VE RUP MAI NA! BY Pie Sangtei (Completed)

[Ngaia]

VE RUP MAI NA!


CHAPTER-1








"kha ka thi dawn,top ah hian rawn chho ru, aldous rawn thlok chho ta che mawle, ka thi! hrep tak hian noob hlawm lutuk ka ning tlat hetiang a an thiamlo anih te chuan khelh ve loh mai tur hi nia" tih pah chuan ka phone chu ka hma zawn ah ka vawm leh chawrh tawh, tun hi a vawi 1 na ani hauh lo... Tin tun a kan game khelh ngat phei kha chu kan chak anih chuan ka mythic thei dawn a, pawl te mawl lutuk vang in kan chak dawn chuanglo bawk...









"I phone ilo vawm leh ta nimaw" hmanhmawh lutuk in choka atangin u siami alo tlan chhuak hlawk hlawk a. Ka phone awm na lam chu a pan vat... Nui var var a min rawn en pah hian











"enteh Rose tun tum chu a keh miahlo" tih pah chuan ka phone tun a ka vawm zawh chiah chu a rawn lek kang vu vu a...
"hei i thian te pawh an la in khel anihhi"



Atih zawh rual rual chuan hmanhmawh lutuk in a awmna lam ah chuan tlan phei ka rual a, ka phone chu ka ban nghal vat bawk...









"eheee"tih pah chuan ka nui nghal vur vur a, a chhan chu turret anlo push nasa toh mai.. Tihi chuan chakna chance kan nei ve e.. Chat ka en chuan minlo troll leh nasa hlawm viau huat ah pawh ka la theilo ka nui suk a.. Base a tang chuan ka tlan chhuak ve nghal...









Rei ngial kan khel leh hnu chuan kan chak ve ta hram a, ka mythic ve ta.. Ka va han lawm tak em...









Ka screenshot nghal a, status ah ka hmang dawn, a chhan chu rank min push pui duhlo te ka hmuh let duh vang ani... Ve maimai a.. status ah te ka hman zawh hnu chuan data ka off hmak a... Phone chu dah in u siami chu puih a ngaih leh ngaihloh ka zawt nghal zat , a ngaih lem loh thu in min chhang mahse "ka lo pui ang che" ka ti ta tho...









Eirawngbawl hi thiamlo tawp ka nilo a, ka siam thiam ve vek mahse a tui thei ngai thak lo hi enge a chhan ka hrelo.. U siamtei in telh tur a min tih zawng zawng ka telh kim vek pawn a tui ngailo.. Amah erawh chu kan ti hluai teh ang.. Kei chu ka thiamloh te thiam tum tlat mi ka ni, ka thil tihna kawng ah ka fail anih pawn ka beidawng ngailo pass leh turin theih tawp in ka bei thin...












"u siam sa um bai kan siam leh ang aw" nui var2 chung chuan fridge ka hawng a.. Hmarchapui ka lak chhuah chu dawhkan ah ka dah a, leh lok saum bai kher kher hi ania ka siam thiam thlot loh chu









"ihh alo tui loh leh palh takin hmarchapui hlang hian kan test phawt anga, atui chuan pakak ani mai"










"lungngai suh a tui tawh ngei ngei ang" tih pah a ka dar a rawn vawn chuan ka nui chhuak hawk... Ka siam ngun ve tawh em a ka siam ngun ang hu hian a tui thei thaklo leh nghal a... Tun a ka siam leh tur pawh hi a vawi enge maw zahna ani tawh...Saum bai ka thiam chak emem vang pawh anilo, saum bai maimai thiamlo nula nih kha tlawm a ka lak vang a ka thiam hma hetia siam ve char char hi ka ni...











Ka nutei min hrilh dan in , bel ah tui vawt ka dah a, hmarchapui chu thlak in ajino, chi, soda leh saum in chawpawlh rem tur tawk ang a ka rin chu ka telh bawk, gas chu on in ka chhuang nghal thuai a, ti hian a hmin hma chu ka chawk dawn ani...











"U siam ka off phawt amaw..nakin ah ei dawn a chhuan lum pah a hmin chiang turin ani mai.... Ka pa lo haw ve leh min rawn au rawh aw "


tih pah in ka room lam ka pan nghal a, ohh phone ka theihnghilh, hmanhmawh tawk a tlan let in ka phone chaw ei dawhkan a ka dah chu ka zu ban a ka tlan let leh rual chuan "mood on hle mai" u siam in nui var var chung a minlo tih chuan hawi let tawh lem lo in ka nui zui sak.. Nia ka mood hi a on ve em asin a chhan chu ka mythic tawh a..










Games khel ve thin ho chuan in hriatthiam ka ring, Rank ah leh lek phei chuan tan(tran) ana emem a, thin phu dup dup in ka khel thin, ngaihzawng ka nei ngailo a, ka ngaihzawng chu mobile legend hi ani mai, pubg hi ka khel ve zeuh zeuh a mahse ka lu atih hai nasat thin em avangin pubg erawh ka khel regu lem lo...













Room ka luh rual rual chuan data chu ka on nghal thuai a, message lo thleng tak(trak)2 zingah chuan rank min push pui duhlopa inla pro overa message pawh alo awm "congratulations" tih leh whatzapp a pangpar awm zawng zawng deuh thaw leh bomp te, mei alh lem te a rawn thawn tel tuarh... Ka seen a, ka reply awmlo ee












Chat ka en thla leh a.. Kan mimawla message pawh alo awm leh tawh, hepa hi a a tak tak in ka hre tawh... Kei a kara hmangaihna lam hrelo lutuk berkher hi engtia hmangaihna lam rawn sawi chiam chiam zel nge maw anih le... Hmeichhia a kar a single leh ngat phei chu be tu neuh neuh ka ngah ve a,. Kei akar a minlo duh der a minlo be peih chu tiin ka chhang vek zel mahse ka be chhun zawm ngailo... Number save an duh pawn ka save mai a...biak chhunzawm chakawm leh an beisei tur zawngin tu mipa hnen ah mah ka awm ngailo bawk .












Chutiang anih lai karah he pa ve hi maw sawi ngaihna pawh ka hrelo minlo biak tirh atangin a rilru nat thu te, a bialnu in alo kawp a a rilru nat thu te, hmeichhia a rin tawhloh thu te, uii atam ltk chutiang chu a rawn sawi vakvak zel a.. A tir chuan tha deuhin ka reply zel a..a chang phei chuan ka thian heti lam a hmelhriat ngah deuh te ka va zawt a, chu chu ka thawn ve leh tawp thin.. Mahse ka message thawn chu chhiarlo in a sawi duh ang a sawi ngat ngat a.. Han khak deuh fawk ka chak a mahse thil ni thei in ka hre bawk silo... Ka reply loh pawn a rawn thawn reng thin... Thla tam aliam tawh tunah chuan ngai ah ka nei a.. A chang phei chuan ka seen ngailo..reply loh theihloh a minlo biak ngar2 zel avang leh midang ho in a min rawn biak thin dan ang nilo lutuk a min rawn biak vang hian ka reply leh nge nge zel a, mahse ka reply apiang in ka inchhir nghal ziah, a chhiar ngai lo, Vawi 1 phei kha chu doctor hrekima number ka va thawn a be tawp turin ka hrilh bawk..chupawh chu eng ah mah ngailo in a duh chu a rawn sawi leh ngar2 tho.. Chuvang chuan hnem a sawipui chi ni pawn ka hrelo a enliam tawp mai loh chu tih vak ngaihna pawh ka hre tawhlo.. Ka number te hi engtin nge maw a neih reng reng ni,..













A message pawh chu chhang chuanglo in kan thianho group lam chu ka lut a,pa 5 lek awm si in anlo ri leh nasa tawh khawp mai, chaw ei khawm anlo rawt leh rigawt tawh bawk a,






*ka peihlo* tih chu type in ka thawn nghal thuai a...











*hey i over aw* rang lutuk in zawr'in alo ti nghal, a che rang thei ania, whatzapp hi a vil emaw tih mai tur ani.










*ka peih hleinem, naktuk ah result a chhuak tawh don a, ka mark tih that angai* ka tih leh chuan *i ninawm* min rawn ti let erh reuh a...











Midang ho pawh chu rawn tawng ve in *result te han chhuak phawt se, rose'in a duhthusam bike te han lei phawt sela, bike thar lawm pah in kan la ei khawm dawn nia* ti chuan thuthlukna chu an siam fel ta hlawm a... Nia an sawi ang khian 12 zirlai ka ni a.. Nilo ka nilo tep tawh zawk... Lehkhazir hi nuam ka ti a, ka thiam theih bawk... 1st term leh 2ndterm khan pa khat na niin distinction ah ka pass veve a.. 3rd erawh board anih avangin pakhat na nih em chu ka in beiseilo, ka pa in top 5 a i lan chuan i duhthusam bike ka lei ang che minti a, bike hi lei ka ngen reng zel a.. "college te han kal ve phawt la" mintih tlat zel avangin 12 ka pass hun hi ka nghakhlel emem thin.. Scooty chu ka nei a. Mahse bike ka duh zawk.. ..












Ka pa nen chiah hian kan chhungkua chu kan ni mai a, u siamtei hian a tul tul a minpui turin kan in ah a rawn awm a... Ka tan chuan ka unaunu ka engkim a ka engkim ani mai..ka ngaina a, ani pawn min ngaina ve hle in ka hre bawk.. Ka nu hian raicheh in min boralsan a, ka nu hmel han ngaihtuah tur pawn a chang chuan ka bo thin hle.. A kut in min chawi hmanlo a..a damlai hmel ka hmu hman heklo chuvang chuan ka nu ka ngaihtuah chang hian a hmel hi ngaihtuah thiamloh chang tam tak ka nei thin...












Ka pa hian nupui dang pawh nei leh tawh chuanglo in tihian min enkawl tawp a, ka duh engkim min tihsak thin... Doctor ve meuh ani a, kei min chawm in min enkawl tawp ... Sum hi ka heh vaklo hrim hrim a.Mahse duh ka neih tawh chuan neih ngei ngei ka tum thin, ka duh thin lah hi sum hlawm chhuah hawk hawk na tur thil a nih thin vang hian ka inthlahrung ve leh deuh thin a, chutiang ah chuan ka pa nen kan in rem siam thin hei tunah pawh 12 ka pass a top 5 a ka lan chuan bike lei min tiam ang hian.










Bialpa ka nei ngailo ka tih tawh kha, mahse maw star hi chu ka ngah tawh lutuk rigawt, kar 1 chauh te ka vei a, a awm zia ah chuan karkhat choh te ka star thin tihna ani chu... Eng ang nge ka mipa duhzawng tih hi tun thleng pawh hian ka la hrethiam chuanglo.Minlo be tu tamtak awm mahse ka biak chak zawng tumah an awmlo thung kan mimawla ngei pawh kha..












Chupa ka ngaihtuah chhuah leh rual chuan ka thaw hawk... Kei nilo in psychiatrist te pan ta zawk se la, a beisei a hmu zok awm reng sia...eng ang hmel nge a put tih hre tur in a hmel dp ah lah a hmang bawk silo a dp te reih ruih lah hi mipa kawr ha lo tih hriat tak kekawr chauh ha a kal phei mek hla tak a awm thim khuih, thla lian tawk vantirhkoh ho thla ang mai var vek chu a hnung ah lah chuan a bet vu bawk a..a bak zawng a thim khuih bawk sia... A taksa leh a thla pawh chu a inhmeh thlawt lo, alo inla dark angel ve deuh nge mawni, ka rap deuh tlat a about status ah lah chuan *kekawrte lian* tih zawng hi a hmang bawk a.. Naa.. Mi pangngai pawh va ni nghal lo chuan... A aaa tawh tak2 anihhi












In hnuai lam a ka pa tawng thawm ka hriat rual chuan hmanhmawh lutuk in room atang chuan ka tlanchhuak nghal a, naktuk mai ah kan result a chhuah tawh dawn avangin top 5 a ka lan loh palh tak thut in ka pa hi tlawn char char angai.Ka pa bul ka thlen thlak rual rual chuan "pa khawi i bag kha i chau em, lo thu rawh pa, thingpui in pah in i ke ka lo sil sak dawn che nia, tui lum nuam tawk in" tih siam siam pah chuan sofa ah chuan dim tak in ka thut tir a..









U siamtei chu chawhtawlh a tui chawi chungin alo phei bawk a. Ka lo nuih suk... Ka pa hi hetiang hian kar 1 ka tlawn tawh, ka tih ngun tawh em avangin u siamtei pawh alo in ring ve hmak tawh anih ber hi.








Ka pa pheikhawk bun lai hlih sak pah chuan
"Pa vawin chu maw nuam lutuk"ka tih zawh rual2 chuan









"eng thu lawmawm nge ni a, star thar inei leh tawh em ni" tiin minlo zawt nghal thuai a










"Ni teh nang, ka mythic a"tih pah chuan nui sawng chungin ka han melh chho ha a










"siamte, a phone alo vawm leh pek em" u siami choka lam a awm chu a au a




"naa pa, ka mythic ka tih chuan kan chak tihna lawm, kan chakloh chang chiah in alawm ka thin tertek a chhuah thin..." chawhtawlh a a ke ka dah chu hmeh sak pah chuan ka ti a









"pa daniel, vawin chu a vawm fuhlo deuh aniang engtin mah a awmlo" choka atang a rawn chhuah pah chuan u siami chuan nui vur vur pah chuan arawn ti var a.









nui chungin ka pa ka han melh chho ha a, tih vak ngaihna a hre biklo aniang a nui tawi ve tuk mai, ka pa hi ala upa lem lo a, ka nu nen hian an in nei hma hrim hrim a.. Kum 48 bawr vel choh ala ni, hna rum thawklo nana na chu a kum phulo in alang nopang emem a, ngaizawng tu pawh anei nual ani erawh hi chuan tumah a nun a han seng luh tum hi a nei ngai meuhlo....ka nu nen an in neih lai khan hna ala neilo a, ka pa natna ber pawh nuamsa tak a ka nu a dah hmanlo kha ani.. Tunah te hian la dam nise ka nu kha a hahdam dawn asin....ka pa hi ka tan nu leh pa ani a, he khawvel ah hian ka pa aia ka tan a hlu eng thil dang mah a awmlo,min enkawl dan ah lungawi lohna ka nei lo a, ka lungawilohna awm chhun chu ka hming min thlak sak duhlo hi ani... Vawi tam thlak tur a ka ngen pawn "mambawih i nu in a damlai a,a thisen ring a a pum chhung a hahdam tak leh thlamuang tak a i awm lai a i hming tur a alo phuah lawk ani a, thlak chi ani hleinem" dam diai a a tih tawh hi chuan sawi zawm tur engmah hi ka nei leh tawh ngailo...










Ka pa ke ka sil zawh chuan towel in ka hruk sak a, a chapal ka chhawp sak nghal vat bawk...












"Ih maw pa, in hospital ami senior nurse kha a fel ka ti" beisei nei deuh chuan ka ti a, ka pa hi ala upa lo a, nupui nei leh se ka ti, kei chauh nilo ka pi leh pu te pawn an sawi ve fo a. Eng he hu ah a ngaihsak loh avang hian ka pi in "bawihi nang chu pasal te nei in mi in an ila lawi lut anga, chutih hun ah chuan i pa hi a mal dawn lutuk a, hei tunah nula te ilo ni ve tawh a, i pa hian nupui nei se pawi iti em? Pasal ineih hma ngei hian nei se ka ti tak zet ani, kum upat lam a kawppui neilo a awm chu a hrehawm dawn a, putar anih hun ah enkawl tu tur nupui aneih loh chuan a hrehawm dawn lutuk chutih hun ah chuan nang lah in pasal nei in i pasal te in ah i awm deih tawh anga iva enkawl thei dawn silo, ka sawipui ngun tawh a, i pa hi chuan eng ah mah tun thlengin ala ngailo zui zel a.. Nangmah hian lo sawi pui ve chhin la, an hospital a senior nurse fel deuh kha kan tenawm ami hi ania, i pa pawh a hnar lo khawp mai lo sawi pui ve chhin rawh aw" ti in min chah ve ngei a..











"engtin nge kan hospital a nurse chu fel itih theih a i hmu tawh mi" ka phu zawk.. Ka la hmulo hrim hrim a ka pi sawi ang ang khan ka sawi chhawng ve tawp , a mitmeng atang chuan ka pi nen kan inbia tih a hre nghal tih ka chiang a nuih a zat hmel hle bawk.








"Hmu tawh ang chu, ka ...ka lo kal chang in ka hmu thin alawm" ka ti ta rigawt, ka thusawi chu a awihlo hle tih ka hre bawk..zeiloh lutuk pawh hi a buaithlak anihhi,











Vawi khat phei chu ka thiannu atei hian kan thenawm ami remruatkima hi a star a, an in be ve fo a, tum khat chu "ni tih dawn a ni chiah silo, nilo tih dawn a nisi angin kan awm a, keimah chuan ka sawi phawng hreh bawk si, lo va kal la minlo va bem sak teh" arawn tih thlawt avangin remruatkima te in ah chuan ka va kal a...












An in kawt ah a ui alo bual hiau hliau, a ui lah kha alian ropui sia, hlauhawm tak ani...an bul ah chuan ka va kal hnai a..










"ui i bual a law" tiin lai deuh chuan an bul ah chuan ka va ding ve a..









"aih, chaw ka pe anih hi" a ui bual reng chung chuan ati liam puat a, phawk lutuk in ka zuk melh a, hetiang hian ui chaw a pe thin tihna mawnle...











"aaaa.. A puar tha ngawt ang" thut hniam pah chuan ngaihtuah chiang hlei lo chuan ka chhang a, ka hriatchhuah leh rual chuan mawl ka in ti takzet ani, a bual tih ka hre reng a, chaw ka pe atih avang a "a puar tha ngawt ang" ti a lo chhan reng reng










Arawn nui chhuak ta hawk a, "enge ni rose,i rawn kal ve teh mial a" tiin pangngai deuh chuan min zawt leh ang lawi a...











"englo ania, remruat, ka thiannu atei nen , ni tih dawn a ni silo, nilo tih dawn a nisi ang in in awm ami" ka sawi zawh rual rual chuan chiang lutuk in min rawn en a, sawi zawm leh tur mai pawh hrelo a ka lo en ve reng lai chuan "ngati nge" tih pah chuan a ui bual lai bawk chu a chhunzawm leh a











"aaa.. Lo va bem rawh atia, ka rawn bem che" nui var var chung a ka tih lai in ani lah chu a meng phawk emem a, min en vung vung rigawt, ka ngaih a that tak chiah loh avang chuan








"Ngati nge Bem chu iduh lo ami" inthlahrung dak a ka tih leh chuan "Duh e, zawnglai ka nia, duh duh in min bem thei alawm"ati ve leh mai a...








"anih chuan ka rawn bem che a"ka ti ve leh vat , ani erawh chuan







"min duh ami' arawn ti ta daih,







"nilo e, ka thiannu in kan inkar hi a buaithlak emai, lo va bem teh atia ka rawn bem rigawt che, chutiang duh tih sawi te chu a" ka ti bah nawk a, remruatkima nen hian inkawm nasa chu nilo mah ila.. In thenawm na na na chu biakin lam ah te hnatlan na ah te kan in zui ve nasa a kan in nel hle... Kan school kal na a in ang ngailo a.. Ani erawh college a kal tawh thung...










A mitmeng ah chuan nuihzat na ka hmu, "ih maw ka thiannu tan ka rawn bem che" ka tih leh chuan a rawn nui chhuak hawk hawk a...










"iva han chhah tululh ve tak e aww" tih pah chuan ka chal ah a rawn nem kher anih chu






Mi han tihpui vel hi ka thiam teh chiam lo a, mahse an in ngaizawng ve ta tho a, an ni rei lem hlei lo a.(kan tleirawl chhuah tirh in ka thiannu tiang deuh hian ka bem sak tawh a, a mipa lah chuan 'i mawl e a'mintia min kalsan deih, ka thiannu ka hrilh leh chuan zeilo minti lutuk a alo thinrim nasa, ka ngaihtuah let hian ka nuih aza)..Tun ah pawh ka pa leh nurse tihpui kan tum a. A hming tak ngial pawh ka hrelo chu anih ber hi.. Ka pi sawi ang ang in ka sawi mawl ve leh tawp a... Hahthlak thin ngei mai...chutih laiin kan mimawla lah khan ka hnem beisei in a chungchang ala rawn sawi ziah bawk a..











"pa hei ka saum bai, han ei chhin teh" ka fian ken lai chuan ka hmarchapui bai ngei mai chu ka kawk vu a








a hawp lai chu ngun deuh hian ka lo en a, beisei nei tak in ka lo melh kiau








"A tui ve tawh khawp hi"atih zawh rual rual chuan







"u siam han hawp ve chhin teh" ka ti nghal thuai a , keipawn ka hawp ve bawk, ka pa khan a sawi dik tak tak... A tui... Step thar ka kai leh ta










Chaw kan ei fel hnu chuan ka pa chu a room ah lehkha chhiar in a awm a, u siam in tv a en bawk... A bul ah thu in games ka khel a.. Tunah chuan rank nilo clasic ah ka khel maimai tawh... Ka rank ngam tawh rihlo ka chakloh chuan legend ah ka tla leh anga, ka down leh char char dawn mahse ka mythic tak ah chuan glory lawlaw chu ka chak zek zek... Ka kawchhung atang hian min tur ut ut ani ber...clasic kan khelh zawh chuan ka in sum thei tawh thlawt lo, rank chu ka click leh ta nge nge a.. Tun game ah chaklo mah ila star pa khat ka loss anga... Ka la legend dawn chuanglo a kan chakloh chuan ka rank tawhlo ang tiin ka in hnem chawp ani ber










Hanabi ka hmang a, kan hero pic atang chuan kan chak ngei ka beisei,last ami chuan hanzo a rawn pic a... Ka lo nui var var ... Hanabi leh hanzo









Hanabi hi ka hero duh ber ani a, ka tan emem bawk hanzo nen an in couple hi ka duh tawp a, a chhan chu hayabusa leh hanabi an in couple thin a, mahse hayabusa lerh thak kawh lutuk vangin kaugura tang bel in a kalsan a.. Enemy lam ah kaugura hmang an awm chuan ka bitum ngar ngar zel










Rei ngial kan khel a.. Hanzo pic tu chu a thiam na rawh e.. A name ah *budy* tih ahman avangin mizo anih ka ring chiah lo











*Hanabi lord khu lo zu la rawh* atih takah chuan mahriakte in lord chu ka lo zu la thuai a... Chuan mizo ani tih chiang takin a hriat bawk... Ka nui ver ver a...Rei pawh kan kelh leh hma hauh in kan chak ta... Khati emem a hanzo pro tak a hmang kha ka la hmu ngailo... Ka va follow thuai a.. Minlo follow back hnu ah rank ah bawk min rawn invite leh a accept loh phal chi ni nghal lo chuan .. Game 4 ngawt kan khel a kan chak char char.... Mood a on leh teh asin...













*ka peih tawh rihlo* tih hi minlo thawn a... Zankhua in khel ang pawh tise ka hnial lo asin mawle... Ka mythic 4 tep bawk.. Mahse hepa nge henu pawh ka hriat loh hi khelh pui zel ka la duh avang chuan a number ka dil ta tawp a... Solo chuan ahar thin a.. Hetiang a thiam hi khelh pui ka la nei ngailo a, inla pro overa ai pawh khan a pro deih zawk...







*haha, naktuk zan ah dar 8 tang kan khel leh dawn nia* atih tak ah chuan *awle* tih mai loh chu tih theih dang nei tawh heklo.. A out hma chu ka out duh biklo a.. A out ve leh ka out ve nghal .. *Mutthilh hma pawh a pawilo* tih pah a sana kan en chu dar 1 alo ri thuak tawh... Youtube ah lut in Ka lalbera story darxika chhiar ngei mai chu ka ngaithla leh a.. Vawi tam ka ngaithla tawh a.. Ti hian in awih mut nan ka la hmang ngar ngar.







(Story hi ka vawi khat ziahna tur ani a, regu pawh ka theih chuan ka tum ve hle ani.In ngaihnawm tih chi ani dawn em chu ka hrelo a, mahse ngaihnawm taka ziah chu ka tum ruh ve lutuk, ka tawngkam thiam na hian a tlin lo thin a leh ka vawi khat ziahna alo ni bawk nen duhthusam loh lai tamtak leh alem ee tih a ngaih hun pawh alo awm mai thei mahse khawngaih a minlo chhiar sak hram hram turin ka rawn sawm tak meuh meuh che u ani.Chuan ka story ziah hmasak ber hi city police whatzapp group ami ho tan ka hlan a, an mahni khan an in hre mai ang hihi




Tin, story hming hi amak inti mai thei a, mahse a hrethiam tan chuan a cute teh mai ania)




Tlinglo leh thiamlo taka ka story ziah minlo chhiar sak avangin ka lawm a, minlo la chhiar sak zel turin ka rawn sawm bawk a che... Ziahzawm tur leh tur loh lai vel te hi ka hrelo lutuk a, mahse hma ka sawn zel ang


Show post links
Top

[Ngaia]

VE RUP MAI NA !




CHAPTER -2 By Pie Sangtei






Zing ah u siam in minlo kai tho a, ka pa pawh hna ah alo kal fel leh der tawh , sana kan en nak chuan dar 10 alo hnai thuak tawh a.. Dar 12 ah result a chhuah dawn avangin huphurh ru hle e tilo chuan ka nghakhlel emem a.. Ka fail ka ringlo a mahse top 5 a ka lan loh mawlh chu ani ka hlauh... Kan teachers te chu ka lak ah beisei an nei sang emem a, ..an ni phei chuan top 3 a ka lan an ring bur bawk.... Top 3 leh top 5 emem chu ka ring chuanglo a chu top 10 ah tal ka lan erawh ka in ring hle thung..








Lehkha zir lam ah hian harsatna ka nei lem lo a.... Note te hi ka thiam zung zung zel.. Ka rilru a chak vang nge ka zirlai in ka rilru ka pek thin em vang zawk pawh ka hrelo...







Chaw ei kham chuan ka in bual fai a... Sana ka en chuan result chhuah nan dar kar 1 chiah alo awm tawh... Sofa ah thu in laptop chu ka in chhawp ran bawk a.ka pa duhthusam ang ngei a ka pass anih chuan vawin ni la la hian bike chu ka lei nghal ang...








Bike khalh ka thiamsa avangin zir chawp ka ngai dawnlo a.. Ka thiannu gorya hian bike aneih avangin vawi tam ka khalh sak fo, a chang leh ka scooty nen kan in khalh thleng thin. Gorya hi hmeichhia ni mahse apa emem a.. Mipa aia hmeichhia in an hip zawk avang in hetiang a awm ta hi ani..a sam a cut tawi vek a.. Bul mut ni chuang silo half cut deuh a chung chu a beng chen vel a sei a, ahnuai zawng chu mipa sam meh in a met thung...a hmeltha , nia gorya hi hmeichhe hmeltha tak ani.mipa tam tak leh keini a thian hmeichhe pangngai ai pawh hian a luck deih zawk.








Be tu tam tak anei thin a...kan rinloh pui pui hian ngaizawngin an rawn be fo, a khabe hi a zum nalh emem a.. Amah a ngo in a fresh bawk, a hnar hi a verh a..hnar beh sin tereuh te a beh thin.. Mipa pangngai tam tak aiin a pa deih zawk bawk... Bike ka awh emem na chhan pawh gorya vang hi ani...






Thian panga kan ni ka tih tawh kha... Zawri nen hian veng khat ah an awm dun a..school an rawn kal rual a, an haw dun leh thin... Class 12 sec B ami te ho chuan gorya hi anlo star a, chutia zawri nen school kal dun a an haw dun leh thin chu gorya tih loh zawng chu min ngei ta vek a, abuaithlak thin a sin...






Han sawi chhuah hluai chi nisi lo hian mi ngei na taktak hian min awm khum a, kan kawngkal maimai te hi min su leh chawrh zel , hei han sawi chhuah hluai dawn a thil ho te nisi , a tawng tu tan a thinrim thlak thin lutuk ang hian an awm thiam thin anih ber chu..







Vawi khat chu launch break ah tiffin kan ei khawm leh dal a... zawri chuan a tiffin a ei tawh sa chu a chhak chhuak vek , "a thur vek" arawn tih chuan kan en thap a, atei chuan 'khaw maw ava mak awm' tih pah chuan a fian ken lai chuan zawri tiffin chu suak in a ei ve chhin a, 'a thur tak tak' tih a sawi zawh rual chuan "tu tih nge" ring lutuk in zawri chuan a ti nghal tuarh






"break lai khan sec B mi te ho kha anlo kal a" lawmtei chuan arawn ti heu mai , ani hi englai pawh a class room a awm reng deuh thaw, a tul tawp khawk ah lo chuan tawng pawh tawng ngailo a tlar hmasa ber a englai pawh a thu reng ani , a thusawi ka hriat rual rual chuan class room atang a tlan chhuak in sec B room lam pan chuan ka tlan phei nghal dawr dawr a.. Ka thiante pawn min rawn um zui tih ka hria.







Sec B room ka luh rual chuan liandawli te thian ho thu thap chu ka mit in a hmu nghal chat , an lam a tlan phei ka rual a, liandawli a thut na atang a lo ding chhuak chu pan zel in a bul ka thlen chuan ka ke lek kang chho in a dul nem lai ah tak chuan ka intec lawk ropui chuan ka tlawh ta sawk , a thiante a bawh nghal rawk rawk a.. Hei pawh hi gorya-i min zirtir bawk anihhi.. Taekwondo black belt ani a.. Kei choh nilo zawri te ho pawh hi a zirtir vek..rawl avang a kal tha theilo khawp khawp in min zirtir thin...hman hun tak ani bawk in ka hria





Vawi tam kan mit an ti kham tawh , han khin let dawn in a ho tham thei sia, a tuar tu tan lah a ngeiawm ngawih ngawih zel bawk si..





Khata tang khan kan inti buai ta fo a.. Gorya erawh min thelh tu ber ah a atang thin... Kan vai chuan min hau thin a, min hauh lai chuan kan zawm tha thei lutuk mahse liandawli te thian ho hian inti buai lo theilo hian min siam leh ziah vang hian kan in sual leh nge nge thin...Hmeichhe in sual dan style sam a in keh sak lah hi an uar emem a.. Lu lei na ut ut a haw chang lah atam ,





"rose-i hi ka rin ang alo nilo" min lo tih ve neuh neuh thin avang khan a tir kha chuan nuamlo kha ka ti ve a.. Mahse alo rei hnu chuan eng ah mah ka ngai tawhlo liandawli te thian ho hi en liam maimai kan tum tawh thak bikloh avang in kan in sual ta fo kha ania.. Gorya lah hian ho hi ati sia, kei ni thinrim hmai sen tawn tawn a kan phun laiin ani ve chuan phone khawih in a bialnu a lo be deih zel..





Liandawli pawh hi ahma te chuan 'Ld' tih hlir in kan au ve thin. A hming hi apu hming chawi a an phuah ania, a hmingpum a auh hi a haw lutuk , a nalh lo ve em bawk a, khatia kan in tihbuai atang khan Ld tilo in liandawl tih hlir in kan au tawh








Result chu a rawn chhuak ta ngei a, ka rinloh lutuk in Mizoram pumpui ah top 3 ah ka lang , ka in ring hman thlawt lo ani ber , ka thiante leh ka chhungte hnen atangin call ka dawng char char a... Anuam ka ti in ka hlim khawp mai.. Chutiang bawkin ka pa pawh "vawk talh tur thingtlang lam ah kan zawng anga ruai nen kan lawm dawn nia" arawn ti mauh mai... Bike erawh naktuk lam ah ka en pui ang che atih avangin vawin ah ka duh tih han sawi lan leh hram kha tul ka tih hranlo , ka pa hi thutiam a ding nghet mi ani a, thu min tiam tawh bawhchhiat ala nei ngailo....








Interview tur a sawm na ka dawng ve neuh neuh a, kartawp inrinni a ti turin thu kan ti tlu bawk , a karleh lam ah lawmna hun kan nei dawn bawk anih hmel , ka thiante pawh an pass vek a, an pass tha emaw tha lo emaw kan pass vek hrim hrim chuan a lawmawm emem ani..






College pawh hmun khat ah luh ho vek kan tum ruh hle a, kan sawi ho nasa... Top 3 a ka lan avang a an lawmthu te min lawmpui thu te chu an sawi reng a.. Ka tan pawn a nuam hetiang a thian tha leh fel ka nei hi ka lawm tak zet ani...





Liandawli te thian ho pawh an pass ve a... Kan school Class 12 exam hrim hrim chu tumah fail kan awmloh avang in kan teachers leh principle te pawh an lawm ve viau...






A tuk ah chuan KTM showroom zarkawt chhung ah chuan ka pa nen kan ding ta vang mai , hnathawk ho chuan minlo be siam siam hlawm a, an fel in an polite tak zet, an nui sang bawk si....




Ka pa in "KTM 390 duke kan duh deuh a" atih chuan hnathawk pakhat chuan


" he lam ah min lo zui ru, eng colour ber hi nge in duh ang" hma lam pan a kal pah chuan ati zung zung a..




"black leh orange colour, orange colour tam vaklo ang chi kha ka duh a" ka tih chuan



"nangma ta tur em ni" mak tih hmel deuh tak a min en chung a atih chuan ka lo nuih tawi tak ringawt...




Ka duhzawng tak alo awm avangin ka pa leh an manager ni ngei tur chuan tihfel ngai te ti fel in pawisa te pawh an in hlan fel a, , number plate ala in bel loh avang in khawchhung ah duh duh in la khalh chiam chiam theih loh mahse haw pui ringawt te chu traffic pawn an phal em em ang...





Ka pa phurh ka tum chu alo duhlo tlat pek a, min ringlo ani ber ang chu , civil ah a thawh avangin a motor a keng lem lo, kei lah in bike thar ka neih dawn avangin scooty ka kenglo bawk a, kan pafa in civil atang a zarkawt thleng ke in kan in zui phei ve hnak hnak anih kha , scooty ah erawh chuan vawi tam ka phur fo a, a hlau ngailo , bike erawh hi chu min la ring chiahlo niin ka hria





"pa Gorya-i pawn hetiang chiah chiah hi anei a, ka rawn hawn sak fo kha , zawri te pawh ka phur fo alawm" ka tih ngial pawn a duh thaklo , tih ngaihna tak pawh ka hre tawhlo, hnathawk ho lah chuan minlo nuih vur vur hlawm a






"Taxi ka rawn hmang phei mai ang, kal phawt rawh in ah haw tlang la, i chhuah dawn pawn scooty zawk kha keng ang che" atih tak ah chuan helmet chu khum in ka tlanchhuah san nghal a... Side glass atang a hnathawk ho nen mit tla leklo a minlo la thlir vung vung ka hmuh chuan ka nuih aza ngei mai.. Ka pa tak hi chu aw...







In ka then chuan Gorya ka call nghal thuai a, zawri nen an lo phei tur thu a sawi zawh chuan call chu ti tawp in ka bike thar chu u siami ka hmuh a, a hre thiam ve vaklo aniag

"kei chu scooty ka duh daih zawk" ati mauh mai...






Whatzapp ah lut in chat ka en thla nghal diat diat a *congratulations* tih te mai rawn thawn tu chuan ka mit ala kher mai, kan mimawla ani... Min rawn biak tirh ata thudang a sawi vawi khat na anih avangin ka open nghal thuai a . ... Ka status alo reply ve ngei anih hi





*Ka lawm e* tih chu emoji nui mawi ber nen ka thawn let nghal thuai a.. Ka message chang ang mai in a blue tick nghal second tam pawh a liam hma in a typing nghal thuai a... Phone chu dawhkan ah dah in tui ka in nghal khawlh khawlh , u siam in ka riltam leh tam loh minlo zawt nghal zat






"umm engmah ka la eilo , waiwai kha ka lo chhum ang kan ei dawn nia" ka tih chuan




"iti thak thei si" alo ti nghal vat

"a thak loh in a tui hleinem mawle" bel ah tui dah in ka chhuang nghal a..

"Nia" ati ve leh mai, ka nuih aza ang reng , thak hi ati thin sia , tui ati sia , mittui tla phung in a ei thin....



Artui ka chhum hmasa a, waiwai chhum hi chu artui chhum nen hian a tui ber, ka artui chhum a hmin hnu a tui vawt a ka chiah laiin waiwai ka chhum a , Gorya leh zawri te an lo thlen ve vat ka rin avangin ka siam kep . A tui sen phut khawp a red chilli ka telh hnu ah hmarcha um tui ka leih leh a, a ti tui tu ber ajino ka telh leh tlurh bawk..Pum chu ngaihtuah awm rem rem thin tak ani , ka thiante hian an ei apiangin an pum te ana ziah a a then in ka ruhseh a chhuah phah ti fo mahse ka siam bawk hi an ei leh thin..





A hmin hma deuhin gorya te anlo thleng a..


"khawnge ka bike thar chu" zawrin a rawn ti lut lang lang ..



"hei waiwai ka chhum a, ei phawt ang , ei zawh ah kan test dawn nia" ka tih chuan phur lutuk in ka lam ah arawn tlan phei a , ka waiwai chhum a hmuh rual rual in


"ka ril atam tih engtin nge i hriat zawk a" chil lem khawlh a tih pah in chair pawt chhuak in a thu nghal zat




"gorya lo thu ru , bowl ka lo la ang, u siamteeee a ei theih" tiin u siami bathroom a awm chu ka au nghal a




Ka rin ang ngeiin tui an ti leh pek, u siamtei pawh mittui tla pur in a ei leh tawh, gorya leh zawri te nen kan pa 3 hi chuan thak hi kan ngam ve a, atei-i leh anna-i erawh keini ang in an ngam teh chiam lo u siamtei ang hian mittui tla a si hluam hluam chungin an ei thin.


"bike chu fimkhur angai ania kawng chho ah te, scooty nen in anglo nasa ania aw" phone khawih mual mual pah in gorya chuan alo ti dut dut a



"Umm.... Gear thlak vel hi ani mai a, i bike ka khalh nasat em kha , ka ngaihtuah awm bikloh ang, lungngai lo phawt rawh u"





"nia amak thei, apa ang mai hian awm chut chut bik thin suh" zawrin alo tih takah chuan u siamtei ho in kan nui dar dar, thil lah hi zep then nei map lo hian a sawi phawng phawng zel a, "ka riru a thu awm ka sawi chhuah loh chuan ka hah a, ka thawh te hi a hah dawn tlat hian ka hre thin" atih mauh avangin tuman thiante thawhhah a an awm chu kan duh bik miau loh avangin kan nuiliam ta tawp zel





"khawmaw chahbi chu" gorya bawk ani



ka bike thar chahbi chu ka pe nghal thuai a, 'ka lo zui ang chu hei kan tifel lawk ange'




'Angailo, ka ti mai ang lo va inkawm rawh u' u siamtei chuan rang zet in alo ti nghal chul a







Pawn ah kan in zui chhuak ta hnak hnak hlawm a, gorya chuan a test vel a, "a that fu hi kan in thleng deih mai dawn mi" ka ner nang a hmuh rual chuan a nui suk a, ka phone ka en chuan kan mimawla pawn ala typing




'Bike khalh hi chu ka thiam ve chak ngawt mai' gorya bike khalh lai en vung vung pah chuan ka bul a ding mek chuan alo ti ve thlawt, scooty pawh a khalh thiamlo, a zir pawh a zir duh thaklo kha ania,




'Nakin ah ka la zirtir ve dawn che nia'ka tih chuan




'Ka duh teuhlo mai ah' ati leh ang lawi a, an naupan laiin a thianpa a kawm ve ber thin in bike accident in a boralsan tawh a, khatih lai khan kum 7 bawr vel anni ta in ka hria, mission vengthlang a an chhungte in a an kal tur motor nen an in su a, ahmun ah zawri thianpa hi a boral nghal a, a khalh tu Nicky-a(zawri thianpa) pa ani nghe nghe.. Ani erawh hliam tenau anei ringawt a, an chhungkua khan an tuar emem thu zawri hian a sawi thin mahse kan hriatchian ve thung chu an chhungkua mai piahlam ah kan thiannu hian a tuar takzet tun thlengin bike chu sawi loh scoty pawh a kalh duh lo h phah a, a thianpa berin a boralsan avang khan cycle pawh a khalh duh ta lo thak bawk...








Ka thiante an haw hnu chuan in bual tur a bathroom lam ka pan chu thil hriatchhuah thut ka nei, room ah tlan lut in khum a ka phone dah chu ka en a, hepa hi a a tak tak tawh anih hi ala typing char char nia mawle, toni ralte pawn a typing chhung hian short story pa khat tal chu a ziak zo vek hman ang, eng emem nge maw rawn sawi a tum leh tak ni, a thu rawn sawi a zir in pu hrekima number ka pe leh tawp ang a tul phei chuan pu james-a number pawh ka pe mai ang, va bia se la eng tin tin emaw anlo in fuih thei zawk mahna






Tui lum sa ver vawr a darkar chanve dawn ka in bual hnu chuan ka zang vah mai, ka lo van bal awm emem ti dawn ila nimin khan ka inbual tho bawk sia, umm ka bike thar neih vang anih hi ti in ka in thlak sawk sawk a, ka hla phuah lai chhun zawm ka duh avang chuan ka hmanhmawh rilru viau, thu thiam ber ang zia zang hian hla phuah ve hi ka tum fo a, tawn hriat lah ka nei lo ang ani, ahar talh talh thin khawp mai, a hla thu chu ziak fo mah ila thu hla a chantir na tur lai ber a thluk siam hi ka thiam thlawt lo leh zual.. Kan siam ve tak thin na in heidenrial overlai tih thluk zel in akal a,





Chhingkhual lenmawi
I tello a tlaini len ka zuamlo
tawn ni her chhuak leh thuai se
Nang ngaih banzai reng ka rel theilo



Tih pawh .. Ka sak dawn chuan a tir in pangngai deuhin sa mah ila a rei tulh tulh a heidenrial thluk ah a let leh deih zel a, tih ngaihna tak pawh ka hre tawhlo







Guiter kuah pah chuan ka phone chu ka ban a, khapa khan engthu tak rawn sawi ang maw tih pah a whatzapp ka lut chu ka meng kawk thei, hepa hi a a takzet tawh.






(Minlo chhiar sak avang in ka lawm e)


Show post links
Top

[Ngaia]

VE RUP MAI NA! _____CHAPTER-3




By, Pie Sangtei






*keipawh le* tih zawng a rawn thawn khati khawp a rei type si kha amak ani a aa deuh taktak anih ka ring ...


Ka in sum zo tawh lo pu james-a number chu thawn in

*nangpawh le, pu jamesa hi va bia la , eng tin tin emaw in in sawi kaw thei zawk ang * tih chu ka va thawn a, a seen nghal a mahse min reply duh chuang miahlo



Ka message kha a lungawi lo deuh anih ring in


*itha maw?* ka va thawn tel leh hram...



Minute 5 lai a liam hnu pawn online reng chung siin ala reply chuanglo, ka thin a rim kher mai, ka block hial zawk dawn mawn le , chutia min han ngai pawimawh lo vel chu ka ngaithei leh thak lo , 'engvang a ka message reply lo ngam nge maw anih teh hrep ni' tih pah chuan ka phone chu khum ah ka vawm thla tawp a, hla phuah mood ah pawh ka cheng leh tawh lo hepa leuluau vang hian






lawkkk..... Keihi hepa message hi ka chang tihna em ni? Nilo ka ngaihtuah a, a that leh that loh ka zawt a, online reng chung a min chhan loh avangin ka thinrim rigawt, he mihring chanve a hmel tak ngial pawh ka la hmuh loh message hi ka chang lul lo kei hian.




Mahse ka chang chu anih ber hi, aaaaaaa ngaihtuah tawhlo teh ang





'Karleh tawhlehni khi holiday ania, tah chuan i pass chu kan lawm dawn nia, i ni te leh i nutei te, i pu te ho pawh ka hrilh vek tawh a, thawhtan lam ah an ni pawh an rawn chhuk ang, i pate kima te hi an rawn kal ve thei ange maw, an awmna hi ahla bik lutuk a' ngaihtuah muk hmel zet in ka pa chuan chaw ei lai chuan a ti dap dap a...




'Ava nuam dawn ve, kan in ah anlo thleng vek ang tiraw'




'Ka hrelo le, thleng vek thei se chu ka ti khawp mai' atih leh tak ah chuan lu ka lo bu ve nghauh nghauh a, ka pa hi a rilru a chhe lo a, ka nu in min boralsan tawh mahse ka nu unau ka putea te ka nutei te thleng hian ala ngaihtuah emem vek a, chhiat that engkim an in hrilh tawn a, ka pi tereuh pawh hian 'keini zawng makpa kan nei sipisial ania' ati fo thin.....





................................



Zan dar 8 a ri tawh, *budy* khan 'naktuk zan ah kan khel leh dawn nia' a tih avang khan tlai chaw ei kham atang ka chang ngar ngar tawh, ala online bawk silo, game khat khelh chhung a rei thei si, a number kha min pe tha hle hle se chu ka va call tawh ngei ngei ang...





Nileng in zan nghakhlel emem in ka awm ve a, solo chuan ka push ngam bawk silo , dar 10 thleng ka nghak anga, chuta alo la online loh chuan game khat chu ka khel hram ang ti rilru neuh neuh pah chuan ka phone screen chu ka thai kual ka thai kual a, out ta ila, ka out ve leh a lo online ang tih ka hlau bawk si...




ka phone rawn ri avang chuan ka phu zawk... Phone screen kan en nak chuan ka meng kawk in ka hria.. Tun hi min rawn biak tirh atang a a vawi khat min rawn call na anih avangin ka thinlung chhung hi a nghawr dawt dawt ni ber hian ka hria.





Chhan ka tum zet a, mahse ka message kha ala reply lo tih ka hriatchhuah leh avangin ka kutzungpui chu a chawl dat Mahse .. Mahse ... Hepa hi hriatchian ka chak , chuan a aw ngei pawh hriat ka chak takzet ....






"hello" leh lam ami chu a reh veng veng a, dah ka tum bik chuanglo,



A tawng tawh dawnlo emaw ka tih hnu ah



’tumah hi in bum lo ila, tumah hi kan na lo ni mai tur' zawi ruih a arawn tih chuan ka chhungril hi afan ti ila ka sawi sual lo ang, mahse a thusawi awm zia hi ka hre thak chuanglo a, ka lairil a fan ve ringawt na chhan lah ka hre hek lo....





' i tha maw?' Ka lo ti ve vat


'Mahse pawisa pawh pakhat aia tam zel kan duhna khawvel ani miau sia tiraw naupang te te pawn cheng khat ai chuan cheng hnih an duh zel tawh' ro hulh a nuih pah chuan arawn ti leh a, ka hrethiam lo tulh tulh, eng vang a pawisa chungchang te rawn sawi daih nge maw anih le






'pawisa i mamawh em ni?' Ka ti ta ringawt





'Khuanu pawh hian , ka duh a ka hmangaih zia pawh min hriatpui ve awm tho sia, tinge ka tan a ruat mai loh le, midang tan a ruat awm tho si a' beidawn hmel lutuk in a thawhalh a, sawi tur reng reng ka hre ve lo,






' ka ban phak mai a awm chu hmuh kan in ka lawh phak ngai reng reng loh tur chu lawh tum in ka buai a, tunah chuan ka chau zo tawh, ka chau tawh takzet ani' enge maw lawh a tum reng reng ni, a ban phak mai a a awm te chuan chu chu lawh ve mai awm ania, khuanu thleng thleng a han dem rigawt te chu a, a vui na tur hriatthlak lutuk





'Aww.. Chutia i ei chak viau anih te chuan a kung a i ban phakloh lawh kher angai hleinem,i banphak ami chu lo la, nihloh pawn bazar ah te an zuar teuh ang chu'





'Bazar maw?' Ngeiawm fahran in arawn ti leh a, tun hi ka thusawi a ngaihthlak a a rawn chhanlet vawi khat na ani



'Aw... Chutia lawh phak loh na na na lawh tum tlat'




'Hehhh.... Nangpawh bazar ah an zuar bik che mi' a rawn ti a, hepa hi a a mawnle , engvang a bazar a min zawrh leh zawrh loh te mi zawh reng reng, mihring te tu in nge maw bazar ah te zuar a a rin reng reng ni



'Bazar ah nangmah ang deuh deuh i hmu teuh thin animaw'ka chhan lawk loh avang chuan arawn ti leh a, a tawp lam chu nuihzatna a aw ah a tel lek lek





'I thei lawh theiloh nen khan in zawm na kan nei lo' ka ti chang fak. Biak that pauh leh hepa hi chu a ngeiawm thiam dawn tlat in ka hria.




'Tunge thei ka lo(lau) duh ti reng reng a' a aw chu a mawi takzet ani, a ril ruih a, apa emem bawk, keihi enge maw ka ngaihtuah le, a aw a mawi maw? Nia ka zep lo ka mipa hriat tawh ah chuan a aw a mawi takzet





'Ka lawh phakloh itih kha thei anih loh chuan thingthuphui tihna mi nge khanghu zawk' a rawn nui chhuak hawk a, anui ri te hlei hlei chu a mawi tak zet ani mahse , ka thusawi kha nuihpui tur kei chuan ka hre ve hauhlo





'i upat hun ah i hre ve vat mai ang' arawn ti leh ang lawi a, naupang ang ah te min ngai leh nghal




'Naupang ka ni bawk lo'




'Tunge naupang ti che' hmmmmm, 'i upat hun ah ati rigawt, naupang min ti hauhlo, mahse i upat hun ah atih khan naupang minti tih alang reng






'I hriat ve pawh a tul bawk lo kekawrte lian' lehlam ami a rawn nuih leh tak ah chuan ka thusawi zawh chiah chu ka zak leh hnuhnawh, a whatzapp about ah 'kekawrte lian' tih kha ahmang a, engvang a sawi chhuak reng reng nge maw ka nih, he hmui teh hrep hi chuh



'Kekawrte lian ve tho nu' nui pah chuan arawn ti leh hram



'Alian bawk lo' rang lutuk in ka lo ti ve vat




' a lian bawk' hnial ava han hrat reuh tak




'I hre reuhlo, broken King' ka ti ve hmak..

amah hrim hrim hi ka hriat tirh ata a broke emem reng a , thla 6 lai nitin , zantin min rawn be tawh, ala broke reng, broken king tih chu a in hmeh takzet in ka hria, ka kawchhung atang hian ka nuih aza, mahse ka nui chhuak ngam bawk silo




'Broken King maw?a mawi loh lem loh chu' arawn ti ve leh mai bawk a, inhmeh a inti ve tho aniang




'Aw ..... Broken king-a inih kha, thla 6 chhung nitin zan tin i rawn broke ziah'




'Thla 6, ilo Chhinchhiah thlap animaw, kekawrtelian' keihian ka chhinchhiah amaw!nia Ka chhinchhiah.... A chhan chu hepa hi mi pangngai ang in khawsa hek lo, a duh duh arawn sawi a, ka chhan let na a chhiar ngai tawh bawk silo, chhiar a hnek in melh pawh a melh ka ring nek lo e a, ka chhan mai loh avang chuan arawn khuh lui vel kher leh ngal




'I room tukverh ah khan rawn dak dek dek teh' arawn tih leh phei chuan ka phu dawrh lo choh ani, hepa hian enge maw a rawn sawi leh tak le, room tukverh a dah dek dek maw! Kan vawi khat pangngai tak a kan in biak ve na ania, kan la inhnial char char zui, chuta karah room turverh a dak turin minla ti zui.. Kan in awm na a hre awm tawp silo a, min bum te a tum ve khanglang tihna mawnle, ka nuih aza ru kher mai




'Aw, hei ka dak dede tawh e' tih pah chuan parda chu ka keu a, ka rin ang ngei in thlang lam pang ah chuan tumah an awm lo,


'Enge dak tur a min tih nachhan, Pathian a rawn kal dawn ami? Nge nangmah rawn kal itum zawk?' Ka ti leh hram




'Min hmulo ami' rang lutuk in arawn ti



'Engvangin nge ka hmuh ngawt ang che, hmuh che tum in ka dak de de hleinem' ka lo ti bak hlur



'Naaa, , ... Van ho e aw, ka awmna lam adiklo anih hi, ka lo in post nalh ve tawh tehreng nen , lawk aw, lo vuan lawk' a ri nghal rawk rawk a, ka ngaithla reng ringawt, engthil nge maw tih a tum tehhrep ni, hetia min lo biak hian amak tawp khang thla 6 chhung teh meuh minlo biak fo tawh vang ani mai thei han nervous ang hi ka nei lo, ka thian vawi tamtak ka kawm tawh ang mai in ka ngai tlat




Rei pawh ani lo 'lo dak leh de de teh' arawn ti leh a,


'Nangpa hi' parda chu ka keu leh nghal vat a, ka thil zu hmuh vang chuan sawi tur pawh ka hre lo, tshirt leh jogger pants dum, sneakers bun leh tawp a,a ke ding lam chu a ke vei lam a ti kawkalh chung a thenawm te gate rinchhan a lo ding mek nen chuan kan mit a in tawng chat mai, a nui suk a,chutah hnuai lam bih thla vat in muang chang in a rawn hawi chho leh a, ka mit ah tak a rawn en leh chat




'i pa room zawn ah zawk animaw ka lo va in post na kha, ava ho thin ve' a lu thak lo pui chu a phone hum loh na lam zawk chuan an hiat vel a





'Tinge che lo a min en reng a' ka harh chhuak zawk


'Ihhh... Ka en reng reng lo che' parda chu ka pawt phui a, khum lam ka pan nghal nal nal, anui suk ri te chuan ka zah a ti zual takzet ani





'Hey, .... I lai ami a' zah tawh sa mah nak alaiin a thu rawn sawi te chuan min ti zak zual ngawih ngawih








'Eng....... Eng vangin nge ka laih ve ringawt anga' ka ti bah nawk ....






'I laih siloh chuan tinge i hmai kha a sen vek a' darthlalang lam ka hawi nghal vat, ka hmai chu a sa vet vet a, mahse a sen leh sen loh erawh ka hre hauh lo, he mihring hian min ti zak takzet ani.Eng ti tih a helai te rawn thleng ve hlawl nge anih a, engtin nge kan in awm na lai zawng zawng nen a rawn hriat vek theih







'A sen thlawt lo, khatah khan i awm ka ringlo lutuk a, mak ka tih vang zawk anih hi' ani tak tak ... Thla 6 chhung minlo be char char a.. Mi a ang mai a ka ngaih kha tunge kan thenawm te gate ngheng in a ding mek tih ring bik ang, ka lungphu te lam lam hian a diklo zo vek tawh in ka hria






'Anih chuan rawn dak leh la'


'A teuhlo mai haw rawh, tuge inih pawh ka hrelo che' call chu ka ti tawp nghal vat a, engtin nge kan in awm na te a hriat reng reng le, hepa hi ka ngaih ang ani hauhlo , ka hlau tan tlat, engvang a a call te kha lo chhang kher kher nge maw ka nih le, mi blackmail ching te alo nih phei chuan ka chan chu a chhe viau ang





Ka ngaihtuahna avang chuan ka mur sung sung thei... Tukverh lam chu melh pawh ka melh ngam tawh thak lo. Melh chu sawi loh hnungchhawn in ka saisir a, rizai ka kuah tung bawk, mutthilh ka tum pauh leh a harsa talh mai bawk si, a rawn call nawn tawh em biklo aniang ka phone pawh a ngawi veng veng ta mai.....a rawn call nawn leh reu reu ang tih te nia ka hlauh .






*****************

Ka phone ringtone lo zai al al ri ah chuan ka harh a, zinglam ah ka lo muhil ve sek anih hmel, sana ka en thuai a, dar ruk(6) minute 15 in ala rilo , ka phone ka ban nghal thuai a, caller id ka en chuan zawri lek chu lo niin tun ang zing lutuk ah leh nghal eng buaina tak tawk leh ang maw




'ala hma zia hi i hria em' ka ti nghal pang, nizan ka mu tha lo nen , hello pawh ka ti peihlo



'Rose, enteh' atih rual chuan



'Engmaw ka en ang' ka lo ti nghal vat , enge maw a sawi dawn hian phone ah pawh nise "enteh" hi a ti kher zel.A sakhming te hi enteh-i ti a thlaksak mai chi ani.



'i ninom ka sawi dawn .. Enteh murcus-a kha nizan in ah a haw lo a, Whigga hotel ah an party a, nizan dar 6 vel a minlo biak bak kha ka be thei ta reng reng lo , ka call in a dah busy char char a, ahnu ah phei chuan a switchoff hmak a'


sawi khalh hlau ang hrim in a rawn ti zung zung a


'Chuan' ka lo ti ve vat



'taxi in ka lo phei mek, ka lo thleng tep, ka tihpalh lutuk mahse min puih ka ngai'



'Engtia puih in maw'







'Whigga hotel ah chuan min va kal pui lawk rawh, hei inin kawt kan lo thleng chiah, tho la, ka rawn chho dawn, hmeichhia alo riahpui phei chuan nizan ah an rui ngei anga, tun ang zingkar ah chuan anla tho teuhlo mai , chu tak chu hun remchang ania, va phawk ka duh, ka ringhlel ngun tawh a , ka man chhuak hleithei bawk silo, nizan pawh ka muhil lo hrim hrim, va kal chu ka ngaihtuah chhuak thut a, ka rawn tlan phei nghal hmai pawh ka la phih lo, phih bik lo mai rawh, min kalpui ngei ngei angai rose'








Zawri thusawi chu ngaithla in khum ah chuan ka thu a, ka thaw alo hah, engtin nge khatiang emem a thui kha a sawi hman le, ka room kawngka chu an in kik karh karh a, engmah reng sawi tur ka hrelo kawngkhar chu ka melh tlawk tlawk ringawt, arawn thleng chho nghal der rapthlak hian


'Kawngka hi ilo hawng thei angem' ka rin ang ngei in pawn lam ami chuan arawn ti, khum atang chuan chhuk a ka va hawn sak rual chuan 'ka lawm e' ati zeuh.. Polite ang reng thin bawk sia






'Enteh rose, nang chuan bialpa ila neih loh avangin i hrethiam ve lo ang, inbul ah chuan ka sawi ngai hranlo mahse ka ringhlel ngun tawh, then dawn in a duh tlat thin bawk silo a, ka then pawn ka bialpa ang chiah a ala awm tlat zel avangin then hleihtheih pawh anilo, ka rilru a tibuai lutuk he setana sawn hian tunah chuan ka ning zo zai tawh lutuk ka peih tawhlo, thiamthu a sawi theihloh na tur khawp a chiang a phawk ka duh min kal pui angai, mahse midang chu hrilh chuang suh aw, kan va phawk fuh chat hun ah kan hrilh dawn nia'

tawng zuah zuah pah chuan khum lam chu pan phei nghal in a ding hle hle theilo a vei kual sek a, a rilru a hah ve takzet anih ka ring, a pawr pheng bawk si




'Zawr, thawk la phawt teh, kan kal dawn nia, atha em' ka ti nghal thuai, hma lutuk a minlo kaihthawh avang a vin hrep ka tum tehreng nen amah ka hmu a ka lainat zo vek, hetiang a chi ai lutuk a a awm lai a lo hauh chiam chi niin ka hrelo...



Murcus-a nen an in ngaihzawn tirh a a hlim tehreng nen tuna alan dan erawh ka lainat takzet ani, a hrim hrim in .Ngaihzawng nei ho hi ka hrethiamlo , an hlim a, an na leh a, midang an nei a, an hlim a, ahnu lawk ah an na leh a, rilru hah leh buai reng reng ten an awm fo a, hengte vang hi alawm bialpa han neih buai vel ka peih ve loh nachhan, star te hi nei ila, an hriat hma in ban leh deih ila anuam ber mai in ka hria





Ka room atang chuan zawri nen chuan kan in zui chhuak a, a hmanhmawh bawk si, hmaiphih lo chuan ka zui chhuak ve ta nge nge a, khua ala vawh ve reuh avangin jumper dum lian hnelh hnawl lukhum awm ka ha tawp a, whigga hotel pawh chu va thleng tehreng pawh ni ila luh minlo phalsak kher ange maw.







Chahbi ka ban tur chu 'bike zawk kha keng la' mi pawh en lo chuan alo ti leh puat a


'Mahse number plate pawh ala in bel lo a trafic in min man ang' ka tih chuan rang lutuk in 'traffic an awm hman teuhlo mai, traffic awm hma in kan let leh hman vek' a tih tak ah chuan ka lo khalh ve chak tho avangin ka bike thar chahbi zawk chu ka la ta vat a, helmet chu pawm in kan in zui chhuak






Chanmari west ah kan awm a, kawtzawl zau aneih theihloh kan kawtzawl neih chhun chu kawngpui ani mai, kan building hnuai ah hian garage kan siam a, thenawm ten man chawi in anlo dah ve thin




'Zawr ... Engthil pawh thleng se che phut phut suh ang che aw' ka ti leh hram , ani hi zawng a duhloh dan a thil a thlen hi chuan engmah hre chang tawhlo hian a che phut phut zel a, whigga hotel phei chu Aizawl a hotel changkang leh changtlung ber kan neih ani a, foreign ho pawh an thlen nasat thin mai piah lam ah whigga hian hotel mai nilo dawr lian tak tak an nei a, whigga thawmhnaw brand pawh an nei bawk , mi "hausa min kawhhmuh rawh" ti se whigga ho hi ka kawhhmuh ngei in ka ring... Chuti khawp a hausa hotel ah kan kal dawn ani a, kan che mawilo anih veih chuan police station ah kan awmlo ang tih pawh sawi theih ani lo..




'Lungngai suh, man chhuah rigawt ka duh abak engmah ka ti lovang' atih tak ah chuan ka bike chu ka start a,





Kan tlan chhuah rual rual chuan ka kawng ah a rawn kuah a, ka lo ip chawih



'Heiii dek ka hua nia, lo ninhlei miah suh, accident i duh ami' ka ti tuarh , dul khawih hi ka haw takzet, nui uarh uarh pah chuan min thlah ve mai bawk a






Whigga hotel awmna tak hi a hla deuh a, bawngkawn brigate thlang lam deuh ah a awm a, motor ala tam lutuk loh avangin speed pawh ka san ve hle,zawri pawh ka hnung ah ngawi rengin a thu a, ka thiannu hi ka khawngaih ve hle ani.. Mihlim thei tak leh thianho ah pawh fiamthu thawh peih ber hi hetiang tak hian a rilru alo tihhah sak tih reng kan lo hre silo a.





Whigga hotel kawt ah chuan kan ding ta vang a, parking rem chang lai ah chuan ka bike chu kan park nghal thuai a, kan luh dawn chuan zawri kut chu vuan in



'I tha em' ka ti leh hram, ka thiannu hi a that hmel hlawl loh ani



'ka tha rose, hetia mumal lo deuh a awm hi ka ning tawh man chhuah vat a in then vat ka duh' thutak fe hian ati a





'Anih chuan lut ila' ka tih tak ah chuan nui sen sen in ka hma ah chuan a kal zui nghal a





Reception lam chu pan in 'Sir minlo hrethiam lawk' ka tih chuan minlo en deuh ha a ,tun ang zing la hma lutuk a hotel a hmeichhe pa hnih hmai pawh phihlo phawr phing pheng min hmu thut chu mak pawh a ti ve tak ang, a awmdan chu siam rem nghal thuai in nui hmel pu chung chuan'puih theihna che u ka nei em' ati nghal var a, biak a hrehawm dawn lem loh hi




'Nizan a party na a rawn kal Murcus Lalremruata room number min hrilh thei angem?' Zawri chuan alo ti nghal thuai a




'Ka tihpalh ma'am, kan coustomer te thu lo chuan kan hrilh theilo che u, kan hotel dan anilo a'





'A bialnu ka nihhi , tunah ka bialpa hi ka hmuh ngei ngei angai' zawri chuan ati leh nghal vat a



'Ka tihpalh lutuk , hotel dan kalh a ka awm chuan ka hna hi ka chan dawn a, khawngaih in min hrethiam hram rawh u' atih leh tak ah chuan zawri chu kai in kalsawn pui mai ka tum chu alo tang nasa kher mai





'Anih chuan tunah khan bia la, ka hming sawi rawh min luh tir ngei ngei dawn be rawh tunah khan' zawri aw chu a vin lek lek tawh , ka kalsawn pui vat loh chuan helai hmun ah hian buaina a chhuak mai ang




'Ma'am tun ah dar 6 choh ala ri a, ala hma deuh a, dar 9 vel ah kan be thei choh ang' arawn tih leh chuan ka thiannu chu ka theih tawp a kalsawn pui tum chuan ka pawt tawng tawng a, ka kut chu phih thla pawp in receptionist awmna lam chu a pan phei leh nghal a






'Anih chuan dar kua (9) chu sawlai ah sawn thu chungin kan lo nghak ang' ava ti leh hram rawn in her receptionist ho awmna ep chiah a thut na nawm hmel tak leh changkang tak an dah lam chu pan in thinrim hmel fahran hian a thu thla chawrh a, tihtur ber pawh ka hrelo dar 9 min nghah pui chu a tum taktak anih hmel, ka va pan phei ve thuai a




'Zawr , dar kua thleng thleng helai hmun a nghah te chu atih chi dawn mi' a bengbul set ah chuan ka va phun ser ser a




'A chi loh na a awmlo, interview ineih kha, i duh chuan lo va haw rawh , ka nghak dawn, alo chhuah hma chu ka ngak dawn' tawng zawih chu kahase hi a nitawp, ka hawikual nghal thuai a, mi tuvak mah anla awmloh avangin ka thawhuai mai, receptionist pa erawh in min rawn en zawk tih ka hria huiham... Han hawsan ngawt lah thil tih chi ani silo, interview kha dar 2 ah daih anih avangin ka nghahpui ve phawt mai ang...





Ngawi rengin zawri nen chuan kan thu ta reng a, a hmel en chuan han biak ngam chi zia zang ani lo, dar riat alo rik meuh chuan ril a tam ta raih raih khawp mai , kan thawh na kha a rei ve tawh em a, riltam pawh a hun viau ka bul ami erawh lungtum ang mai a a thut reng avangin riltam thu pawh ka sawi ngamlo ka melh zeuh zeuh ngam tawk.



'Rose lo va haw tawh mai rawh' tawng hmasa a a tan avang chuan ka lawm ru kher mai




'Ahhh... Dar 9 rik tep tawh hi ka nghah thlen pui lawlaw ang che thlamuang deuh khan awm rawh' a thawhuai a, a ipik hmel takzet
Heti chung a ka hawsan anih chuan thian ti a chhal tlak ka ni lo ang



Rei ngial ngawi reng a kan thut dun tak reng ah chuan ka tih tur hrelo chuan ka phone chu phawrh in ka en nghal thuai a, kan mimawla call leh message engmah alo awmlo chu ka lawm ru kher mai , hepa hian min rawn be leh mahse ka be tawh dawnlo hrim hrim ka hlau ngawih ngawih



'5 , 4 , 3 , 2 , 1 , dar 9' ti a tho tharh in receptionist lam chu a pan ding ngal a



'Dar 9 a ri chiah be tawh rawh' dawhtheihna a tlakchham hmel kher mai



'Ka pi' atih rual chuan zawri chuan a kut alo vai zeuh a


'Chhuanlam ka ngaithla peih tawhlo dar 9 itia hei tunah a ri tawh, minute 1 in a pel tawh zawk' zawri bawk ani, a mit ah tak a melh kiau a, receptionist hi ni ila chuan ka khur nasa viau ang.



'Awle, lo nghak lawk rawh' ati ve ta nge nge a, ka lam chu rawn hawi in a tih fo dan ang in a rawn vei nuih sak , ka lo nuih let ve nghal thuai a




'Ka pi call an chhang thei tlat lo, anla muhil anih ka ring nizan party kha'



'An room number chu min hrilh rawh , tunah' receptionist pa in a sawi zawh hma hma chuan alo ti chang fak




'Ka theilo , ka hna atang min ban dawn asin'



'Anih chuan room tin ah khian ka han zawng kual dawn em ni' an lam ah chuan ka tlan phei nghal thuai a


'Zawr haw mai ang, helai hmun ah hian buaina siam chi anilo ania' rum lutuk in min rawn melh a, hetiang tak hian zawri hi a mengrum thei ang tih pawh ka la suangtuah chhin ngai eih lo , a hliam ah chi ka va phul belh sak ani ringawt



'Buaina a, eng buaina mah ka siam lo, an room number chu min hrilh se kan buailo ani mai' ring leng lawng in ati leh nghek mai, ka va han zak tak gorya-i tal lo hruai ve ila tha tur ania, keimah chauh chuan ka bengdai zo dawn hauhlo.


'Ka pi , highschool kal lai innih ka ring a, khawngaih in security ka auh hma in kal zawk rawh u' nelawmna tel hauhlo in receptionist pa chuan alo ti ve vat ahma a nelawm tak a tawng thin receptionist kha chu a bo hmak ang vel ani , chu ve leh zawri bawk chuan


'Highschool kal lai kan nih i rin si chuan engvangin nge ka pi mintih, i pi rual ka ni em ni' henu hi whigga hotel , aizawl khawpui a hotel changkang ber ah kan awm tih a hre tawhlo ani ngei ang, mawl lutuk mai, oiii... Ka aaa zo dawn


'Kal ang zawr' nemsawn mai ka tum chu ka kut alo phih thla leh pawp tawh a chak emem mai leh nghal a

Receptionist pa chuan a thiante a mitmei zeuh chu ka va hmu hman a, thil tha tak a thleng dawnlo tawp mai, zawri hi engtin pawn nise ka kalsawn pui vat angai ani...Mahse engtin nge ka tih chuan ang , gorya.... Awww.. Gorya kan call mai teh ang anin tih dan a hriat ka ring


Ka phone chu ka la nghal thuai a, gorya chu call nghal in ala chhang har emem mai leh nghal a, zawri leh receptionist pa lah chu an in melh sakhi nasa tawh mai si, security anlo lut hman ang tih ka hlau tak zet

'Rose, ka la mu tui a sin' phak chial in lehlam ami chuan alo ti nghal zat a

'Gorya buaina kan tawk.. Whigga hotel ah zawri hi'ka sawi zawh hma in zawrin ka phone alo phih thla nghal a, min melh khawi khawi pah in a kekawr ip te ah ala ak hmak zui , reception lam chu pan leh nghal zat in


'Tunah hian an room number min hrilh lo anih chuan buaina namen lo ka siam dawn ania' ati ta mai a sawi zawh rual rual in security pali (4) rawn lut tak tak(trak) in zawri chu kalsawn pui mai an tum a, ani lah chuan alo duh ikhaw lo mai, an in chei laih laih a, chu ve leh pa khat zawk chuan 'ana lutuk 'a rawn ti chhuak hrawih mai, a kut chu a en nghal vut a, zawrin a seh anih hmel a kut leh lam a vuan tu zawk chu a hmai ah a hnek leh pawp 've khanglang che hian' ti leh zawri hmai ah tak chuan a rawn beng ri sawk a, zawri pawh a tlusawp niai mai, tlan phei nghal thuai in 'i tha em, haw ang ka tih mawlh mawlh kha' khaitho pah chuan ka ti a..


.zawri erawh a thinrim hmel kher mai che phut in a hmai a beng tupa chu a chithlahna point ah tak mai chuan ava tlawh leh sawk a, alo inring lo bawk nen, na atih lutuk vang chuan hup chawih in a thingthi thla hnawk a


'A ngam chu lo kal ula' secutity pa thum ding thap chu ala melh kual ralh ralh zui.. Oi khawvel ah hian gorya-i thil min zirtir ho hi pawi ka tih ber tum ala ni hial ang chu ve leh security pakhat sang tha nelh nawlh chuan 'enge maw ka ngam loh ang le' tiin zawri lam chu a pan phei nghal a, pawm nawlh in chhuah pui a tum a, kawngka lam panpui a tum chu




'Murcus Lalremruat' tiin an au chiam chiam mai anih kha, ring tha tak ani, ka zak bawk si , ka hmai te hi a sen tawn tawn(trawn) in ania ka rin ni



'Min thlah rawh zawng hmaisen' ala ti tuarh tuarh zui a, pakhat lah chuan thlah a tum der mai silo, a tal nasa bawk si, kal pawh a kalpui tha hleithei lo




'Buaina a awm em' rawn ti tu lam chu security ho zawng zawng nen chuan kan hawi rual thap a, a hmel ka hmu chiah chu ka thlarau a chhuah loh nan ka dang char char ani ber kan mimawla maw enge hetah alo tih ve ngawt le, a thawmhnaw hak chu nizan a a hak ang vek khan ala in thuam a, zanthim ah chauh ni lo in a hmel chu chiang takin ka hmu thei ta, kan in rual loh chuan kei aiin a upa emem thei lo, chuan a hmeltha khawp mai





'Sir, i kal tawh dawn em ni? Kan tihpalh lutuk buaina tlem a awm a, mahse hei kan chingfel tawh e' receptionist pa chuan kan mimawla lam pan chuan alo ti nghal thuai a, sir te ala tizui , hepa hi tu chiah nge maw anih le!





'Kan chingfel lo, ka bialpa room number ka zawt a min hrilh duh hleinem, chuan zawnga min dahthlah teh' atih chuan chupa pawh chuan a dahthla ve mai bawk a, kan mimawla lam chu pan in




'Daniel-a tiraw inih? Khawngaih in ka bialpa murcus lalremruata room ah min hruai thei angem? ' ava tih chuan mak tih lutuk vangin ka hau chungin kan mimawla chu ka va en nghal thuai a, ani pawn minlo en ve chiah mahse a mit chu ala sawn leh nghal thuai a, zawri nen hian an in hria tihna em ni?





Receptionist pa chu melh in 'murcus lalremruata chu kan hotel ah hian a awm reng reng em' kan mimawla chuan ati a chu ve leh 'aw sir' zawi tak siin receptionist pa chuan alo chhang vat





Zawri chu melh leh in 'Kan hotel dan an hrilh chian viau che u ka ring a, khawngaih in in chhuah theih chuan ka lawm ngawt ang' ngainat awm loh fahran chuan ati leh a



'Enga' ti leh tuarh tu chu zawri bawk ani



'Nangkha, i thiannu anih chuan tunah chhuahpui nghal rawh' min rawn melh chat mai, hepa hian min hrelo ani ngei ang , mahse nizan lawk ah kan in bul ah mai arawn kal a min hrelo nise a rawn kal nachhan tur ka hre ve hauhlo





Zawri kuah ka tum lai tak chuan gorya rawn lut hlawl a... A hmel ka hmuchiah chu ka tap lo chauh ani 'gorya 'ka ti sep a, zawri nen a kan din na lam rawn pan nghal thuai in 'enge thleng a' min melh tawn zak zak pah in arawn ti a 'kal phawt ang u, pawn ah kan sawi dawn nia' ka lo ti vat a, zawri chu kuah in kalsawn pui kan tum chu ala tang nasa mai 'khawngaih in zawr, khawngaih takin' ka tih tak ah chuan 'min thlah ru ka kal ve thei reng' titau tih hriat tak chuan a kal nul nul a, a per pawp pawp ani ber, nuih aza ru duh kher mai han nuihchhuah chi ni nghal lo chuan





'Kan tihpalh lutuk a thleng nawn tawhlo ang , kan thiannu aiawh in ngaihdam ka dil a che Ka Pu' kan mimawla melh kiau pah a tiin ka in her zui nghal a , a hmel ah chuan nuamlo tih na ka hmu tel than in ka hria ,engvang a min hrelo der reng reng nge maw anih le, mahse min hrelo ang a a awm khan ka tan a tha daih zawk , minlo bia pawh nise biak ka tum tawhlo hrim hrim kha ania...





Garage ah chuan zawri chu kut kuangkuah chung chuan tum bur in alo ding a, kan thawm a hriat ve leh rawn hawi in 'inva rei ve , ka ril a tam lutuk'thawven hmel fahran a arawn tih chuan ka nui tawp nichin lawk a zawri kawlhsen tak kha a bo leh diak tawh tun a mi hi chu kan thiannu zawri kha ani leh tawh





'Keipawh a tam(tram) tawh lutuk kawngsir thingpui dawr a paratha kan thar leh thingpui leh artui chhum ka ei chak' abul kan thlen phei chuan ka ti nghal thuai a





'Khitah baptist biakin chhak deuh ah khan a awm alawm kan ei dawn nia' gorya in alo tih ve leh phei chuan ka pum chhung ami te ho hi an in sual luai luai ni berin ka hria ...




'Khawi ah zawk nge i chuan dawn' zawri melh pah chuan ati leh a



'Dawr thleng ka rawn phur chho anga, dawr atangin i phur ve tawh dawn nia in veng a in ang tho a , a awlsam zawk ang , tlan hmasa la' ka lo ti a



'Minlo zui ru' tih leh tlanchhuah a rual a ,zawri pawh tlansan a hlau aniang a rawn lawn rang kher mai , bike chu start in kan tlanchhuak ve nghal a, thui tlan a ngai hran lo .




Gorya lo din na bul ah chuan ding in ka riltam tawh thu sawi chungin bike tang chuan ka chhuk ve thuai a, zawri lah pek chuan 'lut nghal ang' tiin mi pawh nghak lo in a kal leh nul nul , nilo a tlan ani zawk mah , a ril alo tam ve tawh awm hle mai , a nuihzathlak thei ania a chetzia te hi





Ka ei chak tak artui chhum leh paratha kan thar lam chu thingpui nen kan chah a, paratha an kan mek avangin kan nghak leh rih a,



'Whigga hotel ah khan engti turin maw in kal' gorya chuan min en tawn zak zak a, chhan loh chi anih miau loh avangin kan kal chhan leh kan thil tawn zawng zawng chu ka sawi ta vek a, zawri erawh ngawi reng chungin kan thil chah chu a ei mial mial thung



'Buaina siam zawng hian awmloh hram hram tur ania, buaina hi cho emem reng tur pawh anilo, a theih hram chuan kalsan tum tur mahse min um zui zel anih chuan kan hmachhawn ang, mipa vang leh nghal in mi hotel ah zing zing ah buaina in va siam ringawt ania, min eng ngaih in nge an ngaih ang che u, hmeichhe tan phei chuan nun hi fimkhur hle tur ' pa ber ang in ati leh dap dap a, keini erawh in sawi tur reng kan hrelo , kan hma a ei tur chu kan ei mial mial ringawt ....

"Hmeichhia ve tho inih kha" zawrin arawn tih ka hlau tak zet

Zawri leh gorya an in phur a, an veng a in ang ka tih tawh kha, ka tan va thlahkual leh kha a buaithlak mai piah lam ah dar 2 ah interview ka nei dawn hrim hrim bawk nen an hnung ah ka zui ve a, dawr atang a kan chhuah khan dar 11 a ri thuak tawh avang in ka hmanhmawh ru ang reng viau..





Chanmari traffic point ka tlan pel tur chu traffic police in minlo auh deuh tuarh tuarh vang chuan keipawh chu a rem lai ah chuan ka ding chawt a, min rawn pan phei pah chuan 'enga tinge number plate awmlo a khatia i tlan vuk vuk a' arawn tih chuan ka hrechhuak leh chiah ava han chi loh ber mai tak! Min man ngei dawn anih hi engtin nge chhuan lam ka siam tak ang




'Aaa.. Ka la thar chiah a sir, hei in lam a haw pui ka tum chiah anihhi' awihawm thei tur ang ber chuan ka ti a




'Iti tak tak amaw' ahma aia nelawm zawk a arawn tih chuan


'Ti tak tak e, zarkawt ami saw ania ka lak, documents vel chu ka pa in a keng ka phurh a duh lo a'ka ti leh nghal zat a , a awih hmel tawh kher mai, bike khalh fimkhur tur leh hmeichhia ka nih vang a fimkhur zual tur a min hrilh malh malh lai chuan atei ka ngei tum ber ani hial ang



'Ehe rose kha kha mi nimin a i bike thar lak chu' a thawven hmel bawk si, ka va han beng chak tak,ka in sawi fel vek tawh a sin mawle , ka bul a ding traffic police pa pawh chu a mengrum tawh kher mai , nichin lawk a fimkhur tur a min chah lawm lawm tu kha chu a bo leh daih tawh






'Nimin ah kan la chhuak hman ta lo a, hei tunah kan la chhuak chiah , khawnge i kal a' zangkhai thei ang ber tur chuan ka ti nghal zat a, kan hma lawk a mizo bag vel an zawrna dawr chu kawk zeuh in 'a kid ah ka tang leh dawn a' atih chuan a kawh na lam chu ka hawi thuai a, ka nui suk,



'Dar 5 vel ah in haw hman angem'



'Ateuhlo kan zanlai thei ang' kan nui dun ta nghek a, atei nu bazar hi thil hi a thlang uluk thei lutuk a,a thawmhnaw en kual phei chu a thuina zawng zawng te hi a chhiar vek thin hial in ka ring



Khuh kharh kharh ri kan hriat chuan kan nui lai chu kan tawp chawt a , traffic police in min man tih ka lo theihnghilh leh hmiah tawh


'Ka pu ka kal thei tawh angem' no fahran lo hian min melh khai khai a




'Number plate i bel hma chu rawn khalh chhuak tawh suh ang che, ka hmuh leh vaih che chuan ka man tawh dawn che ania'




'Tehreng mai ka lo khalh chhuak tawhlo ang, ka lawm lutuk aw ka pu , ate bye kan in be dawnnia' ka tih zawm nghal zat a




Atei in lu min buk khum nghauh tak ah chuan keipawh ka tlan chhuak ve nghal ,chanmari west ah mai kan awm avangin him dam tak chuan in ka thleng ve hram a,dar 12 rik nan minute tam a awm tawh hauhlo




U siami ka hmuh mai loh avangin room lam ka pan nghal a, ka pa erawh hna akal leh tawh anih ka ring




Bathroom a ka in bual mek lai chuan u siami min au ri ka hria a, 'rose ilo haw tawh ami' bathroom kawngka kik karh karh pah chuan arawn ti a

'Aw... U siamte ka inbual laklawh lutuk a'



'Awi min ti hlauthawng alawm'




'Enge hlauh tur awm a, keimah ngei ka ni e, ka la thi lo ka la dam e' arawn nui ta uarh uarh a


'I rawn luh lai ka hre silo a, ka hlau hman alawm' ka rin ang ngei in alo hlau leh tawh a dawih ve chiang ania, hlauh tur lah hi an hre thei emem khawp a




Ka in bual zo room ka lut chu ka phone ka ban nghal thuai a, kan mimawla message emaw call emaw tal a awm ka ring kha ani a ka lo ring sual leh ta , hotel ah khan min hre ngailo ang mai khan a awm a, min hrelo hrim hrim aniang ti dawn ila nizan ah a rawn kal bawk si, chuan kan mimawla kha whigga hotel nei tu te fapa tihna mawnle, ni dawn tak zawri kha daniel ati tak e, an fapa naupang ber kha daniel-a ani tih chu ka hre thawi tawh, an hausak zia chu tupawn an hria anga mahse an chhungkua tih vel hi ka lo ngaihven ngailoh avangin ka hre lo khawp mai, an fapa tupawh chu nise hotel a min hrelo der kher kha ka thinrim.




Interview pawh tluang takin kan zo ve hram a, ka pa a night dawn tho a tiin zawri chu riak turin ka sawm a, alo phur ang reng phian ani hi zawng phurrengi ka ti mai, chhuah na lam pang hrim hrim kan rel te hian a phur ber zel ,ka peihlo atih ve tawh erawh chu nawrluih chi ani chuanglo , , a peihlo ani tawp




Chaw kan ei kham fel chuan zawri pawh rawn thleng nghal mai a, mahse tukin lam a kan buai luai luai na abialpa murcus Lalremruata a rawn tel ve tlat, an in sawifel ta ni hmiang tiin eng mah ka zawt zui duh chuanglo...




Thutkhawm na pindan lam ah kan thu thap a, u siamtei in TV a en a, zawri nen college kal kan chak tawh thu leh kan thianho a college khat a luh ho vek kan duh thu te kan sawi a kan hma zawn sofa ah chuan murcusa chu a thu bawk, kan titi lai chu min en run a, a hlauhawm lam lek lek ani sawti vakvak a in melh te chu ah.





'Hey chuti bialpa inei ve tawh em' min en ngur chung chuan arawn ti thut a, min auh dan maimai chuh . chuti ka ni hlol lo




'Nei nang enga tan nge itih a' ka tih chuan


'Enga tan mah, i chut em a, bialpa ineih chuan i bialpa pawh a chut ngawt ang tih vel ka lo ngaihtuah maimai' ke thluang duai in a thu a, sofa chu ngheng in a ban pa hnih chu a phar veve a, hepa hi chu a thawveng si a mawl bawk si, in sual a hrat bawk si, in hnial lah chu hmeichhia ai pawn a thei zawk peih ve hrit hret tak ani,a sang in a hmel lah hi a pe tha ve nek leh nghal a, Pathian hian a siam lai khan heihi chu zahna nei ve suh se ati emaw tih mai tur hi ani, kan awmho tawh chuan min hnial hi a chak zek zek zel nia mawle, chuan ka hmuh a piang hian thawmhnaw dum bak a ha ngailo, keini aiin a upa deih zawk a, mahse a mawl fe zawk thung





'mipa hi chu nang tih loh hi chu an tha vek' ka tih chuan a nui suk a, enga tinge maw min hnial hi a chak emem zel mai ni, min rawn hnial leh mai ang







'An tha vek anih kha, bialpa pawh ila neih ve loh, nangte hi ilo ching ange aw a ho fi ang' anui nghawr dar dar a, engtin pawn chhang ila min hnial dan tur a hre zel






'Zahna an sem lai khan khawi ah nge i awm?'



'Zahna an sem tih ka hre ve miah lo, i dawn sa chu minlo pe then ve la'






'I kawchhung khat tlat ka pe ang che'





'Tehreng, eng party ber in nge sem, MNF nge Congress' oi ka hnial peih tawh lo, min hnial dang thak thak zel bawk sia, mi zing ah kan inhnial ang tih te reu reu ka hlau, ka zak dawn ltk,




'engtin nge i bialpa hi i duh theih zawk a' ka tih ngaihna hre tawhlo chuan zawri lam hawi chuan ka ti a, chu ve leh murcusa phone chu lo ri in a picup nghal thuai a, kan la sawi zawilo ti ni awm fahran a min melh chung chuan




'Aw, a changtupa i be mek' a changtupa te a inti, a khawilai ah nge maw changtupa alo nih tehhrep ni ah



Lehlam ami chuan enge maw a rawn sawi ni 'maww' arawn ti thrawt a, chu ve leh 'ka rawn kal nghal' a hmel chu a dang lam nghal vek a, nichin a min hnial pawng pawng tu kha chu a bo leh diak tawh, a hmel chu ka sawi thiam lo sakawlh thinrim lutuk ang hi ka chan ber






A phone chu hmet tawp in rang lutuk in a tlanchhuak nghal a, kawngka lah chu a la khar bur zui, kan phu zawk alawm, zawri chuan min rawn melh nghal thuai a, ani pawh a rilru buai hmel khawp mai , chutih lai mek chuan kawngkapui bawk chu a rawn in nam hawng leh pawp a, hmanhmawh tawkin murcus-a a rawn tlan lut leh zawri chu rawn pan ding nghal in,








'ka rawn be vat ang che, ka hmangaih che' a hmui ah chuan a fawh sak zeuh a, a hma aia hmanhmawh chuan a tlanchhuak leh nghal, kawngka pawh ahma aia ringin a khar leh bur mai







Zawri pawn sawi tur reng a hre biklo aniang, min rawn en leh chuan'ngati nge a' ka lo ti vat






'Ka hre biklo an in sual leh dawn aniang'






'Oii.. I bialpa ve hi ah a thawveng si, in hnial a thei si, in sual ala ching zui' ka lo tih chuan rang lutukin






'Khatak kha alawm a zun a min uai tir tu' ati heu mai . ka hrethiam tawh bik lo e a, a nei tu in a duh mah ahnu a ho emai ka buiana tur pawh anilo







'Enteh, whigga hotel neitu te fapa daniela kha a inla changtupa vel e ka ei thlawt lo' ka rin ang chiah , whigga hotel neitu te fapa alo nih chiah chu , chuvang aniang min hriatloh der tlat






'Inla changtupa vak ami, i bialpa kha anih kha inla changtupa zawk, tunah pawh "aw changtupa i be mek" tiin phone call a dawn pawn alo chhan kha, salmankhan emaw inti in hmanhmawh lutuk in ala tlanchhuak zui' ka tih chuan anui nghal tuarh tuarh a, pum dawm meuh a a nuih chiam chu le.







'Enteh, a atzia chu maw, ka story chhiar ho hi a changtupa te ka vei theih zia vel ka sawi thin a abul ah, alo inla changtupa ve ringawt anih kha' atih meuh chuan ka in sum hmanlo za lutuk in ka nui chhuak a,






'A thik thin a , a titau vel thin mawle' atih leh lek phei chuan ka thal tawp lo chauh ani ..murcusa chu fiamthu thawh nan tak hmangin kan nui dun uarh uarh a,





Zawri chu nui tawp hmak in thutak hmel zet chuan a thu ta thut a, ka hawi buai nak mai





'Na inei mi' ka tih chuan




'Ka bialpa in sual turin a chhuak a, keiin hetah fiamthu thawhnan hmangin ka lo nui chiam chiam a, enge a chungah thleng dawn pawh ka hre silo a' ati chuai ta raih a






Sawi ve tur pawh ka hre tehthut lo e a... Hemi te pa hnih hi in ngaizawng tur diktak anlo in ngaizawng anih hi








U siami ho in ka waiwai chhum bawk kan ei leh a, u siami pawh a mittui a parawl leh pur tawh, gorya , atei leh anna-i te kan vidcall a, "tinge min sawm ve loh" anna-i leh atei chuan an ti awl lo a, gorya erawh kan fiamthu thawh kar ah alo nui ve suk suk ringawt, a tawng tuitam lo ve chiang ania, ti hian rinawm tak hian alo awm ve ngar ngar zel , min ning hmel a pu ngailo a, bialnu a nei chung pawn kan tan a awm reng thin... Kan thianho nu leh pa nih a fawm a, hei vang hi ania zawri pawn 'pa ber ang mai' a tih fo thin, thil ho lam maimai ah a in hnamhnawih ngai lo a, amah hi a cool tawp animai ka sawi thiam lo e a, a duh tu tan chuan a duhawm ve ngawt ta ve ang.








( 🥰zanin chu a thui ngawt ang, chapter hnih ang a ka then kha chapter khat in ka rawn kal tir a, a story hi a thui deuh dawn a, chapter hi tih tawi vak chi ani dawn in ka hrelo tlat)
(MIN LO CHHIAR SAK AVANGIN KA LAWM E)


Show post links
Top

[Ngaia]

VE RUP MAI NA! CHAPTER -4



BY... Pie Sangtei







Khum a kan mut fel meuh chuan dar12 alo pel leh tawh a, zawri pawh a bialpa khan ala rawn be lo ani ngei ang a ngui bar mai




Whatzapp ah lut in message awm ho chu ka en thla diat diat a, ka hnual nghal raih, enge ka hnual na chhan ber lah ka hre bawk silo, keimah hi ka kimlo





Murcus an an kawngkapui ang mai a kan kawngkapui a khar bur bur lai kha ka ngaihtuah chhuak a, bialnu te in pawh nilo bialnu te thiannu te in ah khati tak a han ngam pat mai chuh zawri te in ah phei chuan a ngampa awm hawrh hawrh mange, amah in thingpui te a inlum vek hial in ania ka rin





Ka ngaihtuah na avang chuan ka nuih aza kher mai, zawri tih harh ka hlauh avangin ka nui tha ngam lo mai pawh a....





Zingah chaw ei lo in zawri a haw a, ka va thlah ani zawk mah, sunday anih avangin inkhawm turin ka in buatsaih a, kumtir khan biakinpui lam ah min lawmluh tawh avangin naupang lam ah inkhawm ka ngai tawhlo a, u siami nen kan thu dun mai zel... U siami hi reiek khua ani a, aizawl atang km35 vel lek a hla ani, vawi khat chiah langin ka la kal a, an khua a fai in a hmun a rem ka ti, Thingtlang ni mahse ka hmuh dan ah chuan aizawl khawpui a veng pakhat ang mai ani in ka hria , aizawl atangin alo hla lo bawk nen, kan kal tum khan bus in kan kal a, darkar 2 vel kan tlan a, u siami sawi dan chuan "two wheeler phei chuan darkar khat ah te an thleng thin" ati, nakin ah u siami ka la zui haw ve ang...







Inkhawm ban chuan ka thianten len an rawt a, a lum sia chawhnu ka inkhawm peihloh avangin ka lo pawm ve thlap tho




Dar 1 vel ah kan in atangin ka chhuak a, bawngkawn lam ah in nghahkhawm kan tih avangin bawngkawn lam pan in ka in khalh phei a,bawngkawn an tih kher nachhan pawh Hangi lunglen tlang ah kal an tih vang ani..




Ka bike pawh nimin lam khan number plate ka bel fel tir tawh a, ngaihngam deuhin ka khalh chhuak thei tawh , bawngkawn ka va thlen phei chuan ka thiante chu anlo awmkim leh thap tawh a, awmkim thap han ti ila Anna-i ka hmu miahlo




An bul ka va thlen phei rual chuan 'khawnge Annaa' ka ti nghal thuai a




Atei chuan dawr lam chu a kawk zeuh a, ka hawi phei chuan anna-in ei tur alei lai ka va hmu zawm zat



Bawr luk in arawn tlan phei a, zawri leh gorya an in phur a, anna leh atei
An hnung ah chuan ka zui ve zel a, Zuangtui lam ah chuan pengin kan tlan ta char char a





Gate ang reng deuh anlo siam na bul ah chuan duty anlo awm a





'A hmun khi a tlangsang ve ang reng sia fimkhur thu hla ah kan lo check ve reng reng ang che u' duty pakhat chuan nui sangin ati a





Min check zawh chuan an duh ang an hmu lo aniang, fimkhur tur a min chah in min tlanluh tir ta a, chho tlan char char angai a, helai veng hi eng veng nge anih pawh ka hrelo






Kal ve dang anni ngei ang kan tawk sup sup bawk, tlawh tu anei tam thin viau anih hmel kan hangi pawn...




Ahmun kan thlen chuan hangi lunglen tlang lai tak a kalphei tur chu an lo in tlar diat diat a, ka vawi 2 kal na ani a, ka phei ve ngam leh dawn chuan loh avangin eng he hu ah ka ngai hran lo, an thlalak vel te erawh a nalh ka tiin ka chak ve thin viau, marawhchu a sang em a, a kalphei na lai tur hi a te sia ka ngam thlawt lo ani






Ka thiante chu an in line ve nghal thuai a, an in line na bul ah chuan eitur kan ken ho nen chuan ka lo thu thung





Rei ngial an in line hnu chuan an hun a thleng ve tawh a, gorya a phei hmasa ber a, thla la tu ah zawri an hmang ani hi kan thianho photographer ani a, kan nih na bakbak a pian nalh te a min lak thiam mai bak ah lak nalh dan tur hi a hre phian a, amah pawn chuchu in hria in camera a chuh vat zel.





gorya in post vel chu ngun takin ka lo en a, mipa ni phei se chuan hei aia nasa hian hmeichhia hi a zun ah an uai ngei in ka ring...





Ka thiante min lo auh na lam chu hawi vat in ka nui suk a, minlo hui zeuh zeuh takah chuan ka phei ve vat,




'lo kal ve rawh ka lo veng ang che, lehlam ah zawrin alo vuan bawk che anga' gorya chuan ka thlen phei rual chuan alo ti a




Lu thing pah in 'ka duhlo, ka tla palh ang'ka lo ti nghal vat



'Kan vuan ve ve dawn che lawm mawle, i thil ken lai kha dah la rawn chhuk tawh, ate lo in din thleng teh u. Rose-i hi kal phei ve reng reng rawh se' zawri chuan a ti bawrh bawrh a, min melh rum leh ul tawh bawk..





Hlau deuh chung chuan ka pan ve mai bawk a, ka kal phei tur chu bang si chet in ka kal a, ka kut leh lam ah zawrin minlo vuan a, lehlam ah gorya in a kut alo phar bawk...





Ka ke zawn a lung choh chu en in a bul lawk a kham sang thla ltk chu melh telh loh hram tum chuan zawi muangin ka kal phei a, zawri kut ka vawn theih tawh loh avangin kham lam chu ka hnungchhawn a, a kil lam pang a bet trei chung chuan ka tawlh hret hret a



'Rose, i kut kha lo phar tawh rawh' gorya in alo tih chuan ka phar phei thuai a, minlo vuan chat in keipawh ka kal phei zei zei a, ka thlen phei meuh chuan ka thaw hawk thei...a view chu a nalh takzet aizawl khawpui alang tuarh a, hlauhawm viau lo se chu hla phuah nan a va hman ka chak kher mai.



'Kha kha ani mai alawm , In post rawh' zawri chuan alo ti thuai a..



In post dan vak ka hriat loh avangin ka ding mawl tawp , ala nalh leh vek tho ang




Ka duh tawk a thla ka lak zawh chuan a ngai te bawk chuan ka phei leh a, kawngpui lam ah a rang a rangin ka chho tlang nghal, midang ho zawng an in post ve lai chuan ka thut na ngai bawk pan in ka lo nghak leh a, anla nasa bawk aniang an rei emai






A chhak deuh a thil ei turin kan in zui chho hnak hnak a, helai hi nuam ka ti deih zawk... Tlangchhip ang deuh hian a awm a, a hmun hi a thawveng tho a, mahse amawii bur ruak leh eng eng emaw ei na kawr ruak a tam khawp mai, spot nan tak an hmang thin anih ka ring...





Kan thlen chhoh chuan mipa khat hian thil ei na ruak an paih maimai chu lo chhar khawm in alo buai khawp mai...




'In rawn leng ve dawn ani maw' nui sang chuan alo ti a




'Pu ngati nge i tihfai a' atei chuan alo ti vat a




'Helai hmun a kal te hian an thil ei na ruak hi an paih maimai zel a, hetiang chuan he tlang pawh hi a hlu lo thuai dawn sia, ti hian ka dahkhawm anga, ka hal ang' chhar khawm mawlh mawlh pah chuan alo ti ve vat a..



'i duty tihna mi' atei bawk chuan alo ti leh a.




'Duty han tih ah, kan vengchhung ania, he tlang hi rei tak thleng a ahlut reng ka duh chuan hetiang hi ka tih angai a' alo ti ve leh mai a




'Hlawh inei em' a tei bawk ani.. A zawhna zawh vang chuan chupa pawh chu anui suk a.




'Nei lo e, ka ram hi ka hmangaih loh chuan tunge hmangaih chuang ang, chutiang bawk in helai hmun pawh hi ka tihfai loh chuan tunge tifai chuang ang' atih chuan ngaihtuahna a ti thui duh hle mai...kan thil ei na ruak te hi paih maimai lo hian polythene ah te khung in hawn leh thin ila, midang tan harsatna kan siam lo nimai tur hi ania.




Inla changkang taktak in an leng a, an thil eina ruak an paih leh maimai tho sia, eng ang pawn hausa se an class a hniam ka tilo theilo




'Keini chuan kan paih ve ngailo ania aw ka pu' a tei thusawi vang chuan chupa pawh chu a nui suk a, a fel hi ka ti thlawt ani..
amah en chuan ala upa lutuk lo tih ahriat ngawih ngawih a, a taima in a nupui fanau te tan pawn in ngha na tlak tak pa anih ngei ka ring..




'Pu kha hei in rawh' anna-i chuan kan cold drinks lei pakhat chu phawrh in ape a




'Ni a sa sia , i tui in a hal ang' atih leh tak ah chuan chupa pawh chuan lo la nghal vat in a nui var var mai.





'Helai ah hian thu rawh u' tiin thil eina kawr ruak awm ho chu a hmawlh ken chuan a hawlhsawn sawk sawk a,




'Khulai khu ka zu tifai leh ange, nuam deuhin hmang rawh u' tiin min kalsan zui nghal a, a kal liam chiah rual chuan a fel zia thu kan sawi nghal sap sap a, tun ang lai ah chuan ani ang hi an vang tawh ngawt ang..



(Heilai hmun a kan mipa tawn hi chu ka tawn tak tak ania, khapa kha fel ka la ti tawp theilo tun thleng hian, kan inbiak dan vel tak ka hriatchian tawhloh avangin dawt var ka lo belh zeuh anih hi haha)




Thil te ei in kan titi siam siam hlawm a, zawri pawh murcusa chungchang ka zawt rih duh biklo, nakin ah zan lam ah te phone in ka zawt tawh mai ang...




Kan thianho a kan awm khawm hi chuan kan hlim thei ania, zawri fiamthu thawh pum na thum khawp a kan nuihpui uarh uarh hnu ah haw zai rel chu kan ti tlu thei ta hram a, parking hi a hranpa a a awm lem loh avangin a chhak deuh a kawngsir ah kan park mai a, chhak deuh han tih ah kan awm na atangin kawngpui kan zu pawh a, kawngpui chu pan chhoh leh angai





Kan nuiza pawh ala reh fel lo kan nui chho leh bawk bawk hlawm a, min hmu tu te chuan enge maw rui emaw min tih hial ania ka rin ni..






Mahse ka bike ka va hmu chiah chu ka nui tawp chiang kher mai,browntape chuan alo in char khat vek a a seat zawng zawng nen...char ti ila brwontape sawn ka bike saw an bel khat vek ti zawk ila kan hrethiam zawk ka ring a ke chiah a in char lo, a ngaihna ka hrelo kher mai, tu tih phiangsen tak ni ang maw




Ka pan phei nghal thuai a, khawh lah chu a harsa hrep mai leh nghal a, ka thinrim lutuk chu tawng pawh ka tawng peihlo, chhungril ah hian ka alh hluah hluah ani ber ka sa pup pup a a ti tu chu hria ila ka nasa viau ang..




Engvang a ka bike berkher hetia lo pawngsual ringawt nge anih ang le




Ka thiante pawh an thinrim ngang aniang an phun hluk hluk reng a, gorya pawh a thinrim ve hmel viau, two wheeler nei chuan in hriat theuh ka ring, kan scooty emaw bike emaw pawh nise kan duati, kan duata kha ani a, keh thei dawm tak meuh meuh in kan dawm thin, kan uluk in kan duat emem a, neih maimai a harsat mai piah lam ah eng ang pawn tawng se kan hmangaihna a daih phah ngailo.






'A ti tu chu hria ila chu aw, ana ve khawp ang' zawri chuan ati pang pang a, kei erawh ka la ngawi reng thung...





thian za ho nui dar dar ri ka hriat chuan ka beng a verh kher mai, ri rawn chhuah na lam chu hawi in ka thil va hmuh vang chuan ka thinrimna kha a aia nasa a thinrim na in rawn thlak in an lam pan chuan chak mang kheng in ka tlan phei fua a





Ka hma zawn a liandawli lo thu chu ka kek tlu tawp a, ka chhir zui nek zawk dawn mawnle, a sam ah chuan tham chung chuan ka ka hnuk sawn a, na atih hmel kher mai, a thian te rawn kal ve thuai in min thelh an rawn tum a, chu ve leh tha chak tih hriat tak hian min pawm kang dawrh a, mahse liandawli sam ka vawn na erawh ka la thlah duh chuang lo, a sam a sei a a chhip ah a tawng sang vah zel avangin tham a awlsam phian leh nghal





Ka bike pawh saw an thianho tih bak anilo ang, ka bike ka ngaihtuah chhuah phei chuan a pawh hian ka pawt ngawng ngawng a, a thiante chuan liandawli sam ka vawn na ka kut chu phelh tir tum in minlo sik ve bawk.. Na ti viau mah ila ka thlah duh bik thak lo.




Ka thiante an rawn thleng phei ve nghal thuai a, zawri lah chuan ka kut lo vuan tu pakhat chu 'zawngi' tih pah in a hmai ah tak chuan a hnek leh sawk a, chunu pawh chu a pai chawn chawn mai






Chu ve leh min pawm tu chuan 'thlah rawh' arawn ti thum chhul a, a teuhlo thlah hi ka tum maimai lo, tu bike nge an suasam saw hre rawh se.





'Min thlah zawk rawh' ka aw pawh a ring kher mai, liandawli sam ka vawn na chu sawn chho in ahma aia na tur chuan ka pawt leh ta ngat ngat a, ka thinrim lutuk hi ka khur thei hial in ka hria





'Rose , thlah phawt teh' gorya pawh chu enge maw a hriat a, thlah tur a mi rawn tih le, a bike zawk nise kei ai ai hian a thinrim fe awm sia





'Hrep tak hian' min vir pui lawp a, liandawli a au ri tuarh bawk , ka la thlah chuang lo , min kalsawn pui a tum leh a, awmzia a awm chuanglo ka thlah dawn chuanglo hi ani tawp,a chetsawn peih viau leh liandawli ana ting dawn ani mai a hrim hrim in tu tehhrep nge maw anih a, kan buaina a rawn in rawlh ve ringawt nge anih, hmeichhe buaina ah leh nghal





Ka thiante ho chuan thlah turin min lo ti , ka lam tang lo in liandawli lam an tang tawh ani ngei ang zawri tiam a thlah tur a minlo ti chhen chuan ka thin a ti rim zual sauh bawk.





'Tiang chuan i thlah dawn lo tlat' ka pum zawn a a kut a dah chu rawn sawn chho in, ka awm chu a kut leh lam leh lam chuan a rawn hum chawt a, zak theilo lutuk liandawli sam ka vawn na chu thlah in chupa kut chu ka laksawn sak thuai a chu ve leh lei ka rap nghal vat rang lutuk a in her in ka hmazawn a lo ding ngur chu melh chho ha in ka
dingdihlip a, ka theih ang tawk a na tur chuan a hmai ah tak mai chuan ka hnek pawp alo in ring hman bik lo anih hmel chu ve leh a bul a mipa lo ding chu a rawn che hrut a, ka hmazawn ami chuan a kut lo phar zeuh in chupa pawh chu a ding ve leh chawt a






a san em avangin ka duh ang in ka hnek theilo, a khabe ruh kual lai ka han hnek pha hram hram choh ani.Ka kut erawh ana vawng vawng mai mahse na ang a awm ka duhlo avangin chupa mit ah tak chuan ka melh chho kiau



Anui suk ka hmuh leh lek phei chuan ka thinrim kher mai



'I kawlh reuh hle mai, zirtirna pek hlak i ngai anih hi' ka hnek na lai chu a tuai zeuh a




'Kan tihpalh lutuk ka pu, min ngaidam hram rawh u' zawri chu ka melh vat a eng vang a ngaihdam dil ringawt nge anih, amah hi alawm kan buaina a rawn in rawlh zawk chu hmeichhe buaina ah leh nghal




'Tu phiangsen nge inih a , hmeichhe buaina ah te ilo in rawlh reng reng tuai ami inih' ka thusawi chu sut leh theih se ka ti kher mai, a taksa leh a pian en reng reng hian tuai chu ani hauhlo ang, a taksa ti lang nalh zual tur ang hrim in tshirt var a taksa phuar tang aha a, cotton jean dum a ha mawl leh tawp bawk, a palian in a sang tha emem a, a hmel pa hrak erawh thinrim tih hriat tak hian a rum ul thung




'Tuai ah, hahhh' za lo tih hriat fahran chuan a nui a,eng ang pawn palian se ka hlau ther te biklo , chutah min rawn melh chhuk run chung chuan 'ka tuai leh tuai loh chu kan fiah dun dawn em ni' ka awm bawr a rawn melh leh zeuh




'I zak na' zawri chuan ka hmui rawn hup thut, ka la sawi zo reng reng lo, 'kan tihpalh lutuk , kan tihpalh takzet a thleng nawn tawhlo ang, min ngaidam hram hram rawh u' ka hmui la hup reng chung chuan min kalsawn pui dawr dawr a, kan thian dang te pawn min rawn zui ve vat ka beng bul ah chuan ka hriat tur tawk in




'Mawli in sum ve ta che, police officer i hnek tih i in hria em' ati sur sur a




'Police officer a(ah)'



'Aw chhahlian, Officer Lalduhawma anih kha, kan sawi ziah a changtupa ang deuh kan tih ziah kha anih kha , thlah rawh ka tih lai che khan thlah ve vat mai ta che,thil eng emaw awm lo nise chu thlah turin ka ti hauhlo ang che jail a min khung hma hian helai hmun hi kan chhuahsan vat angai' atih chuan ka hlauthawng tawh kher mai, zawri zawk chu ka pawt dawr dawr tawh zawkin ka hria, jail ka tang anih vaih chuan ka hmahun zawng zawng a chhe vek ani mai, tu nu mah in jail tang tawh monu atan an duh hauhlo ang




'Ding teh u' ka phu lo ka tih chuan dawt ka sawi ani ngei ang, phu nasa tak ka ni , ka che leh tawhlo hrim hrim bawk.



Kan lam pan chuan a rawn pen phei khap khap a, ka thinphu ran zia chu




Kan zawn a rawn thlen rual chuan zawi muang in kan in her riai riai a, a mit ah pawh ka en ngam lo , hnuai lam ka bih char char tawp...




'Tunge i hming' a aw te hlei hlei chuan ka thau ah min man in ka hria, zawri chuan min rawn nghawk zeuh a, ka hming min zawt tihna amawn le





Ka hawi chho ve ringawt chu ka in chhir nghal rum lutuk in minlo melh chhuk run a, hnuai lam ka bih leh nghat vat, a mah pawh en ta chuanglo chuan





'Ka...... Keimah maw' ka aw chuh, a khur nia mawle jail ka tang ngei dawn anih hi police officer kut ka thlak ania..




'Anih loh in' ahma aia nem zawk a arawn tih tak ah chuan tlem in keipawh ka in thlah dul ve thei hram






'Rose.... Rose-i ka nia'



'Rose maw' awihloh hmel zet in arawn ti leh a, ka hming hi keipawn ka duh bik lo, ka pa bul ah vawi tam thlak ka dil tawh tunthlengin ala phal lo





'Aw.. Ka pu, Roseparmawii ania, rose tiin kan au thin' ava han mak zet zawt thei tak




'Roseparmawii' kan hma ami chuan ati sep a, khawvel ah ka hmingpum hi sawichhuah ka duhloh ber te zing ami ani, ka hlauh ang ngei in zawri bawkin a sawi leh tawh, a ka hi a veng seng thlawt lo





'Anu hian a pai laiin ka Roseparmawii anih hi ati thin a, nu tlantei kha rose-i aneih zan khan a boral nghal a, pa daniela hian Roseparmawii tih a phuah a' zawri bawk ani a thil hmuh leh hriat te hi sawi lo in a awm theilo reng reng, police officera pawh ka hmingpum vang hian a nuih aza ngawt ang, tupawh an nui ziah mahse ahhhh... Liandawli hming ai thlawt chuan ala nalh zawk tho tho






'Pa daniela hnen ah a hming hi thlak a dil thin a mahse pa daniela hian a phallo tlat a' chungte thleng thleng sawi a ngai amawn le, nghawk sawk pah a ka va en nak chuan rum lutuk in minlo la melh zui.. Keimah hian melh rum tur zawk ka ni reng sia, amah zawkin min melh rum leh daih tawh.





'Kum engzah nge innih' officer-a chuan ati nghut a



'Kum 19 kan nia, khawngaih in ka pu jail ah chuan min dah lo hram rawh'



'Enge inin tihbuai na chhan ni reng reng a' a aw chu a dam thlup tawh




'Rose-i bike ah sawn browntape anlo bel khat vek a'



'Bike i khalh amaw' hawi chhuak in ka lu ka bu nghat a, a mit ah ka la en ngam chuang lo





'Engpawh chu nise, inla naupang lutuk, hmeichhia leh nghal, buaina hi cho ar ar loh tur, ka hmu leh vaih che u anih chuan ka man phiar tawh ang che u' in her nghut in a kal zui nghal nal nal a, keini pawh in her ve vat in hmanhmawh lutuk in kan tlan phei a, bike a browntape lo la inbel ho chu pawt thla zung zungin rang lutuk in chulai hmun chu kan chhuahsan ve nghal, ka thinpu pawh la rang dup dup tak ani






Kan in lam ah an rawn kawi leh hlawm a, in chhung kan lut chiah chu ka thaw ve chiah in ka hria, ka hlauh a ka hlauh dan kha, kha officer paliana khan min man loh nan ka rilru in Pathian tanpui na ka dil mawlh mawlh reng a, vawin eng zah nge 'Lalpa min pui hram rawh' tih ka sawi pawh ka hre lo








'Oi a changtupa a an zia kha,a hmeltha si, apa si, pian nalh bawk si, sexy bawk si, fing bawk si, si hlir ani si hlir' zawri chuan ati a, a khawi a a changtupa nge maw alo an leh pek ni.. Officer Lalduhawma tih hi chu an sawi fo thin a, mahse ka uk sak ve vak lem loh a vangin a hmel erawh ka la hmu lo, a chanchin erawh ka hre nual, ka thian ten an sawi peih em a, chu mai bak ah a fing in chhuih chhuah theihloh anei bawk silo a, mizoram poilice ah na na na chuan a hming an lam reng thin, a hmel erawh tun kha ka vawi khat hmuh na ani a, a hmelthat leh that loh pawh ka hre nei nuai lo, Mahse a pa lian in a pian erawh a nalh thlawt, ka rin sual loh chuan kum 27 vel anih ka ring, a khabe leh biang vel ah hmul tlem a to tir chuan tlem in ati lang upa ve deuh mahse kum 27 bak anih ka ringlo







Ka thiante an haw hnu chuan inbual fai in , room ah ka in kalh khum a, khum ah ka mu hlawm tawp , vawin lam a kan thil tawn vel ka ngaihtuah chhuah apiang in ka mur chhuai chhuai thei, jail tan ringawt mai chu ka rilru ah a awm a, ka la pangngai thei chiah lo ani...






Chaw ei lai pawh chuan ngawi reng in ka ei mial mial a, jail lo tang ta ila tih hlir mai chu ka rilru ah ala awm ngat ngat a, a chang leh jail chhung a kan thian ho kan awm lai te ka hmu thul, ka awmdan hi a hrehawm tak zet ani.Ka rilru leh ngaihtuah na hi ka control thei thlawt bawk silo min ti chau vek tawh.






' bawihte , i nuamsam lo ami' ka pa in alo tih chuan ka ngaihtuah na ram ata ka harh chhuak thut a




'Nuamsam e, vawin kan chhuah na, ni a sa lutuk a, ka chau nghulh mai' ka ti tha ve mai , alu bu nghut nghut in





'Vawin kha chu asa tha ve ngawt mai, khawnge in len reng reng a' ati a





'Sawtah, hangi lunglen tlang ah, nuam pawh ka tilo' ka ngaihtuahna lam ah vawin thil thleng bawk alo lang leh tawh






Chaw ei kham chuan room ah bawk ka tawm leh a, kan thian ho a in vidcall in vawin chungchang bawk an sawi leh tawh , officera chhiatloh thu tih vel bawk ani, gorya nen chuan kan ngawi reng a, zan in chu gorya hi a hlim lo riau in ka hria





'Ngaithla teh u' arawn ti thawt(thrawt) kan titi lai pawh kan ngai nghal thap mai gorya vin tak a atawng kan vawi khat hriatna anih avang chuan min thawng hlawm khawp mai a, gorya chu kan en thap a, a hmel ah chuan enge a ngaihtuah ka hrethei mai lo, zanin chu zan dang a ang tlat lo, ka hlau deuh e a






(Zanin chu chapter khat ang chauh a ka then ang ang khan ka lo post leh tawp kan khua ah ruah a sur hlek chuan curent kan neilo zel sia, vawin pawh tlai lam ah khan curent kan nei ve chauh a, engmah ka in ziak khawl theilo zan ah ka post theilo ang tih ka hlau a, chapter hnih ang zel in post ta ila curent kan nei tha silo a, zan khat te kan awl angai ang tih ka hlau a, ka chapter then ang hian ka lo post phawt anga, curent a awm that a ka in ziah khawl tam changin ka lo bonus nghek zel ang che u)



(Ilo chhiar avangin ka lawm a, lo coment ve rawh aw)


Show post links
Top

[Ngaia]

Ve rup mai na! CHAPTER-5





BY ... Pie sangtei






'An tibuai leh che u anih chuan keimah min hrilh tawh ang che u, nangmah niin eng mah ti suh u, eng buaina pawh nei ula min hrilh hmasa zel ula, in thinrim hian in sum theihna in hlauh nasa thin tihbik ka neilo che u in vaiin kan thinrim ber lai pawn ngaihtuahna fim tak put tum tur chuchu mi pangngai zia ani a, thinrim a rik nghal buan buan te hi a thing ltk, hmeichhia innih na theihnghilh thakin in che fo mai a, insum theihna in mamawh, ka thusawi chu hre reng ang che u' tiin call pawh chu a dah nghal hmak a , a ngaihna kan hrelo hlawm kher mai, eng e maw a chung ah thil thleng a awm amawn le...




Gorya awm dan mak kan tih thu kan sawi leh fe hnu chuan kan inbiak na pawh kan titawp ta hram a, mut hmun ah chuan ka ngaihtuah chhun zawm leh nghal char char, gorya kha khatiang khan vawi khat mah ala awm ngai silo a, keini tan chuan ngaihtuah ati thui duh lam hret ani...





Naktuk hi ka pass kan lawm ni tur a kan ruahman kha ani tawh a... Vawin lam ah ka pi te, ka nutei te ho pawh anlo chhuk dawn a, heti lam ah rawn thleng vek tur in ka ti a mahse 'i putea te chhung khalam ah an awm ve si a, an in lam ah kan thlen loh te chuan' ka pi in atih tlat avangin ka putea te in lam ah an in nghat a, tlai lam ah ka va leng phei ve leh ang , an makpa ni mahse an fanu ber a awm tawh silo a, ka pu hian in nghahnan tak a han hman kha a hreh deub anih ka rin vangin ka sawm lui talh duh biklo






ka putea te hi chhinga vengthar ah a nupui fanau te nen an khawsa mek a, ka va riak phei ve zeuh zeuh zel bawk , duh leh tlai lam ah ka va in khalh phei ve anga animai.





Ka nu te hi tlungvel khua an ni a , exam chawlh hmang ten ka han zin ve zeuh zeuh zel a,1st term exam chawlh karkhat lek kan neih tum hian zawri pawh ka hruai tawh kan thlen zan atang in a bialpa murcus-a a rawn leng zantin thin, a peih hi kan ti maimai khawp amaw..Zantin kan inhnial thin, hepa in hnial a theih dan emem hi a mak ania Mipa ve si hi, a inla pa ropui bok sia, ka bialpa ani ang tih te ania ka hlauh






Aizawl atang a hla lo te ani a, ka pi te pawh an rawn thleng har lo tur ah ka ngai,chawhnu lam ah an rawn chhuak dawn choh a, tlai lam ah phei ila a fuh ka ring





ka pa fanu neihchhun liau liau ka nih avangin ka patea te chhung pawh zing dar 6 vel ah an rawn chhuak a, tlailam dar 7 vel ah an rawn thlen ka ring... Ka chhungte hian min lawmpui ve em a, min ngaih pawimawh ve na hian an tan ka hlut zia min hriat nawn tir a, ka tan a an hlut zia pawh hi thu a sawifiah mai theih ani heklo..




Chhun ah ka thiante min pui turin an lo kal a, gorya erawh thil pawimawh tih tur aneih avangin arawn tel theilo,



nizan chungchang sawi pah chuan in chhung chu kan ti fai mawlh mawlh a,




'A bialnu nen an in then amawnle' zawri chuan a rawn ti hluai a, gorya chanchin a sawi anih ka ring, nizan atang khan a mizia hi a mak tlat





thutak deuh a bialnu a neih ka hriat ngailoh avangin gorya danglam thut nachhan chu anih ka ring hauhlo




'Bialnu te chu a mawi ah a nei ve maimai zel alawm, ngaih thutak aneih ngailoh kha' anna chuan alo ti ve leh a, kan ngaih dan a in ang chiah




'Ni ve tho, enge maw a chung ah thleng ang le' ngaihtuah muk hmel zetin zawri chuan ati leh a




Thu dang sawi chhunzawm leh zat in zawri bawkin fiamthu a thawh leh a, kan nui nasa leh ngang mai, tihtur vak chutin a awm hran lo bawk nen, a hming a tihfai ve kha animai




U siamtei in kan chhun thil ei tur a a siam kan ei lai mek chuan dorbell arawn ri a




'Ka va hawng ange lo ei rawh u' thawh ka tum chu u siamtei chuan alo ti thuai a, kawngka lam apan rual chuan ka thut na ngai ah thu in ka thil ei lai chu ka ei zawm mawlh mawlh a, dar 1 a pel tawh a.. Ka ril atam tawh em ani..





'Rose... I thiante anlo kal' u siamtei rawn au lang lang kan hriat chuan kan in melh hrek hrek a, tu ka thiante nge ni ang le, gorya aniang ti dawn ila "i thiante" atih ka ring silo tin,Gorya nise chu dorbell a rawn hmet kher lo bawk ang





'Tu i thiante nge a' zawri pawh chuan alo ti vat, a chhan chu anni bak hi thian ti a sawi tur ka nei tlat lo ani.




Hmanhmawh deuh chuan ka thut na tangin ka tho chhuak a, kawngka lam ka pan phei laia ka thil hmuh vang chuan ka thinrim na arawn in chhem alh leh hluah hluah tawh, Liandawli te thianho hi eng vang a kan in a rawn kal ngam nge maw an nih le...





An lam chu ka pan phei zal zal a, chutih lai tak chuan ka hnung lam atangin min rawn tlan pel fua a, liandawli pawh alo tlanchhe nasa, u siami hnung ah chuan ding zum zut a.




'Enge hetah in rawn la tih ngam zawk a' zawri chuan ati tan tan a





'Insual tur leh buaina siam tur a rawn kal kan nilo' liandawli chuan rang lutuk in alo ti ve vat






'Anih chuan engti tur in nge in rawn kal' zawri bawk ani, keipawn engti tur a rawn kal nge an nih ka hre chak ve tho, ti sawn in zawt chhuak teh se, biak pawh saw ka be chak nek lo e a




'Ngaihdam dil tur che u in kan rawn kal' ati chuai raih a, eng thu nge maw a sawi ni, an khawchhung ah hian ramhuai a lut zawk nge ngaihdam dil maw.... Ava mak awm ve






'Ni..........ni....nimin a kan thil tih kha kan tihpalh ani mi...... Min ngaidam rawh u' a tih bah nawk a, keini erawh mak tih avangin kan meng phar awn awn mai, an chung ah enge thleng a ngaihdam hial te minlo dil tak , an la tlanchhuak diak zui, an chet dan chu ka nuih anti za ru hle mai





Sawi tur pawh ka hrelo a, ka ngaidam chu ka ti theilo a, ka ngaidam theilo che u pawh ka ti thei chuanglo, ngaihdam minlo dil hrim hrim kha amak ka ti a, an chapo in an lu an zo vah a, tu hnen ah mah ngaihdam an dil ngai pawn ka ringlo, an hausa a, an duh apiang an nei thei, hman sen loh sum an nei a, hmun hrang hrang ah zin kual in ramchangkang taktak an tlawh awl lo a, chulai karah keini in ve mai ah rawn kal in ngaihdam min rawn dil ania, mak tak ani mak tak, liandawli kawchhung ah khan ramhuai alut zawk amawnle ka ti hial taktak ani...





'An a deuh tawh ami a' zawri chuan arawn ti ta reng a, an mahni hrechiang tu tan chuan kan thil tawn mek hi amak ve em ani





'An thiltih kha dik hek lo, an inchhir ve niag chu , kan thil ei lai va chhunzawm zawk ang, ka duh ang pawn ka la ei hmanlo' choka lam pan chung chuang Anna-i chuan ati ve leh a, kan zui ve mai bawk, ka ril pawh tam tawh nek lo e a




'Enteh u, liandawli hi fa lak an ti sin' zawri chuan arawn ti leh deuh hluai a,




'A awihawm loh, fa lak nise a hming ah Liandawli tih an phuah awmlo emai' tiin atei chuan alo chhang thuai a, ka ngaihdan chiah ani, hetiang a hming nalh lo lutuk an pi leh pu te hming chawi a an phuah anih chuan an fa lak chu ani thei hauh lo ang




... Zawri pawn 'ni ve tho' ati leh ang lawi a, khawi khawi atang maw hian thil hi a hre ve zen zun a, khawi atang a a hriat nge maw ni leh pek dawn ni, a chang chuan kan tan a hlawk thlak taktak ni thin mahse a then te erawh a ho thei hle thung, thangkai lo thin vet vet tak ani.




Kan thusawi thlak in Chaw ei dawhkan thut bial laih in thlahrang kan sawi leh a, thlahrang sawi hi chu atei chan ve thung deuh hi ania, hrang thar hi an hre thei emem khawp amaw, an hran na tur an hrilh thin emaw tih mai tur hi ani ve leh thung a, talent nei chaurau hlawm ve tak kan ni.Kan talent neih ho hi han hlawhtlinpui chi anilo hrim hrim hlawm a, aho ania





' kan thenawm te in hrang ka sawi ziah kha in hria em' tih pah chuan min han melh kual ralh ralh a chutah 'khalai hmun ah khan an fapa te thianho an spot a, rauhsan vek ni tawh mahse spot nan tlangval thenkhat ho in an hmang nasa a, an fapa te thianho pawh spot turin an kal a, chumi tum chuan enge thleng in hre duh em?'




Min melh kual leh ralh ralh chuan keini pa thum chuan lu kan lo bu nghat nghat hlawm a, a mit ah lah chuan mittui a tling deuh pam a, a men thin dan aia lian in a meng bawk, hrang a hrethei hi chu thuhran nise amah hian a sawithiam mai bak ah a expression hian ati ang leh zual thin avang hian a hlauhawm thei bik ania





'Chulai hmun a an hmeichhe hruai chu a zun a chhuah avangin bathroom ah zung turin ava kal a, bathroom a a luh chuan mipa khat lo in khai hi ava hmu thut a,a thiante a au vak a..a hlau lutuk kha a chesawn thei tawhlo, mahse a thiante an rawn thlenphei ve meuh chuan tumah an hmu lo, a rui in thil a hmusual maimai anih an ring a' tiin a chawl dat a,



'Chuan enge thleng zel a' zawri chuan alo ti vat a



'Athi' awlsam zet a lo chhang in a thil ei lai chu a ei zawm ta deih a




'A thi a, engtin nge athih dan, sawi zawm rawh'




'A thi, sawi zawm tur a awm tawh hleinem'




'Chutia thih ringawt, sawi zawm teh iti mak emai' zawri bawk chuan sawi zawm turin alo ti chhen a, ala kham lo aniang




'Iva han a tak, a thi , abak engmah a thleng lo' atih leh phei chuan zawri chuang ring leng lawng a




'I sawi peih tawhloh vang anih kha, i thih tir hma lutuk, khapa kha tihbuai tir vel ta che, hrankhum vel sela' atih chuan zawri thusawi kan thlawp tih en tir nan Anna-i nen chuan lu kan lo bu nghat a




'In aa mi, hmanni a hmeichhe ruang an chhar te kha in hre ve leh pek lo ami a' atih leh chuan kan phawk leh hra hlawm a





'A thiante khan a thusawi kha eng ah mah an ngaihsak lo a, an awmlai chuan engmah thil thleng a awm hranlo , kan thenawmnu sawi dan chuan, an in ah an thlah thlap hnu ah a fapa te chu an haw ve choh ang khan asawi a, atukah officer lalduhawma hnen ah complain hmeichhe chhungte khan an thehlut a chupawh an fanu zan a haw loh vang ania,hmeichhe chhugte chuan an theih ang ang in an zawng a an beidawn hnu ah complain an thehlut choh tihna anih chu, chuan Kan officer chhelo-a khan a ruang a chhar, nizan khan'



'Nizan ah maw, thudik ami i sawi hi' zawrin alo tih leh chuan atei chu kan en thap



'Dawt hrilh thin ah cheu min lo ngai hlawm elaw' a lungawi loh hmel kher mai



'Ateuhlo ... Chulam anilo, khawi ah nge a ruang chu an chhar a' Anna-i chuan ati nghal thuai a



'Hangi lunglen tlang ah khan' awlsam zet hian ati liam leh puat a



'Engmaw' kan ti rual thawt




'Hangi lunglen tlang ah khan officer-a kha ruang zawngin lawm alo kal'






'Anih chuan kan kal tum pawh khan alo bo deih tawh tihna nimaw' ka tih chuan






'Niang chu, kan thut na chhak lawk ah khan a ruang chu an hmu alawm'




'Ui awi awi awi.... Ka hlau, ka thin a phu nasa lutuk, ava den ve' anna-in atih chuan keipawh chu ka thin a phut nasat zia leh ka hlauh zia ka in hre chiah, ka sa chhuak vek in ka hria




'Mahse ate, khalai a bawlhhlawh lo chhar fai tu khan a hmu miahlo tihna nimaw' ka tih chuan



'A chhak deuh ah khan pukruk alo awm a.. Mihring pa 2 len tawk na vel, chulai ah chuan alo awm, abo atang a, ni 5 na ah officer an a han hmu an ti, hepa hi chu aw, ahna hi ava han thiam chiang kuang tak' atih zawm nghal zat a, a hlauve lo emawni, keini pa 3 erawh kan pangngai chiah lo





'Enge inlo tih a' kan vai chuan kan phu dawrh a, kan han hawi chhuah nak chuan gorya chu nui sun sun chungin alo ding heu mai..




'I a mi , minti phu nasa ltk' zawri vin zetin alo ti nghal vat, keipawh phu nasa tak ka ni, sunday atang tawh khan ka thinphu hi a pangngai hleithei tawhlo





'Buaina awm em?' atih chuan rang lutukin zawrin 'sunday kan len na ah khan ruang an chhar asin i hre ve em' tiin alo zawt nghal thuai a "aw" tihnan a lu a bu zeuh





'Awi.. A rapthlak zia hi' tih pah chuan a thin zawn chu a dawm leh a





'Kan officer an a chhui chhuak leh vat mai ang, a hlauhawmloh emai, chhui chhuah theihloh a nei hleinem ' atei in alo tih tak ah chuan 'nia' anna leh zawri chuan anlo ti chuai raih a...an hmel en chuan anla pangngai chiah biklo tih ka hre reng





'Enteh , gorya, nichin lawk khan Liandawli te thianho an rawn kal a, ngaihdam min rawn dil anih chu' zawri chuan gorya en pah chuan atih zawm leh zat a





'Ava tha ve, ei tur minlo pe ve teh u, ka riltam lutuk' chair ah chuan a thu ve nghal thuai a,





'Ka lo la ang ' ka ti ve vat, gorya hi chuan kan buaina vel hi chu enga tan mah ati ve thinlo tih chu ka hre tho a, mahse liandawli te thianho in ngaihdam min rawn dil thu a hriat khan mak tihna tlem te tal pawh a hmel ah hmuh tur zu awm thak lo a mawle





'Mak iti ve lo ami' zawri bawk chuan a zawt chhunzawm leh zat a



'Mak tih vak tur a awm em ni, ngaihdam a dil chu ani mai a'



'An tihbuai leh chu chuan min hrilh dawn nia' atih zawm leh nghal zat....







Ka thiante an haw fel hnu chuan ka inbual fai a, putea te in lam ah phei ka tum a, ka pi te lo thlen hma a lo va thlen ka duh avangin ka hmanhmawh ru ang reng.. Patea te erawh zan lam ah an rawn thleg dawn tho a, chaw pawh ei nghal ila patea te rawn thlen hma in ka in khalh let leh hman vek in ka ring...




In atang a ka in khalh chhuah hma chuan ka pi te ka call hmasa a, zemabawk an rawn tlan luh tawh dawn avangin putea te in lam pan in ka in khalh chhuak nghal thuai a,







engpawh chu nise college kal mai tawh tur ka ni a, ka nun ah eng harsatna mah seng luh ka duhlo a, ka hmalam hun tur ka hriat lawk loh avangin tun a ka nun hman mek hi uluk taka ka hman angai ani.In chhir in awmzia a awm tawhloh hnu a inchhir a in dawmkun ngai a awm ka duhlo a, chuvang in a theih hram chuan ka nun ka hman mek hi uluk leh fimkhur tak a hman ka duh ani.





Putea te in ka va thleng a, helmet kuah chung a ka lut chu thutkhawmna pindan a, officer-a lo thu run ka hmuh chuan chetsawn na chang hre hauhlo in ka en reng ringawt, hmanni khan ka thinrim em avangin a hmel kha ka hmu chiang lo em a, tiang reng saw em ni, a hmeltha takzet, chuan zawri ten a thatzia an sawi dan kha ka duhkhawp ta hauhlo, an sawi uar lo mah mah ani.





Min rawn melh ve chiah rual chuan hawisawn vat in choka lam chu ka pan nghal zat a, pitei rawngbawl rim chuan ka hnar a verh zar mai





'Ilo thleng toh maw? Ipi te pawh an rawn thleng har tawh lo ang' a bai siam chawh mawlh mawlh pah chuan alo ti a



'Pite rawng min bawl kep em'


'Chaw ka la chhum lo a, chaw hmeh ka siam lawk maimai, ilo ei nghal ka ring hrim hrim a' an in a ka len phei tawh hi chuan chaw ka ei nghal ziah a, ka len phei hi chuan "chaw ei nghal rawh aw " tih ngai lo in ka ei tur ah an ngai tawp tawh







'Pa rose-i he tah a awm ami' ti ri ka hriat rual chuan choka tangin ka chhuak ve vat a, benjamina alo ni




'Khawmaw chahbi chu' nui sawng chung chuan ati a, bena hi zawri bialpa murcus te nen khan an inkawm thin




'A teuhlo i tluk pui vel ang' ka lo tih chuan a ner nang a,





'Bike ka tluk pui i hre tawh ami, khawmaw thuai vat' a kut chu ka lam ah a rawn phar a,




'Aww.. I bike chahbi min pe hmasa phawt rawh ka test ve duh'





'Ateuhlo lutuk rose, chhuh sak kher i phut ami?' Dawhtheihloh hmel zet chuan ati a, kan chhaih vel phawt teh ang





'Anih chuan theihnghilh rawh' ti a in her ka tum chu a rawn che phut chu ka hmu hman, ka chest bag ah lai chu min rawn chhuh sak a tum a, kei lah ka lo tang nasa ve nen jiper hawn a tum chu a hawng thei mai bik lo




Ka zak hnuai ah min rawn dek ta chiam a, dek ka huat avangin tan ngaihna reng reng ka tan a awm tawhlo, ka bag atang chahbi chu la chhuak in 'ti kha nimai lawm' tih melh a min melh in a in her a ka bike dah na lam pan chuan a kal zui nal nal, hepa nghal lutuk hi chu a, a thianpa murcus-a mawl zet nen khan in kawm awm tak pawh an nih kha mawl dun emai





'Hey... Benjamin Lalnunfel i chak lovang' tiin ka au zui chiam a, eng ah mah a ngaih hmel loh





In siam tha sawt sawt chung a Sitting room lam ka va hawi chu, pute'an in her meuh a minlo en chu ka hmu hmasa ber... A ep zawng a thu kan officer-a lah chuan tumbu chhum rum ang mai a rum in minlo melh ngur bawk a






Min melh dan te lah saw, ka chet phung ati buai vek thei nia mawle, hrim hrim in engtia putea nen a lo in hre ve leh ringawt nge maw an nih le






Naaa.. Ka ngaihtuah zui peihlo, he officera hi hmeltha in pian nalh viau mahse ka mipa duh zawng ani ve hauhlo, rum el ul emai, MAHSE min khawih hrep duh hmel a pu reng chung pawh a ala hmeltha reng tho erawh a nu leh pa ka dem... Aw ka dem! Heti teh fako a hmeltha a han siam chhuah reng reng, a hmel rum ul ang sawn kan hmel hi pe rum ul ve ila, kan chhiat dan tur chu ah, savawm pawn min hmu se min tlanchhiat san deih ang.. Ani erawh ati lang pa in ati hmeltha zual sauh emaw tih tur ani...






Van Angel hawlh thlak han ti dawn ila, Angel chu ati thei chiah bawk silo, Angel pa chi tal aniang ah

Ka ngaihtuah na teh hrep chuh!!!!!!!!!!!!!!!






Harchhuak zawk in officera chu ka va en a, minlo en tawhlo nasa, putea nen an ti ti mawlh mawlh a, enge an sawi erawh ka hre pha lo, an mahni pawh sawn an thusawi saw an in hriat sak pawh ka ring nek lo e a..sawtiang a phun ser ser saw ka ngei zawng tak





Pawn ah chuan chhuak ve nghal vat in ben-a chu ka lo nghak a, helmet a ken tel loh avangin a tlan thui vak ka ringlo..





Super bike a nei a, chuan chiah a phal, khalh ka dil pawn a phallo bik tlat zel a, "ka duati hi tuma chuhpui ka phallo" ti vei tlat reuh a, murcusa nen an mizia phawr phawr hi ah ka ngei chi.





Bena rawn tlan let leh hnu chuan Bible a "tih tak meuhin , tih tak meuhin ka hrilh a che" atih ang deub khan a bike khalh chu tih tak meuh in ka lo dil a,





'Saw lai dawr thleng bak saw ka phallo' atih ngaihna hre tawhlo chuan ati ta hram a



'Ava tawi awm bik ve'



'Tawi mah se i khalh chhin tho lawm ' hepa hi chuh, a phalloh leh ka hlauh avangin 'awle' ka ti ve leh mai, tih ngaihna awm heklo, ka hnial talh chuan 'khalh lo mai rawh' ati anga a induh leh tlat mai ang. Thildang ah chuan ui anei lo, a bike kher hi chu a ui leh lutuk hi a ngeiawm thin..





Dawr kawt ah chuan ka in turn a, bena ka hmu pha reng, fiam ka chak avang chuan ka tlan phei leh chu ka ti zik zak kual a, ka tlan kawi sawi kual vel a




'Awi ben enge awm zia' hlauhthawn hmel tak chuan ka ti a , a hlauhthawn hmel kher mai





'In balance tum ta che' ring leng lawng a rawn ti in ka lam pan chuan a rawn tlan phei nghal a, ka nuih aza kher mai





ka bul a rawn thlen ve leh rest thut in kawtzawl lam pan chuan ka tlan leh daih a,




'Hmeli' a aw atang chuan a thinrim hmel, mahse ka hlau lo ve e... Thinrim rei ve ngai heklo





Nui chung a va hawi let zeuh ka tum chu , ka lu pawh a in her zo hmanlo





'Kha ... Kha.... Roseparmawi kawng en rawh' tih ri ka hriat avang chuan ka lu ka her zet tawh chu thulh leh in hma lam ka en thuai a, break hmet in ka ding chut , sam bu suau khawp in ka bu lawp ..




Ka hawi chhuah chuan ka hma zawn ah officera lo ding run a, a bul ah putea a awm bawk






'duhawma i su tep anihkha, infiam nan hmang ziah mah ta che u' thinrim hmel zet in putea chuan ati khur khur a




Bena pawh rawn thleng phei ve nghal vat in

'Kan tih palh lutuk pa duhawm' ati nghal thuai a



'Nia kan tihpalh lutuk, ka su hmanlo hlauh che a i vannei tawp' ka bul ami chuan min nghawk sawk a, 'enge' ka lo tih chuan




'Chhuk teh, lut ang' tiin min nawr nghal rawk rawk a




'Kan tihpalh tak tak pa duhawm' tiin in chhung lam ah min kai lut nghal dawr dawr




'Mawli, enge ka su hmanlo hlauh che a i vannei nihkha itih vei luam a' inchhung kan luh rual rual chuan ati a





'Aw a vannei alawm... Su hman ila chu ana ve fi ang' ka tih chuan beidawn hmel zet a min en chung hian 'i chhah emai ah, i mawng ah saum tat la va mu roh' min ti kher nia mawle




'I duh leh tat la nangmah khan'



'Ka tat pit lovang'



'I chhe zeh zuah hmeichhia an hnial zuah zuah ngailo'





'Hmeichhia te chu hnial tur a piang alawm innih, mipa kan inhnial ve ngai silo a' ngeiawm fahran a thle bak chung chuan ati vel ham ham a





'I duh leh pitei saw va hnial la ti nia'




'Ka nu ania, ka hnial chuan fapa sual minti leh anga, ka peih liuh'





'Aw i chhe zehzuah, i thianpa murcus lalremruata nen khan inkawm ula in hnial zan khua thak thak ula inin hmeh tawk chiah'




'Kan in hnial peih silo a'



'Anih chuan atha anih chu'





'Tha reng e, enge ilo buai ve' ala rawn ti hram, ala nui sun sun zui... Mi hnial chu peih ve tak ani





'Pite i fapa hi kross ah kengbet rawh' pitei chu au in a awmna lam pan chuan ka kalsan nghal a , tihi chuan ka pi te lo thlen hma in kan in hmelma dawn tlat.







(Ilo chhiar avangin ka lawm e)

Ziak thiamlo minti in rilru in

Commeng mawlh kha theihnghilh suh aw


Show post links
Top

[Ngaia]

VE RUP MAI NA! CHAPTER-6



BY.. Pie Sangtei











Ka pi te an lo thlen chuan kan ri hlut a, kan inhmu khat ve tawh bawk sia, kan in kuah chung chung hlawm a, ka sawi hmaih ka pi te tan hian an tunu hmuh hmasak ber ka ni a, pute sangkima hian fapa pa 3 ngawt anei a... Kei aiin Imanuela hi a upa a, ben-a nen erawh kan in rual, elisa hi kei ai kum 2 in a naupang ve leh a, imanuela pawh kei aiin upa mahse ka u ngai lo,










pite mamawii chu a in siam tawh hnu ah rai leh hlauh mai a, mahse Pathian remruat nge ni tlai khawhnu ah hmeichhia an nei ta hlauh a, an chhungkua pawh an hlim hle, a hming ah Angel luiralmawii tih an phuah a, ka pu hian luiralmawii tih hi a phuah a, kan duhlo hlawm lutuk , thlak tur a kan tih pawh a a rilru a sawhsawn duhloh avangin an put tir ta mai ani...








An fapa te pa thum hming hi phuah a duh miah lo a, fanu an nei chiah kha a chuh ta tlat a, an fanu neih chhun luiralmawii han nih tir kha pitei pawh kha a lungawilo ve lutuk a, engmah a sawi ngam silo, ka khawngaih reuh ania, mahse tun hnu hi chuan kan hriat ngun tawh vang nge nalh lo kan ti hran tawhlo







Tlai chaw ka ei ghal a, patea te an lo thlen hma a in a lo awm ka duh avangin chaw ei kham ve leh ka in khalh phei nghal a...






In ka thlen hnu reilo te ah patea te nupa pawh anlo thleng ve nghal a, u chanchani te erawh an rawn kal ve ta lo, an nupa a an lo lan hrim hrim avang pawh hian ka lawm tawk tawh emem ani...








ka pa te unau hi pa li anni ve leh thung a, ka pa u hi patea hi ani a, ka patea tur nilo mahse patea neih ve ka chak avangin pate tih hlirin ka au thin....Nau hmeichhia pa hnih an nei a..An te ber hian pasal ala neilo a, ka pi leh pu te nen bawngkawn a kan in pui lam ah an cheng ho mek








Ka ni msi pawh a pasal fanau te nen aizawl ah an awm a,Fa pa hnih anei a, victor leh ruthi, ruthi nen hian kan in rual a, ka thiante tih loh ah chuan ka kawm tam ber ani ve leh thung..









Kan duh zawng leh tui zawng a in ang emem a, rin phak bakin kan in kawm ngeih bawk... U chhanchhani te nen pawn kan awm ho chuan kan inkawm ngeih lutuk tho.. Anni erawh aizawl ah an awm tam loh avangin in kawm chawt ahar a ruthi nen a kan in nel ang emem hi chuan kan in nel hranlo bakah keini aiin a upa deuh tawh bawk nen, min nau en ve bawk sia, marawhchu anau te ho hi min duat thiam lutuk thung.









Zan ah chuan kan ti ti ve laih laih a, kan hlim ve hle, an rawn kal na te a hlat avangin kan mengrei hran lo dar kua (9) vel ah mu tur a an room lam an pan hnu in keipawh ka room lam pan in ka chho ve hnak hnak a







Khum ah chuan thu (thru)mu in phone ka khawih a, hmanni whigga hotel a kan kal atang khan kan mimawla pawh a reh hmak a, hmuh zui tur a awmlo a, min rawn be ngai tawh bawk hek lo....




Hetia a reh hian ka ruak huai in ka hria, ka awm thiamlo lek lek zawk ani..





A dp te chu en in ka nui vur vur a.. Hetiang te dp a han hman reng reng



A about chu en leh in engmah alo lang tawhlo, nobody ah a dah nge ka hriat pui lemlo na chu 'kekawrte lian' tih alo lan kuau khan thla ati muang ve hrim hrim



Thla ati muang a(ah)....... 'Kekawrte lian tih khan ka thla ati muang amaw... Ui hahthlak... Tunlai ka awm dan leh ka thil tawn ho hi ka hre thiam nek lo e a games khel daih ang






Brawl maimai ka tum chu budy khan rank ah minlo invite leh hlawl a, ka accept rang teh asin...




S5 tank, S5 tank



An rawn ti leh tawh ka tank thiam thak hleinem, MM bawk ka pic dawn mawnle



'Enge ka hman ang' chat ah chuan ka va ti a



'I duh duh kha hmang rawh' rawn ti mahse MM bawk han pic leh kha nuam ka ti chiah chuanglo, sec a tawp tep ah angela ka pic ta hram a... Ka hmangthiamlo hran lo, mahse hanabi ka hmanloh hi chuan kan chak dawnlo hian ka hre tlat zel






Ka khelhna a rei ve toh a, kum khat vel chu ka khel ve tawh ang, mahse Mm leh mage leh angela bak hman thiam ka nei thaklo, assassin leh fighter phei hi chu ah , 'min that ru' tih nen danglam na a awmlo...Mahse ka la in zir ve ngat ngat tho...





Game nga lai kan khel a kan chak vek... He budy hi a thiam tak zet ani.... A number ka dil tawh ngei ngei ang ka tih rilruk lai chuan a invite chu ka nghak pah reng a, message lo lut chu en vat in



'Next ah aw, ka mut a chhuak' tihhi budy hnen atang ka dawng a



'I number min pe la' tiin ka reply vat a


'Ngailo mai rawh se, min atchilh lutuk palh ang' arawn tih chuan zak theilo ka ti ngei mai, eng ah nge ani hi ka at chilh ngawt anga, a pro em avang chauh in ania a number pawh ka duh nachhan..




'Anih next chu engtik ah nge' ka thinrim na in sum hram hram chung chuan ka va thawn leh a, alo offline hman. Hrep tak chuan...





Zing a ka thawh ve meuh chuan ni alo chuak leh uarh tawh... Buddy-a out hnu a ka out ve khan dar hnih leh a chanve lai alo ri tawh kha ania, ka taksa in khum a deh rual rual in ka muhil nghal ani ngei ang engmah ka hre tawh lo...





u siami leh nu hriati chuan eirawng an lo bawl dun a, choka ka lut min hmuh chuan


'Thingpui i duh em'u siamin alo ti nghal thuai a, nu hriati pawn minlo nuih var var mai...



Awwww... Kan bul ah hian awm reng thei se ka van ti tak emmmm





'Aih duhlo, in buai awm si, nu mahriat khawnge patea te' ka tih zawm nghal zat a




'I pi te tlawh turin an kal anih kha, naktuk ah kan let leh nghal dawn sia, i pate an an in hmuh ve a duh a, vawk pawh kha alian lutuk a, midang nen an in phel dawn a chung vel chu i pi te in lam ah anva buaipui dawn anih kha' dam diai chuan ati a, lu ka lo bu ve nghat




Patea te hi in pui lam ka pi te hnen a thlen an tum viau a, mahse keiman kan in a thleng tur a ka tih tlat vang a kan in a rawn thleng an ni.





Lawngtlai lam ah a hnathawh vangin an awm a, an rawn zin khat emem a, u chhanchhani te zirna a laklawh thin avangin an rawn zin chhun ah hi chuan kan in ah thleng se ka ti thin a mahse in pui la nei in ka pi leh pu ten minla dampui avangin bawngkawn lam a kan inpui ah an in nghat thin a, tun tum(trum) erawh ka pual liau liau a rawn kal an nih avangin ka chelh bet tlat a, ka pu te pawn engmah an sawi bik lo.





Dar 11 a rik meuh chuan kan chhung te ho chu an rawn thleng ve trak trak tawh a, ka thiante ho pawh an kim leh thap tawh...




Kan thianho leh ka cousin te ho nen kan awm khawm a, kan in nel hlawm phian a anuam ka ti takzet ani..





Murcus-a leh bena pawh an rawn in zui lut ve rawih a,an hawi dan atang te reng reng sawn an thawven hmel bik ngawih ngawih..





Ka pu, ka nu pa zawkin hunserh te a hman zawh hnu chuan kawngka pui ah chuan tunge anih pawh ka hriat loh chuan present bawm lian tawk pawm chung chuan arawn lut a, a thil pawm chu a len em avangin amah pawh a hmuh theihloh, a khup a chin hnuai lam ka hmu a animai..





A chawi dan a tang saw chuan lian viau mahse a rit vak hmel loh...





Kawngka bul ah chuan a hung luah a, kan vai chuan kan pan phei nghal vat





'Tu ber hi nge Roseparmawii' tiin min en kual diat diat a, ka hmingpum ber kher a mi rawn auh le..






'Keimah ka nia enge a' ka tih chuan nui sawng chung hian


'Heihi i pass lawmna present anih hi' ati a,




'Enga' ti rual thawt tu te lam chu ka hawi vat, mak an ti hle anih hi, tuge mak tilo ang hetiang emem a present bawm lian hi ka mumang ah pawh ka la hmu lo, flim ah pawh ka la hmu ngai lo hrim hrim




'Enge awmzia, tinge hetiang mi rawn pek' ka tih chuan




'Ka pek che ani hleinem ka rawn deliver anih hi, ka kal phawt ang, nuam deuhin aw' tiin ka bul a ding te ho chu a en kual a, in her in a chhuak zui nghal hmak a, chu ve leh zawri chu ka bulah lo kal in






'Tu rawn pek che nge a' arawn ti su su a



'Ka hre bik nang' tiin ka meng kual ralh, a ngaihna ka hre thlawt bik lo alawm anni lo thian ka nei bik silo a





'Hawng ang u' zawri chuan alo ti leh a





'Ngawrawh hawn hma in thla lakpui phawt ang u, kei ai pawn a sang dawn lawm le' tiin anna-i chuan a phone a phawrh nghal a,





'U siamte minlo hmeh sak' tiin u siamtei chu a au chhunzawm leh zat





Kan mi thawveng pa hnih, bena leh murcusa pawn mak an tih hmel huau huau khawp mai






'Lo kal ru kan vaiin lakpui ang u' Anna-i bawk ani





'avan tullo tak' tiin an dinna lam chu ka pan ve ta tho ka peihlo tihin awmzia awm dawn loh avang in an sawi ang ang a awm mai loh chu tih theih dang ka nei bik lo







Single te chuan an han lakpui liam liam a, an duh tawk an la tawh aniang.. Chu present bawm lian zet hawn tum chuan an buai a, sut hlek in a tawlh sawn ve theih zel avangin eng thil hlu mah a awm dawnlo phawt a








An hawn hnu chuan a chhung chu kan bih a, polythene dum alo awm..polythene chu a puar ul a 'A chhung ah khuan enge awm ang le' zawrin alo tih chuan kan rilru a in ang chiah...






Khutiang lek dah tur tho si heti fako a lian chhung a han dah...






A bawm chu an zai chhe ta vek a.. Polythene dum puar ul chu an la chhuak a.





'Puan than ani in ka hria' zawri bawk chuan a suihna phelh tum chuan ati a






A suihna a phel a a thin pharh chuan enge anih ka la hre mai lo, Anna-i te nen pa 4 vel ngawt in a nih dan tur diktak a an han pawt parh chuh.. Khawi a puanthan mah va nisuh..he thil rawn thawn tu hi ka hming ka hriat chian tluk zetin ka hre chiang






Saw thil saw khawvel a kelawrte lian ber anih loh chuan ka beng tan ka ngam sak... Arawng lah chu ala sen vat zui kan mimawla ava han mawl chhehchhuh tak oi ka thinrim lutuk ka zak bawk si






'hetiang size hi i ha thin amaw?' Nui in sum ru tak chung chuan Murcus-a chuan alo ti ve vat a, rum lutuk in ka va melh a a lei a chhuah zeuh a, ala nui vur vur zui





'Hei lehkha a awm' tiin zawri chuan a chhiar nghal zat a





'To my dear rose, he kekawrte hi i tan liau liau a ka thui tir ania, hak nuam le' min rawn en thup a, ka zah zia hi khuk ral chem chem a bo pil vang vang ka chak ber...





Murcusa lah chu ala nui tet tet zui, ka lawm hlawl lo he thil pek vang hian...





Engvang a hak nuam le te rawn ti kher nge anih awiii hepa hi ka haw lutukkkk.....





Tu mihring in nge ha tawk se atih a, kan vai pawh hian saw kekawrte saw kan ha zolo ang...





An vai chuan an nuih aza tih ka hria, min ven thawn vangin an nuilo maimai ani, ka hmel ah hian lawm hmel awm hek lo le






'Nui ru' ka tih rual deuh thaw chuan an vai mai chuan an nui chhuak a, murcusa phei chu an nui nasa fal bik leh maimai khawp a, chhuat ah te chuan mu chung a ke leng bat bat chung ten a nui vel a ti lui chiang lutuk... Kei lah ka nuih aza lo lutuk hi ka nuih aza zawk







Hun hlimawm tak kan hmang ho a, ka thiante leh chhungte ho in min haw san hnu chuan in bual faiin room ah chuan ka vei tawn sek a, kan mimawla chu va phone a va hauh hrep ka duh a, be hmasa tu nih ka duh bawk silo, ka biak loh chuan ka rilru a nuam thei dawn in ka hre bawk silo




Va be ta pawh ni ila, in hnial a theih hmel si, min hnial leh zawt zawt anga, sawi tur hrelo in ka awm ang tih ka hlau bawk si.. Oi ..... Ka ning ahhhhh







Vawiin hian college kan kal tan tawh dawn avangin kan thianho pawh kan phur leh hle tawh..






College khat ah vek luh ho kan intiam avangin mission vengthlang a Sbd college ah kan in ziak tling vek a...Dik tak chuan college thenkhat ah lut tur a sawmna ka dawng ve nual a, SBD college a ka thiante bul a kal hi ka duh zawk avangin ka hnar ani






Khami zan ka pass kan lawm zan khan kan mimawla chu ka be ta lo a, mahse tun thleng hian a thil rawn thawn avang khan ka la lawm chuanglo, min rawn be chhun zawm lo a, a reh hian a reh tlawk tlawk ani ber.Va biak hmasak erawh ka tum hauhlo thung..






Kan police officera pawn a ruang chhar kha a chhui chhuak fel vek tawh a,khami zan a an in a an thlah a, an haw san hnu khan an thenawmpa leng haw chuan lo hmu in khawih a tum a, pawh sawn a, hmun dang a hruai a tum kha chu nu chuan duhlo in alo tang ve nasa aniang , a ka chu a au loh nan a hup sak a, chunu chuan a kut chu a lo seh sak anti chupa thinrim chuan a ring ruh a herh tliah sak tih vel ten an sawi a, ka hriat dan hi a chiang biklo, thubelh hi atam leh tawh thin a, han sawichhawng tur khawp a chiagin ka hrelo







Temple ah kan in nghak khawm a, Atei hi chawlhhmun lam ah an awm a, anna erawh vaivakawn ah, gorya leh zawri erawh dinthar lam ah an awm thung.. In nghah khawm nan temple hi a tha ber a a rem ber bawk.





Ka phur fal tawh bik nge, temple ka va thlen phei chuan tumah anlo la awm lo a, ka dinna bul a ice cream an zawrh te chu lei a ka lo ei mial mial lai chuan atei leh anna an rawn thleng a, anni pawn ice cream chu lei ve vat in an ei ve nghal...





'Inva han chhelo dun tak' tiin ka lo fak a, an chhelo dun thlawt alawm, an nalh tak zet bawk



'Nang deuh' atei chuan lo ti vat in

'Oii he college ah hi chuan ka di tur ka tawn ve ngei ka beisei' atih zawm leh nghal zat a, hahthlak hian ah




A kut phah chu kan tawngtai dawn a kan tih ang a tiin maimitchhing a, 'Lalpa chhelo deuh aw' ala ti ta hram... Anna-i nen pawh tih ngaihna kan hrelo kan nui tawp





zawri leh gorya te lo thlen hnu chuan kan college tur lam pan chuan kan in khalh phei tham tham hlawm a, kan phur bawk a, kan nui sang reng hlawm mai






Collge kan thlen chuan mi anlo phu mur mur tawh hlawm a, kan room tur te kan zawng kual a, kan subject lak in ang vek lo mahse college khat a kan kal hrim hrim hi nuam kan ti emem ani...





Kan thianho hi Pathian zarah kan hrisel tlang a, damdawi in luh ngai khawp a na tumah kan la awmlo a, tin, tlang hrileng te hi kan la ve maimai ngailo,nitin hrisel takin college kan kal a, haw dawn pawn kan in nghak thap thap zel , tun ah pawh gorya kan nghak leh mek a, kan kim hma chu class pawh nei tawhlo mah ila tumah kan in haw san ngailo







College bul lawk a restaurant ah chuan kan thianho chuan kan thu thap a, in a haw tlang nghal kan tum viau na in gorya in 'ka riltam tawh lutuk ka tamchhawl dawn' atih miau si avang a he restaurant a thu thap hi kan ni, amah choh a ei tir kan phal bik silo a,





Kan thil ei lai kan ei mawlh mawlh lai chuan ring leng lawng a





'Kekawrte lian' tih ri ka hriat avang chuan ka hawi chhuak zawk a, ka thiante pawh an hawi chhuak rang kher mai, ka present dawn vang kha anih ka ring




Ei leh mai ka tum chu



'Hey helam ah kekawrtelian' arawn tih leh tak avang chuan ka hawi kual a, ka thil va hmuh chuh




Kan mimawla!


Show post links
Top