Professor_P aka Professor Poopypants BY Cck Lalchhuanawmi (Completed)

[Ngaia]

Professor 'P' aka Professor Poopypants
Chapter-1
Ziaktu: Cck Lalchhuanawmi

Ina haw ka van chak lo tak em! Hnathawhna hmunah hian riah nghal theih se ka ti thin ngawt mai, mahse a theih ngawt si lo a. Engpawh nise mahni in nge nge chu pan leh phawt mai ang.
Ka ring reng a, zan lam dar sarihah pawh nise kan in hi chu keiman ka hawng hmasa ziah. A ngaitein hawng leh phawt mai ang aw.
Ka chun leh zua hmuh tur an awm lo. A pawi em asin, hmangaihna tel loa nupaa insiam ringawt hi; an fanu neihchhun ngawih ngawih pawh hian ka tuar ta a nih hi!
Tunah pawh hian an ngaihzawngte ve ve bulah an awm nge, han zawt ila hna laklawh; an chhuanlam hi achang chuan a ninawm mah mah thin.
An fanu neihchhun ve vang chauha inthen lo mai an ni, fahrah ka ni tur an duh loh vang. Huhh, tunah pawh hian fahrah nun nen eng nge danglamna awm chuang.
He an chhuanlam pawh hi ka ning, inthen mai sela, keimah vanga hrehawm ti taka an awm reng ka duh lo.
Tunah chuan kum sawmhnih laia upa ka ni ve tawh, tuna ka thawhna cafe-ah hian kum sawmpasarih ka nih lai atangin ka thawk tawh a.
He ka thawhna hlawh atang hian lawm college te pawh ka kal ve theih, chubakah ka mamawh leina a phuhruk bawk a, ka tan chuan malsawmna a ni ringawt, a neitu te an lo fel lehzel nen.
Ka nu leh pa te hian ka dil loh chuan min pek an tum thin si lo, kei lahin ka be peih mang si lo. A tul tawpah lo chuan biak ka chak vak thin lo.
Awi...... Ka ngaihtuahna tak hi chu aw...a va buaithlak tak em! Ngati nge mawni in ka thlen apianga hei ringawt ka ngaihtuah thin le. Hetiang ngaihtuah theih tawh lohna tur inah te hian engtikah tak haw ve thei ang maw!!!
Ka ning, inbual daih ang. Chaw pawh ka ei peih lo e a, mahni chauh chuan ei tui a har thin em mai.
Ka chalsam pawh tan a ngai leh tawh nih hi, naktuk chu ka u te inah riak leh daih ila ni mai lawm. Ka fapa pawh ka ngai ve tawh lawm le. Lunglei lamah min pheisan hnai tawh bawk si.
Naktuk atang third sem. kan tan leh dawn chu nia, home science kan zir belh tawh dawn sia English chu ka ngai ngawt ang.
E, takah professor thar a awm dawn te kha an tia. Mipa nge hmeichhia ni ang aw...Thinchhe deuhte hi ni lo se.
*******
Khua var leh ta, zing thawh ngai tawh lo hian han muhil hlen thin ila; ka duhthusam hi thleng ngai thin si lo le, lawmthu sawina nei leh phawt mai ang.
Khaw'nge tarmit hi ka dah, hetah hi le. Vawiin chu inhaler pawh lei a ngai. Thawmhnaw hakthlak pahnih vel hi ak tel ila... Ka insiam zo e.
Inhnuai lamah chhuk tawh ang, hnathawha chhuah a ngai bawk si. Kan in hi a chhawngin awm ve reuh a, a chung lamah kei ka awm a; a hnuai lamah ka nu leh pa te.
Inchung lama ka awm hi ka lawm, an inhau thawm ka hre tha thei lo a. Kan in hi pawn lam atang chuan nawm hmel tak pawh a ni, mahse; a chhung erawh kei chuan nuam ka ti lo, inchhungkhur changkang lutuk vel aia mamawh dang ka nei zawk si a.
Lalhmangaihi. Hei hi ka hming, hmangaih ka ni leh lawi bawk si lo, hahaa...
Chutiang ngaihtuah hman ka ni lo, hnathawha kal ka ngai; zing dar sarih atang zan lam dar sarih thleng ka thawhna cafe saw hawn thin a ni a.
Tunah chuan college kal a ngaih leh tawh dawn avangin zing dar sarih atanga dar kua thleng ka thawk ang a, tlai lam dar thum leh dar ruk inkarah ka thawk leh tawh ang.
Tihian ei rawng bawl loin chhuahsan thin pawh ni ila, engmah an sawi ngai chuanglo. Kan awmdan hi kan lungawi tlang em, cafe-ah inhnawhpuar a ni leh mai kei chu.
*******
Dar kua leh chanve, ka seat-ah awm hahdam leh veng veng phawt ang.
" Angaih, lo ding lawk", Faka takhi chu aw, engtak chu min hrilh leh dawn ni maw. Ngaihzawng lam a sawi leh dawn ni chiang, ka va ning tak.
" Angaih, star Tu deuh che ka hria", kha maw, ka rin dan reng. Hepa tak hi chu aw.
" Enteh maw, tuna mi hi chu maw hmeltha bawk si, fel bawk si, thiante care thiam bawk si, si hlir sang tam tak a ni mai", a thiante hi chu a tan ve teh e.
Tiang hian a sawi ziah tute pawh, mahse ka engah teh vak an thawk lo; ngaihzawng neih tih vel ka peih lo, bakah ka hriselna a pan.
Ka chhan lawk loh vang nge ni, " Tun ami hi chu nihpui ve tawh rawh, midang ho i hnawl zel a, ka inthlahrung thei lutuk a nia rem loh thu sawi ziah ngai mai. Piantirh atanga single tluan thak i tum a mi", chupa mai mai chu.
" Nui suh", a lo ti hlak. Ka nuihza tho tho, tuna a thusawi leh a hmel kha inhmeh reuh em alawm.
" Ngaihzawng ka nei lawm", tiang hian ka chhang ziah zel, a hrethiam tho; aih ka tih na tih a hre hneh tawh lutuk tlat.
" Huii, a tha e, kha i ngaihzawng i damdawi bur nen khan duhsakna ka hlan a che u", nui huah huah chungin a ti a, a kal ta. A sawifiah leh vek tho ang, a thianpa bulah chuan.
A dik, ka ngaihzawng chu he ka damdawi bur inhaler hi a ni.
College ka kalna hi Faka pa college din a ni a ka pa pawh hian a puibawm ve thin, ka pa leh a pa hi Inkawm thin an ni a.
Chuvang nge ni Faka pa pawh hi ka hmu tha thei tlat thinlo, ka pa awmdan ka hriatchian lutuk vang te pawh niang.
Mahnia awm hi nuam ka ti ber a, ka thiantha ber chu ka ngaihtuahna hi a ni a; ka lo kawm leh veng veng thin.
Mi kan rel zuah zuah a, kan fak bawk a; kan tap bawk a, kan inhnem leh bawk a; kan nui leh vur vur thin. Kan bengchheng ve thei lutuk.
Thian dang hi kan ngai lo ve em, college ah pawh thian tia sawi tur ka nei teh chiam lo. Class khata thu ho na na na chu inhriat loh theih loh a.
Mahse, a hranpa taka kawm ka nei chuang lo, mahni te chauh hian ka ni mai, classroom ah pawh tlar hnung kil ber tukverh awmna hi ka duh ber a, ka thutna ber pawh a ni.
Ngaihzawng lam ka ngaihsak loh bawk avang hian classmates te tih loh chu mipa han hriat ka nei lo a, classmates teah pawh hriat mumal ka nei lo, Faka a ni leh mai a.
Mahse, Faka hian min star Tu hi min hrilh ve thei ziah, nge ni a amah hian a tilui ve hrim hrim, ka hre tawh bik lo.
" Good morning Sir"
Saw saw mi le professor thar chu, a hnung bera ka thut vang nge ni ka hmu tha thei lo; ho lutuk chutiang a!
" Morning, in professor thar ka ni a"
Awi le! A àw van pa. Het, chutiang ngaihtuah lo tur. A hmel hmuh chian ka van chak! A ti leh ta.
" Vawiin chu first day a nih angin hun ka la rei lo ang a, mahse lecture ka pek lai che u chuan classroom ah hian ka aw chiah ka hre tur a ni".
An phun sep sep mai, an duh lo ngang hlawm a niang, mahse Faka leh a thiante an awm a, kan classroom hi a reh tak tak thei lo, lecture pek lai pawh nise.
" Chuvangin in lo mu a nih pawhin pawi ka ti lo, in bengchhen lohna tur a nih phawt chuan ka duh zawk ang. Pin drop silence ka duh ber. "
A khai a! Pin drop silence tih vel, Faka leh a thiante an awm ka tih kha, professor thar pawh hian ngaiah a la nei vat mai ang.

Ka u te bula ka awm hi chuan ka thla a va muang thei thin tak. Mahse, ka u te tak tak an ni lo va; tum khat ka thàwk a buai lai min hmu fuh a min tanpui a chuta tanga inhre ve mai kan ni a.
Mahse, ka tan an hlu lutuk tlat, ka inbunruahna te an ni ve a. Ka pianpui unau pasal min neihsan ta ang chiah a ni mai ka u Zuali hi chu.
A pasal k'u Thaa pawh hi mi fel tak a ni, a nu leh pa te nen hian; keipawh min ngaihsak ve thei lutuk. K'u Zuali hi mi vannei tak a ni bawk, achang lahin ka mo ni zawk sela kei hi k'u Thaa farnu ni zawk ila tih te ka ngaihtuah.
Lunglei min pheisan leh daih dawn sia ka khua a har leh dawn lutuk, ka ngai dawn lutuk tlat. K'u Thaa hnathawhna hmun a ni bawk si a.
K'u Thaa pawh professor ve tho, Lunglei Hatim college ah a thawk a, ani erawh fiamthu duh tak a ni a; lecture a pek lai pawh hian fiamthu a sawi thin ka ring. Vawiina kan professor thar ka ngaihtuah chhuak zawk!
K'u Zuali erawh eng hna mah a thawk lo thung a, inchhung nu ber angin a awm ni mai. Kum tam an inneih hnuah fa an nei ve chauh a , nei thei lo tura inngai an ni a.
Mipa a la ni zui, Vanlalpeka tiin a hming an sa a; a awm viau tho. An duat leh lutuk a, a khawlo zo ang tih ka lo hlauhpui ve thei lutuk; keimah ber ber pawh hian ka duatpui ang leh lawi bawk si a.
Kum thum a ni ve tawh a, 'Àte' min han ti ve thin hi chu... Achangin 'Pite' min ti a, achangin 'a u' min ti thul, ngaihna awmlo a duh dan danin min ko ve tawh mai rawh se, pawi ka ti re re lo.
Captain Underpant cartoon hi a ngaina em em a, kan enpui thap zel, a pi leh pute thleng pawhin, ka ngainat phah ve vekin ka hria. Zonet Nihawi te hian an let thiam em bawk nen kan thlansak tlut tlut zel.
Ka chhungkaw thlakhlel ve em em te chu ka kalsan an ngai leh ta. Tun tum chu zan khat chauh ka riak thei, vawiinah anni Lunglei lamah an phei ve bawk dawn nen.
Cafe lam call leh ila tlaiah chauh ka thawh theih tur thu ka'n hrilh leh ang e. College lam pan ding nghal a ngai leh dawn si a.
Buaithlak deuh chu k'u Zuali te hi Lawipu daihah an awm a, keini Chawlhhmunah, college ka kalna leh cafe ka thawhna hi Govt. Complex a ni daih si a. K'u Thaa hian college ah min thlah tawp zel.
An ina ka riah tawh hi chuan zing lamah hna ka thawk thei ngailo. Mahse nuam ka ti tho tho. Ka thlakhlel ber thin chhungkuaa chaw kil hona a awm thin vang a ni.
Ka thlakhlel hi a ho pawh ni mai thei, mahse ka tan chuan a ho ve lo. Ka chhungkaw neihchhun te nena chaw kan kil ho lo na hi a rei tawh em a sin.
Tunah pawh hian an fanu hi khaw'nge ka awm tih pawh an hre tawp nang, chumi hriat nan tal pawh zawt turin min lo call loh hi!
" Keima fapa te lo haw leh vat r'u aw", ka va ngai dawn tak! " Christmas dawnah kan lo phei leh dawn lawm, i u Zuali i kal tir theilo ang e", k 'u Thaa tak hi chu aw... Ka mittui parawl kuang vang vek.
K'u Zualin, " Min lo call thin la, i duh hun hunah kan inah i va riak thin dawn nia, keimahni awm lo pawh ni ila, ka nu leh pa te an awm alawm", a lo ti a.
Min ngaihtuah thin a nia, mahse an awm loh chuan ka ngam thin lo a ni e. Kan inkuah vang vang a, hei ringawt pawh hi ka thlahlel leh dawn lutuk.
" Ate bye bye"
Kan invai liam leh tak kha!

Vawiin chu mood off full thak... K'u Zuali te vang vek. Lecture pawh ka ngaithla peih lo, dawhkan bawha mut daih la chu tihchi chiah si lo. Tlar hnung berah kha chuan a rem sin le.
Vawiin chu Hriati ten tlar hmasa berah min thuttir. A kil ber tukverh awmna tho a ni a, mahse hmasa ber hi chu..... Anni ka thutnaah an thu a, an tih tur ka hre mai, tukinah inchei hman lo in college an lo kal leh chiang!
Science zirlai chu an chút tih mai mai, keini B. Sc lai zir tawh pawh, kan section bikah hian lo lut ula a nih loh zia inhre thei ang.
First period atang ka zawi ngawih ngawih, mahse Faka leh a thianten classroom an ti bengchheng a, professor lam lam te hian kan nui ho dial dial thin. Vawiin erawh kei chu ka lo khi ve mai mai ni ber.
Tiang hi a nuam zirtirtu leh zirlai inpawh taka awm hi, han fiamthu hluai thin te hi, zirtirtu te pawhina fiamthu an duh ve hian an lecture pek pawh a ninawm lo deuh.
Physics period a ni a, tunge 'professor P' hi le, Professor thar kha niang a, a nih chuan engtihna nge ni ang le..?
" Tunge professor 'P' an tih hi? "
" Professor thar kha niang"
" A hming pawh a sawi lo reng reng"
Keipawh chu chu ka ngaihtuah mek, ka hre chak.
Hriati te lah chuan," Awi, pa deuh kha... "
A ni maw, nimin khan ka hmu chiang ve si lo a.
Faka chuan, " Pin drop silence... ", a lo ti hlak.
Faka vangin ka nuichhuak leh ta nge nge e, hepa tak hi chu aw...
" Good morning Sir"
Ka khawng awt. Eng ka tizo ta nge!!!
Awiiiiiii ngati nge ka lungphu hi a ran em em! Tawp teh u...in thlawkchhuak takngial dawnin ka hria.
Ka wish ve pawhin ka hre lo, ka tha a khurin ka hria, ngati nge tianga ka awm le?
" Morning"
Awi leh! Ka thaw tha hleithei dawn in ka hre lo. A àw pa piah lamah a la hmeltha zui, a hleitling tha tel lehnghal, ka exam chhuak vek hmanin ka hria!
Thutna chang pawh ka lo hre lo, amah ringawt ka lo en, ka bula thu Lucy chuan min pawt thu ka harh ve chiah.
Ngati nge mawni tianga ka awm thut le aw... khaw'nge inhaler? Thiana ka mawmawh che.
A rukin ka bag ka dap dun dun, ta hi le, ka hum ran tawh mai. Ka thawk a buai tan leh dawnin ka hria, a van hrehawm tak.
Classroom lah a reh diak bawk sia, a lecture pek ri chiah thawm a awm. Chuan keimahah chuan ka lung phu ri nen hian, a ring lutuk hi tihzawih dan ka hre lo, midang ho hian an hre ve lo hlawm a ni chék ang chu.
Hriati te thianho ka ngei tum ber a ni ang Faka te thianho nen hian. Tinge mawni vawiin pawh chu Faka te chu le, period dangah pawh an ri chel chul tho sia, awiii...
Ka hawichhuaka ka va en phei leh chu lectern chungah a kut pahnihin a lo innemkhalh, awiii....
Het, ngaihtuah tawh lo tur, ka che buai ang tih ka va hlau tak, period rei tum ber a ni ang mawle.
A chhuak ta. Ka va lawm tak, inhaler ka hip nghal. Lucy chuan ka that leh that loh min zawt nghal vat. A awm ve tho nidangah classroom emaw college ah pawh nise inhaler ka hip lai hi min hmu khat khawp.
Mahse, ka va en leh khan min lo en ve chiah a, min hmuh khan a meng buai deuhin ka hre tlat, ngati nge le?

" Angaih, i la hria em, kha lukhum duma kha? ", cafe ka lut chu Remi chuan min lo tinghal.
Ka inthlak nghal vat vat a, min lo zuiin," Tukinah khan a lo lang leh hlawl a, a hawi kual a hawi kual a, a zawng deuh che niang", a tih zawm leh.
Lukhum duma chuan kei hi min zawng ang maw, la hria e ka la hre lutuk tlat.

*** FLASHBACK***
Second sem. tan leh tak tak hma hian lehkhabu lei ngai lei vat vat ang. Tun tum chu ka pa emaw ka nu emaw pawisa ka dil mai a ngai ang. Zanin chu haw hma dil ila ka pa a office ah ka va kalchilh mai ang e.
Lukhum duma pawh chu a la haw lo ka ti, vawihnih a lo kalna ni tawh mawle. Chutiang ngaihtuah ngai lo.

In ka thlen vat a ngai ka wardrobe ah inhaler a awm, ngati nge mawni vawiin chu ka lo ken loh le.

Ka thawk lah chu buai telh telh bawk si, ka hnunga min zui zel tu saw lukhum duma kha ni tlatin ka hria.

Ka pa kha a office va kalchilh loin an awmdun lai ka va hmu kher lo tur!

Ka mittui lah pawh hi a, hetia tap buai hman ka ni lo, in ka thlen a ngai.

Khaw'nge chahbi? Lalpa min tanpuitu tur lo tir teh engmah ka ti thei lo, ka thaw a tawp tan dawnin ka hria.

Meng vai tanin ka tlu riai riairiai tihah Tu emaw hian min lo dawm, ka en chu lukhum duma kha a lo ni!
Kawngka a hawng a min pawmin min luhpui a, keiin thaw kâwk kâwk chungin inchung lam ka lo kawk vat.

Min chhopui hlawk hlawk a, khumah chuan min muttir a, wardrobe lam chu ka kawk leh.

A zawng buai ngang mai, " A. . . . chung..... ", thaw kâwk kâwk chungin ka va ti a.

A en tha leh ta, a la zawng buai nge maw nile, chiang takin a hmuh theih reng si a.

Chutihlai tak chuan min lo panin ka hmui a rawn chuktuah!!!


Show post links
Top

[Ngaia]

Professor P
Chapter-2
Ziaktu: Cck Lalchhuanawmi

Ka hmui a rawn chuktuah!!!
Ka puar awp awpin ka hria, min ham nge mawni, boruak min pek a tum ni berin ka hria. Ka mit ka chhing tlat, an chhuak mai ang tih ka hlau.
Ka thawk pawh a dik tan, mahse lukhum duma chuan ka sam karah a kut rawn rawlh lut tanin dam deuh hian min fawp tawh zawk a. Ka mengchhuak hliai a, a vawikhatna nih vang nge mawni awmdan tur ka thiam der lo.
Ka chechang pawhin ka hre lo, ka mutte a chhuak zawkin ka hria; ka buai leh tan dawn! Tawp a tum der mai si lo, a va buaithlak tak.
Namsawn ka tum lahin a uar sauh emaw tih tur a ni, kei sa pan thing theng tan chuan hneh a har, a pa lian ve angreng reuh khanglang ang lehnghal a.
Ka beng bulah zawi sap hian, " Muthilh tum rawh", a ti a, ka nghawng a nul thuak thuak nghal!
A thluak a buai ta nge mawni le, ka chungah engmah a tihzawm loh ang tih engtin nge ka hriat theih ang.
Muhil turin min ti a, a thiltih lai tawp a tum chuang bawk si lo ka va ngei mai mai tak.
Het, chi loh lutuk a kut a nghal tan. "Ka mu dawn, ka... ka... muthilh ka tum ang", ka tichhuak thei hram, a kut ka vawnsak nghal vat bawk.
Min mut that tirin ka àwmah a lu a nghat vang vang a, muthilh a tum ve zawk mawni, zanin teh thut chu engtak chu hria ni maw!
***end of flashback***
" Ka va hre mai tawh lo ve", tiin Remi bulah chuan dawt var ka hrilh ringawt, ka la hre reng sia.
Khami zan atang khan a lo lang leh tawh lo reng reng, zinga ka harh khan a lo awm tawh lo a, ka chungah engmah thleng phei chu a awm lo, mahse wardrobe ka hawn khan inhaler a lo awm reng sia!
A hmu lo der leh ka harsatna hmang tangkaia khatianga ka chunga a chet vang khan ka ngei hrim hrim, amah vanga ka thàwk pawh dik ni tho mah se ka ngei hrim hrim.
Lo kal leh poh rawh se, a hre khawp ang, lukhum a khum tlat thin vangin a hmel kan hmu thei lo kha ni a, a hming lah kan hre si lo a lukhum duma kan ti ve ringawt, vawiin tlai chu a lukhum ka hlih sak ngei ngei ang.

Saw le, a lo thleng nghal mai lawm, hmeltha sawi chu koh aiin a hnai
A inthuam dan a la thlak lo, jeans dum, T-shirt dum a nghawng bial lam, kamis ban tlawn niin a ban erawh a thlep a, a dum leh var intial a hma phelin T-shirt chungah a ha a; a bag ah(ak) pawh dum tho, converse dum, lukhum dum, mahse tun tum chu mask a vuah tel tlat tinge le mask pawh dum tho, huiii....
Cafe-a ka thawh atanga thla thum lina atang khan a khat tawkin a lo lang thin a, achangin kum chuangte a lo lang lo a, a lo lan chhunah lah a inthuam dan ngai zel!
Tunah lah khami zan atanga bo leh vang vang kha kum khat hnuah a lo lang leh ta, eng chu hria ni maw aw...
Tinge le ka ngaihtuah vak vak kher le, a mak thin lutuk em mai. Hna thawk ang. Ka chiauau peih lo, coffee pawh Remi pektir mai ang.
Vawiina kan professor ka hmuha ka awmdan kha mak ka la ti reng, tinge le khatianga ka awm le, mih hmuha a hmel buai ve deuh kha! Min hmutha ve ni hrim hrim, awii ka ngaihtuahna tak hi chu aw...
Remi tak hi chu aw... min nek tlu dawn lawm le, ka ngaihtuahna ata min tiharh alawm le.
" Eng nge ni ta? ", zawi sap hian ka ti a. "En teh, kan lukhum duma sawn a zawng chiang che lawm, ni lo a duh zawk che niang. Coffee ka va pek khan nang hi a lo kawk daih che, tawng a tum bawk si lo
Coffee hi nangmah ngeiin va pe rawh, chuan a tawng ri kan la hre miah lo, tun tum chu a àw eng ang nge ni tih hriat theih nan biak tawng ngei ngei tum rawh aw", a lo ti, a va buaithlak tak aw.
Kan lukhum duma pawh chukeimah kherina ka va pek eng nge tulna le aw, ka peih lo sin le. E takah, a lukhum hlihsak kha, mahse mask a vuah sia... ni dawn tak e, coffee in dawnah te chuan mask a phelh ve ang chu mawle.
Dawhkanah chuan coffee no chu ka dah chawrh a, a phu eih lo nia, a lo hawichhuak e min thlek ang vung vung lehnghal a ka tarmit kar atang hian ka han melh let ve hrep ang e.
Customer anihna angin polite deuha biak a ngai bawk si ka va han peih mai mai lo tak.
" Sir, mamawh dang i la nei em? ", nui sang chungin ka tih ve kha. A lu a bu nghut a, a duh tur chu ka zawt leh nghal vat a, a tawng ve dawn ta niang.
Min kawkin, " You", a ti bul hmuk! Chupa mai mai chu...
Lalhmangaih insum insum, hahdam rawh hahdam rawh...
" Coffe pawh in tawp suh", coffee no chu lain ka kalsan nghal vang vang. A va han zam lo mai mai tak, ka haw so bawrh bawrh. A chhuak zui nghalin ka hria pawi tawp lo, chhuak nghal vang vang rawh se, lo kal tawh lo sela tha ang.

Ka ban hun ka tlingtla ve leh ta e, mahni in nge nge chu hreh tak chung pawhin pan leh mai ang. Taxi chhungah ka thu lut fel chiah tihah lukhum duma a rawn thu lut ve leh nghal!
Eng chu hria ni thin maw aw...
Driver bulah chuan, " Ka pu, hepa hi thlah hmasa zawk mai rawh", tia chhuah ka tum chu ka kut a lo man, a vuan nghet em em Mai lehnghal.
" A na", ka ti hlak a, " Chawlhhmun", a la ti ta deuh deuh.
" Tu nge maw i nih le? En teh, ka harsatna remchangah i la a, khatiang ang kha chu a thleng tawh dawn lo nia aw", ka ti vin hlar a.
Lukhum a khum tlat tih tawh nak laiin mask a la vuah zui bawk nen, a hmel awmdan pawh ka hre thei lo e a.
Driver lah chuan, " In intithiam lo deuh ami? ", a lo la ti zui. " Ka pu, kan inkarah engmah a awm lo, misual a nih hi, police call vat ila a tha ang", ka ti chu a duh lo ngang a niang, rum nghutin ka kut a hmer na zual sauh.
Driver pek lah chuan lukhum duma hnenah chuan, " Thiana, tiang hunah hi chuan a thiam zawk hi mipa pawh ni ila, kan tlawm hun tak zawk a nia, chuvang chuan ngaihdam dil te hi hreh lo tur a nia aw", a fuih zawk nge mawni le.
Lukhum duma lah chuan, " Sorry, sorry", a lo tih zawm, kan professor àw pa deuh kha ka hrechhuak zawk! Ngati nge le?
Ka ngaihtuahna ka lo kawm zawk chhungin taxi chu a tlan ta mai.
" Awi ka pu, ding rawh, ka chhuk duh", ka ti hluai a, kan lo tlan thui hman angreng viau ni tur a ni, kawng sirah chuan a ding a, a la reh thuap zui!
Lukhum duma chuan hahthlak ti hmel deuh hian a rum nghut a, min bawhbet nghal ta mai!
Ka tal vak vak a, namsawn ka tum ve tang tang bawk, driver lah chuan min puih a tum lo nge mawni?
Ka hneh ngang bawk si lo thinrim lutuk chu ka thaw kàwk kàwk a ka buai tan leh dawnin ka hria.
A mask a phelh a," Shhhhh, shhhhh", ka nghawng a fawp dan dan a, ka va ngei tak. Ka mittui a luang ngiai ngiai a, tap chhuak lo turin ka hmui ka pet ringawt.
Maw! Engmaw!! Engmaw!!! Tunah khan eng nge a sawi?
" I miss you", tiin a sawi, chu chu eng nge awmzia? Lalhmangaih a awmzia i hriat reng kha...
A dik, a awmzia ka hria, tu emaw a ngaih thu a sawi, chu pawh ka bulah ngei a sawi, driver nen kan pathum chauh kan ni, driver chu a ngaih thu a hrilh awm lo em Mai, keimah ngei ka ni!
Kei hi min ngai a maw, ngaitu ka nei ve maw!!!
Ka lungchhe lutuk ka tahchhuah takvang nge mawni innemkhalhin min en chhuk run a, ka tarmit a la sawn a, keiin ka mittui kar atang ka en chho thung.
Lukhum a la khum reng bawk nen, bakah a thim deuh ruih mai bawk si a, a hmel ka la hmu thei ta chuang lo.
Ka hriat ngai miah loh hnen atang ngaih ka nih thu ka dawng, kei Lalhmangaihi hi hmangaih ka nih thu ka dawng leh ang em?
Ka ngaihtuahna tak hi chu aw.......
" Ka pu, lukhum duma chuan kei hi min hruai ziah turin a ti che maw? ", tiin driver chu ka zawt tawp, mak ka ti em alawm.
" Aw, kha pa khan nang hi i hnathawhnaah hruai che a thlah leh thlap tur che in min ti alawm, khami zan kha ka vanneihpui ta a nih hi", a hlim tih a hriat, engtak chu tihsak ang maw.
" Eng nge i sawi awmzia chu? ", ka zawt let leh.
" Khami zan, in in atanga kan haw kawngah khan, ' Hmài hi zingkarah hnathawkin a chhuak thin a, tlaiah tun ang hunah khan a bang thin a, chu chu nangman hruaiin thlah thin ang che', min ti a"
Hmài maw ka nih? "Chutiang chuan a sawi tak tak maw?"
" Sawi e, fee pawh min pe thlap a, bakah kan chhungkua min tanpui nghal a, kan lawm tak tak a ni".
Chuvang ni maw, a tuk atang khan taxi driver hian min hruaiin tihian min thlah leh thlap a, kan lukhum duma pawh chu... rin ang em em chu a lo ni lo nih dawn hi. An chhungkua a tanpui nghal a, zawh ka chak viau naa chhungkaw thu hla ni bawk si a, ka ngam chiah lo.
Tu chiah nge maw a nih le? Tinge kei hi min buaipui em em le? A landan a ngai reng, a tawng tam lo a, a tawng chhunah lah ' sorry ' emaw ' miss you ' hi a ti ziah.
English-a sawi lo in mizo tawng te hian sawi ve tur a nia. A lo lang zeuh zeuh ka tih tawh kha.
A lo lan chhunah chuan kan in thleng hi a lo chuang tel ve thin min thlah ve a ni ber ang chu, ka kut a chelh tlat thin a ka hnial em em bik chuang lo, hnial pawh ni ila tihluihna a hmang leh dawn tho.
Zanin pawh a lo lang lo, tihian zan hnih a ni ta. Ka ngai thar riauin ka hre lehnghal!
Ngawi rengin awm thin mah se ka thla a muang tih ka hre thei.
Mah se, amahah hian kan professor kha ka hrechhuak ziah, a pumrua leh àw ah hian. A hmel chu la hmu hauh lo mah ila, kan professor nen hian an inchhung deuh reuh a nih te ka ring.
" Ka pu, a hming i hria em? "
" Hre miah lo, i hre zawk lo a mi? ", ani pawh chu.
" A nih, a hmel i hmu em, eng ang nge?", ka zawhna pawh chu a, pawi tawh lo.
" Ka hmu hauh lo mai".
Driver bulah sawi lo turin a ti chiang mai.
" Ka pu, i bulah engmah sawi lo tur in a ti che mi? "
" Chutiang engmah a sawi lo, lukhum a khum sia".
A dik ve reng, lukhum a khum. Hmài tih khan min sawi, a van nalh reuh.
" I hlim hmel hle mai a",
Ka lo khi chhuak a ni maw...

*******
Awi a na lutuk, ka lu a na lutuk.
Bangah ka lu ka tauh chawrh, professor lah chuan min lo la en kur zui.
Hriati te vang vek, tun thlengin tlar hmasa berah ka la thu, ka ning tawh e...
Tlar hma ber chu dawhkan bawha mut a rem chiah si lo, rem lo piah lamah mawi ka ti chiah si lo a. Ka mutchhuah hunah pawh ka mu thei lo, ka mutthlukna lamah bangah ka lu ka tauh lehnghal.
Chubakah kan professor laka ka rilru awmdan thin vang hian tlar hma ber chu ka zo lo, a mi uap hi na ka lo ti ve em em ringawt zel.
" Please, don't make any noise"
Ka tihluih pawh a ni mile, ngeiawm reuh mang e.
Bakah, lecture a pek laia ka intauh ri hi a àw tih lohah chuan thawm awm hmasa ber ni ang chu, chuti teh luaa ring pawh va ni suh.
Ka lu chu va na reuh tak!

Lukhum duma lo lan lohna pawh rei leh tawh hle mai, kum chuang a bo leh dawn niang a!
Taxi driver erawh kha chuan a dan pangngai tein min hruaiin min la thlah reng tho, a chanchin han zawt ila a hriatloh thu bak a sawi ngai si lo.
Ka rilru va buai tak, tun ang hunah hi chuan lukhum duma ka ngaihtuahnaah a awm a, college ah lah kan professor kha ka ngaihtuahnaah a awm thung a.
Cafe - college... Eng emaw tak inzawmna an nei niang a, an pumrua leh àw phawiah lah lukhum duma leh professor te an inang em em a.
An chezia leh mizia te thleng hian, lukhum duma hmel hmuh hi ka chak ngawt mai.
Professor thar kan neih niah tak lukhum duma a lo lang ve leh chiah bawk. Awi ka ning a!

******"
" Guys, kan professor thar kha , routine ah khan 'P' tia an dah chhan ka hre tawh", Hriati chuan a lo ti lauh lauh mai, a rawl a ring tha narawh e.
"Eng tihna? ", an lo ti sup sup mai, hriat an chak hlawm teh e, dik tak chuan keipawhin ka hre chak.
" Puia tihna", Hriati lah chu a khi sung mai.
"Puia" tihna maw, eng Puia nge ni ang le?
" Lalhlimpuia"
Maw!? Lalhlimpuia.
" Mahse u maw, section 'A' ni tain ka hria an sawi danin, lecture a pek laiin nui an lo awm a, a thinrim lutuk an ti" , Hriati thiannu Tetei chuan a lo tihzawm.
" A va ho tak"
" Chutiang em em te chu a"
" Keini section 'B' hi kan fel ber, first day-ah pawh a sawi kha bengchhen a duh loh thu, ngaihtuah ula tun thlengin bengchheng pawh kan la awm lo, Angaihi intauh ri tih loh", Faka chuan a lo ti. Ka va ngei tak min sawi tel kher ngai lo.
Mahse, pawi lo kan nui ho dial dial a.
Kan professor chu Lalhlimpuia maw lo nih a, professor 'P'.


" Lecture kan pek lai che u hian fiamthu kan sawi ngai lo, Lalnunsanga te anga hun urhsunah pawh fiamthu sawi mai thei ang kan ni lo", a ti thum dut dut mai.
A thinrim la reh lo niang a, Lalnunsanga han sawi daih chu! Kan professor chu... a va nuihzatthlak loh ve.
Faka'n ring mangkheng hian , " Yes Sir", a lo ti, ka phu thelh lawm le.
Professor lah chuan, " Excellent, lecture ka pek lai chuan haha. pawh in ti tur a ni lo", a ti a.
Hahafazelafalam... Ka rilru chuan a lo tihzawm. Lawkin, tunah khan eng nge ka sawi, hahafazelafalam!
Professor Poopypant! Aw Lalpa...
Naupang thluaka awm nuih theihna hahafazelafalam nuai reh a tum kha, captain underpant...
Ka ngaihtuah mai mai chu! 'P' awmzia an zawng ve ngei a poopypant tihna kha lo nia, ka nuih va za reuh tak.
Ani pawh hi professor 'P' kha nia Puia tihna nia... bengchheng a duh lo ve tho bawk a, a inhmeh dawn lutuk tih pahin ka hmaa dawhkan chu ka chum nghal thuai a ka khi sung mai bawk nen mi melh rum teh e kan professor chuan.
Ka nuihza tawlh tawlh bawk si, ka kà ka hup ringawt. A thinrim meng phar kual vel saw hlauhna ai chuan nuih lamah a kal tlat, va buaithlak tak.
" Khaw'nge i ngaihtuahna i dah? "
Nangmahah tih ka van chak. Nui tawh suh...
A la mengrum nasa, min ei zawh vek duh hmel a pu, ka nuihza zual sawt.
" Chhuak rawh", a ti vin hlar mai.
Tlem chuan ka hlau ve ta, ka nuihza tawh lo khawp mai.
" Sorry Sir "
" Chhuak rawh, classroom pawnah sawn va ding rawh"
Ngaihdam ka dil ve reng sia, min la thinrim khum ka ti, pawi lo chhuak daih ila ni mai lawm.
Pawn boruak chu a zia zawk daih nih hi, a mi uapna boruak ai thlawt chuan.
Mahse, tinge le ka lungchhe dawn tlatin ka hria, khatia thinrimna tur engmah a awm lo sin le, ngaihdam pawh ka dil sia.
Tiang hian hrem ka la tawk ngai lo, min hrem hmasa ber Tu a ni. Lawm tur nge thinrim tur pawh ka hre lo e a, mittui a ko tlat.
Ka hmaah Tu emaw ding en tura ka hawichhuak chu professor kha lo ni. Min chík teh e, ni dawn tak, ka mittui a luang, ka hru thuai thuai nghal a.
Professor chet dan chuan lukhum duma min hriatchhuah tir, ka ngai tawh viau bawk, engtikah tak lo lang leh ang maw!
Ka biang dawmin inthiamlo tih hriat tak hian, " Sorry", a ti sup a, a kal nghal nal nal.


Show post links
Top

[Ngaia]

Professor P
Chapter-3
Ziaktu: Cck Lalchhuanawmi

Tu hriat lawk va ni suh hmalam hun hi.
Faka'n a pa leh hmeichhe pakhat restaurant pakhata a hmuh dun thu min hrilh a, chiang tak chuan an inkawp tih hre lo mah se, an awmdan atang inhaw zawk zawk chu an nih loh arin thu a sawi a.
Min ring ngam a, a hrilh hriat hmasa ber ka ni. A rilru a buai ve khawp mai, ka khawngaih reuh lutuk, ka tawn ang hi tawng ve lo turin ka duhpui khawp mai.
Faka erawh chu kei ang lo takin nu leh pa hmangaihna thlazar hnuaiah zalen takin a seilian a, kei ve chu... Ka ngaihtuah zawng ringawt pawh hian ka thinlung hi vih ang maiin a na ngawih ngawih thin.
Kum sawmpasarih ka nih atang veng hla takah hnathawkin zing leh tlaiah ka chhuah thin a ngai a. Khang kum sawmparuk chhung zawnga ka school kalna senso tur pawh ka dilchhuah ngawng ngawng an ngai thin a.
Ka kum rualpuiteah khan hnathawk an awm pawhin ka hre lo, ka hriselna derdep chung pawh khan ka tilui hram hram zel a.
Mahse, khang khan tun thleng hian chhelna min pe zawk a, chakna min petu an ni lawi bawk si.
Ka nu leh pa te inkarah hian eng nge awm ang le? Kei hi ngati nge min hrinchhuah kher? Zawhna hlirin ka khat, a chhang theitu ber te lah an hetih tlat bawk si. Chiang taka ka nu leh pa hmel ka hmuh lohna hi engtia rei nge ni tawh ang... ka hre lo.
" Hmài, i tha em? ", a ding dawt a, a lo hawiphei nghal thuai bawk.
" Aw... Ka tha e", ka nui lui sak a, a har khawp mai.
Dik tak chuan ka tha lo, englai mahin ka tha ngai lo, dam lo reng ka ni a, dam ni reng ka nei lo bawk.
" Hmài, i tha tak tak maw? ", dam diai hian min zawt leh a, a awm ve reng e, zanin chu ka lungchhe thar leh em a ni.
Ka mittui ka hru thuak thuak a, nui lui leh sakin, " Ka pu, ka tha lawm, tlan leh tawh zawk rawh, zan a rei lutuk palh ang e", ka ti a, ka àw chu a làwi tein ka hria.
A chhunga chengte chu eng mi pawh lo ni ila, kan In nge nge chu ka pan leh thin si a nih hi maw! Ka inhumna tura ka neihchhun a ni miau si.

*******
Tunlai chu vanduaina nge harsatna zawk nge a kal tluang khawp mai, mahni tawkah rilru a hah thar duh riau.
Kan professor lah hian rum deuh deuh hian min melh ziah a, a pawi ka sawi awm ka hre ngai si lo.
Min hrem atang eng thawm mah a awm leh tawh lo, nuih pawh ka nui ngam tawh teuh lo, nuih chu sawi loh khík vur vur ringawt pawh ka hlau.
A lecture pek lai pawh hian awmbo daih ka duh, Physics pawh ka haw ngawih ngawih tawh, tunah chuan amah pawh ka haw tel tawh.
Tiang em ema han khirh tak mai chu.
A hrehawm zawk, ama chungchang ka ngaihtuah ringawt pawh hian ka hah.
Chu achhapah Faka lo ni bawk, tunah chuan a mizia, a engkim a inthlak vek tih theih a ni.
A ngawi ngúl tawh a, a hmelah lah a hah tih a hriat ngawih ngawih, amah ber hetia a awm achin, kan class thawm chu bengchheng tha tho thin mah se, a famkim thei tak tak lo.


Khu khu, lukhum duma ni chiang lutuk, amah a ni chiang lutuk.
" Sir sir, pawimawh lutuk ka chhuah lawk ngai", hmanhmawh tak hian ka ti hlawk hlawk a.
" Ngawi teh, i hre thiam lo palh ang, chemistry hi last period ah practical tih nghal a ngai dawn a", a ti muang ban churh a, kei ka hmanhmawh tawh bawk si, a kal liam hman ang tih ka hlau.
" A sir, emergency ", tih leh tlanchhuah ka rual nghal, lo la liam lo hram se .
Kawngpui velah te chuan ka zawng kual a, ka hawi kual ka hawi kual mai, mahse ka hmu miah lo.


Ka hmusual mai mai aniang, keia pawh chuan eng nge ka hriat a hmuh ka chak em em a, khatia ka zawn vak kher ni atthlak lutuk mai.
Tukverh atanga hmu mai kha ka nia, amah ang deuh pawh an ni mai thei a, mahse lukhum duma inthuam thin dan chiah chiah a ni bawk si.
"Angaih", ka hawi phei chu Faka a lo ni, a nui thaw ang lehnghal a.
Lunch break a ni a, kei erawh chu kan college chhunga hmun reh ve deuh, thingkung hnuaia thutna an siamah ka awm daih thin a, hei hi ka seat ve liau liau.
Ka bulah chuan a lo thu ve a, mahse engmah phei chu a sawi lo a ngawi reng thung, ka khawngaih ngawih ngawih.
" Ka nu hi ka chhuahpui daih dawn ami le ka ti deuh a"
" I nu i hrilh tawh ami? "
" Hrilh lo", a thaw hawk a, " Ka pa pawh hi engmah thlenglo ang mai hian a awmdan ngaiin a awm reng bawk si. Ka nu nen an hlim dan ngaiin an hlim reng tho a, ka hrilh ngam thin lo a ni"
" I hmusual zawk te ani lo maw, chutiang chuan ngai tawp la, hahdam deuhin awm tum rawh", ka tihsak a, a awih dawn em phei chu ka hre lo.
" I vannei ngawt mai, i nu leh pate hi an tha ngawt mai", a ti a.
Za vak loin ka nuihsak a. Ka hrilh ve vek zawk dawn mawni le, nge ni a amah hian a hre ve zawk ang aw?
Chutah ka biang tawn tawnah dawmin,"Angaih, veng khatah awmin kan nu leh pa te an inhre tha a, keini pahnih erawh kan inbe lum lam lo e tiraw", ti chungin a thle tawn a thle tawn a.
Keipawh chuan ka biang a dawmna a kut chu ka vuan a, a thlek lohna lam apiangah thle ve sekin, " Faka, veng khatah awm mah ila, kan in a inhlat a, bakah i thiante avang chauhin min lo be thin a", ka nui lui sak a.
" Kha kha chu... ", kan nui hawk hawk a, kan inbiak dan vel chu naupangchhiatthlak reuh lutuk.
Mahse nuam ka ti, pangngai taka kan inbiakna a ni si a.
" Angaih... "
" Ei ahh"
" Innei daih ang hmiang"
Chupa chu, ka nui tawp chiang teh e, ka namsawn dawr a.
Nui hawk hawk chungin, " Fiamthu nih kha, i hmel kha", a ti a, a nui vak vak a.
A hnungah chuan ka chum dat dat a, a tlanchhia chu umin, " Misualpa", tiin kan inum kawi zar zar a, kan nui vak vak pah bawk a, tiang ang hun hi ni reng thei sela.


" Tikhan Practical chu zawh a ni a, ban hun aia hmaah kan zo fel thei a, a lawmawm e. Chuan vawiina lecture pek laia tlanchhuak daih kha awm hnufualin hmanrua ho hi dah fel rawh se, midang chu a haw theih e".
A zahthlak reuh e, ka tlanchhuah chhan lah ka hmu leh lawi bawk si lo.
Faka'n min lo nuih tet tet mai, ka va ngei tak, pawi lo, hnathawhna hmun chu a hun pangngaiah ka thleng tho ang.

Ka zo fel ka bag ka ban chiah tihah kawngka inkhar ri thuai ka hria a, ka phu nghek lehnghal, rang taka ka hawiphei chu professor thar kha a lo ding vang mai.
Mi melh leh nghek tawh, ngati thin nge le, damdawi rui a nei thin mawni le? Ka hlau tan ta khawp mai.
" Sir, practical kan zo tawh a", hlau titih deuh hian ka ti a, practical room hi chhuahsan vat ka duh.
A thuhrimah chemistry ah te eng nge lo tih a tum le, ani te chu physics a ni sia.
" Ka hria", ti hlakin ka lam panin a lo kal a, kei ka lo tawlh hnung hret hret thung.
" Sir, practical tihna hmanrua vel hi dah fel tur in min ti a"
"Ka hria"
Ka chil ka lem khalh a, " Ka zo tawh a", ka ti leh a, muangchangin ka lam panin a lo la kal tho.
Bang ka lo ngheng reng tawh! Eng nge tih a tum ang le, ka ngaihtuahna a vak thui ngang mai. Chutah tlanchhuah thut ka rilruah a lo lang nghal, ka ke te hi an khurin ka hria.

Kan professor nui ngai lo tak hi chu aw... Lalhlimpuia te chu a la ni ta deuh deuh a. Tun atang chuan a hming thar chu Professor Poopypant ni tawh rawh se, nui ri ngai thei lo lutuk . Saw a thluakah sawn hahafazelafalam chhete tal pawh awm lo niang!
Ka nui lui talh dawn mi le. Ka rindan kha a dik dawnin ka hre tlat, kan professor khan eng damdawi emawni chu a ei chiang alawm! Mahse, lo ei ta ang sela, a thinrim tun emaw tih turin a awm lawi bawk si!
Ka theih chhung chu a hlata awm ka duh, hmannia chemistry lab ( lab— laboratory, bung hmasa lamah practical room tiin ka ziak ringawt dik tho mah se) chhunga thil thleng kha ka ngaihtuah zawng ringawt pawhin ka la t(r)im uai uai thei.
Tlar hnung berah ka thu ta bawk a, min hmu chiang thei lo tho bawk a, a lecture pek lai pawhin ka mu ziah tawh ang, ka haw ngawih ngawih.


" Angaih, Tu emaw hmeltha deuh hriat i duh ve em? ", nui thaw chung hian Remi chuan a ti a.
Keiin, " I bialpa ka hrilh dawn", nuih letin ka tihsak a.
" A ho em mai, hmeltha ka tih te chu ka hrilh thin lawm, mahse amahah bak rilru ka pe ngai chuang lo a"
" Ka awih duh ang em aw... "
" A nih chu a, tak takah tukina ka mi hmuh kha a hmeltha reuh tak tak em lawm ", Remi chuan a ti leh a.
" Nangpawhin i hrechiang lutuk", a tih zawm leh, Tu ka hriatchian chu ni dawn ni maw.
" A nih chuan han sawi teh", ka ti let a, a lai nge mawni le, " Khatia awmkual lo khan sawi ta che", ka ti hlak a, ka mi hriatchian teah Tu ber nge Remi'n hmeltha a lo tih chu ka hre chak.
" Aw ka sawi dawn thinawrh", kan han nui leh rih phawt a.
" Tukina college i kal hnu rei vak loah lukhum duma lo kal a", a lo kal maw! a hlim hmel em em lehnghal Remi chu, engtin tak lo inti ang maw.
Hun rei tak hnuah a lo lang leh a, chupawh amah ngai ngawih ngawihtu ni lo zawkin a hmu hmasa lehnghal a. Remi chu ka thik dawnin ka hria.
" Chuan maw chuan maw, coffee ka va pek khan maw ", a la au ta ang lehnghal a, phur hluaina tur a awm mi le.
A thusawi leh chuan min thawng dawt mai, " A lukhum leh mask a phelh a, awi..... a lo hmeltha reuh lutuk a, keipawh ka à zo dawnin ka hria", ka thin a tawt up upin ka hria, lawmte lo lawmpui hi a lo harsa nih dawn hi!
" Chuan maw..... Lawmthu te min hrilh a, a àw pawh pa reuh lutuk, a inthup thei mah mah a ni, i chan ropui khawp mai", a la ti ta deuh deuh, mi elsen deuh nge maw ni le.
Ka va ngei tak, Remi a hnaih theih nan min lo hmang zawk te hi niang a?



Ka inkuangkuah tlat dawn, ka kut a chelh pawh ka phallo, zanin chu ka thinrim, Remi a hnaih theih nana min lo hmang vaih a nih tak tak phei chuan aw...
Tlaia a lo kal pawhin lukhum a khum tlat, a hmel pawh ka hmu ve thei lo, Remi pawhin phur deuhin coffee pawh a pe, zing lamah engtiang takin lo inchhai ang maw?
" Angry??? ", tih pah chuan ka kut a lo vuan a, lo vai per lawpin, " Min khawih suh", ka ti hlak a, ka tah a chhuak rum rum bawk, ka inhrethiam tawh bik lo.
" Why??? ", a ti thum dut.
Keiin, " English ka hrethiam lo", ka ti leh sak. Chuta tang erawh a ngawi leh hmak, ahma pawhin a tawng tam ngai lo hrim hrim bawk a.
Ka pindan kawngkhar nghengin a ding run a, a inkuangkuah tlat ve bawk. " Chhuak rawh, inthlak ka duh a nia", ka la thinrim reng.
A che eih lo, min thlek vung vung ringawt, ka va ngei tak. Dressing table-a inhaler bur ka dah chu la lawkin, " Haw rawh", tih pahin ka vawm chawrh a, nat phahna tur khawp hmanrua chu ni lo maw le.
Khumah chuan ka thu thla chawrh a, ka mittui a hnàm tiam tiam a, ka thinrim chhan tak pawh ka hre lo, Remi thusawi vang kha nge ni a, tuna a awmdan vang zawk hian?
Chutah mi rawn pan hnai a, ka hmaah rawn thingthiin ka hmai a chul heuh heuh a. Mittui tling piau chungin, " Remi i hnaih theih nan chuan kei hi min hmang miah suh, bakah ani te chuan bialpa a nei alawm", ka thusawi mai mai chu.
Mi rawn fawp thut a, a dam duai mai lehnghal, kan professor - in mi fawh dan ka ngaihtuah chhuak lo thei lo, ani fawh erawh kha chu a hrehawm zawk!
" Min hmang lo tiraw", ka zawhna pawh chu, mahse a lu a bu a min hmang lo, ka ngaihtuahna mai mai.
Min fawp leh a keiin ka thiam ang angin ka chhang let ve a, tihian kan inkar a felin ka hria.

" Nuihzatthlak ka sawiin i hria em? ", kan professor tak hi chu aw...
Nizan kan awmdan ngaihtuaha ka nui ver ver lai min rawn hau ringawt, tlar hnung berah ka thu a min hau turin a lo phei ngat ngat, engtin nge ka nui pawh chu mi rawn hmuh theih ni?
" Engvanga nui nge i nih? "
"Professor", Sir pawh ka ti peih tawh lo. Takah a hming thar kha.
" Professor P, nuih hi damdawi tha ber a ni sin", engthu nge maw ka sawi tak ni.
Vin tak hian, " Damdawi tha ber chu damdawi a ni", a hmel atang a thinrim ngawih ngawih tih a hriat.
Mahse, ka nui tawp thei lo, a thusawi kha... Professor P sawi chiah chiah a rawn sawi ve, pum deuh meuhin ka nui a, a mak ve bawk em alawm.


Show post links
Top

[Ngaia]

Professor P
Chapter-4
Ziaktu: Cck Lalchhuanawmi

Pum dawm meuha nui ta chu, thinrim vanga puak keh mai tur hian a awmin ka hria, ka khawngaih letling zawk, ka nuihza tawlh tawlh bawk si.
Classroom atang min chhuah tir leh ta nge nge e. Pawi tawp lo, ka seat ah khan thu vang vang ila ni mai.
Kan professor lo lan atang hian ka awmdan leh mizia inthlak vel hi ka hrethiam lo,ami uap hi na ka la ti reng a, ka lung phu erawh a rang lutuk tawh lem lo.
Lukhum duma pawh, kan inkarah awm awm angin leh fel turin ka dah ve hmiah, ka mi hriatchian vak lo lakah ka intulut chu a ni si a, zaninah chuan a hmel hmuh ka tum hrim hrim tawh ang.
"Angaih, ka pa chungchang kha", Faka'n a tih chuan ka hre chak takzet, hriatchian tumin a chhui ve si a, a lo dik reng em?
" Keimah zawk hi ka lo dik lo a"
Ka va lawmpui tak, a thaw huai tawh ang chu.
"I lawm em? ", nui sang chungin ka zawt a, a hmelah pawh a hlim a ni tih a langchhuak.
" Lawm tehreng ele, hnara hlit phawi ang hluai a ni", a kut phar chhuak takmeuhin a sawi.
" Thil pakhawt ka zawt ang che aw?"
" Aw, min zawt la"
" Kan professor Puia nen hian in inkarah eng nge awm a? ", a mi zawhna ber kher chu.
" Engmah a awm lo e a", ka tih chuan awih loh hmel deuh hian a kiai suk ringawt a.
" Eng emaw tak chu a awm a nih ka ring"
" Engmah a awm lo ka tih chu", han awih ve mai se aw, ka chunga a thiltih te kha ka sawichhuak duh teuh lo mai.
" I hre lo nih kha, ka lo chik ve reng reng lawm. Tlar hnunga i thut atang khan i thutna lamah a hawiphei zeuh zeuh thin lawm"
" I daw reuh mang e"
" A ni lawm, Hriati te lah kha an lawm thei nia, an star bawk sia"
" Vawiin pawh khan a lecture pek kha classroom chhungah a vei tawn sek a, a zawng che a nih ka ring, a hmu ta reng bawk che a, nang lah chuan khatiang khan tham lo hmel tak khan i lo tilet bawk sia", nuih insum tih hriat tak hian Faka chuan a tih zawm a.
A van mak, chutiang a nih ka van ring lo, kan professor chuan engatan mah min ti lo.

Chemistry lab chhung hi ka tih hluah hluah, physics practical teacher a lo attend theih loh avangin chemistry lamah kan tuan leh a, chemistry hi ngati nge maw a luck thei riau.
"Sorry Sir", test tube pakhat ka'n thlauh keh chu va buaithlak tak, lukhum duma ka ngaihtuah vang vek.
Ni hnih a lo lang leh tawh lo, vawiin chu lo lang ve leh tawh hram se, biak theihna tur a number te ka nei bawk si lo.
" He lab hi ka ngaina tan dawn riauin ka hria", chu àw chu Tu nge a nih tih ka hrechiang lutuk, a sawi awmzia pawh mantu ber ka ni mai thei a ni.
" Awle, kan zo leh ta e a haw theih e, professor Puia hian min pui thei hlauh a vawiin chu a lawmawm lutuk e", chhuak nghal vang vang ang.
" Angaih, vawiin chu coffee min khiuriu teh ", min rawn kuah pah chuan Faka chuan a ti a.
" Tehreng mai, lo kal ngei ngei rawh ", ka ti let a, " Mahse khaw'nge i tarmit? ", eng maw! Awi leh, ka lo vuah miah lo, lab chhungah ka theihnghilh a mi le, ka theihnghilh chiang mai!
" Min lo kalpui", ka nuih tlawn a, min la nuih zui.
" Coffee chu ni dangah zawk le", a va chimawm tak, min la kalsan daih zui, a hre khawp ang mawle.
Chemistry lab chhungah keimah chauhin ka awm leh tawh, ka tarmit reng reng ka hmu bawk si lo.
" Hei mi i zawn? ", professor P! a kutah ka tarmit a awm, engtin nge?
" Ka chhar a", a tih zawm leh, ka dahna ka fimkhur loh luat vang vek.
Ka hriat loh karin bang ka lo ngheng leh reng tawh.
" Ka sawi kha, ka ta chauh i ni, chuan he hmui pawh hi ka ta chauh", a tih zawh rualin min fawp leh nghal, a hmasa ang thoin dimna reng a tel lo, a hrehawm ngawih ngawih zawk, ka khabe a dawmna lah a na em em bawk.

" Faka nen engmah kan ti lo, kan titi mai mai alawm", ka insawifiah leh ta, lukhum duma chungchang phei chu hrilh ila chuan hei ai hian a nasat ka ring.
Ka nghawng lam a fawp kual leh dan dan a, chutah ka khabe a dawmna chu la thla lehin ka kawr chhungah a zen lut leh a, a kut pakhatin ka kawng a dawmna ata chu a tinghal leh tan bawk a.
" Professor min kal tir rawh", ka tichhuak tiau a, a hmasa angin a che leh ang tih ka hlau ngawih ngawih.
Hre lo ang hmakin ka kawr chhunga a kut chu a tinghal zual sauh thung a. A hmui lam pawh ka nghawng leh àwm velah te chuan a tinghal leh bawk a.
Chutah ka beng bulah zawi sap hian, " Ka thei lo, ka kal tir thei lo che", a thaw kàwk kàwk a, chutiangin keipawh.
" Khawngaihin", ka ti ve leh a, ka rilru a nut leh tak tak hma hian ka chhuah vat a ngai tun tum chu.
" A nih chuan, tun chu min chhang let rawh", eng nge maw a sawi le?
" Please", a rawn ti leh a, engtin nge ka tih ang? Ka biang a kut pahniha dawm meuhin a hma zawng aia dam duai hian min fawp tha leh a, a rei tawlh tawlh a, ka rilru a nu leh tan dawnin ka hria.
Engtik laiin nge ka lo chhan let ka hre lo!


"Rem, mangtha aw", ka ban chu ka vai lauh lauh a, chutah Tu emaw hi ka su chawrh.
Ka en chu lukhum duma kha lo niin, engkhaw sawi set set loin ka kuah nghal thlawp a, min kuah let ve nghal a, ka ngai tawh lutuk ringawt.
Keimahah inthiamlohna a awm nghal, professor chungchang hi ka hrilh ang em nge hrilh lo ang.
Ka inthiamna pakhat chu ka la thianghlim thung hi a ni, mahse chu chuan ka inthiamlohna a tihreh phah si lo, ka rilru a buai takzet.
Lukhum duma hi chan ka duh bawk si lo, kan professor laka ka awmdan a danglam phah chuang bawk si lo, han hnar tur in ka chak tawk bawk si lo a, chu chu chhuanlam a tling pawhin ka hre lo.
Pakhat zawk zawk lakah hian ka rilru pekna ka thlah a ngai.


Show post links
Top

[Ngaia]

Professor P
Chapter-5
Ziaktu: Cck Lalchhuanawmi

Pakhat zawk zawkah ka rilru pekna ka thlah a ngai!
"Hmai? ", kawngkhar a kik dat dat a, ka hawn dawn lo reng reng, ka rilru a let leh ang tih ka hlau.
Bakah tun angah chauhte han tawng, ka khawngaih rualin ka thin a rim bawk si. A hmel takngial pawh la hmu lo leh, hrechiang mang lo hian ka lo luangliam ve ringawt a, a hming pawh ka la hre lo.
" Hmai", tia min kohna ka hriat hmasak ber leh a tawpna tur a ni tawh si a, a hmate khan min koh thin tur a lawm le, à lutuk mai!
Kawngkhar nghengin ka thu tlat a, a thawm ka ngaichang reng, ka ngaihtuahnaah chuan hun reilote kan hun hman ve lai te kha an lo lang a.
Ka thawk buai lai min pui a, min pawm a inchung lam min panpui lai te, inhaler a zawng buai lai leh hmu lo ang hmaka awma thawk min pe lut lai te chu ka mitthla chuan a chhui rauh rauh a, a va nuihzatthlak tak.
Simeikhu ang maia hun rei tak a rial hnu chauhin a lo lang thin a, ka hmuh hmasak ber atang tun thleng hian a inthuam dan a la ngai reng, mahse ka hriat theih dan ber a ni lawi bawk si.
Ka tan taxi pawh a hire tawp a nia, fee pawh ka pek buai a ngai lo. Engtiang takin nge ka tihnat ang le?
Zanin kha pangngai taka kan awmdunna hmasa ber tur a ni mai thei a ni, a tawpna tur ber pawh. Thu dengkhawng tak ka hrilh leh bawk si, kan professor vang vek.
Amah kha keimahah chuan a hmasa ber a ni, ka fawh hmasak ber leh min ngaihsaktu ka hriat hmasak ber.
Hetiang taka ka tana inhuamtu hi na tak in ka siam chu a ni si a. Ka lung phu hi kan professor vang khan phu rang thinin, amah khan min hip thin tehmeuh mah se, ka chunga lainatna lantirtu hian lantir let chu a phu chiang a ni.
A dik, amah kha ka mamawh tak zawka chu a ni, ka chelh leh a ngai.
Kawngka chu hawngin ka tlanchhuak nghal a, mahse hmuh tur a awm tawh miah lo, a kal tawh a ni ngei ang.
Ka thinlung chuan a au vawng vawng a, chhangtu tur ber lah chu a awm tawh si lo, engtikah tak hmu leh ang maw?
À lutuk mai, Hmai... Hmai ti ringawt lo khan min chelh a duh thu te sawi ve sela, nge kei hi min lém mai mai zawk. Chan hlen tur chuan ka phal lo, kir leh turin ti ta ila a lo duh leh ang em? À intihna, thinrimna leh lungngaihna inpawlh chuan ka thin an titawt up up!


" Ka tha", ka ti zawi sap a, dik tak chuan ka chau ngawih ngawih. Professor P chuan ka chal chu a dek nawn leh a, ka damlo pawh ni si lo ka chal a dek ve ringawt chuan ka nuih a tiza, mahse nui tur takngial pawhin chakna ka nei lo a ni e.
Lukhum duma chuan ka tan taxi a la dah reng, driver chuan a hun dik takah mi rawn hruai thlap thlap zel tho, ti tawh lo tur in driver pawh ka hrilh nasa, " Puin min hau ang", a ti tlat zel.
Ka rilru ka pekna tur ka thlang fel tawh a, chu chu zirna lamah hian a ni. Ka u te nen kan inbe fel vek tawh a, exam a zawh veleh Lunglei lamah ka awm daih ang a, chutah chuan college pawh ka zir zawm ang.
Mahse, min tibuaitu pakhat chu kan professor hi a ni. Nitin hian min ngaihsak zia a tilang thin hi a ni.
Tunah pawh ka dam that leh dam that loh fiah nan ka chal a dek a nia! Lukhum duma nen kan inkar te hi a lo hre ru ve zawk te hi niang.
Hetiang tehnuai ka ngaihtuahna lamah ka chau zo vek, kan classmates te lah hian min chhaih nan tak an hmang thin leh tawh nghal.
Kan professor awmdan pawh hian a zir ve em bawk a ni, kan college pumah a la darh lo mai mai zawk a.


" Kan professor Puia nen in inkarah eng nge awm? ", Hriati te lah hi aw...
" A class ah pawh bengchheng siam ngam ber a ni bawk a", an la nui huah huah zui.
" Tunah pawh hian damdawi lei turin a kal ngei ngei ang"
" I damlo ami, khawmaw ", tih leh ka chal deh chu Hriati chuan a rual nghal a.
Awmdan tur leh chhan dan tur ber pawh ka hre lo, chutia mi rawn zim huai huai tak avang leh ka zam em avang chuan ka thawk a rawn buai ta thut a.
Kan professor chu damdawi eng eng emawni khaiin kan classroom ah chuan a rawn lut thut mai a.
"Hmai", tih leh ka lama rawn tlan chu a rual nghal, lukhum duma min koh danin min ko ve ringawt!
Medical room lamah min pawm phei a, khumah chuan min thuttirin inhaler chu min hip tir nghal vang vang a, midang ho chhuahtir vekin kan pahnih chauhin kan inhmachhawn leh ran mai.
" I tha em? ", ka lu ka buk khum a.
" Engtin nge an tih che? An va ngam zawk ve", a inseh ruh teuh a, a thinrim a ni tih a bek vela thisen zam pawng talh chuan a tichiang hle.
" Nangmah vang vek", ka tichhuak tiau a, mak tih hmel takin min en ho ringawt.
Ka tarmit la thlain ka mitah chiang kel kawlin min en vung vung a, keiin ka mittui kar atang ka en let ve a.
" Nangmah vang vek, engvanga ka chunga tianga awm nge i nih?"
" Ka sawi tawh kha ka ta chauh i ni ka tih kha, chuan bul tan pui che ka duh bawk, ka venghim zel bawk ang che"
"Engvangin? "
" Mipain hmeichhe bula bul tan pui a duh tih a hrilh chuan, a chhan a hriat reng a ni lawm ni", a ti tak tak ami le, a nui miah lo lehnghal.
" Pro... Professor? "
" Min ring rawh", a hmelah chuan ring turin min duh tih a hriat theih.
Engtin nge ka tih ang, ka rilru pekna tur ka siam fel tawh hnuah. Ring ta ila engtin nge ni zel ang?
" Hmai? "
" Ka hua che... ".
" A pawi lo,keiin ka hmangaih thung che", ti supin mi kuah nghal vawng vawng a, Lalhmangaihi hian hmangaih ka nih thu hrilhhriat ka ni tak tak! Ka tah a chhuak em em mai lehnghal.


*** HMANGAIH KAN NI VEK, HMANGAIHNA AVANGA CHHANCHHUAH KAN NI SI A ***


Show post links
Top

[Ngaia]

Professor P
Chapter-6
Ziaktu: Cck Lalchhuanawmi

" Lungleiah chuan kan bulah i lo awm dawn tho em? ", ka u Zualtei chuan a lo ti na na a.
Ka zak ve deuh, kan professor nena kan chungchang ka hrilh ve a, exam zawh veleha an bula awm phei tura kan intihfel vek tawh hnuah tiang thil hi a thleng leh ta si a.
Tunlai chu rei rial hman lo hian thil hi a thleng thut thut mai a, keimah lam hi ka dik lo deuh a nih te ka ring.
" Ka lo awm dawn tho", ka tih chuan awih loh hmel deuhin min nuih a, k'u Thaa pawh lo inrawlh ve vatin," Professor ho hi chu kan zei thei teh a nia aw", a mit a siai zeuh a, k'u Zualtei a lo teu hlar.
" Christmas hmanpui tur pawh a nei ve ta e", k'u Thaa'n min chhaih zawm lehnghal, k'u Zualtei a lo nui tet tet a.
" A hma pawhin hmanpui tur te chu ka nei tho lawm le"
" Khangte chu a dang alawm"
" In bulah ka lo hmang leh tho ang"
" Professor te hi kan thinrim a bawn thei lutuk a nia aw", nitin ka hmachhawn ziah sia.
" Thu lawilo pui pui sawipui tum suh", k'u Zualtei chuan a lo ti hlak a, " I fapa saw va buaipui teh", a tihzawm leh a, k'u Thaa pawh a kal ve mai a, thaibawih reuh nia.
" Video call ah hian ka lang tha ngai lo reng reng", a han in thlek leh te te phawt a, a lawm awm thei nia aw...
" Angaih, puitling i ni tawh a, chutiangin awm la chutiangin awm suh tih che ka tum lo a, mahse puitling mahni tana tha tur leh tha lo tur i thliar thiam tawh a, chuvang chuan kei chuan ka ring tawp mai ang che".
"Awle ka u duhtak".
Ka u hlutna hi ka hre chho tawlh tawlh mai a nih hi, nu leh pa zilhna dawnglo ni mah ila, ka u a awm thung.
" Tun kum chu kan professor ho te nen chuan christmas kan hmang ho ang chu", a nui duh thak lo lehnghal.
" Ka u, min tihzah i tum ami? ", ka ner deuh nang a.
" A lai vel... "
" Ka u"
" Awle a nih, dah tawh ang, lehkha zir tha tho ang che, muttui aw"
" Lutuk tlat, muttui le".


" Ka pu, min lo hruai tawh lo turin ka tih che kha"
" Pu berin min hau dawn asin".
Ngati nge mawni taxi hi a lo la tirh reng le.
Hetiang hi chuan hmalam pan a har dawn lutuk em mai.
" Angaih, tunlai hi i dam tha maw? ", Remi chuan min hmuh rualin a lo ti nghal vat a, ka that thuin ka lo chhang a.
Ka inthlak leh vat vat a, form hi kan nei ve reuh a, inthlak kual vel hi achang chuan ninawm lamah a kal.
College lam pawh a tluang ve zel e, kan professor nena kan inkar min zawttu pawh an awm leh tawh lo.
Min ngaihsakna college ah chuan tilang tawh lo turin ka ti a call leh text hi ni tawh mai, keipawh ka fimkhur zual sawt, tumahin an hriat ka duh hrih lo.
Vawiin chu Hriati ten thutna inthlak an ti leh tlat, mahse tun hi chu a dan a dang, a bialpa nen an intithiamlo deuh ni awm e, a tap pur mai lehnghal a.
Ka ngaihtuah neuh neuh a, kan professor nen hian intihthiamlo tih vel hi kan la nei ve miah lo, ni thum em bak a la liam lo ve em tin bawk a ni!
A lo lut e, a hmel a inthlak zawk, mahse a pangngai leh nghal.
A zam ve deuh nge mawni le, a tawng a bah deuh nuai mai, ka ngaihbel zawk nge a awmdan te saw a lai deuh tlatin ka hria.
Fiam ka chak leh pek tlat, ka tarmit ka la thla a, kan thutna lam a rawn hawi rualin ka mit ka siai khum zeuh.
Tuna a awmdan kha ka duh reuh lutuk, lehkhabu thlauh tep khawpin a phu zuk! Mi melh rum tha leh teh e, mahse tunah chuan engatan mah ka ti tawh lo.
Ka kiu dawhkan chungah nghatin ka biang ka dawm a, ka nui sen sen a, a rawn hawi apiangin ka lo siai khum zeuh zel a, a buai chhe teh thin e.
Ka bula thu ve ten an hria ang tiherawh ka hlau ru khawp mai, a class ah hi chuan an mu deuh thup zel a, ka bul chiaha thu Lucy pawh vawiin chu a tlin ngang lo aniang a dawhkan a bawh ve tun mai.
Kan professor pawh ka fiam zawm zel a, a lo hawi ve thin ziah bawk sia kei ka lo nghal laklawh tawh bawk nen.
" Class is over", a tia a chhuak daih, a tlin ngang tawh lo niang, ka khawngaih tho bawk si ka nuihza tho bawk si, hahthlak hian.
A chhuah hnu rei vak loah message a rawn thleng nghal a, kan professor P hnen atang,
*A let i tuar na khawp ang*
A let tuar nat maw, ka van hrethiamlo.
*Chemistry lab*
Tih a lo thleng lehnghal, ka ngaihtuah rauh rauh nghal a.
Ka phone dawhkan chungah ka thlauh nghal dawr. Ka hrethiam chiah e, ka tihsual ka hre ta chiah bawk, thil tullo lutuk ka lo ti, va pawi tak.
Mahse, vawiinah practical eng subject ah mah a awm lo, ka tlan haw nghal vang vang ang.
Tukverha ka dak mai mai chu lukhum duma ang deuh ka hmu leh! Tukverha ka dak mai mai chu lukhum duma ang deuh ka hmu leh!
Ka ngaihtuahna mai mai nge ni ang a, amah tak tak zawk le, kei hian ka theihnghilh thei miah lo zawk ni ang?
Buai naah te ka innamluh palh takah, professor hi hrilh ve vek ila tha ang. Engtin pawhin lo ngai mah se, pawi lo turah ngai ang.
Chemistry lab ah chuan kal veleh phawt mai ang, practical tih hun pawh ni lo mah se, chahbi office ah an dah vek avangin a duh hun hunah a hawng ve thei tho.
" Ka theihnghilh thei lo a", ka tih zawh rualin bang a hnek nghal chawrh, ka hlau lutuk chu ka beng hup nghalin ka thu thla nghal a.
Pawi lo, tuna hrilh vek hi, nakinah amahin min zawh ai ni mai.


A thinrim tawh em lo ang chu maw!
" Angaih, kawngkaa lo lut mek saw han en ve teh mah", Remin a tih chuan ka en ve nghal vat a lukhum duma a lo ni!
Eng nge a lo tih dawn le?
Ka en tha ngam mang tlatlo, ka hmaa tihtur awm chu ka tih zawm mawlh mawlh a, ka rilru erawh a nuam chuang miah lo bawk, mi kam tun mai.
Remi chu coffee no nen a lo let phei leh a, " Nangmah a kawk leh tawh che", a la ti zui, bo daih ka va chak tak.
Muangchang chuan ka pan phei a, ka tiril a khur hialin ka hria, eng nge ka sawi tak ang, a dam that leh dam that loh thu em ni ka zawh ang.
Coffee chu dawhkan chungah kut khur hlawk hlawk chungin ka dah a, ka thlanfim te a bawl tiam tiamin ka hria, ka kha tichihin a awm tlat, eng thu mah ka sawichhuak thei lo, va hrehawm tak, ka hmaa kut suihin ka dingkhawng reng ringawt.
Chutah mi rawn enin a lukhum a phelh a, keiin mak ti takin ka lo en thung, a mask a phelh leh chiah chuan mi thawng ngang mai!


" Hmai ka tihpalh, khawngaihin kawng lo hawng teh", a kik dat dat a, ka ngaihtuahna a buai vek.
Tinge ka lo àt em em le, lukhum duma kha kan professor hi lo ni rengin!
An pumrua, an àw leh thil dangah inang ka lo ti thin kha ni a, engtin nge mi pakhat an ni tih rin ngaihna te ka lo neih loh le!
" Hmai, please... ", a ti leh a, tunah hian lawm tur nge ka nih thinrim tur?
Chan ka duh lo em em kha mi pakhatah a lo awm vek si a. Atir atangin tha takin intilang ve mai sela tha zawk tur.
Thawm a reh leh vang vang a, ka ngaihtuahna a vai leh ruai mai.
Pawnah chuan ka tlanchhuak leh vat a, ka zawng leh ruai tawh, hmuh tur a awm leh tawh lo.
Keia pawh chuan lo tihtauh khum loh tur ania, kawngpui thleng te chuan ka zawng zel a, chapal pawh ka bun hman lo ka kete an na zo vek tawh.
Nula pumpa chapal bun lo leh tap pur chunga khawlaia kal ta na na na chu min en duh ngang hlawm mai.
Ahma ang thoin a kal leh tak tak ta mile, ka haw lutuk.
Kan in lam pan chuan ka kal leh hna hna a, inchhung ka luha ka thil hmuh avang chuan ka khawng awt!
Professor chu chokaah lo awmin plate ah te chuan eng eng emawni hi a dah a, dining table ah chuan juice hi a lo awm bawk a.
Min hmuh chuan, " Kha, i lo haw tawh maw? Kawngka hawng huauin in i chhuahsan a", amah ka zawn vang a ni reng sia.
" Ei rawng bawl ka tum a, mahse buhfai ka hmu mai lo, chawhmeh siam tur lah a awm mai bawk si lo, fridge pawh a ruak huai mai, chaw i ei ngai lo ami?", engtin nge ka chhan tak ang?
Dining chair chu pawtchhuakin min thuttir a, ka ke te chu a thlek sek a," I tarmit te hi dah fimkhur thin rawh, in kawtah kachhar", ka thlauh a ni ngei ang.
" Rice, chow leh momo, heng ho chiah hi an lo nei tawh a, juice ka lei tel bawk a, zanin chu heng hian inhnawhpuar mai rawh", tih pah chuan ka hmaah a lo dah hnai zel a.
Fian chu ka kutah dahin min chelh tir a,"Ei vat vat la, i ei zawhah intihfai te i ngai dawn a nih kha", a tihzawm leh a, kei erawh ka lungchhiat a zual sauh sauh thung.
Tap chunga thil ei chu a sawt mawh teh e, lem chu sawi loh thial takngial pawh ka thial hleitheilo.
"Good girl", ti supin ka thutna lamah a lo phei a, ei zawh phei chu ka ei zo lo, inchung lamah mi pawm chho nghal a.
" Keiman ka tihfai che i duh awm si lo a, chuvang chuan i lo intihfai chhungin i ei hnawkna ka zu tifai thung ang e".


Ka ke a hmet neuh neuh a, a dam thlup mai lehnghal a, na a awm tawh pawhin ka hre lo, ka thla lah a muang ngawih ngawih bawk.
"Professor", min lo en nghal vat a, ka chanchin ka hrilh ta vek a, ka nu leh pa awmdan te nen lam.
Ka sawi chhung chuan dawhthei takin a lo ngaithla a, min kuah hlun bawk a, achangin ka mittui min hruksak bawk a.
" Le, tap tawh lo la, tunah chuan nui tawh rawh le ", ka mittui hru nuah nuah chung chuan a ti a.
" I nuih ve hma chu ka nui tawh dawn lo"
" I nuih hian ka tan pawn i nui tih hre tel ziah la, chuvang chuan nui ziah ang che", a thusawi chu mak ti takin ka en reng a.
" I thei ang em? "
" Ka tum ang e", nui saihin ka ti a.
Khuma min tlukpui ruah ruah chungin kan hmui a inchuktuah reng a, kan tlukfel hnuin a kut a tinghal leh tan riai riai a, a tak ram thlentir lo tur erawh chuan ka inveng ve ran mai.
Kan hmalam hun chu keia sawi theih a ni hauh lo, kan professor nena kan inlaichinna hian engtik hun thleng nge a daih ang, damchhung tal a daih ve ang em?


Show post links
Top