MY MAFIA PRINCESS BY Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY MAFIA PRINCESS BY Tluangi Sagy Pachuau (Completed)

Unread post by Ngaia » September 4th, 2022, 12:39 pm

MY MAFIA PRINCESS

CHAPTER 7👸

By Tluangi Sagy Pachuau 👑



Huh zawr hniang in in ka thleng a , ruah pawh a sur han tawh a khua a thim chhulh tawh bawk... Papa chu pawn ah chuan a lo vei thuk thuk a... A hnungah ka ui duat lai Fifi-an a zui kual ve zel bawk..




Gate atang a ka lut min hmuh chuan min lo pan vat ngaihtuah hmel tak hian min lo en bawk, vawiin a ka thil tawn zozai te nen chuan ka rilru no rawn chhuak in "engatinge min lo hruai loh ka huh vek hi" Tiin lungchhe em em hian ka tap hawm hawm a




Min kuah thlawp pah hian "ka tihpalh baby ka tihpalh takzet" A ti sup sup a ka hnung a chul hliau hliau bawk.. Kei ka lo tap uar sauh thung... Mafia ka nih vang hian tap theilo ka ni lo a... Mihring ve tho ka ni a..... Hmeichhe awmnem ve tho ka ni.....Na ka tih chang chuan ka tap ve bawk thin ang chu




Ka tah chhuak zualpui a reh hnu chuan inchhungah kan lut ta a... Uncle Sam pawh chuan a inthiamloh thu leh an thil chhui na a an buai thu a lo sawi ve bawk a... Engmah sawi lo a room a chhoh ka tum chu ka lu a rawn hai muai muai a a thim ta hmuk ka hriat hnuhnun ber chu "princess, princess" Ti a hlauhthawn hmel tak a papa min ko ri chu a ni..




Ka harh leh chuan ka bulah Natasha leh Rabby an lo thu a, mak tak mai in an hnung ah chuan Marco a lo ding ve kur bawk... Min en run run a engmah phei chu a sawi lem chuang lo




"Awi Aby i lo harh ta maw God! Ka va lawm em" A ti vawng vawng a Rabby chuan in thiamloh hmel tak hian "ruah sur i do haw tih kan lo hrelo a.. Kan lo nghah pui silo che a" A ti sup a... "A pawilooo" Kei in ka lo ti nghut thung... Thinrim vang a ti erawh ka ni hauh lo.. Ka la tawng peihlo em a ni




"Awii ni hnih ngawt i mu a mitthi ang chiah in" Nat chuan a rawn ti leh a... Amah chu ka en haw "ni hnih maw?" Ka ti sup a, a lo bu nghut nghut...
Ka van lo mu rei em em ve le




"Khawimaw" Tih pah in ka chal chu a rawn dek a "i khawsik a awm tawhlo e" A ti leh a.... Min bia pawh a ni chiah in ka hrelo... "Khawnge papa?" Ka tih chuan thil tul ah a chhuah lawk thu in min chhang a ka lo bu nghut nghut




Marco chu ka han en leh zawk thin a, ka han en chhoh apiang in min lo en ve ziah lehnghal.... Kan mit a intawng fuh mai mai nge ni a min lo en char char tih pawh hriat va ni suh




Chutia kan in melh leh zawk thin chu midang chuan an lo hrethiam a ni ngei ang... Chhuanlam siam in min chhuahsan ta daih a, an chhuah hnu chuan sawi tur a vang duh khawp mai a tawng tam mi nih loh nen bakah ka be chak hlawllo




"Hruai tur che in i call thei reng a ni lawmni?" Amah zawk chu a rawn tawng chhuak a... A tawngkam chhuak chu a no lo khawp mai, a hmel ka han en chuan a rawngkam a nem loh ang bawk in a hmel pawh a pe rum angreng khawp mai




Chhanglo in ka ngawi reng a, ka darah chuan rawn sawi nawk in "luhlul viau thin suh Abigail" A rawn ti thawt a ka lo nui hak thung min ngaihtuah ber awm ang zia zang a




"Eng nge i nuih a? Nuihzatthlak a awm em ni?" Thutak tak chuan a ti leh a chhan tum lo in ka la ngawi ngul thung.... A rawn kun hniam chu tho hluai in a kawng chu a dawm a thawk a la leh hawk thin. Kei puan chuan ka in lukhup hmak thung




"Abi inbe lawk ang" Nichin aia tawngkam nem zawk chuan a rawn ti a
Ka chhanglo "Abigail" A tawngkam ah chuan dawhtheihna a tlachham tawh hle tih a hriat theih...





A hnu ah chuan tho hluai in Marco chu ka nam dawt dawt a ka nam pah chuan "sawi duh ka nei" A ti khat tawk reng bawk. A sawi pawh chu ngaithla lo chuan ka nam dawt dawt a room pawn lam ah chuan ka nam chhuak ta daih a..





"Khami ni ka nihna i hriat hnu a i kal tak daih leh a hnu thleng pawh a min pehhel reng lai atang tawh khan nang nen a thian kan nihna chu nangmah ngeiin i ti chat tawh.....biak che tum in vawi tam ka pan che a nang chuan min lo pehhel zel a... Tun atang chuan min hria ang pawn awm leh tawh suh ang che a biak pawh min be tawh suh a nih loh chuan" Ka chawl dat a





"A nih loh chuan eng nge?" A lo ti ve vat bawk..
"A nih loh chuan ka that ang che" Tiin kawngkhar chu ka khar ta hmak a..kawngkhar ngheng chuan ka thu thla hnak...





Kawngkhar chu a rawn chum dat dat a
"Aby ka tihpalh ka lo pehhel thin che avang khan khawngaih in tiang chuan ti suh" A rawn ti a.... "Thlawk bo rawh" Ka lo ti tuar thung...





A hnu ah chuan thawm a reh ta hmak a.. Tho chhuak in ka khumah chuan ka phei leh hnak hnak... Reilo te ah Nat leh Rabby te pawh an rawn lut leh a





"Ngatinge Marco kha a va lungngaih hmel em em ve in inhau ami" An rawn ti lut bawrh bawrh a, chhang lo in hma lam ka melh ngur.... "Aby ngatinge?" A tih leh chuan "Marco hming ka hriat ah lam leh tawh suh tunge Marco chu a nih tih pawh ka hrelo" Ka tih nghut chuan mak ti deuh hian min en a...





"Haha i uang mai mai a ni tiraw" A ti leh hram a ka thin in a tuar tawhlo...
"A ni kha thian atan a in duh a nih chuan va kawm ula va kal rawh u.... Chutih rual chuan min theihnghilh ve nghal dawn nia" Ti hmak in ka mu leh nghal hlun... An in en haw haw ringawt





Ka bul ah chuan an thu ta reng a. A hnu a an haw tur pawh chu ka hre reng ka tho chhuak duh eih lo... A tuk ah chuan college kal tur in ka insiam a papa in remti lo viau mahse ka duh miau avang in min ti lui lo amaherawh chu Uncle Erick an min hruai thung





College kan thlen chuan car atang in ka chhuk thla vat a gate bulah Nat leh Rabby ten min lo nghak leh vang tawh. Ka bulah chuan Uncle Erick chu a rawn ding a Campus lam chu hawi vang vang in "an va chhelo hlawm ve" A rawn ti chhuak phawng a





"Princess pakhat chu ka ta tur in rawn hruai haw ta che" A tih leh chuan a hnung ah beng thlawrh in "naa Uncle Erick putar i nih tawh kha haw tawh rawh i ler emmai" Tiin car ah chuan ka nam lut rawk rawk a, a la nui hawk hawk zui... Uncle Erick hi chu a tawngkam chauh hi a ler a tak a chet chhuah tum leh hauh silo... Mahse midang pathum te ai chuan a ler ber tho





An bul a ka va din hnu pawh chuan kal mai lo in kan la ding reng a "tunge kan nghah?" Ka tih in a lo thlen tep thu in min chhang zel a... Ka lo va lut ang ka tih lah in an phal tlat bawk silo... Kun ngul in an bulah chuan ka lo ding ve reng a... Lungte vel chu ka chhir ka chhir a





Ka hma zawn ah chuan mi tuemaw a rawn ding a, a kalna ka dal a nih ring in ka lo ding sawn a... A ngai te bawk in ka hma zawnah chuan a rawn ding leh
"I kalna tur ka ken reng che kha" Vin hlar chung a ti in ka hawi chhuak chu Marco chu nui sang hian ka hma ah a lo ding a





Melh rawm rawm a kal mai ka tum chu ka kut ah a lo chelh a... Ka thin a phu leh nghal dawt dawt... A vawi 2 nan ka kut ah a chelh leh ta... A lamah chuan min pawt hnai in ka kut pahnih chuan a vuan a...





"Aby ka thil lo tih tawh te avang khan i thinlung ka lo ti na a nih chuan ka tihpalh" Tiin bul a tan a "a na bawklo" ka lo ti nghut. Nui suk in "eng ang pawn lo awm la eng mi pawh lo ni la ka duh che Mafia i ni emaw ni lo emaw ka mit ah chuan i ngai reng ka hmuh tirh ni che a Abigail-i tho kha i ni ka duh lutuk che" A ti a mak ti tak in ka lo en haw ringawt...





Chutia engmah sawilo a ka la ngawih reng avang chuan "min la hua em ni" A rawn ti a... Amah en reng chung chuan ka lu ka lo thing mat mat ringawt a.... Ka thin phu a rang em em ringawt..





"Kha i biang a tai leh vek tawh a nia" A tih chuan harh chhuak zawk in ka biang chu ka khawih vat a... A lo sa vurr ka beng te thleng hian a sa hat hat in ka hria... "Tuna i lan dan kha i duhawm lutuk" Nuih suk suk pah a a tih chuan a darah ka lo beng thlawrh





"A naa i kutthlak a na si" A ti nang nang a... Class lamah chuan min kai chho ta a... Min hmu apiang chuan mak tiin min en a classroom kan luh pawh chuan min lo en thup... A bik in hmani a bike a a phurh nu khan min lo melh rum nasa lehzual





"I bialnu saw a meng no lo rap" Ka va, tih sa sa chuan "ka bialnu a nilo" A lo ti nghut.... Ka duh ve leh ve loh ka hre lo a mahse ka thinlyng chhung hi a hlim veng veng in ka hria... Kan thutna kan thlen chuan Nat leh Rabby chuan min lo nuih vur vur a, hemi te pahnih pawh hian an hre chiang lutuk




Class lak lai te chuan ka kut chu a chelh reng a... Laklawh thil ah lak sawn lawk pawh ngai mahse a la sawn a rei lo te ah a rawn vuan leh thin thil ei tur a canteen a kan kal te chuan ka kal bo daih ang tih hlau ni awm fahran in min chelh reng a ka nuih a ti za zawk...




"In inngaizawng tawh tihna ami?" Nat in a tih chuan Marco chu ka en haw a a ni lah chuan "aw" A lo ti sam et... Chutiang pawh chu ka hriat ve si loh.... "Hey ka duh che pawh ka tih ve loh kha" Ka tih in "min duh tih ka hria" Confi zet hian a ti a




"Confi viau suh ka kap mai ang che" Ka tih lah in "min kap la hmangaihna silai in" A la ti ham ham zui ah kan pathum chuan kan nuih tawp


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:39 pm

MY MAFIA PRINCESS


CHAPTER-8👸


By Tluangi Sagy Pachuau 👑




Marco nen chuan kan in ngaizawng chu a ni der mai a... Thla khat lai a liam leh tawh... A hma a ka dam loh lai a kan in a a lo kal bak kha a lo la kal leh lo ka phal miau lo a... Papa bulah pawh ka la sawi lo.. Mahse mipa duh ka nei tih chu ka hrilh tawh...





Nui ruh ruh chung in "la hmuh ve tur a nih chu" A tia a zo der..... A la thutak vak lo nge mawni... Nitin class kan kal a min duat thei em em bawk... Chuan sawi hmeih phal miah loh tur chu a thikthu a chhe rapthlak..





Hmanni deuh pawh khan canteen ah Nat nen kan awm dun a.. Kan class ami tho pakhat kan bul a lo thu ve a hmuh khan a sawisa hrep a.... Thelh lo phei ila chu a sawisa hlum thei hial ang
Khata tang kha chuan mipa dang hi biak emaw melh pawh ka tum leh tawhlo reng reng... Min lo biak an tum pawn ka in thiar fihlim hram hram zel





Keichuan tual thah ka hrehlo.... Mahse a ni in a chutiang lam a tih ve chu ka duhlo a ni...





"Eng nge i lo ngaihtuah a" A tih chuan ka harh chhuak zawk... Class room ah kan awm dun a... Midang chu pawn lamah an awm vek a nih hmel... "Engmah" Ka lo ti ringawt a





"Engmah ei in kan chhuak ve ta silo a ei chak te i nei em?" A tih chuan ka thil ei chak ka lo hrilh vat a.... "Ka zuk lei ang" Ti a chhuah a tum chuan zui ve ka tum a... A phal tlat lo... Ka lo let leh vat ang a tih tak ah chuan classroom ah chuan ka lo nghak ta zawk a





A rei tak em avang chuan canteen ah chuan ka chhuk thla ve a.... A hmel reng reng hmuh tur a awmlo... Pawn vel ah chuan ka zawng kual a... A hnu ah chuan thingkung bul a hmeichhe pakhat nen a an ding chu ka va hmu a ka va pan phei nghal vat





"Abigail-i te ang tualthah a eizawng... Hausa satliah.... Mi zawng zawng tih rawn ai chuan ka tha zawk daih lo em ni?" Tiin min thamlo tih hriat zet hian Marco bulah chuan a lo ti a... Chutia kan eizawnna heechiang hawt lo a a duh duh a thil a sawi ringawt chu ka ngaitheilo hle





"I duh duh sawi theihna dan i neilo" Marco chuan a lo chhang let ve a...
"Abigail hi kalsan la ka hnen ah lo kal mai rawh ka siam nuam thiam zawk ang che... A ni ang mi nunrawng... A lung i tih awi loh vaih chuan a kap dur mai ang che, i duh khawp pawh a pe zo dawn che em ni" Tiin a nui zui har har a





Ka insum thei tawhlo chuan Marco chhan let na pawh ngaichang lo chuan hnung lam atang in a sam ah chuan ka va kek nghal buan buan a..... Thu sawi lam ah hian ka ram tang vaklo a... Thinrim tawp ah chuan kut thawh pawp a ni mai





A samah chuan ka kek dak awr awr a... A rak chiam chiam bawk..... Thlah tur in min ngen a mahse thlah ka tum hauh lo... A cho chhuah ka ti mai... A tawngthei zawt zawt bawk a, ka thiam dan in ka ching fel ve a ni mai





A hnu ah chuan Marco chuan min rawn pu lawp in gate pawn lamah chuan min kal pui nghal pawk pawk a "Abigail tunge ka nih i hrelo ami... I la hre khawp ang" Sam phir sung leh tap pur chung hian a la rawn ti hram a... Min hneh loh loh nen





"Minister fanu pawh ni mahla ka hlaulo che" Ti let in ka kut tum chu a hmuh tur in ka lek ar ar a.. In la cham deuh in ka melh kar bawk...





"Tawng tawng suh" Tih pah in Marco chuan ka mawng chu a beng ri thlawrh a... a hnung a ri chhunzawm ve nghal awk tho... Ka bialpa mah ni se kut thlawn hi ka ba thiam hlawllo a ni ber





A bike hnung ah chuan min thut tir a "khawnge kan kal dawn?" Ka tih chuan min chhang mai lo in a rawn lawn kai a "nuam deuh ah" A ti ringawt... Kan tlan chhuah dawn chuan "ka bike ve kha" Ka la ti hram a... "Tikhan awm mai rawh se" Tiin a tlan chhuak nghal zat...





Aquarium ah min kal pui a lo tum lek chu ni in... Mahse nuam ka ti takzet... Tun hma in hetiang hmun ah hian ka la kal ngailo a... A hahdam thlak ka ti takzet a ni





Darthlalang chhah tak hma ah chuan ding a hma lam a Sangha lian tak chu ka en reng a, ka bulah Marco pawh chu a lo ding ve a.... "Nichin khan thingkung bulah khan tinge i awm teh daih a? Canteen ah i kal amaw ka tia"nichinn a ka thinrim na te kha an rawn let leh vek ni in ka hria





"Ka kal alawm.... Kha nu khan thil pawimawh sawi pui duh che ka nei mi hriat chi loh a tia... Tah khan kan in zui phei ta alawm" A tih chuan lo nui ro halh in "chuan i lo awi mai amaw? I hmelhriat pawh ni lo in chutiang chuan a rawn ti che a i kal mai amaw?" Ka tih kha kha chuan ka kut rawn chelh vat in





"Engmah ngaihkawih tur a awm lo... Thinrim suh" A ti ve ngial a in sawi fiah chu a thiamlo khawp mai.... Dik tak chuan a chung ah hi chuan ka thinrim em em pawh a nilo, khanu in a min sawi dan kha ka thinrim pui ber zawk chu a ni





"Engvang a ka sawisak lai a min lo dang kha nge i nih a i chhan hrim hrim" Ka tih te chuan a thlabar hmel hle a sawi vak tur a hre bawk silo... Ka khawngaih leh si deuh chuan thu dang ka sawi pui ta zawk a





"Ka bialnu hi miin engtin pawn dawi se ka duh ber mai....pawn lam a tha tak ang a lang thinlung kha deuh deuh ho ai chuan i tha fee 100 percent" Tiin ka biangah a dawm a ka hmui ah a fawp zauh zauh




"Amak ka meng hman reng reng hleinem" Ka tih hnu chuan nui suk in dam thluam hian min fawh chhunzawm leh nghal a... Keipawn ka lo chhang let ve nghal vat....




Rei ngial kan infawh hnu chuan kan in thlah ve ta hram a.... Thawk kan la dun ham ham, ka thin phu te chu a rang in a phu dup dup lehnghal....




"I pa te khan Princess an ti che ami khah?" A tih chuan lo bu nghauh nghauh in "aw... Inchhung ah chuan tupawh in tiang chuan min ko vek" Ka ti a nui suk in ka biang ah chuan a piai vak a "ka Mafia Princess" A ti sup.... "Min piai vak kher a ngai em ni.. Min hlaulo viau suh ka kap mai ang che" Ka tih chuan nichiin a khanu in a a sawi kha ka hre chhuak leh




Tawngka lam a "ka kap mai ang che" Tih ka hmang hi chu Sim deuh chu a ngai a ni.... Bialpa te pawh kan vo chhur chhur reng mai a a chi loh tlat




Chumi ni tlai chuan class pawh kal lo in kan leng kual nileng zak a... Kal na tur hmuh a hre thei in a nuam thei em em vek mai a... Ka vawiin hun hman chu a nuam takzet a ni...




"I mipa duh chu tunge ni a?" Papa in a lo tih chuan ka room ah ka chho tur chu let leh in a bulah chuan ka va thu a... Marco chungchang chu ka sawi nghal siam siam




Hetiang a ka awm hi a la hmu ngailo bawk a hmuhnawm ti tak hian ka thil sawi lai chu min lo thlir reng a... "La hmuh ve ngei ka duh a ni... Hetiang khawp a kan princess lo ti hlim thei tu chu" A tih chuan leng tur a ka sawm tur thu sawi in phur tak in ka room ah ka chho ta nghal a




Marco chu call vat in papa thil sawi te chu ka hrilhchhawng ve leh a.... A ni pawh chuan papa hmuh chu a chak rual in a huphurh ve hmel khawp mai.... A awm ve tho... a bialnu pa mai pawh nilo Mafia boss lehnghal hmuh chu a hreh viau in ka ring




Tunlai chu buaina engmah tawh kan neilo a... Nun a hahdam khawp mai... Mahse kan hmelma lam hian engtiang in nge hma an lak dawn tih hriat a ni lo a inring reng a awm erawh a ngai reng thung...




Oil laihchhuahna factory kan neih hi a lian tha in a ram a zau a..... Kan ram in a kan rin deuh ber a ni nghe nghe.... Hemi min chuhsak tum hian hma an la reng tih hai rual loh in enthla tur tur a an rawn tirh te pawh kan lo man zel kha a ni a...




Kan fimkhur zual sauh a... Rin loh lam daih a an rawn chet thut theih vang a ni.... Hmelma lam hi keini pawl ang bawk in an lian in mithiam tak tak an kawl ve teuh bawk a... Pawngtawng zuam ngawt chi lah an ni heklo...




Zing ka class kal tur chu papa chuan "i thianpa chu i lo hrilh em?" Min ti a.. A thutak vei phian bawk... Hmuh chu a duh ve tak tak a nih ka ring... "Hrilh thuak a... Engtik a lo leng tur in nge i duh a?" Ti a ka zawh let chuan a hma lam in ni mahse a pawi loh thu in min lo chhang a....




College ka thlen chuan ni dang ang lo tak in Nat chu rilru hah hmel deuh hian gate bul a thutthleng ah chuan a lo thu a... A thaw leh halh thin. Rabby erawh a lo la thleng lo a ni ngei ang




A bul ka va thlen pawh chuan min lo biak mai a tumlo a chu mai pawh nilo in ka thleng tih pawh hrelo ang hmak in a awm.... "Khawnge Rabby" Ka tih te chuan a la phu zuk zui ah




"A lo la thleng lo... Hrilh tur che ka nei" Tiin pawn lam a washroom awm ah chuan min luh pui a... A thutak ber tum a la ni ngei ang... A rilru a hah hmel ropui si




A sawi tum pawi sawi ta mai lo chuan a thaw lawh hawk a... A kut tin chu a sik neuh neuh bawk... "Eng nge ni a i awm dan a dik miahlo" Ka tih chuan thawk la ham ham in "ka rai" A rawn ti sap a




"Enga" Ka lo ti vakk a.. Ka hmui a rawn hup nghal chawnn chawn a a mit meng in tawng zawi tur in min khap nghal vat bawk...







Muthlu chung in ka type.... (Muttui u)
💕🥱


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:39 pm

MY MAFIA PRINCESS

CHAPTER 9👸


By Tluangi Sagy Pachuau👑



"Maw i rai maw tu fa ngee?" A aia zawi deuh zawk chuan ka han ti a, a meng kual zawk zawk a "Rabby" Zawi sep hian a rawn ti a.. Ka in control leh hman lo "maww" Ka lo ti leh vak... Ka hmui a rawn hup leh nghal chawn chawn





A mak ve em alawm an thian te kan nia an in ngaihzawn awm kan hre bawk silo a chutia naute an lo siam daih chu amak a ni, a hmel ka en lah in fiamthu hmel a pu bawk silo, fiamthu a hnek in a rilru a hah hmel em em lehnghal





"Engtin nge a nih theih?" Ka tih chuan a thaw hak a "tunah chuan ka sawi peih rih lo class ka kal peih lo lo kal rawh leng ang" Tiin min kai chhuak nghal a "lawk Rabby i hrilh dawn lo ami?" Ka tih chuan "dawn e" A lo ti mai a... Vawiin ah chuan a hrilh rih dawnlo ni ah ka ngai mai




Ka bike ah chuan phur in hmun reh deuh lai ni tur a ka rin ka kal fo na thin ah chuan ka hruai a.... Khawchhung hlat lo te ni mah se a hmun hi a biru a...kei leh papa lo chuan kan hrelo.... A hmun nuam ka tih em avang in papa in in(house) te fel at in a sa nghe nghe





"Ngatinge i va tlan muang ve?" Ka hnung atang a thle bak a a rawn tih chuan "naute tan khan a that loh ka ringve deuh a" Tiin ka lo chhang a a rawn nui hak "a ve ngei che hian" A ti a a nui har har... Mi ka ngaihtuah ve a ni mai a , a nui daih chu ka hrethiam lo hle, mahse a nui hrim hrim pawh chu ka lawm tho... Zing atang khan a la nui miahlo a.... Ngaih a thalo hman alawm





Kan thlen chuan "a nuam lutuk" A ti deuh hliai a, zing lam a a rilru hah hmel kha chu hmuh tur a awm leh rih tawhlo. Marco an min lo call chuan class ka kal dawn loh thu ka hrilh a, ka dam thalo amaw tiin min ngaihtuah hman viau a mahse Nat chanchin tlem ang a zawng ka sawi chuan a thaw deuh huai ammma rai thu erawh ka la hrilh lemlo thung... Rabby pawn a la hrelo a Marco lo hrilh thawt thawt kha chu ka duhlo a ni




Inchhung ah chuan dawhkan kil in kan thu dun ran a... Coffee kan in pah bawk... Papa nen hun awl kan neih apiang a kan kal dun thin avang in bungrua mamawh tur ang chi chu a awm kim deuh vek... TV chen in a awm




A ngawih run reng avang chuan ka zawh hun a nghak a ni mai ang chu tiin thil thlen dan vel chu ka zawt a




Thla kal ta a a titau an in thlem tum lai vel khan naute chu an lo siam chu ni in.... An in nuih vel nasa ka ti reng ah clup ah kal an lo tum vang vek chu niin an in thlem lungawi leh hma si kha ka ti deuh reng a ni... An rui lutuk an lo chesual chu niin... A pawi tak tak a ni





Kan ram ang ah hi chuan virginity hian awmzia a nei thui vaklo em em a.... Sex pawh hi inngaizawng inkar a thleng tur a ngaihna chin hi a awm tawh a... Mahse ka ti, keichuan virginity hi ka ngai hlu a.... Pasal ka nei ve dawn te a nih chuan virgin ngei a neih ka tum bawk, inneih zanah kan pasal te ngei mai kan thianghlimna han hlan ila an ngaih a tha hliah hliah dawn hian ka hre tlat a ni





Mafia mah ni ila mihring ve tho ka nia... Duh nei ve tho ka nia... Pasal neih te hi chu ka dream ve fo a nia





Marco-an Nat nen kan awm dun tih Rabby a hrilh a ni ngei a Rabby chuan min rawn call tlut tlut a... Nat a ngaihtuah hle a nih ka ring.. A rai tih la hrelo mahse engemaw tak a thleng ah a ngai tihna a nia





"Rabby hian min lo call reng mai" Ka tih chuan "ka ningg" A ti deuh chiam chiam... A thin chhiat sa tawh nen rai no thinchhia an tih ang hi a neih ve phei chuan a tawrhhlelh awm ngawt ang... Rabby chauh nilo kei ngei pawh hi ka inkhawngaih lawk





Kan inkawm rei ve tawh a ka hrechiang ve thawkhat a, eng ang a harsa pawh ni se Rabby hian naute hi lo duh dawnlo pawh ni se a ti tla dawn lo tih hi ka hre chiang a ni




Nat te hi awmthei tak an nilo a... A nu nen an hmeithai a, a nu hian an in kawtah huan a siam a chuta a chawhmeh thar chu a zuar leh thin a... Chu mi nilo chu pawisa thawh chhuah na vak an neilo... Nat hian a chang chang in part time job a thawk leh mai thin tih loh chu




Rabby erawh chhungkaw awm thei ve tawk tak an nia.. An mahni pual in company an nei bawk a.... Thuamhnaw designing lampang a ni nghe nghe.... Model hmeltha deuh deuh pawh an ngah mai




Marco erawh ka bialpa mah ni se a chhungkaw background ka hre vaklo... Hmanni a kawng a kan pui nu kha chu a nu a ni ngei tih chu a sawi... Thil hi zawh loh chuan sawi vak vak chi a nilo a kei lah ka lo tawng tam bik bawklo nen kan in tum tawk viau mai





Rabby chuan a lo call ngun em avang leh Nat pawh in a hrilh a in huam tak hnu chuan kan awm na chu ka hrilh a Marco nen an rawn kal tur thu sawi in call chu a dah ta nghal a...




An rawn thlen chuan an pahnih in an inbe duh ang tiin Marco rawn lut tur pawh chu luh tir hman lo in ka kai chhuak leh ta nghal daih a.. A hriatthiam loh hmel hle




Pawn ah chuan phul chung ah kan thu dun a ral lehlam hla tak chu kan thlir vang vang a.... "Engtin nge Nat chu a awm a... A rilru a hah i rawn ti ringawt sia" A tih chuan a lam hawi chuan ka insiam tha sat sat a, amah pawh chusn min lo melh ve kar bawk





Pehhel awm miahlo chuan a rai thu leh a rai dan vel leh naute pa thleng chuan ka hrilh a mak a ti ve hle aniang a meng bial kawk kawk mai... Mahse a hmel ah chuan nuihza hmel a lang tel tho bawk si




"Eng nge khatia i hmel i siam danglam vak a?" Ka tih chuan "Rabby pawh kha a hlauthawng a... A rai a rin ve tho thu a sawi a... Tunlai Nat awmdan vel a sawi bawk a.. Ama nu bulah a mah a pai lai a a awm dan te a zawt mawle" A tih chuan ka lo nui ve suk suk a





Min en reng tak ah chuan "eng nge" Ka ti hluk a, mit meng de sur sur a min en vang vang chung hian "ka hmangaih che" A rawn ti a... Che chang lo a ka en reng avang chuan "ka hmangaih che abigail" A rawn ti nawn leh....




"Papa te uncle te min hmangaih ang hian maw" Ka tih chuan nuih hak chung hian bu nghat nghat in "ni chiah a" A ti a... Ka nui nghal ver ver..




Keipawn papa te hi ka hmangaih a, an ni ka ngaihtuahna let thawk in Marco hi ka ngaihtuah a... A nih chuan ka hmangaih ve tho tihna a ni mai dawn lo em ni...





"Keipawn ka hmangaih che" Ti a ka chhan let chuan hlim tih hriat tak a min nuih chung hian min rawn fawp a.. Keipawn ka lo chhang let ve vat.... A, duhthawh tial tial a.... Phul ah chuan min nam mu a.. Min fawhna a thlah lo a a ngai reng in min fawp a





A kut pawh a hlei sawt hle a... Mi a zut kual ruai a ni ber...a thawk a pangngai lo a keipawh chuti tho.... kawr chhanah chuan ka awm bawr chu a tham tawn tawn a... Ka kawr chhung a rawn zen luh dawn chuan harh chhuak zawk in ka lo dang vat a.. Ka thu deuh nghal hluai bawk...




Mit meng phi chiai hian mak tih hmel deuh hian min en a.... "A thalo" Ka lo ti tham deuh tuak.. Ka aw pawh chu a dik mawlh lo chu a ni




"Eng nge a that loh na?" A tih leh chuan ka en a... A tawngkam chu a chang lam mah mah a ni... "A hriat reng alawm tunah pawh hei Nat leh Rabby te rilru hah deuh a an awm chhan a nia" Ka tih chuan "i rai ve kher dawn tihna pawh a nilo a" A ti leh hram a...




"Chu pawh ni se a hun hma a lo hman hi thil tih chi pawh a nilo... Rai dawn leh dawn loh hriat lawk pawh a nilo" Tiin ka lo chhang let ve leh a ngaihdan a ni vaklo nge ni lehlam a hawi daih a... A hmeichhia zawk titau hi a ang thin




"Thinrim suh aw ka chak loh bik vang pawh a ni miahlo a nia" Ka sawi zawh hma hma chuan "a nih eng nge?" A lo ti hmangmawh a... "A thalo" Tih te mai bak a chhan dan tur ka hre chuanglo





Lehlam chu a hawi tau leh hmak a... Thil dang ka sawi pui ta daih a "engtik ah nge i lo len dawn tak?" Ka tih chuan "i thu thu a ni mai alawm" A lo ti deuh nghut... "Papa chuan a hma lam in a duh a engtik nge i duh?" Ka ti nawn leh a tun kar Sunday a duh a nih hmel... Chuta lo leng tur chuan thu kan ti tlu ta a




Thil dang sawi in kan ti ti mai mai a... A thinrim kha chu a reh tawh a ni maithei a ni.... A hnu ah chuan Rabby leh Nat te chu an rawn chhuak a... An nui dun leh hawk hawk tawh... Engtin tak awm tum ang maw




"Eng nge in chanchin ni a?" Ka tih chuan Rabby chuan "kan innei dawn" Nat en pah chuan a ti ham ham a.. Nat lah chuan a lo nuih let sung a.... An van fin var loh dun hmel tak




"In chhungten an phal dawn em ni?" Marco zawk chuan a lo ti leh a... Ka darah min kuah run bawk.... "Ka chhungte kan bia a... Naute ber kan siam tawh sia a loh theih loh an tia... Nat nu erawh kan la hrilh lo a" A ti a.... Rabby a chhungte chu an rilru a zau ka ti in an fel ka ti khawp mai




Chhungkaw dang chu ni se Nat dinhmun en ringawt pawn an duh hauh lo ang..... A chhan chu Rabby ang fapa mal nei chhungkaw hausa tak tak hi chuan an mo atan an anpui mi hausa fanu ve tho hi an duh thin vang a ni




Kan haw hnu chuan sunday a ka thianpa lo len tur thu ka sawi a... Uncle te chuan min fiam deuh laih laih a Uncle Erick-an "i danglam sawt ka ti rengah bialpa i lo neih vang vek a nih chu" A lo ti a.. Uncle Bruce an lo tui hmih ve nghal zat in "ni e, phone en a nuih vur vur te hi a hrat ve lutuk... Nidang a kan biak hmasak zel ngai thin khan min biak hmasak chang te hi a ngah ve tawh a nia" Tih vel angreng sawi in kan nui kan nui a




Chutiang khawp chuan keimah ah danglam na a lo thleng tih pawh ka lo in hre reng reng hleinem




Ka roomah lut in shower ka nei nghal a... Vawiin a thil thleng ka ngaihtuah let chuan ka mur uai uai thei... A teuh thar thar hle mai....


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:39 pm

MY MAFIA PRINCESS


CHAPTER 10👸


By Tluangi Sagy Pachuau👑



Sunday chu a lo thleng ta ngei a, zing kar atang in ka mood a fuh em em mai lehnghal a, kei leh kei lo ang tak in Uncle Sam in min fiam leh tak hlak kha mahse huat en ah pawh ka en lo tlai lam a Marco lo kal tur ngawt chuan a ni ka rilru a luah ni





Chhun ah a lo thleng dawn tep tih ah chuan Uncle Sam leh Uncle Erick chuan "han hmuh pui ve che chu kan duh viau nang in Oil supplier ten min rawn bia a kan kal ngei ngei a ngai si a" In thiamloh hmel tak hian an ti a





A pawi loh thu a ka chhan hnu chuan an kal ta a... An tlan liam chiah ang tih ah chuan Marco pawh chu a rawn thleng a. "Hello Uncle" Ti a papa chibai a tum chuan papa chuan ngawi reng hian a mah chu a en reng a





"Papa tinge?" Ti a ka va khawih chuan harh chhuak zawk ang mai hian z lu a thing deuh nawk a "aaa e aw chibai le ka hriat hnu i ang lutuk a" A ti a a kut chu a lo ban ve vat a.. Marco chuan papa chu a nuih sang bawk





"An ti chawk asin" Tiin a lo chhang ve nghal zat.... A lo thlen hnu reilo ah chuan zanriah kan ei nghal mai a...chaw ei pah te chuan an titi mial mial a..... An chaw ei chu a sawt lo dun khawp mai





Ka puar tawh avang chuan thawh san in TV room lam pang ah ka lo va phei san a.... A hnu a ka thawm hriat avang chuan Kitchen lam chu ka pan leh vat... An thawm ah chuan insual thawm ni ber hian ka hria...





Ka thlen phei chuan chhuat ah te chuan plate vel chu a let reh rem rum a... Bang a lo in nawr bet ka hmuh chuan an lam ka va pan nghal vat





"Papa tinge hetia i tih thlah rawh papa Marco hi thlah rawh" Tiin a kut ah chuan ka pawt tang tang a... Thlah a hnek in bangah chuan a nawr na zual sauh "hmelma pa" Chang rût hian a rawn ti a Marco chu ka en vat a... A ka atang a thisen chhuak reng chung chuan a rawn nui chhuak hak a, engmah erawh a sawi ve chuanglo





"Enn nge a awmzia papa hmelma a nilo Marco alawm... Marco Nikoplous" Ka tih chuan "Nikopolous" Tiin a lo phun chhuak ve sap... Hetiang a papa hi a awm chhan hi ka hrethiamlo takzet a ni...





"Abigail i roomah chho rawh" A tih fak chuan hlau mah ila ka hlau lo der tlat.. Ka pa a ni a dang theitu awm chhun ka ni... Ka luhlul chhuah in a banah chuan ka chelh lui tlat a... Thlah turin ka ti lawm lawm a





"I roomah chho rawh ka tih che chu" Ti tuar in a kut chu a thing nawk a... Chhuat ah ka bawk rawk rawk, ka kut ah chuan plate keh them chuan a at a a thi nghal zawih zawih bawk... Nichin atang a la tawng miahlo Marco pawh chuan mangang tak hian "Abigail" A rawn ti tuar a





Papa chuan min rawn en a ka lo kun nghal daih... "Hrep tak hian" Tih pah in Marco chu a thlah dawp a kitchen atang chuan a chhuak nghal nul nul
Min rawn pan nghal rual in "i tha em?" A rawn ti a, a zawhna pawh chhanglo chuan "tinge khatiang a in lo awm?engatinge papa khan hmelma a tih che?" Ka tih chuan tawng tum lo tih hriat tak hian a ngawi ngul a





"Min chhang rawh Marco Nikoplous"
Ka ti fiak thak... Chuti chung pawh chuan min chhan a la tum chuanglo ka thinrim leh tih ngaihna hrelo chuan haw tur in ka ti ta tawp... Thil thleng hi la hrethiam nei nuai lo... Nichin thleng kha chuan an la in ngaih viau khan ka hre si a





Marco haw hnu chuan papa awmna lam chu ka pan a.. Single Sofa ah hian a lo thu ngur a a melh ngai a melh ngur bawk... "Papa" Ka tih sep chuan a rawn ding chhuak ruai ruai a, kei min en lo in ka kut thisen far zawih zawih chu a en reng a.. Ka hnung lamah chuan ka thukru ta daih a, ka hmel a rawn en ve leh chiah





"Eng nge thil awmzia khawngaih in papa min hrilh rawh" Ngenngawl zet chuan ka ti a... Heng thil thlen chhan hi hriat ve ngei ka phu chuan ka in hria a ni.... Ka thluak a ti buai zo tawh... A ni lah chu lungpui biak ang maiin a ding ngawi ngul a




Min chhang dawn lo amaw ka tih hnu ah chuan "khapa kha then nghal ang che" A rawn tih chuan mak ti tak in papa chu ka en a... "Engvang chuan" Ka lo ti let ve zat... "Then rawh ka tih chuan then mai rawh" A ti chang leh fak a... A chhan tal sawi se chhan tha tak a awm a nih chuan a thu zawm hi pawi tihna ka nei reng reng lo




"Mahse papa a chhan min hrilh tal la" Ka tih leh chuan thinrim tih hriat tak hian "Abigail vawikhat mah i duh tih hlawhtlin loh ka nei ngailo tun tum chauh chu ka thu sawi hi awi in then mai rawh" A ti leh that a.... Ka phu nasa lutuk ringawt




Ka mittui a hnam tiam tiam a... A hnu ah chuan tap hawk in ka room lamah chuan ka tlan chho ta daih a.. Min koh na ri pawh chu ka hre reng mahse hawi let hauh lo in ka tlan zel a ka room ah chuan ka lut ta daih a




Kawngka chu khar in ka thu hnawk a ka tap nghal hawm hawm.... A chhan min hrilh tal ni se ka hrethiam ni mai tur.... A chhan a sawi duh bawk si lo min la vin tuar lehnghal a.... Tikhawp khan ka chungah a awm ngailo





A hnu ah chuan kawngka an rawn kik a"princess" A aw ah chuan Uncle Erick a ni, an lo haw tawh a ni ngei ang "princess" A rawn tih nawn leh pawh chuan ka chhang lo... Ka tap nasa lutuk a tawng tur pawh in chakna ka nei tawhlo.. Mi chak tak tuar chhel tak ni thin kha nikhat thil thu ah heti khawp hian a lo chak loh theih a nih hiii




A hnu a thawp a reh tak vang vang hnu chuan a kal tawh a ni ngei ang... Tho kang tuah tuah in ka khum lamah ka phei a... Drawer a first aid kit chu la chhuak in ka kut kak chu keimah in ka in buaipui a... A thi chhuak nasa deuh kha chu a reh tawh a.... a bul vel chu hru fai in dam dawi te ka hnawih a ka tuam leh nghal thlap bawk...




Hetiang mahni hliam in enkawl dan hi chu papa khan min zirtir vek tawh... Ka lo than len zel a ka chungah engpawh lo thleng se mahni a ka in enkawl theih nan a ni.. Ka tangkai pui phian mai




Khumah chuan ngawi reng in ka mu a.. Hma lam ka melh ngur, zanin tlai a thil thleng vel te chu ka ngaihtuah a, eng emaw ni tak chu thup an nei alawm, Marco lo thlen tirh khan papa khan a hriat hnu ang a ti viau a




"Hmelmapa" A ti bawk a nih kha,,,,a tu ve ve mah khan engmah min hrilh an tum bawk silo, ngaihtuahna a tawi tup mai a ni




Nat in min rawn call a, vawiin ah a nu bulah Rabby a hmelhtriat tir a ni awm e.. A hlim hmel em em a, a aw ah chuan phurna nasa tak a hriat theih bawk "ka nu chuan Rabby chu a ngaina lutuk a, ka dul len tak tak hma a innei tur in min ti nghe nghe a sin" A rawn ti siam siam a




Vawiin a chhungte in hmelhriattirna nei ro ro ah pawh kan dinhmun chu a inang lo hle mai... Mi pangngai ang ka nih loh na hi a lo lang leh thin. A hlim em avang chuan engmah ka chungchang sawi lo in ka lawmpui thu te chu ka hrilh luam a




Ka chanchin ka hrilh a nih vaih zawng in a hlimna ka laksak a ni mai dawn si a.... A ni chuan ka tan tih hreh a neilo in heta lo kal a min rawn hnem leh ngei kha a duh dawn si a... Chu chu thlahlel viau mah ila hmasial tak in ka awm theilo a ni




Ni thum chhung ka ei in ka in lo a mutmu pawh ka tuah tha heklo.. Marco ka be ngailo a Nat takngial pawh ka be ngailo.... Ka room pawnah ei tur an rawn dah thin a... Chumi pawh chu ka la lut ngai heklo.... Papa in min ngaihtuah thin hle a.. Mahse ka hre lo der hmak thung....




Hetiamg thil thlen chhan hi min hrilh dawn a nih loh chuan room ah hian ka in khung tlat dawn a ni


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:40 pm

MY MAFIA PRINCESS


CHAPTER 11👸


By Tluangi Sagy Pachuau👑




Tuk khat ka tho chhuak chu ka lu a hai deuh muai muai reng a, thil ka ei that loh vang leh mut mu ka tuah that loh vang tih ka hre reng a engatan mah ngaihloh ka tum lui tlat thung... Pawn lamah chuan papa chuan room atang a chhuak tur in min lo au ve chhen a





Hre reng mah ila chhawn ka tumlo, heti khawp a luhlul a min chher tu chu amah a ni a.... Ka luhlul zia hrechiang ber tu pawh a ni ang chu... Bathroom ah luh tum a ka tho kang chu ka lu hai a rawn zual thut a dawhkan a thil vel chu ka bawh thla darh rem rum a kei erawh ka in vuan ding hman hram hram




Ka thawm papa in a hriat chuan rawn luh luih talh a tum a kawngka a ri deuh bur bur bawk, pen leh ka tum chiah chu ka tum ang ni hauh lo in ka awn riai riai a ka tlu tur chiah leh kawngka atang a rawn tlan lut an awm tih chu ka thil hmuh hnuhnun ber a ni....





Ka meng chhuak riai riai a, ka awmna chu ka hre hauhlo, mahse a hmun chu a thawveng em em in pangpar chitin reng hi an lo par a ka hriat hmuhmun ber kha chuan ka room ah khan ka awm si a, engtia helai hmun a lo awm ringawt nge ka nih, ka hawi kual vel chuan Marco hi ka va hmu ta a, a ni pawh chuan min lo melh ve reng





Va pan hnai thawr thawr in a kut ah chuan ka chelh a "a tawp nan ka zawt leh ang che kha zan a thil thleng kha eng nge a awmzia? Nang hi kan hmelma chu i lo ni tak tak em ni?" I nih loh thu sawi hram rawh" Ka ti mawlh mawlh a min en reng chung in thawk a la ham ham a "ka tihpalh" A ti deuh halh





Chu thu a sawi na ngawt chhan chu ka hre hauhlo "tihpalh tih chu eng nge a awmzia? i nih loh thu chu sawi hram rawh" Ka ti nawn leh a, a ngawi tlat tawh, a hnu chuan silai a puak ri dur a Marco taksa atang chuan thisen a rawn chhuak a awn riai riai a, ka harh nghal zawk





Khang kha ka mumang vek maw, ka bulah chuan papa chu min ngaihtuah tih hriat tak hian a lo thu a min lo en kar bawk





"Heti khawp a i tawrh nat hi ka ringlo a, engmah hrilh loh che a ka chin fel mai theih ka ring a, mahse ka ring sual deuh hlek a ni" A ti deuh halh a, eng nge sawi a tum tih ngaichang in ka lo en reng thung





"Marco kha kan hmelma lian ber min er em em tu te fapa a ni a" A tih chuan khum tlang chu ka ngheng dawt a, papa chuan min lo dawm vat, ka lo rin lawk sa mah ni se a tak ngei a hriat chuan min den dan a dang khawp mai, hepa ka tawn atang a ka rilru nem sawt dan hi ka lo in chhut ngai miahlo a





"Ka tha papa a vaiin min hrilh vek rawh" Ka tih chuan a thaw ham ham a



(FLASHBACK) (Papa Eden sawina ang in kan ziak ang aw)


Princess thawh hnu lawk chuan Marco a tih lam chu hawi in "ka hmelhriat hnu i ang takzet a ni" Ka ti leh ngat a... "ka lo ni mial mai lon'g maw" A nui pah sak a, nui satliah mai mai pawh a nilo elsen tak a nui a ang ka ti ber zawk




"Eng nge i sawi awmzia" Ka ti nghal tung a, a lo nia nih vaih zawng in ka chhuah mai mai hauh lo ang





"I ngaihtuahna kha a dik chiah kei hi Alberto Nikopolous-a fapa Marco Nikopolous ka ni" Ka mit tak a melh chung in a ti salh a, ka in hum ruh tawh hle, kan hmelma lian ber in ka dawhkan a kil ta mai chu ka thin a rim takzet bawk





Ka kut dawhkan a ka dah ka hum ruh em em mai leh rum tak a ka melh hmel a hmuh chuan "Oh! Relaxx papa Eden" Thawveng tak chuan a ti vel ham ham a, a chet dan engkim leh min thamlo tak mai a min tawng khum vel te chu ka ngaitheilo tawh hle, "engthil nge i duh a ka fanu hi hnaih ngam nge i nih" Ka ti chang fak a, ka aw chu a ringlo nang in a hretu tan chuan hlauhawm ve tak chu a ni ang





"I fanu, Oh!! Nilo nilo i fanu lem lem" Tiin a nui hak hak a, "Kha i fanu lem lem kha engkim zirtir in insual te i zirtir a, mahni inven dan engkim i zirtir a, i fa tak a nilo chung in engkim i pe a, mahse thil pawimawh tak thluak i pe tel lo a nih kha, in ngainat tir a harlo khawp mai" Ti ham ham in a nui hak hak a, ka thin in a tuar tawhlo lutuk chu ka hnek nghal bur a





Ka sawisak chhunzawm chu a ni nghal mai, min beih let tum ve mahse insual ah na na na chuan a ni aia palian zawk leh experience lo ngah tawh zawk chu min hneh vak lo a ni mahna min khawih fuh ve hleithei der lo




Bangah chuan ka nawr bet a, a ka chhung a thisen chu ka hmai ah rawn chhah per sawk pah hian "Lo ngai reng rawh Eden Agastino ka nu phuba chu ka la la ngei ang, hmangaih te chan nat zia hi ka la tem tir ve ang che, chuan heng i company leh i sumdawnna Oil Factory te thleng hian ka la tih chhiat sak vek ang che" A ti rum ul a, min melh rum hle bawk





"I nu kha ka thah a ni reng reng lo, i pa chuan eng dawt tak lo fah che maw, a sual thup bo nan min lo hmang a ni ngei ang maww" Tiin ka nuih suk a "dawt sawi suh i that lai pawh ka hmu vek che" A rawn ti leh that ka nawr na zual sauh





"Ngaithla rawh naupang thudik i hma a awm reng pawh zawn chhuah tum lo in i pa thu hnuai ah i kun mai mai ang maw? I nu kha ka that reng reng lo, tunge mahni hmangaih ber that duh bik ang" Ka tih chuan a meng buai nak




"Ka awi chuanglo che" A tih chuan hahthlak ti zet in ka en "a tha lawm i duh ang chuan awm ta che hmelma pa" Ka ti chang fak "i hriat chhuah hunah chuan ka hrilh lo che tih sawi hauh suh" Ka ti leh a a




A hnu ah chuan Princess chu mak ti tak hian Kitchen ah a chuan a lo lut ve a

(END OF FLASH BACK)



Abigail POV*

"Maw tum nei sa ran in min lo hnaih amaw?" Rilru na zet chuan papa chu ka zawt a, a lu a lo buk nghauh nghauh chuan ka thaw hawk, khang hun kan lo hman zawng zawng ka hlimna min thlen thin tu kha a tan chuan lemchanna vek maw lo ni..




Ka biang lum thla pup ah chuan ka mittui a tla tih ka hre chiah..... Tunlai ka tap ngun ta lutuk leh ka rilru no lutuk te hi min beihna hmanrua vek a ni awm si a




Nilo hetia in dawm kun reng tur ka nilo, hetiang a min siamtu lakah hian phuba ka la ngei tur a ni,ka hmangaihna te kha huatna ah a in let vek ni mai hian ka hria..... Chu mai bakah chuan a thil tum te chu ka hlawhtlin tir hauh lo ang, chutiang tur chuan a hmasa berah chuan chaw ka ei a ngai a ni ka ril a tam lutuk





"Papa ka ril a tam" Ka tih chuan min nuih vur vur in min kai tho a kitchen lam ah min chhukthlak pui in amah ngeiin ei tur min siam sak a, hetia eitur min siam sak lohna hi a rei tawh ngawt mai




Ka ei lai chuan kal mai a tum a "la kal suh papa zawh tur che ka la ngah" Ka tih chuan a rawn thu ve mai a




"I sawi danah khan Marco nu kha ka hmangaih i ti a, eng nge a awmzia?" Ka tih chuan a in dawm kun chhulh a "nia a ni kha ka hmangaih hmasak ber leh hnuhnung ber, a awmchhun a ni" A ti deuh duah a





"Nihchuan engtin nge ka nu nilo a Marco nu a nih daih theih? Tinge i thah ang a a sawi? Eng nge a thihdan diktak?" Zawhna ka va han ngah mai mai tak




"Nia a ni nen khan kan in hmangaih thei lutuk a, mahse Alberto khan a lo duh ve tlat mai si a, a duh lo chung chu a lo mut pui a, Marco hi a lo pai phah ta a ni... A ni mi rilru tha ngang a ni si a nau tih tlak kha a duh silo a, an pahnih a enkawl ka huan viau a, a pa ang a awm ka tum vek tawh hnu chuan tharum hmang bawk in min laksak leh ta a ni,





Khatih lai kha chuan Mafia ni tho mah ila an ni ai khan kan la hniam in thil kan la ti thei ve silo a rilru na tak chung khan ka kal tir ta kha a nia, mahse a thihdan kha ka hre biklo, a chanchin ka hriat leh hnuhnun ber chu a thi tih kha a nia, Engtia Marco khan ka that ti ve ngawt nge a nih ka hrelo a ni" A ti a, a sawi zawng pawh chuan na a la ti hle tih ka hre thei...

____________________



A tuk ah chuan college ka kal ve leh tawh a, Rabby leh Nat te pawh an la chhunzawm ve zel a thlaleh khian an innei tawh dawn a ni awm e.. Mahse college chu la chhunzawm zel an rum a nih hmel




An bul ka thlen chuan min lo chhuahchhal leh nghal chiam chiam tawh a, min beng deuh chawrh chawrh bawk "engatinge engmah hi min hrilh ve ngai miahloh i damlo a nih chuan sawi ve thin rawh engmah hrilh tlak ah min ngailo ami" Ti a tah a tum ta mai, ka thlem thiam derlo, Rabby chu signal in thlem tur in ka ti ta ringawt




"Ka khawngaih hle mai che Rabby a thinchhiat sa tehreng nen a raino thinchhia i tuar dai dawn chu a nia" Ka, tih chuan Nat chu a lo teu leh hlar, "Rabby ka khawngaih khawp mai che ka thinlung leh tihtak zet in" Ka ti leh a "a hmeltha tal alawm" A lo tih chuan ei lo deuh in ka hawi san deuh hmak





Ka hawi sawn na lam a ka mi hmuh avang chuan ka nui lai chu ka tawp hmak a, min lo en kur a, kan lam a rawn pan tih ka hmuh phei chuan Collage campus ah ka luh san nghal hmawk hmawk, tunah rihchuan pumpelh rih ka duh a ni





"Abi inbe lawk ang" Min rawn um zui ve chu ni in a aiai chak chuan ka kal leh a "abigail" A aia pawr zawk chuan a rawn ti leh din ka tum lo hul hual




A hnu ah chuan ka banah rawn pawt sawk in hmun dangah min kal pui nghal nal nal, "engvang a min pumpelh nge i nih?"
"Engvang in nge ka pumpelh loh ang che" Ka aw chu a ring lam mah chu a ni





"Ka thinlung hmang a han infiam kusl vel chu eng nge a an a?" Ka tih chuan a meng hnual nghal khup a, ha! Bumna leh bawk.... "I lo hre tawh a ni maw, ni e a tirah chuan tum nei sa ran in ka rawn pan che alawm, mahse ka hmangaih che ka tih kha chu dawt a nilo a sin, engtik lai in nge ka lo hmangaih che ka hre bik lo" A tih chuan ka ngawi vang vang a




A hnu ah nui chhuak hak in "awi ka awi leh hman lutuk alawm le" Tiin ka nui uar uar a, a nihna tak ah chuan ka nui lui a ni zawk mah "Ngaithla rawh, i bum khan ka awm tawh hauh lo ang, ni e i hlawhtling chiang khawp mai, ka rilru kha a na lutuk a, mi rilru na ang bawk in chaw te kan nghei ve vel a, mahse mithar i siam chhuak a ni Marco hman a Abigaili kha chu a awm tawhlo tun a i hma a ding hi chu Abigail mi thar hlak nangmah haw em em tu che a ni"




Tiin hnungchhawn in ka kalsan nghal hmawk hmawk... Ka rilru erawh chuan min hmangaih thu a sawi lai bak kha a lo ngaihtuah leh pek lo.....mahse a bum in ka awm nawn leh tawh tur a nilo... Hmelma a ni a a ni reng bawk ang...min tih chhiat vek hma hian ka ti chhe vek bawk ang







(COMMENT VE THIN ULA IN CHHIAR TAWP ZEL A TIANG CHUAN A NUAMLO)


PLEASE LIKE/COMMENT/CLICK


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 12:40 pm

MY MAFIA PRINCESS


CHAPTER 12👸


By Tluangi Sagy Pachuau👑




Ni te a liam zel a, khawvel chu a kal ngai in a kal mawp mawp a, a chhung a mihring cheng te erawh a ni tel in kan danglam telh telh thung si





Papa hrisel na a chiang kuan loh chhoh tak em avang in college ban san in kan sumdawnna engkim company leh oil factory thleng in ka kut a tla ta chu ka enkawl a, a chang chuan harsa tih chang ka nei thin, mafia pawl lian tak chung a hotu nu han nih tak mai te pawh chu a chhung a cheng satliah nih ai chuan a hahthlak lam deuh a ni





Ka uncle te hi awm lo phei se chu keimah chauh chuan heng ka ko a tla mawhphurhna sang tak hi ka ti thei hauhlo ang. Amaherawh chu nakin lawk a ka kut a la awm tur tho a nih avang erawh in nasa tak in tan ka la thin, Papa in a min lo enkawl tawhna zawng zawng ka rulh let theih dan tha ber a ni miau a ni




Nat leh Rabby te an innei tawh a, an ni erawh in college an graduate a, Nat hi a vannei tak zet Rabby te ang chhungkaw fel leh zahawm a lawi lut in a duh engkim a nei thei a. Chutih rual erawh chuan Marco ka hmu ngailo a Rabby te inneih ni bak lo kha chu ka hmu leh tawhlo




Marco Nu thihdan chanchin kha ka chhui ru reng a papa erawh ka hrilh duh lem lo, A hmawr ka bawk tep tawh bawk. Ka thil chhui hian Papa leh Marco pa inkarah inremna siam phah dawn lo mahse Marco an a lo hriat kha dawt a ni tih fiah ka duh a ni.....





Ka phone a lo rik chuan Rabby a lo ni a ka chhang vat "I rin dan kha a dik chiah a ni Abi" A tih chuan ka thaw chhuak ham ham "hmaichhan ah inbia ang ka lo kal ang" Tiin ka phone chu ka dah nghal, a hmawr chu kan bawk ta.




Papa bulah kal in chhuah lawkna tur ka neih thu ka hrilh a, ka kal tumna min zawh chuan Nat ka tlawh tur thu in ka chhang a, a lo awih ve mai. Ni e, Nat hian nau a neihna a la reilo a chuvang a Rabby pawh pan tur chu ka ni





Ka sawi hmaih loh tur chu Rabby hi ka hnuai ah a thawk pah bawk a ni, college ah khan ho tak tak in a nun hmang thin mahse a thluak a tha takzet, ka thil chhuina ah pawh hian min pui tu ber a ni




Chuan thil dang leh nuihzatthlak deuh chu thla hmasa mai khan Uncle Erick-an nupui a nei a,tar a lam ah lehnghal. kan bulah cheng lo in Mansion kiang mai ah hian in lian ve tawk tak an sa a chutah chuan an khawsa a ni. A nupui lah chu a mah ai a kum chanve thawk a naulang lehnghal. Papa leh Uncle dang te ho pawn an nuih nasa a kum zat dawt a hrilh amaw an ti hial a ni





Rabby te in ka thleng a, hmanhmawh a kal e ti lo ah chuan Nat bulah kan awm leh rih, a pangchang thei lutuk hi a buaithlak. Rei tawk fang a bul a ka awm hnu chuan Rabby office lam ah kan in zui phei ta a...





Nat bul a awm rei chuu.... A naute chanchin min fah kur duah zel a, kei fa la nei ve lo chuan hriatthiam loh chin ka lo nei bawk nen min vin vak vak zel mai a, hetiang a a pasal bul ah pawh a awm a nih chuan Rabby hi pasal tha tak a ni ka fak ve thlawt





Rabby chuan evidence thenkhat a hmuhchhuah te chu min pe a, eng eng emaw kan sawi leh hnu chuan chhuah mai ka tum a "Nat thil dang pawh a la awm" A tih chuan ka hawi let leh vat
A thil sawi chuan min thawng chiang hle "i ti tak tak lo tiraw? " Ka tih chuan "thu dik ngei a ni ka sawi Abi keipawh in a tir chuan ka awi biklo dawt a nih ka ring ve tho, mahse ka chhui ka chhui pawn thu dik a nih chian zia bak hmuh chhuah tur ka neilo" A ti nghet churh mai bawk si




Evidence nen lam a min pek hnu phei chuan dawt tih theih rual a ni lo. Hmanhmawh tak in in lam ka pan leh nghal a, papa room a ka luh chuan a lo awm lo, khawnge a kal tak ang, Uncle Bruce ka zawh chuan Marco pa hmu tur a a kal thu a sawi ta mai, nilo a ni theilo ka thil hriat ang tho hi a lo hre veng tawh tihna em ni, chu lai hmunah chuan eng ti tur a kal nge a nih ang




"Uncle Bruce lo dang tur i nia sin a damlo tih pawh i hre reng a" Ka hlauthawng bawk nen ka vin deuh tuarh, amah pawh chuan chutia ka vin ta mai chu mak a tih hmel hle




Amah nen chuan Papa kal na lam chu kan zui ve nghal a, ka rilru a hmanhmawh hle, eng nge a tih dawn hrelo mah ila hlauhthawn na hlir in ka khat




Bodyguard ho chuan kan kal tur an lo hre lawk sa emaw tih tur in awlsam tak in min lo luh tir ve mai a, awmpui ho in an awmna lam min hrilh chuan inchung lam ah kan tlan chho nghal dawr dawr, chutah silai puak dur thawm ka hriat chuan ri lo chhuahna room ah chuan ka lut nghal a




Papa a awm dawm chung a chhuat a awn riai riai chu tlan phei in ka kuah nghal rawk rawk a, ka mal chung ah a mu thla deuh chawrh "Papa nilo nilo harh teh papa, min kalsan thianglo a nia i fanu hi min kalsan suh aw" Tiin ka au mawlh mawlh a "ka tha princess ka tha alawm" Tham chhel hian a rawn ti a a kawr chung hak chua hlim a... Silai chuan a dar ah a lo kap chu ni in




Ka hma a ding papa kap tu ka hmangaih ni bawk Marco chu rum tak in ka melh ngur a, ka melh dan chiah chuan a ni pawn min lo melh let ve run bawk..... "Engthil nge i tih hi i inhria em? Nang hian nangmah hringtu ngei i pa chu i kap tih i in hria em?" Thinrim vang a aw khur hlak hlak chuan ka ti a




A meng buai nak a, mahse a reilo rum tak a min melh leh chuan "Dawt hul hual a nih chu, engtin nge kha mihring kha ka pa a nih theih teh lul ang? Tual that tu ka nu min thah sak tu a nih khaa" A ti chang bal a, ka nui deuh hak




Uncle bruce chu ka melh zauh a, hrethiam nghal mai in papa chu a rawn buaipui a pawn lampang ah chhuah pui a tum chuan Marco bawk chuan "a ni kha khawi ah mah in hruai hauh lo ang a thi ve ngei tur a ni" A rawn ti chang rut a....





"Hetiang hian a hringtu ngei che i pa chungah i ti ang maw" Ka tih leh chuan "a ni kha ka pa a ni taivet lo" A rawn ti vin tuar, chutih rual deuh thaw chuan a hmung lam pang thim chin atang chuan mipa nui hawk hawk thawm a rawn chhuak a Marco pa chu a rawn lan chhunzawm nghal zar bawk




"Ka fapa hi min chhuhsak i tum em ni Naupang" A rawn ti chhar chhar a, zam duh bik lo in a mit ah tak chuan ka en ngar a "a chhuhsak tu zawk chu nangmah kha i ni lawmni" Nui sak chung chuan ka han ti a, ka hmuh sual nge ka hrelo mahse a hmel ah chuan hlauhthawn na ka hmu than in ka hria




"Ka fapa an ni thu sawi hi awi hauh suh ang che, i nu min laksak tu te an nih hi" Tih chuan Marco chu a lo thlem a, ka lo nui uar uar in "Nu Ashley khan kalsan che a tum vang zawk in i that a ni zawk lo maw" Ka lo tih chuan "nang naupang dawt a min puh tum hauh suh" A rawn ti vin tuar a, kei ka lo nui vel mai mai thung





Marco ka en chuan hmel buai nak hian min lo en a, ni e a tan chuan heng thil thleng zawng zawng te hi hriat thiam a har dawn lutuk "Dawt ka sawi loh chian zia chu a hrechiang tu i nei ngei ang chu ka pu" Ka ti let ve sak a...hlauhthawnna hlir in min en tawh...





"Marco ka sawi hi ngaithla rawh, kha i bul a ding i pa ang a i ngaih ngei kha i nu that tu chu a ni asin a prove na pawh ka nei, chuan papa Eden hi i pa diktak a ni bawk" Tiin ka evidence ken te chu ka pe a Marco an a lak hma chuan a pa chuan a lo ban khalh vat a...




"Ka fapa heng te hi awi suh siam chawl thil vek a nih hi" Hlauthawng tak chuan a ti a... A awm dan te hlei hlei chuan Marco rinhlelh na a ti zual a ni ngei a thinrim tak in a file ken chu a pawh thlak sak sawk a, a en tak vung vung hnu chuan rum tak hian a rawn meng chhuak a




A pa chuan hlauthawng tak hian Marco chu a lo en ve reng a, Marco thinrim chuan a pan hnai chhet chhet a, a ni pawh chu a lo tawlh hnung ve hret hret bawk.... "Engvang a ka chung a hetiang ti hi nge i nih" A ti vin tuar a keipawh ka lo phu zawk thei... Chutah a pa chu s hnek nghal sawk bawk....




"Nang mi rapthlak vang hian ka nu ka chan in ka pa ngei pawh ka that tep asin" Tiin a hnek vak vak "Princess" Uncle Bruce-an min lo koh chuan an lam ka hawi vat a... Papa chu chau tak hian chhuat ah hian a mu zawi nghiai a, pan hnaih ka tum chuan ka hnung atang hian Marco chuan min rawn tlan khalh in papa chu a va buaipui vat a




"Ka tihpalh ka tihpalh takzet a ni, ka lo hrelo a, nang hi ka pa ngei chu i lo ni si a" Tiin papa chu a kuah tho a.. Uncle Bruce nen chuan khum lamah an hruai phei a, "hetiang thil hi a thlen ka remti ngai ngailo ang" Aw lo chhuahna lam chu ka hawi phei a




Kan misualpa chuan chhuat a silai let ngat chu thei leh theilo hian ban a lo tum a, silai chu pet sawn in a kut ah chuan ka rah sak a, a au nghal tuarh




A hnu ah chuan Marco chuan a pa (lemlem) chu silai in a lu ah chuan a tin a "ka thah loh chhan tur che chhan tha tak sawi rawh" A ti chhur chhur




"Ha nang hian min that ang maw, ka pawl te hian an hotu ber i that tih an hriat chuan engtin nge an tih che a i rin zawk" Zam map lo hian a rawn ti let a "tunge an ni zawng zawng hma a hotu nihna min pe tu kha? Ka hnuai a kun te an ni tawh tih hi hriat kha"a tih chuan sawi tur reng a hre tawhlo... Papa bul a thu chung chuan an che tla lai chu ka en reng a...




Marco chuan a pa ang a kha leh chen a lo chen pui tawh chu thah mai har a ti deuh pawh a ni mahna Basement lamah a khung bo ta a, papa engmah hrelo a khum a mu ngat bulah chuan thupha a chawi mawlh mawlh




Tunah chuan ka kal bo a hun ta, papa chuan fapa a nei tih a hre tawh bawk a, a ro chun tu tur, heti chuan thlamuang tak in ka kalsan thei tawh ngei ang....mahse rei lo te tal chu an zingah hian la awm rih ka duh a ni...amaherawh chu hun tam ka nei tawhlo papa harh hma ngei a kal bo ka duh a ni.... A nih loh chuan a phal dawn silo a..




Room chhuahsan ka tum lai chuan ka ban ah hian Marco chuan a lo chelh a "Abi min la haw reng em ni?" A tih chuan ka lu ka lo thing mai, mahse ka rilru erawh a dam theilo..... Phuba lak a duh vang mai in ka thinlung infiam nan a hmang a..... Mahse Huat ka tum em em lai pawh in ka thinlung chuan a hmangaih em em thung si





"A nih chuan bul tan tha leh ang. Abi ka la hmangaih reng che asin" A tih chuan ka tah loh nan ka hmui ka pet fan fan "Marco kan pahnih chuan a rem ve tawhlo" Tiin min chelhna chu ka la thla a pawn ah chuan ka chhuahsan ta a









Haire hairee!!!! Ka lo comeback leh ta a.... Comeback lawm nan lo cemment theuh ru aw🥰Eng nge a an tih te pawh ka hre ve chak thin a


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)