DUHTAK_SANGPUII #By #Nunui_Hnialum (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

DUHTAK_SANGPUII #By #Nunui_Hnialum (Completed)

Unread post by Ngaia » September 11th, 2022, 2:47 pm

62lu8oid.jpg
Lawmthu sawina in bul ṭan phawt ila, thawnthu ka ziahna hi ala rei falua lo a kei akara ka thawnthu ziah ve te minlo chhiarsak ṭhin tu te chungah hian thinlung tak in lawmthu ka sawi e. in beisei leh ngaihruat ṭhin te phawkchhuak zolo ka ni fo in ka ring a; mahse, ka theih ang tawk a intan chhete tala entawn tur emaw nun kaihruaitu (adiklo lemlo ang chu)inlo hmuhve ṭhin tak mial in tih thil ah ka han ziak ve leh rawih dawn a, chhiardan minlo thiamsak a, fuih ka ngaih huna min fuih a hauh ka ngaih hun pawh a min sélzui mai lova min fuih sauh sauh tur in ka sawm che u ani. Tin, in kawmen han chhiar te hi anuam em em a phurna min siamsak tel ṭhin bawk a, in hmuhdan inlo sawive zel aniang chu, mihring chu mahni chauha awmthei kanni lova, in puih a in backup tawn tur kannih kha min hriatpui reng ula.....




"DUHTAK SANGPUII,"



Chapter - 1




Ka meizial chu pak khu hlut hlut in ka si pah vang vang a ziakzuk ti nuamtu ah Kuva ka hmawm leh zauh pah bawk a thlãm namthlãk ah chuan thlithaw ka inchhèmtir a, chhùn nisensa tuar hrep hnu a thlãm dài a thlithaw inchhèmtir paha duhber meizial han hîp vang vang tawh hi chuan dam man hi avan awm hliah hliah tak.





Ka meizial chu tui ti zet in ka hîp leh vang vang ṭhin, rãl lehlama thing hring dup lam chu ka en vang vang a, a kar a lungbang inphah phei ruah te chuan ka mit anla tlat pek, zopa thingtlanga seilian tih takah ramlam hian ka lung min len riau a, ramvah leh sa chàn te hi nuam ka tih zawngtak ani a, in ah ka awm hman meuhlo, khilai hmun khi ramvah nan ka ît ru riau, kan khaw ramchin ala nibawk in ka hria, Mamte khua nen kan in ri na lai pawh ni maithei ka pa zawhchian tur ani hun remchãng hmasa ber ah ka la kal khawp ang.




Ka sava vehna silai AK 550 Airguns ka bula ka tun chu en in ka nuisuk, abul ah ka kahthlãk sava pahnih an thal bem bawk. Ka behái kam ah lah vanneih thlãk lutuk in Vahrit ka awk hlauh, 'ramvachal,' tia sawitur chu ni chiahlo mah ila ka vanneih asiam in ka kut a hmui ve riau a, Sava leh sazu ka awk thei viau. Sakhi leh Saza pawh vawikhat chu ka kap ve tawh, forest ho chuan hria se min man phah hial ang.




Tlai chawhmeh tur Sava ka awk bawk a, zawimuanga hawlam in tintuah in ka Sava pathum chu ka ipte pui ah ak in ka silai ka pu a, ka rinai daih in ka hlawhtling a pheikhai pawh a zãngvah mai, inlam pan in hmanhmawh lo in ka penchhuak a.




Ka hming chu Lawmzuala ani a, nau mipa pakhat leh hmeichhia pakhat ka nei a, Pathian zar ah ka nu leh pa ten minla dampui bawk. Nupui pasal la neilo vek kanni bawk a kan chhungkaw nga in kan khua Thingfal ah awmhmun bengbel in kan khawsa mek.




Ka pa hi primary school ah Headmaster in a awm a, ka nu erawh zonu ani thung. Zirna lam ah B.com ka zo a, hnathawh ka nei hranlo, kan chhunghnaivai te phei chuan 'B.com Sava veh Lawmzuala,' minti ṭhin. Fiamthu ani bawk a huatah ka la hran lo. Kan teber hmeichhia in Serkawn ah nurse a trainning mek a, ka nau chiah erawh online games addict.





Kawngpui ka chhuah thlen chuan ala hma viau, tlai dar 2 áwrh chauh ala ni. In ka thlen hun a ka awmdantur ngaihtuah in ka nui suk, ka nu'n ka ramchhuah chânga ka chawhmeh hawn ahmuh hian a nui var var zel a, ka Sava hawn ahmuh hun chuan a hlim leh dawn tih ka hria. Ka pa erawh hi chuan Ramsa leh Ramar lam hi a lâwm khuchuk hranlo a, a lawmlo chuanglo, pa tluang purh leh thu leh hla ngahlo tak kha ani miau a.




Khua ka luh hma ramhuai liamkàwn kan tihmai ka thlen dawn chuan sava hian athla alo khawng ri thlup thlup mai, Khiang thing lianzet dingchho ruah chu ka en a, ka phuzawk mai, Sava dum lianzet Mu niin ka hre silo, hmanlai kan pi leh pu ten Mupui ansawi ṭhin kha animaithei lian dum tle zuar chuan a thla khawngri thlup thlup chung chuan ahawikual vulh vulh a, alian em em mai bawk si mihring chawi tum te pawh a ang ka ti, ka rilru tifîm hrãm in ka silai ka ah fawng chu ka vuan hman; mahse, sangtak ah athlawk chho ta vawn vawn a, a hrãm chho pah vung vung bawk nen ka awm atinuam lo lek lek hial.





Thaw la kãwk in ka in siamrem a Khua ka lut mai tawhdawn bawk a, 'awm nawmlohna tur a awmlo,' tia inti pachang in khua ka lut ta a.





Kan in awmna hi tlãng deuh anih vang hian compound kannei zau a, inhmun remtak ani, in ka thlen chuan ka nu'n pawn verenda ah Ar chaw tur alo hmet mawlh mawlh a, kan in pan chhohna Step thuilo te a ka penchho thauh thauh minlo hmuh chuan a che lai atawp chat a, pawn Sintex a kan tui dehna ah chuan akut silfai in a archaw nuaina bul a ka ṭhu chu ka m ipte a enzui vat vat a.



Ka rin ang ngeiin a lawmthiam leh viau. Thingpui ka in lai chuan ka ṭhianpa Thlenga alo lut a, ka Sava hawn ahmuh chuan a phul hlut. A dan ngaite in a ṭawngduh leh viau, ka nu hriatthiamloh in minlo signal leh zoh ṭhin, a zu in chãk a suffer lehtawh tih ka hremai.




"Vahrit hi Bawiha nen puah ula hetah chaw ei ve nghal rawh," tiin ka nu'n chaw ei ah a sawm zui zat. Thlenga nise tlangval mahni chauh a inluah ani bawk nen ranvulh a neilo bawk a rem phian zel. Ka nu in Vahrit puahna tur tui alum vat a, ka inbual hma in a hmul ka pawtfai a, Duhawma'n arawh dawn thung.




Pawn thuk ah Sava arawh mawlh mawlh lai chuan ka va enpui a, "Dude, mikhual nula rimtur ka hria, rãl aṭang in ka hmu thuak achhelo lutuk," ati zui ham ham a, mit min siai khum pah zoh ṭhin. "A senior leh awm emmai," ka tihsan, a nula rimtur hmuhve te hi tleirawl tituai nei tawhlo, biangki zet zet anni ṭhin a tinni, a khawtual ṭo zawk aihian mikhual nula lentur ahrethei ziah bawk hi amak ani.





"Ṭhianpa, tunṭum chu ka fiamthu miahlo, kal ang aw, kala belchianglo na in," tiin ngaihtuah zui niawm tak in adak chho vang vang a anuipah suk bawk "a hnute leh amawng an poh ṭha ania, mipa duhthusam hmeichhe diktak, chuan hei kal hma a lemsek tur ka nei bawk," tiin a paipàwn zu ùm chu en in a khi suk suk a, a phúr surh surh lutuk chuan nuih atiza, engpawh nise kan leng poh aniang chu bakah lemsek tur a awm hi chuan aphûrawm, nuisuk in inchhúng lam ka pan san a.





Tlai chaw eikham ah mikhual nula rìm tur chuan Thlenga nen kan chhuakphei a, a in luah hi vengthlanglam ah ani a mi inhnuai aluah a ahnuaiber ah ani nghe nghe "ka in thlak ve zawk ang," tiin kan lutkawiin a zu paipàwn chu kan indùn ta karh karh a, aseh hmeh tur a awmlo nen a karlak ah mei kan paksek. Ka tleirawl chhuahtirh aṭang in kohhran hi ka bèl falua lo nen lem leh zeuh hi ka chîng, ruihhlo dang ah erawh ka fihlim thlap.






Thlenga hi Lawngtlai khua ani a, kan khua ah Middle school ah mi ai akal ṭhin. Ti hian amah in in aluah a, alo awmtirh chuan kan teber hi alo rim ṭhin; ka nau lah hian ala thutaklo ngang bawk nen keimah nen kan kn kawmtam phah a tunah chuan kan inzui deuh chawt tawh a, a in hi kan rawlhrúkna ber ani. Zirtirtu tih takah zu hi in ve ṭhin mahse a ruinawi ngailo; tin, a rilru apuitling fu..




No hnih ve ve kan lem hnu chuan dar 7:00pm ari kalh tawh, nula asawi kha rim ve ngei atumruh si a, nula rim na a rui chenawi lutuk nih chu kanduh biklo, a um chanve kan in hnu ah um chanve chu nakina in ah tiin kan dahṭha ta a.





A nula sawi inluah kanva thleng chu pu Luaia te in hnuai alo luah reng alo ni a, kan awmna veng aṭanga hmarlam veng hmawr motor pawh a luttheilo two wheller chauh luh theihna ang kha ania kal zenloh na ani bawk nen a hla ka ti ngang mai, bakah hmeichhe inluah atan chuan a kil ka ti, mipa aiin harsatna tawh hi an awlsam deuhbik mahni chauha nula awm chu, in malding nilovin inhnuai ani hlauh a azia, ṭhenawm pawh anneilo,an in aṭanga penza na velah chiah an ṭhenawm te an awm chauh, mipa tan pawh mahni chauh a zanthima kalna atan chuan a itawm lemlo, ka farnute awmna tur nise ka phal ka ringlo, huizz ka va ngaihtuah kim sak ve.




Ka huipap thãwm ah Thlenga alo hawivut a inhnuaiber veranda zaulo te ah kan dingta ran mai, bulp a inkhai eng pap a, in neitu pawh a awm tih hriattak un kawngka pawh a inkalhlo, mahni chauha awm anih vangnge thawm anei lemlo, Thlenga'n "ka kik dawn," tihleh kawngka kik arual nghal, kan thawm a hrelo nge engmah arawn sawilo a reh dûk mai.





Thlenga bawk chuan, "a awmlo emaw ni le; mahse kawngka a inkalh silo a," tihleh na deuh zawk a kik a rual a, a sawih deuh bawk. "Lawk aw, bathroom ah ka awm a minlo nghak lawk r'u," tih ri leh che sat sat thawm kan hrezui ta, "a awm chiang e, a nam viau em," tihleh ka hmai bulah a rawn kun hniam zui, ka lu ka thinsak nur nur.





Kawngka arawn ri rak a, nula te chhe vaklo hi Bathrobe senno a khup chen, apian dik zaih mai tilang fiah tur a a robe hak a taifek a asuihbeh chu a in hmeh riau, a lu atuam thàn a, chapal dum a keṭhiah faizet tilang chiangtur a bun bawk, huhh ka va en uluk si ve.




"Lo lut rawh u, minlo nghak rei em, e, Thlenga te maw" tiin anui var var a, Thlenga nen chuan anlo inhre tawh anihdawn hi, a nuih zawnga aha var rual nalh zet chu alangsar hle, kanin zuilut vat a a inchhung pawh afai hle, luhchiah in sitting room ani nghal a Sofa pahnih leh TV alai ah center table a in hung a, choka nen a in zawm thuak a ahmuhtheih nghal vek dinglam kil ah Gas dah in alai ah chawei dawhkan lian vaklo leh dinning chair pahnih leh belbawm lianlo te a inhung bawk a, veilam sir ah bathroom a awmbawk, a nuam vei phian.





Rei vaklo ah room kawngka arawn ri rak a, Tshirt var mar lek lek ha in jocker pants leh nichina achapal bun lai nen chuan arawn chhuak a, Thlenga nen kan ep ah aṭhu ve tharh. "Inva fel ve lo leng ziah ru aw," alo ti ve sap a, "thingpui ka lo lum ang," tihleh thawh arual nghal, ka enchiang a ka rin ai daih in a hmelṭha, a shirt hak a mar bawk nen a kepen zawng a awmbawr kawhlah leh che laih ṭhin chu alangchiang hle, Thlenga sawidan takah a khalh ṭha nelhnawlh viau.





Tray a thingpui no pathuam lo chawiphei in center table ah anghat a, dawhkan awmna kan hlatdeuh avang in ahnuaia side table chu arawn nawr phei a, "inru ka siam cial ania," tihleh rawn dah arual nghal a, Thlenga nen an inbe luama kei erawh ka ṭawng zauh zauh chauh, Thingpui chu ka tem zui hlak a coffee rim anam deuh chãk a, green tea rim anam chem chem bawk atui cial tak tak.





"Thlenga i ṭhianpa hi ka vawikhat hmuhna," an ti ti karlak ah alo ti zauh, "ka kâwipa Lawmzuala anihhi, vamvachal," tiin anui zui hawk a, dar 9:00pm apel thuak tawh vawiin ka ramvak chau nen mut ka chãk tawh, ka awmdan hrethiam takin Thlenga'n haw arawt a, ka tho nghal vut, kan chhuahdawn chuan "Baby, kanlo lengleh ṭhin dawn nia," tiin kan chhuak a, kan nula rim hming ka hre chiah.




Hawkawng ah chuan "a chhelo iti chiang i melh leh vung vung ṭhin pawh ka hmu," Thlenga'n ati zui hlut, "a khal khawp kha maw," ka tihsan "ka kherh tlu chiangkhawp ang," ati pah tun tun.




Kàwn kan thlenthlak chuan Subji bazar ah chuan hmeichhe naupang hian a Paikãwng phurh chu lei ah nghat in ṭhutna atana an dawhsan ah chuan alo ṭhu a, light chuan a chhunkim theilo na in chawhmeh azuar niin ka hria, tunang zan dar 9:00pm pelhtawh hnu a hmeichhe naupang chupawh mahni chauh lehnghal a khawlaia vah chu an chhungkua an harsa viau emaw ni mak ka ti deuh, a hlauh pawh a hlau lo emaw ni. Kan veng panchhohna lam ah tak a ṭhu bawk a, kalpel mai harsa ka ti ka be ta ngawt.





Chu hmeichhe awmna lam chu ka panding nghal vat, a bul ka thlen chuan min hmulo, lum ati ngang aniang a kawr haklai chu tlem hlimchho in ahmai alo zãp heuh heuh, chawhmeh i zuar em ni?" tihleh a Paikawng phurh chu ka bihzui vat, Zikhlum hlum lian deuh deuh hi Paikawng khat ṭunin alo phur alo nia, ritlo chi anilo an hlum lian bawk si, chubak ah a em phurh a te vak bawklo nen, Patling tan pawh rit nulh tur ani.





"Aw, aaaa hei Zikhlum ka zuar a," ati bah niai a, kawr hlimchhoh inzah nana ahman chu a siamṭha nghal sat sat bawk, a hahvang nge ni a biang asen têk a, a Paikawng phurhna vang ani ngei ang asam pawh athur siang, nula tleirawl chhuakhlim hlawt chauh ala ni. A chawhmeh phurh chu ka en a ka huphurhpui ngawih ngawih a rit dawn si.





Ka kekawr ipte ka dap ruk ruk a, a ruak vek Leisak ka tum ve laklawh tawh si, ava hrilhhai thlak tak, mi thil batsak lah hi ka zah zawngtak, bakah mipa tan chuan mawi pawh mawi ka tilo; mahse, engtin nge niang? Tunah tak hi chuan pawisa chhete ak lova ka chhuah ka inchhir ber ṭum ani hial ang.






"Engzat nge itih?" tiin Thlenga alo lang vat, "kg 1 sawmsarih," Tleirawlte chuan alo ti hap a, "kanlo la ange arit dawn si," tiin hlum lian lian pahnih chu a khaichhuak nulh nulh a, pakhat min pe a, zikhlum chu alianṭha bawk a arit nulh nulh khawpmai, ala thar ṭha viau bawk, a kawr ah chuan a kg zat alo in ziak kalh bawk, Thlenga bawk in akekawr ipte aṭang in pawisa ala chhuak a ape nghal vek, ka va zakru mai mai tak.






"Awi, ka lawm lutuk sir, hralh ahar lutuk a arit bawk nen ina hawpui ka lo tumtawh asin," tiin lawm hmel fe hian min entawn zak zak a, a hlim takzet tih a mitmeng ah chuan ahriat, a nuisãng a amit erawh akhap sak sak thung, a hlim lutuk chuan "ka lawm lutuk," ati leh hap ṭhin a hlim lutuk chuan ka lái atina ka chhungril adek, chhan sawitur hre silo hian ka mur er er nimai hian ka hria.





Amit ah ka en a, amitmu atle ral mai nia mawle, mihring hlimna hi neihnun leh neihtam te hauhsak lam ni lovin kan chunga thil thleng engkim a êngzawnga thlir thiamtu leh dawngsawng thiamtu te zel anni tih chu atak ngeiin ka hmu, he tleirawl nun aṭang hian zirlai pawimawh tak ka zir chhuak ta phawt.




Lainat ru zet in kan kalsan a "Sir, ka lawm lutuk aw," ala rawn ti hram, Thlenga pawn "awle, hawtawh rawh," tiin aban avaisak zauh, 'enge atih leh ang,' tih hrechãk in ka hawilet leh zuk zuk ṭhin, lungawi hmel deuh in a Hnam leh a Paikawng a siamṭha sat sat a nui var var in field lam apan chho ta hnak hnak a, a lantheih chin thleng ka en a lantheih loh chin ah hmalam ka en ngur.




Thlenga hnen ah "I student em ni?" ka tih chuan "a nulat tawh em kha anilo ang high school emaw higher school naupang ani tawh ang," ati. "Ava hriatchian hmel che ve," ka tileh zel, ka va dilchhut tak "ka hrebiklo, zirtirtu ka nih vang aniang," ati liam puat, chanchin hriatchian ka chak hle mai, khaw tualṭo e tilo hian tu khawkha hriat ka neilo, kha tleirawl pawh kha ka vawikhat hmuhna ani, an chhungkua an berh ve viau anihloh chuan an laklawh ve fe ani ngei ang, zanthim pawh sawi lova tleirawl han vah tak mai.






A in kan thlen hma zawng Baby-i a sawi kawngtluan a, ka um e liamsak, chutia kalkawng pawh en mang lova kan kal lai chuan "i hmazawn kha en rawh," Thlenga'n atih ṭhawt thawm leh min namsawn dawrh chu ka hria; tin, ka chal sawhdawt khawp in kwngthlang a tlakdãl an siam ah ka chal ka tauh chawrh a, athim ta riai riai.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:47 pm

Chapter - 2




Ka hmaia tui lo theh ṭhat ṭhat paha ka hminga minko mawlh mawlh takah chuan ka harh ve hlawl, Thlenga chuan tuiùm keng in chiangzet hian minlo en a "i harhchhuak thei dawnlo emaw kan tia kanlo mangang hman asin," ti sup tu chu ka en chho vat Makima vengthlang ami alo nia, vengthlang tihhi vengdang veng sawina nilo in keimahni vengchhung tho niin kan veng awmna hi tlãngchhip tihtak ah a âwih deuh avang in in hi lane thum ang hian akal a, keini in awmna hi ka sawitak ang khan tlãngchhip ah a awm a, kan inthlang ah alane hnihna awmleh in a thlanglawk ah a lane thumna a awm ani; mahse, inhlat lo tak pen sawm vel lek lek baka hla kanni lo a vengchhak vengthlang tiin keimahni vengchhung bik hi kan in ko chhawngleh anihchu "ka ṭha e, hawtawh ang u," tisup in ka kekawr mawng ka bêng pah vut vut.




Ka ding uaia ka lu ahai ve det ka tukhum veilam ka dawm a alo pawng deuh ùl, "ana viau em," inthlahrung ru deuha Thlenga'n atih chuan "ka lu ahai deuh," ka tihsak "i rahna tur i hmazawn ah tak khan Rulṭial lianzet alo in kual ruih a, i hmuve nghal mai emaw ka tia Rul lahkha kalo hmulawk biklo nge kanlo hnaih riau a ikal chak bawk nen ka sawihman tawh lova en mumal baksak lovin ka namkiang ta mai che anihkha," inthlahrung ru tak hian ati sup sup a.




"Rul chu engrawng nge? Helai hmuna kal zan lêng haw ho hian rul ka hmu alian angreng hi an ti deuh ziah maia pawi ala khawih hma a chãnchi ani angem aw," Makima chuan alo tive nuah nuah a, "adum ania chuan aṭial ruk a, ka banpuam tiak thawk hi chu ani, alian angreng," Thlenga chuan alo ti ve bawk.






"Nia, alian bawk si naupang tan hlei hlei ahlauhawm ang," Thlenga'n ati ve leh "Lawmzuala zikhlum khai lah kha athlang kawngpui ah khan alum ta daih sia," atizui leh sup, "a pawi lo," ka lo ti nghut. Makima lo awm ve ngawt dan hi ka hrelo, nikhaw hrelova ka awmhma kha chuan Thlenga nen chiah kan haw kha ania, 'ka luhai nikhaw hrelo minpui tur in Thlenga'n ako aniang,' ka ti ringawt.





"Makima lenghaw hian khatia kan in buaipui kha minlo hmu a, minpui hlauh a nilo se ka che buai khawp ang keilah in khatianga nikhaw hrelova awm kha buaipui ngaihna che ka hre silo a lawmawm khawpmai," ka ngaihtuahna hria niawm tak in Thlenga bawk in ati a, "a ho emmai engmah ka tihloh kha," Makima'n ati ve leh a keiin lawmthu ka lo hrilh zui ve vat a, an inlam panna vengthlang pêng ah min pensan zui ta a, keini ṭhiandun pawh kan in awmna panin kan chho ve nghal.





"I lu ana sia nidang ah kan lembãk kha chu kan lem leh zawk dawn nia aw, ka lo dahṭha ang," Thlenga'n ati sur sur a, zantir a kan zu inbang asawina ani tih ka hria ka bu nghut, "i zikhlum lah alum bo ta daih sia ka khailai hi hawn mairawh, keimah chuan ei ngaihna ka hrelo," tihleh ka kuta Zikhlum lo hmehbel arual nghal a, ka hnial hma hma in "duhleh chaw eiah min sawmleh zawk dawnnia, in inah chuan ei atui deuh ang mahni a eitlawng ai chuan," nuihuk a tiin a in tlawhkhalh nghal zat.






A in awmna kawng ah apêng ta zui a, keipawh kan in a hla tawhlo bawk a Zikhlum khai haw chung in inchhung ah ka lut ta hnu hnu a, tlai lama ka zuin rim kha ka nam èm lo ang chu maw. A ṭhing rimnam hian ka pa'n min manfo maia anuam viaulo, minla khak lo na in a ngaihdan ani vak dawnlo tih ka chiang.





Ka nu in ṭhutthleng seia ṭhu thluangduai chung in mei alo zial rak rak a, ka pa erawh adan ngaite in a phone ami news a lo en thla leh malh malh tawh tih ka hremai, zan dar 8:00pm aṭanga dar 8:30pm hi chu a phone a news chhiarnan hun ahman ṭhin, rokhawlhna dang a awmloh chuan.





Ka zikhlum khailut ka nu in ahmuh chuan "kha khawi ami nge Mampui," aloti vat, a Thlenga lei anihhi, amah chuan a eiseng dawn si lova "hawn rawh," a ti tlat a ka rawn hawn mai anihhi, tihleh chaw ei dawhkana dah ka rual nghal a.





"Ka lu ana deuh a ka ramvahna vang kha aniang nachhawkna ka duh, a awm tiraw nu?" tiin ka zawtvat ana nget nget roh ani, "awmkha, Fridge pocket ah khan en rawh," ati a nachhawkna mum khat chu dawlh in ka roomlam ka pan a, ka khum ah ka bawk nghal thlawp.






Ka mitthla ah lah chuan kha tleirawl zanthim pawh sawi lova Zikhlum zuar ngawt kha alo lang lehnghal, a hmel te a Paikawng phurh te a Tshirt hak lian hlep hlup te a Bata chapal, apen ruala ri thlup thlup te thleng in ka hrevek nia, chutiang khawp chuan ka lo chik ani tih ka hrechiah, 'tutak ni ang che maw, ngaihruat dantur takngial che pawh ka hrelo,' ka hriattawk in ka tisup khawtual mi anilo aniang ka hmuh àwm ka hrelo emmai.





Ka lu tauhna vang nge ka ramvak haw Ramhuai liamkawna ka sava hmuh dum thler thlur kha ka mangphan deuh nge ni mangchhe tak mang in ka harhchhuak hlawl mai, ka mengchhuak chhuak a, ka room zaulo te chu ka melhkual hruk hruk.





Ka mang ah chuan kan teber Seni tuna Serkawna Nurse trainning mek leh zanthim a tleirawl zikhlum zuar kha Ramhuai liamkawn a tlãkdal lung an rem chhoh ah chuan ṭhudun in anlo inkawm a, anlo ti ti tui nasa mai hi ania, ral aṭang in haw tur in ka lo au vak vak a; mahse, an duh tlatlo, ahnu rei vaklo ah kha thingkung lian em em mai, sava dum lianzet ka hmuhna thingler aṭang hian Baby-i hi alo tawlh thla zawt zawt a makti tak in ral aṭang in ka thlir reng, lei athlen thlak chuan ka nau leh a ṭhiannu chu an kawr hnung ah chawi in vawi lehkhat ah aban chunglam aṭanga thla ti chhuak in a thlawh chhohpui ta vawn vawn a, Babyi chu lo hawilet in rapawm zet a nui uar uar in a kalbo pui ta daih a, thaw hlawp hlawp in ka harh chhuak.




Sana ka en a zinglam dar 3:00am chiah alo la nia ka tukverh lam ka melhsek ka ngaihbel nge thli athaw vuk vuk in ka hria, ka bek dinglam lahchu ana tur et et sia, rilru helhkam rùn nen puhtur hremang silo in thin arim ru ṭùn mai.




A tukzing ah phakchuak in ka tho a, ka hmel adiklo nge ka nu'n ka awmdan minlo zawt vat, "vawiin chu engmah tisuh in ah awm ang che," ati a, ka bu nghut. Kapa Sikul kal angaih ṭhin vang in zing dar 8:30am ah chuan chaw kan ei ngei ngei ziah.




Zing chaw eilaiin ka pa'n "Mampui, master te hi zawm i rilruk lo em ni, anihloh pawh in B.ed tal te ti la hetia ram vah vah mai chu a, tunlai ah forest conservation an tih luih luih laia lo ramvah chhen chu a dik chiahlo ani, bakah upa ber ini a kan chhungkaw innghahna ini tihhi hrenawn fo la ka duh, inu nen kan innghahna ini tih hria la Teii te chu hmeichhia ania zirsang in hna hial oawh lo neise pasal achhia aṭha ala hmu ang; tin, Nunfela nise games khelh bak engmah lungkham aneihloh hi," ati a, uluk takin ka ngaithla ka pa thusawi hi chu namnul mai mai ngam chi anilo.




Nunfela chawbar chu en leh in "nangpawh ka zilhna che kha hrereng ang che, ka sawinawn tawh lovang," ati a, nizan lamah anlo in zilh ani ngei ang, luber ani bawk a kan ngawiṭhap.




Ka pa Sikul kal in achhuak a, kei erawh mut tawp ai tiin nimin lama ka silai kenchhuah chu ka endik a oil chulh in ka hrufai hliau hliau, Nunfela chu ka pa zilhna vang nge ipte pui ak in inbul a Sarzuk kung leh in hnunglam a Tengtere kungbul chu ava tifai a, ala hnim vaklo a, a hahthlak lo ang; mahse, ani hnathawk a huansam leh tihfai tingai heklo le darkar khat awrh ava tifai chu chau hnep in alo lut a ka nu nen in en in kan nui kan nui.





Zanriah eikham hlim hlawt ah Makima arawn lut vut a, ka nu'n alo chiau au vat, "damlo ka lo kan a," tiin min en a anui pah suk. Ka nu leh pa an hawihai teh e, nia nizan kan thiltawn chungchang engmah ka hrilh silo a, mak an ti viau ang, ka pa chuan minlo en vat. Nizan kan thil tawn chu ka hrilh ta vek a, a lo ngaithla uluk khawlmai.





"Kan ṭhenawmte nupa an inti tlãn ni awmtak ani, ka lo hre lawklo a, palai leng an awm dan ah leh Nu Zuali thinrim danah an inṭhen ani tih ka hrethiam chiah," ati a, ka nu chuan "an inti tlan zing mawlh mawlh mange, misawi hmang ah Kimi khian anpa a zahlo in inhauh nikhua ah pawh a chhang duhzel a, anpa thin in a tuarlo a vaw ta ṭhin an tia Kimi nise a ṭawngduh ve bawk si, anu te in lamah ava lawr ve sek zel nen a pasala chhungte tan pawh ngaihmawhawm tak ani ve dawn asin," ati a.




Ani tak teh e, Nupui pasal neih hi fiamthu mai mai ani lova. Thil harsa tak; mahse, hlimawm tak nisi ani, nupa nih kawngah hmeichhia chuan a pasal laka inpekna leh hmangaihna te tawrhna te pawh akengtel bawk, hetiang kawngah hian hmeichhia chuan Pathian ṭihmi pasal, innghahna nghet aneih aṭul reng ani.




"Star tu che ka hria," ka beng bulah Makima' arawn ti sur sur ka nui hawk, "nui ringawt suh, sawrkar zemzen ngat asin," ati lehzel. "Tu?" ka tih chuan "Baby mawle, Aizawl bawngkawn ami, higher ah sawn thawk tur in anlo dah thar a," ati chunu chu(h) nizan ah a awmve tih ka hrechiah a; mahse, huhang alo ngah zêk aniang an hre hlawm emmai, mikhual nula kannei tih a hre hmasa pawl emaw ka lo inti ania ahre hnuhnung ber ka nih awm hi a.





"Nia, nizan ah khan kan han leng a, a khat ṭha ṭen ṭen khawpmai," ka tia ka nuizui hawk, "lo lenpui rawh ati, Thlenga sawm ila kal ang u," ati ta vut vut mai. Zeploh chuan mipa ka ni a mipa hrisel thisen lumhun laitak, a taksa kha chu nalh ka ti ru thlawt, a awmbawr atawkchiaha lian te, a mawngbawr nalhzet te kha itawm tiktek tak ani; mahse, nizan ka mang vang nifahmiang ka hlau ru deuh riau, ṭih rukna ka nei.






Ka ngaihtuah a mipa alawm le ka nihle, mumang mai mai lehnghal hlau a lo mutpui te chu bakah engmah tihtur ka neilo, thimhlim phat aṭanga tlangval mut tlawnzuah chu zan arei duh dawn emmai tiin ka tho a, dar 7:30 ari ta chiah, ka luna a awm tawhlo a, ka lawm; mahse rul kha alo awmleh angem aw.




"Taka rul kha chan iti deuh alawm ni?" ka ti vat, "nia vawiin tlai khan a thuphung in ka pa ka hrilh a, tawngpawng va chãn ngawt chu akaw awmna in hriate anihloh chuan chãn thlawn emaw chãnsual a awmthei atia ngaihtuahṭhat leh ah ka ti mai, i hlau ani maw?" ati a, kan nui dun. Ka nu leh pa an room ah an awm a kei lengtur in ka in siam.





Room a ka awmlai chuan kawngka an rawn kik dat dat a, 'Thlenga ani ngem aw,' ka tih rilruk mek laiin Makima'n "lo lut rawh u," ati sup a keipawh ka room aṭang in ka chhuak vat, kawngka a lo dak paha ka mi hmuh chu ka hailo nasa.





"Tuipui Maian leh Bawkbawn ka rawn zuar a min leisak ve r'u," a rawnti nuisãng a, he tleirawl a hmingpawh ka hriatloh nizan ka mutdawn a ka ngaihtuah nasat zia ka hrechhuak; mahse, hetia in ringhman lova a hmel ka hmu leh thut chu ka hamhaih leh si, sawitur ka hrelo hman. In siamrem vat in ka be ta sawk sawk.





Inchhung ah ko lut in chaw ei dawhkan ah a Maian tel chu hung in ka en sak a, "antui lam chu kei aiin ka nu hian a tui tur leh a tharlam chu ahrethiam zawk asinle,' ti rilru nuah nuah in ka enkual ve zel a, enkual em em kha ka tum pawh anilo, a chauh tawh hmel sia hahdamna hun ka siamsak ve ah ka ngai mai.





"Sangpui nang ini maw i zuar tam tawh em?" tiin Makima chuan alo be ve vut, "ehe, UMakim, nangmah elo, aw zuar tam ve tawh angreng ka ni hian a kharchhawng tam hrim hrim a, ka phur ka zuarzawh veleh kava la leh mai zel," ati a anui pah var var bawk. Anni pahnih pawh chu anlo inhre leh tawh animaw, ka van hrelo thei bik ve aw, Makima zawh chian tur ani.




Sangpuii chuan ka mita min en chuan min hrelo tawp chi anilo tih ka hrethei nizan kha ahrechhuak ve te pawh aniang, "hei hi aṭha ilakdawn rau rau chuan azîk atama," ati a, ka la kang vat, Bawkbawn khai khat nen ka laksak a chawhmeh bawm ah dah in pawisa ka la a, ka pe ta.





"Ka lawm lutuk, min dawr leh ṭeuh a, nizan pawh kha ka lawm asin aw," ati a ka nuihsuk, a tlai tawh sia ila zuar dawn ami?" ka ti, zanlama chawhmeh zuar fo chu ani hmeichhia lehnghal ka duhsak vaklo, misual tawnpalh a awmthei.




Sangpuii nen kan inbiak mawlh mawlh laiin ka phone charge arawn ri a Thlenga call ani, ka lak rual chuan "lo phei la, kan pack zo law law ang chu," arawn ti ham ham mai, "rawnphei kan tum chiah, lo awmrawh," tiin ka dahvat, "sawlam ah kan kaldawn kan thlaaa," ka sawizo hmanlo Sangpuii dinna chu ka en a alo awmtawh miahlo ka phone hman kar khan alo chhuak hman daih ani maw, ka ṭawngdan leh ka thil sawi vang khan a lana ani emlo ang chu maw.





"Kha nula tleirawl kha a lainatawm asin aw, anu in anaupan laiin a boralsan a pa lah in zu vang in a thihsan leh bawk, ti hian ani pi Lawmi te bel in arawn awm ve chawt anih khi, ani pasal khian amil vaklo antia ahrãwk in avin reng zel anti, tihian chawhmeh zuar in a sikul kalna atuak anihkhi, bakah ina a awm awl ve hlek chuan ani pasal in a hmumawh tlat zel a ka lainat reuh ania aw," ati ta a, ka lainat ru ngawih ngawih.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:47 pm

Chapter - 3



Thlenga te inlam pan chuan kan kalchhuak a, kan in nen a inhlat vak lo bawk a kan thleng vat, a in kan thlenga Zanriah alo eikham deuh chiah alo nia, a eina thleng alo sil mek a keini pawh kan ṭhu thla ve vat.






Thleng asil zawh chuan kan bul ah rawn ṭhu in mei kan pak khu hlat hlat, "kalhma in tizo law law ang u aw," tihleh a room ah lut in nizana kan zu inbang chu arawn la chhuak a, no ah thli in kan lem leh ta karh karh, "hei hi azawhna ani tawh, lãkna tur zawn leh angai," ati zui zat. "A hma a ilak na ṭhin chu? Tunṭum chu keimah in ka lo tum ve tawh ang, nidang ah itum ziaha pawisa ka pe dawn che nia, nangin a lakna i hretho a," ka ti zui ve vat.







"A ho emmai, taka nizan ka nula lenpui che chu in sawiluh ka tum ve nen nangmah zawk a beisei daih che alawm le," ati ta khauh a, "i tan kan bei mai ang chu," ka tihsaka alu athing nur nur. Zu chu no thum ah thli chhuak leh in kan thawkkhat pap hlawm a kan kuit der, Makima pawg ka rinai daih in alem thei.







A tlaihma in Baby rim tur chuan kan chhuak ta a, a kamnam tãwk lekin kan in a ṭawng anuam viau, Baby-i inkan thlen hma an ṭhenawm hnaiber Nu Lawmi te in kan kalpel dawn lai chuan hmeichhe thinur phun hlak hlak thãwm kan hreta, a an hla lahchu ṭawngkam a duhtuilo ka ti khermai, a auring angreng bawksi an kawtzawn ah chuan inthurual ang hrim in kan ṭhian thum chuan kan ding vut.






"I lepler teihawi anihkha, zan dar 7:00pm dawna Sikul ban chauh thu a awmlo, uichhunu," ati leh hmawk hmawk a, ka lo íp chawih. Tu nge ahau ang aw Nu Lawmi hi chu nu azawnga nu taima nufel tia khawtlang hriat asin, a taimak azara tuna an in leh lo pawhhi neithei chauh anni. A pasalhi chu awmve mahse engkim ama kut vek ani zel, taka Makima khan kan chhuah hma khan 'Sangpuii chu Nu Lawmi te inah Sikul kalin a awm,' atih tak kha, amah emaw ni le ahauh aw ka ti a; mahse, nichin lawk pawn chawhmeh alo zawrh tak kha; mahse, inah naupang sikul kal ankawl awm ka hrelo, Sangpuii tihloh chu, an fate nise an puitling vek tawh tumah sikul kal rual an awm tawh mang silo.







"Aw, tikhan a sikul bang hi afawr ve pah ṭhin alawm, mi pawn an sawi ka hreziah," pawr fe hian pu zuala chuan alo tive hluk hluk, ani hi Nu Lawmi pasal ani. ani hi pa ṭawngmuang leh ṭawng tlem, ngawi deuh reng ang kha ania chutia alo ṭawngve chu mak ka ti, a ṭawngkam a pawr roh si, amah a anglo.






Ka inhumruh ṭung mai, amak ka ti engkim mai chu hmeichhe zawiawi nuiduh rilru thianghlim nulat hreṭan ve ek ek tawh nulat tlangvalna rilru pawh pu hmanlo khawpa a sikul kalna tur pawisa mamawh a buai; mahse, Sikul bana lo fawrkual ṭhin niin a chhungte chuan an sawi hlauh thung, mak ka ti, amah apawnlam landan maiin ka lo teh aniang, thil ka lo hresual duai em ni le; mahse, a chhungte hial in dawt ngialngan tak in an puh dawn em ni? bakah Sangpuii pawn a fawr ngailoh thu pawh engmah a chhamchhuak lo.






Chakzet in Baby inlam panin ka pek pawk pawk a, ka hmai asa hut hut bawk, heichu ka thinrim apianga ka awmdan ani. Ka thinrim hlur chu engvang ber nge niang Sangpuii fawr ṭhin vang nge a chhungten nasa taka an hauh vang tihpawh ka hre love.






Pu Luaia te inkawt ka thlen chuan Varenda ah an fapa Sawmkima alo ṭhu vun a Guiter aperh a ama hriattawk in alo zai rat rat a, ka hmuh veleh ka ding vat, ka awmdan lelo zet chu midang in anhriat hma a tihreh vat ka ngai, ka thaw hawk a ka thinrimna bengdaih tum in boruak ka hiplut pah ham ham bawk.







Ka in ngaihtuah a ka tha aza zek zek nia, ka kut ka humruh ngawt ngawt bawk, Sangpuii te in ka kalpelh hma khan ani in "Sahbawn lahhi in heh, in Kawrhnuai leh Kekawrte suknan te hian in hmang ṭhin emaw ni in taksa silnan chiah hmang tawh rawh u, inlu pawh sukhlo in su zel tawh ang che u," ati leh anihkha, adang aringsi kei ni ila inah ka awmtawh pawh ka ringlo, em em ana.








Khatiang taka ani a thinrim danah Sangpuii chu adiklo ani ngei ang; mahse, mihring tupawh mai hian panna leh tlinlohna lai kannei vek a, tumah fel famkim kan awmlo tihhi kan theihnghilh ṭhin ni hian ka hria, mahni fellohna leh mahni tlinlohna lai hreduh miahlo, midang tlinlohna leh an hnufualna zeuh te hi chu hmuhkàn ve mai tur ka ni, mihring ngaihdam ngailo tumah kan awm silo a.







Tin, mi tlinlohna lai sawireng mihring te hi khawvela mi ã mi mawlber te anni ka ti, an tlinlohna kan sawi sak ṭhin ate hian kan tlinlohna leh fellohna te hi an hrelo anibiklo, mimawl leh mi ã nih anduh loh vang maia sawive lo mai anni tihhi hriatsak tur; tin, mihring mahni pui zahderna nei miahlo mi pamham lutuk te hi ka hua, bakah piangthar zia ah ka ngailo, mi piangthar chuan thlarau rah, hmangaihna te dawhtheihna te, ngaihdamna te kha anei ngei tur ah ka ngai keichuan.





Mikhual nula ileng ve dawn ani maw?" Tihri ka hriat chuan ka hawichhuak a, ka ngaihtuahna ka lo kawm char char tih ka hrechhuak, ka hma zawn ah chuan Sawmkima chuan a Guiter pawm in uluk mangkhen hian minlo enreng alo nia, ka thinrim hmaisen ṭeuh teleh ka in humruh ngawt nhawt te chi alo hmuhve loh hram ka beisei "ka zai ilo ngaithla ru animaw," nui hawk in ati ta a keipawh ka nui ve suk.







Kâr lo ah ka ṭhiante pahnih anrawn thleng a, "iva kalchak em em ve," an ti nghut Makima chuan "Sawmkim hawh lotel ve rawh i inhnuai nu kan rim ang," ati a, ani erawh chuan alu athing nghut, "midang pawh an awm nual, va kalru," tiin inhnuai lam chu a kawk pah zeuh.






Ka innsangmar ru ṭun chu an hrethiam ang tih hlau ru zet in thaw ka la hawk a, Baby inlam pan chuan kanin zui thla ta dam dam a, Sawmkima sawi ang ngeiin inleng dang hmarveng tlangval anlo ṭhu deuh khup a, keini pawh zãm duh biklo in kanlut ve thurh a, Babyi'n min hmuh veleh minlo chiau au vat.






Baby'n Thingpui aluma kan kaltlai angreng bawk nen Thingpui kan in zo chu haw ahun der, dar 9:00pm ari va tawh, hmarveng tlangval ho pawh an veng akil hlawm bawk a haw tur in an tho ta sang sang mai.






Baby'n a inleng ho chu kawt thleng a vailiam a, pawn thimdeuh chin inchhung engin akah hmuhfiah theih em em siloh ah hian tleirawl pakhat chuan a kalliam hma in Babyi chu engemaw ava hrilh ru sur sur a, Baby pawh anui var var mai, keipawh ka rilru abet thlawtlo rilru ah Lawmsangpuii ngawt a awm nia, an chhungkua chu anawm vak ka ringta hauhlo mai, a belhbulh ber ani in a ṭim ta hrep sia, vuak em chu in vaw lo tur ah ka ngaihsak, he nu hi engtin emaw tak ṭanpui ka duh ani; mahse, engtin nge kei heti ve mai hian ka puih tehlul ang ni, ka rilru aluah ngut ngut mai si a.





Baby lo lut chu ka lo enchîk angreng anuisak a ka enreng tih ahmuh chuan amit chu ala sawn vat, ka ngaihbel nge alai deuh in ka hria, kan ep chiah Sofa ah ṭhu in ake ati che laih laih reng a, min star tak tak emaw ni "nangni chu lengve reng ru aw, ala hma," ati vat a, Makima leh Thlenga'n min en rual ṭhawt, mitmeiin min ràwn deuh emaw ni.





A vawihnih nan Thingpui alum leh a, arawn dah chuan ka lo laksak vat, "e, taka Lawmzual, kan Sikul ah hian Geography teacher kan neilo asin, nangchu B.com ini bawk a i hnehsawh dawn tih ka hria temporary teacher nimahse ramhna thawhtawp ai chuan dilna lo thehlut ve teh," thutak zet in ati a ka mit ah tak min en ran bawk.





Ka nui hawk, zirtirtu lam hi tui ni ila B.ed trainning in ka kal daih tawh ang, ka pa damloh laklawh chang pawh in ka kalsak ngailo, ka line anilo aniang ka ti thei manglo. "enge nui ringawt suh, i thiamna kha ramvahpui teh tawp ai chuan midangte tan malsawmna niha hmanchhuah kha aṭha," ati vei thlap.





Thlenga alo nui ruh ruh a, Makima'n "nia ti takteh, sikul in kaldun thei anga, anuam viau maithei ani," tiin amit ko alo san euh euh, Baby chu alai leh ringawt aniang, asen ap ap. Ka en reng hmeichhe fel leh lehkhathiam intodelh tak ani a; tin, a polite tel em em bawk ka bialnu nidawn ta se ka iai miahlo ang.





Tlin pawh kan tling dawn ami, ka tihsak daih, amitmeng ka enran a a rilru hriat ka duh pah ani. "Tlinlohna chhan tur a awm em ni, bakah nang phei chu khawtual mi ila nizui, hetiang ah chuan mihrang hlak ai chuan a tualṭo nge nge chu induhsak ana dil theih hun an sawi veleh ka lo hrilh ang che," ati a diltum em em pawh awm lovin ka buk khum nghut.





Haw tur in kan tho a dar 10:00pm ari vah tawh, kawngka bul thleng Baby'n min thlaha, lenleh intiam in kan in vailiam. Muangchang in kan ṭhianthum te chuan kan phei ta hnak hnak a, Baby in aṭanga kawngpui kan chhuak chho chu avawt deuh vur mai zandang aiin khua athim bawk, vanlam kan hawi chu chhumdum chhah zet zet a in thuah ṭup a, kawl alo de ve leh pah ṭhin bawk a khaw awmdan chu a rapawm lek lek, ruahsur hma ngeiin in thlen hman angai.






Ṭawngpawh ṭawngtawh lovin chak deuh in kan kal sawk sawk a, Sangpuii te in alang thei ṭan tihin chhaklam kawr hnar hla ve deuh aṭang chuan sihal arawn û ta ruah ruah mai, kan phu chiang teh e, a rawl alian si a, amah pawh ate miahlo ang, ngawireng in kan ding a kan in melh hrek hrek.




Thlenga chuan "mipa alawm mawle kannih le, sihal zan vak mai mai," tiin namnùl zet in hma ahruaia keinin ahnung ah kan zui a kan kalzawm ve vat. kan kal zel a arawn ú chhunzawm ta miahlo, ava mak e,' ka ti rilru neuh neuh a; mahse, engmah ka sawi chhuaklo, kan pasalṭha vak bik silo a.





Kawikhat kan kal leh chuan eng emaw sawiin kan ṭawng leh ta, Sangpuii te in pawh a hla tawhlo, zantir ah kan lem ve sek nen kan kái nuamtawk viau, thawveng zet in zial ka phawrh a ka ṭankai hnu ah ka zu khu hlat hlat, "ruah asur dawn hi," Thlenga'n alo ti, aho mai mai duhleh sur ang hmiang ka zial zukna adallo e.






Vawi lehkhat ah khawi aṭanga lo kal nge tihpawh hriatlo Sava lianzet hian athla alo khawng vak a, ka phu chiang lutuk, ka in rin hma in ka auchhuak ṭhawt, ka ṭhiante pawh chuan "ehe," an ti chhuak chu veleh kan chhak tlang aṭang hian Sihal arawn u leh ta ruah ruah, an awrawl aṭang chuan pakhat mai nilovin arual anni tih ahriat, ka tha akhur ta der der mai, Mipa pawh a mipa hleihtheih dawnloh, ruah mal hraw zet zet arawn tla nghal phuar phuar a, Thlenga'n "tlan ang," tihleh chakzet a min tlanpui arual nghal.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:47 pm

Chapter - 4



Sangpuii te in pen sawm vel in kanla thlenglo ang tihah Thlenga chu thaw hlawp hlawp in ading a, akut dinglam leh veilam in akhup ah a in nem a athaw deuh hlawi hlawi, chutah za zet hian anui chhuak ta hawk hawk mai, hamhaih zet in ka en a "Sihal ú leh ruah hlaua patling han tlanchhiat mai chu a," ati a anui zui leh hawk hawk.





Ka harh deuh kãwk, ka zu in ni deuh chiai chiai ang pawh kha abo vek, mahni tãwka ramvachal inla pa ve tak huai leh hrãng lam hlau inti ngailo hi, zanin zet chu ka diklo, ka zu in vang vek ani ngei ang.






Ruah rawn tla fuap fuap pawh chu abãng ta daih a, Sihal erawh ràl lehlam ah anla ù ruah ruah mai, Makima'n "zanin kan awmdan mai mai chu(h)," ati hluaia keipawh chuan nichina thil thleng te chu mak ka ti ve tho; mahse, palzam tum in "haw teh ang u, ruah arawn tlãk leh hma in," ka ti a, zawimuang in kan haw ta a.






Mahni inlam ṭheuh panin kan haw a, kallama Sangpui chhungten Sangpuii an ṭawngkhum dan te chu hriatreng loh hram tum ka duh, kha hmeichhe tleirawl kha a pawnlam landan angmai alo nilo ve thei tho a; tin, sawihat kaichin tawh te hi chu an sawi angdeuh hi anlo ni duh cháwk.





In ka thlen chuan ahma vak tawhlo, ka in tifai deuh sawk sawk a, ka khum ah ka mu hmak, ka dangro lutuk vang in zing hma angreng tak ah ka harh, ka khumbula tui Bottle chu la in ka in khawlh khawlh a nizana kan lengho kan awmdan te chu ka ngaihtuah let a, eng emaw diklo awm anga hriatna ka neih tak tlat ni, Sava thla lo khawng ri phurh kha atak ni ngei in ka hria, nge ka zu in vang zawk ni ang. Hmanni ka ramvak haw pawh in ka hmuhtawh kha, nizan phei chu Sihal ala ú tak deuh deuh anihkha.







Hui pap in ka khum aṭang a thovin ka vaithang leh thangthlêng ka endik a ka hmangrim ve bawk nen siamṭhat an ngai ve pah bawk, vawiin chu inrinni anitho bawk a, tihtur em em a awmlo nen ka vak mai mai teh ang.






Chaw eikham ah muangmar in ka thang eng eng emaw te nen ipte pui leh ka silai nen ka in pu chhuak a, ka nu in "Mampui, Pãwlzu lo awk la ka ti emmai, ka ei chak," alo ti lãr lãr a, ka bu nghut.






Kan leipui chul ka thlen chuan ahma vak tawh lemlo, ahla ve bawk atin ni khua aṭanga KM 4 zân ani, ka thang ka kam ṭha te te a, helam chu chul tihtak ah kan kal khat bawk nen Sava lam pawh an huangtau tih ahriat, phur ru zet in "afuh viau dawn e," ka tisup a, Dizet a kan huan in aṭanga hnaite ah vahlah thang ka kam haw leh ang.






Dizet farm ka thlen chuan Vahlah awm na àwmtur leh achaw ei ṭhin bulah te chuan thang ka kam a, ahla lamah ka kal hrep tawh nen kam vat vat in haw tur in ka in tintuah a, kawng zaulo te te anihvang in ka pen thla chhat chhat a, kawng chanve dawn ka kaltawh ang tihah chuan kawng chhak lawk ah hmeichhe ṭawng ang deuh ka hria a, ka beng chheri emaw tiin ka kalsan.





A thlangdeuh ka thlenthlak chuan ṭawngri pawh ka hrechiang ta deuh, hmeichhia ngei ani, ka ngaithla chiang deuh a aw dang ka hretel miahlo, phone ahmang emaw ni aw ka tideuh a, a chãng in aṭawng deuh lãng lãnga achangleh areh vang vang a, a phun leh sep ṭhin awmdan atilai, "mai mai a," tiin amah hmuh tum in ṭawngri awmna lam chu ka pan a.





Rei pawh ka kallo hnathawh kawr ha in tu emaw hian Vawkchaw alo la malh malh a, ka thawm ahrelo nge ni ala ṭawng malh malh reng a, ka hnaih tâk deuh chin ah chuan a aw alawi rát dãn ah aṭap tel tih ka hrethei. Chuan tunge anih ka hria Sangpuii ngei ani, kalsan mai ka duh laiin "ka kal ta sa sa," tiin pawh ka tum ta zawk a.






Ka aw ka thian kharh a, ani pawh chuan alo hre ngei ani tih hriattak in ache lai atawp chata ading khawnglah mai, min hnungchhawn zawng in a dinga a hmelhmai awmdan ka hmulo thung.




Panphei in "Vawkchaw tur em ni?" ka tisup a, min hnungchhawn reng chung chuan "aw," alo ti nghat. "I va fel ve ila ngah dawntawh em?" zawhna ngah zet in ka tileh a, chutah ahmai tuai deuh nak nak in ka lam hawiin alo inher ta.






A mit asen deuh rãm a, chu erawh thup atum ve nasa ngangmai ka lam alo hawi tirha min melh bak ka mit ah min enleh ngam tawh miahlo. A vawkchaw laksa chu ka en a Changel bunghnih chu Paikawng ah alo dah a, Dawl leh Buar pawh Saiip khat ṭàn in alo indah diam tawh.





A mita enran chung in "tinge?" ka ti tehngawt a, a mitmeng lianzet buainak ka hmuh chuan ka zawhna awmze neilo zet ka hrechhuak, 'tinge iṭah?' Tih zawt ah ka inngai. "U Lawmzual," ati nghat a, ka mitmenga eng emaw awm chu a hmuhman kher in ka ringlo, umm, ka hming pawh alo hreve anih ngei hi, a hmuhloh lamah ka khisak.





"Vawk in vulh ani maw?" ka ti satliah a, dinreng chu ka ke alo kham ve deuhtawh nen a Vawkchaw laksa adahna bulah chuan ka silai dahthla in ka ṭhu ta a, "Umm, hei haw ka lo tum chiah a, enge itih ve zawk, ee Sava iveh ani maw?" ati lehnghal zat a, ngun zet in ka lo en thung. Nizan ani leh ani pasal ten an hauh kha ka hrechhuak a, langlo lam ah ka kut ka humruh ṭeuh.





"Keipawh haw ka lo tum chiah a, kan hawrual thei ang chu," ka tivat, a insiam nghal ta sat sat a, a phur chu arit dawn a ka hriat vang in a Changel pahnih chu laksak in ka pu a, a inthlahrung leh viau in ka ring, ka rinang ngeiin min hnial nasa viau, sawitur vak ka hrebawk lo nen bakah ka vak chau deuh nen eng sawi set set lovin ka silai ak in a Vawkchaw changel chu pu nawlh in ka kalsan ta nul nul.





A hamhaih aniang adingreng tih ka mitsir in ka hmu reng ka kal zel, kawngpui pawhna kawngte ka thlenthlâk dawn chuan "iva hmanhmawh love," ngampa zet in ka ti a, ka kal leh nghal. Ani pawh in "aw, ka lo kal e," ati a, kawng ka chhuahthlen hma in ka nghak ta a.





Nizan chungchang bawk chu ka hrechhuak leh eng emaw tak chu zawhchian ka duh ani, ka beng avir laklawh tlat, amah ka hmuhchin a amizia nen inmil lo ka tih vang ani pakhat bawk. Reilo te ah alo thleng ve a, Dawl lian zet zet Paikawng ah ahnawh muk ṭan a, achung ah Saiip a Buar athun kha a chherchhuan bawk a, abawr viau, 'tichung khan Changel phurh ila tum chu ani sia, engtia ken nge maw itum le?' ka ti rilru nang nang.





"Ka bul arawn thlen chuan minlo nghak animaw, min phurhchhawk daih sia," ati deh nang nang a, aphur atamtham nen a Paikawng chunga a Saiip chhipchhuan nen akùn deuh chhal a, ahmel awmdan ka hmu theilo.





"Ka hriatna che hi ala reilo viau mai a," ka ti ta sup a, a lo awmve ngawt dan hi hriatchian ka duh ani, Makima khan asawi nual na in ama ka ngei aṭanga hriatchian hi ka duh ani. A nui hak a, "nia ka lo awmna hi ala rei vaklo, nikum aṭang khan ka ni te hnen ah hian ka lo awm, Hrangchalkawn khua saw kanni a, ka nu hian nausen ka nih laiin ka pa nen min kalsan in pasal dang min umsan a, ka pa hian amah in min chawi seilian ani, a tir ah chuan ka nu ka pa nen an inneih laireng a pa afan chu ka hrethiamlo, alo hawleh tur a ngaihna te ka nei ṭhin; mahse, ka lo ṭhanglian ve zel a, thil chinchang ka hre chho a, ka pa chu ka lainat thei lutuk, amah maiin min enkawl seilian a ka pa kha chu ka hmangaih em em piahlam ah ka zah takzet ani," ati ta a, ka mengkawk.





"I pa chu a boral tawh animaw?" ka lo ti leh hmanhmawh "umm, nikum kumtir khan ka pa chuan accident vang in min boralsan ta ani, mahni inchawm thei ka la nihloh avang in leh zahpawh sawi lovin ka ni ka bel chawt anihhi," hnukulh ru deuh hian ati ta sap a, ka zawt chu ka inchhir lek lek.





Kawngah chuan kan kal zel a, boruak chu ani churh mai hian ka hria, sawitur ka hretawh chai silo, ka bul ami lah angawi daih si, ka lo zawt ta kher kher chu ka inthlahrung leh hnuhnawh, awmzia awmder silo, Nisat luat vang ni hauh silo in a uap ṭun maiin ka hria, kan boruak uap zet tihreh tum in "Sikul ila kal tiraw? Pawl engzah nge izir?" ka ti leh a, 'mipa ve si thu aduh e,' minti ru viau maithei ani.






"Pawl sawmpahnih ka zir mek," ati a, ka rindan vel ani, "chu irìm tlãk tawh anih chu," khisak in ka ti a, ngemaw ka zah lem ang le mipa alawm ka nih. Sangpuii chu ngawireng in akal a, kan boruak ṭangru zet tihbo tumin fiamthu thawhve niah ka inngai anui dawn emaw ka tia a thin ka ti rim dér ani lo maw, engmah sawi lovin ahma aia chak in akal ta hmiah hmiah mai, a thin ka tirim chiang nuamlo ka va ti tak.






A hma ah akal zel a, keiin zawimuang in a hnungah ka zui zel thung, tichuan kanin be leh ta miahlo, khawchhung kan luhdawn chuan ading dat a kalam rawn hawiin ka lo phur tawh ange," ati sap a, ka hnialduh biklo, nuamlo ka tiru miau ani. Ka Changel put chu leiah nghat in a Paikawng khatzet chu ka en a, "engtin nge i phurh anga i Em akhah vek hi?" ka ti a, hnawhluih chi pawh ni nghal lo chuan.





"Saiip kha hnuk thlang deuhla a khamphei zawng in Changel kha lo dah rawh," ati a ngawireng in ka dah. "Min pui a ka lawm e," tiin akal ta nal nal a, ka hawihil teh e. Lawmsangpuii mai mai chu(h).





Kan inlam panin ka chho a, in ka thlen veleh ka inbual nghal a Sangpuii nen a kan hawkawnga kan titi dan chu ka ngaihtuah let rauh rauh a, ka khawngaih ru ve ringawt. Ka inbual zawh hma in Bathroom kawngka lo kik dat dat in "Mampui, Thlenga alo kal hmanhmawh rawh," ka nu'n alo ti a ava lokal lái ve leh.





Bathroom aṭanga ka chhuah chuan thlanglam hawiin alo dãk vauh vauh a, i va rehve?" ka ti a, alo hawivat. Nui vur vur in "chaw eiah ka sawm che insiam rawh inu pawh ka hrilh tawh," alo ti vat, Sa lo chu ka eipeih hleinem," nuichung in ka ti a, ani pawh alo nui hawk.





Reilo te ah ka nu inchhungah alo lut a, ka insiam peihtawh bawk a, Thlenga inlam pan tur in kan chhuak, khawi ami nge Vawksa chu ineih?" ka ti he haw a, "Vawksa duhpa, sa dang sa a ingailo tlat hi imak," ati sup a, ka nui hawk hawk.





Thlenga in kan thlenga a kawngka in hawng hiai ka hmuh chuan chek tlak in "chhuahdawn chuan kawngka te hi lock ve tur," tisup in ka lut hmasa a, a chaw ei dawhkan bula lo ding vãng ka hmuh chuan ka ding dawt, enge hetah alo tihve Thlenga hian asawm ve em niang, zawhna mitmenga Thlenga ka va enlet chu adãr alo san ak ringawt.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:48 pm

Chapter - 5



"I lo thlengthei maw?" ati a ka bu nghut, ṭhutthlengsei ah ka ṭhu a, zial zuk tur ka ṭan nghal zat. Baby chu choka aṭanga rawn chhuak in ka bulah arawn ṭhu chat, anui sak a "thil pawimawh deuh hrilh tur che ka nei a," ati sap a, mengzau deuh kawk in "sawila," tiin ka hnaih ve sauh.





"Ih, englo ania," ati a hnuailam melh in alei aliak huh zoh a, a sawi hreh hmel a ngawihdeuh vang vang hnuah hnuailam melhkal chung in arawn hawichhuak a a mittui a tling pam mai. "Ka pasal hluiin ka awmna ahria a, minrawn kalchilh atum a, ka in afãl sia Sikul bãn veleh Thlenga bia in thil awmdan ka hrilha, alo remti hlauh bawk a, ka pasal hlui in minrawn hmuh hma in ka rawn tlànchhia anihhi," ati ta sap a, a khúr dar dar mai.





Nula emaw ka lo tia, nuthlawi alo ni reng animaw, mak ka ti ru kher asin, "tunge i pasal hlui chu engvanga inṭhen nge innih?" ka ti nghut, thawk la hak in a insût hraih a chutah "ka pasal hlui chu Jeremy ania Vairengte khua, Vairengte a ka thawhlai ania alo lengve zeuh zeuh ṭhin, ahmelṭha in a pian adikthlup a, minrawn rim ngun bawk nen keipawn ka duhṭan tih ka hailo, chuta ṭanga in kawp chho kanni.






"Atawi zãwng in kum khat zenzãwn kan in ngaihzawnhnu ah kan in ru a, inru ti ila min awmhnawh anihber chu, anu te'n kan chanchin an hriat chuan rawn kalin thil awmzia kanlo sawi a, ahnu reilo te ah ka nu leh pate hnen ah palai an tira, remloh theih pawh anilo, kan inrukthu kha an hreve vek sia, tichuan hun pawh rialrei lovin kan innei ta ani; mahse, kan inneih aṭanga thla hnihthum hnu ah chuan ngaihzawng neih a zu in a ching chho a, engmah hnathawh anei lemlo nen ka hlawh chu kan eibel anih chu, vawi tam ṭap chung in zu in tawhlo a ngaihzawng nei tawhlo tur in ka tifo; mahse, a sim duhlo ka hmangaih em avang in ka palzam zella, anu te hnen ah pawh engmah ka sawi duh lemlo, ala sim ve theihmai ka beisei ani bakah an fapa ania ṭanna chen annei dawn tih ka hria engmah sawilo leh rilru ipik em em in ka hna chu ka kal ve zel tho a, kei nitina Sikul kal chu chhuna a awmdan kìlkel engmah ka hrelo, nilaini chhun vawikhat chu chawhnu ah sports an tih thut vang in inthlak te te a kalleh tum in inlam ka pana inchhung ka luh chuan areh deuh dãk a kawngka a inkalloh danah ka pasal chu inah a awm tih ka hria, reilo te hnuah kan room aṭang chuan thawm ka hria a, chulam chu ka panding vat, ka pasal ngei chuan kan nupa khum ah hmeichhia sex alo hmanpui alo ni, ka kehchhe vek ka auchhuak ṭhat in ka hria, ka rilru na chu ka thidang ta hiala ka harh chuan kan ṭhenawm ho in minlo kìl bial ṭaih a, ka pasal erawh ka hmulo.







Chuan atawi zawng in ka pasal chu ka ṭhen ta nghala fa kannei lo bawka pawi ka ti lemlo, transfer ka kherh ngat ngat bawk, vanneihthlak deuh in hetah ka ta a, tihian kum khat èm pawh aral hma in minrawn pan atum leh ani, a pawisa neilo, hnathawk peih silo a pawisa bawm atan chiah min duh,"ati sap a, asawi chhung zawng amittui ahnãm ṭiam ṭiam a, ka khawngaih takzet.






A bianga mittui chu damzet in ka hrúksak a, a ṭap uar sauh, ka àwm ah arawn bei thlawp a keipawn lainat ru zet in a sam ah ka lo chùlsak ve, "i pasal chu mipa anihloh chu," ka ti nghut, mipa minva ti zak ve mawle.






A ṭah bãn hnu chuan, "engtin nge alo kal tih ihriat, i pasal hlui chuan arawn bia che em ni?"ka ti a amit ah ka en rãn bawk. "Vairengte a ka ṭhiannu in mawle, ka thawhpui te zinga ani nghe nghe, Jeremy te inbul mai ah a awm bawk," ati a, ahmel athlamuanloh ém a ka hriat vang in "i pasal ani tawh hleinem i lak ah thuneihna anei tawhlo hlausuh," ka ti a abu ve nghat.





"Mipa in phenna tur ka mamawh ani," ati zãwi sap a, a ṭawngzawi lutuk a, ka hrelo lek lek; mahse, keini pahnih chauhh awm kanni a thãwm dang awmlo nen ka hre mai zawk ani. Ka ṭawng hma in Thlenga arawn lut a, Maiin tel khat arawn khailut zan zan a, "bai ang u," ati a Baby atho nghal vat.






Chaw ei hma in Thlenga'n a room ah min kailut a a Wardrobe ahai ri ruk ruk a Whisky arawn phawrh nulh, nui vur vur in ka panding a a Laptop dawhkan ami chu a khum ah ka dah a, ka ṭhutchilh vat dawhkan hnuai aṭang in Dispo no pahnih arawn la chhuak a, vawiin lamah alo la thar tih ahriat, nizan lamah akawlsa kan in zawhtawh vang khan zanin chu nghei tur ah ka inngai ania bur khat ṭàn ka hmu chu ka lawm vur vur asin.






"Mipa chu nilo la ka chucks ang che bro," a beng bulah ka va ti sur sur chu, "ngawi mairawh benghmul," ati a, nui huk huk in kan lem dun a; mahse, no hnih chiah kanin thung chaw eitui nan a in kan nih mai chu, bakah Baby a awm ve reng a, anuam lo Thlenga tan tak pawh.






"Lo chhuak tawh ula," Baby'n arawn ti lãng lãng a, "a riak ve dawn ami?" ka lo ti he haw, chutah hniakphawi miahlo hian "zuihaw che atum mai," nui huk huk chunga atih chuan ka melh nghek.






Khua pawh athim ṭan a, unau hmelhai antih lai vel niin ka hria, chaw eipawh ahun ṭan kan inbãng chu alãkna ngaiah ava thukru leh sat sat a, "anam khuchûk lo tur ah ngai ang, a hre deuh tho na in," ati a, kan chhuak pheita.






"Makima i sawm ve lova," ka ti a, "a zin daih alawm," atimai. A hma in Makima nen hian kan inkawm hran ngai lemlo, hmanzan tawhsual ka tawhzan aṭang khan kan inkawp ve ṭan kha ania, afel a kawm anuam phian, Thlenga pawh hian angaina viau chuan ka hria.





Choka ah kan phei tlanga, Baby chuan chaw ei alo peihvek tawh chu niin dawhkàn laitaka Vawksa thau ṭha zet achhuma chhum ngei Anṭam thlak ngei mai chu, 'ka lim nghek dawn che,' ka rilru in ka ti a ka ṭhu nghal chat.





Mikhual nula chaw kan eipui tih theihnghilh ṭhak in chaw kan load hnem nia, chaw eitui nan amanto ngat kan han lemsek nen in charge ṭha tak ani.





Chaw eikham reilo te ah ka pa in minlo call a, ka lak chuan lo haw har suh ang che, ati a adah zui daih. Dar 8:00pm arik chuan Baby'n haw aduhtawh thu asawi a, "naktuk naupangho test tur ka pe a, question in enlawk ka ngai sia Baby min hrethiamla kha Lawmzuala'n ka thlah ang atih che kha," Thlenga'n ati sup.





Kan chhuah dawn chuan Baby hriat thiamloh tur a min signal zoh in "golden chance," hmuiphun in ati sup ṭhin, ava chimawm tak, Baby kha ka lo enchiang lova a Sikul kal thuamhnaw nen vek ala ni a, Jeans kekawr pawh aduh mar ṭang ṭang khawpmai, a kekawr hak chuan abawp lianzet ati lang lian zual a, mipa tan phei chuan enkàn harsa teu teu tak ani.






Kan chhuak a, kan in leh Thlenga in chu a inhlat lo ka tihkha kanin engvah pawh ka hmu thei, ka pa khan min rawn phone ve khiah sia awmchu anuam vaklo, ka pa hi chuan mi hi abe zen zen ngailo atinni.






Bazar sed kan thleng a, Baby chu a ṭawng barh barh a, a changleh min enleh zoh ṭhin, kalkawng en in Baby ṭawngchu ka ngaihthlak sak ani ber, "good evening miss," chu aw ka hriat chuan ka ding dawt a, ka hawichhuak vat. Lawmsangpuii chuan nui var var in Baby chu alo en a, tun ang hun ah hetah lehbawk, chawhmeh azuar lehtawh emaw nile.





Sangpuii din na piahdeuh ka en chuan Samṭawk Bawngbawn tihvel alo zuar leh chu niin, chawhnu ah Vawkchaw tamzet ala tawh sia a chauh te pawh hi achau velo emaw nile, Baby nen chuan reilo te an inbia a, Baby pawh in afuih ve sauh sauh in ka hria, a chawhmeh a leisak ve nual bawk.





Baby ka en a, khawpui nula lehkhathiam tihtak ah a polite in afel em em a, ala nalh tel zui. Sangpuii ka enleh a tleirawl hmel chhelo tak, inkil tawih tina tak, ama rualah amah anga fel an awm lo, ti ila ka sawisual tampui in ka ringlo, an pahnih inbia chu ka entawn chhen a, ka rilru abuai, tunhnaia ka hmeichhe hnaih awmchhun leh ka biaktam pahnih te anni a; tin, zeplo ah chuan hmeichhe en pawn ka en ve ve; mahse, tunge ja thlan zawk a tunge keimah ah tlana zawk le ka ka rilru abuai a, keimah chu ka inten ru kher asin.







Sangpuii chu ka en a abiang atâi leh têk a, a sam aphelhphang bawk, a Paikawng phurhna avang ani leh chiah ang, tichung hian ahaw hun ah lehkhazir te ala ngai àwm sia, board exam tur ala ni cheu ka va mangan pui ve le.






"Kan phei dawn chuan i haw ve nghal dawnlo em ni?" ka ti a, a hmui petsawi zeuh in "ka u ka nghak a," ati a umm, tunṭum chu amah chauh ani tawhlo a azia tak a awm ang, Baby inlam panin kan kal leh a, Sangpuii te inpiah Baby te in thlenhma si hmanzana sihal ú vak na leh sava thla khawng ri phurh ka hriatna hmun, kan thlen chuan hmanzan kha ka hre chhuak lo theilo, hawlam chu eng èm kan táwklo tur ah ka ngai.







Hmeichhe bulah èm chuan ka hmuhchian loh ka hlauh thu sawichhuah chu tlawm ah ka lav a, rilru anuam vaklo ngaih saklo ru deuh in ka hawilet zuk zuk nia, ka va dawi ta ve. Ngaihtuah zui duhlo in






Tunah hian i pasal hlui chu i in kawt ah lo awm ta kur se," ka ti a ka nui pah bawk. Tùm bãr in "i hnawt haw mai aniang chu," ati sep, "inpa hlui te chu kan ngam nãng," ka ti a, a rilru ka hreduh pakhat atinni.






"Ka ṭan awkawnglo, awmlo mahse pawipawh ka tilo," ati zawi sap, a in chu kan thlengthla a, ka zawnrûk vang nimaw tumah phei chu ka hmu hranlo, ka awmdan teh hrep chu a, mi buai na ah ka in hnuklut ringawt ang tihpawh ka hlau hlel love.





Inchhung kan lut a, Thingpui alum nghal zat, in a ṭhutkhawmuan em em pawh ka tum tawhlo asin le, a thingpui chhuan hlan in ava inthlak a, arang viau a zawh veleh ka bul ah arawn ṭhu chat, "i hlau em?" ka ti ngial a, "hlau ta ila," mitmeng de sawr sawr in ati a, fawh cho zet in arawn dãk chho vah bawk, a hmel hi chu aṭha chiang alawm.





Mipa alawm le ka nihle tiin arawn dãkchho vah chu ahmui ah ka fawhsak hmiah, ani pawn min chhanglêt ṭha kher asin, minlo duhru takzet anih dawn hi.





Reitãwkfang kan in fawh hnu ah kan in thlah a,Thingpui asiam a, ka in vat vat, ka hmanhmawh ru deuh hlek, thingpui ka in zawh hnu ah rei ṭhu lovin ka tho a, kal nghal mai tum in ka ding a, ani pawh arawn tho a, ka kãwng ah minlo kuah chat nia, ka hamhaih deuh nen ka dingtawp.





"Ka pa in minrawn bia a, ka va haw ange atlai hma in," ka ti a ani pawn sawibuai lovin min thlah ve nghal zat. Ka kal nghal a, kawrruam ka thlen chuan ka rilru in "helai kawng reh lutuk hi chu aw," ka ti a, "Mipa nge huaisen ramhuai," ka ti a ka kal miah miah.






Sangpuii te in ka thleng a, ka in phelzawi huai nia, an in ka kalpel a, Sangpuii ka tãwk leh chiah, min hrelo ang maiin hnuailam bih in min kalpelh mai atum a, "i ṭha maw?" ka ti hram. "aw, ka ṭha," ati ve sap.






"Miss Baby khi afel ka ti lutuk," tisap in chakzet in an in chhungah alut ta daih a, chawp leh chilh in ka rilru anuamlo ringawt nia mawle, a awka ah khan thîkna ka hretel thàna ka hriatni, ka ngaihbel vãng nimaw. Nuisuk in kan inlam panin ka kal a.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 11th, 2022, 2:48 pm

Chapter - 6



Kan in ka thlenga areh leh dûk mai, inchhung ka lût chu ka pa hmel nelawmloh zet ka hmachhhawn ta ràn mai, a mitmeng alh phat leh rum ùl aṭang chuan lungawilohna anei tih ahriat a lawmlo hle tih alang, engvangtak nimaw ka nu ka en a minen lovin hmalam a en ngar bawk si, ka zu in ve sek nen ka ding zum dúk mai.






Pa, enge nita?" tiin amah hlatru tak si ah chuan ka ding ve ràn a, ka zu rim a hriat ka hlau ve miau alawm, ka in ṭhin tih hretho mahse, palzam leh namnùl lutuk a an hmuh laia lo ruih viau kha ka duhlo.





Ka ṭawng ahriat chuan a inthlahdul ve riai riai a, a mitmeng thim raih a thil awm chu ka chhiarthiamlo, a aw a thian ri khak a "i nau zanlêng chhuak Hmarveng tlangval ho nen anlo inti buai a, misual ho chuan nangmah vanga inau chu sawisa niin an sawi," a ti a, a aw khurh nasat danah a thinrim hle tih ka hrethei.






"Enga!?" ka ti nghek, awiawm loh lutuk keimah avanga ka nau lo sawksak ngawt nachhan tur ka hre awkawnglo. Thilsual leh mipawi ka sawi ka hre heklo, ka nu chuan "a room ah amut khi amah khi va be rawh," alo ti deuh ṭiau a, ka nau room ka pan vat.





Ka nau chu khum ah puan sin lovin alo mu bãm a, akut dinglam lukham in akut veilam achal ah anghat zuar bawk, ka penphei pãwk a a khum tlãngah ahmel hmuchiang thei tur in ka ṭhu thla vut bawk. A hmel ka hmuh chuan chawp leh chilh in ka thinrim nghal, a mitko avung búr a, abiangki aduk chur bãk ah ahmai ah hmeichhe hamna niawm tak in apilh nian a, ahmai a chhahbúr ti ila adik ber awm e.






"Zothan," ka ti a arawn meng duar duar "engvanga sualrawn che maw annih, tute nge annih a?" ka ti nghut a, ka awki pawh anèm fahranlo khawpmai, ka nu leh ka pa pawh anlo lut ve vat, "IB thlang thimlai ah khian mi pathum hian minlo phar dinga keipawh ka ding ve mai a, lo chhuk lawk rawh, an tih vang in Bike hungrem in ka chhuk veleh maia, eng sawi set set lovin pakhat chuan ka bek ah minrawn hnek nghal a, khatia arawn che thut kha ka hamhaih lutuk; mahse, in thingharh in ka hnek lét ve a, chu veleh a ṭhiante pahnih chuan min rawn khawihrawn leh ta ani, pathum anni bawk si a, kei pakhat ringawt tan chuan chét hman ngaihna a awmlo, insualmi ka nilo bawk nen ka zal dér ani," ati hap.






"Chuan," ka lo ti nghut, "zawihnawk a min sawisak hnu ah pakhat chuan 'i u hian anihna hre rawhse, chuan he thil hi warning ani tih lo hrethiam bawk rawhse,' ati a, U enge itih a?" atih zawmzat. Ka nau awhna chhãng lovin ka pa lam en in "damdawiin lam pan aṭul lo em ni?" ka ti a, a khabe tuai puat in alu thing a, "Bazar venga health worker kha kan ko chho a, tikhan azia mai tur ah ka ngai amah pawn chhunglam na anei lemlo," ati a.







"Tu te nge annih i hre thei em, emaw i hriatzawng an awm em?" ka ti leh a, alu thing nghut in, "a thim èm a an hmel ka hmu theilo, pakhat erawh kha chu a aw kha ka hriat hnu ang ka ti deuh," tiin chunglam amelh vang vang.







"Engpawh nise thil anih tur ang ani vektawh bawk a, engmah tihve aṭullo ang, Lawmzual, eng emaw lo tihve te kha ilo tum ngawt ange," ka pa chuan ati a, a hmuhloh in ka ner sak. A chhuahpah chuan "minlo zuilut rawg," ati a akal liam nghal daih.






Ka nu in Zothana a buaipui bawk a, ka nu leh pa te room lam panin ka kal ve nghal, eng emaw min zãwt in min zilh leh ngei dawn tih ka hria, chhanna pêktur erawh ka hrelo takzet ani. Phûrlo fe in ka kal a.







Mutthilh pawh alang meuhlo, ka room ah ka tei vut vut a, Zothana'n sawisak rawn atawk chu mak ka ti, keimah vang nikhan an sawi a, keimah vang nise engnge achhan ni ang, achhan ni thei tur lah chu ka ngaihtuah ngial pawn ka hremai thei lo.







Baby-i ka ngaihtuah chhuak thut, ani vang hi ani thei angem, tlai chaw ei lai pawh in a pasal hluiin alo tlawh tur thu leh inphenna tur mipa a mamawh thu asawi tak kha, Baby pasal hlui chuan eng emaw hriatruk neiin kei minlo bitum ani ngei ang; mahse, kei min kal kàna ka nau chunga aṭuan chu amak ka ti. Kei min hmufuh lo in ka nau chungah aṭuan ani thei angem? ka ngaihtuah chianga tlaia Baby thusawi nen khan ka hmehbel lo theilo, hmelma ka neihàwm ka hrelo atinni, chubãk puhtur ka hre tlatlo.





Baby ka ngaihtuah chhuah tãkah chuan vawiin tlaia chaw eia alo kal ve ngawt dan kha ka la hrelo, alo tlanchhe tak tak emaw ni; mahse, zana haw kha ahreh leh chuang hauh silo a, a pasal hlui chu hlau tak tak nise amaha awm kha hlau tur anih zawk nen. Thlenga rêng pawh hian enge maw ahriatni athil tihdan hi min hmehbel atum deuhreuh in ka hria, ka iai lemlo na in rilru chhungril ah hminlohna riau ka nei tlat, midang hnen ah sawidawn ila sawichhuah tur erawh ka hrechuang hauh silo.






Zing dar 1:00am thleng ka menga ka ngaihtuah nasa ngang ani, engpawh nise Pathian kannei a, thudik chu hun in ala rawn herchhuahpui em em ang tih ka ring tlat.





Ka mu a mumang makdeuh ka la neizui, tu emaw nen hian hnim hringdup hmunah kanlo awm dun a, chu hmuah chuan mihring dang anaawmve ngailo emaw tihtur in mihring hmel leh thawm ri va hriattur avanga ahmun chu afai in nuamtak ani, chulai hmuna ka awmpuinu chu Baby alo nia; mahse, a aw erawh Sangpuii ani daih thung, maktak ani; mahse, chutia kan awmdun reng lai chuan tu emaw hian aduhlo chung in achhipsam aṭang hnuh haw alo tum a, Baby pawh aṭang nasa aban rawn phar a min rawn en kiau in 'U Lawmzual,' ṭap ṭiau hian arawn ti, zing takah ka mumang vang chuan ka harh hlawl ani.





"Ka mut hma a thil ka ngaihtuah nasat lutuk vang aniang," ka ti ringawt. Vawiin chu Sunday ani bawk a, nizan ka mutam lo nen mut mai mai ka tum deuh, inkhawm erawh ka tumruh ve viau. Nge 'inkhawm lovin ka nau ka awmpui zawk ang aw,' ka ti rilru nuah nuah.






Thlenga'n inkhawm tur in minrawn sawm a, keipawh inkhawmloh tawp chu tiin ka insiam, ka insiam zo sitting room a ka chhuak phei chu Thlenga'n "i lu kir dan kha i zuah buk mah mah ṭep," ati a, ka nersak "mipa sam anihhi ti hian style vak angailo," ka ti a, ka nu in thawhlawm min pek hnu ah biakin lam panin kan chhuak a.






Nizan a Zothana'n sawisak atawh dan te ka hminga anlo vau dan te, pakhat mai nilovin pathum in an khawihrawn dan te chu kalpah chuan ka hrilh ve malh malh a, mak ati hle ringawt, "ava mak ve," akhãt tãwk in ati leh hluai ṭhin, nia keipawn mak ka ti Baby pasal hlui ka rinhlelh thu erawh ka sawi lemlo, amah hmutawh leh hria azeng pawh ka ni lova lo puh ve ngawt chu dikin ka hrelo ani.








Ka inkhawm tluan ve zak, a tawp khãrna hla ah chuan ka hla duh deuh mai leh min dek em em ṭhintu hla ngei chu kan thu hriltu in a thlang a ka lãmchhuak teuh asin aw. Inkhawm ban chuan Thingpui an in sap sap a, kei zopa hian Thingpui hi chu ka hmaih phal reng renglo, lãkve tum in Thlenga nen kan kal a.







"Sir, i hmanhun ah ka record bu min enpui thei la ka van ti e," inthlahrung taka titu lam chu kan hawi a, Lawmsangpuii ani, kan bulte ah alo ding ve ràn chu niin Puan plain peach rawng leh kawr ṭhui mawltawp simple deuh aha bawk a, asam sei angreng tak chu athlah hnianga ava mawi reuh tak, Thlenga chuan "tinge a, thiamloh inei em ni?" alo ti a, Sangpuii abu nghat.







"Awle, i remchan hun hun ah minlo pan dawnnia, ka hman reng aw," damdap in Thlenga'n ati ve bawk. Lawm hmelndeuh hian anui var var a, amit ah tak ka en chhukràn, a nuih záwnga a bianhsum lang kalh leh aha uingho zum mawizet langchiang em em si te chuan ati hmelṭha ka ti, ka en vawng vawng nia.







Ka mit ah minrawn en a, mitmenga thup buai nei hauh lova ka lo enreng tih ahmuh chuan amit ala sawn vata, a hmai asen nghal vek, Thlenga nena ṭawng anni bawka aṭawngchhuah zawng te chuan ahmui akhur thei nia. Ka enchik lutuk chu ka inthiamlo lehsi hmundang ka hawi daih.







Khawi aṭanga lo kal nge tihpawh hriatloh in Baby arawn lang ve nawlh a, ani hi zawng nula pianfuh tihtak ah a nalh lehpek viau, ka hma ah arawn ding a, a tùm deuh bár, "ngaihsak lo si," midang hriatve loh in ati zawi sap a, ṭhiante awmve lohna lam ahawi nghal daih bawk.






Sangpuii'n an miss chu alo be var a, rinai daih hian henau hi afel ka ti ṭhin, mi biangbiak athiam ka ti amah naupang viau hian aṭawngkam erawh a felfai thlap zel.





"Taka, Advertisement an chhuah tawh asin chawhnu khan, nakin ah ka rawn thawn ang che," ati a, ka nau chungchang a hrelo ani maithei, ka hmuh hian ka haw ru deuh tlat, thu chiang hrelo mah ila, amah lo puhtur ka hre tlat silo; mahse, atana biak hrehawm lutuk a lo awm run erawh a tumlo.






Tleirawl nulat tlangval hrechho ṭan ho chuan minhan en duh hlawm khawp a, tleirawl ho lah chuan lai fe fe in minlo melh zak zak a, rawlthar lam nise Baby chungah an mit a fu ṭhup a, remlo chunhin kan lam anrawn kal a, kan zawn an rawn thlen in arawn khuh deuh kher zel, anuam ve ania.





Kan din chhungzawng Sangpuii ka hmu leh ta miahlo a, ka lo zawngru ani chêk ang chu, 'tleirawl zùn ah maw i uai dawn a Lawmzual, i tlinrei meuh angem? amah pawh ila hrechiang silo,' ka ti rilru a, Baby ti ti pawh ka ngaithla liam tawp.






"Sunde Sikul ka kal dawn silo a ka haw maidawn," ka va ti sur sur a "keipawh ka hawdawn," a rawn ti, Baby a ṭhiannu in alo koh vang in akalsawn a, a awmloh hlan ka chãng ani deuh mai. A khual zawk e tilo hian mi hi akhualchei deuh tlat zel zawk a, bakah tun atan chuan hnaih tamloh ṭha ber in ka hria.








Inlam panin kan haw a "Makima hi ala zin reng em ni?" ka ti a, thãwk khatlai kan inkawm avang khan keimah tak pawh hian ka mihrang enlo, kan ṭhian zinga mi ah kan ngai ve hmiah tawh. "Aw, a inhlawh an tia, a awmrei hle mai," Thlenga pawn ati ve mai, ani hi mistiri helper ah aṭang ṭhin a, pawisa pawh anei nual in ka ring, mi hnuaia ni sensa tuara inhlawh ai chuan mistiri zui te chu hlawh aṭha daih zawk bakah an hna hi hna hrãm a awm ngai lo, inchhungdai ani zel.







Dawr ah zial lei oah kan duh vang in inlam pawh kalzui lovin dawrlam kan pan a, ahla vaklo dawr kan luh dawn chuan asir kil aṭang chuan eng emaw aran ri rawk rawk a, kan hawi vat mipa thinrim in hrosa thawm rawn chhuak in hmeichhe aw tliangral hian tìmna awm hauh lovin arawn haulet.







Chutah, mipa tleirawl hmelchhe lemlo tak hi chu pindan angreng deuh aṭang chuan arawn paichhuak nawk nawk a, "zawngi i chaklo ang ve mai mai ache," arawn ti chhuak nghut nghut a abek athi ser ser a lungawiloh hmel hle makti zet in kanlo en, chutah thingzai bung keng in Lawmsangpuii ngei mai chu arawn chhuak ta, asam ahnawk deuh niai a, a kamsir athi deuh sar sar ka rinloh lutuk a arawn chhuak nawlh chu mak ka ti hle, ka ang phuau ngei ang; mahse, an hmelhmai landan ah thil awmzia tur ang chu ka hrethiam ruak.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)