TIME TREE (Season 1) By Humming Moon (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

TIME TREE (Season 1) By Humming Moon (Completed)

Unread post by Ngaia » September 25th, 2022, 11:53 pm

m00srmzw.jpg

Horn ri tuar tuar karah chuan "ka rawn kal...i mak thei chung chung lutuk"ti in ka au tuar tuar a ka pa hi chu Police Officer tih tak ah mi invawng leh hun vawng dik tak a ni bawk a a thil tih tur reng reng duan sa thlap in minute khat lek a tlai pawh hi a duh ngailo.Vawiin kan bazaar tur pawh ka insiam rei a ti deuh nge a lo phi leh chung tawh saw.


Hmanhmawh lutuk in ka pa car awmna lam chu tlan dawr dawr chung in ka pan a ka inchhuih phei pah nawk nawk bawk.Motor ka luh rual rual chuan "In hmakhua tur a hrilh che zawm la chu kha ti pheng phung khan i che lo ang mawle" a lo ti sup a "aw...nula te kan nia mut rei te ka duh ve a bakah zing thawh har hi ka ngeih hrim hrim alawm hei ka hmel pawh a that sawr hi" nuih tlawn pah chuan ka ti zat zat a,chek hluk chung in motor a ti nung a kan tlan chhuak zui nghal.


Motor kawng zawl nuam zet kan tlan lai chuan"Pa enge ka tih leh dawn" ti in ka zawt phawng a nula ve uaih tawh hetia tum mumal pawh nei lo a thil zir kual reng hi ka ning in hnathawh neih ve ka duh tawh ani.Ka pa chuan min chhang lo ngaihtuah muk hmel tak in steering chu a vuan a hmalam a melh ngawt ngawt bawk.A tawngchhuak tawh dawnlo emaw tih hnuah "Hnathawh i ngai hleinem"a ti zawi sup a "mahse,nun chen tur ka nei ve a,ka duhdan a awm tur ka ni ve tho alawm" a lo ti leh,hahthlak tih hmel zet chuan a thaw halh a engmah a sawi zui tawhlo.


Pawn lam chu hawiin ka ngaihtuah na in ka naupan lai ka chhui let a,ka nu a rawn lang hmasa ber aw...a hlim hmel mawlh kha a va han ngaihawm em ka nu kha a hmeltha in a zaidam em em a,ka pa ang mi butut leh luhlul lutuk a nei kha mak ka ti thin.Ka nui hak a mahse a reilo ka nu thih dan kha ka mitthla ah chawp leh chilh in a rawn lang nghal ka mit ka chhing sawk a,ka mittui lo hnam tiam tiam chu a tlak mai hlau takin ka khap let sak sak a,ni e huanah thisen nen inchiahpiah nuaih in an hmu anih kha.Motor horn ri tuar ri ka hriat rual chuan hmalam ah ka bu dawrh a



"Pa tinge a" ka ti chhuak hliai a "a hmanhmawh viau anih hmel"tiin hmalam a melh ngur a ka en ve meuh chuan bolero tlan liam tur chu ka hmu hman zuai.Motor start in kan tlanchhuak zui leh nghal a,chef ka ni a kan in bul leh a velah hian thlai,thei leh pangpar ei theih chi te,ei loh chi leh herb lam ka ching teuh a,hna thawh mumal nei lo mah ila ka pa ber in "ka ei tur tui tak min siam sak chhung chuan hna i thawh a sum i lak luh ve kher a ngailo" a tih tlat avangin in lamah ka awm chawt thin.Tunah pawh hian thlai chi leh pangpar chi lei nual ka duh vang a chhuak kan ni pakhat a,bazaar kan thlen chuan mi an lo tam lutuk hranlo ka pa hi Thingtlang khua a a post miau vangin chutah chuan kan chen a ngai a,thingtlang khua han tih ah khawpui ni silo thingtlang lutuk ni silo a ni.A nuam in a boruak pawh a tha viau a kan chen na leh bazaar inkar hi a in hlat ve angreng hle bawk.Nihawi hi ka ngaina em em a a par a mawi in a chi a ei theih bawk sia..a hun lai chuan kan in leh a vel hi nihawi an par tuar thin tunah pawh hian nihawi chi chin tur ka lei nual a.Mizoram ah ka awm tam lo hle a,ka nu in class 10 ka pass hnu lawk ah min thih san a ka tuar nasa in lehkha zir lam ah ka pachhe sa hrim hrim bawk nen zir chhunzawm ka duh ta tlat lo a,ka pa in min tur viau mahse ka kal chhunzawm duh ta chuanglo "zirna chawlhsan ringawt la enge tih i tum"tia min zawh khan chef nih ka duh thu in ka chhang a Chinese cuisine ka ngaina bawk a kal ka chak em a ka pa chuan rem min tih sak in ka kal ta kha ania,ka zawh hnu a Mizoram a haw ka tum pawh in thil dang zir leh turin min ti mauh mai a thuawih tak chuan music ka zir leh ta mai bawk.

Ka thlai chi mamawh leh thil dang dang ka lei zawh chuan ka pa nen car lamah inzui phei in haw turin kan in khalh chhuak a,ka bag ken a ka thlai chi lei ho an len miau loh avangin ka bag ah lai ah chuan leng leh leng lo in ka hnawh lut tawlh tawlh a, "nula si bag i ak lian thei mange" tiin ka pa chu a rawn nui hawk hawk a "hmm a tha zawk daih alawm a leng hnem alawm tereuh te leng tlem deuh ai chuan a tha daih zawk" "nutling ah chi anih kha" chhang tawhlo in ka nui tawp.Ka pa hian nutling leh nula ah chi te a lo hre hrang ve thlap chu ka nuih a za riau

In lam pan a kan tlan lai chuan khua a thim thet thet tawh kan hma a belero rawn lan zawk rual in a ri bur a ka thlawk chhuak dawrh mai,motor hma glass ah tak ka in tauh chawrh a ka bek a lum nghal puat bawk ka lu lah chu a na nghal ngut ngut a

(Min lo chhiar sak vangin ka lawm e..thu ziak mi ka nilo a,ka vawikhat ziah na leh post ve na ania..zak leh inthlahrung chung chung in ka lo dah ve tawp🙊minlo chhiar sak ve zel turin ka ngen che u aw🙏😚)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2022, 11:53 pm

Ka riltam zia ka hria ka bag ka dap chu engmah ka ha lo tih ka hre chiah "Lalpa leh..." ka ti chhuak hluai a ka lu na lah chu a zual tulh tulh nimai hian ka hria ka taksa a na thum a ka khua a sik ser ser bawk ka chung a thil thleng leh saruak a ka awm ngawt chhan chu ngaihtuah chhuah tum in ka chhing vang vang a engmah lah chu ka hre thei mang der lo lehnghal.


Ka pa ka ngaihtuah chhuak a khang misual te khan a thi an tih kha chiang tak in ka hria ka nu an thah thu pawh a sawi chiang viau anih kha "awi...chhun atang khan minlo zui char char tawh ani chiang mai,kan kal lam pawh khan kan accident tep anih kha kha bolero tho kha ani chiang lutuk"tiin ka phun chhuak hluai a ka pa chu police ani a mi tam tak in an hua in thah hial pawh an duh ang tih ka hria mahse ka nu an thah chhan tur awm ang kha ka hre thei reng reng lo.Tunah chuan fahrah engmah neih nei ve tawhlo ramhnuai a bo ve mai ka ni tawh tih ka hriat chuan ka rilru a na thar ngang mai tah vak vak ka chak a ka thei der bawk silo.Ka naupan lai atang tawh in mittui tla a tah hi ka harsat em em a mahse chu chuan chhungril ah tap rawih rawih thei te aiin na min pe hnem bik in ka hre thin thinlung a rum vawng vawng chungin ka tho chhuak a,eitur dap ka tum a mahse ka ngaihtuahna vang chuan ka thil tum chu ka thulh leh rang ngang mai sakei leh ramsa dang tawn palh ka hlau a tih theih nei silo in ka thutna ah chuan ka thu tlawk tlawk mai ani.


ka vei lam hla vak lo a hnuai lam awih ve deuh a lungpui chungah chuan thu in ka hawi kual ka hawi kual a pan lam tur ka hre silo,hria pawh ni ila ka ngamlo hrim hrim.Sava hram chiah chiah leh thereng kiu vawng vawng te,ngaw hnuai dai ruih te chuan lunglenna min pe a mahni inkhawngaihna leh lunglenna in min chenchilh tlat avangin ka hun liam tawh ka mitthla lo thei lo.Thil ri thlep ka hriat na lam ka en chu Pangrem lian zet mai hi ka bul lawk ah a rawn vak tawr tawr a nih chu


Ka phu nasa lutuk ka thutna atang chuan rang zet in ka tho a ka lam pan in a rawn vak bawk si, ka ke pen leh chiah chu ka khur nasa bawk nen ka rah tum tak rap lo in ka hnuai lei ah chuan ka tla chawrh a ka lum thla nghal nawk nawk mai,hnim leh eng eng hriam emaw in ka taksa an tai kak hrep hrup a thui deuh fe lum hnuah thingkung lian tak ah chuan ka insawh chawrh a ka thaw hle hle mai,ka taksa chu na lo lai pawh a awm tawhlo a thip sup sup bawk "Hetiang teh hrep ka tuar ai chuan min thih tir ve law law ta che" tiin ka au a ka aw chu chhuak tur mang pawh a awm tawh lo ka rilru na leh beidawng lutuk chu thih daih ka duh tak tak.

Thawm ka hria mahse en tur pawh in ka che peihlo sakei anih ring in thi tur in ka lo inpeih ve tawp ringawt a,ka maimitchhing nghal hmak bawk thawm chu a lo hnai zel a ka bul a rawn thlen chuan min ei ngei tawh dawn in ka hria a ka khur ru der der mai



"A hnuk a la chat lo e" ti sup ri ah chuan ka meng kawk a ka bulah chuan mi pahnih an lo thu ran mai kawr an ha lo a puan an veng thung silai an pu ve ve bawk.


Mak ti tak a ka en reng lai in ka ke lam a awm zawk chuan puan in min rawn khuh a,ruak in ka awm tih ka hrechhuak ka zak lutuk chu khuk chem chem a ral daih mai ka duh din mai tum a ka in beng kang chu ka ban rawn na zawk vang in ka thulh chiang hle,ka lu bul a thu zawk chu a ding vut a a din phei chuan a lian lehzual puan a min khuh tu zawk kha chu hepa ai hian a te hret a "kan zawn dawn nge ka paw dawn" tiin a thianpa chu a zawt a puan a min khuh tu zawk khan"ka lo paw mai ang hmeichhe pakhat lek puak te zawng a harsa lo e" tiin nui sung in a lo chhang a chu pa bawk chuan min melh leh vung vung hnu ah kiai suk in "Nula enge i hming" chhan mai nachang pawh ka hrelo "Tu khua leh tui nge i nih" a rawn tih leh chuan mak ka ti nasa mai.

"Khua thlen pui phawt mai teh ang ka pa in tihdan a hriat ka ring a khawsik hi enkawl vat a ngai" a lian zawk chuan a ti leh a ka kal theih miau loh avangin min pua a.Hemi te khawsa zia hi ka hrethiam lo Thingtlang ah pawh thingtlang deuh ami an ang thil awmzia ka hriat hma chu engmah sawi lo ila a tha a ka hriat vangin ka ngawih mai a finthlak rih tlat.


Mahse thui pawh kan kal hma chuan ka tuihal tawh lutuk chu ka insum thei ta thlawt lo "Ka tui a hal" ka ti ta thlawt a min paw tu palian pui chuan "kan hma kawi hnih ah sawn kawrté a awm a,kan chawl dawn nia" a rawn ti thum bul bul a ka rap riau hepa hi.A sawi ang tak tak chuan tui chu a lo awm ngei a ka in chu ka hahdam sawng sawng mai heti em a tui tui hi ka la in ngailo ka duhtawk ka in hnu ah "kal siam ang u aw" a thianpa chuan a ti a min paw leh tho "ka lo chhawk ang che" a tih pawhin "a ngailo e ka hah lo" a ti deuh tlat bawk sia nui put put in min en leh zeuh zeuh thin.Thui fe kan kal hnu chuan min tih tlangnel tum tak in "Kei hi Thangkhuma ka ni a Khuma tiin min ko dawn nia,kha kha Ngurliana a nih kha" ti chung in a pen thauh thauh a tlangval hming atan chuan mawilo ka lo tih sak nasa Thangkhuma han nih deuh tawp mai chu ka lo ti rilru neuh neuh a kawng tluan in Thangkhuma chu a ri bawrh bawrh a Sairamchhuah,Thlawhhma,Sanghal huangtau tih vel a sawi lai chuan an khua chu an la changkang lo ve hle ah ka lo ngai tawp a Ngurliana a tih chu a ngawi ngul reng hetiang mi chut lutuk a kawm reng peih hi mak ka lo ti ve em em ringawt.

Lung lianpui pui inphun thup na ah chuan min chawlh pui a,vaibel an la chhuak a an pak khu tual tual a ka en ngawih ngawih mai hmanlai chauh in vaibel an zu emaw ka tia thingtlang mi chuan an lo la zu reng anih dawn hi mahse ka hawi kual a an khua chu thingtlang khaw pangai a ang tlat lo khua a tlai lam deuh tawh a mipa naupang sairawkherh keng ka hmu zeuh zeuh a mak tih hmel deuh in min en hrek hrek hlawm lehnghal a ka awm an ti nuam chiahlo.

A lian zawk bawk khan min paw leh a an khua ni a ka rin a cheng te ho chuan min en tuau tuau mai,a then an phun ser ser a an inchei dan lah chu hmeichhia in an hnute chung chiah ah puan an bih a mipa lah puan an veng vek bawk.Ka ngaihtuahna ka lo kawm tui deuh aniang "Ngurlian khawi lam hmeichhia nge" tih thawm ah chuan ka hawichhuak zawk a min paw tu pa chuan chhuat a min nghah pah in "A...ka pa lawmpa nen nghalchang kan hliam a,a hnu kan zui na lamah kan va hmu alawm mawle" ti a a chhan zawh rual chuan ka lam hawi in "Nula enge i hming le?Tu khua leh tui nge i nih?engmah hlauh tur a awm lo ania" a ti dam zui thluam a engdang a chhang ta lo chuan "Khawiah nge ka awm"ka ti zui daih "Tlangnuam khua ah i awm mek a,kei hi Lal Ngurdawla ka ni e...hlau lo la ka zawhna kha min han chhang teh le"a ti zui dap dap a

Kei hi hmanlai hun,Lal lal lai ah khan ka awm a maw???A va mak dawn ve engtin nge ka awm daih theih ka hriat hnuhnun ber chuan kum 2020 ah ka awm a ka harhchhuah leh chuan a kum zat pawh hriat loh Lal Ngurdawla lal a a thut hun ah ka awm daih a,ka mumang nge a tak pawh ka thliar thiam tawh lo.A buai nuaih ani ber chutah ka chhan na beisei tak a min lo en tu te chu melh in"Ka hming chu in hrethiam lo ang helai hmun ami hi ka nilo mi in thah tum in min um a ka biru a ka harh leh chuan in hunlai ah hian ka rawn awm ringawt" ti a ka chhana chu hrethiam lo tih hriat zet hian an in melh hrek hrek a.

(A lem in ti em😁)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2022, 11:53 pm

"Ka hriatthiam leh hriatthiam loh ka zawt lo che" ti bung nghut tu Lal Ngurdawla chu ka melh zawk a tur khui hian minlo en chu ni in.A dawhtheihna a pan tawh hle tih hriat tak in a khabe a pawng tawlh tawlh a




Mi hnen a ka hming sawi hi ka hreh tlat zel vang a sawi loh dan dap ka ni mai zawk asin le... mahse Lal hmel leh mitmeng atang hi chuan sawi loh ngam chi pawh a ni chiah in ka hre tawh lo



"Ka hming chu Rozikpuii Zikpui tiin min ko thin" tiin ka hming ka chhuan fahran loh chu ka sawi chhuak ta nge nge a,ka nu min hrilh thin dan chuan ka hming phuah hi ka nu leh pa ten in chuh in Ka nu in Rohlupuii tih a duh a ka pa ve thung chuan kan hnam Sailo chhuang tak in Saizikpuii tih a duh thung a,a tawp ah chak zawk awm lo in an inphuah tawm tawp mai ani a mawi lo ka ti em em a,a chal ka ti bawk chu vang a mi bulah pawh sawi tha duh ngailo ka ni reng a.Chutah Lalpa bawk chuan "a tha e,Tlangaupa bawlpu kha rang takin han ko vat teh"ti a a sawi zawh rual rual chuan pa pakhat ngal sang zet chu a chhuak nghal vut a,reilo te a putar ve tawh tak pakhat nen an rawn in zui lut leh mai bawk.







Bawlpu chuan ka hliam vel te chu a en kual a "i tuarchhel ve hle mai" a ti sup sup a ka hliam chu tui lum sa ver vawr a min deh sak takah chuan a tir ah sa thip thawt thawt mahse ka zia huai in ka hria damdawi min hnawih sak zawh hnuah chuan Lalnu nen chuan a ei rawngbawlna lamah kan inzui phei a,hliam tuar mah ni ila lo mut der der kha a nawm loh bakah zahthlak ka ti in ka hliam ve lah chu chutia han nasa a ni silo a







Thangkhuma leh Ngurliana chu ka hmu zui tawh lo.Sa chhum rim chuan ka riltam zia min hriatchhuah tir a ka pum a ri rawk rawk mai bawk si,hrethiam takin Ba nē chhum min pe a ka ei zui mial mial bawk.Khawnbawl te kha chu "Zanriah bar a hun dawn tawh e" tiin an haw vek tawh a,ka tang tung pawh ka hahdam suai suai mai.An mi uap kha a na tlat khaw khat Lal leh khawnbawl te meuh chu.






"Kha ka nu khawi lam khual nge" ti tu lam chu ka hawi vat a minlo en kal mai lehnghal a ka zam chhe der mai,a mitmeng thu nei zet leh inringtawk tih hriat ngawih ngawih a min melh na chu zam loh na chi pawh a nilo min en reng chung a ka lam pan a a rawn kal chu thin su dup dup in ka lo en reng mai "Ngurkim kha i nau te ramvak in an rawn hawn anih kha,Zikpui tiin i ko dawn nia"Lalpa ber chuan a lo ti nghal vat a






Zanriah te kan ei kham chuan ka chau deuh bawk nen Lalnu Saipuii mutna min siam ah chuan ka let thla thak a ka muhil zui nghal daih ni tur ani vawk ngek ring lutuk vangin ka harh a,tukthuanchu thleng pui ah ngei mai chuan kan bar a,thleng pakhat puitling panga in kan han intawm meuh chu ka vawikhatna a ni bawk nen ei pawh ka ei tha ngam der lo.


Chaw bar mawlh mawlh chung in Ngurkima chuan min be siam siam a,inthlahrung lo tur ten min hrilh ve nasa mai,lalnu lahin fanu a neih loh vang a a buai thin zia te,a awh zia te chu a sawi luam a,Lalpa lah a khat tawh in "ni e" a lo ti ve dut dut reng bawk Ngurliana ve chu a ngawi ngul reng a hnawk min tih hmel ngawih ngawih hian ka hria vawikhat te pawh min en lo reng reng.







Tih tur thlawt ka hrelo helai hmunah hian engvang a awm nge ka nih ang a,ka let leh thei angem tih vel ngaihtuah in mahni te chuan ka buai rilru ve hle a,ka thawh thiam chi a awm bawk silo tlai a thing pho seng bak ka thiam ka nei miahlo lehnghal,tukverh ah dak in van lam ka thlir a helai hmun a ka awm ngawt dan leh engtia let leh chi nge ni ang ti a ka lo in ngaihtuah lai chu ka chhip sam ah tha chak zet hian min rawn tham nawk a,chem in ka nghawng a rawn nawr si nghal chat bawk







"Tunge i nih?dawt nilo a thudik min hrilh chuan i nunna ka zuah maithei" a ti chang fak a thei leh thei lo in ka melh chho tawk tawk a Ngurliana chuan mi lo chhuk bih ngur mai "Ka sawi kha Zik"ka ti dek dek chu "dawt sawi hlek suh" a rawn ti teng chhuai a ka phu zawk mai insum hman lek lo in "nang hian eng ah nge maw mi ngaih le??Ka sawi kha i awi duh loh leh i thu chuti khawp a min thah chak te chuan min hmuh hmasak ber na hmun ah khan min that ta che" ka thinrim luat ah ka aw a khur hlawk hlawk tawh.





"In hun a ka rawn awm ngawt dan hi ka hre bik lo tak tak"nem deuh zawk chuan ka ti a "Lemchang in kan khua hi min rawn enthlak i tum a ni zawk lo maw.."Ngurliana'n a rawn tih leh chuan ka sa ta phat mai tawng tum a ka an zuau lai in Lal a rawn inrawlh a ka tawng tum pawh ka thulh Ngursuala pawh in min tham na chu thlah in a chhuak leh nghal hmak a mahse chuti mai a tlawm ka tum lo a la hre khawp ang.





He hmun ah hian kar khat ka awm tlin ni chiah ani a,khaw mipui te ti ti ber ka ni chu a nuam chiah lo,a then in Lasi an dan ka bawhchhiat vang a hrem nan hringmi chang ta ang in min sawi a,a then in enthlatu ah min puh bawk,a then lah chuan ka thluak ka sawh khawlo ah min chhuah bawk a sawi sep sep bak tih theih an nei hleinem ti in keimah leh keimah chu ka in hnem chawp a heta ka awm chhung chuan nuamsa a awm ka duh engtik ah nge ka kir leh ang pawh ka hrelo chuvang in Lal hi tih lawm dan ka zawn a ngai ani.





Lalnu chu ka lam tang tur a hmin buai ka ngai tawhlo a,fanu neilo tih tak ah a fanu ah min pawm hmiah tawh a Ngurkima lah ka lakah a tha em em reng bawk a Lal pawh ka lakah a sual hran lo mahse he khua a thu ber a ni a hei ai a tih lawm dan ka zawn a ngai ani.Hmanlai chanchin ah hmeichhe him loh zia leh fahrah dinhmun hniam zia ka hrechiang a hrehawm tak a awm ka tum reng reng lo.Engtin nge ka tih lawm ang tih ka ngaihtuah vang vang lai chuan Zu tih ka rilru ah a rawn lang thut a,ni e Tlangnuam Lalpa hi zu lawm tak mai ania engemaw hlek ah zu a che lek reng tak alawm le.






Mahse danglam tak a ka siam a tul dawn ani a la hmuh leh in ngai reng reng loh mawi tak si a ka siam a ngai ang a,engtin nge ka tih ang aw...kawng dawm meuhin pawn lam ka thlir a Lal in piah deuh hla vak lo a Tlaizawng par lo senno va va ka hmuh chuan ka ngaihtuahna chu tha ti zet in ka nui var var a






Zing hma tak ah ka tho a tui ka chawi zawh ah ei rel in Lalnu rawn tho chhuak chu kan chenna piah deuh a Tlaizawng kung lo par chiai chu ka kawhhmuh a,a par lo tur a ka chhuah lawk tur thu hrilh in ka tlan chhuak zui nghal.A hmun ka va thlen chuan ral a hmuh ai in a kung chu a lo sang hrep lehnghal ka puan bih nen chuan lawn a inrem lo ngang mai a zar te deuh te chu thliak hmawk hmawk in hnuai lamah ka theh thla zel a ka duhtawk ka thliah hnuah chhuk in thing tang ka thlaih a par nen a lo tla kawkalh nuai chu ka chhar khawm a ,thawm ri rak lam ka hawi chu Ngurluliana ber bur chuan rum mangkheng a mi melh chung in a lo ding peu ul leh tawh,hepa hi ka haw hluah hlauh ani ber ka be peih thlawt lo a a hmel hmu tam lo thei ang ber a awm ka duh.







Ka Tlaizawng par tla niah chu chhar khawm zung zung in a tang ka thliah ho chu hrui ang a hman theih tur a ka rin rin chuan ka tawn khawm a ka kal pui vang vang.Ngursuala thawm ka hriat zui tak loh ah chuan min zui lo anih ring in ka thaw huai mai.







Lal in chhungah tlan lut in Lalnu bulah chuan Buhban an neih leh neih loh ka zawt a,phur tak mai hian an kawl thu in min chhang a mahse a kawr nen a la awm vek buhhum ang vek chu min pe thung an hunlai hian buh her khawl a awm lo tak..engtin nge ka kheh ang ti a ka in ngaihtuah buai lai chuan Ngurkima ka lam pan a lo kal ka hmu a chu veleh tlan phei in Buh min den pui tur in ka sawm nghal zat,hepa hi chu a nau ang lo tak in a nelawm em em a,a nui duh si Buh kan den chhung zawng te chuan eng eng emaw sawiin kan nui leh hak hak thin a,den zawh hnu ah thlei a la ngai cheu ka thlei zawh hnuah tui ah chiah puam in darkar thum awm vel ka nghak leh a mei ah chhuang leh in reilo te ka chhum leh,Chumi hnu ah ka buh chhum chu thur chhuak in ka khawrh dai leh te te a,tlaizawng par ka sil fai vek puan chung a ka dah ro te leh zu bel pakhat chu la in ka inchhawp hnawk ve nasa mai.Lalnu leh Lalpa, Ngurkima leh Khawnbawl upa te chuan ka che vel chu ngun takin min en reng tih hre mah ila hetiang ah kher hi chuan ka cofi ve tlat ka chet buai phah nan ka hmang awm thak lo emai.






Tlaizawng chu a par lai te te chu mal in ka buhban chhum nen chuan ka hmeh pawlh leh a,tlem te te in bel ah chuan ka dah lut a yeast awm lo mahse zu um nan a an hman thin chawl an tih chu tlem te ka telh a tichuan bel chu chhin phui in ni sarih ka nghak dawn ani.







Bel chawi va va chung a Lal chu en kal in "Ka pa,i chak lehzual na tur zu ka siam sak dawn che" tiin ka nuih tlawn a eng sawi lo mah se a hmel ah a lawm ani tih a hriat ngawih ngawih nitin mai hian "A hawn theih tawh mai ang a" ti hian a thlek leh dauh dauh zel a ka phallo ve tlat thung si,lal mah nise a hun hma a a hawn chuan a chhiat vek theih thu ka hrilh chu a zawm ve viau a he lal hi ka ngaina in a khaw mipui te tan pawh lal tha tak ani tih ka hmu a a fapa Ngurluliana hian a chhun lo hi pawi ka ti takzet Lal anih ve hunah pawh ani hi chu Lal Sakei an tih ka ring.







Ni sarih ni a hawn a hun tawh thu ka sawi zet chu a ropui viau turah an ngai nge ni Lal in a awm zawng zawng te chu an phu suau mai a,lalpa in suah a in a tum ngawt chu a la in theih loh thu in ka lo dang leh hram a lunghnur leh hrilhhai bawk si hmel mawlh chu ka nuih a za ngang mai.Puan fai in bel dang ah a tui chu ka sawr chhuak a,in tur a ka sem zet chu mak an ti tlang ngang mai.Zu senno an la hmu ngai miau lo a,ka tlaizawng par khan a rawng a thlak ani tih an man thiam lo hrim hrim a hrilh pawh ka tum hran lo.An in reng reng thin thildang ka pawlh vang a a rawng leh a rim chhete a danglam ani mai a,mahse an tan chuan thil mak a ni tlat.







Lal Ngurdawla ber chuan a han ngai hlu khawp a "Ka fanu Zikpuii siam" tiin a chhuang em em mai bawk si a,khawnbawl upa min a thian ni bawk Upa Laiveta chu zing kar kar ah te hian au in "Upa Laivet fanu them tlaw lem lo neih hi chuan e" tiin a ri lung lung zel mai a Lalnu leh Ngurkima'n an khak fiam phah fo mai ani lah chuan "Fanu ka nei vannei em asin..." a tih san then zel a an tha en liam ta vel mai mai a.Ngurliana erawh a dan ngai te bawk in ka thil tih leh ka engmah hian a lakah danglamna a thlen eih lo tih hriat tak in midang zawng an phul hlut a min fakna an chhak chhuah lai pawh chuan tem pawh a tem chhin ve eih lo chu chuan engemaw tak hian mi mawlh deuh tlat lehnghal a he mihring ngeng ber bur lutuk hi chu ka vaw tlu tawp chak khawp mai.





Ka chhut dan in thla khat dawn he hmun ah hian ka awm ve tawh a ka tlangnel tawh viau bawk thawnthu a kan hmuh ang ai a mi awmthei leh rethei zawk te kar lo zau zia ka hmu in ka hre chiang em em a,nun a raltit ruk zia pawh hmuh hmaih theih a nilo,pasaltha te'n dai leh ramri an fang awl lo a,rikrum thil leh run thut tawh palh ah che chhuak mai thei tur a tlangval te in ring reng a an awm te chu ka khawngaih leh tlat zel.Fahrah leh hmeithai te kan lo rin leh hriat ang ai a an nun chep zia leh an dam khawchhuah nan a an beih nasat zia ka hmuh hian keini chu kan nuam sa lutuk a nun hlut na te kan hrelo zo ni in ka hre hial.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2022, 11:53 pm

Tuk dang zawng aiin ka tho nuam,ka záng vah mai a mahse ka nin em em chu tui dah khawl na tur a awm lo leh zing tin tui chawi ngai ziah te,buh den ngai reng mai bawk si hi.Tuikhur ah chuan nula leh nutling tui chawi ve ten min kian thiam viau thin mah se ken reng nih bik kha a nuam lo a, Lal in a mi tur a nih vang nge Lal in ka fanu ti ngat a min sawi vang in min zah der zawk ni "Ka nghak thei alawm" ka tih pawh in ka thal hma chu tui thal tum an awm ngailo.





Thian ngaina tak ka nih loh vang leh Lal in bak ka pelh tam loh vangin kawm em em ka neilo a Ngurkima chu a ni tlawng mai thing phurh buai ngai miahlo in kan Ngurluliana leh Ngurkima ten an pu zel a,thing seng leh tui chawi,chaw ei na seng fel bak hna ka nei vak lo.Ka hne riau mai ni


Ngurkima leh Ngurliana zawlbuk riak inchhung an rawn luh rual rual chuan Ngurkima bulah chuan "pûm ah min lo hruai teh" ka lo ti nghal thawr a,mak tih hmel zet a min thlek ha in






"Engah chuan maw" a lo ti let zat "Aw..chem ka duh" ka lo tih leh chuan mak a ti zual tih a hmel ah a lang reng.Ngurliana chu melh pawh min melh eih lo in min kal pel fua a hepa hi chu ka la fiam hlak dawn alawm a pawi ka sawi miah lo chung pawh a min haw em em tlat tu hi chu chhan let lo a awm tir mai mai ka tum bik teuhlo.





"Awle ka hruai ang che tukthuan te han bar fel phawt i la" a tih chuan ka hlim kher mai.Tukthuan kan bar zawh a ka inpeih meuh chuan ni pawh a lo sang ve dawrh tawh "U Ngurkim kal ang" ka tih chuan a kan in zui chhuak nghal mai bawk.






Lalnu in "Aw...Púm ah te hmeichhia kal mi a ni ngailo" a tih chu ho ka ti em em khawp a zawlbuk ah ka la leng ang ti rilru chung in ka hrelo der hmak thung.Ngurkima hi chuan ka duh ang apiang a zawm a farnu tak tak ang in min en nimai hian ka hria keipawn unau ka nei lo a,nuta fel leh min duat deuh tu nei ah ka in ngai ve hial a,ka ngaina em em bawk.






Púm ah chuan pa ho an lo awm laih laih a eng eng emaw sawiin an lo nui ham ham mai Ngurkima rual a ka kal ve chu mak an ti deuh nge minlo en thap a.An zing a pakhat chuan "Lalfapa kha i nau awm chu i tlansan thei meuh nange" tiin nui sang hian a lo fiam nghal zat a "Nia..hei ka kal ve duh a ti mauh mai sia a ngaihna tak pawh ka hre biklo" tiin a lo chhang zui zat a.Tlangnuam Lal chhungkua hi khaw mipui te pawhin an ngaina ka tih tawh kha a bik in Ngurkima hi a pa Lalna chhawm tur ah an ngai deuh nen ani Lal zia pu chi hrim hrim a ni bawk a an khaw mi te pawh a ngaihsak in tu mai pawh hi an hming in a ko thei hial ang tih tur ania,khaw lian ve tak in za li nufa a in chhal ve ngat an ni pasaltha pawh an kawl far a Thangchhuahpa pawh pahnih lai an kawl ve ran alawm.Mipui te pawh in an lal ni tur atan an iai hauh lo tih an hawiher leh chetzia ah pawh mi â lo tan chuan a hriat khawp mai.






A nau Ngurliana hi chu hetiang lal tih vel hi a thengthawng ah a thawk pha hauhlo ramvah bak a ngaihsak ve tak tak lo.Pasaltha Lalfapa ni bawk a ni a,nula ho pawh hian an melh tai ve nasa tih ka hria hetiang mi chut lutuk hi an han duh ve em em ania,a nupui tur ka khawngaih lawk e a,melh hlum tum ni awm tak khan a mitmu lian tawk khan a melh leh ngur ngur emaw te kha a niang a.






Thirdeng pa lam chu hawi in "Pa Kap hei kan Zikpuii hian chem ka duh e púm ah min hruai rawh a ti mauh mai a" inthlahrun hmel tak hian a ti a





"Zikhmelthai duhzawng te chu kan theih zawng anih phawt te chuan kan chher pauh aniang chu" tiin a rawn chhan zawm ve zat a "Enteh maw..ka duh dan chuan" tiin ka va hnaih nghal sat sat a ka hrilh mawlh mawlh a hrethiam tak maw a bu ve nghut nghut a ka duh dan tak a a chher chhuah loh vaih chuan ka chher that tir leh ngei ngei dawn tih ka hrilh sa nghal thlap bawk a,a ti sual lo tur ah ka ngai.






Ngurkima chu ka haw san a Lalpa ber in ka zufang siam a ngaihhlut em em chu a dang siam leh tur a min tih avangin bel lian zawk ah ka siam leh a ka chem pawh ka ngaihven hman lo ka thil siam tur a tam tham deuh avangin ni khat a tih zawh zung zung theih a ni silo a,ni hnih ni tlai lam a Ngurkima lo haw in ka chem tur a rawn hawn chu phur zet in ka lo la a,ka duhthusam thlap ani "chu thirdeng mai mai chu a va thiam ve mawle ka duhthusam thlap a siam thei hi an vang asin" ka ti chhuak hluai a





Ka chem thar chu lek in ka en dik kual nasa mai sawisel lai tur reng reng ka hre lo,chhap tap si in a rit lutuk miah si lo a nui var var in ka dah tha a "U Ngur ka lawm e aw" ka ti chu ani pawh a lo kiai ve suk suk mai.Lalpa in ka hman na tur min zawh lah chu "Mi lu ka la dawn" tiin ka chhang a a nuih a za ngang mai a "Khatiang hlai si tawi bawk si khan mi lu lak i tum chu a ania..."tiin a keh hui mai a khawnbawl te pawh an lo nui ve ham ham mai.




Thil ri dawp thawm ah chuan ka phu dawrh a kawngka lam ka hawi chu Ngurliana chuan sakhi a rawn kap a lo ni a pum in a rawn paw haw a ka vawikhat sakhi hmuhna ania mawi ka ti ve lutuk an chan zui mawlh mawlh a a chek leh a sa tlem chu an siam nghal a Lalpa chaw ei nghakhlel lutuk chu a phi ruai ruai lehnghal.




Ngurliana thu ngul mai chu melh in ka chhaih chak tlat a a lamah chuan kal in a bulah chuan ka va ding a kun hniam in hnai set sawt ah a hmai si lek lek chuan a lu chu ka thlek kual sak vel a minlo melh rum leh ul tawh..'Sawi duh i nei em ni" a lo ti khur khur a inchhung a awm zawng zawng mit chu ka chung ah ka fu thap mai





"I chak hle mai a rit ngawt ang" ti in ka chek vei tlak tlak a "Enge sawi i tum" ti leh hluk in "A ban pawh a rinawm a nih hi" tiin ka nui pat pat a a nghawng chu ka tuai sak hauh hauh a min melh rum na chu ka hmulo der zui ve tlat ka thusawi chu a la man thiam hlawl lo pawn lam pan a ka kal chu ding leh dat in ka hawi let a




"NGURLULIAN khatin mi melh vak vak suh i mitmu lian pui kha a keh daih ang e"ka sawi zo hmanlo teuh lutuk Ngurliana chet phut rual chuan keipawh nui uar uar chung in ka tlan chhuak ve hlawk hlawk.
Oy



"Ding rawh" ti tuar tuar chung in min man ngei tum tih hriat tak mai hian min um a ani pasaltha meuh chu a tlanchak ngang mai min man thawi fua fua tawh.




Ka tlan lai chu te that in ka bawk phek nghal thlawrh a ka lung chhuih vang chuan ka ke zungpui a thi nghal zawih zawih mai Ngurliana lah chuan min kaitho mai lo in min en vung vung a min kalsan daih zui "Hmela mai mai chu" tih pah a ka ke bul a lung lo awm chu chhar in vawm mai ka tum chu Ngurkima lo thleng chuan min pawm tho nawlh a in lam min pan pui hlawk hlawk a





Inchhung kan lut chu Lalnu leh Lalpa te chuan phi ruai ruai hian min lo buaipui nghal sawk sawk a Lalnu lah chuan "Khati vak vak in nula tlan tur a ni lo,naupang pawh in ni tawh lo hauh ngai reng hian in awm mai" a ti hlak hlak a




Ka ke tin chu a kau tuar mai lehnghal ka rap lutuk chu ka mawng a za chuai chuai thei"Tlangaupa bawlpu han ko nghal vat rawh" Lalpa in a tih chuan a aw a min ngaihtuahna lo lang kha ka hre thei ka pa min ti ngai kher mai lehnghal a.



Bawlpu pawh rang takin a rawn thleng nghal vat a ka kezungpui a hmuh chuan min en ha ha a eng a sawi zui hran lo ka pa ringawt ka lo ngaihtuah lai chuan "A zo e,ti hian damdawi ka hnawih ang a a dam leh vat mai ang" a tih ri ah ka harh zawk a lawmthu te chu ka sawi vei luam a ani pawh nui vur vur ina chhuak zui ve nghal mai bawk





"Pasal nei rual pui tawh si khatia i tlan chiam chiam ni,sim hmak ang che" ti tu chuan ka nu min ngaih tir leh pek a engatinge maw ni kei hi tullo deuh deuh ka ngaihtuah tak fo mai ni a hma kha chuan "Ka thih ai tumah an thi dawn lo chuvangin keipawh an tan ka inpek teh chiam a tul lo ka awm chhung a ka nawm sak nan an lawmna tawk ka siam chuan a tha,run tawk palh emaw ka khawvel a let leh na hun pawh nei ila ka tlan vang vang ang"ti khan rilru ka nei ania tunah chuan kha ka tum dan kha ka duh chiah em ka hre tawh lo.Ni e hemi te hi ka ngaina a ka khawvel ah let leh dawn pawh ni ila awlsam tak a ka kalsan theih ka ring meuh tawhlo.




"Kha Zikpui lung kha engatan nge i ken reng" Lalpa in a tih chuan "Ngurliana vawm na tur" tiin ka chhang hman hram fuhlo ti lutuk in ka lei ka chhuah vak a a fapa vawm ka tum thu ka sawi chu a thinrim ka rin tehreng nen a nui hawk hawk a engmah a sawi zui lem lo.




Zan lamah nula te inah chuan tlangval an leng khawm laih laih a keichu rim tu ka nei ve ngailo reng reng an ri ham ham zel lehnghal a a nawm hmel ka ti in inleng neih ve chu ka chak.Pawn ah thu in thla eng thlir a ka dak veng veng lai chu "A va leng awm vung vung ve" rawn ti tu lam chu ka hawi zawk a Ngurkima leh Val upa Cheua te chuan minlo nuih sang mai




"Eh...u Ngurkim enge in lo tih dawn" ka ti ve rawk a "Aw...kan rawn rim dawn che" tak deuh deuh chuan a.."Enge nangmah a ilo tih veng veng" a tih leh chuan "Kawm tur ka nei ve lo a,tumah pawn min rim ve duhlo mi inah an leng zo vek aniang"




"Kan lo rim mai ang che"val upa zawk chuan a rawn ti ve a "Enge..len na tur in nei lo ami" ka lo ti let ve leh a "Kan nei a kan lo leng dawn" "Mahni inah an leng ngai ami" ka tih leh chuan min chhang tawh lo in ka bulah an rawn thu a eng eng emaw sawi in kan ti ti zui ve barh barh a kan nui leh hawk hawk thin.



"Awi a...Ngurkima te ni reng chuan ngaih lam lam in ti tha lo mai dawn alawm" rawn ti ri ah chuan kan hawi rual thawt a "Ka nu thin hi a nula kan rim anih hi va lut daih teh" a lo ti leh mai a Lalnu pawh nui hawk hawk in a lut tha ve leh mai bawk rei ve fe kan in kawm hnu ah ar a rawn khuang al al a valupa chuan zawlbuk lam pan in min kal san a ka tawngkam tha zet chuan ka thlah liam vei thlap kha "Zanin chu inah ka riak ange" a tih a vangin Ngurkima chu ka bulah a la thu reng




"U ngur naktukah lo ah kal ila chawhmeh zawng ang" ka tih chuan "Lo ah chawhmeh zawn buai a ngai hleinem thlai kan tuh alawm" a lo ti a kei hi an khawvel ami ka nilo tih ka sawi kha ani chuan a pawm hmak tawh a,a tir chuan min ring bik chiah lo tih ka hria mahse a rei deuh a ka danglam na a hriat takah chuan ka tawngkam leh che zia danglam tak tak te pawh ngai ah a nei chho ve mai ni in ka hria.





Mu tur a luh ka tum chu ka banah min lo vuan a in her in ka en chho kal a sawi duh nei si hreh si hmel a pu tlat in ka hria nge na a nei zawk le.. "i nuamsam lo ami" ka tih chuan "nuam e..." tiin a thaw zui hawk a "mang tha tak mang rawh aw" tiin ka ban a thlah zui mai bawk.In chhung ah pen lut in ka mu zui nghal a a rawn luh ve lai reng reng ka hre tawh lo.




Zing hma takah tho in ei rel tan tum in ka che nghal sawt sawt a mei chhem han hahthlak zia hi ka chhem alh hleithei ngai miahlo lehnghal a khu luih luih ringawt zel a,a tawp ah lalnu bawk rawn tho chhuak in a rawn chhem alh leh thin.Ngurkima khuh bawrh bawh chungin a rawn tho chhuak a,meichhem ka tum ve vang tih a hriat chuan nui hawk hawk chung chuan min tuah alh sak in in ti fai tur in a chhuak zui a,Tapchhak ah ka thu a tel an nei lo mak ka tih ruk em em chu "siam chhuah dan ka ngaihtuah a ngai ani,tlak leh chhum ei reng hi ka ning hmui hmer ka ngai"ti rilru neuh neuh in ka nihawi chi lei kha ka hrechhuak nghal vat a






Tunah hian awm se chu ka ching ang a a tel lakchhuah chu a harsa dawnlo asin mawle...mahse ka thawmhnaw takngial pawh chhawm lo in saruak ngal ngat in ka lut kha ania,ka ngaihtuahna mai mai chuh...ka engkim Ngurluliana khan a hmu tawh tih ka hriatchhuah leh chuan ka zak thar tlat.ka hmu hreh tlat anih chu zin bo daih se la ka ti thar khawp mai Khaw tanpui ngai a tanpuina mamawh em em te hi awm se la thla thum vel tal va cham se la ka ti





Lalnu lo tho chhuak chu "Antam chi lak hun ani em"ka lo ti nghal thawr a a hre lo nasa mai khaw khat Lalfanu duat eng hna rum mah thawk ngailo a ni tih ka theihnghilh alawm mawle khawiah mah a hre tawp lo ang.Eng sawi zui bik lo in Khawnbawl upa min te in ah chuan ka kal a ka lut chu upa Laiveta nupui chu pan nghal chat in antam chi lak hun ani em tih bawk chu ka zawt ve leh vanduai thlak lutuk antam chi lak hun anih loh thu in min chhang a,mahse lo ni ta pawh ni se tel hman tawk sawr chhuah na khawp a tam a awm dawnlo hrim hrim tih ka hrechhuak leh tho sia ka hah thlawn.





Noodles ka ei chak reng mai a,helai ah a awm thlawt bawk silo ka thinrim ka in sawh ka in sawh tawh ka suangtuahna a noodles thak tawk soy sauce leh chilli sauce te nen arsa nen mix a ka lo ei lai mek in ka hmai a za mem mem a ka meng thut chu "Lalpa lehhh"tiin ka rak thawt a ka phu nasa lutuk ka tawlh hnung dawrh mai.



Ngurluliana chuan ka hmai si lek lek in min lo en kur anih chu va han mawl leu luau tak..ka thinphu nasa lutuk chu ka awm dawm chung in ka melh chho rawm a nui suk suk in ngawi reng in a in her a a kal zui daih anih chu mawle...Lalpa chuan "Ngurlian vawiin lam enge hna pawimawh i nei em" ti a a zawh na chu "Lawmpa nen an lo tlawh pah a thing put kan tum chu ania,enge pawimawh a awm em ni" ti a a chhan chuan thildang daih ka lo ngaihtuah hepa hian a chhungte leh midang chu tha tak in a be mai a keichu min biak ve chhunah pawh min vin khur khur a,be ve ila min chhang tha duh ngai miahlo lehnghal a.




"Ngurkima leh Zikpuii te feh an tum a ni awm a zui ve in tum tur ah ka lo ngai asin" Lalpa chuan a ti leh a " rum lutuk in min rawn melh enge maw hepa hian a hriat a min melh rum leh tak vak ni "I u chu ka seh miah lo ang" ka lo ti chu Lal nupa an nui hak mai




"A tha lawm kan zui ang" a ti nghut a min pelh pah rulh bawk "Tinge...Thangkhuma nen kal in tum kha" ka lo tih chuan ka khup nghal zal zal "Kan tum dan kan thlak ani mai" a ti leh chu ka chhang tawhlo.




He pa hi lo kal ve turin ka duh vak lo asin le..mahse tukin chu nidang zawng aiin min be tha ve deuh chuan ka hria ka awm a ti nuam lo zawk hlauh thung.




Kan sawm ni hauhlo in kan bulah an rawn kal ve a,chutah nula an la rawn hruai zui an in be tha vel riau hian ka hria ka bulah lem sakawlh ang mai in a awm a Chhingpuii bulah chuan a ka pawh zen ila min seh lo ang tih tur khawp in a dam thluam a,a nui vei huah huah anih chu.An in ngaizawng ve deuh in ka hria


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2022, 11:53 pm

Ka hma a kal te chu an hlim hmel vei hlarh hlarh khawp mai,an pahnih te chauh pawh chuan an hlim har har lutuk Ngurkima chu kai in "U ngur kal hmasa teh ang kan thleng har dawn emai tih duh ka ngah ania" tiin kan hma a kal te chu nek pah deuh hian ka leh pel zui nghal zat a




Kawng a lian lem lo bawk a an ni pahnih chu ko pang an nek rawk rawk mai,kal pelh pah chuan "rawn hmanhmawh duh suh u,keini chu in chhai tur a kal kan nilo a kan lo hmasa ange" ka ti zui hram a Ngurkima hamhaih hmel chu ka khawngaih lek lek mai.Enge an nui dun vel khan ka awm a nuam lo anih kha




Lo kan thleng chu ka la hmuh ngai loh ani bawk a nuam ka van ti tak...ka au chul a thlai rah te chu ka lo nghal mawlh mawlh a,heti em em a buh hmun mawi hi ka la hmu ngailo reng reng



"Thlam thleng phawt ila muang mar in kan lawr dawn nia" Ngurkima chuan a ti a "Engtin nge kan lawr ang mi thianghlim lawr in ami" ka ti chu a hrethiam lo nasa.Thlam namthlak a thu chung chuan ka au vak vak a a nuam ka ti ani.

"U Ngur pangbal min cho pui la" ka tih lai chuan in hmangaih te pahnih pawh an rawn in zui lut ve chiah a an hnung ah Thangkhuma'n a rawn zui bawk.Melh pawh ka melh peih eih lo midang awm ve lai reng pawh a in duat deuh te hi ka ngei zawng tak.



Ngurkima chu chhuak turin ka mitmei zeuh a hrethiam tak in a chhuak zui nghal tharh a ka zui ve nghal zat bawk Thangkhuma rawn chhuak ve hlawl chu ka en ha a "Enge i rawn tih ve dawn" ka lo ti nghal thawr inthlahrung zet hian Ngurkima chu a melh daih lawi a




"U Ngurkim in bul a lo kal ve a rem em" a ti a "I thiante pahnih hun tha pek i tum ve deuh ani maw....an khamawm ve em bawk ani tiraw??lo kal ve daih rawh mahse pangbal kan cho dawn a maw tam tawk i cho dawn nia" tiin ka lo nuih var var a "Ni e lo kal ve tak rawh a nuam phian ang" tiin Ngurkima pawn a lo tui hnih ve zat a




Kan pangbal cho chu kan ri ham ham reng mai Thangkhuma cho thiam leh zei lutuk chu a lo kal ve lo ang tih hlauhawm tak ani Ngurkima nen chuan kan lak tlak loh dun ve thlawt...Kan pahnih chauh khan lo kal ila ka duh khawp kan cho dawn lo chiang lutuk.Kan pangbal chawh chu keiin em khat tan in ka phur a mipa pahnih ten ipte puar luah in an ak bawk





"Ngatan nge maw i tih zo zai le" Thangkhuma chuan nui pah deuh chuan a ti a "Thil ropui" tih zawng in ka chhang ka inthiam lo leh deuh si chuan "Thangkhum ka siam na ah pawh min pui la kan ei ho dawn nia" ka tih chuan a phur ve ngang mai a ti ti leh suam suam tawh a reilo te ah thlam pawh kan thleng ve mai.





Thlam chhung a lo awm dun te pahnih chu melh pawh ka melh peih lo Ngurliana nui sawng reng chu a hmai ah tak vawm sawk ka chak ngang mai.Ka bulah vawikhat pawh nuih chu sawi loh tawngkam nem hmang duh miah silo saw ti tak a Chhingpuii bul a a danglam sawn mi run tlat.Ka vawm duh tak tak hma a inthiarfihlim ka duh vangin thlai rah lo tur chuan ka thiante pahnih chu ka sawm zui leh zat a.




Ngurliana te pahnih pawh an inthlahrung ve aniang rawn thawh ve an tum chu Ngurkima zawk chuan a nau chu a melh no viau lo a awmdan chu a mawilo ve em bawk a bakah ka ei vak lo tih a hriat vang ni pakhat in ka hria.He pa hi chu ka lam a tang ve em..chhan tu ka neih lai tiin "A ngailo rawn tel ve duh suh u...kan lo kep vek ang che u nangni chu ti khan lo awm hahdam ru Lalfapa chuan Chhingpui i hah dawn miah lo na a lo awm hahdam leh rih rawh tam deuh i hawn dawn nia" tiin ka chhuak zui tharh a ka nui ver ver mai.Hmeichhe tha tak chu a ni dawnlo hian ka ring ve ringawt lehnghal Khawnbawl upa fanu sawmsarih pawh ni se ka hlau bik thak lo min chhan tu tur te hi he khua a lal ber te an ni tih ka hre ve tlat.





An inthlahrung ngang aniang chu an rawn lo ve ta tho a kam khat pawh in ka be eih lo.Mahse hmeichhe pahnih te chu kan in melh no lo dun ngar ngar thei khawp mai.A hmeltha in a pian te pawh a nalh mahse a thinlung khak ruk zia ka hmu tlang ve tlat.




Khua kan thlen chuan ni a tla tep tawh ka duham luat ah ka tum ai a rit ka phur a Ngurliana chuan a u lak a a inthlahrung vangin min lak then sak a tum a mahse ka phal der lo.Ngurkima chuan a kamkhat loh mawlh mai ka hlau a rit ti deuh in ka phur ve tang tang mai ani.Ka ngaithla ru dawn chiang alawm....Kan kal lam a an hlim dun har har nen haw lam chu an tum dun hmak mai a kei erawh ka nui var var reng thung.





Ka pangbal te chu chhuat ah ka bun ruih a Lal nupa leh Khawnbawl upa te ho chuan ka ho a min en in "Eng atan em em nge i tih a a va tam ve" tiin min zawt a "Ka siam zawh ah in hre mai ang" tiin ka dah fel nghal zung zung a bahkhawr leh wild garlic kan tih mai thin lo atang a ka pawh chu mau thei ah tui dah in ka khawi nghal hmiah a,inbual turin ka chhuak nghal daih a.




Zan lamah Ngurkima leh Valupa Cheua te bawk chu ka inleng neih chhun an ni leh a ka ngawi ran reng chu "Zikpui vei nei i va ang ve,kan hriat ve te a rem chuan han sawi teh,tanpui i ngai anih pawh i u te kan awm reng ania" Valupa chuan a rawn ti a




"A...chutia tanpui ngaih lam pawh a ni chiah lo in khaw nula leh tlangval te hian min kawm ve duhlo in ka hria,nula in dangah lem khat hmuk khawp in an leng a keichu nangni pahnih chauh min kawm tur a rawn kal ka nei ve a" ka tih chuan an nui dun hawk hawk a "Lalfanu i ni tawh a tlangval naran rim phak i ni hleinem maw..Lal inah tlangval an chuangkai mai mai ngai hleinem Lal pawisawi theihna a nih avangin.Rim che chu an chak lutuk ang tih ka chiang" a tih chuan thil awmzia ka man kuar kuar a ka zak ru riau Inleng neih chak vang a vui ka ang in ka hre tlat mahse min en hrang emaw ka tih vang zawk ani reng sia





Zing khua a var a tukthuan te kan ei kham chuan ka phur lutuk chu ka awm hle hle thei tawhlo Thangkhuma chu rei ka ti tawh em em mai a,ka insum zo tawhlo chu an in ah ka zuk ko ta hram a Lal In pan a kan kal lai chuan "I va han rei em em ve,kan nghak rei tawh lutuk che tih tur a tam a a rei dawn tehreng nen i hmanhmawh lo lutuk a ka lo kal tawp anih kha" tiin insawi thiam tum tak chung chuan ka hau ti tih a





Lal In sir thingbuk hlim ah chuan thu in pangbal kawr chu inti zei lutuk tak mai in ka ka kheh tan ta lawm le...ka thiante pahnih chu nui dir char char in kei erawh ka nui duh der lo a tawp ah insum zo tawh hek lo ka nui chhuak chu Thangkhuma over a chhuak a a nui let tawp tawp mai.Ka va han chhuih tawk chak tak..a ke a leng vuat vuat mai bawk si



Ngurliana rawn kal chu kan nui lai tawp vek in ngawi reng in kan lo melh thap a ka ep ah chuan thu in pangbal kawr chu a rawn kheh ve mual mual a.A rei deuh tak ah chuan ani pawh a tawng ve bawrh bawrh tawh.Pangbal hmang a ka Cassava flour siam chu atta nuai ang a nuai in ka chem thar ngei mai chuan rang tak tak in sin te te chuan ka chan a bon hi min han tih hmel hlawm em em lehnghal,bel a tui awm ah chuan thlak in a hmin thleng ka chhum a bahkhawr,wild garlic,hmarcha leh chi te chu a chungah dah in cassava noodles chu ka siam zo der mai..Ngurkima te unau ka fuihpawh a Ar ka talh tir kan chhum hluah tui chu a tui ka leih lut bawk.





Mau suih mawlh mawlh in chopstick ka siam a Lalnu artui ka chhum chu a lai ah ka phel phawk a noodles chungah chuan dah in Lal hma ah chuan ka va lek va va a chopstick a hmang thiamlo chu ka barh ta ngawt a,upa ho te chu tem tir ve zel in mak an tih thu leh tui danglam an tih thu an sawi liam liam a.Lalnu pawn tui a tih hmel ve hliam hliam khawp mai



Ka thian te leh Ngurliana chu ka buk thing hlim ah khan ei tur nen ka in ken chhuah pui a ka ei mial mial a ka chak nasa tawh bawk nen Vanram hi ani ringawt.Ka thiante erawh chopstick hman tumin an buai ngat ngat a a tawp ah bar mai ru ka ti chu an zawm ve mai.Tui an ti ve tho aniang tumah an tawng reng reng lo an ei ngar ngar mai ni.Ngurluliana pawh a lu in a buk tlu ang tih hlauhawm khawp in a bur ngur ngur mai.





Pangbal kan kheh ho ni atang khan Ngurliana pawh ka lak ah a sual hran tawh lo a,mahse he pa mizia hi hriatthiam har ka ti a chang leh min be tha em em in min nuih var var a chutih lai reng in a nui a tawp thut a kal nal nal te hi a ching thar leh riau tawh.A bialnu lah khan min han melh rum thei mai mai khawp a hahthlak hepa vang hian minlo ngei ve ringawt tihna em mawni..




Inthiar tum dai a ka kal chu tu emaw hian ka hmui ah hup in ka tukhum a na zawk a ka khaw hmuh a thim riai riai a,ka harh leh chuan tu emaw hian min pu tih ka hria ka tal vak a lei ah ka tla thum dawt mai ka ngum ka la sawh zui.



"Tu te nge in nih a hetiang a min tih ringawt" tiin ka vin tuar a "I va han bengchheng reuh ve mawle...Phuar ru" tiin Pasaltha ni awm tak a hmai ser ruak mai chuan a nau ni awm tak te chu melh pah chuan a ti a



"Hmelchhe ho min khawih hlek suh u aw...Tunge ka nih in hria em...Pasaltha Ngurliana'n a hriat hunah chuan in chak lo ang" ka ti ve pang pang a ka thusawi chu keimah ngei pawh chuan ka awih lo "A ka kha hnawh sak ang che u" ti hluk tu chu rum mangkheng in ka melh a a mitmeng ka hmuchiang chu ka tawm chawih chawih mai.




Chu hmairang-a chuan it hmel lutuk in mi lo melh kual vel a nih chu a hmui chhah tup chu a liak hlup zui ka rap lutuk chu ka hmulthi a ding suau thei hial alawm mawle chutah "Kan kal vat loh chuan min rawn um pha vat dawn ania" pakhat chuan a rawn ti leh a "Kal ang nang hi nupui ah ka nei ang che ang a i Ngurliana ve khan a rawn zawng hmu lo bawk ang che" a tih chuan ka beidawng lutuk chu ka ngawi hle hle mai.






Thui tak ke a ka kal avang a ka ke na lutuk tawh chu ka thu hnawk a "Ka kal thei tawh lo" ka ti dek dek chu "Fin rawl chhuah tum reng reng suh thih i duh loh chuan i kal tur ani" tih leh min pawh thawh lawp chu a rual a chau tak chung leh ke hnuai na them thum chuan ka kal ve tawk tawk a.Ka ke chu a bung dawn ten ka hre hial tawh mai.




Puk pakhat zau fahran mai ah chuan zan min riah pui leh an tum ni awm tak ani.Zan 5 na a ni tawh a Ngurliana emaw Tlangnuam pasaltha te chu min chhanchhuak turin ka beisei buai tawhlo hrim hrim nge ni a minlo zawng miahlo zawk.Min zawng ni se chu min um pha tawh ang ti a ka ngaihtuahna kawm a ka ngawih reng lai chuan ka ngaihtuahna hria ni awm hrim in "I beisei Pasaltha Ngurliana chuan a ngaihven ve vaklo che a nih hmel heti chen i bo tawh chung pawh in a thawm takngial pawh kan la hrelo chu a nih hi,ka lak ah tlawm a Lalnu ang mai a awm nge...tih luihna hmang a ka neih kher che i duh zawk" tiin a nui lui huau huau a,a tawngkam a tih el na leh hmuhsitna chu ka hai hauh lo thi dawn pawh ni ila ka duh thu chuan ka inpe tawp lo ange min that se ka lawm daih zawk ang.





"Hmeichhia mahni pawh in veng theilo ru bo a,hei chen chen tlanpui duai duai Pasaltha maw i nih a" rawn ti tu chu tunge anih ka hrechiang lutuk "Tunge i nih phiangsen a thim zing atang a au au lo khan mipa i nih chuan mi rawn hmachhawn rawh" sawi pawh a sawi zo hmanlo Ngurliana chu silai tin kawh vah chungin a rawn chhuak a Ngurliana ka hmuh that ber tum a la ni hial ang,a aw ka hriat rual a ka thla muang sawt te chu ka hai reng reng lo.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2022, 11:54 pm

Silai la tin reng chung a min rawn melh zawk in a nui suk a,chutah hmairang-a nau te zing a pakhat chu sakei lian zet in a rawn zuan phut a,ka phu nasa lutuk chu ka te thawt zui.



"Hlau suh,a ti na dawnlo che" misual ho en reng chung chuan a ti a "Ka nula in lo khawih man hi in thisen hmang a in rulh a ngai ang ngurliana pawi khawih chu thihna a nia sin" a ti chu Hmairanga chuan "I tawngthei ve hle mai maw...Pasaltha i nula maw a lo nih a,a chung a chet ka thawh lai kha chuan i nula a nih thu reng reng a sawi si loh" nui lui uar uar chung a a ti chu




"Zaktheilo pa nang khan mi mutpui thlawt loh kha aw ngurlian dawt a sawi anih kha" tiin kan hun tawn ngaihtuah lek lo chuan ka lo insawithiam nasa mai.Nui suk in "Pasaltha in ti dawthei tak chu i ni ve hrim hrim mai" a lo tih zawm zat a "Mipa tak in kan inhmachhawn" silai a puak nghal thuai a min man tu te zing a pakhat chu a thal nghal tawp a ke chuan lei a khawng dawt dawt a reilo te ah a zal nghal der mai.Misual ho in ngurliana beihrawn an tum chu a silai a puak ve nghal thuai a,khawi atang a lo kal nge ka hriat loh in sakei pathum an rawn zuang chhuak leh nghal zawk zawk a,Pasaltha pahnih te in thlur bing chat in sakei pali pawn an mi zuan te an that fel der tawh.





Pakhat tlanchhiat tum chu lei a chem lo let reng chu chhar in ka vawm a,mahse ka hmanhmawh lutuk na lamah ka tum na tak a chawn a vawm fuh lo in a mawngtam ah a bur chat mai.Ek thawt in a bawk nghal thlawrh a Sakei pakhat chuan a seh hlum nghal bawk.



Hmairanga chu chet pawh a che thei tawhlo a taksa te chu ngurliana chuan a tai thler sak duai a "A na dawn.." tiin ka lo chek tlak tlak a na dawn hian ka hre bawk em ani.ngurliana chuan a phuar mawlh mawlh a thing ah a tawn bet zui nghal hmak bawk.




Ka lam pan a a rawn kal rual chuan ka tlan phei a a awm ah bei in ka tap hlawp hlawp a,ka sam ah chul heuh heuh in a kut lehlam in ka hnung a beng thek thek bawk.Amah ka huatna te kha an bo zo vek nimai in ka hria,a angchhung a awm chu hahdamthlak ka ti in a thlamuanthlak zia ka hrechiang tawh viau.




Sakei ho vei tawn chhen chuan ka thlamuan na te kha an hnawt kiang hneh viau mai,ka khur der der a zawi te hian "ngurlian Sakei pali in min veh mek ania aw" ka ti chu a nui phuh thut a "hlau suh,ka thiante an ni e" mak ti lutuk in ka melh phawk vak a chutah sakei ho chu in thing nur nur in mihring ah an rawn chang ta mai





Mak ka ti lutuk chu sawi lawk tur pawh ka hrelo "Thangkhum nang hi sakei mihring i ni maw.." ka ti hluai a "Keimi zawk mawle" a lo tih chuan hlauhna aiin ka thinrimna chu a nasa zawk a lam ah chuan phei in a hmai ah ka hnek chawrh a "Hmela ka thiantha ah ka ngai che a engkim ka hrilh lai che in nang chuan ka lakah zep ilo nei vel amaw khawmaw sakei han ni leh chhin teh i chungah ka chuang chhin duh" ka tih chuan a khabe khawih zauh in chil a chhak phawrh a a ká ka hnek thi sak a lo ni.A pawilo a phu tawk chiah





"Min rawn chhan dawnlo emaw ka ti hman alawm khatiang sakei ni thei te chu ka bo ni te khan min rawn um nghal ta che u,kha hmairanga khan tih luih na in a nupui ah min siam hman tep asin" ka la ti vei kha kha a "In kan thlen chuan ni hnih lai i chin an hriat tawh loh thu leh an zawng nasa viau chung che pawh a an zawn hmuh theih loh thu kan hria a,kan theihtawp a chak chuan kan rawn um che u" tiin inthiam lo tak chung chuan a sawi sup sup a.Ni e Hemi te pahnih hi sazuk kah tum in an kal tak alawm.





Ngurliana chuan ka ban a kai in Thangkhuma nen puk ah chuan kan in zui lut dial a,keimi dang te erawh kha chu ramhnuai lamah an pil zui daih thung.Ka chet ve phal lo in ei an rel zung zung a zanriah te kil ho in kan nui leh ham ham thin Ngurliana chu ka mitmei reng lo theilo ka haw tawhlo a tunah hi chuan ka bul a a awm reng chung pawhin ka ngai em em tho.Ani pawh chuan min ngaihsak thar deuh thut a min duat in a theihtawp chu a chhuah ve ni in ka hria.A mize nelawm loh leh meng dur khuih te kha an bo zo tawh a a mit ah chuan min ngaihtuahna ka hmu thei a chu chuan engemaw tak hian ka awm a ti nuam veng veng mai.






Zanriah ei kham ah Thangkhuma chu a bo daih a puk ko tlang a ding in "Thangkhum..." tiin ka au chiam chiam a "Khatin ramhnuai ah au vak vak tur ani ngailo,huai ho in an chhawn duh" Ngurliana'n a rawn tih rual chuan amah chu pan vat in a bulah ngawi reng in ka thu nghal tharh a.Ka lai nge mawni sawi tur reng reng ka hre miahlo amah tal hian min bia se la chu a zia deuh tur.





Rei fe kan ngawih dun vang vang hnu ah "Thangkhuma kha.." ka tih chuan rang fe mai hian "A ngaihtuahawm loh" a lo ti nghal vut a a aw lah chu a lawi rut mai lehnghal.Nui pat pat chung in "I hriat na a rei tawh em Thangkhuma keimi a ni tih hi" ka tih leh chuan thangkhuma keimi nih tan dan thawnthu chu a sawi dap dap a,ngaihnawm ka tiin ka khawngaih viau bawk a mahse le..ka hma a thu ngei pawh hi keimi a ni tih ka hre zet chu mak tih luat vang in ka ang pam mai ka rilru chhiar tum niawm tak hian a mit a ti zim san a a sawi zawm pah mawlh mawlh tho.






"Keimi pawh lo ni se la enge pawi,min tihnat an tum ngai chuang hleinem duh se la min seh na hun an ngah lutuk bakah hepa hi ka duh tawh a chuti mai a ka rilru lamlet thei pawh ka ni tawhlo,keipawh khawvel dang ami tho alawm ka nih" tiin ka in ngaihtuah neuh neuh a a thusawi tawp khar nan mihring sa nilo a ramsa chauh an ei thin thu leh ka tan leh khaw mipui te tan hlauhawm an nih loh thu min hrilh nawn leh a ka sawichhuah loh a beisei viau bawk "Sawichhuah chi pawh a nih loh chu an that duh mai dawn che u asin" ka lo tih chuan hahdam huai hmel a pu





Kan hmairanga pawh thingkung ah a la bet ran mai a Ngurliana'n a dawp chuan a sawi tha duh vaklo mahse a hma ah tak sakei ah in thlak in seh a tum takah chuan a tawng tha duh par par tawh khawp mai.Ka thu hriat zet chuan ka thin a ti rim kher mai ngurliana leh Thangkhuma pawh an rum ngal ngal mai a,an hachang an thial rep rep mai a.Hmairanga lu chu a sat chhum hmawk mai ka va han rap ber mai tak...a tak a mi lu bung lai hmuh chu a mi tham a na tlat.Seh hle hle se chu ka rap lo zawk daih ang.ngurliana tlawm la lutuk hmel mawlh mai chu hmuh a hrehawm



Kan chhuah dawn ah sakei ah chang in Ngurliana chungah ka chuang a min han tlan pui tak tak mai chu ka meng ngam reng reng lo.Zan khat dang ramhnuai ah chuan kan riak leh a a tuk behliang mun hun velah khua thleng in mipui chuan minlo zim tuau tuau mai a.




Lal In kan thlen chuan kan chanchin te hrilh zung zung in Lal in khaw mipui te hnenah a hrilh chhawng ve leh a Thangkhuman a hrilh ruk erawh a sawi lang duh rih bik lo.ngurliana chuan min ngaihtuah tih hriat zet hian ka bulah thu in min be siam siam reng a,ni e ka u min duat em em tu kha a ni miau a,ka haw leh a hlim zia chu a mitmengah a lang chhuak hial alawm mawle...Lalnu pawh a tap bang hleithei lo ka tap ve thei tawh bawk silo chu ka thinrim thar riau mai ni.





Lalpa thu sawi lai chuan Lal mual ah chhuk thla in Upa Vunga in lam pan chuan ka pen hmawk hmawk a mi zawng zawng chuan min en zui thup tih hre mah ila ka thinrimna hi sum kar ka tum reng reng lo.Tap a Chhingpuii lo thu chu eng sawi set set lo in ka tham nawk a ka hnuk chhuak dawr dawr mai kal lo thei hek lo ka hnuh na lam lam ah chuan a kawi zel mai a,dim ka tum hlek lo.





He nu leh a pa vang a ka hrehawm tawrh zo zai hi ka en liam mai mai thei tlat lo.Mual zawl zau laiah chuan ka theh vak tawk mai.Thinrim lutuk a a sam thur bum kar atang a mi rawn melh chu a rapawm hial zawk rawn tho in ngawi ran in min pan hnai a ka samah mi tham let ve in kan in kek bawrh bawrh mai a ngurliana leh Val upa te ho in min pawt then mahse ka duhtawk ka la hmu tlat lo a pum ah ka va tlawh sak leh hram a kun ngawih ngawih mai.




"Nang...khawi lam mi nge pawh hriat loh fahrah khan ka fanu kut i thlak ngam a maw.." thinrim seh chilh nawk a min kawk khur ngawt ngawt tu chu ka en kar a,a thusawi chuan ka min vit zawk nimai hian ka hria "Kha thu kha han sawi nawn leh teh i lu ka thlawh ang"ti tu chu ka en chu Ngurliana chu upa Vunga nghawng chem a tin chung chuan a meng sen rum mai.




Lal chuan Upa Vunga te pafa in min man tir thu a sawi chuan nutling thinrim chuan Chhingpuii chu saruak hi an ching phar hrep mai.Khua atangin an chhungkua in Lal in a hnawtchhuak bawk a,khawngaih ka tum viau na a ka khawngaih thei thak lo,ka chung a an thil tih dan kha ka thinrim ve bawk em ani.




"Hei...Ngurlian" a hrelo der hmak anih chu "Ngurlulian" rum tawk a min melh in "Khatin mi ko fo suh" a ti bung nghut "Ramhnuai leh Khawchhung a min biak dan chu a va dang ve enge i hriat a i lawmnu ka sawisa hrep sia min ngei ami" ka ti leh chu min chhang lo in a kal nul nul mai.





"Minlo nghak teh...tun atang chuan min veng tlat tawh ang che ka himlo riau,hmeltha hi chu kan himlo" ka ti chu a ding chut a "A tha e ka veng tlat tawh dawn che nia"ti chung chuan a nui suk suk a.Fiam pah chuan ka zui zel a a nui ve hawk hawk mai




Lal mual pan a rawn kal mek Pasaltha tih hriat ngawih ngawih pathum te chu ding meuh in kan lo en a,a hmasa ber a kal chuan thangchhuah diar a khim vang a,silai an pu vek bawk.Kan bul an rawn thlen chuan ding in Thangchhuahpa chuan "Ngurlian in dam tlang maw" tiin an in chibai a,kei chu ngun tak a mi melh in "Nula he hmun a mi hi i ni hauhlo" a ti chu phawk lutuk in ka melh a he pa hian engtin nge a hriat theih le...



"In lam i pan phawt teh ang u" Ngurliana'n a tih chuan engmah a sawi zui biklo a kan kal lai te chuan engtin nge a hriat theih tih ringawt ka ngaihtuah.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)