VE RUP MAI NA! BY Pie Sangtei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: VE RUP MAI NA! BY Pie Sangtei (Completed)

Unread post by Ngaia » October 2nd, 2022, 10:52 pm

VE RUP MAI NA! CHAPTER-25



By Pie sangtei










"Enge itih?" rum zet a ti tu lam chu ka en vat a, Officer-an rum lutuk in minlo en chhuk run ka hmuh chuan mak ka ti deuh , hetah hian engtin nge min rawn hmuh theih





"Ka thu (thru)" ti a ka lo chhang chu a lawm loh hmel kher mai , ka thil tih min zawt a, ka hrilh animai a, engvang a thinrim hmel min hmuh rigawt nge anih?




"Hrep tak chuan" a rum leh nghut a, ka kut chu a thlah mai dawn emaw tih lai in min pawt tho lawp a, bolero awmna lam pan chuan min kai phei nghal dawr dawr a





"Engthil nge itih" ka tih pawh chuan min chhang lo, passanger seat lam chu a hawng thuai a, min nawr luh atum chu ka lo tang nasa kher mai




"Engthil nge tih itum?" Bolero kawngkhar a in vuan bet reng chung chuan ka ti a, chutah min nawr tawhlo in a ding ngil thut a "ka thlah dawn che" atih chuan rum lutuk in ka lo melh




"I a mi, bike ka keng ve reng alawm thlah ka ngai lo" ka tih chuan a lu chu tuai vut in "iti taktak ami?" ati a, ka bike chahbi chu la chhuak in a hmai zawn ah tak chuan ka va khai va va a, "hei .. Thlah ka ngailo" ka ti zo chiah chu rawn pawtthla in kan piah a ding hnen ah chuan a vawm phei a, "rawn khalh haw rawh saw ta saw a helmet a awm" tiin ka thutna lam kha a melh zeuh a, tlan chhuah thut ka tum chu a kut in ka pum zawn ah tak rawn kuah in min rawn dang hman hram "mawla helmet te saw i thianpa lulian deuh sawn a khum theih i ring reng reng ami min thlah teh ka haw ve thei reng" min vawn na atang a tal chhuah tum chung chuan ka ti tang tang a




Min pawm nawlh in passenger seat ah chuan min thut tir a, chutah rawn lawn ve in a hmai leh ka hmai te chu a in si thuak thuak a, Zawri thu sawi "inin kiss em?" atih kha hre chhuak thutin a hmai ah chuan ka lo nam chiam a, "duhtawk teh" ti nghut in driver seat lam ah chuan a phei a, ka kut ah ala vawn reng avang in ka chhuak thei tawh biklo





Rawn awn phei leh in hnaih set sawt ah kan in en ran a, "min kiss dawn anih hi, ka first kiss tur" ka lo tih ruk mawlh mawlh lai in thil ri chawrh ri ka hria, ka meng nghal vat a, bolero kawngka chu alo khar chu ni in





Kawngka khar tur si khati taka hnaih chilh a min en reng kha angai pawn ka hrelo ... Ka lo la maimitchhing leh ta nghal a, ka va han zak tak




"Zan in ah chuan nilo" tiin ka chal ah a rawn fawp zeuh a, zan in ah anih loh chuan engtik hun ah nge ni ang ? In kiss ka thiam reng reng lo




Bakah hepa hi ka in fawh tir awmlo emai ka bialpa pawh anilo



Bolero a tih nun rual chuan kan tlanchhuak nghal a, mi rilru hah in ngaihtuah harh tur a chhuak heti teh hrep a in hruai haw hi ka lawm hlol lo , ka bialpa pawh anilo a, ka pa pawh anilo , ka bialpa leh ka pa chu sawi loh ka thianpa pawh ani lo.




Passanger seat ah chuan ka thu tum bur a, pakhat lah tawng atum chuang biklo



Engtia khalai hmun a rawn lang ve teh hlawl nge anih ka hrelo a, hriat pawh ka chak nek lo e




"Dar engzat nge" a ti a , a ban a sana lawk zet leh man to hmel zet saw en ve mai awm!




"Dar sawm pakhat leh a chanve " ka phone a sana en chung chuan ka ti a, "dar sawm pakhat leh a chanve " ati sup, ka sawi ang kher a arawn sawi leh te chuan ka thin a ti rim hlur tawh




"Dar zat i hriat chuan a tlai tawh zia i hrelo ami?" a rawn ti leh nghut a, amah ka va en chuan rum lutuk in minlo melh kur




"Ka hria emaw hrelo emaw i tan tangkai na a awmlo" ka tih zawh rual deuh thaw in stearing chu a chum pawp a, ka lo phuzawk ....chutah rum lutuk a rawn hawi phei in "i chungah thil thalo pawh a thleng thei vawikhat mah nangmah in chhuak tawh suh" rum lutuk chuan ati leh nghut a, ka lo ngei ve deuh bawk nen



"Ka bialpa pawh ini lo" ka lo ti sep, motor chu ti ding thut in ka lo in ring lo bawk nen ka bu lawp a, ka hlauthawng kher mai kan accident emaw ka ti hman lawm



Nangmah chiah hi meng rum thei ini biklo ti niawm fahran a rum hian ka va melh a, muang chang a rawn hawi phei in "sawi nawn leh teh"ka mit ah tak en chung chuan arawn ti chuai raih , rum lutuk in ka lo la melh ngar ngar





Ka va han sawi nawn awmlo tak e aw " haw vat ang a tlai tawh 12 ari tep" ka tih chuan stearing a vawn na chu ka va melh zeuh a, a kut chu a humruh na ngiang mai, a vein te chu a lang vek a, vawi khat min hnek se nikhaw hrelo in karkhat vel ka awm thei ang





"Sawi rawh" ati chang leh fak a, hma lam chu en in ka la ngawi reng mimah rilru hah nak alai a, heti tehrep a in tih , minlo hmu anih pawn min tlan pel mai se buaina awmlo ni mai tur





"Sawi rawh" vin zet a arawn tih leh chuan ka thin in a tuar leh tawh biklo "aw ka bialpa pawh ini lo" amah aia vin leh ring leng lawng chuan ka lo ti ve a, ka awrawl tawp in ka au ani ber




"Kan hria ang chu" ti sup in a kut pakhat chuan ka tukhum ah a rawn vuan a, min kuai hnai in ka hmui ah tak min rawn fawp chawt mai, ka hamhaih lutuk leh ka rinloh dan lutuk a a chet avang chuan ka awm ngaiin ka awm tawp a, chhan let pawh tum ila ka thiamlo hrim hrim




Tumah ka la kiss ngai bawk silo , ka thiante hnen ah lah "minlo zirtir teh u" han tih chi niin ka hre bawk silo...



Ka bialpa pawh nilo in min kiss ringawt hi ka lawm lo , enge maw tal ka tih angai




A awm ah chuan namsawm ka tum a, ka kut chu alo la thla nghal thuai a, min fawp duhthaw telh telh a, min ei zo mai dawn emaw ka ti, min eizawh mai ka hlauh avang chuan duhtawk tir tum in ka tha neih zawng zawng sawm khawm in ka nam leh tang tang a, ka kut pa hnih chu a kut leh lam chuan a man bet ta daih a, a kut leh lam in ka tukhum a vuan bawk




Ka tan tan ngaihna a awm tawhlo, duhlo hle mah ila min fawh zawh hun ka nghah tawp angai tih ka hriat chuan ka lung a chhe ta tlat pek a,





Romeo ka tan a Romeo tur ka nghak ve fan fan a, ka first kiss ah heti tehrep a in kiss te chu tu fa nge lawm lul ang ni.A che Romeo thlawt lo




A duhtawk min fawp tawh aniang a thlah ve ta hram a, ka tawng chuan ka tah mai ka hlauh avangin hma lam chu en in ka ngawi reng a,




Ka tana Romeo alo lan hun ah chuan engkim hi a romantic vek anga, engkim hi a parvul in hlimna sawi sen loh ten min tuam vel anga tiin duhthu ka lo sam thin a, ka duhthusam leh tun a ka thil tawn erawh lei leh van ang hlauh ani thung si.






"Ka tum lawk biklo ania" atih chuan ka lu ka lo bu ringawt , chhan pawh ka chhang chak lo, eng pawh thleng dawn se hepa hi ka bialpa ani ngailo ang tih bak ka rilru ah a awm leh thei tawhlo





A in thiamlo ve deuh aniang engmah sawi tawh lo chuan motor chu ati nung a kan tlan chhuak leh nghal a, a in thiamlo ve deuh te pawh ani mah na a tawng chhunzawm tawh biklo




Kan inkawt kan thleng a, mortor atang a ka chhuk tur chu "ka tihpalh , a thleng nawn tawh lo ang" arawn ti leh sup a,chhang lo chhuan ka chhuk a, chhan kher angaihna pawh ka hrelo



Gate bul ah a thianpa kha lo ding in helmet leh chahbi min pe pah chuan "garage ah ka dah tawh aw" tiin Bollero lam pan chuan a kal ve nghal a,




Gate chu hawng in vawikhat pawh hawi let tawhlo in inchhung ah ka lut nghal





Thutkhawmna pin dan a ka pa lo thu kur ka hmuh chuan ka phu deuh zawk a, a night dawn emaw ka tia engtik lai in nge alo haw ang le?




Pan phei in a bul ah chuan ka va thu a "pa i night dawn maw ka tia" ka tih chuan a ban a sana chu bih zeuh in "nia ka night leh lo anih hi" tih ringawt in min chhang a




Ani pawh hi enge maw a hriat le?



"Thil thleng a awm ami?" ka tih chuan "awm e" tih zawngin min chhang leh a, ka haw tlai vang hian a alawm lo anih ka ring




"Ka thianpa daniel-a kha hospital ah a awm a" ka tih chuan min rawn melh zeuh a, a phone a thlalak ho chu enkual in a screen te chu a thai kual a thai kual a




"A zep char char a, vawin ah kan hre ve chiah a, kan va tlawh nghal a" ka ti leh a, min chhan beisei deuh chuan amah chu ka melh deuh zeuh zeuh bawk






"A thawveng sia a natna hming pawh a sawi duhlo a, kan lo inkawm ve nasa tawh sia, ka bul hnaih ami te hian ka nu ang khan min kalsan leh ka hlau a, ka thaw a pik deuh a, ka vak harh a" hnuk ulh deuh tung(trung) chuan ka ti a, ka chhuah chhan tak nilo mahse ka ngaihdan tho anih avang chuan keimah zawk chu ka lungchhe tak zet ani.





"Bawihte" tiin min rawn kuah a, ka tap lo mahse ka mittui erawh a tla ani "englai pawn i kiangah ka awm reng dawn alawm min nei alawm chuan i thiante pawn tuman an kalsan dawnlo che , a thawveng si itih kha a dam leh vat mai ang" tiin ka hnung ah a beng thek thek a, tah chuak insum ru teuh chung chuan ka lu chu ka lo bu ve nghawng nghawng a





Ka pa lakah ka inthiam biklo ka nu chungchang sawi chhuah kha ka tum ani biklo ka sawi chhuak thut keipawh ka in ring hman biklo , zanin hian a rilru ka ti na thar leh anga , nu ka neilo min khawngaihna te ka ti zual leh dawn tih ka hria , ka tap anih phei chuan ka pa hian hrehawm atih dawn lutuk avang a in sum tang tang ka ni






"Pa min en la tu mipa mah ka hmulo ania, ka thawmhnaw hak te hi" boruak tih zangkhai nan chuan ka ti a, Mipa lakah hi chuan min ring tawk ve a, tin mipa chhuahpui daw daw rual ka la ni lo bawk




"Ka hria e ka hria e, han mu tawh rawh a tlai tawh" nui chung chuan ati ve leh mai a, a rilru chhung erawh a pik viau ka ring ani




"Umm nagpawh mu nghal rawh aw, muttui pa" tiin ka kuah a, "muttui leh ka fanu ka hmangaih che" tiin ka hnung ah alo beng leh thek thek a...Ka pa hi ka tan chuan ka Hero ani.














(Zanin chu a tawi leh deuh vawiin lam ah Kohhran hnatlang ah ka tel ve leh thut a, ziahsa ka lo nei tawh bawk silo a, chau deuh chungin ka type leh sawk sawk a, a chhan chu haw dawn hnaih khan ruah namen lo in a sur a kan haw leh lawk thei silo a, tun a hethu ka type lai mek te hian ka chiang chiah lo ka chau ve lutuk a, ka lute ana a, ka ni deuh bur mai 😂.... Engpawh chu nise ka vawi khat ziahna ni tih min hriatnawn sak leh ula, a lem viau ang thin ana, mahse minlo chhiar sak a, minlo comment sak tauh tauh thin tute chungah ka lawm zia hi thu in ka sawi seng lo hial ani.. Ka lawm takzet tih hi min lo hriatnawn sak leh ula, naktuk sunday chawhnu ka in khawm loh chuan zanin a tawi viau man hi zan ah ka lo dah belh ang)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:52 pm

VE RUP MAI NA! CHAPTER-26


By Pie sangtei







Mut hmun ah chuan zanin a thil thleng te chu ka ngaihtuah leh rauh rauh a, thinrim viau e tilo chuan ka hmui te chu khawih in ka lo nui leh ver ver thin.





Tlai tawh viau mahse ka call dawn lah chu ka chhang rang em em a "hello" pawh ka tih hma hauh in "i mut ka la ringlo reng ani" arawn ti nghal tawng a



"Min mamawhna i nei ami" bung nghut in ka lo chhang thung




"Nei hran lo e, naktuk ah kan chhuak tawh ang ka hrilh loh chu vang khan ka tihpalh ania thinrim tawh suh aw" Boken king-a anglo tak chuan arawn ti dam ve luam a, amah anilo a maw ka ti hman hial ani






"Ka thinrim hleinem ka bulah ngaihdam dil angailo midang hnen ah khan va sawi zawk rawh" ka ti kher a, a chhan chu Beisei in Zawri a tih dan kha ka lawm vakloh avangin va in sawifiah in Zawri hnen ah ngaihdam te chu va dil zawk rawh se




"Awle ka pi kekawrtelian ka lo be hlawm ang" a hma a amah ang bawk chuan arawn ti leh a, a in thlak danglam chhungte lah hi a reilo thin si a






Eng eng emaw sawiin kan in be ta reng a, Beiseii a awm leh awmloh pawh ka lo ngaihtuah thleng pha tawhlo




Kan inbiakna kan tih tawp meuh chuan dar khat alo pel fel der tawh leh nghal a, ka mut a chhuah tawh lutuk avangin ka muhil zui ve nghal








Vawin chu ka pa hnathawhna lam ah ka kal ve dawn a, nizan a ka nu chung chang ka sawi chhuah avang khan ka in thiam chiahloh avangin vawin ka hun pumpui chu abulah ka va hmang ang




Chaw kan ei kham chuan in siam vat in brown Wide leg jeans leh tshirt var ka taksa phuar tang ha in a chungah jacket dum ka ha a, Nike Air force var ka bun bawk




Ka in siam zawh chuan darthlalang ah in en in nalh ka inti ve hle a, ka sam a sei bawk a, hniam te ah tawn khawm in a uai thla zan bawk..




Lipstick brown lam lek lek ka in hnawih a, maskara hnawih in ka mit pawh ni dang zawng aiin ka chei ve a




Nula taktak te pawh ka ang ve alawm






Ka bag ah tur ah ka mamawh tur a ka rin ho ka dah lut sawk sawk a, hmanhnawh deuhin in hnuai lam ah ka tlan thl a, ka pa ka hmuh mai loh avang chuan ala in peihlo anih ka ring a, choka ah ka lo va nghak




U siam in "pawn ah a nghak tawh che" atih avangin hmanhmawh tak chuan ka tlan chhuak leh nghal a, a motor chhungah alo thu run tawh mai



Inthlahrung lo lui in ka lut ve nghal a, a hmanhmawh tawh aniang a phit chhuak nghal zat mai





Hospital kan thlen chuan Broken king-a te damdawiin a an chhuah ni tur ani tih ka hrechhuak leh chiah a, mahse va kal pawh ni ila tih tur emem kan neih chuan loh avangin sunday vel ah an in ah te va leng ila atha zawk ang, a chhungte leh beiseii a awm ve anga, kan tawng leh ngamlo emaw ania nga ka peih vel lo





"Pa vawin chu thil tui deuh deuh ka ei dawn ania" ka pa office a kan luh rual rual chuan ka ti a, ka pa pawh a nui tawp




"Pa, nizan i mutui em" a mut that leh that loh ka hre chak tlat a mut thlatloh chuan keimah vang ani dawn sia




"Mu tha e, i mutha lo ami?" dam dup chuan ati a, sofa a mu awn deuh ar ar pah in "mutha teh reng mai ka mutui lutuk a mumang pawh ka neilo" ka lo ti vat , ka bul rawn pan phei pah in "athat chu" tiin ka chal ah a rawn fawp zeuh a, "lo awm rawh aw, thil pawimawh tih lawk tur ka nei a" atih chuan "umm min ngaihtuah suh , thil ei tur leh games khelh tur a awm chuan ka awm thei lutuk" ka lo tih chuan nui suk in "i duh duh i ei dawn nia, ka va kal lawk ange" tiin min chhuahsan zui nghal a




Games khelh nan ala hma bawk si , thil han ei nan lah chaw kan ei kham chiah a kan chhuak nghal mai kha ani sia


Tihtur chu avang duh ve reng mahse nileng in ka awm dawn tho tho hi ani tawp





Youtube ah lut in The Adventure of costea en in ka nui ka nui a, Pu Mastea thluak that zia bawk kan hmu leh ta



Tunlai kan thil tawn ang mil zel in an rawn chang chhuak a, mipui te hian kan nuihliam pui mai piahlam ah a entir a kawhhmuh tum te hi hmu thiam thin ila kan tlinloh na lai leh fel loh na lai apiang ah lo in en fiah zel ila kan ram chu avan nuam dawn em!





Kawngka kik thawm ka hriat avang chuan lut turin ka lo ti ve vat a, ka beng khawn duh lem lo




"Shample ka lo thawn nen che khan a in mil ta em!" kawngka in hawn rual a a rawn ti tu avang chuan ka mut na atang chuan ka tho chhuak vat a, engtin nge heti lai hmun ah leh zel kan in hmuh theih




Min hmu thut chu mak ati ve deuh aniang ngawireng in min en reng a, tawng mai nachang pawh a hre biklo



"Ka pa chu a chhuak lawk a, lo thu la" ka tih chuan ka piah chiah a sofa ah chuan alo thu ve nghal thuai a, a police uniform lah chu a in hmeh sang fal lutuk te chuan ka mit a ti tla lo choh ani




"Enge itih ve a?" ka en reng lai chuan a rawn ti thut a, keilah ka lo phu deuh zuk a, "ka pa hna ka rawn thawh pui maimai" ti a ka chhan chuan a nui huk a, mak ti tak chuan ka en reng , a nui huk na chhan kha ka hre tlatlo ani




"Doctor hna te i thiam ve ami?" ngeiawmna tel hauh silo chuan alo ti leh nghal zat a, "thiam e" ka lo ti ve mai



"Nizan avang khan ka tihpalh taktak ania, ka tum lawk dan ani biklo" kan ngawih vang vang hnu chuan a rawn ti leh a, chhan mai dan tur hrelo in hnuai lam ka bih ngar ngar thung




"Rose... Ka duh che tihhi i hria em?" atih leh chuan mak ti lutuk chuan amah chu ka en vat a, a mitmeng ah chuan dawt a sawiin ka hre bawk silo




"Min duh ve tur in ka tilui theilo che mahse min duh ve in ka bialnu chu ni ngei la ka ti, bialnu chauh nilo i pasal pawh nih ka duh" keimah min en reng chung chuan ati leh a, a thusawi tin mai te chu mak ka ti a, ka pasal nih te engtin nge a duh ringawt theih





Bialpa pawh ka la nei ngailo a, chuti lai karah pasal neih te chu aaaaaaa...aaaaa atheihloh pasal nei rual pawh ka nilo




Bakah kan in upat hleih leh lutuk thil tih chi ani lo reng reng




"Ka tihpalh nizan avang khan" arawn ti leh sup a, chhan tum a ka ang zuau tawh chu kawngka in hawng thawm ka hriat avangin ka chip leh nghal a, a thawm atangin ka pa ani tih ka hriat chuan ka lo thaw deuh huai thei





Officer-a pawh chuan engmah a sawi zui duh bik lo mahse a mit meng mawlh mai kha



A mit meng ah khan maw? Inthiamloh na leh pawi tihna hlir ka hmu a, amah pawh ka lak ah a in thlahrun phah in ka hria , duhlo chung in kiss te hi ho te angin lang mahse a tawng tu tan chuan thinrim thlak tak ani thin mahse tunah chuan ka thin a rim tawh lo a, a tir kha chuan ka thinrim alawm rim tak ani mahse tunah chuan saw hmui sawn engtik ah nge min fawh leh ang tih lam daih ani ka rilru a lo awm leh tawh chu!




"Ekhai kan officer-a chu ilo kal ani maw?" ka pa chuan arawn ti lut a, officer-a pawh lo ding vat in "ka thil rawn thawn vel che kha ka rawn ngaihven mawle hna ka kal pah hian a rem em a" tiin ka pa dawhkan lam chu an pan a, ka pa office hi lian lo te ani a, thutkhawm ve na deuh hi sofa pa thum a in hung a, chumi bul lawk ah chuan ka pa dawhkan a awm bawk, an thusawi engkim ka hre phak a, an thusawi lah chu an pehhel deuh tlat a ka hriat avangin chhuahsan chu ka ngai ani bakah officer-a a tawng zawng a a hmui che vel ka en reng chuan keimah hi ka aa zo mai ang





"Pa dawrah ka kal dawn ania" tiin ka chhuahsan ve nghal a, thil sawi chu anei mahse ka hre zawm tawhlo



A tlan in ka tlan chhuak miau alawm






Nurse pakhat a hming pawh ka hriatloh chuan "rose ilo kal ve animaw?" Tiin minlo be siam siam a, "umm lo kal ve maimai vawin chu" ka tih chuan "lo kal ziah rawh , kan in kawm thin dawn nia" alo ti ta daih a, chutiang in nurse an kawm theih tih ka lo hre lo reng reng an buai viau thin tur ah ka lo ngai a





"Nia, mahse college kan tan leh tep tawh a" ka lo ti ve mai a, amah ala naupan hmel viau a, in kawm tak tak ila chu kan inkawm thei viau ta ve ang



"Anih chu ... Nakin ah kan in kawm dawn nia bye aw" tiin ward lam chu a pan nghal zat a, engtin nge minlo hriat reng reng ni






(Ti zawng hi ni rih rawh se aw...)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:53 pm

VE RUP MAI NA! CHAPTER-27



By Pie sangtei





Hospital pawn ka chhuah chuan tih mai tur ka hrelo dawrte ah kal in frooti pa thum ka lei a, ka pa room lam chu hmanhmawh deuh in ka pan leh nghal a




Kawngka ka nam hawng chiah chu an phu deuh zawkin ka hria , ka hriat ve chi loh thil an sawi te pawh ani mahna





Anbul ah chuan va kal in ka pa dawhkan ah chuan ka frooti lei pa hnih chu va dah in "in rawh u" tih zawng ka sawi a, hmanhmawh deuh chuan ka chhuak zui leh nghal



Van hit lo thei tak ngati nge ka chet buai theih emem le?


Coridoor a thutna an dah ah chuan thu in an in biak zawh hun chu ka nghak char char a, rin ai tak chuan an in be rei phian leh nghal a,



Ka Frooti leisak patling than kin tawh pa hnih in titi pah a an in tur vel ngaihtuah chuan ka nui ka nui a, mahni tawk a inla pa ve tak anni a, an inhmeh viau lo





Zawri call ka dawn avang chuan ka chhang thuai a "khawnge i awm a" vin zet chuan arawn ti nghal zat a, a vin thei tek tuk ania kan zawri hi chu




"Ka pa te hospital ah" ka tih chuan alo hrethiam nghal mai aniang "damloh na i neih chu ka ring silo a, i tlawn leh tawh ami" arawn tih chuan ka lo nui tawp thil duh ka neih te hian nileng ten ka pa office ah ka awm ve thin a





"Tiang deuh chu ani mai , enge i tih zawk" ka tih chuan "hei rawn kal ve ka tum ka insiam mek" arawn ti nghal zat a, "iti taktak ami" ka tih lah in "dawt ka sawi peih reng reng lo" alo ti leh mai bawk sia, pawilo alo kal chuan ka khua a harlo deuh anga animai




Mahni choh a ka pa office chhung a awm reng chu a nuam hranpa vaklo khua ahar duh bawk si




"Lo kal rawh i va hman reng reng ve" ka tih chuan nui uarh uarh in "ka hmanloh lai i hre reng reng ami?" arawn ti liam leh puat a, ka lo nui tawp "taktak a in ah ka awm peih thlawt lo ka ning Murcus-a lah a zin daih bawk sia" thutak deuh tak chuan ati a, kan Murcus-a pawh chu khawiah nge maw alo zin leh pek tak ni






"Umm lo thleng vat la thil hrilh tur che ka nei keipawn" ka tih chuan a phur surh surh khawp mai alo thlen vat tur thu sawi in call chu a dah nghal a






Phone a thlalak ka en kual maimai lai chuan ka bul a ding an awm tlat in ka hria a, ka hawi chhuak mai ngamlo




A kalsawn mai ka ring a, a kalsawn mai bik silo chu ka en ta nge nge a, Officer-a lo ding run ka hmu thut chu ka thlawk chhuak teuh kher mai




Amah lah chu ala nui suk zui a, amah pawh be chuanglo chuan ka phone bawk chu ka en leh a, chutah rawn tawng chhuak in "zan ah ka lo leng ang aw" arawn ti a, hetiang zawhna te hi chhan ahar ropui tih a hrelo emawni




A rawn len duh chuan rawn leng tawp se a rawn len duhloh chuan rawn lenglo mai se





"Ka pa nen inin kawm leh dawn chuan rawn leng la" ka ti ta nge nge a, a nui leh suk a, amak ka ti pa tawhkhirh lrh rorum hmel zet si hi a dam emem a, mahse a duhawmna a bo phah chuang reng reng bawk silo






"Ka lo bia ang che" tih pah chuan ka biang ah arawn piai zeuh a, in her in min kalsan nghal




A kal phei lai te chu ka thlir reng a, a kal dan te thleng thleng chuan a nalh ka ti, a pa hliah hliah ani ber , chung lai vel a awm ho pawh chuan an enzui tih ka hria amah pawh sawn a hre reng ang mahse a kechheh te saw a buai chhin eih lo reng reng






Zawri lo thlen hnu chuan officer-a nen a kan awmdan te, min duhthu a sawi dan te chu ka hrilh ta vek a, Nizan thil thleng erawh a pawilo chin ka hrilh thung




Zawri chuan min duh pui khawp mai a , "pathlawi ni mahse fa ala nei chuanglo a, a nupui hlui nen khan kum 4 lai chu an innei in ka hria mahse fa annneilo" atih chuan tlem in mak ka ti deuh




Kum 4 lai an inneih ve si chuan engvang a fa neilo nge an nih ang bakah ngati nge an in then reng reng le? A nupui hlui lah kha a chhelo in a pian a nalh emem a, mi hausa fanu ani tih tuman an hai hauh lo bawk ang ka buaina tur chu ani hauh lo mahse ka hre chak ani





Tlai lam ah Zawr in min zui haw a, rawn riah a tum tlat mai a chhan pawh Officer-a rawn len a tum thu ka sawi vang vek kha




Atei leh Anna-i pawh alo phone hmanhmawh a, anni pawh rawn kal an tum anih hmel



Kan zorinpui ve hi chu hrilh rawh ti ila a hrilh duh miahlo anga, hrilh suh ti ila asawi chhuak chak leh zek zek anga, mahse thuruk pawi tawp khawk ang leh kan harsatna te erawh a pai tawih thak zel





Broken king-a pawh hian enge maw tak chu a hrilh tih ka hria , zan a leng tur a a hruai chhuah mai theih dan te hi engthil emaw tak chu thuruk an nei ani



vawi khat ka zawt tawh a, engmah a sawi duhlo, a sawi duhloh chu thuhran nise min pehhel kual char char






Rawng te kan bawl dun a, kan Murcus-a lungleng lah in a rawn phone sek a, ka lo ning zawk keimah hian





Chaw kan eikham fel chiah tih ah Atei leh Anna-i pawh an lo thleng ve nghal a, min rawn rim suau suau hlawm anga ani tawh mai




Atei in in card den a thiam thar avangin kan pa 4 chuan kan in dol chuh a, Atei nen kan tang a, Zawri leh Anna-i , Atei ala thiam vak bawk silo a, kan nui hnem kher mai.




Dar 7:30 ah chiah chiah kan Officer-a pawh a rawn thleng hlawl a, "ka lo leng dawn" atih hi chuan arawn lenglo ngailo


Mahse a vawi hnih rawn len na chiah alawm vawi khat kha chu min hrilh lawk lo a



Kan card deng min hmuh chuan nui suk in kan bul ah chuan alo thu ve mai bawk a,




"Pu Officer i thiam ve em?" Zawri chuan ati leh tawp tawh a, a zialo thin ngei mai




"Thiam hran lo e" tiin alo chhang ve mai bawk


"Anih chuan Atei kha lo pui teh an khelhpui tham thlawt loh hemi te pa hnih hi" ati leh zung zung a, ka lo zak ru ang reng kher mai han in hauh lah thil tih chi ani bawk silo




Kan chak leh ta char char sia, Zawri a phun leh char char atawp ah phei chuan "ka peih tawh lo " atia a tho ta daih a, duhtawk a hun ka tih ve tawh tho avangin pawi ka ti hranlo




Diktak chuan card deng tur a sawm pawh kha atha ka tilo ani ang Officer hial ni ve ta chu a mawi hlawl lo alawm alo duh ve mai te kha mak ka ti ru ang reng viau zawk





Thingpui ka lum laiin Atei alo kal a, "rose Officer-a sawn a van duh hmel che emem hei enteh ti hian a en che" tiin a mit chu an in zim vel a, "i a lutuk" tiin ka lo nghawk zeuh




"Ani tak tak alawm thlakhlelh hmel deuh che hian alo en leh vung vung zel che a" ala ti deuh deuh a, ka nui tawp, min thlakhlel na chhan tur ka hre lo reng reng





"Aw nih rawh se....kha hei hi lo keng phei ve teh" thingpui hmeh tur a kut a hmeh bel pah chuan ka ti a, "i zeilo thei emai" tiin a la kal daih zui




Thingpui chawi chung chuan ka zui ve nghal zat a, an pa thum chuan anlo thu tlar thap a, Zawri ka va en chuan Officer-a bul a thu turin min ti ni hmiang a kut zung chal chuan a kawk zeuh zeuh a, an va han ti zahthlak thei tak




Officer-a bulah chuan ka thu ve ta nge nge a, thingpui in pah te chuan kan titi a, Ka thiante lah chuan zawhna an ngah na ngiang mai



An zawhna ho tete pawh chu fel fai takin a chhan sak vek zel a, ning hmel pawh a pu lo keimah zawk hi ka lo in thlahrung lek lek zawk





A phone rawn ri chu "kan chhang lawk ange" tiin pawn ah a chhuah pui nghal a, ka thiante bawk chuan tunge niang le tiin anlo ngaihruat leh nasa hman hle




Reilo te ah rawn lut leh in "ka kal angai, hna thil ania" arawn ti a, a mah a hmanhmawh hmel em avang chuan "la leng la" intih chi pawh va ni nghal lo chuan



A bike dahna thleng chuan ka va thlah a, "ka rawn be hman lo mai thei che kan buai deuh dawn a" atih chuan lu ka lo bu nghat nghat a



"Lo kal hnai teh" atih leh chuan ka kal hnai ve mai bawk a



Ka biangah rawn piai zeuh in "mu hma la, i mumang ah minlo hmu rawh aw" tiin a nui suk a, "mumang ah duh duh a hmuh theih hleihnem" ka lo tih chuan nui chhuak hawk in "i tum tlat chuan i hmu em em ang" ati a, "ni rawhse" ka lo ti nghal zat



"Anih chuan ka tlai dawn ka kal ange" tiin min en leh deuh vang vang a, nui suk in helmet a khum a a tlanchhuak zui nghal



A tlan liam lai bawk chu ka thlir leh a, a in ngaihtlawmna te, Officer ni chung si a a in dah sang miah lo te, Pa tak chung si a a zaidam emem mai te chuan min la hneh lo ang tih pawh ka sawi thei ta hauhlo





Ka thiante pawh an vai chuan an rawn riak ta vek a, kan hlim tlang hle






Chumi zan zankhua chuan a sawi lawk sa ang ngei in Officer-a chuan min rawn be ta lo reng a, zing chaw kan ei kham thleng pawh a minla biak loh avang chuan va biak a chanchin va zawh mai chu tha ka ti a, mahse keima thu in engmah ka tih ngamloh avang chuan Zawri chu call in ka zawt a, be tur a minlo tih luam avang chuan *i tha maw?* tih chu ka thawn ta nge nge a







Broken king- te in ah kan leng a , Gorya erawh a tel ve lo Broken king-a chhungte chuan min lo lawm thiam hle a, kan mimawla pawh a dam tawh viau han ti rigawt dawn ila a damlo tih kan hriat tirh a hmu tur a kan va kal nen khan amah ang danglam na eng mah a awm chuanglo Broken king-a damtha pangngai kha ala an reng tho avangin "i tha tawh hle mai" han tih vak pawh a ngai hranpa lo






A room ah chuan awm in Broken king-a ho chuan kan in dol chuh leh a, Atei nen an tang a, a phakar thei si



"Baby girl rawng ka tlan ngei ngei ka ngai ania neihloh ka nei" ati nghal zawt zawt a, chutah

" pangpar leh khuai te pawh
Kawp tur a duan" tih chu asa chhunzawm nghal zat a, aneih loh chu tial(trial) ani tih a chian tawh em avangin rawng pawh a thleng leh nge nge zel



A chang leh "hmangaihna ka la na " atia Toka tihna ani leh a, achang leh "chung chhawrthlapui leh si ar eng zawng te khian" te atia zum tihna ani leh a, duhlo viau mah ila a ti zel tho sia a chang phei chuan Atei card ka en pui tho avangin a sawi loh ang te chu ka deng tawp zel




A duhna lam ah chuan a thluak chu hmang ve per per tak ani




Phone call ka dawn avangin balcony ah chuan ka phei thuai a, huphurh ru tak si leh chak emem chung si chuan ka "hello" thuai a


"In ka thleng chiah a" chauh hmel zet a arawn tih chuan nizan a chhuak kha a haw ve chiah tih ka hrethiam mai a




"I va chau duh dawn ve" lo ti vat in ka ngaihtuah ve takzet bawk , phone khawoh maimai a kan tlaivar pawn kan chau ania hnathawk a tlaivar phei chu a chauhthlak ngawt ang




"Chau lo e i aw ka hria a , ka hahdam suai suai mai" arawn tih chuan ka lo lai leh hman hmawh a



"Enge in tih ber a nizan chuan " tiin ka zawt a, zankhua a hna athawk anih chuan thil enge maw tak a thleng anih ka ring



"Ilo hre daih tawh ang chu ka tia" atih chuan



"Engtin nge i hnathawh te kan hriat theih ang, i kal dawn in engmah i sawi silo a" lo ti vat in a min chhan hun chu ka nghak kar a,




"Taktak a, ramhlun vengthar ah tual thahna a thleng a" atih chuan "maw" ka lo ti hu a, Officer-a nui ri ka hre zawm nghal zat



"A pasal anih kan ring a, nizan zankhua in kan zawng a, kan la hmulo" beidawn hmel zet chuan ati leh a, kan khawvel han chhiat tawh zia hi mahni chenpui mai nilo "a nupui a that" tih te hi ava han tam tawh tak kan ram ah ngei pawh hian




"Avan rapthlak ve" ka lo ti chuai raih a, he tiang thil rapthlak lutuk a tawng tu kan nilo te hi Pathian hnen ah hian lawmthu sawi mawlh mawlh tur kan ni




"Umm.. Enge itih a" atih chuan kan lenna te hrilh in "ka tibuai ang che u inkawm ula keipawh ka inbual anga , hna ka kal leh angai a" atih chuan "awle anih aw" ka lo ti thuai a "anih le, kw hman ve leh ka lo be leh ang che" tiin phone chu a dah a,




Keipawh ka thiante bul ah chuan va kal in ka thu hriat ang ang chu ka va hrilh ve a, Zawr in alo bengkhawn leh bik khawp mai




"Keimah chauh in ka chhuak daw daw tawhlo chiang ngawt ang" a tih leh nghal rigawt tawh a, lehlam tak chuan a tha phian he nu pui hi chu a huai sia, zan rei ah te hian a vak rek rek zel a, chhuah ngam loh phah nan a ahman chuan atha phian ang





Broken king-a erawh in engmah a sawi lo a, sawi se ka ti pawh ani hranlo a ngawi reng vang chuan nuam ka ti chiah lo




Rei pawh awm tawhlo in kan haw a, kan haw dawn chuan tha deuh chuan min thlah ve mai a "chhuah reng reng suh" tiin ka beng bul ah midang hriat loh turin min hrilh ru ser ser leh nghal a



A eng chu nge maw a hriat a, Officer-a hi min duh pui teh tlat nge maw anih?






Kan in lam ah kan kawi leh thap a, Gorya pawh kan call a, "ka rawn kal ang" chu atih ve kha




Kan nghah deuh ren rawn hnu pawh chuan ala rawn thleng lo a, Zawri ten Waiwai chhum an ei chak tawh si chu an phun an phun leh tawh a





Ka chhum dawn chiah in anlo thleng leh ang lawi si a



Mahse a hmeichhe rawn hruai ber kher chuh!




Liandawli a rawn hruai anih chu!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:53 pm

VE RUP MAI NA! CHAPTER-28




By Pie sangtei







Kan in en hrek hrek hlawm a, kan Liandawli lah chu a rawn tlangnel mai sia, Choka ah arawn kal pui ve ngei bawk si "lo va thu ru in vai khan " ka tih tak ah chuan sitting room lam pan chuan an in zui phei tham tham hlawm a




Rei lo te ah ka Waiwai chhum pawh a hmin a, an thu tui lai chu ka au phei leh a, thuawih deuh chuan anlo phei leh tham tham




A hnung ber ah muang changin Gorya chu choka ah chuan alo lut a, Zawr in "Khawnge Liandawli kha" alo ti vat "bathroom ah" tiin a thutna tur chu a pawt chhuak a, "Gorya tunlai hi i lerh riau in ka hria" Zawri bawk chuan a ti leh a, Gorya pawh a hawi a lo choh ani




Zawri en reng chung chuan a dar a san ak a, "Liandawli ber kher ngati nge ilo hruai a" Zawri bawk chuan alo ti leh a " Gorya chhan na hre chak chuan kan en reng a, "ka rawn kal na lam ah kan in hmu fuh alawm" a ti liam puat a, "Khawi ah? Inin ngaizawng tih sawi miah suh" Zawri bawk chuan lo ti leh in Gorya pawh a nui tawp "ei phawt teh" tiin a kut zawng zawng nen chuan ei turin ati a






Amak ve ngawt mai Liandawli pawh hi khati khawp khan kan buai a, engmah thleng ngailo ang mai a alo awm thei thin te hi amak ka ti thlawt kei ni ila ka thei teuhlo mai





"Ui Rose, in college chu anuam em?" Choka lam pan pah chuan Liandawli chuan a rawn ti lut nghal a "nuam ani mai lo thu rawh " tiin a thutna tur chu ka kawh hmuh a,




Ka thutna kawhhmuh ah pawh chuan thu lo in Gorya bul ah bawk chuan a thu leh a , ka zak chem chem in ka hria




"Ava thak hmel ve" tiin a en deuh vang vang a "thak ve deuh e" ka lo ti vat ka en reng a a ei ngamlo zawk nge mawni




"Hmarcha allergy ka nei alawm ka eilo mai ang" atih leh chuan kan en nghal thap ka piantirh ata hmarcha allergy nei ka vawi khat hriatna ani




"Allergy a, i ei ngamloh vang anilo maw" Kan Zorinpui bawk chuan alo ti leh a, "ateuhlo ahma te chuan ka ngam thei lutuk" ala ti talh a,Hmarcha allergy chu lo nei taktak pawh nise a hrehawm ve duh ngawt ang hmarcha te hi chu a tui ve chiang e, Chaw pawh a ei tui thei pawn ka ringlo





"Nizan a tualthahna kha in hre ve em?" arawn ti ta daih a, kan hriatsa tho avang in eng he hu ah kan lo ngahsak lo


"Thuruk ka hria a sin" arawn tih tak ah chuan amah chu en in a sawi hun chu kan nghak thap a, Gorya erawh a awm dan phung hlauh miah loh in ka Waiwai chhum chu a ei mial mial





"sawi vat ta che" Zawri chuan alo ti leh vat a ngakhlel thin ania





"Ka sawi dawn reng" ti hmasa in a chil a lem khalh a "a nupui khan mipa dang alo mut pui a , chuchu ava phawk a, a pasal thinrim leh rilru na bawk si khan a that anih an ring ber" ati a, thil thleng ve thei tho chu ani...





"Engtin nge mipa dang nen an mu dun ani tih an hriat" Atei chuan alo ve vat a "Awwww...a hma pawn an ringhlel fo tawh a, bakah tun hi a vawi khat man chhuahna ani tawhlo hrim hrim vawi 2 vel chu a ngaidam tawh an ti" atih leh chuan mak ka lo ti deuh pasal neih reng lai a mipa dang han mutpui thei chu amak ka ti







"Anihchuan chu nu mutpui pa chu man sela dawp sela ani mai lawm" Atei bawk chuan alo ti leh nghal zat a, ka ngaih dan chiah ani, an mu dun lai chu a rawn phawk ngei em tih te chu dawp chi aniin ka hria a pasal an rinhlelh ber a awmna chin an hriat tak siloh ah chuan




"Dawp e, nizan ah Officer Lalduhawm an station ah a hruai a, zan khua in tah chuan a awm a, zingah khan a haw chiah an ti" ati leh a, nizan zan khua in Officer-a chuan a dawp tihna ani maw? Alo chau dawn hle mai






"Lungngai suh u Officer Lalduhawm an a chhui chhuak leh vek mai ang" atih zawm leh nghal zat a, chhungril tak ah hian in tih ta tu riau na ka lo nei hman pek a





"Officer-a hi chu a chhelo ve alawm a palian sia, a hmeltha bawk si patlawi mah nise ka aia lo" atih zat zat lai chuan a phone chu a rawn ri a, ring leng lawngin ala chhang zui




Thinrim deuh in phone chu a dah a, "ka haw angai" tiin Gorya chu a melh zeuh a "Gorya , Rose-i room ah khan i thil tur a awm a hmanhmawh thlak tawp tunah ka hre chhuak chiah Daniel an min hawn tir a" Zawri chuan hniak phawi miahlo in dawt chu a sawi nghal zat a, Gorya pawh hmanhmawh deuhin ka room lam pan in a tlanchho nghal a, mak ti deuhin ka en zui reng



"Ka kal mai ang anih u aw" tiin Liandawli pawh a tho nghal a, kawngka bul thleng te chu ka va thlah ve kha



Choka lam pan a ka let leh chuan "Khawi lai ah tak nge i dah a" tiin Gorya chuan zawri chu alo zawt mek a "ka ti maimai anih kha Liandawli kha i thlah ang tih ka hlau a" tih pah chuan a thil ei lai chu a ei chhunzawm nghal zat a, Gorya pawn tih ngaihna vak a hre biklo aniang nui suk in a thut na ngai ah bawk chuan a thu leh a




"Hrim hrim in i van hmanhmawh ve Daniel-a nen hian thuruk innei ami" tiin ka zawt ve leh a "ateuhlo enge an neih ngawt ang" Zawri zawk chuan alo ti vat "nia" tih zawngin Gorya lah chuan min chhang a, hemi te pa thum hian thuruk an nei chiang mai ka la hrechhuak khawp ang mawle




"Ngati nge Afeli kha" zawri chuan thudang arawn sawi ta daih a "nia Gorya Afeli kha a fel ka ti ka ngainat chi tak ani" Anna-i pawh chuan lo ti chhunzawm in Gorya chu a en kar a




"An in ah a awm in ngai ami" Gorya chhan na avang chuan kan nui hak a "enge maw i bialnu te kan lo ngaih ve ringawt ang le" Zawri chuan lo ti vat in Anna-i pawh chuan "dik chiah" alo ti ve bawk a




"In ngai anih kha a number ka lo thawn ang chu" tih pah chuan a nui put put a , Afeli hi a duh ve reuh taktak amawn le? Afeli hming a lan chiah khan a hmel a danglam na awm kha ka hmu thei







Ka thiante an haw hnu chuan U siami eirawngbawl ka pui a, Officer-a ringawt chu ka rilru ah a awm leh tawh






A chhui chhuah leh chu ring tho mah ila amah a in hliam anga a chungah thil tha lo tak a thlen ka hlau ani





"Enge i ngaihtuah vung vung zel a?" U siami chuan min lo ti ta reng a, "thil eng emaw maimai" ka lo tih chuan "ka awihlo Officer-a kha i ngaihtuah chiang lutuk" tiin a ri hlut a, ka ngaihtuah a hre thei chu mak ka ti ru hle





"Ateuhlo mai ngaihtuahna chhan tur ka nei hleinem" pehhel tum tak chuan ka lo ti a, nui uarh uarh in "nang ni ang rual kan nihlai pawn tiang khan chhungten min chhaih hian i awm ang chiah chiah khan kan awm thin" atih chuan tih ngaihna vak hre tawh hek lo ka lo nui ringawt a "khaa ka va han sawi dik tak" ala zui ka chhang vak duh tawhlo ka in puang nghal vek ani mai anni ang nula senior te chuan keini ang te chu min dawp hnehsawh lutuk tlat






Ka pa lo haw chuan a inbualna tur tuilum ka siam sak a, a lawm thiam ve lutuk min hmangaih thar leh sawt in ka hria





Chaw kan ei laiin ka pa in "Doctor nih te hi i chak ve miah bawk silo a" ati ta thlawt a, Doctor zir ve turin min ti fo a, ka duh tlat lo mawhphurhna a sang hliah hliah emai nunna thil ani bawk sia bakah ka tuina zawng anilo hrim hrim





"Pa, ka tuilo alawm" ka lo tih chuan "i tuina ber pawh i hre chuang bawk silo a" alo ti a, dik ka ti leh viau mai tuina zawng ka neilo ti hian ka zir mawl ve tawp anga , college ka zawh hun ah keimah a a lan dan ang ang in ka awm ang




"Dik ve reng mahse pa lungngai suh ka la chawm seilian dawn che lawm" ka tih chuan u siami nen chuan an nui ta ringawt a





"Naktuk inu thihcham ani sia hna ka chawl anga, thlan lam ah kan zu kal dawn nia" chaw ei kham hnu chuan ati a, "ummm" ka lo ti vat "thingpui sen hang han lum la i thingpui lum hi ka in khat riau" ati leh a, naktuk ka nu thihcham anih vang nge zanin chu a cool riau in ka hria




Ka nu thihcham leh ka piancham ani a, chhia leh tha ka hriat atangin vawi khat mah ka birthday hi ka lawm ngailo ka duhlo bawk




Ka birthday ka lawm anih chuan ka nu thihcham ka lawm tihna ani dawn a, ka pa pawh hian i birthday tiin a sawi ngailo, i birthday atih apiangin keimah hi ka nat thin vangin "inu thih cham" tih hlir in a sawi a,kumtin in thlan ah kan kal ziah bawk




Ka thiante hnen atang erawh chuan Gift ka dawng thin a, mahse ka birthday ni ah tak min pe ngailo thung




Thingpui lum tur chuan choka lam ka pan vat a, thingpui bel ka chuang chiah tih chuan doorbell ari a, u siami a awm tho avangin ka ngaihven lem lo




Kohhran upa emaw ka pa thiante bak an ni leh lo ang ti rilru neuh neuh chung chuan ka thingpui chhuan pawh chu no 2 ka telh belh a





No 3 chu thli in tray chawi chung chuan ka pa te awmna la chu ka pan nghal a, mahse ka hmuh tumloh lutuk ka va hmuh avang chuan ka che buai lek lek





"Kha thingpui hi in ve nghal mai rawh ka pa thianpa pa sangpuia inih ka lo ring a, ka lo siam kep nghal tawp a" tih pah chuan no khat chu ka pe a, "ka lawm e" alo ti sap ka pa bulah chuan ka thu leh nghal a




Ka pa nen bawk chuan hna chung chang te an sawi dun a, "bawihi pawh hian police nih ka duh ati tlat a engtin nge maw ka tih dawn ni" ka pa in atih chuan "a awihawm loh emai pa" ka lo ti a, an pa hnih chuan an nui ta hak hak a, Officer-a pawh a ri meuh in a nui ve






"Taktak a, enge in thil chhui chu chanchin" tiin a zawt a, ka lo bengkhawn khawp mai "a pasal kha kan ring ber rih chu ania, kan la hmu thei chiah rihlo Bairabi lam ah a kal niin an hria a , kan zu kal ang zanin ah" ati a , amah ka va en chuan minlo en ve leh chiah a, ka lai lek lek






"Anih tak chu zu fimkhur viau rawh u, hetiang thil ti thin ho hi chuan mi thah leh pawh hi an awlsam tawh thin ania" ka pa chuan alo ti leh a, ka lo thlawp leh pek khawp mai fimkhur luat a awmlo na chung in a fimkhur vek sen biklo ang tih chu ka hria mahse fimkhur hle se la ka la duh fan ani






"Nia... Kan theih tawk chuan kan fimkhur ve thin a, enge maw kan an dawn ni" Officer-a pawh chuan lo ti vat in "ka kal nghal mai ang ka in zo choh na in, hei ka tlai dawn tlat" tiin a ban a sana chu a en zeuh a, ka pa pawn fimkhur tur bawk chuan a chah leh a







Pawn ah in zui chhuak in a bike ngheng a ding reng chung chuan min en reng a, "in ah i haw leh phawt dawn ami?" ka tih chuan alu lo bu zeuh in "ka van ngai dawn che" ati sup a, "in cham rei dawn ami?" Ka lo ti vat "ka hrelo le" ati chuai raih a "kan thang rei mai thei a, chuvang ania ka lo kal lo hmu lawk che ka duh a" ati leh a, min en reng a, keipawn tunah chuan a mit ah tak ka en ve ngam tawh a, a mitmeng ah te chuan thudik a sawi ani tih ka hmu thei




Hepa hian min duh ve taktak anih chuan keipawn duhloh na chhan tur ka nei bik in ka hrelo "kal tawh rawh i tlai ang" ka tih chuan "niahh... Kal angai" ti in a thaw leh halh thin a, a hreh hmel takzet ani




"Fel deuhin lo awmla aw" tiin a bike chungah chuan lawn in a start nghal a"kei aia nula fel an awmlo" ti a lo fiam in ani pawh a nui leh suk tawh ava han tha chiang tak




"Lo kal hnai teh" ati a, amah va si lek lek chuan ka va ding a , ka biang ah rawn piai zeuh in "Ka kal ange, a rem chan hun apiangin ka lo bia ang che " ati a, a tlan chhuak zui nghal





Lalpa vengin awmpui mawlh ang che aw!




(Zanin pawh ka rawn ti tawi leh deuh nau ka awm a vawin chu bawihtea a damlo bawk sia, ka ziak mumal theilo a)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:54 pm

VE RUP MAI NA ! CHAPTER-29


By Pie sangtei







In chhung ka luh leh rual chuan ka pa in "bawihte hetah lo kal teh" alo ti thuai a, phur takin ka pan ve nghal abul ah chuan va thu in ka kuah nghal chung chung a





"Officer duhawma nen khan in englo deuh ami?" ati chu thu nghil nghal awt in "pa enge in englo chu" ka ti chul a, "aaaa in ngaizawng mawle" atih chuan "ka hrelo e a , i duhlo ami?" ka lo ti vat a, ka pa hi chu ka thian hi ani bawk a, abul ah hi chuan zah tit tet pawh ka nei ngailo engkim ka hrilh a, star ka neih apiangin ka hrilh bawk thin "bialpa inei anih pawh in i rilru zawng zawng pe lo la, a awm tawk a awm ania" minti mai thin , star ka nei ngun ka tih tawh kha bialpa tak chu ka la nei ngailo






" a bialnu inih theih nan min rawn dil a, min dil ti ila phalna min dil ani zawk mah" atih chuan mak ti lutuk in ka pa chu ka en reng a "enge a awmzia" ka tih chuan "aduh ve taktak che in ka hria a, a nupui then hnu ah vawi khat mah ngaihzawng a nei leh tawh ngailo a, kum li(4) lai chu an inthen ve tawh in ka hria" ati leh dap dap a, ka pa hian an inthen chhan a hre ngei ngei ang "anih pa tinge a nupui nen chuan an in then a?" Ka ti a "nakin ah aman tul atih chuan a hrilh ve mai ang che kha kha chu" ati leh tlat rauh sia , "anih ka bialpa chu nise iti deuh ami?" Tih pah chuan kuah in a dar ah ka bei a






"Atha alawm pasal tlak ania, ka awmloh hun ah pawh tha tak a enkawl thei tu tur che ani mahse bawihte i duh zawng te ani ve reng reng em?" tia min zawh chuan chhan mai dan tur ka hrelo ka duhzawng ani em ka hrelo mahse ka hnar biklo tih chu ka hria





"Ka hrelo pa , han duh vak tur pawn kan in hriatna ala reilo em a" ka ti leh mai a, "umm ka hrethiam e, eng thuthlukna pawh siam la ka pawmpui vek che hmeichhia chuan pasal in zawn thiam loh chuan apawi ania hremhmun tenau in tem ani ringawt dawn a, in nghahna tlak mipa hi zawn hram hram tur sawrkar hna an thawh kher angailo sawrkar hnathawk pasal a nei hlim chuang silo te hi tam tak an awm ania" ati leh dap dap a, ka pa tawng hmang atang chuan Officer-a chu min duh pui ve deuh in ka hria





"Mahse pa kan in upa hleih iti lo ami" ka ti leh a, mi ngaih ah pawh kan in upat hleih lutuk a, gold digger te minlo ti ve ang tih ka hlau ani lah Officer lawih ani ve bawk si





"Kha tak kha alawm a thatna a puitling a, thu a tiam tawh chu hlen ngei ngei thin mi ani, i tan hi chuan a tha ber in ka hria Pathlawi anih avang khan ilo iai ringawt ange a duh avang a pathlawi ani hauhlo ania" atih leh chuan "mahse pa , pasal nei rual pawh ka la ni silo a, bakah nupui atan min nei duh ngawt nang" ka lo ti leh vat a "duh tehreng e, nikum lam deih tawh ah khan minlo be tawh alawm" atih chuan ka thu nghil zawt a, nikum ah maw? Mahse engtin nge ka pa fanu ani tih min hriat theih le?






"Mak iva ti awm ve" tiin a nui suk a " sunday a in thianho a in len kha ila hria em?" atih chuan Hangi tlang a kan len ni kha ani tih ka hrethiam mai a, ka lu chu lo bu nghat in "khami zan khan minlo bia alawm" atih zawm leh zat "enge alo sawi a?" ka tih chuan "eng emem chu sawi hran lo e, ka fanu inih leh nihloh te minlo zawt a" ati leh mai a,







Zawri khan ka bio data kim chang viaulo chuan a sawi tak kha mawle ka pa leh Officer-a hi anlo in hre tawh anih si chuan ka pa chuan ka chanchin chu a sawi fo thin in ka ring a, ka hming ka duhloh zia te lah hi sawi nuam ati in a hlimpui thei phian a, Officer-a bulah pawh alo sawi thin anga ka hming a hriat khan ka pa fanu ka ni tih a ring nghal mai anih ka ring ka hming hi a common lo ve em a, mizoram ah keimah chiah hian ka pu ang Roseparmawii han nih tawp hi chu e tumah hian an hrethiam pha lo ang Parmawii ti a han in auh tir lah ka duh bawk silo duhlo chung chung in Rose-i ka nih angai a, a then lah in "iva titanic ve" te minti thul








Khum a mu chung chuan ka pa thilsawi vel te chu ka ngaihtuah leh ngat ngat tawh a keipawh hian duhlo bik chu ka nilo mahse ka duh takzet em tih ka chianglo mai chauh ani




Ka muhil mai thei lo dar 11 vel pawh chuan youtube ah mukbang ka la en ngat ngat a, officer-a call ka chang pah bawk




Mahse zanin chuan min rawn biak pawh ka ring chuang lo nachungin ka beisei ru tho si





Whatzapp ah chuan lut leh in mi status vel ka en kual leh dan dan a, message ka dawng *ila mu nange* tih Officer-a hnen atangin ani * ka muhil theilo a* tih ka thawn chu bluetick nghal in chumi rual zet chuan min rawn call nghal a



"Hello"


"Ti nge i mutthilh theih loh a"


"Ka hre biklo" ka lo ti vat


"Min ngai ani lo maw?" atih chuan phone atang mah nise ka lo lai leh ringawt tawh




"Ka muhil theilo ve hrim hrim aniang" tih chuan ka chhang a, a nui ri ka hria , mawi deuhin a nui leh ngei ngei ang




"Ka lo haw leh mai dawn mi?" arawn tih chuan "a theih ami" ka lo ti vat "kha min ngai chiang lutuk" nuihza in sum deuh chung chuan arawn ti leh a, min tih der tih ka hre chhhunzawm nghak zat




"Ngaih i chak emai ka ngai che ni mai rawh se" tiin ka lo chhang thuai a "nakin ah chuan min la ngai ang, mahse keichuan tun atang hian ka ngai tawh che" arawn ti chuai raih a, hetiang a in biak vel hi ka thiam ve lo ka zak tlat "in thleng tawh ami?" Tii thudang chu ka sawi ta daih a




"La thleng lo, hotel ah kan in hnawh puar lawk anih hi kan chhuak leh tep tawh" atih chuan ka mitthla ah "kan chhuak leh tep tawh" atih pah a a sana a melh zeuh tur te chu ngaihtuah in lawm loh in ka lo nui ver ver a



"Hello" arawn tih leh chuan "aw ... In chau ngawt ang a" ka lo ti vat "i ngawi vung vung a, i muhil emaw ka ti alawm" arawn ti a, ka ngawih na chhan kha hria se min nuih zat ngawt ang




"Muhil lo e" ka lo ti ve mai a, thawhalh in "kan kal a ngai leh tawh a, tui deuhin mu la, i mumang kha chu ka ta ani" atih chuan lo nui in "nangni pawh tluang deuhin in kal dawn nia" ka lo ti ve vat a, la kham lo viau mah ila phone chu kan ti tawp ta





"Tunah Roseparmawii a hla phuah sa turin ilo sawm ang" host in atih chuan mipui ho chuan kut anlo beng dar dar a, stage ah chuan chho in guiter chu ka la a, mike chu a stand ah vuah in "athiam a piangin min lo zawm dawn nia" ka tih te chuan an au dur dur a,





Guiter chu perh in "A B C D E F G H I J K L M N O P Q R S T U V W X AND Z" tih chu uluk fa hran chuan ka sa tlawk hlarh hlarh a , mipui lam erawh an ngawi thup ka sak zawh phei chuan a reh hian a reh duak a, an mit chu keimah a fu in min en thap a,




Host chu lo phei in "kha hla kha i phuah maw?" arawn tih chuan " aw" tiin ka lo chhang vat chutah mipui chu lo phu mur mur in an phun sep sep a,




Ka duhlo reng reng engvang a ABC hla kha sa ringawt nge ka nih ?




Engthil nge thleng mek hi ka duhlo reng reng




Back stage lam ah chuan tlan phei in kawngka lo awm ah chuan chhuah ka tum a, kawngka lah chu ala in hawng thei mai lo leh nghal



Ka chum a, ka tlawh vakvak a, ABC hla ka phuah anga ka sawi avang lah khan mipui an thinrim nasa mai si



Ka lam an lo pan tih an thawm atangin ka hre thei leh nghal a, ka tha te chu a khur char char




Ka lu chuan ka tauh chawrh chawrh a, thisen te chu alo chhuak zawih zawih ka mangang lutuk chu ka tap thei bawk silo






Chutah thlan dap in ka khum ah ka harhchhuak hlawl a, ka mumang maimai ani tih ka hriat chuan ka lawm kher mai




Sana ka en nghal vat a, Dar 9 lai alo ri tawh leh nghal ka nu thihcham ani leh nghal a





Tho vat in inhnuai lam ah chuan ka tlan thla nghal a, choka ah lut tlang in "U siam, khawnge ka pa hi" ka tih chuan "Biakin ah tawngtai turin a kal a, alo la let lo" atih chuan ka thaw huai




Min kaitho hreh anga alo kal daih tawh emaw ka ti hman a "anih chuan ka han inti fai lawk ang aw, ka pa alo let leh chuan kal ati leh nghal mai dawn sia" ka tih chuan "aw rawn insiam lawk vek lawlaw rawh" alo ti vat a , hmanhmawh deuh chuan in chung lam ah ka chho leh nghal




Bathroom hi ka room ah a awm lo a, in chung ah hian room pa 3 a awm a, ka room bul chiah ah hian bathroom chu pakhat a awm a, chuchu kan in tawm vek a, inhnuai lam bathroom khu chu ka hmang vak ngailo ka pa room ah hian pakhat a awm avangin in leng te hian an hmang deuh tlangpui






In bual sawk sawk in a simple leh hak nuam thei tur ang ber chu ka in bel sawk sawk a, jeans hi ka ngaina a, ka ha nasa bawk, khawi lo chhuah na reng reng ah jeans ka ha tlang pui




Ka in siam zawh chuan in hnuai ah ka chhuk leh a, "ka pa alo thleng tawh em" u siami hnen ah bawk chuan ka ti leh a, "a room ah khan a lut a , a inti fai lawk aniang " alo ti ve mai a, vawin chu nidang zawng aiin a rilru a hrehawm in a nunhlui a ngai thar dawn tih ka hria








a hmangaih ber kumkhua a khawvel hmachhawn pui tur a a thlan leh a duh ber thih cham ani si a, mahse chutih rual in a fanu piancham alo ni ve leh chiah bawk a, ka pa tan chuan vawiin ni ang hi kum tin ni hrehawm ber ani ngei ang





Room atang a a rawn chhuah chuan nuisang in "ka fanu duat" tiin ka chal ah alo fawp vawng vawng a, ka tah a chhuak leh tlat tawh ka piancham min lawmpui hi a chak ve tih ka hria , ka piancham kan lawm rualin ka nu thih kan lawm ani ringawt zel a, ka pa tan tak hian avan harsa dawn tak em!







"Pa chaw ei ila, ka nu chu zuk tlawh vat ang min ngai tawh lutuk ang" ka tih chuan "umm chaw ei in peih tawh ami?" atih chuan "peih daih tawh e, i leng rei lutuk a, kan tamchhawl lo chauh tawh" tiin choka lam ah chuan ka kai phei dawr dawr a, a nui ve suk suk ka hmuh chuan ka lawm ru kher mai






U siami nen chaw ei kan siam a, ka pa a tawngtai a, he khawvel eng min hmuh tir avangin lawmthu a hrilh tel bawk , kan chaw ei lai te chuan ka pa chu nidang a anglo riau in ka hria a, mahse hrelo derin tih hlim tum in chaw ei lai mah nise fiamthu ka thawh lui char char









Ka pa nen in atangin kan chuak a, pangpar dawr ah an neih to leh tha ber kan lei hnu ah ka nu riahrun rem na lam pan chuan kan kal a kal kawng ah chuan hla te ngaithla in kan zai pui a, boruak rit lutuk tur pawh a zia deuh




Reilo te ah ka nu thlan chu kan thleng thla thuai a , pangpar chu dah in "nu ilo dam tha em?college ka kal atang hian ka lo tlawh khat che tih ka hria , min ngaidam rawh aw nu" ka ti a, ka pa chuan ka darah rawn khawih in "bawihte kan tawngtai lawk ange aw" atih chuan ka lu ka lo bu nghat nghat a







A tawngtai zawh chuan ka nu thlan lung a a thlak kan chhut kai tur chu bia in

"Lei lam rawn ngaihtuah lo la, nangmah zawk kha hlim deuhin awm rawh aw, i fanu Roseparmawii pawh a nula ve tawh lutuk a, ka theih ang tawk a tha in i mit tlun loh hlau tak in ka en kawl a, i mit erawh a tlung zo kherlo maithei mahse Amawite, theih tawp chu ka chhuah ve ania, keichuan ka hmangaih em avang leh ka neihchhun anih tawh avang hian a tlinloh na lai leh a thatloh na lai te engmah ka hmu ngailo a, ka tan hi chuan a perfect mah mah ani" tiin a nui suk a, kei erawh ka mittui ka dang zolo




"Nangpawn kei ai daih in i hmangaih ang tih ka ring Kan fanu hi maw Amawite, a fel lutuk a, enkawl harsa in a awm ngailo a" tiin min rawn en zeuh a "chuan atahbelh emem bawk , ka duatlo deuh a hriat chuan 'Anu anu' ati thin a" tiin a chawl dat a "kan pa hnih a enkawl dun ka chak ani" tiin ka nu thlan lung hma ah chuan kun in ri chhuak si lo chuan a tap khur ta ngar ngar a , kei pawh ka in sum zo biklo thu hniam in ka pa chu ka zu kuah a, kei zawng tah lam pang hi ka in sum ve thei lo a, ri chhuak meuh in ka tap a, mipa te zawng anlo in sum thei ngei mai






"Nu .... Ka pa hi maw a fel teh mai ania, i bul a kan lo kal ve hun ah chuan lo duat hle rawh aw" kan boruak rit lutuk a zia deuh hnu chuan ka ti a, ka pa pawh a nui ve suk mai "mahse nu, a thianpa deuh reuh hi mintih pui a tum tlat a" ka tih chuan ka pa chuan "a tan a tha ber tur a ka hriat ania, ka dampui reng dawn lo ka awmloh hun ah pawh kan fanu enkawl thei tu tur ani a ka hriat vang ania mahse a duh loh talh chuan ka tilui chuanglo" tiin ka nu hnen ah chuan a in sawi thiam mawlh mawlh a , ka nu pawh Vanram ah alo nuih ve ngei ka ring






Ka nu thlan lung chu bia in ka pa nen chuan kan in hek tawn a, ka pa pawh a tawp a tawp ah chuan a nui chhuak ve ta nge nge a, kan kal dawn chuan ka nu chu va fawp vang vang in "ka lo tlawh leh vat ang che duhtak ka hmangaih che" ati sap a, a mittui a hru zeuh chu hmu in "nu , ka pa ai khan ka hmangaih fe zawk che ania" ka lo ti vat a, ka pa pawh nui leh suk in "nia bawihtei nen hian kan hmangaih lutuk che ania" tiin kal leh vat tur a in tiam chung in ka nu chu kan kalsan ta rih a







"Bawihte, ka thianpa ten ah kan kal lawk dawn mi" tiin min rawn melh zeuh a, hmun dang a kal a duh leh duh loh zawh ka lo tum lai tak anih avang chuan ka lawm ru kher mai "tehreng mai" tiin ka lo nuih ver ver a





"Ka fanu hmeltha nuimawi sin sen te" ati leh tawh naupang chhia deuh deuh hian min be leh thut thut zel "naa pa ka thiante awmlai ten khati khan minti leh ange aw" ka tih chuan rawn nui chhuak hawk in "engati maw" arawn tih chuan "anuamlo lawm kan nula ve tawh a" ka lo ti vat ,hetia duh loh hmel deuh a ka lo awm te hian nuam hi ati thin a, diktak a sawi chuan hetia naupang chhia deuh deuh a min biak te hi a nuam ka ti reng atan chuan a fanu a kut phah a leng tawk lek kha ka la ni reng tlat ani




rawn hawi phei in "ka kut" atih rual chuan "ka phah a leng tawk leh kha inia" a sawi ang apiang chuan ka lo sawi pui a, kan pafa chauh nisi in kan hlim ta phian a




Lungngaihna karah pawh kan hlimna tur tawk te hian Pathian hian ro min rel sak thin a, ka pa lungngaih ni tak a, tihlim tur a akiang a ka awm hi ka lawm takzet ani






"Kan thleng ta " tiin motor chu a ti ding dat a, kan hmazawn a in chu thlir in "pa hei i thianpa te in chu maw" ka tih chuan "umm.. i pa muanpuia te in anih hi" tiin motor atang chuan a chhuk nghal thuai a, pa muanpuia atih takah chuan ka pa chu en vat in



"Hman a i thianpa kha maw?" ka tih chuan alo chu lo bu nghat a, mahse a zawn chhuah tawh thu a sawi ngai miah silo a




"I va sawi ngai silo ve" tiin ka pa chu ka pan a, "kan in be reng zel alawm i hrelo maimai anihkha" atih chuan ka lo en kar "ka thiantha ber ania, i nu nen kan inneih hian ka dinpui nghe nghe alawm" ati leh nghal zat a, chutia a thianpa a zawng chhuak chu ka lawm kher mai




"Engtik khan nge" ka tih chuan "ala reilo vawi hnih vel chiah ka la leng a" ati a , a hmel ah chuan a thianpa ber a hmu leh chu a hlim ani tih ka hre thei






Pa muanpuia hi chu ka pa hian a sawi fo thin a, ka nu nen an inneih hnu lawk in an sumdawnna a tlak chhiat avangin thingtlang lam ah an pem a, mahse ka pa in zawng tur a a zu kal khan an pemna ni a an sawi ah pawh chuan anlo awm ta silo kha ani a, tun a an in hmu chhuak leh chu ka lo lawmpui kher mai





Doorbell chu hmet in hmeichhe aw in "lo leng rawh u" tih pah a kawngka lo hawng in "ehe Daniel, Oii rose ,lo lut ru" ati nghal zung zung a, pa muanpuia nupui anih ka ring nghal ringawt

" duhtak Rose-i alo leng ania" tiin a au zui nghal zat bawk





"Ekhai... Atawp atawp ah chuan Rose-i pawh kan hmu ve thei ta alawm i nu vanglai ang chiah chiah inih hi i hmeltha kher mai" tiin pa muanpuia chuan ka kut chu a rawn vuan a "khawi teh thu phawt teh ang u" tiin Pa muanpuia nupui zawk chuan alo ti thuai bawk





"Tlai ah chaw ei ve nghal rawh u aw" ati leh siam siam a, keimah min en tlat avangin chhan mai na chang ka hre lo , ka pa chu ka va en a , alu a lo buk nghut tak si ah chuan "nia" ka ti ta ringawt




An pa thum lah chuan min nuih leh si a, ka lai chhe zo ta vek " I nu tetei anih hi" tiin pa muanpuia nupui chu min hmelhriat tir leh hnuhnawh a, an nupa an lian in an hmeltha dun kher leh nghal





"Fapa pa hnih kan nei a, fanu hi ka awt thin lutuk a, kan bazar dun thin dawn nia aw" nu tetei chuan ti siam siam in hun remchang hmasa ber a bazar dun tur chuan thu kan ti tlu ta nge nge a


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:54 pm

VE RUP MAI NA! CHAPTER-30




By Pie sangtei







Chaw ei ve nghal tur a min tih tlat avangin chaw ei tur chuan kan in buatsaih a, ka pa leh pa muanpuia erawh an la titi tui khawp mai




Nu tetei nen chuan eirawng te kan bawl dun a "i nu ang chiah in min ngai rawh" atih avang leh keipawn nu hmangaihna ka la dawn ngailoh avangin nu tetei pawh ka hmuh tirh phat atangin ka ngaina nghal hle





"Mama chu a awmlo a, bawihpuia hi class a kal a , alo la haw lo a" tiin a fapa te chanchin chu a sawi a, "fanu ka neih chak theih zia chu keima lam fel loh avangin doctor in nau pai a phal ta lo a, bawihpuia hi hmeichhia ani dawn emaw ka tia" tiin a nui sang reng a, a hmel atang chuan fanu a awt ve taktak tih ka hmu thei





"Rose... Lo leng ziah rawh aw" atih chuan "nia ka hman remchan apiangin ka lo kal thin ang" ka lo ti ve vat




Phone chu rawn ri in "lawk aw mama'n min lo call anih hi ... Aw hello mama" atih zawm nghal zat a, maian chu ka lo hik mawlh mawlh maian awmlai hi chuan han ei deuh reng ila ka duh ber mai





"Ehe... Nangmah i tha maw?" hlauhthawn hmel zet a nu tetei in a tih chuan amah chu ka en zawk a, a kut leh lam in a phone a keng a, lehlam in a thin zawn a khawih a, a mama chuan engthu tak rawn hrilh ang maw!





"Aw hei... I pa daniel-a te pafa in chaw an lo ei dawn a" atih rual chuan ka tho a, kan chawhmeh kan lah chu alo ut tep ka lo theihnghilh daih alawm mawle




"Awi Rose, a ut hman em?" Nu tetei chuan phone la hmang reng chung chuan arawn ti a "ut tep mahse a ut lo" ka lo tih chuan a nui ta ringawt a, phone ami chu be chhunzawm in "chutia law, anih chuan kan chhuah hauhlo ang" ati leh a, engthu tak sawi dun ang maw




"Aw hei rawng kan bawl dun a" tiin lehlam ami chu a hrilh mawlh mawlh a, ka chung chang sawi an ang tlat





An duhtawk an in be ta aniang "ka hahdam huai mai" dawhkan a phone dah pah chuan ati a, engmah ka zawt zui duh lem lo an chhungkaw thil lo va zawh dut dut kha anuam chiahlo






"Mama te pawh anlo haw mek a, dar 8 vel ah kan lo thleng ang atia, la awm ve rih ru aw" atih chuan keimah thu in aw ka pawh ringawt ngam loh avangin "ka pa tih dan dan ani mai" tiin ka chhang a, "anih chuan i pa chu hmin sa" tiin a nui sang a,





Maian kan hih dun lai te chuan nu tetei chu a nui vur vur reng a, a fapa chuan engthu tak rawn hrilh ang maw!





U siami call rawn lut chu chhang nghal thuai in "u siam kan tihpalh lutuk ka lo hrilh theihnghilh daih che lawm" ka ti nghal zat a, ani lah chuan "engmaw" alo vat "Pa muanpuia te in ah chaw kan ei dawn ka pa nen" ka tih chuan "i pa in minlo hrilh tawh alawm ka tello hian i hlim riau" arawn tih chuan ka nui tawp a khua a har leh tawh aniang




"Kan lo haw har lo ang" ka ti a, nu tetei in min lo en vat ka hmuh chuan a fapa mama atih kha nghak turin min ti tak



"Kan lo tlai deuh mai thei bawk" ka ti leh ta ringawt a , nu tetei pawh a nui suk mai




"Umm.. In len khat em kha, min rawn ngaihtuah duh reng reng suh u, keite chu ngaihtuah ka ngai hleinem bialpa pawh ka neilo a" arawn ti duah a, a lungleng awk ngaihna hrelo anih hi




"I duh leh lo kal ve la" ka tih chuan "iti taktak em?" alo ti vat "i lo kal ve duh taktak ami?" ka ti leh a, "taktak e, zep loh chuan ka hlau deuh a" arawn ti chuai raih ava han dawih ve tak e aw...





Nu tetei chuan thilsawi chak hmek deuh hian minlo en reng avang chuan "lawk aw u siam lo vuan lawk" ka ti ta tawp a "lo kal tir ve rawh" atih tak si ah chuan "lo insiam la, ka rawn lam ang che, an veng awmna hi ila kal ngai silo a, i thiam lo ang" ka ti uang vel a, "kal thiam lohna ka neilo e a, an phal ve taktak ami" inthlahrun hmel deuh chuan arawn ti leh a, "tehreng mai" ka lo ti vat "aw ka lo nghak ang che kan insiam ange" tiin phone chu a dah zui nghal hmak a







Nu teitei chu en in "u siami ania, ka pa nen a min enkawl tu kan engkim ani mai" ka tih chuan alu lo bu nghat nghat in "in pafa tan chuan ahlu ngawt dawn anih chu" tihtak zwt chuan ati a "tehreng mai a hlu mah mah" ka lo ti vat





"Ka va hruai lawk anga, kan lo let hun ah rawng hi chu kan bawl chhunzawm anga, u siam in eirawngbawl a thiam lutuk" ka tih chuan "va kal rawh rawngbawl lam kha chu rawn ngaihtuah suh u , i bul a awm ka chak avangin ka tihtir ve maimai che anih hi" ati a, a fel chiang ani, ka nu ang mai a hmeltha ani leh nghal





Thutkhawmna pindan a ka pa leh pa muanpuia titi tui lai chu va tih buai hreh viau mah ila ka pan hnai a, "pa u siami alo kal ve dawn a, ka va hruai lawk ang aw" tiin ka pa leh pa muanpuia chu ka melh tawn zak zak a, pa muanpui an nui sang in minlo en reng bawk





"A hlau ami?" ka pa in atih chuan ka lu chu ka lo bu zeuh a, "nu tetei pawn va hruai rawh atia" ka tih chuan ka pa te pa hnih chu an nui suk a, "umm va kal rawh fimkhur la" atih rual chuan in her in pawn lam pan chuan ka chhuak leh nghal a





Min au ri ka hria a, mahse enge an sawi ka hre thei tawhlo





Ehe.. Keihi bike ka keng reng reng hleinem ka pa car lah ka khalh thiam ve chei silo


Ka kalna piang deuh thaw ah ka keng thin sia, ka keng leh emaw ka inti anih hi engtin nge ka tih tak ang




Rilru buai deuh a ka awmlai in kawngkapui in hawng ri ka hria a, hawi phei vat in ka pa chu hmanhmawh deuhin alo chhuak "bawihi bike i keng bawk silo a" atih chuan "nia ka keng amaw ka tia" nui sang chung chuan ka lo ti vat



A bul lawk a pa muanpuia ding chuan "bike i khalh thin amaw?" alo ti ve vat chu ve leh ka pa in "bike lo chu a duh bik tlat lo mawle" tiin an pa hnih chuan an nui huah huah a, ka lo nui tawi ve tak ringawt ka pa hi chuan ka chanchin sawi te hi nuam ati thei ve hrim hrim a, eng vak ni silo hi min chhuang ve thin ania








Nu tetei chu rawn chhuak ve leh in "mama bike a awm alawm va hmang mai rawh" arawn ti thuai a , chutia an neitupa awmloh lai a a bike lo khalh sak chu ka duh bik chiah loh avangin u siami chu ka phone hmasak tur thu ka hrilh a, an pa thum chuan minlo nghak thap ka hmuh chuan ka nuih aza ang reng






U siami chu ka call nghal vat a, ala chhang thei lo zui vawi li vel lai ka call pawh chuan a ring ral thak thak a, nu tetei pawh chuan "va kal mai rawh" alo ti ve reng bawk nen Nu tetei fapa mama bike chu ka hmansak ta ringawt a, a hriatchhuah hun ah erawh a lawm kher in ka ring lo




Helmet leh bike chahbi nen arawn chhuak a, helmet lah chu ka thawl ropui sia a dang han dil dawn ila an neih hmel bawk siloh


Thawl deuh chung chuan ka khum a, ka va han confi lo ber mai tak




An garage ah chuan min luh pui in "hei hi ania mama bike chu" atih chuan mak ka ti hle Super bike officer-a ta ang chiah chiah kha ani




Officer-a bike aniang ti ringawt dawn ila Super bike te chu mizoram ah pawh nei an awm ve nual tawh a, officer-a ta kha chu ani theilo hrim hrim




Bike ah chuan lawn in ka start nghal a, ka tlukpui te chu ka hlau ang reng hle ato si , tuhrik tiat lek pawh ti rang ila a kah leh na man a to dawn ropui mai sia




Ka tlanchhuah hma chuan u siami chu ka call leh ngat a, va kal kher hi ngailo se ka ti takzet ani



Ala chhang thei chuanglo henu hi enge maw atih le?





Zawi muangin garage atang chuan ka tlan chhuak a, kawtzawl ah ka pa leh pa muanpuia lo ding chuan minlo en reng a, an hmel chuan ka nuih ati zak kher mai



Helmet lah chu full face anih avangin ka hmel an hmu thei lo mai pawh a, ka nuih ani tih hria se chu a chhan min zawt ngei ngei ang





"Lawk rose, i tlanchhuah hma in thla ka lo kalsak lawk che i inhmeh lutuk" tiin nu tetei chuan a phon a phawrh nghal thuai a, lo in post teh vak lah chu anuam bawk silo a, ka lan mawi loh ka hlau tho bawk si dinhmun chu laklawh ve duh tak ani





"Duhtak.. Kal tir tawh rawh" pa muanpui an alo tih chuan nu tetei chu anuih aza ngang mai "va kal phawt mai rawh fimkhur la aw" atih chuan ka lu lo bu zeuh in ka tlanchhuak ve nghal a,




Side glass atang chuan an lan theih thleng chu ka thlir reng a, min en zui reng a, engtak chu sawi chhunzawm ang maw!




Super bike nge nge khalh anuam ngei mai ka tlanpelh te lah chuan min min n zui vawng vawng zel leh nghal a, nuam ka ti kher mai




Engtik ni ah emaw chuan ka la lei ve khawp ang mawle





In chhung ka luh rual chuan u siami ka au nghal tuarh tuarh a , "ka lo chhuk" atih rual chuan step ah alo pen thla nghal zat




"Tinge call ilak theih miahloh a" ka tih chuan "nangpawh" alo ti ve nghal thuai a "nangmah zawk anihkha vawi engzah nge ka lo call che"




"Vawi ruk(6)" rang zet in alo ti nghal vat



"Ngatinnge a" ka tih chuan "ka inbual lai anih kha bathroom ah phone ka ken luh ngailoh kha" alo tih chuan chhan vak ngaihna ka hrelo thudik ani miau ani




"Kal vat ang teh tuh mai" ka tih leh chuan nui uarh uarh chung chuan "kal ila animai lawm driver" ala ti hram a, keipawh ka lo nui tawp






"Ehe tu bike nge" ka bike ken a hmuh chuan ati hluai a, "nu tetei fapa mama" tih zawngin ka lo chhang



"Keichu bike dum hlang hi a nalh ka ti" tih pah chuan a rawn lawn ve nghal zat a, ka lo nui suk ringawt




A bike a lam hi a en tawhlo a, a rawng ah hian ani chuan a en ber zel scooty pawh ani tho... Hmanni pawn kan thenawm ami te hian Ntorq an la thar a, a sen vat mai , nalh atih loh thu sawiin "keichu tiang scoty kha chu nalh ka tilo" ati ve ngei ahnu ah bazar ah kan chhuak dun a Ntorq tho rawng vel an thlak vek kha a hmu a "Rose keichu tiang scooty hi ania nalh ka tih chu" ati leh a, thenawm te ta nen a a in an thu erawh ka hrilh duh ta lem lo a, a rawng ber hi a buaina chu ani






Tluang tak chuan kan in khalh thleng ve thei ta hram a, in chhung kan luh dawn chuan "ka zak e" ati leh hnuhnawh a "aho lutuk" tiin ka kalsan lui a ka mitmei ru reng bawk, ka rin lawk ang chiah in minlo zui ve nghal zat bawk






In chhung kan luh rual chuan "anlo thleng ta" nu tetei chuan alo ti leh nghal zung zung a




An thutkhawmna lam panpui in pa muanpuia leh nu tetei hnen ah chuan ka in hmelhriat tir a "i fel hle mai kan unaupa te pafa ilo enkawl thin a" tiin an fak ve luam a "anni ka tawng hi ka lawm daih zawk " u siami lah chuan alo ti vat bawk a, kan han nui ho leh rih






"Mama chuan chaw chu minlo ei san mai ru atia, Lalduhkima ka han ko anga chaw kan ei dawn nia" dar 7 rik dawn hnaih chuan nu tetei chuan ati zung zung a, in chung lam ah a pen chho nghal thak thak bawk





Reilo te ah Lalduhkima ni ngei tur nen chuan anlo in zui thla leh dat dat a "ka la ei peihlo a sin mawle" ti nuah nuah chungin pakhat zawk chuan a hnung ah arawn zui a, nu tetei lah chuan eng ah mah ngailo in a rawn pen thla hmiah hmiah





"Awi mahse dar 7... Duhtak chanchinthar ngaithla lawk ang vawin thilthleng vel kan officer te chanchin pawh hriat a chakawm" ati leh rih a, ka ril a tam ru viau tawh an chungin keipawn chanchin chu hriat ka chak ve tho avangin ka lo thlawo khawp mai





Tv a on chu Vanlalchhuangi chuan alo puang dawn chiah nghe nghe a, nu tetei chuan hrechhuak fuh chat chat khawp mai





Mizoram a thilthleng liantham kan neih lai anih vangin a hmasa lam ah an puang a




Ka rin ang ngeiin officer-a chuan tualthattu chu a man ta ngei a, mahse ka lunglawm a kim hauh lo, officer pakhat a inhliam niin an sawi a, kan Officer-a anih ka hlau takzet



A puam chhunzawm leh na pawh chu ngaithla tawhlo in bathroom awmna nu tetei ka zawh hnu ah chumi lam pan chuan ka tlan phei nghal a



.kawngka ka khalh fel hnu chuan ka phone phawrh in Officer-a ka call nghal vat



Ala in switchoff zui avang chuan ka hlauthawng zual kher mai



Hetiang a ka hlauhthawn vak na chhan lah ka in hrelo kan mizopui ani a, ka pa nen hna an thawk dun bawk a, kan in ah te alo len tawh vang ani tiin keimah leh keimah chu ka in hrilh mawlh mawlh a



Bathroom atang a ka chhuah hma in vawi khat ka call leh hram a, ala in off tho





Officer engtin mah awm suh aw? Hliam engmah nei suh aw? Ka rilru chuan ka ti mawlh mawlh a.







Midang ho pawh an duh ang chanchin an hria ani ngei ang an hlim hmel hle a, a dang an puan erawh ngaithla tawhlo in chhung inkhawm kan hmang a, Pa muanpui an tawngtai na a hman hnu ah chaw ei turin kan in buatsaih a





Nu tetei chawhmeh siam a tui hlawm em avang chuan kei pawn chaw ka ei leh teuh mai




Ka ei teuh teuh a, ka thau thei chuang silo a, ka kg erawh keimah phulo in a rit leh ang lawi a, kg 50 aia zang ka ni ngailo thung




Keimah min hmuh mai hi chuan kg 40 vel ka nih an ring tlangpui thin





Ka pa te ho chu titi in an vanglai an sawi pah a, lalduhkima erawh a ngawi reng a, a chaw ei lai chu a ei mial mial





Ka rin ai daih in a ei thei phian leh nghal ala ei peihloh thu kha a sawi ve zuah zuah sia





"Rose .. Lo leng ziah rawh aw" Pa muanpuia chuan ati a, "nia" tih zawngin ka chhang mahni chauh a len ziah te chu ka duh bik teuhlo mai





Thleng ka sil a, u siami leh nu tetei in chaw ei na an ti fel thung



Nu tetei chu a ti ti siam siam reng a, a chang leh kan lo nuih pui a, nu tha tak ani a, a pasal leh a fa te tan pawh hian a hlu ve ngawt ang



Ani ang nu neih hi ka chak thin ka nu kha la dam in kan hnen ah la awm ve nise nu tetei ang hi ani ngei ang




"Rose bialpa inei tawh em?" Nu tetei chuan alo ti thut a, ka chil ka hak a, ka la khuh vak vak zui "nei nang rim tu chu anei" u siami chuan alo ti vat a, ka va melhrum a , hrelo ang hmakin ala awm zui





"Khawilam mi nge a?" Nu tetei chuan tiin a zawt chhunzawm leh nghak zat a "Officer-a ania chanchinthar ami kha" tiin pakhat lah chuan alo hrilh zung zung a, ka zak dawn tih te hi a hre thinlo amawnle





"Chuti maw" tiin nu tetei chu a nui ver ver a, a mood a on hmel kher mai





Kan intih fel meuh chuan dar 7:30 alo pel deuh duai tawh a, tihtur avang duh kher mai puitling ho titi na bul ah u siami nen chuan kan lo thu ve reng a




Whatzapp ah kan thianho in kan inbia a, kumtin vawiin ni ang ah hian nilengin min be ngailo zan lam ah min rawn be chauh thin





Ka birthday chungchang engmah kan sawilo a, broken king-a pawh an hrilh anih ka ring atawngkam hman atangin ka hre thei nidang a ang tlat lo



Fiamthu te thawh in kan in kap leh bawrh bawrh a, ka lo nui leh ver ver thin




Doorbell ri ral ral pawh chu ka hre reng a, ka message thawn tur hi ka type laklawh em avang leh kan in anih loh avangin ka bengkhawn lem lo




"Duhtak mama alo thleng" tiin nu tetei chu arawn au chul a, "alo thleng anih chuc pa muanpuia pawh chuan phur hmel zet a alo tih tak ah chuan phone lo khawih reng chu nuam ka ti ta chiahlo



Phone chu dah in Nu tetei fapa duatlai mama lo kal phei tur chu ka lo thlir reng a




A rawn lan chiah chuan ka thut na atangin ka ding nghal zawt



Mak ti lutuk chuan Officer-a leh nu tetei rawn kal phei chu ka en a







Kan story chhiar tur hah taka ziaktute hian ADS KAN CLICK hian hlawh an lo nei ve zel thin a, chuvang chuan a thlawna chhiartur min ziaksaktute tan ads i click hram hram ang u



(Mitthi kan nei a, tukin zing dar 6 khan thingpui te kan lum a, zanah khawharin kan kal leh a, ka buai ve tuk a, ka rawn dah sei thei lo)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)