BIAHTHU BY Rebec Colney (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BIAHTHU BY Rebec Colney (Completed)

Unread post by Ngaia » September 4th, 2022, 2:18 pm

BIAHTHU








CHAPTER -31











In a awm ngawt ngawt ka ning thin avang in ka ni te in vel ah te ka leng phei leh zawk țhin a ,ka awm rei ngai hran chuang lo ,Zomuansanga te haw ațang khan kar khat a liam leh tawh a ,a ngai ang bawk in nitin zantin deuhthaw message hi min lo la thawn ta reng a ,kei pawn en tawp lo in ka chhang let ve ta zeuh zeuh mai ,mahse beiseina siam zawng ang in ka chhanglet ngai lo thung .









Nidang ang bawk in ka nu te chu feh tur in an chhuak leh tawh a , Puipuia pawh sikul a kal tawh bawk .Kei leh naute chiah chu in a awm chu kan ni leh ta reng mai.









Tui chawi tur in țhela ah bur pali chu dah in ka in nawr chhuak bup bup a ,tuikhur kan tuichawi na ber hi a va hla phei ve hret a ,ni a sat vanglai tak phei chuan a hahthlak ve tak zet .







Ka u in țul ti lo viau mahse ,in lam pang tal a lo chhawk zangkhai ka duh ve sia ,a hma chuan a feh rawn haw in inbual hma in a zuk chawi mai țhin a, lo lam ah a thawk hah ve bawk nen ka khawngaih ve a ,a phallo tih hre reng chung in ka chawi dawn a .









Tuikhur ka thlen chuan insu an lo awm nak nak a ,tui chu dawh in ka in nawr haw leh vat a ,ni a sa sia kawng phei parh mah nise a hahthlak in a lum lutuk ringawt ,rei pawh nawr lo in ka chawl zel a ,ka pum puar ve deuh al tawh nen chuan a harsa zek leh nghal .








"Nau pai lai i nih kha i hre lo mi ''ka sir lam chu ka hawi phei vat ,beisei loh lutuk in Zomuansanga ka hmu hlawl mai ,kekawr dum khup khuh ha in kamis var sar a ha a ,chapal rawlhthawk chi a bun bawk .








Mak ka tih lutuk avang chuan chhang mai lo in thlan tla dup chung chuan ka melh reng a ,eng tia kan khua a lo kal leh nge maw a nih le ,a haw thlakna lah kha a la rei bawk si lo .







" Ka sawi chu i hria em ,nau pai lai inih kha indim ve deuh ta che ''ti hmuk in min nek sawn a ,țhela chu vuan in a man zei lo zet chuan in thleng chu a nawr ta zak.








Amah bawk in a chawi lut leh vek bawk a ,chawi luh pui ka tum pawn a rem ti lo nasa mai. Dawhkan bul a chair chu pawt chhuak in a thu a ,a hah ve viau aniang a thlan pawh a luang ngiai ngiai mai.










Dam dup a min rawn melh in "in lo dam tha maw naute nen " ti sup in a thlan chu rawmawl la chhuak in a hru thuak thuak a.








A zawhna chhang lo chuan "eng nge helai hmun ah i lo ti leh " ka tih chuan a hmui chu petsawi zeuh in "ka ngai tawh che u a ka lo kal " ti in min chhang mai a ,ka duhkhawp lo viau mai.








Ka chawn rawn kham deuh riai riai avang chuan chair chu pawt chhuak ve in ka thu ve a, ka che vel chu hmaih neilo in min lo melh reng a ,"ka lo kal chu min lawm vak na nge "ti in a mit ko chu a san pah ak a , thinrim a sawi pawh a ni in ka hrelo.









Tha deuh in " lawm viau emaw lawm loh na chhan tur pawh ka nei hlei nen "ka ti ve mai a ,hriatthiam har zet hian min lo melh reng a,ka chawn kham chu kun deuh in ka zuk chum leh zeuh țhin chu " I ke a na mi "a lo ti vat a ,lu thing mat mat chung in " na hran lo "ti in ka chhang let a .









Lungnihloh hmel zet hian a țhutna a țanga tho in ka ke bul ah chuan rawn thu hniam in a na vak lo in ka chawn kual ,ka ke tih vel chu a hmet a ,a nuam tak zet .









" In dim rawh naute tan ,naute hrisel leh țha i hrin chhuah theih nan hahlo tawk vel chauh in I che thin dawn nia ,"hmeh pah in a ti sup sup a ,la hmet reng chung chuan









"Naute nen hian ka lam lo bel leh tawh u la ,tha tak leh hmangaihna in ka enkawl ang che u,tlakchham reng in neih ka phal ngai lo ang ,I rilru ka tihnat na te zawng zawng kha hre reng tawh lo in ka hnen rawn pan tawh rawh aw " a thlem in min thlem vel ni maiin ka hria ,eng ngaihdan nge ka neih pawh ka hrethiam tawh lo .









A țhutna a a țhut leh rual in "i fa ka pai avang mai hian min hmangaih der tak sawt angai lo nia ,nang leh kei hian kan hre chiang dun viau in ka hria i ka ngei hmang a min hmangaih loh thu i sawi kha " a hma a ka hnen a a sawi ngei chu ka hriat nawn tir leh a ,min hmangaih ve loh thu a sawi lai a ka nat zia hrelo lek in tun ah awlsam te in min hmangaih thu a chhhak chhuak leh a ,eng tin nge ring a pawm nghal thlap thei tur in min beisei theih zawk .









"Lianding " ti sup in "kha thil kha chu ka thinrim em avang leh mi dang min pan san emaw ka tih tlat a avang a tlawm lutuk a in ngai in ka sawi chhuak ta mai nih kha ,kha kha ka rilru puthmang tak a ni reng reng lo ,kei te chuan ka hmangaih tak zet che " ti in dawhkan chung a ka kut dah chu a rawn hum hnan lum vang vang a .









"Thing pui i in duh em " thu dang chu ka sawi zawm ta daih a ,min melh vang vang in "duhlo ka rawn kal dawn in ka in zo chiah " ti nghut in a tho chhuak a ,zanah rawn len a tum thu te sawi leh in a chhuak zui a ,khawi ah nge maw ni a thlen ni ,U Fela ta chhung te in vel ah bawk a niang .









Zan ah chuan a sawi lawk ang ngei in a lo leng a ,ka u pawh a awm ,ka u hmel ka en chuan alo lawm teh chiam lo tih ka hre mai a .








Ka nu zawk chuan lo be vat in eng ti tur a kan khua a lo kal leh nge tihte chu a zawt a ,Zomuansanga lah chuan "Dingpuii ka rawn tlawh a ,naute nen " ti a a chhan chuan ka lam rawn hawi lo mahse ka melh rum kher mai ,a ni lah chu zak awm ang in a awm duh miah lo leh nghal .









Ka u rawn țawng chhuak chiah chu min ka taksa a lo țang nghal țun ,Zomuansanga hnen ah chuan mei nei zet hian "Dingpuii tan hi chuan mipa innghahna tlak zet leh mipa rin na ngah zet mi kan zawng rilru deuh a ,chutiang hriat te chu i nei mial lo maw " a tih chuan ka lo tim deuh chawi thei ,țu mipa in nge kei ang raipuar hi min duh ang ni .Bei awm ang lo thei si .









"U " ka tih deuh vek chuan min rawn en leh ang țhap si chu ,zawi sep in "I sawi awm ang lo thei lutuk ,ngaihzawng tur ka mamawh lo naute lo piang tur leh nangmahnikiang ah hian ka hlim tawk " ka ti a ,ka u chu a lawm hmel kher mai .








Ka u chu tih tur tul tih lawk tur a neih avang in a kal chhuak a,a kal chhuak chu ka lawm viau ,chuti lo zawng an thu inbak khaihin an in ti buai duh mai ang .







"A u thingpui lum teh a ka in chak " ka bul ah lo kal in Puipuian a rawn ti a .








"A va zia lo tak ,thingpui i duh em tihna chang pawh kan Lo hre lo a ,Bawihi kan vaiin tur in va siam rawh " ka nu chuan a lo ti zawm zung zung a .Keipawh thing pui lum tur chuan choka lam ah ka phei a ,ka hnung ah Puipuian min rawn zui ve zel bawk.








"Kei chu a hang in " a ti lauh a ,naupang e ti lo hian thing pui sen hang hi a duh ve kiah kiah a nia .









Zomuansanga leh ka nu țhutna lam chu bih deuh zek zek in "kan in leng pa saw a lian e ,a u Hriata ai pawn a palian " a rawn ti hliai a,a ni lah reng bawk a,ka u pawh hi a lian ve pang ngai a nia mahse a ni ai in Zomuansanga hi a lian daih zawk .







"Vula kha i hria em " ti a min zawh chuan no la chhuak pah in ka bu nghut a ,tun a sawi mek hi a țhianpa a ni a ,kan in atanga chhiar a pă ngana bawr vel a awm an ni a .








"An in a ka len in a Vula u hmeichhia leh a țhiannu ten palian deuh chanchin saw an sawi a ,a pă si ,a hmel a țha bawk si te an tia ,min han duh mai se chu min thei sa te an ti vak vak mai " a tih niah niah chuan a eng a mah hma in ka awm an nuam lo nghal ringawt a ,ka thik deuh tihna mi mai mai țhin a .








"Eng nge thei tih chu awmzia " a rawn tih zawh rual in thingpui chu pe in "nakinah ila hre fiah mai ang ,tun ah chuan najpang mai ila'nih kha ti in a chal ah na lo te in ka nem a ,a hmel a pe nur nasa khawp mai.








Ka nu nen chuan eng tak sawi dun ang maw ,an ti ti ve malh malh chuan ka hria ,an thu sawi tak erawh ka hre pha lo thung ,ka thingpui siam chu ka va pe a ,thingpui kan in zawh chuan eng chu hria ni maw ka nu chuan Puipuia chu ko in mu tur in pindan chu an pan a ,Zomuansanga a melh dan lah chu a inthlak thawk tih theih a ni ,ngaithei lo ang khan a awm tawh lo a ,be țha hlur lo mahse a ngaimawh hran tawh lo tih a mitmeng ațang a hriat vek.









Kan pahnih chauh a kan awm tak ah chuan boruak chu in thlak in a uap churh a ka ți deuh ta duk ten ka hria ,Zomuansanga lah chuan tawng lo in keimah chu min melh run a ,chu chuan keimah min ti zam takzet ,a mi uapna na lutuk hi chu hmeichhia mai nilo a mipa pui ngei te tan pawh tawrh hlelhawm tak a ni ka ti ve tlat .








" Eng nge i ei chak zawng ka hre si lo a,nau pai lan tan a chaw țha leh eitur țha ni a ka hriat ho ka rawn lei che a ,chuan nep nawi pawh awm tel bawk "ti in a hnung lam atang bag var hi a rawn phawrh a ,ka lam ah chuan a rawn lek kang a .








" La ta che "a rawn tih sup ah chuan ka lak sak ta nge nge ,lak duh lo viau mah ila naute tan a a rawn tih kha a ni ve awm si a ti a in hnem in ka rilru ka nawm loh tir duh ta lo .







Sawi tur a vang em em a ,Zomuansanga lah chu tawng lo in kei chu min melh ngur reng a ,kan awmdan chu ka ning rilru hle ,ka țhu nasa lutuk chu ka kawng te a kham leh tawh .







Chutia ngawih reng chu a dik in ka hre lo a ,a mawi hnai ah " i awmrei dawn em "ti a ka zawh chuan a in ngaihtuah vung vung a .








" Haw tawh tur in min va duh awm ve "ti a hmui sir ding lam a tih chet zeuh chuan ,a thilsawi duh dan vel chu ei lo lutuk in ner nang in ka hawi sawn a .








Nui ri suk suk hian ''ka fiamthu nih kha " a rawn tih chuan lung la ni zan lo chuan ka en leh ta hram , rawn sawi zawm in "ka awm rei hman lo ang ,hna pawimawh khawih lai ka nei a ,naktuk tuk leh vel ah ka chhuk ang " a lungngaih hmel riau a kan hriat chu .








He lai hmunah hna thulh a a lo kal hi a tan hlawkna a awm lo ang bawk in ka tan pawh hlawkna a awm lo ,kan inkar hi hun reilo te hnu a siam țhat a,din thar leh mai theih a ni lo .








Keima a hlauhna hi a nasa tawh lutuk tlat ,buaina lo hmachhawn ila a hma ang tho khan keima a tuar tur in min kalsan leh daih ang tih te hlau a ,mi rinna ka tlachham tawh hle bawk .








Kan inkar hi siam țha pawh ni ila eng tik lai pawh a ringhlel ru reng a ka awm chuan keiman ka chhiat pui a nga ,inzawmna hlawhtling kan siam dun thei chuang lo ang .







Chutiang thil teh nuai a nih avang chuan "i hna chu tibuai tu awm lo in han thawk rawh ,helamah pawh rawn chhoh a ngai tawh lo a nia ,naute nen kan țha ,kan pahnih pawn kan hlim em em ang ,min bansan in nun bul țan țha leh zawk rawh ,kan kar thu hi Chu heti mai a siam țhat chi a ni lo ,a khi zau tawh em a ni " ka ti ta nge nge a ,a hmel a lungngai hmel leh hrehawm ti hmel ka hmuh chuan hrehawm ka ti ,en reng a harsa ka ti tak zet .








Za lo deuh a țhen suk in hnuai lam bih deuh chhal in "In pahnih chuan in awm thei a, mahse keimah hi ka awm thei hlei nem " zawi tak si tak run in a ti a ,a rawn hawi chhuak chu a mit a sen ram a ,hriatthiam har zet in min melh bawk .







"Nun bul nang nen lo a țan țha tur in min ti a maw " thaw chhuak hawk in a chhip sam chu a tuai puat a , "ka thei lo ,ka thei lo tih i hre lo em ni ,chutiang ngaihtuahna atthlak kha ka bul a sawi tawh suh ,nang pawh ka tel lohna khawvel ka din tir thei lo che ,kei nilo mipa nen a in awm dun chuan eng thil mah pawisak ka nei dawn miah lo a nia ,i hria ti raw i tello chuan he khawvel pawh hi a nuam zo lo " a tir lam pawr ve hlar mahse a tawp lam chu a zawi tak zet thung ,a khup ah chuan a koki chu nghat in a rin chhan a a bawk deuh ngul .








"Nang rin leh che hi ka harsat hle tawh a sin " zawi sep hian ka ti a ,amah pawh ka en chuang lo ,a beidawng duh lo lutuk hian min ti chau zo ,amah ka khawngaih ve tho bawk si .









Rawn hawi phei in "ka hria min rin leh i harsat tih chu mahse i tan a rintlak ka nih theihnan ka bei mek chu a nih hi ,ngaihtuah teh ka lam hi vawikhat chauh ,a tawp nan tak tak rawn bel leh teh rintlak ka nih zia ka hmuh tir ang che i hria em ,ka thil lo tih sual te kha en lo in ka tun hun chauh hi min thlir sak la ,nangma a hlauhna awm te pawh kha a bo vek mai ang " amah ring leh tur a min duh tak zet zia ti lang chung in a sawi a ,a thusawi khan ka rilru a khawih chet zia chu a mah pawh hian a hriat ka ring .








Mak ve deuh chu naute chungchang hmang hian min la nawr lui lo reng reng ,min vau nan hmang se chu kei ni lam chuan tih theih kan nei dawn miah lo tih hriat reng reng ,an ni chuan hmelhriat an ngah in ,sum an nei bawk a an tan harsa a awm dawn lo .








"Keimah pawn lo let leh chu duh ta teh reng ila ka chhung ten rem an ti thei dawn chuang lo " ka la tileh ta țal a .








Ani thung chuan în ring tawk tak in "ka hnen ah nang i awm phawt chuan engkim ka hmachhawn huam ,i chhhungte pawh keiman ka be mai ang ,duh leh nang neih let an phal theih nan chuan an hma ah bawk khup a thingthi in ka dil mai ang " a ti nghut nghut a ,ka tan a a inhuam na chuan nasa tak in ka rilru a sawh sawn a .








Mahse a vawikhatna ang khan ka tisual leh mai ang tih ka hlau tho bawk si ,a hnen a ka let a nih chuan ka fa lo piang tur in pă a nei a nga ,tuman diriam tak in sawn an ti ngai lo bawk ang .A mamawh chi tinreng a dawng in pek a ni bawk ang a .








He tia ka awm tawp hian ka hlim tak tak chuang lo a ,vawi khat te chu ka hlim nan risk ka la leh mai dawn em ni ,risk ka lak duh viau phei chuan kumkhua a hlimna ka tawng baw thei hial ang ,chuan hmangaihna tawp chin neilo nen .








❣️❣️ Ads click hram ang u aw ❣️


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:18 pm

BIAHTHU












LAST CHAPTER










A haw dawn hma zan chuan a lo leng leh a ,ka nu hi eng thu in nge a rilru suk thlek ti danglam ka hre bik lo Zomuansanga chu a lo be tha em em a ,vawiin a a thil min hrilh phei kha chu ka rinloh lam daih thil a nih reng kha .









Tlai lam ah khan rawng kan bawl dun a ,maian bai tur ka hih melh melh lai in "Kha ,kan tlangvala kha a fel hmel viau kha " min rawn hih pui pah in a rawn ti a ,hrethiam lo tak a ka melh chuan "naute pa kha " a lo ti fan deuh raih a.








Chutia tu nge a sawi tih ka hriat tak ah chuan kei pek lah chuan "tlangval a nilo pathlawi lawm " ka lo ti hmanhmawh ,min melh no hran lo lutuk ,a hma pawn ka hrilh tawh tak kha a ,a la hre ve reng tho awm sia .









"Ka hria ,kan beisei ngam chi chu a ni lo anga mahse ka hmuh dan ah chuan a hmangaih hmel viau che in ka hria ,a mitmeng hmang a a en dan ah che hian ka hre thei ,vawi khat a ti sual a ni mai a ,nangpawh khatia a rawn hmuh dan che khan hmeichhe dang nen hmu ve ta thut la ,a thusawi i ngaithla duh dawn bik em ni ,i rinna pawh khan a kian san ve mai lo ang che tih pawh i sawi thei em ni ,a hun lai a a rilru tur te kha dawn ve chhin la ,i tawrhna ringawt hmu lian hlur lo in ,a ni pawn na ti deuh chung in hun a hmang ve thei tho tih te hria la ,khawvel a kan awm chhung reilo te ah hian hmangaihte nen a awmdun tluk a hlu hi a awm lo a sin " ti in min hrilh fiah a nih kha ,a sawi dik hle in ka hria a .









Midang dawn lo lekin ka tawrhna te chauh kha ka hmu lian hlur tih chu ka hai lo ,mahse a hun lai kha chuan a na em bawk a ni ,tun thleng in min la cham chilh a chuvang te pawh chu a niang ngaihdam a lo pawm leh ka harsat țalh .








Ka u hi chuan a la ngaithei zan lo tih chu ka hria a ,hei tunah pawh a eng a mah hmain a lo melh leh run tak hi .









"Naktuk lam ah chuan maw haw thlak i tum a ,i ngaihawm dawn hle mai " ti in ka nu chuan vaimim chi tur tlem a a chang zual ho chu a thliar hrang mawlh mawlh a .








"Ka han tum chu a nia ,ngaih thu ah te chuan nang ni in ngaihawm zawk fe ang ," pakhat lah chuan ti dut in awmze nei fe hian min rawn melh pah ang kher a .







Eng emaw te sawi in ka nu nen chuan an in be deuh reng a ,ka u chu Zomuansanga lo lan hnu a țang in a la țawng lo reng reng ,eng nge a ngaihtuah na a awm tih hriat pui lo mah ila eng thil emaw tak chu a ngaihtuah tih chu hai rual a ni lo a lawm ,a melh ngai a melh leh vung vung thin .








Rei a leng lo a a haw tur chu pawn thleng ka va thlah a ,let leh nghal mai tum a ka inher chiah chu ka kawng ah rawn kuah in "ka ngai leh dawn hle mai che " ril ruih a ti in ka hnung ah chuan a hmai a phum a ,a khabe hmang chuan ka hnung chu a rawn nawk leh salh thin.









In la hrang hlekin a lam chu min hawi tir in "ka ngaihdam dilna te ,ka hmangaih na te hi engtik ah nge i pawm leh ang le ,kumkhua pawn ka nghak thei che ti mah ila a nghaktu tan hi chuan ni khat pawh kum tam tak ang mai a rei a ni si a " ti in a kut vei lam lum ther ther chuan ka biang chu a rawn tawk kual a ,min thlak hlelh zia chu thup tum buai lo in a ti lang a.







"Naute a nu hi a pa ngaidam tawh tur in hrilh teh ,ka thusawi a zawm duh silo " ka pum chu ka biang a khawih loh na lam chuan tawk zeuh in a ti a ,a țawng dan vel chu amah nen a a in awm loh em avang chuan ka nuih a za ru hle .








In enkawl țha tur a min chah fe hnu a a kal mai tur chu ka thusawi chhuah avang chuan a ding chat a,







"Rin leh che a i kiang a awm leh ka duh a ,mahse a hma ang bawk khan kawng lak ah min pen san leh daih lo ang ti raw ?"






tih ka sawi lai a a mitmeng rawn de sar sar leh a hmel rawn eng ta sawt chu hmuh a nuam kher mai. A ni hi zawng a nui hmel ,a lungawilo hmel leh a thinrim hmel te thleng hian a țha fai vek zawng a nih hi .








Min rawn pan hnai sawt sawt in nghet mang kheng in min kuah bet a ,a hmai chu ka nghawng ah a phum tlat bawk .A taksa rawn khur deuh dat leh ka nghawng thil huh in a rawn dai rual chuan ka ding khawng at a .







Mipa ah pawh mipa bik hliah hliah ,pumrua lah mipa dang zawng ai a chhuan tur nei hi tun ah ka thil sawi vangai a a mittui far chu a awihawm loh zawka lawm le.








In la hrang chung in ka kut chu la kang in a hum lum vang vang a ,a mit a hnawm deuh chhap a a sen deuh ram bawk .









Ku kut chu tuai pah neuh neuh in "engtik lai pawn ilam ah ka țang reng tawh ang a ,min ring la rintlak ka nih zia ka hmuh tir ang che ,engtik ah mah ka kalsan ngai lo ang che u " ril ruih leh hriat nuam zet chuan a rawn ti a .









Tiang ang hun hi kan tawn dun leh ka ring ngai lo kha a nia ,kan in țhen khan kha kha kan inkar tawp hlen na tur ah ka ngai nghet hmiah tawh a ,mahse kan in hmangaihna lo la cham bang reng chuan siam țhat theih tawh lo a kan ngaih thil te chu rawn thlak danglam in tun ah chuan hlim na tluan tling mi tin tawn phak loh min fan pui ta si .







Ka hnuk te lam a ulh dawn in ka hria ,a awm lo hra chuang lo e tun a kan dinhmun hian min ti lawm em a sin ,ka rin ang ngei in hlimna mittui chu a tla ta ngei a .








A kut zungpui chuan ka mittui tla chu rawn tuai hul in ''I ngaihtuah na kha ka hriat pui che a sin ,tiang hun kan pahnih inkar inzawm thar lehna hi a thlen theih iring tawh lo a ni ti raw,"a rawn tih chuan ka lo bu nghut a ,a kiai vei suk a .








"Ka thiamloh a ni tih ka hria nangmah hi khang hunlai ah khan midang zawng ai a ring tur che ka ni a sin ,....ka tihpalh khang hun chhung zawng a i rilru ka tihnat na zawng zawng ah khan " a inthiam loh zia leh amah a in dem zia chu a aw ki atang leh min melh dan ril ruih atang chuan ka hre thei .








Nau pai avang a ka țah belh sawt te ,mittui tlak ka awlsam tak sawt te hi a chang chuan ka ngei reuh țhin khawp mai.







A biang chu thei leh thei lo a dawm sak in "engtik ah mah hmeichhe dang min pan san tur a ni lo ,I hria ti raw "melh chho kiau in ka ti a ,min nuih vur vur in a bu nghut a chutah rawn kun deuh in ka hnar hmawr chu fawp in ,ka chal a fawp zawm leh ,ka hmui a hmui lum thar thar in a rawn sik rual in a hma ang bawk in ka thluak a nu leh but tawh ,kan infawh dan chu kan feel dun takzet tih a hriat theih a ni.








Zawi te in a rum leh nghut țhin ,kan infawh tawp rualin kan chal chu a insik tir a ,maimitchhing in thawk a la ham ham bawk .A haw tur chu kei ai pawn a huphurh zawk a maw tih tur hi a nia ,a tawi leh hrut hrut zel te chuan ka nuih a ti za ru hle .








Aizawl a thlen thlak ve leh a chhungte chanchin kim chang hrilh a tum a ,țha taka an lo dawnsawn ka ring thlawt lo ,a nu phei chuan min ngaina lo in ,min hmuhsit hle a nih kha .Mahse Zomuansanga chung ah ka in nghat a ,a sawi kha a dik rintlak a nih zia ka hriat nan ka rin tlat a ngai a ni .








Kei pawh in ka rilru ti nuam lo em em tu ka nei a engtin nge ka chhungte hnenah ka hrilh hriat ang tih hi a ni ,awlsam tak in kan inkar hi an pawm mai a ngem tih chu keimah ka in zawhna lian ber a ni.








"Ngaihdam a dil che a awlsam te in i lo pawm leh nghal a maw ,a tihnat na te zo zai kha i hre tawh lo mi " Zomuansanga nen kan inkar chung chang vel chu zan ah inleng an awm loh lai in ka hrilh a, ka nu chu a ngawih mai lai in ka u erawh a thinrim hmel viau .








"Ti hian kan bulah hian awm mai la ,naute nen pawh ka enkawl thei lutuk ang che u ,kha misualpa bul a let leh a ngaihna kha a awm lo ," ka u chuan a ti hmuk a ,nuam lo ti ru deuh in ka țhu ngawi ta kur.









Ka u min hmangaih zia leh ka tan a inhuam thui theih zia ka hria a ,mahse ka u hmangaihna leh ngaihsakna hi ka thlahlel lo ni lo in Zomuansanga hmangaihna ang chhung a awm hi ka thlahlel tak zet zawk a ni.








Sawi tur reng nei lo in ka țhu kun tlawk tlawk a ,ka nu chu rawn țawng chhuak in "kei chuan i nau thutlukna siam hi ka pawm thlap ,nang pawn pawm thiam tum rawh " a rawn tih chuan ka u chu a hma ai zawng in a ngaihdan a nih loh hmel tak zet tawh .








"In mak dun emai " a ti ta khawlh a .








Ka nu erawh in ngai pawimawh hran lo hian " a mizia leh che zia kha a puitling in a fel thlup a, ama thu pawh a duh hmel tek tawk viau bawk in mi thunun pawh a hnehsawh viau hmel a ,i nau enkawl tur atan chuan a tha ber ang ,Liandingi mizia chu i hriat kha ,an in mil viau chuan ka hria "rawn ti in min rawn melh a ,a sawi lai zawng khan ka lo ner ka lo ner ru mai .








Huat ngawt dawn in a sawi ho hi a dik vek bawk si a ,a chang hi chuan min hringtu nu ngei pawh hian khirh hi chu min ti ve țhin ang ,ka luhlul in thu ka duh ve si a ,mahni ngaihdan leh duh dan te a kal luih chang lah ka ngah.








Ka u pawh chu țawng zawm lo in a ngawi ta reng ,ka nu thusawi kha a ngaihtuah zui emaw ni aw ,ka nu ka lam ah a țang tih ka hriat na chuan ka rilru a ti hahdam huai ta mai.






Zomuansanga nen kan inbiak leh hmasak ber chuan kan chung chang a ka nu te ngaihdan te chu zep nei lemlo in ka lo hrilh zung zung a .








Ka sawi zawh rual chuan thaw chhuak hawk in " hmanhmawh tawt tawt lo phawt ila "a rawn ti hniam ruih a ,a thil rawn sawi teh thut chuan a chhungte lam an lungni zan lo emaw ni tih te min ngaihtuah tir a.Han zawh deuh tawp ka hreh si ,rilru khingbai zet chuan ka awm leh ta ringawt .








Inneih lam chu a rawn sawi ri leh zuk thin a ,mahse nghah deuh phawt a țhat a rin thu te pawh a rawn sawi tel tho a ,hna thil a eng emaw chin fel zawh loh a la neih thu leh tlem tlem a lo inpuahchah a tum thu te chu phur sar in a rawn sawi a .









Kan inbiak na kan tihtawp hma chuan " zirtirtupa kha a lo la leng thin em "tih min rawn zawt hlawl a ,tu nge a rawn tih ka hrelawk lo a mahse chiang deuh a kan ngaihtuah kual chuan U Chhuansanga a tihna tih ka hre ve leh mai .







A rawn la len țhin thu a ka chhan chuan ,thupe tak hian " lo be tha luam suh ang che chuan,a bul ah pawh thut a ngai lo ,i hria ti raw ,kan in hmuh theih veleh i pum a ka fa tereuhte in siam mek kha ka zawt vek ang "a rawn tih bul bul chuan lu thing nar nar in ka nui hak a.









Thil awmang lo lutuk hi a rawn sawi a ,eng tin nge maw ka pum chhung a mi chuan lo chhang thei se a tih ni ,kan officer Zomuansanga hian .U Chhuansanga a thik tlat te hi ka hrethiam lo ,midang ka u thiante ho pawh a tam zawk chu tlangval an ni vek a ,kan in ah an rawn chuang kai lut ngun ve tho si a ,thik hlawm tawp silo .










Ka nau pai pawh a lian ve tawlh tawlh a nitin deuh thaw Zomuansanga nen kan in bia a ,a chang chuan nikhat ah vawi ruk vawi sarih te kan in be hman țhin .








Kan khaw lam a min rawn tlawh a rawn kal vel pawh a hman tawh hrih lo a, ngai viau mahila kei pawn ka phut hran em em lo .A rawn sawi dan chuan thla liam ta mai khan aizawl khaw chhung hotel ah hmeichhhe tual thi pahnih ngawt an nei a ni awm a ,chu case chu an chhui a vang in a buai thei hle tih leh zan lam ah pawh an ban tlai țhin thu vel te a rawn sawi deuh luam a .Ka khaw ngaih reuh tak tak a nia ,a hna avang a a buai viau chang pawh in kei leh naute hi chu min rawn ngaihtuah em em reng tho a.









Ka u pawn a pawm dam viau tawh a ,kan unau inkar pawh nuam leh tawh tak a ni .Naute tan pawh a putea neih chhun tur kha a ni ve a ,ka u tak pawh hian kan ei chak zawng te,naute tana chaw țha tih vel te hi pawisa nei lo chung chung a rawn lei hi a ching thin a ,kan in khak leh zeuh thin. Zawm ta nge a ti duh chuang lo a .









Ei tur tih vel chu ka hniang hnar khawp a ,Aizawl a țang in Zomuansanga hian kan khaw sumo tlan te hi a rawn thawn vang vang țhin,heipawh hi ti tawh lo tur a tih pawn a tih theih loh. Puipuia lawm ah a tla a, thil a ei deuh țel țawl reng mai .









"Khaw maw i pum chu han ti lang teh a puar lian tawh em " Nubawihi nen kan in vedio call a ,Rinpuia pawh awm ve bawk ,ka dul ti lang tura ti in arawn phi cheng mai .









Rinpuia pawn a tawp a tawp ah chuan Nubawihi chu a bem thlu ve ta niang ,tun ah hian an inkawp ve vang tawh a .Kan inbiak zeuh chhung te hian an inhnial leh ang khat khat țhin .








Ka pum puar ve ul tawh ka tih lan rual in "a va lian ve ,phir an ni a niang a awi phir an nih chuan a nuam dawn e " a rawn ti hluai a ,.







Phir !tih thumal chu ka la ngaihtuah chhin ngai lo reng reng ,phir hring tur phei chuan vanneih a ngai ngawt ang ,phir pai thei te hi an tam si lo .








"Leh ngawt zel a che ,duh duh a pai theih a nilo " ka tih chuan Rinpuia pawh chuan "a ni hi zawng naupang rilru ang mai hi a pu leh thin a ,a ngaihdan hi thleng tak tak turah a ngai a " a rawn tih ve chuan ka nui hak a ,infiam an țan leh dawn e .







Ka țhiani tum deuh hmak chu ka nuih pui a ,Rinpuia chal ah nem nawk in "i zu rui i țawn theih theih nen " a ti hlar a, kan inbia tih pawh an rawn ngaihven leh tawh lo reng reng ,ka hmet tawp ta daih .








Rin loh deuh in Aizawl lam atang palai an rawn kal thut a ,kan hamhaih viau mai a chhan pawh eng mah hrilh lawk kan ni si lo a .








Ka nu chuan țha deuh in a lo dawngsawng a ,thingpui te ka pek fel hnu chuan min fiam leh ang zawk zawk țhin hlawm a ,an rin ai in ka lo puar lian tawh te pawh a niang .








"Kan Zomuana lah khan i rai lawk thu chu min hrilh ve hlawm tak na a ,keini ho lah hian kan lo zawt chiang tawk lo nge ni ,rai tir te tur ah kan ngai che a lawm maw le aw " ti in tlem a la thalai deuh ber chuan rawn ti in ,midang pahnih pawh chu an nui kur kur a.Ka lo zak reuh khawp mai.








An haw veleh Zomuansanga chu ka va chhuahchhal a min rawn biak lawk ve awmte hi a nia. A ni pui lah chuan "ka phur tawh lutuk a ka lo hrilh theihnghilh daih che nih kha ,tihpalh " a rawn ti su su a ,a țawng ka chhuak te chu a zang vah a .Hriat a nuam tak zet.








"Inneih hun tur chauh a ni ka ngaihtuah tawh ,ka bul a i chen ve a ,zing ka țhan harh rual a i hmel hmuh te ,ka hna kal tur min in siam pui hun tur te leh ka hna bang hmeltha deuh a min lo nghah hun te ,zan mutna a kuah lum vang vang te ka chak tawh ,Ka duat dawn teh mai che nia aw Ka Bawihte " a sawi zawh rual in a nui ri suk a ,a thaw chhuak leh huai thin .
.









Ka dul a len ve thawkhat tawh em avang in inneih chu kan ti ta tawt tawt a ,mo kawr hak ve ngei ka duh si chu dul puar ul chuan ka ha ve ta tho a ,dan khatna chu kan tlin lo sa a chuvang chuan,dan hnihna na in kan innei a ,inneihna pawh ho lam deuh in an ti dawn emaw tih lai in hall zau zet book in nalh fahran hian an chei a ,a mawi in a nalh lutuk hi a ni ringawt hmelhriat ngah tih tak ah lo kal pawh an tha hnem viau mai ,keini lam pawh kan rual ve viau mai.









Kei ai mah in ka cousin te ho hian nuam an tih hmel hlawm hle zawk a ,eng emaw hlek ah thla an la kual reng mai . Amosa te reuh pawh suit nen a in duan ve thlap in a kal deuh vawh vawh a ,a duhawm reuh si ka nuih a ti za tel tho bawk si chu ka nuih leh hak țhin .









Ka u pawh kan beisei ai sang daih a min lo dawngsawng tha tih a hriat chuan a rilru hahdam huai hmel a pu Min ngaihtuah in inthlahrung leh hrehawm ti tak a ka awm kha a hlau em em a ,a nau hi min hmangaih in min duhsak tak zet tih hi ka hre thar fo dawn chu nih hi.









Zomuansanga nu leh pă pawh ka chung ah an sual tawh bik lem lo in min hnuaichhiah hmel ang kha an pu tawh bik lo ,mahse in nel tak a inbiak bawrh bawrh ang kha chu kan la ti chuang lo .Mahse rilru kap run tu tur ang ah chuan ka dah duh lo ,kan khaw sa ho dawn chuang lo a ,Zomuansanga rem ruatna in a ma in bik ah khan kei leh amah ,Amos a leh naute lo piang tur te nen kan khawsa ho tawh zawk dawn a ni.





Kan inzawmna kan siam țhat tîrh lai vel khan kan inkar buaina chhan bul ber kha tu tih nge ti in ka zawt a ,kei chuan tun thleng pawh hian rin dan ka la thiam lo a ni .Ka chunga kha tiang ti duh tur awm ang kha rindan ka nei thiam miau lo a.






A nupui hlui ruahmanna vek a nih thu leh mipa pawh kha a ma rawih ngei tih a sawi khan mak ka ti hle a nih kha ,a ruk in min lo va ngai thei awm lo tak ka ti ta hial reng a ,chiang tak a lang bawk chu Zomuansanga hi a la thlah hlen thei lo tih chu a ni. Tun ah chuan a nupui hlui pawh chu mizoram ah a awm tawh lo ni awm tak a ni Zomuansanga sawi dan hmang ah chuan .Ka zawt zui zel duh tawh lo a a thinrim thar tawlh tawlh tih ka hriat vang a ni ,chu lo ah kan tan țangkai na a awm tawh miau lo .











A nu leh pă awm pui tur chuan Zomuana nau hmun dang a awm a leh kha zir khan a chen pui ve tawh dawn ni awm tak a ni. A nau Chu vawiin kan inneih ni ah pawh a awm ve a ,Zomuansanga nen pawh an in ang viau mai ,a te in a țawng duh hret zawk a a nau chu .







Ka kut hum run a ding a min kuah tu chu ka melh a ,a ni pawn min rawn en ve in a nui suk a "vawiin ni a i chhiat loh zia hi ka hrilh tawh che em " ti in a hla zai tir rual chuan min in sawi pui a .









Țhenrual tha leh chhungkhat hnai vai ho chu tun ah after party te nau an buatsaih ah an la awm mek a ,keini erawh kan inneih zan kan hman na tur lam ah kan inphur phei dun tawh thung .Hmun dang em em a kal ngai ka ti lo viau na chu Zomuana hian room a lo hauh vek tawh si a ,ka hnial lui duh ta bik lo a.







Ngaihtuah kual der vel a ka mit kan chet kual chu "nghal suh aw ," ti sup in ka kawng ah a kut a sawn thla a ,ka dul puar ve lam tawh in a dal deuh run chu en in a phun hluk a ,ka lo nuih hak chu duh lo in a rawn che sawn a ka hnung lam a țang chuan min rawn kuah ta thung .









"Ti hian a rem daih zawk a nih hi " ti in ka nghawng ,ka beng kawm vel te chu a hmui thil tithei tak ngaihtuahna dang daih a min hruai kawi thei ngei mai chuan a rawn nul kual thuak thuak a ,ka pum puar ah chuan a kut a vah kual tir ruai bawk.









Kei ang chiah in a ni pawh a rilru a fim tawh bik lo tih ka hre thei ,ka nghawng fawp dek dek pah in ka awmbawr chu a sawk leh tawk thin a ,a hmet in a khal a ,a zut leh awl lo bawk.








Awm ngaihna tak pawh hrelo a ka che kual leh ka rum ri leh hak țhin te chuan a ti phur zual tih hriat zet in a che uar sauh sauh a .








"Ka Bawihte ,Ka duat te u ,ka hmangaih che u" ti khur hlak hlak in dim zet hian min pawm kang a ,khum pangpar hmang a nalh zet a an chei leh rimtui tak ah chuan min nghat thla in a chet zawm mawlh mawlh a .









Angel te pawh in an dai ngai loh nawmna hmangaihte inkar chauh a thleng țhin thil chu kan tawng baw ta a .Hei tluk khawvel ah a awm thei ngai lo ang. Mi pahnih te induh tawnna ,in hmangaihna, in hriat thiam tawn na leh in mamawh tawn a vang a thleng kha a ni miau a .









Kan suangtuahna te , kan duhthusam thil lo la thleng tur te ,kan inhmangaihna par vul vel te hi dawihzep tak a mahni a vawng reng lo a hmangaihna biahthu thlum zet kan in hlan vang a ni a . Kan pahnih inzawm na ah hi chuan huaisen na te, tlawm duh lohna te leh luhlul na te thleng hian hmun an luah tlat tih lo chi zia zang a nilo .Kan inhmangaihna thaw thu hrechiang tu te pawn dik an tih ngei ka ring.








Tun hun a țang chuan Zomuansanga leh Liandingpuii hi nupa ti a hriat kan ni tawh a nga ,kan pahnih hringnun chu eng mah in min țhen hran kan phal ngai tawh lo bawk ang. Hmangaihna in kan insuih zawm tlat a nga ,kan kar a hem thlak tumtu lo awm pawh ni se kan inrin tawnna hian a vai kiang zel tawh ang.









Liandingpuii thinlung ah Zomuansanga bak in hmun a chang tawh ngai dawn lo ang bawk in Zomuansanga thinlung ah Liandingpuii bak a awm thei tawh ngai lo ang .









❣️❣️❣️❣️❣️❣️❣️Kan story kal lai chu kan zo ta der mai ,in ngaihawm vung vung dawn hle mai ka hmangaih te u ,nang ni zar liau liau in 2k likes leh 1 k comment lai kan nei thei a ka tan hian in va hlu vet vet tak em .❣️❣️❣️❣️❣️❣️❣️







💜💜💜💜 Ka awl chhung in min lo theihnghilh mai lo u la dam a Pathian in rem a tih chuan thla thar ațang in story thar ngaihnawm zet nen kan in hmu leh dawn nia 💜💜💜💜







ZOMUANSANGA LEH LIANDINGPUII TE THAWNTHU MIN LO CHHIAR SAK A ,COMMENTS ,LIKE LEH ADS MIN CLICK SAK THIN TU TE CHUNG AH LAWM THU KA SAWI MAWLH MAWLH E .






A TAWP NAN I COMMENT TAL HNUTCHHIAH LEH LA 🌝🌝🌝


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)