VOHBIK BY Euricka (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: VOHBIK BY Euricka (Completed)

Unread post by Ngaia » September 4th, 2022, 12:20 pm

VOHBIK

Chapter 7:



Ka khum tlângah rawn ṭhu in,"hlau suh"ati nge "hlau rawh"a ti pawh ka hre thei lo.A aw a fiah loh bakah a ṭawng bah nak mai.Ka tha khur nasa lutuk bak hriat chian ka nei lo.



"Bawihte,engtinnge i awm?"ka nu aw ka hre leh thei ta.Ka in thing harh a,engtiklaiinnge ka mi hmuh kha a bo daih.Kei hi zêl an tih ang hian ka awm anilo maw?


Ka nu chuan ka pang rawn dek in,"I khua ava sik nasa leh tawh ve"tiin Nurse a ko nghal a.Min jection leh ta ringawt e.Ka khawsik vang a hmu ka ni lova,ka thil hmuh khan min ti khawsik zawk ani.


Pastor pan chu ka ngai khawp mai.Heti reng chuan ka pangngai lo zo mai dâwn.Nachhawknain min chhâwk hnu chuan ka tal mu ve thei hram e.Ka nu ka ko ta ringawt.


Ka ke na lutuk chuan min ti harh zawk.Ka ban leh lam a nat tel bawk avang chuan,chet pawh ka che sawn ngam lova.



Ka nu ka ko leh ta ringawt.A harh leh thei ta lo.A mut tawh hi chuan kaih thawh hi a harsa tlat zel.

Ka ke na chuan min tur tak ut2 avâng chuan,ka ban lehlam a in nem khalhin ka in siam rem ve thei hram a.Ka ke na lam ka en chiang chu nichin a ka mi hmuh kâng ut vek khan alo ṭhut reng chu niin.A mit mu pawng chhuak vek chuan min la melh rum em2 zui.



Ka ka a chih leh vek tawh,pangngai a har ve em asin.Tha khur zawih2 chungin,min kalsan rawh khawngaihin ka tichhuak ṭiau a.A hmui mumal pawh awm tawh lo chung chuan a nui tih chiang takin ka hre thei.



Ka ke na chu a hma aiin a na zual sawt a,ka ṭep ṭhat.Ka ke tha zawng2 a khur hlawk2.



"Engnge i duh?"bah nak chuan ka ti ta a.Ka thlan a rawn hnam ṭiam2 bawk.Duhawma chiang tak a a rawn tih chuan thlam tla hliam chungin,a sawi leh tûr ngaihven chuan ka melh kar a.



"Ka fapa Duhawma,Doma zawng rawh"fiah tak a a rawn tih zawh hnu chuan a bo leh riai2 tawh.Tunge Doma chu ni ang le.Engtinnge ka zawn hmuh ang.



Nurse Rindiki a rawn lang hlawl mai.Ṭap pur hian ana lutuk kalo ti ṭiau a."A pahnih in ami U Sangte"a ti vat.Lu ka lo bûk khum ringawt.



Hmanhmawh takin reception lam a pan leh a,in jection na tur a rawn keng phei nghal.



Nachhawknaa min jection pawh chuan na ka la ti.Min vân chhâwk har ve ka ti sap a.Rei lo tê nghak lawk ila,awmzia a awm loh chuan,"Nachhâwkna khai chi kan khai mai dâwn ania"dam thlap a a tih chuan,lu kalo bûk khum leh ringawt.



Zawi2 in min chhâwk ve ṭan a khua a var leh dawn ta mai.Ka thil tawn avang nge ka nat rei vanga chau ka nih pawh ka hrethiam tawh love.



Khua a var tawh bawk a,rei lo tê mut hahdam ve ka tum laiin ka nu a rawn harh chiah a."I mu thei em Bawihte?Nizân hmasa ka meng tlâng sia,ka harh thei lo reng2"atih nghal bawrh2 a.



A muttui chuan a ṭha animai.Keimah vanga a chauh tawh dâwn tehreng nen.Ka thil tawn hrilh veleh zêl chu a zo lovang.



Mut ka kham lova,kan mu leh lawk ange tiin ka insiam rem a.Puan te min sin ṭhat tîr in,in ti fai turin min thawh san a.



Duhawma pov:



Ka nu kan vui zo ta.Ka rin phal loh leh ka ngaihtuah phak ngai loh,vawi leh khatah a thleng thut a.A chhan zawn chhuah ngei ka duh.Engvanginnge ka nu kha Saikhama kâwn a va kal daih nge anih?
A thihnaah hian fel hlel a awm chiang ani.

"Bawnghnute in tîr ka tum a a duh miah lo.Tukinah lah chaw a ei tawh bawk silo".Ka nau in a rawn tih chuan,ka tukverh dah chhuahna chu kharin ka pa room lamah kan in zui chhuak a.

Ka pa,ka nu thlalak en a lo ṭhu ngawi reng ka hmuh chuan,pan hnaiin a dar ah ka vuan a.

"Ka pa,engmah ei lova awm chu a ṭha lo.Hei tal hi in rawh"tiin,ka nau bawnghnute ken chu pêk tumin,a kutah ka vuan a.

"Ka châk love"tiin ka kut min nem kian sak a.Ka dem hran lo.Hmangaih chân nat zia chu ka hre ve tawh alawm.Damdawiin awm ngai khawpin,ka awm anih tak kha.

"Hei tal chu in rawh aw"tiin a khum bul dawhkân ah chuan ka dah sak ta hram a.Ka nau nen in zui chhuak leh in,in leng te kawm in kan ṭhu leh ta reng a.

Ka pa unaute leh ka nu unaute kan khawhar hlau in min riah pui bawk a.Thla an ti muang ve deuh e.

Hmingsanga nen chaw kan ei dun laiin,"Pate,ka pi kha chhûl chiang lo anih i ring tak2 em a rawn ti ve khauh mai.A ṭawng tam lo berin chutiang a a rawn sawi chu mak ka ti ve deuh.

"A chang chuan ring vak lo,mahse damdawi a ei nasa a.Damdawiinah pawh vawitam kan lut a,a result pawh chhûl problem vek ani sia"tiin kalo chhang ve bawk a.

"U ka nu kha damdawi rui a ang ṭhîn,a damdawi a paih ru lai pawh vawi thum lai ka man tawh"ka nau chuan a rawn ti ve bawk a.

Duhzuala kan bulah rawn ṭhu hnai ve in,"thil felhlel deuh chu a awm alâwm,Saikhama kâwn ah khan engnge a tih ang?"Kei chauh ka ni bik love,an ngaihtuahna an lo hmang ve nasa anih dawn hi."Engkim kan la chhui chhuak vek dawn ania"tiin an titi khar sakin ka kham zui nghal a.

Case dang buaipui ngai a tam si,ka nu case in min delh rit bawk nen.Chawlh pawh ka rei hman lovin,hna lamah in sâwr bing a hun tawh viau e.

Inspector Marema bia in,ka nu ruang postmortem result check ka duh thu ka sawi a.

A hlim chhawnah khan ka en pha lovin,ka tel lova chhui a nih tur thu hotu ten an chhuah anih kha.

Ka nu ania,a result chu engpawh ni se ka hriat ve ngei a ṭûl tlat..

Zan2 in result check tur chuan ka chhuak ta nge2 a.Zan mu lova min siam tu hi chin fel vat angai.

Ka pa in dawm kun reng hmuh hi hmeichhia ni ve lo mahila,hrehawm ka ti ṭhin.Station ka thlen chuan Marema alo awm tawh a..

Report kimchang te pe in,result en tumin ka dawhkân chung a file ka keu tur chu,"Sir,en lo thei la ka ti hle mai,ka kut ah dah la ka duh"tiin min lo dang a.

"Ka nu chungchang ania,keimah ngeiin ka zawng chhuak ang"ti chungin ka keu lui a.

Rin loh tak maiin,ka nu result chuan min ṭhawng hle mai.A boral hma khan pawngsual a tawk amaw?Vawikhat chauh pawh nilo,pawngsual rawn leh nghal.Hrep tak chuan,ka nu eng thurûk nge i fapa lakah hian I zêp teh hrep a ka ti chhuak hrâwk.

Hei vang hi ani ngei ang hotu ten ka kut a dah an duh loh.Keimah ngeiin ka ching fel ang tiin,ka rilru ka sawh nghet zual sauh.

Ka dar a rawn dâwm in,"Sir,hei vang hi ania,kan kutah dah rawh ka tih.Pangkhing na chung a hna I thawh kan duh lo"a tih chuan,in seh ruh chungin,"Hei vang tak hian ka kut ah a awm ang,hotu te thu engatanmah ka ngai lo"ka tih khum hmak.

"Anih chuan ka pui ang che,''a ti ve ta nge2 a.Ngura rawn lut ve in,"Ṭhian pa,hmalak dân tur i hria em?A rang lam a chin fel chi niin ka hria"a rawn ti ve bawk a.Ṭhian ṭha neih hi chu alo hlu ani.

"Khawvâr hunah ka nu ruang kan hmuhna bulah cctv kan check vek dawn ania."ka ti thuai a.Marema lo ṭawng nghal in,"a chhe vek,ṭha pakhat chiah a awm a,chu pawh department store ami ania.Pawn lam a lang thei lo."Alo ti nghal zât.

"He thil hi mi pakhat chauh tih ani thei lo.Misual ho,man loh in ka chhuah dawn lo che u,"in hum ruh ṭeuh chung chuan ka ti a.

Ka awm mai2 thei lo,ngaihtuahna ka sen nasat na lamah ka lu te chu a puak keh dâwn hialin ka hria."Rawn report tu kha Bolero var aṭang a an paih thla lai a hmu ani awm e.Bawlhhlawh emaw tiin kawng lai tak a an paih chu,kawng sir a dah ṭhat a tumna lamah mihring ruang ani tih a hre chiah ani awm e"Inspector Marema'n a rawn tih leh chuan,ka na zual tak zet.

Ka nu hi hetiang mai2 a an khawih ka phal hleinem,hnawmhne ang chauhin an lo chei bâwl amaw,zawng ho chu.

"In zawh chianna report ka hmu duh"tiin laptop chuh ka rual nghal a.Report pêk na documents chu hawng in, Bolero chu a no.plate en nachang alo hre lova.Mahse side glass leh lam a awm lo.Ava buaithlak,cctv a chhe bawk si,engtia hma lak tur nge ka va bo ta em.

"Ka nu i fapa hi min pui hram rawh"keimah chuan ka phun mawlh2 a.Khua kan nghak var ta ṭhak a,zing thingpui in pahin ka pa engnge a an tih hriat tumin Nautei ka call a.

"Aw U ka mu ve dâwn chiah,"mut chhuak aw tak hian a rawn ti a."Engngatinge zan in mu ṭha thei lo nge,buaina dang a awm zawk"kalo ti thuai.

"Ka pa ka men pui a,a ṭap deuh reng a,mut san chi niin ka hrelo"Nautei'n a rawn ti leh.Ala hlimchhawn em bawk ani,a tuar ve ngawt ang le.

"Anih chu lo mu ṭha ru,hna kala nei a,kalo haw thei dawn lo va.Chanchin kan in hrilh zel dawn ania"tiin kan inbiakna ka ti tawp a.

Ka nu in check up ṭhinnaah kalin,a hmaa a medical report ka dil nawn leh.Ennawn leh pawh in,chhul paih ngai anih thu vel bak inziak a awm lo.

Ka lu a nat zual avâng chuan damdawi leiin ak ei nghal a.Ka damdawi lei ka ah ṭhat lai chuan, ngaihtuah chhuah ka nei,ka nu damdawi ei lai kha.

Hmanhmawh takin in lam pan chuan ka in khalh chhuak a.In ka thlen chuan ka nau Duhzuala chiah alo la tho.

Eng sawi lovin ka pate room ka pan ding nghal a.Ka nu damdawi bâwm chu la chhuak in.Ka room chhûngah ka keng lût.

A damdawi ei lai leh a damdawi lehkha chu a in mil vek sia.Nui sukin,kei hi engnge maw ka hriat ni,ka pa hi hetiang ti duh mi anilo tiin ka phun sup a.

Duhzuala ka room ah rawn lut in,ka damdawi khung ṭhat lai chu a rawn ban nghal a.A chhin rawn hawng in,a chhûng a damdawi awm chu a thlêk kual a.

"Hei chu ka roommate in a ei ṭhîn"a tih chuan lo khi suk in,"I roommate chu chhûl chiang lo ve tho ami?"kalo ti chhuak hawk a.

"Mipa in chhûl an nei lo, Alzheimer damdawi alawm.A sang lutuk, Doctor chawh loh phei chu ei duh miah loh tur.Tluak a khawih pawi thei an tia"a tih leh takah chuan en chian tîr tûrin ka ak ṭha nghal a.

Ka pa leh Nautei te lo chhuah san lo tura chah in ka chhuah san zui nghal a.

Ka nu in check up ṭhîn naah kal tawh lovin,civil lam ka pan ta zawk a.U Maremi hmu tûrin ka lût zui nghal.Ani hi ka u ang chiah a ka en ṭhîn, Doctor thiam tak pakhat ani ve a.

Ka call a pick thei silo,ward a fang anih ring in ka zawng kual ve tawp.

Rin ang ngeiin alo fang e,damlo khum bulah dingin alo nui hawk2 a.

Ka va pan hnai chu min lo hmu ve aniang,rawn hawiin a nui sang a.

"Awi Lalduhawm,Dom nangmah ini tak2 em?"alo ti chûl mai.

In hmuh apiang hian ti hian min lo ti ve ziah.Hmanni lawkah pawh kan in hmu a,in hmu ngai lo ang hian alo awm ve ziah mai.

"Lalduhawma,Doma maw?"U Maremi damlo check lai chuan alo ti tham chhel mai.U Maremi nen chuan mak kan ti deuh nge ni kan in en hû a.

Aw thian kharh in,"Aw ni e"ka ti thum bul mai."Doma ini tak2 em?"ala ti cheu mai.

Chiang taka en chungin"Aw"ka ti tawi tak."Pi Rampuii fapa,Doma maw?"mak ti tak a min en chung chuan a ti a.

A hmel ka enchiang a,kan mi chiang lo nu i bawk kha.Engnge thleng leh ta a ke leh kut a in tuam leh lûk tawh.

In hmuh apiang hian style thar hi alo nei hman ziah a.Mi pakhat chu ani ve chiang ani.

"Ka nu i hria em ni?"ka tum loh deuhin ka chhang palh.A lu lo bu in,"Nizânah ka hmu a,nangmah zawng tûr che in min ti a,a ti chiah chu ka awih lo nasa asin.

"Ka nu chu a kal tawh i hmu lo ange"ka ti ve tawp."Ka pu,ka hmu alawm"ati leh tawh.Ka pu lah hi min ti sek a,pu hmuhin min hmu ami le?Ka hmêl hi a tar viau pawhin ka hre lo asin.

"A thluakah fel lo a awm ani ngei ang"tiin,chhang duh tawh lovin,U Maremi ko hrangin.Kan chhuak tur chu ka hawi let leh zuai aw,min lo la en char2.

A mit meng saw alawm,ka mitthla a châm reng ṭhin,ka theihnghilh theih miah loh chu!!


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:21 pm

VOHBIK


Chapter 8:




U Maremi chu ka nu damdawi ka kawr ipte a ka ah chu ka hmuh tir a,"eng damdawi nge?hei hi a bur ania"ka tih chuan,uluk fê hian a en a.


"A bur hi chu chhûl damdawi ania,mahse a chhûng a awm,a mum hi Alzheimer damdawi" ati ta mai.



Ka hlauh ang thil hi thleng lo se ka duh asin."I chiang em?"tiin ka zâwt leh a."Ka nau,Doctor ka nih hi,tu damdawi nge ni reng2 a?"a tih chuan chhang tawh lem lovin hmanhmawh takin in lam ka pan nghal.



In ka thlen chuan ka pa ka zawng nghal a.A room ah lût in,a muhil lai chu kai tho in."Pa,hei hi engnge awmzia?"tiin ka damdawi ken chu ka hmuh a.



Kût khur chung hian ka damdawi ken chu la in a en nghal."I nu damdawi ani lo ami"mak tih hmel tak chuan a ti a.



"Khawi aṭanga i lei nge?Nang bak ka nu damdawi lei tu i awm lo"ka ti vin hluk.



"Mama hei chu ka lei anilo,inu khan a lei ṭhîn alawm,engmah ka hriat pui lo"a tih leh takah chuan ka au ṭhawt.


"Ka nu kha dam lo ania,amahin damdawi hi a lei ang maw?Buaipui kan tum pawhin a damdawi hi chu i lei tûrin i tih ziah kha"vin tak chuan ka ti leh a.


Duhzuala leh Nautei te rawn lut chuan,kan boruak chu hrethiam lo takin,"U engnge thleng a,ka pa a dam loh kha"tiin Duhzuala chuan ka thinrim chu min beng daih a tum a.



Nautei chuan ka pa kutah vuan in,"Pa mu leh tawh rawh,ka u hi a chau deuh aniang"tiin ka pa chu a thlem ve bawk a.



"Ini lo tak2 amaw,he damdawi lei tu hi i ni lo tak2 maw ka pa?"tiin thinrim in sum tak chuan ka ti leh a.



A lu thing chungin,"Mama ka ni lo,kha chu inu lei alawm"ati leh tawh.



Ka phone rawn ri chu la in,"Engnge"ka ti bul hmuk a.U Maremi niin,"Dom,Sangtei hian a hmu duh che a,i lokal lawk thei angem,a pawimawh lutuk ati a"a tih chuan thinrim lai lo ni bawk nen."Ka hman lo,hna ka nei"tiin ka dah hmak.



Khatiang mi chiang lo lutuk khan,dawt thu bak a sawi leh dawn lo tih ka chiang em ani.Ka tan ṭangkaina pakhatmah a nei lo.



Ka pa tih anih loh chuan tu tih nge ni ta ang?Ka nu khan ama thu in damdawi hi a thlâk tîr dâwn lo tih ka chiang.Rilru buai tak chung chuan ka pa te room chhuah sanin,bathlar lamah boruak thianghlim dawng tûrin ka chhuak thla a.



"I pa chu eng ala ang na nge?"rawn ti tu lam chu ka hawi a,U Mala lo ni rengin.
"Engtikah nge ilo thlen?"tiin ka zâwt a.



"Vawiin khan mawle,i pa a ṭha lo an ti sia ka rawn hmanhmawh deuh alawm,i nu vuina ah lah ka rawn nang hman ta si lova,ka inthiam lo hle mai"ti chungin ka ṭhutna bulah chuan a rawn ṭhu ve a.



"U Tlani leh Hmingsanga te'n min ṭawiawm ṭha a,an fel lutuk,inthlahrung duh suh"tiin ka lo chhang ve mai a.


U Mala hi min chhang chiah tu niin,tun a ka nau te pahnih hi ka pa nupui pahnihna fa te an nia.Min hring tu ka nu thih hnu khân rei pawh rial lovin tun a boral ve ta ka nu hi a rawn lut kha ania,ka u te pahnih hi chuan pawm vak lo mahse kei chuan nu dik tak ang chiah in ka hmangaih thung.



Eng eng emaw sawi a kan titi lai chuan ka phone rawn riin,Inspector Marema ani."Sir,Bolero var a side glass lehlam awm lo chu kan hmu a"a rawn tih chuan ka tho chhuak nghal.



Ka motor chahbi la in,"khawiah nge in awm?"tiin ka zâwt a."Station ah kan awm,kan nghak che aw"a rawn tih chuan phone dah in hmanhmawh takin station lam ka pan a.



Motor chu station kawt ah hmuh mai ka in rin nen alo awm hauh lo.Ka office lam ka pan ding nghal a.Inspector Marema chu ko lût in ka zawt chiang ta a.



Cctv a an hmuh thu leh a no.an lak tawh thu a sawi chuan ka thaw huai thei.Motor plate no. chu en in, zawng chhuak nghal tûr a ka tih chuan "kan zawng chhuak tawh,hei a phone no."tiin a no.ziahna chu min en tir a.



Phone nghal in,thil zawt chiang tur in ka ko ta a.



Nghah chhûng ava rei duh ve,ka helhhawlh nge ka huphurh pawh ka hrethiam tawh lo.


Darkar khat kan nghah hnu chuan,Office ah an rawn hruai lût a.Ka hmuh tum loh daih niin,Putar lampang alo nia.



Health department lam a an driver lo niin,an pute a thlah haw thu bak kan dawng leh ta lo.


Kan beisei ang kan hmu hleithei bawk silo chu ka thinrim ṭun tawh.


Inspector Ngura ko in,ka nu ruang kan hmuhna bul bawr leh motor tlânna lam tur a ka rin deuh na lam a cctv chu check chiang leh tûr in thu ka pe leh ringawt.Tih theih ava tlêm ṭhîn tak em!Hna ṭha chu ani ngei mai,mahse a chelh tu hian zawh loh châng ka va ngah ṭhîn em.



Ka nu lo lungngai suh,i fapa hian hetiang a titu che hi ka zawng chhuak vek ang.Thlamuang takin awm rawh tiin ka phun mawlh2 a.



Rinsangi pov:



Kan Police suala'n ka koh na a hnawl chu ka thiam loh na a awm tawh love tiin ka in thiam chawp a.



Ka ke ka hmang hleithei silo,ka kut pawh chuti bawk.Zun lam thiar tur a thawh hi ka hreh ngawih2 zêl.



Insum theih chin a pêlh hnu chuan ka nu bul ah bathroom ka kal duh thu sawiin,ka khum bul a wheel chair ah chuan min ṭhut tîr a.



Bathroom ka luh thleng pawh chuan min pui zêlin,ka inthiar chhûng chu pâwn lamah min lo nghak a.



Ka inthiar zo ṭep tih ah chuan bathroom light a rawn thim ringawt.Ka nu au in phone rawn dah lût tûr a ka tih chu a hrelo nge ni,a reh leh hmak tawh a.



Ka inthiar na bul a tap chu rawn in on in,bucket chhûng a tui chu thal chhuak tu awm ang mai hian thawm a awm a.



"Tunge?"ka ti hluai a,min chhang tu an awm mai lo,light chu rawn in on leh in,bathroom kawngka ka hma zâwn tak ah chuan Pi Rampuii alo ding reng mai.



Min en reng a,ṭawng ka tum chiah chu light a rawn thim leh.Ka nu ka au leh ṭhat a,min chhang leh ta lo.



Pi Rampuii chu ka hmai zawn vel ah a rawn thaw leh huam2 tawh.A rim a chhe hrep leh nghal.



"Malsawma leh a ṭhuihhruai ho kha that chimit vek rawh,ka fapa zawng la,a pui thei ang che.Min that tute a zawng mek a,ṭâng dun rawh u"ti a min chah hnu chuan light a rawn eng a,Pi Rampuii chu hmuh tur a awm tawh lo.


Bathroom kawngka rawn in chum ri chuan min ti phu zawk a.Pawn lam aṭang ka nu in,"I zo tawh em? Iva rei ve"
a rawn ti.


Thaw chhuak hawk in,ka zawh tawh thu hrilh in,a rawn lut nghal a.


Khum a min mut tîr leh hnu chuan U Maremi ko turin ka nu chu ka ti ta tawp.


Rei vak lo hnu ah U Maremi chu rawn langin,a rawn nui sâng a.


A ṭhianpa chu min koh sak leh tur a ka tih chuan,a phone phawrhin,min call tîr ta a.



A ring ral ṭhak,ka call nawn leh a,a rawn la ve hram e.



Rinsangi ka nia ka ti chiah a,lehlam ami chuan"ka buai"ti nghutin call a cut leh daih.


Ka van beidawng awm lo ti chungin,ka call nawn leh a.Vin zet hian,"Engnge"a rawn ti leh hluk.Biak avan chak awm loh ṭhîn.



Aw thian kharh in,"I nu chungchangah in biak kan ngai"ka tih chuan rawn thaw hawk in,"A chungchâng engmah i hrelo,i dawt thu sawi ka ngaithla hman lo"tiin call cut leh mai a tum chu,"A thattu ka hria"ka ti ṭhat a.



A ngawih tak vang2 hnu ah,"Ka rawn kal"tiin a dah ta a.U Maremi chu a phone pe in,ka sam kîr thur bam chu ka ṭawn ṭha mawlh2 a.


U Maremi chuan,ngaihṭhat loh hmel tak hian,"Sangte engnge thil awmzia?Nu Rampuii chungchang te i sawiin ka hria".a tih chuan ka nu in,"A Maremi,ka fanu hian eng engemaw a tawng ṭhîn a,a tawng tu nih veloh chuan awih a harsa ṭhîn a.Nakinah a inpeih hunah a hrilh chiang dâwn che ania"tiin min lo chhang khalh a.



"Anih chu,i inpeih hun ka lo nghak reng dawn ania"tiin min chhuah san ve leh ta a.


Darkar chan ve pawh kan nghak tling lovang tih ah,kan Police a pawh a rawn thleng hlawl mai.A beng verh zawng tak ka sawi fuh ania nge a rawn thleng hma em mai.


Ka khum bul a ṭhutna ah chuan rawn ṭhu in,a form ipte aṭang chuan lollipop a rawn la chhuak a,a fawp nghal hmiah.A upat tawh nen,a lawm zawng ala naupang chhia hle mai.



A ipte aṭang chuan pakhat dang a rawn phawrh chhuak leh a,kheh nghal in,"kha ei ve rawh"tiin ka hma zâwnah a rawn lek va a.



Lo la nghal vatin ka fawp ve ta ringawt.Ka nu chuan hun thawl kan duh ring in min chhuah san a.



Kan Police a chu a zam ve deuh nge a ke a per chhen mai.Chik zet in min en reng lehnghal a.


Sawi ṭan dân tûr mai ka hriat loh avâng chuan ka aw ka thian reng ringawt.



Kan ngawih dun vang2 hnu chuan,a ṭawng hmasaah rawn ṭâng in,"Engnge i sawi duh chu?"tiin bul a rawn ṭan a.


Ka lollipop hmuam lai chu dah in,"I nu kha ka bulah a rawn kal a,amah thattu min hrilh a"ka tih chuan,thaw chhuak hawk in,"I hmu tak2 ami?A hmel engtinnge a awm?"a ti ve khâwl mai.



"A kang vek a,a hmel ka hmuchiang thei lo"ka tih leh chuan,engemaw ngaihtuah ni awm tak in min en vang2 a.



A lollipop hmuam lai chu seh keh in a ṭhial ri bap2 a.


Kalo en reng avâng chuan a lai ve deuh nge,ka thu sawi a awih lo pawh ka hre lo,leh lam hawiin a khi leh suk a.


"Ka nu chuan engnge a sawi a?"ti a min zawh leh chuan,"Malsawma leh a ṭhuihhruai te ṭhat turin min ti a,nangmah hi hrilh tûr che in min ti bawk"ka ti leh tawp mai.Han sawi mawi hnai dan vak ka hre miau lo ani.



"Tu Malsawma nge,a sawi chiang em?"a tih leh chuan kalo zawt chiang miah lo tih ka hrechhuak chiah.


"Aih sawi chiang miah lo,Malsawma leh a ṭhuihhruai te a ti ringawt a"ka tih chuan a sam hui zeuh in,"I hmu tak2 anih chuan zawh chian tûr che alawm,tûnah hian kan bulah a awm em?"ati nghal zat a.



Ka lu ka lo thing ringawt.A ngaihtuahna a buai ve deuh ni ngei tûr ani,a thaw leh hawk ṭhin a.


"Zawng rawh,i zawh chian angai,zanin hian thu chiang ka hre duh"thu min pe nge min ngen zawk ka hre leh ta hauh lo.



"Engtinnge ka zawn ang,a duh hunah a rawn lang tawp zel"ka lo tih leh chuan,tih dan ka hria tiin min pawm tho lawk a.Wheel chair ah chuan min ṭhut tîr in,bathroom lam min pan pui a.



Bathroom chhûngah chuan min luh puiin,kawngka chu a chhung lamah a kalh hmak.



Light chu off in,"I hmu ngei anih chuan,tah pawh hian a rawn lang em2 ang"a ti ta mai.Chutiangin thlarau kan ko thei ringawt dâwn ami le,ka pian a hnu lamah vawikhat mah kala ko chhin eih lo.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:21 pm

VOHBIK


Chapter 9:




"Ram huai an ko ngai ami?"ka ti bak hlar a,"Ram huai anilo,ka nu ani"a ti bul hmuk mai.


Light a off tlat bawk sia bathroom a zim si,amah a pa lian bawk nen,kan chêp teh asin.



"Ko tawh rawh le"a rawn ti thum dut a,lo chek hlakin "Engtin?"ti a ka chhan chuan,a dawhtheihna in a tlin tawh lo nge ni light chu a'n ion leh rih a,ka hmai zawn a rawn ṭhu thla in,"Ka nu chu ka hmu ve duh,zawhna zawh tur tam tak ka nei,khawngaihin min koh sak rawh"ngun thluk tak chuan a mit a en rân chungin ka lo ngaithla a.



Engtinnge an koh ṭhîn ang le?Hetiang lam movie te hi lo en ṭhîn ila a ṭha tur.



Tih ngaihna hrelova ka awm reng lai chuan a hnar tuai zeuhin,"light ka off leh anga ko tawh ang che"ati leh hmuk.



Ka lu ka bu ve tawp.Light chu a off leh a,thiam ang tawkin,"Lê lo in lan rawh le"ka ti ta ringawt.A reh vang2 a,thaw hawk in light chu a on leh a.



"I hmu tak2 lo anih kha,i mumangah i hmu zawk aniang,mang nung nei ka tawng fo alawm,chung zing ami chu ini ve ah ka ngai mai ang"tiin bathroom kawngkhar hâwn tumin a ban nghal zat.



A hawng thei miah lo,hawn tumin a bei leh ṭhin.A hâwn theih tak siloh ah chuan min rawn en leh ringawt ṭhîn.Kei lah chuan tihngaihna ka hre der si lo.



Bathroom ah chuan kan tang ani ta ber e."Awm in awm em?"ati leh ringawt ṭhîn a,Thereng vuak thlâk ang hlauh,a reh vawng2.



A form ipte a a phone ah chu la chhuak in,call tur a zawng ni ngei tûr ani,a hmet a hmet a."signal a awm lo"a ti leh nghut.



Hospital chhûngah kan awm sia,engtinnge signal a awm loh theih?Signal zawngin bathroom chung sang ah chuan a phone chu a dah leh rih, awmzia a awm thei silo.



Rei vak lo chutia kan awm hnu chuan light rawn in off thut in,tui in herh haw ri ka hre leh ta a.Kan Police a hian a hria angem chu ka hrelo.


Thil rimchhe tak ka hre leh zat a,chu veleh,"Pi Rampui"tiin kan awmna bul vel chu ka en kual a.


Kan Police a phone light on pawh chu a rawn thim nghal hmak."ka nu,nangmah ini em"a ti ve ta nge2 e.



Pi Rampuii chuan ka nghâwngah a kut nem vak lem lo tak chuan min zut kual a,ka beng bulah rawn kun hniamin,"Hei hi ka fapa chu anih hi"a rawn ti ta mai.



Kan Police a a awm vang nge a hma a ka hlauh ṭhîn nen,tun ṭum chu ka hlau miah lo.



"I fapa hian zawh duh che a nei a"ka ti a.Tui in herh haw ri a tawp hmak.



Kan Police a chuan,"Nu tu in nge that che?"tiin a rawn ṭawng chhuak a.Pi Rampuii chuan ka beng bulah,"Malsawma"a rawn ti.



Aw thian kharhin,"I nu chuan Malsawma a ti"ka tih chuan a thaw halh a,"Tu Malsawma nge?"tiin a zawt leh a.



Ka beng bulah bawk chuan,"I u Malsawma"a rawn tih leh chuan mak ka ti kher mai.Ka sawi hreh tawh hle ani.



"Engnge a sawi?"Kan Police an a rawn tih chuan,"I u"kalo ti tawi tak a.


Thawk a la leh a,"ka u maw?"a rawn tih leh.Ka lu ka bu ringawt."Min chhang ta che"a rawn ti vin ṭhawt,ka van phu chiang tak.A thim bawk nen ka lu ka buk kha a hmu thei lo ani ngei ang.



"Aw"ka ti leh tawp a."Nu, Engtinnge a thah che?"chiang fek fawk chuan a
rawn ti leh a,ka beng bulah bawk chuan,"Mn vo a,ka chhuak lo anih chuan,ka saruak video a tlangzarh tur thu a sawi a,zan lai ah ka chhuak ta tawp anih kha."a rawn tih leh chuan,a thah dan che alawm a zawh che kalo ti vat a.



"Engnge a sawi?"a rawn ti leh tawh.Ava dil chhut tak.Pi Rampuii min hrilh ang chuan ka sawi a,"Chuan"alo ti leh nghut.


Ka Beng bul a Pi Rampuii rawn Kun hniam leh tûr chu,"a za tawh lutuk,tikhan sawi mai rawh"ka lo ti vat.Engnge a za tawh em alawm,in hrilh ruk hi ka ti thei ṭhak lo.



"A duh zâwng ka tih chuan ka video a delete tur thu a sawi a,A duh ang chuan ka awm ta tawp.Min in phelh ruah tîr a,motor chhûngah a ṭhian te a ko lût a,ka duh lo chung min sual rawn"lungchhe aw tak chuan a ti a.Ka sa ve phat,engtinnge hetiang mihring hi Mizoram ah hian an awm theih zawk.



A bo a bang awm lovin kan Police a chu ka hrilh leh a,"A thinrim ngang aniang bathroom bang a pet chawrh mai.



Pi Rampuii bawk chu rawn ṭawng leh in,"min sual zawh hnu ah ka hmuh laiin ka saruak thlalak chu a delete a.Motor aṭanga tlan chhuah ka tum chu min man bet in ka nghawng ah min rek a,ka tal na lamah a side glass pawh ka ti chhia.Ka tal nasat êm avâng chuan kan thawm an hriat an hlau aniang,a ṭhian te chuan rawn puiin,ka ka min hup sak a,ram hnuai lamah min phur chhuak a.Chutah chuan min hal"aw khur zawih2 chung chuan ati a.



A sawi ang chiah chuan ka sawi chhawng veleh a,"ka chhuah dawn lo che u"kan Police a chuan a ti hrâwk.



Pi Rampuii chu a kal ta aniang,a rim a reh riai2 a,light a rawn eng ta.Light a awm takah chuan kan Police a ka en chu alo meng sen vek tawh,ka dem hauh lo,keipawh ni ila a awm ang hian ka awm ve tho ka ring.



Bathroom kawngka chu a hawng rawk a,hnung lam rawn hawi tawh lovin a kal liam chu ka thlîr vawng2.



Muang chang chuan ka kut dam lam chuan ka in khalh phei ve a,ka khum bul ka thlen chuan ka nu alo awm reng tawh.



Duhawma pov:



Kan Malsawma mai2 chu'h avan chak dâwn lo rua em,ka nu alo khawih amaw?Chhungkaw pawi a khawih tlat,ka ngaidam ngai lovang.



Ka phone phawrh chhuak in,U Mala chu ka call nghal a."Engnge nita Mama?"mut chhuak aw tak chuan a rawn ti a.




In beng dai deuh in,"Lo la mu suh aw,ka pa chungchangah in be lawk ang"tiin call ka cut a.Phone aṭanga ka tih nghal pung2 chuan a tlân chhiat hman ka hlau ani.



Hmanhmawh takin ka u te in lam pan chuan ka tlân a.An in ka thlen chuan sitting room ah alo ṭhu reng tawh a.Eng sawi lovin ka insum zo tawh lo chuan ka hnek nghal buan2 a,Kan thâwmah A nupui leh Hmingsanga te an rawn chhuak nghal vat.




Hmingsanga a chuan min ṭhelh tum eng ang mahse min hneh lo chhia va lutuk.ka u nghâwngah chuan rek in,"Mihring pawh ini lo,ramsa inih hi"tiin thah mai tumin ka rek na zual sawt a.



A theihtawp chuan min dan a tum ve,mahse ka thinrimna hi a so sang êm ani.



A nupui U Tlani chuan ṭap chung hian,"Mama khawngaihin thlah rawh,i u anih kha"alo ti lawm2 a.Hmingsanga pawh chuan ka kut chu min thlah tîr tumin a bei ve nasa mai.



In ngaihtuah chhuak zawk in ka kut chu ka thlah dul a.a awm ah ṭhâm in,"ka nu i khawih man hi i hmu ang,i ṭhian te nên ka man vek dawn che u"ka ti ta thlawt.



A rawn khuh barh2 a,"Mama min ngaidam rawh,ka tum reng vang ani lo"a tih pawh chuan ka thinrimna a beng dai zo lo chiang viau.



Ṭhutthlengah chuan ka ṭhut tîr a,a nupui chuan tui a rawn pe nghal zat.



Hmingsanga chuan,"Pate engnge thil awmzia?"tiin min zawt a, chhang ta mai lo chuan ka u chu ka en leh rên rawn a.



"Ka nu damdawi ei kha nangma thlâk tîr hi tiraw?"ka tih chuan lu a bu nghut."Engvanga a saruak thlalak kawl nge inih?"tiin ka zâwt leh a,A nupui chu lo ṭawng vat in,"Mama iti mah2 deuh ani,tu saruak thlalak mah a kawl lo"alo tih chuan,vin zet hian ngawi turin ka ti a.



"Min chhang rawh"ti chungin ka u kawr awm chu ka ṭhâm leh."Ka duh ani,ka nu kha ka ngaizawng ṭhîn,ka pa nên an inneih hma khan"a tih chuan mak ti zet in ka en a.


"Chuan i pawngsual phah ta amaw?"ka ti chang fak."Min duh theih loh vanga ka thinrimin ka ti ta mai anih kha"a tih leh chuan,zawnga ti chungin ka hnek leh chawrh.



"Ka pa pawhin a hria,min duh pui loh thu a sawi.Mahse nupui ah a nei leh anih kha"atih leh phei chuan ka sa ṭha tawh viau.



Ka pa nên an inneih hnu khan vawi tam mut dun pui tûrin ka sâwm a min hnar zel bawk nen,a tawp ah ka pa bulah a saruak thlalak ka kawl kha ka hmuh tir a.Ka pa khan a ringhlel ṭan a,an in ṭhen theih nân,ka pa hmuh tûra ka kuah chang a tam.An boruak a chhe chho zel a,ka nu'n in ṭhen a duh tlat siloh avangin,ka pa khan chhûl chiang lo anga chhuah in inah a khung tawp anih kha."



A tih chuan ka rin loh lam daih thil ka hria chu mak ka tiin ka pa thlengin ka haw nghal hluah2.Engtinnge in khat a cheng ho reng chung khân engmah ka hriat ve loh,ka nu khan min hrilh se chuan tun hun hi a thleng lo tur.




Inspector Ngura call nghal in,ka u chu la tûrin ka ti ta a,ka u ṭhian te ka nu thihnaa Inhnamhnawih zawng2 te pawh man vek turin thu ka chhuah.



Hreh tak chungin in lam ka pan leh a.Ka pa te room ah lut in,ka pa,rilru na tih hriat tak a ka nu thlalak lo en tlawk2 chu pan hnaiin."ka pa,ila mu nange?"thinrim in sum tak chuan ka ti a.



Min chhang lovin a en ngai a en tlawk2 a.Hreh viau mahila ka tih a ṭûl tlat si ani.Ka pa chu hruai chhuak luiin station lam ka pan pui ta a.



Ka u leh a ṭhian te pawh an lo awm tawh.Ka u in ka pa a hmuh chuan,"Hmela,nangmah vang anih hi"tiin khawih tumin a rawn pan a.



Lo dang vat in,ka pa chu ka office lamah ka hruai hrang a.Ṭhutthleng ah ṭhut tîr in,"Pa he thil hi tih ka duh miah lo asin,mahse ka nu kha thlamuang taka a chawlh ka duh si ani"ti chungin a bulah ka ṭhu thla a.


A thiltih vanga hrehawm ti nge ka nu a sûn ni ang engmah sawi lovin ngawi rengin a en ngai a en leh tlawk2 tawh.


Ka u te buaipui tur a ka chhuak tur chu,"Mama i nu kha ka hmangaih,ka duh lutuk"tiin ka pa a ṭawng ve ta.



Ka pa lamah chuan kal hnaiin,"ka hria alawm,Pa hahdam rawh,a thihnaah i inhnamhnawih ve hleinem,kan man che pawhin i tang rei lovang"tiin ka hnêm a.



Engmah sawi lovin ngawi rengin a en ngai a en leh tawh.A in thiam lo ve hle ani ngei ang.



Ka u te buaipui tur chuan office ka chhuah san a,ka u chu thu chiang zawt leh tûrin ka hruai hrang leh ta a.



Room hran a kan lut chiah chu rawn nui hawkin,"nang hian engmah i hrelo tiraw?"a tih chuan ngawi rengin ka en a.



"Ka pa khan ngaihzawng a nei tih i hria em"elh sen tak a nui chung hian a ti a.Ka hriat miah loh thil ka inchhung ngei a thleng avâng hian kei ngei pawh hi ka in dem ngawih2.




Chair ah chuan ṭhut tîr in,a hmaah chuan ka ṭhu ve nghal a."Ka pa'n ngaihzawng a nei amaw?"awih lo fê chuan ka ti a.



Za tak a nui chung hian,"Nei e,ka nu kha ṭhen a duh nachhan pakhat alawm,mahse ka nu khan in ṭhen a duh silova"a tih chuan ka thinrimna a chawk tho leh ta zar mai.




"Engnge sawi i tum?"ka ti chang fak a,Kha kan nu tenawm zet kha,that tur a thu min pe tu chu ka pa,ka'n pa ngei hi alawm"a ti leh chiah chu insum zo lovin a bek ah ka hnek leh a.



Ala nui fo mawle,he ka unaupa hi mihring chu alo ni lo tawp anih hi.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:21 pm

VOHBIK


Chapter 10:




"Ila hrethiam chuang nange?Ka'n pa hi a bul ṭan tu ani tih i hai der zawk em ni?" Ala rawn ti ngam.



Dim lek lovin ka hnek leh a,"Mi mawl pa,ka'n pa bum in i awm tih in hre rawh"vin zet hian a rawn ti leh.



Thinrim takin ka chhuahsan a,chhunzawm tûrin Ngura ka tîr.


Ka office a ka pa ngawi reng a lo ṭhu lam chu pan in,a hma ah chuan ka ding a.



"Pa,ani lo tiraw?"ka ti chhuak thei hram.Ka lam a rawn hawi chho in,"Mama i u sawi kha thudik vek ani"a rawn ti ta mai.



"Ka pa mipa ini lo em ni,engtinnge hmeichhe awm nem zawk chungah khatiang thil kha i tih theih,inchhirna i nei miah lo em ni?"ka ti leh hrâwk.




Kan chhungkaw buaina avanga station chauh pawh nilo, headquarters lam thleng a kan tibuai chu ka inthlahrung takzet.




Ni e,thil ti sualtu te chu ka thisen zawm pui te ngei pawh ni se,hum kher ka tum lo.Sual chu sual ani a,pawi khawih tu chuan a sual man a tel ngei tur ani.



Lung dam zân lo mahse,ka nu thihna a inhnamhnawih zawng2 chu an phu tawk hremna hmu tûrin ka hnungchhawn ta.



Hreh tak chungin in ka thleng a,ka nau te pahnih chuan chanchin ngaichângin min lo nghâk a.Thil awmzia ka hrilh hriat hnu chuan,Nautei'n a tuar thiam lo hle.Duhzuala erawh chu mipa ania,a pawm thiam turah ka ngai.Tunah chuan ka nau te pahnih enkawl tu ka nih mai angai tawh dâwn ani.



Duhzuala hi College kal ṭan ve chauh ala ni a,Nautei pawh higher a kal ve mek bawk.Ka nu tak in min boral san khan kum 8 ka ni ve tawh a,ka u Mala nen kan inkârah hian ka nu khan nau pahnih a chhiat hman avangin kan chhang a khat hret ani.



Lalrinsangi kha lo ring lovin,a thusawi lo ngaithla duh lo ta ila,tun anga awlsam hian thil tisual tu kan man hma thei kher pawhin ka ring lo.A vawikhat na atân a thusawi kalo ngaithlaa thudik anih leh nih loh ka fiah kha ka inchhir lo ve ta.



Engtiklaiin nge kei khawvel a zawng a mi rin harsat em2 hian,khanu thilmak sawi kha kalo rin mai theih zawk ka in hrethiam ta hauh lo mai.



Engpawh chu ni se,a zarah misual kan man phah a,a lawmawm e.



Lawmthu sawi ka ngai ve chuan ka in hria,engmah sawi lovin ka kalsan ta daih kha ania.A hrilh hai ve viau ta ve ang.



Inspector Ngura hnên aṭangin call ka dawng a,kan case kal lai zing ami ruihhlo man chungchang rawn sawiin .Kan rinhlelh zing ami an man thu a rawn sawi a.



Rei lo tê tal chhin ve ka tum kha ania,hna lam ṭûlna avangin chhing hman leh ta lo chuan station ka pan leh ta a.




Tunlai chu buai a zual deuh ani.In lam pawh ka uap lum hman meuh lo ani e.



Station ka thleng a,an mi man chu a inhnamhnawih ve ngei ani tih a inpuanna aṭang chuan kan hre thei a.



A sawi dan aṭang chuan,a chung a awm te chu Zokhawthar lam Police station kutah dah mai chi anih hmel.Mahse Aizawl chhung a dealers dang awm ho chu keimahni'n kan buaipui thung ang.



Khua a var leh ta der mai,mut ni hmel ka hmuh loh na a rei ve ta deuh nge,ka lu hai a zual deuh a.Ka office a ṭhutthleng seiah chuan darkar hnih khat lek mut tumin ka zâl a.


Rei pawh ka mut hma chuan,kan detective chhuanvawr Zarzoliana a rawn leng lût a.Thingpui te in in,ruihhlo tawlh rûk na a inhnamhnawih te chungchang sawiin kan ti ti.



Detective Zara hi mi fing leh veng va tak ani a,Dubai aṭanga zir chhuak niin,detective chauh lo pawh hi hna zahawm tak2 chelh a nei nual ani.



Ka fak viau na a chu,hman zân a a nula chhai kual a tum ve dan kha chu hmai a uang duh lo ngei mai.Café kâng lai hmu tu ah alo ṭâng ve kher2 bawk nen,kha nula kha a vanduai phah ta ni hmiang,kan detective hian a hmel duh ve tlat si a,a hmu chak khan min hmang ṭangkai ta anih ber kha.



Min chhuah san hnu chuan,Zemabawk lamah drugs dealers te man tumin ka nau Inspector Marema nen kan in zui chhuak leh ta a.Kan nau Inspector Rina'n kan plan angin,dawr tûr anga insawiin a bum chhuak thei hram a, vawiin pawh kan hlawhtling leh ngei dawn anih hmel.



Inhmuhna tur a an tih Pizza Hut ah chuan kan in zui lut a.Pizza Hut nei tu te nen in be felin,Kei leh Marema chu thawk ve anga langin kan form kan thlâk bawk a.Ka pian a hnu lam a waiter dress ka vawikhat hak na ani awm e.



Inspector Rina pawh form ha lovin mi pangngai angin a in thuam ve bawk a.Kan mi nghah chu darkar khat pelh hnu ah a rawn lut hlawl mai.Coat suit leh smart shoe nen,sun-glass a rawn vuah a,leather bag a rawn khai bawk.


A che zia leh a hawi her aṭang chuan a vawikhatna anilo tih a hriat.Ice coffee an order a,Marema ka pêk tir.


Rei vak lo kan mi nghah pa chuan a phone phawrh in mi biak a nei a.A biak aṭanga 5 minutes hnuah chuan two wheeler taxi driver pakhat rawn lut in present box mawi tak a tuam a rawn keng lût a.



Rina hmaah chuan a chhawp a,muang changin Rina chuan a hawng a.A en chiang a a lu bu zeuh a.Chu veleh Marema nen phei nghalin kan man ta a.



Mak tak maiin kan mi man pa hian hre lawk ni awm takin hlauhthawnna mitmeng a pu tlat lo.A hmaa ka lo rin lawk ang deuh kha ani ang tih chu ka hlau hle mai.



Station kan thleng a,Marema te kutah dah in,keichu hospital lam ka pan a.Lalrinsangi kha alo chhuah hman chuan lawmthu sawina hun ka neih ka rin loh vang a kal ka ni.



Rinsangi pov:



Ka kut leh ke tliak ah chuan thir min phûm sak a,hna ka zawm theih har hmel mange.Ṭingṭangi lah chuan min fiam chhen a,a ṭhiannu hi min khawngaih velo emaw tih mai tur ani.



In kanna hun a in ṭan aṭangin,Fakzuheha a rawn lang a,balhla a ka khat ṭun in a rawn hmuam lût pah leh nghal a.Ka khum bul ami te chuan an en duh khawp mai.Zu ṭhing rim a rawn nam zui a,a zahthlâk ṭhîn teh e.



Ṭingṭangi chuan ka kut leh ke a thir an phûm thu alo hrilh vat a,"Siali ni tawh lovin terminator i ni tawh anih chu"tiin an balhla hmuam ṭum chung chuan a nui hui a,"Zawng mawng i ang lutuk"kalo tih khum.A balhla ei hak ṭhawt khawpin a nui zui a.



Hmingsanga rawn lang velo chu ka hrilh hai ve deuh a,Fakzuheha chu ka zawt ta ringawt.


"A hman lo"a ti ringawt a,Ṭingṭangi nen kan in en nghal.Thil thleng a awm anih a ring ve tho aniang,kalo zawt chiang ang,a rawn ti ru sur2 a.


Balhla a ei zo a,a grape rawn ken chu a hmawm leh nghal."Ka ta tur ani nange?"ka ti hluk a,"Ka ei ban dawn che alawm"ati duh lek chauh.



A rawn ṭâm lutuk chu Ṭingṭangi ngaih a ṭha lo aniang,"Nizân i haw lo ami?"a ti ta thlawt.Bu nghutin,"Hmingsanga ka awmpui"a ti sup a.A sawi duh loh a sawi chhuak palh nge ni a rawn meng phawk hrâ a,hnuai lamah kunin grape bawr chu a la a, a ei leh nghal mawlh2.


"Hmingsanga'n buaina a tawk tih na mi?"Ṭingṭangi chuan a zawt leh ta.Lu a bu leh nghut."Sawi chiang teh"kalo ti thuai a.



Ka nu chuan "in ṭhian ho awmkhawm hi chu in ninawm,in bengchheng thei si"tiin pawn lamah min chhuah san a.


"Sawi rawh le"Ṭingṭangi nen kan ti rual ṭhawt.A grape ei lai chu dim te in a dah ṭha a,"ka sawi hma in tui ka'n in phawt ange,pi te u"tiin tui a in leh rih.A kut te chu a khur tlatin ka hria,hepa hi zu a chak leh tawh animaw.



A hmui a tuai puat a,"Ka sawi tlang nghal mai anga"tiin a aw a thian leh te2 a.Ṭingṭangi nen chuan kan dawhthei lo ṭan hle.



"Hmingsanga pa an man a"zawi deuh tak hian ati a.Ṭingṭangi nen min ṭhawng takzat.A sawi chhunzawm leh a,"A pi kha Hmingsanga pa thah hi ania,Hmingsanga pu pawh a tel ve"a ti leh chiah chu kan au ṭhawt.



Ward chhûng ami te chu an rawn hawi ṭhap mai.Kan lo nuih lui ringawt.Ṭingṭangi chuan,"An hresual anilo maw,Hmingsanga pa te chu a fel an tih kha"a ti nghal vat a.



"Mihring hi fel famkim kan lo awm lo,Tangkeui no te pakhat pawh motor in a chil hlum alawm"a lo ti zung2 a.A ui a sawi kai leh daih,ava hahthlâk ṭhîn.



Kan lo ti ti lai chuan kan Police suala oh Doma ani tak e,a rawn lang ve hlawl mai.Ka bula ṭhu Fakzuheha chu a melh rum nghal ringawt.



"Engnge ilo tih leh dawn?"kalo ti thuai a.Fakzuheha bul a rawn ṭhu in,"kalo kan dawn che"a ti hmuk mai.Ṭingṭangi chuan lo chhang in,"Iva fel ve,i buai dawn nen"alo ti a.A biang sum lang tawk lêkin a nui suk ringawt.



Ṭingtangi'n min rawn kheuh zeuh a,Fakzuheha te ṭhutna lam chu a melh zak2 a.Doma leh Fakzuheha chu lawi in si tur ang maiin an lo in melh sala viau tawh.



Fakzuheha phone rawn ri pawh chu an hrelo nge ni,khaw dang rêng an hawi sawn thei lo.Chek hlakin ,"Ava naupang chhiat thlâk ve leh"ka ti sup a.


"Faksual,i phone kha chhang ta che"Ṭingṭangi pawh a vin leh khawp mai.


A phone chu chhangin,"Aw kalo kal nghal"tiin a tho zui a.A in beng fai sawk2 a,"kan in eye to eye leh ang"Doma bulah chuan a ti leh a,min rawn melh leh a,nui sukin,"No khat in a that vek"a ti chang fak a,a chhuak zui.


Thawk khat a veng huai thei nia mawle,vawiin chu a mood a fuh lutuk lo anih dawn kha.


Ṭingṭangi pawh duty lai anih vangin min kal san ve leh a.Ka nu alo la let bawk silo.Hepa nen chauh a awm chu ka duh lo asin le.Min seh mai duh hmel a pu reng leh nghal a,tu nel chi mah va ni suh.


Ngawi rengin a kekawr Ipte a zen ruk2 a, lollipop bawk a rawn phawrh chhuak leh tawh.A kheh ruk2 a,ka hmaah rawn dah in,"tun ṭum chu a tui chi"a ti sup a.A mi melh dan chu,i lâk loh chuan ka seh ang che tih melh in min melh leh nghal a,lak loh ngam chi pawh ani lo.


A sawi ang tak2 in alo tui reuh phian a,ka ṭhial ke a,a lai mu ah chewing gum alo awm."Ka sawi rêng kha"a ti leh sup a,inti thei hmel a pu tel tlat a hriatna ka'n neih chu.


Sawi tur kan hrelo lutuk,ka ning deuh chuan,"I nu case chu i ching fel tawh em?"tiin ka zawt ta ringawt.A thinrim em lovang chu maw.



"Aw i zârah kan ching fel thei a,ka lawm lutuk ania"a ti ve khauh mai.A vawikhat nân lawmthu a sawi ve nia.Lawmthu sawi thiam hmel pawh a put loh vei nen.



Kâ ho in ka en reng a."Lawm thu sawi nân,dinner ei chhuah puiah sâwm che ka duh a"lai hmel pu deuh chung chuan a ti a.



"Tichung hian maw"ka ti hul hak.Hrechhuak leh ni awm takin,"A,ni tak,i chhuah hunah kan ti mai dâwn ania"ati leh sup a.Kalo nui ringawt.



A sana bun a en leh ṭhîn a,a hmanhmawh deuh anih ring in,"Ka chhuah theih hunah kalo hrilh dawn che ania"tiin ṭawngkam mawi a ka hriat dan chuan ka ti ve ta tawp.



"I no.ka nei silova,engtinnge min hrilh ang?"a kut hum ruh chung chuan a ti a,a ke a per chhen bawk.A zâm ve hle anih dawn hi.



Ka khi sak a,"ka no.kalo pe ang che"tiin ka kut ka phar chhuak a.A hrethiam lo nge ni,ka kut a rawn vuan chut mai.



Kalo meng phawk hrâ a,phawk deuhin min en ve ringawt.Ka mit ko san zak in,"I phone zawk"ka tih chuan,hrechhuak thut ni awm takin a phone min pe nghal a.


Ka no.ka type lai te chuan a hnar a tuai leh zauh ṭhîn.A phone ka pêk leh hnu thleng pawhin ala zak nge ni,a chalah thlan a bâwl ṭiam2 reng mai.


A sana a bih leh fo takah chuan,"in kan hun a zo tawh dâwn a"ka ti tawp."E ni tak e,ka phone,ni leh lo,kalo be dâwn che ania"a ti bah nak a,ka insum zo tawh lo ka nui chhuak hawk.



A khi ve suk ringawt a,a kekawr Ipte chu dap leh in, lollipop pakhat phawrh chhuakin min pe leh a."Ka kal tawh mai ang"ti chungin a kal vut a.Kawngka awm lohna lamah ala kal zui.A hrechhuak leh thut aniang rawn in her lehin,"ka kal aw"a kut vai chung a tiin a tlân chhuak.



A in lak pa ve tehlul nen,alo che cute thiam tho anih dawn kha.Mihring mizia hi zir chiang ila,ṭhenkhat hi chu a lang a sual hmel deuh,mahse chhungril a fel leh tlat te hi an awm a.Nun hi zirchian tham fê alo awm anih dawn hi.



Ka kut leh ke,thir a an chêr hnu hian ka che a zangkhai ve deuh a,zûn lam thiar pawh ka awlsam phah ve deuh.Ka nu a la rawn let silova,keimahin bathroom ka pan mai angaih hmel.Nurse koh em chu ka inthalhrung ve deuh sia.



Engtin tin emaw bathroom ka thleng ve hrâm a,kawngka kalh in ka ṭhu fel chiah tihah ka beng bulah,"dawihzep nu" ti a nui kar2 ka hre leh ta.A aw chu ka hai lo,Nu Marini aw ngei ani.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:21 pm

VOHBIK


Chapter 11:



Nang, ram huai tenawm ka nun aṭang hian in thiar fihlim rawh ti chungin bathroom chhuah san tum in ka tho chhuak a.



Ti khawp a naa min siam tu hi ramhuai bak ani lovang,Nu Marini pawh ani tawp lo bawk ang.



Chhuat alo nal bawk si,kawngka zâwn takah chuan mawng sawh dawt in ka tawlh thlu a.Harsa takin ka in beng kâng a,ka hma zâwnah Nu Marini alo ṭhu reng tawh.



Hlauhna ka nei tawh lo,thinrimna leh natna in min tlâkbuak a.Hlau tak chunga ka hmachhawn leh anih chuan kei hi Lalrinsangi ka ni tawh lovang.


Hmai chhan ah kan in en reng a,tui tla tih hriat takin a hmui te chu a duk vek a,a mit hnuai zawng2 nen.A vun a dang bal a,a taksa lang thei lai chu a duk thluah2 bawk.



Ka hmaah tak chuan min en reng chungin chhuak em2 in a rawn ṭap leh ta mai."Dawih zêp nu,i ṭah khan eng kawng ro mah a su lo"ka ti fiak ṭhat a.



A bang nghal hmak a.Rum em2 in min melh leh.Min hneh dâwn in a in hre tawh lo aniang,a tlawm zâwkah ṭâng in,khawngaih min dil leh ta a.



"Sangte khawngaih takin ka pasal sual na hi min hai lan sak hram rawh,ka fa te tan a ka tih theih awmchhun ani tawh"a tih chuan ka khawngaih ve deuh a.


"Ka dam anga ka chhuah theih hunah ka pui dâwn che ania"ka tih chuan a lungawi ve ta nge,nui var2 chungin min kal san a.


Bathroom aṭang ka chhuak fel chiah a,ka nu a rawn lang hlawl."Ka zawng nasa lutuk che"ti chungin min kuah ringawt a.Ka lo hamhaih hman hle thung.


Ka khum lamah min kuah phei a,ka ke kawr huh te chu min thlâk pui a.Chhuah ka duh thu ka sawi chuan a rem ti lo nasa mai.


Tiang hawlin ka kal ve thei sawlh2 tawh a,in lam a in enkawl ka thlan zawk miau avangin naktuka chhuak tûrin Doctor pawh kan bia a.Ka duh thlanna a nih miau avâng chuan an lo rem ti ve mai bawk.Ṭingṭangi leh ka nu ngaihdan erawh ani chiah lo thung.



Ka nu bulah chuan ka chhuah veleh Pastor min pan pui tûrin ka sâwm a.Chu erawh a lawm zawng tak alo ni aniang,î hê lovin alo aw ve vat mai.


Naktuk ka chhuah ni anih dawn vang nge ka zan mu pawh ka helhhawlh aniang.Ka nu,tui tak a a mut pawh chuan keichu mut chhuak lam ai chuan ka harh telh2 emaw tih mai turin ka awm a.


Dar 1 a pelh hnu chuan msg a rawn lut hlawl.No.hriat ngai loh aṭang niin,"Doma,ka no.lo save rawh aw"tih hi alo ni a.Ka khi sak a,"ka save e"tiin ka chhang ve mai.


"Iva meng rei ve"tiin a rawn thawn leh a."Nia"tih zawngin kalo chhang.


"I chhuah theih hunah min lo hrilh la,kalo lam ang che"a rawn ti leh a.Mak ka ti ve deuh,a hmaa a nel awm loh nen,tûnah chuan khang zawng2 kha a bo vek tawh.Mipa nelawm leh biak nuam takah a in let daih.



Naktuka ka chhuah thei thu ka hrilh chuan a rawn phur khawp mai.Min rawn lam hman tur thu sawiin kan in mangṭha a.


Mut ka tum ve ṭan a,phone dah ka tum lai takin,Fakzuheha call a rawn lut.Tun ang zan rei tawhah lehnghal,a rui leh ani lo maw.



La duh lovin dah mai ka tum a,mahse a rik ngun tak em avâng chuan ka la ta hram a.



"Kha Police inla hmelṭha smart kha i chhawrthla ami?"a rawn ti thâwr."Mu rawh i rui anih kha"tiin ka lo chhang ringawt.


"Siali, Lalrinsang,naupan têt aṭanga i ṭhian duh tak Fakzuala ka nih hi.Engmah min hrilh dawn lo maw" a rawn ti leh chher2 mai.A rui chiang anih hi.



"Nilo,i lawm tawh em?"ka ti ta ringawt a."Hmingsang kan lawm dâwn em?"ala ti.An awm dun leh animaw.A reh vang2 a,"Kan la lawm chiah lo,Kan ṭhiannu hian
a tar hma ngei hian keini ringawt lo hi kawppui nei ve se kan ti"rawn ti tu chu Hmingsanga ani.A ruih ngai awm ka hre silova,engnge thleng ta hi.


"Hmingsang,ngatinge i ruih ve rikngawt,i inhmeh lo lutuk"ka ti chang fak a."Sorry"tih chauh in min chhang.


"Kalo call nachhan che chu i first love nimahila,pasal i neih loh ka hlau a.Kawppui tur i hmuh zawh loh chuan a free in ka in volunteer thei"Fakzuheha sawi ngei ani.A zak lo ania,ka first love ani tawp silo.




"Ka first love i nilo,i in dah sang mah2"tiin kalo chhang ve zel a."Oh ani leh lo,ka first love ini"a rawn ti leh a,Hmingsanga'n "keipawh"a rawn ti veleh.Chek hlakin,"In nawi duh lutuk,mu ru"tiin phone ka dah san tawp.




Khaw vâr dâwnah ka mu ve thei chauh a.
Ka harh chuan ka nu'n ka bungrua alo pack fel mawlh2 tawh.



In ni ve ṭhin tho em,hospital aṭanga chhuah dawn hian in dam nghal vek in in2 hre ve ṭhin em?Keipawh tukin chu ka tho dam phian a,hetiang renga ka tho dam dâwn anih chuan ka na te pawh an dam fel vat turah ka ngai.


Zing chaw kan ei laiin,Doma call ka dawng a.Chaw eikhamah tih tur awm ang2 te tih fel zawh hnua kan chhuah mai tawh tur thu ka hrilh nghal zung2 bawk.



"Ka lokal nghal dawn ania"tiin call kan ti tawp a."Be ṭha ang che"ka nu'n a lo ti vat a,ka nui ringawt.Anu case a ka puih vanga a lawmthu sawina kalo pawm sak ve animaia,chu bak engmah kan in kârah a awm lo.



Ngaihzawng nei ngai lo ka ni bik lova.Mahse ka neih lohna a rei ve ta deuh.Higher leh college ka kal lai khan ka nei ve zut ṭhîn a,mahse kan in mil thei lo ṭhîn kha ania.A ṭhen chu ka thil tawn ṭhîn vang hian min hlauh phah ta daih te pawh an awm nawk.



Ka nihna zawng2 nena min pawm thei tu ka hmu ve te anih ngai chuan,chu mi ngei chu ka nei anga,ka chhuah hauh lovang.



Chaw kan ei kham a,ka hmai te phihin ka in tuai fai ve deuh a.Ka khum lam ka pan leh chuan Doma pawh alo thleng der tawh.

Ṭingṭangi pawh alo awm reng tawha,min lo nuih var2 mai.Doma chu a melh leh zauh a,ka lam rawn hawi lehin min a mit a siai suk,eng a hria chu nimaw!



Doma chuan min hmuh veleh a ṭhutna aṭang a tho zawk a,sipai ang maia khawngin a ding a,min en reng bawk.Ka nu chuan min mit mei zeuh a,Doma en pah chuan,"kan va insil rei deuh ve tiraw"nui sangin a ti a.Ka insil rei pawh kalo hre silova,ka in uluk an tihna ani thei mai angem le.


Ka towel hman chu thlep felin ka thawmhnaw bawmah chuan ka khung ṭha nghal a.


Doma lam ka hawi chu,a din ngaiin khawng takin alo la ding reng.Ka nu nen in en in kan nui chhuak hawk a."Vala,sipai kan nilo ania"ka nu'n a tih takah chuan a in thlahdul ve ta deuh a.


Kan bungrua chu min khai chhuah sak a.Ka nu nen zui ve in,a seat hnungah chuan kan ṭhu dun a.A motor chhûng pawh a fai viau e,mi in cheng vawng ve tak anih dawn hi.

Ṭingṭangi chuan duty lai anih thu leh,a ban huna alo kal tûr thu sawiin min luh san a.



Doma pawh driver seat ah a rawn ṭhu lût a.Steering a vuan a,kan tlân chhuak tawh dâwn emaw ka tih laiin,a kekawr Ipte a zen leh ruk2 tawh.Lollipop tui chi bawk a rawn la chhuak leh a,kan pathum daih tur a la chhuak a.Ka nu nena kan ei tur pawh a kawr thleh sa thlapin min pe leh.Ka nu pawhin a zia chu mak ati viau ni tur ani.A en duh ngei mai.


Lollipop hmuam chung chuan a tlân chhuak a."Khawi lamah nge?"a rawn ti zauh a,ka nu chuan kan awmna alo hrilh nghal vat.



Kawng tluanin ka nu ṭawng kan ngai thlaa,Doma pawh hrehawm ati lo aniang,a khi ve suk2 mai.



Kan veng kawn kan thleng a,chawhmeh tlem a zawng kan lei kawi a.Kan tlân chhuak leh tûr chiah chu kan hma zâwnah hmeichhe pakhat mangang taka rawn tlân ka hmu a."Ding rawh"ka ti ṭhat a Doma leh ka nu chuan mak ti takin min en nghal hû bawk.



Ka hmeichhe hmuh chu motor hmaah tak ding in,mittui tla chungin min en char2.A hmui a thi kai nuai chu a hru zeuh a,"min ṭanpui rawh"chiang taka a tih hnu ah a ral riai2.



"Bawihte"ka nu aw ka hriat chuan,kan hma zâwn chu kâwk in,"hmeichhe rawn tlân kha in hmu lo ami?"ka ti ringawt a,motor hma lam an en a engmah an hmu lo aniang an in en leh ringawt ṭhîn.Ni e,an hmu lovang,ka hmuh lai ngeiin a ral anih kha.



Kan hnunga motor in horn a rawn pek takah chuan,Doma chuan "kan tlan thei em?"rawn tiin,lu kalo bûk khum a.Kan in lam pan chuan kan tlan chhuak leh ta a.


Duhawma pov:


Hnaih ka tum mek Lalrinsangi hi hnaih ngam chi ani chiah angem?rei lo tê ka zui pawhin thil mak kan ṭawng nghal ringawta.



A lan dan ah chuan tuna a na te pawh hi,heng thil mak tam tak a tawh vanga thlêngah ka ngai deuh.



Mihring hi vanduai tur hrim2 a piang hi kan awm angem le?Ṭhenkhat hi chu kan seilenna in a zir loh vang te pawh ani anga,ṭhenkhat erawh mahni tuh rah seng in,vanduaina kan tawng baw mai ṭhin niin ka hria.



Lalrinsangi hi chu a pian ken ve reng anih hmel a.Heng thil a tawnna hi a rei tawh angem le?Keimahah hian danglam rukna a nei tlat in ka hre ṭhîn a.Heng a thil tawn te vang hi nge ni anga thildang vang zawk tih erawh zawn chhuah ka duh tak zet.



Han hnaih takah chuan mi pangngai tak a ni leh lawi si a.Hmeichhe chak tak anga lang si hi,ngaihsak ngawih2 ngai ani tih ka hmu thiam chho ve a.Ka bulah hian a thla a muang angem?Nge buaina thlen tu ka ni zawk dâwn tih erawh ka hre hauh lo.Mahse ka theih chhung chu amah hlat loh a awm hram ka duh.


An in kan thleng a,an nufa chauha awm siin an inchhung chu mipa awm lohna tih a hriat hauh lo.



Ka phone a ri sek a,nimina kan mi man drugs dealers zing ami kha chhui chian deuh angai dâwn anih hmel.


Engemaw tawng tûra in hriat tlatna ka neih hian min tibuaiin vawiin pawh ka duh angin hun ka hmang thei leh dawn lo anih hi.



Rinsangi nu chuan thingpui te min siam sak a.Chaw ei tura min sawmna erawh lo hnar in,ka phone lo ri ve sek bawk nen,hna lamah let leh a hun tawha ka hriat avangin ka chhuah san a.



Station lam pan a ka tlân mek lai chuan ka phone bawk chu a rawn ri leh a.No.hriat ngai loh hnên aṭang ani lehnghal.


Phone chu ka la a,lehlam ami chuan,"min la hrechiang lo niin a lang,ka hnuaia thawk ka nau te i man kha i chhuah nghal lo anih chuan I chungah hian engnge ka tih theih ilo en dâwn ania"a rawn tih chuan ka Motor khalh lai chu ka ti ding a.



Chhang let ve in,"ka hna chu thil tisual tu te man a,dân anga diktaka chet ani.Nangni tih buai theih ka ni lo.Engnge i tih theiha,keiin engnge ka tih theih chu kan en dâwn ania"tiin phone ka dah a.



Station ka thleng a,ka pa te trial neih alo hun reng a.Court lam panin ka in khalh chhuak leh nghal.


Ka u Mala leh a ṭhian te chu,pawngsual leh tualthah case awrh tîr niin,IPC section 302 leh section 34 chuan damchhunga lung in tâng tûr a ro rel sak an ni.


Ka pa erawh attempt to murder case niin,IPC section 307 hmangin,kum 10 chhûng tang tura tih ani thung.



Court rorelna chu hnial chi rual ani silova.Thil tisual tu chuan an tawrh ngei angai dâwn ta anih hi.


In lam phone in,ka pa leh ka u te chanchin ka hrilh a.Nautei chu ṭap nghalin,a tuar thiam lo ve hle.


Ka haw hma in,ka nu thlanah ka kawi a.A pangpar ngainat em2 daisy ka ken sak bawk.Rei ngial ka awm hnu ah,ka nu thlamuang takin chawl tawh ang che tiin in lam ka pan san a.


Thlanmual aṭanga ka chhuah aṭang khan ka hnunga motor rawn tlân hian min la zui char2.Ding duh lovin ka tlân lui zêl a,ka hmaah Truck min sut tum ni awm taka rawn tlân a awm bawk a.Kawng a te bawk si,tlân chhuahna tur a awm tawh lova ka hriat avang chuan ka ding ta ringawt.


Truck aṭang chuan mi Panga an chhuk a,ka hnung lam motor aṭangin mi pali an rawn chhuak bawk.Hmanhmawh takin Inspector Ngura ka call a,a lak rual chuan ka awmna hrilh nghal in back up ka ngaih thu ka hrilh zung2 a.An rawn kal nghal tur thu a sawi zawh chuan ka dah a.


Khawilam misual rual nge maw an nih teh hrep ni.Vawiin hian man loh in ka chhuah dawn hauh lo.


Motor aṭang ka chhuk a,an hotu ve deuh ber chu ka hmaah rawn ding in,ka pumah a pet nghal zawt a.Ka samah rawn ṭhâm in,"kan pu ilo cho ngam amaw"tiin ka bekah chuan min hnek leh a.


Ka thisen a lum ṭan."Man loh in ka chhuah dawn reng2 lo che u"ti chungin ka hmaa ding chu ka tlawh thlu nghal a,min rawn hnaih hmasa apiang ka lo bei zêl a.Ka tukhum a rawn ri chawrh a,ka lu rawn hai zual in,chet lak leh ka tum chu,ka tukhum ah bawk a rawn ri leh a,ka khaw hmuh a thim ta riai2 mai.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:21 pm

VOHBIK


Chapter 12:



Rinsangi pov:



Ka nu rawngbawl ngei ka ei leh thei ta.Hospital chaw ai chuan a ei theih deuh e.Ka nu pawh naktuk aṭang a hna a zâwm ve thei tawh ang chu,keimah vangin tunlai chu hna a kal mumal lo lutuka ka inthlahrung ve deuh.



Ka nu leh pa te hian chhûng khat an nei tlem khawp a.Ka pa chhûng te ho hi Champhai lamah an awm deuh vek a.Ka nu chhûng te ve thung chu West Phaileng lam daihah an awm a.Aizawlah hian ka nu nau ka nutei hian ṭhuampuiah pasal a nei a.Mahni buai2 in kan buai hlawm a,intlawhpawh na hun pawh kan nei vak hman lo.



Sofa a mu chungin tv kan en a,nihawichi kan chip pah bawk.Kawngka pui lamah thawm a rawn awm a,Ka nu'n lo chhawn vat in,kan kawmthlang pa Pa Rolênga a rawn leng lût ve teh mial a.


"Dam lo ka rawn kan dawn a"tiin an huan a an thar serthlum a rawn keng ṭeuh mai.Lawm takin kalo la a,thingpui te kan in ho bawk a.Rei vak lo awm in min haw san a.



A haw hnu rei vak lovah, kawtah chuan bike thawm a rawn ri ṭak2 a.Fakzuheha leh Hmingsanga an rawn lang hlawl mai.Zu rim an rawn nam lût leh nghal a.



Kan piah ah an rawn ṭhu ve mai a,an inthlahrung deuh tlat a ka hriat chu."Kan terminator chu dam loh i ngeih zawk anih kha"tiin Fakzuheha chuan min thlêk rên râwn a.



Zu rim an nam bawk nen ka be ṭha peih vak lo."Faka in va fel ve,hei serthlum hi lo ei ve ru"tiin ka nu'n serthlum chu a chhawp hnaih sak a.Kan ei dawn em ti ni awm takin an in melh leh rih.



"A seh dâwn lo che u,ei mai2 ru"kalo ti hlar a.Hminsanga a phu zawk,Fakzuheha chuan ban nghalin,Hmingsanga ei tur a lak kep bawk a.



Ka nu chuan kawmchhak te an khua a har lutuk ang tiin min len chhuah san a.A chhuak chiah chu an inthlahrung hmel kha a bo leh vek tawh.



Fakzuheha ka bulah rawn ṭhu hnaiin,"min huatna thinlung kha paih bo teh,kan rawn kan ve che a"a tih chuan,kalo la melh rum ngang mai.



"Hmingsang,ngatinge i ruih ve rikngawt?"tiin Kan piah lawk a ṭhu chu ka bia a.



A khi suk a,"khawvel hi harh fimin ka hmachhawn ngam rih lo,ka ke a tliak vek tawh"beidawn hmel takin a ti a.Ni e,an chhungkaw chunga thil thleng ngaihtuah chuan a awm ve tho mai.



"Mi chak tak i ni tih ka hria,zu hian hahdamna a pe dâwn lo che.Tunah rih chuan hahdamna a pe ang che in i ngai ani maithei.Mahse nakinah chuan I hmelma lian ber nangmah ei chhe tu tur ala ni dâwn ania"ka ti leh a.Ka bula ṭhu Fakzuheha'n a kut alo beng.Ka melh rum ṭha teh asin.



"A dik khawp mai,mahse tunah chuan ka hawi chhuak ngam thlawt lo.Engtiklaiin nge heti em2 hian kalo dawih zêp tak pawh ka hrelo"tiin a hmai a tuai puat a.



"Guys hetiang lam chu sawi tawh lovang,ka dik dâwn lo ṭan ania"Fakzuheha'n alo ti leh phawr2 tawh.



"Nang pawh hi camping a awm veleh lut nghal ang che.I hnuaia thawk ho pawhin an hmuhsit vek tawh che hi"ka ti vin leh hlar a.



"Lut ve ang chu"a ti zawi ruih a.A piangthar ngun si,kohhran camping siam apiangin a lut ve ziaha,speaker te a zui ang lawp2 a.A tawpah zu zuar inah bawk a lêt leh ṭhin a.Ka ṭhiana hi chu a buaithlak ṭhîn ania.



"Ser ṭawk hi engtiang pawhin sawngbawl mahila,engtikah mah samṭawk ani ngai lovang"a rawn ti veleh ringawt.Eng a sawi tum na nge ni leh ta?



Hmingsanga nen kan ngawih reng avâng chuan rawn ṭawng leh in,"In man dâwn lo a ang riau.Kei Lalfakzuala hi eng ang pawhin zu in mahila ka nihna dik tak chu Krista mo tho2 ani"sawi ṭha in tih hmel tak chuan a hawi sang vah a.


"Tuman mo atân zu rui reng an duh lo"kalo tih khum leh hmak.Thawk ala ham2 a,Hmingsanga melh leh zeuhin,"karlehah camping chhâwng sâwm ah kan lût dâwn alawm,rawn tel ve ang che"a ti leh tawh.Camping chhâwng khatna pawh awm tluan hleithei lo hian engtinnge chhâwng sâwm chu a tlin teh lul ang.



"Bawiha kan ṭan dâwn ami?"tiin Hmingsanga a melh leh a.A lu alo bu nghut a,ka hmaah an ding nghal.Kâ ho hian ka lo en a,"i mit chhing rawh le,kan ṭawngṭai dâwn che"a ti anih chu.


"Zu rim nam chûng khân maw?"ka ti chhuak hluai.Hmingsanga rawn ṭawng in,"I nu lo haw hma hian tih tir vat2 rawh,nileng in a sawi tawh,a vei ve ngang aniang"a tih takah chuan angaihna hre lo takin ka en reng ringawt.



A aw a thian a,ka lu chungah a kut rawn dah in,ṭan nghal mai ang aw ati nghal zat.


Ka tih ngaihna hrelo chu ka mit ka chhing ve ta ringawt a."Bawiha lo tel ve suh aw,nang chu i rui lutuk, chung lam thin a rim ang" ati veleh chhâwng anih chu.



"Aw ti vat2 teh u"ka lo ti vin hluk a."Awle ṭawngṭai ang"tiin a kut lehlamin Hmingsanga a kai bawk a.



"Hming zawng2 a hming mawi ber,Sipai ho te Lalpa,kan ṭhiannu Siali aka Lalrinsangi terminator hi dam takin I chhuah tîr a,kan lawm em2 e.Ka thih hunah ka thla hmuh tir ve miah lo la,pasal a neih hma chu min la thih tîr suh aw.Chuan ka ṭhian pa duh tak pawh tunlai chu a riang vai em2 a,hruai ṭhat ka tum ve mek bawk a.A ke silna chang te alo hriat theih nân ka rawn dil bawk a.A tawp berah chuan Lalpa Tangkeui fanu chullovi kha i hnên a rawn thleng tawh em?lo duat ang che aw.Keini misual dum rût tawh kang ut vek tawh min hmangaih avangin ka lawm thu em2 e.Isua Krista hming ka dil e,Amen"..



Kan thaw chhuak hawk hlawm a,Hmingsanga ke kan en rual ṭhup.Alo bal hle tak mai.A zak ve deuh aniang,a ke zungpui a tawm hrut a, a kal sawn nghal.



"Khati em2 a ṭawngṭai rei angai ami?"ka ti leh hlak2 a."Ṭawngṭai mi te chu kan khati tlat zel alawm"a ti duh lek chauh..



Ka phone a rawn ri a,Ṭingṭangin call alo nia.Ka la vat a,"Sial Police kha tunah ICU ah a awm mek"a rawn tih chuan ka lungphu a rang nghal vek.



"Engtinnge a awm"ṭawng ṭha hleithei lo chuan ka ti a.Fakzuheha te pahnih pawn an rawn ngaihven nghal.


"Mi sual kut a tuar a,ala harh lo"a rawn tih leh a.Ka awm mai2 thei tawh lo,"kan lokal ang,"tiin phone ka dah a.


"Tunge a"Fakzuheha'n alo ti nghal zat.Hmingsanga lam chu hawiin,"I patea ICU ah a awm"ka tih chuan a meng phawk hle a,'kal ang"tiin Fakzuheha a pawt nghal.



"Min lo nghak ru"tiin an hnungah ka tiang chuan ka in hawl chhuak ve a.



"Rawn kal ve lo mai rawh,vawiinah i chhuak chauha.Ka Patea chu a ngaihtuahawm lovang"Hmingsanga'n a tih pawh chuan kal kala tum fan.


"Amak mange aw,i chhawr thla hi a ngaihtuah awm lovang.Inah lo awm la,chanchin kan rawn hrilh dawn che ania"Fakzuheha'n a ti ve bawk a.



Ka nu leng a rawn haw chiah a,pawn a kan lo awm ṭhap min hmuh chuan thil awmzia min zawt nghal a.



"Doma ICU ah a awm"tih tawpin kalo chhang a."kal ve a tum tlat a,ala dam chiang silo,kan phallo anih kha"Hmingsanga'n alo ti zawm zat.



"Ni e,Bawihte kal ve lo mai rawh,eng em a ti lovang.Naktukah kan kal dawn ania"a tih takah chuan Fakzuheha te chu kal tûrin ka tur ta ringawt.



An tlan liam hnu chuan ka nu nen kan inzui lût a.Ngaih ṭhalo deuh chunga mahni a mut ai chuan tiin ka nu bulah ka mu phei a.A khat tawkin ka phone ka check reng bawk.



"A lu ah hliam a awm nual a,a thluak a khawih hman lova.A vânneih thlâk lutuk.A taksaah hliam a awm nual bawk,Mahse engmah lungngaihna tur a awm lo ania"tiin Ṭingṭangin msg min lo thawn a.Tlem chuan ka thaw a veng ve deuh.



Tih theih ka nei bawk silo,ka kut leh ke la dam chiang lo chu ka haw ngawih2.Ka tih ngaihna hre bawk silo chu ka ṭawngṭai leh ringawt ṭhîn.



Ka nu chuan ka mu thei lo tih a hria aniang,"Vei tut2 lo la,tlêm tal mut hahdam tum rawh,i taksa khan mut a mamawh ania"ati leh ṭhin a.



Engtinnge ka mut theih teh lul ang.Rilru a hah in, a dam chhuak lovang tih hlau reng2 ka awm a.Ka ṭap lo chauh tawh anih hi.




Fakzuheha'n a rawn call ve ta.ka la nghat vat a,"Engnge chanchin"ka ti nghal zât."A harh ṭep tawh ang,lo lungngai suh" a rawn ti ringawt a.



"Engnge maw thil thleng a awm anih chuan min lo hrilh vat rawh aw"tiin phone ka dah a.



"Engkim a ṭha leh mai ang"tiin ka phun mawlh2.Ka nu chu a muhil leh der tawh,lukham dek chiaha muhil nghal thei ho hi ka awt ngawt mai...




"Sangte"ti a min ko thawm ka hriaa.Ka hawi chhuak nghal.Khum mawng lamah chuan Nu Marini alo ding leh reng tawh.



Ka nu ka tih harh hlau in,thawm dim thei ang berin ka tho chhuak a.Ka room ah kan in zui phei leh.



Room light ka on a,Nu Marini chu ṭhutthlenga ṭhu turin ka ti a.A rawn ṭhu chiah chu a rim chhe lutuk chuan ka hnar ati thip vek.



A kut huh chuan ka kut a rawn hum a.Ka lungngai em mai,kan pa in nupui neih a tum a.Ka fa te hi nu hrawn ka hrawn tîr phallo.An mittui tla hi hmuh hrehawm ka ti,ti chungin a ṭap leh a.



Avan buaithlak tak,mi rilru hah nak laiin.A lokal ve sek bawk sia,puih ngai ngawih2 puih duh loh chu a ṭha in ka hre bawk silo.



"Puih che chu ka duh lutuk,mahse min pui thei tu tur hi tûnah ICU ah a awm mek a,a harh chhuah hma chuan ka pui thei rih loh che"ka ti tawp.



"Nilo tiin a lu a thing nawk2 a,hnuai lam a bih ngur2 bawk.Ka en reng lai chuan a rawn hawi chhuak thuta,hmai chhanah min chhiat khum hrep.



"Min bum thei tawh lovang"tiin a au leh chiam2 bawk a."ka bum dâwn lo che,Police lama min ring tu awm chhun hi a dam rih lova.Dam se chuan a rang lamin ka pui daih tawh ang che"tiin ka hnem a.



"Daw heh nu"tiin a râk leh chiam2 a sam a tuai thur leh vek tawh."I nghak thei dâwn lo anih chuan midang tirh tur zawng mai rawh"tiin ṭhutthleng aṭang chuan ka tho chhuak a.



Ka kut ah rawn vuan in,"dawt min hrilh leh anih chuan,a hma ami aia na kha i tuar ang"tiin min vo leh.



"Ṭha takin in dawr ang hmiang,Thlarau sual ho anga awm lovin.I fate i hmangaih tak zet anih chuan ṭha deuhin awm la,puih che pawh ka phur dawn alawm."Tiin ṭawngkam ṭha in ka chhang let a.



"Ka tihpalh lutuk,ka beidawng leh thinrim bawk si khan I chungah ka ṭuan ta ringawt anih kha.Min hrethiam hram rawh"ati ve thei ta.



Doma a dam hunah ka puih theih tur thu ka hrilh pawh a pawm ve ta niang, ngaihṭha deuhin min kal san ve ta a.



Ka nu bulah let in,mut tumin ka chhing ve a,mahse a har ani.Ka ngaihtuahnaah Doma hlir a awm a,a harh tawh angem le tiin mahniin ka phun leh ṭhin.



Khua a rawn var a,ka phone rawn ri chu hmanhmawh takin ka la a."A harh tawh em?"tiin tuinnge min lo call pawh en hmasa lo chuan ka lo chhang nghal a.
"La harh lo,i mut theih loh ka ring a,ka rawn be leh tawp che.Lo mangang duh suh,rei lo tê tal mut tum rawh,i chau lutuk ang"lehlam aṭang chuan Fakzuheha'n rawn tiin phone a dah a.



Ṭingṭangi call leh nghalin,"Ava harh har tawh ve"ka ti nghal thâwr."I ngaihtuah lutuk anih kha,a harh ṭep tawh ang,ngaih ṭha deuhin lo awm rawh"alo ti veleh a.


"A harh lo hlen angem le?"tiin ka chhang leh.A harh hlo hlen ang tih ka hlau êm ani."In2 hriatna ala rei loh nen,i lo va vei awm ve"tiin nui suk ri ka hre nghal a.


"Vei hran lo,ka khawngaih mai"tiin phone ka dah.Ni e,engtik lai aṭang khan nge kalo ngaihtuah tak em2 a,a thih mai ka hlauh tak em2 te ni.Ka chungah hian eng thil nge thleng ta.



Ka lo duh reng tawh tihna ani thei mai angem?Nge ṭhian angin kalo ngai tawh a,ka khawngaih zawk pawh ka in hrethiam tawh lo.



Nilo,ka ta tur ani lo tih ka chiang.Bakah ka nihna dik tak hre ta se min pawm dâwn lo tih ka hria.Buaina ka thlen mai2 zâwk ang,ka luh thuk hma in in thiar fihlim san vat angai dâwn anih hi.



Ka nu a rawn harh a,"Kal tawh ang"kalo ti nghal.A khap fak a,min rawn en in,"Kal chu i duh tak2 a maw?"a ti ban charh mai.Ka lu lo bu in,"Kal ngei2 ka ngai"tiin kalo chhang a.



A thaw hawk a,"Kal ang hmiang,chuti taka i vei chu,kan hmu em2 ang"tiin a insiam mawlh2 a.


In ti fai chuang lo chuan ka kal veleh tawp a.Hospital kan thleng a, ICU a awm anih vangin luh an phal silo.ICU bulah chuan ka ding reng a,Fakzuheha leh Hmingsanga te pawh an rui alo reh ve ta aniang.Ngawi rengin ka piah lawka ṭhutna awm ah chuan an ṭhu ve bawk.


Ngawi renga kan awm lai chuan,Nurse leh Doctor an rawn tlân a,Doma awm na ah chuan an lût hlawm a.Ngatinge,a ṭha lo em ni?min kalsan thei lovang tiin ka ṭap chhuak a.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)