NOT MY TYPE BY Esi Taylor (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: NOT MY TYPE BY Esi Taylor (Completed)

Unread post by Ngaia » September 18th, 2022, 9:19 pm

NOT MY TYPE - 19
BY ESI TAYLOR



...



Thil ei tur in restaurant kan pan a, an hawnna a la reilo tih hriat tak hian a chhung chu baloon in alo la inchei mawi viau a, mi pawh an tam angreng



Kan eitur chah kan nghah lai mek in "Chhante.." tia min ko tu chu kan pali chuan kan en nghal thap


Ruatfela leh Zosangliana leh bawk


"Ehe..." Ka tih hliai laiin


Tetei leh Sir Josepha an Zosangliana an hmu chu "i dam em?" Anlo ti ve nghal chul a


Mak ka ti dawn lek lek a, mahse Dampui ah an awm ve reng tih ka hre chhuak leh thuai


"Kan lo zawm angche u aw" an tih avangin an thutna tur chair hnathawk ten an rawn hung nghal zung zung a


Inhresa vek kan ni bawk nen thil ei chhung zawng chu kan titi tlang char char, sawitur pawh kan hre khawp mai


"In inngaizawng a nimaw?" Zosanglianan a rawn tih zauh chuan lai lek lek hian ka bu nghat a, "a fel ania aw hepa hi" ka beng bul ah a rawn ti nghal zauh ka nui var var mai


Ruatfela chu a tawngtlem em avangin ka awm a ti nuam lo dawn dawn a, ka bialpa hlui alo ni ve bawk nen, mahse a mizia ve reng alawm tiin ka uksak zui duh vak bik lo



Kan inthen hran dawn chuan "Miriami nen in in be ta em?" Midang hriat hlau ru tak in ka ti sap a,



"E ka la be miah lo" a ti sam et chu ka ngei lek lek


Ka lo phur ve tawh tehreng nen


Kan inthen hran hnu ah NuSiamtei te nupa tan Tetein thil lei sak aduh avangin kan enkual leh a, chawhma lam anglo tak in Sir Josepha chu a zia a dang ta riau hian ka hre leh pek


Ka biak lah in a rul tawk lek in tha deuh si in min chhang tho a, min be tha lo pawh anilo amah ah chuan danglam a awm tlat bawk si


Tetei leh Mawimawiin thil an en laiin "I tt a mi?" Ka ti ta ringawt

Chiang zet a min melh chung hian a lu a thing ringawt anih chu



Kei a thinchhiat bawrlawk lai anih bawk avangin ka ngei ta kher mai, ka hawi sawn nghal hmak


Bazar chhung zawng ka be duh ta bik thaklo, a chhan pawh awmlo a adanglam ringawt chu ka hrethiam lo.


Kan bazar zawh chuan Taxi changin kan in thenhrang a, in kan thlen meuh chuan ka chau hnawk thei


Ka bazar zing ta malh malh viau a, tun ah chuan chhuak leh pawh ni ila lei tur vak ka hria pawh in ka inring tawh lo


Ka hlawh hi tamlo mahse ka nu leh pa in "tikhan i mamawh lei nan hmang la, pawisa te pawh khawl ve zel bawk la, keini pawh in kan pe tawh lo bawk ang che, puitlin zir na tur in hmang rawh" ti a min laksak duh loh avangin ka khawl ve zel a, Dampui ah khan pawisa han hmanna tur vak a awm lo bawk nen rin ai takin inkhawl a awlsam a, Aizawl ah ka chhuk ta cheng a, a hek leh mah mah lawi bawk si, chhuak vak tawh lo zawk ila a tha ang



Sir Josepha te chu an thleng tawh angem ti a ka ngaihtuah rauh rauh laiin ka titau ani tih ka hre chhuak a, biak ka tum uk chu ka thulh leh chiang hle



Ani pawh chuan min rawn be bik hauh lo nia.


A lungawi loh chhan ka hre silo, mahse ka thin a rim ve laklawh tawh a, biak hmasak erawh ka tum lo


Thleng ka sil mek laiin Saka nen an rawn lut hlawl chu mak ka ti leh pek teh e


Min rawn hrilh lawk bawk silo


"Lo thu rawh u ka reilo ang" tiin ka sil nghal sawk sawk a


Saka a awm ve miau avangin thinrim anga lan a rem leh teh teuh tawh silo, ani pawh vawiin lam anglo tak khan a pangngai leh vek lawi


"In pawh inneih nawm hi le" Sakan a ti hluai a


"In in pawh a nawm tho kha" ka ti leh pek, ka va han mawl thei tak



"I ti lawmawm e" te chu kan ti ve leh hnuhnawh a


Ka nu leh pa hi ka thian te chung ah an tha in, min ngaihven pui thei em em a, a bik tak in Dampui lam mi an rawn kal phei hi chuan kan chhungkhat laina ang mai hian anlo dawngsawng thin, ka fak ve viau



Sir Josepha lah ka chhungte nen an inhre tha tawh bawk nen kan in ah chuan a rawn tlangnel nghal em em a, makpa chei tak chuan uMeloin alo chei bawl thin bawk


"Kan rualin rawn chho daih la" Sakan a tih chuan ka chak leh pek teh a sin



"A chakawm tawp" ka ti ringawt



"Kumthar tal rawn hmang chho rawh" a tih leh takzel ah chuan chak turu tak hi ka ni tawh, kan bul a ka nu leh pa thu chu ka dillo chauh tawh zawk


Hlim deuhvin kan inkawm a, Sir Josepha chu ka bialpa ani tih an hre vek tawh a, engmah dodalna an neilova, atana nuam lo tur in tawngkam chheh lah annei hek lo, chutih rual erawh in be tha em em leh pak huam huam ang in an awm chuang lo bawk.


An haw hnu chuan a chin a rawn sawi beisei in ka phone ka bih deuh chhen a, min rawn be lo zankhua thak anih chu.


...


Mood off zet in zing ah ka tho chhuak a, ka phone ka en hmasa leh ber


"Good Morning" tih alo awm va


Ka thinrim tih theihnghilh in ka nui chhuak nghal hak

Mahse ka reply duh bik lo


Ka period tak a vangin kawngna zet in ka mu bam a, period hi ka lak nat theih hrim hrim avang hian ka chhungte pawh hian min hrethiam thin khawp mai, pms mood swing lah ka pe na thin, hei hi chu hmeichhia te thla tin dan ani ve reng a, thenkhat in an lakzam viau laiin thenkhat erawh in hna an chawlh phah thak thin bawk


Indem theih ani in ka hrelo


Chaw eikham ah ka nu leh pa ka pitei tlawh tur in an chhuak zui a, Christmas a hnaih tawh avangin Uthantea te lah dawr ah an buai zual bawk nen kawngka kalh tha sauh sauhvin sitting room a sofa ah chuan ka mu bam a,



Sir Josepha reh lutuk chuan ka awm a ti nuamlo, ka reply lo anih chuan a chhan hriat tumin a phili ruai thin a ni a, tun ah chuan a reh hmak


Biak ka tum uk uk a, ka hreh ve tumhrang si, A Aizawl rawn kal hian hmuh tha a lo hmu hman anih te ka hlau rum rum tawh


"Enge?" Ka ti vin hlar



"Kawngka rawn hawng rawh" Mawimawii tawng chu a ring tha bawk a ni, phone ah inbe mahila pawn lam a athawm siam chu ka hre phak



"Ka peih lo rawn leng suh"



" rawn hawng vat mai teh"


"Ka period ka tai a na ka mu" ti nghekin peih lo zet in ka thu chhuak a, ka off zui daih na in kawngka hawn sak tur in ka tho hram


Ka va hawn chuan Sir Josepha alo ding run a, ka hamhaih lek lek zawk


Min thawng thut thut reng mai tunlai hi


"Khawnge Mawimawii" ka ti ha


"Akal tawh" a ti sup


Min hmu chu lawm hmel ang pawn a awm lo , ka va ngei lehpek tak



"Enge i rawn tih dawn?" Kawngka bul ah kan la ding run


"Ka lo leng" ati leh tawp



"Hmmm i sual nen nen" ka ti hlar tawh


"Khawi awm sawn teh" tih pahin a rawn lut zui nulh, hrilh hai lutuk in ka en zui tawp


A thutna ep ah chiah ka va thu a, ngawi run hian phone alo khawih mawlh mawlh ,min be silo ka en leh zuk zuk thin, ka va be hmasa awm biklo tak ka ti rilru mawlh mawlh



Minute 10 ani ta, rawn leng ve si a tawng miahlo chuan ka thin a ti rim zual ka ti mai


Eng sawi set set lovin lukham chu la in ka vawm chawrh


"Enge a?" bangbo hmel zet in A rawn ti hu


Ka thin a rim zual sauh


Lukham dang chu la in a aia na in ka vawm leh pawp


A rawn nui chhuak hawk a


Ka ngei lutuk chu "sual a" ka ti nghek ringawt


Ka bul ah rawn thu in min kuah atum chuan ka lo tang ve tlat a, "min va ngai lo ve" ala ti zui


"Nang bak bak amin ngailo"


"Ka ngai che a ka lo kal hi"


"I tawngthei si"


"Ka ngai che" ti sup in min kuah hlu hlu a, ka lung erawh ala dam teuh lo


"Awm tha teh" ti hlak in kan thut na piah chiah ah insawn in ka inkuahkuah vei than


"Atha e... Sorry sorry"



"Aih" ka ti hlar


"Sorryyy tak tak alawm"



"I sual emai, min be tha duh bawk silo, i induh anihkha" ka ti vei pang pang a, ka rilru a awm erawh a ni chiahlo, ka thinrim dan kha ka sawichhuak mai thiam tlat lo



"Ka ngai lutuk che a ka lo kal anihhi, lo thu teh" tihpahin a bul chu a beng thek a


"No...." Ka ti hmak



"I tt ami?" A rawn tih chuan


"Teuhlo" ka ti hlar a, a nui leh hawk



"Nangmah anih kha titau chu, titau rual pawh ini tawh lo i upa tawh" duhtawh fe in ka ti leh



"Nge i bialpa hlui min hmuh pui vel ni?" Arawn tih chuan mak ti deuh hian



"Engmaw?" Ka ti rang hle


"Kan bazar na ah i bialpa hlui min hmuhpui a" a tih lailai in



"Engtin nge i hriat" ka lo ti leh thawt thawt, Mawimawiin a hrilh leh hman pek em ni



"Ka upa tawh a ka fing alawm"



"Ka hmuhpui che pawh anihloh kha, anmahni in min hmu anihkha"



"Chupawh nise ka thik alawm" a rawn tih chuan ka nui ta var var mai, kha vang chiah khan anih kha a awmdan alo danglam tak vek ni



"Naaa.... Bialpa hlui anihkha"



"Ka titau pawh min thlem i tumlo a, min tihtauh khum let daih a" a tih leh chuan ka nuih a za lutuk chu ka insum hram hram tawh zawk



"Titau rual ini tawh lo"



"Anih titau tawh lo ang, lo thu la" a tih leh tak ah chuan phur zet in ka insawn phei leh nghal var.
.


Inthlahrung deuh tak hian ka kawng na te chu min hmeh sak a, kan taksa kan inkhawih sak ngailo bawk nen kan lai hu mai mawle.
...



Christmas pawh hlim tak in kan hmang liam a, ka sawi hmaih phalloh chu tunthleng hian dawhthlak zan ah thleng ka la dawh ziah thin a, a awmlo pawh midang chuan min tihpui maithei, mahse ka nu leh pa te hian enge maw tal ka pindan ah anlo dah ziah thin a, Umeloi rawn lawi hnu ah an nupa hian min lo dah sak thin bawk



Christmas zing ah pawh khan enge ka dawhthlak hriat ka chak lehpek avangin ka harh hma kher mai a, ka rin ang ngeiin mawza lum, kawrlum phiar bak ah ka purfume ngainat em em ka khum bul a chawhtawlh ah alo awm leh vang tawh


Hlim zet in Sir Josepha wish tum in phone ka en nghala , a message alo awm va


"I pheikhawk bawm sir ah khan i dawhthlak tur Christmas putar in a dah a, ka lo hrilh che" nizan ti ila zinglam dar3 vel a minlo thawn a ni



Mak ti ru zet hian ka va en nghal thuai a, ka wardrobe leh pheikhawk bawm inkar space tlem awm ah chuan enge maw hi puan a inkhuh in alo awm ngei



Lawm ru angreng tak chuan ka hlim nghal pawp, Teddy bear keimah tiat zet alo ding ruau mai, ka pawm nghal nawlh a, hlim lutuk in khum ah ka mutpui tha leh



Ahma in Umeloi bul ah a lo dahlawk tawh a, nizan ah khan an lo dahsak ani awm a, teddy bear hi a hranpa in ka lawm viau pawh ani hranlo, min surprise na tur a ruahmanna alo siam leh min ngaihsak na a tihlan dan ah chuan ka lawm em zawk ani ..


....


Kumtawpni a nih avangin zan lam a kan hun hmanna tur Mawimawii te inchungzawl chu cheiin, kan buai ve hle a


A hran hran a hmang lovin kan chhungkaw ho hian kumdang ah pawh kan hmang ho mai thin a, ngaihzawng nei te pawh in an rawn hruai mai a, nu leh pa lam te pawh in min hrethiam in , nuam takin kumhlui kan thlah liam ve thin


Kumin erawh ka kim ta lo riau in ka inhria a, kumdang ah ka bialpa te ka hruai thin a zeng pawh nisi lo hian kumhlui thlah zan SirJosepha tello a ka hmang tur chu ka huppurh em em a, chutih rualin kum thar vat sela Dampuia chhoh vat erawh ka nghakhlel viau tho.


"Lo chhuk lawk teh" Mawimawiina rawn tih lang lang avangin "ka tello hian engmah iti theilo" ti nghek in inhnuai ah ka chhuk vat a, midang ho pawh anlo nui hak hak mai


"Enge a..." Choka ah eitur siamin alo buai viau


"In in ah zu kal rawh" ati teh ngawt chu hrethiam lo zet hian


"Ve che enge, kan buai nen nen " ti hlar in sana ka en zauh a dar 11 alo ri dawn thuak tawh


"Zu kal mai teh, vawiin chu i tha pawh kan chhawr dawn lo anihhi" atih chuan



"Ka tih reng hi, min phut lutuk" ka tih lai mek in ka nu in min rawn call a


"In ah rawn kal lawk teh" a rawn tih chuan hrethiamlo zet in Mawimawii ka en a, alo la nui thaw zui


"Kan dinhmun a in ang leh dawnlo mange" atih pawh chu chhang zui lovin hmanhmawh zet in ka tlan chhuak nghal


Ka beisei deuh beisei ngam chiah siloh, Sir Josepha kan inchhung a ka hmu thut chu sawi mai tur pawh hrelovin ka nui var var mai


"Min chhuah pui hman em ka tia" arawn tih sup tak ah chuan


"Engtin nge?" Hlim zet in Ka ti hliai ringawt



Nilengin kan inzui kual a, ka hah miah lo nuam ka ti mai nilovin ka khamlo takzet, zan lam ah KTP programme pawimawh a awm avangin tlai 4 rik dawn ah Dampui panin a haw leh a, min hmu tur in a rawn chhuk vang vang ania, hetiang em em a min ngaipawimawh tu bialpa hi ka la nei ngailo.


A chau ngawt ang, khawngaih viau mahila nuam ka ti bawk si, amah avangin kumhlui pawh hlim tak in ka thlahliam thei e


...


Dampuia kan chhoh ni a ni a, mi te chuan an in kalsan an hreh thin ani ngai a, keive chu ka nu leh pa te nen a kal kan ni bawk nen Dampui thlen hlan mawlh chu ka nghakhlel ,
Ka chhuk lam nen chuan in ang lo tak ani, Motor pawh ka rui eih lo.



Kan thenawm khawveng ten min lo hmuak a, Sir Josepha te thiandun erawh an ram chhuah avangin zan lam a rawn lan a tum thung


Naupang ho tan a kan sweet hawn chu kan sem laih laih a, chauh pawh a sawi theih loh kan ri nuai nuai mai .



Chaw erawh ka putea ten an in lam a ei tur amin tih avangin inbawl angailo a, kan intih fel zawh chuan kan awl ta phian bawk nen thenawm te in ah ka leng kual zak zak mai


Ar khuang ri al al te, hla deuh tak a naupang infiam thawm te, chhak lam leh thlang lam in au lang lang thawm te chuan min ti hahdam ru riauva, he khua hi ka khua ang mai ah ka ngai tawh, Aizawl a motor insul pel thawm hlir ngaihthlak a, mahni hmasial leh pawisa ringawt ngaihtuah te hmuh nitin ai chuan a let in anuam ka ti tawh zawk



Chawei kham thingpui sen dawm a, titi tui em em te bul ah chuan rilru hmanhmawh ru deuh tak hian ka thu ve ran a



Sir Josephan "lo haw tawh rawh" arawn tihna a rei tawh si,Anni lah an hmanhmawh lo bawksi, haw rawt tu nihlah ka hreh ve tumhrang bawk nen avan buaithlak tak


A tawp a tawp ah vanneihthlak zet in Miriamin min rawn call ta hlauh "rawn len kan tum a" a rawn tih lang lang avang chuan min hrethiam zet in ka nu in chahbi min pe thuai a, Amosa ka va inthlah tir ta vat


Kan inkawt ah chuan anlo awm deuh laih a, min hmuh rual rual in Apuian "Aizawl nula chu i rawn no haw ser ser hle mai a" alo ti thuai pek a


"Min hmuh chian tawp loh kha" nui hak in ka ti vat,


Inchhungah kan inzui lut a, Sir Josepha nen chuan inbiakfalna awmlo mahse kan thinlung ain hnaih a, kan hlim famkim tih kan inhriatsak thei thung


"Nitin ka hmu leh thei tur che hi awih a har zawk alawm le" an haw tur ka beng bul ah a rawn ti sap a, ka lai lutuk chu ka biang a sa leh hat hat thei hial



...

"Chhante.." min titu an awm avangin ka kal lai chu ding dat in hnunglam hawiin ka inher nghal vat


"I dam em?" Malawmi ka hmuh chuan ka ti hliai



"Ummm Christmas i hmang nuam maw?"



"Nuam animai..." Ti hliai in ka ngawi deuh dat a


Thil thlen hnu atang khan inhmuh chu sawi kan inbe leh ta miahlo kha ania.


Palai te tir in a ni tur an la ruat fel chiah lo anihhmel, ahmel en reng reng chuan damlo hmel hi a pu, naupai a haw viau anih ka ring ngawt bawk, a lang cher in a thu thel reuh bawk



"Ka la rawn leng ang" amah zawkin a rawntih leh tak ah chuan hlim hmel tak hian "rawn leng rawh, kha alang ve tan deuh in ka hria" tiin a pum ka zu melh zauh a, alang lo na in sawitur dang hre miau hek lo


"Nia... Rai ka haw reuh lutuk a, thil pawh ka ei hleithei lo"


"Avan zialo ve a reh ve tep tawhlo maw"


"Umm nia, ihmaw kan insuih that hun ah min dinpui rawh aw" a rawn tih chuan ka mengphawk teh a sin


"Maw?" Kan ti leh hu pek


"Thian ah hman che ka duh a i peih em?" A la ti ta tak deuh deuh



"Awii ka van changsang awm ve" ka ti hliai ringawt, ka phur leh phur loh pawh ka hrelo, chutia thianah meuh min hmang tur chuan kan inkawm ngeih tawk em ka hrelo.


....



School tanni anih avangin sawitur chu naupang atanga zirtirtu thleng in kan ngah em em vek a



Miriami lah in Zosangliana bak sawitur a hre meuhlo, an inbe ve zeuh zeuh na in ka beisei ruk inngaihzawn na thil lam chu a la hla viau lawi


Class ah pawh lehkhabu lam kan keu lo, Christmas leh kumthar hman dan kan sawi ho a naupang ho lah in an in hman nawm siak hi ani hawt bawk kan nui kan nui mai a ni.



First day a ni bawk a tiin Sir Tpan ban hma a rawt hlauh bawk nen kan tum lawk ang in Annie thlan tlawh tumin Sir Josepha nen kan ban rual rualin thlanmual lam kan pan ding nghal chat a


Annie a awm ve ta lo tih ka ngaihtuah leh chuan a mak hu mai!


Hriatpuii pa damlohna avanga Hriatpuii a rawn hruai haw tum te kha ka ngaihtuah let a, tunah lah Hriatpuii pa chu dam tak a a awm laiin Annie erawh lei dai ah zalh a ni ta mai si a, Mihring hian kan chin hi kan va hrelo em aw.


Thlanmual kan thlen chuan langsar takin a thlan chu alo awm nghal a, an cheimawi kher mai.


Ka rose par ken chu uluk lutuk in ka dah thla a,
Annie Lallawmsangi a hming intar kalh te chu awih a har ka la tifan


Kan inhriat chhung reilo te ah khan inngeih lai kan nei mang miahlo a, inhua leh intai ran in kan awm reng a, khavang tak khan a boral na hian min deng na a, hreawm tihna leh mahni inthiamlohna ka neih nasat phah em em bawk.



Chuvangin kan Mihring pui te nen a inngeih tak a awm hi ava lo pawimawh tak em, tumah in kan chin kan hre silo.


Inngaihtuah muk hmel lutuk a ngun tak a thlan melh ngawt ngawt tu Sir Josepha kut chu dim dai hian ka va vuan a, nghet lutuk in alo chelh nghal vat


Kan pahnih chuan kan tawnglo, kan rilru in Annie kan be mawlh mawlh niin ka hria


Thlamuang takin chawl sela, lungngai leh na in awm leh tawh ngailo sela ka duh ber.



A boral hma zan ah khan intihlum a duh avangin damdawi mum thahnem tak bar a tum a, vanneih thlak takin nurse in alo hmu hman hlauh anih hmel


Chhan hman mahse a buai tawlh tawlh zawk emaw tih mai turin zankhua in awmze neilo zet in a awm ani awm a, zinglam ah a muhil ve chauh a, dar 10 bawr vel ah fing fel tak in a rawn harh leh lawi a, an lawm hman viau ani.


Pathian thu nen a councelling neih pui ani a, chawhnu lam ah pawh a kawm tlak viau niin an sawi a


Thil a ei mumal lohna erawh arei tawh ani awm e


Tlai lam ah a thiante leh a chhungte a be kual a , kei ngei pawh minlo call anihkha.


Ka chau emai ti a amu kha a mu hlen zui ta mai ani awm e. Amak khawp mai



Inkai rial in thlan atang chuan kan haw dun hnak hnak a, kan rilru ve ve kan kawm nasa deuh pawh ani ang kan inbe tlem khawp mai

....

"Innei ang" titu chu phawk zet in ka en ringawt



"I duhlo ami?" Ka chhan mai loh avangin a rawn ti leh


Ka nui hak chu hriatthiam loh hmel zet a min en in "min nei duh lo a nimaw" a ti leh naupangchhia zet a chal ti chuar nang nang mai


"Chupawh anilo, kan inngaihzawn na ala rei lo e, kumkhat em pawh ala nilo a"


"Kum.engzat nge inngaihzawn i duh a?" Atih chuan ka ngawi vang vang a


"Kum 3 vel tal..." Ka sawi zawh hma hma in



"Chutiang em em ka nghakthei lo, inthen leh tur pawh kan nilo a, inngaihzawn leh inneih a in ang reng tawh"


A thutak sawt viau a ka hriat avangin ka chhang tawh lo


Neih chu ka duh , mahse diktak chuan ala hma ve deuh em a ni.


Ka dar a rawn chelh in amah en tur in min kuai her a, ani pawh in ka mit ah tak a rawn en avangin ka lai leh lek lek mai


"Kum 23 pawh ila tling lova, i la naupang tih ka hria, i nu leh pa te fanu neihchhun ini a, engkim nei thei leh i duh duh zir a ti thei ini tih ka hria, i vanglai hmang chho a, hlim leh zalen tak a awm in midang te awh em em nun i nei ngei ang, mahse chung zawng zawng kalsan a kan inchhung a rawn khawsa ve a, ka bul ah chauh awm a, ka nun min tawmpui tur in ka duh che...." Ril zet a a rawn tih chuan ka dang a awk titih ringawt


"I nun nuam leh midang tan a awhawm tak kalsan in min vuan duh angem?" A rawn ti leh sup


"Ihhh...." Ka ti lawi rat a, sawitur chu a rawn lang zut zut, remkhawm dan tur ka hrethiam lo mai pawh a


" Thingtlang tlangval satliah ve mai hian Khawvel thil ah i tan tihtheih ka nei sang vaklo pawh ani maithei, mahse hriatthiamna leh ngaihsakna zawng zawng ka pe ang che, i vun zawng zawng a chuar vek thlengin hmangaih takin ka enkawl angche"


A thusawi mal tin chuan min hneh ngawih ngawih, ka thinlung chhungril ber thleng in a fan chhuak a, ka hlim em avangin sawi tur ber ka hre lo hial zawk


Mumal lo zet in ka bu nghat a


Ka mittui arawn tling nghal piau


"I ngaihsakna leh hriatthiamna aia duh engmah ka neilo" ka ti lawi rat


Hmangaih na hi engkim a ni a, mahse....Ni e, a changchuan hmangaihna chauh hi a tawk zo lo fo thin.


Dam lutuk a min fawh vawng vawng hnu ah , a awm ah nghet takin min kuah hle hle a, ka hlim a, ani pawh a hlim tih a lungphu dar dat ah hian ka hre thei


Engemaw chen kan ngawih vang vang hnu ah
"Kan inneih hun ah i vulh tur vawkte pakhat kan la nghal ang" tiin a rawn nui hawk a


Keipawh ka nuih a za


"Sawhthing hmun i siam ve nghal ang" ka lo ti vat thung


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2022, 9:19 pm

NOT MY TYPE - 20 LAST CHAPTER
BY ESI TAYLOR



...


"Apuian chhang rawn deng rawh u a ti" tipahin Miriami ka bul ah a rawn thu thla a


"Engchhang maw?" Ka ti hu


"Aw a birthday lawmna tur kha mawle" a tih chuan ka nuih a za ngang mai


Vawiin hi Apuia birthday a ni a, lawm tur in kan ti nasa si, ka upa tawh a tih tang tang hnu ah lawm a ti ve ta hram nge ni


"Miss Chhani nen khan in rawn den loh chuan in ei ve lovang arawn ti ania" a tih leh chuan ka nuih a za zual sauh


"Nge mawle ka den thiamloh a ring ami? A har lo emai" in ringtawk zet in ka ti lang lang a, Sir Josepha nuih a lo za leh pek


"Nangni pahnih hi engtik nge tihhuk lam te?" Miss Dinpuiin a rawn ti khauh a


Ka lai lek lek


"Ee... Ahnai tawh ang" pakhata lah chuan a rawn ti sam et


"Ka chak tawh ania, mipa lam leh hmeichhe lam kan ni thei ve ve" phur hmel zet in a rawn ti leh nghal


Ka nui ka nui ringawt


"Taktak in ila naupang emai nei duh reng reng suh, pasal te an fin vakloh phei chuan hmeichhia chu kan nun a tawp ani ringawt" Miss Lianzamin a rawn ti ve khauh


" Sir te chu a fing dawn alawm" Miriamin nui thaw in a rawn ti ve a


"Josepha pawh a fel mahse ka la ui che" miss Lianzami leh bawk


"Ekhai, pasal te chu neih vat zawk tur fa neih chhung nen kan kum hi a pung sawt sawt zel ania, la neih tur tho tho chu neih vat pawi ka tilo tawp mai" Miss Dinpuiin a rawn ti veleh


"Pasal thlan hi fimkhur angai a, neih fuh chuan vanneih na ania, a fuh loh erawh chuan damchhung ser a ni tawh thung a"


"Tak tak in neih mai kha a pawilo, inpeih hun nghah dawn chuan a inpeih famkim theih loh ania"


Tiin kan chungchang atangin nupui pasal neih chungchang an sawi zui a, kei leh sir Josepha tan erawh chuan han sawi vak tur avang duh nen ngawi hle hle in an titi chu kan lo ngaithla ve tawp mai


Mahse an thusawi zawng zawng chu thil awmthei leh thleng ve reng reng anih bawk avangin kan pahnih a kan hriat atana an sawi chu ka lawm ru viau tho

..


Chawhnu lam kan ban hma avangin Apuia te in lam ah kan tlang nghal a, an inkawt ah chuan Sum leh suk lian tha angreng tak hi alo in hung luau tawh


"Kan lo nghak char char tawh che u " min hmuh rual rual in alo ti nghal


"Miriami leh miss Chhani te chhang den kan ei dawn animaw" Apuia nu in nui sang chungin alo ti nghal a


"Deng ila animai lawm" ti hluai in ka bag chu thutthleng ah ka dah thla a


"Chhan khawi zawk hi nge suk i hria em?" Pawn atangin Apuian a rawn ti lang lang a


Rang lutuk in ka chhuak ve nghal vat


"ENge ka hriat loh anga kha kha suk" tiin a denna tur a thing suih chu ka kawk a "kha kha sum" tileh in chhang den tur an dahna chu ka kawk leh zat zat a


"Ka rin aia i hriat chu" Apuian arawn ti leh khauh, inchhuang zet in "hre ve bawk angchu" tileh in ka nui var var mai


"Khawpui nula mawngno satliah chu ini biklo e" an ti leh hram a


"Khawi ka lo deng ang" ti hliai in apuia suk ken lai chu ka laksak rawk a ka rin aiin a rit phian lehnghal


"I deng thei ve em dawn ami?" Sir Josephan a rawn tih chuan "kan ti ve chhin hrim hrim ang" ka ti sap


"Kan pahnih in ti ila" tihpahin Suk pakhat zawk chu Miriamin a rawn la ve nghal zat a


"Kha aia zang kha a awm lo ami?" Sir Josephan a rawn tih chuan


"Ummm Apuia siam hi ania, a rawn bei lian leh lutuk a" Apuia nu in a rawn ti leh thuai


Miriami nen chuan kan deng dun ta alawm , naupang ho leh chulai vel a puitling awm ho te pawhin min kil bial laiha ,



"Kha ai khan deng na ta che u" Apuian a khat tawkin alo ti deuh reng bawk


Ka rin ang chu alo ni derlo, chhang den hi a lo har in ahahthlak reuh emai


Rei pawh kan den hma in ka hah der.


Rang zet hian Sir Josepha ka bul ah a rawn kal a, ka suk ken lai chu la in "Miriam Apuia kha pe la, kan lo in el ange" ati hluai a


Rang zet in Apuia pawh chu a rawn kal ve nghal zat


"Tunge thei rei zawk zawk aw" naupangchhia zet hian Apuian a rawn ti zui zat a


An deng ta alawm le, Miriami nen a kan den ve nen kha chuan khaikhin chi pawh anilo, an deng na sawk sawk bawk a , a chip duak duak mai



"Lawk kawr phelh lawk teh ang" Sir Josephana. Rawn ti leh hluai a kanlo nui hak


An pahnih chuan kawr an phelh a, rin ai tak in an sa lah chu a tha dun phian leh ta nghal a, an dul pawh a phiar fat mai


Sir Josepha pian chu nalh ka lo ti fal lehpek.


An hah dun tawh tih hriat tak hian an thlan hlap tawh a, mahse a chawl hmasa zawk nih an hreh ve ve si, kan lo nui kan lo nui tawh.


"Chawl ve lawk ula" Apuia nu pawh in a rawn ti tawp tawh


"Chawl rawh"


"Chawl zawk rawh" thaw hlawi hlawi chungin an inti dun a


An va han naupangchhia dun tak



"Arualin chawl mai rawh u" Miriamin a tih tak ah chuan an dah ta hram



Zawi zet in an thu thla nghal hnawk a, an thaw dun hlawi hlawi leh nghal


...


Apuia nu hovin an chhang den sa chu kan hmet a, ka vawikhat tihna mahnise ka ti ve thei mai chu ka lawm viau


"Hneh deuh a hmeh hian a tui duh bik a" a tih avangin ka hmet uluk khawp mai


Midang awm ve ho lah chuan min fiam min fiam a, "miss Chhani hmeh ngei kha ka ei duh" anlo ti ve thul, a hlimawm phian


Chaw pawh Apuia te in ah kan ei ta nghal a, eikham ah inbual zuai phawt ka duh avangin kan haw leh rih a, Apuia tan a cake kan order sak pawh kan lam pah nghal bawk


Zan ah chuan naupang atanga putar leh pitar thlengin kan kim khawp mai


Kan ri nuai nuai a, Apuian cake a zai dawn te chuan eiloh hlau lutuk in naupangin an bawr khat vek a, amah pawh kan hmu thei lo zawk hial


Chhangban chu Apuia te thenawm nu hovin kan kang a, A tu a te pawh chuan nuam kan ti tlang in ka hria. Keipawh ka nuih na lam ah ka pum ana vek thei hial


....


Malawmi te inneih ni ah pawh ka dinpui ta ngei a, dan puitling an tlin tawh lo bawk nen tiin ho lam angreng tak in an ti a, a hautak viau lova a tha ka ti ang reng phian


Malawmi nen pawh kawrfual ha lovin puanchei kan bih a, makeup lah Miriamin a thiam dan ang ang in min tat ve nawk nawk a, mawi in ti tak chuan biakin kan pan ve tho



Chhungkhat laina tak tak insawm ani bawk a, mi pawh kan tam lova, engemaw zawng tak chuan a awlsam in a felfai phian lawi



Inneih hunserh a zawh hnu ah thla kan la ve a, Uthaa te in lam ah Malawmi a lawi zui a, hunserh reilo te a awmzui a, tlai dar 3 hma in programe kan zo fel der



Zanriah einan ala hma deuh avang leh midang in an ei hmasak zawk dawn tho avangin tiin Dampui tlang ah thla la tur in kan kal leh a, kan cameraman te lah Apuia te thianho anni teh tlawng bawk a, ring vak lo mahila an sawi ang ang chuan kan phar kual ve thak tho


Tuakthar ten thla an lak laiin phul chung ah an mahni thlir chungin Sir Josepha nen kan thu dun a


Uthaa zeilo lutuk leh Apuia inla duhkhirh vel thin lutuk chu en in kan nui leh hak thin


Ni pawh a a tla har tawhlovang tih hriat zet in kawl chu a sen phut a, a engemaw ti romantic riau bawk


"Puanchei hi analh ka ti i inhmeh bawk a" a rawn tih sup chuan rang zet in ka melh chho ha a


He thu hi vawiin ah pawh a sawi ngun tawh lutuk


"Kan inneih hun ah pawh bih mahla a pawi miahlo" a rawn ti leh, ka nui nghal hawk


"Mahse kawrfual ka ha ve chak sia" ka ti sap


Puanchei hi amawi ka ti lutuk mahse hmeichhia reng reng hian dream kan nei theuh in ka ring, kan pasal neih hun a kan kawr hak tur, leh hak duhzawng ngaihtuah lawk ngailo hmeichhia hi an awm anih pawh an vang viau ang, kawrfual mawi ve tawk tak ha a inringtawk tak a awm kan chak vek ang keipawh in tunge ka pasal tur ka hriat hma leh suangtuah thiam hma daih atang tawh in mokawr hi chu ka lo en kual nasa tawh


Inneih ni ah monu in kawrfual var ahak tak avangin hnam incheina a ngaisang lohvah ka ngai thei ve der lo


"Umm i thu thu ania, engpawh ha la ka hmu chak tawh che" ka rinloh zet ina rawn ti sup a, ka nui var var mai



"I chau em?" A rawn tih leh chuan ka chauh zia ka hrechhuak leh hnuhnawh


Rin ai takin a chauhthlak daih mai


"Ummm ka mu chak" chauh hmel lutuk in ka chhing nghal diar diara ,ka hnar ah a rawn piai rang hle



"Ka paw dawn che ami?"


"Ummm"



"Chiah maw?"


"Umm"


"I ngam tak tak lo"


"Ngam e" ka tih rual rual in a ding chhuak hluai a, min puak tum in a rawn thu tha a, ka duh silo, "i ngam kha" tiin min puak luih talh a tum pek a


"Inlo insual ringawt mai" Apuian a rawn tih lang lang hnu ah a awm tha ve chauh.


...


Sir Josepha nu leh pa te kan in a an rawn len zan ah chuan ka zak lutuk a, ka pindan ah ka tawm char char


Ka nu bul ah "thingpui lum pawh in minlo ko suh aw" ka tih lawk diam tawh avangin min rawn ko ta bik lo


Sir Josepha nen kan inbe reng a, ani pawh nidang anglo tak in a awm hle hle thei biklo, kan phi dun cheng ka ti mai


"Enge an sawi va ngaithla rawh" te a ti thul, chhuak ngam hek lo ka pindan atangin an sawi hriatphak ngaihna a awm silo.


Zingah pawh nidang zawng aiin ka harh hma, ka nu leh pa te thusawi tur chuan min ti helhhawlh ka ti mai


Chutih rual in hre chak lutuk phi cheng anga lan ka hlau ve tumhrang bawk nen, ka harh hnu ah pawh ka tho lawk duh lo a, ka nu leh pa te thawh hnu ah chauh ka tho chhuak


Ka nu nen a eirawng kan bawl dun lai te chuan ka melh leh zuk zuk thin, ani lah chuan engmah a sawi mang silo ka awm dan chu a lai rut animai.



Chawei laiin ka pa in "nizan PuDina te Nupa nen a kan inbiakna thu leh hla te pawh i u te kan lo hrilh lo tak" a rawn ti ta nge nge a



Engmah ka la sawi ngam chuang lo ka bu deuh nghat ringawt



"Pasal neih te i duh ve tawh ania" ka nu in nui sang a arawn tih te chuan ka zak lutuk chu ka biang a sa hat hat thei hial


Ka pa in thu tak deuh tak hian "pasal nei rual chu ilo ni ve ta reng a, Josepha lah mitha tak aniin kan hria a, iai na i nu nen pawh kan nei lo, chutihrualin kan tan chuan naute mai ila ni a, kan la enkawl khamlo che, hetih teh tut tut a pasal ineih chu inu nen hian kan la ngaingam nganglo a, kan fanu neih chhun ini a, kan tihtheih tawk sang ber nen a thlahliam che pawh kan duh a, chuvangin kumin chu tihian la inzui phawt ula... Kumthar lam ah palai te rawn tir sela tiin kan inbe ta kha ania" arawn tih chuan ka hnual deuh rawih na in ka pa thusawi chu a dik ka ti hle tho


"In la nghak thei ang maw?" Ka nu in a rawn tileh hliai a


ka sen nghal ap ap ,Ka nui ringawt


"Tha tak in Josepha nu leh pa te nen pawh kan inthlah a, in induh a in inhmangaih anih phawt chuan in innei em em ang, i nu nen erawh kan khua a har dawn hle mai" ka pa in a rawn ti leh


Ka nu chuan inngaihzawn dan te min hrilh in awmdan tur mawi te min hrilh a, kan inngaizawng tih miin hre vek tawh mahse mi hmuh a fimkhur angaih dan te leh inneih hnu thleng a ka awm dan tur te nen tun atanga rilru puitling tak ka put theih na turin min fuih maawlh mawlh a, a pawimawh ka tiin zawm ngeipawh ka tum ruh hle.



...


"Nghah rei ila ngai dawn si" kan inhmuh rual rualin a ti sup a, ka nui hak


"Tak tak in ka pa pawh in i nu te thusawi kha a tha atia, mo tha deuh kannei dawn sia a pui thei angber in kan ti ang atia" atih chuan ka lai lehpek



"Kan chhungkua chu mo kan neih dawn sia kan tia vawk lam ah tan kan la a, ka nu pawh in chaw tha deuh deuh kan va zawn sak ange a tih kha" atih leh phei chuan ka nui chhuak nghal hawk .


"Kumthar ah pasal ka neih dawn chuan kumin chu nuam tawk in kan hmang ham ham teh ang" thawven hmel fe hian ka ti hap a,



"Engtin?" A rawn ti nghal hu



"Aw... Ka duh duhna ah ka leng kual vel anga, Aizawl ah te chhuk ila , ka zu in la free vel maimai teh ang" ka ti leh hliai



"Ehe..." A rawn tih leh chuan nui var var hian



"Mipa pakhat chauh lak ah rinawm bur angai tep tawh sia, kumin chu bialpa ka neih san ve lawk dawn che" ka tih leh chuan a rawn meng phawk nasa tawh



Nuihza insum tak hian "i duh chuan thla thum vel chu ngaihzawng dang nei ve rawh" ka ti leh



Rang zet hian ka kut chu a rawn hum a, a hmer nghet si a na lek lek


"Enge?" Ka ti ha a



"I ti tak tak ami?" Atih chuan ka bu nghat



"A awm ang lo" a rawn ti sup



"Kan inneih hma in zalen deuhin kan awm ang chu ka tia i duhve lo ami?" Ka tih leh chuan



"Duh lo, duh teuh lo ngaihtuah pawh ngaihtuah suh" a rawn ti deuh hmuk


"Ka kut hi thlah teh"


"No.. i thusawi kha sut rawh"



"Ana lawm" ka tih chuan min thlah silo hian a thlah dul deuh hret


"Min hmu ange aw..."



"A pawi ka ti lo" atih leh hmuk tak ah chuan a titau vak ang tih ka hlau leh hnuhnawh nen ka nui chhuak ta vak



"I sual si" a rawn ti leh hmuk


"Ka timaimai alawm" ka tih rual rualin na zet in ka biang a rawn piai a, ka te nghal that


"Insum ve em em thin teh u" Miriamin a rawn ti lut a,


Ka inthlahrung ru angreng



"Hepa hi alawm" ka ti hlak a



"Miriam i thiannu hian bialpa neih te a tum ania, lo veng rawh" ti sup in a chhuak zui nul nul a, ka nuih aza leh pek teh e.


....


Ni leh thla aliam a, keini pawh in a ruk in inbuatsaihna kan kalpui tan a, palai kal a in berem kan la nih loh avangin engkim chu a ruk thei angber ala ni rih



Malawmin nau anei tih kan hriat chuan rang zet in Sir Josepha nen Dampui PHC kan pan nghal a, hmeichhia a ni a, kan lawm pui ve hle



Naute pianghlim hi chu an no lutuk a han lawm viau ngaihna hi ka hre thin pek lo , Malawmi fanu pawh chu puan var thianghlim tak hian an lo tuam a, ngun lutuk in ka thlek leh thin


A hmel chu ka hrethiam lo


"Avan hmeltha" han ti hluai dawn ila ani thei in ka hre silo "avan duhawm" han tih hluai dawnin ala duhawm em em in ka hre chuang silo


"Apa a chhun loh chuan a rawn hmeltha dawn e" Sir Josephan a rawn ti ta hlauh zawk a, Uthaa lah a hlim bawk aniang ha lang tha in a nui reng mai



Malawmi leh Uthaa te inneih hnu lawk khan Rohlua pawh Aizawl ah a chhuk ta daih a, sawi lang em em lo mahse Malawmi chet dan khan a ti na tih a thiante hi chuan kan hre chiang


Tunah chuan ani pawh in bul tan thar leh in nula tha tak a tawng tawh a, ka lawmpui khawp mai.

....


" Ahun a thleng ta" ka beng bul ah a rawn ti sar sar a, ka laih em avangin ka sen ap ap


Ka man hlanni ani a, kan in chungzawl ah hun hmanna tur uluk tak an chei ah chuan kan thu vang tawh a


Palai ten ka man cheng 420 ka pa an hlan lai chuan "ka ta ini tawh aw" ka beng bul ah a rawn ti leh sar sar a


Kan makpa ten an chhiar a, an chhiar kim lawk thei lo te chuan min ti hlim in nuihna tur a tam khawp mai


Apuia leh Miriami ten min dinpui dawn a, engkim chu akal tluang a, ka hlimna pawh in van a chen hial ang


Ka man ei tu te leh chhungkhat laina zawng zawng te pawhin Sir Josepha chu sawiselna tur an hrelo,a rintlak hmel hlemai, i thlang thiam e min ti vek



Zosangliana pawh kan inneihna min hman pui tur in Dampuiah rawn kal a tum ruh ve hle, tun ah chuan Miriami nenpawh bul an tan chho ve tawh bawk nen ,ka thiannu hi pasal ka neihsan hun ah pawh amal dawnlo tih ka hria a ka lawmpui e.


Zan ah chuan ka man eituten min pek khawm te chu kan han en fel leh zung zung a, ka beisei phak bak in bungrua pawh ka ngah ta daih lehnghal a, ka phulo ka tiin ka lawm takzet a ni


Inchunga an hnawmhnawk dahna pindan kha kan pindan tur zauh nan an hmang a, ka ngaihdan te min zawt in ka duhdanin thlang lam ah bathroom te pawh an dahthar kha ani reng a


Atuk ah Dampui pan in kan thawk rip chho hle a, in nei ni mah niila ka putea te in ah kan innghat ta thung


Kan phur tlang bawk aniang chauh lam a lang eih lo hrim hrim


"Nghah rei ngainu, zanin chiah awm tawh mahse ka nghak thei lo tep tawh" a message ka en chu ka nui var var mai



Innei tur te hi an inneih hma zan a tui tak a muthei an awm pawh ka ringlo, an thei anih chuan an vannei viau ah ka ngai



Muhil thei lo dun ve ve chu kan inbe rei khawp mai, dar1 pelh tawh lam ah "muthilh hram tum rawh naktuk ah i chau lutuk ange" a tih avangin ka phone ka dah a, ka ngaihtuah na kawmin ka muhil maithei chuanglo



Miriami pawh in ka muthei lo tih a hria nge, a muhil mang bik chuanglo, min ngaihtuah in a theih ang ang in thutha te min hrilh ve siam siam a, ka tan hian a rin ai daih in a hlu a, min mamawh hun a awm anih phawt chuan atan ka theih na zawng zawng ka hlan ve ang



...



Ka duhthusam ang tak in biak chhung ah chuan mawi leh inringtawk tak in ka pasal tur Joseph Zorinsanga chu ka pan a



Min hmuh rual a ahmel hahdamthlak lutuk leh keimah a alungawi hmel dam ruih mai chuan ka zamna te chu a ti kiang huai huai a



Ka pasal tur chauh chu en in engkim chu a cool ruih mai, thutiam kan chham lai a, ka mit chiang tak a a rawn en leh thin te chuan ka pasal ni tur in min rin famkim tir a, ka hnuk a ulh lek lek hial



Engkim chu amawiin a famkim a, nupa kan ni ta


Ni e, Joseph Zorinsanga nupui ka ni ta e



Biakin a leng lo khawp in min tawiawm tu an tam a, kan school naupang an theih ang tawk a rawn inchei nalh leh phur hmel te chuan min ti hlim tak zet.



Ka hriatchian vakloh leh khawlai ah pawh ka pelh maimai thin te , putar leh pitar lam thleng a kan inneih min rawn tawiawm ka hmuh te chuan ka lawm lutuk a, an tan tihtheih neih sak ve ka chak khawp mai


......


Kan mutna tur Miriami hovin ka thianten an siam a, an uluk bawk a, mar nalh tak a ni


"Naktuk zing ah ka han endik leh anga, in mangchhe vak lo dun bawk a, hetiang chiah chiah hian alo la mar tha tur a ni" Apuian a rawn tih chuan pindan a awm zawng zawng te chu za zet in an nui hawk hawk hlawm a


"Apui minlo hrilh ve nghal rawh aw" an rawn ti nghal tliar tliar bawk


Sen ap ap chungin inbual tur in ka luhsan ta daih.


Ka inbual zawh chuan a tam zawk anlo haw tawh a



"Ka chau emai, ka haw peih lo khum ah hian Miriami nen kan lo riak ang chhuat ah mu mai ru" Tih pahin Apuia an khum siam mar at ah chuan a bawk thla nghal zuar a



"Riak ve mai rawh u" ka ti ve vat


"Inpa in a phal pawh ka ringlo" nghal zet hian a rawn meng bial vel a


"Inhnuai ah chhuk ang, hepa hi a nghal emai" ti nghekin Miriami ka chhuk pui ta daih



Inhnuai ah chuan naupang leh upa lam deuh te an lo la awm nak nak a


"Lo chhuk kher angai tawh hleinem" Nu Siamtein alo ti thuai thuai


"Mo thar chibai ang" tiin min chibai tawh te pawhin min chibai leh sap sap a



Apuia leh Miriami haw tur pawn thlengin kan thlah hnu ah inchung ah kan inzui chho ta nghal a


Ka lai leh nghal hu mai

"I chau em?" A rawn tih chuan



"Umm ka mu nghal dawn" ti nghek in khum a va mut ka rual nghal a, a rawn nui hawk hawk mai



Ka rizai sin chu rawn keu in dim deuh tak hian a rawn mu ve a,


"I muhil nghal em ?" Ti sup in ka chal a rawn fawp vang vang



"Aih" ka ti sap


"Kan zan hmasa ber ania tawngtai dun ila" a rawn tih chuan ka tum ve reng ka zam em avanga ka lo theihnghilh anih avangin rang zet in ka thu chhuak a, khum ah chuan inhawi tawn a thingthi in kan tawngtai dun a



"I chau em?" Kan tawngtai zawh rual in a rawn ti leh sup

"Umm ka ke te hi ana vek, ka rin aiin a chauhthlak" ham bai bai in ka ti sap



"Mu la ka lo hmet ang che" a tih chuan lawm zet hian ka mu thla nghal thuai thuai


Ka pheikhawk bunna avanga ka chawn leh ke phah kham thum te chu min hmeh sak mawlh mawlh a


Nuam ti zet hian ka lo ham bai bai reng mai



"Muhil rawh, i chau anih kha, zanin chu tui deuhin mula, naktuk zan ah erawh kan mu mang dawn lo ania" a rawn ti dut a, a nui mang bawk silo,



Ka biang a sa leh hat hat mai.



Ka chau bawk nen ka muthilh san ta daih, ka bul a arawn mut thlak lai te, ka biang a rawn fawh lai te leh min kuah lai te chu ka mang hriat ruai ruai a, ka inti harh peih tawh thlawt lo .

.....


Nupa a school a kal te chu anawm dan a dang ta khawp mai, MA pawh ignou lam ah ka zawm veleh a, assignment ziakin kan buai nupa thei viau



Ka pasal ka fak na em em chu KTP leh YMA ah nihna pawimawh a chelh avangin a buai thei vat vat viau a, a tul leh pawimawh tawp ah lo min chhuahsan ngailo


A tlangval lai chuan committee emaw hla zir zawh ah khawi ah emaw lengkawi in an duh duh an la ti kual a, nupui aneih tawh avangin engkim tih a rem tawh lo tih chu ka hrilhhriat chawp a ngai reng reng lo, engpawh ti dawn se min hrilh loh lah a nei ngailo



Min duat em a ka pangchang mahmah zawk hial


Ka nu leh pa te lah ka chung ah an tha in min duat em em a, Tetei nurse training tur a Aizawl a pan hnu ah phei chuan ka lunglen leh khawhar hlauvin ka nu leh pa te tlawh tur in min ti awllo


Sir Josepha lah in akhat tawk in min lenpui deuh reng bawk a, keimah in a hran in ka kal ngailo thung


...


Kan pa nitei ti ila ka nu (Nusiamtei) Pu unaupa Tunu daih a nih chu, Dampui ah hian awm ve in kan in pawh a inhlat lo bawk a, arawn chuangkai ngun khawp mai


A tawngthei si, leh lam leh lam ah mi a rel tawn vel thin a



Vawikhat phei chu ka nu bul ah "Chhani hi a awm nuam si, hau ve thin rawh u, hetiang in kan mo tirh ah pawh kan awm ngam ngailo, an pa lah hi a thu hneh si a, nakin ah a pawngpawrh tual tual mai ang, an in lam ah lah hian Zorina a kalpui sek a, mi pawh in an sawi sep sep ania" alo ti pek a


Ka nu vawk chaw chhum na bul ah a thutchilh a, keini kan school bang in thleng ve chiah kan nih bawk avangin an thusawi chu hriat tum lo pawh niila hriat loh ngaihna awm hek lo



Rilru na zet in kan pa ka melh chho haw a


"Kal ang" ti sup in min kal phei pui a



"E inlo bang chiah alaw, nilengin naupang bul ah in awm a a hahthlak thin em?" Nui sang hian min hmuh rual rual in alo ti thuai thuai a


A mizia chu amak ka ti hle, min rel zo chiah tih awih a har zawk alawm


Ka chhang lo chiang kher a sin, Nui lui sang in ka nu ka be ta daih


Ka inthlak mawlh mawlh laiin "pitei thusawi kha chu engahmah ngai suh aw...kha ti tawp kha ania, tumah in athusawi an ngaipawimawh ngailo" a rawn tisup a, ka chhang lemlo


"I rilru a na em?" A rawn ti leh a, duhthawh zet in ka lo lu ka lo thing


Hnunglam atangin min rawn kuah hlu hlu a, "i rilru nat ka phal hleinem, pitei chu ka hau dawn ania" a tih leh chuan inher in ka kuah let a


"Amah avang khan ka lungngailo mahse ka nu in a diklo zawng a min ngaih phah ka hlau alawm" ka ti sap


"Teuhlo mai, ka nu chu kan hriatchian dun kha lungngai miah suh" a tih leh chuan ka awm anuam ta deuh.


Zanriah eina thleng ka sil laiin ka nu a rawn vei leh thuak thin a



A vawi thum rawn veina ah thingpui sen a rawn chhuang a


"Nu ka lo ti mai dawn alawm ka sil zo tep" ka lo ti ve vat


"Angai lo, ka inchak thut a" a ti liam puat a, ka chhang zui tawh lo



"Chhante" a rawn tih leh chuan



"Umm enge?" Ti ha in rem vaklo hian ka thlek vat a


"Vawiin a i pitei thusawi kha in lo hrephak tih inpa in a sawi a, a zialo tak tak ani, rilru tih hreawm nan te khan i lo hmang maimai ange, i pitei hi chu sawi tur a hre leh lutuk thin a, dawt nen tangkawp hian a sawi kual duah maithin a, awih chin tur pawh hi hriatthiam a har thin reng ania, engahmahngai reng reng suh aw" a rawn ti dam dap a



Ka hnuk a ulh deuh ringawt



"Ummm... Nia ih..." Ka ti niah niah a



"Mi pawh in an sawi tak tak lo tawp ang, i rilru ti hreawm duh reng reng suh, i pa nen kan remtihna leh hriatpui na thlap zel in in in ah te pawh inkal thin a, inkal zel bawk ang..." A ti leh a, ka nu thusawi chuan min ti hahdam huai huai mai, theih phei chu nise va kuah tawp ka duh hial.



"Thingpui chu ka duhve" ti sup in choka ah Sir Josepha a rawn lut a, kan boruak a rawn thlak chu ka lawm ru hle


"I chhuak leh dawn pek em ni?" Ka nu in a inthuamdan en in alo ti vat a



"YMA committee hmanhmawh thlak an rawn ti thut a" a ti ve mai, chawei dawn ah khan min hrilh tawh avangin mak ka ti lemlo



"Nihna hi i ngah leh lutuk a, i chhuak reng mai, bang then teh" thingpui thlit chhuah pah in Ka nu in a ti mawlh mawlh a, ka lo nui tawp


"Kumthar ah chuan ka ni tawh lovang" pakhat lah chuan alo ti tha ve mai bawk a


"Kan rei lovang lo muhil suh aw" ka nu kal rual rual in a rawn ti nghal sup a


"Muhil nghal dawn" ka ti rang hle


"Ka kaitho tho dawn che" ti sup in a rawn nui hawk a, a nghal a chhuah zel dawn avangin ka chhang zui duh tawh lo .


....

Ka kawng leh tai na thum avangin ka tho chhuak a, tui zet a ka pasal muhil chu en zauhvin ka nui sak


Rang zet in bathroom ah ka lut a, ka period tih ka hriat chuan ka hnual rawih


Kan inneih atangin kum a vei tep a, nau ka la pai loh fo avang chuan hreawm ka ti ru viau tawh


Ka period hun karkhat zet a apelh tawh avangin ka rai anih beisei in ka hlim ru viau kha ania, chawpleh chilhin khang ka hlimna te kha an bo zo nghal


Han chhuak hlek ila

"Nau in la keng nange?"



"I va rai har ve"


"In indang anilo maw?"


"In dan angai hleinem" tih angreng hlir zawhna chhansen loh ka dawng thin


Ka pasal hi a fel em zawk a "a hun ah Pathian in min pe mai ang, hmanhmawh suh, fa kan neih hma in nupa chauh a induatna hun kan ngah ani mai" a ti sam et thin


Mahse ka pasal in min hriatthiam na hi a tawk zo lo nge, hreawm tih ngawih ngawih chang ka ngah ta mai


Ka nu leh pa te lak ah ka inthlahrung a, ni e khawvel mi te lak ah hian hreawm ka ti thin


Aizawla kan zin lai khan a rem ti vak lo chungin kan in entir a, that lohna kan neihloh ve ve thu doctor khan a sawi bawk si, ka tawngtai tam phah in ka beidawn chang lah a tam ta



Bathroom kawng a rawn kik dut dut a


"Ka lo chhuak" ti vat in ka chhuak nghal thuai



"I rei lutuk a" ngunthluk fe hian min en a



"Ka period a" ka ti sap


"Anih chuan duat ingai dawn animaw" ti sup in min pawm kang nawlh a, khum ah bawk min nghatthla leh



"Thawh a hun tawh alawm" tihpah a innem kan ka tum chu min nem mu leh rang hle



"Ala hma alawm, bak ah i kawng a na dawn tih ka hria, ka hmet phawt ang che" ti sup in a rawn insiam rem nghal zung zung a, ka kawng leh mawng bawr vel chu a rawn hmet nghal nuap nuap a


Nuam ti zet ka dawh hle hle mai


Ka pasal hi ka pasal ani lovang tih ka hlau thin.


...


Fur lai a nih avangin khua adiak in kal fimkhur a ngai thei khawp mai


Ka nawmsam vak loh avangin school atangin ka haw hma a,


"Ka thlah dawn che ami?" Kan pa in ti ve bawk mahse class ala neih avang leh kal thei lo khawp ka nih loh avangin hnial in ka haw san a


Ruah a sur tam theih em avangin mi nawlpui pawh lo lam ah liam lovin in ah an awm deuh chawt thin a, ka nu leh pa te pawh in ah an awm tih ka hriat avangin chhang leh eitur eng eng emaw dawr ah ka lei kual a


Nihliap khum ngai bawk, ka thil lei khai ngai bawk , kal fimkhur ngai bawk nen ka kalmuang angreng khawp mai


Kan in panna step panga vel lek awm chu alo nal deuh nen rap sual in ka tlu chiang hle


Thawh mai ka tum chu ka tho thei der lo


Ruah lah chu a tla reng bawk nen ,phone khawih theih nisilo ,ka theih anga ring hian ka nu leh pa chu ka au a


An hre lawk lo nen ,Ka tah a chhuak tun



Ka ke rek lah chu a rawn na tial tial tawh mai si


Ka nu a rawn chhuak a, mangan hmel zet hian ka pa a ko leh ruai a, an pahnih chuan in ah min kuah lut a, ka pa han tlan let leh vut in ka nihliap leh ka thillei a rawn tlanluhpui veleh


Kan chet dan chu nuihzatthlak viau mahse ka ke a nat em avangin ka nui hleithei lo



Ruh hmeh thiam a an sawi kan kawmchhak pa Puringa ka nu in a han ko nghal chuk chuk a


Tah ka hreh si, ka heh ka pet fan fan mai


Ka nu bawk in kan pa a be leh zung zung a, a rawn thleng hma tehkher a sin, a rual in kan thawhpui te ho lah chu an rawn kal khup lehnghal


An zahawmin a zahthlak duh viau zawk


PuRinga chuan ka ke chu an hmet kual vel a, ana thei si, ka sawisel ngam silo


Kan pa ban chu ka hmer leh ngawng ngawng thin


"A ulh deuh bak ah a tha te pawh a tawm anihhi, a ruh pawh hi a khi ve deuh maithei" ti sup in eng engmaw ranhmul damdawi chu bel in a tuam lum a


"Ti che vak rih lo la, in duh leh xray te pawh ti ula, mahse a dam thuai ka ring" a ti leh zung zung a,a tliak lo tih ka hriat chuan ka hahdam huai huai


"I ke a bung ta emaw kan ti mai alawm Zorinsanga a phili buai lutuk a, kan rawn tlan chho nghala " Miriamin a rawn ti zauh a, an sawi zui nghal nak nak a, na viau e tilo chuan ka nui ka nui ve mai



Ka ke ber a nat miau avangin kan pindan ah ka tawm chawt a, chawpawh min rawn pe thin, ka inthlahrung lutuk in "min paw thla mai rawh" tiin ka dil a, zu phal der lo a mawle



Dampui PHC ah xray na a awm loh avangin khaw thenawm kan pan a, Puringa sawi ang tak khan a ruh alo khi deuh alo ni


Ka ke na a zia hnu ah pawh chuan khum bet in ka awm ta reng a, ka khua a sik bak ah chaw ka ei thei lo bawk nen ka chhungte ka ti mangang teh a sin


Sir Josepha chuan School akal tih loh chu min chhuahsan ngailo, kan inawm tawp mai ani


Keilah in hma ka sawn hleithei bawk silo, ka nu leh pa tak tak te pawh an rawn lang reng a, ka chaw eithei lo ber chu kan buaina a ni tawh


School ban ah Miriami arawn kal a


"E ikal thei tawh alaw" mak tih hmel zet in min en


"Umm step a kal hi ala har ani deuh mai"



"I ke na chu i va cherpui ve" mak tih hmel tak hian a ti leh



"Amak tak tak ani , ka khawsik reng te hi ka hrethiam tawh biklo, ka ke lah hi khawsik pui tham khawp in ana tawh bawk silo" ti hliai in ka ke chu ka ti che kual vel a


"I ril a tam em, noodles kan chhum teh ang, chhun ah chaw ka ei peihlo a" atih chuan



"I sawi ringawt pawh khan ka luak a chhuak nghal" ka ti nghek a, ner nawng nawng in choka lam a pan zui a



Rang zet hian a rawn tlan let leh,

"Tehthut a che" phawk zet in ka lo ti nghek


Ka bul ah arawn ding a


"Chhan i rai anilo maw?" A rawn tih chuan chhan mai ngaihna ka hrelo



"I awmdan hi i rai anih ka ring tlat, i period em?" Phur hmel angreng tak hian a ti leh, a tawng ring vak ngam biklo


"Thla hmasa te chuan period e, tun thla chu ka la period lo" ka ti zuai raih


Ka rai leh tak tak ka rin loh aavangin ka phur viau peihlo, rilru ana duh maimai



"Test kid ka va lei teh ang" tih leh tlan chhuah a rual nghal, ka kawl reng sia, hrilh pawh ka hrilh hman lo



"Engatinge Miriami hlawk hlawk chu" ka nu in arawn ti lut a


"Thil a lei dawn a" ka ti ringawt


Ka nu pawh beiseina siam ka duhlo, ka rai leh tak tak chuang lovang


....


Kan test tak ah chuan beisei deuh ring ngam silo hian ka nghak a


"Miriam en teh ka en ngamlo" ti ha in Miriami hmai zawn ah ka lek va a


A ngawih reng avangin "ka railovang ka tihkha" ka ti zuai raih



"Tunge i rai thei lo ti, awiii.... Zorinsanga intithei hmel ka hmu peih lo e" a rawn ti chiam chiam a


Test kid chu rang lutuk in ka en a


Ka mittui a rawn baw nghal zawih


"Ani tak tak angem?" Ringhlel zet hian ka ti leh


"Aw.. ani ani" Miriami lah a phur si


Ka nu a rawn lut a, Miriamin a hrilh chuan eng thu teh vak sawilo mahse a hmel a hlimna kha ka hmu thiam vek


"Thingpui tui deuh kan lum ange" a ti hluai bawk


Ka pa feh lah a rawn haw hma hlauh bawk nen ka nu in a lo hrilh ve nghal zung zung a, a lawm hmel a thup lo lutuk chu ka lung a lo chhia


Ka nu leh pa te hian tu an awt em em tih ka hre chiang ta, kha leh chen kumkhat chuang daih kha tu awt em em chung si khan ka rilru nawm loh hlauvin engmah an sawi ngailo a, minlo va Hmangaih tak em aw!!


Miriami pawh ka pa in chawei ah a sawm nghal a,a phur sur sur khawp mai


Kan pa lah a rawn haw tlai vei phian a, veng hmawr ah ranhmul damdawi alo va siam tir chu lo ni in, ka dam theilo lutuk a mangang a ni



A rawn thlen chuan kan pindan ah ka awm avangin Miriami nen a an inhnial lawng lawng chu ka hre deuh ruai ruai a, a rawn luh hun nghak in ka lo phi chung



"Sorry ka tlai deuhhret a, hei i damdawi tur" ti hliai in polythene ah hian bottle pahnih hi a rawn khai a


"Umm" ka ti sap


"I tt em?" Ti leh hluai in a inthlak zui a



"Aih" ka ti leh ringawt



"Miriami khu chaw a rawn ei dawn ami?" Atih leh chuan



"Umm" ka ti leh



Min thlek ha tih hria in ka hrelo der a, ka test kid ken chu ka khalh niap niap



"Ehhh i tt animaw?" Ti leh in khum a ka thutna na bul ah a rawn kal hnai a


"Min en teh" a tih chuan ka en ve mai


Rang zet hian a rawn thu hnai nghal rawk rawk


"I tap em?" Ngaihthat loh hmel lutuk in a ti sup a


Ka hlim em avangin tap miau hek ka mit a sen deuh lak nen "umm" ka ti leh



"Engatinge i tah?" Arawn ti sup a, ka chhanglo



"Heyyy ngatinge itah sawi rawh le, an hau che ami?" A rawn ti dam dup a, a mitmeng buai nak chu ka hmuhmaih loh nasa



Ka lu ka thing ringawt bawk si


" la i lung a leng a mi?" A ti leh



Ka lu ka thing leh bawk si



"Hey i tah chhan ka hriat angai ania" a rawn tih leh chuan


"Hei" ti sap in ka test kid ken lai chu ka pe a, hrilhhai zet a la in a thlek vung vung



"Heihi eng.... Ka hmu tawh... Ehe... I rai a mi" arawn ti hluai a, atawp lam chu ring tha tak ani


"Umm " ti hliai in ka nui chhuak hak


Min pawm kang nghal nawl nawl a



"Min dim rawh, min duat angai" pangchang zet in ka ti ruai


"Duat dawn lutukk" ti leh in khum ah chuan min nghat a, ka chal, ka biang, ka hmui chu a rawn fawp kual nawk nawk a, "ka hmangaih che" a ti leh sup thin.


Hetianga em em a hlimna famkim hi a awm theih ka lo ring ngailo a, ni e... Tun ah hian hlimna zawng zawng hi ka ta vek a ni.


Hman ah chuan ka mipa duhzawng ka sawi apiang in , mipa cool tak leh tawng tlem tak tih ka sawi hmasa ber ziah thin


Mahse tun ah chuan ka mipa duhzawng chu
Mipa rintlak tak a ni, chutiang mipa ngei chu ka tawng a, ka nun a ti famkim a, a kiang ah chuan ka hlim a, ka thla a muang em em bawk.


A TAWP TA


(NOT MY TYPE CHU ALO TAWP TA A, MIN CHHIAR SAK TU TE, COMMENTS HMANG A MIN FUIH TU TE NANGMAH NI VANGA ZIAK LEH PUITLIN KA NI A, IN CHUNG AH THINLUNG TAK IN LAWMTHU KA SAWI E. KA LAWM E 😍😍😍😍)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)