Mr.Excellent BY Sammy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Mr.Excellent BY Sammy (Completed)

Unread post by Ngaia » October 2nd, 2022, 10:04 pm

pus5afpd.jpg
MR. EXCELLENT
By <> Sammy ♤

Ch~1


Ruth Pov.



"Kan thleng aw, in ti harh la" tiin ka nu chuan ka darah min sawi dat dat a.


Ka mit khap fak fak in pawm lam chu ka hawi chhuak a, kan khua ah, kan inkawt ah ngei kan awm reng tawh.


Ka pa Bolero atang chuan chhuk in ka'n zimar al al a.


Inchhung atangin ka pi leh ka chhang chiah kan naupang ber chu an rawn inzui chhuak ve mek bawk a.


"Lo ang, i pa in rawn keng lut rawh se" tiin ka nu nen chuan in ah kan lut a, Bawihtea chuan min lo lawm chung chung a, "I over" ka lo to hmanhmawh pek chu ka pi in min lo khap.


Kei hi ka tum loh leh inrin hma hauh a thu sawi hrat lutuk hi ka nia, hei vang hian hauh leh school vel a hrem ka tawk nasa bawk.


"Hetah pawh school tha a awm reng a, naktuk lamah Jona-a kan be dawn nia" ka nu chuan a ti nghal sawk sawk a, thutthlenga thut pah chuan ka pheikhawk chu ka phelh a.


"Ni e, Aizawl kher pawh a ngai lo. Hetah pawh results tha tak tak kan nei ve reng tawh a. Hmuh phak ah kal se a thlamuan thlak zawk" ka pi chuan a lo ti ve a, ka nu leh ka pi chuan ka school kal na tur chungchang a ni an sawi ni.


Aizawl lamah eng school emaw berin admission min lo tih sak duh mial mahna tiin ka nu nen kan kal kha a ni a, mahse school pasarih zet ah beidawngin kan haw leh thak chu a ni a, ka pa hman lo chung chung kan inthlah thlak tir lehnghal.


Dam that lohna avangin class 11 final exam kha ka pe thei lo a, chuvang chuan class 11 ka pass ta lo a.


Ka school luhna hmasa ten min promote duh si lo a, ka nu in thiamloh vang pawh ni lo pawl ngaia thut chu a phal lo bur mai bawk si nen school dang luhna tur kan han zawng kha a ni a. Mahse tumah chuan min lo la duh bik lo lehnghal a.


"Ni e, naktuk lamah kan kal dawn nia. Mu zawi suh, thingpui va siam teh" ka nu chuan ka chhing diar diar chu min rawn sawi harh leh a, amah anga harhvâng vek tur emaw hi min tia a hahthlak thin.


Tlaiah Bawihtea chu field a inkhel practice turin ka hruai a, ka nu in ballboot thar a hawn sak vanga inkhel ve duh a la ni chauh zui lehnghal a.


Pavillion ah thu in field a inkhel te chu ka en a, tu amah chu ka hmelhriat em em hlawm lo.


Highschool class 8 ka nih atangin kan khuaah hian ka awm ngai lo a, ka pa leh u te bul Aizawl lamah lehkha zir a ka awm ve daih vang a ni.


Thian ngah ngai lo ka nih hrim hrim bakah ka thian dang te pawh khawdangah te, phai lamah te lehkha zir in an awm bo ve hlawm a, han biak tlangnel emaw kawm vak tur ka nei lem lo.


Ka awmna Pavillion sir, mi inbul ni si a kawr ah chuan ball an rawn pet a, "Khalaia thu kha, ball kha min lo chhar teh" tiin field chhung atang chuan an rawn au a, ball chu chhar sak tumin ka thutna atang chuan ka tho a, "Mami ka ko chhar ang. I intiberh mai ang" tiin mipa pakhat hian min rawn kal pel a, ball chu a zuk chhar a.
"Pet a phurawm tawh lo ve..." tiin ball a tifai a, inkhel ve tur tho anih ka ring a, kawr var lutuk a ha chu ka lo ui pui ve ngawt.


"I fel lutuk tho ania" tiin min rawn nuih a, nuih let nachang pawh hre lo in a kal liam thleng chuan ka en tawp.


A hmel leh a aw inrem lo lutuk nge, a pian len leh a bek sam tuak var pheuh pheuh leh a landan a engkim inrem loh vanga en zui ka nih pawh ka hre lo.


'A nupui leh a fate nih a nuam ngawt ang' tih ka rilru ah a rawn awm nghal a. Achhan chu a pianzia ringawt pawh kha hmeichhe awmnêm tan chuan thlamuanpui tham a ni a, dam dapa a tawng te phei chu a nupui hi amah duh ngawih ngawih avang hian a tuiral zawih zawih thin hian ka ring.


Bawihtea hah zawr hnepa a inkhelh ve hnu chuan kan haw a, kan haw chuan khua a thim dawn tawh.


"Ka inkhel thiam i ti em ?" a tih chuan a thiam thu in ka chhang a.


"Nakinah Jeje-a anga ka puitlin hunah sapram ah ka inkhel ve anga, chuan a nu leh a pi nen kawr mawi deuh deuh ka lei ang che u" a ti a, chhang lem lo chuan ka nuihpui ringawt.


Zanriah kan ei lai chuan ka pa chuan in sak lai chungchang te chu a sawi a, kan luah chhoh theih tep thu te a sawi bawk.


Ka pa hi IRO a ni ve a, Aizawl lama post anih vangin a awm chawt a, a u a len deuh hnuin a awmpui a, tunah chuan ka u chuan B.A zo tawhin zirna a la zawm zel a.


Ka pa hian Aizawlah in hmun leiin in a sa a, pem daih chu duh mah se ka pi hian a duh ve leh tlat thin lo a, tunah pawh ka pi bawkin a hnial leh chat reng a ni.


"Keichu insawn tih vel kha ka duh reng reng lo" a ti nghut a, ka pa pawh a thaw hak.


"Aaa... han sa zo phawt ila. In luah tur duh an tam a, chutiang ang zawng te pawh chuan tihdan a la awm zel mai ang chu" ka nu chuan a lo ti vat a, ka pi pawh chuan engmah a sawi leh ta lem lo.


.................Next day


Ka pa Aizawl chho leh kan thlah hnu in ka nu nen school lamah chuan kan kal a, kan kal hun tak chu short break lai tak anih vangin naupang ho chuan min lo en duh viau mai.


An office ah chuan ka nu nen chuan kan lut tlang purh a, teacher shirt niawm tak in office chhunga awm te chuan shirt in ang an lo ha vek a, mipa vek an la ni zui.


"Pi Mapuii te maw...?" lo ti tu lam chu kan pan a, ka rin loh deuh maiin nimina ball chhar tu khan nui ver ver in min lo chiau au a.


A thutna chu amah dawhkan a ni ngei ang, nameplate ah chuan 'Vice President Jonathan Zairempuia' tih a inziak kalh.


"E hei, nizan lamah ka rawn sawi tawh kha" ka nu chuan a'n ti a, Vice President Jona chuan la nui reng chung in "Aw helamah hian lo kal r'u" tiin office chhunga an pin dan veleh chhawn a chunga 'Principal Cabin' tih inziahna ah chuan min luh pui a, amah chu principal seat ah chuan thu in thutna tur chu min kawh hmuh a.


"Kan principal hi hna thilah a zin lawk a, keiman ka tihsak mai ang che u... T.C in rawn keng tiraw ?" dam dap in a ti leh a.
"Aw keng e...." tiin ka nu chuan a lehkha pawimawh ken ho chu a en tir a, ka addhar ka nu'n a pek chuan a en a, a nui suk.


Ka lang tha em em si lo a a zahthlak duh khawp mai.


"Aw lee... school form lam te hi thui sa a awm si lova a than hian in la mai dawn em ni ?" tiin lehkha ho chu ka nu a pe leh a, min melh zawk a, a nui leh suk.


"Ni mai rawh se. Engtik atangin nge a rawn kal theih ang? Form thui zawh hunah chuan nge..." ka nu in a tih lai chuan "Ni lo e,,,,,, harsatna a awm loh chuan naktuk atangin a ni mai a, form kha chu thui zawh hun hun ah a ni mai. I duh chuan vawiin atangin i kal nghal thei ania aw" tiin min rawn en a, a nui leh sen sen. A nui zel bawk sia nuih let loh chi pawh a ni lo.


"Ni e, vawiin atangin tan mai rawh se. Harsatna a awm lo" ka nu chuan a ti sawk sawk a, Vice Principal chu nui hawk hawk in "Class zawm nghal chu i duh em? Lehkha kan la zir tak tak lo a, thian siamna a ni nghal mai a" min zawt a, nui tha chung in "Nia, a pawi lo ang" ka ti let ve ta tawp.


Kan inzui chhuak a, ka nu chu staff pakhat chuan lo buaipui in Vice Principal nen chuan kan inzui chhuak a, hma hruaiin a hnungah ka zui pen ve det det.


Kan class tur kan luh chuan dar a rawn ri zawm zat a, naupang an rawn lut khawn tak tak.


"Le, thusawi lo ngaithla lawk u la. Classmate thar kan nei dawn a, hmeichhia in pung leh dawn aw" a tih chuan an 'aw' dual a, hmeichhe paruk vel lo thu ve lam chu ka hawi a, hmeichhia kan thahnem vak dawn lo tih ka hre mai.


"Tha takin awm ula, mi lo rel pui ringawt tum lo ula" a tih leh chuan an thum huk a, ka dara rawn vuan in "Saw Lory bulah sawn va thu mai rawh aw" a ti a, ka lu bu nghatin thutna hmasa ber awl ah chuan ka thu a, Vice Principal pawh chu a chhuak nghal.


"Tunge i hming ?" Loryi tih chuan min zawt a, kan hnung thute pawh chuan ngaichang niawm takin an lo ngaithla ver kar.


"Ruth Lalruattluangi" ka tih chuan "Awii Sir Jona bialnu hlui nen in hming in ang teuh lutuk" kan hnunga thu pakhat chuan a lo ti a, "Engtin nge an koh thin che ?" Pakhat chuan a rawn ti ve leh a.


"Ruth emaw Tluangi min ti mai zel. Engtin pawn ka koh ei theih vek" tiin ka nuih a.


"Keichu Puipuii ka nia, kbulaa thu hi Mimi chuan i bula thu kha Lory" a ti a, an hnunga thu hmeichhe dang te lam chu hawithla in a hma lamah chuan a rawn awm hnai deuh a, zawite hian "Ka zawna thu khu Nancy ania, a bula thu chu Carolyni ni thung. Mahse anni chu biak loh kha a him ber" a tih chuan ka hawi thla ve a, Carolyni rawn hawi ve lai tak a ni nen chiang zetin kan inmelh a, rang lutuk in ka thu ngil nghal.


Vice Principal chu rawn lut in note pakhat leh pen hi "Thil chhinchhiah ngai chhinchhiah ve la aw" tiin min pe a, teacher chair ah thu thla ve nghalin eng eng emaw a sawi nghal mawlh mawlh. Loryi chuan "awiii, nakinah note inthleng ang aw" a ti a, Mimii chuan "i zak lo aw, Ruth inthlengpui miah suh. Sir Jona ta anih vang anih kha" a rawn ti ve a.


"Tinge? Vice Principal saw i star chiang" ka tih chu Loryi chuan "Kan school hmeichhia zawng zawng in kan star vek. I vawikhat hmuhna atang khan i star ve nghal lo mi ?" a tih chuan "A that vak na pawh ka hre lo...." ka sawi zawh rual deuhthaw in Mimii chuan "Tingeee? A that em saww.... mizo mipa ka hmuh tawh ah ani ai perfect an awm lo" uar fahran hian a ti a, Vice Principal chu a thu hnai si a, Mimii thusawi chu a hriat phak ka ring hial mai.


"Keichu nupui nei se ka ti.." Lory in a tih chuan "I ti rapthlak ka thi thei mai anggg" a lo ti veleh a, "Nupui a la nei lo maw !?" ka lo ti vat.


Min rawn chhan hma chuan Vice Principal phone chu a rawn ri a, a lam hawi chuan kan thu ngil nghal thap. A en a, a pawimawh viau aniang "Excuse..." tiin a la a, pawn lam a chhuak zui.


"Nei lo... Amah hi uiawm tawp. Nupui neih loh tawp a tum ania..." Puipuii chuan min rawn chhang a, "Nia, Malsawmtluangi nen khan inneih se. Amah anga hmeltha dang hi rawn piang leh se..." Mimii chuan lo ti. An star dan hi star dan satliah pawh a ang lo.


Sir Jona chanchin an sawi chu ka lo ngaithla ve char char a, Mr.Soft an tih chuan a inhmeh ka ti ve nghal ngawt.


Ka la hriatchian loh vang nge nimin a ball a chhar laia min biak dan leh a tawngkam zawng zawng nen, vawiina min lo biak dan te nen phei chuan a awm ngawih ngawih mai.
An thusawi ka ngaihthlak reng lai chuan Vice Principal chu a rawn dak a, min rawn ko.


Ka chhuak a, office lamah kan inzui leh a, reciep min pe in "I nu kha ka pek theihngilh daih a, kawl that ve hrim hrim tur. I ti bo hman lo ang tiraw ?" a ti a, a nui leh tawh.


"Aw ti bo lo ang" ka ti tha ve mai a, class lam kan pan leh.


Kan kal lai chuan dar a rawn ri a, class kan luh chuan a teacher note chu la in "Chawhnu lamah kan en zawm ang aw. Ok thank you class" tiin a chhuak zui a, "Enge a sawi ?" Lory in a rawn ti hmasa leh ber.


"Hei receipt min pe" tiin ka hmuh a, "Khawimaw a ma hming a sign a mi ?" tiin Puipuii chuan a en a, Vice Principal sign a hmuh chuan "Awii a telve na hi a mawi mek" tiin min pe leh a, Teacher dang a rawn lut leh a, mipa tho a la ni.


Mahse Vice Principal ang lo takin a dang a nal tha khawp mai.



A tawng zar zar a, zirlai bu ami behchhana thildang sawi a thiam bawk a, a class chu nuihna tur a tam.


Nikhatna chu engtin tin emaw ka tling tla ve thei mai a, ka rin dan chiahin teacher te chu mipa vek an ni.


Mahse an fel hlawm viau in ka hria a, hrawn an hreawm hmel zawk zawk hlawm lo.


Ka thian thar te nen chuan nui awr awr in kan haw a, an thawveng lutuk leh nuih duh lutuk chu mize zawiawi ho chi tan chuan an bula awm a hahthlak viau anga mahse kei a lo harh ve thin tho tan chuan a pangngai tho.


Lory nen chuan kan veng a in ang a, kan pahnih chuan kan kal a, "Sir Jona te in nen kan inhnaih tawp. Zanah te hian ka lehkha zir leh zir loh hi rawn en thin a, peih lo chung chung ten ka zir thin" a tih chuan ka nuih a, "Star viau mah la in awmhnaih lutuk chu a nuam vak lo a ni maw" ka tih chuan "Nuam tho mahse a nin...." a sawi lai chuan kan bulah Vice Principal chu a Bullet leh nen kan zawnah a rawn ding a, "Ka lo phur haw ang cheu chu" a ti a, a pian, hmel leh Bullet chu in rem viau mah se a âw a dam lutuk chu a inrem lo lek lek.


#Comment theuh i tum ang aw, chuan ads click kha theihngilh lo bawk i la 👻


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:04 pm

MR.EXCELLENT
By <> Sammy ♤


Ch ~ 2



"Aih a ngai lo Sir..." Loryi chuan a ti vat a, "In lo chuang duh lo tak tak maw? In pahnih kha chuan in leng val val" tiin seat hnung chu a melh zauh a, "Aih... kalna tur kan la nei a" Loryi chuan a ti a, ka nak ah a rawn sik vak.


"Anih chuan in kalna turah chuan rei su aw, hmeichhia innih kha" tiin a nui a, a tlan nghal mai bawk.


A tlan liam hnu chuan Lory hian thaw hak in "Heiha 'i pian a hma kei ka tlai si' tih zawng zawng hi kan ni zo a. A Bullet khalh inhmeh dan kha, hman nia an launch thar kha anih kha" tiin kan kal zawm a.


"An hausa mi ?" ka tih chuan a lu bu nghat nghat in "Aw, a pa pension hlawh an lak bakah an unauin hna an nei vek a, a farnu te chu rampawnah an awm. Pawisa an rawn thawn reng bakah mahni thawhchhuah nei vek an nia, duh duh nei thei tur chu ania lawm" a ti a, ka lu ka bu nghat nghat.


Khawvel hi chu ava han mak tak, a then in nitin eichawp zawng tak meuh meuh in khawlthat pawh nei thei lo in harsa leh chhumchhia in an awm a ni a, a then te lah duh duh nei thei khawpa sum ngah an ni veleh bawk a, chuti chungin duhamna in an la khat cheu a. Tu atan mah khawvel hi chu a fair ngai dawn lo anih hi.


Kan in a hnaih zawk a, kan in kan thlen dawn hnaih chuan Loryi chuan "Lehkhabu vel i lei tawh em ?" tiin min zawt a, "La lei lo, hetah lei tur a awm angem ?" tiin ka zawt let zat.


"Awm e, ka leipui ang che. Ka va inthlak ve anga ka rawn sawm ang che" a ti a, kan in zawn chu kan thleng a ni mai.


"Imm... ka lo nghak dawn che nia" tiin kan inah ka luhkawi san a, in ka luh rual chuan sitting room a ka pi lo thu chuan "A nuam em school chu ?" a lo ti nghal var a, thutthleng a thut thlal ve hnawk pah chuan "Nuam a ni mai. Ka thutpui te an fel a. Khawnge ka nu hi, Lory in lehkhabu min leipui dawn a" ka ti zawm zat.


"Puan pho a seng lawk anih kha. Loryi chu Pu Hmuaka fanu kha em ni ?" tiin zawhna min zawt let a, "Ka hre lo, vawiinah school ah kan inhre ve chauh alawm" ka ti tha veleh mai bawk.


"In lo bang tawh maw, i form tur puanthân kha i USawmtei te dawrah ka dah a, nakinah va intehtir mai rawh" ka nu chuan a thawmhnaw seng rawn pawm bawr lut tun in a rawn ti a.


"Lory in lehkhabu min leipui dawn a, kan kal nghal mai ang" ka ti a, ka thutna bula a thawmhnaw rawn dahah chuan ka thawmhnaw ka thliar zawm nghal.


"I nau thawmhnaw pawh kha thliar la thlep vek rawh" tiin chokaah a lut a, "Ka nu chu vawk vun kan te hi ka duh i tia, i ei leh bawk si lo. Bei ah hian ka thlak mai ang" a rawn ti lung lung a, keiin thawmhnaw chu ka thliar malh malh.


Loryi chu thawmhnaw ka thleh fel hma deuh chuan a rawn thleng a, ka thawmhnaw thleh chu min rawn thlehpui sawk sawk.


"Lallory hi chu a fel ania, i thianny hi chu tawngduh viau mah se ze zawiawi chu a ni lawi a, i lo kawm ve char char dawn nia" ka pi chuan a ti a, " 'Lal' a tel ziah lo Api Ram" Loryi chuan nui chungin a ti a, "Aw ka mangnghilh leh thin..." ka pi chuan a ti fan raih.


"Lehkhabu chu in va lei dawn maw. Engzat nge ngai ang ?" Ka nu chuan choka atanga rawn chhuah pah chuan a ti a.


"Ka hre lo, mahse a to ve phian ang" ka tih chuan "Kha hei va keng phawt ula, a daih loh leh in rawn ba then anga nakinah kan pe leh mai dawn nia" tiin ka nu chuan pawisa min pe a, ban vatin Lory nen chuan kan inzui chhuak nghal.


"USawmtei dawrah intehtir ka ngai nghal a" ka tih chuan "Ka kalpui nghal ang che, kan leina tur nen an veng in ang lawm" Loryi chuan a ti a, eng eng emaw sawiin Lehkhabu zawhna veng lam chu kan pan a.


USawmtei dawrah kal hmasa in ka inteh fel tir vek a, chumi hnuah lehkhabu dawr lamah kan kal leh.


Dawr kan thlen chuan dawr nghaktu leh Loryi chu tlangnel deuhin an inbia a, an i hriatthat hmel viau.


Lory in lehkhabu chungchang a zawh chuan "In zirlai bu kha chu school hminga kan chah kha ania, in Sir Jona-a khan a la phei vek tawh" a ti a, "In ah a kawl ang, amah hmuh na chance a ni mai a va kal r'u" mi chhaih niawm tak a meng kual rulh rulh chungin a ti leh a, Loryi chuan "I chhe mai e a, kan va kal ange" a ti a, kan veng lam kan pan leh.


"I star tih a hria nimaw ?" ka tih chuan "Amah pawn kan star tih a inhria lawm" a ti a, a nui huah huah.


"Heivang hi lawm ka duh zual em em a, a chhelo tih te hi a inhre ve vek a. Kan star zia phei chu hre lutuk. Hmanniah pawh 'fb lama mi stalk te hi chin loh tur' fiamthu ti tak deuhin a ti a, a induh thiam ve lutuk" a ti a, "Eee..... phone i nei tiraw? Khawi i number." tiin a phone a rawn lek chhuak nghal a, ka number chi ka hrilh tha mai bawk a.


Vice Principal Jona te in kan thlen chuan Vice Principal inkhel chhuak tir niawm tak nen chuan kan intawk chiah a, nimin ka hmuh ang chiah in kawr var bawk a ha a, a nui leh sun sun tawh.


"Eng ni ta a..?" a ti var a, "Lehkhabu rawn en kan tum a Sir" Loryi chuan a ti vat.


"Ee anih chu mawle aw. Ruth i ta tur em ni ?" a tih chuan "Imm....." ka lo ti vat.


"Lo lut rawh u, school ah ka dah ang ka tia, ka lo mangnghilh leh thin a" a ti niah niah a, an in ah chuan kan inzui lut.


Midang an awm ve lo nge a reh thuap a, "Lo thu rawh u, ka va la nge" tiin room ah a lut a, side table a an thlalak dah chu ka en a, thlalak ami hi an chhungkaw member zat anih chuan chhungkaw rual ve tak chu anni ngei ang. Mipa pathum leh hmeichhe pali ngawt an ni.


Chhungkaw rual tak chu anni ve ngei anga, unau mipa pahnih leh hmeichhe pali ngawt.


Room atang chuan Vice Principal chu lehkhabu pawm chungin a rawn chhuak a, a hnungah chuan keimah ang rual vel anih loh chuan a upa hret ang tih tur hian a rawn zui ve bawk.


"Lehkhabu hi a kim tawh chiah lo a, mahse lei a buaithlak loh ania. Aizawl ka kal leh tep a, ka rawn hawn ang che" tiin lehkhabu awm ho chu min hmuh a, "Pol.sc leh Edu ala kim lo a, mahse a hmanhmawhthlak loh aw" a ti a, a man te sawifel in ken nachang kan hriat miah lo lehkhabu ah na tur bag te chu min han zawn sak leh ang phawt a. A pa lian ve ang reng sia, a che a dam em em bawk si. A che vel zawng zawng chuan nuih a ti za tep.


Loryi chuan "Kan van tibuai che ve Sir..." a'n ti a, "Buai lo e, in pawimawh ber alawm" Vice principal chuan nui chung in a ti leh a, ka pathum chuan kan inzui chhuak.


Kan inzui zel a, Loryi chuan an inkelh chungchang vel te chu a zawt a. Vice principal chuan "Eee, kan sport hunah chuan nangni pawh in tel ve anga, a au nasa sa ah te in tang ang chu maw le..." a ti a, field peng kan thlen chuan "Lehkha zir tha u la, leng mai mai su" a ti a, kan inpensan nghal.


"Kha kha an in tak tak ami ?" Vice Principal kal liam rual deuhthaw chuan Loryi chu ka zawt a.
"Aw ni e...." a tih chuan "An hausak hmel ka tia, mahse ka rin aiin..." ka sawi zawh hma in "An in a changtlung lo i ti nimaw ?" a rawn ti a, "Aw" ka lo ti vat.


"Sir Jona pa hi a boral tawh a, an sawi dan chuan tuna an in hi Sir Jona-a pa sak kha ania, a sak na ala rei loh bakah Sir Jona hian 'ka pa sulhnu ania, tihthat mai a uiawm' a ti a, Sir Jona-an nupui aneih hunah chauh an sak that ka ring, heiha" a'n ti zui a.


Kan ngawi dun ta rauh rauh.


Nu leh pa hmangaih thiam deuh chu a ni phawt anga, nge a pa boral tawh vanga ngaihsak anih ka hre lo.


"Ee.. Vawiina Puipui in be tam vak suh atih te kha tute nge ?" tiin ka zawt leh a, thil ka chik vang pawh a ni lo, ngawi reng thiam lo mahse sawi tur hre lo deuh ka nih vang ania thil chîk niawm fahran a zawhna ka zawh zawh ni.


"Nancy leh Carolyni kha maw..." a tih chuan ka lu ka lo bu nghat nghat.


"Aaa han biak ngam loh tur a awm lo, keini aia an upat leh an hriatchian vak loh vang hian an hlau ve ringawt a, an hmel a lo nelawm lo ve bawk sia" a ti a, "Kum engzat nge i nih tawh ?" tiin ka zawt lehnghal.


"Tum kumah 18, Puipuii te nen kan kum a in ang vek. Nang ?" tiin min zawt let a, "Keichu January thla khan 19 ka tling a" ka ti a, "A ni maw.... nang chu Sir Jona pawn a fa rual ang in a en lo ve deuh ang che" a tih chuan enge a sawi awmzia ka zawt a " 'Ka fate rual in nia' a tia, counselling class kar khatah vawihnih kan nei thin. Thahnem hi min ngaih pui sia, keinin thahnemngaihna chang kan hre ve si lova, hmeltha viau mahse thiam tur min pe hnem thei si. Hmeltha nunrawnga anih chang a tam khawp mai" tiin a nui zui hak hak a, kan Vice principal hming ngah ka ti deuh tawh mai.


In kan thlen chuan khua a tlai tawh bawkw nen a lo lut kawi duh lo a, min kalpui avangin lawmthu ka hrilh mawlh mawlh.


"WhatsApp ah ka rawn text ang che" tiin kan inthlah a, inah ka luh chuan rei pawh ka thut hma in ka nu in "I lo haw tawh maw, intifai zung zung la chaw ei ang u" tiin min rawn tur et et a, "Ka la ei peih lo" ka tih chuan "A rual lo a chaw ei angai lo, in dah fel vat rawh" a ti leh bur.



Thil hun bi a, ei loh leh chaw ei loh mai mai te ka nu hian a phal thak lo a, thil a hun tak taka ka eih loh chuan a pumpui a tha lo anga, ka hmai a bawl vak tur thu a sawi a, hmai bawl ka hlauh em avangin peih lo chung pawn ka ei leh nge nge zel.


Intifelfai sawk sawk in chaw te chu kan ei a, ka nu hnenah lehkhabu kim lo chung chang te sawiin Vice Principal in Aizawl a kal huna min rawn hawn tur thu te ka sawi a. Mahse ka nu mi khirh bawk chuan "A ngai kher kher lo, i pa te kan inthawnthlak tir dawn nia" a ti a, ka chhang zui tawh lo.


Chaw ei hmun ka tihfel a, thleng te ka sil zawh vek hnu chuan room ah ka lut nghal a, ka phone charge chu ka phawiin Data ka on a, group message vel rawn thlen buai chhung chu ka lehkhabu vel chu ka lo en.


History la hrim hrim kha ka ni a, mahse combination dang ka lo hre hauh lo a. Pol.sc leh Edu chu a ni mai a, mahse chupawh Aizawla lei chawp ngai a la ni chauh.


Ka phone chu ka en a, WhatsApp ka lut nghal.


Number lawng atangin "Lory lo save ve rawh aw" tih message hi a lo awm a, Lory number chu save in group thar lo awm chu ka en a. 'Min lo save ve rawh' tiin Mimii leh Puipuii chuan an rawn insawi na a awm bawk a, mahse hei chu school group anih loh hmel viau. Group name atan chuan *Mr.Handsome* tiin an dah a, ka nui hak. Vice Principal-a group a ni tih ka hre nghal a, hetiang em em a, an han vei mai chu aw ka ti.


Group dangah chuan ka lut leh a, hei chu school group a ni tawh.


"Sir Jona number kha save ve rawh" group ah Puipuii chuan a rawn ti a, "A ngai kher ami ?" ka tih chuan "Aw" an rawn ti thup a, Vice Principal number chu an rawn drop nghal.


Neih ve hrim hrimah tiin ka save a, group ah chuan eng eng emaw sawiin kan rak a, an mi biak dan leh ka biak danah chuan vawiina inhre chauh hi kan ang lo hle. Hmeichhe na na na hi chu khawi hmunah pawh han awm ila, thian siam hi chu han awlsam tlangpui zel nimai hian ka hria.


Lehkha ka zir chuang lo tiin dar 9 a pelh deuh chuan mut ka tum a, sts ka up leh te te a, group ah eng emaw ka sawi leh phawt bawk a.


Ka phone ka dah dawn tak takah chuan ka sts view tu te chu ka en a. Awiiii... Vice Principal Jona-an a rawn view hmasa ber.



#aw story ka dah dan tur hi sawi chiang lawk i la. Zanah lehkha ka zir duham deuh thin avangin dar 9, dar 10 te ka thleng thin a. Zing lam ka thawh hma leh tho thin avangin zan lamah aiin zingtin ti ta zawk ila, in tan nghah thlawn tih vel a awm lo anga, a zia viau ang ka ring 🐶

Chuan comment leh ads click kha aw 🥂


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:05 pm

MR. EXCELLENT
By ~ Sammy♤


Ch ~ 3


Ka phone ka dah dawn tak takah chuan ka sts view tu te chu ka en a. Awiiii... Vice Principal Jona-an a rawn view hmasa ber.


Rang lutuk WhatsApp atang chuan ka out nghal a, group min add tu anih vangin ka number a save ve hrim hrim chu tur chu chiang sa a ni a, enge maw status ka neih khât tehreng nen. Ka neih ve chhunah, chupawh hmangaihna chungchang sawi na video ah lehnghal. A zahthlak hle mai.


Data off in WhatsApp ah chuan ka lut leh a, ka status chu delete ka tum a, data on lo chuan lo theih bik awzawng lo mai.


"A ho emai, hmangaihna thu leh hmangaihna te chu keini tleirawl leh rawlthar te sawi tur leh ngaihtuah ve tur a ni tho alawm le" ti chungin ka out leh a, mu turin ka inkhuh tha sat sat a, tawngtaiin ka mu nghal mai a.


...................


Zing hma lutukah lehkha zir turin ka nu'n min kaitho a, tho chhuak chuang lo a khuma ke leng vak pah in "A la hma em hi, bakah thiam tur ka nei lo" ka ti a, "Rawn tho hrim hrim rawh, zing thawh hma a boruak thianghlim dawn te hi hmelthatna anih hi. I hmai pawh a bawl lo ang" a ti a, peih lo zet chuan ka tho chhuak veleh ta tho.


Thingpui in tura chokaa ka lut chu ka nu leh Bawihte an thingpui an lo in a, ka pi erawh a la mu a ni maithei.


"Kalna tur in nei mi ?" running shoe nen an nih deuhthlap avang chuan ka zawt a.


"Ee lo kal ve tak la a tha ang. Han insiam rawh, veng hnaiah hian excer i la mai mai teh ang u" ka nu chuan a ti a, ka mu leh thei dawn e ti rilru chunga ka lawm rukna chu ka nu'n "Peih lo mah la i kal dawn tho ania. Han insiam rawh, i pi chu a lo kal peih dawn chuang lo a mu rih rawh se" a tih chuan a bo nghal vek.


"Va inthlak zung zung rawh" a tih chuan "Hak tur pawh ka nei hleinem" tiin tan ka khawh leh a, mahse ka nu chuan "Ka hak lai ang hi a dang ka la nei alawm, i ha mai dawn nia" a ti leh a, engtikawng pawn ka kal ve dawn tho tho tih ka hriat avangin "Ka nei ka nei, mut a nuam zawk tho tho maw le" tiin room lam panin ka inthlak a, kan nufa thum chuan kan inzuichhuak ta tham tham a.


"Dar 6 ah pawh thawh an la harsat hlawm hle mai, a hma vak tawh lo tehlul nen" a la reh deuh vang chuan nge ka nu chuan a ti a, "Dar 6 te chu la hma lawm. Nang ang in an harhvang vek hleinem" ka lo ti a, min chhang tawh lo in a kal ngawi reng.


Tlan ni chuang si lo in zawi muanga kal in field lam kan pan a, mahse field ah chuan zing inkhel tur ho an lo awm thap hlawm tawh.


A rem laiah chuan insawizawi kual in kan ding ve a, ka nu leh Bawihte an zik mar a, an eu kual vel lai chuan kawng dawm at in ka ding kak teu a, inkhel ho chu ka en daih.


"Kan tih ang hian ti ve rawh" ka nu'n a rawn tih chuan ka ban chu ka'n phar kual ve vel a, "A ninawm e, haw tawh ang u" ka ti a, hriselna atan tha tho mah se a ninawm hi ka ti.


"Ti ve mai mai rawh" a tih chuan peih lo deuhin ka ti ve zel a. Chutia midang ngaihsak lo a kan awm lai chuan "Ee... John-a chu anu nen excer in la ni maw ?" ka hnung atang chuan a rawn ri a, chiang takin Vice Principal Jona-a a ni tih ka hre nghal.


Thawmah a rawn pen hnai zel tih a hriat theih a, a rawn kal hnai telh telh a, a hmel hmu thei lo turin ka inher ve telh telh.


Kan bul a rawn thlen chuan amah hnungchhawn zawngin ka awm leh chiah chiah a, an thusawi hre lo leh ngai pawimawh ang lo chuan ka phar kuak vel a.


"Zinga hetia tih hi atha ania. U Mapuii pawh i hmeltha leh sawt dawn" a ti a, a nui hawk hawk.


Awiii!!... Ka nu tun kumah kum 41 a tling dawn a, a la û rual chauh ania. A va han upa tawh awm tak.


"I bulah awm hi a zahthlak thin, naupang han chhawnchhaih tur i mamawh ve tawh nupui nei ve tawh rawh" ka nu chuan nel takin a lo ti a. Vice Principal chu nui leh hawk hawk in "Hei thenawmah nau in tam a neih neih angai hleinem, tiraw Johnte?" a ti a, Bawihtea lah chuan "Immp" a lo ti ve bawk a, ka nu chu za hmel deuhin a nui hak hak a, mahse a za lo tih chu a hriat lutuk.


"Tak tak a, Ruth-i hian excer la ve ang u a tia, kan rawn inzui chhuak ve anih hi Kan tihdan te hi a dik ngut dawn emaw ni...?" ka nu in a tih lai chuan ka mit ka lo meng vel a, ka lo ner sak bawk.


"I tihdan khan a dik loh anih kha, ka lo zirtir dawn che em ni ?" a ti a, keimah min bia nge ka nu te a bia pawh ka hre lo. Ka phar kual dan ngai chuan ka phar kual ve mawp mawp.


"Han ti la, kan lo ti ve zel ang. I rawn kal ve hlauh chu a zia e" ka nu chuan a ti leh a, an awmdan vel hmu tur hrim hrim chuan ka lehhawi a, an pathum chuan keimah min lo en chu ni in.


"Tinge min en a ?" lai ang reng tak chuan ka ti a.


"Hei in Sir Jona an tihdan min hrilh dawn, ding tha la lo ti ve rawh" ka nu chuan a ti a, an lam hawia inher tha in Vice Principal Jona chu ka en zeuh a, "Morning Sir" ka'n ti tlaikhawhnu kual vel a, "Morning, Morning" tiin a nui suk tho.


"Ka tihdan hian lo ti ve zel ula" tiin taksa sawizawi dan pangngai chuan a ti a, kan nufa chuan kan lo zir ve zel bawk.


Dar 7 leh chanve vel in kan haw rual a, Vice Principal Jona leh ka nu chuan eng eng emaw an sawi a, Bawihtea nen chuan an hma deuhah ka kal thung.


"Anih ka pensan ang che u. Chaw ei tui u" Sir Jona tih ri chu ka hria a, "Nangpawh chaw ei tui le" tiin ka nu in a chhawn ve zat bawk.


In kan thlen chuan tui ka inkhawlh khawlh a, ka nu rawn lut chuan "I intihfai hma in chaw chhum kha han siam teh" a ti a, "Ninawm" ti sep mah ila awmzia awm lo. Ka nu chuan a lo hre pha kher lehnghal a "Nula i ni tawh, inchhung chet, rawngbawl te hi peih loh reng reng loh tur. Nakinah ngaiah i nei anga, i thatchhe zo mai ang. Pasal engpawh i nei thei, reithei te pawh in awm thei a, chuvangin phun phun te kha thatchhiatna hmawr ania, phun tawh suh" min ti nek.


Chaw chhum siamin room ah ka lut a, ka thawmhnaw te chu hlip in darthlalangah chuan ka in en a.


Pian mawi tak chu ka nei hauh lo a, mahse thawmhnaw inhmeh ve zel tawk chuan a mawi ve tho. Chuan cher lam ai maha chum lam ka pawl hi vanneih ka inti hle bawk.


Intihfai zawhah school turin ka insiam nghal a, inpeih vek a ka chhuah chuan ka nu pawhin chaw ei a lo peih diam tawh.


"I pi kha rawn ko la chaw ei ang u" ka nu chuan a ti a, ka pi chu ko in chaw chu kan ei nghal.


Kan ei laiin Loryi a rawn kal a, ei kham vatin ka ha ka nawt a, kan chhuak zui nghal.


"Taka, tiffin ka keng lo" tiin ka tlan let leh a, tiffin ka theihngilh tih ka nu'n a hriat chuan "Phe vut vut ma ta che, i lehkhabu te i keng kim em ?" a lo ti a, ka lu bu nghat in ka tlan chhuak lehnghal.


School lam pan chuan kan kal a, Puipuii te veng penna ah chuan Puipuii leh Mimi in min lo nghak a, kan pali chuan school kan pan in kan kal a.


"Keichu Pol.sc kha ka thiam lo" Mimi in a tih chuan "Keichu ka thiam" Lory in a lo ti a, "Thiam bik a ngai lo. Min zawh hunah ka thiam lo ti ang u, Ruth i thiam em nang ?" tiin min zawt zawm a.


"Aih, enge zir tur pawh ka hre hleinem" ka lo ti ha. Niminah khan lo thiam rawh u tih a nei si lo a, bakah lo nei pawh nise a bu ka nei lo hrim hrim a, thiam ngaihna a awm lo.


"Chu, duh leh Nancy leh Carolyni te kha chuan thiam mai mai se, mipa ho pawn an thiam dawn lo tih ka hria lawk thei" Puipuii chuan a ti leh a, "Nia, nimai. Nizanah dar 10 velah group ah khan rawn sawi leh chauh a, tlai khawhnuah ka zir alawm" Loryi chuan a ti a, homework vel ngai pawimawh leh lehkha zir taima tak a ni in ka hre nghal mai.


"Ka mu daih tawh a, tukinah phone ka khawih leh bawk si lo a" ka ti a, "Hlauthawng suh, min hauh pawn a na dawn lo. Mr.Soft a nia lawm lee..." Mimii a tira ka thiam lo rawn ti hmasa tu ber khan thawveng zeta a rawn tih chuan ka thaw ve huai.


School kan thlen chuan kan thlan nasa, ni a sat bakah school kawng a awih chho sia, a lum lutuk ringawt.


Fan hnuaia thu in eng eng emaw kan sawi a, atirah thil dang sawi viau mah ila Vice Principal Jona ah pawh kan tawp leh nge nge thin.


Dar a rawn ri a, kan thu tha sang sang lawm.


Kan class teacher Sir Mpa a rawn lut a, roll call in a chhuak lehnghal.


Mizo teacher rawn lut veleh in hla thu kan zir a, a explain paha thil dang an zep tel zeuh zeuh chu kan nui leh huk thin. Naupang tih dan a thiam a, a tawngduh pur pur bawka a class pawh a nuam viau mai.


Short break a rawn ni a, a tang fal deuhin Pol.sc te chu an lo zir leh a, Mimii thil sawi kan ngaihthlak thap lai chuana amah Mimii vek chuan "Awii" a ti thut a, ka phu zuk.


"Au thut thut zel suh" tiin Puipui in a darah a lo beng.


"News in collect em ?" a tih chuan "Collect e, mahse Ruth-i chiah ka tih kep" Loryi chuan a rawn ti a, an sawi awmzia chu ka hre ve miah lo.


"Keipawn ka ti ve lawm. Pathum ngawt ka ti" Puipuii chuan a rawn ti a, "Tak tak in ka tihkep vek cheu. Intih kha ka ring lo a, mahse i ziah chu chhiar mai rawh u" Loryi chuan a ti leh a.


"Enge chu chu awmzia ?" Ka lo ti thung.


"Sir Jona hian daily news min collect tir a, international emaw, national emaw, mizoram pawh chuan class ah min zawt leh thin" Mimii chuan a rawn ti a, "Enge.. a va ti kher kher ve ?" ka tih chuan "Ngaiah i nei ve mai ang, kan ti ngai lo a, mahse min warning a, tih ve ngai nih hi" Puipuii chuan a ti a, ka lu ka bu nghat nghat.


"Kha copy rawh. Hemi zawhah Sir Jona subject a ni tawh" tiin Loryi chuan a news collect sa chu min pe a, "I duh duh kha copy mai rawh" a tih chuan ka roughtbook leh pen ka la chhuak a, international news chu ka copy a.
Dar a rawn ri a, minute hnih hnu velah Sir Jona chu a rawn lut a. Ka thiante ho in an fak nasat a, an sawi nasat lutuk vang nge ka hmu hmeltha riau lehnghal.


Hawaii shirt a ha a, a ngo si a, a khabe hmul to siar siar, var pheuh pheuh nen zawng zawng chuan a hmeltha a ni tawp.


"Roll no. 12" a hawi kual deuh vang vang hnu chuan a ti a, mipa lama pakhat chu rawn ding chhuak a.


"Ok Isacc, what is your news ?" dawhkana a kut pahnih dahin Isacc-a lam chu a hawi a, a bawp pakhat chu a phût hlerh hlerh.


Isacc-a chuan a news collect chu a chhiar a, a chhiar zawh hma hma in "Ok sit down" a ti a, Isacc-a pawh a thu thla nghal.


"Roll no. 27" a rawn tih chuan ka en a, zawi muang in ka tho tuih tuih.


"Ok Ruth, is your friend tell you about tha news ?" a tih chuan ka lu buk pahin "Yes sir" ka ti a.


"Ok then what is your news ?" a tih leh chuan Lory ta ka copy chu ka chhiar a, a lu bu nghat nghat in "Thu rawh le" a ti a, keipawh ka thu thla nghal.


News chu collect leh collect loh min zawt chhuak vek a.


A then in an ti a, a then in an ti lo a, hmeichhe lam chuan kan ti vek thung.


"Ava buaithlak thin em. Nangni chu in lama lo ti ve tura kan tih cheu hi in ngaipawimawh lo thin lutuk a, heng 'ti rawh u' kan tih hi nangmah ni tan vek ania. Khawvel kal kual dan, chanchinthar apiang lo hriat ve te kha a tha. Ka tihtir nachhan cheu chu habita in neih ka duh a, class 11 atangin kan ti tawh a, habit ah innei thei chuang reng reng lo" a ti a, room chu a reh thuap mai.


"Engpawhnise, naktukah chuan in rawn ti tawh turah ngai ila, tun hi last warning aw. In rawn tih loh chuan inhrem dan, na miah lo mahse zahthlak deuh si te ka hre teuh ania" a ti a, inhrem a sawi lai ber chuan a nui a, "Sir vawi 20 bengsuk ti ila" mipa lam atanga pakhatin a rawn tih chuan "Vawi 20 maw ?" Sir Jona chuan a'n ti a.


"Aih, vawi 10. Vawi 20 chu a tam" pakhat in a rawn ti veleh a. "Vawi 50 kan ti mai dawn mi ?" Sir Jona an a tih chuan an rawn hnial nak nak a, Sir Jona chu a nui hawk hawk.


Hei hi anih hi, a thinrim lai pawha nui hmel awm reng avang hi anih hi Puipuii leh Mimii pawn 'a hlauhawm loh, Mr.Soft ania lawm' an lo tih nachhan.


#ads click bakah comment lamah in duh duh in rawn zep dawn nia 🥂

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:05 pm

MR. EXCELLENT
BY~ Sammy♤

Ch ~ 4



Hei hi anih hi, a thinrim lai pawha nui hmel awm reng avang hi anih hi Puipuii leh Mimii pawn 'a hlauhawm loh, Mr.Soft ania lawm' an lo tih nachhan.


Class chu la chhunzawmin kan zirlai chu a explain mawlh mawlh a, a bu ka la neih ve loh avangin en tur dang nei hek lo, dawhkana ka kiu nghatin ka khabe ka dawn a, Sir Jona thil explain chu ka en reng.


Ka lo en chiang ngai lo nge a lang chiang lo hrim hrim zawk ni, a hmui bulah chuan khuavang a awm a. Mahse a inhmeh viau.


"A tha tiraw?? En lo hi chu har ve deuh sin" Loryi chuan a rawn ti a, ka lu ka bu nghat nghat.


Ka thiante vei ang em em hi chuan vei ka tum lo bur a, mahse teacher han star, school kal ti nuamtu a hman te pawh kha tha.


Sir Jona period a zawh chuan Mizo History teacher a rawn lut a, hemi sir hi chu ka vawikhat hmuhna.


Ani pawh a zaidam hmel khawp mai, hmeltha ve tak tho ania, a luck phian ka ring.
"Eee thian thar kan nei a ni maw ?" min hmuh chuan a ti a, min introduce tir a, eng dang sawi lo in explanation a nei zui a.


A thil sawilai te ngun taka lo en ve zelin uluk deuhin ka ngaithla a, note insiam kan ngaih avangin chhinchhiah ngai lai te chu ka lo chhinchhiah zel bawk.


"I chhinchhiah em...?" tia Lory ka en chuan dawhkan bawhin a lo muthlu a, midang ka en kual a, an muthlu deuh thuau.


Mipa lamah pawh muthlu ve lo panga vel chiah an awm nia.


Ka rilru te te chuan class lak leh school kal chu a la lap riauin ka hre nghal a. Keilah hi mi lo judge nghal zung zung.


"Lee... Tlanhlu, khalai paragraph kha han chhiar ve teh" tiin a chhiar hmabak chu chhiar turin a ti a, Tlanhlua chu dawn ding chhuakin a chhiar a, midang chu rawn thu tha hlawmin an lehkhabu chu an en nghal sap sap.


"Ok Sit Down..... in lo en ve em? Tah khan chiang deuhin a in sawi a Hmanlai....." a exlpain zawm a.


Chawhnu lam Study period a ni tawh a, Sir Jona an thiam tur min pek chu kan zir a, a lehkhabu min hman tirin Loryi te chuan a lehkhabu nen min hmanthleng nghal hmiah a, ka nui tawp.


A thiam hmasa sa haw a tih avangin kan zir nasa hlawm viau a, mahse ka zir chu a har ka ti hle mai.


Zirtir in ang lo theuh min pe a, ka zirtur chu a sei bik ni ten ka hria a.


Midang chu an haw sap sap hlawm tawh a, Puipuii leh Mimii pawh an haw tawh.


Loryi chuan "Ruth, ka inzawh tir tawh mai dawn. Ka ek a chhuak lutuk..." a ti a, a hmel siamdan leh din khawkherh danah a chhuak tawh hle aniang a khawngaihthlak zawk.


"Aww va inzawh tir rawh" ka ti a, a inzawh tira hmanhmawh deuhin a haw ta.


Midang an haw a, kei Tlanhlua leh midang panga vel chiah kan awm tawh.


"Ka thiam thei lo reng reng, enge thiam tur a pek ve che" tiin Tlanhlua chu ka zawt a, a lehkhabu lek kangin min rawh hmuh a, a ni pawh long answer chu a ni ve.


"Ka ning, ka haw ve tho ang ka zir peih tawh lo" tiin ka thu hnuk a, Tlanhlua chuan min lo nuih.


"Enge in an ?" tiin Sir Jona-a chu a rawn lut a, tuna ka hmuh dan hi chu Loryi Hmeltha nunrawnga sawi ang khan ka hmu.


"Nang Ruth, i thiam tawh em ?" a tih chuan "Ka la clear lo" ka ti a, a lu bu nghat nghat in a ban a sana chu a en a.


"A tlai tawh bawk si a, vawiin atan duhtawk phawt ang aw" a ti a, "Thank you sir" kan ti rual dual.


"Kan rualin lo haw ve la" Tlanhlua chuan a ti a, "Khawi lai emaw thleng chu a ruala kan kal a ngai tho alawm" ka tih chuan "Nia" a rawn ti a, ka rilru a awm ka lo sawichhuak leh tawhhhh...


"Ka sawi awmzia chu khawi vengah nge in awm a ?" ka ti a, ka bag chu ka ak nghal.


"In veng piahah khan" a ti a. "A haw rual theih chu. Engtin nge kan veng i hriat a ?" Ka ti a, room atanga chhuam zuiin gate lam kan pan a.
"Thil hi hriat kim a tha lawm" a lo ti daih thung.


Mipa pangruk leh hmeichhe pakhat tehtlawng chu han haw rual a, pahnih chu Puipuii te veng lamah chuan an kawi a. Eng eng emaw sawiin kan nui hak hak.


Ka hnung lama Bullet ri avang chuan kawng sir ah kan kal dual a. Mahse Sir Jona chu kan zawnah lo ding in "Ka rualin i lo haw duh em? Mipa zinga tlat ve chu a nawmloh hmel emai ?" a ti a, "Aih, a ng....." ka sawi zawh hman hma hma in "Nia kal ve nghal la a nuam zawk ang" Tlanhlua chuan a lo ti a, Sir Jona chuan "Chuang rawh" a ti leh a, hnial tung na chi a niin ka hre tawh bawk si lo a, hreh deuh chuan ka chuang a.


Hmeichhe thut a ka thut avangin Sir Jona chuan "Min rawn vuan mai rawh aw" a ti a, ngam leh ngam lo in a kawr hnungah chuan ka pawt.


Ka tang tung a, a bike khalha han chuan meuh chuan zam a na duh khawp mai.


Lory in min thil dawn lutuk tih ngaihtuah in ka nui vur vur a, mahse ka nuih vur vur lai tak chuan rin lo deuhin kan insawh dawt a, Sir Jona ka nghen rawk bakah ka lei ka seh.


Sir Jona chu a chet zawk danah a nui tih ka hre thei a, "A na em ?" a tih chuan a nat loh thu in ka chhang mai a.


Kawng ka en let chuan a tha lai pawh a awm ve reng si a, nge maw a chhe laiah kher chuan a tlan le ka ti rilru neuh neuh.


Kan inzawn thlen chuan a ding a, chhuk in lawm thu ka hrilh a, ka nu chawhmeh lei haw nen intawk chiahin Sir Jona chu thingpui in ah a awm a, mahse Sir Jona chuan pawimawh dang a la neih thu sawiin a tlan lehnghal.


"Athana hi chu awww.... kan lenlai rual deuh se chuan i pa a ni mai tur ania" ka nu chuan enzui pah chuan a ti a, zep rual lohin ka nu pawh chuan tha a ti ve hle tih ka hre mai.


"A zahthlak thei e nu. Miten an lo hria se" tiin inchhung ka lut a, ka nu chu ka hnunga rawn kal in, tleirawl chauh lo pawn hmeltha tih zawng te chu kan nei ve lawm. Ka makpa te hi han ni thei se, mahse a ni dawn der si lo a" a ti leh a. "A zakthlak.... nu i nih tawh kha. Ka pa ho hmangaih tûk la a ni mai" ka tia, ka tawngkamah chuan ka pi sitting room a lo thu chu a nui a.


"Ni e Mapui, inpa hi hmangaih tûk la, tlangval deuh chu Tluangpui in hmangaih tûk ve bawk se" a ti a, "Kan naui khan mipa biak dan pawh a la thiam lo ang. Min han chhun loh dan hi, ka tleirawl lai te kha chuan inleng te hi ka nghah...." a sawi thui hma chuan roomah ka luhsan a, ngaihzawng emaw mipa chungchang sawi hi chuan a luck zia hlir a sawi thin a, ka ning ve thin.


................


Kar tawp kan thleng a, Sir Jona bawkin homework min pe teuh.


Zirtawp zan a ni avangin lehkha zir lo teh ang tiin phone khawiin ka mu a, fb a meme ka hmuh ho chu status ah ka hmang chhawng leh a. Mr. Handsome group ah chuan eng eng emaw kan sawi a, Tlanhnu an a number save ve tura min rawn biak na chu en in a number chu ka save ve mai a.


Ka rin loh lutuk in Sir Jona message a lo awm.


Ka seen ang nge seen lo ang tih ka ngaihtuah a, ka seen ngam si lo, seen loh chuan thu pawimawh anih ka ring si.


Ka seen hma chuan a message a rawn thleng leh a, ka seen ta chauh.


Pakhat zawk chu ka status a rawn reply na *Lehkha i zir em.?* tih a ni a, pakhat zawk chu *i online tho sia ka message hi seen la* tih a ni a, ka nui hak a message seen zung zung loh ngaithei lo deuh chi kha a ni dawn in ka hria.


*zir lo, zirtawp zan a ni ve sia phone khawih nan ka hmang ve* tiin ka reply a, chutia school vice Principal ve meuh nel uchuak lutuk a biak ka ngam lo a, amah anih vang hrim hrin pawh hian a zahawm bik ngawih ngawih.


Message chu a kn deliver rualin a seen nghal a, typing in a chhunzawm nghal.


"Zan men rei lutuk te hi hriselnan a tha lo ania" a rawn ti a, "Aw le Sir" tiin ka reply ve leh.


Chat atang chuan ka out a, Mr. Handsome a group ah chuan va lutin "A nawm dan hiii" ka va ti a, thil dang ka sawi hma in Sir Jona message bawk chu a rawn lut a, group atang chuan ka out leh rih.


"School chu nuam i ti em? I thiante kha an fel em ?" a ti a, nge maw hetiang min zawh kher le, ka school kal danah nuam ka ti tih a hre ve reng awm sia. Aaa... ka va â tak, chuti teh lua in school ah min notice ngai dawn hleinem maw le.


"Umm ti e, ka thiante an fel bakah teacher te an fel bawk a" tiin ka reply a a in deliver rualin a seen lehnghal.


Awiii... amah tawp hi boyfriend material!


"Dar kua a ri tawh nih hi, mut a va hun tawh ve" a rawn ti a, nui vur vur in "Nia, ka'n mu nge. Muttui aw Sir" tiin ka reply a, mahse ka la mu dawn lo chiang lutuk.


Fb video en ka la duh vangin WhatsApp airplane mode chu ka on a. Ka on loh chuan data ka on reng dawn si a, Sir Jona-an message a rawn thawn leh a, a rawn deliver theih chuan ka mu lo tih a Chiang dawn sia, chuvang a ni.


Zingah ka nu in min rawn kaitho in excer la tur a inthlak nghal tur chuan min ti a, ka ke chu ka leng vak a. Ka va han ning thin tak em. Sir Jona ka hmu leh nga, a bula awm chu boruak a rit thei si a, ka exercise tihna ai pawn Sir Jona chu ka hahpui zawk thin.


Peih lo deuhin ka nu leh Bawihtea chu ka zui chhuak ve a, rin lawk ang ngei ngei in Sir Jona pawh lo awm leh tawh.


Ka nu leh Bawihtea nen chuan an insawizawi a, kei erawh in field tlan kual ka tum thung.


Zai vak vak chunga zawi muanga tlan in ka tlan zel a, hetianga ka tlan chuan vawithum vel vhu ka hel chhuak hman ngei ang.


"I lu ahai ange aw ?" ka vawikhat tlan hualna ah chuan Sir Jona-a chuan min lo au a, ka hah ve tawh lutuk chuan chhan pawh chhang lo in ka buk khum nghat ringawt a, ka tlan zawm zel.


Zawimuanga tlan pawn a hah theih tho aniang, a zatve velah chuan ka chawl a, ka thaw kawk kawk.


"A vawikhatnan tlan vak i tum a ?" tiin Sir Jona chuan ka hnung lam atang chuan tui min rawn pe a, "Engtik in nge i lo thleng a ?" tiin tui chu ka ban a.


"Hei ka lo thleng chiah, vawikhatnaah hah deuhin tih loh tur" a ti a, tui chu ka in khawlh khawlh a.


Ka melh zawk a, min lo en kar avang chuan tui chu chu ka hak ringawt lehnghal.


Ka hnung chumin ka sam chu a hui mam a, "Han ding ngil teh" tiin a sam tawn chu a phelh a, "Aaa ka ti mai ang Sir" ka tih chuan a mitmeiin ding tha tur chuan min ti a, zak deuh reuh tak chuan ka ding ngil a.


Ka sam chu hui mam in a tawn a, a tukkhuma ka tawn thin laiin ka chhip ah a tawng vah mai.


"Ti hian a felfai zawk" a ti a, ka sam te min tawn sak a, min rawn en chuan ka lai lutuk ringawt.


"Ka'n tlan leh tawh nge" tiin tui chu ka pe a, ka tlan leh nghal.


Ka zak lutuk leh nuam bawk si chu ka hmui ka pet tawp a, ka sam te chu put a nuam thar riau hian ka hria.


"Ruth" Loryi rawn lan thut avang chuan ka ding a, "Ka hmu vek ania aw" a tih chuan "Eng maww ?" ka ti ha.


#Ads leh Comment aw 🥂


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:05 pm

MR. EXCELLENT
By ~ Sammy♤

Ch ~ 5



"Ruth" Loryi rawn lan thut avang chuan ka ding a, "Ka hmu vek ania aw" a tih chuan "Eng maww ?" ka ti ha.


"Eee a'n hre lo der ngei ah. Sir Jona an sam a tawn sak che kha" a tih chuan ka en ringawt a, sawi tur ka hre lo. Min tawn sak lo ka tih chuan min tawn sak bawk si a, min tawn sak ka tih dawn chuan a zahthlak ve tho bawk si.


"I nu in zingah excer in lak thin thu a sawi a, in inah ka rawn kal a mahse i pi in in kal tawh thu a sawi a. Haw lo a ka rawn kal hi tih chi hle mai" tiin a mit ko a san zuk zuk a.


"I ninawm" ka ti hluk.


"Enge.... Sir Jona nen excer in la thin tih pawh i sawi duh lo a" a tih chuan "A awihawm loh e, kan inhmu fuh ve mai mai nih hi" ka ti a, zawi muangin ka tlan chhunzawm.


"Ka awih lo, kan hriat ve loh lamah hian in lo in nel tawh viau ang" ka rual a rawn tlan ve pah chuan a ti a, nizana kan inbiakna chu ka hrechhuak zawk a. Mahse chutianga han in nel leh lak kawih tur khawpa kan inbiak ka hre lo.


"Kan sir anih hiiiii" ka tih chuan "Kan sir pawh ni se a ngaihzawn theih tho lawm" Loryi chuan a la rawn ti cheu a, chhang tawh lo in ka thaw hak.


"Puipuii te ka hrilh ve chak tawh lutuk" a tih leh chuan "Eng chu maww ?" Ka lo ti a.


"Aw hei Sir Jona nen in awmdan vel hi" a ti a, ding meuhin ka en a, "Engtinmah kan awm lo. Ka sam kha hnawk a lo tia, a lo tawn tha nih kha. Sawi chhuah chi pawh ni lo" ka ti a, Loryi chu a nui hak hak.


"Ka hrilh tak tak dawn hleinem. Mahse i tang nasa lutuk hi zep i neih ka ring tlat" a tih chuan ka thaw hak a, kan hnunglam chu ka hawi let a, Sir Jona chu hmanhmawh lo tih hriat zetin a rawn tlan ve mek bawk a.


"Ka ngai kawi pawh ni lo, a mak alawm. Sir Jona hi inkhel tur bakin field ah a kal ngai ka hre si lo a. An inah Jim an nei reng a, nge hetia a rawn kal ve kher" a tih chuan amah chu en leh in ka thaw hak a "Ka hre nang. Pawn boruak hip te pawh a duh ve aniang" tiin ka nawr a.



"Enteh a chhiatloh zia saw. A tlan nasa lutuk a a kawr pawh huh vek. Awiii, a hnute te saw lang chiang lutuk.... ka tham nawk nawk chak" tiin a kut chuan boruak chu a tham vel a.


"Tlan mai mai rawh, chhiatloh i duh chuan excer lak that angai ania" ka ti a, a nui var var a, ka rual chuan a tlan ve leh mai bawk a.
Kan haw kawngah chuan Sir Jona te nen chuan kan haw rual a, Loryi nen chuan an hma deuhah kalin thil kan sawi a, vawiin a an in a leng tur chuan min sawm a.


"Mahse in in ka la hre hleinem" ka tih chuan "Sir Jona te in opposite atang khan i chhiar anga, in sawmna ah chiah, tlem a peng phei deuhah kan awm. I rawn kal hunah i hre nalh mai ang" a ti a, tih tur ka tih zawh huna ka len tur thu in ka chhang a, peng atang chuan mahni in lam pan in kan inthen ta a.


In ka thlen veleh ka nu rawn luh hmain roomah ka lut nghal a, intifaiin ka inthlak a, ka chhuak leh ta chauh.


"Phone bawk i lo en leh tawh mi ?" T.V bul plug a ka phone charge ka tum chuan ka nu chuan a rawn ti a, chhan pawh chhang duh lo in ka hnar ka tum dar ringawt.


Ka pi nen rawngbawl in ka pi chuan bai siam tui dan te min hrilh a, a nuam phian.


Ka nu hian min awl hneh em avang leh min tihtir ngai loh vang hian rawng bawl hi ka thiam lo em em a, chawhmeh siam thiam chu ka nei nual na in ka siam tui thiam lo hi buai na a ni.


Rawng kan bawl zawh mahse kan la ei hma si chuan ka phone chu ka en ve zawk a. WhatsApp group message a lo tam leh tawh.


Kohhran leh thian ho group ah chiah ka awm a, kan thianho group ai pawn kohhran group ah hian thil an rak tam hlawm khawp mai.


Kohhran group ni si in inkhel chungchang mai mai te an sawi a, a chang leh veng chhunga naupang sual antih deuh 'chumi khami fanu/fapa chu a sual e, a ngeiawm tak tak' tih vel an sawi a, kohhran a inhmang leh inti Pathian mi thusawi atan chuan a mawi lo hi ka ti thin khawp a. Mahse sawibuai theih ka nei lo ve em a, engmah sawi lo in group chu ka clear leh tawp zel.


Mr. Handsome group ah chuan Loryi te inah leng tur tiin ro an lo rel a, "Keichu ka leng hman dawn lo" tiin ka va fiam a.


"Lalruattluang i ngam chuan rawn kal lo teh. Tlanhlua nen inni tiin ka sawi darh ang" Puipuii chuan a rawn ti. A message ka hmuh chuan ka ner nang nang.


"Ti awm ang lo thei e" ti a ka reply chu Mimii chuan "Hmanni ah in haw ho in ka hria, in inbe tha riau" tiin min rawn reply a.


"Tlanhlua berkher chu inchhaih lo ila, a zahthlak zawk" ka va ti veleh.


"Ehhh.... lo ni deuh tak tak ni lo maw ?" Puipui in a rawn ti a.


"Ngawi teh u, engmah hi in hre ve der si lo a e" Loryi chuan a rawn ti ve a, vaipa intihtheih hmel deuha meng kual kai sticker hi a rawn hmang tel a, ka nui hak.


"Ni e, a awm alawm. Tikhan zep rawh u" Puipuii chuan a rawn ti a.


"Nia, in thian pawh kan ni ve lo a" tiin Mimii chuan a rawn tuihnih ve zat a, an tawngthei sia, an message chu en in ka nui var var.


"In rilru kha te viau suh se ka zei thler sak mai ang cheu" Loryi chuan hnehsawh deuhin a rawn ti a, ka nui chhuak leh hak.


"A ni maw Nu Machhung" tih sticker Puipui in a rawn hman leh phei chuan ka nui hak hak a, ka nu chuan "I phone kha dah rawh, chaw ei ang u" a rawn ti nghal a.


Message ka type mek chu clear leh in group chat atang chuan ka out a, ka rin loh deuh maii Sir Jona message a lo awm leh tawh.


"Chaw ei tui" tih a lo ni a, "Dah chaw rawn ei rawhh" ka nu in choka atang in min rawn au.


"Ka hria, lawk in aw" tiin Sir Jona chu "Ei tui le" tiin ka reply a, WhatsApp atang chuan ka out a, ka phone chu off in ka dah a. WhatsApp message tone rawn riin phone chu a eng leh a, mahse ka en hman tawh lo. Choka lamah chuan ka phei a, tawngtai turin min lo nghak thap.


..............


Chaw kan ei hnu chuan tihfel ngai te ka ti fel a, machine a insuk pahin tukverh darthlalang ka nawt a, ka phone chu ka la en chuang miah lo.


"Bawihte machine saw ka herh leh teh" tiin Machine rawn ri lam chu ka en a.


"15 zawnah khan i dah dawn nia" tiin Bawihte machine herh tur chu ka hrilh a, darthlalang chu ka nawh zawm mawlh mawlh.


Ka thawmhnaw nuaitir a zawh chuan en tum in ka tho vut a, "Nawt rawh ka en mai ang" tiin ka nu chuan min thawh khalh. Insu tur hian min han tir ve bawk thin mah se machine a ka tlen thin avang hian a fai lo atia, amah in kut ngatin a tleng leh vek zel.


Tukverh darthlalang ka nawh zawh hnu chuan chhuat vel chu ka tifai leh a. Ka tihtur ang ang te ti zo a ka inhriat hnuah keimah chu ka intifai a, ka phone charge chu phawi in ka thu a.


Sir Jona message chu ka en a "Kan ei tawh a" smiley a rawn dah tel a, tukin ami daih tawh kha a ni.


"Hetih lai hian kan ei ve dawn chauh a... hehe" tiin seen tawp ngaiah ka reply a.


Mahse ka message a in deliver rual chuan ka message chu a atthlak tawh nak laiin tinge 'Hehe' tih chu ka tel kher tih ka ngaihtuah nghal a.


"Awii ka thin dan hi" tiin message chu ka delete leh nghal.


Thil dang sawi ka tum lai chuan Sir Jona chuan a rawn type tih ka hmu a, chat atang chuan ka out nghal. Tinge maw ka online hian a lo online fuh theih em em le.


"Anih tunah enge i tih ?" tih a rawn thawn a, kei engmah ngaihtuah lo chuan "Loryi te inah len ka tum mek" tiin ka reply leh a, mahse chupawh a in deliver rual deuhthaw in ka delete leh nghal. Ka ning lutuk tinge maw ka chet thin thei em em le awwww....


"Lehkha i zir lo em ni ?" tiin a rawn reply a, ka message kha a hmu hman tho a ni tih ka hre nghal.


Reply dan chu ka ngaihtuah fe hnuah "Dawn e Sir, thiam tura min tih kha copy ka tum a. A bu ka la nei ve si lo a" tiin dawt ka sawi zaih a.


"Ni tak e, Aizawl ka kal tep a, ka kal hunah ka rawn hawn ang che. Tha deuhin lehkha chu zir ru aw" a rawn ti a, a out nghal daih.


Seen tawp ai ah tiin "Aw le" tiin ka reply leh tho.


Ka room ah bag la turin ka lut leh a. Ah tur em em awm lo mah se phone kuta ken hi ka peih lo thin a, bag te hi ka ak deuh ziah.


"Rawn haw hun te kha hria la" a ti a, ka chhuak tur chu ka pi chuan min lo hui zeuh a.


"Kha i pocket money ah" tiin cheng 200 hi min pe a, ka nui hak.


"Pawisa i nei tih ka hre reng a ka pe tam lo mai ang che. Thil sual te kha in va ti ange" a ti a, "Chutiang thil sual tihna tur a awm lo. Ka lawm lutuk aw pi" tiin a biangah ka chuk a, Loryi te in lam pan chuan ka kal nghal.


................


Sir Jona te in zawn ka thlen chuan a opposite atang chuan in chu ka chhiar phei a, sawmna chiah chiah ah khan a ti in ka hria.


In sawm na ah chuan kawngka ka kik karh karh a.


"Lo lut rawh" inchhung atang chuan hmeichhe pahnih in an lo ti rual a.


"Loryi te in a ni em ?" luh hma chuan ka ti a, "Loryi a? Loryi chu tunge ?" luh ka tum mek lai chuan pakhat chuan a rawn ti a, ka ding dat.


"Loryi in veng ami hiii..." ka ti leh.


"Loryi ka va hre lo ve... Loryi, Loryii..." tiin ngaihtuah niawm taka hian pakhat zawk chuan a chal a ti chuar nang a.


A thiannu ben pah chuan "Ka hre leh si, Nu Machhungi maw ?" a ti a.


A rawn tho a, a in sir chhukthlakna lam chu kawk in "Kha kha laia khan chhuk la, an in a ni mai" a ti a. Lawmthu te sawiin Loryi te in panna lam chu ka chhukthla a.


Loryi lo chhuak ve chiah nen chuan kan inhmu a, "Lo phone che ka tum mek a, Puipuii te pawh an lo kal tawh" a ti a. Kei chuan nui chungin "A ni maw Nu Machhung" ka ti a, duh loh zet hian "Khatin min ko suh, a thing sia ka ning ania" a ti hmuk a, inchhung lamah kan lut.


"Ka chhungte an awm lo. Duh duh danin a awm theih" Loryi chuan a ti a, "A ni maw Nu Machhung" ka lo ti leh a. "A ninawmmm" Loryi chuan a lo ti vak.


"Rawn hre ve ta maw" tiin Mimii chu a nui har har a, "Tunge Nu Machhung an tih che a" ka tih chuan "Aw a hming ni hek. Lory Lalchhungpuii ania" Mimii chuan a lo ti leh a, Mimii nen chuan kan nui hak hak.


"Keichu nuih mood ah pawh ka cheng lo, Lal Jona-a hi maw, a renew pui dawn te chuan then lo mai se" Puipuii chuan a rawn ti a, "I la na nih kha. Nupui nei se tha zawk. Fa neih teuh teuh rawh se" Loryi chuan a rawn ti a.


"Enge a ?" ka lo ti ha.


"Sir Jona an a status ah a bialnu hlui nena an thlalak a hmang a" Mimii chuan a rawn ti a.


"A ni maw, a bialnu hlui chu a hmeltha em ?" tiin ka phone chu ka phawrh a, Sir Jona WhatsApp status chu ka en nghal.


"A hmelchhiat loh hi" ka ti a, nia a hmelchhe lo, Sir Jona pawn a duh ve hle aniang a ha var rual tawk langin a nui a. Nia a duh reng ang chu, kei te chu zirlai naupang chiah ka la nia. Bakah a zirlai naupang a ngaihzawng duh dawn lo chiang. Ka duhloh dan deuhin a a bialnu hlui nen chuan ka intehkhin a. Aaaa a bialnu hlui an tih chu a hmeltha in a no surh a, kei ang tan chuan han el phak pawh a ni lo.


"Sir Jona status i hmu thei bik elaw ?" Mimii chuan ka phone rawn bih ve pah chuan a ti a, "Aw hmu thei e" ka tih chuan "A ni maw, engtin nge i hmuh theih ??" Puipuii chuan a rawn ti a.


"Group a min add dawn khan ka number a save ve aniang, a number ka nei ve tho sia ka hmu thei a" ka tih chuan chhuat ah chuan a mu tawp a.


"Ti hian ngaihawm tawk lek hian a awm anga, nupui a neih thut ka ring" Puipuii chuan a rawn ti a, mak tak maiin nupui neih a sawi chuan ka thin hi a phu rang a, ka hlauthawng in ka rilru a na ringawt.


"Nupui nei tur ni se hman hmanah khan a nei tawh ang. Bakah tuna a bialnu hi a nu in a duh lo" Mimii chuan a rawn ti a.


"Sir Jona hian duh tak tak se a nei daih ang. Hmangaih tak tak nise a nu lawm zawnga awm duhvang ringawt in a nei lo hlei lo ange. A nu nen hian nufa lo ang hlauh an ni" Puipuii chuan a rawn ti a.


"Enge, an chhungkua a va buai hmel ve ?" ka lo tih chuan "An sawi dan zel ania, a pa boral atang khan a nu hian Sir Jona te unau hi a ngaihsak lo an tia. Chuvangin Sir Jona hian a nu hi a ngaina vak lo an ti" Mimii chuan min chhang a.


"Anih tinge nupui neih a tum loh a ?" ka ti leh a. Ni, nupui neih a tum lo an ti reng a, a chhan a sawi mang lo a. A chang leh nei hnai tur ang mai hian an sawi leh rauh bawk si.


Tuman min chhan hma chuan "Jelly cup dah vawh sa ka nei teuh asin in duh ve em ?" Loryi chuan a rawn ti a, "zawh kher ngai mi kan duh" Puipuii chuan a lo ti a, "Ka rawn lak kep ve dawn lo che" tiin Loryi chu a tho zui a.
"A nupui neih duh loh chhan maw. Mi sawi dan ania ka hriat ve tho...." Mimi in a tih lai chuan "Nang lah hi mi sawi dan zel" tiin Puipui in a lo hnial leh hram a.


"Ninawm i tawngthei" Mimi chuan ner khum nang in a ti a. Sawi zawm in "Sir Jona hian bialnu....." a sawi zo hman lo.


"Mango ka lo lak che Pui" tiin Loryi chu a rawn au phei a, Mimii pawh chu insum tum niawm tak hian a "Heiha" chhuak halh.



#Spelling mistake a lo tam deuh pawn min lo hrethiam dawn nia, edit miah lo in ka rawn up tawp zel a, ka hman hunah dik lo nasa deuh chu ka rawn edit ang.

Chuan Ads click leh comment kha aw 🍡


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:05 pm

MR.EXCELLENT
By ~ Sammy♤

Ch ~ 6



"Ninawm i tawngthei" Mimi chuan ner khum nang in a ti a. Sawi zawm in "Sir Jona hian bialnu....." a sawi zo hman lo.


"Mango ka lo lak che Pui" tiin Loryi chu a rawn au phei a, Mimii pawh chu insum tum niawm tak hian a "Heiha" chhuak halh.


"Tinge in tawngtheih a, in luruh hi a rin em em le..... ngawi reng khan rawn phei a har em ni ?" Mimii chuan a ti a.


"I hmelchhia nih chu" Loryi chuan lo ti duh lek.


"Kha Ruth, Strawberry flavour ka rawn lak che" tihpahin min pe a. Mimii chuan sawi zawm in "Sir Jona hian bialnu, a first love aniang chu a nei thin a, mahse a bialnu chhungte khan Sir Jona hi an duh lo a, chuan a bialnu kha pasal an neih luih tir ta" a tih chuan ka hmel ka lo ner nung a, "Chumi vang mai mai chuan maw ?" ka ti a. Nia mi puitling tawh chutah pawh mipa pâ tawk lehnghal in chutiang vang chuan nupui neih a duh loh chu ka ring chiah lo a ni.


"Aih, chu lo pawh a la awm alawm. Heichu tlem ka hre ve hman. Middle kan kal vel lai khan nia, Sir Jona pawh hi a la upa lutuk lo ang. Bialnu hi a nei leh a chu chu tuna a status a mi kha ania. Sir Jona nen hian an induh tawp a, Sir Jona nu hian a duhpui lo a, mahse Sir Jona kha chuan neih kha chu a tum tho hmel...." a tih chuan tun chanchin a sawi emaw ka ti pek a "An inneih dawn hnai a mi ?" ka lo ti a.


"Ka hre bik lo. Sir Jona hian a duh ka rin tawh loh chhan chu a hmeichhia khan a lo bum a, mipa dang a um san a" a tih chuan ka chal ka ti chuar tap a. A love line chu tluang lo ve hlaw maw.


"Mahse Sir Jona hian a duh thei bawk sia, a fel bawk si a ngaihdam theih ka ring" Puipuii chuan a rawn ti a.


"Keichu ka ring lo, vawihnih ngawt a bum ania" Lory in a lo ti ve thung a.


"Mahse status ah te a hmang reng tho sia a la duh aniang" ka ti a.


"Keichu ka ring chiah lo. Duh nise a nei tawh ang. A kum hi ngaihtuah ula, ka nu aiin a naupang hret ringawt" tiin Mimii chu a nui ar ar a.


"Hmmp, thla a lakpui ziah danah a la duh ang. Nge hmeichhia pawh bumna ngaiah vawi sarih bum nawn theih kan nia lawm" Puipuii chuan a rawn ti leh a.


"Kan ni lo. Bakah mipa leh hmeichhia kan in ang lo" Loryi chuan a lo ti a, kan ngawi ta duk.


Mipa pawh nise a la duh viau chuan engvangin nge a ngaihdam theih loh ang. Mahse ngaidam in pawm leh ni se zawng nupui ah a nei loh reng ka ring lo.


"Aaa ka ngaihtuah zui peih lo" ka ti vak a.


"Ania sin, keichu kan thian zinga tu emaw ber nen hian inngaizawng ila" Mimii chuan vei neih loh hmel zet hian a rawn ti chhuak a ka rilru in 'keimah nen' ka lo ti.


"Ninawm chan loh tur ringawt sawi mai. In bialpa te chanchin theuh rawn sawi ru" Loryi chuan a rawn ti a, mahse ka phone a rawn rik avang kan ngawi thap a. Ka en chuan Sir Jona a lo ni.


Mak ka tih em avangin lak nachang pawh hre lo in ka en vung vung a, "Tunge ?" Puipui in a lo tih chuan harh zawk in receive chu ka hmet a. Ka thiante en kual pah chuan ka bengah ka nawr a.


"Hello" ka ti sep a.


"Ruth" lehlam atang chuan thatchhiat hmel zetin a rawn ti a, "Aw..." ka sawi zawm hma chuan "Loryi te inah i la awm em ?" a rawn ti a.


"Aw awm e" ka ti mai a.


"I rawn haw lamah lehkhabu rawn la kawi ta che" a tih chuan "Eng lehkhabu ?" ka ti a.


"Pol. Science, i la nei si lo a, in lama zir atan ka ta hi i hmang mai dawn nia" a ti a "Ka thiante ta ka copy thei tho alawm" ka tih chuan "Copy tur a tam si a, ka khawngaih che lawm. I haw hunah rawn lam kawi ngei ngei rawh aw" a ti a.


"Aw le" ka ti a.


"Tunge, lehkhabu chungchang te i sawi a" Loryi chuan a lo ti a, phone chu Sir Jona chuan a rawn off tawh emaw tiin ka dah a.


"Sir Jona ania. Haw pahin lehkhabu rawn la kawi rawh a tia, a ta min hman tir dawn a" ka ti a. "Awiiii, a va nuam dawn. Ka kal ve duh ania" Mimii chuan a lo ti a.


"Ka zak deuh a, an in a kal kha. Chawlh te a ni sia an chhungkua an kim awm sia" ka tih chuan "Tunah hian an inah sawn mi pali vel bak an cheng lo. Chutah pawh Sir Jona saw innghak ber anih saw" Loryi chuan a rawn ti a, hmm a chhungte chuan val senior innghak atan an hmang a ni maw.


"Nia kan kal dawn nia" ka ti a, "in bialpa te kha rawn sawi tawh ru le", Loryi bawk chuan a ti a.


"Sawi hmasa ber rawh Ruth" Puipuii chuan a rawn ti a, chhuat pher phahah chuan bawk thla thap in keimah chu min en a, zawi muanga pher a thutthlak ve pah chuan "Bialpa pawh ka nei lo" ka ti a.


"Ex tal i nei ang" Puipuii chuan a lo ti vat.


"Nei ve e, mahse class 10 ka kal lai mi daih tawh" ka ti a.


"Sawi ve hrim hrim rawh, hei i mipa duhzawng ang te" Mimii chuan a rawn ti veleh a.


"Ka ex chu Aizawl ka awm lai khan ania. Amah chu sang lampang, rawlthar chhuak ah chuan a pian a mawi, a hmel chu Tlanhlua te ang hi" ka ti a, ka thusawi an lo ngaithla thap.


"Sawi tur em em pawh ka hre lo. Ka mipa duhzawng chu, caring deuh ni se ka tih rual in rude se ka ti bawk" tiin ka nui a.


"Keipawh ka ni thin, hei min care deuh tu tur ang hi ka duh a, mahse ngeiawm deuh ni se hi ka ti tho bawk sia" Mimii chuan a rawn ti veleh a.


"Mahse a pawimawh berah chuan kei ai upa deuh hi ka duh a ni tawp. Hmeltha ka tih ve deuh pawh hi kei aia an naupan chuan ka tui lo nghal vek" ka ti leh a. "EehhSir Jona ang hiii" Puipuii chuan mit ko san zuk zuk in a lo ti a.


"Nia, amah ang hi. Min han duh se chuan...." ka ti fan raih a, min han duh em em in min atchilh bur se, lo induh der khum bawk ila. Ka ngaihtuahna vang chuan ka nui a.


"Sawi ve tawh ru" ka ti a, an pathum chuan sawi zawh hun pawh awm thei lo in an sawi kawkalh nuai a, a tawpah erawh Sir Jona chu dream man ah a lang ta zat zat tho.


Tlai rawngbawl hun awm ah Mimii leh Puipuii nen chuan kan inzui haw a, Puipuii chu a phur lutuk.


"An in ka la kal lo a" Puipui in a tih chuan "Keipawh" Mimiin a rawn ti zat.


Sir Jona te in ah chuan kan kal ta pauh a. A lo reh thuap mai.


Puipuii leh Mimii kal dawna phur em em chu luh pawh an lut ngam lo.


Inchhunga lut in Sir Jona chu ka au a, room atangin sam pawr tawkin a rawn chhuak a, chutah kawr a la ha lo zui. Puipuii leh Mimii rawn lut ve duh lo chuan an chan ropui lutuk.


Body build thin tih chiang lutuk, a abs leh vline te chu hnar thi phung a en chi.


Ka thawk ka ip a, a abs leh vline ai pawn a hnute chu la mawi zawk.


A hmel ka en chho a, min en kur.


"Aa ah... ka lo... lehkhabu.." ka ti bah nak a. A nui suk.


"Min lo zui teh" tiin roomah chuan a lut leh a, ka zui lut.


A lehkhabu ken min pe mai dawn emaw tiin ka ban a, a keng bet tlat.


"Ruth" a ti sup a. Ka en melh nghal kar.


Mit taka in en chuan zam a awl khawp mai. Ka hawisawn vat a, ka hawisawnna ah a hnute bawk ka melh fu leh. Ka hrawk thian kharhin a lehkhabu ken lai chu ka en ta tawp.


"I duh ang mipa kha ka ni lo. Ka caring lo a, ka sual hran chuang bawk hek lo" a tih chuan meng zau kawk kawk in ka en leh a.


"Engtin...."


"Chumai bakah nang aia upa deuh i duh a, keichu nang aiin ka upa fe thung"


Lalpa! engtin nge a hriat theih. Tinge hetia sawi chhuah kher le, min hnawl chiang bal tihna em ni. Ka zak lutuk chu ka hmai ka hup tawp a, chet pawh ka che ngam tawh lo.


"Call i off emaw ka tih vangin ka phone kha ka dah tawp a, mahse i off si lo a ka tum loh tawp in in thusawi kha ka hre vek" ka ti a, awiiii ka zak lutukkkk. Tinge maw call kha a off tura ngaiin phone kha ka lo dah tawp le.


"Min en teh" tiin ka hmai hupa kut chu a rawn la sawn a, ka en ngam chuang lo.


Ka biang dawm in amah entur chuan ka khabe a pawt dak a.


"Min en rawh. Ka sam tuak siar siar te leh ka khabe hmul tuak tawh te, ka mit hnuaia vun chuar tan tawh te hi i hmu thei in ka ring. Hei vang ringawt pawh hian min duh bansan rawh" a ti a, a thusawi te chuan ka tah an ti chhuak ringawt.


Tawlh hnung hret in ka hrawk ka thian kharh a.


"Aa, ka haw tawh mai ang ....." tiin lehkhabu pawh la lo chuan ka chhuak a.


"Ruth" tiin min rawn zui a, mahse ka ding lo.


"I va rei ?" pawn a awm Puipuii leh Mimii chuan an lo ti a.


"Ruth ka..." Sir Jona chu a rawn chhuak ve a, Sir Jona kawr ha lo an hmuh a an meng zau ve kawk chu ka hmu.


"Lehkha zir tha ru aw, kha le lehkhabu chu" tiin min pek a tum a.


"A ngai lo Sir, ka pa te kan chah tawh alawm" ka ti a, ka thiante pahnih pawh nghak lo chuan ka kal nal nal.


In ka thlen chuan "Ka khuasik dawn in ka hria" tiin ka mu hmak a, Sir Jona thil sawi te chu ka ngaihtuah.


A thusawi dan te, a tawngkam hman te nen min duh ve tihna a ni angem? Mahse min duh ni se khatiang em em khan amah duh lo tura min tih tawp kha a rinawm si loh. Nge a upat tawh avanga duh lo leh iai mai turah min ngai.


Hah, iai a? Keimah zawk hi atan chuan ka iaiawm zawk daih si a.


Sir Jona chu a upat vanga iai loh thu hrilh ka duh a, mahse ka tan a zahthlak lutuk bawk si. Min duh ve em ka hre miah lo a, min duh ring lo bur mah ila min ngaihtuah ve tho ang tih rilru ka pu reng.


Min lo text tawh miah lo a, ngaihtuah loh ka tum pawn ka ngaihtuah lo thei lo.


Khatia min hnawl na ang deuh a min tih hnu atang phei kha chuan ka atchilh bur a ni tawh. A tira thianten an duh anga duh loh tum ber hian anni ai mahin ka atchilh bur tawh.


Sir Jona chu a inlahrang ka ti dawn e, min biak a duh lo hrim hrim pawh ka hre lo. Class ah chuan pangngai deuhin min bia a, a fala thil sawina hun takngial pawh awm ngai lo.


Ka mizia chu a hma aiin ka harh lo a, Loryi chuan zep ka neih leh neih loh min zawt thin a, mahse ka sawi ngai lem lo.


Thian inkarah pawh zep chin hi chu a awm ngei ngei thin a, kan thian inkara hriat ve thiang lo chu Sir Jona nena kan chungchang hi a ni mai.


Hah... chungchang sawi tur pawh ka nei em ni? Ka duh tih a hria a, amah duh tawh lo turin min ti a, chuzawng chu.


Mahse min pehhel a, min hmuh loh der te, min biak duh miah lo te hian ka duhna a zual zel zawk tlat mai bawk si.


Ka awmdan chu ka hrethiam tehnuai lo. Sir Jona avang chuan a vawikhat nan mipa avangin ka tap a, chupawh a bialnu hlui nena an thlalak status a a hman vang a ni.


A rawn hmang fo kha a ni a, mahse tun tum a rawn hmanah chuan an inkuah chial na a ni a. Birthday lawmna hmun niawm tak a ni bawk.


Mipa vanga hetianga la awm ngai miah lo ka ni a, ka lehkha zir leh thil ei that loh ah ka tuan a.


First Term examah pawh ka ti chhe hle a, ka pass tawk tawk a ni hawt.


Ka awmdan te, Sir Jona ka duhdan te ka ngaihtuah hian keimah pawh mak ka in ti a, a rawn thleng thut nimaiin ka hria.


Love at First Sight an tih ang chu ni lo mah se a rawn thleng thut a, ka dawngsawng thiam meuh lo chu a ni.


#a story hi a muang sia, in ning em??


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)