THURÛK_99 By Floria Laldansangi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

THURÛK_99 By Floria Laldansangi (Completed)

Unread post by Ngaia » October 2nd, 2022, 10:22 pm

ub462eyo.jpg
"Aw Lalpa, hei Lalrinfela pawh tleirawl sual kan tih mai ai bak baka sualin a awm a, aw Lalpa keini i fate, i chhiahhlawh chuan engmah tih theih kan nei lo, Lalpa nangin han hlap mai teh," uluk leh uar fahrana a tih chuan, ka insum hman lo ka nui phuh ṭhawt, midang pawh an rawn nui huk tho, Pu Marintea ber lah chu engmah thleng lo ang maiin a chham zui ang malh malh mai bawk si a.
Ṭawngṭai e ti lo chuan mittui tlaphung leh thaw chham lek lekin kan nui dir tlawk tlawk hlawm ringawt. Mapuii phei chu a hnang deuhin ka hre mah zawk!
<>~>~>~>
"Darkar 2 hun i nei. Darkar 2 hnuah result hriat ka duh," thu minpe taka ti tu chu melh zawkin, glove (surgical gloves) bun ka tum chu dah let lehin, "Darkar 2 chhungin a thihchhan ka hre thei lo," ka ti nghat.
A chhip sam buk laih mai chu a tuai puat a, "Malsawmkim, hun ka nei lo, darkar 24 hmaa he case hi ka chhui chhuah a ngai tih i hria a ni lo'm ni?" A ti khur khur. Ka buaina a nih loh chu a!
A mitah ka la en kalh a, ngeiawm lam lek leka nui seihin, "a nih chuan ruang saw nangmahin autopsy (postmortem) iti dawn nia," ka ti let ngat chu ânchhia hi min lawh deuh hluk a.
"A ṭha e, hmanhmawh ang che," thu bawk chu minpek leh ni, a hnuai a thawk pawh ka ni dêr si lo va.
A taksa lianpui mai her vuta a pensawn chu ngal ruh ka ken hian ka vawm zui awk dâwn emaw ni???



THURÛK_99
by
Floria laldansangi

Chapter < 1 >


Champhai district
Zokhawthar
Tourist Lodge


Malsawmkimi...POV


(Have you ever fall in love with your best friend?)

"Dî rûk," an tih hi innei ve tawh ngai em? I nei lo a nih chuan i vannei tiin ka'n sawi ang e.

Kei hi Malsawmkimi, kum 23-na hmang mêk, Medical Student niin, ka Pa ang chiaha Forensic Medical Examiner nih tum ka ni bawk.

Ni e, kum 20 hnuah pawh ngaihzawng pakhat pawh la nei lo ka ni a, duh leh hmangaih rûk erawh kum 12 ka nih khan ka nei thung!


Ka hnaih taka awm, ka khawih leh tawh phak, engtiklai pawha minti hlimtu mah se ka ta ni ngai miah lo tur saw.....!


Tam tak chuan rindan an nei nghal ngei ang. Ni e, ka ṭhianṭhaber, kum 6 ka nih aṭanga ka kawm ṭan Lalrinfela ngei saw a ni e.

Ṭhianṭha satliah aia thük leh säng rilru leh thinlung pu chungin, atan ṭhianṭhaber ka la ni ve zel bawk a; Mahse, engtia rei nge he lemchamna tual zawl, friend zone aṭang hian ka chhuah ang ka hre hauh lo!!!


"A na thei lutuk Lalrinfel," Mapuii'n bak lutukin a ti hlar, "i lian si, i chak si, ti khan min nam thut thut zel suh," Thinrim zet chuan a tih zawm hlak hlak bawk a.


"Chhe hlek hluk e..! I thau thau nen," Lalrinfela'n a bul a ṭhut paha a tih chuan rum lutuk a melhin, "hetiang hi maw....."Khal" anti tunlaiah," Uar zet a Mapuii'n a tih rualin Rinfela chu za lutuk hian a nui chhuak hawk hawk a, a ti lui a ni mah zawk.


"Boiler" anti, khal chu, saw Malsawmkimi te ang saw alawm, a hnute a mum a, a mal a mum a, a kawng a fek ṭha bawk, a mawnglah a bial nalh tawk chiah a, sän zawngah lah nise 5'5ft," Nui hawk hawk chunga atih duah chuan, an ṭhutna lam melhin ka nuih ṭhû ringawt a, an awmdun tawh hi chuan inhnial lo hian an awm thei lo a ni ber hian ka hre ta.


"An in hnial leh tawh elo? A nin pawh hi an ning lo em maw ni?" Nui tut tut chung a ka bul a rawn dingin Hma'n a tih chuan ka nui hak hak ringawt, ngaiah kan nei tlang a nia nge..!


"Boiler chu i bialnu, nuthlawii te ang saw alawm, thau si, hnute lah chu'h, a awm ah khat vek, dul leh kawng fek pawh nei lo, Bî Î barel a an an nen," Duh thawh fe a Mapuii'n a tih leh tawn tawn chuan a melhna lam ka hawi vat, Tourist Lodge gate a car var rawn tlân lut chu tu car nge a nih tih hrilh nawn kan ngai teh chiam lo, "Lalrinfela mei," Tiin kan ko mai ṭhin, kan sual ve hranpa riau a.


"Helai thleng thlenga a rawn zui ka rinloh nen," RinRini'n coke min rawn pek pah a tih chuan za lo zetin ka ṭhenlui sak, Lalrinfela a thlen phei rualin an in fawp zui lehnghal ngawng ngawng, ka chil ka lo lem khawlh a, ka darah Hma'an min hnem tum tih hriat zetin a rawn beng thak thak, za lo lutuk bawkin ka ner leh sawk ringawt, ka ṭah te a chhuak zui ut ut mai, an in fawp emaw hmeichhe dang emaw a fawp lai ka hmuh vawikhatna pawh a ni hek lo, a ni têl hian ka natpui ni maiin ka inhria.


Kan dinna lam rawn panin a rawn nui phei var var a.

A nalh a lawm nalh chu, a hnute, a pian, a vun rawng engkim chu a fuh em em vek mai, Mizo hmeichhe tam zawk pawhin, "thlâwi hmelṭha" kan tih tur ang kha a ni, Mapuii sawi ang em em chuan a hnute in a khat lo a nia...!

Mi hausa fanu nih a inhmeh hliah hliah...


"Hi!" No zeta a rawn tih chuan ka melh zawk, "Sawmte, heihi i siam tak tak elo, a rim a tui tawp," Kan satay ûr lai chu a rawn kawk a.


"I hmuh kha," RinRini'n kalsawn pah chuan awlsam zetin a lo ti sam et, ka lo bu ve nghat, Rinrini leh Mapuii hi ka hrilh fo, pangai tak a be ve turin; Mahse, keimah ber hian ka be ṭha hlei thei lo niin alang.


Bakah, tun ṭum Lalrinfela bialnu chu nuthlawi kan hmuhsitna lam ni lo sela, nuthlawi nasa ve tak tia ansawi kai ve hat a ngaizawng tlat a, ṭhiante dang hian hmai êng hi anhmuh ṭha vak lo.


"Rinnghet, i hla play chu a ṭul lo hle mai," Rinrini hla rawn play"Nuthlawi zûn" chu Rinfela ngaihdan a ni leh lo nasa mai. Fiamnan leh tihluihnan tak hian anhmang a!


"Tihian duhthulêng ka han sam vêl ṭhin a.
Nuthai atan nula ṭha mi, Virgin ngei mai nise;
Sappui powder ngai lo, pianzei hmelṭha nise.
Ka tihlai nuthlawi zawk maw lo ni."

Ring lênglawnga Lalnunpuii rawn zai chhuak âwl âwlin, "hla mai mai alawm Lalrinfel," a ti nui zui vur vur bawk a.


Rinfela a lo rum nghut, U Cindy-i pawh nui ver verin, "ni ngawt mai, a mawi alawm a hla pawh," a ti nui ve vur vur tho a.



"Heihi khawi a dah tur nge?" Kan nui deuh ṭhu laia rawn ti ri ah chuan kan hawi vat, kan lam pan a tlangval sang ve tak, chhe lo ve deuh tak mai, bag bum lian lampang, rih hmel zet rawn khai chu kan lo en deuh hâ hlawm a, kan vawikhat hmuhna ni hlawm hek le...!


"Hi, Sawmte," Haaaaaaa, ka hming a hria!

Keimah chiahin mak ka ti lo, ka ṭhiante ho pawh chuan mak ti zetin an en hau hlawm.

Kan satay ur-na bula rawn ding chuan, "ila danglam lo reng reng," a la nui vur vur, ka ṭhian ten min en tawn zak zak, an mitmengin zawhna min zawt ang zut zut hlawm bawk a, an ni pawhin ngaihdan an neihloh laiin kei phei chuan tufa nge tih leh khawilam a mi nge tih ngaih ruatdan pawh ka hre lo ve a, a hmelṭha ru riau tih erawh ka hre thung.


"Tunge inih a? Engtin nge Malsawmkimi te i hriat a?" Lalrinfela pawng pawng zel hi chu, a melh leh rûn rûn tawh, a chang hi chuan a awm danah hian ka tan feeling a nei ve emaw tih mai tur ang hian a awm ṭhin.

Mahse, ṭhian ang a min hmangaihna bâk hmuh tûr a awm chhunzawm ngai lêm lo, keimahin, tu min hriatpui lem lohin beiseina ka insiam a, tuma hriatpuina tel lo bawkin ka beidawnpui leh ṭhin.


Ansawi ṭhin, "beiseina chu, beidawnna atana siam alawm," tiin.


Kan hma a ding, hmuhnawm thlira kan thlir tlangval lah chu zâm hmel eih pawh a pu lo, a nui var var reng mai a, minla en reng bawk, "Sawmte, keimah Orca Whale," Kala hre chuang lo, ka en deuh ha ha.


Mahse, rei loah, "awwww.. Orca whale lem duh deuh kha, i school bag-ah pawh i bel nasa ṭhin tiraw?" Nui chungin uar deuh takchuan ka ti chhuak a, a lu a lo bu nghauh nghauh.


"Ka hrethiam tawh hleinem che. Ahhhh, hei ka ṭhian te, Hmaa chuan sawta ṭhu pahnih saw Mapuii leh Rinrini, chuan heihi...." Ka sawi zawh hmain, "Lalrinfela," hul huk hian min lo tih khalh hluk. Nge maw a thinrim leh ringawt le?


"Ka hria che alawm," nelawm deuhin pakhat lah chuan a ti sam et bawk a. Mize danghlak annei tih a hmuh theih.


"Class 5 kan nihlaia classroom-a ek cheh kha ini chiang lutuk," Tih leh Lalrinfela chu pensawn a rual vut a nih chu!

A thusawi chu a va han ṭul kher kher lo tak!!


"Francis-a ka nia," zak leh hua ang pawha lang lo leh, pangai takin Hlima chu a chibai veleh mai a.

Rinrini leh Mapuii kan lam anrawn pan ve bawk, kawngkhar bul aṭangin rum fahranin Lalrinfela'n min rawn melh chu ka dar ka lo san khum ak, a ngaihdan a nih hmel loh nasa khawp mai.



"Chaw ei teh ang u, ka ril a ṭam lutuk, Francis-a maw inih a?" Mapuii chuan a tih zawm zat, a bu ve nghat bawk a.


"Chaw ei ang u hmiang, e kha...Francis i va rawn phei hma leh si ve. Francis-a hi naktukah kan rualin a chhuk ve ang aw," U Zaia te nupa chu khawilamah nge an pilbo daih tih laiin.

U Hmingi a rawn nui phei var var bawk a.

"Nia, ei rawh u, a tlai tawh alawm, putea ka lo bia ang e," Francis-a chuan a ti ve leh mai bawk a, min rawn enin, "zanlamah kan titi dawn nia, hmuh che ka inring lo lutuk a," A nui var var reng mai chuan minti nel nghal em em tawp.


U Zira te nupa lut tur chu zui lut ve in, choka a lut tlang chuan Rinfela leh U Cindy-i ten an lo bar ṭan tawh, ṭhu thlain kan kil zui ve mai bawk a.


"Cindy-i chu naktuk maiah Aizawl kan rawn let tawh dawn si a, i let ve lehnghal âwm si, i va hah âwm ve," U Zira'n a tih chuan U Cindy-i lam chu kan melh deuh ralh hlawm, eng rilru puin nge maw helai thleng thleng a rawn kal ni?


"Rinfela hi lawm, karkhat dang inla châm tur thu a sawi a, surprise ka tum a, engmah zawt chiang lo vin ka rawn kal maw le, ka ngei lutuk," A sir a ṭhu Rinfela chu a melh lui deuh vak, Rinfela lah chuan a chaw thleng chauh enin a dar a lo sän khum âk ringawt a, keini ho pawh chu ka bu ve nghauh nghauh ta ringawt. A rawn thleng tawh ta sa sa, zawhna lo neih ve viau pawh kha a ṭul lem lo a tin ni.
.
.
.
.
.
Kan chaw ei kham chu TV hmaah kan ṭhu deuh ṭhap a, ka bula ṭhutna awlah Francis-a rawn ṭhut a tum chu rang lutukin Rinfela a rawn ṭhu thla vat, phawk fê in ka lo en, midang pawh chuan an en zui ve ṭhap tho.


"Ka ṭhutna aṭang chuan a lang fiah lo," a la ti sam et leh zui, dawt lian lutuk leh tuma awiloh tur a nih bakah, tuman an awih lo tih alang reng bawk. Amah pawhin a awih tawp nang.

Eng hria ni maw? Hetiang hian a che ngai meuh lo a sin maw le.


"Naktuk chu Cindy-i car-ah Hmaa leh Rinrini chuang sela, Francis-a leh Sawmtei kan car-ah, emaw Rinfela car Francis-an zui sela; Mapuii leh Sawmtei kan bulah chuang sela," Lalrinfela vang a kan awmdan lai kual lutuk chu U Zira'n a hrethiam a ni chek angchu, a rawn ṭawng vat, kei erawhin Lalrinfela min si cheta ṭhu chu ka melh ram ram thung, minla haider hmiah zui!


"Fela bula chuan ka duh sia, Francis car i khalh thiam em?" U Cindy-in a rawn ti vat, Francis-a lah chuan, "thiamloh pawh a awm hleinem. A hming chuan license te pawh kan neih ve kha," min rawn en a, Sawmtei'n minzui se," a nui vur vur.

Lalrinfela ṭhu zawi zet pawh rawn ṭhu khawng awtin, "a ṭul...." A tih lai mekin, "Mapuii nen kan zui angche a, U Cindy-in Rinfela a zui ang a, Hmaa leh Rinrini ten U Zira te nupa an zui ang a, a fuh viau ang chu, kan thawl deuh sawt dâwn tihna a ni mai," Ka lo ti vat vat, Lalrinfela'n chal ti chuar tap chungin min en ngur tih ka hria. Ka melh let âwm lo.


"Chutiang chuan a ṭhat dawn chu, chu Hmaa a zai leh tawh. Pawnah mei anchhep lehnghal a nih saw, thla a êng bawk nen chhuak ve teh ang u," U Hmingi'n choka aṭanga rawn chhuah paha a tih chuan ka tho vat, Lalrinfela erawhin minla melh run run thung, a bialnu nen chance ṭha lutuk annei tur chu lawm viau zawk tur a nia, bakah amah vanga mipa dang kawmloh ka tum tawh lo hrim hrim.


Hmangaiha bak lo hi chu mipa dang ka kawm a piang hian a thinrim ziah, a chhan ka hre lo nâ-in, "hmeichhiain mipa kawm tamloh tur, kei leh Hmaa i kawm chuan a tawk," Heihi a sawidan ziah a ni.

Min lo duh ve deuhtu pawh awm mah se Lalrinfela vang hian min hlat phah leh ṭhin, emaw keimah hian tu lakahmah beiseina ka siamsak loh vang pawh a ni maithei zawk.
.
.
.
.
.
Hmaa leh Rinrini ten, CFL-A hla, "chhuah tlâng hmun hlui," an lo sa vawng vawng a, an bula ṭhu chuan ka zaipui ve nghal mai bawk.


Mapuii te ho pawh rawn ṭhu thla chuan thla êng hnuaiah, Myanmar lam hawiin, Myanmar leh India inri na, ṭiau lui lam thlir pah chuan kan zai âl âl a, a nuam ang reng phian lehnghal.


Zai pah chuan inchhung lam chu ka melhin leh zauh ṭhin, eng nge maw ka beisei le? A bialnu a rawn thleng a, keini ho kara zai chu a peih tawp nang.


"Tunthlenga Fela nen a inla inkawm hi amak hle mai, a ropui dangdai," Ka bul a rawn ṭhu pahin Francis-a chuan a rawn ti sup, alam hawiin ka nui a, "Delhi lamah engtik nge chhuk i tum?" Tunah rih chuan Lalrinfela hming ka lam peih rih lo.


Francis-a chu a nui ri suk a, ka awmdan a hrethiam a ni maithei; Mahse, a hriat ka ring lo, "nakum lamah law law a nih ka ring," Min rawn en zawk.


"Sawmte, bialpa inei em?" Ka en vat, ka nuih zui seih a, ka hmalam en lehin, "neih ala hun hleinem," mi nghah ka nei tia chhan mai a nia ka duh rum rum ṭhin ni.


"I thinlungin nghah a nei zawk a ni lo'ng maw?" Rang lutukin alam ka hawi leh, a nui hawk hawk, min man chiang lutuk a ti deuh a niang.


"Mahse, ka try dawn tho che."

"Eng chu maw?" Nui chung hian ka chhang leh a.
"I thinlung hneh," Awlsam zeta tih leh a sir a coke awm chu kheuh hawngin minpe ve mai a.


Ka nuih a za ta vak lo, "i fiamthu....."


"Fiamthu lo," Ka sawi zawh hma in a rawn ti leh vat, a hmelah chuan fiamthu hmel a pu bawk si lo va, a thutak tak a niang a? A chi miah nang!!!


"Kan inhmu ve chauh a, kan in hre rei ang a, min ning mai ang, minla hrechiang lo mai mai a nih kha," Fiamthu a laksak hrâm ka tum a, ka nui pah bawk, ka nuih erawh a za ta ṭhak lo, ka hlauh vang ni hauh lo vin, hlat ka duh leh ta, min try tak tak tura ka ngaihtuah chhin pawhin ka peih lo sa, Lalrinfela hmel ka mitthla ah a rawn lang amg zui zat bawk a.


"Engtik aṭangin nge ka duh che tih pawh i hre hleinem ; Bakah, mahni duh zawng te chu kan hre chiang zung zung mai alawm," A ṭawngkam chhuakah chuan a duh tawh chu neih ngei a tum zia alang chiang em em mai lehnghal, minti awm nuam lo zo dâwn.


Heihi ka inhuatna a ni, tu emaw in minduh thute min han hrilh ve sela, keimah zawk hian hlat ka duh a, ka inhawng thei lo va; Tu emaw tan ṭul lo leh beisei tur awm loah beiseina ka insiam a, ka natpui leh a, beiseina neih ka bansan thei chuang dêr bawk si lo.


"Darkar tam pawh ila hriat loh hmeichhia i duh tihna em ni?" Lalrinfela ka sirah bawk a rawn ṭhu thla ve leh, Francis-a lamah ka tawlh zui hrut.


U Cindy-i rawn nui var varin, "love at first sight a ni ve mai a," Rinfela kutṭangah a kut a rawlh zui zat bawk. Tum loh deuh deuh hian an chevel hi ka lo en leh ang kiau zel a!


"Hmeichhe pakhat hre turin a nunpuma ka tel a ngai hleinem," Rinfela chu a thlêk zauh a, min rawn enin a nui leh vur vur bawk.

Hmeichhe ṭhenkhat tán chuan a nui hmel nelawm leh aw ki dam dup pawh hi ngaihzawnna tham a niin ka ring.


"A dik chiah, kum tam tak chhung awmdun mahni thinlung pawh hrethiam thei lo mipa mawl lutuk intam Lalrinfel," Mapuii'n rawn ti chhuak hlarin, "Francis ka ṭan che aw. I hlawhtlin hlauh chuan a bialpa hmasaber tur i ni tihna," kutzungpui a rawn hmuh zui zauh zauh. Midang an lo nui ṭhu hlawm bawk a.


"Inho a. 'Khuavang chhinchhiah' kha ka thlang, zai ang u," ka tih rualin, "ehhhhh!! Francis-a thlan ni zawk âwm a ni. Sa ang, kan sa ang, han inlêm tak tak teh u," Hmangaiha chu ka hmaa lungte chhar chuan ka vawm zui zauh.

An han nghal hlawm dan em em hi a, CFL-A ka duh zia an hre ve reng a, tun ataka hla thu min hmehbel tum!!!


"I tán ka sa tih lo hria la," ka bengbula Francis-an a rawn tih rualin, ka bân bulah Lalrinfela'n rawn chelhin a lamah mi pawt zui sawk, "midang kan awm ve hi," bul zeta tih leh Francis-a chu en zui rûnin, "naktukah ka car-ah min zui ang che," a ti zui leh hluk.


Ka chhang buai peih ta lo, midang an zai tawh laiin, boruak ka ti uih zo ang tih ka hlau, zui erawh ka tum hauh lo thung!!

"Ka thlan hun.." Ka hla thlan kan sak zawh rualin Rinrini'n a rawn ti vat a.

"Daduhi - Ka hlan ngam lo che..." Hmangaiha'n a lo tih zawm zat, kan nui chhuak hawk hlawm.



Ka sawi theihnghilh, ani pawh hi Dî rûk nei ve tho kha a nia, kan in hrethiam dun bîk riau.


A hmui hnuailam ti pawrh tarh hian, "hmmm!! Hmangaihna hi eng nge maw a nih le? Rinawmna te hi khawiah nge a awm zawh ni?" A ti ve ngei chu kan zavaiin za zetin kan nui chhuak a, Lalrinawmi zawhna a ni tih awihawmloh khawpin a la thutak zui!!!


"Hmangaihna chu kapah a awm a, rinawmna chu neihnawm leh nawm lohah a innghat," Mapuii'n nui uar uar chunga a tih chuan ka coke inlai ka phuh ṭhawt, kan hmaa mei alh hlat hlat chu a ri nghal sur sur, ka khuh zui khawk khawk bawk.


"Lalnunpuii...." Khuh kharh kharh chung leh nui chung chuan ka ti ta nghek, midang lah chu an nui dir tlawk tlawk hlawm.


"Tunlaiah te chuan wallet-ah alawm innghat ni, an wallet hi han khat ṭâwn mai sela hmangaih loh hi an har a nia," U Cindy-in a lo tih zawm zat. Kan nui tak dar dar a, tunlai hmangaihna tehna diktak niin ka hre viau mai.


U Cindy-i rawn thleng ka huphurh leh min huphurhpui ang aiin zan kan hmang nuamin, a hlimawm phian thung.


Keini aiin kum 5 velin a û a, Rinfela leh Hmaa aiin kum 3-in a upa bawk, fa pakhat neiin, nuthlawi lungfing tawh tih takah kan mize mil leh kan titi duh ang a insiam remdan a thiam a, huat leh ngei har tak mizia a nei ve bawka tin ni!!!!


.
.
.
.
Ruahman lawk angin, kei leh Mapuii'n Francis-a kan zui a, U Cindy-i leh Rinfela, Hlima leh Rinrini ten Uzira te nupa an zui bawk, kawng a chhe bawk nen zân tlân phei chuan tlân chak a har khawp mai, kawng a thui duh vang vang hle.


**Aizawl**


Aizawl luh dawnah Rinfela'n a car a ti ding dut a, a hnungah kan ding ve mai bawk, U Zira te pawh chu anrawn ding veleh a.


"Heta ṭang hian kan inṭhen a ngaih hmel, Malsawm, hetah rawn chuang rawh. Cindy, Mapuii saw thlah nghal law law la," Rinfela'n a rawn ti zung zung, U Cindy-i nen an inhau emaw ni? An pahnih hmel chu dur tak a ni.


"Francis, hetah rawn chuang la, Hmaa chu bawngkawnah a chhuk dawn a, a tawt rei lo ang," U Zira'n alo ti vat, a bu ve nghat.


"Cindy, a pawilo Rinfela ka zui ang," Mapuii'n a rawn tih takah chuan ngawi rengin Rinfela chu car ah a ṭhu lut leh ta vut a, biak hlauhawm khawpin a hmel chu a dur, engthil nge maw an inhauh chhan ni lehpek ni, a bialnu tawh zawng zawngah a la nih rei pui ber a, an inhau zing em em bawk.


Ngawi rengin, tîm dek chuan a hnung seat a ṭhut ka tum chu, "a hma ah rawn ṭhu rawh," Ka phu nasa lutuk chu ka hawi dawrh thei, mitmeng dur khupin min lo en rûn lehnghal!


Midang ho anlo nui ṭhû mai, a bialnu nena an inhauh avanga eng nge ka chungah a thinrim vak ni? Rinchhephaka mai mai hi a.


"Mapuii bulah ka ṭhu ve mai ang...."



"I driver ka ni lo Malsawmkim," ka sawitur pawh ka sawi zawh hma hmain a rawn ti bak leh hluk a nih chu!


A vahan sual hmelchhephak tak, ka driver a nih thu pawh ka sawk dêr si lo.


"In inhauh a piang hian ka chungah i thinrimna hi i hrithla ve ziah," a hriat tur pawh ni chiah lo va tinung nung chungin a hma seat lam chu ka pan ve mai bawk a.


Ka ṭhu lut chu a lo rûm deuh hrawih, a thinrim hmel hi chu ka hläu ve deuh ṭhin reng, ka hläu lo lui vel mai mai pawh a!!!


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:22 pm

THURÛK_99
By
floria laldansangi

Chapter < 2 >


RINFELA....POV

Rih dil tlawh a kan kal a, Aizawl kan let lehna pawh kar 2 lai a ni leh tawh, tun kar 2 chhung lek hian Malsawmkimi nen kan inbiak khat zia ka hre chhuak, mipa dang a neia min mamawh tawh lo te pawh a ni mahnâ!


A chang chuan ka awmdan hi a dik lo niin ka hre ve ṭhin, Hmangaiha pawh hian min zawt fo, "Sawmtei lakah hian eng feelings nge ineih?" Tiin, kan pahnih inkarah chuan, "ṭhian" tih thumal bak a awm lo, a awm ngai dâwn lo tih ka beng awmna ka chian tlukin ka chiang a;

Mahse, mipa dang nena inhnaih tak leh inpawh taka an awm ka hmuh a piang a ka thin lo rim hlur zel hi ka hrethiam lo a ni, nge ni a naupantet aṭanga inkawm leh ṭhian dang nei lem lo va seilian dun kan nih avânga thikthu chhia ka ni zawk pawh ka hre lo..... Ni e, ka ṭhian ṭhaber a nih avangin ka thikthu a chhia a ni ngei ang.



"U Ricky, Sawmi....." Ka tih laiin, "nichin deuh khan Francis-an a rawn lam a nih kha," Ricky-a nupui U Tetei zawkin a rawn tih chuan ka phun hluk, ring zeta bike herh rûm chuan chak lutukin ka tlan chhuaka, college a hruai tur pawhin min mamawh tawh lo tawp a nih chu.. Ve khanglang chuan...! Ka hruai tawh lo tawp ang a ni mai alawm.
.
.
.
.

"Hey..... Class i nei a ni lo'm ni? Eng nge hetah i rawn tih?" Thatchhe zet a ka ṭhu chu ka bulah a rawn ṭhu ve a.


"Ka kal peih lo," Hmangaiha chu a nui huk, "Sawmtei hi i duh lo tak tak maw?" A ṭan leh dawn, Zokhawthar aṭanga kan haw aṭang khan min zawt ngun leh zual, a hma pawhin min zawt ṭhin mah se Zokhawthar aṭanga kan haw aṭangin nitin deuh thaw min zawtin ka hria.

"Kalteh...âwmanglo thei lutuk, Lalchawipuii'n thinrim nan a hman mah nin nak alai a," Ka lo ti hluk, Cindy-i nen pawh kan inhauh phah ta fo; Mahse, Malsawmi nen kan inkarah inṭhian ṭhatna bak a awm lo tih hriase ka duh, a hrethiam thei lo nge, a hre lo der pawh ka hre nek lo e, hmeichhe ho thikthu chhe lutuk hi hriatthiam an har a ni.


"I chiang maw Dude? Tuna i chian loh chuan i chianthar hunah chuan a tlai dâwn a nia," nui ruh ruh chunga Ramfangzauva'n a rawn tih ve chuan ṭhu ṭhain, ka hmaa tui bottle chu ka hawng a, "duh ni ila hmanah ka nupuiah ka siam tawh ang chu. Keimah chu dahṭha tawh ila, naktuk zan tel intum em?" Cigarette ka ṭan zui nghal a.



"Nygax, tih em ni? Hnamte pa kha, kha nen khan..."


"Ngilneia nen Sangnga chawiin kar hmasa khan in incho tak kha..." Hmangaiha ṭawng laiin, Zauva'n a lo ti zui zat.



"Ramfangzauva hneh loh kha a ni lo'm ni?"


"Ka rui a nih kha! Rui lo ila a chak teuh lo," kan lo nui huk. Tlawm nih chu a duh bik miah lo.


"Sawita daih ila, tun semester kan zawh chuan Malsawmi chu phâi lamah a zir zawm a ngai ngei ang a. A subject lâk ngaihtuahin," Hmangaiha min enna chu kiai khum sukin, "zir ve ang chu," ka tih san sup a. Zanin intlansiak dantur ka sawi zui san ta daih bawk a.


"Engkim hian hlut hun vawi 2 chiah an nei a nia. Kan neih hma, neihtuma kan beihlai leh; kan neih tawh loh hnu, min kalsan hnuah," Hmangaiha chuan a la ti hrâm a.

Ka bengkhawn ta lem hlei lo, engtia Malsawmkimi hi duh tura min ngai tlat nge maw a nih hrep le?


Hmeichhe nalh tak a ni a, mu dun dâwn ila chu ka mutpui thei ngei ang, hnar phal rual loh tisa nalh tak nei miau hek. Mahse, hmeichhia ang erawhin ka duh theiin ka ring law. Kan inhre chiang lutuk mah mah!



<><><>

MALSAWMKIMI...POV

"I ṭha maw?"


"Sawmte...."


"Huh!" Ât hmel deuh hian ka hawi chhuak a, läwm hmel vak loh vin a lo nui sak.


Inthiam chiah lovin, "tihpalh, thildang ka lo ngaihtuah a. Engmaw i sawi?" Ka ti nghal sawk sawk.


"Rinfela i ngaihtuah deuh em ni?" Ka hmelah a lang viau em maw ni. Nizan an inthlansiak naah a inthliam a ni âwm a, rilruah a awm leh rûn tawh tlat.


"Ngaihtuah em em lo, Delhi chhuk chu i tum tawh lo em ni? Ka hmaa ei tur chu suakin ka hawp zui a, thildang ka sawizui daih bawk.


Rinfela te zawng ka ngaihtuah a ngai lo tih ka hria, a bialnu mai bakah a chhungte zawng zawngin Lalfapa cheiin an chei leh dâwn tih ka hre reng.

Mahse, engvanga ka ngaihtuahna aṭanga paih chhuak thei lo nge maw ka nih hrep ni?

Heihi alawm ansawi ṭhin, "Dî rûk neih chu, suangtuahna in mi â ang maiin, suangtuahna vànramah min hruaiin min nuih tir a, beiseina in min pawt thla leh ṭhin," an lo tih ṭhin ni.


Ka ngaihtuahna tel lo leh hre lo pawhin, a thinlung hlimna hmunah a awm tih hre chung a, ka ngaihtuahna khawvêl aṭanga ka paih theih si loh mihring chu!


Mahse, chu beiseina tawp chin nei lo bawk chuan a ni beiseina thar min siam a, ka dinna hmun ngaiah bawk min hnûk kir leh fo ṭhintu chu!

Ni e, khawvêl pakhata chêng siin, keini ang, Dî rûk neite hringnun erawh suangtuahna leh beiseina kan hlimpui a, chung duhthusam te chuan minti nâ a; Mahse, kan tho leh ṭhin. Khawvêla michakberte kan ni ka inti ngam thung!


"Nakum lamah a ni tawh ang."


"A va laklawh âwm ve?" Ka lo ti vat, a graduate mai tawh dâwn si a.


"Ni e, tih theih ka nei meuh lo chu a nih hi," a unaupa boral vêlah buai chu a buai ve viau ang.


"A zia lo ngawt mai," ka ti ta sep ringawt a. Ka rilruah Lalrinfela bawk a rawn lang leh, ani pawh hi Bike intlansiak tih ang reng hi bansan se ka ti takzet. Keia thusawi lah chu a beng khawn lo nasa mai bawk si a.
.
.
.
.
"Naktuk class i nei em?" A car aṭanga kan chhuah rualin a ti zat. Min rawn sàwmfo lo se ka duh ru viau.


"Chawhnuah a ni ang."


"Ka rawn..." A ti hman ṭawk, bûr vawm ri deuh bur ri kan hriat takah chuan kan hawi vat a.

Lalrinfela, a lu tuam chung leh bân awrh chungin, an inchung aṭanga kan lam rawn hawi thla rûn mai hmuh chu a rap awm lek lek dawn alawm, light chu eng viau lo phei se chuan râk tuar natham a ni.

"Hmeichhia zanah rei deuh deuh an chhuak ngai lo Malsawmkim," a rawn ti khur khur.


"Ka chhuak lo," tih leh Francis-a lam hawiin, "zanriah avangin ka lawm e," tiin naktuk minrawn sàwm leh hläu ru deuh chungin ka pensawn ta vat a.


"Zanriah i ei tawh tiraw?" Ka bu nghat, "han inbualfai la i U Kamis hi lo nawhsak teh. Khawhar in ah ka zu kal ve ang e," ka Nu en zawkin ka room lam ka pan zui nghal nal nak, Lalrinfela rawn lut ka hmuh zui vang a ni pakhat.


Ka inbual zui sawk sawk a, ka room aṭanga ka chhuah rualin, sofa-ah thatchhe zeta ṭhu Lalrinfela ka hmu nghal zat.

"In inngaizawng em ni?" Ka U kamis la in a zawhna chhang ta lo chuan, "i ke hi dahsawn teh," ka beng taih. A la sawn ve mai bawk a.


Kan in hi kan extend avangin a la hnawk viau mai. Ka Nu in ah a awm hi chuan sum a nei ru ṭenṭûn bawk a, eng eng emaw hi a ti danglam reng mai. Mahse, naktukah Shilong-ah a chhuk leh tawh dâwnin ka hria.



"Ka zawhna chu Malsawm...."


"Eng maw?" Ka U kamis chu pharhin ka melh zauh.


Ṭhu ṭha in min en leh ta rûn a, "Ekcheha nen khan in inngaizawng em ni?" A aw a nem ta viau lo. A ner nawk bawk.


"Hming a nei ve Lalrinfel," ka tum loh deuhin ka vin let hlar chu a chal a lo ti chuar nung a, "ngaizawng lo," inthiam leh chiah lo va ti zawi sapin kamis chu a nawt zui zat.


A nui ri huk, ṭhu âwn leh nghal duaiin, a bawp sei zet chu thluang zui duai chuan, "i â si, tuman an duh tak tak lo ang che," ka melh nghal vak.


"Haw rawh, zan a tlai tawh."

"Hetah ka riak dawn," a ṭhutna insawnin sofa dangah chuan a insawn a, a mu zui hlûn bawk.


"Riak ziah lo ang," ka lo ti hlak chu hria ang pawhin a awm leh tawh lo, a mit a chhing zui hmak.


"Haw rawh i mak Lalrinfel..." Kamis chu khaiin, a lam ka pan a, a mutna bula dingin, "i chhungte an awm a ni lo'm ni? Haw rawh..." A ke ah ka sawi dat dat. A muhil miah lo, a mit a chhing a, a thaw suk suk duh lek lehnghal.


"Mate...."


"U!" Ka kawr khai chu dah sawk sawkin ka panhnai vat.


"Engtin nge i inhliam leh a?" A kut thisen a khat chu a dawm bet a, "first-aid kit va la rawh...."


"Damdawi in pan a ngaih hmel zawk hi," ti chung chuan first-aid kit kan dahna lam chu ka pan vat a.


"Damdawi in pan a fuh lo maw U Ricky?" Lalrinfela'n a lo ti ve bawk.


"A thük lo ang, kut hi chu a thî duh hrim hrim a," box chu hawng rawk rawkin, "hetiang hian lo haw ziah suh, lungphu ṭha lo min neihtir mai dâwn," a kutah chuan pemthar damdawi chu ka leih zui a, phuzukin, a sî ve nghal vawng vawng.


A hliama phei chu thük tak a ni lo, a kak zau deuh tih loh chu!


"I inhliam leh tawh elo? I mak e!!" Annu rawn lutin a rawn ṭhut hnaih nghal rawk rawk a.


"Khawimaw?" A kut chu phihin, "engtin nge itih nat a?" Anpa chu a melh vak. Ka lo nuih sen sen.

Ka U te nupa hi kum 4 lai chu an innei ve tawh, fa erawh an la nei lo thung, a chang chuan U Tetei zawk hi a beidawng lek lek ṭhin tih ka hria.


Mahse, ka U hian, "Pathianin a hun takah minpe mai ang. Nu leh Pa ni turin kan la inring tawk lo a ti a ni ang," a tih mai ṭhin.


Ka U te nupa ka en a piang hian, khawvêl fair loh zia ka hre chiang ṭhin, mi tamtakin an ril a rah ngei an hlamchhiah a, thi tura an hnutchhiah laiin, ṭhenkhat fa awt ngawih ngawih, nitin zantin bâng lo va ṭawngṭaia dil ṭhintuten an ṭawngṭai chhanna rêng anhmu si lo!


"Fimkhur ve ṭhin rawh.." U Tetei chu a ang zui hlak hlak.


"Rin aiin kan rukru um kha a tlân chak alawm maw le," ka U in annu nek ṭalh ṭalh pahin a nui tlawn vur vur bawk a.


Ka lu thing mat mata nui sen sena ka tho chhuak chu Lalrinfela mi lo en run chu en let kalhin, "hae rawh, a tlai tawh," lai lek leka ka tih chu a ner nung a, "inleng keimah bak i neih ngai loh hi, ka lo lên hi chuan läwm viau ṭhin teh," a la ti ang deuh deuh lehnghal, ka inleng ve a piang sawi loh, ka hnaiha mipa dang awm ve a piang hnawtbo zeltu chu amah hi a ni reng si a.


Ka chhang buai peih tawh lo, ka room lam ka pansan daih, hnial khân a hre si. A sawidik thei bawk si.


A haw ta a ni ang, zingah sofa-ah a lo mu lo êm mai.

"Ka Nu hi a chhuak tawh em ni?" Zing chaw ei laiin ka ti sep.

"A chhuak deuh chiah, rawn thawh hmat a, thlah ve tur che a nia," Ka U in a ti niah niah, ka thlah leh thlah loh a hre dâwn chuang lo a, ka tho peih lo alawm.


Ka Nu hi St. Anthony's College Shillong-ah lecture niin, kum tamtak chhung a lo thawk ve tawh a, naupanlai aṭanga min awmpuitu ni lo na nâ nâ chu nufa nisiin kan in pawh viau lo, ka Nu aiin kan ṭhenawm nu ho nen hian kan inpawh ṭha zawk ang tih tur a ni hial.


Ka Pa boral hnuah ka U hi min enkawltu ber a ni a, ka nu awm leh awm loh ka tán chuan awmzia a awm lem lo. Ani pawhin min hmangaih tho mah se mi nu leh fanu angin kan inpawh lo tih a hre ve tho vin ka ring bawk.
.
.
.

Nitin Francis-a rawn lang reng na nâ nâ chu, zui pawh kan inzui tam, kan college, medical college lamah pawh ka bialpa emaw ti an tamin, min chhaihfiam an tam ta viau bawk.


Mak tak maiin Lalrinfela erawhin engmah a sawita miah lo. Nge ni a, thla 1 dâwn chu kan inbiak mang tak loh vang zawk.


Engtik laiin kan inkar chu chuti taka a zau ka hre lo va, eng tianga siam ṭhat tur nge ka hre hek lo. Naupantet aṭanga ka kawm ka ṭhianpa inla hrang ta tlat chuan nge minti nâ a, ka mipa duh ruk, vei leh hmangaih ruk lak aṭanga ngaihsakna ka dawngta lo chuan minti nâ tih ka hrethiam lo.


"Zawng zawng duh suh, U Cindy-i nen an inzui chhuak," ka hawisawn vat.


Kum 15-hnua Lalrinfela tel lova ka piancham ka lawmna hmasa ber a ni.


"Engmaw?"


"Hre lo ang khan awmkual suh, zantir lam aṭangin kawngkhar lam i melh i melh tawh," Lalnunpuii hi chu aw, ka beng pawp dawn maw ni?

"Ladies, engthu nge in lo sawi a?" Francis-a min si chetin a rawn ṭhu thla chu, ka lo tawlh sawn vat. Midang music remin an lam hut hut bawk a.


"Engtik nge i bêm tlük dawn tih ka lo zawt," nui zui awr awra mapuii'n a tih chuan ka melh zui vak. A mitko a la san ang zawk zawk zui a.


"Bêm tlük theihin awmse chuan a tlu tawh tur. Friend zone-a mi hruailuh dan a thiam lutuk a," Francis-a pawh chu aw! An la nui dun kiah kiah zui a.


"Medical student hi chu tlemin an nerd tel deuha, hrethiam mai em?" Francis-a chu a nui huk, ka nui ve ta vur vur tho.


"Lalnunpui, i bialpa tilte cute neia ka va hmu lo êm?" Ka nui chhuak ta hak. Bialpa amah aia naupang a nei hi an fiam reng mai a.


"I ninawm. Khum laizawlah te chuan Pa ve lutuk a nia," a bula Hmaa ṭhu thla chu a melh zui vak. Kan lo nui kur kur thung.


"A sazu tereuhte, pen keuh keuha che ve vual vual kha maw?" Hmangaiha sual zia hi chu aw!


"Lalhmangaih, nang single, hmeichhe fawh lohna rei tawh lutuk, sex hman pawha a hük a hük tur ang kha kan ni lo. I sazu te kha a la fawk thei zawk em ni?" Thinrim si, nuihza si a a ti tân tân chu, nui ve vur vur chungin, "in ninawm a. Zahmawh hi sawi reng suh u," ka lo ti vur vur.


Francis-a a awm ve reng bawk sia, kan ṭhian ho min endan a mak zo ang, kan frank-in kan infiamna hi a säng ve ang reng bawk si a.


"Birthday girl zawk hi alawm hûk tur chu ngaihzawng pakhat pawh la nei bawk si lo, a chi te hi a ṭiak thei meuh ang nge maw?" Hmangaiha zawt zawt chu, za deuhin an la nui chhuak zui a!


"Lungngai suh u, fa ka nei hmasaber lo ang tih tunge sawi thei," ka fiam zui chu an awih lo ngang a niang ner vak chungin an nuih a za zual sauh. Keipawhin ka awih miah chuang law.


"Saw, Lalrinfela te pahnih chu anrawn luh saw," kan nuih hak hak laiin, Mapuii hawina lam chu ka hawi vat. U Cindy-i nen inkai rial chungin kan lam anrawn pan ve bawk a.


"Happy Birthday Sawmte..." A mize nelawm säng mai, hmel pawisawi lo tak mai nen U Cindy-i pawh a rawn nui leh säng mai. A aw dam diai te hi mipa tán han hnar phal chi hi a ni lo reng reng.


"Ka lawm e."

"Birthday present pawh kan nei lo, i ṭhianpa hian a sawi si lo va," Rinfela chu a melh ralh, ka en ve vat tho, Lalrinfela erawhin a rawn thlen tirha min en bak hmundang a la hawi vung vung thung.



"Keini birthday present te a mamawh tawh hleinem," a hmaa beer chu banin a kheuh hawng zui a. A lem zui khawlh khawlh.

Eng hi nge a thinrim a, engvanga min haw thar ta riau nge a nih ka hrethiam lo a ni. Francis-a vang ti dawn ila, a duh loh mipa chu amah hian a hnar mai zel si a.


Lalrinfela ka lo nghahhlelh ruk nen, anrawn thlen chin erawh boruak dang anrawn keng lut ta emaw tih mai turin a tu amah chu kan nui ri hriat tur a awm ta meuh lo.


Kan sira Lalrinfela te pahnih infawp leh tawn tawn ṭhin leh, ṭhut khawmna lama kan ṭhian ṭhenkhat chatthla a, lam an la awm tih loh chu Hmangaiha leh Puii pawh an ngawi ve ta run mai!!


"Sawmte, a tlai tawh si a, ka haw mai dawn a sin," ka harh deuh zuk, Rinfela te inchul leh duat vel ka lo thlir reng chu niin.



"I riak nghal dâwn emaw ka tia," Lalrinfela'n a rawn ti sup, Francis-a chu ngaipawimawh lo tih hriat tak hian a thlek khum bak bawk a.

"Ka pawi ti miah lo," nui chunga chhangin a ding zui a

Ding ve vatin, "i lo kal thei a ka läwm lutuk a nia," tiin ka zui chhuak a. Midang pawh an chatthla zo chu a ni ber e.


"Minsawm ve a ka lawm zawk," tual kan thlen hnu chuan a rawn ti sup a. Ka lo nui liam mai.


Ka lam hawia rawn inherin, "Sawmte, ka thusawi kha lo ngaihtuah la ka ti," a rawn pên hnai chu ka lo tawlh hnung hrat thung a, a thaw deuh halh.


"Francis, beiseina beidawn thlak pek che ka duh lo tih i hriat kha," ka vawikhat hnarna a ni lo, ka thinlung hi hrethiam se ka ti.


Inzawmna siam turin huaisenna ka nei lo a ni. Ka vawikhat ngaihzawng neihna tur a nih vang a ni hauh lo, thinlungin mi nghah a neih miau chuan kan duhdan pawhin kan awm thei si lo chu a nih hi!



"Tunah chhanna minpe nghal suh ka tih che kha," min rawn dinhnaih leh a, tawlh sawn ka tum leh chu ka kutah a rawn chelh zui vat. Mipa zawk na nâ nâ chu keiai a lo cherang bawk nen ka eu deuh awrh hman chauh a ni, min hnaih leh zual sela, ka tlu ngeiin ka ring.


"Fran...."

"Che suh, Rinfela'n min en a nia," a tih chuan ka ding khawng nghal awt, "en suh..." A hnunglam thlêk ka tum ruala ti leh supin, a lu chu ka lamah a rawn hnai a, "Francis, engthil nge itih?" Ka zâm vang a ni lo, hetiang tak hian tu mipa mah ka la hnaih ngai loh vangin ka chiai chhe lek lek dêr zawk!


A chil lem ri khawlh chu chiang takin ka hre thei, hnai taka indin chilh kan nih vang nge, a thaw chhuak khur ve lek lek chu chiang takin ka hre bawk, ka bânrêk a hmerna chu tinghet sual sauhin, "Sawmte, ka tán chauh ni lo, i tán pawh hun inpe rawh," zawi tak hian a ti leh a.


Thaw deuh hawkin, "hun kan mamawh ve ve alawm," tih zawma inla hrangin min vawnna chu a thlah a, ka chhip sama tawk zauhin, "in ka thlen hunah ka rawn text ang che," nui chunga tiin a pensawn zui zat. Ka thaw chhuak nghal hak.


Ka nuih erawh a za ve dêr lo, a thusawi, "i tán pawh hun inpe rawh," a ti chu ka beng mai ni lo, ka thinlung chhungah hian an ri nawn tluk tluk ni maiin ka hria.


Vawi tam ka tum ve ṭhin chuan ka hria, kum 7 tal tawp a rukin hmangaih ka nei a, kum 7 chhung Rinfela laka ka rilru put hmang hi engtin nge ka kalsan theih ang le?



"A kiss che em?" Ka phu nasa lutuk!


Thaw kawkin, "minti phu alawm," tih leh en pawh en chiang mang lo chuan kal pelh ka tum a.


"Malsawmkim..." Min pawt let nawk.


"Lalrinfel, min thlah teh," ka ti let hlar.


Min thlah tum lo tih hriat lutuk a min rawn din hnaih chuan ka melh chho deuh hrawk a, "min kiss chhan tur a nei hleinem," pangai takin ka ti chhuak leh hnuhnawh.


Ṭawng kam nêm leh pangaia ka chhang chu a lawm chiah lo nge ka hre lo. Ka inrin hma hauha min pu nawlh chuan, "che hlek suh Malsawmkim," tih leh min pensawn pui nghal pawk pawk.


Mizo hmeichhe nula lian ve tak, 5'5ft pel ve vâ ka nichung pawhin, he mihring palian tak hi chu ka hneh lo nasa mai.


A kamnam, thisen lum phei chu a chak tulh tulh emaw tih mai tur a ni lehnghal.


"Min dahthla rawh Lalrinfel...." Ka au a, ka chum a, ka sik bawk, a ke pên vawikhat pawh a bathlah lo hrim hrim.

An in kawngkhar hawng rawk rawkin, an sofa lamah chuan min pu lut a, sofa chunga min theh thla awk chu ka hnang lek lek zawk.


"Rinfel, i rui a nia," min rawn pan hnai chhur chhur chu hlauhna in mintuam ṭan. A mitmeng sen rûma thikna, thinrimna chu nidang sawi loh, ka vawikhat hmuhna tak tak a ni.



"A fawp che em?"


"Fawp lo ka tih kha, min fawp..... A nâ!!" Sofa-ah min kawih mut nawk rualin ka chungah a rawn lawn zui zat. Chutah zet zawng, hlauhna namen lohin min tuam a, ka chiai mai bakah a mita pawisak neih lohna chuan minti che thei lo zual.


"Rin...Rin... Rinfel...." Ka aw chhuak pawh a zawiin a khur lek lek. Kan inlam a music ri pawh ka la hriain, Hmaa te zai ri pawh chiang takin ka hre bawk!


Mahse, ka lungphu rang ta dup dup leh, vawt tih vanga khur ni si lo va, ka kawchhung khur ta der der chuan ka chunga mipa lian tak mai, mitmeng sen râm bak hi min ngaihtuah tir thei lo.


"Malsawm, ka sawi kha i hre tawh lo em ni?" A kut, in nemkalh loh nalam chuan ka sam ka hmai zartu chu a hui kiang a, ka mur er erin ka hre bawk.


"Keimah chiahin ka khawih thei che. Chu thuneihna chu keimah chiahin ka nei," a rawn kûn hniam a, ka thaw em pawh ka hre tawh lo.

Zawitêa thaw chhuakin, "Rinfel, i rui.. Kan inchhirna tur engmah tih ka duh lo," a hnuai aṭang chuan zawi si, aw lawi lek lekin ka chhuak sep sep a. Ka thawk ka chelhbet tlat bawk.

Ka thusawi vanga nui chhuak nge a nih ka hre lo, za âwm tak, hul tak si hian a nui chhuak huk a, ka rin loh lam daiha inla hrang vuta ka ke lama ṭhu thla nulhin, a nui ri suk, "hlauthawng suh," awlsam leh fiah zeta ti duh lekin, a hmaa cigarette chu banin a ṭan zui a, a hip zui vang vang bawk.



Nichin maia ka hlauhna, ka kawchhunga hlawm liantak kha vawmbo ang hmak an ni, "let tawh rawh, an lo zawng ang che," min rawn nuih a, ka lo en ran thung.

Tunah he hmun hi ka chhuahsan a nih chuan ka dam chhungin ka inchhir dawn tih leh, ka duhdan ka ti hlawhtling a nih pawhin damchhung inchhirna tur tho a ni tih ka hria a; Mahse, kum tam tak chhung ka lo khungbeh tawh leh, ka châk ṭhin tih hlawhtin ngei ka duh ṭhin kha, tlema beer ka lo in ve deuhna leh, Lalrinfela mitmenga min mamawhna ni âwm tak ka hmuhna chuan huaisenna minpe a, ka ṭhut hnaih surh bawk!


Min rawn en deuh kawk a, rei erawh a ni lo, a nui leh a, "Malsawm, hmeichhia angin ka en lo che..." Engin nge min nawr ta ka hre lo, ka fawp a nih chu!!!

Ni e, kei hian ka mipa duh ruk, ka ṭhian ṭhaber ni bawk ka fawp a ni. Reilote chhung chu che lo vin a awm a, ka dar tawn tawna chelhin, "Malsawm..." A thaw chhuak hawk, a chil lem khalhin, "i thiltih hi i hria em?" Ka thaw chhuak ham ham a, ka lung phu dep dep chuan, "hria e. Ka hre chiang mah mah," tih thu a rikpui laiin, ka lei erawh phuarbeh tlat ang a ni thung si.


Chhang lo va hnaih zuala ka fawh leh takah chuan, ka hmui dai reng siin, "inchhir miah suh," a ti ri chu a ring miah lo, chiang tak erawhin ka hre thung.



Aih, ka inchhir dâwn, zanin ka thiltih hian, kan pahnihin kar, in ṭhian ṭhatna engtiang takin nge a nghawng dâwn ka hre lo. Khua a var ang a, min endan a dangin, hmeichhe pawisawilo, thianghlim ang a angaih leh hmuh ṭhin kha ka ni tawh dâwn lo tih leh, tisa châkna avanga mipa lakah inphelh ruak hmeichhia mai ka ni tawh dâwn a ni tih hre chungin, vawikhat, vawikhat chauh ka mipa hmangaih, kum tam tak chhung alak aṭanga ṭhianṭhatna chauh ni lo duatna ka beisei ṭhin kha, zanin chauh chu dawn ka duh a tin ni.



Ka taksa âm taka chul a, fawp kualtu chu, ka thiam ang tawka chhang let chung leh, ka chhungrilah inthiam lohna, tawp tura minti tu thusawi zawitê haider lui chung leh beka mittui luang ngiai ngiai chungin ka tawp tir thei chuang si lo.


"Malsawm, i chhûngah ka lut a nih chuan eng nge thleng dâwn i hria tiraw?" A thawk lak a rangin, a aw a khur lek lek a, a sehchilh deuh rap rap bawk.


Ka kâah boruak a leng bik chuang miah lo, ka dang a ro vin, ka lei a tawt tlat a, ka lu ka ti che nghat ringawt, ṭawngkamin ka chhang thei tlat lo.



Ni e, zanin hian ka duhthlanna ngeiin ka thianghlimna, hman aṭanga ka duhthusam, Rinfela lakah ngei hloh ka tum ṭhin kha, ka hlân a mah se ka lo suangtuah ṭhin dan nen erawh a in ang lo deuh mai chauh a ni.

"Ka ti na lo ang che," ka hmuiah dimtein a rawn fawp a, remtaka min mut tirin, a mipatna a nawr lut riai riai bawk.


Ka chhunga a mipatna hrawl tak mai lut chuan ka taksa chauh ni lo, ka thinlung na taka chhunin a nawr darh a, ka nat hläu tak leh dimtaka che zuituin, thaw hlap hlap leh aw khur lek lek chunga ka hminga lam te chu mumang ang maiin ka hre ruai ruai bawk!!!


Kan story chhiar tur hah taka ziaktute hian ADS KAN CLICK hian hlawh an lo nei ve zel thin a, chuvang chuan a thlawna chhiartur min ziaksaktute tan ads i click hram hram ang u


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:22 pm

THURÛK_99

By

Floria Laldansangi

Chapter < 3 >


💞💞💞💞

Ka taksa sil leh vuak hrep ang maia na kham ṭhûm chuan min tiharh a, ka taksa dang zawng aia ka khel leh bawp na lutuk chuan loh theih loh vin ka mit min men tir bawk, ka men chhuah rualin ka ner zui nghal nawk. Duh aiin ka na mah mah a ni.


Mit la phak deuh chuapa meng kualin, ka lu zawna ka thawmhnaw felfai taka inthlep thân mai ka hmuh rualin nizana thilthleng chiang lutukin ka mitthlaah a rawm lang zui zut zut a.


Lalrinfela hmel hmuh tur a awm tawh miah lo chung pawhin, ka thiltih, dik lo leh zahthlak tak avangin ka taksa ruak, puan nêm pan taka khuh hnuaiah pawh ka thalfim a bawl nghal ṭiam ṭiam thei nia!


Muangchangin ka ṭhu chhuak a, ka sam hnawk tak mai chu tawp khawm nawk nawkin, midang rawn luh hman hläu takin ka thawmhnaw chu banin ka inthawlh nghal sawk sawk bawk.

Ka mutna sofa chu ka en a, thisen nge maw ni val kulh chu ka hre lo, an sofa cover a senduk a nih avangin a lang lo bawk nen, a nih loh ka beisei ringawt a.


Ka rin ang ngeiin, ka inhak fel rual deuh thawin Lalrinfela nu leh pa anrawn lut zui zat bawk. Zingkara an in a min hmu chu mak pawh an ti hran law. Ka vawikhat riahna a ni miau lo va!


"E khai! Sawmte, nangmah em ni in lo nghak leh ni?" Rinfela Nu, Nu Rpi'n a rawn zui hliai, min ngaihsak lem lovin chokah a lut zui bawk a.


"Sawmte, awm lo la chuan kan inchhung thil hi chan a mang kan nei nâng le, an ru zo vek tawh ang chu," nui huah huah chungin Pa Roa'n a rawn tih zawm a. Za lo zeta lo nuih letin, "nizan ka birthday kan lawm a, engtin tin emaw ka rawn thleng a," ka ti niah niah ta ringawt a.


Ka taksa na lutuk lah chu ka che ṭha thei dêr lo lehnghal.


"A ni tak e a, i piancham a nih kha maw le. Rp, present kha kan lei a ni lo'm ni, han pe tawh khai," ka lam a rawn hawi a, "ka han inbual ang e," a tih zawm zat.


"Ka lei alawm, i lei a tel ve lo," an nupa infiam ṭhin ang bawkin, Nu Rpi'n anpa a rawn fiam zui lang lang a, "ka lei a nih hi aw Sawmte. Kum 23-na piancham ka lawmpui che," nui ker ker chunga min rawn pek chu ka lo ban vat.


An zin chhunga Rinfela awmdan min zawh luam hnuah kan inlamah ka phei san ve ta a.


Kan inchhung ka luh rual erawhin ka ner nghal nawng thung, ka ṭhiante an la awmkim ṭhap bakah Lalrinfela pawh a lo ṭhu ve rûn mai.


"E lo ṭhu rawh, hei ṭawngṭaina kan hmang dawn chiah a," Pu Marintea'n a lo ti sawk sawk.


Pu Marintea hi ṭawng huat thu suh a'h, 'tlema mi pangai pha lo deuh' kan tih ang kha a ni a. Mahse, Pathian thusawi leh ṭawngṭai a peihin kohhranah a inhmang em em bawk. Chutih rualin Pathian thu a sawi emaw a ṭawngṭai reng rengin tawp hun a hre ṭhin lo va, a chang chuan lo "Amen" sak tawp te hi a ngai ṭhin.


Tunah pawh, ka ṭhiante ho hmel, nizan lam effect nen Pathian thu kham khawpin an lo ngaithla tawh tih hriat reng reng.


"A rei tawh lutuk, ka penṭawng reh ṭhakin Pathian thu ka ngaithla," Lalnunpuii'n a lo ti sur sur.

"Ka inhlan hmanin ka hria," Rinrini a rawn ti ve sar sar bawk a.


Ka hmaa Lalrinfela min en runna chu haider lui tlatin, Mapuii bulah chuan ka ṭhu thla a, "a ṭawngṭai rualin 'Amen' ti ang che," ka sir aṭangin Hmangaiha'n a rawn ti su su bawk, kûn chung chuan ka nui khur dar dar ta ringawt a. An ning hmel ringawt pawh chu nuih ṭhu natham a ni.

An mahni chauh pawh ni lo ka U te nupa pawh an in melh hrek hrek tawh!


"Amen ti ang che," ka hnunglam aṭangin mit chhin rualin Rinrini'n min kheuh zauh chuan a rawn ti ve leh zauh bawk a. Tum loh deuhin ka nui nghal ringawt bawk.


Rin leh hriat lawk ang ngei ngeiin a chham leh ṭeuh a, vanglai hun hman ṭhat ṭul zia a sawi chuan a zo dâwn emaw tih laiin kan ṭhian ho hming a rawn lam tel diat diat lehnghal a.

"Aw Lalpa, hei Lalrinfela pawh tleirawl sual kan tih mai ai bak baka sualin a awm a, aw Lalpa keini i fate, i chhiahhlawh chuan engmah tih theih kan nei lo, Lalpa nangin han hlap mai teh," uluk leh uar fahrana a tih zawm leh chuan, ka insum hman lo ka nui phuh ṭhawt, midang pawh an rawn nui huk tho, Pu Marintea ber lah chu engmah thleng lo ang maiin a chham zui ang malh malh mai bawk si a.

Ṭawngṭai e ti lo chuan mittui tlaphung leh thaw chham lek lekin kan nui dir tlawk tlawk hlawm ringawt. Mapuii phei chu a hnang deuhin ka hre mah zawk!



"Lalpa..." A tih leh rualin, ring lêng lawng hian, "AMEN....!!!!!" Rinngheti'n ninhmel zet hian a rawn ti chhuak a, nuih a kal laklawh bawk nen meng pawh meng ta mai lo chuan ka nui dir ta tlawk tlawk a.

"A chhangchiat theih hle mai," Hma'an nuihza aw deuh hian a rawn ti chhuak ve dut dut bawk.


"Ka haw dawn a sin," mittui tlaphunga ka nuih hnuah ka hawi chhuak a, Rinfela erawh a lo awm leh tawh lo, a chhuahlai ka hre miah lo zawk.


"Mate, hna ka kal dâwn a nia, vawiin chu class i nei lo bawk a, i U lo awl deuh la, a nuamsam lo nen," ka bu nghat. Ka ṭhiante ho pawh chu ka thlah diat diat hlawm a.


An chhuah fel meuh chuan a reh nghal duat mai alawm.



"Nizan khawnge i riah a?" U Tetei en zawkin, "Rinfela te in ah..."


"Cindy-i a rawn phei kha inriak ho tihna em ni?" Ka hmunphiat tur chu ding meuhin U Tetei chu ka en a.


"Riak nang...." Ka ti chhuak ṭawk, ka mitthlaah nizana thilthleng a rawn lang leh zut zut a, U Cindy-in a hmuh ang em tih zawhna ka lu um ah a rawn lut zui zat bawk.


Ka lu thing deuh sawkin, "hmu lo ang, hmu ni se...." Ka ngaihtuahna duh lo zeta ka lu thingin, "ngaihtuah suh, ngaihtuah suh..." Ka phun chhuak sep sep.
.
.
.
.
"Malsawm, tukverh hi hawng teh," ka room thlanglam tukverh rawn in chum dat dat riah chuan ka ṭhu chhuak zui luai a.


"Lalrinfel, heta ṭang hian rawn lut ziah suh," tukverh hawng pahin ka ti zui hlar bawk.


Rawn zuang lut thauhin, "midang tih harh i duh em ni?" Amah zawk chuan a la ti zawk zamah. Zanah ka roomah rawn lut fo lo se an harh lo a ni mai.


A hrim hrimim engti ti hian nge maw a rawn lawn chhoh ṭhin ni, a sän tehlul nen hian!


"Bandages hi a awm tawh lo em ni?" A rawn luh rualin khum bula pawhdawh chu a hai nghal rawk rawk.

Khuma lawn a, mu ṭha lehin, "zawng ṭha rawh, a awm ang," a awm lohna lam hawiin mit ka chhing zui lehnghal hmiah bawk.


Nidang ang chu nise keimahin ka pui ang a, a hliam ka tihfai sakin, a hliam neihchhan ka zawt ngei ang; Mahse, nizan maiah khatiang thil kha a thleng a, engtin nge engmah thleng lo ang maiin ka awm ve theih ang ni.



"Lalrin....." Ka phu nasa lutuk!!


"Che suh...." Ka hnunglam aṭanga min rawn kuah hlûn chuan alamah min pawt hnai salh bawk a.


Ka che ngam tawh lo hrim hrim, ka lungphu chu chawpchilh a phu rang dawt dawtin, ka khur chhuak lo chuah bawk.


"So...sofa-ah mu rawh," ka dang te a awh lek lek chu le. Ka rilru leh thinlungah, "Malsawmkim, engmah danglam a awm lo, ṭhian angin i la en tur thu i inhrilh a ni lo'm ni? Chutiang chuang awm ta che," tih a ri nawn tluk tluk tak nâ-in, ka taksa leh chetzia erawhin ka ngaihtuahna leh duhdan a phatsan hmiah thung!


"A vawt alawm," a nui deuh ruh tih ka hre thei.

"Bakah, mutdun a pawina a awm chuang em ni?" Nizana thilthleng a sawina a ni tih hriat tak hian a nui zui dat bawk a.


A dula nghawk deuh sawkin, "tho teh.." Tih leh keimah zawk chu ka ṭhu chhuak hlawl.


Thswh a tum lo tih hriat takin, a kiu tuna a lu ti kangin, nui ṭhu hian min en ringawt lehnghal. Mahse, zanin hian engvanga alaka inphal ral nge ka nih ka hriat tir a ngai a ni tih ka hria. Hriat tir ngei pawh ka duh bawk. Tleirawl â pawh ka ni tawh lo, min hnar a nih leh min hnar a ni mai.



"Nizana thilthleng kha sawi ang. Puitling alawm kan nih le," ti hapin, ka melh leh zawk, ka zâm ru nghal ringawt lehnghal a, ka sawi tak tak a nih chuan kan inṭhian ṭhatna kumkhuain ka tichhe thei a ni tih ka hre ru reng bawk si.


"Rinfel...." Ka tawp dat a, thaw la deuh kawk a thaw chhuak ham hamin, "ihhhh.... Eng lo, nizan kha, a chhan chu, ka... Ka..." Ka sawi dâwn ṭhin a, "duh" tih dâwn hian ka lei hi a tawt zual tlat zelin ka hria.


"Chu chu alawm ka sawi tum. Beer kan in a, kan thisen a lum a, puitling tih ang kan ti a ni mai. I hrethiama a ṭha...." Ka dang a awh mawk nawk laia a rawn tih chhuah chuan ka en he haw ringawt. Ka sawi zawh hunte nghah ve tur a nia. Mawlliana a nih hi!


"Engvanga khatianga awm kha nge ka nih hriat i tum lo em ni?" A rawn ṭhu chhuak a, "i inchhir loh tur thu i sawi a ni lo'm ni?" A mit a ti zim sulh, kiai sukin, "i inchhir leh si em ni?" Ka hriat miah lohvin ka thawk ka lo chelh leh tawh.



"Chhir hauh lo..." Ka ti chhuak sep chu a nui a.


"A nih chuan thil ka zirtir ang che...." A mitko a san ak. Ka lamah a rawn tawlh hnai a, ka tukkhumah rawn chelhin, a kut lehlam a ka bianga dawm chuan, "mahse, keimah chiahin he thil hi ka zirtir thei che tih hria ang che," a ṭawng zawnga thaw lum ham ham mai chuan ka tiril a ti za mer mer a, ka inseh ruh lehnghal ngar bawk.


"Rinfel..." Ka lei hmawrah ka thusawi chu a ral raih mai.


Dimtea ka hmuia rawn fawpin, ka hmui hnuailam a pet zauh a, a lei hmangin zawi muangin ka hmui a nawr kau a, ka tukkhuma chelhna ti nghet salhin, duhthawh taka min fawp zui chuan, ka thlanfim a rawn bawl ṭiam ṭiam.



Chhân erawh ka chhanglet lo mah se nizan aiin zanin hian ka taksa inthlak danglam dan ka hre chiang a, ka kawchhungah phengphehlep an thlawk mur mur emaw tih mai turin ka kawngchhung, ka thisen kal lai thleng chuan a danglam a ni tih ka hre thei a, hnar turin ka chak lo zual a ni tih ka beng awmna ka chian tlukin ka chiang bawk.


Engkim mai chu a reh a, min fawhna ri leh kan lungphu ri dup dup bâk ri dang rêng hriat tur a awm lo.


"A thlum khan ka hre rênga," tih paha inla hrang a thaw chhuak hawkin, a kutzungpuia ka hmui hnawm chap mai rawn tuaifai chuan, "inzir i ngai nasa a ni," a mitmeng chu a phelh ve phang mai. Nge ni a, ka khur ru nasa lutuk hian min hmuh sual tir ka hre law.


"Mu tawh rawh, zan dangah ka zirtir leh dâwn che nia," tih leh khum aṭanga chuan a chhuk zui nulh a, tukverh lam chak tak hian a pan zui leh pawk pawk bawk. A tlân chhia emaw tih mai turin a che rangin ka hria.


Kei erawh chet nachang ka hriat loh mai bakah, ka thiltih leh duhthlanna dik loh zia ka hre chhuak a, kan pahnih inkar, Dî rûk chauh ni ṭhin, inṭhian ṭhatna thianghlim tak kha ka tichhia a, inzawmna tenawm tak kan neita a ni tih ka hre chhuak uar uar bawk!!


"Mate... Mate, kawngkhar hi hawng teh.." Ka harh zawk, room kawngkhar ri dawt dawt lam chu ka pan zui vat a.


"U Tete...." Kawngkhar ka hawn rualin min rawn nek nghal rawk rawk, chhuatah a tlusawp nghal a ni mah zawk.


"I U... I U..." A aw sawi loh a taksa chu a khur hlawk hlawk a. A phone ken chu laksaka kuahbet vatin, "hello!" Ka ti zui zat.


"Sawmte, i Pa Zairema ka nia, tunah i U te station lamah inrawn phei dâwn em ni?"


"Eng nge thil awmzia?" U Tetei khur nasa lutuk chu a khawng titihin ka hria.


"I U thi a hmuh a ni a," a tih rualin, "maw?" Ka ti chhuak ṭhat.

U Tetei rawn khur zual dawt dawtah chuan phone chu dah rawk rawkin, "U Tete, U Tete...." A kaih niin ka hria, keimah pawh chu ka chiai titih, hlauhna avangin ka tiril a khur ve lek lek bawk.



"Rinfela... Ka phone..." U Tetei phone bawk chu ka la leh a, number ka theihnghilh ngai reng reng loh Lalrinfela number chu chhulutin, ka call nghal zat. U Tetei lah chu biak theih loh, a khur dawt dawt bawk si.


"Rinfel... Rinfel, kan inkawtah car nen min lo nghak rawh," call a lak rualin ka ti nghal nawk nawk.



"Tunah maw?"


"Kan inah rawn phei rawh, U Tetei hian nikhaua a hre tawh lo," ka ṭap lek lek tawh. Min chhanna pawh ka nghak hman lo, U Tetei chu ka sawi leh dawt dawt a. A taksa pawh a khur tawh lo, a zawiin a zawi hnuang tawh zawk.


"Malsawm..." Mittui nen ka hawi chhuak a, Rinfela rawn ṭhu hniam rawk rawkin, "i ṭha em?" Ka dar tawn tawnah a rawn chelh zui.


Ka mittui a rawn hnân zui ve sawk, "ka U, U Tetei hi..." A bak ka sawi thei lo.


"Ka hria e," tih leh U Tetei pawm chuan ka vawn theih turin ka bulah a rawn ding hnai zui a. A kawra pawt chuan ka tha neih zawng zawng nen ka inbeng kâng ve bawk.


Tun hi chiai nahun a ni lo tih leh, ka tha ringa ka din a ngai a ni tih ka inhrilh ru mawlh mawlh chung pawhin, ka tha khur nasa lutuk chuan ka ke min pên sawn tir mai thei lo lehnghal.


"Tikhan lo awm rawh," mittui tlingpamin Rinfela pensawn chu ka en ṭiau ringawt a.


Rei pawh a ni lo, rawn lut lehin zo tak a min pawm zui nawlhin min pensawn pui nghal pawk pawk.


Car kan luh rualin, U Tetei phone ka hum tih reng reng ka inhre lo, a rawn ri zui chu phu dawrhin, ka rak ṭhat. Rinfela kan lam rawn hawiin a phun hluk a, "Malsawm.." Min en deuh vung vung. Engmah zawhtlak ka ni bîk lo tih a hria a niang, hmalam enin a tlân chhuak zui a.


"Station lam inpan em?" U Tetei phone ri chu tunge a nih pawh hre lovin ka la ringawt a, ka nu call lo niin.


"Nu...." Ka Nu aw ka hriat rualin ka ti chhuak nghal ṭuak, ka ṭap lo chauh tak tak tawh. Engti khawpa inhlat leh inngaina lo pawh ni ila, mang an an tak tak chuan Nu te bawk a ni kan lo mamawh ni.

"Mate..." A aw chhuakah chanchin a hre tawh a ni tih a hriat theih.


"U Tetei nikhaw hre lovin a awm a," ka inhnit zui hlawp hlawp.


"Inbeng daila, chiai suh. Tunah shillong aṭangin ka rawn chhuak dawn chiah a, i U Tetei lo enkawl ang che. Chiai suh ka tih kha," ka Nu, hmeichhe lu zo veh vawh, lung lian bawk si chuan dam dap hian a rawn ti a. Ka hnuk a ulh tulh tulh thung.


Ka U boral thut sawi loh, a thi a an hmu chu hläu a, rilru nâa a chiai ve te ka ring rilru ve kha a nia! Ka ring sual chiang a ni.

.
.
.

Civil kan luh rualin U Tetei ER-ah an luhpui nghal a, ka sira ṭhutna andah ah kei erawh ka ṭhu thla nghal hnawk thung.


"Sawmte...."


"Tho duh suh, Station aṭangin ruang ka rawn zui a," Pa Rema chuan a ti nghal zung zung.


"Ka U...." Ka hrawk a rawn na thar leh, ka chil ka lem khalh a.


"Postmortem turin an nawr lut chiah a nih kha," ka ding nghal awt.


"Ka U ruang chu keimahin ka hmu duh. Ka tithei..." Pensawn ka tum chu Pa Rema bakah Rinfela'n rang takin min lo chelhbet nghal vat a.


"Inbengdai rawh Sawmte. Dân a ni lo tih i hriat kha," Pa Zairema chu ka en ngawt ngawt. Ni e medical license pawh ka la nei lova, engtin nge Autopsy Room ka luh theih tehlul ang ni. Ka mittui a rawn hnam ṭiam ṭiam a. Ka thawk lak a sakin ka hrawk a na kham ut ut bawk.



Rinfela bân hmer ngat ngat chung chuan, "Engtin nge inva hmuh?" Ka aw chu a chhuak ṭawk ṭawk.


A hmai a tuai puat a, a bula constable leh police dang rawn ding zui melh zawkin, "thu chiang a la hriat loh. Mahse, sleeping pills hmangin a nunna a la niin a lang," a tih chhuah hap hap chuan awih lo lutuk hian ka en ngawt ngawt a.


"Ka U in maw?" Ka ti chhuak hawlh.


Ka awih lo lutuk chu a rapthlak hial zawk ang.


Ka lu ka thing nawk nawk, "a theih loh, mahni intih hlum maw? Dik lo a awm a ni. Keimah ngeiin a ruang en ka duh, keimahin autopsy tih ka duh," Rinfela min kuahna aṭanga tal chhuah tum chuan ka tal nawk nawk a.


"MALSAWMKIM...." A ti ṭhat.

Ka dar tawn tawna chelha min thing leh nawkin, "inbengdai rawh. Tunah chuan nangmah i pawimawhber, i hrethiam em?" A tira a vîn tehreng nen a tawp lam chu min thlem titih. A aw a dam zui dup thung.


Mittui luang ngiai ngiai a Rinfela en chho chuan, "eng nge ka tih ang? Engtin nge ka awm ang?" Mittui tla zawih zawih chuan ka ṭap chhuak hawm hawm a, a lama min pawtin, nghet taka min kuahbet chuan, "thudik a lang chhuak em em ang. Min ring rawh," harsa tak hian a rawn ti chhuak ve bawk a.


Eng nge thudik chu ni ang? Ka U hian ama nunna chu a la ang maw? Mahni nunna la tur khawpin a dawihzep lo tih ka hria. Ka hming ka chian tluk zetin ka chiang a ni.


Mi dawihzep a ni lo, khawvêl mihring ka hriat tawh zawngah a huaisenber a, dikna ngaina leh zaidawh tak a ni bawk!


Mahse, eng thli chhia nge kan chungah rawn tleh ta hi?

Ka pawm lo, ka awih lo a ni!

Engtikah mah ka awih dâwn lo. Mahni nunna la tur khawpa mimawl a ni lo, chu chu mi zawng zawngin an hria!


"Rinfel, i awih em ni?" Ṭap chung chuan ka ti chhuak ṭuak a.

Thaw chhuak ham hamin, ka tukkhumah chelhbet a, ka chhipa a khabe nghat tlat chuan, "mahni nunna la duh tur khawpin a dawihzep hleinem," a aw chu a khur ve lek lek.

Mahse, Lalrinfela ka hriat ṭhin, ka mamawh hun a pianga ka chelh ṭhin, ka ṭana awm reng, ka himna ni ṭhin kha a ni tlat a, ka chiai a, hlauh ka nei a, ka thinrim insum theih loh a pianga min bengdai tu leh min thlamuan ṭhintu aw ri dam dup ri tel chu chiang takin ka hre bawk!!!!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:23 pm

THURÛK_99

BY

Floria Laldansangi


Chapter < 4 >


~~~~~~~



"Heihi eng nge ni?" U Tetei aw ka hriat ruai ruai chuan ka meng zui diar diar a.


"I harh maw?" Ka ṭap muhil nge ni, Rinfela dar ngheng chialin ka lo mu chu niin.



"Sawmte...." Ka ṭhiante ho bakah police leh U Tetei te chhung, Rinfela nu leh pa an lo awm nuk mai.


"Autopsy..." Rinfela'n a tih rualin ka ding awt a, U Tetei kuta lehkha chu phih thla sawkin khur dar dar chuan ka en zui zat.


"Librium..." Ka phunsap, Doctor lam hawiin, "ka U kawchhungah heng damdawi te hi inhmu a maw?" Lehkha chu ka lek kâng zui va bawk a.


"Eng damdawi nge?"

U Tetei lam hawiin, "Sleeping pills, SSRis te nen, he result hi awih turin minti em ni?" Ka aw chhuak pawh a khur tak nâ-in a ring ṭha viau mai.

Ka U hian depression a nei thei lo, depression damdawi hial ei ni sela ka hriat loh chhan tur a awm lo.


"Officer Ricky hian Psychotic depression a nei a ni..."


"Dawt a nih chu..." Ka lo ti tuar, mittui nen doctor hmaa pên hnaiin, "a rilru a buai itihna em ni?" Ka sehchilh deuh nawk nawk.


"A ni lo ang, chutiang eng damdawi mah a ei ngai lo. Rilru lam harsatna pawh a nei lo," U Tetei a rawn ti chhuak ve nawk nawk.


Ni e, a nei lo, rilru buai tur khawpin a awm lo, mimal leh hnaah pawh harsatna a nei lo tih ka chiang a ni.


"Tete...." Ka nu a rawn pên lut hlawk hlawk.

Ka kuta lehkha chu pawt thlain, a lu a thing zui ve nak nak a, "Zairem, heihi ka fapa thihchhan itihna em ni?" A aw ki a säng vah a, a chang fak bawk.


"Result chhuahdan chu a nia lawm. Investigation kalpui mêk a ni bawk a, a ruang...."


"Kan haw pui ang," ka Nu in a lo tifak, Pa Rema chu bu nghatin, "thildang chu ngaihtuah buai suh u, ka lo buaipui dâwn nia," a tih zawm sup bawk.


Ka Nu hmel chang rut mai, mitmeng hriam hrâk, chu ka en ngawih ngawih. Engtin nge hetiang hunah pawh hian chiai miah loh va a awm theih tih ka ngaihtuah a ni.


A fapa, a fapa neih chhun ngawih ngawih a chan a, mittui tla hmel pawh a pu lo chu a mak takzet ka ti dâwn nge ni a, ka awt takzet zawk ka ti dâwn?


"Zawhna dang in neih takin, heihi psychologist doctor a panna leh a damdawi leina receipt, a medical records," Pa Rema'n tiin, medical records copy zawk chu ka Nu a pe zui a, kei erawh ka zawi hnak.


Rinfela'n min rawn chelh lehin, a tha ring chuan ka ding ṭawk ṭawk chauh a ni tawh. Ka U hian rilru Doctor a pan tak tak ang maw? A ni lo, a ni lo ang.....


Keimah leh keimah ka inhniao nawk nawk, ka ring lo a ni tawp!!!

.
.
.
Ka U ruang kan hawn a, engkim chu mit khat kar lekin a thleng zut zut ni mai hian ka hria, mumang, mangchhia ṭhangharh a, engkim mai pangai leh vek tur ang mai hian ka awm a, mit chhin a, harhsan ka châk takzet bawk!


U Tetei mawlh hian a tuar thiam thei thlawt si lo va, vawi eng emaw nikhaw hre lovin a awm fo bawk. Engtin nge hmalam a pan ang?


"Eng nge in an tawh a?" Ka ṭhiante ho bula ka ṭhut thlak rualin Hmaa'n a lo ti vat.


"Kan ṭha viau, U Tetei zawk hi engtin nge maw kan tih dâwn ni? Investigation lah timai khan a hmawr kan bawk si a," ka ti niah niah, thlakhat zenzawn investigation an kalpui hnuah "depression vanga inti hlum" tiin case an ti tawp a nia.

Keimah tak pawh hian ka la awih lo, ka U hre chiangtu tumahin an awih bîk hek lo.

Mipa hrisel ṭha tak mai, hna emaw inchhung, mimalah pawh buaina a neih kan hriat loh kha thawklehkhatah mahni nunna la duh tur khawpin rilru lamah buaina a nei tih hi tu in nge ring ang ni?


"Doctor a hmuh pawh inhre si lo a tiraw Sawmi?"


Ka lu ka thing mat mat, "damdawi a ei sawi loh, nachhawkna a ei lai pawh hi ka hmu ngai meuh lo," ka ti leh sep sep. Ka ti tak tak bawk. Ka sawi tawh kha, ka U tluka mipa hrisel leh tawrhchhel hi antam lo khawp ang.


Hliam a neih a, a khua a sik hluah hluah châng pawhin nawrluih fe loh chuan nachhawkna pawh ei duh lo, chuti khawpa damdawi ei hreh chu a ni si a.


Tuna investigation an kalpui leh an hmuh chhuah erawh ka U mizia nena inpersan hlak, letling thawk a ni thung si.


Thla 3 lai psychologist doctor hmu tawhin, damdawi pawh a lo ei tawh a, medical records engkim a felfai vek bawk si a. Tihtheih avangin sawi tur a vâng takzet.


Khawiah nge kan thinlunga zawhna tamtak chhanna hi kan hmuh tâk ang le? Nge a thihdan hi ka ring mai dâwn zawk?

Mahni inti hlum ang a rin ka tum ngial lahin, hmul thi ding seng seng khawpin rinna ka nei bawk si lo. Ni lo, rin ngaihna ka hre lo a ni mah zawk.

Ka thinlungin chhanna ka zawng a, fiahna dang hmuh ka tum poh leh kawng a pingin, a ngaiah bawk ka let leh fo si a. Eng hi nge thudik ni a, khawi chinah nge dawt tih zawng chhuak tur pawhin chakna leh thiltih theihna ka nei dêr bawk si lo!!


"Thildang daih, thla hmasa leh tunthla ka la period miah lo va, ka rilru a hah tlat," Mapuii'n a rawn tih hliai takah chuan thaw chhuak halhin, ka ngaihtuahna ata ka U boral dan chu dahbo ka tum ta a. Ka ngaihtuahna ka hman nasat lutuk vang nge tunlai chu, keimah pawh hi ka chiang lo ruaiin ka in hre ṭhin.


"I rai a ni lo'ng maw? I bialpa sazu cute-an a hawlh rai ve che hi a nia nge?" Nui ruh ruh chungin Hmangaiha'n a rawn fiam a, "keipawh tunthla ka la nei lo," nui ṭhuin Rinrini'n a lo ti ve vat.


Period sawi takah chuan ka U boral velah kan buai lutuk a, ka period em ka hre miah lo keipawh, a hunah ka nei chat chat zel si a, tunthla ka la neih loh bakah, thla hmasa, ka U boral tirh vêl khan ka nei em ka hre ta mai lo.


"Inrai a nih chu," Hmaa'n a rawn ti awlsam leh et a, "awi! Ka ṭawngkam chiah hi a hur, ka la Virgin ve ṭat aw," uar fahran hian Lalnunpuii'n a rawn ti let chu kan lo nui ta hak hak hlawm.


Kan ṭawngkam chhuakah hi chuan experience ngah ve tawh tak hi kan ang ve ṭhin êm a ni.



Ni a kal a, thla a ral ve leh a, U Tetei erawh a mize let thawk a ni thung. A ni tel hian ka U a ngai zual emaw tih mai tur a ni lehnghal a.



A Nu te inlama awm rih tura kan tih lahin a duh lo nasa mai bawk si, hmeichhe ṭawng siam siam ṭhin, nui sen sen zel, a changa han âng ve hlak hlak ṭhin kha, tunah chuan milem che thei nen danglamna an awm lo ti ila ka sawi sualin ka ring miah lo bawk.
.
.
.
"Awi! Malsawmkim, riah nghal i tum em ni?" Mapuii'n a rawn ti lawng lawng.

"Puanthuah ka rawn pe dâwn che em?" Rinrini'n a lo ti ve bawk.


Kei erawh ka kuta pregnancy test kit ka ken chu ka humbet ngawt ngawt thung a. Ka ṭhiante min nghahna leh min auhna pawh chhanlet nachang ka hre lo.


"Malsawm, kan tlai dâwn a nia," Mapuii'n a rawn tih leh chuan ka thaw chhuak kawk a.


Kawchhung khur ru dar dar leh thinphu dawt dawt chunga ding chhuakin, "hahdam rawh Malsawm, hahdam rawh.." Ka phun sep sep.


Pregnancy test kit pathum ngawt ka hman zawh, a vaia positive vek chu ka en leh ṭhin, ka hläu a ni, ni e, ka thiltih avangin inchhirna ka nei miah lo, ka duhthlanna, harhfima ka thlan ka kawng zawh a ni a, inchhir lah ka tum hek lo; Mahse, ka hläu a ni, engtin nge ni ang? Engtin nge ka Nu leh U Tetei ka hrilh ang a, engtin nge khawvel ka hmachhawn ang le?



"Sawmte, i ṭha meuh maw?" Bathroom aṭanga ka chhuah rualin Francis-an min rawn pan vat.


"I va dâng em em ve, i thlanfim te a tla a nia," Rinrini'n a rawn ti zui ve vat a, midang an rawn kal hnai vat bawk.


Ka dang a ro vin, ka lungphu rang lutukah ka ṭawng mai thei lo, ka ṭhiante, min ngaihtuahna mitmeng leh hmel chu ka en kual a, ka ṭah a rawn chhuak et et.


"Malsawm...." Rinfela aw ka hriat rualin Francis-a min chelhna kut chu a rawn phih thla deuh sawk a, ka dar tawn tawna chelhin a lama min kuai her chuan, "i dam lo em ni?" Tih leh ka chal deh a rual.


"I khua chu a sik si lo," a thaw zui hawlh a, "khawiahmah chhuak suh," min hrilh pawh a ni lo, thu minpe a ang mah mah zawk.


A hmel chu ka melh chho ralh, engtin nge ka sawi ang? A fa ka pai a ni tih hria sela hmeichhia angin min en ve phah ang em?


"Ni e, kan hruai chhuah tur ber a nawmsam si loh chuan ṭhulh mai ang u," Hmangaiha'n a lo ti vat.


Ka U boral aṭangin police station leh kan in bak khawiahmah chhuahna ka nei lo, ka tawm ngawt ngawt a ni ber, zanin ka ṭhianten min tihhlimnan tiin min hruai chuah an tum a nia.


"Damdawi...." Francis-an a tih mek laiin, Lalrinfela'n min pawm kâng nawlh a.


"Lalrin..."


"Che suh, a din pawh i din ṭhat theih loh kha," bul zeta tih leh sofa lamah min pawm phei a, sofa-a min nghatin, "mu rawh," tih leh min nam mu nghal zat.

"I mut tir dawn rau rau te chuan khumah han mut tir ta law law la," Lalnunpuii'n a lo ti zat.


"Nia..." At hmel zeta ti a, nui deuh ṭhû a leh min pawm leh a tum chu rang mangkhenga ka ke lo tawmin, "ka ṭha, ka chhuak thei lo a ni mai," ti vat chuan ka ṭhu chhuak zui vat.


Mit ti zîm sana min enin, "mu la a ṭha ber," tih leh ka inrin hma bawkin min pawm leh nawlh, nutë chhe tak ka ni miah lo mah se he mihring hi chuan min zo em em a, nautelem ang maia a duh duhna min pawmkual ṭhin hi ka duh der lo. A chak ropui mai bawk si, tâl ve mah ila tâl chhuah chu sawi loh a ke pên vawikhat pawh hi a bahlah ngai bawk si lo.


"Min pawm kawi minpawm kawi suh, ka lu iti hai," ka room a min pawm luh rualin ka ti ta nghek ringawt a.


Rinfela rênrûn lah chuan a bengkhawn dêr lo.


"A nih tikhan in enkawl ru, ka haw dawn, ka bialnu ka rîm dawn," Hmangaiha'n ka room kawngkhar bul aṭangin a rawn ti nui vur vur a.


"hey..hey..hey... Min thlah ang chû. Mal, kan haw ve nghal mai dawn. Ka inchei parh nen nalh deuhin zanin chu ka bialpa ka video call mai ang," Lalnunpuii enin ka lu ka thin khum nar nar ringawt a. Rinrini'n zui chhuak ve in, Francis-a ka room a rawn lut ve chu, "haw ila tum ve nange?" Lalrinfela'n a lo ti nghut.


"Sawmte i ṭha tak tak tiraw?" Rinfela zawhna chu chhanbuai tinah a tin lo a ni ang, min rawn en daih. A chang hi chuan a naupang chhia lutuka mi hian chhan tinah antin ṭhin lo.


Ka lo bu nghat a, "ka chau deuh a ni ang, a zia lo hle mai, hotel room te i book lawk si a," ka ti sep sep.


"Inthlahrung duh suh, ka hawsan ang che, mu hahdam rawh," a nui säng reng mai hi a nelawm rualin inthiam lohna min neih zual tir ṭhin.


"Mu tawh rawh," Francis-a chhuah rualin Rinfela chuan a ti leh sup.


Ka ipte a pregnancy test kit chu ka kawr chhan ka humbet ngar a.


Rinfela thlek deuh vang vangin, "Fel, kan pahnih inkar hi eng angin nge i ngaih?" Ka ti chhuak sep. Min chhanna tur erawh ka thinlungin a bel hle thung si.


Min rawn en vung vungin, "eng nge ni ang, ṭhian aia thük, unau leh inhmangaihte aia pâwn," a nui zui suk a, "chutiang chu a ni lo'm ni?" A rawn ti leh sup bawk.

Ni e, chutiang chu kan dinhmun a ni, chutiang dinhmuna ding tur chuan keima kawngsial ngei a ni miau si a.


"A nih, kei hian...." Ka ti hman zet tawh, a phone a rawn rik avangin, "Cindy-i.." A rawn tih chhuah chuan ka ṭah nuih hak, mit hul hak si chuan ka kawchhung chu a rûm a, a ṭap ru zawih zawih bawk.


A fa ka pai vanga nâ ka ni miah lo, ka bula a awm reng chung pawha Cindy-i a la ngaihtuah chuan a ni minti na ngut ngut ṭhin ni.


A phone chu a en deuh vung vung a, "ka bula i awmlai tal hi chuan i ngaihtuah lo thei em?" A hriat turin ka sawi miah lo, ka hriat tawk lekin ka phun sep a ni zawk.


Min rawn en a, "mu hahdam rawh, i taksa chak lo a nih kha," pangai leh dam dupa a rawn tih chuan ka ṭah a rawn chhuak zual.

Rang taka khuma mu thla in, a ṭhutna lo lamah ka inher zui zat bawk a.


"Haw tawh rawh Rinfel..." Ka mittui ka hnarah a rawn luang zui ngiai ngiai, chu chu ka duh miah lo bawk. He thil thleng tur hi ka ring lawk lo nachungin, ka cho chhuah a ni a, Rinfela dem thei ka ni lo tih ka inhria, "hmeichhia angin ka en lo che," a ti chunga keimahin cho chhuak ka ni miau a.


Mahse, ka inchhir miah lo, hmeichhe luhlul ve tak ka ni a, inchhir leh turin eng kawnf mah ka thlang ngai lo, a dik emaw dik lo emaw a vuaklet tuar ngamin ka zawh ṭhin. Mahse....


Ni e, tun ṭum ka kawngthlan atthlak tak erawhin minti hlau a ni. Minti hläu va, ka taksa thlengin a khur chhuak a, ka thinlung a rûm takzet bawk.

Ka la awih lo vin, rinhar pawh ka la ti takzet zet. Engtin nge vawikhat chauh sex hmang khan, awlsam takin nau ka pai theih ni.


Nau ka pai mai ka inrin loh chu sawi loh, rin ngaihna pawh hre lo ka ni zawk a, mahse vawikhat chetsual pawi zia ka hre chhuak a, ka hriat chhuah erawhin engkim a buaiin, ka kih hnawk hmunah ka tâng mêk a ni tih ka hre tel bawk si.


"Malsawm, i dam lo tak tak em ni?" Ka chal rawn deh leh a tum chu blanket-in ka lo inkhuh vat a.


"Hey...." Ka darah a sawi dat.


Ka ṭawng chhuak thei tawh lo, ka hrawk a nâ-in ka kawchhung, ka thinlung engkim hi a na ngut ngut a ni. He mipa, ka mittui leh ka thinlung hmu thiam ngai miah lo hi engtin nhe ka hmachhawn zel dawn le?


"Damdawi i ei dâwn nge damdawi in ah ka hruai dawn che? Tho teh," min tun thawh a tum chu lo ṭang ve ṭung chungin, "ka ṭha haw rawh," ka aw chhuak chu a zawi takzet, a hre meuh em pawh ka hre lo.


"I chiang maw?" Ka lu ka ti che zauh a. Min la en reng a ni tih erawh blanket chhanah pawh ka hre thei thung.

Engtia rei nge chutiang a ka awm ka hre lo, mittui tla chung chuan ka muhil zuita a ni ngei ang, "mut luih kha i la tum em ni?" Ka Nu aw nelawmna tel miah lo ka hriat chuan ka meng zui diar diar a. Ka mit nuai nak nak chungin ka hawi chhuak bawk.

Ka room couch chunga kuang kuah at a ka nu ṭhu rûn mai ka hmuh chuan ka thaw halh, "zingkarah buaina i nei em ni?" Ka la tho chhuak mai lo.


Ka sawi tawh kha, ka Nu nen hi chuan a ṭul fe loah chuan inbiak hi kan nei ngai meuh lo, min hauhna tur a nei te a nih ngawt loh chuan, inhuatna em em nei si lo hian kan inkar hi a hla em em ringawt mai a ni.


"Heihi i ta em ni?" Thatchhe deuhin ka Nu ṭhutna lam chu ka thle bek a.


A kuta pregnancy test kit awm ka hmuh rualin ka in perh tho nghal zat.


"Engtin.....?"


"I ta em ni ka tih chu?" Min en kalh, zirtirtu khirh lutuk ansawi angchiah a ni.


Ka ngawi ran a, ka thin lah chu a rawn phu rang dep dep bawk.


"Malsawmkim zawhna ka zawt che a nih chuan i kâ kha âng la min chhang rawh," a aw ki a la sang miah lo nâ-in a khauh ṭhak thung.


Ka kut pahnih nghet taka humbet chuan, ka thawk ka chelhbet a, kawchhung khur ru dar dar chungin, "ka ta a nih kha," ka tih chhuah rualin test kit chu ka lamah a rawn vawm ṭhuai a, mit ka lo chhing zui sawk.


"Engthil nge i tih i hria em?" A ti zui ṭhat bawk a. Ka lam rawn panin, "tho rawh, tho rawh, Doctor kan pan ang, kan titla ang," ka bânah chelhin phih thawh min tum chu rang lutuk hian ka kut ka la let sawk a, "a teuh lo lutuk," ka ti let vat.


"Malsawmkim, sàwn i pai tih i inhre lo em ni? SÀWN...."

"Ka hria, mahse ka naupai tihtlak tumna ka nei lo," ka Nu chu ka en chho kalh a, "ka ti tla dâwn lo," ka lu ka thing zui nak nak.


"Sâwn awmzia i hria em? Sàwn pai awmzia i hria em?" Min chum a, min beng zui dawt dawt.


Ka chhang tawh lo, ka dawh mawl tawp, ka tawrh tur a nih miau a vangin. Mahse, engti kawng mahin Rinfela fa hi tihtlak ka tum bau lo, thi dâwn pawh ni ila ka hring dâwn a ni tawp.


"Tho rawh, tho rawh ka tih chu.." Min pawt a, ani aia ka len bakah ka chak zawk vang nge min pawt tho thei bîk dêr lo.


"Nu!!!"


Ka kut ka phih let leh dawt, ka phihna deuh nge ka Nu chu a kat deuh khut khut mai.


"Ka hring dâwn. Ka thiltih sual a ni a, a rah pawh ka seng ngam, chuvangin titla turin min nawr lui suh," ka Nu chuan mangan hmel lutuk hian min en a.


"I thusawi kha i hria em? I sàwn pai kha i chhuang zawk tihna em ni?" A aw chu a khur ve lek lek te in ka hria, a thinrim lutuk vang zawk nge ka hre law.


"Ka chhuang lo; Mahse, ka pai tawh a, a thlen tur ang ang a thleng tawh, engtin nge ka thisen chu ka tihhlum theih ang ni?" Ka Nu chu ka en let ngar a, hläuhna pawh ka nei tawh chuang lo.



Luhlul min tih hmel taka min en ngawih ngawih chungin, "ni e, thisen chauh a la ni, chuvangin a harsat a, a len hma, mihring a tlin hmaa kan tihtlak a ngai. Tho la, insiam rawh, Doctor ka lo bia ang," dam ta diai a ti hap hap chuan pensawn a tum a.


"Ka titla dâwn lo ka tih kha, thi dâwn pawh ni ila ka paitlang dawn," luhlul zet chuan ka ti leh fan.



"MALSAWMKIM...." A rawn ti chhuak leh ṭhat. Ka phu zuk a, ka en nghal dawrh bawk.


"Tunge a pa, i hauh ang ṭeng ṭung hian i sâwnpaina Pa hian mawhphurhna a la ngam em maw chu, kan en dâwn nia, sawi rawh, tufa nge i pai?"


Ka ngawi ta ngal, tufa nge a nih a pawimawhna ka hre tawh lo, ka fa a ni a, thah tumna ka nei lo.


"I ngaihtuah kha ka hriat loh ring miah suh. I ngaihtuahna khan kan inchhung sawi loh, i room kawngkhar pawh a pel lo tih hria ang che. Hmalam hun thuitak ngaihtuah la, tuna tihtlak ṭhat zia i hria ang," a ti leh tan tan.


"Malsawmkim, ka zawhna che hi chhang ṭhin rawh," chhân tumna ka nei lo tih a hriat vang nge a phone chu a phawrh nawk nawk a, "Francis-a nge Hmangaiha, nge nia Lalrinfela," min rawn en zawk, ka mipa kawmtam ber te hming a lam chuan rintur a zawng nghal char char.


"A ṭha e, keimahin ka zawt mai ang, hur hauh ang mai," tih leh tunge maw phone a tuma a phone a hmeh takah chuan rang lutukin, khum aṭangin ka zuang thla a, a phone phih thlaksak chuan, "an vaiin an ni lo," ka ti chuak vak bawk.


"Engmaw i sawi?"


"An ni lo," min vua in, min sawisa hrep mah se sawi tumna ka nei lo ang bawkin ka sawi dawn chuang lo. Ka thih a, ka thlan khur thlengin ka fa pa hi tunge a nih ka zep dâwn a ni tih ka chiang lutuk mah mah.


"Mihur em nih? Mahni fa paina pawh i hre lo em ni?" Ka dar leh ka hnungzangah a beng zui leh dawt dawt a, ka hnang deuh awk awk tawh zawk.


"Nu...Nu..Nu...." U Tetei rawn tlân lutin ka nu chu a rawn kuahbet vat, "nau a pai kha, duhtawk rawh," hlauthawng zeta a tih rualin, min rawn ban lui lehin, "a naupai hi chum tlak law law a nia ka duh," a ti zui leh tuar bawk.


Hmeichhe dang ang chu nise an ṭap ang a, ngaihdam an dilin, pawi antih thu an sawi ṭuak ngei ang.


Mahse, ka thiltih hi "a dik e" ka tih vang ni lovin, inchhirna ka nei miau lo va, a hmaa ṭah tumna ka nei lo hrim hrim. Pawi erawh ka ti, ka ti takzet, pasal nei lo va sàwn ka pai a vangin, mahse ka inchhir tlat lo.


"Enrawh, en rawh, mi hläuhna pawh a nei lo. Hetianga khawsa tur hian zirtirna kan pe lo che, kan enkawl seilian lo che," ka Nu chuan a ti leh tawn tawn. Ka la ngawi ngal thung.


"Mate...." U Tetei chu ka en a.


Rawn ding ṭha a thaw chhuak ham hamin, "nau tih tlak chu tumna i nei lo tak tak em ni?" Dam diai hian a rawn ti a.


Aw ki dam diaia min biak takah chuan ka hnuk a rawn ulh tharin, ka mittui a rawn hnai zui ṭiam ṭiam. Ka bu nghat nghat.


"Eng thluak nge maw i neih ṭhin ni? I thluak khân mahni tána ṭha tur pawh a ngaihtuah chhuak zo lo. I U a awm lo dek deka khawlai fa i rawn pai haw a, nawchizuar em ni inih?" U Tetei bula ding chungin a rawn ti tawn tawn.


"Ṭhenawm nula te saw en rawh, Bawli pawh kohhran leh khawtlangah a inhmangin a ṭangkai em em a, a nu leh pa te pawh a chawm tawh. I U pawh nang ang rual a nih te chuan mahni in a inchawm zo tawh tih hre rawh. Mahni sawi loh tunah chawmhlawm tur sàwn i rawn pai leh a, zah pawh i zak lo'm ni?" Ka Nu chu mittui luang ngiai ngiai hian ka en ngar ngar a. Ka inseh ruh ngat ngat bawk.


Min hauh chhun a pianga mi fate nena min khaikhin a bansan thei lo hi ka haw takzet bawk.


"Mate, Mizo vin a sàwnpai kan hmuhsit zia i hria em? Hmeichhe awm ṭha duh lo leh lepchiah tak bakin an pai ngai lohah kan ngai ṭhin," U Tetei'n pawi tih hmel deuh hian a rawn ti leh vawng vawng a.


Ka mittui a rawn far zui ta kauh kauh, kûn ngar chungin ka hmui ka petbet ngar bawk a.

Ka U ka ngai takzet, ani chuan thil ka tisual emaw ka tidik lo a nih chuan a chhan min zawt hmasa fo va, min ngaihthla hmasa fo ṭhin kha a nia.


A chhan chu keihian engmah hi chhan nei lovin ka ti ngai lo tih min hrechiangin min ring tlat a tin ni.


Mahse, tuna ka thuthluknaah erawh a rilru ka ti nâ ang tih erawh ka ring thung.


"Nau kha i paitlang a nih chuan ka enkawl ring miah suh ang che," ka Nu in a rawn ti leh ṭhak chu ka chil lem khawlhin mittui nen ka hawi chhuak a.


"Keimah pawh min enkawl chuang em ni?" Ka aw chu duh aiin a chang mah mah. A khur dar dar thung.

"Engmaw?"



"Ka sawi chu, keimah pawh min enkawl em ni? Ka hriat theih chin a ta ka mamawh leh ka mamawh hun a piang a ka kiang a awm chu ka Pa leh ka U chauh an ni. Vawikhat pawh ka ṭap min thlem tawh em? Thlem lo, Nu te nî vawi engzah nge min hmanpui tawh? Chhia leh ṭha ka hriat theih chinah vawikhat chauh a ni min hmanpui ni. Min biak chhun a pianga i sawi i hria em? 'Lehkha zir rawh, chumi zat chu mark hmu rawh, a ber nih tum rawh. Ṭhenawm te nula pawhin a theia engvangin nge i theih loh' chu chu i sawitam ber a ni...." Mittui tla zawih zawih chuan ka riat chhuak nawk nawk a.


Ka hrawk na lutuk leh ka âwm chhung na lutuk chu ka thaw ṭha thei lo, ṭah chhuah chiam mai ka duh laiin ka duh angin ka aw a chhuak thei dêr mai si lo va.

"Lungngai suh, ka ke chhehsual rah chu keimahin ka tuar ang. I lak aṭang hian eng in enkawlna leh zirtirna mah ka beisei lo va, ka beisei ngai hek lo," Mittui tla chung chuan ka ti chhuak leh nawk nawk a.


Min ben a chakin, min ban leh mai a châk tih a mitmeng leh a kut a hum ruh tlat danah ka hmu thei.


"Ka enkawl danah che i läwm tawk lo tih i sawina em ni?" A aw a dam dap tawh nachungin, a kha fuk thung.


"Min enkawl ngai em ni läwm lohna nei turinin?"


"Malsawmkim...."


"Duhtawk rawh Mate. Eng ang pawhin läwm lo mah la, hringtu che a nih hi. Nu min biak tir rawh, keiman ka'n bia ang che," U Tetei'n ka Nu chu a pawt sawn zui dat dat a. A mitmeng sen ramah chuan natna ni âwm tak te ka hmu in ka inhria. Ka hmusual zawk a ni ang.


"Rinfela fa a ni em?" Room kawngkhar a kalh rualin a rawn hawi a, min en kalh bawk. Ka ngawi leh ran tawh.


"Mipa nazawng fa i pai dâwn lo tih ka hria. Engvanga hetiang kawng hi thlang nge inih ka zawt lo ang che; Mahse, i thiltih pawi zia i hria em?" Dam diai hian a rawn ti leh a. Ka lo bu nghat nghat.


Ka hria, ka mihringpui mai ni lo, Pathian pawi nasa takin ka sawi a ni tih pawh ka hria, mahse chu ka hriatna ringawt chuan he mipa, ka pum chhunga naute Pa ngei ka duhna hi a tikiam pha si lo a tin ni.


"Hetiang hmachhawn huam a, paltlang huam meuh hian em ni i lo duh ni?" Min khawngaih hmel takin U Tetei'n min en ngawih ngawih ringawt a.


Ka mittui bawk a rawn tla ṭhin, ka Nu hmaah hian mittui tih tlak har ka ti ṭhin; Mahse, ka U te nupa hmaah erawh naupang ang maiin nâ ka neih pawhin ka ṭap mai ṭhin thung!


"U Tete, mihring leh Pathian pawi ka sawi a ni tih ka hria a, ka kawng thlan hi a atthlakin, a ngaihtuah tawi thlak tih pawh ka hria mah se chu ringawt chuan ka duhna leh a laka ka rilru put hmang a ti dingin, a tidanglam thei si lo a tin ni," mittui luang ngiai ngiai chuan ka ti chhuak sep se a.


"Eng ang hmuhsitna nge i tawrh dâwn i hria em?" Ka lu ka lo thing nawk nawk.


"Pai tlang ṭalh chu i tum em ni?" Ka lu ka bu nghat. Tihtlak tumna nei ni ila, chiai miah lovin ka hriat rual khan damdawi ka lei ang a, ka ei tawh ngei ang. Eng damdawi nge nau tihtlaknan anhman tih chu ka hre ve lutuk alawm.

Mahni kih hnawk leh tihsuala mawhphurhna la ngam lo tur khawpin ka dawihzep lo, ka U min zirtir dan pawh a ni hek lo.


"A nih chuan..." A ngawi deuh vang vang a. Inhnit feih feihin ka en kiau thung.


Thaw laa thaw chhuak ham hamin, "ka enkawl ang," ka meng kawk.


"Eng nge i sawi awmzia?" Ka aw pawh a lawi rut mai.



"Min enkawl tir rawh..."

Rang lutukin ka lu ka thing nawk nawk, "a theih loh, ka fa alawm a nih," ka ti nghal chül bawk a.


"I fa ala ni reng dâwn alawm, ka enkawl ang a, atan Nu ka ni ang...."


"Aih... Aih...ka fa alawm, engtin nge chutiang kan tih theih ang ni?" Mangang lutuk chuan ka ti chhuak a, "ka hria alawm, i fa anihna a bo dawn chuang hleinem, i fa, i hrin kha ala nireng dâwn, chutiang bawkin in khat ah incheng dun bawk dâwn alawm, ka fa a ni ang a, atan a Nî i dawn tihna a nih chu," atih zawm zat zat, ka thaw em pawh ka hre lo, engtin nge chutiang thil rapthlak te a ngaihtuah theih zawk, nu leh fa inkarah chuan in nufa-na bâk a awm ngai em ni? Nî leh vah ni turin maw?


"Thil theih loh anih chu," ka ti chhuak hrawk. Eng ngaihdan atthlak nge maw a neih hi le?


"Mate, naupang te niin fapawm la, hmuhsitna zawng zawng i tuar thei dawn em ni? A nu pawh chu lo ni la, tu emaw in tu fa nge anih tih sawi in, 'ka fa' tiin i chhang ngam ang em? Chhang ngam tehreng pawh ni la, naupangtea mipa tel lo va fa pawm an tihna che i dawl ang em? I fa rawn piang tur, a puitlin hnu thlengin 'sàwn' tih hming a put tur chu i tuar thei dawn em ni? Keichu pasal nei tawh, pasal sûn hlim ka ni a, tu hmuhsitna mah a dawng ngai dawn lo," U Tetei chu mittui nen ka en ngawt ngawt ringawt.

Ka hrethiam lovin, ka la pawm chuang lo, ka fa lo piang tur chuan kei hi "Nu" tih aiin "Nî" tiin min ko ang maw? Chutiang thil chu kan khawvelah hian a awm thei tak tak dawn em ni? A rapthlak mah mah lo maw?


"Min ring rawh Mate, i U pawh la dam nise ka thuthlukna hi a pawm ngei ang. Ka tiam ang che, engtik niah emaw a piandan chanchin hi nangmah ngeiin ila hrilh dâwn nia," ka kut a rawn dawm vang vang a, "Mate, in ngaihtuah rawh, Rinfela i hrilh a, in innei a nih loh chuan, i fa rawn piang tur hi Mizo mipuite chirh theh turin khawvel eng i hmuh tir dawn tihna a ni a, chu chu i phal rêng em tih?" A tih leh chuan ka ngaihtuahna ka hmang thei lo.


Ka thluak a chawl a, engkim mai chu a thimin, ka bing mup mup a, thawk ngaihna reng reng ka hre lo.


Eng emaw sawi a, ka fa chu ka enkawl theih thu sawi ka duh ka duh takzet mah se ka lei hi phuarbeh ang tlat a ni bawk si.


"Eng thu thlukna pawh siam la i U ka tiam tawh angin i bulah ka ding zel dawn. Mahse, paitlang a, enkawl i tum a nih chuan Rinfela hrilh ang che. Amaha a hriat chhuah chuan a mizia i hria kha," ti lehin a ding zui a, "intifai la chaw rawn ei rawh, naupai lai chuan pum ruaka awm a ṭha lo," tih leh a pensawn zui zat.

Kei erawh chet nachang ka hre lo pawh a ni lo thawk nachang pawh ka hre lo zawk.

Eng ang dinhmunah nge maw min dah hi le?


Ka fa-in "ni" tia min ko tur ka ngaihtuah chhin ringawt pawhin ka mur er er lehnghal!!!!

<><>~>~>

Note : Naktuk ka chawl ang aw. Tin, karthar aṭangin Thawhleh zan leh Rinni zan ka chawlh a ngai tawh bawk ang.😍😍


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:36 pm

THURÛK_99

BY

Floria Laldansangi

Chapter < 5 >

<><><<<<<<


Nilenga U Tetei thusawi leh rawtna ka ngaihtuah zui chet chet pawhin, ka pawmpui thei chuang lo, engtin ka hrin ka fa chu midang kutah dahin, "Ni" tia ka in koh tir theih ang ni?


A rapthlak ka ti êm mai!!


Ka pum a rawn rik rawk rawk takah chuan ka pum dawmin, "ka ril a ṭam," ka ti chhuak sap. Zingkar aṭangin engmah ka la ei lo tih ka hre chhuak zui chiah bawk a.


Khum aṭanga tho chhuakin choka lam chu ka pan hnak hnak a, zan dar 11 chu a ri thuak tawhin ka ring. Light a in off vek danah U Tetei leh ka Nu an mu tawh a ni ngei ang, vawiin lamah lah nilengin anhmel ka hmu zui ta lo. Ka nu in, "a hmel ka hmu peih rih lo," a tih ri erawh ka room aṭangin ka hre viau viau thung.


Zantin deuhthaw ka U rawn haw tlai leh rilṭam a ei mai theih tura a khuh ṭhat ang thlapa U Tetei'n dawhkana ei tur a lo khuh ṭhat deuh thlap chu hawngin thleng kumah chuan chaw vawt zet nen chuan ka chawhpawlh kual vel a.


"Ka pum a na êm lo'ng chu maw?" Ti rilru chung leh, "pum lamin ro a rel tawh chuan...." Tih ngaihtuah chungin ka ei zui ve mai bawk a.


"Engtikah mah Malsawmi fa a nih thu i sawi chhuak lo ang maw?" Ka Nu aw ka hriat chuan ka chaw ṭhial lai tawpin ka ngawi deuh vang vang a.


A room lam aṭang a ni aw rawn chhuak ni. Dingin, thlêngkum lianzet mai, ka chaw chawhchawrawih eilai chu pawm ṭân chungin room lam chu ka pan hnai dên dên a.


"Ka tiam ang che. Engtikah mah, tumahin an hre lo ang a, ka sawi chhuak ngai hek lo ang," U Tetei'n a ti ve leh sep sep.


Ka naupai chungchang ansawi a ni tih ka hre thei, ka hriat loh leh remtihna tel lovin ka Nu hian inremna a siampui nge ni a? U Tetei duh lo chung a nawrlui zawk ni?


"Engvanga Malsawmkimi sàwn chu enkawl duh tlat nge maw inih le?" Ka Nu aw chhuakah chuan sàwn a hmuhsit zia a lang thei. A ten a ang zawk mah; Mahse, engtin nge niang, a fanu hian sàwn ka pai tlat si a.


"Fa enkawl te hi a awl lo a nia, kan faten lawm nachang anhriat loh phei chuan hun khawhralna a ni," ka Nu-in inring tawk tak hian a tih zawm leh zat.


Engtin nge mahni ril arah, "hun khawh ralna" a tih theih zawk ni maw?


An thusawi ngaithla zawm duh ta lovin choka lamah letin ka thil ei tuita miah lo chu ka paih ta ringawt a. Ka ei tui ve hman nen!


Ka room-ah let ka tum zet, let ta lo chuan pawnah ka chhuak ta nulh a. Pawn thim thamah chuan dingin boruak ka hip vang vang, ka ngaihtuahna buai nuaih nuaihah chuan fîm takin thil ka ngaihtuah phei chu a ni miah lo; Mahse, ka ngaihtuahna hi a tawiin, a bing mup mup a, engmah hi thui takin ka ngaihtuah thei lo.


Rinfela te inlam chu ka hawi phei a, inchung lama phone hmai eng va va leh meizial ling de va va ka hmuh chuan ka en deuh vang vang, U Tetei thusawi kha ka hre chhuak zui zat.


Mahse, Rinfela hrilh ringawt ila, fa neih lo inpeih lo vin, tumna pawh lo nei si lo sela. Mawhphurhna a la ang tih ka hria, a fa ka pai a ni tih ka chian tluk zeta ka chian rualin, a ṭulna in a nawr vang chauha mawhphurhna la atan ka duh si lo.



"Han bia la...." Ka rei!!! Ka phu nasa ropui lutuk! Ka per dawrh thei. "U Tete!" Ka ti zui vak bawk.


Ka lungphu rang thaw kawk kawk chu nui sen sena min enin, "han be rawh, thil chu a hunlaia chetlâk hian inchhirna a awm ngai lo," a tih zui leh chuan, lo thaw hawkin, Rinfela te inchung zâwl lam melh chho leh deuh vang vangin, "engthu nge ka han sawi ang ni? Ka han tihlau ringawt dâwn a sin," U Tetei lam chu ka hawi a, â min tih hmel deuh hian min en vung vung chuan inchhungah a lut zui leh ta daih. Min tih vak ngaihna a hre bik lo a ni ang.


Kei erawhin Rinfela awmna lam chu ka hawi chho leh ṭhin, hrilh tura ka in ngaihtuah chhin ringawt pawhin ka lungphu zawn hi a sa veng vengin, ka zâm ru nghal em em ringawt nia.

Nge, chhanna ka hriat leh rindik a kâ aṭanga hriat ka hlau zawk ka hrethiam lo.


Inchhunga luhsan ka tum zet a, ka'n ding leh renrawn, "engvangin nge a ngaihdan vawikhat tal ka zawhnawn leh loh ang ni. A chhanna ngai dawnna in kalna leh hawina lam tur min hriat tirin, thuthlukna min siam tir thei maithei a sin. Emaw, ka thinlung chhungril a thu awm sawiin, engtiang chiahin nge ka duh a, a tán ka inhuam ka sawi chhuak ngam maithei a sin. Ni e, a kaw tawpah ka ding a, engvanga risk la leh mai lo nge ka nih," tiin, rilru luhlulnaa khat chuan ka infuih a mah se an in lam panin ka ke ka ti che mai thei si lo.


Zâmna leh hlauhnain min tuam hneh lutuk a ni ang.


Mit chhingin ka hlauhna te chu ka haider lui leh a, zâmna avanga taksa sa veng veng chung chuan Lalrinfela te in lam chu ka pan zui dên dên bawk.


An insir, inchung zâwl chhohna stepah chuan ka chho zel a, ka hnaih poh leh ka hläuhna leh zâmna, tlân chhiatsan duhna a nasa ting mai bawk si.


Nghet takin ka inhum ruh a, ka thlanfim a rawn baw chhuak lo chauh bawk.


"Rinfel, he thu avanga inhauhpui che hi ka peih tawh lo. Kan inhnauh chhan amah vang a ni ziah bawk. Ka chau, naupang emaw tleirawl emaw inngaizawng kan ni lo va,eng nge dika dik lo tih thliar hrang thiam leh, âwm leh mawi thliar hrang thiam turin kan upa tawk tawh, engtiklai mahin duhthlanna siamtir che ka duh ngai lo mah se zanin hian i duhthlang rawh, kei nge i ṭhian ti a i sawi Malsawmkimi," U Cindy-i aw fiah leh dam dap, felfai tak mai ka hriat chuan ka ding khawng at a.


Mahse, zep miah lo chuan ka kaihza tha hi a khur ru nghal der der nia maw le. A chhanna ka lo hriat lawk vang pawh a ni ang.


Ka thaw ka hiplet a, ka tum miah loh vin ka biang a rawn lum thla pup bawk. Ka dinhmun ka hmu chiang a, Rinfela hringnun a ka dinna tlâng säng lo tak, a hnuailam thimin a tuam hmunah chuan nawrliam ka ni dâwn tih ka beng awmna ka chian tluk zet hian ka chiang bawk si.

"Cindy, thu ngai min sawinawn tir ṭhin suh. Ka hmeichhia i nih hmain ka tan ṭhian a ni tawh," Rinfela'n bûl zet maia a tih chuan za vak lo hian ka lo nui sak. Eng thu nge maw ka beisei ṭhin chu ni?


"Hmeichhia angin i en lo tih sawi tum miah suh."


"Ka ngaihdan leh hmuhdanah buai ni ila, ka sawifiah tawh ngei ang," Rinfela'n ning tih hriat zet hian a ti leh hluk.

"Ṭhian" tih leh dinhmun aṭang hian ka kaisang ngai dâwn lo a nih hi!


"Malsawm.... Malsawmkim..." Ka phu nasa lutuk, ka hawi chhuak dawrh a. Rukru man ang mai ka ni.


"Eng nge kha tah itih?" A aw chhuak pawh a nêm viau lo.


"Aw..ah..." Ka hawi kual vual vual chu min rum khum nghutin, "a tlai tawh nen, hmeichhia inih kha, zana chhuah hi ching suh," ti leh nghut nghutin, a inher a, a pensawn zui vut.


Step-a chho ve leh vatin, "ka mu thei lo va," tiin a ṭhutna lam chu ka pan phei a.


"I ṭha em?" A bula ṭhut thlak rualin ka ti sep, ka melh zawka hmalam hla tak chu ka en zui ve nghal vang vang bawk.


Za lo tih hriat taka nui ri sukin, "ṭha e..." A ti bul sup a, a meizial chu hip vang vanga thaw chhuak ham hamin, "kan thusawi te kha i hria em?" Min rawn en.


Ka lu lo bu zauhin, "a ṭhen a zar," hre vek ang a ka awm chuan a zah ka hläu a ni.


"Engmah kha ngai thutak suh ang che," awlsam zet hian a ti leh a.


Nui sen sena thaw chhuak ham hama ka hnunglama ka kut a innemkalhin, ka ke thên leuh leuh chunga van lam a dâk chuan, "Cindy-i hi i hmangaih em?" Alamah ka thle zauh, chunglam bawk ka en lehnghal a.

A nui ri huk a, ka awmdan ang chiah a rawn awm vein, "ka ngaihzawng ni rei ber chu a nia lawm," a ti ve mai bawk.


Ni e, a ngaihzawng tawhte dang aiin, Cindy-i hi chu a nunah pawh a danglam a ni tih ka hria.

Kan ngawih deuh vang vang hnuah, ṭhu ṭhain, "Rinfel..." A lam ka hawi a, ani erawh a kut khamin a mu zangthal zui dat thung.


"Sawi la..." Min en miah lo, van lam en chungin a rawn ti sup.


"Cindy-i sawi ang khan vawikhat tal hmeichhia angin min en tawh ngai em?" Ka zawhna vang nge a chhanna ka hriatsa ka hriat nawn leh dawn vang zawk ka hre lo, ka lung a rawn phu nghal dep dep.


Ni e, vawitam ka hre tawh chung pawhin, zawhnawn a, a rilru leh thinlung a thlak a, min hmuh thiam ve ka beiseina a la ngai reng tho si a tin ni.



A rawn nui huk a, min rawn enin, "mipa i ni em ni?" A nui zui huk huk.


"Ka sawi awmzia i hriat kha," ka chawl dat a, "ṭhian aia thük deuhin," ka ti nawn leh sep. Ka zâm lutuk nalamah ka thlanfim a rawn bawl chhuak leh lo chauh tawh.

A rawn ṭhu tunga, ka mitah chiang taka min enna chu, thaw dep dep hian ka lo en let ve kar bawk.

"Malsawm, i thianghlimna ka lak avangin ka lakah rilru dang i pu a ni lo maw? Zawhna ngai min zawh fo ni nangpawh chu," A nui a, ka zâm lutuk vanga hmu sual nge ka nih ka hre lo, a mitmeng erawh a nui ve miah lo vin, a nuihlah a zat hmel miah lo vin ka hria. Nge ni a, zawhna ngai a nin leh tawh vang zawk.


A thusawi avanga nuihluih ngial ka tum a, ka hlawhchham ṭhak a, khawvawh vang ni si lovin, ka kawchhung a khur ru der der a, ka kut phah erawh a thlan ru dep dep thung! Thudikin min hmet khur a ni mahnâ!



"Ṭhian aia thük chuan ka en che alawm," van lam hawi bawka mu thla lehin, "ka farnu aia pâwnin ka hmangaih bawk che," a nui vur vur.


Ka mit mittui a vanga rawn hnâm sawk chu a tlak hlau takin ka hawisawn vat a, ka khap vat vat bawk, "farnu aia pâwnin..." Ka hriat tawk lekin ka sawinawn sap a, ka kawr ipte chhunga pregnancy test kit awm chu nghet taka chelhin, ka thawk ka chelhbet tlat bawk.


Ṭawng mai ka tuma ka ṭawng chhuak mai thei lo, ka lei chu phuarbeh ang maiin a sak a, ka hrawk a na kham urh bawk.


Ka zawhna ngeiin minti nâa, chhanna ka hriatsa, ka dawn nawnna chuan min vit ngut ngut bawk.


"A nih chuan, ka ngaihzawng hmasaber neihna hi min lawmpui thei ang chu," a tawplam chu ka lei hmawrah a thâm ral. Engvanga chu thu chu sawita mai nge ka nih ka hre miah lo. Khang kum chhung zawng zawng pawh khan a rukin ka na ṭhin a, mipa dang ka hnuk lut ngai si lo va.


"Francis-a em ni?" Nichin maia a nuihza aw ri tel kha a bo a, a thutak viau bawk.

A awm lohna lam hawi chuan ka bu nghat, ka duh miah loh vin ka biang a rawn lum thlap pup bawk. Rang lutuka hru zui tawkin, "nichin khan ka chhang a," ka aw chu a lawi lek lek. Dawt chiang takin ka sawi a, ka pan chhan ni miah loah ka buai leh dâwn tih ka hre bawk.


"Ka lawmpui a che..." Bul tak hian a rawn ti chhuak sup a, min lawmpuina hlim ri erawh a ri tel chuang miah lo!


"Rinfel..." Hrawkna ṭûn leh mit khap ban chap chunga a lam hawiin, mitmeng thim ruih maia min en tu chu tihluihna piahlama nuilui chunga en kalhin, "Shilong-ah ka Nu zuithlak ka tum a," a mit a ti zim sulh.


"Chu thu chu min hrilh hauh lo," a aw a nêm viau lo.


Nui lui leh sakin a bulah ka mu thla a, vàn lam en vang vangin, "hrilh hun che ka nei lo alawm," ka ti leh sep.

Ka mit sir leh bek za mer merah chuan min en reng a ni tih ka hria, ka kawchhung pawh a khawng ngaiin a la khawng at reng bawk a. Ka nâ a ni tih a hriat lohnan, a ruka theih tawpa ka insehruhnaah ka bek a nâ-in, ka khabe ruh a kham viau bawk!


Hetiang tak hian a hmaa lemchan leh ṭha ang a awm hi hrehawm ka tiin, hahthlak ka la ti ngai miah lo.


"I kal lo thei em?" A aw nêm dup leh zawi sup chuan minti phu deuh zuk a, a lam ka hawi vat bawk.

Mahse, hawisawn leh vatin, "i hria alawm," chubak chhanna dang pek ngaihna ka hre lo.

"I kal a, mipa dang i nunah ila lut a nih chuan eng nge thleng dâwn i hria em?" Ka lungphu zawn sa veng veng chuan ka thawk lak a tibuai lek lek ṭhin.


Tin, a zawhna chhânna pawh, ka beng awmna ka chian tluk zetin ka chiang bawk! Nunhlui tlêm nei a, mihrang mai kan ni tawh dâwn si a.


"Tuna ka bula i mut ang hian engtikah mah i mu thei tawh dâwn lo tih leh, ka mita en chungin zawhna min zawt tawh ngai dâwn lo a ni tih i hria em?" A zawhna chuan ka thawk lâk mai ni lo, ka thisen kal lai thleng hian a ti ding ni maiin ka hria.


"Kan puitling tawh alawm, chute chu thleng tur rêng a ni," ka rilru a awm reng ṭhin, ka thinlungin a pawm ngam ngai loh kha zanin hian ka sawi chhuak a ni.

Thudik, kha si chu!!!


Ka suangtuahna aṭanga ka pên chhuah a, khawvêl tak, thudik hmanga nunrawng taka thinlung hmachhawn ṭhintu ka hmachhawn meuh chuan, ka suangtuahna-in hringnun thim takah min chelhbet a ni tih ka hre chhuak a; Mahse, chu suangtuahna vêk chu beiseina minpe tu a ni tih ka hre tel bawk si.


Khawvêl diktak ka hmachhawn rual erawhin ka thinlunga beiseina min ṭhiah chimih sak a, hmalampan turin a nawrin min nawrlui a ni tih ka hre chiang viau mai!


"I haw dâwn em ni?" Ka inbengkang chu a lo ti sup. Ka bu nghat ringawt. Ka mittui lah chu tlak a tum reng ringawt lehnghal.


"Malsawm, ka lo riak dâwn...." Rawn tho ve nulh chuan ka darah min rawn kuah zui a, "ka rawn riak dâwn a nia...." A ti leh chu a dulah lo nghawk zauhin, "hmunphiah nen ka um chhuak ang che," ka ti chu a nui zui hawk hawk. Kei erawh ka nui a za ve thei ta dêr lo.


An inkawta inṭhen chuan kan inchhung ka luh thleng chu min thlir zui a, inchhung ka luh rualin ka thaw chhuak kawk kawk bawk.


Ka mittui rawn tlak tumin a insawm khawm ṭiam ṭiam a, khap vat vat chungin, "Malsawmkim, ṭap reng reng suh. Mittui farkhat pawh tih tlak tum suh. I cho chhuah, chhânna i hriatsa, tawpna i hmuh lawksaah beiseina i insiam a, i luhlul a, i engkim i hlan tih inhre rawh, tuma nawrluihna tel lo leh thurawn tel lo va hma i lak a ni," tiin ka inseh ruh a, ka infuih mawlh mawlh bawk.


Mahse.....

Ni e, mahse, ka thluak leh thinlung hian "mahse" tih thumal neiin, thu a la sawitamin, beiseina a la nei tlat chuan minti na zual a, ka inhuat ang zat chiahin mawl ka inti a, ka inkhawngaih bawk, chu chuan ka dan zawh rual lohin ka biangah mittui a luan tir a, naute na nei, a natdan sawi thiam si lo, lungrun taka ṭap ang maiin, ka âwm dawmbet chuan ka ṭap khur ta zawih zawih a, ṭah bak tih theih ka nei tawh tlat si lo.


Beiseina pawh beidawnna kawp tawpah ka awm a ni tih ka chiang lutuk mah mah a tin ni.
.
.
.
Zankhua in chhinkhat pawh ka chhing lo ti ila a dik ang. Khawfingchah hun velah ka muhil ve sek thung.


"Sawmkim, i U Tetei thusawi chu i ngaihtuah em? Nge ni a tihtlak i duh?" Ka nu chu ka melh zauh.

Nilengin a chhuak a, a rawn haw zanriah kan ei ṭan chiah a, nge maw a rawb sawi chhuah kher ni?


"Malsawmkim...." Ka chhan mai loh avangin a rawn ti leh chu ka thinthawk thutin, "ka ti tla dawn lo va ka pe dawn hek lo, ka damkhaw chhuak dawn," ka ti zui hlak hlak chu, a fian dawhkanah a dah ri khap a. Min en zui run run bawk.


"Ka in aṭang i chhuak dâwn itihna em ni?" Fiah ban chap hian a rawn ti a, ka en zui vat. Min hnawh chhuah a tum tihna em ni?


"Nu..." U Tetei'n a lo ti chu ngaihsak lovin, "ka inchhung, ka chhungkua timualpho turin sàwnpai ka chên tir che inring suh," a ti leh fak fak a. Sawi tur ka hre lo, ka nui a, ka nui chhuak ta hak hak, a zat vang a ni miah lo. Ni lo tak a ni.


U Tetei'n mak tih hmel zet hian min lo en he haw a, boruak hipa thaw chhuak leh ham hamin ka fian ken dawhkana dahṭha chuan, "min hnawt chhuak dâwn itihna em ni?" Ka ti dam dap.


"Ka hnawt chhuak che ni lovin, i duhthlanna a ni zawk," kan in en ran. Tlawm nih kan tum lo ve ve ti ila ka sawi sual tawp nang.


"Nu, hunpe rih rawh. A rai thu a hre chauh nen, a rilru a buai a nih hi."


"Inngaihtuah ang che, rei erawh ka nghak thei lo. Kartharah shillong kan chhuk dawn tih i hriat kha," ka Nu chu a tho zui a, a che vel chu ka en ngawt ngawt. A kaw tawpa min nawrbeh hi tinge maw nuam a tih em em ṭhin le?


"Mate, ka Nu hi chhanglet zel ṭhin teh suh. Tuna i dinhmunah chuan ngawihchuh i mamawh. I tihtur pawh a ni," U Tetei enin za vak lo hian ka nui ringawt a. Ngawi ila, ṭawngkam chhepui pui a chhak chhuak leh dâwn tih ka hriat vang zawk a nia.



"Sawmte," kawngkhar lam aṭanga U Cindy-i aw ka hriat chuan ka hawi vat. A hmel ka hmu thut chuan min ṭhawng ru viau mai. U Tetei chu ka thawhsan nghal a.


"U Cindy lo ṭhu rawh..." Ka kutsil faiin ka pan zui vat.

Eng nge maw rawn tih a tum le tih ka ngaihtuah nghal zung zung. Kan inhriat theih chinah ka U borala vawikhat a rawn kal bak kha, kan in a rawn luh âwm ka hre miah bawk si lova. Nge ni a, nizan lama Rinfela nen an inhauh chungchangah min hmuh a duh zawk ni?


"In in hi ka lo enchiang ngai lo va, a lo nuam hle mai," a hmaa ka ṭhut thlak rualin nui sen sen hian a lo ti a, nuih letin, "lian hleinem," ka ti ve sep. Ka rilru in "eng thli chhiain nge maw rawn chhemlut ni" tih ka la ngaihtuah rauh rauh pah reng.


"Pawimawh a awm em?" Ka ti ta sep a.

Min enin, a la nui säng reng bawk. Ka sawi tawh, ka sawinawn leh ang a hmel hi chu a ṭha alawm, a nuisang reng thei te hi mipa tán chuan hnar theih miah loh tur a ni.


"Thil hrilh tur che ka nei a," ka en kar a. An inṭhen chu a ni êm lo'ng maw?


"Nau ka pai a," a rawn ti chhuak sep chu ka meng zau kawk a, ka thaw ka hiplet kawk bawk.


U Tetei thlengsil pawh a ri nghal rum rum thei. A ṭhawng ve hle a ni ngei ang.


"Eng maw?" Hre lo ka ni miah lo, hresual ila ka tih vanga zawt nawn ka ni zawk.


A nui a, "nau ka pai a," a tihnawn leh chuan ṭiau lung chang lutuka vawm chawrh ang mai hi ka ni.


"Ka...ka...ka lawmpui che," sawitur ka baihvai lutuk leh min ṭhawng lutuk chuan ka ti chhuak nawk nawk. Thawk pawh ka la thaw ṭha thei meuh lo.

"Ka lawm e."

"Rinfela'n a hria em?" U Tetei'n a rawn ti vat. Uluk lutukin Cindy-i chu ka lo en thung a.


"Hria e. Chuvanga alawm zanin zanriah kan rawn ei phei ni. Inneih hun tur kan sawi ho ang chu kan tia," zangvaha Cindy-in a chhan chuan lawmpuina avanga nuihlui ngial ka tuma ka hlawhchham chiang lutuk tlat. Tui chhûnga thawk tum ang vel a ni. A harsa mah mah.



U Tetei'n min rawn en a, a mita min khawngaihna lang chhuak chu chiang takin ka hmu thei.


"Sawmte..." Ât hmel deuh hian ka en hâ ringawt. Engmah ka la sawi ve thei meuh lo.


"Thil pakhat ka dil thei che ang em?" Ka bu nghat a.

A ngawi deuh vang vang a, "engtiangin nge i ngaih ang ka hre lo. Chutiang bawkin, keipawh in nunah a tir aṭangin ka te lova, engtiang a thük leh nghet inṭhian ṭhatna nge inneih ka hre hek lo; Mahse, hmeichhe pakhat, hmeichhe satliah ve mai, thikthu chhethei, na thei ka ni a, ka nâ in, ka thik reng bawk. Keimah leh keimah ka infuih a, ṭhian chauh innih thu vawitam ka inhrilh nawn ang bawkin, bul kan ṭan dawn pawha thik lo tur chea Rinfela laka i tiam ka ni. Mahse, ka thei lo....." Mittui tling piau hian min rawn en a. Fiah zet hian ka lo en kiau thung.


"A nun aṭang hian kalbo rawh...." A tawp lam chu ka hre ruai ruai chauh.


"Huh???" A bak sawi tur ka hre mai lo.


"Rinfela nun aṭang hian inthiar fihlim la ka ti. A ngaihtuah zia che leh, a tán ṭhianṭha tak inih zia ka hria chuvangin nupa kan nih hnu thleng a, nangmah avanga buaina neih chhunzawm ka duh lo. Hmeichhia ve tho ini a, ka thinlung awmdan i hriatthiam ka beisei. Nangpawhin mipa angin i hmangaih ve tho si a," a inhnit ri zu hraih a. Mit khap fak fak hian ka en ngawt ngawt ringawt mai.


Sawi tur pakhatmah hre lo va ka awm vawikhatna a nih hial ka ring. Tin, Rinfela mipa ang a ka hmangaih thu a hriat hi mak ka ti hran miah lo. Mi zawng zawngin an hria a, Lalrinfela chiahin a ni hmuthiam ngai lo chu ni.


Kan ngawih dun deuh vang vang hnuah, "Anu...." Naupang pakhat hi rawn tlân lutin Cindy-i malah a rawn lawnkai zui thak. Cindy-i fa a ni tih ka hre nghal, an in ang mah mah a ni.


"Haw tah ang....."

"Khawnge i Pa Fela?"



"Min thlah dawna car a la chhuak," an nufa inbia chu ka thlir mawl tawp, ka bing mup mupa engmah reng reng rilru fimin ka ngaihtuah thei lo.


"Sawmte...."

"U Cindy....." Min en ran a, ka ngawi leh deuh vang vang. U Tetei nen ka thusawi tur chu uluk tak hian min en dun ngar thung.


"I naupai leh inneihna turah ka lawmpui che," ka tawp dat a. Ka thaw zui hak bawk.

Nuisanga a mitah tak en chungin, "engtk niah emaw i fate nui ri i hriat a, hlim hmel i hmuh hunah min rawn hre chhuak ṭhin dâwn nia. A chhanchu, i hmelah leh i fate hmela chutiang awm theihchhan pakhat ka ni dâwn si a," ka mittui rawn hnai kuar chu ka khap let fak fak a, ka thusawi tawp lam pawh a zawiin, a thâwm sap sap bawk.


Thuthlukna diktak ka siam a ni tih ka inhria mah se ka âwm chhung hi a nâ a ni. A na lutuk mah mah.


Khur dar darin ka thaw chhuak ham ham a, "Sawmte, min hrethiam a, ka lawm e," a tihna nui hmel chu ka mittui a vangin ka hmu phe ruai ruai. Mahse, kum tamtak chhung ka nui hmelin ka thinlung ka lo hliah khuh tawh ṭhin a, Cindy-i te chhuak tur pawh ka mitah natna mittui tling piau mah se nui hmelpu chung leh kumkhua atan ka hmangaih hmasaber, ka fa lo piang ve mai tur Pa chu ka thlah liam ta tho va!!!!

<>~>~>~>~>

Note : Tunkar aṭangin Thawhleh zan leh Rinni zan ka chawlh a ngai aw hmelṭha ho.🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:36 pm

THURÛK_99

BY

Floria Laldansangi

Chapter < 6 >


<><><><><>


"Mate...."

"Ka ṭha, ka ṭha...." Mittui tla chung chuan ka nuilui a, Tv lama inherin chunglam melh ngar ngar chungin ka khep zek zek bawk.

Mahse, ka mittui bawm hawlhkeh ang maiin, ka mittui tla chu a tawp thei tlat lo.


Ka ṭah nuih a, "tinge maw ka ṭah ngawt le?" Ka ti chhuak ṭiak bawk.


Ka inher leh chuan ka Nu ka hnungah ding rum ul hian min lo en rûn chu niin. Ka mittui chu hruk hul fe ka tum chung pawhin a tawp thei meuh lo chu a ni. Ka Nu hmaa mittui tih tlak hi ka tum ngai miah lo a sin maw le.


"Zahpuiawm lutuk, i room-ah lut rawh," kha fak hian a rawn ti hlak a, mittui nen chuan ka room lam ka pan zui ve ta nal nal. Hnialbuai thei ka ni tlat lo, ka mittui hi ka duh emaw duh lo emaw ka dang hneh miau si lo va.


Ka room ka luh rualin kawngkhar kalh zui rawk rawkin ka kâ chu ka hupbet zui ngar ngar bawk a. Ri chhuaka ka ṭah lohnan leh, ka mittui tlâ dan ka tumnaah ka thaw a chham lo chauhin, ka hnungzangah boruakin min hnawhbet tlat bawk.


"Rinfela em ni a naupaina?" Ka Nu aw ka hriat chuan inhnit hlawp hlawp chungin kawngkhar lamah ka beng ka chhi zui ran a.


"Ka hre miah lo, a ni lo ang, nise a hrilh em em ang," U Tetei'n a tih chu ka hre zui vat bawk.


Ka dul la thep tak mai chu ka tawk dâ dâ a, "min ring rawh, khawvêl thar ka dinpui ang che. Kan nufa lalram din turin tu puihna kan mamawh lo," mittui nen chuan ka ti chhuak sep sep. Ka din ngei bawk ang.


"Mate..." U Tetei aw a ni.


"Ka chhuak lawk dâwn a nia. Ka Nu pawh a chhuak deuh chiah aw," kawngkhar rawn kik kharh paha a tih leh pawhin ka chhang buai ta lo. Zanriah ei hma khan kalna tur an neih ansawi kha ka theihnghilh leh tawh.

"I ṭha tak tak maw?"

"Ka ṭha U Tete...." Ka aw erawh ṭap zo hlim tih a hrist lutuk mah mah.


A kal chhuak ta a ni ngei ang, a thawm a reh zui vang vang danah. Keipawh ka ṭhutna aṭang chuan ka inbeng kang a, muangchangin khum lam ka pan zui chhat chhat.

Ka ngaihtuahna a insual nuaih nuaih a, engtin nge hmalam ka pan ang a, eng kawng nge ka zawh ang? Kawng hnih thlan tur ka nei tih chiang takin ka hria. U Tetei enkawl tir nge ni a, he inchhung hi ka chhuahsan dâwn tih.


Mahse, chhuak ila khawiah nge ka kal ang a, engtin nge bul ka ṭan ang? Ka ngaihtuahna insual buai nuaih nuaih chuan ka khaw hmuh thlengin a ti vâi ruai ruai theiin ka inhre hial mai.



Doorbell a rawn rik ral ral takah chuan ka thaw chhuak ham ham a, ka Nu emaw U Tetei emaw anni lo tih ka hriat avangin ka sam ṭawn ṭha nawk nawk chuan, ka ṭahna avanga mit phak tak chu khap zak zakin ka chhuak zui vat a.


Kawngkhar ka hawn rual erawh ka meng deuh kawk. Rinfela leh Francis-a lo ding dun ka hmuh chuan min ṭhawng zawk alawm le.


"Eng nge inrawn tih dawn?"


"Ni e, eng nge i rawn tih dawn?" Lalrinfela zawk zamah chu, Francis-a a la en zui rûn zui a. Amah pawh hi eng nge rawn tih a tum, a nupui neih hun tur min hrilh a tum a nih chuan ka la inpeih miah lo.


A chang hi chuan a tilui zawk hial emaw ka ti ṭhin. Heti taka ka duhna ka tilang chung pawha a hrethiam thei lo hi.


"Nangpawh eng nge rawn tih i tum?"


"Lalrin...." Min namsawnin a rawn pênlut a, "in ina rawn lut turin engtiklai aṭang khannge chhan ka mamawh ni?" Ka zawhna avangin a lawm hmel viau loh, min en chhuk rûn rûn bawk.


Min enna haider luiin, "Francis lo ṭhu rawh," tih leh pensawn ka tum a, ka dara lo chelhbet chuan, "i ṭap em ni?" A ti leh sup.

"Ṭap lo, min thlah teh...." Talsawn ka tum chu a hmerna zual sauh. Ka mittui a tlak a piangin ti tlatu an awm em tih min zawt ṭhin, school kan kal lai nise tu emaw in tihpalh thilthua min nektluk pawhin, min nektlutu pan hnaia hnekthal tawp duh, chutiang khawpa ka thlavang hauhtu mah se a hriat loh va vawitam ka mittui ti tla tu chu ka melh chho va, "nangmah," tih mai te ka nap rum rum. Mahse, he mi mawl hian a hrethiam leh dâwn chuang si lo va.

"Kalsawn teh.." Tih leh namsawnin Francis-a ṭhutna lam ka pan zui vat a, min en zui a ni tih ka taksa za mer merah chuan ka hre thei.


"Shillong-ah zui ve i tum tih ka lo hria a."


"Ka tum dan chu a nia lawm," Lalrinfela'n na zeta kawngkhar a khar rik rualin ka phu zuk a, ka mit ka chhing sawk bawk. Kawngkhar a tla hawk lo chu a vanneihthlak zawk alawm le.


"A nih chuan i kal hmain chhanna ka hmu thei ang em?" A nui sun sun a.


Kei erawhin sawi mai tur ke hre rih lo, "Francis..."


"Min hnarnawn leh dâwn a ni maw?" A nui suk. Inthiam chiah lo hian ka nui ta seih ringawt a.


Beiseina beidawn thlak pek ka duh miah lo, ka tawn hnu, ka tawn mêk a nih avangin ka hrethiam takzet.



Sawizui ta bîk lem lo chuan kan titi zui ta malh malh a. Ani pawh ṭul avangin karleh lamah Delhi lamah a chhuk tur thu te chu a sawi ve luam bawk.


"Shillong-ah ka rawn hmu thei ang che tiraw?" A Bike awmna lam chu kan pan phei a.


"I peih a thu a ni mai ang chu," a lo nui ri huk, "Mizoram pawnah chuan ka pawimawh ve deuh ang chu," a nui huk huk. Ka nuih erawh a za ve dêr lo, Rinfela ka kalsan tak tak dawn a ni tih ka hriat nawnfo na chuan minti na leh veng veng ṭhin.

"Sawmte...." Ka kut a rawn chelh a, ka lo en chho vat. Laksawn tumna pawh ka nei lêm chuang law. Nge ni a Lalrinfela'n min thlir reng a ni tih ka hriat vang zawk?



"Ka...."


"Min fawp rawh..."


"Maw???" Ni e, engvanga min fawp tura tinge ka nih ka hre lo. Mahse, min fawp se ka duh a ni.


"Min fawp rawh...." Lai deuh hian a nui a, "i chiang maw?" Hlimna aw ri ka hre thei.


"I duh..."


"Teuh lo..." Lo ti vatin ka biang tawn tawna chelh a rual a, "ka ti tak tak dâwn a nia," a la nui reng. Ka chhang tawh lo, ke kawr ṭham khawmin nghet takin ka inhumruh a, mit ka chhing riai riai bawk.


Francis-a thaw lak ri ai pahin, ka hnunglam aṭanga min entu mi nghawng chu a ringin a na zawk tlat lehnghal.

Ka hnar za mer mer leh a thaw ri hnai zel te, a thaw lum ham ham hnai ta tial tial te chu chiang takin ka hre thei a, ka hriat chian tluk zetin Francis-a ka hman ṭangkai avanga inthiam lohnain mintuam zui nghal ṭiam ṭiam bawk.


Ka hmui a za mer mer a, a hmuiin ka hmui a si de de tihah ka leng lawp, min pawt leng lawptu an awm tih hriat takin kan inṭhen phawk a ni ber.


Francis-a chu a ri nghal dawt dawt a, "LALRINFEL....LALRINFEL thlah rawh..." Vawi engzah chiah nge a hnek hman ka hre lo; Mahse, a ri zing hman malh malh khawp mai, "THLAH RAWH...." Ka ti leh ṭhawt. Ka lung phu zawih zawih chu a rawn chhuak dâwn hialin ka hre zawk.


"I â em ni?" Ti vak chuan, Francis-a lei a let rum bulah chuan ka ṭhu thla rawk rawk.

"I ṭha em? I kamsir hi..." Francis-a mitko kak ta duai te chu kut khur dar darin ka khawih zui a. A hliam avangin ka khur miah lo, Lalrinfela rawn chetdan tehthut khan min ṭhawng lutuka ka tirilah min man niin ka hria.

"Tho rawh.." Lalrinfela ṭawng chhuah hmasakber a ni. A rawn khawih chhan leh thinrim chhan erawh thumal khat pawh a chhak chhuak lo a nih chu!

A thaw ri hrawih hrawih ringawt a, "tho rawh ka tih chu...." Francis-a ka buaipui zawm zel chu ngaithei lo tih hriat lutuk hian min phih tho nawkin a ti chhuak leh hrawk, a ringin, a vín takzet bawk.


Lalrinfela ka hriat theih chinah aw ki vin leh thinrim taka min biak vawikhatna a ni.


"Min thlah rawh..." Ka aw chu a ring miah lo, Francis-a a rawn ding chhuak ve ṭiah ṭiah bawk a.


Ka dar tawn tawna rawn chelhin, "engtin nge mipa dang i infawh tir theih? I hmui hi Vântlâng hmui a ni lo," min thing nawk nawk a. Min vawnna chu ka theih tawpa phelh sakin, "chutiang a awlsam ka ni chuan i hria em ni?" Ka ti chhuak vak.


"Ni e, ka tán chutianga awlsam chu ini," a thusawi leh ṭawngkam chang hriam zet chuan min vit nghal sawk sawk a, ka thawk ka chelhbet vat bawk.


Lalrinfela thinrim insum, khabe ruh pawng ṭalh leh mit zîm sulh mai, chala thisen zâm lang ta ṭhuah chu en chho vahin, ka thaw chhuak ham ham a, "ni e, chutiang chuan a ni i tan ka awlsam ni; chuvangin, zanin aṭang ka nun ata hi inthiar fihlim ang che...." Ka sawi zawnga ka lungphu zawn sa vîn tûk mai, kawchhung khawng urh a, khur dar dar si chuan min ti khur chhuak lo chauh.


"Engthu nge insawi i hria em?" A ṭawng a sehchilh deuh rap rap. Vïn erawh a vín tawh hran law. Ngaithlak nuam erawh a ni chuang miah lo bawk.

Ka mittui tlak lo tum ve chhen chu haw zetin mit ka chhing leh vang vang a.


"Mipa pakhat, fawptu che...."


"Mipa vangah i ngai em ni? Rinfel, i â nge ni a i mawl? Nge ni a i ti lui zawk?" Ka ṭawngkam mawi lo tak chuan a ti thinrim zual hle tih a tawk lakdanah a hriat ngawih ngawih. A thaw lak ri leh thaw chhuak ri pawh ring tawh tak a ni. Mahse, ka inhum ruh ve tlat.


"Ka ngaihtuah ṭhin, midang zawng aiin min endan a dang a, min ngaihsak bik a, min dimdawih bik niin ka hre ṭhin. Mahse, ka ring sual a ni tih zanin hian ka hre chhuak. I thinlungah eng hmun pawimawh mah ka chang ngai lo a ni tih ka hre chhuak...." Ka mittui rawn tla tur chu chunglam melhin ka khap vat vat a.

Ka thinlung tawt lutuk leh ka dinhmun chep lutuk chu za lo lutuk hian ka nuih chhuahpui hak. Zat erawh za lo tak a ni.


"Chutiang chuan em ni i thinlungah thu ka sawi ni?" A aw a ring ta bik miah lo, a nêm viau chuang lo.


"Aih, chutiang mizia chu a ni min hmuh tir ni."


"Chutiang mihring ang a min hmu a nih chuan engmah sawitur ka nei tawh lo a nih chu," min en run run hian a inher vut a.


"Rinfel..." A ding dat, hawi erawh a rawn hawilet hran lo, a hnunglam en ngar chung chuan, "kan pahnih inkarah hian eng nge awm? Engtiangin nge min en?" Ka hriat fo hnu bawk a ni.

A lu a kûn a, a ipte zen zui chuan, "ṭhian," a thle bak a, "ṭhian satliah...." A tih nawn leh chuan ka thaw chhuak kawk.


Ka mittui a rawn luang zui ta pup mai, mittui nena nui luiin, "ṭhian' ṭhian ang chauhin min en takzet amaw? Ṭhian, i mutpui theih, ṭhian i duh huna i fawh theih' chutiang chu em ni?" Ka mittui a tla ta zawih zawih, ka tawt a, ka thaw a chham lek lek bawk.


"Engvanga i laka inphal ral nge ka nih a, engvanga hnar thei lo che nge ka nih tih vawikhat tal i ngaihtuah tawh ngai em?" Ka thlek vang vang a, a rawn inher a, a mitmeng buai zawk chu ka hmu sual a ni ka ring.



"Ngai lo a ni tiraw? Ka..." Ka chawlh dat a, thaw chhuak ham hamin, "tunah ni lo, hman aṭangin ka duh tawh che a ni tih hi vawikhat pawh rinhlelh chhinna i nei ngai lo. A ni lo'm ni?" Ka thaw chhuak hawk, ka âwma delhtu lian tak kha lak chhuah ang mai a ni; Mahse, ka bianga mittui rawn luang chhuak erawh ka dang hneh ta lo thung.


"Malswm..."


"Tikhan min en suh," ka mittui ka hru zui tawk a, " kum 7 liamta aṭanga khan ka duh tawh che a, vawitam hrilh che ka duh a, ka sawi chhuah theih ngai loh avangin ka inchhir a, inhaw ṭhin. Mahse, zanin hian ka sawi chhuah loh avang leh a tawp thlenga ṭhian ang chiaha min en thu i sawi avangin ka lawm a ni. A chhan chu ka thinlung hi i phu lo. I phu lo takzet...." Ka thaw chhuak dar dar a.

Ani erawhin sawi mai tur hre lo tih hriat tak hian min en ngur ngur thung!

Mittui nen Francis-a la ding ve reng lam hawiin, "i hliam kha tifai ang..." Inher ka tum ka bânah Lalrinfela'n a rawn chelh leh vat.

"Engvanga tuna sawi chhuak nge inih?" A aw chu rinhlelhna in a khat.


Ka ṭah chhuah lohnan ka inpet ruh a, ka kawchhung erawh a rûm a ni.


"A danglam phah dâwn em ni? A tawp thlengin i ṭhian, sex i hmanpui theih, ṭhianṭhaber, a thianghlimna i laksak theih ka nihna kha a danglam chuang lo," ka aw chu a chhuak sep sep chauh. Ka mittui a rawn hnai leh kuar kuar chu ka haw takzet!


A hmai eng ka en ngam tawh lo, kum 7 chhung tehmeuh ka lo khungbeh kha ka sawi chhuak a, ka inbun chhuak a, a mita en turin huaisenna ka la nei rih lo pawh a ni ang.


Min vawnna chu ka phelh sak a, "ka sawi chhuak a nih chuan kan inṭhianṭhatna bakah min endan a dan ka hlau a, min hlat ka hläu a; Mahse, a tawpna chu a ngai tho a nih hi. Rinfel, thawnthu tawpna hlimawm lo ka huat zia leh ka ngainat loh zia i hriat kha, ka tán leh U Cindy-i tan harsatna minsiam sak suh," a tawplam chu keimah pawhin ka hre ṭawk ṭawk chauh tawh.



Inchhung ka luh thleng chuan min enzui reng a ni tih ka hre thei.


"I ṭha maw?" A hmaah first-aid box chu ka dah a, "ṭha e..." Ka mitah erawh mittui a la awm reng thung. A luan chhuah lohnan ka theih tawpin ka inti chak lui mai pawh a.


"Ka tihpalh..." A lo nui ri suk. Damdawi ka hnawih chu a lo awm sawn zawk bawk a. A na viau ang.


"Dim deuh la..." A nui huk , "tihsual i nei hleinem," a tih zawm zat.


A mitko ah bandages bel sakin, "ka hman che kha," ka en zauh.


"Min hmang pawh ka inti phal hleinem," a nui vur vur a, "hmeichhe chak tak ini Sawmte," a tih zawm sup.

Box chu chhinin, ka lu ka thing a, "ka chak reng lo, hneh ka tum mai chauh a ni," ka melh chho, a lo nui suk thung.


Chak lo nih ka duh lo, a chhanchu hmeichhe chak tak ka ni tih ka inhria, mahse tun ṭum erawh ka chak lo va, ka tlawm a mah se hneh ka tum takzet thung!


"Rinfela pawnah a dinreng ni?" U Tetei'n a rawn ti lut lang lang.


"Francis.... Kha tinge i hmai nengnung chu?" Kan ṭhutna lam a rawn pan zui a.


"Hmangaihna ka dawngfull a nih hi," nui huk huka tih leh tho zuiin, "ka haw phawt ang e," a ti zui zat.

"Lêng ve rih la maw le."

"Ka ṭhu rei tawh êm mai. Thlah ka ngai lo," din ve ka tum chu lo ti vatin pensawn a rual a, ka ṭhutna ngaiah ka ṭhu ṭha ve leh mai bawk.


"Rinfela saw....." Tukverh aṭangin U Tetei chuan a bih leh ṭhin, kei erawhin ka hmaa tv ka en ngar thung; Mahse, eng nge a nih pawh ka hre chuang lo. Ka thluak a chawl a, ngaihtuahna ka hmang thei lo a ni ber.



"Mate....Ka mu dawn a sin," ka bu nghat a, a kalsawn hmaa pawnlam bih lehin, "a la awm a nia," a rawn ti leh hrâm.


U Tetei mut hnuah pawh ngawi rengin tv lam hawi chuan ka ṭhu ran a, khawpui rawn ri leh dur dur ṭhin leh tv a an ṭawng ri bak hriat tur a awm lo.


"Mate, bia la, haw tir rawh. Zankhuain a ding duh mai ang," engtia rei nge ngawi renga ṭhu a, ka en ngai en a ka ṭhut ka hre lo, U Tetei aw ka hriatin ka harh deuh zuk.

"A peih chen chen awm rawh se," ka tih rualin ruah a rawn tla ri nghal a, pawn pam chu ka hawi zui deuh vang vang.


"Haw tir mai mai rawh. Mut pawh i mut theih bik loh kha," a tih nawn leh takah chuan kawngkhar lam ka pan leh hna hna a.


Pawn chhuak duh lo vin kawngka aṭang, "Haw rawh Rinfel, i dam loh chuan i Nu in a hau leh ang che."


"Malsawm, mipa dang i chelh lo thei em?" Ka thusawi pawh chu a hria em ka hre lo.


Ngawi deuh vang vanga chhuak leh ta nge nge chuan, "i thusawi zawm chhan tur ka nei em ni?" Ka ti ve ngat. Ka nei tawh tlat lo. Ani pawh nupui fanau nei mai tur a ni tawh tlat a.


Mit sen rûm a min en chhuk rûnna chu en let kalhin, "ka thusawi avang khan i rilru tibuai suh, nangmah ang khan awm leh rawh. Ka duh che avang leh i laka ka thianghlimna ka hlan avangin min duhlet turin ka nawrlui lo che a, ka phut hek lo. I thinlung pawh ringhlel suh," ka ti leh sap sap a.

Min en reng chung chuan, "tunah ka thinlung ka hriatthiam kher a ṭul em ni? Hun minpe thei lo em ni?" A aw ah chuan ngenna ka hre thei. Mak ka ti dâwn zawk hial alawm. Mahse, hun a mamawh tawh tlat lo.


"Ṭul lo ve, hria pawh ni la awmzia a awm tawh lo. I nunbul i ṭan dawn a, keipawhin ka ṭan dâwn bawk," ka ngawi dat a, "huatna erawhin kan tawp lo erawh a lawmawmah ngai ang, haw tawh rawh, keipawh mut ka duh," ka ti leh sep sep.


Ka kawchhung hi a na veng veng mai. Heihi ka kum 7 chhung hmangaihna lo khungbeh. Ka Dî-rûk niṭhin kha zanin hian khawvel tak tak ka hmachhawnpui a, ka thlah liam kumkhua dâwn chu a ni si a.


Ni e, hmangaih hmasaber tuin nge nei ngai ni? A nei an awm a nih chuan khawvel a mi vannei ber an ni ang.

Hmangaih hmasaber chu kan ta ni ngai lo tur, hlimna tamtak minpe tu, natna kara suangtuahna hlimawm minpe a, kumkhuaa hriatreng tura dûan kha an ni miau a!


"Hmangaihna leh natna chu inzawm tlat, ṭhenhran rual loh anni," tiin ka Pa khan a sawi ka hre tawh ṭhin, a sawidik tih zanin hian keimah ngeiin ka fiah bawk.


"Mi tamtak chuan mipa fing takah min ngai a, hmeichhe tamtak ka tán an inphal bawk mah se Malsawm, hmangaihna tak tak ka hmachhawn ngai lo tih i hria, ka hrethiam hek lo. I sawi ang chiahin hmangaihna a lo lan chiah hian ka mawl a ni," a rawn ti sup sup.


Kan ngawi dun deuh vang vang a, "duhthlan theihna hun minpe dâwn lo em ni?" A aw chu a dam dup a, Rinfela min duat ṭhin em emtu aw ri leh ngenna bak hriat tur a awm lo.


Mahse, engtin nge duh a thlan tawh ang ni, a bialnu Cindy-i a rai a, keiin a fa ka pai ve bawk, ka hma ka sial luatah mi bialpa chu ka chhuhsak ang maw? Chutiang tur chuan ka nunrawng thei dawn em ni? Ka hlim dawn chuang em ni?


"Haw phawt rawh, ruah a sur tam dâwn," a zawhna chhang lovin ka inhersan a, min en zui vung vung bawk.


In chhung ka luh hnu rei loah a pensawn ve ta a ni ang, ka hawilet leh chuan a lo awm tawh bik law.


"A haw ta em ni?" Mittui tla ṭeu chuan U Tetei lam chu ka hawi a, ka bu nghat bawk.


Ka Nu rawn lut ve chiahin, "inla men vek ni?" A rawn ti ve zat bawk a.


"Ka mu dawn chiah," U Tetei'n a lo ti vat, ka Nu chuan min deuh vung vung a, "engtia rei nge in ngaihtuah i tum? I dul puar thleng em ni?" A tih chuan mit ka lo chhing sawk.


Ka hawina lam a piang mai chu hlîng ni maiin ka hria, a tu mai pawh chuan thawk lak ngaihna awm lo hian min nawrbet hlawm a.


Ka thawpik lutuk leh ka dinna chep lutuk chu tlânbo san ka chak takzet.


Ka Nu lam hawiin a mitah ka en kalh, "lungngaih suh, naktuk zingah a chhanna i hmu em em ang. I mit ngeiin i hmu ang," ka ti chhuak sep sep. Chhanna a duh a, ka pe ngei bawk ang!

Mahse, a chhanna beisei ang leh duhdan erawh ka pek theih loh ka hläu a ni.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)