MY HANDSOME FARMER BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY HANDSOME FARMER BY Ruati Renthlei (Completed)

Unread post by Ngaia » September 4th, 2022, 2:21 pm

MY HANDSOME FARMER


Chapter-13
By RuatiRenthlei



"Peka chu i lo tel ve thei hlauh a, Tetei pawhin nuam a tih phah deuh ang chu" nui hak hak pahin Nu Gos-i (Zuitei nu) chuan a ti a, "I ti mak emai a, U Peka leh Vansangi te chu an inmillo nasa, a remchang ema an rawn inzui ve mai mai anih hi" in ti hre fahranin Zuitei chuan a lo ti zat zat a, Tiuriu-a nen chuan kan in melh tawn zak zak mai.





Tui awm na bulah, thingkung buk hlim hnuaiah kan in nghat a, a chhak lawk khi Peka leilet a ni tih ahmaa kan lo hnatlan tawh avang khan ka hre ve.





Zuitei patea fate ho chu tui ah an lut nghal a, nuam an tiin an khèk tuar tuar hlawm mai.



Pekan eirawng bawlna tur mei a chhem a, Zuitei nen thingtang ro tuah tur kan zawng thung, kan duh ang kan hmuh mai loh avangin mau hnah ro te chu kan chhar ta vel mai mai a.




Nu Gos-i chuan Peka leilet lama maian leh thlai rah vel han zawng turin kan pathum chuan min ti a, mahse Lalzuitei chuan a peihlo tlat.


'Tui ka cheng ve dawn, in pahnih in han kal mai rawh u' tih leh tuia zuan luh a rual a, mahse min phatsan hun hi a fuh ka ti, kan inkar a la hre ve lo va, hria se chuan min thlahfal duh miahlo zawk nang.



Lungawi deuhin kan pahnih chuan leilet lamah kan inzui chho a, a kawng a awih deuh bakah tiau lung a tam avangin ka kutah a chelh tlat.



Waiting shed a khang thil kan sawi dun hnu khan mumalin kan la inbe leh miah lo a, thlam kan thlen chhoh chuan a chho zawnga kal kan ni bawk nen thlam kawtah chuan kan thu chawl leh vang vang phawt a, ni thlar atang ka bula thu chu ka en vang vang.


Ka hmuh hmasak bera a khum a savun lukhum uk hlui deuh tawh bawk kha a khum leh a, he thil hi hna thawk tura a chhuah tawh chuan a khum ngei ngei thin, chuan a inhmeh viau bawk.



A kamiz, a var leh a sen a tial chu a ban a thlep chho deuh a, ni a in a chhunna a vun uk sen deuh kharh te chuan a ti pa zual ngawih ngawih hian ka hre tawh. Ka engmah a nih hma hauha ka lo zahpui thin te kha mak ka ti!



A chhungkaw chawm nana rim taka hna thawk thin, rilru nghet leh hmangaihna ngah a nih zia ka hriat hnu ah meuh hi chuan zahpui chu sawiloh, Aizawl a ka thiante bulah pawh chhuang takin ka sawi tawh zawk ang.





"Heyyy"
Ka lo thlek rei deuh nge ka hmai zawna a kut vai meuh in min rawn ko a, "Umm"

"Eng nge i lo ngaihtuah vung vung a?" a tih chuan sawi tur ka hrelo,

"Hnathawh kawr i hak hian i chhelo ka ti" ka ti sep a, ka thil sawi ka hriat chhuah meuh chuan a tlai lutuk tawh, a nuih hawk hawk lai chuan zah vangin ka kun daih a, ka zak lutuk tak tak.




"Thu awihawm deuh sawi ve rawh aw" ti supin a ding zui vut a, zak viau mah ila thu awihawm loh ka sawi pawh ka hrelo, maian awmna lama a phei zui nul nul chu a hnunga ûm dat dat pahin "Ka ti tak tak, hnathawh kawr i hak hian i chhelo" ka ti nawn leh ang lawi a, ka nuih te pawh a za.



Maian a sih mawlh mawlh lai chuan a sirah ka lo ding ve reng a, pui ve ngawt dawn ila vawi khat mah ka la ti ve chhin ngai bawk silo, lo din reng ringawt lah chu a nuam hauh bawk silo a, "Englo, tihdan min hrilh la, ka lo ti ve ang" ka ti ta sep a, min rawn en in nui suk chung hian "Kq ti mai ang, I duh chuan thlai rah ho saw lo va lo rawh" a ti sup a, hnial tuma ka âng zuau tawh chu amah bawk chuan "Maian chu a mè a, ibrhak vak mai ang, ka thu awih la" a lo ti leh a, but nghat in thlai rah awmna lam oan chuan ka kal nal anl.





"A tawk lutuk a, vawi khat ri a ni mai a" kan thil lak ho chu thlam chhuat ah kan bum khawm ruih a, a tawk thawkhat viau chuan ka hria.



"Lo kal teh" tiin ka banah a rawn vuan a, thlai kan bun khawmna sir ah chuan min thutpuiin ka sam, ka bek thlana bet ho chu la sawnin dimte hian min chhem a, ka harh sawng sawng thei nia mawle!!




"Ni sa ah i awm thanglo sia, I chau em?" a kut lehlama ka biang dawmin ka mitah tak min en a, lu thing nar nar pahin "Ka chaulo" ka ti ve sep, ka chaulo a, mahse lum ka ti.



"Nangmah zawk kha i chau ngawt ang" tiin a beka thlan rawn luang chu ka hruk sak ve pah a, nui suk chunga ka kut chu rawn vawn hnanin ala thla a, a sawi tur ngaithla chuan ka lo en kar.





Thu pawimawh ve deuh hlek a sawi dawn emaw ka tih laiin "Hna thawh hi ka duty a nia" a lo ti mai a, a sawi awmzia tak pawh ka hrelo.




"I hah ka phal miahlo ania, chu chu hre reng rawh" ti supin ka hmui ah a rawn fawp zauh a, "Dar engzat nge?" tiin ka Sana bun lai chu a en nghal zat bawk.



"Kan chhuk rawh mai dawn em ni? Rei min lo ti lutuk palh ang" a tih chuan ka bu nghat ringawt a, diktak chuan amah nen chauha hun hman dun hi ka kham hlawllo a ni.




Kan chawhmeh lak ho chu intepui ah kan dah khawm vek a, tlem tal ah then ve ka tum pawhin a phal tlat lo.



Ipte chu aman a ak a, a kut lehlam in min kai bawk, nizanah chiah kan la in ngaizawng a, Thu ril tak tak sawi kher lo va chetziaa min ngaihsakna a tih lan hian nuam ka ti.



Midang awmna kan thlen dawn tepa ka kut lakthlak ka tum chu nghet lehzual hian a vuan bet a, ka mitah tak min rawn en in zawi sup hian "I zak em ni?" a rawn ti a, lu ka thing nghal nak nak mai.




Bu nghut in min kai phei zel a, ka zahpui vang ni miahlo in kan inkar tuman ab la hrelo a, mak an tih lutuk ka hlau zawk.



Mahse a Tu a te mah chuan min lo chîk lemlo a, an bul tak kan thlen phei chuan amah zawkin min thlah leh daih tawh.



Maian chu bel lianpui ah kan bai a, a hranpa in thlai rah chu kan chhum bawk.


Peka leh kei tihloh chu tui chengin an ri bung bung hlawm a, keichu tuia ka tlak tawh avang khan Zuitei pawhin min sawm lui lo, nilo se chuan a hnuhin min hnuk lut ang chu mawle.




Kan pahnih chuan eirawng kan lo bawl a, meivil bak tih tur a awm lem loh avangin ka phone ka en a, signal lah chu a chhe si.



Tiuriu-a ka en chuan keimah min lo en vung vung ringawt a, "A boring i tih chuan i phone te kha lo en ve la" ka tih chuan rum nghutin ka phone ken lai zawk chu min laksak daih a, a check dawn emaw ka tih laiin a kekawr ipte ah a thun zui hmak.




Thil danga sawi leh dawn emaw ka tih chuan a ngawi zui leh daih bawk si a, eng nge maw phone khawih pawh chu a pawi viau na le....





Chawhnu dar 1 velah chaw kan fak a, kan intih fel zawh chuan tui ah lut leh tawh lovin haw turin kan insiam nghal a, tuipui leh khawchhung inkar hi lirthei pawhin darkar 1 dawn tlan anih hrim hrim avangin tlai deuha haw kan duh anih loh chuan in peih hma a ngai viau thin..




"Nizan thilthleng chu engmah min la hrilh lo a" Zuitei chu ka beng bulah a rawn phun sar sar a, "Hun a la awmlo alawm" ka lo ti ve sep, "U Peka nen hian in inkarah eng emaw a awm chiang mai, in la inhau miah lo" a aia ring maha a rawn tih leh chuan a nàk ah ka nghawk sak a, a darah kuah hnawkin ngawi rengin signal ka pe zui a, a hrethiam aniang engmah min zawt zuilo.




Tiuriu-a nen bawk kan in phur haw leh a, Zuitei chu zanah lo len a tum tho avangin chumi huna hrilh ah chuan ka khék ta mai.




"I chau em?" bike atanga ka chhuk rual chuan a ti sup a, "Chau lo e" ka lo ti vat, "In ti fai la, tlaiah chuan kan inah chaw lo ei rawh aw" a tih chuan lu thing nar nar pahin ka nui ringawt a, "A chiloh" ka ti sep, ei tura min sawm nawn chhen lai chuan kawngkharpui a rawn inhawng a, Nu Hliri a rawn chhuak ve chiah.




"In lo thleng tawh a ni maw Tete?" dam diai hian a rawn ti a, kan dinna bul a rawn thlen rual chuan ka chauh leh chauhloh min zawt nghal zat bawk.



"Chaw ei ah ka sawm a, a duhlo tlat anih hi" Pakhat chuan a lo ti nghut a, rum deuha ka melh chho hrak chu engah mah ngaihloh hmel zetin a hmel pangai reng hi a pu a, ka ngei reuh lutuk.




"Chaw i rawn ei khat tehlul nen engahnge maw I duhloh le? Lo ei ngei ngei rawh, zingah i pa Thanga'n bahzar pa vawksa a lei alawm, kan siam nghal dawn nia" tiin hnial ngaihna awm miah lo in ei tur treat in min treat nghal ringawt a, Pekhlua chu ka ngei lutuk tak tak.




An ina chaw ei ngawr ngawr chu ka peih lo viau pawh a ni hranlo, mahse Peka nen kan inzui ve ting tang tawh a, engang in nge a nu leh pa te hian min ngaih ang ka hrelo, a.... bialpa zawk te ina chaw ei chu huphurh awm deuh asin....



"Ka duhlo ka tih mawlh mawlh kha" Nu Hliri luh hnu chuan ka tih khum leh hlak a, "I ho" tih zawngin min chhang a nih chu!


Ka phone a kut ami chu lak sak hlawkin ngawi rengin step ah chuan ka chhuk thla hmawk hmawk a, "Ei rawng rawn bawl ang che" tiin min rawn au zui leh hram bawk.




Ka bike chuanna ka bawp rawl deuh thum vang chuan thutthleng ah ka mu zuar a, ka phone chu ka on nghal zat bawk.



Ramnunkimi miss call vawi hnih lai a lo awm a, ka awm tirh khan in be zing viau mah ila a rei leh deuh hlek tawh a, ka ngaih loh vang ni lovin mahni buai buaiin kan buai a, an in be khat deuh tawh.




Ka call back a, "Hello" a tlai mut leh tawh aniang phak chuapin a rawn ti a, "Min lo call ami? Tuipui ah kan kal daih a" ka tih chuan a rawn rum tuah tuah, ka bulah awm se chuan ka thing nawk nawk ang mawle.




"Umm i enjoy viau ani maw?" hul hak hian a nui a, eng nge maw a hriat reuh ni..




Ka thiannu te chhungkua nen ania, a nuam ve tho" ka tih chuan fan deuh hian "Vansangpui" a rawn ti a, "Eng nge?" ka lo ti vat.



"I best friend ka la ni em?"
Henu hian eng ang zawhna nge maw min zawh le...!

"Ni ang chu... "

"Thian thar I nei a, ka call pawh I chhang duh tawhlo" a vui hle a ni tih a aw lawi rat atang chuan ka hre thei.

"Heyy"
A in sût hraih a, a tap em mawni le...



"Tap suh aw, ka best friend I ni reng ania, chuan I call kha ka chhan duhloh vang a nilo tak tak, bag ah ka dah a, a ri ka hrelo alawm" ti zung zungin ka mutdan hahdam lo zet vang chuan ka thu chhuak hluai a.


"Min biak hmasak pawh I tum lo" a rawn ti leh hram, tette atanga Inkawm kan ni a, a rilru no zia leh tahbelh zia chu ka hrechiang ve tawk.


Kan inbiak loh kar kha ni tam lutuk chu a la ni hauhlo mahse, hman atanga inkawm leh inzui chawt thin tan chuan a lo rei deuh tawh te pawh a niang, keichu ka hna vangin chhun lamah hun awl ka nei lo a, Peka nen kan buaina vel zawng zawng vang khan borruak zalen leh hahdam tak ka hmachhawn ngailo bawk nen, biak nachang ka hrelo a, a rawn vui viau pawh hi ka dem hran lo.




"Hun ka neilo thei lutuk a, tihpalh aw, ka lo be ziah tawh ang che" tiin ka nuih tlawn pah a, ka thlem ngial hnu ah a lungawi ve hram.



"Chuan eng nge min lo call chhan tak chu? Vawi hnih lai leh nghal" ka inbual tui tur ka siam pah a, tlai dar 3 a pelh tawh avangin ka hmanhmawh tawh viau.




"Bialpa thar ka nei" bung zet hian a rawn ti hmuk a, "Engmaw?" a thil rawn sawi teh daih chu ka beisei loh lutuk lam anih avangin ka tum ai hmaah ka nuih phah.



"Ka ti tak tak, ka pa a dam lo a, a ai college ah Mizo ka lecture alawm, thawk thar ve tho ania, chhelo lutuk" a nui pah kur kur a, keipawh ka nui ve tho.




"Sawi chiang la, a hming te..?" ka tih chuan a khuh hmasa val kharh kharh a, "Jonathan-a a nia, professor ngat, a sang sia maw, fel bawk si, an chhungkua an hausa hrim hrim a, bike nalh deuh a nei bawk, awiii ka then phal tawh teuhlo" uar fahran hian Jonathan-a thatna chu a sawi mawlh mawlh a, kan lawm pui lutuk.




Peka chanchin han hrilh ve ka tum zawk na in a la hma deuhin ka hre leh a, dik tak chuan ka tîm a ni, a bialpa thar leh Peka chu a sawi dan hmangah ringawt pawh an in anglo lutuk, ka zahpui chu ka ti hauhlo mahse hun tha zawk dang nghah rih ka duh a ni.




Kan inbiakna kan tih tawp hnu chuan ka inbual sawk sawk a, ei rawngbawl turin inchung lamah ka chho nghal.



Nu Hliri chuan vawksa chu dekchi lian deuh hlekah a lo chhuang so bath barh tawh a, maian chu hih puiin kan titi dun malh malh.




Bathroom kawngkhar ri khap lam chu ka hawi vat a, towel var thianghlim zet mai a kawngah vengin ka bialpa ngei mai chu a rawn chhuak.





A âwm chhah leh a tawk chiaha in phiar nalh zet mai chu a la huh deuh a, a sam a la hnawm viau bawk, a V line sexy lutuk chu ka en kân thei miahlo bawk. Mipa ngo tak a nilo na in a hang hauhlo thung a, a nisa dona avanga vun sen uk deuh kharh te chuan a ti pa ngawih ngawih zawk.




Min kalpelh dawn chuan ka beng bulah rawn kun hniam in "I mit a tla ange" a rawn ti sup a, Nu Hliri a awm ve reng tih ka hrechhuak leh chiah, a.... mit tla lo lek khan ka lo en ve sia, a va zahthlak thei tak.




Chaw ei khamah chuan sitting room lamah kan thu a, nu Hliri chu a inkhawm a, pa Thanga erawh 'ka lu a hai deuh tlat' tiin a inkhawm ta lo. TV ah chanchin thar a ngaithla a, a thutna sirah ngawi rengin Tiuriu-a nen chuan kan lo thu ve. Ka phone ka khawih a, ig velah eng eng maw ka en kual mai mai laiin message pakhat arawn thleng a, chupawh ka bula thu hnen atang hian...



*zanin chu ka lo riak dawn*
rum lutuk in amah chu ka melh a, a hrelo der leh hmak tawh.

*I mawl* tih zawng ka thawn let a, *Ka ngai che* a rawn ti leh daih..


*I bulah ka awm reng hi*

*Ka bula I awm reng lai hian ka ngai zual che* a va han inla zei tak, *Ka ngai lutuk che, I bula awm reng ka duh* a chat a ka la awm lai reng chuan a rawn ti leh a, ka nui suk.


Kei pawhin a bula awm reng chu ka duh alawm, mahse thil tha ber ani rih lo.



*Miin an hria ang, a chiloh* ka tih chuan *A hma ami pawh kha an hrelo* a rawn ti leh zel a, ka dang titih der....




Kan in ngaizawng tir ve chauh a, ka ngaiin ka thlahlel ve lutuk tho, chuan hetianga min thlem reng a nih chuan ka hnar reng phal in ka ringlo!





"Ka haw thla phawt ang aw pate, ka thiannu rawn len a tum a" tiin ka thutna atang chuan ka tho hluai a, Peka chuan min en reng tih hre mah ila ka melh let ve duh lo.



"Chuti mai tur em mawni le" tiin min dan beh tum ve deuh mah se ka tang lui ve tlat a, Peka chu a ngawi ngul mai.




Ka tlan thla hlawk hlawk a, inchhung ka luh rualin Zuitei hnen atang call ka dawng chiah bawk.



"I lo kal dawn tawh em?" ka ti nghal thawr a, dar 7 a pelh tawh avangin lo kal chu a hun tawh.



"Kha kha, hei, patea te hi naktukah haw leh nghal an tum sia, khawm pawh ka inkhawm loh laia han lensan daih chu a rem leh chiah si lo a" a rawn tih chuan ka tum deuh hmuk.




"Ka hrilh lo tawp ang che" ka ti deuh hlak a, "WhatsApp ah kan inbe mai dawn nia, thinrimna chi pawh anih loh hi Vansnag" a rawn tih chuan ka nui ringawt a, a sawi dik ve tho, chhungte an lo zin ve laia han lensan daih chu thil tih chi vak a nilo reng bawk a..



"Aww ah, hrim hrim in naktuk te chu sunday ania, eng nge I patea te pawh chu Pathian an va hlau lo ve" ka tih chuan zawi te hian "7 day an nia" a rawn ti sep a, ka inthlahrung ang reng, mahse 7 day pawh chu lo ni se, vawiin hi an chawlh ni ania, a.... sakhua na an la vung vak lo aniang, thil ho deuh deuh sawiin ka off ta daih a.





Phone a sawi chi ah ka ngaih loh avangin kan inhmuh hun hun a hrilh atan ka khèk tlang leh ta zel a, ka lehkhabu, Biate a ka chhoh hma lawka ka lei 'Chicken soup for the teenage soul' kha a tawp lam ka la chhiar zo lo tih hrechhuak in ka phawrh a, choka lam light down in room ah mu pahin ka chhiar a, a hma khan women soul ka chhiar tawh a, ka hlawkpui tawh viau na in naupang, teenager rual zirtira nitin school kal ka nih avangin anmahni fuihna tur thu tha a tam ring in he lehkhabu hi ka lei leh a, ka tisual lo viau in ka hria.






Ka phone ri ka en chuan Tiuriu-a hming a lo lang kulh a, awmze nei miahlo in inchung chu ka melh vung vung ringawt.




"Hello"

"Kawngkhar hi lo hawng vat teh" zawi te tak tak hian a rawn ti sup a, tunha dar 9 a ri dawn tawh, engmah pawh ka sawi ve hma in a off leh daih a, rilru buai deuh chungin ka va hawnsak leh ta tho.




"Eng nge, zan zanah?" ka tih chuan ngawi rengin a rawn lut tlang a, "Ka lo riak dawn" tih pahin ka pindan lam a pan tlang nul nul.....!!








End of chapter-13
Ads CLICK leh COMMENT kha aw❣️


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:22 pm

MY HANDSOME FARMER


Chapter-14
By RuatiRenthlei



"Heyyy a chiloh emai aw" tih pahin ka um phei chawn chawn a, ka mutna tur ka siam fel sa thlapah chuan fel thân in a lo mu hman!



"Ka ngai che ka tih kha" dar kan akin alo ti mai a, naupang pawisawi lo hmel ang mai in min en kar bawk.

Ka awih theilo zawk!!


"A chiloh ka tih chu U Pek, ka ti tak tak" ka lungphu dawt dawt chu ka hlauhthawn vang a ni tih ka chiang, aw, ka hlauhthawng alawm, hei hi thil nih dan tur a ni lo, nupa nih hma hauha riah dun fo chu, a... a hma ami kha chu ka damloh vang a nia, thildang a thlenglo...



"Thildang ngaihtuah vak nan a tlai tawh ania, mut ahun tawh" tih pahin a mutna sira ka mut ve na tur chu ka beng thuk thuk a, a... engtinnge maw ka tih dawn le?



Ngawi rengin ka dinna ngaiah chuan ka ding reng a, "A va buaithlak" ti nghut in a rawn tho leh hluai a, ka phu chiam leh nghal.



Ka biang lehlem lehlamah dawmin ka piah lawk a bang ah chuan min nawr bet a, "Eng nge i hlauh a? Huhh?" ka hmuiah a fawp zauh a, ka lungphu chu rapthlak khawpin a rang tawh.



"Eng... Engmah ka hlau lo" ka dang ro lutuk vang chuan chil lem ka tum ngial a, ka thei thaklo.



"Engtinmah tih che ka tum lo, ka âwm nghengin muhil la, keimahah hahdamna hmu la ka duh, chuzawng chu" ti supin a chalin ka chal a rawn nawr si a, a kutzungpui chuan ka biang a nul hauh hauh reng bawk.




"Mahse, chupawh chu nise riah dun ringawt chu, insum theihloh chin.... "


"Shhh" ka tawng lai chu ka tawp chawt a, a mitah tak en chung chuan "Eng nge?" ka ti leh sep.


"Min ring turin ka duh che, ka insum theihloh vanga i nunpum ka tih chhiat phal ring hauh suh, a tha em? Hahdam turin ka duh che ka tih kha, tih hlauhthawn che ka tum lo" a nui zui suk a, a tawngkam tam lo te, mahse ka hlauhthawn na zawng zawng ti reh vek thei si vang chuan keipawh ka nui ve ta hak.


Lungawi deuhin mu turin kan in kai phei a, ka lehkhabu chhiar lai pawh chu ka chhunzawm leh tawhlo.



A âwm ngheng chialin min kuah bet a, a lungphu ri dup dup ngaithla chung chuan mit ka chhing vang vang.



"Eng ang chiahin nge min ngaih?" a zawhna vang chuan mit ka meng leh a, hmai zangthal haw a amah chu en in "Eng maw?" ka ti nawn sep, inchung chu a melh vang vang a, "Keimah hi, min duh thu i sawi a, eng nge a chhan?"


"Tiuriu? "
Min rawn en in a nui suk a, "Ka englai hi nge maw I duh le" ti leh supin ka hnar a rawn piai zeuh a, "Ka hre bik lo, ka duh ve tawp che a" ka tih chuan nghet leh zuala min kuahin "Ka hria e, muhil tawh rawh" a ti leh daih a, mahse chuti maiin ka muhil thei teuhlo.




"Anih leh nang ve? Eng nge min duh chhan?" ka tih chuan a ngawi deuh vang vang a, "Chhan a awm lo" a tih chuan ka lungawi vaklo, tum hmukin amah chu ka en reng a, "Titeh, nangmah I nih vang chauhin ka duh che, chhan dang a awmlo" nui hawk chung hian a ti leh a, "Eng nge keimah chu min duh chhan?" ka ti leh talh,

"Chu zawhna cu ka chhang theilo, I hre duh talh anih chuan nghak deuh la, I hre mai ang" a ti ta sup a, fiamthu hmel a put loh em avangin ka zawt lui duh ta biklo.




***


"Thawh a hun tawh ania" tih ri ka hriat rualin ka chal chuan Tu emaw hmui lum a feel nghal vang vang a, mit ka men hma hauhin ka nui seih.



"Dar engzat nge?" ka tih chuan "Dar 7" a lo ti vat a, ka meng ve ta chauh.


Zing tho hlim hmel a put loh em avangin ka mutna atanga tho chhuak pah chuan a thawh hma leh hma loh ka zawt a, "A la reilo, thingpui lo in rawh" tiin pindan atang chuan min chhuah San a, min kaitho Tu a fuh lutuk vang nge tuk pum chuan ka khi thaw reng mai hian ka hria.




Pathianni anih avangin kan inkhawm a, chawhma inkhawm banah Zuitei chu lo lut kawiin kan pahnih chauh chuan kan titi a, Aldrina nen kan inkar leh ka laka a chetdan te ka hrilh chuan a thinrim khawp mai, 'ka rin ang a nilo reng reng, a va han zaktheilo tak, hnaih tawh reng reng lo ang' tiin a phun hlak hlak reng a, keipawh in chu chu ka duh.




School khatah kan thawk a, biakloh emaw hnaihloh tawp chu thil theih pawh a nilo. Ka tan ngat phei chuan subject partner kan ni leh nghal a, engpawh nise hnaih loh hram tum ila, a fal phei chuan teuhlo lutuk, ngainat awm taka biak kher pawh a tul tawhin ka hrelo, thil thleng kha kan hrechiang dun em a, keimaha huatna awm zawng zawng hi alakah burbun vek pawh ni ila min dem thei bik in ka hrelo.





Chuan tun thleng a ngaihdam dil na thu engmah min la rawn thawnlo hi thil mak tak a ni bawk, ka biak chak vanga ni hauhlo mahse thil a ti diklo a, ngaihdam dil chu mi pangai tih tur ani... Urghhh mi pangai pawh a nih hrep loh kha mawle, ngaihtuah tawhlo zawk teh ang....




"Chuan maw Zuite, thil dang hrilh tur che ka la nei" ka tih chuan bu nghatin a thu rem sauh sauh a, "Bialpa ka nei a" ka tih chuan a khèk ring nasa mai.


Tunge ka bialpa pawh ka sawi hma hauhin a au vak vak phawt a, a chet dan naupangchhia lutuk vang chuan kan han nui leh rih.

"Tunge a? Kan khua ami maw? Sawi vat vat teh" ka banah dawmin min sawi nawk nawk a, thil ho te a an phi cheng thin hi alawm Kimi nen an in an em em na, kan mizia a inang lo viau chung hian ka kawm chi tak an ni lawi si a.





"Englo, ka sawi anga, mahse mak ti lutuk suh aw, au miah suh" tiin ka vo lawk a, a au vak loh tur thu a intiam phawt hnu ah "U Peka" ka ti sep a, au chu a au lo, mahse a mitmeng chu a phili nasa mai, thawm nei miahlo in chhuatah chuan a zuang tawr tawr a, mi â tak tak a ang lutuk.




"Mawli rawn thu teh" ti hlukin ka pawt thu hnawk a, "Awi engtinnge anih theih a? Ka ringhlel tho cheu ka tih kha mahse anih tak tak chu ka ring chuang miahlo, awii a mak e, a bem che ami, sawi thuai thuai teh" amah zawkin min sawi leh nawk nawk tawh.




"Ka sawi dawn alawm, lo ngawi la" ka tih chuan dawhkana tui te chu a va in hmasa leh tete a, a thaw sa leh rilru chiai lutuk a reh hnu chuan thawk la ham ham in "Min bem chiahlo, party zan khan a rualin ka haw a, tah chuan ka duh tih ka hrilh" zep miahlo chuan ka ti a, a lo meng kawk mai.




"I duh tih I hrilh hmasa maw?" atih chuan ka bu nghat a, "Karei leh Vansangpui" tih pahin ka darah min beng thlawp.




"I hrilh hma in keimah min hrilh ta che" vui aw lek lek hian a ti a, chutiang tihna hman awm hlek lo chuan...



"Keipawn ka inrin hma in ka hrilh ve tho, a tirah te chuan ka duh tih hrilh pawh ka tumlo hrim hrim, mahse Aldrina lak atang khan min rawn chhan a, a... amah khan sawilo theilo in min siam a ni ber" sofa chu ka ngheng dawt a, ka thaw chhuak hawlh.



"Mak ka la ti tho, mahse ka lawmpui che, u Peka chu ka hriat chinah pawh mi tha deuh ania, en mai chuan a nelawm loh viau na in a rilru chu a tha tih ka chiang" thutak deuh hian a rawn ti ve a, tiang chuan chawhnu pawh inkhawm tawh lovin tlai lam thleng Peka chungchang sawiin kan titi tluan zak.




****





"Hello nu" ka phone chu speaker ah dahin ka hmai chu ka chei pah mawlh mawlh a, lehlama tang ka nu chuan dam diai hian "I la kallo em ni?" a rawn ti a, "Umm, ka insiam mek" ka lo ti vat, "Tunlai in buai deuh nge, mi I va rawn be khat ve" a tih chuan ka ngawi deuh vang vang a, kan inbiak tawp ber kha kar hmasa daih ani tih ka hriatchhuah chuan ka inthiamlo viau, "A... Aw buai deuh a" ka ti ta ringawt a, "Mi hi I ngailo riau mai a, I pa phei chuan kan aiawh Tu a hmu tawh aniang a tih che kha" fianthu titak deuha a tih chuan nui hak hak pahin "Awihawm loh e" uar fahran hian ka ti a, kan inbiakna kan tih tawp chuan Zuitei pawh a rawn thleng phai leh tawh.




"I bialpa chu ramvak turin a inpeih leh thlap tawh, a rawn hlawhtlin viau chuan chaw ei ah min sawm ang che u" ngeiawm deuh hian min melh kher a, ka kuttum in ka tin uaih hman, an monu emaw hi min tia, chaw eia sawm te chu keimah pawh hian ka dawng pha ngut abngem aw...




Inchunga kan chhuahchhoh chuan a silai chu alo tifai mawlh mawlh a, ramvak tur tih hriat fahranin sipai kawr tial ang hi a ha a, boot chhah zet a bun bawk, amah a palian bawk nen silai ala keng zui a, a landan chu rorum tak a ni tawp.




Kan inzuina atang thla khat dawn a liam ve leh tawh a, ka ngaihzawng hmasa te anglo takin inhauhpui na ka la nei miahlo bawk, han tih tauh ve deuh ka tum pawh hian tih tauhna tur ka hmu thlawtlo ani ber, min ngaihsak viau a, hmeichhe dang vanga buaina pawh kan nei ngailo.



Zuitei nen min rawn hmuh rual chuan a thutna atanga tho in Leo chu a ko a, inchhung atang a rawn tlan chhuak nghal vat.


Min rawn pan pahin ka mitah tak min en chung hian a kiai suk a, ka lai dawn ringawt leh nghal.



"Eng sa emaw ber i rawn hawn loh chuan kan lungawilo viau dawn ania" Zuitei chuan a lo ti hmanhmawh a, ka lo ip chawih.



"Hawn tur ka hmuh ngangloh chuan ka riak mai aniang chu" pakhat chuan a lo ti ve sup a, min la en reng tho.



Chhuanlamah "Leo hi i hruai ve dawn ami?" ka ti ta daih a, ka thusawi hria ni awm fahranin a pu in min chhan hma chuan a lo bauh lauh lauh a, Zuitei chuan a lawm nasa mai.




"Ramvah te chu kei aiin nuam a ti daih zawk alawm, tirawh le Bawiha, kan tlai lutuk ange" tiin leo chu a au a, Zuitei fiam nawk nawk na atanga tal pût in a pu chu a rawn pan vat.




"Ke in ami in kal dawn?" ka tih chuan bu nghut in "Ramvak turin motor an keng ngailo" nuih za aw lek lek hian a ti a, lei ka chhuah zeuh.





Scooty la chhuakin school lamah ka thiani nen chuan kan in phur thla a, kawng tluanin a zai tluan thak leh nghal!





"Ni tak, nimin ah Aldrina a lo haw asin" gate a kan luh ruala Zuitei thil sawi vnag chuan ka ding dat a, amah en pah chuan "Tak tak maw?" ka ti sap.



A bu nghat a, "Mahse hrehawm tih phah lutuk suh aw, in in pehhel reng thei dawn chuanglo a, anih ang ang in hmachhawn tawp rawh, a bia che anih loh chuan biak hmasak tumlo la, mahse thawk ho vek kan nia, a biak che chuan tha deuha i chhan tho a ngai, a ni pawhin nuam a ti dawn bik miahlo ania" a ti zui mawlh mawlh a, office kan thlen chuan midang ho chu an lo thu leh thup tawh.




Aldrina pawh a dawhkanah eng eng emaw a lo ziak malh malh a, min rawn en rual chuan ka hawi sawn vat. Ngawi rengin ka dawhkan lam ka pan a, ka tum hmuk lo na in nui hmel pawh ka pu chuanglo.




Hmanni zana thil thlen atang khan kan la inhmu leh miahlo a, thla khat chhung leave la in Monday khan Aizawl lam a pan nghal a ni awm e. Midang bulah chuan chhungkaw thil leh a hriselna that vakloh thu chhuanlam mah se a ruk tak chuan keimah vang a ni ka ring deuh tho.




"Miss Thangtei a awm silo a, nangman min luhpui leh mai dawn em ni Tete?" Miss Maruati tawng ri vang chuan ka hawi chhuak vat a, "Ni tak, devotion tiraw" ti vatin ka tho thuai a, Miss Maruati leh Miss Thangtei hi devotion i/c an nih avangin an kutah hian kan dah deuh tawp a, an remchan loh chang chuan kan inpui ve leh lawp lawp zel.






Chawhma banah chuan zirtirtu tam zawk chu haw lovin school ah kan tiffin pai ang ang chu kan ei ho a, Aldrina pawh a ni leh nilo angin tiffin a rawn pai ve khauh. Min biak loh avangin ka be duh biklo a, a hma anga thian anga ka en theih takloh avang erawh chuan nuam ka ti chiahlo.



"Taka Vansang, tunlai hian Pekhlua nen sawi in kai ve tlatin ka hria, inchung lamah i lawi dawn hnai em ni?" sir Muankima chuan a rawn ti phawng a, midang an nuih dar dar laiin amah lah chu a nui duh derlo leh nghal. Han hnial chiam dawn lah chuan dawt lah chu a sawi mang bawk silo, ka tih ngaihna hrelo chu a nui uar uar ah ka tang ta vel....




Peka nen min hmehbela min fiam rawn laih laih lai chuan Aldrina chu a rawn nui ri ve suk a, a thil rawn sawi chhuah vang chuan ka nghing lawih thei.



"Peka te chuan hmana a hmeichhia bak kha midang a la ngaihven leh pawhin ka hrelo, Malsawmi kha chu a duh em a, pasal a nei tawh chung pawhin an la in be zauh zauh tih Thenzawla ka thianpa in min hrilh alawm, a reng reng ah Tetei te chu khawpui nula ania, khawpui ah tlangval tha deuh a hûng reng tawh zawk ang chu"



Midang ngaihin a thusawi chu eng tehual ni lo mah se ka nuih erawh a tiza lo viau.




Thip ram in Aldrina chu ka melh a, pawisawi lo hmel fahran hian a lo nui suk, thaw chhuak hawkin ka thil ri lai chu ka thawh San a, Zuitei chuan midang ngaihtha lo tur chu ti ti dang a lo vawrh pui vat bawk.



Ka kut sil in school hnung lamah chuan ka chhuak a, tun maia ka thu hriat khan ka thinlung hi a nghawr che dawt thei.


A sawitu ngaihtuah khan awih miahlo tur ka ni tih ka hria, mahse Malsawmi a rawn sawi chhuak a, pasal a nei tawh tih leh Thenzawlah an awm tih thlenga a rawn hriat vek avang khan awihlo theilo in min siam a ni.




Thingkung buk hnuaiah chuan kut kuang kuahin ka ding rang a, ka hma lawka tlang awm khamphei zui chu thlirin ka ngaihtuah naah chan thil tam tak a rawn lut nghal a.




Engtinnge huai taka khatiang thu kha a sawi ngam le? Dawt ngawt sawi tur atan chuan a in ring tawk mah mah in ka hre bawk si, ka phone chu ka hum ngawt ngawt a, Peka call ka tum zuk na in thu belhchian dawllo vanga a ramchhuak lai va call em chu thil tih chi ah ka ngai bawk silo.



"I tha maw?" Zuitei aw ka hriat rual chuan ka in her vat a, a bul lawkah a lo ding fel der tawh.


"A thu sawi kha mak i ti ve tho em?" ka lo ti sep a, but ngut in "Malsawmi a rawn sawi chhuak kha mak ka ti lutuk, an hun lai khan an innei dawn emaw kan ti vek tawh a, mahse hriat loh hlanin an lo in then leh daih a, a sawi dan hmangah Thenzawlah pasal neiin a awm tawh a nih hmel a, engtia khatiang thu kha rawn sawi thei nge maw anih le?" a ti zui ve duah a, chu thil chu ngaihtuah tham tak a ni.





"Ka hre bik lo le, malsawmi nen an chungchang kha chu ka hre ve alawm, amah ngeiin min hrilh a, tunah chuan khang thil kha hun kal tawh ania, buaina tham vakah pawh ka lo ngailo a" ka ti leh sap a, ka thu hriat khan ka mood a thlak hneh em avang in han nui lui ngial tur pawh ka awmlo.




"A... A lo haw hunah kan zawt dawn nia, tichuan a chiang ber ang, bakah a sawi Tu kha ngaihtuah la, awih tawp duh rih suh" tiin ka darah min rawn nek salh a, bell a rawn rik tak avangin sawi zawm lovin kan inzui lut leh a..





"Kan peon ve lah hi, parawl ve si a buai em em reng mai" office tala lock pahin Zuitei chu a phun hlak hlak a, ka lo nui tawi tak ringawt.




Naupang leh zirtirtu dang ten min haw San tawh a,kan peon U Tlana'n haw hma ka ngai tiin Zuitei nen office kalh chu kan kutah a dah leh tawh anih pek hi, kan veng ami tho ani a, chabi han pek kawi a rem em avang hian a haw hma chang chuan Zuitei nen kan kutah a dah tawp zel.




Scooty ka turn laiin Zuitei chuan kawngsir ah min lo nghak a, "Enteh Te, saw saw leo ani em?" a hawina lam chu ka en vat a, kan lam pana Leo rawn tlan phei ka hmuh chuan min ti hamhaih viau.




"Anih saw, a pu kha a zui emaw ka ti a" tih pahin scooty atang chuan ka chhuk a, hah hmel taka Leo rawn tlan chu ka bul a rawn thlen rualin ka lo chhawn vat a, a Lei chhuahin a thaw hlawp hlawp a a hmul buang thêng ah chuan chirh leh chabet te a kai nuk a, en reng reng chuan a bal in a pawr fep mai, zinga a landan nenchuan insersan tak a ni tawp.




"Hetah eng nge i rawn tih a Leo? Khawiah nge i pu?" ka tih chuan a rawn tlanna lam thlir in a chîk ngher ngher a, a mitmeng fiah kak leh tle ralh chu nidang anglo takin a ngui nghiai hian ka hre bawk.





"Thil thleng a awm em ni Leo?" tia ka zawh leh lai chuan Zuitei zawk chuan "Tete, thisen!" a rawn ti sep a, Leo ke veilam ah chuan thisen tharlam zet mai hi a lo kai niai chu niin.






Kan han en kual a, a taksa ah chuan hliam hmuh tur a awm hauh silo, ngunthluk taka ka ngaihtuah hnuah thil diklo a awm ngeiin ka hria a, ramhnuaia awm tur anih laia mangang hmel taka Leo a rawn tlan haw dan leh a ke a thisen kai zawng zawng vang chuan ka rilru a hahdam thei tawh lo.





Rang zeta ka scooty ah lawn kaiin Zuitei chu min lo han haw San mai tur in ka ti a, Leo chu hma hruai tura hrilh in hrethiam takin a rawn tlanna lamah bawk chuan a tlan let leh a, a hnungah chak takin ka zui ve nghal





Ka ngaihtuah na nu bulh leh hlauhthawnna nasa lutuk chu bengdaih tumin ka infuih mawlh mawlh a, rilru ah chuan ramhnuai ah hian tawh sual a tawk anga, sa in a seh anih loh vek pawhin midang ramvak ve tho te hian an lo kap palh anih rinna te a rawn lang zut zut a, a chhe ber thleng thei tura ka ngaihtuah na chu mittui in a rawn zui!!!









End of chapter-14

Dik tak chuan hemi chapter hi 🔞 tura ka hisap ania, a nilo lamah kan peng ta daih anih hi😂


Ads vawi khat CLICK leh COMMENT kha aw❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:22 pm

MY HANDSOME FARMER


Chapter-15
By RuatiRenthlei



Ka mittui luang chu tuai hul tawkin Leo chu ka ko vak a, rawn leh hawi zawkin a tlan lai chu a thulh chuanglo. Khawchhung atang kan tlan thui tawh viau a, rilru chiai pu lo turin ka la in fuih ru mawlh mawlh.




Kawng peng pakhat kan thlen chuan Leo chu a ding a, scooty atanga chhuk pah chuan ka pan hnai a, "Hetah hian em ni?" ka tih chuan a rawn bauh lauh a, nichina a mangang hmel kha a la bo chuanglo, a hah hle a ni tih hriat takin a zawi ngiai a, a lei chhuah in a thaw ve hlawp hlawp.




Mahse muangchang thei kan nilo tih a hrethiam aniang kawng peng, mi thenkhat ten feh kawng atana an hman thin ni awm tak, zau vaklo lamah chuan a tlan leh a, scooty ken zelna chi nia ka hriat loh avangin ke chuan ka umzui thuai a.




"Khawi lamah nge Leo?" ka tih chuan hma lamah tlan zelin a bauh vak vak ringawt a, kawngpui atang pawn kan tlan thui leh tawh lutuk, ka lungphu dup dup chu ka kawr chhanah ka tham khawm leh vak thin a, kawng sial mumal ah pawh kan tlan tawhlo, kan awmna chu ramhnuai pik leh tihbai awm ru zet ni hian ka hria...




Mahse ka ngaihtuah na erawh mi pakhat chiahin a luah thung, 'ka tiuriu-a' ka tlan lai chu ding datin ka thaw hlawp hlawp a, aw, keima Tiuriu-a vang chuaha helai hmun hi thleng ka ni, engvang mahin ani kha ka chan ngawt theilo, he ramhnuai thim khup ina a ken tel hlauhna hian min ti buai phalo a, ka tiuriu-an tawhsual a tawk palh ang tih mawlh chu ka hlau a ni.




"A la hla em?" Leo chu ka melh a, ring tak taka bauh bak tihtheih a nei bik silo, "Anih chuan tlan rawh" ka ti a, a hnunga tlan ve pah chuan Peka chu ka au pah a, ka thawm hriat chhun erawh hnahthel ro kan rap ri leh keima aw thangkhawk chiah chu a ni.




Thui fe kan tlan leh hnu chuan thing bul nghenga ka bialpa lo thu zawi ngiai chu ka va hmu a, chak leh zualin a lam pan chuan ka tlan vat.




"U Pek, Pekhlu, harh vat teh" a biangah dawmin ka sawi nawk nawk a, mahse a mit chu a chhing tlat!



Ka tap chhuak hawk a, a hminga ko in ka la sawi nawk nawk tho, Leo chu vin deuh hian a bauh thawt thawt a, Peka ke lam chu a hnarin a nawr nu nu bawk a.


A kekawr tlang chu ka thlep chho a, tah chiah chuan thisen a chhuak tih ka hre chiah.


Rul chukna hnuhma tih hriat takin hliam pahnih a lo awm a, "Hei vang hi em ni Leo? Rul in a chuk amaw?" a chîk ngher ngher a, a mitmeng tle ralh leh fiah kak atang chuan mittui a rawn chhuak anih chu!



Ka hmeichhe rilru no ko chhuaka han tap khawmuang thei ka nilo tih ka inhria, ka sana bun lai chu ka bih thuak a, tlai lam dar 4 a pel thui tawh viau, ka bag a hanky chu la chhuakin thisen chu ka hru thuak thuak a, ka theih ang anga ka tuam phui hnu chuan ka water bottle a tui tlem la awn chuan Peka hmai chu ka theh thawt thawt a, mahse chutianga ka tih hnu pawh chuan a harh thei chuang miahlo.




Ka bag a ka phone chu a rawn ri ral ral a, ka mangang ata langin phone ka nei tih pawh ka lo mangnghilh lek lek alawm mawle.


Screen a Zuitei hming ka hmuh rual chuan ka chhang vat a, mahse a tawng ri chu ka hre hleithei derlo,ka tawng ri tal a hriat theih beiseiin kan awmna lai chu ka thiam ang angin ka hrilh a, mahse ka duh ang pawh ka sawi zawh hma in signal a bo zui a, a reh nghal duk.




Phone chu dahin Peka bawk chu ka ko leh a, Leo pawh a bang chunglo, a pu chu a hmuiin a nawr ve nu nu a, a hmaiah te a liah sak thul. Ka mittui a rawn tla a, Peka tana tih theih ka neihloh lutuk na chuan hrehawm min tih tir takzet.




Mit ka chhin(g) vang vang laia Leo rawn bauh thawm ka hriat chuan muangchangin ka meng a, Peka rawn meng ve diar diar ka hmuh rual chuan ka tah nuih hak.




"I tha tiraw? I in tihharh hram hram a ngai ania aw" ti vatin a lu chu ka dawm kang a, ka malchunga ka nghah rual chuan na zet hian a thaw ri hrawih a, "Ka ti na che em ni?" ka tih chuan thei leh theilo hian a rawn nui suk!



A va han hunlo tak, "A nuihzatthlak loh ania, i in tihharh hram hram a ngai" tiin a sam chu ka tuaisak thuak thuak a, han chet ve deuh ngial a tum pawhin a malpui dawm chung chuan a then leh tlawk tlawk thin a, ka khawngaih tak zet.





Rul tur khan a mal thlengin a fan chho a ni mai thei, kan enkawl vat anih loh chuan thil pawi tak a thleng thei tlat.



"Rul tur hi a chak lutuk a, reilo te ah i ngaihtuahna kha a chim nu tial tial anga, I taksa chak na zawng zawng kha a bo vek dawn, chumi hma chuan i in tihchak hram hram a ngai ania aw u Pek, in ti harh hram hram rawh" ti mawlh mawlh pahin ka bag chu ka la kang a, chhuna miss Thangtei'n Appy drinks min pek kha a straw vuah sakin ka in tir a, tawng pawh a tawng peih tawh meuhloh na karah hian engtinnge ka tih zel dawn ka hre hleklo.




Phone signal lah chu a awm thei derlo leh nghal a, dar zat lah a tlai chakin khaw eng lah chuan min peihloh San teuh tawh bawk si, Leo chu a tlan nasat em avang khan a chau deuh nge zawi ngiai hian a pu ke bulah chuan a bawk reng a, mahse a muhil bik hauhlo thung.




Peka chu biak tawng ka han tum ngial thin a, tawng chu sawi lo, a mit pawh a meng peih mang tawhlo, a hliam lah chu tuamsak tawp bak tih dan tur ka hre der mai silo a, kan boruak tawn chhe zet vang chuan ka mittui a rawn hnâm leh tiam tiam a, ka bianga a rawn far rual chuan ka tuai hul tawk.



Ka kut pahnih suihkawp in Pathian hnen ah ka tawngtai a, chham tur dang ka hrelo, "LALPA MIN TANPUI RAWH" tih zawng chu ka sawi a, mahse thinlung leh tih tak zetin ka tawngtai!!





Mit chhinga Pathian hmaa ka kun tlawk tlawk lai chuan thawm ka hria a, aw, mihring tawng ri nak nak thawm pawh ka hria.



Ka meng chhuak hlawl a, uluk takin thawm ri chu ka ngaithla leh a, a lo hnai tial tial a, kan kalna lam atang tho khan Zuitei leh midang hi an rawn lang hlawl a, an hmel ka hmuh ruala ka rilru hahdam zia chu ka sawifiah thiamlo hial zawk ang, ka rilru chuan Pathian hnenah lawmthu ka sawi zui mawlh mawlh a, ka lawm lutuk vang chu nge ka hnuk te a ulh leh dawn nghal ringawt....




Min rawn pan vat a, Zuitei bakah u Henry-a leh kan KTP leader pu Chhana te bakah kan veng nurse kan tih mai, a tul hun apianga kan koh phar reng thin Manuni te an lo ni a,Manuni chuan a theih ang angin Peka chu a bawihsawm nghal a, a muhil ang tih kan hlauh avangin a tute mai pawh chuan kan be mawlh mawlh hlawm.


A hliam chu phui deuh zawka a tuam that hnu ah haw turin kan in buatsaih a, U Henry-a leh Pu Chhana ten Peka chu kuahin han kalpui mai an tum a, mahse ani tha nei tawh reng renglo zawi vek tawh chu patling pahnih tan pawha han kuah kal luih chi a ni bik silo, kan awmna bul vela thing tuai tha deuhte chu sat in ram hrui an la a, an suih zawh hnu ah chumi chuan rem leh remlo in kan zawn haw tawp.




Motor kal theihna chin kan chhuah chhoh chuan khua a thim fel tawh a, pu Chhana carah chuan dah lutin keipawh ka thu lut ve nghal a, ka scooty chu U Henry-an khalhin a hnungah Zuitei a phur a, front seat ah Manuni chu a thu bawk.



Kawng tluanin ka ko mawlh mawlh reng a, mahse a lak atangin chhanna engmah ka dawnglo.




Damdawiin kan thlen chuan duty ten lo buaipui vatin a hliam chu an khawih nghal mawp mawp a, kan vaiin pawn ah kan lo nghak thap.




Ka kut pahnih suih kawpin nghet deuhin ka hum ngawt ngawt a, damdawiin chhuatah chuan ka teikual sek bawk.




"Chiai lutuk teh suh Tete, a tha leh mai dawn alawm" U Henry-a chuan a ti nghut a, "Mahse u Henry, khatianga a awmna kha a rei tawh lutuk, thisen a hloh hnem ropui si" a lam pan pah chuan ka ti phei mawlh mawlh a, a bula ka din rualin ka darah alo dawm vat a, chutianga min kuah pah chuan "A tha leh mai dawn ka tih chu, hlauthawng suh, chanchin ngaichang phawt ila, nakinah thil awmzia kimchang zawk te pawh min hrilh a la ngai dawn ania" dam thlup hian a ti a, ka dar chu a tuai pah hauh hauh bawk. a





Nurse pakhat rawn chhuak kan hmuh chuan kan pan nghal vat hlawm a, "Tun ai hian lo thleng tlai hret ni ula kan in chhan hman kherlo mai thei ani, rul tur khan a thisen zam a fan kual hman a, mahse a tur kha a chak lutuk loh avangin thil pawi tak chu a thlen loh beisei ang u aw,, thisen a hloh hnem a, zanin ah a rawn harh chhuaklo anih pawhin naktuk lamah chuan a rawn harh mai ang" dam thlap leh ngaihthlak nuam tak hian a ti a, a hmuh theih leh theihloh ka zawh chuan a theih thu sawiin kei leh u Henry-a chu Peka hmu turin a chhungah kan lut a.




Damdawiin khuma mu dâng bal ka bialpa chu hnaih chilh rawk rawkin a kut hlai hlupa venflon an vuahna chu dimte hian ka khawih a, a pang ti lum em em thin kha a dai duak a, a hmui sexy em em reng thin pawh kha a hil rep tawh.





Dam tha taka a awm lai kha chuan han na ve thei hmel pawh a pu lo a, mahse damdawiin khumah meuh a han mut ve takah chuan midang zawng zawng aiin ka hmu nâ a, hetianga damloh hi a inhmeh loh lutuk vang pawh a ni mai thei, ka lainak bik riau.





U Henry-a chuan ka darah rawn dawmin "Zuitei khan Nu Hliri te a bia a, an lo thleng ve tep tawh ang" a rawn ti sup a, a sawi zawh hnu deuh lawkah kawngkhar chu a rawn in hawng a, Nu Hliri te nupa leh Zuitei te an rawn lut ve a.




"Aw... Mama, a va han zialo ngai ve mawle" zawite a tih pahin Nu Hliri chuan afapa chu a rawn pan a, a samah chul in lainat hmel tak hian a en ngawih ngawih.




U Henry-a chuan ngaihtuah awm a nih loh thu leh naktuk ah chuan a harh mai theih tur thu a lo hrilh ve zung zung hlawm a, Pa Thanga chuan keimah min rawn en in "Zuitei'n eng emaw chen chu min han hrilh ve a, mahse nang a hmuna va hmutu leh bawihsawm Tu ber ni ta chu thil thlen dan han sawi ta che" dam deuh hian a ti a, Manuni leh Pu Chhana te an awm ve tawh lo a, chhungkhat tak tak chauh kan nih tawh avangin school a Leo rawn tlan dan leh kawng min kawhhmuh dan te, Peka ka va hmuh dan te chu ka sawi melh melh a, uluk takin an lo ngaihthla thap hlawm.




"Awmlo la chuan engtinnge maw ka fapa hi a awm zel ang le Tete.. " Nu Hliri aw lawi rat chu a hnuk ulh vang a ni tih ka hria a, nui hak pahin "Keite chuan engmah ka ti hleinem, Leo kha awmlo se engmah ka hre dawnlo a, taka, khawiah nge Leo hi?" U Henry-a chu ka melh chho haw a, damdawiin kan thlen hnu khan ka ngaihven zui ta miahlo tih ka hrechhuak chiah.





"A chau bawk nen Manuni khan 'kan in lamah ka lo va hawn phei nge' a ti a, ka hnial duh ta lo anih kha" a tih chuan ka bu nghat a, "Nia, a pu vanga a mangan bakah a chau dawn lutuk ringawt" ka ti sep a, ka thaw zui hawlh.






"Titeh Tete, zanriah olpawh i la ei tawp nang, va haw ula chaw te va ei tawh u, Mama chu kan lo awmpui mai dawn alawm" Nu Hliri'n a rawn tih chuan ka vawnlai kut chu vuan nghet salhin "Nilo e Nute, ka ril a tam lo a, a harh hma chu ka lo awmpui zawk ang" ka ti sap a, kan inzui tih an hre vek tawh a, an ngaihtuahna zawng zawng hre vek lo mah ila min biak chhiat phahlo a, 'min pawm thlap' chu ti dawt theilo mah ila tun dinhmunah chuan zahtheihloh chhuah ve deuh mah ila pawi ka tilo, heti ngawt hian hahdam takin ka Tiuriua hi in lam ka pansantheilo ang.


Min tilui ve ngial hlawm mah se ka tan tlat avangin an beidawng ve ta deuh nge dar 8 bawr ah haw turin an in buatsaih a, u Henry-a chuan mut hma in puanthuah min rawn pek tur thu leh eitur ka duh leh duhloh te min zawt a, engmah ei chak lo mah ila Peka lo harh huna a ei ah tiin ka chah tel ta tho.


Chaw min lo ken sak a tum chuan ka hnial tlata, Peka pawhin engmah ala eiloh laia lo ei bik te chu afair dawn lo em asin.....





PEKHLUA's POV




Tui far fep fep ri chu chiang takin ka hrethei a, ka ke khawng leh na ngut ngut ka feel rual chuan ka meng chhuak hlawl bawk.



Inchung ceiling ngawt atang chuan ka awmna chu khawilai nge tih hriat a har em avangin ka lu chu ka ti che deuh a, banga thil in tar te ka hmuh chian takah chuan damdawiin ah ka awm tih ka hre chiah.





Tui far fep fep ri ka hriat kha ka mutna khum bula drip min khaisak vang tih ka hriat chuan ka kut lam chu thei leh theilo in ka melh a, ka kut vuanalo muhil hmeichhia ka hmuh rual chuan ka thaw zui hawlh.



Tunah eng hun nge tih ka hrelo a, ka hriat hnuhnun ber chu ramhnuaia chau taka ka awm lai khan 'ka bawihi' hi a rawn kal. Aw,, ka tan kha ramhnuaiah khan a rawn kal chiang a ni.




Ka thaw chhuak ham ham a, han chet zui ngial tum mah ila akawng chin hnuailam chu a khawng tkat hina ka hria, min tur ut ut a, a na phian bawk





Bawihi tih harh ka hlauh avangin ka che zawm duh ta lo va, mit chhing leh siar siarin kha ramhnuaia thil thleng te kha ka ngaihtiah let a...





Khatianga ramhnuaia Leo nen kan kal laikhan sazuk thawm hriain thawm dim deuhin kan veh them them a, engtik laiin nge alo thlen ka hrelo, rul lian ang reng tak hian ka ke ah min lo chuk(Bible ah chuan 'chu' te pawh an tia, mahse 'chuk' tih hi a awlsam zawk ka tia, a dik zawk tak pawh ka hrelo😂) reng chu niin,han thin(g) thlak mai ka tum a, a lo tang nghet zek bawk si, awlsam taka ka tihtlak mai theih tak lovah chuan ka kutin ka man lawk a, thah loh chi nia ka hriat loh avangin ka chem pai chu ka phawrh sawk sawk a, ka chinfel hnu chuan ami chukna chu ka enchiang a, a na lutuk lo na in thisen chu a chhuak tha duh phian.





Mahse thil thleng ngailo pawh a nilo a tiin ka ngai pawimawh duh lem lo a, kha rul kan buaipui thawm avanga ka sa chân lai ka hloh phah erawh pawi ka ti hle.




Chawhnu herah chuan a chhan hriat si lohin ka lu a rawn hai a, han kalluih ngial ka tum na in ka thei hleklo.




Ka awmdan hrethiam tu ka ui chu a bauh thawt thawt a, ka luhai bakah ka ke, a hma aia rawn na zual ta tlat chuan ngaihthat lohna min neih tir thuai a, ât so a in lak pa vakna hun a nilo tih ka hria.




Leo hnenah chuan khaw chhunga tlan vata Tetei hnenah chanchin hrilh turin ka ti a, thuawih takin ka sawi ang chuan ati a, keipawh ka la dam ve phah anih hi.





Thil thleng zawng zawng ka ngaihtuah let chuan kha rul kha ka haw thar riau a, tullo tawpin ka sehruh tawlh tawlh thei hial.




Ka pang kham tih reh tuma ka che deuh chu Tetei chuan hriain a rawn harh a, ka lo en reng tih a hmuh rual chuan thu mar vutin a der ni miahlo hian a nui sen sen a,


"I lo harh tawh a, na i la nei em? Ei chak te I nei em?" Min rawn thut hnaih deuh a, a nui hmel hian hahdamna nasa lutuk min thlen tih chu hre ngat se zawng, ka laka lungawilo der tur takngial pawh a awmlo hial ang





"Ka tha" ka ti sup a, ka aw hnawk tuak vang chuan a nui zui hak bawk...
A kut tereuhte chuan ka pang chu a rawn dep ve ngei a, "I khua chu a sik lo, I ril a tam em? U Henry-an eitur a rawn dah teuh a" a tih chuan ka chak rihloh thu ka hrilh a, dar zat ka zawh chuan a sana bun lai chu a bih thuak a, "Zing lam dar 4,khua a var tep tawh ang" a ti mai a, puan chu uluk deuh hian min sin that tir pah bawk.





Nikhua ka hriatloh hnua thil thleng leh helai hmun min hruai thlen dan te ka zawh chuan tha takin min hrilh zui malh malh a, Leo chanchin ka zawh chuan a that thu min hrilh a, ka thaw zui ham ham.




"Dik tak chuan Leo kha awmlo se engtinnge i awm. Zel ang pawh ka ngaihtuah thiamlo, a hmangaih takzet che a, nangmah vangin ramhnuaiah khan a mittui a tla hial ania aw" a tih chuan ka lo nui hawk, ka fapa ang mai a ni a, min hmangaih mai nilo in keipawhin ka hmangaih, chuan a mittui tla pawh chu mak ka ti teh vaklo, vawi khat chemte a ka in zai ringawt pawhin a mittui a tla zawih zawih tawh, chan ka hlauh tluk zetin min chan a hlau ve tho.






"Hrim hrimin rul in a chuk che tih i hriat chuan lo haw mai tur che alawm" a tum zui bar reuh a, nui suk chung hian "Eng sa emaw ber ka hawn loh chuan i lungawi dawn silo a" tiin ka fiam a, a kuttum min tin nghal uaih..


"Tlaw lutuk, tunah pawh eng sa mah i rawn hawn chuanloh hi" a tih chuan ka ngawi reng a, zahthlak ka tiin nuam ka ti bik hauhlo.



Kan ngawih dun vang vang hnu chuan "Vawi khatmah tiang hian awm tawh suh, ka ngaihtuah lutuk che alawn" a rawn ti leh sap a, a mitmeng tle ralh atang chuan mittui a rawn luan chhuah mai hlauin ka fiam zui ta daih a, khawvar hnu thleng chuan kan muhil leh tawh lo.




Zing karah ka nu leh Henry-a te an lo kal, a"Ti rawh le Tete, Peka pawh a rawn harh tawh hi, nizan atang engmah i la ei ve bawk silo a, hahdam pahin in lamah thil te va ei ve tawh rawh" tia Henry-an a sawm lai chuan a biak nu chu a ngawi reng a, a ni hian engmah a la ei lo tak tak maw....




"Tinge thil i eiloh?" tia ka zawh chuan "Nangpawhin i la ei lo a" alo ti mai a, uluk taka ka en hnu chuan nimin a a kawr hak ngai tho kha a la ha tih akahrechiah bawk.




Engmah a la ei bawk siloh chuan thil thlen atang khan ka kiangah a la awm reng tihna maw...!




"Lo kal teh le" tiin ka lamah ka ko a, a kut chu vawn hnanin a mitah tak en chung chuan "In ah haw la, thil ei rawh aw, kei pawhin ka ei ang" ka ti sup a, 'aw' chu pawh har viau mah se a tawp atawp ah chuan a remti ve hram a, Henry-a nen an inzui chhuak lai chu ka thlir zui a, engmah ka hriat loh lai pawh a ka tana a in pekna te ka ngaihtuah chuan tlawm ka in ti lek lek hial mai, phu lo ka in ti a, mahse chuti chung chuan midang tan ka phal chuang hauh silo!






VANSANGPUII's (Tetei) POV





Mawl lutuk, khatiang thil a thlen tawh hnuah pawh engvanga ka lungawi nana sa rawn hawn phet pawh chu tum nge maw a nih le... A nunna atan a hlauhawm tih a hrethiam phalo zawk nge?


Urghhh keimahin stepah chuan ka chhuk hmawk hmawk a, u Henry-an an ina tlang nghal mai turin min sawm mah se in tihfai phawt ka duh avangin ka hnial a, ka ril chu a tam tak viau leh chaw ei turin ka phei leh zawk mai ang.





Vengchhung bakah khawtlang deuh thaw in kan thil tawn chu an hria tih u Henry-an min hrilh a, thingtlang mai an la nih ve avangin khaw nawta an hria pawh chu mak ka ti teh vaklo.

Vawiin pawh school kal ni chu ni mah se ka thulh phawt mai ang, principal pawhin min hriatthiam mai theih ka ring.





Ka inbual sawk sawk a, nizanah ka muhil tlem bawk nen ka inbual zawh chuan ka harh kawk thei, nimin ke a kawng kan kal thui deuh vang nge ka rawl deuh thum leh nghal a, mahse chu chu buaina tham a tling lem lo.





Peka khan thil ei tur a min tih avangin phur vaklo chungin ka ni te in lamah ka phei a, kalkawngah chuan veng nu ho thenkhat ten chanchin min lo zawt leh luam thin bawk nen, ka tum aia tlaiah ka thleng phei a, chaw chu ka bar ve tak na in ka ei chakloh em avangin tam tak chu ka ei lo...






Zuitei ka call a, school a a awm tawh thu leh principal hnena chanchin a hrilh vek tawh thu te sawiin ngaihtha deuha awm turin min ti a, ka tana a hlut zia ka ngaihtuah chuan ka tawnglo ang tih ka hlau thar takzet..





U Henry-an ka scooty a kawl avangin chumi chuan damdawiin ka pan leh nghal a, cabin ka lut tur chu an nufa in chaw an lo in ei tir mek hi ka va hmu a, va pawh ta mai lo chuan ral atangin ka thlir ta reng.





Hmangaih leh duat tih hriat tak hian nu Hliri chuan a fapa chu chaw a barh a, a ni lah chuan a nu kut atang anih phawt chuan 'tlangval ka ni tawh' tia han hnial buai a tumlo, hmel hmuh nuam takin an nufa chuan an in nuih leh sen sen zel a, keipawh ka din na atang chuan ka lo nui vur vur.



"Khawi lamah nge a awm a, U Pek?" hmeichhe aw kiu ring zet mai ka hriat rualin ka darah Tu emaw hian min rawn nek vak a, ka pai zui dawt thei.




Min kalpel Tu hmeichhia chu a hmel hmu theilo mah ila tunge anih ka hrechiang lutuk ringawt... Thianghlimi!!




Thawm chhuahna lam kan nih miau avangin an lo hawi thap a, Pekan min rawn hmuh ve rual chuan a bulah Thiangi chu alo ding vang tawh.





A ni rawn kal tak avanga inthlahrung tur bik ka nilo tiin ka va pan hnai ve a, Nu Hliri chuan min rawn en in "I lo thleng tawh bawk aTete, hei a chaw eina vel dah pah hian ka va haw ve leh lawk ange aw, nangpawh Thiangi, tikhan lo inkhawm ho rawh u" tiin min chhuahsan nghal thuai a, nu Hliri awmloh velah chuan thut hnaih rawk rawkin Peka kut chu a vuan nghal chawt nia mawle......




"Eng nge awmzia ni a? Ka ngaihtuah lutuk che asin, a la na viau em?" a zawhna zawh dan cheng cheng chu ka lo ngaithei leh peklo, anih na takah chuan ka duh aiin a awmhnaih mah mah tlat.





"Khati chung chung khan damlo an kan ngai em ni? I thawm dim ve deuh rawh" nem fahran lo hian ka ti a, "Lo tawng ve suh" min ti duh lek anih chu...!



Chhang let lovin Peka chu ka melh reng a, ani'n mitmengin min lo khap ni berin ka hria, "Ka tha lutuk alawm, ngaihtuah ka ngailo" a lo ti ve sup a, "Eng rul nge maw ni reng reng le, henu hian a hmingthat nan a chuk luih tir che ani hiallo maw" a thusawi awmze neilo lutuk vang chuan ka nui ro hawk, "Titeh Thiani, I mizia mai nilo in I rilru pawh a movie anih dawn kha, I thil ngaihtuah awmze neilo zet khan thil pawi tak a thlen hma che in dahbo vat rawh" ka ti zui hlak a, a rilru chhe lutuk hi engtia han enkawl pui chi nge maw ni dawn ni.....?




"Chuan ka hrilh tawh che kha, mi pawmlai lo ngaihzawn ve chhen hi a tunlai lo teh ania aw" ti lehin Peka kut a vawn tlat chu ka phih thlak sak hlawk a, min han chhan let tum viau mah se la thudik ka sawi miau avangin sawi tur a hre lo a niang, a ngawi ta reng a, rei pawh awm lovin a chhuak zui leh mai bawk.








"Zaktheilo lulai emai ahh" ti hlakin a chhuah hnu chuan ka thutdan chu ka siam rem sauh sauh a, u Peka nui ri suk chu melhin "Nangpawhin i kutte kha chu lo la sawn ve mai ta che" ti vakin ka melh reng a, "Sorry" tih zawngin min la chhang zui.




Nilengin ka awmpui a, tawngtam lo viau mah se a bula ka awm chuan ka khua a har chuanglo reng reng, tlai lamah chuan kan Tu/ tlawh tu a nei ve leh zauh thin a, Sir Muankima leh Zuitei bakah Aldrina te pawh an rawn kal a, nidang ang chu nise Sir Muankima fiamthu thawhah chuan a nui ring ber ka ni lehin ka ring, mahse he Aldrina awm ve tawh naah hi chuan ka nui lui thei meuh tawhlo chu anih hi.



Washroom a ka kal zawk lai chuan thil hriatchhuah ka nei a, Aldrina thusawi te kha...



Nimin khan staff ho zawng zawng hmaah Peka leh Malsawmi chungchang a sawi chhuak a, tunah hetiang hi kan nih leh tak si avangin engmah han zawh chianna hun a awm rih bawk silo.



Ka thil hriatchhuah chuan ka thin a ti tawt riau a, hahdam tumin thawk han la vang vang thin mah ila min mawlhtu a awm leh tlat tawh.




Ka rilru hahdam theih nan tuna han zawh chian mai duh mah ila a dinhmun hetiang hi a nia, kan inkar tih derthawn theihna a nih avangin leh thudik chu engpawh lo nise tunah chuan a bula awm reng ka duh avangin a dam chian hun nghak zawk mai ila a that ka ring.



A dam that var hunah Aldrina thusawite kha a dik ngei em tih chu ka zawt ang....







End of chapter-15


Ka chawl rei vang vang si a, in mi ngaihdam ka ngai a ni... ❣️
Khawngaih in ADS CLICK LEH COMMENT kha min ngaih pawimawh sak dawn nia aw... ❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:22 pm

MY HANDSOME FARMER



Chapter-16
By RuatiRenthlei



"I ti mak thei e, naupang kan nih tawhloh hi" ka nui zui hak hak a, lehlam atang Kimi chuan "Chhuanlam siam rawh, thla 3 lai i awm tawh a, an hrethiam tho ang, bakah ka bialpa pawh i la hmu ve lo a" a la rawn ti bawrh bawrh tho a, a ngaih hi a sam thei si.




Karleh Tuesday hi a birthday a nia, chumi hmang tur chuan nimin tlai atang khan min rawn chah tlut tlut tawh, tihian zing thawh hlim atangin min rawn call leh nghal chat bawk a.




"Hei ha... Chutiang ringawt a nilo alawm, thil ho mai mai vanga ka hna hi pensan thei ka nilo a" ka tih chu ka sawi fuh chiahlo niin ka hria, "Thil ho mai mai maw" a nui ro hawk a, call chu a cut zui hmak bawk.


Ka call nawn leh pawh chuan a chhang duh tawhlo a, a birthday ni thil ho mai mai anga ka sawi chu a la na viau anih ka ring, nuamlo ka ti khawp mai.



"Ngati bur bur nge?" chu aw ri vang chuan ka phu zawk thei hial, kawngka biang nghenga Peka lo ding reng ka hmuh chuan ka pan vat a, "Tinge I lo kal a? I la dam chiang bawk silo" tih pahin a banah ka vuan a, inchhungah hruai lutin thutthlenga kan inthutfel tir hnu chuan,
"Tunge i lo biak kha?" a ti sup a.


"Ka thiannu Kimi a nia, karleh hi a birthday ania, chumi hmang tura haw thla turin min rawn chah a" ka thaw zui hawlh a, ka thil sawi tullo zet vang khan ka zingkar mood a diklo zo dawn.




"Chuan?" a lo ti leh sup a,
"A... Ka hrelo, a harsat thu ka sawi a, sawi loh tur dang ka lo sawi palh bawk nen a lungawi zanlo a" ka tih leh sup chuan sofa chu nghengin a thaw chhuak hawk a, eng emaw a sawi leh dawn emaw ka tih laiin a ngawi zui ta vung vung.




"Hospital atanga i chhuah atangin karkhat pawh a la liam lo va, tinge tei chhuah phet hi i tum a?" ka ti ta daih a, zawi deuha min rawn melh pahin "Ka tei chhuak phetlo" a ti sup a, dawt a sawi chiang lutuk.



A hliam a la dam fel loh avangin a la kal ngil theilo a, mahse chuti chung pawh chuan an in kawtah a tei kual ruk ruk zel tho, tuna a rawn kalna phei hi chu step ani leh nghal a, engtinnge maw a theih zawk ni....




"I school dawn em?" a tih chuan ka lo bu nghat a, "Vawiin chu chawl la, in ah hian awm mai mai ang" ka darah min rawn kuah zui thawk a, rawn awm hnai deuh in ka âwm zawnah a rawn thaw lum ham ham.




"Ka sawi zawh chiah chu, thil ho mai mai vanga school kalloh ngawt chi a nilo" ka tih laia "Ho mai mai maw?" a lo tih chuan ka melh nghal hrak a, "Nang leh zel chu tihian awm lo teh aw" ka ti deuh nghat.




Kimi ka ti lungawilo tawh a, tianglam ringawt sawi hi ka ning tawh.


Ka tum deuh bur chu a lamah min kuah hnaiin a nui zui hawk hawk a, "Ka fiamthu anih kha, zingkar atang tum bur suh, I thiannu pawh chu a lungawi leh mai ang, keimah ang anih chuan" a kiai suk a, a nak ah ka nghawk sawk.




"Zeploh chuan reilo te haw ve lawk chu ka duh, thla 3 lai hetah ka awm ve tawh a, chhungte pawh an ngaihawm" ka tih leh sap chuan a hmuiin ka chhip a rawn nawr vang vang a, min hnial ka rin viau laiin "Tihdan kan ngaihtuah dawn nia" a lo ti sup.




Hmai zangthal haw a melh chho pahin "Engtin?" ka ti sep a, "Chhuanlam i siam dawn alawm, I kal theih dawn chuan ka kalpui ang che" a la ti tak deuh deuh, "Nangman maw?" ka lo ti leh haw.



A bu nghut a, "Aizawl kal chu ka ngai ve tho alawm, I kal hun ka nghak ru reng zawk a" a lo ti mai a, ka thaw deuh ham ham.



Chutianga Peka berin a remtih viau bakah a lo kal ve theih dawn phei chuan Kimi birthday hmanga reilo te tal haw ve lawk chu ka chak thar ta riau a, chhuanlam eng emaw tak siam a principal ka biak ngei a ngai dawn in ka hria.




"E taka, thil zawh tur che ka nei asin" ka tih chuan a mithmul a lo san ak a, "Englo... "
Sawi ka tum lai mekin a phone a rawn ri a, a kekawr ipte chu a zen ruk ruk hnuah "Sawi rawh" a ti nghut a, ngawi rengin ka lo ngaithla ve kar.




"Vawiin zirtawp a ni tawh a, tunkarah chuan hun a awm tawhlo" a tih hnuah a ngawi leh vung vung a, "Karleh pawh ka hmanlo mai thei, mahse ka naute an awm a, harsatna a awm lovang" a ti leh sup a, a dah zui daih bawk.




"Tunge a?" tia ka zawh chuan "Lunglei lam, thlai thar a hun a, bazaar a an zawrh tur hi kan ta an la thin alawm" a ti mai a, "sawi chiang teh" ka lo ti vat.



A thaw hawlh a, "District capital tin deuh thaw ah hian kan thawn chhuak thin a, a hunah chuan kan sawi ngai lovin lak tur a awm leh awmloh min rawn zawt mai zel, kan chhungkaw eizawnna chu i hriat kha" a ti sup a, hre tho mah ila hetiang em ema an in zarpharh hi chu ka ring miahlo.




"Eng nge kan sawi lai kha" a tih chuan ka hmui pet sawi zeuhin "Chaw ei a hun dawn, zanah ka hrilh mai ang che" ka ti ta sap a, min melh run runna chu hrelo derin ka nui lui var var a, an in thleng ka thlah chhoh hnuah thu khawmuang lovin ka chhuk thla leh nghal.




Tawhsual a tawh atang kar khat dawn liam tawh mah se Aldrina thusawi te kha zawhfiahna hun tha ka la nei thei lo va, tum chu ka tum zing tawh, mahse sawi ka tum apiangin chimbuaitu kan nei zela, zanin ah chuan zawhfiah ngei ka tum tawh ang. Ti ringawt chuan Aldrina lakah ka tlawm hmel lutuk alawm mawle, hahdam leh inring tawk taka hmachhawn theih ka chak tawh a ni.




Chaw ka ei sawk sawka, ka call a chhan duh miau loh avangin Kimi chu message ka hnutchhiat ta ringawt a, ka haw theih dawn leh dawnlo chu engmah ka sawi lang duh rihlo, school lamin an lo remti hlauh anih chuan ka surprise thut zawk ang.





Zuitei'n scooty thar a nei tawh a, in sawm kual vel a buaithlakna chen a awm avangin mahni in kan kal a, school atang kan inthurual mai zel.



"Vawiin chawhnu chu work ve tawh ila a tha ang, school compound hi a hnim tawh lutuk" Miss Maruati'n a tih chuan kan bu nghat nghat hlawm a, "Ni e tihfai chu a hun tawh, kei tak hi chawhnu lam chu Champhai a kan naute an lo kal dawn a, ka rawn lang hman kherlo mai thei ani" principal in a tih chuan ka melh vat a, a phone a lo khawih nuap nuap.




School a thawk hrim hrim hi kan vaiin 14 kan ni a, teaching staff 12 leh non-teaching staff 2 nen, principal hi a thu ve viau a, mahse diklo takin a thuneihna chu a hmang ve chuanglo.




"Enteh Te, Aldrina nen hian in la inbe miahlo em ni a? Zirtirtu dangte kâ atangin sawi sep ka hre tawh ania aw, school ah tak hi chuan a mawi tawkin be ve zeuh thin la" class la tura Aldrina a chhuah laiin Zuitei chuan ka beng bulah a rawn ti sar sar a, "Ka hria lawm, u Peka leh Malsawmi chungchang vang khan ka la ringhlel deuh a, thudik tak ka hriat hunah chuan engtia han tih tur nge tih chu ka hre thei mai ang" ka ti sap a, subject partner ni chung si a kan boruak fuh zanlo hi keipawhin nuam ka ti bik reng renglo, mahse ama cho chhuah a ni a, tih vak dan ka hre bik lo ani.




Kan thawhpui dangte pawhin kan in karah ngaihdan eng emaw lo siam deuh pawh ni se ka dem hranlo, a hma ang khan innel takin kan awm thei tawh tlatlo a ni.




Chawhnu lam chu school leh a chhehvel kan ti fai a, principal chu a lo kallo tak tak. Chawhma ah khan a hranpa a han biakna hun ka neih loh avangin tkaiah an in ah han kalchilh mai angai dawn a nih hmel.





"Eng nge i lo ngaihtuah vang vang a?" ka bula lo ding mipa ka hmuh rual chuan ka tawlh hla hret a, a nui ri suk chuan mi run viau leh nghal.



"Engdang nilo e, an tih fai leh failoh ka lo en dik anih hi" tiin naupang ho in an sam fai tawh lam chu ka thlek zawk a, "A fai thawhkhat viau alawm, taka, Peka chu eng nge a an zel a?" Peka hming a lam rik rual chuan a hmuhloh lamah ka kut ka hum ruh teuh a, hahdam tumin ka thaw chhuak ham ham bawk.






"A tha tawh lutuk" chhum bung ang reng deuh hian ka ti a, fiamthu ka thawh miah loh laia a lo nui ri suk suk zel chu ka haw lutuk ringawt.




"Rawn kan ve leh pawh ka duh viau nain hun awl ka nei theilo a" a tih chuan "Kan a ngailo" ka lo ti vat a, ka chhang rang mah mahin ka hria.


"A dam fel tep tawh alawm, kan a ngailo" ka ti nawn leh sep a, "Ka lakah i la thinrim em ni a Miss Tete? Khami zana i laka ka chet dan kha a diklo tih ka hria a, ngaihdam pawh ka dil tawh che kha, ka lo in ve sak a, chuvanga khatinag che ringawt pawh kha ka ni, subject partner kan ni a, hetianga awm reng hi a dik miahlo ania aw, zirtirtu dang pawhin mak an tih thu an sawi sup sup tawh ania" a ti zui duah a, a sawi dan lah chu a thutak fu reuh leh nghal.





"A dik alawm" ka ti sep ringawt a, za lo deuha nui hul hak pahin "Anih chuan ka lak atanga i tlanchhiat zel tawhloh ka beisei dawn ania" ka melh chho hrak a, hma lam en in a ding ngawi ta reng.




"Engpawh nise ka lakah ngaihdan diklo deuh i nei ani mai thei e, mahse i lak atanga tlanchhiat hi ka tum ngailo, chu tih rual chuan hnaih viau che pawh ka duh hranlo tih hre bawk la" ka ti ve sak a, a hmel dur nghal khup khup chu ka nuihsan ve hmiah bawk.




Zuitei'n min rawn pawh takah chuan engmah kan sawi zawm ta lo va, ka lawm ang reng khawp mai.




Dik tak chuan Aldrina lakah pawh ka lung chu la dam kim chiahlo mah se khami zana thil thleng kha chu zu a lo in ve deuh bawk nen tlem chuan ka hre thiam ve deuh a, mahse ngaihdam ka tum viau laia Peka leh Malsawmi chungchang a rawn sawi chhuak leh kher khan ka rileu a tidam thei tlatlo a ni.




Tlai lam ah chuan eirawng bawl zawhah a la hma bawk nen principal te in a kal turin vengchung lamah ka chhuak chho a, an in chhung ka luh chuan anmahni chhungkua bakah tleirawl 4 vel hi an lo awm ve a, kan naute a tih kha an nih ka ring.




"E... Tetei chu, eng thil nge ni ta hlawl? Kan in thleng thlenga i rawn lan a?" min hmuh rual chuan alo ti vat a, ka pa nena in hre sa an nih hrim hrim avangin thawhpui ngawt bakah min nau en viau a, amah a lo fel ve hrim hrim bawk nen kan in ngaina ve viau.





"Biak lawk che ka duh deuh mawle, chawhnu ah i rawn lang thei si lo a" ka tih chuan "A nih tak chu mawle, nu-i ka thil chhuan kha lo vil rawh aw, a ût hloh ange, lo kal rawh, in chung zawlah kan inkawm dawn nia" tiin kan inzui chho a




"Englo ania, ka sawi nghal phawng mai anga, ka inthlahrung viau nain karleh hi chawlh dil lawk ka duh deuh a, Aizawl lamah haw ve lawk ka duh a" ka ti deuh sap a, "Anih chu aw.... Tinge I lung a leng tawh em ni?" min rawn en in a nui pah hawk hawk a, "Leng mai thei, tak takah ka nu hrilselna a tla hniam deuh a, karleh chu zuk kan ve lawk ka duh deuh mawle" tiin dawt chiang lutuk ka sawi a, inthiam lo viau mah ila haw ka duh miau chuan tihdan tur dang ka hre thlawt lo a ni.






Bu nghat nghat pah hian "School ah khan i sawi mai lo anih chu aw.. Eng pawh ni se ni e, I rawn thawh atangin i la haw leh ta miahlo a, damlohna leh hrasatna dang vanga han kalloh zeuh chu awm ve bawk mahse a regular pawl tak i ni a, chutia i nu ber a dam thatloh si chuan kar khat na na na chu Aldrina pawhin i portion lam pawh a cover hneh lutuk ang" a ti ta hlauh a, ka thaw deuh huai thei.





Lungawi deuhin an in atang chuan ka chhuak a, Ramnunkimi chu engmah ka hrilh lo ang, ka zuk thawng thut anga, a hlim dawn lutuk ringawt.




Peka te in ah ka. Lut kawi a, thutthlengah ke hlang ar arin alo mu. Min hmuh rual chuan a tho ve tuah tuah a, Nu Hliri choka lamah eirawng a bawl daih avangin kan tawng ri chu a hre phaklo mai thei, pa Thanga chu a tlai len a nih ka ring.




Aizawl kal theihna tur principal hnen atang permission ka hmuh thu ka sawi chuan min en deuh run run a, "Engtikah nge i kal dawn?" atih chuan "Ka hrelo, theih se chuan naktuk ah pawh pawi ka tilo a, mahse sumo lam hi... " ka tih chuan a phone chu a ban ve rawk rawk a, tunge maw a call dawn ni.





"Hello Siama, naktuk i chhuk dawn em?" a tih chuan ka lo nui suk a, an in biak danah a full tawh tih ka hre thiam a, mahse pawi ka ti lutuk chuanglo, karleh chhung hun ka nei tho a, Monday ah chhuk pawh ni ila a pawilo ang.





"Siama chu a full tawh a, Nunthara lah a motor chiangloh avangin Aizawlah a tang daih bawk si, naktuk chu... "


"A pawilo" ka chhang rang lutuk chu keimah zawk ka nui tet tet a, "Monday ah a ni mai" ka tih chuan a bu ve nghut.



Nu hliri chuan chaw ei turin min chelh lui deuh mah se ka hnial a, "Zanah ka lo leng ang" tiin Tiuriu-a pawh in pawn thleng min thlah ve.





Dar 7 bawrah a rawn lang hlawl a, a rawn luh rualin kawngkharpui chu chhunglam atang a kalh zui hmak bawk.



"Midang lo leng tur an awm ange" ka ti zeuh chu min melh tui khui ringawt a, "Mu mai mai ang, ka ke hi a na" tiin ka pindan lam a pan tlang nul nul bawk.





"Zinga ka sawi tum kha" a ban leh lam khamin amah si chetin min kuah bet a, "Nia, sawi rawh" a lo ti ve sup, ka thaw deuh hawlh a, "Damdawiin a I awm hma khan Aldrina'n school ah sawi a nei a, nang leh Malsawmi chungchang" ka tih chuan a che deuh phat a, a tho dawn emaw ka tih tawh laiin nghet leh zual hian min kuah bet a.




"Eng nge a sawi?" dam deuh hian a ti leh sup.




"A... In hun hmasa lam, I duh thin zia leh tun thleng a i la vei thu te, Tiuriu, engtiang chiahin nge Malsawmi kha i lo hmangaih a?" ka melh kiau a, ka hnar rawn thip vawt vawt chuan ka mittui a hnai tih min hrilh chiang viau.




A nui ri suk a, "Aldrina chuan ka duh leh vei hre turin ka rilru a hmu thei em ni?" tiin zawhna min zawt let daih.



"Ka hrelo, mahse i hmangaih sia" ka ti sep a,

"Hmangaih thin, kum 2 hmalam zawngah kha chuan, mahse chu chu a liam vek tawh, tunah chuan ka nunah hmeichhia ang takin i rawn lang a, ka bialnu i ni bawk a" tiin a hmuiin ka chhip a nawr vang vang a, mahse zawhna ka la nei tho!




"Anih leh Malsawmi khan pasal lo nei lo ta se, lo let leh duh se i la pawm duh angem?" ka zawhna chu a atthlak viau tih ka hria, amhse.....


"Bawihi"
Ka melh chho kar a, "Aih... I hria em? Nangmah hi ka duh tawk che, belhchian dawllo tak tak thil vangin hrehawm i tih ka duhlo, chuvang chuan Malsawmi vangin buai tawh suh, ka bialnu i nih atang khan ka nuna hmeichhe awmchhun i ni tawh, a chiang tiraw" ka mittui vangin mit ka chhing a, thaw hawkin a hmui chuan ka chal a rawn nawr leh tawk a, min kuah bet zui hle hle.





Hepa hi Tu chiah nge maw anih le???



Thu thlum tak tak sawiin min tih lawm a tum ve ngailo, ka kut vawt min hum lum sak a, a tang nemah min kuah hle hle thin.
Vawi khat pawh min hmangaih thu la sawilo Tu hian a neih ang ang min pe in a theihnaah min pui hreh ngailo a, min ngaihtuah em em a, ka hriatreng tur thil tam tak min hnutchhiah sak nitin thin.
Hmangaihtu tiin inchhal lo mah se ngaihngam taka a kianga awm thei turin min siam si a ni.









End of chapter-16
Tun tum chu ka tlai viau mai, min hrethiam hram hram dawn nia...❣️



YMA day hlim leh lawm takin, thianghlim tka hmang theih turin ka duhsakna ka hlan a che u.. YMA DAY CHIBAI VEK ULE..... 😍❣️


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:22 pm

MY HANDSOME FARMER


Chapter-17 (18+)
By RuatiRenthlei



Ka dul zawn za chem chem leh mur uai uai vang chuan mit ka meng diar diar a, ka bula mu thlamuanpui awm deuh ka hmuh chuan mit nuai nak nak in "I muhil theilo em ni?" ka ti sep a, a kut lum leh lian zeta ka dul la zut kual riak riak chung chuan "Theilo" a lo ti ve sup.




"Tinge" tiin a lam ah ka inher deuh a, ka sana bun lai ka en chuan zing lam dar 2 chiah!


Thawm reh ruih karah zawi leh thuk ruiha "Ka mamawh che" a rawn tih chuan ka meng kawk a, a fiamthu anih beiseia mak ti deuha ka enlaia a mitmeng de sawr sawr chuan dawt anih loh zia min hrilh nawn leh ni berin ka hria!




"U Pek" ka ti deuh tiak a, tawng zawi viau mah ila thawm dang a awm miau loh avangin a hriat lutuk tho.


In beng kang deuhin ka mitah tak min en chung hian "Min ring em?" a ti sup a, lu ka bu nghat chu ka tukkhum ah dawmin a hmuiin ka hmui a rawn nawr zui tawk a, uar leh duhthawh zeta min fawh tak ngawng ngawng ah chuan a nghawngah chelhin ka lo chhang let ve a, ka hmui si reng chung chuan a thaw hawlh a, chutah dam deuh zawk hian min rawn fawp leh a, a kut lehlam in ka kawr chhung a zen lut zal zal bawk.




Ka bra chhan ah ka hn*te chu a tham tawn tawn a, duhthawh leh dam raih sia ami khawih vel dan chuan ka taksa a ti danglam thuai a, ka thaw sa deuh hat leh sawi fiah theih si loha phurna riau ka neih chu engtia rawn awm nge pawh ka hrelo!




Zawi muangin ka kawr chu a phelh a, ka bra kilhna a hmeh phelh rual chuan mit ka lo chhing sawk.



Ngialngan lutuk a ka hn*te a hmuh rual chuan hmeichhe hn*te la hmu ngai miahlo ni awm fahranin a en ngawih ngawih a, chutah a rawn hmuam zui thawih a, a lehlam chu a kut in a hrawm zui nawk nawk bawk.



A chet dan vang chuan mitchhingin a tukkhum samah ka lo tham ngawt ngawt a, a lei sa ham ham a ka hn*te hm*r a sawngbawl kual lai chuan awm ngaihna hrelo in ka lo che leh ak zel a, rei ngial ka hn*te ah ngawt a bur hnu ah a inla hrang hlek a, a t-shirt hak lai chu phelhin ka hmui ah a rawn fawp a, a kut erawh chu ka kekawr chhung ah a dah lut zal zal.




Dagg tur ka ni tih ka inhria mahse, mahse ka theilo!



Ka panty chhanah ka hme*chhiatna chu a nuai nawk nawk a, ami fawhna chu a thlah chuang derlo.



"U Pek" ka thaw zui hawlh a, in la hrang hlekin ka mitah tak min en chung hian "Ka mamawh che" a ti thawp sup a, hnial ngawih ngawih tur ka nih laiin ka kha a chih a, sawi tur ka hrelo.




Ka kekawr chhung atang a kut chu la chhuakin ka sirah a in let thla hnawk a, tu ve ve mah kan inbe lo.


A che deuh thut chu a tho dawn emaw ka tih laiin a kekawr chu a phelh mawlh mawlh a, mak ti lutuk in a chet dan chu ka lo en ngawt ngawt.




Trunks nen chauha a awm hnu ah pawh a la tawng chuanglo a, a trunks chhana a mip*tna khawng puar ul ka hmuh rual chuan ka inhumruh nghek a, ka room chhung zau vaklo a kan boruak chu a tawt lam mah mah a ni.




"Ka.... Ka ring che mahse... " ka dang ro lutuk vang chuan chil ka lem khawlh a, min rawn en tih ka hriat rual chuan mit ka chhing vak a, a nui ri suk chuan ka awm a ti nuamlo.





Mit ka men leh rual chuan chawpchilh lutukin ka chungah a rawn lawn kai a, hnai zetah chuan kan in en ta reng.




"Min ring a, chu chu tawk rawh se" ti supin ka hmui ah a rawn fawp zauh a, ka nghawngah fawp thla zelin dam deuhin min zut kual pah riak riak a, ka dul zawn a fawh lai chuan a tukkhum samah ka lo tham leh nghek tawh.



Muangchangin ka kekawr chu a hlip thla a, ka panty nen lam a hlip vek mawle!



"U Pek"
Ka aw khur hlak chu ka zah lutuk vang vek, thuamhnaw engmah ha lovin ruak ngal ngatin ka awm a, ka taksa pumpui mai za chhuak uai uai chu uluk taka min thlek kual vel Tu vang hi a ni tih ka hre bawk.




Dimte hian ka hm*ichhiatna chu a fawp kual a, a lei sa ham ham a hman tre rual chiah chuan ka rum chhuak hawk.


In beng kang hlekin a trunks chu a pawt thla pawp a, a mip*tna khawng kawh luah tawh ngailngan lutuka ka hmuh rual chuan mit ka chhing ta tawp.



"Bawihi, I mit meng rawh" lu ka thing a, "I mit keng rawh bawihi" a tih leh chuan muangchangin ka meng chhuak a, a awmdan ngai rengin a lo la awm.




Ka taksa chungah a rawn lawn kai leh a, ka kut rawn vuanin a mip*tna chu min khawih tir a tum!




Ka tang deuh a, Tim daiin a mah chu ka en, ka kut lawnga ka khawih fuh rual chuan ka thaw chhuak hrawk a, "I kut ti che rawh le" tiin amah zawk chuan a rawn vawn hnan a, mahse a reilo.




A thil tih dan zawng zawng vang hian phat ruallohin ka tisa chakna a ko chhuak tawh a, nichin lawka min mamawh thu sawitu kha keipawhin ka mamawh!



"Ti mai rawh u Pek" hnawk deuh hian ka ti tuak a, min rawn en dawrh hmel ka hmuh chuan nui lui sak in "Ka ring che" ka ti leh sep.




Ka hmuiah a rawn fawp a, a insiam rem zui nghal sawt sawt.



Hetiang taka ka pasal pawh nilo mipa pakhat laka ka in phal thei hi keipawhin mak ka ti. Ka zahawmna ber ka thianghlim na hi pasal ka neih hma chuan vawng tlat turin ka infuih thin a, mahse tunah eng nge ka tih hi!





Muangchangin a nawr lut riai riai a, a mip*tna khawng vek tawh leh lian zet hi ka taksa hian a zo kher angem ka hre hauhlo.




"Muangchangin aw Bawihi" a rum zui hawk a, a rawn nawr luh vek rual chuan ka au chhuak that. Mit chhing vakin bedsheet chu ka tham tawm vak a, a na lutuk!




"A reilo ang bawihi, a rei dawnlo" ka awm ah hmai phumin a thaw lum hak a, dimte hian min d** zui a, thawm chhuah loh chu thil har tak a ni tawp.




A rei deuh hnu chuan a na chu a zia deuh a, a che rang zual sauh bawk.

Ka kang leh awk awk zel a, a ni pawh a rum chhuak leh hrawk zel.



Ka taksa chhunga thil lum pulh rawn chik lut ka feel rual chuan ka meng chhuak kawk a, kan pahniha kan zawh fel rual chuan ka awm bawhin a thaw hle hle.




A z*** lian zet chu ka chhungah a la awm run a, ka taksa chu a ti tawt vek thei hial hian ka hria. Kan thil tih zawh chiah leh kan awmdan vel ka ngaihtuah chhuah rual chuan ka mittui a rawn hnam tiam tiam a, ka khur deuh dar dar bawk.





Ka zak a, nep ka in tiin ka in ten tak zet.



Mahse... Mahse tihngaihna a awm tawh lo, "U Pek" tial ruai hian ka ti a, ka biangah dawmin a chalin ka chal a rawn nawr si a, a thawk dan a la dik biklo tih ka hria.




"Ka hmangaih che bawihi, ka hmangaih che" ka hmuiah a rawn fawp zauh a, mit meng fiah zet hian ka mitah tak min en a, nichin lawka tisa chakna avanga a mitmeng phelh phung te kha an bo vek tawh!




"Mah.. Mahse.. "

"Shh" a kutzungchalin ka hmui a rawn nawr si a, "Min hmangaih ve kher turin ka phut rihlo che, mahse hria la ka duh, KA HMANGAIH CHE" chu thumal hlu zet mai ama kâ atang ngeia ka hria chuan ka kawchhunga ka lungphu mai nilo, ka thisen kalzam thleng hian a fan kual rawih rawih a, a nghawngah kuah betin ka tap chhuak hawk.





"Keipawn ka hmangaih che U Pek, ka hmangaih lutuk che" ti mawlh mawlhin ka kuah bet tlat a, a laka ka inphal rai hnu ah, ka zahawmna zawng zawng ka chan hnu ah min hmuhsit ngawih ngawih ka rin laiin min hmangaih thu a sawi thei hian min hneh lutuk.





Chuan zep ka tum biklo bawk, he thingtlnag tlangval lakah hian ka tlawm tawh a, ka hma hun ah amah hi lo tel ve zel se ka duh tawh a ni.






***




"Tluang deuhin in thleng dawn nia aw Tete, I nu leh pate chu min lo biak dawn nia" sumo a kan chuan fel hnu ah nu Hliri chuan a rawn ti leh lauh lauh a, ban vaiin ka in mangtha zui lawp lawp.



Vawiin monday a ni a, tunkar chhung cham turin Peka nen Aizawl ah kan kal dawn ani.




Ka kut chu ka bula thu pa chuan a hum bo vek a, thlan hial tawhin ka hria!


"Aizawl ah chuan kan inah theng ve nghal mai la, harsatna a awm chuang ami? " ka tih chuan min rawn en in a nui suk a, "Awmlo e, mahse chhungte kan nei ve alawn" a ti mai a, ka hmui ti sawi zeuhin "Kan inchhung ve tho a" ka ti leh sep.




"Maithei, mahse mipa ka nia, ka bialnu te in a mikhual anga thlen chu ka duhlo" a tih chuan hnial leh ka tum zet nain ka ngawihsan ta zawk a.



A thlirna lam atanga thlir chuan kan ina thlen chu thil nuam zawk zawk a ni lo ang tih ka hria.




Keitum ah zing chaw kan ei a, mahni ngawta zinkawng zawh ai chuan duh leh hmangaih ber nena zawh chu a dan a dang khawp mai.




Kan chetsual zan atang khan sawi chhuak kherlo mah ila kan pahnih i karah hian eng emaw a awm tlatin ka hria a, mahse chu chu kan inkar ti nghet zualtu pawh a ni mai thei.




Pathian hmaa thil sual kan tih miau avangin thlamuang taka awm a har a, ka tawngtai pawhin kha thil vang khan ngaihdam ka dil ziah.



Ngaihngam taka awm a harsa a, 'misual chu um lohin an tlan' tih ang deuh khan miin an hrechhuak ta mai ang tih hlauh rukna ka nei fo a, nu Hliri te nupa lah ka hmu hreh zo.



Mahse ka bialpa hi tunge anih ka hria a, ka la hrechiang zel bawk ang... Min hmangaih thu sawi ringawt lovin a takin a lan tir a, chu chuan nasa takin min thlamuan thin.





Counter ah chuan kan chhuk sap sap a, Peka nen kan kalna tur veng a in an loh avangin a tlai tawh bawk nen taxi kan la ve ve a, kan in mangtha ta rih.




Kan veng lam kan pan lai chuan ka nu ka call a, a buai deuh nge a la har khawp mai.

"Hello Bawihi"

."in ah i awm em nu?"


"Awm e, dawr bungrua vel kan chhut fel a, I pa lah hi a thil chhuan a lo kalsan leh daih tawh" ti hlak hlak in ka pa chu a au lung lung a, ka lo nui hak hak.





In ah an awm tho chuan tiin rei pawh inbe lovin kan dah leh thuai a, kan in kawta bungrua vel kan lak thlak hnu chuan chuan man pe in door bell chu ka hmet a, nula pakhat kawngkhar min lo hawnsak Tu chu a hmaa ka hmuh awm pawh ka la hrelo.





"Tunge i nih a?" a tih chuan chhang lovin inchhung chu ka thlek kual thuak a, "Ka lo lut thei em?" a tih chuan bu nghatin a lut zui a, living room a ka nu lo inchhut mawlh mawlh ka hmuh rual chuan ka khuh kharh a, min rawn hmuh ve laia a hmel landan chu duhawm deuh asin..




"Awiii pa-a, tunge lo haw hi?" tiin min rawn pan a, thlarau ka nih a ring deuh nge uluk taka min en kual hnu ah min kuah ve chauh.




Ka pa pawh eirawng a bawl aniang fianpui nen a rawn tlan chhuak ve rawk rawk a, kum tam tak in hmu tawhlo ang maiin kan in kuah khawm chuk chuk mai.




"Hei hi ka fanu ka sawi thin chu anih hi, Bawihte, hei hi Hmangaihi a nia, a kan thenawm lawkah sawn a pi nen an lo awm thar a, thil vel min chhut pui turin a rawn leng anih hi" tiin ka nu chuan min hmelhriat a, nula nen chuan in chibai in kan thu ho a.





"Ngatinge i lo haw thut a, min hrilh lawk bawk silo a" ka pa'n a tih chuan "Naktuk Kimi birthday a ni sia, bakah ka ngai ve tawh cheu alawm, kartawpah kan chho leh ang" ka tih chuan "Kan a?" ka nu'n a lo ti vat a, "imm ka inchung pa nen kan lo kal alawm, Bawngkawnah a chhungte in ah a in nghat a" ka ti leh mai a, ka pa in "Hetah lo luh ve mai tur alawm mawle" a tih chuan ka chhang tawhlo.





Ka in tihfai hnu ah keima khumah ngei ka mu zal a, Peka ka text hnu ah Kimi ka call a, a la duh leh dawnlo emaw ka tih hnu ah a rawn pick ve ta hram.




"Thinrim tawh lo teh Ramnunkim" ka ti nghal thawr a, mahse mipa aw thum dut hian "Kimi chu washroom ah a kal lawk a" a rawn ti a, ka hmui pet sawi zeuhin "Tunge i nih?" ka ti sep a, "John" a rawn tih rual chuan ka mutna atang ka thu chhuak hluai!



John, hepa hian engvanga Kimi phone lo chhang ve ngawt nge anih? Aw... Ka bialpa hlui leh ka thiantha ber maw!!!!!








End of chapter-17
Tichuan current kan nei lo a, nangmahni tan liau liau ka phone battery a lo zo dawn ta a, ka online leh theih hunah in comment hlu leh tha tak tak te kha chhiar leh ka lo in beisei dawn ania aw.... Muttui vek ule... ❣️


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 4th, 2022, 2:22 pm

MY HANDSOME FARMER



Chapter-18
By RuatiRenthlei




Thil dang sawi tawh lovin phone chu ka off ta ringawt a, ka ngaihtuah na buai nuaih vang chuan ka mit sulh a, ka thil ngaihtuah mek chu thleng diklo se ka ti hle bawk.




Peka hnen atanga call ka dawn tak avangin hahdam tumin thawk ka la vang vang a, "Hello"

"I thleng tluang maw" lehlam atang thum dut hian a rawn ti a, "Imm nang?" ka ti ve sep.


"Tluang e, I tha em?" a tih chuan ka nui hak a, ka that thu ka sawi chuan awihlo hmel tak hian a rum nghut. "I aw a diklo, thil thleng a awm em ni?" a tih leh chuan ka nui tawp riai riai a, kan inhmu miahlo chung pawha hetiang taka ka danglamna a hre chak hi mak ka ti.




Mahse thudik hrilh chu ka tum chuanglo, ka bialpa hlui chanchin hi a hriatah sawi lan ka duhlo ani.



"Ka tha tak tak alawm, ka chau ve deuh aniang, naktuk ah kan inhmu dawn nia aw" tiin call chu ka cut a, ka thaw chhuak hawk.




Ka room kawngkhar ri rawk lam chu ka hawi vat a, ka nu lo lut mek nen chuan kan in nuih ver ver.

"Tunge I lo biak a?" tiin ka bulah a rawn thu a, a malchungah lu nghatin ka mu rem nghal sawt sawt.



"Ka bialpa" ka ti sap a, ka nu nui hawk hawk ri vang chuan mit chhing vakin ka in hum ruh nghek.




"Tunge I bialpa chu?" a tih chuan ka thaw deuh hak a, sex hial ka hmanpui tawh mipa, damchhunga a kianga awm ka hreh loh tlangval hi ka nu hian a hre ve ngei tur ani.




"Nu, mak ti lutuk lo la" ka tih chuan ka sam ah chulin a nui mai a, "Ka awmna kha i hria tiraw, pa Thanga te kha" ka tih chuan lu bu nghatin "An fel viau tak kha" a lo ti a, "An fapa kha?" ka tih leh chuan min en deuh vang vang a, a malchung atanga tho pah chuan "U Peka hi ka hmangaih tawhin ka hria nu, pasal atan pawh ka duh" ka ti chhuak thawr a, ka nu mak ti hmel ka hmuh rual chuan tlem in ka in thiamlo.





"Bawihte" ti hapin min en reng ringawt a, "A... Nu, I la thutak mah mah anih kha, tunah pasal neih ka duh ka tihna pawh a ni hleinem, Peka nen hian kan induh tawn a, chuzawng chu a ni rih, inneih lam kan la sawilo tak tak ania" zangkhai thei ang bera tiin a darah ka kuah a, ani pawhin min hrethiam hmel takin a bu nghat nghat a.





"Chutiang anih te chuan kan in ah pawh rawn lenpui ve la, hmuh ve te pawh kan duh alawm" a tih chuan lu ka bu zauh a, dik tak chuan sawi lo mah se lo leng tura sawm chu ka tum hrim hrim.




"Nangni nufa chu min thlim leh tawh ami a?" kawngkhar rawn hawngin ka pa chu a lu chauh lang hian a rawn dak a, "Pa berin eirawng ka bawl laiin nang ni pahnih lah chu.... Bawihi, I nu khan I awmloh atangin ei rawng a bawl duh tawh miah lo ania, office banah keiman ka bawl leh vek zel" a rawn ti nghal bawrh bawrh a, ka nu nen in en in kan nui ta chiam.




Chaw ei turin kan inzui chhuak a, "I pa hi chuan eirawng a bawl ve chhun chu a sawi uar thin tih I hriat kha, awih chin tawk neih hi a ngai ania" ka beng bulah ka nu'n a rawn ti sar sar a, kan nui dun kur kur.




Kan chhungin dawhkan kan kil ho a, pathum chiah ni mah ila chhungkua chu a dan a dang lutuk tho, a hlu a, a ropui bawk.




"Kartawpah maw I chhoh leh dawn bawihi?" ka pa'n a tih chuan bu nghatin "Tun kar chhung chiah ka chawl thei, kan principal hi a fel em zawk a, karkhat ah period ka neih tamloh avangin kalloh chu naupang ho tan hian a uiawm duh lutuk a" ka ti a, board face tur an nih avangin class 12 ho phei chu ka tan nat pui viau a, chu chu zin Ssan ka hreh na em em pawh a ni.





Zanah chuan kan chhungin TV kan en thap a, Peka chu a buai deuh ani mai thei chaw ei dawna ka message kha Tun thlengin a la seen lo.




Kimi hnen atang call ka dawng a, chhang ta mai lo chuan ka pindan lam ka pan hmasa phawt.


"Hello"

"Min lo call ami?" nem vak lo hian a rawn ti a, hmannia ka thil sawi vang khan a la lungawilo reng nge min huat vang hrim hrim pawh ka hre tawh neklo.



"Aw, mahse John-an a lo la" ka ti ve hmak a, "Kha thil kha ka sawifiah thei ania" a tih chuan thaw hawlhin "Ka ngaihdan hi a diklo tih sawi tawh" ka ti sap a, "Eng nge i ngaihtuah a?" a rawn ti daih, a hrelo tak tak nge a hrelo der zawk le..?




"Ramnunkim, hrelo der suh aw, ka bialpa hlui khan engvangin nge i phone a lo chhan a?" ka ti leh vak a, ka vin mah mah tih ka hria mahse...




"Ka sawifiah thei ka tih chu, naktuk ka birthday a ni tawh a, thu belhchian dawllo vang khan min vin vak suh" a rawn tih chuan ka thaw deuh ham ham a, ka tum dan angin engthil mah hi a thleng lo.





A birthday party chu an in ah an hmang dawn tih ka chiang a, an celebrate laia va thawn thut kha ka tum ania....




"A tha e, ka lo haw a, I lo kal theilo anih chuan I awmna sawi la tunah ka lo kal ang" ka ti ta sap a, "I lo haw maw?" a tih hluai rual chuan ka phone chu la thla in ka en nghek.




"Au vak zel suh, I awmna chu sawi vat rawh" ka tih chuan "Keimah ka lo kal dawn" tih leh phone dah a rual a, han in hau ve chiam bawk mah ila ka phone en chuan ka nui leh hak tho.





Ka thian tha ber a ni a, ka ngaiin ka hmu chak tawh lutuk.


Ka nu te bulah ka let leh a, minute 10 hnu velah door bell a rawn ri ral ral a, ka va hawn chuan ka rin ang ngeiin Ramnunkimi chu a lo ding reng tawh.




"Hmelchhenu" ti hluaiin min kuah thlawp a, a su pah dur dur kher leh nghal.



Inchhungah kan in zui lut a, "Awii nute, Vansangpuii hian a lo haw dawn tih pawh min hrilh lawk lo" vui aw lek leka tiin ka nu bulah chuan a thu a, "keini pawhin kan hre lawk biklo, a lo haw ve tawp anih hi" ka nu'n a tih laia rum deuha min melhtu chu dar kan akin mit ka lo siai zeuh a, min chhiat khum nghek.







Ka room ah kan in zui lut a, sawi tur ka ngah lutuk hi khawi ber atangin nge ka sawi tan ang ka hrelo. Mahse John-a chungchang kha chu kan sawi fel hmasak phawt a ngai tih ka hria.





Ka khumah a vang zawnga bawkin a phone a khawih nuap nuap a, couch ah thu in ka en reng.



"John kha" ka tih chuan min rawn melh zawkin a phone bawk chu a en leh a, "Kimi?" ka aw ri chu a nem vaklo ang.




"Lawk" tiin a rawn thu chhuak a, "Lo en la" atih chuan pan hnaiin phone a a bialpa nen an thlalak te chu min en tir a, "Jonathana chu anih hi, a tir ah ka hre lawk biklo John nen hian cousin an lo nia" a tih chuan amah chu ka melh kawk a, "ka hre lawk biklo ka tih chu" a lo ti vat.





Thaw hawkin "A va mak" ka ti sepa, kan ngawi dun vang vang..


"Tlaiah pawh khan kan chhuak ho a, a bialnu tharte nen, Jona nen washroom a kan kal hlanin a lo chhang anih kha, I duh chuan awih suh" a tih zawm zat a, ka melh nghek.




Ka awihlo hranlo a, dawt a sawi pawh ka ringlo, John anih loh phawt chuan a cousin te chu lo ngaizawng mah se a pawina a awmlo reng reng, bakah ka hun hmasa vanga ka thiannu lo tawrh ve ngawt chhan tur pawh a awmlo, John a kawp loh chuan a tha a ni mai.






"Ka awiph alawm, a tirah kha chuan ka hlauthawng deuh a, John hi mitha tak a nilo tih chu kan hriat dun kha" ka tih chuan "Imm rin ai daihin a lo lerh a, a kalsan chhan che hmeichhia nen pawh khan an inkawp leh tawhlo, tuna a bialnu te hi an hausa a, a.... Jona nen cousin lo nilo phei se chuan ka be chak neklo asin" a tih zawm hlak a, ka lo nui sak.






"A ho lutuk, Jona te chu a fel ang chu" ka tih chuan chinawm deuh hian min rawn melh a, a bialpa chu a fak zui nghal mawlh mawlh.




"I birthday hmang tur liau liau in ka lo haw a, a lawmnaah chuan mi pakhat ka lo hruai ve dawn ania" ka tih chuan over deuh hian a nui a, "Tunge tunge?" tiin min zawt nghal chuk chuk.





"Ka bialpa, kan lo chhuk rual alawm" ka tih chuan ka mit ah tak min en in "Thingtlang ami maw?" a rawn ti sep a, ka rin ang chiah.




Lu ka bu nghat a, "Ka in luahna neitu ania, U Peka" ka tih chuan "Vansangpui" lo ti hapin min la en reng.



'Eng nge?' tih nan dar ka lo kan ak a, "Thla 3 chauh i la awm a, thingtlang tlangval zunah i uai nghal der amaw" a nui a, "Nangte chuan college ah pawh celeb chin hlir i ngaizawng thin sia, I inhmeh lo" a tih zawm leh zat.



A dik alawm, keipawhin thingtlang tlangval zunah ka uai dawn tih ka in hre lawk biklo.



Khumah zangthal zawnga mu diai in inchung ceiling chu ka melh vang vang a, "Mihring hi kan awmna hmun a zirin kan danglam thei, kan mi tawn te ngat phei chuan nasa takin min thlak danglam thei" ka ti sep a, ka bul chetah rawn mu ve in "A dik chiah" a lo ti sep.




"I lo hruai ve dawn nia, lawm pui vak pawh ka pa in rem a ti tawhlo a, thian tlem te nen a ni mai, chuan maw Te, John leh a bialnu chu lo kal ve an tum a" Inthlahrung hmel deuh a a tih chuan ka nui hak a, "Keichu ka tha ania, bialpa ka nei alawm" ka lo ti zauh a, kan nui dun vur vur.





Zan dar 9 a pel tawh a, ka thiani chu chil thli tla lo chauhin a muhil bawrh bawrh tawh, riak tur pawhin ka sawm tawp silo.




Ka mutthilh theihloh avangin ka let sek a, a khat tawkin Peka message a awm leh awm loh ka en chhen bawk.




Dar 10 rik dawnah a rawn online ve ta hram a,

*kan buai deuh a, tihpalh aw* ka nui sak a,
*A pawilo, ka mu chiah a, I mu tawh em*
*Mu dawn chiah* a rawn tih chuan sawi tur pawh ka hre tawhlo.




Tihian muhil thei lovin a online hun ka nghak ve char char a, a rawn online ve ta cheng a, sawi tur avang leh phian bawk si. Ka biak chak tehlul nen sawi tur lah chu ka hre der silo.





*Ka ngai che*
A rawn voice a, a aw zawi leh thuk ruih chuan ka lungphu a ti danglam thuai a, *Keipawhin* ka tih chuan a seen rualin a call a rawn lut nghal a.





Kimi tih harh ka hlauh avangin tukverh hawngin couch ka hung hnai a, zawi te te hian kan in be sep sep a.





Phone call a inbiak takah chuan sawi tur chu a inpha man chho ve zel tho, naktukah Lunglei lam atang a thlai en Tu tur te an lo kal dawn a ni awm a, a hlawhfa chhawr thin te a biak kual avanga min rawn be hman lawklo a nih thu te min hrilh a, naktuk Kimi birthday a kal ve tura ka sawm chu 'aw' a pawh har khawp mai.





"Tiuriu?"
"Ka lo tum dawn nia" a tih chuan ka ngaihbel nge a chak vaklo niin ka hria, "I peih vaklo ami? I peih loh chuan..... "
"Bawihi" a nui ri suk a, "Ka tum dawn nia ka tih chu, ngaihtha deuhin awm rawh" a ti leh a, zan a tlai tawh bawk nen kan in mangtha ta rih.





***



"Aw... Kimi chu, chaw ei ve nghal mai la" dar 8 bawr ah kan tho a, Ramnunkimi chu ka la kaitho chawp zawk.




"A chiloh, ka birthday te ni sia tih tur a tam, nangni pawh lo kal ve ru aw nute, nangpawh rawn tlai lo la" ti zat zatin kan chhungkua chuan min en kual ralh ralh a, sam thur bumin a tlan chhuak rawk rawk.





"Tikhan kum 25 chu a tling ve tawh bawk si a, khua hi chu a var lo thin meh meh teh e aw" ti vawng vawngin ka pa chu pindan ah a lut ta daih a, "Chaw ei siam nghal ang, I pa office a ngai tlat" tiin ka nu nen choka lamah kan in zui phei a, chaw ei laiin ka pa chuan Peka chungchang a rawn sawi chhuak phawng. Ka nu zawk ka melh nghek a, hria angin a awm duh miahlo leh nghal






"Aizawla a awm ve lai te anih chuan lo len pui la, hmuh te pawh a chakawm alawm, a thu hrimin I chhoh tirh te kha chuan thingtlang tlangval ngaizawng tur hmel pawh I put loh tehlul nen" ka pa'n a tih chuan ka ngawi kar a, ka nu nen Peka chungchang sawia an titi barh barh lai chuan ka tawng chhuak ve duh tawhlo, ka zak deuh tlat alawm.





Dar 10 velah in atangin ka chhuak a, Peka nen inhmuh kan tumna hmun ka thlen chuan a lo ding reng tawh.


"Ka rei em?" ka tih chuan nui sukin lu a thing a, "Gift tur lei a ngai a, dar 2velah Kimi te in ah chuan kan kal chauh dawn nia" ka ti a, "Vawiin chu nangma tan chauh hun ka insiam" a kiai suk a, ka lai lutuk chuan a awmah ka chum vak ringawt.





Dawr hrang hrangah kan lut kawi a, Kimi chu sana leh bouquet bakah chocolate te ka leisak a, a lawm dawn tih ka chiang.





Peka pawhin thil pek loh ngawt a hreh avangin tshirt nalh deuh leh perfume a leisak ve a, mipa takin khawi hmunah pawh, ka duhna apiangah min kalpui a, a nihna zahpui ka tum hauhlo, miin thingtlang tlangval anih na chauh hre mahse keichuan a thinlung ka hmu tlang a, amah ah hian ka duh chu a kim vek.





Dar 2 vela kal tum kha kan leng tui bawk nen zanriah ei dawn tep ah kan thleng phei ve ta chauh a, a sawi ang tak takin mi an tam lemlo a, thian hlui te pawh ka hmu ve nual a, kan in chibai sap sap hlawm.




Peka chu an la hmuh ngai chiahloh a nih vang nge an en duh viau hlawm a, Ramnunkimi rengin a en nasa.


"Thingtlang tlangval tih pawh a hriatloh, en mai hi chuan police te pawh a ang alawm" ka beng bulah Kimi chuan a rawn ti sar sar a, Peka bulah chuan thu in a titi pui nghal bawrh bawrh.




John leh a bialnu ni awm takte chu melh duhlo in an awmve tih hrelo ang hmakin ka awm lui ve tlat a, zan dar 8 velah a tam zawk chu an haw tawh




Kimi leh Jona, keini pahnih leh John te chu an ni tawh mai, Peka chuan nuamlo a tih hlauin a kut ah ka vuan tlat bawka.




"I thianpa chu tumaw a hming Tete?" John chu ka melh vat a, "Peka anih hi, ka thianpa mai nilo in ka bialpa" ka nui lui sak a, "Eng hna nge a thawh a? I awmna thingtlang khua ami em ni?" tiin a bula a bialnu, mi hausa fanu duatsual tih hriat ngawih ngawih nen chuan an nui dun hak hak a, ner sak in "Hna zahawm leh thianghlim a thawk, chuan thingtlang tlangval hi I tluk miah lo bawk tih hre rawh" ka awki chu a sang hranlo, mahse a ngainat awm loh viau ang.





Peka chuan nghet leh zualin ka kut a hum tlat a, in bengdai tura min hrilh na a nih ka ring.




"Hna thianghlim maw? Pastor chu anih hmel si loh?" a bialnu zawk chuan a rawn ti leh khanglang a, eng hi nge maw an buaina le??



Ka che phat chu ka ban vuantu an awmmiau avangin ka in sum leh a, "A dik alawm, hna zahawm tak ka thawk hranlo, thingtlang mi ka ni a, kut hna thawkin ei ka zawng, chu chu thudik ani, chutah chuan buaina in nei em?" nghet charha titu chu ka melh chho kar a, in ring tawk hmel takin sawi mah se a mitah erawh eng emaw ka hmu!!




John te pahnih an ngawih hmak takah chuan boruak thlak tum takin Kimi a rawn tawng a, rei pawh awm tawh lovin an pahnih chuan an haw zui ta mai bawk.






"I unaupa kha hau ve thin la, a chiloh thei emai, puitling vek kan nih tawh hi" tiin a bialpa chu a nghawk zauh a, "Khatiangin a ti dawn tih ka hre bik lo alawm, an ai awhin ngaihdam ka dil a che u" Jona chuan hawihhawm taka min rawn en in a ti a, boruak a chhiat tak em avangin nuih luih pawh a harsa tawh.




Kan haw kawngah chuan ke in khawlaiah kan kal dun rak rak a, thil thleng leh Jona thil sawi te avang khan ka inthiam lo takzet.





"Tiuriu?" ka ding dat a, min rawn en in a nui suk, "Thil thleng vang khan ka tihpalh takzet, khatiang khan an ti dawn tih ka hre bik lo a" ka ti sep a, a kekawr ipte zen hlun chunga vanvadakin a thaw chhuak ham ham a, "Ka tihpalh" a tih chuan mak ka ti khawp mai.





"Engvangin maw?"


"Hna zahawm leh changkang tak ka thawk ve thei lo a, pastor tal lo ni ila tha tur" a kut hlai hlup chuan a hmai tuai puatin a tei kual vut a, tunah khan engthu nge a sawi.





"Heyyy" a ban vuanin a hmaah tak ka ding a, "Bawihi ka tihpalh, ka tihpalh lutuk" a mit a sen vek a, hmeichhia angin tap chhuak hawm hawm lo mah se a chhungril natna leh inthiamloh na chu a nasa viau ani tih ka hmu thiam.





Nghet deuhin ka kuah a, "A pawilo, mi anga hna changkhang thawk ve kher tur che in ka phut hleinem che, tuna I nihna hi ka pawm a, I awm dan ang ang hi ka duh vek, hrehawm tih phah suh aw, keima thiam loh anih kha" ti mawlh mawlhin a hnungzang chu ka beng dat dat a, hetianga a awm hian hrehawm ka ti lutuk.





Kan in kawt thlengin min thlah a, thil thlengte kha kan sawi chhuak tawhlo ve ve. Khang mihring laktlak loh pahnih te khan ka pawi emaw, ka bialpa pawi an sawi leh anih vaih zawngin ka nasa viau tawh ang.






Gate bulah chuan kan ding dun reng a, sawi tur mai ka hrelo. "I nu leh I pa te chu nidangah ka lo hmu dawn nia, lut la taxi in ka haw ang" ti supin ka hmui ah a fawp zauh a, inchhung ka luh hnu ah a kalsawn ta chauh.









End of chapter-18

Boring tluan zak😩
Sorry aw guysss...min sawisel lawp lawp mah ula ka hre thiam, rilru ka pe thei tlawt lo a ni e👍🤧


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)