BIAHTHU BY Rebec Colney (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BIAHTHU BY Rebec Colney (Completed)

Unread post by Ngaia » September 4th, 2022, 2:14 pm

Chapter -7





Van lam hawi a thaw chhuak hawk a min rawn melh run in ka lam a lo pan a , kan inkar a hlat loh avang in pen ruk vel a pen pawk pawk hnu ah a rawn thleng nghal , min melh chhuk run in "Tunge kha pa kha " rawn ti chhuak hrawih in a chhip sam a tuai puat a .






"Tu nge kha pa kha ka tih chu Liandingpui" ti leh hrawk in ka dar tawn tawn ah rawn vuan in min rawn thing nawk , ka thin in a tuar tawh bik lo "thinrim nghal vak lo khan pangngai tak in min zawt thei lo mi " ka ti ve ta vak , a eng a mah hma a lo thinrim ve nghal țum ringawt mai .






Za lo tih hriat fahran a nui suk in ka kawng ah a rawn dawm, dawm a ni lo min hrawm ni zawk mah ka hmai bul chet ah rawn kun hniam in "zan rei hnu lam ah mipa in a rawn thlah haw che a nia , chuan ka thinrim loh i ring reng reng em ni " ti chhuak hluk in a taksa si chet in min hnuk phei , ti ringawt hi chuan kan insawi fel lo tawp ang , a zawldawh zawk a țan ka ngai a thinrim thunun a harsat zia ka hriat kha, mipa dang in zan rei hnu lamah an kawp pui te an thlah chu tu bialpa mah in lungawi tak in an palzam mai thei lo tawp ang .








Thaw hak in "I ngaih ang eng mah awm lo , College khat ah kan lut a ,chuan zan ah min rawn thlah na chhan chu an dawr a ka thawh vang bak thil dang a awm lo , zan a rei tawh sia taxi chan vel a buaithlak tih thu ah a lo remchang phian bawk sia min rawn thlah a lawm , Rinpuia pawh a thawk a lawm" ka sawi zawh chuan ka chil ka lem nghal khalh , Rinpuia ka sawi lan ve kher chhan pawh ani chu thik en ah a en lem lo , kan inkawm in kan inpawh tih a hriat chian ve tawh em vang leh keimah chauh in zan ah ka thawk lo tih hre ve hrim hrim se ka duh vang a ni bawk .







"In rawn haw rual si lo , bike pawh a neih ve reng kha " mit hmul san euh in a rawn ti sup ,min vawnna a thlah pah nghal bawk ,tlem a din hlat hret pah in,






"A bialnu a tlawh dawn a, zui ve chi ni hek lo "






"Min rawn call la ,ka rawn hruai thei reng che " a ti leh nghut ,a hma ang em em in a thinrim hmel tawh lo , a hmel rum ul leh mit meng sen ram te pawh hmuh tur a awm tawh lo ,chutih rual erawh chuan a la lungawi famkim lo tih chu ka hre ve reng.






"I buai ka rin vang a lawm ka rawn biak loh che , case chhui lai pawimawh tak i nei tih i sawi bawk sia " thaw hawk in a hnar a tum dat , min melh vung vung in ka ban rek ah chuan a rawn chelh a, a hmel pawh a dăm leh thlup tawh ,hepa bul hnaih a ka awm apiang a rawn awm țhin ka lungphu pawh a hma ai zawng in a rawn phu rang leh tawh , a ni bul a ka awm chuan ka mize țhenkhat hi an bo zo duak țhin ni mai in ka hria , ka ngaihzawng tawh țhin te ang mai in ka namnul mai mai thei ngai loh na te hi engvang nge tih ka ngaihtuah a ka chik viau pawn engvang nge ka hre thei lo .







"Buai chung chung pawn nang in min mamawh a min rawn koh na ah chuan ngaihtuah buai lo in i hnen ka rawn pan mai ang , chutiang khawp chuan ka tan i hlu tih in hre rawh , I hnen a ka rawn intulut ang chiah hian nang pawh ka hnen ah rawn intulut rawh " dăm dup a rawn ti in ka hmai tlang chu a tuai hliau hliau a .A mitmeng dam dup leh pa hrak te , a țawng chhuah zawng a a hrawk bawk che leh ralh țhin te chu hmuhnawm ti lutuk a melh pah in a thusawi chu ka ngaithla kar .






"I hrethiam ti raw, min rinchhan in min ring la , i buaina , i hlim na ,thu ho te te i hriat leh i thil tawn thleng in hmaih awm lo in min hrilh vek rawh ,chu chu ka bialnu leh ka hmeichhia i nihna ang a ka phut leh beisei a ni " a rawn ti ril leh ruih , kei pawh ka lo bu nghat ,tun a ka hun hman bak a zan lungkuai hi ka la tawng ngai lo , zan rei hnu lam ah arsi phe tuar de sep sep leh thla eng zet hnuai ah awm in ka bul ah mipa pa hrak leh pianphung țha zet in min din chilh tlat bawk .







"Țawngka in min chhang rawh Ka duatte " min koh dan avang a ka thisen rawn lum ta hak te , ka taksa rawn mur chhuak chuai chuai te chu tawrh har tak ni siin , tawrh hreawm zawk zawk a ni lo , chhungril lam erawh nuam ru veng veng tak a ni .






"Aw le ,Zomuansanga hi ka rinchhan tur leh ka innghahna ,ka intukluh na tur mipa a ni .






Ka sawi zawh rual a a hmel a hlimna rawn langchhuak , a mitmeng rawn de ta sar sar te chu hmuh nuam tak a ni , nui vur vur in " he thil hi ka thlahlel tawh tak zet , ka a thei mai dawn "a sawi awm zia chu ka hre hauh lo , mahsele,a hmui lum thar thar in a ka hmui a rawn sik tak ah chuan a sawi awmzia chu ka hre chawp chilh mai, a duhthawh in a huam hauh reuh em em leh ta nghal.







Zan tlai lam a ni tawh bawk a mi pawh an mu deuh fur tawh avang in tu man min rawn hmuh ka ring lo , ka inluah awmna hi tlem a fal deuh hlek lai. a ni hrim hrim bawk .Rei ngial kan infawh hnu ah , naktuk a College min thlah tur thu sawi in an inlam a pan ta a .Tunah pawh khan uniform nen a la ni țup ,case buaipui laklawh lai an nei ka tih kha ,zan lam ah pawh an thawk ngawrh viau .






Mizoram ,ram zim te ni si in aizawl khawpui chhung lek ah pawh station a case buaipui tur awm reng te , zan lam thleng pawh a lock up a khung tur tawk awm reng te hi thil mai mai a ngaih leh pawmzam mai harsa tak a ni,Kristian tam na ram in ti si a eiruk , damdawi tawlh ruk leh rukruk na thleng a hluar na ram kan ni te hi a zahthlak tak zet .




*********



" Kal ila "Rinpuia a ni , a bul ah Juliei an sikul uniform duang zarh in a lo ding ve bawk , College kal tur in min rawn sawm a ni , tukdang ang lo tak in a bike a rawn chhawm tello teh mial a, inthlahrun a na duh khawp mai Zomuana'n min lo thlah a tum bawk si amah a han kal tir tum ringawt chu kei pawn nuam ka ti lo .






" Min rawn lam dawn a"inthlahrung rilru tak a ka tih chuan ,nui vur vur in a mitmeng in min chhaih zawm zat , Julie i lo khek tuar bawk a mizia a phelh phulh leh a thil lawm ho thei lutuk hi a buaithlak .A nu nen phei chuan zing lam pang ah hian an inkhak ngei ngei , an inhnuai a awm ka nih avang in ngaihthlak loh tum pawh ni ila a theih loh an in au ring dun thei em a. Thinrim in khak ang kha ni lo in a fanu lian buang tawh si a a rilru la naupang chhe reuh lutuk hi a beidawn pui ni mai ten ka hria .







"Hmm, Nizan pawh khan ka hmu vek che u "





Eng tin !!!?A ni hi nizan kan awm dan te kha ,,,....nilo ..nilo a fiamthu niang .A hmel ka va en phei chu hmu thei in tih hmel deuh hian min lo melh kar in a nui tet tet , He nu hi, a room darthlalang ațang min en a ni maw .A room ah hian tukverh a awm a , a tukverh ațang chuan kawngpui kawtzawl te pawh chiang tak in a hmuh theih vek .





"Dawt sawi lo mai teh "




"I awilo mi in in kuah chial leh in hmui leh hmui " a nui khi vur vur a rawn sawi zawm leh a tum chu "I sawi chuan I homework pawh ka tih pui tawh ngai lo ang che " a sawi hlau lutuk in ka lo tih khalh vat , a mit te min rawn la siai ang ta deuh deuh .







"Sawi zo law law la Naui,eng tin nge hmui leh hmui " nui huah huah a rawn tih rual chuan
"Lalrinpui " ka lo ti nghek, Julie i chu ka mitmei in ka khap nghal vat bawk , tlem a tlem a min puan hmingchhe lo chauh lawm ,Sawi na se zawng ka țhianpa mi fiam peih deuh leh nghal chikim a nghal hian a thin ka tih rim deuh leh a phur chang in min chhaih kawi kual reng dawn tih pawh hriat sa vek .







"Hawh, Naui kal ang , Dingpuii chu thlah tu a neih țhat hmel dawn viau kha ,hnawk te pawh min lo ti palh ang " a ngei awm in mi fiam a peih ka tihtawh kha tun ah pawh hei sawi ang tak tak in ,Julie i pawh bu nghut in a nui var var , Julie i te sikul leh kan College hi a inhlat hran loh mai bak ah a kawng pawh a in ang ,a hma pawn kan kal rual mai țhin .






"Lo chuang ve mai ru ,kan lo nghak ho dawn nia " ti in ka melh dun ,an han ner dun nasa khawp a ,nge maw an ner vak vak ni .





"I intithei a nih chu " a rawn ti hluk , ka va ngei thei tak hepa hi chu .





"Chuang lo tawp ru ,kal rawh u ,țawng hnem thei lutuk em em che hian " ka ti hlak hlak , min melh ngur ngur a lei min chhuah khum zeuh in a tlan nghal , ka kut ka lo tin uăi chu ka la thla , Julie pawn a hnung ah a zui hnak hnak bawk .






An kal hnu reilote ah Zomuana pawh lo thleng ,mahse thawmhnaw pangngai a rawn inbel ,nidang ah te chuan uniform in a inthuam thlup țhin kha ni sia , bike ațang a lo chhuk in a helmet full face chu a phelh ,a sam phir lai chu a siam țha nghal zat bawk .Nimin ah car tun ah bike eng ang a tam tak nei ang maw ...






"Ka rei em " ti sup in ka biang chu a rawn tawk zeuh , lu lo thing mat mat in




"Ti nge police form i hak loh "




"Ka chawl dawn vawiin chu, chawhma lam ah Amos-a te sikul ah kal ka ngai a " ti in ka zawhna chu min chhang , min thlek vung vung in ,




"Ngati nge le ..ka hmuh țhat bik tawlh tawlh che " ti in a thaw hawk , ka lo meng rang kual nasa lutuk chu a nuih pui hawk hawk .Mi hi fiam zuk zuk zel mai , a ni pui hi chu lai ve thei lo emaw tih mai tur in a lai mawh a .






"I rawn kal hma hian i thusawi tur hi i rawn zir lawk țhin a ni lo maw " ka tih chuan awm ang lo ti lutuk a meng zim sun in min melh ,phun hluk in "rawlthar zakzum lutuk pawh ka nih tawh loh hi , chutiang te chu patling pui tih a mawi pawh va ni suh " a ti hmuk , ka lo nui mai thung .Kawng kal ho in min rawn en leh zeuh zeuh țhin ka hmuh chuan kal ka rawt ta vat .







Bike a ka lawn rual chuan "in ban ah ka lo hruai leh ang che ,reilote kan leng thaw veng dawn bawk a nia " ti in ka kut chu rawn la lawk in a kawng ah min kuah tir ,lak san ka tum chu a ai na lam mah a rawn hmer in "luhlul lo teh " ti sup in a sik zeuh ka lo nui hak ,He tia han runluih vel te hi nuam ka ti , a chet chhuah dan hi a lawmawm thei reuh em em leh nghal .





"I hman ang ti raw " kan tlan chhuah rual in a rawn ti leh ang lawi ,a hnung ah bei than in a kawng ka kuah hnak bawk.U Rinzuali dawr ah kal chu ka ngai ngei a , mahsela kan pahnih hian han len chhuah tih vel kan nei ngai lo ,kan hman hun a inrual loh theih em vang te pawh a ni bawk ,a hman ni a lo hnar țun kha nuam ka ti bawk si lo .







"Ka hrelo le ka hman dawn chuan ka lo hrilh leh ang che " ka tih chuan
"Okay " a rawn ti deuh vak ,"duhai in ka țawng ring "a rawn ti leh hluk ,a hnung lam ațang chuan ka lo nuih kiah kiah , a hnung che dat dat ah a ni pawh a nui ve tih ka hre thei .Nidang zawng ai in vawiin a a mizia hi chu a dang ,engkim hi nuam a tih hmel ngawih ngawih in ka hria .









College kawt thleng min thlah in a let leh a , thu pawh min fah leh țeuh tawh kha " mipa dang hnaih suh, be suh "tih vel in vau khan na thu a ni min hrilh duah kha .Thingbuk hnuai ah Nubawihi leh Rinpuia ,a bialnu Rempuii te țhian thum tel in an lo țhu tlang hlawm , min lo melh pah a an mit an tih kan euh euh hlawm dan ah min lo thlah tu kha an hmu fuh tih hriat reng reng .






An țhutna kiang a ka țhut thlak ve rual in " Nuam awm bik ham ham ve aw "Nubawih'n nghal fahran a min lo melh pah in a rawn ti nghal zat , " kal teh "ka lo tih hlar chuan za zet in a rawn nui ar ar ." Thinchhe ve sia "a la rawn ti leh hram ,ka thin chhiat zia te chu amah hian a hrechiang thawkhat viau ang chu le .







" Kha kha police officer Zomuansanga kha ti raw ,fa pakhat nei tawh kha "rawn ti tu chu Rinpuia bialnu țhiannu Rini a ni , nu lian lutuk lo khal țat ngo lam hi a ni , a mit lah chu an inhnawih dum em em leh nghal , a hmai pawh atta bag a tauh bua nimai tur khawp in a paw phak mai .A thawmhnaw hak han en hi chuan ,rethei zawk zawk chu an ni dawn lo tih a hriat nghal ruak mai.






Ka chhan hma in Nubawihi chuan a nih thu in a lo chhang ,Rini chu chet tlak tlak a min rawn en in " in in ngaizawng mi ?"ti in min rawn melh kur , a ner zui sak bawk ,a mizia te reuh hi ka ngaihtheih chi a ni dawn miah lo mai ,vei reuh hian a .





"Kan inngaihzawn leh zawn loh ah chuan buaina i nei mi " ka ti ve hmak , kha tia a ner khum nawng nawng a ,min tham loh hmel deuh a min melh kha ka lawm bik vak tur ah a ngai maw ni . Ka kawplai mipa a ni em min zawt tur pawn ka țhian hnaivai a ni lo , hre tur a ka duh leh hrilh hriat ngai a ka hriat ho chu min zawt buai lo in keiman ka hrilh mai .







Rinpuia chu nui hawk in "hmeichhe nu dem a ni lo nia , a pawi sawi a hlauhawm thei lutuk in hnung ah a beng ri thlawp mai ang che u " ti in Rini chu a melh a, a sawi zawh rual in Rempuii chuan a va nghawk zeuh .Ka lo nui ve mai a , tia en mai hi chuan hmeichhe inocent lutuk ,zaidam deuh ,țawng nem duai ,tur hian min ngai țhin chu erawh chu ka nih loh hul hual zia chu min hrechiang tu apiang in an hrefiah , mahse țawng zawt zawt ang mi kha chu ka ni chuang lo in ka hria .






"Ka cousin nen an in kawp țhin ,ka cousin chu doctor nia an in kawp loh na pawh a la rei lutuk lo ,in lo inkawp a nih chuan mak ka ti deuh maw le ," a rawn ti fan raih , "a duh ve hle in ka hre sia " a rawn tih zawm leh sep , a cousin tan chuan a la hauh ve hle mai maw ,,mai mai chuan .






"Inngaihzawn lai chuan tupawh an în duh hmel vek a lawm , in țhen hnu ah an in duhna kha chu a kiam chawp ve mai a lawm " ka țhiani a ni , a țawng ka chhuak pawh a nem hran lo ,zaidam in țawng hlawih hlawih chi ni lo mahse ka thlavang hi chu a hauh ve hlur zel .Kan boruak tawn chu a hahthlak ru zek mai ,pangngai tak a ti ti mai mai ang a lang si in ,kan inkher tawn zak zak mai a ni .






Rini chuan a awi hmel viau lo nge nui hak in a mit a chet kual tir , va kehnawk mai hi ka chak tawh lutuk tlat ,a cousin bialpa hlui chu eng a mah hma a lo hauh ve bur nge maw ni a nih tei vet ni ,nge Zomuansanga hian a lo duh huam huam zawk , a lo la duh reng a min kawp kual vel mai mai a nih zawng in ,a chak lo khawp ang .






"In ngaih ngaih khan ngai ru,a tak ah inhmu ve lo a inhre thiam pha lo a nih kha " ngaihsam hmel fe in a la rawn ti leh hram , ka țawng lo ang ti a ka lo insum ve na ho pawh a țawng tam luat ah țhiah in a awm ta .






A țhut na lam hawi phei in a hmel chu ka melh kar ,ner khum sak in"mahni bialpa hlui pawh nilo cousin te bialpa hlui chu i va la hauh nasa bur bur ve"ti a nuih lui sang in "ka bul ah hian a hlim hmel viau sin ,chuan ka mipa hi thawmhnaw hlui a paih tawh chhar leh mai mai tur khawp a pachhia a ni in ka hre tlat lo " inringtawk tak leh ka thusawi a hriat fiah thiam hle nan a mit ah melh kar in ka tih zawm zat .Ka sawi awmzia a hrethiam lo a nih chuan a thu ni tawh rawh se , a at hmel bet but reuh sia aw .






Tiang kawng ah hi chuan Zomuansanga hi bialnu hlui te um kual dun dun tur chi ni in ka hre lo , a mah a hmel in a zir mai bak ah hna nghet mitin te ngaihsan leh zahawm hna a neih mai piah lam ah chhungkaw khawsa thei tak an la ni cheu bawk .Amah pawh hi mize nghet tlut leh midang te thu hnuai a awm harsa ti chi a ni bawk ,an chawr chhuah na avang te pawh niang ,mi chaldelh ni si lo hian ama tawk ah a în duh thiam larh larh khawp mai .





Rempuii leh a thiannu pakhat chu inrawlh in kan thusawi chu an rawn thlak ta daih, an țhiannu țawng tawh loh tur a an mitmei zeuh zeuh pawh ka hmuh hman hram kha .Class țan a hun hnaih tawh dawn a vang in rei țhu tawh lo in kan lut hlawm a .Class room a țhutna a kan țhut thlak rual in






"Khatiang mi ho kha chu tih let hrep tur ,zah pah vak an nei si lo hausa lo phei se zawng tuman an kawm țha peih pawn ka ring lo a mizia vang hian " Nubawih chuan a rawn ti deuh hlak hlak , mi hi a sawi chhe khat ve viau a nia Rini kha chu a ngei thlu ve ngang te pawh niang .







"Hei..zanin chu rawn thawk leh la " Nunmawia a ni , duh dah deuh in ka thutna sir ah a ding a, a kiang ah a țhiante an ding ve bawk .





"I hnathawk te an lo haw tawh kha " ka tih chuan "haw te chu haw tawh e , mahse nangmahte kha ka chhawr duh che lawm " ti in mit min siai keuh ,vel reuh hian le .




"Ka hman tawh lo " ti in ka chhang hmak , rawn nui deuh suk suk hian "a hlauh mai pawh ni lo a țih hian min țih reuh a " a rawn ti hliai , a țhian te chu an lo nui hak hlawm .
"Kal ang u " ti leh hlukin an kal sawn nghal a .






Nu Rinzuali bia in a dawr a ka kal leh hman loh tur thu chu ka hrilh a, a tir in rawn ang deuh hluk hluk mahse kan inbiak tawp lam ah chuan a phal thu chu a rawn sawi ve leh ta tho .Zomuana bia in ka hman thu leh college kawt ah ka nghah thu ka va hrilh chhawng leh a a rawn phur leh khawp mai .





"Hmmm,,, vawiin a ka thiltih chak deuh leh ka ngaihtuahna luah khat ngar ngar tu thil ka ti thei țep tawh e, min lo nghak reng rawh ka rawn thleng țep " ti thawp sup in a phone a dah a , eng tak chu vawiin a a ngaihtuah char char chu ni ang le ?








❣️Naktuk zan ka dah hman lo maithei aw , exam ni tur nia ,mahse ka la chiang lo ka dah thut thei tho bawk ❣️❣️


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:14 pm

CHAPTER 8






"Min lo nghak rei em " a car ațang a rawn chhuah rual chuan a rawn ti nghal vat , College kawt a țhutna pawn ah ka lo nghak a , a thawmhnaw inbel chu inhmeh leh tawh tak a ni , kamis var sar ha in a ban a thlep a , a kawr hak chuan a phuar deuh țang bawk , a taksa hrawl leh sek phiar fat chu a ti lang chiang zual hle ,highlander Pants a dum leh a var ha in , a bawp șei thlurh leh inkhai thli thlarh nen chuan khawi lam model nge maw ni awm tak a ni.






College zirlai lo chhuak ve ho pawh chuan an rawn melh leh zawk zawk țhin hlawm ,kan kal chhuah hma chuan Nubawihi a rawn kal a ,ka project a copy chu min lo pe in"khawilam ah nge in chhuah dawn a ?" nuisang a min melh tawn in a rawn ti sep.





"I țhiannu hi kan hruai harh deuh a nge " pakhat pui lah chuan a lo ti mai a , nui heu in " va hruai harh teh khai hnathawk a chhuak leh college a kal tih loh hi chu chhuah vah na chang pawh hre lo, a buaithlak nia "a rawn ti teh duah ,țhian ho a chhuah an rawt pawh hian ka tel khat khawp tih hria a rawn sawi chhuak a ni tih ka ring thiam nghal mai .An inbe zui luam an bul a ka awm ve reng chung pawh in ka chanchin sawiin ,ka chetchhiatna deuh deuh Nubawihi'n a sawi phei chuan an nui dun nasa mai .Reilote an inbiak leh hnu in Nubawihi chu an veng a mi te nen an haw rual ta a.






A car a kan chuan luh chuan khalh chhuak nghal mai lo in ka țhutna lam chu rawn hawi in min nuih suk suk a " vawiin ni leng a ka rilru a awm hi kan ti phawt "ti thawp sup in a rawn awn phei ,meng phar awk in " eng ..enge i tih dawn "ka lo ti chul ,sir lam hawi a țhen suk in " enge ka tih tur chu lo nghak phawt la i hre mai ang "a tih zawh rual in mi rawn fawp nghal buan buan ,he thil hi maw nileng a ka ngaihtuah a tih chu !!






Min fawh dan chu thlak in dăm leh ril ruih chuan min fawp ta thung ,ka chhang let ve dawn tih ve leh a in la hrang daih a nih chu , mitmeng si sap a ka melh nguai chu min nuih suk in " kham khawp kan inpek țawk zawng in min hne hlui ang tih a hlauh awm tlat ,ti khan kham lo deuh khan meng si sap mai rawh "ti a rawn kun hniam leh zawk in ka hmui a rawn pet a nih chu , a hnung zang a ka lo chum awk chuan nui hawk a ,a țhut dan siam rem in car ti nungin a tlan chhuak nghal a .








" Khawi ah nge min hruai dawn "mi rawn melh zawk in ka kut chu a rawn hum lum vang vang , ka zawhna chhanna beisei in ka melh kar ,ka kut chu la kang a fawp zeuh hian," ka in ah " rawn ti sup in a thaw chhuak suai suai .Kei erawh in awm ang lo ti lutuk in





"Awmang lo lutuk ,ka duhlo , min thlah haw rawh vat in Zomuansang" ka ti ta chul ,min rawn melh a chal ti chuar tap in "Ka hming pum hian min ko ang fawk fawk a " a ti hluk , a hming pum a ka koh leh koh loh thu chu ka buaina a ni ber lo ,an in a kal chu ka duh lo hle a ni mai .






"Min dah let rawh ,ka haw duh "





"A va mak " ti hluk in ,ka lam pawh hawi chuang lo a hma lam en ngur a motor steering herh kual vel pah chuan "Ka dah let dawn lo che i hrethiam em ,I hlauh ang kha a awm lo keima in bik ah tumah an awm dawn lo , calm down ka bawihte " ti ril ruih a mit min rawn siai zeuh chuan lei ka lo chhuah khum zeuh ,lu thing nghut in a kiai suk .







A tir a kha tia sawi țhat nghal mai tur nia , a chhungte hmuh ka hlauh leh ka hreh zia hi a hre awm tawp si lo ,eng ang mi nge an nih hre hawt si lo in hmuh chu thih hreh tak in ka hreh .





Kan tlan na lam kan en chuan Zemabawk lam ah kan tlan hi a lo nia , a in awmna kan thlen rual in chhuak vat in ka hawi kual nghal ,a hmun chu a thengthaw nuam in ,in dang ai in a awmna chu a fal reuh hle a ,cement in lei rinchhan a sak a ban ngailo ang chi kha a ni in,a te chhe lo hle bawk .






"I endik zo tawh em " a lam ka hawi vat ,mit tla lek lo a ka hawi kual lai khan ka bul ah ding in min lo en ngur ,"a hmun hi a nuam tawp ,mi pui chim buai phak lo leh motor ri nuai nuai thawm hriat tur a awm lo leh nghal "ka tih deuh hluai chuan a car chahbi chu a kekawr ip te ah thun lut vut in , ka dar ah a lo kuah " ka sak dawn khan in hmun tur chi ka zawng uluk a lawm , a hmun a rem in awi lutuk a awm lo bawk a a ram pawh hi ka lei to ve khawp mai,a hmun hi a lo zau hrim hrim bawk a "ti dap dap in inchhung lam ah chuan min kuah phei a .






Kawngka kan thlen chuan ding dat in a kekawr chu a dap ruk ruk , a car chahbi chu rawn la chhuak leh in tala chu a hawng a, motor chahbi pakhat chauh a maw ka tih kha chahbi pahnih a lo ni reng ,pakhat chu a motor chahbi ni in pakhat a in chahbi a ni thung .Kan han lut chiah chu duhthusam in a bungrua vel leh a in cheidan chu a nalh hi ni tawp mai ,duhai erawh in a rawng hnawih chu a thim lam mah mah ,sum pawh a hmang hnem ngawt ta ve ang ,a sum fai ang zawk a chhut phei chuan thingtlang khua a pahmei in a sum lut chhungkua a an hlim pui leh an inchhuan larh na tur khawp a tam a hmang ngei ang .







Ti hian mahni in bik an hman chang leh intihthawven an duh chang a hman mai theih tur in , in pangngai ai a changtlung zawk in an din thei chu ni mai sia , kei ni thingtlang lam ah te chuan in pahnih chu sawi loh kan in luah mek pawh a sak țhat na mai tur nei lo in , a hlui ang ang in tuai thar dan tur leh thawm țhat dan kawng kan dap hram hram in kan phe buai thung a.







"Eng nge I ngaihtuah vung vung a, " a lam ka hawi phei vat ,sofa bul ah lo ding khup in a kamis hma lam kawr kilh chu a pathum vel a phelh thla a ,a hmeh phelh zawh hnu ah ka din na lam rawn hawi leh in"eng nge "ti ang hrim in a mithmul a rawn kan euh euh , nui sak in lu ka lo thing mai a .A kut in a lam a kal tur a min hui zeuh tak ah chuan a lam pan chuan ka kal phei a , a bul a ka din rual in a kiang mai a țhut na awm ah chuan țhu thla in ,a chet dan chu ka lo en reng ,ka inrin hman hma in a mal chung ah min pawt țhu der .








" Awii!! ka tih vak chu min nuih san hawk hawk , a sir zawng a ka țhu tung deuh at chu ka zak ah min dawm in a bawp șei deuh thlarh chu min kar zeh tir hmak in min nuih vur vur , ka țawng tur chiah chu ka awm a a hmai a rawn phum avang chuan ka ka ka ang zuau tawh pawh ka chip leh hmak , a kut pahnih chu ka kawng lam ah rawn vah phei tir in min kuah hlun ,a thawk lak zawng a a taksa lumna rawn chhuak leh hawk hawk țhin chuan thaw țha hlei thei lo khawp in ka thawk lak a ti buai pha , ka awm ah bei hlun pah a a rawn nawr tawk chuan ka thaw chhuak hak .








A dar leh lam leh lam a vuan a nawr san ka tum chuan rum nghut in ka awmbawr chu a hmai in a rawn nawr leh tawk ,"awm hle hle rawh "a rawn ti chhuak nghut bawk .






" A ninawm khawi teh ka chhuk duh "ti in ka tal chiam , kei lah te zawk zawk ka ni lo bawk nen ,min pawm phei chuan a ni ai ka sang hret a nia chu ta chhap ah ka la tal ang chiam zui mi in min rawn hmu se la zawng an nuih kan ti za ngawt ang .






" Tal tal lo teh a ni lo pui pui i kai tho palh ang "ka awm a la bei reng chung a min rawn melh chho kuau in a rawn ti thawp sap ,ka tal tawp chiang a sin aw , ka awmdan a ti khaih lak lek lek bawk .Ka awm dan teh thut chuan a nuih a ti za a niang nui sun sun a in la hrang hlek a mi rawn en in " a ni lo pui pui kaihthawh chu I hlau ve hle mai maw ,i tal tawp chut nghal mai a lawm le "a rawn tih chuan






" Zomuansang"ti hlar in ka tal lui leh ngat , țhuthleng nghen chhan ngheng dawt in chung lam hawi in a thaw kawk .





"Chimawm lutuk " ti hnak in ka kawng tawn ttawn ah a chelh ,ka che pawh ka tawp ve nghal , mitmeng tak ngur a min en in "Hming pum lawl lawl hian min ko a , tlem a duat deuh te hian min ko ve thei lo em ni le, ka duat ,ka bawihpui ,Duata,U Zomuan tih tal pawn kei lah in ka koh duat duat che nen keima ka bawihte " a tir lam thutak ve viau mahse a tawp lam chu a uang ve hle thung .Ei lo lutuk in ka lo ner khum vak vak .






"Le ,,, Duata tih vel ai chuan U Zomuan min han ti no sap teh le "





"I ti awm ang lo ,i uang nih kha " ka tih chuan rum nghut pah in ka sam hnawk deuh niai mai chu a tuai țha thuak thuak , nichin ka tal vak vang khan niang ka sam te pawh an awm phelh pheng phung mai .





"Come on ,bawihte ka uang miah lo , I ti dawn lo a "a ti hmuk ,kan pahnih chauh a kan awm hi chuan min ko duat ve thei maw le ."ka thil tih tur avang hian kut thawh hlek suh ang che "ti leh hmuk in ka awm ah bawk hmai a rawn phum leh,mahse eng ..hepa hi ka kawr chhan ah ka hnute hmu* zawn ber kher chu a rawn nawr vak a nih chu ,la nawr reng chung chuan " Bawihte min ko dawn em nge a ai thui hret in ka chr leh dawn "ka tal ta nghek ,a lu chu ka nem bu lawp min vawnna a tih thawl rual in a mal chung ațang in ka chhuk nghal vat bawk. Min rawn vawn beh leh a tum rual in a kut chu ka vai per lawp ,a ngal ah ka la pet tel zui hram bawk .








A lu dawm vung vung a a hma a ding min melh chho khur chung in "buaithlak thei lutuk ,i kut a ram bawk si ,zei hawi bawk si lo hmeichhia pawh i ang teh hrep lo e "a rawn ti chhuak hrawih ,a hmel chu a dur khup in kut ka thawh chu a lawmlo tih a hriat hle bawk .Tun a a thinrim na ai mah chuan min tih dan teh hrep kha palzam mai a har.'Hmeichhia pawh ka ang lo a maw 'kut ka thawh kha ka tidik miah lo ,ngaihdam dil pawh ka tum ngei mahse chutiang ka tih hma in țawngkam pai liam pui maitheih loh a chhak chhuak thung.







" Chu thu chu min hrilh avang in ka lawm e ,i hriat mai mai a ,hmeichhia chu ka ni ve țat aw,duh lo viau leh min hmu hmeichhia lo viau mah la hmeichhia chu ka ni tho tho "ka thinrim em avang chuan ka aw pawh a khur lek lek ,ka kut chu ka hum tawm vak bawk .Ka hma a thu mipa chuben in ka ner sak ,a chhip sam tuai puat a rawn ding in " Ka thil sawi kha chu ngaithu tak duh suh "a rawn ti bul hmuk.A thinrim deuh leh a duhdan a thil a thlen loh a piang in a chhip sam hi a khawih hmasa ngei ngei .







Ka nuih khum sak,a zat vang chu a ni hauh lo runluih ka duh vang a ni pakhat " En teh "ka tih hluai chuan min rawn melh ta kar ,sawi zawm in "tun a ka hriat fiah tak chu maw ,I duh ang chi hmeichhe zei leh hawi her en reng reng pawh a saw nu saw chu abzei reuh viau ang an tih tur ang chi kha ka ni ve lo ,i hmeichhe kawp țhin te ang a i mamawh pe thei tur ang chi pawh kha ka ni leh chuang lo .A khaikhawm nan chuan i beisei ang hmeichhia ka ni lo ,ka zei lo in mipa han tihlawm dan takngial pawh ka hrelo,chuta karah kut thawh țawlh țawlh chi ka ni bawk "țawng lo chuan min melh ngur ,ni e a duh ang leh thlakhlelh ang chi ka ni lo ,kan luh thuk tak tak hma leh hmangaih na khur a kan tluk luk tak tak hma hian kan inkar hi tifel ila țha zawk .



ZAWMNA. ❣️❣️







" Kan inkar hi ti tawp tawh mai ang "a rum nghut , min melh chhuk run in " în țhen lam kha chu sawi lo teh , ka thinrim in ka rilru a lo lang hmasa sa ngaihtuah chiang lo in ka sawi ve tawp a nih kha "a ti liam puat , ngaihdam min dil țha ve mai se kan inkar pawh fel duak lo mahse ka rilru tal chu a nuam tur ,mahse a ti miah lo tun hun ah pawh a la în duh larh larh khawp mai .






Eng kim a ka mize an pui ka ti lo thei lo , luhlul ,tlawm hreh mi ,mi thuhnuai a kun peih lo ,a ngaihdan chu a ngaihdan ang a ,a dik leh diklo pawh thlu lo a kal ngat țhin mi ,kan mize in ang lutuk hi kan buai phah zawk hial in ka hria .A dik tak ang ,tlawm na nun hi kan pai lo ve dun chiang a lawm .







" Hmeichhe en pawh a min en thei lo tu hi eng ai ah nge maw thlamuang tak a ka la kawp zui ang ni "ka ti fiah fak , a ning leh tawh tih hriat lutuk in min en run in a thaw chhuak hak ,,ka thinrim dan kha chu a dang leh daih tawh , a sawi tirh a ka thinrim hlur kha chu a bo leh tawh , mahse ka la lungawi chuang lo .






" Ka haw dawn "ka ti leh chiah chu ka banrek ah rawn chelh vat in , a koki ah min pu lawp duhlo lutuk a ka lo tal chiam chuan ka mawng ah a rawn beng dawp .





" Hmela leh !!"





"Țawngkam te hi i duhtui lo zek a " ti hmuk in chaw ei na dawhkan bul ah chuan min nghat ,chair pawt chhuak in min kuai țhu thla leh dawt .Dawhkan kan en nak chuan arsă bawp hem hmin sa ni awm tak chu sarang ah a lo awm țeuh ,a kiang ah lettuce ,leh Cup noodles bur khat a lo awm ran bawk ,in tur chi pawh a lo in hung far eng eng nge ka hre hlawm lo .






A mah kan en chhoh chuan min nuih khum suk in "noodles kha chu ka ei ve ngai loh avang in pakhat chauh ka la nih kha "ti in gas chung a chhuar chu hawng in bel tereuh te hi a rawn la chhuak a , tap a tui chu herh haw in gas ah chuan a chhuang zui leh zat .Ka thinrim ve te kha chu hre zawm ang pawn zuk awm duh țhak lo a, kan thinrim khum ber ten a țha deuh deuh a kan chung a an chet tlat si chuan lo thinrim a lo ankhum chiam pawh kha a nuam tawh miah lo .






" Min palzam deuh chuan i hre ve lo maw "ka ti leh ta ngat , thinrim a sawi em em pawh ka ni tawh lo .Sailo nulă ngat nih ve man a kha tia min țawng khum deuh kher kha chu , hun in a kal liam pui mai tur atan chuan a tlawm thlak ka ti deuh tlat .Mit ti zim sun a min en in gas hun na cabinet chu ngheng in a ding kawi sawi deuh nuai .A tui chhuan tlem te chu a so chuan off in dawhkan lam rawn pan in Cup Noodles chu hawng in a chhung lut .






A arsă chu frying pan ah chuan a ti lum ," lo kal teh "a tih sup chuan tum buau in a lam chu ka pan , a thil chawh na fian chu min pek pah in " i lungawiloh na kha arsă bawp chung ah hian han leih baw vek teh , "ti in a nui ruh ruh , he pa hi ,,ngatinge tiang a awm tlat ,ka lungawiloh ve na te chu fiamthu ah min lak sak zel bawk si .Arsă bawp chu mahni a însawh tău nghawng nghawng in ka chawk sawk sawk .






Ka bul a ding pah a ka chet dan sawk sawk chu min thlek vut in " i thinrimna te ,i lungawilohna te chu I paih chhuak țha thei maw "ngei lutuk in ka melh nghek , thinrim ve I la a thu tak lo tawlh tawlh in min fiam ang zuk zuk a .





Ka thil chhuan chu chawi thla in dawhkan ah ka hung ,kei pawh țhu zawm nghal in ei tur dang lo inchhawp ho chu ban zawm zat in ka ei mawlh mawlh .Zomuansanga chu nuih hawk pah in ka kiang ah lo țhu thla ve in " ei muang deuh rawh le, i helh palh ang "rawn ti dăm dap in ka bek sam lo uăi thla sang chu a vai a ka sam a kut a hum tawm khawm vek in hnung lam ah a rawn sawn phei .Ka hnar a tuk zeuh in ar bawp chu a lek ve nghal .






Kan ei zawh chuan puar tawh tak hi ka ni ,kan thil ei hun a lai laklawh si a zanriah chu ka ei peih ka ring lo tawp mai ,kan thil ei na zawng zawng kan tihfel hnu chuan " min thlah tawh rawh "ka ti a, sitting room lam țhuthleng pakhat ah in si deuh thaw in kan țhu dun, țhu dun tih a amah pui hian ka tawlhsan apiang in a rawn tawlh hnai ve zel vang in a hnu lam ah phei chuan ka tawlh san buai peih tawh lo .






Min melh ngur ngur in" tah riak ang "a lo ti awlsam et .Ve thla rawk țhin hian a , a thu thu a chet tum nghal zel mai .






" Ka duh mai mai lo "min ner khum nawng in " duh mai mai lo reng rawh ,duh tak tak rawh ,mai mai chauh a duh te chu a "a rawn ti leh duah ,eng tak chu hria ni maw vawiin ni ringawt ah pawh thu ho te te hmang in min hnial kalh loh leh min fiam thul .





" Ka riak dawn lo ka tih chuan ka riak dawn lo a ni mai , chu bak ah kan inkar pawh hi ka ngaihtuah țha dawn "a nui hmel seng sung te hi țha ti țhin viau mah ila tun ah tak chuan ka hmu peih lo ,ka thinrim na ka kaw chhung a ka pai dam hram hram rawn ti alh țha leh tu a ni ringawt .






A tukhum a a kut pahnih suih zawm in chung lam ah " hui ham "ti a thaw chhuak ham ham hnu a min rawn thlek ang he haw in " mipa sawi awm tak tak hi i rawn phuh chhuak ang nawk nawk a "ti in a țhen sak , inkar ngaihtuah țhat thu vel te chu mipa sawi tur chauh a duan a ni tawp si lo .Ka melh khar khar chu min nuih suk in ka banbul chu rawn man in a lamah min pawt deuh nawk ,a awm ah min bei tir hlu hlu ,inrin hman hma hian a che vut zel .






Ka chhip ah a kha be rawn nghat in a ,a rawn nawr deuh tawk ,awmsan ka tum chu ka kawng ah kuah bet nghal zat bawk " i thinrim a chhuah leh hma hian kan sawi vat a nge "ti in a nui che dawt .






" Nichin ka thusawi kha I la lungawi famkim thei chiah lo in ka hria,nang lah in ka lu a min nem vak in ka ke i pet leh kher a , tihnat ka tum che pawh ni mang lo,chuan ka thinrim in ngaihtuah chiang mang hlei lo in ka rawn sawi chhuak tawp nih kha , tu pawh an thin rim chuan an duhlo pui leh rilru ni lo pui an chhak chhuak ve țhin tho tih i hriat kha,ka thusawi kha chu boruak ah tham ral tir deih rawh ,pai reng lo in ka duh lutuk che tih i hriat kha "a ti sup sup ,kei lah pek chuan






" Tun a tak a i thusawi rawn phat mar leh ,ka awi tawh dawn chuang lo "ka lo ti hmanhmawh ,chet hluk in ka chal ah rawn kuk pawp ," tiang kha i nia, nichin khan sawi zui pawh ni ila i awi dawn chuang lo ''a tih chuan a sawi dik tlat, eng ang pawn ka sawi mai mai ,sawi sual ti pawh ni se ka awi tawp nang le .






"Chu lo reng ah hmeichhia ni lo la kan inngaizawn i ring reng reng a mi ,a dik em " rawn ti in a mit a rawn siai zeuh , a ban puam ah ka lo beng dawt , nui huah huah in a awm ah bawk min kuah leh , ka sam a chul hliau hliau pah bawk nen ka mut a lo chhuak riai riai a , han men luih hram hram ka tum pawn ka ti hlei thei tlat lo .







"Tu nge i room a hmeichhe awm ve kha" tih ri ka hriat chuan ,ka tho vat ,ka awm na ka hai țhelh leh nghal ,ka lo muhil tak tak a niang bed room nuam lutuk leh khum dep țhap a ka lo mu , a awm ngheng chung a ka mu hil kha khum lam ah min sawn phei a niang ,bang a sana in tar kan en nak chuan dar kua a lo pel fel awr , ding chhuak in tukverh lam chu kan thlek zawk thim țha tawh tak a ni .






"A mak ,bengchheng lo teh " Zomuana chuan a ti hluk , tu nge a biak chu ni ta ang ,thawm chu a ri leh khut khut țhin , kawngka inkhar dawt thawm ka hriat rual in a reh ta vung vung ,hawi hai lutuk leh tih mai tur hrelo in khum tlang ah chuan ka țhu kar ,thawm ka ngaichang pah reng bawk .Ka phone dah na bag ka zawn deuh lah chuan ka hmu bawk si lo .






Ka pheikhawk ka bun lai chuan pen ri chu lo hnai zel in pindan kawngkhar chu a rawn inhawng dawt , ka pheikhawk khing bun leh tur a ka lak kang zet tawh pawh chu thloh in kawngka lam chu ka hawi phei dawr , nu tling upa lam tawh hmelțha deuh ,sang zeih zuih tak hi a lo ding ran , khum a ka țhu chu min en kar min ti zam chhe lek lek a ni .






"I harh tawh tho chuan in i haw nghal thei ang "





"Maw " ka ti deuh vak , khaw nge Zomuansanga pawh hi ,nel awm na tel miah lo a min melh in "i haw thei ang " a ti leh nghat ,min ti hrilh hai lutuk ringawt , tu nge a nih tak ngial pawh ka hre si lo awm dan min ti thiam lo vek .Inher in a kal san a, ka pheikhawk chu bun țha sawk sawk in pindan chu ka chhuah san nghal , țhu thleng ah lo țhu in chiang fek fawk in min lo melh a țhutna kiang ah chuan ka bag chu a let ram bawk .






Thaw la hawk in a țhutna lam chu ka pan phei țham țham ,a bul ka thlen rual in "kha kha ka bag nia " ti a a țhutna sir chu ka kawk , bu nghut in a ban a min rawn pe .






"Khaw nge Zomuana " zawi sap a ka tih chuan ,min rawn melh chho nghal kar , , a kekawr hak chu dap rawk rawk in pawisa a rawn phawrh nawlh , "kha " tih pah a min rawn pek a tum chuan a ngaihna hre lo lutuk in ka melh let , ngati nge pawisa min pek te a tum.







Ka lak mai tak lo ah chuan rawn ding chhuak in "la rawh ,in thlahrung der vel lo in I hlawh tur ai in a tlem a mi " ti in a dang a phawrh chhuak leh ,hrilhai zet chuan "eng hlawh maw ,ka va hrethiam lo ve ka pi " ka ti sep , ner suk in " e le , i mutpui man a nih mai lo in , a theih hram chuan kan fapa hi ti buai chhunzawm lo la țha khawp ang ,pawisa I mamawh vang a kawp i nih chu ka ring tho na chu a ni lo mipa sum ngah an tam ang, an kat nuk zawk ang maw le , "a rawn tih chuan ,amah chu che chang lo in ka melh tlawk tlawk , kei hi sum duh avang a mahni zahawmna hralh țhin ah min ngai a nih chu .
Eng ngaihdan tenawm tak nge a neih hi a!!!!






Ka fel in mi țha ka ni lo ,inkhawm phei chu ka peihlo ve lutuk mahse eng ang a sum mamawh ngawih ngawih pawh ni ila mahni taksa ti bawrhbang zawng kher chuan ka che chhuak ngai lo ang .





" Ka pi i ngaih ang mi kha ka ni lo , i hriat chian loh thil chu sawi chhuak lo ngam rawh ,insawi fiah duah pawh ka tum lo ,i duh leh I fapa kha thil awm zia i zawt chiang dawn nia ,sum mamawh lo chu ka ni lo , ka mamawh ve lutuk zawk mahse maw mahni taksa zahawmna ti bawrhbang zawng kher chuan pawisa hlawh chhuah ka tum ngai lo tih i hre dawn nia "ti fiah fak in in chu ka chhuah san nghal, ka chhuah lai a mak ti tak a min en zui vawng vawng pawh kha ka hmu ,chu erawh ka ngai pawimawh hran lo .






Kawng reh ruih leh thim khup ah chuan ka phone flashlight ring chuan ka kal hnak hnak ,a awm na hi a fal ka tih tawh kha , thinrim hlur leh Zomuansanga chung a însawh tau nghawng nghawng chung chuan ka kal zel , Thim hlau mi ka ni lo chu ka lawm ,chu ti lo zawng eng tin nge ka awm ang ,hlau lutuk in ka thi dang hial tawh ang tih te ka ring hial.Ka phone lo ri chu ka en ,ka hmet tawp nghal ,a rawn ti nawn leh 'Zomuansang rawn call rawn call mah la ka la lo ang " ti a phone en chung in ka hmeh tawp leh nghal .Tun a tak a min rawn ngaihtuah thut pawh a ngai lo , nichin te khan khawi ah nge a lo kal chhuah hman , mi ngaihtuah na tak tak hi a nei thlawt lo .








Weekend chhung hi chu ka awl mai thei aw ,ka la chiang chuang lo nia 😂❣️❣️❣️❣️❣️Sunday hi chu ka dah zan a ni lo hrim hrim.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:14 pm

Chapter-9






In ka thlen hnu pawn ka la thinrim hlur thei, pawisa neih loh nak a lai in ke a han haw mai na chi ni in ka hre si lo ,chulo ah chhun eng lai ni lo in zan tlai tawh lam a lo ni tawh bawk si, taxi remchang ka la tawp kha nia ,in ka han thlen fel meuh chuan dar 10 a pel duai tawh ,saw tah ka mut vang kha niang ka mut pawh a chhuak tawh hrih lo ,in ka thlen hnu pawn a phone call chu a lo la kal reng ,lak en ah pawh ka en tawh lo , biak chak na pawh ka nei hek lo .







Ka inti fai zo bualin ațang a ka chhuah chuan ka kawngka chu an lo kik a, a hnu phei chuan a sawi in an rawn sawi tawh , tu tak chu niang maw ti a ngaihtuah in bualin kawngkhar bulah chuan ka ding ngawi kar .Mahse min au tu aw ka hriat rual chuan kawngka lam pan in ka phei vat ,kawngka ka hawn rual chuan Rinpuia ruih hmel deuh a thle buk buk chu Nubawihi'n a lo kuah chu ka hmu nghal , ngaihna hrelo zet a ka en dun lai chuan ,






"Khawi teh ,a rit si min luh tir phawt teh " Nubawihi chuan thaw hawk a a rawn tih chuan ka va dawm pui ve vat , a la rit em em zui ,țhuthleng șei ah chuan kan mut tir a .A chhan ka zawh chuan Rempuii nen an in țhen thu leh a rilru na in zu a in țeuh thu a sawi bawk .An in țhen chhan ka zawh leh chuan







"Ka hre mai bik lo ,nakinah a ruih a reh hun ah kan zawt țha dawn nia " rawn ti in , țhuthleng ban chu bawh in hah hmel deuh hian a thaw halh halh , "a bike pawh a zu lo in na dawr kawt ah ka rawn hnut chhiah tawp ,khalh haw thei hmel a pu si lo a, dawr neitunu kha l chu ka hrilh hre tho a, thil pawi thleng lo turah ngai ang " a ti niah niah a .







"Eng tin nge a awmna i hriat reng reng,zan tlai tawh lutuk ah nang mah in i lo phei tihna mi "






Kan veng leh an veng hi a inhlat reuh phian in , veng inperhsan lutuk a nih vang a nia tun ang hun a a lo chhuak hi mak ti deuh lek lek a ka zawhna chhan .





Rinpuia mu meng mang hlei lo rawn țawng leh bul bul țhin chu melh a ner deuh sak in ,"kal loh chi pawh nilo , mi rawn call char char a, midang be mai tur a ka tih pawn duhlo in mi rawn vin vak vak a, ka cousin te in a riak nilo phei ila chu ka va hruai țeuh lo , "ti tan tan in " hetah ka riak ve mai ang "a rawn tih zawm leh nghal zat ,sawm loh mikhual pahnih ka nei dawn tih na a nih ringawt chu a.







Rinpuia chhungte chu chhuan lam eng emaw siam in a riah chhuah tur thu kan va hrilh ringawt , kan buaipui ber pa lah chu a bialnu hming sawi in a rawn rak leh nawk nawk țhin , va chhuih pawp a ,ben pawp pawp a chakawm ngawt mai .






Puan pawh sin tir lo in khum kan dahna lam ah chuan kan luh san dun daih ,ka khum lian vak lo ah chuan Nubawihi nen chuan kan mu dun a ,






" Vawiin chu a nuam viau lo maw "tih pah in mi rawn khan zawm nghal zat chu , a mal pui ah beng thlawp chung in " sawi lo teh "ka ti hlak ,a rawn sawi chhuah leh tak ah chuan ka thinrim thar leh ringawt dawn , min zawh nawn chhen tak ah chuan






" naktuk lam ah ka hrilh ang che ,zan a rei tawh "ka ti ta nge nge , naktuk inrinni a nih chuan dawr lam ah thawh ka ngaih hmel viau , tun thla tak phei hi chu ka nu ten pawisa min rawn thawn theih hmel chiam bawk si lo ,inren deuh ka ngai tawh viau dawn nih hi .






Chawhmeh hi chu ka hautak lo khawp a, keimah ngawr ka nih vang hian chu a chhap ah ka nu te hian chawhmeh min rawn thawn deuh reng țhin bawk .







Zing kan harh meuh chuan dar 7 a ri thuak tawh ,Lalrinpuia țhuthleng sei a kan mut tir kha a lo mu tawh aw zawng lo ,chhuat ah kak thei ang ber in a lo mu a nih chu , amah chu a la hnar ang suk suk zui , Nubawihi'n thla a laksak leh te te hnu in kan kaitho ta chauh , phelh phang a rawn meng in a thu chhuak zui zat ,chhuat a a mu chu mak a ti deuh nge min melh hau a, a hnu ah hre chhuak leh ni awm tak in a lu dawm vung vung pah chuan a rum deuh nghut ,tho chhuak in tui bottle a tui chu a in khawlh khawlh a.







A țhing rim nen amah a bawr chhawr reuh sia nidang nen chuan hmuh innawm hleih tak a ni ,a rawn țawng chhuah hmasak ber ah lah a bike awmna min zawt nghal pang ,Nubawihi'n melh khai khai chung in " e le ,nizan I zu in na te dawr kawt ah a kan riah "a lo ti awlsam et ,Rinpuia lungawi lo chuan an melh leh ngur ngur țhin ,eng tia Nubawihi'n a bike rawn hawn tel thei se nge maw a tih le, amah rui lutuk buaipui ngai leh nghal chung in .






An mahni avang in nizan ka thinrimna leh ka rilru kal bing lutuk tur te dawn lo in ka awm thei a tih zia viau,ka phone ka en chuan missed call chu a lo awm nuk ,min rawn biak chu tum ve ngar ngar tak chu a ni , WhatsApp lam ah pawh a message a in tlar thla deuh dul ,phone call chang tur a min tih na te ,ka lo haw daih avang a a thinrimna te ,min rawn vau na thu te pawh a ni nuai mai ,chhang let hlei lo chuan ka dah ta daih .








An in khak an in khak hnu ah an haw an rawt a , tuk țhuan ei tur a ka sawm ve ngial pawn sawm hleih theih pawh an ni lo an țang ngar a,chuti na na ti in ka sawm buai ta lo ,bike chu an va lam phawt nga chumi hnu ah Nubawihi a va thlah leh dawn a ni .







Rinpuia dawr ah a rawn.thawk peih dawn em ti a ka zawh khan " peih mai mai lo , ka bialnu ka vui dawn "ti in min chhang deuh hmuk a nih kha , ka nuih te lam a za a sawi lai a a hmel ngaihtuah phei chuan ,a sam a delh sual a maw ni a phir deuh sung a,chhuat a a hmai nghah na lai a sen deuh hlar bawk , a mitmeng chu a sen deuh ram in a thawhnaw hak a ni deuh nuai bawk .Amah lah chu nidang ang lo in a tum deuh hmuk reng a.







Nileng in a bialnu Rempuii a ngaihtuah dawn tih hriat reng reng ,bul țan țhat pui leh lo tur in a rilru a sawh nghet sauh bawk ang a ,amak ve na em em chu bialnu a țhen emaw ,an țhen emaw in bul a țan țhat pui tawh ngai lo ,a ma thiamloh pawh ni se .Mahse tun a a kawp hi chu midang a kawp te lak ah chuan a thutak ve reuh phian a, he thil ah chuan ka chiang thei hauhlo ,an inkar a siam that țhat leh țhat loh tur ah .








U Hriata chuan " A hmangaih tak tak ,a thinlung mil a la tawn loh vang a nih hi ,chutiang a tawn hun ah zawng în țhen hlau ngawih ngawih in a la awm ang a ,engtiang a harsa leh thil theihloh ang hial a ngaih inzawmna nei pawh nise an inzawmna kehchhiat loh nan a theihpatawp ,nilo theihpatawp piah lam a chhuah duh ngei ang " Rinpuia chungchang ka hrilh khan ti hian min hrilhfiah kha nia , a dik ang ,dik lo ang ti tur in hmangaihna khur ah ka la tlu lut bik vak lo nen ka lo bu liam kual vel mai mai a .








Dawrah ka thlen ve leh tih fel ngai ang ang ka ti fel nghal zung zung ,duh duh hun a va thawk țhin ka nih avang hian ka inthlahrung ve deuh țhin chuvang chuan mi an awl lai pawh in tih tur ka zawng hram hram zel țhin. Dawr nei tu nu ber U Rinzuali hi mi fel tak nilo phei se chu hei an ka la inthlahrung zual daih zawk ang maw le , kan va thawh chhun in min lo be siam siam a, amah nuih duh chi a lo ni bawk nen thu ho te te sawi in a nui hak hak țhin a, heta thawk ho zawng zawng chuan ngaina lo kan awm pawh ka hrelo.








Dawhkan ho ka lo hruk mawlh mawlh lai chuan ,dawr kawngka chu a lo inhawng a ,ka rinloh deuh mai Zomuansanga chu a lo lut hlawl ,hna a kal lo a maw ni aw..thawmhnaw pang ngai a inbel tlat , min rawn hmuh ve pawh chuan mak ti awm pawh in a awm lo , ka mit ti kham tur thil a lo lan hma zawng chu hawi san lo in ka en let kar , a hnung ah hmeichhe sam tawi mat mai , pian țha zet leh inkhai thli zarh mai in a rawn zui ,a hmel chu a țha lutuk lo na chung in hmel van tlang kan tih tur ang chi kha ni .Hmeichhia chuan a ban ah rawn kai in a nuih var var rual chuan hawihsan in ka dawhkan hruk bawk chu ka hru zawm leh .









Dawr kil lam ah an țhu a inhma zawn in , eng emaw sawi in an piah a țhu tlangval chu an en dun leh hrek hrek zel ,Zomuansangan vawi khat pawh min rawn melh tawh miah lo nih chu , min hre ngai awm pawn a awm zui lo,an thil order ka va lak pawn min lo melh zawk bak min melh lo hrim hrim ,eng ang infiamna nge maw a rawn khelh ni ,a mi rawn biakna ka chhan duh loh vang te hian ka thik theih nan hmeichhia a rawn chhuah pui a niang a ,he lai hi ka thawhna tih a hriat chian em kha ,a hma pawh khan a fapa nen an lo kal tawh kha nia .







Chutiang lo zawng pawn a bialnu a lo ni reng thei ,min lo kawp te hi a ni lo maw ,chutiang a nih vaih zawng in ka nasa ngawt ang ,ka ngaihtuahna vang chuan rum mangkheng in midang order lak pah chuan ka va melh , mi rawn melh in a rawn khi vei suk ,ner khum nawng in ka hawisan nghalh .







An ei tur ka va pek lai chuan dawhkan chung ah kut nghat in an lo in vuan dun hnap , an kut chu en in ka ner sak , ler lutuk mai , tiang mipa hi ka lo duh ve em em chu ni sia ,ka zak let ling zawk .Ka kal sawn dawn chuan ka mal ah rawn kawm zawk in ,"nakin ah ka hrilh fiah ang che "hmui phun in a rawn ti sup ,eng mah hrilh fiah leh chuang ka ngai in ka hre tawh lo , ka hma a thil thleng hian a ti chiang thawkhat tawh viau .Eng tin mah chhang let lo in ka kalsan ta daih .








U Rinzuali lo țhut na lam ah chuan ka phei ve a , a ei zo tawh ho in pawisa an lo pe vel mek a a bul chair a ka țhut thlak rual in ka phone ka awrh chu a lo ri ve chiah ,ka nu a lo ni tlai lam sumo lo thleng tur ah thil a rawn thawn thu a rawn sawi a,dar nga vel ah an rawn thlen hman a rin thu nen .






" A tam em ,chawhmeh mi"






Chawhmeh rawn thawn deuh țawk hi a ching sia ,mahni a awm tih tak a eng vak mah ka ei bawk silo ,ei rawng ka bawl peih loh chang phei chuan dawr thil in ka in ei puar mai zel țhin avang hian a chawhmeh rawn thawn ho hi a chhe vuai fur zel .






"Thei lampanga ni zawk mah ,kha kan in bul a theite kha a rah hmin tawh a ,i ei ve chak tak in ka tia ,theihai leh chawhmeh tlem nen ka rawn thawn a,ramhlun north sumo stand ah an rawn ding ang ,I lo chang dawn nia ,"rawn ti in ,kan exam hun tur min rawt zawm leh nghal a, ka chhan hma in Zomuansanga te lam chu ka va melh leh kher ,in be lo in a hmeichhia zawk chuan phone a lo khawih a, Zomuansanga erawh in min lo melh khur in ,mit hmul a rawn ti kan euh euh ,hmui tih pawrh khum vak in kka hawisan daih.







" Liandingpui, i la awm em ,he nu hi chu !a dah tawh emaw "






"Ka la dah lo " ti sap in "karleh zirtawp ațang kan țan ang " ka tih chuan zir țha tur a min rawn chah luam in exam zawh veleh a rawn chho tur in min rawn chah bawk .Eng tin nge a rawn tih kha "I u thlai huan a hnim tawh lutuk ,exam zawh ni ah rawn chho thei nghet nghe la țha ang ,a in daih lo nasa lutuk " a rawn tih zat zat tak kha a.Hlo thlo tur in ka han chho dawn ni ringawt a lawm le ,ka hreh hran pawh ka hre chuang lo na chu han phur teh hawr na tur pawh ni chuang lo .







Dawr a mi pakhat a rawn luh chuan ka tho vat ,a order va lak tum a kal mai ka tum chu ka thil hmuh avang chuan pawt dingtu awm ang mai in ka ding chawt , thawk chelh a kut hum ruh vak in ka melh ngawt ngawt ,ka kawchhung rawn sa huam huam leh ka tha kur nasa lutuk chu thunun ka tum hram hram bawk.






A hmeichhia chu țhutna a a țhut thlak leh rual in ,thaw chhuak hak in ka insiam țha nghal vat , ka tha khur pawh a la reh chiang thei lo ,hetiang thil vang a ka dang lam hi duh loh viau mah ila ka inthunun theih phak bak in ka thinlung lam hian min thunun tlat si ,inzawmna satliah mai mai ti in Zomuansanga nen kan inzawmna hi ka sawi thin țhin a nih kha ,kan la kal kal thui lo ti in kan inkar pawh chhut chhiat mai mai theih tur thil ah ka puh țhin bawk ,mahse tun a ka hriat chhuah chu maw , a hma zawng ai in ka lo duh hman tawh hle tih hi.








Chumi vang mai erawh in tun a thil thleng hi ka theihnghilh mai dawn tihna a ni lo ,ka hre reng ang a, min lo biak te a tum ve hlauh phei chuan chin lem awm lo in ka lo thinrim khum chiam ang ,chu thil chu a phu in ka lak ațang a a dawn theih tur thil awmchhun te pawh a ni hial tawh ta ve ang .








Ka kalna tur ah dawr a thawk ve tho hmeichhe pakhat chuan min lo kalh khalh avang chuan bathroom lam ka pan ta daih ,darthlalang hma a ka in en chuan ka mit chu a sen deuh ram ,ka dang bel bawk ,nichin thil ka ngaihtuah chhuah leh tak ah chuan ka awm chhung chu a rawn na leh nget nget , ka thaw a sa deuh huam huam bawk .Ngaihtuah zawm duh lo in ka inphih harh ta daih .







Ka va chhuah leh chuan ding far in an lo ri deuh nuai nuai , Zomuansanga chuan silai a lo chelh ran bawk ,an lo bial khawm na lai ka va pan hnaih chuan dawhkan chung a thil awm chu ka hmu hmasa ber damdawi sarang a intuam thlap hi a lo let far chu ni in ,hman a ka thawhna a an man sak thil ang chiah chiah kha a ni , station hial a min hruai na chhan damdawi ruih chi ang chiah chiah.






Nichin a rawn lut pa leh Zomuansanga te țhutna piah a mi kha handcuff an lo bun tir , Zomuansanga chuan chung mi pahnih te chu kai in ,a hmeichhia zawk chuan "in thil tih pangngai kha ti zawm leh tawh ru , in dawr kan rawn ti khaihlak a min hrethiam hram dawn nia " ti in pawn lam a pan zui,an chhuah hma chuan Zomuansanga chuan "i ban dawn hun ah min rawn bia la ,ka rawn lam ang che " ti sup in ka chhan let hman hma hauh in an chhuak nghal ta daih .A rual a haw kha ka duh reng reng lo , engtin nge engmah thleng lo ang mai a inthiamlohna nei leklo a min rawn biak theih , tenawm lutuk .







Thil awmdan vel sawi a thil ei pah in hnathawk ho chu an ti ti khawm nak nak ,an mi man te kha an manna chhan kha chu damdawi lo in pek ruk an tum vang a ni .Dan phalloh thil tih hriat reng pawh a lo la zawrh hram hram , an thil tih man hmu in eng case tak awrh ang ni .







"Ka la nalh tawp ,group kha en teh u " hnathawk zing a pakhat chuan rawn ti hluai in a nui ruh ruh , heta dawr a thawk ho hian whatsapp ah information pek nan leh inkawmhlim nan group an siam a .Midang ho chuan en in





"A mipa hi chhe lo tawp a"





"An inhmeh vel lutuk , nawm hmel tawp "






"An zak lo emaw ni ,hmun ualau lutuk ah "





"Mipa hian fa a nei tawh sin ,mahse tunge a fa pai na nu tih an hrelo "







an en zawh chuan an rawn ti deuh sap sap hlawm a , group ah lut in thlalak chu ka download ,a rawn lan theih takah chuan ka phone chu hum nghet sauh in , chil ka lem khawlh ,nichin an infawp lai thla kha ni ,melh nghek in ka phone chu ka dah ta daih ,ka thil ei te nen lam lem a tihar sawt , thil han eizawm chakna pawh ka nei tawh hek lo .






Ka phone rawn ri chu en in ka ner sak 'Zomuansanga ' a ni ,ka va han la awm lo chiang teh e , a rawn tih nawn tluk tluk pawn silent daih in ka ring ral tir țhak țhak .A thinrim leh tawh ngawt ang chu .








CHAPTER khat vel ah khan Rinpuia hi Rinmuana ka lo tia , nakinah kan siam tha dawn nia .






❣️❣️Phone battery nei mang lo chung chung in ka rawn type hram hram ,a thui lo hle bawk phone battery in min peih loh san țep tawh bawk si, current hi an la siam țha lo tlat a ka dah hun tur hi ka hrechiang thei mai lo ❣️❣️❣️❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:14 pm

Chapter 10







Dawr a tang a ka haw pawn a thusawi ngai pawimawh lo in kan ban tawh thu ka hrilh lo ,bazar pui lam ah kal in exam hun chhung a ka mamawh tur ho leh chak khai zual tur ka lam a ,a man tlawm deuh tur kha ka enkual miau a , hun chu a paih hek duh khawp mai .Bus ah chuang lo in ke zel a kal ka ni bawk a , ka ke pawh a na thum tawh .








"U Dingpui "





"U Dingpui"







Millennium centre kawt a ka din lai chuan min au ri hria in ka hawi kual , mi an awm deuh nuk sia tu ber nge ka hre bawk si lo , ka kal tan leh tur chiah chu min rawn au leh ka sir lam ice cream zawrhna ațang chuan mipa pahnih ,tih a "rawlthar ni awm zawk deuh hi kut rawn vai deuh lap lap in an rawn phei ,thil khai deuh tun chuan ka dinna lai ah chuan ka lo nghak ta ngawt , tu nge an nih lah chu ka hre mai lo leh nghal .









" A ni ka tih reng kha ,i awi lo ngawt a "an rawn thlen phei rual in a sang zawk chuan a bul a a țhianpa ding bulah chuan ti in min rawn melh " min va hriat loh hmel heh heh tak "lu tuai vut vut in a rawn tih zawm leh zat ,min hriat hmel bik lutuk chu nuam lo ti deuh in ka lo nuih heu ringawt .








" Davida,Esi nau tuikhur bul a awm te kha ''a rawn tih chuan ka hre ve leh ta chauh , tiang tiat a lo ni tawh ang tih ngaihna ka hre lo hrim hrim ,a u nen hian kan inkawm thin an in ah pawh ka lutchhuak ve fo thin tak a lawm maw le , kan khaw lam ah ka haw khat lutuk a an hmel ngai reng tur ah ka ngai ngawt a, a lo ni lo nasa tawh lutuk a nih hi ,tlangval hre rual an ni tawh tih hriat lutuk in an hawiher pawh a ni ve hah tawh lawm le .







"Aw ,aw ka hria che i u a dam maw ,phone ah chuan kan inbe reng tho na nga chu ''







" Dam e , ralkhat ațang pawn kei chuan ka rawn hre chat chat che a ,a va in an loh theih ve "a rawn ti fiam thu deuh hlut a , a țhianpa pawh chu kan khaw mi sa tho lo ni in ,mahse an rawn awm na a la reilo ,chuvang a niang ka hriat ve mai loh .







Aizawl ah eng ti in nge an awm tih ka zawh chuan ",sipai lak run pui an nei dawn a ,kan rawn ti ve chhin mai mai dawn ,tlin ve theih tak thut ah " ti in lai ti tih deuh hian a nui tut tut a,.







"Tlin loh leh experience neihna zel a nimai lawm tiraw " ti in ,nakinah ka inluah lam a chaw rawn ei phei tur a chah dun in ka kalsan zui a , an rawn ei dawn chuan min rawn biak pawh mai theih nan inbiakpawhna tur number te kan in pe tawn bawk .







Kan khaw mi te han hmuh fuh leh zeuh zeuh chang hi chuan kan khaw lam pawh a ngaihawm in ,haw chho vat vat te hi a chakawm thin.Ka nu khan aizawl a lehkha zir tur a ka awm tan dawn khan "khu lam ah chuan nunphung a dang lam in ,țhen awm khawveng inpawh tak chawhmeh tui deuh neih chang leh neih loh zawng inban tawn zung zung thin ang kha an ni tawh lo a, tlem te chu chutiang mi chu a awm pawh an awm mai thei ,mahse an tam lo khawp ang ,chuvang chuan nangmah pawh midang pur lo zawng in I mamawh tur ho te chu neih hram hram i tum thin dawn nia , khu lam ah kan khaw mi I hmuh pawn be hmasa ah tang hram hram la , chutiang a be lo a i kalpelh satliah mai zawng in 'mi hawi hai lo 'in ti vei ,in la aizawl awm ti in i thang mai ang , mi sawi neuh neuh peih tak kan nih hlawm hi " ti in min zilh a nih kha .








Chuvang chuan tawng tam leh tawngkam thiam ni mah suh ila , a theih hram chuan aizawl a kan khaw mi ka hmuh leh hmel hriat deuh te chu a be hmasa zawk a tan hram hram ka duh thin .Mahse a theih meuh lo chu nih hi a, an pumrua leh hmel a lo dang ve tawh hlawm a, a bikin tleirawl rawn chhuak thar ho hi .







"Khawi ah chuan kal che ni maw ,ka nghah rei zia che hi i hria em " ka kawngka bul a lo ding rum ul chu ka melh vat, min ti phu chiang lutuk ,ka thil khai lohna lam in ka awm ka dawm zui vang vang .Ngai pawimawh lo deuh a lan tum ngar a then khum sak in








"Min nghak tur pawn ka tih loh che kha , chuvang chuan thinrim ngawt thei i ni lo ,ka duhna na a kal tur in thu ka nei ,chu lo ah ka kalna hrilh thlap thlap tur che in ka eng a mah I nilo ." ka tih fiah fak chuan phun chhuak hluk in mi rawn nuih suk a nih chu , a thinrim hmel te kha a bo leh duak tawh ,tun a amah ka hmuh dan ber chu mipa nunnem leh zaidam nelawm hmel em em mai in a mitmeng thleng in a dam dap .








"Kawngka hi rawn hawng phawt mai teh " a rawn tih dam diai chuan ner nang a mit chet kual khum in ,ka bag a chahbi ka ah phawrh chhuak pah chuan ka pan phei a .Min melh ngur in a kiai vei suk suk ,ka kal pelh dawn chuan ka su lui deuh sawk, a che chhin eih lo nia mawle ,keimah zawk chu ka kat deuh nawk nawk ,min en chuan a nui deuh hawk hawk ,rum deuh a ka va melh chuan nui tawp hmuk in "hawng vat teh " a lo ti sup , a nuih chu a la za chiang a lawm ,a hmui hnuai pet ngar in nuih a insum na lamah a hmai te chu a rawn sen chhuak thei .









Inchhung a kan luh hnu chuan thuthleng a thu fel nghal ut in "in ban hun ah min rawn bia la, ka rawn hruai ang che ka tih kha " a rawn tih nghut chuan chhanglo in pindan lam ah ka lut a, inthlak sawk sawk a ka va chhuah leh chuan țhuthleng hnung ngheng a bawp khawkherh ut chung in min lo melh vung a , ka ke ler ațang a en chho in ka mit ah a tawp chat ,lungawi hmel deuh a min melh zet hnu ah







"I chhe lo vet vawt ma nge " a nui suk ,a țhut loh na zawk lam a ka țhu chu rum pui hawk in ,kekawr bul ka hak ka khup chung hret thleng in a khuh phak loh chin chu melh vung vung in "belhchian pauh leh i țhat na ka hmu hnem in ka hre hnem tawlh tawlh zawng a nih hi " ka chawn leh mal a melh na ațang a a mit la sawn in ka hmel en chung chuan a rawn ti thawp sup .








A aw chhuak ril leh a mit a min mamawhna leh thlakhlelh na rawn lang chhuak chuan chhungril lam thleng in a fan thla zawih zawih ti ila ka sawi sual in ka ring lo ,a mit ah pawh en rei ngam lo chuan zah zel ah khuh kharh kharh in ka hawisan ta thuai .Lehlamah erawh chuan ka thin rim na chu a la bo hauh lo ,min biak lo leh thil min zawh pawh chuan chhang lo in ka ngawi kar reng , a ngaihna hrelo lutuk a min melh te hlei hlei chuan ka thinrim na a kai tho zual sawt sawt .








"Eng chu i hria ni maw, țawng ve la" a dawh theihna a pan țan tih a hriat tawh ta khawp mai ,nichin a aw ki nen chuan in danglam hleih heih heih tak a ni ringawt .








"Nimin pawn min hrilh hre hmasa lo in i lo haw ngawt tawh chuta karah ka phone call leh message i chhang duh hek lo ,vawiin ah lah min nghak tur che a ka tih leh che pawn eng mah sawi loh in i kal leh daih bawk ,ngaihtuah chian chuan kei hi thinrim zawk tur chu ka ni lo maw" a kiu hmang a a khup a in nem khalh run in a khabe zawn ah chuan a kut chu a suih bet zawm zat bawk .








"Maw ,I ti ve tho em ?" a hmui sir chu a kutzungpui a tuai thuak In a rawn ti leh nghat a. Keimah zawk chu engkimah a thiamlo zawk a min chhuah hlauh ,Nimin khan haw daih lo ila chuan eng ang chiah a chhia a hmuhsit nge ka nih zawm ang ,KS mahni taksa hmang a pawisa hlawh chhuak țhîn thaw hawng ang ah a nu khan min ngai hial a nih kha .







Nuih khum sak a tho chhuak in "engmah sawilo a min hnutchhiah a min kalsantu tu kha nangmah zawk i nih kha, min dem let reng reng suh ,Nangmah vang bawk in mahni taksa zuar țhin ang mai a rin ka ni tih i hria em ,aaa,,,i hre tawp lo ang " melh chhuk ran chuan ka tih khum ta nghek .Nimin thil chhui kir leh tak tak takah chuan ,Zomuansanga ka huatna te chu a rawn in mung chho leh ta tup tup , chu thil chuan thawk ti sak țalh in ,ka thawk chhuah chhun lah chuan ka awm chhung chu a thip tel vang vang țhin a.










"Chutiang thil chu tu nge ti , tu dawt mu hlum phuh chhuah nge a!!? " a rawn țawng chhuak chu a sak țawlh ta mai ,min rin dan țeng hneng zet vang chuan thinrim ve tak zet hmel a pu, sawi pawh ni tehreng ila eng thil mah tih theih a nei dawn chuang lo tih ka hrevek ,sawi ila min awi kher a ngem pawh ka hre lo .







"Tu sawi nge ka tih chu Liandingpui "







Rawn ding chhuak hluai in amah hmachhawn thei tur chuan min kuai her sawk.





"I nu in ,pawisa min pek pawh a tum ,eng tiang chiah a tenawm in nge i lo khawsak țhin ni ,Hmeichhe mut pui in pawisa an hlawh tur ah i pe țhin a ni tih ka ring thiam nghal mai, i nu chet chhuah dan ațang khan " chal ti chuar nang a min melh khui in "eng ngaihdan teh hrep nge maw i neih hi le " a rawn ti hluk .








"Nimin ka kalsan na chhan che chu Amos-a a tlu sual a damdawiin ah an hruai tih ka nu khan min rawn hrilh a ,ka nu bulah lo ngaihven tur che a ti in ka chhuah san ta mai che nih kha , "dam deuh zawk a rawn ti leh in min la melh ngur tho .Nichin ang chiah khan chhang lo in ka hmui ka chip leh hmak tawh ,thaw hawk in ,







" Ka nu chu ka lo zawt chiang dawn nia, thil a hre sual a niang ,pawisa lo pek che a mahni inzuar a maw ni a lo tih phei che chuan ka lo hrilh fiah vek ang ,ka lo zilh bawk dawn nia,thinrim ah la tawh lo teh "min nuih vur vur ,ka țawng leh duh tak miah loh chu min tlawn deuh ti tih tawh in ka hria ,ve ngei chuan a .









Luhlul leh tihmawh tih hmel lutuk a min melh in "Eng ber chuan nge i thin la ti rim ,ka sawi fiah vek tawh kha ,thinrim na tur hi a dap hian i dap a " a rawn ti hriam hrawih ,ka hma a ding run a min melh tu chu hmai zangthal haw a en in ka ner khum sak ,ka phone chu la in thlalak vawiin a an in fawh zeuh na thlalak chu hmet chhuak in a en theih turin a hmai zawnah ka keng kang .









Thlalak a hmuh chuan a mitmeng chu a buai deuh nak a, insiam țha vat a min rawn en leh in a nui chhuak hawk a nih chu!! ,eng chu hria ni maw?.He thil hi a nuihzathlak na chhete mah kei chuan ka hre ve map lo .Ka bialpa ,tlangval pumpa ,oh no !!! nilo pathlawi leh nghal in a hmeichhe dang a fawp lai thla lak hi a nuihza thlak miah lo .









"Hei chu ngaihmawh na chhan tur a awm lo ,ka thawhpuinu mai a nih hi ,chu lo ah in fawp ti a sawi chi pawh va ni suh , kan hmui pawh kha a inși lo hr im hrim"awlsam fahran chuan a rawn ti deuh then a .







Ni e, vawiin pawh khan kan dawr chhung ah misual man chu an nei ngei a lawm , invenna leh an hmel a hmuh lohnan a ti pawh an ni thei tih chu ka hrethiam ve tho na chung in ,khatiang lo a chet dan kha an hre hlawl lo a maw ni ka la ti hram ,ka fel loh leh ka țhat famkim loh zia chu ka hre thar awn awn mai lawm .Mi zawng zawng ai hian ka thikthu hi ka pe chhe thei viau tih pawh ka hre zawm leh zat .








" Okay , hmeichhe dang nen in in fawp ka hmu a ,chu thil chu a thinrim thlak loh i tih pawn a thinrim thlak tho ,nang ang chiah in i mit hmuh ah ngei midang fawp ve ila ,eng rilru nge ka put i hrethiam chauh ang 'infawh mai lo deuh pawh "ka tih chuan meng dur khup nghal chung in ka bek sam chu a rawn țham deuh salh ,ka duh ai chuan ka țawng hnem hret chu a ni, ka kut lehlam in ka khabe dawm vak in a mah en thei tur a chawi kang hlek hian







" Tu mipa mah in i hmui hi ka hmuh lai chuan an tawk chhin ngai lo ang tih hre rawh ,i hria em tuman ,min chhang rawh Bawihte "ka sam a țham na chu ti nghet zual sauh in ka hmai bul set a rawn kun hniam chuan a ti hrawih , ka bek sam a țham na chu phelh tir tum in a ban chu ka vuan bet ve țai na kut pahnih chu ka khabe a dawmna kut chuan ka hnung lam ah hmer khawm in nghet lutuk in a vuan kawp zui zat .







" I hrethiam ti raw, tuman i taksa hi an khawih ve tur a ni lo kei lo chuan ?''ti in ,dam deuh zawk hian "i thinrim lohna tur ah i thinrim a i intih hah thawn mai mai , kha thil kha chu hna vang chauh a ni ,chu lo ah kan hmui pawh kha a inși lo hrim hrim aw , nang lo chu engmah ka ngaihtuahna leh thluak ah hian a awm thei lo tih hi hre phawt mai teh , eng emaw kawng zawng tak chuan ka lawm viau thung ,I mitmeng a thikna rawn zam chhuak ka hmuh khan engtiang tak in nge min duh ka hriat ve theih phah a " ti a kiai suk in ,ka hmui chu a hmui lum veng veng leh nem thap chuan a rawn khar chilh zui hmiah .Ka thinrimna na te kha a bo leh nghal duak tawh a nih chu








Min țhawng deuh thut lutuk chu ka meng kar, a nilah chu min fawhna ah chuan a rilru a pe tih hriat lutuk a mit chhing in a rum chhuah pui leh hawk țhin .Ka sam a kek leh deuh salh a inla hrang hlek a min rawn en chu , ka thaw chhuak hak,a hmui chu infawh zawh hlim hlawl na a nih avang in a hnawm deuh hliam a , a mitmeng chu a van hiam bawk sexy lutuk mai .








"Meng kar tawh suh ," ti hnawk țiam in mi rawn fawp zawm leh nghal zat , duhthawh lutuk a a hmui ti che kual in ka feel ve ngei theih nan ril ruih in min fawp mial mial a, thawm reh țhup kar a a rum leh hawk țhin chu tawrh har khawp in ka kaw chhung a ti sa huam huam thei a nih chu .A kut a ka mawng bawr a rawn țham tawk rual a ka ang deuh hliai na chu remchangah la in ka ka chhung ah a lei a rawn luh tir nghal zat .








Ka thiam ang tawk a a lei ka lo fawh dek dek chuan rum nghut a ka mawng hrawm tawk in țhuthleng ah chuan min nam mu in min rawn bawh thuah nghal ,mitmeng si sap a ka lo melh țawk țawk chu "sexy nu , fawh nuam nu " ti hluk in min fawp zawm leh , a kut a vah kual tir ruai bawk ,ka awmbawr rawn hrawm leh tawk a ka kawr hlim chhoh a tum lai tak chuan kawngka chu an rawn kik ta mai ,nem tho vat in ka sam chu ka hui țha nghal sawt sawt a .







Zomuansanga pawh țhu thleng ah țhu in in thunun tum tak in a thaw chhuak leh hawk hawk țhin , "tu teh hrep nge maw 'ti hluk a a kap lam chu melh vung in " eng tin nge ka tih dawn che le "a ti sup , a awmdan vel chu ka nuih a ti za ta tlat ,ka nuih ruh ruh a .








" Nui lo teh,khawnge bathroom "tih leh bathroom awmna lam ka kawh zeuh na lam chu a pan phei nghal," rawn chhuak rawh ka tih hma chu rawn chhuak suh ang che ,min hmuh dun zawng in ngaihdan țha lo pui pui an nei hlauh dah ang"ka tih zui lawm lawm chu hria ang pawn zuk awm duh leh țhai lo a,ngei awm thei lutuk .








Kan kawngka kha lo kik lo se a tawp kan thleng hial maithei a ni, khatiang em em a sosang khan tumah ka la awmpui ngai miah lo , awmbawr khawih leh infawh hi chu inngaizawng te lak ah chuan thil pawi hran a nih loh avang in he tiang hi chu ka tawng ve tawh mahse tiang em em hian a tawp thlen chakna ka nei ngai lo .








Kawngka an rawn kik leh tak ah chuan tu tak ni ang maw ,inleng hi ka nei vak ngai lo a, ka țhian te ho rawn leng leh inchung Juliei te chhung rawn lut leh zawk țhin hi a ni mai a .Rindan pawh min ti thiam nek lo e a .







Kawngka chu hawng a ka hma a lo ding ka hmuh chuan ka melh deuh ha a , ani ber kher hi chu a nih ka ring pha miah lo , nilo rin ngaihna pawh ka hrelo zawk a lawm .







"Mak i và tih hmel vé " nuisang chuan Nunmawia chuan a rawn ti a, insiam țha vat in "Enge I rawn tih dawn teh mial a, lo lut la " ti a ka tawlh sawn deuh hlek chuan lu thing nghut in "kawt ah khian ka țhian ten min nghak a lut hman pawh ka ni lo rawn len luh chak viau mah ila " ti a mit hmul kan euh in a nui suk suk a .Kawt a a țhian te ni awm tak chuan an rawn au deuh lung lung bawk .








"Ka rawn kalna chhan tak chu naktuk zan ah ka pa leh nu te inneih cham lawm sak ka tum a ,kan dawr a thawk te ho catering vel buaipui a duty thei mai tur a ka rin ho kha zan inkhawm ngei ngei ngai hlawm pahnih pathum vel an awm a ,an indaih hmel vak siloh takah chuan nang ka rawn sawm tawp che " rawn ti leh a, chhang tur a ka ang zuau chu








"I inkhawm ngai lo tih ka hre vek ,min hnial tum lo mai rawh " mi rawn tih khalh chuan ka nui ta ringawt , a thian ten an rawn koh leh tak ah chuan "hlawh pawh a țha viau ang ,ka kal phawt mai ang " tih leh step pan chhoh a rual nghal a.







Tih tur ka neih em em loh chuan kal ngei chu ka tum a, hlawh pawh a țha dawn a tih tak kha le ,sum hmuhna remchang a ni mai .Kawngka kalh sawk sawk a ka hawi phei leh Zomuansanga bathroom ațang a rawn chhuak chiah nen chuan kan inmelh nghal kar ,lungawi hmel loh deuh hian a hmui a chip
deuh hmuk a, hrethiam lo fe a ka en reng chuan inher hmak in thuthleng ah chuan a va țhu thla dawt ,țhuthleng lah chu a lo ri zui deuh tuar leh nghal ,naupang lungawi lo tum nen ang khat chiah chiah.Eng chuan nge maw a mood lo thlak sak leh tak ni.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:14 pm

CHAPTER -11




BIAHTHU






"Kha pa kha hman zan a rawn thlah tu che kha a ni tiraw" a bul a ka țhut thlak rual in ka lam ah rawn hawi phei in a rawn ti nghal sup .A nuih duh lo a a tum hmuk na chhan chu Nunmawia vang kha lo nih chiah hi le .Bualin chhung ah awm reng emaw tih laiin eng tin nge a lo hmuh ni , hman zan a min rawn thlah tih thleng a a la hriat chat danah Nunmawia țawng ri chauh chu a hrelo tih a hriat .







Ka buk nghut chuan "eng nge a rawn tih ?" a ti bung hmuk a,a rawn kal chhan ka hrilh chuan ,rum nghut in "I hman loh tih hrilh rawh "a rawn tih chuan awm ang lo ti lutuk a ka melh na chu " kha ti khan min melh vak suh ,zanah hmeichhe chhuah a țha lo ,an veng a hla si "ti duh lek in ,a lam ah min pawt hnai dawr a,a bawp chu kar huau in a hma ah min țhut tir in ka kawng chu a kuah pah ran bawk .








" Chutiang ringawt te chu a, tunlai ah inhlawhna tur a vang vang nen , hlawh a țha dawn a ti leh nghal "ka lu a a awm ngheng hnai sat sat pah chuan ka ti niah niah .A chang hi chuan ka dinhmun hi min hriat thiam pui chiah lo in ka hre țhin ,sum leh pai nei em em lo a theih tawp a mahni inchawm ve tan chuan pawisa hlawh chhuah na țha lutuk chu hmaih phal a ni lo .








A hmui lum thar thar a ka nghawng nul thuak thuak a thawk khum lum ham ham in " eng zah nge i mamawh pawisa chu ?"ti in ka nghawng chu a fawp tawk ,a lei a a rawn liah leh zeuh zeuh țhin ah chuan za ti a ka tal chiam chu nui hawk in ka dar ah chuan kha be a rawn nghat ,








"Eng zah maw ,I mamawh,sawi la ''a rawn ti leh .A hnen ațang hian a thlawn a pawisa lak ka tum lo hrim hrim.







" Ka duh lo , mi pawisa a thlawn in ka la mai mai ngai lo , pawisa ngah viau mah la "ka tih fiah fak chuan ,ka kawng a min kuahna chu ti nghet zual sauh in







" I lak duh kha ka ring lo sa hrim hrim ,chuvang chuan Zemabawk a ka in bik kha min tih fai sak a nga hlawh ka pe dawn che lawm, midang chhawr ka lo tum hrim hrim tho a, midang chhawr lo in nangman i ti fai a nga ka tan leh I tan hlawkna a ni mai lawm "ka sam tuai hleuh hleuh chuan a rawn ti sup .








" Eng nge i lo hlawk ve ngawt na tur chu "sir zawng a dak chho ha a ka tih chuan ka hnar ah rawn tuk zeuh in " e le, ka bulah i awm dawn a, I hnathawk lai ka lo en char char thei bawk dawn che a chu bak bak a ka tan hlawkna tur chu a awm lo "ti fan raih a a mit ko min san khum euh chuan lei chhuah khum zeuh in ka ner khum nang nang a .







" Eng tik a tih fai nge i tih hrim hrim a"





" Naktuk zan ah ni mai lawm ,ka rawn hruai ang che "ka kawng a a kuahna kut chu ben sak dawt a a hmel chu thlek chho in ka melh khar khar , phakar reuh lutuk mai naktuk zan te chu Nunmawia te in ah thawh ka tum tih a hre ve reng ,min țhulh tir phet dan a ni a lo ngaihtuah ngat ngat .








" Tih tur ka neisa tih i hriat reng kha "ka tih chuan a hmui pet sawi vak in ka dul a rawn țham tawk a nih chu , a malpui ah chuan ka chum let ve dawt na chu na ti hmel pawh zuk pu miah lo a.







" I kal dawn lo ka tih kha ,naktuk zan ah chuan ka in ah i rawn kal dawn ,amah pawh kha lo hrilh rawh I hman loh tur thu,a ni let in hlawh pawh ka pe țha ang che "a ti sup sup , a va khawlh kham reuh tak e aw ,hnial ngam pawh a ni lo e .



:

:


Zomuansanga haw hnu chuan Nunmawia chu bia in ka hman loh tur thu chu chhuanlam fahran te te siam chawp in ka va hrilh a ,a tir chuan a lo pawm mai lo ,






" Hlawh lam pawh a țha dawn teh mai nia ,bonus a la awm dawn zui "ti in min rawn thlem kual leh a ,thawh duh viau mah ila Zomuansanga leu luau kha ka hnial ngam si lo . Min sawm luih ngial hnu ah pawh aw tih ka pawh duh tlat si lo ah chuan a beidawng ta niang " nih leh ka sawm lui tawh lo ang che ,i în duh lel lul emai I hria maw Liangdingpui ,în duh hlum țhak rawh ,hmeichhe sual lutuk"rawn ti nuah nuah in kan inbiakna chu a ti tawp ta daih a.A rawn țawng nawi vel lutuk chu ka nuih kiah kiah , a harhfim leh chiah tawh lo a niang .








Exam a hnaih tawh em avang chuan peihlo chung chung in lehkha ka zir a , rilru ah chuan lut mawh tak a ni chuta karah ka phone lo ri chhen ,eng nge maw zanin hi Zomuansanga hi a hriat ni zanriah ka eikham hnu atang ringawt pawn vawi thum mi rawn be tawh rawn sawi ho thei bawk si .







"Eng nge ni leh ta " ka lak rual in ka ti ta hluai , lehkha chhiar duh nen ka thin a ti rim țun tawh .






"Ka ngai che in ka hria " a nui ri suk , "kei mah in in ah ka awm a " a rawn ti leh dut dut ,amah a awm vang mai a mi rawn biak chhen kher .





"Umm"




"Mi va biak peih hmel vak lo ve Liandingpui ,Umm tih ringawt " ka thaw hak , kan awmdun hlek in kan inti tău rau loh leh kan inti thinrim thul , Phone leh zel a in hauh zawng a ropui lo tlat .





"Mi rawn be zing tawh e nih kha ,sawi tur pawh ka hre tawh zo zai lo " a rik deuh sat sat hnu in





"Mìn ngài vé em ?" thu tak deuh in a rawn ti sup .
"Ngài ve bawk e mahse tun ah chuan lehkha zir ka ngài ka in la romantic hman hrih lo aw " ka tih chuan rawn nui hawk hawk in "zir rawh ,khum a mu chung hian kei chuan ka lo ngai em em ang che ,i phone kha dah suh aw, i lehkha zir ka vil dawn che phone ațang" mauh mai țhin chuan a ,ka lehkha chhiar na kiang ah chuan phone chu ti tawp lo in ka dah a.








Ka thil chhiar kar lak ah "ka fawp hlup chak che " a rawn tih loh leh "hnung lam pang atang a kuah hlu hlu che a eng emaw khawih pah ka chak "te a rawn ti leh zuk zuk țhin ,ka lo țeu thei teh e .Dar sawm hnaih ah chuan a fapa aw ri in "Apa kan lo haw tawh" a rawn tih lang lang hnu in kawngkhar in hawng dawt thawm chu phone ațang chuan ka hria a.A hnu ah khum ah an in chhaih nui har har thawm in a zawm nghal bawk .








Dar 12 ah ka mufel ta chauh a chu pawh naktuk duhtawk a mut na hun ka neih theih dawn vang in ka lung ngai hran lo ,mahsela ka nu in min rawn biak harh leh chu ka hlau ru riau.Pathianni zing hi chuan mi rawn biak loh ai in biak hi a tam zawk miau.Inkhawm deuh tur in mi rawn tur ngei ngei ziah.









Hlauh ang ngei in dar sarih ah rawn call ta reng ,meng chiang mang lo leh harh chiang hlei lo phak chuap chung chuan "Aw enge, i rawn bei hma thei sia maw" ka ti deuh hlar,rawn chek tlak tlak in,






"I la tho lo ni maw,i mak thei em em lutuk delh hlum sa ei I tum mi ,tho vat la eirawng bawl zung zung in inkhawm ang che " ka lo ner nang nang, min hmu thei ngat se zawng ka hmui a rawn beng leh fawk duh leh tawh ngei ang .







Kan naupan deuh lai khan min tih thinrim deuh leh min tirh dawn te,ka lungawi zan loh te hian ka hmui ti pawrh vak in ka ner vak zel a, a ngaihdan a nihloh chen ah chuan ka hmui hi min rawn ben sak thlep zel .








"ka sawi chu i hria maw Lianding, nulă ve zuai tawh si hi mut te hi i duh lutuk a ni em em lo " a rawn ti leh hlak hlak chuan "Hria e ka nu Machhung" fan duai chuan ka ti let,a rawn run leh mai mai ang chu.
Sawi ang ngei ngei ngei in,






"Linadingpui kha ti khan min ko ziah suh i hria em mawl telh țhulh lutuk" a tih chuan ka țhen vak.A huat tawk te te a chhan hi ka thiam thil tak ani ka ti ve tlat.







"Nilaini lo awm tur hian I pu unaupa fapa te zing a naupang ber in nupui a nei dawn a i hman chuan telh theih hram dan I lo ngaihtuah dawn nia ,keini lam pawh rawn kal a mual mual an awm mai thei ,aizawl i awm dawn tirh ah innghahnan a kan hman zuai tawh te kha an nia ,i la hria ang "a rawn ti deuh zung zung ,kan ngaihtuah chian tak ah chuan keipawn bo lo tawk vel chuan an awmna vel ka la hre deuh ruai ruai.







Lo kal ve a tum nge tum lo ka zawh chuan " Rawn kal tluk chu a awm lo mahsela kei ka rawn kal ve daih chuan helamah I u leh nau ngawr chauh hi an awm dawn sia ,a buaithlak ka ring deuh a,I u hi rawn kal thei hram se la ka ti deuh zawk a mahse lo lam ah kan țul bawk si nen ,a thlai huan enkawl a lo ngai ve tho bawk sia"a rawn ti zang leh vah a.A sawi dan kalhmang vel ațang hi chuan rawn kal chu a tum hmel teh chiam pawn ka hrelo .







Inkhawm tur chuan kan insiam ve ta pauh chu nia ,kum chan ve kan hmang ral țep tawh tih ah biakin ah hming ka la ziak lut miah lo tih ka hre chawpchilh nghal , a zahte pawh zahthlak lek lek hial.Kan khaw lam ah pawh ka ziah tir chuang pawh ka la hre lo leh ta cheu bawk .







Juliei kan inluah neitu te fanu kha ka han sawm a, chutia ka han sawm teh nawlh chu mak hi an lo ti nasa khawp a "inkhawm i tum ve law " rawn ti heu mai ,ka buk nghut rual in "Au Dingi chu i piangthar mi " te chu a la rawn ti ta deuh deuh ,a nu leh pa pawh an lo nui nasa mai .Inkhawm khat chu min ti ve hlawm thawkhat viau tih chu a hriat e.







A tlar hma lam ah min țhut pui a ,tleirawl Dual kgat ho hi an lo țhu khawm deuh laih hi a nia , ka hming pawh ziak lut ta lem hlei lo in chhimtu ah kan indah tir ringawt a .Inkhawm ban ah KȚP fellowship a tel tur in hruai tu ho chuan min rawn sawm nak nak a , chu erawh ka lo hnial thung .Juliei pawh a tel peih loh avang in kan haw rual leh a.







In kan thlen chuan peng kawi lo in ka inluah chu ka kan thla a, ka chhuah dawn a tala a ka kalh kha a lo I kalh tawh aw zawng lo ,a lo inkhar phui țhap a, chahbi kha chu ka keng tel lo ngei mai a,mahse tu nge ka chahbi dahna hre reng reng a.Rukru a ni thei mai lo maw, nge misual mi thah ching zawk ni ang tih vel ngaihtuah ran chuan thawm chhuah lo thei ber tur chuan ka kal țhem țhem a, dim thei ang ber a kawngka kan hawng chiah chu ,thinrim lutuk na in min rawn luh chilh nghal.







Rinpuia leh kan veng tlangval awm țha duh lo ,damdawi tih ching Rema hi an lo țhu kur chu ni in , hawn dawn a thawm kan dim tehreng nen kawngka ka khar leh dawn chuan na thei ang ber in ka khar chawrh ,an rawn hawi dun chiang teh e ,an la meng phawk em em zui .






Eng khaw sawi set set loh chuan Rinpuia lam pan phei in a hnung zang ah ka beng dawt ,an țe ring teh e .





"Eng nge " a hnung dawm chung chuan a rawn ti vin vak .Rema lah chu ruih a nei tih hriat lutuk in meng sen ram a thle buk buk in a lo nui ruh ruh.





"Eng vang a ka phalna la loa ka in ah lo lut ringawt nge i nih ,eng tin nge chahbi ka dahna i hriat reng reng "





"I țhiannu chu va sual reuh ve , hmel en ai daih in a che țhing tlat " Remă lah chuan a la rawn ti ham ham.Ka beng ve pawp dawn maw ni zawk le.





"Rawn len ka tum a i awm si lo a ka lut tawp nih kha , chahbi te chu i bawlhhlawh bawm hnuai a i dah lai ka rawn sawm che apiang in ka hmu ziah " mit ko san euh in a rawn ti sap.






A bul a ka țhut thlak rual in "a chang hi chuan i rilru hi hman lai leh tlat zel , țhian kan nih hi engkim in share tawn tur ,duh leh ka khum ah pawh i lo mu ve thei ,duh leh ka chaw thleng pawh harsatna i tawh a ei leh in i tlakchham pawn kan în bar țawm mai ang , hmmm,nangmah kha uau rawh , i nulat tak tak hma in i senior zo dawn " ngei lutuk in ka melh ram , eng tiang pawn hau ila a theng țhawng ah a thawk pha leh dawn chuang lo tih hriat reng reng .He mihring zet hi chu , sawi țha in ti lutuk hmel pu in min la melh ang zek zek a.








A țhian a lah chuan "A dik " ti in a kutzungpui pahnih a rawn la ti pir ve ve zui ,vawiin ka inleng ve te zawng mi pangngai pha zan lo te pawh an ang a lawm maw le ,nge ni a mi pangngai pha lutuk zawk .






Room a ka inthlak zo ka chhuak chiah tih a Zomuansanga rawn lut hlawl , amah ang lo deuh in coat suit dum hi rawn inbel zan in a smart shoe bun pawh a dum tho ,amah pawh a palen ve tawh teh lul nen a ti lang hrawl in a ti lang pa zual sawt .






A inringtawk thawkhat tih hriat lutuk a rawn pen phei in Rinpuia țhut na kiang ah chuan a rawn țhu thla a, a bawp khawkherh in nghenchhan chu ngheng in țhuthleng ban ah chuan a ban a dah zuar bawk .






"Eng nge i lo tih dawn " tih pah in Remă kiang ah chuan ka țhu thla ,.





"Ka lo hruai dawn che " tih zawng a min chhang in a eng a mah hma in Remă leh kei chu min melh rum nghal ringawt a, ka thikthu chhe viau in inhre ve mah ila hepa nen a khaikhin ral ah chuan nep tak hi a ni ringawt ka thik thu ve chu.Kei chu thiktur chen te ka la thliar hrang thei a,a ni ve chu ka bul a mipa awm tawh phawt chu a thik nimai in ka hria.







Rinpuia leh Reman an biak pawn chhang tawi țha thei tek tek tak a ni ringawt ,a hrim hrim ah khawi a min rawn hruai nge a tum reng reng ni ,ka hnathawh hun tur lah zan lamah ni daih bawk sia.




"Thianpa eng hna nge i thawh ve "




"Police"




Tiang vel hi nia ,a zawt tu Remă tan pawh a nuam chiah lo a niang a țhen sak sak mai lawm ,Rinpuia lah chu min rawn en in a kiai suk suk ,hmui phun hian "a thikthu a va chhe reuh ve " a rawn ti sa sa a, za lo pui in ka țhen chak chak mai lawm le.A awmdan ațang a lo man thiam ve ni hming.








❣️❣️❣️ Comment țhat dan a zir in zan leh ah zawm kan tum ang ❣️❣️❣️


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:15 pm

BIAHTHU



CHAPTER -12








A mawi ah "thingpui in in duh em " te chu kan ti ve ta vel a , Zomuansanga mèng rum ul chu mítmei a khap kan tum ngial pawn zuk zawm duh țhai lo a .Rinpuia lah chuan nui țhaw in mit min rawn siai leh zuk zuk țhin a, a nghal ropui mai sia min chhaih nan tak a hman zui leh ka rin vang nia hepa ber bur hi ka khap ,mahse a zawm lo chiang hle a ni .







Thingpui an duh nge duhlo ka zawh pawh chu duhlo an ti vek a ,Rema ber pawh chuan a awmdan vel chu a lo man thiam ni hmiang ,nui vur vur chung in







"Ka hnawk riau in ka hre ta mai ,ka va phei a nge chuti lo zawng min nem chhuak rawk rawk duh hmel pu te an awm tlat in hria " tia ding hluai in a kal nghal a , kawngka a pelh fel hman țawk tih a "Dingbawih i tawihpa chu a mak nghek nghuk e mai , mi a chhang ang hmuk hmuk a , a uau lo tlat " a rawn tih lang lang chuan insum hmanlo lek in ka nui chhuak țhawt ,chutiang bawkin Rinpuia pawh .Ka hma țhu run pa lah chu rum nghut in min melh khur khur a, ka nuih vak chu a duh teh chiam lo te pawh a niang .







Rinpuia pawh rei rial lo in a chhuak ve vat a ,a chhuah fel ve leh "inleng te i lo nei a " ti sup in a coat hak chu a phelh pah sawt sawt a ,a hnuai a a hak kamis var sar chu a ban pawt chho tawk in a thlep a, a khup a a kiu nghat in min melh run.Tun a awm dan leh a mitmeng thim khup thleng hian a lang pa in chil an lem zawng a a hrawk bawk che ralh thleng hian mipa ,mipa tak a ni bik hliah hliah , min aikaih ni ber in ka hria hmun dang reng ka hawi san thei lo.






"Lianding ka biak che chu " ner suk in ka lam ah rawn țhu phei , ka khabe ah hmer in min kuai dak salh "ka thusawi hre lo in eng nge i lo ngaihtuah" a tawn ti rum ul .ka ngaihtuah na thleng a hriat kil kel a tum a maw ni ,em em țhin hian a.







"I ti lutuk lo maw , ka thil ngaihtuah thleng thleng a hriat ve tum chu" ka tih chuan rum hawk in ka kawng lehlam lehlam ah vuan in a mal chung ah min hlang kai nawk .Ka mal chu tuai heih heuh in "in ah hian mipa tumah luh tir tawh lo la a țha ang " a thusawi atthlak lutuk chu dak meuh in ka nuih ar ar .







"I thutak lo ti raw "la nui ar ar chung a ka tih chuan ka mal chu hmer na sawt in " tun ang reng a thutak hi ka la nei lo "ti sup in min la melh run , khua a lum deuh hlek bawk a a chal ațang a thlan lo luang chu ka kut hnung a tuai sak zeuh in " a chang hi chuan naupang ang mai a thuawih duhlo hi i ang țhin "melh ralh ralh chuan ka ti no hnap , tun a ka țawng dan vel hi a Liandingpuii lo tawp.Ka țhiante chuan hria se Liandingpuii ka nilo emaw an ti hial ang.







" Naupang "ka tih chu phun pui sup in ,ka hmai tlang chu a zut pah riai riai.Mitmeng fiah kak a a chet dan tur ka melh kar chu lu thing nghut a mit min siai zeuh in







" Naupang ni ila ti hian ka ti dawn che mi "ti in ka hmui chu a rawn fawp zeuh ,ka awmbawr a kut lum thar thar a rawn thai kual pah chuan " naupang in ti hian an tih che chu ka ring lo tawp mai "a rawn tih leh sup chuan ka lo thaw chhuak hak , ka ti ril a za leh chiai chiai tawh , a tawh na ,a fawhna te engkim hi ka lakah chuan thiltihtheihna ropui tak ang hian ,min luhchilh vat zel.








Ka nghawng ah hmai rawn phum in a fawp pah ne ne a, a kut in ka awmbawr a khawihna pawh a la ti che chhun zawm reng ,a malpui pahnih kar cheh a amah hmachhawn zawng a țhu ka ni bawk a ,hnuai lam rawn insang măr tawlh tawlh pawh ka hre thei .A uar deuh chang in ka awmbawr a tawh lohna lam zawk kut chuan ka kawng ah dawm in ,zawi te te in ka taksa chu a ti che kual a.A hnung ah țham tawk in ka kuah bet ran ,awm ngaihna pawh min ti hre tawh lo ,ka taksa hian mamawh leh chak ngawih ngawih a nei ,chu erawh zawng tunah chuan tih chi a ni lo .







" Zomuan"a hming a ka kohna hria ang pawn a awm lo ,ka mawng bawr chu rawn țham tawk in ,a la duhthawh em em leh ta nghal ,ka nghawng na miah si lo a an seh ner ner pah a an fawh leh tawk țhin te chuan keimah tak pawh ka lo phur lutuk ,mahse ka insum a ngai .







"Zomuansang" ka aw teh hrep chu , a ri chhuak chang chang ,eng emaw mamawh ngawih ngawih nei tih hriat lutuk in a chham chel ,midang aw ka chhuak ni se zawng ka ten ngawt ta ve ang.







"Kan tawp a ngai " a hnung a beng thek thek a ka tih fiah fak tak ah chuan ,rawn hawi chhuak in ka hmui ah chuan a rawn fawp bawrh bawrh ,a fawp reilo thung .Min fawh zawh a a mal chung ațanga chhuk ka tum chu nghet deuh a min kuah in ka hnute kar ah tak hmai phum kuk in "reilote ti hian awm lawk ang "a tih chuan ka che zui ta biklo .







Insum tum tih hriat lutuk in a thaw ri leh hawk hawk țhin ,a hmel kan thlek chu a lo sen deuh țun a ,a chhin daih avang in a mitmeng chu ka hmu thei lo thung .Rei ngial chu tia kan awm hnu chuan " a va chakawm thei ve le " ti hluk in a malchung ațang țhuthleng ah chuan min nghat thla a.








"I chak ve tho em? "




"Maw"





"Aw, i chak ve tho em ka ti " mei nei deuh in min la melh ang sawr sawr zui , laih tawh mah nak lai a tiang te la in zawh reng reng ,ka biang te sa hat hat mai.






"Min chhang la ,i chak ve nge ve lo " te chu a la rawn ti ta deuh deuh.amah pawh chu ka melh ngam tawh lo hnuai lam chu ka melh ta deih .






"Okay ,ka hrethiam hnuailam i melh dan ah i chak ve ni maw ,khatia I melh văk chuan a rawn tho leh nge aw " amah chu ka en chho vat , a kap lam chu melh a nui suk suk in min rawn melh lehta kher.







"Ka melh aw zawng lo aw Zomuansang, thil hi ngai kawi nghal zel suh " tin uăi a ka tih vak chuan a nui ta hawk hawk mai .






"min fiam kual ni maw "





La nui reng chung chuan "I zak hmel hmai rawn sen tai hlar kha hmuh a nuam tak zet " rawn ti sap in "a tlai dawn va insiam phawt teh.. oh,,pawilo tipawh khan i chhelo tho " ka thawmhnaw inbel en kual pah chuan a rawn tih zawm leh nghal zat.Min ti bangbo viau e ,eng nge min insiam tir te tum ringawt ni .







"Khawi ah nge min hruai i tum ngawt "ka tih ha chuan " I hman nghal tih na mi "te chu a la rawn ti ang ta deuh deuh .Ka zawhna tak a chhan duh lo ah chuan hmui ti pawrh tar a melh in ka hma lam chu ka hawisan ta daih a.







Nui hawk in amah en theih tur chuan min kuai her in ka hmui chu a rawn chuk zeuh , " I chetdan leh engkim hian duh ai min turn on mah mah țhin tih i hria em ,tun a i hmui vam hiam in tih pawrh tar phei kha chuan chin tawk awm lo lek a sawngbawl che ka chak țhin "ti a țhen suk in " ka rapthlak hmel viau em "te chu a la rawn ti leh ang lawi a, ka nuih pui ta ringawt .







Hreh deuh chuan room lam a inthlak tur chuan ka phei ta hnak hnak ,zanriah a chhungte bul a ei tur a min hruai a lo tum lek chu ni in ,ka han hnial ve deuh lah in rum tawk a min melh khur in a thusawi sawn tumlo tih hriat lutuk in " zanriah chu inpui ah kan ei a nga ,ei zawh ah ka in lam chu kan pan dawn nia "a ti rup mai bawk sia ,ka ngei lek lek zawk hial a ni .








In thlak ta mai lo chuan bualin lam pan in ka inleih thla leh ta zawk a ,bualin ka luh lai pawh chuan a ni chu țhuthleng ah țhu in phone a en run a.Ka inbual zo kekawr bul leh kawr bah dum nen a ka chhuak chu min melh chho dun dun in a kiai suk.






" I va itawm teh sar sar ve a, ka Bawihte " rawn ti fan ruih a, mitmeng ler tak a min melh chuan" I tenawm e a "ti hlak in pindan lam ah chuan ka luh san ta daih ,a nui ri ka hre pha ruai ruai.






Jeans ha lo in smart pants ka ha a ,kamis var a hma tlem a in chei deuh kawr ha in a ban chu ka kiu thleng chuan ka thlep bawk, sandal gold rawng chu inthawlh thak in ka ke pawh a ti lang no ser mai .







" I inkhawm mi ,coat nen "a motor a kan chuan lai chuan ka ti sup .Bu nghut in " khawm ve mai mai e "ti a min rawn chhang in " thawhlawm min lo la hlan tir zui "a sawi zawh chuan a țhen zui sak .






" A thleng thui awm e, zah chhoh chawp te hi a ngai a nga "ka tih chiah chu a hmui pet sawi zeuh in min rawn melh rum nasa mai ,mit ko san zeuh zeuh in ka lo nuih suk .







" Liandingpui ,zah chhoh chawp a ngai lul lo ang , pathian beng chu a han thleng pha ve chiang ang "ti nghut in a motor chu a ti ding a , ka fiam dan chu a duh teh chiam lo a niang min la melh ang khur khur a ,ka nuih chhuah loh nan ka hmui hnuai chu ka pet leh ngar ngar țhin.







" Tah kan kal lawk nge "ti in motor ațang a chhuak a , a lo let leh chu eng emaw hi a rawn khai bawr țun a ,a thil lei niawm tak chu seat hnung lam ah dah phei in ,a dah phei tel loh sarang dum chu min rawn pe in " ei rawh chhun thil pawh ila ei loh kha "ti sup in motor chu ti nung in a khalh zawm a .Chhun thil ei pawh a hun tawh maw ni dar thum a hnai kuar tawh a.







Sarang chhung a mi kan en chu momo la lum thar thar mai leh a sauce hi a lo awm deuh nuai a , a tuihmel em em leh nghal ,pakhat chu la chhuak a kan ei chu a tui hmel ang chiah in tui tak hi ni ringawt ,nui vur vur a ka ei chu ,






" Lei man a va awm ve le kha ,a tui bawk maw an siam tui thei phian a chhun chawlh kan neih pawn ka va pan vang vang zel "ti in a kut chuan ka biang chu a rawn tuai pah zeuh .





" Tui lutuk "lo ti nghal thuai in pakhat chu kan hnawm leh nghal thak .





" A hmin lutuk si lo a ,momo chhung a an dah lah hi a hmui hiam in a thak deuh bawk sia ka momo ei tawh ah chuan a la tui ber ,e kha I ei ve duh em "ti in momo chu a lak theih nan a hma zawn ah chuan ka va dah phei .







" Min barh mai rawh ,hei ka ei theih loh hi "ti in a motor khalh chu min mitmei zeuh in a ka chu a ang a ,sarang ațang la chhuak in ka va barh ta poh ,ka kut zung țang a rawn seh tel hram a nih chu , chimawm thei reuh lutuk .






" A tui ti raw "





La țhial țawl țawl chung chuan"tui lutuk I kut ngei a min barh vang te pawh niang nidang ai ka ei tui zawk ni "a rawn tih chuan





''I over " ka lo ti hlak a .






"Inlak romantic tum pawh hian i rawn ti bam zo vek zel " ti in a phun bul bul a , tun a awm dan lawm awm reuh zia hi .A biang a piai sak pah a "i duhawm reuh " ka tih chuan phun hluk ina biang ka piai na kut chu a rawn paih sawn ta daih .







"Naupang pawh ka nih loh hi ,duhawm rual pawh ka ni tawh lo hrim hrim ,patling fa pakhat nei tawh , mipa chi puitling chhuah thei ngat tawh ka nih hi " a rawn ti vei hmak ,teh duah țhin hian a.







"Nih leh khawi maw , patling fa pakhat lai nei tawh khawp a chi puitling chhuah thei tawh chu " ti a fiam let in ,a biang ah chuan ka va chuk zeuh .






"Hmm, khatiang khan a nuam ,khawi teh hetah pawh " ti in a hmui chu fawh rem thei tur ber a a hriat danin a dawh vah .






"Ka peih tawh leu " ka lo tih chuan "Vat mai rawh ,I tih vat loh chuan kan che sual hlauh nge " ti let in a hmui chu a rawn ti pawrh deuh tan a ,.






"I thluak vé thei sĩa " ti niah niah in a hmui chu ka va chuk leh ta zeuh .







"motor khalh pawh a nuam sawt e ,rawn ti leh zeuh mai teh " ti in min nuih suk suk .





"I over leh hret tawh aw Officer Zomuan " melh ralh ralh in ka ti sap.





"Țawng țawng lo khan mai teh ,ka in peih reng a nia ever ready"





"Ka duh tawk tawh viau e "






Kan in chhaih nuih har har chhung in an in chu kan thleng ta der , a lian in a changkang hmel tak zet ,a pawn lam chauh pawh in mit a lak chuan a chhung lam phei chu eng tiang tak a nuam leh changkang ni ang maw .








Zawm leh tur


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)