MY HANDSOME FARMER BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY HANDSOME FARMER BY Ruati Renthlei (Completed)

Unread post by Ngaia » September 4th, 2022, 2:24 pm

MY HANDSOME FARMER

Chapter-25
By RuatiRenthlei



Hamhaih lutuk in ka hmaa ding mipa chu ka en ngawt ngawt a, a thil sawiin min thawn tluk zetin ka hlauthawng a, ka lungphu pangai lo leh a nih tur baka su dup dup chu ka kawr chhanah dawmin ka dang ro lutuk tih hnâwn tum chuan chil ka lem khalh a, 'mangang' tih hian ka awm dan chu sawi fiah zo tak maw!





Min rawn din hnaih rual chuan ka pen hnung ve hrat a, mahse ka dar tawn tawna rawn dawmin hnai zetah min din chilh zui.



"Ka ti na dawnlo che" ti sup tu chu melh chho ha in "Engtin... " ka sawi zawmlo, ka kha a chih a, Bruce-an ka nau pai chungchang a hriat ve ngawt chhan hi ngaihdan pawh ka siam thiam lo.




"Lo kal teh" tiin a âwm ah min pawm bet a, ka sam tuai hauh hauh pah chuan "Tihnat che ka tum lo, I pumchhunga naute pawh kha" a ti sup a, "Engtinnge I hriat?" ka tih sep chuan "I ina ka lo kal khan tui dehna bula test kut kha ka hmu alawm, mahse tumah ka hrilhlo" a ti a, in la hrang hlekin "I hrilh lo tak tak em?" ka ti sap a, "Umm, hlauthawng suh" a ti a, thil dang a sawi zawm leh hma in lehlam atang an lo ko a, mahse chhang lovin ban a vai liam khum ringawt.





"Tah hian lo awm la, I kawr chung leh motor chabi la in ka va let lawk ang aw, ka reilo ang" a ti sup a, "Kan haw dawn ami?" ka lo ti vat. A bu nghut a, a kal zui nghal bawk.



Diktak chuan cake pawh an la cut lo va, a hlimhlawp ah an la tal hlawm tihna a nih chu, a birthday neitu unaupa ber a kalbo daih chuan a dik lo ang tih ka hria, mahse tlawmngaih ka chhuah lui theili, he hmun hi chhuahsan vat ka duh a ni.




A rawn let vat a, ka kawr chung ha pah chuan "I nau birthday a ni sia, I awm loh daih chuan" ka ti a, "A chhan ka hrilh alawm, a thinrim lo ang" a nui zui suk.




Engine a tih nun rual chuan zawi sap hian "Peka fa tiraw?" a rawn ti sup a, ka melh phawk hra chu nui suk hian "Anih ka ring hrim hrim alawm, amah I la hrilh lo a?" a ti a, "Hrelo se a tha zawk" ka chhang rang mah mah, mahse a pawilo.




"Ka hre thiam e, chuan ka ngaisang khawp mai che" a tih chuan hrethiam lo deuh hian ka melh chho ha a, dar kan akin "I huaisen ka ti, I naute pa in nupui a nei dawn a, mahse ti tla lovin pai tlang I tum a, a ni lawm ni?"



"A rang lamin he hmun hi ka chhuahsan ang" motor a ti ding dawt a, hmalamah ka bu zui dawrh, "Ka tihpalh, I tha em?" min rawn ngaihven vat a, "Umm tha" ka lo ti sap.



Khawchhung kan la lut lo deuh a, a din thut chhan ka zawh chuan thaw ham ham in "Peka hi engtiang chiahin nge I hmangaih?" tiin min lo zawt let!




A dan pangaiin kei min en lovin hmalam ngawt a en leh tawh a, a hmel uanglo leh tak run chuang silo hian ka ngaih a ti tha lo hial thei.




"Tinge chu chu min zawh a"


"He hmun I chhuahsan hnu ah pawh I naute kha chuan pa a la mamawh tho tho dawn, chu chu I hriat loh ka ringlo" min rawn en in a nui suk a, keichuan kun pahin "Nia" ka lo ti zuai raih.




Ka malchunga ka kut a rawn hum hnan rual chuan amah chu ka en leh vat a, "Naute pa tur atan chuan min duh em?" ti thawp sut Tu chu chhan ngaihna hrelo in ka en ngawt ngawt.




"Bruce?"
Ka kut laksawn ka tum chu nghet leh zualin a rawn vuan a, "Tete, tun hun hi fiamthu na hun a nilo tih chu kan hre ve ve, I laka ka chetdan te, ka tawngam leh mitmeng atang te hian hrethiam tawh tur chu I ni asin" a nui hul hawk a, ka kut erawh a la vuan reng.



"Eng nge sawi I tum?" ka lo ti tham tiak a, "Ka sawi tawh kha, I pum chhunga naute pa nih kha keichuan ka hniallo, Pekq chuan nupui a nei dawn a, a fa kha hmangaih mah se a tih lan a rem ve kher lo ang, keichuan naute pa nih kha ka hbial miahlo, naute leh nangmah pawh hmangaih taka ka enkawl theih che u ka in ring"


A thil sawi vang chuan ka bing mup mup ni berin ka in hria, min thawng a, awmze nei miah lovin ka hlauthawng em em ringawt bawk a.



"Bruce?"
Sawi tur thlawt ka hrelo, ka kut chu ka la sawn a, min vuan lui tawh bik em lo ve....




"Ka hrethiam che ania, ka nawrlui dawn lo bawk che, keichuan ka lo kal hmasak zawka minute reilo te ka hmuh atang che khan ka duh tawh che a, I hriat lohin ka ngaihtuah zui reng thin che, hetianga sawi tawp hi ja hreh avangin ka chet ziaah ka lantir nasa a, nanglah chuan I hrethiam lo nge I hrethiam duhlo zawk pawh ka hrelo"

Vanvadakin a nui zui hawk a, engmah ka la sawi ve chuanglo.




Min ngaihsak tih ka hria mahse a unaupa nen kan chanchin a hre vek a, ka laka chutiang rilru pu tur chuan ka ngaihtuah ngai lo hrim hrim, a unaupa kha ka chunga a râwng em a, chumi vang chauha min ngaihsak turah chuan ka ngai a.




"Ka nghak thei che ania aw, chuan nawr luih che pawh ka tumlo, ka nghak tawp che anga, chu erawh ngaihthah mai mai rawh, rilru hahdam takin awm la ka duh a ni mai, chu chu nang leh naute tan khan a tha ber" a ti a, engine a ti nung ta nghal bawk.




Kawng tluanin ka tawng lo va, ka huat vang nilo in sawi tur thlawt ka hrelo a ni



Ka in kawt kan thlena ka chhuk dawn chuan "Min la zep pui ka beisei" ka ti sap a, a buk nghut hnu chuan mangtha in inchhungah ka luh San nghal a.




Ka awm dan chu ka hrethiam chiahlo, Bruce hi rin tur a nih leh nihloh ka hrelo a, a ti tak tak em hrelo mah ila kei leh ka naute tana a in huam thui zia hriat erawh kha chu a nuam viau lawi si!




Peka ka theihnghilh a, engahmah ka ngai tawh lo tih na a nilo, mahse Bruce hi awmlo se engtinnge ka awm ang ka sawi theilo!





Thian in kawm ngeih tak kan ni lova, kan in hriatna a la rei bawklo, thil ropui tak min tihsak pawh a ni hranlo a, mahse.... ka sawi thiam chiahlo, ka tan hian a hlu ka ti!




Mut naah pawh ka ngaihtuah zawm neuh neuh a, Pekhlua chu ka hua ti mah ila ka kiang hnaia a awm a, a pangtilum ka deh meuh chuan ka tuiral leh zawih zawih lo thei silo a.




Ka pum chu ka khawih a, nakina a rawn pian chhuah hunah a pa awmna min la rawn zawt ngei anga, a pa lah chu......





*""


Ka phone ri chur chur chu meng mang lovin ka dap rak rak a, phak chuapa "Hello" ka tih rualin ka pa chuan khauh fak hian "Vansangpui, Tu fa maw I pai a?" a rawn ti ta mai, ka meng nghal kawk a.

"Pa?"
"Ka thu hriat hian min ti lawmlo chu thu hran, min ti zakin min va ti na em em ve, pasal nei lovin nau ka pai e te I lo ti amaw?" a rawn ti leh hmawk hmawk a, ka mut dan ngaia mu reng chung chuan ka kut ka lo hum ruh ngawt ngawt.



"Pa?"
Ka mittui rawn hnam tiam tiam chuan ka aw ri a ti danglam zo a, ka tawng hleithei meuhlo.



Ka nu aw ri ka hre vuai vuai a, thawm ri tak tak ka hriat hnu ah ka nu zawk chuan "Mamte, zingkara kan thu hriat chuan awm ngaihna min ti hre dawn hleinem mawle" dam deuh zawkin a rawn ti a, a tawngkam nem erawh a rilru nat zia ti lang Tu chauh..



"Nu, ka tihpalh"
Tah chhuah hlau lutuk in ka hmui hnuai ka pet fan fan a, "min ti hrilh hai lutuk emai, Tu fa nge? Peka fa em ni?" a tih leh chuan "Aw" ka lo ti tiau a, a thaw ham ham ri ka hriat hnu lawkah ka pa äng buan buan thawm ka hre zui leh a, thih daih hi ka chak ngawih ngawih.




"In inthen tawh si a, engtia han tih nge I tum? Nupui a nei dawn tih te pawh kan hria ania" a ti leh zel a, engtia hre ve ngawt nge an nih zawh ka tum lai takin kawngkhar an rawn kik dat dat a, U Henry-a aw ri ka hre zui bawk nen thil dang sawi tawh lovin ka off nghal daih a, ka tho ta nghal...




Kawngkhar ka hawn rualin u Henry-a te nupa lo ding chu ka hmu nghal a, "Awi mate, I nuten an rawn bia che mi?" tiin u Seni chuan min kuah lut a, thutthlenga min thupui hnu chuan "Ka nu in Seni nen kan in be lai a lo hria a, zep chi a ni lo tiin I pa te alo zuk hrilh nghal anih kha, engpawh nise thil thleng tur tho a nia, a pawi thui lo tur ah ngai ang" U Henry-a chuan tiin a thaw zui hawk a, ka khupah ka kiu nghatin ka hmai ka hup a, ka mittui chu dan beh ngaihna thlawt ka hrelo, aw rawl chhuahin ka tap lo naa, ka thinlung erawh a rûm in a na ve vawng vawng.




Tih theih ka neihloh lutuk na bawk chuan inchhirna min neih tir leh a, Pekhlua ka lo ring lutuk leh a tana ka lo inphal mai kha ka inchhir takzet!







**


Chuan ka chau viau na in,, story atang khian mahni theuh in enfiah ila, Tetei ang khian phatsan emaw kan lo tawk ve palh thei, chumi huna kan inchhir loh nan fimkhur takin, kan ngaihzawngte nen kan awm dun hun ah pawh... Awle, ka sawi tum in hria👍😹


**


ZAWMNA



"Insum rawh mate, I nu te chu kan be tha leh dawn nia" tiin u Seni chuan ka dar tuai hauh hauh chung chuan min hrilh a, "Ka... Ka be ngam tawh lovang" ka tih chuan u Henry-a rum nghut ka hre zui a, "Hmeichhe chaklo tak ang maia tah fo kha duh tawk teh, I duh thlanna in tun hun hi I thleng, I nu leh pa chuan an hau ang che, mahse chu chu thil nih dan tur a ni, an hau lo che anih chuan nuam I ti chuang hauhlo ang" khauh deuh fak hian a rawn ti a, a sawi chu thu dik ni mah se min ti na tho!




Chutianga u Henry-an a tih tak hnu phei chuan ka tap ngam tawhlo a, a rukin ka in sût leh faih thin tih loh chu ka awm dan ngaiin ka awm reng ringawt




"I hriat tho ka ring a, mahse ka hrilh nawn leh ang che, kan hmangaih che a, I tana tha tur chiah kan ngaintuah, nau I pai a, mualpho na leh zahna chu I la hmachhawn dawn chauh, kan theihtawp chhuah mah ila I mualpho na tur chu kan dang hneh chuang dawnlo, nangmah I pawimawh ber a, chak taka I awm a ngai" U Henry-a bawk chuan a ti zui leh duah a, a phone chu a beng ah a chuktuah zui nghal bawk.




U Seni chuan ka kut a hum reng a, "Hello pute" a tih rual chuan ka pa a bia tih ka hre thiam nghal a, ka thut hmunah tang teuhin ka lo in sehruh ngawt ngawt.




"Aw hria e, lo ngaihtuah suh u" tia min rawn melh zawkin pawn lamah a chhuak zui ta daih a, u Seni bulah zawi deuh sapin "Ka hlauthawng, naute hi titla tura min tih I ring em?" ka ti a, "Chutiangin an tih ka ringlo, hlauthawng lutuk lo la, I u Henry-an han hnem lungawi phawt se, tihdan chu a awm em em ang" a tih chuan thaw hapin sofa chu ka tauh zui dawt a, kan in biak zawm lo.





U Henry-a rawn lut leh chu zawhna mitmengin kan lo en nghal a, kan thutna piaha thutna awl ah chuan rawn thu in "Chaw ei khamah an rawn chho dawn a, an hau che anih pawhin thinrim lo la, a nih dan turah ngai tawp ang che" a ti sup a, "Eng nge in sawi?" U Seni zawk chuan lo tivatin keipawhin ka zawhna mitmeng nen bawk ka lo la en a.





"A... Eng teh vak kan sawilo, a shock ve em a, an fanu neih chhun I nihna hian chu chu a nemnghet viauin ka ring" a ti leh mai a, hetiang taka ka nu leh pa te hmachhawn hreh hi ka la nei ngailo.




"Ti rawh, in phih fai la, chaw rawn ei phei mai ang che, thil I ei tha lo tih I hmelah a hriat lutuk" U Henry-a chuan tiin a tho zui nulh a, "Ni e mate, Sub-centre a han in report a damdawi han lak vel a rem rih silo a, tha deuha chaw I ei a i in uluk a ngai ania aw" U Seni'n a lo ti ve leh bawk nen ka phur vaklo chung chuan ka zui phei a, chaw pawh chu ka ei tam chuanglo.




Ka thil ei a tui lo va, thil rim nâ leh danglam deuh chuan ka luak a ti chhuak zel bawk.



Chaw ei khamah sitting room ah kan thu thap a, tumah mahni hna khawih kan awm lo, naupang pahnih school an kal a, a te pahnih in pindanah phone an en a, Ruth-i pawhin naktuk ah exam a neih avangin pindanah a in khung bawk a.



"Min hrilh hre har lutuk a, ka hriat dan khan min thawng bawk nen I nu te kha ka zuk hrilh nghal chung chung anih kha, engpawh nise an la hre dawn tho a, lo chho vat se a fel hma zawk mai thei" ka ni chuan tiin mitmeng hriatthiam har deuh hian min en leh vung vung thin.




Pa Hlima erawh pa tawngtlem tih takah engmah a sawi ve lem lo va, u Henry-a zawk chuan "Nie, lo thleng chho phawt se ngaintuah na pawh a zau zawk ang chu, mualphona pumpelh tum chu thil theih loh ang tluk a ni a, mahse a nasa lo zawnga kawih her dan kan ngaihtuah ang chu" a rawn ti a, school kal a ngaih loh avangin nilengin ka haw lo a, Bruce erawhin min la rawn be reng.




Nizana a thil sawite avang khan ka thinrim a hlauh thu leh kei leh naute tana tha lo tur engmah a ngaihtuah loh thu te a ni hlawm a, tha takin ka thinrim loh thu ka hrilh, a pawi angem?


Mahse ka thinrim tlat hleinem, hmeichhia chuan min care tute, kan tana inpe zo tak mite chu kan ngai na vek alawm, Bruce hi ka duh ka tilo mahse, min lo duh na ringawt vang chuan ka haw phal chuanglo.




Ka nu te chu tlai dar 5 rik dawn ah an lo thleng a, pawn lama motor ri ka hriat rual chuan ka lungphu a dik thei tawhlo, ka nu leh pa ka hmachhawn hreh lutuk chu pawn ah pawh hmuak ve lovin sitting room a ka thut dan ngai reng chuan ka lo thu tawp a, an rawn lut pawh chu ka melh ngam lo.




Ka nu chu ka bulah a rawn thu nghal a, ka kut, ka zam lutuk avang hit uai uai chu a kut lum leh nem thepa a rawn hum hnan rual chuan ka kâ in ka lo thaw chhuak hawk a, a hmel ka la en ngam chuanglo, chhuat chu ka melh ngawt ngawt a, ka hma lawkah ka pa a ding tih hre mah ila en ngam lovin a pheikhawk chauh chu ka en deuh tawp a, ka awm dan chu a lai a ni tawp, ka zak bawk si.




"Vansangpui"
Ka pa aw ri chu ka beisei aiin a vin lova, mahse a dam thlup chuanglo, beidawng deuh hian min ko ni berin ka hria!


Ka nu chuan ka dara min rawn kuah pahin "Engtia han tihzel chi nge maw ni dawn le? Pasal nei lova fa han nei ngawt tur chu I la nau deuh bawk si" a ti a, "Mai mai a, nau a pai anih chuan a naupang tawhlo tihna a ni mai, mi I va han mualpho tak em aw Vansangpui, tunah I naute pa lah chuan nupui dang a nei dawn leh nghal a, sâwn pawma helaia awm ve reng hi I duh tihna em ni?" ka pa'n a rawn ti zui hluk a, ka lu thingin "Hetah ka awm duhlo" ka lo ti sep.




"I awm loh ten I hna hi engtinnge ni ang?" a tih lai chuan u Henry-a lo in rawlhin "Kha kha chu kan sawi tha leh dawn nia, in lo thleng chiah si a, ri buan buan lovin hahdan phawt teh u" a rawn ti ta a, ka lo thaw huai thei.




Zanriah kan ei zawhah kavin luah lamah ka nu leh pa leh ka nite nupa bakah u Henry-a te nen kan phei a, driver rawn hruai lovin ka pa'n kawng tluanin a rawn khalh chho tih ka hre ve chiah.




Chumi zan chuan ro kan rel ho a, a... keimaha an ngaihdan hrang hrang an sawi ho ni berin ka hria.


Ka pa chuan ka tihsual man chu ka tuar turah a dah tawp a, tawngkam nemin min la be theilo.

Ka nu erawh nu nge nge, min lainatin aw rawl vin in min hau lova, mahse chu chuan hahdamna emaw, ngaihthatna min pe chuanglo, a mitmeng leh aw zuai raih ah chuan natna a awm tih ak hria a, ka zak a, inthiam lohna nen rilru tawt takin ka awm ni ber hian ka hria.



U Henry-an rilru fim takin ka pa a titi pui a,ka hna transfer dan zawn mai a fin thlak thu leh naute lo piang tur tan pawh Peka chu a pa ani tih hre miah lo law law se a that zawk a rin thu te a sawi a, chu chu thu dik tak ni mah se nâ ka ti a ni..



Ka fa, keima fa ngei hian a pa chu a hrelo ang maw, a lo pian chhuah hunah a pa min zawt anga, chutah chuan nu tlaktlai lo ber ang maiin a pa nen kan inneih loh thu leh a pa chuan nupui dang.....


Ngaihtuah zawm zel ngam lovin mit ka chhing ta vak a, thil thleng tur ka ngaihtuah nasat poh leh manganna tur a tam a, thui tak ka ngaihtuah apiangin ka thin hi a tawt ngut ngut thin.



Ka ni te haw hnu chuan mu turin kan in buatsaih a, ka nu chuan thu tha min hrilhin min hnem malh malh a, ka pa erawhin min la be chak hlawllo niin ka hria!




Ka mut dawn meuh chuan ka pa chuan "Aizawla transfer I nih hnu pawhin I mualphona chu a reh ngawt turah ngai reng reng suh, naute a lo piang anga, I dam chhungin 'sâwn a pai' tih I ni tawh dawn, Pekhlua chu theihnghilh hmak la, khatiang I ni tawh chunga la pawm duhtu che tlangval emaw, pathlawi emaw pawh ni se an awm anih phawt chuan mahni in dahsang lovin nei hmak ang che, fa I nei anih chuan pasal I neih a ngai, anih loh chuan.. I chan tur chu I hriat kha" a rawn ti nghut a, a tawng ringlo na in a khauh fak mai.





"Khai aw Paa chutianga han tih ngawt chu a tihchi dawn em ni? Hriatchian loh leh hmangaih miahloh neih te chu... " ka nu'n a tih lai chuan lo pawt chat in "Hmangaih loh tih mai mai, tun dinhmun hi a ma duhthlan a nia, a tawrh a ngai a ni mai, tuna hmangaih leh hmangaih lo tiha lo buai kha a tullo, heti chunga an nei duh anih chuan an hmangaih a ni mai, pathlawi pawhin an nei duh ngût angem pawh kan hre hleinem" a ti leh hluk a, sawi dikloh a nei miahlo nachungin nâ ka ti takzet tho!





Mut naah pawh chuan tumah kan tawng tawhlo, ka pa sawi kha a dik tih ka hria, 'sâwn pai' tia hmingchhiat ringawt chu tuar zolo tur khawpa chaklo ka nilo, mahse ka pum chhunga naute hian 'pa' a la mamawh ngei ngei dawn a, mi thenkhatin 'pa neilo' tia an chhaih nawmnah vaih zawngin ka tuar zolo ang!




Mahse kei ang pasal nei lova rai hi tunge...


Bruce ka ngaihtuah chhuak a, beisei ngam tur ka ni hauhlo tih in hre mah ila amahah chauh beisei na ka nei thung si a ni!



Beisei awm takin ka lakah a tawng tawh a, a thil sawi te kha a ti tak tak anih chuan bawhzui lovin ka chhuah ngawt theilo ang.




Aw, ka pa sawi kha a dik alawm, fa ka nei dawn anih chuan pasal ka neih ngei a angai a ni.



Bruce biak tum chuan ka phone ka on a, mahse a online loh avangin ka inthlahrung leh deuh chuan status ka en kual a, hman atanga a vawi khat nan Pekhlua'n status a lo nei ve!



Chu chu thil mak tih loh chi pawh a nilo, a number ka neih tirh atangin status a neih áwm pawh ka la hrelo a, val senior tih tak ah mak pawh ka ti vak ngai lem lo.


Chutia a rawn nei ta thut chu view chak tak hi ka ni tawp, mahse a chhan ka hrelo, ka view hreh ve tumhrang a, ka tháwk a ti sak hial thei.




A tawpah mahni in thiam chawpin ka view avangin eng buaina mah ka tawk dawnlo tih in hrilh chawpin ka en ta nge neg a, a status ah chuan...


*Vana arsi ten an thlir reng ang che hian.. Kei pawhin hmangaihna nen ka lo thlir reng thin che asin.. Van lam I hawi apiangin arsi ten an lo chhâwn thin che anga, ka hmangaih zia che hi an lo hrilh thin ang che*


Tih a lo ni a, ka chhiar laia ka lungphu ran zia chu rapthlak tak a ni!



Tu a sawi na nge ka hre hauhlo, in ngaihbel ve ngawt tur ka nilo tih in hre mah ila a harsa lam hret a ni.

Zaktheilo min ti mai thei mahse a nilo, ani khan min hmangaih thu min hrilh tawh miau a, kha thil a sawi lai khan tider hmel a pulo, a mitmng uk kharh leh thûk ruih ah khan min hmangaih zia hmu thei hial khan ka in hre thin asin!
Mahse tunah....

Ka tun dinhmun bawk chuan min hnuk hniam leh ta, beiseina ni miah siloa a laka kâwl rawn êng kha a rawn thim hnan leh ta mup.




Nupui a nei dawn, chu chu thil langsar leh chiang tak a ni tawh, chuan kha thu ril zet kha nupui nei mai tawh tur status a tan a mawilo hran hauh hleinem!


Urghh he thil hi ka ning tawh lutuk, ka hun hmasa kha neih let leh a, Pekhlua ka tawn hma nuna Vansangpuii nih leh kha a duh a ni!





End of chapter-25

A kual thui tawh ti tawk in awm tih ka hria a, a âwm khawp mai, a nihna takah chuan chapter khat hi a thui lutuk thei thin lo va, chuvangin an buai rei hmel deuh te pawh a ni ang.. Tin, Peka ber hi a lang khât ang reng viau tih ka hria a, engpawh nise Next chapter ah chuan Peka pawh a lang tam deuh tawh turah ngai ang u hmm❣️
Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:24 pm

MY HANDSOME FARMER

Chapter-26
By RuatiRenthlei



Nau ka pai thu chu kan chhungkua bakah ka nite chhung leh Bruce-a te chiahin kan hre rih a, mahse he thingtlang khaw te tak te ah hian a pût darh vat dawn tih ka chiang.




Zirlai naupang exam lai anih avangin school han chawlhsan nghal rum rum chu a rem lova, result kan siam fel hnu ah ka pa hovin transfer dan chu kan ngaihtuah ang, chuan chumi hma zawng chu min awmpui rih dawn bawk.



"Tunlai chu ka ringhlel tlat che alawm, I cher sia maw, thil I ei tlem tih I hmelah a hriat bawk si, I nu leh pa te lah an lo chho thut a, damloh rukna te hi I nei a ni lo maw" Zuitei chuan a phone khawih mawlh mawlh pah hian a ti a, "Teuhlo, an lung a leng a, an lo chho ve mai mai anih hi, vawiin chu min lo duty pui la a tha ang" tiin ka nui sak a, "Awi chu chu ka ngaihtuah a, Aldrina nen chauh in duty tur chu ka ngaihtuah cheu, a lan ang ai hian a nun rawng sia e" a ti leh hluai a, tawng zawi deuh turin ka lo khap.




"Tun chu a in thlahtung ve tak tak pawh ani mai thei, a tul viau anih loh chuan kan in be lova" ka tih lai chuan lo pawt chat in "Mahse Peka nen in inthen tawh tih a hre ve awm tho sia, a huangtau leh lo maw ka ti" a rawn ti leh sap a, dar ka lo chhin ak ringawt.





Min duty pui chu in huam viau mah se thawhpuite mitmei ven a ngai bawk Nen ka hnial a, a haw phei hnu ah chaw ei kan siam zui ta nghal.





Ka nu chuan a dan pangaiin thil engkim mai chu a èng zawngin a thlir hram hram a, naute vanga ka mualphona tur lam ai chuan fa ka neih huna a duat tur zia te, a Tu hmasa ber hmel a mitthla dan te leh ka naupan lai a chhun a rinzia te ngawt chu a sawi siam siam a, ka pa erawh a tih loh lamah chuan luhlul zet, a tul viau a nih loh chuan min be lova, tih theih ka neih bik miau loh avangin leh a thinrim chhan ka hriat chian avangin a lungawi hun chu nghah tang tang ka ngai a ni mai.




Ke in muangchangin school lam ka pan a, a tul viau anih loh chuan scooty ka la chhuak ngailo, vawiin ah kan subject an exam dawn avangin Aldrina nen kan duty a ngai dawn a, ka huphurh viau lo na in ka phur hranlo bawk.





Keimaha ka kal hnek hnek lai chuan ka hnung lam atang motor in horn a rawn pe vak a, ka phu chiam nghe nghe, nau ka pai vang nge ahma zawng aia ka dawih bakah ho tete ah ka phu vak zel a, chutia kawng sira ka kal reng tawh chunga horn ring lutuk a rawn hmeh vang hrim hrim chuan ka thinrim nghal hlur bawk.





Ka hawi let lem lo va, sir lehzuala kal chung chuan ka pen chak sauh.


"Rawn hawi let ve eih la mawle" ka zawna bolero atang Bruce chuan a rawn ti a, ka ding ve ta.



"Awi nangmah I ni tih ka hrelo" ka lo ti hluai a, "Hrelo ang, I rawn hawi let duh tlatlo a" a kiau zui suk.


"Khawiah nge I kal dawn?" ka tih chuan "Lo chuang rawh" a lo ti ringawt a, chhan ngaihna ka hre mailo, "Thlah tum che i ka rawn kal a, min lo kalsan tawh sia, ka rawn um leh che anih hi, lo chuang la ka thlah ve hrim hrim ang che" a tih leh chuan hnial buai lovin ka chuang lut ve ta nghal.




"I nu leh pa an lo awm a, an fel viau kha" ti supin engine a ti nung a, "An lo hau lo che maw" fiamthu deuha ka tih chuan nui suk in "I pa nen chuan kan in hmu tawh alawn, hna thil ah" a ti leh a, ka bu deuh nghat.




"Naute vang khan an hau cer em?" a tih chuan "Tlemin" ka lo ti sep a, "An hmangaih vang che anih chu, an hauh che a I rilru an tihnat chuan min hrilh la, ka lo kal vat zel ang" min rawn en in a nui suk a, "Ihh engtiangin nge min ngaih? Ka sawi awm zia chu nau ka pai tih I hre vek sia" za lo te hian ka then zui sak a.





"Ka sawi tawh kha, I hriat loh hlanin kha chen kha ka lo duh ru tawh che a, chu chu thawk leh khata tih bo thut theih a ni lo, naute pawh khan a ti bo thei chuanglo" a ti a, a ngaihthat thlak viau chuan ka hria.



Ka pa sawi ang khan fa ka nei anih chuan pasal ka neih a ngai a ni.



"Anih leh Bruce, I nupui atan min pawm thei dawn tihna em ni?"
Ka zawhna chu a âtthlak lutuk, mahse a pawimawh si a ni


"Aw, nangman I duh chuan" min rawn melh zawk tih ka hria a, mahse hmalam ka en tlat thung.



Tunge a nih ka hrechiang lova, eng ang mizia nge anih hre chiang turin kan la in kawm reilo bawk, ka hriat ve chin ah chuan mi pangai, nelawm leh zahawm tak a ni.




Nupui/Pasal inneih hi fiamthu na chi a nilo a, damchhunga kan chenpui tur chu uluk taka kan thlan a ngai tih ka hria.

Mahse tunah hian duhthlang thre dinhmunah ka ding em?
Aih, ka thei lo!
Ka hma lam hun chauh ngaihtuaha duhthlang thei ka nilo a ni, ka naute hian pa a mamawh ngei ngei dawn.




School kan thlena chhuk nghal mai ka tum chu ka kut a rawn chelh a, "Tete, hun hi a liam zung zung a nia, helaia ka awm theih hun pawh hi thla tlemte chiah a awm tawh, reilo te ah I pum a rawn lian anga, khawngaihin chhanna min pe tawh rawh, ka hmangaih tak tak che asin"
a mitah tak ka en a, a tider nge a thutak tih hrethiam lo mah a a sawi dik a ni, hun hi a liam zung zung dawn.




"Zanah lo leng la, ka hrilh ang che aw" ka ti ta nge nge a, thaw huai pah hian seat hnung lam chu a tauh dawt a, a nui pah suk bawk.




Aldrina nen ngawt kan duty a, han titi dunna tur kan nei chiam lo bawk Nen kan in be tlem khawp mai, Peka nen kan inthen tih chu a hriat loh ka ringlo, mahse a sawi ri lem lo a, a pawilo khawp mai.



Mi pangai, lehkhathiam leh khawtlangah pawh mi zahkai, a hmel a chhe teh lua lo bawk a, amah duh miahlo Tu kha min chhai kual rei peih ngawt zawk alawm.



Naupang zawng zawng an zawh hnu ah kan chokidaar min chah angin kawngka chu ka kalh fel a, stepa kan chhuk thlak lai chuan "Peka'n nupui a nei dawn tih ka lo hria a" a ti sup a, "Nia keipawn ka nei ang" ka tih chuan ding meuhin min rawn en.

Dar kan akin "A hun ve tawh alawm" ka ti leh a, za lo deuh hian a then sak ringawt.




"I chunga ka chet thin dan kha a lo zahthlak khawp mai, kan inkar boruak a chhiat phah a, min ngaidam dawn nia" ti leh supin a bike chungah chuan a lawn kai nghal a, "A pawilo" ka tih chuan bike ti nungin chuang ve turin min sawm a, mahse ka hnial tlat avangin min ti lui lem lo.




Muangchangin ka haw a, eng eng emaw ka ngaihtuah pah neuh neuh bawk, thil hi a rawn thleng zung zung a, ka dil leh duhdan ni miahlo hlir in!



Aldrina nen kan in thian that na chu hman ah khan a kehdarh tawh a, Peka lahin nupui a nei dawn bawk a, ka tum leh duh vang ni miah lovin nau ka pai a, ka hmangaih em tih pawh ka hriat loh hmanni lawka ka hmelhriat chu ka pasal a ni mai thei bawk a, a... ka nunah hian ka duhthlan ni lo hlir an rawn in lar nimai hian ka hria!





Kan Inkawt ah chuan Bruce-a motor a lo awm a, kawngkhar a lo in karpui thlap bawk, ka luh chuan a lo reh duak a, ka koh pawh chuan tuman min chhanglo, an lengchhuak anih ringin ngaihthat lohna ka nei hranlo.


Ka inthlak laiin dressing table a ka nu phone chu a rawn ri a, Aizawl lama a thawhpui nu niin ka hria.


Ka aw atang a fanu ka ni tih a hre nghal aniang chu WhatsApp ah eng emaw thlalak a lo thawn thu leh ka nu lo hrilh mai tur in min rawn ti a, kan in biak zawhah eng lam nge a rawn thawn tih en tumin whatsApp ah chuan ka lut a, dawr bungrua vel a ni tlangpui.




Out leh nghal mai ka tum chu ka mit la tu ka hmuh avangin ka thulh leh a, ka nu chat group tam tak zinga bruce-a hming a lo lang ve chuan ngaihtuah a ti thui viau.


A dp a in ang a, tum loh deuhin an in biak dan chu ka chhiar ta bawk.




Thil tam tak an sawi dun a, ka chhiar hma atangin ka lungphu a rang em em ringawt. A tir te atangin ka chhiar a, a be hmasa Tu chu Bruce a ni!



Inhmel hriat sa an nilo tih ka hria a, Peka nen kan chungchang an sawi dun nasa viau. Bruce-an ka nu hnena a thil sawite chuan min thawng a, a awihawm loh hial zawkin ka hria!




Peka chanchin a sawi nasa a, a nunhlui, a hna leh nihna te, Malsawmi nena an tunhma nun zawng zawng te a hrilh a, ka tana mi tha a nih loh zia te, Malsawmi bak hmangaih a neihloh thu leh chumi vanga a mualpho nasat zia te, a... a hnathawh thlengin a sawisel a, Peka chhiatna zawng zawng a sawi vekin ni ber hian ka hria.




Ka nu chuan mi tak nia a rin thu leh Malsawmi a hriat ve loh thu te in a lo chhang a, ka chhiar thla zel a, a tawpa ka nu thil sawi chuan min shock lutuk





"Chutiang mipa, hmeichhia vanga mualpho hrep tawh chu ka fanu tan ka phal reng renglo, lo ngai reng rawh, Peka chu ka makpa a ni ngai hauhlo ang"


Ka thu hnawk a, ka chhiar chhung zawng khan ka thaw mang lo, ka kâ in ka thaw chhuak hawk a, thawk harsa khawpin ka thin a tawt zui ta bawk.




Engtinnge hetiang hi a nih theih? Peka nen kan in then chhan hi ka nu maw!


Khatianga ngawi renga min biak duhloh chhan kha ka lo hrethiam ngai lova, ka nu te lam hian min be tawhlo turin an lo ti a ni mai lo maw...
Aw, tilo se min biak duhloh ngawt chhan tur a nei lo reng a ni, tunah nupui hial neiha tum phah a...




Choka lamah thawm ka hria a, ka nu nui ri leh Bruce-a tawng ri te, pindan atang ka tlan chhuak vat a, "Enteh bawihte thenawmte huana antam hi bruce-an min lakpui a" tih pahin a thil ken chu dawhkanah a dah a, an dinna lam pan hnai pahin ka phone ken lai chu dawhkan ah ka dah ri chawrh a, zawhna mitmenga kan nu'n min rawn en rual chuan ka thaw chhuak hawlh.





"Tinge tiang hian ka chungah i tih a? I fanu ka nih hi, tinge ka hmangaih ber chu ka neih I phalloh? Mawhh?"
Ka mittui rawn luang chu ka tuai hul nghal tawk a, Bruce melh pah chuan "Nangpawh Bruce, ka ring che a ni lawm ni? Engkim hi I thiam loh vek anih hi" ka tap chhuak hawk a, ka mi rin te apiang hian min phatsan thin ni mai hian ka hria!




"Nangma tana ti kan nih hi, I tan, mi tha lo laka cheng kumkhua turin ka phallo che alawm" ka nu chu ka melh reng a, "Kan hmangaih vang che anih hi, Peka kha mi tha a nilo" a tih leh lai chuan "A tawk" ka lo ti tuar.



"Duh tawk rawh, engkim ka hria, Peks nunhlui engkim ka hriat pui a, mahse ka hmangaih loh phah lo, tunah a fa ka pai a, mahse nangni hian a pa chu... "
Sawi zawm lovin ka hmai ka hup thawk a, ka nu chuan a awki rawn San ve in "Bruce a awm hi, nang leh I naute chu a enkawl dawn che u a lawm" a rawn ti a, ka nui chhuak hawlh.

An pahniha melh tawn zak zak pah chuan "Bruce hi I ring viau amaw, tinge? Enge nge a chhan? In in hre ngai lova, ka bialpa chanchin tha lo zawng zawng chhan nei lo a a hrilh ngawt chhan che kha I ngaihtuah ngai em? Chuan amah a insawi lut ta daih a, huhh engtinnge I rin em em theih zawk a?"
Ka chau lutuk chu chhuatah ka thu hnawk a, Bruce chu rawn thu hniam ve in "I ngaih ang kha ani lo, Peka hi I tan mi tha a nilo alawm" min khawih a tum rual chuan a kut chu ka lo ben thlak sak a, huatna mitmeng nena melh chho hrak pah chuan "Ka ringlo che, chuan ka ring ngai dawn bawklo che" ka ti a, tho vatin kawngkharpui lam ka pan a, thlang lama scooty chabi in khai chu la in ka chhuak zui nghal.







Ka nu chuan min rawn ûm tih ka hria a, mahse ka tlanchhuak tho.



Ka mittui a luang tawp theilo a, khawlaia kawng kalten min en duh tih hria in ka speed pawh ka ti sang viau a, Peka te in kawtah ka ding ta chat bawk.



"Nute, Peka a awm em?" inchhung ka luh rual chuan ka ti nghal thawr a, ka awmdan chu mak a ti deuh nge min chhang mai lo.

"Nute khawiah nge Peka?" ka ti nawn leh a, greenhouse ah a awm thu a sawi chuan ka tlan chhuak leh nghal.



Ka biak ngei a ngai ani, a duh reng vanga min kalsan anilo tih ka chiang, tunah a fa ka pai tawh a, nupui min neihsan thianglo.



Kawngah chuan ka in sawh thla nawk nawk a, greenhouse ka thlen hnu pawh chuan ka zawng kual leh hrep. House hnunga tuikhuah a siam that laiin ka va hmu a, min hmu thut chu a beisei lo viau a ni ang a mitmeng a buai ve nak.




Ka pan hnai a, min lo en run, "Tinge? Tinge engmah min hrilh loh a? Force Tu nei reng chung khan ngawi rengin min kalsan a, engvang nge?" a âwm ah ka chum vak vak a, a awm dan ngai reng in a awm.




Ka kuah zui thlawp a, min kuah let ve ka beisei laiin ka dar pahniha dawm chung chuan a in la hrang hlek.Mittui nen ka melh chho kiau a, eng emaw tak a sawi ka beisei tak zet.



"Sawi tur ka neilo" a ti sup a, mahse tlawm vang emaw, chapo vang emaw pawh a in hnuhdawh ka tum hauhlo, eng emaw tal a sawi a ngai.




"Aih Tiuriu, min hmangaih kha, min la hmangaih reng tih ka hria, ka nu leh Bruce-a te vangin hetianga i tih hi a ngaih phah a"

"Bruce maw!"

"Aw, he thil ah hian Bruce a in rawlh alawm, chuvangin khawngaihin Tiuriu, keima Tiuriu-a chauh kha ni leh la ka duh, khawngaihin"
Ka ngen ngawih ngawih a ni ber, a thaw hawk a, "Lo kal teh" tih pahin a âwm ah min pawm bet a, he a âwm lum thlahlel hian asin zan tin hun ka hman thin!


"Lo let leh rawh, khawngaihin"
A in la hrang hlek a, "Ka tihpalh bawihi, ka thei lo a ni, nupui ka nei dawn" chu thu chu hre lawk vek mah ila amah ngeiin a sawi meuh chuan min chhun zawk thei.




"Mah.. Mahse Tiuriu, keimah min hmangaih sia" ka ti ban charh a, "Thutlukna kan siam tawh a, ka sût thei tawh lo a ni" tia a che hrut chu a kutah ka lo vuan vat a, a banrekah dawmin a kutphah hlai hlup chuan ka pum ka khawih tir a, zawhna mitmenga min rawn enna chu beiseina nen ka lo melh let ve.




"Ka rai a nia aw Tiuriu, kei hian i fa ka pai mek"

Hriatthiam har zet hian min en reng a, chutah thu hniam in ka pum chu a rawn khawih a, min rawn en leh pah chuan "I ti tak tak em Bawihi, I rai amaw?" a rawn ti sup a, ka lo bu nghat nghat.




A mitmeng tle ralh ah chuan hmangaih na ka hmu, aw, hmangaihna ka hmu chiang a ni.
A nui chhuak hawk a, ka kawr chu hlim chho in ka dul la thep vek chu a chul kual riak riak a, a fawp zui vang vang bawk.



A rawn din hnu chuan ka biang lehlam lehlam chu a kut hlai hlupa khuapin a hmui in ka chal chu a nawr zui tâwk a, "Nang hian ka hriat lohin ka fa I lo pai reng amaw?" tih pahin min rawn kuah a, nghet takin ka lo kuah let.




Thuikhuah thlanga lung tohlawt ah chuan kan thu dun a, engmah sawi rihlo mah se ka kut te reuhte a hum tlat na chuan ngaihtha in min âwm tir veng veng thei tho nia mawle!




"Tiuriu?"
Ka melh chho kar a, ngaihtuah mûk hmel tak hian hmalam chu a en vung vung, "Thla hnih mi naute i pai a, tunah min hrilh chauh a" min rawn en in a ti sup a, "Ka tihpalh mahse nupui neih i tum sia, min be duhlo a" ka ti sep a, "Imm ka hre thiam alawm" a ti leh mai a, "Anih leh nupui neih chu i la tum tho em ni?" ka ti a, ka hlauthawng nghal!





"Aw" a tih chuan phâwk deuh hian ka melh a, nui suk pahin "Nupui chu ka nei ang, mahse nangmah" a ti sup a, ka nui ve sen sen..




"Mahse engtinnge kan tih ang? Mi zawng zawngin Thiangi nen in innei dawn tih an hre vek a, ka nu leh pa te helamah an âwm bawk a, kawng a ping hmel e" ka ti hap a, "Ping lo e" tih pahin a tho zui nulh a, ka vawn tura a dah a kut chu vuanin ka ding ve nghal a.

"Engtinnge kan tih dawn?" ka tih chuan "Kan in ru ang" a ti mauh mai!











End of chapter-26

School kan lut leh tawh a, zir tur a tam in chhun lama class neih chuan hun âwl neih a har khawp mai... Theih se chuan zan tin dah a, regular taka in chhiar tur chhawp chhuah sak che u hi ka duh a, mahse hun hian min daih thin ngang si lo va....

Tuesday zanah chapter thar dah leh hman ka tum anga, tichuan ka dah theih hun tur chu last post ah kan sawi chawp zel dawn nia aw.. Zantin ka dah thei dawn lo a, kar khatah zan hnih tal chu dah ka tum thung ang.

Inhriatthiam tawnna hi a hlu teh ania aw.. ☺❣️

Ka WhatsApp group join duh tan👇

https://chat.whatsapp.com/J9Mq1ulA3Jx9klwcpJ4Ixd


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:24 pm

MY HANDSOME FARMER

Chapter-27
By RuatiRenthlei




"Mahse engtin? Khawi hmunah? Chuan engtik ah?" a thil sawi avanga ka phili lutuk chu ka darah dawm in ka mitah tak min en chung hian in bengdai turin min hrilh a.




"Chu chu keima ngaihtuah tur a ni, chiai lo la, nang leh naute te hi ka thlahthlam dawn hauhlo che u tih hre tawp rawh" a ti sup a, ka rilru a lo tihnat tawhna zawng zawng te kha a mita Takna hian a nuaibo zo tawh.. Chu chu mipa dang aia a danglam bikna a ni reng bawk a.




"Mahse Thianghlimi ve thung hi?"

"Shh"

A kut zungchalin ka hmui a rawn nawr si a, "Ka ngaihtuah ang ka tih kha" a ti nawn sup, "Aw le" ka ti ve ta sep a, "A tlai tawh dawn, haw phawt ang aw" a tih chuan lu ka lo thing nak nak, "Ka la haw duhlo, thil sawi dun tur kan la ngah lutuk alawm, bakah... "
Ka ngawi zui dat a, "Bakah eng nge?" a tih chuan thaw halh in "Ka la haw duhlo" ka ti ringawt chu a hrethiam viau niin ka hria, "Lo kal teh" tiin house ah min hruai lut a, thutthleng te reuh te an siam ah chuan thu in ka kut chu a hum ran a, "I duh hunah kan haw dawn nia" ti supin ka kut chu a fawp zui vang vang.



"Thil ka zawt ang che aw" ka tih chuan a bu nghut a, "Engkim hi ka nu leh Bruce vang a ni tih ka hre tawh a, mahse ngawi renga min kalsan ngawt chhan kha ka hre thiam chuanglo" ka ti sep a, "Nang ka neih theihna tur che chuan ka nunna hial pawh ka hlan ngam asin,mahse chu thil chu a rem teh nuai si lo va" a nui ri suk a, "Ka nu chuan engthu nge a hrilh che a?" ka ti leh talh, "Bawihi, ka tan sawi a nuam lo" lo ti leh sup mah se ka zawt lui char char a, "A tha e, I nu chuan tawngkam vin in min be lova, chuti chung chuan ngaihthlak nuam tak a ni chuanglo, I tana ka tlin lohna zawng zawng a sawi hnu pawh khan ka rilru chu a la ngai reng a, mahse a sawi dik alawm, kei aia tha I phu a, chubakah... "


A sawi zel dawn emaw ka tih laiin a ngawi ta tlat a, "Sawi tawh lo ang" ti hlukin a hmai chu a tuai zui puat a, ka zawt lui ngam ta biklo.


Mahse zawhna ka la nei fo...
"Tinge Nutei leh patea te ve thung kha...?"
Ka melh chho ha a, nui suk chungin ka sam chu a tuai thur zauh a, "Be lo tur che in ka hrilh alawm"
"Hmm"
Ka tum khum bar a, "A chhan chu I biak hunah insum zolo in thil thlen dan an hrilh dawn che a, I hriat angin an ngaina viau bawk si che a" a ti sup a, "Min huat vang a nilo tak tak maw?" ka lo ti vat.

"Imm nilo"
Ka thaw hawk a, ka thaw a veng huai thei tak tak nia mawle...


Engpawh chu nise ka nu tawngkam chu a na viau a ni ngei ang le...
"Anih leh ka nu thu angin min then a, mahse tinge nupui neih nghal I tum kher a?" ka ti leh a, zawhna hlira ka khah miau avangin ka insum lui thei lo a ni.


"I nu duh dan a nia" a ti leh mai a,"Engmaw?" ka lo ti leh haw tawh, engkim hi ka nu vang vek ni berin ka hria.



"A rang thei ang bera nupui nei turin min hrilh a, chumi hnuah nangpawn I neih tur thu a sawi" a tih chuan min shock viau.



"Chuan ka nu sawi apiang chu I lo awih zel tihna maw?" ka ti hlut a, "Bawihi, ka dinhmunah I din ve loh vang anih ka ring, thil thlen dan zawng zawng kha sawi chhuah a rem lo a, mahse min ring rawh engkim kha a tul tawp khawk vang chauha ti ka ni" a ti sup a, ka ring nghal hmak bawk.




"Tirawh le.. Haw tawh ang" tiin a tho a, khua thim thet thet tawh avangin ka hnial ta lo.



Scooty a keng a, a ni'n bike a keng bawk a, mahse nau ka pai tih a hre tawh a, scooty ka khalh ve te chu a phal tawh teuhlo mai.



A bike chu hawn lovin ka scooty chu a khalh ta zawk a, vanneih thlak lutuk in ka in kawt kan thlen chuan tumah an lo awm lo.


Zanah min lo biak tur thu sawiin a haw tlang a, inchhung luh chu huphurh viau mah ila a zawng zawng chuan a ni lo.



Heng buaina zozai thlen chhan hi ka nu a nia, hlauh tur ka nei ve tawh lo...



Inchhung ka luh rualin chhuat laia ka pa lo tei vut vut chu ka hmu nghal a, ka thawm a hriat rual chuan hlauhawm thei ang ber hian min rawn melh.




"Vansangpui.. Mi i va ti mualpho zozai tak e aw.. " ti hlukin min rawn pan hnai a, "Hetiang i nih tawh hnu ah tlangval pangai tak Bruce I tawng leh thei a, eng hi nge maw I rilru ah hian awm le..?" a thaw hulh hulh a, a thinrim hle ani tih ka hrethiam ta bawk.




"Ka pa, tih mualpho che hi ka duh bik reng renglo asin" tiin sofaa thu ka nu chu ka melh zawk a, "Nu, a tir atang khan I ruahmanna tlaktlai lo zet hi lo siamlo tawp ni la hetiang chen chen hi kan mualpho lo tur ania" ka ti leh sap a, "I nu mawhpuh tum suh, a tir atang khan Pekhlua hi lo ngaizawng hlek lo la ni tur ania" ka pa'n a tih leh chuan "Nangpawn I hriatpui maw?" ka lo ti haw a, min chhang lovin a thaw zui hawk.




"Umm ka hrethiam e" zawitea ti sepin pindan lam ka pan a, ka nu leh pa te chet duh danin min thawng lutuk hian engmah hreloa awm min ti chak hial mai!




Chaw pawh ei duhlo in ka mu tlat a, Peka min lo biak hun chu ka nghak ran bawk.



Dar 7 bawr ah a message a rawn thleng a, *Lo insiam rawh, zanin ah kan chhuak ang* ka tum loh deuhin ka nui chhuak hak a, Thiangi lam ka ngaihtuah thlen chiam a tul tawh biklo, chutiang bawkin ka nu leh pa te pawh.



Tunah chuan ka naute leh ka mipa hmangaih te chauh hi ka ngaihtuah rih dawn... A pawilo tiraw?


Mahni hmasial min ti anih pawhin a pawilo, ka hmangaih miahloh bula jail tang ang maia damchhung hun hman ai chuan mahni hmasial taka ka hmangaihte kianga awm ka thlang zawk.



Ka nu leh pa te chu ka be lova, min biak an tum biklo bawk, a pawilo khawp mai.



Bag lian lutuk lo ah ka thuamhnaw hakthlak tur chu ka keng ve a, ka hman hma khawp mai.



*I chhungte mut hnu ah ilo chhuak dawn nia, motor ah ka lo awm ang* a ti a, ka nu te lah chu zan dang zawng aiin an mu har, dar 10 vela chhuah ka tum zet tawh chu naupang exam paper ka la check lo tih ka in hre chhuak a, a vawi khat nan zirtirtu ka ni chu ka inchhir ber tum aniang chu mawle....




Pasal ûm tur e tilo chuan paper nen ka in keng hnawk nuai a, car chhung ka luh rual chuan ka thaw zui ham ham




"I va bawr ve" tiin a nui ri suk a, "Zirtirtu ka nih hi" ka lo ti vat, engine a ti nung a, "Khawiah nge kan kal dawn?" ka tih chuan "Khaw thenawm lawkah, Khawhai ah sawn ka pu te an awm a, tah chuan kan tlan mai dawn nia" a ti sup a, ka lo bu nghat.





"Ka nawr na mah mah lo che tiraw Bawihi" a tih chuan amah en pahin "Aih, tunge?" ka ti a, "Zanina chhuah ka ti nghal chuk chuk a" dar a chhin ak, "A pawilo, ka duhdan a ni zawk" ka tih chuan a bu nghut a, ka chhungten an hriatchhuah huna an awm dan tur chu ka ngaihtuah thiamlo,ka pa a thinrim leh hle anga, ka nu erawh a rilru a buai viau thung ang, chuan Bruce...

Ka ngaihtuah na hria ni awm takin pakhat chuan, "Bruce hi ka unaupa ang tak takin ka ngai thin a,, kan let leh hunah a thil tihsual vang hian chin tawk awm lovin ka sawisa ang" a hmel chu uluk takin ka lo en a, thinrim hmel a pulo na in a hmel erawh a uanglo viau.



Kawng a chhe bawk nen ka in sawh khawloh hlauin muangchangin a tlan a, chaw ka eiloh avangin ka riltam pum ri chu a ring viau, nui ri sukin hnung lama plastic bag chu a va ban a, ei tur leh drinks alo awm teuh.





"I lo lei hman vek alaw" ti hluaiin ka ban a, "I ril atam dawn tih te chu chiangsa a nia" a lo ti sup, hei hi ka Tiuriu-a tak tak chu anih hi, ka duh leh mamawh engkim a hria....







"Bawihi?"
Ka biang chu a kut lum thur thurin a rawn chul kual riak riak a, mit ka meng ve siar siar, "Kan thleng tawh em ni?" tiin ka in beng kang hlek a, "Shh" a tih chuan ka hrethiam lo viau.



"Kan la thlenglo, hma lamah sawn lei min a awm a, zanin chu hetah kan riah a ngai dawn" a ti sup a, ka bu deuh nghut.



Sana ka en chuan zinglam dar 2 a lo ri tep tawh a, kan thleng har ka ti tak tak a ni, khaw thenawm lawk a ti ve sia...



Chhum a zing deuh chuk a, a vawt deuh viau bawk.


"Lo kal rawh" tiin hnung lamah min in sawn pui a, a kawrlum chu min sintir in min kuah khawm hlun.



Kan in be lo ve ve a, ka rilru ah chuan zing pawh lo ni se lei min chuan min dang tho âwm si a tih te a rawn lang a, mahse ka sawi chhuak lem lo.



A kutphah lum vung vungin ka dul chu a chul a, ka awmna hun leh hmun chu engpawh nise hepa kianga ka awm hi chuan ka thla a muang em em tho!



Reilo te ah ruah mal a rawn tla phuar phuar a, a sur tam nghal viau bawk. Min kuahna ti nghet salhin ka chal ah a hmui a rawn nawr tawk a, ka muhil leh nghal mai niin ka hria.






Zing ah chuan ka harh hlawl a, thawh phan ka nei miahlo, khua a var tan tir chauh a, dar 5 a la ri lo, Peka chu a la thaw sak sak a, thawm dim thei ang berin motor atang chuan ka chhuak a, nizanah ruah a sur tam bawk nen kawng khuar lai deuhah chuan tui a tling pur mai.




Boruak chu a thiang nuam phian a, a... engtik kha nge zingkar hmel ka hmuh hnuhnun ber pawh ka hre tawhlo...





Hmalam ah chuan ka kal thui deuh a, lei min âwm ka hmulo reng reng..



Hepa pui hian min tihder tihna em mawni le..
Let leh tuma ka in her laiin Peka chu a rawn tlan phei ve a, ka hmaah tak rawn ding pah chuan "Tinge ngawi renga i lo chhuah a" a rawn ti hluk a, ka lo nui hak a, fiamthu hmel a pu hauh silo.



"I muhil a"

"Chu pawh chu nise sawi lawk lovin kal bo tawh suh ang che" a ti leh a, ngial ngan takin sawi dawt lo mah se naute a ngaihtuah vang a ni tih ka hria.




"Khawnge lei min chu?"
Mithmul ka San zauh a, a lu thaklo pui chu hiatin a hawi kual thuak a, "A min lo" a tih chuan a darah ka chum pawp a, "Motor a tlan rei lutuk kha naute tan a thalo tih Henry-an min hrilh alawm"

"Engmaw?"

"Henry-a ka hrilh vek, motor I chuan rei lutuk chuan nang leh naute tan a pawi thei a, chuvangin 'lei a min' ka ti anih kha" ati leh a, "U Henry-an kan inru tih a hria maw?" ka lo ti leh hram!



A dar hlai zet chu a ti che ak duh chauh a, "Ka thian pakhat tal ka hrilh ve a ngai alawm" a tih chuan "Ka hrilh ve miahlo" ka lo ti vat a, nui sukin a pawiloh thu min hrilh.





Zing dar 7 bawrah Khawhai chu kan thleng a, ka la kal ngai lohna khua ani bawk a, ka hawkdak leh pek hle.



A pu te in ah chuan kan lut ve ta rawih a, an felin min lo dawng sawng thiam khawp mai. A pu nupui chu a boral tawh a ni âwm a, an fate pahnih nen chauh an khawsa a ni.



Tukthuan kan ei kham hnu chuan Peka leh a pu chu an titi dun a, ka phone pawh ka 'on' ve ta.


Zuitei engmah ka hrilh ve lo chu ka in thiamlo leh hnu hnawh a, han hrilh leh dawnin a rem teh nuai tawh silo, a lungawilo viauin ka ring a ni.




Ka thutna sira Peka phone lo ri chu ka melh vat a, screen a ka nu hmung ka hmu chu ka meng deuh kawk, ka phone ah min biak theihloh vangin Peka phone ah a lo call anih ka ring.



"Tiu.. "
Phone keng kang pah chuan ka au a, rawn phei vatin ka nu chu a be chak vak biklo tih hriat tak hian chhang mai lovin a en vung vung phawt a, "Chhanglo mai rawh" ka lo tih chuan nui sukin lu a thing nghut a, phone chu a benga chuktuah chungin kawmchar lamah a chhuak zui ta daih.



An in be rei lutuk te chu ka ngaih a lo tha lo a, Peka hnual rawihna tur leh rilru hial a thlak phah na tur khawpa a lo tawng khum leh ka hlau a ni.




Ka nghak thei tawh thlawtlo chu ka va chhuak ve ta nge nge a, vawk in lam hawi zawng hian a lo ding a, an la in be reng tak tak!



Ka pan hnai a, Peka chua zawi deuh sap hian "Tha taka ka sawi tawh hnu ah in pawmlo anih chuan in thu ni rawh se, phallo mah ula Tetei leh naute chu ka ta an ni tho tho, bakah a pa ka la dam ve reng chung hian ka fa chuan Pa dang a neih ka remti reng renglo, an nufa chuan tha takin ka enkawl thei tih ka tiam a che, Tetei nu i nih angin ka zah viau che a, mahse mipa ka ni ve tih erawh min hriat sak ang che" a ti a.


Phone a dah hnu chuan a rawn leh hawi a, mi â ang maiin ka lo ding reng ringawt.



"Bawihi leh"
Ti hlukin ka hmaah tak a rawn ding zui a, "I lo ngaithla vek em ni?" a tih chuan ka bu nghut na in lu ka thing zui leh nawk nawk a, thaw chhuak suai suai in ka dar a rawn dawm a, "Ka nu chuan eng nge a sawi a?" ka lo ti sep.



"Kan let leh hunah duhthlanna zawng zawng chu I kut ah a awm dawn ania, I nu chuan engtikah mah min pawm ngai dawnlo" a nui suk a, mahse a mitmeng erawh a tak viau thing.




"I nu chuan duhthlang turin a ti ngei ngei dawn che, 'anni nge kei' tih ah"

Tawng lovin ka melh chho kar ringawt a, chu thutlukna siam chu thil namailo tak a ni tih ka chiang, "Bawihi?" ka phu zawk a, "Ngaihtuah vak rihlo la ka duh, umm" ka bu nghat a, inchhung amah min kai lut a.



Mahni in anih loh chuan tih tur vak awm heklo, pasal ûm mek e tilo chuan exam paper te ka check a, hun awl hnawh khah nan chuan a tha ve lutuk.




Zanah chuan u Henry-an min rawn call a, a thianpa a rin tawk thu leh ka nu leh pa te lung a la awilo anih pawhin kan mualpho tawh ta sa sa, ka naute pa chu thlang tlat tur te in min rawn hrilh a, a duh a sawi zawh hnu chuan Thiangi lam ka sawipui ve ta thung, Peka'n engmah a sawi ri lo va, rilru erawh a luah ve reng.



"Sawi sep chu in kai hrim hrim dawn tih kha han hre hmasa phawt mai ula, a mipa in a duh zawk miau che chuan palai thu te chu an sût leh mai ang chu, in en kawl tha la, pahnih i nih tawh kha, naktuk zing chaw ei khamah in lo haw theih chuan a tha ah ngai ila, harsatna liantham a awm tawh lo turah ngai bawk ila, mualpho na hi han su tlang pawp phawt mai ula, a fel mai ang" a ti zui duah a, a la upa viau biklo chung hian engtinnge a puitlin bik em em theih le...!




LALPEKHLUA's POV




Hei hi ka tana Khuanu ruat a ni tak zet anih chuan 'Khuanu' an tih hi chibai buk hial ka nâp ta ve ang....



Ka sira tui ti taka muhil sek sek hmeichhe duhawm leh tuarchhel em em chu ka thlir reng a, naupang te ni chung hian engtinnge khang zozai kha a tawrh theih zawk ni...



Hun kal tawh ka ngaihtuah let na chuan ka mutchhuak a ti reh tho a, ka hmangaih nilo nupui atana nei mai tawh tur ka nih lai khan ka Bawihi kianga ka mut leh theih hi ka ring ngailo..



Ka hmangaih tana tuarchhuaktu nih kha duh em em mah ila khatih lai khan kawng a phui tlat a, pen sawn thei miah lo in dan beh ka ni miau si a ni





Ka hmeichhe hmangaih bakah ka fa ka chân lo chauh a, engpawh thleng dawn se an pahnih a ka ta an nih theihna tur chuan engthil pawh ka ti hrehlo.




Ka phone rawn êng zauh chu la kang in ka on a, a vawi 39 nan Thiangi'n min lo call leh tawh, pakhatmah ka pick lova, rilru erawh a hruai kawi thui viau.




Kan inruk zan khan engkim ka hrilh sa vek a, ka nei leh thei dawnlo tih te thlengin ka hrilh.


Ani chuan a zahawmna leh hmangaihna infiam nana hmangah min ngai a, a ngaih danah chuan a âwm ka tiin hnial pawh ka tum chuanglo.




Khuaa kan let leh hunah khawtlang titi kan siam anga, mualphona chuan bawihi rilru a hliam ang tih mawlh ka hlau a ni.




Khachen kha thinlung na leh mangangin a awm a, nau a pai tih a in hriat tirh phei chuan engtin tak awm ang maw...



Min mamawh ngawih ngawih hunlai khan a lak atang ka inla hrang tlat a, tunah chuan ka thei tawhlo, ka hmangaih te hi ka tina phal tawhlo a ni.





Tukthuan ei khamah kan chhuak a, khua a tha bawk a kan thleng har vaklo.



Kan in ah chuan ka nu leh pa bakah Tetei nu leh pa leh Henry-a leh Zuitei te an lo awm a, inchhung kan luh ruala an fanu an lo pawt hrang nghal mai erawhin min ti lawm bik viaulo.



"Ka sawi tawh Peka, ka makpa atan ka pawm theilo ang che"
Ka chhungte hmaah êm chuti taka min hmusit chuan thinhnûn hi a vilh tlat




"Ka nu"
Tetei chuan a lo ti ve hlak a, "Keipawn ka sawi alawm, I fanu leh a pum chhunga naute hi ka enkawl thei" ka ti ve leh a, "Khai a Thianpa, puitling vek kan nih hi, thu ila tha takin sawi ho zawk teh ang u" Henry-an a tih takah chuan ka sawi zawm ta biklo a.

"Diktak chuan ka rilrem zanwg I ni thlawtlo a ni Peka, I nunhlui kan hria a, kan fanu hi a him tawk em kan hre tlatlo a ni"

"Ka nu"
Tetei bawk, "Pa, ka nu hian a ti mah mah a nia aw, ka duhthlanna a nih hi" tiin a pa chu mittui nen a melh a, hetiang teh hrepa kan buai hi ka ring pha hauhlo a sin.




"Ni e Nu-i, nau hial an pai tawh a, a duhthlanna ni tawh rawh se" a lo ti ve nghut a, ka thutna bula rawn tlan pheiin ka kut rawn vuan pah chuan,

"U Peka hi ka nei dawn, min hua in min tuithlar hial dawn mah ula a pawi ka tilo, ka naute nen chuan a pa hi kan thlang tho tho dawn"
Nghet zetin a kit chu ka lo hum hnan a, a mitmeng tle ralh ah chuan a tumruh zia ka hmu thei hial!











End of chapter-27
Ka dam thatloh avangin ka dah hun tura ka sawi ah ka dah thei ta lova, min hrethiam rawh u aw....


Tuesday zan emaw Wednesday zanah dah leh kan tum dawn nia.. (Dah hun tur tak sawi hi dah hmanloh palh a awl sia maw.. Ka sawi tha leh vak duhlo ehh😆)

Muttui ule hmeltha ho❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:24 pm

Chapter-28
By RuatiRenthlei


Hringnun hi hahthlak a nih chang a awm fo!

Ka damchhunga ka chunga thleng tura ka rinphak loh hlir a rawn thleng ta mawlh mawlh.



Hmeichhe tleirawl, a nu leh pa fanu duat, hlim thei leh dream hlira khat thin hringnun kha a ral ve tial tial a, kum bul ka tan khan kumin hi ka pasal neih kum a ni ang tih rin ngaihna ka hre bik lo.




Ka duhthlan liau liauin Peka ka vuan a, ka nu leh pa te pawhin an duhthlanna ngeiin min tuithlar!


Mahse inchhirna ka nei chuanglo, ka fa hian a nu leh pa hmangaihna dawng ngei se ka duh a ni.




Kan in ruk atangin kar a liam tawh a, Peka te ka la fin ve rih ta ngawt. Namen lovin khawtual mite titi kan siam a, mi tam takin keimah min dem tih ka hre bawk. Thiangi te chhung an lungawi lo viau a, a âwm ka tih pui rualin chu chuan zahna thuah hnih min siam, a... school chawlh lai a ni hi ka vanneih ve na chu a ni mai...



"I va hman âwm der der ve, ei rawng I bawl tawh em ni?" kawngpui atang Zuitei chuan a rawn ti lang lang a, a scooty stand tha in a rawn tlan phei zui hlawk hlawk.



"Bawl zo a ni mai, kan hautak lo a" ka lo ti sep chu ner nang pah hian "I in ti nutling" min ti ringawt a, ka lo nui hak.



Ka sira rawn thu ve pah chuan a thaw hak a, "in pa'n eng nge a tih?" a tih chuan ka meng tur nasa mai, dar kan ak hian "In pa a lawm" a ti leh reuh a, ka hnial peihlo, a nghal ve a nia.





Greenhouse ah a chawhnu kal tih ka sawi chuan a phone phawrhin a call zui nghal a, ka rin ang ngeiin chawhmeh a chah leh dawn anih hmel.




Phone atang chuan an han inhnial hrep phawt a, a tawpah tomato leh zikhlum chu a chah ta hram


"In pa hi chu a nghal ve ngawt mai, 'I nu leh pa hming sawi phawt rawh' hi min ti hmasa ve ziah lehnghal a, chuan lo hau ve teh, mi zingah nula senior min ti ziah snia" a tih chuan ka lo nui hawk hawk tawh a, ka lo hauh tur thu ka sawi chuan a lungawi ve nghal mai.




Zuitei hi chu khawtual nula fel kan tih ang tak tak hi a nia, hna tha deuh a nei a, a kum a la upa vak biklo chung hian khawtlang leh KTP ah a active ber pawl a nia, tiang hi chu an lang senior hmel deuh hrim hrim in ka hria.





Peka pawh a rawn thleng har lo va, "Zuimawii'n min ti khawtlak vek alawm mawle, kha.. " tih pahin Zuitei hmaah tak iptepui hi a rawn theh thla a, veranda chhuatah thu in a hunter boot chu a phel zui mual mual.




"Ka va han lawm ber" tih pahin pakhat chuan ipte chu a ban nghal zat a, pawisa pek a tum chuan "A free I hisâp a ni lawm ni, tikhan la mai mai teh" a lo ti nghut a, keimah min rawn en in nui tut tut chung hian "Hei hi alawm Pekhlua ka duh pui chhan che" a rawn ti sup a, kan nui zui hak hak chu pakhat chuan "Va haw mai teh" a rawn ti leh hluk a, Zuitei haw hnu chuan ka bulah rawn thu in "I thiannu zet hi chu a" a ti sup a, ka lo nui sak.




"In lo tha tiraw?"
Ka darah min kuahin a kut lehlamin ka dul chu a chul hauh hauh a, "Imm" ka lo ti sep.


"Nakinah chuan naute hi a rawn puar anga, school hi chawlhsan mahla pawi ka ti lo ania aw" a thil rawn sawi teh daih vang chuan ka melh chho kar a, nui sak pah hian "Chawlh kher a ngai hleinem" ka ti sap a, "A hahthlak lo em ni?" a tih chuan lu thingin "Nakinah chuan leave pangai ka la thei dawn alawm, bakah hna neih hi ka la duh rih a" ka ti a, bu nghut pah hian "Ka enkawl thei che tih hi ring la ka duh Bawihi" a ti sup a, lu ka bu nghat.



Zantiah ei laiin ka nu (Peka nu) chuan ka dul a lo len tak tak hmaa inneih that mai a fuh a rin thu leh naute pian hnu chuan thil a harsat a rin tawh thu te a sawi a, a sawi dik viauin ka hria.




Peka pawh a bu ve nghut nghut a, inneihna mumal awm lo va damchhunga mo nih chu tu hmeichhia mahin nuam an tih ka ringlo.


Min hringtuten min thlauhthla a, ka ngaihtuah chian apiangin mahni inkhawngaihna in min rawn tuam thin a, chuvangin thil thleng tur rengah ngaia ngaihtuah vak vak loh hi ka thatpui berin ka hre tawh.




Aizawl lam mi tumah ka be lo va, Kimi nen erawh kan la in be zeuh zeuh tih chauh, Biate khaw mi ah ka in ngai nghet hmak tawh a, ka chhungte pawh helam ka ni te hi an ni mai.





"I leng chhuak dawn em?" Peka chu melh zawkin ka thuamhnaw thleh lai chu ka chhunzawm mawlh mawlh a, "Aih, kan mu hma dawn nia" a lo tih chuan melh leh zawkin "Tinge?" ka ti vat a.



"Naute tan mut tam a tha tih Henry-an min hrilh alawm" a tih chuan ka lo nui hak, eng pawh sawi se naute chungchang anih tawh chuan 'Henry' tih a ni vek tawh zel.




In khata kan chendun atang zan khatmah min la len chhuahsan lo va, thenawm vela kal a ngai chang pawhin kan pahnihin kan kal dun ziah thin.




Dar 8 velah mu turin pindanah kan lut a, la puar miahlo ka pum chu mihring biak tak hian a be mawlh mawlh mai thin a, chu a chetdan atthlak leh duhawm ru zet chuan min ti hlim viau thin lawi si a.




A ban puam lian tha zet mai chu ka kham turin a rawn dah leh a, chuan keiin lungawi takin ka lo kham leh



Ka chalah a hmui a rawn nawr tawk a, ka hmai zawnah a rawn thaw lum ham ham,
"Ihh"
"Sawi rawh"
"Bruce hi.. "
Che hlekin ka mitah tak min rawn en a, "Eng nge Bruce?"

"In sawi ngai silo a, areh" amah melh chho kar pah chuan ka lo ti sep.



Thaw ham hamin nghet leh zual hian min pawm bet a, "Engkim ka hriat tak hnu hian min hmachhawn ngam i ring em ni?" a ti sup a, ka lo ngawi kar.


"Kan tlan zan la la khan a nau hruaiin an bungrua nen Aizawl lam an pan ve nghal alawm, a rawn in lan tawh lawk lovang" a tih zawm a, ka bu deuh nghat




Ka rilru ah chuan zawhna tam tak a la awm a, heng an in leh lo chungchang vel te pawh hi, mahse a hming ringawt pawhin a mitmeng a la tih danglam hneh viau lai hian zawhna zawha lo dilchhut viau chi niin ka hrelo.





"I hriat tirh khan mak i ti ve em?" ka ti leh ta heam tho a, a"Mihring hi chu kan mak asin, 'mi tumah beisei tur i nilo, kan beisei ang a thlen loh chuan kan na thin a ni' he thu hi i hre tawh thin ang tiraw,, mi te hi kan rin avang ngawtin an rinawm kher lo va, beisei kan neihte lak atang lah kan beidawng hnem, thil siam zawng zawng ah mihring hi bum kan nuam berin ka ring"


"Bruce chu i ring viau a ni maw?"

"I rin phak bakin" a nui ri suk a,

"Mahse rinna hi vawi khat tihchhiat anih tawh chuan a siam that theih tawh ngailoh, ngaihdam ka tum lo va, tihpalh thil thua ka lo ngaidam anih pawh in ka ring leh tawh ngailo ang" a ti sup a, a thutak hle ani tih a mitmengah a hai theih hauhlo bawk.





"Anih leh kei leh naute hi i tan engtiang chiahin nge kan pawimawh?"
Ka zawhna chu a atthlak lutuk, nui sukin ka kawr chhungah a kut a dah lut zal zal a,a kut hlai leh lum vung vunga ka dul la thep thler chu chul kual riak riakin "Ka tan chuan boruak siamtu thingkung ang i nia, naute hi boruak ang chu a ni,...i tel lo chuan dam ngaihna ka hre dawnlo a, chutiang bawkin naute pawh" a ti sup a, mipa dang tam tak angin tawng zuah zuahlo mah se a tawngkam tlemte hian min thlamuan bik ngawih ngawih zel.




***
^29 July, 2022(Friday)^

"Vawiin tte chu ni bik anih hi, hei hi a mawi zawk"

"A mawi ringawt kha a nilo, nau a pai a sang tak bun chi a ni hleinem"

"Chupawh nise hei hi a nalh"
Ka ni leh Ruth-i te inhnial chu ngawi rengin Zuitei nen kan lo en tawp a, an thu an duh dun mai sia, nuih te lam lam an tiza alawm.



Vawiin kan inneih ni tur ani a, ka phur viau rualin ka huphurh ve tho bawk



Zuitei thianah ka hmang dawn a, Peka chuan U Henry-a, keichuan wedding gown pawh manto tak tul ka tih loh laiin Peka zawkin showroom ami a ti deuh tlat a, ka hnial duh ta biklo. Ka pheikhawk bun turah tun thlengin ka ni te nufa an la inhnial anih hi.



Min chei zawh chuan Ruth-i thlan zawk chu ka bun ta nge nge a, a lungawi khawp mai.



"Hmanni khan eng thu nge maw I sawi pui ni, a nui hnemin a nun hmasa ang kha a nei let leh tial tial niin ka hria" U Seni'n ka beng bulah a rawn tiru sar sar a, Ruth-i a sawina a ni tih hriain 'thuruk' ka ti duh lek a, min ei lo hmel viau mai.



Zuitei leh Sawmzela an in then a, a chhan tak va hriatpui lo mah ila Zuitei zawkin a then a, anihna takah chuan pawi ka ti vaklo.



An kum a in thlau mah mah a, ka thiannu ber hian a la na hmel vaklo bawk nen tlangval pangai tha tak a tawn ka beisei pui a, Ruth-i tan lah a ngaihthat thlak tawh, a tleirawl nun hi ka hriatthiam pui a, hauh vak vak aiin titi pui hian harsatna tam zawk chu a chinfel theih thin.



Ka nu leh pate nen tawngkam khat mahin kan la in be lo va, an fanu mal min thlauhthla hmak thei mai hi ka la awih thei lo.



Ka pa chu message in ka hrilh hram a, min reply pawh ka beisei ngam hauhloh laiin tihian min rawn reply ve a..

*Pasal neia Nu ni tawh turin i in peih tawh ah ka ngai a, I pasal leh a chhungte tan mo tha tak ni turin theihtawp chhuah ang che, I nu lung a la dam thei hlawl silo a, nautê te a rawn pianchhuah chuan a rilru pawh a danglam ve tawh mahna, chhel takin lo awm rawh aw ka fanu*

Ka mittui rawn hnâm tiam tiam chuan ka makeup a tichhia ang tih hlauin vanvadak chung chuan ka khap let sak sak a, a tawp lama 'ka fanu' tia min kohna hian ngaih zawng a ti tha e.




Kawng engkimah ka nite chhungin min buaipui a, an in atanga pasal nei tur ka ni bawk nen ka ni chuan tah a han tum ta mai thin a, engmah hi ka dream nen in anglo mah se vuina ka nei lo a, ka tleirawl lai duhthusam te kha he hmunah hian lungawi takin ka thlahliam thei a ni.





Mi tam tak kan sawm lem lova, ka chhungte lam phei chu chhiar tham tak tak chauh, Aizawl lam atang tumah an rawn lang lova,lo kal tum ber Kimi lah a hna vangin a hman leh silo a, Pek ate chhung lamin min tawiawm tha a, a lawmawm tak tak a ni.




Biak In chhunga ka kut vuana thu min tiamtu chu ka melh chho kar a, a mitmeng thuk ruiha hmangaihna mawlh hian awm ngaihna min ti hrelo hial thin zawng ania le..



A thuchham engkim mai chu a titak tih hriat tak hian a ril bik ruih a, ka kuta zungbun a nawr luh laite chuan mittui tling par hian ka lo en reng a.





Tunah chuan nupa tak tak kan ni ta e..



Ni ropui tak, hmeichhia te tana ni ropui ber an tihah hian ka nu leh pa te vanga lungaih ka tum hauhlo.


Mo lawm program zawhah ruai an buatsaih chu kan ei a, thuamchhawn pawh u Henry-an min buaipui nasa bawk a, mi pangai tih âwm tawk vekin thil min tihsak a, engkim a kal tluang e.








"I chau em?" ti sup Tu chu melh zawkin lu thing nar nar pah hian "A ropui" ka ti sep a, mi zawng zawngin inneih zanah eng nge thleng thin kan hria, chuan ka ngaihtuah thui bik viau em ka hrelo na in naktuk zing thawh ka huphurh nghal viau bawk.




Zan dar 10 a pel tawh a, inleng an haw hnuah mu turin pindan kan pan nghal.


Darthlalang hmaa ka ding lai chu ka hnung lam atang min rawn kuah a, ka dul chu ka chul kual pah, "Zanin hi kan lawithat zan tur ania" ka beng bula a rawn phun sup rual chuan ka lo che ak a,Lalpa le...!ka naute hian min chhanhim hram ka beisei.




"Mahse nau ka pai hi, kan pahnih lawi that zan te chu hman.. "
Ka sawi zo hmanlo..
A hmui lum thur thurin ka nghawng kual chu a rawn fawp dan dan a, a lamah min kuai her in ka ir chuktuah chu a fawp leh ngawih ngawih phawt a, chutah ka mitah tak min en in "Rai laia sex hman hi a pawilo tih Henry-an min hrilh asin" a ti thawp sup a, a fiamthu hauhlo tih hre mah a ka lo nui hak tho, engkim ah 'Henry-a' tih vek!



"Mahse.. "

"Shh"
A kut zungchalin ka hmui a nul kual vel a, a zei lutuk hian a chang chuan min ti zâm thin.





**
ZAWMNA


" 'Mahse' tih thumal hian thil famkim tur a ti famkim lo thin"
Min pawm nawlh a, a nghawngah ka lut ka suih bet zui vat.




Nui ri suk chung hian "Lawithat zan chu zan tin hmang mah ila a pawi hleinem" a ti sup a, a kiai zui suk chu ner nangin ka lo en.




Khumah min muttir in min bawhbet nghal zat a, dimte a ami fawhna chu chhan let loh atan chuan a uiawm lutuk.




Ka hn*te chu ka kawr chhanah a hrawm zui nawk nawk a, min fawp uar sauh chu a nghawng ah kuah betin ka thiam anga uar leh duhthawh in ka lo chhanglet ve zel a.




Ka kawr kilhna a phelh ruala ka nghawng zawna a rawn thaw lum ham ham te chuan ka rilru a chawk nu tial tial a, ka bra phelha a laksawn lai pawh mumalin ka hrelo.



Ka hn*tr hm*r a lei sa hiama a sawngbawl kual vel lai te chuan a samah thamin ka lo er leh ngawng ngawng thin a, ka dulah fawp thla zelin ka kekawr kawng a pawhthlak lai chuan a vawi khatna ang mai hian ka lo ip chawih a, ka panty nen a pawtthla nghal vek chu ka rilru tak chuan ka zak ang reng viau.





A hmui nem thapin ka hmeichh*atna chu a fawp kual a, "Bawihi leh" ti hrawihin a ding mar vut a, ka ke ka tawm nghal vat chu min nuih suk.




A shirt a phelh a, a kekawr zawng zawng nen mawle.. Man ti lutuk hian ka lo en a, sex kan hman hmasak khan motor ah a nia, tiang hian ngialngan lutuk in ka hmu miahlo.




Min rawn bawh bet nghal zat a, a mip*tna khawng run leh ka taksa dangtu awm miahlo a in si reng chuan mak tak mai hian mahni in rintawkna min pe tlat anih chu!
Ka pasal, keima pasal ngei nena sex hmang kan ni tawh miau a, hlauhthawnna ka nei hauhlo.




Ka bianga ka sam chhawlleng chu hui kiangin dam thlap hian min fawp leh a, a mip*tna in ka hmeichh*atna a rawn nul kual thuak thuak a, a thaw sa leh rang zet chuan ka thawk thlengin a ti buai ve zo vek.




Muangchangin a nawr lut riau riai a, a z*** lian zet hi ka taksa hian a zo meuh thinlo chu anih ber hi maw...


"I la tight reng anih hi.. "
A nui suk a, rum lutuk in ka melh, fiamthu na chi pawh ni nghallo chuan.



A nawr luh vek rual chuan ka kawchhung hi a khat vek ni berin ka hria, bedsheet chu ka tham ngawt ngawt a, muang leh dim raiha min d** rual chuan ka lo thaw halh halh.



A che rang tulh tulh a, min dimlo tulh tulh bawk!

A zawh meuh chuan zawi ngiai hian ka chungah a rawn bawk a, a z*** erawh ka chhungah a la awm reng, thlan tuiin min bual a, ani pawh chuti tho.. A lum lutuk...!



A sam chu dimte hian ka khawih a, rawn dak chhuakin nui suk hian ka beng bulah "Ka hmangaih che, ka nupui duhtak" a rawn ti sup a, mahni pasal te lak atanga chutiang thu hriat tluka nuam chu nupui tan a awm bik dawn em ni?



"Keipawn"
Ka tih rualin ka sir ah a let thla tawp a, a z*** a phawi chhuah rual chuan ka thawl ve hawkin ka hre hial.



"Ka huh vek" tih paha thawh ka tum chu min pawt let dawrh a, "Ka inbual dawn" ka tih chuan "Ka bual ang che" ti supin a tho zui nulh a, zo fahrana min pawn kân rual chuan ka lo tal nghek.




A pindan bathroom ah min pawm lut a, thil nilo lo a ngaihtuah leh ka rin tehlul nen chutiang chu a thleng ta lo.



Ka chetsawn phallo in ka taksa chu a tifai a, bathroom light dim ruih te chu ka vanneih pui ni ber hian ka hria, êng pup se zawng, ka pasal ni mah se ka zak dawn tho sia.





Bathrobe ha in a sir ah ka lo ding a, shower hnuaia ding ka pasal, dar pharh leh tihrawl hlira in mung khat tlat taksa chu uluk tak hian ka lo en a, mipa ngo leh leh no uak a ni lova, a hang hran hauhlo bawk.




A hnathawhna vanga a vun sen uk kharh te chuan ati mipa ngawih ngawih bik hian ka hria a, a hnathawhna kutphah chang leh a vun mam lemlo te saw ka thlahlel em em bawk si.




Zing Dar 2 velah khumah ka mu ta chauh a, ka chau deuh bawk nen ka muhil hma viau in ka hria...






****



"Hei, Bawihi"
Ka chal chu a hmui lum thar tharin a rawn nawr si a.


Mit ka men ruala ka pasal nui hmel chuan ka nileng mood a ti tha dawn tih ka chiang.



"Dar 7 a pel tawh a" ti leh supin a tho zui nulh a, keipawh ka duhai ka tho tlai mah mah.




"Engtinnge? I va chhuak tawh em?" ka tih chuan lu thingin a t-shirt chu a in thawlh nghal zat a, atthlak lutuk, a tho ve chiah tho a, lo va chhuahna hun a la awmlo hrim hrim



"Aa.. Kan tho tlai sia, ka chhuak huphurh" ka tih chuan nuihzat hmel deuh hian min rawn en a, mahse ka uang miahlo, ka chhuak duhlo tak tak..




"I chhuah loh chuan hetah hian I tawm reng dawn tihna em ni?" a nui suk a, ka lo bu nghut chu a rawn nui chhuak hawk.




"Bawihi leh"
Ti hlukin khumah bawk a rawn thu leh a, ka kut vuanin a fawp zauh a, "Hetiang te chu mi zawng zawngin an taeng vek alawm, inneih tuka tho duhlo tlat Mo nihte chu i duh dawn em ni?" a ti sup a.


"Mahse ka zak alawm" tuah hlur hian ka lo tih khum vak.



Zawhna in zawha in thlem chiam chi pawh a nilo, ka zak a, chuzawng chu...


"A va buaithlak" tih pahin side table a a phone chu a ban nghal zat a, "Tunge i biak dawn?" tiin a phone ring ngaithla chu ka melh run run a.



"Aw hello Zuimawi, I thawh tawh chuan lo kal mai teh" a ti sup a, Zuitei a phone chhan chu rin dan pawh ka nei thiam lo.




"I thiani hi a tho duhlo tlat a, rawn ri phei buan buan la, min rawn kaitho mai teh" tiin a dah a, "A rawn phei dawn, lo inthlak la, min rawn kaitho dawn anih chu" a ti sup a, "Yess" lo ti thuaiin khum te chu ka thlep fel nghal sawt sawt a, "I va fing reuh tak" ka tih chuan nui hauh lo hian mit min siai zauh a, lei ka chhuah khum leh ta ngawt.




A sawi ang ngeiin Zuitei chu a rawn ri hlut a, "Mo thar thawh a hun tawh" tiin engtin tin emaw min rawn kai tho a, in ti zaklo luiin ka nui chhuak ver ver.




Inneih tûkzing zet chu a dan a dang hle mai ka ti..



Inleng an awm ve reng a, Peka chhungte lam mikhual te nen kan ri nawk nawk a, tuman nizan lam chanchin min zawtlo a, ka lawm ru ang reng.
Ngawiteh kei hi, tunge nizan lam min zawt duh awm reng reng anga, atthlak lutuk.



Mo kawr nena tlanga shooting han neih thar leh vel chu sawi nak nak mah se tul ka ti lem lova, a hautak zawnga khawsak chu ka duhloh bakah Biak In kawta kan lakah khan ka lungawi viau a ni.




Kan inneih atanga karkhat a liam meuh chuan khual khua atanga lo kal te pawh an haw rêm zo tawh a, naupang exam result pawh kan puang zo vek tawh.




Ka hna ngai thawkin school ka kal nitin a, ka pasal pawhin taima takin hna a thawk thin.


Ka nu leh pate chuan in an lo nghak tlangpui a, an kum a upat tawh avangin an duh duh ti turin zalenna kan pe a, an mo ni lovin an fanu ang in min en a, chu chuan nun nuamin min awm tir thin.




"Vawiin chu Mamit lam atangin an lo kal dawn a, hlawhfa pawh chhawr hnem deuh an ngai ang" tukthuan ei laiin Peka chuan a ti sup a, huan thlai chungchang vel sawiin kan titi zawm a.




Kumin chu kum dang zawng aiin thlai an tha a, Mizoram hi marketing ah tun ai hian sang zawk phei ila chuan kan hlawk viau ang.




Peka huan kal tur leh ka school kal tur chu kan chhuak rual thin a, pick up leh car, a chang leh bike in, muangchangin min tlanpui thin a, min dim leh lutuk hi a chang chuan ka haw lek lek zel.




Tlai lamah Mamit lam chu an rawn thleng a, zan haw lehnghal an tum avangin kan buai ang reng viau.




Thlai rah chi hrang hrang chu motor ah an load suau suau a, Peka chuan hnathawk mawlh mawlh pahin min hau char char....




Hrilh lawk lovin ka school bang greenhouse ah ka tlang thla ve nghal a, keimaha ke leh nghala ka lo kal ve ringawt chu tullo a tih thu leh thil pawi a thlen palh a hlauh thute min sawi khum char char.





Kan zawhfel meuh chuan khua a thim thet thet tawh a, tha taka in dawrna kan nei thei chu lawmawm ka ti, hmana Lungei lam ang khan kan buai leh vak ang tih a hlauhawm ve a.




Kan hnathawk te zinga tlangval pakhat chu motor khalh haw tirin keini chu ke in kan haw ta thung a, anihna takah chuan motor a chuang ve mai tur kan nia, ka chuan ve chuan an tlanchak thei dawn silo a, keimah vanga midang an khawtlai ai chuan ke in min haw pui ta zawk anih hi.




Ka kutah kaiin min kalpui hnek hnek a, a hnathawhna thuamhnaw tlawm ve tak, a vun niin a em uk te leh a thlan rim te, a kut chang leh thap hrup te hian min hmangaih zual tir a, ka nu leh pa te min tuithlarna chhan hi tun thleng hian pawi tia inchhirna ka la nei ngailo fo!



Ka pasal hi engkim kalsan leh chân huama vawn tham khawpa hlu a ni a, khawvelah a ni tluka chân ka hlauh mihring hi an la awm ngailo!










End of chapter-28

Zawm tawi ang reng😹
Hun âwl neih har zia chu ka sawi lo zawk mai ang.. In awih leh chuanglo ang😔
Student mai ka la nia maw, in mi hriatthiam hram hram zel ka ngai anih hi😕💖
Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:25 pm

Chapter-29
By RuatiRenthlei



"A rapthlak ka ti emai keizawng, hetiang reng reng chuan Tetei lakah pawh a inthlahrun awm lutuk alawm" ka nu tawng ri chu inchhung ka luh rualin ka hre nghal a, thawm chu choka lam atanga lo chhuak anih avangin muangchangin ka pan phei a, dining table bawhin Peka chu in ngaihtuah mûk hmel tak hian a lo awm a, ka nu leh pa te pawh chair ah an lo thu ve ve.





"Engthil nge thleng a? Diklo a awm em ni?" tia an awmna lam pan pah chuan ka nui lui sak a, "Bawihi?" min hmuh a inring lo viau tih hriat tak hian ka pasal chu a meng phâwk viau a, "In sawi kha ka lo hria a, thil thleng a awm em ni?" ka melh kual zak zak a, ka zawhna chhang lovin ka nu chuan "I lo va haw hma ve Tete?" dam diai hian a rawn ti ta zawk a,

"Nia, class ka nei tawh lo va, ka ril a tam bawk nen ka lo haw hma tawp anih hi" tiin ka bag chu dawhkan ah ka dah a, chhun pachangah hetia hna pawh thawk lo va an lo awm khawm hian ngaih chu a titha zân theilo alawm...



"In rilru a hah hmel hlawm sia"
An sawi hreh hmel hlawm em avangin ka pasal chu a mitah tak en chung ka zawt nawn leh a, ka darah min rawn kuah pahin ka chalah a fawp zauh a, "Engmah a nilo" ti suptu chu melh chho ha in ka zawhna mitmeng bawk chuan a mitah ka en leh a,


"Chhungkua kan ni tawh a, thil thleng a awm chuan ka hre ve tur a ni lawm ni Nu?" Peka lakah ka beidawn em avangin ka nu zawk chu ka melh leh a, rilru hah hmel taka thaw chhuak suai suai in, ,


"Ni e Tete, I lo haw hma lawk khan Bruce-a hnen atangin call kan dawng a, ila hrelo mai thei a mahse he in hi kan in tak tak a nilo a, a neitu diktak chu I pa nau chiah, Bruce-a pa hi a nia, anni lah hna vangin khawpui lamah an awm a ngai a, tihian kum 30 chuang teh meuh enkawlin kan lo luah lum tawh a, mahse eng nge maw a hriat ni, a rang lama in hi chhuahsan turin min rawn ti a, a ngaihna kan hrelo khawp mai" a ti ta mai a, Bruce-a in tih chu ama kâ atang ngei khan ka lo hre tawh a, mahse an fa tak ang maia hmangaih tute hetianga a ti mai duh hi ka hrethiamlo tak zet.






"Rilru tihah vak lo teh u, ka chingfel mai ang, hna kan tan leh hmain thingpui in law law ila, lo siam mai ta che ka nu, lo kal teh" tiin pindan lamah min hruai lut a, khumah min thuttir in ka hmaah tak a rawn thu hniam zui a, "Keimah vang a ni angem le?" ka lo ti sep, inchhung ka luh rual khan ka nu khan ka hming a lam ri ngei a, Bruce-an hetiang a tih chhan hi keimah vang ani thei, a chhan chu a ni khan.....




Ka thaw ham ham a, ka kut vuanin ka pasal chuan amah en turin min hrilh a, "I thiamloh a awmlo, min ring la, englkm a tha leh vek ang" a ti sup a, a mit menga min ngaihtuah na mawlh mai hi...!





Sawi zel duh mah ila chu chuan kawng ro a su lemlo tih ka hria a, keimah vang pawh chu lo nise tih theih ka nei vak chuanglo tih ka hria, ka pasal hi engkima ka in nghahna chu a ni mai.





Ka inthlak zawh ah chhun thingpui kan in ho a, Bruce-a lam chu tuman kan sawi ri tawh rihlo, ka dul a rawn puar ve deuh tawh a, ka raino tirha chawhmeh rim ngainat loh tih vel kha ka nei leh tawh lo, ka thil ei a tui em em a, ka ril a tam deuh reng bawk. Doctor in ka naupai a that thu min hrilh a, kan chhungkua pawh kan hlim vanglai tak a ni, Bruce hi rawn langlo se chuan.....





Chawhnu lamah Peka chu Leo hruaiin huan lamah a kal leh a, ka nu leh pate pawh in hmun huanah bean zâmna tur ngul siamin an buai a, veranda ah thuin Zuitei school bang châng pahin lehkhabu ka chhiar mai mai a.

Ka phone rawn ri chu en vatin Bruce-a hming ka hmuh rual chuan tullo tawpin ka lungphu a rawn rang a, mahse mahni in thunun hram hram tumin ka chhang ta tho.






"I dam maw Tete?"
A aw ri thleng hian ka ten vek tawh...

"Sawi duh I neih chuan sawi la" ka ti a, rei tak min rawn biak tawhloh hnu ah tun ataka min rawn biak leh chhan hi in hmun chungchang vang anih ka ring nghal hmiah bawk.





"Min nei la chuan lal in ang maia ropui leh nuamah I cheng tur ania le.. "
A nui ri chu rapthlak ka ti!




"Hmangaih miahloh bul chu lal in ni lovin jail anih ka ring zawk" ka ti ve kher a, hetiang zawnga in chhaih kual vel hi ka peih teh vaklo.




"A tha alawm, I tluk loh hmeichhia chu ka tawng ve nual asin"


"Anih chuan chung ho chu va be zawk mai ta che" tia off nghal mai ka tum chu a thil rawn sawi leh vang chuan ka thulh leh a.





"Engpawh nise in luah tur chu lo zawng ru deuh la, kha in aia nuam kha chu in hmu zo kher lo anga, mahse tihral ka duh miau bawk sia, I hrethiam ang tiraw?"


Ka kut chu ka hum ruh vak a, tiang em em a mihring rapthlak leh rilru chhia hi an lo awm ngai a ni maw....




A hmuh loh lama in hum ruh teuh chung chuan ka nui lui ta chiam a, ka hlauh loh thu leh a duh duh ti tura hrilh in call chu ka cut zui a.





Thaw chhuak hawkin thutthleng hnunglam chu ka tauh dawt a, mihring rapthlak lutuk hetiang hi an lo piang ve ngai chu a ni sia le, Aldrina ai pawhin sual ka ti zawk.




Engpawh nise Peka hrilh ila, ani'n tihdan a hre zawk ang.



Dar 3 pelh hretah tual ka phiah laiin Zuitei school bang chu a rawn kawi a, "Awi I haw hnu khan news mak lutuk a thleng a" tiin a rawn ri leh nghal hlut. Inchhungah in zui lutin news a sawi chu ka zawt let nghal a, dawhkan a tui chu in khawlh khawlhin thaw hluam chung hian "Aldrina'n nupui a nei dawn a" a rawn ti ta mai a,



"Enga?" tiin ka lo melh phâwk viau, "A inthup thei tiraw, palai an tirh hnuah chiah a sawi chhuak ania" a ti a, nupui êm a han nei tur chuan min shock viau mai, a sawi danin Aizawl khua a ni âwm a, engpawh chu nise ka lawmpui takzet, kawppui ve ve kan neih hnu chuan kan inkar pawh a dik chho leh mah na.






Chawhmeh eng eng emaw ka hawn tir a, eirawngbawl a hun nghal mai bawk nen ka buai zui mawp mawp a, zanriah ei khamah Peka chu pindanah kai lutin ka be ta nge nge a.



Bruce-an min lo call tih ka sawi ruala a mitmeng danglam zawk chu hmuh hmaih rual a nilo. Engkim ka hrilh hnu chuan thu kam khat mah chhak chhuak lovin ngawi rengin min kuah bet hlu hlu ringawt a, a ngaihna ka hrelo viau.




"He thil hi a thlen ngei ngei a ngai Bawihi, engpawh thleng dawn se he in hi kan chhuahsan a ngai ani" a ti sup a, min kuahna chu a la phelh mai chuanglo.




"In luah tur dang chu a awm em em ang, lungngai lutuk lo la" ka ti ve sep a, inla hrang in a hmai chu a tuai zui puat a.


"Harsatna ber zawk chu ka nu leh pate hi an ni, he in hi kum tam tak an lo luah lum tawh a, chhuahsan thut tur chuan... "
Sawi zawm lovin a thaw chhuak hawk a, a mitmeng mangang leh a hmel ngui deuh lap chu hmuh hrehawm ka ti.





"Tihdan a awm em em a, inthiamlo a hrehawm ti viau turin I thiamloh engmah a awmlo, ka nu leh pate pawhin an hrethiam em em in ka ring" ka ti sap a, a mangang hmel reh theilo mawlh mai hian ngaih a ti tha theilo. A bek atang thlan fim a rawn chhuak a, hetiang em em a manganna tur hi a awm in ka hre ve hauh bawk silo.





"Sawi duh I neih chuan sawi la, I hmel dik theilo hian chhan eng emaw a nei em?" ka ti ta nge nge a, a lu thing nghut mah se ka awih chiahlo.





"Bruce-an thildang sawi a nei em ni?" ka ti leh a, chhanna pangai tak ka la dawnglo fo.

"I lu min thin khum zel dawn nge thudik min hrilh dawn?"


"Engmah a nilo ka tih chu... Engmah a thlenglo"
A aw ki rawn sang thut vang chuan ka phu chiam a, ka beisei loh lutuka tawngkam vin min hmankhum vang nge chawpchilh lutuk in ka hnuk a ulh nghal...




Mittui tling par chung chuan ka tawlh hnung hrat a, khatiang kha a lak atanga ka la dawn ngailoh thithil anih vang nge dawnsawn dan tur ka hrelo.




A kutphaha a hmai hup thawkin a thaw chhuak hrawih a, "Lo kal teh" tia min rawn panin a âwmah min kuah bet a, a lung phu dup dup ri leh a taksa khur dar dar chu ka feel vek thei.





"Ka tihpalh, ka tihpalh lutuk" ti mawlh mawlhin a hmui chuan ka chhip a rawn nawr leh tawk thin bawk a, tunah chuan a awmdan engkim mai hian ka tah a ti chhuak vek tawh, ka mittui a tla zawih zawih a, rei tak chhung chutiang chuan kan awm tawp.





"Min vin vak kher a" ka ti tiau chu ka darah dawmin a in la hrang hlek a, "Ka ti nawn tawh ngai lovang, ka... ka rilru a buai em a ni" a ti a, "A chhan ka zawt reng che alawm, tinge min hrilh ve mai loh?" ka ti leh a, thaw ham hamin ka hnung lama khumah chuan min nam thu a, ka hmaah rawn thu hniam in ka kut chu a hum ran a.




"Enteh Bawihi, ka nu leh pate hi ila hrechianglo a ni maithei, mahse ka hria, engtikawng mahin he in hi chhuahsan an duh ngai dawnlo, khawvel danah chuan Bruce-a hmingin a awm pawh a ni mai thei a, mahse uluk taka enkawl a, tuai hnûm thin tute chu ka nu leh pate hi an ni asin, an tan chuan a hlu lutuk, he in chhuahsan tur hian engtinnge ka hrilh theih ang?"

A aw zawi ruih leh natna in phum tih hriat taka hnawk tuak hian hrehawm min tih tir a, hnem dan tur ngial ka hre bik silo.






"Ka... Ka rilru a buai a ni, ka chapo na dahtha in Bruce-a hnen ah a khawngaihna ka va dil mai dawn tihna em ni?"



"Aih, chutianga i tih chu ka phal lo, ka tiam a che, ka nu leh pate chuan an hrethiam em em ang" ka ti a, he thil avanga ka pasalin a lo tuar daih hi ka duhlo tak tak.






Dar 9 rik dawnah kan branch KTP leader pu Chhana leh midang thenkhatte an rawn lang hlawl a, KTP kumpuan thupui 'tawngtai uar' tih bawhzui nan zan reh lam deuhah member te in sawmkhawm in Biak In ah an tawngtai thin a, an ti tha ka ti tak tak a ni. Peka pawh member a la ni ve a, mahni tan vek alawm tiin a kal ve ziah thin.





An chhuah hnu chuan ka nu leh pate TV enna bulah naupang ho test paper check pahin ka lo thu ve a, in hmun chungchang chu ka zawt angem tia ka in ngaihtuah buai lai takin ka nu zawk chuan a rawn sawi chhuak ta hloh a, lo tui hnih ve in,

"In hmangaih na hai dera hetianga a ti duh cheu hi keichuan hriatthiam har ka a ti a, Nu, Pa, he in hi in tan a hlu lutuk tih ka hria a, mahse eng nge kan tih theih chuan, Bruce-a bulah zahngai turin kan va dil mai dawn em ni? Chutianga tih chu a tlawm thlak viau lo maw?" ka ti ve ta phawng a, ka thil sawi chu min pawmpui ve ni awm takin bu nghut nghut ve bawk mah se an mit menga nguina erawh chu ka la hmu thiam fan a.










****
ZAWMNA


Ni a ral a, kar a liam a, Bruce-a hnen atang lah in chhuahsan tura nawrna kan dawng zing ta viau bawk. Kan rilru a buai tlang a, kan hminga awm anih miau loh avangin thu neihna lah chu kan nei der silo.



Sitting room lamah kan thu khawp thap a, ka pa chuan a tawp nan tiin Bruce-a chu tha taka biak leh a rawt a, in chu a tih ral dawn tho tho chuan keimahni'n lei dil mai ila tiin, chuta rem a tilo anih chuan kan chhuak vang vang tawh anga ni mai.




Phone ring ri chu kan ngaithla thap a, lehlam atang pawr fapa Bruce a rawn tawng rual chuan ka pasal kut chu ka vuan vat a, be chak viaulo tih hriat tak hian a khabe ruh kual te chu a pawng tawlh tawlh a, ama thu ni ngat se chuan khawngaih dil hauhlo in min chhuahpui vang vang in ka ring, mahse ka nu leh pa te tan a tih a ngai miau si a.





"Inremsiamna min neihpui thei mai lo em ni? Engzat pawh chhiar la min lei tir phal phawt chuan ka lei em em ang" a ti a, mahse le, Bruce-a rawn chhan dan chu a ngeiawm viau anih ka ring, call chu a cut zui ta hmak a, phone chu dawhkanah thehthla in a hmai tuai puat chung chuan sofa chu a ngheng dawt a, "Tihngaihna a awmlo, kan chhuak anga ni mai" a thaw hawlh a, a beka thlan fim rawn bawl tek tek chu ka hanky chuan ka lo hruk sak thuai thuai a, ka pa chuan "Ni e, a chawpchilh si a, Pa Ruala te in kha ka be lawk deuh a, tah chuan kan in hnawh ve rih lawk anga ni mai, kan len loh deuh leh tihdan dang kan dap zel anga" a rawn ti ta sup a, keichuan ka pasal ngawt chu ka en, a lung a dam thei mawlhlo tih ka hria a, han tih vak ngaihna lah ka hre bik silo.







"Kan len loh tak leh Pu Renga te in hnuai kha tuman an la luah chuang lo a, thenkhat hi chu kan dah mai dawn nia" ka ti ve sep a, kan chhungkaw boruak chu a ngui nghiai a ni ber mai.





Mahse ka pasal hian a nihna a hai lo va, ka rin ang chiahin a rintlak tih ka hre bawk.



A tukah chuan school kal lovin kan bungrua te kan pack a, U Henry-an min rawn pui ve bawk a, Peka pawh hmel hmuh hrehawm lutukin a awm ta biklo.




Bungraw thrnkhat kan hman lutuk loh ho chu Pu Renga te n hnuaiah man chawiin kan dahkhawm ta rih a, Pu Ruala te in ah chuan kan in suan lût ve ta rawih..!




Kan in kan chhuahsan dawn laia ka chhungte hmel mawlh kha aw... Ka nu phei chuan hnung lamah a mittii a hru fap fap tih ka hria a, ka pa pawh mips anihna chiahin a mittui a dang niin ka hria, tap chhuak hawm hawm mah se tuman kan demin ka ring chuanglo.






A tukah Bruce-a chu a rawn chho ta ngei a, a nau Nana-i erawh a rawn chho ve lo, a û duh dan hi a pswmpui chiah em ka hre chak khawp mai.


"Hetianga ka tih chhan hi ka huat vang cheu a nilo ania aw Papui, ka ngaihtuah a, ka nu leh pate in liau liau hi tuma luah lohin amah hian awm se a hlu zawkin ka ring a, in awm lai kha chuan ka nu leh pate hming a bo tlat" tiin kawngka lu chunga ka pa hming in ziahna chu a la thla nghal a, ka pasal che uk chu a kutah nghet zetin ka lo vuan.





"Ni e, I ti dik alawm" tiin ka pa chuan a chhang mai a, "I la inchhir khawp ang" sehchilh zeta titu chu ka pasal ngei ani.



A thinrimna a up bet zolo ang tih hlauin a tang tung chung chuan ka pawt haw lui a, inchhung kan luh rual chuan ka vawnna kut chu phihthla in inchhung zimte ah chuan a tei kual vut vut a, "Engtinnge a tih theih zawk? Kan hmangaihna hi engtinnge hetiang hian min chhan let theih?" ngawi rengin a sir atang a chet dan chu ka lo en reng a, amaha zawhna tam tak awmte hi engtia han chhan tur nge ka hrelo a ni.






A tei kual vut vut reng chu tihngaihna ka hriat loh em avangin ka kuah ta ringawt a, engkim hi Pathian remruat a ni tih pawm tura hrilh mawlh mawlhin nghet leh zual hian ka kuah bet a.





**"



"Aw Tete, lo che ve vak mah ta che" tih paha min rawn pantu ka nu chu ka lo nuih ver ver a, "Tui in tur ka lo pe dawn cheu a, chhun thingpui pawh ka peih tep" tiin ka tui ken chu ka pe thuai a, "Ka lo la mai dawn alawm, lo in ti hah ve duh vak suh" tiin hnathawktu te chu tui a va pe nghal a.





Hriatloh karin hun a liam zung zung a, Christmas pawh kan hnaih tawh viau, ka dul a rawn puar ve tawh viau a, thla 7 ah chuan rai lian pawl tak ka ni.




Kan in hlui atanga hla lo te ah khan in hmun tha deuh mai lei tur kan hmu hloh a, ka hminga loan la in kan lei nghal a, kan sa ta nghal rum rum a nih hi.





"Vawiin chu nidang aiin ni a tang a, a thawh sâwt theih meuhloh" nisat vanga a hmai sen up up te leh a beka thlan luangte vang chuan inchhung a rawn luh rualin ka pasal chu fan ka lo on sak thuai a, thingpui thlit in a bula thu ve pah chuan a chauh leh chauh loh te ka zawt a, a tih thin dan pangai in nui suk hian lu a thing a, a thawhrim zia hre chiangtu tan chuan thil awihawm loh tak a ni.


A hah hla tih ka hriat pui a, ka theih ang tawkin ka duat ve bawk.





"Ka hrilh theihnghilh daih che a, nizan khan Aizawla ka thiannu Kimi nen kan in bia a, ka pa dinhmun a tha vaklo a ni awm e" ka ti sep a, "Engtinnge a awm a?" lo ti thuaiin a thingpui no chu dawhkanah a nghat a,
"BP sang leh zunthlum nei sa ania, lu haia tluk mai te hi a ching thin a, nimin pawh an hnathawhna lamah a lo tlu a"


"I nu in a rawn hrilh che em?" lu ka thing a, heti taka ka nu'n min en hrang ta hi awih harsa deuh asin, a fanu neih chhun hi ka that leh that loh min zawt tur tak ngial pawhin min rawn be ngailo a nia...




"Ka hre thiam e, nangman bia la"
Ka pasal chu ka melh zawk a, lu thing nar narin "Min be duh hleinem" ka ti sap, ka chapona vang a ni em ka hrelo, mahse min be duhlo Tu na na na chu biak luih har deuh asin.




"Mahse Bawihi, I pa chanchin... "

"Kimi ka be thei alawm, chanchin chu min rawn hrilh zelin ka ring" ka ti a, a bu ve ta nghut.





Rilru nuam taka awm a harsa a, a khât tawkin Kimi ka call chhen bawk.

Ka pa chi dawmdawiin a a la awm thu leh biak theih a la nih loh thu chiah min hrilh a, ka nu lam ka zawh ve chuan tihian min chhang,

"Pasal i neih atang khan keimah thleng hian min hua ni berin ka hria, pa Dinpuia hi chuan min la duat reng a, mahse i nu hi chuan a tul tawpah lo min be ngailo, diktak chuan a nunphung a hloh ni berin ka hria, nu nelawm tak a nihna kha hmuh tur a awm tawh lo va, pawn a chhuak tlem bawk si, dawr pawh midang a enkawl tir a, tunah chuan i pa bulah a awm chawt a ni mai, theih se chuan nangmah ngei rawn kal la" a rawn ti a, ka rilru a buai ta map mai.





Chuti tak chuan a ni maw ka nu in a nundan a lo thlak a, a chhan lah chu keimah vang a ni tih ka hre reng mai bawk si, ka pa dinhmun han ngaichang ila, a tul anih chuan Peka tel lo pawhin ka tlan thla ve lawk mai ang.





****



"Bawihi, I phone a ri ania" pindan atang Peka chuan a rawn ti lung lung a, ka chawhmeh chhuanlai chu kalsan chi nia ka hriat loh avangin lo chhang mai tur in ka ti a, a tawng ri bul bul chu ka hre thei a, eng nge a sawi tak phei chu ka hre pha lo.




Pindan a tang a rawn chhuak a, a inbual zawhna kha a rei tawh tehlul nen kawr a la ha lo fo, "Tunge a?" tiin ka lo zawt vat a, "Lo kal teh" ti supin ka banah a rawn vuan chawt a, pai khut khutin ka lo tang ve tung a, "Ka thil chhuan hi" ka tih chuan "Off mai rawh" tih pahin aman a rawn off a, a awm dan tehthut chuan min ti hrilh hai lutuk a, han tihvak ngaihna pawh ka hrelo.





Pindanah min kai lut a, khumah min thut tirin ka hmaah tak a rawn thu hniam zui a, ka dar pahniha dawmin ka mitah tak min en.


"Diklo a awm em ni? Tunge min lo call Tu kha?" ka ti sup a, a hmel landan dam thluam a tang ringawt hi chuan englam nge tih rindan pawh ka nei thiam lo.





"Bawihi, ka mitah min en la, chiai lo tur in ka duh che" a ti sup a, ka dar a vawnna chu a ti nghet salh bawk.


"Umm sawi rawh" ka ti a, "Kimi'n a rawn call a, I pa.. " a ngawi ta daih a, ka pa!


"Ka pa chu engtinnge a awm a? Kimi chuan eng nge a rawn sawi a?"

"Min chhang rawh, ka pa chu engtinnge a awm?" a ngawih reng a vang chuan ka au khum titih a, "Bawihi, engkim hi kan duhdan diak diakin a thleng theihlo tih i pawm a ngai, I pa chu... I pa chu tun lawk khan a boral"
Ka tliak hnâwp ni ber hian ka hria, engkim chu a reh dûk a, ka hriatna zawng zawng a bing mup a, ka kawchhunga ka lungphu su dup dup bak chu engmah ka ngaihtuah naah a lut lo





"Bawihi, min en rawh" ka pasal chu vai riai hian ka en a, "Ka pa... a theihloh, dawt i sawi a ni" a lu a thing a, "Insiam ila, kan kal nghal dawn nia aw, ka nute chanchin ka va hrilh ve a nge" tiin min chhuahsan a, keichu ka awmdan ngai rengin ka la awm.



Damdawiin a awm atang ni hnihna chiah a la ni a, heti maia kal tur chu a nilo reng reng, tukin lamah pawh Kimi chuan a that viau thu a rawn sawi kha....



Ka âwm chhung tawt lutuk chu ka chum a, ka thu hriatin min thawng lutuk chu thawk lak ngaihna pawh ka hrelo hial!



Tah chhuah hawm hawm mai ka duh a, mahse ka mittui bawm chu a hul vek anih ka ring, mittui far khat pawh ka titla theilo a, ka ngaihtuhnaa ka pa boral tur anga ka hriatna ringawt pawh chuan min ti tawt up up thei.




Vawi khat ka chân tawh a, mahse thihna êm in min then hma kha chuan tuar dan pawh ka thiam ve deuh asin, tunah a nui hmel vawi khat mah ka hmu tawhlo ang maw..!



Kawngkhar ri rawk lam chu ka hawi vat a, ka lam pana Peka rawn kal mek chu ka lo en ran.



"Lo kal rawh, inthlak ila kan kal nghal dawn nia" tiin min kai tho a, ka thuamhnaw hak tur engkim min buaipui a, keichu ka awmdan ngaiin, ka tawng lova, ka che sawn lo bawk, tap chhuak thei tal ila tuna ka awm dan ai hian ka nuam zawkin ka ring mange..




Pawnah min hruai chhuak a, ka nite nupa bakah U Henry-a te ka hmu thut chu ka hamhaih ang reng viau. Ka ni chuan tap hawm hawmin min rawn pan a, a tah hla engkim chu hmaih awm lovin ka hre vek, mahse ka tah a la chhuak ve chuang derlo!





U Henry-an motor a khalh a, a hmaah ka pa Hlima thu in kan nupa leh ka nite chu a hnungah kan thu a, a khât tawkin ka ni chu a rawn tap chhuak leh thin tih bak chu tuman thawm kan siam lo.





U Henry-a leh Peka an in be zeuh zeuh a, ka kut hum tu ka pasal darah chuan beiin mit ka chhing a, ka pa nui hmel, hmangaih taka min en na mitmeng te, a aw ri dam thlup thin te, a changa thinrim hmai sen veka min hauh lai te, engkim mai chu ka mitthla ah a rawn lang a, ka mittui a tla ve ta!





Zing dar 1 velah Aizawl kan thleng a, kan in kawnga kan tlan lai te chuan ka lungphu a rang tial tial a, nui chunga min lo hmuak Tu tur ka pa a awm tawhlo tih ka ngaihtuah na chuan ka lung a ti chhe ve leh ta.




Kawtah chuan vengchhung YMA member thenkhat te ka hmu a, inchhunga tap thawm chuan ka thinlung hi a ti na ngawih ngawih.




Ka pasal in min kai lut a, mitthi an dahna kuang chhunga ka pa ka hmuh rual chuan tang leh tur awm lovin ka zawi hnawk a, nghet taka min lo chelhtu ka pasal hi awmlo se chuan ka mualpho hial mai thei.




Ka pa ruang chu ka kal hnaih zel a, a hmel dâng leh hmui ro rap te chu uluk tak hian ka en a, bang lo va tah hawm hawm Tu ka nu darah chuan vuanin a bulah chuan ka thu thla a,

"Mambawih, I pa hi han en teh.... Bawihtei pa, enteh i fanu a lo thlen tawh hi, I ngaih thin zia leh a hmel hmuh i chak zia i sawi thin kha, I mit kha mengin rawn en ta che"

Ka kehdarh ta vek mai, ka pa ruang bawh chuan ka tap tlaivar ta niin ka hria....












End of chapter-29
Ka mittui a'n tlak ve sak chu le.. 😂
Ads CLICK leh COMMENT kha... ❣️
Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:25 pm

MY HANDSOME FARMER
By RuatiRenthlei

Chapter-30(last)



After two months



Zuitei haw tur chu kawngka biang dawmin ka thlah liam a,a tlan luam rual chuan ka pasal huan kal a rawn haw ve leh chiah.



A chawhmeh rawn hawnte chu lo khaipui tumin ka chhuak a, mahse a phal teuhlo mai.




Inchhungah kan in zui lut a, "Khawnge Zuimawii chu?" a tih chuan nui chungin "A nghak chhuak zo ta nganglo che anih kha, I lo thlen hma lawk khan a haw" ka ti a, "Min tur nasat teh lul nen chuan" tiin chawhmeh te chu a phawrh a ka lo pui vat.


"In lo tha tiraw?" a tih chuan ka bu nghat a, ka nui lui sak bawk.



Ka pa boral atang thla 2 lai a liam leh tawh a, kan vui liam ni mawlh kha aw....



Ka nu nen kut in suihin kan tap dun hawm hawm a, piallei thuah riat hnuai ah, lei daiah a pang ti lum, deh nuam leh ngaihawm em em kha vaivuta chang turin an zalh a, a ruang an zalhna kuang an chhin dawn thleng khan ka thinlung chuan a lo thawh leh a la ring fan asin!




Tichuan keichu pa neilo ka lo ni ta a.. Chu thil ina min den nat zia chu ka sawi chhuak thiam lo.


Ka pa kha a tha tawp khâwk, a awmna hmun leh hun ang zel a in siam rem thei mi a ni a, ui Tu pawh a ngah viau asin.



A boral atanga kar 3 dawn kha ka nu kan awmpui a, hun hmasa kha tuman kan sawi chhuak lo.



Ka nu chu a falin ka titi pui fo a, a changin kan nui a, a changin kan tap dun bawk a, ka dul lo puar ta chu uluk taka en in "Ka tu chuan a lo pian hunah a nu naupan lai chhun lo hram se la, anih lo zawngin zanah in muhil theilo ang" te a ti thin a, ka naupan laia ka tahbelh zia sawi a tumna tih hriain ka ner khum nang nang thin.




Ka lakah eng rilru nge a put ka hrelo a, a mita keimah min hmangaihna erawh ka la hmuthiam fan tho... Engoawh chu nise ka nu a nihna a bo ngai dawn lo va, ka damchhungin amah bak Nu ka nei leh tawh dawnlo. Min mamawh hun apianga a tana awm turin ka in peih a, chumi tur chuan amah pawh a insiam rem ve zel tin ka hria.






Amah ngawta a awm tur chu ka ngaihtuah em avangin kan haw dawn chuan min rawn zui ve mai turin ka ti a, mahse a tang ve tlat.




"Ngaihtuah ka ngai lo, dawr enkawl te ka ngai a, bakah i ni fanu Ruth-i pawh class 12 a pass te chuan helamah a rawn awm a ngai anga, ka kiangah rawn awm turin I ni te nen pawh kan in be tawh alawm, chumi hma chu ka awm thei lutuk ang, tluang deuhin in haw anga, nau neih dawnah in lo chhuk leh zawk dawn nia" a ti tlat a, Aizawl a nau neih kan tum hrim hrim avangin ka hnial duh ta lo a ni.




"Bawihi?"
Ka pasal chu ka melh vat a, inbual zo chiah tih hriat takin towel chiah a lo veng a, a sam a la hnawm chap bawk.




"I en ngai I en rei lutuk a" a nui suk a, ka ngaihtuahnaah ka lo cheng leh veng veng tawh a ni chêk ang, nui sak in "Thil ka lo ngaihtuah mai mai a" ka ti a, pindana a lut chu ka zui lut ve nghal.





"I nu I ngaihtuah tih ka hria alawm, kartawpah kan chhuk anga" tih pahin a inthlak zui mawlh mawlh a, karleh tawp lam hi ka nau neih hun a ni tawh hrim hrim a, a pawi ka ti vak tawhlo.





"Umm, a tha alawm" ka ti sep chu min rawn panin ka darah a rawn vuan a, "I nu I ngaihtuah a, I pa I ngai tih ka hre bawk, a harsa lai ber I paltlang tawh a, tunah chuan Fanu chau nilo in Nu pawh I ni ve tawh dawn, nu leh pa kan ni ve tawh anga, kan fate hnenah chuan harsatna kan paltlang zawng zawngte hi anmahni fuih nan kan la hmang thin dawn alawm" a ti sup a, "Nang hi chu" tia nui hakin ka kuah a, harsatna karah, lungngai leh thinlung na ngawih ngawih a ka awm laia ka kianga awm reng thin ka pasal hi ka tawng lo vang tih ka hlau a ni.







Zanriah ei khamah U Henrya te nupa an rawn leng a, sitting room lamah thu hoin eng eng emaw kan sawi a, kan nui leh dar dar thin.





Zung tura bathroom a ka lut chu ka pum a rawn na zawk a, a reh leh mai ringa ka ngaichang deuh vang vang chu a rawn na zual tulh tulh a, ka che sawn ngam tawh derlo. Banga in nemkhalh in ka kut leh lamin ka pum chu ka dawm a, ka pasal chu ka au nghal chul bawk.







LALPEKHLUA's POV



Ka nupui min ko ri ka hriat rual chuan rang takin bathroom lamah ka tlan phei ve nghal a, na tuar tih hriat fahrana lo kun ngawih ngawih ka nupui ka hmuh rual chuan pan hnai vatin a kut chu ka chelh a,
"A na"
Chu bak thil dang a sawi lo.



Seni chuan rang taka damdawiin pan a rawt a, Henrya chu motor lak chhuah tirin muangchangin ka nupui chu ka kai chhuak a.




Motor a kan thut luh fel hnu ah a kap atang thisen a chhuak tih ka hre chiah!




Ka malchungah a lu ka nghat a, ka hlauthawng lutuk chuan Seni ka ko chhen mai. Chiai lo tura min tih na chuan ka thin a ti tawt a, tlan chak turin ka tur chhen ringawt.





Nurse ka hmuh hmasak ber chu a engamah hmain chanchin ka zawt nghal vut a, thil pangai, thleng ve thei tia min chhanna ngawt chuan lung a ti dam thei derlo.




Nghet taka ka kut chelh tlat Tu chu thlah ka tum bik lo a, nau vei tir mai tura ka tih lah chuan a la hun lo thu ngawtin min chhang a, ka ngaihdan a ni derlo.






"En ta che, a awmdan hi thil pangai niin i hria em ni?" tiin nurse pakhat chu ka vin chiam a, doctor ko tura ka tih lah chuan chhanna mumal ka dawng thei derlo.




Henrya chu lo in Aizawl kal mai ka rawn a, bu nghut in "A rang lama kal a tha, in ah kan kawi thla anga, Seni nang, Zuitei chanchin lo hrilh ve rawh" a ti nghal zung zung a, he damdawiin a thawk nurse te hi nurse ni tlak pawh an ni hrep love.




In lamah kan tlan thla leh phawt a, thuamhnaw velah buai a tul berlo, pawisa kan kawlsa ang ang chu ka la a, kan buai nak nak chungin Zuitei leh Tetei ni te lam pawh an rawn thleng kim hman.





Henrya'n motor a khalh a, ka nupui bula thut leh ka tum chuan midangin min lo khap a, khap han tih ah, "Zuitei'n a buaipui thei zawk ang" an tih avangin a hmaah ka thu ta zawk a, kawng tluana mahni nupui te na tuar rum ri ngawt hriat chu hrehawm deuh asin.





Rilru chu hmanhmawh eng ang mah se tlan chak ngam ani lova, ZMC kan thlen chuan zing khua a var tan tawh a, ka nupui mawlh mai chu..




Aw rawl chhuahin a rum ri thei tawh lova, chakna a nei tawhlo a ni ber. A mit chu meng lui hram hram turin kan hrilh mawlh mawlh hlawm a, emergency room a an nawr lut chu zui luh ve zel tak mai ka nâp!




Pawnah kan lo nghak reng a, rei ka tih tawh ngaihtuah in dar zat lah chu a kal muang viau lawi a. A rei zel a, rilru fim put a har tulh tulh, ka tei kual vut vut reng a, thil fello eng emaw lo awmpalh ta se... Nilo
Bang chu ka chum dawt a, ka nupui chân tur anga ka in ngaihtuah ringawt pawhin thawk ngaihna awmlo khawpin ka thin a tawt thei ania!






"Rilru fim put tum teh Thiana"
Henrya chu ka melh zawk a, ka chhan hma chiah chuan emergency room kawngkhar chu a rawn in hawng a, nurse pakhat chu rawn chhuak in "Tunge a pasal?" a rawn ti a, keimah ka nih thu ka sawi chuan amah zui ve turin min hrilh a, thil awmzia chu ka man mai lo.



Nurse chu ka zui vat a, apron leh gloves min lo pe sawk sawk a, boot min bun tir lai chuan "I positive em?" a ti a, "Engmaw?" ka lo ti vat.


Ka mitah tak hian min en a, a sawi awmzia ka hrethiam chiah, "Aih, ka tha vek e" ka tih chuan a bu nghut a, nau neihna room ah chuan min hruai ve ta zel a, doctor in min hmuh rual chuan "I nupui kut kha lo chelh la, be harh hram hram rawh" a lo ti vat a, a mutna kiangah chuan thu in a kut chu ka chelh a, a lo hit thlur tawh mai.






"Bawihi?"
Thei leh theilo hian a mit a rawt meng a, a mittui leh thlan tuiin a hmai te chu a ti huh hluam tawh.




Mit a chhin leh rual chuan a mittui bawk a rawn luang leh a, hetiang tak hian a na dawn tih hria ila damchhunga fa neihloh hial pawh ka thlang zawkin ka ring mange...





"Bawihi, I mit meng rawh"
Nurse ho chuan sang leh vak turin an han ti a, ka kut chu nghet taka vuanin theihtawp chhuah mah se a harsa ngang a nia nge.

"Ka thei lo" hnawk tuak hian a rawn ti a, min rawn en in na tak tuar tih hriat tak hian a rawn tap chhuak hawk a.




"A zai mai theihloh em ni doctor? Na a tih tawh em hi" ka ti ta thlawt a, zai a rem tawh loh thu leh a tan leh deuh chuan a lo chhuah tawh mai a beisei thu a la sawi fan a, a chalah dawmin a hmui ro rapah chuan ka fawp zauh a, "Tang rawh Bawihi, chhel takin awm la, kan naute khan rawn chhuah a chak tawh ania" ka ti sup a, minute reilo te angin lang mah se kha hun chhung kha rei ka ti lutuk.




Ka nupui chu mitchhingin a thaw hle hle a, nayte tap ri ka hre ta!




"Mipa in nei e" tia doctor in a sawi rual chuan ka hawi phei vat a, naute chu puana tuamin an bûk fel a, kg 3 leh gram 800 laia rit ani, tunah chuan kan tlak fel ta e....






VANSANGPUII's POV



Ka inhliam nasat em avangin damdawiin ah kar khat lai kan awm a ngaih phah a, Pathian zarah kan naute erawh a tha zel.A mitmengah a pa a chhun em em a, sam a ngah in ka tet lai ang maiin a sam chu a kir deuh chiai a, ka fa anih vang chauh pawh a ni mah na mahse ka fapa tluka naute duhawm tih chu ka la nei ngai lo.





A hmingah a pa in Malsawmhlua a sa a, engtik lai pawhin min ngaihven em em reng mai a ni.




Aizawlah ka nu kiangah kan awm rih a, engkim a kaltluang. A Tu hmuh hmasak ber anih vang nge chintawk awm lovin a ngaihven a, a awmpui chawt a ni ber mai.




"Mamawh I neih chuan min hrilh mai turin ka tih che kha" ka pasal tawng ri ka hriat rual chuan ka in her vat a, ka bul lawkah a rawn ding der tawh.





"Ka tui a hal a" tiin ka nuih sen sen a, a nui tha ve duh derlo.


"Bawihi, I la dam chianglo a, che ve vak turin ka duhlo che" tiin ka darah a rawn vuan a, eng nge maw tui in tura kal mai mai te chu a pawi vak na le..




"Ka theihtawpa duat che ka duh Bawihi"


"Min duat viau alawm" ka la nui reng.


"Khatianga na tak I tawrh kha ka phal tawhlo"


"Anih chuan naute neih I duh tawi tihna em ni"



"A pawilo"

"I ti tak tak em?" ka nui chhuak hak a"Bawihi ka uanglo ania, I na tuar hmel hmuh kha hrehawm ka ti lutuk" a la nuilo fo.




Hepa hian eng nge maw a hriat le...

"Chutiang sawi nan chuan a la hma lutuk" tiin ka dar a vawnna kut chu ka vawn hnan a, "Khawvela Nu zawng zawng hian an tuar vek alawm, ka natna in a hrin chhuah hi ngaihtuah la, a hlu viau asin" ka ti sep a, ka chalah a hmui a rawn nawr zui tawk.







After two years




"Malsawmhlu, lengchhuak lo turin ka hrilh che a ni lawm ni?" tih pahin kawtzawla rawn tlan phei mek ka fapa chu ka au chiam a, kawngkhar bul a rawn thlen chuan thaw dep dep in min en chho kar a, darkar tam pawh a ral hma khan fai takin ka bual vek asin, tunah....




"Engati vak vak thin nge?" pindan atanga rawn chhuak mek ka pasal chu en in "En ta che, a rawn balh haw leh tak vek hi" ka ti hluk a, thinrim naka laiin nuih zat hmel tak hian "Lo kal th boy" tiin a fapa chu a hui zauh a, rang lutuk in a rawn tlan lut.





"Kha, pawm suh I bal ve... "
Ka sawi zo hman lo, zo deuh hian a pawm kang nawlh a, "Ama in a lo hau che em ni?" a tih chuan bu nghat nghat in "A sual" a rawn ti reuh a.



Nui vur vut in a pa chuan "Kha, I fapa pawn sual a tih che kha, hauh vak vak hi a sawt berlo, a in ti bal anih leh kan ti fai leh mai dawn alawm" a ti a, "A sawi ringawt te chu harsa heklo, bualfai hnu lawkah khati khawp khan a rawn bal haw leh a, âng lo thei lo hian min siam thin alawm.... Heiha, fapa I nei harh em mai, eirawng ka bawl laklawh nangman va bualfai teh" tiin choka lamah ka luhsan a, an pafa chuan in chhaih rak teng tung chungin an in buaipui ta niin ka hria.






Zanah chuan Bawihtea mutthilh hnuah naupang test paper check in ka la meng a, ka pasal pawhin a dan pangaiin ka thutna sirah ka mut theih hun nghakin a lo thu ve a, hei hi a tih ziah dan a ni. Men rei ka ngih changin chhun lamah hna thawk hah viau pawh nise ka mut theih hma chu min men pui a, ka chauh deuh changa mut hma ka duh lahin tih tur tul nei mah se ti hmasa lovin min mutpui thin.





"I duh chuan lo va mu la, ka zo tep tawh" tiin ka melh zawk a, a hmui a ti sawi zauh duh lek.



"Ka ti tak tak ania, I chauh em kha" ka ti leh a, naupangchhia lutuk in "I bulah lo chuan ka muhil thei lo" a ti leh kher.



Ka ner khum nawng ringawt a, paper bawk chu ka en San leh, a phone rawn ri chu amah ai aiin ka lo bengkhawn rang a, tunah dar 10 a ri tawh, "Tunge?"
Ka mithmul ka lo San zauh a, a hre bik lo tih sawi nan dar a kan ak.



"Hello"
Ka thil tih lai chawl meuhin amah chu ka lo en a, min rawn en in phone chu speaker ah a dah zui a,
*Tun hi chance hnuhnung ber ang a ni, I duh chuan S.I ah pawh I lut nghal thei ang*

Ka hrethiam ve leh chiah, kum hnih hmalamah pawh khan police force a lut turin an rawn sawm tawh thin a, a hnial zel avangin an beidawng ta ah ka lo ngai mai a.




"Minute 5 hnuah min rawn call leh rawh" tiin a off zui a, dawhkan chunga ka kut chu rawn vuanin "Eng nge I ngaihdan?" tiin min zawt.




"Ka hrelo, I thu thu" ka nui sak a, "Bawihi, police a ka luh chuan khawpuia kan awm a ngai dawn a, chu chu I duh dan a nih chuan a tha" a ti sup a, ngaihdan han siam mai dan tur ka hre hauhlo.





"Mahse helama ka hna ve thung hi" ka ti a, "Kalsan I huam leh huam loh, keichuan ka kut leh ke ka neih chhung chuan ka chawm zo lutuk ang che u" ka mitah tak min en a, "Mahse ka nu leh pa te hi" ka ti leh sep.



"S.I chu a tha a, mahse a nihna takah chuan he hmun hi chhuahsan ka duh lo a ni, Aizawla ka nu chuan awm puitu tha tak a nei tawh a, kan in zin pawh reng thei bawk a, keichuan tuna kan awm dan hi ka duh tawk a ni. Hetah chuan kan pahniha thawh tur hna kan nei ve ve a, bakah ka nu leh pa te hi kan tel lo chuan an ngaihtuah awm hrim hrim" ka ti ta duah a, ka sawi tum chu a hriatthiam ka ring.





Phone chu a rawn ri leh thuai a, ka lo ngaichang ve kar.


"In zahawm hle tih ka hria a, min duhsaknaah pawh ka lawm, mahse min hrethiam rawh u, ka thei lovang" a ti ta nge nge a, phone a dah hnu chuan ka banah min kai in "Mu tawh ang, a tlai tawh" a ti sup a, ka hnial ta bik lo.





Zan danga a tih ziah danin Bawihtea chu khum kil lamah a sawn phei rak rak a, hnung lam atang ka lo nuih tet tet.





A ban kham chuan ka mu rem sat sat a, thil ho te leh lian tham deuhah pawh ni se min râwn lovin thu a kal tlang pui ngai lo va, chu chuan min ti lawm em em thin.




"Ka piang ve tih I hriat hma khan eng ang mi nge nupui atan I duh?"

Ka zawhna vang chuan a nui ri suk a,

"Malsawmi nen khan kan tleirawl tirh atangin kan in kawm a, a hmel leh mizia ka duh zawng a, amah kha ka nupui turah ka ngai tawp thin"


Huhhh

Ka zawhna leh Malsawmi chuan in zawmna a nei kher em mawni le..




"Anih tak chu" ka ti deuh hmak chu nui chung hian ka hmui a rawn fawp zauh a, "Ka la sawi zo hleinem" tiin nghet leh zual hian min kuah bet a, "Anihna takah chuan ka nupui I ni ta mai hi ka la ringhlel rum rum thin asin, ka hmuh tirh che khan ka ngaina lo che a, nangmah khan min hîp hauhlo bawk. Mahse a rei a, I mize maksak zet, I chapo na te, I thinchhiatna te, mittui tla pur chung khan min hau la hrep thei ania" a nui ri suk a, "I zia I thup lo a, a chhan ka hre bik lo, hlat che ka tum poh leh I kiang hnaia awm ka chak a, ka phulo che tih in hrilh mawlh mawlh chung khan neih theih dan che ka ngaihtuah reng tho, naupangchhia taka I chetna phena I puitlinna ka hmu chiang tulh tulh a, chuan ka in rin leh beisei aia hma in ka hmangaih ta che anih hi" min rawn en in a kiai suk a, a sawi chhung zawng khan thâwk ka la lo hialin ka hria.






A âwma hmai phum chung chuan "Ka pasal I ni lo ang tih ka hlau a ni" ka ti sep a, duat taka ka samah min chul in "Ka hmangaih lutuk che" a ti thawp sup a.





Hei hi ka hrechiang a ni, mi tu emaw I hmangaih takzet anih chuan ngaihdam theihloh chu I ngaidam anga, siamthat theih loh pawh I siam tha thei ang.





"Keipawhin ka hmangaih lutuk che" ka ti a, ka chhip ah a hmui a rawn nawr zui tawk.










THE END💫



Ka regular lo viau chunga dawhthei taka min lo nghak tang tang thintute in va han fel in in va han hlu teh lul 🙏
A tawp dan ah hian in duhthu a sam dawn hauhlo tih ka hria a, keipawhin hetiang te ngawta tih tawp hi ka tum biklo mahse ka zirna in min force nasa a, story hi ka tan a hlu lo ni lovin ka zirna hi ka dah pawimawh zawk a ngai miau si a...
Hun awl neih a har a, neih chnag pawhin ziah tur hre hauhlo khawpa rilrua a luh loh chang te a awm a, engpawh nise in mi ngaihdam ka ngai a ni...
In zavaia chungah thinlung takin ka lawm a ni🙏❣️


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)