VOHBIK BY Euricka (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

VOHBIK BY Euricka (Completed)

Unread post by Ngaia » September 4th, 2022, 12:18 pm

csqeqtwp.jpg
Prologue:
"Harh chhuak rawh,nangmah I ni lo,I ngaihtuahna fim kha hmang la,ka mitah min en rawh le",min sawi nawk tu lam chu mittui tling pamin ka ena,nangmah inilo a tih leh tàkah ka harh chhuak zawk.
Engthil nge tih ka tum hi,ka kuta chemtê chu paih thlain ka lu ṭham nawk2 pahin ka aw rawl tawpin ka au chhuaka.
"Khawvelah hian mi danglam bik an awm I ring em?"Ni e,mi danglam,nu chhûl atanga chhuak vek si,mi pangngai aia ril zawk(thlarau khawvel)thlenga hmu a hre thei tawng ta la,rilru lam chian lohna neiah i ngai mai angem?Nge a hmu ngei ani tih nangmah ngeiin i fiah ang?



Chapter 1:



"Siali ila tho lo ami,kawngka lo hâwng teh" ka thiannu ṭingṭangi aw ngei ani.


Phur lo zetin ka hawnga,"Nizân Chanchinthar kha i en ve em?"ring leng lawnga a tih chuan lo chek hlakin,"Amak,hmun leh hmunah i aw sial zet kha fak vak zel suh"ka tih chuan zawi te hian,"mawh i ngaithla em"a ti leh supa.He nu tak hi chu🤦‍♀️"aih ka buai lutuka,i bengverh zawng a awm animaw?"ka tih takah chuan,min ṭhut hnaih pahin,"mmm amak lutuk Pa Hmuaktea kha Pu Dina te phai ruam ah thi in an chhar,a rim a chhe vek tawh a,a thihna a rei tawh an tia" a tih chuan hlauhnain min ṭhâm nghal a.


Nizân hmasa khan Pa Hmuaktea chu ka hmu ngei sia,engmah sawi lovin min en reng anih kha,kei hi hna ka nei leh ngei dâwn anih hi,mihringte hi ngatinge kan nunrawng em2 le.

"Ka sawi i hria em?"ka tukhum a min beng tu an awm ah chuan ka harh chhuak zawk.

Engmaw ka ti hluai a,"Tu thah nge ni ang le?keichu nizân a information a an puan aṭang khan ka mu thei tawh lo,mi kut tuar a thi anih hmel sia,tualthahna kher hi chu a dan a dang bik e,ka dam rei pawh ka ring lo",ati zawm zat a.

Nang lah hi vengchhung a mitthi awm apiangin thi ve vat tur ah ilo inngai ve hman ziah mai,hlo tur i ei pawhin i thih theih loh kha,mitthi ai chuan ka hlau daih zawk che ka tih fiam tak ah chuan,"Awi sawi ve ziah suh,ka ei lo,ka in alâwm.


Marcusa'n a hriat chuan I chák lovang ati leh ringawt tawh,ka sawi dawn tawp silova.


"Bawihte chaw ei ka hman,"ka nu'n a rawn tih chuan phei nghal mai ka tum a.


Ṭingṭangi chuan min pawt ṭhu leh hnawk.Ka rawn kal chhan ber Pa Hmuaktea chungchâng kha kan sawi chhunzawm angai ang a tih chuan,nuih suk in "zaninah kan night dâwn tho a kan sawi dun dâwn nia.

Zan kan kal hman silova vawiin lam te pawh kan va lang ve ang chu",ka tih takah chuan a lungawi ve ta aniang.


Thawveng zetin choka lam a pan phei nghal a."Ka nu Mawi,Siali hi thluak chakna ṭha deuh ei tîr rawh aw tunlai a mamawhna a sang riau ania"ati leh ringawt tawh,henu hi chu a zam lo ṭhîn ania.

Ka nu chuan,"Riṭitṭetnu in pahnih a in ei turin kalo ngaihven dâwn ania",nui hak2 pah chuan a ti ve a.ka thiannu hi ka unaunu ang chiah a ka en ania,ka nu pawh hian a ngaina.

Sapthei hnah tauh hi ka suak ṭhen ve dâwn,pahnih chauh a ei atân chuan a tam mah2 tih pahin a suak mawlh2 a.


"Bai pawh kha," ka nu chuan mit ko san zauhin ati nghal a.Ti lo duh suh tih pahin a tem nghal zat a,tep chep2 pahin a tui hle mai heti bak2 te chuan le,ka nu bulah rawn in zir belh rawh tih pahin a suahna tur bowl lâk a rual nghal a.

Ka nu nui lai a tawp chat,"a tui lo i tih chuan suak lo mai rawh" tih pahin a fian ken lai a lak sak hmak.

"Âw ka nu Mawi hmelthate fiamthuin ka fiam che alawm,fiamthu anih kha tih pahin a nek talh2 a"ka nu chuan I duh2 kha suak la va ei ve vat rawh.Vawiin chu mitthi in lamah in kal ve ang chu atih chuan,ka lawm em2 e ti chungin lu a bûk khum zeuh.



Chaw eikham a mitthi in a kal tûr a ka insiam mawlh2 lai chuan ka nu a rawn lut a.

"Bawihte ipa Hmuaktea chu i hmu tawh em?"a tih chuan,"Aw hmu e mahse vawikhat chauh ania ka ti a.

"I thiante bulah sawi darh suh aw,a chhûngte beng a thlen phêi chuan an hmuh dan che a dang vek ang a,chhungkaw mualphona a thleng palh ang",ati siam2 a.

"Nu i fanu sial hi ka puitling tawh alawm,ka ti mualpho lovang che "ka tih chuan a thaw hluai ringawt,a rilru hi ka ti hah thin ania.



Ka duh rêng vang ni hauh lovin,ka thil hmuh leh ka hriat thin te hian min tih buai châng a awm fo.

ka neih chhun ngawih2 ka nu pawh hrilh vek ngam loh châng ka neih fo avângin,engkim a min ring a, min hrethiam ṭhin tu ka Orion ah hian a kip a kawiin ka ziak vek mai zel.


Kei hi Lalrinsangi ka ni a,ka nu in min pai laiin ka pa chuan min boral san a.


Ka nu hi Middle Schoolah Headmistress hna chelhin,pasal dang nei tawh lovin min ṭûl pui ani.Tunah hian Aizawl Civil Hospital-ah ka thiannu Rimawii nen hna kan tan ve a.


Doctor chauh lo hi hna dang ka nei ti ila,thlarau vakvai ṭanpui nan hun ka hman chang lah a tam.Ka nu chuan thilpek ati mai ṭhin,mahse kei chuan anchhhia ka ti thung.


Ka thiannu nen chuan mitthi inah kan inzui lut ve rawih a,a kil lam hi a chuh ve ziah.


"Mutthluk nan a rem alawm"ati mai zel.Zai tui lai a ruang awmna lam ka hawi chhuak chiah chu,ka zai lai ka tawp chiang viau.


Engatinge ngaiah ka neih theih der loh le.Pa Hmuaktea chu a kuang bulah vêi nei ni awm takin a vei kual chhên a.

Min rawn hmuh ka hlau lutuk chu Ṭingṭangi ṭhutna in sâwn puiah ka sâwm nghal sawk2 a,i muthlu ve ngai chuang lo alo ti hluk.kan vei zawng avan in ang lo ṭhîn tak.



Mitthi vui zawhah chuan rang lutukin ka haw nghal a ka hnungah ka thiannu'n min um zui hlawk2 bawk.


"Khati tak khan i hlau tih hria ila chuan kal lo turin ka kidnap daih ang che mawle"ati zui hlak2 a.


Ni e ka hlau,ka ṭhiani hian ka ânchhe dawn hi hre tho mahse ka thla ati muang zo chuang lo.Ânchhia kha ani miau a.



In ka thlen hnu chuan room ah ka lut zui zat a,nghet tak a kalhin parda ka pawt phui vek bawk a tlai lam anih tawh vang nge light ka on silova a thim khup mai.


Table light on in Orion ka phawrh nghal a.Vawiin a ka thil tawn te ka ziak nghal mawlh2.



Rim hrisello a rawn nâm takah chuan ka thiltih lai châwl meuhin hnung lam ka hawi chhuak nghal.Ka khum bul a Pa Hmuaktea min lo melh ve reng ka hmuh rual chuan ka ka a chih nghal vek a, che ngam tawh lovin ka en tlawk2 ringawt.



"Min hlau suh ti chungin a mit thisen a khat vek chuan min en rûn a",hlau pawh ni ila awmzia awm dawn a ka hriat loh avangin theihtawpa insum chungin,"Hlau love engnge i duh ka ti khâwl mai".


Ka hlau nge hlau lo min fiah a tum ni awm takin min rawn pan hnaiin min han thlêk kual rên râwn a,tha khur zawih2 chungin "tih tur dang ka nei ania,i sawi duh chu sawi vat2 la ka ti a".


"Rim hran i nei atih takah chuan ka bâl aniang a ti chungin ka inhnim kual dun2 a".


I room hi duhaiin ala eng tih pahin ka table light on chu amahin a rawn thim ringawt a.Hlau lo ang deuh a lan tum chu har tawh tak ani.


Aw thian zeuhin,"Awle ti kha chuan a zia tawh ang,engnge i sawi duh chu le?"tiin ka in kuangkuah thân a.Rilru tawt tih hriat tak hian a rawn thaw chhuak leh hawk ṭhin a,"I sawi tur i ei zo vek ami?" Ka tih chuan a rûm leh nghut a,"ka ring thei che angem"a ti thawp sut.



Huiham ka van sawi zing tawh tak,thlarau ho bulah hian.

"Pui thei tur che a i rin chu pan mai la",ka tih leh takah chuan "nangmah bak min pui thei tur a rin ka nei lo",kar khat chhung ka hêl tawh che a i buai thei lutuk a ka inthlahrung a",a tih chuan lo nui hâkin,"thlarau inthlahrung ka vawikhat hriatna"ka ti chu a duh vak lo aniang a lei sei takin a rawn chhuah a a chhe thei ang berin min in siam chhiat khum a,"ka khawsik i kai tho dâwn"ka tih leh phei chuan a khabe a thlawn hlawk tawh.



"Min ti thlabar dâwn anih chuan,puih che ka tum lo".ka ti takah chuan a in siam tha veleh mai bawk a.


Pa Hmuaktea hi chu a dam lai pawh khan mi nunnem ani ṭhin a,a thih hnu a heti tak a bâwl a nuam pawh hi ka dem hran lo.


"Lê hun in khawh ral sak lo zawngin ti dâwn ang hmiang,ka lo ngaithla ang che",ka ti ta ringawt a.A dam lai ang khân pangngai takin a lang leh tawh.


"Pa Dina te phai piah lawkah khan grape huan kan ve a,zan khat lek riak a zuk lawh ka tum a.

Zing aṭang hna ka tan nghal mawlh2 a,zanah pawh engmah thleng lovin ka mu mai a.

Zan khat bak riah ka tum loh avangin zingkar aṭangin hah pawh sawi lovin hna ka ṭan leh nghal a.

Tlai alo nih chuan ka chhekkhawl hnem ve tawh hle.Ril a rawn ṭam takah chuan rawngbawl tûrin thlam lam ka pan a,tui alo awm tawh silova tui chawi tûrin phai ruam lam ka pan a".


A thu sawi lai lo pawt chatin,i sawi thui ê,i thih dân alawm ka hriat duh ka tih chuan,a kut zungchal a a hmui tawk zeuhin,"Shh ka sawi dawn reng alawm",a tih hluk takah chuan inkuangkuah tha leh in ka in peih leh at tawh.



"Khatia ka chhuk kha,Pa Dina leh a hlawh fa rawih te an lo awm ve bawk a,ka tui thal laiin Pa Dina chuan ka grape dah khâwl sa chu sawr ah a duh thu a sawi a.


Winery ah kan pêk dâwn avângin kalo hnar mai a.Pa Dina chuan Hmuaka tlêm a zawng min lei tir la ka va duh ve,keinin kan lo mamawh ve tho si a,Winery a dah tur chu i lâk belh leh anga animai ati tlat a,chuti anih chuan 10 kg chu ka pe dâwn che ania ka ti ta ringawt.A hlawhfa rawihte nen chuan ka huan lamah kan in zui chho ta a.

Ka'n han buk a 10 kg chu an la ta a.An lêt leh hnu chuan rawng bawl ka ṭan nghal mawlh2 a. Ka ei kham haw tur a insiam ka tum chu,Pa Dina leh a hlawh fa rawih te chu an rawn lang leh a.


"Pa Din hlawh fa Iva ruai hnêm ve tûn ṭum chu in thar hnem aniang maw ka lo ti a", thar hnem hran love ram zauh kan duh deuh vang zawk ania ati ve mai a.


Pa Dina chuan ka ram chan ve lai mai lei min dil ta mai a.Ka phal ta silo kha a lung a awi ta lo aniang,an zu rawn ken hmang chuan min thlêm ta ngat2 a.Haw mai ka tum tawh avâng chuan kalo hnar ve bawk a.


Pa Dina lungawi lo a kal tluang ta nge,a thin thawk thutin min nam bet ta a.A hlawhfa rawih te chuan lo pui ve in ka rap chung a tulthir, sa rep nan a ka hman thin chu mei ah rawh ling in ka pumah a thil nghal zat a.


Ana lutuk chu ka chiau vawng2 a,chu mai pawh duh tawk lovin ka awmah leh ka mitah an chhun bawk a engmah ka hre ta lo ani.



"Thaw chhuak hawlhin,phuba lâk ngei2 ka ngai,Police hnênah min report sak ta che, evidence pawh a awm bawk a.Ka thlam hnuaiah khan min thahna hmanrua chu an phûm ati leh a".



Mak ti zetin ka en reng a,"chuan I ruang chu Pu Dina te phai ruamah chuan an dah ta tihna ami",ka tih chuan,"Aw ka ruang an hmuhnaah khan min thuk ru bawk alawm" atih leh chuan thinrim takin kalo in lo in sâng ruh hlê tawh.



"Pa Hmuakte thudik chu a lang chhuak em2 ang tiin ka thiam ang tawkin ka hnêm ta ringawt a".


Thawk tak ang maw mi hnem hi ka'n thiam lo mai2 khawp a.ka ṭhiannu Zuali pa a thih pawh khan hnem ve ngei ka duh si a."Zual lungngai suh Pathianin pa dang a pe leh em2 ang che".Ka ti ta ringawt kha ania,min melh rum teh asin.



Pa Hmuaktea'n min bo san leh takah chuan room aṭang ka chhuak a.Mother in rawng lo bâwl in, chaw ei alo siam mek bawk.

Dawhkan kilin ka thu ve nghal hmiah a,ka nu chuan ,"I muhil em ni?koh i hre thei lova",a tih takah chuan ka ngaihtuahnaah Pa Hmuaktea bawk a rawn lang leh tawh.Ngawi rengin lu ka buk san ringawt.
Ngatinge Pa Hmuaktea khan khati taka chipchiar khan min hrilh le,ka zawt vek der silo?



Zanin chu ka duty phawt anga,naktuk lamah hun siam rem ka tum ang a,Police stationah ka kal hmasa dâwn nge?

Pa Hmuaktea huanah ka kal zâwk ang.Mahse keimah chauh a kal chu ka ngam awm silova,Ṭingṭangi ka sâwm leh mai a ngai dawn ani.

Mâwl ṭhin viau mahse hetiang hunah chuan a mawl2 hruai atha zâwk ang an hlauh dan pawh a nep deuh bik anga.

"Bawihte engtinnge ni dâwn ta?"ka nu min biakna avâng chuan ngaihtuahna kalo kawm leh veng2 tawh tih ka in hre chhuak chiah."Eng chu maw?" ka ti hû a,chal dâwm pah hian "Sangzuala chu mawle" atih takah chuan,"Ê ni dâwn tak,ka duh lo nimai rawh se"ka ti tawp.

"Amak ṭhin a duh ve em2 che a,hun te pe ve chhin la,i duh zâwng alo ni maithei asin,engamah hma a ka duh lo i tih nghal rik ngawt te chuan tu hmel ka hmu har lutuk ang"ati zawm zat a.



"U Saii ala awm alâwm"nui sang a ka tih chuan a lawm lo ngang mai."U Saii ti reng mai,MHIP ah a in hmanna a rei tawh lutuk.


Ka chhang chiah rual vel ania,in tehkhin chi ani lo".A tih chuan I hmanhmawh anih kha tiin dawhkan ka thawhsana.


Room lam aṭanga ka phone rawn ri chu emergency a awm anih ringin rang lutukin ka pan phei nghala.Dr.Moses ani.

Rin ang ngeiin Kawnpui daiah accident an awm thu leh in hliam na an awm avang a hospital an rawn pan mek thu a rawn sawi chuan a rang lam a thleng ve nghal tûr a in sawiin call ka ti tawp a.



Ka ṭhiani call lehin kan hun tawn mek chu ka hrilh nghal a.Ka sâwm phei tur thu sawiin ka dah ta a.


Scooty la chhuakin hmanhmawh takin ka tlân chhuak nghal,ka nu min koh na pawh chhang hman lêk lova ka chhuak chu inthiam lo leh deuhin ka ding dat a.

Ban hui zeuhin ka nuih a,ka tlân leh nghal.Ṭingṭangi te in zawn ka thlen rualin horn ka pe tuar a.A rawn tlân chhuak nghal.


Nu Seni'n rawn zui ve nghalin tiffin a rawn pe bawk a,ni tak ka nu khan min siam sak ve ngei awm sia ka theihnghilh chiang lutuk!Nu Seni'n fîmkhur tur a min chah hnuah kan chhuak nghal.

Rei rial lovin kan thleng ve ta,ka hmanhmawh luatah ka ṭhiani min biak na pawh ka hre chang tawh lo,a ti tau em lovang chu maw.



Kawnpui dai accident tawk te kan thlen khalh hlauh chu thaw a veng huai thei.Nilo se chuan Murmua hian min hau leh nasa dawn lutuk.


Ward fang tur a kan chhuah laiin, accident tawk te chu an rawn tlân luh pui a.


Night shift ho chuan lo buaipui nghal mawlh2 in kan tih tur ang ṭheuh chu hrilh chawp ngai lovin kan lo ti nghal mawlh2 a.Emergency a zai ngai awm bawk nen zanin chu hah ava na dâwn em.



Châu tih reh nân coffee in tum a reception lam ka pan phei lai chuan,Pi Ziki kan damlo enkawl lai,kar hmasa lawk a rawn lut chu ka hma zâwn takah a rawn kal tlang zuai mai, ngaihṭhat loh nain min ṭhâm nghal a.Hmanhmawh takin a awmna ward lam ka pan nghal.



‌Rin ang ngeiin alo chau zual a,chhan tum a theih tawp ka chhuah mek lai a a khum bul a mangang tak a a hmel ngei en a alo buai ve em2 ka hmuh chuan ka bei a dawng ve ta.


Lalpa ka chhan hman leh ta lo.Doctor ka ni a,mi nunna chhanhim chu ka hna ani.Mahse ngatinge chhanhim tu nilova thlah liam tu ka nih fo mai le.Ka chhanhim thei dâwn lo anih chuan,he ânchhia hian min kalsan se tih mawlh chu ka duhthusam ani!!!!


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:19 pm

Chapter 2:





Duhawma pov:



"Sir,kan in peih tawh e".Ka office a rawn ti tu lam chu hawiin kuhva i ei animaw ka ti nghal a.


A ṭawng zawng a a ha sen kha ka hmuh hmaih hauh lo.A kâ chip hmakin a lu a thing nghal a.Thaw hawk in "Mmm tuna kan hna kan zawh hunah kan sawi zawm ang"ti pahin a dar ka beng thauh2 a.Zuk leh hmuam ka ngaihtheih loh zia hre chung hian a rawn hmuam sen ṭûn zêl mai a amak thin teh e.



Nimin lam a ruang kan chhar na hmun pan chuan kan kal leh a.Vawiin chu beisei ang hmu thei ila ka ti hle mai.


Mitthi taksaah khan kutthlak na tam tak hmuhchhuah ani chûng khân an thahna ber ni tur a kan rin kan hmu thei tlat lo kha ka thinrim pui viau anih kha.



Ruang kan hmuhna bul vel chu theihtâwpin kan hai let kual a.Ke hniak bak hmuh tur a awm lo!


Tu thah nge ni ang a,an hmanrua khawiah nge an thuhrûk ang tih chu zawhna lian tak ani.


Engpawhnise bei nge sei rûn dung an tih kha mawle ti chungin a bul hnai a thlâm pahnih chu kan hai leh a,tah pawh chuan engmah a awm lo.



Mitthi chhûngte kan koh khan rinhlelh an neih tâk kha maw tiin an rinhlelh ber thlalak chu ka en leh rên râwna.He mihring hi chu nikum pawh khan rûk rûk vangin kan man tawh anih tak kha mawle tiin ka nau te chu kan mihring a man tur chuan ka tîr chhuak leh ta a.



Nghah chhûng a rei love,tûn ṭum pawh hi kan dawp chhuak leh ngei ang ti chungin ka nui suka.


Kan misualpa an dahna room ka luh chuan mit meng khup dai hian"ka pu engmah ka ru lo"alo ti nghal thâwr a.



A ṭhutna chu pan hnaiin "tun ṭum chu case dang ania,"i hre tho ang a i Patea nen in in ngaih loh zia chu in chhûngte pawh hian an hriat pui vek cheu a.



I Patea thihna chungchangah hian i inhnamhnawih ve ni a hriat ani a"ka tih chuan khur chung hian "ka pu kei chu ka ni lo,ka ni lo tak2"a tih chuan "kût in thlâk ka hreh miah lo ania ka ti zawm zata".



A ṭhutna aṭanga tho in a ṭhingṭhi nghal, rum tak a ka en lai chuan ka ke chu a kut pahnih a rawn kuahin.


"ka pu ka ni lo tak2,ka Patea thih dân khan min ṭhawng ve tho asin.Rûk chu ka ru ṭhin ka pha lo,mahse tualthah kher chu ka ti ngai lovang"ti chungin min en a.



A mit a mittui tling chu ka hmuh hmaih hauh lo.Mahse hetiang ang mi hi chu kan tawng hnem tawh alawm ka engah mah a thawk hran lo.



"I kut kha dah thla rawh",ti chungin ka nam sawn dâwrh a.Ṭhu hniam ve in a chalsam a ṭhuai pah chuan,"nangni ang misual hi chu kan tawng hnem tawh.


Min bum kual tum lovin i thah dan leh i hmanrua i thuhrûk na sawi mai la,i tuar rei lo zawk ang".Ka tih leh takah chuan beidawng tih hriat zet hian a thaw hawk a."Ka sawi tawh a i awih duh lo anih chuan I thu alawm"a ti zawi duk a.




"Ka insum theih chin a pêl ange aw ti chungin ka tho chhuak hluai a,ngawi renga min en tu lam chu hawiin,"Le Thawhṭanni khan khawiah nge i awma,engnge i tih?"chiang fek fawk chuan ka ti a.




Inngaihtuah rauh2 in,"ka dam lova in ah ka mu a ti liam puata."In ah i awm lo,i chhuak lai hmu tu che an awm bawk.

Zan ah i haw lo bawk"ka tih leh tak ah chuan hrechhuak ni awm takin a lu a dawm a,"RV ah ka kal,zân pawh ka riak nghal alawm"atih leh chuan ka insum thei tawh lo.


Dawhkân a tiang chu la in ka hlap nghal pawp."Dawt min hrilh duh suh,ramah i kal dawn thu i sawi kha"ka ti leh nghal a,rum dat2 in "ka pu,ram ah ka kal lo,RV ah ka riak tak2 alawm,zu zuar nuthlawi ngaihzawn ka nei a ka riah chilh mai ṭhin a,"a tih leh takah chuan thaw chhuak hawkin "I kal lo tak2 amaw"awih lo fê hian ka ti a.



"Kal lo,ka riahna te pawh an zawh theih ang"a tih chuan inspector Marema ko lutin,lo chhunzawm rawh ka ti hluk a.



He case hi duh ai a rei ka khawih dawn tlat a in hriat na ka nei.Thil in thuk ru chu a awm ngei ani.



He mihring hian a that lo anih chuan tu nge ni ta ang?Iva ngaihtuah mûk awm ve rawn ti tu lam chu hawiin "Ngura kan nau dâwp lai saw tualthattu anih ka ring ta lo tawp mai"ka ti sup a.



Ngura pawh chuan "anih chuan a aia chiang zawk a chhui angai dawn ava ang ve"a ti ve mai a."Min zui ta che,Pu Ramhmuaka te inah chuan Iva kal phawt teh ang,kan chhawl hal zual chhâwk tu tur a awm mial maithei asin"ti chungin ka kal chhuak nghal a.



Rinsangi pov:


Pi Ziki infusion pump ri ka beng a châm reng chu duh lovin mut ṭhat tumin ka in let a.


Ka tawt ta riau a ka hriat avang chuan meng kawkin ka bul a mu chu ka en chiang a.

Pi Ziki bawk maw,ka hlau lutuk chu ka au chhuak tuar a.Mam te ka fanu min ti a,a ban a rawn phar phei chuan ka tha a khur chhe vek tawh,min chhan tu tur zawngin ka au tuar2 a.


Tumah min chhang tu an awm lo.Pi Ziki chuan ka sam zut hliau2 chungin "you are my sûn shine,my only sûn shine"tih hla asa hlarh2 a.ka rilru a tawngtai mawlh2 in"Aw Lalpa min chhan chhuak lul rawh,ka sual ka sim vek anga i thu ka awih tawh ang"ka ti mawlh2 a.

Room kawngka rawn in hawng ri rawk lam chu ka melh nghal dawrh.ka awm dawm chung a thaw chhuak hawlhin Lalpa ka lawm e ka ti chhuak hlawl.



Ka nu hmanhmawh tak a ka khum a rawn ṭhu chu, ngawi rengin kalo en mawl tawp a.


"Bawihte i ṭha em,engtinnge i awm?"tih pahin ka hnungah a chul a.Ka thla a muang huai thei.


"ka ṭha alawm,bawnghnute ka in chak"nui lui chung a ka tih chuan "Awle i thlan te kha lo hru la ka va la ange"tiin min chhuah san nghal.



Mumang mai2 ni se ka van ti em,ngatinge mi pangngai ang a nun ka hman ve theih loh.Ka hnuk a ulh tlat pek a.Bawnghnute keng chung a ka nu rawn lut ka hmuh rual chuan insum zo lovin aw rawl tawpin ka tap chhuak a.


Ka nu chuan min kuah pah hian "Bawihte tap bawrh2 rawh,insum reng2 suh"ati ve bawk a.



"Nu,ngatinge hetiang a ka pian bik le.Pathian hian min siam sual bik anilo maw?"ṭap chung a ka tih chuan,nui hakin"Bawihte a siam sual reng2 lo che,a Special liau2 a siam inih vang hi alawm Siali kan tih che"ati chu lungawi lo zetin ka rum nghat."



Mi ka'n ṭap ve em2 a fiamthu lo thawh suh"thinrim zet a ka tih chuan,nuih insum tih hriat tak a a ka chip hmânin bawnghnute chu min pe nghal a.ka ṭahna ah ka dang a ro zo aniang engmah sawi lovin ka in nghal khawlh2 mai.



Ka mut theih tak siloh ah chuan Ṭingṭangi ka call a a la thei lo zui,a chau anga a muhil aniang ti chungin ka thianpa Fakzuheha ka call leh nghal a alo la hlauh.



Pa Hmuaktea te thlam kal pui tûrin ka sâwm ta tawp a."A ding lam chu ka nei a,a vei lam min lei sak la"ala ti zui.Hepa tak hi chu âw"Aw ka lei dâwn che ania,mahse kal hma chuan tih awih loh"ka tih chuan "nang berin itih tlat chuan ka'n ti lo ngam nang"ati leh tawh,thutak hi a pai hlawl lo.




A veilam ka lei sak dawn vang nge chhuak tur a ka insiam lai chuan a rawn thleng der tawh a.


A duh zâwng tih sak dawn hi chuan a phur thei surh2 ania."Sailutarah maw kan kal dawn?"

Titu chu tudang ni lovin amah Fakzuheha bawk ani."Mmm i lu kan tar dâwn ania"ka tih chuan sai lu hen zo hmel ka pu em ni ati khurh a .



Ka nu lah chuan I nawn pawh a ner sung tawh ang chu nui chungin alo ti ve bawk."Keini ang val senior second batch te chu a ner ve thei lo,"tih pahin a kap bawr chu an beng thak2 a.



Ei lo tak a lo en pah hian "I chhe sam kîr anih chu a"kalo ti ve vat."Khai a ka sam kîr hi alawm ka zûn a uai tina zual tu.


Nangpawh patil ni lo la chuan ka zunah i uai kûr hnâp tawh ang chu"atih leh chuan kalo ner khum sak.Hei pawh hi zam duh ngai ṭhak lova anih hi,kut thlawn ba duh reng2 lo mai.



"Kan kal tawh dâwn ami niang.Vankhua a ngui hma hian"an ti ngêi a.



Hnial buai peih tawh lova chhuah mai ka tum chu,ka nu chuan"Bawihte va fîmkhur ula aw,Faka kha a bik takin veng ang che"a tih chuan "ka nu beautiful i fanu hi ring rawh min vêng hneh dâwn lutuk"tuai aw tak a tiin kawngka lam pan chuan no thei ang ber hian a'n kal vela!



Fakzuheha bike in kan kal a,RV kan pelh dâwn chuan "kan inhmu leh dawn ka bawihte"a kut vei zeuh a atih chuan a dârah kalo beng pawp.


"kal mai2 rawh i hmu leh dâwn lutuk"ka tih chuan "hmalam pan a sir tiang sâwn san hi a har ka ti ṭhin"a tih leh chuan Fakzuheh tih pahin a bengah ka sik vak a, a ṭe ring teh asin.



Pa Hmuaktea te thlâm kan thlen chuan bike aṭanga chhukin,"tah hian min lo nghak mai dâwn ania"ka tih chuan lu min bûk khum zeuha.


Khawiah emaw min lo kal bosan daih ka hlau chuan hawi lêtin lokal sawn ka ti chiah a ka sawi zawh hmain "ka mawngin zung a kaih tawh"alo ti zung2 a.

Pa Hmuaktea sawi ang khan an thlâm hnuai chu ka pan nghal a.Evidence ti a a sawi chu a awm miah lo,ka hai na hi a dik lo aniang a tiin thlam hnuai lei chu ka hai kual vek a.


Mahse engmah ka hmu lo.sulhnu awm lo ang maiin alo fai vek lehnghal a.kei hi bum ka ni nge kha thil kha ka suangtuahna mai2 zawk niang,chiang deuh khan min hrilh ve ngei sia.



"Ek i tum ami?"ka phu dawrh a,ka hawi chhuak chu Fakzuheha kawisawi zet a lo ding nui ṭhaw ka hmuh chuan lungin ka vawm pawp.


Na tilo awm tak a lang chungin"i ek duh te chuan sawi mai tur che alawm,mitthi awmna thlâm kher a e tura kal vang2 te chu.


Pa Hmuaktea kha i haw viau anih pawhin an chhungte hmaizah ve la,an thlâm hnuai ai chuan an ek ina ek a nuam zawk ang"nui miah lova a sawi chu ka run tawk a tling leh viau tawh".



"Ka hruai ve kher2 che ani"rum taka melh chung a ka tih chuan nui sukin,"nula chhelo deuh biak tur ka nei asin i duh ve em?" ati leh daih,ava in rem lo ṭhîn tak.



Ka kal chhan ber a awm tak silovah chuan haw leh mai ka rilruk a.Faka bike lam pan a kan kal lai chuan phai ruam atanga au thawm ni awm tak ka hriat chu ka bengchhe ri anih ringin ngaihṭha deuh a kal leh mai tuma ka pen leh chiah chu,"min pui rawh"chiang taka rawn titu chu ka aw hriat ṭhan tawh tak Pa Hmuaktea aw ngei ani.



Faka chuan a hre ve lo nge ni,chak zet a kalin a zai pah ang lawp2 bawk a.Ngaih ṭha zân lo chuan ka kal ve zêl a.Kan tlân chhuak chu a zu chak tawh nge ni,kan thlawk chhuak lo chauh ani.



A dar a ben thak pahin,"tlan chak lutuk duh suh i duh chu i hmu dawn tho2" ka tih chuan min chhang miah lovin a tlân zêl a.


RV kan thlen pawh a a din tak lo ah chuan ngaihṭhatlohna ka nei leh tawh.,Kan in kan thlen hnu a kal leh nghal a tum chu a Kawr a pawt betin,"dik lo a awm em?"ka ti ta tawp,rum zet a min en in a kal nghal daih.Dik lo chu a awm chiang ani,a hre ve ani thei mai angem?



Faka tlan liam chu ka thlîr zui vawng2 a
eng tak chu hria nimaw khatiang khan ka lakah vawikhatmah a awm ngai lo.



"Iva thlir tui ve,ilo thinlâi deuh anilo maw?"ti tu chu Ṭingṭangi ani.lu thing nar2 in "teuh lo mai,engemaw hriat nei a ang ka ti"zawi deuh tak a ka tih chuan "i pawt bet lai te kha ka hmu vek che alawm, thurûk in nei zawk ami?"chik deuh tak a atih leh chuan "nei mai2 lo"ti chungin in chhûng ka pan san a.



Ka nu cake ur rim ka hre nghal zât.Pa min uap lum tu nei lo mah ila ka nu thlazâr hnuai a awm hi nuam ka tiin Pa hmangaihna dawng tel vekah ka inngai ṭhîn.



In lo haw tawha!hei lo ei nghal ula tih pahin thingpui paw mawi tak nen dawhkânah a rawn chhawp a.

Ṭingṭangi chu ka bulah lo ṭhu ve nghalin sawi dun tur kan ngah si a ti hluai a.Thil hi a hre kim chang duh thei sia."Mmm a hauhuk kaiin kan sawi dâwn ania"ka tih takah chuan nui ver2 chungin a ei ve nghal a.



Roomah kan in zui lut a,khumah ṭhu nghal zâtin,"le sawi tawh rawh ati nghal thâwr a."Engtinnge ka sawi ṭan ang?"ka tih chuan lo chek hlakin"a hauhuk kaiin"ati zui hlak.


Nizan kan buai zankhua a engmah kan sawidun hman leh ta silo kha ania.
"Pa Hmuaktea kha a rawn kal a,dawt min hrilh a"ka tih chuan ka sawi leh tûr ngaichâng tih hriat takin khabe dawm meuhin min en a.



"A thih dân chungchâng kha mi thah anih thu a sawi a.Mahse evidence a sawi kha Fakzuheha nen kan va en a,a awm miah lo"ka tih chuan,"Engtinnge a awm loh theih,a that tute hian man chhuah hlau in an thukru anilo maw?"ati leh a.


A lo awih leh hman bik animaw,"dawt min hrilh pawh alo ni maithei asin,keichu heng thil hi bansan daih theih se ka ti ê,ka kham tawh lutuk",khuma bawk thla pahin ka ti a.


I bansan daih te'n 'Siali'i ni thei tawh dâwn lo asin ka mawng ben pah chuan ati a,"Siali ni tawh lovin Siâli ka ni tawh anga nimai"nui hak2 pah chuan kalo ti ve bawk a.




E taka Marcusa kha ka be ve tawp.Ka score chiang lutuk in hup ṭat2 pah a a tih chuan mit ko san zeuhin "engtin zêl?" kalo ti a.


Min duh loh chuan in in ka hâl dawn ka tia,min duh daih"atih chuan insum zo lovin ka nui chhuak hawk2.


"I lo bâwn ber e"i chungin ka piai nawk2.Ana ti au chel chûl leh ka nui ri zawng2 nen chuan kan thawm a ring viau ta ve ang.



Zan ka mu hman ta silo leh,chhun lam boruak avangin ka chau ve viau a,zanin duty angai leh dawn bawk nen.Rei lo tê tal ka mut theih takin tiin ka ṭhiani pawh zan lam a titi chhunzawm tûrin ka hnawt haw ta ringawt a.



Mut tum a ka chhin diar2 lai chuan ka beng bulah mipa aw ngei hian min pui rawh a rawn ti leh chu ka harh kâwk thei.



Ka tho chhuak hlawl a, room in kalh hnan vatin,rawn chhuak rawh in bia ang ka ti ta a.Hlauhna ai mah chuan ka thinrimna a sang tawh zâwk ngei ang.



Khumah chuan ṭhu leh in ka hma zâwn a chair chu ka pawt hnai bawk.Pa Hmuaktea ngawi reng a min en tu chu ṭhu tur a mitmei zeuhin ka in kuangkuah nghal a.


Kal ṭha hleithei lo hian chair chu a rawn pan ve mai bawk a."Zombies amaw i inti ami,engnge khatia i kal kher ka tih chuan rum zet a min enin a kut chuan min kâwk vâ a.


Zam duh ṭhak lova kalo enna pawh chu a zah zo lo nge ni,bawkvakin min rawn pan ta mai.Ka tha khur ru cher2 chu thunun tum takin ka in hum ruh hlê tawh.



Aw hriat ṭhat hleihtheih loh hian,"ka duh anga a thlen loh chuan I thi ve ang"min tih chuan ka thlan tla bawrh2 chu hui kiang zauhvin mihringte leh thihna chu engtiklai pawh a inhnaih reng ani rêng alawm ka ti chang fak a.



A kut mihring tisa lumna reng2 nei tawh lo chuan ka hmai tlang a rawn nul kual dan2 a.Mit chhing duh miah lovin a hmel ,hmel mumal pawh nei tawh lo,thinrim tih hriat tak a thaw huam2 chung a min en tu chu huatna nen ka en ve ngar2.



"Ti tûr a ka ngenna che hi min tih hlawhtlin sak hram rawh",ngenngawl tak hian a ti zuia.


Aw khur dar2 in,"lo nghak rawh a rei tawh lovang.Ka theihtawp ka chhuah dawn alawm"ka tih takah chuan inthlah dul lehin "a ṭha e,ke i pen dâwn hunah ka pui dâwn che ania.Mahse nangmah chauhin kal tawh la"atih leh chuan ka lu ka buk khum tawp.


Ka phone a rawn rik takah chuan min kalsan ve ta a.Chu veleh thaw chhuak hawkin min chhanhim tu ini ringawt ti pahin phone screen ka'n en chu Fakzuheha lek lo niin.



"Call Iva la har em2 ve,red light a rawn tih takah chuan","Aw kalo kal nghal ti nghal zâtin hmanhmawh tak a room chhuah sanin danger point ka pan nghal a.



Kan ṭhian ho hian signal hran ka nei ve a.Naupan lai aṭanga kan chhawm chhoh ti tawh mai ang,red light anih chuan emergency sawi nân kan hmang ṭhina,tun a ka pan mek danger point hi tuma hriat ve loh tûra thil sawi ho nan a kan hman bikna hmun ani.



Danger point ka thlen chuan alo awm leh der tawh."Engkim a ṭha em?"ka tih takah chuan na zet a ka ban a chelhin kan awmna mual kil lam pan chuan min kai phei dawr2 a.



"Ana,engnge maw i hriat le,min thlah teh"ti chungin ka ban ka thing nawk2a.Ding leh dat in,ka lam ah a rawn in her a, chiang zet a ka mita min en chungin,"I hre ve em?"a ti chang fak a.



"I hre ve zawk ami?"ka tih chuan a hmui petin a chal sam a hui chho zauha."Engtia rei nge ni tawh"a tih leh chuan ala rei vak lo,a thih hnu vel aṭang khan aniang",ka ti tawp.Eng a hria chu nimaw,a dan a dang tlat,tûn hmain hetiang hian ala thutak ngai lo.


Ngun tak a min en chung chuan "I hmuh tirhin i hlau êm?"a ti leh daih a a khi suk leh nghal.



A thutak rei thei thlawt lo.ka sam rawn tuai thurin,"Lalsial ka thusawi kha i hre tawh lo ami?"duhawm tak a nui pah hian ati a,"Eng ber kha?" ka tih leh chuan,"thlarau i hmu thei tih ka hriat tirh khan ka ring nghal che a.Buaina i neih chuan min hrilh zêl rawh ka tih ṭhin che kha ila lungrun lo riau",a nui leh suk a.



Ni tak e,ka ṭhiana hian engkim ka huam te atih tak kha mawle,"I hlau leh ziah tho alawm,U Hruaia ka thlah liam dawn pawhin ka sâwm che a,ka rawn kal ang ti reng chungin ka thlah liam hnuah bak i rawn lang hleinem"ka leh takah chuan.


A lu beng zeuhin,"ka rawn kal reng,i hlauh leh hlauh loh ka fiah duh che a i hnung di kar aṭang khan ka en thla reng che.


Ka hmuh ve theih loh i bia a,i bye2 anih kha.U Hruaia tak2 pawh alo nilo thut thei asin"atih chuan an hnungah ka chûm zawt a,i dawih vang anih kha ka tih leh tak ah chuan a phui min tih pawrh khum ringawt.

Kan sawi dun tur ber a ka ngaih pawh sawi dun hleithei lovin min fiam kual leh tawh.


Hepa hi chu a a hmel a tha mawle,a sawi ang tak2 in hmeichhe duh chi engkim zu tih loh chu a nei vek mawle.



Ka en tak reng avâng chuan,"ka hmaiah engemaw kai a awm ami?"Ka hnâp khir a lâwr ami?"nge ka ha kârah mai an a bet zâwk tih pahin a hnar a kawm kual nghal a.


Lo chek hlakin i hmelchhe sam kîr lutuk ka ti ta ringawt.Nui hawk2 chuan ka dârah min kuah a,thu tak hun tiin a aw a thian leh kharh.



Ei lo deuh a kalo en lai chuan ka chalah pen zeuhin min hmu chhawr thla viau suh itan ka tling lo ti lehin a nui leh vur2 tawh."


"I hmelah chhawr thla lam a lang lo,zu bak"ka tih chuan "A khaih ka duh ber i hmu chu a lawmawm e"ati leh tawh kutthlawn ba duh lo pa hi a.



"A tlai mai dâwn,sawi zawm leh tawh ila" ka tih leh takah chuan,Aw thian leh kharhin,ka dawp chhuak vek dawn che thutak zet a min en chung chuan a ti taa.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:19 pm

VOHBIK Chapter 3:



Duhawma pov:



"Hrep tak chuan,tu phiang sen in nge that ang?"Thinrim inseh ru ṭeuh chungin office lam ka pan a.




Pu Ramhmuaka case chu duhaiin kan kalpui rei dawn anih hmel.A chhûngte rinhlelh ber lahin kawng ro a su der silo.




Engtinnge a riah zân a riak ve te khan eng thawm mah an hriat loh theih zawk?Inngaihtuah harh zawkin,ni dâwn tak,engmah kan hrelo an ti a,mahse an hmu maithei asin,nge an thah zawk ni ang?





"Sir,hmeichhe pakhat Lalrinsangi in tiin a hmu lawk duh che a,"inspector Marema'n a rawn ti a,"rawn luh tîr rawh"lo ti liam puatin ka dawhkân a coffee chu ka in nghal khawlh a.






Hmeichhia mahni in rintawk ve tak tih hriat takin a mitmeng a zamna nei miah lo chuan ka hmaah a rawn ding a.





"Lo ṭhu rawh,Lalrinsangi maw inih,puih theihna che ka nei em"ka tih chuan."Pa Hmuaktea thihna chungchâng ah khan hriat ka nei a,min pui tu tur ka rawn zawng tawp ani".A rawn ti hlawl mai,mûk zet a en chung chuan,"i sawichiang deuh thei em?"ka ti leh a.






A aw thian kharin,"Pa Hmuaktea kha thah ani"a tih leh takah chuan, "chuan"kalo ti vat.






'A thattu kha a huan ṭhenawm ami te an nia."Chiang tak a min en chung a a tih leh chuan,"Mami i hre sual anilo maw?kan zawt vek tawh a engmah an hrelo"ti a kalo chhan leh tak ah chuan,"ka chiang ani ka pu,khawngaihin hma la hram rawh"ngenngawl tak hian a ti a.





"Anih leh engtinnge i chian em2 theih?I hmu ve tihna em ni?"ka tih leh chuan,aw thian leh kharin,"Aw ti ila Pa Hmuaktea'n a sawi a,"atih leh chuan chik zet a en in,"mitthi in a sawi amaw?"ka tih leh chuan"Aw ka hmu alawm,engkim min hrilh vek"atih chuan insum hman lovin ka coffee in lai ka phuh ṭhawt.





Mi pangngai viau turah kalo ngai a,a hmel en aiin a mawl ru zêk dawn anih hi.Hmeichhe lam chian lohna a nei ani ngei ang.





"I awih dâwn lo tih ka hria alawm,mahse i awih ngei2 angai.Pa Hmuaktea kha Pu Dina leh a hlawh fa rawih ten an that"thinrim tak a a tih leh takah chuan,nui suk2 pah hian"Mami evidence ṭha tawk tak kan mamawh alawm,mumang a cheng mai2 tan hmun a awm lo"ka lo tih san tawp.





"I awih loh chuan I thu alawm,"ti chung a a chhuak tau nghawng2 chuan ka nuih a ti za tlat pek a.A chhûngte ati luhai ve viau dawn anih kha.






Kan case kal lai chu zirchian leh tumin file ka keu nawn leh a,eng thil pawh thleng rawh se fel fai takin ka zo ngei2 tur ani.





"Sir,Pu Ramhmuaka nupuiin biak lawk che a duh a,"ti tu lam chu hawi vatin,lo luh tîr rawh ka ti nghal zat a.





Chu veleh Pu Ramhmuaka nupui chu rawn lut nghal in,ṭhutna chu kalo kawhhmuh vat.




Ka dawhkân chung a tui chu la in ka in tîr nghal a.A hah a zia deuh tawh ang chu tiin a rawn kal chhan hriat sa tho mah nise ka'n zâwt nâwn leh a.




"Ka pasal thihna chungchâng kha ania,tukinah kan veng nula leh tlangval
te lo lengin kan pa thla an hmuh thu leh a thattu a hrilh thu min hrilh a.Han awih loh dâwn chuan,chiang an in ti ve bawk sia,rilru a kap reng a ka rawn kal ta tawp mai anih hi,an sawidan chuan"a sawi zawh hmaa lo pawt chatin"ka pi i hma lawkah khan nula pakhat chutiang a rawn insawi chu a rawn kal tawh alawm.Awih tur anih leh nih loh kan lo chian phawt dâwn ania."ka tih takah chuan "Ni e khawngaihin hma min lak sak hram rawh u.A thlarau thlamuang tak a a chawlh ve theih nân"a ti duah a.




Mihring te hi kan thih hnu hian khawvelah châm bâng tawh lovin kan awmna hmun tur kan pan nghal ani mai lo ami.Thla hmu inti hi kan kat nuk reng mai a,thutak hla tak a lak sak chi lah va ni suh.





Pu Ramhmuaka nupui a chhuah hnu chuan ka file keu lai chu en leh in, postmortem resultah chuan thir sei tak hmang a thah ni ngei a hriat ani a.





Kutthlak na lah a awm thleh thluah bawk a.Ka zawng chhuak khawp ang che ti chungin ka khup thawk.Pu Dina leh a hlawhfa rawih te chu koh nawn leh ngai a ka hriat vangin ko tur chuan Inspector Marema ka tîr leh ta a.





Rinsangi pov:




Engvang teh hrep a kal nge maw ka nih le?Min awih dâwn lo tih hre reng chungin ka kal lui a i thiam loh vek ani mi mawl nu tiin ka phun mawlh2.Min hmu tu awm se chuan chian lohna nei ah min ngai ngei ang.




In lam pan a ka inkhalh phei mek lai chuan kan kawmthlang field sir a ding chung a min en reng tu chu en ve vung2 in "Ana ka ti tuar"ka kalna tur en lek lova ka tlanna lamah field bul a zûnin bâng ka sû lo niin.





"Vawiin chu ka van tluang lo tak",ti niah2 chungin ka in beng fai mawlh2 a.Ka ke ka en chuan thi alo chhuak ngiai2 mai, hmanhmawh takin ka rawmawl âh chuan ka tuam nghal vat a.






Scooty ka check leh a chutiang a chhe em2 a awm tak siloh ah chuan tlan chhuah leh mai tum a ka in her chuan, nichin a ka mi hmuh ngei kha ka hmaah a rawn ding a,ngawi reng a min en rên rawn hnuah,"Thangliana ka nih hi ti chungin kan piah lawk a ko pang awih zetah chuan a zuangthla ta mai a.




Min ṭhawng lutuk chu au ṭhatin a zuanthlakna lai chu ka va pan nghal a.Mahse tumah hmuh tur an awm lo.






Ka thau ah min man tlat avang chuan chak fahranin ka tlan haw zui ta a.In ka thlen chuan ka nu School kal alo la haw lova.Roomah lutin ka inti fai nghal sawk2.Ka ke hliam te chu tuam ṭha in,rawngbawl tûrin choka ka pan leh nghal a.





Eng ngaihtuahin nge Fakzuheha thu sawi awih a,Police station kalo pan kher2 le,ka va in theh dere zo vek leh nghal.




Kha Police lah khan min ring lo tih ka chiang ropui si a,eng hmasawn na mah a awm dawn lo.




Fakzuheha khan Pa Hmuaktea aw ngeiin min pui rawh ti a au thawm a hriat thu leh thlâm a a rawn chhoh ve na chhan pawh a bike bul bawr vel a pen thawm leh a chang a na tuar thawm a hriat leh ṭhin vang anih thu a sawi anih kha.A hlau ve hle aniang,chingpirinu a tih tak reng kha.





Kawngka rawn kik karh2 lam chu panin ka hawng thuai a.Kan kawmchhak nu Nu Marini alo nia.Ngawi rengin min en a,lût tur a ka tih pawh chuan ṭawng miah lovin alo lut ve mai bawk a.




Chutah sitting room lamah kalin sofaah chuan a ṭhu hnawk a chhuak em2 hian a ṭap ta mai a.




Tihngaihna hrelo tak chuan a hnungah ka chûl ta ringawt.Ka nu pawhin ka ṭah apiangin ka hnung a chûl ziah a ka zia phah ṭhin anih kha,zia pui ve tak ang maw?





"Nu Marin,ka ti leh ringawt thin,min chhang lova a ṭah tak reng avâng chuan tui ka lak sak ta ringawt a.




Pêk tumin a sam lo tla chhûm ka hui kian sak chuan ka tui um ken lai thlauh thla in ka petek dawrh.





Nu Marini hmel dang bui leh a heh dum vek te,a mit mu dum lai awm lova var vek te leh a taksa huh vek avâng chuan ka thi lo chauh ani.




Chet pawh che sawn ngam lovin ka awm ngai chuan ka awm ta reng a.Ka mit ka la sawn thei silo,chutah lo ding chhuakin a bawp kawi zet chuan thei leh thei lovin min rawn pan a.





Ka che sawn thei tawh silo ka tihngaihna hrelo chu au chhuah ka tum a,ka au chhuak thei der lo.





ka ka a chih vek a,min rawn pan hnai zêlin ka hmaah tak rawn ding in min kâwk chungin a nui ta ker2 mai.




Ka râp lutuk chu ka tha a khur chhe vek thei.Ka ke tha te chu a zawi veka ka tlu sawp hnawk.Chutah rawn kun hniam lehin nui ver2 chungin min thlêk hâ a,a ring te chu ti che kawi sawiin.




A kut huh zuih chuan min ban a.Ka tih der ti pahin a la let leh a,rapthlâk zetin a nui uar2 a.Ka rap lutuk vang nge a nui ri te chu hla deuh angin ka hre riai2 a ka hmu phe ta tlat bawk.





"Bawihte i ṭha em?"ka meng riai2 a,ka lu hai lutuk vang chuan men har ka tiin ka chhing leh ang rên râwn a.





"Bawihte"ka nu bawk ani,chhang thei dinhmunah ka ding tlat lo,ka thil tawn khan min ti chau êm ani.




Ka chhin tak vang2 hnuah chuan tlem a zia leh deuhin ka mit men ka tum leh a,
a zia ta deuh e.




Ka awmna ka en chian tak chuan ka room nilovin damdawiinah kalo mu daih a.A ngaihna hrelo takin ka nu ka bul a ṭhu chung a ka ban lo hmet mawlh2 tu chu en leh in tui ka thi thâm ṭêk a.



Chu veleh rang lutuk a la in ka in beng kang lai chu min pui vat bawk a.Tui in tam pawh a theih loh,ka la chawmawlh ti ila a dik ber awm e.





Ka lu min chûl sak pahin,"I mu tlem lutuk a,i taksain a tlin lo aniang.Kalo haw khan chhuatah ilo tlu reng a,ka mangan zia chu,"atih chuan Nu Marini ka ngaihtuah chhuak leh a,hlauhnain min ṭhâm leh nghalin ka tha a khur leh zawih2 tawh.





"I tha em?vawt iti ami?puan ka'n lâk belh ange ti a thawh mai a tum chu a kut a vuanin min kalsan suh ka ti ṭawk a,a hrethiam aniang chu ka kuah lum ang che aw tiin ka bulah lo mu ve nghalin, min kuah pah chuan ka hnung a chûl hliau2 a.Ka thla ati muang leh suai2 tawh e.





"Kha kan naute chu duat ava ngai ve,sweet ka lo lei dâwn ami?"nui hak2 pah a Ṭingṭangin a rawn tih chuan kei chu hawi chhuak duh lovin ka nu awmah ka bei tlat a.




Nula puitling ve uai ni tawh mahila ka thil tawn khan naupang chhia ang a awm pawh min pawisak tîr lo anih tâk ber hi.




Ṭingṭangi chuan ka pang rawn dek in ava sa ve tiin thermometre ka mutna bul lawk a inchhawp reng chu a la a ka zakah rawlhin,"I ṭha em?"min ngaihtuah hmel tak chuan a ti a.




A rawn uang kha a inthiam lo ve deuh ani ngei ang.Ho hêng viau ṭhin mahse a hun leh hmun hria a in siam rem zung2 mi ania.




Zuam sual a awl viau ta ve ang.
Ka khawsik a san tak em avâng chuan Nachhâwkna sang chi min khai sak a.ka nu min kuah reng tu pawh a pang a kham ta deuh aniang,boruak thianghlim ka va dawng lawk ange tiin Ṭingṭangi nen chuan min hnutchhiah a.




"Nimin i nu nen kan mangan zia kha min hmu ve la ka ti lutuk.Min pui nasa dawn mai sia",a tih chuan zan khat damdawiin ka lo riak reng tawh tih ka hre ve chiah."I taksa tih chak ṭhat angai i inenkawl uluk loh chuan thlarau ho hian an ei zo vek ang che" ati a.Ani awm tak e a thla ka hmuh zin apiang hian min ti chau zual ziah.





"Tu nge i hmuh leh reng2?He ti tak a thlabar a siam tu che hi ka haw ngawih2,hlo tûr barh pawp2 chi",atih chuan aw chau tak in "hlo tûr sawi ve ziah suh,a ṭhing si".Ka tih chuan lo nui hâkin,"ka thih hunah chuan hrâng ve miah lovin i bulah ka awm reng ṭhin ang a.





Kan awmna apiang rêl stationah kan hmang dâwn nia.Awi taka thih sawi takah chuan tukin khan in kawm chhak ami Pi Marini a boral tak asin.





Tui ah a tla a,a fa te an khawngaihthlakawm tak2 ani.An pa lah khan hmeichhe dang a kawp san reng bawk sia,a faten nu thar an neih vat ka ring"a tih chuan mak ti zetin kalo en reng a,"Nu Marini a thi maw?" ka ti a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:20 pm

VOHBIK



Chapter 4:





"Aw thi e,tunlai chu mitthi kan nei thei riau mai.Ka pa thawhpui pa, Pa Thanga pawh nizân khan a boral a,a office ban a hun tawh sia nidang ang lo takin a haw har an tia.




Zan riah kil zawh thleng pawh a alo la haw loh vangin an ṭhenawm te nên an zawng an, an hmuh mai siloh avangin ka Pa pawh zawng tûrin a chhuak ve nghe2.



A phone a in switch off tlat bawk sia an buai alawm.Police hnênah pawh an report a,zankhat nghak phawt ila hma kan la dâwn ania an lo tia.Mahse zu rui nawi pakhatin field piah kawng thlang lam awih deuh hlek a a zunnaah mihring ni awm tak a hmuh thu a sawi a,an va en chian chuan Pa Thanga alo nia.



A zuang thla aniang an tia,keichu ka ring chiah lo.A tlan liam ti dawn ila a Motor chu field sirah a in hung fel diam bawk sia,"a tih chuan"khawiah maw a ruang an hmuh"ka ti hû a.



"Vaivakawn field bulah mawle Kanan veng huam chhûngah anni chu an awm a,i hre ve lo maithei.Ka pa te chaw eikhâwm na a a rawn kal bak ala rawn lang lo.



Ka pa zawk hian a len chilh ṭhin a atih chuan,"A hming pum chu Thangliana a ni em "rang tak a kalo tih chuan,mak ti tak a min en pah hian,"amah ani em"a ti ve bawk a.




"Aih"ka ti hluk."I aw ki ah khan ani tih ka chiang"atih leh chuan hne tak hian "nilo"kalo ti peih ṭawk."Anih tunge in kawmchhak Nu maw?"ati leh thuai a,ka lu ka bu ringawt.



Aaaa ka ning sawi tawh rih lovang i chau lutuk dâwn muthilh tum rawh tih pahin ka lu a rawn chûl ve ngei a.Ka nu pawh chu avan rei tak ti rilru chungin a chhuahna lam chu ka en reng lai chuan thei leh Eitur dang nen Hmingsanga leh Fakzuheha an rawn lang hlawl.



"Sana mawi an vuah sak che animaw"ti chungin Fakzuheha chu rawn ṭhu hnaiin ka venflon vuah chu a rawn tawk zeuh a.



Ṭingṭangi chuan a kut lo ben sak in,iti na ang ati ti hluaia."Nangni pahnih lah hi hmei hmei hi in tia in in chhawrthla vak zel"atih chuan an bula Hmingsanga lo ṭhu ngawi reng chu a nui suk.




Hmingsanga hi chu kan ṭhian ho ah chuan ngawi reng chung a luhlul em2 ani thung a.Fakzuheha nen hian engtinnge an inzui reng theih zawk ni an mize a in an loh nen.


Ṭingṭangi leh Fakzuheha inhnial kan lo ngaihthlak reng lai chuan ka hawi chhuak a,ka piah lawk a mipa pakhat mu ve reng bul a Police pakhat ṭhu ka va hmu a.



Rum tak hian min lo en ve reng chu niin ka zak lutuk chu ka hawi let leh vat a ka ṭhiante titi ngaithla ni awm takin ka in her sawn.Engtinnge kha pa kha a ka hmuh leh theih zawk?Min awih lo nasa mai si a,tunah damdawiinah min hmu leh a eng tin chiah nge min ngaih ang le,mark avan chhe duh ngawih2 tak.




Min la en ve reng em le ti a ka hawi phei leh chuan alo awm tawh lo ka thaw huai thei.Mahse,ka khum mawng lam aṭanga "I dam nange?"min en chung a rwn titu avâng chuan ka phu zawk thei.


"Zam chhe thei ka nilo hmeichhe chak tak ka nih kha"ti rilru chungin ka in hum ruh hlê.Chhan dân tur ber pawh hrelovin ka nuih khum ringawt."I engnge naa?"atih leh chuan Ṭingṭangin min lo chhan khalhin a taksa a chau ve deuh mawle ti pahin min en tawn zak2 a.



"Ka bia che" rum tak a min en chung a atih leh takah chuan"I hmuh ve reng hi,dam ila hetah ka awm dâwn ami?Ka ti ve hmak.Police nih vang a inlak strict kher,a ṭhing thaw uih thlâk em mai a.



"Mmm anih chu"ti leh nghutin a chhuak zui chu kan en hâw hlawm ringawt.Fakzuheha chuan "in in hria ami?"ati a"mmm"ka ti ringawt,chutah Hmingsanga rawn ṭawng chhuakin "ka patea anih kha ka pa te unau zîng a naupang ber"atih chuan Fakzuheha'n anih dâwn kha in2 chhun em mai nuih za aw tak hian ati ve nghal zat.Hmingsanga a nui ṭha duh hauh lo.



Ka nu a rawn let takah chuan ka ṭhian te pâwn min kian san ta a.Zanin kan riak leh ang a naktukah kan chhuak thei tawh ang tih Dr.Mosesa'n a rawn sawi chuan ka thaw huai thei.Dam lo enkawl tu tur ber mut ve reng chu a nawm dan a dang dai bik em ani.



Engmah harsatna nei lovin zân pawh kan hmang ral ve ta a.Ka nu chu in khung fel mawlh2 in kawmchhak nu thih dân chungchâng te a sawi zui mawlh2 a.Ni e Ṭingṭangi sawi ang khan Nu Marini fate chu ka khawngaih hle mai.


An pa'n ngaihzawng dang a neih san reng phei chuan Nu Marini chhûngte bul lamah awm daih thei se ka ti ê.Engtinnge hmangaih takbte neiin a hnu ah midang an kawp san theih mai zel le?


A nunrawn thlâk ê,midang an kawp san theih chuan an hmangaih tak2 lo aniang,hmangaih chu ni se midang a mamawh tawh lovang."Bawihte" lo ti tu ka nu aw avâng chuan ngaihtuahna aṭanga harh chhuakin ka hawi chhuak a."Tih fel ngai pawh ka ti zo tawh e,kan kal dâwn ami?"tih pahin ka bânah a kai nghal a,ngawi rengin ka zui ve tawp.



Vawiin chu ka chawl hahdam anga naktuk aṭanga hna ka zawm leh theih tur thu Dr Maremi chuan min thlah pah chuan a sawi a.Ka tha a tho zân lo ani.Hna atana Doctor kher kalo thlang hi ka ti fuh chiah em pawh ka hre tawh love a.



Car a ka luh fel hnu a hospital kawngka ka en chuan kha Police bawk khân rum tak hian min lo en leh reng tawh a.Rang lutukin ka hawi sawn nghal.



Ka nu a rawn luh fel takah chuan kan chhuak nghal mai a,min la en em ti a ka hawi let pawh chuan a din ngai a dingin min lo la en char2.


Amak ngatinge ka hmuh leh le?A mi en dan te lah kha,ngaihzam mai theih chiin min en lo reng2.Min en thla zawk anilo maw le?




In kan thleng chu hah a dam huai thei,room ah lutin in tifai tûrin bathroomah ka lut nghal zat a.


Ka nu chuan ka thawmhnaw vel ti felin ka room hnawk te chu a thian nghal mawlh2 bawk a.Bath tap a tui herh haw tum a ka keu chuan Nu Marini kawr ṭet hnêng hnuang ha chung a huh hliam a lo ṭhu ka hmuh chuan ka tlu nghal dâwrh.



ka nu min koh na pawh chhang thei tawh lovin Nu Marini chu ka en reng a.Bath tap aṭang chuan bawk vak a rawn chhuakin,a hmui dum tak nen a min nuih ver2 chung chuan ka hmai zâwnah tak "A hre thei lo" a rawn tih chuan ka hlau tawh kher mai.nui leh vakin hmaichhanah min kâwk a,"dawihzep nu" min la ti zui.



Bathroom kawngka inhawng rawk ka hria a.Ka nu leh Hmingsanga an ni.ka nu chuan towela min hru hul nawk2 in ka ṭhat leh ṭhat loh min zawt sek bawk a.Ka nu room lamah pheiin a bul a mut ka tum ruh bur,zankhat tal chu thlamuang tak a mut ve ka duh ani.




Ka nu kuah chung a mut mai tum a ka mit ka chhin rual chiah chuan ka beng bulah "dawihzep nu"ti chung a nui kar2 thâwm ka hre leh a.Ngatinge hêng ho hian min zui zel le?Hahdam tak a ka awm hi an phal ve thlawt lo.



Ka puan sin chu sin ṭha in ka in lukhuh ta daiha.Ti chung pawh chuan ka nu bathroom a in bual pah a zai ri rat2 thawm kala hre tho.Hlau tak chung chuan ka inkhuhna ata ka lu dah chhuakin ka nu chu ka en ringawt a,alo mu tui ngang mai.



Chutah tho chhuakin kanu bathroom lam chu en dik tûrin ka pan ta a.Bathroom ka hâwn rual chuan ka thawm hriat chu a reh daih.



Angaihna hrelo tak a mut leh tum a ka nu khum lam pan tum a ka in her chiah chu ka thil hmuh chuan ka lungphu a ti rang leh dar2 tawh.


Ngaia neih hi chu a har ve ani.ka nu mu lai bulah chuan Nu Marini ka lam hawi a lo ṭhu nui var2 ka hmu a.Ka mutna ah tak ala ṭhu zui,ka nu lah chu a mutui zual sauh emaw tih mai turin ala hnar zui a.



Tihngaihna ka hriat tawh loh em avâng chuan,"Engnge i duh?" ka ti ta tawp."I nu"a tih chuan thinrim leh hlau thawng takin ka inseh ruh hlê tawh.


Min kâwk pah hian "ka tih der"ti chungin anui leh kar2 tawh.Hlau lo ang tak a lan tum chuan "nuih Iva duh ve inbiak i duh chuan ka room ah rawn phei rawh" tih leh ka room lam pan ka ruala.Ka nu hi in hnamhnawih tîr ka duh lo hrim2,engkim hi ka room lam a chin fel a chi ber ang.




Ka room ka lut chu ka khum ah Nu Marini chu alo ṭhu fel leh reng tawh a.kawngka kalh leh zatin khum bul a ding chung chuan," I duh chu sawi rawh le," ka tih chuan chhuak em2 hian a ṭap leh ta a."Sangte kan pa'n min that ati ta mai."




A bulah chuan ka ṭhu hnai a,"ka pui ang che"ka ti ta ringawt,ka sawi tawh kha mi hnem ka thiam ve lo."Min puih angai,ka tello chuan ka fate an ngaihtuahawm lutuk.Khi mihring rapthlâk lutuk bulah khian ka fa te ka awm tir dâwn lo"thinrim tih hriat tak a a tih leh chuan,"Engtia ka tih nge i duh"ka ti ta ringawt a.Rapthlak tak a thih tawh hnu pawh a an thlarau ala hahdam thei ṭhîn lo phei hi chu ka khawngaih ngawih2 zêl.




"A thiltih man hmu ngei rawh se"thinrim tak a a tih hnu chuan "Ni e,thlamuang takin awm rawh,a thiltih man a hmu em2 ang"tiin ka hnêm veleh a,chu veleh a hmel rapawm tak kha a dam lai hmel anga rawn inthlakin hlim hmel a pu leh ta sarh a.



"Engtin tak nge an thah che min hrilh ve thei angem?"ka tih leh chuan a kut a min banin kalo ban ve nghal zat a,nghet tak a ka kut chelh chungin tihian min hrilh ta a.



"An ṭhian ho picnic naa tel ve turin min ti a,hnial eng ang mahila a thu a zûk duh silova.Ka zui ve ta ringawt,an picnic na hmun tur "Tuivai"kan thlen chuan tumah an lo la thleng lo.




Kan thleng hmasa ber anih hi nghah pahin lo in chiah dai ila tiin lui lamah chuan min kai thla zel a.Tui ka cheng thiam silova ka hlau ru tawh khawp mai,a li thuk laia min kaih thlâk zêl a tum chuan ka duh ta lova.


Ani chuan ka nghawngah rawn rek nghalin li thûk laiah chuan min nam tla ta ani".A mittui tla hru hul lehin nui sangin min en a,"kawppui tur hi thlan fimkhur angai ania,inngaihzawn laia an zia ang kha an nih na diktak alo nilo thei,I neih hmain an mize diktak hriat I tum phawt dawn ania,kei ang hian rawn tisual ve suh"tiin min kalsan ta a.




Mut leh tumin ka nu bulah chuan ka phei leh a,alo la mu tui ngei mai.Dar zat ka en chuan dar 2 alo pel fel der tawh a.Naktukah hna zawm ka ngaih avangin mut theih hram tumin mutmu ka tuah ve ta a,ka chau aniang ka muhil nghal siai2 mai.




Mumang neiin ka mangah chuan,lui luang lai ka hmu a,a chungah chuan bridge mawi tak a chei a awm bawk a.A sirah in mawi tak,thianghlim em2 mai a awm bawk.In hnung lamah chuan pangpar huan mawi tak hi a awm bawk a,in mawi tak en a ka din reng lai chuan inchhung aṭang mipa pakhat lo chhuakin mawi tak mai hian min nuih a,a ban ka lamah pharin hmanhmawh takin ka pan phei a.Nghet takin ka kuah vawng2,a rim tui tak chu ka hip vang2 a.Hlimna chhiar sên loh min petu tur ngei ani ang.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:20 pm

VOHBIK



Chapter 5:




"Bawihte tho tawh la,i tlai dawn" ka nu aw ngei ani.Thawh ka hai chiang kher mai,nizân ka mu tui ta zek a a lawmawm tho e.



Tho chhuak vatin ka intifai nghal bawrh2 a,chaw pawh ei ta lo chuan Ṭingṭangi sawm tûrin ka chhuak zui nghal a.Hospital kan thleng a, form te ha ṭha sawk2 in ward fang tûrin ka chhuak zui nghal.Dam kawr viau mahila vawiin chu ka tho nuam hle mai,mood on tûrin mang ṭha ka mang miau a.



Chhûn chawlh anih chuan canteen lamah phei nghalin Ṭingṭangin ka ṭhutna tur alo hauh reng tawh a."Iva nung ve vawiin chu"tiin min lo nuih sen2 a,a bulah ka ṭhu nghal zât.


kan duh ang zawng te order a kan nghah lai chuan kan Police suala rawn lut chu ka hmuh hmaih loh chiang kher mai,nimin a ka khum piah a mu nên khân an inchhung ani tak ang a.



"khatin en vak2 suh,i melh puak ang"Ṭingṭangin min nghawk zeuh a a rawn tih chuan lo phu zawkin,"ka en reng2 lo ka ti lui tlat a".




Duhawma pov:



Kha nu leh bawk kha,tunlai chu mumangah nen ka hmu ngun hle.Tûn ṭum chu Doctor form te alo ha leh daih a,nimin lawkah hospital ah amu bawk a,rilru lam chian lohna alo nei tak2 anih dawn hi.



Khawdang hawi sawn lêk lova min en reng avâng chuan ka en ve ta reng a.Ka hmuh hian engtin emaw tih danglamin ka awm tlat zel leh nghal a,min ti ṭim ur2 zêl.



Chutia min en reng takah chuan an hma zâwn ṭhutna awmah chuan ka ṭhu phei ve ta nge2 a,a ṭhiannu ni awm tak a bul a ṭhu pawh hi nimin khan ka hmuh tak kha mawle,ani hi Doctor amah enkawl tu ani mai lo maw.



Ngun thluk tak a tlangval a pum pa ṭhan kin uai tawh in a a ngaihtuah atân chuan aho mah2 tiin nui sukin waiter ka ko nghala.


Ka bul alo thlen chuan "sawhchiar a awm em ka ti nghal zat a",eng an hria chu nimaw ka hma a ṭhu te pahnih chu an thil ei lai hak khawp a an nuih ni.Ka thil lam vang kha ani ngei ang,aho emai,sawh chhiar tluk a tui awm tlat hek lo le.



Ka phone rawn ri ka en chuan Inspector Marema alo ni a,"hello"ka ti hman awrh tihah "Sir an in puang fel tawh e, case kan zo dâwn a ang hle mai,"a rawn tih chuan ka thaw huai mai,thawkkhat chu a a veng ta phawt e.



Pu Ramhmuaka case chungchangah khan a ram ṭhenawm pa Pu Dintluanga kan dawp nawn kha alo fuh hle mai, a hlawh fa rawih pakhat tlân bo a tumna lam a chesual ta, tuna damdawiin a awm mek pawh hian bonus a dawng hlak dâwn a ang.



Lalrinsangi intiin a sawi vang ni hauh lovin a rûk a rinhlelh an kai ve hrim2 a,enthlak a chhui zui niin rinhlelh tur a an awm avang a la leh kan ni a,rin ang ngeiin an pu ber in puan hma a a hlawhfa rawih pakhat in puanna zarah a hmawr tawp min bawk tîr dâwn ta reng mai.



A thusawi te kha awih vek tur anih leh nih loh chu ka chiang chiah lova,mahse engemaw hriat chu alo nei ve ngei anih dâwn kha.Ti a ka ngaihtuahna ka kawm chhungin ka thil ei lai alo zo vek,en mang lova ka ei vang nge a zo chak riau a ka hriat chu,ka kham reng2 hleinem.



Plate khat dang lam bêlh lehin ka hma a ṭhute tho chhuak chu ka thlîr zui reng a.min kal pêlh dâwn chuan hawp puk2 rawh aw min han ti kher a.A ve lutuk chuan rilru chiang lo,enkawl lai mek leh nghal,ka hmuh leh hun chuan ava chak dâwn lo rua em.




Rinsangi pov:



"Ka nuih za laklawh ka insum zo lo,sawh chiar mawlh mai kha"tiin hospital kawtah chuan pum dawm meuhin ka nui a.Ṭingṭangi lah lo bang bik lo,ka mitthlaah thupui fun hmel tak a sawhchiar a ti thum dut lai kha a cham tlat lehnghal a.



Kan hnung a Dr Murmua rawn kal pawh hre chang lo lek a kan lo nuih avâng chuan,ring leng lawng a ka hmingpum a min ko in, "chhul chakna ei ru in ṭhian dun khan,nula senior zet khati takin khawlaiah an nui ngai lo,ei sual in nei amaw ka ti hman alawm"tiin min kal pêla.



Nitin mai hian min hauh hi a chak zek2 amaw tih mai tur hian ho tête ah min lo in min hau reng a,a hnam ngaihtuahin keini aiin Mizo ṭawng a thiam zawk emaw tih mai turin an dang a nal zilh leh nghal a.




Working hour a zawh hnu chuan ka scooty a in phur haw in kawng tluanin sawhchiara chungchang kan sawi phei ta ngar2,a hma ang em chuan kan nui thlêr ta bik love.


Vawiin chu tlemin kan haw hma ve a,a nuam ṭhîn e,hetiang châng te hi awm ve tur ania,mihring chu an theih phak bak a hna an thawh chuan an taksain tlin loh chin a neia,khâwl chikhat niin a nun ṭhat kan duh chuan,enkawl thiam hi angai rêng ani.



Inbual paha ka zai malh2 lai chuan ka shower tap chu a rawn tawp thut,shower gel in kalo in nuai phuan laklawh tawh nen ava inrem lo tak.



Tap dang chu hawng lehin no chuan ka in leih ta tawp a.Ka intleuh fai ta maw tihah ka tap hâwn lai pawh chu a rawn tawp leh ringawt.Tui a zo ti dawn ila,a haw na ala rei silo.



On tumin ka herh ngar2 a a haw tak mai siloh ah chuan ka nu ko a, tui min lo lâk mai tura tih ka tum chu,ka au ri a hrelo nge ni a rehin a reh tlawk2.



Hla tak a dar ri chu ka hre riai2 a,hun duhawm loh ka tawng leh dawn a ka hriat vangin bathrob ka inthawlh nghal sawk2.


Bathroom aṭanga chhuah mai ka tum chu a inkalh nghet lutuk,nimin khan ka nu te khan an tichhia in ka hre sia,ka luh lai pawh khan a inkalh silo,pawh hâwn tumin ka bei ngar2 a.A in hawng thei silo ka tihngaihna hrelo chu ka nu ka au leh ta vak a,a thawm reng2 hriat tur awm bawk silo.



Bathroom bang kil aṭang chuan mipa aw hian Thangliana ka nia a rawn ti thum dut a.Ka va phu chiang teh kher em.


Tha khur zawih2 chungin bathroom kawngka chu ka vuan ṭai a,ka bathroom hi a zau ve a,tun a mipa aw lo chhuahna ka Bath tap sir vel bawr ani mai awm e.



Thâwm chu rawn hnai zêlin ka beng zâwnah "Thangliana ka nia" tiin a rawn phun ri sup.Ka râp lutuk chu ka ṭe ṭhawt a,ka hlau chu min nuih zât nge pawh ka hrelo a nui khâwk tuar2.Ka puak keh thei dawnin ka hria,chhuatah ka ṭhu thla hnawk a,ṭap chung hian "engnge i duh"ka ti bah nak a.




Thâwm chu a reh zui daih a,kawngka pawh a in hawng leh thlap.Ka mak ti bawk si hlau bawk si chu thawh nachang pawh ka hrelo ka ṭhutnaah chuan ka en ngai kan en tlawk2 a,a nui ri ka beng a châm reng khan min ti chawmawlh zo vek.



"Iva inbual rei em2 ve,chaw ei ka peih na a rei tawh lutuk"ti a ka nu aw ka hriat chuan mittui a rawn sur leh zung2 tawh.ka nu chu lokal hnai vatin min rawn kuah nghal a.




"Nu ngatinge kalo pian ve kher,nangmah anga mi pangngai nih ve hi ka duh"tiin ka ṭap zawih2 a.Ka hnung chûl hliau2 pah chuan"Bawihte ka dam chhan i ni asin,i pa khan vân aṭang a thlir reng ang che,mi chak tak inih kha,tuna i ṭahna te hi nakinah chuan hlimna ani anga,mi zawng2 awh rawn nun i nei dawn alawm",tiin min hnem ve bawk a.



*Ka ṭah bân hnu chuan min kai tho a,chaw ei siam turin min chhuah san leh a.*


Thawmhnaw te hain,ka sam khuih chungin darthlalang hma ah chuan ka in en a.Ka thil hmuh avang chuan ka hâwi sawn leh thei der lo,darthlalang hmaah ka ding sia ngatinge Nu Marini samkhuih lai ka hmuh daih.



Che sawn thei lova ka hma a darthlalang a lo lang ka en reng lai chuan ka mi hmuh ngei mai chuan rapthlâk zet hian min insiam chhiat khum a,Aw ṭial ruai hian ka thil duh kha a rawn ti chher2 a.




Hlau tak a ka en reng lai chuan,a hnâr a thi rawn chhuak ka hmuh chuan ka hnar a rawn lum nghal pup.Ka kut chu thunun tlat niin ka sam ka khuih ngat2 a,lak thlak a,ka hnar thi buaipui ka tum pawh chuan ka kut ka la thla thei mai lo.



Ṭawng chhuak tûrin ka ka a chih tlat si a,ka mangang lutuk tih ngaihna hre lo chu ka ṭawngṭai leh ta tawp a.Min lak kian sak tur chuan ka ngen mawlh2 a,Ka harh chhuah chuan ka nu'n min lo sawi nawk2 tawh.



Ka biang a min dawm chungin "I ṭha em?Engtinnge i awm?"min ngaihtuah hmel tak a atih chuan ka mittui a ko chhuak leh ringawt tawh.ka hnar thi chu lapua la in min tih fai sak mawlh2 a.


"Eng mi nge ni ngai ava rapthlâk ve",tiin ala duh tawk mai lo ring tak leh chiang tak chuan "eng mi pawh ni la ka fanu hi i tibuai tawh tur anilo,Lal Isua Krista hmingin hnehna ka puang e! Ka thla ati muang ve ta deuh.


Chaw ei kham thleng ka sil lai chuan ka phone rawn riin Hmingsanga ani,la nghal zâtin,"engnge nita ka ti hluai a","red light" a rawn ti a a off leh nghal hmak.


Ka thleng sil lai chhunzawm vatin Ṭingṭangin a rawn call veleh a,la ta mai lo chuan roomah ka luh pui a,a rawn rik nawn leh takah chuan "ka hria" ti hluk chungin ka pick up a,"la ve vat ta che Murmua emaw iti ami?red light" pawr tak a a rawn tih chuan kalo kal tiin phone ka dah nghal a.Scooty la chhuak lehin danger point bawk ka pan leh ta a.




Ka thlen chuan Fakzuheha tih loh chu an lo thleng vek tawh a.Ṭingṭangi chuan min lo ban in "Iva rang ve sawhchiar"a lo ti hliai a,sawhchiar atih leh takah chuan lo nui hâkin "plate hnih"ka ti zawm zata,hlau thlabar a ka awm kha ka theihnghilh leh vek tawh ṭhiante hi chu an lo hlu ani.



"Ehe in dam amaw kha,khatah awm vek cheu a"Fakzuheha aw ngei ani.Hmingsanga chuan "Iva rei ve"thutak deuh hian alo ti a,ka thlen khan min be miah lo anih tâk kha.Eng thu tak rawn keng ang maw.



"Vuani a awm chuan a hma theih loh,saw2 kha2 ati char2 a ka kawng ana vek alawm"ti pahin Fakzuheha chu a in sâng mar a.



Amah hringtu nu hi Vuani ati deuh tlat pek a.Hmingsanga a thutak em avâng chuan boruak a dai leh duk tawh.Aw thian kharhin"Engnge ni ta,nang meuhin red light i rawn hmet chu,a pawimawh hle aniang maw?"titu chu Fakzuheha bawk ani.



Ṭingṭangi nen chuan kan la ngawi reng a,Hmingsanga a ṭawng mai tak lovah chuan Fakzuheha bawk chuan a kekawr Ipte a a ban zen lutin "guys a nuam lo ania,kan inhmeh lo"ati leh ringawt a.



Ngawih reng chu a ṭha a ka hriat loh avangin ṭawng ka chuh vat a,"Ni e,subject ah lut ang u"ka ti ve ta ringawt.



Hmingsanga chu a ṭhutna aṭanga rawn ding chhuakin inkuangkuah chung hian "Pa Hmuaktea kha thah ani tih kan hre ṭheuh anga,niminah ka Patea ten a thattu an man a"atih chuan phawk zetin kan in en hû hlawm a.



"Tunge a thattu chu"Ṭingṭangin a tih chuan kei leh Fakzuheha chu kan in en nghal vat a,kan pahnih chauhin kan hre tak e.Rilru inthiam lo tak chungin ka kut ka hmer ka hmer ta ringawt.



Hmingsanga rawn ṭawng leh nghalin,"Pu Dina leh a hlawh fa rawih te an nia,an koh hmasakin an in puang duh silova,an enthlak hnuah rinhlelh awma an awm vangin an ko nawn leha an dawp chhuak ta ani awm e"a tih chuan Ṭingṭangi chu a thaw huai a,"ava thawven thlâk ve,a chhûngte rilru ana ngawt ang"a ti ta nge2 a.


Fakzuheha rawn ṭawng chhuak lehin "Mmm i sawi tûr tikhan a zo em"tiin Hmingsanga a en vuta,Hmingsanga chu lo bu nghatin "a zo"ati tawi tak a.



Fakzuheha chuan," keipawh sawi tûr ka nei a",thutak deuh hian ati ve ngei a, a sawi leh tûr kan lo ngaihven ṭhap lai chuan "Aaaa ka zûn a chhuak,in boruak ka zo lo aniang"ti chungin kawng thlang a hnim bûk awmna lai chu a pan thla nghal a.Hepa hi chu thutak a pai thlawt lo,tuna a sawi tur pawh hi ho te bak ani leh tawp lovang"Ṭingṭangin alo tih chuan Hmingsanga nen in en in kan nui tawp.



Thlang lam aṭang chuan "a ruak huai alawm,rit phurh a kiang leh ta"Fakzuheha chuan a rawn ti chho lung2 a,a luruh te hi a ring ania.



Kan bul a rawn thlen leh takah chuan,"lo awm hnai deuh te u,khati kha chuan ka sawi ngam nang,in meng tang hru hlawma",atih chuan kan awm hnai vata,thutak deuh hian "Tangkeui'n no a nei,pasarih ania a nu pathum leh a pa pali,in pathum hian a nu chu ka pe vek ang che u,"atih chuan a awmah ka beng chawrh,na a ti duh miah lo leh nghal a.



A ui âtchilh hi a reh thei tak2 dâwn lo anih hi,"kan duh lo" kan ti rual ṭhat hlawm a."A tlai dawn haw tawh ang u" Ṭingṭangi'n a tih takah chuan scooty ka start nghala,Hmingsanga bike a Fakzuheha chuang ka hmuh chuan ka nui chhuak ṭhawt,hmeichhe ṭhutin alo ṭhu anih chu.


Haw kawngah chuan Pa Hmuaktea thattute nunrawng lutuk chu a dem ngang aniang ka ṭhiani hian a sawi bang thei lo.



Ka thlah kawi hnuah kan in lam panin ka inkhalh chhuak leh a.Kan in thlen hma kawng kawiah chuan Nu Marini bawk chu lo ding lehin a dinna lai chu alo huh hlup bawk a,tlân hnaih ngam lova helna tur ka ngaihtuah lai chuan a ke chu a kâng a,muang chang hian a rawn thlawk phei a,rapawm tak hian min nuih var2 bawk a.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:20 pm

VOHBIK


Chapter 6:




Ka hlauh vang nge thli te chu an rawn thaw nasa tlat a ka hriat chu.A rawn hnai tial2 a,a nui ri te chu a ring zual sawt leh nghal.



A kut lumna reng2 nei tawh lo chuan ka kut chu a rawn hum a,thinrim tak hian a thaw ri hrâwk2 a.Ka hmai zâwn takah rawn kun hniamin,"thih nawn hi ka hlau hleinem"tiin steering chu a vuan nghet sauh a,chu veleh speed lain min tlân pui ta vaka,ka hamhaih leh hlau bawk nen chuan ka au chhuak hleithei lo.




Tawp tûrin ka rilru chuan ka ti mawlh2a,hre ve thei tak ang maw.



Kawng thlang lamah chuan min tlan liam pui ta mai.Ka lu chu a Hit nghal a,ka khaw hmuh fiah lo nghalin ka thaw te chu a tawp dâwn ta mai.



Rilru mangang tak a in beng kang ka tum chu ka chungah rawn ṭhu in a rawn kun hniam leh a,"natna i hriatthiam ngai loh tur ka hnutchhiah ang che,"ti chungin ka hmaiah chuan chil min chhak khum ta nghek.


Ka khaw hmuh fiah tawh lo nen ka thawk a harsa tawh bawk si chu thei leh thei lova ṭawng chhuakin min kalsan tur chuan khawngaih ka dil ta ringawt a.



Sawi chu a nei leh ngei a mahse ka hre thei tawh lo.Ka chhing riai2 a."Lalpa heti maia thi tur chuan ka la inpeih lo asin,vawikhat tal ka nu nui hmel min hmuh tir hram rawh"tiin ka rilru chuan ka ṭawngṭai a.



Rilru pawh a fim hleithei tawh lo,ka thawk chu a harsa zual sawt a, ngaihtuahna zawng2 nen a tawp ta riai2a.





Duhawma pov:




Thiin a bual khah vek mihring ni ngei a ka hriat chu ka pan hnai a,"hey i harh em"tiin a taksa chu ka sawi a.


A la dam nge dam lo hriat tumin a mar te chu ka hmet a,ava zawi ve. A hnar zâwnah ka beng dawh in,ala thawk leh thawk loh ka fiah leh hnu chuan ka pawm kang nawlha,hmanhmawh takin ka Bolero chhûngah chuan ka dah a damdawiin ka pan pui nghal.



Kalsan theih loh turin ka kutah chuan nghet takin min vuan tlat bawk a,nurse ten a hmai an hruk fai sak hnu chuan tunge anih ka hre ve chiah.Rinsangi maw,tiin chiang takin ka en a.



Ka en reng lai chuan chiang tak hian a rawn meng kâwk a.



Ka phone ri avâng chuan ka harh zawk.Thlan in min lo bual khat leh vek tawh,tunlai chu ngatinge maw henu hi ka hmuh fo mai le,ala ṭha lo em2 ṭhîn lehnghal a.




Ka phone a rawn rik nawn leh takah chuan la nghal vatin,phur lo zet chuan "hello"ka ti a.



"Sir,Saikhama kawnah ruang an chhar"
lehlam a miin an rawn tih chuan tho chhuak nghalin ka in ha nghal sawk2 a.Ka khum bul a chahbi chu lain ka Saikhama kawn lam pan chuan ka inkhalh chhuak nghal a.



Ka va thlen chuan ka nau te ho an lo kim tawh hle.Ruang chu en ve nghalin alo kang ut vek mai a,tunge tih chian tumin glove ka lam nghal a.




Ka nau pakhat chuan min bun tir nghal mawlh2 in,mitthi ruang bulah chuan ka ṭhu thla a.A taksa te chu en kualin hmeichhia tih a a hriat theih a,a kân nasat êm vangin tunge anih fiah nan a sam kang bang chu ka la a,ka nau chuan lo pack fel nghalin postmortem tur chuan an phur chhuak ta a.



Keini tih ve theih chin chu tikhan a zo rih a postmortem result te han hre phawt ila,a ṭûl dan a zir in hma a lak ve theih ang chu.



Kan tih nek2 chhungin khua a var ve ta der mai.In lam pan chuan ka inkhalh chhuak leh a.Vawiin chu ka off tiin inkhawm te ka'n tum ve teh lul nen,kan hna hi chu an buaithlak ṭhîn teh e.



In ka thlen chuan ka pa alo tho chhuak tawh a,bathlarah ṭhuin tuilum alo in leh der tawh.A tui lum sa chu thliin ka va zâwm ve zat a,kan case thar chungchang kalo sawi mawlh2 lai chuan ka nau rawn tho chhuak lehin a rawn ham chhuak bai2 mai.


Lo nui sukin "Naute ka nu ala tho nange"hre tho mahila sawi tûr vak ka hriat loh avângin kalo ti ve mai a.



Phak chial hian "ala tho lo maw?"a tih chuan lu kalo bûk san.Ka pa chuan mak ti takin "a tho tawh a,a chhuak emaw ka tia.ka harh chuan a awm tawh reng2 hleinem"alo tih chuan ka phone phawrh in ka call nghal a.



Ka nu hi chhûl lam chiang lo ṭhîn ania,ngawi reng a chhuah thut a hrat ṭhin.Kan zawn vak hnuah ramhnuaiah te kan hmu leh hlawl ṭhin a,ngaihtuah ana ve deuh ṭhîn.



A phone a switch off leh tawh,chek hlakin ka nu zawng tur chuan ka chhuak ta nghal a.Ṭhenawm te inah ka en a a awm silo,ka pi te inah ka en leh a tah pawh chuan ala awm lo fo.




Ka pa chu be lehin ka hmuh loh thu ka hrilh a,alo mangang tawh kher mai.Kum upa lam ani ve tawh sia,tar lam a ka nu buaipui a a hun a hmang fo ṭhîn hi chhâwk ve theih ka chak ṭhîn.




Kan inbiak zawh hnu chuan ka phone chu rawn ri leh nghal zâtin Duhzuala ani,ka lak rual chuan "U ka nu ka be tlang thei lova,in awm dun em"a rawn tih chuan thaw chhuak hawkin"awm rih lo,ka awm hunah kalo be dâwn che ania"ka tih chuan a dah ve mai bawk a.




"Nu khawnge i awm"tiin ka hmai chu ka tuai puat a.A kalna tur awm ang a ka hriatah chuan ka kal kual vek a,khawiah mah hmuh tur a awm lo.



Beidawng tak chuan in lam ka pan leh ta ringawt.In ka thlen chuan ka pa chuan "Mama engnge chanchin!"alo ti nghal
vat.Ka pa bulah chuan ṭhut hmun rem pahin "ka hmu zo lo"ka tih chuan Mami chuan a mittui hru zeuh pah hian "Mam khawnge a awm ang le?ka ngaihtuah em mai"alo ti bawk,lu ava hai duh tak em.



Ka pa chuan mangang aw tak hian "alo haw leh mai turah ngai ang",tiin alo hnem ve bawk a.




Chaw pawh ei ta lo chuan station lam ka pan.Ka chhûngte nên chanchin kan in hrilh awl lo bawk a.Nizan ka mang a fuh lo bawk nen vawiin chu lu ava hai ngar2 ve le.



Ka nu ka rilruah a awm reng avâng chuan hna thawh pawh ka phur lo zo.



Case file ve tawp chi nge engtia tih tur nge pawh ka hrethiam tawh lo.



Dom i rilru ava hah hmel ve ka dawhkan a coffee rawn dah pah chuan Inspector Ngura chuan rawn tiin,ka nu bo thu chu kalo hrilh ve nghal a.Ngura nen hian naupan lai aṭanga inkawm tawh kan nia kan inhnaihin chhungkaw chungchâng engkim Kan inhriat pui vek ṭhîn.




"Ava buaithlak,a kalna tur ni awm a i hriat i kal chhuah vek tawh chuan,khawnge a awm ang aw"tiin a rilru a buai ve hmel khawp mai."Engpawh nise puih che ka in huam reng ania,puih i ngaih chuan sawih hreh lo la"a ti ve bawk a.



Ni e puih chu ka ngai ngei ang,thim hma a kan zawng hmu zo lo anih chuan kan chhungkaw mangan dân tûr hi ka ngaihtuah thiam lo zawk.




Hma lak dân tûr sawi a kan lo titi lai chuan ka office kawngka rawn kik in Inspector Marema chuan,"Sir kan mitthi ruang chhar bulah khan hêng hi ka hmu chhuak a"ti a.Ka dawhkân a a rawn dah chuan lo en nghal vatin ka thil hmuh chuan min ṭhawng ngei mai,"ka nu rangkachak ṭhi maw" ka ti chhuak hrâwk a.





Rinsangi pov:



"A theih loh,Rinsang ala hun lo" ti chung a Ṭingṭangin ṭap chung a cpr a pêk mawlh2 chu ka en reng a.Engvang a ṭap ve ngawt nge maw anih le,a mittui tla ka vawikhat hmuhna.



Doctor Maremi chuan lo dangin "Rimawi a tawk tawh,a kal a hun tawh aniang"ṭap chung a a tih pawh chuan Ṭingṭangi chuan "lo ngawi rawh"ti a vin hrâwkin
Dr Maremi kut chu a nam kiang a.Angaihna hre lo tak a ka din reng lai chuan ka nu ṭap thâwm ka hre veleh.




"Ka nu maw,engnge hetah a rawn tih ve",tiin ka nu ka ko a,mahse a hre lo nge ni khum a mu bulah chuan kal hnaiin "Bawihte"tiin chhuak takin a ṭap hawm2.Ka nu ti a ka koh leh pawh chuan engmah a hriat loh vangin khum a mu chu tunge ti a ka en chuan keimah maw.



Ka en nawn leh a,keimah ngei ka ni sia,ava mak ve!!



Ṭingṭangi chu ko leh in "Ngatinge hetia ka awm?kha chu keimah ka ni lo"ti a ka biak pawh chuan engmah a hre thei lo.Ṭap chungin cpr chu min la pe mawlh2 a.



Ka mangang tak zet.Engtinnge tah hian ka awm daih theih tiin ka ngaihtuah a,ka thil tawn te ngaihtuah chhuakin,kei hi ka thi dâwn tak2 tihna em ni.



Nilo kala thi thei lo,ti chungin ṭingṭangi chu ṭâng tûrin ka ko lawm2 a,"Lalpa ka nu ṭap ka hmu duh lo,a nui hmel zawk min hmuh tir rawh"tiin ka phun mawlh2 a.Chu veleh ka ral riai2 a ka thaw chhuak hawk.



Chiang lo ruai chuan ka meng a,ka nu chuan ka hmai a chul in "Bawihte a ṭha vek aw,engtinmah i awm lo ania"mittui tla chungin alo ti a.




Ṭingṭangin chuan ṭap chungin min rawn kuah a,min kuah na lutuk chu ka thaw hleithei lo.Thei leh thei lovin Ṭingṭang ka ti chhuak a,rawn ṭah nuih chung hian "Aw keimah"tiin min kuah leh a.




Dr Maremi chuan ka kut a rawn vuanin "Rinsang min ti mangang hman alawm,dam lo tawh suh aw,Doctor,mi nunna chhanhim tu tur inih kha"a ti ve bawk a.




"Kan lo ṭap ve tawh ang"tih ri awmna lamah chuan kan hawi rual ṭhap Fakzuheha leh Hmingsanga te an lo nui sun2 mai.



Ka bul ah rawn ṭhu hnai in,ka venflon vuah bawk chu Fakzuheha chuan a en leh vung2 tawh.




I khawilai nge na ber ti a Hmingsanga'n min zawh takah chuan ka in enchiang a ka ke chu an tliak nge mawni alo in cher a,ka kut ding lam nen.



Ka ngaihtuah chian chuan ka na vel vek mai.Chhan ngaihna ka hrelo chu ka khi suk ringawt a.



Fakzuheha chuan Ṭingṭangi chu melh zeuhin i hnar kha hru fai rawh ala lâwr ania atih chuan kan vaiin kan nui ta dar2 a.Ṭingṭangi lah chuan "lâwr tet tut rawh se"ti chungin a kalsawn hmak a.A zak ve deuh ani ngei ang.



Dr Maremi chuan "I ke veilam leh i kut dinglam ruh a tliak a,ila awm rei hmel" a tih chuan ka beidawng nghal.Nu Marini chuan na min hnut chhiah chiang hle mai.


Ka hmuh ah rawn in lan tawh lo se ka ti ê.Hêng ho hian min tibuai tawh lo se chuan, pangngai takin nun ka hmang ve awm sia.keimah ang hi Khawvelah hian an awm ve angem le,engtinnge an hmachhawn ve ang?



Fakzuheha chuan ka beng bul a rawn kun hniamin,"hetiang te chu no khatin a that vek"a rawn tih chuan kalo melh rum chiang ngei mai.Eitur min rawn ken ah lah hian ORS hi a dah tel ve ziah a,ka in duh loh zia a hre ve reng sia,a chimawm ṭhîn ania.



Ka nu chuan ka sam a chûl pahin,"Bawihte,rei lo tê i awm ang a,i dam vat mai ang. I rilru tihah duh lo la,i bulah ka awm reng dawn alawm"ati a.


Dam loh ka nin zia hrechiang ber tu ania,naupang ka ni tawh lova,puitlin hnu a ruh tliak te chu an dam har zia,Doctor ka nia ka hre ve tho.Mahse ka nu min hnemna hian rilru ati hahdam ṭhîn.



Pâwn lamah chuan hmeichhe ṭap thâwm kan hria a.Kan hawi chhuak ṭhap mai,Ambulance ah chuan ruang ni ngei tûr hi an zâwn lut a.


A hnungah chuan kha Police suala kha ka hmu tel veleh a,hmeichhe ṭap mek chu a kuah ve bawk.Saw ti tak a ṭap nasa te chu a hnungah emaw a samah te chûl sak ve sela a kuah mawl tawp a ala meng rum em2 zui a,engnge maw a hriat ni.




Ambulance tlan liam hnu chuan Hmingsanga chuan phone hmangin,"ka kal angai,ka pi a boral anih chu"a rawn tih chuan Fakzuheha pawh chuan "ka zui ang che"alo ti ve bawk a.



"kan lo kal leh ang lo in enkawl ṭha la,no khatin a that vek,ka tih kha aw"nui suk a Fakzuheha'n a tih chuan Hmingsanga'n "i lokal ve dâwn chuan hmanhmawh ang.Siali kan lokal leh dawn ania,lo dam ṭha zêl rawh aw"tiin Fakzuheha chu a pawt tho a,an ṭhian dun in zui chhuak chu ka nu nên chuan kan thlîr zui reng.



Ka bul a ṭhu ka nu chuan apple min vel sak pah chuan"Bawihte,engtinnge nizân khan i chet sual theih,i rawn haw har sia ka mangangin ka call che a i la thei bawk silova,I pa Zira te ka pun tawp a kan zawng nasa che alawm,rin loh deuhin kan kawmchhak kawng thlang lamah kan hmu che a,zankhua in ka awmpui che a,i harh thei bawk silova.Zîng lamah i harh ka beisei a,mahse i harh thei bawk silo kha ka chi ai hman ṭhelh alawm.



Ka inthiar san chhûng che in min kalsan hman ṭep lehnghal a,i dam ṭhat hunah Pastor bulah kan kal dâwn ania aw."A apple vel zawh min ei tîr pah chuan ati a.



Ni e Pastor pan ka ngai tak2,ka awmdan hi a dik lo reng2,engngemaw tih dik loh te hi kalo nei maithei asin.Pastor chuan min chinfel sak thei hrim2 ang.



Apple ka ei zawh a dar zât ka en chuan ka rin aiin alo tlai tawh.Mut tum in ka theih ang tawk chuan ka insiam rem a,ka nu chuan phone hmangin min chhuah san zuai a.



Mut tumin ka chhing dâwn chiah tihah chuan thil kang rimchhe deuh ka hria a.Bawlhhlawh kâng rim ti dawn ila ani chiah pawhin ka hrelo.a rim a rawn nat telh2 avâng chuan meng lehin ka hawi kual a,ka ring a rawn na zawk,in dim ava ngai dawn ve âw.




Thei leh thei lo chuan ka hawi chhuak a, ka khum bul lawk a hmel mumal nei lova kang dum vek lo ding ka hmuh chuan min ti phu chiang kher mai.A mit mu rawn pawng chhuak vek chuan min melh kuau a.Khawng tak a rawn kalin na nei ni awm takin a ṭhen sawk2 bawk a.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)