Love In Africa By Tluangi Sagy Pachuau

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Love In Africa By Tluangi Sagy Pachuau

Unread post by Ngaia » September 11th, 2022, 2:37 pm

utefomph.jpg

LOVE
in
AFRICA

CHAPTER 1


BY Tluangi Sagy Pachuau



Lalnunpuii (manuni) POV*


Damdawiin ah ka thiannu em em mai.... Remsiami (siamsiami) nen ka pa office ah movie en in kan nui uar uar a.... Chutia kan nuih dun lai chuan ka pa a lo lut thut a... Kan nui tawp chiang teh asin....




Ka pa chu thinrim hmel deuh hian a lo lut a..... Min leh run run chung hian "Lalnunpui nurse i lo ban leh tawh em ni a?" Chang fek fawk hian a rawn ti a....




"Aw eng nge ka u a lo thinlai vel ni"
"Chutiang thinlai tih vel mai mai ah buaina a awm em ni.... Duh leh lo thinlai se lai lo se.... Ban kher kha a tullo" A lo ti let ve leh....




"'Mi hausa fanu duat sual a chhungte sum ei hek tu nu uap loh....ka unaunu a ni ang tih ka hlau... De de dei dei" A ti a nih khaa ka hre leh vek sia' ka tih chuan Siamsiami chu en in




"A dik em Siamsiam?" A ti a... Siamsiami chu a lo bu nghauh nghauh... "Awle movie kha en leh tawh rawh u" Tiin a chair ah chuan a thu a a hma a paper chu a bih chhunzawm nghal zat....




Chutah ka u rawn lut ve leh in "Lalnunpui,,,,, Pa lalnunpuii hian nurse a ban leh teh kha i hria em?" A rawn ti lut nghal phiar phiar a... Ka pa chuan dam diai hian "keima ban a nih kha"a lo ti a... " Ngatinge" Mak ti aw tak hian ka u chuan a lo ti let nghal vat.....




"Chhan tha tak a awm a ni mai....tiin ka u chu a chhang a "Bawihte Siamsiami nen khan lo va haw hmasa ula i u hi kan be lawk a nge" A tih zawm nghal zat.... Keini pawh chu i he lo in office atang chuan chhuak in haw kan tum ta a...




Mahse nau piang hlim an dahna ward kan thlen chuan kan awm mai mai leh thei ta tlatt lo.... Kan chheh vel a nurse duty an awm em tih kan en hmasa te te a an awmlo tih kan hriat hnu chuan zawi muang in a chhungah chuan kan lut a an lo muhil tui hlawm ngangg mai....




Chutah awrawl theihtawp a zai pah in exit door lamah chuan kan tlan phei nghal daih.... An tap ri nghal chuah chuah mai.... Kan tlan hla ta maw tih ah Siamsiami nen chuan high-five in pe zeuh in damdawiin pawn lamah kan chhuak nghal zul zul.... An buai ve mai mai ang chu...




Spicy noodles lei haw in kan inah kan lut a... Ka u te pahnih pawh an awm leh ngei ring in kan lei kep bawk.... Ka rin ang ngeiin an lo awm a... Video games an lo khel dun leh melh melh tawh...




An ni hi phir an nia.... An in hnial reng a... A chang leh an insual a.... Mahse an in ngai a... An awm hrang thei chuanglo reng reng...




Mahse tun tum chu an in ngaih ve hmel khawp mai.... Kan lut tih pawh hre chang leklo in games an khel.... Siamsiami nen kitchen ah Spicy chu kan chhum a.. Reilo te ah




"Lalhruaizel min chak tir ve tawh rawh ka tih khaa"... A upa zawk Uhruaitluangan tih pah in chhuat ah a thut bet leh run tawh.... Fak an dawl lo hle mai... In ngaih ka tih kha ka sut leh...




"Insual su spicy in ei ve lo mai tur a nia".... Ka tih chuan tawp chawt in... Rang deuh in an rawn tho a... Kitchen lam an lo pan phei nghal.... " Uzelan mate a thak viau em?" A tih chuan "aih thaklo" Ka lo tih sak vat a.... "Ka awilo" Leh lawi si chuan... Min zawt te te a awi leh mang silo....




"Awilo tur si nge min zawh?" Bak hlar hian ka lo ti a.... "Thak I tih ka ring" nem diai hian a ti a ka u te hi chu an zaidam hlawm a nia... Ka vin hrep hrep pawn awki ngai patt in min chhang thin... Heivang hi aniang ka hlauh loh hlawm em em




"Spicy ni na na na a thak ang chu lo ei mai mai rawh" Ka tih chuan "spicy lo hi ei tur in rawn hawn em?" A la ti hramm.... Thil thak chu ei hreh ve ngang ngang hle mai mawww




"Wai wai kan lo hawn tel lo in siam ve tawh mai rawh" Ka tih chuan thu awi deuh in a in siam ve rak rak.... "Nang pawn thak i ngam bik tawp loh kha wai wai hi lo ei ve mai rawh" A tih chuan si hlap hlap chung a "ei lui turin ka luhlulna in a tlin" Ka lo tih chuan tih ngaihna a hrelo "hmm" A ti tawi tak ringawt....




Utluanga leh siamsiami erawh an ngam ngangg mai... Kei in tlem tlem a ka ei lai in Mukbanger an in ti emaw tih tur in an ei a ni.....




Awle ka hming te ka unau te hming te in hre tawh tho nang in introduction kan nei ve leh hrim hrim ange...




In hriat tawh ang khan ka hming chu Lalnunpuii Pachuau a ni a... Manun ti in min ko thin.... Unau pali kan ni a... A naupang ber leh hmeichhe awmchhun ka ni a.... Mi chuan "mihausa fanu mal duat sual" min ti thin a mahse keichuan duat sual theih loh ka in ti thung😌..... Ka harhvang a ni ve mai a.... Chu te maiii chu




Ka pa hming chu Lallianzuala Pachuau
A ni a... Kan ram a Hospital lian pawl tak Pachuau Hospital nei tu a ni bawk.... Kan upa ber ka pa office a nichinn a lo lut a "Lalnunpui" Min rawn ti tu kha a hming chu Evan Lalnunsanga a ni a... Kan unau ah amah chiah in sap hming a nei... 😒




Ka pa hnung zui in doctor a nia.... A rochun tu tur a ni bawk.... Chuan min chhang tu chiah te hi ka sawi tawh ang khan phir an ni a... An hming pawh in hriat tawh kha.... An ni chu workshop an hawng a.....an in lungrual khawp mai.... "Nakin ah chuan motor chhe siam na chiah ni tawhlo in a zawrhna te pawh a la ni ang" An ti a ni awm ee..




A hming ah 'Ebenezer Workshop' an la ti zui ahhh....



'Motor rawn siam tir tu tur ten "Ebenezer ka hthla a muang a ni"an tih theihna tur in' An ti a ni awm e.... An in lung rual em em thei mai lehnghal a.....



Chuan a tawp ber... Pawimawh em em si chu.... Ka nu hian kum 2 mi ka nih in min boral san a.... Car in a sut vang in
Chuan ka pa hian tian kan unau li(4) in min tul pui ta a ni...




Ka u te sawi dan in i tahbelh sia i harh sia an tia.... Ka pa chu a hah theii ngawt ang.... Ka u chiah te lah a nghal rual kum 7 mi an nia nga....ka khawngaih hlee mai ka pa chu...




Eirawng bawl a hun thleng pawh chuan Siamsiami nen ka roomah kan awm a....eirawng bawl ngai ka nilo a... Siamsiami pawh chuti tho.....




Ka pum chu a na riai riai a... Mahse ka sawi duhlo.... Ka spicy ei kha tih ka chiang.... Siamsiami chu a titi siam siam a.... A story chhiar te a sawi leh tawh..... "Ngaihzawng ka nei a" Tih chu a awm lo.... A duh tawk a sawi zo ta maw tih ah haw a tum leh ringawt...




Nizan ah ka bulah a riak a zingah chaw a ei a ka pa hna kal kan zui leh a.... Hman ve tak chu kan ni.... Nimin chhun a a lo leng kha vawiin tlai ah a haw ve dawn chauh a nih hi....




A haw hnu lawk chuan ka pa leh ka u te pawh an rawn haw a.... An rawn haw thleng pawh chuan Uhruai square(²) a te chuan video games an la khel...... An khelh aiin an inhnial a tam zawk....




Nu Dawngi in eirawng a bawl zo tawh a... Ka pa te an in tih fai zawh a ei nghal chiah kan hmabak a ni....




Nu Dawngi hi kan chhungkaw tan a mi hlu em em mai a nia.... Ka pian hma atang daih tawh in kan in ah hian hna a lo thawk tawh a ni awm e..... Lang in a lo kal thin a.... Eirawng a bawl zawh in a haw leh mai thin...




Chaw ei lai chuan kan upa ber chuan "mate vawiin a i thil tih ang kha ti tawh suh thla khat ah vawi1 tal hnathawk tuemaw i ban ziah a... An hlauh vek tawh che saw" "Min zah lo thin em a nih kha" Ka tih chuan a lo chet tlak tlak....




"Mate vawiin ah mi i ban leh tawh maw?" Tiin Uzela zawk chu a lo phur em em lehnghal a.... Utluangan "matei chu kan workshop ah lo kal ve la a tha ang thatchhe deuh deuh ho saw rawn ban la" Tih ang reng vel in fiamthu thawh nan min hmang chhunzawm daih...




Chaw ei kham in thleng ka sil a Uzelan ei hmun a seng fel thung.... Utluanga nen hian an in tih chhawk thin a... Phin nawi lo in an hna chu an ti ve mai zel...




Mi hian duat sual min ti ziah a... Ka fel zia hi an hrelo a nih hi.... Thleng pawh keimah ngat in ka sil a... Engmah lah hi an hre ve der silo.... Thil hre chianglo hian an sawi ve phawng phawng zel a.....




Ka sil zawh in ka pa room lamah ka phei a "pa internship kha ka ti ve duh" Ka tih chuan exam an neih daih tawh thu leh monday khian result a chhuah tawh tur thu in min lo chhang a....




"Siamsiami nen min tel tir ve rawh" Ka tih chuan chet tlak tlak pah hian "ti ve ru ka tih lai in khawvel kan chen dawn" In ti tlat a nih khaa" A lo ti a...




"Pa tak tak in... Vawiin a nurse ni min tih dan kha ka duhlo.... Sum ei hek tu min tia.. Ka duhlo." Ka tih chuan "a tha eee i u ka lo hrilh ang" A tih chuan a biang ah ka zuk fawp zauh.... "Mi tih lawm dan hi chu i thiam alawm" A ti a... Ka lo nui vur vur....




Sitting room a ka chhuah chuan ka u te chuan thei hi an lo ei a... "Mipa si thei in heh lutuk" Tih pah in ka thu thla a ka ei zawm ve nghal zat.... Kan upa ber(umama kan ti zel tawh ang aw) chuan min lo kuah nghal hlun pah hian "nau nghal deuh mai hi kan nei a.... Vawiin pawh nau pianghlim kan dahna a naute an tap rual vek a.... A chhan ka hre kiu kiau bik mai sia" Tih pah in min in sawi pui hluau hluau a




"Matei hi chu bawnn" Tih pah in ka u te pahnih kan hma a thu chuan like min lo pe keuh.... "Nangni pawh hi in chhah... Hau zawk ta che u" Umaman a tih chuan an lo then thau ringawt...




Ka u chu ka pa in phone hmang in a rawn ko a... Hmm rawn chhuak se rawn ko ve mai se.... "Pu Lallianzuala chu in la value hle mai a" Utluangan a lo tih chuan Uzela nen kan lo nui kiah kiah....




Siamsiami bulah ka pa bula internship ka dil ve chu ka hrilh a.... A lo pawm leh nghal thluam.... A ni hi chu ever ready-i a nia.... "Kal ang" Ka tih tawh chuan "awle" Ti thei zell a nia.... Keipawh chutiang tho...




Bakah MBBS kan zir zo tawh a.... Intership tih hma a khawvel chen phawt kan tum kha a nia.... Kum khat chawlh phawt a chhunzawm kan tum a.... Mahse vawiin a nurse nu in a min lo sawi dan ka hriat avang khan ka lawm lo....




"Mahse tinge zawm leh thut chu i duh a khawvel kan enjoy phawt dawn amaw tia" A tih chuan a chhan ka lo hrilh nghat vat.... "Eee khami vang khan maw... Ni e i ti ngei ngei teh ang" Imm a ni hi chu supporter tha....




A tuk chu inrinni a nih avang in ka pa hna kal pawh ka zui lo.... Inrinni hi chu awmpui a ka tan ni a nia.... Kar tluan a in kan tih balh leh suk tur ho ka su thin..... Naulang chhia kan awm tawhlo a in a hnawk em em ngailo... Suk tur eawh a tam....




Mahni room theuh kan tih fai thin avang in room tih fel em em tur a awmlo.... Umama phei chu in aiin damdawiin a a riah a tam zawk... Uzela room hi a hnawk thei ber a... Naupang ber na na na chu... Ehh




Keimah chiah in inah min hnutchhiah a Siamsiami ka call chuan "eng nge" A rawn ti vin tuar... "Eng nge hi ti ziah suhh hello an ti thin" Tiin ka off a... Ka. Call tha leh nghat... A ngai te bawk in a rawn eng nge leh a... Ka off leh.... A vawi thumna ah chuan a rawn hello ve hramm alawm..




"Rawn leng la" Ka ti dek dek chu.... "Awiii tih tur ka ngah luruk.... Chhuat nawh te, insuk te, darthlalang nawh te"... A tih chuan lo pawt chat in " Kan in a i tihtur hlirr a nih chu i sawi" Ka lo tih khalh vat...




"Naaaa" A tih lai tak chuan "chuan ka zui haw che nga ka lo riak ve tawh thung ang"...... " Ka lo phei nghal" Chhang rang leh si ve....



A lo thlen hnu chuan in chhung chu min tih fel pui leh a.... A hnawk em em lo nang in a zau tham ve sia... A ning lutuk chuan "awmpui te hi la ve mai ula... Nih loh pawn nu Dawngi kha full time in chhawr mai ula" A ti deuh chhen.....ka lo nuih liam mai mai....Nu dawngi chu full time a thawk chi a nilo... An pa a sual lutuk tlat...




Kan tih fel vek hnu in ei tur lei turin kan chhuak a..... Ei tur lei tur a chhuak in ti ve si kha a hmun ah kan va ei a kan leng kual hrep... A tawp ah Siamsiami te inah kan haw nghal daih.....



A room ah kan awm dun ve thung a... Ka pa in min lo call chuan ka awmna min zawt a... Siamsiami te inah chaw ei a ka riah tur thu leh naktuk ah pawh a thawmhnaw ha a ka inkhawm nghal tur thu ka hrilh nghal.....




Siamsiami nen kan nih tawh hi chuan a ngaih hi a tha em em mai a ni.... Bakah Siamsiami chhungte hian an fanu ang maiin min en a chutiang chiah in ka chhungte pawn... Mahse Utluanga hi chuan Siamsiami chanchin hi min zawt leh thut zel a... A duh deuh a nih ka ring... Mahse an awm dun chuan an inhnial reng




Sunday kan inkhawm bang chu kanzun a chhuah em avang in biakin bathroom ah ka lut a... Ka chhuah leh chuan Siamsiami a lo awm miahlo... Ka hawi kual vak vak lai chuan hah hmel deuh hian a rawn tlan phei a.... "A changtupa ka hmu" A rawn ti ta mai...




"Ni maw eng hmel nge a put" Tiin ka lo zawt nghal vat.... "A hmel ka hmu chianglo mahse a changtupa a ni.... A sang sia coat suit a ha a... A chhiat loh ziaa chu" A tih chuan a hnungah lo beng thlawrh in.... "A hmel hmuh chian tum ta chee" Ka lo ti vat..




"En chian tum in ka um zui a a lo bo hmak tawh alawm....Alien amawn le" Tiin a lu a hiat noh noh.... "Aw pawilo kan hmu leh tho ang.... Sunday leh ah kan zawng dawn nia" Tiin a scooty park na lam kan pan a... Kan haw ta a...




Monday ah result a chhuah dawn vang in ka pa kan zui leh a a office ah movie kan lo en leh.... "Enteh manun result a chhuak dawn sia" rilru hah hmel deuh tak hian a rawn ti a... "I rilru lo ti hah ve ngawt suh... Exam pawh kan exam ve loh kha.... Pass sa" Ka tih chuan hrechhuak leh thut in "ni tak e" Tiin laptop chu bih in a nui leh nghal uar uar




Ka pa rawn lut chuan kan team awm duhna min thlan tir a....team pathum awm a.... Team A, B, C in an then hrang bawk.... "Nakin ah" Kan lo tih tlat vang in min ti lui em em biklo... Bakah wednesday ah daih kan tan dawn tho a.... Midang chuan an awmna tur team an lawt dawn a ni awm e




Chhunah chuan Hospital canteen ah kan chhuk thla a... Kan tih foo dan in menu a awm zawng zawng deuh thaw kan chah leh vek....




Kan ei ngai em em hranlo.... Kan hawlh lawr dan dan a... A then kan mix a... Kan thawh san leh daih zel.... Min sawisel ngam ngai chuanglo... Ka ban ve an hlau pawh a ni mahna...




Kan chhoh leh dawn lai chuan naupang pakhat tap hi ka va hmu a... Amah chiah in a awm a... A thlabar hmel hle bawk....




Siamsiami chu lo han chho hmasa tur in ka ti a.. Naupang awmna lam chu ka pan vat... "Mama tinge i tah a" Ka va tih chuan tap hlawp hlawp chung hian "anu te ka hmulo a" A lo ti a.. Ka khawngaih kher mai...




Thil te lei sak in ka thlem a... Dawhkan pakhat awl ah chuan ka thut pui reng....



A hnu ah chuan "bawihte" Ti a rawn au phei ri ka hriat chuan a lam hawiin ka lo hawi phei vat...



"Engatinge naupang amah chiah in in kalsan a... A thlabar tur zia pawh in hrelo em ni a" Tiin ka lo vin chiam chiam.... "Kan tihpalh lutuk... A damdawiin bill pek kan tum a..... Kan pawisa neih in a lo daih silo a kan buai ata lang a kal sawn lai kan lo hrelo a ni" A tih chuan ka khawngaih leh deuh si....




"Engzat nge bill chu?" Ka tih chuan a sawi a.... A tam ve reuh em a nih chu mawle.... Counter lam ah chuan ka phei pui a....receptionist hnenah chuan an bill chu thaichhiat sak tur in ka ti a.... A tirah chuan min hnial a tum a.... Mahse ka lo melh rum em avang chuan ka sawi ang chuan a ti ta nge nge a




An ni chu an lawm ngang mai... Lawmthu min hrilh mawlh mawlh pah in an chhuak ta a... Keiin nui sang in ka lo bye bye thung....



Chutia an kal chhuak lai ka en reng lai chuan Doctor form ha pakhat hi ka hma zawn ah hian a kal lai chu ka hmu a a sir zawng chiah in ka hmu a... Mahse chuti chung chuan kan damdawiin a thawk a nilo tih ka hria...




Siamsiami bul a ka chhoh chuan hmel nung sarh hian min lo en a



Ka mit meng in ka lo zawt nghal vat.... A bulah chuan thu turin min lo ti nghal vat... Ka thut thlak chuan




"Manun in damdawiin ah hian maw Professor Hmingmuanpuia a lo thawk an ti asin" a tih chuan tunge a sawi ka hre leh pek lo.... Mi chi hran hran hi a hre hnem bawk si.... A story boy a sawi amaw tih lai te hian mihring pangngai te hi a lo sawi leh daih zel....

"Tunge chu chu?" Ka lo tih chuan ner nang nang chung a min en hian.... "I lo hriat lehpek kha ka ringlo rengg ah.... Professor Hmingmuanpuia Stanford University atang a zir chhuak ngat... Hmeltha si, pa si, sang si, mengmawi bawk si, si hlirrr" A tih chuan ei loh hmel deuh a lo en in "khawilai story boy nge i sawi" Tiin ka lo chhang a... Min beng ri nghal awk...



Mahse ka rilru chuan counter a ma awm lai a ka hmuh ka a hrechhuak nghal....








Tun chu a khuh hawnna chiah a nia.... A ngaihnawm loh maithei.... Monday zanah ch2 kan ti leh dawn nia.... A changtupa pawh a lang tam ve. Deuh tawh ang chu😊🤭🤭


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:41 pm

LOVE
IN
AFRICA


CHAPTER 2


BY TLUANGI SAGY PACHUAU




Wednesday chu a lo in her chhuak ta.... Dar 10:00am ah tan a ni a... Mahse keini chu ka pa rual in 8:30am ah kan kal thung....





Ka pa hi chuan hna a thawk tawh vak ngailo a.... A tul fee ah lo chuan a che chhuak ngailo... Mahse ward chu a fang ve ziah tho... A chhan chu rin tur ka u a neih tawh vang a ni....





Ka pa office ah Siamsiami nen bawk kan awm leh a.... Ka pa office chiah bik pawh a ni tawhlo... Kan pathum office a ni ringawt tawh....




Zing ah ka pa rual a ka kal duh vang in thawh veleh ka insiam a chaw pawh ka ei hman lo..... Ka ril tam lutuk chu Siamsimi kalsan in canteen ah ka chhukthla a.... Min lo hmuh chuan an lo meng phar hlawm hlee.... An ngaihtuah ka hre vek..... An ngaihtuah loh dan deuh in kan awm ange...





Eitur an siamna kitchen chhungah chuan ka lut a.... Keimah in ka ei tur ka in siam rak rak.....chef pakhat phei chuan min lo en tawp.... Chuan eng buaina mah siam lo in ka siam zawh in ka chhuak leh....





Office lam pan in ka chho leh a..... Mahse ka mi hmuh avang chuan ka ding chawt..... Ka phone phawrh sawk sawk in a thla ka la nghal vat.... Damlo pakhat hi nui sang hian a lo en a.... A va han hmel tha chiang kuang ve leee....






Siamsiami awmna lam ah chuan a tlan in ka tlan chho... Lift ah pawh ka chuang buai duhlo ka phi cheng dawn a..... Chu ai chuan ka tlan chho...





A bul ka thlen chuan ka thaw hlawi hlawi..... "Enge hlawi hlawi a.... Arte tui tla ang mai" A lo tih chuan lo ngawi rih tur in ka kut hmang in ka lo vai vak vak.... Ka hah lutuk a ka la tawng chhuak





Ka duh tawk hnu chuan "Siamsiam vantirhkoh ka hmu" Ka ti chhuak phawng mai..... A lo meng phawk ngangg mai... Rawn tho chhuak in ka pang te a rawn dek.... "I khua chu a sik silo" A tih chuan a kut chu ka lo ben thlak sak chawrh....






"Ngawi rawh... I awi ka ringlo rengg ah a thla pawh ka lo la alawm" Ka tih chuan a za nghal cheng.... Hmeltha hmuh dawn hi chuan a phur thei...




Ka phone chu phawrh chhuak in ka en tir aa.... A melh vung vung... Chik em em hian a en a chutah au khek tuar tuar a min beng chawrh chawrh chung hian "heihi heihi alawm ka sawiii biakin a ka hmuh khaa" A tih chuan laksak in ka lo en ve





"I lo hmu hmeltha lahtak a nih hi a" Tiin mit ka siai zeuh.... "E khawmaw lo la teh... Ka hriat hnu a ang riau" A tih chuan ka pe ve mai a




Chutah nichin aia ring a au in "Manun Professor Hmingmuana a nih hi... Ka chiang lutuk" A rawn ti leh....keipawh chuan "ehee hmanni a i sawi kha maw?" Ka tih chuan uar deuh in a rawn bu lawp lawp




A chanchin kan sawi lai mek chuan ka pa chu a lo lut a... "In awm na tur in thlan loh chuan i pawh ve a ngai dawn a nia aw.... Thlan nge pawh?"




A tih chuan ka hre chhuak zawk "Pa Professor Hmingmuanpuia kha khawi team tur nge?" Ka tih chuan ka pa chuan chik zet a min en hnu ah "I u te nen hian an rank a in ang a.... Chuvang chuan intern ho zirtirtu tur an ni a nih chu" A tih chuan melh rawm rawm in





"Ka zawhna i chhang lo" Ka lo tih nghut chuan "Team B" Chutah ngei chuan awm a ni ka duh ni... Ka u in a bul a awm tur in min duh viau mahse.... A nau hian Van atang a vantirhkoh lo tla ven ka ngai tlat





"Chutah chuan Siamsiami nen kan awm duh tiraw Siamsiam?" Tiin a lam ka va hawi a ka signal nghal vat... "Aw aw aw... Pa Zual tah chuan kan awm duh"a tih chuan va kuah thuk in "kawrawh kan tan dawn" Tiin ka chhuah pui nghal a




Intern ti tur dang te nen chuan kan awm ho vek a.... Ka pa leh ka u leh professor dang pahnih Hmingmuanpuia leh pakhar thinchhe zet.... Hmel rul tur pai ang deuh hi an lo kal tel bawk...





Ka pa chuan an awmna team tur theuh chu a pawh tir a... A tawp ah "Manuni leh Siamsiami kha" A tih chuan "awle pa" Ka tih laiin Siamsiamin "awle Pa Zual" A lo ti ve.... An lo nui huk a.....Professor ding pathum te chuan mawl tih hmel zet in min lo en a.... Ka pa ngei pawh chuan






Khuh kharh in "lo pawt ve ula" A tih chuan mak ti deuh in ka en nichin ah khan min thlan tir tawh reng sia.... A bul a kan va pan hnaih chuan "pahnih chiah mah ni se kan suffle leh ange" Tiin paper pahnih la awm te chu la chhuak in pahnih a rawn dah lut leh.... Nuih za deuh in kan lo en....






A mawiah chuan kan han pawt ve tak na in team B ah tho chuan a ni kan awm ni....




Professor te nen chuan in hmelhriat tir na kan nei hlawm a.... Team B ho chu kan ding ho vek a chutiang zel in team dang ho pawh...




Ka pa chu rawn tawng chhuak leh in
"Team a kan then hrang vang che u hian in zir tur a dang vek e tihna lam a nilo a.... Zirlai ang tho in la ni a.... Team tin hian inelna in nei dawn a ni....mahse thianghlim tak in aw in elna tih vang khan damlo te kha in lo inchuh ange" Tiin a kal nghal daih... Midang chu an lo nui ham ham a




Kum dangah tiang hi a ni ngai silo a mak ka ti angreng.... Ka pa rilru ah hian eng nge maw awm ni.... Tiang ruahmanna te a siam re re ni.....




Professor Hmingmuanpuia bulah chuan kan team chu kan ding khawm a.... Team A ho ka va en chu hmeichhe lakhat hian rum deuh in min lo en a ve khai khai chuan a... Ringawt a a pawi ka sawi der silo a... Chu ta chhap ah ka vawi 1 hmuhna lehnghal....





Professor chuan a team a awm te chu hming a lam a.... An lam an lam a.... Ka hming a hnuhnung ber a a lam chuan "present sir" Ka lo ti pek... Midang an nuih huk lai chuan a ni erawh chuan tak ngul in min en..... Tuk in zing a a nui hmel kha ka hmu leh chak hle mai





Kan team hi mipa pathum leh hmeichhia pahnih kan nia.... A awmzia chu Siamsiami nen chiah hmeichhia kan ni a nih chu..... Rul tur pai hmel pu-a team ah chuan hmeichhia vek ang awm thung a.... Nuam chu a ti awmmm mange...





Tih tur ang ang te chu kan ti nghal mawlh mawlh a... Professor chuan a damlo te chu a en kual a... Keinin a hnungah kan lo zui ve zell....





naupang te awmna kan thlen chuan a lo nuih sang a.... Hmingmuanpuia pawh chuan a lo nuih let ve sangg bawk.... Nileng deuh thaw in ka zui a... Saw a nui hmel saw zing a ka hmuh bak kha ka la hmu leh lo reng reng





Z A W M N A 🐻



Inah chau hnep in kan haw a.... Lalsiamsiami lah in kan in a riah a naktuk a kan rual a kal a tum leh mauh mai..... An in saw nuam a tilo nge ni min ngai ve hrim hrim pawh ka hre lo e a.... Engmah min hrilh ngai bawk silo...






Vawiin ah professor Hmingmuanan a damlo enkawl te min en kual puiin a enkawl dan te leh an nat dan te min hrilh zel a.... Pakhat theuh in kan enkawl ve tur min hrilh bawk...






Keichuan pitar phunchiar an tih deuh mai hi ka enkawl dawn a..... Kar leh lamah a dinhmun a zir in a chhuak thei tawh dawn a... A awm chhung chu kan enkawl ve dawn chu a niaaa....






Siamsiami erawh in naupang damlo a enkawl dawn thung.... A tawng mawh hmel in a luhlul hmel mai sia..... Keimah min enkawl tir zawk se kan inmil daih zawk ang mawle....





Zanah chuan khumah Siamsiami nen kan thu dun a.... Vawiin lam a professor in damlo enkawl tur a min tih an data vel kan en a.... Vawiin khan sawi zuai zuai mahse hriat kil kel vek ka duh a ni.... Siamsiami pawn chuti tho in.....







"A luhlul hmel sia a sual chuan kuk pawp zel rawh" Ka tih chuan nui suk suk chung hian.... "Dam lam ai hian zual lam hi a pan mai angah" A lo ti a kan nui kan nui dun a...





Kan en zawh hnu in ka laptop ah movie kan en leh a..... Movie hi kan awm dun a kan hman tawh phawt chuan kan en reng mai a ni.....





"In inah hian ka lo insawn daih mai dawn amawn le.... Room 2 ngawt a la chuang tho a" A tih chuan mak ti deuh in ka en a.... "Ka ti mai mai a nih kha" A ti leh daih..... Mahse a tih mai mai loh zia kei a best friend hian ka hre chiang lutuk tlat.... Engemaw tak chu zep ruk a nei a lawm....






Lukham in ka va vaw chawrh a.... Min lo melh rum vak.... "Pillow fight" Ka lo tih chuan a ni pawn a lukham chu la in min vaw ve nghal vak vak... Kan nui dun uar uar a.... Nuam kan ti dun khawp mai





Chutah thil tla bur ri kan hriat chuan kan tawp chawt.... In en zawk zawk in chhuat lam chu kan bih thla leh.... Kan movie en na ngei mai... Ka laptop chu a lo tla chu ni in... Kan lo hre chang tawhlo hrim hrim.....





In en leh in kan nui leh nghal uar uar..... Ka laptop chu chhar in dawhkan ah ka dah phei nghal daih...





Khumah muhil chuanglo in kan mu a.... Kan ti ti vel mai mai.... Khawvel chen kan tum lai a kan tih tur kan lo sawi lawk te kha kan sawi chhuak a... Tum loh deuh in internship kan ti leh si a....





"Engah nge damdawiin ah pawh khawvel chu kan chen mai loh ang Siamsiam" Ka tih chuan a lo bu leh lap lap tawh.... A hming ah hian "Lalpawmvetheizeli" Ti ila a tha ang...





An in hreawm a ti a nih ka ring a... Nichin a sawi pawh kha a thil duh tak tak a nih ka ring bawk..... "Siam kan inah hian lo awm ve daih la... In inah chuan unau hmeichhia i ngah sia... Tah chuan keimah chiah ka nia" Ka tih chuan phur tih hriat tak hian "i ti tak tak em" A rawn ti a...






Nuhrawn hrawn a ni a... Fa nula pahnih Siamsiami aia kum 3 ngawt a upa leh a mah aia naupang hret a rawn chhawm lut tel a.... Ka kal hi chuan duat ber ang hian a awm thin a.... Keipawh min be tha rhei lutuk.... Mahse Siamsiami hian a ngaina vak lo tih a nu hrawn in a biak a a chham dan atang hian ka hre thei...






Mahse an hausa a inah chuan engmah a tih a ngai chuanglo...."i pa bulah ka lo sawi ang... Damdawiin pawh kan hnaih zawk a ka ti anga" Ka tih chuan a hmel lan dan chu inthlak in "a phal dawn em ni" A lo ti zuai raih a......





"Manun thil ka hrilh ang che aw" A tih chuan ka lo bu nghauh nghauh..... "Ka hrilh ngailoh che avang erawh chuan min dem kherlo la..... Ka nu hi ka ngaina lo a" A tih chuan "ka hria alawm" Ka lo tih sak then a...





"Maw? Engtin nge i hriat a?"

"I biak danah i ngaina lo tih ka hrethiam vek alawm"

"Haha niahh... Mi pangngai tan chuan hriatthiam tham chu a ni rengg a ni.... Ka pa hi chu mi pangngai a ni ve lo aniang" Tiin a nui ro halh a






"Ka pa bulah chuan i bul a ka awm hi min dil sak tak tak teh..... Ka nuhrawn saw ka hrawn peih tawhlo..... Ka pa chuan ka unau hrawn te nen a kan in tih thiiam loh in ka thiamloh ah min puh zel in a nupui leh a fa hrawn te lam a tang ziah a....min zilh ziah.... Thinrim erawh in min ti ngailo






Min hriat kha ka luhlul a ka sual thiam ve theih zia chu... I bulah ngat phei chuan ka sual leh zual"
Tih pah in min rawn kuah tha sauh sauh... Keipawn ka lo kuah nghet sauh...





Chutah rawn tho leh phut in "enteh" Tiin a hnung chu a hlim a.... Vuakna tih hriat tak a vual tut ka hmuh chuan a chhan ka lo zawt vat.... "Ka nuhrawn in nimin a min vuakna a nih hi" Tiin a nui leh hak.... A zat vang erawh a ni hauhlo..





"Tinge?" Tih pah in a hnung chu ka khawih sak a... "Ha😆.... Lalduhkimin (unaunu hrawn upa zawk) a sling bag ruk sak ah min puh khanglangg a nih kha... Sling bag te zawng ah sen loh ka nei a ruk na chhan tur ka neilo reng reng" Tiin a in hrosa kuk kuk a





"Ka rulo i ti lo ami?" Ka tih chuan "eng ang pawn sawi mah ila Sihal pitar sawn a fanu thu sawi bak a awi dawn chuanglo" Thinrim tih hriat tak hian a ti a...





"I pa" Ka tih chuan.... "Ka la sawi lo... A awi angem ka hrelo a ni.... A chang chuan min tan chu a duh viau nang in a ngam ngang lo ni hian ka hre thin.... A nupui hi a hlau khawp... Hetiang khawp a pa dawizep ka nei hi ka vanduai takzet a ni" A ti leh a...





A in sawi thinrim lungpuam mai dawn a ka hriat avang chuan kuai mu leh in "hawh muhil tawh ang... Ka pa kan biak tir dawn nia" Ka lo ti a... Ka sawi pui vak chuan a chi loh ang...





Rawn mu tha ve leh mai in rei lo te ah a muhil ta a.... Kei erawh ka mut chhuak chu khawi lam ah ka harh telh telh emaw tih mai tur hi a ni a....






Ka ngaihtuah a.... Nun awhawm ber leh hlim ber a kan lo ngaih thin te hi an nun a lo ruah theih zia leh hreawm an lo tawrh nasat theih zia hi..... Nun beidawng a awm in inhnemna zawng in ruihtheihthil ah tlan se..... Mi awmtha duhlo... Nun uluk lo.... Tiin an sel leh a....





An nun tak tak va hriat pui si lo in an pawn lam lan dan ah an mizia an teh a.... An lo ngai sual ringawt zel a.... Sel mai lo hian eng nge an nun ah an lo tawn tawh a.... Eng nge an paltlang tawh tih te hi hriat pui tum zawk ila.... An tan thil tha kan tih sak ni mai tur....







Mahse ka Siambawihi erawh chutiang ah a tlan lo hlauh a.... A tihzia tak tak a ni... Mahse a nghal tih mai loh chu... Min hruai nghal a ti ve ziah a.... Amah zawk in a ni reng sia.... Kan tet lai a mi inchung vawm pawh ama tih chhuah vek a ni reng sia






Zanlai a pel tawh.... Mutthilh ka la hlat si..... Ka phone chu kan on eng a.... Whatsapp ah ka lut.... Tih tur a van vang tak..... Group thar awm chuan ka mit a la nghal chat a.... "Team B" Tih maii te hi....






A create tu ka en chuan A p.name ah "Hmingmuana the best" Hi a lo ti a... Ka nui chhuak hawk.... A va han inhmeh lo mai mai tak...description ah lah

'Hmingmuanpuia boss'
'A kid te'
Tiin a hnuai ah Team B a awm ho chu kan hming a lo ziak vek..... Keimah in ka nui khur dawt dawt.... Ama siam ni lo hial a mawi a ni... Mut chuah lih sa nen a ti chhuaklo zual vek





A group siam pawh chuan a siamtu pa word pai tlem zar a zo a hming tawi deuh a nei a nih hi..... Group name chu kan thlak hram kha...

'Hmingmuanpuia leh a kid rinawm te' tiin





A tukah chuan lu na burr in ka tho a... Siamsiami erawh a lo tho tawh a nih hmel.... Zing lam ah chiah ka muhil a... Ka lu a nat ziaaa chu....





Nidang chu ni se ka pa bulah in la pangchang in Hospital kal loh ka dil ngei ang.... College kal lai a ka tih dan ang chiah khan.... Mahse tunah chuan a dan a dang tawh hmeltha hmuh ka ngai....






Mutna ka tih fel vel lai mek chuan Siamsiami a lo lut a "group kha" Tiin a rawn nui lut nghal chiam chiam... Keipawh chuan thawh phan pawh sawi lo in ka lo nuih pui ve nghal.....





Bathroom a ka la luhsan thleng chuan a la nui... Kan thian dun hi chuan kan nui duh a nia aww... Thil ho te te pawh kan nuih pui chiammm thei...





Mahse a zahthlak ve tep thin.... Hman ni kan bazaar na ah pawh kekawr pakhat hi kan en a... A cheina a sir a hrui awm kha "ahhh enteh hei pheikhawk hrui a chhawm" Tiin dawr chhungah chuan a au vak mai....





Kei lah ka lo nui vak vak.... Dawr nghaktu te khan ka hau in min en a.... Ruih kan nei amaw an ti hrim hrim ang...





Bathroom ah chuan ka in phih fai sawk sawk a... Chhuah leh hma in Whatsapp ah ka lut leh.... Group ka en leh chu nizan a ka thlak group name kha a lo thlak tha leh chu niin "Team B" A lo ti leh





Naupang chhia reuh ve leee




Ka pa rual in Hospital ah kan kal leh a..... Ka u chu a bike chhuanvawr in a kal daih tawh.... Ka u Hruai² - a te pawh an workshop lamah an kal leh tawh....






Tunlai chu Uhruaitluanga hi a mood a tha thei tlat.... Siamsiami kan in ah a tal tam deuh a.... Hna pawh ni dang aiin a rawn bang hma ziah.... In kan thlen a lo la haw ngailo kha in kan thlen chuan a lo in bual fai dim diam tawh thin....






Hospital kan thlen chuan mipa 1 ka zawng nghal pangg..... Ka u phone ka en a an in biak dan ah damdawiin ah hian nizanah a riak a ni awm a.... Ka u in "ka nau kha lo ti duhdah suh ang che" A tih pawh.... "Hmm" Tih ringawt in an chhang ah...






Nizan ka mut that loh em vang in ka la ham bai bai reng zui ah...
Kan thleng kim ta maw tih tur ah Professor in hming a lam leh a...... A hnuhmung berah ka hming a awm vang in ka lo ngaihsak lo.... Midang hming a lam chhung in ka lo muthlu hman





Ka lu ah an lo khhawng fawk a... Ka harh zawk chuan an lo khi thaww hlawm a.... Tumah chu min kuk tu awm ang pawn an awmlo.... Hmingmuanpuia chu ka en a.... Tum hmuk chung hian min lo en a.... Hlauhawm thei lutuk mai...






Engtik lai pawn tum hmuk reng mai a.....





Ka damlo ka pi bulah chuan ka va kal a.... Tukin lam a dinhmun te ka zawh chuan... A thawh nawm thu in min lo chhang a.... A lawmawm khawp mai.... A BP te ka check sak leh a... A pangngai khawp mai......





A bulah chuan ka thu a... Kan inkawm melh melh.... A phinchiar an tia... A phinchiar tawp loh hi.... A enkawl tu te khan an thiamlo mai mai a ni.....





Tar ho hi chu an khua a har thin a... Kawm hlimtu te hi an duh thin a... Tian han kawm ila.... An vanglai chanchin sawi pui ngat phei chuan nuam an ti thei lutuk...






Naupang tap bai bai ri ka hriat chuan ka hawi kual a... Siamsiami damlo chu lo ni in...




Ka va kal ve vat a... Professor pawh a ko kal ve vat tho.... Professor chuan a thlem a.... A nui leh tawhhh... Nileng in khu khu ka hmulo.... A nui hmel mawi dan chu.....





"Tinge a a tah a?" Ti a Siamsiami ka zawh chuan "a luhlul chuan kuk rawh i tih kha ka kuk" A lo ti ta mai... A hnungah ka beng ri awk.... "A na" a la ti vak zui





"I mawl lutuk engatinge chutiang a i tih tak tak a" Ka tih chuan a hnung tuai vut vut in min en





Professor chuan min rawn en a... Keinin kan lo nuih tlawn... A ni erawh chuan rum mangkheng in min en..... Hmelthlakthiama a nih hi.... Sec 1 danah a thlak danglam reng thiam





Ka battery in a daih tawhlo


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:42 pm

LOVE
in
AFRICA


CHAPTER 3



BY Tluangi Sagy Pachuau





Siamsiami chu sik neuh neuh chung in ka kal sawn pui a "i va mawl ve nge kuk rawh ka tih vang a i kuk a" Ka tih chuan "i thiamloh vek a nih kha... Tektik dik lo deuh deuh min zirtir a njh kha" A tih chuan chhaw tih hmel deuh in ka lo en haaa






"Bawihi ka ban hi a kham riau mai a" Ka pi ka damlo ni bawk chuan a rawn ti a... Ka hmeh sak nghal vat.... "Pi i doctor nu hi maw a sual teh mai a nia aw" Siamsiami chuan a rawn ti a... Ka pi chuan nui hak hak chung hian "ni e a sual tak tak a ni" A lo ti ve.... An fiamthu a ka haw peihlo...






"Enteh Manun professor khan min hau angem le?" A tih chuan ka lo hlauhthawn pui ve deuh "hau lo ang" Te chu han tih sak mah ila ka hlauhthawn pui tho tho...







Mahse kan hlauhthawn ang em chuan a hau chuanglo a....





Damlo enkawl tur min pek theuh mai bakah hian emergency a rawn lut hi an awm reng a.... Serious tak an awm rual in serious vak lo te an awm thin a.... Chutiang ah te chuan kan lo chet ve vat vat hi a ngai thin....






Vawiin hian a bik in chutiang chu an tam a.... Serious tak tak an ni thin lehnghal.... Professor pathum te pawh an buai thei khawp mai.... Keini an team member ten puih an ngaihna ah kan lo pui ve vat vat thin bawk....






Chhun chawlh lai chuan canteen ah kan chhuk thla a.... Kan tih dan ngai te in ei tur zawng zawng kan chah leh vek..... Kan mix a engmah ei lo chuan kan kalsan leh ringawt bawk.... Kil khat a min lo thlir reng tu ka hmuh chuan ka in siamchhiat khum vak..... Nui tang nge pawh a ti chuanglo a...







"Manun i pa bulah chuan sawi tawh ila" A tih chuan bu nghat in ka pa office lam ah kan chho ta a...... Kan tih ngailoh dan deuh in kan han kik ve ngei a.... Ka pa pawh chuan keimahni kan ni tih a hrelo a ni ngei ang "lo lut ru" A rawn ti thum dut a






"Doctor Lallianzuala Pachuau a awm em aww" Tiin kan lut a.... A rawn hawi chhuah chuan "in ni tih ka hre reng alawm" A lo ti a... Awi lo deuh in kan lo meng kual vel a...






"Pa Siamsiami chungchang ka sawi tawh kha i hria em.... Pa Rindika chu biak sak la" Ka tih chuan a thil ziah lai chu dah in a in ngaihtuah vang vang a..... "Chutia mi fanu kan in a awm tur a hruai rimgawt chu thil dik a ni dawn em ni le aww" Keimah ni min bia nge amah leh amah a in bia pawh ka hre lo e a







"Siamsiami pa khan hemi chungchamg hi a hre ve tawh em?" A rawn tih daih chuan "mi pangngai tan chuan hriatthiam chi alawm pa" Ka lo ti vat a







Ka sawi chu hre lo ang hmak hian "Siamsiam kan in a awm chu i duh zawk amaw?" Tiin Siamsiami chu a zawt teh daih a... A ni a lo bu nghauh nghauh...






"Awle nang ber in i duh chuan buaina a awm lo.... A tul a nih phawt chuan i nu pawh chu kan chhuahchhal a ni mai ang chu" A ti charh charh a.... Ka pa chu ka zuk kuah chung chung..... Siamsiami hi a fanu dik tak ang in a en ka tih tawh kha.... A monu pawh a la ni maithei asin ishh!!! 🤭






Kan awm lai chuan kawngka hi an rawn kik leh karh karh a.... Ka pa in lut tur a a tih leh hmu chuan professor pathum te chu an rawn lut a.... Ka u chuan mit min rawn siai zauh.... Hram hram thin hian a....







Professor Hmingmuana chuan "Ka pu hei i chanchin min zawh ho kha kan rawn thehlut dawn a" A tih chuan ka pa in a lo la vat a.... A tarmit chu vuah tha sauh sauh in ngun tak hian a han en a...







"Awle.... In ti tha e.... Zanin dar 6:00pm hian meeting nei tur in lo in ring ula aw" Tiin Professor pathum te chu a bia a..... Bu nghut in an chhuak nghal thap..






A secretary Pu Mawitea hnenah chuan
"Mawite Doctors meeting ko rawh le zanin dar 6:00 atan thu pawimawh rel tur a awm" A tih chuan pu mawitea chu a chhuak nghal vut a...






"Pa eng nge a?" Ka tih chuan "napang hriat ve chiloh" A lo ti hmak mai a....
"Thil eng nge maw ti ila in puitling tawh luitling deuh in awm rawh u... Min ti a.. Tunah lem naupang min ti leh a" Tiin Siamsiami nen chuan kan chhuak tau deuh hmak...







Nichin canteen a kan chawlh khan engmah kan ei lo a... Kan riltam chu canteen ah bawk chuan kan chhuk thla leh....






Eitur awm zawng zawng chu kan chah leh vek a.... Dawhkan khat hnur a an rawn chhawp hnu chuan vawi leh khatah ka hui thla nghal vek.... An rawn hawi phei nghal thap....






Dawhkan ah chuan ka lawn chho nghal a..... Siamsiami a rawn lawn chho ve nghal vat.... "Engvang in nge eitur ngai leh ngai hlir hi in siam a... Hneawm in ti ve lo ami....







Tunah eitur in siam ngailoh min lo pe nghal rawh u... A nih loh chuan ka ban vek ang che u" Ka ti phiar phiar a... Ka tawng kar lak ah Siamsiamin "Dik chiah ; Dik chiah," A lo ti ve reng bawkk






"Dawhkan atang hian chhuk tawh ila" Ka beng bul a Siamsiamin a rawn tih sar sar chuan "Aih" Ka lo ti vak... Ka hnung a ri nghal awk....






"In va rei ve.... Tun atang a min 10 a min lo pek loh chuan in hna in chan a ni mai aw" Ka han ti leh phiar phiar a ka hma zawn a mipa lo kal phei chu ka lo en reng a.... Chutah min pu nghal lawp...







Ka ke ka leng vak vak a ka au tuar tuar bawk... Awmzia a nei der lo a kal ngai in a kal reng.... "Hmingmuanpui min dah thla rawh... Hey Hmingmuanpui i va zaklo ve... Ka ban dawn che... Min pui ruuu" Tiin ka au chiam chiam...






Tumah chuan chhan tang nge min ti chuanglo a hmuhnawm thlir in min thlir vek a ni ber.....






Damdawiin sir a fountain bul ah chuan min nghat thla chawrh a "eng nge i hriat a" Ka ti tuar.... "Eng nge i hriat zawk a" No fahran lo hian a lo ti let a..






Ka nui hak.... "Eng vang a khatia min rawn ti ve ngawt nge maw i nih le..... I zak miah nange" Ka tih chuan a hmui a ti sawi duh lek chauh....






"Khang hnathawk tam tak zingah khan rethei bak berh ve te te tepawh an awm thei tih i hria em" A ti chang fak a.... A thumal lam tin te chuan ngaihno an bai lo em em vei....






Kei in ka dar ka lo chhin ak ringawt.... Nge ka zawhna chuang lo in a hmui a ti sawi duh lek chauh alawm le... Ka nghal ve thiam em mai a.... Min melh rum ngang mai.....







"I nun dan chu engpawh lo ni se nun nuam tak hmang mah la nang ang lo tak a chhungkaw harsa tak hi an awm tih hria la mi hi an hna atang in ban mai mai suh" Hah nge maw a lo buai ve vak le... A zilh a a hauh tur in ka tan eng nge a nih a a tan eng nge ka nih.... Zaklo lutuk







A hmeltha nang in a polite lo tlat.... Mi nun a buai a chin hmel dawn riau in ka hria.... Hmeltha lungmawl mai a lo ni...






"Ka nun dan lo sawi tur in tunge i nih a?" Elsen tak a ka tih chuan nui suk in a kal daih.... A duh chuan sual thiam ve thei hle mai a "hey Hmingmuanpui" A ding duhlo....







"Hmingmuanpui" A ai a ring in ka ti leh.... A la kal chhunzawm zel.... Ka sneaker bun lai chu phelh in "Hey Hmingmuanpui Val senior" Tiin ka vawm vak..... A tukkum ah a fuh chiang lutuk






Thinrim deuh a rawn hawi let in ka lam pan in a rawn kal hnai a... Min rawn hnaih zel chuan ka lo tawlh hnung rawk rawk....






Ka hmai bul chet ah chuan min rawn bih in "Professor ; helai hmunah hi chuan professor min ti rawh..... Puber fanu ni mahla intern mai mai i nih kha" Tiin a kal leh nghal daih.... A va han ngeiawm chiang mai mai tak






"Heyy Hmingmuanpui i chaklo viau ang aw" Tiin ka la au zui hram... Nun nuam in ka awm tir dawnlo chiang alawm.... Tunge ka nih hi ka la hmuh tir dawn khawp....






Damdawiin chhungah chuan ka lut ve nghal a.... Siamsiami chuan ka lam a rawn pan nghal vat.... "Khawnge in kal daih a" Min ngaihtuah hmel deuh hian a lo ti a.... "Siamsiam mission kan nei" Tiin ka lo chhang daih thung....







"Maww?? Eng lam nge... Tu pawi nge kan sawi dawn?" A lo ti nghal vat....
A tui bottle(Amawii bur te😆😂)ken chu laksak in ka in khawlh khawlh..... Chutah bottle chu hmet khawr vek in "HMINGMUANPUIA" ka ti a...






"I hlau lo ami?"

"Hlau lo hlau lo... A hlauhawm loh"

"Mahse engtin nge a pawi kan sawi ang"

"Zanin ah plan mumal tak kan siam dawn nia"




Chutih lai chuan damlo pakhat hi an rawn nawr lut a... Kan lo buaipui nghal vat.... In sakna atang a tla a in hliam hi a lo ni a.... A tlakna a sanglo a chuti lutuk in hliam a neilo a... A kut ding lam ruh a tliak thung...





Chuan nikhaw hrelo in a awm mek tih mai loh chu na dang em em a neilo.... Siamsiami nen kan lo buaipui vat avamg chuan kan team member pui te pawn min rawn pui ve vat..... Thawh ho na te hi a tha...






Pawl reng reng ah chuan thawh ho na hi a pawimawh ber a.... In ngaih tlang tak in awm ila...... Tu emaw in thil a ti sual a nih chuan mal tawrh tir mai lo in pawl tawrh mai ila..... Chutih rual in a th tih sual ah hau mai lo in a siam that dan kawng kawhhmuh zawm ila oawl in lungrual kan ni mai...






Kut ruh tliak zawm leh chu keini pawh in kan thiam ve mai avang in professor leh doctor dang te pawh in rawn inrawlh an tum vak bik lo.... In zaina room ah chuan kan in nawr lut ve ta a...






Tluang tak a zai a kan chhuah leh hmu chuan pawn ah a a chhungte pawh an lo awm...... Ward ah chuan zan khat riak a naktuk lam a chhuak thei tur in kan ti a..... A phelh tur in thlaleh lam a lo kal leh tur in kan ti bawk....







Ward a an sawn hmu chuan va tlawh leh ka tum a.... An awmna zawn ka va thlen chuan an bul a awm chuan min lo ko in a khua a sik leh tawh thu hi min lo hrilh a.... Tinge maw hei pawh hi a khua a sik reng mai....






A bul vel a damdawi an dah chu a ei theih tur zawng in ka hai a.... A damdawi ei nasat lutuk vang a a ril pawp a am zai kha a nia.... Damdawi nazawng hi chu ei chi a ni tawhlo..






Chutia ka zawn lai chuan nichin a kan zai zawh tak te chu an nupa a an ti ti ri chu tum loh deuh in ka hre ta tlat mai a





"Engtin nge maw kan tih dawn le..... I inzai man leh zan khat riah man hi pek ngei a ngai dawn si a.... Vawiin khan buhfai bag kan lo la tawh bawk nen pawisa kawl kan nei tawh manglo" An nu zawk in a tih chuan ka lo khawngaih ngangg mai.... Tunah an ei zawng tu ber a in hliam leh si chu a ni sia....






Damdawi ei tur ka zawn hmuh sak hmu chuan ka tih tur ber pawh ti lo chuan ka pa hmu tur in ka kal nghal a..
A bul ka thlen chuan "Pa tlai a lo lut a ban kan zai a kha a man bill su aw" Ka tih chuan a ngaihna hriat loh hmek deuh hian min lo en a...





"Ngatimaw bawihte?" Dam diai a a lo tih chuan " "Pa ti mai rawh... An harsa lutuk... Buhfai pawh an lei ve chiah a..... Pawisa an nei lo a... An pa a in hliam a" Ka ti nawk nawk a..





"Awle awle.. Bawihte relax kan ti dawn nia" A tih chuan ka lo kuah vat... "Nih leh pa Siamsiami chungchang kha?" Ka tih leh chuan





"A pa kha chu phone hmang in thu khaw chang chu ka sawi pui tawh a... Mahse naktuk ah hmaichhan ngei ah kan sawi dawn nia" A lo ti a.... A lo aw vat....






Inkhawm ban khan ka type ve chauh a... Chhun lam ah ka type hmanlo nen... A tawi maithei


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:42 pm

LOVE
in
AFRICA



CHAPTER 4



BY Tluangi Sagy Pachuau





"Awle bawihte Doctor meeting kan nei dawn a lo zuk chhuk tawh rawh le" A tih chuan thu awi tak in ka chhuk ve mai a.... Zan zan a rel ngai thil chu a pawimawh hlee a nih ka ring ve tawp...






Floor hnuai ber ah awm in thil tul eng eng emaw ka ti kual a.... Ka teammate te chu an ril a tam avang in canteen ah an chhuk thla a..... Khua a thim tawh a doctor te an meeting avang in kan haw theilo a ni






Ambulance ri ka hriat chuan pawn lam ah ka tlan chhuak nghal vat a..... Ambulance atang a an rawn nawr hlang chhuah chuan ka rap lek lek tep a ni.... Thisen in a bual nasa bawk si







Hospital chhungah kan hruai lut a.... A hliam leh thisen vel chu kan tih fai sak a.... Zanin ah zai nghal ngei a ngai dawn a ni.... Doctor meeting te rang takin nurse ho in an ko nghal a...







Kei an bulah ka lo awm reng thung.... Team dang te an buai ve tho bawk si... A bialpa nge a unaupa nge pawh ka hrelo a bul a awm ve reng chuan min la hau zui ah....






A thâwk a rawn buai te chuan tih dan chu ka thiam mahse intern ve mai ka ni a... Ka ti sual a nih hlauh chuan buaina a thleng thei tih ka hria...






Mahse ka ti lo a nih chuan a nunna tan hian a that loh theih avang in thih leh thih tiin a hrawk ah chuan ka zai ta a.... Thawk a awlsam theihna turin pipe ka vuah bawk..... (Ka risk🤭😆)






Reilo te hnu ah chuan a rawn thaw pangngai ve mai bawk..... A rawn kal pui tu pa chuan ka hming te min zawt a.... A hmel ka hmuh chian chuan tunlai a lar tak Bliss Hotel nei tu a ni tih ka hre chiah....






Hmeltha hi chu kan hre thei alawm..... Starlight Hotel nen a an buaina te kha news ah ka chhiar thin a.... An tan chuan rilru hah na ni dawn mahse keichuan ka lo thawnthu chhiar hmiah hmiah a ni ber... Bliss Hotel hi ka tan a






Mahse nupui hual a nei tih te kha a awm leh a.... Tuna damlo hi chu a nupui hual kha a ni silo a.... A unaunu a mi ni zawk dawn le.... Aaa ka ngaihtuah buai peihlo.....






A hnu ah chuan doctor te chu rawn tlan phei tak tak in damlo chu inzaina room ah an nawr lut nghal a.... Ka lo thaw huai...






"Lalnunpui" Vin tak a ka hnung lam atang a min lo tu avang chuan ka hawi let zal zal a..... Professor Rul tur paia lek..... "Lalnunpui min rawn zui nghal rawh" A ti chang leh fak... Zui loh ngamna chi a ni tawhlo hrim hrim






Inhnuai panna step ab chuan kan ding dun ran a.... "Lalnunpui eng nge i lo tih kha i inhria em?" A vin tha theng theng khawp mai.... Ka lo bu nghut a...






"I thil tih risky zia leh a hlauhawm zia kha engvanga lo ti nge i nih?" "Ih" Chhan tum in ka kâ ka ang zuau a "Tawng suh" Zawhna min zawt a... Tawng suh min ti leh lawi si..






"Lalnunpui he Hospital hi in ta a nih vang hian i duh duh i ti thei ah i ngai em ni a" Chu thu chu damlo ka lo zai nen khan a inzawmna a awm lo hrim hrim.... "Mawhphurhna la vek amg che.... A thi a nih vaih chuan i kut tuar a thi a ni tihna a ni ang" Mahse khami vang khan a thi dawn em ni.... A thawk a ti awlsam zawk sawt kha ni si a.






"I pa thiltihtheihna vang a helai hmun a awm hi i nih hiii... Exam i hmachhawn lo tih kan hre vek i tih tur ti la ka kawng lo dal tawh suh i tih loh tawp tur i ti a ni...."






"Mahse"

"Min chhang suh Lalnunpui vawikhat mah ka kawng lo dal tawh suh... Kei leh ka team te kawng hi dal tum hauh suh".... Kawng dal suh a ti a tia... A khawi kawng nge ka lo dal sak le...






Eng vang a min hau ve ringawt nge a nih.... Ka ding ngawi reng a a kal hnu pawh chuan ka la ding reng..... Vawikhat mah thinrim tawngkam vin a min be tu ka la tawng ngailo... Ka rilru a na takzet...







Step atang chuan inhnuai ah ka tlan thla a..... Second floor mai a awm kan nih avang in ka thleng thla har lo..... Tuma hmuh loh hlan in fountain lam ah chuan ka phei leh ta a...






Ka ding kun lap a.... Rultur paia thil sawi te chu ka ngaihtuah a.... Ka pa thiltihtheihna rin chhan ka ni tih chu ka hria lawm.... Mahse kha damlo ka lo zai ringawt nen khan eng nge inzawmna a neih...






Engtin nge a kawng ka lo dal.... Damlo chhanhim chu doctor hna a ni lo em ni.... Ka thil lo tih chuan a pawi a sawi viau em ni.... Ka ngaihtuah vak vak a..







Ka inrin loh laiin ka mittui a rawn far thla koh.... Tah loh hram hram tum in keimah leh keimah ka in hnem a "a pawi reng renglo nunna i chhanhim" Tiin ka in hnem mawlh mawlh....






Ka kun ngul reng a.... Chutih lai chuan ka hma zawn ah hian mipakhat hi ka lam pan in a lo phei a... Ka la hawi chhuak chuanglo.... Ka darah dawm in "Nunpui" A rawn ti a.... A aw chu ka hriat than tak a nih vang in tunge a nih ka hria.. Ka hailo






A lam hawi chuan dak chho in a mit ah tak chuan ka melh a, mitmeng hriatthiam har tak hian min lo melh let ve kar bawk






"I ti tha lutuk.... Engatan mah ngai suh..... Nunna i chhanhim a nia" Tiin a awm ah chuan min kuah bet a... Mak tiin ka lo meng kawk.. Ka tap bang hmak bawk....





Eng nge a awmzia.... Min hauhna te kha a lo hre ve vek em ni le..... "I tap zo tawh em?" A rawn tih dut dut chuan chhang lo in ka in la hrang a...






"Ahh ihh englo ihh" Ka riat nawi vel mai mai a ni ber.... "Hahdam rawh" A rawn tih leh nghut chuan
"Eng nge i lo tih a?" Tiin ka lo zawt a..






"Naupang tahbelh rawn thlem ka tum a?" Kiai suk chung a tih chuan ka lo en vang vang.... Fiamthu a thawh ve deuh tihna amawn le... Inhmeh lo thei reuh lutuk... Ka nui put put...






"Eng nge nuihzatthlak awm a?" A rawn ti hluk... A chetzia zawng zawng nen hian a nuihzatthlak ka lo nuih kiah kiah...






"Hmeichhe ho lah hi a... An tap a... Reilo te ah an nui leh a hriatthiam har lutuk mai" Ti a phun hluk hluk chung in Hospital chhungah chuan a lut ta daih....






A chet dan vel chu cute ka ti riau pek a nih chu.... Val senior cute deuh.... Rum ul ang hian lang mahse a cute ru riau....






Keipawh chu pawn ah chuan rei awmlo in ka lut ve nghal a.... Siamsiamin min hmuh chuan min lo pan vat in "Manun khawnge i lo awm daih a ka ngaihtuah che alawm nichin a damlo an lo nawr luh kha i lo zai tih ka lo hria a" A tih chuan "a khawk bak ka zai lo" Tiin ka lo chhang a







"Chu pawh ni se a tha lutuk... Professor in a sawi a.... Nunna i chhanhim a nia aw" Tih pah in min rawn nek salh salh a ka lo nuih seih ringawt...





Team C professor in a min tih dan kha ka rilru ah a acham reng a ka thil tih pawh a nuamlo...





"Zanin a an thil rel kha i lo hre ve tawh em" A tih chuan ka lu ka lo thing nar nar.... "Professor team enkawl intern ho hian volunteer hna kan thawk dawn a.... Chumi ah chuan research nei in ram rethei zual pui ah kan kal chhuak dawn a nih chu" A tih chuan ka lo phur nghal ngangg mai..






"Chuan kan team chu engtin nge ni ve?" Ka tih chuan "kha chu an rel hmanlo a.... Emergency a zai tur kha an awm thut sia naktuk ah an rel tha dawn" A lo ti mai a.. Ka lo bu nghauh nghauh....






Zan a rei tawh em avang leh damlo ho pawh an mut vek tawh avang in kan riak ve ta a.... Ka u leh ka pa doctor leh nurse dang te an hah tur zia ka ngaihtuah hian an chhuanawm ka ti takzet a ni.....






Hah sawilo in damlo an buaipui a... Zan rei sawilo in emergency a lo lut te an lo bawisawm zung zung thin..... An hnathawh hian mihring thih leh dam a hril a.... Thil risky tak tak an tih chang pawh a tam ang.... An chhuanawm in an fakawm ka ti a.... Dem ngawt thei chi an ni pawn ka hrelo..







Zing karah chuan Siamsiami nen kan haw a nizan lam a ka lo zai ve ngawt kha an zai hlawhtling tih ka hria a ka lawm tak zet a ni.... Chutih rual in Hmingmuanpuia chet dan kha ka ngaihtuah chhuak lo thei lo thin a... A gentleman cute riau🤭






Inti fai in chaw kan ei nghal a kan chaw ei lai in Uzela a lo tho chhuak a "mate in lo haw na a rei tawh em?" Tiin a rawn ham chhuak bai bai a.... An ni pawh zankhua in workshop ah an awm leh tawh aniang "imm kan in ti fai a chaw ka ei chiah a nih hi... In tifai la lo ei ve nghal rawh" Ka ti a "umm" Tih pah in common bathroom ah chuan a lut nghal a...







A hnu lawk a.... "Mate ka ril a tam ve" Tih pah in pakhat zawk Utluanga chu pawr phang hian a ko tho chhuak a.... Infiam thang tih ah Siamsiami chuan "Utluang morning" A lo ti a... Utluangan Siamsiami aw a hriat chuan a rawn meng kawk a.... Rang deuh in a room ah a tlan lut leh nghal daih... Kan lo nuih vak vak...







Message tone a rawn rik chuan ka en vat a... Siamsiami pawh chuan a phone chu a en ve nghal vat... "Ehee Africa maw" Tiin Siamsiami chu a rawn tawng chhuak halh...






Chutah in en in "nuam dawn lutuk" Tiin kan chaw ei pawh ngaihsak lo chuan kan zuang vel vak vak....






Kan ei zawh hnu chuan ka pa chu a lo haw a a room ah a lut nghal daih..... Ka zui lut ve nghal vat a Africa a kal ve chu ka dil dawn a ni... A phal dawn lo tih ka hria mahse ka kal ve duh tlat a ni







"Pa kan team Africa ah kan kal dawn maw?" Ka tih chuan "umm" A lo ti ringawt.... A kawr chung hal chu ka lo khai that






"Kan kal ve thei tihna tiraww?" Ka tih leh chuan "Nangni chu nilo e" A lo ti nghut.... Nangni a tih danah Siamsiami nen kan kal a phallo tihna....








"Paaaa ka kal ve duh kan team an kal vek dawn a a kallo bik nih a nuamlo"
Ka tih chuan ka pa chuan a lu a thing nghut nghut mai bawk si... "







'Hla siamtu in engtin nge a tih khaa..."Tanpui ngai te tanpuii in" a tih kha" Tiin a thluk nen meuh chuan ka sa a...a lo nui suk... Ka hmin tur a ni.... Professor rumrût a a kal dawn a... Ka zui dawn hi a ni ringawt mai a ni....






"A theih loh ka tih chuan a theih loh a ni mai.... Khu leh ram chen ah ka hmuh phak loh a i awm tur hi ka duh lo hrim hrim" A lo ti a... A thutak hmel si a... Pawilo tun thla chhung dilna hun a la awm






"Siamsiami chu?" Tiin kan topic chu ka thlak ta daih a... "Vawiin ah ka va kal ang... A pa kha phone in ka be vek tawh a inah a awm dawn a ka va kal ange" A lo ti a....






Keipawh chu a room atang chuan ka chhuak ve nghal vat....






Siamsiami leh Utluanga lo thu dun ka hmuh chuan "ehehemm" Ka va ti vak.... Hria ang pawn an awm lo.... an ni pahnih hi inhnial bawk bawk thin mahse an in hawlo hleee tih ka hrethiam ve vei...






"Siamsiam ka pa vawiin ah a kal dawn a nih chu" Ka tih chuan a lo yess vak...
"Engmaw?" Uzela leh Utluanga chuan an lo ti rual that a...






"A hun lo thleng se in hre mai ang" Tih pah in Siamsiami chu ka kaitho a ka kal phui nghal daih..... "I nghal thiam ve sia" Utluangan a la rawn ti hram


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:42 pm

LOVE
in
AFRICA


CHAPTER 5



BY Tluangi Sagy Pachuau






Hospital kan thlen chuan kan in thlak nghal mawlh mawlh a.... "Manun i pa chuan engtin nge a tih a?" A coat hak mawlh mawlh pah a a tih chuan "vawiin ah a va kal dawn a" Ka lo ti ve mai a..






"Mahse lo awm ta la i awm reilo ve dawn eeee... Africa-ah kan kal leh nghal daih anga" Tiin ka nuih chhunzawm leh zat... "Mahse Pazualan a phal dawn ami?" A rawn ti leh....







"Pu Lallianzuala dil nan chuan tun thla a la awm alawm lungngai hmarchate" Ka ti a nui ve leh suk suk tho... Thil ho te te ah hian a rilru hi a ti hah hmathei lutuk a....






"Lo kal rawh professor in hming a lam leh tep tawh ang kal ang" A tih chuan kan in zui chhuak a... Corridor ah professor Rulturpaia kan tawk a kan kal pelh chiah chuan Siamsiamin min rawn hrilh ru in "Hepa kan tawh hi chuan chhiat kan tawk hi a ni ringawt mai a" A rawn ti sar sar a







"Engmaw in sawi kha" A rawn tih vin tuar chuan hawi pawh hawi let lo in kan tlanchhe nghal nal nal.... A den mutria ve ngawt mai... A hmel hmu miahlo a aw ringawt hriat pawh hian min ti tim sung sung thei.... Mastean "aw hmul thur" A tih ang vel kha a ni...






Vawiin hian kum tin a kan tih dan in vawiin leh naktuk hi free clinic kan hawn hun kha a ni leh tawh a... Doctor leh nurse thenkhat te chu in sem darh in thingtlang hmun thenkhat ah an kal kual a..






Chuan helai a hmun pui ah pawh hian inentir tur a lo kal te leh zaipui tawk te thleng in a free in kan ti ta thin a ni.... A chhan chu naktuk hi ka nu thihcham a ni a... A hma ni atang hian tiang hian kan lo ti thin....






Ka nu khan kum 3 ka nih lai in min boral san ka tih tawh kha.... Ka ngaihtuah let chang chuan kha driver kha ka dem a..... A thil tih dan kha thalo ka ti thin.... Rui chung in motor a khalh a licence a la neilo zui...






A ni vang khan "nu" ti a koh tur ka neih loh phah a....A thil tih thalo vang khan kei in ka nu ka chân phah thung si..... A hremna tawrh te kha nep ka ti a theih chu ni se, ka thu chu ni se... Hremna a na thei ang ber ka pe ngei ang...mahse roreltute rorel dan chu lo sawisel ve ngawt thei kan ni silo






Kha thil thlen atang khan kum 17 lai a liam tawh a.... Mahse theihnghilh ni a awm theilo.... Kei phei chu kum 3 chauh ka la nih vang in thil hrethiam rual ka la nilo... Mahse ka u ten an sawi fo takah chuan ka hriat ve phah a ni.... Tun thleng hian rui chung a motor khalh te hi ka huat phah






Professor awmna lam chu kan pan a... Kan teammate te pawh an lo awm tawh.... An sang tha hlawm zer zuar sia... Keini Siamsiami nen sang tih a sawi tur kan lo ni bawk silo nen... An bul a din pawh a in thlahrun awm khawp a ni






Mak deuh mai in professor ka hmuh chuan ka thin zu han phu rang em em a mawle.... Hmeltha ka tih vang ti dawn i la a hma zawng zawng pawn hmeltha ka ti a ka thin a phu rang ngailo.... Tun a tak a a phu rang chu a mak ka ti takzet






A thil sawi lai te chuan ngun em em hian ka lo en a.... A thil sawi engmah chu ka bengah a lut lo a ni ber.... "Lalnunpuii ; Lalnunpui"






"Ah aw.. Awhh.. Aww sir" Ka tih chuan an lo nui huk... Thutak em em hian min lo melh a... A rum lam mah chu a ni a hmel hi chu.... Nizan a ka tap min thlem tu kha chu mi hran hlak a ni tih mai te pawh a awl dawn alawm le





"Africa ah chuan i kal ve thei dawn em?" Hi a lo ti a.... "Dawn eee aa" Inringtawk fee hian ka lo ti vak... "Mahse i thiannu hian a la chianglo a ti si aa?" A tih leh chuan Siamsiami chu ka va melh vak...






"Professor kan team zing ami kan ni ve tho alawm.. Kan kal dawn kalloh bik na chhan tur a awm lo reng reng" Ka ti teh duah a.... "Hrim hrim ah tinge Africa daih daih a nih a?" Tiin ka hriatthiamloh chu ka lo zawt nghal zat






"Nia Africa khu a hla viau nang in leh a aia hnai ah pawh tih awm tawk tak tak chu a awm teuh a... Mahse a ram hnai zawk ten tih an tum miau silo a.... Heng lai hnai ami chu ti tu tur an la awm tal a... Chuvang chuan Africa ram chhung a country pakhat Niger khu ka thlang ta a ni" A ti a... Kut ka lo beng...






Min lo en leh thap... "Eng nge" Ka tih chuan engmah an sawi leh silo... Siamsiamin min lo ben pui ve vat... Professor chuan hahthlak tih hmel zet in min lo en tawp...






Naktuk ka nu thih cham a nih vang in ka u ho in kan haw hma a..... Kan tan ni pawimawh tak a nih vang in tumah in min sawisel ngailo....






Kan thlen chuan ka pa chuan TV a lo en a... A thu ngur lehnghal... Ka pa hi a tlangval lai chuan a rorum ve thei ngawt in ka ring.... Tun hnu pawh hian a rum reuh emmai....word a pai tlem bawk si...






Kan haw tih kan thawm atang a a hriat chuan a bul a thu tur in min lo mitnei vat a.... "Ka fanu hi vawiin nileng in ka hmulo a ka ngai alawm le" Tih in min lo kuah hlun a..... Ka lo kuah let ve vat..






Rei ngial ngawi reng a kan inkuah hnu chuan "pa eng nge vawiin i va kal na chanchin?" Tiin a hmel chu ka en a... A hmel chu inthlak riai riai in thinrim hmel a pu lek lek...






A hnu ah chuan ding hluai in 'khatiang mihring pa ti a inchhal ngam tur a ni dawn em ni mahni fa te thlavang pawh hoh ngamlo khawp a dawizep....





An duh duh kan pek avang hian pa kan nihna hi kan hlen tihna a nilo.... Hmangaihna nen kan tuam hlawm tur a ni a..... An diklohna ah chuan kan zilh tur a ni.... An diklohna ni miahlo ah pawh a mahni fa te ngei thlavang hoh ngam lo hi chu a diklo deuh chu a ni...






Siamsiami chu a duh phawt chuan hetah awm rawh se.... A pa pawh in a duh dan a nih kha...."Ka nupui leh fanau te nen a buaina neih reng ai chuan duh leh lo awm mai rawh se" A ti a nih khaa.... Tenawm lutuk' Tiin a in hrosa kuk kuk a... Ti khawp a ka pa thinrim hi ka la hmu ngailo....






"Mama; Nunsang... Siamsiami thuamhnaw vel va la rawh u...tiin ka u chu a au chiam chiam a "Khatiang pa laktlak loh" Tih nung nung pah in a room ah a lut ta daih a....






Ka room ah ka chho ve nghal a.... Siamsiami chu khumah min hmungchhawn zawng in a lo thu ngawi reng a.... Ka lut tih pawh a hrelo... A darah ka va khawih chuan a lo phu zuk a... Ka lam hawi in a rawn in her a..






A mit sen ram ah chuan a lo tap tih ka hre thei "Yayy i bulah ka awm tawh dawn e" Tih pah in min kuah a a nui har har bawk.... Han nui ve eng ang tak mah se hreawm a tih zia ka hre thei... Inkuah reng chung chuan a hnungah chuan ka lo beng thak thak a






A hnu reilo te ah chuan a rawn tap chhuak hawk a "a pawilo a pawi reng renglo... Tap rawh" Tiin ka lo beng thak thak..... "Manun ka pa khan ka duh tinreng min pe a... Ka awmdan a sawisel ngailo..... A nupui leh a fate nen a kan in tih thiamloh chang pawh in tawngkam khat mah a chhak chhuak ngailo... Mahse hnawk min lo ti reng tihna em ni ni dawn?" Tiin a tap hlawp hlawp a







Keipawn mak ka ti khawp mai... Chutiang a a lo tawng chu ka ring miahlo asin.... Siamsiami hi a duat ve viau khan ka lo hre thin a.... Mahse thil hi a lan dan vek a lo nih loh zia min hriat chian tir a ni...






"Mate lo kal ula Siamsiami thuamhnaw chu va la ang u" Ka u in a rawn tih chuan in la hrang in a mittui te chu a hru fai a... "Le i unaunu thar tur bungrua va la ang u le" Tih pah in a nui har har a.... Keiin ngawi reng in ka lo en thung..






"Lalnunpui tikhan min en reng suh" Ka kut ah min kaitho lawp a... Min chhuah pui nghal nal nal....





"U,,,,, Uzela leh Utluanga hi an lo la haw ve dawnlo ami?" Ka tih chuan "an motor a chhia a min lo lam kawi ru an ti a" A lo ti a... Ka nui hawk... "Motor siamna ah nileng in an awm a... An motor chhia te chu siam awm" Ka lo ti a...







"Ni e,,,, naktuk an kal dawn silo a an buai atalang in an lo theihnghilh alawm le" A ti tha ve mai a.... Chutia kan ti ti mawlh mawlh lai chuan ka phone a lo ri a.. Kan en chuan Professor Hmingmuanpuia hi a lo ni a






Ka lak rual chuan "i u ka lo bia" A rawn ti tawng a... Hmm lo lawm hman tehreng nen ka u a biak duh vang lek... "Amah call ve mai la" Tiin ka lo chhang let a "a la theilo pe vat teh" A lo ti nghut..






Tum vuau chung chuan ka u car khalh lai beng bulah chuan ka dah a... "Kha Hmingmuanpuian a be duh che" Ka va ti ve nghut... Ka tawng kha a hre pha hrim hrim ang...





"Aw Hmingmuan" A tih chuan lehlam a tawng chu ka lo ngaithla ve kar a... Mahse a tawng ri ka hre hleithei lo... "Awle ka lo pe ang che" Tiin phone chu an ti tawp a..






A hnu ah chuan ka u chuan car chu kawng sir ah a ti ding a.... Light chu on eng in car hma a a dah a bag chu a hai rawk rawk a... File pakhat hi lo la chhuak in... "Mate kha heihi Hmingmuana kha va pe lawk mai ta che a hmanhmawh thlak a" A rawn ti a






"Ah engin nge ka kal bik anga kan vaiin va kal lawk mai ila"
"A hmanhmawh thlak alawm Hospital a kan kal vek hnu a Siamsiami te in a kal chu kan tlai vek dawn asin Taxi phar lawk mai la" A tih chuan rum em em hian ka lo melh a...







"Tun ang tlai thim tawh ah hian taxi a min thawn i tum amaw" Ka vin lo a ka lawm lo tih erawh ka aw ah a hriat.... "I u hi min hnial ang maw" A ni pawh chu a aw a nem tawh vaklo..... Ti em em a pawimawh chu Hmingmuanpuia pawh chu rawn lak ve mai tur alawm le..






"Ka rawn haw tawh lo ang" Tih pah in a kut a file awm chu ka la thla sawk a ka chhuak nghal nal nal.... Min koh na pawh chu hrelo ang hmak in ka awm.... Ka rilru a na ve lek lek.... Tunah khua a thim tawh a..... Mi in min ru bo daih se pawi a tilo tawp tihna a ni mai..






Taxi pawh phar duhlo in ke in ka kal hmawk hmawk a..... Ka rilru chuan ka hlau lutuk.... Mahse ke a kal lui tur in ka luhlulna in a tlin.... Taxi ah te chuang ila min phur bo daih se engtin nge ni anga....






Hlau rilru tak chung chuan ka kal zel a... Thawm ri hlek ah chuan ka hawi tang nghal hraa zel bawk...






Damdawiin lam pen chhoh na a ka kal lai chuan ka mit ah tak motor headlight in a rawn chhun a....Kal chhunzawm lo in ka ding chawt ka mit ka chhing tawp... A hnu ah chuan ka zawn ah a rawn ding a "Nunpui" Ka aw hriat avang chuan ka meng chhuak a ka en vat






"Hmingmuanpui i va a ve" Tih pah in file chuan ka vawm a lei ah chuan ka thu hnawk...






Ka mitui chu a rawn far fap a... A awmzia ka hrelo hle... Ka hlau lutuk a ka mittui a tla nge ni a.... Hmingmuanpuia ka hmuh vang a ka mittui tla pawh ka hrelo...






Ka darah chuan a rawn vuan a "Tinge a?" A rawn ti thum chhak.... "I va a ve engatinge i file chu i kawl mai loh.... Eng nge pek kher i ngaih a" Tiin ka tap ta ringawt.... Tah ka tum biklo asin mahse ka tap ve tawp bawk si....







Thaw hawk in min rawn kuah leh ta.... A vawi 2 nan min kuah leh ta... "Tahbelhte" Tiin a phun sup...





"Engtin maw min tih kha? " Tiin mittui karah chuan kan melh rum leh rih..... "Engtin mah tap zo la ka thlah ang che" A ti a... Ka bang hnu chuan kan in lam pan in kan tlan ta a..






"Eng nge rawn chhuak leh hman tho si chu min lo pe de de dei dei te i tih vel a" Ka tih chuan "rawn hrilh leh che ka tum a phone i kenglo a" A ti a ka in dap nghal vat.... Ka u car ah khan ka lo theihnghilh daih chu ni in






"Chuan?"

"Chuan i u in call chu a lo chhang a.... Thinrim a car atang a i chhuah thu a sawi a" A ti leh....

"Nih chu a" Pawn lam ka hawi san ta daih a.







In kan thlen chuan engmah pawh sawilo in ka lut nghal nal nal a.....
"Ehe Hmingmuan eng nge i lo tih dawn a?" Ka pa in a tih chuan ka hawi let vat a... Ka hnungah a lo kal ve chu ni in..






"Nia hei Nunsangan ka file a lo hawn palh a" Tiin a lo chhang tha ve mai a...
"Ka hmanhmawh deuh a ka kal leh nghal mai... Lo kal takah chuan tiin ka lo dak kawi mai mai" Tiim a kal leh nghal daih a






Ka pa hmel ah chuan zawhna a nei tih ka hria... Mahse sawi ka tum chuanglo
"Ka u te lo haw hunah a lo la hawlo i ti dawn nia... Tiin ka roomah pawh lut lo in ka pa roomah ka lut daih a.... Ka room a ka luh chuan Siamsiamin min hmu anga ka haw tih an hre palh ang....






Ka pa khumah chuan mu in thil ka ngaihtuah roh roh a Hmingmuanpuia rawn che gentleman thei lutuk te chuan min hneh riau lehnghal a... Ka tap min thlem ve ziah lehnghal...





Mahse a rum lam mah mah zel.... Damlo te a nuih bak hi a nui hmel ka hmu ngailo hrim hrim... Nuih hi a dictionary ah a awm ve lo aniang...






____________________________

Vawiin hi Africa a kan thlawh vang vang ni tur a ni a

(Ti duai tawh mai ang.... Africa khawmualpui ah an in chhailaidi har awm emmai)


Ka pa taima tak a ka dil zar chu vawiin hian kan zo thei dawn ta a nih chu.... Professor in thla 6 vel kan cham ang a tih vang in kan han in keng hnem mai khawp ah..






Damlo zuk enkawl mai bakah hian thil tum dang ka nei a.... Chu chuu..




Hmingmuanpuia ka zun a uai tir hi a ni.... Keichuan ka duh tih ka in hria a... In duh tir ve ngei ka tum a ni..







Naktuk zanah kan kuch kuch hota hei
Tir dawn nia😗


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:43 pm

LOVE
in
AFRICA


CHAPTER 6


BY Tluangi Sagy Pachuau



Airport ah kan awm a... Kan thlawk chhuak tep tawh ka u in a lo call a "aw u" "Mate ka bulah chuan lo kal mai la.... Mizoram chhun a nia a tha zawk alawm" A rawn ti leh.... Ka pa in kal a remtih atang khan a bul a kal tur in min sawm nghal char char





Hei tunah pawh kan chhuah a hun dawn thleng in min la sawm hi "kan team kalna ah chuan ka kal ve tur alawm.... Chutin fairlo viau suh" Tih pah a Hmingmuana ka va en chuan min lo en ve reng





"Ka ngaihtuah che alawm... Ka pa pawn a phal zawk ang" A tih leh pawh chuan ka lo hnial zel.... Mi plan kan nei ve vek tawh a....tih chhiat leh mai mai chi a ni teuhlo





"Awle a nih in enkawl tha ang che" Tiin a phone chu a off nghal hmak.... Palian puii ho ni mahse a titau nasa thei a niaa a nau te lakah hian... Tikhan reilo te min be duh lo anga.... Nakinah kan thlen chin min rawn zawt leh mai ang..





"Lo kal rawh" Siamsiamin ka banah kai in min luh pui ta a... Thlawhna chhung a kan luh hnu a kan seat kan han hmu chu Siamsiami nen kan lo thu dun reng renglo mai...




Ka seat hma ah chiah chuan an thu a.... Ka bul a thu tur a rawn thu thu ka en chiah chu ka lawm teh asin.... Tunge a nih in hria ka sawi lo mai ang... In hrelo a nih chuan in pumpui a a chaklo a ni mai


✈️✈️✈️✈️✈️✈️✈️✈️✈️🛬


"Ehee africa kha a pui ve viau khan ka hre sia" Ka thiannu in a tih chuan a tukkhum a ka lo beng chawrh.... "A puilo lai ah kan kal.... Kan kal chhan i hre velo mi chhaw vah suh" Ka lo ti zekkk...

"Inhnial inhnial lo khan lo kal ru" Hmingmuanpuia chuan a rawn ti a kan zui nghal diak





African Airport kan thlen khan motor in kan chhuak leh nghal a... Khawpui pangngai fanna hun a awmlo mahse keichu motor atang a a hmuh theih zawng zawng chu hmuh kim vek ka tum a ni ber... Chutih lai chuan Siamsiami erawh a muhil thlurh thlurh a... Chuvang a a khawpui lai pawh kha hmulo a nia





A khaw chhung kan luh chuan thingtlang ai pawh a thingtlang hi a ni hrim a.... A lum em em bawk.... Professor in a thianpa awmna a sawi ah chuan kan va kal a...





Cabin tent (descendant of the sun a a changtunu te awm na kha mitthla tawp mai ru😂😁) lian tak tak pali(4) hi a lo awm a.... A thianpa chuan kan thleng tih a hriat chuan a lo chhuak vat a..






"In lo thleng tawh maw helam ah hian lo kal ru" Ti in a rawn chhuahna lo lam tent ah chuan min luh pui ta a... "Tah hian in awm dawn nia" A ti a... Professor nen chuan an in be zui mawlh mawlh bawk...





Kan in dah fel hnu chuan tent dang pahnih awm chu kan en kual a kan awmna aia lian tak tak an ni a damlo thenkhat an lo awm bawk.... Damdawiin tak tak te pawh a ang alawm...





"I thawhna damdawiin ten an tih pui silo che a heng tent te hi nangma dah vek tihna ami?" Ka tih chuan lo bu nghauh nghauh in "ka chhungten min pui a chuan i thawhna chu ti tawh teh suh ka bang daih tawh alawm....






An ram chhungah puih ngai ngawih ngawih an awm a..... Puih pawh tumlo..... A puih tum tu te pawh support tumlo....an hnen atang a pawisa hlawh ai chuan heng mi rethei tak tak te a thlawn a enkawl pawh hi ka duh zawk.... Nangni in lo kal a a hlat tehreng nen ka lawm takzet a ni" A tih zawm zat a....





A thawhna damdawiin te pawh chu an ti awmanglo ka ti.... Doctor an ni a... Tanpui ngai te tanpui tur an ni a.... Sum leh pai a hlawkna an neih theih lohna tur lo chu enkawl an duhlo a ni chek ang chu tenawm hian





Kan thlen tirh atang in tih tur awm ang ang kan ti a.... Darkar tin mai hian in entir a lo kal an awm reng a..... Khua a lum a thosi a tam bawk nen zep loh ah chuan a hreawm ve reng mai





Zan a rei deuh hnu chuan kan room ah kan lut ta a... Mipa leh hmeichhia kan awm hrang chuanglo a....ti ila Hmingmuanpuia chu a thianpa tent ah a awm thung....





Damlo awmna tent leh kan tent hi a in hlat lo a... Thawm hre phak reng in kan awm a... Kan mipa te pahnih Biakzuala leh Hriatpuia an duty bawk .. Emergency a awm a in kaitho mai turin kan in ti bawk...





Thlen veleh atang a kan chet nghal char char avang in chawlhna hun hman a awmlo a.... Chauh a na khawp a ni... Biakzuala te pahnih pawh chu ka khawngaih angreng




Zing khua a var rual in kan tho a... Kan mutna kan thleh fel lai chuan Hriatpuia chu rawn tlan lut in "lo kal vat ru emergency a awm" A tih chuan kan thil tih lai chawlh san in kan tlan chhuak ve nghal a...




Patling pakhat lo mu ngat hi kan va hmu a... Professor , a thianpa leh kan temmate Sangpuia hian an lo din hual a




"Ngatinge a" Kan va tih chuan "thing atang in a thlathla a" An lo ti mai a...
"Engtia tih tur nge" Siamsiami chuan a lo ti ve zat.... "Zai nghal anngai dawn a ni.... A kawchhung ah hian thu put a awm a... Chu chu kan tih tawp vat lih chuan a pawi zawk ang" Professor chuan a lo ti a




"Nangni hian min puih ka ngai dawn a ni.... Nurse tumah kan hruai thla lo a... A tul tul ah min lo pui turin ka bulah in lo kal vek tur a ni" A tih chuan inzaina room ni ngei tur ah chuan kan nawr lut ta a





Hlawhtling tak in kan zai zo a.. Kan lo thaw huai mai... Ka rilru kha a mangang lutuk a.... A nunna kha kan chhan lo mai ang tih kha ka lo hlau lutuk a.... Ka taksa na vek thei..





"Awii mihring pum chhung khatiang em em a chiang in ka la hmulo reng reng wow" Tih pah in Siamsiami chu ka bulah a lo thu a.... A ni reng bawk a.... Inzaipui reng reng ah kan la tel ve ngailo a... A vawi khat na a nia...a chiang ve em a ni..





"Thil ei a hun e" Sangpuian a rawn tih chuan kan zui nghal a.... Kan ei tur kan hmu chiah chu kan uak nghal tuar.... Kan mipa te ho chuan Siamsiami nen chuan min lo en thap..





"Ah kan eilo hrih mai ang" Tih pah in kan chhuak leh nghal daih.... "Eitur ka hmuh khan mihring pumpui ka hmu in ka hria" A rawn tih chuan "keipawhh" Ka lo ti vat... Ka ril a tam tehreng nen a aww...




Damlo awmna tent pawn a kan thut lai chuan ka mal chungah hian sandwich hi a rawn tla hlawl mai a.... Ka hawi chhuah chuan "kha kha ei ru in pum a ruak lutuk ang" Tih pah in Hmingmuanpuia chu a kal leh nghal daih....





Siamsiami nen chuan in nuih vur vur in kan ei ta a... Riltam zualpui chu a chhawk chiang teh eee...





A hnu ah Hmingmuanpuia ka hmuh leh remchan lai chuan a bulah ka va kal vat a.... Damlo pakhat hi a lo en mek a.... A bulah chuan va thu in "Sandwich vang khan kan lawm e" Ka va ti a





"A ho" A lo ti mai si... "Min ngaihtuah vang a ni tiraw?" Ka tih leh chuan a thil tih lai chu a chawl det a... Chutah a dawmlo en lai bam a hriau vih luh zal zal pah hian "i u in lo thlithlai tur che in min ti" A ti nghut a.... Tum vuau chung in ka kalsan daih...





Ka u in ti tur a a lo tih vang vek maw....





NOTE :
Ka chawl rei deuh a min lo hrethiam ru... Tunah pawh a tawi tih ka hria...mahse Hostel kan lut a type na hun a awmlo lutuk a... Ka chawl rei bawk nen lo dah ve hram ka duh bawk sia... Min lo hrethiam hram ru aw


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)