MY HANDSOME FARMER BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY HANDSOME FARMER BY Ruati Renthlei (Completed)

Unread post by Ngaia » September 4th, 2022, 2:23 pm

MY HANDSOME FARMER


Chapter-19
By RuatiRenthlei



LALPEKHLUA's POV



Ka phone ka benga chuktuah reng chung chuan ka tei kual vut vut a, ka thinrim thawsa tih reh tumin ka thaw chhuak leh hawk zel bawk.




"Hello" lehlam atang Henrya aw ka hriat rual chuan "Thil thleng i hre tawh em?" ka ti vat a, "Hre chiah, in huan lam ka pan mek" a tih chuan thaw hrawkin khumah ka thu hnawk a, "In bengdai teh thiana, engkim a tha mai ang, ka kal mek alawm" a rawn tih leh chuan rum nghutin "A thalo thianpa, a tha miahlo, ka thu hriat ang i hre ve em? Khangho khan ka nu kut an thlak a nia" ka hmai tuai puakin ka thaw ham ham a, chu thil ka ngaihtuah ringawt pawh chuan thinrim lutuk vangin ka puahkeh lo chauh.





"Ka hria, hei ka thleng dawn a, chanchin ka rawn hrilh leh thuai ang che" tiin phone chu a dah zui a, khawngkhar hawngin ka putea a rawn lut ve chiah bawk.




"Khai a, diklo a awm em ni? I thlan te chu a va chhuak nasa ve" ka bula rawn thut thlak ve pah chuan a ti a, "Nia pute, khilamah thil thleng a awm deuh a, keipawh haw thut ka ngai mai thei" ka tih chuan a thawng deuh nge min melh kawk a,

"Engati thut thut nge? Engthil chiah nge maw thleng le?" patling aw phawi taka a tih chuan thaw chhuak hawkin ka hnung lamah chuan ka in nem khalh a.




"Nimin khan kan thlai thar te la chhawng thin Lunglei lam atang an lo kal a, kei helama ka awmlai a lo ni bawk nen kan hlawhfa trekutah ka dah a, vawiin lamah thlai te chu an lo en pui ani awma, A.. kum danga an tih ngailoh ang takin an sawisel deuh a, a mmanthu hlaa an in hnawn kual vel na lamah an zinga pakhat khan ka nu kut a lo thlak deuh a ni awm a, chu chuan ka thin a khei deuh mawle" ka thaw zui ham ham a.

Putea chu a ngawih vang vang hnu ah "A zia lo hle tak mai a, tunah lah khua a tlai lam tawh a, han haw mai na tur motor lah chu a vang awm si a, engpawh nise chaw ei chhuahna tur kha I nei a ni lawm ni?" a tih tak ah chuan harh chhuak zawkin Tetei te in ah chaw ka ei dawn tih ka hre chhuak a, sana ka en chuan dar 4 a pel thui tawh viau.




"A ni tak pute, chanchin ngaichang phawt ila haw na tur chu ka ngaihtuah mai dawn nia,ka kal phawt ang aw" tih pahin ka ding a, ka phone a lo ri ve chiah bawk.




"Hello"

"I lo kal tawh em?" teh thawr zel hian aw.....


"Kal dawn chiah" ka tih chuan thawm mak deuh hi a rawn chhuah a, "I lo kal har reuh lutuk a, ka chhungten an hmu chak tawh che sia" a tih chuan ka nui suk a, ka thlen thuai tur thu hrilhin pawna min lo nghah tur thu a sawi hnu ah a cut zui a, kan awmna veng a in hlat deuh avangin putea chuan a bike keng mai tur in min ti a, mahse duh lovin taxi ka la ta zawk.




Kawng lakah chuan thil tam tak ka ngaihtuah a, ka ngaihtuah na tam zawk chu Biate a ka chhungte leh thil thleng khan a luah hneh zawk.




Kum tam tak buaina nei miahlo in kan lo in dawr tawn tawh a, hetianga ka awm loh hun chang ni awm fahrana mawilo taka an lo che hian ka thin a khei riau bawk.



Ka nu, kum lama naupang tawhlo leh chaklo tak laka kut hial thawhtu chu tupawh nise ka ngaidam hauhlo ang.



Ka phone rawn ri leh chu en vatin Henrya hming ka hmuh rual chuan ka chhang vat a, "I awmloh chuan thil a buaithlak khawp mai, hengho hi an huangtau riau a, chubakah a hmaa lo kal thin te kha an nilo, an hmel hi ka vawi khat hmuhna vek" a tih chuan ka ngaih a tha chiahlo a, a rang lama haw dan ka ngaihtuah tur thu leh ka chhungte bula lo awm tlat tura hrilhin ka dah a, Lunglei lama an pu ber ti mai ila, a tir atanga ka biak leh inrem taka hei chen ka thawh dun pui tawh Pu Roberta chu ka call nghal a,


"Hello" a aw ri hrep chu leh!!


"Engthu nge ka hrita hi pu Robert?" chang leh zawi sup hian ka ti a, "Engthu nge a?" karei,,he mihring hian ruih chu a nei chiang alawm.




"Nimin lama I rawn tirh te kha mawilo takin ka chhungte chungah an che a, ka lawmlo khawp mai. Ka thlai tharah in lung a awilo anih chuan kan indawr tawnna hi tih tawp pawh pawi ka ti hauhlo ania" tlang zet hian ka ti a, chutia ka han tih takah chuan rawn khuh kharh kharh in "Khai a Pu Pek, chutin thutawp an sawi ngawt ngailo, tlang taka han sawi chuan tunlai hian sum lamah ka pachhe viau a, ka mi chhawr thin ten hna dangah min pensan rih bawk nen khangho kha ka rawn tir ta mai anih kha, nanglah Aizawl lamah I lo tla thla daih bawk nen, A... Ka naute chu engtiang chiaha mawilo in nge maw an cheta nangber heti taka I thinrim chu aw.. " a nui zui huah huah a, a thil sawite kha ka awih neklo.





"I naute chu lo hrilh rawh, ka chhungte leh hnathawk te an kut hmawr pawha an tawk leh anih vaih zawngin thingtlang pa tawrhhlelh awm zia hi an hrechiang viau ang" phone chu off in seat tauh dawt pha chuan ka thaw chhuak hawk a, Rear View Mirror atang a driver in min lo en reng tih ka hmuh rual chuan Tetei te in kawt ah kan ding reng tawh tih ka hre chiah.





Chuan man pe in ka chhuk thuai a, ka thaw sa zualpui tih reh nan ka hmai tuai puatin thawk ka la vang vang a, thil thleng mek hi Tetei ka hrilh ve ngei a ngai dawnin ka hre bawk.





"Hello" gate bula ka ding chiah chu chhung lam atang a rawn tlan chhuak a, hmeichhe naupnag pawisawilo ang maiin nui ver ver in ka lam a rawn pan a, a nui hmel ka hmuh changa keimaha 'che' rawn awm thin hi ka HMANGAIH vang a ni tih ka hre tawh!




"Ka rin ai I lo thleng hma leh sia" tih pahin ka banah a kut a rawn rawlh lut a, "Ka chhungten an hmu chak tawh lutuk che a, ihmaw... "
A ding dat a, mitko ka lo San zauh.

"Ka nu leh pa te hian kan inkar an hre ve vek a, I nihna leh dinhmun pawh, an sit ngai dawnlo che tih chiang takin ka sawi ngam, chuvang chuan nangpawh in sit lo la ka duh ani" a ti malh malh a, a thutak hle anih ka ring a sawi chhung zawngin mit a khap miahlo.





Hetiang tak maia ka laka rilru zau a pu thei hi ka hmuh leh hriat tirha Vangsangpuii kha a anglo tih chang ka ngah mai.




Ka nui suk a, "Imm ka hria e" ka tih takah chuan dingdihlip ar pahin ka biangah a rawn fawp zauh a, lai tih hriat lutuk in a kun zui daih bawk.



Inchhungah kan inzui lut a, a nu leh pate chu ka vawi khat hmuhna em nilo mah se ka bialnu nu leh pa ang taka ka han hmu ta chuan boruak a ti danglam viau a, ka zam ru vei phian.





Tha takin min lo dawngsawng a, Henrya sawi dan takah Tetei pa Pa Dinkima chu pa tawngduh leh rilru zau tak a niin ka hria, living room ah kan pali chuan kan thu ho a, kan chhungkaw chanchin min zawh ang ang chu zep lovin ka chhang ve zel a, boruak pawh ka rin ai takin a zangkhai viau e.





Zanriah kan ei lai chuan ka phone bawk a rawn ri leh a, chaw ei lai ema phone han hman chu thil tih chu ah ka ngai silo. A pawimawh viau ring mah ila ka chhang duh ta lo va, Pa Dinkima chuan ka huan leh leilet vel chanchin sawi chu nuam a ti ropui mai bawk si, fiamthu ti tak deuha a fanu nen min zui chhoh ve mai a duh thu lah a sawi zing.




Dar 7 bawrah living room a kan thut ho laiin ka phone a lo ri leh a, ka en chuan kan hnathawk te zing ami pi Siamkungi a lo ni a, ani hi ka nu chanchin min rawn hrilh hmasa ber Tu kha a ni bawk.




"Hello" zawi deuh sap hian ka ti a, "Pekte, I tello chuan kan buai zo anih hi" hnuk ulh teuh hian a rawn ti a,, ka thutna atang ka ding nghal vut bawk.




"Engthil nge thleng?" ka tih chuan insut faih chung hian "Hengho hi an rapthlak lutuk, I thianpa Henrya'n engmah lei lo va let leh mai tura a tih lahin an duh teuh mai silo, kut thawh lah chu an hreh der mai bawk silo a, hei greenhouse ah kan la buai nuai nuai mai, lo haw vat dan han ngaihtuah mai teh" Pi Siamkungi hi kum upa tawh tak a ni a, ka nu ai mahin a upa ang, a taima in a fel em avang hian ka chhawr ve thin. Chuan hetianga tar leh upa te mangang taka siamtute hi ka hmu anih ngat chuan dimna pakhatmah ka nei hlek lovang.




"Engthil nge maw ni teh hluai le Peka" Pa Dinkima chu melh zawkin ka hmai ka tuai puat a, "Englo ania, han sawi tawp chu nuamlo viau mah se zanin ah ngei hian ka haw angai ani" ka ti sup a, ka thaw zui ham ham bawk.



"Khai aw chutiang teh thut, thu la han sawi chiang deuh teh" Tetei nu nu Lawmkimi chuan alo ti ve bawk a, sofa a thu tphla hnawk pah chuan khi lama thil thleng leh buaina vel chu ka sawi zung zung a, Tetei chuan ngun deuhin min lo en ve kiau.




Engmah ka hrilh hmasak loh avangin a lungawilo mai thei a, mahse hun a awm lo tih chu a hriat ve tho ka ring.




"A zia lo hle tak mai a, mahse haw chu tum ta ngawt la, sumo in in rawn chhuk si a, tunah lah khua a thim fel der tawh bawk nen motor a va vang awm ve" Pa Dinkima'n a tih chuan ka melh zawk a, tun anga motor pangai tak hmuh chu ka in beisei lo reng ani




"E... Tihdan ka hria e, naktuk hi sorkar chawlh a ni hrim hrim a, I huan vel en pah chuan kan chhungin kan han kal law law dawn em ni, motor kan kawl tho alawm" amah bawk chuan a rawn ti leh a, "A pawi dawn em ni?" tia a fanu a en chuan a lo bu nghat nghat a, "Kan chhoh a hun tep tawh tho a" a lo ti ve sap a, thil awm dan teh thut hia a la thawng deuh nge a la meng phawk viau.




"Nilo e pa Din, in inhuam viau na in ka tibuai lutuk ang che u, saw lamah ka putea bike a awm tho a, chu chuan ka chho zawk mai ang" tiin ka hnial a, thil pangai tak vanga chho tur ka nilo bawk nen a zahthlak lutuk dawn, chulo rengah Tetei tan pawh ni khat lek anu leh pa te nena hun hman ho hlut tur zia ka hriatthiam pui a, a chawlh theih chhung reilo te hi keimah vanga nuamlo deuha a hman ka duhlo.






"Chutiang lamah chuan tibuai teh nang aw, lo zin chhoh te chu kan chak reng zawk alawm" a tih leh pawh chuan ka hnial tlat avangin min nawr lui ta lova, ka chhuak tur chu Tetei'n ka hnungah min rawn zui ve dat dat bawk.



Pawnah chuan reilo te dingin a kut tereuhte chu ka hum ran a, "tinge engmah min hrilh loh?" min melh chho kiau a, "Hun a la awmlo alawm, keipawhin ka lo kal dawn khan ka hre chauh a, min hriatthiam angai" ka tih chuan a hmui ti pawrh deuh tarh chungin "Ka pa sawi ang khan ti mai ta che, I tello a heta awm reng ka peih biklo" tum deuh bur hian a ti leh a, ka nui ta hawk hawk.





"A rei dawnlo, duh lo mah la karleh ah chuan I lo chhoh a ngai tho tho dawn" tiin a chal ah ka fawp zauh a, "Tluang taka ka thlen theih nan ilo tawngtai dawn nia aw, ka hman velah ka lo bia ang che" ti supin gate chu ka chhuahsan a, taxi lo tlan remchang chu phar vatin hmanhmawh taka kan veng lam pan turin ka hrilh a.





Ka putea chuan thil awmzia a hre vek tawh a, a birk pawh chu a ui hahlo, ka insiam sawk sawk a, pitei erawhin min ngaihtuah thu a sawi chhen, "Zan thim ah nangmah chauhin" a tih loh leh an pa hnen ah "Kalpui mai rawh" te ati a, a rilru phili lutuk chu a khawngaih thlak zawk.




"Ka tha alawm pite, kalpui ka ngailo, min lo tawngtai pui la a tawk mai aw, chanchin chu ka rawn hrilh zel dawn cheu nia" a darah dawmin ka ti sup a, "Hmanhmawh deuha tlan kher kha a ngailo ania aw, fimkhur ang che" a tih chuan ka bu nghut a, Aizawl ka chhuahsan chuan dar 8 a pel tawh.





Chak lutukin ka tlan hranlo a, kawng lakah ka chawl hauhlo thung, zing dar 1 bawr velah khawchhung ka lut a, kan Inkawt chu zan dang anglo takin a lo thim vek. Zan dangah chuan veranda light hi kan on tlaivar thin a ni si a.



Khawngkhar chu a in lock ringawt a, ka phone phawrhin Henrya ka call ta ngawt, a chhan mai loh avangin greenhouse lam ka pan ta ringawt a, ka chhungkua mawlh chu ka ngaihtuah a ni.




Greenhouse eng pup mai ral atanga ka hmuh rual chuan ka speed ka San sauh a, ka thlen thlak chuan kawt zawlah mi an lo awm nual.





Leo in min hmuh rualin min rawn pan vat a, "Khawiah nge ka nu?" ka tih chuan house chhung chu melh in ka bauh vak a, ka tlan lut thuai bawk.




Tomato leh carrot lak sa chu lei ah alo tla darh nuai a, ka nu leh pa te bak ah mipa pali an lo ding bawk.



"Awi Mama" tih pahin ka nu chuan min rawn pan a, hmeichhe mittui tla hmuh ka duh ngailo, a bik takin ka nu!




"Engthil phiangsen nge thleng a?" ti thawtin ka nu dar chu ka tuai huah hauh a, pawn lama hnathawk dangte pawh an rawn lut sap sap.




"Insum teh Mama, kan thu a inp hmu lo deuh anih hi" ka pa chuan a lo ti vat a, hetiang buaina hi ka duh hauhlo, Henrya lo lut ve mek chu pan in "Ka awm loh lai a thil thleng zawng zawng sawi rawh" zawi sup hian ka ti a, "Engvak a thlen belh lo, a to an tia, chutiang a nih chuan la lo mai turin ka hrilh a, an duh tlat silo anih hi, an pu te lam i be tawh em?" a tih chuan bu nghutin chung mipa ho lam pan chuan ka in her vut a,



"Kan thlai te a man ah in duhthu a sam lo anih chuan let rawh u" zawi leh chang zet hian ka ti a, "A theih loh" lo ti nghut Tu chu melh hrawkin ka pan hnai a, a mitmeng dawihzep zet chu ka hmuthiam thuai bawk.






"Kan pu in hawn ngei turin min hrilh ani" ban charh hian a tih zawm a, kut thlak chak viau mah ila dik bera ka hriat loh avangin ka in hum ruh tawlh tawlh a, "In pu nen chuan kan contract a tawp tawh, hliam neia haw in duh loh chuan kal vat rawh u" ka au thawt a, lungawi lo hmel taka in en kual ralh ralhin min kal pel a.






~~~~~


ZAWMNA




"Lawkin" Greenhouse an chhuahsan tur chiah chu ka ko ding leh a, thil eng emaw tih hmaih ka la nei tlat.



An dinna lam pan chuan ka pen phei pawk pawk a, "Tu ber hi nge ka nu kut lo thlak Tu kha" rum ul hian ka ti a, min chhan mai loh avangin Henrya chu ka melh zawk a.



"Titeh thianpa, chhun lamah kha chuan I pawr viau anih kha maw" tih pahin a sir bera ding palian ve ang reng tak chu a dar ah a beng thuk thuk a, ka din chilh nghal run bawk.


"nang hi maw ka nu kut thlak Tu chu?"


"Mama, a tawk e"
Tun tum chu ka nu pawhin min dang theilo ang.



A nghang hnung lamah dawmin na zetin ka khup ah a hmai chu ka tauh chawrh a, a thiante lo au thawt chu ka kut pharin an mitah tak chuan ka en kual hlawm a, "Tumah, tumahin ka lakah huangtau chhuah tum hlek suh u, kha kha ka nu I kut hmawr pawhin I tawk tawh tur a nilo tih warning na a nih kha, kan greenhouse chu sawiloh, kan chhungkaw mit hmuh ah rawn in lan tawh hlek suh u, kal vat ru" an thianpa hnar thi dawm pui pah chuan an in zui chhuak ta hlawm a, ka thaw zui hawlh.




"I tha tiraw nu?" ka nu lam chu panin a dar ah ka kuah a, hnawthawk te chuan ngawi rengin min lo en tawp.



Hetiang hrepa mawilo hian ka chet a ngaih ka ringlo asin, mahse buaina a reh hmak theih nan ka tih a ngai miau si a ni.


"Thil thleng zawng zawng vang khan pawi ka ti hle mai, in mi hriatthiam ka ngai ani, zan a tlai tawh a haw darh tawh ila a tha ang" ti supin ka hawi kual thuak a, "House hi chu khaw eng ah kan tifai mai dawn nia" ka ti leh a, thil thlengte hian harhfim a awm min ti chaklo takzet.



"Motor I keng em?" Henrya chu ka melh zawk a, a lo bu nghut ka hmuh rual chuan "Henrya motor ah bet chho vek ula, in hnung ah ka rawn zui dawn cheu nia" ka ti ta sup a, in kan thlen chuan zing dar 3 a hnai uar tawh.




"Hahdam rawh u aw nu, muttui ule" tia ka nu te ka mangtha hnu ah Henrya call in zu kawl sa a neih leh neihloh ka zawt a, tlem a neih thu a sawi chuan lo phei lawk turin ka ti a, min hnial hauhlo.



Kan thiandun hian zu in ngai lo tawp chu nilo mah ila kan in khat viau a, in châk na pawh kan nei hranlo, mahse hetianga rilru buai leh chau ngawih ngawiha kan awm chang hian kan in ve zauh thin a, chhungkua tibuai khawp erawh chuan kan in duh ngai hauhlo thung. A rawn thleng phei a, ka pindan ah in zui lutin kan in dun a.






VANSANGPUII (Tetei)'s POV



Ka phone hum ran chung chuan ka tei kual sek a, chanchin min rawn hrilh chu a hun tawh viau asin mawle.




"Titeh Mambawih, zingkar atang I tei kual reng mai a, a hman hunah chuan a rawn be mai dawn che alawm" ka nu chu ka melh zawk a, "Ni e Bawihi, an buaina chu I hriat kha" ka pa'n a lo ti ve bawk




"Mahse zing dar 9 a rik dawn tawh hi, dam takin a thleng ngei em tih pawh hriatloh, kawng lakah te hian.... "
Sawi zawm lovin sofa ah chuan ka thu hnawk a, ka taksa khur dawt dawt chu tih reh tumin ka che zui sek.



"Chutiang an ngaihtuah ngailo, a thleng tluang em em ang" ka nu'n a tih lai mekin ka pa chuan phone a lo hmang a, "Hello Sawma, vawiin chu holiday a ni tho nangin i hman lawk em le? Biate lamah a rang lama chhoh kan duh tlat mai" ka melh nghal vat a, an in biak zawh chuan min rawn en in "Sawma a hman a, insiam ula kan chho ve dawn nia" a ti ta hloh a, rang lutuk in ka pindan lamah ka tlan phei rawk rawk.





Tawhsual a tawhloh nan ka rilru in ka tawngtai pah mawlh mawlh a, tun thlenga min la rawn be lo hian ka ngaih a ti tha hleithei tlat lo bawk.





A tawp nan tiin kan chhuah dawn ah ka call leh a, a hma ang bawkin a la in switch off.



Chaw ei kham tawha kal kan nih avangin kawng lakah pawh kan ding vak lo va, kawng dung kan tlan pelh tak te chu ka en zui vung vung zel bawk.




Tlai dar 3 velah kan thleng chho a, kan Inkawt kan thlen chuan chhuk vatin inchhungah ka tlan lut nghal rawk a, sofa a Leo leh a pu lo mu chu ka pan ding nghal chat bawk.




"Misualpa" ti tuarin an hmaah tak chuan ka ding a, min hmuh a in beisei lo viau ani ang phawk deuh hian min en tawp, Leo chu nam thla in a rawn thu chhuak a.

"I va sual ve, I thlen tluan leh tluan loh tal min lo hrilh tur I ni asin" tah chhuaha sawisak vak mai ka duhna chuan ka aw a ti lawi rat, mahse tlawm taka tah chu thil tih chi loh tawp a ni tih ka hria.




"Lo thu phawt teh" tih pahin ka ban rek ah a rawn vuan a, a bula min thut thlak tir hnu ah kawngkhar bula ka nu leh pa te chu melh zawkin "A pawi ka ti, ka phone a tih daih avangin chanchin ka rawn hrilh lawk theilo che u a" ti sup in ka mit ah tak min en chung hian "Ka tihpalh" a ti nawn sap a, men tuau in ka lo melh kar.




"A.... Engpawh chu nise tluang takin I thleng chho a, a lawmawm, eng nge in buaina chu.. In chingfel thei ta em?" tiin ka pa chu a rawn tawng ve a, kan ep chiahah an rawn thu thla ve nghal bawk.




"Chingfel e, engkim a tha e, a... nangni meuhin in rawn zui chho a, a zia lo hle mai, Tetei hian a ngen chiam cheu a nilo maw, a ni hi a chang hian a naupangchhia thei riau a" nui suk hian min rawn en a, ka lo ner sak.



Ngen chu ngen chiah love, keini tan rawn kal a remchang em a, bakah i huan vel en chakin nizan pawh ka muhil thei meuhlo" ka pa'n a tih chuan an nui zui hawk hawk hlawm a, "Khawnge midang?" ka hawi kual thuak a "Thenawm ah an kal lawk anih kha, thingpui in rawh u aw" tia thawh a tum chu ka pawt thu leh hnawk a, "A ngailo, kan chhuk thla phawt anga kan in be tha leh zawk dawn nia" ka ti ta zawk a, inhnuai ah kan chhuk hnu chuan ka thaw deuh ham ham.





Kan driver u Sawma kha chu an chhungte in lamah a in khalh phei nghal a, kan chhungkaw member ang chiaha kan en angin a ni pawh in min duhsak viau a, motor pawh hi a duatin a duh na ah chuan a keng kual mai zel.





"Ka fanu chu... I zia I la thlak hlek lo mai ka ti, khatin ngaihzawngte " misualpa" Tunge ti ngai? Peka chu ni ila ka then vang vang ang che" ka pa chuan a rawn ti roh a, rum deuha melh hrak chungin "A sual alawm" ka lo ti let hlar a, ka nu nen an in melh zawk zawk hnu ah towel vengin bathroom ah a lut zui ta daih.




Karkhat dawn ka awm loh avangin chawhmeh siam mai tur a awm lo va, dawra kal pahin ka ni te in lamah anhnah te ka va la a, chaw ei hma deuhin nu Hliri te nupa an rawn dak ve zawk bawk.




Zanah Peka a rawn chhuk a, ka nu leh pate chu ka ni te in lamah an leng phei ve thung. Thutthlengah thu runin ka kut chu a khalh nauh nauh a, engmah a sawi loh avangin a tawng hmasa ah ka tang duh biklo.




"I la thinrim em ni?" ka melh zawk a, chik zet hian min lo en run, lu thing nak nak pahin "Mahse ka la ngei deuh che" ka ti hram a, a nui hawk hawk chu rum deuha melhin "I phone a thih pawhin I chhungte phone atang tala chanchin min rawn hrilh tur I nia sin, I thlen leh thlen loh pawh hrelo in kan awma, ngaihtuah I na lutuk" ka tih khum vak a, "aw le, ka thiam loh tih ka pawm, thinrim tawhlo la, min ngei tawh bawk suh" tih paha ka kut chu la kangin a fawp zaih a, tumloh deuhin ka nui suk.





"Anih leh in buaina chu a fel tawh tak tak ami?" amah en pah chuan ka ti leh a, "Umm karleh lamah Champhai leh Khawzawl atangin an lo kal leh anga, Lunglei lam chu pek ka tum tawhlo hrim hrim" tak deuh hian a ti nghut a, ka hmui ti sawi zeuhin ka bu nghat.





"I nu leh pa te nen meuh in rawn kal a, an hmai zah a na duh khawp mai" a tih chuan "Pawi ti suh, I huan en chakin ka pa phei chu a phi sek reng ania" ka lo ti vat a, nui suk in "Naktuk ah kan kal dawn nia" a ti sup a, eng eng emaw sawiin kan titi sep sep a, ka nute an lo haw tak avangin a ni pawh rei thu tawhlo in a haw chho a.





****



"Ka va han phur ve mawle nu-i, in peih vat teh u" ka nu nena kan insiam laiin ka pa chuan min rawn tur sek tawh a, "Hmeichhe ho tak hi chu, ka lo han chho dawn ania" tih leh chhuah a rual a.



"I pa tak hi chu aw,,, kum 30 chuang Aizawlah a awm tawh a,a thingtlang rilru hi a paih thei derlo, hetiang chawng chawnga a awm reng te chuan Peka pawhin a ning ang tih a hlauhawm alawm" ka nu'n a tih chuan ka lo nui hak a, kawngka kalhin greenhouse lama kal tur chuan kan inzui chhuak a.




Kan chhungkua leh Peka te chhungkua bakah U Henrya leh Zuitei te an lo kal ve bawk a, a hmun kan thlen hnu phei chuan ka pa chuan Peka chu min chhuhsak daih hi a ni ringawt.



Thlai chi hrang hrang an pahnih a an en kual laiin kei leh ka nu te chuan thil dang kan lo ti ve a, Nu Hliri te nupa in min rawn fin thuai bawk.



"Mama nen in zin lai rawn tih buai cheu kan hreh tehlul nen a tel lo chuan engmah hi kan ni tawh silo a, a zia lo tak tak a ni" nu Hliri chuan a ti sep sep a, "A ho lutuk, tihian ka nu leh pa te rawn zin theihna hun remchang a ni pah mai a" tiin ka nui a, Zuitei leh u Henrya chu a thlang deuha dil te ah khan an kal ta a nih ka ring, kal lam atang khan an sawi dun sek sek tawh a, an bo zui hmak mai.





"Huan in nei tha hle tak anih hi, in idea ang hi hman ah khan lo nei ve ni ila tuna ka hna hi thawk lovin helamah hian ka in bengbel ve daih ang mawle, sorkar hna leh sum tello hian a dam khawchhuah theih lutuk a, tunlai mi ho hian chu chu an hrelo thin a, a pawi tak tak ani, hun chu nei ila tuipui lama in leilet te chu hmuh ve a chakawm tehlul nen" ka pa chuan a ti nuah nuah a, chhun chaw fak hunlai a ni bawk nen khua chu a lum viau




"A ni ngawt asin, kan fel leh taimak bik vang pawh nilo in, Mama pawh hi sorkar hna hmulo chu a ni bik hauhlo asin, A... Kan fapa anih vangin kan fak ar êk vak lo tur ah ngai ila, police officer post ruak a awm apiangin an rawn sawm a ni ringawt a, mahse amah hian a duh tlat lo pek a, tihian sorkar zem zen tum hauhlo in heti lamah ei kan zawng ta anih hi, horticulture lam pawh hian min puih chu in huam viau mah se tun dinhmun ah chuan tul kan la ti rih lem lo a" Pa Thanga chuan a lo ti ve duah a, police chungchang a sawi lai khan Peka chu ka melh vat a, ka en tih a hriat veleh a hawi sawn daih leh ngbal.





"A.... Police ni awm reng pawh chu a nia lawm mawle" nui huah huah paha ka pa'n a tih chuan an nui dam dam hlawm a, police chungchang kha chu ka la zawtfiah khawp ang.





Chutia kan titi bawrh bawrh na karah ka nu phone ri vang chuan kan ngawi thap hlawm a, tunge maw rawn call ni a meng phawk viau leh nghal.




"Awi aw Pa-a, naktuk chawhnu i thusawi hun tih i theihnghilh em ni a?" phone a dah rual chuan ka pa chu melhin a ti hlut a, ka pa lah chuan a chhang mai lo.


"Ngawi teh vawiin hi, inrinni a ni der tawh amaw?"
Karei leh! Ni a hai leh pek tawh a ni maw....



"Ni tawh e" ka tih chuan a tho hluai a, "Thu ka sawi dawn tih chu ka theihnghilh hauhlo, mahse naktuk hi Pathianni a lo ni der tawh a, a va han zia lo e aw" a khabe tuai in a tei kual vut vut a, kan en thup ringawt.




"Khua a tlai tak tak hma in haw ila a tha ang" U Henrya'n a rawn tih takah chuan haw turin kan in buatsaih hlawm a, ka pa haihawt lutuk chuan nuih te lam lam a ti za.




"Insiam la lo phei nghal rawh aw, kan zan tlan mai a ngai dawn" ka pa phone hmang chuan u Sawma a bia anih ka ring, tuna haw chu a tum tak tak em maw ni le...



"Pa, a tlai tawh sia" ka tih chuan min rawn en in "Tihngaihna dang awm heklo, ka thusawi tur pawh ka inbuatsaih vek tawh a, haw ngei ngei a ngai" a rawn ti hmuk a, a haihawt vangin min vin leh vak tawh, ka thinchhiat hi min hau thei a nilo hrim hrim.





Thuamhnaw an ken tam vakloh avangin an in peih thuai a, zanriah pawh ei hman lovin an liam thla a, Peka thlai eng eng emaw an hawn nual bawk. Zan tlan tur an nih avangin ka ngaihtuah viau mai.





Nu Hliri'n chaw ei tura min sawm tlat avangin ka ei chho a, Ramnunkimi pawh a dan pangaiin a rawn vui leh viau tawh. Engmah sawi lovin kan chho leh ta bawk nen a awm ka ti viau tho a, a rei deuh anga kan chhoh thut chhan te a hriat chian hunah a inbengdai ve leh mai turah ka ngai.





Dar 8 velah chuan ka chau bawk nen ka mu fel than tawh a, phone pawh ka khawih peih tawh meuhlo.


Kawngkhar ri rak rak vang chuan mit ka meng nghal hra a, ngunthluk zeta ka ngaihthlak hnu ah kiktu an awm ngei tih chu ka hria a, ka ngaihtuah naah chuan mi pakhat chiah a rawn lang!




Hepa pui hian ka nu te an haw thlak tawh vang maiin ka bula riah a tum leh ngawt tawh em mawni le? Peka a nih ring deuha kawngka ka hawng chu ka tum loh zawk a lo ding reng.... ALDRINA!










End of chapter-19

A hnuaia Advertisement khu vawi khat min CLICK sak zeuh la, ziaktute feedback kan pek that theihna ber COMMENT tawi te tal min hnutchhiah bawk dawn nia☺❣️
Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:23 pm

MY HANDSOME FARMER



Chapter-20
By RuatiRenthlei



"Nang, hetah eng nge i rawh tih dawn?" ka beisei loh lutuk vang nge ka aw chu a lawi rat a, ka kha a chih deuh tlat.




Dar kan aka nui suk chung hian "Tlangval ka nia, nula ka rawn rim ve dawn che anih hi" a lo ti sup a, thil thleng thei ka hriatchian em vang nge hlauh rukna ka nei deuh tlat tawh.




"Tun ang huna nula rim maw? I â em ni?" ka nui ro hawlh a, ka dang a ro nghal huam huam ringawt bawk.




"Dar 9 em pawh a la ri hleinem, min din tir reng dawn nge min luhtir ve dawn?" a che hrut chu kawngka biang lehlam lehlam chu dawmin ka dang ta tlata, bak thlawk tur ka ang ngawtin ka ring.




"Mut ka tum tawh a, lo leng lo mai rawh" pehhel hauhlo hian ka ti tawl a, han zahpah viau chhan tur ka nei biklo tih ka hriatchhuah na chuan min ti huaisen deuh.




"Chutia inleng te han hnar ngawt mai pawh chu, aw ka hria e, mu pahin kan inkawm mai dawn em ni?" a mitmeng rapawm leh phakar zet chuan ka kaihza tha a ti zawi hnawk thei.




Ka vawn lai pahnih chu thlahin inchhung lamah ka hnungtawlh dawrh a, a rawn pen luh ve rual chuan mit chhing in "Ding rawh" ka ti vak a, mahse....



"Titeh Tete, Pekhlua neih ang chu ka nei ve vek asin" min rawn hnaih zel a, tuna a thil sawi kha a diklo, a diklo hulhual.




Thutthleng hnunglam ka tauh dawt rual chuan "Dawt, Peka nen chuan in hrang hlak, a neih ang i nei ve miahlo bawk" a mitah tak en in fiah fak hian ka ti a, a nui hmel chu a ngeiawm lam mah mah a ni.





"Anih chuan sawi teh, he thingtlang tlangval satliah mai mai hian eng chiah nge a pek bik che, huhhh?"



"M... Min rawn hnaih tawh suh" bah nawk hian ka ti a, a hrelo nge a hre duhlo zawk.



Ka hrawkah rek in bangah min nawr bet a, a mitmeng rum leh sen ram chuan pawisak a neihloh hian min hrilh mawlh mawlh ni berin ka hria!




"Zawhna ka zawh che chu, he thingtlang tlangval satliah hian eng chiah nge a pek bik che?"

A aw ri rapawm zet vang chuan mit ka chhing sawk a, huaisen taka thingtlang tlangval satliah ngawit anih loh zia sawi duh mah ila ka kha a chih vek a, engmah ka sawi thei lo!




Ka kawr nghawng chu tham in na zet hian a pawt tet hlawk a, ka rak zui that.


"A tha e, min duh thei nganglo anih chuan kawng dang ka dap mai a va ngaih hmel ve" ti supin hnai zetah hian min rawn en a,

"Ka fa I pai hunah meuh chuan min hnar reng thei tawh bik nang tiraw?"


Ka melh chho hrak a, "Engthu nge i sawi kha?" ti tuar ri ka hriat rualin kawngkhar atang Peka a rawn tlan lut a, kar lovah Aldrina chu rawn nam sawnin ka hmaah tak chuan a ding run a, a taksa che awk awk thei khawpa a thaw lak chhan hi ka hrethiam hauhlo.





"Tuna I sawi kha han sawi nawn leh teh" pen khatin Aldrina chu a din hnaih sauh a, ka kawr thler duai chu ka theih ang anga tawm khawmin ka dinna ngaiah ka la ding ngawt ngawt.




A ngawih reng vang nge vin zet hian "Sawi rawh" a ti leh vak a, "He hmeichhia hi i ta tur a nilo" Aldrina thusawi vang chuan ka meng phawk hra a, an pahnih chuan hnai zetah an in dinchilh run mai.




"Ka hrilh fo tawh che kha, thingtlang tlangval satliah tan a ni ang hmeichhia...... "
Ngeiawm zet hian a nui suk a, "Titeh Thiana, I nihna hrechiang rawh aw" Peka dar khawih a tum chu a ban rekah a lo man chawt a, na zet hian a hmer vak a, thawm chhuah meuhin Aldrina chu a au.




"I buai loh na tur ah buai suh, he hmeichhia hi I hnaih leh a nih chuan thingtlang tlangval satliah tawrhhlelh awm zia I hrechiang viai ang" a kut chu thlahin a nam zui nawk a, "Chhuak vat rawh" khauh zeta a tih hnu ah keimah min rawn en in kawngkhar lamah chuan a pen phei pawk pawk a, a kalliam rual chuan thaw hawkin chhuatah ka thu thla hnawk a, ka hmaah tak a rawn thu ve zat.





"I tha tiraw?" ka mitah tak min en a, ka ngaihbel nge ka hrelo a mitmeng chu a dang riau a, rilru na tak hmel te pawh a pu hial mai.




Lu ka bu nghat a, thaw ham ham pah hian "Kawngkhar kha hawn sak lo tur I nia sin" a ti sup a, ka kawr thler duai chu chik zet hian a en run bawk.





"Ka mu tawh a, nangmah emaw ka tia" ti sapin amah melh kiau chung chuan "Engtinnge alo kal tih I hriat" ka tih zawm zat a, "In thawm ka hria a, Adlrina tawngri te, I tha tak tak maw?" ka sam hma lama rawn uai thla chu ka bengah zepin min ngaihtuah tih hai rualloh mitmeng hian min en a, "Umm ka bulah awm rih rawh" ka tih chuan nui suk chung hian a lo bu nghut a, min kaitho in pindana min luhpui hnu ah kawngkhar a va kalh a, a rawn let leh hnu ah pawh keichu ka awm dan ngai ngaiin ka lo la awm.





Ngainatawm deuha nui sukin ka thuamhnaw bawm chu a hai zui rak rak a, tshirt lian ve deuh hi la chhuakin ngawi rengin ka kawr chhe vek tawh chu a phelh zui mual mual a, ka zak hranlo.





Kawr min hak tir hnu ah ka mutna tur siam in min mut tir a, a ban ka kham tura a dah chu khamin ka sam ah a tuai hauh hauh a.



Engmah a sawiloh avangin ka melh chho kar a, vei nei ni awm takin a en ngai a en vang vang.



"I tha tiraw?" zawite hian ka ti sap a, min rawn en in nui suk chung hian "Tha e, muhil la" a lo ti sup a, a awmdan hi amah a ang tlatlo.





Inla hrang hlekin chik zeta a mah en chung hian "Ka lakah I thinrim em ni a? Ka luhtir vang khan maw?" ka ti leh sap a, thaw ham ham in lu a thing nghut.



"I lakah ka thinrim reng renglo, ka bialnu ni reng chunga mipa dang laka ka humhim zolo che hi nep min ti viau ang tiraw bawihi?"


A thil rawn sawi chuan min shock lutuk a, chhang ta mailo in amah chu ka en ta reng.



"Bawihi?"

"Aih, tinge chutiang I sawi a? Nangte chuan min venghim reng thin zawk alawm, nichin kha chu thil thleng palh ania, a pawi tak tak hma in min rawn chhan leh tho kha" ka ti nghal mawlh mawlh, mipa perfect ber anga ka ngaih hi ka lakah I thlahrung turin ka duhlo, chu chu a tul miahlo bawk.






"Mipa dangin an hnaih che ka duhlo bawihi, chuan I laka tawngkam mawilo tak an hman pawh ka duhlo, a thusawi kha I hria a ni lawm ni? A ni khan...." a kut phah hlai hlup chuan a hmai a hup zui thawk a, a awmdan hi ka hre thiam lo, chuan hetianga a awm hian hrehawm ka ti lutuk.




"Heyy"
A kut chu ka vawn hnan a, "Kha mihring thusawi kha Bawihi"
A mittui a tla!!


A kut chu vuanin ka fawh vang vang hnu ah in bengkang deuhin a lu chu ka malchungah ka dah a, a sam chu ka tuai hauh hauh.



Aldrina khan a fa ka pai hunah chuan ka hnar theih tawh dawnloh thu a sawi a, a sawi zawh rualin Peka hi a rawn lang chawpchilh nghal bawk. Kha thu khan ka bialpa hi a nghawng na viau a ni ngei ang le....




"Ka hria alawm, a tawngkam chaltlai satliah ve mai mai a nih kha, engahmah ngai duh miah suh, keichu nangma tan chauh ka nia, fa ka neih hunah pawh a pa tur chu nangmah chauh I ni ang" ka nui lui sak a, ka puma a hmai a phum tlat na atang chuan rawn hawi chhuak zawkin "Lo kal hmanlo ta ila, kha thil a sawi lai khan rawn thleng hmanlo ta ila engtinnge ni ang bawihi?" a aw zawi leh hnawk tuak chuan ka lung a ti chhe mai dawn.





"Sawi tawh suh, sawi tawh miah suh, 'ta ila, ta ila' tih khan awmzia a nei lo, a hun takah I rawn thleng thin, chu chu nangmah ka rinna chhan che pawh a ni, tinge inthiamlo reng renga I awm a? Hetianga I awm hian nuam ka tih I ring ami? Mawhhh?" a kawrah thamin ka sawi nawk nawk a, rawn thu chhuak in a awm chhah leh lum vung vungah chuan nghet zet hian min kuah bet a, ka mittui luang zung zung chu tuai hul thei pawh ka awmlo.





Min thlamuana ka kianga a awm reng tur thu sawi tur zawk anih laia khatiang thil tangkailo zet a sawi reng kha ngaihthlak a hrehawm lutuk.




"Ka tihpalh"
Ka chalah a hmui nawr tawkin a thaw zui ham ham a, chhuak lutukin ka la tap hlawp hlawp.



"Ka sawi tawh lovang, a tha em?" ka samah chulin ka tah tawp thleng chutiang chuan kan awm a, a... ka mutthilh dan tak pawh ka hrelo, ka tap muhil a ni mah ang chu.




Zing dar 7 bawr velah ka harh a, Peka chu ka bulah a lo mu ve tawh lo, choka lama thawm ri nak nak ka hriat takah chuan amah anih ring in ka thaw deuh huai a, ni tak, ka nu leh pa te kha...




Ka phone chu ka ban rawk rawk a, ka nu ka call chuan a chhan theihloh avangin an la mu anih ka ring deuh a, message ka hnutchhiah ta ngawt.




Tho chhuak ta mai lo chuan ka mut hmunah ka meng kar a, nizan thil thleng kha ka ngaihtiah zui neuh neuh.




Buaina bul ber chu Aldrina a nia, Peka inthiam loh chhan leh ka tah vak chhan te kha Aldrina vang vek.




Engtinnge maw khatiang taka rawng khan ka lakah a chet theih zawk le? Mizo mipa tih atan chuan a mawilo emai. Tikhan school ah chuan engmah thlenglo ang maiin hmaikawr chhah tak a vuah leh anga, heti khawpa ka duhlo tih a hriat hnuah leh bialpa ka nei tih leh ka bialpa thlenga a hriat vek tawh hnuah pawh ka laka beiseina ala nei reng hi thil mak tak a ni, ramhuai zawl te hi a ni hiallo maw le..!





"A va mak veng veng ve?"
Kawngka biang nghengin kut kuangkuah hlun hian a lo ding a, nui sak pahin "Ka harh chiah" ka lo ti sep.


"I tha tiraw?" rawn kal hnaiin ka vawn turin a kut a rawn dah a, ka kaitho zui lawp.



"Ka tha, ka nu te ka la be miahlo a, an thleng tluang em le?" ka tih sep chuan "I pa nen kan inbe zo chiah" a lo ti sup a, ka melh nghal kawk.





Dawhkanah thingpui no nghatin ka thutna tur chair min pawh chhuah sak thlap hnu ah "Zing dar 2 velah khan an thleng a, an la muhil ani mai thei" ti supin thingpui chu a dawt ri zui khawlh a, an inbiak lai hrelo mah ila dawt chu a sawi ka ringlo.





"I inkhawm peih dawn em?" a tih chuan ka chhang mai lo a, "Peih vaklo em ni?" amah bawk chuan ti leh in a nui zui suk a, "Imm ka chau deuh" ka lo ti sap.




"Aw le, ka awmpui ang che aw" a tih chuan lu thing nak nakin " angai kherlo, nang chu inkhawm rawh" ka lo ti vat a, tak runa min en chung hian"Ka awmloh hlanin ramhuai a lo kal palh thei" a ti nghut a, a nui duh miahlo bawk.

Aldrina a sawina ani tih hriain ka hnial duh ta lo va, nizana a mittui tla ka hmuh atang phei kha chuan a rilru damna thlap tura awm ka duh ber tawh.









~~
Tawi ultra pro max hle mai🤢min hau vak vak mai rawh u hmmm
Naktuk zanah link ngaiah hian kan zawm anga, in rin loh lam daih thil a rawn thleng thut ang🧟‍♀️🧟‍♂️


Nilengin ka pindan ah kan in khung a ni ngawt a, mahse engthil pawi mah kan ti lo....



Zanah chuan U Henrya'n chhuah pui ah a rawn sawm avangin kal ve tur in ka ti a, Zuitei a lo leng tho bawk nen a kalpui a, nupa kan la nih miau loh avangin riah dun fo a rem lo a, Zuitei haw hnu ah kawngka kalha hriatchian loh chu hawn sak miahlo turin min chah thlap bawk.





"Ti daih ila Te, tuna I awm dan hi mak i ti em? Ka sawi awmzia chu khawpui atang hetah hnathawk turin i rawn kal a, tunah tihian U Peka nen... "

Sawi zawm lovin a nui put put a, keipawh ka nui tho.

"Ti ve tho e, dik tak chuan heta rawn awm hi ka duh vang reng a nilo a, ka pa'n min nawr nasat lutuk vang chauh, ngaihzawng neih lam phei chu ka ngaihtuah lo hrim hrim, mahse tihian hriatloh karin connection kha... I hrethiam mai em?"

Mitko ka San zauh a, ka darah min beng ri thlawrhin a nui zui uar uar.



"Tak takin, u Peka nen in in tawng fuh hi chu ka lawm tak tak asin, dik tak chuan Malsawmi nen an in zui lai kha chuan hetiang taka nelawm loh hi a ni ngailo, khatia a nupui ni mai tawh tura kan ngaihin a phatsan thut kha a hrethiam lo viau a, han biak ve tum pawh hian a tul viau anih loh chuan min chhang ngai meuhlo, chuan tunah i rawn lang a, I hrelo maithei mahse nangmah vang hian zawi muangin a nun hmasa ang kha a nei let leh tial tial niin ka hria,, tunah chuan kan in be leh bawrh bawrh tawh a" a nui zui hak a, mahse a thutak viau tih erawh ka hrethiam.





"Malsawmi chungchang kha chu amah ngeiin min hrilh ka tih tawh kha, mahse u Peka hi ka ring a, ka tawng hi vannei ka in ti lutuk" ka ti ve sap a.



Khawpuia hna sang leh changkang thawkte aiin he thingtlang tlangval âwm nghenga mutthilh hi a hahdam thlak daih zawk, sum leh changkanna lam ringawt buaipui Tu ai chuan rinawm taka ama hna thawka, hmangaih taka min enkawl thei Tu tur amah ang hi ka duh fe.





Thil ho mai mai sawiin kan titi dun ta reng a, a bialpa ve awm deuha a sawi lah chu min hrilh tha duh derlo leh nghal.




Nula pangai ve tak a ni tawh chung hian ay thiante kâ atang tak ngial pawhin a ngaihzawng neih thawm ka la hrelo.


"Sawi ve mai la mawle, engtinmah ka ti dawnlo che" ka tum lui deuh bar tawh a, "Naktukah ka tih chu, a hunah chuan i hre dawn lutuk, a... a lo va tlai tawh" a tho zui zat reuh a, melh ram ram pahin "Naktukah i sawi loh vaih" ka ti leh hran a, a nui liam vel mai mai tawh.

Pawn thleng ka thlah a, ka mut fel meuh chuan dar 10 a lo ri leh tawh, u Peka chu han biak leh ka tum zuk na in a tlai tawh deuh bawk nen ka tibuai ang tih ka hlau a, ka be leh ngam ta lo.




Ka mut a la chhuah chiahloh avangin phone khawihin ka meng ve ta reng tho a, ka nu message ka chhiar lai chuan keimahin ka nui ka nui mai.




*Vawiin chu i l pa a che pui leh rem rem viau ania aw, awmve la chuan tlai lenloh phah nan i hmang leh ang" tih ringawt ka chhiar lai pawh chuan ka nui vur vur tawh.



Ka pa hi pa uang leh tawng duh ve tak ania, ka tan chuan khawvela pa tha ber anih bakah midang pawh hian an fak ve viau thin chuan ka hria.




Biak in a thu a sawi ve changte hian tehkhin thu mak deuh deuh hmangin kohhran mipuite min nuih tir leh dar dar thin a, ka sawi thiam dan ber chuan naulang leh thalai deuhte nin loh dan zawnga thusawi hi a thiam reuh a, a... ka zahpui chu ka phal hauhlo na in a thusawi tlaiah chuan ka thiante bulah ka leng ve duh ngailo...


Ka nu nen kan inbiak zawh chuan ka muhil zui mai niin ka hria...



***


"Lalzuimawi, I chak dawnlo ania aw" ka scooty in a hnung ah ka umzui thuai a, scooty thar a neih tawh avangin kan kal rual vak tawh ngailo ka tih tawh kha.




Ka hmaa tlan zel chung chuan a rawn nui iar iar a, ka ngei reuh lutuk.




A bialpa min hrilh a tum atang khan karkhat a liam leh tawh, 'Nidangah' a ti kual zel a, a thian kawm ve ber ka ni chunga ka laka a I thup tlat hi ka ngei riau alawm, keiin zep hauhlo in engkim ka hrilh nghal vek zel a.




School kan thlen chuan a darah kuahin ka dinpui a, "I zep rei tawh lutuk, tuna I sawi loh chuan ka lungawi lo tak tak tawh dawn ania" nui hauhlo hian ka ti a, nui tur pawhin ka fiamthu bawklo hrim hrim.





"Aw ka sawi dawn, min uai tung kher suh" tiin ka vawnna atang chuan a talput a, ngawi renga a sawi hun ka nghah lai chuan a lung zawn dawmin thaw ham ham chung hian "Malsawmzela i hria em?" a ti sep a, lu ka lo thing nak nak.




Thaw deuh hawlh chung hian stepah chuan a thu thla hnawk a, balh a hlau lo em mawni...


A hmaah chuan thu tungin amah en chung chuan "Tu Malsawmzela nge? Khawi veng?" ka ti leh sep a, "A... Tete, ka thian tha tak i nia, mahse he thu hi ka hrilh hreh takzet che" zawite hian a ti sap a,dawt sawi hmel a pulo.



"Tinge a thi tawh ami?" tiin ka rilru a lo awm hmasa ber chu ka sawi tawl a, min melh no lo teh asin.




"Mitthi tawh nen engtinnge kan in ngaihzawn theih anga" vin ang reng leh sehchilh zet hian a rawn ti a, za lo deuh in ka lo nuih.




"Sawi mai la, pathlawi emaw putar pawh nise i duh phawt te chuan ka hau dawnlo che" ka nui hak a, chutah zawi ang reng tak hian " Naupang ni ta se" a rawn ti sep a, "Engmaw?" ka lo ti vat.




"Te, class 12 ami Sawmzela hi i hria tiraw?" min rawn en in a ti leh sep a, chhang ta mailo chuan amah chu ka en ngawt ngawt tawp.




Za lo deuh hian a nui sak a, "Ka sawi kha, hrelo la a tha zawk asin" a tih chuan "Aih" rang zetin ka lo ti a, diktak chuan ka rinloh lutuk lam anih vangin a thilsawi kha ka dawngsawng thiam chiahlo.




Sir Muanpuia'n min rawn koh takah chuan dingin kan in bengfai sawk sawk a, "Kan sawi tha leh dawn nia aw, hrehawm tih phah lo la" ti sepin a darah chuan ka vuan a, kan inzui chho hnak hnak.





Zuitei leh kan zirlai Sawmzela maw? Thil mak tak chu a ni chiang alawm....


Thawhpui te an awm ve thup avangin han inzawh zui chiamna hun a awm lo a, mahse ka ngaihtuah naah erawh a awm reng thung.



Class ka neih lai pawhin Sawmzela chu chik zet hian ka lo en leh veng veng mai thin a, zirlai thiam thei leh fel tak a ni nghe nghe asin.





School banah chuan rawn lut kawi turin ka ti a, min hniallo ve teh mial


Thingpui ka chhuan laiin sofa ah zawi deuhin a lo thu nguai a, "Anih chuan sawi chiang teh, engtik atang nge?" a bula thu thla ve pahin thingpui chu centre table ah ka nghat a,


"Aaa Te, midang hian hre ta se engtinnge an ngaih ang le?" alo ti daih



"Chutiang ah buai suh, sawi vat teh engtik atang nge?" ka thut hnaih sauh a, "Kar hmasa, bialpa ka neih thu ka sawi ni kha" a lo ti sep a, "Ka chhang dawn nge dawnlo tih ah rawn che ka tum a, mahse min duhpui ka rinloh em avangin... a... Te, min hmu mak vek ang tiraw?" a thaw zui hawlh a, tap tur hmel te pawh a pu alawm mawle.





"Teuhlo, ngainat zawng te, duh zawng leh Hmangaih te chu tupawn kan nei thei a, chutah chuan tumah in dem thei kan awm lo" Ka tih chuan min rawn en in " mahse a zirlai ngaizawngtu zirtirtu hian nakin lawkah chuan khawtlang titi ka la siam mai mai awm si a" a ti sep a, "Dawn e, chungte chu khawvel dan ania, kan zalen thuai theih nan zahna leh hrehawm kan hmachhawn fo a ngaih chang a awm thin alawm, 'nakin' ah buai lo la, tunah hian dik takin awm tawp rawh" ka ti zui duah a, a ngawi zui vang vang.




"Engtinnge maw in inkawp daih theih le? Tu zawkin nge hma la hmasa a?" boruak tih zangkhai tumin a dara nek salh chung chuan ka ti leh a, "Amah aniang chu, nang anga a sawi hmasa Tu zawk nih ka duh teuhlo" a lo ti hlar a, kan nui dun ta hak hak.




Zuitei hi nula fel leh hmel ah pawh rual û lam mah a ni ve, a hna a zahawm ang chiahin amah pawh a zahawm a, zirlai naupang, a... naupang han tih ah, Sawmzela te ang in ti tlangval ve tawh tan chuan a iai awm loh bawk em asin....






A haw dawn chuan fiamthu titak druh hian "Kan inah chuan min rawn len chilh ngam chiah silo a, hetah hian kan rawn in chance thin mai thei ania" ati zauh a, nui chungin ka lo bu nghaih nghauh.




A kalliam hnu chuan in ti fai turin bathroom ah ka lut zui a, u Peka te ramvak chuan engtak rawn hawn ang maw...




Dar 5 bawr velah a bike ri tuk tuk thawm pawn atangin ka hria a, ka samkhuih pah chuan ka tlan chho hlawk hlawk.



Kawtzawl ka thlen chuan ka ding dat a, ka hma lawka mi te pahnih chu ka en ta reng.




A bike hnung atangin Thianghlimi a lo chhuk chiah a, an thuamhnaw hak lah chu ramvak thuam pawh va ni nghallo chuan....




Peka'n min rawn hmuh ve hma chuan ka ding ngawi reng a, min rawn hmuh chuan a mahah danglam a awm eihlo, a mit mengah pawh ka tih na.




"Ka ramvak dawn I ti sia" tih paha ka pan hnai chu hrelo ang hmakin min in her San a, khawvel hmeichhe piang tawh zinga ka ngainat loh ber kut chu chelhin inchhungah a luhpui ta daih!



Bing lutuk in ka dinna ngaiah chuan ka ding reng ringawt a, tun lawka thil thleng khan min shock mah mah.





Ka mumang anih mai te ringin ka'n hawikual deuh ruai a, ka piah lawk a bike in hung leh in chhung lama Thianghlimi nui har har thawm te chuan engkim hi a tak tak vek anih zia a ti chiang ngawih ngawih bawk si.




Va luh mai tuma ka pen dawn lah chuan dangtu nei ang tlat hian ka awm a, ka bianga ka mittui rawn lum thla pap ka feel rual chaun step ah ka tlan thla dawt dawt a, ka ngaihtuah na bing mup mup tih reh tum chuan thawk han la ve bawk mah ila awmzia a awm tamlo.





Sofa ah thu in chunglam chu ka melh vang vang a, ka lung tawt lutuk leh mit sulh vang chuan mit ka chhing ta ngawt, minute tam pawh tlinglo chhunga thil thleng teh hrep kha engthil nge????








End of chapter-20
ADS VAWI KHAT CLICK LEH COMMENT KHA AW❣️
Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:23 pm

MY HANDSOME FARMER

Chapter-21
By RuatiRenthlei




"Kawtzawla ka thil hmuh kha eng nge? Thiangi nen khan khawiah nge an kal dawn a?" Zuitei tawng ri chu hre mah ila ka bengkhawn hran lo a, ka thut dan ngaia thu reng chung chuan ka mit kham ur chu ka khap fek fek ringawt.




"Vansang?"
Ka bumah a rawn thu thla a, sawi chhuak kher lo mah ila keimaha dikloh na awm chu ka thiannu chu a hmuthiam vat tho.



"Tinge a? Eng nge thleng!"
Ka kut a rawn hum hnan a, ka baw chhuak nghal hawk. Engmah ka sawi theilo, min kuah a, chhuak lutuk in ka tap zui hlawp hlawp.




Engtia rei nge chutiang chuan ka awm ka hrelo, sofa nghengin chunglam chu ka melh vang vang, ka mitthla ah keimah min hawisan a kha hmeichhia nen in chhunga an inzui lut lai kha a rawn lang nawn mawlh mawlh a, chu chuan na lutuk in ka thin hnûn hi a vilh ngut ngut ni mai hian ka hria.....





"Tete?"
Ka thaw chhuak ham ham a, ka mittui rawn luang leh ngiai ngiai chu ka kut hnung lama tuai hul tawkin ka thu ngil zui auh a, a lo thlen hmaa kawtzawla thil thleng leh inchhunga min luhsan dan te chu zawite hian ka sawi sep sep a, ngun taka ngaithla tih hriat tak hian pakhat chuan min lo en kar bawk a.




"A va mak ve, zingah kha chuan a ramvak tur nen kan in tawh ngei kha mawle..Ngaihtuah mai chuan inchei taka han chhuah dunna tur an neiin ka hre bawk silo, tiraw? " nui sak pahin ka bu nghut a, minute reilo te chhunga thil thleng kha ka hrethiam lo tak tak.




"Tunah an chhuak leh tawh tiraw?" ka ti sep a, "Umm ka lo chhuk dawn khan an tlan chhuak chiah, a tlai tawh sia a thlah dawn a ni mai thei" a lo ti vat a, ka ngawi zui vang vang.

A bike ri vut vut thawm kha ka hre reng a, a... khawiah nge an kal ang le...?




"A.. Thil thleng hi a mak e, In inhau miah bawk silo a, ramvak lovin khawiah emaw lo kaldun ta pawh ni se, tinge a buak duh loh kher che le?" thaw deuh hap pah hian a ti vang vang a, chutak chu keipawh in ka hrelo, tinge min BIAK DUH LOH?



"Ka hre biklo" ka lo ti sep a, "Chhan awm lo va hetia a ti ringawt che hi ka haw tlat, a biak hma che chu be bik suh, I tel lo in a awm rei thei teuhlo" fiamthu titak deuh hian uar fahranin a rawn ti hluai a, a sawi dan hmang ah chuan a ni dawn viau mai, chhan awm lova min be duhlo ngawt leh hmeichhe dang hial a zui kawi chhan hi...

A... Nilo, chhan awmlo chuan tiang hian a ti ngawt lovang, ka hriat loh laiin a pawi ka lo sawi palh te pawha ni mai thei a, mipa thian ka nei ve nual tawh si a, chung ho a thik avang chuan tiang hian min runluih pawh a ni zawk mai thei asin.





"I sawi chu a dik tho a, mahse Zuite, chhan awm lo a hetia u Peka a awm ngawt hi chu a mak awm emai, hmanni lawk ah kei min chan a hlauh zia leh min duhzia te pawh a sawi a, chhan chu a awm ang, lo let se a chhan zawh ngei ka duh a ni" tak deuh hian ka ti a, a lo bu ve nghauh tho.




"A chhan zawt la, I be thei hloh anih chuan I lakah a lungawilo anih pawhin Thianghlimi hmanga I mittui a tih tlak vang hrim hrim hi chuan ka sawisa dawn tih lo hrilh ang che" khauh deuh fak hian a ti a, kan nui dun ve hak hak.




"Tinge tun angah I lo kalreng reng a? Chaw I ei tawh em ni?" ka tih chuan dawhkan lam thlek zauhin "Chawhmeh ka lo suah che, ka nu'n bai a lo siam a, a tui viau ang" a lo ti maia.


"In va fel thin tak" tih pahin dawhkana dekchi bel tea chawhmeh chu plate ah ka bun chhuak a, dekchi ka sil lai chuan bike ri vut vut thawm kan hria a, phawk ang reng taka Zuitei ka melh hnu ah engmah pawh sawi lovin ka tlan chhuak nghal a, step a ka chhoh lai chuan ka kut huh chu ka kekawr ah ka tat hul nawk nawk bawk a.





Inchhung a lut tur chiah chu "Pekhlu" tiin ka au vak a, a ding zui dat, ka pan phei hlawk hlawk a, a bul hnai tea ding pah chuan ka en chho kar a, a mit sir pawhin min melh eihlo.



Ka thaw dep dep a, hetianga a awm chhan hi ka hriat ngei a ngai tih in hrilh nawn lehin a ban chu ka tawk a, "Tinge?" ka ti zui sap.


"Tinge tiang hian i awm a? Ka laka lungawi lohna i neih chuan sawi rawh" fiah pangai taka ka sawi thei chu mak ka ti letling.



Na zethian a thaw chhuak hawk a, chutah engmah sawi lovin ka mitah tak min rawn en a, a mitmeng uk leh dur khup chu ka chhiar thiam hauhlo, kawngkharpui a rawn in hawng a, nu Hliri rawn chhuak chu melh vat in "Enteh Nute, U Peka hian min be duhlo tlat ania aw" ka nui lui hak a, mahse beisei nei taka ka biak ka bialpa nu mitmeng dul deuh raih leh hmel hahdam lo hmel zet vang chuan ka nui tawp leh riai riai a,

"Nute?"
Peka ka vawnna kut chu la thla in ka pan hnai a, "Tineg engmah I sawi loh a? U Peka hi haurawh, min be duh lovin hmeichhe dangte a len pui ania aw" a kut vawn tuma ka che ak tawh chu tawlh hnung datin a fapa chu a melh a, zawi ang reng tak hian "Chaw ei ka peih tawh a, lo lut rawh" a ti sap a, a lut zui nghal daih bawk. Engmah dang sawi lo va ka hnung lam atanga min rawn kalpel vut Tu chu ka en zui vang vang a, kawngkhar min khar hnan hnu ah pawh mi â ang maiin ka la ding reng tho.






Tinge thawk leh khatah an in thlak danglam thut? Inhmuh thiam lohna kan nei lo a, an pawi ka sawi awm ka hre bawk lo.
Pekhlua'n min be duhlo ringawt pawh kha mak ka tih tawh tehlul nen a nu lehzel pawhin....
A.... Tinge tiang hian an awm tlat le? An lungawi loh chhan sawi se, ka thiam loh anih chuan ngaihdam dil pawh ka hreh reng reng lo.




"Tete?"
Inherin step tawpa Zuitei lo ding reng chu ka en a, min rawn pan thuaiin ka bul hnaia a rawn din rual chuan "Ka be theilo" ka lo ti hawk a, ka dang a ro nghal hak thei.



A thaw zui ham ham a, "Lo kal phawt rawh" tihpaha a ka dar a rawn dawm rual chuan "Pa Thanga ka be leh phawt dawn" ka lo ti vat a, ani tal chuan eng emaw a sawi hrim hrim ang...




"Tete?"

"Pekhlua ka be thei lo a, nutei pawn min be duhlo, Pa Thanga tal chuan min be duhin ka ring, min ngaina ve lutuk a" ti malh malh in an in lam chu ka melh leh a, kal mai ka tum chu ka banrek ah vuanin min pawt let nawk a, "A hun rihlo" tia thutak deuha min en pah in inhnuai ah min kaithla zui hlawk hlawk, inchhung kan luh rual chuan na zetin thawk ka la hawk.



"Tinge min lo dan a, ka biak ngei a ngai asin" Tia ka thiannu en pah chuan ka lu chu ka dawm a, thil thleng te hian ka thin bakah ka lu thlengin a tina ngut ngut tawh.


"Ka hria, engkim ka rawn hmu ve vek a, nu Hliri meuhin a be duhlo che anih chuan a chhan tha tak a awm ngei ka ring tlat, tunah chuan a la hlimchhawn rih em a, pa Thanga pawh an nu a tawng duhloh chuan i biak theih ka ring chuanglo, naktuk zingah biak kan tum zawk dawn nia" ka ngawi zui vang vang a, tunah ngei hian engkim hriat nghal vek ka duh tehlul nen, mahse Zuitei sawi hi a dik ve tho si a, a tawp ah chuan lu ka bu nghat a,



"A tha e, chaw ei phawt ang" tiin chaw ei a siam zui malh malh a, cooker a hawn rual chuan nui hak pahin "Chaw pawh a tam hi, ka ei ve nghal mai dawn" a ti sup a, kei erawh ka ei chak loh em avangin ka thlenga awm sa pawh ei zolo chuan ka thawh San thuai a, thleng pawh sengpui peihlo in sofa ah chuan ka thu zawi nguai ringawt a, mi ang lo te pawh ka ang zawk hialin ka ring.




"A tlai mai dawn a, nangmah in I riak hreh em?" ka thut na bulah rawn dingin ka dar a rawn vuan a, "Hreh lo e, min ngaihtuah suh" tiin ka nuih sak a, a thaw deuh ham ham mai.





"Reilo te tal mutthilh tum rawh aw, zingah ka rawn phei dawn nia" a tih chuan ka bu nghat a, pawn ah pawh ka thlah peih ta lo.




Dar 8 bawrah choka light off in pindanah mu turin ka insawn a, thil thleng hian min ti chau nghulh mah se ka mut erawh a chhuak chuang lo.





Ka lukham hnuaia ka phone message tone ri keuh chuan ka ngaihtuah na buai nuai atangin min thing harh zawk a, phone dapa lukham hnuai ka zen rak rak lai chuan chung lam ah bike ri tuk tuk thawm ka hre zui leh a, che chang lovin bike thawm ngaichang chuan brng ka chhi kar.





Zan dar 8 hnu lamah ka bialpa bike thawm ka hria a, ngaihthat lohna tur tawkin hmeichhe nui har har ri ka hre zawm zat a, ka mitin hmu miahlo mah ila an thawm ringawt pawh chuan min ti tliak hnawp thei mai.


Mit ka chhing ta ngawt a, rilru na viau e tilo chuan ka mittui bawm lah chu a hul ang hawk bawk si.




Ka phone chu phawrhin message chu ka hawng a, number hlang a ni chu ka hrethiam lo viau. Rilru hah lai laiin, tunge tih pawh hriat loh hnen atanga *Mu tawh em?* tih message han dawn tlawng chu mood hi a tichhe zual ngawih ngawih.






Reply lovin a dp chu ka en a, police form a inbel a, a hmel erawh a lang chiang lo, chuan ka ngai pawimawh hranlo bawk.




*Tete*
Ka ner sak a, ka hming a hria..!


Ka hriat theih chinah police hmelhriat ka neih pawh ka hrelo e a.




*Tu ge i nih?*
Tia ka thawn let chuan a seen rang khawp.

*I la hre lutuk ang, mahse mipa pakhat vanga kehchhiat vek chu tum lo la*

Ka room chhung chu ka melh kual hrak hrak a, he mihring hian min enthla a niang tih ringawt chu ka ngaihtuah tawh..!




*Hlauthawng suh, Biate ah ka awm lo*
A rawn tih leh chuan thinphu dawt dawt chungin *Tunge i nih?* ka ti nawn leh a, *Bruce* a rawn tih chuan ka hrethiam lo hle.


Bruce!
Chutiang hmel hriat ka neih pawh ka hrelo.



*Tunah chuan ka hming chiah hi hria la a tawk rih, naktukah ka lo kal ang* tiin a out zui a, eng emaw han type leh ka tum uk na in ngai pawimah lutuk anga lan ka duhloh avangin ka mutsan ta zawk a.




Zan rei telh telh mah se mutthilh erawh ka hlat tulh tulh thung bawk si a, Peka vanga ka buaina chu naktukah Pa Thanga hnen atanga ka hriat fiah theih mai ka ring a, mahse message min lo thawn Tu, Bruce nia in sawi kha tu chiah nge maw anih le..?






Zing lamah chuan ka lo chhing sek a ni mai thei, ka phone ri chuan min ti harh a, ka pa hnen atang a ni tih ka hriat chuan phak deuh chuap hian ka chhang a, "Mambawih, I la tho na nge?" hahdam hmel taka lehlam atanga a rawn tih chuan nui sak in "Tho dawn chiah" ka ti mai a, thil pawimawh teh vak a sawi lo, minute 5 vel kan in biak hnu ah a dah leh mai a, min rawn kaitho tur hrim hrim a rawn call te pawh a ang alawm le....




Ka hmai phihin ka sam khuih pah chuan tukverh ah ka dak a.
Reilo te engmah hreloa ka mutthilh chhung kha a hahdam thlak hle ani tih ka ngaihtuah a.
Tunah ka harh a, ka khawvel ngai ah bawk ka cheng leh a, mit ka men rualin Peka vanga ka natna te kha a rawn let nghal vek a, a mak ngawt mai. An khawvel hrehawm tak kalsan an duh avanga mahni nunna la te hi lo dem fai vek chi an lo ni ngawt biklo anih dawn hi, tuarchhuak tura an huaisen tawklo erawh an lainatawm.




Ka thaw hap a, ka phone bawk rawn ri leh chu ban in screen a Zuitei hming ka hmuh rual chuan ka chhang vat a, "I tho tawh maw? Lo kal ka tum a mahse retailer ah buhfai a lak theih an rawn ti leh bawk sia" a rawn ti lang lang a, "A pawilo, keimaha kal pawh ka hreh chuanglo, school ah kan inhmu dawn nia" tia nuiin call chu ka cut zui a, ka thaw chhuak ham ham.





Ka kut kuangkuahin pawn lam bawk chu ka thlir leh a, ding taka in ngaihtuah leh ka tum lai chuan kawngkhar a rawn ri dat dat a, ka phu zawk nghe nghe.





Kawngkhar ka la kalh tih hrechhuak in hmanhmawh deuhin ka va hawng a, pa Thanga hmel ka hmu chu ka hamhaih deuh viau



"Pate?"
Zawi deuh sap hian ka ti a, "I tho tawh maw, biak lawk che ka va duh ve" a tih chuan bu nghatin inchhung lamah kan inzui lut a, thutthlenga ka thutfel rual chuan ka lungphu chu a pangai leh thei tawhlo.



Lo kallo mah se keimah ngeiin biak ka tum hrim hrim a, mahse tunah ka hmaa a thut reng tawh lai hian thu dengkhawng tak sawia a hma aia ka rilru a tih nat ka hlau viau bawk si.




"Englo ania e Tete, patling han sawi atan chuan a mawilo mai thei a mahse.... "

"Lawkin Pate" a thu sawi lai chawlin min rawn en a, "U Peka nen kan chungchang anih chuan ka hrethiam, min be duhlo a, mahse tihdan ka hre emem ang, kan inkar..... "


"Ka hria lawm, in inkar thu sawi ka tum reng renglo, ka sawi tum zawk chu vawiin hian Aizawl atangin kan naute an rawn chho dawn a, an hna atanga an chawlh rih dawn avangin awmna tur an mamawh dawn a, aa... ka sawi awmzia chu i hrethiam ang chu maw" tak deuh hian a ti a, amah en chung chuan za lo deuhin ka nui hak ringawt.






Tlang takin sawilo mah se a thil sawi hrethiam lo tur khawpa â chu ka ni reng renglo, ka rinloh lam lutuk a rawn sawi avang erawh chuan engtia han dawnsawn tur nge ka hrethiamlo hle.



Mahse Peka nena kan inkar tello, pa Thanga thusawi hi chuan ka luhlulna leh chapo ve na te a chaw chhuak chiang khawp mai.




"A tha e, vawiin leh naktuk hun min pe la, inluah tur dang chu ka zawng dawn nia, zanin chauh chu in in ah i lo mikhual thei mai ang tiraw" ka ding zui nghal a, rawn tho ve nghalin a buk nghut hnu ah min chhuahsan zui a, min en laia a mita inthiam lohna ni awmtak awm kha ka hmuhsak dawn bik reng renglo, thil thlen dan leh a chhan hi chu ka la hrechhuak vat turah ka ngai.






Eirawng pawh bawl hmasa lo chuan ka ni te ina kal turin ka chhuak ve nghal a.



Thawk leh khatah ka bialpa leh a chhungten min do thut a, a chhan lah an sawi duh der bawk silo. Chutah ka beisei phak hauhlo in an in atanga insawn chhuak turin min ti bawk a, rapthlak hian... thil hi a thleng rang mah mah chuan ka hria....




"U Helen, khawiah nge ka ni te?" I chhung ka luh rualin chokaa u Helen-i chu ka zawt nghal a, "Bawihtei a lenpui anih kha, an lo haw tep ang" a lo ti mai a, Pindan atanga lo chhuak mek u Henry-a chu tho phang tih hriat tak hian a mit vel a la buh luk a, pan hnai vatin biak lawk ka duh thu ka hrilh a, thlang lam bathlarah chuan kan inzui chhuak a.



Ka tawng hmaa thawk ka la ham ham chu uluk tak hian min lo en.

"U Peka te chhungin min be duhlo a, an in atanga insawn chhuak turin min ti bawk" pehhel hauhlo in ka ti tlang tawp a, a meng phar ve viau mai.





"Chutiang ringawt, han sawi chiang teh" a tih chuan thaw hak pahin railing chu ka vuan a, "u Peka leh a nu ka be theilo a, zingah khan pa Thanga a lo kal a, an nauten awmna tur an mamawh dawn avangin insawn mai turin min rawn tia" ka ti sap a, min rawn din hnaihin ka darah a rawn kuah a,

"I thianpa chu nangman min biak sak la, hetiang ringawtte chuan... "
Sawi zawm lovin ka kun a, ka dar tuai hauh hauh chung chuan "Imm ka bia ang, lungngai lo la" a ti sup a, engmah ka sawi ve tawh lo.




Hetiang taka ka ngaihzawng te chân ka hlauh hi ka la hre ngailo, midang chu an kal duh anih chuan ka kaltir mai a, chelh ka tum chhin ngailo. Mahse Pekhlua hi chu a danglam a ni, ka theih chhung chu chelh ka duh..!





Ka ni tawng ri lang lang kan hriat takah chuan ka mittui hnam tiam tiam chu u Henry-a hmuh loh lamah ka tuai hul zauh a, inchhung kan luh dawn chuan ka nite hnena engmah la sawilo turin ka hrilh ru zauh a, a lo bu ve nghut.





Zing dar 8 a ri tawh a, helamah chaw ei an peih vek tawh laiin eirawng ka la Bawl ve der silo a, an tawngkam tha um in ka ei ve ta nghal daih.



Ka school kal turin ka scooty ka lakchhuah lai chuan Peka chu hnathawh kawr nen a rawn chhuak a, ka lo en reng vang nge hawi sawn vutin a hunter boot chu a bun nghal mual mual a, inchhung atanga Leo rawn tlan chhuak chuan min rawn panin phur hmel zet hian a bauh lauh lauh a, nui chunga khawih ka tum chiah chu vin zet mai hian "LEO" a rawn ti thawt a, "Inchhungah lut rawh" tia khauh zeta a pu thupek chu hnial ngam bik nghallo, muangchanhin a lut leh ta hna hna a, a ui lehzel pawh ka hnaih thei tawh lo chu mak ka ti khawp mai.





Rum zeta ka melh hnu ah ka tlan chhuak ta chauh a, naupang 1st term exam a hnaih tawh avangin question set leh print velin zirtirtute pawh kan awl hman meuhlo.





Aldrina nen kan inkar chuan ngai a awh thei tawh lo va, mahse inbiak loh tawp erawh thil theih a nilo tih hria in a tul hunah chuan ka bia a, hnaih loh theih dan hram erawh ka ngaihtuah thin, engtiang chiahin nge a thinlung a khâk tih ka hrechiang tawh a, ten emaw lam ai mah chuan ka hlau....





"Eng nge chanchin, I be thei ta em?" chhunchawlh ah chuan nidang ang lo takin an haw vek a, Zuitei nen chuan dawr thil leiin kan haw ve duh lo a.


"Amah pa Thanga a lo kal a" ka ti sep a, inluah tur dang zawng tura min tih thute chu ka hrilh ve vek a, mak a ti ve khawp mai.




"Hetianga an chhungkua in min do ta tlat hi a chhan chu a awm ngei ang, chuan ka la hrechhuak bawk dawn" ka ti a, sawi zawm zel duh lovin naupang zirlai lam ka sawipui ta daih a.




Tlai lamah chuan Zuitei'n pen kawina tur a neih avangin ka haw San a, ka scooty chu an garage ah pawh dah duh tawh lovin kawng chhak lam awl zau laiah chuan ka hung a, kawtzawla bolero lo inhung chu an nau a sawi te ta kha a nih ka ring.

Ner sak in step ah chuan ka tlan thla dawt dawt a, inchhung ka luh meuh chuan ka thaw a sa ham ham thei mai.





Zanah a lum leh dawn ema ka hriat avangin ka inbual hmasa duhlo a, sofaa thu hahchawl pah chuan u Henry-a ka call a, nilenga min kaptu anih avangin hriatchian vat vat ka duh a ni.





"I zawt ta em?" phone a lak rual chuan ka lo ti nghal thawr a, a la zawh hman loh thu leh damdawiin lama an la buai deuh thu a sawi chuan ka hnim deih ruih a, mahse ka tilang lem lo.




Kan inbiakna kan tihtawp zawha phone khawiha ka thut khawmuan lai chuan Kawngkhar a rawn ri a, ka thut hmun atang chuan rawn lut turin ka ti ve mai bawk.





Kawngkha hawnga rawn lut mek mipa ka hmuh rual chuan ka phone dah thla in ka en vung vung a, "Min hmu hi mak ti lutuk tur i nilo ania Miss" a nui suk a, za lo tea nui ve sak pahin,

"Ka hmuh hnu chu i ang a, mahse tunge i nih ka hre mai lo" ka lo ti sep a, nei ri suk chung hian a lu a thing ringawt a, chutah chiah chuan ka hrechhuak.




"Lawkin, Peka cousin kha i ni tiraw, tunge i hming khah?" nui chung hian ka ti leh a, ner sak pah hian "Nizanah ka hrilh che kha, Bruce" a ti a, ka nui tawp leh riai riai, nizana min lo be tu kha amah hi maw? Bruce!












End of chapter-21
Le... Vawiin ah exam kan tan a, ni 25 ah hian kan zawh chauh dawn avangin chumi hma chu ka dah tawh lo tak tak ang aw, exam lai èm a han dah chu a mawi pawh a mawilo😂


Like, comment leh share ah tan min lak pui la, ads click hi min ngaih pawimawh sak bawk dawn nia aw❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:23 pm

MY HANDSOME FARMER


Chapter-22
By RuatiRenthlei



"Nang! Bruce maw?"
Dar kan ak in min rawn pan a, "I beisei lo viau ang tih ka hre lawk vek alawm, mahse min huat phah kher lo la, thian kan ni tawh a ni lawm ni?" a nui zui suk.



"Thian kan ni maw?" ka dang ro rap vangin ka ti hul hak a, "I duh chuan, kan inhmuh hmasak zawk khan kan in hi lo la chhuahsan miahlo turin ka hrilh che a, mahse keimahni vanga I chhuah a ngai ta erawh pawi ka ti khawp mai"

"Kan in a?"


"Aw, hei hi ka in, ka nu leh pa te lak atanga ka rochun a nih hi, hmun danga kan awm a ngaih tak si avangin Patea te hian an luah ringawt alawm, I bialpa, ka tihpalh I bialpa hlui chanchin hi hriat loh I la ngah viau ania" thutthleng banah thu in chik zet hian inchhung chu a melh kual a,

"Ka hrethiam e Mr. Bruce, officer zawk pawh a ni mai thei, ka bialpa pawh ni tawhlo chanchin chu hriat belh vak pwh ka duh hranlo, chuan hei hi I in a nih tak tak chuan, keia insawn chhuak tur mai mai te chu engahmah ngai suh, zanin a ral chuan ka bungrua zawng zawng nen ka insawn chhuak ang" engkim hi inring tawk tak vekin ka sawi, ka thinlunga Peka hriatchian ka chak lehzualna erawh a nasat lutuk avangin ka lungphu dup dup hi a Rawn sawt chhuak daih lo chauh.





"Aw le Miss Tete, hmeichhe inring tawk tak i ni tih chu ka hmuh hmasak zawk che pawh khan ka hre daih tawh alawm, ka unaupa nen in tawp a ngai ta chu pawi ka tihpui khawp mai che, mahse ka sawi tawh kha, in dawm kun reng suh" mit min siai zauh a, a thutna atanga thoa chhuah nghal mai a tum chu ka ko let leh hram!




"Bruce"
A Rawn leh hawi vat a, he thil hi zawh tur anih leh nihloh ka hrelo mahse...
"Hetianga a awm thut chhan hi i hria em? Pekhlua danglam thut chhan hi" zawite in ti sep mah ila a hrepha tho tih ka hria, a nui ri suk a, "Hre mai thei asin, mahse kan lo thleng ve chauh si a, hun thawl tha zawk kan neih huna sawi atan kan khèk rih mai dawn em ni"
Ngainatawm deuhin nui suk thin mah se amah ah hian eng emaw rinhlelh chu ka nei tho, chu erawh a chhan ka hre chuang derlo.





A kal liam Hnu ah sofa ah thu in ka ka in ka thaw chhuak ham ham a, ngaihtuah tur tam lutuk hian keimah nih loh min ti chak rum rum hial mai!




Bruce kha nizana min lo be Tu kha a nih chuan... Engtinnge ka number a neih theih? Chu zawhna chu a pawimawh viau em ka hrelo. Pawimawh ber erawh Pekhlua danglam thut chhan hi a la ni reng tho.





Dawhkana ka phone chu a rawn ri a, ka nu hming ka hmuh rual chuan thawk la. Hawk in sofa chu ka tauh dawt a, tunah rih chuan tumah ka be chak rihlo asin.

"Hello"
"Bawihte, I Pa Thanga'n min lo be zo chiah a, eng nge awmzia, an pawi sawi i nei em ni?"
Hrep chuan.. Ka chhungte lehzel pawh an lo bia amaw!


"Tu pawi mah ka sawi lo, keimahin ka chingfel thei"
"Bawihi"
"U Henrya'n min lo call a, ka dah phawt dawn" tiin u Henry-a call chu ka chhang zui a, "I be tawh em ni?" ka tih chuan a thaw ham ham ri ka hria,
"U Henry"
"Ka bia a, Tete, biak tawng a har viau naa, a thusawi erawh ngaihthlak dan i thiam a ngai dawn ania" a rawn ti a, ka lungphu dup dup chu ka kawr chhan ah dawm hnanin mit ka chhing vak a, enge anga thu dengkhawng pawh ni dawn se ka hriat ngei ngei a ngai tho tho, "Imm sawi rawh" ka ti sep a, a thaw lak ring zet chuan eng thu lawmawm mah min hriattir dawnlo tih min hrilh ni mai hian ka hria.....





"A sawi dan chuan i lakah eng rilru dang mah a pu thei tawh lo va, tleirawl hawklak rual lek I la nih thu sawiin a ni lah patling chan chang tawh, nupui nei rual tak tak tawh a ni si a, tleirawl chhai kual reng rual a nih tawhloh thu leh nupui ngaihven a tum thu te a sawi a" a thil sawi te chuan ka ngaihtuahna zawng zawng a thleng chhuak vek a, ngiahtuahna dang ka pu thei tawhlo.





Phone chu zawi muangin ka beng atang ka la thla a, ka off leh off loh lam. Ka ngaihtuah tawhlo.


Ka hmazawna dawhkan ruak huai chu melh ngawt ngawtin ka mit atanga mittui rawn chhuak pawh chu ka ngaihven lo va, mi â, rilru leh ngaihtuahna fim pawh hmang theilo ho ang maiin ka awm dan ngai chuan ka awm ngawt ngawt tawp mai a ni.





"Tun maia ka thu hriat te khan ka beng chhung hi a thum rawn tlut tlut a, thaw chhuak hrawkin ka phone hum lai chu chhuatah ka vawm darh vek a, mi â ang maia khawsa turin min siam zo tawh.



Lukham leh lehkhabu ka bul hnaia awm apiang chu ka vawm darh vek a, au chhuah chiam chiam duh mah ila ka hrawk ro leh hul lutuk atang chuan thawm ka chhuah thei derlo.



Chhuatah thu in ka khup ah ka lu ka nghat a, u Henry-a thil sawite khan min run lutuk a, awm ngaihna pawh min ti hrelo hial zawng anih hi.





Keiin ka thinlung zawng zawng, nilo, keimaha hmangaihna awm zawng zawnga ka hmangaih laiin a ni erawh chuan tleirawl hawklak ang chauhin min lo ngai a... Keimaha rilru a pek theih miahloh laiin kei ve thung chuan ka lo vei hlum lo chauh a, ka pasal tur, damchhunga ka chenpui atana ka dreamboy chuan nupui neih a duh tawh thu sawiin min then ta thung a, umm, hmangaihna dik emaw ka lo tih ve chu tikhan a thamral leh dawn chu a nia le....




Khawvel hi zawng, kan hmangaih ten min hliamna, an hlim kan duh ten kan mittui an tih tlak na, chelh reng kan duh ten min kalsanna hmun, he hmun hi hremhmun ai pawhin a hrehawm nep bikin ka ringlo!





"Awi aw mate, engthil nge thleng a?" kawngkhar atanga rawn lutin u Seni chuan a rawn ti hlut a, a hnungah u Henry-a rawn lang ve nghalin kawngkhar chu a khar tha nghal thlap a, keichu ka awmdan ngaiin chhuatah ka la thu reng.





"Engthil nge thleng mate, a va hnawk em em ve, I phone te chu, I hmel pawh a diklo" ka bulah a rawn thu thla a, ka mittui vanga ka mit bul vel kham ur chu tih reh tumin mit ka chhing vang vang a, mahse chu chuan mittui bawk a ko chhuak leh!




"Aww mate" U Seni chuan a âwm ah min kuah bet a, ka tap chhuak ve ta!



Insum hauh lovin ka tap chhuak hlawp hlawp a, ka insum theilo a ni mah ang chu...


"Kan hre thiam che ania aw, I theih chhung chu tap rawh, a pawi reng renglo ania" tiin ka samah a chul hliau hliau a, min hnemna thu engpawh mai chuan ka rilru no a ko chhuak zel tawh zawk.





Ka tap ka bang a, pangai taka ka awm leh theih chuan khua pawh a thim fel tawh a, a engamah hmaa ka tahkhum chiam erawh nuam ka ti lo hle.



"Lo thu chho teh" tiin u Henry-a chuan a bula thutna awl chu a beng thuk thuk a, ka thut chhoh rualin ka darah a lo kuah a, a âwm nghengin min pawm zui a,

"Hmeichhe chak tak i ni tih ka hria alawm, I naupan lai atangin I luhlul in I kawlh em em a, khatih hun lai khan hetianga mipa pakhat vanga I tah hi tuman kan ringlo" a nui suk a, kei erawh nui lui tur takngial pawh ka awm lo.
"Naupangchhia I ni tawhlo a, nangmah in ngaihtuaha duhthlana siam rual I ni tawh, Peka pawh a hma hun atana tha nia a ngaih angin thil a ti a ni mai a, dem fai vek tur ani bik hleinem" a tih laia ka che phat chu nghet leh zualin ka darah a dawm a, "Dem tur a nilo ka tih rualin a thiam vek bik ka tihna a ni chuanglo, mihring theuh theuh,mahni tana tha tur chu kan zawn ve a ngai alawm, hrethiam la, amah vanga I hma hun I tihchhiat vek phal ka ringlo, chuvangin pawm thiam tum la, I tana Pathian ruat chu I la tawng mai ang" a sawi chhung zawngin ka dar chu a tuai hauh hauh a, kei erawh tang teuhin ka thu a ni ber.





"Ni e mate, mi tha tak I tawng leh mai dawn alawm" U Seni chuan a lo ti ve a, "Ka ngaidam ngai dawnlo" sehchilh zeta ka tih hnu ah ka sana bun lai chu ka melh zawk a, dar 7 a ri dawn.




"Chaw in ei tawh em?" ka ti a, "La eilo, nang pawn I la ei lovang, va in phih harh la, chaw ei turin kan phei dawn nia, inluah tur dangte pawh chu ngaihtuah a ngai alawm" U Henry-an a tih chuan hnial lovin bathroom lam ka pan a, an in kan thlen phei chuan ka ni in chaw ei na hmun hnawk a lo ti fai mawlh mawlh a, naupang ho chu TV hmaah toys nen, cartoon ring deuhin an en bawk a, min hmuh rualin an rawn tlan khawm hlawm a, mahse nidang angin ka chhawnchhaih peih meuh hlawm lo.



U Seni chuan a lo khap vat vat hlawm a, "Ei ve nghal rawh u, in rei ang reng sia, naupang ho ril a tam tawh bawk nen kan lo eisan cheu anih hi, Leni khan thleng lo sil se, Bawihtea hruaiin thenawm ah kuhva kan va lei lawk ange" ka ni chuan ti zung zungin U Helen-i fapa chu a pua a, naupang dang ho chu 'ka kal ve duh' tiin an tho nghal suau a, a pi ho chuan âng nghawng nghawng chungin an inzui chhuak ta vek a.



Ka chaw ei a tui lo a, an ngaihthat nan ka kil ve mai mai chauh a ni, ka ni chu amahah danglam a awm loh em avangin thil thleng hi a la hre ve lo niin ka ngai a, a pawilo lam a ni.




Pa Hlima chuan naupang ho chhuah hnu chuan Chanchinthar a en a, "Khi chu Saithuama fapa a va nih hmel ve Mama" a tih ruala TV ka en chu ka thil hmuh chuan min shock lehpek hle.





Police form ha in Bruce hi a lo lang a, a lal hmel viau mai, a dan pangaiin a nui leh sun sun tawh a, news in a puan dan chuan 'officer Bruce Lalhlimawma chu a hna thawh that chawimawi nan thla thum chhung leave pek a ni a, a duh na hmun a tour nei thei tura phalna pek a ni' tih a puang a.




"Anih kha, vawiin ah a nau nen an lo haw alawm, a leave chu helam ah a hmang dawn anih hmel" U Henry-an a tih lai chuan dawhkan thawhsanin kut ka sil mek a,
"Heihi chuan a pa a chhun a, a naupan lai atang rengin mahni khua ngaihsan nachang a hria a, duhse chuan helai thingtlanga an in leh lo hi hralhin khawpui ah nuam deuhin a inbengbel thei reng ania le" Pa Hlima chuan a la ti zui nuah nuah a, tuman kan sawi pui lem lo.




Ka ni te kuhva lei an rawn let chuan naupang ho chu u Seni'n pindanah a luhpui nghal vek a, u Helen-i fapa hi chu a zia a zawi a, a tahbelh lo bawk nen han thlim chiam a ngai ve hranlo.




Kan chaw eina thleng kan sengfel zawh chuan sitting room ah kan thu ho a, u Henry-a chu tawng hmasa berah tangin "Tetei hian nichin khan min hrilh a, Bruce-a te unauin helama chawlh an hman dawn chuan an inhnuai saw an luah a ngai dawn si a, Tetei tan inluah tur dang zawn a ngai dawn ani" tiin a pangai thei ang berin a sawi a, "Khai aw chutiang ringawt, inluah tur dang pawh kan hnu ngawt dawn ami" ka ni chuan a lo ti hluai a, "Pu Renga te saw ka be chhin a, rem chu a rem tho a, mahse an inhnuai saw tlemin a awngrawp deuh tawh a, pa Thanga te in aiin a zim fe zawk bawk a, Tetei duh leh duhloh a ni mai ang chu, to pawh an ti to lovang" U Henry-a bawkin a tih leh lai chuan "A pawilo" ka lo ti vat a, ka chhang rang mah mah nge ka nite nupa chuan min rawn en phawk viau.




"Naktukah thla a thar hiah dawn a, a pawilo ang, pu Renga i tih chu Zuitei te in piah deuh ami kha a ni lawmni" u Henry-a chu ka melh zawk a, bu ngutin "I duh chuan ka bia anga, zanin ah lo ti fel se, naktuk zingah bungrua kan thiar phei vek dawn nia" a ti a, a ni pawh hian chhuahsan vat turin min duh tih ka hria.




"Umm bia la" ka ti a, a phone pawrhin an inbiak zawh chuan "Zingah motor in kan theih ang ang kan dah fel anga, kan zo vek thei ang, a rang lama chhuahsan kha a tha ber" a ti leh nghut a, patling phanchang tih takah, ama nu leh pa te ngei pawh hian an zah let viau a, chumi vang chuan an hlau tihna erawh a ni hauh thunglo.



Riak mai turin min sawm mah se ka theih ang ang lo in pack fel ka duh avangin ka haw san ta tho a, bungraw lian tham deuh leh furniture ho chu keimaha khawih chet ngaihna a awm lo a, ka thuamhnaw leh pheikhawk vel chu khung fel vekin bawm ruak ka neih ang ang ah bungvel vel chu ka dah khawm bawk a, ka ngah lemlo bawk a, ka zo harlo.




Ka phone darh nuai chu chhar khawmin sim card chu ka phawi chhuak a, phone pakhat hman loh ka neih ah chuan thun in ka on a, a lo hman theih hloh.

Dar 9 velah ka nu ka call a, in luah tur dang ka hmuh thu leh ngaihtuah ka ngaihloh thu hrilhin ka dah leh thuai a, ka che nasa bawk nen ka thaw sa zualpui tih reh tuma Bathroom ka lut tur chiah chu kawngkhar a rawn ri bur a, ka phu chiam nghe nghe.



"Tunge?"

Ka dinna ngaia ding chung chuan thawm chu ka ngaithla kar a, zawhte in bawlhlawh bawm a ti tlu leh tawh anih ringa ngaihthah mai ka tum chu a hma aia ring mahin a rawn ri leh bur a, ka thin in a tuar tawhlo.



Kawngkhar chu ka tlawh hawng thuai a, ka in kawta ka thil hmuh erawh ka beisei loh lam daih.



"Pekhlu!"
Lei ah a thu nuai a, tun ai hian kawngkhar kha rawn hnaih nise a hnar hi chu ka tauh thi hrim hrim ang.




Mitmeng phelh phunga min en Tu hian zu a rui tih hrilh hranpa ka ngai hauhlo. Min enna mit meng hi ka chhiar thiam lo, chuan ka rilru no koh chhuah ka tum miahlo bawk.





"Eng nge i rawn tih dawn?" nem hauhlo in ka ti fak a, "Ka in ah chuan ka duh duh ka ti thei"
Ka rei leh!!



"I in a nilo, ka luah lai ania, chumi chhung chuan thu neihna pakhat mah I neilo" ka ti let hmak a, zaktheilo ka ti takzet.




Rawn thawh a tum chu zurui tih takah a pai khut khut a, a thutna ngai bawkah chuan a thu leh hnawk a, puih tumin ka che hman ûk a, mahse ka kut hum ruh vakin pan hnai lo turin ka in fuih ru a.



"Zan a rei tawh, nula rim tur I hriat loh pawhin min ti buai kher suh" tia kawngkhar khat hnan mai ka tum chu "Hrep che hian" ti hrawkin thei leh theilo hian a rawn tho a, "Eng nge I... " ka sawi zo hman lo, inchhung lamah min nam lut rawk rawk a, sofa a min thut tir dawt rual chuan "Eng thil nge i hriat a?" ka ti vak a, a chet duh dan hi ka ngei lutuk.





Ka hmaah tak a rawn thu hniam a, nichin lawka a mitmeng mumal lo zet kha a bo leh vek tawh, a mit sen leh thip ram chu rei en duhlo in ka hawi San a, "Hetiang thil hi thleng turin ka duh ngailo" ti sup Tu hian a tawngkam nem tak avanga ka rilru a nem ve a beisei anih chuan a tisual hle ang.




"Ani reng ang chu, a tir atang khan tleirawl hawklak mai mai chhaih kual lovin I nupui tur kha thlang fel law law ta che, nge nia he tleirawl lungmawl ve tak thinlung hi tihnat I chak ve hrim hrim"


"Vansangpui!"


"Min vin hlek suh aw, khatianga min ko tur khan tumah I nilo, I hria em? I nupui tur ngaihven I ngai tawh a ni lawm ni? Tleirawl chhai kual reng hman I nih loh thu nangmah ngeiin I sawi kha" a mit ah tak en chung chuan ka tih khum tan tan a, ngawi rengin min lo en kar.




Engmah sawi tum lo mah se kei erawh ka la âng lungawi theilo.

"Min hua a ni emaw, min hmangaih ve miahlo anih pawhin infiam nan chuan min hman tum hauh suh aw, game ka nilo, mihring ve tho ka nia, chuvangin I duh duh ti la, nupui pawh chu nei rawh mahse, min hmangaih ve emaw ka tih thin laia min enna mitmeng ang kha chuan vawi khat mah min en tawh suh ang che, tleirawl hawklak mai mai anga I ngaih hi I ngaih ang ngawta naupangchhia leh bawlzan mai mai theih a nilo ania" ti tuar tuarin sofa chu ka ngheng dawt a, ka thaw zui ham ham.




"Shit!"
Kawngkhar atang Bruce a rawn tlan lut a, "A va zia lo, hrethiam rawh Tete" tih pahin a unaupa chu a kaitho lawp a, engmah sawi ve a tum tawhlo reng reng, sawi ngam tur pawh a nilo reng a ni.



An in hruai chhuah hnu chuan kawngkharpui kalhin bathroom ah ka lut nghal a, ka thil sawi te ah khan inchhir na engmah ka neilo, infiamna tluk lek a min lo ngaitu ka lo hmangaih erawh ka inchhir takzet, rapthlak hian!!









End of chapter-22
Chawl rei vang vang si a, in thlahrun awm hle mai😅exam kan zo fel a, kan regu thei deuh tawh turah ngai ang u aw, like, comment, leh share kha min ngaih pawimawh sak la, ads vawi khat min click sak bawk dawn nia.. ❣️



Ka mimal whatsApp group join duh tan👇
https://chat.whatsapp.com/J9Mq1ulA3Jx9klwcpJ4Ixd


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:24 pm

MY HANDSOME FARMER

Chapter-23
By RuatiRenthlei



"Tikhan furniture lian zual deuh chu kan zo a, thuamhnaw leh thil dang la awm ho kha chu car in kan la tawh mai dawn nia" tiin U Henry-a chuan ro a rel zung zung a, pick up ah pawh ka thil neih ho chu a leng tawk viau mai.


Nu Hliri'n an motor hmang mai turin min hrilh mah se ka hnial a, u Henry-a thian apkhat ta pawisa chawiin kan hmang ta zawk.



Zing dar 7 a pel tawh a, Pekhlua chu nizan a rui bawk nen a la mu anih ka ring, Bruce erawh a rawn lang hma viau a, nula pakhat hmeltha deuh hian a rawn zui ve bawk, an in biak dan atang chuan a nau ani tih ka hrethiam a, a felin a theih ang angin bungrua te min thiar chhuah pui a.


Dar 9 rik hma in kan in thiar fel thei a, vawiin chu school pawh ka kallo mai ang, chawhma ah class ka neilo a, karleh ah naupang exam kan tan dawn avangin vawiin pawh chawhma chuah kal an ti a, a bak chu study leave a ni tawh ang.




Engmah pawh la in rem fello in chaw ei turin ka ni te in lamah kan in zui phei ta vek rih a, Pa Hlima thianpa ten bawng an talh a, ka sa duh ber tih hria in ka ni'n a lo siam nghal a, a tihzia tak tak a ni.



A tlai deuh tawh bawk nen hmeichhe ho chu chaw ei siam in kan che vat vat hlawm a, mahse kan han ei tur chiah chu bawngsa rim chu ka ngaithei ta tlat lo va, a rim in ka luak a ti chhuak lutuk chu bathroom ah lutin ka va uak tuar tuar a.



Chhuak ta mai lo chuan ka ding reng a, ka sa duh ber rim in ka luak a ti chhuak tlat chu ka hrethiam lo hle, chuan ka pum in let but but hian chaw ei min ti chak lo viau bawk




"Mate, I tha em?" U Seni'n kawngkhar a rawn beng dat dat a, ka va hawng vat bawk.


"Tinge I pum a nuam lo em ni?" a tih chuan bu nghat in "Bawng sa rim khan ka luak a ti chhuak tlat a" ka ti sap a, "Tinge le, an talh thar hlim chauh a ni si a, lo thu la artur ka'n kang lawk ange" a ti sawk sawk a, hnial mah ila a ti lui dawn tho tih hriain ka hnial buai duh ta lo law law.




Sa chu han ei luih ka tum ngial a, ka luak a chhuah zel avangin an thutna piah deuhah chuan kut kuangkuah hlunin ka lo thu ve a, Pa Hlima chuan mahni sa duh ber ka ei thei tlat lo chu min khawngaih ngang a niang, a talh Tu te lam a dem ta daih a, 'an talh dan a diklo aniang' te a ti thul, chaw ei lai e tilo chuan kan nui kan nui mai.




Chaw kan ei kham hnu chuan U Henry-a te nupa leh ka ni te nen ka in luah lam pan chuan kan inzui chhuak a, U Helen-in naupang ho a lo awm khawm dawn a ni âwm e.




Furniture lian deuh ho kan hûn rem hnu chuan thingpui kan in a, Ruth-i chungchang sawiin kan titi ta daih, "Tunlai chu a zia a dang riau a, sawi lem lo mah se ka hre thei mai, lehkha hi chu a dan pangaiin a zir tha reng tho a, mahse inchhungah pawh hian a tawng tlem lutuk, naupangho a chhaih ngailo a, chaw ei tur bakin a pindan a chhuahsan ngai bawk silo, eng emaw chu vei a neiin ka hria, ngaihtuah a ti thui riau mai" u Henry-a chuan a ti nghut nghut a, "Aww a tleirawl ve tawh a, vei te chu a nei ve bawk ang chu" nui chunga U Seni'n a tih chuan "Chutak chu alawm, sawi chhuak duh silo a vei neih reng hi an ni ang rualah chuan a tha lo, kan hriat loh hian a lo depressed nasa lutuk ang tihte a hlauhawm alawm" U Henry-a bawkin a ti leh a, ka ni pawh ngawi rengin a lo bu ve nghauh nghauh mai.





School ah hi chuan a hranpa takin ka lo chîk ngai lemlo a, remchangah a thuruk te chu zawh chhuah dan ngaihtuah a ngai anih chu.



Kan inrem fel thawkhat a, a zau lutuk lo bawk nen kan in hnawh muk tawk viau mai.



Ka ni te haw phei hnu lawkab Zuitei a rawn lang hlawl a, "A nawm reuh hi, zanin chu a lawm nan ka rawn riak ang" ngaihsam fe hian a ti liam puat a, "Vawiin chu Aldrina leh principal an in khak deuh a, awm ve la ka tih zia" ti leh hlutin sofa ah chuan a mu dar dar a, a chhan ka zawh chuan thawk la hawkin "A ho lutuk, exam routine hmannia kan sawi fel vek tawh kha Aldrina'n a sawi nawi leh deuh a, a tullo tak tak a ni, ka bialpa ve lah hi, lehkha zir rawh tih reng a ngai, pubg hmuchhuaktu hi chu ka beng chak a nia" a tih zawm duah a, ka lo nui hak.





"Chutia a thiam thei berin game a buaipui tlat chuan a va chiloh ve" ka lo tih sak a, "Chulawm, a tihchhiat phah dawn chiang lutuk, in nau Ruth-i lah sawn tunlai chu a lo be ve deuh thin a" a nui a, mahse a za hmel teh chiam lo.





"Ruth-i maw?" ka lo ti haw a, "Ni e, a lo star ve deuh aniang, a... ka awm a ti nuamlo vek alawm, ka inthlahrung daih" a ti leh a, a riltu tur hi ka hriatthiam pui.




Ka sawi zawm duh lem lo a, ka rilru erawh a luah ve reng.



Hei hi Ruth-i danglam deuh chhan chu a ni mai thei, Malsawmzela a duh anga, a ni'n bialnu a lo bawk nen, tleirawl tan chuan buai ve na tham chu a ni hrim hrim.





Peka chungchang sawiin kan titi ta reng a, engkim ka hrilh ve hnu chuan min thinrim pui khawp mai, "Thianghlimloi nen chuan innei se, ram ropui an thleng hian ka ringlo em mai a" ti hapin a tho zui nulh a, "Ka haw dawn, zanah ka lo kal ang" a ti a, biak zawm hmanlo in a tlanchhuak nal nal.





Ka in tihfai zawhah dawrah chawhmeh lei turin ka kal a, ka ni te ina chaw ei pawh a sa ber ka ei theihloh chuan ka peih vaklo, thlai hnah awm ang ang te chu ka enkual a, ka haw lamah chuan tum loh deuhin Thiangi nen kan intawk a.





Be lo va kal tlang mai ka tum chu a thil rawn sawi vang chuan ka ding leh dat a,

"Lunglen chu a hrehawm viau a ni maw, I cher dawk dawk mai alawm"
In her in a mitah tak en chung chuan ka nui hak a, "Lunglen vanga cher dawk dawk tur chu nise Peka nen kan inzui lai khan cher lutuk vangin I thi daih tawh ang chu mawle" ka ti ve kher a.



"Chuti maw, pasal neih dawn aruaia han lunglen that vel chu ka duh chiahlo asin, bakah Peka nen in inzui lai pawh khan ka lunglen lohna tur tawk chuan min buaipui thiam khawp asin" he a nui hmel hi khawvela ka thil hmuh nin ber ani!




"Pasal neih tih te mai mai, nangni ang ho hi chu pasal neih hnu ah pawh ngaihzawng hlui te ngaiin in la lungleng kur nguai thin in ka ring" ka tih rual chuan "Hey" a rawn ti tuar a, 'eng nge?' tih nan dar ka lo kan ak, Pekhlua hi haw viau mah ila kan inzui lai kha chuan alakah Thiangi hi a tlatlum lo tih ka chiang.


"Sawi dik loh ka nei em ni? Mi ngaihzawng kal chilha thlem tang tang thin Tu hian chutiang chuan pasal a neih hnu ah a tilo ang tih tunge sawi thei, engpawh nise pasal chu nei vat vat la, fa tam tawk nei tur in ka duhsak nghal bawk che"

Ka nui a, thil dang a sawi leh hma in ka kalsan nal nal.



Khanu khan pasal a nei dawn anih chuan a pasal tur chu Tu nge ni ang? Pekhlua maw?!


Ka lu ka thing nawk a, ka kal chak zual sauh bawk, a ni chu ni lul suh se, ka pasal a ni theilo anih pawhin kha hmeichhia nen kha chuan innei lul lo se ka duh ani!





Eirawng ka bawl a, TV ka la neihloh avangin ka phone ah zai ka play a, ka play ring deuh bawk nen kawngkhar kik ri pawh ka hre lawk lo nghe nghe.




Pu Renga te nupa an lo ni a, hrehawm ka tih leh tihloh te min zawt a, an felin biak pawh an nuam khawp mai, fa an neilo a, nupa chauha awm tih takah an chhuah hlekin an inzui zel a, nupa in ngai tak an niin ka hria, an awhawm khawp mai.





An chhuah leh hnu chuan Ramnunkimi nen call in kan in be leh reng a, a bialpa Jonathan khan sâwn a lo thlak ani awm a, a rilru nat thu hlir min rawn hrilh.




Jona kha chu a felin a zahawm hmel viau si a, John nen danglam na an lo awm chuanglo anih kha.


Peka chungchang erawh min zawh lemloh avangin ka sawi langlo hrim hrim a, ka sawi anih chuan ka nu te nen an innel si a, a lo hrilh vek anga buaina a punlun mai mai ang tih ka hlau a ni.



"Rilru nat nak alaiin ka la period zui a, vawiin pawh nilengin ka mu" a rawn ti a, a sawi takah chuan tun thla ka la period lo tih ka hrechhuak chiah.




Kan inbiak zawh chuan calendar ka en a, vawiin ni 1 ania, thla liam ta ah kha ka period miahlo, a hmasa pawh... Ka ngaihtuah lai takin u Seni a rawn lut a, a saisu bai min rawn suah chuan a engamah hma in ka luak a ti chhuak ringawt.





Be hmasa hman lovin bathroom ah ka tlan lut a, ka va uak hrep hnuah ka chhuak leh chauh.



"Nang hi dik lohna chu i nei chiang alawm, na i nei em ni?" a tih chuan lu ka thing a, ka engmah hi a na miau lo a ni, ka taksa ka tihna...




"Hrim hrim in tunlai chu i cher ka ti, I biang te kha a cher" min en vang vangin ati leh a, Thiangi pawh khan cher min ti ringawt tawh.


Ka taksa ka thlek kual lai vel chuan "Chawhmeh rim danglam deuh i haw zel bawk si a, I cher bawk nen i ang ka tih chu... "


Sawi zawm lovin phâwk deuh hian min rawn en a "I ngaihtiahna kha delete nghal rawh" ka lo ti vat.



'I rai no' min tih a tum chiang lutuk, a hmel atang hian ka hre vek.



"Mahse delete ngawt theih a nilo, " Mary (an fa hmasa ber" ka pai lai khan tiang chiah hian ka awm, mahse... Nula pangai han rai ngawt thu a awm silo a" a nui zui hak hak a, "Ni reng e, pasal pawh neilo hian engtinnge ka.. " sawi zawm zel ka tum a, mahse pasal ka la neih loh na ringawt chu chhuanlam a tling tlatlo.




Khami zan khan Pekhlua nen... Awi ka duh lo..!



"Tinge mate?"
Ka awmdan danglam chu u Seni chuan a lo hre rang khawp mai, "Ka.. U Sen.. " ka kha a chih a, sofa chu ngheng dawtin biak zawm tlak loh in ka en ngai chu ka en reng ringawt a.





"Tete i chesual tawh em ni a?"


"Engmaw?" ka melh zawk a, chîk zeta min en chung hian "Ka bulah engmah sawi hreh suh, Peka nen khan in chesual em?" ka chhanglo, ka pum chu ka dawm a, "Lo rai ta ila" ka ti chhuak sep.



"Ka hre thiam e, lo nghak lawk rawh aw" tiin a tho zui nghal a, khawnge a kal dawn tih zawh nachang pawh ka hrelo.




Nilo, ka ngaihtuah ang hi chu a thleng theilo, pasll nei lovin nau ka pai ang maw! Chu thil chh a thleng theilo ang, a thianglo a ni tawp.



Reilo te ah u Seni chu a rawn let a, pregnancy test kit chu ka hmaa dawhkan te ah chuan a rawn theh thla a, "Va in test rawh, engkim hi chian vek law law ang" a ti sap a, amah melh chho kiau pah chuan "Lo rai ta ila" ka ti nawn leh a.




Chutah rawn thu hniam in kit chu ka kuta dahin a hum hnan a, "Chumi hre tur chuan i in test phawt a ngai alawm, chuan kan ngaihtuah tha leh dawn nia, imm, va ti vat la" ati leh a, bathroom ah pawh chuan ka test lawk chuanglo.




Mahse ka tih tho tho a ngai dawn tih hria in ka test ta nge nge a, rin sen pakhat a rawn lang a, ka en zel ngamlo chuan mit ka chhing ta ngawt, reu ngial ka chhing a, kawngkhar beng dat dat paha u Seni min ko ri chuan min ti harh zawk a, mit ka men ruala ka thil hmuh chuan min shock lutuk, kei hi KA RAI A MAW!!!






ZAWMNA





Ka test kit ken lai chu ka hma lamah ka theh phei dawrh a, ka kut pahniha ka kà hup chungin mit ka chhing vak ringawt.




"Tete i tha em? Lo hawng teh" U Seni tawng leh thawm ri vel chuan ka lung hi a ti zing ngawih ngawih hian ka hria.


Muangchangin kawngka chu ka va hawng a, u Seni lo tlan lut vat chuan ka darah min rawn kuah in test kit awmna chu min zawt a, chhang lo chuan ka hma lamah ka theh phei na lam chu ka melh zawk a, a va chhar vat.



"Aw karei Mate"
Min rawn en a, tah chhuah lutuk in ka lo melh ngawt ngawt.



"Lo kal teh, a va zialo ve aw" tiin min kuah a, bathroom chhung zimte ah chuan ka tap chhuak hawm hawm.




Sitting room ah min kuah chhuak a, sawi mai tur engamah ka hrelo, ka zak a, naupai tur anga ka in ngaihtuah ringawt pawhin awih har ka la ti tho.





Ka mit atang mittui a chhuak awllo a, u Seni pawhin engmah a la sawilo, lainat hmel tak hian min en ngawt ngawt tawp.




"Engtinnge ka tih dawn? Naute, kei hian nau ka pai ania u Sen"
Ka tah nasat lutuk avangin ka aw pawh a chhuak hleithei lo, "Mangang lutuk suh mate, Tu fa nge ni reng reng? Peka emni?" lu ka bu a, ka kut pahniha ka hmai hup chung chuan ka tap chhuak leh ta nge nge!



"Awi aw I u Henry-a ka call anga, lo phei phawt teh se" tiin a call nghal a, a rawn thleng harlo, "Tinge?" ka hmaah a rawn thu hniam a, u Seni zawk chuan thil nih zan a lo hrilh zung zung a, u Henry-a pawh a shock ve viau in ka hria...





"Peka fa tih I chiang em?" tia min zawh chuan ka bu nghat a, a thawk ham ham hnu ah "Eng nge I rilru ah awm?" tiin min zawt leh a, chhan ngaihna ka hrelo.




"Mate"
U Seni'n ka kut a rawn vawn rual chuan thaw hak in "Nau pai thei ka nilo" ka ti sep a, "Tih tlak i duh tihna em ni?" tia u Henry-an min zawh chuan ka hlauthawng leh hle bawk si.





"Ka hrelo, engmah hi ka hrethiam lo, naute hi ka pai tlang anih chuan engtinnge ka chhungte ka hmuh ngam ang, tunah a pa lah chu... "
Sawi zawm lovin ka hmui hnuai chu ka pet fan fan a, eng buaina ah nge maw ka in hnuh luh tak mai le...!




"Engpawh ni se naute pa chu kan hriattir hrim hrim angai alawm" U Henry-a thil sawi vang chuan ka melh zawk a, "Aih, a chiloh, kan in then tawh hi" ka ti vat a, "Mahse a fa anih loh phah chuang hleinem, a hriat ve loh chuan... "



"A chiloh ka tih chu, a thil sawi kha i hria a ni lawm ni? A tan engmah ka nilo, nau ka pai tih a hriat chuan ti tla turin min ti dawn asin,ka duhlo, a theihloh" ka tih khum mawlh mawlh a, "Anih chuan naute chu i pai tlang ang maw?"

"Engmaw?"

"I titla phallo a, a pa I hrilh duhlo bawk a"

"U Henry?"
Ka rilru buai leh mangang lutuk chuan ka ti ta thlawt a, ka mangang takzet.



"Umm I pum chhunga naute kha nunna nei a ni tawh a, I thawk rual khan thawk a lo la ve zel tih I hriat loh ka ringlo, ti tla tur chu I nilo reng a ni, mahse tinge a pa hriat chu I duhlo tlat a, Peka hi nau ti tla duh tur khawpa rilru chhia chu a ni hauhlo ania aw" a rawn ti leh a, "Min kalsan tawh alawm, bakah nupui neih a tum an ti leh nghal a, naute... "


"Nupui chu nei dawn mah se a hriat tho a ngai alawm mawle aw.. I pai tlang anih chuan hriat hun a la nei dawn tho tho"
Chu chu thudik a ni...



"Min haw San phawt rawh u, chuan khawngaihin midang la hriattir rih suh u aw" ka ti ta sap a, "Mate"
U Seni min kohna chu u Henry-an a lo khap vat a, "Dik taka thutlukna siam turin lo in ngaihtuah la, mahse thil tha lo lam chu ngaihtuah hauhloh tur, Pathian hian kan dawl zawh loh khawp natna leh buaina min pe ngailo ania" tiin an nupa chuan min haw San a, tlai chaw ei hun tak ni mah se chaw pawh eilo chuan pindan ah ka lut a, ka tah nasat lutuk vang pawh khan ka taksa hi a chau nghulh thei.



Darthlalang hmaah dingin ka pum la thep vek chu ka khawih a, keima hriat tawk lek in..


'Naute, I awm tak tak em? Ka tihpalh mah se he hmuna awm tur hi I nilo asin, tinge ka hriatchhuah har em em che le? I pa ngaihsak na ka dawn theih lai khan hre tawh che ila tiang tak hian ka mangang lo tur a nia'

tiin ka phun sep sep a, ka rilru buai leh mangang lutuk chuan a vawi khat nan thih daih min ti chak takzet!




Nau ti tla turin ka huaisen tawk lo va, ka tihsual vanga ka fa in a tawrh ka phal hauhlo bawk, engpawh thleng dawn se pai tlang turin rilru ka siamfel ta nge nge a.
Mahse Peka hi.. Hrilh ta ila a rawn let phah ang nge min haw zual sauh ang, a... nupui a nei dawn tawh a, tibuai Tu nih lah chu ka duh der silo, bakah naute vangin rawn let dawn pawh nise min hmangaih vang anih loh chuan awmzia a awmin ka hrelo, kan hlim chuang lo ang.




Chuvangin hrelo law law se, ka dul a lo len deuh hnu ah pawh a fa anih loh thu sawiin tang tlat ila, nupui a neih tawh phei chuan a sawi buai kherin ka ringlo, keimah pawhin naute chu ka enkawl zo lutuk ang.




Mahse ka chhungte leh helai khawtual mite lakah hi chuan ka mualpho nasa hle dawn zawng a nia le.. Pumpelh dan kawng lah chu a awm der silo.




Inchhir na in min rawn tuam a, Peka ka lo ring lutuk kha ka in haw thar takzet bawk.



"Tete"
Bruce-a aw ka hriat rual chuan ka mittui tuai hul sawk sawk in "Ka lo kal" ka ti vat a, compact ka in hawih zui thuak thuak bawk. Ka chhuah chuan sofa ah hahdam hmel zet hian a lo thu reng tawh a.



Nui vur vura min lo en Tu chu nuih let sakin a ep chiah ah chuan ka thu thla ve, a"Chaw i ei tawh em?" a tih chuan lu thingin "Mahnia awm chuan a tih vel mai mai theih alawm, ka ril pawh a la tamlo" ka ti sep a, "Chutianga i tih thin vang chu a nih ka ring, I cher dawk dawk alawm, chaw ei tha tawh rawh" ati deuh nghut a, ka nui liam ringawt, dik tak chuan tunah hian tumah biak chak leh hmuh chak ka nei lo asin...



"Eng nge I lo tih dawn a?" ka tih chuan ner sakin "Ka lo rim dawn che" ati sup a, ka nui chhuak hak.



"I single tih ka chiang tawh a, a pawi vak dawn em ni ka ti, min zawh tur te pawh I nei ang chu" a tih zawm zat a, Peka chungchang a sawina a ni tih hria in ka ner zui sak.




"Hriat duh em em pawh ka nei lo, taka, monu in nei dawn hnai niin mi sawi ka lo hria a" ka ti zauh a, "Umm zanin ah palai an leng dawn anih hmel, in inthen fel te te a, nupui neih a tum nghal ringawt mai" a nui a, za lo te a then sak pahin " A hmanhmawh ve tawh a niang chu" ka lo ti sap a, a nihna takah chuan a nupui nei tur hian min deng na viau, kan inthen atang kar khat awrh chauh a la liam a, nupui neih a tum nghal ringawt chu a nia, Tu hmeichhia mahin an lak nat loh bik ka ringlo, nupui hiala a neih tur hmeichhia chu, kan inkawp chhung pawh khan... Ka ngaihtuah zawm ngam lo, kei hi hmeichhe dang nen 'kawp' ka ni ang tih ka ring phak ngailo hrim hrim.




"A nei har zawk ngawt alawm, engpawh nise ka unaunu I nilo tur chu ja alwm" ka ner khum nang a, "Mahni unaupa nupui te lo duh ruk veng veng chu a chiloh dawn emai" fiamthu titak deuha a tih chuan ka bula lukham chu la in ka vawm pawp a, a nuih a zat hmel em em leh nghal.





Eng eng emaw sawiin kan titi ta reng a, a rawn thlen hlima ka lo huphurh ang ai chuan a rawn kal chu a thawven thlak viua lawi a, a bula awm a hahdam thlak riau. Dar 7 velah Zuitei a rawn lang a, Bruce-a a hmu thut chu a hamhaih viau leh nghal.




An inbiak tam loh avangin an innel lutuk lo anih ka ring a, Zuitei lo thlen atang chuan kan titi pawh a rual thei tawh chiahlo.




Bruce-a haw hnu chuan mu turin kan insiam nghal a, zawhna a ngah ka rin tehlul nen engmah min zawt lo, ka ril a tam deuh avangin choka light kan off vek tawh chu ka va on tha leh a, tui dehna bula ka thil hmuh vang chuan ka lungphu a rang nghal zawih zawih thei.




Ka test kit hman hnu chu la vatin center table hnuaia lehkha chhia chu ka va la a, uluk deuha ka fun that hnu ah ka kekawr ipte ah ka ak a, ka lungphu dup dup leh rilru hahdam lo zet vang chuan tui ka in zui khawlh khawlh bawk.




U Seni khan ngiahtuah fhiang lovin a lo dah ringawt a ni pek ang, tuman an hmu hman lo turah ngai ila, paih bo vat dan ngaihtiah a ngai dawn a ni.



Thingpui ka in zawh chuan mu turin ka let leh a, Zuitei chu a lo thaw sak sak tawh, mutthilh a awlsam lutuk hi Ramnunkimi nen an in anna lai tak a ni leh bawk a.




Ka thiani chu mutuiin hnâr lo chauh tawh mah se kei chu ka la harh tha viau a, ka hma hun thim lutuk chu ka ngaihtuah nasat poh leh ka lung a zing tulh tulh a, mittui a rawn hnai nghal kuar kuar thin.



Nau ka pai tih an hriat hunah engtinnge ka thiante, ka chhungte leh ka thawhpui te, Peka ngei pawh engtia han hmawchhawn tur nge ka hrelo takzet.



Zahna leh mualpho na bak min hmuaktu an awmlo tih ka chiang a, pumpelh dan kawng lah chu a awm ngang silo...




**



"Vani, Vansangpui, ni a sang tawh ania" Zuitei min ko ri chu ka hre vuai vuai a, mit erawh ka la meng peih thlawtlo.


"Dar 8 a pel tawh, ka nu'n min rawn call tawh a, ka haw nghal dawn" a tih chuan phak chuap hian "Aw" ka lo ti mai a, "Nangpawh tho rawh, dar 8 a pel tawh ka tih kha" ti lehin a tlanchhuak zui ta niin ka hria.



Nizanah ka muhil har bawk nen school kal a ngai chuanglo a tiin ka tho vat duh chuanglo a, mu chung chuan ka phone phawrhin ka pa ka call a, "Aw bawihi"
A aw ri hahdam hmel zet ka hriat rual chuan a engamah hmain ka inthiamlo nghal em em ringawt a, a fanu, tlangval ang maia a ngaih leh a rin em em hian nau a pai tih hre ngawt se zawng.... Ngaihtuah zawm duh lovin ka in thing harh a, kan in biak zel hnu chuan "Englo ania pa, ka awmna hi nuam ka ti tawh lutuk a, mahse kha lama thawh kha ka chak tawh zawk" ka ti khawl a, "A engatia chutia thu te I rawn sawi ngawt, a hma pawn ka sawi tawh kha, helai ai chuan kha tah kha I hlu zawk, an mamawh zawk bawk che a, Pekhlua vang mai maia i hna I chawlhsan ten a dik thei nang" a rawn ti zui duah a, "Pekhlua maw?" tia ka zawh let chuan a ngawi vang vang vang, engtinnge Peka nen kan inthen tih a hriat theih le..?




"Aw I pa ka nia, I chanchin chu ka hre lutuk, Peka nen in inthen anih chuan ngaihzawn tur dang buaipui lovin I hna kha tha takin thawk la a ni mai, ka buai deuh a, kan inbe leh dawn nia" tiin a cut zui daih reuh a, Peka nen kan inthen tih chu tu kâ atang in nge maw a hriat le...?








End of chapter-23
Zanin chu a mood ah ka cheng thei chiahlo deuh a, a tawiin chhiar a manhla viau lo mai thei, engpawh nise tan kan la leh sauh sauh ang chu.... Muttui leh bik bik ule💫❣️
Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:24 pm

MY HANDSOME FARMER


Chapter-24
By RuatiRenthlei



"Sawi mawlh mawlh lai pawhin eng hi nge maw i ngaihtuah thin ni... In lak nulat vak kha a la hunlo, naupang ila nih kha, khawi teh keiman ka lo ti teh ang"
Inchhung ka luh rualin ka ni àng hlawk hlawk ri ka hre nghal a, chokaa ka va luh phei ve chuan chhuat laia glass keh leh chawhmeh baw nuaih chu ka ve hmu a, a sir ah Ruth-i chu ngawi rengin a lo ding bawk.




"Lo kal rawh Tete, I naui laktlak loh lutuk hi a buaithlak anih hi, lehkha zir ka ngai I ti a ni lawm ni, va zir ta che" tiin Ruth-i zawk chu a vin leh titih a, a pindanah a tlan lut zui ta nghal bawk.




"Ka nu chu vin vak vak zel suh ka tih kha, anni ang rualah chuan stress neih te a awlsam ania" U Henry-a chuan a rawn ti lut a, "Vin loh theih ni heklo mawle" tih pahin hmun hnawk chu a tifai zung zung a, "Keiman Ruth-i chu ka be dawn nia, khawnge u Seni hi" U Henry-a chu ka melh zawk a, bathroom ah naupang a tihfai thu sawiin amah zui tur chuan ka ni hmuhloh lamah min hui zauh a, ka zui chhuak ve ta nghal.




Thlanglam bathlar ah kan thu dun a, nau ka pai tih kan hriat atang khan ni thum a liam leh tawh a, mumal takin kan in be leh ta miahlo bawk.




"Kan in be leh ta miahlo a, engtia tih zel nge i tum? I nu te i hrilh tawh em?" a ti sup a, "Aih, nau tih tlak chu ka tum lo hrim hrim, mahse Peka chuan hrelo se ka la duh tho, ka ngaihtuah chiang a, helai ah chuan mualpho a na in a zahthlak lehzual dawnin ka hria a, min transfer theilo anih pawhin helama ka hna hi chu bansan mai ka riluk deuh a" ka ti a, thaw ham ham pah hian a bu nghut a, "A dik alawm, mahse Peka i hrilh hreh viau chhan hi chu ka la hrethiam theilo" atih chuan ka nui sak ringawt a.


Amah bawk chuan "Transfer lam chu ka lo ngaihtuah thleng pha hauhlo a, mahse i sawi takah chuan nangma tan a thaw zawk, engpawh nise i pa te lam hrilh chu a hun tawh viau lo maw, I hna chungchang vangte pawhin" a ti leh a,



"Ka sawi hmuh zuk tawh a, a remti lo viau na in nau ka pai tih a hriat chuan a phal mai ka ring" ka ti sap a, a bu nghut nghut.




U Seni nau bual zo chu rawn chhuakin "Peka te pawh an insawi rem ta anih àwm chu, an mak ngawt mai" a rawn ti a, ni e, a mak a ni...



Ka lo nui sak a, engmah erawh ka sawi lo.



"Ti daih ila Mate, Ruth-i hi school ah te hian a zia a danglam viau em? Tunlai hian a danglam tak tak a, ka nu hian a'n hau vak thin tak nain midang hi chuan hauh vak chi ah pawh kan ngai lo a, a chhan awm deuhte hi i hria em?" U Seni chuan a ti leh a, "Nia school ah hi chuan a hranpa taka han in notice vak hi a har deuh a, mahse rin dan chu ka nei deuh, ka va be chhin dawn em ni?" ka ti a, "Va be tak teh, tih dan i thiam deuh ang" an tih chuan tho vatin Ruth-i room lam chu ka pan nghal a, kawngkhar chu kik in ka lut zui mai bawk.




Study table hmaah a lo thu a, a bula thu ve pah chuan "I thiam hnem tawh em?" ka ti a, "Hnem vaklo" za lo te hian a nui sak a, "Exam a hnai tawh sia, tha deuha i zir a ngai a nia, bialpa te i nei reng reng em?" ka nui a, "Teuhlo" a lo ti vat.





"Ka bulah chuan zep kher a ngai lo ania, nei rual i ni ve tawh a, I lo nei anih pawhin kan hau dawnlo che, mahse tunlai hian i zia a dang deuhin ka hria, tiraw..?" lu a thing a, nui pah bawkin "Bialpa chu i nei a ni maw?" ka ti leh hram a, min chhang lem lo.





"Kan rilru hahna te hi sawi chhuak lo va kan pai reng hian hlawkna a awn lo an tia, kan thiante emaw, kan chhungte hnena sawi chhuah hian kan thawl ve hawk thei asin,tunlai i awm dan phei hi chuan i chhungte ngaih a ti tha lo viau asin, chuvangin keichu i zirtirtu bakah i unaunu ka nia, rilru hahna i neih chuan sawi la, ka pui ang che" ka ti a, thaw hawkin a thutna atang chuan a tho a, kawngka bul plug a a phone charge chu phawiin a rawn let leh a, "En rawh" tih pahin a phone chu min rawn pe a, ka rin ang chiah.





Sawmzela nen an in biak dan chu a tir atang ka chhiar ta vek a, Ruth-i awm dan danglam thut chhan te chu ka hriatthiam pui ta viau.




"Mak ka ti lutuk, bialnu a la nei miahlo emaw ka tia, a bialnu lah chu Miss Zuitei a lo ni daih a" zawite hian a ti sup a, "Ruth"


"I hriatpui ka ring, Miss Zuitei nen chuan in Inkawm nasa sia" a ti leh reuh a, "Sawmzela ai tha an tam alawm" ka nui lui sak a, "Ka hria, mahse i chhiar ve vek kha, kan in biak tirh kha chuan beisei awm deuhin a awm vel a, a bialnu lah chu Miss Zuitei ber kher a ni bawk a"

"I thiante I hrilh em?"

"Aih, a tangkailo"

"Imm, I thiante leh midang chu hrilh rih suh aw, Zuitei tan a zahthlak dawn lutuk a, engpawh nise ka hriatthiam pui lutuk che ania, exam hi tha deuh in zo fel phawt la, Sawmzela ai chhelo thianpa naupang deuh deuh ka nei teuh ania" ka ti a, a nui ve hak hak.




Ka chhuahsan dawn chuan chhungte ngaihthat loh na tur anga awm lo tur leh nuam ti taka inchhunga awm turin ka chah thlap a, a buk ve nghut vangin ngaihtha deuhin ka chhuahsan.




Ka ni chuan thlairah leh maian vel ka hawn tur a lo siam leh teuh tawh a, ka haw dawn chuan "Ruth-i chu ka bia a, in hauh vak vak chuan a rilru in ti kawi mai mai zawk ang, ngaihtha in awm ula, naupangchhia a ni tawh lo bawk a a buaina chu amahin a chingfel mai ang" ka ti a, u henry-a chuan zanha a lo kal tur thu min hrilh ru zauh bawk.




Muangchangin ke in ka haw a, ka nite in kal apianga Pekhlua te in kal tlang a ngai ziah hi ka ning viau bawk, raino ka nih avangin a nazawngin scooty ka khalh chhuak duhlo a, naute tana pawi thei tur chi chu tih loh vek ka duh a ni mai.





Ka hlauh ang ngeiin Peka te in zawn ka thlen chuan kawt ah a lo thu run a, Bruce rawn chhuak ve chiah chu ka vanduaipui a ni ber.


"I ni te in ah chawhmeh I va dap leh tawh ani maw" tiin min lo fiam a, ka nuih liam ringawt.



"E chuan Tete, zanin chu... "
Bruce-a thil sawi avang chuan ka ding leh chawt a, ni tak, a nau Nana-i birthday zanin ah a lawmna neih an tum a, min hrilh tawh tak asin, mahsa ka phur lem lo.




"Imm zanin chu ka hman ka ring chiahlo" ka tih chuan min rawn pan a, ka dara min rawn kuah hnawk pahin "Ka hrilh lawk tawh che a, hun I lo insiam turah ka ngai" a rawn ti sup a, "Nana-i pawhin I lo kal ve a phut tak tak ania" a ti nawn leh sup, "Mahse ka hmanlo tak tak alawm, ka nuam samlo... "


"Shh ka sawi fel tawh, ka tiam a che kan haw harlo ang" a ti sup a, Peka lam chu hawi zawkin "Dawrah ka kal ve nghal lawk dawn" a ti a, kan inzui phei ta hnak hnak.



"Pekhlua hi I la duh reng em ni?" khawlai anih avangin a sawi zawi viau.Keichuan "Nupui a neih dawn hi" ka lo ti ringawt a, "Nia, mahse i hmuh changa I mitmeng danglam thin hi ka hmuh hmaih ngailo" ati leh sup, amah melh chho ha pah chuan "A hriat viau em ni?" ka ti sep a, dar kan akin "Ka hrelo, keimah anga an chîk ve che anih loh an hre kherlo ang" a ti a, ka hmui ka ti sawi zauh.




Dawr kal tur anga in sawi siin ka in kawt thleng a rawn kal ve leh a, min thlah a nih ber chu, a let leh dawn chuan ka beng bulah "Zanah ka rawn hruai ang che" a rawn ti sup a, biak leh hmanloh in a kal tlang daih.




Inchhung ka luh chuan chaw ei ka siam nghal a, ka mitmenga Pekhlua a lo la langchhuak fo chu ka duhlo hle. Nau chu pai lo ila nupui a neih tur vang ringawt pawh hian mipa dang han lem kual vel chu ka hreh hauhlo, mahse ka pum chhunga naute hian a pa nilo mipa dang lakah chuan min phuar tlat si ani.




Ka tawngtai a, a ngaite bawkin kei leh ka naute tan bawk ka dil leh, tuma hriatpui loha ka tawrhna leh manganna hian keimah nih a ti hrehawm zo a, ka hmaa harsatna leh mualphona hmawchhawn tur tam lutuk hian mahni in khawngaihna min neih tir fo!




Zan tirah u Henry-a a rawn kal a, naute leh Peka chungchang bawk kan sawi leh. Peka'n hre ve ngei se a duh thu bawk a sawi leh a, ka chhanna erawh a la ngai reng.




Ka rin em em laia min phatsan Tu saw ka naute pa atan ka duhlo a, a nu pawh hmangaih theilo Tu hian a fa chu a hmangaih theih ka ring hauhlo bawk.



Dar 7 rik dawnah kawngkhar a rawn ri karh karh a, Bruce a rawn lang zui nghal bawk. Suit nen a rawn chhelo viau a, hna sang thawk tih takah a hmel pawh a langsar deuh vah hian ka hria, heng laiah chuan han zah vak tur awm heklo.





"I la insiam nange" a tih chuan u Henry-an phàwk hra hian min rawn en a, "Nana-i birthday lawmnaa kal ve tur in min sawm a" ka ti sep a.



"Anih tak chu, lo thu rawh Bruce, keipawh ka pheisan ang cheu" tih pahin a tho zui vut a, a chhuah hnu chuan ka bul hnai chetah rawn in sawn pahin "I hman daih tawh ka lo ring a" a ti a, "Ka sawi tawh kha Bruce, ka lo kallo mai ang, bakah Peka a awm ve phei chuan... "


"Ka hria, nangpawn I sawi a ni lawm ni, ani chuan nupui a nei dawn, tuna I awm danah hian thiamlohna I neilo, chuvangin Peka awm ve avanga I enjoy theihloh chhan tur a awm lo" ati a, dik ka ti viau.


Mai mai a, ka tello a hlimna hmu tu tello hian ka hlim ve thei chiang em mai.



"Anih chuan ka insiam lawk anga, ka reilo ang" ka ti ta sep a, "Good girl" ti supin ka chhip sam a tuai thur zauh a, pindanah ka luhsan ta nghal.




Ka thil tih tur hi naute tan a pawi angem ka hrelo mahse Bruce khan a sawi dik a ni, Pekhlua chuan nupui a nei dawn a, a tel ve lohna khawvel hlimawm siam a ngai a ni.




Kawrfual dum ka khup khuhlo deuh ka ha a, a ban a bul deuh bawk nen a chungah trench coat ka ha tel a, pheikhawk erawh ka bun sang vak duhlo, Peka a awm ve dawn tih ka hriatchian avangin make up pawh ka hmang uar deuh a,Io let leh se ka tih vang a nilo, In chhir se ka duh a ni.





"Ka hman e" ka bag a ka phone dah tha pah chuan pindan atang ka chhuak a, Bruce-an min lo en uluk lutuk erawh nuam ka ti chiahlo..





Keimahah diklo a awm em tih ka zawh chuan lu thingin "I mawi" a ti thawp sut a, kan inzui chhuak ta nghal.




Khaw pawnah a ni a, ka ruaklo tih ka in hriat avangin ka awm erawh a nuam chiahlo, zu pawh in miahlo turin ka in tiam thlap tawh.


"I mawi lutuk ania aw" Bruce chu ka melh zawk a, hmalam en chung chuan a nui suk.


"Nangpawh I mawi" ka ti sep a, "Ka hrilh lawk lo che a, Peka bakah a nupui tur pawh a awm ve in ka ring, mahse hrehawm tih phahlo la, I bulah ka awm zel dawn" a thil sawi lai chu ngun takin ka lo en a, min en ve miahlo na in a mah chu thlamuanpui awm riau hian ka hria.. Nilo, chu chu mi zawng zawng ka hmuh thin dan alawm, an tawngkam tha satliah vangin ka ring nghal em em a, a tawpah ka tuar phah thin...




A hmun kan thleng a, a bengchheng leh pek hle, thingtlangah chuan khawchhunga han rik but but a remlo avangin dai ah man chawia hawh theih tur in lian leh tha deuh an sa a, a rem chang khawp mai.




"Helamah in awm khat hmel sia, an va tam hmel ve" ka tih chuan nui suk in "Nana-i hi chu thian siam a thiam a, kei anglo takin " a ti a, a kiai zui suk chu ner khum nangin "Nangpawh I thiam ang" ka lo ti vat a, a nelawm in a hmel hmuh a nuam a, Tu tan pawh huatawm miau heklo.




"Hmeichhia ah chuan ka biak leh nel hmasak ber I ni, mipa pawh hna thil vang anih loh chuan ka be hmasa ngailo" a ti a, a chhung kan luh dawn chuan ka beng bulah zawite in "I bialpa chu ka nilo na in, zanin chu ka inla thu viau mai thei" Ati sup a, tih ngaihna hrelo zeta ka chhoh melh ha chu ka chalah na lo te hian min pen kerh a, kan inzui lut ve ta nge nge.



A sir kil lama dawhkan awl chu ka pan nghal chawt a, Bruce chuan in tur min rawn ken nghal zzat ani'n bear can a hum laiin kei erawh juice pangai min pe a, mahse pawi ka tilo.




Lam puia min sawm chuan ka chak vaklo na in a zah ka hlauh avangin kan lam dun ta nge nge a, mahse ka luhai deuh chuan washroom a kal tur anga in sawiin ka chhuahsan a, pawn lama washroom awm daih chu ka vanneih pui niin ka hria.




Thawm bengchheng lutuk khan ka luak a ti chhuak a, disco light phe zuk zuk khan ka lu a ti hai bawk niin ka hria, thawm hre phak tawk chiah vela hlaah ka kal a, bike pakhat chu bawhin van boruak thiang zeta arsi eng phe tuar chu ka thlir ta reng.



A chang chuan arsi nih ve daih a, tuma tihnat leh tihbuai phakloha awm ve daih ka chak thin.




Ka hnunga thawm ka hriat rual chuan ka in her vat a, a thim china mihring taksa ruangam ka hmuh rual chuan ka hmul thi a ding sung sung a, vawtin min tham nghal er er bawk.


"Tunge?" bah ang reng tak hian ka ti a, a rawn pen hnaih rual chuan hnung lamah ka tawlh ve hrat a, a hmel a rawn lang chiang a, mahse ka hlauhna a bo chuanglo.



"Tinge I rawn kal ve a?" a zawhna min zawh vang chuan ka nui hul hak a, ka dang ro zet chu tih hnâwn tumin chil ka lem zui khalh.



"I tan a tangkailo, I nupui tur khan helaia a hmu che anih chuan a pawi zawk ange" ka ti ve sak a, "I buaina tur anih loh chu" ti nghutin a rawn awm hnai zel a, reilo te ah ka hmaah tak a rawn ding zui a, a huhang na zet leh rim pa hrak te kha a la ngai reng!




A kutphah hlai leh lum vung vung in ka dar a rawn khawih a, ka sawi thiam chiahlo, a kut ngeia min tawh leh rual chuan keimaha chakna tihrawl awm zanwg zawng hi a chat hmawk ni berin ka hria, ka lungphu a rang a, ka la thlakhleh zia ka hrechhuak bawk.





Ka mitchhingin thawk ka la halh a, "Min khawih suh" ka hrawk chhung ro leh sa huam vang chuan ka tawng ring theilo.



"Vawi khat chiah aw" ti supun min kuah bet a, ka kuah let lo na in hnar tur ka awmlo...



A âwm lum vung vung ka ngheng leh chuan ka pangchanna bawk a ko chhuak leh a, a laka pangchang ve thei ka ni tawh lo tih ka in hriatna chuan ka hnuk a ti no zual sauh ni berin ka hria.



Ka mittui a rawn luang a, tah erawh ak tap chhuak thung, "Ka tihpalh" thawp suta tiin min thlah thawl hlek a, a tlawm thlak tih ka hria mahse....



"I lo let leh thei mai lo em ni a, min hmangaih thu I sawi si a" ka ti ta tiau a, "Ka tihpalh mahse ka theilo, nupui ka nei dawn a ni" a ding hla hlek a, ka mittui chu tuai hul tawkin ka melh chho ta hrak bawk.




"Anih chuan tinge tiang khan I awm kual vel a, I rilru a va chhe em em ve, mawhh" a âwm chhah zet chu ka beng vak vak a, a buai phahlo.


"Mihring pawh I nih nekloh hi" ti vakin rum thei tawpin ka melh a, "Tete" ka hawi phei vat.

Hlauh thawn hmel takin Bruce a rawn tlan phei a, "Engthil nge thleng?" tia a kuta ka biang huh tuai hul pah chuan Peka chu a melh zawk a, pakhat chuan chhang lovin min kalsan....




"I tha em?"
Ka bu nghat a, ka hmaa a thingthi chu mak ka ti viau.


Ka dul thep thler chu a khawih a, "Naute hian I tap tih a hriat chuan a lungngai ve dawn asin"
Ka tawlh hnung dawrh, tunah khan engthu nge a sawi kha...!







End of chapter-24
A va thuilo reuh😤ka buai ve lutuk a, chuvang chauh chu, ka ngaih pawimawh loh vang cheu ani lo ania aw🥺


Note : Naktuk Pathianni anih avangin ka âwl leh ang aw...


Chuan thubelh lawk... Keichu U Henry-a hi ka star ta ber in ka hria🤣 a MAN em asin🙃


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)