DUHTAK_SANGPUII #By #Nunui_Hnialum (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: DUHTAK_SANGPUII #By #Nunui_Hnialum (Completed)

Unread post by Ngaia » September 11th, 2022, 2:51 pm

Chapter - 25





Ka phone ka benga ka chuktuah chu nghetzeta hmer in ka maimitchhînga, thaw hawk in zãwimuang in ka la thla a ka ngàwi nghãl rùn bawk.






"Engthil nge ni?" tiin ka pa arawn hawi vut a, ka awmdan lé lo zet avãng chuan a ngaih angam lo tih ka hria, thaw hawk in "Mateii, a achesual ani àwm e, in kan thlen vat angai," ka ti chhuak sup a, ka pa chu lung rittak den dawt ang hian a taksa ache âwk a, a mitmeng pawh a hnual nghãl rawih. Chu veleh Sangpuii'n ka kut arawn hmer nghãl vat a, pawi tih hmel takin ameng zîm san mai.






"Engti zia nge Lawmzual, engtia chesual maw anih?" Nu Lawmi chuan ati ta sek sek a, Thlenga leh Sangpuii ten chanchin hriatchian chãktak in minlo en ve ràn bawk, "motor nen an intái anih hmèl, thuchiang zâwk kanla hre vat ang," ka ti nghut ringawt.







Midang ho chu an ri hlut a, keipawh ka sa chuak pup pup mai, Mateii chu engti tûra chhuak nge maw anih rêng rêng ni; tin, Motor nen a intái em em tur chuan a kalna a en ngunlo nge, zawhna ava tam tak.







Ka phone phawrha hman ka tum chu signal a awm reng reng a, ka pa nise angàwi ngul tawh mai si, ka nu ka ngaihtuah chhuak a nizan lawka ka chungchãng ah a hlauhthàwn dàwnsa tehlul nen, a rilru a hahdam ṭan dawn chauh a tunah Mateii ahan nive leh a ava mangang dawn rua èm! Zothana ala damkawr angreng si a, Mateii awmpui tûr chuan keimah bawk ka kalleh angaih hmèl, Sangpuii ka ngaihtuah a thaw apik ngawih ngawih.







He hmeichhia hi ka ngaihven phâklohna hmun ah ka kalsan thei dawn mawni le, a chènpui chhûngte lakah ngei inven fimkhur angai si, ani damkawr che ṭha theilo hi remchãng ah la in anlo risk mai ang tih ka hlauhpui hle. Ka ngaihtuahna a chawmawlh vek, remruat dàn tur alawi ka hrelo, tunhnái a kan huntawn zut zut vãng hian ka rilru a mang vek.







Khua kan thlen chuan zing dar 10:00am vèl chiah ani. Sangpuii leh Nu Lawmi kan thlah hmasa te te a, kan chhiattawk nen rilru buangbãr deuh in chàwl khawmuang tawh lovin kan in lam panin kan tlàn vang vang.





Sangpuii chuan kan kalsan hma in ka rilru hrethiam takin "minlo ngaihtuah miahsuh aw, keichu ka invêng thei ania, chuan ka ringtâwk em em che mipa inih kha, inau chu damṭha vat tur in ka duhsak bawk e," ati thàn anih kha tunṭum chu atàn risk lãk mai loh chuan ka tan tih ngaihna hlawl a awmlo ani, Thlenga a awm bawka Sangpuii pawh lo ngaihven zui reng tur in ka chah.







In kan thlengphei a ka nu'n ka pa ahmuh chuan aṭap titih ta mai, ka pa'n duattak in a àwm ah apawmbet vat a, a hnungzãnga chùl hauh hauh in a fuih mawlh mawlh a, ka niteii te leh patea te pawh anlo awm vek tawh, Patea chuan Mateii chanchin an hriatdân asawi zui mawlh mawlh.






Niteii'n "Mampui, nizan chu iva che na àwm ve an sawi nasa che ania," ati nghat a, ka nuisuk ringawt. "Nuiliam ringawt zèlsuh, kan khaw news ini ringawt," ati leh a, "engtin nge min sawi a?" ka ti liampuat a, "Lawmzuala chu ache man rem rem, zirtirtu lai ni ve si mi rethei zãwk leh chanhai zâwk rawk atum, tihte chu an sawidàn ania," ati nghat nghat a.





Ka nersak mi hman lutuk ho hi ka kham, mi pawisawi zâwng leh midang kher ru ràna hmanhlel lutuk ho hi, mahni tàna ṭangkaina leh ṭhatpui na tur awm hauh lova kan kamtam ṭhin lutuk hi sim kan ngai, ṭawngtam lutuk te hi mi pawi sawina ani ngai.






"A thawhtur hriatloh thlãk emmai, mahni lo maha buai buai nen chutiang sawi mai mai a lo buai te chu a,a pawisa ngah thlâk," ti nghut in Choka ah ka lût daih.






Rei rial theih anilo bawk a Lunglei lam panin kan tlàn ta vawn vawn a, Signal awmna apiang ah an Hostel Warden nen chanchin in hrilh in kan in be deuh reng bawk.







Tlai dar 3:00pm bãwr velah Serkawn damdawiin kan thleng a, Doctor nen kan in be nghãl mawlh mawlh, Mateii chu alu lam asawh nat deuh vãngnin ala harh lo a, ngaih tih ṭhatlohna em em tur erawh a awmlo, test neuh neuh annei kal reng bawk a, ngaih tih ṭhat chawp ani deuh tawp e.







A ṭhiannu Zoteii sawidàn in, "tunlai chho hi chhuahvah deuh zeuh zeuh angaih ṭhin avãng in petrol ka lo nei tam tawh lova Zotlang ah Petrol la in kan kal lawk a, keini tan chhohreng a harsa ve nen a refill na tur Plastic la a ka u te ina ka lûtkáwi hlàn in Mateii'n pawn lam ah phone hmet malh malh in minlo nghãk a, reipawh anilo aṭe ṭhawt ri ka hria a in aṭanga ka chhuah chuan ral lehlama Bike vung zeta tlan chu kan hmuh theih táwk ani, vanduai thlâk deuh in minlo nghahna lai kan dinna kha in awm lohna ani lehzel ani," ati hniam raih a, in thlahrung lutuk chu a lainatawm zâwk; mahse, a sawi kalhmang ah accident chu anih hmel ta loh angreng, plan te pawh a ang dawn alawm.








Nuteii te nupa bengvar in anlo lang vat a, anni hi Ramthar lamah an khawsa a, Mateii damloh chhûng chu kan belh ve râwih angaih hmèl.








Keiin Damdawi in ah ka riahpui angaih dàwn vãng in Nuteii'n "inlam ah inbual harh hmasa la chaw eikham ah riaktur in ikal leh mai dawnnia," a ti a, an in lam ah panin kan kal zúi.






An in kan thlenphei chuan an fate pahnih anlo awm a, afanu mimi nen hian kan in rual thuak, kei aiin a u hlek záwk Nuteii hi pasal anei hma ve a, anau Reuben-a erawh chut deuh Guiter leh Bike atchilh bur angkha.







Ka inbual nghàl sawk sawk a, nizan ka mulo nen vawiin ah nileng ṭhakin Motor ka chuang nen taksa azal duh raih raih hle. Ka inpeih meuh chuan dar 6:00pm ari thuak a Zanriah mimii'n asiam zui bawk, patea Muana leh ka pa erawh damdawiin ah anla awm, ka pa hetah ariak dawn tho a, 'hawrualpui,' ati deuh ani mahna le.








Pa Muana hi zirtirtu hlun ve tho ani a, an khawsak anuam angreng Nuteii puanṭhui thiam anih bâkah dâwr changtlung deuh anei bawk a, pawisa chu an la lût hnem ve viau. Zanriah ka ei sawk sawk a Bena'n, "ka pa te lam an ngai tho ka lo thlah ang che," a ti deuh tlat a ka pawm hle.







Cabin ruak ah kan awm a athawveng angreng, Mateii chu alu an tuam vãr lúk a, ahmai avûng bûr bawk, ka lainat takzet, azir zo ve hman ṭêp asin le aw.








Zanah Thlenga'n min rawn bia a, "inni status," tiin status a screenshot chu minrawn thawn.









"Ani chu mipa ani, mipa diktak, hmeichhe khal deuh deuh, mawrbawr leh hnute lian zet zet hmuh pawha tlu ve mai mai ngailo, mipa nghet mipa nghing ve mai mai ngailo ani,"







Tihchu, ka nui hawk. "Enge an chanchin?" ka ti a "engmah boruak danglam a awmlo, an ṭha e," arawn ti a ngaih angam deuh. "A hma khàn Sangpuii hi i ringlo viau sia,?" ka ti va ti sup a, smiley arawn thawn ṭeuh. "Ka ringlo hran hleinem, harsatna eng emaw tak tâwk in hun a mamawh niin ka hria a," arawn ti thluam, hepa tak hi chu(h).








"Ṭhiana, Nunkima hi ka ringzo hlawllo, eng emaw tak tihrûk anei tlata hriatna ka nei, Ruatsanga nen pawh an in hnìmhnái riau," arawn ti leh. "Engti zãwng in?" ka va ti nghek "ka ring zolo ani tawp, lo fimkhûr phawt maiteh," ati a a offline zui. Rilru hi a hahchàwl hman meuhlo.







Zanlai ah Mateii chu akhua arawn sik vak a, a khawsik asãng nen ka mangang lek lek, Nusre ka ko vata Nachhawkna in a jection vat.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:51 pm

Chapter - 26




Chu damdawiin reh ruih mai leh a chãnga kawngpuia motor thàwm hriattur awm zeuh zeuh te chuan ka lung ati lêng ru riau pek a, Cabin chhûng reh ruih mai te chuan keimah chauh he khawvela awm ang maiin min in ngaihtîr.





Khum pakhat ah chuan Mateii ep zâwnga ṭhu in ka ngaihtuahna ka lèn zui chiam a, ngaihtuah kûrdup è tilo chuan ka ngaihtuahna lah chu a táwi tup mai lehnghâl. Thlenga thusawi te chu ka ngaihtuah zui mai mai a, Ruatsanga chu dahṭha rih ila Makima mawlh chuan ka ngaihtuahna ati buai, engvãnga ka kawngzawh a thang kam duh nge anih ang? Kan in kawmṭan dàn te ka ngaihtuah lét a Baby kan rìm hawlam ah kan in chhawm haw a, khata ṭanga inkàwm zúi mai kha kan ni a, engpawh nise thudik leh thurûk chu kanla hre chhuak vat tho chuan ka ring.








Zàn dar 11:30 vèl ni tawh a, mi nàwlpui chu an muhil nawktawh in ka ring, kei erawh ka taksa chau viau siin ka mut a chhuak mang miahlo, Duhtak Sangpuii ka ngai hle, kan buaizui nen ka be ta miahlo a, tunah be dàwn ila ani damkawr chu a muhil daihtawh ang, a atatus mawlh mai kha ka ngaihtuah lét a aṭawngkam hman te khàn ati duhawm hliah hliah.








Mateii a muhìl chiah chiah renga, a khawsik pawh a awm leh tawh rihlo. Mut tuma ka in tintuah mêk laiin ka phone arawn nghawr dat dat a, a tlâi tawh nen minti phu lek lek, Nambar hlang anih vãng in lãkloh ka tum ut ut a; mahse, vawihnih lâi arawn tih nawn tâkah chuan ka la ta a.







"Hello," ka ti zâwi sup a, lehlam thàwm ngáithla in ka beng ka dawh ràn bawk, kan 'hello,' nawn leh ngial pawn thàwm chu areh tlawk tlawk mai. 'A pawimawh vaklo aniang,' ti rilru in ngaihtuah zui duhlo in ka Phone ka ti thi a ka muzui daih.








Ka mumang ah lah chuan Sangpuii leh Mateii ngawt ka hmuh chhãwk a, mangang lutuk hian Sangpuii chuan minlo au chiam chiam a, a àw chu ka hria; mahse, a hmel erawh hmuhtur a awm miahlo, ahmel hmuh tum in ka hawikual vèl ruai a, awmlo zawn ang hlauh ani, ka au chhuak ve thei dér silo ka va thlaphâng tak!! Mateii erawh in ràl hlatak aṭang in minlo bye bye lauh lauh a, ahmèl aphé ruai lehnghâl.








Thawpik zet in ka rùmchhuak hawk a, ka harh chhuak hlawl bawk, ka taksa ṭang nasa lutuk vãng in ka bek leh ka taksa dang chu alo thlan zui hluam bawk, Mateii mutna khum ka en a, ala muhìl chiah chiah a ka thaw aveng deuh huai.









Ka hmai tuai puat in ka in thingharh a, zîng dar 4:00am chiah ani, Sangpuii Ni phone ah chuan inti huaisen luiin ka call a, nizàn ah kha chuan Sangpuii'n ala kawl anihkha lo la kawl hlauhse ka ti ru hle, phone chu a ring ral ral, tun ang huna in biak tum chu an ngaih tih ṭhatloh hlauru viau mah ila ka mumang vãng in ka rilru anuam tlatlo a, ka biak ngei angai tlat ani.







Ala hma angreng nen anla tho hlawmlo ani maithei call an la thei miahlo, 'anla tholo aniang,' tiin ka call zui duh lèmlo. In ràlkhat ngaihven hi chu a harsa tawh ṭhin nen a thawh hun huna ahmuhtur message ka hnutchhiah ta vàn.






Sikul pawh chawlhtawp chu rokhawlhna avang in min hrethiam em em tho mahse zirtirtu in daihloh ana ve ṭhin nen Zothana ka ai akal rih dàwn ani, ani hi Economics ani a, ama táwk ah a thiam ve fu roh a, ka ring táwk tho mai.







Chhùn chawfãk hun báwr vélin Thlenga'n min rawn bia a, ka ngaih aṭhalo ringawt; mahse, chawhma lamah Mateii arawn harh tawh a, ka rin aiin a harh ṭha lehnghàl CT scan erawh kan tih tho hmèl, ka pa nen kut vuan in an ṭawng malh malh.








"Nizàn ah Nu Lawmi pasal arawn haw a, ṭhiana Ramliana kha anau fapa emaw kan tia alo ni miahlo, ama sàwn alo ni reng alawm, tùna a jail tan chhan hi Sangpuii vãng niin apuh a, nizan chu an ṭhenawm te sawidan in Sangpuii kut athlâk nasa ani àwm e, vêng a in kãrki ve deuh nen tukin zînga an chanchin ka hre ve chauh alawm mawle," a rawn ti hniam raih a, ka hlauh rûk ang ngeiin maw.







Nizan ka mumang kha ka hrechhuak a, chu mihring lawilo zet chuan minva ti thinrim èm! ani damkawr châu che ṭha theilo chu a sàwn hmelchhe phakhar zet vâng maiin a thinrim inhrîktlak nan mai mai alo hmanga, zaktheilo lutuk hetiang taka Sangpuii a rík râp zing hi ka paidam hleithei lo, a hmasa in a zahawmna ti chingpena thinlung ser nasa tak a siamsak hnu ah la duhtáwk mai lovin tunah athapui zâwng in ahan che leh a, mipa pawh ani nek love, ka banphâk ah awm ngatse zawng ka hnek hrep loh na chhan tur ka hrelo, mahni aia chaklo zãwk te chungtlãk chîng mihring te tluka mi dáwihzep an awmlo, a langah inla páwr em em si mipa hmachhawn se khûr chhe mai tur anni.








Duhtak Sangpuii ka ngaihtuah a hmeichhe àwmnèm tak ni si, mipa tamtak in an paltlang zawh rualloh tur harsatna amah in a hmachhawn fo te hian tichak in ti chhel viau mahse beidawn a tlûk hun in tho leh tawhlo tura a tluk hlen mai ka hlau, tunṭum zet chu a tuarzo kher angem, nimin lawk ah a beidawng hrehawm tiin tûr hial a in phah ania, ani beidawng hian thil ṭhalo tih alo tum leh mai angem.








"I awm em? Amah chu aṭha aw hei ka àwl chãng apiang in ka va kan ania, i rilru tih hrehawm ahlauh avãng in amah phei chuan hriattir che aduhlo a; mahse, engkim hi i hriat ve zèl angai inau erawh thlahthlam phah lo la," arawn ti nghut nghut. "Nu Lawmi a awmlo em ni? Avahnu sawisak anihlai chuan khawnge a awm, nge engkim alo hriatpui?" ka ti nghek a ka àwrawl pawh a vìn khur khur viau.








"Hahdam teh, hethil ah hian an nupa pawh an in bakkaih phah a, Nu Lawmi pawh azuah bîklo aniang, anpa hi ahmel en ang aiin mi kutthlak a hrehlo hi amak, hmeichhia leh nunáu zâwkte lakah lehnghàl, alo tenawm emmai," a ti hluk hluk, ka la duh khawplo "nizan la la chuan Lawngtlai lam apan zui leh anti," arawnti leh a, chupa zet chu vuak thlûk tawp ka va châktak, ka chhûngril aṭanga thinrimna so chhuak pup pup chu tawrh hrehawm tak ani.







"Tinge a fapa rual chuan Jail ah a awm ve law law loh a?" ka va ti zûi hràm a, kûtthlak chîng mipa te hi ka huatber te anni, zahpuiawm leh lutuk. "Ka hrelo le, mipui ti ti akâi hat mai, arawn lêt leh ngam tawhlo maithei; mahse, a in ania Sangpuii erawh a dinhmun akhirh viau," arawn ti leh a, ka chhîngsawk Sangpuii dinhmun khirh ru lutuk hi ka ngaihtuah takzet, ni e atàn thlamuang taka awm na chi ani tawhlo rêng réng in kiltawih rêng rêng in hun ahmang tawh ang, he hmeichhe lainatawm lutuk hi aw.






Karkhat dàwnlai damdawiin ah kan awm ta a, karthar lam chu kan chhuahmai theih hmèl, F.I.R pawh kan thlehlût ve ngial finfiahna leh mita hmutu kanneih ṭhatloh èm avâng in police tàn pawh chêtlãk aharsa aniang thuthar engmah hriattur a awmlo, Sangpuii nen kan in be àwllo a, ani pasal chu ala rawn lêt lehlo ani àwm a pawi pawh ka tih siloh, a tana mi hlauhawm tak ani si a.







Zànah Zothana'n min rawn bia a, "nga tinge ka u nupui hual hi Sikul arawn kal ngailoh?" tiin smiley arawn thawn ṭeuh. Hepa roh hian Sangpuii chu alo chîk ru ve hle anihhi, Ramliana nen ka rinhlelh ṭuma ka rooma athusawi te kha ka ngaihtuah lêt a, thle mual mual emaw tihin hriat chu anei ve ngei anihhi.







Ka nau nen kan in biak mawlh mawlh laiin, Nambar hlang aṭang in message ka dawng leh nawlh a, "I bialnu hi ka nupui tûr anihhi," arawn ti, ka nui nghek. 'Tunge niang,' ka tih rilrûk laiin ka en chian nãk chuan Ruatsanga lek ani.







Min chhaih kawlh atum roh emaw ni? Naupang te te chuta kâr ah mikhual ve mai lehnghal, mi abasa ngam mah mah.







"Tu emaw mei niin, zuikual dun dun la i inhmeh tâwk chiah," ka va ti lét hrâm, ka ṭawngkam chu naupang chhia ti viau mah ila he mihringa te hi a kàwlhrâwng mah mah.







Khawlam pana haw kan tum rilrûk lai mêk in Thlenga'n min rawn be hlawl a, ka pick chiah "Nu Lawmi pasal athi," arawn ti sup, ka hriat tumloh lutuk ka hre thut chuan min deng dawt. "Engna in? ka kut tuar hman lova akal chu ava vannei ve," ka ti nghut.









"An mahni chhenna in ah, a thihdan lah hi apangngai lo an tunlai boruak nen," arawn ti lehzel. Ka rilru ah Sangpuii arawn lang nghal zawt zawt, ani thinrim in hmuam úp hmachhawn dàn hrelo hian chét alo la ngawt em ni ang, 'ka kut ngei hian thah ka châk,' ati anih kha.






"An sawidàn chuan chawhma lam khan arawn hawphei ni àwm e, Nu Lawmi a awmlo a, Sangpuii nen chiah in ah an awm a," arawn ti a, ka lungphu ran zia mai chu. "Chuan," ka ti zàwi ruih hriat duhsi thudik hre ṭha ngamlo in ka awm "Tukverh aṭang in atla, a tlâkna asâng ve bawk nen akal nghal," ati sup.








Tinge ka rilru hian Sangpuii ngawt a hmehbel le, a pawi a sawisak nasat zia leh hliam a hnutchhiah hnemzia ka hriatpui chiang si, atih anih theihna lai ava tam si èm! Karei! Bawihi kher chu ni lul suhse.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:51 pm

Chapter - 27




Rilru buairu nuaih chung a ngáwirenga ka ngaihtuahna ka kawm mawlh mawlh lai in, "nakin deuh ah ka rawn be leh ang che," tiin phone ati táwp ta daih. Ka rilru amang ru takzet; mahse, 'Duhtak Sangpuii hian chutiang thil ṭhalo lutuk chu ati hauhlo ang,' chauhthubarawh takin rilru in keimah leh keimah ka in fuih ru mawlh mawlh.








Sangpuii Ni phone tumin ka phone ka la kâng zui zat, biak tum in ka bei ngar ngar a; mahse, ka tih ngial pawh in atlang thei miahlo, phone chu a in switch off hmak, rilru a ngaih ṭhat lohsa nák alaiin bei ava dawng ve mawle.








Thlenga ka phone chhunzawm lehnghàl zat a; mahse, ani pawh, "Busy," a inti ngar ngar mai. Nizan ka mumang nen te khan ka hmehbel lo theilo, ka mangang ru takzet mangang ru deuha ka tei vut vut laiin, "Mampui, enge i buaipui chiam a?" tiin ka bulah ka pa arawn kal a, in ngaihtuah
buai eih lovin, "chanchin kha ilo hreve tawh em? Nu Lawmi pasal a boral anihchu," ka ti tawl.







"Ka lo hria e, a thihdan ah thil felhlel a awm ani maithei, Police an in rawlh tlat," a rawn ti zúi sup a, ka lung aphu nghâl dup dup mai le! "Chuan, tunge an rinhlelh chu?" ka ti thâwp sup na a, rilru erawh chuan Sangpuii ahrezúi rauh rauh thung.







"Thuchiang tak ka la hrebîklo, enga tinge hetia kan awm tãk mai hi aw, ṭhatni hmèl hmuhtur avang pharh mai," ka pa chuan ati chuar chuar a, maimitchhîng in ka vanvadãk a, ka thaw zui kàwk.






"Pa, hawvat ka ngai, motor chu engtik ah nge alo thlen dawn?" ka ti nawk nawk a, chiài loh hràm ka duh; mahse, ka àw thleng in a khûr ru thei nia.






Chawhnu dar 1:00pm arîk meuh chuan kan hawna tur Sumo kan biak arawn thleng diam a, Nuteii te nupa leh Mimi te'n min thlah dawn bawk a, kan awmkim ṭhap mai. Seat hma ah ka pa aṭhu a, kei leh Mateii te ahnung chiah ah thàwl duai in kan ṭhu thung, Mateii hi a naupangber ani na hian khawi ah pawh awmse ngaihtuahawm ani ngai lèmlo; tin, hmeichhe awmchhun anih na ah kan duatrawn ani bawk a, a hun leh hmun azir in a pangchang thiam ngang bawk.






Motor a kan lûtfel Nuteii te nen kan in thlahfel a, kan tlànzui nghàl, kan driver chu a titi nghàl bawrh bawrh, amah hi vêngchhak a awm anni a, Lunglei to Lawngtlai Sumo a service ṭhin. Mateii nen an in ṭawngchháwk ani ber e, ka koki nghêng in amu àwn diai a, a ṭawng seuh seuh mai.






Theiriat kan luh hma in ka Phone arawn ri a Thlenga alo ni ka la kâng vat a, ka chhàn hma hma in "an hruai," arawn ti teh tawl a, rindan sa nei deuh tho mah ila amah anihkher ka la ring ngam chuanglo, thingphu dawt dawt leh aw ṭial ruan in "tu?" ka ti zàwi sup, "Sangpuii," arawn ti nghut.






Ani nen hian thlamuang taka awmdun na hun kannei zo ve meuhlo ani e, keima lamah harsatna a awmloh leh ama lamah alo awm leh ṭâlh tho, keini pahnih hian tihsual kannei emaw ni záwk le, tihrúk chãng ka va ngah tak. Nge keini hi awmdun tura khuanu ruat kanni lo zàwk le. Pathian hian kan inkawp a remti lo nge ka thlazâr hnuaia ka venhim tur liau liaua min pêk zâwk tihpawhhi ka ngaihtuahna ti tamber tu anni.






"Fiahna annei em ni? Engnge thil awmzia?" ka ti chuai rawih a, Sangpuii hi hmeichhe kawlh leh lungruh liantak ni mahse midang va tina duh tûr khawpa mi nunráwng niin ka hrelo, amah ngei pawh in asawi tawh kha, 'ka pa min fuihna leh Pathian hi ka zah èm a, chuti nilo se ka kut ngei hian ka that ang,' ati anihkha, a left side aṭanga thlir chuan kha aṭawngkam kha ṭanchhan atling ve thei nawk ang; mahse, ka hmeichhia hi ka la ringtáwk fan.







"Phone aṭanga sawifel theih mai anilo, chuan nangmah bãk innghahna aneilo che ania, hemi thu hla ah hi chuan Nu Lawmi pawn ader pawn aṭan eihlo, opposition anihhi," arawn ti lehzèl a, ka rindàn ani. Nu Lawmi alam ah ṭang nise police an ko buai hauhlo ang, Duhsak Sangpuii hi zawng vanduaina fa ni àwma máwi ani, heti em em a lainattu leh hmangaihtu a tlachham hian ka lai ati na, engtiang takin he hun hi lo hmachhawn ang maw, ani hmeichhe àwmnèm tleirawl ve ék ék chauh hian a tuar zolo mai ang tih ka va hlau èm!







Ahun tawn hmasa avanga Stress nasa lutuk vãng in tur hial a in phah kha ania, tunah lockup thim ah a awm dawn ania, rapthlak tak ani, mipa inti ve tàn pawh hmun nuamtak anilo, Depression neiin ahmalam hun thleng achhiat phah hlauh ang tih ka hlauhpui, hmeichhe chheltak ni mahse mihring ve tho ani a, tupawh hian tawrhdama paidam theih chin kannei vek si a.







Ani thinrim khaw hmulo hian criminal case hi alo pawm lêt hlauh ang tih ka hlau, ṭantu leh puihbàwmtu neihloh aluat ah hian kan dikna keh kan thiam channa ngei ah pawh thudik sawi duhloh hi thil awm ve thei tho ani, Nu Lawmi lo belhtur aneilo a, thil thuitak adàwn ve fe ang, ngaihtuah chet chet hian a dinhmun hi achhe takzet.





A laka ka beiseina neih chhun hi ava châurâu tak! a de ve sêt sêt chauh ani.






Tlai dar 5:00pm bâwr velah khua kan lût a, ka thinlung nguih vãng nge khua leh a chhelvèl engkim mai chu achul ruih hian ka hria, a reh hian areh vawng vawng mai.





Kàwn kan thlenga Sangpuii te inlam panna pêng chu ka thlirzúi vang vang a, Thlenga sawidàn in ruang pawh an posmortem a, result hriat achâkawm hle, chutih rualin ka hreh ang tumhrang a; mahse, a hmàwr kan bàwk ṭep tawha rinna ka neilian hle, engkim buaina zawng zawng bul hi azung aṭanga làih lànna hun.







In kan thlenga Ka Nu, Zothana leh Thlenga ten minlo hmuak, Mateii erawh ataksa chau nen arúi nasa maia, a záwi ngiai mai. Kan thleng tih hria a kan ṭhenawm te lo lût khàwm nak nak chu ka nu'n alo be nghàl siam siam a, keipawh reilo te ka ṭhu khawmawi ve nà in ka rilru in vei liantak anei bawk nen ka mawng aza sek a, Thlenga mitmeiin ka room ah kan luhsan daih.







"Engtia report thehlût ngawt thei nge annih? Accident ani ve thei tho a, rinthu ringawt chuan Sangpuii hi aman hauhlo ang," ka ti zui nghut a, ka khum ah aṭhu zûi dawt. "Nunkima tehchai kha alawm le, 'a namthla lai ka hmu,' zuk ti ṭâlh a, hepa hi ka rinlohna arei tawh," ati zûi nghut nghut.






Makima nen kher maw? rin ngaihna leh pawm ngaihna vak ka hrelo, 'ka lo la hrechianglo nasa hle dawn anihhi,' ka ti rilru mawlh mawlh.







"Case I.O. nen kan in be kalreng aw, ka hmelhriat ve ania, naktuk zîngah kan kal dawnnia," ati thâwp sat a. Ka thla amuan phah eihlo, ka awmloh hlàna ka hmeichhe tân theihtawp achhuah tih ka hriat erawh in alak ah rulhsenloh ba ka nei tih ka hre fo.







Zàn dar 9:00pm velah ruang arawn thlenga, Sangpuii tan adamlai in mi hnawksak leh mi nunráwng tak ani ṭhin a, a thihdàn ah felhlel awm mahse a chantáwk ahmu ah ka ngai hmiah; tin, a damlai mai nilo a thihhnu thlenga Sangpuii tan phur rit ala ni nawn fo erawh huat takte in ka hua, hetiang mihring hi chu thih tawh hnu pawha vuakhlum leh tlâk anni, lu menpui tumna ka nei hranlo bawk.







Kan mihringpui te laka kan chêtdan leh kan ṭawngkam te hi akal kual akal kuala keimahni ah bawk atla leh ṭhin rêng ani. Thih hnu piahlam chauha kan tihsual rah sêngtur emaw kan inti fo a heihi adiklo, he khawvela kan damchhûng ngei hian kan chi tuhrah hi kan seng leh ṭhin.






Zingah thovin ka insiam sawk sawk a, station lam pan tumin Bike ka tinung vut vut. Ka pa hnen ah thu chiang engkim ka hrilh a, ani erawh angaihdàn ani vak lèmlo, a chhan pawh mita hmutu leh thu hretu ah Makima a awm a, chu chuan ati hel deuh ani mahna, a rilru tur ka hriatthiampui tho, a fapa hian ngaihdàn ka siamsual min hlauhpui ani ber.






Kàwn ka thlen chuan Makima ka tâwk ang nulh a, tùn atan chuan hmulo mah ila pawi ka ti lo asin mawle, a pawikhawih tenawm ru zet vãng hian ka khawih hrep duh ka hlau.





Nuisûng hian min en a a hmèl a 'thei,' intihna leh chapo ru ár a min melhna chu hmuhhmaih ahar khermai, kei hian he pa hi ka lo hrechianglo takzet ani e. "Kan Sangpuii chu alo mak ru hle mai, ka rin a anglo," ati nghâl tâwnga ka thin akhei zak. "Posmortem result ah mipa kutzia hmuh ani a, thudiktak kan hrechiang vat ang," ka ti bung nghut.







A meng zak zak leh a hawikual hrek hrek nghal chu ka hmuh hmaihlo nasa, ka chhungril anuisuk. Khawmuang lovin ka tlànsan vat.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:52 pm

Chapter - 28



Police station luhnan ala hma deuh nen Thlenga nu leh pa te ka han tlawh hmasa a, an rinloh deuha ka va lang thut chu an hamhaih nasa mai, Zothana damdawiin awmlai aṭang khan kan in pawh ru riau tawh a; tin, Thlenga nen kan in kawp nasa ve nen chu vãnga va tlawhkáwi zui pawh ka ni.







Tukṭhuan ka ei te te a, Dar 10:00am arîk chuan Police station ah case I.O nen kan ṭhudùn ràn a, ani hi Zothana sawisak chungchãng report kan thehluh laia case latu tho kha ani, min lo la hre ve reng a, kan in be zui bawrh bawrh, a Nambar pawh ka la kawl tak.







"I tàna mi hlutak ani ang maw?" tiin anui suk suk a, pa nèlawm leh feltak niin ka hria, "pawimawh khawpmai," ka ti lêt ve salh. "Kan hruai tirh phat aṭang in ala ṭawng chhin miahlo, tuman kan be ṭawng zo meuhlo, zanriah pawh a eiduh heklo, a ṭhutna ngai ah ngâwireng in a ṭhu reng tawp," ti zui leh bawrh bawrh in a khabe adawm vut a, ka mit ka chhîng sawk.








"Posmortem result chu?" ka ti nghut a, ka hma a ṭhu chu anuisuk zui. "Tualthi ngêi ani; mahse, tualthattu erawh in finfiahna han chhuizui maitur a taksa ah a hnutchhiah lo," atih chuan ka hnual nghãl rawih rawih, a chhan chu Sangpuii awhnan a thangkam mai ni lovin, ama thah ngei ani ang tih hlauhna ka nei hman ut ut, a chhan chu engvãng pawh nise murder case hi case ngaihthah mai mai ani ngailo tlat ani, finfiahna lah in amah anla tinzàwm ṭhup mai sia leh.







"Sangpuii chu hmuhlawk ka duh a, min phalsak rawh," ka ti thâwp sup a, ka pa rinhlelh rûk ang leh ka beiseiloh lam daih hian thil hi a inher ang tih ka hlau. Constable pakhat in Sangpuii an dahna lam min panpui a, tha aza zar lo khawpmai.







Sangpuii chu banglam hawiin che miah lovin aṭhu ngãt a, engthil tak ngaihtuah ang maw. "Bawihi," ka tih sup chuan ache deuh hrat a, a àwm adawm vang vang mai. "Bawihi, duatte, ka lo kal e, heta hi ka awm," ka ti a, zâwimuang in ka lam arawn hawi.








Mit khap fak fak chung in ka mit ah tak min en kiau a, a hmèl phadai chu amah nen a in àwmlo lutuk thil ani. Ading khawnglah reng a, keiin ka kut in ka húih thung, inthlahrun hmèl takin hnuailam abih ràn a, ahmui aphunzui sap sap bawk, enge asawi erawh ka hrepha lo. Záwimuang in aràwn pèn phei chhat chhat a, keiin ka lo enreng thung.







Ka hmazàwna adin tâk ah chuan chîk takin ka en chhuak dap, "i ṭha em?" ka ti zâwi sup a, min chhângdawnlo emaw ka tih hnu ah abu nghat nghat. "Minhan enteh le?" ka tih chuan thuâwih deuh chuan arawn hawichho ve mai bawk a, a mitmeng senràm leh ahmèl pawrfap aṭang chuan zàn amulo tih ahriat.








Engmah sawi aneilo na in a mitmeng chuan thu tamtak asawi thung, ka thinlung hian achhiarthiam tlat ani. "Heta ṭang hian ka la chhuak vat ang che, pawi khawihtu diktak pawh kan rekchhuak vat ang," ka ti nghut nghut, a mitmeng senràma tawrhna te na leh mahni inthiamlohna, damthlãkhlelh lohna lang zut zut te kha ka hmu tlat ani.








Chutah uarzet in lungchhe vankai hian arawn ṭap chhuak ta hawm hawm a, ataksa akhûr ngawt ngawt bawk, aṭap hmel, aṭap ri leh a chezia engkim mai chuan ka thinlung atina.








Ka taksa si thlawpa pawmbeh a, ka áwmngheng chiala pawmbeh ka va châk rua èm! chu erawh tun atan chuan atheih siloh, maimitchhing in ka kut ka rumruh ngawt ngawt, "Duatte, afel ṭep, lo nghãk rawh, darkar 24 chhûng in he hmun hi kan chhuahsan ang," ka ti chhuak thei hràm a, ka àw aláwi rut nia.






"Nang chuan min ring tiraw? ih..ka..," ati bah nak nak a, abianga mittui luang ngiai ngiai chu ahru pah a, ka bûkkhum nghut. Sangpuii nen kan in hmachhawn ràn laiin constable bawk kha arawn kalleh a, lock up chu ahawng rawk rawk a, "lo kal rawh," tiin Sangpuii amelh zauh bawk.







A rawn chhuah chuan akut ah vuanin ka àwmah ka pawmbet thlawp a, a ngîk nghal feih feih. Hmeichhia hi chu pachang in chhel viau ṭhin mahse, kulh, innghahna leh in humhimna an mamawh tlat, hmeichhe rilru bo vek bîk heklo le, no na chin tamtak annei tlat.








Asam ah duat taka chùl in a chhîpah ka fawhsak zoh a "ihh...ka..," ati niah niah a, atha khûr ru der der avang nge ka kawnga min kuah na chu min kuah nghetlo khermai. "Shh, engmah sawi suh kan hawvat dawn e," ka ti sup a, abu nghat nghat.








Sangpuii chu adâr ah ka kuah a, ka taksa si thlap in ka kaltir, Constable hnung zuiin kan phei zui ve nghal a Inspector ṭhutna hma ah chuan Thleng, Nunkima leh Nu Lawmi te anlo awm ṭhap a, an hmel ka hmuh chuan Sangpuii ka kuah lohna lam ka kut pakhat zawk ka humruh ngawt ngawt.






Sangpuii pawh in ani leh Makima hmel a hmu thut chu a phãwk deuh nge a che deuh hrat a, ka káwngah rangtakin arawn kuahzui vat, kun hniam in abeng bul ah "hlau suh le, i kiangah ka awm hi," ka ti nghet churh.








Police hma ah kan ding ta ṭhapa, Nu Lawmi'n Sangpuii amelh leh zeuh zeuh ṭhin chu ka hmu ru reng, kan Sangpuii erawh in ahmulo der hmak thung. A huntawn effect vãng nimaw a taksa chu akhûr deuh hlak hlak reng a, apang ka deh chuan alo sa var mai, a khua asik anihhi.







Zahpawh sawilo in constable pakhat chu ka húih zauh a nachhawkna ka dil vat min pe ve mai bawk ka eitir hnu ah ka kawrlum hâklai hlîp sawk sawk in ka khuh ta hlàn a, amit asen ràm tawh, zàn amulo nen ṭhutthleng ah hun ah chuan ka ṭhuttir a kalsan hlau takin ka kut ah avuan ṭai reuh lehnghal a kan awmna hmunin zir mah suhse chhungril ahlim veng veng, kâr chuang fe a mah hmulo in ka awm a ka ngai ve tawh èm asin. "A rei tawh dawnlo ania," ka ti sup a ka nuihsuk bawk.







A mitmeng dulhnak chuan ati lainatawm zual ngawih ngawih, kùnhniam in "ka hmangaih che Duati," ka ti sup a amengzau kâwk, Thlenga'n minlo nghawksawk a ka en nâk chuan a mitmeiin a hma a police officer leh constable te pahnih in kei leh Sangpuii inbia minlo enreng chu ka hmu zui. "awle, report lo thehlut tu kha nangmah hi tiraw?" I.O chuan tiin Nunkima chu amelh zui rulh a, ka dingmar vat.







"Aw, keimah ka ni e," Makima chuan tiin nuihmel apu deuh. "Umm, tualthatlai i hmuhdan kimchang tak kha han sawi leh tache," I.O bawk chuan ati leh a, midang kan ngàwi ṭhap. A aw thian kharh in ti hian asawi a "Nu Lawmi te vengah chian zial leipah in ka teikual a, an in zàwn ka thlen khan Patling rùmri ka hria a, a tir ah chuan engahmah ka ngai lo kal mai ka tumlai khan inhnial thàwm niàwm tak leh ri zui deuh bur ka hria a, dik dawn lova ka hriat vâng in inchhungah chuan ka lut a Sangpuii hian thlanglam tukverh a Ani pasal ding àwn deuh chu a namthla ta mai ani," ati a, ka melh nghel.








I.O a bu nghat nghat a, Kei leh Thlenga erawh kan nui chhuak lo chauh tawh, Sangpuii erawh akut ah nghettak in ka vuan thung. "Chumi thlen hunlai chu adarzat ila hrethei ang tiraw?" police in ati leh a rang mangkhen in "hre lutuk chawhnu ti ila chawfâk hun 12:30 bâwr ani," Makima'n ati leh a confi ve ropui siah.







Nu Lawmi ṭap feih feih chu ka lainat ru tho, ruang posmortem anihtawh bakah arei ve deuh nen zingkar ah an vui ta kha ania, ruang atla chiah a helamah abuai zui leh a hmeichhia anihna zawn ah ka lainat, avahnu a ring miahlo erawh na ka tihpui, Sangpuii tan ka thikthu achhia anih mah chu; tin, fanu annei ve khan ka hresia an lo hawlo emawni.








"Ava mak dawn ve, i sawidan in an in bak kaih lai kha 'chawfâk hun ani,' iti a tichuan chesual in athizui tihna ania," ati a Makima alo bu nghauh nghauh; "mahse," I.O in muang bancharha tiin, "postmortem result aṭanga alandan chuan zinglam dar 9:00am to10:00am inkara thi ani, a awmzia chu i report hi dawt hlawmhlak ani, thudik i sawi dawn nge vuak hrep hnuah che i sawidawn," ati ta phiar phiar a, Nunkima leh Nu Lawmi meng phâwk hrá chu kan en zui ṭhap.






Enge awmzia Makim?" tilet há in Nu Lawmi chuan Makima a en ta ràn a, ani erawh sawi ngaihna hre lovin angawi ta hmuk a, hnuailam abih ràn bawk.






Sangpuii'n ka kut avawnna kha arawn pawt nawk nawk a, ka lam hawi tura alu arawn inher chu azáwi hnak a, nikhua hre lovin a awmzui ta!!






I.O ka en a abu nghat tâkah chuan pawmkâng lâwp in ka chhuahpui a, Thlenga'n Taxi a chângzui bawk, "bawihi, harh teh damlo hman ini lo, ka kiangah awm in nangnen fa tamtak kannei dùn ang chu? chuan khawi hmun ah pawh awmla hrereng rawh ka hmangaih che," ka ti phei mawlh mawlh.






A khawsik lah chu asãng angreng apang asa var mai, a vawi eng emawzah atan ka pawmlai hmeichhia tereuh vang in ka va mangang lehpek èm!






End of Chapter-28.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:52 pm

Chapter - 29




Taxi kan phardin hnuah Civil hospital ah rangtak in kan in dahlut a, Emergency ani bawk nen kan phâwklêk tlãng ani ber. Sangpuii zawi nguai chu Nurse in Nachhâwkna in an jection vat a, a BP pawh acheck nghãl bawk. Reilo te ah "hlauh thàwnawm ani love, a BP ahniam deuh a, a khawsik sâng nen nikhua ahriatloh phah anihhi," Doctor'n atih chuan ka thep huai huai. Nikhua la hremah suhse rit chûk kha areh duak thei "Admit kan ngái angem Doctor?" ka tih chuan a hmèl anuisâng a, "ngai love a khawsik hi rehse in hawthei animai," ati a ngaih angam zàn tawh e.







Sangpuii harh hun nghák in kan ṭhu ràn a, khua lah chu zing aṭang tawh in adul hnuk rengmai, Sâr thi awm vâng nge ruahsur tur in tintuah ang maiin Vànah chhumdum a in zam nguai a, chhum leivâk a awm nawk bawk.






Ngàwi ngula ka bula ṭhu chu 'a awmve,' tih ka hrechhuak thut, alam hawiin ka nuisuk a ani erawh atùm hmuk thung. "I lo kal hman ka ring lova," ka ti thâwp sup a, ka sawi lanloh ka aw ká a 'lawmna,' chu a chhiarthiam ngeiin ka ring.







"Kan kal dùn ang, ka tih kha," atih nghut chuan ka nui hawk, buaina engkima ka pûrbuai leh ka kaihkual ber ani a Sikul ah abuai hle tih ka hria, ka pawtphar nasa tawh vei nen inthiamlo ru deuh in zingah khan ka kalsan ta kha ania; mahse, hei alo lang ve leh ta tho a, mi a ṭáwiawm nasa in ka tàn ṭhianṭha tak ala ni zél a, a alakah hian bat ka nei nawn fo anih ber hi.






"Sangpuii hi ka nei dawn ani, hetia baihvái lutuka awm nawn tîr zel hi ka thei tawhlo," ka ti chhuak nge nge a, ani lah chuan awlsam zet hian "i sawi har ka ti rêng ani," nui suk suk in ati duhlek.







"Zanin aṭang in inpuahchah ka ngai anih chu, ka ha ka tát hriam bawk anga," tiin anui hawk hawk a "ni ngei rawhse," ka ti ve sup.







Ka pa kan chinchãng hrilh in phone in ka be mawlh mawlh a, "helam tihfel ngai kan tihfel chuan keichuan hruailuh nghàl mai kha ka duh a, an in ràlmuanglo lutuk ah sàwn luh nawn tir leh ka duhlo hulhual ani," ka ti a ka pa erawh angàwi deuh vung vung.






A ngaihtuahàwm tur chu ka rin hriat, Upa ber ka ni a kawng engkima ka naute entawn tlâka nungtur ber ka ni; tin, chhungkaw khaipa la ni maitur ka ni vei nen ka pa min duhdan tur pawh ka thiamlo lèmlo; mahse, tun hun chauh chu min pawmsak hràmse ka ti takzet, heilo kawngdang thlanmai tur a awm tlat silo a.







"Awle, Phone aṭanga sawifel vek theih pawh anilo, engpawh nise kawppui chungchâng chu kan sawi vektawh kha, 'nei rawh,' 'nei suh,' ka ti dawnlo che a; mahse, 'mawhphurhna ila tawh anih chuan atáwp i thlenpui ngeitur ani,' ka tihfo kha mipa ini a i tana ṭha leh ṭhalo thliarthiam rual ini tawh a ka ring táwk che, i thlansual chuan i retheihna ani anga, i thlanfuh leh nangma tan tho ani amah Sangpuii pawh ràwn ve la," a rawn ti dap dap a ka thêp suai thei.







Ka pa nen kan inbe zo ka va létleh chuan Thlenga bulah Nu Lawmi hmel pawrfap in alo ṭhu ve reng a ka hmuhrual in ka nersak. 'Thudik nge dawt,' tih hriatchian hma hauh a avahnu a thisen zawm ai a mihrang hlak a ring thei kha mak ka la ti, a vahnu chu a chènpui leh a enkawl ngei ania midang zawng aia hrechiang tur ani asin ka ngaihtuah chian hian ka lung adam hlawllo eng ang mihring leh Nu chiah nge anih bik ni 'thisen chu thisen nge nge,' anlo ti ṭhin kha ania.








Ngàwingul in ka lût a ka ṭhutna hmasa ah pawh ṭhu lovin Sangpuii mutna khum ah ka ṭhu nghàl zat, "ih..Lawmzual, thil pawi tak ka tisual ani a pawi emmai," tiin Nu Lawmi chu a ṭap ta hliam hliam a, ka kut humruh in lehlam ka hawi a ka nersak.







'Inchhîr hma khàn thudik zawn hmasak tur che alawm mawle, tunah chuan ngaidam engang mah ila Sangpuii thinlunga na hi areh mai mai tawh lo ang, ser liantak asiam tawh tlat,' ka rilru in ka ti mawlh mawlh.







Nu Lawmi chuan awmnuam atilo nge atho ta tharh a, "ka han haw hmasa ange, Sangpuii harh hun chu ka nghãk chhuaklo mai ang, inlam ah ka lo welcome zawk ange," ti sap in akalzui nghal. Thlenga nen kan in en a kannui tawp, saw in hmangaih miahlo tu te in a luhtir leh saw ka phal tawh reng reng love.








Thlenga hnen ah Sangpuii harh hma chu lo awmpui lawk tura hrilh in keipawh ka chhuak zui a police station ka pan nghal, ani aharh meuh chuan haw kan duh nghàl dawn, chumi hma a station a tihfel ngaite ka tihfel vat angai ani.







Station ka thlen chuan Nunkima lock up ah anlo dahfel tawh a, loh theihloh a a inpuanzui angai ta sia 'che fuhlo,' chu a inti ve khawp in ka ring, pangngai taka nunho mai theih reng laia midang nun tibuai zãwnga hun hman hi chu kan tluang reilo rêng ani, central jail lamah anla khungvat ang; tin, a thurualpui Ruatsanga pawh mawle.







"Nupui naupangte neih hi chu dawhtheih angai ania aw, patling pui pawhhi kan kawppui zir hian rilru alo naupangchhia thei viau bawk," ati sup sup a ka nui hawk ringawt. Tihfel ngai kan tihfel hnu ah lawmthu hrilhzui mawlh mawlh in ka chhuahsan a.






Ka piah káwi maiah Thlenga leh Sangpuii ten Taxi ah hawtur in minlo nghâk ràn bawk. Seat hnungah Sangpuii vuan chialin ka ṭhulût a, ani erawh ala zawi nguai thung. Thlenga aṭawng kalrenga a nu leh pa pawh kan tlawh ta lo a, a remchan tehlul nen keima bengvârloh vãng ani.







"U Lg, khawnge ka hàwn ang?" Sangpuii'n mittui tling pam chung in ati sap a, a huntawn in zir heksuh a rilru ano em em hi ka dem miahlo. "Kan in ah," ti supin ka kuah hlùn a, a taksa chêr riak chuan ati lainatawm zual. Mihring hi kan huntawn azira kan rilru leh taksa in atawrh chak zia ka hriat phah, Sangpuii tak tak pawh atla rawk rawk mai, amah 'hmeichhe sa ṭha,' ani ngailo nen achêr riak mai.







A thaw hak a, "chutiang te chu tihchi ani hleinem, i chhungte tàn a tlàwmthlãk e a," a ti hniam raih, ka chhàn hma in "ihh.. maw... kan khua a ka pa nena kan in kha luahlum ve tawh mai ka lo tum asin, Pathian zar ah keima in tunnun na tur chu ka dam chuan ka thawkchhuak ve em em ang," ati a henau rilru puitlin zia mai hi aw.







"Nangmaha khawsa tur in ila naupang lutuk bakah kal hran tir che ka tum tawhlo, kan innei ang," ka ti thâwp sup a, min hniallo se ka ti takzet, min hnial mahse ka nei tawh àwmtho emmai. Chutah a mirmeng dul hnak chuan min en chho kal a a mittui tling kiau kara a 'hlimna,' lo lang chu ka chhiarthiam lutuk tlat.







"A hma pawh in ka hrilh tawh che kha ka nei dawn che, chuan reirial ka duhlo arang lama inneih ka duh," ka ti nawn leh sup, chutah zet zawng a mittui arawn far leh fap fap a, akháwttawk in a in sût deuh hraih bawk. "Duati, ṭap lo la i ṭaplai hmuh hi nuam ka tilo, ṭahtir tu che ni lovin nuih tir tu che nih ka duh," in ringtawk tak hian ka tihzawm.







"Awle, ka nei ang che, ka nei ang che," ati sep sep a hriat ava nuam si èm!!







"Ihh, U Makima kha engtin nge nita?" ati leh daih a, ri rêt rêt sawi laia Nunkima daih lo sawi chhuah phun hluk in "an man, jail ah atãng reng tawh ang," ka ti a duh khawplo tih hriat lutuk in min en kiau mai.







Kha mi dukdaklo Ruatsanga khàn Sangpuii aneih theihnan trick ṭhing lutuk hàiin, pawisa a Nunkima ruaiin Nu Lawmi pasal a thah tir a Sangpuii tih anga alan theih nan Sangpuii nen a an awmdun lai chuh in Nunkima'n Nu Lawmi pasal chu athat ta ani, Sangpuii chuan Nu Lawmi rinna pawchhuak tawhlo chu remchanga lâka baila lâkchhuah hnuah vauna nen Ruatsanga chuan neih a in beisei alo ni, tenawm dún lutuk.






Sangpuii chu achek tlak tlak a "an va mawl dùn tak, huat tur nge huatloh tur pawh ka hre love," ani sap ringawt.







"Mahse, avan mak nimin khàn midang lo lût thawm emaw inhnial thàwm emaw inbe thàwm takngial pawh ka hrelo, amak e," ati vang vang mai, kuah nghet sauh in "kan innei vat theihna hmanrua ah ngai mai ang aw," ka ti a ka nui pah bawk.








"Minduatpa, engkim vãng hian ka lawm a, ka lawm reng fovang, tun hun hi nang awmlo la chuan ka thleng àwm chai silo, i nupui mai nilo i bâwih nitur paw'n ka in peih," ati hnâp a, kei Vala hi ka luangliam zawih zawih. A bianga fawh zoh pah in "Dam vat vat la inneih vat vat ka châk, fa panga vel kannei anga," tia ka en chuan ka rinloh deuh in "iva duh tlem, dawrzawn khat kannei ang chu le," tiin anui var var mai.. Fawh nawk nawk ka va chãktak.





End of chapter - 29.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:52 pm

Chapter - 30




Khawnge maw i awm le.
Aw, khawnge maw i awm le;
Kei ka 'D' ve kha?





Lalthlengliana zai rût rût thàwm kan hriat chuan motor chuang mêk kanni tih leh keini lo midang an awmve tih ka hre chauh. Hepa chimawm thiam zia hi chu aw.






Sangpuii'n ka mal ah arawn sik ta vâwt a a hmel ka en nâk chuan alo sen ṭàwn ṭàwn tawh azak lehpek tawh Thlengliana vângvek.







Lalnu lungphun kan thlen hma deuh in ka phone arawn ri a Namber hlang tho ani, phûr vaklo in ka la a ka pick up rual in "Lawmzual, Pu Liana ka ni e, biak lawk che ka va duhve," a rawn ti hniam ruih a, ngthil tak nimaw, chhiatna leh thil ṭhalo lam chu ni tawhlo lul tehse.







"Enge ni le?" tiin ka Phone ka chuktuah ràn a lehlam ami chuan "Sangpuii te nen inlo haw mek niin ka hria a, hmundang in penkawi hma in inlo lûtkàwi lawk dawn em ni ang? Hei Sangpuii nu alo thlenga," a rawn ti a, a thusawi chu ka hresual emaw ka ti, angaihna hrelo takin hmalam ka melh reng tawp.






"Inlo pênglawk thei ang tiraw?" a tihleh sup chuan Sangpuii ka melh vat, ani lah khua kan luh tawhdawn vannge aṭhu ngìl at a, an in a luh ahreh tih ka hria; chutin kan ina han luh nghal ràwih pawh ahreh ru tho tih ka hrebawk, amah ka vêngthâwnga, vhutin amah ka ngaihtuah ru tho si ngaihdàn siam harsa ka ti hle, rilru ṭawngṭaina ka nei. 'Pathian remruat ni hràm se,' tiin ka phun sup.







"Duhtak, inu in hmuhlawk che a duh ani, kan pêngkáwi lawk ang aw," ti damdap in akut ah ka vuan a, ka en chhuk rùn bawk ani erawh chu ka thusawi chuan amah ah nghawng anei em tih hriat miahloh hian aṭhu ngáwi ràn a, atih danglam phah eihlo mawle.





"Hlau suh, i kiang ah ka awmreng tawhdawn," ka ti leh vat a "engtik hun ah emaw chuan minrawn kan hi rinna ka nei ṭhin alawm, ka beisei tawhloh lamah arawn lang a," ati duhlek. Anu chu alo ngái ṭhin hle tih aṭawngkam ah ahriat.




Pu Liana te in kan thlenga Motor aṭanga kan chhuah aṭang in Sangpuii chu akùn deuh chhal renga, a mitmeng tak ràn ah chuan enge a ngaihtuah tih hriat ahar, chhia leh ṭha ahriat hnu a anu ahmuh lehna hmasa ber tur ania a huphurh ru viau ang tih ahriat.




Inchhûng kan luh chuan Pu Liana alo awm lova, ṭhutkhàwm na ah chuan nu ngo vang ahmel en rêng rêng pawha nu in vawng tih hriattak hi alo ṭhu a, kanlût min hmuh veleh chuan ading dat a Sangpuii nu tih ka hre nghal, an hmaithlãk leh vun nungsar aṭang chuan hai theih anni mawlh lo.



"Mate, ka naute," tiin chunu chu arawn ṭap chhuak hawk a, Sangpuii hmaah ṭhingṭhi in a inhnît zui hlap hlap bawk.




Reitâwkfang a ṭah hnu ah arawn thochhuak a an nufa chungchâng thu nia ka hriat vâng in Sangpuii koki ah ka kuah a pawnlama ka lo nghah tur thu ka hrilhsup a, a bu deuh nghat.




Darkar chanve dawn an in biak hnuah ka va lût a "U Lawmzuala hi ka tan mi pawimawh táwpkhawk ani, ka engkim ani bawk," Samgpuii chuan ati sap a anu anui sak, ka táwi deuh hrat na in ka kalsawn duhbik lo, an nufa chuan lungche taka inkuah in an phun deuh sep sep a, boruak aṭha tih ka hriatin ka lo ṭangṭung pawh ka inthlahdul ta vat.





"Hriat nuamlo tak zawng ani mawlhlo," tisup in ka va pawh a an in ṭhen phak, "Lawmzual duhaiin inhun ka pawtsei ta riau, ka be lawk thei ang che tiraw?" ati sap a bukhum nghat pahin Sangpuii bulah ka ṭhu ve nghal.




"In chungchâng hi tlãngkam aṭang in ka lo hrefo tawh ṭhin a, ka fanu in nghahna inihchian zia ka hriat in ka lawm hle a ka inthlahrung tel bawk," tiin bul aṭan tete a, "Sangpuii bulah ka chanchin ka lo sawi vektawh a; tin, i hriattel tur chu U Lawma hi Sangpuii pa nen kan inneih hlima Nuṭa atana ka zawn ani, Sangpuii ni nen pawh kanlo inbe tawhbawk a hetah hian palai pawh irawntir dawnnia, duhsakna ka hlan bawk che u," ati ta sap a.





Tichuan rei riallo in karkhat hnuah Pu Liana te inah palai chu kantir ta vat a, palai kalzàn chuan mawng hawlh ang maiin ka za sek lehnghal, a zàmawm ve èm tak ani. Zan dar 9:00pm vela palai rawn haw te chu annui deuh ṭha a "i hmanhmawh sia ani leh athla nen lam kan ruatfel nghàl mai," Patea'n a tih chuan ka nuisûng tawh.





November ni 19 chu kan inneih ni tura an ruat ani, thlakhat ṭha àwrh chiah in kan inneih hun mindang tihna anihchu. Mateii leh Zothana an phûr dun ngang mai, Mateii phei chu "ka kawr tur ka design lawk vek tawh, ka ṭhuitir nghàl dawn," a tih loh leh "mokawr in en hun ah ka kalpui dawn, a in hmehtur ka hre zawk ang," ati thùl aza cheng mai.





A tûk Chawlhni ani bawk a kan inneihna tur pawh puan ani ta nghàl a, tlem chuan ka lái ru ve deuh thlakhat hnu ah chuan 'Tlangval Lawmzuala,' ni tawhlo in 'Pu Lawmzuala,' ka ni tawhdawn tlat ani, ka thil ngaihtuah avâng chuan ka nui suk.





Inkhawm kan bãng a Upa lam leh ka ṭhalai puiten lawmpuina thu min hlàn sap sap a, anuam dangdai teh asin. Thlenga leh Miss Ruatpuii pawh an inzui ve tak tak aniang an serious riau, ṭawngka in sawi dawtlo mahse ka hrethiam ve e, chuan ka lawmpui hle bawk.






Ka patea leh ka ṭanga (niteii pasal) ten Vawk talhtur an zawngṭan a, Ar chu zawnbuai ngailo in ka nu vulh lai kan ring dawn ani, keiin ka khum 4tf chu 6ft tal ka duh vang in ka siamtir mêk a, Thingzai alo awm remloh lai ani nen ka zawng nasa, ka naute pahnih in in leh vèl an cheihnùm nasa bawk, mahni táwk ah kan buai tlâng teh e.




Man hlan zàn kan thlenga Sangpuii'n ṭhian dinpui tur aneihloh vâng in Mateii'n a dinpui dawn ani. Palai ding in thunáwi tlèm anei a chumi hnuah Palal(Sangpuii pa u dinna tur ania; mahse, dingtur an awmloh vãng in Pu Liana adingta mai; tin, Palal hian phût annei ṭhin bawk) dingin man an hlàna, akim leh kim leh kimloh Palal in achhiar leh a, man eitute chu Sangpuii'n an man ei asem diat diat bawk.




A tûk khua avâr a kàwla ni chhuak sen phût chu nidang zawng aiin amawi, thawhphan nei hauh lovin ka in perh tho vat a, kawt ah fatu ho pawh an ri nak nak tawh. Chawhma dar 11:00am hi inkutsuih niin tlai dar 3:00pm ah ruai kan eidawn ani.





Ka nupui nimai tur Sangpuii chu mithuam var vek ha in a rawn lût zàn zàn a, make up tello ahmel faivang chuan ati hmelṭha zual ngawih ngawih, mittla lo lêkin ka thlir. Inneih thutiam kan chham a, kan pahnih kut a 'pumkhat kanni,' tih lantirtu zungbun chu ka melh leh zauh ṭhin, vawiin ni hi kan tana ni ropui leh chhinchhiah tlâk tak ani, kil khata Pi Zaii(Sangpuii nu) hlimna mitmeng de sar sar chunga afanu a en ngawih ngawih chu ka hmuh hmaih hauhlo, akhât tawk in amittui ahru leh zoh ṭhin bawk.





Mo lawmna ruai kan kìl a, Sangpuii chu a helhhawlh nge azàn chaw a eitamlo khermai, Thlenga lah in chimawm fe in "zanin chu innu mal ikeu var vau dawn anihhi," ka bengbul ah arawn ti leh sur sur ṭhin.





Pi Zaii leh rawn ṭáwiawm tu neuh neuh te kan thlahfel hnu ah kan mutna ah ka hruailût a lawmpuina thilpek te chu akeu dan dan, "khalam kha chu naktuk ah, hawh le inti fai ang," tiin ka bàn ka lek kâng a, lei chhuah zuk zuk chung in arawn vuan ve mai. Kan in tihfai dun hnu ah ṭawngṭaina nen kan nupa hmalam hun Pathian hnena nghat in kan ṭawngṭai dun a.




Ka mit ka men ruala ka nupui hmel tái hlar ka hmuh chuan chhunglam aṭang in turtu a awm nghàl, a mutkawr ka pek ngei kha aha a ka mitthla ṭhin aiin a inhmeh daih, "i nalh lutuk," tisup in a hmui ah ka fawpzui zat a a àwmbáwr kawhlah chu ka hràwm zui tawn tawn bawk.




Zawimuang damdap in a châkna tihchhuahsak tum in ka fawp in ka chulkual ruai bawk, thaw halh halh chunga mitmeng dava riaia min en na chuan mipa ka nihzia min hrilh nawn, lehpek awmleh tawhlo tur in damlai pialral kan chéndùn a, nawmna vawrtawp kan in pék dun hnu chuan a sír ah ka let thla tap.




"A harsa em?" tiin ka àwm ah ka kuah bei vat a ahmai thukru in athaw leh halh. "A vawikhatna ania atîr khan ana," ati sap abek leh anghawng thlan hun hliam chu ka fawp nawk nawk a, "sawiloh i nei?" nui var var chunga atihsap chuan ka en vat. He ahlimna mitmeng hi engtik laimah in ka hmu kham theilo ang. "Ka hmangaih che, ka Nupui duhtak," ka ti hap a "kei pawh in le, ka pasal," ati lêt hnâp.





End of Chapter -30


Epilogue



"Bawihi, hetah lo kal teh," tiin ka nupui khuma in chapdarh nuaih chu ka huih zoh a, ka fa pahnihna tur apaimek bawk, tunah thla 5 ani veleh tawh a a inzo lah lah khawpmai, a raipuar lai hian duhawmna riau hi anei, rai a in hmeh ka ti viau bawk. "U Lg, khua alum si ka pum apuar si," ati niah niah a, ka nui hawk, ṭhutkhawmna pindana ka fapa Sangzuala (kan nupa hming chawia ka pa phuah ngat) chu a ṭawng leh nasa tawh.




"Duatte, a hrehawm viau em?" tiin ka bulah ka pawtṭhu a, Laptopa naute Troller pic ka enkual mek chu arawn enzui dauh dauh. "Ka sawi ve mai mai anihkha," tiin anui leh sângtawh, he hmeichhia hi la nauang viau e tilo hian a pasal ka nihna zàwn ah min zah thiam a min ngaihtuah em em bawk, ka hmangaih thlàwt.




"Heihi kan naute lo piang tur tan," tiin Troller pic chu ka entir a, chumi hnu ah "heihi anu tan ve thung," tiin Laptop chu amal chungah ka nghat a aṭe ṭhat, tak tak ami? min fiamlo tiraw?" tiin mitmeng nungsar hian min en zui a, ka buk khum zauh, "mifelpa, min duatpa ka lawm e, engkim vang hian," tiin ka hmui ah duhthawh fahran in arawn fawp a, ka chhanglet lo phal teuhlo.




A tawp ta...




LAWMTHU SAWINA.

Ka story "Duhtak Sangpuii," chu kanlo zo fel ta a, tun dinhmun ka thlen theihna chhan ka readers fel tak tak te nangmahni vang liau liau ani tih ka hria, in zavaia chungah thinlung takin lawmthu ka sawi a, feed back ṭha tak tak chapter tina min hnutchhiah fo tute ka tan in hlu fo zel e.


Lo damṭha in lo in enkawl ṭha ula ka story zawm lehtur "Eleos," ah hmuhnawn leh vek che u ka in beisei reng e, atir aṭanga atawp thleng in ka lawm mawlh mawlh vek tih min hriatsak dawn u nia.


Muttui, mangnuam vek u...


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)