MY HANDSOME FARMER BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY HANDSOME FARMER BY Ruati Renthlei (Completed)

Unread post by Ngaia » September 4th, 2022, 2:20 pm

MY HANDSOME FARMER


Chapter-7
By RuatiRenthlei



Hringnun ah hian duhthlan theihna kan nei a, chu kan duhthlanna chuan kan nun pum a nghawng theih thin avangin thlan sual kan hlau hle thin.



Tuna ka hna hi ka duhthlan a ni a, mahse Biate a ka thawh chhan erawh hi chu ka pa vang ani, ka duhthlanna vang ni lovin ka pa min nawrna avangin helai hmun hi ka thleng a, ka lungawiloh phah viau bawk.



Mahse a rei a, tunah thla khat lai chu hnawthawkin ka awm ve reng tawh. Tunah chuan ka lungawi a, thingtlang nun leh an boruak hip ang hipa ka tawng ve thei hi vannei ka in ti hle tawh zawk.




Ka khup na avangin ni 3 ngawt school ka kal tawh lo va, vawiin hi a ni thum na chiah, chet ka harsat deuh avangin Ruth-in min awmpui a, chhunah chuan school a kal daih thin avangin keimah thoin ka awm.




Ka hliam an hriat khan ka nite hlauthawng khan ka nu leh pa te an lo zuk hrilh hman a, ka nu in min ngaihtuah ropui mai si a, rawn zin chhoh hial a tum a, eng tin tin emaw ka bengdai thei hram a, thli serious tak a ni lo bawk nen tul dang kalsana lo kal kha a tul berin ka hrelo ani.




Tuia min nam luttu Tluanga kha tleirawl tirte chauh a la ni bawk nen a inthiam lo viau a ni awm a, min hmuh hreh tlat avangin kan leader Pu Chhana kha nimin zingah khan a rawn leng nghe nghe, ka huat zui loh tehlul nen hrehawm a tih phah lutuk chu pawi ka ti takzet.




Ka phone ri chu ka ban vat a, screen a 'inchungpa' tih ka hmuh rual chuan ka meng kawk, hmanni khan number chu kan inpe ve ngei a, mahse kan la inbe miahlo, min lo call chhan tur awm ang ka ngaihtuah a, ka hrethei hleklo lehnghal.




"Hello" ka ti sep a, lehlam atang chuan a rawn khuh kharh ringawt, "U Pek" ka ti leh sep a, "Aw, sa channa ah ka kal a, I duh ve em?" thum dut hian a rawn ti a, chawhmeh a vang tho bawk nen ka ni te nena ei ho turin kg 3 lai ka chah a, thil dang sawi lovin a cut nghal daih, Christmas a hman hnem tawh tehlul nen a polite lo lutuk hi a mak zawk.




Thutthlenga mu dar dar cuung chuan ka thaw hap a, ka ngaihtuahna chu tun maia min lo call Tu khan a kawl daih.




Peka hi tui atanga min chhanchhuak Tu kha a ni a, Zuitei min hrilh danin ka chetsual tirh khan tuman an hrelo a, Peka hian a hre hmasa ber a ni awm a, min la chhuak a, Zuitei khan a sawi uar mah mah em ka hrelo mahse, ka àwm ah nem in hlauthawng hmel tak hian ka hmingin min koh mawlh mawlh thu a sawi.




Ka ngaihtuah chian poh leh mak ka ti a, min chàn hlau viau tur khawpin eng inzawmna mah kan nei lo bawk.


In kan thlen hnua min buaipui dan zawng zawngte ka ngaihtuah let phei chuan eng emaw tak hian min mawlh a, a chhan tak sawi tur erawh chuan engmah ka chiang biklo.




Zan khat kan riah dun atang khan kan inhmu hreh zo vek hian ka hria, kan inzah a ni ber ang chu, mahse eng emaw zawng tak chuan kan in ngaih/ngeih(a dik zawk ka hrelo, comment ah min lo hrilh ru auh) in kan inbiak tam phah viau lawi a. Engpawh nise a tha vek, ka inchungpa a ni a, inchem har (in hua) reng ai chuan thian anga Inkawm bawrh bawrh te chu a nuam zawk daih ang.





Tlaia Ruth-i school bang chu a inbual laiin Peka hi a rawn lut a, sa chu dining table a dah pahin "Tikhan ka leisak ve che a ni mai" a ti sup a, chhuah leh mai a tum chu ka ko let leh hlut a, a rawn in her ve leh mai bawk.




"Kg 3 lai ani bawk sia, I ti anglo emai" tih pahin pawisa, a lo thlen vela pek tura ka tih chu ka phawrh chhuak a, "Ka sawi chu, ka leisak che" a ti leh nghut, a tawngkam tawngchham thei lutuk hi ka ngei ngawt mai, tlangval senior hawihhawmna neilo.




"Kg 1 man tal hi la rawh" ka tih leh talh chuan thaw hawkin min rawn pan a, ka pawisa ken lai chu min chhuh sak in a chhiar zui nuah nuah a, "200 hi a tawk" tiin a bak zawng chu min pe let leh a, "I khup pawh a dam tawh kha, naktuk atang chuan school pawh I kal thei tawh ang" nui miah silo in a kiai suk.



"Engmah I hre reuhlo aw"ti vakin ka melh chho ar a, rawn kun hniamin ka thutna thutthleng ban dawm hnan pah hian " Ruth-i awmloh lai chuan I dam viau kha mawle, inchhunga I tei kual zar zar kha ka hmu reng che" zawi te hian a ti sup a, a la nui suk zui.




"Nang.... Nangpa hian min en thla a mi a?" sehchilh zet hian ka ti a, ka lungphu rawn rang nghal dawt dawt chu duhlo mah ila ka thunun thei derlo.



A sawi ang khan ka la dam viau lo naa, na lutuk chu ka ni tawhlo, vawiin pawh tum ila chuan school chu kal thei tawh reng ka ni a, mahse ka taksa a la chaklo in ka la zawi bawk nen ka peih ta lo kha a nia, a... he mihring hian engtik khan nge maw min lo hmuh reng reng le??




"Min enthla ami ka tih chu?" ka ti nawn leh a, ding mar vut pah hian "I kawngkhar a in hawng dar huang a, duhlo mah ila ka hmu che" awi ka rei, za lo deuh hian ka nuih tlawn ver ver phawt a, kut kuangkuah hlun chunga mit ti zim sun in min en reng.




"Ka taksa a la chaklo a, ka la zawi alawm" ka ti sep a, a mah atang chuan mit la sawn riai riai in ka kun ta daih.




"In sawifiah tur pawhin ka tilo che, mahse na der tur chuan I naupangchhia tawhlo" a lo ti nghut a, ka melh chho leh hrak.




"Ka na der reng reng lo aw" ka ti vat a, bathroom kawngkhar ri rawk thawmah chuan kan hawi phei vat.



Ruth-i inbual zo rawn chhuakin Peka a hmu thut chu lai deuh hian a kun a, pindan lam a pan tlang nal nal.




"I hria maw? Na der tawh suh" ti leh supin ka darah a rawn beng dat a, nui ri suk chungin a chhuak.



A.... Ka va han che chhe thei tak, ka nat der duh vang hrim hrim pawh a ni tawp silo, ka la na laklawh ve a ni mai a, naktukah te chuan sawi lo mah se school kal te chu ka tum tawh reng.




"Awii ka zah zia kha" ka bula lo thut ve pahin Ruth-i chuan a ti hap a, a zak hle aniang a hmai pawh a sen tawn tawn mai.



"A zahthlak hleinem" ka lo ti mai a, "Ka star tih a hre bawk sia, ka zak tho tho, u Peka hi chu a pa ve thlawt alawm, ni daih ula" a thil sawi tawp lam vang chuan ka tui in lai ka phuh chhuak lo chauh. Ka khuh bawrh bawrh a, ka bul ami lah chu a nuih a za em em lehnghal,
"Tak takin, keini chuan kan star ringawt a, innei ula in inhmeh ngawt ang" ta deuh deuh chuan!




"Awm anglo emai" ka lo ti hlak a, "Anih leh u Tete, bialpa I nei em?"

"Ruth-i"
Ka nui chhuak hak, vawiin tlai hi eng nge maw a hriat a ngaihzawng ringawt a buaipui reuh le?




"Eng nge? Min hrilh ve mai mai rawh" a ti leh a, min nawr tak tet te ah cuan "Ka nei ve thin a, mahse heta ka lo chhoh dawn khan kan inthen a" ka ti ta sep a, John ka ngaihtuah chhuahna chuan lung a ka ti zing hluah hluah thei....




"Van pawi, heta I thawh a phallo ami?" tiin min zawt leh a, "Ni tho a, mahse kan inthen chhan zawk chu hmeichhe dang nen min lo kawp vang a nia" ka nui lui sak a ka mittui erawh a tla dawnlo tih ka hriatchian em avangin ka hlauthawng hranlo.




"A.... I bialpa in a kawp che maw? A van mawl, I hmelthat nen nen" a thinrim ve hle aniang a thu ding hluai a, ka lo nui hak.



"A mak tiraw U Tete, duh duh thing thei khawpa hausa leh chhelo C. Ronaldo te pawh pakhata an lungawi laiin heng laia engmah ni lemlo ten ngaihzawng an han kawp vel thin hi chu, ka lo zak zawk thin" a ti leh reuh a, a sawi dik phian tak mai.




John-a chungchang min zawh zawm zel ka hlauh avangin school lam chanchin ka zawt ta daih a, kan inkawm tawk bawk nen mahni ngawta awm ai chuan titi pui tur neih chu a nuam khawp mai.




Zanah chuan pindanah Ruth-in lehkha a zir a, TV ka la neihloh avangin sofa a mu pahin ka phone ka en a, dar 7 pelh deuhah sir Aldrin-a leh a thianpa pakhat hi an rawn leng hlawl a, min hrilh lawklo bawk nen ka hamhaih viau.

.
Kan pathum chuan kan inkawm ho a, a thian rawn hruai Siama chuan fiamthu eng eng emaw thawhin kan nui ho dar dar reng a, ka awm tirh atang khan tkangval inleng te chu ka nei ve zauh zauh thin a, ka be chhe ngailo na in a tua te mah beiseina ka siamsak ngailo thung.




Ka phone message tone ri keuh chu ka hawng vat a, "In bengchheng lutuk" tih ringawt hi Pekhlua'n min lo thawn anih chu!
"A ho" tih chiah ka thawn let a, ala seen zone daih zui...



Ka inlengte pahnih lah chu an titi tui mai sia, Pekhlua leu luau khan ka awm a ti nuamlo zo, mahse pindan lehlam lawk a lehkha zir Ruth-i pawhin engmah a rawn sawisel lo va, a... a sawi tur hriatloh thlak lutuk.



***


"I kal thei tawh ang maw? Tun kar te chu chawl law law mai la" ka ni chuan alu vel mawlh mawlh pahin a ti a, "Imm thei ang" ka lo ti vat, nimin lam a ka sa lei kha ka ni te in lamah ka keng phei vek a, tukin zing leh tlai lam chu an inah chaw ka ei ang.




"Scooty I khalh thei awm silo a, Peka hi greenhouse ah a kal dawn em aw?" ka niin ka tih vang vang lai chuan "Zuitei a awm alawm" ka lo ti leh thuai a, a bu ve ta nghat nghat.



Peka pick up a school kal te chu ka duh tawh teuhlo, bakah nizan vang pawh khan ka la ngei.



Inchungte kawtah Zuitei chu ka lo nghak a, nu Hliri nen chuan kan titi pah mawlh mawlh.
"Mama hi chu a tawngtlem lutuk a, kawm nel theih pawh hi a nilo, nupui nei tur pawh hian kan ti zing tawh mawle, a ngaihven duh tlat bawk silo a, lo zawnpui ve deuh la a tha ang" fiamthu titak deuh hian a ti a, ka nuih liam pui ringawt.



Khawi ami mah nupui tur ka zawn pui hlek lovang e, ka thiante pasal atan ka duh teuhlo, nghal si, a tawngtlem te chu a'n ti ve bawk a, ka bulah chuan ka huat tur tawk chiahin a tawng thei!




Inchhung lam atang Pa Thanga'n a rawn koh takah chuan min luhsan a, Lalzuitei lah chu rawn thlen tih a nei thei lo reng reng.



"I dam tawh a ni maw?" ka piah lam atang ka hmuh peihloh berin a rawn tih chuan ner nawk pahin ka nui lui sak a, ka bula a rawn din rual a a boruak ken tel na zet chu ka lo hre leh hle tawh. Kan riah dun zan atang khan a huhang na zet hian min chenchilh reng a, ka bul hnaia a awm leh awmloh chu boruak awm dan vel atang hian ka hre thei thin! A chhan erawh ngaihtuah vak ka duhlo thung, a palian in taksa lumna a ngah a, chuzawng chu a ni mai.




"Ka la dam chianglo naa, vawiin chu ka'n kal ve tawh ange" ka ti ve kher a, a nui suk duh lek.



Ka khup thlek vung vung pah chuan "A na viau dawn anih kha" a ti leh kher a, awi Lalpa, he mihring hi ka ngei ngawih ngawih.



Chhang let lovin rum deuh hian ka melh nghek a, Zuitei'n horn a rawn hmeh tuar tuar hma kha chu kan mit meng hmangin kan inhnial char char ni ber hian ka hria.



"I thiannu kha tlan chak pui suh aw Zuii, a khup kha a na viau ania" kan tlan chhuah dawnah a rawn ti leh hram a, a fiamthu thawhah lah hian a nui tha duh ngai miahlo leh nghal.




"Aw le" tiin pakhat chuan tha deuh in a lo chhang ve mai a, "U Peka fiam nih hi a nuam a nia aw" titu chu ka beng chak lutuk, "A tawngtlem hi in ti ve ziah hlawm a, ka bula a tawngtheih zia hre ngat ula chuan mak in ti hlawm ngawt ang" ka ti hlak a, nui iar iar pahin Zuitei chuan "Chu chu lawm mak, I lo awm hma kha chuan biak pawhin a rul tawk lek lekin min chhang thin a, a hmel a nelawm loh bawk nen a tul tawpah lo chuan tuman biak kan tum ngailo, mahse i lo lang a, biak chu sawiloh, I awm lai chuan min fiam min fiam ve mai" a ti zui duah a, hnung lam atang ka lo ner nawng ringawt.





"A fiamthu emaw hi intia, ka bulah chuan a ngeiawm thei lutuk" ka lo ti hmuk a, ka ngaihtuah chian poh leh ka ngei tulh tulh a ni mai.


"A... In inkarah hian eng emaw a awm aniang, a nih loh pawhin thil thleng.. "


"A awihawm loh emai" ka chhang rang mah mah, a nui hak hak a, a sawi zawm tak lohah chuan keipawh in ka hnial let duhlo..


Kan inkarah engmah a awmlo, kan inngaizawng lo va, thian kan ni em pawh ka hrelo. Mahse thil thleng chu.... Thil thleng chu a awm chiang alawm, khami zan kha..!




Khata tang khan kan inbiak tam phah a, mahse kan inbiak chuan kan inhnial a ni nghal mai. Aa... Engmah ka ngaihtuah peih tawhlo, inzawmna hranpa kan nei lo va, kan nei ngai lo bawk ang, ka ning, amah vanga rilru tih buai ka duhlo.






LALPEKHLUA's POV




"I thil sawi chu I ti takzet maw?" lehlam atang min rawn chhan hun chu ka nghak reng a, "Peka" a ngaite bawkin ka hming a lam rual chuan min chhun tlangtu a awm leh tawh.



"Kum 2 a liam tawh, I tello in khang hun zawng zawng kha ka hmang ral a,liam tawh chu tunah rawn thar thawh leh tum suh" ti nghut in dah nghal mai ka tum a"La dah suh" a rawn tih leh hlut avang chuan ka ngaithla leh rih.


"I tan eng nge ka nih chiang takin ka hria, hun kal tawh vang khan ka tihpalh mahse ka sawmna che hi chu min ngaih pawimawh sak turin ka duh che" ro zeta nui hul hak pahin phone chu ka dah a, ka vawn lai mek chair chu ka theh thlu thuai bawk.




Ka thawk sa ham ham leh thinrim na avanga thinphu rang dawt dawt te chu bengdaih tumin thawk ka la leh halh thin a, ka thawm hria in ka nu leh pa te chu choka ah an rawn tlan lut ve nghal bawk.





"Engatinge Mama?" ka nu zawhna chu ka chhang theilo, ka phone chu ka hum ngawt ngawt a, ka melh ngai ka melh tlawk tlawk.



Ka nu in ka dar a rawn dawm rual chuan che vutin ka pindan lam ka pan a,...
Engatinge kha hmeichhia kha a rawn lan leh?
Kum 2 chhung a tello a hreawm taka hun min hman tur hnuah tinge min rawn biak leh si?
Reh hlen se, bo daih se, lo lang tawh ngailo turin kalbo vang vang se ka tan a tha zawk, mahse tunah.....

Rum chhuak hrawihin khumah ka thu thla hnawk a, ka kut pahniha ka hmai tuai puat chung chuan hahdam tumin thawk ka la suai suai a, ka pindan kawngkhar hawnga ka nu rawn lut mek chu ka lo en reng.




"Engatinge a? Tiang khawpa thinrima siam theitu che chu min hrilh ve dawn lo em ni?"

"Ka nu"

"Sawi rawh, a vaiin"
Thaw hawkin ka sam chu ka tuai chho puat a, "Malsawmi'n min rawn bia"
Ka nu chuan engmah sawi lovin min en reng a, a hnu deuh ah "A va mak teh thut ve, engthu nge a rawn sawi a?" pangai deuh hian a ti a, "Pasal a nei dawn" ka lo ti leh ringawt.




"Awww bawiha, chiang deuhin min han hrilh teh" tiin min thut hnaih sauh a, "Kum 2 chhung ka lak atanga a kalbo hnu ah pasal a neih tur thu min rawn hrilh leh thut a, chuta kal ve tur chuan min sawm bawk" thaw hawkin ka ding mar vut a, "Ka chhuak lawk dawn" tih pahin ka chhuahsan nghal.




Tuma awm loh na hmuna awm ka duh avangin greenhouse lam ka pan a, bike a ka kal avangin ka thleng har lo.



Tomato chin na tura ka lei laih tawh sa chu chintawk awm lovin ka lai zawm mawlh mawlh a, ka kawchhunga natna te, thinrimna leh huatna zawng zawng te paih chhuah vek ka duh na chuan khaw hmu lo lekin min siam a ni ber.





Leiah ka thu hnawk a, ka thil tih ka en let chuan mumal lo nuaiin lei chu ka lo chèk phut ve a, ka beka thlan luang chu hru thuakin hnung lamah ka inbeng khalh a, ka thaw chhuak ham ham.






Malsawmi nen khan kum khat chuang fe kan inzui hman a, inneih hial pawh kan tum, a pa hna vangin Thenzawlah an pèm a ngai a, chuta an inbengbel fel zawh hunah palai te tirin Biak in hawng ngeia inneih kan tum a ni.



Mahse a hun a lo thleng a, Thenzawl an thlen atanga ni hnih hnuah ka call a pick duhlo a, ka message a reply lo bawk. Inhauhna engmah kan nei lo chunga khatianga a awm kha mak ka tiin hrehawm ka ti a, ka nu leh pate remti lo chung Thenzawlah ka va kal chilh hmiah bawk.




A nu leh pa te chuan tha takin min lo bia a, mahse Malsawmi erawhin min lo lawm hauhlo, hmaichhanah ngei min neih theih loh tur thu leh a nun chen a la kham loh thu min hrilh a, khatah pawh khan tlawmna zawng zawng nen ka lo nghah theih thu ka hrilh tho.



Mahse awmzia a awm lo, beisei na nen ka pan laiin beidawng takin min let tir a, khata tang khan ka lakah chuan thehhmeh ang maiin a reh ta vawng vawng a, tunah kum 2 a liam a, ka tawrhna zawng zawngte hre duh lo va min rawn be leh in a pasal neih naa kal ngei turin min rawn sawm anih chu! Atthlak lutuk..





Phun hluk pahin ka tho a, Malsawmi chu ngaihtuah zawm duh lovin ka bike dahna lam ka pan a, in lamah chak zetin ka tlan haw leh.




"U Pek, heyyy, Pekhlu" bang phen atang Tetei chuan min rawn ko a, a kuta min hui zauh pahin hmui phunin kal turin min ti a, ka pan ve mai bawk.




"Eng nge a?" ka ti nghut a, "Ka bathroom tap ka herh thlawn daih a, tui a phuh chhuak char char, chuan ka gas a lîk bawk, min lo pui vat teh" zawi te hian a ti sar sar a, dawt a sawilo aniang a kawrte chu a huh phung a, ka din hnaih rual khan gas rim ka hre tel bawk.



Ka tum loh deuhin ka nui chhuak hawk a, "Nui lo khan lo kal vat rawh" tih pahin ka kut a rawn vuan a, min kai thla dawt dawt!







End of chapter-7
(Naktuk Pathianni anih avangin ka awl dawn tih ka sawi làwk aw)
LAWMTHU KA'N SAWI VE LAWK✨
HE THAWNTHU ZIAK TU HI HETI MAI HI KA NI A, ZANTIN PAWH KA DAH THEIH LOH LAIIN KA DAH CHHUN AH MIN NGAIHHLUT SAK THIAM THIN HI KA LAWM TAKZET, CHUTA KARAH COMMENT THA TAK TAK MIN LA PE CHEU THIN BAWK A, KA LAWM❣️(insum lovin comment kha uar hram hram zel ang u🤭)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:20 pm

MY HANDSOME FARMER

Chapter-8
By RuatiRenthlei



"Awi aw... Vansangpui" ka inchhung a hmuh rual chuan hamhaih thin hriat lutuk in a ti hap a, min lo en rual chuan za lo deuh in ka lo then sak.



"A rim te lah chu" ti hluk in a hawi kual vut vut a, "Ka off tawh tho a, in chu a kan ka ringlo, tap chu va siam tha phawt teh" tih pahin bathroom lamah ka nam phei dawt dawt, gas siam that ai chuan a pawimawh hmasa zawk miau a ni.



"Eng tin tin emaw a herh tawp thei mai a, mahse ka pindan lam thlengin tui atling vek tawh.


Ka gas a en leh lai chuan bucket te a khaiin tui chu pawn lamah ka lo theh chhuak a, khua lah chu a thim thet thet tawh mai si, ka che tawng lutuk chu hrehawm ka ti takzet.



" Ti hi chuan a reh ve mai ang" a kawng dawmin thawk a la hawk a, "Ka lawm e, I huh phah vek sia, I thuamhnaw kha chu ka lo su ang" ka tih chuan min en run run ringawt a, "Tui hi ka thehchhuah pui law law ang che" tih chiah a sawi.




Keimah chuan ka zo har lutuk dawn a ka hriat avangin ka hnial duh lo va, mi chaw ei reh thuap laiin huh zawr hnuang chungin tui kan khai kan khai mai.



Kan tih fel zawha chhuat ka nawh fai leh meuh chuan dar 7 a ri tep tawh a, "Awi ka theihnghilh, chaw I ei tawh em?" ka ti hlut a, lu a lo thing ringawt.



"A zia lo e, hetah ei ve mai rawh aw" ka tih leh chuan min hnial ka rin tehlul nen engmah a sawi lova, ka inthlak zawha ka va chhuah leh chuan a kawr a lo phelh tawh a, a kekawr erawh chu a phelh ngam biklo a niang, a huh ang angin a la ha.




Chaw ei ka siam laiin a phone a rawn ri a, ngaihven lo awm ang takin ka thil tih lai chu ka chhunzawm mawlh mawlh.



"I thil rawn sawi hi i chiang ang tak meuh maw? I inchhirna tur thil engmah ti suh" a aw chu zawi viau mah se a chang run a, a ngawih leh vang vang hnu ah "A tha e, ka lo kal ang, mahse ka bialnu ka rawn hruai ve thung ang" ka hawi phei rang lutuk, min lo en run ka hmuh rual chuan ka kun leh vat a, ka tih ngaihna hrelo chuan ka fian ken lai ka hum ngawt ngawt.



Tunah khan 'bialnu' tih a sawi chiang, 'ka bialnu ka rawn hruai ve thung ang'
A nih chuan kha hmeichhia Thianghlimi an tih nen khan khawiah emaw an kal dawn tihna maw?

Ka thaw hap a, ka buai ve na tur a awm lo tiin inhrilh mawlh mawlh mah ila ka buailoh phah chuang derlo.




"Heyy" ka phu nasa lutuk, ka piah lawkah a lo ding reng tawh a, "A... Aw a ei theih" tiin chair chu ka pawt tawlh a, a rawn thu thla ve mai.




Ngawi rengin kan ei mawp mawp a, a hnu deuhah "Tunge i biak kha" ka insum zolo chuan ka ti ta thlawt a, ka lo ngaihven ve viau chhan lah chu ka hre chuang miahlo.




"Ka thian hlui" a ti ringawt a, sawi zawm a chakloh hmel bawk nen ka zawt lui zel duh ta biklo.




A haw chhoh hnu chuan mut nghal mai ka tum a, Aldrin-a a rawn len leh tak si avangin kan pahnih chuan kan Inkawm leh a,
"I hriat agin Tete, subject partner te kan ni a, min ngaihdan ka hre ve lo na in keichuan ka ngaina viau che asin" ka kut rawn vawn hnan paha a rawn tih chuan ka lo ip chawih a, za lo deuha nui pahin ka kut chu ka la let zal zal.




"Keipawh in ka ngaina che lawm, mahse... "

"Eng nge mahse Tete? Ngaihzawng i neilo tih ka hria a nia, ka duh takzet che a, khawngaihin ka bialnu ni rawh"
Chutiang teh tawpa min duh thu a sawi thei chu mak ka ti letling! Chuan ka awih lo bawk.



Thla 2 em pawh ka la awm tling lo va, hmangaihna lam chu ka rilru in ala hawi lo hrim hrim.



Chuan Aldrin-a hi chu tlangval pangai tak a ni tih ka hria, a fel a, keipawhin ka ngaina lutuk, mahse ngaihzawng en in ka en ngai mihalo thung.




"Min hrethiam rawh Aldrin, keichuan thian angin ka en che a" ka ti sep a, a thaw chhuak ham ham mai.



"Ka hria a lawm, ka nawr lui dawnlo che, tunah min chhang nghal tur pawhin ka tilo che a, mahse ka duh che tih erawh hi Chu min hriatsak thung rawh, Chuan ka lo nghak bawk ang che"


"Aldrin"

"A pawilo, he thil ti tur hian min force reng reng lo, nghah che ka duh a, chu chu a ni mai" a nui zui suk a, nuamlo ka ti takzet.


A haw hnu chuan ka mut hmunah ka inlet sek a, ka rilru chu a buai hle ti ila a dik ang. Thla 2 pawh tlingah chhung hian thil a thleng hnem hman lutuk.




Ka ngaihzawng in min then avanga ka hliam pawh a la dam fel hma hauhin tihian Aldrin-an min duh thu leh min nghah tur thu a sawi tlang ràwt a, chuan... chuan he Pekhlua hi!


Ka thu chhuak leh hluai a, tinge khapa kha ka ngaihtuahna ah a rawn lan ve? Inzawmna engmah kan nei lova, Aldrin-a ang khan min duh thu a sawi ve lo bawk, urghh lo sawi pawh ni se eng nge? Engmah a danglam phahlo.



John khan ka rinna a tichhe tawh a, ngaihzawng ka nei tawh lo ang chu ka ti dawt lo mahse tunah mai chuan Tu mipa mah hnaih a,an laka rilru pek vak ka duh rihlo.




Aldrin-a kha mi tha tak a ni a, chhungkaw hung tak atanga seilian a ni tih ka hre bawk. Lo chhang ta ila khawtual nula tam tak chuan vannei min ti mai thei, mahse a laka feeling ka neih miau loh chuan awmzia a awm chuanglo.




Chuan... Urghhh
Engthil teh nuai nge ka ngaihtuah kha, ka nihna ka theihnghilh lo chauh alawm, khawpui nula ka ni, thingtlang mi ngaihzawn emaw, pasala neih chu ka hmathlir ah a tel ngailo.




***



Ui bauh thawm ring zet vang Chuan ka meng chhuak hlawl a, inchung lam atang ui chu a la bauh reng tho. Nidanga ka thawm hriat ngailoh anih vang nge ka harh chiang em em lehnghal.....




Sana ka en Chuan zing dar 6 pawh a lo la ri lova, nidangah hetiang anga hmaah hian ka tho ngailo. Ka mut dan ngaia mu reng chung chuan thawm chu ka ngaithla kar a, ui bauh thawm kara mipa nui hawk thawm ka hriat leh thin chu Peka ni ngeiin ka hria, a nui ri hi ka hre khàt teh asin!




Ka muhil thei tawh thlawtlo chu ka tho chhuak a, ei rawngbawl a hautak lo bawk nen inchung ah ka han ka chhuak chho.




Kawngkharpui chu a lo in hawng huau a, Nu Hliri te nupa hi an thawh hma thin avangin mak ka ti lemlo. Mahse an in kawtah chuan bolero dum hi a lo inhung a, thil dang ti kawi lovin inchhungah chuan ka lut ve tawp.



Nu Hliri'n min hmuh rual chuan nui var var pah hian "Tetei chu i va tho hma vei ve" a lo ti a, "Nia" tiin ka nui ringawt.



Pindan atanga Peka leh Ui lian deuh rawn in kai chhuak chu ka lo en reng a, Pekhlua hmel nung sar chuan ngaih te lam lam a ti tha lo zo dawn alawm, tuna a hmel landan hi chu nidanga a zing tho hmel nen a inpersan lutuk.




"In ui te ami?" tia ka zawh chuan tur khuia min rawn en pahin "Ui te anih loh hi" a lo ti hmuk, a va han naupangchhia thei tak.



"In ui ami?" nem fahran lovin ka ti leh a, "Anih hi" a ti leh ringawt.



"Lo kal rawh Leo" tih pahin a ui pa chu pawn lamah a chhuah pui a, ka en zui haw ringawt.



Nui hak hak pahin nu Hliri chu ka bulah a rawn ding a, "Leo hi kan ui ania, I lo awm hma deuh khan Aizawla kan nau in a training naa hruai a duh avangin a la thla a, tunah a rawn haw ve leh chiah a nih hi, an inhmuh lo rei tawh tehlul nen an intheihnghilh tawh ang chu ka lo tia, mahse saw, an lo in ngai putu viau anih saw" tiin Peka leh Leo infiam kual zar zar chu a en vang vang a, a nui leh hak thin.




"Nute, chaw chu ka ei lo mai ang" titu lam chu kan hawi vat a, tlangval sang thlerh thlawrh, hmeltha deuh nen kan inhma chhawn ran mai.



Ngainatawm deuh hian a nui suk a, nu Hliri Chuan "Aww eng nge maw I hmanhmawh viau le? Ei ve law law la, hei hi kan in hnuai nula Tetei a nih hi" tih zawm zatin ka darah a rawn khawih a, kan in chibai lai chuan "Tetei maw? Ka bialnu hming nen a in ang" a kiai suk a, ka nui hak. "Bruce ka nia, Peka cousin" a tih chuan ka bu nghat a,.


"Tak takin Nute, dar 3 rik hmaa camp ka thlen leh hman a ngai a, ka ei lo mai ang, chawlh velah lo zin dan ka ngaihtuah zawk dawn nia" tiin pawnah a chhuak a, "Hey Tiuriu, ka kal leh nghal dawn ania" a tih chuan Tu zawk nge 'tiuriu' a tih chu ka hrelo.




"Let hma i va tum ve, che ei law law la" Peka chuan a ti sup a, a t-shirt hmawr lamin a beka thlan luang chu a hru pah a, keichuan a dul lang chin inphiar talh chu ka lo en daih pek!




"Thlen thlak leh thuai ka ngai, hey Leo, I pu Tiuriu-a thu hi lo awih rawh aw, a hauh che chuan min hrilh dawn nia" tiin Leo chu a tuai zauh a, a hrethiam ve aniang a hmuiin a rawn nawr ve nu nu mai.




Motor-a a thut luh fel hnu chuan "Anih u aw Nute, kan inhmu leh vat dawn nia, bye Leo" tiin a mangtha hlawm a, min lo melh fuh rual chuan ka lo nuih ringawt "Inhnuai nu pawh ka lo kal leh hma chu lo insawn chhuak miah suh" a ti a, nui hak pahin lu ka bu nghat.




"Titeh Leo, vawiin chu leilet lamah kal kan ngai dawn ania" tiin a ui chu a hrilh a, ran ka hlau lemlo na in ka ngaina lutuk lo bawk.



"Hey Leo, I pu hi Tiuriu-a ami?" thu hniam meuha ka tih chuan pakhat chu a rum nghut a, ka nuih a za.



"I ui hi chhawr nasa lutuk suh aw, a tlan bo San deih palh ang che Tiuriu" tiin min chhan let hma chuan inhnuaiah ka chhuk San daih a, tikha chuan koh fiam dan tur ka hre ta e, ka thin a tih rim vaih zawngin mi zingah kha tiang khan ka au vak vak zel ang.



School kal chu nizana Aldrin-a thil sawite avang khan ka hreh thar riau a, ka hmu hreh a ni ber ang chu, mahse mimal thil vang ngawta hna tih thuanawp chu thil tih chi a ni bawk silo.



Ka insiam lai chuan kawngkhar a rawn in hawng a, Tiuriu-a te putu chu an rawn inzui lut.
"I hlau lo tiraw?" a tih chuan Leo a sawina a ni tih hria in ka bu nghat a, "Naktukah eng nge i tih dawn?" a tih chuan dar kan ak in "School" ka lo ti mai a, "Kal ngei ngei a ngai kher em?" a tih leh zel takah chuan ka samkhuih ken lai dah in amah chu ka en a, "Ka hna a ni sia, ka kal a ngai ang chu"

"Ka hria, ka sawi zawk chu test emaw, kal ngei ngei ngaihna chhan thil a awm em ka tih na" a ti sup a, "Test chu a awm lo ang, tinge?"

"Englo.. " a khuh kharh kharh a, a sawi hreh ve khanglang em mawni le?

"Eng englo?" mitko ka san zauh a, "Ka rualin Thenzawlah lo kal ve la ka duh ani" a rawn ti ta phawng.


"Enga?" ka nui a, mahse a fiamthu lo aniang a hmel a tak run mai.


"Ka thian hlui te inneih naah kal ka ngai a, min kalpui turin ka duh che" a ti leh sup a, ka nui lui ngam tawh teuhlo.



"Heyy" ka ti ringawt a, a ngawih tak vung vung ah chuan "Nimin tlaia i biak kha a mi?" ka ti leh a, a bu nghut.



"Mahse ka bialnu ka hruai dawn I ti sia"
Chu thu kher chu engvanga sawi chhuak nge maw ka nih le?!


"Ka neilo, mahse kalpui tur ka mamawh, a tul chuan pawisa ka pe mai ang che"


"Heyy"
Ka melh chho hrak a, min lo en chhuk ve run bawk.



"Pawisa ka mamawh lo" ka ti hlak a, han sawi zawm zel ka tum na in sawi tur ka haihchham deuh tlat.




"Anih chuan min kalpui ang che, vawiin tlaiah kan chhuak dawn nia, naktuk inneih ni a ni tawh" ti leh supin Leo chu a kai a, kawngka lam an pan nal nal.



"Hey tiuriu, ka kalpui dawn che pawh ka tih loh kha" rawn hawi let lovin a kut a rawn phar ringawt, ka va han kalpui àwm hleilo, hna thulh phei chuan a teuhlo a ni tawp.




Ka rin ang ngeiin Aldrin-a nena kan boruak chuan a hma a ang thei ta lova, kan inhaw miahlo na in a hma angin kan innel thei tawhlo, chu chu kan hrechiang dun viau. Min biak a han tum viau a, mahse sawi loh tur tur kha a sawi tawh sia, a fuhlo chho vel vek tawh.




"Zanin chu lo leng la, ka pa birthday kan lawm dawn nia" tiin Zuitei chuan min sawm chhen a, ka aw liam vel mai mai.




School bana ka in khalh haw chu ka scooty hi Peka garage ah ka dah luh ve thin avangin ka tlan lut nghal a, veranda a Leo nen an lo thu reng chu hmu lo derin tlang thlak mai ka tum a, "Vansang" tih ri ka hriat rual erawh chuan ka pen tawp chawt, ka va melh leh hrak a, a mithmul a rawn San zeuh anih chu!



"Ka peih lo, ka hman lo bawk" tiin a thil sawi leh pawh ngaithla tawhlo chuan ka tlan thla dawt dawt a, inchhung ka luh chuan ka thaw hliam hliam mai.




Ka inthlak laiin kawngkhar a rawn kik dat dat a, Peka bak anih ka rin loh avangin chhan pawh ka chhang duhlo.




Mahse nu Hliri aw ri ka hriat rual chuan pindan atang ka tlan chhuak a, "I inthlak a ni maw?" a tih chuan ka zawh chiah thu ka hrilh.




"Englo ania Tete, han sawi pawh a nuam chiahlo nain, awm ang lo pawh i ti mai thei a, mahse Mama hi Thenzawlah i va kalpui lawk thei lo em mawni le?" a tawngkam leh hmelah a inthlahrun zia a lang vek, mahse.....



"A... Amah pawh khan a sawi tawh tho a, mahse hna thawk lai ka ni bawk sia, a rem chiah lo va, kalpui tur a mamawh viau chuan u Henry-a ka lo biak sak dawn em ni?" ka ti a, "A... A ni tho a, marawhchu nangmah kher hi kan han ti deuh mawle, khawngaihin naktuk chauh chu i thei mai lo maw?" chutia nutling meuhin khawngaih min han dil tak thlawt ah chuan hnial emaw, chhuanlam siam chu a har talh tawh.




Naktukah school thil urgent lutuk a awm lo bawk nen principal hrilh ila ni 1 chauh chu chawlh a phal ka ring a, kalpui loh kha ka tum ruh ve tehlul nen huphurh ru deuh chungin ka kalpui mai tur thu ka hrilh!





End of chapter-8
Ads vawi khat CLICK leh COMMENT kha aw❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:20 pm

MY HANDSOME FARMER


Chapter-9
By RuatiRenthlei


"Tunah hian maw?" Peka chu ka melh haw a, "Zanin ah kan chhuah loh chuan naktuk inneih ni a ni tawh" a lo ti sup a, sana ka en nghal vat. Tunah dar 4 a ni a, tuna kan chhuah chuan zan tlan a ngai ngei ang...




"Anih engin nge kan kal dawn?" ka ti sep a, 'pick up' a tih loh nan ka rilru in ka tawngtai nghal char char.




"Ka thianpa car ka hman sak ang, pick up a chuan I huphurh hmel sia" ka rilru hria ni awm fahranin a ti nghut a, "Chutiang pawh a nilo" ka tih chuan a rilru a thlak leh hlau in "Mahse car chu a nuam. Zawk ang" ka tih zawm leh zat a, engmah a sawi ve tawh lo.




"Insiam rawh, naktuka I hak tur bak engmah ken a ngailo, ka haw leh nghal dawn" tiin min chhuah San a, ka thaw dep dep mai.




Ka phone phawrhin principal ka call a, Nu Hliri khan 'ka lo hrilh ang' chu ti tho mah se keimah ngeiina hrilh loh chu tha in ka hrelo.



Eng tin tin emaw bah deuh niai in ka sawi a, ni khat na na na chu min lo hre thiam khawp mai.


Myntra jeans ha in boot ka bun a, zan tlan tur kan nih avangin turtle neck chungah jacket ka hak thuah leh.


Inneih naa hak tur awm ang chi la chhuak in ka in pack fel a, ka hman chu a ni der.


Inchunga ka chhuah chhoh chuan kawtah Leo nen an lo ding leh run tawh a, cotton dum ha in shirt var thianghlim zet a inbel a, a pheikhawk hming chu ka hre mai lo na in a inhmeh takzet.




A landan pa leh changkang zet chuan min ti hrilhhai lam lek lek ani, "I hman ami?" a tih chuan lu ka bu a, kan tlan chhuah hma in dawrah eitur eng eng emaw kan lei a, chaw ei nan ala hma avangin zanin chu nepnawi hian kan inhnawh puar mai a ngai ang.




Khawchhung kan chhuhsan hnu pawh chuan kan inbe lo hrim hrim a, a nuam ka ti chiahlo chuan zai play turin ka ti tawp.




Kan thil lei sa chu ka ei rek rek reng a, pek ve ka tum in lu a thing nghut a, ka thil phal lui vel peihlo


Zan dar 10 bawr velah Thenzawl chu kan thleng a, ka vawi khat kaln a anih avangin ka hawkdak hle bawk, zan tlai tawh anih avangin duh angin a hawi zau theihloh mai pawh a..




Tiuriu-a nutei te in ah kan thleng a, min lo lawm thiam khawp mai. "In ril te a tam em? Chaw a awm teuh asin, ei lawk ula" an nu ber chuan a lo ti zung zung a, "Keichu a tamlo, tiuriu-a hi a tam mai thei" ka sawi zawh rual chuan hma lama bu dawrh khawpin ka tukkhum ah min beng anih chu!



Rum deuh hian ka melh chho hrak a, en pawh min en duhlo in "A ngailo nute, mut nghal mai kan duh zawk" a ti sup a, pindan awl lamah min hruai zui nghal.




"Khum hi pakhat chiah a awm a, a hran a puan in sin chuan engmah a pawi chuanglo, in innei ve tep tawh tho ang chu" nui hak hak paha tiuriu-a nutei'n a tih chuan "Maw?" ka lo ti haw a, ka dara rawn kuah tu chu en in tawng ka tum leh zuau hman, mahse tiuriu-a chuan "Kan lo in ngaihtuah mai ang, a tlai tawh sia, va mu ve tawh rawh" a ti sup a, ka dar a kuah na a ti nghet salh leh nghal.




A nutei chhuah hnu chuan a lak atanga in la hrangin ka thaw hawk a, "Hey tiuriu, bu dawrh khawpa min ven chhan kha eng nge?" thinrim lutuk in ka ti hlak a, "Khatin mi ko tawh suh" a lo tive hluk.



Khum pakhat lo inhung ah chuan a thu thla dawt a, a pheikhawk a phelh zui mual mual. "Tha deuh in sawi ve mai ta che, khatia tukkhuma in ben kher, ka ko ziah ang che" ka tih khum. Leh vak a, "Ben leh I duh te chuan" a lo ti duh lek, ka melh nghek a, "Hmeichhe dim nachang pawh hrelo, chhuatah hian mu ang che" ka tih chuan min rawn melh tih hre mah ila ka melh duhlo lui tlat.



"Puan pahnih chiah a awm, chhuat lawnga mu turin min duh ami?"


"Kan mu tlang dawn tih sawi hlek suh"

"Anih chuan chhuatah chuan mu la" tiin khumah a lawn kai nghal a, ka tlan phei rang lutuk.



"I zaktheilo reuh" tih pahin puan chu ka pawt a, a lo hum nghet ve tumhrang leh nghal.


"Hey tiuriu, mipa zawk I nih kha" ka tih leh vak chuan a âwm bawh rawk khawpin min pawt phei a, hnai zet a kan in en laia ka lungphu rawn danglam leh a hma aia rang chu ka feel rang hle.




"Khatin mi ko tei vet suh" ti hluk in ka mitah tak min en a, tawng emaw, chet sawn nachang ka hrelo reng reng.




"Ka bula I mut duh loh leh chhuatah mu la, min ti buai hlek suh" ti lehin amah chu a inla hrang hmasa a, puan pakhat zawk chu kengin khum atang chuan ka chhuk zal zal.




Mipa, ka ngaihzawng pawh nilo lehnghal nena khum khat intawm chu ka duh teuhlo, Pekhlua ber kher phei chu a teuhlo lutuk ringawt.



Bang kil lama bawm an hun chu ka va hai rak rak a, a mawng lamah chuan puan hlai hlup pakhat hi a lo awm hlauh a, chhuatah phahin ka mu ve tawp. Lukham a awm lo a, ka mutna chhuat lah a ruh si, puan sin tur pakhat chiah ka nei bawk nen ka inkhawngaih lek lek a ni.




Hetiang ani dawn tih hre lawk ngat ila chuan Nu Hliri pawh kha ka hnial tang tang tur a nia, ka inchhir lutuk.




Mutthilh tumin ka che sek a, kan misualpa chu a reh nghal hmak, gentlemen lo ropui si. Ka inlet sek a, ka hawi lohna lama hawi tuma ka saisir chu banga chukchu tlan chho lai ka hmuh vang chuan au thawtin ka inperh tho a, rang lutuka khumah lawn kaiin ka huat em em pa chu ka va kuah rawk rawk!




LALPEKHLUA's POV



Hlauh nei tih hriat lutuk in ka âwm ah hmai a rawn phum rawk rawk a, ka la muhil chuang miahlo na in min ti phu deuh.


"Eng nge a?" ka zawhna pawh chu hria angin a awm lo, a hmai a la phum tlat a, ka kawr a tham tel vak bawk.



"Hey Tete, eng nge?" ti leh supin a darah ka dawm a, tlemin ka in la hrang hlek bawk.
"Chukchu, pindanah hian chukchu lian tawk a awm" a hlau viau aniang a aw pawh a khur dar dar mai. Ka nui chhuak hawk a, ka âwm a rawn chum ri dawt.



"A nuihzatthlak loh aw, bangah a lawn alawm, chhuatah chuan ka mu leh duhlo, a dang pawh an la awm ang" a tih zawm mawlh mawlh a, hlauh a nei miahlo emaw ka tih laiin chukchu ber kher a hlau chu mak ka ti ang reng, khawpui ah a hmuh ve ngailoh vang pawh a ni mahna.




"A tha e, chiai lo la, I puan khu zuk la rawh" ka tih chuan lu a thing nawk nawk a, "Ka duhlo, nangmna la rawh" a ti deuh tlat. A va han buaithlak reuh tak, puan chu ka laksak a, ka mut fel leh hma hauhin a lo insin fel leh hlun hman.




"Insawn suh aw, chukchu khan a seh ang che" a rawn tih chuan ka nui leh hawk a, "Insawn ka tum reng reng lo, muhil vat mai reh" ka tih takah chuan a insiam rem sat sat a, mit a chhing zui nghal.




Ka ban lehlam kham chung chuan ka saisir a, nichin lawkah hlau em em in a awm a, tunah a thaw leh sek sek tawh tawh.



A hmel chu ka en reng a, khawpui bula chapo tak a ni. A induh tawkna in kei min huat tir fo a, chuan a thinchhe hle bawk, a thawha mawilo ber zirtirtu hna a thawk tkat pawh hi a mak ve hrim hrim.


Mahse tunge hria?

A landan pachang leh ngeiawm zet phenah hian duhawm riauna a nei ve mai thei a, thinchhia in luhlul viua mah se a hmeichhe rilru no a chhuah chang chuan a mittui a dang zo kher dawn bik em ni?


Ni e, hmeichhe duhawm tak a ni, a hmeltha a, a rilru pawh a tha tih ka hria, mahse ka tan chuan a thatna nilo in a luhlul na leh chapo na te chauh hmuhsak a ngai si ani, chu chu ka tan leh ama tan a tha ber bawk ang!




****




"Hey, hey Peka, tho vat teh" ka beng bula rawn ti sar sar tu vang chuan mit ka meng a, hnai zetah Tetei'n min lo en reng, ka thu chhuak vut a, pindanah chuan ni zung pawh a rawn lut sar sar tawh.



"Dar engzat nge?" ka ti sup a, "Dar 8,i tho har lutuk a, zun ka cheh tep tawh" a tum deuh bur a, eng nge maw a hriat leh tak ni...




"I zun a chhuah te chuan va zung la" ka ti a, min melh no lo leh hle tawh, "Ka zak ve alawm, inleng an ngah hmel si, tho vat mai teh" a ti leh hlak reuh a, thinchhe si, ka tho a, iuzan ka motor khalh na vang kha a nih ka ring ka taksa a chau viau bawk




Ka nutei chu a dan pangaiin a lo titi leh siam siam tawh a, hman atanga inleng nei thang an ni bawk nen vengchhung nu leh pa ho an lo awm leh nual tawh.





Chaw ei an siam lai chuan Malsawmi hnen atang message ka dawng a,
*I lo kal em?*
*Aw* tih chiah ka thawn let a, *Bialnu I neilo tih ka hria, chawhnu lamah a falin biak lawk che ka duh" ner sakin phone chu ka hmet thim a, ka kekawr ipteah a dah lut zui hmak.




Terei chaw ei siama tei kual ve zar zar chu ka en reng a, vawiina monu hmaah 'ka bialnu' tia ka sawi hunah engtin tak ngai ang maw? A thinrim viau anga, mahse ka bialnu anga a lan ngei erawh a ngai ang, heng boruak hi kan tlansan hunah thil awmzia ka hrilh anga, min hrethiam hle anih loh chuan min haw zual hle ang!




Biak In a kal turin ka inpeih tawh a, ka kalpui tur ber hi ala inpeih theilo. Ka nutein a pindana min koh avangin ka zui phei a, khumah min thutpuiin ka kut a rawn hum chawt.


"Zingah I nu nen kan in bia a, Tetei hi I bialnu tak tak emaw ka ti hman asin"


"Nute"

"Ka hria e ka hria e, I ngaihzawng hlui pasal neih ni hman pui tura heng lai thleng I lo kal anih chuan chhan tha tak a awm ngeiin ka ring, chuan bialnu lem chungchang pawh hi" a nui zui hak hak a, ka nutei hi chuan ka tette atang khan ka rilru hi a hmu tlang vek ni mai hian ka hre thin.




"Aw nute, min ring la chuzawng chu a ni mai" ka ti sup a, chawhma dar 11 ah inneih an tan dawn a, tunah hian kal chu a hun tawh viau bawk.





"I la hman lo em ni?"


"Hman chiah" a puan bih lai siam tha mawlh mawlh pahin a rawn chhuak a, kawr senno chek, a vun no leh ngo zet ti lang duhawm zual thei tur a ha a, a puan zeh leh pheikhawk, a bag khai thleng chuan a inrem em em vek.




"Min en reng dawn nge kan kal dawn?" ka lo en rei deuh nge bak zet hian a rawn ti leh a, "Kal ang" ti sup in pawnah ka chhuak zui nghal a, Biak In hi a hlat tham deuh avangin motor in kan kal a, ka bula thu chu a phone ngawt en in a ngawi ngul mai.




"Ka bulah zel kal la, hmelhriat I hmuh lem loh chuan lo tawng ve kher tum bawk suh" ka tih chuan "I thu lo khawp mai Tiuriu" min tih khum duh lek reuh a, "Khatin mi ko ziah suh" ti hlukin motor chu ka herkual pawp a, "Lalpekhlu" ti vakin a rak chul mai, min û ngawih ngawih tur naih laia ka hming puma min ko lawl lawl ngam te hi a danglam ve na.




Bruce-an tiuriu tia min ko lai a rawn hre fuh kha a pawi lutuk, min chhaih nan tak a hmang lehnghal a.




"Ka thian hlui I ti ringawt a, a Tu zawk nge I thian chu, monu nge mopa"


"An pahnih in"


"I daw lutuk" a rawn ti leh zat a, "Biak in kan thlen chuan a chhungah an lo lut deuh vek tawh, ka bula kal zel tura ka hrilh ang khan luhlul chhuah lovin min zui ve zel a, hmelhriat a neihloh vang pawh a ni pakhat mai thei.





" Hey Peka, thla min lak pui ve dawnlo em ni?" Biak in kawtah thla an la sup sup a, mipui kar atang engtinnge Malsawmi chuan min rawn hmuh ka hrelo, ka in her rual chuan kan mit a intawng chat a, ka bula hmeichhe kut ka vawn ruala a mit meng buai nak chuan ka hlawhtling dawn tih min hrilh!




Tetei kai chung chuan an dinna lam chu ka pan phei a, thla lakpui tute an lo kalsawn chiah bawk nen an hmaah tak chuan kan ding a, Tetei kut ka vawn lohna lehlam chu ka phar chhuak a, "Nupa hlim tak ni ang che u" tiin an pahnih chuan ka chibai a, Malsawmi chuan Tetei ka vawnna kut ngawt chu a melh.




He a pasal hian kan inkar hria in a nupui mizia dik tak hi hria se engtin tak ngai ang maw....

"I thiannu hi tunge?" nem vak lo va a tih chuan ka vawnna kut chu ti nghet salh in "I monu a la ni ve thuai ang, ka bialnu a nih hi" ka ti sup a, "Engmaw?" ti vaktu kut chu nghet lehzual in ka vuan a, a mitah tak en in ka mitmeng hmang chuan khap daih ka tum a ni ber!




"Thla la tur dang an la tam si a, ka lo va haw phawt ange" tia nui lui sukin Tetei chu ka kalsawn pui nghal vat a, motor dahna kan thlen chuan ka vawnna kut chu a thing thla hlawk.





VANSANGPUII's POV




"Engthu nhe i sawi kha?" thaw hlawp hlawp pahin ka chhoh melh hrak a, nichina a thil sawi ah khan insawifiahna tha tak a nei neih loh chuan, nilo, eng insawifiahna mah a nei hauhlo ang.



Hei hi kan boruak a ni a, engvanga a bialnu anga min sawi ve ngawt nge anih? Chuan ka thianhlui a tih ve te nen khan an in nel hmello ropui.




"Sawi rawh, engvanga khatiang thu kha sawi nge i nih ka tih chu?" ka aw ring leh vin zet vang chuan kan chhevela mite chuan min en duh riau hian ka hria.



"Au vak kher a ngailo, motor ah lut la, kan sawi tha dawn nia" alo ti sup a, khualkhuaah mi mitmei ven ngailo se chuan zak miahlo in ka ankhum hrep ang mawle.




Engine ti nungin a tlan chhuak a, kan kalna lamah kan let lo tih hre mah ila a chhan zawh pawh ka tum lo.



Motor a tih din rual chuan a thaw chhuan hawk a, "Eng nge a chhan?" ka lo ti leh hmanhamwh.


"Sawi tur a tam, tikhan ka rual kal ngei tura ka duh chhan che chu i hre tawh em?" a ti sup a, ka melh nghal hrak.



"I bialnu lema chang turin maw min lo hruai? Peka hei chu a diklo aw, min ràwn hmasa tur i nia sin, engtinnge hetianga... "
A chet dan vang chuan sawi zawm lovin ka tawp chawt.

Ami fawhna hmui a tihchet rual chuan a áwm ah ka nam vak a, in la hrang hlekin hnai zetah min la en run tho.



"Eng.... Engthil nge i tih kha?" ti khur hlakin ka hmui chu ka khawih a, tunah khan min fawp alawm, aw, he mihring hian min fawp chiang lutuk.




"I tawngthei lutuk anih kha, ka bialnu ni tak tak tur pawhin ka tilo che, ka sawifiah thei, I tihtur zawng chu ngawi renga lo ngaihthlak a ni mai" a ti sup a, ka hmui ngawt a melhna chuan awm dan tur min ti hrelo zo.




"Anih chuan awm tha la, sawi rawh" ti hmuk in ka thu tha ve sauh sauh a, pawimawh hmel deuhin a sawi hma chuan a khuh ve kharh kharh.




"Monu kha ka bialnu hlui a nih kha"

"Engmaw?" ka melh vat a, hmalam alo en run.


"Ka sawi dawn, ngaithla ringawt rawh" a tih nghut takah chuan ka zawt nawn lo va, "Kum hnih a liam tawh, palai tirha inneih hial kan tum tawh laiin min tlanbosan a, ka hmuh phakloh ah, thehhmeh ang maiin ka lakah khan a reh tlawk tlawk a, mipa puitling tawh si kha hriamhrei tel miahlo in vawi tam tak min hliam nawn thin.. Tunah hun a liam a, kum hnih lai a vei hnu in min rawn be leh a, eng nge a sawi i hria em?" za lo deuha nui sukin min rawn en a, "Heta kal ve tur hian maw?" ka tih chuan a lo bu nghut.




"A chhan ka hrelo, min tihnat kha nuam a ti a, ka na lai hmuh hi a chak ni berin ka hria, a tawngkam mei nei zette vangin helai hmun hi kallo theilo in min siam ani. I hriat ka, 'ka bialnu ka hruai tur thu' Ka sawi lai khan I awm ve, a hmuh laia thinlung keksawm vek anga lan ka duh lova, ka bialnu anga ka sawi che a ngaih phah bawk" amah chu ka en reng a, a mita natna rawn lang chhuak chuk ka hmuh hmaih lo mah se...


"Nang hian hmanruaah min hmang maw?" ka ti a, "Chutiang chuan I ngai, a dik tiraw, ni e hmanraw tangkai tak I ni, mahse chutiang chuan ka ngai ve lo che, keichuan ka mamawh laia min puitu ah ka ngai che, I thinrim dawn tih ka hria a, mahse hmanrua ngawt chu I nilo ania" a ti leh sup a, ka rilru ah hian eng nge awm pawh ka hre neklo.




"Khatianga I tih khan eng nge hlawkna awm?" ka ti leh talh a, "Malsawmi khan bialnu ka nei lo tih a hria, a thil hriat chu a diklo tih tunah khan a hmu chiah bawk, kan hlawhtling viau anih chu" tiin seat tauh dawt pah chuan a ti hap a, ka thinrim dawn viau nain amaha ka inchan chuan a rilru tur chu ka hriatthiam pui tho bawk si a.




"I hmu em? A rawn call" a phone screen chu ka hmuh theih turin a rawn lek kang a, Malsawmi hming a lo lang kulh mai.



"Chhang la" ka tih chuan "Sawi tur ka nei lo" a ti ringawt a, "Khawi keiman ka lo chhang ang" tih pahin a phone chu ka chhuh a, min dang miahlo chu a mak ang reng viau.







End of chapter-9
(Awiii a boring in ti em🤧ka buai deuh bawk nen rilru ka pe hleithei meuh lo a, min hrethiam hram hram rawh u aw❣️tan ka la ve sauh sauh zel ania)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:21 pm

MY HANDSOME FARMER


Chapter-10
By RuatiRenthlei



"Hello" ka ti sep a, lehlam ami chu a reh vang vang mai, "Hello" ka ti nawn leh a, "Phone kha Peka pe rawh" a aw ri chu a nelawm loh teh asin,chumi vang mai maia ka hlauh a ring anih chuan a ring sual hle ang.




"A muhil a, sawi duh I neih chuan ka hnenah sawi rawh" ka ti ve hmak a, Peka nui ri suk pawh chu ka hrelo der.



A bialnu lem ka chang ta sa sa, a hun kal tawha a tawrhna zawng zawng ka hriat phei kha chuan thinrimna aiin khawngaihina in ka thinlungah hmun a chang tam tawh zawk! Chuvang chuan ka thiam ang angin kha hmeichhia kha ka hmachhawn pui dawn....




"Dawt sawi hlek suh aw, a bialnu tak tak I nilo tih ka hria a nia, tha takin phone chu pe vat mai teh" a rawn ti leh hlak a, ka va han pe âwm bik hleilo.




"Ka kai tho alawm, mahse vanduaithlak takin a be duhlo tlat che anih hi" tiin a rawn tawng leh hma in ka cut daih a, thaw hawka Peka ka va en chuan nuihza insum tih hriat lutuk in hmai sen vekin min lo en a, "Eng nge?" ka tih chuan a rawn nui chhuak hawk mai.



"Min nuih kher suh aw, puih ka duh vang chauh che anih kha" tiin phone chu a malchungah ka theh thla a, "I tangkai reuh hle mai" ti supin a phone chu a kekawr ipte ah a thun zui a, tunah chawhnu lam dar 1 a ri tawh.


"Mo lawmna ah kan awm leh dawn nge kan haw dawn" engine ti nung paha min zawh chuan amah chu en in "I thu thu, mahse ruai kan theh dawn lo ami?" ka ti a, "I duh chuan kan theh mai aniang chu" a nui leh suk a, hetianga a nuih suk chang hian a mit bul vun chuar tup thin hian a ti pa zual ngawih ngawih hian ka hre thin!

"Ka duhlo" ka ti leh vat lawi a, inneih ni chuan ruai hi a langsar thin em a, chumi vang chauha sawi chhuak chu ka ni, ka theh ve chak vang a nilo tak tak.


Nui chunga min rawn en chuan kan mit a in tawng chiang lutuk, "Haw phawt ila, mo lawmna ah chuan kan kal ve lawk dawn nia aw" a tih chuan ka bu nghat a, rei lo te ah in kan thleng.




Hmai phih in ka inchei tha thuak thuak a, thingpui ruai kha kan ei ve takloh avangin ka ril chu a tam ang reng viau bawk.



"Lalpekhlu"
Chu aw ri ring zet chu kan awmna pindan atang pawhin a hriat lutuk. Peka nen chuan hrilhhai deuhin kan in en haw a,
"PEKHLU"
Chutah zet zawng, zawhna inzawt buai miah lovin kan tlan chhuak a, kawngkharpui Inhawng huau atang pawn lama Malsawmi ding chu kan va hmu a, min rawn hmuh ve rual chuan kan lam panin a rawn pen hlawk hlawk.




A wedding dress mawi leh manto hmel zet chu dim miahlo in a rawn kalpui hmawk hmawk a, chhun lama a hmel nung sar kha tunah chuan rambuai pitar ang maiin a thim khup tawh.




Kan hmaah tak a rawn ding a, Peka chu en in "Hetianga i tih hi a ngailo, thlamuang taka pasal ka neih theih nan hetiang zawnga min runluih hi a ngai miahlo asin" a sawi tawp lamah chuan a au khum a ni hawt.



Thaw hawkin Peka chuan "i thla ti muanglo tur khawpin i tan engmah ka ni hleinem, kha chen kha ka tello in thlamuang takin i awm a, eng nge keimah ah harsatna i la neih?" a lo ti sup a, a tawng lai chu uluk takin ka lo en.

A mit ah chuan natna ka hmuh sak a, chu erawh thup a tum em avangin hrelo angin lang ila a fuh zawk ang.



Malsawmi chuan nui hakin a mittui tling pam chu a khap let sak sak a, keimah min rawn en in ka hmaah tak a rawn ding zui a.



"Tunge i nih? Peka bialnu ni tur hian tunge i nih a?" a aw ri ring zet vang chuan mit ka chhing sawk thei...


"Malsawm"
Peka chuan a lo ti hluk a, "Aih, lo inrawlh suh, I bialnu tak tak a nih leh nihloh chu fiah rawh se, heyy zawhna ka zawh che chu, Peka bialnu ni tur hian I tling reng reng em ni?" a zawhna chu chhan buai ka tum lo. Ka lo ngaihtuah daih chu hetiang khawpa hmeichhe rapthlak hi film ah chauh an awm thin emaw ka lo ti a, mahse tunah ka hmaah ngei a ding chu a ni sia, rapthlak lutuk!



"Pasal I nei tawh a, kan pahnih Inkarah lo buai ve turin tunge I nih?" ka tih chuan nui hakin min din hnaih sauh a, hnung lama tawlh emaw, tlanchhiat San ka tum bik lo hrim hrim, a che phut anga, ka samah min kek thut ang tih hlauhin ka lo in veng ru ve ran bawk a.





"Ngaithla rawh, Peka hian engahmah a ngailo che, ka thik nan a rawn hruai ve mai mai che anih hi aw, a thinlungah chuan keimah chiah ka leng, midang an leng lo" min han tih khum leh siah a, "Malsawm, a tawk" ti hluk ri ka hriat rualin ka darah chelhtu an awm a, keichu tun maia ka thu hriatte khan min ti hnîm rawih rawih mai...




Kan in ngaizawng tak tak lo va, mahse khatiang tehtawpa han in tawngkhum kha nâ ka ti, ka tlawm ngawih ngawih hian ka hria a, ka zak hle bawk.




"Pasal I nei tawh, khatiang thu sawi kha I zak miahlo em ni?" Peka chuan a lama min kuah hnai leh pah chuan a ti leh hluk a, an thu sawi chu hre mah ila anmahni ka hmu ve tawh lo, ka khaw hmuh a phe vek a, mit ka chhin rualin ka biang a rawn lum thla pap!





Peka'n a nutei a ko ri leh min kalsawn pui tih ka hria a, ka mittui tla chu duh lovin ka tuai hul tawk a, Peka'n Malsawmi a kaichhuak dawt dawt lai chu ka en zui a, reilo te ah a rawn lut lehnhgal.




"Lo kal teh" tiin pindanah min kai lut a, khum ah mit thuttir in ka hmaah tak a rawn thu hniam zui nghal..




A kut hlai hlup leh lum vung vung a ka biang khuapin "Ka hmuh laiin I mittui ti tla suh" ti supin a kutzungpuiin ka biang chu a rawn nul a, "Ka tap lo" ka aw khur hlak chuan dawt ka sawi zia chiang takin a ti lang!



Thaw ham ham in a âwm ah min kuah bet a, dim deuha ka sam a chul hliau hliau vang nge ka mittui a rawn hnai leh nghal ringawt a, Malsawmi thusawi ka ngaihtuah let rual chuan insum hman miah lovin ka tap chhuak hawk.



Ka kuah let a, a ri meuhin ka tap zui hlawp hlawp, hetiang hian nikhua ka hriat a ka lo puitlin tâk atangin ka la tap ngailo, ka luhlul a, chemte a ka in zai thi zawih zawih chang pawhin ka mittui ka ti tla duh ngailo.




Duh tawka ka tah thawl hawk hnu ah a inla hrang hlek a, ka biang lehlam lehlam khuap run chung chuan "A tawk tiraw?" a ti sup a, lu ka lo bu nghat.


"A tha e, engkim kha ka thiam loh a ni, insiam ila kan haw nghal dawn nia aw" a tih chuan tawngkaa chhang lovin lu ka bu leh ringawt a, khatiang thil tehnuai a thlen hnu khan helai hmuna awm reng hi ka duhlo hrim hrim.




Kan boruak chu kha hmeichhia khan a rawn ti khawlo zo tawh a, a Tu ve ve mah inbe lovin kan insiam a, kawngkhar rawn hawngin a nutei chu a rawn lut a, "Haw nghal mai in tum em ni Bawiha? " a tih chuan "Aw, Tetei hi naktuk ah school kal leh a ngai dawn si a" tiin tha deuh in a lo chhang a, a nutei zawk chuan min rawn panin ka kut chu a rawn vuan chawt a.




"I rilru tur kha ka hrethiam lutuk ania aw Tete, hrehawm tih phah reng reng suh, I thiam loh a awm miahlo ania, Malsawmi kha khatiang em em khan a nasa tih pawh ka lo hrelo a, a zialo emai" a ti mawlh mawlh a, za lo deuhin ka lo then lui sak.




"Nangpawh Bawiha, ti hian in haw anga, Malsawmi tihbuai theihin awm tawh suh, pasal anei tawh a, a huang chin a pel anih chuan a pasal hnenah sawi hmak thin tawh ang che" khauh fak hian a ti a, a lo bu ve nghut.




"Awiii chaw in ei hman mang silo a, tikhan lo insiam rawh u dawrah eitur ka va lei sak ang cheu, kawng lakah in ril a tam ang" tiin a chhuak zui nghal a, khum ah thu in ka thaw hap.





"Thingpui kan in si lo va, I ril a tam tawh viau em?" a tih chuan lu ka thing a, Malsawmi khan ka riltam zawng zawng pawh a ti reh vek.




A nutei chu motor a kan bungraw ken ang chhun kan dah luh laiin a rawn let a, plastic bag ah eitur leh drinks a rawn khai teuh mai.





Min pek rual chuan "Hetiang zat zat lei a ngai lo asin" ka lo ti vat a, engmah a nih loh thu sawiin kawng laka ei ngei ngei turin min chah pah mawlh mawlh a, kan tlan chhuah dawn thleng chuan thil thlen laia lo awm ve an inleng te chuan min en zui thup a, hrehawm ka ti takzet.





"In a awm ve midangte khan engtinnge min ngaih ang le?" thui tak kan tlan tawh hnu ah keimah zawk chu tawng hmasa ah ka tang a, "Ka hrelo" a lo ti sup, chu thu chuan min hnem lo hle bawk.





Ka thaw chhuak ham ham a, tlemte tala min hnem ve ka beisei vanga kha zawhna kha zawt ka ni asin le.....




"Mahse Malsawmi kha chu an hmuh dan a dang vek tawh thung ang" a thil rawn sawi leh vang chuan amah chu ka va melh a, hmalam chiah a en run.




Darkar hnih vel kan tlan hnu chuan ruah mal a rawn tla phuar phuar a, a fang a len reuh em avangin a sur hnem viau ang. Tlai lam dar 4 chiah la ni mah se kan kalna kawng chu a thim ruih tawh a, reilo te ah chhum rawn zing in khawpui ri in a rawn zui a. Ruah chu rawn baw hawkin a sur tam tulh tulh emaw tih tur khawpin a tam a, hma lamah chhum a zin chhah mup tawh avangin tlan zel ngam lovin kawngsir ah chuan kan ding ta ringawt.





A vawh deuh avangin kut ka kuangkuah hlun a, ka pum rawn ri rawih rawih ka hriat rual chuan zing chaw bak kha engmah kan la ei lo tih ka hrechhuak leh chiah.





Peka nutei'n ei tur min leisak ho chu kan pahnih chuan kan ei a, a ril alo tam ve tawh tho a niang ka pek ang ang chu sawi buai lovin a ei ve zel.





Ruah sur ri vang chuan inbia pawh ni ila kan tawng kan in hre pawh hleithei lo emaw a nia nga, chumi vang chu nge atu ve ve mah inbe lovin kan ei mawlh mawlh tawp.




Ka ngaihtuah na ah chuan a bialnu tak tak lo ni ta ila khatianga a bialnu hluiin min ankhum lai khan a ngawi reng tho a ngem? tihte a lo lang a, a ialnu tak tak ni ila chuan khatiang ngawt khan a awm ka ringlo.

Na taka min tawngkhum lai khan ka thlavang hauhin a rawn tawng chhuak ve anga, amah khap ringawt lo khan keimah vangin a tawng chhuak ngei ngei ang.


Ka nui sak a, mahse chu chu engvangin nge a tih ang?


A bialnu lem mai mai alawm ka nih le..!



Khatiang khawpa a rilru ti buaia a thinlung hliam sak theitu hmeichhia kha kei a bialnu lem vang mai mai in na takin a tawng khum duh teuhlo!



Ka thil ngaihtuah tullo zet chu engvanga ngaihtuah tlat nge ka nih ka hrelo, Peka nen hian eng inzawmna mah kan nei lo va, a ngaihsakna lo phût ve viau turin a tan engmah ka ni bawk lo. Mahse ka phût tlat si a ni, aw, hepa ngaihsak niha a duat nih hi ka châk lutuk!
A âwm lum nghenga thlamuang taka a bula awm kha ka chak em ani..


ZAWMNA


"Eng nge i ngaihtuah a?" a rawn tih chuan amah chu en in "Maw?" ka ti let haw a, chîk zet hian min lo en run.



"A.... Thil thleng kha" zep lem lo chuan ka ti ve mai bawk, thil zep tet tet hi ka thiam ve lo.


A thil ei na kawr ruak leh drinks bur chu motor hma lamah theh kaiin "A vawt i ti em?" a tih chuan ka lo bu nghat a, ka thil ken kai chu min laksak in ama ta a dah ang chuan a dah ve a, a thut na atang chuan hnung lamah insawnin zui ve tur in min ti a, ruah sur ri a ring bawk nen "Engmaw?" ka ti chhen mai.



Hnung lamah chuan min kai phei a, amah hnaih te ah min thut tirin min kuah bet hlun a, ka kut tereuhte chu a kut hlai leh lum vung vung chuan a hum bo hneh lutuk.



"Ka tihpalh, engkim vang khan ka tih palh takzet" sawi ring viau lo mah se ka beng bula rawn phun anih avangin ka hrechiang lutuk.




"A pawilo" ka ti sep a, "Eng nge i ngaihtuah ka hria alawm, Malsawmi'n a tawngkhum lai che a i thlavang ka hauhlo kha nâ i ti tih ka hria, ka tihpalh, khatiang thil kha a thleng nawn leh tawh ngai lovang" tiin ka beng bulah chuana phun sup sup a, ka taksa chhunga ka lungphu chu a rawn sawi chhuak daih ang tih hlauhawm khawpin a phu rang tawh.




"Dik tak chuan ka zak lutuk a, inleng an tam bawk sia" a pawiloh thu sawi mai tur ka nih laiin ka ti nawn leh talh a, tuna kan awm danah hian ka la lungawi zan lo pawh a ni mah na.




"Ka hria, engkim kha keima thiam loh"

"Aih" ka chhang rang mah mah, "I thiam loh ni lovin Malsawmi thiam loh kha alawm, pawnah khan engthu nge i hrilh a?" ka tih chuan ka beng leh nghawng velah a rawn thaw lum ham ham a, "Ka sawi chu i hre duh tak tak maw?" a ti sup a, ka lo bu nghat.



"Hrelo la a tha zawk" a tih chuan a nak ah ka kiu in ka va nghawk salh a, a rawn rum nghut.


"Nakin deuhah ka hrilh ang che, thil dang sawi rawh" a tih leh tak sup ah chuan ka zawt lui duh ta bik lo va, "Bialnu hlui i nei rapthlak hle mai" ka ti ta daih!



A nui suk ringawt a, "A ni lawm, a mo kawr ha chungin an inneih ceremony zawh velah a rawn kal a, tha taka biak che a duh thu sawi thei reng anih laiin a rawn chet duh dan kha amak e, a â ami?" hmai zangthla haw in amah chu ka melh chho ha a, nui suk chung in "Ât chu â lo ve, eng nge a ngaihtuah naah awm hrelo mah ila ka na hmel hmuh a in beisei laia nangmah nen hlim taka kan awm lai min hmuh khan a rilru a hruai khawlo zo pawh a ni mahna" a ti sup a, chu chu a dik mai thei.



"Anih thil pakhat ka zawt ang che aw" ka tih chuan "Sawi la" a lo ti ve mai a, ka sawi tur hian a mood a ti khawlo zo angem ka hrelo mahse ka zawt chak miau si a ni.




"Malsawmi kha i hmangaih thin ami?"
ka zawhna chu a atthlak viau tih ka hria, mahse tunah chuan ât rih deuh pawh pawi ka tilo.



Min chhang mai lovin athaw deuh suai suai a, "AW"
Chu thumal pakhat lek chuan ka lungphu a sawi che dawt thei!



Chil lemin ka thaw ham ham a, ami kuahna atanga in lak hran ka tum chu nghet leh zualin min kuah bet a, "Ka la sawi zo lo, ani kha ka Hmangaih thin, mahse chu chu kum hnih hma lamah khan a ni. Chuan a ni kha ka damchhan ang hialin ka ngai thin bawk a, mahse hei, Tun ah a tello in kum 2 ngawt ka dam sen tul tawh a" a thusawi tawp lam vang chuan ka nui chhuak hak a.


A ni pawh a nui ri ve suk a, nghet lehzuala min kuahin "Ka hmangaih thin a, mahse ka hmangaih reng tihna erawh a nilo, ani chu ka hun kal tawh ami a ni a, liam tawh chu a lo let dawn tawhlo" a ti sup a, ka zawhna lo thleng min chhangin ka hria...




"Umm a nih chuan min hrilh tawh la" ka tih chuan "Engmaw?" a lo ti leh hman.


"Pawna Malsawmi i hrilh kha" ka hre chak tawh em a, ka zawt lo thei lo a ni.



"I hre duh takzet em ni?"

"Umm"

"Ka hmangaih che tih ka hrilh"

"Maw?"

Che phatin amah chu ka mrlh chho ha a, ka mitah tak min lo en chung hian "Ka bialnu i nih ngei thu leh ka hmangaih che tih ka hrilh a, a ni chu ka tan engmah a nih tawh loh thu leh nangmah nen kan innei thuai dawn tih thlengin ka hrilh" a lo ti leh zel a, tihngaihna hrelo in amah chu ka en tawp.



Ka ngaihtuahnaah chuan thil tam tak a rawn lut a, min hmangaih thu a sawi khan min deng na bik lutuk, Malsawmi tih beidawn a tum vang chauh ni mah se keimah ah chuan a danglam.



Aw, Malsawmi tih beidawn a duh vang chauh!

Chu thil ka ngaihtuah chhuahna chuan ka lung a ti zing a, ka tawt nghal up up. Thik na in ka khat a, ka hrechiag lutuk Tu hmeichhia mahin a der chauha hmangaih chu an duh bik miahlo ang .




Min hmangaih thu a sawi kha dawta ni tih ka hriat chian em avang in beidawng deuh hian ka kun thla riai riai a, "Anih chu" ka ti sep.
"Tete" ka khabe ah dawm in min kuai dak a, a mitmengah chuan eng nge a ngaihtuah ka hmu thiam lo.




"I thinrim em ni?" nui lui sak chung in lu ka thing a, "Khatianga ka sawi loh chuan a beidawng duh dawn silo a, ka tihpalh" a tih leh sup a, "A pawi hleinem, a der ringawtin min hmangaih mahla keichuan.... " sawi zawm lovin ka tawp chawt.

Lalpa, Tun ah khan engthu nge ka sawi?

"Engmaw? Sawi zawm rawh" a lo ti nghut a, engthu nge maw sawi ka tum reng reng le?


"A... Engmah"

"Tete" ka lungphu a rang lutuk.



"Engmah a nilo tak tak, ka sawi sual a" ka ti leh a, ka kun nghal daih bawk.


"A tha e, I sawi tum ka hria, I sawi hreh anih chuan ka sawi tur hi lo ngaithla rawh" ti supin a thaw chhuak ham ham a, min kuahna chu a la phelh thawl eih lo hrim hrim




"Ka sawi ngei a ngai a, thinrim lo turin ka duh che" a tih chuan "Imm" ka lo ti ringawt a, "Tunge ka nih chiang takin ka in hria a, chutiang bawkin i nihna ka hre bawk, I khawvel leh ka khawvel chu a hrang hlak a, vawiin thil thleng leh ka bialnu lem I chan zawng zawng vang khan ngaihdam dil che ka duh a ni" a sawi zawh chuan ka nghawng ah a thaw lum leh hawk a, "Tah chuan thinrimna tur a awm em ni?" tiin zawt let ve bawk mah ila ka thin a rim lutuk ringawt.




A ngaihdam dilna ngaihthlak tumin beng ka chhi reng reng hleinem, beisei nei deuhin asin a thusawi kha ka lo ngaihthlak, BEISEINA, tlem tala ka rilru nawmna tur a sawi ka lo beisei tak tak!




"Ka hrelo, zak taka ka siam vang che khan pawi ka ti a, min haw zui lo hram turin ka duh bawk che" thaw chhuak hap in min kuahna atang chuan ka tal chiam a, min chelh lui lo!





In la hrangin ka thaw ham ham a, "Zawhna ka zawt ang che, dik takin min chhang bawk rawh" tiin amah chu ka en a, dam raiha min en na mitmeng ah chuan hahdam na ka hmu tawh lo.



"Sawi la" a ti sup a, "Eng angin nge min ngaih? I inhnuai nu ang in nge? I thian ang in? I bialnu lem chauh nge? ENG NGE? Nang hian hmeichhia angin min ngai ve reng reng em?" insum zo lovin ka puakkeh a, ka au khum tawn tawn.




Tuna ka zawhna leh awmdan vang hian ka la inchhir mai thei mahse ka hriat ngei a ngai, beiseina beidawnthlak ka neih tawh loh nan eng angin nge min ngaih ka hriat ngei a ngai a ni!




"Tete?"

"Khawngaihin, khawngaihin ka zawhna chiah kha min chhang rawh, nang hian hmeichhia angin min ngai ve em? Nge ni a i in luahtu ang chauh"


"A tawk" ruah sur a ziaawm tawh a, kan awmna lai chu a reh ruih tawh, "Tinge chu chu min zawh a?" nem deuh zawk hian a rawn ti leh a, ka nui lui sak.




"Ka hre ta e, he ka lo vei leh a laka beiseina sang tak ka lo neih ve mipa hian engahmah min ngai lo, hmeichhia angin min en lo va, ka ngaih that nana thian kan nih thu sawi tur tak ngial pawhin a huaisen tawklo!



" Aw le, ka hre thiam e, ka zawhna atthlak zet kha theihnghilh in kan kal leh tawh dawn em ni? Ruah a hàn tawh" ka ti hap a,


"Tete"

"Khawngaihin, in thlen vat vat a mut hahdam ka duh" thil dang a sawi belh hma chuan ka lo ti leh vat a, thaw chhuak suai suai chungin driver seat ah chuan a let phei a, "I rawn insawn ve dawn lo em ni?" a tih chuan lu ka thin khum.





Ka earpad vuahin mit ka chhing a, kawng tluanin kan in be tawh lo, reilo te ka lo muhil sek a ni mai thei ka hminga min ko ri ka hriat rual chuan ka meng chhuak hlawl a, Biate khawchhung kan lo lut der tawh.



Peka chuan Rear-view mirror atangin min rawn melh leh zawk thin tih ka hria a,mahse ka hrelo der tlat thung.



Zan dar 9 velah chiah in kan thleng a, kawng lakah ding miah lo ila chuan tun ai hian kan thleng hma fe ang. Ka thuamhnaw dahna bag la chhuakin min lo hmuak tu nu Hliri te nupa bakah u Henry-a te pafa thum te chu hlim hmel hmuh tir harsa ka ti!




Thinlung rum vawng vawng chung chuan nuih luih a harsa a, tah chhuah hawm hawm chak chunga rual pawl tum chu thil harsa tak a ni.




U Henry-a fate chu Peka nutei'n eitur min leisak ho kha ka pe ve hlawn a, ka chauh deuh thu sawiim ka tlang thla nghal.




Ka thuamhnaw thlakin ka mu nghal a, ka mit bul vel kham urh vang chuan mit ka chhing vang vang a, ka mut erawh a chhuak hlawllo.



Tinge? Tinge khalai hmunah khan ka lo zui kher kher le??


Ka kawchhung tawt up up leh tullo tawpa ka lungphu rang zet chu tih tawp tumin thawk ka la leh hawk thin a, awmzia erawh a awm viau lo.



Zanin na na na chu zep leh thup tum miah lo va tah chhuah bawrh bawrh mai ka duh a, mahse chupawh chu ka mittui awmna bawm ruak vek atanga mittui rawn chhuak tur a awm miau loh chuan awmzia a awm chuang lo.




Hmeichhe luhlul leh mittui ti tla mai mai duh ngai lo ka nihna kha zanin hian a vawi khat nan pawi ka ti a, tah thawl hawk duh laia tah chhuah theih miah loh chu hrehawm deuh asin....



****



Ka phone ri chur chru chu meng mang lovin ka dap rak rak a, tunge pawh en lovin "Hello" ka ti deuh chuap.



"I la tho lo em ni a? Kan tlai tawh dawn asin" lehlam atang Zuitei chuan a rawn ti hlut a, dar zat ka zawh chuan dar 9 a rik tep tawh thu leh an in atang ke a a rawn chhuah chiah thu a sawi a, vawiin zirtawp a ni a, kalloh tlang mai ka duh it ut laiin ni hnih ngawt han kalloh chu ka hreh ve si a, min lo sawm phei turin ka hrilh ta tho.




Kan in biakna kan tihtawp zawha mit ka men rual chuan nizan thil thleng bawk khan min rawn bawhthuah leh nghal a, lungzing leh thawpik na in min luahlan leh hlauin ka tho vat a, in ti fai sawk sawkin ka insiam nghal vat a, Zuitei rawn ri lut hlut pawh chu ngaihven hmanlo in ka insiam San mawlh mawlh.




"Ka scooty tawng lutuk saw a chhe leh tawh, a thar lei dawn lahin in sak kan lo tum ve laklawh tawh si a, ka ning tawh lutuk" tiin amah chuan a âng a âng a, ka lo nuih ral vel mai mai.




"Nizan khan lo nghah ve cheu ka tum a, mahse ka nu a nuamsam lo bawk nen ka hman leh ta lova, in kalna chu a nuam em?" chu zawhna chu zawhna tullo tak a ni.


Ka melh zawk a, min lo en ve reng, "Nuam a ni mai" ka nui lui sak a, min en chik em avangin ka hawi sawn leh vat.



"I hmel kha a diklo e, nimin lama in thlalak I status miah bawk silo, thil thleng a awm em ni?" a tih chuan nui chungin "Awm lo e, nuam kan ti lutuk a, thlalak nachang pawh kan hrelo" tiin zangkhai thei ang berin ka chhang a, ka thian ni mah se nimin lam thil thleng kha chu hre rihlo se ka duh a ni. Keima chungchang chauh ni lovin Peka leh Malsawmi an tel ve a, bakah khatiang thil kha sawi chhuah fo tlak pawh a ni bawk lo.




"Kal ang" ka bag la pah chuan ka ti a, "I tho chiah sia, chaw pawh I ei hman ami?" a tih chuan "Dawrah kan lei mai dawn nia" ka ti leh mai a, garage atanga scooty ka lakchhuah lai chuan Peka hi an in atanga rawn chhuak ve chiah a, min rawn hmuh ve rual chuan ka hawi sawn vat.




Zuitei ka hnunga a thut fel rualin ka tlanchhuah pui nghal a, dawrte ah ei tur lei thla in kan tlai deuh tawh avangin ka spped pawh ka ti hniam vaklo.




Kan thlen chuan nimin chanchin min lo zawt nak nak hlawm a, sawi nuam tak ni lo mah se dawt hmang in ka lo cheimawi mai zel.



1st period kan neih loh avangin Zuitei nen chuan office hnunga thingbuk hnuaiah thil ei pahin kan ti ti mai mai a, nimin lam leh Peka chungchang vel a sawi chhuah ka hlauh avangin thil dang ka sawipui tang tang.




"Ti daih ila Te, nimin khan sir Aldrin-a nen kan titi reng a, a sawi hmangah chuan a duh viau che asin" a rawn ti hlawl a, "A... I ti awm ang lo" ka lo ti hap.



"Hrelo der suh aw, a rilru a hrilh vek tawh che tih pawh nimin ah chuan a sawi, a hma atang daih tawh khan a en dan leh biak dan velah che hi chuan ka lo ringhlel tawh hrim hrim a, I duh ve mai lo mi?" min nek deuh talh pah chuan ngeiawm deuhin min melh pah kher a, a hnungzangah ka beng ri thlawrh.




"Ka ti tak tak, bialpa I neihloh te chuan Aldrin-a tluk hi an awm chuanglo" thu tak deuh zawk hian a ti leh a, thaw hap pahin "Ka hrelo, chutiang rilru chu ka pu ve lo a" ka ti a, "Aww felling te chu inngaihzawn hnu ah a rawn awm chawp leh mai dawn alawm" a tih leh talh chuan "Chutiang ngawt a ni lo, a fel lutuk tho a, mahse lungdum loh deuh hi an awm alawm, Aldrin-a hi chuan min hip lo, ka lung a dum hlawllo alawm, chuvang chuan ama bulahpawh beiseiawm deuhin min lo sawi lo la" ka ti a, ka sawi zawh rual deuh thaw in Aldrin-a chu a rawn lang hlawl!





Kan bulah a rawn thu ve a, tullo tawpin Lalzuitei chuan hnung lam atang min rawn kheuh chhen leh nghal.






"Ding rawh ding rawh" hma lamah kan bu dawrh a, ka hnung atanga chhuk pahin "Awiii khatin an break thut ngai ami?" tiin min la hau let zawk.



"Ka beng bulah i au vak anih kha" ka ti let ve hlak a, "Min thlah tlang i tum emaw ka tia lawn, U Mary te in ah kal kawi ka la ngai a" tiin kut min vai khum a, a tlan phei nghal hlawk hlawk mai.




Garage a ka tlan luh fel hnua ka chhuak leh chu Peka te veranda thutthleng seia Peka leh Thiangi lo thu dun chu ka va hmu a, ngawi renga kaltlang ka tum chu Thiangi zawk chuan "Tete, lo thu ve la" nui hak pah hian a rawn ti a, in her in an pahniha melh tawn ralh ralh pah chuan "Tihtur ka la nei a, ka tlang zawk mai ang" ka nui lui sak a, step ah chuan ka tlan thla dawt dawt.




Kawngkhar kharin chhung lamah ka kalh a, ka thaw chhuak ham ham, nizanah khatiang thil zozai kha a thleng tawh a, tunah ka hmuh laiin kha hmeichhia nen khan.... Urghhh a duh duh hmeichhia chu chhai vel teh se...








End of chapter-10
Ads vawi khat CLICK leh COMMENT kha aw❣️
Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:21 pm

MY HANDSOME FARMER



Chapter-11
By RuatiRenthlei



'THINLUNG IN A PAWM THEIH LOH HI PAWM THIAM A NGAI FO'


He thu hi John nen kan tawpa rilru na taka ka awm lai khan ka thiannu Kimi khan min hrilh...


Chakna ka nei lo va, mahse heng harsatna leh buaina zawng zawng hi paltlang tura ka beih chu a ngai si a ni.



Peka kha ka hmangaih ka ti lo mahse, kan han inhmuh zin tak deuh hnu khan ka vei a, a âwm lum vawi khat lek ghenga ka mutthilh vang khan kumkhuaa ka ta ni tur ah te ka lo ngaihruat a,.. A... Engkim kha a lem vek, thil thleng palh mai mai a nih kha, a bialnu a ni chiah em ka hrelo mahse kha veng thenawm nula nen kha chuan an in hnim hnai viau tih ka hria, a hmeichhia zawk khan a rawn kal chilh reng a, tlaia school kan ban apiangin an veranda ah an lo thu dun thin, nupa ang chiahin an awm ni berin ka hria... !



Thenzawl kan kal atang khan kar khat a liam leh tawh a, Peka nen kan boruak chuan ngai a awh thei tawh lo. Min biak a tum lo a, mahse chu chu kan pahnih tan a that zawk ringin pawi ka ti vak lo.



In be lo tawp ila, thian kan nih kher pawh a ngailo, tihian ka in luahna te fapa ani tih hria ila a tawk mai.




Mi thenkhatin 'thian tal ni ila' an tih ang kha keichuan ka duh ve lo, thian angin inkawm ila, keichuan ka feeling hi ka dah bo thei dawnlo, dah bo a hneh in a zual tulh tulh zawk mai thei! Chuvang chuan chapo taka amah hlat ka duh zawk.

.





"Zanin chu lo kal ve tak tak rawh aw, inkhawm zan a ni chuanglo a" school ban hnu thlengin Zuitei chuan min la sawm ngar ngar tho. Nileng in zanin an birthday party lawm na a kal ve tur in min sawm tawh.

Scooty ka ken loh avangin ke in kan haw a, kei leh Zuitei bakah Aldrina leh Sir Muankima te an ni.

Sir Muankima hi history teacher a ni a, nupui neiin fate pawh an nei ve duah tawh.



"A birthday neitu ber pawh chu ka hre lo va, ka kal ve duh truhlo" ka lo ti hlak a, ka hnial tang tang hnu pawha min sawm lui tlat thin hi a chang chuan ka ning thin.



"Aman a hria che alawm, hmu la chuan nangpawhin i hria ang, Sir Aldrina pawh a kal dawn a, tiraw?" a tih chuan Aldrina chu ka melh vat a, "Tetei akal chuan ka kal ang" tiin a lo kiai suk, ka nuih pawh aza lo e a.




"Ka ti tak tak, in pahnih in va kal mai rawh u" ka tih chuan Sir Muankima chuan "Aw... An sawm nasat em che hi mawle, kal ve mai mai teh" a lo ti ve bul bul a, fiamthu duh leh kan hlimpui ber thin a ni a, a lo tawng ve tawh chuan uang miahlo mah se tawi te talin kan nui ngei ngei.




"Nichiah, weekend a nih hi, kan lo sawm ang che, lo insiam sa thlap la" Zuitei bawkin a tih leh hnu ah kan veng ka thleng chho a, kan sir te pahnih chuan min pen sanin Zuitei nen chauh chuan kan ni tawh.




"Hak tur pawh ka hrelo, eng lam nge i hak dawn?" tiin ka thaw hap a, kan in kawt kan thleng tawh tho na in hak tur vel sawiin kan ding khawmuag leh rih a.




"Smart vak pawh a ngai lo, mahse rawngbawl naah te theih ang tawkin kan in hmang ve a, thehlep lutuk chu a chi chuang lo ang" a tih chuan ka lo bu nghauh nghauh a, ka bana rawn nghawk zeuhin ka beng bulah "Tunlai chu Thianghlimi hi a rawn tam viau a ni maw?" a rawn ti sep a, a hawina lam ka en ve rual chuan Peka leh Thiangite rawn inzui chhuak chu ka hmu ve chiah, en pawh en rei duh lovin ka hawi sawn vat a,


"Kartluan khan ka school ban apiang in ka hmu thin, I pi te in a I kawi thin vangin I nang hman lo thin mai mai aniang, a hman ve viau a nih hi" ka lo ti hap a, theih se chuan rel zui bawrh bawrh ka chak lutuk.




"Vawiin chu in va bang tlai ang reng ve Tete" thaw hakin min hmuh lohna tur lamah ka meng kual ralh a, ngainat loh sa nen min lo be ve fo hi ka hne hluah hluah.




"Nia vawiin chu ke in kan kal a" ka ti sep a, kan hma lawkah a lo ding reng tawh, a hnung lawkah Pekhlua chu a lo ding thim ve khup bawk a.



Keimah chauha anni pahnih hmachhawn ka chakloh tehlul nen Zuitei lah chuan chhuanlam siam in min kalsan daih leh nghal a, zeilo thei si...




"Weekend te ani sia, naktuk chu Peka leiletah hian kal kan tum asin, lo kal ve la"



"Engmaw?" Thiangi chu ka en haw a, pawisawilo hmel zetin a lo nui sak.


"Aldrina nen khan in inhnim hnai viau tih mi kâ atangin ka lo hria a, sawm ve la kan kal ho dawn nia"


"Thiangi"
Pakhat chuan a lo ti nghut a, "Thil tangkai lo kha sawi sawi suh" ti leh hluk in min en run ringawt a, hahh.. kan kal ve chu a hlau hle ani maw, thingthi in min sawm ngawih ngawih pawh ni se an bulah kher hi chuan kal ka tum chai si lo.




Tak runa min en Tu chu nuih let sakin "Tihtur dang kan lo nei tawh a, kan lo kal ve lo zawk mai ang" ka ti ve sak a, "Anih chu... Zan in chu aw Pek, ka lo nghak ang che" tiin Thiangi chuan Peka chu a melh chho kar a, engah mah ngailo awm ang takin zai rat rat pahin ka kalsan daih.





Hahhh an ni pahnih in ngaihzawnna lem lutuk kara thaw tha thei mang lova lo din ve reng te chu ka peih teuhlo, step ah chhuk thla hmawk hmawkin kawngkhar ka kalhna tala te chu ka phih deuh sawk sawk a,
tinge tiang hian ka awm reng? Kar a liam tawh, hmeichhe dang nen ka hmu dun ziah mahse tinge ka bul hnaia a awmin ka lungphu a la danglam fo? Ka hmuh lai ngeiin hmeichhe dang a hnaih a, mahse tinge ka theihnghilh theih miahloh le?





Thil dang ti kawi lovin bathroom ah ka lut tlang a, shower hnuaiah chuan eng nge ka ngaihtuah ber pawh hrelo in ka ding ngawi reng.




Naktukah an pahnih chauh khan leilet ah an kal ang maw? Hnathawk turin.... Nilo, hnathawk tur ngawt chuan a hruai teuhlo ang, tuma awm ve lohna hmunah an pahnih chauhin..

Ka thaw chhuak ham ham a, thik ve ngawt tur ka nilo tih in hrilh mawlh mawlh mah ila 'eng nge an tih dun ang?' tih ngawt ka ngaihtuah na chuan rilru hrehawm takin min awm tir tho.




Chuan.. Chuan zanin ah chhuah dun an tum bawk, Thiangi khan a lo nghah tur thu a sawi ngei alawm, party naah an kal ve dawn nge a falin an inhmu zawk dawn? A ri meuhin ka thaw chhuak hawlh a, tui chu herh tawpin bathroom atang chuan ka chhuak a, dressing table chunga ka phone chu la kangin Aldrina ka call a, a lo chhang rang khawp mai.





"Zanin chu i kal ve dawn em?" ka ti nghal thawr a, "Ka sawi khap, I kal leh kalloh"


"Kal ang, kal rual ang" ka tih chuan min lo hruai tur thu sawiin kan inbiakna chu kan ti tawp nghal a, ka lung zawn chu dawmin ka thaw dep dep.





A tha e, Pekhlua hi ka theihnghilh theihna tur a nih phawt chuan mahni hma sial taka Aldrina hnaih luih pawh pawi ka ti tawhlo, beisei awm takin ka awm dawn tihna a ni kher lova, mahse Peka laka ka buaina hi ka tihreh theihnna leh engahmah ka ngialoh nan in phenna tur mipa ka mamawh!





Ka thil ngaihtuah chu adik ber lo mai thei mahse tihdan tur dang ka hre thlawtlo a ni.



Ei rawng pawh bawl peihlo in dawr thil in ka in I hnawh puar a, dar 7 tan an tih avangin ka ei zawh chuan ka insiam nghal a, Mom jeans ha in White crop tank top ka ha a, ka dul chu lang deuh mah se pawi ka ti vaklo, inkhawm tur pawh kan nilo a, bakah Aizawlah phei chuan dul them lo lang hlek te chu tuman engah vak kan ngai tawh lo.




High heels ka bun a, ka sam chu sang deuh hlekah bâwk in make up pawh ka hmang ve nual




Ka rilru chuan duhlo mah ila Thianghlimi aia nalh chu ka tum chiang tih ka thinlungin ka hria!



Mahse ka itsik tihna erawh a ni hauhlo, Tu hmeichhia pawhin a tha ber, mawi leh nalh ber nih te chu kan duh vek alawm, chuan kha hmeichhe zaktheilo deuh kha kei aia a that bikna ka hre hauhlo bawk.



A.... Tinge khanu kha ka er ve viau, kan kalna a in ang dawn pawh ni hleilo, an ni pahnih te chu hmun falah an kal dun daih ang chu.... Urghhh anmahni vanga thil tulllo deuh deuh ngaihtuah hi ka bansan vat a ngai ani.





Zuitei chu a rawn hma leh pek viau a, Aldrina pawh a rawn thleng harlo, an rawn nalh dun viau bawk a, Zuitei chuan "An thleng hnem tawh ngawt ang, hma deuha kal nachang kan hre ve lova" a ti bai bai a, eng nge maw thlen hma pawh chu a chak viau ni.




Ka bag la in ka inzui chhuak a, ka thinnnu ve lah chuan ngaihtuah miah lo in front seat a thu turin min ti tlat leh nghal.



Aldrina awm ve reng laia hnial tang tang chu ka hreh ve deuh si a, bet lo deuh in ka thu lut a, party na tur hmun lah chu khaw daiah daih a ni leh nghal.



Minute 10 vel kan tlan hnu chuan music ri kan hre tan a, reilo te ah disco light nena lo de chuai chuai, hmun zawl nuam ve pangai deuh hi kan thleng hlawl a, mi lah chu an tamin music nen an ri bung bung a, thingtlangah hetiang tak hian birthday lawmin an che nasa ang tih rin ngaihna pawh ka hrelo hrim hrim.




Kan pathum. Chuan kan inzui phei ve a, Zuitei min hruaina lam lam ah Aldrina nen chuan kan zui kawi ani ber.




"Siamsiam" ti vakin Zuitei chuan min tlan pui dawr dawr a, hmeichhe pakhat bul kan thlen chuan thaw hliam hliam pah hian "Happy birthday Siam, thil tha deuh pawh ka lei hmanlo a" tiin eng emaw hi a pe a, Siamsiami a tih chu a hmel ka hmuh rualin Biate khaw VCP fanu kha a ni tih ka hre chiah bawk.



A hmeltha reuhin fel pawh afel viau in ka hria, "Hei Tetei hi i hria tiraw?" tiin keimah min rawn kawk a, "Umm hria e, I lo kal ve thei a I fel hle mai" tiin min chibai a, Aldrina'n gift a pek ve hnu chuan midangin an rawn chim tak avangin kan kalsan a, mi awm tam lohna lai deuh kan thlen chuan an hnungzanagh ka beng ri thlawrh a, an 'aiah' thawt mai.




"In va han mawl dun tak, gift in keng dawn tih te min hrilh ve ta cheu, engmah pawh ka pek ve loh kha" tiin ka hau zui hlak hlak a, a tir atang khan ken tur tih sawi se thil tha ve deuh te ka ngaihtuah hman tur ania, mawl dun lutuk.




"A ho e, bakah birthday lawm turin kan kal tih i hre ve reng a" Zuitei chuan a lo ti nui nui, ka beng leh zawk dawn em mawni le henu hi...



"Chupawh nise, hrim hrim in engtinnge lang miahlo a in ken thiam a?" an pahnih chuan ka melh tawn ralh ralh a, "A... I buaina a ho, engahmah a ngaihloh kha, kartawp anih hi enjoy ang u" ngaihsam fahranin Zuitei bawk chuan a ti leh zat zat a, a thian dangte a hmu nge min kalsan zui ta daih leh nghal.




"Hrehawm I ti em?" ka bula rawn din pahin Aldrina chuan a Ti sup a, "Aih tilo e" ka lo chhang vat.


A nui ri suk a, ka beng bulah rawn kun hniam in "I nalh takzet" a rawn ti sup a, ka melh chho haw a, kan mit a intawng chiang bawk nen lai deuhin ka zuzi kual vel mai mai.





"In tur ka la anga, thu ve daih ang aw" a tih chuan ka lo bu nghat a, hills ka bun bawk nen din reng chuan ka ke hi a na thuai ang.




Drinks la tura Aldrina a kal hlan chuan selfie tumin ka phone ka phawrh a, mi an tam in tute mah kan in ngaihven lem lova, ka zak hran lo.




Mawi deuha lak tumin ka in her kual a, chutia ka in her kual vel lai chuan ka phone screen atangin ka hnung lawk a Peka leh Thiangi te ding dun chu ka va hmu a, Peka zawk chuan min lo en ve run leh nghal.



Ka rin lawk deuh tho ni mah se ka hmu thut chuan min ti hamhaih ang re lng viau tho a, ka phone chu la thla vatin tum lawk miahlo in an lam hawi chuan ka inher a, Peka chuan min lo la en reng, a kalpui nu erawh midang nen an inbe mawlh mawlh a, a thuamhnaw hak thlehlep lutuk chuan ka mit a la nghal chat bawk.




Kawrfual a khup pawh khuh lo, nghawng zau leh design maksak zet hi a inbel a, mawnglem a vuah tih hriat fahranin a mawng lai chu a pawng ul a, a sam rawng uk khuih chu a thlah a, pheikhawk sang zet bunin thup theih miahloh in a mizo nula chawn puar chu a pawng ve ul bawk a, hahhh a thing uih ultra tawp a ni mai.




Ka ngaihtuah na sual ang reng deuh vang chuan inthing harhin Peka bawk chu ka melh leh a,cotton kekawr dum leh shirt dum a ha a, inchiina danglam tehchiam ahmang pawhin ka hrelo.


"Ka rei viau em?" Aldrina'n a rawn tih chuan tullo tawpin ka lo phu chiam a, Peka lak atang mit la sawnin Aldrina thil ken chu ka laksak a, thutna awlah chuan thu in kan indun a.



Kan thutna atang Pekate chu an lanchian em avangin melh loh harsa ka ti, nui iar iar pahin Thiangi chuan a mawng duplicate leh vun nalh lo zet chuan a va nawk leh thin a, ka lo chhing leh sawk thin....


Dik tak chuan ka mi huat leh ngei zawng hi ka pe na ve a, ka ngei tawp khawkah chuan an nihna bak bak in ka sawi chhe ve thin, an lakah rilru sual leh tha lo lutuk ka pu tihna ani bik chuanglo a, mahse ngei tawh miau chuan hmuh that an har lutuk, Thiangi pawh hi ka sawi thing viau na in chuti em em a thing chu a ni chuang law...





"I haw duh hunah sawi la, kan haw dawn nia" Aldrina chu ka melh zawk a, min lo en reng tih ka hriat chuan nui sak in "Umm" ka ti ringawt a, sawi thui vak tur ka hrelo, tha tak taka ka bia anih chuan ka lakah beiseina a nei ang tih ka hlau ve tho si a, awmdan tur thiam a har hrep mai.




Rei vak lo ah kan hmaa mi pahnih te chu an kalsawn ta daih a, ka hmuh phak chin cu en zui reng mah ila thim laiah chuan an bibo ta tho!


Eng nge an tih zel ang?
An pahnih chauhin midang awm ve lohna ah maw?
He mi te pahnih hi an in ngaizawng tak tak tih na em ni?
Zawhna hrang hrang ka inzawt a, a chhanna kawltu te lah chu ka hmuh phak lohna ah an kal daih tawh bawk si.





Ka thaw chhuak hawlh a, tinge anmahni vanga ka buai fo mai le? Hmeichhe dang a zui a, chuan keipawhin in phenna tur Aldrina ka nei.



"Dar 9 a ri tawh, khawiah nge Zuitei kha?" ka hawi kual a, buhpawl zinga hriau zawn an sawi ang maiin Lalzuitei chu a vàng, a ni pui roh hi khawi lai emaw ah hian a lo tlu reng te hi a ni lo maw le?



"Ka hrelo, a thian dangte kha a zui a, a reh nghal hmak" a lo ti ve a, kan han hawi kual viau na in ka hmu zo lo, a phone lah chu a switch off tlat reuh leh nghal a.




"A va buaithlak, ka haw duh tawh deuh a" ka tih leh sep a, "Ka thlah ang che" Pakhat chuan a lo ti vat, "A... Zuitei kha" ka tih chuan "Ka va hruai leh mai ang, ka thlah phawt che anga, biak dan ka ngaihtuah dawn nia" ati leh mai a, chutia min thlah a peih tho chuan tiin haw turin kan inzui phei a, motor dahna kan thlen chuan luh nghal mai ka tum a, Aldrina zawk chuan ka benrekah dawmin min lo pawt ding chawt.




"Aldrin" min din hnaih rual chuan ka ti sep a, pen hnung ve bawk mah ila motor chuan min dang chep nghal vat tho.



Car bang chu ka tauh dawt a, "Eng nge tih i tum?" tiin a mitah tak ka en.
Ka kut a vawn lai chu laksawn tumin ka tang deuha, mahse ka hlawhchham.
"A rei tawh lutuk Tete, khawngaihin, khawngaih takin min chhang ve tawh rawh" tiin min rawn hnaih chilh leh zual a, eng thil nge tih a tum hrethiam lo tur khawpa naupangchhia ka ni tawhlo.




Ka thle sawn chhen a, "Hetiang hian i ti ngawt theilo Aldrin, min thlah vat teh" hmeichhe chaklo tak anga lan duhlo mah ila ka aw chu a khur ru hlak tho, thaw chhuak hawkin ka kut chu a phih thla hlawk a, a hmai tuai puat chung chuan a tei kual vut vut.




"Eng nge i buaina Vansangpui? Tinge I tan tlat a?" ti hlukin ka dar tawn tawna man chung chuan min thing nawk a, a aw ri rapawm zet leh a chetdan rapthlak zet vang chuan mit ka chhing sawk.




"Min en rawh, min en rawh ka tih chu" ka mit la chhing reng chung chuan lu ka thing nawk nawk a,


"Karei leh! Min en lo ang maw? Nang hian min duh lo takzet maw?"


"Aldrin"


"A tha e, I laka beidawn ka tumloh zia chu ka sawi chiang viau tawh alawm tiraw" ka kut chu a rawn vawn hnan leh chawt a, hnai zetah min din chilh in chesawn ve thei miahlo turin min siam tawh.




A chet dan chu duhlo in talchhuah tum ve chiam mah ila tharumah ka hneh lo lutuk. Ka hmui chu a rawn dek leh thuak thin a, ka nghawng leh hmai vel nul kualin tenawm takin min chhaih kual a ni ber.




Kan bul hnaiah midang tumah hmuh tur an awm lova, ka kaihza khur ru dar dar leh lungphu rang dawt dawt chuan hlauhna min siam!



Ka hlau, he mihring hi ka hlau takzet.



"Aldrin khawngaihin"

"Eng thil phiangsen nge i tih kha" ti hluk ri ka hriat rualin Aldrina hmaiah chuan Tu emaw hian a rawn hnek chawrh a, min vawn behna kut a thlah rual chuan ka hmui hupin mit ka chhing a, rei tak chhung ka lo up beh tawh mittui chu ka biangah a rawn baw nghal zawih.


"Vawi khat pawh he hmeichhia hi hnaih leh teh, che sawn thei miah lovin ka siam tawh ang che" ti leh hluk in ka darah hian min rawn kuahh a, mit ka meng ve ta chauh bawk.



Peka ka hmuh rual chuan ka meng kawk a, thaw ham ham hah hian "Keiman ka thlah ang che" a lo ti sup a, ka hniallo!




Min kuah phei a, Aldrina lam chu vawi khat pawh ka hawi let lo, khatiang taka ràwng khan ka laka a chet duh ka ring ngailo, chuan a chetdan vang khan vawi khat pawh ka ring leh tawh ngailo ang.




Ka mittui chu ka tuai hul leh tawk thin a, mahse a rawn luang zel tho, "Lut rawh" ti supin car kawngkhar chu a hawng a, Thenzawl kan kala kan chuanna tho kha a ni tih ka hre bawk.



Driver seat a a rawn thut luh ve hnu ah engine ti nung in a tlan chhuak nghal a, mahse khawchhung ah lut lovin pengah min tlan pui a, thui pawh tlan lovin a ding leh thuai tho.




"Tinge tah hian min hruai?"


"Tinge khapa kha i zui?"


"Peka"

"Ka zawh che chu, tinge khapa kha i zui?" ti leh hluk in min rawn en a,
"GOD, ka hmuh laiin tap lo turin ka ti che"
Seat nghenchhna a tauh zui dawt a, "Ka tap lo"


"Ka zawhna chu min chhang rawh, tinge kha minring kha helai thleng thleng hian i rawn zui?" nem deuh zawk hian a ti leh a, eng chiah hi nge maw a buaina le?



"Ka thawhpui a nia, kan lo kal dun" ka tih chuan rum nghut in a hawi sawn vut a, "Khapa kha hnaih lo turin ka duh che"


"Engmaw?" ka nui chhuak hak a, "Thuneihna i neilo" ka ti let hmak.


Aldrina laka min lo puih avang khan ka lawm lutuk mahse, hetianga min hau ve ngawt tur hian dikna engmah a neilo.




"Thuneihna chungchang ka sawi reng reng lo, tinge khapa kher kha i hnaih? Midang an tam, a ni kha chu hnaih suh"



"Heyy Pekhlu, tinge hetianga i awm? Tunge i nih? Nangpawn hmeichhia i duh duh I bia in I chhuahpui thei a, tinge ka theihloh bik ang, huhhh?"


Ka au khum tawn tawn ni ber hian ka hria, "A tawk, hmeichhe dang sawi tel suh, khapa kha hnaih lo la ka duh, chuzawng chu"



Vanvadakin ka nui chhuak hak a, ka mittui rawn hnám tiam tiam chu khap let sak sak in ka thaw chhuak hawlh, "Ka nunah inrawlh turin ka tan tumah i ni lo" ka ti sep a, dan tum viau mah ila ka mittui chu ka biangah bawk a rawn luang leh.




"Tete" ti hawlhin min rawn hnaih a, a âwma min kuah beh(bet) a tum chuan ka tang ve tlat, a duh duha a tih kawi turin nautelem ka nilo, tihian a áwm nghengin min pawm anga, nakin lawkah hmeichhe dang a pan leh tho ang.



"Min khawih miah suh aw" tiin ka tal chiam a, "Ka hria, I Thik tiraw, hmeichhe dang kianga ka awmin I thik" a thu sawi vang chuan ka zawi hnawk a, tang leh tur awm lovin a áwmah chuan ka bei hle hle.



"Sawi rawh, I Thik em?"

Ka lungphu rang lutuk chu a na hial in ka hria, ka tap chhuak hawk a, "Aw, aw ka thik lutuk, khanu kha I bul hnaia a awm apiangin ka àwm chhung hi a na thin, mahse I hre duhlo a, ka hmuh laiin khanu kha.... "

. "A tawk e" ti supin ka sam chu a chul hliau hliau a, "Ka hria e, tap tawh suh aw" tiin a hmui luam thar thar chuan ka chhip a rawn nawr vang vang a, tinge tiang hian a awm? Kan awmdan chu hrethiam miahlo mah ila awmsawn turin emaw, ka hlata awm turin ka nawr lui theilo,KA THEILO, he a áwm lum vung vung hi ka hnar thei thlawt lo a ni.





End of chapter11
Tawp laklawh lutuk, typing mistake a awm zeuh zeuh mai thei aw, muthlu lek lek chungin ka type a😅


NOTE:
Naktuk hian kan school hi khaw dangah camp turin kan kal dawn a, tun kar chhung kan cham dawn bakah kan camp naah hian phone a ken theih dawn loh lehzel a, thawnthu lam chu engmah ka buaipui thei dawn lo hmel a, tun kar chu ka àwl tawp a ngai dawn a ni.


Khawngaihin ka readers fel tak tak te in nih kha, min lo hrethiam hram hram ula, kar thar atang pangai taka tan leh kan tum dawn nia aw, min hau suh u ka thu lo ve sia maw🥺ka inthlahrung ve lutuk😩
Mahse ka hmangaih vek cheu hmm❣️

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:21 pm

MY HANDSOME FARMER



Chapter-12
By RuatiRenthlei



"Tinge tiang hian i awm thut a?" a âwm nghengin min pawm bet hlu hlu a, hetianga kan awm chhan hi ka hrethiam lo tak tak.

A taksa che awk khawpin thawk a la hawk a, "I tap lai hmel hmuh ka duhloh thu ka sawi kha" a tih chuan a lak atanga in la hrangin ka chhoh melh kar a, "Chuan?"

"I mittui tla lai hmuh ka duhlo, keimah vang ngat phei chuan" a lo ti leh sup a, hul deuh hian ka nui hak.



"Ka mittui vangin I bialnu pawh I kalsan hmak thei a nia, eng ang mipa nge I nih?" ti hlakin a mitah tak ka la en ngar a, tinge amaha hahdamna ka hmuh zawh rual hian buaina ngaiah bawk kan luh leh zel mai le??




"Tete?"

"Tihian beiseina tereuhte min siam sak a, nakin lawkah khanu kha I zui leh dawn tho... Ka hria, tinge hetiang hian I tih kher a? A zawng zawnga ka tan I awm thei dawnlo a nih chuan inthiar fihlim law law ta che, hetianga.... "


"Vansangpui"

"Min vin miah suh aw" maimitchhingin ka au khum tuar a, ka mittui a baw nghal zawih!


GOD!
A lamah min pawt hnaiin a âwm ah min kuah bet a, tal ve bawk mah ila awmzia erawh a awm lo.


A vawi hnih nan ka na nawn leh a, chupawh hepa vang bawk hian. Hetianga ka awm chhan hi ka hre bik lo, ka chapo na leh induh tawk ve na zawng zawng te kha a bulah chuan an bo duak a, a kianga ka awm a a huhangin min khawih tel tawh chuan ka hmeichhe rilru no leh pangchanna chiah hian hmun a chang tawh thin.





A ri meuhin ka tap chhuak hlawp hlawp a, ani'n ka samah duat deuhin a chul hliau hliau bawk a, kha hmeichhia vang ringawt pawh khan hnaihlo tur ka ni tih ka hria mahse a lak atanga tal hran hi a hrasa lutuk!




"Eng nge i ngaihtuah ka hria alawm, bang tawh rawh le engkim ka hrilhfiah vek ang che" a tih tak sup ah chuan ka in tuai hul ve sawk sawk a, ka mittui vanga ka khawhmuh phe deuh ruai atanga amah melh chho kiau pah chuan "Eng nge sawi fiah tur awm?" ka ti tiau a, ka insût leh hraih thin chu ka hnarah piai zeuhin a nui suk a, nghet lehzuala min kuah bet leh in "A hmasa berah chuan Thiangi kha ka bialnu a nilo" zawi sup hian ati a, "Maw?" ka lo ti haw.



"A dawt leh ah chuan beiseina tereuhte ka siamsak ngailo che" a nakah ka chum dawt a, a rawn nui chhuak hawk. "ka nuih a za lo" ka lo ti hmuk a, a za lo tak tak, fiamthu ka thawhlo.



"A tha e, mahse min dim ve deuh la" a nui leh suk a, ka lo chhiat khum, "Insawifiahna tur i nei pawhin ka hrelo, Thiangi chu i bialnu a ni emaw nilo pawh ni se, ka buaina tur a awmlo bawk" ka tih khum hmiarh hmiarh a, duktak chuan a bialnu a nihloh thu a sawi ringawt pawh khan min ti hlim lutuk mahse, awih tur a ni em ka chiang lo!




"Nang hian min duh tiraw?"

"Maw?" a mitah chuan rei en ngam lovin ka kun nghal daih a, "Tete" a nui chhuak hawk ringawt.



"Min en rawh" ka dar tawn tawnah vuanin amah en turin min ti a, zawi muangin ka hawi chho.



"Min duh em?" a zawhna chu chhang lovin amah chu ka en reng a, tinge hetiang teh tawl hian min zawh a? Ka duh tih chu phat ka tum hauhlo mahse min zawh dan teh tawp hi a raw e....



"U Pek"
Thaw chhuak ham hamin ka dar a vawnna kut chuan ka biang tawn tawnah a rawn dawm a, "Min chhang rawh" ti supin hnai fahranah min rawn en.

Ka zam chhe lutuk tih ngaihna hrelo chuan a biangah dawm ve in a hmuiah ka fawp ta ringawt a, in lak hran leh nghal ka tum chu min dawm bet vatin uar leh duhthawh fahran hian min fawp zui bawrh bawrh a, kan thil tih hi a dikha ber em ka hrelo mahse nuam ka ti takzet.




Thaw chham dawn dawna kan infawh hnu chuan amah zawk chu a inla hrang hlek a, "Min duh anih chuan ka kalsan ngailo ang che" ti supin ka hmai zawnah a thaw lum ham ham a, ka lungphu rang lutuk vanga ka thin zawn na ngut ngut vang chuan ka thaw chhuak hawlh phawt a,
"Mahse.... Mahse Thiangi kha?"
Ka hlauthawng a ni. Ka duh tih ka chiang mahse buaina leh natna hmachhawn leh vak tur chuan ka zui ngam angem ka hrelo!





"Ka zawhna chiah kha min chhang rawh, min duh chuan sawi la, ka bialnu i nih chuan ka kalsan lo ang che" chu thu zet chuan hlauhthawnna emaw, chapona emaw vanga ka in up behna zawng zawng chu a rawn thiat fai vek a, thûk leh ril ruiha 'min kalsan loh tur thu' a sawina chuan a zawng zawnga amah ring turin min nawr ni mai hian ka hria.




"Umm ka duh che, ka duh lutuk che, I hria em? Keihian ka duh che Lalpekhlu" ti mawlh mawlhin a âwma hmai phum chung chuan ka kut ka hum ruh ngawt ngawt!




Hetiang taka mipa hmaa ka tlawm thei hi mak ka in ti, ka ngaihzawng hmasa te chu zahawm leh Peka aia iaiawm loh leh tha zawk tak tak te an ni a, an hmaah pawh hetiang tak hian ka indah hniam ngailo, aw, Tu mipa mah ka duh thu ka hrilh hmasa ngailo, hepa hi a hmasa ber a ni!





"A tlai tawh asin, haw a hun tawh" a tih tak sup ah chuan ka thut dan ka siam rem sat sat a, "Min duh thu pawh ila sawi ve lo" ka hriat tawk lekin ka phun emaw ka tih kha a lo hre pha aniang, vanvadaka nui chhuak hawkin seat nghenchhan chu a tauh dawt a,

"Ka bialnu I ni tawh alawm" ka melh kawk a, zawi muanga min rawn en in ngainat awm deuh a nui suk chung hian "Ka duh che alawm Vansangpui, I thinchhiatna leh chapo na zawng zawng pawh hi nangmah i nih chhung chuan ka duh vek, tun atang chuan ka bialnu I ni tawh, a chiang tiraw?" a kiai leh suk a, ka lai dawn dawn mai.





"Engtinnge Aldrina nen khan min rawn hmuh theih a?" a motor khalh lai chu ka en reng a, "Ka thli thai reng che" alo ti sup.

Thu tam tak sawilo mah se chu thu ringawt chuan min ti hlim lutuk, mahse zawhna ka la nei tho!


"Thiangi nen khan in lo kal dun sia, kan haw San leh daih bawk sia" ka ti leh sep a, "Ngaihtuah suh" alo ti leh ringawt, sawi zawm a chakloh hmel em avangin ka zawt zui duh biklo.




Garage a kan tlan luh hnu ah an in kawtah chuan kan ding dun leh ran ran phawt a, thingtlang a ni bawk nen zan dar 10 a pelh tawh avangin khawchhung chu a reh duk tawh.




"Ihh min ngai khawlo viau em?" zawite hian ka ti sep a, "Tinge?"

"Ka duh che tih ka sawi tawp a, hmeichhe easy deuhah min ngai ang tiraw?"


"Tete"
Ka en chho kar a, ka kut pahnih rawn vuanin min din hnaih deuh a, "I huaisen ka ti lutuk, ka ngaih khawloh phahlo che " tiin ka chalah a hmui a rawn nawr vang vang a, "Ka thlah ang che, a tlai tawh sia mu nghal rawh aw" a tih chuan ka bu nghat a, inchhunga ka luhfel hnu ah a let chho leh chauh.





Bathroom ah lutin ka inti fai sawk sawk a, Pekhlua bialnu ka ni ta mai chuan awm ngaihna min ti hrelo.



Ka duhthu ka sawi hmasak vang khan zaktheilo ka in ti thar riau a, shower hnuaiah chuan lawm leh zah avangin ka zuang tawr tawr mai. (Peka te hi thingtlang mi ni mah se kut hnathawka chhungkaw awm thei tak an ni tih a tir lamah kan sawi tawh kha aw, shower ah hi chuan buai vak lo ang u, thingtlang ah pawh an uar tawh viau a nia)



Mahse hlim lutuk vang hian a chetsual ve theih a, nui vur vur chungin na a tawrh theih.



Ka zuang nasa lutuk chu bathroom chhuat lo nal tawh bawk nen tukkhum vaw chawrhin ka tawlhthlu a, ka lu dawm chung chun ka then tlawk tlawk.
Pathian bakin min hmu lo tih hre mah ila ka zak lutuk. (He thil ka type lai hian ka nuih a za viau😂)



**


Zingah pawh ka lu chu a la na ngut ngut reng a, thingpui ka lum laiin Zuitei hnen atang call ka dawng hlawl. Ni tak, nizan khan ka haw San daih alawm.


"Hello"

"Pawngi nizanah engtinnge i haw?" bak hlar hian a rawn ti a, keimah zawk thinrim tur ka ni reng sia.



"Keimahin ka in buaipui, min hruai chhuak te te a, I bo leh daih a" vui deuh hian ka ti let a,za lo hmel deuha nui hak hak chung hian "Kha kha maw" a ti hluai a, a ngawi leh vung vung, insawi fiah a tum a, sawi tur a hre leh si lo anih hi.




"Sawifiah duh suh, tluang taka in I thlen chuan a tawk mai, vawiin eng nge I tih dawn?" tiin ka zawt let ta daih a, "Chu chu lawm ka lo call chhan che, tih tur I neih loh chuan tuipui ah kan chhungin picnic kan tum a, Aldrina nen lo tel ve ru" Aldrina hming a lam rik laia ka hmel awmdan chu hmu ngat se chuan a sawi chhuak kha a inchhir viau ang.




"A... Ka kallo mai ang, Aldrina a awm ve dawn phei chuan" ka ti a, "Eng nge? Nizanah thil thleng a awm em ni?" a tih chuan "I ngaihtuah phak bak" ka lo ti hlak.



"Anih chuan Aldrina chu sawm leh lo mai ang, ka la hrilh chuanglo a, Lungleia ka patea te chhung an lo zin a, kan chhungkua chauh kan ni dawn, insiam la, kan lo lam phei ang che" ti zat zatin a cut zui hmak a, ka phone chu en in ka chhiat khum vak ringawt.




Tihtur em em ka nei chuang loa tiin picnic naa kal ve pawh chu pawi ka ti hran lo, bakah Zuitei nen chuan kan inkawm chawt avangin a chhungte laka pawh ka mikhual tawh lem lo, an fanu ang tak takin min en ve a, an bula awm nuam ka ti lutuk.



Peka hian eng nge atih dawn le..?
Tuipui ah lo kal ve se tih ka ngaihtiah laiin thil pakhat ka hrechhuak... Nimin tlaiah khan vawiin a an picnic tur thu Thiangi'n a sawi!


Ka thutna atang ka tho hluai a, ka thin a rim nghal hle ringawt. Pawnah ka chhuak vat a, stepa ka tlan chhoh lai te chuan ka thinrim lutuk vang nge ka hah lo reng reng.


Peka te veranda a Thiangi ka va hmuh tel ngat phei chuan ka alh hluah hluah lo chauh, inhmachhawnin an lo ding a, an lam pana thinrim. Deuha ka kal phei hlawk hlawk lai chu ka thawm hriain an lo hawi vat a, an inkarah tak ka ve ding.




Ka bialpa ani tawh a, hmeichhe dang lakah hauh viau pawh ni ila tuman min dem theilo.

"Eng nge in lo sawi a" tiin Tiuriu-a chu ka melh chho kar a, ka nui duh miahlo bawk.


"Vawiin.. "

"Lo inrawlh suh" a sawi zawh hma in Thianghlimi chuan a rawn ti khanglang a, ka ngei reuh tak tak ani.



"Nang ka be lo che" ti hmakin Pekhlua chu ka en leh a, "Vawiin chu picnic kan tum kha, kan pahnihin" ka tih chuan Thiangi zawk chuan"Maw?" a lo ti leh haw tawh.



"PICNIC, Peka leh keimah, a chiang em? Chuan mi bialpa lo lèm kual vak vak hi a tha lo ania, zanah ramhuaiin a ûm kual hrep mai ang che" ka kut kuangkuahin ka nui zui hak a, ka chet dan vel chu keimah nilo ila chuan ka ngei ngawt ang...!



"Eng nge awmzia, henu hian engthu nge a sawi ve ringawt hi" thinrim hmel deuh hian Peka chu a zawt a, tawng ve ka tum tawhlo, min duh takzet anih chuan ka sawi bak kha chu a sawi ve tawh turah ka ngai.



"A sawi ang kha ani mai, kan picnic dawn" a lo ti ve mai a, a mah ka han en chuan mawi deuh hian a lo kiaisuk.


"Mahse nimin kha chuan kan pahniha kal kan tum sia" nichin lawka a thinrim hmel kha mangang hmelin a rawn thlak tawh a, peka chuan "Khathil kha engmah kan la sawifiah lo, ka kalpui ang che ka tilo a, nangman i duh duh I sawi zawk anih kha, Tetei hi ka bialnu a nia, vawiin chu amah nen chhuah dun kan tum" ka darah a kut a rawn nghat a, min din hnaih rual chuan a rim pà zet chu ka hip lut kawk.




Engmah sawi lo va rum deuha min en hnuah an veng lam panin a kal phei hlawk hlawk a, a bialpa pawh nilo vanga zingkarah helai a rawn thleng peih hi mak ka ti!



"Sawifiah rawh le"

"Engmaw?" ka melh chho haw a, "Picnic" dar kan akin ka dara a kut chu a la thla a, "Englo, in pahnih khan in chhuak dun dawn emaw ka tia, dawt ka sawi" pehhel miah lovin ka ti a, a rawn nui chhuak hawk.



"Hmeichhe dang ka chhuah pui dawnlo, I bialpa ka nih hi" a tih chuan ka nui ve leh tho, "Zuitei chhungte nen tuipuiah kal kan tum a, I hman chuan lo kal ve la" ka ti sep a, min chhang mai lovin a ngawi vung vung.



"I hmanloh chuan ka tilui chuanglo che ania" ka ti leh hnuhnawh vel a, a hna ti thuanawp Tu nih ka duhlo tak tak.



"A tha e kan kal dawn nia, mahse tui chen ve tum lo la, I chesual leh palh ang" thutak deuh hian ati nghut a, lu ka buk khum nghauh.




Zuitei chu message in Peka lo kal ve tur thu ka hrilh a, zing dar 9:30 velah kan inkawtah an rawn ding. Car pahnih ah an chhungkua leh a patea te chhung chu an leng tawk viau a, Peka nen chuan bike in kan inphur ta thung. Motor pahnihte chu kan tlansan a, thil ho mai mai sawiin kawng tluan chuan kan inbe ve tho.



Lei(bridge) kan thlen chuan midang nghah pahin tiin a bula waiting shed ah chuan kan lo thu chawl a, kan ngawih deuh vang vang hnu ah "Min duh tho chuan tinge Thiangi kha i zui kawi reng thin a, mipa ang takin min duhthu kha sawi mai la" ka ti deuh tawl a, a taksa che awk atang chuan a nui tih ka hre bawk.



"Min duhloh ka hlau a" a ti mai a, mahse ka awih miahlo.


"Ka duh che tih i hria, mahse min runluih tlat a" ka ti leh a, "Tete"

"Umm"

"Tunge ka nih i hria tiraw"

"Hria e, Pekhlua i nia, a chang chuan Tiuriu-a" a nui suk a, ka darah rawn vuanin a lamah min pawt hnai a, a darah lu ka nghat nghal zat bawk.


"ka hming nilo, ka nihna" a tih chuan "Umm hria, thingtlang tlangval, ram hna thawk thin, hmangaihna ngah leh thlamuanpui thlak tak i ni" a mitah tak en chung chuan ka nui var var a, nui sukin ka sam a tuai zauh a, "Nangnen chuan lei leh van ang kan nia, kan hnathawh, kan seilen dan leh kan rilru thlengin a danglam, ka sawi chu i hrethiam tiraw?"


"Heyy"


"Ka hmuh tirh atang che khan ka beisei phak i nilo tih ka hria a, biak nel emaw, hnaih che kha ka tumlo hrim hrim, mahse a rei a, kan inhmu zing deuh a, ka hriat miahloh in ka lo vei tawh che, I laka ka rilru put dan kha a diklo tih hriain thaibo tumin theihtawp ka chhuah a, mahse chuti chung chuan hmeichhe dangah rilru ka pe thei chuanglo" a ngawi zui vang vang a, thaw chhuak hapin ami kuahna kut chu ka vawn hnan a,

"Ka duh che ka tih kha, thil dangah buai suh, nihna emaw, hnathawh ah pawh, tunah I nihna ang ang hian ka duh che ummm" nui suk chungi n a bu nghut a, ka thaw chhuak ham ham.




Hepa hian engvnagin nge min pehhel fo? Tih leh ka duh tih hre reng chunga hmeichhe dang a pan tlat thin chhan kha ka ngaihtuah a, a vai khan keimah vang maw?



Ka tana tlingzolo angah a in ngai a, Lalpa leh....


Hepa rilru ah hian eng nge awm le? Ama hma a sial viau emaw ka tih lai khan a lo tuar viau zawk si a, ngawi rengin a darah chuan ka bei hlu hlu a, midang lo thlen hma chuan kan inbe tawhlo.









End of chapter-12
Boruak dangin min han chîm viau a, 'a chawlh rei tehlul nen a tawi e' in tih ka ring, ka chawlh chhung khan ka chawllo ti ila😅ngaihtuah tur dang atam ve lutuk a, ka zirna hi ka dah pawimawh hmasa zawk lo thei silo, rilru pek tak tak a har deuh rih a, engpawh nise tan ka rawn la ve sauh sauh zel ania aw..... Min phatsan lo ula, a boring lo tulh tulh turah ngai ang u hmmm❣️


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)