kut pahniha vuanin,"amak Tinker keimah,"atih pawh chuan kala pangngai thei lo. Min thing leh nawka,"I harh chiang em,keimah i u,I u Rinzama,Nubawihi te nufa pu",ati leha,a bânah chuan bengin,"min ti phu alâwm,sawi lawk ve ta che"ka ti hlaka.A vawkpui hi Nubawihi ati tlat pek a.



"I va meng rei ve,thlahrang chêt hun chiah2 asin"tiin banga sana in tar chu a kâwk zeuh a,dar 3 chiah2..



"Ka mu tawh reng,ka harh leh alawm,ka mu dâwn"tiin ka kalsan a,hnung lam aṭang chuan,"an lokal dên2 anga,i ke phah lo hiah zât an tum bawk ang,tik tok tik tok"tiin ala nui kur2 zuia,ka hlau lo nasa mai.



Mut leh tumin ka in let ka in let a,ava chhuak tawh lo tak.Flight mode te chu on in kan ṭhian ho group chat ah ka luta,an lo reh ṭhap tawh,mut a hun tawh alawm,zîng lam ani tawh zawk a.



Hruaizela msg a awm takin tiin ka enkual leh a,alo awm chuang lo.Hepa hi chu biak hmasak hi angai ve ziah,Ṭhian ang hian min ngai lo zawk nge ni.



"I ṭha em"tiin a hman huna a chhiar turin ka hnutchhiah a,Flight mode ka on leh nghal a,angai te bawkin ruah sur ri kan ngaithla leh.


Vawk nguk thawmin min tiharh a,zimar ṭiah2 in phone ka en nghala,Hruaizela msg alo awm tawh,hlim deuhin ka hawnga,"Ka ṭha"tih zawng hi alo thawn a. "Anih tak chu"tiin reply tawh lo chuan ka tho chhuak nghal.


"Good morning Pa"tiin chanchinbu chhiara ṭhutthlenga lo ṭhu chu a hnung lam atang ka va kuah a.



"Good morning ka fanu,i ha va nâwt rawh le"alo ti nghal.



"Yes boss"nui var2 a ti chungin bathroom lam ka pan phei a,ka ha nawh lai chuan ka nu thlan tla hliam hian alo lut a.



"Ngatinge?!"phawk deuha en chungin kalo ti ringawt.



"Awi i u khu zuk pui ve tawh rawh,kan in mil hlawl lo"hah taka thaw chung chuan ati a,"Ngatinge,Engnge atiha?" kalo ti hê hâw a.



"A vawk til lâk ngai a ngah lutuka,pahnih ka khawih puia,an bengchheng lutuk i u ṭawng ri nen ka beng a chhet zo dâwn"atih chuan "Naaa ka thiam ve lovang,ka ngam lo"kalo tih san a.



"Zuk pui zuai rawh a rei tawh lovang,chaw ei kalo siam dâwn ania"atih tak tlat vang chuan pui tûrin ka chhuk leh ta nge2 a.



Ka zuk thleng thlaa,ka u chuan vawk pakhat a um kuala.

"Pahlir,i nau pawh i tluk dâwn nange,mipa chuan hlauh neih loh tur" alo ti mawlh2 a,ka dinna lamah chuan a vawk um lai chu a rawn tlan ta mai,"lo man rawh"ka u chuan an rawn ti ṭhawta,ka man ngam teuh lo mai a.



A rawn bawh thlu tawpa,"lo man ta che,i sek ṭhat nen,ka hlau e te lo tih"min la ti zêk zui lehnghala.Sek hi min ti ve ziah a ka sek pawh ka hre love a!!!



"Min rawn pui dâwn nge,tah khan i ding reng dawn?"a rawn tih leh takah chuan hreh takin ka pan phei a.



"Pahlir ka bawihte,ana rei dawn lo,hlau reng2 suh aw"tih pahin a khai kanga,a ke pahnihah a ṭawn bawk a.Lo en ngam lovin lehlam ka hawi san daiha,a râk bengchheng ngei mai.



"Tinker,vawkin model a rawn ṭan ai chuan lo han chho leh zawk mai rawh,a buaithlak min ti changel hmun zo"ka u in a tih chuan rang lutukin engmah sawi lovin ka tlân chhoh san vang2.



An rimchhe si,engtinnge Doctor aia a thlan zawk theih le? ala tui chilh em2 zui lehnghala.



In ka thleng chho a,ka inbual nghal mawlh2a,chaw pawh ka ei hleithei lo,vawk ek rim kha hnârah a cham tlat.
Ka u hian engtinnge ngaiah a neih theih zawk le!!!!



Chaw eikhamah ka insiam nghal sawk2 a,ka pa rawn lutin ka pocket money tur min pe a ka biangah fâwp zeuhin min chhuah san leha.Ka pa hi chuan a fanu mamawh hi a hre ṭhîn ania,ka sawi ngai miah lo hian engkim alo hre vek zêl.



Vawiin chu tlemin ka hma ve deuh dâwn e,ṭhian te ka'n surprise ange.



Ka u in min thlah hman leh tak lovah chuan bus chan mai ka tuma.Kâwn ka thlen chuan ruah thim pui a sur dâwn nge ni,khua a rawn dur khup2a,thli a rawn thaw nghal bawka ruah mal rawn fâr kauh2 in a rawn tam tial2 a. Zualtei ka call nghal a,bus stand a ka lo nghah tur thu ka hrilh a.



Bus stand ka thleng chiah a,ruah chu a rawn sur nasa tawh mai.Ka nihliap pai hrechhuakin ka la chhuak nghal zata,a sur nasa bawk si,thli alo na tel bawk nen nihliap pawh chuan min venghim zo lo khawp mai.



Bus rawn thlen hma tiin ka earphone ka la chhuaka,hla ka ngaithlaa,ka hma zâwn a café ka hmu chiah chu,nizân ka mumang ka hrechhuak zawk.Ralte Café ngei kha.


*******************


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:41 am

Chapter 3:





"Ralte Cafe maw,ruah a sur,khawpui leh ṭêk a ri bawk,Awi Lalpa"tiin ka au chhuak a. Motor a rawn tlân leh tlân loh lam ka ngaihtuah tawh lo,ka hma a café chu ka pan phei nghal dawr2.



Ka thleng phei ṭep tih ah motor pakhatin horn a rawn pe tuarh!ka ding dat a.



"Fîmkhur ta che",rawn titu taxi driver chu en lehin ngaihdam pawh dil lo chuan café bawk pan chuan ka tlân leh nghal.



Kawngka pawt hawng rawkin,"a kâng dâwn lo chhuak vek ru ka ti tuarh a",café a châwl ho chuan mak ti takin an rawn hawi chhuak ṭhup.

Ka mangang lutuk chu chi ai vêkin,ka aw te chu a khur hial in ka hria."lo chhuak ru,hmanhmawh in, a kâng dâwn ania"theihpatawp a ring a ka tih leh chuan café neitupa chuan min rawn pan a.



"Bawihi,engmaw kâng dâwn"mak ti tak a min en chung chuan ati a.

"Ka pu,a kâng dâwn,lo chhuak vek ru"ti chungin kawngka chu ka vuan nghet sauh a."ka ṭap lek2 tawh".



"Engkim a ṭha vek ani lawm ni"tiin an pu ber chuan kitchen lam a thawk ho chu a ko a,kitchen aṭang chuan mipa tleirawl aw hian,"Aw ṭha vek e,engmah buaina a awm lo"a rawn tih leh takah chuan,"Bawihi i hriat sual anih ka va ring ve"ati ve bawk a.

Ka phone a rawn ri nghal zât,phur lo takin,"hello"ka ti chhuak ṭiau a.

Lehlam aṭang chuan,"rawn hmanhmawh ta che,bus a chhuak dawn ania"Zualtei'n a rawn tih chuan,chhang lovin ka dah.

Ka mumang mai2 aniang tiin,"ka pu,min hrethiam dawn ania,ka hriat sual aniang"tiin ka chhuah san ta ringawt.

Hmanhmawh takin bus lam pan chuan ka tlan phei leh hlawk2 a,bus chhûng ka luh chuan,Zualtei'n ṭhutna min hauh sakna lam ka pan phei nghal a.

"Ngatinge,min nghak zawk dâwn amaw ka tia" alo ti nghal zât.Chhang ta lo chuan ṭhut hmun ka siam fel.

Bus driver chuan kan kim em,kan chhuak thei tawh em?"a rawn ti zo chiah a,kan piah lawk aṭang chuan thil puak ri leh darthlalang keh ri chuai kan hre nghal zat a.

Kan au ṭhat hlawm a,bus a chuang ho chuan,"kangmei a chhuak anih saw,pui vat ang u"tiin an tlân chhuak hlawm a.

Che sawn miah lovin,kan piah lawk a café kang chu ka en tlawk2.ka kutah rawn vuanin,"kan kal ve dâwn nge tah hian kan lo nghak dâwn",rawn ti tu chu Zualtei ani.

Chhang ta mai lo chuan ka en ngai kan en reng ringawt.

Ka hmuh ang chiah2 in engtinnge a thlen theih?Mi â ang maiin ka va au chiam bawk anih kha.Ka thusawi kha lo awih se chuan an nunna pawhin an tuar lo tur.

Nunna,ni e nunna,ka mumang ang kha anih chuan, naute kha.


"Naute"ka ti chhuak hluai.Hmanhmawh takin bus aṭang chuan ka chhuka.Zualtei min koh na pawh ka chhang hman tawh lo.Kangmei chhuahna lam chu ka pan ding ngar2.


Café kawt ka thlen chuan naute ṭap ri ka hre nghal zât a.A chhunga lut ngam an awm tawh bawk silo chu ka mangang tak zet.


A nu ani ngei ang ka piah lawk ah ṭap chunga a fapa,mei alh kar a tang mek ko chung chuan a ṭap nasa mai.


"Pui ta che u"ka ṭap pur tawh,an buai buaiin an buai vek a,ka thusawi pawh ngaithla lovin kang ṭhelh buaiin an buai em2 hlawm.

"Ka ti thei ang" ti a infuih in,tlân luh ka tum lai tak chuan tu emaw hian min pawt dawrh a, min kuah bet tlat lehnghal a.


Chu veleh ka hnung chiahah chuan ri dawt ka hria a.Ka mumang ang chiah khan ka hawi let chu sofa alo tla tak2.
Mumang ang chiah anih chuan tuna min pawm bet tu pawh hian a tlai tawh atih tak kha mawle.



"Ala tlai lo tiin"min pawm bet tu chu nam sawn ka tum a.Min pawm nghet sauh a,"A tlai tawh"ka beng bulah a rawn ti.


"Ala tlai lo"ti chungin ka tal vak a,min thlah ve ta hram e.Cafe lam hawi chuan ka pen leh a,"tumah kal hnaih loh tur,puak tur ala awm ang".


Ka bul lawka rawn ti tu chu ka en rang kher mai.A hah tawh hle aniang,A bek bawr a a thlan tla fep2 hru leh zeuh in,thaw hlawi2 chungin chiang zet in min rawn en a."Nangpawh i tel,let vat rawh"tiin kawng sir lamah chuan min kai phei hlawk2 a.


Kal leh mai a tum chu,a bânah pawt in."Ka pu a chhûngah khan naute a awm,chhanchhuak hram rawh" ngenngawl tak chuan ka ti a.


Ka lam rawn hawi leh in,ka dar ah vuan in ka mit ah min en a."A tlai tawh,kan theih tawp kan chhuah alawm,a chhûngah sawn tumah a luh ngam tawh loh",fiah taka a tih chuan ka hnual nghal vek,ka ṭhu thla hnawk a.Inthiam lohna hlirin ka khat.

Lo kal hma hret ila a ṭha tur,kha aia nasa khan chhuak tûrin lo tur ila chuan an nunna ka chhanhim thei awm sia.

Ambulance leh Fire department a rawn thleng ve chiah,"In tlai lutuk,mi nunna pawh in chhanhim zo lo"theihtâwpin kalo au ve vak2 ringawt,hre hlawm tak ang maw!!!!


Khapa bawk kha a rawn hawi leh,"Au vak2 lo khan kal tawh rawh,i hawk dâk lutuk"nui vur2 chungin ala ti zui.Fire department ah a thawk ve nge,nichin khan sawtiang form saw a ha miah silova!



"Saizampui,kan tlai tawh lutuk,zawn hmuh i har em2 leh nghal"ka kut a min rawn kai pah chuan ati leh hlak2 tawh.Ka mumang ka buaipui lutuk na lamah Zualtei pawh ka lo hre chang tawh reng2 hleinem.


Bus lamah min kai phei dawr2 a,"khawiah nge kan kal dawn"ka ti leh hû tawh ka buai vek.Chek hlakin,"Amak,class kal angai,vawiinah test tur kan neih kha,kan tlai tawh lutuk"ti chungin bus chhungah min nawr lût a,kan tlan pelh dâwn thleng chuan café kala en ngar2.



"Inhliam an tam angem le?"zawh pawh nei chuang lo chuan mahniin ka phun ka phun ringawt.



"Chhuk ang,i mawngin zung a kai ami?"min pawt tho chung chuan a ti mawlh2 a."Zual,ka peih lo ê,hawh leng daih ila"ka tih chuan min melh rum teh e,nuih tlawn mahila awmzia a awm leh chuang lovang.



Sir alo luh tawh avângin,luh kan dil leh rih a."Hmangaihzual,Saizampuii i rawn nghak animaw,nidangah chuan nghak tawh suh aw"Sir in a tih chuan lu kalo bu ve ringawt.Ka zak em ani,mi zawng2 mit ka chungah a fu ni berin ka hria.


"Saizampui,nangpawh tlai rêng hi chin ṭhanah neih loh tur,in rawn tlai leh chuan in paper ka la tawh lovang.In paper tur la ula ṭhutna awlah va ṭhu ve mai ru,rules in hriat kha".ati zo chiah,rang lutukin a dawhkan chunga paper chu la in ṭhutna tur kan pan nghal.


"Ar te,number 5 kha",ka hnungah pen in min la hawlh zui.Chhemawla leh bawk,test neih apiang hian ka hnung ah a ṭhu ve ziah,kan fail dun leh nge2 zêl.



"Ka risk"kalo ti hluk."Engtinnge i risk"a rawn phun leh sur2 tawh."Risk dan leh zêl in hrilh te chu a"kalo ti ve thuai.Ka ṭhutna a rawn chhir zui a,hepa hi chu ka ngei thei ania.


"Saizampuii leh Lalruatsaka te kha,in hmui ṭhui ping ru",Sir a rawn vin ngang mai.kan ngawi chiang asin.Lalruatsak Chhemawla vang vek.


Bânah canteen ah chawl in kan chhan ṭhat leh ṭhat loh kan sawi ho mawlh2,kei chu beisei a sang ngai lo hrim2 a,engmah ka sawi ve peih lo,rilruah café bak a awm tlat lo.


"Bus kan chang leh mai dâwn ami",Zualtei'n a tih chuan kalo aw ve mai a.


Thankima'n a bike start nghalin,"Hruaizela te in lamah kal ang u.Naktuk ah a chhuk dawn",a tih chuan kan in en hâw hlawm.Thankima bak a hrilh lo leh tawh animaw,hepa hi ṭhianah min ngai ve tak2 lo ami le.


Arini leh Seni an in phur a,Zualtei nen Thankima bula chuan kan tum ve2 chu Chhemawla a lungawi lo teh e,"kan ṭhian ho leh Chhemawla in ti leh dawn animaw"tih pahin a helmet a khum tau sawk a.


Zualtei nen in melhin,chuang zâwk tûrin kan in mitmei nasa mai.Chhemawla khalh a chuan hi chu mi huaisen nih angai ṭhina.


Kan huphurh lutuk chu Arini kan en leh ringawt ṭhîn,alo hrethiam nge mawni Seni scooty a ṭhu chungin,ka duh lo,a lo ti hlar mai.


Zualtei'n min mitmei leh takah chuan,tlawmngaiin ka chuang leh mai aniang chu.

Kan chhuak dawn chiaha,speed ati sang leh vak tawh.A tilui ṭhîn chiang lutuk.A nakah piai zeuhin,"khatia i khalh ṭhîn vang kha alawm,kan ṭhian ho leh Chhemawla tih angaih ṭhîn"ka tih chuan,"in pa lo thei em alawm" ati duh lek chauh.


Hruaizela te in kan thlen chuan a pa chiah alo awm a.Biak ṭhat ngam loh turin alo in hmuam up leh tlat tawh.ka ṭhian ho chuan in mit mei ru lehin,Thankima kan hmatheh leh ringawt tawh.



Aw thian kharhin,"Pa Van,Hruaizela a awm nange,naktukah a kal tawh dâwn sia,rawn thlah kan tum ve a"tim deuh tak a a tih chuan,"Aw awm lo,a lo haw ṭep ang,kan call ange"nem takin a lo chhang ve mai bawk a.



A call mek lai chuan phone ri chu kawngka lam aṭang kan hre nghal a.Hruaizela leh hmeichhe pakhat an lo lût ve mek bawk.



A hmeichhe rawn hruai chu en mai pawhin a hausa tih a hriat ngawih2,ala ngo em2 zui lehnghal.Kei a lo thik phak zia zang va ni suh.




Hruaizela chuan "in lo kal animaw"ṭhut hmun rawn siam rem pah hian a ti a.Pa Vana chuan nui sang hian a hmeichhe rawn hruai chu alo be mawlh2 a.A kal ngun tawh viau aniang,an in nel hmel em mai.


"Naktukah maw i kal dawn" ka tih chuan,a hmeichhe rawn hruai melh zeuh pah chuan "Aw animai ang chu" ati bul hmuk a.Biak zawm a chakawm tawh loh ania.


Chhemawla'n min rawn sik zeuhin "shikhar chu"a rawn tih chuan ka melh no lo teh asin,hun lo thei lutuk mai.



A ruka ka pêk lai chu Hruaizela chuan alo hmu nge ni,"Ei tawh suh tih vawi engzatnge ka sawi"chiang fek fawk a a rawn tih chuan ka phu chiang asin.



"Aaaa nia ka ei vak tawh lo,hei pawh hi Chhemawla ta ka ah sak alawm"ka tih chuan a hmui a pet zeuh ringawta,awih tâk ang maw????



An nula in thingpui min rawn pêk chuan,a nula rawn hruai chu a tih buak palh nge ni,a sa tiin a au ṭhat a.Zualtei nen kan in melh chiang viau kan ngaihtuah a in ang leh tawh aniang.



"Hruai,ka kawr a huh ania,i kawr min lo hak tir mai,a val palh ang"tiin a kawr hak lai chu a tuai a tuai a.Ngawi rengin Hruaizela a tho zui bawk."Hemi te pahnih hi" Arini pawh chuan a rawn ti chhuak hlawl mai.kan ringhlel tlang hlawm aniang.A hmeichhe rawn hruai chu kan en duh tlang hlawm teh e.



Thankima chuan nui var2 pah hian,"ṭhiannu ka hmu ngai miah lo che,khawi veng nge inih"a tih chuan kan lo en ṭhap hlawm a.



"Hruaia te kawmchhak lawk ah hian kan awm a"a rawn ti no nak a.Arini leh Seni chuan an ei lo hmêl an lo pe na fal leh tawh.



Hruaizela'n a tshirt maroon rawng a rawn pêk chu la in in thlak turin Hruaizela roomah a lut zui nghal.Kan rinhlelhna a so bawrh2 tawh.



Pa Vana chuan chhuah na tur a neih thu sawiin min chhuah san a.Min chhuah san chiah chu thaw a veng ta deuh e,a mi uap hi a na ve hrim2 a.



Chhemawla rawn ṭawng chhuakin,"i bialnu kha tunge a hming"a rawn ti hluai.
Hruaizela hmel chu uluk takin ka lo en a,"ka cousin anih kha,kan kawm chhak ami"tiin nui suk hian min lo en zui.



"I cousin maw,cousin avan ang lo em2"Zualtei'n a tih chuan, Thankima'n "cousin ti mawlh2 a,eng sin nge ni a i rin"alo ti khur2 a,an inhnial leh dawn ta,ui leh kêl thlun pawlh ang chauh an ni.



A tawpah i mawng râng anih chu Thankima'n ati leh ta nge2.Hruaizela cousin chu kan bulah a rawn ṭhu veleha,a tshirt hak chuan ka mit a la kher mai,Kha zan ka mumanga Hruaizela ka hmuh ṭuma a hak,thi kai nuai kha ani chiang lutuk.



A rawn haw chhoh leh hun tur te sawiin,khua a tlai dawn tawh avangin haw tum chuan kan in tin tuah leh der tawh.Ṭhian ho a awm hi chuan hun hi a kal châk riau zêl.



Pawn kan chhuah rual chuan Hruaizela chu kai hrangin,"i tshirt i cousin i hak tir kha,pe daih rawh"ka tih chuan lo nui sukin ka samah a tuai zeuh a."thik duh suh"min ti daih.kan ngaihtuah zawng avan in ang lo tak.



Chhemawla chuan kan in thleng min thlah a,kawngka luh dâwnah min ko leh in,"thil pawimawh lutuk"a rawn tih chuan ka pan leh nghal vat a.



"Engnge"ka ti hman ṭâwk "Shikhar kha"a kut rawn dawh pah hian a ti a,kalo chek hlak,"thil pawimawh ania mi"ka ti bak hlar a,"rawn la mai2 rawh,ka lei ve ngam hleinem,miin pa lo min ti ang asin"a tih leh phei chuan ka melh rum viau tawh.

Ka bag ka zen rak2 a,ka phawrh chhuak chiah tih ah hnung lam aṭangin ka u in "Tinker khatual" ring leng lawng a a rawn tih chuan "ka nu" ka ti nghal ṭhawt.



Rang lutukin Chhemawla kutah chuan ka hum tîr nghal rawk2 a,ka bulah ka nu a rawn ding nghal chat.


Ka chal a min kâwk pah hian,"khatiang vai ho in an duh2 a an rah hrual hrep kha ei tawh suh ka ti che ani lawm ni"a ti sawk2 a,"Chhemawla ta hi alawm,ka sim hmak tawh keichu,Awi avan tui lo ber tak,kalo ei kha ka inchhir lutuk"ka ti nawk2 a.



Min ei loh hmel tak hian,"thla 9 chhung ka pai che a,ka hriat chian loh che hi ring suh"ati chang fak mai.

"Dolly khawlaiah dawkdawlak vak2 ṭhîn suh,i tui thei mang silo",ka u in ka dar a kuah pah chuan a rawn ti ve bawk a.



"Lalrinzam,rawn in rawlh hlek suh,i vawk pui ka talh sak palh ang che"thinrim tak hian ati hlak2 a,"Ka fanu ka duat leh hmangaih em2 min talh sak daihin ka riang dawn lutuk asin"nui vur2 chung hian ka u chuan alo ti liam puat a.



Chek hlak hian "I thawveng het huat si,zanin aṭang i fanu te chu zuk riah pui tawh ang che"a ti leh tawh.



"Aaaa Dolly khua pawh ala thim em loh hi,in beng dai rawh,i ling dâwn"ka u pawh ṭawng thlawn a ba leh ta bik lo ve.
Chhemawla nen kan in melh reng ringawt.


"Awi ka bai chhuan"tiin ka nu chu inchhung lam a pan zui nghal a.ka u chu en in,"signal ah khatual kher hmang tawh suh,a ṭhing si"ka ti hluk a.Ka hnar rawn tuai zeuhin "Romeo tiin kan thlâk dâwn ania"ala ti zui.

Chhemawla a tlân chhuak chiah tih ah,ka piah lawk aṭang chuan naupang ball a rawn lir a,ka en reng lai chuan,"lo chhar ta che,mathe i thiam lo ami"patling hian a rawn ti a.

Chhar chuang lo chuan ball um a min rawn tlân pêl tu chu kalo en reng ringawt.Vawiina ka mi hmuh pa,min kuah bet tlattu kha ani chiang lutuk.

A ball chhar a rawn let leh pawh chuan kalo la en reng a,min rawn hmu ve aniang,biang sum langin a nui var2 a.ka dream ṭhîn ang Brad Pitt mit meng ang kha ala nei zui.



"Avan hmelṭha em2" ka ti chhuak sap a."Tu maw hmelṭha"a rawn tih chuan ka phu zawk,ka lei ka chhuak zawk lehnghal.Ka zak lutuk chu ka hmai a sen vek tawh ka ring,khuk ral daih theih ka chak.




"Aaaa i tshirt hak ami kha mawle"ka ti ta ringawt.A tshirt hak chu en zawkin,"Ukulele a thiam lutuk,Mr bones anih hi"ala ti zui.




"Zarzolian,engah nge naupang ball ilo chhuk sak,rawn pe vat rawh, a ṭap nasa lutuk ania" rawn ti tu lam chu kan hawi rual zawk,ṭhenawm nu ngei ani.




"Ehee kan ṭhenawm ah in awm reng amaw"mak ti tak a ka tih chuan,a khi leh suk a,"awm ani mai ang chu"tih chauhin min chhâng a,min kalsan nghal.




In lam pan ka tum ka in her chiah chu,ka u alo ding reng,a kawng dawm meuh a min en in."Tinker,lerh rual ila nilo,i lerh vaih chuan Chow me'i te nên ka khung khâwm ang che u"ti chungin min kai leh dawr2 tawh.A ar vulh zînga awm ve chu ka duh teuh lo mai.





Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:41 am

They Call Me Psycopath


Chapter 4:





"Rawn luh vat tur che u alawm,chaw ei kan hmanna a rei tawh nen"inchhung kan lut chiah,ka nu alo ang leh hlak2 tawh.


Ngawi rengin room ah ka lut nghal.In thlâk sawk2 in,ka nu chaw ei ka siam pui nghal a.



Ka chawhmeh ban apiang chu ka u in min lo lâk khalh zêl,a dang ka suah pawhin ka fian a rawn kalh zêl avâng chuan,ka melh rum tawh ngang mai.



Mit ko min san khum duh lek chauh lehnghal a.ka hmaa artui kan inchhawp suah leh ka tum chiah chu rang lutuk a rawn ban in ka ei ve tur awm lovin a suak zo vek.



A ke ah ka chhir pawp ringawt, na ti âwm pawhin a awm lo."Rinzam,i nau fiam kual reng hi sim rawh,puitling ini tawh"ka nu'n min lo chhan leh ta.



Intithei deuhin ka nuih khum a,ka mitah chiang taka min en chung hian,"lerh chu lerh tur,thak tûk loh tur"thutak deuh hian a ti ve ngei.



Tho pahin"tunge lerh?tunge thak?"ka ti bak hlar a."Ka ar la mawle,ṭhenawmte arpa a hêl deuh a",ala nui suk zui.



"I ar chu khung ṭha ta che"ka nu'n alo ti ve bawk.Ar tak2 emaw alo ti leh tawh ani ngei ang.



Ka pa chuan lo zâwm ve in,"ṭhenawm ten ar an nei ami?"alo tih chuan ka u a nui huk.Engmah lah hi in hre silova ti chungin dawhkan a thawhsan zui a.



Ka u hian thleng a sil ṭhîn a,keiin hmun ka ti fel ṭhîn.Sil ve ka tum pawhin i sil fai lo ati tlat zel.Mipa si,hmeichhe hna a sawi ve ngai lo hi ka fâk ve na awmchhun anih ka ring.



A thleng sil chhung zawng Daduhi hla ka hlan ngam lo che tih hla ngei mai kha sa in,lai zetin a faifuk rût2 a.Room a luh ka tum pawhin a phal tlat lo,ka sil chhung I awm angai zuk ti tlat pek a.Min chhaih a tum hrim2 nge a sil rei lui zawk pawh ka hre tawh love.



A sil zawhah a roomah min nawr lût dawr2 a.A khum bul a chair a dah chu ka ṭhut theih nan a hung rem in.



A drawer a hai leh a.A chair hun rem a ṭhut ka tum chu,min vin ṭhawt."I ṭhutna tur ani lo,I mawng hung tur in kala ti reng2 lo che"a tih chuan ka ngei teh asin.



"Ka mawng ania ka thu2 ti a ṭhut luih ka tum chu min kai hrangin a khum sir ah chuan min din tîr a.



"Ar lerh deuh ṭhut nân ka room hi ka phal lo"a ti leh hluk.Ar angin min la treat char2 nia he pa hi.



A drawer hai lehin album a rawn la chhuak a.Ka bul lawk a dawhkan chung a a laptop chu on nghal in laptop lam hawi chuan min kuai her a.



Thlalak mak pui2 an ṭhian ho a an lak na ni awm tak chu en vang2 in."He Zarzoliana,naupan lai aṭang a min vel ṭap fo tu.A puitlin hnu pawh a naupang velh ṭah hrat,ngaihzawng nei ngam lo,hmeichhe hlau lutuk hi ka melh no e iti amaw".Thutak deuh a a tih chuan angaihna ka hrelo tak zet.



"Ka melh no reng2 lo,a tshirt ami kha alawm hmelṭha ka tih"ka tih chuan a ner chhe ngang mai.



"Kei i u Lalrinzama hmeichhia leh sorkar hna ai pawh a vawk vulh thlang tu hi min bum theih i ring amaw?"atih leh chuan ka nuih a za tlat pek a.



A tih tak ve hmel sia,nuih ngam chi pawh va ni suh.ka hmui ka pet ngar2 a.



"Sawtiang mi mawl lutuk,nui mawi thiam lo ropui si,ka kid leh nghal saw i lo hmu tai amaw?"a ti leh tawh.A duh2 hi ka kid ati ve ziah.



"Ka hmu tai bawk lo,i ngaihdan mai2 anih kha"ka tih leh chuan ka biangah a kut pahnih a rawn dawm in."I melh no kual leh vel anih chuan ka zâwlaidi aṭang ka ban ang che"a ti deuh hmak.Pawi ka ti lo nasa mai sia.



"I zâwlaidi tak2 zawng vat la animai,i vawk leh ar te hmangaih pui thei tur che"tiin ka chhuahsan hmak.Engtin tak ngai leh ang maw?


Ka roomah lutin,ka phone khawih in,kan ṭhian ho group ah chuan ka lut a.Hruaizela thlahna thu alo tam leh ngang mai.



Private chat lam en leh in,Hruaizela msg alo awm a."Engahmah ngai suh aw,ka cousin tak2 anih kha"a rawn tih chuan ka khi sak.


"Ṭhian kan nia,ngaih huat chi engmah a awm hleinem"ka ti ve tawp.



"Ni e,ṭhian"tih tawpin min chhang leh a."ka unaupa pawh" tiin ka reply leh."Oppa ka ni mai"a rawn tih leh chuan ka nuih a ti za.


No. hriat ngai loh aṭang call a rawn lut thut.Class ami anih ring in ka la vat a.



"Saizampuii ani em aw? Vaivakawn Police station aṭang ania,vawiin a Ralte Café kâng chungchangah khan thil zawh fiah duh che kan nei a.I lokal lawk thei angem aw?"


Lehlam amiin a rawn tih chuan ka bang bo ngei mai."Awle ka lokal dâwn ania"tiin ka dah ta a.



Engnge zan2 ah ka va tih ang?Inhnamhnawih na ka nei ami le?


Aaaa ka hrethiam lo,ka mumang avânga buaina ka tawh vaih chuan.Ka ning ka ngaihtuah peih tawh lo.



Ka kawr hak lai chu thlâk in,ka sam chu ka ṭawn ṭha mawlh2 a.Mahni chauha kal chu ka ngam leh chiah silo.ka u ka sâwm mai angaih hmel,peih tak ang maw?


A room kawngka ka kik dat2 a."Welcome to my city"tiin min lo chhang.A mood nung reng ṭhin bik hi chu ka awt ngawt mai.



A room kawngkhar hâwn mai ka tum chu chhûng lam aṭang alo kalh tlat a."U,lo hawng lawk"ka tih chuan "a pawimawh em ni?"a rawn ti thum dut a.Ka van ngei thei tak.



"Pawimawh lutuk"ka ti ringawt."Eng tiang tak a pawimawh nge,Van chen nge lei chen?"a rawn ti leh.



"Van chen"ka ti hmuk a."Open Sesame ti phawt rawh"a rawn tih leh chuan ka ning tawh kher mai.


Ka nu ten an hriat ka hlau bawk si,thlan tur dang ka nei lo,a duh ang chuan,"Open Sesame" ka ti ve ta ringawt.A nui chiang lutuk,a duhtawk a min bâwl hi a sim theih lo reng2.



A room chu rawn hawng in,"Engnge nita Tinker?"fiah zet chuan a ti a.A thutak leh daih mawle,min fiam mai2 in ka hre sia.


Sawi mai dân tûr ka hriat loh avâng chuan a mitah ka en kiau a.A hrethiam aniang,min kai lût in ka dar ah nghet takin a hmer a.



Nem tak hian "sawi rawh le"a tih chuan hawi pawh hawi chhuak ngam lovin,"Police station ah kal ka ngai a"ka ti ngam ṭawk.



"Engnge,Ngatinge?"a ti leh thuai a."kal phawt ila ka hrilh ang che"ka tih chuan a jeans jacket la in a ha ṭha nghal a.A hak ṭhat na lamah a jacket ipte aṭang chuan syringe a rawn tla hlawl mai.



Mak ti takin ka chhar nghal vat a."Engnge awm zia,hei hi engnge?"ka ti vin hlar.Chek hlak in a dawhkân hnuai chu a melh zeuh a.Ka en chuan a vawk note a lo muhil siai2 mai.


"Engnge inzawmna an neih?"ka ti ṭha leh a.A lu tuai thuak in,"a muhil thei lova,kha khan ka jection".a tih leh takah chuan awih chiah ngam silovin a syringe chu a khum bul Dusbin ah ka paih sak hmak.



"Kal ang hmiang"tiin ka dar ah min kuah nghal thâwr a.Tih tur ka neih avangin ka zawt chiang rih lo mai ang,nakinah kala zawt chiang tho ang,vawk note mut theih na chauh anih ka ring lo.



Zan a rei tawh sia motor tlân vel a tlem bakah thli a thaw duh sia,rilruin thil ṭha lo lam hlir a ngaihtuah.Ka u lah chu thawveng zet in a faifuk hlarh2 reng a.A khawvel hi a nawm hmel ṭhin bik ania.



Station kan thlen chuan rûkru ni awm tak pakhat hi Police zing a pakhat chuan room ah a nem lût chawt2 a.


Ka u chuan ka kut ah min rawn kai in,hmeichhe Police pakhat lo awm ve bulah chuan min hruai a.



"Ka pi,ka nau hi in lo ko ani awm a,eng chungchang ah nge in koh le?"tiin ka u chuan a zawt nghal thâwr a.



Min vawnna kut chu ka kut lehlam chuan ka hum nghet sauh a.Min rawn melh zeuhin a lu a bu nghat a,a ṭha vek atih na ni awm tak ani.


Hmeichhe Police chuan,"S.I Duhawma bulah kal ru,a ko tu che u kha ania"a tih chuan a office lam min kawh hmuh na lamah chuan ka u chu ka zui ve dat2 a.


Office kawngka kik in,"lo lût rawh"inchhung lam aṭang a rawn tih chuan ka u luh mai a tum chu a kawr ah ka pawt bet tlat a.


Min rawn en leh in,"Ka vawk te chuan til lâk pawh an ngam vek asin"thutak deuh hian a ti a.Vawk nen min tehkhin amaw ka pian pui ka u ve em2 hian.


"Lo lût rawh u"a rawn tih leh takah chuan kan u kut chu ka hum nghet leh tawh kher mai.ka u chuan min kai lût in,S.I Duhawma hmaah chuan min din pui a.


"Puih theih na che u ka nei em?"mûk zet a min en chung chuan a ti a.A nel awm hran lo,ka hlau nghal ngawih2.


"Ka nau,Saizampuii hi in rawn ko sia.ka rawn kal pui anih hi."ka u in a tih chuan.Kan S.I chuan a lu bu nghatin,Saizampuii maw!



"Thil zawh chian ngai a awm vang ania,hlauh tur a awm lo aw"pangngai tak chuan ati ve bawk.Mahse a mit meng thip lutuk hi ka hlauh zawng ani tlat.



Ka u chuan,zawh chian ngai a awm animaw?ka lova chhuak dawn nge ka awmpui dawn atih chuan min chhuah san ka hlau lutuk chu a kut ka vawnna chu ti nghet sauh in,ka lu ka lo thing vat bawk.Min rawn en lehin,a hlauhawm loh,tihsual I nei lova,thil tisual tu te zawkin alawm hlau ṭhîn.


Thutak deuh chuan a ti leh a.S.I chuan"Ni e,hlauh tur a awm lo,mi pakhat kan ko tel bawk a,alo thleng ṭep tawh ang,lo nghak ve lawk mai ru aw"a tih chuan lu kalo bu ringawt.


Darkar chanve a tling ṭep tihah chuan office kawngka rawn kik thawm a awm ta a,kan hawi chhuak nghal vat.



S.I chuan,"rawn lut rawh"alo ti a.Kawngka aṭang chuan Zarzoliana vawiin ami kha a rawn lut hlawl.



Ka u chuan,"Zolian engnge i rawn tih dâwn?"alo ti hû a,keipawh chu2 ka zawhna ani.



S.I chuan,"Ilo thleng thei maw,kan nula nen hian biak lawk che u angai a,lo ṭhu phei ve ta che"alo ti zung2 a.



Ka ṭhutna bula chair ah chuan rawn ṭhu in,kalo melh reng chu engmah hrelo ang in a awm hmak nia mawle.


S.I chuan"ṭan nghal mai ang aw,nula vawiina Café kâng tur kha Engtinnge i hriat?"a ti ta mai.Ka u chuan lo chhang nghal vatin,"Ka pu,thil hriat sual a awm anilomaw,ka nau chu class a kal alawm,chutiang engtinnge a hriat daih theih ang"alo tih chuan,S.I chuan "nula hi ka zawt aw,khawngaihin"tiin alo chhang nghal a.


Ka u kut hum nghet pah chuan,"ka hre ve tawp"ka ti chhum bung hmuk a.S.I chuan,"Zara i rawn sawi dan khan kan nula hian café chhûngah khan a kân tur thu a rawn sawi iti tiraw?Chuan,i chhuak zui nghal mai ami?tiin ka bula ṭhu chu a zawt leh a.


Ka bul a ṭhu pa chuan,"Aw a chhuah hnu lawkah ka chhuak zui nghal,thui pawh ka kal hma in a rawn kang ta mai a.Kan nula hi a rawn tlân phei leh ka hmu."Atih chuan ka mitthlaah kâng mei chhuah lai kha a rawn lang leh a, Café chhûngah khan hepa hi ka hmuh awm pawh ka hrelo.


Ka u chuan,"Zolian ka nau hi Café ah a rawn kal amaw?"awih lo hmêl tak hian a ti a.



S.I bawk chuan,"tlangval lo ṭawng lo lawk rawh aw,zawhna ka zawh loh che chuan."alo ti hmak.


Min rawn en leh in,"Nula,i hriat tawp dan kha ka va hre duh ve?" a tih leh takah chuan,aw thian kharh in."Ka mumangah ka hmu a,ka bus chuang tur kha,ka mumang a ka hmuh ang chiah2 café kha ka hmu sia,a thlen dik ka hlau lutuk in tikhan ka va ti tawp alâwm"ṭah chhuak deuh chuan ka ti a.



"Anih chuan i mumang chu a tak in A thleng dik i tih na em ni?"S.I bawk chuan a ti leh a.Ka lu ka bu leh ringawt.A hmai a tuai puat a,"I mumanga i hmuh hma in i kal tawh em?" tiin min zawt leh a."Aih"kalo ti nghal vat.



"Anih,Zara,nang i kal tawh em?"tiin ka bul a ṭhu chu a zawt leh a,"ka vawikhat kal na"alo tih leh chuan kan S.I chu a khi suk.

"Chu mumang leh mumang a tak a thlen ring tu ve2 animaw kalo koh che u"nui chung chuan a ti a.



Kan ngawi reng."Kal tawh mai rawh u,mang nung nei hi chu an awm ve nawk ania"tiin min thlah a.



Pawn kan chhuak chiah,ka u chuan,"Zolian,ka nau hi nangma report animaw?"tiin kan hnung a lokal pa kawr awm ah chuan a ṭhâm a.


"Ani mai aniang chu"alo ti duh lek chauh.Mipa ve si avan ṭawng thei em2,a hmelṭha ka tih kha ka sut leh.



"Iva pa lo ve,thu chiang pawh awm lovin ilo hêk ringawt a,ching tam suh"ka u chuan ati leh ṭhawt a.



"Ani mai aniang chu"tih chauh in a chhang leh tawh,hei bak hi ṭawng a thiam lo ami le.


Ka u in a bike a start lai chuan kan piah a a bike hun chu start ve nghal in,kal mai a tum chu,ka u chuan,"Zolian,ching tam suh ka tih che kha aw,anih loh chuan"tiin a kut tum a hmuh a.


"Anih loh chuan engnge",nui suk in alo ti."Kan in lam hawi pawhin rawn zung tawh suh"ka u in a tih leh chuan,"chuan"alo ti leh thuai a."I ar sual huai kha ka bawihpuia thlah anih kha,ka bawihpuia chi ka rawn la let leh ani mai,i ar sual huai chu a mor tep mai ang"ka u mai2 chu'h a thutak viau dâwn emaw tia,ran chungchangah bawk a lut leh tawh.



"I ar sual huai mit kalh2 nen"nui suk a ti chungin a tlân chhuak daih."Zoliana mai2 chu naupan laia a thau2 nen,Dubai ah ka awm e atia,a rawn chêr haw a a intithei nghal em2 ringawt a.Dubai awm ve si,Kang ṭhelh hna bak a hmu lo"tiin ka u chu a ang zui hlak2 a.


Ni tak ka hrechhuak ta,Zarzoliana kha kan ṭhenawm a awm,thau deuh ṭhîn kha ani chiang lutuk,vengchhung ah ka tei khat lutuk a,a Dubai awm pawh kalo hre miah lo.Ngaihsak loh zawng hi chu alo hriat loh theih khawp mai.


"Nangpawh vawk pu ini tho alawm"kalo tih chuan,chek hlakin,"Vawk te hian chhungril mawina an lan chhuah tîr"ti chungin min tlan chhuah pui nghal.


In kan thlen chuan ka nu te an harh ka rin tehlul nen an thawm hriat tur a awm lo,a hahdam thlâk zawk.Nilo se chuan Dolly hian zawhna a ngah leh dâwn lutuk.


Insil faiin,lehkha pawh bih tawh lovin ka mu nghal a.Ka chau ve aniang a men luih theih thlawt loh.


Ṭap tuar2 ri ka hriatna lamah chuan ka kal zêl a,kan kawmthlang te inah ka lut hlawl.Kuang an lo kil bial laih a,tunge thi ti a ka zuk bih hnaih chuan an putar alo ni reng mai.ka bih mek lai chuan chiang tak hian a rawn meng kâwk a.Rul in min chuk ti chung in a hmui duk vek leh a hahni dum vek chuan za zet hian min nuih khum chiam a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:41 am

They Call Me Psycopath

Chapter 5:





Ka au chhuak ṭhawt a,Ka khum bul a tui in chhawp chu ban in,ka in nghal khawlh2.




Ka phone ri chuan min ti phu leh zawk.Hetiang reng2 chuan lung ṭhalo ka nei lovang tih pawh a sawi theih loh.



Ka phone rik na lam chu ka ban a,ka u alo ni.Ka la chiah tih ah,"Tinker,kalo phei dâwn em?"a rawn ti nghal zât.



"Mu rawh"tiin call ka cut hmak.Mi rilru buai laia,thawveng zet aw ka ngaithla peih lo hrim2.



Dar zât ka en chuan dar 3 alo pel awrh chauh a,ka mumang kha engnge awmzia ni ang le?Mumang awmze nei lo te hi mang ve ila ka ti ṭhin.Thlasik a hnai tawh leh nghal a,huphurh tak ka ni.Thlasik mumang hi chu a rapthlâk zual thei bîk lutuk a,mood fuh ni ka nei thei ngai lo reng2.



Mut leh ka tum chu,kan ṭhenawm te nupa an in hau ni ngei tûr ani,an thawm awm na lamah chuan ka beng ka chhi vâ a.


"Saizampuii sawi ve ziah suh,kan fa anih loh hi,kan châwm a kan duhsakna kan lan tir hi a tawk tawh viau e."Eng thawm nge ni ngai?Kan ṭhenawm te thawm ani miah lo.


Rang takin ka tho chhuak a,room aṭang ka chhuak chu ka u alo ding reng."Va mu leh rawh"alo ti sup a.Mu leh thei turah min ngai reng2 ami le?Ka hming sawi tu kha ka pa aw ngei ani.


Thil keh chuai ri kan hre zawm zat a,hmanhmawh takin inchung lam pan chuan kan tlan chho nghal.Ka nu te room kan thlen dawn chuan,ka u chu ding dat in,ka lamah a rawn in her a."Lo zuk chhuk rawh,nakinah ka rawn chhuk ve ang"a tih chuan lu lo thing in a ban ah chuan ka vuan nghet leh hle tawh.


A ngaihna hre lo tak chuan min en a,"I thil hriat te kha dawt vek ani tih hre reng ang che"ati leh hmuk.Dawt ani lo tih ka chiang,hriat chian ka duhna chuan min tur ut2 zawk.



Chhûng lam thawm chu a hma aiin a nasa a,Ka u lût tur chu ka zui ve nghal.Room chhûng kan lut chiah chu,ka nu a rawn hawi chhuak vat a."Mate,chhuak ru"ṭap chungin alo ti a.



Mipa tih takah ka u chuan pan phei nghal in,ka nu chu a kuah nghal a.Ka nu lam pan ve ka tum chiah chu ka pa lo ṭawng in,"Saizampui,tah khan ding rawh"a ti ṭhawt.Ka pa thusawi engahmah ngai lo chung chuan ka nu chu ka kuah ve a.



"Saizampui"vin tak a ka pa'n a rawn tih leh pawh chu ka bengkhawn duh lo."Pa,ka nau anih hi,in fanu"ka u in a tih chuan,ka pa chu a nui hul hak.



"Kum 22 chhûng kan enkawl tawh,a tawk tawh viau e.Kan kut ani lo,he in hi a in anilo bawk."ka pa ngei ani sia,engtinnge a fanu hriat ah heng thil hi a sawi theih zawk.



"Ka fanu anih hi"ka nu chuan a rawn ti ve a,"I fanu maw?Mi â ward a i thawh laia fa anga i lâk kha i fanu maw?"ka pan a tih leh chuan min ṭhawng kher mai.


"Mi â maw"ka ti chhuak sap a."Tinker,chhuk ang"ka u in a tih chuan lo hnar in,ka pa lamah chuan ka kal hnai a.



"Pa,i fanu ka nih hi,i fanu Saizampuii"ṭap ṭeuh chung chuan ka ti a."Saizampui,Bawihi thudik i hriat hi a hun tawh ani,keini hi i nu leh pa te kan ni lo"a tih chuan,"Pa,a tawk.Saizampuii hi ka nau diktak ani,chu2 thu tawp ani bawk"tiin ka u chuan min kai chhuak a.



Ka room ah min kai lût a,ka thu hriat in min ṭhawn em avâng chuan,sawi tur pawh hre lovin ka ngawi reng.


Tui in tur min pe in,"Pahlira khu hralh ka duh,Nupuiin khuan a hal riau a,an inngeih lo lutuk a, enkawl an buaithlak"ka rilru hah,chhâwk zangkhai tûrin a sawi ve ngei anih hmel.Vawk chungchang kher2.


Kan ngawi dun leh vang2 a,"ka arpa sual huai Christopher pawh hi vên deuh angai,duh aiin a chapo ṭan tlat,a nau te ho hian an ngaithei dawn lo"a tih leh chuan kalo nui hak.


A khi ve suk a,"ar no te thar an awm leh tawh a,zîngah an hming i phuah dâwn ania"a ti leh.A thiam ang tawk chuan min hnem a tum ve tih ka hria,mahse a zei lo ve thlawt ani.Amah beisei ve deuh tu te pawh a ran vulh chungchâng alo sawi pui zêl a,ati beidawng leh nge2 ṭhin kha ania.



"Mu tawh ang,zingah i ar te chu kan hmu dawn ania"ka ti ta ringawt.Ngaih ṭhat loh hmel tak a min en chung chuan,"I mut theih loh chuan min lo ko mai dâwn ania"tiin min chhuah san a.



Rilru ah ka pa ṭawngkam ngei kha a awm tluk2 a,"Tu fa nge ka nih tâk ang?ka pa sawi ang khan,mi ang lo fa chu ka ni tak2 tihna em ni?"



Ka sen lai thlalak te chu en leh in,an fa ka ni lo tih hriat miah lovin hlim hmel an pu sârh a.Awih harsa ka la ti fan,ka pa kha a rui anga a sawi ve mai2 aniang ti a in hnem ka tum pawhin ka pa ṭawngkam ka hrechhuak zêl.


Ka mumang lo dik lo bawk nen,kan chhungkua kan buai bawk si chu tihngaihna ka van hrelo tak em!


Awm ve lo ila an hlim zawk angem?An khawvel leh ka khawvel chu alo hrang daih sia,Engtinnge kei,khawvel dang daih ami hi an khawvel ah ka len ve teh lul ang.



Ka rilru siam fel in,ka thawmhnaw ka pack mawlh2 a.Thawm dim thei ang berin in chu ka chhuah san.


Khua a var ṭan tawh a,zingkar walk ho ka tawk ṭak2 a.Ka thawmhnaw nen ka bawr bawk si,kal na tur mai hrelo chuan waiting sheet ah ka ṭhu ve tawp.


Ka phone phawrh chhuakin,Zualtei ka be ta ringawt,a tho tawh ang chu maw.Phak chial hian "Aw sawi rawh"a rawn ti a.An in a awm ka dil ve tawp.Lo kal sawn suh,ka rawn hruai dâwn che ania,tiin kan inbiakna a ti tawp a.


Rei pawh ka nghah hma chuan a pa nên an rawn thleng hlawl.A pa ka hmu chiah chu ka inthlahrung leh hnu hnawh.Mahse ka dinhmunin zir miau hek lo le.


Pa Zara chuan ka trolli chu motor ah a hlâng nghal a,Zualtei nen a seat hnungah kan ṭhu lût ve nghal.


"I duh chen2 i awm dâwn ania,inthlahrunna tur a awm lo,kan fanu ang tho i nia"Pa Zara'n a tih chuan ka ṭah a chhuak nghal ringawt.Ṭap lo tur a in sum in,ka hmui ka pet ngar2 a.Zualtei'n hrethiam ni awm takin ka kut a rawn vuan nghal zat.Ṭah chhuak hmel tak hian min en ve reng a,lo nui luiin ka ṭhat thu sawi nân ka lu ka bu nghat2 a.



Zualtei te in kan thlen chuan a nau leh a nu pawnah lo awmin,a nau Zoremi chuan min lo kuah nghal chung2 a.Zoremi hi chu ka nau dik tak ni lo mahse,min nel thiamin,u ang tak2 in min en a,a u chung a a lungawi lohna pawh ka bulah hlir a thlen ṭhin.Higher a kal ve chauh a,a kum phu lovin a puitling.



Inchhung a min kuah lut chungin,U Sai ka roomah zawk awm rawh aw,a ti deuh tlat lehnghal a.



Nu Hriati'n,"Hraii hi chu a buaithlak ṭhîn,I u roomah awm zawk rawh se,i duh chuan I riak ve thei reng alawm"alo tih chuan a lungawi lo ngang mai.


Thinrim in sawh nghawng2 in,"keima u ania,ka ngai ve alawm"pangchang tak hian ati a.Zualtei'n a beng a pawtin,naupang hriat ve loh tur kan sawi dawn,hrâng te pawh a tel"a tih chuan"U Sangtei thil tawn in sawi dâwn ami?"alo ti leh vat.Zualtei chu bu nghatin,"Pa Hmuaktea thlahrang pawh"a tih chuan,"In nasa êm maia"tiin choka lam min pan san.



"Tunge Sangtei chu?"tiin Zualtei ka zawh chuan,"Kan veng ami mawle,thla a hmu thei a"a tih chuan mak ka ti ngei mai.Ka awih chiah lo na in ka la tawn ve loh vangin engmah ka sawi ngam lo.



Nu Hriati rawn ṭawng veleh in,"I nau i tih ṭhaih ziah a,zanah kan bulah a rawn mu leh ange"a rawn tih chuan kalo khi sak,ka dem hran lo,keipawh naupan laia ka mumang vang a zan mut ṭhat ngam loh châng ka neihin ka nu leh pa te inkarah kher ka mu ṭhin anih kha.


Zualtei room a lutin,ka inti fai nghal a.Ka intifai zo bathroom aṭanga ka chhuak chiah chu ka phone a rawn ri ral2 a,Zualtei alo awm tawh lo,inhnuaiah a chhuk tawh aniang.



Phone chu la in,ka u no.alo nia.La ta lo chuan inhnuaiah ka chhuk san ve ta daih.



Sitting roomah an lo ṭhu ṭhap a,Zoremi chuan a bula ṭhu turin min lo ko nghal a.


Pa Zara chuan chhûng inkhawm kai hruaiin,thu ṭha tak2 min fah bawk a.Ka pa hrechhuakin,hmangaih tak a min enkawlna te chu ka mitthla let a,mittui a rawn hnai leh tawh.


Chhûng inkhawm hman zawh chuan,chaw kan ei nghal a.Nu Hriati chuan ka in ang chiah a en tûrin leh mamawh ka neih pawhin sawi hreh lo tur chuan min ti ve bawk a.An in a awm ve an phal ringawt pawh hi ka tan chuan a hlu lutuk tawh.


Class kal tûr a kan insiam lai chuan ka phone bawk chu a rawn ri leh a,a rik ngun em avâng chuan ka switch off tawp.Ka chhûngte ka ti mangang tih ka hria,mahse tunah rih chuan boruak dang hip ka duh rih ani.



College kan thlen chuan Gate bulah ka u alo awm reng tawh a,peh hel theih bawk siloh.Zualtei chu ka kai nghet sauh a,ka u chu hmu lo der a kal pêlh ka tum.


"Tinker,i u hi min hmu lo amaw?"kal pêlh ka tum chiah chu a rawn ti a.Zualtei chuan inbe lawk rawh u tiin kan piah deuhah chuan min lo nghak a.


"Khawnge i awm?Engtinnge min hrilh lova i chhuah theih?I u ka ni ka tih tawh kha,ka pa kha a rui a a thusawi kha chu dawt vek anih kha"a ti nghal bawrh2.Chhan pawh ka chhan ve hma chuan,"lo haw rawh,Dolly a mangang lutuk ania,ka ar te pawh"a ti zawm zat.



A ran vulh a sawi tel ziah ka tih tawh kha.Chhang lova kal mai ka tum chu ka kutah rawn vuan in,a bike ah min hlâng zawk.


"Class kal ka ngai ania"ka tih pawh chuan min chhang lovin chak takin min chhuah pui a.Zualtei kha a bang bo ngawt ang,ka chhuah chhan pawh ka hrilh hman ta lo kha ania.



"Khawiah nge kan kal dawn"tiin ka zâwt leh tawp."Hmun nuam deuh ah"tiin nui chungin min chhang a.



Kan tlan rei tawh sia biak hleihtheih loh in a faifuk reng bawk si,khawnge maw min hruai dâwn ni.


Thawveng viau ṭhin mahse,a ruk chuan harsatna leh lungngaihna a neih ve ṭhin tho ka ring,ti lang duh lovin a rilru tih thawven dân tur kawng a dap mai ṭhin in ka hria.


Ka ngaihtuahna kalo kawm melh2 lai chuan,"Ila chuang kham nange,ka tlân leh dâwn ami?"a rawn tih chuan ka phu zawk a,kan din na ka en chiang chu rei ek tlang alo ni reng.Min van kal pui hla em2.


Bike aṭang chuan ka chhuk a,A helmet phelh lai chu en in.Ka u mah nise a hmel hi chu a ṭha ve thlawt,gym kal ṭhîn tih takah a pian pawh a nalhin,a sang ṭha viau.


A ban rawn hui in,"min hisâp chiang"nui sung chuan a ti a."I tenawm"ti chungin tlâng lam ka pan san.


Nui hawk2 chungin min rawn zui ve bawk a,"Engnge i thawh dawn min tih chuan,ka feh dâwn i hria ang a,Engnge min hâwn i tih chuan,Cameroon theihai ngat le"tiin ka hnungah a rawn zai chho lung2 a.Kan kal na nen ava in rem lo tak.



Hmun zawl nuam deuhah min ṭhut puiin,min kuah hlun a."I ninawm,awm sawn teh"bak hlar chuan ka ti a."shhh ka ngai ve che alawm,hetia ka kuah loh na che pawh hi a rei tawh"a tih chuan ei lo zet hian ka melh rum hrawk.


"Khatia min melh lo khan boruak thianghlim romantic lutuk hi hip vang2 rawh"tiin ka hma zâwn chu a kâwk a,"Engnge i kawh kher, boruak a hmuh theih ami"ka tih chuan,"ṭhal romei a zam kai chiai e"tiin a zai leh ṭan tawh.Ava buaithlak thei tak,lungkham hi anei lo bik ngawih2.


Aw thian kharh in,"U Ka pa kha"ka ti chiah,ka sawi zawh hmain,"Hitlera maw,Aw a rui alawm,a thusawi kha awih duh reng2 suh"tiin min chhang nghal zat.



"Min zui haw ngei2 ang che,chhûngte nei lo ang maia mi in a i awm kha kei i u hian ka phal ngai lovang"a tih chuan min kuah na kut chu vuan nghet sauh in,"ka pa khan phallo ta se"ka ti tham ṭêk a.



"Lalrinzama I U ka awm alâwm,engahnge i lungngaih"ti chungin ka hnar a rawn piai zeuh.


"A thusawi zawng2 kha"ka tih leh chuan,"Oh My God,Tinker,awih duh suh ka tih che kha,Pahlira pawn a awih lo"ati leh tawh.Hepa tak hi chu!!!



"Zoo ah rûlngan pa an dah thar an tia,i en ve chak em"a rawn tih leh chuan ka mumang ka hrechhuak thut.



Tho tharh in,"Haw ang"ka ti nghal thâwr a."I can't believe it,i chak tih sawi miah suh"a tih chuan "kal vat ang"tiin ka pawt tho a.


"An dah leh lo,ka râp ania"tuai deuh a a tih pawh chuan lo hmanhmawh rawh tiin ka tlân dawr2 a.Ka mumang kha a thlen dik leh ka hlau ngawih2.


A bike bul kan thlen pawh chuan ka la tur ngar2 a,"Rul ai chuan Ar no te hming phuah i duh zawk lo ami?hming an la nei lo ania"ala ti fan.


"Inah haw ang"ka tih takah chuan phur zetin min tlan chhuah pui leh ta a.


Inchhungah pawh lut lovin,kawmthlang te in lam panin step ah chuan ka tlân thla hlawk2 a.


Kawngka pawh kik lovin ka lut nghal thâwr.Pi Kimi'n min lo hmuh chuan,min lo ko nghal vat a."Pi khawnge ka pu?"ka ti nghal ṭhuai."Kan ram lei thar,en dik tûrin a kal"a tih chuan,"ko haw rawh"ṭap chungin ka ti a.Mak ti tak in min en a,"Saizam ngatinge i ṭah rikngawt,i pu chu a chhuak deuh chiah alawm"a tih chuan a phone chhuh sak in,"Pi ko haw rawh,anih loh chuan a thi dâwn"ka ti vak a.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 11:42 am

They Call Me Psychopath


Chapter 6:




"Tu maw thi dâwn?"mak tih hmel tak chuan a ti a.Engtia hrilhfiah chi nge ni ang?Pi zawng2 a pi khirh ber ani leh nghal a,kei a thusawi ve mai2 chu khawilam a awih chi va ni suh.



"Ka pu a thi dâwn"ka ti leh tawp."Ava hahthlâk e âw,i pu a dam lo hleinem.Thil hriat sual i nei anilo maw?"a tih chuan,lu lo thing vat in."Pi ko haw rawh ka ti tak2 ania"ka tih takah chuan chek hlak hian "Hna ṭhulh mai2 a ṭha lo asin le"ti chungin a call ve ta.



"Lo haw leh mai ta che,hei Saizami ngaih a ṭha thei lova"tiin a ko haw ta.Ka thaw a veng huai thei,lawm takin ka haw chho a.Mi nunna ka chhanhim tiin ka lawm ve hle.



In ka thlen chuan ka u leh ka nu an lo ṭhu dun ve ngei a.An ṭhut dun ka vawikhat hmuhna anih vang nge,mak ti zet in,an bul a ding chung chuan,"Ngatinge?"ka ti ringawt.



Ka nu in min hmu chiah chu ṭap chungin min lo ban."Min kalsan tawh suh aw"tiin nghet takin min pawm a.Heti tak a ka kalsan hlau tu chu ka nu diktak animai lo ami,min hringtu nilo mahse,nu hmangaihna zawng2 min pe a,ka tan chuan hei lo liam a nu dik tak an awm dâwn chuang ami...



Kan in kuah rei ati deuh nge,kut beng chung hian,"The return of Tinker"ka u in alo ti zeuh.


Ka nu in A hnung a beng dat in,"Rinzam vawk chaw zuk chhum rawh"a ti hluai."Fa te rilṭam leh ṭam loh chu ka hre ve,nang ang lo takin"alo ti zawm zat a.A ril a ṭam ani ngei ang.


"I ril a ṭâm chuan chaw ei rawh, Bawihi nen kan chhuak dawn"ka nu in alo tih chuan in ti thei takin ka lo hawi sang vah.



*Hmmm fapa nih hi a dan ava dang bik ve,duat tu nei ve miah lo hringnun neih reng ai chuan Nupuii te chhungkua ka zuk awp keu ange"ati deuh duah."Tlaiah gym kal tawh suh,i vun a in tawn mar vek tawh,ṭhâl bawk i ngah lutuk"ka nu chuan a ti leh hlak2 tawh..


Chek hlak in,"Ṭhâl bawk ngah te chu an tunlai zawk"ti hlukin a chhuak zui.Inthlak tawh lem lovin ka nu nen kan chhuak dun a,vawiin chu outing na hun ani ringawt.



Mc aṭang kan chhuak chiah tihah,Kawt a ice cream zuar ho bulah chuan Zarzoliana ka hmu hlawl.kan kal pêlh dâwn lai chuan ice cream cone alo dil belh lai ka hmu fuh leh nghal.Avan naupang chhia tak.



Bazar thlang a restaurant ah chawl in,ka duh deuh ṭhin chow sak chi ka ti mai,chow dang ang lo takin hne a har bik a,an soup a tui bik bawk.



Ka nu nên pheikhawk leh tshirt in ang kan lei chu kan in bel haw nghal.Dawr nei tute nuih a za teh asin.



In kan thlen chuan ka pa alo awm tawh a,ka biak hreh em avangin room ah ka inkhung nghal daih.



Rei vak lo hnu ah ka nu a rawn lut a,chaw ei a hun tawh thu a rawn sawi chuan hreh tak te in ka hreh.Ka pa ka hmuh ngam ka ring tawh lo bur.



Ka nu pawh a beidawng ta aniang,"i ril a ṭâm hunah i ei mai dâwn ania"tiin min chhuah san a.khumah mu chungin ka phone khawihin ka ṭhian te ka be kual a, Zualtei'n zawhna alo ngah leh tawh ngang mai.A awm lo lem love,ka ti hrilh hai ve dâwn em bawk ani.



Chhungkaw chungchâng sawi ka hreh ve deuh bawk nen,chhuan lam dang siam in ka tih tauh thu ka sawi tawp.Awih tak ang maw?



Chhemawla call a rawn lut a,la ta mai lo chuan nui suk in ka cut sak a.A haw leh ang chu awww.Rawn call nawn leh in,"hello"pawh ka tih hma in,"Lal Sai,engtinnge ka tih dâwn?ana lutuk ania"a rawn ṭap pur mai.


"Engmaw na?"kalo ti thuai a.Ṭap ṭeuh chung hian,"tuma bulah sawi suh aw,intiam phawt la"a rawn ti leh ṭuau tawh.


"Aw ka tiam e,sawi tawh la"nem tak chuan kalo ti a."Ka mawng a khawihli,a double in,belmang hnawih a ṭha an tia,ka hnawih ve a ani lo laiah ka hnawih aniang,a na zual sawt"a rawn tih leh chuan ka nui chhuak hawk.



"Ava zia lo tak,kan zai thla mai dâwn em ni?"ka tih chuan "Sai hmelchhe nu tuinnge hetiang te zai ngai"a rawn ti vin ṭhawt.ka nuih ati zual sauh leh nghal a.



Kan inbiak lai chuan kawmthlang lamah ṭap thâwm ka hre ta mai."Nakinah kan inbe leh dawn nia"tiin a ṭawng tui lai pawt chat in call ka ti tawp a.



Kawmthlang lam a ṭap thâwm chuan ka ngaih ati ṭha lo takzet.Ka pu kha a kal lui hram tihna em ni?Mi nunna chhanhimah kalo inngai hman tawh asin.



Hmanhmawh takin ka chhuak nghal a.Kawmthlang te in ka thlen chuan mi an lo tam hman tawh viau.


Kawngka bul a Zarzoliana lo ding reng ka hmuh chuan ka be ve tawp,"Tunge thi a?"tiin zawi tê in ka zawt a.Ka beng bulah rawn kun hniam in,"Pa Rina"zawi te in a rawn ti ve kher.



Ka pu ni lovin a fapa zawk maw?Avan mak awm ve,tiin ka phun sap a.Ka beng bulah bawk chuan a rawn kun hniam leh a,"Rul in a chuk"a rawn ti leh sur2.Rilru ava buai ve,ka mumangah khan ka pu zawk hi ani chiang sia,engtinnge Pa Rina zawk anih theih.



"Pa Rin ala hun lo,i thutiam te kha i theihnghilh ta em ni?"ti a ṭap chung hian ka u a rawn lut.kalo pawt hrang vat a,"a zahthlâk,miin an en ang che"ka tih pawh chuan a ṭap zual sauh a,"nilo ani thei lo,i thutiam kha"tiin ka bul a ding Zarzoliana a rawn melh a.



An in signal ve nge mawni,Zarzoliana pawh chu rawn ṭap ve nghal in,"Ni e,Pa Rin i thutiam kha"tiin a ṭap ve nghal hmiah.Min van ti hrilh hai dun tak,an palian in an sek dûn bawk si,inchhung a awm ve te pawh chuan an en duh ngei mai.



Ka bul a ṭah kha an la duh tawk lo nge ni,ruang awmna bulah va kal in,Pa Rina hmai ah te an chuk sak a.An ṭap lah chu
an ti der nge der lo pawh hriat theih loh,an mittui a tla ve ngei bawk sia,an ti tak2 ve reuh aniang.



Ka mumang a rul in a chuk zawk ka pu pawh a ṭap ve nasa mai,fa te chân chu ana viau ta ve ang.


Kawngka bul a ṭhutna awmah chuan ngawi rengin ka ṭhu a,ka pa a rawn lut ve hlawl.Min hmuh hlau takin ka kûn tlat a,min hmu lo aniang ruang awmna hnungah a ṭhu phei ve.



Mi an tam bawk sia, boruak uap nen,hrehawm ka ti ta deuh a,pawnah chhuak in,step-ah ka u nghak pahin ka ṭhu tawp.



Mumang a ka hmuh zawk ka chhan a,midangin an tuar daih chu ka hrethiam lo hle.Hetiang anih dawn chuan Café a awm ho pawh kha lo chhan chhuak vek ta pawh ni ila kâng mei kha a chhuak dawn tho tihna ani thei mai angem le?



Ka ngaihtuahna ka lo kawm melh2 lai chuan ka u leh ṭhenawm pa,Zarzoliana te an rawn chhuak a,ka bulah rawn ṭhu in an hnar an thian fai nawk2.



"Engnge Pa Rina thutiam chu?"tiin kalo zawt hliai a,Zarzoliana chuan ka u en chungin."Ni e,eng thu nge a tiam a?"alo ti nghal zât.He pa pui rauh hi chhan awm lovin alo ṭap ve ringawt animaw,avan naupang chhia tak.



Ka u chuan thutak deuh hian,"Naktukah a ar sual huai leh ka Cindy te inpawl tîr a chi thlah pung tûrin thu kan tiam dun"a ti ta mai chu ka melh rum teh asin.



Vin zet hian,"Chutiang ṭah na tham ania mi?"ka ti hlak a."Nang chuan I hrethiam lovang,Zoliana hian tlemin a hrethiam deuh anga,ran lovers ka nia,min feel pui pha lovang"a tih chuan Zarzoliana lo ṭawngin,"Bro ka feel pui che,ana êm ani,i ar pa mit kalh khan chi a thlah thei tawh silo"tiin ṭah a tum leh ta mai.Hemi te pahnih hi ka hrethiam pha love.



"Chho ang u ka mut a chhuak"tiin ka tho nalh a.Min rawn zui ve mai bawk a.Zarzoliana chuan,"Tinker,thil sawi duh ka nei"ka hnung lam aṭang chuan a rawn ti.



Ding dat in hnung lam ka hawi a,"Engnge"ka ti mawl tawp."Zams kal suh,witness ah lo ṭâng rawh"tiin ka u a melh zeuh a.Eng tak chu sawi dawn ni maw?



A hnar a tuai zeuh a,"Café chungchang a Police in an koh che kha ka tihpalh lutuk"thutak deuh chuan a ti a.Mak ti zet in ka en hâ mai,"A pawi lo Zars a hrethiam ang che"ka u in alo ti.An pahnih chuan ka en dun ṭhîn,an thutak ve bawk si,an thu khel a ho thei sia,inkawm awm tak an in kawm anih dawn hi.


"Nia,a pawi lo,nang hi Zars i nia,ka u hi Zams maw?"tiin ka kâwk tawn a.An lu an bu rual.An va ho dun tak.Ka u chuan Zarsa dar a kuahin,"kan pahnih hian soul mate kan nia"atih chuan ka nui hawk.Ni e,inkawm awm tawk te te hi awm ve ania.



Step kan chhuak chho a,kan in lam pan a kal mai ka tum chu Zars chuan min lo leh in,"I u hriatpuina thlapin i no.min lo pe"a tih chuan chik zetin ka en a,"Zars keiman ka pe dâwn che ania"tih pahin ka u chuan a phone phawrh in a pe nghal.An va mak tak!!!!



"Kalo be dâwn che ania"tiin a mit a siai zeuh a,a nui suk,ava hmeltha tak.Ka suangtuah ang zawng2 hmel kha a pu vek lehnghal.



Ka u nen inchhung a lut dun in,in sil nghal mai ka tum chu,"in sil rual ang" tiin bathroom ah min zui lut ve ringawt.



"I hlau animaw"nui chung chuan ka ti a."I hlau zawk anih kha"ati liam puat.Hepa hi a hlau chiang lutuk,kan veng a mitthi awm apiangin ka room ah a rawn mu ziah ṭhin.Chhuanlamah i hlau ang ati daih zel.



Kan in sil zo a,ka nu bawnghnute min pêk in zo in,mu turin ka thawmhnaw hak lai thlakin night dress ka ha a.Ka phone a rawn ri bal a,ka en chuan Zars ni ngei tûr ani,no.lawng atangin msg alo awm a,"muttui"tih zawng hi."Muttui"ti a chhang let in ka zan tin dan in earphone vuah in ruah sur ri ka ngaithla leh a.



Room kawngka a rawn in kik dat2 a,ka hawn chuan ka u a rizai nen alo ding leh reng tawh.Amah chauh a a mut ngam ka ring lo rêng ani.



A tih dan ngai te bawkin,"I hlau ang"tiin ka khum bulah chuan mutna a siam leh duai tawh.



Ka muhil dâwn chiah tih ah min rawn kai tho leh in,"Engmah ila ei lo,i ril a ṭâm ang"tiin cup noodles min pe a.A ṭâm ve reng mai,bawnghnute bak engmah ka la ei lo tak.



Noodles ei zawh chuan mut leh nghal ka tum a,"kalo awi mu dâwn che ami?"a rawn ti leh.A hlau hle aniang mutsan a hlau êm mai.



"Angai lo ka mut a chhuak tawh lutuk"ka tih tlat avang chuan min mut tîr ve ta nge2 a.



*
Midnight Hotel kawtah ka ding a.Zan a rei tawh a,thawm pawh a awm lo khawp mai.Gate a rawn in hawng rawk a,Gate inhawngah chuan ka lut a.Hotel kawt ah chuan hmeichhe pakhat,tribe fiction tshirt leh kekawr bul dum ha alo ding a.Pheikhawk a bun miah lo..

A kut in min lo hui a,ka zui ve mai.Hotel chhûngah chuan min luh puiin,lift ah min chuan pui a.Ala ṭawng miah lo lehnghal.Hotel chhâwng sang berah chuan min kal pui a,room no.79 ah min luh puiin,bathroomah min hruai lût leh a.


Bathroom a sahbawn vel an dahna chung a chahbi intar chu la in,ka kutah min hum tir a.Ka beng bulah rawn hnaiin,"ka ruang awmna"a ti ta mai.

"I thi maw?"ka tih chuan a lu bu nghat in,"lokal rawh"tiin ka bânah min laia,hotel hnuai lam min pan pui.

Hotel pawn kan thleng a,ding chungin Vân lam a thlir vang2 a.Ka lam rawn hawi leh in a nui suk a,Hotel hnung lamah chuan min kai phei leh.

Hotel hnungah chuan in tereuh te storage room ni awm tak hi a awm a,"tah sawn ka awm"tiin an kâwk vâ lehnghal.


Storage room chu a chahbi min pêk chuan ka hawng a,a thim bawk nen bêl ni awm tak te chu ka chhir leh rih ṭhîn.Light a rawn eng ṭhut a,ka bulah chu nula chu lo ding in kan piah lawk a puan an dah khawmna chu kâwk in,"tah sawn"a ti leh a.

Puan dah khawmna lam chu ka pan leh a,puan ka hai chu mitthi dâng bai mai a ka lo ang huau ka hmu ta mai.Ka beng bulah,"kha2 keimah ka nih kha"tiin a nui kar2 a.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)