MY MAFIA PRINCESS BY Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY MAFIA PRINCESS BY Tluangi Sagy Pachuau (Completed)

Unread post by Ngaia » September 4th, 2022, 12:40 pm

MY MAFIA PRINCESS


CHAPTER 13👸


BY Tluangi Sagy Pachuau👑






Doctor in papa chu a harh har tawhlo ang a tih avang in a mutna room ah chuan ka chho a, a bul ah chuan thu in




"Papa ka kal ang aw, lo in enkawl tha la, dam tha deuh in lo awm rawh aw, tunah chuan fapa i ro chun tu tur, i company leh sumdawnna te enkawl tu tur fapa rintlak tak i nei tawh a, kei ka lo awm ve khan engmah kawng ro a su dawn chuang lo





Min enkawl thin na ah khan ka lawm lutuk, engkim ah ka pa tak i nilo tih ringlelh tur awm miahlo in min enkawl seilian a, ka damchhung chuan ka rul seng hauhlo ang che




I hria em? Mi pangngai ang in mafia ang nilo a nun ka chak thin zia kha, ti hlawhtling tur in ka kal dawn a ni, papa min demlo ang tiraw, fapa i nei tho bawk a, ka drem ti hlawhtling turin tuma min hriat lohna tur hmun ah ka kal dawn a ni, min lo ngaihtuah suh aw" Ti in papa khum a mu bam chu ka be sep sep a





Zanah chuan tuma hriat loh tur in ka chhuak ta a, kan chhungkua papa, uncle Sam, uncle Bruce leh uncle Erick te nen a kan pali a kan thlalak chu ka keng tel bawk




MARCO POV*
---------------------------------


Zing ka thawh chuan maid ho in an princess-i a awm loh thu min lo hrilh a
Nilo, a ni hi ka kal bo dawn a tih kha a lo ti tak tak em ni, min be duhlo a min pumpelh in ka hmangaihna pawm leh dawnlo mahse in khat a kan la cheng tlang tal khan ka awm a ti nuam asin, a thawm hre phak tal a ka awm te kha nuam ka ti hliah hliah asin





Hlauthawng zet in a room ah ka tlan chho a, a lo awmlo tak tak, a room chu a felfai thlup a closet ka hawn chuan a thuamhnaw pawh a lo la awm nual, thuamhnaw a keng tam vaklo a nih hmel, beidawng zet in a khumah chuan ka thu thla dat a, "Abigail khawi hmun ah pawh awk rawh ka rawn zawng chhuak khawp ang che, a kum a kum hial zawn ngai che pawh ni se ka rawn zawng ngei ang che", ti chuan ka in hum ruh sauh sauh





Ka pa pawh a rawn harh tawh a, Aby a awmlo tih a hriat chuan a mangang hle, ni e ka hriatthiam pui lutuk a sen tet atang a a ril a rah a fanu ang a a lo enkawl thin in a a kal bo san chu a tuar na dawn lutuk..... Kei kum tlemte ka chauh ka hre chung pawh a a kal bo hrehawm ka ti a nih chuan ka pa phei hi chuan hreawm a ti dawn lutuk




Ni leh thla a liam a kum hial a vei hnu pawh in Abigail i chuan rawn in lat tik ni reng a nei theilo, a ni tel in ka ngai a, vawilhat tal hmuh leh pawh ka thlahlel a ni..




Ka pa in a engkim ka kut ah a dah a, ka lo enkawl thin pawh ka enkawl tel bawk a, a hma a hmelma ni thin kha tunah chuan pumkhat a lo ni ta a, kan lian tha khawp mai, ka pa chuan kan tun hma nunah hmelma kan lo ni thin tih theihnghilh thak khawp in a hmangaihna ka chungah a lan tir a, hmangaihna a ngah ka ti takzet a ni





Mahse Abigail kal bo atang khan a tla chak em em a, thil a ei tha lo in a mu tlem hle thin tih ka hria, han tih luih lah in a ei duh ngai bawk silo, kan zawng awl lo a, mahse khawi ah teh hrep nge a vah bo ni tun thleng hian kan la hmu lo chu a nia




Tlai khat office a hna ka thawh mawlh mawlh lai chuan phone call ka dawng a, London lam a awm kan mi leh sa pakhat chuan Abigail ang tak a hmuh thu a rawn sawi ta mai, hmangmawh tak in in lam ah ka tlan haw nghal a... Ka thin chu a phu dup dup mai




Ka pa ka hrilh chuan a ni pawh a lo lawm ve ngang mai


____________________________________


Ral khat atang chuan nula pakhat restaurant a waiter hna thawk a hlim tih hriat tak a nui bawk bawk chu ka en reng, a hlim tih ka hriat na chuan ka thinlung a ti hlim ve veng veng thei....




A hnu rei lo te ah chuan buaina a tawk tih hriat tak in a kut ah chuan mipa pakaht hian a vawn sak a, an in pawt tiah tiah mai, thil pawi zawk a thleng ang tih hlau chuan ka tlan nghal vat a ka lut dawn chiah tih ah chuan chu pa chu lei sh chuan a thal awrh mai




Ka nui sak, ka lo theihnghilh hman a ni Abigail hmeichhe rothap leh insual thiam tak a ni tih kha, dawr nei tu ni awm tak nen chuan an in be mawlh mawlh a, a hnu ah chuan a apron hak chu a phelh a chupa bulah chuan a vawm kher bawk




Pawn a a rawn chhuak in min hmu chu mak a tih hmel hle mai, "Marco" Tih chuan a phun sep a, min be lo a kal mai a tum chu a hnung lam atang chuan ka kuah nghal thlawp a





"Min pehhel tawh suh Abi, a rei tawh i ti ve lo em ni, ka ngai lutuk che" Ka tih chuan min chhanglo a ding khawng reng a, a taksa chu a in sang mar tung tih ka hre thei




Ka lam hawi tur chuan ka kuai her a, a mittui a lo parawl kuang mai "Tinge Abi? Ngatinge i tah?" Na a nei a nih ring in ka hlauthawng nghal em em, mahse a chet dan chuan min thawng letling zawk khawp a ni, min kuah in "keipawn ka ngai lutuk che Marco" A tih chuan min tih chuan ka rin loh dan lutuk a a chet vang nge ka ngawi rauh rauh a





Mahse rei a nilo, ka kuah let ve vat a,.

"Coffee i in duh em?" A in luah ah kan let a, a te fel at reuh a a nuam letling phian, min zawhna pawh chhanglo chuan "lo haw tawh rawh Abi ka pan a ngai lutuk che chaw pawh a ei tha ngailo a zan mu pawh a tuah tha ngailo" Ka tih chuan a ngawi vung vung a




A ngawih vung vung chuan a duh dawnlo amaw ka lo ti hman a mahse a lu a buk tak nghut ah chuan ka lawm le...


________________________________
TI KAL DEUH ZUNG ZUNG ANG



ABIGAIL POV*

Papa khum a mu bam chu ka en a ka hnuk a ti ulh thei hial a bulah chuan ka thu a "papa" ka tih chuan a rawn meng chhuak riai riai a "Abigail ka fanu nangmah i ni tak tak em?" A tih chuan ka lo bu nghauh nghauh...




"I lo va haw har em em ve ka fanu" Tiin a kut tha hrui ngah tak thil cher tawh tak chuan ka biang chu a rawn dawm a
"Papa lo in enkawl tha la hrisel tak in lo awm rawh ka tih che kha" Ka mittui a luang ngiai ngiai, Marco khan Cancer a nih thu min hrilh a, hun tam a nei tawhlo lehnghal




Ka hnung a Marco awm chu ko hnai in a kut leh ka kut chu a hum hnan a, "ka fapa leh ka fanu te u, ka dam lai ngei hian innei ula ka duh a ni, ka duhthu sam chu min tih puitlin sak thei angem" A tih chuan Marco nen chuan kan in melh zawk a.... A hnu ah chuan kan remtih thu in kan chhang ta a





Papa duh ang ngei in thla khat hnu ah chuan Marco nen chuan kan innei ta a. Papa pawh a hlim in nuam a ti khawp mai.... Kei ka hlim a Marco pawh a hlim bawk... Tu mai pawh chu kan hlim tlang vek a ni ber mai




Mahse kan hlimna chuan rei a va han daih lo tak em.... Marco nen a kan inneih a tang a kar 2 na lek a papa natna chu zual in fam min chan san ta, kan tuar em em a, Mafia hotu ber, Kan mafia Arsi lian ber chu a bo ta




A bik in Marco chuan a tuar em em a, kum kha leh chen hrelo in a pa dik tak chu haw em em in hun a lo hmang thin a.... Tunah a hriat chhuah hnu lawk kum 1 hnu ah a boral san ta mai chu a nia, kan tuar em em vek rual in Marco chuan a tuar zual bik em em a ni...



KUM 5 HNU AH CHUAN



Papa thlan chungah chuan kan chhungkua kei Marco leh kan fanu te nen chuan kan ding ran a "papa hei kan lo kal a nia chuan i tuntu pawh kan lo hruai, a lian tawh i ti em, tu i awh theih em kha papa i duh ang ngei in a hming ah Vivian Agastino kan sa bawk a chuan a nau tur ka pum chhungah hian a awm bawk a" Tiin ka pum puar ve kak tawh chu ka tuai a





"Ka pa min lo ngaihtuah reng reng suh aw, kan tha in kan hlim lutuk a nia, Chuan Uncle te pawn nupui an nei vek tawh" Tiin a nui sak a....





"Papa van atang khan min lo thlir ve reng thin rawh aw"

"Kan haw tawh dawn em ni My Mafia Princess" A tih chuan lo nui hak hak in
"Princess ka ni tawhlo i pawm lai kha princess chu a nih kha" Tiin ka fanu biangah chuan ka piai zauh




"Dikchiah apa mama chu Queen alawm" Ka fanu pawh chuan a lo ti ve zat a.... Nui hawk hawk in "a nih leh ka lalnu leh ka lalfanu te u haw tawh ang u leee" Tiin hlim tak in in lam chu kan pan leh ta a









A TAWP TA😳




Please COMMENT

COMMENT IN COMMENT CHIAH A NI KA NGEN NI... IN KAL KA DILLO CHE U🥲🥺


Show post links
Top



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)