BIAHTHU BY Rebec Colney (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BIAHTHU BY Rebec Colney (Completed)

Unread post by Ngaia » September 4th, 2022, 2:17 pm

BIAHTHU










CHAPTER -25












Ka thawmhnaw zawng in ka vei kual chiam a ,hmuh tur a awm lo reng reng ,khawi ah nge kan mihring le lo pa khan a dah ni .Kha pa ka hre chhuak leh chu eng vang a ka chung a tiang thil hi ti nge a nih ,zawn chhuah ngei chu ka ngai dawn.









Ka thawmhnaw pawh hmu tehreng ila engtin nge he lai hmun ațang ka haw theih ang.Ka rilru na tawt ipik lutuk chu au chhuah a rak chiam mai ka duh .









Vawiin ringawt ah pawh eng zat atam nge ka mit ațang mittui a tlak zo zai tawh ni ,hmeichhe awmnem tak ang mai a kan awm chu le.









Tih ngaihna dang hre hlawl lo in Rinpuia chu ka be ta tawp a ,min lo hruai tur a ti in ka awm na hmun ka hrilh chuan








"Enge kha lam lam ah i tih ,ka va peih lo tak Lianding min bum te a ni lo maw " a rawn ti hluk hluk a, mi rilru buai mah nak lai a eng ah nge ka bum ngawt ang ni.








Vin deuh hlar in "Lalrinpui min rawn hruai malek suh ,țhian țha pawh i ni lo , misual tak i ni ,tu pawh hian min ring lo ,nunrawng hlawm lutuk " ka ti ta chiam ,ka thinrim sa nen beidawng bawk si in ka vin ta chiam a .








A chek tlak a "thinchhe lutuk ,ka lo kal " ti hmuk in a dah ta daih ,bualin lam ka luh chuan ka thawmhnaw chu ka hmu ta a ,ka inbel nghal vat.








Hmai te chu phih fai in ,ka sam hnawk deuh nuai te chu darthlalang hma ah ding in ka tuai mam sawt sawt a,țap tih hriat lutuk in ka mit chu a sen deuh ram a ,a bui deuh luk bawk.









Zawk zét in khum ah bawk chuan ka thu thla a ,ka huntawn tur thim mup mai chu ngaihtuah in ka beidawng em em a ,ka chhungte beng a thlen loh hram ka beisei bawk .









Mihring te hlim hun chhung hi a va rei lo tak e aw ,reilo te chhung mawi tak a pang par in a par a chhuah hnu a, hun tam a vei hma a a chuai leh ang chiah hi a ni in ka hria hlim na kan tawn chhung hi.








Eng hi nge mihring hmangaihna chu ni ta ang ,hmangaihna pawh ka ring zo lo ta hial mai ,thu a sawi chhuah a awlsam ang hu in a chet zia a lan tir a har hle tih ka hun tawn ațang hian ka hre fiah ta kuar mai .








Rinpuia rawn thlen chuan min en chik ngang mai , zawhna hlir zawhna hlir a ni mai ,mahse chhang tur pawn chakna pawh ka nei hrih lo ,ka sawi chak lem lo bawk ,nakinah ka hrilh tur thu ka sawi chuan lungawi zan lo chuan kan in phur haw ta a .









Zan boruak a ni bawk a a vawt deuh vur mai ,in be hran lo in kan tlan mawp mawp a ,ngaihtuah na pawh a chawl hman meuh lo , ngaihtuah a pui leh vei ka ngah em em a ,ka ngaihtuah thui viau phei chuan țah ka chak et et mai .








In a min thlah thlen hnu in reilote țhu ve zawk in a haw hma chuan "thil thleng min hrilh chu ka phu ve in ka hria,mahse tun tawt tawt ah chuan ka nawr lui lo ang che ,i mitmeng ațang reng in eng emaw tak tawn chu I nei tih ka hre mai ,i inpeih hun ah min hrilh ngei ka phut" ti in a chhuak zui a ,min zawt lui lo chu ka lawm hle,tun ah chuan sawi chhuak tur in ka la inpeih miau lo .







Kawngka chu kalh in khum ah chuan ka mu tawm kak a , mit chhing a mutthilh ka tum a piang in ka hun tawn ka hre chhuak zel a ,ka chhing rei ngam thlawt lo .Tun ah tak hi chuan min thlamuan tu tur in Zomuansanga ka mamawh tak zet .








A ban hrawl zet duat tak a min kuah na thin te,a awm lum nuam tak ,thlamuanpui awm hliah hliah te kha ka thlahlel tak zet.








Mahsela ,beisei bo a ni tawh zia ka hre thung si , min ngai lo lek in hmalam pan in min thlahthlam hlen tak tak thei dawn em ni ,kei ang tho hian harsa ti in a in dawm kun ve reng zawk dawn .









Ka ring ngam chiah chuang si lo , Engtik lai pawh in beisei nei ru zet chung in ka phone chu ka en leh țhin, ka hmuh duh ang thil ka hmu ngai lo .A reh tlawk tlawk mai a ni .








Tun hnai chaw ka ei țha thei lo leh ,ka ni nghulh nghulh țhin hi ka in hrethiam lo ,natna ka nei emaw ka ti hial ,zing kar a uak țhat țhat te ka ching thar a ,thil rim na lam ka ngai thei lo em em mai bawk.










Chutiang vel a nih avang chuan kan khaw lam a ka chhoh hma in en tir kan tum a, Rinpuia leh Nubawihin min kalpui dawn a ni.in entir zawh a leng kual te kha an rawt a ,a chhan pawh naktuk mai a ka chhoh tawh dawn avang in.







Ka tum lawk sa ai hma daih a ka haw chho dawn a ,ka hun tawn zo zai nen he lai a awm reng pawh nuam tihna ka nei lo ,ka awm rihna chhan ber nen lah chuan kan inkar a tawp tawh bawk si a.








Nubawihi chu ka insiam lai in a rawn thleng phei a , a tih dan ngaite bawk in Lalrinpuia chungchang bawk a ni a rawn sawi leh tawh.Zan tin tih theih deuh thaw a va leng țhin a ,a hma ang in zu pawh a in tlut tlut tawh lo ,Rinpuia hian a duh hneh ve hle in ka hria a ,Nubawihi erawh in a thawi pawn a duh thu a la sawi ri chhin ngai lo thung.









"khatiang i chung a ti tu kha i zawng chhuak dawn lo a mi " ka insiam zawh vek tawh hnu ah kan mipa kal pui ber tur a la inpeih ve loh avang in țhu khaw muang in kan lo nghak a.







Ka thil tawn te leh ,Zomuansanga nen kan inkar thleng in zep nei lo in ka hrilh dun tawh a .Rinpuia chuan eng mah a sawi hran lem lo a ,Nubawihi erawh in min thinrim pui viau thung.








"Mipa ve si thu chiang hre hawt lo in ,a thlauhthla nghal che a nia ,a la inchhir ve khawp ang ,"








"Pathlawi mai mai leh nghal , rinna nei lo a ,rinna tlachhama a nih chu " ti chiam in Zomuansanga awm ve ang mai in a thla te kha a vau zui ar ar a nih kha .








"Ka sawi chu i hria em eng tin nge i tih dawn " ka bengbul ah rawn kun hniam in a rawn ti lawng lawng a ,"Eng nge i hriat "ti hlar in ka beng chu ka tuai vut a ,zawi te pawn sawi se ka hre pha dawn reng tho sia .









" Min chhang lo in i melh ngai I melh vung a nih kha "pawr hlar a ti in a ner nawng a ,








" Hre chhuak pawh ni ila Zomuansanga nen kan inkar a țhat leh phah dawn chuang lo ,chuvang chuan zawn chhuah ,chhui chhuah tih vel chu ka ngaihtuah buai ta lo law law "ka sawi lai chuan lainat hmel deuh hian min lo en vang vang a ,ka rilru tak a ni ka sawi ni tu tih nge ,engvang a ti nge pawh hre chhuak ta teh reng ila ,kan inkar hian țhat leh lam a pan thei tawh ngai dawn chuang lo a, chu lo ah a tu a te mah khan min ring ka ring hlawm hek lo. Kha thil a thlen lai a min melh dan ațang reng khan tu man min ngaina hran lo tih ka hrethiam.








Ka chhan dan avang chuan ,lung ni zan lo tih hriat tak hian " ka hmeichhe pui te zing ah chuan ka ngaihsan ini țhin ,I inringtawk em em a, thudik i țan tlat zel bawk , mi i ti hmasa ngawt ngai lo ,an tih hmasak che erawh in an thil tih man i hmuh tir ngei ngei țhin ,mipa lam ah nise nangmah lo ngaih melh ve tu te ho pawh i duh zawng an nih loh chuan hmeichhe dang ang lo tak in be țha kual vel lo in tlang tak in i rilru put hmang i hrilh mai țhin ,ka ngai sang che ka tih kha ,sual ve zeuh chang nei mah la "a rawn fiam thu zeuh a , a sawi hnem deuh a niang chawl dat in ,a chil an lem leh hmasa te te a .








Chu tah ,ka kut rawn vuan in "Tiang mai mai hian thil dik lo ti tu te chu i enliam mai a nga maw ,mipa pakhat vang mai a i huaisen na leh inrin tawk na bo zo ta kha i ngai thiam mai a nga maw ,tun a i awm dan hi chu mizia a ni miah lo ,huai sen tak in awm la ,inrintawk na nei rawh ,in inkar a țhat theih tawh dawn lo vang mai a dik lo tak a i hming chhiat na chu engmah ti lo in i tuar tlawk tlawk mai a nga maw " in ring tawk tur a min duh zia chu a hmel ah ka hmuh sak thei ,ka mittui a rawn hnai leh kuar ta mai .








Țhian chu ka nei ,ka kawm ve bawk ,mahse țhian te lo hlut zia hi ka hre fiah ngai lo, tun ah Nubawihin țawng kam thiam lo tak chung a ka hma ngai tak a min fuih na hian eng tiang chiah in nge țhian te lo hlut zia min hriat fiah tir tak zet.









Ka mittui rawn tla chu a hmuh hlau tak a ka hruk zeuh chuan a lo hmu hman a niang uang tak hian "I lo țap ve thei a nih hi ,mittui tla tur pawh i nei ve leh zel bawk ,kan Sailo nula hi a țap ve thei lo a niang ka lo ti mai a "min nuih vur vur a a rawn tih chuan " mihring ve tho ka nih hi "ti hlar in a chal ah chuan ka nem bu lawp a , min rawn tih let a tum ve leh ka kal sawn ta daih a , min melh khawi khawi mai .








Rinpuia rawn thleng chu kan lo hau leh hmasa phawt a ,a mipa ber hi nghah rei ngai ber a awm ziah mai ,a bike a rawn la keng tel ang țut zui a ,pathum a chuan te a ti vel reu reu a nge ka duh teuh lo mai








Kei ang tho in Nubawihi pawh a chuan duh lo a vang in a bike chu a va dah leh hmasa phawt a ,a bike dah rawn let leh chu a thlan deuh hluam a, a tum deuh hmuk bawk .Biak țawng hleih theih pawh a ni lo .








Bus a kal kan tum chu Nubawihin taxi lak a rawt leh deuh țung tak ah chuan bus a kal lo in taxi kan hmang zawk ta thung a .Bus ai chuan thlen pawh kan thleng hma, Damdawi in pangngai ah kal lo in mimal damdawi in lam ah kan kal zawk a ,Nubawihi chhungte lam thawk ve an awm avang in nghah pawh kan nghak rei lo viau.








Doctor ka hmuh chhung in pawn lam ah țhu in min lo nghak a ,doctor hmeichhia hmelțha zet hi a lo a lo țhu a ,ka awmdan te ,chawhmeh rim na ka huat thut tak thu te ,zing lam a luak leh zeuh zeuh țhin tih vel ka sawi mawlh mawlh lai chuan chik zet in min lo melh reng a








Ka sawi zawh rual deuh thaw in "pasal i nei tawh em " tih min zawt nghal chat a ,lu thing vak in ka la neihlo thu in ka lo chhang vat ,






A thil min zawh chuan min ti bang bo tak zet






Min melh deuh ren rawn hnu chuan a țhutna țang tho chhuak in damdawi leh ng ilo an an danna chu a va hai deuh rawk rawk hnu chuan rai leh rai loh testna a rawn phawrh chhuak ta nawlh mai .








A thil ken chu min pe in "va in test chhin phawt teh " a tih chuan hlauhthawna in mi rawn chen chilh nghal .








ka rai mai ang tih chu ka hlau em em a ,nau ka pai vaih chuan ka hma hun leh ka hun lo la awm tur a ka hmachhawp ho zawng zawng chu ka ti puitling thei dawn si lo.








Chu mai bak ah ka nu ,ka unau te engtiang chiah in nge a țhawng ang ,hmasawn na beiseiin khawpui ah lehkha zir tur in min dah a ,an rin loh tak zawng a ka khawsa tih an hriat chuan eng tiang chiah in nge ka chung ah an thin rim ang .Min tuithlar duh hial lo ang maw .







Ka in test zo ka țhiante min lo nghah na lam ka kan pan lai te chuan engdang reng ka ngaihtuah thei lo ,ka rilru hah lutuk hi ka bing deuh mup mup mai .Mu leh mal ka pu thei thlawt lo .








Eng tin nge ka tih ang ,kei hi ka rai a nih chu ,tiang thil hi ka chung ah a thleng ang tih reng ka ngaihtuah thleng pha ngai lo .







Mi ten an hmuhsit em em sawn pai dinhmun ah ka lo ding ve ta reng mai , ka hma hun ah beisei leh tur chuang thil ka nei tawh hek lo.







Chiang tak in Zomuansanga fa ka pai tih ka hai lo ,ka chiang em em zawk .A pawimawh lai ber lo ni ta chu hrilh hria pawh ni ila a awi kher dawn em ni .








Ka țhiante pahnih min biakna pawh chu ka chhang thei lo , ngaih țha zan lo hmel tak a min en dun vung vung pawh chuan ka la țawng chhuak maithei lo .








He thil hi ka mumang ni zawk mai se ,ka țhan harh rual in harsat na leh buaina zawng zawng a reh nghal vek mai tur .






"ka haw duh " ka tih sep chuan min melh deuh awk a ,







"Kan leng dawn a maw ni ka tia " Nubawihi chuan hrilh hai hmel zet in a rawn ti reng a ,lu thing in "in ah min dah lawk ula ,in duh leh in leng dawn nia " zawi te in ka ti a .A ngaihdan a nih loh hmel viau ta mai ,chu erawh ka ngaipawimawh thei lo ,ka rilru la buai nuai mai .










######## Zawm leh tur ,ka lo mutthluk san deih ,min hrethiam ru a tawi viau pawn ,ka dam sam chiah lo a ####


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:17 pm

BIAHTHU








CHAPTER -26










In kan thlen hnu chuan eng nge ka chung a thleng tih min zawt nghal vat a , Rinpuia erawh țawng lo in Nubawihi țawng zet zet chu a melh vung thung ,









"Natna hlauhawm tak vei mi ,nge I lo cancer ve zawk " a ma tawk in a phi cheng a ,ka thil sawi tur hian a țawng viau mai thei ,a rin loh lam daih thil thleng a ni dawn si .








Sawi ka huphurh tluk zet in kei mah chu ka in ten ngawih ngawih ,tiang mai hian engtin nge ka khawsak theih , ka nun ka hmang țan ve chauh dawn a ni si a ,mit khap kar lek ah thil a inthlak dang lam chak tak zet .








Țhu țha te te in ka hrawk te chu kan țhian hmasa phawt a ,eng tin nge an ngaih ang ,hmeichhe sihhnip zet hmuh in min hmuh ve ngei te chu ka ring hial ,kum la tam lo te a sawn ka pai chu a ni mai si a .








Hreh tak chung chuan "ka rai " ka ti chhuak ta nge nge ,min rawn melh dun vat a ,an hmel awmdan ațang reng pawh in mak an tih zia ka hai lo ,țawng lo chuan min melh dun vang vang a , an mit pawh an khap lo reng reng .









Tiang ang chiah hian ka nu ,ka u te ka hrilh hun ah chuan mak tihna in min thlir ve reng ang a ,hei ai a nasa zawk pawh in mak an ti hial ang .







"I fiamthu lo ti raw " Rinpuia chuan a rawn ti chhuak phawng a ,țawng ka a chhang lo in ka lu chu ka ti che zeuh .A chal dawm vang vang in







"Tu fa nge " a rawn ti leh hmuk a , chhang lo in ka ngawi ta reng thung , Ka naute hi ka ti tla phal dawn der lo tih chu ka hre chiang a ,diriam na ,lungngaihna leh hatsatna kar a ka hrin chhuah tur a ni tih pawh ka hre chiang hle bawk .







Nubawihi chuan vin deuh hlar hian "I hre mai lo mi ,chhah viau țhin lo teh Officer Zomuansanga anih mai loh in " a rawn tih khum nghek a ,chu tah ka lam rawn hawi in







"I hrilh dawn em "nichin a awki ang lo zet in dam diai hian a rawn ti a , ka hrelo tih nan lu ka lo thin khum mat mat.







Ka hrilh dawn nge dawn lo tih ka hrethiam lo , naute pa a nihna ang in hrilh hriat ngei chu a țha ka ti a , mahse a lo ring kher a ngem ,mi luhlul ve tak a ni a ,a rilru a sawh sawn duh kher a ngem ka hrethiam lo .







Naute hi a ma fa a ni tih a lo pawm ve te a nih ngai chuan min țawng khum dan zawng zawng leh ka rilru a hliam na te zawng zawng chu ngaidam a bul țan țhat pui leh pawh ka hnial lo .







A ni enkawl na hnuai ah chuan thil engkim tlachham lo in ,a țha ber zel ka pumchhung a naute hian a dawng in a nei thei dawn tih ka hria, rethei taka rual awt reng reng a nun tir ka phal lo a hrehawm zia lo tawng tawh tu tan chuan ka fa lo piang tur in a rawn tawn ve kha ka ngai ngam lo .Keima a ka enkawl ngawt ai chuan a nu leh pa kiang ah a hlim zawk ngei pawh ka ring.




.


Ka pumchhung a naute thla khat pawh la tling lo chu nakin hun zel atan a hma khua ka lo ngai lawk em em chu a ni si a .








" Va hrilh hria pawh ni ta tehreng la a lo awi ngawt dawn che mi ,i va in theh de re kual mai zawk lo maw "Rinpuia thil rawn sawi chu a dik na chen a awm , eng ah mah lo ngai lo lui tlat se keimah ka va in ti hming chhe zual sawt dawn tih chu ka hrechiang lutuk .








" Hrilh loh ringawt chu a dik thei dawn em ni ,a fa i pai tih a hriat chuan a rilru pawh a danglam phah thei a sin ,chu lo ah I chung a khatiang thil ti tu zawn chhuah na kawng ah pawh a awlsam phah thei ,thudik tak in zawn chhuah dun theih phei chuan in in kar ah buaina tur a awm tawh dawn hlei nem "Nubawihi chuan phur hmel deuh tak hian a rawn ti zang vah a .







Thil dik lo ti tu kan zawn chhuah theih phawt chuan kan inkar ah thil ah chuan buaina a awm ka ring tawh lo ,mahse midang lak ațang in kan tawk thei a nu ,a chhungte lak ațang in a chhan pawh min ngaina lo in ,a fapa bialnu atan min duh miau lo a, tun ah te hian a fapa fa ka pai tih hria se lawm ai mah in a thinrim zawk hial ta ve ang .







Naktuk a kan khaw lam a haw ka tum chu ka țhulh leh hrih ta phawt a , Zomuansangan ka thu hrilh tur a lo dawnsawng dan a zir in ka haw in ka haw lo ang .






Nubawihi te an haw hnu pawn thil ka ngaihtuah kual chiam a, a tlawm thlak viau mai lo maw tih thu te chuan ka rilru a kap a .








Vawi khat chauh, vawi khat tak tak biak ka tum chhin leh a nga ,min lo awi lo a ,min ring lo a nih tak chuan let leh tawh reng reng lo tur in ka rilru ka siam fel a.







Ka pum chu chul in " naute I tan i nu hi tlawm la tak in ka che dawn a ,chuvang chuan i lo pian chhuah a i len hun a min hmangaih hle ang che,I hria em "ka nui suk a ,engmah a hrethiam dawn lo tih hre reng in ka be zawm mawlh mawlh bawk.








" I pa in a lo duh lo tak che leh i nu hian ka theih tawp chhuah in ka en kawl tlat ang che ,"ti in ,ka pum chu ka chul pah hliau hliau a , he naute hian tumruhna thar min siam ka ti lo thei lo,nun beidawng ngawih ngawih a awm tur kha hlim na in min rawn chen chilh thar miau.









Mahse la ,ka chhungten an hriat hun ah engtiang chiah in nge mak an tih ang a eng ,buaina nge ka tawh dawn ka ngaihtuah thiam lo .








Ka phone chu la chhuak in zam rilru zet chuan Zomuansanga chu ka call a ,a vawi khat na chu a in ring ral țhak ,a hma ang kha chu nise ka phone rual rual in a lo la nghal vat awm sia .








Ka ti nawn leh ngat a tawp dawn țep ah chuan a lo la ve ta nge nge ,min be chak lo tih hriat zet hian "eng nge " a rawn ti bung vut a ,ka kut ka hum khawm chu hum nghet zual sauh in








"Inhmu lawk ang ,sawi tur pawimawh tak ka nei " ka zam lutuk avang chuan ka aw te chu a khur ti tih hial ,lehlam a mi chu a ngawi deuh vang vang a ,kei in min lo chhan dan tur chu nghakhlel tak si hlauthawng ru tak chung chuan ka lo nghak a .








A tawp a tawp ah chuan "khawi ah nge kan inhmuh dawn " a rawn ti ta sup a ,min thlahlel lo tih hriat zet in min biak te chu a ning hmel ngawih ngawih .







"Kan in ah ti mai I la " ka tih sep chuan min hnial ka rin nen nen a lo pawm ve mai a,tlai lam a a lo kal tur thu tawi fel hmek hmuk tak a sawi hnu in kan inbiak na kan ti tawp a ,kan inbiak zawh hnu chuan engtia hrilh țan tur nge ni ang ti in ka rilru a in khap buai nghal a .








Tlai lam ah chuan a rawn kal ta ngei ,a rawn luh ațang min melh zawk tih lo chu min melh leh chhin tawh hauh lo ,a in neitu zawk ka ni na chung in keimah chu ka inthlahrung deuh dak a , a țhut na hma zawn țhu thleng ah chuan țhu in ,min ngaihsak na pawh nei lem lo a a phone en a khi leh suk suk țhin pa chu hmun dang hawi sawn lo lek in ka melh a.








Mu țha bik lo tih hriat zet a mit hnuai val kulh leh a biang rawn ki ta deuh te chu ka hmu vat a, a hma ai in a cher deuh zawk em aw tih ma tgeihi tur in a taksa chu a tla ve kuam in ka hria.







A phone chu dah in min rawn en zawk a "eng nge i sawi duh chu ,tih tur pawimawh ka nei a nia " ti puat in a sana bun chu a melh leh zawk a , haw tum leh nghal ang mai in a țhu nghet lo a , a ke a ti che sek bawk .








"Eng lo, ih englo a nia " ka sawi tum ber pawh sawi thei lo in ka țawng bah niai a ,awlsam te a sawi chhuak thei mai tur a ka in ngai kha ka rin ang ngawt in a lo awlsam miah lo .








Ka hma a țhu pa lah chuan chal ti chuar tap chung in a meng zim sun a ,sawi vat tur in min duh hmel ngawih ngawih .








A tawp a tawp ah "kha pa kha vawikhat pawh ka la hmu ngai lo ,ka hre ngai lo hrim hrim bawk , kan picnic ni kha ka vawi khat hmuh na a ni ,kha mi ni khan nangmah zawng in room ah khan ka lut a ,a chhan chu pindan chungah khan i awm thu a sawi miau a ,kha tia ka lut chiah kha ka hmui chu eng emaw a rawn hup in ni khua ka hre zawm tawh lo ,a hnu a ka harh leh chuan khum ah khan ka lo mu reng a bak chu nang pawn i hriat tawh kha " ti in ka rai thu hrilh hmasa lo in kan insawi fiah leh hmasa ta phawt a.







A hmel chu chhe te pawn a danglam eih lo ,danglam a hnek in pangngai tak hian "kha zawng kha maw i thil sawi duh chu " a mit tlang a kan pah zeuh a ,a ngaih ho lam hmel viau ,chu thil chuan ka rilru a ti na nawn leh ta vawng vawng mai.









Beidawng tak tlawm in ti bawk si chuan "min ring thlawt lo ani ti raw " ka ti let ve ta salh a ,a awm dan leh chezia te reng reng hian hreh tak chung a ka lo in dah hniam ve na chu min thiah sak ta vek .








Naute chungchang hi ka hrilh lui tho dawn nge a hriat miah loh in ka enkawl in ka pai zawk ang .








Min nuih suk hian "rin ngam in i khawsa em ni , ka thil hmuh khan a ti langchiang vek bawk in ka hria ,chu mai bak ah mipa kha man in ka dawp a a inpuang fai leu tawh , a hma ațang reng a inkawp sa in ni tih nen a sawi fai vek tawh ,ka chhui lo bik lo dawt a ni mai lo maw tih thu a ka chhui chiang a ,mahse nangmah han rin a pawm leh theihna tur thil ka hmu lo " a ti ta hmuk a , biak zawm leh pawh huphurh awm khawp in a meng rum ul a ,a kut a hum beh chu a hum beh loh na lam zawk in a tuai leh hauh hauh țhin.








A chhui chu a lo chhui zawm ngei tih chu ka hre ta a , mahse thudik tak chhui chhuak lo in dawt chiang lutuk a nih a chhui chhuah daih .Hei bak hian insawi fiah ngaihna ka hre tawh lo ,khua nu hian kan inkar a tawp hi a duh a niang ,buaina in zam hnawk nuai kar ah min awm tir tak mai na chhan .








"Kan pahnih fa i awh thu i sawi țhin kha I la hria em" ka tih sep chuan rang zet in







"Fapa Amosa ka nei a ,a dang han neih leh chak na chhan tur ka neih pawh ka hre lo ,lo nei ta teh reng pawh ni ila a nang ang nu a neih che hi ka rem ti lo " ka rilru a na thei tih ngaihtuah lo lek in a ti nghut a ,eng vang in nge tiang mihring hi ka lo hmangaih , a țhat na phen a mipa rintlak a nih loh zia hi ka lo hmuh thiam loh .









Rilru thlak in naute chungchang chu hrilh lo law law a țha zawk a ka hriat avang in hrilh chhin tum na pawh ka nei tawh lo ,lo hrilh ta tehreng pawh ni ila a pawm ngai dawn lo tih ka hria .A ni te chuan fapa fing leh hmelțha tak Amosa a nei tawh a lawm ,Amosa chauh fapa pawh nei se a dang a duh belh tawh lo thu pawh a sawi tak kha .









Tlawm tak a awm lui duh bik tawh lo in "i thusawi te kha hre reng rawh ,theihnghilh ngai suh fa chungchang thleng pawn , ka rilru a let chiang viau tawh e ,hei bak hi chu ka rawn biak buai che pawh ka ring tawh hek lo ,a ni a i hriat leh thudik ni a i hriat te ah khan ding tlang reng rawh ,nakin ah i inchhir lai hmel hmuh ka duh lo a nia " ti ve hmak in a tawp nan mipa a zawng a ka thinlung luah hneh ber tu ,chu tih rual a ka thinlung ti keh sawm chiang em em tu chu ka en a , a hmel chu nichin ang lo tak in a in rin tawk hmel tawh lo hle a , rilru buai tih hriat zet in min melh let ve takah chuan khik khum sei in ka hawisawn ta .










A mah pawh melh lem hlei tawh lo chuan "ka sawi tur ang chu ka sawi zo tawh a ,sawi tur i nei ve leh te a nih lo chuan i haw thei ang " ti in kawng khar lam chu ka melh zui zat a ,a mawi a lo biak țhat vel pawh ka tum buai tawh lo.







Țawng ka a min chhang lo chuan a tho ta uăi a , sawi tur a nei lo chu a ni phawt ang nga .Kal a tum zet tawh chu rawn hawi let leh in "Lianding " ti sup in ,a chal a tuai zeuh a ,,chutah eng thu pawimawh mah sawi leh ta chuang lo chuan "a ngai leh lo " rawn ti leh ang lawi in "in enkawl tha ang che " ti in a chhuak zui nghal vang vang a .








Ka thinlung hian min hmangaih ve lutuk tih hi a ring tlat a , ka thluak ka chhia leh țha hriat na erawh in ka thinlung ngaihdan chu atthlak a ti hle thung .








Min hmangaih emaw min hmangaihlo pawh lo ni ta tehreng se ,chung thil chu ka buai na tur thil a ni tawh lo ,a ni chu ka nunhlui a mi a ni reng tawh a nga ,kan nunhlui a kan hun tawn hlim awm tak leh hatsatna te thleng in a lo let leh thei tawh ngai lo ang bawk in kei pawh let leh thei ka ni tawh dawn lo .









"Hmangaih na hian min ti na in ,sawi chhuah mai theih loh thinlung a hliam thuk tak dam leh mai mai lo tur min siam in ,nun thlak hlelh na bo țhak khawp in min hnai sa thei "mi tam tak in chutiang chuan hmangaihna nunrawng zia an sawi țhin kei ngei pawh in chu thil chu ka ngaihdan leh pawm zawng tak a ni țhin.








Mahse ,hmangaihna hian tu mah a va ti na ngai lo ,mi pahnih te inkar zawk in a ni ti na țhin ,kan hmangaih in min lo bum emaw ,mi dang nen minlo kawp te a ni thei ,min ring zo tlat lo pawh a ni thei chutiang hun kan hmachhawn a kan rilru siam țhat theih tawh lo khawp a keh sawm tak vek ah chuan hmangaih na kan hlim pui țhin em em kha hmangaihna nunrawng ti in kan dem in kan sawi zui ta chiam țhin .A dik meuh emaw ni








Min tina tu chu hmangaihna ni lo in ,kan kawp pui kha a ni reng si a . Dem loh loh tur kan dem phah ta ri ngawt a .








Ka nu bia in a rang lam a ka haw tur thu ka hrilh a ,a lo la phur em em zui ,chutiang bawk in ka u leh nau te thleng in. Kan te ber phei chuan thil ka hawn sak tur a duh zawng leh awh zawng chu a rawn sawi zat zat a .








"Lo haw vat vat rawh " a rawn ti chul bawk ,ka haw hun phur tak leh nghakhlel tak a lo thlirtu te hi ka rai thu ka hrilh hun ah chuan eng tiang chiah a rilru na in nge an awm tak ang ,chu ta chhap ah a mipa nen an inkar ah eng mah awm tawh lo tih an hriat hun a an rilru puthmang tur ka hre thiam lo .








An fanu ,an farnu chu sawn pawm ka ni mai tawh dawn si a ,ka hmingchhiatna hian ka chhungte thleng pawh in a nghawng tel vek dawn tih ka hrechiang mai bawk si.







Mahse ,chung thil te avang ringawt chuan Liandingpuii hi ka zam chhe mai in ,hatsatna paltlang ngam lo mihring dawihzep ten an tih mai țhin ang mahni nunna ngei lak tum na rilru ka pu hauh







Sumo counter ah kan khaw sumo haw lam tur chang in ka țhu ran a ,ka thawmhnaw pawh ni dang a ka haw chhoh a ka ken ai tâm ka kêng bawk , tun tum ka haw tur hi chu a dân a dang tlat a ni.







Nimin lam ah Nubawihin damdawiin ah min kal pui a ,nau pai lai a ei chi damdawi te min lo chawh in ,ei tur hrisel tak tak min lo hrilh nual bawk .Haw lo in a rawn riak tlang bawk a ,zan ah Rinpuia pawh rawn kal in kan pathum te leh Juliei te nen inthlahna te nau kan nei ve ngei bawk a .









Zing lam ah pawh Nubawihi chu kan in ah ei leh law law in tun ah pawh min thlah tum in ka bul a a țhu ve reng a ,Rinpuia erawh chu min thlah ve a tum nak lai in a chhungte chhiat tawk an awm avang in a lo kal ve thei lo ta thung. Ni chu a sa reuh si khua chu lum tak hi ni ringawt ,țhut mai mai pawn thlan a chhuak thei hial.








Kawng pui lam a motor tlan nuai nuai leh mipui hmanhmawh tak a in sul pel nuai nuai te ka lo thlir dauh dauh lai chuan ka car hriat hran zet mai ,ka lo chuang ve tawh fo țhin na ngei chu traffic a jam a vang chuan kawng chhak lam hnaih ah chuan a rawn ding a .








Hawi sawn nghal lo a ka lo en reng chu ka inchhir nghal ,a chhung ah chuan ka hmeichhe o pui zing a ka huat ber miss Ruatkimi a chuang ve miau ,Amosa sikul bang a lam a nih ka ring a ,a chhan pawh car seat hnung lam ah chuan Amosa chu an sikul form nen ding chung in tukverh ah chuan a dak dauh dauh mai.







Amosa te reuh chuan min rawn hmu a niang a kut chu min rawn vai khum lauh lauh a ,ka nuih pui ta hak a .






"Eng nge nangmah te a i lo nuih a " ti pah a Nubawihin ka melh na lam a en ve chuan rawn chek tlak in ''rinna tlachhama chu ,ka va kal phei anga ka va an khum chiam dawn maw ni "ti khar khar in " en tawh lo teh a "ti leh ka lu chu a kut a rawn dawm in a kuai her a .








" Hmeichhia kha kan professor te zing a mi kha a ni lawm ni english nge edu subject la tu kha "ti a min zawt in a va melh leh kher a .








" a rawn hawi "tih leh rawn hawi phei in a ner nawng a ,Zomuansanga te lam ka va hawi chu kan awmna lam a rawn hawi ve hi a lo ni ,a hmel chiang deuh in hmu thei lo mah ila mak a ti tih chu ka hre mai .








Rei en duh lo in hmun dang chu ka en ta daih a ,an din tawh lo hnu thleng pawn Nubawihin a sawi zui chiam leh tak kha .






Kan khaw sumo lo thleng chuan bungraw ho chu driver chuan a hlang zung zung a ,Nubawihi hmel mawlh chu ,a men deuh pur a " ka ngai dawn che e ,"ti in min rawn kuah a ,a in hnit feih feih bawk .Kei tak pawh hian a nia ngai dawn.








Ka dul chu rawn tawk zeuh in "hei nang te pawh hi ka ngai dawn che ,I lo pian chhuah hun ah chuan ka duat ngawt ang che ,naute hmelțha tawk ah lo piang ang che " ti in a mittui chu a tuai a a nui var bawk .








"Va chuang lut tawh rawh ," ti in min nem kal dawt dawt a ,kan tlan chhuah hnu thleng pawn a lan theih chhung zawng chu ka thlir a ,a ni pawn kut min rawn vai let lauh lauh mai.







Ka thut dan siam rem in nghen chhan chu ka ngheng a ,ka chhing ta riai riai .







Aizawl khawpui ka chhuah san rual hian ka natna te ,ka rilru hrehawmna te zawng zawng hian min chhuah sawn nghal thei se ka ti ngei mai .






He hmun ah hian thil tamtak ka tuar in ka hmachhawna ,hlimna ,,lungngaihna ,lawmna ,buaina leh kumkhua thleng a ka nun nghawng thei thil nen ,ka tan chuan he hmun hian ka nun tam tak a hril in ka hma hun lam thleng pawh in.









### Advertisement kha min click sak hram ru aw ####Chuan comment nen ##


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:17 pm

CHAPTER -27











Thingpui dawr a kan chawlh dawn tak ah chuan in ti harh in sumo ațang chuan ka chhuak ve a ,kan tlan chhuah tirh ațang khan ka mu thlu țan nghal in ka hria .Ka hmelhriat țha ho chuang ve pawh an awm ve nuk a, thil ei chhung te chuan zawhna leh thil eng emaw ni vel te chu kan sawi ve luam mai .







Kawng chan ve vel kan thleng tawh bawk a ,rilru pawh kan khaw thlen thuai thuai chak na in a rawn țham tet tet tawh mai a lehlam kawng zawng tak in ka huphurh viau tho bawk si.Thil kan ei zawh tlang vek tawh hnu ah kan tlan zawm leh nghal a ,kan sumo khalhtu pa chuan ring deuh tak a hla play in țhen khat in an lo sak pui lang lang hlawm a ,keipawh ka muhil tawh bik lo .









Ka rin loh deuh in Zomuansanga message ka dawng hlawl a






*Buaina tak chin fel hma in in khaw lam ah haw i tum a ,eng rilru nge i put chiah le "tih hi a ni a, a ngaihna ka hre lo viau ,eng rilru pu a rawn thawn. nge a nih pawh ka hre lo .







A message lo thawn chu ka chhiar nawn tlut tlut a ,ka chhang let chuang lo .Ka rilru ka siam fel tawh a amah nena kaihhnawih thil reng reng ah chuan in hnamhnawih ka tum tawh lo .Tun ah chuan ka naute chauh hi ka ngaihven tur thil leh ka ngaihtuah na luah tu ber a ni tawh dawn .







" Mu hil leh ta che "ka bul a mipa lian lam pang tarmit vuah chuan a rawn ti dut a ,







" Ka mu hnem tawh lutuk a ,ka muhil thei tawh lo "keimah ang lo tak chuan ka ti nui sang a, a ni pawh a nui ve suk mai .






Ka hmelhriat ngai pawh a ni lo ,kan khaw sumo ah a chuang ve run tho șia ,a hmel chu ka hriat hnu a lo nih tak mial in kan thlek leh zeuh țhin ,tu nge tih han hriat chhuah ngaihna pawh ka hre chuang lo .






Kan hnung a țhu Nu Kimi chuan amah chu rawn khawih zeuh in " camp te kha in sawi a țha ka tih zawng tak a ni ,in lam ah ringawt chuan pass na tur khawp zir tur pawn a tih a tih luih an ngai a , "a rawn tih chuan ka bul a țhu pa chu bu nghut in








" A vawi khat nan kan han ti ve chhin dawn a nia , Higher bik ah hi chuan private sikul te nih lo chuan an ti vak ngai tawh lo a , mahsela sikul hawn na a la rei lutuk lo nen mi pawn an la bawh lutuk duh lo a ,chu vang te pawh chu a ni pa khat a camp pui ila midang ho luh ve phur phah sawt thei khawp a pass țhat tir kha kan duh a ,camp te pawh hautak viau mahse buatsaih luih tum kha kan ni a "ti a a chhan chuan kan khaw higher zirtirtu a ni tih ka ring thiam nghal ta mai a .








A ngaihdan leh thil thlir dan chu ka ril rem zawng tak a ni .Thil thar reng reng chu mi in an duh a an ngaihven theih nan chuan a țhat zia phochhuah nan a hmalak hma sak phawt a ngai țhin reng a ni .







Kan inkawt ah sumo a din rual in in chhung lam ațang ka nu ,ka u leh ka nau te chu phur tak in an lo chhuak a , Bawiha phei chu a phur zual cal leh tawh e, sumo ațang a ka chhuah rual in " khaw nge ka thil tur "ti in min pawt cheng cheng a ,Ka nu in " tawt tawt țhin a che "ti in ka nu in a lo khak ngial pawn zuk hrelo der hmiah a.








Bungrua te kan hlan thlak fel hnu chuan chuan man te chu ka pe leh hmasa phawt a ka bul a țhu pa chuan " in in ka hre tawh bawk a ,nakin ah ka rawn la rim ang che. ,"fiam thu ti tak deuh in a lo ti a,midang ho lah chuan






"Thla rawk a che ,a duh chi i ni lo " fiamthu in an lo ti nghal zat hlawm a.







Inchhung a ka luh chuan ka thamhnaw leh thil dang ka dah ho chu an lo phawrh a ,"i rawn rui haw em ,"ka u in a rawn tih chuan






"Motor ruih te chu a ,ka duh reng reng lo " ka ti vat a ,motor a chuan fuh lo deuh chang hian a rui leh zeuh țhin a ,ka chhan dan avang chuan a ner ve suk mai .








"Eng nge min lo hawn " leh pek a ,a upat tawh ve nen hian a rilru hi chu naupang kum thum bawr vel lek chauh ni awm a ni.







Ka u pawn a chal ah na lo te a rawn pen sak pah hian "He pa hi chu " ti nui vur in ka thawmhnaw ho chu pindan lam ah a chawi phei a .








Ka nu pawh chuan ''kan puipuia zet țhin hi chu a "a lo ti ve vang vang bawk .Ka thil hawn sak ho ka phawrh chu an au ring teh e ,chhuat lai ah chuan a tlan kual deuh chiam leh ta zel a ,khap hneh pawh a ni lo .







" Thawmhnaw i va rawn keng chho tam reuh ve "pindan lam ațanga rawn chhuah pah in ka u chuan a rawn ti ta reng a ,chhan vak ngaihna ka hre tlat lo ," nia "ti in za lo deuh in ka țhen vel ta mai mai .








Ka nu lah chuan ''rawn in hawn chhoh bawr țun a ngai hlei nem ,I chhuk leh dawn ah a buaithlak tam mai mai ,he lam ah lah nise i thawmhnaw ken thlak loh tlem a zawng a la awm a, thil hi in dawn thui lo thei lutuk " a lo ti mawlh mawlh bawk .







Ka rilru chu nuam lo tak hi a ni ringawt tawh ,a rang lam a ka chungchang thil vel hrilh vat ka duh viau na chung in ka ngam ka ring lawk si lo ,rilru kam tu nei țun chung chuan chaw chu ka ei a ,ka haw dawn avang a vawksa pathianni pawh a kan hmeh thlak zen loh chu an antam nen an chhum ve hluah a ,a sa kan ei tur chu ka ka chhung a thlen hma ațang a rim chu ka ti thei ta der lo .








Thawk hip let vak pah in ka ka chhung ah kan dah a ,ka thawk chhuah rual chiah in ka pum lam ațang rawn tur tut tut tu awm ang mai in ka uak ta nghek mai ,tho chhuak vat in bathroom ah chuan luak chhuah tur awm hlei lo in ka va uak țhat țhat ,a hrehawm tak zet ,keimah chu ka chau zawm nghal em em mai bawk a .







Nngaihthat loh hmel fe in ka nu chuan ka hnung rawn tuai pah in "ei sual i nei mi ,nge i motor rawn chuang nghawng vel che ni " ti in ka chal te chu a rawn dawm a, min duat na aw ki nem lutuk te chuan ka rilru ti no zo in ka mittui a rawn tla hmanhmawh bawk ,a hriat hlau tak in hru vat in ka insiam țha vat .








Nau ka pai hnu hian ka rilru a no in țah te hi ka awlsam țan riau .In phih harh in chaw an ei na lam chu ka pan leh a ,ka hnung ah ka nu in min rawn zui bawk.








Ei tawh loh mai chu ka duh a mahse an ngaih țhat nan tal eih luih ka ngai si .vawksa chu a khawih pawh ka khawih chhin tawh lo a ,thlairah bai pawlh nuai chu chawm in eng emaw zat vel chu ka ei ve ta mai a .








Thleng seng fel ka tum chu an lo phal lo leh tlat a "I motor chuang I la chau nih kha ,va țhu hahdam phawt rawh " ti in ka u chuan min nam phei deuh dat dat a .







"Au Dingi pawh awm reng sia hmun min phiah tir leh a ,min duat lo bik e Au te ,anu te chu " ti in hmun chu a phiat ve mawlh mawlh a , U Hriata pawn thleng sil pah in a lo nuih suk suk mai .








Ka haw chuan hmun te kha phiah a in ring tawh lo ve dawn nak a lai in ka awm hnu ah pawh a la phiat tho si vel te chuan a ni mipa naupang harh zet tan chuan a run thlak ngawt ta ve ang.








Inbual fai in rei pawh meng lo in ka mu ta daih a ,ka pum chu chul hliau hliau chung in engtia han hrilh țan tur nge ni ang tih te chu ka ngaihtuah na a tam ber a ni .







Ka nu leh puipuia mu chu an in vin leh khar khar țhin "tiang mut pui chi a ni ngai em ni " ka nu in a tih vin hlak chuan puipuia lah chuan "umm ka mut pui dawn hi " a lo ti sam et thung a ,tih ngaihna hi a vang thei a ni.







Ka thil hawn ho kha mutpui a tum a ni ngei ang ,thil hawn te hi a nuam a nia a ngai hlu thiam thei ve reuh lutuk .








Pindan chhung hi hmun thum ah a in pin dang a zai lo te te in ,pakhat ah ka nu leh nau mu in ,a dang pahnih ah hian ka u nen kan mu ve bawk .Zau lo te te a ni bawk a hmun pawh a duh zau lem lo .




.


Nubawihi ka hre chhuak zawk in thlen hun ah min rawn hrilh rawh a tih tak kha ,a va haihawt theih chhah chhah tak e aw ,zan rei lam a ni tawh bawk nen a call a call tawh lo in whatsapp lam ah a la men tak hlauh a ti in ka va bia a .







A lo la online reng hi a lo nia ,ka hrilh vat loh avang chuan a rawn thin rim ve nasa mai ,min ngaipawimawh lo tih ten a rawn ti kual vel duah a ,a thil min rawn thawn lah chu a la sei em em leh ta nghal a ,a type buai peih hi kan ti khawp a .







Ka mut a chhuah tawh em avang chuan muttui tih chhu in ka va thawn a ,a la thinrim der kual vel "naute hmelțha tur kha muttui a nu tel lo in " a rawn la tih hram kha a.








Zing kan thawh chhuah meuh chuan ni chu a lo tlang sang tawh hle a ,kawt kai ah naupang infiam an ri lauh lauh tawh bawk ,an in marble perh nge an in bikruksiak ni an thawm chu a țha hlawm ngei mai.








Zing kar ațang ka lu a rit bur a ,zing dang ang tho in ka uak leh pap pap țhin ,ka nu chuan thil ngaihtuah neih hmel zet hian min buai pui a , engmah phei chu min zawt chuang lo .







Tiang reng hi chuan rei ka thup thei dawn lo tih ka hre vek a ,han sawi chhuah mai ka tum lah in hlauhna ka nei tlat a, ka nu te hmel awm dan tur te thleng chuan ka dawn lawk a ,sawi loh a ka tlak leh mai țhin a .








Tukthuan ei hma in U Sangi te unau hnih chu an lo lang nawlh a ,tlang nel zet hian thil ka hawn sak leh hawn sak loh te chu min rawn zawt nghal a , U Sangi phei hi chu kei ai a u ve daih a ,hna nei a ni leh tawh nghal a ,a kum phu lo hian a chet duh dan hi a naupang chhia ru tlat zel .Ka nu phei chuan "I ni an chhun a nih hi , naupang chhia tak a lang si hian eng emaw kawng ah an fing var phian zel a nia " a ti țhin ,a nih te pawh a niang .







"Engmah ka lo hawn lo che u " han tih thlak tawp chu ka inthlahrung ru tho bawk si in bengbeh man to lo te a a hma daih tawh a ka lei chu pakhat ve ve ka pe a ,an lawm hmel viau chuan ka hria .







An haw hnu in chaw chaw kan ei nghal vat a ,a chhan pawh ka u te lui a an thian ho a kal an rawt vang a ni .Ka u chu hmanhmawh deuh hian chaw chu a bar mawlh mawlh a,U Sangi te kha rin ai in an awm rei phian a ,an tawng duh unau sia ,thil eng emaw sawi in an awm chhung ringawt pawh khan thu sawi a pui an ngah hman khawp mai.







Ka nu chuan "Ekhai i thiante pawh in an rawn la sawm loh che hi,muamgchang khan ei the i hak reu reu a nge " ti in U Hriata chu chaw ei muang tur chuan a hrilh a .A hrilh pa lah chu mawng a hawlh zat ang mai a ni a chaw eikham te chu a thu khawmuang lo in a in siam nghal zung zung a .








"I u tak hi chu " ka nu pawn ka u in siam lai en chuan dawn ti in a nui pah vur vur a .







Ka u hi zawng keima mize letling thawk hi a nei a ,thian te zing a nghah bik ngai a awm te hi a duh ngai lo , a rilru te hi mipa e ti lo hian a dam dup a ,ka hriat theih a tu mah insual pui leh intih buai pui a neih awm pawh ka la hre lo .A thil tih tur reng reng a tlai hlau chi ang kha nia , tlai tawh dawn bik a a inhriat chuan ti hian a phi cheng zel .







Ka u te thian ho chu an dawn thleng khawm tawh a ,U Freda pawh a kal tel ve dawn a ,min hmuh chuan min rawn nuih vur vur in "nimin lam te in rawn thleng tluang maw, motor te I rui em " tih min zawh chuan ka thleng tluang thu leh motor ka ruihloh thu in ka chhang a .








"I u ve hi chu " ti in a nui kiah kiah a keipawh a sawi tum chu hrethiam zet in ka lo nuih pui ve hak hak.






.

Kan khaw thenawm ah bial khawmpui an neih in zaipawl ho in chaw hnu ah hla an rem dawn a ,ka u leh u freda te ho pawn hla zir in rem ve an tum a ,motor lian hmang lo in mahni neih remchan ang ang te keng hlawm in ,sumo mimal in an thawhchhuah pui a ,sumo ah chuan ka u pawh a chuang ve ngei,kan inkhawmpui na khua hi inhlat lo tak a ni a ,kawng chan ve pawh an chuan hma in a rui sual a ,a bun ta rawi mai a ni .








Tun thleng in a thiante chuan fiam nan tak an la hmang thin.mahse mal leh deuh chu a chuan fuh viau chuan eng ang a hla a pawh nise a rui leh chuang ngai miah lo thung .







Rawn kun hniam in "I lo haw chauh a ,nangmah mitmei tu che an awm nghal a " U fredan ka bengbul ah rawn kun hniam a a rawn tih sa sa chuan ka lo hawi a heu ringawt .







Midang ho chu an sangha man na tur len ken tur vel en fel in an bih thap hlawm a ,kan sawi hre ve awm pawn an lang lo.







"Thil ni lo pui pui hi sawi lo teh " ti khar a ka melh rum der kual vel chuan a nuih a za niang , van va dak meuh in a nui ta hawk hawk .








An kal liam tak hnu chuan ka nu chuan dawhkan bul a ka ding chu min melh vang vang in ,a bul țhutna chu kawk zeuh in "hetah hian lo thu teh " ti in min rawn hui zeuh ,kan pahnih chiah in in ah kan awm tawh a ,puipuia sikul a kal tawh bawk ,kan naupang ber a ni bawk a duh duh dan hian kan ko a ,a chang in bawihpui ti ten ,kan koh pawlh nuai mai .








Ka țhut phei hnu chuan "ka lak ah zep i nei em, tun țum i rawn haw hi ka chik viau hnu che in eng emaw tak i chung ah thleng chu a awm ngei a ni ,i mizia a danglam a ,i hriselna a pan hle bawk ,thil rim na deuh leh thang lam i haw em em bawk " ti in ka mit ah tak min melh kar a .








Nu te nge nge chuan kan hriat miah loh in min lo ngaihven in min lo chik ru tet tet a nih hi a.

.




"Ih ,,,ih eng lo ka ka " sawi mai ka tum chu ka sawi hlei thei tlat lo ,ka hrawk ah hnawh tu awm ang mai in min hnawh tlat a ,mit chhing vang vang in thawk kan la hmasa leh te te a ,"nu ka ka rai "ka sawi zawh rual in ka tap chhuak nghal hawk a ,ka kut chu rawn vuan in






Awki nem lo fahran hian " Liandingpui eng thu nge i sawi kha ,thudik a ni lo tih han sawi teh "rilru buai hmel zet in a rawn ti a ,rilru hrehawm tak in ka melh ngai ka melh tlawk tlawk ringawt.







" Tiang mai mai tur hian em ni aizawl a awm a lehkha i zuk zir ,tun a kan innghahna awm chhun leh kan hmathir ber i ni sin , min va ti beidawng ve le "ti in a mit ațang mittui a rawn hnam țiam țiam a ,kum naupang lutuk a nih tawh loh mai bak ah ram hna a thawk nasa tih hriat zet a a hmai thim deuh khap te leh a sam țuak var pheuh pheuh te chu tun a a awm dan nen phei chuan hmuh hrehawm tal a ni.








Sawi tur pawh ka nei lo ,in sawithiam na tur pawh ka nei chuang hek lo ,ka thil tih sual rah chhuah kha a ni miau a .







" Tu fa nge "ti a mitmeng sen ram chung chuan min zawt leh a, chhan mai ngaihna hre lo ka kut hum in ka kun ta tlawk tlawk .








Ka ban bul ah rawn beng dawt in " a pa pawh I hre lo i tihna em ni ,a va rapthlak em ,ka ngaihtuah na ang hi chuan awm lo hram teh "ti in a khup chung ah a kiu nghat in a chal a dawm vang vang a .

.




Vawileh khat ah tho phut in " i u lo haw hun ah kan sawi țha leh ang ,eng tin chiah nge khu lam ah i zuk khaw sak kual vel le , zahna namen lo min hmachhawn tir dawn tih i hria em "ti nghat in pindan lam ah a lut ta daih .







Kan pahnih chiah in awm e ti lo chuan min be duh miah lo a , ka awm ve lo ang mai in a tih tur țul te chu a ti hmawk hmawk ringawt.Chu chuan min intithlahrung zual a ,mahni in ngei ah kimki dak in ka awm phah .a,







Tlai lam a Nubawihin phone call hmang a min rawn biak chuan ,ngaihtuah na ti tam tur thil bawk a rawn sawi leh tawh







" Officer Zomuana kha kan in ah a rawn kal a, in khaw lam a i cham rei tur leh tur loh min rawn zawt "a tih chuan rang zet in






" Eng tin nge i chhan "ti a ka zawh chuan engmah a hrilh hriat loh thu a rawn sawi a ,ka thaw huai mai.







Eng thil chiah hi nge a ngaihtuah na ah hian awm zo zai bik le ,maksak tak leh awm lo tak tak a a chet chhuah mai thin ni .








❣️❣️❣️❣️Ads click leh comment aw ❣️❣️❣️❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:17 pm

BIAHTHU









CHAPTER-28












Biak tum a a pindan a luh ka tum uai uai na nga chu ,han luh dawn tak tak ah chuan ka ngam leh chiah thin lo ,pawn lam ah chhuak in kan huan a mau hmang a țhutna kan siam ah chuan ka țhu a .








Vawi khat chet sual mai vang a kan hringnun a dang lam theih zia hi ,kha tih lai khan tlem tal in insum theihna nei in sual kha lo do let ila chu tun ang mai mai hian ka awm lo tur .








Ka u te chu tlai thim țan det det tawh a an lo thleng a ,kan in ah chuan in sem in an buk a, Rin ai tak in an man țha zek leh nghal .







An in sem zawh vel ah an haw nghal hlawm a ,keini pawh chaw ei tur a kan lo nghah avang in inbual hmasa lo in zanriah chu kan kil tlang phawt a .







Ka nu chu a chaw ei chauh ngaihtuah ni awm tak in hawi pawh hawi chhuak lo chuan a ei mawlh mawlh a ,ka melh pah leh zawk zawk thin.








Eng chiah nge a rilru ah awm ang le ,a fanu hi min haw ngawt ta ve ang .Tiang mai hi ka ni tawh si a .







Puipuia a ațawng leh thin tih lo chu tumah kan tawng lem lo ,ka u in ka nu awmdan chu a ngaihna hre lo zet a melh in ka lam hawi in a mit a rawn kan ak .








"Nga ti nge " ti a min zawh tum na ni in ka hria ,ka nu chu melh zawk in ka lu ka thing a , engmah sawi lo chuan a bar zawm leh mai bawk.









Zan ah chuan ka u bul ah ka chungchang chu a sawi chhuah ka rin teh lul nen ,engmah a sawi lo a, mak ka ti zawk viau .Kei lah chuan ka hrilh ngam tawh der si lo a .









Zing lam thleng chuan hmel hlim min hmuh lo a , mahse a mitmeng leh chezia ațang nimin ang em em in a thinrim tawh lo tih ka hria.









Lo lam awl lai tak a ni a ,vawiin pawh feh lo in in ah an awm dawn a ,zing chawhmeh atan nimin lam a ka u te sanghah man chu anthur te nen ka nu chuan a chhum a , hmarcha hring rawt tur a min tih chuan sawi buai lo in ka rawt vat .









Ka u leh puipuia chu kawt ah kan tuichawi na ber țhela vawn na chiangkuang lo chu an siam thung .









Kan khua ah hian thian hi ka nei lutuk lo a ,pahnih pathum vel chu kawm fal bik ang kha chu an awm ve ,mahse tun ah kan khua ah an awm lo thung a ,lehkha zir leh hna thawk in hmun dang ah an awm ve hlawm bawk.









"Thla engzat nge " ka hmarcha rawt lai mek chu tawp chat in ka en vat , ka nu erawh chuan a sangha chhum mek chu vil in tapchhak ah chuan a thu a ,ka lam pawh a rawn hawi Chuang lo .









"Thla khat a la tling lo " ka tih chuan min rawn melh zawk in .








"Vawksa tih loh rim huat dang i nei em ''ti leh in a thil chhuan chu a suan a ,ka ngaihtuah a chu tia hming hmer a sawi tawp tur chu ka hre lo mahse thil rim na lampang ka ngaithei vaklo tih chu ka hria.








Zawi sep in " chawhmeh rim na lampang hi ka ngaithei vak lo "ka tih chuan a bu nghut a ,ka rilru kap reng thil a rawn sawi ta chiah .









" I u hi hrilh hriat vat a tha ang , eng rilru chiah nge a put dawn tih chu rin ngaihna ka hrethiam lo " ti hmak in ka u leh puipuia pawn a thil siam a awm te chu au in chaw ei kan siam nghal a .









Sangha chu ka ei lui thei leh thlawt lo ,chawhmeh dang zawng ai a ka ngainat kha a ni țhin a sin le ,ei chu ka ei chak ve tak zet mahse a rim ka ngai thei thlawt bawk si lo ,ka luak a ti chhuak tlat .








Ka u chuan "sangha hi ei țeuh ta che i duh theih em kha ,a tui te hi hawp kuang kuang rawh "a rawn tih tak ah chuan a hmuh lai in vawi khat chu ka hawp luih ve hram kha .








Puipuia sangha ei ve duh si a hling thian lo a ei tawp a tum chu ka nu in a then sak a ,chaw pawh an kil rei fal dun khawp mai .Sangha te ho bik chu kan rep dul a,tlem a lian deuh ho chu zing hmeh a kan hmang a .








Ka u chaw ei kham hnu lam a a thil siam siam zawm mek chu ko lut in keipawh ka thleng sil zo chu a țhutna bul a țhu phei ve tur in min ti bawk .








A thil tih tum chu ka man thiam mai a ,a hma ang bawk in zam na leh hlauhna in min rawn chenchilh leh nghal tawh .







" Ka laklawh viau a sin maw le aw ,eng nge ni a "ka u rawn lut chuan a rawn ti sup a ,.







"Rawn țhu phawt la "ti a lo chhang in ,.Kei chu min rawn melh a ,melh pawh ka lo melh let tha ngam tawh lo ,ka kut tin chu khawih neuh neuh in ka kun deuh chial a .







Ka u a rawn țhut fel rual chuan " I nau hi a rai "a rawn tih veleh ka u chu a tho leh nghal uai a ,mak a tih zia chu a mitmeng leh awmdan thleng in a hriat theih vek ,.







" Eng thil ,min fiam a ni ti raw ,ka awih lo reng reng "ka nu bul ah chuan a ti a ,tun ah tak hi chuan bo thut thei ni ila,bo vang vang ka duh .A hrehawm e mai .









An hriat hma in nga ti nge ka lo tihtlak mai loh le ,buaina a awm lo mai tur.A pa pawn a duh chuang lo a ,mahse ,ni lo in thing harh vat in ka thil ngaihtuah kha a dik lo ,tu man duh lo in min pawn lui loh mahse he lei a ka awm ve chhung chu keiman hmangaihin ka enkawl reng ang .








" Ka ngaihtuahna a fim loh lai a ka thil ngaihtuah kha min ngai dam rawh ,ka thlathlam lo ang che "ka ti rilru mawlh mawlh a .







" Liandingpui"







Ka phu nasa lutuk ringawt ,ka mittui a hnai nghal kuar thei .Ka u chuan thinrim mit sen ram in min en a ,tiang a a thinrim viau hi ka la hmu ngai tlat lo a , ka hlau ru khawp mai.








"Eng tin nge i tih theih ,eng tiang chiah in nge i zirna atan a ka thawhrim a ka beih nasat zia hi i hria em ,hah pawh sawi lo in nakin hun a hlawhtlin na sang tak i chan hun tur thlir chung in sin ka thawh thin ,eng emaw tak hna tha chhungte chawm theih na tur I la nei a nga ti a in hrilh in ka hah viau lai leh hnathawh ka chak vak loh lai te a ka in fuih phur na thin i ni a sin " rilru na tak chung a a tih chhuah phei chuan inthiamlohna mai bak ah keimah chu ka indem zual em em bawk a .








Sawi tur reng ka nei lo , ka u mipa ah pawh pa tak thin kha a rilru nat lutuk avang in a mittui a tla a ,chu a mittui tlak na chhan pawh a unaunu a hmangaih em em vang in .








Ka u chu pawn lam ah a chhuak leh ta daih a ,um zui tum a ka ding uai chu "kal tir rawh ,amah a awm a mamawh a nih kha " ti in ka nu in min lo khap vat ,rilru nuam lo tun chuan ka țhu thla leh ta ngawt .








"Naute pa chungchang hi min hrilh i tum miah lo em ni ,eng ang pawn khawsa mahla ka ril a rah ka fanu ,buaina tam tak kar a ka chawm seilen che i ni a hriat ve chu ka phu a ni " ti in ka țhutna lam ah rawn phei in a rawn thu thla ve a .








Harsa ti tak chung chuan ka thil tawn leh naute pa chungchang chu ka hrilh a ,kan inkar a chhiat tan dan thleng in zep buai lo in ka hrilh ta vek ka zang phah hawk in ka hria .








Min lainat hmel zet chuan "hatsatna leh buaina te chu mihring zawng zawng in kan hmachhawn a ,hmangaihna kawng ah pawh itawrh ai nasa zet tuar an awm bawk ngei ang ,nang pawh beidawn hlen mai lo in ,hma lam thlir chung zek in i hmachhawn dawn nia ,mi huaisen kan tih te hi beidawng mai lo a mahni harsatna su kiang thei te hi an ni tih i hre reng dawn nia " a tih chuan








"Nu min haw lo em ni " ka tih sep chuan,a lo nui mai a.







"Ka fanu i nia eng ah nge ka huat ngawt ang che ,mahse ka rilru chu i tina tak zet ''a tih leh chuan ka insum thei tawh ngang lo kuah thlawp in







" Khawvel nu zawng zawng a nang tluk an awm lo "ka ti ta chiam ringawt a .








Ka nau pai in thla thum hmel a hmuh tak ah chuan ka pum pawh a lang ve tan a ,khawtlang ah sawisep ka kai chho ta bawk .Khawlai chhuah tam sa loh mah nak a laiin ka chhuak khat leh ta zual a .Țul fe lo ah chuan ka chhuak lo tih theih a ni.







Ka u pawn a hma ang tak in min la be tha lo mahse tawngka in ti lang chhuak lo mahse a chezia leh thil tih zawng in min ngaihsak em em thung a .







A ram chhuah chang te hian ka nu bul a nau pai laiin an ei chak zawng te zawt in thei thur lam a rawn hawn leh tawk zel.Kan Puipuia ber hi a ni buaithlak leh ta chu ,thil hrethiam ve tawh viau tur a nih lai hian ka nau pai chu in tih theih nan tak a lo hmang emaw tih mai tur in a thian te bul ah te








" Kei chu nau ka nei leh dawn sin ,mipa a nih chuan sikul ah te ka hruai a nga ka infiam pui nasa thei ngawt ang ,"ti in a lo sawi ta thin a .









Nubawihi leh Rinpuia te nen pawh kan inbe awl lo a ,vawi khat Nubawihi nen kan inbiak phei chuan ka rilru nat thar lehna tur thil a rawn sawi a ,Chu pawh Zomuansanga leh a nupui hlui te inhruai that leh a ,awmdun an tum thu a ni .








Eng ah mah ngai tawh lo lui in tha tak in ka Bia a ,ka rilru a la luah reng tih chu ka ti lang duh miah lo bawk .Khawi atang a hria nge tih ka zawh chuan College ah Miss Ruatkimin a hrilh thu a sawi mai a .Amah pawn thu chiang a hriat bik loh thu pawh a rawn sawi tel tho bawk a nih kha .







Rai lai mek ka nih avang in zirna pawh ka chhunzawm ta lo a ,College ka kal chhung a ka kawm em em te pawh ni lo mahse phone number kan in save tawn ho te pawh in ka kal zawm loh chhan min rawn zawt fo a ,chhanna mumal ka lo pe ngai lo .









A uihawm ve tak em bawk a ,tun hi kal leh ila țha te te a kan pass a nih hloh chuan BA chhuak tawh mai tur kha ka ni șia .Class kal kher lo a exam theih dan kawng a ruk tak in ka ngaihtuah ru reng bawk.








Ka nitin hun hman dan chu in a awm kha a ni ta ringawt a ,in a tih tur țul țul te ti ve in ni chu ka hmang liam ve mai thin.







Ka cousin te ho an rawn lang leh zawk țhin bawk a ,ka naupai vel chu kei ai ai in an lo phur zawk emaw tih mai tur hi an ni hlawm a .A ruk tak a min hmuhsit kual vel kha ka ring a nia ,ka rin dan loh zawng daih in ka chung ah tupawh an khawsa vek ang lawi a .


.




Ka ni erawh in a hriat tirh in min hau nasa viau thung ,tun thleng in min khak leh zeuh hi a ching a ,huat en ah pawh ka en bik lo ,rilru chhe pu ran a min hau a nih loh vang te pawh a niang .







Kan khua ka haw a sumo a ka chuan pui mipa kha kan higher principal hi a lo ni reng a ,ka u te nen an inkawm ve leh zawk thin avang hian kan in ah pawh a lo leng lut ve zeuh zeuh thin a ,a tawng duh in thu han sawi tur a hre bawk a ,keipawh in ka nel ve tawh hle .








Chhuansang ti in ka u leh midang ho hian an ko mai thin a ,U Freda lah hian tlangval uai tawh e ti lo hian U Chhuansanga min chhaih leh zuk zuk hi a ching khawp a ,min ti bangbo viau zel.








Tlai lam a ka u leh ka nu feh haw chu an phur lo hlan thlak sak vat in ,thingpui ka siam a ,an thil rawn phurh ho kan en nak chuan fanghma tuai ,vaimim leh thlai dang eng emaw vel a lo ni nuk a ,fanghma tuai chu ka ei chak leh ta hle ,ka ei loh chuan keimah hi ka awm hle hle thei dawn lo ni mai ten ka hria .


.




Fanghma pum khat lian tha ve deuh chu keimah in ka ei zo ta vek ,ka rai hnu hian ka thil chak hi ka pe na zual em em a ,insumtheih na ka nei lo a nih ber chu .







Ka u inbual zo bualin atang a lo chhuak chuan "tui hi nangma chawi a mi " a rawn tih chuan ka chawi a nih thu in ka lo chhang a ,chutih lai mek in Puipuia tlai inkhel pawh ballboot nen berh deuh nuaiin a lo haw ve chiah .







"Lo chawi tawh lo tur in ka tih che kha ,ka tupa tur tan khan a țhalo a nga sin " a rawn tih chuan ka nu tap chhak bul a țhu chu a rawn nui deuh hak a ,keipawh a thu sawi dan vel chu nuihza rilru deuh in nui ngam chiah lo in ka u chu ka melh reng ringawt .








Ka u lah chu a thu sawi dan vel naupang chhia deuh chu hre chhuak leh niawm tak in a lu tuai vut vut in pindan ah a lut ta daih ,a lai ve reuh emaw ni .








Ka nu lah chuan a luh hnu thleng pawn a nuih kar kar reng mai .








Zan ah Juliein min rawn be teh hlawl a ,an in kan luah tawh loh hnu a ka u te ho bungraw la tur vel a an zuk kal dawn lai vel kha kan inbiak hnuhnun ber a ni ta in ka hria .







"U Ding pui ,vawiin ah maw kha police pă kha a lo kal a ,inhnuai ka tihfai lai in kan in hnuai hi in rawn luah leh dawn nge dawn lo tih te min rawn zawt a ,in luah tawh dawn lo tih ka hrilh hnu in aizawl ah i awm leh awm loh min zawt leh a ,in khaw lam a i awm thu ka hrilh leh hnu in lungngaih hmel tawk in a haw a lawm " a rawn ti zet zet a ,keimah ang tho in a ngaihtuah navkhawi emaw lai ah chuan ka la cham ve reng a ni mah na .







"In in țhen tawh mi " hriat chak hmel fe hian a rawn ti sur sur a ,







"Naupang hriat chi loh "ti a ka chhan let chuan a rawn hmmm nasa mai .







" U Hriata kha min lo biak rawh aw "ti zuk in kan inbiakna chu a hmet tawp nghal zat a .Phone chu en in ka nui ta ringawt ,.









Zomuansanga ngawt chu ka ngaihtuah na ah a rawn awm leh ta char char ,kei in a ni theihnghilh tum in ka chakna neih zawng zawng ka hmang a ,ka theihnghilh thei mai tawh tur a ka inngaih lai in a ni lah in amah ka theihnghilh chu a hlau emaw tih mai tur in chet a rawn thawh leh a eng tin nge ti chung te chuan ka thinlung atang ka paihchhuah tak tak theih a nga .








" Au Ding Ding ,sikul bul kawt a kan infiam lai in maw mipa lian deuh in i hming ang chiah chiah hming rawn sawi in ka hriat leh hriat loh min zawt a " tuizem bul a ka insuk lai chuan han tih hriat zet a thaw hlawp hlawp hian Puipuia chuan rawn ti a ,








Inrinni zing a ni bawk a ,hnathawh thawmhnaw leh thawmhnaw dang suk tur ang ang chu kawt ah ka su a ,ka nu in min rawn tleuh pui leh zawk țhin bawk .An ni pawh feh chhuak lo in vawiin chu an awm hahchawl dawn a.










"Keimah a ni lo ang ,ka hming ang pu ve tho a niang an tih " ka lo ti mai a .







"A niang " ti chung a tlan leh nghal mai a tum chu "chhuak tawh su ,chaw ei a hun țep " ka tih tak ah chuan inchhung ah a lut ve mai a.








Ka insu zo inchhung a ka luh lai mek in ka nu chuan "Tak a Fela te chhung an rawn zin tak a sin ,tukin ka zing țawngtai kal rawn haw lam khan ka hmu a ,an chhungkaw bil in an ni in ka hria ,a nu te chu an rawn kal tello ni awm tak a ni ,Hriata kha lo hrilh rawh a ti Tak " t ka u Phone khawih mual mual chu a hrilh a,.







Ka u lah chuan ''ka hria a lawm "a lo ti awlsam
et thung.Thil eng emaw tak vei nei run hmel hi a pu.U Fela te lo kal chu lo phur hluai ang pawn a awm lo chu mak ka ti deuh .








" Nau te pa hi hetah rawn kal in ,amah zui turin rawn ti ta che se la eng tin nge i lo tih ang i lo zui mai a ngem "min rawn en kar in keimah chu min rawn zawt ta daih ,min zawh na teh thut chu mak ka ti viau ,keimah ang bawk in ka nu pawh meng buai nak mai .









" Thil ka zawh che chu "a rawn ti leh deuh hluk a ,in thing harh ve vat in " ani hnen a let leh kha ka duh tawh lo hrim hrim ,let chhan tur pawh ka nei tawh hek lo "ti a ka chhan chuan thaw veng hawk hmel hi a pu a .







" Eng ti tih a chutiang zawt nge maw i nih le "ka nu in a ngaihna la hre lo tak a a rawn tihchuan " ka zawt mai mai "a lo tih san leh mai thung .








👋A boring viau mai thei ,a ziaktu pawn he charter hi a boring ka ti ❣️😂😂😂 Ka chhiar tur nise ka chhiar peih lo Chi .🥲🥲


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:17 pm

BIAHTHU







Chapter -29









Zan ah chuan ka u thhiante ho chu an rawn leng hlawm diah diah a ,eng emaw sawi in an rì hlut hlawm mai .







"Nau te hian pa a mamawh tho sia ,a pa ah min țán tir mai la " ka melh rum vak ,a ni lah chu a nui ruh ruh a ,he tia min fiam leh zawk thin hi a ching khawp a .








"I zirlai te chauh ngaihtuah rawh " ti a ka chhan chuan kan Chhuansanga lah chuan a hmel an ti nur kual vel a ,a hma kha chuan ka u ve mai thin a ,kan inpawh tak deuh hnu hian u en ah pawh ka en tawh lo ,principal lai e ti lo hian a ho ve helh hulh lutuk a .







"Nula kan rim ve em em a ,thingpui lum na chang pawh a hre lo reng reng ," ti in keimah chu fiamthu in min perh min perh a ,an thawveng hlawm mai sia ka u hian engtin nge a kawm theih hlawm ni ,ka u mize en in a awm thlawt lo.








Tho chhuak țiah țiah in ka dul chu ka dawm a "nula pawh ka nih tawh loh hi a ,kan in lo te hi len na tur in hre hlawl hlawm lo em ni le ,mi te chu an bialnu te in ah zan hun an tum tawi a ,nangni ve chu thu awih awm loh pui pui sawi in in tlak duah ringawt a "ti a fiam let in gas awmna lam ah phei in thingpui ka chhuang a ,ka thingpui chhuan a so veleh no ah a thli diat diat in mizo tak in a hang ngat in ka siam a.








Ka pe zo ka u bul a thut thlak mai ka tum chu ,Chhuansanga chuan ka ban ah rawn chelh in " ka bul ah hian rawn thu leh mai mai teh ,laih kual vel kha a ngai lo nia "a rawn ti ham a,Min la pawt bet ang țun a .








Mi fiam kual vel te hi a peih mai sia maw ,chawhrual in a mah hi a nui thei reng emaw tih mai tur a ni







Ka pum hi a lan ve deuh tawh avang in kawr lian lampang puan dai dep ang kha ka ha mai thin achutiang ja hak chuan ka dul pawh a lang lutuk ngaj lo,taksa phuar teng ang chi chu ka ha peih lo .Kekawr pawh khup khuh thawl deuh hek hawk ka ha mai țhin nu tling tawh hi ka ang kan ti thin khawp a ka thawmhnaw inbel zawng zawng nen hi chuan ,mahse hak a nuam em a a dang ka ha peih chuang lo.









Chutia kan țawng mawlh mawlh lai chuan kawngka chu an rawn kik a ,lo chhawn vat in " lo lut ru "ti in thingpui in ruah na no ho chu ka khawm a, ka beisei loh lutuk in U Fela hi a lo lut hlawl a,chu zawng ai a mai ka la tih chu a hnung ah Zomuansangan a rawn zui ve bawk .








No ken pah chuan che chang lo in ka melh ta reng ,a ni pawn inthlahrung hmel tak a min melh ve in min nuih a ,ka nuih let lo chiang khawp mai .







Ka u chuan lo be vat in " lo țhu ru ,helam ah "a lo tih chuan kei pawh hawi sawn in no ruak ho ka va sil a ,eng a mah hma in kan zam chhe leh nghal em em khawp a , ka theihnghilh tawh a maw ka tih hnu ah ka hma ah a rawn in lan leh tak ah chuan ka la theihnghilh pum hlum loh zia ka hre chhuak uar uar mai .







Va țhu phei tawh lo in ka mutsan daih dawn a maw ni ,a mawi chiah in ka hre bawk si lo .Ka nu leh puipuia leng chhuak ve lah chu an rawn la haw har em em zui. Zomuansangan min hmuh khan nau ka pai tih hre awm pawn a lang lo a ,ka thawmhnaw hak in a zir bawk a a hre mai lo chu mak pawh ka ti hran lo .








Chhuansanga bul ah chuan ka țhu a ,a ni pui lah chuan a bul a ka thut thlak rual in min la fiam nghal ang zawk zawk a .







Zomuansanga te lam ka va hawi chu tak run in kei ni pahnih lam chu a rawn en a , min melh ang khui leh nghal a .







U Fela chuan " Dingpuii chu ka hmu thau deuh hle mai che, in khaw lam a awm chu i ngeih hle a ni maw "ti in ka taksa chu a melh kual a ,za lo deuh in ka lo nui ringawt.







A țawng dan vel atang hi chuan eng mah a la hre bik lo tih a hriat theih .Hre lo mahse pawi pawh ka ti lo ,a hriat chuan Zomuansangan a hre leh nghal emaw ni a nia nga.








Midang awm ve ho lah chuan nau ka pai thu vel lah chu an sawi chhuak mai mai dawn lo tih ka hre chiang mai sia ,ka rilru pawh ka ti hah lutuk duh lo .







" Ngaihzawng hausa deuh a nei a ,a thau țun țun mai a ni" ka u țhian te zing a mi U Piana chuan a rawn ti a ,an țhian ho lah hian u Chhuansanga hi min dem rawn vek a ,ka u hriat lai a an sawi pawn ka u pawn fiamthu ah ngai in a nuih liam pui zel mai .








"E ,tu nge kan tlangval hausa a chu ni reng reng a " a rawn tih leh chuan Chhuansanga chu kawk in "hei a bul a țhu pă et ut hi maw le " ti in an lo la chhang ang ta deuh deuh a .







Midang chuan an fiamthu tih hre tlang vek mah ila ,U Fela leh a bul a thu thip fe mai a nichin atanga min melh char char tu te hi chuan thutak ah an ngai tih hriat reng reng .








A pawilo zawk ,ti hian rawn intah luh a tum tawh lo a nga ,buaina awm tawh lo nimai .A ...kei a reng reng pawh hi chutiang ngaihruat na atthlak te chu kan neih le ,a ni te chu a nupui hlui nen ann inhruai țha leh daih tawh zawk ang chu le.








Ka nu te leng rawn haw hnu hret in an in zui chhuak hlawm a ka nu in kan inleng te zing a Zomuansanga a hmu hlawl chu mak ti tih hriat zet a a melh leh ralh thin chu ka ka hmu reng a ,Zomuansanga chhuak ve tur a mitmeng a inbiak fal lawk a duh zia leh a chezia atanga min sawm na chu ka ngaihthah lui tlat .







"Kha pa kha ti raw naute pa chu " ti a ka u in an chhuah fel hnu a min zawh chuan ka bu nghut a .







Eng ti tura kan khua a lo kal nge ti a min zawhna chu ka hriat bik loh thu in ka chhang mai a, thudik tak pawh a ni eng ti tih a hetah lo kal ve ngawt nge ka hre bik lo tlat reng a ni.








"I rilru kha a lam ah lo hawi tawh suh ang che , i hria maw ,an khawsa thei viau pawh a ni thei ,keini ai pawn an neinung zawk ang mahse keini chhung pawn naute pakhat lek te chu kan chawm hneh ve dawn lutuk "a ti nghat nghat a ,ka sawi tawh kha ka u hi zaidam in a mah hi dam deuh dup mi ni mahse a tih lo tawh chin ah vel vek chuan nawrluih hi a harsa țalh tawh țhin .







Zomuansangan naute a duh lo thu leh kan inkar buaina tak hi kan hrilh hran pa em em lo a ,a hriatfiah thiam deuh nan tlem tlem kan hrilh tih chauh a ni ,a chhan pawh ka nu in hrilh vek chi a a ngaihloh vang a ni ,ka u mizia a hre chiang em a








" Kan hma hun kan hre lo ,eng nge kan la hmachhawn dawn lah kan hre hek lo ,nakin hun dawn tel zel in hrilh kil kel hi a țha lo thei "a tih avang a hrilh ve kil kel lo kan ni reng a .








" Ka sawi chu i hria maw ,I rilru kha awlsam te a i thlak mai loh nan ti pau khauh lui tlat ang che "a tih leh hluk hluk chuan ka nu in " a mak chu tiang nang a lo sawi theih pawh a ni lo "ti in a lo kam khat zeuh a ,a lawm loh hmel ngang mai ..








" Mu teh ang u khai ,ka mut te hi a chhuak tawh a nia "ka nu chu a tho zui zat a ,ka u bawk chu en leh in " nangpawh va mu tawh rawh ,naktuk lam inkhawm te kan ngaih kha "ti in pindan lam chu a pan zui a ,kei pawn a hnung ah ka zui ve nghal bawk .








Ka muhil thei lawk mai lo leh ta nghal a ,Zanin a Zomuansanga ka hmu kha ka la awih famkim thei hlawl lo chu a ni .A mak ve em a lawm ,kan khua ah lo zin chhan tur a neih awm ka hre bawk si lo ,Ufela te rawn kal a rawn zui ve mai mai a nih chuan a hman ve hle a niang ka ti ta mai.









Ka zing tho lah chu nidang ang lo tak in ka rit bur a ,ka che tha peih mang lo ,eirawng pawh ka bawl peih meuh lo a ka nu in a bawl ta mai .Pathianni zing te a ni bawk a thil khawn ho an rawn lut neuh neuh hlawm a ,buhfai khawn ho te leh chanchinbu man khawn te ,eng eng emaw chawmna te nen a ni deuh niai hlawm mai








Kan in piah lawk a kan țhenawmpa phei chuan " Pathianni zing hi paih bo daih thei ila ka ti ngawt mai ,eng emaw neuh neuh an lo khawn a ,rinloh lai hian pawisa nawi thawhlawm tur a kan tih nawi ho hi a kiam duak duak zel a"a ti hial a ,thil an lo khawn vel hi a ning ve thei hle te pawh a niang .,








Chaw eikham hnu in inkhawm tur in an insiam nghal vat a , ka nawm sam zan loh avang in keimah in in ka lo nghak dawn thung a, ka nu min ngaihtuah deuh chuan inkhawm lo a min awmpui mai a tum deuh ut ut a ,ka hnial ve tlat thung .








"Na em em ka ni lo a ,inkhawm țhulh ringawt na tham pawh a ni lo ,min ngaihtuah lo in va inkhawm rawh " ti a ka țan deuh țung ah chuan ngaihngam zan lo in a insiam veleh ta mai a .







Inkhawm tura an kal tak vek hnu ah chuan thuthleng ah ka mu zal a , inkhawm tur a ka chhuah loh na chen pawh ka hre ta mai lo e ,ka nun in hmalam pan lo a engkim a a hnung lam zawk zel a pan vai vek tak na hian min ti chau in min ti beidawng thar leh țhin zawng a nih hi.








Mut chhuak in min rawn zem țan riai riai a ,mu țha deuh sawt sawt a ka chhing mai tur chu kawngka kik ri a rawn awm avang chuan peih lo zet in ka tho chhuak ta nge nge .








Lo lut rawh tih mai ka tum a ka kalh tih ka hre chhuak chawpchilh nghal ,kawngka ka va hawng chuan Zomuansanga hi a lo ding run a ,midang chhuah bo vek hun nghak te pawh a ang a lawm maw le .Mitmeng de sar sar a min melh na teh saw tun ah tak chuan ka hmu peih lutuk hran lo .







Zam map lo chuan "i inleng tur te pawn ah i ding tir reng thin em ni ,a mawi lo deuh lo maw " ti in a khabe chu a tuai pah țhuak a .








Eng a chhang lo chuan in her in thuthleng ah chuan ka va țhu a, a ni pawh rawn lut in kawngka chu khar in a rawn țhu ve a .A țawng chhuak hmasa a ka țan duh tak lawk lo ah chuan aw thian kharh in








"I thawmhnaw hak duh chi i thlak tawh a ni maw " ti in ka thawmhnaw inbel lian hlei hluai ho chu en in a țhen suk a ,ka hmusual nge a hmel ah chuan zam hmel ka hmu thei in ka hria .








"A nih hi ,mihring te hi zawng kan duh zawng te hi kan thlak zung zung mai a nia " mei nei zet in ka ti kher a , he lai hmun a a lo kal hi kan lo lawm tehchiam lo tih hre rawh se .








"I sawi dik khawp mai mihring te chu kan inthlak dang lam zung zung thin a,mahse maw in thlak dang lam mai thei lo chu maw kan thinlung a hmangaihna awm hi ,a dang lam mawh teh a sin "








Nuihzathlak ni miah si lo in a thu sawi kual dan vel chuan ka nuih lam a ti za ,eng rilru le lo pu a rawn sawi chhuak nge maw a nih le,eng ang chiah a chapo nge a lo nih ni ,nichin a a hmel a zam hmel ka hmu ka tih te kha chu eng mah lo mai a lo ni ,zahna nei lo mihring a lawm hei chu a nih .








"Ran tak ngial pawn a mah ngaina lo tu bul a awm reng an peih lo ang chiah hian mihring te pawh hi hmangaih kan nih ve lohna hmun a awm reng chu kan peih bik lo ,hmangaih lo tu hmangaih tlat ai hian min hmangaihtu kei ni pawn kan hmangaih let ve kiang a awm chu a hlu in a nuam teh a sin ,engkim ni rawn chhuak te van a ,chhum dum pawl riai te leh ni tla tur lam te thleng in kan hmu mawi em em tawh thin " ti in ka nui sang a ,midang hmangaih a inzawm na nei ang mai in ni ka țawng chhuah vel chu le.








"Beidawn san mai tur che in helai hmun hi ka rawn pan lo ,a hma pawn min hmangaih thei a ,tun ah pawh kei min hmangaih a min vek zui ngawih ngawih tur in ka siam leh em em ang che " a inringtawk lutuk chu ka ngai thei hauh lo ,tlawm hmel tak a țawng si hian a țawng ka chhuak reng reng ah hian a inrin tawk zia a pho lang tel hram zel hi a chapo nge a mah a induhtawk ve hrim hrim.









"Kei mipa dang pansan tu che lak ah hian eng nge ila duh a ,pakhat a lungawi zo lo mihring sum um reng reng a hman hlelh ka nih hi " a hma a min ngaihdan dik lo zet zet a min tawngkhum dan chiah chiah chuan ka ti let a , hetiang em em hian țawng ka huat awm em em ka phuh chhuak thiam tih ka hre hlei nem le .








A hma a rilru buai leh mumal lo zet a ka awm lai a țawng kam chhe thei ang ber a min tih lai a ka chhan let theih loh ai zawng zawng kha tun hun ah hian chhan let ka duh ,ka thin rim na, ka rilru na tak a a hliam ai zawng zawng kha na tak a țawng khum a ,an khup hrep hial a nia ka duh ni .







"kha thil kha chu " ti in a tukhum chu dawm in pawi tih hmel zet in min melh a ,eng emaw hriat chu a nei ngei a lawm ,thudik a hre chhuak tawh tihna a ni thei a ngem ?







Nilo se ,hetah eng ti em em lo a lo kal ngawt thu a awm lo ,mahse a tlai hret tawh chu a ni ka rilru hi chuti mai a awlsam a lam let hi ka tum reng reng lo .








A tir kha chuan a tello a awm ka zuam lo a nih kha ,a dik a harsa reng bawk mahse ka thih phah em chuang hlei nem ,tun ah pawh a tello in he ti chen ka awm tawh a ,lo lang tawh ta lo tawp pawh nise ka thei em em tho ang tih ka chiang.








"I lak a ka thil tih zawng zawng ah khan min ngai dam dawn nia ,thudik hre chhuak hmasa lo a ka dem nghal ngawt na ah che pawh khan ,I tello chuan a harsa tak zet tih i hria em ,eng ang a rilru sak pawh lo nei tawh mah la beidawn ka tum lo ,i duh leh mipa dang kawplai pawh lo nei tawh raw sek sek ,ka thengthawng ah a thawk pha chhin eih chuang lo " a tir lam ah in ngaitlawm leh pawi tih hmel zet in sawi mah se ,a tawp lam ah a inrintawk zia a ti lang leh ta tho a ,tlawm tak a awm hi chu a hreh ve ngawt mai .








Thudik a hriat chhuah vek tawh thu sawi mahse ka hlim phah in ka phur phah tak sawt lah ka hre chuang lo ,a chhuichhuah dan zawh buai vel lah ka tum hek lo bawk .







Thudik chhui a min thlauh thla lo tur a ka tih lawm lawm hnu ah pawh ka thu sawi te chu bengkhawn duh miah lo in a ngaih dan in a kal tlang lui a ,kei min ngaihtuah na neih hauh lo in ,engvang in nge kei pawn awlsam tak a ka lo pawm leh a nga ,inzawm na ka siam pui leh bik ang ni,chapo na nei lo mihring ka ni bik reng reng hlei nem .








"I tum a i theihpatawp a I beih hnu a i beidawn hma in tun ah khan beidawng nghal mai rawh , ka rilru nat a nang ka ngaih em em thin lai pawh in maw ka rilru ka siam fel atang in i lam a rawn let leh lam a lang chhin eih ngai lo " ti ve hmak in "inhmuh tam loh pawh a tha ang ,i hriat ang in kan lo lawm lutuk lo che tih i hriat mai ka ring a ,min lawm loh na hmun a kan awm luih reng chuan hnawksak ah kan chang mai thin a nia " ka tih leh tak salh chuan a nui ri suk a ,lu thing nghut in "I lo la dang lam lo a nih hi " ti in a mit ko vun chuar lang ralh in a nui a.







Ka thu sawi kha hre thiam awm pawn zuk lang duh miah lo a .Aw ki dam fahran hian "ti nge college i zawm loh " ti in min zawt a ,sir lam zawng a thu chu in her deuh in hahdam hmel deuh in a thu awn deuh duai a ,a sir lam thuthleng a thu ka nih avang in a rawn sir melh deuh kur a .








"Chu zawng i tan a pawimawh na ka hre lo e "







Chal ti chuar tap a min melh in "I thinrim na kha thunun hram hram rawh ,thinrim tun a awm reng hi mihring tan a hrisel lo a nia " ti in a ding a ,"ka va haw phawt a nge ,ka cham rei lutuk thei lo mai thei a , mahse ka cham theih chhung tal chuan zan tin rawn len ka tum ang ,min lo nin loh hram dan ilo ngaihtuah dawn nia "a rawn tih chuan ,țawng tum in ka ang zuai hman ka sawi tur hre lawk sa ang mai in








" I phal leh phal loh kha ka tan a pawimawh hran lo ,I thinlung neih let tum in ka bei dawn a ni a midang ngaihdan leh i ngaihdan thleng in ka ngai pawimawh hran dawn lo tih ka hrilh lawk ang che ,tul ni a ka hriat chu ka ti mai dawn ka thil lo tihsual te zawng zawng avang a I natna hi ka thawi dam sak em em ang che "ti in a chhuak zui a ,kawngka a pelh hnu in a kut a rawn vai kang zeuh , a thusawi ho zawng zawng kha ngaihtuah chiang in atthlak ti lutuk in ka melh ngawt ngawt tawp .









A tam thei ang ber ka rawn leng ang te kha ti a ,ka u hian a lo lawm tehchiam dawn lo tih kei ang tho in ka hre chiang .








Inkhawm an rawn bang lai chuan ka lo chhing hman sek a niang ,ka nu in min rawn sawi harh a ,mut ka la thlakhlelh em avang chuan khum ah ka va mu tha leh a ,ka la mutui leh em em khawp a dar thum dawn ah ka tho chhuak ve chiah ,muhil tho choh e ti lo chuan ka ril a rawn țam leh nghal a ,chaw ka it vak bawk si lo .








Ka nau pai hi chaw ka ei țha thei vak lo a ,chhungkaw khawsak in a lo zir lo bawk nen ka ei chak zawng ho hi dawr lam thil a nih hlawm avang in ka ei mang lo tih theih a ni a ,ka chak tawngkhawng ngang a nih loh chuan pawisa ka dil chhuak mai mai ngai lo .









Tun ah pawh kan veng piah chiah biakin thlang a mi an pakora kan chu ka ei chak leh hle tawh ,insum ka tum viau na chung in ka thei thlawt lo chu a ni e ,inthlahrung rilru tak chuan ka nu chu ka dil ta nge nge ,pawisa chu min lo pe ve mai a ,room ah inthlak in lei tur chuan ka chhuak a .







Thingpui dawr pangngai ang in an siam lo a ,ti hian an in ah chhang chi hrang hrang an kang a ,lei tur ho pawn an in ah an kal chilh mai zel ,a chhang kan hi a kang tui thiam thei si a to deuh mahse lei man awm tak a ni .







Kawng ah ka tawh ho chuan min lo be khaw muang leh țhin a ka kal sawt lem lo khawp mai ,ka chhang lei na tur in a ka luh chuan lei ve tur ho pawh an lo awm ve a ,țhuthleng ah chuan țhu in ka lo nghak a ,tleirawl te kan nih lai a țanga kan lei na hmun a ni tawh bawk a ka tlangnel viau tawh ,a zuartunu pawh hian min hre viau mai .








"" Eng ber nge niang "ti a min rawn zawh chuan pakora ka duh thu in ka lo chhang vat a ,midang awm an awm tawh lem lo bawk a thingpui a lum sa chu rawn thli chhuak in min rawn pe a .








" Naute in a ei chak a ni maw "a rawn tih nuih var var chuan ka bu nghat a ,an in a ei mai tur a Min tih tlat avang chuan thingpui paw thlum nen chuan ka ei a ,a va tui khep khep tak .







" Rawn leng phei țhin la,chhang te min nuai pui a nga ,in a tawm tlut tlut te chu "ti in chhang chu a kan pah mawlh mawlh a.








" Khawlai chhuah vak hi a nuam lo ka tia ,mi sawi sep sep tawk hi an awm zel si a "ka ti a ,a ni lah reng bawk a ,ka hriat tur ngei a min sawi chhe duh tawk pawh an awm a ,khawlai chhuah a min melh leh rulh rulh țhin te hi nuam ka ti lo .








" I ho ,chutiang chhuah loh phah nan hmang duh suh ,eng ah mah ngai lo lui tlat la a dik a ni mai "a tih lai mek in amah dawr tu tur dang an rawn kal leh a .








Nula kei ai a upa hret ang tih vel tur hi a ni a , kohhran zaipawl vel ah pawh ka hmu zeuh zeuh țhin, Ufela cousin a ni in ka hre tak a hming ka ngaihtuah ngial pawn ka hre chhuak zo lo e a .







" U Zomuan ,eng ang chhang nge i duh ve ang "ti a kawngka lam chu a hawi phei a mipa aw thum dup ka hriat chian em em in " ka ei chak vak lo ,I duh duh kha a ni mai "a rawn tih chuan kawngka lam chu ka hawi vat a ,Zomuansanga pawn min rawn hmu tih hriat zet in min hmu thut chu mak a tih hmel viau mai .







" Mikhual in nei ni maw"ti a Nu Vawrin a zawh chuan nula chuan Ufela țhian a nih thu te chu a sawi deuh luam a .Zomuansanga rawn pen lut lah chuan keimah chu min en ang ngur a.







An thil lei ho sarang a khung mawlh mawlh pah chuan "in puar maw ,I duh belh leh em ka lo khilai ang che ,rai lai chuan ei in hi in sum a har a nia ,thil ei chak zawng te hi kan han pe na em em khawm a " a rawn tih chuan Zomuansanga chuan ka pum lam chu a melh thla vut ,tlem a taksa phuar lam ka hak avang in a lang ve deuh mai thei ,bangbo hmel zet hian min melh reng a .







Kei chuan rei pawh ka en ngam lo , ka naupai thu hriat tir loh ka tum vai nen aw ,engtin nge ka tih tak a nga, a fa nih rin ngaihna a hre ngawt bik lo ang .Tu fa nge ti a min zawh midang hming ka sawi lui tlat a nga ni mai.









❣️❣️❣️ SAWI LO A KA LO DAHKHAT DEUH NIH PAWN MIN LO HRETHIAM RU AW ,COLLEGE KAN KAL TAWH SI IN LAM AH TIH TUR KA NGAH THO NEN CHUTA CHHAP AH TEST KAN NEI HNAI TEP TAWH SI A ,TIHTAWP MAI TE HI KA DUH TAWH A MAHSE HOLAM DEUH A TAWP TIR KA DUH SI LO ❣️❣️❣️❣️




HRINGNUN HI KAN DUH DAN IN KAN HER KUAL THEI SI LO ,STORY LAM TAL A HO LAM DEUH A A TAWP TUR HI KEI MIHRING HIAN KA NGAI NGAM HLAWL LO ✋✋✋




❣️❣️ADS KHA MIN CLICK SAK ULA AW ,CHUAN KA TIH LEH HRAM ANG COMMENT PAWH 💖💖💖💖


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:17 pm

BIAHTHU










CHAPTER -30












In chhung boruak rit ta lutuk chu ka awm reng thei ta thlawt lo ,Nu Vawri hnen ah chuan ka haw tawh mai tur thu ka hrilh a ,min lo la ui der ve khawp mai .









Pawn ka chhuak chiah chu ka awm dawm in ka thaw chhuak hawk a ,ngaihtuah na chiai zet chung chuan kawmg ah chuan ka kal a .Min rawn umzui mai te pawh ka ring a mahse vanneih thlak nge ka tih dawn vanduai thlak zawk min rawn zui lo hlauh .









In ka thlen ve leh țhu khawmuang hmasa lo in tui ka in nghal khawrh khawrh a ,ka kal chak lutuk kha ka thlan pawh a chhuak nasa khawp mai .









Ka nu chuan ei rawng lo bawl mek in ''ngati nge i va hah hmel ve ,i hmai te lah chu a sen ang tek a ,muangchang in i rawn kal lo mi "a rawn tih chuan ni a sat thu leh ka veivak khat lutuk kal mai mai ka hatsat thu te chu ka hrilh a .








Ka u leh Puipuia chu in ah an awm lo a ,ka u chu eng committee nge maw ni an neih vang a nia ,Puipuia erawh a dan ngai te bawk in chawhnu naupang inkhawm ban hnu in inthlak zawk zawk in a leng leh tawh .









Eirawngbawl pui ka tum chuan a lo phal lo ve teh tung a ,ka bawlpui ta lo.Tlai ni tlak dawn lek lek ah ka u leh Chhuansanga an rawn in zui lut a , Puipuia pawh a pawh rawn haw tawh in a in bual mek a .








Chutia zanriah ei dawn țep a Chhuansanga lo lut ve hlawl chu mak ka ti deuh a ,a hnu ah chuan kan in ah chaw rawn ei tur in an lo sawm lek hi a lo nia .Amah a awm anih avang hian chaw pawh a rawn ei leh zeuh zeuh țhin.Mi inthlahrung chi vak a ni lo bawk a ,sawm kal pawh a nuam viau.








" Hmm,Tlai atang ka rawn rim dawn che chu nia "a nghal ngai in a nghal leh țan e,a la nui ang sung leh ta nghal a .







" Kan fa tur nen vawiin lam te in lo țha em"a mit hmul san zeuh in a nui kur kur a ,hmui ti sawih khum zeuh in "Kal teh a ,thutak reng reng păi lo mai " ka ti hlak a ,a kawr hma ipte chu dap in







"E,ka păi lo tak tak nih hi " fiamthu bawk chuan min chhang leh a, ka melh rum der ta vak ringawt .








Kan chaw eina thleng ka sil mawlh mawlh lai in dawn kan a ka phone dah chu a rawn ri a ,mi thil tih lak lawh lai taka lo ri chu ka ngei lek lek ,ka kut huh chu hruhul thuak thuak in ka la ,








"Inhmuh kan ngai " tlawng mai chuan le ,a aw stâng tu nge hrilh hriat hranpa ngai lo in ka hre chiang na rawh e.








"Ka hman lo " a rawn thaw chhuak hawk a ,"sawi tur leh zawh tur thil ka nei che , he thil ka rilru tibuai tu leh nunphung pangngai a khawsa thei lo a min siam tu thil hi a chhanna ka hriat hun ah chuan ka thawveng phah hawk mai thei "a rawn ti charh charh a ,a thil min zawh tur chu rindan ka nei thiam nghal .









Ka rilru la ti pau khauh lui tlat in " ti khan rilru thawveng deuh khan awm rawh ,eng kawng pawh zawh ila nang rawn tihbuai che hi ka tum ngai lo ang ,i hlauh ang thil a thleng lo ang "naute hi hmachhuan in a lam ah let leh mai tur a min ngaih lo hram ka beisei .









Eng ang pawn i fa a ni lo ti in tan khawh lui tlat mah ila mimawl ni ta lo chuan a awi kher lo ang ,chu vang chuan a tello pawh in kan nun theih dawn zia thu hrilh ila min rawn ti buai tawh lo se a țha zawk ang .









" Eng nge ka hlauh i hria mi "a țawng kam chu a dam ta dap ,khawngaih thla te pawh a la hial zawk dawn a lawm le.









Rawn sawi zawm in " nang chan hlen che hi ka hlau,I tello a hringnun hman pawh ka hlau ,he khawvel a ka hlauh ber thil te an nih hi ,ka thiam loh tih chu ka hria ,ngaihdam ka dil mawlh mawlh bawk che ,i rilru kha ti paukhauh lui tlat lo in vawi khat vawi khat chauh hun ,țha dang min siam leh rawh ,"tiang tak hian a ngen a min ngen ka ring pha miah lo ,tun ah tak hian a hmel engtin nge a awm ang ,a aw ang chiah a beidawn na aw ki ang hian a hmel ah beidawnna hmel a lang ve tho a ngem le.










"Hmai chhan ah inbe lawk ang aw ,in in pawn ah ka lo nghak ang che " ti in a dah a ,thleng ka sil zawm leh lai thleng chuan ka rilru a in khap buai a ,hmu tur in ka chhuak dawn nge dawn lo ,thuthluk na siam a har khawp mai.








Zan dang ang lo zet in ka u chu insiam lo in Chhuansanga nen chuan an ti ti mawlh mawlh a ,chawlhni zan te chu a inkhawm ziah si tun ah dar hmasa a ri der tawh a, eng chu hria ni maw .










"Inkhawm in tum lo vem ni " ti in ka zawt ta nge nge a.Ka kawng kham deuh riai riai chu na lo te te in ka chum pah det det bawk .









"Zanin chu tum lo mai ang ,Fela te kha naktuk ah aizawl chhuk thlak an tum leh nghal mai sia ,an awmna in ah leng pah in inthlahna ang reng hman an tia " a tih chuan ka nghing deuh lawp in ka hria ,naktuk ah Zomuansanga te an haw thla tawh dawn maw .









Pindan lam ah lut in khum ah ka thu a ,ka nu leh ka nau chu inkhawm tur in an chhuak tawh a.Mu deuh duai chung chuan ka ngaihtuah zawm leh ,ka rilru rawn nem chho țan chu duh lo in a hma a ka chung a a chet duh dân zawng zawng te chu ka chhui kir leh a ,mutthilh tum in ka mít chu ka chhing ta daih.









Ka u leng chhuak tur chu pindan ah rawn dăk lút in "I nuamsam lo a mi " rawn ti in ngaihthat hmel zan loh chuan min rawn thlek hnai a, ka kawng hi a la na deuh rei ruai a ,ka sawi lang duh kher chuang lo ,min ngaihtuah fal thei lutuk hi a buaithlak ,a phi buai nghal chung zel .








"Nuamsam e ,in kal chhuak tawh dawn mi ,kawngka kha chu chhung lam ah ka lo kalh mai ang " ti in muang chang in ka tho chhuak a ,kawngka chu kalh in ka va mu leh a .







Ka phone chu a lo ri chiah chiah bawk ,chhang lo in ka ring ral tir thak a ,a beidawng mai ang chu tih nak lai in whatsapp lam ah nen a la rawn ti ,ka ning ta lutuk chu ka switch off ta daih.







Kalsan tur in ka rilru ka siam fel tawh a ,chuvang chuan Zomuansanga lam reng reng ngaihtuah tawh lo tur a in thu nun ka ngai .







Mutthilh tum viau mah ila ka muhil leh thei ta mai chuang lo ,ka nu te inkhawm bang an rawn haw chuan eng emaw ei tur an rawn lei haw a ,ka lawm zia chu .Tlai lam ah khan chaw ka ei puar lem lo reng a ni.







Puipuia nen chuan choka lam ah chuan kan ei dun rak rak a ,"a u hi nula si ,naupang ei chi te i ei ve a "kan puipuia chuan a rawn ti zat zat a ,naupang meizial a kawr kheh a a sarang chhung a ka dah chu a melh pah kher bawk. Nichin atang khan ka ei lai a en duh ka ti reng a ni.








A chal ah pen fawk in " I țawngthei lutuk "ka tih chuan a chal tuai vut in " naute pawh hi ka duat miah lo ang "te chu a la rawn ti deuh tan tan zui a ,ka che leh tur chiah chu kan hnung lam a nui ri rawn chhuak avang chuan ka che lai chu ka tawp chawt .






Kan hnung lam a nuihza insum tum zet chung a min lo en tu ka hmuh rual chuan " eng nge i lo tih "ka ti nghal vat a ,a hmui hnuai lam chu pet pah zeuh in a nui leh suk a ,an la nui mawi em em leh nghal .







Kei hi !Engvang a chutiang lo ngaihtuah hmanhmawh nge ka nih atthlak lutuk mai.









Ka nu reng reng pawh hi khawi ah nge a awm ni ,a mu tawh a niang a .Puipuia chu tho in a ei na kawr vel chu a paih a ,Zomuansanga pawh chu a din na ngai ah a la ding ta reng.







A lam ah kal hnai in " eng nge i lo tih dawn ,len na hun pawh a ni tawh vak lo ,mut ka duh tawh "hawihhawm lo zet chuan ka ti chhuak a ,tlem tal a a thinrim ka rin nen dam dup hian " biak lawk che ka duh ka tih kha "a lo ti thung a ,khawngaihthla la deuh in min melh tel kher bawk a nih chu ,eng tactic nge maw a hman hi le.








Kei lah chuan " ka sawi chiang viau tawh in ka hre sia ,biak che hi ka duh ve lo ,kan inbiak avang in eng mah a danglam phah dawn chuang lo ,ti hian rilru nuam deuh in haw leh tawh rawh ,rawn tihbuai che ka tum lo nia "ka tih chuan hahthlak tih hmel zet a min melh in ,a thaw hawk a .








Ka kut ah rawn vuan lawp in pawn lam chu min pan pui a ,kan in sir thing buk in eng a hliah chin ah chuan min kai phei dawr dawr a .








Kan din rual in " I pumchhung a mi kha ka fa ,ka rila rah a nih kha ,phat buai tum suh ang che ,thudik ka hre vek tawh "a tih chuan mak pawh ka tihran em em lo ,ka rinlawk thil kha a ni miau a.








" Hrechhuak lo ila chu min hrilh i tum miah lo ti raw "min dem hmel viau ta mai ,hrilh tum lo chu ka nih bik chai lo kha le ,a ka ngei atang a duh lo thu a chhakchhuak a nih kha .








" Hrilh tum lo ang ah chuan min puh thei lo ang ,kha ni kan in a inhmuh pui tur a ka sawm ni che khan ka chapo na, ka inchhuanna neih ve zawng zawng te dah tha in hrilh che ka tum mahse nang chuan eng tin nge min chhan kha I fapa Amosa lo chu fa dang i duh belh lo a ni lawm ni chuta kar ah kan inzawmna i chhu chhe vek tawh bawk "thinrim tak chuan ka ti hlak hlak a ,a hnawltu zawk nireng si in min dem let an tum daih chu zah pawh a zak miah lo em ni .








Min melh vang vang in lungngaih hmel zet leh pawi tih hmel zet hian a awma,a inchhir hmel takzet bawk ," Min ngaidam rawh ,ka lo a em a ni ,i theih hram chuan chance vawi khat chauh min pe leh la ,ka tih hrehawmna zawng zawng leh ka tih lungngaihna zawng zawng te chu keimah ngei hian ka tihdam sak ang che "a hmel chu a pha dai a ,a mit a ka en chuan a hnen a let leh tur a min duh zia ka hmu thei .








Tiang em em hian a hmel ngui leh chau hmel ka la hmu ngai lo a ,hmuh hrehawm ka ti leh tlat a nih chu ,kei pawh hi a .








" Vawi khat chauh min ring leh la ,rintlak ka nih zia ka hmuh tir ang che ,kan in kar ah buaina a thlen ka pha tawh ngai lo ang a ka venghim tlat ang che u "arawn ti leh mawlh mawlh a ,mi thil an phal vak lo chung kan dil a kan ngen lui chiam ang mai in ni min ngen .








Zawimuang in a kut chuan ka hmai chu a rawn tawk de de a ,zawi sup ril ruih hian " a hma ai in i duhawm zual a nih hi " a la chul pah reng a ,ka dang duh ta bik lo .







Ka khabe hmawr chu tim dai a rawn tawk in "nang ka lo rin loh mai vang che khan min ngaidam rawh aw ,nang ka hmangaih lutuk vang che khan mipa dang nen ka hmuh dun che khan ka thluak a buai nghal vek a ,ngaihtuah na fim reng ka hmang thei lo a ni " ti hniam ruih in a mah ka en theih nan ka khabe chu tlem a chawi sang deuh a ,tak run hian min lo melh in a mitmeng ah chuan min hmangaih zia a ti langchhuak bawk .









Tawlh sawn hret in ka chhing deuh vang vang a ,ka hmai vel za mer mer ah chuan min la en zui reng tih ka hrethei ,ka rilru rawn nem ta lutuk chu keimah chuan ka hre ru kar a. Ka duh lo hle bawk.







Kan in awm hnaih bawk si chu keilah chu ka zam em em mai , a mi uap na zet avang chuan ka lung pawh a rawn phu rang sawt sawt mai.








Ka pum a rawn deh chuan phu zawk in ka meng chhuak a țhu hniam in ka pum chu a lo khawih hi a nia ,thla eng tak hnuai a a hmel rawn nung sar sar chu ka hmuhhmaih lo chiang teh a sin.








Ka che sawn leh tur chiah chu ka pum zawn ah min kuah bet in "khawngaihin " ti sup in min rawn melh chho sap a ,a mitmeng mawi zet ,thla eng hnuai a lang mawi lehzual tak chuan min aikaih tlat a ,ka che sawn zawm ta lo .









Ka pum chu a hmui lum in ka kawr chhan ah chuan a nem vang vang a ,ka thawk ka hip let kawk ,ka tiril thleng in a za chhuak mer mer mai .








"Naute ka duh lo miah lo che nia ,i papă hi ka mawl lutuk a ka rilru ni lo lo a țawng chhuah hi ka hrat a ,nang pawn min ngaidam ve rawh aw,I lo pian chhuah hun ah chuan i papă hian ka duat dawn teh mai che nia " a ti sup sup a ,ka rilru no a rawn kai chhuak ang tih ka hlau mang tak e .









Rawn ding chhuak in "naktuk lamah kan chhuk tawh dawn a, mahse a rang lam a rawn chhoh leh ka tum ang ,chutah chuan i thutlukna min hrilh dawn nia " ti in ka inrin hman hma in ka chal ah a rawn fawp zeuh a ,ka koki ah rawn dawm in min nam phei dat dat in "va lut tawh rawh " ti in min nuih var a .









Ka kal zet tawh chu ding in ka hawi let zawk a min lo la thlir reng ,au zui in "ka rilru ka la sawhsawn chuang lo " kan ti leh hram a ,kan awm na inhlat deuh tawh avang in a hmel ka hmu țha thei tawh lo .








Ban min rawn vai khum zeuh in ''ka zar buai reng che a nga nimai a lawm ,i thinlung thu sawi kha ngai thla la ,chhan na țha tak chu min pe mai ang ,hmanhmawh suh kei pawh ka hmanhmawh lo ,ka nghak thei che "a rawn ti a ,chhang tawh lo in ka luh san ta daih .







Aizawl an chhuk hnu atang in phone ah hian min rawn be deuh reng țhin a ,ka chhang let ngai chuang lo ,a beidawn mai ka rin teh lul nen min rawn biak chu a țhulh phah chuang lo .







Naute chungchang te a rawn sawi a, a
mah leh a mah a a rawn inbe thul , ka chhang let ngai lo na chungin a thil rawn thawn ho chu ka chhiar ve thlap zel tho .







A thil min rawn thawn ho lah hi a ho thei si







" Nau te leh a nu in țha maw "







"In țha a niang ,in in duh dun e mai ''






" Ei chak te i nei em ,aaa ni lo naute khan ei chak zawng a nei em "








"Naute i nu chu maw a ei chak zawng ka zawt leh duh lo ,min hrilh chuang lo ang ,tih thinrim chi a ni miah lo a hlauh awm thei teh a nia "







Tih vel min rawn thawn ka chhiar chuan ka țhen sak sak ringawt .A chang hian beidawn a tum loh zia thu min rawn thawn leh nulh țhin bawk a .








❣️❣️ Ads kha click zeuh AW ❣️❣️


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)