NOT MY TYPE BY Esi Taylor (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: NOT MY TYPE BY Esi Taylor (Completed)

Unread post by Ngaia » September 18th, 2022, 9:15 pm

NOT MY TYPE - 7
BY ESI TAYLOR


...



.
Inngaihtuah buai zet a ka ding chu "ka nghak che a nia" arawn tih avangin ka harh leh deuh zawk


Rang zet in ka pan a, engvanga min fawp ringawt nge anih zawh ka duh a, mahse kan school naupang thenkhat haw mai peih lo ho te an rawn kal ve avangin an hriat ka hlau bawk si.



Ani lah chuan engmah ti lo leh, engmah thleng lo ang mai chuan min bia a, kan bul a naupang ho kal ve te nen chuan an inkawm pah bawk .



Keimah chauh hi emni rilru buai awm a?


Kan in pen san dawn chuan "thlah i ngai lo maw?" Nui deuh chung hian a ti sup a, ka run tawk a tling


"Khua a eng tha emai ngailo mairawh se" ka ti tha ve mai, ka rilru a ti buai thiam emai mahni a inngaihtuah phawt ka ngai


"Chhan lawk in..." A rawn ti leh avang chuan min fawh chungchang sawi a tum anih ka rin avangin in thin phu deuh dawt dawt chung a hawi let in ka en ha a "aw enge?" Ka ti sap


"Feh chu i peih angem?" A rawn ti daih


"Aaa... Miriami ka hrilhh anga apeih leh peihlo..." Ka ti nawi niai



"Ummm peih tum rawh kan kal dawnnia" a tih leh chuan ka bu deuh nghat. Chhang tawh lemlovin ka kalsan nghal hlawk hlawk.


...


Mu thei lovin ka tal sek a, ka biang a arawn fawh ve ngawt chhan kha zawh ka duh a, mahse khami vang maimai a buai viau anga min ngaih ka hlau tho bawk si


Mahse ....


Ka rilru put ang tho hi a pu a ni thei asin, pu ta se remchang hmasa ber ah min duhthu a sawi maithei, nilo se engvangin nge min fawh ve ngawt ang?


Nge ni a, ngai ho lam tak in min fawp zawk? Anih chuan a tlawmthlak a, thinrim tur ka ni?


Zosangliana chet dan chuan min ti mutui hlawl lo.


...


Office a kal tawh lovin field ah ka tlang nghal a, ka thlen chuan tan tum in an lo in line mek tawh. Nizan ka mutthat loh em avangin thawh ka hai pek a, sawpa vang vek sawn alawm, alo la nui sang zui a.



Inbiakfalna hun awm hek lo, ka rilru ka kawm leh melh melh thin, sawi chhuak tu nih ka hreh ve tum hrang bawk nen, a vawikhat na a nibawk a, ho lam tak anga ngaiin ka ngawihbo pui phawt ang tiin thuthlukna ka siam kha ania. Mahse a har khawp mai.


Naupang ho chu an tang bawk a, an in au el ve nasa khawp mai


"Kan house te chuan Sir Josepha kan nei a, kan head ai chuan a in fit daih zawk..." Blue house ami in a tih chuan kan hriatphak avangin kan lo nui hak,


"Sir Josepha te chu a ho e, Miss Chhani kan nei ve tho" pakhat in a ti leh


"A in fit lo emai" rang zet in ka hawi phei nghal zawk, ka thawhpui ten minlo nuih tiah tiah, an thusawi kan hrephak tihlah an hre silo


"A infit reng"


"Miss Lianzami nen an fit dan a in ang reng"


"Mahse kan miss te ah a hmeltha ber tho" a tih leh chuan ka lo sen deuh ap ap


"Hmm Hmeltha mahse miss Miriami pawh a tha ve tho"


"Kan khua ah chuan Miss Chhani a luck ber aw, star tu pawh kan hre teuh tiraw?"



"Dik chiah" an lo ti tliar tliar a


"Eu kan va luck awm ve" Sir Joseph an a rawn ti nghal sup, ka lo ner nak ringawt


Lawm hmel deuh anga lan hreh viau mahila chutia Sir Josepha awm lai a an sawi chu nuam ka ti ru deuh tlat.


..

Miriamin feh chu alo peih hlauh a, ka lawm dan chu! Kal chak viau mahila Miriami tello chuan ka hre tlat a tinni.


Kan kal dan tur te kan sawi ho a, "Annie a rawn kal ve dawn em?" Ka rinloh lutuk a Miriamin a tih chuan Sir Josepha ka en rang hle



"Engatimaw?" Arawn ti hu


"Akal dawn chuan kan tan anuam dawn lo a"


"Kal dawn lo e" a ti leh sup. A tih dan teh tawl chu ka lo duhkhawp lo "engvangin nge a rawn kal ngawt ang " a tih deuh tal te ka lo beisei a


...

Sir Josepha te inbul ah Miriamin min lo nghak a, keimah a ka luh zak avangin minlo nghak tang tang, ho a ti khawp lehnghal.



Kan luh chuan "ee miss Chhan i kal ve peih tak tak maw?" Nu Siamtein alo ti nghal vat a


"Umm a chak awm ve a..." Ka chawl dat a, sawi zawm tur ka hre mai lo


"Apuian kuhva a lei leh lawk anihkha" Sir Josepha'n choka lam atangin a rawn ti lung lung


Inchung atangin Tetei (sirJosepha nau) a rawn chhuk a "enge i tih dawn?" miriamin a lo ti nghal



"Ka hrelo le, insuk ka tum a..."


"Lo kal ve la" ka lo ti vat


"Nia, lo kal ve la"Miriamin alo tih leh chuan a ngawi deuh vang vang


"Ujo ka lo kal ve dawn?" Choka lam ami chu ava au nghal, Ujo maw? Khatiang chiah khan Annie pawh khan a ko tak a sin.


Ujo tih chu mawi ka tilo, ka ko ve lo chiang khawp ang. Ka thil lo ngaihtuah leh hmanhmawh chu ava tullo tak.



"I peih te chuan" pakhat lah in a rawn ti


Phur hmel zet in a nu a en leh a, "i thu thu lawm" a rawn tih tak ah chuan lawm hmel zet in a pindan ni awm tak, kan thutna sir a kawngka awm ah chuan a tlan lut zui nghal


"In va rei ve..." Ti nghekin Apuia a rawn lut a, silai keng hian mipa pakhat ka la hmuh ngailoh a rawn lut tel


"In vau a sanghal chhuak chu keiman ka zu kap ange" ring angreng deuhhian a rawn ti nghal lawng lawng


"Khawi ah mah nang khan i kap lovange?" NuSiamtein nui hak hak chungin alo ti thuai


"E inla kal nange?" PaDinan (Sir Josepha pa) arawn ti lut a min hmuh rual in "e kha MissChhan i dam maw? Kan va inhmu khat ve" arawn tih zawm leh


Nui sang chungin ka lo chhang nghal vat, enge mark ka tihthat em em angai tlat alawm, an monu pawh ka la ni maithei asin.



Mawl inti zet in ka inhau leh rih


"Tetei insiam an la nghak anihkha" Nu Siamtein arawn tih rual rual in "kan va nawi dawn ve aw" Apuian a rawn ti khauh


Pawr zet in Tetei arawn chhuak a, Miriami nen tangrualin Apuia an hnial zui lawng lawng chu en in ka nuih a za hle


Zan lam ah ka chang angchu ka tia, ahnuhma tharlam te a awm chuan rawn belchiang deuh ula" kan kal dawn a Padinan atih chuan ka lo hrethiam ve vaklo.

....

Apuian an pickup a keng dawn hi alo nia, a hma seat ah hmeichhe pathum te chu kan inhnawh a, ahnung ah Sir Josepha leh silai keng pa kha an ding bawk


SirTpa te lo kal kawng bawk ah khan kan tlan a, motor kawng atanga kan pen hnu chuan a sawt tha bawk a, kan in nek nawk nawk mai, kan nui leh hak thin.


Silai keng pa ka tihkha Miriami min hrilh dan in Uthaa sirJosepha te thenawm pa ani a, nupui anei a,fa anneih hma in an inthen ani awm e. A pathlawi na pawh kum2 ani tawh a ni, min hrilh kim khawp mai.



"Akal theih chin chu kan thleng ta" Apuian atih chuan rang zet kan chhuk nghal. Tunhma in a motor khalh emaw pawh ka la hmuh ngailoh avangin kawng a chhe bawk nen, ka ring vak lo ti mai teh ang, pickup lah a lo tawng ve deuh tawh bawk nen kan chuan chhung zawng khan ka tang ul a, ka hah vek.


...


"Heihi kan lo anihhi" Apuian a tih chuan thlang lam pang chu ka en vat a, ahma lo ang tak khan buh te chu an hring tawh lo, an lo eng vek tawh, seng a hun hnai tawh tih ka hrethiam ve mai.


"Hengho hi ami i phurh haw tur chu" Sir Josepha kawhna chu ka en ve vat a, dap leh mau engemaw zat hi kawngchhak lam ah an lo ding fur mai


"Engtur nge?" Ka lo ti vat


"Ar in tur, ar atchilh a anihkha" Miriamin a rawn ti vat.


...


Apuia te lo atang chuan kan chhuk thla a, khua a lum deuh avangin lui thlen hlan mawlh chu ka lo nghakhlel.


Ka ngaihbel nge ni Uthaa lah chuan min ngaihsak riau a, ka bul ah hlir a kal bawk nen, ka awm a ti nuam lo ru riau.


"Chawl phawt ang u" an tih avangin SirJosepha te thlam ah kan lut a, an lo chu zau ka ti lutuk


"Buh pawh keini ai chuan inneih that dawn hi" Apuian a tih chuan an buh te nen khan an in ang vek hian ka lo hre leh pek.


"Thingpui sen lo lum rawh u" tiin vau lam Sanghal achhuak an tihna endik tur in min kalsan a, mei han chhem vel ngaihna hre ve hek lo Tetei leh Miriami che vel chu ka lo thlir deuh tawp.



Ka rin aiin an rei phian lehnghal, darkar khat dawn an thang hnu ah an rawn let a, an thusawi chu ram lam tih tak ah ka lo hrethiam lo thei khawp mai.



Thingpui an inzawh hnu ah kan inzui chhuak leh a, kan chhuk ngar ngar avangin haw leh lam hahthlak dan tur hlir ka ngaihtuah.


...

Tui luang ri ka hriat chuan hlim zet in "kan thleng dawn ta" ka ti hliai a, an rawn nui nghal hawk hawk


"I chau em?" An rawn ti nghal tliar tliar a, ning hmel ka put bik ka hlau leh hnuhnawh hle.


Lui kan thlen pawh chuan ding mailovin kan kal zel a, ka hrilhhai lek lek


Tetei akal hmasa ber a ,Apuian a dawt, ka hma ah Miriami a kal a, Uthaa lah chu ka hnung ah zel a kal "ka chhawm ang che" ti tlat miau hek


"Kan thleng tep tawh ania" hnung lam atangin Sir Josephan a rawn tih chuan "engtia thui, lui kan thleng tawh tho sia" ka lo ti vat


Henglai ah chuan man tur an awm lovang" arawn ti leh



"Khu ka hmu" ti hliai in ka bul a tui tling tam vak lova sangha te reuhte chu ka kawk va a, ka hnung a rawn kal Uthaa lah a nuih a za nasa em em lehnghal a ,


"Henglai hi chu a kawr a te a, tui pawh a tam vakloh hi , khu lai lawk atang khu chuan a aia lian kha i hmu mai ang" a rawn ti tha veleh a



"I rahna tur kha en chiang rawh, anal ania lung kha" Sir Josephan a rawn tih chuan ka ding chiang hle.



"A huh lo lai lai kha rap rawh" a rawn ti leh

....


Kan kal tumna ber kan thlen chuan dar 11 a pel hret


Lunglian pui pharh diai chung ah kan innghat a, nuam ka ti lehpek hle.


Tui pawh atam in dai ngam lohna lai tur te min hrilh nghal zung zung, tui chen ka thiam avangin ka hlau vak lem lo thung.


Meichhemna tur leh a tuah tur te siam in an lakhawm zung zung a, chet ngaihna ka hriat ve loh avangin ka lo ding mawl tawp


"Kaikuang i ei duh em?" sir Josephan a rawn tih chuan "ka favourite alawm" ka lo ti nghal var


"Ka man sak teuh angche" a tih chuan ka hlim ve hle.


"Khawimaw i hnung a kha mau hnah" ti sup in ka hnung a thil awm chu ala, ka lo lai lehpek.


...


Mipa ho chu li thlang lam ah an kal a, kan hmu phak tawh lo,keini pawh in kan bul vel a chengkawl chu kan lo khawrh ve a, kan ri chel chul mai


"Chhan khalam ah kha chuan kal suh" Miriami hlauthawng hmel ka hmuh chuan ka nui deuh hak


"Athuk lutuk anti ania i dai sual ang"


"Tuichen ka thiam alawm" intithei ru zet in ka ti nghek, mahse li thuk tak tak lai ah chuan ka kal ngam biklo, tui a fim vak bawk silo nen mi rap deuh tlat.



"Awi helai ah hian a tam lutuk" Tetein hlim zet in a rawn ti lang lang a, lungpuia chengkawl bet thap chu tunhma a ka la hmuh ngai bik loh avangin mak ka ti hle a, mahse chutia chengkawl ka khawrh ve ta mai chu ka chhungte ka hrilh chak tawh hle.


Tetei awmna lam ah chuan Miriami pawh a rang a rang in akal phei a, keipawn ka piah mai a lunglian pui awmna lam chu ka pan leh, tam tawk tak a awm ka ring tlat


Rang zet in ka hleuh phei a, han din mai ka tum chu ka lo pil der nia mawle, lungpui chu rang zet hian ka vuan a, ka rin aiin a thuk hma tlat, hei aia thui chu kal ka tum tawh bik lo


Ri deuh thawt ri ka hriat rual in tu emaw ka lam pan a hmanhmawh zet a rawn hleuhphei ka hmu nghal



Hawihai deuh tak hian ka lo en mawl tawp


Sir Josepha tih ka hriat chuan enge chuti tak a hmanhmawh a arawn hleuhphei chhan ka lo ngaihtuah



Ka dar hi rawn chelh rawh" tui luang ri a ring deuh bawk nen a rawn au ring ngang mai



"Ngatimaw " ka lo ti let


"Hlau lo la, min rawn vuan rawh" atih chuan hrilhhai lutuk hian "angai lo ka kal thei alawm" ti leh vak in ka hleuhphei san daih.


Miriami te bul ka thlen chuan "enge Sir Joseph a sawn a hriat a" ka va ti ringawt, ani lah chu ka awmna hmun ah khan chesawn eih lo hian alo la awm a, min la rawn en vang vang zui


"A rawn hau dawn che aniang, keini pawh min hau alawm, in mal chin bak tihuh suh u ka tihkha arawn tia" Tetein alo ti vat. Min kal san dawn khan "in mal chin bak tui lo dai suh ang che u" tiin min kal san kha ania, thu kan awih lo tlang khawp mai, kan pum in kan huh vek tawh


...


Sir Josepha sangha rawn man te chu mau thei ah kan chhum a, kaikuang a tel nual avangin ka hlim hle.


Apuia leh Uthaa an la rawn let loh avangin ani pawh akal zui leh a, a kal dawn chuan "in mal thleng bak kha lo dai tawh suh ang che u" chang deuh tak hian a ti leh a


"Tui ka hleuhthiam a lawm,ka hlau lo" ka lo ti vat



"Tui ah khuan rul te pawh a awm ka ring" arawn tih chuan


"Maw?" Kan ti rual vek

He khawvel ah hian rul hi ka hlau ber a, chuvangin nichin a saw lai a ka va kal te kha inchhir tak ka ni


"Ka kal tawh lo chiang khawp ang" ka ti leh nang nang a, nui suk hian "atha, in kal duh pawn khu khulai ah khuan inlo inbual maimai dawnnia" tih pah in kan bul kuang tereuh te awm chu a kawk a , kan lo bu nghat nghat.


...


Dar 2 pelh fe ah chaw kan ei a, kan ril a tam tawh si kan mipa te rawn let thei silo kan lo iak kan iak a, an rawn thlen chuan kan rin aia tam an rawn hawn a, keini aiin an hah a, an rilpawh a tam zawk dawn tih kan hrethiam tlang ve tho bawk nen tik pawh kan ti ngam lo.



Kan rawng lo bawl chu tui ti zet in kan eitlang a, keipawh ka puar viau mai.


"In inbual tawh em ni?" Sir Josepha an. Atih chuan kan lo bu nghauh nghauh hlawm



"Inbual inbual angai mi? In kal thlan leh vek dawn tho" Apuian arawn ti pek a


"Thlan leh dawn pawh ni ila" tiin An inhnial zui chu ani leh mai.


..


Uthaan sava veh pah a la tum avangin kawng chhengchhe lam deuh zawk ah min kal san a, a awm lo tur chu ka lo thaw huai huai mai.


Miriami leh Tetei a hma ah kalin Apuian a zui a, an inhnial char char a, Apuia hnung ah ka kal a ka hnung ah Sir Josepha akal bawk


Miriami leh Tetei an tang dun chung pawhin Apuia an la hnial hneh meuh lo a, an tlawmngai thei si, hah pawh an sawi theilo an tawng lawng lawng reng a , kan lo nuihpui leh hak thin.


..


"Tui i la nei em?" Hnunglam a tanga a rawn tih chuan "umm" ti hliai in ka ding dat a, ka tui pai ka phawrh chuan "a va tlem tawh ve, helai ami hi thun rawh, abak chu tui a awm tawh dawnlo ania" atih chuan


"A thianghlim ang maw?" Ka ti nghal vat


Tui luang chu a te tawh bak ah, hnahthel in an khuh bo zo tep bawk si



Nui hawk chung hian ka bottle chu min laksak a "a thianghlim lailai kan thun ange" tihpahin a thu hniam nghal vut


Ka lo nui leh var var mai

.
.


"Hnah awmna kha rap vak suh anal ania" hnunglam a tanga a rawn tih leh chuan nui ru deuh chungin a sawi na lai zel ah thuawih zet in ka kal zel a


"Khawimaw ka lo kal hmasa ang" a rawn tih chuan ka ding nghal dat, min kalpel in kan hma a lungkhawkrawk rualrem lo zet ah chuan a kai chho nghal zawt.


Ka vawn tur in a ban chu a rawn phar thla a
"I rinawm ang maw" ka tih chuan za zet a nui chung hian "min pawhthlak tum chhin la" arawn ti,


Hneh zet in min pawt chho deuh lawp a, ahma ah bawk min kal tir leh


"I hah em?"


"I tui kha ka lo ah sak dawn che a mi?"


"Kha kha vuan suh hling a awm ania"



"Kha kha chelh suh a rintlak loh, thing ro anih kha"





Chutiang hlir chu ani mai, ka hah deuh a ahriat lah in "ding lawk rawh " atih loh leh "tui kha in la" a rawn ti thul


Ka hah hma bawk nen kan ding zauh zauh a, kan hma a kal te lah an kal thei phian a, kan hmu phak mang tawh lo, an tawng ri lang lang erawh a hriat phak tho


Keilah in ri hlek awm se "chu chu enge?" Ka ti phawk hru zel a, "hetah hian rul a awm i ring em?" Ka tih loh leh "vangvat a awm angem?" Tih zawhna angreng hlauhawm lam hlir ka ngaihtuah a, a awm a rin loh thu sawiin tha deuhvin min chhang ve zel bawk.

.....


"Zan in chu i mu thei vak dawn lo anihkha" atih chuan Ka tui inlai chu lem leh khawlh in "engatimaw" ka ti vat


"I chau dawn a"


"Ka mutui zawk ang chu"


"I sil dawn lutuk" nui hawk in a rawn ti leh


"Nangpawh" ka lo ti thuai


"Ka mut theih pawh ka ringlo" mit ti zim sun in min en a, anuih a zat hmel si


"Taktak in chutiangin ka hah lutuk hleinem" ka ti leh



"Ani maw .. nia ka rin aiin i kal thei a" arawn tih leh chuan ka awih lo lutuk chu ka nui ve tawp


"Min hruai hi i inchhir em?" Ti sap in ka tui pai chu ka ak tha leh a



"Enga ti maw?"


Kal pah hian
"Aw, ka kal muang sia, min nghah reng ka ngai bawk si, ka dawih bawk sia, bak ah Miriami leh Tetei te chu khita khi an kal tawh khi... Keimah ang tho annih ka ring ania, hah hmel pawh an pu ve vak bawk silo... Bak ah..." Ka tih lai mek in ka ban bul ah rawn chelh in min pawt ding deuh rawk rawk a


Alam hawi tur in min kuai her a

"I lo kal ve hi anuam ka ti alawm" ka rinloh lutuk in thutak zet a rawn tih chuan , lai lek lek hian
"A awihawm loh e" ka ti hliai, ka nui lui deuh bawk


"Ka ti tak tak alawm.... Bak ah i la kal ngailova,ka hrethiam vek, ka rin ai daihin i hah lo zawk a, puak i ngaih te ka ring a" a tih chuan ka nui chhuak nghal hak



"Em em an a" ka ti leh hliai, ngun lutuk in min en tih ka hriat avangin ka nui lai chu ka tawp riai riai a, "enge?" Ti nghek in lai zet a in her ka tum chu, ka dar ah bawk nghet zet in a rawn vuan a, rawn kun hniam thut in dam zet hian ka biang ah a rawn fawp vang vang.


A chet dan chu ka beisei loh ber thil a ni bawk nen, hamhaih lutuk chuan ka ding khawng lah a, second 40 vel chu ani ngei ngei ang.



Muang fan raih hian min thlah a, ka sen awp awp. Ka lai bawk si, sawi mai tur ka hre lo
"Enge i hriat a?..... ka ...thlan nasat em hi..." Ka ti bah deuh nawk



"Apawi hleinem" ti thawp deuh sup in ka hmui ah a rawn fawp anih chu.


A kut leh lam in ka lu a rawn dawm a, dam lutuk a min fawh na chuan ngaihtuahna fim min put tir thei lo, sang tak ah ka kang ta vawn vawn ni hian ka inhria a. Ka lungphu ri pawh a rin em avangin a hriat phak hial ka ring.



Inla hrang hlek in ka mit ah min en a "ka duh che" ti sup in min fawh zawm leh.


Engmah sawilovin min fawhna pawh chhang let lo mahila ka hnar lo tihchu a hriatthiam tho ka ring.



"Ka lawmpa"


"Ujo" kuk ruih ruih a min ko tu an awm avangin rang lutuk in ka nem sawn nghal dawrh



"Aww kan hria e" Sir Josephan ati nghal vak


"Inlo kal em?" An rawn tih leh chuan kan lan mai theih loh avangin kan chanchin an rawn ngaihven tih ka hrethiam mai



"Kan rawn kal e" ka bul ami in a tih leh chuan lai lutuk hian "kal ang" ti nghek a inher in ka kal nghal hmawk hmawk, a nui ri hawk pawh ka hria.



Ka sen awp awp thung


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2022, 9:16 pm

NOT MY TYPE - 8
BY ESI TAYLOR



...


Apuia te kan han pawh meuh chuan SirJosepha te lo kha alo lang leh ut tawh, min nghak tih hriat zet hian anlo thu a, min hmuh rual rual in "i la nung maw?" Apuian a rawn ti nghal


"Ka la dam e" ti hliai in ka ban ka phar zauh a, an lo nui hak hak mai


"I chau tawh awm" Tetein a rawn tih chuan ka chauh loh thu ka sawi ve vat a, ka thaw hlawi hlawi bawk nen ka thusawi chu a awihawm loh viau ang.


Minute 10 vel kan chawlh hnu ah kan kal leh a, angai ang thovin an tawng lang lang reng a, kei erawh nichin mai a thil thleng avang khan ka la pangai theilo


Ka lai huih animai.


Sir Josepha a te thlam ah rei tawk fang kan chawl a, sir Josepha leh Apuia chu lo ah bawk khan an kal kual leh a,Uthaa kan nghak pah bawk nen a rawn thlen chuan kan lo hahdam hman vek tawh.


Tetei leh Miriami an tawng bawrh bawrh lai te chuan ka rilru ka lo kawm melh melh a, ka hlim a, anuam ka ti ani deuh tawp mai


SirJosepha chu pangai deuh a awm in a tawng bawrh bawrh reng a,kei ve hi ngatinge ka laih bik em em reng mai ni. Inbiakfalna hun a awm tawh lo, kan kal leh chuan angai ang bawk in Uthaa ka hnung ah hlir a kal leh pek tlat.


..


Sir Josepha te in ah kan vaiin kan lut vek a, kan thlen chuan khua pawh a thim chu ani deuh mai.


Ka pa in min lo nghak ran tawh bawk


Ka kal kha an phallo dawn dawn a, ka chak ve bawk nen "eng em i va ti bik lo ang chu" tiin ka nu remti vaklo chung ka pa phalna in ka kal kha ania, ka nu hian lui lam hi a ngaina lo khawp a, tui tla an awm zeuh zeuh bawk nen, kei lah ngaihtuah tur tingin tui chen ka lo thiam ve tumhrang bawk nen, tui thiam chu tui ah an tla hlum tih changchawiin ka kal hi a phal lo thei viau reng a.



Keimah ber chu kal ngailo tih tak ah an vai chuan min ngaihsak a, Sir Joseph a nu leh pa pawh khan kan thlen rual rual khan ka hah leh hah loh minlo zawt hmasa ber bawk a, ka inthlahrung ru hle


Kan thil hawn chu kan insem a
"Pathum chauh kannia, hawn tam a ngai lo" ka pa in lo ti ve bawk mahse kan vawi3 ei vel tur zet chu ka hawn ta tho, kaikuang chu insem ah atam vaklo bawk a tiin keimah min hawn tir vek lehnghal a, ka man pakhat mah a tel bawk silo, nuam lo ka ti ru hle


...


Ka thil hawn chu ka nu in tlai deuh tawh mahse alo siam nghal sawk sawk a, ka inti thei lutuk chu ka u te pahnih phone in ka va hrilh nghal.


Vawiin a thil thleng zawng zawng nen khan sil viau mahila nuam ka ti a, ka kal kha ka inchhirlo mai nilovin ka kal loh ka hlau zawk.


Hma zet ah mu tur in ka pindan ah ka lut a
"I chau dawn sia zanin chu ka lo leng lo mai ang aw, mu hma la" Sir Josepha message ka dawn hnu ah phei chuan mu chung in ka khi var var reng mai.


Enga tinge ka rilru min zawh ve miah loh? Te ka ti leh thul, mahse enge pawi min duh thu a sawi tho kha.


Ka hun kal tawh te ka ngaihtuah a, ka bialpa neih ve tawh te thleng in


Helai a ka awm tirh khan Sir Joseph a tawng duh leh fiamthu duh lutuk kha ka ngaina lo a, duh chu sawi loh ka eilo lek lek thin kha ania, mahse tun ah ve lem ka duh em em bawk si.


Ka duhthusam mipa nen inpersan hle mahse, a chet dan kha ka ngaihtuah phak bak a ni leh lawi bawk si.


....


Tum dang ang chu nise ka sil bawk nen ka inkhawm lo chiang viau in ka ring a ni, mahse tuntum chu a dan a dang tlat, inkhawm chu ka phur em em a ni tawp mai.


Nidang zawng aiin ka insiam rei a, ka thawmhnaw hak tur pawh vawi 3 ngawt ka thlak bawk, nidang anglo takin makeup pawh ka hmang ve nual. Lan that loh mawlh chu ani ka hlauh ni.



Naupang lam an ban hmasak avangin Miriamin dawr kawt ah min lo nghak a, miriami bul a Apuia leh Sir Josepha ding ka va hmuh chuan lai zet in ka pan phei a, minlo la nuih var var zui.


"I tho thei maw?" Apuia zawk in alo ti nghal vat a

Sir Josephan min biak te chuan ka lai ru tun a, ka awm dan chu a hahthlak zawk.


Malawmi leh Rohlua te rawn inzui phei in kan bul ah an rawn ding a "ka van lawm tak kalpui tur ka nei lova" ati nghal hliai


An inngaizawng tak tak tawh aniang chu ka rinloh deuhin an inzui hmuh tur atam viau mai


Apuia leh Sir Josepha an nghal bawk a, Malawmi tihlaih tum in Rohlua an kap deuh chhen bawk, kan nui kan nui mai


"Ujo scooty i keng em?" Hmeichhe pakhat in a rawn tih chuan kan vaiin kan lo en deuh thap


"Keng miah lo ngatinge?"


"Annie pum a na thut a, sawtah sawn a awm a, i va hruai haw thei angem kan tia" atih leh chuan ka lo meng phar deuh awk


"Ka keng alawm kha!" Tihleh Rohluan chahbi SirJosepha pek arual nghal


"Va thlah zawk mairawh aw, a vial deuh ngat ngat a, na a ti viau aniang" atih lai mek in


"Ngatinge a pa in motor akeng lo ami? Motor in an kal ziah sia" Miriamin a rawn ti vat


"Ka hrelo kan be theilo a" atih chuan a awih vak lo ani ngei ang, Miriami ner ru nawk chu ka hmuh ruk reng avangin keipawh ka ngaih a tha bik lo,


"A na viau a mi?" Sir Josephan a rawn tih leh phei chuan ka lungawilo ru nghal tun. Annie ngaihtuah hmel deuh a awm chu ka hmu theilo ani ber


"Ka va thlah zawk anga, ka rawn let leh nghal ang" ka chip hmak a, ka melh duh tawh eihlo.



Mi mawl ber tan pawh Annie thiannu thurawn sawi chu a awihawm tlat loh, a lo na a nih pawh in na viau chu nise a pa te an be em em ang, an inkar tihthat an tum tih ka man thiam ve nghal vek.


Sir Josepha leh Annie thiannu kal sawn chu rilru na deuh tak in ka thlir a, ka bul a awm te hian an hriatthiam ka hlau bawk si.


"An lo inngaizawng leh tawh elaw?" Malawmi lah in a la rawn ti khauh zui



"Ngaizawng nang, an nel ve a, an rawn be maimai anihkha" rang lutukin Apuian alo ti thuai a



"Dik chiah, an inkar ah engmah a awm tawh lo" Uar zet in Miriamin a rawn tih zawm leh



An thusawi chu awih ka duh a, tun a thil thleng khan ka rilru a ti buai lo thei chuang silo


...


Rilru bet lo lutuk in fellowship chhung zawng ka awm, SirJosepha arawn let tawh angem tih ngaihtuah reng reng in hnung lam ka melh leh thul.


Fellowship ban ah pawh hmuh tur a awm chuang lo, ala rawn let lo ani ngei ngei ang, thil thleng thei tin chu amal te te in ka ngaihtuah kual a, ka inbarhluh lohna tur a in bat tang angten ka inchan a, mi induh ngawih ngawih inkara tlazep ang hial ah inngai mah ila, min duhthu sawi tu chu kei nilovin ah SirJosepha ngei kha ani si.


Mood off zet in ka haw zui nghal daih, ka inkhawm tur ka phur ve tehreng nen

...


Dar 3 vel ah call ka dawn avangin Malsawmi te in a ka awm chu ka nu in min au lang lang a, rang zet in in ah ka va tlan phei nghal


Alo tawp chiah


Sir Josepha call ani tih ka hriat chuan tlem in ka lungphu a rang ve dawt a, mahse nula pangai, mahni inthunun thei leh induhtawk tak ka ni a, zam mai ka tum biklo.


Call back ka tumlova, arawn call leh hun ka nghak ta ran


Call a rawn kal leh chuan rang lutukin ka en nghal vat a, Miriami alo ni, ka beisei chiah lo bawk nen mak ka ti hle


"Zan ah inkhawm angche, ka rawn riak dawn" ka lak rual rual in a rawn ti nghal



"Ka inkhawm peihlo maithei asin" ka ti sap thung


"Angailo, inkhawm angche, hrilh tur che tha tawk ka nei ania ka rawn riah ngei ngei angai" a rawn ti leh lang lang a


"Sawi la" ka tih lah in ,"kan inhmuh hun ah" a ti deuh tlat bawk si, ka inkhawm ngei tur thu ka sawi leh tak nge nge kha.



"Chawhnu i inkhawm lova" Sir Josepha message a rawn thleng zui a, nidang ah pawh ka inkhawm ngai loh avangin ka ner nak ringawt


"Ka peihlo a" ka ti tha ve mai


"Call ila thei lova"


"Ka buai a"



"Fellowship kha ka tlai tawh dawn tho sia, ka rawn kal lo law law a" atih leh chuan ka hrilhhai letling, ka rilru ana nghal tun bawk. Annie bul ah a awm charchar dawn tihhrethiam ve miau hek


"Apawi hleinem"


"Zan ah ka lo leng ang" atih chuan ka reply tawh lo.


Zan ah rawn leng ta se enge a sawi chuan ang. "Annie nen kan inkar kan siamtha a, ka duhche ka tih kha min theihnghilh sak rawh" dam dap si a, a ti tur chu ka mitthla ah alang vek.


Ka na a ni!


Ka bialpa pawh ala ni em hleinem engvangin nge ka nat vak? Nidang ah pawh ka na ngailo.


Chungthil a sawi tur chu ka ngaithla peihlo, a tlawmthlak ka ti dawn lutuk, chu ai chuan engahmah ngailo anga lan ka duh zawk. Engkim kha thleng lo anga ngaih ka duh zawk .


...

Kan chhungkua in inkhawm tur in kan kal ho a, Miriami pawh nghak duhlovin ka nu bul ah ka thu daih. Miriami ka hmuh chuan Sir Josepha pawh a awm hlat ka ringlo ve tawp. Hmu chak mahila ka hmu hreh tlat tho.

Inkhawm ban ah lah ka nu leh pa te putea te in a len an tum avangin Miriami ka nghah ngei ngei angai, kal ve tur in min phut viau na in ka hun tawn in a zir lo nen, kan lui kalna ka chauh thu hrilh in chhuanlam ka siam tawp kha ani reng a.



Miriami nen a kan inhmuh chuan Sir Josepha hmuh ka hlauh avangin kal ka rawt nghal thuai thuai. Ka lo leng ang ati kha ania, a duh leh amahin rawn kal ve mai rawh se.


"Eitur lei ang" ka hmanhmawh zia hrelo lek in Miriami dawr kawt ah a ding a, midang an tam si, dawr chhung ah a lut lawk thei lo lehnghal.


"Leilo mai rawh" ka tih leh a duh der silo, ka awm dan chengchung chu mak a ti ru viau ang


Ka hlauh ang ngei ngei in Annie leh a thiannu te dawr lam pan in an rawn kal phei a, chhun a pumna hruai haw ngai hmel a pu hlawllo.


An hnung ah Sir Josepha rawn lang ve nghal zat.


Miriami dawr atanga arawn chhuah chuan thaw deuh huai hian "kal ang ka pum ana" ka ti nghal vat


Annie te chuan kan bul an rawn thleng phei hman der, Miriami pawh in a hmuh hmaihlo nasa "kha i dam tawh maw?" Ati nghal vat reng a


"Nia , a lawmawm tak tak , a na reilo a, hei ka dam leh vek tawh" nui sang a tih chuan ka lo ngei lehpek lutuk, Annie pawh chuan chik zet in ka mit ah min en a, nidang anglo takin min be bik miah lo. Ka hmel lan dan chu a hrethiam ve te pawh aniang


Sir Josepha a rawn thleng phei ve hman dawn takngial a ka hriat avangin Miriamin a chhan leh hma hma in ka kalpui nghal hlawk hlawk



"A pum kha a na tak tak lo ani chiang mai" arawn tih chuan "nia" chang deuh tak hian ka ti nghut


"I van kal chak em em, pumna si" nuihzat hmel lek lek in a rawn ti leh


Na taktak miau hek lo le


"Sir Josepha kha i hmulo mi, a rawn nui a, min kai daih a, rawn kal atum anilo maw?" Atih leh chuan


"Annie a awm kha a rawn kallo tawp ang" thinrim deuh lek lek in ka tileh, ka insum theihna ka hloh thelh a ni. Ahma in hetiang hian ka la awm ngailo, ka awm dan chu keipawh in ka duh biklo.


"Min hrilh tur inei em?"atih chuan nui lui deuh tak in "engmaw?" Ka ti ha


"Sir Josepha leh nangmah hi" ka beisei loh lutuk a rawn tih chuan ka ding chiang hle


"Enge sawi tur awm anga" ngaih hoh hmel zet in ka ti leh


"Ka hrethiam vek alawm" atih leh meuh chuan inthiamlo deuhhlek in "ka hre tawh biklo" ka ti sap


"Hei vang hi ania rawn riah ka tum" ati leh phei chuan mak ka ti lutuk

Chhan mai ngaihna ka hriat loh avangin
"Nimin ah pawh khan thlah fal dan tur ngawt che u Apuia khan a zawng tih ka hrethiam reng a, Keilah in chuti tho, Tetei kha chuan a hrethiam kher lo anga" arawn tih leh phei chuan ka melh kawk mai


"Apuia pawn maw, ahria maw?"


"Umm i va a tak, hrethiam lo rual ka ni reng reng a mi bak ah.." a tih lai mek in kan hnung ah inkhawm bang ve tho kal an awm avangin zawi zet in "a ngaihtuah dan che kha, i awm dan kha a mitmei char char che alawm, i hnung a vangvat kai a rawn lak khan, ka rawn au tep a, 'hrilh suh , ahlau sia a awm anuam lo lehvek ang' ati che a"


Mak ka ti zual sauh, vangvat ka kai tih pawh ka hre miah lo


"Chuan, a thuk lai a i kal pawh khan a hmuh rual rual che in a rawn zuang lut nghal a, ka hrilh a lo hai hman lek lek alawm keipawh" ati leh zel bawk si


"Naaa... Miriam ka hrethiam tawh biklo, Annie hi ala duh hmel bawk si a...".


"Nangmah hian i duh ve hrim hrim em?" Arawn ti daih

Ka ngawi vang vang phawt
"Umm chuvang alawm pehhel hram hram ka duh" ka ti zuai raih


"Awi i va han a tak e aw... " Ati leh daih, ka hrethiam lo hman hle



"Ih maw.... Annie vang khan buai duh reng reng suh, Zorinsanga hi ka hrechiang, ring tawp rawh"


"Chutiang ringawt anilo..." Ka ti leh hap


"In mawl dun e... Ka lawm bawk si" nui hak chung in a rawn ti leh daih, ava buaithlakk tak,


"Vawiin ah pawh Annie bul ah khan anih kha a kal daih" ka ti leh, in kan thlen avangin ka hawng nghal rak rak a



"Aw... Khatiang ah te chuan kalloh ngaihna a awm lo alawm, va thlah duh lo se mipa mawl leh tlawmngai lo deuh ani dawn a sin" atih chuan dik ka ti hle tho.


Ka pindan ah lut in kan inthlak zui a, ka thawmhnaw pawh a duh duh la chhuak in a ha ve hmak.


"A bem tawh che em?" Ngawi reng a kan inthlak laiin a rawn ti thut a, ka phu deuh zawk



"Aih...mahse ... Aa ka hrelo min la bem lo" ka ti bah deuh nawk


"A phu lo che ah angai aniang" arawn nui hawk a

"I mawl emai" ka lo ti nghal hlar.


...


Kawngka kik ri kan hre zui a, Miriami a nui ri nghal hawk "chance in duh em?" Tih pahin pindan atangin a chhuak zui a, kawngka ava hawng a, Sir Josepha tawng ri ka hre zui nghal


Ka thin bawk a rawn phu leh, ka awm dawm vang vang chung in ka chhuak ve a,



Miriamin min hmuh rual in "Kawmchhak ah minute 30 vel ka han kal lawk ange" tih leh chhuah a rual nghal daih anihchu, ka hawihai hman hle.


Pakhat lah chuan ding run hian min en a, ka melh duh lo, ka en ngamlo ani mah zawk ,


"I thinrim a mi?" Arawn tih chuan


"Engvang ngawt in" ti hliai in sitting room a thutna ah ka va thu fel than


"Aaa.... I thinrim ka ring a" arawn ti ban deuh churh, ani pawh hi zanin chu a awm dan adang ve tho.


"Rim lo e" ka ti sam leh et


Ka bul ah rawn thu thla a, min en tih ka hriat avangin bang ka melh lui ngat ngat


"Annie nen khan..." Atih chuan rang zet hian "in inhmeh ka ti" ka lo ti nghal zawt zawt,


"Maw?"


"In inhmeh alawm"


"Min en teh!" Ti sup in ka dar ah arawn khawih a, ka lo thingthla rang hle


Angai pawimawh vaklo nge rang zet in ka dar a rawn chelh leh a, amah en tur in min kuaiher nghal


"Annie kha a pum.." atih lai mek in a phone a rik avangin a tawp chawt a, rang zet in a phone chu kan en dun nghal



Phone screen a Annie tih ngei mai ka hmuh rual chuan ka nui chhuak nghal hak


Ka nuih erawh a za miah lo


"Kan be lawk ang" ka rinloh lutuk in a la ti zui, ka hmel ah engmah tilang lo tur a ka tum nasat zia chu pui tak ani



"Aw enge?"


"Ka va hmanlo ve"


"Aw leng e"


"Aw..."


"Ka rawn kallo ang, ka sawi chian tawh kha"


"Aaa.... Awle" rilru buai hmel a pu deuhin ka hria, a biak chhung zawng khan min en char char


Aphone a dah rual rual in "i duh leh kalla apawi hleinem" ka lo ti leh hmanhmawh


"Awle, Sawi tur ka nei a..." Atih chuan tlai a ka thil ngaihtuah ang chiah kha a sawi dawn ni a ka hriat avangin rilru na zet in "angai kherlo" ka ti nghal sap



"No, ka sawi angai alawm, achhan chu i awm dan hian min ti buai a" ka melh nghal haw, in hum ruh deuh tak chung hian "lawm lo mahila ka theihnghilh sak ang che"


"Min duh lo ami?" Arawn ti sup a



"Annie in a rawn biak zawh chiah che kha, engatan nge min..."



"Ka duh che" hniam ruih in a ti thawp sup a,



Dim deuh tak in ka biang chu a kut pahnih in a rawn khuap a "ka duh lutuk che, he thu hi ka hrilh ang che nge hrilh lo angche tih zan tam ka ngaihtuah thin, a chhan chu ka zam a, ka zak bawk... I lak ah hian inrintawk a har ka ti thin a, mahse ka rilru ang tho i pu ni a ka hriat avang chauh in ilak ah khan khatiang khan ka che anih kha....." Arawn ti sup a



"Maw.... Chuan...." Ka ti bah nawk, ka biang a khawih na chu a sa deuh ap ap , ka sen vek maithei ani



"I thinrim lo tiraw? Ka zahloh vang che a fawp che ka nilo, ka feelings te kha ka thup zo lo a... Chuan.... Ka bialnu i ni duh em?" Ril zet a rawn tih leh chuan ka thinrimna zawng zawng te kha khawnge an awm tak ka hre bik lo


Ka chhang mailo, sawi tur ka hre lo a nimah zawk

Rawn kun hniam in dam zet in min rawn fawp a, tun tum chu ka chhang let lo phal ngang lo.



Rei tawk fang kan infawh hnu ah, rem lo zet in a awm ah min kuah bet a, engmah ka sawilova , mahse ka duh ve tih erawh a hai bik lo ang.


Ka thinphu ri chu a hriat ka hlau zawk hial.


Kan ngawih vang vang hnu ah "Annie kha ka bialnu hlui ania, i hriat tawh tho chu ka ring a, mahse kan inkar chu kum 2 liam ta ah khan a tawp tawh, a ni vang khan i lungngaih ka duhlo, min ringla ka duh, vawiin kha chuan ka kal pui ngei angai a, mahse khami avang khan kan inkar ah thil a awm tihna a nilo" a rawn tih leh chuan a tawngkam chu a chang lek lek in ka hria, a sawi chiang viau bawk.


Ka awih thlap bawk nia mawle



"Ka bialnu ini tawh ania aw" arawn tih leh chuan sen deuh ap ap chung in ka lu ka bu zauh ringawt.


Min kuah hle hle, engmah kan sawi tawh lo, ka chhip chu a fawp vang vang tih ka hria.


Tun ang hian ka bialpa hmasa te bul ah khan ka la awm ngailo, engkim chu a hahdam ruih a, ka thla a muang hliah hliah bawk.



"In sangha chu in hmeh zo tawh em?" Ka rinloh lutuk in a rawn ti daih


"Umm kaikuang kha chu ka eizo nghal vek a" ka tih rual in a rawn nui hawk a


"Kan man leh dawnnia"


"Umm i duh ve em?" Tih pah a thut that ka tum chu a kut a phelh duh miah lo


"Duh ve tho mahse sangha ka duh zawk" engmah thleng lo ang mai chuan a ti sam et


"Khawi ka thu tha dawn Miriami a rawn kal ang" ka tih lai mek in pawn lam a Miriami hmm hmmm deuh ralh ralh chu kan hre zui nghal a, thutthleng dang ah ka thu phei nghal rawk rawk anuih aza hle lehnghal



Miriami chu a rawn zai lut deuh rat rat a, a hmel a engmah ati lang lo te chu ka hrilhhai letling, ka lai zual sauh zawk, nghal lutuk mai.


"Thingpui in in tawh em?" Ti hliai in a thil lei ho chu a rawn lek kang a


"Min lum duh lo aniang" pakhat lah in a rawn ti rang hle


"Kan lum ange?" Tih leh zai zawm leh a rual nghal


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2022, 9:16 pm

NOT MY TYPE - 9
BY ESI TAYLOR



...


Sir Josepha nen a kan inngaihzawnna pawh kar3 dawn ani ve ta, keimah zawk in zep rih ka duh miau avangin midang hriat loh na tur in kan fimkhur thei hle


Thawk dun kan nih miau avangin fimkhur kan ngai zual bawk, achhan chu kan naute hi thil hrethiam rual anni ve tawh a, anmahni ah a tha lo zawng emaw, ngaihzawng neih ve chak na emaw pawh nise keimahni avanga anneih kha ka duh lo ani tawp mai


Miriami chuan min hriatpui lo theilo va, Apuia pawn a hria tih ka hria. Ani erawh tlangval senior lam tawh ani bawk a, hria ang in a awm ngailova, min chhaih nan a hmang ngai hek lo, ahma ang tho khan thil chu a kal ka ti mai.



Mahse, Sir Josepha hian midang te hriatthiam loh tur si a, min ngaihtuah dan a thiam em em a, engkim ah min ngaihven ti ila ka sawi sual lovang.


Kei aiin kum 7 zet a upa a ni bawk a, engkim ah min dawm a, min hrethiam thei khawp mai.


...


"Naaa khatah khan bialpa inei tak tak tihhi awih a har eee...." Ka thian kawmngeih ve ber,ka cousin nibawk Mawimawiin a rawn tih lang lang chuan ka nui hak ringawt


Dampuia ka chhoh dawn khan "bialpa te i han nei anga" tia min fiam chang khan ka neih loh dan tur zia ka sawi uar viau reng kha ania


"A hmel kha chu a chhe lo, mahse Khatah khan i awm reng peih a mi?" A tih chuan



"Peih dawn lawmni" ka nui rah rah mai


"Awiii Vanlalramchhan i over lutuk" arawn ti nghal hlak hlak mai


"Taktak in a fel lutuk" ka ti leh hliai a, a hmel ai mahin a mizia in min hip zawk miau, avan mak tak, ka duh ngailoh mizia in min hip chu a nia


"A cool viau em ni?" A rawn ti ta chiah reng bawk


"Cool em em lo mahse..." Ka tih lai mek in


"Hmanni ah Remruatfela nen kan inhmu a, i chanchin te min zawt a" kan sawi lai nen a inpersan zet in a rawn ti daih



"Sawi lo maiteh" ka ti hlak thung


Ala rawn nui tak ang hawr hawr a, Remruatfela chu ka bialpa hnuhnung ber a ni a, in tihthiamloh na hran em em pawh neilovin kan intha then ve tawp a, a tu a mah kan inngaihsak zui loh bak ah Bangalore ah a kal nghal daih bawk nen chanchin kan in hre zui ta lo hrim hrim



"A chhe lo reuh rap" Mawimawiin a rawn ti leh, ka mitthla ah Remruatfela a rawn lang zawk a, engtik lai pawh a cool raih reng, a rilru put hmang pawh hriatthiam har khawp a inthunun thei kha ani ve a, kha vang a nihpui ve ngawt kha ka ni reng bawk



"Sir Josepha hi e hmu lang i star dawn " uar deuh tak in ka ti leh, a chanchin te chu ka hrilh kim khawp mai, ka sawi chhung zawng ka nui char char in ka hria. A chanchin sawi nuam ka tih bak ah, ka hlim tlat.


...

.


A rawn leng fova, ka nu leh pa te pawn an hrethiam ve deuh tho in ka ring engmah an sawi ngai lem lo thung.


Keimah zawk hian a rawn len hun tur hi ka set sak a, zantin a rawn len chuan mi in an hriatthiam thuai ka hlau tlat


Karkhat ah zan 3 chauh len ka phal a, a tum nasa khawp mai, ahnu ah zan 4 ka ti ta nge nge bawk.


...

"Christmas ah i haw daih tur hi ka lung a leng lawk" tih pahin thingpui sen chu a lem hlak a


"Lungleng tur hmel pawh ipu lo" ka ti ve thung


"Tun ah chuan ka bul ah i awm a, leng nang" uar deuh tak a atih chuan , ka kuttang chu ka hmui ah chuktuah in "shhhh" ka ti rang nasa



Ala rawn nui hawk zui


"An hria anga sin" ka ti nghal ruai, kan piah lawk a thu MissLianzami leh missDinpuii ka en rang hle. Phone pakhat bih dun in thil an sawi lai tak a ni hlauh a, an hre pha lo anihhmel


Short break ani hlauh bawk a, naupang ho infiam leh inchhaih ri a ring hrim bawk a, chuti nilo se an hre pha chiang viau in ka ring


"I fimkhur lo ee" ka ti leh hlak, ani lah chuan angaih hoh hmel em em lehnghal


Miriami office ah a rawn lut a, "kha i duh ve ka ring a" tih pah in ka dawhkan ah thingpui sen tak reih rawih hi arawn dah a, in ka lo hupphurh


Nupiani hian thingpui sen hi ka duh aiin a lum tak thin a, in ngai lo tan chu a kha deuh thin chu a ni

"Khawi maw i thutna ah va thu teh" tih pah in Ka bul a thu chu a dar ah a ben sak pawp


"I thu siah" tih pahin a kalsawn ve mai


"Ka thutna hi nuam iti leh mah mah" Miriamin a ti leh hram, atawng ring ang reng si, arawn chhang let bik ta lo hlauh chu a alawmawm zawk e

...


"Ka lo lut thei em?" Nui sang a Annie rawn pen lut chu mak ti zet hian ka lo en tawp


"Aw lo kal rawh lo kal rawh" Miss Lianzamin alo ti vat


Confi zet a rawn lut in Sir Josepha dawhkan lam a pan ding nghal nalh, ngaihven lo ang tak a lan tum mahila ka theilo lam chu a ni


An inbe lai chu Miriami nen kan lo thlir reng, an tawng rin loh bak ah naupang an bengchheng nen engmah lah kan hre phak silo


Annie nui sang reng leh Sir Josepha bu deuh nghat nghat chu kan hriat ani deuh mai e


"Engmaw i rawn tih ve daih a" Miss Dinpuiin a rawn ti ta hlauh


"Hriatpuii pa kha Aizawl lam ah an refer deuh thut a, chu chu rawn hruai mai ka tum deuh mawle" Annie in a tih chuan


"An in chhung a mi?" Miriami bul ah ka va ti ru nghal sa sa


"Chhun pawh ka hrelo, an in thenawm a, an in ti chhung ve aniang"


"E umm" ka ti vat, Hriatpuii chu class6 zirlai ani a, apa pawh Dampui PHC ah karkhat ai a tam zet pumlam tha lo avangin a awm tawh


"Ava zialo ve aw... Chu hruaithlak ve an tum em ni?" miss Dinpuii bawk in a rawn tileh


"Aww anu akal angai dawn sia, hetah mahni chauh a awm tur chuan an ngaihtuah ve deuh a"


"Sir Tpa a awm silo a, engtin nge kan haw tir nghal mai dawn em ni?" Sir Josephan a rawn tih chuan , "atha alawm" kan lo ti nghal liam liam


"Ka kal pui nghal mai ang aw" Annie in a rawn tih chuan


"A hrim hrim in keini pawh kan awm thap a, kan tlangval ber i rawn pan chat a" rinloh lutuk in Miss Lianzamin a rawn ti khauh, an chhaih ve ani tih lah chiang reng


"Aa.a... nia ka hmelhriat nel ve ber ani sia ka pan nghal tawp" zah hmel lek lek in a rawn ti bah deuh nak a

An nuih lah ala zat hmel em em zui

An fiam an fiam leh ta nghal a


Keipawh ka lo nui ve mai, mahse chhaih vak tawhlo se ka duh zawk tho


A kal tur chu kawngka bul atanga hawi let leh in "Ujo Saturday kha aw, ka lo ring dawn che nia" arawn tih tak ah chuan ka melh nghal kawk, "aa.... Ni e" pakhat in a rawn tih sup hnu ah a chhuak zui


Ka ngaih a tha leh hleithei tawh lo.


Dar a rik tak avangin class ah kan lut leh sap sap hlawm a, enge naktuk ah chuan an tih dawn ? Tih ringawt in a ni ka rilru a luah leh pek tlat a ni.


Sir Josepha khan Annie chungchang min hrilh chian viau avang khan thik loh hram ka duh a, hmeichhia bialpa te hauh tlat a, thikthu ti chhe hlur tu nih ka duh bik hek lo, mahse ka ngaihtuah na ah hian alo awm leh ngut ngut thin a, mahse tihlan loh hram erawh ka tum ve thin tho

....


Lunch break ani a, chaw ka eipeih loh avangin keimah in office ah ka thu ran mai, choka leh office hi a in hlat loh avangin an tawng nak nak thawm pawh ka hre pha


Sir Josepha phone chu a rawn ri ral ral a, a dawhkan ah hian a dah tawp zel, akeng ngai lo reng reng


Rang zet a thovin ka va en nghal vat


Phone screen a Annie tih ka hmuh avangin ner nawk in angai ah ka dah let leh daih


Midang chu nise a rang a rang in ka va pe ang


Engvang a rawn phone nge anih hrechak viau mahila ngaihven loh tum in games ka khel daih


Vawi thum zet ala rawn ri nawn zui a! A pawimawh awm hle mai, mahse ka sual a chhuak tlat va koh ka tum bo lo


"Chaw ei i tum lo a mi?" Kawngka bul atanga A rawn tih chuan ka phu deuh zawk a, nui hawk hian "enge i lo en em em a..." A rawn ti leh


Amah pawh en chuang lovin "ka eipeih lo a" ka ti tha ve mai


"Rawn ei rawh artui chhum kan hmeh ni anih hi" nui chungin a rawn ti leh


"ka eipeih lo alawm, nakin ah thingpui ka rawn in ang"


"I ti ve ziah, i khal thei lo ange?"


"Ka khal peih lo" ka ti deuh hmak, khal lam a sawi hi chuan ka lo khal vak lo bawk nen ka pawr thei hrim hrim


"Anih thingpui chu ka va siam ang aw..." Ti a chhuah leh mai a tum chu "i phone a ri nichin ah" amah pawh la en chuanglo vin ka ti lehh


"Ani maw!" Ti sup in a rawn lut a, a phone chu a ban vut a a chhuak nghal daih

...


Minute 10 hnu vel ah a rawn lut leh a, MissLianzami a rawn luh tawh avangin
"Thingpui i induh ka ring a ka siam kep che, chaw i ei silo a" ti deuh duah in dawhkan ah thingpui leh artui pumkhat arawn dah a, Miriami thutna ah a rawn thu thla nghal


"Ka va lawm e awww kan tlangval nge nge" ka lo ti deuh chiam


"Kan tlangval neih chhun hi a fel ania aw... " miss Lianzami lah in uar deuh tak in a rawn ti bawk


"Chi i duh em?" Arawn tih leh sup chuan ka lu ka lo thing ve vat

Artui chu ka kheh nghal mial mial a, ka ei zui nghal , Miss Lianzami nen inbia in Hriatpuii pa chungchang an sawi dun a, ka tawng ve tawh lo.


"I zar ah ka puar e" ti hliai in ka no chu la in ka ding a, choka a dahphei tum in ka chhuak nghal


Choka ah chuan an lo titi nasa khawp mai, an sawi ber ka hriat loh avangin ka chhuak leh nghal vat a, Miss Lianzami chu phone hmang in office atangin a rawn chhuak ve chiah


"Lo thu teh" office a ka luh rual rual in alo ti nghal vat a, thuawih deuhvin ka thu ve nghal mai


"Saturday khi Annie birthday ania, min sawm nasa khawp mai, kha vang khan ania minlo call mahse ka kal dawnlo ania"



"Animaw?" Ka ti tha ve mai, a ruk erawh chuan Annie chu a huangtau ka ti in hmeichhe fel leh pawisawi lo tak anga ka ngaihna kha a bo titih der


"I lo thinrim hman em?" Nui hawk a rawn tih chuan ner khum nawng chung hian "a rawn call tih pawh ka hrelo" uar fe in ka ti hap, a awih vak lo nge ni a nuih a za zual sauh leh ta nghal a



"Nui suh"


"Anih" tih pahin a kutin a hmui a zip phei vel anihchu, ava han nghal thei tak


"I kal chak te chuan i kal thei alawm" a rilru hriat tum zet in ka ti sap


"Chak nang"


"Anih te chuan nichin te khan aih ti ta che, i kalloh tur thu pawh i sawilo, ni e itia" insum thei lovin ka ti leh ta nge nge


"Ahma in ka kal dawn lo tih ka hrilh tawh alawm, vawiin ah khan kan pahnih chauh in awm ila chuan ka hnial nghal anga mahse midang an tam a, a hrilh a hai dawn lutuk a sin"



"Hmm i va care..."



"Care lo e, ka bialnu hlui anih avanga mizing a rilru nuamlo deuh a siam kher kha a mipa zia lo alawm" arawn ti leh duah a sawi dik ka tih ve tho avangin ka chhang zui tawh lemlo.


Hei vang hian alawm, hetiang rilru tha lutuk a put vang hian alawm Zorinsanga hi ka duh em em ni
...

"Vawiin chu chaw ei loh theih loh aw" nui vur vur chungin ka dawhkan bul ah arawn thu a


"Khal chungchang kha han sawi leh na teh" ka ti nghal hlar a, nui hak hak chung in Miriami a chhuak zui


"Sawi ka tum reng reng lo"


"I tum reng, ka ei dawn" ti hlak in ka ding nghal tharh a


"I khal dan hi mawi ka ti atawk chiah" zawi angreng tak in a rawn ti sup a, ka melh rum nghal nghek.


Nui hawk hawk chungin min zui chhuak a, choka kan luh rual rual in "ei ve ziah tawh rawh" Pu Pianin alo ti nghal var bawk


Hriatpuii pa chungchang bawk an sawi zawm leh a, rin aiin a serious anih hmel, cancer a nih an rin thu vel te an sawi luam hlawm a, ka lo khawngaih khawp mai. Hriatpuii chiah fa neiin Mistiri a ni a, hna a thiam a, a taima bawk nen an harsa lutuk lo ani awm e.


Engeng emaw an sawi kual duah hnu a Saka te chhungkua ah an kai chho a, arawn leng ve nasa tih kha Sir Tpa ber hian alo hria a, min fiam min fiam pah lehnghal a


Kan miss dang ho lahin a fel thu leh chhungkaw tha an nih thu sawiin an lo tuihnih liam liam hlawm bawk nen, nuam ti zan lo vin ka nui ka nui ve mai


"Sir Josepha hian a hre chiang angchu an inchhung alawm" Miss Lianzamin a rawn tih khauh phei chuan Miriamin thenthaw chungin min rawn melh nghal zuk zuk


"Fel ... Tak... A.... Ni... Sawisel tur awmlo" nghal zet in Sir Joseph an a rawn ti leh duai a, ka melh rum teh e.


...
Annie chuan hmelhriat a ngah hle mai, Dampui khaw mi number ka neih zawng zawng deuhthaw in WhatsApp status ah an wish chuai chuai mai, thlalak ah lah a chhelo thei si.


Miriami leh Sir Josephan an wish ve lo ani deuh mai e, Apuia pawn a wish ngei kha.


Inkhawm zan anih avangin inkhawm tur a ka insiam chu ka nu leh pa in mak hi an han ti khawp a


Inrinni zan ah ka inkhawm ngai miau hek lo, Sir Josephan inkhawm tur a min tih tlat avanga inkhawm tum ka ni reng a, Miriami lah in "Zosangliana hi i ngeih dawn" min ti chiam bawk


"Ka haw san nghal mai angche aw" atih avangin inkhawm ban rualin Miriamin min haw san nghal a, biakin bul ah Sir Josepha nghak in ka ding ran a


Min lo nghak ngei ngei angche ti miau hek


Apuia nen ka lam pan a an rawn kal chu ka lo en reng a, phone a hman avangin min rawn hmu ve awm pawn ka hrelo, Apuia erawh a rawn nui phei var var mai


Ka bul ah an rawn ding dat a

"Ka dah aw" a ti nghal sup


"Ka tlang ve nghal mai dawn" chhan hman lek lohvin Apuia zu kal nghal daih a


"Kan kal thei em?" A rawn ti ve sup chuan ka bu nghal nghat


Dawr ah chuan a ngai ang bawk in anlo awm leh nak nak a, "duh i nei em?" Atih chuan ka neihloh thu ka hrilh nghal vat


Muangchang in kan kal dun a, inkhawm bang dang te pawh awm ve tho mahse Saka nen zawk min ngaihbel rih miau avangin a tu amah chuan min ngaihsak hmel lemloh


"I kut ka vuan chak" a rawn tih chuan "ngailo" ka lo ti thuai


"I dawih si"


"A mawi lo alawm"


"Anih khilai a thim lai ah khian aw"


"A tul chuanglo"


"Anih... " Ti sup in ka dar a rawn hmer zauh a, ka tal sawn rang lutuk chu min nuih leh rih


"Mawl mawl suh"


"Ka bialnu ini tih pawh sawi i phal silo"


"An la hre dawn tho alawm"


"Umm anih" a ti tha ve leh mai.


In kan thlen chuan ka nu leh pa an lo mu der tawh


"Tih chi ve" nghal zet a min melh pah in an ti kher ah


Ner khum nawng in inthlak tur in ka luhsan nghal daih.


...


A phone ah YouTube kan en dun a, a password te pawh min hrilh thlap tawh mahse a phone en sak tumna ka nei lo, Annie thik chang nei thin mahila a bul ah tihlan loh hram ka duh ang bawk in rinhlelh ka duhlo a, ka ring tawk ani tih hria se ka duh bawk


Darkar chanve vel zet ngawi reng in kan en dun a, "thingpui i duh em?" Ka tih chuan "haw hma tir min tum" ala ti daih zui


"Kan la nghak che ania" Annie message chu notification ah a rawn lang va a, ka hmu lo der hmiah


Ngawi rengin kan en dun leh


Minute 10 hnu vel ah

"Ujo kan lo nghak char char dawn che ania, cake pawh kan la cut lo" arawn ti leh


"I reply dawn lo a mi?" Ka ti ta nge nge


"Angai a mi?" A ti liam puat a, engmah ka sawi zawm lo


Thingpui lum tur in ka thawh san a, ka in duh ve loh avangin no khat lek lum chhung chu a rei lem lo

Thingpui keng chung a ka let leh chu kawngka kik ri ka hriat avangin ding deuh dat in "lo lut ru" ka ti nghal sap


Dar9 a pelh hret tawh avangin chutianga rawn kal tur awm ang ka hre thiam chiahlo a, mak ka ti ru viau bawk


"In awm maw?" Ti sap a rawn lut te chu ka beisei loh em avangin chhan mai ngaihna pawh hrelo in ka lo ang pham ringawt


"Kan lo kal tawp" pakhat zawkin a tih leh chuan harhchhuak deuh zawk hian "ahh ... Aw enge.. lo kal ru" ti hliai in ka thingpui ken lai chu Sir Josepha bul ah ka va dah a


"Ujo a hi rawn koh kan tum " a ti leh


"Maw..." Mak ka ti zual sauh


"Enge ni a, Zualte?" Sir Josepha'n a rawn tih chuan Chunu chu Zualtei tih ka hre ve chiah, Annie bul ah ka hmuh fo thin avangin a hmel chu ka hre lutuk


"Lo thu ula" pangai thei ang ber in ka tileh


"Ujoa hi Annie birthday ah kan sawm a alo kal har lutuk a, kan lo sawm tawp a" Zualtein a tih leh chuan "awii ani maw?" Nui lui sang chungin ka ti hliai


"Ka lo kal dawn lo ka tih kha, minlo hrethiam mai ru" pakhat lah in a rawn ti sup a


"Naaa... Ujo Annie hi hrethiam ve la, i lo kal hma loh chu cake ka zai duh lo a ti tlat bawk sia" pakhat zawk khan a rawn ti veleh


SirJosepha chu kal pui ngei an tum tih lah an thut ngheh dan ah a lang reng mai bawk si


Tun dinhmun ah tak hi chuan Annie thil tih dan chu mak ka tih em avangin engmah ngaihtuah dan ka hrelo. Ka nuih a za tel deuh tlat bawk.



"Min lo zu kal san phawt mai ru, hei nula te ka rim ve a, Chhantei hrilh te pawh in ti hai dawn lawm le" ngaih hoh hmel zet in ala nui thaw zui a


"Miss chhan min hrethiam mai la i inleng pa hi kan lo hruai chhuak lawk mai dawn sin, i thinrim angem?" Nui sang in Zualtein arawn tih leh


Chhan na pek har tak a ni


"Aa... Ka thu velo e.. ama thu thu hi lawm" ka ti tawp

"Chu a phal vek" a la rawn ti zui


"Thingpui in duh em?" Ka tih chuan


"Aih kan hmanhmawh sia " tih pahin Sir Josepha chu an en a,


"Chhuak ila" ka rinloh zet a ti in a ding chhuak vut a, kawngka lam pan a pen phei chu hrilhhai lutuk hian ka thlir mawl tawp


"Miss chhan azia lo e, min hrethiam mai rawh aw" Sir Josepha leh Zualtei chhuah hnu ah pakhat zawk khan rawn hawi let in a rawn ti sap a


Harsa ti lutuk in ka nui lui, a chhuak ve chiah chu ka thin a tawt vek nia mawle.


Min rawn eihlo leh min hrilh miah lova a chhuak daih kha ka hrilhhai tur zia a ngaihtuah phak lo nge?


Rilru bing zet in ka nui chhuak leh tawp


...


Minute 10 vel zet rilru fim put tum a ka thut vangvang hnu ah muang zet in ka phone ka bih a, a message a awm ka beisei , mahse a awm lo.


Muangchang zet a ding chhuak in thawk kan la leh te te phawt a, muthilh phawt ka ngai


Kawngka kalh tum a ka ban chiah chu rawn pawt hawng tu an awm avangin ka phu chiang hle, rilru kal bing lai tak a lo ni bawk nen thla nei ilang chuan ka thlawk chiang viau ang


"Hetah enge itih" kei aiin mak ti hmel a la pu zui


Ka ngei em avangin "kawngka kalh ka tum" ka thin dawm pahin ka ti hlar,, ka phu nasa bawk a ka thinphu pawh a rang khawp mai


"Enga ti maw?" Ala ti zui anih chu


Ngei zet a melh rum nghek in


"Aw.. i kal sia" tawng rin hlau angreng tak sinin ka ti nghek,


"I awm a nawm loh ka hlau a, ka tihpalh ... Pawn a va biak mai kha a tha ka tia, i nu leh pa te an awm bawk nen.." a tih lai mek in


"I sawi thei lo ami? Khatia ngawi reng a i chhuah khan ka tan a hrilhhai thlak a sin" a hma zawng a tah chhuak miah si lo, tun a tak a ka tah a chhuak tun te chu ka thin a rim


A rawn let leh hi ka beisei lo lutuk a, chuvangin ka hlim, hei vang hian ka tah pawh a chhuak a niang


"Ka thin a thawk deuh thut a lawm le, lo kal teh" ti sup in alam ah min pawt hnai ah, nghet zet in min kuah nghal


"Ka tihpalh aw" ti sup in ka chhip ah a fawp leh vang vang, ka inthlahdul nghal riai riai bawk


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2022, 9:16 pm

NOT MY TYPE - 10
BY ESI TAYLOR


...



"Khawi an lo tho ang" ti sap a nem sawn ka tum chu zawi zet in "shh" a ti sup a, min kuahna chu a nghet zual sauh


"I lungngawi vek hun thleng.." hniam ruih in a rawn ti leh sap


"Ka thinrimlo"


"A pawilo..."


"Nangmah a lawm sual hmasa"


"Ka thin a thawk thut a, ka duh aiin ka vin ka hlau alawm, tawngkam mawi lo deuh pawh ka hmang tep..." Atih lai chuan


"Enge chutia thin thawk vak na tur awm" ka lo ti hlar, kha tia pawn ah va biak a duh chuan ka va chhuak lawk ange te pawh ti khawmawi ve se, Zualtei te pahnih lak ah pawh ka tan tlawmthlak ve deuh alawm


"Annie khan in in kawt ah a awm tih message min rawn thawn alawm" atih chuan rang lutuk hian ka awm sawn nghal dawrh


"Maw?" Ka ti hap


Ka hrilhhai , mak ti hmel chu thup buai ka tum bik lo, ani em em lo tlat a tin ni


"A la duh che tiraw, ngatinge a tihbuai reng che"


"Engtiang pawn che se ka tan awmzia pakhat mah a nei tawh lo" chang deuh tak in a rawn ti


"Mahse ngatinge.... Nangmah pawh hian hope ipe aniang" uar deuh tak in ka ti hliai a


Tawng rin vak ahlauhawm bawk si


Thutthleng ah chuan inkuangkuah deuh at in ka va thu ringawt


Kan pahnih chauh chuan awm ilang tun aia nasa hian ka an ka ring

"Ka pe miah lo" ti sup in a phone chu min rawn pe a, ka ban ve mai


"Thingpui pawh ka in tha hman silo a ka va inlum mai dawn" thil thleng engmah awmlo ang mai chuan nui sangin kan choka lam a pan zui nghal


Annie message chu ka check nghal, nitin deuhthaw message a thawn a, Zorinsanga chuan a reply ngailo, a reply chhun pawh


"minlo be tawh suh"


"Awmzia a awm lo"


"Bialnu ka nei tawh "


"Duhna che ka nei tawh lo"

Tih vel hlir a ni, a tawngkam chu ka dawn nita se ka reh nghal vang vang tawh ngei ang, a bung emai. Mahse Annie hi ngatinge hetia a awm tlat, rilru lam ah chian lohna anei zawk nge ni?


"Ka thin a rim dawn ania aw.. ka thinrim i phal ngai loh kha..." Annie rawn thawn ka chhiar lai phei chuan ka thin a rim a ni tawp mai


Kan intawn hma a an nun kha ka va thik phak nilo mahse kei ang tho va Annie alo duat thin tur ka ngaihtuah hian ka thin a rim tlat nia mawle. Pawi ka tih ber tak chu Zorinsanga bialnu hmasa ber leh a awmchhun ka ni lo hi a ni.


"Ka nu leh pa vang a mi? Anni pawn hreawm an ti ania, i lung a awi theih loh chuan ka chhungte hi chu ka kalsan vek mai ang" kan inngaihzawn hma a a message a ni


"Nilo e, huatna ka neilo, nangmah kha ka duh tawh lo che" ka meng bial kawk mai


Engtin nge ? Zorinsanga tawngkam chu a chang in a dawng tu tan chuan a na dawn bawl bawl hle mai, hetiang tawngkam a hmang ve hi ka awih theilo. Hmeichhe dang lak ah chuan nise ka hau ngei ngei ang, mahse Annie lak ah a nih miau avangin pawi tihna ka nei miahlo


A enga mah chu a delete lo, Annie hian Dampuia a rawn let hma ni 2 vel atangin a be tan a nihhmel a, a enga mah chu a delete lo bawk


Nichin a message rawn thawn chu

" Miss Chhani kha Saka nen an inngaizawng reng alawm, Saka pawn a sawi vek, a duh tak tak lo che"


"An in bul ah hian ka awm ve reng ania aw, ka rawn lut ve dawn em?"


"Ka rawn lut dawn "


Tih chu a ni


Ka thinrim lutuk chu ka sa pup pup thei mawle.


Midang nen a an inbiakna chu chhiar ka tumlo, a phone chu nghet zet in ka hmer ngawt ngawt ringawt.


A huang chin a pel tlat.


"Ehe thingpui a lum tir che ami?" Ka nu aw ka hriat chuan rang lutuk in ka ding chhuak nghal zawk


"Ummm" ala ti zui


"Bawihte thingpui te chu lum sak ta che" ka nu in ala rawn ti zui a, rang zet in ka pan phei nghal



"I duh ve em?" Ka nu en in Zorinsanga lah chuan ala ti zui bawk a


"Aih ka zun chhuak in min ti harh a , ka rawn tho maimai... " Tih pah in min en a "i ti awm lo thin emai, i â lutuk" min ti leh, bathroom a pan zui chu ka thlir tawp


Zorinsanga lah chuan min la nuih tiah tiah zui a.


...


Miriami nen kan inhmu rual rual in Annie chungchang leh a chet dan vel te chu kim thei ang ber in ka hrilh nghal char char, a chek tlak tlak mai


"Avan mak emem, ka awih lo zawk hial e a" a ti deuh tawp


"Zosangliana that na a rawn hre chiang thar anih chu" a tih hlak chuan


"Zosangliana ti ve ziah suh" kan thusawi lai nen a inpersan daih in ka ti hap a, kan nui leh rih


"Hman ah khan Zosangliana hi kan khua ah a awm ve thin a, ka star thei tawp amaw! Mahse an pem na a rei leh tawh, kha vang khan Zorinsanga hi Zosanglian ka tih phah alawm" a tih chuan naupang chhia ti zet in ka lo nui


"Annie chu amak ve ee tiraw?" A rawn ti leh daih


Sir Joseph an a reply dan te ka hrilh a, a lo duh viau anih pawh in nizan a kan in a alo kal kher kha amak kan tih lai ber chu a ni.

Kha ti em em a huangtau kha a hmel pawisawi loh hmel zet te ngaihtuah phei chuan a awihawm loh zawk.


Nizan khan ka nu a muhil lo tih kan hriat kar avangin engmah sawi dun na hun awm tawh heklo.

"In ni tih a hria ani maw a rawn kal chat dan ah"


"Aww a hria, Saka nen inngaizawng ang te pawh min sawi alawm"


"A zak loh e.. bak ah amawl ka ti, engtin nge inrem leh mai tur anga a ngaihtuah thei zawk le, anu leh pa te chet dan ngaihtuah phei chuan inthlahrung em em tur anih zawk laiin, a mawl reuh emai tha mawl dik tak anih chu" a ti deuh duah. Angaih dan ani bik lo viau tihlah a hmel ah a lang reng bawk


Miriami hian kei min tan vang ani bik hauhlo, kei nen pawh inngaizawng lo mahila tun a rilru hi chu a pu dawn hrim hrim tih ka hria


...


Fellowship ban ah chuan Sir Josepha nen chhuah dun kan tum avangin rang zet in ka haw tlang nghal vat, sawitur tam tak kannei miau a ni


Ani pawh in inthlahrung deuhvin "chawhnu ka inkhawm lo mai ang" atih ve ngei kha


Annie te thian ho lah khan min en leh hrek hrek thin a, a naupan chhiat thlak ka ti in ka thengthawng ah erawh an thawk pha vaklo.

Ka nuih te lam lam a za, hneh tu ka ni tih an ti chiang ka ti mai


Ka inthlak zawh rual velin a rawn thleng a, a scooty a khalh khat em em ah chuan chuang in kan inphur chhuak a, khawi ah nge kan kal dawn ka hre biklo


"I ning tawh em?" Darkar chanve dawn kan tlan hnu ah a rawn ti sup a, ka lu ka thing vut , min hmu thei lo tih hria in "kan thleng tep em?" Ka ti leh


"Anuam itih ka ring tlat, ahla tawh lo" atih hnu reilo vak lohvah a ding dat a, rang fe in ka chhuk nghal tharh


"Hla vaklo ke a kal angai aw" a tih chuan ka bu veleh mai, kan pahnih chauh hian a fal in hun kan la hmang ngai chiahlo bawk nen ka lai leh deuh pek tlat a nih chu


"Tumah an awmlo" ti sup in ka kut a rawn chelh a, ka melh nghal haw!


"Duhloh awih loh" amah bawkin a rawn ti leh, ka hnial ta bik lo.


Reivak lo fehkawng ang tak ah kan chho a, far hmun kan chhuak chho hlawl mai



Far kung chu a tam bawk nen thing dang hmuh tur a awmlo, khawthlir rem deuh na hmun ah chuan kan thu dun a, sawi mai tur a hre biklo nge kan ngawi dun deuh vang vang


"Kha ei la" ti sup in kan eitur lei chu a rawn lek chhuak a,


Lays chu la in ka hawng a, ka seh ri nghal rap rap


"Coke hi" arawn tih chuan tawng chuang lovin ka banleh vat


"I van zakzum" nui hawkin a rawn ti anihchu


Hmui ti sawi nawng nawngin "engvang?" Ka ti haw


"I tawng mawh lutuk"


"Chupawh anilo"


"Anih enge?"


"Ka hrelo" anuih a zual sauh leh ta nghal a


Naupang chhia zet in ka kut chu akhal niap niap a

"Sawi tur i nei em?" Atih chuan ka ngah lutuk a sawi chhuah ber tur hre silo angkhan ka awm


"Nangman sawi la"


"I thin a rim em?"


"Rim chhan tur a awm a mi?"



"Ka hrelo ka ring ve tawp a"


"Sawi tur nei tur chu i ni?" Amah en pah in ka ti sap


"Sawi vak tur pawh ka hrelo, min ring la ka duh a chuchu ani mai"


"Ka ringlo che pawh a nilo"


"I awm a nawm loh phah a mi?"


"Chutiang deuh chu, Annie nen a in inbiakna kha ka chhiar a, Saka nen inngaizawng anga min sawi kha.." ka tih lai mek mek in



"In inkar ah awm a awm lo tih ka hrechiang alawm" arawn ti rang hle


Bu deuh nghat nghat in "umm a awmlo a, mahse ..."


"Annie thusawi avanga buai ka duhlo, a tul chuan na tak pawh in ka hau hrehlo, ka tan engmah a nih tawh loh vang zawkin ka lo enliam vel maimai thin a, mahse i tan a nawmloh phah na anih dawn ai chuan a nu leh pa te biak pawh ka hreh miahlo" a rawn tih leh meuh chuan duh lutuk in ka en


"Kan inngaizawng tih a hria tiraw?"


"Umm ka hrilh a apawi em?" Ka lungawi loh mai hlauh hmel zet in min en a, ka lawm daih zawk si


"Annie bul ah kher chuan pawi ka ti lo nasa" uar lutuk in ka ti nghek a, anui chhuak hawk


"Kan inngaihzawn hma atang tawh khan ka star che tih ka hrilh tawh zawk mawle" arawn tih chuan rang lutuk in "maw?" Ka ti nghek


"Bialnu inei em min tia ka nei silo a, mahse ka star tho che a"


"Min van star awm emem" naupang chhia lutuk in ka ti hliai, ka lawm em vang zawk a ni.


"Star leh mahmah zel che mawle" tih pahin ka biang a rawn fawp zauh

Ka nui varvar mai

....

Ka nu in "in inngaizawng em ni?" Chawei lai in a rawn ti thut, ka thil hmuam lai ka phuh chhuak lo chauh a ni


Ka pa a awm ve kur bawk si, hetiang teh tlawng a inzawh chu a zahthlak ve duh lutuk


Ka pa lahin ka chhanna hriat chak hmel lutuk in a chawbar thulh meuh in min en


"Naaa chutiang in zawh" zak zet in ka ti hap


"I u in min hrilh vek tawh " nuih za insum deuh a atih chuan Uthantea te nupa ka ngei zia chu, anchhia ka lawh lo chauh a ni


"Anva tawng thei tak" ka ti sap a


"Zep kher angai em ni?" Ka pa in a rawn ti khauh


"A zahthlak ve alawm" ka biang a sa hat hat mai


"Neih ngam te chuan sawi ngamlohna tur a awmlo reng reng" ka nu leh bawk



Hmanni deuh khan Umeloi nen kan inbia a, SirJosepha chungchang ka hrilh pek a, kan in kawmngeih ve bawk avang hian ka hrilh thin hrim hrim bawk. Ani lah in eirawngbawl chungin min bia a, loudspeaker a on pek a, Uthantean alo ngaihthla ve vek nitur ani, kan inbiak tawp lam ah "SirJosepha chu a hmeltha maw" uang zet in a rawn ti pek anih kha


Umeloi bul ah khan ka fak nasa lah tak bawk ah


Ka nu leh pa te an rawn hrilh hman thawt thawt hi ka ringlo reng reng


"Chu lam pawh anilo" ka ti mawl leh tawp


"Fimkhur lang, hmeichhia chu mualpho hi a awl bik khawp a, Josepha a tha lo kan tihna lam nilovin, mikhual chan te kan chang deuh reuh bawk nen engkim ah fimkhur atha aw..." Thutak deuh tak a ka nu in atih leh chuan ka bu deuh nghat nghat


Chhan let dan tur ka hrelo hrim hrim bawk


Ka ngaihzawng te ah inrawlh ngai lo mahse chutia Sir Josepha an pawm a, duhlohna an neilo tih han hriatchian hrim hrim pawh chu thlamuan thlak tak ani.


Ka pa erawh in engmah a sawi ve lemlo.


....


"Vawiin chu naupang ho hi kan infiam tir dawn nge hna kan thawk ang, game min rawn dil reng mai a" Sir Tpan a rawn ti lang lang a, kan head mah nise amahin thuthlukna a siam nghal tawp ngailo, min rawn thlap thin .



"In tih dan dan animai" ka lo ti vat


An sawi tliar tliar a , han game pui mai chu tha kan ti tlang ta nge nge


Zirtawpni hian chawhnu lam ah hna kan thawk loh anih chuan kan game thin a, ban hma chang te pawh kannei thin.


Buhseng hun lai anih avangin a tu ate pawh chu lo lam ah thahnem ngai fe in an liam zur zur a, Hei nimin leh vawiin ah Sir Josepha pawh a chawlh phah tawh.



A awmloh chuan school te hi anuam lo, a reh ruih hian ka hre tlat pek anih chu


....

"Ava mak em em tak!!" Miriamin ka hmai zawn ah a kut a rawn vai thuak a,


"Maw enge?" Ka ti rang hle


"Huiz ni hnih school a rawn kal lo dek dek a, i normal lo nghal ringawt a"



"Anilo ka en uluk alawm" ti hliai in naupang ho inkhel chu ka thlir leh


"I daw ve e... Lunglen i pe na lutuk,miss Dinpuii pawn 'a nuamsam lo a mi?' ati che ania aw" keipawh ka nui tawp


"Lunglen hi alo na anih hi" zawi zet in ka ti chuai raih a ka dar a ri nghal dawp.



"Tak takin naktuk chu kal i peih em?" Atih chuan angai ang bawk in


"I kal peih leh peih lo animai" ka ti sam et



"Ka tellovin kal mai la"


"I ti mak e a, ka duh teuhlo" ka ti nghal hlur



"Ka peih over lo, mahse Zorinsangan min rawn sawm uluk nasa khawp mai i kalloh a hlau khawp a" atih chuan hlim zet in ka nui leh tawp.


Naktuk ah hian Sir Josepha ten buh an seng zo tawh dawn a, lo zawhna kha a hran in an nei ta silo a, thenrual tha te nen lo ah chawei khawm pah an tum ani awm e



Buh an seng chhung zawng khan hlawhfa leh lawm an ruai char char a, naktuk ah erawh chuan apuih in an inpui dawn ni awm tak a ni.


Ka kal ve ngei a phut si, mahni in kal leh ngam hek lo Miriami kan ti deuh reng mai a ni.


...


Kan ban hnu chuan dawr ah lei ngai ka neih nual avangin Miriami nen kawn pan in muang zet in kan kal dun a


Sawitur hi kan ngah em em reng zel mai a ni


"Lak loh chi ani silo, ha chhuak dawn ila ka duh emaw atih ka hlau bawk si" a tih niah niah chuan za lutuk in ka nui , ka insum hleitheilo



"Nui reng lo teh" min han ti leh rih thin


"A rilru chu a tluan ve em kha chutiang in i duh angin a ngai bik dawn ami? I sawi miau loh te chuan"


"Tluang mahse a mawl ve em alawm" a ti leh hap, ka nuih a za tulh tulh mai bawk si



Kar hmasa khan Vanlalrawlringa Aizawl ah a zu zin a, Miriami kawr a rawn hawn sak ngei ni tur a ni, a rilru a buai phah ta em em mai anih hi.

....

Dawr kan thlen hnu chuan ka mamawh ka lakhawm nghal zung zung a, Miriamin pawn ah phone bih mual mual chung in min nghak bawk


Rei min ti deuh nge


"Lei hnem i tum lutuk" a rawn ti leh zuk zuk thin


Pawn a ka chhuah chuan hrilhhai hmel fe hian min lo en a, hrethiam lo zet in "enge i mood i va change nasa ve" tih pahin ka bag ah ka siam tha a, "i duh ve em kha" tih pahin Frooti pakhat chu pe in keipawh in ka fawp zui nghal


"Aaa.... Nia a mak ka ti deuh maimai"


"Engchu maw?"


"I hretho ang a ho lutuk" atih leh chuan


"Hmm ka hriat tho chu enge"


"Uthaa status hi mawle?"


"A number ka nei reng reng lo" ngaihsam hmel fe in ka ti liam puat



"Ding la lo en teh" a tih chuan ka ding ve mai


"Hei Annie hi an lo ah ava kal ve tih i hria em?"


Mak ti lutuk in a phone chu ka chhuhsak nghal rawk rawk


"Vawiin chu kan kim tlang bawk a, hnathawh pawh a sawt khawp mai" ti a caption in thlalak ah chuan Annie bak ah Uthaa, Sir Josepha leh midang 6 mipa leh hmeichhia ka la hmuh ngai loh te an lang



A phone a tha vaklo nge thlalak pawh chu fiah fai vak lo mahse Annie leh Sir Josepha chu ka hai mawlh silo


"Ka hre miahlo" mak ti lutuk in ka ti leh sap


"Awiiii henu hi amak ve e... Eng em em nge maw abeisei le, anu leh pa in hau hrep se atha ang, ava kal ve tawp aniang" atih chuan ka nui lui deuh hak


Sawm ni miah silovin mi lo ah, ava kal tawp thei dawn ami le, a hahthlak ve tho bawk si.


Mahse tupawn lo sawm ve se, Sir Josepha chuan a sawm lo hulhual ang tih ka chiang, chutichung pawh chuan min hrilh miah loh avangin ka lawm lo hle thung.


An chawlh lai pawh khan kan inbe reng a, hresa lo mahse min hrilhna hun chu a awm chiang tho alawm


"I rilru a nawm loh phah em?" Miriamin a tih chuan "nuam lo chuang nang, a ho emai, a mawl tawh tak tak aniang" uar zet in ka ti hap

...


Miriami nen kan inthen hnu chuan ngaihtuahna ka hmang nasa lutuk a, ka kalchin pawh ka hrelo, ka inrin hma in kan in ka thleng der



Ka thil lei ho ka nu in alo en fel nghal zung zung a, zawi zet in ka pindan ka pan


Ka phone chu lachhuak in call nghal ka tum deuh ut ut a, mahse hna an thawh laklawh ka rin avang leh, Annie thik lutuk anga lan ka hlauh luat ah ka call leh duhlo



Zan ah min hrilh tho ka rin avangin rilru ti hlim luiin hrelo anga awm phawt chu ka duh leh ta zawk.


Aman min hrilh phawt sela, min hrilh nghal mailoh chhan zawh chauh chu thil tha ber angin ka ngai. Thil engmah nilova lungngai chiam rualpawh ka ni tawh bik hleinem


Ka inthlak zo ka nu eirawngbawl pui tum a chhuah ka tum lai mek in message ka dawn avangin let leh in ka khum bul a phone ka charge chu ka va la rang hle.


Amah anih ring miau hek le


Mahse ka beiseilo thil ka hmu



"Vawiin ah ka kal ve tih a hrilh lo ang che tiraw?" A number neilo mahila a dp atangin Annie anitih ka hre chiang si, thlalak ah chuan Sir Josephan thlam namthlak ah hahdam hmel zet a thu chung in chem a tat mek



Ka sa nghal pup pup nia mawle...


Ka reply ang nge reply lo ang tih ka ngaihtuah buai khawp mai


Ka ngei lutuk chu tawngkam chhe deuh a va ankhum hial mai ka duh ut ut , a mawl leh mahmah duh aiin a huang a pel thui mahmah tawh tlat.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2022, 9:16 pm

NOT MY TYPE - 11
BY ESI TAYLOR



...



Ka reply na tur chu vawi engzat nge ka type nawn ka hre lo, a rilru tihna thei angber a va chhan ka duh a, ka rilru thlak in engah mah ngailo anga va lan ka duh thul



Annie message pakhat lek in min tihbuai dan chu!


Inbengdaih phawt tum in thawk kan la te te a, sir Josepha online leh online loh ka en vat a, a last seen pawh chawhnu lam hna an tan dawn ami chauh kha ala ni bawk nen , a hmu mai dawn lo bawk a va biak rihloh chu atha zawk in ka hria



Thinrim lai a thil tih zung zung hi a hnu ah kan inchhir leh na tur ani fo tih a tak a tawng tawh tu ka nih avang tak in tun ah pawh engmah ka ti ta rih lo ni reng bawk


Miriami ka zu be ta ringawt, kei ai ai in alo sa leh pek


"Apuia ka be dawn" atih lah in ka phal silo


Sir Josepha thu sawi ka hre phawt duh tlat


"Annie chu va hau hrep rawh a zaktheilo emai " a rawn ti leh ringawt bawk. Engmah awmzia a awmlo, mahse min tan tlat tu ka nei tih ka hriat na chuan ka awm a ti nuam tho.


Annie number chu kan save te te phawt a
"I va kal peih zawk ve 🤣🤣" tiin ka reply


A seen rang hle na in min reply tawh lo


Ka nu eirawngbawl puiin ka phone pawh ka charge ta daih


Malsawmi te unau an rawn leng ta hlauh bawk nen , nuih na tur atam, keipawn ka ngaihtuah zui reng ta bik lo


...


Zanriah eikham thleng ka sil laiin , Sir Josepha a rawn lut thut, hawihai zet hian "i va hma ve" kan ti pek a


Ka phone kha ka la en ta miahlova, thleng sil zawh ah ka en ang ka ti kha a nia


"Thingpuisen kha lo lum la" ka pa in a rawn ti vat a, ka pa bul ah ah a thu ve nghal


Thleng sil zawh ah thingpui ka lum sak a, a so hma in ka phone chu ka va la vat,



"Kan rawn haw dawn e"


"In ka thleng chiah"


Tih leh vawihnih a misscall alo awm


Miriami message lah chu "Zorinsanga ka zawt dawn Annie kal chhan, mahse i hria tih ka sawilo ang, Uthaa status ka hmu ka ti ang" tih chu a ni


Ka nuih a za hle


Ka thiannu hi kei ai mah hian a tang zawk anihhi.


Hei vang hi nge ni Sir Josepha pawh a rawn lan hma em em ni


..


Thingpui ka pek lai chuan ka pa nen an lo chung chang sawiin an titi tui hle a, ka pa lah hian kumthar ah Leipui neih a tum ruh khawp mai, lo puitling em em chu kan remti silo.


Ram tha lai ni a ahriat te SirJosepha pawn a hrilh ve nasa khawp mai


"Naktuk chu i rawn kalpeih angem?" Ka pa awm lai kher a min zawh danah ka pa phalna lak a duh pah tih ka hrethiam mai, ka sawi tawh tho avangin "naktuk ah buhsengna ah khan min sawm a" ka lo ti ve vat



"I tangkai ve awm silo a" nui huah huah chungin ka pa in alo ti vat


"Thingpui te pawh kan lo lum thei anga"


"Keipawh I patea te buh sengna ah vawikhat na reng reng chu va kal ka duh" ka nu lahin ka rinloh lutuk in a rawn ti


An phalloh thu an sawi tak bik loh avangin Miriamin a peih chuan ka kal ngei ngei ang, Annie pawh a kal alawm le.

..

Kawmchhakpa a rawn lenluh ve avangin choka dawhkan bul ah kan thu dun a,


"Phone i la thei lo a" atih chuan

"Ka buai lutuk alawm" ka lo ti vat


"Min be duhlo emaw ka ti lawm" anui hawk a, keipawh ka nui tho


"Ringawt a che"


"Thil ka sawi anga thinrim lo la" atih chuan a sawi tur ka hriat sa vek avangin chhang lovin ka bu nghat


"Vawiin khan Annie arawn kal ve a..." Atih chuan chhang lovin a sawi zawm tur ka lo nghak


"Ka hre lawk miahlo, Uthaa leh Apuia kha kan hnung ah an rawn kal ve a , alo hmu aniang ..... Uthaan a sawm khawmawi ve kha arawn kal ve mai nitur a ni"


Ka la tawng chuang lo


"Apuia pawh ka hau a"


"Chuan..." Ka ti tawi tak ringawt


"Ka rawn hrilh nghal che chuan nilengin i awm alo nawm loh ka hlau a"



"Chupawh nise rawn sawi nghal ta che" titau aw lek lek in ka ti sap


"Ralkhat a i lo tihtauh kha ka hlau alawm, tun ah hi chuan titau mahla i bul ah ka awm tho a pawi lo" ala ti zui anihchu


"Anih chuan zanin ah ka be lo angche"



"Het het het.. a chi nang"


"Bak ah Annie vang hlir a buai hi ka ning" ka ti chhum deuh hmak a, inngaihtuah bing hmel zet in a ngawi run lehnghal


"Chuan alo kal ve tih pawh ka hre vek" ka ti leh hlar


Rang zet in ka phone chu ka hmet a, Annie message chu a hmai zawn ah a hmuh theih tur in ka va lek lang nghal



Ka phone pawh a rawn ban rang hle



"Ava buai thlak ve aw" a rawn ti sup a, ka lo duhkhawp lo nasa


"Hetia a rawn tih leh chuan aw... Ka insual pui duh mai ang"


"A rawn be tawh lovang che" thutak deuh tak in a rawn tileh


"I ex hi a mawl si" duhthawh zet in ka ti hlak a, ka inchhir leh


Tawngkam mawi lo deuh abul ah ka hmang anih chuan min ngaihdan a dan ka hlau tlat nia mawle. Hetiang em em hian ka lo duh anih hi


"Innei daih ila" arawn ti teh daih a, phawk zet in ka melh hru ringawt


"Kan inngaizawng ve tan chauh anihhi"


"Thla te chu a tling ve tawh aw" ka nui tawp ringawt ani pawh chuti tho


Apuia a rawn lut chu mak ti zet in kan lo melh a,

"Enge ka hnawk a mi?" A la rawn ti zui.


....


Miriami nen Sir Josepha te lo ah chuan kan kal ta ngei a, kal kawng tluan in Annie vangin Miriamin Apuia te thiandun chu a hau .


Ka lo nui ka lo nui ringawt.


Tetei nen kan kal dun a, rin ai tak in kan inkawm thei chu ka lawm viau mai, SirJosepha tan a chhungkaw pawimawh zia ka hria a, Annie te lo chet tawh dan avang pawh khan an lak a that chhuah ka duh reng bawk


Kan vaiin 10 chuang zet kannih avangin tupawh chu sawitur ngah vek kan nihhmel, an tawng lawng lawng reng a, tuman mi thusawi ngaihsak hmel bik an awm lo bawk nen Miriami pawh ka khap buai peih lo reng bawk.



An thlam kan thlen chuan Miriami leh Tetein thingpui an lum nghal a, nula tleirawl pahnih an awm avangin kei chu ka zei hawi vaklo nen ka lo thu deuh tawp


Chung tleirawl te pahnih lah chu an han tawngduh em em khawp a, che chhe palh deuh awm se an nuih tiah tiah zel bawk nen kan hlimpui phian



No a an thingpui thlit chhuah chu ka lo sem zel a, Sir Josepha ka pek lai chuan tleirawl pakhat zawk khan "Uzorin Miss Chhani nen khan inni chiang mai" a rawn ti ,


Chhang lova nuih liam mai ka tum laiin ka bul a mi lah pek chuan "ngaizawng e" a rawn ti mauh


"Ehee... Kan ringdik " ti hliai in a thiannu nen chuan an innuih a, ka sen ap ap mai


Hauh chi ni bawk silo


Thlam chhung ah chuan Sir Josepha nu awm ve miau hek, a pa erawh thlam pawn ah midang ho nen an ti ti hlauh


"Innei ru " pakhat zawki khan a rawn ti, chu em chu a chhang ta biklo


Miriami lah alo nui thaw bawk, nu Siamtei te chu ka melh ngam tawh teuhlo


"I zei amawni le bialnu lah hi inei tha thei phian a" An la rawn ti leh talh anihchu.


Sir Josepha lah a zak ve der silo "ka hmel te hi athat em hi" uar deuh tak a tih phei chuan ka lo sen tawn tawn tawh.


"In ho emai" tiin Miriamin thil dang a rawn sawipui ta hlauh zawk a.


...


Buh an seng laiin keinin eirawng kan lo bawl a, Arsa kan kang hluah mai, mahni eitur theuh chaw kan pai a, thildang siam angai lem lo.


Buhte chuan mawina reng reng annei tawh lo, seng tur a chin nimahse ka lo ui ru deuh tlat pek, a buaithlakk thin ania.


"Phur 100 chu annei hrim hrim" Miriamin a tih chuan tam hi ka lo ti lehpek khawp a


Thawk tu an tam bawk nen dar2 rik hma in an rawn zo fel vek a, chawei na tur changel hnah tamtham zet in Apuian a va la a, chawhmeh tur pardi, lengser leh Ansapui hnah Tetei nen kan va lakhawm ve bawk


Ni a sa tha bawk nen chung kan lakna ringawt ah chuan ka thaw a sa phat phat mai, midang hah dan tur chu ka hriatthiam pui ve khawp mai.


Nula hovin kan eikhawm a, chawei lai pawh chuan kan ri lawng lawng reng mai, kan la ei rei ber zui bawk a, nula eikhawm tihtak ah kan ei muang hlawm lahtak ah.



A khat tawk in tleirawli te pahnih khan min chhaih zuk zuk reng a, kei tak chu min nel chiahlo bawk nen Sir Josepha an kap reng mai ani, patling pakhat phawk deuh hi a awm a, chupa ho chuan kan inneih hun tur thleng thleng in an lo sawi kual a


"Kan chhungkaw ho hi chuan thingpui sen hi kan duh tak thei a nia aw" atih loh leh


"Kumthar a inlo tur chu pawh tir ula atha ang" te a ti thul


Sir Josepha nu leh pa te pawh an nui an nui ve mai, ka biang erawh a sa leh hat hat zel


Chhungkhat vek anni bawk a, an in hriatchian hmel viau, tleirawli te pahnih pawh kha Sir Josepha cousin te anni


...

Ni aliam a, Annie a reh a, Sir Josepha pawh a be ngai ta rih lo, thlasik rima nam tan a, a la vawh lutuk loh avang in boruak chu anuam tawk viau mai.


Christmas chawlh mawlh te chu ka huppurh hlur tawh a, SirJosepha lah in a sawi chhuak deuh reng mai bawk si, awm hran chu kan hreh ani tawp mai. Ka awm loh hun ah Annie in alo biak leh mai te ka hlau bawk nen, Christmas te chu ka duhlo dawn dawn nia mawle.


November ni 18 ani a, Sir Josepha a birthday anih avangin nidang zawng aia inchei uluk in school pawh ka kal , a birth day pual ni pah fawm in a thawhpui te zawng zawng a nu leh pa in chawei ah min sawm a, lan nalh loh ka hlau tlat


Surprise nan ti in cake te pawh kan order thlap a vangin a mimal ang chuan ka ti ta lo, jacket nalh zet ka order sak pawh nithum liamta khan a rawn thleng fel vek tawh, aman pawh a tlawm vaklo.


WhatsApp status te chu ka vil deuh tawp, an wish dan hre vek duh miau hek


Annie pawh in a rawn wish ngei kha, a number kha ka save ta ngei a, ka no a delete anih ka ring nge min hide zawk, Sir Josepha a wish na chu ka hmu thei ve der lo, mahse a phone a tangin ka hmu ve vek tho.



Ka thinrim dawn dawn a, mahse ka thinrim pui leh peih vel lo ta zawk


An inngaihzawn lai a an thlalak dun ni ngei tur a rawn hmang a, "happy birthday aw... Kan hlim over lai hi kan hmang ange, ka tan hian i hlu lutuk a, chuvang in reitak dam ang che" a ti deuh duah


Miriamin over an tilehpek khawp ah



Buhseng ni a kan feh atang khan kan inkar hre tu pawh an awm ta nual a, ka thawhpui te hian an la hrelo nge min fiam nan an la hmang lo hlauh zawk a

...


School ban ah tumah haw lovin Sir Josepha te in ah kan tlang nghal dial a, an chhungkhat hnaivai te thleng in anlo sawm a, rin aiin kan thahnem phian mai


Chaw ei dawn hunserh ah khunkhan deuh tak in Apa in thu a sawi a , an harsat thin zia te, tun dinhmun thleng tur an beih nasat zia a sawi lai te chuan ka lo khawngaih leh pek khawp mai.



A zirna chawlhsan angaih lai a hreawm a tih zia te, a birthday pawh an lawm ngailoh thu leh tun hi an lawm sak na hmasa ber anih thu te asawi a, Sir Josepha chanchin te asawi a, a tumruh zia te, Pa Dinliana thusawi ka ngaihthlak hnu ah chuan an fapa lak a an innghah nasat zia leh a fapa a chhuan zia chu sawilang lo mahse ka lo hrethiam takzet thung.


Puar zet in chaw kan ei hnu ah cake te a zai veleh a, an chhungkhat ho lah chuan min chhaih min chhaih mai lehnghal a


A puithu lai ber azo ta bawk a tiin thawhpui te ho an haw ta sap sap hlawm bawk nen keipawh haw ve mai tum in Miriami ka zawng ru deuh a, ani zawng chhungkhat ang mai a inhrechiang leh innel anni bawk a, a tlei khawp mai khawi ah nge a awm pawh ka hrelo


"UMiriami chu kuhva leiin an tir a" Ka zawng tih hria in Tetein alo tih chuan ka nuih a za khawp mai


Puitling la haw ve mai peih lo tlem leh naupang lam bak an awm tawh meuhlo



"Ka room ah kan lo nghak daih dawn mi?" Atih avangin Sir Josepha melh ru deuh chungin Tetei pindan ah kan inzui lut a


Nichin khan miss Dinpuii te haw tur kha a zui chhuak a ka hmu leh ta reng reng lo


"Riak ve daih ula" a tih chuan ka nui tawp, ani pawh chuti tho


Tetei khum ah chuan mu in phone kan en dun a, Miriami hah hmel zet a rawn lut chu kan nuih leh rih


"Kuhva lei tur in an tir che maw" ka lo ti nghal


"Pa Thanga saw lawm min tir ve ziah, inlak nulat tawh hnu ah pawh hian" ti nang nang in kan bul ah a rawn let thla ve nghal tawp


"Haw mai ka duh a" ka tih chuan



"Ujoa inthlah tir la" Tetein alo ti thuai


"Nia, haw pawh apawilo" Miriamin a rawn ti vat.


Sir Josepha chu ka call a, ala thei der lo lehnghal


"Ka va zawng ang pawn ah" ti tharh in Tetei a chhuak zui nghal a


"I in tur te ala nihhmel sia , nuam i ti dawn em?" Nghal zet in Miriamin a rawn ti


"Nuam dawn angchu" ka ti ve mai bawk


Sir Josepha hi ka pasal tur angin ka la ngaihtuah ngai miahlo a, pasal neih hrim hrim ka la ngaihtuah ngailo ani mah zawk, mahse nei dawn ta ila ka duh thlap tih erawh ka hre chiang.



Sir Josepha a rawn luh chuan "haw ka tum a" rang zet in ka ti vat a


"Kan chho dawnnia" ati rang hle



"Miriam thlah i ngai em?" Atih leh chuah


"Ngailo e" ti ve bawk mahse zan ani tawh bawk nen "duhleh va thlah hmasa laaa .. irawn let lehnghal anga" ka tih lai mekin Tetei a rawn lut a


"A rawn let nghal theilo maithei aw.. ka chelh tlat dawn" Miriamin alo ti


"I lo awm hreh lo maw" Sir Josephan a tih chuan


"Aww ka lo awmpui mai ang" Tetein arawn ti khauh, Sir Josepha pawh a nui tawp

....


An chhuah hnu chuan "uJo hi a boring em?" Ka rinloh zet in arawn ti a, "boring lo e" ka ti ve mai


"Bialpa ka neih hi aphal lo tlat zel a, aman a nei thin tho sia ka ngei thei ania aw... Tun ah chuan a phal tawh a" naupangchhia zet a rawn tih chuan ka lo nui hawk



"Chuan inei ta ami?"



"Nei angchu" a ti ve mai bawk a.


...


"Uzualtei te an lo kal a, khawiah nge auZoa " mipa naupang pakhat in a rawn tih chuan ka thu chhuak chiang hle


"Maw?" Tetei pawh in mak tih hmel fe in a ti hu


"In awm lo vek a, anu Siamin ko rawh a tia" ati leh, ka thu khawng deuh lah ringawt



"Aw ka lo kal, ka va chhuak lawk mai ang" ti sap in Tetei a chhuak zui a


Zualtei alo kal chuan Annie pawh atel dawn tih ka hrechiang lutuk, engtin nge an rawn kal ngam zawk le



Annie hian min thawng thut thut reng mai anihhi


Tawm bo char char ka duh rual in va inlan ve kher pawh ka duh a, ka ngaihtuah na chu a buai map map khawp mai

....

"Annie te anlo kal a, lo chhuak la" Sir Josepha chu rawn lut in ka bul ah a rawn ding a, nuam ti hmel a pu bik lo



"Enge an rawn tih?" Ka ti chang fak



"Cake an rawn keng a, lo kal rawh" ti sup in ka kut a rawn chelh , nuam ti zan lo mahila inringtawk zet in ka zui chhuak



Choka dawhkan bul ah an lo thu a, zualtei leh Annie bak an thiannu pakhat nen khan, naupang awm ho chuan dawhkan a cake chu an lo kil laih a, a lian tha viau lehnghal



"Cake in tum chawp in kan lo kal tawp a" Zualtein min hmuh rualin nui varvar in alo ti nghal, ka nui ve mai


"Lo koh che ka tum chiah a" Tetein alo ti vat bawk


"Pawi i ti em lo angchu tiraw " nui sang in Annie in arawn ti leh, Tetei chu choka atangin akal sawn nghal daih bawk


"Ti lo e , zai vat la" Sir Josepha melh pahin ka ti leh a, vanneihthlak lutuk in Apuia leh Uthaa an rawn lut ta hlauh


Uthaa a phur leh pek bawk a, cake chu a zai a, Sir Josepha a chuan min barh a, "tihian zai mai ula" a tih zawm nghal, naupang ho lah an phur tawh si


"Birthday boy barh kan duh ve lawm" Zualtein a rawn tih chuan , ni e, anlo ti vek



Tihngaihna vak awm hek lo, an vai chuan a barh vek a, naupang ho bak ah sitting room lam a puitling awm ho chu ka va ei tir leh vek


Pa Dinan "in va fel ve" Annie te thian ho a hmuh chuan a ti ve sup a, Nu Siamtei erawh in abe lo hrim hrim. Mahse an hmel ah chuan thinrimna emaw engmah an ti lang miah lo, ngaina lo ang pawh in an awm chuanglo , anfakawm ka ti viau mai



"Hei Chhani te in ah kal ka ngai a" Sir Josephan atih chuan


"Ka va thlah kual vek ang che u in fel bawk ah" Apuian alo ti nghal thuai thuai


An haw hma hma in kan chhuak daih


...


Ngawi reng in kan inphur chho a, ka ngaihtuah na a vak kual nasa a, a ni pawh a nihve tho ka ring



In kan thlen chuan ka nu alo la meng a, a mu zui ve nghal mai


Inthlak tur in ka pindan ka pan san a

Khum ah chuan ka thu thla hnawk


Boruak khan min ti chau


Inthlak mai lovin ka phone ka en leh


"Zualtei ka nia, Annie avang khan hreawm ti suh aw, kan hau nasa lutuk anu leh pa pawh in an hau nasa a, mahse tihngaihna thlawt kan hrelo, a zia ve mai ang" tih message ka chhiar chu keimah ah danglam engmah pawh a awm tawh lo, ka nui ringawt


Sir Josepha hrilh kher tumna pawh ka neilo, ka inthlak zawh chuan ka jacket leisak chu ka keng chhuak a



"Kha" ka va ti mawl tawp



"Ehe..." Phur hmel zet in ati hliai a



"Ha chhin rawh" ka ti leh


"Ka lawm tehreng nen min pe tu hi a hlim loh hmel emai" ti sup in ka kut a rawn chelh a, min hnaih zet in a rawn thu nghal



"Chupawh anilo"



"Han nui ve phawt la"


"A za hleinem "



"Anih " ti sup in min rawn fawp zauh


Ka chal a rawn fawp leh vawng vawng a


"Ka hmangaih che" arawn ti thawp sup


Mak ti zet in ka en a, ka hlim bawk si


"Kan ha chhin ang aw" phur hmel zet a a tih leh chuan ka nui var var mai


Ala inhmeh em em zui a


"Engmah ka beisei lo asin, ti hian ka kut hi vuan la ka lawm a nimai" nghet deuh tak a ka kut hum chung in arawn ti leh



"Ka dream ang chiah in i inhmeh" ka ti hliai thung.


...


"News i hria em?" School ka thlen rual rualin Miriamin alo ti nghal


"Eng news" hre chak zet in abul ah ka va ding nghal


"Thu phawt rawh" a tih chuan ka thutna ah ka thu veleh nghal mai, min hnaih theih nan a chair chu a rawn hung tha a


Ka beng bul chet ah "Annie Aizawl ah an hruai thla a"


"Chuan..." Ka lo ti tawp, ka rin aiiin a news chu a ho tlat


"Nizan khan Zorinsanga hmuh ka duh atia, dar 11 vel ah in atangin achhuak ani awm e" atih chuan phawk zet in



"Engtin maw?" Ka ti nghek



"A nu in ava um ani awm e, a buai vek an tia, rilru lam ah chianloh na anei pawh ani maithei, Aizawl ah an chhuk pui nghal tukin ah Psychiatrist hmu tur in"


Mak ka ti lutuk


"A van mak em em" ka ti leh tawp


Ka rin phak bak daih a ni



"Ahma pawh in hetia buai hi alo nei zeuh zeuh tawh aniang, enteh a hlauhawm zawk ka ti"



"A hria em?"


"A hriat ka ring lo, tuvakmah an hrilh lo vang, keipawn ka hriatna ka sawi thei biklo, an chhungkaw thuruk ania"



"Amak e tiraw" ka ti leh hap


Sir Josepha office a rawn lut chu ngun lutuk hian ka lo en a, buaipui leh atchilh tham khawp a mipa tha chu ani meuh mai, mahse ka hlutna zawng zawng ti chhe thei tur khawp chuan ka atchilh chiah in ka hre lo.



Thil theih pawh ani dawn ami?



Annie khan damlohna chu a nei tak tak anih ka ring ta ber.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2022, 9:16 pm

NOT MY TYPE - 12
BY ESI TAYLOR



....




"Vawiin hi kan mood ava dang ve" hma lam melh ngat ngat a ka awm chu ka mit zawn ah a kut a rawn vai thuak


"Ka pending anih kha" ka tih chuan a nui chhuak hawk mai


Annie chungchang te chu hrilh chak viau mahila Miriami khan thuruk a ti ve luklak bawk nen, a hriat hun ah a man min hrilh a tan ka khek ta mai


Ka nu pawh patea te lovah buhsengin nihnih a feh ve a, a taksa in a tlin vak lo ni ngei tur a ni, inchhung dung ah pawh vei tha peih lo khawp in a damlo a, kan in entir lah in, doctor in admit ngai em in a hre silo, kan hau kan hau mai.


Kumthar lam a ka pa leipui siam tum pawh tun dinhmun ah chuan ka u te lam in an rawn remti lo bur ta nghal a, ka pa lah in a la tum nghet si "i nu a feh ve dawn lo" te a ti thul, a buaithlakk ania

...


Zanriah ka nu in a eipeih tak loh avangin ka pa nen chauh chuan chawei a tui mawh khawp mai, ka nu lah a damlohna han sawk fak tur kan hre silo.


A taksa chauh vangah kan han ngai a, a bp te pawh a hniam deuh reng a, rin aiin a bei rei ta phian bawk si. Khawsik ser ser awm zeuh zeuh tih loh chu han sawi hluai tur dang a awm der chuang bawk silo.


Ka u te bawk an rawn mangang a, Aizawla chhuk mai tur in an rawn chah nitin ta bawk

Thleng ka sil lai mek in Miriami leh Apuia an rawn lut hlawl a


Rasgulla leh eitur eng eng emaw ka nu tan anlo ken sak hi ania,chutia min ngaihtuah a an rawn lang vat chu ka lawm ve khawp mai


Ka nu leh pa te pindan ah kan thu ho a, ka nu pawh a tho peih lo animai, a tawng peih tho bawk nen an inkawm tui ta phian


Miriami nen thingpui kan lum laiin Sir Josepha arawn lut a, "i tlai ber" Miriamin alo ti vat


A awm a beisei vak lo aniang chu Miriami a hmu chu mak a tih hmel teh e



"In hrilh nange?" Ka lo ti vat


"Apuian hrilh kher angailo, a rawn lang dawn tho" atia lawm, atih chuan ka nui nghal hawk


"Apuia pawh a awm maw?" Pakhata lah chuan a rawn ti hu a


Kan vaiin ka nu leh pa te pindan ah kan awm a, lo lam leh ram chanchin ah bawk ka pa a rawn peng a, a tih hma hauhvin a tui em em bawk si. Buhban leh bekang chin a duh a, a kum leh ah sawhthing hmun siam a rilruk thu a sawi te chuan ka u te pahnih remtih loh zia ka ngaihtuah a, ka nuih aza hle.


An thusawi chu kan tuipui vak lo nen Miriami nen sitting room lam ah kan chhuah san ta daih


"Annie chungchang hriat belh i nei em?" Kan pahnih chauh a kan awm rual rual in ka ti nghal


"Damdawiin ah aawm kha" a ti sam et, chungte chu ka hria a,


"A dang mawle"


"Hre nang, rawn fel haw vek se ka ti nia" ati leh daih


Annie chu Aizawl an zu kal hnu khan damdawiin ah a awm zui a, engvanga awm nge nih erawh chiang fak in tuman an hrelo


A then in "a pum lam alo chianglo a" te an tia, athen in "a kal thalo a chhuak" te an ti bawk a, enge dik ber pawh ka hre chuanglo.


Engpawh nise chutia damdawiin ah hial a awm angai chu a zialo ka ti in ka khawngaih ve viau a, dam leh vat se pawh ka ti. Mahse thlir na tlang dang a tang chuan Dampuia a awm lo chu ka thaw a veng huai lawi bawk.


Sir Josepha nen pawh a chanchin kan sawi ngai tawh lo


...


Ka nu te pindan atanga Apuia leh sir Josepha rawn chhuah rual rualin Apuian "thingpui sen kha va lum tha leh teh, i bei dal lutuk a tuilum in ang mai alawm ka nih" a rawn ti nghal lawng lawng a


"Ka va han awih em em lo tak" ti nghek in ka tho nghal tharh


"Kha deuh fak khan inpa phei hi chuan aduh aw" an ti leh hram ah


....


December pawh karleh mai ah kan chuangkai dawn a, ka nu pawh a dam that maitheih loh avangin ka pa nen tukin khan Aizawl ah an haw ta nge nge, kei erawh December thla ah kar khat tha zen zawn bak school kan kal dawn loh avangin ka awm tlang law law dawn thung


Ka nu dinhmun a zir in Uthantea te nupa pawh min hruai tur in leh lui kal pah duh in rawn chhoh an tum ruh hle, khaw vawh tak tak hma a kal angai bawk nen Sir Josepha leh Apuia te nen pawh an inbe fel tawh nitur a ni.


Chaw ka ei peih leh pek loh avangin thingpui in chung in Sir Josepha phone ah games ka khel a, kan inngaizawng tih annhriat vek tawh avangin school ah phei chuan "inbe tam lo vang" te ka ti deuh tawp.



Kan thawhpui te an â lo bawk a, min fiam dan tawk an thiam ka ti mai, naupang hriat leh hmuh ah phei chuan mawi lo palh zeuh a awm hlau vin kan fimkhur dun viau bawk



Tui zet a games ka khelh laiin Annie call a rawn lang thut chu ka phu zawk thei nia mawle.


Aizawl ah khan an la awm ta reng a,a reh tak em avangin a chanchin ka ngaihven zui lo bawk nen engmah ka hre zui lo


La lovin dah tawp a, a rawn call nawn leh hnu ah pawh ka la ta chuanglo.


Chutia chhun pachanga arawn call chu ka ngaih a tha ta zan lo bawk nen, an inbe thin em tih hriat tum in ka tum lawk pawh ni miahlovin a message chu ka check ta vat, ka chhiar tawh chin bak eng message thar mah a awmlo


Mahse ka ngaih a tha fam kim thei tlat lo


Call list chu ka en leh vat a, ka rin loh lutuk in an inbiakna a lo awm teuh mai


Zantin deuhthaw Annie in a rawn call thin , minute 2 bawr vel bak inbe ngai lo mahse chutia call list a ahming lang hnem lutuk chu ngaih tih that chi rual ni hek lo.


Ka check zel a, Aizawla an chhuk hlim vel khan Annie pa nen an inbiaknna a awm a, Annie nu nen pawh vawi thum vel zet chu an inbia.


Engmah ka hriat loh lai a chutia an lo in be fo thin chu lawm lo tak ka ni.


A phone chu a dawhkan ah ka dah let a, Zorinsanga ka ngei zia chu pui tak a ni


Ka thingpui in lai pawh vawi khat ah ka tlak zo vek.


Miriami nen nui hawk hawk chungin office ah an rawn lut a, hrelo der in ka phone ka bih ngar ngar



"Ka phone i khawih tawh nange" tih pah a aphone ava lak te chuan a thusawi chu hrelo der in Miriami thildang ka sawipui daih.


A thutna ah thu in a phone chu a bih mual mual a


Midang an rawn lut zui a, dar a ri zui bawk nen ka thinrim tih pawh a hre lo ang.


Dar rik rual rualin ka class neihna tur ka pan nghal a, class ah te chuan ka rilru ka pe hleitheilo, note pe in kan chhiar tir ta ringawt


Class a tanga ka chhuah rual in a ni pawh class 8 room atangin a rawn chhuak ve chiah a, min biak ka hlauh avangin rang lutuk in office ka pan phei, a nuih a za viau maithei a ni


Midang an awm ve te chu a vanneihthlak zawk, kan thutna a in hlat deuh bawk nen min biak ve apiang te chuan hrelo der in midang ka be nghal daih zel

..


Kan ban chuan Miriami bul ah "haw rual ang kawn ah chawhmeh lei ka duh" ka ti nghal sa sa a


"Ka rawn riahpui dawn che em?" Atih chuan lawm zet hian ka yes nghal


Ahma khan min riahpui char char bawk nen sawm leh ka inthlahrun avangin Amosa biak mai ka tum kha ania, Miriami nen a riahdun chu ka duh daih zawk .


"Khawi ah maw in kal dawn?" Kan hnung lam atanga a rawn tih chuan ka chhan mailoh avangin "thil kan lei dawn" Miriamin a ti leh hnuhnawh


Min sik ru zauh a, ka awm dan chu mak a tih hmel hle


"A riahpui dawn che a mi?" Ka sir ah a rawn kal a


"Aw" ka ti tha ve leh mai


"Zan ah ka rawn leng ang" a tih leh chuan ka chhang tawhlo


Miriami zawk in "angai lo inleng kannei peihlo" a rawn ti ta hlauh.


Miriami a awm ve bawk nen Sir Josepha pawn min be zui biklo


...


In ka thlen chuan ka nu nen kan inbe leh phawt a, anni pawh tluang deuhvin an thleng a naktuk ah an inentir nghal ang


"In kan thleng a ka dam leh deuh der mai" te a la rawn ti leh ta nghal a, ka nui ka nui ringawt.


Mahni chauh chuan eirawngbawl a hautak vaklo bawk nen, ka inbual zawh ah muangchangin eirawng ka bawl a

Kawngka an rawn kik a, thenawm nau te annih ka rin avangin "yass kham kham" ka lo ti vat


Sir Josepha rawn lut ka hmu thut chu ka beisei lo lutuk anih vang nge ka lo melh reng ringawt


Ka titau tih ka hriatchhuah avangin "enge a" ka ti leh


"Ka rawn leng" ti sup in chair pakhat chu rawn hungrem in ka bul ah a rawn thu a


Ka alu vel lai chu amah ngaihsak lovin ka tih zawm mawlh mawlh


"Engatimaw kan tt chhan chu" nui deuh a rawn tih chuan ka ngei a zual


"Ka titau lo"


"Min be duh bawk siloa"


"Hei ka buai alawm"


"Anih i tt lo tak tak maw?"


"Aw" ka ti deuh hmuk


A ngawih deuh vang vang hnu ah

"Thingpui min lum la" atih chuan

"Ka peihlo" ka ti rang hle. A la nui hawk zui anihchu , ka va han ngei tehreng tak.


"Chaw i chhum tawh em?" Arawn ti leh


"Aih"


"Min chhum kep la chaw ka lo ei dawn" ka melh kawk


"Angailo"



"Engatimaw?"


"Chawhmeh ka neilo"


"Hei alu i hmeh dawn hi"


"Chupawh nise chaw ei ka phallo" ti deuh nghek in ka alu chan chu ka thawh pui a, ka sil sawk sawk


"Alu kha an sawm vek ange" arawn ti leh kher phei chuan thinrim tawh tak hi ka ni


Chhan pawh ka chhang peih tawh lo


Alu chu ka kang a, gas bul ah ding in ka vil char char, ka chawhmeh siam ka vil uluk ber tum ani hial ang chu, ka chawk hneh lutuk. A tui viau ang


"I chawksawm ange aw" ala rawn ti leh hram


Ka thinrim lutuk chu "haw rawh " ka ti nghek


"Ngatimaw?"


"Ka be peih lo che" amah pawh enlovin ka ti hmuk a, ka alu kan bawk chu ka chawk leh.


Ka bul ah a rawn ding tih te chu ka hrelo der hmak, min en reng tih erawh ka hria, ka ngaihsak lo lui ve ngar ngar.


"Lo kal teh" tisup in ka dar a rawn pawt her deuh lawp a, min kuah leh hmiah


"Min thlah rawh" tiin ka sual let phat phat a, min thlah duh der lo, ka hneh bawk silo


"Khawi maw ka alu a ut ang" ti nghek in tal chhuah leh ka tum a, min kuah nghet zual sauh sauh


Ngei lutuk hian a tawp atawp ah ka ding khawng hle hle ringawt


"Ka tihpalh aw" arawn tisup a, ka chhang duh lo


"Ka tihpalh lutuk" a rawn ti leh



"Khawi maw alu chawh ka ngai" ti pahin nem sawn ka tum a, min kuah reng chung chuan aman a chawk anih chu


"I la thinrim em?" Atih chuan


"Haw rawh" ka ti leh hlar


Ka alu kan lai chu a la off hmiah zui
"Enge i hriat a" ti nghek chungin gas lighter ka va ban rawk rawk


Zo zet a min pawm kang nawlh in sitting room a thutthleng ah chuan min bawhbet run a, ka thin a rim tawlh tawlh mai bawk si


Thawh tum in ka tal nghek
"Ka thusawi ngaithla phawt rawh" a rawn ti sup


"Min thlah vat la nihchu" ahma ai a pawr zawk mah in ka ti leh


"Annie chungchang ka hrilh phawt angche,"


"Ka hre peih lo, i duh leh Aizawl ah zu ngaihven rawh" ti nghek in ka tal leh chiam chiam a, min thlah duh silo, a ban ah na zet in ka seh sak a, min thlah phah eihlo


Kan insualna lam ah thlan pawh asa phat phat tawh, ka beidawng thinrim bawk si chuan " min va zah lo ve, hetia itih tur hi ka nilo" ka ti sap a, ka tawng ring lem lo na in min thlah chiang hle thung.


Rang lutuk in choka ah ka phei a, ka alu kan lai bawk chu chhuang leh in ka chawk leh ngat ngat, a thutna ah chuan ngawi reng in a thu a, ka ngaihven duh lo.


Ka alu kan a hmin hnu ah pawh a la che eihlo, ka awmdan pawh a lai vek tawh a, ka tawngkam avang khan ka inthiam chiah biklo nen kan boruak chu anuam lo takzet


Alu bak a dang siam tur awm silo, la hma deuh mahse chaw ka chhum ta ringawt, gas bul ah chuan ka ding char char.


Chaw hmin dawn tep ah muang chang zet in ka bul ah a rawn kal a, ka en duh miau loh avangin a rilru put dan tur ka hre thiam lo


Min hnaih zet a rawn ding in ka chal a rawn fawp zauh a, ka beisei vak loh avangin ka melh deuh kawk


Ka hmui ah rawn fawp leh zauhvin dawhkan bul a chair ah chuan a thu thla a, ka din ngaiin ka la ding reng


"Lo thu la" dam lutuk a rawn tih chuan ka hrilh a hai letling zawk, ka thinrim em avangin ka sual let nghek nghek a , ka vin bawk chuti chung chuan dam zet in ka lak ah a awm tho bawk si.


"Ka chaw chhum ala hmin lo" ka ti tha ve mai


"Anih hmin phawt rawh se" atih chuan ka chhang tawh lo.


..

Ka chaw chhum ber a hmin tawh miau avangin abul ah ka thu thla a


"Ka tihpalh aw" ati leh, hethu hi a sawi ngun tawh hle mai


"Atha lawm" ka ti liam puat, thinrim deuh anga lan ka duh tawh loh rual in lungawi deuh anga lan ka duh chuang bawk si lo


"Annie nen a kan inbiak chhan chu a damloh vang ania.." ka melh ringawt,


"Depression leh anxiety alo nei nasa lutuk a, min rawn call chuan tha tak in ka lo chhang ve mai thin a, rei pawh kan inbe ngai lo" atih lai mek mek in


"Chuan" ka lo ti vat


"A nu in min rawn bia a, a dinhmun min rawn hrilh a" atih lai in "chuan i khawngaihta em em a mi? " Sual hmel zet in ka lo ti leh hlar


"Ka sawi vek phawt ang aw" ka awki lo ang zet a dam lutuk a arawn tih leh chuan ka ngawi hmak ringawt tawh


"Annie nen hian chanchin kan ngah lutuk a" ti a sawi tan in hman a Miriamin an chungchang min hrilh te kha a sawi vek a, Annie nu leh pa te khatianga an awm hnu ah pawh khan an la inthen thei chuanglo ani awm e, mahse vawileh khat ah Annie rilru kha danglam thut in phai ah a bialpa zui in akal tih a hriat a, a rilru nat dan a sawi te chuan ka khawngaih ttho si, chutianga Annie a duh lutuk ka hriat chuan ka thik tho bawk si, sawi tur hrelo vin ka ngaithla mawl tawp



"Theihnghilh tum khan ka bei nasa a, mahse a harsa ka ti thin, vawitam zuk biak tumin a thiante a no ka dil kual thul, mahse Annie khan min block zel a, atawp ah ka rilru ka siam fel ta a, ngaihzawng ka nei leh anih pawh in ka nupui tur chauh neih tum ka nia, chuan Nang i rawn lang a tun ah chuan Annie lak a ka rilru put thin aia nasa khan ka atchilh tawh che, alak ah eng feelings mah ka nei tawh lo ka tih chuan dawt ka sawi ani maithei. A chanchin ka hriat khan min thawng a, ka khawngaih a, a vanduai ka tih em avangin min tina tu mah nise ka theihna lai ah puih ka duh a...ka thin a rim bawk..." A tawp lam chu ka ngaithla thei tawh mang lo


"Chuan , ka hriat lohvin inlo be thin ta tihna maw" rilru na thup tum zet in ka ti leh hlar ringawt


"No... Chutiang chu anilo" ti sup in a kut in ka biang a rawn khuap a , ka mit ah min en in "ka hmangaih che, chu chu ka tan a tawk, hmeichhe dang ka mamawh lo mai nilo a duh pawh ka duh lo, ka hrilh loh chhan che chu hetiang hian i rilru a nat ka hlauh vang chauh alawm" ti sup in ka chal a rawn fawp leh vang vang a, ka mittui a lo parawl tun tawh nia mawle.


"Anu chuan ka chung a an thil lo tihtawh te avanga ngaihdam min dil in min zah thu a sawi a, chuti chung chuan an fanu a that deuh theih nan be ve hram tur in min ngen a..." Atih lai mek in



"Chu... In inkar siamthat tum nen a in ang lo a mi?" Ka lo ti leh


"A teuhlo mai, a chanchin chu hre ve phawt la" a tih leh chuan ka chhang tawh lo.


"A awm dan mak lutuk leh inthlak lutuk avangin a nu leh pa pawh an ngaih a tha lova, a sawi duh bawk silo.. mahse doctor hnen ah engkim a sawi a, a record bawk chu record chu min rawn thawn a.." Tiin a ngawi leh dat a, ka hriat chak a vangin a sawi zawm leh hun nghak in a mah ka en kar


"Doctor bul ah chuan tihian a sawi a" tisap in a phone chu a hmet a, Annie aw ngei mai chu kan ngaithla ta


" Ka bialpa kha Reubena a ni a, min sawm nasat em avangin leh Ujoa theihnghilh ka ngaih avangin phai ah ka zui thla a, a tir ah chuan min duat bak ah Ujoa anglo tak in a hausa a, hna thawh tur ka hmuh nghal mai loh avangin a bul ah ka awm a, aman min chawm vek a, anuam ka ti khawp mai, ka nu leh pa te bul ah chuan ka thiante nen inluah ho angin ka insawi thung, chen dun nanana chu kan mu dun fo a, pawi tihna pawh ka neilo...



Thla thum kan chendun hnu atangin a mizia a dang tan a, rui chung a rawn haw fo bak ah rawn haw miah lo tum te a nei a, khalai hmun ah khan diktak chuan hmelhriat tumah ka nei lo, ka khua a har ta khawp mai, haw ka duh thu ka sawi chuan thinrimin kut min thlak ta hial, chuta tang chuan ka phone min laksakin ka saruak thlalak te chu min vaunan a hmang a, ka chhungte biak dan tur te min hrilh in , aman a hun atih loh ah chuan ka be ngai lo" a aw te chu a tham chal mai


"Khawkhat nula hmeltha anga sawi hat ka ni ve thin a, mipa pawh duh duh thing thei hial ka nih lai a chutiang em em a vanduai a ka awm chu ka rilru leh thlarau thleng hian a na vawng vawng thin


Reubena kha ka lo hre chiang lo em a, human trafficking hmang a sumdawng thin niin thurual pui pawh a nei hraw in mizo hmeichhia enge maw zat pawh a bum chhuak tawh hi alo nia, chung thu zawng zawng hre tu ka nih hnu ah phei chuan dam a ka haw leh hi ka ring tawh lo


Ka hmel leh pian hi a duh zawng tak anih avanga min hralh lo mai chauh anih thu te pawh asawi


A sual in a bawraw telh telh a, ka taksa a hnu hma lian tak hnut chhiah silova min sawisak te kha a thiam em em thin a, ka hlau hlur mai ani.


Ahnu ah chuan hmei chhia rawn hruai haw in ka hmuh laiin a mutpui thin a,keipawh ka tel ve thin, achang chuan panga te kan ni thin, engmah kha mak pawh ka ti tawh lo


Ka chhungte hi chu akhat tawk in min biaktir reng tho, chutih lai chuan silai nen min tin reng thin


Nau ka ka pai ta hial a, nau ka pai hnu ah chuan tlem in a tha ve ta deuh bawk, a rawn hruai haw thin zing ah chuan North east nula pakhat hi a rawn kal ve thin a, chunu puihna chu ka dil tawp a, min khawngaih em avangin ka tlan chhuah dan tur min ngaihtuah pui ta hial a


Pawn lam atangin damdawi a rawn keng lut a, amah kha ka hlauh em avangin muthilh na damdawi nen a amuthilh hnu ah pawh khan thah chak mahila ka ngam ngang lo, tichuan pawn ah ka tlan chhuak ta a, ka hlim hman a sin aw..." Atih lai chuan tap insut thawm in a zui a, mak ka tih em avangin sawi tur ka hrelo, Sir Josepha hmel pawh a chang tawlh tawlh mai



"Mahse kha building ah khan anmahni pawl ami te vek an lo cheng a, ka chhuak min hmu kha min umzui in min man leh nghal a ni


A harhchhuah chuan a thinrim lutuk in min sawisa a , nau pawh ka chhiat nghe nge! Chumi hnu atang chuan asual in a bawraw tial tial a, min mutpui tur in vai ho a rawn hruai thin, pawisa ka thawhchhuah hnem hnu ah ka nu leh pa te ka hming in a thawn ve thin, ka vun hi a ngo em avang hian vaiho pawh in min duh in , a ngai te pawh an rawn kal zing thei khawp mai


Rawn kal zing deuh ber Harrisa chu lo kawm nel in tanpui ka dil a, min tanpui ngei tur thu pawh min tiam a ni,


Tichuan kha Mizoram police ten Sangkimi bo an chhui na kal zel ah khan Reubena kha an rawn chhui thleng a, a hming dik tak pawh kha Reubena nilovin Laldawngzela ania, an man tawh kha,


An man hma nihnih ah khan Harrisan Reubena in atangin min hruai chhuak a, CBI ten Reubena an man hnu ah pawh ka hming a lang ta lo a ni


Ka nu leh pa te bia in Mizoram ah ka rawn let a, ka nunhlui engkim chu thup bo a, nunthar tan ka duh avangin engmah ka sawi chhuak ta lo a ni..."


Mak ka ti lutuk chu ka thin a su dup dup thei hial nia mawle, Annie chu huatna ka nei tawhlo, ka khawngaih lutuk chu ka tahpui lo chauh zawk


"Mahse doctor ka chhungte hrilh suh aw... Ka mualpho duh lo ania, tihi chuan tumah in min duh tawh lo ang" tap tiau a tih lai te chuan ka mittui parawl tun chu a tlak hlauvin ka insum tang tang, Sir Josepha hmel chu en pawh ka en ngam tawh lo


A rilru tur ka hrethiam vek miau ani.


"Ka tha vek emaw tiin kan khua ah ka let a, ka bialpa min hmangaih em em tu, ka thinrim pawh hmu thei ngailo, min duat em em thin tu ka hmuh leh khan ka awmdan a diklo a, amah kha ka ngai a, ahma ang khan min duat leh se ka ti a, mahse ka kalsan avangin bialnu dang min neih san tawh a... Mahse .... Ka thik a ni, ka tan a mipa tha ber ka kalsan avanga ka tawrh kha a rapthlak ka ti emai... Ka phu tawh lo tih chu ka hria a, mahse.... Ka duh let leh takzet a ni" tap aw tiau a tih leh phei chuan ka kehsawm ta vek ni hian ka hre hial


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)