THURÛK_99 By Floria Laldansangi (Completed)

[Ngaia]

THURÛK_99

BY

Floria Laldansangi

Chapter < 25 >

<><>~>~>~>~>><>


"Nu Rpi rawn chet duhdan chu a mak hle mai. Nu pangai tak a ni si a," U Tetei ka ṭhutna lama rawn pheiin a ti deuh hlak hlak.

Ka fate rawn thleng zui ve in, "anu tinge Api Rpi khan a ben che a?" Emma-i chu a mittui a tling leh pam tawh. Nâ ka neih hi chuan a lo ṭap ve pâr zel a.


Nui chungin ka fate chu enin, "thil a hresual palh a nih kha, hläuh tur a awm lo," ka ti zui sep sep. Andrew-a chu a bu zui nghat nghat a, Emma-i erawhin min rawn nek ṭalh ṭalhin min kuah zui chial bawk. A lo hläu hle a ni ang.


"Myla..." Ka hawi rang lutuk!

"I va rawn..."


"Engvanga kutthlak che nge a nih?" A ti chang hraih. Ka khabeah dawmin dam dapin ka hmai chu a en zui a, a aw chang rût leh ami khawihna dam ta dap chu inhmeh lo tak a ni.


"Thil hriat sual a neia tin nih kha. A thu hrimin, tu in nge hrilh che a?" A thaw chhuak hawlh, "ka va bia ang e," tih leh inher a tum chu pawtlet vatin, "hmeichhe thu hla a nih hi," ka ti chu a rum hraih mai. Hmeichhe thu hla ka tih chuan inrawlh a tum dawn lo tih ka hre rêng a ni.


"Tunge hrilh che?" Ka tih nawn leh chuan a kâ ân pawh a tum lo, ka hmaa vur awm ka hnai ka deh zawhna chiah chu la in, ngawi ngul hian ka biang chu dimtein a dep zui a.

"I U Tetei a nih kha," ka nu a lo nui ta sun sun, U Hruaia rawn awmdan teh vut chu a nuih a za a ni ang.


"Apa, api Rpi'n maw Anu a beng vak mai," ka meng kawk. Keimah ang bawkin U Hruaia chuan Andrew-a chu a en zui vut a, "eng maw?" A ti zui sup bawk.


Engtin nge, "Apa" a tih mai theih le?


"I va awlsam leh si ve Bawiha," U Tetei a rawn nui khak khak.


"Apa alawm. Tiraw Emma. Api'n a sawi vek tawh," uar zetin a rawn ti leh zui hliai.


U Hruaia chu a nui ta suk suk a, phur zeta tho zui vutin, "lo kal teh," tih leh ka hmai dehna chu dah sawn daihin, ka fapa chu a pawm nawlh a, "eng nge i duh han sawiteh? I duh duh ka pe ang che," a kal sawnpui nul nul chu phawk fe hian ka en haw haw mai. Naupang aiin a phur zawk emaw tih turin a pên chhuahpui chak lehnghal!



"Anu kei pawh ka duh ve," Emma-in a rawn zui ṭuau.


"Ṭah tum ringawt lo khan 'Apa' ti ve la, a leisak ve dâwn che alawm," U Tetei'n a lo ti zat. A zak leh ang lawi a, ka mal chungah a rawn bawk zui ang chawih chawih a.


Ka Nu rawn nui khak khaka khuh zuiin, "Drew-a hi chuan a Nu chiah chiah a ni a chhun ni. An duhnaah chuan zah an hre lo reng reng," U Tetei nen an nui hak hak.


Ka lo ner nawng thung, "ka fapa ang em em hi chu ka ni ngai lo," ka lo ti zui nung nung, kawngkhar lam bawk chu ka en leh ṭhin. Khawnge maw an va inpawm chhuah tak chu ni?


"I inhre lo mai mai a nih chu. Chaw ei zai hi i rel ang u hmiang," nui chunga tih leh a tho zui ṭuah ṭuah. A awihawmloh e, a chang hian ka zaklo lui ve deuh ṭhin a. Ka fapa hi chu a zak miah lo tawp alawm. Mite hi a ui ve deuh te ka ring a, a thikthu chhiat ve deuh te pawh ka beisei ve a, a duh a neihna a nih chuan min theihnghilh a, min phatsan daih zel.

Chutin keiin mi ka phatsan ve ngai mai mai lo. Lalrinhlua hi thluak hlang diktak zawk a nia. Phakar nen a la fâwm zui.


Chaw ei laiin an rawn inkai lut a, "awi! Lalhruaitluang!" U Hruaia zawk ka lo vin vak.


"Engan nge khang zat zat inva lei?" Transformer Optimus Prime a ngen fo ṭhin, ka lei ngam loh chu sawi loh, melh melh ka melh ṭhat ngam loh, dawr bul thlen tawh chuan tlâna ka tlân chhiatpui ṭhin a rawn kuah lut va va a. An hnungah sarang dum lian puiin Vula'n a rawn khai bawr ve bawk.


"Emma-i ta tur pawh kan lei tiraw Apa?" A melh chho kher. U Hruaia lah naupang zawk thu thua awm ang maiin a lo bu nghut nghut. An va han hahthlak dun tak!

"Thluak cell in inṭawm a tin nih kha, chaw rawn ei rawh u," U Tetei a nui zui hak hak.


"Kei chu ka puar tawh," tih leh Emma-i pawh a tho zui nalh, a kut silin Vula sarang dahna lam chu a pan nal nal bawk a.


"Vula rawn ei ve nghal la," ka Nu-in a lo ti a. U Hruaia'n ei tura tih nan a darah a beng zui thuk thuk.

Ka pasal ka bula rawn ṭhu thla chu ka lo melh vak, a la nui deuh sun sun zui. Naupang a tisual mai mai.


"Khawi a mi zozai nge inva lei a? A tam bawk si, sum sen ngaihna i hriat loh leh minpe rawh," ka ti zui hlak hlak chu a lo nui ri huk a, "i ta vek alawm," a ti zui sup bawk. Ka ngei lutuk.


"Rinhlu, chaw rawn ei rawh."


"Ka puar tawh, Apa in ice cream min lei bik," a nui var var.


"Rawn ei rawh. Nangpawh engah nge naupang zan zanah ice cream i va ei tir?" Ka ti leh hlak hlak, "Lalrinhlu, rawn ei rawh," ka ti leh zat.

"Engah nge nangpawh Lalrinhlu, Lalrinhlu min tih," lo ti let deuh hlar chuan a U awmna lamah a tlân sawn daih a nih chu! Ngei deuh hian ka melh zui vak.


"Andrew-a hian Over lamah U Hruaia a chhûn dâwn riaua ka hriat chu le?" Ruati'n nui chungin a lo ti ve bawk a.

"Dâwn chiang e, annu mah thla 2 ngawt damdawi in a awmtir thei a nia. An inpafa khawp ang," U Tetei'n lo ti ve vatin, "a nih Bawihte, tlaiah khan 'anu aiin api a fel, ka favorite ini,' i tia, tunah Apa nge, Api nge, Anu i favorite ni le?" A ti zui lang lang.


Chaw ei pah chuan Andrew-a lam chu kan en hlawm a. Ka rilru tak chuan min thlan ka ring ru viau mai.


Mit khap zek zeka U Hruaia enin nuih tlawn ti tih hian, "Api leh Apa chu ka favorite number one a nia, anu chu ka favorite ve tho," a ti chhuak chu ka chaw ei ka phuh chhuak lo chauh. Midang pawh ring tak hian anrawn nui chhuak hawk hawk hlawm. Ka sawi kha, a duh a neihnaah chuan min phatsan hmak zel mai ni.


"Min phatsan leh ta a ni maw?"


"Anu keichu ka favorite ini char char," ka fanu-in a lo ti vat bawk a. Mi hi chu an ti hlim ve alawm. Ṭah lah ka ṭahpui tam narawh!

Hlim taka ka fate nui ri leh min nuih tir chang hi cjuan, "Kan fate hi Pathian thil thlawnpek hluber," tih hi keimah hian ka chiang thar em em ṭhin.


Kan haw dâwn pawhin ka pawm a duh ta miah lo, U Hruaia a kuah deuh chawt lehnghal, ka ngei lek lek dâwn.


"A muhil em ni?" Andrew-a a pawm chu a melh zauh a, a âwma beichiala muhil chu a nuih suk bawk. Ka mal chungah Emma-i pawh chau tih hriat takin a muhil ve bam mai.


"Khawilam nge kan pan dâwn?" Ka hawi zui vual vual. Kan in lam kan pan hauh lo.


"Kan haw ang chu," a lo ti sup.


"Kan in lam a nih loh hi," ka ti hliai.

"Pasal i nei tawh tih i hre lo em ni?" Ti supin thle zui buk bawk. A ngaihna hre lo deuh chuan mitko chuar nang chuan ka en ta ringawt a. Engmah sawizawm a tum leh chuang dêr lo.


Durtlang field lam kan pan chhoh phei chuan meng zau hraw hraw tawh tak ka ni.


Kan hmaa building lian ṭha zet mai, chhawng 2 a sang, engineer leh interior designer tena theih tawp chhuaha an design leh sak a ni tih hriat tak mai ah chuan Vula chuan car chu a khalh lut a, pawnlam aṭang pawh a êng un mai chu a mawi tawk viau a nia.


"Helai hi...." Car din dat rualin at hmel lutukin ka ti chhuak hau mai. Lalnunpuii te ho nen he in hi vawikhat kan hmu tawh, a nawm hmel thu leh a nalh thu bakah, tuta nge tiin kan sawi zui hliai tawh kha a nia.



"Chhuak la..." Ti supin Vula'n car kawngkhar a rawn hawng a, Emma-i pawmin ka chhuak ve vat.

Ruati pawhin mawi a ti ngang a ni ang a en dauh dauh mai. Aizawl mai ni lo, Mizoramah chuan in nalh pawl tak, mihausa leh politicians ho in ni âwm a mawi a ni mah zawk.


A darah Andrew-a chu a bei tir a, a kut lehlama ka kawngah rawn chelhin, "kan in a ni tawh ang," phawk fe hian ka en chho.



"Heihi maw?" Ka ti chhuak thlawt bawk. A mak êm alawm.

"I in maw?" Kan ti leh haw a. Nui sukin, "kan in," ti chuan In mawi lutuk, lian ṭha bawk si lamah chuan a thle buk bawk. Läwm emaw hlim avanga nui tur ka nih laiin mak ka tih luatah ka nui thei dêr lo.


"Min ṭhawng hle," inchhung lam kan pan laiin ka ti leh hrâm. Min ṭhawng êm bawk a tin ni.


Inchhung kan han lut lah chu'h, ka mita ka hmuh hi ka awihlo hial zawk mai dâwn .

Inchung pan chhohna kâilâwn kual chho ruih mai, rawng uk kharh tliang nalh tak chuan mit a la hmasaber a, chhuatlah marble ṭha chi vek hman a nih bakah, TV stand leh a bula incheina engkim chu duhthu pawh sâm ni ila heng bak hi chuan kan sâm chuang hlei lo'ng nge tih tura mawi leh chang tlung a ni.


"Vula, Ruati room tur lo va kawh hmuh rawh," U Hruaia'n tiin, "kan chho dâwn em ni?" A ti zui sup. Ât hmel deuh hian ka lo bu nghat nghat zel ringawt a.


Inchhung kan thlen chhoh pawhin bangah lah lemziah mawi tak tak a intar bakah, ka thlalak ka hmu nawlh mai. Ding meuha en chho vin, "heihi...?" U Hruaia chu ka en he haw.


"Ka school kal lai a nih hi, ka sam te hi a phirsi bawk si. Ka hmelchhiat êm hi," ka ti zat zat. A lo nui ang hawk hawk zui a!


He thlalak ber kher, class X kan exam zo, kan ṭhian ho va uniform nena kan bazaar ṭum kha nihialin ka hria. Thli lah kha a thaw nasa bawk si nen.


"Khawnge naupang hi ka mut tir dawn, ka la thla dawn," a nuih a za tulh tulh lehnghal, miin hmuh te an hmu ang, ka hmelchhe si, ka ner nasa bawk si.


Ka kawngah rawn chelhin, ka bekah a fawp zauh a, "mipui tamtak karah khan khi hmeichhe naupang, school uniform var nalh tak, inhmeh tak mai nuimawi tak chauh khi a nih ka hmuh a, a thla ka laksak ni," a ti sup sup.


Ka melh chho ralh, ka hmui hnuailam ka ti pawrh ta tarh ringawt a, "hmelchhia ka la inti tho," ka nui ta hak. Ka thlalak hlui zet chu en lehin, "ka ṭhang ṭha hle mai," ka ti nui ta khak khak chu amah pawh a lo nui ve vur vur tho. Ṭhang ṭha tak ka ni.


Naupang room-a kan luh pawhin en ngawih ngawih tham tho vin a ni a lo chei leh tho ni.

An khum te lah chu pakhat a pink, pakhat senduk, an bedsheets te lah chu a inmil ang thlap bawk a. Ka fapa in spider man blanket a hmuh hunah a va hlim dâwn tak êm!


Andrew-a a mut hnuah Emma-i chu dimte hian a rawn la a, a mut ve zat bawk.

Thaw chhuak ham hama ka fate room zau tak mai chu hawi kualin, closet, study table leh toys awm ho chu ka en kual dan dan, ka fate awh ngawih ngawih ṭhin engkim chu a kim biai mai. U Hruaia ka phu loh zia leh min hmangaih zia lang vur si lo va a chetdanah hian ka hmu chiang tulh tulh niin ka inhria.


"Henghi engtik laiin nge i buatsaih a?" Ka ti chhuak sap.

Ka pasalin hmuhnawm ti taka ka hawi khal chu, mit khap lek lovin mi lo en ve bawk a.


Ka lama rawn pên hnaiin ka hnunglam aṭanga ka dulah rawn chelh chuan, a taksa su datin min pawt hnai a, ka tukkhumahah a hmui lum ther ther chu nghatin, "hmeichhe pakhat nupuia ka neih hma chuan he inchhung hi luh ka tum ngai lo. A tána ka sak tir a nih avangin," a ti dam raih a.

Ka dul zawna a kut chu chelhin, "ka tán maw?" A nui nghawr dat.

Alama min kuai herin, ka kawngah a chelh a, eu deuh hâ chungin ka en chho zui kiau bawk, "i tán, ka hmeichhe hmangaih awmchhun tán," rilruih maia a rawn ti chhuak chu lai ru tak si, hlimna inmin tuam zui veng veng siin ka nuih ver ver a.


"U Hruai," a mitko a lo san ak.

"Priscilla-i nen khan engvanga innei nge innih?"

A mit ti zîm sulhin, "i thik tih sawi phawt la," ka nui chhuak thlawt. Ka thik lo nasa. Thuktur in a awm loh mai bakah a nupui hlui lah mipangai lutuk a ni bawk si. Zawng ngial pawh ni ila ka hmu dâwn lo tih ka beng awmna ka chian tluk zetin ka chiang ve tlat.


"Ka thik miah lo," a hnar a lo tum dut. Ka nuih khak khak.


"I U ten Birthday party-ah min hruai a, kan in turah damdawi an lo telh a ni âwm e. Ka harh leh chuan engkim a lo thleng fel vek tawh," a ti sup sup. Thil awmdan chu ka hrethiam ve nghal mai a.

Min kuahna aṭanga tal chhuakin, "hmeichhe ṭha tak a ni," tih leh, "khawinge kan room, inbual ka duh?" Naupang room aṭang chuan ka chhuak zui a.


"Inbual dun ang," tih leh min rawn zui chhuak.


Naupang room dawt chiaha room chu a nam hawng zui a.


"Ka inbual hmasa dâwn," tih leh ka tlân lut vat, nui huk a rawn lutin ka hnunglam aṭang bawka zo zeta min rawn chawi nawlh chuan, "ka lak aṭanga i tlân chhiat theih i ring em ni?" Tih leh bathroom-a min pawm lutin, "ka chelh ang che nga, ka duat sual dâwn che," thutak zeta a tih chuan min dahthlak rualin, alam hawi chuan a mitah ka en chho vat.

Ka ringhlel miah lo bawk. Duatsual ka har dâwn lo tawp mai hepa thlazar hnuaiah hian.
.
.
.
"U Hruai..." A muhil tui ta a ni ang.

Khum aṭang chuan ka tho chhuak dên dên a, ka bag khai chu la thla in, ka zen rak rak.

Memory card chu phawrhin laptop lam chu ka pan a. "USB..." Ti sapin, a bul vel chu ka en kual vat vat. U Hruaia lam ka hawi leh ṭhin, a muhil sek sek chu ka vannei takzet.


Pawhdawh a USB multifunction card reader tih inziak ka hmuh chuan ka thaw chhuak ham ham. La vatin memory card chu ka vuah a, usb chu laptop ah vuah lutin, chair-ah chuan ka ṭhu thla riai riai.


File tamtak chu ka click a, mahse engmah a awm lo. 10mins lai mai ka enkual hnuah "secret file" tih hi ka hmu hlawl mai, ka click vat a, password a la ngai khanglang zui a!!!


Engtin nge maw ka tih dâwn le?

"Bawihi..."


Awi ka Nu!!! Ka thlarau a thlawk chhuak hialin ka hria!!!


"Eng nge itih?" A lam ka hawi vat a, mu tho hlim mitmeng pawh saw!!!


Ka lungphu nasa lutuk chu ka thawk lak a buai titih hial.


"Zawhna ka zawh che chu."


Thaw kawkin, "hna..hna tlem ka nei a, mu leh rawh," tih leh ka inher vat, mit ka chhing sawk bawk. Rukru lai man ang mai alawm ka nih. Min en reng tih ka hriat phei chuan ka thlanfim rawn bawlin, ka kawchhung thlengin a sa nghal veng veng thei!


Autopsy ka tihlaia Hriatzeli pian ni leh thla, a pian kum te chu ka chhu lut tak nâ chu a theih dêr loh. Beidawng ti tih deuh hian laptop chu ka en ngat ngat a.


"Rawn mu phawt rawh," U Hruaia'n lungawi chiah lo tih hriat deuh hian a rawn ti leh sup.


"Aw.. Ka zo ṭep," tih leh beidawn tawh lamah ka U case a telve deuh avanga ka U birthday ka chhulut a, a theih chuang loh. Ka U thih ni leh kum ka chhut lut rualin a in loading rei lohah a in hawng nia maw le!!!


Ka meng kawk, file chhunga thlalak leh ralthuam, heroine, mitthi thlalak a awm nuk a, 'evidence' tih chu click lehin, ka chhiar thla zel, Pa Roa hming awm thla duah leh an mandan, an man chhan, a chhuahdan engkim mai awm ka hmuh chuan ka hmul thi a ding nghal seng seng a. Ka khap fawk fawk bawk.


Ka thil hmuh chu dawt a ni ti dâwn ila, ka hmaah a case ṭhenkhat, kum 2/3 liamtaa a mi Rinfela'n a cover sakna thlengin a awm vek bawk si a. Engtin nge a nih theih?

Burma ram aṭanga heroine, opium leh damdawi dang chi hrang hrang rawn phurh luh ho a bulpui ber ang a inziak Pa Roa leh kan Minister ṭhenkhat te bakah, Police officer hming tamtak inziak thla duah mai chu thaw dep dep hian ka chhiar thla dan dan a.


Ka kut chu a rawn khur chhuak ti tih nghal, nghet taka ka kut pahnih chu chelhin, "a nih chuan ka U khan heng mite zawng zawng hi a hria tihna em ni? A nih chuan...." Ka lu ka thing nawk nawk, ka ngaihtuahna chu ka duh lo takzet.


Engtin nge ansual thupnan emaw an sum bawlhhlawh lakluh thupnan emaw nunna an lâk theih ang ni? Burma aṭanga damdawi an lakna, an lo lei chhawnna te pawh an man tir mai a, an Mizo pui ngei chu an that bîk nang!


Keimah leh keimah chu ka inhnem tak nâ chu, ka chhungril erawh a khur ru ta dar dar mai. Min ṭhawng satliah pawh a ni lo, hming lang leh ka hmuh te chuan min deng dawt dawt a, Pa Roa hming awm thla duah leh an manna aṭanga a chhuahdan inziak thla duah mai, a sum chelek dan awm te chuan ka tirilah min manbet tlat bawk!


"Bawihi.." U Hruaia aw ka hriat ruala, a rawn tho zui a ni tih ka hriat chuan USB chu ka phawi vat a, Laptop khup vatin, "ka lo mu," tih leh ka pajama ipte ah dahlutin ka pan vat.


Ka hmel buai nak chu a hrethiam ang tih hläu takin ka thup ṭang ṭang nâ chu, "buaina i nei em ni?" A lo ti chat tho.


Ka lu thing vat vatin, "mu ang," tih leh khumah ka lawnkai a, a bulah ka tawlh hnai zui hrat hrat. Kuahzui chial chuan ka thaw dep dep bawk a. Ka kawchhung a khur ru lo chauh zawk.

"Myla.." A inbeng kang a, "engthil nge dik lo awm?" A ti hluk, a aw ah chuan läwm lo ri ka hre thei.

"Ka mut a chhuak," tihsan chuan a mitah pawh en duh lovin a awmah ka hmai ka phum zui chial a, a lo thaw chhuak hawlh, nghet taka min kuahbet zui chuan ka chhipah a fawp vang vang bawk a.


Min kuaha min fawh takah chuan ka thaw chhuak thei ta deuha ka hriat hial ni!


Zan hmasa lam ka muhil mumal lo nen, nilengin kan buai leh nen ka chau ngang a ni ang, reiloah ka muhil nghal ve mai.


"Anu..."


"Bawihte reilote," ka inlet thak.

Khumah a rawn lawn a, "apa..." Ka meng vat. U Hruaia'n ka muhil mi lo thlir reng chu niin.

"Inharh te chuan tho ta che u," kan ti nghal ngawt bawk a. A lo nui suk. Lalrinhlua lah U Hruaia bulah a tawlh hrut hrut lehnghal a.


"Bawihte min lo kuah ve la," min ngaihsak miah lovin U Hruaia melh chho kiau chuan, "Apa i motor lian tawk khan school min thlah dâwn em?" A ti daih chu ngei tawka ṭhu chhuakin, "i tenawm e Lalrinhlu," ka ti chhuak thlawt. U Hruaia a lo nui huk huk. Ka nui ve ta vur vur tho va.

"Anu..." Emma-i a rawn innuai lut chat chat bawk.

"Tinge kan bulah i mut loh," a rawn ti zui ṭiau bawk a, khuma pawt kaiin, "nula te chu mahnia mut tur alawm. Saw i nau pawh a mahin a mu a, a rawn ṭap lut lo reng reng," ka ti chu Lalrinhlua a lo inti thei leh nasa mai, "dik chiah, ka ṭap miah lo," a lo ti zat bawk a. Emma-i pawh a bâng ve leh mai bawk.


Engtik laiin bungrua zawng zawng a lo sawnluh tir ka hre lo, chokaah lah nise kan bungbel hlui a lo awm ṭhap bawk si. Zankhat leh ni khata thiltih atan chuan a tam mah mah a ni. Insawn luh leh rem ringawt pawh a buaithlak dâwn nen, hnathawk tur a chhawr hnem a ni khawp ang.


"Anu, ka mutna chu maw spider man puan ka sin."

"Umm..." Rinfela ka hmuh a ngai niin ka hria.


"I fate thusawi chu i ngaithla em?"

"Maw?" Ka hawi chhuak heu. A mit a lo ti zîm sulh, "engin nge i rilru kap?" A ti bul nghut. Nui chungin, "hna ka lo ngaihtuah a," ka ei tur chu ei zui vat vatin, "hmanhmawh rawh u kan tlai dawn," ka fate chu ei chak turin ka ti zat. U Hruaia min en rengna chu ka haider tlat bawk. Ka hrilh thei rih tlat lo, ka hrilh a nih chuan engahmah min tel tir leh dâwn loh bakah zep a nei leh dâwn tih ka hriat chian lutuk vang a ni zawk.


Naupang school kan thlen chuan Zodini leh Shanel-i an rawn thleng ve chiah a.

"Shanel, i hliam kha eng nge a an?" Min melh vak a, ka bula ding a Pa chu melh leh nghekin school lam a pan zui hlawk hlawk. U Hruaia a lo thaw hraih mai. A fanuin huatna mitmenga a en ta tlat chu a hrehawm viauin ka ring.


"Eng ngah ngai suh Sawmte, a rei ang a, a pawm ve mai ang. Ka Nu te inbe tawh em?" A U chu a en zui a.


"Biak an ṭul em ni?" Ti nghut min, "Myla lut rawh," a inher zui vut.


"A mood a off a niang," ka ti nui zui vur vur. A lakah zep ka nei tih a hre ve deuh niin ka hria, in kan chhuahsan aṭangin a la tum bau reng mai.


"Sawmte, itan a harsat ka ring tho a, mahse ka Nu te hi be ve hrim hrim la ka ti. Ka U chu a luhlul sia, an inkar a khi zau ang tih a hlauhawm," a rawn ti sep sep. A rilru hahna chu ka hriatthiam pui takzet kei pawhin ka lo tum rilruk a ni hrim hrim bawk a.


U Hruaia car lam kan hawi chu rûm ul maia min lo en rûn avangin, "kal rawh, a lo seh ang che," a nau chu a nui hak hak. Nui chung chuan ka pensawn ve vat a.


Station kan pan lamah pawh a ṭawng miah lo, hmalam a en ngur mai.

"I thin ka ti rim em ni a?" Ka ti ta nge nge. Car a ding zui dat bawk a.


"I hria ang chu," ka nui tawp, a titau ve em maw ni le?"

"I titau em ni?" Ka nui khak khak, a rum nghut a, ka lam rawn hawiin, eng emaw sawi a tum zet a, ka lo nuih reng vang nge, "lo va lut hmasa rawh," a ti ta sup.


Bu nghat a seat belt phelhin chhuah ka tum zet a, inher lehin a biang a fawp zauh chuan, "titau ka thlem thiam lo," tih leh ka zuang chhuak vat, a nui ri ve ta huk mai. A hmel en ai te hian tih läwmte hi a awlsam ang lawi a.


Autopsy room ka lut zet tawh, Rinfela hmuh chu ṭhaa ka hriat tho tho avangin ka inher leh a.


"Khawnge i kal dawn?" Hawilet zawkin,"ka chhuak lawk dawn," tih leh ka tlân thla dat dat. U Hruaia awm leh awm loh ka bih zui zauh bawk.


"A awm lo," nui vur vurin Tea'n a lo ti vat. Nuih let ve sak chuan ka tlân chhuak zui vat bawk a.


Station thlang deuhah taxi changin, "Hmaa," ka call a pickup rualin ka ti zat.


"Rinfela damdawi in awmna min lo hrilh teh."

"Teh tawl che chuan, a hrim hrimin biak duhna i nei em ni?"


"Umm, sawi la," rei pawh ka châng lo, taxi rawn thleng chu lo phar dingin ka lut vat.


"Message-in ka rawn thawn ang," a tih takah chuan dahin message a rawn lut zui zat.

Driver hnenah ka kal duhna sawi chuan ka ṭhu ta hnak a. Rinfela hian thui tak inrawlhna a neih loh hram ka beisei a ni. Tin, ka U case ah hian inrawlhna a nei em? A Pa hian hriat a nei ang em? Tih zawhna a rawn lit zut zut bawk a.


Damdawi in ka thlen chuan Hmaa ward no min pek lam chu ka pan hlawk hlawk.

Kawngkhar ka kik kharh kharh, "lo lut rawh," awmpui tu a nei lo em maw ni?

"Malsawm..." Awmpui tu a nei lo tak tak a nih hi.

"I nák i inhliam a ni lo'm ni? Tho duh suh," ka pan hnai vat a. Ka hmel a hmu chu mak a ti deuh a ni ang, a mitmeng tal rak ka hmu hman tlat.

"Eng nge i an?"


"Ka ṭha. Min kan tura rawn kal ini lo tiraw?" Za vak lo hian ka nui a.


"Zawhna ka nei a."



"Han sawi la," a mitah ka en kalh. Ka zawh dawn tak takah chuan tlemin ka zâm leh deuh si. A khum bula chair chu pawt chhuakin ka'n ṭhu ṭha te te a.


"I Pa hi..." Ka'n ngawi leh deuh a, "i Pa thiltih hi i hriatpui em?" Ka tih zawm sap. Hansawi mawi vak ngaihna ka hre lo.


"Eng ber maw?" Ka thusawi chu a hrethiam lo tih hriat tak hian a rawn ti chhuak a, "Malsawm, thil hriat i nei em?" A rawn tih zawm zat. Ka luh tirha a hmel aiin a thutak ta daih zawk bawk.


"Ka zawhna chhang rawh," ka chhan mai loh avangin a rawn ti leh a, lo thaw kawkin, "ka U case-ah inhnam hnawihna innei em?" A meng kawk. A insiam rem vat nâ chu ka hmu hman lutuk tlat.


Ka chil lem khalhin, "Rinfel, ka U thihnaah hriat i nei em?" A lu a lo thing vut a.


"Ka hre lo," a ti bul sup.


"Ka ring lo che," ka ti chhuak thlawt. Ka ṭhutna aṭang ka ding chhuak a, "i Pa ei rûk leh sumdawnna pawh i thup pui duh a...."


"Malsawmkim...." A lo ti hrawk, ka phu nasa lutuk. Ka meng phar awn awn mai.


Thaw kawk hian, "inrawlh suh ang che. I thil hriat zawng zawng pawh hre lo angin awm bawk rawh," a thusawi sak tak chu awih lo lutuk hian ka lo en ngawt ngawt.


"Ka fiamthu hauh lo a nia. I kut rawlh suh," fiah zet hian a rawn ti leh a.


"Duh ta lo ila. Ka U hming telna a ni tih i theihnghilh ang e," ka lo ti let fak.


"Malsawm, ka thusawi chu zawmla i pasal thar leh kan fate ah i rilru pe rawh, ka tibuai tawh dâwn lo che. Tin, vawiina i zawhna hi tumah zawt ngai suh ang che," a ti leh zat zat. A teuh lo lutuk, a tawp ka thlenpui dawn. Hengho zingah hian ka U dahṭha tu an awm tih ka chiang lutuk tlat.

"Malsawm..." A rawn ti leh hluk.


"Lalrinfel, engtin nge hetiang taka tenawmah hian i chhuah theih?" Ka ti chhuak thlawt.

A kutna lo lam chuan a hmai hi a tuai puat a, "i tána ṭha tur a nih chu ka hrilh che," kha deuh hian a rawn ti chhuak leh hriah bawk.

Za lo lutuka lo nuiin, "Rinfel, ka U thihnaah in pafa hming a lang a nih chuan ka kut ngei hian ka that dâwn che u a nia," ka hriat duh pakhatmah ka hre lo chung pawhin, inrawlh lo tura minti chuan minti thinrim lutuk mah mah.


Ka inher a, pên chhuah ka tum zet tawh hawi let lehin, "Rinfel, hmana Lalrinfela ka hriat ṭhin, rilru tluangtlam, sum leh pai, hausakna, hming ṭhatna in a tihbuai loh mihring kha ka ngai ṭhin. Ka hmangaih ṭhin kha. Hmangaih tawh lo che mah ila, nangmah hlui, nangmah diktak kha ka tán chuan ṭhian ṭhaber ka damchhunga ka neih leh tawh loh tur mipa. Ka fate Pa atana ka thlan ini tih i iinhre dawn nia," ka thusawi avangin ka mittui a rawn hnam ṭiam ṭiam lehnghal.


Ka chhuak chu min enzui reng a ni tih ka hria, inngaihtuah chhuak se ka ti tazet.

Damdawi in aṭang chuan kawngpui lam chu ka pan thla hnak hnak a. Ka U boral lai khan Rinfela pawh ka bulah a awm a, tin tuna a hna hi a la thawk miah lo bawk. Ka U case ah chuan a inrawlh thei lo tih ka chiang. Ka chiang lutuk tlat.


A nih chuan Pa Roa hian inrawlhna a nei ang em? Rinfela pawhin vawitam a lo thuppui ṭhin ang kha, ka U khan a chhuiin a hre chhuak vek si a.


"Malsawm...." Tih hrawk ri ka hriat rualin, hmeichhe ṭê tuar hian a zui a, mit ka chhing sawk, vir zui nawk chuan kawngpuiah ka vial thla nawk bawk a.

Mahse, min kuahbet tu an awm tih ka hriat avangin ka meng vat a, "i ṭha em?" U Hruaia aw ka hre zui zat bawk.

Min tung tho nawlhin, "nâ i nei em? I kalna tur en ta che," a ti zui hriah. Ka hläu hnu hnawh leh lutuk chu ka mittui a rawn hnam ṭiam ṭiam a, ka khur ru nghal dar dar bawk. Min rawn su fuh se zawng ka thluak per chuaiin ka vial ngei ang.


"Min vin suh, ka hläu ve tho," ka lo ti ṭuau chu alama min pawt hrawkin, thaw hraih hraih chuan nghet takin min kuahbet a, ka tukkhumah chelhin, "ka tihpalh, ka tihpalh. Ka hläuh luatah ka inthunun hman lo a tin ni," min namsawn deuh a, min en kual thuak thuakin, "a nâ em? Na dang i nei em?" Ka lu ka lo thing vat vat.


A hmel dur khupah pawh a hlauhthawn zia ka hmu thei. A thaw hawlh a, mitmeng hahdam deuh zawka min enin, "i ṭha tak tak em?" A ti leh sup.



Mittui tlingpam a enin, "i kut hi," ka ti chhuak ve ta ṭiak a. A kut en zawkin, "ka ṭha..." Tih leh alamah bawk min pawt hnai lehin min kuah leh vawng vawng.


Ka lungphu mai ni lo, U Hruaia lungphu ri dup dup leh, a thawk lak khur ru dar dar chu chiang lutukin ka hre thei.

A taksa lianpui mai sak ṭulh ṭulh bakah, a hapui seh ṭhial ri ṭalh ṭalhah te chuan a hlauhthawnna a thunun nasat zia ka hre chiang viau bawk a. Inthiam lohnain min rawn tuam nghal ṭiam ṭiam mai!!!

<>~>~>~>>


Note : Naktuk Thawhleh zan aw hmelṭha ho


Show post links
Top

[Ngaia]

THURÛK_99

BY

Floria Laldansangi


Chapter < 26 >

<><><>~><>


"Inṭha em?"

"Ka nupui hi a kut ṭhui a ngai ang," U Hruaia'n min kuahna aṭanga inla hrang chuan a ti a, a aw pawh a la chang ṭha viau mai. Kei aiin a hliamna daih zawk si a. Keia hliamte chu ka kiu tlem a pilh hlek chauh a nia.


"Ṭhui êm chu a ngai lo ang, a kiu a pilh deuh a nih kha. Damdawi in ah min rawn zui rawh u," Nurse pakhat hian a rawn ti zung zung a. A nuih a zat ruk hmel viau lehnghal, ṭhui êm a ngaih loh zia a hmu ve reng sia.


"I kal thei em?" Nurse thusawi ngai pawimawh lo zet hian a rawn ti leh sup, a hma aiin a aw hriat leh lo dawnsawn tlemin a nuam ta deuh.


Damdawi in kan pan chho a, "in ṭha em?" Rinfela kan tawk chho hlawl.


Keimah zawkin melh rawm rawmin, chhang duh lovin ka pên chak sauh va.


U Hruaia nena kan hliam min enkawl sak lai pawhin Rinfela chuan mi lo en rûn a.

"Rinfel, kan thih i beisei em ni?" Ka ti ta fak.

"Engvangin nge maw ka beisei ngawt ang ni?" Ti nung nung chuan Cindy-i a bulah a rawn ding ve chu a en zui a, "accident a awm antia, nangmah ni em ni?" Ka chhang lo. Ka en ngar ngar chu mak a ti nge nuam lo a ti zawk ni, "in na lova a lawmawmah ngai ang, i ward ah kan phei dâwn em ni?" Tiin, Rinfela chu a chelh zui zat.


A läwm tak tak phei chu ka ring miah lo, min rawn su turin an tir lo ang tih tunge sawi thei.


An kalsawn dâwn pawha Lalrinfela min enna, a mit aṭanga min ngaihtuahna te chu hmu lo lah ka ni hek law.

Mahse, rin tur a ni em tih pawh ka hrethiam lo mai pawh ni lo vin ka ring ngam lo zawk!

Ka ngaihtuahna chuan ka ṭah a rawn ti chhuak nghal et et. Ka lo ngai ṭha thei lutuk te chu â ka inti hluah hluah bawk a, ka bula lungawi lo taka ka pasal taksa lian zet ṭhu rûn mai chu ṭah chhuak ṭeu chuan ka melh chho leh ralh ṭhin. Ani erawh lungawi lo nasa tih hriat tak hian a en ngai a en ngur ngur thung. Nurse te pawh chuan an hläu ti tihin nia ka hriat hial ni.


Damdawi in aṭanga kan chhuak chu ka bânah chelhin min pên pui pawk pawk, a tlânin ka tlân a ni mah tawh zawk.


"U Hruai.." Min la pawt dawt dawt.


A car bul kan thlen rualin, "lut tawh.." Kawngkhar a hawng zui rawk a. Hnial ngam pawh a ni lo, ka lut zui ve ta vat. Rawn ṭhu lutin, hmalam a en nghal ngur chu tîm deuh taka ṭhut hnaih surhin, "U Hruai..." A bânah chelh chuan ka sawi dat.


A lo rum nghut a, "USB kha minpe rawh," a aw chu a ring lo nâ chang tak a ni. Ka meng phar nghal awk mai.

"I hria..." Mitmeng thîp dur khup maia min rawn en chu ka lo ip chawih thei. Thaw nghal dep depin chil ka lem khalh a.


"In..in ah ka dah," ka ti bah niah chu a thaw zui hrawih.

A hmai tuai puatin, "kha thil avang khan ka chân thei che tih i hria em Malsawmkim?" A aw chhuak tin mai chu hlauhna leh thinrimna in a khat a, a hriam hrak bawk.


Ka hmingpuma min koh vang nge ni a, a aw chang rût vang? Nge ni, ka nunna ka chân theih thu sawi lo va, min chân theih thu a sawi leh, a hlauhna lang chhuak vang zawk ka hre lo, ka mittui a rawn hnam ṭiam ṭiam a, mit khap fak fakin ka chil ka lem leh khalh.


Ṭah chhuak ṭeu chung chuan, "ka tihpalh," ka ti chhuak sep. Tuna ka hriat chhuah tak chu ka pasal bulah hian, ka no in ka ṭahbelh em em zel a ni tih hi a ni.


Thaw ta hawlh chuan, "lo kal teh," ti supin alamah min pawt hnai a, a awma min kuah bei chial chuan duat takin min chul zui ta hliau hliau, a taksa ṭang ruh ṭul mai inthlah dul riai riai chu chiang takin ka hre thei bawk.


"Ka hlauh lai chuan min vin tawh suh," ka ti chhuak leh ṭiak chu a lo nui nghawr ta dawt a, ka chhipa fawp vang vangin, "USB chu khawnge i dah?" A ti leh sup. In ah ka dah ka ti reng sia. Min ring lo em maw ni?


Inla hrang hlekin ka melh chho ralh a, "in ah ka dah tak tak alawm," min ring lo ang a ka ngai chu ka läwm vak lo, a lo thaw ham ham, Vula a rawn lut ve chiah bawk nen Vula a en zui rûn a, "police kutah ka dah," Vula'n a tih chuan a mitko veilam hi a san ak. Driver min rawn su ṭhelhtu kha a ni ka ring.


"A rui em ni?" Ka lo ti vat a.


Min enin U Hruaia en leh chuan, "umm.." Tih chiahin min chhang, ka ring miah lo bawk.

Eng emaw a sawi beisei deuh hian U Hruaia chu ka melh chho va, "in ah..." A ti ta sup chu, "hna kan thawh a ngai alawm," ka lo ti vat. Ka zawt zui bik ta lem lo. Zawt pawh ni ila a sawi dâwn lo tih ka chiang.


"I hliam..."

"A na lo, Vula station ah.." Thupe deuh hian ka ti chhuak zat a, ka inla boss ta vel lutuk chu a nuih a za a ni ang, nui ta huk chuan, "a sawi ang chuan," ti dûtin min kuah leh nghal hlu hlu, ka nui ve sen sen tho.


"U Hruai..." Kan tlân chhuah hnu fe ah ka ti sep a. A khabe hnuai aṭanga melh chho leh kiau vin, " ka U case-ah hian tutu te nge inhnam hnawih i hria em?" Ka mitah a rawn en chhuk rûn.

"Engvanga chutianga ngaihtuah chu nge inih?" Min lo ti let khauh. Ngaihtuah ve bawk ang chu maw le.


"Mi â ka nih loh hi. File password pawh ka risk dik thei tih i hre lo em ni?" Ka lo ti let hlar. Ka inlak fin hmel em em lehnghal.


A nui a, ka sam ka benga zeh pahin, "fiahna a awm loh chuan engmah a sawi theih loh alawm. Mahse, tun a chinah engthil mah i thu in ti tawh suh ang che. Chân ve che ka duh lo," min hril pawh a ni lo thu minpe leh tawh zawk. Tin, a aw tawp lama min chân a hlauh zia bawk chu a lang chiang leh viau ṭhin.



"I hre reng sia, hre lo angin i awm a?" Keimah zawk chuan ka ti hlak.


A hnar a lo tum dut a, ka chalah nalotea tuk kawrhin, "i thluak tereuhteah hian engthil nge awm ka hre duh alawm," a lo ti awlsam et lehnghal. Minbum tihna a nih chu!



"Min bum i va thiam ve," tih leh a awmah chuan ka bei ṭha leh ang sat sat a. Ka nui ru vur vur tho. Min lo zui ru lo se chuan tihpalh thil thuin ka thi daih tawh ang chu!


Mikhap kar leka thihna in min rawn nang chingta emaw tih hnuah, ka pasalin duat taka min kuahna âng chhunga bei hle hle chuan kawng pawh duhai a tawi ta mah mah emaw tih mai tur a ni.


Station kan thlen chuan ka la inla hrang mai lo, "Myla..." Ka lo thaw ham ham. Ka awm hrang châk viau lo a sin maw le.


Ka awmdan chu a hrethiam lehnghal vat tih hriat tak hian a nui nghawr dat a, "hetia i awm reng chuan ka hawpui mai ang che," a nuih a zat hmel takzet.


Inla hrang ve ta hrâmin ka hmui ka tih pawrh khum vak a, a lo nui hawk zui. A nui ri hian mi a fan hneh thei teh e. Ka taksa hi a nghawr ni maiin ka hre ṭhin.


"Lo va lut hmasa rawh," a ti leh tawh, ka mit ka ti zim lui ve vak chu nui suk a ka hnara a kut ṭanga rawn tuk zauhin, "USB i dahna chu sawi la," a ti leh zat.

"Ka pajama-ah, ka lut dawn," ka inhera, kawngka chelh zet tawh chuan hawi let lehin, "ka U case-ah engpawh hriat i neih chuan min hrilh ve ang che. Zep nei vaih teh, ka ṭhen che ni mai," ka ti vei hlak chu a lo rûm ri hrawih mai, "a thleng ngai dâwn lo," bul zet hian a ti hluk bawk a.

Inṭhen sawi chu a duh lo takzet tih a lang reng.


"Zep nei tawh suh tihna a nih kha," tih leh ka mitah a rawn en rûn chu car kawngka hawngin ka tlân chhuak nghal daih. Ka ṭawngkam hman a duh lo hmel pe dur kha ka hmu duh bik teuh lo!
.
.
.
"Ṭp...." Ka ti zet tawh, zawh chi ni a ka hriat loh avangin, "a ngai leh lo," tiin ka phone chu ka enzui leh vang vang.


Pa Chawia number chu ka call dâwn ṭhin a, eng nge ka sawi ang a, engtin nge ka koh ang tih ka ngaihtuah rauh rauh.


Min lo chhâwn dan tur chu eng pawh nise, va biak hmasak erawh ka tih tura ka dah avangin ka call ta nge nge a. Rei pawh a ring lo, "hello," a rawn ti dût a.


"Hello, Pa Chawi..." Ni theiin ka hre leh chiah lo, "Pa, Sawmtei ka...." A ri nghal tut tut. Phawk fe hian phone chu ka en nghal haw. Reilote te chu min biak ve ka ring a nia. 'A va patling hna lo' ka ti dâwn viau a, an fapa nupui atana an pawm loh kha ka ni miau si a. Sawisel theihna dan ka nei tlat lo.

"Chief,.inleng i neih saw?"

"Huh...." Ka ngaihtuahna ka lo kawm rei deuh nge ni, ka hawi chhuak heu mai. autopsy room kawngkhar bula Pa Roa lo ding nui ṭhû erawhin min ṭhawng viau thung.


"Pa Ro...." Ka ṭhutna aṭang ka ding zui at.

"Ka tibuai che u em?" A rawn lut a. Mit khap fak fak hian ka lo en ran.

"Buai lo ve," Ṭpa zawkin a lo chhang vat. Kei erawh tlemin ka la danglam deuh. Ka mitthlaah nizana a thiltih ka chhiar te kha a rawn lang ang zut zut bawk a.

"Eng nge i rawn tih dawn?"

"Lo ṭhu rawh," Ṭpa'n chair a pe a. Kei pawh chu muangchangin ka ṭhu thla ve bawk.


"Inhmuh a khat êm a, remchangah ka rawn tlawh kawi che. Eng nge i an? Hmanzana i Nu Rpi chetdan ka lo hria a, i ṭha maw?" A aw chhuakah chuan min ngaihtuah hmelin a inthlahrun hmel takzet. A ti der nge ni a, a ti tak tak zawk?


"Hriat sual a nei a nih kha," ka lo ti sep. A hmel chu uluk deuhin ka en leh ṭhin, tualthat tur khawpa a nunrawn ka la ring lo fan. Ka U case-ah hian inrawlh lo hrâm rawh se. Ni e, chu chu ka beisei ruk a la ni reng a ni.


"Kan Lalrinfela hi alawm tiraw?" A nui huk huk. Za lo deuh hian ka lo nui ve sak sak ringawt a.



"Thildangah hmuh che ka duh vang deuh bawk a nia," a tih leh chuan ka lo bu nghat.


"Hriatzeli aṭang thil hmuh i nei em?" Ka kut ka lo hum nghet salh, ka thawk ka chelh vat bawk. Ka awmdan inthlak chu a hriat ka hläu viau bawk nen, thawk ngaihna ka hre lo mai dawn.


Nui vur vurin, "a pasal hnen aṭanga a dawn, kan hna lama thil pawimawh tak dahkhawmna chip a kawl alawm maw le," a tih nuih leh vur vur chuan ka kawchhung a khawng nghal titih.


Thinphu dep depin ka lu chu muangchang hian ka ti che a.


Ka kâ ka âng dâwn tihah, "a thawmhnaw ho chu CID lamin an kawl vek alawm. A taksa lah kha Autopsies a ni ta bawk si lo va," Ṭpa'n a rawn ti vat. A rukin ka lo thaw ham ham mai. Ṭawng ila chuan ka dang awkah ka in sawi awk ngeiin ka ring.

A bu ta nghat nghat a, "a zia lo khawp mai. Hriat leh hmuh in lo neih takin tih thu hlaah a nia. Sawmte, ka kalsan ang che u," tih leh a tho zui a, "karleh lam chu i Nu Rpi piancham te a ni si a, chaw rawn ei phei ula, Hruaia te ho nen," a tih zawm leh chuan sak taka lo nui luiin, "naupang ho rawn tel tir kan tum dawn nia," ka ti chhuak ta hrâm a.


"Ni e, ka kalsan ang che u," a inher zui a, ding leh dutin, ka lam rawn hawia nui sung hian, "mahni ta lo kawl chu buaina a keng te ṭhin a nia Sawmte," a mitmeng inthlak chu chiang takin ka hmu. Min vauna em ni? "Ka kal ang e," tiin a inher a, a chhuah rualin ka thaw chhuak kawk. Ṭpa en chuan za vak lo hian ka ṭhen leh sak ringawt a. A taksa ka zai hawng a ni tih chu a hrechiang hle si a.

"Ruati..." Ka phone rawn ri chu thaw hakin ka la zui vat.

"U Sawmte, ka khawsik hi a reh thei lo va, naupang school i lam mai thei ang em le?" A aw ah pawh a nawm loh zia a hriat theih.


"Thei e, dár 3 a ni lo'm ni?" Ka ti vat.


"Aw ni e, ka läwm lutuk aw," a mah zawk chuan tiin a dah zui a. Damdawi te a ei ang chu maw.
.
.
.
.
Naupang school lam tura ka kal dawn pawhin U Hruaia a rawn la let miau si lo va, ka hawsan mai a niang chu.

Ka fate school gate pawnah naupang school bâng nu leh Pa kan awm ṭhap tawh. Naupang ṭhenkhat rawn chhuak tawh siin ka fate class rawn la chhuak lo chu ka lo bih leh duk duk ṭhin.

"Emma-i te nu i ni em?" Ka hawi a.


"Aw ni e."


"An class an hnufual dawn a nih hmel. Keipawh ka hre ve chiah a," a rawn nui sen sen.


"Eng nge an tih dawn?"


"December thlaa school function naa an hla sak tur an zirtir ṭan dâwn a ni âwm e. An naunawi si a, muangchanga zirtir chhoh an duh a ni ang," a tih leh duah chuan ka bu ta nghat. Shanel-i rawn chhuak ka hmu zui nen lawmthu sawiin ka pan ve ta vat a.


"Shanel..." Ka um dat dat. A pên chak tulh tulh hnuah a tlân titih chu tlân chak thutin ka pawt ding dawt a, "inbia ang.."


"Ka be peih lo che," a lo ti vak, midang nau hruai ve ho an rawn hawi zui nghal hrek hrek mai.



"Mahse, ka be duh si che alawm."

Min en rûn rûnin, "ka Pa ru tu inih hi," a ti leh nghek chu ka nui chhuak ta tawp a. Pangai tak emaw naupang a kum rual ang leka biak chi a ni lo niin ka hre ta a. Ka biakdan ki thlakin, "i duh leh ru let leh la ti nia. I ngam tawp nang," ka hawi vah.


"Misualnu..." Min nam dawt, a tlân zui chu um lehin, "Coffee in dun ang," tih leh ka pawt lêng dawr dawr.

"Min thlah rawh. Min chhan ru, min ruk a tum," a au a.


"Awwwww...chhan duh suh u, a nu ka nia..." Nui chunga au ve ta ringawt chuan, "ka nu a ni lo," a ti leh tuar tuar, ngai pawimawh duh lovin cafe awm hmasaberah chuan ka pawt lut a.


Ka thlah ruala tlânsawn leh a tum chu a hmaah ka lo ding zat. Kan in lenhleih nasa bawk si, "awmsawn rawh..." Kum 11 hmeichhe naupang te chuan min namsawn bik teuh lo mai.

"I theih leh chhuak la, ka dinna aṭanga khera tlân chhuah i tum," ka nui reng. Midang ṭhu ve ho chuan nutling chutianga ka awm ta chu min en duh ngang mai.


"Min lo zui tawh suh i hria em ruk hmangnu," a pensawn a, a kalna a piangah ka lo ding zel chu, "awmsawn rawh..." a khek ring teh e.




"I au vak vak chuan security anrawn kal mai ang. Ṭhu rawh, kan inbe rei lo ang," chair chu ka pawh chhuahsak a.


"Ṭhu rawh..." Min la melh ram ram, a ṭhu dâwn ta lo emaw tih hnuah a bag chu la thla in a sirah a dah a, a ṭhu ve ta nghat. Ka lo nui ru ver ver thung.


A hmaa ṭhu thla ve vat chuan, "eng nge i in duh? Ka fate chuan Strawberry Milkshake an duh a," ka tih zawh rualin, "i fate ka ni ve lo," a lo ti nghal hlar.


Ner lui nawkin, "i pa ka pasal a ni tawh tih i hre lo em ni? Ka fanu chu i nia lawm."

"Ka ni lo, ka ni dâwn chuang lo."


"Duh lo mahla i ni tawh tho tho. Emma-i leh Andrew-a te U."


"Ka ni lo..." A rak leh tawh.


"Rak vak vak zel suh, miin an en duh êm che saw," waiter rawn ding chu en chho vin, "Iced Latte leh strawberry Milkshake, medium," lo ti zatin min en ren runtu Shanel-i chu nuisangin ka en leh a.


"Zawhna ka zawt hmasa ang che. Engvanga min duh lo nge inih?"


"Ka duh lo ve tawp che." A ngawi a, min en ram ramin, "i hmelchhe si," a ti leh nghat, ka nui chhuak hak, "hmelchhia minti hmasaber tu ini. Ṭhenkhat chuan milar emaw minti a sin," ka awih lo ve e ka thusawi chu.

"i dawheh a nih chu a," a lo ti ve leh hlak a.


"A nih min duh ve bawk si loh chuan i Pa nen kan induh si a, i pa hi ka nei zo vek mai dâwn a sin," a mittui a rawn hnai nghal ṭiam ṭiam.


"Hei...hei..hei...ṭap ringawt suh, ka fiamthu a nih kha," ka thaw hawk, ka nui ta hak hak a, "neih vek chi pawh a ni hleinem. Shanel, hmeichhe naupang fing tak ini tih ka hria, i pa i hmangaih hle tih pawh. I hmangaih chuan engvangin nge chance minpek ve loh ang ni. I tán leh i Pa tan," a in hnit ta feih feih lehnghal. Ka fiamthu a sin maw le, a va zia lo tak!


Kan in tur order rawn thleng ve chiah chu a hmaa dah vatin, "in rawh, a tui lutuk," ka ti chu, "ka hre ve reng," ṭah aw ṭiau hian a rawn ti chhuak chu ka lo nui ri leh hak ringawt, rinai takin a duhawm lehnghal.


"Shanel, i Nu ang chuan ka hmangaih thei lo maithei che a mah se theihtawp min chhuah tir hmasa ve la," thutak zawka tiin ka en kar a.


Mit khap fak faka mittui tlingpamin, "engtin nge ka hriat ang," a rawn ti ta sap.

Ka nui nghal var var, tlemin hma ka sawn tihna a ni.


"Kan bulah rawn awm la, emaw min bia la, i pa pawh bia la," sawi mai tur ka hre tawh lo nia.


Hawisawnin a in tur ka chah chu a in zui a, "min ti duhdah lo ang tih engtin nge ka hriat ang?" A rawn ti leh kauh.


Ka lu ka lo thing vat vat, "ka tiam ang che, a thleng ngai lo ang," ka ngawi deuh vang vang a, "hmeichhe zaidam tak ka nih loh avangin, thil i tihsual chuan ka hau ang che nga, ka vin ang che. Ka vuak chang che a awm bawk ang. Mahse, Shanel, ka fate, ka hrin ngei ngei pawh chutiang chuan a ni ka enkawl ni, a chhanchu puitling hian kan hmangaih loh mihring thuṭha hrilhin, kan hau vin, kan vaw ngai lo. Thuṭha min hrilh a, awmdan tur, tihdan tur min hrilhtu te chu min hmangaihtu te, kan hmakhua ngaitu te anni ṭhin," ka naupanlai ka mitthlaah a rawn lang.


Ka nu lak aṭangin zilh hauna ka dawng ngai lo va, chutiang bawkin fakna pawh. Ka hriat tamber chu exam-a topper ni tura min hrilhna leh ka result min zawh ṭhinna, ṭhenawm naupang leh, ka classmates keiaia ti ṭha an awm changa min khaikhinna kha a ni.

Ka nu lakah ka vui lek lek dâwna ka inhriatna chu ka duh miah lo. Ka nu dinhmun nen a in ang lo lutuk tlat.


Boruak hip kawkin ka thaw leh hawk a, ka in tur chu in zauhin, "Shanel, min haw tak tak lo tih ka hria," ka nui a.


"Engtin nge i hriat?" A lo ti ve leh, "min huat chhan tur i nei hleinem, i Pa i lak aṭanga ka lakbo i hlauh vang zawk a nih kha. A ni lo em ni?" A ngawi ta rauh rauh. Kei pawhin ka zawt nawn ta bik lo.


Mi hausa tak Nu a nei a, a Pa te lam lah rethei anni hek lo, duh duh nei thei, rangkachak fian pianpui an sawi naupang mah nise, a chhungrilah hian a khaw har a ni tih a mitmu dum fiah kak mai, tle ralah chuan chiang takin ka hmu thei.


A pa nena kan inneih a duh loh chhan lah he naupang mitmeng thük zawka en hian ka hmu fiah tulh tulh mai si a. Ka inthiam lo zawk lek lek bawk.


"Shanel, i Pa hi i lak aṭangin ka hruai hrang ngai lo ang. I pa, i mamawh huna awm reng tur a ni. Tin, keipawh min mamawh a nih chuan ka awm ang," ka thusawi chu a hrethiam pha meuh em ka hre lo mah se ka sawi chhuak leh ta tho.

Kan mamawh laia kan Nu leh Pa te hlut zia ka hriat chian êm vang a ni.


"Khawhar leh malin kan siam lo ang che," ka ti zawm leh sap, keimah zawk chu ka hnuk a rawn ulh ta ṭau lehnghal. A va zia lo tak!


Kan in zo chu inzui chhuakin, "zanin chu kan in ah chaw lo ei la. I Pa pawh i ngai lo em ni?" Min rawn en chho va. Min chhang duh ta lo emaw ka tih hnuah bawk a bu ta nghat. Nuih loh ka tum pawhin ka thei lo. Tiang hian kan inthlem thei ang tih tunge ring bîk ang le?


School lamah kan inzui chho leh hnak hnak a, Emma-i te pawh an rawn bang ve chiah bawk.


"Anu..."


"I tlu dâwn," ka fapa ṭhin hi chu aw.


"Min favorite tawh lo a ni lo'm ni," kuah paha ka ti chu a lei a chhuah tet mai. Ka nui khak khak.

"Tinge Anu bulah i din?"


"Tikhan an ti ngai lo, i U a nih hi. 'u' tia koh tur," ka ti chu an ner nawng nawng mai.


"Tinge ka U a nih ang?" Emma-in a lo ti vat. An pahnih a ka bula din hnaih tir chuan, "apa leh anu an innei tawh a, apa fanu chu in U tur alawm, a dik em?" Keimah min en lovin Shanel-i ding ve chu an thlek vang vang a.


"Bawihte..." Ka ti leh sep.

"Umm. Ni mai rawh se. Api'in a sawi a, 'apa in fanu lian deuh a nei a, kan U tur a tia, ka pawm mai ang," Andrew-an a ti zat zat. Ka nu hian engkim a lo hrilh sa a nih dâwn hi. U Hruaia "Pa" tia a koh nghal mai danah pawh ka Nu hian koh dan tur a hrilh a ni tih ka hria. Mahse, Emma-i erawhin vawikhatmah a la ko ve miah lo thung.



Emma-in a kut rawn lek chhuakin, "Andrew-a angin ka hau ve lo ang che. Anu-in 'U te chu zah tur' a tia, inkawm ang," ka ṭah rawn chhuak ringawt chu ka hrethiam lo, Pathian hnen aṭanga ka malsawmna dawnte hi ka phu lo lam deuh chu an ni e.


"Ummm..." Muangchangin Emma-i kut chu a vuan ve ta dâ dâ a, "kei pawhin ka hau ngai lo ve Lalemma," tih leh a U te in vuan chu pawt ṭhenin Shanel-i kut chu chelhin a thing ang nawk nawk a. Engti zawng emaw taka läwmna nasa lutuk avanga mittui tling deuh pam chuan ka nui hak hak.


"Aw le, aw le, a tawk Bawiha. Taxi kan chan a hun, I U Ruati dam lo nen, rawngbawl chawp kan ngai," tih leh naupang ho chu ka kai khawm a, kawngpui sirah chuan ka kai thla dat dat.


Taxi Stand kal tur chuan kawng hi cross a ngai ve khanglanga naupang nen chuan motor tam hun a lo ni nen a hlauhawm ṭhin.


"Kawngpui hnaih suh u aw."


"Ka Pi.." Ka bula mipa rawn ding chu ka en chho he haw a. Ka hre chhuak leh si. U Hruaia hnuaia hnathawk a ni tih, kan inneih ni khan ka hmuh zuai tak kha.

"Ka hruai haw ang che u," tiin a hawina lam chu ka en phei ve a, amah aia upa deuh tur hian a kut a lo vai zauh. Ani pawh ka hmel hmuh hnu a nih avangin ka bu ta nghat.

Motor tlem deuh chu nghakin, "kal ru le," tiin ka fate ho chu ka hmaah ka kal tir a, Zebra Cross chu kan kân ve diah diah.


Ka bula ding mipa chu melh chho vin, "engtin...." Chu zawng chu ka sawi hman, horn ri tuar ri ka hriat rualin, ka awmah min nam lêng lawpin, ka taksa in lei a deh a, ka kiu hmanga ka indan rualin, a taksa chu lei aṭanga vàn lamah säng takah a in vawrh chho va. Ka fapa te ho chu an rak tuar.


Chiang taka ka hmuh leh chu a taksa kawngpuia ri thla dup leh thisen mai ni lo, a chhip aṭanga a thluak per chuai chu a ni.


Ka mit ka chhing sawk a, ka ip chawih bawk!


Naupang ho an rawn ṭap chhuak chiah chiah a, motor horn ri zui chuah chuah mah se engkim chu a reh nghal ṭhuap ni maiin ka hria.


Ring taka ka fapa a rawn ṭah chuan ka harh chhuak a, ka tlukna aṭanga ṭhu chhuakin ka bawk vak phei rawk rawk, ka kuah khawm nghal nawk nawk a, ka fate khur zawih zawih chu ka theih dan danin khur ru ve der der chuan ka kuahbet tlat hlawm bawk.


"Anu.." Ka thaw dep dep, medical examiner ka nih hma aṭang tawhin mitthi ruang tamtak hi ka hmu tawh ṭhin, thihdan rapthlak tak tak pawh ka hmu in, mihring kaw chhung pawh ka haiin, ka phawrh fo bawk; Mahse...mahse, vawikhatmah tumah ka hmaah an la thi ngai lo. Hetiang ngat phei chuan.


Mipui tlân khawm sup sup leh, "in ṭha em? Nâ innei em?" Min rawn zawh tak sup supah chuan ka harh chhuak a.



"Shanel, i nau te hi i lo awmpui thei ang tiraw?" An mitmeng chiai lutuk leh hlauhnaa khat chu kuahbet reng thei ila ka ti.


"Shanel.." A bu ta nghat a, Emma-i te unau chu a kuahbet ve nghal ṭai bawk.

Kawngpui a ka bag tla chu chhar sawk sawkin, glove ka ah reng ṭhin chu ka phawrh a, "awmsawn rawh u, awmsawn rawh u. Police," tih leh ka badge chu phawrhin kawngpuiah chuan ka thu thla rawk rawk, "a thluak a chhuak vek alawm. "A su tu lah a tlân tlang daih lehnghal. "Naupang kha an ṭha em?" Mipui an ṭawng nuaih nuaih.


Ka bag ka ban deuh chu tleirawl pakhat hian, "ka lo pui ang che," ka bag chu a rawn la hnai a, ka kut lehlama zen rawk rawkin, ka kut khur dar dar nen U Hruaia ka call nawk nawk, "U Hruai...." A lak rualin ka ti chhuak dar dar, ka aw chu a chhuak ṭawk ṭawk.


"Ac..ac..accident a thleng...." Ka sawi chhuak thei lo teuh teh e. Chiai tur ka ni lo tih ka hria. Mahse, ka theih tawp ka chhuah chung pawhin ka kawchhunga hlauhna hi a reh mai thei lo.


"Khawnge i awm....?" Ka melh kual a.


Tlangval bawkin ka phone chu rawn lain, "hello.." Tih leh kan awmna kimchang chu sawi nghal zung zungin, phone ka bag-a a dah leh chu mit hnawm chapin ka en a, ka kut hnihin, kawngpuia a lu keh chu ka dawm khawm tlat bawk, thisen lah chu a luangkawi zeih zuih bawk si. ka tirilah min manin ka khur dar dar.


Ka mitmeiin nichin maia putar, car bula ding mipa kha ka zawng kual ruai a nia, ka hmu zo ta der lo.


"Ambulance a rawn thleng," an tih takah chuan police siren ri te nen ka hre nghal ruai ruai mai.


"Kan lo buaipui ang," ruang an zawn sawn rualin leiah ka ṭhu sawp hnawk. Ka fate dinna lam chu mipui kal darh sang sang karah chuan ka mit mittui avanga hnawm chap nen ka melh phei ṭawk ṭawk a, ka thaw ṭha thei lo, ka âwm chhung hi a rit lutuk mah mah.


Thil thleng chu a rangin, min ṭhawng lutuk bawk nen, ka chawmawlh ni maiin ka inhria.


"Chief.." Ṭpa a rawn lang hlawl a, ka ṭawng mai dawna ṭawng pawh ka ṭawng mai thei lo, ka lei hi phuarbeh ang mai a ni. A tawt a, ka thawk lak theih chhunglah chu a tawi tuk bawk si.


Ka mit ka chhing sawk, ka hmusual a nih ngawt loh chuan emaw, ka chiai avanga buai ka nih loh chuan chiang takin kha car khan keimah a ni min rawn bitum ni. Keimah hi!


Ka taksa a rawn khur chhuak hlawk hlawk, "ti...tissue..." Ka glove bun chu phelh nawk nawkin, Wet tissue min rawn pek chuan ka bân vela thisen kai chu ka hrufai sawk sawk.

Ka tha neih zawng zawng sàwm khawmin ka inbeng kang a. Ka fate dinna lam chu ka pan nghal ruak ruak bawk.


"Inṭha em? Nâ innei em?" An lu an lo thing mat mat.


"I kut kha a thi a nia," Shanel-i a rawn tih chuan ka kiu ka en vat, zinglama ka hliamsa aṭangin thisen a lo chhuak chu niin.


"Sawmte..." U Zela aw ka hriat rualin a hnungah U Hruaia hmel chang rût mai hi ka hmu zui a, vung zetin a rawn pên pawk pawk mai.


"Apa..." Naupang ho vin an lo ti vat. Keimah tak pawh chu ka thaw hawk hialin a nia ka hriat ni. Ka lam a rawn pan chu kawchhung la khur der der chungin ka lo thlek mawl tawp.


"Myla, Pathian leh!!!" Ti hrawih chuan min rawn kuah thlawp a. Eng emaw sawi hian ânchhia ni âwm tak hi a chhak chhuak sup sup.


"Nâ i nei em?" Inla hrangin min en kual thuak thuak, ka lu thingin ka chil lem khalh chuan, "ka ṭha..." Ka ti zawi sap. Ka aw chhuak pawh a la khur titih.


A thaw hawlh a, "inṭha hlawm em?" Naupang ho lam chu a hawi ve leh chiah.


U Hruaia hmel an hmu rualin an ṭah a chhuak thar ve nge, Shanel-i thleng chuan an ṭap ta chuah chuah a, keimah ber pawh chu ka mittui a rawn hnam leh ṭiam ṭiam mai.


Hetiang thil rapthlak tak hi ka mit hmuhah leh ka hmaah ngei ka tawng ang tih ka ngaihtuah pha ngai miah lo, mumang lamah pawh ka hmuh duh loh a ni.


"Ka haw pui ang che u," U Hruaia chuan a ti sup. Hnial lo tak ka ni.


"U Hruai, i nau te zinga upa zawk kha ka hmu ta hauh lo," ka ti chhuak ta sep. Ka zawng ru renga min rawn puih te ka ring a nia.


"Ka hria e..." Chang rût a ti hraih hian Andrew-a chu a pawm nawlh a, Vula'n Emma-i a rawn pawm ve bawk. Eng nge a hriat tak phei chu ka hre lo va, a läwm lo zual hmel chu hmuhnawm loh tak a ni.



Shanel-i ṭap ve par mai chu mittui tling pama enin, ka kut chu ka lek chhuaka, a lo chelh ve vat bawk.


A kut ka chelh ruala a taksa khur ru dar dar chu ka hre vat a. Ka en kawk, "i ṭha em?" Ka ti vat bawk.

A lo bu nghat a, "tlemtein ka hläu," a lo ti ve sap sap. Ka khawngaih reuh lutuk, puitling zawkmah ti khawp hian min ṭhawng a nia, ka fate ho phei chu engtiang a nâ in nge maw a ṭhawn ang ni.


Car chhungah pawh naupang ho chuan min nek chial reng mai. Shanel-i tak pawh ka taksa dai lovin a ṭhu duh lo a ni ber.

Andrew-a erawh kawngkhar lama ṭhuin, U Hruaia thilthlen dan a thiam ang angin a hril siam siam a, a ṭhawng ve vak lo zawk nge ni? Keini hmeichhe ho erawh ngai kan la awh hleithei meuh lo. Kan ṭhu ngawi ran ringawt. Keimah tak pawh ka lungphu hi a la dik lovin, ka mit pawh ka la chhing ṭha ngam meuh lo chu a ni!!


Show post links
Top

[Ngaia]

THURÛK_99

By

Floria Laldansangi

Chapter < 27 >

<><>~>~>~>~><>

RINFELA....POV

"Fela, naktuk a ni lo'm ni inrawn chhuah dâwn?

"Khawnge ka Pa?"

"Meeting a neih kha a room...." A studio lam chu ka pan nghal pawk pawk a.


Kawngkhar ka hawng ri zui bur a, min rawn enin, "Sir, ka fapa damdawi in aṭang a rawn chhuak chiah a, naktuk lamah kan titi leh dâwn em ni?" A nui huah huah.


A hmaah chuan dingin, "kawngka kik nachang hre ṭhin rawh," a lo ti hluk.


"Eng nge nita rum rum?" A ti leh a.


"Vawikhat chiah ka zawt leh ang che. U Ricky-a boralnaah hian inrawlhna i nei em?"


"Lalrinfel, tual that duh hmel ka pu em ni? Ruihhlo leh ralthuam ka tawlh a ni mah nâ, tualthattu ka ni lo," a chhanna ngai bawk a ni.


"A nih chuan heihi le? Engvanga Malsawmi that tum nge inih?" A hmaah chuan cctv ka record chu ka dah a, a bih zawk.


"Ka tih ṭhaih mai chuah a nih kha. Bakah, nitin mi an thi alawm, thilmak a ni em ni?" dawhkam chu ka hnek ri nghal bur. Ka nâkah min pawt nghal zawk bawk a, mahse ka haider thung.


"I tina lo ang tih i intiam a ni lo'm ni?" Ka ti chher chher.


"Ka tihnat loh i duh chuan ka kawng dal lo turin hrilh ang che. Kei emaw midangin emaw an tina tho tho ang."


"Ni lo, tun aṭanga chuan i ui khawilai nih ka bansan."


"LALRINFEL..." A lo ti ṭhak. Za lo deuh hian ka ner nawk a, "tun aṭang chuan i hna ka thawk tawh dâwn lo, i buaina neih chu nagmahin ching fel ang che; Mahse, Malsawmkimi emaw ka fate emaw i tina a nih chuan kan pafain hrem hmunah kan innawr liam ang," ka ti ta khar khar a.

"I him theih i ring em ni? Jail i táng thei tih i hria em?"



"I fapa ni chunga, i ui khawi nih mah ka hlauh loh chuan engvangin nge ka hlauh ang ni?" Astray chu ka lamah a rawn vawm ṭhuai a, a keh ri chuai bawk, min fuh êm lo ve.



"I kâ chip hmak rawh."


"I thawk zat chiah dawt i sawi a ni," ka nui hul hak a, "Malsawmkimi pasal inman tir suh ang che u, kei angin inremna siampui a awlsam dâwn lo tih i hriat kha. A hmeichhe hming phei chuan vau duh suh, a mei i rapah i in ngai dâwn nia," tih hluk hluka inher vutin ka pên chhuak nghal a, ka hnunglamah a inhrosa leh min vau zuina ka hre hman.


"Rinfel...."


"I thawmhnaw pack rawh, he in hi kan chhuahsan ang." Kan room lamah ka chho tlang vut.

"Eng nge awmzia?"

"Fela engthil nge ni rum rum."


Ka nu leh Cindy-i rawn lut chu lo enin, "kan in dang ang," ka ti hluk.

"Tun tut tutah te chuan a chi nang. I pa nen inbah sualna innei em ni?"


"Fel, thil hrilh duh che ka nei," ka en rûn a, "nau ka pai," a ti sep.


"Eng maw?" Ka nu in a ti ṭhat.


"I ti tak tak em?"


A nui a, "tak tak e, mahse hahdam ka mamawh a, tun rum rum loh kan chhuak thei ang em? Emaw kan chhuah dâwn chuan ka Pa te in lamah phei ang."


"A ṭul lo ang aw. Theih tawp chhuah hnuah nau inpai chauh a," ka nu in a lo ti hlar. "Tikhan in nupa-in chawl hahdam rawh u," ti zuiin a chhuak zui nghal hmak bawk.

Khumah ṭhu thlain ka thaw hawlh, "Rinfel..." Ka bulah a rawn ṭhu thla a.


"Ka Pa-in, Sawmtei chunga a thiltih ka lo hria a," ka en nghal vat.


"I lei kha veng ang che," ka ti nghal hluk. Ani pawh hi a fimkhur loh chuan ka venghim reng thei hauh lo ang.


"Lungngai suh," a lo ti ve mai, min rawn nek ṭalh ṭalhin, ka kut a chelha, ka darah a lu a nghat nghal chial bawk.

A rai, läwm tur ka nih laiin ka mangang ta tlat mai. Keimah pawh ka invenhim zawh loh laiin, engtin nge ka fa lo piang tur nen ka venhim zawh ang ni?


<>~>~>~>~>~>

SAWMTEI...POV


Shower hnuaiah chuan ka ding khawng ngawt ngawt a, tuiin a tlenfai mêk thisen luang ngiai ngiai chu mit thip ram hian ka en ngar ngar bawk.


"Keimah...." Ka hnunglam aṭanga ka taksa rawn chultu avangin ka phu zawk hman.


Ka darah fawpin, "i ṭha em?" A ti zui sup.


"Ṭha" ka tih chuan dawt chiang tak ka sawi a ni ang. Naupang an awm avangin ka theih tawp tak meuh meuhin ka insum a, ka inthunun a, mahse ka kawchhung hi hlauhna avangin a chiai ve takzet!



Engmah ka sawi thei rih lo va, ka hrawk a nâ in, a kham ngut ngut bawk si.

Ka taksa rawn khur chhuak dar darah chuan phun hlukin, "i ṭha hauh lo," ti hluk chuan a lam hawiim min kuai her a, mit sen râm leh phak chap hian, ka pasal hmel chang rût mai chu hmaia tui luang zawih zawih chu ka en chho vawng vawng.



"Bawihi...." Min khawngaih tih hriat tak hian alamah min pawt hnaia, kan taksa engmah inbel lo chu a inchar thlap bawk....!


Ka ṭap chhuak thei lo va, ka hrawk a tawtin, ka âwm chhungah hian boruakin min hnawhbet tlat.


"I bulah ka awm. Tumahin an ti na thei lo che," ka pasal thusawi vang nge ni ka ṭap chhuak ta hawk mai, ṭap khur zawih zawih chung chuan, "min namsawn lo sela emaw kan bulah khan rawn kal lo sela a thi hauh lo ang U Hruai..." Ṭap chung chuan ka riat chhuak ta nawk nawk a.


"Keimah...keimah a ni si a, a sut tur kha..." Bah niah hian ka ti chhuak leh nawk nawk bawk a.


"Min enteh Bawihte..." Dam dap a tiin, a inla hrang a, ka biang tawn tawna chelh chuan, "i thiam loh a awm lo. Engkim kha thilthleng palh mai chauh a ni," a thusawi chu hrethiam se minti takzet tih ka hria.

Ka mittui leh tui inpawlh chunga lu thingin a per sap sap a. U Hruaia en chho vin, "a lu kha...." Ka mitthlaah a lu keh leh thluak per te kha chiang lutukin a rawn lang leh zut zut. Mitmeng phe ruaiin ka en leh ngawih ngawih ṭhin.


"Ni thum, ni thum chiah a ngai tawh. Engkim ka chingfel ang," amah inthiam lohna ni âwm tak a aw sak ṭalh leh hriam rûtah chuan ka hre thei. A thiam loh a awm hauh si lo va, a mitmeng dum paw lam lek leka min venghim zo lo ni a a inngaihna te chuan minti nâ-in,a thiam loh a awmlo tih hrilh ve ka duh takzet mah se ka lei hi a che duh tawh tlat si lo!


Engmah sawi zawm lovin nghet takin min kuahbet a, ka chhipah a hmui a nghat tlat bawk. Ka hlauhna te, natna te chu fawh chhuah a tumta emaw tih mai tur a ni.
.
.
.
.
"Naupang eng nge an an?" Ka pasal room-a rawn lut chu mitbui luk hian ka lo en ran. Shanel-i mawlh kha, ka fate chu an ṭha mai dâwn tih ka hria. Bakah, kan inhawng ṭan chauha khatiang thil ka hmuh tir kha ka inthiam lo takzet.



"Zodini a mutpui hlawm kha. Ngaihtuah suh," nachhawkna min pe in, ka chal a dawm vung vung a, "i khawsik pawh a zia tawh hi," a ti zui sup.


Tlai aṭangin room ka chhuahsan tawh lo, ka thil tawnin min ṭhawng lutuk nge ni a, shower hnuaiah ka awm rei lutuk vang zawk ni, ka khua a rawn sik er er avangin room-ah ka tawm tlawk tlawk a, Zodini rawn kal leh naupang ho pawh ka va buaipui ta leh lo. U Hruaia lah ka khawsik avangin a lo phi ruai bawk, vawikhat chu ka vin tâk hrawk kha.


Damdawi ka ei zo tui no chu a rawn la a, ka hmaah rawn ṭhu thla in ka kut a rawn dawm vung vung, za lo deuh hian ka ṭha tawh a ni tih hriat tirnan ka lo nuih sen sen a. A mitmeng la dur deuh khupah chuan thildang engmah a lang lo, min ngaihtuahna bak.

"A ruang engtin nge ni ta?"


A thaw hawlh a, "Manipur-ah an phur thla tawh," a ti sup. Room kawngkhar rawn inkik kharh kharhin a zui zat.


U Hruaia'n lut tura a tih hnuah Vula hi rawn dakin, "Sir. Ka be thei che ngem?" A rawn ti a.

"Vula ka hriat theih loh tur enge a awm lo," ka lo ti vat. U Hruaia'n min en deuh vung vungjn, "hetah sawi rawh," a ti ta sup a.


"Sir. Mizoram Budget Documents en zui tura min tih kha ka hre tawh a. Kumin a Mizoram mipuiin sorkar hnena chhiah leh thildanga kan chawi, State Own Tax Revenue and Own non-tax Revenue hi avaiin vaibelchhe 1186.65 a ni a, vaibelchhe 106 erawh leitan kawngsiamnan hman angin a inziak a, mahse siam a la ni lo thung," a thusawi chu ka hrethiam lo eng atan nge chungte chu a tih ni.



"An sum lut leh chhuak eng nge?"

"Vaibelchhe 77.98 hi Minister hming minpek list kha ka en dik a, an insem tih ka hre bawk. A fiahna erawh ka la nei lo. Mahse, Ṭhatluanga hian Document a kawl tih ka hria," a ti leh zat zat a.

U Hruaia chu thle bakin, "Ṭhatluanga chu le?" A ti sup.


"Inhnuaiah, biak che a duh thu a sawi a, inremna siampui che a duh a nih hmel," lo bu nghutin min rawn en a, "ka inleng chu ka zu hmu ang e. Lo mu rawh," a ti sup sup. Inleng hmu tur hmel ai mahin sawisa duh tur hmel a pu zawk.


Hnial ta lo chuan ka bu nghat a, ka mu ṭha zui sat sat.

Ka fate ka mut tir ṭhin ang maiin dimtakin blanket min rawn sintir a, ka hmuia fawp zui vang vanga inla hrang chuan, "ka rei lo ang," tih leh a tho zui vut. Khum chu a kâng nghal awkin nia ka hriat ni.

A chhuah ruala light a off a chu ka ṭhu ve nghal zat. Inhnuaia an pên thla ri ka hriat veleh ka tho zui a.

Ke hlap nen tlân chhuak chuan inchung aṭanga chuan ka thlir thla vang vang.

Kha putar kha a ni, vawiin tlaia car bula kut lo vaitu, bo ta hmak kha.

Chhuatah kut hnung phuarbetin a ṭhingṭhi run lehnghal. A hmai te lah chu sawisak hrep ang mai a ni, a pilhin a kamsir a kak a, a mitko te nen lam, a hmai vêla thisen kai chu en hrehawm ka ti viau bawk.

Inhersan ka tum zet tawh, "Ṭhatluang, thihna ata ka chhan chhuak che a, min rulh let dan hi engtia lo dawngsawng turin nge min duh?" U Hruaia aw chu a ring miah lo, mahse zawhna ri ai mahin a tihtur a hrilh niin alang zawk. Ka inher leh a, ka en leh ta da da tho mai.


"Sawi tur ka nei lo. I duh chuan min that thei alawm, i thu a ni..." A tih zawh rual deuh thawin a bekah a pet thle sawk a, a kâ a ṭanga thisen phuh chhuak ṭhawt chuan a vial thla nawk, lo ip chawihin mit ka chhing sawk. Thinphu nghal zawih zawih chuan ka thaw dep dep a.

Naupang an harh ang tih hläu zet chuan an room lam ka hawi zui vat bawk.


U Hruaia ka en thla leh a. Ṭhu hniamin ngeiawm lam lek leka a darah chelhin, zo tak chuan a tung tho nawlh a, a thaw chhuak hawlh tih hriat tak hian a taksa lianpui mai chu a che dut bawk. U Hruaia a ni ta lo emaw ka tihial dawn. Ka mit ngeiin hmu lo ila chuan "amah a ni lo," ka ti hial ta ve ang.


"Khawiah nge Ledger leh Documents chu a awm?" Dam raih hian a ti leh sup. A aw ki chu vawikhat pawh a la danglam lo. A dam raih reng a mah se hnial leh nekluih ngam miah loh a ni thung.


Tuna U Hruaia ka hmuhdan chu, action movie vela misualpa dam raih si, nunrawng tak hi a ang takzet.


"I kuta ka thi lo a nih chuan an kutah ka thi dawn tho tho," a kâa thisen khat tut leh a ṭawng zawng pawha thisen fân duar duar chuan a ti let leh a.


U Hruaia chu a nui hawk, ka lo ṭim er er thei. A nuihza lo nui lui ri chu sakawlh hâ hum ri ang mai hi a ni. Kawchhung a fan thla rawk rawk mai.


"Ka that dâwn che ka tih loh kha. Engtiangin nge an thah ang che tih ka hre lo mah se an kutah erawh ka hlan ang che," awlsam deuha ti sup supin, a ding zui a, a kekawr ipte zen zui ap chuan, "an nau te zing a mi alawm inih. A ni lo'm ni?" A nui leh huk. A nui ri chuan mi a rap zawk tak tak.

A ngeiawmin, a thi ngei dâwn a ni tih warning a pekna a ang mah zawk bawk.


"Vula, a dahna tur i hriat kha..." Tih zawm lehin inher a tum a, "ka sawi ang.. Ka sawi ang..." Ka lo thaw kawk mai. U Hruaia ner sawk chu chiang takin ka hmu thei.

Khutiang mizia a nei tih tu in nge ring pha ang le. Ka bulah leh pawnlamah chuan, mipa dam dup mai, ṭha tak a ni si a. Zanina ka thil hmuh zet erawhin ka pasal ka hriat chian loh zia min hriat nawn tir a ni ber.


"Thil pakhat min tiam rawh."


"Thu ka tiam ngai lo," a lo ti bul sup.


"Ka nupui leh fanau te an him ang tih," a ti zui leh a.


"Ka tiam thei lo che, i duh kawng i thlang a, min phatsan avangin. Mahse..." A chawl dut a, "venhimna erawh ka pe ang," a ti zui nghut nghut.


A venhim tur thu sawi mai se la, sawi ṭhaih vak a ngai em maw ni? Inphah hniam a tum lo takzet. Ṭhatluanga chuan U Hruaia chu a melh chho ran ran. Ka lo thaw dep dep zel.



"S.I Zairema huanah min phum tir," a ti zui ta sap. A sawi loh chuan U Hruaia khuan a pet leh mai ang tih ka lo hläu. A vawikhat khawih pawh a na rapthlak si a.


"Vula, naktukah JCB hmangin hailet ang che," thupe zet a tih leh a rawn inher a, ka lo ding ve ran chu min rawn hmuh rualin eng emaw sawi hian a phun deuh hluk. Keimah tak pawh ka pasal mitmeng thim lutuk leh hmel chang rût chuan min tawlh hnung tir dat mai.


Zau taka a rawn pên chho pawk pawk chu tlân chhe thei ila tunah chuan tlân chhiatsan ka oawiti hauh lo, "mu tur ini a sin," min si chet hian a rawn ding zui a, ka lo tawlh hnung leh hrut chu a thaw ri hraih.



"Min hläu em ni?" A ti bul hluk bawk.

Ka lu lo thing vat vatin, "kut i thlak a," ka ti zawi sap. Ka hläu hauh lo. Mahse, a mize dang hlak kha ka la rem khawm thiam lo ni berin ka inhria.


"Bawihi..." Thawp sap hian a rawn ti chhuak a, ka bânah rawn chelhin alama min pawt hnai salh chuan, "ka danglam em ni?" Uar zetin ka lo bu vat vat. Ṭhatluanga a biak lai kha chuan a danglam tih piahlamin a danglam alawm. Amah a ni miah lo.

Mawi leh nelawm zet hian a kiai suk a, ka kawngah a kut suihin, "i tán erawh ka danglam ngai dâwn lo," rilruiha a rawn tih chhuah chuan, ka lo thaw ham ham rinhlelhna pakhatmah ka nei lo, ka thinlung zawng zawngin a ni ka rin ni.




Nui leh suk hian, "mu ang, a tlai tawh," tih leh min kuai her zui a


"U Hruai..."


"Inva bengchheng ve.." Room tawp ber aṭang Zodini a rawn chhuak, a mit a nuai deuh chhat chhat bawk.


U Hruaia chuan hnuailam a en zui nghal vut, keipawh ka ni tho, ka thaw nghal hawk thei. Khatiang kha Zodini hmuh atan ka duh ve miah lo.


"Inva mu har ve . Sawmte, i khawsik chu eng nge a an?" Ka lo nuih lui a, "ka ṭha tawh e. Ka ril a ṭam deuha lawm," tih leh U Hruaia melh chho vin, "mu ang," ka ti zui sep.


Kan in mangṭha a, ani pawh a lut ve leh mai bawk.


U Hruaia rawn mu chu ka lo pan hnai sat sat. Min lo kuah zui ve hlu hlu bawk a. Nichina ka hlauh ang khan ka hläu leh ta miah lo, hlauh chu sawi loh ka thlahlel em em zawk. Tin, amah pawh hi a pangai leh ta thlup tho.


"U Hruai.."


"Umm..." A thawk lak leh ṭawng zawngin ka taksa a che ve dat dat mai.


"Ledger leh Documents chu tute lam nge?" Ka melh chho kiau, ka zawhna chu a hrethiam ngut ang em maw ni? Zawhdan tur a vang êm a ni.


Thaw ham hamin, "corruption ṭhenkhat fiahna," a ti sup a, ka khabe ah rawn chelhin, ka hmui chu a hmet kau zui tiar a, min fawp zui vawng vawngin, a rawn thaw chhuak ham ham. A taksa leh thawk lak danglam nghal chu chiang takin ka hre thei. Keimah pawh ka danglam chuang bik hauh lo.


Mahse, a darah namsawn deuhin ka thaw chhuak hawk a, ka chil lem khalhin, ka pasal mitmeng phelh ru tak chu enin, "min su tu kha tunge a nih i hria tiraw?" Ka ti chhuak hap. Ka lungphu a lo danglam nasa hman hle mai.


A mitko hi a san ak a, "nakina sawi atan kan dah thei lo em ni?" Za lo tih hriat deuh hian a ner zui nak.


Nui ta hak chuan, "i nupui khawsik pawh hi chhuah i tum miah lo em ni," mitmeng de sawr sawr chuan ka fiam zui zauh.


Hnar tum datin zo zeta a chunga min hlang kai nawlh chuan, "tum hauh lo mai. I dam pui mai thei a sin," a nui zui suk suk.


Awih lo lutuka nui chhuak ta ar arin, "i bân a nâ emaw ka tia," a kut chu ka melh zauh.


A lo thle deuh bak a, "a hîptu a zirin a na lo thei bawk a," a nui nghawr dat dat. Ka taksa che ve dat dat ṭhin chu nuam ka lo ti ṭhin.


A dul sek ṭha tak mai, khuhtu awm lo leh inphiar mar ṭha fatah chuan ka ṭhu ṭha sat sat a.


"Pa Roa thiltih a nih i ring em?" A lo thaw hawlh. Hnehsawh tak leh min tihnat hläu tak siin min leh thal a, ka rak ṭhat.


"Tunah chuan ni lo," tih leh duhthawh leh thlahlel tak hian min fawp nghal ngawng ngawng. Chuti tak ka pasalin keiteh lul min thlak hlelh chuan engvangin nge ka dan ang a, ka lo chhân loh tehlul ang ni?


A nghawngah ka kut ka suih zawmin, ka chhanglet ve ta tán tán.


Thisen lum avanga taksa danglam, thawklak ring leh rit ta sauh avanga thaw zui hrawih hrawih in, min fawp reng chung chuan a nghawng a ka kuahna kut chu dah sawnin ka lu lamah a hmer khawm a, a kut pakhatin ka pajama kilh chu a phelh zui sawk sawk. A bahlah eih lo lehnghal.



Ka kawr hma phel duai chu a thlir vung vung a, a mitmeng hmangaihnaa khata ka mita rawn en lehin, "i nalh takzet a ni," a aw chhuak pawh hmangaihna in a khat tih ka hre thei

Ka hnute, tisa châkna avanga kawh lah mai chu a kâ chhung lum ham ham chuan a hmuam ta pawk pawk a.

Awm ngaihna reng reng ka hre lo, ka nghawngah a rawn fawp chho va, ri ka chhuah rin hlauh luat avanga ka hmui pet beta ka chik leh ngher ngher ṭhin chu, ka beng bulah a hmuia rawn nul thuak thuakin, a bân sei ṭha leh kut phah hlai tak maia ka hmeichhiatna zâ mer mer mai, ṭang mar tak chu hup chatin, thaw kawk kawkin, "aw rawl chhuah rawh ka hmangaih," a sehchilh deuh rap rap, ka hmuia rawn fawpin a lei leh ka kei chu a inbuan let tap tap a, a kâ chhungah ka lei hruailutin a fawp zui dek dek.


"Soundproof a nih hi," min fawp reng chunga a tih chuan ka lo nui ta sak. A hma zawngin ka hre hauh lo.


Ka thaw chhuak leh hawk ṭhin, ka kekawr kawngah a kut zen lutin, kekawrte ha lo na nâ nâ chu ka hmeichhiatna chu a nuai zui nê nê a.



Ka lu lukhama nawrbetin, awm sep dawrh dawrha thaw chhuak chuan, "U Hruai..." Ka ti chhuak dar dar.


A nuai ran phei chuan awm ngaihna ka hre lo, ka thle tawn zak zak.

Hneh sawh taka ka kekawr pawt chhuak tawkin, ka kut a hmer khawm chu, ka kekawr chuan nghet takin a phuarbet zui a, thisen lum lutuk vanga khaw hmuh phe ruai hian a chetdan chu ka lo en haw bawk.


Ka hnute inkara a kut ṭang vah thlak tir riak riakin, muangchang chuan ka kapah a zen thla a, min rawn fawpin, dawrh taka ka bawp ṭhen hrang chuan, a chawi kang a, ka kaihzaa chelhin, mitmeng phelh phanga min en chuan, "ka luh i duh em?" A zawhna chu chhan ngaihna pawh ka hre tawh lo, aw chhuaka chhan ka duh ang zat chiahin châkna in min tuam tawh bawk si. A aw zawi leh thum dût lah chuan min hip bet tlat bawk si a.

Ka hmeichhiatna nuai leh nawk nawkin, a mipatna hrawl leh khawng ṭha tak, kawh at mai chuan a nawr zui nê nê a, ka lo chik ve ngher ngher bawk, "i pasal hi ngen rawh Myla..." Sak tak mai hian a rawn ti chhuak leh a.


A l**k lu in a nawmna lai a nawr phei chuan lut vat se tih bak ka ngaihtuah lo, thaw kawk kawkin, "khawngaihin, U Hruai, khawngaihin," ka dang ro tak nen chuan ka ti chhuak nawk nawk. A kut lehlam, vein lang thluah mai nen ka nghawngah rawn rekin min fawp leh nawk nawk a.


Ka kaihza a chelhna kut pawh chu thlah lehin a mipat na h***t zawt zawtin, a b** rawn chik chhuak chu ka hmeichhiatna ah chik tirin, dim baksak lo vin a mipatna lian leh khawng tak mai, nal puat chu nawr lut sawkin ka rak chhuak ṭhat. Mahse, min dim loh nasat poh leh he lei vanram hi a famkim a nuam ting mai si a.


Min rehna te, ka hnute a ṭham tawk tawkna te, a khat tawka ka mawngtama a beng leh thlawrh ṭhin te chuan, nasa tak leh ka hriat thiam phak bakin phurna minsiam a, thisen lum vut vut leh ka kawchhung a chakna te chu a dâi thei ta lo emaw tih mai turin ka pasal chu ka dawngsawng ṭhain, ka âm takzet si a.


Ka chhunga a sawhluh paha, a kut ṭang zei tak maiin ka hmeichhiatna a nuai nawk nawk phei chuan ka kawchhung za lutuk chu ka kâng leh dawrh dawrh ṭhin. Ka hmeichhiatna aṭanga tui fim chhuak te chu a läwm emaw tih mai turin, chala thisen zâm lang a, a thlan luang ngiai ngiai chung chuan a nui ve leh suk ṭhin a.


A mipana phawiin khum mawngah chuan min pawt thla a, ka lo si ham ham.


Chhuatah dingin, ka bawp ka lu lama rawn dah lehin, a mipatna hmangin ka hmeichhiatna tui pur leh nal puat mai chu hlap ri thlap thlapin, a kut hnihin a kaihzaah a chelh bet a, a nawrlut leh ta sawk sawk, hetiang tak hian ka taksaah nawmna, tenawm khawpa nawmna in min tuam ka ringpha ngai lo hrim hrim.


Nawmna nasat luat avanga ka aw chhuah ri te, khur dar dar a, min fawp tura ka ngenna te chuan ka pasal chu a ti phur zual sauh emaw tih mai turin a che na sauh sauh mai bawk si. Lwi vanram ansawi ai nasa kan tawng baw ta bik emaw ka ti ta hial.



Kan room hi soundproof ni lo se zawng, lei vanram kan fan laia ka pasal hming ka lam chul leh ka rak leh chik ri te, ka pahnih thawklak leh thawk chhuah ri ring tak te chu a rapthlak zawk hial ta ve ang!


Show post links
Top

[Ngaia]

THURÛK_99

BY

Floria Laldansangi


Chapter < 28 >


<><><><><><>


SAWMTEI...POV


Thlan tla dap chuan inkuah chialin kan mu dun a, kan thawk lak leh lungphu ri pawh a la pangai thei meuh lo.


"Dar engzât nge?" A âwmah ka bawk a, ka chesawn peih tawh lo hrim hrim.



A taksa chu a che deuh a, "dar 2:30am," tiin ka dar ruak kâng mai chu chelhin, dimtea min mut ṭhat tirin, intha zo tak chuan a tho zui nulh a.


"Khawnge kal i tum?" Ka pasal saruak ngal ngata dimlight hnuaia hmuh chuan tum loh deuhin ka nui ta ver ver. A dul 6pack lang kalh te, V-line nalh tak leh awm khauh ṭha tak, dar pharh hlai tak mai. A vun lah chu ni sâa hnathawk ṭhang emaw tih mai tura dimlight hnuaia uk ṭha leh zual chu lem ziaktuin uluk taka a ziah ang mai alawm a nih le! Greek Pathian ṭhat zia ansawi ṭhin ka pasal hian a tluk lohna tur lêm ka hre bîk lo ve!


"Khatia min en reng chuan round dang ka neihpui leh ngei ang che," nuihza aw deuh hian a rawn ti a, ka mit lo meng kalh lui ralh thung.


Nui ve suk suka bathroom-ah lutin reiloah towel var thianghlim hi a rawn keng chhuak a.


Ka ke kawisawi deuha ka dah chu dah ngilin, ka hmeichhiatna hnawm leh ban chap chu dim thei ang ber hian a rawn hrufai zat. Tinat a hläu tih a heiat lutuk mah mah. Ka pasal chetdan chu mak ti zawk lek lek hian ka en zui a.


"U Hruai..." Ka ti chhuak haw bawk. Min rawn nuih sukin, ka mualpui rawn hru chho chuan, ka dul vela a b** kai te hrufai pahin ka hmuiah hmangaihna leh duatna khatin fawp vang vanga, "muhil tawh rawh, i chau lutuk ang," rilruiha tih leh inla hrangin bathroom a pan lehnghal a. Ka nuita sen sen, mu ṭha sat satin ani pawh a rawn mu ve nghal nen ka lo kuah lehnghal chat. A hlat takah hian ka awm thei tawh lo chu a ni ber.
.
.
.
"Vawiin chu in ah lo awm ang che. Rinni a ni tho," ka kawngah chelhin a kawr nghawng chu ka siam ṭha mawlh mawlh. Ni 3 lai hnaah ka kal tawh lo, case pakhat anneih thu ka hria, chu erawh Ṭpa'n a buaipui thung.


"Khawnge i kal dawn ila sawi lo a nia," ka melh chho ralh, uniform a ha teh up bawk si, ka chalah fawp zauhin, "DGP-in min hmu duh a," a ti sup. Ka hriat sual loh chuan mithar kan neih tak kha maw.


"Kal tawh rawh i tlai dawn," inlak hran ka tum chu a taksa si thlap hian min pawt hnai salh a, ka pasal chu ka melh chho sawr sawr.


A lo thaw hawk, "khatiang khan min en ṭhin suh," ti hapin min fawp zui ngawng ngawng a, ka nui var var thung. Keiai mah hian a thisen hi a lum hmain ka hre hial ṭhin.


"Thu lo awih la," inla hrang paha zawi taka a tih zui sup chuan a awmah ka beng taih, "naupang ka ni lo," ka ti chu a nui zui huk huk. Ka kawngah chelhin kan room chu kan chhuah san zui a.


"Nangni nupa chu khawnge kal intum? In va nalh ve."


"A hna kal tur ka'n thlah ang e," Ruati chu a nui vur vur a, "U Hruaia hi Model ini thei hrim hrim. I lianin, i säng si, police uniform kha i inhmeh tawp," Ruati'n mipa a fak ka hriat hmasakber ṭum a ni hial ang. Kei aiin kum 1 chiahin a naupang a, mipa ngaihsak lo tawp ang kha a ni mai. Star a neih pawh hi ka hre ngai lo. Ama awm awm hian a awm a, drama en hi a atchilh em ema a hlim tawk em em tawp mai a ni.



Nui hak hakin, "a hna a thawh peih tawh loh hunah min chawmnan a la ni ang chu," nui chungin ka melh chho ralh, a mit min lo tih zîm khum salh mai. Ka nui tak ang hak hak a, ka pasal hmelṭha tak hian engtin nge kei tehlul hi min hmangaih tih la inzawh fo natham a ni.


Ka pasal mah nise hmel leh pianah na nâ nâ hi chuan ka chhuang ve alawm. "Thlah pawlh," pawh ti ila a pian phung en vang vang hian an awih tho vin ka ring ṭhin.


"Ahh... Ka sawi theihnghilh zanin chu zanriah ka ei chhuak dâwn a nia," car kawngkhar a chelh zet tawh, ka lam a rawn hawi leh a.


Zawhna mitmeng nena min en chu, "Rinrini birthday a nia, kan ṭhian ho va chaw ei chhuah kan tum a," ka ti zui vat.


"I sawi lawk lo va," a ti deuh sup, lungawi lo phei chu a ni chuang lo.


"Thilthleng dan vel nen ka mangnghilh daih alawm le," ka ti chu a bu ve nghut mai.


Ka kawngah rawn chelh lehin a lamah min pawt hnai leh a, "Vula'n a hruai dâwn che nia," a ti chu ka lu ka lo thing vat vat.




"Chhunah lunch an rawn ei dâwn alawm, a ngai lo, kan chhuak rual vek ang," ka lo ti leh vat. A hmelah chuan min ngaihtuah a ni tih ka hria. Mahse, ngaihtuahawm ka ni tawh lo. Medical examiner ka ni a, mitthi ruang en a, khawih chu ka tihtur a ni.



Ka mit hmuhah ngei khatiang thil rapthlak kha a thlen vawikhatna a nih bakah, keimah vanga boral a nihna khan min ṭhawng mai chauh a nia.


"I chiang maw?" Min ngaihtuahnain a khat.


"Min ṭhawng mai chauh alawm. Hmeichhe naupang pawh ka nih tawh loh hi," ka lo ti leh a, min en deuh vung vunga thaw ta hawlhin, "ka hria e," ti supin ka chalah rawn fawp chuan car kawngkhar a hawng zui zat.

A tlân liam thleng chunka thlir liam a, ka ruak ta viauin ka inhre lehnghal.


"Naupang ho hi enteh,"inchhung ka luh rualin ka hmaah phone a rawn lek a. Ka lo bih vat. Ka nui zui khek khek.


"Nuam an va ti em em ve maw le," ka ti chhuak hliai.

Zodini'n zingkar aṭangin a hruai chhuak a, Falkland lamah te an lo han kal a nih hi. Andrew-a phei chuan nuam a ti khawp ang.


Ka phone a rawn ri ve ral a, ka message dâwn chu ka en vat. Ka nui khek khek, Zodini video min rawn thawn ho chu nui vur vurin ka en a, nuam an ti takzet a ni.
.
.
.
"I va rawn thleng hma ve," choka aṭangin Lalnunpuii rawn lut chu ka au a.


"Ka fanu mutthilh lai ka rawn chuh, hnute kan innghei tir ṭana a sual a zual nen a buaithlak lutuk a," chokaah a rawn lut a, "eng nge insiam, cake pakhat chiah a nia aw ka order, restaurant-ah an deliver ang," a ti zui zat zat.


"A ngaihnat ho ka siam mai," ka tih zawh rualin, "Ruati, min lo pui teh," pawnlam aṭang Rinrini'n a rawn ri lang lang.


"Ruati keiman ka va pui ang, heihi lo chawk rawh," tiin ka kut chu ka kawrah ka tat fai zui nawk nawk.


"Eng nge niteh ṭeuh va," a rawn inkhai bawr ta lutuk.


"Ka inthlakna tur bakah ka Nu in eng eng emaw a pe leh che," a rit em em lehnghal.


Chawhmeh vel a nih leh ka ring ringawt a.


Mai, maipawl, behlawi hnah rep, vaimim chhum turte nen lam, rit lo chi a ni lo reng reng. A kut chu ka en a, a sen vual tar mai. Hmangaiha nu hi chu aw! Hman aṭang tawh chawhmeh, a bikin ka ngainat zawng minpek hi nuam a ti ṭhin a nia.


"An mâi ban kha a tui lutuk, vaimim pawh kha," ice cream ei tuam tuam chungin Lalnunpuii'n a rawn ti a, "lunch ei dawnah kha kha i va ei ni?" Ka lo ti vat.


"A lum êm a ni."


"Khawi ka duh ve," tih leh Lalrinnungi pawh chuan a pawt thla zat.

"Taxi-in emni i rawn kal?"


"Kanpa in min rawn dah. Zanin te chu girls night out a nia, a hrethiam ve lutuk," Lalrini chu a nui vur vur.


"Hmangaiha i nei hi chu i vannei ngawt mai," ka lo ti zat.


"Ni chiah, pasal nu leh pa te lah ṭha uchuak, inhresa inla ni zui," Lalnunpuii'n a lo ti zawm ve bawk. Vannei tak a ni, an inchhungah te sawn mo ber ê ti lovin a lal a nia lal te saw. A duh duh sàwn a pasal nau te ho leh a mo-pui te saw a kawk kual thei.


"Sawita daih ila, accident kha video kan lo hmu a," Rinrini'n a tih rualin ka mitthlaah a rawn lang nghal zut zut chu mit ka lo chhing sawk thei.


"I ṭha em?" Mapuii zawkin a rawn ti vat.



"Umm..."


"Chutiang sawi lo ang u, i birthday tih chhiat i duh em ni?" Lalnunpuii'n a tih zawm leh chuan za lo deuh hian ka lo nui sak. Ka mitthlaah erawh a la cham reng dawn a nih hi!
.
.
.
Zan dár 6-ah in aṭang chuan kan chhuak a, ka peih emaw peih lo emaw ka lo tiam tawh angin chhuah ngei chu a ngai bawk si.


"Reservation i siamsa tiraw?" Hotel Regency kan thlen dâwn tawhah Lalnunpuii en.chuan ka ti a.


"Siam e, siam e," darthlalangah in enin a hmui a hnawihsen hlarh hlarh. Ruati'n a lo nui khek khek bawk. Nulatlai ang maiin a la in ha chhing zui bawk a. Henu hi chu aw!


"Awi! Kha ti em ema tih sen che. Zawng hur chh* ang mai," ka tum loh deuhin ka nui chhuak. Kam taxi driver pawh a rawn nui phuh huk mai. Lalrini lahin sawi uar, kan nui ta uar uar hlawm a.


"Unau ho em ni innih?" Driver nui vur vur chu enin, "ṭhian ho," ka ti chu mak a ti deuh a nih ang, a meng deuh awk mai.


A âwm tho, high school kan kal lai aṭang tawh kan inkawp chawt a, Hmangaiha leh Lalrinfela te ho nen, hmeichhe pathum hi chu unau emaw minti tawk hi an awm ziah.

Lalnunpuii hi U ber emaw ti hian, "i nau te kha min lo biak rawh," tih hi a dawng leh nulh zel bawk a.



"Unau vek emaw innih tih a awldawn hle mai," a rawn ti ve leh sun sun.

Taxi chhunga kan ṭawng nak nak chhungin, Hotel kan thleng a, kan dawhkan tur lam kan pan vat.


Chutia restaurant changkang taka han luh takah chuan, hetianga ṭhian ho a kan chhuah tawh lohna rei zia ka hre chhuak, kum 6 hnuah a vawikhatna a ni hial ang chu!


Ei tur kan order kan nghahlaiin washroom ka pan a, "Bawihi, bawihi..." Washroom-ah ka ṭhiante pahnih chu an rawn tlân lut ti tih. Ka kutsil lai chu tawpin phawk fe hian ka lo en haw a. Midang awm ve pawh chuan an lo en ve tho.


"Eng nge nita vak vak. Tleirawl pawh inni tawh lo," ka kutsil zo chu chhuah nghal ka tum a.

"Eeee... I chhuak thei lo," min lo dang vat.


"Eng nge?" Midang chhuak tur chu kawng kianin ka ṭhiante chu zawhna mitmeng hian ka en a.


"Inpa a rawn lut," ka nui a. A rawn llut a ni mai a.


"Nui suh, hmeichhia nen alawm kan hmuh." Ka va awih lo tak! Ka nuih a za zual.


"A hmeichhia chu tunge a nih i hria em?" Nui ṭhû chung chuan ka en a. An la thutak em em zui.


"Tuirial bialtu MLA Lalrinmawia fanu chhe lo lutuk mai," ansawi uar ang reng thei sia.



"A na lam a ni ang. Chhuak ang u," tih leh nawr chhuah ka tum chu an lo duh lo nasa. Min pawtlet rawk rawkin, "ṭhu tung rawh," tih leh an mahni chuan min pawt ṭhu ang rawk rawk a.


"Eng nge..." Ka sam thlah hnuang chu an khawih sawk sawk.


"Phiar la, a chungah zial rawh. A nghawng a säng a, a vun nalh leh nghawng nalh tak kha tilang la. A hrawk khuar laia khuavang awm chiang deuha alan theih nan," Lalnunpuii'n a lo ti zat zat.

"Eng nge maw intih le?"

"Lo che suh," ka nui tawp.


"Ka pasal a ni tawh a, ka ta alawm." Ka'n ti thla leh ngawt a.


"Pasal nei hlim i nia engmah i hre lo, experience tamtak nei tawh hi min ring rawh. Bakah, mi pawmlai ngaizawnga a than chiam tawh kha sawnu saw," Lalnunpuii'n a ti leh hlak hlak. Experience tamtak nei ti turin pasal pakhat bak ala nei tawp lo, chu pawh kum 3 experience!


Arghhhh! Ka ṭhiante tak hi chu aw!!


"U Hruaia te chu ka ring e," ka la nui reng.

"A rinawm tih kan hria mah se nupui chhe lo lutuk, Mizoram model tamtak aia säng pian nalh a nei tih hmuh tir ta che."


"Awi! A ho e!" Ka ti chhuak thlawt. Ho ka ti ve êm a ni.


"Kun 30 râl kan kai tawh dawn," ka'n ti zui leh a, min bengkhawn lo nasa mai min din tir a.


"Kum kha sawi fo suh," Lalrini a lo ti hlak, a kum 30-na piancham a ni tak e. Kan nui khak khak. Kan han awmho chang hi chuan tleirawl ang mai kan la ni ṭhin.


Ka kawrlum hak chu an pawt phelh nawk nawk, "a vawt ang," ka lo ti vat. Vawt hi ka tuar thei miah lo


"I inthlak emaw ka tia."


"Thlak nang, chuvang alawm kawrlum ka hak," ka nui khak kha. Ka inthlak peih thlawt lo, ka thawmhnaw hak ngai, Ditsy floral dress, ka khup khuh lo deuh, a mal thui lutuk lova kak chho, a bah, bra pawh tel lova ka hak nen a nia ka chhuah tawp ni.


"Pheikhawk sang tal bun tur che a nia," embossed slide sandal ka bun chu an thlek deuh vang vang.


"A pawi lo, i hmui hi tlemin ti sen deuh ila," ka birthday a ang ta zawk tlata ka hriat ni.


"A sen lutuk."


"Sen lo, sen lo," ka sawi a piang lah chu an la awih lo zui zel lehnghal a'h!


"Max-a a hna a bâng tawh a, min rawn zawm turin ka tia. Max-an a pui ang che."


"Eng nge tih intum?" Ka ṭhiante pahnih rilru ramhuai, plan ṭha lo tak nei hmel chu ka melh rawm rawm. An plan hi thil ṭha a ni leh dâwn lo tih ka chiang lutuk tlat.


"Lungngai suh. Max-a bialnu hlui a nia, in inpui tawn a ni mai."


"Puih ka mamawh hleinem. Ka pasal..."


"I pasal a ni tih te chu kan hre reng. Ngawi mai mai teh," Lalnunpuii'n a lo ti zek lehnghal. A thu hrimin ka pasal hnaa chhuak, restaurant-a hmeichhe pakhat nena kan hmuh avanga ngawta tihluih chu ka duh der lo.


"Engmah ngaihtuah suh. A thikthu tih chhiat kan duh mai mai alawm," Rinrini'n a rawn tih leh, "nia, fiamthu a nih hi, fiamthu," an nui vur vur, ka thaw ta hak ringawt. Tihngaihna an awm lo. Bakah, U Hruaia hmel tur ka mitthla thiam nghal reng. Ka tuar zo miah lo ang.


"A duh hmasa che a, mahse i duhna a nasa tawh zawk a nih hi," ka chalah Lalnunpuii'n a rawn kawk deuh sawk chu ât hmel deuh hian ka lo nui vur vur. A dik viau chuan ka hria


"Hmu lo der ang che. I mit sir pawhin melh suh," washroom aṭanga kan chhuak chu ka ṭhiante pahnihin an ti mawlh mawlh nâ chu, ka mit sir ta tho, a chhe lo ngei mai a hmeichhe ṭhutpui chu!


"An en duh lutuk che," kan table-a kan let mek laiin Lalnunpuii'n a rawn ti sa sa.

Ruati'n phawk fe a mi lo en pawh chu ka lai ti tih ngawt a nia, washroom ka luh lam aiin ka chhuak leh chu thil ei ve leh ṭhu ve ho mit ka chungah a fu tam daih lehnghal. Heihi ka duh miah lo, mi ngaihven leh en bik nih hi ka duh miah loh thil a ni.



"U sawmte, i va nalh ta ve," Ruati a lo nui vur vur.


"U Hruaia'n a rawn en che nia," a tih zawm zat. Sawi lo mah se ka taksa hian a hre rang lutuk, ka khur lek lek dâwn alawm.


"Che khir vaihteh aw Malsawmkim," Lalnunpuii lah chuan a ti sa hlar. Nuih pawh ka nui thei tawh lo, ka ruak ta lutuk a, ka sam lah antawm daih a, ka kawrchung hak lah an phelh daih bawk si. Ka sexy ta viaua ka inhriat chu le!


"I nalh tawp," Ruati ṭhin hi chu aw.


"Hi ladies!" Max a rawn lang hlawl bawk.


"Lo ṭhu rawh, ka message kha i chhiar em?" Lalnunpuii zung zung hi chu.


"Ummm, lungngai suh u," awlsam tih hmel deuha chhangin mi rawn ṭhut hnaih nghal surh.



"Lalpianfel, ka ku fawk i duh loh chuan min hnaih lutuk suh," ka lo ti chu nui hawk hawkin, "U Sawmte, ka ex saw tihluih ve deuh ka duh hrim hrima minpui ve mai la. Inpa i va hläu ve. Inpa thaibawih ze thup thiam an tia, a ni lo a va ang ve," a la ti nui vur vur zui! Ka kuk fawk tak tak dawn maw ni!


Ka melh rawm rawm chu za deuh hian a nui hawk hawk.


Ka taksa lah chu a za mer mer a, U Hruaia min enna ni ngeiin ka hre bawk.


"In ei tur ringawt kha buaipui suh u. Lalpian, i U hmui kha hruksak rawh."

"A ngai...." Ka ti hman chauh a ni ka hmui a rawn hru tak tak lehnghal a. Ruati lo nui hak chu Rinrini leh Lalnunpuii'n an melh nasa ngang mai. Keimah pawh chu ka nui ta vur vur ringawt.

"A ṭhutna aṭang a tho... A rawn pan che.." Ka kawchhung a khur nghal der der mai. Ka ṭang ru nghal ṭau bawk.



"U...." Ruati'n a ti hman chauh, ka tukkhumah chelha min kuai dak awrh chuan inhremna tih hriat tak leh ka hnawihsen fawh reh tum tih hriat lutuk hian min fawp ngawng ngawng. Dak chung leh rem lo deuha min fawp chung chuan a darah ka beng dawt dawt a. Awmsawn lah chu a tum lo nasa, min fawhna lah a na tulh tulh a, a nghet tulh tulh bawk. Ka hmui a fawp thla mai dâwnin ka hre hial mai.


Restaurant chhunga awm ve ho nui leh ṭawng mer mer chu ka hre chiang lutuk mah mah bawk si!


Thaw chham lek leka min fawh hnuah inla hrang vutin, ka thaw zui kawk kawk. Ani pawh a thawk ri hraih hriah mai.


"I ṭhutna hmuna phûm i duh loh chuan tawlh sawn rawh," chang fal mai leh, neitu nei ka nih tawh zia tih lan tirna tih hriat taka a tih chhuah khur khur chuan tumah an ṭawng ngam lo hrim hrim. Lalrinnungi leh Lalnunpuii pawh phawk fe hian an meng kawk mai. Chutianga a rawn chet chu an ring lo a ni chek ang chu. Keimah tak pawh ka la meng buai nak tho.


"Ahhh... Thil hriatsual a awmin ka hria, a nau ang tluk ka nia. Rinrini nau," ban chap leh hläu ru tih hriat tak hian Max-an a rawn ti chhuak a, Lalnunpuii a lo nui chhuak ta hawk, an nui ta ṭhu hlawm. U Hruaia chu muangchangin ka melh chho. Lo melh loh law law tur a nia maw!


A hmel chang rût leh thim khup mai chu ka hawi let rang teh a sin!


"Haw ang.." Max-a thusawi chu hria ang pawhin a awm lo.

"Cake pawh kan la zai hleinem, lo ṭhu...." Ka chair chu hnehsawh tak hian a pawt sawn a, min pawt ding nghal zawt.


"U Hruai..." Midang zawng zawng chuan hmuhnawm thlirin min thlir tawh.


U Hruaia lah chuan an awm ve a ni tih pawh hre lo ang hmak hian, ka âwm ruak zet leh ka thawmhnaw hak chu a en ngur ngur, a en na lai a piang chu meilinga deh ang mai ka ni, a sa nghal hat hat bawk .



"U Hruai, kan fiamthu a nih kha, lo ṭhu ve zawk rawh," Lalnunpuii'n a rawn tih rualin, "i nupui chu em ni?" A hmeichhe ṭhutpui kha a rawn lang zat.


A chhang lo, hria ang pawhin a awm lo zawk, a phone a phawrh a, "tunge i biak dawn?" Ka lo ti vat. A lo thaw ri hrawih mai. A thinrim tak tak em maw ni le?



"Kawrlum ka nei a nia," Rinrini ka en vat, rang tawk hian a rawn phawrh a, U Hruaia pawhin a phone chu a dahthla ve leh vut bawk.


Ka kuta ka kawrlum phiar chu pawt thla hlawkin, a tuamin min tuam nghal a, ka lo nui ta khak khak chu a lo rûm nghut mai.


"Tu thuin nge khatiang ha chung khan i chhuah?" Bul zetin a rawn ti ve ta hrâm alawm. Max-a a thik pawh a ni lo tih ka hrethiam nghal, ka thawmhnaw hak, taksa lang tam a nih hi a lo läwm loh em em ni!



"Zingah pawh ka hak tawh kha. Miin min en a nia," tlawn titih chuan a kawr bânah ka pawt dat dat. A lo thaw leh hawlh a, ka darah chelha a ṭhutpui nu lam min hawipui chuan, "Mimi, kan sawi tur kan sawi zo tawh bawk a, ka Nupui bulah hian zanriah ka kil ang e," a ti zui sup sup.


Mimii a tih chuan min thlek deuh vang vang a, "Mizoramah hetianga hmeichhe hmelṭha awm si i va lar lo ve," a nui khek khek, "Max, zanriah min kilpui ta che," Max chu ka en vat. A lo ṭhen ang vak zui a. A phu tawk chiah.


"Kalrawh, kan mamawh tawh lo che," Lalnunpuii lah chuan a lo ti awlsam et lehnghal a tum loh deuhin kan nui chhuak hak hak.

Max-a pawh a ex nen zanriah an va kil ta nge nge e. Kan ṭhutna lam a rawn hawi sek lehnghal, ka khawngaih ru mah tawh zawk.


"Myla..." Kaikuang kawr min kheh sak chu lak ka tum a, a kut a lo dah sawn chuan ka thle deuh hâ mah se ka kâ ka âng leh ta zawk a.


"Awi! Ka birthday kan lawm em?" Rinrini'n a rawn ti chuak, "inthiam loh alawm, Girls night out kan hmang a, kanpa tihluih inti tlat a, a sawhkhawk a nih kha," dik inti deuh hian ka lo ti zat zat. U Hruaia pawh a khi ve ta suk suk mai. Khatiang khan min lan sexy tir viau lo se min rawn ti buai miah dawn lo tih ka chiang. Ka pasalte zawng a hun leh a hmun a hre lutuk mah mah.

.
.
.
"Kan thlah haw dawn che u em ni?" Hotel kawtah chuan kan ding khawm a.



"A ngai lo, taxi ka ko tawh alawm," a tih rualin a rawn ding zat.

Inthlah liam liam chuan kan in vailiam a, keini pawh car-ah lutin kan chhuak ve nghal.


"Tunge hmeichhia kha?" Ka melh zauh.


"Tuirial bialtu MLA fanu a nih kha."


"Zanriah ei chhuah a sawm che a, i lo pawm ve ta mai a," ka thik phei chu ka hre lo, engmah a sawi tlat lo alawm.


A rawn nui huk, Ruati pawh seat hnunglam aṭang a rawn nui tih ka hria mahse fiamthu ka thawh miah lo.


"I thik lo tiraw?"

"Teuh lo..." Ka duhai ka chhang rang. Aw chhuah meuhin a nui tak ang hawk hawk a. Ka ngei viau bawk.


"Eng nge?" Ka melh rawm rawm.

Ka kut chu rawn hum vung vungin, "ti mualpho zawngin social media lamah post siam leh comments pe ṭhin an awm a, F.I.R thehluh dan tur vêl min zawt a nih kha," a ti sup sup. Min rawn enin a nui leh suk suk zel bawk. A nui hmel lah hi a ṭha si. Ka thinrim der duh ṭalh a sin maw le. Mahse, ka hlawhchham nghal!!!


"U Hruai, hetiang hi a serious viau thei em? Tunlaiah Mizo te hian social media kan hmang tamin, in troll te hi kan hrat tawh si a?" Ruati'n a lo ti vat, kei pawh chuan hriat chak deuhin ka lo en ve vat bawk. Medical lam hi hre mah ila, hetiang lam hi chu ka bo ve tawp.


"Freedom of speech and expression te hi kan hre hlur a," ka lo ti nghat bawk. Social media ka hman tam loh chhan pakhat a ni hial ang.


"Serious e. Social media hrang hrangah midang ti hmingchhe zawng emaw, mualpho emaw, an zahawmna hloh thei zawnga post leh comments, midang chhiar theih leh hmuh theih tura i pho chhuak a nih chuan. IPC section 500 hmangin hremna i tawk thei," Ruati chu darthlalang aṭangin a en zawk a, "hetiang lam hriat te hi a ṭha, India Penal Code Chapter 21-na kha chhiar rawh u," min rawn en leh, "nangpawh," tih en a min en chu nui sun sunin, "i awm alawm," ka lo tih khalh vat chu a nui leh ta suk. Ka sawi ṭhin ka sawifo ang, ka pasal nui hmel hi chuan min va hneh ṭhin tak êm!



"A nih a hremna a nâ em?" Ruati bawkin a rawn ti leh a.


"Civil case leh criminal case-in a kal thei a, Civil case a nih chuan court-in zângna dawmna pe turin order a pe mai ṭhin. Criminal case ang a a kal a nih chuan, kum 2 jail tán bakah pawisa chawi a ni bawk."


"Duh aiin ṭhangthar te hi kan huai deuh mah mah chu a ni. India danpui hian hmeichhia phei chu kan thlavang a hauh na ropui si a," ka lo ti zui nang nang. U Hruaia pawh a lo bu ve nghut nghut mai.


"India ram hi chu invannei ngawt mai. Corruption a tam mah mah tih loh chu Dan hian a venghim che u alawm," Ruati thusawi chu a dik viau. Bakah, dân in min venghim tih kan hre lutuk hi tamtak erawh awmdan leh chintawk kan hre lo letling zawk tlat tawh bawk.
.
.
.
.
"Naupang an mu tawh em ni?" Vula amah chauhin TV a lo en.

"Zodini te in ah an riak dâwn a nih hmel."


"Min va ngai lo ve, nilengin min be tawh lo va," ka bag haiin phone ka tum chu U Hruaia'n min lo dang vatin, "Zodini bulah an awm chu, inbual ang," tih leh min pawt chho dat dat. An va tlei em em tak, hetiang hian an tlei ngai lo reng reng. Min hre chang tawh lo a ni ang.


Kan nupaa rei tawk kan inbual hnuah khumah ṭhu chuan Zodini chu ka call ta tho a. U Hruaia room aṭanga a chhuak chu ka en zui zauh, Vula biak a duh thu a sawi tak kha.


"Zodin..."


"Naupang an mu deuh chiah a sin Sawmte," lehta nghal a.


"Min van ngai lo hlawm ve,"ka ti ta thlawt. Ka ngai ve zawk a sin maw le.. Ka fate in khawih ṭap leh inhau ri hriat loh chu a khawhar thlak mah mah zawk alawm.



"Awi an hre chang lo che," a nui khek khek, ka rilru a na deuh tlata ka hriat chu le.



"Tal takin Emma-i khan a lam deuh che a, Shanel-in a thlema an inthlem lungawi a ni chek ang chu, Shanel-i khumah an mu dun," a tih chuan ka nui ta sen sen. Rinai takin Shanel-i hian a enkawl thiam niin alang.



"A khua a har lo va, nuam anti lutuk Shanel-i pawhin nuam a ti viau a nia, ngaihtuah suh, naktukah ka rawn hruai haw dâwn nia," a tih takah chuan kan in mangṭha ta a.


Kan inbe zo U Hruaia a rawn la chhoh loh avangin room aṭanga chhuakin ka hawi kual deuh.


Study room aṭanga eng chhete a rawn chhuah avangin ka pan vat.


Kawngkhar a inkhar phui miau loh avangin hawn mai ka tum a, "Zairema hi engtia ti turin nge min duh?" Vula'n a tih chuan lut ta mai lovin kawngkhar hnaih taka ding chuan ka ngaithla ta ran. Ka tih ngai pawh a ni lo mah se ka hriatah engmah sawi duh hek lo.



"Ual au taka mi an beih ngam tawh chuan evidence kan kawl kim a ni tih an hre tawh tihna a ni a, an awm mai mai lo tawp ang," Vula bawk chuan a ti leh, U Hruaia erawh a la ngawi ngal thung.


"Tunah an in ah em ni?" A ti ta sup.


"Kolkata airport a thlen rualin anrawn thawnlet leh a, tunah chuan Hotel-ah a awm rih," Vula chu nui huk hukin, "i tlânbo tir tak tak a ring kha a mawl khawp mai," a ti zui zat. Zairema antih chu ka hre chhuak ve ta chiah mai, ka U boral zana min rawn hrilhtu kha a ni. Amahin engkim a lo buaipui a nih kha.


"Thupek a awm hma chu Hotel-ah awm rih rawh se."



"Sir, Ricky-a thihna chungchang hi Sawmtei hrilh i tum lo em ni? Rokima hian chhuah a tum hmel si loh a," Vula'n a lo tih chuan ka ding khawng nghal at.


A chhang dâwn ta lo emaw rih hnuah, "a tuar zo lo ang," ka pasal aw ah chuan min ngaihtuahna hlir a ni lang ni.


Mahse, an thusawi awmzia chu, ka U kha Pa Roa that tak tak maw lo ni a?

"Eng nge insawi awmzia?"


Min rawn en kawk, ka lut chu mak anti hle tih a hriat theih.


"Bawihi," U Hruaia a rawn ding zat.


"Zawhna ka zawh che u chu," an thusawi kha ka hre dik a ni tih ka hria mah se ka ring ngam lo a ni.



"Myla, ka thusawi ngaithla hmasa la," min thlem ti tihin min rawn pan hnai chu mittui hnam zui ṭiam ṭiamin ka lo en ngat ngat.


"U Hruai, zep nei lovin min hrilh rawh. Pa Roa a ni tiraw?" Ka dar tawn tawnah a rawn chelh salh, ka aw pawh a khur chhuak nghal dar dar thei.


Thaw hawlh hian, sawitur nei, sawi chhuak hreh tih hriat deuhin min en ngur ngur, ka pasal mitmeng buai leh tihtur pelhhel mitmeng ka vawikhat hmuhna a ni hial ta ve ang.


"Myla...."


"Min chhang rawh," ka aw a zawi tawh tak zet. Ka ring phal lo lutuk chuan min ti khur zual niin ka hria.


Eng ang mihring nge a nih hre tawh mah ila, a mit ngeia a en, a hmuh seilen ang a ni a.
Ni lo, mahni sahim nan engtin nge pawisawilo a dahṭhat theih ang ni?


"U Hruai...." Ka mittui a rawn luang ngiai ngiai, a ngenin ka ngen a ni tawh zawk. Ka ngaihtuahna chuan minti hläu zual.


"A dik alawm," zawi taka ka pasalin a ti thawp sup chu ka bengah hian thihna dar ri ang maiin a ring.


Ka kaihza thâ a zawi hnawk a, min lo chelhbet vat. Ka lu thing nawk nawkin, "a ni lo ang. Engtin nge... Engtin nge? He khawvêl mi tam tak zingah ka U ber kher? A ni lo," U Hruaia min chelhna aṭanga tal chhuak chhuak vat chuan ka inher a, "Bawihi..." Min pawt let nawk.


"Min thlah rawh... MIN THLAH RAWH!!" A au in ka au chhuak!


"KA THAT DAWN. KA THAT DAWN" mi â ang mai ka ni, mittui nen ka au tuar tuar. Nghet takin ka hnunglam aṭangin ka pasalin min kuahbet tlat a, ka kawchhungah ramhuai a lut ta emaw ti ni âwm taka Ruati'n rawn tlân chho vina min en kawk chu ka hmu phe vek ruai ruai, ka kawchhung hi tualthah pawisak lohna in ka khat a, ka thisen hi a za mur mur bawk


"Min thlah rawh, U Hruai khawngaihin min thlah rawh," ṭap zawih zawih chuan ka pasal chu ka ngen ta ngawih ngawih.


Ka inbengdai thei dâwn lo va a hriat vang nge ni a, ka kal lo a nih chuan ka lungawi thei dâwn lova a hriat vang zawk ka hre lo, "Vula car la chhuak rawh," tih leh min pawm nawlh a, "Bawihi, keiman ka hruai ang che," a ti sup, ka pasal chu mittui nen ka en chho ngawih ngawih, a mitah chuan min lainatna bak hmuh tur a awm lo. A awmah bei chuan chhuak lutukin ka ṭap ta zawih zawih bawk a.



Car ah pawh chuan a malchungah min pawmbet tlat a, ka taksa chu thinrimna, huatna leh natna in min tuam hlup hlup, ka khur chhuak ta dawt dawt chu, "Myla... Myla...Pathian leh!!! Vula damdawi in pan rawh," U Hruaia aw chu hlauhthawnna in a khat leh tawh.


Kal lo tur pawhin ka ti thei tawh lo, a vawh ka tih vang pawh ni lovin, ka pasalin min kuahbet tlat chung pawhin ka khur chhuak dawt dawt a, ka taksa inpawt mar ta riai riai chu ka kawchhung aṭangin chiang takin ka hre thei. Ka hâ inkhawng ri bawp bawp chu ka hre ruai ruai bawk.


"Myla... MALSAWM..."


"KHALH CHAK RAWH!" U Hruaia'n a ti hrawih chu ka hriat hnuhnunber a ni, ka kawhhmuh thim ta mut leh ka beng ngawng ra dupah chuan engmah hriat rêng ka nei tawh lo!!


Show post links
Top

[Ngaia]

THURÛK_99

BY

Floria Laldansangi


Chapter < 29 >

<><>~>~><><>


"Ngaihtuah lutuk suh, a la harh lo Sir," Vula ṭawng ri chu ka hre ruai ruai.


"Ka hria e," a ti leh sup.

Ka taksa chu vuak hrep ang maiin a nâ a, ka mitthlaah thilthleng rawn lang zut zutin meng chhuakin ka thaw chhuak kawk bawk.

Ka hawi kual nghal ruai a, ka awmna chu damdawi in a ni tih ka hre nghal.


Rang taka ṭhu chhuakin, ka kuta hriau in vit reng chu ka pawt phawi sawk a. Thisen a per chhak bawk.


"Ka Pi..." Vula a rawn tlân lut vut a. Melh pawh ka melh lo.

Khum aṭanga ka ke hlang thlain, ka ding mai dâwna ka luhai avangin ka kat deuh khut khut.


"Mu leh rawh, Doctor ka rawn ko ang," a thusawi chu hria ang pawhin ka awm lo.

Ka lu la hai muai muai chung chuan ka pên chhat chhat a.


"Sawmte, ka tán thil harsa zawngin i siam lo thei em?" Ka hmaah a rawn ding a, ka lu la hai deuh chhû chhû chunga melh chho vin, "awmsawn rawh," chang deuha tih ka tum a nia, ka lei hmawrah a thawp ral.



"Ka Pu lo let tal nghak rawh," a tih leh rualin ka theih tawp chhuah a nam sawn chuan ka pensawn a, Doctor leh vengtu dang anrawn lut zat.


"Awmsawn rawh u."



"I bp a la hniamin, i stroke kha a vaiin a la dam lo a nia, in enkawl i ngai Doctor," Nurse chuan min en kalh.


"Awmsawn rawh u ka tih chu inhre lo em ni?" A tawp lam chu ka au ti tih tawh.


Ka thinrim lutuk vang nge ka kut ka hum ruh ngar chung pawhin ka khur leh dar dar a.


"Awmsawn rawh u," Vula'n a rawn ti ta vat.


"Ka sawi chu inhre lo em ni?" A ti nawn leh, amah chuan kawngkhar chu hawngin, "i kal duhnaah ka hruai ang che," a ti zui zat. Min dang thei dâwna a hriat lohvang pawh a ni mah nâ!



Ka hmaah kalin chak takin ka pên hlawk hlawk tak nâ chu, ka kalsawt viau pawhin ka hre lo.


Damdawi in hmaa ka chhuah ve meuh chuan Vula'n car kawngkhar a lo hawng vâng tawh, ka lut ve vat. Ka lu hai ta lutuk chu ka uak ṭhat, "i ṭha em?" "Tlân chhuak rawh," ka lo ti let nghat.


U Hruaia'n eng nge a tih ka hre lo, a awm lo erawh ka vannei hle thung , awmse chuan ka chhuak thei dâwn lo nasa tih ka hre chiang lutuk mah mah.


Ka lu nâ chu seat hnung ngheng datin mit ka chhing zui vang vang a, ka bengah U Hruaia aw zawi leh fiah tak maiin, "a dik alawm," a tih chu a rawn ri nawn vung vung. Ka mittui a rawn hnai leh kuar kuar. Ka kut chu ka hum ruh ngar ngar bawk a.


"Tlân chak rawh Vula," ka ti chhuak zat bawk. Ka aw chu a lawi lek lek zawk.


Min ngaihtuah tih ka hria mah se tunah hian ka U thattu hmuh ngei ka duh a ni.


Zingkar hma tak a la nih avangin traffic jam a la awm lo bawk nen reiloah kan thleng a. Car kawngkhar hawng rawk rawk chuan ka tlan chhuak nghal vawn vawn.



Kawngkhar inhawng saah chuan ka tlân lut rawk a, ṭhut khawmnaah Pa Roa leh Nu Rpi zing thingpui in an lo ṭhu dun. Rinfela inchung aṭanga a rawn chhuk ve chiah bawk a.

"Malsawm," mak ti tak hian min en.


Kei erawhin Pa Roa lam chu ka pan chhat chhat. Ka en ngar ngar bawk.


"Nang...Nangmah hi maw ka U thattu chu. Nangmah hi maw?" Ka pan hnai chhat chhat zel a. An nupa chuan muangchangin an lo ding ve bawk.


"Ka zawh che chu? Ka U kha i thah a ni tiraw?"


"Malsawm..."


"MIN KHAWIH SUH.." Rinfela'n min rawn chelh chu ka lo rak khum ṭhawt.


"Engtin nge i theih?" Ka mittui tih tlak loh ka tum nen a rawn baw hawk hawk mai.


"Engtin engmah tisual lo ang maia i awm theih? Engtin nge?" a kawr âwmah ka ṭham zui nawk a, ka sawi dawt dawt bawk.


"Min rawn zui rawh, police hrilh ang, inpe rawh," ka pawt ṭauh ṭauh a. Ka tha neih loh vang nge ka pawt che zo dêr lo.


"Sawmte, Sawmte," Nu Rpi'n min rawn pan hnai vat. An pa ka ṭhamna kut chu a rawn chelh zat bawk a.


"Sawmte, tihsual chu tihsual tawh a ni a, engvangin nge kan theihnghilh tlân mai loh ang ni, i fate Pu a nih hi, an thisen," Nu Rpi chu rapthlak ti lutuk hian ka en ngawih ngawih. Ani pawh hian a hria amaw? Hrereng chungin an ngawihbo pui tihna em ni?


"I hria amaw?" Rinfela lam ka hawi a, alaka beidawng lutuk mitmeng chuan ka en zui, a mitmeng a lo khup zûl danah ani pawh sawn a hria a ni. Engtin nge an theih zawk. Tualthattu an kawl a ni tih hre reng chungin maw?


"Minbum a ni," kha lutuk hian ka ti chhuak a.


Ka mittui a luang zawih zawih bawk, "tihsual? Ka ti chhuak thlawt bawk. Tualthah kha tihsual maw ni a? Natna nei miah lo damdawi hmanga an hrai hlum kha tihsual maw ni a? Rilru buai ang maia anchhuah kha tihpalh maw ni a?



"Thlân lung, a pawn hnawih var mai chuah inni. RAMHUAI INNIH HI," aw rawl tawp tawpin ka au chhuak. Tunge hrepha a, tunge ngaithla ka pawi sa hek lo.

Ka thaw kawk kawk a. Mittui nen chuan an chhungkua, ka lo zah em em ṭhin, mi thusawi pawh awih phal lo va an ṭhat thu ha hîpa ka sawi a, ka fak ṭhin. Ka nu leh pa tluka ka zah leh, ka in tluka ka ngaih In chhunga chengte chu natna leh huatnaa khatin ka en kual ruai ruai.


"Hun kal tawh chu hun kal tawh alawm," Nu Rpi'n a lo ti leh sap. Rak chhuak chiam ila a ṭawngkam leh thusawi awlsam tak ang a lang, min vit nawn awn awntu ni si chu a dawnsawn dan ka thiam ngeiin ka ring.

Mahse, tunah chuan min vit hlum mai dâwnin ka hria. A na lutuk mah mah, ka hmaah ngei ka U neih chhun, Nuṭa min hmangaihtu awmchhun thattu ngei a awm a, mi â ang maia a hmaa ka nui ṭhin te chuan keimah leh keimah te hi ka inhaw ngut ngut bawk.


"A sum tenawm leh bawlhhlawh thupbo nan, khawngaihna tel miah loh va a thah kha tihpalh maw ni a?" A tawp lam chu ka beidawn lutuk nalamah a ri chuai raih tawh zawk. Pa Roa erawh a ding ngawi ngal, a hmelah engmah a lang chuang hek lo.


"I fate Pu a nih hi, an thisen zawmpui," ṭap zawih zawih chuan ka nui chhuak hawk, ka mangang lutuk leh hmasial ka tih lutuk vanga nui ka ni mah zawk.


"A nih ka U ve kha le? Ka U kha le? Ka thisen zawmpui, ka pianpui ka U kha le?" Ka âwm ka chum dawt dawt a, ka ṭham ṭawk ṭawk bawk!


Engtin nge hetiang mihring hi annih theih. Mihrang ka ni lo va, ka U lah a ni bîk hek lo, engtin nge an theih zawk?



"Fiahna tel lovin tualthattu ah min rawnpuh tihna em ni?"

"PA!" Lalrinfela'n a lo ti hrawk.


Ṭap chung chuan ka nui a, "Puhna?" Ka ti chhuak hap, a bak sawi tur ka hre lo.


"Myla..." U Hruaia hmel a rawn lang zui hlawl, ka bulah a rawn ding zui rûn bawk.


Ka Nu leh U Tetei anrawn lang ve bawk a, an hmel chu mittui nen ka en phe ruai mai. Ka thlek ngawih ngawih bawk.


"Bawihi, chhuak phawt ang," ka darah chelhin min pênsawn pui a tum chu ka lo tal leh phat. Mahse, hnehsawh taka a taksa si thlapa min kuah bet chuan min pên chhuahpui pawk pawk ta tho va.


Ka Nu te inah min luhpui rualin ka ṭhu thla hnawk chu zo takin min pawn a, sofa-ah min nghat dat bawk.


"Engthil nge awmzia ni hi Hruaia?"


"Ṭhu phawt ula," U Hruaia chuan min en rûn, ka mit ka lo chhing tlat thung.


"Malsawm..." Rinfela aw ka hriat rualin ka meng zui a, mit thip ram hian ka en phei.


"Chhuak rawh... CHHUAK RAWH!" Ka ṭhutna aṭanga tho vin a âwmah ka nam dawt dawt.


"Chhuak rawh, chhuak rawh," U Hruaia'n min rawn kuahbetin, "engthil nge i duh Rinfel?" A ti hluk.


"Ka tiam tawh che kha," tih leh, "ka Patea address, hetah hian i zawng hmu ang," a ti zui sup. A mitmeng leh hmelah chuan inthiam lohna bâk hmuh tur a awm lo.


"Min ring lo tih ka hria; Mahse, Malsawm, kei pawhin ni reilote liamta khan a ni ka hriat chauh ni," ka awih lo lutuk chu a hmaiah sawn ben sawk mai a nia ka duh. Ka taksa hian ka thinlung duhdan phatsanin min chesawn tir thei tawh dêr mai si lo va.


"Chhuak rawh..." A bâk sawi tur ka hre lo hrim hrim, a hmel hian minti thinrim zual, huatnaa khat tak meuh meuhin ka melh ngawt ngawt bawk. Ka âwm chhungah hian huatna a so bawrh bawrha, min hnawtbet tlat niin ka hria.


"Thil awmzia sawita che u maw le," Ka nu in a rawn ti ta ṭhak. Ka taksa rawn khur leh dar dar chu U Hruaia'n a hre nghal vat a, sofa lamah min let puiin, "Myla," ka dar tawn tawna chelh chuan min en rûn rûn, mittui kar aṭangin fiah lo ruaiin ka melh chho ruai ruai.


"Ka kutah dah tawh rawh," min thlem pah si hian a ti leh sup. Ka mittui a rawn luang tam leh zual. Hmui khur dar dar dungin, "U Hruai, ka U kha ka duh let, ka U.." Naupang ang maiin a ngenin ka ngen a, tawp lam chu ka phun sap sap chauh a ni.

Alamah min pawta nghet takin a awmah min kuahbet bawk, ka chhipah a khabe nghat tlat chuan, "ka tiam ang che, a dikna chanvo ka pe ngei ang," a aw ngheh ang chiahin a taksa pawh a rawn ṭang mar ṭawlh ṭawlh thei.


Ṭap khur dar darin ka taksa chau nen ka muhil nge ni a, damdawi khai kha ka zo lo zawk ka hre lo, ka mit khap chu a ban zual chap a, ka muhil nghal duar duar ni maiin ka inhria.


"Hruaia, thil awmzia han sawi tawh teh," U Tetei'n a rawn ti ve leh a. Kei erawh ka thinrimna inmung khawm nasa lutukin min hmet chau ngut ngut a, ka pasal awma bei chial chung chuan mittui nen ka ngawi ta vung vung.


"Ngawi tlat lo khan sawi ta che u maw? Ricky-a chanchin em ni?" Ka Nu in a rawn ti ta hlak.


U Hruaia chu a thaw hawlh a, min la kuah reng chungin, "autopsy result diktak ka hmu chhuak a," sawi hreh hmel tak hian a ti zawi sup.


"Eng nge awmzia? Autopsy result chu keimah ngeiin ka hmuh kha," U Tetei aw chhuak chu mak tihna leh zawhnain a khat.


"Ngawi teh Rinfel, i Pa hi a inrawlh lo ang tiraw?" Muangchangin ka meng riai riai a, U Hruaia kuahna aṭanga inla hrangin ka ṭhu ngil. Lalrinfela la ding ve ngar chu mit hnawm chap leh ṭahna avanga lu na ut ut chuan ka melh chho leh a.


"Pawi ka ti Nu Ruat."


"I pawi tih chhan chu alawm hriat ka duh. Engthil chiah nge ka fapa chungah intih?" A lo ti fiah leh ṭhak. Ka thaw a chham mai dâwnin ka hria. Ka âwm hi lung rit takin a delhbeh ang mai ka ni.



"Kan chungah eng pawh ti ula, eng hremna pawh kan pawm vek ang," ka Nu mitah chuan a en kalh a, "ka Pa hian a duh vanga U Ricky nunna kha lâk tum a ni lo. Thupe tu an awm vang zawk a ni," a ti ban leh chap chap.


"Dawhheh!" Kha zet hian ka lo ti chhuak a, U Hruaia'n mi lo chelh vat. Tualthah kha a duh thlanna ngei a ni mah mah zawk. A sa him nana that a nih kha.


"Eng maw?" U Tetei'n ti chhuak hapin min rawn en a, phe ruai hian ka lo en ve bawk.


"A thusawi kha eng nge awmzia?" A mitmeng chu a buai nawk mai, "Ricky-a kha depression nei a, sleeping pills vanga boral a ni lo amaw?" A aw a khur ve ta dar dar.


Mittui nen ka lu ka lo thing nawk nawk a, ka kâ ka âng zuai zuai, ka hrawk n lutuk leh tawt up up ah chuan engmah ka sawi chhuak thei lo. Ka hnungzang lah chu boruakin min hnawhbet tlat a, a kham ut ut bawk si.


Ka Nu chu chhuah tumin a pen zet tawh, "ka Pi chhuak duh suh. Case reopen turin dilna ka thehlut tawh a, naktuk hi result chhuah nî a ni bawk. Tunah chuan a hmingin minister a la ni a, buaina kan va siam a nih chuan case hi reopen theih lohvin a awm thei tlat," U Hruaia'n a rawn ti sup sup. A thusawi chu hrethiam se minti hlawm takzet bawk.


Ka nu pawh chu a mit a sen ve râma a tle ral mai.


"Rinfel, thudik min han hrilh teh," a aw chu a khurh bakah a ri chhuak ṭawk ṭawk a ni. Chutiang taka ka nu zâm aw ri leh hmel danglam chu ka la hmu ngai lo hrim hrim zawk.


"Nu Ruat...." A ngawi deuh vang vang a, "tu tu nge inhnam hnawih ka hre lo nâ chu, ka Pa erawhin thupek zawmin U Ricky-a kha a dahṭha tih ka hria," U Tetei a lo ṭap chhuak hawk. Keimah tak pawh chu ka thawklak a sak leh tawh lutuk mah mah.



"Engtin nge an theih zawk?" A ṭap chhuak hawm hawm.


"Ricky-a khan corruption bakah, ruihhlo leh ralthuam tawlh rukdan evidence a nei nual a, chumi nuaibo nan chuan a ni hetiang thil hi thlen ni," U Hruaia'n a rawn ti zui sup sup.


A nih chuan, kha memory card ngei kha em ni an lo duh a, an zawn leh ka U in a thihpui hialna chu ni ta?


"Rinfel, ka ṭawngkam chhe tak tak i dawn hmain ka inchhung hi chhuahsan rawh," ka Nu aw chu a khur dar dar tak nâ chu thinrimna inthununna ka hre thei. Kei ang lo takin a inthunun hneh viau bawk.


"Engtin nge tualthattu, ka pasal thattu te ka hmaah an awm reng chung hian ka hriat loh theih zawk?" U Tetei chu lainat lutuk hian ka en ngawih ngawih. Keimah pawhin tikhawp hian ka natpui a, a pasal thihdan a hria chu engtia takin dawngsawng ang maw?


"Ka patea chu umzui vat ang che. Ni 3 hnuah India ram a chhuahsan ang," Rinfela'n ti lehin a chhuak zui vut a.


A patea chu engtia inhman hnawih nge a nih ka hrethiam ta miah lo.


"Thil awmzia han sawifiah teh," ka Nu chu sofa lam rawn panin a ṭhu thla a.


U Tetei pawh chu la ṭap chung chuan a ṭhu thla ve zat. Engtin tak a chhungrilah ritin na ve ang i maw?


"Rinfela Pate chu engtia inhnam hnawih nhe a nih?" Ka Nu bawkin a ti a.


"Autopsy ti tu kha a ni tih inhre lo tak tak em ni?" Phawk lutuk hian ka meng. Midang pawh andang chuang lo.


"Autopsy result erawh Zairema tihdanglam a ni thung. A tirin result thlak a ni tih a hre lawk lo niin alang," a ti zui sup sup. Mahse, a nih si chuan engvanga tlanbo nge a nih?


"Tihsual a neih si loh chuan engvanga....."

"Vauna a dawng a ni mai," ka Nu ṭawng laiin a lo ti sup. Pa Roa hian a unau pianpui em em chutiang dinhmunah a dintir thei dâwn em ni? A rapthlak mah mah lo maw?


"Hruaia tunah kan man tir thei lo em ni? Keichu police koh mai ka duh," U Tetei'n a rawn ti chhuak nawk nawk. A ṭap leh rih ṭhin. A vawihnihnan a pasal a sûn nawn ni maiin ka hria. Thawk hrehawm a ti ve a ni ang, a âwm chu anṭham leh deuh ngawng ngawng zel bawk a.


En reng hrehawm ka tih êm avangin kawngkhar lam chu ka hawi ta daih a!


"Rokima man theihna tur evidence hi chu ka nei a," a chawl dut. Ka en phei leh vat.


"A chunga awm, Education Minister, MLA Muanpuia leh Thangmawia. A pawimawh ber kan CM ni lai mêkte nena an inzawmna ber Ledger leh Documents dang hi ka la zawng hmu lo a ni," a ti sup sup a.


"Rei erawh a ni lo ang," nghet churh a tiin min rawn enin za lo tih hriat taka kiai suk hian ka kut a rawn chelh a, hmer salhin, "reilote..." A tih zawm sup. Ka pasal hian engtia rei chiah nge he case hi a lo bawhzui tawh ang a, he case vang hian buaina a lo tawh tawh ang tih min ngaihtuah chhuah tir rum rum.


Ka hre ve chauh chung pawhin vawitam min dahṭhat an tum a nia.

Accident kan tawh hmasakber ṭuma U Hruaia lo hlauthawng lutuk pawh kha ka dem miah lo, khatihlai aṭang tawhin ka nunna hmangin an lo vaubet ṭhin tihna a nia.


Ka pasal thiltawn leh hmachhawn tawh ka hmuh thiamna chuan min khawngaih tir a, ka ṭah a rawn ti chhiak thar zual, ṭhut hnaihin, ka kuah zui ta chial bawk. Nghet takin min lo kuah let vat. A âng chhungah hian ka him a ni tih ka hria, mahse vawiin hian ka chiangthar zual tak zet!


"Puih theihna che kan nei em?"


Ka chhipah fawp vang vangin, "engmah hre lo angin awmchhun zawm rih ula ka duh," ka inla hrang vat. Ka nu te pawhin an en kawk tho.


Thaw hawlhin, "engtiangin nge hma an lak dâwn ka sawi lawk thei lo, anti na hreh hauh lo ang che u," sak tak hian a rawn ti zui a, chu erawh ka beng awmna ka chian tlukin ka chiang a ni. Eng emaw ber an ti leh dâwn tih hi.


"Thiltih theihna, ropui duhna avangin nunna engzât tak la rawh ang i maw?" Ka Nu chuan rilru nâ tih hriat ngawih ngawih hian a rawn ti chhuak ve leh vawng vawng . Ka nu hmel buai nak leh natna a khat hmel chu ka vawikhat hmuhna tak tak a ni bawk!
.
.
.
U Hruaia hna a neih avangin ka Nu te in ah chuan min kalsan a, U Tetei pawh nilengin a ṭap ti ila ka sawi sual lo ang. A room-ah a inkalhbet tlat, a ṭap chhuak leh aw rawl ri ka hre leh ṭhin, tihbuai erawh ka tibuai ngam ta lo. Chutiang bawkin ka Nu pawh a ni tho, a room-ah a inkhar khum hmiah a, awm ngaihna ka hre lo. Mittui nen chuan ka Nu leh U Tetei ṭap ri chu ka ngaithla tlawk tlawk ringawt.


A changin ka U thlarau chungah ngaihdam an dil a, a vawihnihna atana thlah liam leh ang mai a nih thu U Tetei'n a riat chhuah nawk nawk te chuan ka ṭhut hmunah min hmet chau ngut ngut. In pui zau takah hian boruak ka khap khawp a awm lo lam deuh chu a ni! A nâ êm a sin!!! Ṭawngkam hian a sawifiah thei mawlh lo!

Ruang tel lo va in vui nawn nen kan danglam bîk lo ve!
.
.
.

Riah nghal tum uk mah ila, zan dar 9 dawnah ka fate ka ngaihtuah ve nen, ka Nu-in, "kan ṭha mai ang," a tih avangin taxi la chuan ka haw ta a.

"U Hruaia khan i Nu te in ah i riak dawn a ti sia," ka chil lem khalhin, "naupang an mu tawh em ni?" Ka ṭahna ka aw pawh a chhang ruai mai, ka mit te hi a bui luk a nia ka rin ni.


"An muhil deuh chiah, zanriah i ei tawh em? Ei theih te i nei ang em?" Ruati min ngaihtuahna mitmeng chu za vak lo va nuih letin, "chak rih lo. Kanpa hi le?" Ka ti sep.


"Study room-ah a awm kha," a tih chuan ka pan chho hnak hnak, keimah hi ka rit bur mai lehnghal a. Muthilh a, harh chhuakin mangchhia mai nise ka ti vawng vawng.


"U Hruai...." Kawngkhar ka hawn rualin a ṭhutna aṭanga rawn tho vut chuan, "Myla..." Min rawn pan zui pawk pawk. A hmel chu min ngaihtuahna hlir a ni lang zut zut ni!


"I rawn haw tur thu i sawi lo va," a laptop lam chu ka thlek zauh, "LALHRUAITLUANG...." Aw ṭeng deuh ka hriat chuan U Hruaia min biakna chhang ta lovin ka kalpel a, chair pawt chhuaka ṭhu thla in laptop chu ka en vat.


Pa Zaia an manbeh ka hmuh chuan ka meng kawk, ka bula rawn ding U Hruaia ka en chho vat bawk a. Hotel-ah a awm an ti emaw ka tia.


"Tlânbo a tum a," zawhnaa khat mitmenga ka en avangin a lo ti sup.


Pa Zaia pawhin min hmu chu mak a ti nge a mitmu a tal rawk rawk mai; Mahse, rei erawh a ni lo. U Hruaia chu a melh lehnghal khur khur a.


"NANG UICHO..Engtin nge i thu i zûk let theih?" A rawn ti hrawk hrawk. Ka lo phu zawk thei hial. A aw chu natna leh huatnain a khat tlat bawk.

U Hruaia chu ngeiawm lam lek lek hian a khi suk a, ka ṭhutna chair pawt hla deuh chuan laptop hmaa kûn hniamin, "Mizoram chhuahsan turin ka pui che a ni lo'm ni?" A nui zui suk suk. Tuna ka pasal hmel pawisak neih lohna chimawm tak hi ka damchhungin ka hmu ang tih ka ringpha ngai lo, a nui hmel chu a rapawm mah mah zawk . Tluanga a inpuan tirlai ang chiaha a hmel kha a ni a put ni!



"Min bum a ni LALHRUAITLUANG.." Kha zeta a rawn tih chhuah leh rualin, laptop chhanah pawh chil a rawn chhak zui thlawrh, lo ip chawihin mit ka lo chhing sawk. Pa Zairema chu dawhkanah a lu an nawrbet nghal rawk rawk a, a tal ve vut vut bawk. En hrehawm ka ti. Kalsan lah ka duh ta bik bawk si lo. Ṭang ṭung chuan chair bân chu ka chelh ngar a.

U Hruaia chu a nui huk, a zat vang erawh a ni miah lo, "i theihnghilh ang e. I documents duh zawng zawng ka nei tih hi," dawhkana a hmai an nawrbet chung pawhin a rawn nui hawk hawk. An invau vêl en chuan ka thaw a lo chham mai dawn hialin ka hria.

U Hruaia chu ka lam a rawn hawi a, mitmeng buai naka ka lo enna chu harsa tih hmel taka min kiai khum sawkin, a khabe ruh a pawng nghal ṭalh ṭalh.


"Zairem, ka hrilh theihnghilh che a," muang ban chap, sehchilh rap rapa tih leh laptop lam bawk hawiin, "i huan, JCB hmangin ka lipse tih," a tawp lam chu a chang mah mah. Lo ip chawih chawihna tham a ni hial.


"LALHRUAITLUANG... THI SÂWN RAWH!!" Ti tuar chuan computer screen a thim nghal zat. Dawhkan chu a ri zui bur bawk a.

U Hruaia chu hnaih pawh ka hnaih ngam rih lo, kuttum nena dawhkan a nawr a, a bâna thisen zâm rawn pawng ṭawlh ṭawlh te chuan ka tirilah min man ka ti lo thei lo, thawk pawh thaw tham ngam lovin ka pasal thinrim inbeng daih tum thaw ri hriah hriah chu mit khap fak fakin ka en kar ringawt.


A thinthawk thutin min rawn vai sawk mai ang tih hläuhna te neih rum rum a awl mah zawk tunah hian!!!!



<><>~>~>

Note : Naktuk Thawhleh zan aw hmelṭha ho


Show post links
Top

[Ngaia]

THURÛK_99

BY

Floria Laldansangi

Chapter < 30 >


<><><><><><><><>

"U..U Hruai...." Tîm deuh tak hian ka ko va, thaw ri hrawiha min rawn en zui rûn chu ka lo ip chawih thei. A mitmeng thim khup, sen rum ül mai chuan tiril a fan thla rawih rawih thei hial nia. Tuna a hmel landan hi ka nêl miah lo. Nêl lo tak ka ni.


Inthunun tum tih hriat tak hian thaw an leh hraih a, ka ṭhutna aṭanga min pawt tho deuh nawk chuan nghet takin min kuahbet nghal chawt bawk. A taksa ṭang mar ṭung mai chu sak tak a ni, kuah pawh a nuam miah lo. Thingkung dinglai lian tak kuah ang mai alawm a nih le! Pangtilum nei mah se tuna ka pasalin min kuahna hi chu chhungrilah a vawt rawih rawih thung!


Ka rim hip vang vang ni âwm tak hian boruak a hip ta vung vung a, zawi muangin a hnungzangah ka beng zui ve ta dat dat. A rawn thaw chhuak ve ta ham ham bawk a.


"Ledger chu i hmu lo em ni?"

A thaw leh deuh hrawih a, a taksa rawn ṭang zual sauh vin min kuahna a nghet zual sauh bawk. Lo zawt lo tawp tur ka ni.



"U Hruai, i theih tawp i chhuah tih ka hria, i theih tawk piahlam chu nawrlui suh," ka kuahna ka phelh a, inla hrang hlekin ka pasal hmel chang rût mai chu en chhovin, "i theih tawp i chhuah tawh alawm," ka pasal chu hnem ve ngial ka tum a, a lung erawh a awi zo ngang lo a ni tih ka hmu thei. Kum tamtak hahtaka a lo thawhna, a zawn tawh, a hma lawka awm tawh a hloh leh ni a a inngaihna chu hmuh a hrehawm takzet.


Harsa tih hmel tak leh nuilui tih hriat tak hian a rawn ner sak a, a âwma min kuahbei leh chuan, thaw hawlhin, "ka ṭha tawh e," a aw chhuak pawh a dam ta raih mai. Ka pasal aw ki diktak a ni leh tawh. A mizia mak ka tih leh ka ngainat pakhat chu, ka chungah leh ka bulah a inthunun zung zung thei ṭhin hi a ni.


"Kan mu dawn em ni?" A tih zui leh takah chuan ka inla hrang vat a, "mu ang," ka ti ve ta sep bawk.


Zankhua deuh thawin kan nupa chuan kan titi sep sep a. U Hruaia pawh zandang ang lo takin a ṭawng ve sup supin, ka zawhna tamtak a chhang bawk.


"A mak e, Pa Roa berkher," ka ti chhuak hap, mak ka tih hi a reh thei meuh lo chu a ni, kan unau tán chuan Nu leh Pa ang tluk anni ve tho si a.



Lu lamah min pawt chho vin, ka hnarah a fawp a, "muhil tawh rawh, i chau lutuk ang," ngaihtuah zawm turin min duh lo tih a aw chhuakah chuan ka hre thei.


"Thil hi a kalsual ang tih ka hläu," ka ti chhuak sap. Ka hläu ru tak tak, Ledger a hmuh loh phei chuan a duh angin boruak hi a thunun zo lo mai ang a, U Hruaia hian a tuar mai ang tih ka hläu et et mai.


"Myla, thil i ngaihtuah tam lutuk a nih hi. Engmah a thleng lo ang," a mut chhuak aw nge maw ni, ṭial deuh ruai a tiin ka chhipa fawp chuan a thaw zui suk suk. A mut a chhuak tak tak em maw ni?

Keipawh chuan engmah sawi zui ta bik lo vin kuah nghet zui chialin, ka mit ka chhing nghal diar diar ta ringawt a.
.
.
.
"Anu..." Ka fapa thusawi chu ka lo ngaithla ṭha chiah lo nge, a chaw ei chawl meuhin min rawn en a, ka lo nuihsak. Zodini'n a hruaina hmun vel a sawi ve nasa, nuam an ti ngang a ni ang, zing thawh hlim aṭangin min la hrilh ve siam siam mai.


"School intlai dawn, ei vat ula," U Hruaia ngawi ngal a thil ei chu ka melh leh ṭhin, eng emaw hi mûk deuh hian a ngaihtuah a, ka rindanin Ledger lam a nih ka ring.



"Sir..." Vula'n a rawn tih rualin U Zea leh police dang anrawn lut deuh khut khut hlawm. Ka meng phawk viau bawk. Zingkar karah eng rawn tih tum ni maw?


"Engthil nge ni?" U Hruaia chu a ding zui a. Keipawh chu ka chaw ei zo ta lo chuan ka ding ve vat.


"Sir min hrethiam la, Station-ah mim rawn zui a ngaih hmel," U Zea hmel chu a dik miah lo.



"Pawimawh a awm em ni?"


U Zea chu a ngawi deuh ran, naupang ho chu enin, "Ruati, Vula nen School lo va thlah mai rawh u," ka ti nghal vat. Naupang hmaa sawi duh loh a nei tih ka hrethiam nghal.


"Ohhh, silai a nei maw le. Apu, i kuta i ken khan min man chhin thei em?" Lalrinhlua ṭhin hi chu. U Zea handcuff ken a la kaw deuh vâ zui a.

"Nakinah i Pa silai i en chhin dâwn nia," Ruati'n ti vatin a kai chhuak hlawm a.

"Engthil nge ni?" Ka ti zui vat. U Zea chu ṭawng hreh hmel tak hian min en leh zawk ṭhin.



" S.I Zairem boralnaah tualthattu ini tih thu dawn a ni a, min rawn zui a ngaih hmel," ka meng phar awn mai. Kei ang bawkin U Hruaia pawh a meng deuh awk mai.


"Eng nge maw i sawi le?" ka aw chu mak tihna in a khat. Duh aiin ka aw ki a säng viau bawk!

"Min hrethiam rawh u," tih leh a handcuff chu U Hruaia lama a rawn lek chhuak ta mai. U Zea kut chu ka lo bengthla vat.


"Myla..." U Hruaia chu mak ti ang pawhin a awm leh tawh lo, ka melh chho haw a, "engthil nge awmzia? I thah a ni tlat lo alawm, a ni lo'm ni," nizan pawhin an la inbia, ka hmu reng a.


"Min hrethiam dâwn nia Sir," Tiin handcuff a bun tir khap mai chu sawi leh tur pawh ka hre lo, U Hruaia lah chu a ngawi leh run tawh mai sia.



"Hruai ru."


"U...."

"Min ngaihtuah suh Bawihi. Vula rawn let nghak la tih tur a hre mai ang," dam raiha a tih chuan mitmeng buai naka melh chho deuh haw haw in, "Mahse..."

"Min ring rawh," nghet churh hian a ti leh sup.


"An man che hi," ka ti chhuak leh ngial, ka pasal kutkawl bun chu ka melh a, ka lai a na nghal ngawt bawk. Nizana ka thusawi leh hlauthawnpui ang kha a thleng niin ka hre hial mai. Nilul suh se.


"A rei lo ang," tih leh, min hnemna tih hriat taka ka ka chalah rawn fawpin, "kal ru," a ti zui sup. Kawngkhar a in anzui chhuak chu thawk chelhbet tlat hian ka en thlir a.


"U Ze, ruang chu..?"


"Pawi ka ti Sawmte, i hriat angin autopsy i ti thei lo," ka ṭawng zawh hmain a lo ti vat.


"Engvangin maw?"


"Thupek a nih chu," tih leh a inher a, ka umzui vat, "a nih chuan station-ah ka zui ve ang che," tih leh a car lam chu ka pan hlawk hlawk. Autopsy ka kalpui ngei bawk ang.



"Sawmte...." A aw ah chuan luhlul min tih hmel takzet.


"Car hawng rawh," car bulah chuan ka ding zui ran. U Hruaia erawh car dangin an hruai tawh thung.

Vula a rawn tlân luh ve avangin ka pan ta zawk a.


"Vula, Station-ah min hruai rawh."


"Mahse..."


"Ka sawinaah chuan kal ve mai ṭhin rawh," ka lo ti hlar, a bu ta nghat.



"Eng nge plan a neih?" Kan tlân chhuah hnuah Vula chu ka en a.


"Ka hre lo le," hre si lo ring turte in minti ve ngawt a.


Reiloah station pawh kan thleng vat. Car aṭanga chhuak vatin ka tlân lut a.



"Sawmte, i lut thei lo."


"Ka lut dawn ka tih loh kha, zawhna anzawhlai min entir rawh u," indawpna hmuna luh tlang ka tum chu Tea'n min lo dang bet ve lehnghal.


"Luh tir rawh u," ka hnunglam aṭang U Zea'n a rawn tih takah chuan min luh tir a, Rinfela hmel ka hmu nghal zat. Min hmuh ruala kûn deuh chuan min kalpelin room chu a chhuahsan a. U Hruaia lam chu ka hawi vat.



"Engvanga that nge inih?"


Ngeng ngal a ṭhu chuan, "thah chhan tur ka nei hauh lo," a ti zawi sup. An puhna leh zawhna lah chu a ngaihsak lo em em mai bawk a.


"Sir..." A zawttu chuan a ti zet tawh, "Hruaia, hetianga luhlul i chhuah hian awmzia a awm lo a nia. I thahna hmuna thisen pawh i thisen ngei a ni tih fiahna reilote ah a rawn chhuak dâwn tih i hriat kha," a tih zawm leh, a aw chhuakah chuan a beidawn hmel viau bawk. Keimah tak pawh ka lo ṭang deuh ṭung nen, U Hruaia'n zawhna a chhang ṭha duh lo lutuk chu ka thinrim lek lek zawk.



Ṭpa a rawn luh chu ka lo en vat a, "DNA result em ni?" Ka pan hnai a, "sorry Chief..." Ka en thei lo tih min hrilhnan a kuta result chu dahsawnin min kalpel zat. Mit ka chhing sawk a ka thaw kawk bawk. Ka tih theih ve chhun leh information ka hmuhna tur zawng zawng mindan an tum em maw ni?


"A nih DNA test hi le..."


"Ṭp..." Ṭpa rawn chhuak chu zawhnaa khat mitmeng hian ka lo en, DNA result a in an vaih chuan a tâl awk dâwn tih ka chiang lutuk mah mah. Ka chiang takzet. DNA a inmil tawh ber cbuan tu pafa mah an chhuak mai tawh ngai lo tlat a ni.


"Mitthi taksaa thisen leh Sir. Hruaia thisen a inmil chiah," ka kaihza thâ a tliak hnawk mai, ka thaw ka hip let kawk bawk. Ka khaw hmuh fiah lo ta lek lek nen chuan ka lu ka thing a, "a ni lo, nizan zankhuain ka bulah a awm a. Nizan pawhin Pa Zaia chu a la dam reng," keimah leh keimah ka inbe mawlh mawlh.


"Engvanga inbia nge annih? Engthu nge ansawi?" U Zea'n ka mitah tak a rawn enna chu ka thawk la chelhbet chung chuan ka lu ka thin san ta ringawt a. Sawi chi a ni em tih ka hre tlat lo.


"A ruang......" Ka ti zui ta sep.


"A chhungten anrawn la deuh chiah..." Ṭpa'n a tih chu awih lo fe hian ka en ngawt ngawt.


"I fiamthu em ni? Autopsy pangai i kalpui dâwn lo a maw?" Duh aiin ka aw a ring mah mah. Engtin nge a ruang an pek nghal ngawt theih zawk?

U Hruaia awmna room lam chu ka hawi leh a, "thil thlenna hmunah ka kal a ngai a ni," ka ti chhuak sap.


"Saemte, phal i ni lo, i kal lui..." U Zea thusawi chu ngaihsak duh lo vin ka kut chunglamab ka vai thuak a, "ka pawisak i ring em ni U Hruai, a kaw tawpah ka ṭan hi," ka ti chhuak ṭiak. Ka chhungril hi hläuhna in min tuam ṭiam ṭiam a, ka pasal bula ka hläuhna ka tihlan ang erawh ka tilang thri dêr si lo.



"Ka zui ang che," Ṭpa'n a lo tih chuan ka lu thing vatin, "i hna i chân phah thei. Ruang thlalak leh i hmuh chhuah ang ang kha min rawn thawn la a tawk," ka lo ti vat.


"Mahse, chief..."


"Hnuhluh che ka duh lo Ṭp. I inhuamnaah erawh ka lawm thung," ka ti zo deuh chiah Pa Roa rawn lut chuan minti khawng awt mai.


"Sawmte..." Min lainatna hmel deuha min en na chu ka ten tlat lehnghal.


"Eng nge hetah i rawn tih?" Ka aw a chang viau mai.


"Tualthahna a thleng a, Minister-in tualthattu a hmuh chu mak a ni dâwn em ni?" Nui deuh sun suna ka lam rawn pan hnaiin, "pawi ka tihpui hle mai che. Ka thurawn kha la ni la, pasal tualthattu i nei lo ni mai tur Sawmte," a aw chhuak tinah chuan min runluih emaw tih mai tur khawpin a dam ang thlup zui a.


"Sir, i lut dawn em?" Ka chhanglet thei lo, ka kâ ka âng a nih chuan ka au khum vak mai ka hläu a ni.


"Lut ve ila," la nui vur vur a tiin min kalpel chu ka thaw chhuak kawk mai, nghet takin ka inhum ruh a, ka kâ ka venna ka ti dâwn nge, ka kawchhung sa ta bulh bulh vang zawk ka khur chhuak lek lek hial mai.


"Sawmte..." Ka inher ta vat, U Hruaia peh Pa Roa in hmachhawn ta ran mai chu nghet taka inhum ruh ve chuan ka en a. U Zea leh Ṭpa anrawn koh tâk avangin an chhuak zui ve bawk.


Thinphu dat dat hian ka pasal hmel hahdam raih, Pa Roa hmachhawn ran bawk si chu ka en kar a.


"Inremna neih chu eng nge i ngaihdan?" Pa Roa'n a tih chuan U Hruaia chu a khi suk mai. Nuihzat tur a awm ka hre si lo va.


"I nupui fanaute i ngaihtuah lo em ni?" In vauna ka hre te thei. A chhang dâwn ta lo emaw ka tih hnuah U Hruaia chu a ṭhutdan siamremin a mit a ti zim sulh a.


"Ka Nupui hi ka venna tel lo pawhin i tihnat theih a ni lo tih i hria ang chu maw?" Ka en reng tih a hria nge ni, ka dinna lam rawn hawiin, "ka ring tawk," nghet churha tih leb Pa Roa lam hawiin a thle buk a, ngeiawm lam lek leka nui sukin chair hnung ngheng thla leh dat chuan, "he station chhunga i milem ka man chhuah lohnan i rilru seng zawk rawh," a nui zui huk huk.


U Hruaia thusawi chuan ka beng a verh zak. He station chhungah hian Pa Roa nau te an awm tihna em ni? Tunge ni ang?


Ka ding vat, pawnlam hawiin, ka pensawn ta hlawk hlawk. Ka hawi kual, Tea leh U Zea hnathawk mawlh mawlh chu enin midang pawh chu ka en kual a, tuber nge ni ang tih ka hrethiam lo va, ngaihdan ka siam thiam hek lo.


A nih chuan, tu emaw ber hian DNA result anthlak ve tihna a ni ang em? Tu nge ni ang?
.
.
.


"Vula..." Pawn ka chhuah hnuah Vula car a rawn ding ve chiah chu pan hlawk hlawkin, "thilthlen nahmunah min hruai rawh," ka ti nghal a, car-ah luh ka tum chu, "tunah chuan vengtu an la tam lutuk Sawmte," ni e vengtu an awm chuan ka lut thei hauh lo ang.


"Engtia tih chi nge?"Keimah chuan ka chiai ta lek lek, U Hruaia'n min lo thlamuan ṭhin zia ka hre chhuak nghal rum rum bawk.


"A DNA test inmil dan kha kan hriat hmasak a ngai," keimah leh keimah chu ka inbe mawlh mawlh a.


"Kan station-ah hian Pa Roa hnuaia thawk an awm tih i hria em?" Vula chu ka en ran.


A mitmeng tlân chhe deuh chu ka hmu hman, "tunge?" Ka ti nghal vat.


"Ka chiang rih lo, thil kaldan a zirin ka hrilh dâwn che nia," a ti chu U Hruaia'n min hriat tir a duh lo tih hre tho mah ila ka ngei viau mai.


"Chutiang...." Ka ti hman chauh a ni, "Case reopen tura dilna a thehluh kha result a rawn chhuak tawh a, mahse inpa hetiang a nih chuan an cancel mai lo ang tih pawh a sawi theih ta hauh loh mai," a rawn tih tak daih takah chuan ka meng phar zual sauh. Vawiin hi a ni tak e!


"Zaninah thilthlenna hmunah kan lut dawn nia," ka ti chhuak ta sap. A lo bu ve nghat tho. Engpawh nise thilthlenna hmun ka en ve a ngai a ni.


Car glass a rawn in kik kharh kharh a, "lo chhuak teh," Ṭpa'n a rawn tih chuan kawngkhar hawngin ka chhuak vat.



"Thlalak ho chu a nia. Chief, Sir Hruaia nau leh S.I Zairema hi an inkawp ṭhin tih i hria em?" Ṭpa chu phawk zet hian ka en haw a.


"Mitthi hi maw?" Ka ti chhuak hliai.


A lo bu nghat a, "zawt chiang la a ṭha in ka hria. A thah duh chhan nibera an puhna a ni si a," a tih leh chuan ât hmel deuh hian ka bu ta nghat nghat.


Ṭpa a luh leh hnuah ka phone chu phawrhin Zodini ka call nghal a.


"Sawmte, call che ka lo tum chiah a. Chanchin ka lo hria a, eng nge ka U a an?" A pickup rualin a ti nghal zung zung.


"Tunah chuan zawhna an la zawt rih a, eng nge thleng zel dawn kei pawhin ka hre bik lo," ka ti chhuak hap hap. Eng a mah hmain kan hmalam thim ta rupa ka hriatna chuan minti chau nghal ngut ngut mai.


"Zawh duh che ka nei a?" Ka ti zui sep a.


"U Zaia chanchin em ni?" A lo ti ve nghal mai bawk!


"Ka nu te bula ka thusawi kha i la hrereng em? Fa lo vanga sàwnpawm ka nih loh thu ka sawi kha?" A rawn tih zawm sap sap.


Ka ngaihtuahlet a, U Hruaia'n a nu leh pa hmu tura min hruai ṭum khan a sawi chhuah nawlh tak kha.


"Khami ṭuma ka sawi naute pa kha a nia. Engvanga tuna min zawt nge inih reng reng? Buaina a awm lo tiraw?" A tih zawm leh zat zat.


Thil awmdam ka hrethiam ta uar mai, Zodini leh Pa Zaia inkar remchangah an la tihna a ni, "i U in a thah duhchhana an puhna ber a nia," ka ti chhuak chu, "a awihawmloh lutuk, that duh tak tak nise vawiin ni a nghah a ngai dawn lo," a rawn ti chhuak tán tán. A sawidik chiah bawk.


Zodini nen kan inbiak zawh hnu chuan, khawthim hun nghakin car-ah ka ṭhu lut leh a, Ṭpa thlalak min pek ho leh a taksaa hliam a neihdan vel a ziah chu ka en zui mawlh mawlh.



"Tualthattu hi a vawikhat tual thahna a ni lo tih a hriat. Rubber glove a bun a nih ka ring. Tin, a nghawng a zaina hi, thil hriam tak..." Ka ngawi deuh vang vang a, "scalpel... Ni e, scalpel hmanga a hrawk zai a ni," tih leh Ṭpa report ziah chu ka en zui sawk sawk a.



"Sulfasalazine...." Ka phun sep. Engtin nge Pa Zaia hian Anti-inflammatory drugs hi a neih theih?


"Eng damdawi nge ni?"


Vula lam hawiin, "Vula, Pa Zairema hian natna a neih i hria em?" A lu a lo thing vut a.

"He damdawi hi khawi aṭanga a neih nge i hre thei ang em?"

Thlalak chu ka pe a, en deuh vung vungin, "dik lo a awm em ni?" Ka lo bu nghat.


"Zairema Pathology report ka enin Thin lamah harsatna a nei si a, hetiang damdawi hi a ei thei hauh lo ang," ka ti chhuak sap sap.


"A nih chuan tualthattu ta itihna em ni?"

"Ka hre lo le. A ni maithei. Ruh leh hnungzang lamah harsatna a nei ngei ang," he damdawi neitu hi ka hriat ngei a ngai.


"7/24 chhung enzui a ni si a, engtia that nge annih ka hre châk khawp mai," Vula'n ti deuh sup sup chuan car chu a chhuahsan zui a, ka thaw chhuak ham ham. Darkar 24 chhunga U Hruaia thah a ni lo tih ka fiah lo a nih chuan chinfel a har tawh tur zia ka hriat avangin ka chet vat a ngai a ni.


Mahse, engtin nge an DNA a in ang lo a ni tih ka fiah tak ang le?
.
.
.
.
"Doctor...." Ka ding khawng at.

"Zan zanah eng nge i rawn tih dawn?" Constable 2 duty chu ka en a, ka nuih tlawn deuh var var.. Min hrethiam êm lo'ng chu maw?

"Hmaih palh a awm hlauhin ka ti deuh maw le," ka tih chuan an bu ve nghat. Kawngka chu an mahniin min hawn sakin, "awmrei lutuk suh ang che," an la ti zui. Ka lut thei lo a ni tih an hre lo chu a vanneih thlak takzet!



Inchhung ka lut chiah chu, thisen rim a rawn nam zui huk, mit ka chhing sawk a, mask vuahin, gloves bun nghal sawk sawk chuan ka hawi kual nghal vat vat, bangah thisen perna a rang reiruai bawk a.


"Sawmte..." Ka phu nasa lutuk, "U ze..." Luhlul min tih hmel deuh a nui deuh tawpin , "i hna i chân phah thei a nia aw," a rawn lut zui ve mai bawk. Ka pasal dik lo taka puh a nih ai chuan chân ka pawi sa teuh lo.



"Tualthattu hian U Hruaia hi a hre chiang hle a ni ang," ka ti chhuak sap. Ani pawh a lo bu ve nghat mai. Zodini leh Pa Zaia inzawmna te thlenga information a pek theih danah mipangai a ni miah lo.


Ka ke bul ke hniak chu a thla ka la zui a, ka thlek deuh vang vang. Pa Zaia ke hniak ti dâwn ila hetiang a ke sei nei tur a ni si lo va. He hmunah hian Pa Zai ke hniak bak hmuh theihin a awndâwn si lo.


"Sawmte, heihi rawn enteh..." Ka pan hnai vat a, thisen chu enin, "kan dinna aṭang hian Zaia thisen per chin chu i hmu thei ang a, heihi tu thisen nge nita ang?" U Zea chu enin, "tualthattu thisen a ni thei mai ang em?" Ka ti ve ta sap. DNA test tura la-in, In chu kan chhuahsan zui a.


"DNA leh U Hruaia DNA a in an loh chuan a fihlim a ni mai," lab-a kan pek rualin ka ti zup sap sap.


"Hläuthawng lutuk suh, result a dik tawh em em ang," U Zea'n a lo ti ve sup sup bawk a. Mahse, ka ngaih a ngam thei dêr lo!


"Eng nge result..."


"A in mil..."

Paper pawt thla sawk pah chuan, "thil theih loh a nih hi," ka ti chhuak ta thlawt, engtin nge a nih theih zawk? Mahse, result leh U Hruaia DNA chu a inmil ngei si a, ka hnunga chair-ah chuan ka ṭhu thla hnawk a. Ka thawk ka chelh zui ngat ngat bawk!


DNA hi engtin nge a in an zel theih? Engthil nge thleng hi keipawhin ka hre ta miah lo mai.


"Sawmte...." Ka mittui a rawn hnam ṭiam ṭiam. Engtin nge U Hruaia hi tualthattu a ni lo tih ka finfiah theih ang ni?


"U Ze, engtia rei nge an hrên ang?" Mittui tla lek lek chuan ka melh chho va.


Beidawn hmel taka lo thaw hakin, "ka hre bik lo, an puhna a ṭha in, fiahna annei ṭha si a, central lamah an thawn thla nghalin ka ring," a tih zui sup sup phei chuan thawk ngaihna ka hre tawh lo hrim hrim. Ka thaw a chham lek lek zawk!


"U Ze, kanpa min hmuh tir thei ang em?" Mittui parawl piau chung chuan a ngenin ka ngen a.

Min thlek vang vang, a lu thingin, "pawi ka ti Sawmte, heibak chuan ka puithei lo ang che tih ka hlau, i hmuh angin Commissioner lai rawn kalin case a dawn bawhzui si a," a tih dam dap chuan ka âwm chhung hi a chi ai nghal buan buan a, hlauhna leh manganna a in pawlh nuaih nuaih nghal.


Thawk kawk kawk ka tum nen ka thei dêr lo. Engtin nge hma ka lak theih tak ang. Engthil nge ka tih ang tih tal U Hruaia zawh ka duh a ni. Ka duh takzet!


Show post links
Top