MY MAFIA PRINCESS BY Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MY MAFIA PRINCESS BY Tluangi Sagy Pachuau (Completed)

Unread post by Ngaia » September 4th, 2022, 12:38 pm

aq15yl9u.jpg
MY MAFIA PRINCESS


CHAPTER 1 👸


BY Tluangi Sagy Pachuau




Papa Eden Agastino POV*

"Happy Father's Day Papa" Ka hmah ah banphar hliai hian ka fanu Abigail chuan a rawn ti a... "Ka lawm ee Princess" Tiin ka lo kuah ve nghal hlun





Kum 20 lai a lo liam ve ta.... Abigail ka fanu atana ka lak kha.... A tirah kha chuan ka mansion gate pawn ah khan an lo dah tawp a... Ruah sur dawn vang chauh a la lut kha ka ni.... Mahse eng nge thleng ta hi... Ka fanu a lo nih tak hi...





Ka fanu dik tak a nilo tih a in hrelo a... Hriat tir pawh ka tum heklo.... Ka princess a ni a... A ni reng bawk ang...

(Hei bak chu Papa Eden POV hi a awm tawhlo ang)



Abigail Agastino POV*


Hi ka hming chu Abigail Agostino a ni a.... In hriat ang in Mafia ka ni....ka pa hming chu in hre tawh a.... Chuan Papa hian thil hriat loh pakhat a nei.... Chu chu a fanu ka nilo tih ka hria tih hi a hrelo





A tirah kha chuan a fanu diktak angah ka in ngai ve alawm... Mahse nikhat ka ril tam lutuk kitchen a ka kal tur kha chhiahhlawh pahnih ten a an lo sawi kha ka hria a...




Ka awilo lutuk leh khatia an lo sawi kha ka thin a rim em avang in ka hnawtchhuak nghal a... Papa bulah erawh "an bang" Ka ti kha a nia....





Ngatan mah ngaih loh tum mah ila ka rilru ah a awm tlat avang in a hriat loh hlan in a toothbrush ka la a... Ka test tir ta kha a nia.... Khatih lai a ka rilru nat ziaaa kha





Chhuahsan daih mai kha ka tum a... Mahse a fanu diktak ang in min enkawl a, a hmangaihna zawng zawng min bur bun vek bawk..... Insual leh engkim min zirtir vek bawk a..... Nakin lawk a Mafia Boss la ni tur in min enkawl a ni.... Chuti khawp a min hmangaihtu chu ka chhuahsan theilo a ni.....





Chuan keipawh thil engkim theihnghilh a Papa fanu ang a awm chu la tum nghet ta a ni... Min hmangaih zia ka hria a....heng thil te hi ka hrechhuak vek tawh a ni tih ka hrilh chuan a rilru a na palh ang...




Tunah hian Mafia lian leh ropui tak enkawltu ber Mafia Boss ni mahse chhungril ah erawh chuan nem na tak a nei tih erawh Uncle Bruce , Uncle Erick , Uncle Sam leh kei chauh in kan





Papa ka wish zawh hnu in college kal tur in Uncle Bruce-an min thlah a.... "Keimah in ka kal duh bike pawh ka nei reng a" Ka tih lah in Papa in a phal tlat lo a....bike neih in awmzia a nei thlawt lo...College kal tih loh chu Papa leh Uncle te tello chuan ka chhuak ngai bawk silo... Chupawh car bawk in




Kan class room ah chuan ka lut a... Ka seat ngai bawk... A hnung ber seat ah chuan ka chho leh nghal hnak hnak a... Ka thut fel hnu chuan hma lam chu ka en reng a...




Mi an thian te nen a inkawm a an nui bawk bawk te chu ka thlir reng a.... A then an ngaihzawng te nen kil khat a lo in fawp ngawng ngawg lah bo lo....chung mi te pawh chu en rei duhlo in midang che tla lai chu ka thlir reng a





kum 20 ka ni ve tawh college kal lai ka ni bawk... Mahse tun thleng in thian ti a sawi tur ka la neilo..

"Abigailll"



Oh!! Pakhat chu nei leh si Natasha Santis khawi hmun ah pawh min zui kual thin.... Tumah in a an thian atan a min kawm duh loh laiin a ni chuan min kalsan ngailo...





Mi chuan ka pa hi tunge a nih tih an hriat in min hlat thuai thin... Mahse Natasha erawh chutiang a nilo ka pa, ka chanchin a hriat vek hnu pawh in min kalsan ve lo...

"Eng nge"



"Amak tum hmuk zel suh... Enteh lutthar kan nei a nia aw" A sawi zawh rual rual chuan thawm a ri nghal huk a... Ka hawi thlak chuan lut thar ni ngei tur chu ka zuk hmu nghal... A ni pawn min rawn en ve reng eng nge maw a hriat reuh le..

"I hmelhriat ami?Tinge i en char char a"


"No,,, min en hmasa a nih kha" Ka tih chuan kan hmalam ami pa chu a nui suk a... A thu nghal tharh bawk..




"A rawn in transfer laklawh hle mai a tiraw?" A tih chuan "laklawh ami semester kan tan chauh alawm" Ka lo ti nghut..... "Nia mahse graduate dawn hnaih hnaih ah" A ti leh niah niah.... Min bia pawh a anglo... A cute thei a nia




A thil sawi pawh chu ngaithla tawh lemlo chuan hma lam chu ka bih ngur a.... Henu in a min ngainat chhan em em hi eng nge mawni le? Kan first day a ka chhan vang kha a nih ka ring ta ber...





College kan tan na ni hmasa berah khan campus a ka lut kha hmeichhe rual in Natasha an ti buai lai kha ka va hmu a... A bul vel a tumah khan puih an tumlo....khatia hmuhnawm thlir a an lo thlir kha ka thinrim em vang khan ka va chhan kha a nia





Khata tang khan hei tun thleng in ka mei ang maiin min zui kawi ta reng mai a nih hi.... A tirah kha chuan min kalsan tur in ka ti... A chhan chu ka chhunkaw chanchin engkim a hriat hnu ah midang ang bawk a min kalsan ve leh tho kha ka rin vang a nia...





Mahse hei kum 2 hnu ah pawh kan la in zui kawi ve reng chu a nia.... Ngaina ang a awm ka duhlo a.... Mahse ka thinlung zawng zawng in ka ngaina min kalsan ang tih ka hlau takzet





Mi ho hian min hlau thei em em a kan senior te chen khan... Tunah chuan a senior ber kan ni tawh a.... Lutthar apiang ka hming hre tawh phawt leh ka lut tih hre tawh phawt chuan min hlau nghal em em bawk...





Min la hmu miahlo pawn hetah ka lut tih an hriat vang maiin an in tranfer leh thin.... Huiham an a nge an dawi ka ti dawn ni.... Min hmu miahlo pawn min hlau a nia.... Tun a a lut mek te pawh engtin ka ti pawh a ni ngailo a... Engtin hian nge maw min lo sawi hran thin ni





Break a lo nih chuan Natasha in ka kut ah kai in min kai thla leh nghal dawr dawr... Kawngka a kan chhuak tur chiah chu ka hma ah tak hian mipa khat hian a ke hi a rawn kham zuar a





Amah ka en chuan lut thar pa bawk "Hi Rabby ka nia nang chu ka hria che" tih pah in ka hmai zawnah min kawk sawk... Ka eu dawr nghe nghe a va han mawl tak a nui hui lehnghal a...




"Rabbit maw?" Ka bul a ding nu in a lo tih chuan ka nui phuh thawt.... A hnu ah nui lo ang hmak in ka tum leh hmak... "Aihhh nilo Rabby R.. A.. B.. B.. Y" Tih in a spell lauh lauh... A â reuh mange




"Inkawm ang u in bulah ka kal ve duh" A la ti zui ah... "Mipa va kawm rawh" Natashai chuan a lo ti a... "Awii hmeichhia ka kawm duh alawm" Nu deuh a ding chung hian a ti hlawi hlawi a.... Nuih chu a ti za mahse nuih ka tumlo





"Hmm" Tih pah in Natasha chuan min kai leh nghal dawr dawr.... Henu min hlaulo bik lutuk hi... Mi tupawh hian min hlau a keipwh hi ka in ti hlauhaw chawp ve tawp...




Thingkung lianpui hnuai ah hian kan thu a.... Kan seat bik....




"Hey min lo nghak ve ta che u" Tih pah in Natasha-i sirah chuan a rawn thu leh a ka lo thaw hawk ringawt.... Hepa hi a lo tuai ru reng amawni..... Mahse a hmel hi chu a pa viau bawk si....





"Kan thian nih chu i duh ve tak tak ami?

"Duh e"

"A duh tu awmchhun i ni bawk a ni ve rawh...." A ti a... Ka lam a lo in her pah chuan "nangpawn i duh rei leh awm chuanglo emmai a... Min kalsan leh vat tho ang" A ti niah niah




"Awle sut awih loh thian kan nih lawm nan ei tur ka va lei ange" Tiin a tho nghsl thurh a.... Gate pawn lamah a chhuak nghal vang vang





"Mi ho ve hi a tha tak ang in an lang a.... Belh chian dawl hlawm mang silo mi fel tak mi tha tak ang a lang chhunglam kha em em si mi chanchin chhe lai ngawt sawi tur zawng mi lah bo lo hahthlak hlawm emmai a" A ti niah niah...




Tihian amah hian a tawng mial mial a ka lo tawng ve miah loh pawh hian tawng a insum phah lo a nuam lo pawh a tih phah chuanglo.... A thla a muang ve a nih hi ka ti ta tawp




Class ban chuan Uncle Bruce an min lo hruai dawn avang in gate pawnah Natasha i nen kan nghak a.... Kan thlah kawi nghal thin a ni....




Vawiin erawh kan pung ta deuh a... Min nghah pui tu thar kan nei a.... Uncle Bruce-a a lo thlen chuan car ah chuan kan lut nghal a...




Natashai chu tukverh ah chuan dak chhuak in "bye bye aw Rabit" A ti a kan tlan chhuak nghal.... A la rawn au zui chu kan hre hman vuai...




"Kha thian thar in nei a ni maw?" Uncle Bruce-an a lo tih chuan ka lo bu nghat a.... "Tunge a hming ni a?" A thleh chuan "Rabby" Ka lo ti leh tawp...




An ni ho hi chuan ka tawng tamlo tih a hria a ngaiah min nei vek tawk.... Thu tam sawi vak tur pawn min phut chuanglo.... Min biak a ka chhan a an zawhna ka chhan chuan an ngaih a tha ve em em mai a ni...




"Natasha kan mansion a min lo zui haw ve mai ta che" Ti a Uncle Bruce-an a sawm chuan a lo la kal miahlo tih ka hre chhuak chiah.... Natasha-i chuan min lo en in a mitmeng in min rawn a.. Ka lo buk nghat takah chuan a remti rang khawp mai..





Sawm na chang ka lo hre ngai miahlo a ka phallo amaw a ti a ni ngei ang min rawn kher ni....




"I papa gift tur chu i lei ami" Tiin min zawt ve leh a "imm" Ka lo ti leh tawp..
"Awle a duh zawng tak i lei leh ngei ka ring a ni" A ti a kei ka lo nui sen sen....




A ni pawh chuan ka nui hmel a hmuh chuan min nuih ve a.... Ni e... Ka hlimna chu an hlimna a ni tih khang kum 20 chhung khan ka zir chhuak ve hman alawm..





Kan thleng car atang a kan chhuak chiah kan mension a hmu chiah chu a ang nghal phuau mai... Gate chhung s kan lut te chu an hawi kual nasa mai mai khawpah




"Awii in pawh a ni ami Lalin a nih hi Lalin" A ti deuh hluai a.... "Ni e,, Lalin a nih hi,,Abigail Lalram ah ka lo lawm a che" Tiin ka lo chhang a... Nuam a tih hmel khawp mai






NOTE:
Ka story thar ah ka lo lawm leh a che....
Zankhat danah ti ang aw... Zanin ah ka lo dah a... Thursday ah ka dah leh dawn tihna a nih chu... Chhan chu class kan tan ve tawh si a.. Lehkha zir te ka ngai ve dawn a


Chuan Comment kha aw😇


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:38 pm

MY MAFIA PRINCESS


CHAPTER 2 👸


BY Tluangi Sagy Pachuau




Inchhung kan luh te chuan Natasha chu a la hawi kual nasa mai... Heti khawp hian nuam a ti dawn tih hria ila lo hruai haw fo thin tur hi a nia




Uncle Sam ka hmuh chuan papa awmna ka zawt vat a.... "Erick nen an kal chhuak eng nge vawiin class a an a?" A tih zawm nghal zat "nidang ang tho" Ti a ka lo chhan chuan uncle Bruce-an "a nih loh kha thianthar in neih kha.... Tunge Rabbit ami kha" A tih chuan Natasha in nui hak hak chung in a dikna a lo hrilh





Kei zawng ka mood a off a keimah ah hlauhna a lo awm leh der tawh.... Papa hi uncle Erick nen a an chhuah tawh hi chuan hmun hlauhawm tak ah an kal dawn hi a ni ngei ngei.... Hei tunah pawh hian uncle Sam hi kal ve a tum tih hriat reng reng





Vawi khat kha papa hian chutiang hmun a an kal dawn chuan min hruai ve tawh a.... Mahse kah hliam ka ni a.... Kan let leh ta kha a nia... Khata tang khan papa in ka kal a remti leh tawh hrih lo a.... Nasa tak a train that leh ka ni bawk...





Natasha-in ka room a hmuh chak tlat avang in ka hruai chho a... A ni a phur sarh a... Kei erawh ka phur ve thei thlawt lo.... Papa leh uncle Erick te engtin tak awm ang maw.... An inhliam angem tih chauh ka rilru ah a awm tawh...




Ka closet chhungah a luh hlan chuan bathroom ah ka hmai phih tur in ka lut a.... A au vak thawm ka hriat chuan ka toan chhuak vat... "Enge" Phawk lek lek a ka va tih chuan




"A va lian ve... Ka room ai pawn a lian ang chu.... A reng reng ah thawmhnaw rawng dang i neilo ami a dumlo deuh te hi?" A tih chuan ka lu ka lo thing mat mat ringawt...





"Huizz hmeichhia ah ka chhuah che a ngai dawn a nih hi" A lu thing nar nar pah in a rawn chhuak a.... "Hmeichhia ka ni alawm" Tih pah in bathroom ah ka lut tha leh...




"Princess" Min koh ri ka hriat avang chuan in phih zung zung in inhnuai ah kan chhuk thla a.... Dinner an lo peih tawh chu niin... Papa a lo haw amaw ka ti hman a...




Kan ei zawh hnu in Natasha in haw a duh tawh vang in thlah ka tum a.... Uncle Bruce-an min thlah pui a tum chuan ka duhlo.... Bike khalh chhuahna chance a ni mai a.... Miss dawnlo hrim





Dil taktee a ka dil avang in a phal ve hram a.... A rilru a thlak hma in ti in ka tlan chhuak nghal vat.... Natasha i lah chuan an hlau em em khawp a.... "Tlanmuang rawh tlanmuang rawh" A ti chel chul a.... Zawm erawh ka tum lem lo.... Hei bak ka khalh leh khat dawn emmai...




An in kan thlen thleng in tlanmuang turin min hrilh tluan thak.....




Ka haw lam chuan ka tlan chak lutuk tawh bik lo a.... Kawngsir a tlangval rual in tlangval pakhat an sawisak rawn lai ka va hmuh chuan tlan toang theilo in ka va pan hnai ta nge nge a....





"Khati zat in a pakhat sual rawn chu a nep thlak deuh lo maw... Tuai ami in ni" Elhsen tawngkam tak a ka va tih chuan an tawp chawt a.... An hotu ber ni tur a lang a lian deuh ber chuan min rawn en pah hian





"Nang hmeichhia khan engmaw i lo sawi ve a... Han sawi nawn leh teh engtin maw min tih kha" A rawn ti kha kha a.... Kei lah in nuih suk chung hian "tuai ami in nih ka ti mawle" Ka lo ti let ve a...




"Ha!! Zamlo reuh hle mai a.... Hey hmeichhia tha tak a ka sawi lai hian thlawk bo rang rawh... A nih loh chuan.. "
"A nih loh chuan eng nge... Kei hmeichhia hi min sual rawn ve dawn em ni.... Tuai ang mai khan" Ka ti ve leh siah... A meng ling hlar hlar tawh khawp mai....





An vai a min rawn pan hnai ta mai chu nuih sawh tak hian "eh..eh..eh bro... Kei hmeichhia lehzel hi min sual rawn ang maw" Ka kut te chu kan phar kual vel a... An lam hawi leh in "fair tak in le" Ka ti a... Pakhat chu a rawn tlat phei nghal...





Nuih suk hian ka posi chu ka lo siam rem a min rawn hnek a tum chiah chu a kut ah lo man bet in a hnung lamah ka herh vir nawk a.... A hnug ah ka tlawh nghal chawrh a... Hmalam ah a phei nawk... Rawn tho leh tiah tiah in min rawn khawih leh a tum a a kut chu lo man leh in ka herh tliah sak ta a.. Ka hnek tlu nghal siah bawk... (Ka rei a va changtupa emm😌)





Midang chuan mak ti em em min min lo en hlawm a.... "Tunge i nih a... Khawi lai hmeichhe awm tha duhlo nge i nih a mipa buaina ah i rawn inrawlh" Nichin ami pa bawk khan a rawn ti leh a.... Ka mask ka phelh chiah chu an meng phawk chiang teh asin




An hmel lan dan chu siam tha leh in "hmeichhia i ni bawk a kan kaltr ang che" Tih pah a ka lam rawn pan hnai hrut hrun in an thianpa na tuar a kun tlawk tlawk chu an rawn kai tho a... An lirthei ah chuang in an tlan liam ta a...





Nep hlawm lutuk... Ka that lo kha lawm hle tur an ni.... Ka pawi sawi chu ni se ka that ang...mahse ka pawi an sawilo a dimna nen ka khawih hram hram... Tual thah hi ka hreh lemlo... Kum 15 ka nih a tual ka thah kha ka tual thah hmasak ber a ni




Chu pawh papa in cell chhung a a dah a ni a..... Phatsantu a ni.... Kan pawl intelbawl dan kan hmelma lian ber Sicilian Mafia ho hnen ah a lo hrilh chhawng thin a....papa mi rin em em a ni a.... A ngaina thin hle bawk.... Khavang khan amah chuan a that duhlo a... Papa rilru hi a lan dan ang aiin a hmangaih te ah chuan a nem ka tih tawh kha





Keiman ka that ta a ni... Ngatinge Uncle trio-a te pawh an awm a in lo ti maithei... Mahse huaisen lam ka pan na zel tur a ni a.... Inzirna zell tiin kei min tih tir ta a ni....





Kan hnuai a thawk kan tan a thawk ni silo hmelma tan a thawk dahthat chu a lo harsa lemloo....




An lo sawisak rawn pa kiangah chuan ka va kal hnai a....kan thlek kual vel a a hmai chu a pilh phung a... A taksa dangah te pawh chuan hliam a awm nual...




"Lo kal rawh hospital ah ka hruai ang che" Ka tih chuan "aih a ngailo" A ti teh tlat a..... "Lo kal mai mai rawh i inhliam nasat kha" Ka tih leh chuan "a ngailo tak tak min tanpui a ka lawm lutuk.... Engtik ni ah emaw chuan ka la rul let ve ngei ang che" A lo ti deuh duah a...




Lo meng kual ralh hian "huizz... Min rulh let i duh chuan Hospital ah chuan min lo zui mai rawh" Chang fak chuan ka ti a... Min hnial tawh biklo.... Ka bike hnungah a chuang vung a... A pa lian reuh sia... Kei ka lo sang em em bawk silo....




Ka tlan chak pui vak duhlo a.... A inhliam si a tiin... "Hah Abigail engatinge hmelhriat loh chu i lo ngaihtuah ve viau a" Tih pah in ka lu chu ka thing nar nar..




"Hey kan tlu anga sin" Tih pah in ka hnung a thu chuan ka lu a lo man bet ka ding nghal chat... A la rawn tawlh rawk zui a lian si bike hma ka bawh rawk alawm





"Min khawih hlek suh chuang hle hle rawh" Ti hlar in ka khalh chhunzawm leh.... Bike pakhat ah kan chuang dun a in tawk lo a awm chu a har ve ngawt ang... Mahse min tawk lo turin ka duh ka ngaitheilo...





Kan thlen chuan an lo buaipui nghal vat a... a hliam ah chuan damdawi te hnawih in an lo tuam vel a.... A man te pek sak in kan chhuak leh nghal a.... "A man tal te kha chu min pek tir tur che a nia min pui nasa tawh si" A tih chuan ka chhang buai lo....





Ka hnungah chuan min lo zui zel a... Hawiet thut in "tunge i hming?" Ka ti a... Ding chawt in min eng vung vung... Ka zawt thut chu mak a ti deuh te pWh a ni mahna.... Zawhna mitmeng tak a ka melh reng tih anhmuh chuan "ah aw... Marco Nikopolous" A ti bah nawk a..... Zahzum hmel reuh lutuk





"Ok" Tiin hma lam hawiin ka kal leh "thlah i ngai em?" Ka hawi leh thut chuan a lo phu dawr.... "Aih ngailo taxi ka phar mai ang"

"Ok fine"... Bike ah chuan chuang in mansion lam pan in ka tlan haw leh nghal a.... Ka thlen hnu reilo te ah papa te an lo thleng bawk....




Sofa a a thu chu a bul ah thu vat in " In tluang em papa?" Ka lo ti vat a... A lu a lo thing mat mat.... Ka lo hnual ve rawih thei... Mahse him dam tak in a lo thleng erawh ka lawm takzet...... Thi hnuang in a lo haw ang tih ka hlau lutuk a....






"Khawnge Uncle Sam" Ka tih chuan kan piah atang hian "heta hi ka awm... Min ngai bik viau thin suh" A rawn ti lang lang a... "Ka ngai bik viau lo che Uncle Bruce ka ngai ber" Ka tih chuan tum vuau hian kitchen atang hian a lo chhuak a... A apron hak zawng zawng nen a inhmeh lutuk....





Uncle Bruce-an intihtheih hmel fe in a lo chhiat khum vel a.... Patling puiii han naupan chhiat zia chu.... Chutia an infiam bawrh bawrh lai chuan papa chu a room lam ah a chho ta daih a... Keipawn ka zui chho ve nghal vat....





Tukverh zawn ah ding in pawn lam hi a lo thlir vung vung a... A bulah chuan va ding ve in "eng nge a chhan" Ka va ti teh tawl a a hrethiam tho ang.... "Kan chet dan an lo hre lawk vek a.... Hrilh lawk tu an awm a ni....hnung lam atang in min rawn kap a... Kan mi leh sa an thih nual phah a ni" A ti zuai raih a..... A hnungah ka lo chul sak hliau hliau...





"Tu te nge an nih a?"

"Sicilian Mfia te bawk kha mawle" A lo ti nghut.... Hemi te pawl nen hi chuan inrem ni reng a awm thei dawnlo a nih hi.... Duhamna a khat an ni bawk a.....





Ka lam chu lo hawi in min kuah hlun a..... "Heng ka mafia ka hote ka in leh lo zawng zawng ka sumdawnna te hi ka tan an hlu em em a.... Nunna nei tluk zet in ka hlut... Ven him ngei pawh ka tum.... Mahse chung zawng zawng ai chuan ka fanu nang hi ka tan i hlu a ni ka chân thianglo che a ka venghim reng bawk ang che" Tih pah in ka chal ah a fawp vang vang a... Heti khawp hian min hmangaih a.... A thisen kai ni nghat phei ila zawng entiang in nge min hmangaih ang ka sawi thiamlo





"Hna thar i nei leh dawn e... Chu phatsantu tenawm chu kan man chhuak thuai ang" Tih pah in min kuahna chu a phelh a a hmel ka en chu a lo meng rum leh ul tawh...





🥰🥰 Kan story chhiar tur hah taka ziaktute hian ADS KAN CLICK hian hlawh an lo nei ve zel thin a, chuvang chuan a thlawna chhiartur min ziaksaktute tan ads i click hram hram ang u 🥰🥰


A CHANGTUPA LO LANG VE TAAA... HURRAYYY🎉


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:38 pm

MY MAFIA PRINCESS

CHAPTER 3 👸

By Tluangi Sagy Pachuau 👑



"Papa min ring tawp rawh" Ka tih chuan chhuan hmel tak a min en hian "ni e, ka fanu rintlak zia hi ka hria alawm zawng chhuak la a phu tawk hremna pe ngei ang che... Phatsantu chu dam reng tlak a ni lo e" A ti chang fak a.... Ka lo bu nghat..




"Papa hmelma bei a ka kal chhuah i remti tawh em?" Ka tih chuan "kum i tling ve tawh a... I skills te pawh an tha thawkhat viau tawh chuan ka hria... I chhuak thei ang" A tih chuawm lawm tak in chhuak ka tum a kawngka bul ka thleng chiah tih ah chuan "Bruce nen" A rawn ti leh a... "Papaa" Ti vak in ka hawi let leh.. A lo nui suk duh lek chauh..





Inhnuai a ka chhukthlak leh chuan Uncle Sam chuan mu thluang duai hian TV a lo en a... A hnuai a thawk te lakah a in lak boss a a in lak smart theih tehrengg nen...




Kitchen ah chuan ka phei a senior cook chuan "Princess i ril a tam em ni?" A lo ti vat a... Ka lu thing mat mat in "awmpui zawng zawng hming kist ka duh ang... Zanlai hma in" Tiin la chhuak leh nghal a





"Uncle Erick i pawl te hming list leh an hna thawh dan kim chang takin ka hre duh" Ka ti leh a.. A mutna atang chuan rawn tho vut in a room lamah chuan a chho ta nghal a.....





Uncle Sam chu call in midang ka tih ang bawk chuan ka ti leh a... A hnuhnung berah Uncle bruce chu hruai in Inhnuai basement ah chuan ka luh thlak pui a... Kan lut chiah chu thisen thang rim hi a lo nam nghal huk... A thim ruih bawk.... Chhuat ah chuan thisen a baw nuai a..... Rei tak tih fai tawh loh a ni





Pawn atang a eng rawn lut tlem in a a en theih chin chair a kan phuar beh pa lam chu ka pan ding nghal chat a... A chauh tawh hmel em em bawk.... A khabe ah chuan kuai dak in ka sawi nawk a... "Harh ta che Hmela" Ka tih chuan a rawn meng chhuak diar diar a...




"Kan huam chhungah hian tunge thurualpui i neih sawi nghal vat rawh" Ka tih khar khar chuan hlau lo tih hriat tak hian a lo nui suk a.. Ka ngei tawk a tling em em... "Sawi ta che" Tih pah in a kutl eh ke kan phiarna thir te chu ka tih nghet tir sauh sauh a.... A tirah chuan hreawm ti ang in lang mahse a hmu ah chuan rawn nui chhuak leh in




"In pawl a mi ngei pawh chhui chhuak theilo tur khawp a Mafia nep maw in nih a" Nuih hak hak pah hian a ti a... A chhing deuh diar diar bawk "sawi mai teh i sawi lo a nih chuan i chan tur chu i hriatthiam ka ring Mafia member i ni ve si a" Kun hnai pah chuan ka han ti a




Ka hmai ah a chil rawn chhah pah hian
"nang hmeichhia i vona kha ka hlau therte lo" A sawi zawh rual in a biang a ri nghal siah a a hawi her nghak sawk... Ka hmai chu hruk mawlh mawlh pah hian "ka zahngaihna ka lan tir rei ta mah mah a min zuam ta a nih hi... I tello a thil ka tih theih loh hi ring reng reng suh.... I dam leh i thih thuhmun reng" Tiin a chal zawnah chuan silai in ka tin nghal ran




"Lee pua thuchah hnuhnug sawi duh te i nei em?" Ka tih chuan anngawi reng a... Ka mit ah min en kar bawk....a hmel ah chuan zam hmel reng hmuh tur a awm lo... "Martar tiin i pawl te chuan an hre reng tawh ang che.... Enthla tur a i lo kal na chanchin pawh an hre ve hman ta silo a" Tiin kan nuih leh kher a




"Helai a ka awm avang hian hrilh theilo tur a min lo ngai reng reng ami aaa... Lut chhuak an awm reng alawm" Tawng sual in ti tak hian a maimitchhing(a spell ka hrelo😒) nghal daih... Keiin nuih hak pah hian "i thih hma in thil tha tak min khiu riu a ni mangtha pua" Tih pah in a chal dar ah tak chuan ka kap ta a... A thi chiang hle




"A, ruang dahtha rawh u" Tih pah in chhuah ka tum a... Hawi let leh in "nangni zingah hian phatsantu chu in lo awm a nih vaih zawngin tun aia nasa kha in tawrh tur chu a ni ang" Ti fak in ka chhuak ta a ka hnungah Uncle Bruce-an min lo zui bawk....




"Uncle Bruce eng nge i ngaihdan" Ti a ka zawh chuan "han ringlelh thrih tur an tam a... A hlawm in sawi mai ila... Eitur pe a kal te, basement a duty te leh kan team te theuh atang a basement kal thei tur chin kan siam atang te in a ni thei" A tih chuan ka lo bu nghat nghat a . Ni e chung atang chuan chhui chhuah an har tawhlo ang




Senior cook bulah chuan kal leh in "i lo peih tawh em" Ka han ti a... A kut a paper a ken chun min pe nghal vat bawk.... "Awmpui te ah hian pawn lam atang a lo kal emaw... Chhuak bik tur te in in siam em?" Ka ti leh a "aw princess he lai a awm chilh ve lo hi an awm nual a... Chuan bazaar tur hian mi 5 vel ruat an ni bawk.. A ti a




A nih chuan chung ho hming list chu ka duh a ni...Chu mai bakah kar hmasa Wednesday atang a nimin inkar a chhuak zawng zawng list nen lo siam leh mai ta che" Ka tih chuan a lo bu nghut nghut a




Cook a nih mai bakah hian a senior ber a nih avang in a hnuai a awmpui zawng zawng te chuan a thu chu a kawi a ngil in an zawm thin a.... An chanchin leh an hnathawh dan pawh hrechiang ber tur a ni bawk




Chutiang ang zel chuan basement a lut thei chin member list te nen..




Chumi hnu chuan papa room ah kuh tum in ka kal a kawngka ka kik dawn chiah tih ah chuan "ka hria lawm ka fanu hian min chhun takzet... Nilo kei ai pawn a rothap zawk dawn tih ka hria ka chhuang takzet a ni" A tih ri ah chuan midang a awm pui tih hria in ka room lamah phei ka tum ta zawk a




Ka kal liam dawn a tawng ri ka hriat ah kha chuan Uncle Bruce a nih hmel khawp mai... Ka chet dan engkim a report leh vek tawh a ni ngei ang




Zingah chuan ka harh zawk a dawhkan bawh in ka lo muthlu chu ni in ka mutthilh lai reng reng ka hrelo... Zankhua in mansion chhung leh pawn CCTV ka en chhuak vek kha a nia.. Ka mit chu a kham ur mai...




A tlai deuh tawh avang in college canteen ah thil ka ei mai ang tiin ka chhuak ta a... Bike ka khalh min phal sak tawh bawk a... Uncle Bruce-an min thlah reng ngai tawhlo in keimah in ka kal ziah thei tawh dawn a ni.... Nuam dawn khawp mai....




Kawrfual dum ha in lather jacket dum ka ha a.. Boot ka mal te thleng vel tur a dum leh bawk ka bun leh tawp bawk... Pa tak rothap tak ni si ah chuan kekawr tight ha leh duh thak lo....a chang chuan ka ha ve thin mahse kawfual hi ka ha nasa zaak.. Mahse colour dang a awmlo... Black and white a ni deuh tawp...





Helmet full face khum in kan college lam pan in ka tlat zel a..... Traffic signal ligt sen a ên va va chuan ka ding chawt a.... Chutia kawng an kan lai chuan ka hma zawn ah hian tlangval pakhat hi a lo kal a... Ngawi lawk ka hriat hnu a ang hle mai.. Tunge kha aww... Ee nimin a ka chhanchhuah pa kha a ni tak a...





A ni chuan min rawn hre ve lo pawh a ni maithei helmet full face khum miau hek an kal liam dawn chuan "college banah ka lo lam leh ang che" A bul a ding a nu ni ngei tur hnenah chuan a ti a.... Ka en zui reng.... Hnung lam atang a horn ri tuar ah chuan ka harh zawk... A lo tlan theih tawh reng chu niin... Ka tlan leh nghal a..





Thui pawh ka tlan lo ang tih ah chuan nichin ami pa bawk kha ka hmu leh a a hnung ah chuan ka bike chuan muangchang in ka zui ve zel a.... Hepa hi sawisak rawn a nih vang kha nge ni ka ngaihtuahna ah a awm reng mai ka khawngaih a niang




A tum ram a thlen thleng chuan ka zui zel a ka hawi chhuak chu kan college lek chu lo ni in... Nidangah ka hmuh ngai ka hre miahlo semester dang amaw ni dawn ni




Ka helmet chu phelh sawk sawk in kan classroom ah ka lut a... Ni dang ang lo tak in Natasha in min lo thlen khalh ve mial... "Ei vawiin chu i lo kal har ve tawp" A ti a... Ka kal hma a thil thleng vel te chu sawiin a titi leh nghal siam siam tawh... Keiin ka tih zawng chu rinawm tak a lo ngaihthlak a ni..




A hnu ah chuan thawm reh thiap in zirtirtu a lo lut a a rual a lo lut ka hmuh chuan mak ti deuh in ka lo en hau ringawt.... "Awle hei lut thar kan nei leh a self instruction han nei ta che" Zirtirtu in a tih chuan tlem a rawn ding hnai deuh in "Hello, ka hming chu Marco Nikopolous a ni a in classmate thar tur ka ni" A tih chuan hmeichhe ho chu an phun nghal mur mur a..





"Ok ok lo bengchheng lo ula" Tiin dawhkan chu a beng thek thek a.... "I duhna berah khian han thu ta mai che" A tih zawm leh nghal zat bawk... Zirtirtu chhuah hnu chuan Marco chuan a thutna tur zawng chuan a hawi kual a.... Hmeichhe thenkhat chuan a bul a thu turin an lo sawm nasa mai...




Chutia a hawi kual vel na ah chuan min rawn hmu in nui suk chung hian min rawn pan nghal chat a... "Kan inhmu leh ta" Phur tak hian a rawn ti a... Ka lu ka lo buk khum zauh ringawt....




Kan hma ah chuan a thu a "i hmelhriat amiii?" Natasha chuan a rawn ti leh sa sa "hre thelh" Ka lo tih chuan hrethiamlo hmel a pu mahse min zawt zui lem lo a...





A hnu ah chuan hmanhmawh deuh hian Rabby chu a lo tlan lut a a thutna a midang lo thu a hmuh chuan a lawm hmel teh chiam loh.... "Hei tunge" Nem fahran lo chuan a han ti a... Natasha chuan lut thar a nih thu in a lo chhang vat..






"Hey lut thar pa kha kha ka seat a nih kha i hria em?" A rih kha kha chuan "thut tir ve mai mai rawh" Ka lo ti hluk
"Mahsee" Tih a sawi zawm leh a tum chiah chu ka lo melh hrawk a.... "Awle" Tiin Natasha zawnah Marco bulah tho chuan a thu ta a..




Hah! Kei hian he mipa thlavang hi ka hoh a nia chu pawh ka thian hma ah lehnghal... Haha


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:38 pm

MY MAFIA PRINCESS


CHAPTER 4 👸

By Tluangi Sagy Pachuau👑



Nileng chuan kan kal na apiang ah chuan a kal ve zel a... Kan mipa khawi la Rabby erawh in a ngaitheilo thei thin khawp mai... A thil tih lai a lo khak leh zeuh zeuh thin... A thu sawi eng emaw tal a lo hnial kalh ziah bawk....





A chang leh mipa kawm rawh a tia... Amah pawh hi hmeichhia kawm a ni ve tho sia.... Mahni nihna hrechang lek lo hian midang chanchin hi an va ngaihven in an va sawi peih thin a a buaithlak.....





Last perioad kan la nei a, luh leh kan tum chiah tih ah chuan Uncle Sam-an min lo call a "i lo haw thei em? " A rawn ti a...a chhan ka zawh chuan phatsantu an man thu a rawn sawi ta mai ka haw vat a ngai tih ka hrethiam bawk





Phone chu dah in "lo han kal ru ka haw a ngai" Tih sawk sawk pah in ka bik dahna ah chuan ka tlan phei nghal a.... Ka chuang chiah tih ah chuan "kal pui i ngai em" Marco chuan a rawn ti a min rawn umzui chu ni in... "Hey i kal ve kher a ngailo" Rabby-an Marco hnung ah a rawn ti hlak hlak





An inhnial buai lai chuan ka tlansan ta daih... Rilru hmanhmawh tehreng nen an inhnial buai ngaithla hman ka ni lo..... Ka thlen chuan pawnah Uncle Sam chuan min lo nghak a
"Tinge pawn ah i lo din reng a?" Ka tih chuan min lo nghah thu in min lo chhang a




"Tunge ni a?" Ka tih chuan "kan kal anga i hre mai ang basement ah khuan kan dah a" Tiin min lo chhang a bu nghut in basement lam ah chuan kan in zui thla ta a ka thin a rim nghal tun mai...




Ka hmuh rual rual chuan a awm ah ka tham tho nghal lawp a.... "Nanghi maw phatsantu chu lo ni a" Ka tih chuan a meng khup lup a... Nimin lam a ruang dahtha tu te zing ami kha a ni lehnghal... A thutna ah chuan thut thlak dawt tirin a hma ah chuan thu hniam in ka en reng a..




"I thawh puipa ruang han dahthat vel chu a nawm dan a dangdai viau ang a" Elhsen tak hian ka han ti a... Min chhang lo a min melh vawng vawng ringawt.... "Engvang a ti nge i nih" Zawi fiah tak chuan ka ti a... Ka aw ah chuan ka thinrim zia pawh a hriat theih hial ang




"Engvang a ti nge i nih ka tih chu" Tiin ka sawi nawk a... A rawn tap chhuak ta mai.... "I tap vel amaw i va dawizep ve... Phatsantu hial ni thei chu i huaisen viau tur a ni dawn lawm ni?" Ka tih khum leh a.... "Min chhang dawnlo maw a tha e a pawi chai lo... Ka sawi tawh kha hremna a na thei ang ber in hmu ang ka tih kha ka sawi chu ka ti ngei ngei thin zahngaihna ka lan tir ngailo





A na thei ang ber khan sawisa rawh u... Hreawn a tih theih na tur ang ber khan mahse a thi tur a nilo... A nunna lak chu la kut a ni" Tiin chhuah mai ka tum a mahse uncle Sam chuan "a ni chauh hi a nilo" A tih chuan "pahnih maw" Ka lo ti thawt... A lu a lo bu nghauh nghauh a....





An dahna room ah chuan min hruai a.. Ka va hmuh chuan "imm hmeichhia maw ni a" Tiin a hma zawnah chuan ka va pen hnai zel a... Ka thut thlak chuan
"Princess khawngaihtak in min ngaidam rawh... Thih ka la duhlo" A lo ti chul a... Nep lutuk a biang ah chuan beng sawk in "i tih hma khan ngaihtuah ta che... Thudik chuan lan chhuah hun a nei thin" Ti ram hmak in ka thawh san a..... Hremna pe turin thu ka pe leh nghal a.. Kan chhuak chho ta a




"Nilo princess hetiang chuan min ti suh min ngaidam rawh princess" Tiin min au zui chel chul a a hnu ah chuan na tuar te thawm in a zui nghal a ka nui suk.... An thil tih dik loh lawmman chu an tel zel tur a ni.





"Engtin nge in zawn chhuah reng reng a?" Ka th chuan Uncle Sam chuan "nizan a CCTV footage i en tawh em?" A tih chuan ka lu ka lo thing mat mat a... "Chuvang a nih chu i hmuh loh ni" A ti halh a.. A sawi mai dawn amaw ka tia thil dang a sawi daih a...




"Chuan"

"Chuan nizan footage kan en khan tuna awmpuinu kha zanlai ah mi mut reh thap hnu ah a chhuak tih kan hmu a kan man risk tawp a... A lo fing var tehchiam lo a a lo dawizep reuh phian nen a inpuang ta alawm" A tih chuan la lo nui hak... "Tinge i nuih" Zawhna miitmeng deuh a min en hian a ti a




"Hrechiang miahlo in in han man risk tawp a nia" Ka tih chuan nui ve suk suk pah hian "kan ti sual tam pui chuang lo vee" A lo ti ve a "e khawnge papa hi" Ka tih chuan "a damlo a ni.. " A sawi zawh hma hm chuan "maw papa a damlo maw" Tiin inchung lamah ka tlan chho nghal vat...




A roomah chuan ka lut nghal a ka hmuh chuan a lo mu burr a... "Papa i damlo ami tinge i damloh a" Tiin a bulah chuan ka thu a... "Ka tha alawm nizan ruahsur ka do vang mai mai kha alawm" Tih pah in a rawn khuh kharh kharh a... Nidang a ruahsur a do te chuan a damlo ngai miah silo




"Do tawh reng reng suh i tar tawh a hritlang i la hma ve tawh a nih kha" Ka tih chuan a rawn nui chhuak hawk hawk a... Kei ka lo tum bar bar thung "ka fanu tereuh hian min lo ngaihtuah viau em ni" Tih pah in ka hmai ah chuan a rawn tuai a... A ban ah chuan lo ben thlawrh pah hian "tereuh ka ni tawhlo kum 20 ka ni ve tawh" Ka lo ti nghut thung




"I kawlh ve hlir hler sia keimah ang mai min chhun takzet a ni" A ti leh a keiin ka lo en reng thung... "Hey princess tinge i tah? " A tih chuan ka mittui a lo thla tih ka hre chiah..... "Dam vat rawh" Tiin ka lo chhang daih.... "Ka dam loh vang hian ka fanu hi a rilru a lo na a ni maww... Chuti chu kan dam hmak tawh ange" Tiin min thlem a....




Kan pahnih a kan awm dun hi mi tamtak in min hmu se... Papa hi tumah in kha mafia boss rothap tak leh zahngaihna neilo tih kha a ni tih a ring pha lo zial zawk ang..... Chutiang bawk in keipawh hmeichhe nunrawng tak ka ni tih kha an awilo hial ang




Ka tah chhan dik tak hrelo chuan min thlem tiah tiah a.... Ka tah chhan diktak zawk chu tihian a fanu ka nih loh thu ka hria tih hre miahlo in a fanu diktak ang in min la sawi ve char char a.... Chuchuan ka tah a ti chhuak a ni.... Chutih rual in ka lawm em em bawk simm.. Piang nawn leh pawh ni ila a fanu nih leh tho hi ka duh ang





"Le tap tawh suh leh... Kan mafia boss tur hi a tap vel amaw... Sam, Erick, Bruce enteh u princess-i hi a tap a nia" Tiin a au a... Ka lo beng thlawrh... Putar i nih kha i nghal lutuk aw" Ka mittui hruk pah chuan ka han ti a... Nui sang chung hian





"Tap tawh reng reng suh mafia boss chuan rilru khoh tak put tur... A tul a nih chuan kan hmangaihte kan kalsan a ngaih chang a awm thin.....kan hnuai a thawk te ngei pawh kan thah a ngaih chang a awm thin... Chutih hunah chuan pachang tak a i awm a ngai dawn a ni.... Hee reng rawh kan thisen ah hian khawngaihna te, zahngaihna te a luang tel ve lo" A tih chuan ka lo bu nghsuh nghauh..




"Ka sawi awmzia chu i hria tiraw amaherawh chu tanpui ngai te chu puih hreh reng reng loh tur" A ti leh a.. Ma damlo ngaihven tur in ka chho a min lo counseling hrep zawk alawm mawle




Ka room a ka phei hnu chuan Natasha in min lo call a "tinge hmangmawh deuh khan i haw daih a... Kan mipa pahnih lah te khan an rawn um zui che a an rawn let leh chuan an rawn tum phei burr a... I lo hau ami" A tawn ti leh nghal zawt zawt a... Eng nge a ei bik ni a dang hi a nal bik em em mai a




"Papa a damlo a" Ka tih chuan "aaa ani maw ka lo kan ve dawn" A au in a rawn au a ni ber.. Ka phone ka dah hla nghal vat.... "Ka beng a ngawnglo aw" Ka tih chuan "min lo hruai nghal rawh Papa chu ka lo kan ve dawn" A rawn ti leh chul... A kid amaw min ti amawnle... Henu min hlauh loh dan em em hi aww.. Papa a ti ve ringawt lehnghal a.... Huizz ti ve mai mai teh se




Natasha-i hruai tur chuan ka chhuak leh ta nghal a "khawnge i kal dawn?" Uncle Erick-an a lo tih chuan "ka thiannu ka hruai dawn" Ka lo ti a nui sang chung hian "awle awle va hruai rawh" A ti a ka kal leh ta nghal a.... Tunah khua a thim chhulh tawh a lo kal chu a la duh tho a nia...





Ka va thlen chuan an in kawtah a lo ding reng tawh a... A bulah chuan Rabby a lo ding ve bawk... A lo nui hui leh nghal a... "Tinge heihi?" Ka tih chuan "in inah ka lo kal dawn tih a hria a.. A rawn phei nghal alawm kan in ah... In inah a lo kal ve duh a" A ti a... Amah ka va en lah chuan a lo nui hui a.... "Boss ka lo kal ve chu phal mai rawhhh" A lo ti a...





"Ka phallo pawh ka tih loh kha" Ka tih chuan phir fahran hian "yes boss hi fel ber" A ti vak a... Huizz naupang ka lo kawm thin a nih hi




"Au vak vak lo khan i bike ti nung la min lo zui rawh" Ka ti a phir deuh in a bike ah chuan a chuang a... "Keichu Rabby khalh ah hian ka chuang dawn" Natasha-in a tih chuan ka hrethiam ka khalh ah a chuang ngamlo




"Ok fine" Tiin ka tlan chhuak nghal a.... Ka zawnah chuan a rawn tlan a... "Boss a la hla em?" A rawn tih chuan a la hlat deuh thu in ka lo chhang a... "Chuti chu sawwtah sawn kan lo nghak ang che aw" A ti a... Ka hnial hranpa lo kawng peng vel a awm lo bawk a... Kan in peng tih loh




Chak tak hian min lehpel a... "Ka duhlooo Abigail-i bike ah ka chuang duh leh si, Abigailll" Tiin a au tial phei ruai ruai mai.. Ka lo nui suk thung.... An tlanna lamah chuan chak tak in ka zui ve nghal a...




Kan in kawng peng ah chuan min lo nghak ngei a... "Hei kawng peng a awm a kal na tur ka hre tawhlo a" A lo ti a... "Vei lamah khan chho rawh" Ka ti a nui heu heu chung chuan a tlan chho ve mai a.... Eng nge maw a hriat ni a nuih reng mai le... Doctor lo kal hunah entir ve ila a tha ang




Inchhung kan luh chuan Uncle trio te leh papa te chuan TV an lo en a kan luh chuan min lo en thap... "Hi Abi thian te kan nia" Natasha chuan a ti a... Papa chuan "ee Natasha i ni ang maw princess hian a sawi thin che alawm" A tih chuan Natasha chu a lawm hmel ngang mai...




Rabby an beisei nei deuh a papa a en reng lai chuan "nang tunge i nih ve lee?" A lo ti daih mai si a nui lai chu a tum ta hmuk mai.. Ka nuih a lo ti za zawk "keiman ka hria Rabbit a nih kha" Uncle Bruce chuan a lo ti a Natasha a lo nui vak vak thung....




"Tinge a nilo ami?" Uncle Bruce chuan hrilh hai deuh hian a lo ti a "Rabby alawm" Pakhat lah chuan a lo ti hmuk... A lawmawm reuh phian lehnghal a... "E in va fel ve... Kan princess in thian a lo hruai haw hmasa ber te in ni" A tih chuan Rabby chuan mak a tih hmel khawp mai... Natasha erawh chuan ka chanchin engkim a hre vek a mak a ti lemlo....




"A hmasa ber ka ni maw a va nuam ve" Rabby an a lo tih chuan "nilo keimah hmanni ah pawh ka kal tawh" Natasha in a lo ti ve leh thung an in hnial an inhnial a... A in neitu te zawk kan lo ngawi thup mai...




"Awle engemaw tih tur kan nei a kan kalsan phawt mai ang che u lo inkawm ru" Papa in a tih chuan ka lo bu nghauh a a ding chhuak ta a.... Chutia a ding chhuak chu Rabby an ka hau chung in a melh hau mai.... A awm ve reng mai a ni pawh a len ve nen papa lak ah chuan a lian vak biklo a ni...




Chutah Uncle Bruce te an rawn ding chhuak leh chiah phei chu a mitmu a pawk chhuak ang tih a hlauhawm zawk....





"Papa i damloh kha" Natasha in a lo tih chuan "ka dam tawh alawm" Papa in a lo tih sak mai a... Natasha pawh chuan mak a ti zawk... Nichin lawkah a damlo ka tia tunah a dam lehnghal a mak tih chu a awm ve tho...


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:38 pm

MY MAFIA PRINCESS


CHAPTER 5 👸

BY Tluangi Sagy Pachuau



"Princess dinner kan peih tawh a" An rawn tih chuan Rabby chu phur deuh hian a ding deuh hluaii a...kitchen lamah a phei nal nal... Kan va han tlangnel sawt tak em.... Kan va phei ve chuan dawhkan kil in a lo thu ngur tawh a... Eitur an siam te chu a thlek kual daw daw




Kan thu fel ve chiah tih ah chuan ka phone a lo ri a ka lak chuan "hii princess Abigail maw?" Min thamloh hmel zet hian a rawn ti a "tunge?" Ka lo ti nghut.... "Oh.. Oh.. Ooo... Princess min va theihnghilh hma ve i duhtawk a min sawisak hnu ah min theihnghilh mai ang maw ka rilru a va na ve" A rawn ti kur nguai a




"Tunge i nih?" A hma aia ring zawk chuan ka ti leh "Ooppss princess zahawm thinrim mai lo laa" A nui vei uar uar a... Ka run tawk a lo tling leh em em... Rabby leh Natasha te chuan eng nge kan sawi tih hre chak tak in min lo en ve reng a.... "Eng nge i duh?" Thinrim seh chilh rap hian ka ti a




"Hmanni a min sawisakna piah ah khan farmhouse hlui a awm a.... Chutah chuan lo kal rawh i thianpa nunna hi i la duh a nih chuan team rawn hruai lo la" Thu pe aw tak hian a rawn ti a... "Chutiang thian ka nei hauh lo mai min hai aniang" Ti a phone dah mai ka tum chu "Marco Nikopolous" Tih rual a te thawt thawm ka hre nghal




"Chu i hria tiraw... Zanlai 12:00 thlen hma in rawn kal ang che" A ti a phone a dah nghal.... Tunge a cho hi a hrelo a ni.... Mafia team tello pawn an ni mai mai te chu ngamlo turah min ngai amawni le




"Eng nge Abi?" Natasha i chuan a lo ti nghal vat a... "Marco an kidnapped ka kal vat a ngai" Tih leh thawh ka rual nghal a.... "Ngawirawh kan lo kal ve dawn" Ti in an rawn tho ve nghal zat a... Pawn a kan chhuah hnu chuan "Rabby Natasha hi va thlah la nangpawh haw nghal ang che" Ka ti a




"Aih kan lo kal ve dawn" Natasha lah chuan a ti tlat "ni e nangmah chiah in kan kal tir dawn lo che" Rabby pawh chuan a rawn ti a... Hahthlak ti zet in ka lo thaw hawk thung.... "A tha e mahse engmah in lo ti ve tur a ni lo.... In nunna atan a pawi thei.. Lo kal ve chu in duh tak tak em ni?" Tiin ka zawt nawn leh ngat...





"Amak chutiang a nep kan ni biklo... Khawngeee kan kidnapper hmelchhe ho chu va sawp hrep teh ang u Marco lo lungphang reng reng suh i thian te kan lo kal eee" Tiin in la cham deuh chuan Natasha chu hma lam pan chuan a kal thang thang a..... "Hey Nat heetah" Tih pah in Rabby chuan a bike seat chu a beng thak thak a...




"E nitak" Tih pah in a rawn tlan let a bike ah chuan a chuang a.... Au tial ruai ruai chung in an tlan chhuak leh ta a.... Heiham hahthlak hlawm hian.... Kawng sirah chuan an lo ding leh a... "Boss khawnge kan kal dawn?" An lo ti a... Kha maww an tlan thawt thawt a kalna tur an hre leh mang tawp silo




"Min lo zui ru atthlak tak tak hian che thin suh u" Tih pah in hma ka hruai ta a farmhouse hlui tawh zet kan va thlen chuan a "pawnah hian lo awm ang che u" Tiin inchhungah chuan ka lut ta a.... Ka lut ril zel a... A chhung chu a lo thim vek a inchung atang a eng in a rawn chhun thlak zawnah tak chuan Marco chu thi hnuang hian a lo thu kun lap a...




"Marco" Tih pah in a lamah chuan ka tlan phei vat a... Ka hlauthawng em em chu eng nge a chhan pawh ka hrelo ka hnuk a ulh tun lehnghal a... "Marco;marco" Tih sap sap pah in a biang ah chuan ka dawm a ka aw te chu a khur hial in ka hria.... Heti tak hian ka la hlauthawng ngailo.... Reilo te chiah ka la hriat he mipa hian eng nge ka chungah a tih engvang a ngaihtuah em em thin nge ka nih...




"Aww I lo thleng ta maw" Tih ri ah chuan tho zawk in hnung lam chu ka hawi nghal a... Ka rin dan chiah hmanni a Marco lo sawisak rawn tu te tho kha an ni... Mahse tunah chuan an tam tawh zawk




"Eng nge in duh a hetiang thil hi ti nge in nih?" Thinrim aw khur dar dar chuan ka ti a... An hotu ber chuan "ho te phuba lak mawle" A lo ti awlsam et a... "In nep hle mai hmeichhe pakhat lak a phuba la tur in khati zar in inbawr khawm a nia... Tuai awmkhawm" Ka lo ti let er a.... An thinrim hmel hle..




"Ka chung a phuba la tur in a ni hi sawisak kher a ngai em ni" An ni melh kual ralh ralh pah chuan ka han ti a... "Tha te te khan kan sawi ang khan awm se chu kan sawisa bik hauhlo ang mawlee.... Nangmah koh che kha a phal tlatt lo a....




Tunge i nih hi a la hre ve lo nge mawnii kan sawi pawh khan a awi tlat silo a hmeichhe nunrawng tak i ni tih hi pawm har a ti pawh a ni mahna" A tih chuan Marco chu ka zuk en a ka lainat tak zet.. Ka thlavang a lo hoh na lamah tiang hian a awm a ni si a





"Aw engpawh chu ni se kan tih tur chu ti vat vat teh ang u Marco hi Hospital ah ka hruai a ngai dawn si a" Tiin kan zi mar kual vel a.... Chutah an zinga pakhat rawn tlat phei min rawn hnek s tum chu lo bum zeuh in a hnung lam a tang in a ring ka thuai sak hmawk a a thi chiang hle...




Kar lo ah an za vai chuan ka tuk zal ta vek a... Thi an awm nual bawk. A tawp berah chuan an boss ber chu a la bang a.... A ni nen chuan kan insual chhunzawm lehnghal a.... A hnu ah chuan a ni pawh chu chhuatah chuan a zal der mai a.... "Min hneh tur chuan i la inzir ve fee a ngai dawn a nih kha" A pum a pet leh chawrh pah chuan ka ti a... Na tiin a vial nghal ngawih ngawih





Hetiang mipa sa tha lutuk leh lian zet mai buaipui tur chuan kei tehlul chuan ka zawh dawn loh avang in pawn a awm te chu ka call a.... An lo luh a ruang let rem rum leh na tuar a vial ngawng ngawng an hmuh chuan an rap hmel ngang mai




Rabby chuan Marco chu a kuah tho a ka lo pui ve vat... Natasha erawh chuan tih ber tur hre lo in min lo en mawl tawp ringawt.... "Bike chuan phurh a va har dawn ve" Natasha in a tih chuan ka hre chhuak leh chiah..




"Khawi tih dan dan a awm mai ang Rabby khan phur se a hnung ah Nat nang lo veng rawh" Ka tih chuan "naa a theih dawn amii?" Rabby chuan a lo ti nang nang... "Tih dan dang i hria em ni?" Ka lo tih nghut chuan "hre chuang nang" A ti leh lawi bawk si




"I hriat loh chuan ngawi reng khan ka sawi ang chuan ti mai rawh Marco hi a chauh tawh em hi tlan muang ang che" Ka tih chuan tum bar chung in a bu nghut a... An hnung ah chuan ka zui ve zel a... Harsatna eng emaw an tawh palh tak ah ti a an hnung dawl pawh ka ni....




Kan thlen chuan a hliam vel an lo buaipui zung zung a.... Zan in chu riah phawt a a dang chu a dinhmun a zir in kan riak in kan riak lo thei tih na a ni....
Thisen a hloh tam ve reuh em avang in nikhawhrelo in a la awm a.... Doctor ten a harh har tawhlo ang an ti




Cabin ah chuan ka awm pui reng a....ward a awm tur kan nia mahse cabin ka tih deuh tlat avang in min hnial ngam chiah bawk silo nen an phal ta kha a nia... Rabby leh Natasha erawh lo va haw tur a ka tih avang in hreh tak chung in an haw ta kha a nia




Tui tak a muhil a a chhing chiall chu ka en reng a; a mithmul sei tak ersang te,a hmui chhah tap mipa hmui nilo tur khawp hial a mawi leh sen chek mai te, a khabe ruh kual leh a hnar ngul sang tak in vuah fuh em em mai te chuan ka mit an la em em vek a... A hmeltha tih mai loh chu sawi tur ka hrelo




A biang chul thlak riak riak pah chuan "engatinge ka rilru zawng zawng hi i luahkhah.... Tinge ka vawi 1 hmuhna atang che khan ka ngaihtuahna atang a i chhuah theih loh a i thlavang te hi ka hoh em em mai le.... A vawi 1 nan ka nunah papa tih loh a min ti hlauthawng thei ber tu i la ni" Tiin ka phun sep sep a.... Engvanga a nat hlau em em hi nge ka nig ka hrethiam biklo




Ka hmuh hmasak ber ni a an lo sawisak tum a a hliam te kha hmuh hreawm ka tih vang in Hospital ah ka hruai kha a nia.... Tinge chutiang rilru chu ka put.. Ka hrethiam lo takzet a ni...




Zinga ka harh chuan ka hawi chhuak a Marco chuan min lo melh vung vung nui sang chung hian "Good morning" A lo ti varr a chhang pawh chhang lo chuan "eng nge i an? I tha em? Na lai te i la nei em?" Ka lo ti zung zung "min hmuh ang hian ka tha e ka lawm lutuk" A lo ti "imm" Ka lo ti ringawt.... A hmel ka hmuh hian zu han lai tlat pek a



Lehlam ka hawi daih chu "tinge kha lam i hawi daih i hmai te kha a sen tun mai tinge i damlo ve ami?" A lo ti a... "Dam e" Ka ti tawi tak... Nuihzatthlak zawk kei Mafia Eden Agastino fanu hi ka lai a nih chu papa leh uncle ten hria, se chu mak min ti ngawt ang...




Doctor in in chhuak thei a tih avang in ka bike hnung ah a chuang leh ta vang a.... An in ah thlah lo in college ah kan tlang nghal a... Kawng lakah thawmhnaw hak tur kan lei kawi tawp... A damlo ber zawk in class kal a duh miau si a...




Papa bulah engmah ka sawilo a pawilo ka puitling ve tawh a mahni inveng thei tur khawp in insual ka thiam bawk a min ngaihtuah viau lo tur ah ngai ang...




Kan thian te pahnih in min hmuh chuan min lo pan vat a... Nidang ang lo tak in Rabby pawh chuan Marco chu a ngaihtuah ve hmel khawp mai a that leh that loh a lo zawt ve ngei alawm....




Mahse a reilo khawp mai "niznah nangmah vang in dinner tui tak ka chan a min treat thei" Tiin a banah chuan a hnek pawp a.... Marco chu a lo au that Rabby chuan inthaimlo deuh in a pan hnai leh nghal ruak tho...




Rabby pawh hian ngaina ang in lang lo mahse a ngainat sawt zia a lang reng a a tir a a mi loh thin em vang khan a ti lang duhlo mai mai ni in ka hria chutiang bawk in Marco pawn




Break lai chuan Rabby leh Natasha chu an chhuak ta daih a... Class an neih dawn loh vang a ni pakhat bawk.... Marco nen erawh kan class neih a inang avang in kan la thu a... Ka bul ah a rawn insawn chho daih bawk..




"Nizan khan mumang ka nei a" A tih chuan amah chu ka en vat a "eng mumang maw" Ka lo tih chuan....
"A tak a ang lutuk a" A ti leh hmasa te te a keiin ka lo en reng thung... 'Damdawiin khum a ka mu hi ka bul a ding reng chung hian min lo en reng a....




Eng emaw hi i sawi sep sep a i mittui a luang ngiai ngiai bawk a... E i sawi chiang deuh a ka hriat chu "engatinge ka ngaihtuah em em che?" Te hi i lo tia ka harh chuan damdawiin khum ah ka lo awm tak tak a ka bulah hian khum bawh chung khan i lo muhil bawk a' a ti a...




Nizan a ka awmdan vel kha a lo manghriat ruai ruai a nih dawn hi mahse ka tap kherlo... "Engatinge kha i sen leh tawn tawn tawh i khuasik ami?" Tih pah in hnai tak a min en chung hian ka pang chu a rawn dek a ka thinphu a lo rang em em thung... A thlawk chhuak dawn ni mai hian ka hria...




A phut nasat em avang chuan a thlawk chhuak mai ang tih hlau in ka dawm ta tawp... A sawt phah em em chuang lo... "Tinge khati lai kha a na ami?" A tih chuan ka lu ka lo thing ringawt... Tinge hetia ka awm ringawt le... Papa la zawh tur a nih hi




Class khat kan lak zawh hnu chuan kawngka atang chuan Rabby leh Natasha chu an rawn inhnial lut barh barh a kan zawn an lo thlen chuan "Eng nge a" Marco chuan a lo ti a
"Hepa hian ka treat ang che eitur tui deuh deuh a tia phur tawk in ka zui chhuak ve a ice-cream min lei ringawt a.... Tun ang khawvawh lai in ice-creampawh an in lei ngailo... A zuartu te pawh kha an mawl" A ti hlak hlak a




Pakhat lah chuan "a tui em kha" A lo tih liam sak mai mai si "khawi marco nangpawh kha tho rawh ka thutna a nih kha" A ti a a thinrim hle ni in a lang... "Tahkhan thu mai rawh ka thu tui" Marco pawh chuan a lo tih sak




"In va sual ve" Tih pah chuan beisei nei deuh in min lo en engmah kei lah in sawi ka tum silo thinrim deuh in Rabby sirah chuan a thu tau sawk sawk.... A nuihzatthlak zawk... Tian reilote ah a lungawi leh mai ang


Image


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:39 pm

MY NAFIA PRINCESS

CHAPTER - 6👸


By Tluangi Sagy Pachuau👑



Class 1 a la awm a zirtirtu lo luh hma class ah chuan kan thu reng a Natasha pawh a la titau tluang zel, a bei rei ve tawh khawp mai Rabby an thlem a tum ngat ngat bawk... An inhmeh letling zawk an lawmawm dun tawp



Ka mal chung a ka kut ka dah chu Marco chuan a rawn vuan dede a a hnu ah chuan a hum ta hmak a mak ti deuh a ka en chuan "i kut hian vawt a tih hmel lutuk a" Inthlahrunn hmel tak a min nuih tlawn chung hian a lo ti a... Ka nuih let ve ringawt...



"A mawi lutuk"

"Engmaw"

"I nui hmel kha a mawi lutuk nui ziah rawh i nui hmel pangngai tak a ka vawi 1 hmuhna" A tih chuan ka lai leh takzet.... "Ehe tunah khan i lai ve tihna ami?" Min la chhaih zui ah "lai lo lai lo hma lam hawi rawh" Tih pah in keimah zawk chu ka hawi ta daih a....




Tum hmuk mah ila ka thinlung chhung chu a nui ver ver.... Hlim rukna riau ka nei a ni ber.... Hetiang a ka awm chhan hi papa chuan a hrethiam ngei ang...



Kan ban hnu thleng pawh chuan ka kut chu a la chelh reng a Nat leh Rabby te chuan an hriatthiam loh hmel hle keini lah in engmah sawi kan tum der silo.... Sawi dawn pawh ni ila sawi dan ka thiamlo hrim hrim




"Lo kal rawh Nat ka thlah ang che" Ka tih chuan "aih ka duhlo Rabby thlah ka duh" A ti ta daih mai hrethiam lo deuh in ka en a... An la in nuih sawng zui a engtik lai in nge an lo in thlem lungawi hman ni.... Keima buai buai khan ka buai a ka lo hrechang tawhlo reng reng



An tlan liam thleng chuan ka thlir reng a.... "Engemaw tih tum chu an nei chiang alawm" Tiin ka phun chhuak sap

"Abigail"

"Imm"

"Lo hawi la"

Ka hawi phei chuan thutak zet hian min lo en a "eng nge" Ka tih chuan min en reng a "Khang gang ho thu sawi kha thu dik a ni em?" A tih chuan "engmaw i sawi awmzia ka hrelo reng reng" Ka lo ti a... Engvang a Mafia ka ni tih sawi hreh viau ta nge ka nih pawh ka hrelo... Bakah mi zawng zawng in a an hriat lai a a ni hian a hrelo chu mak ka ti....




"An ni khan kan ram a mafia lar tak nunrawng tak fanu i ni tih an sawi a i nunrawng in tualthah pawh i hrehlo, a dik em chu chu?" A tawng ringlo a a tawngkam chhuak chu a chang rût bawk... A mitmeng ah chuan "aih" Ti a ka chhân a duh zia ka hmu thiam bawk




Tunah aih tiin chhang ringawt pawh ni ila a hrechhuak leh vat dawn tho tih ka hriat avang in thudik hrilh chu tha ka ti zawk a bakah dawt hmang a nun hi ka huat zawng tak a ni..



"An sawi chu a dik alawm" Ka ti zuai raih a... Ka kut a vawnna chu zawimuang hian a la thla riai riai a engmah sawi lo in a bike ah chuan a chuang a a tlan ta daih a... Keiin ka dinna atang in ngawi reng in ka lo en ve tlawk tlawk thung...




Hreawm ka ti takzet.... A lungngai hmel khan min ti hreawm a ni.... A vawi 1 nan mi pangngai nih ve ka chak a ni... Marco vang liau liau in




Zawimuang a ka bike khalh in in lam ka pan ve ta a.... Marco lungngai hmel kha ka mitthla ah a cham reng a, "aih" Ti a chhan ka chak zia kha a hrethiam hoh lo ang...



Zawi nghiai in inchhung ah chuan ka lut hnak hnak a... "Boss princess a lo thleng" An tih chuan papa chuan min lo pan vat a... "I chau em?" Tiin min lo be vat.. Ka lu ka lo thing mat mat rimgawt.... Zep loh chuan ka chau lutuk ka rilru thleng hian a chau




Sitting room a lo thu te ka hmuh chuan mak ka ti hle a chhan chu inleng kan nei ngai miau lo a... Tumah in Mansion hi len en ah pawh an en ngailo..




"Papa inleng i nei alaw" Ka tih chuan a bu nghut ringawt a chumite nupa chu rum em em hian a melh bawk




An lam ka hawi chuan "awi bawihte i lo va lian tawh em em ve" Tih pah in hmeichhia zawk chuan min rawn kuah chung chung a a tap lehnghal amawni... In la hrang in papa hnungah chuan ka biru nghal vat a... "Tu te nge in nih" Ka ti thawt...




"I nu,,,, i nu ka nih hi bawihte" A tih chuan ka lo ner sawk... "Kei hi i nu ka nia chuan hei i pa pawh lo hruai tur che in kan lo kal alawm" Tiin a tap deuh pur a... Keiin ei lo zet in ka lo melh thung...




Papa hmel ka hmuh chuan hlauhthawn hmel tak hian chu nu chu a en reng a... A phun sup sup bawk eng nge a sawi erawh ka hre theilo....



Papa hma ah chuan ka pen hnai a "ka zui na chhan tur che u ka hre hauhlo" Ka tih chuan tap bang hmak hian "eng nge i sawi awmzia i nu leh pa te bula awm ai in he ramhuai pa bul a awm hi maw i duh a?" A ti chiam chiam a...




"Ngawi rawh ngawi chip cham rawh kha i ka bawlhhlawh tak khan papa hi tiangkhan sawi leh tawh hauh suh.... Chuan nu i intia maw khang kum 20 chhung khan khawiah nge in awm min rawn hruai in tum em? Tum lo.... A chhan chu ka nu leh pa diktak te ni miau heklo che u mawle... In hmu em heihi ka pa a nih hi ka pa dik tak" Ti in papa chu ka kuah




"Princess" Papa chuan a lo ti sep... "Papa lo ngawi rih rawh" Tiin chumi te nupa lamah chuan ka pen hnai leh a... "In ngam a nih chuan DNA test ila in ngam em?" Ka tih chuan mirmeng tanchhe du hian min en a... "Guard man nghal ula basement ah khung nghal rawh u" Ka tih chuan an rawn man nghal a




"Aih min thlah rawh u a dik alawm i nu leh pa diktak te kan nilo chuvang chuan min chhuah tir rawh u" Hmeichhia chu a rawn au chel chul a... Ngaihsak lo in inchung lam ah chhoh mai ka tum a...




"Engtin nge an nilo tih i hriat?" Papa in a rawn tih chuan amah chu en in
"Engtin nge an nih theih tehlul ang ni papa... Papa, nangmah hi ka pa chu i nia lawm ka nu pawh i nia" Ka tih chuan min kuah thlawp a... "A dik chiah nang hi ka fanu i ni... Miin eng thil pawh lo sawi se ka fanu.. Keima fanu chauh i ni" Tiin min kuah nghet sauh sauh




"Ka thaw theiloo" Ka tih chuan min thlah vat a... A hmel ka en chuan a meng hnawm deuh chep a a meng sen ram bawk... Lawk papa hi a tap tihna ami....




"Engtik ah mah ka kalsan lo ang che papa" Ka tih chuan a kiai suk a... "Han in thlak tawh rawh" A ti a basement lamah a chhuk thla ta a...




Khang mite kha tu te nge ni anga tu rawih te nge an nih ang... Ka nu leh pa ang in an rawn in chhal rimgawt lehnghal a... Ka lo awi an ring reng reng amawni.... Ka nu leh pa te diktak chu ka zawng chhuak daih tawh




An thlan ah pawh ka kal nghe nghe a nih kha, ni e ka an ni chu an thi tawh alawm.... An in luahna neitu sawi dan in "zu an in nasa lutuk a an thi" A ti kha a nia... Min hringtu ngei ka nu leh pa te ni mahse an phu tawk ka ti takzet




Mi in gate bulah an ril a rah an fanu ngei nausen lehnghal chu min hnutchhiah thei a nia hmangaihna an nei thlawt lo.... Chutiang nu leh pa chu ka mamawh lo bawk..... Mahse lehlam kawmg zawng a thlir chuan ka lawm a ni... Papa hi ka pa a nih theih phah a




Ka room ah chuan ka lut a kawngkhar chu khar in ka rhu thla hnawk... Tukin kha chuan engkim kha a kal tluang in a nuam em em asin mahse tunah chuan a letling thawk a ni




Ka thian ni a ka chhâl ngam ka lo ngainat hman tak em em Marco in ka nihna a hriat avang in min kalsan a.... Nidang hun dang ah miin min kalsan in hreawm ka ti ngailo.... Pawi ka ti ngai heklo...mahse tunah erawh chuan ka awm chhung hi a tawt up up mai




A hnu ah chuan in tih thawven tum in ka tih thin fo dan in silai kah zirna roomah chuan ka chhukthla leh a.. Ka kap leh nghal mial mial..... Ka thawven phah vak pawn ka hrelo....




A tukah chuan college kal tur in ka room atang in ka chhuk thla a... Basement atang a papa thinrim tak in a rawn chho a "engtin nge a thlen theih zawk a vengtu te pawh kha that ve nghal vek rawh u" A ti phiar phiar a...




Zawhna mitmeng deuh hian Uncle Sam chu ka va mitmei a.. .. "E princess ka thlah ang che aw" Min ti daih... Man lo thei bawk sia.... Papa in min rawn hmuh ve chuan insiamtha vat in "I kal tawh dawn em ni?" A lo ti var a... Nichin a a thinrim na kha chu hmuh tur a awm leh tawhlo




A zawhna pawh chhanglo chuan "papa env nge thleng a?" Ka lo ti daih thung "engmah a ni lo e ka chingfel mai ang" A ti a a room lamah chuan a chho ta daih a... "Uncle Sam i sawi ang chuan min lo thlah rawh le" Ka tih chuan "i sawi tum ka hria" A lo ti nghal..




"Maww engtin nge chutiang thil chu a thlen theih a an va veng uluk lo awm ve" Ka tih thawt chuan Uncle Sam a lo ner sak.... Nizan a min rawn bum tum tu te nupa kha an lo in ti hlum a nih chu chupawh engmah kan zawh chhuah hma hauh in




College ka thlen chuan Natasha in pawn ah min lo nghak vang tawh a... Eng nge maw a hriat ni tunlai chu a kal hma thei riau.... "I lo va thleng har ve" Tih pah in ka darah a beng ri leh nghal thlawrh.... "Ehee nizanah i mu lo ami i mit hnuai a val deuh" A tih chuan "tlem te" Ka lo ti ringawt...




Nileng in Marco an min pehhel char char a.... Rabby leh Natasha te chu tha tak in a bia a.. Kei chu melh khat te pawn min melh lo... Nimin lam a a awm dan nen a in an loh em avang in mak an ti viau nghe nghe




Biak ka tum a min pehhel zel a... Midang a be daih a, a nih loh leh lehkhabu a chhiar leh daih a.... Tlai lam deuh phei chuan ka tum buai tawhlo law law min be duhlo tu biak tum tal hi ka bat a ni biklo



Mahse ka rilru erawh a hreawm hle thung si.... Tlai banah chuan Rabby an Natasha i phur in min haw san leh tawh a..... Uncle Sam an min lo hruai dawn ka tih vang a min hawsan ta pawh an ni...



Uncle Sam a rawn kal mai loh avang in eng eng emaw ngaihtuah in muangchang in ke in ka haw a... Ruah a rawn baw hawk.... Khawi ah emaw tawm hul a in saseng buai ka tum lo.... A rawn sur ang ang chuan ka do mawl tawp...




A hnu ah chuan bike hian chak zet hian min rawn tlan pel fua a... Marco a ni tih ka hre thei.... Ma hnung ah chuan hmeichhe pakhat a phur tel a... Ka thlir zui vawng vawng...




Ka mittui a rawn tlak chuan a awmzia ka hrelo hle... Ka hriat zawng chu ka thin hnun hi a na em em tih hi a ni... Marco an hmeichhia a phur ka hmuh khan ka thin hnun hi a na takzet a ni.... M


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)