MY HANDSOME FARMER BY Ruati Renthlei (Completed)

[Ngaia]

MY HANDSOME FARMER


CHAPTER-1
By RuatiRenthlei



"Khawpui ah piangin ka seilian a, tun ataka thingtlang nun han tawmpui te chu ka thei teuhlo, bakah khawpuiah thawk turin ka thiamna in a tlin a, thingtlanga thawk leh mai mai turin hei chen lehkha ka zir hleinem, ka duhlo, ka peihlo a ni tawp" ti hmiar hmiar in ka nu leh pa te chu ka tum khum bar a, min nawr luih nasat poh leh ka tang nasa ve anga ni mai, helai hmun chhuahsana thingtlang ah mahni lehnghala han awm ka peih teuhlo.






"I thlir dan atanga thlir chuan I ngaihdan chu a dik alawm bawihi, mahse I pa thusawi kha ngaihtuah chiang la, helaiah hna in chuha an phet sup sup laiin thingtlangah zirtirtu tha leh mumal pawh nei lovin nu leh pa leh zirlaite an mangang a, I rawngbawlna ah ngaiin I pa thutluk na chu I awm thei mai lo em ni?" dam diai in ka nu in a rawn ti ve bawk a, ka lo nui hul hak.




"Ka peihlo ka tih chu"



"Vansangpui"

Ti hlukin ka pa chu a thutna atang a rawn tho hluai a, ka lo melh kar.



"Thingtlang tih avanga hmuh hniam em em ringawt kha ching tawh suh, engkim ka tifel tawh, naktuk chaw ei kham ah kan chhuak nghal dawn, keiman ka kalpui bawk ang che"


"Mahse"

"Mahse tih a ngailo, mahni hna in 'eng nge a tum?' tih pawh ngaihtuah lo va zir sanna ringawt chapo pui te hi ka huat zawng tak an nia, khawpui hna chu khawpuia awm ten lo thawk se la, nangchu thingtlang ah, ka khua 'BIATE' ah I thawk thung ang, chutah chuan midang tan malsawm na I ni thei zawk bawk ang" tak leh nghet churh hian a ti a, hei zet chu hnial let chi ni pawhin ka hrelo!







Ka lawmloh zia tih lan tum zetin ka pindan lam ka pan nghal hlawk hlawk a, khawngkhar pawh na zetin ka khar. Khumah a vang zawngin ka bawk a, ka thinrim in ka rilru a na, mahse ka mittui chu far khat pawh a rawn tla leh chuanglo.




Aizawl school tha ah hna ka hmu lawr dun a, ka pa hian engvanga thingtlang ah min thawh tir tum tlat nge anih ka hre thiam derlo. Ka la kal ngai miah lohna hmun thingtlang khaw te tak te, mi in luah a thian han chhar chawp tur chuan, aaaa a harsa dawn hian ka hre emai...




Ka phone ri chu ka ban vat a, screen a hming ka hmuh rual chuan na zetin thawk ka la hmasa tete, "Hello"

"I tha em?" lehlam atanga min ngaihtuah hmel taka titu aw ka hriat rual chuan ka nui sak, "Imm ka pa nen kan inhnial leh tawh a" ka tih chuan a thaw ham ham ri ka hria, "Hna chungchang bawk kha em ni?"

"Aw, a... tihngaihna pawh ka hre tawh lo, zanah lo kal rawh aw" ka tih chuan a lo kal tur thu a sawi vat a, ka pindan khawngkhar rawn nem kau deuhin ka thiannu Kimi a rawn dak pah de de bawk, "Ka dah phawt dawn John, Kimi a lo kal a" tiin ka cut zui a, "Bialpa nei ho tak hi chu" tihpahin Ramnunkimi chu ka khumah a rawn bawk thlawp a, ka lo nui ringawt.





John nen hian kum 1 dawn chu kan inzui ve tawh a, high school kan kal lai atanga in hre tawh kan ni, kei aiin kum hnih vel chauhin a upa a, mahse tunah doctor a ni der tawh.



"Zanah lo len a tum a, enga nge I lo tih?" ka tih chuan "I nu in min rawn call a, titi pui tur che in" a lo ti vat.


"Hna leh thingtlang tih vel kha ka sawi peih rihlo ania" ka phone chu ka en San nghal daih a, ka chhungte pawh tih tawh laiin ka thiannu leh zel hi chuan sawi lo se ka duh.



"Ka ngai dawn tho che a, mahse I nu leh pa te thu ang chuan kal phawt la ka ti" ka melh nghal hrak a, dar a lo kan ak, "Duhlo mahla pa Dinpuia hian a tir lui dawn tho tho che tih ka hria, lungawi lo deuha kal ai chuan lungawi tum deuhin kal la i tan pawh a nuam zawk ang"

"I inla puitlung e a" ka ner sak a, sawi zawm ka chakloh zia a hrethiam ve ta ani ang, thil dang sawiin a tawng zawm char char.


"Chaw ei ve nghal la"

"A chiloh, ka pu te nen kan eikhawm dawn a, ka lo kal lawk mai mai, ka kal dawn a tlai tawh" tih pahin a tho hluai a, mumala ka mangtha hma in a liam hman...





Kei hi Vansangpuii ka ni a, ka thiante hi chuan 'Tete' min ti mai zel, kumin hi ka kum 24 na tur chiah ania, school ka luh hma avangin ka thiante aiin naupang hret mah ila an zir ang chu ka zir ve zel thei.

Ka nu leh pa fa neihchhun ka ni a, ka pa hi Contractor niin ka nu hian MC ah dawr pahnih ngawt a nei a, chhungkaw khawsak harsa tak kan ni hranlo, zirna lam ah kal zelin tunah MA English ka zo tawh a, thla hmasa lawk khan M.ed ka zo leh chiah bawk a, ka chak ber zirtirtu hna thawk turin ka inbuatsaih ve mek a, hei, ka pa nen thingtlang leh khawpuia hna thawh ah kan inhnial reng chu anih hi...




Ka pa hi Biate khawchhuak a ni a, a in la Biate in mizo pa rilru pu deuh ang chi hi a nia, ka nu lah hian ka pa sawi tawh chu a kawi a ngil in a zawm vek zel bawk si nen keimah chuan tan ngaihna ka hre tawhlo.





"Mahse i hman tur thu i sawi kha" phone atang John chu ka vin chiam a, a thaw ri hawlh ka hriat rual chuan in bengdaih tumin thawk ka la ve suai suai a, "Naktukah ka pa nen Biate ah kan kal dawn a, engtia rei nge ka cham dawn ka hrelo" ka tih chuan a rawn rum nghut.




"Ka hnial dawn I ti ani lawm ni?" a aw ri chu a nelawm fahran lo hle, "Ka hnial alawm, mahse ka pa chu a luhlul tih I hriat kha, a sawi anga ka tih loh chuan...... Hello John" a cut daih!



Beidawng deuh hian ka thaw chhuak hap a, balcony railing chu bawhin kan kawmthlang te ar tla vel thla engin a chhun theih chin chu ka thlir ta reng. John pawh hian kallo turin min duh takzet tih ka hria a, a.... a hriatthiam thuai beisei teh ang.




***



"I inpeih tawh em? Sawma pawh a lo thleng tawh ania" ka pa ve sek pawh chu...

"Ka hman tep" ka phone chu ka khawih pah reng a, John bawk ka call leh, ka kal tur thu ka sawi atang khan min la be duhlo char char a, tihngaihna tak pawh ka hre tawhlo.




Thil serious tak a ni tih ka hria a, a lungawilo pawh hi àwm ka tih pui tho, mahse tunah chuan hetiang zawnga in force kual vel hi a tul berlo, ka pa luhlul zia a hrechiang ve tho a, thinrima hreawm ti taka min awm tir lo hian tha taka in be tur zawk kan ni asin.





"Awiii in lo kal hman ang tih ka hlau lutuk a, ka va han lawm tak" Kimi lo tlan phei hlawk hlawk chu ka lo nuih a, "Reilo te chiah aw u Sawm" tiin kan driver chu ka signal leh zauh a, Kimi chu gate piah deuh ah kai pheiin ka thaw deuh halh.




"John ka be thei lo va, kan kal a hun tawh bawk si, min lo ngaihven sak a ngai dawn ania aw" ka tih chuan a bu nghat nghat a, "A va daih rei ve" a ti ringawt, chu thu ringawt chuan min thlamuan lo hle bawk.




"Ka ngai dawn che e" tiin min kuah a, "Kan thlen velah ka lo bia ang che, best friend dang min lo neih San lo la" a dara nek salh paha ka fiam chuan a ner nasa mai. "ka ngai dawn che ani tawp, thurawn i mamawh chuan min lo bia la, keipawhin ka lo bia ang che, best friend kan ni reng dawn, John chu lo ngaihtuah duh suh, ka bia anga, a fel vek mai ang" a ti a, ngaihngam taka awm har mah se tih theih dang ka neilo, ka ngaiin ka thlahlel a, ka kal tur tal chu min lo thlah ve se ka ti.





Ka mimal thil vanga kan kal hun tur pawt tawlh reng thei ka ni lova, ka nu leh Kimi chu in hmuh leh hma zawng atana mangtha in Aizawl khawpui chu hreh deuhin ka chhuah san, ka pa chuan sawi kher lo mah se min ngaihtuah tih ka hria a, a thutluk na vang hian lungawi viau lo mah ila hreawm a tih phah na tur khawpa awm erawh chu ka duh chuanglo.






Chaw ei sa kan nih avangin kawng lakah kan ding vak lova, muang marin kan tlan anih ber chu... Tlai lam dar 4 ah Biate khawchhung chu kan lut a, ka ear pad chu la thla in tukverh ah chuan ka dak chhuak a. Thingtlang chu a ni chiang a, mahse khawchhung chu a faiin khaw te lutuk chu an lo ni tawh biklo.






Ka ni, ka pa u chiah te in ah kan thleng anga, chuta tang chuan ka awm zel dan tur chu kan sawi ho dawn ani


Ka ni te chu chhung rual tih takah an lo ri bung bung hlawm a, ka nite nupa bakah an fate, a upa ber u Henry-a leh a nupui u Seni, fa pathum ngawt an nei a, a nau chiah nu thlawi fa sen pawm u Helen-i a awm bawk a, an te ber zirlai Ruth-i a awm bawk, an vaiin 11 an nih chu!






"In chau awm si a, I duh chuan mu hahdam daih rawh Tete" ka ni chuan ti zung zung in ka thuamhnaw te chu pindan ruak lamah chuan a khai phei tir zung zung hlawm a, ka ni hian primary school headmistress pension hlawh a nei a, a pasal pa Hlima pawh electric department ah a thawk. An fate ah Ruth-i tih loh chu chawm thlawn tur em em an awm lo, u Henry-a hi an khaw damdawiin ah doctor a ni a, u Helen-i pawhin puan a thui thiam.




An khawsa thei viau a, an in pawh a nuamin a zau tawk hle. Ka ni hnenah chuan ka chauhloh thu leh inbual fai ka duh thu ka hrilh a, guest room ah min hruaiin chutah chuan bathroom pawh a awm thlap.





Khumah chuan ka thu hnawk a, ka phone message tone ri ka hriat rual chuan hawng vatin Kimi message chu ka reply thuai a, kan thlen tawh leh tawhloh min lo zawt ani.




John-a message chu zinga ka thawn dan ngai ngai khan a lo la awm a, chu chuan ka thawk a ti sak talh thei.


Message chu ka'n type leh a, mahse a hmasa zawk pawh a seen hmaa a dang han thawn leh thawt thawt chu thil tih chi ah ka ngaihloh avangin ka thawn leh ta lo, Kimi chanchin ka zawt phawt anga, chumi hma chu ka be rihlo mai ang.






Ka inbual fai zawh chuan ka harh deuh sawng sawng thei, common room lamah chhuak phei ve in naupang ho chuan min lo bawh liam liam hlawm a, chu chuan khawhar pawh a hnem viau in ka ring.




Kan rual ang reng bawk nen chaw ei na rawt hma a, Ruth-i ho in naupang chu TV hmaah an in chawi thap hlawm a, chaw ei kham thleng ka seng ve pawh an phallo.




Dar 7 bawrah U Seni chuan naupang ho chu an pindan lamah a luhpui ta vek a, ka thawh na tura ka pa lo biak lawk tawh Biate Higher Secondary School principal Pu Sanga chu lo lengin living room lamah kan thu ho a.

Hmanni lawkah an economics teacher a boral bawk nen zirtirtu hrim hrim pawh an in daih lo viau a ni awm a, ka quality leh degree ngaihtuah in interview pawh ngai lovin ka duh phawt chuan ka thawh nghal theih thu a sawi bawk.



Sawrkar anih avangin hlawh pawh a tha a, naktuk atanga tan mai tur in min ti deuh mah se ka la thleng tir chauh a, bakah ka ni te ina awm reng lo va in luah tur zawn hmasak phawt te ka duh avangin naktukah chuan kal rih loh mai ka duh thu ka sawi deuh khawl a, min hrethiam viau tho chuan ka hria.




Pu Sanga haw hnu ah u Henry-a chu hnathawh kawr nen an pindan atang a rawn chhuak a, ka bulah lo thu thla ve in a hunter pheikhawk chu a suih tha mual mual a,
"Khawiah nge i kal dawn a?" ka tih chuan "Ka thianpa Peka nen Bualpui lui ah kaikuang te zuk kap mai mai ila kan tia, hun a awm lo thin sia, a tlai a tlaiin ka zuk kal ve reng reng ange" a lo ti vat a, ka pa chu lo inrawlh in "In va kal tlai ve mawle, mahse le, hman hun a rual te hi a ngai ve si a, lo hre lawk ila kal ve ka chak tehlul nen" a lo ti ve a, lui kal chungchangah chuan sawi ve tur vak ka hrelo.






Thu ho mai mai sawia kan ti ti laiin kawngkhar a rawn ri dat dat a ka ni in lut tura a chhawn hnu chuan pa pakhat hi a rawn lut a, pa ka han ti tak na in u Henry-a ang rual vel tho aniang, ka rin ang chiahin u Henry-a sawi Peka chu a lo ni ngei a, hna thawh kawr ha in ipte pui hi a ak puar deuh lung a, savun lukhum parh, uk deuh kharh tawh hi a khum bawk, zan zanah a tul tehchiam pawhin ka hrelo e a, a pa lianin a thinrim chu a hlauhawm viau ang.




A hmuh ngai chiahloh ka nih vang nge min en deuh run run a, thutthlenga a rawn thut ve rual chuan U Henry-a chu a hmanrua vel la turin a tho chhuak ve leh a, ka ni chuan "Hei Peka, kan khaw higher ah Tetei hi a lo thawk tawh dawn a, in luah hran ve te a duh bawk nen i lo dap pui ve deuh aniang chu" a lo ti var a, beisei nei zeta chupa lam chu hawiin ka nuih lui seih a, mahse hmel hmuh nuamlo fahran hian min lo en run anih chu.




Min melh puah a tum emaw tih tur khawpa chika min en hnu ah "Ni e, ka lo dap pui dawn nia" a ti ve ta hram a, ka ni chu melhin a nui zui suk.




A chet duh dan ngeiawm zet vang chuan ner sakin ka hawi sawn a, a engamah hmaa ka laka a nelawm lo lutuk chu ka ngei ru hle.




U Henry-a nen an chhuah hnu chuan pa Hlima'n mut a rawt a, kan pawm tlang aniang kan mutna tur lam kan pan sap sap hlawm.



Ka mut a la chhuak lo bawk nen Kimi nen kan in text char char a, ka lakah John-a chu thehhmeh ang maiin a la reh tlawk tlawk. Kimi pawhin a biak theihloh thu min hrilh a, hetiang em ema ka laka a lungawilo hi ka hre thiam theilo, ka John hriat thin kha a ang lo ka ti!




Dar 11 a rik chuan chanchin min ngaihven sak hram hram tura ka thiannu chu chah in kan in mangtha a, khuma ka leh ka leh hnu chuan ka lo muhil ve ta ani ang, ka harh leh meuh chuan ni a lo lang ut tawh.



Ka sana bun lai chu melh zawkin dar 8 a lo hnai tawh viau tih ka hriat rual chuan ka in perh tho nghal at a, ka tho tlai lutuk chu ka inthlahrung, ka pa pawh hian tinge min lo sawi harh loh reng reng le...





Hmai pawh phih lovin ka sam hui mam thuak thuak pah chuan ka chhuak a, choka lamah pa ho chuan u Henry-a kaikuang leh chakai hawn vel an lo din hual thup hlawm mai, ka pa chu a phur phur ah a tang leh nghal em mawni.





"I lo tho tawh a ni maw Tete" ka niin min hmuh rual chuan a lo ti var a, za lo deuha nui sak pahin "Ka tho tlai sia, in lo buai em, min lo kaih thawh mai tur ania" ka ti let ve a, "Buai teh nang aw, zing dar 4 bawr vel khan i u Henry-a te hi an lo thleng a, I pa Hlima nen chuan kan meng tlang daih alawm, keini ang ah chuan mut reng te hi a har tawh hrim hrim a, inthlahrung duh reng reng suh, chaw kan ei vat anga, in luah tur chu kan zawng thuai thuai dawn nia" a lo ti sawk sawk a, naupang ho in min lo auh chul takah chuan kawmchar lama an infiam na lam chu ka pan phei ve nghal a.






"In luah tur chu han zawng ula, in hmuh ngang loh chuan Peka pawh kha ka lo be mai ang, an in hnuai a ruak reng tho alawm" U Henry-an a tih chuan ka melh dawrh a, fianthu hmel a pulo a chutiang bawkin fiamthu na chi pawh a nilo.




"A.... A dang han zawng phawt ila" ka tih sep chuan u Helen'in nui deuh put put chung hian "U Peka te in chu a tha mai lawm ni, tlangval ngat a ni leh nghal ania aw" a lo ti ve a, an nuih ho dar dar laiin ka nui lui ve thei derlo.





In luah tur chu pa Hlima leh ka ni ten an han be kual zung zung a, anmahni hlat lutuk lo a awm tura min duh avangin an khirh ve ang reng bawk si, khawi vengah pawh awm ila school chu a hla lutuk dawn chuanglo a, bakah ka thawk nghet dawn te anih phei chuan Aizawla ka scooty lak chhoh dan te pawh ka ngaihtuah anga ni mai.






Run ai takin in luah tur chu a lo vang a, kan hmuh chhun lah an ti to ve fu zel bawk nen ka ni ril rem zawng a ni thin si lo va, a buaithlak dawn riau mai.




Tlai lam thleng chuan mumala han biak tlak kan hmu ta lo a, zanriah ei naah u Henry-a chuan "In chu a vang ang reng si a Tete, Peka chu ka lo be mai dawn em ni? An fel chhungkua in an in pawh concrete a nia, a nuam phian asin" a lo ti leh a, ka chhan hma in ka ni chuan "A tha ngawt tak ang, an in pawh heta tang a hla vak hleinem, an ni hnaiha i awm chuan kan ngaih pawh a tha ang" a lo ti vat bawk a, sawi mai tur ka hre tawh derlo.



Luah tur dang a avang bawk nen ka chhungte chuan 'Peka te in' an ti deuh chhen tawh a, ka pa phei chuan luhlul chhuah lova pawm mai turin min hrilh ru chhen tawh.





Zanah chuan Peka an tih chu tullo tawpin a lo leng pek a, ka chhungte chuan an han sawi liam liam a, a dan pangaiin ngun zet hian min en leh run run phawt a, "Ka chhungte rawn kher pawh a ngai hranlo, an remti lutuk ang, midang luah tir an han tum pawh hian ka lei laihna leh eng eng emaw dah ka duh thin avang hian ka lo hnar zawk thin a, mahse chutia in mamawh miau si chuan tihdan kan ngaihtuah mai a niang chu" a ti sup a, a tawng zawh ruala ka thawk deuh halh danah a sawi chhung khan ka thaw mang lo tih ka hre chiah, a.... hepa hi ka ngaina lo, chuti chung chuan an in ka luah ang maw!








End of chapter-1
(A boring lo tulh² turah ngai ang aw, ads click leh comment kha min ngaih pawimawh sak la)


Show post links
Top

[Ngaia]

MY HANDSOME FARMER



Chapter-2
By RuatiRenthlei




"Fel takin awm la, in hrang changa zirtirtu hna thawk tur i nih tawh hi, bungrua chu naktuk sumo ah ka rawn thawn anga, tichuan tlem tlem in I inhnawh muk ve hret hret zel mai ang" ti dap dap in ka pa chuan ka dar ah a beng thuk thuk a, "Hmeichhia ka nih chu thuhran, I fanu mal neihchhun ka nia, keimaha in ka luah tur chu min ngaihtuah miah lo em ni a?" tiin ka ner deuh sak, he thu hi ka zawh chak na a rei tawh lutuk.



"Thingtlang mi chu i rin aiin an fel ang, bakah i ni te in a awm reng te chu i duh lo hrim hrim a ni lawm ni? Ka fanu i nih angin ka hrechiang che a, thlarau hmuh theihloh pawh lo kal se hneh tumin i bei let tho ang, I duh naah chuan i kawlh hlik hlek em, I ngaihtuah awm lo ang" a nui zui huah huah kher leh nghal.





"Thluang deuhin kal ula, bungrua chu lo thawn vat vat ang che" tum deuh bur pahin ka kuah a, a fanu neihchhun min ngai tlangval lutuk hi ka ngei tlat.





An tlan liam hnu chuan ka ni te in ah kan inzui lut leh a, ka thuamhnaw khaiin ka in luah tur lam pan chuan ka ni leh u Henry-a ten min hruai a, in neitu pu Thanga leh pi Hrili ten min lo lawm thiam khawp mai. A zau viau lo na in mahnia awmna atan chuan a tawk viau, luah lum loh tih hriat deuhin cement rim a nam deuh ram ram a, ka awm reng dawn te anih chuan rawng hnawih te pawh a ngai ang.






Inchhung bungrua engmah neih sa ka neih loh avangin ka ni te thutthleng sei 1 kan zawn phei tlawng chu kan hung a, zana ka mutna tur mat leh puanthuah nen, chu zawng chu a ni rih.





"Bungbel vel engmah kan la ngaihtuah hman si lo a, chaw chu kan in ah i ei mai anga, mamawh i neih chuan hei, Peka hi a awm a, a ni hi a fel a I be zung zung thin mai dawn nia" kawngkhar bula kut kuangkuah hlun chunga ding pa chu ka melh zawk a, ka hmui ka ti sawi zeuh ringawt.




"Vawiin chu, school ah chuan i kal dawn ta em?" U Henry-a chuan a rawn ti a, ka sana bun lai en zawkin dar 10:00 am a la ri lo tih ka hriat chuan "Umm, class ka neih chiah loh pawhin kal ve hrim hrim ka duh a" ka tih sep chuan bu ngut in, "Peka hi greenhouse ah kal a Tum a, a rual hian kal rawh, school awmna pawh i hre nang, a thlang lawkah greenhouse lian pui a nei alawm, I kal dawn tiraw Peka" a biakpa chuan keimah min en leh run tawh.

"Kal ang" chhum bung zer hian a ti a, ka beng hrep chak lutuk chu ka kut ka hum ruh ngawt ngawt.



"A that leh zel chu, Peka a awm tho chuan in lamah naupang ho ka lo buaipui anga, tlaiah chuan kan in ah i lo haw dawn nia aw Tete" ka ni in a tih chuan nui chungin ka bu nghat a, u Henry-a nen an chhuah hnu pawh chuan Peka chu a la ding run.





"I hman nghal em?" thum dut hian a ti a, "A... Hetiang nen hian an kal thin ami?" ka kekawr arh deuh chu a sir tawn tawna pawh arh belh in ka lo ti heu a, "In siam la, inchungah ka lo nghak ang che" tiin a chhuak nghal vut a, a tukkhum chu ka kuttum ka hmuh hman....




Nghaktu nei ka nih avangin ka insiam zung zung a, darthlalang mumal ka nei bawk silo, ka la tal vel mai mai a ni.




Ka thawhpui tur ten eng ang thuamhnaw nge an hak thin ka hrelo a, inchei dan thiam a har hrep mai.



Smart pants ha in flats ka bun a, kawr pawh a rem chang chang ka inbel rih tawp. Ka bag la in ka chhuak a, stepa ka chhoh lai te chuan ka lungphu hi a rang riau, khapa nena in hnaih ka duhloh lutuk vang hi ni berin ka hria.






A veranda ah chuan hnathawh kawr ha in a lo ding run tawh a, a lukhum parh, uk kharh bawk kha a khum leh, a inhmeh phian leh nghal, min hmuh apianga chiang zeta min en kher thin hi ka ngaithei lo tep tawh in ka ring.






"I hman em ni?" a tih chuan lu ka bu a, "Lo kal rawh" tih pahin an in kawta pick up in hung lam chu a pan ta mai. Driver side lam kawngkhar a pawh hawn rual chuan "Lawkin" ka lo ti hlut a, a rawn hawi ve hut.




"Hei hian ami kan kal dawn" za lo lutuk in ka nui, "Lei tha ken ka ngai" tih zawngin min chhang a, thingtlang mi ka hmuhsit vang hrim hrim pawh a nilo, mahse ka hna ka zawm tan ni ah pick up berkher in ka kal ang maw!!!




"I lo kal dawn em?" a tih chuan in thing harhin a lam pan chuan ka kal phei chhet chhet a, ka tah te lam lam a chhuak, chuang hreh teh mah ila duhthlan tur dang ka nei chuang silo. Peka ruala kal lovin ka ni hnenah min hruai mai turin ka ti mai dawn em mawni chu aw ka ti hman a, mahse a dik theiin ka hre bawk silo, a..... hepa hi ka hua, ka haw thlawt





A motor khalh ah a in concentrate hle ni awm takin hmalam en ngur chung chuan a ngawi ngul a, han biak nel vak dan ka hrelo chutiang bawkin biak chiam a chakam loh bawk.




Ka rin aiin kan tlan thui zek a, khawthlang lam kan pan niin ka hria. Motor a tih din rual chuan chhuk mai lovin amah chu ka en a, min en ve lem lo chuan "Khi khi a nia, hawn lamah ka rualin i haw leh dawn nge...... "


"Aih a ngailo" ka chhang rang mah mah, min rawn en in a hmel ngai reng pu chung hian "Chhuk la" a ti sup a, rang zeta chhukin kawngkhar khar pah chuan lawmthu ka sawi ve a, step a ka chhoh lai chuan a piaha kawng peng ah chuan a tlan thla a.





School luh chiah veilam hian kawng peng a awm a, greenhouse awmna lam chu a ni ngei ang, dinglamah thlanmual a awm bawk a, mimal. In ding chu school atang chuan a va hla deuh.





"I lo kal thei ani maw?" office ka luh rualin pu Sanga chuan a lo ti var a, "I lo kal pawh ka ring lo a, engpawh nise a lawmawm lam a nia, saw saw I dawhkan tur" a kawhna lama dawhkan ruak chu ka pan vat a, staff chu ka rin ai tak chuan an tam. Hreawm ka tih an hlau nge min be liam liam hlawm a, hmeichhia pawh an awm nual, ka kawm rual erawh Miss Zuitei a ni maiin ka hria.





Principal chuan school rules leh thildangte min hrilh ve mawlh mawlh a, chutiang chuan nileng hun chu kan hmang ral ve mai. Dar 3 ah naupang ho chu an bang a, chumi hma chuan introduction te ka nei thlap, engkim chu ka beisei aiin a awlsam bakah a felfai a, ka huphurh ang aiin a nuam.





"Khawi vengah nge i awm a?" Zuitei chuan a lo ti var a, "Pu Thanga te inhnuai ka luah a, an veng hming tak pawh ka la hre chiahlo" ka nui deuh a, "U Peka te in ah maw, kan in piah lawk alawm, kan kal rual thin dawn nia" a lo tih leh chuan ka lo nui a, a ngainat awm lutuk chu mak ka ti.

"Ni e, a tha ngawt tak ang" midang pawh chuan an lo ti ve sap sap a, haw lamah chuan Zuitei nen a scooty in kan in phur haw a, Peka ruala ka haw lo chu thawk huai na tham a ni ve hrim hrim.




"U peka te chhung hi chu an fel teh ania, kuthnathawka eizawng ah chuan a hlawhtling leg neinung ber pawl an niin ka hria, rilru chhe tak pu an awm lo va, hreawm i tih ka ringlo" a tih chuan kan nui tawi tak ringawt.




Kan ngawih vang vang hnu ah " U Peka hi tlangval ngat a ni leh nghal a nia aw" fiamthu a a rawn tih leh chuan ka ngawi reng, tlangval a nih thu hrilh nawn chhen pawh ka ngailo, ka duh zawng a ni lova, a duhzawng pawh ka ni lovang, bakah thingtlang tlangval nei turin ka piang lo...




"Anih phawt aw, naktuk atang chuan kan kal rual tawh dawn nia" tiin Zuitei nen chuan kan inthlah a, step a ka chhuk tur chiah chu pick up ri tuk tuk thawm ka hriat avangin ka va hawi phei a, Peka kha!!




Motor atanga rawn chhuk in kawngkhar chu a nam phui dawt a, min rawn en zawkin ngawi rengin inchhungah chuan a lut nghal. Va han polite lo reuh tak, 'I thlenna a rei tawh em?' ti tala min biak ve tur ania.




Ka in ah chuan tih tur thlawt a awmloh avangin ka ni te in ah ka phei nghal deuh mai a, kan inhlat lutuk lo bawk nen ka thleng har vaklo.




Inthlakna tur ka ken phei avangin ka inbual nghal a, ka zawh hnu chuan "Tih tur em em a awmlo bawk a Tete, Ruth-i nen khan Mualveng lamah te va leng ula, I mamawh zualpui lei turte pawh a awm ang, neuh neuh hi a tam ve ania" ka ni chuan a lo ti a, Ruth-in lehkhabu lei pah a lo duh ve tho bawk nen kan pahnih chuan kan inzui chhuak a.




"School ah chuan miss ka tih che a ngai dawn ani maw?" nui var var in Ruth-i chuan min en a, "Ni tak, vawiin pawh khan ka lo hmu reng che alawm, board face tur i ni leh nghal a, I tan viau a ngai dawn ania" ka tih chuan a thaw deuh halh ringawt, board exam hmachhawn kan huphurh thin zia te kha ka hrechhuak uar uar mai.





Mualvengah chuan lei tur pawh a tam deuh, dawr pawh a tlar phei ve put alawm.


Ka inchungten tanky lianpui an neih avangin tui ah chuan ka harsat ka ringlo a, lei awlsam deuh, bathroom a hman tur chi bucket 4 leh plastic chair a tawi leh a sang ka lei a, no te, a... a tam mai.

Bawr deuhin kan in pawm haw a, nuih te pawh a za, "Enteh U Tete, Au Peka hi chhelo i ti ve em?" Ruth-i zawhna vang chuan ka ding dat a, mahse ding rei chi pawh ka ni chuanglo, ka thil ken hi in thlenpui vat vat ka ngai.




"Chulam pawh ka lo ngaihtuah hleinem, a nelawm loh sia" ka nui a, "Ni ve tho, mahse chhelo kan ti thei rap, kan class ho chuan kan star vek, hnathawh kawr ha chunga pick up a khalh phei hi chuan a pa thlawt" nui hak hak pah hian a tinleh a, áwm ang lo viau dawnin han hre mah ila tleirawl lai chuan a àwm ve tho mai.









LALPEKHLUA's POV




Kawngpuia plastic bungrua keng bawr luk chunga lo kal te chu ka lo en run a, a naui nen chuan an rawn in be thla ve barh barh mai, ka bulah lem hmeichhe nelawm lo ber ang maiin a ner nawng nawng a.




A nau Ruth-in min rawn hmuh takah chuan nui deuh chung hian a bul ami chu thil a hrilh a, min rawn en ve chiah bawk, ner sakin lu a thing a, an thil ken ho nen stepa an liam thlak hnu thleng chuan ka en zui.




Kha hmeichhia kha Tetei a nih thu Henry-an min hrilh tawh a, ka thianpa nau anih vang chauha kan in hnuai hi luah tir ka ni bawk.




A hawiher chapo zet kha hrethiam lo tur khawpa â ka ni lova, min hnaih a duh loh tluk zetin hnaih ka chak biklo bawk. A hmel en in a la upa lo tih a hriat a, khawpui atanga thingtlanga a rawn thawh daih chhan hi ama duhthlan a nih ka ring hauhlo bawk.




Engpawh nise ka buai ve na tur a awmlo a hmingin kan in a luah a, inzawmna hranpa neih a tulna ka hrelo.




"Chaw kan ei tawh mai dawn em ni Bawiha" ka nu in a rawn tih chuan ka lut zui ve nghal a, chaw ei naah ka pa chuan "Tetei chu kan ngaihven zui lem lova, bungrua lah a nei mang silo, chaw rawn ei ve mai se tha tur ania" a ti a. "A ni Siamkimi te in ah a ei ang" ka lo ti vat, Henry-a khan min hrilh miau ani.





"Naktuk chu Mama, leileta kal lovin inhnuai khu singsak pui la a tha ang, Siamkimi khan rawng hnawih a duhthu te a sawi a, bathroom tap pawh khu siam that a ngai reng reng, tlangval i chet loh chuan che thei kan awm lo" ka nu chuan a rawn ti leh daih tawh, chhang lem lo chuan ka chaw chu ka ei zawm mawlh mawlh a, zana Henry-an leng tura min sawmna pawh kha hmeichhia vang khan ka hnar. Hnaih ka chak vak bikloh tehlul nen, mitmrng thip zetin min lo melh leh emaw ania nga, a ho mai mai.




"Kumin ah kum 34 I tling tawh dawn a, nupui neih hi chu a hun tawh viau asin" chu thu chu ka pa sawi ziah thin ani, ka nu hian a lo tuihnih ziah bawk.

"Ni e Mama, a hun tawh lutuk"
Khamaw, a lo tuihnih ziah.



"Nupui neinlo a enkawl cheu ka duh alawm"

"I nu hi a khawngaihthlak tawh lawm mawle, mo chu kan mamawh tawh ani" ka pa chuan a ti leh charh a, "Inchhung sekrek hna khawih tur lak ka tum in a ngailo in ti zel a" thaw hawkin sofa chu ka ngheng dawt a, ka nu hi ka khawngaih lo a nilo, mahse hmeichhia ngaihven thei ka ni tlat lo.

Ka hun hmalam ka hriatchhuah leh na chuan ka thin zawn hi a vilh leh ngut ngut tawh a, thawk harsa khawpin ka lungphu a rang bawk.



"Hna thawk tur chu kan ngaihtuah dawn nia" tia thawhsan in ka pindan lam ka pansan a, khumah mu in ceiling chu ka melh vang vang.




Hun kal tawh avanga hmasawn thei miahlo mihring nih duhlo mah ila chu chuan hmasawn thei miahlo in min siam, nilo, hmasawn tur in ka huaisen tawklo pawh a ni mahna, hmeichhia hrim hrim hnaih ka duhlo a, chu chu a tul berin ka hrelo bawk.






Ka phone chu rilru lakpen nan ka on a, whatsApp a ka luh rual chuan Thianghlimi message a lo thleng leh nghal zat tawh. Ka online hun a chang emaw tih tur khawpin ka online rual rual hian a message hi a lo thleng a, online loh chuan a ti duh bik chuang miahlo. Seen lemlo chuan ka delete a, a chang chuan ka ning ve thin.





Veng lehlam ami a ni a, khawtual nula pangai tak, khawsak pawh harsa lo tak an ni. Tlangval dang tam tak karah keimah min duh tlat chhan hi ka ngaihtuah buai peihlo, a tangkailo emai.





Ka phone chu thehthla in mit ka chhing a, tullo lutukin kha hmeichhia kha ka mitthla ah a rawn lang!!!






End of chapter-2
Ads CLICK leh COMMENT kha aw


Show post links
Top

[Ngaia]

MY HANDSOME FARMER


Chapter-3
By RuatiRenthlei



Vawiin zirtawp a ni bawk nen school chu kar thar atanga tan law law tur in kan inbia a, tlai lamah ka pa thil thawn alo thlen dawn avangin vawiin chu inchhungte hi rawng hnawih that kan tum a, u Seni nen rawng zawrhna dawrah rawng leh a hnawihna te chu kan va lei a, inchhunh kap eng thei deuh tur ka duh avangin rawng senno dal deuh ka thlang a, Peka hoin kan hnawih dawn anih hmel.



U Henry-a hospital ah kal a ngai a, u Helen-i nausen pawm anih bakah u Seni pawh naupang ho nen a rik bung bung ai chuan tiin rawng kan lei zawhah a haw phei a, ka ni te nupa bakah nu Hliri leh Peka te nen kan nih chu, an senior hlawm asin.





Rawng chu kan han hnawih tan dawn a, hnawih thiam mang kan awm derlo. Ka ni lah nu thau chi, in fit lo deuh ania, pa Hlima lah tlaw ve chiah bawk, nu Hliri lah taksa chaklo chi, a hahthlak hlawm ania, Peka chuan a hnawih mawlh mawlh a, a tul ang angin ka lo pui ve bawk, chawhma ah a chanve chu kan hnawih hman.



"Titeh u, Siamkim, kan tangkai ve tak tak chuang lo a, inchung lamah thingpui sen hang te lo han in ang u, an pahnih pawh hian an zo lutuk ang" nu Hliri chuan a rawn ti a, an chhuak tur chu ui deuh, chelh ngam chiah silo ang hian ka awm. Tangkai vaklo mah se an awm ve khan a nuam a, a reh lutuk lo bawk.



Hepa nen ngawt hi chuan sawi tur kan hre dawn bawk silo, an liam hnu thleng chuan ka dinna ngai ah ka ding khawng reng a,
"Hey"
Ka hawi let vat, "Chiah leh a ngai tawh" tiin a brush ken lai chu min pe, a reh ta lutuk chu hreawm tak a ni tawp.



Bang sang lam deuh a tih dawn chuan thutthleng kan dawh a, hlawh neia chhawr ka ni bawk silo nen, a hah ve hmel tawh sia, ka khawngaih ve deuh chuan "Ka lo tih chhawk dawn che em ni?" ka ti a, a thil tih lai chawl meuhin min rawn en.



Min en run run hnu chuan engmah pawh sawi lovin a thil tih chu a chhunzawm leh mawlh mawlh a, ka ngei teh asin.




"Hey, ka biak che chu, ka lo tih chhawk ang che" ka tan lutuk na lamah a thutthleng rah lai chu ka sawi titih a, ka inrin hma in a rawn tla thla...!




Min bawh rawk a, hnai zetah kan in en.

A taksa rihna in min delh na chu engmah ka hrechang tawhlo, hriatthiam har zeta min en na mitmeng chu ka en let ve kar a, a rawn kun hniam zel lai te chuan chet sawn nachang ka hrelo reng reng.




A duh tawka hnaiah a rawn kun ta maw tih ah ka beng bulah hian "I theihloh leh thiamloh chu tih tum suh, buaina a awm loh nan" a rawn ti sup a, in tha zo zetin a in nem tho nghal bawk.





A brush thloh chu a chhar a, keichu ka awm ngaiin ka la awm reng.




Hahhh... Tunah khan he mihring hian engthu nge a sawi kha? Ka rei, a va han chapo em em ve le...


"Hey chapo pa" chair a a lawm leh tur chu ding chhuak pah hian ka ti vak a, muangchanga in her in min lo en.




"Ka khawngaih vang che in puih che ka tum a, tiang zawnga tawng kher pawh kha a ngailo, chuan rawng hnawih mai mai thiam lo tur ah min ngai bawk suh" ka tih khum tan tan a, a palen vang ringawt hian ka hlau bik therte lo.




"Anih chuan ti ta che" ka kutah a brush ken lai chu a rawn dah a, a mah chu ka en haw ringawt.



"I thiam chuan ti rawh, ka lo en ang che" chang zeta tiin min kal pel a, thutthleng seiah chuan thu dawtin ka tukkhum za mer mer atang chuan min en reng tih pawh ka hria.



Ka pian tirh atang vawi khat mah rawng ka la hnawih chhin ngailo, mahse hepa lakah hian tlawm ka tum miahlo bawk.



Rawng kan dahna tin te chu khaiin thutthleng ka dawh belh a, a tel lo pawh hian ka ti thei awm emai.



Thiam leh thiamlo in rawng chu ka han tat ve ang nawk nawk a, pakhat chuan ngawi rengin ka chevel chu min lo en.



"Min en reng dawn nge min pui dawn" ka ban kham lutuk chuan ka ti vak a, a lam hawiin rum zetin ka melh pah.




"I tih theih thu i sawi ani lawm ni?" bung zet hian a ti a, awi Lalpa he mihring hi ka haw lutuk, rilru te lutuk mai.




"Ka ti ve thei ka ti mai alawm, ka ti vek ang pawh ka tih loh kha, i hah ka rin vangin puih che ka tum ringawt, ka ti vek anga, lo thu mai mai rawh ka tihna a ni lo reng reng" ka an khum hlak hlak a, mutchhuak hmel deuhin min lo en run tawp.


A kun hniam a, a nui nge a ner sak pawh ka hre neklo, rawn ding vutin min rawn pan a, ka inrin hmaa ka kawnga min chelhin min hlang thla nawlh a, mak ti deuhin ka en.


Hnai set sawta rawn din pahin "I ti vek theilo anih chuan tih tumlo mai rawh, ngawi rengin ka mamawh min pe la a tawk" a ti sup a, thinrima sawi ni kherlo mah se ka ngei tlat.




Awlsam te in thutthleng ah chuan a lawn kai a, ka hnawih bak chu a hnawih zawm mawlh mawlh. Ral atanga ka hnawih ve lai ka en chuan ka phu zawk lo chauh, mumal lo deuhin a inhnawih kual nuaih a, mi ina inhlawh chu ni ila min chhawr nawn duh tawh hauhlo ang, mahse le, ka in ania, ka hnawih ani bawk a, ka sawisel dawnlo reng reng.




Dar 4 bawrah kan hnawih zo a, Peka nen chuan kan in be tawhlo hrim hrim. Ka ni te lah chu thingpui in tura an chho kha rawn lan tih an nei tawhlo,

"I chau awm sia, engzat nge ka pek ang che" amah pawh en lo chuan ka bag chu ka zen rak rak a, "Theihnghilh rawh" ti nghutin a rawng hnawihna hmanrua chu chhuatah a nghat a, kal nghal mai a tum chu ka ko ding leh hram.




A rawn hawi let a, "Nilengin a I thawk bawk sia, daily tal ka pe ang che" tiin pawisa chu ka lek kang deuh a, "Ka mamawh lo" tih zawngin min chhang, a chhuak lai chu ngawi rengin ka en zui a, a va han chapo chiang tak e aw...




Nilengin rawng min hnawih pui a, chumi man chu pek ka tum ringawt ania, ka ngaihthat nan tal han lak ve mai awm, mihring chapo lutuk, luhlul si, rilru te ropui si, hei vang hi a ni chiah ang nupui pawh a hmuh zawhloh.





Peka chhuah hnu lawkah chuan ka ni te nupa leh nu Hliri te chu an rawn chhuk thla ve leh a, ka ni chuan a kut pahnih phar hliai chung hian "Ti hi chuan a nuam sawng sawng mai, inchhung pawh a kap eng uar alawm, a tha lutuk tlat" a ti deuh hluai a, "Mahse Tete, helai chu a va rang nasa ve" Nu Hliri chuan ka hnawih lam chu a kutzungchal in a kawk va a, ka hmui hnuai seh zeuhin,
"Nia, ka hnaiwh ve chak sia, ka ti khawlo ta vek anih kha, mahse a pawi lo, banga tar tur eng eng emaw a awm tho ang, ka tar hnan mai dawn nia" ka nui lui var var, dik tak chuan ka hnawih mah ni se a mawi lo fahran ve bawk em ani. Eng emaw tar hnan tur ka ngaihtuah vat loh chuan ho deuhin ka mualpho vak thei mai ang.





Puitling ho chu an nui huah huah reng hlawm a, pa Hlima chuan "Khilai kàwnah khian i ni nen sumo chu kan lo chang anga, I duh chuan lo in tifai rawh" a lo ti var a, mahse ka tibuai lutuk ang tih ka hlau chuan "Va haw phawt zawk ula, inbual chu a hmanhmawh thlak chuanglo, keimah pawhin sumo chu ka chang thei tho ang" ka ti a, mahse pa Hlima chuan a tih deuh tlat si avangin nuam ti vak lo chung chuan ka inbual San a.





Ka pa chuan dining table thleh theih chi leh bungbel eng eng emaw a lo thawn a, sumo ah chuan tam tak a inthawn theihloh avangin tam pawh a la rawn thawn lo, mamawh zualpui tak tak ani.



Chawhmeh ho chu ka nu lo dah tel a nih ka ring a, mahnia ei ah chuan a tam tham em evangin ka nite bakah inchung te ka pe ve bawk a, Peka chu ka in atanga a chhuah hnu khan ka hmu leh tawh lo.

Pawi chai lo, hmuh fo loh hi a tha ber, mak ngel ngul thei si, thingtlang tlangval, tlangval satliah pawh nilo, val senior leh nghal, la chapo ve khanglang lehnghal a, Peka chu a hming ringawt pawhin min ti thinrim teuh thei mai ka ti! Rapthlak hian.....



U Henry-an eirawng bawlna tur gas stove leh a bur te min ngaihven sak a, buhfai leh chawhmeh ka nei ta bawk nen, ka ni te in ah phei lovin keimahin rawng ka bawl a, in hrang changa mahnia rawng ka bawl ta rak rak chuan hnuk te pawh a tino dawn dawn mai, nuih a za deuh tho bawk sia.




Zanah chuan chhuak peihlo in ka mutna tura ka phahsa ah chuan ka mu der der a, John hi ka ngaihven zui a ngai tawhin ka hria....




Ka Kal ni a ka message kha tun ah pawh ala seen lo va, a delete tawp anih ka ring. Kimi ka call a, a buai deuh nge a chhang lawklo nghe nghe.


"Hello Kim, I buai ami?" a lak rual chuan ka lo ti vat a, "Buai hranlo, ka phone ka dahna ka hrelo a, ka zawng vak alawm" a nui zui hak hak a, keipawh ka nui ve tho.




"Va han thing thei tak, I buai loh chuan biak lawk che ka duh a, John-a chungchangah" ka ti sep a, a thaw deuh hapin ka hria.




"Engmah ka hrethiam biklo, ka be theilo a, min block niin ka hria, khawlaia kan inhmuh lahin hmelhriatloh ang mai hian min kalpel a, a awmdan hi a mak tawp" a rawn ti zung zung a, chutia ka thiannu lehzel a be duhlo chu mak ka ti takzet.





Ka tawng mai loh vang neg amah bawk chuan "Bialnu dang a neih te ka ring rum rum" a rawn ti leh a, "A nei lovang" ka lo ti vat, chutianga bialnu dang nei leh mai thei tur chi a nilo.




"Ka hrethiam lutuk che, engmah ka hre biklo a, eng emaw harsatna a tawk anga, a be duhlo che pawh ani ve thei tho a, thil hrechiang lo va thutlukna siam tawp ai chuan be leh chhin la, biak tawng ngei tum bawk la, in inkar mumal lo ta lutuk hi chingfel vat rawh" thutak deuh hian a rawn ti a, dik ka ti viau.




Kimi nen kan inbiak zawh chuan thaw hap pahin ka thu chhuak a, ka phone a John-a number chu hmetchhuak in ka en reng.




Rilru ka siam fel a ngai tih ka hria, mit chhingin thawk ka la vang vang a, a tha e, tun chiah hi ka bia ang, mumal lo deuha tawp ngawt tur chuan kan kalthui ve tawh bawk alawm, min ngaih dan tur hrelo mah ila keichuan tunthleng hian ka ngaihzawngah ka la pawm a, hei chen min lo biak loh chhan hi hmeichhe dang vang nge ka laka a lungawi loh vang tih te pawh hriat a ngai alawm.




Phone ring ri chu ka ngaithla kar a, a ring ral tep tihah hmeichhe aw hnawk tuak hian "Hello" a rawn ti a, ka beisei loh 'aw' chu ka lungphu in a lo hre rang khawp mai, a phu rang nghal dawt dawt thei.




"Hello" a rawn ti nawn leh a, a thiannu emaw, a thawhpui emaw ani mainthei asin tih rilru ka put laiin lehlam atang chuan "Tunge a Bawihi?" tih ri ka hre leh a, ka kehchhe ta vek e... Chu aw chu ka bialpa, aw, John-a aw ngei a ni!!




"Hello" thum dut hian a rawn ti a, chhang let thei ka awmlo, call chu off in ka hma zawnah chuan ka thehthla dawt a, ka kut pahniha ka hmui hupin mit ka chhing tawp.



Rilru mumal ka pu tawh lova, hmangaihna vanga ka natna leh ka chapo na avanga ka thinrimna te chuan min rawn bawhthuah nghal hlup hlup.

Kawp ka ni!



Inbengdaia rilru fim taka in ngaihtiah tur ka ni tih ka hria, ka lungphu pangai lo zet chu ka kawr chhanah dawm hnanin ka thaw chhuak ham ham a, ka hnar thip hlur tih reh tum chuan ka hmai ka tuai leh puat thin bawk.



Tun maia thil thleng vang khan tah chhuah vak mai ka duh a, mahse ka theilo. Ka pa sawi ang khan hmeichhe kawlh tak ka ni a, ka mittui a tla mai mai ngailo.




Hmai ka phih zawha ka hahdam deuh hnu chuan ka phone bawk chu ka ban leh a, John chuan message tal pawhin min rawn umzui lo.


Na ka tih tluk zetin mak ka ti, inthen a duh anih chuan tlang takin min hrilh se, hei ai hian ka nat dan pawh a zia ve deuh tur ania, ti ringawt hi chuan a tlawm thlak emai.





Urghhhh
Ka natna chu thinrimna in a rawn luahkhat thuai a, chu chu ka nih thin dan ani. Eng emaw hliam na vanga indawm kun reng ai chuan chu hliam min petu chu hua ila, natna ngawt ai chuan thinrimna leh huatna chuan hahdamna min thlen thei zawk.



"Heyyyy inhnuai nu, tho vat teh" kawngkhar ri dawt dawt thawm karah chu mihring aw chu ka hre vuai vuai chauh.
"A va mak e aw, heyy" a aia na mahin a rawn chum leh pawp a, ka thu chhuak nghal hlawl.



Ka sana bun lai chu ka en vat a, zing dar 8 a lo ri tep tawh. Tho chhuak vatin "Ka lo kal" tih leh kawngkhar lam pan ka rual a, kawngkhar ka hawn rual chuan Peka lo ding thim khup chu ka hmu nghal a.



A tshirt hmalam leh kekawrbul tlang chu a huh dup a, a chappal pawh chuti bawk.

"Ngati vak vak nge?" ka tih chuan "Tui haw ni ania, nghei i duhloh chuan lo chawi vat rawh, an khar hma in" engvanga ka lakah hian tawngkam nem hmang hreh em em nge maw a nih le!!!










End of chapter-3
(Zirlai ka la ni ve tho bawk nen hun ka neilo ve thin lutuk a, a thui vak loh pawhin min hrethiam hram hram rawh u aw)


Show post links
Top

[Ngaia]

MY HANDSOME FARMER



Chapter-4
By RuatiRenthlei




"Heyyy kal nghal daih suh" a in her vut rual chuan ka ti vak a, "Min lo nghak lawk, ka reilo ang" tiin pindanah a tlan lut a, ka kawrlum pante chu ha in hmai pawh phih lo chuan ka zui chhuak ve thawr.




An in piah deuha tui point ah chuan tui an lo dawh sap sap hlawm a, Peka lah chu min ngaihven zui miah lovin a kalnghal nal nal bawk si.




"Heyy engtinnge ni dawn?" rawn hawi let lovin a ban a rawn phar zawk a, inchhungah min luhsan daih.




Rei vak lovah nu Hliri a rawn chhuak a, "Awii Tete, ka hrilh lawk mang silo che a, vawiin hi tui dawh ni ania, Mama kha kaitho tur che in ka ti ta ringawt anih kha, lo kal rawh tihdan ka hrilh ang che" tih pahin point awmna lamah chuan a phei a, ka zui mawl ve tawp.




A semtu ni awm tak nen chuan nu Hliri chu an inbia a, "Bur pawh i la nei ve mang bawk silo, kan ta kha hmang rih phawt la, tihdan tur kan ngaihtuah zel dawn nia" a tih avangin a sawi ang ang chuan ka ti tawp a, kan dawh zawh meuh chuan ka huh ve hnuang tho mai.





Tui ah ka harsa dawnlo viau emaw ka ti a, hetia tui chawi hial ka ngai ta mai hi mak te pawh ka ti.




Peka chuan bur chu ka inah min khai thlak sak vek a, biak chu sawiloh, melh pawh min melh lo.



Pa Thianga remruatna in tuizem litres 2000 ka lei a, a hunna lai tur remchang min zawn sak thlap bawk, an fapa tihloh an nupa ngawr ngawr hi chu an felin biak an nuam mawle, fapa an nei mak ngil ngel em ani.




Ka beisei loh leh phu loh deuhin khawtlang leh thenawm te chuan min lawm thiam a, ka ni te chhung leh ka inchungte zarah ka inchhung pawh a muk ve tawh khawp mai.




Ka pa in tui pump na khawl min lei sak a, tui dawh nia thawh hma bak chu tui lamah chuan harsatna ka nei rihlo.




Karkhat lai school ah ka thawk ve tawh a, Zuitei nen pawh kan Inkawm ngeih tawh viau. Ka thawhpui dangte pawh an fel vek a, hreawm tihna ka nei lemlo.




Subject tinah zirtirtu pahnih zel kan inkawp a, ka partner sir Aldrin-a nen pawh kan innelin kan inpawh tawh viau, teaching skills ah min pui nasa in kawng engkimah min puih a hreh lo a, ka thawhpui te atang hian thingtlang miten mizo nundan leh tawngdan an la thlahthlam loh zia ka hre nawn awn awn reng bawk, an fakawm ka ti takzet.





"Vawiin chu inkhawm ve tawh la, I inla mihrang rmai aw" Zuitei message ka hmuh rual chuan ka nui nghal vur vur, vawiin Pathianni a ni a, kar hmasa kha chu ka inkhawm lo chiang, ka pa in min rawn hauh phah hrep bawk.




"Nia ka tum ve alawm" ka tih chuan a seen rang khawp mai, "Yess ka lo sawm ang che, hming te pawh i ziak ve dawn Nia" a tih chuan ka reply tawh lemlo.



Ka ni te nah chaw ka ei phei avangin insiam turin ka haw phei a, Sunday kawr te chu ka ken ve ngei kha mawle, ka sam ka herh kir deuh a, darthlalang hmaa lungawi deuha ka din laiin kawngkhar a rawn ri dat dat a, Zuitei tawng ri ka hre nghal bawk.




Kan pahnih chuan kan inzui chhuak a, stepa kan chhoh laiin "U Peka min lo nghak rawh ka tia, min lo nghak tak tak angem aw" a tih chuan ka ding dat, "Tlangval te nena kalho te chu a nuam ve alawn, lo kal vat rawh" nui hak hak pahin ka banah a rawn kai a, min kai chho nghal dawt dawt.




An in kawtah Peka chu a lo ding khawng luah a, pa lian pui ni mah se a thau hauhlo, a taksa ah chuan thau chhia a awm miahlo ang tih ka sawi ngam sak, mipa deuh ang chi hi a nia, Ruth-i te thian ho in an star pawh hi a awmlo hran miahlo.




Kekawr dum leh kamiz tial a ha a, a ban a thlep chho deuh bawk, a savun kawnghren chu a langsar viau a, a smart shoe chu ka rinloh ang takin a tle nalh viau bawk, tunah tak hi chuan kuthnathawka eizawng nilo in officer smart tak a ang takzet.




Ngun zet hian kan kal phei lai chu min lo en run a, keima tawkah ka confi ve bawk nen amah en chung chuan ka nui lui sak.



Zuitei chu a titi phei char char, Peka chu a ngawi ngul a, biak in a hla lutuk lo va, kan thlen dawn tepah Peka pui roh chuan ka beng bula lo kun hniam in "I nghawng kha a paw ruallo" a rawn ti sup a, amah melh rawm pahin ka nghawng chu ka khawih vat.




Ngeiawm deuh hian a kiai suk a, "I la khawih fu lo" ti leh supin min kalpel nal nal.



Awi ka ngei lutuk, zahthlak bawk si.



Zuitei chu ko chulin ka makeup a dik leh dikloh ka zawt nghal a, a that vek thu min hrilh bawk si, ka zawh nawn leh pawhin ka paw ruallo tih a sawilo reng reng.





Khapa khan min tihzah a tum ve hrim hrim, ka va han ngei mai mai tak, min ti confi lo zo vek.



Zuitei'n min nawr deuh tlat avangin pawlah hming ka dah ve a, mahse Sunday chawhma bak chu ka inkhawm peih vakin ka ringlo.




Inkhawm kan ban hnu chuan Zuitei chu a pi te in ah a kawi dawn avangin keimahin ka haw a, inthlak vat vat ka chak tawh lutuk chu ka kal chak khawp mai.



Ka hma lawka kal chu a tukkhum lam ka melh rum leh vak thin a, a kalpuite an awmlo ta maw tihah pan hnaiin "Heyy suala" ka va ti thawr a, en pawh min en lovin a la kal lui zel tho.



"Heyy lo ding teh" a banah dawmin ka pawt ding a, a nui ri suk ka hriat rual chuan ka kawchhung hi a sa nghal bulh bulh.




"Eng nge i hriat a? I va sual ve" chhoh melh ar pah chuan ka ti leh vak a, dar kan ak in a ner sak duh chauh.



"Ka nghawng kha a paw ruallo miahlo, min tihbuai hi sim teh aw"


"Tibuai a?"

"Aw min tibuai" Ka lama rawn in her deuhin kut a kuangkuah hlun a, "I rawn awm atang chiah hian ka buai, I inchhung chinfel leh I mamawh buaipui reng renga awm hi nuam ka tih bik ring hauh suh"


"Chungte chu I tih ve tur alawn, I in luah Tu ka nia"


"Luahlo mah la pawi ka ti hauhlo ang, khawpui nula inla changkang satliah hi engatan mah ka ti reng renglo"


Hahhh hepa hian tunah khan engthu nge a sawi kha???



"Inla changkang satliah a? Heyy helai thingtlang khawte lutuka awm hi ka duhthlanna vang a nilo tih hre rawh, force Tu ka neih vang chauh anih hi aw, chuan in inhnuaia awm hi ka chak bik miahlo bawk, luah tur dang chu ka zawng anga, ka hmuh velah ka chhuak nghal ang" ka sawi zawh chuan ka thaw hawlh thei, thinrim vangin ka thaw a sa ham ham a, ka lungphu rang em em hi chu a chhan ka hre bik derlo.



"A that chu, I hmuh vat ka beisei" ti nghutin biak zawk chakawm loh zet hian a kal nghal nul nul a, a tawngkam ho te ina min ti thinrim hlur thei zel hi a mak ve hrim hrim...




In ka thlen hnu ah pawh chuan ka thin a la rim, ka nghawng paw ruallo a sawi vang kha chu thu hran, khawpui nula inla changkang satliah tih khan min ti na em ani, ka inlak changkan ka hrelo a, an inhnuai luah pawh hi ka chak viau biklo, urghhh kha mihring kha ka haw lutuk.





Mahni khua leh lawina than a nilo bawk nen chawhnu lam chu ka inkhawm lo va, in ah ka lo mu vel mai mai.




Keimaha ka awm chuan John ka ngaihtuah chhuak leh nge nge thin a, chu chuan awm nuamlo deuhin min siam thin.




Kar khat lai a liam tawh chung hian ka ngaihtuahna erawh a la chhuahsan thei meuhlo, kawp ka nihna khan min ti na a, tawngkam hnih khat tala min rawn bawhzui miahlo hian min ti tlawm hle bawk.




Kimi hnenah pawh John chu be tawh miahlo turin ka hrilh a, amah vanga nat nawn fo ai chuan hmalam pana theihnghilh ka thlang zawk.






LALPEKHLUA's POV





Hmeichhe chapo lutuk, inla no hmel deuh si khan hlauh lah chu a nei derlo leh nghal, tawngthei zit zet bawk si, nizanah pawh amah vangin ka muhil hauhlo, chu erawh Tu hriat tlak mah a nilo.




Leileta ka ken tur vel pick up ah chuan ka dah mawlh mawlh a, inhnuai step atanga rawn chho mek avang chuan ka chawl dat, uchuak miah silo a smart taka a inchei thiam thin hi a fakawm ve a, a bak chu ka sawi peihlo.





Min rawn hmuh ve rual chuan a ner sak a, a phone chu en in a ding leh rih, 'I tlai dawn maw? Anih chuan ka lo kalsan mai ang che' tiin a biaklai chu a hrilh a, a beng atanga phone a lakthlak hnu chuan a thaw deuh hap, a taksa tereuhte pawh a che ve ak alawm.





Amah chuan an school lam pan chuan a kal phei a, ka motor a chuang ve tura sawm ka tum hauhlo, a hmasa a ka ruala a kal pawh khan hreawm a tiin a zak hle tih ka hria, phurh nawn ka chak bik reng reng lo.





School awmna a thlang deuh bawk nen ka umpha harlo, a zawnah chuan ka tlan muang deuh a, han tlan pel ngawt ila midang bulah mipa polite lo lutuk angin min sawi emaw ania nga, ngaihtuah thui vak duhlo in ka tlan tlang a, hmeichhia vanga rilru tihbuai ka duhlo.





Greenhouse ah ka kal hmasa a, tomato leh thlai dangte ka en kual thuak thuak hnuah leilet lam ka pan tlang leh.




Zep rual lohin mi bulah ka nelawm lo a, thinlunh sakhat tak ka nih thu an sawi anih pawhin ka pawm, mize danglam. Tak nei ka ni lemlo a, mi aia han that bik viauna ka nei hranlo.





Ka tawng tamlo a, tawngthei deuh bula awm pawh ka peih chuanglo. Rinawmna ka ngaihhlut tluk zetin mi rinawm lo te ka hua. Mipa ka nih angin pa ta ka awm ka duh a, min mamawh tute ka ti beidawng ngailo bawk.





Hun rei tak chhung ka nunah hmeichhia ka seng lut tawhlo a, chu chu pawi tihna ka nei miahlo bawk.





Tunah kha hmeichhia kha a lo lang a, min ngainat loh tluk zet khan hnaih ka chak biklo. Ka hmeichhe hriat tawhah a mizia a la danglam ber a, amah chauh kha ka vawi khat hmuhnaa hmeichhia ka ngei awmchhun a la ni!




"Hello" ka phone ka benga chuktuah pah chuan ka ti sup a, lehlam atang kan branch KTP secretary Pu Sawmtluanga chuan "Peka, i buai viai em?" a rawn ti a. Leileta ka kal thu hrilhin min lo call chhan ka zawt leh nghal.




"Kartawp lamah hian tuipuiah branch hnatlang kan nei dawn a, I leilet bul lawk kha a ni bawk nen I thlàma kan in nghah mai loh chuan" a rawn ti a, harsatna a awmloh thu ka sawi hnuah kan inbiak na kan ti tawp a.




KTP, kohhran leh khawtlang ah a thawhhlawk leh langsar ber pawl ni lem lo mah ila ka rawngbawl ve theihna tur awmah chuan ka tlanchhe ngailo.




Tlai thim dawnah in ka thleng a, kan inkawtah chuan Tetei leh ka nu an lo titi malh malh a, motor atanga ka chhuk rual chuan kawngpui atang Thianghlimi a rawn tlan phei a, min au chul kher leh nghal.



Ka mitsirin inhnuainu chu ka hmu reng a, min en reng tih ka hria, Thiangi lah chuan ka ban bul a rawn dawm nghal chat leh ngha a...!







End of chapter-4
(Awiii ka inthlahrung lutuk, zantin ka dah thei bik silo, zanin phei chu a tawi sia, min hau mai rawh u)


Show post links
Top

[Ngaia]

MY HANDSOME FARMER



Chapter-5
By RuatiRenthlei



Kan hma lawka dingte chu kut kuangkuahin ka em ran a, a hmeichhia zawk lah chuan nui iar iar pahin a kuah ang hiam hiam leh nghal a, kan awm ve reng laia hetianga inchhai kual vel hi an zak miahlo em mawni, nu Hliri pawhin tihngaihna hrelo in a en tawp.




Peka chu kan hriat ve phak loh tur tawkin a phun sup sup reng a, kan lam pana an rawn kal phei lai te chuan mit ti zim sun chungin ka lo en reng.




Nu Hliri chuan "Thiangte, kan va inhmu khat ve?" kan bul an lo thlen chuan a lo ti khawmawi ve a, a mizia har har kha a ei vak biklo in ka hria




"Nia, veng a inhlat hi chuan in hmuh hi a har em alawm" min rawn en in a nui sak a, "Tetei i ni tiraw? Kan khaw higher a rawn thawk thar kha" a kut chu ka lo vuan ve a, a hmelchhe hranlo a, nula pangai tak a ang, mahse Peka a chul nel danah khan dikloh na Eng emaw chu a neih ka ring tho!




"Aizawl atang hetah i rawn awm thut sia, hrehawm i ti em?" a tih chuan nui chungin lu ka thing mai a, "U Peka te inhnuai i luah tih ka lo hria a, nilo se chuan Aizawl mi i ni tih ka hre miahlo ang, I vun a nung vak bik silo a" a nui zui iar iar mai.



Peka rum nghut chu kan en thup a, "Khua a thim tawh dawn, nangpawh Thiangi, haw tawh rawh" biak zawm hman lohin inchhungah a lut nghal daih a, Thiangi a tih chuan pangai taka min mangtha in a kal a, ka en zui vang vang






Khanu kha ka ngaina dawn hauhlo, ka vawi khat hmuhna mah nise a nui hmel phena a thinlung kha zet kha ka hmu tlang a, mi pangai tak angin lang mah se a rilru chu a damlo nasa viau ang.





Nu Hliri chuan an ina chaw ei turin min sawm nasa viau mah se ka hnial lui tang tang, Peka nena dawhkan khat kil ho ka duh teuhlo.




Zanin KTP inkhawm zan a ni a, Zuitei'n min sawm tlat avangin ka inkhawm ve dawn anih hi, ka pa khan min hrilh lawk hrim hrim a, hnathawkin emaw, thildang vang pawhin hmun dangah ka awm dawn anih chuan ka awmna kohhranah ka theih leh phak ang tawka inhmang turin min hrilh nawn fo thin





Keimah chauhin ka awm bawk nen zinga ka chaw thing ka ring a, artui kangin hmarcha leh waiwai ka nei a, ka lungawi lutuk, chawhmeh lamah chuan ka khirh hranlo.





Zuitei chuan min lo sawm phei a, "Kan group a in an theih nan kan dil dawn nia" tiin group ah te hming ziak ve turin min hrilh malh malh reng.




"U Pek" a banah ka sik vak a, mahse awmzia a awm tawh lo. Kan hma lawka Peka leh a thiante chu an lo hawi let a, "Min lo nghak ve ru" tiin zuitei chuan ka banah a rawn chelh a, min kai phei dawt dawt, ngaihtuahna hi a va han in ang lo thin tak.




"I thiannu chu I rawn sawm chhuak thei maw?" Peka bul chiaha mipa ding chuan min rawn en pah hian a ti a, Zuitei tawng duh zarah biak in kawt kan thlen hma chuan kan inbe nel hman tawh lutuk. Peka tihloh, a ni chu kawng tluan in a tawnglo.



Hruaitu te leh member ten min lo lawm thiam a, nuam ka ti ve khawp mai.



"Ka inchung pa hi ka nel vaklo ania aw" tiin inkhawm banah chuan zuitei chu ka hrilh ru sar sar a, "A ho lutuk, I la hriat chianloh vang mai mai a nih kha, a landan hi a nelawm. Loh a, mahse a sual hranlo, a rei anga ngaiah i nei mai ang" a lo ti liam puat ringawt a, a landan bakah a mitmeng leh tawngdan hrim hrim hi a nelawm loh tih vak mai ka duh.





Kan in thlen hma deuh hian peng a awm a, chutah chuan min pensan vek hlawm avangin Peka nen chauh bawk chuan kan in zui haw leh.



Pheikhawk sang ka bun avangin ka kal ri khap khap a, chubak chu thawm dang a awm lo reng reng. Kan in leh peng in kar kawng tawi te chu thui ka ti takzet tawh.





"I hna chu hrehawm I ti em?"


"Engmaw?" stepa ka chhuk tur chiah chu a thil rawn sawi vang chuan ka hawi let leh a, "Naupang han zirtir vel mawle, a hreawm em?" a ni leh nilo angin a aw a dam dap a, chutak chuan min ti hrilhhai.




"A... Aih, a nuam ka ti lutuk, zirtirtu nih hi ka thil chak ber thin a nia" ka nui lui ve sak, "A that chu" a ti ringawt a, inchhunga luh nghal mai a tum chu ka ko ding leh hlut.




"Tinge min zawh a? Hrehawm ka tih I hlau em ni?"
Ka zawhna zet chu leh!!!



A nui ri suk a, a kut pahnih a kekawr ipte a dah lut hlun chung hian, "Hlau hranlo, I kawlh ve reuh sia, naupang han zirtir tur hmel I pu lo em alawm" amitmengaha a nuih a za hle tih a hriat theih, ka ter at a, "Chutah chuan lo buai suh" ti vakin stepah chuan ka chhuk thla hmawk hmawk a, a nui ri huk chu ka la hre thei.




Thutthlengah ka bag thehthla in ka thu thla ve hnawk a, khapa kha ka haw lutuk...



Pangai takin min be ve emaw ka tih vangin tha deuh in ka chhang ve a, urghhh a rilru thalo kawi sawi vel lutuk kha ka hua, sawi tur tha deuh a hria anih loh chuan min biak loh ve mai tur ania, nghal lutuk. A bialnu nen pawh khan an lo in àwm tawk vel chiah anih kha, nasa dun si, innei chiah se chhungkaw ropui tak chu an din dun lo tawp ang.




Ka thinrim thaw sa lutuk chu ka inbual ta ringawt a, kha mihring kha a tul tawpah lo chuan ka be tawh lovang tih rilru pu chungin ka mu.



Zingkarah ka nu in min lo phone a, showroom ah mi kal tam hma in ka inchhung furniture tur vel a lo va en anih pek hi... A rilru pek na lamah hi chuan a tuan te hi a rang thin a nia.




Thlalak min lo thawn lo chu ka en a, thlan tur ber ka hriat loh avangin a duh duh lei turin ka hrilh tawp. Naktukah an lo dah dawn a, u Sawma'n ka scooty a rawn khalh chho bawk ang.




Ka online lai chuan morning wish ka dawng ve hlawl a, chupawh sir Aldrin-a hnen atangin, school thilah lo chuan phone atangin kan la inbe mumal lo a, nui ver ver in ka va wish let.




Eirawng ka bawl lai te pawh chuan kan la inbe reng a, sawi tur a hria in a nelawm a, tlangval vanglai tak a ni bawk. A pian a tha a, a smart in tlangval hmeltha veh vawh tak a ni.




Hma deuh hlekah Zuitei'n min lo sawm a, a scooty a chhiat avangin vawiin chu ke a kan kal a ngaih hmel.



Kan chhuah chhoh chuan Peka chu an in kawtah thu in a hunter pheikhawk chu a lo suih tha vel mawlh mawlh a, melh pawh ka melh peihlo.




"Khawi lamah nge i kal dawn u Pek?" a be dawnlo emaw ka tih hnu ah Zuitei chuan a ti hram pek a, ka lo thaw hawlh.



Pakhat chuan "Greenhouse ah" a lo ti mai a, "Ee.. A nih chuan Te, a rual hian kal daih ila, motor in I kal dawn tho ani lawm ni?"


"Zuite" ka ti vak a, phawk hra in min rawn en, "A la hma tho a, ke in kal ang" ka ti sep a, Peka chuan min en run tih ka hria. "aw a hahdam thlak zawk alawm" nui chungin a ti leh hram a, ka tlawmngai vel peihlo.




"Nih chuan lo nghak la, muangchangin ka lo va kal ange" tiin ka kalsan nal nal. Min koh letna pawh chu ka chhang tawhlo, nizanah Peka nen kan inngeih lo tih ka hrilh tlang vek a, eng nge maw a hriat reuh ni....




Keimah chuan ka kal thla hlawk hlawk a, school hi a hlat tham ve deuh avangin ke chuan hun a duh rei ve hle. Kawng chanve vel ka thlenin min rawn um pha a, Zuitei chuan chung ve turin min la sawm tho! Mahse chhuanlam siamin ka hnial fithla leh thak.




Min tlansan a, scooty hlirin a kal thin bawk nen kea kal chu a peihlo ve ngang te pawh a nia nga, ka hrethiam tho mai.




School ka thlen chuan gate bulah sir Aldrin-a a lo ding reng a, zing lama kan inbiak ve deuh vang nge ka hmu hreh deuh tlat leh nghal.




A dan pangai in hmel hmuh nuam deuh hian min lo nuih leh vur vur tawh a, kan pahnih chuan kan chho rual.



Zirlai naupangten titha duh deuha kan thil sawi an lo ngaihthlak hian ka hlim thin a, an hriatthiam loh lai te polite taka min zawh hian ka lawm ve thin. Ka thawh tirh atangin ka class ah tumah hauh ngaiin an la awm lo a, Ruth-i pawh a fel khawp mai.




Peka rin loh ang takin naupang ka ngaina, ka kawlh a tih kha chu a dikha tho a, mahse tumah ka attack hmasa ngailo thung. Engmah hre hmasa hawt lo va naupang zirtir theilo tura min ngai nghal ringawt kha ka ngei.





***




"Hello"
Ka phone speaker on chung chuan ka ti a, lehlam atang ka nu chuan "Hei khawchhung kan lo lut dawn a, min lo chang ta che" a rawn ti a, inchungte hi main road bul maiah an awm avangin chumi kawngah chuan lo tlan turin ka ti a, ka thil chhuan lai off in hmuak turin ka tlan chhuak nghal.





Inchungte veranda ah chuan ka lo nghak a, Peka chu a feh leh tawh aniang, pawh chailo, zan riak te hian kal se ania ka tih.







U Sawma'n ka scooty a rawn khalh chho a, furniture chu pick up ah phurin driver dang pakhat an rawn hruai a, ka nu in a rawn zui ve.





Ka nite nupa bakah u Henry-a te an lo phei a, a tlai a tlaiin kan ri nawk nawk hlawm.




Sofa set an lo phur tel a, inchunga kan zawn luh fel meuh chuan thaw a sa ham ham mai.




Zanah ka nu chuan min tihfel pui zung zung a, naktukah chhuk leh nghal mai an ngaih avangin a theih chin chin chu a tifel a, sofa a han awm takah phei chuan inchhung chu a khat ve khup tawh.




U Sawma leh an driver rawn hruai chu choka lamah an mu a, ka nu nen pindanah kan mu thung. Khum ka la nei lo va, chhuatah ka mu mai zel, hreawm pawh ka ti hranlo.



Naupang ang maiin ka nu chu ka kuah hlun a, mahse ka zak lem lo. Hreawm tam tak tuarin min hring a, hmangaih leh duat taka min enkawl seiliantu anih vang hian ka thlahlel lo theilo a, ka theih leh thiam ang tawkin duat ve thin bawk mah ila a tawpah chuan amah tho hian min thlamuan leh thin..




"John nen inchungchang kha Kimi min hrilh a bawihte, a hreawm viau em?" ka nu chu ka en a, chik zet hian min lo en reng. Za lo te in ka then sak a, tawngkaa chhang lovin lu ka bu nghat.




Ka nu kiangah chuan eng thu mah zep angaiin ka hrelo, "A mak ngawt mai, helama i awm tak vang hi emaw ni le?" a thaw deuh hap a, "Ni mai thei" ka ti sep.




"A hma in inbuaina ka hre bawk silo a, hria ila chuan ipa hnenah pawh ka dilpui tur che ania"

"A pawilo" ka chhang rang mah mah.

"Min kawp alawm, helama ka awm vang hian ka hrechhuak chauh zawk" ka ti leh a, "A zia lo hle mai, nangmah chauhin i awm bawk sia, a hreawm viau ang" nu te nge nge chuan min hrethiam thin e....




"Thian ka nei tawh a, a hrawm vaklo" ka nui a, kan nufa chuan zan dar 11 vel thleng kan ti ti a, hriat loh hlanin kan lo muhil.




Chaw ei kham ah an chhuak leh nghal a, ka nu chuan min awmpui rih inhuam viau mah se in lamah an buai ve tho si a, ka pa a chhuah reng bakah dawr pahnih ah bungrua a thleng thar reng bawk nen awmpui ka ngaihloh thu ka hrilh a, zan khat lek chhung khan a lung a rawn tileng hman der mai.






**


"Ka peih vaklo asin" ka tih chuan Zuitei chu ka ban vuan chung a ner nasa mai. Vawiin inrinni a ni a, KTP branch hnatang neiin tuipui ah kal tur a ni awm e, hnathawh ka peihloh hrim hrim vang pawh nilo ka chhuak chaklo ve hrim hrim.




"Member dangte nen pawh in pawh tawnna zel ania, a tha ve lawm, mawhh kal ve rawh" naupangchhe ngen tak meuhin min ngen.



Zingkarah hnatlang turin min rawn sawm a, min ngen tak chhen avang chuan ka lo pawm ve tawp. Chaw ei khama min lo sawm tur thu sawiin a tlan chhuak leh nghal.




Hnathawh kawr vak ka nei lo a, ka thuamhnaw zinga ka ui loh deuh ha in running shoe ka bun tawp, bun tur dang ka nei miau lo ani.




Zuitei chu a rawn hma leh viau a, step a kan chhoh lai te chuan a nawm tur thu ngawt a sawi leh tawh, tui chen a tum ruh hle ni awm takin inthlakna tur te a keng thlap a, keichu engmah ka keng ve lo, tui chen ka thiam lo a, ka chak lo bawk.



"I hman tawh em u Pek?" kan inngeih loh thu ka hrilh atang khan a hma aiin a ko nasa, Lalzuitei hi chu aw....



"Hman a ni mai ang chu" a lo ti sup a, "U Peka leilet bul lawk hi ani a kan kalna tur chu, a thlâm ah te kan chawl thei anga, a nuam ngawt ang"


"Engmaw?" phawk deuhin an pahnih chuan ka en a, ka ner hmel vel chu a tha vaklo mai thei. Kal peihloh sa nak laiin Pekhlua leilet bulah leh nghal maw!!!






End of chapter-5
(Comment bakah private lam thlengin fuihna tha tak tak ka dawng thin a, ka lawm hle mai. Ka ngai haw ngailo a, ka tih dikloh siam that ngai a awm chuan min hrilh zel turin ka han ngen nghal che u ani, ka readers te chungah ka lawm em em e)


Show post links
Top

[Ngaia]

MY HANDSOME FARMER


Chapter-6
By RuatiRenthlei


"Hnathawk turin kan kal dawn, picnic tur ni lovin" a tih chuan ka melh nghek a, tak run hian min lo en.
"Ka hre ve reng, hnathawh kawr ka neih loh vang anih hi, I buai lohna turah lo buai suh" ti hmakin Zuitei kalna lamah chuan ka phei ve daih a, Pekhlua a kal ve dawn tih hre ngat ila zawng, thih huamin ka phâ ang mawle, tunah ka kal leh peihlo han tih chi a ni tawh der silo.




Pick up hnungah kan in trip thla a, darkar khat dawn chu kan tlan in ka hria, ka ning hman der bawk. Mahse a hmun kan han thlen takah chuan a nuam phian lawi a, kan hnatlan chhan kha tiau lung vawm khawm a nih avangin tumah chawl khawmuang lovin kan thawk nghal char char a, eirawng bawl tura min tih chuan han hnial tawp ka hreh ve bawk si, Peka thlâma han chet tlat vel ka peihlo bawk si chu chhuanlam ho deuh deuh hmangin ka hnial hram a, nula dang pahnih chu an tir chho.





Rin aiin kan thawk sawt a, chawfak hma in kan zo vek, chuan keima tawkah ka hah ve hle bawk.


Chawhnu lamah chuan tui an cheng vek hlawm a, min sawm ve hlawm bawk mah se lu ka thin san zel. Mipa ho chuan na kawr an phelh a, tumah han zak tet tet an awm lem lo. Peka pawh in tui chu a cheng ve a, a taksa hrisel tha tih hriat tak, inphiar deuh tang te chuan a ti mipa ngawih ngawih in ka hria, chuan en hmaih theih hmiah loh a V line mawlh mai hi, ka ngaihtuah na zet chu le.... Duh lo lutuk in lu ka thing vak a.


Ka pheikhawk phelhin a kam velah chuan ka lo tei kual ve mai mai a, Peka pawh hlim takin a nui thei anih chuan amah vang ngawta hreawm tih chhan tur ka nei biklo.



Ka hriat tawk lekin ka zai rat rat a, chutih lai chuan Tu emaw hian ka hnung lam atanga min rawn nam vakin tui chhungah chuan ka tlu lut rawk a, lungah ka khup ka sawh chawrh tih leh tui ka hak tih chiah ka hre tawh. Ka rilru chu a fim kar a, mahse engkim mai chu a phui mup lawi bawk si, ka thi dawn aniang tih chiah ka ngaihtuah thei tawh.







"Heyyy I harh em? Tete?" tawng ri chu ka hre vuai vuai a, ka áwm a rawn nem leh rual chuan ka khuh chhuah nghal bawrh bawrh, mit ka meng a, ka lu na ngut ngut vang chuan ka chhing leh sawk.



"A harh e" chu aw chu Peka aw ngei a ni, muangchangin ka meng leh a, Peka chuan hnai zetah min lo en reng, a taksa chu a huh hliam a, a sam hnawm hlap atang chuan a hmai leh a hnar velah Tui a rawn far fep fep bawk.





"I tha tiraw?" a aw dam ruih chuan chawp chilh lutuk in ka hnuk a ti ulh.



Ka hmui hnuai pet fan chungin lu ka bu a, "Awii a lawmawm lutuk, I harh chhuak har lutuk a, kan mangang hman alawm" Zuitei chuan ka kut lehlam vuan chung hian a ti halh a, keichu ka mittui a tlak loh chuan ka khap fek fek ringawt.




Min din hual thup tute chu ka melh kual a, a tlai tawh viau anih ka ring kan awmna ah chuan ni pawh a lang tawhlo.




Kan leader Pu Chhana chuan "Kan fimkhur tlan tehlul nen a zialo hle mai, Tetei pawh Tluanga chu I ngaihdam hram hram a ngai a ni, tihpalh liau liau anih kha" dam dap hian a rawn ti a, Tluanga chu tuia min nam lut Tu kha a nih ka ring, tleirawl tirte ala ni nghe nghe. Engpawh nise thil pawi lutuk a thleng lo bawk a, rawngbawltu theuh theuh kan ni bawk nen nui lui chungin a pawi loh thu ka sawi a.




A tlai tawh avangin kei ka harh tawh bawk nen haw an rawt nghal mai a, han thawh ve mai ka tum chu ka khup na zawk vang chuan ka thu leh hnawk a, Lalzuitei lah a lo khèk leh tuar hman.




Peka chu rawn thu hniam vatin ka ke chu a rawn khawih a, "A thi a tling a nih dawn hi, a na viau em?" a rawn ti sup a, "Ka kal thei lo" ka lo ti tiau, a nat bakah Pekhlua aw dam ruih hian ka tah a ti chhuak lutuk.



"Hei hi lo han keng la, ka'n paw mai ange" tiin a ipte pui leh a thil ken dang chu Zuitei a pe a, min puak a tum chuan ka lo tang tlat, hei kher hi chu ka ti thei lo ang, ka bialpa te pawn min paw ngailo hrim hrim.




"Ngatinge?" a tih chuan tawngkaa chhang lovin lu ka thing nawk nawk ringawt a, a thaw hap a, ka kawngah rawn dawmin min pawm kang nawlh.




Midang an kal vek tawh a, a hnung berah kan kal. A nghawngah ka kut suih betin amah chu ka en reng a, min en loh bakah min be miahlo chu hrehawm ka ti deuh.




"Englo"


"Engmah sawi suh"
A lo ti vat, min rawn melh zawkin hmalam bawk chu a en leh a, "I thi dawn emaw kan ti hman alawm, nidangah chuan fimkhur tawh ang che" a ti leh sup a, ka hmui hnuai pet zeuhin ka kuttin ka sik neuh neuh.




"Min nam a" ka ti sep a, "Ka hria, a pawi thui lo va, lawm rawh" chhum bung zet hian a ti hmuk, ka ner sak a, ka tal deuh laih bawk.


"I kal theihloh kha" ti hlukin min pawm tha a, min sep chho lawp ani ber ang chu, ka melh rawm ringawt a, nichina amah vanga ka tah chhuak ve ringawt te kha ka inngei lek lek!





Motor dahna kan thlen chuan min lo en thup a, pick up hnungah an lo awm vek tawh. Pu Sawmtluanga chuan a hmaah keimaha thu mai turin min ti a, ka hahdam deuh zawk nana ti ni mah se ka chak lo khawp mai, Pekhlua motor kher nilo se a zia deuh tur ania.




Hnung lama mi te chu Bluetooth woofer ah zai play in an ri bung bung hlawm a, keini chu mûk deuh in ka thu chawrh chawrh tawp.



Khua pawh in min thim hnan tep tawh.

"I khup chu a la na viau em?" a rawn tih chuan amah chu melh zawkin ka ke lam chu ka en a, a hma aiin a duk nasa tawh zawk.

"A mur chum chum a, a na" ka tih chuan a rawn nui huk a, ka melh nghek.


"Tihpalh, kan thlen hunah ka pa I siak chhhuah tir dawn nia" a la nui suk suk tho mawle.



"I pa maw?" ka lo ti haw a, "A thiam alawm, thi chhia kha siak chhuah vat loh chuan a chhungah khan a khang anga, a khup I tawm theilo mai ang" thutak deuh hian a ti a, ka huphurh lutuk chu ka mur nghal sung sung thei.



Khawchhung kan luh chuan khua a thim fel tawh a, kàwn zawlah midang ho chu an chhuk tak vek avangin kan pahnih chuan kan haw a.



Ka khup ka tih chet theih miau loh avangin ka inchhung thleng min pawm thla a, thutthlengah min thuttir in dim deuhin ka ke chu a nghat.




"Puih I ngai dawn em?" a tih chuan lu thing in "Ka buai deuh chuan u Seni ka ko mai ang" ka ti a, "A fanu te zawk a dam lo a, a lo kal thei lo ang" a tih chuan "Maw?" ka lo ti haw, tawngkaa min chhang tawh lovin dar a kan ak a, Zualbawihi I damlo tih ka hrelo tak tak.




"A... Ruth-i pawh a awm tho" ka ti leh a, "A that chu" ti hluk in a tho vut a, min chhuah San nal nal.


Ka beng reuh dawn em mawni le, naupangchhia reuh lutuk mai.



Keimaha ka awm takah chuan han chetsawn ve ngial ka tum a, ka khup na lutuk vang chuan ka tilui thei derlo.



Ruth-i chu ka call a, a chhan theihloh avangin ka ni phone ah ka call leh a, Ruth-i awm leh awm loh ka zawh chuan a thiante nen chaw ei khawm tura an chhuah thu min lo hrilh a, ka tih ngaihna hrelo chuan Zualbawihi that leh that loh te ka zawt ta vel.




Ruth-i a awm lo bawk nen ka tibuai ang tih ka hlauh avangin tuiah ka tla tih leh ka khup na vel chu ka ni ka hrilh duh ta lo law law a, engtinnge maw ka awm zel dawn ni? Ka ril lah chu a tam tawh viau leh nghal.





Ka thut dan ngai chuan ka thu deuh ngawt ngawt a, ka huh vek avangin a vawt phian leh nghal a.


A tawpah ka tihngaihna hrelo chuan Peka chu ka ko vak a, keima aw khàwk ri bak hriat let ka neilo. Han phone na turin a no. pawh ka nei bawk silo, ring deuh hian "U Pek" ka ti leh vak a, a hre pha lo aniang a reh vang vang mai.




Minute 5 hnu velah kawngkhar chu a rawn in hawng a, Peka a rawn lang hlawl.




"Khati vak vaka au kha a ngai em ni?" ti hluk in kawngkhar chu a rawn khar tha a, min rawn pan lai chuan lei ka lo chhuah khum



"Ehe I inbual hman ami?" ka tih hlut chuan "Hman" a lo ti ve hmuk a, "A la reiloh nen nen I fai awm lo" ka tih leh chuan ka chalah min pen fawk, a la na em em zui.



"Puih ka ngailo I ti ani lawm ni?" a tih chuan "Ka ngai leh si, Ruth-i a awm lo" ka ti a, a thaw deuh hap te chu ka ngei.




"Inbual ka duh a, bathroom ah min hruai lawk rawh" ka tih chuan min ner khum nawng a, "Vat vat in, vawt ka ti tawh" ka tih leh takah chuan min pawm leh nawlh a, bathroom chhunga min nghah fel thlap hnuah "Lo la awm rawh aw, ka rei lo ang" ka ti a, ka nuih tlawn titih. Ka ngei tehlul nen a puihna ka mamawh miau si a, "Rei suh" a lo ti ringawt a, min nghak turah ka ngai ve tawp.




Eng tin tin emaw ka inbual ve nawk nawk a, bathrobe ka hak zawh chuan kawngkhar hawng pahin Peka chu ka ko leh a, a rawn thleng rang khawp mai. Pindanah min hruai a, ka inbual hma ai mahin ka khup chu a na leh nghal.




"Chaw in ei tawh em?" ka I thlak zawh chuan ka ti a, "Ka chhungte chuan an ei tawh" a sawi zawh rual deuh thaw in ka pum chu a rawn ri rawih rawih a, a la ring em em zui.



"Englo, ka ril a tam" ka tih sep chuan mit ti zim sun chungin min lo en a, a dara beng thlawp pah in "Khatin mi en suh" ka ti hlak a, ngawi rengin min pawm kang nawlh.




"Chaw lo ei mai rawh" a tih chuan ka hnial miahlo. Ka in ah chuan eitur engmah a awmlo hrim hrim a. Nu Hliri chuan min lo buai pui zung zung a, Pa Thanga erawh ka hmu mailo, a lengchhuak anih ka ring.



Dining chair ah chuan min nghat a, an pahnih chuan chaw ei an siam zui mawlh mawlh, a nuamlo duh teh asin.


Ka ei teuh a, dar 7 bawr ah Peka chuan "I haw duh hunah sawi mai rawh" a ti a, "Tuna haw pawh a pawi tawhlo, naupang paper check tur ka nei a" ka ti a, a thutna atang tho nghal vut, min va han ning hman awm em em..!




ZAWMNA





Stepa min pawm thlak lai pawh chuan ka be duh lo a, ka mutna tur thleng min hruai hnu ah a haw leh nghal mai dawn emaw ka tih laiin ka bulah chuan a rawn thu thla ve a, "I mut hma chu ka lo awm ve ang" a lo ti khauh.



"Engmaw?" tiin amah chu ka en haw a, dar kan ak in "Ka veng dawn che anih ber chu" a lo ti leh mai a, mak ka ti lutuk chu ka nui tawp.




Ka ngainat loh tluk zetin min ngaina biklo tih ka hria, a... min haw viau zawk maithei, mahse ka mamawh hunah chuan a tlanchhe chuanglo reng reng, mipa puitling tak a niin ka hria. Ka paper check tur te chu min laksak thlap a, awmlo se chuan ka buai viau ta ve ang.



Paper chu ka check mawlh mawlh a, kut kuangkuah hlun chungin min lo en run tawp.


"I phone I kenglo mi? Lo khawih ve la" ka tih chuan "A ho" a lo ti ringawt a, tlangval pangai ve si a che senior thei lutuk hi a mak.



Ka lu rawn na leh zawk thin vang chuan mit ka chhing leh sawk thin a, Peka chuan "I tha em? I mut a chhuak tawh em ni?" tih pahin a rawn awm hnai deuh a, "Ka hrelo, ka lu a na" ka tih chuan a kut lian leh chhah deuh chuan ka chal chu a rawn khawih a, "I khua a sik anih hi" a tih hluk rual chuan ka biang chu ka khawih a, a sa ham ham mai.



“Damdawi i kawl em?” a tih chuan zawi deuhin lu ka lo thing a, tun maia a aw kha a nelawm loh lutuk, min vin hluk a, ka awm a ti nuam lo vek.




“Lo awm rawh, inchungah ka han la ang" tiin a tho nghal vut a, ka paper pawh chu check zawm peihlo in ka thu mu titih a, ka khawsik vang chu nge vawt ka ti viau leh nghal.




Peka chu a rawn let harlo, damdawi chi hnih hi a rawn keng a, tui nena min pek pah chuan "Pakhat hi khawsik damdawi ania, chuan pakhat hi nachhawk na" ka ei zawh chuan min mut rem tir a, vawt ka ti lutuk chu ka khur che dawt dawt thei.




Puanthuah dang awmna min zawh pawh chuan ka chhang thei meuh tawhlo, ka khup chu a na leh zual a, ka lu lah chuti bawk, ka awmdan chu hrehawm tak a ni tawp.




Puan chu min sin that tur reng a, a khat tawkin ka chal a rawn khawih leh thin bawk.



"A vawt viau em ni? I khawsik hi a reh theilo a" ti supin ka puan sin lai chu a rawn keu kau a, mit meng peih tawhlo mah ila boruak che vel atang chuan ka bulah a rawn mu ve tih ka hria!


Ka meng tawk tawk a, puan chu a lo siam tha mawlh mawlh. "Hey" ka ti sep a, sawi zawi viau mah ila a hre pha tho aniang, "Ka pang tilum I deh chuan I lum hma deuh ang" tiin ka lu chu a dawm kang a, a ban rawlh lutin a rawn tawlh hnai hrut a, damlo khur dawt dawt mah ni ila a taksa huhang chuan ka lungphu a ti danglam thuai a, a taksa lumna ka deh rual chuan keimahah danglam a awm, chu erawh a chhan ka hrelo!




"Tikhan I lum thuai mai ang, mutthilh tum la" a aw zawi sup leh dam ruih chuan ka thisen kalzam zawng zawng hi a fan kual a, in ngeihlo in in haw viau mah ila awm sawn turin emaw, ka lak atanga inthiar fihlim turin ka hrilh theilo!



Min kuah bet hlun a, a kut hlai hlup chuan ka sam chu a chul hauh hauh bawk, kan awm dan chu pa in a fanu damlo duat taka a enkawl nen hian ka tehkhin ber, taksa natna nena rilru fim pawh ka put hleihtheih loh laiin hepa kianga awm thlamuanthlak zia erawh ka hrechiang viau thung!




Mit ka chhing nghet sauh a, muhil ila engkim hi hriatloh vek rih ka duh ani....




***



Ka mal leh ke vel mu chuah chuah vang chuan ka meng chhuak riai riai a, ka lu lah chu a na ngut ngut leh nghal.



Ka dul chunga ban hrawl zet ka hmuh chuan ka meng kawk a, tui zeta Peka muhil thaw sak sak ka hmuh leh lek phei chuan ka thaw ngam tawhlo hrim hrim.


Ka ke lam mu chuah chuah chu ami khanna vang a ni tih ka hria a, han talsawn mai theih lah a ni der silo.



Nizan thil thleng ka ngaihtuah chhuak a, zankhua in tihian ka bulah a awm tihna maw! Awi ka rei, a va zahthlak ve le.....



Tihdan tur ngaihtuah in che miahlo in ka mu meng kar a, a tawpah ka ke â vek tawh leh khup na ngut ngut vang chuan ka tal deuh laih a, rawn rum tuah tuahin min kuahna chu a tinghet tak deuh deuh leh nghal a.





Ka khuh kharh a, zawite in "U Pek" ka ti sep a, a hrethei lo reng reng, ka ko nawn leh a, thaw chhuak suai suai pahin a rawn meng.




Min hmuh rual chuan a mitmeng a buai ve nak tho a, a tho chhuak nghal hluai bawk.




"Nang.... Nizan khan... " sawi zawm lovin a hmai chu a tuai puat a, "A va zialo ve le" ti hapin a lu thaklo pui chu a hiat zui nauh nauh kher leh nghal.




"Ka ke hi" ka tih takah chuan a rawn thu hniam leh vat a, ka puan sin thehhlima ka khup a'n en chiah chu a rum nghut, thei leh theilo hian ka lo bih ve tawk tawk a, a lo duk dum kûk mai, na lo chi hi a nilo hrim hrim.



"Min khan vang vek anih kha" ti hlak in no lo fahran hian amah chu ka melh a, min hnial ka rin tehlul nen engmah a sawilo.




Dar zat min zawh chuan ka sana bun lai chu ka en vat a, dar 7 a la ri lo deuh. Ka chal a rawn khawih a, "I khua chu a sik tawhlo, ka pa ka han ko anga, thi chu kan and siak chhuak dawn nia, a khang hma in" ti supin a ring zui vut a, a chhuak tlang nal nal.




A kawngkhar khar ri ka hriat rual chuan ka ka in ka thaw chhuak suai suai a, ka lungphu rang lutuk chu ka kawr chhanah dawm hnanin ka thaw leh hawlh thin..



Nizan khan kan riak dun tak tak, ka ngaihtuah chian poh leh mak ka tihna a zual a, ka zak ngawih ngawih bawk. Peka khan engtinnge min ngaih ang ka hrelo a, hmeichhe khawlo tak anga min ngaihloh hram erawh ka beisei, a chhan chu kan riah dun chhan kha ka damloh vang chauh a ni.




Hrehawm ka ti lutuk leh ka zak bawk si chu ka kut ka ka han hum ruh leh vak thin a, ka khup chu na lo se chuan ka leng vak vak ang.




Ka phone chu ka ban rawk rawk a, Zuitei min rawn call na a lo awm nual mai, mahse nizan ami a nih hlawm avangin ka call back duh ta rih lo va, whatsApp a ka luh chuan branch KTP group ah min lo add tih ka hre chiah, ka that leh that loh te min lo zawt hlawm a, zak chung chungin ka va tawng ve, ka that thu sawiin tuman min chhan let hma chuan ka out leh nghal daih a.





Pa Thanga tu nupa an rawn chhuk a, Peka erawh a rawn tel ve tawhlo. Nizanah kan riak dun bawk nen a lo lang ve ta lo chu lawm viau tur ka nih laiin nuam lo ka ti daih!






Pa Thanga chuan hmanrua eng eng emaw a rawn keng tel a, a ti thang viau anih ka ring, blade a ka khup zai a tum chuan ka rak nasa mai, Nu Hiri'n ka kutah vuanin min lo be mawlh mawlh a, mahse ka hlauhna a reh phahlo.




Ka pindana Peka a rawn luh ve rual chuan ka lo ko chul a, ka bula a rawn thut hniam rual chuan a kawr àwmah thamin a àwm ah hmai ka phum nghal rawk rawk. Nu hliri nui hak pawh chu ka zah zo tawhlo.




"Hlau suh, a rei dawnlo" ti supin Peka chuan min lo kuah let thuai a, a reilo na in a na lutuk, a tawp lamah phei chuan a sawr in a sawr a, ka hmui hnuai pet fan chungin Peka t-shirt chu ka hum ngawt ngawt tawp.





Kan zawh fel meuh chuan ka thlan hluam thei, "Tikhan Mama, lo awmpui la, chaw ei dawnah in lo chho dawn nia aw Tete" dam diai in nu Hliri chuan a ti a, ka bu nghat.




An chhuah fel hnu chuan "I fimkhur loh vang vek anih kha" ti hlukin Peka chu a ding ve hluai a, a pindana tukverh pakhat zawk chu a va hawng pah, "Ka duh vang a ni bik hleinem, I duh duh hunah min thinrim khum ringawt suh" ka lo ti ve hlak.



Ka ngei tlat alawm, puih ka ngai a, min pui a, mahse khatia a duh duh huna a tih hluk hluk tur pawh ka ni tawp silo.




Min hnial zawm lem lo a, chung te hlei hlei chuan ka huatna a ti zual, "Ka zun a chhuak" ka tih chuan nin hmel deuh hian a thaw hap a, mahse min hruai lo theilo, chu chuan ngaihdan tha deuh min pe bawk.




Ka khup chu anihna bakin ka sawi na a, ka tir kual zet zet mai. Tui ka duh ka tih in min pe a, thil tangkai lo pui pui lamin ka tir kual sek a, "Vansangpui" a tih hluk chuan ka phu nasa lutuk, mahse ka nuih a za.....





End of chapter-6

Ads vawi khat click leh comment kha auh
Show post links
Top