TIME TREE (Season 1) By Humming Moon (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: TIME TREE (Season 1) By Humming Moon (Completed)

Unread post by Ngaia » September 25th, 2022, 11:55 pm

Rei ngial ka nghah hnu ah silai a puak thuai a,chumi zawm zat chuan a dang a rawn puak leh nghal zat ka tawmna atang a chhuah ka tum lai tak in Lal in hnuai atang a tlangval ho chhuak sap sap ka hmuh chuan thil awmzia chu tu ma hrilh buai ka ngai tawh lo.




Reilo te ah patling in hrosa thawm leh na tuar ri a chhuak chuah chuah a,naupang tap thawm nen a rik hian a ri nuai nuai a ni ber mai.





Ka tawm na atang a ka chhuak chu ka hnunglam atang in tha chak zet hian ka sam ah a tham nawk a,mi phih dawr dawr mai.Chutah au nghek in Lal mual a in bei ho pawh an chawl duk a,chu pa chuan a unaupa lu an tan sak avang a phuba la tur a lo kal anih thu a sawi chuan Ngurliana chu kawk in in mal beih ah a cho a,a ni lah chuan a lo pawm nasa mai.Chu pa bul ami chuan mi rawn dawm bet ve thung in,min man tu leh Ngurliana in bei chu thinphu zawih zawih chuan ka thlir ve reng.





Ngurliana'n a beih pui pawih pa lu a chhawk zawk rual chiah chuan tlangval ho in pawih ho chu an bawh huk a,Ngurkima lam pan tum a ka pen chiah tih ah ka nghing dawt a ka hik nghal vek Ngurkima mangang lutuk a rawn tlan chu phe ruai in ka hmu a,ka khaw hmuh a thim nghal mup mai.





Ka la hriat ngai reng reng loh hmun a ka harh chhuak a,ka hawi kual vel chu Pasaltha Ralbilha Thlanrawn khua a kan hmuh kha Lal Ngurdawla lal lai hun a kal na thing a bul lam a kaw rawng kiang ah a lo ding a nui sang hian min lo en reng mai.A bul ah chuan va kal in "Khawiah nge ka awm" ka ti nghal tawl a "Hlau suh i him e" a ti chu ka duh ang chhanna min pe hauh lo "He hmun a hruai tu che hi ka ni a,i khawvel a dah let leh thei tu che pawh ka ni" a tih chuan mak ti zet in ka en tawp mai.





"I nunna chhan nan he hmunah hian ka hruai che a,i duh anih phawt chuan i khawvel ah khan i let thei tawh ang.I nu leh pa that tu te pawh man an ni tawh e" a tih leh chuan mak ka ti tawlh tawlh mai





"Tunge i nih" ti a ka zawh na chu "Kha thing kha hun kawngkhar a ni a,kei hi a veng tu ka ni.Khawvel pahnih te in kal pawh theihna kawngka ani a,mahse chuta lut tur chuan thlan bik an awm a,chuti nilo a luh dan kawng dang a awm leh a mahse chu chu kum 200 dan ah chauh a in hawng thin" a tih chuan ka man ve ta deuh.





"Mahse tinge kei kher hi thlan bik chu ka nih" ka ti ve leh a





"I thlahtu te lak a ka bat a ni.Kum 30 dan ah he thing hi a par thin,a par a til ve ngailo a,a par hun tawp ah an mahni in an ral leh mai thin.Chu a par chu pakhat lek pawh a til emaw pawh tlak a nih chuan he thing hi a thi ang a,Khawvel pahnih in kal pawh theih na chu a tawp dawn a chu chu huai ho in lo hria in a par lak tum chuan an buai hle a,a tawp a tawp ah an la thei ta,HUN THING chuan a chakna hloh in a thi mek a,chutih rual in keipawh ka thi ve mek ani.Ka nunna hi he thing nen hian thlun zawm tlat a ni a a thih rual in keipawh ka thi dawn.Tih nun leh na kawng khat chiah a awm chu chu Pasaltha, hlauh neilo,thin phut eih pawh la nei chhin ngailo,khuanu vohbik pahnih thisen a ni.Mihring ang a in siam in hmun tin ah ka kal kual a ka zawng a ka beidawn hnu lam ah i thlah tu leh a thian tawng in,ka harsatna ka hrilh hnu ah an ni chuan ka nunna min chhan him sak ta a lawmthu sawi nan "In thlah te ah engtik ni ah emaw chuan he thing hi rawn zawng hmu an la awm ngei ang,chu mi chu ka nunna min chhan sak ang chiah hian ka chhan sak ve dawn ani" tiin thu ka tiam a,nang hi thlan bik chu i ni e Khai le...i khawvel ah chuan let i duh em" tiin min zawt nghal zat a.





"Ka pu...ka nunna i chhan avangin i chung ah ka lawm e.Duh ka thlang thei anih chuan Ka khawvel hmasa nilo in ka chenna khawvel ah min dah let leh rawh" ka tih chuan




"Ngurkima chu i hmangaih hle ani maw" tiin a nui huk huk a




"Umm..Ngurluliana leh Thangsakeia te pawh ka tello chuan an hlim lo ang chuan khawngaih in ka thlai chi te kha min pe let teh,ka duh ang pawh ka siam thei lo ania" nui var var a ka ti let chu "Aw le...Mangtha le" ti chung in a ral riai riai a.





Ka harh chhuah leh chuan ka mut na khum tlang bawh a lo muhil chu ka ban a a lu chu ka chul sak hliau hliau a,rawn meng chhuak in ka lo nuih sak chu mak ti leh lawm lutuk hmel in pawlh nawk chung in a nu leh pa a ko ruai mai.





Ngurliana,Thangkhuma,Lalnu leh Lalpa rawn lawr vat in ka lo nui sang chu mak an ti tih an hmel ah hai rual a nilo.Bawlpu in min en lai te chuan Ngurkima chu a lo vei thuak thuak reng a,that lohna ka la nei em tih te a lo zawt thul bawlpu chuan a ning ta deuh aniang "Aw...a va mak thin ve maw...ka en mek alawm" nui huk huk chung a a tih chuan a lai leh deuh si chu a tawi hrut hrut a,kei ka lo nui hak hak thung.



Ngurliana leh Thangkhuma pawh an hlim ngang aniang chu ka ei chak apiang min dap khawm sak a,ka tirh na apiang ah an tlan duai duai zel a,hemi te pahnih hian engtik ah tak hmangaih tawng ve ang maw....an hmangaih hmeichhia chu an vannei dawn viau in ka hria,pawn lamah nelawm lo tak in lang mah se an chhungril erawh khak na tel lo a ni tlat.




Bawlpu in ka that tawh thu leh na engmah ka neih tawh loh thu a sawi meuh chuan Lal In a awm te chu an ri hak a,reilo te ah keipawh khum ah chuan thu in Sakhi sa rep chhum tui min pek chu ka dawt khalh khalh a,na ka nei tawh silo thawh ka tum kha an phal tlat silo a,khumah chuan ka la awm rih mai a ngai ani.Ka chet zawng a thil ri leh rek rek thin chu ka en vat a,ka puan sin lai hnuai ah chuan he hmun a ka kal hma a ka thlai chi lei khawm ho kha an lo awm thap mai.Ka lawm lutuk chu ka nui var var a,mahse ka hlim hmel chu a tawp chawpchilh nghal.Kha hun kawngka veng tu khan ka thlai chi te min pe let thei tho anih chuan helai hmun a min dah tirh khan engvang a saruak kher a min dah nge a nih ang tih ka ngaihtuah a "Min fiam ve hlak ani maw...mai mai chuan aaaa" ti in ka phun bal bal mai.






Lal in mipui te hnen a ka chanchin a sawi chuan an au dar dar mai.Heti khawp hian he khaw mi te hian minlo ngaihtuah ang tih ngaihna ka hrelo.Ka lawm ani






Ka hriat leh dan in khatia ka nghing dawt a ka hriat kha silai in min kap a lo nia,thla khat vel nikhaw hrelo in ka lo awm tawh a,that lam emaw hniam lam pan lo in,ka awm dan chuan bawlpu ngaih pawh a ti tha tawh lo a,ka thaw chauh an ngaihchan tawh lai in ka harh chhuak a lo ni.Ngurliana te unau leh Thangkhuma thinrim chuan Tlangval te hruai in min run tu te khua chu an lo han run let a,an khua hal sak a,an lal an that bawk.





Ka bul a Ngurkima thu chu en in "u Ngur chaw i ei tha lo em ni" ka ti chu a lo nui hak a "Ei e...ka ei tui thei lutuk" a tih chu ka awilo nasa "I cher em kha chaw ei tha ta che,chaw nghei a vil ka ngai hleinem" ka tih chuan a hmel chu a thutak tawh kher mai





"I awm ve lohna a hring chan ai chuan i rual a pialral kai ka thlang zawk" a ti sup a,kei ka lo nui var var thung.A hmui ah fawp in "Ka hmangaih che" ka ti chu a zak deuh a "Ka khawvel hlui ah kha chuan hetiang hi kan hmangaih te hnen ah kan hmangaih zia kan lan tir na pakhat a ni" ka tih chuan a bu nghut a min rawn fawp let chu ka lo chang let rang kher mai.






Ka thla hual na kan neih atang a ni 4 na ah ka hmangaih ber nupui chu ka ni a,lawithat zan pawh ka duh ang tak in thlam ah kan hmang a.




Far tlang a ding chung in tlai ni tla tur chu thlir chung in He hmun a ka kal theih na chhan ka thlah tu chu tunge anih hrelo mah ila a thlarau hnen ah lawmthu ka sawi mawlh mawlh a,midang tan a thil tha a tih avang in kei hian thil tha zawng zawng ai a tha Hmangaihtu ka tawn phah si.



Min ko tu ka pasal Ngurkima lam pan a pen in,a kut ka chelh a inkuah rial chung in kan chen na in lam pan chuan kan pen thla hnak hnak a.




A TAWP TA....




KA STORY MIN CHHIAR SAK THIN TU TE IN VAI A CHUNG AH KA LAWM TAKZET A,HE STORY HI KA ZIAH HMASAK BER A NI A,TIH SUAL TAM TAK KA NEI NGEI ANG TIH KA HRIA,PASALTHA LEH LOVE STORY KAIH KAWP HI A HAR KA TI EM EM A,HMANLAI CHANCHIN HRE VAK LO KEI ANG TAN PHEI CHUAN A HARSA LEHZUAL.ENGPAWH NI SE IN DUH DAN COMMENT AH LO SAWI ULA IN COMMENT A ZIR IN NGURLIANA CHANCHIN BIK AH SEASON 2 SIAM KAN TUM DAWN NIA AW...😘😘KA LAWM E...


Show post links
Top



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)