VE RUP MAI NA! BY Pie Sangtei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: VE RUP MAI NA! BY Pie Sangtei (Completed)

Unread post by Ngaia » October 2nd, 2022, 10:54 pm

VE RUP MAI NA! CHAPTER-31



By Pie sangtei






Pa muanpuia leh nu tetei fapa mama chu Officer-a hi maw? Ka pa hian a hre tawh awm reng sia tinge engmah min hrilh miah lo le




U siami chuan min rawn kheuh zeuh a, keimah ang tho in mak ati ve anih ka ring





Tu nge mak ti lo tehreng ang mak tilo an awm chuan a mak zawk ngawt ang




"Pa ka lo haw e" tiin Pa muanpuia chu zah hmel tak chuan a en kar a, pa muanpuia pawh chuan chhuan hmel zet a a fapa chu lo en in "iti tha lutuk e" ati sap a, nu tetei pawn "i pa daniel-a pawh chibai te han buk la" lo ti nghal vat in "pa daniel inva fel ve " tiin a kut chu a rawn phar chhuak a, ka pa pawh chuan lo vawn sak vat in "a fel taktak theihloh i thawk tha hle mai" alo ti ve nghal zat bawk



An chevel chu ka en reng a, an thil tih dan vel hi ka ngei riau engmah min hrilh duh lo a, ka pa pawh a tir te khan sawi ve mai awm ania





"Thu phawt ila" pa muanpui an atih takah chuan ka lo la ding ve reng ani tih ka hre chiah a, hmanhmawh deuh chuan ka thu nghal vat





Officer-a chu apa bul ah thu in an zu kal na report kim chang tak leh fel fai tak a a pek hnu ah thudang sawiin an titi chhunzawm leh nghal a



U siami nen lah chuan tihtur kan hrelo kan in en deuh huhu reng ringawt




Officer-a pawh a rawn thlen atangin vawi khat chiah minla en a, ka en ngun tehreng nen




Bakah ka ngaihtuah ve emem a, oi mahse ka va call chiam kha naaaaa engtin nge ka tih tak ang ka va han zak tak




"Bawihi thingpui ilo va lum dawn mi" pa muanpui an atih tak ah chuan ka tho nghal vut a, keimah lo bawihi dang awm hek lo le, Officer-a pawn a tawp a tawp ah chuan min rawn melh ve ta hram alawm mahse ka lo hawisawn hmak a, ala nui suk zui




U siam in "ka lo pui dawn che mi" atih chuan angaih loh thu in ka chhang a mahse min rawn zui ta tho a awm peih biklo aniang.





Tlai ah rawng kan bawl hma deuh khan nu tetei nen thingpui kan siam tawh avangin an dah na vel chu engkim ka hre sa vek a




Bel chu chhuang in gas ka on a, U siam in ka bengbul set ah "engtin nge Officer-a te in kha anih theih a" arawn ti sur sur a, keipawn ka hre biklo engtin nge Officer-a te in anih theih tih hi




"Ka hre lo" tih zawngin ka chhang a, ngaihtuah muk hmel zet in "film a ang e" a rawn ti leh hluai a, thil tha deuh a sawi dawn emaw tih nak alaiin




"Enge a an na" ka lo tih chuan phur zet in "aww.. Hei Officer-a pawh alo leng ve thin a, mahse a awmloh hlan in an in ah i pa nen in kal a, Officer-a pa lah chu i pa thianpa alo nia , nu tetei lah a fel emem a" ati leh hluai a, ava han ho tak e aw




"Korean film i en nasa lutuk anih kha" ka tih chuan a mah lah chu a nuih a za ngang mai , a nui ri ngam silo chu a hmui hup chung in a nur dir char char a



A phone a rawn rik takah chuan a nui tawp ve leh mai bawk a , a chhunten anlo bia aniang "pawn ah ka va be lawk" tiin pawn lam pan chuan a chhuak nghal a




Thingpui ka siam mek lai chuan ka kawng a rawn kuah thut tu an awm avang chuan ka phu deuh zawk a chutah rawn kun hniam in ka bengbul set ah "ka ngai che" arawn ti sap a, ngaihsak lem lo chuan ka thil tih lai chu ka tih chhunzawm mawlh mawlh thung







"Min ngai ve lo ami?" beidawn hmel zet a arawn tih leh takah chuan hawi let in amah chu ka en ha a "ngati maw" ka tih chuan "ka bialnu i nih avangin" tih pah chuan ka biang ah a rawn piai zeuh





Leh ringawt zel a, a duh hun hun ah ka bialnu min ti a, nichin lawk pawn melh pawh min melh duh tawp silo





"I bialnu ka nihlai ka va hrelo ve" ka sawi zawh rual chuan ka thingpui chawh lai chu ka kut a rawn man chat a


"Sawi leh teh" vin hauh silo in a ti chang fak a, ka zam awm biklo ka pa a awm ve reng alawm "i bialnu ka nih lai ka hrelo" ka ti leh ngat a, chutah beidawn hmel zet a thawhalh in " anih min duhlo ami" ati leh a, chhan mai dan tur ka hrelo





Ka duhlo ka ti phallo a, ka duh pawh ka ti ngam chuang lo engvang a chutiang te chu min zawt kher nge maw anih le





"Kha min chhang theilo min duh alawm" tiin alam ah min pawt hnai dawrh a, midang anlo lut ang tih ka hlauh avang chuan ka lo tal ve nasa mahse tlahchhuah theih rual ani silo





"Midang an lo kal ang min thlah teh" ka tih pawh chuan engah mah ngaih loh hmel zet in "apawilo min chhan hma chu ti hian kan awm ang" tiin a awm ah chuan min kuah bet tai(trai) a, ka lungphu te lah chu a rang emem mai leh nghal a



"Thingpui hi a dai vek ang" ti a thlem ka tum pawh chuan "pawilo a dai in an in anga ani mai min chhan hma chu tian kan awm char char ang" ati tlat bawk si





"Anih leh min thlah la ka sawi ang" ka tih rual rual chuan min thlah a, ka dar tawn tawn ah vuan in ka mit ah tak min en kar a, ka lai leh zo vek tawh




A mit meng atang te lah chuan sawi vat tur in min duh tih ka hria




"Sawi la " dam diai a atih takah chuan ka aw chu thian in "ka duh che em ka hrelo mahse " tiin ka chawl dat a, pakhat lah chuan "mahse" alo ti ve vat bawk "mahse ka duhlo bawk silo che a" ka tih chuan a nui ta suk a,



"Apawilo nakin ah chuan minla duh dawn lutuk" tiin ka biang ah arawn piai zeuh a


nakin ah ka la duh dawn lutuk amaw? Patlawi zun ah ka uai dawn tih na em ni?





"Lo va phei rawh a zahthlak" ka ti ta daih a, min en vung vung in a nui leh suk a




"Duhawm reuh lutuk mai" tiin ka hnar ah a rawn piai leh zeuh hepa hi in piai hi ava han hrat emem





"Kal vat vat teh" tiin ka nam dawr dawr a, a nuih aza ngang mai


Nui vur vur chung chuan kitchen chu a chhuahsan ve thei ta hram a, keipawh chu lawm loh in ka nui ta ver ver mai




Ka thingpui siam lai chu thli chhuak in tray ah chuan ka dah a, ka chawi phei ve nghal thuai bawk




Ka kal phei lai te chu kan Officer-a chuan minlo en reng a, min en laih a tum pek amawn le







Amah ka va sem lai te chuan alo nui suk a, khu a nui suk hmel te khu a tha lutuk tih a hrelo amawn le





"Atui hmel hle mai" tiin alo la thuai a, u siami phone hmang pawh chu ava han rei emem ka zak tih te hi a hre ve lo tawp aniang






"Nu khawnge duhkima" atih chuan "a room ah games a khel leh tawh aniang" tiin nu tetei chuan alo chhang nghal thuai a





"Ka han hruai ange" tiin a tho thurh a , in chung lam pan chuan in thazo zet hian a pen chho nghal pawk pawk a





"La leng ve reng rawh u aw.. In hmuh hi a khat thin sia" nu tetei chuan ati a, "kan buai tlang ve thin khawp mai" ka pa pawh chuan alo ti ve vat




Chu ve leh in chung lam atangin "ka peih lo" ti bul bul ri kan hriat chuan kan vai mai chuan kan hawi chho thap a




Officer an a nau chu a duh loh chung arawn hruai anih hmel a tum bur a, a zawi emem mai leh nghal




"Tah khan thu ve rawh rual i pawl dawnlo tlat" tiin ka bul chiah ah chuan a rawn thut tir a, duhkima lah chu a lawm loh hmel kher leh nghal




Puitling ho chu an titi leh siam siam hlawm a, u siam in an thingpui in na no chu "ka lo seng ang" atih tlat avangin ka chuhpui duh ta biklo





Lalduhkima nen chuan ngawirengin kan thu a, mut te pawh a chhuak dawn alawm le cherh churh a, boring si...





Ka bula thu pa pawn a ning ve ta deuh aniang a phone chu phawr rawk rawk in phone screen chu vawi khat a hmet zeuh a, ML a khel ve thin ani maw?





"I khel ve thin ami" ka va ti sep a, min chhang chuanglo in alu alo bu zeuh ringawt khel dun ila a boring lo deuh ang




"Khel dun ila" ka tih chuan min rawn en vat a, chutah "i khel ve thin ami" ati ve ta nge nge "umm minlo add rawh ka id ka lo sawi ang" tiin ka phone chu pawrh vat in ML ah chuan ka lut ve nghal a




"Enge i rank" atih chuan "epic 2" ka lo ti vat "kan in ang anih chu" ati leh ringawt atawng tlem lutuk leh a sawitur hrelo lutuk chu nuihzat lam ah a kal lek lek




"Rank ila" ka tih chuan alu chu alo bu leh zeuh ka lawm kher mai rank ah lo chuan ka khel peih silo a, mipa thenkhat te hi chuan hmeichhia hi min han rank pui duhlo ngei zel a inla pro over-a pawh kha tiang chiah chiah chu





Rank ah chuan kan khel a, kan tang dun bawk si chu kan in be ve ta reng a "ka thi dawn lo kal lawk teh" ka tih chuan a rawn chho ve nghal a, "hmanhmawh rawh ka thi dawn" ka ti leh tuarh Gusion a hmang a, a tlanchak hlauh mahse ka thi hman ta tho "triple kill rawh" ka tih chuan "pro i hmuh duh ami" alo ti ve vat a, a triple kill ta nge nge chu ka lawm lutuk a "vanlal pro" tih chuan ka lo au a "yes mam" pakhat lah chuan alo ti ve leh vat bawk




Aw thian ri kharh kharh ri lo chhuahna lam chu kan hawi rual thawt a, ka bulah u siami alo thut lai reng reng ka hrelo



A kut zungchal chu ti pir va in a kawh zawn chu ka hawi phei a




Officer-a ho chuan mit tla lek lo hian min lo en reng hlawm a, kan khel laklawh bawk si



"Games i khel ve thin ami" nu tetei chuan nui sang in alo ti vat a "aw ka khel ve maimai" ka tih rual chiah in "rawn chho vat rawh kan chak lo ange" duhkima chuan alo ti ve nghal zat a, puitling ho pawh ngaihsak tawh lo chuan kan khel chhunzawm leh nghal char char a





Atawp atawp ah kan chak ve theu ta hram chu ka lawm lutuk chuan "yesss" kan ti rual thawt a, "kan khel leh dawn em" atih lai takin "lalduhkim" Officer an chang fak in arawn ti a , ka bul ami lah chu "ninawm" tiin a phun sep





"Kan va haw tawh phawt ange" tiin ka pa chuan pa muanpuia te nupa chu a bia a, alo tlai ve tawh em bawk anih hi




an vai chuan kan haw tur chu pawn thleng min rawn thlah a "khel leh ang aw" motor ka luh dawn chuan duhkima hnen ah chuan ka ti zeuh a, ani pawn aw tih nan alu alo bu ve zeuh



Officer-a lo khuh kharh chu hrelo derin motor ah chuan ka lut ve nghal a, a hnung ah u siami nen kan thu a tukverh ah chuan dak in "pa muanpui nakin ah chaw lo ei ve rawh u aw" ka tih chuan lawm hmel takin an nui ve sang a "nang berin itih te chuan kan eilo ngam nang" dam dup chuan minlo chhang a




Kut in vai lawp lawp in kan riahrun lam pan chuan kan kalsan ta rih a, nu tetei in rem chang hmasa ber a anlo len tur thu a sawi chu ngaihtuah ru neuh neuh in ka chak tawh hle bawk




A chhan pawh games ka khelh chak vang ani ka thiante tuman games an khel ve ngailo a, hmun leh hmun ah tumah ka la khelhpui ngailoh avangin anuam dangdai bik riau ani






Ka pa chuan " i pa muanpuia te chhungkua chu enge i ngaihdan" tiin min zawt a, an fel ka tih thu te chu ka sawi siam siam a, u siamtei pawn min lo support khawp mai




"Mahse pa, tinge Officer-a kha an fapa tih i sawi loh a" lawm loh hmel deuh chuan ka ti a, ka lawmlo ve deuh reng bawk





"I officer-a vang khan alawm i pa muanpuia te ka zawn chhuah" atih chuan hriatbelh chak zet in "engtin" ka lo ti thuai a






"In entir turin i pa muanpuia kha arawn hruai a" atih chuan thil thlen dan tur vel chu ka hrethiam nghal thuak a, ka pa pawn sawi belh tur vak a hre tawh biklo aniang motor khalh chung chuan a nui ver ver a, ka nu thihcham a heti tak a a nuimawi emem mai ka hmu hi Pa muanpuia te chhungkua vang ani tih ka hria a, an chungah hian ka lawm takzet a, enge maw takin ka la rul let ngei ang









(In hriatthiamna ka rawn dil leh dawn mitthi kan nei ka tih kha maw kan veng ami ani sia, vawin lam ah thingpui te kan lum leh a, zanah kan kal leh a, hmeichhia nih chuan in hriat kha in chhung ah chetna tur alo tam ve thin bawk sia, duh angin tunlai chu hunawl ka nei hleithei meuhlo apa leh kan naute an damlo bawk sia, ka in daihlohna hi anasa ve tawp dah loh tawp kha ka duh silo a, tawite pawn ka lo dah hram hram ani.. Min ngaidam ru min ngaidam duhlo pawh khan min ngaidam hram hram ru 😇chuan apa leh kan naute murcus-a tan minlo tawngtaipui ve theuh rawh u aw 😁)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:54 pm

VE RUP MAI NA! CHAPTER-32



By Pie sangtei








Khum ah mu in ka suangtuahna ram lam ah ka cheng leh a, dar 2 a rik pawh chuan ka la muhil theilo tho chhuak in tukverh lam chu ka pan a, van lam thlir in "nu minlo hmu em? Ka pa chuan maw hman a a thianpa kha a zawng chhuak tawh asin a hlim ve lutuk a, ilo hmu ve ngei ang tiraw nu, chuan maw nu tetei in 'i nu ang chiahin min ngai rawh' atia nu, nu tetei chu a fel lutuk asin amah chauh pawh anilo an vaiin an fel vek" ka chawl dat a, kan pafa chung a an chhungkaw thatna te chuan ka hnuk a ti ulh hial ani



"Nu, kan pafa a min kalsan hi min ngaihtuah in hrehawm iti thin ngawt ang tiraw ?Nu, min rawn ngaihtuah reng reng suh aw" ka mittui rawn luang chu hru in Van lam thlir chung chuan "nu, englo ania ka pa hian hmeichhe tha tak tawng se iti ve em?" Harsa tiru deuh chung chuan ka ti a






min chhang dawnlo mahse ka nu hnen a sawi lan ve hrim hrim ka duh ani mihring chu kan hmalam hun kan hre lo a, ka pi sawi ang deuh khan nakin ah ka pa alo upat zel hun ah a amah enkawl tu tur nupui ala mamawh dawn a, kei in pasal te neiin in hrang ah ka awm anga, u siami lah tun ah pawh pasal nei rual ani tawh a, ka pa hi a awm pui reng thei dawn silo








"Nu, hmeichhe dang alo tawng anih pawh in lo dem lutuk suh aw ka pa hi a khua a har ve em ani hetiang ka sawi hi ka chungah pawh i lawm lo viau maithei mahse ka pa hi ka ngaihtuah ani nangmah ka ngaihtuahlo che tihna anilo in nangchu Van hmun ropui ah i len tawh avang chauh ani nu ka hmangaih zia che min hriatsak rawh aw" ka ti leh sap a, ka nu lak a in thiamlo ru teuh chung chuan ka khum lam bawk chu ka pan leh nghal a






Ka nu chuan min ngei ngawtin ka ring mahse ka pa hian thil tam tak min tih sak a, enge maw tak ka tih sak ve angai ani




Pa muanpuia leh nu tetei ka hmuh ngat phei kha chuan ka pa khawhar tur zia leh a mal zia ka hre thar a, ka pa tan hian hmeichhe tha tak ka zawnpui angai ani



Mahse engtin nge kei tehlul hian ka pa tan hmeichhia ka zawn hmuh sak theih ang ?




Ka phone chu la in ka hmet eng thuai a, Zawri a mut tawh chu ring tho mah ila, a harh hun a a chhiar tur message hnutchhiah ka duh ani hian ka pa ta tur awm ang deuh chu a hriat ka ring tlat





Whatzapp ka luh chuan Officer-a message alo awm vang a, in kan thlen hnu in phone ka khawih chhunzawm lo a, ka nu thihcham alo ni bawk nen ka ngaihtuah na kawm in suangtuahna ram ah ka cheng ngar ngar kha ania



*naktuk enge itih dawn?* tih zawng te hi alo thawn ve ngei a, ka nuih aza ru kher mai amah a palian ropui sia hetia naktuk a ka tihtur minlo zawt dut dut hi a in hmeh thlawtlo






Reply hmasa lo chuan Zawri message tur chu ka type mawlh mawlh a


*ka pa hian nupui neise ka ti e, hmeichhe tha deuh zawn pui ka duh mahse ka hre bawk silo minlo ngaihven pui teh* tih tu type mawlh mawlh in ka send nghal thuai a, hmanhmawh deuhin Officer-a message chu ka open nghal vat




Ani pwh a men ring tohlo tho mah ila zing a a chhiar atan repy ve hrim hrim ang tiin *ka hrelo le.. Ngati nge?* tih chu ka thawn a, status ah vawin lam a nu tetei nen a kan thlak te chu ka hmang a, Officer-a message alo luh leh rual chuan darzat ka en vat a, a tlai tawh ropui sia ava han mengrei awm ve





*i va meng rei ve* tih te zawng chu a rawn thawn a, amah zawk hi mengrei ka ti fe zawk sia




ngawi lawk teh a dp chuh vawin a ka thlak kha a va ang ve




Reply lem lo chuan ka en nghal vat a, ani chiang lutuk nu tetei khan thla min laksak tak alwm mawle




Officer-a helmet fullface khum chung a a bike a ka chuanglai nu tetei in thla min laksak kha Officer-an dp ah a hmang anih chuh



*i dp hi ngati nge* tih ka va thawn nghal thuai a, dp a a hman ringawt na chhan ka hre miaulo a tin ni




*ka bialnu anih hi i thik ami* arawn ti leh ringawt a, keimah leh keimah te eng vangin nge maw ka in thik ringawt ang le




*keimah ka nihkhi* tih ka va thawn leh nghal vat a,





*nia ka bialnu chu nangmah* rawn ti leh ringawt tawh *i bialnu ka ni mi" ka va ti ve leh thuai a, *inih loh in midang bialnu ini ngailo ang ka nupui tur inih kha* tih a message ka chhiar rual chuan lawm loh in ka nui ver ver a, hepa hian zei deuh nisi lo hian ka thinlung hi a hneh tial tial dawn niin a lang dawn riau





*iva mengrei ve* ka va ti leh ta daih a, chhan dan tur ka hre thlawt lo ani




*hna lam ania, nangpawh ngatinge ?" arawn tih chuan *ka muhil theilo maimai* tih zawng chuan ka repy ve leh vat a



*naktuk chu enge itih ang* arawn tih leh chuan tihtur emem ka nei hranlo bawk a *engmah ka ti lo ang* ka lo ti ve vat


*a that chu tih tur dang lo nei suh* tiin rang zetin a rawn reply leh nghal zat a, ka chhanna tur ka type mek laiin *mu phawt rawh atlai tawh* arawnnti leh a *ngati nge ila mu ve dawnlo ami* tih chu type zung zung in ka send leh nghal vat a



*ka zo tep a laklawh lutuk a, lo mu phawt rawh* arawn tih leh takah chuan ka mut alo chhuah tawh ve tho avang in *muttui* tih chu ka thawn nghal vat a




*muttui le i mumang ka ta* tih a rawn thawn nghal zat chu nui ver ver chungin ka en reng a






Nizan ka menrei vang ani ngei ang zing lam chu ka tho tlai hle a



Ka thawh ve meuh chuan ka pa chu hna ah alo kal fel leh daih tawh




Chaw ka ei lai mek in Atei in minlo call a, rawn len an tum thu te arawn sawi a, nizan khan officer-a khan tih tur dang neilo tur khan min ti ve sia mahse pawilo ka thianten kumtin a an tih ve dan anih avangin ka ngaih pawimawh zawk angai






Chaw ei kham chuan in chhung a tihtur awm ang ang u siami ka tih pi zung zung a, "lo ti duh suh" ti mahse ka tih pui tho







Ka inbual zawh meuh chuan chawhnu dar 1 alo ri leh thuak tawh a, ka thiante pawh an lo thlen har vak ka rin tawhloh avangin sofa ah chuan thu in Youtube a movie recap chu ka lo en maimai a





Ka rin ang ngeiin ka thiante chu reilo ah anlo thleng nghal



Broken king-a pawh a rawn tel ve ngei a, mahse a hmel thawven hmel zet kha a bo diak thung




Kan ri chel chul a, gorya leh broken king-a te erawh an ngawi reng thung



Thilpek pe min pe a, ka birthday ni in min pe ngailo ka tih kha a tuk ah anih loh chuan ka birthday hnu lam ah min pe ngei ngei thin




Ka birthday ka huat zia an hria a, lawm emaw thilpek engmah dawn ka duh ngailo mahse ka birthday ni ah tak minpe lo in a tukah min pe lui ta talh thin a, hnar theih ni bik hleilo tun thlengin an chin phah ta ani ber




Zawri chuan nizan a ka message chung chang kha rawn sawi chhuak in kan zavai chuan kan ngaihtuah tlang a





Zawri chuan "keichu midang zawn angai hian ka hrelo u siami hi atha ka ti" arawn tih chuan zawri chu ka en reng a, awm anglo thei lutuk





Midang ho pawh chuan "atha ngawt ang u siami lah hi bialpa a nei ngai bawk silo" ti te in ka pa tan u siami an duhthu chu an sawi chamchi a




Kei erawh vawi khat mah ka pa leh u siami hi ka la hmehbel ngailoh avangin ngaihtuah dan ka thiam mai lo



Amak awm e! U siami chu "ka nu" ti a ka auh a ngai tawh anga, mahse ka pa hian lo hnarlo pawh nise u siami hian ka pa hi a duh kher in ka ringlo





"Mahse u siam in a duh awm lo e" ka tih chuan " enge maw a duhloh ang le pa Daniel-a te chu tangval tamtak aiin a chhelo daih zawk apa si, a fresh si, hna tha tak ala nei zui" Atei chuan alo ti vat a "adik chiah nangma tan pawh nuhrawn hrawn tur inia midang daih hrawn ai te chuan i tan pawh anuam zawk dawn a" tiin zawri chuan alo tuihnih ve nghal thuai a,




Ka hrethiamlo sawisawi mahse ka thluak a buai vek dawn nakin ah keimah te chauh in ka ngaihtuah tha leh ang




U siami chu ka nu nitur in ka duh em ka hrelo ka unaunu ang mai a ka lo en anih mai bakah ka tan a hlu emem a, ka nu a han ni thut tur chu ka awm thiam chiahlo






*enge tih sak tur che in min duh* broken king-a message ka hmuh chuan amah chu ka va en vat a, min en duh miahlo leh nghal






*ngati maw?* tiin ka reply ve nghal thuai a, a awm dan vel hi a in la shaktiman riau in ka hria





*a chhan min zawh kher angailo ka zawhna che chu chhang rawh* thupe zet chuan a rawn ti leh a, amah chu ka va en leh chuan rum zet hian minlo melh run a



*engmah ka duhlo* tih zawngin ka reply a, a seen rang kher leh nghal




*sawi maimai rawh* ala rawn ti talh a, hrim hrim in hetia hmun leh hmun a min rawn text kher hi enge a ngaihna le





*sawi tur ka neilo kekawrtelian* tih ka send zawh chuan phone chu ka dah nghal vat a, ka en tawh awmlo emai




Sawi duh neih chuan kan awm dun reng a, sawi ve mai se minlo text kher





A mitmei lah chuan phone en turin min ti tih ka hria ka en duhlo lui ngar ngar a, Gorya be sur sur pah chuan min rawn la melh khui khui zui




"Waiwai kan chhum dawnlo ami" zawrin a rawn tih rual deuh thaw chuan broken king-a chu a thutna atangin a tho thurh a,



"Kal ang u" tiin a chhuak zui nghal hmak



"Khawnge kan kal dawn" tiin ka thiante chu ka en a, an hmel atangin an hre bik lo anih hmel




"Rose in siam ve la, chhuak lawk ang u" Gorya in alo tih ve eh chuan amah chu kan en thap a "enge awmzia" Anna in alo ti vat



"Daniel-an tih tur pawimawh anei aniang kan va puih lawk loh chuan " tiin a thutna atang chuan a tho ve nghal a, mak ti deuh in keini a thum chu kan in en kan in en ringawt




"Pawn ah kan lo va awm ang, rose reilo la aw" tiin gorya pawh chu a chhuak zui ve nghal "engthil nge le" gorya chhuah rual chuan zawrin alo ti vat "nia an awmdan kha minti hlauthawng" Anna-i pawh chuan alo ti ve leh nghal thuai a, a ngaihna hrelo lutuk in ka thutna ngaiah ka thu reng





"Rose han in siam phawt mai teh" zawri bawkin alo tih takah chuan "an mak e" tih pah chuan ka thutna atang chuan ka tho a, ka room lam ka pan zul nghal



Ka insiam pah chuan an thiltih tur ngaihtuah ngial ka tum a, ka thluak ka hmang thei reng reng lo



Broken king-a hian harsatna alo tawk zawk reng nge mawn le




Jeans leh tshirt ka ha a, sneakers ka bun leh tawp



Hmanhmawh deuh chuan inhnuai lam ah ka chhuk thla thuai a



Sittingroom lam ah ka thiante an lo awm tawhloh avang chuan anlo va chhuak ve anih ring in kawngkapui lam chu ka pan nghal a




Mahse kitchen a tawng thawm ka hriat chuan ka ding chawt



Ka pan phei ve nghal thuai a, ka thiante a thum chuan u siami chu thutchilh in ka p chanchin anlo sawi pui chu niin



"Pa daniela nen hian innei daih ula" Zawrin a tih ri chu ka hria a, u siami chhan na nghak chuan ka ding ve reng




"Hey.. Chutiang sawi reng reng suh Rose in a hriat phei chuan a thinrim ngawt ang" u siami chuan tawng rin hlau zet chuan ati a





"A teuhlo mai enge maw a thinrim ngawt ang le" zawri bawk chuan ati leh chuan u siami vek chuan "anu an hmangaih zia in hria ni lawm ni chutiang thu atthlak sawi tawh reng reng su Rose-i hriat ah leh lek phei chuan " tiin a chawl dat a, min ngaihtuahna avang chuan lawm viau mah ila ka pa a duhlo ah ka ngai lo theilo "bakah pa Daniel-a te chuan keini ang te chu min duh teuhlo mai hmeichhia hrim hrim hi a nupui leh a fanu bak a khawvel ah an lenglo" u siamin atih leh takah chuan lawm loh in ka nui ver ver




U siami hian ka pa hi duhlo tawp ani biklo tih ka hriat chuan ka chhungril thleng hian ati nui var var thei hial ani




In chung step chhohna bul ah chuan zawi tete in ka phei tham tham a, ka va thlen phei rual chuan thawk la hak in "khawng in awm vek a" tiin ka au lui vel a






Chu ve leh hmanhmawh deuhin u siami ho chuan kitchen lam atang chuan an rawn chhuak a, ka lo nuih verh ver




"I hman tawh mi" zawri chuan alo ti vat a, aw tih nan ka lu ka bu zeuh



Kan chhuah dawn chuan "u siam ka pa kha a night dawn lo tiraw" ka tih chuan "ka hre miahlo kan zawt chhin dawn mi" ati a, ka lo phur kher mai



"Umm" ka tih ve leh a phone chu hmet in min rawn en leh a, ka thiante thusawi vang khan a ti ti(tri) deuh nge maw "nakin ah nangman be zawk mai rawn ahna ah a buailai ani palh ang" ati leh ta zawk a, alai ve deuh amawnle




"Awle... Kan kal dawn u siam gorya ten pawn ah min nghak tawh a" ka tih chuan fimkhur tur a min chah hnu ah in atangin kan chhuak zui ve nghal a





Ka thiante lah chuan u siami nen a an inbiakna te min hrilh dawn emaw ka tih laiin engmah sawilo chuan an ngawi ta reng a, min hrilh se ka tih tehreng nen



Ka phur zia te hi an hre ve miahlo zawk anih hi





(Nizan lam ka rawn dah theilo a, ka thiannu birthday ania, khawharin kal zawh in eng eng emaw te kan ei ho leh a, nimin lam ah thingpui ka lum nileng leh a, chumai ala nilo.. Ka thiannu nen kan aizawl kal tur scooty break a fail a, tlem a tlem ah kan thi lo chauh a, ahnu fee ah a rawn tha leh a, kan tlan haw leh ringawt a tlawng kan thleng tep tawh😂🤣tiangvel nuai chu ka ni, a story chapter hi a thui tawh emem a, regu ka duh avangin thui vaklo pwn ka rawn dah thin a, heihian a ti tam maimai ania, khawngaih takin minlo chhiarsak zel turin ka rawn sawm tak meuh meuh chu ani)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:54 pm

VE RUP MAI NA ! CHAPTER-33


By Pie sangtei









"Ka pa chu kan phone lawk ange" tiin ka phone chu ka phawrh chhuak nghal a, rei pawh a ring hma in alo chhang nghal thuai bawk




"Aw bawihte" dam zet chuan alo ti a "pa i night dawn em" ka lo ti nghal vat "night lo ang ngatinge" atih chuan nui ver ver chung chuan "kan chhuak lawk dawn a, Zawri ten ah chaw ka ei nghal dawn ania aw" ka ti a, a phallo ang tih ka hlau ru takzet




"Lo haw har lo la" ngaihthlak nuam zet chuan ati leh a, ka tum dan in thil a thleng dawn e "tehreng mai pa haw har suh aw u siami a dawih ropui sia" ka ti tel leh kher a, hetia ka sawi tel loh chuan a room ah alo in khung leh reng mai ang




"Awle... Thim hma a haw ka lo tum ang" ati ta ngei a, speaker a ka dah avangin ka thiante pawh chuan anlo ngaithla ve thap a, an duh ang channa an hmu ve aniang an nui ver ver hlawm mai




"Nih pa kan kal ania" tiin phone chu ka dah nghal a, bike ka keng lo a, Gorya in min phur thung



Hmeichhe ho chuan kan kalna tur lam kan la hrelo hrim hrim


broken king-a leh Zawri an in phur a, an tlan hmasa ber bawk




khatla bungkawn lam ah kan tlan phei a, Dam veng lam pan thla zel in ANGEL KAROKE tih in ziak kuau kawt ah chuan kan ding vang hlawm a....





"Zawri chuan karoke ah kan kal dawn mi" tih pah chuan Broken king-a bike atang chuan a chhuk a,




Chhang lem lo in kan broken king-a lah chu a lut zui nghal daih a, hrilhhai deuh chuan kan zui ve leh mai bawk a





Pawn lam en aiin a chhung lam chu a changkang in a nalh phian a, am dezine dan vel te lah a common lo emem bawk





Room pakhat ah chuan lut in kan thu thap a, room lah chu a zau nuam emem mai leh nghal




"In duh duh dan in awm ru" tiin broken king-a lah chu a thu thluang duai a, Gorya tih loh zawng chuan kan en thap




Duh duh dan a han awm vak ngaihna pawh ka hrelo ati teh deuh tawp lutuk a




"Common Zawri zai turin sawm hmasa ber ang" Gorya chuan ding meuh in alo ti ve teh thlawt a, mak kan tih avangin amah chu kan en thap



"I a mi Lalruatfel" Zawri pawh chuan ati thlawt a, Gorya pawh lai deuh in a hawi kual sek mai




Kan en reng avang chuan a dar ati kang ak a "kan zai hmasa ber mai ange" atih leh phei chuan phawk lutuk in kan en reng




"Dr Hrekima pan pui chi" Atei pawh chuan alo ti sap a, Chutah Gorya chu kal phei in stage ve deuh reuh an siam ah chuan a ding a, a bul a laptop an chhawp chu khawih neuh neuh in Music arawn ri ta riai riai


A hnung lam ah screen ah chuan lyric rawn in ziak in a sa pah chuan a en a, "I WANNA GROW OLD WITH YOU" tih chu mawi zet a a rawn sak chuan kan thlir reng a




Tiang tak hian kan Gorya Lalruatfeli hi a zaithiam tih ka hre ngailo hre tur pawn kan hriat laiin vawi khat mah zai ngai hek lo



A zai zawh chuan Broken king an kut alo beng lauh lauh a, Gorya rawn kal phei chu en reng in hla te a thiam hrim hrim kha mak ka ti




Vawi te khat mah tlar khat lek pawh hi a zai lai ka la hre ngailo



Chuti lai karah zai te lah chu alo thiam emem mai leh nghal a


Rawn hawi phei in a nui suk a, ka bul a thu te ka va en chuan keimah ang tho in an lo en ve reng tih ka hre chiah





Gorya in Zawri chu zai tur a atih tlat avangin ava zai ve ta nge nge a, a hnu ah a rawn uang leh ta Atei leh Annai te nen chuan an han uang chhunzawm leh nghal zat a




*i tello chuan ka tlei theilo* tih hla chu sa in an phul hlut hlut a, kan nui nasa ngei mai




An hla sak ho lah chu a in thu ha lo hlawm emem mai leh nghal a, Broken king-a nuih aza fal leh bik lutuk chu ka va en leh zeuh thin a, ka nuih ver ver lai tak chuan a rawn hawi thut chu ka lo phu deuh zawk a, chutah min rawn nuih suk in Zawri te lam chu a kawk zeuh a, an zai lai chu a en chhunzawm leh nghal






Room kawngka chu rawn in hawng in hnathawk pa hnih chuan cake an rawn keng lut a, table a an dah hnu in an chhuak leh nghal



Broken king-a chu ding in "vawiin hi gday ani a, minlo hmanpui avangin in chungah ka lawm tak zet" thutak deuh chuan ati hluai a, a mit ah tak chuan ka en reng a enge gday chu ni ta ang




"Cake hi min lo zai sak diat diat ula min barh zel dawn nia Rose lo kal hmasa ber la" atih chuan thuawih deuh chuan ka tho ve nghal vat a, gday chu hrethiam ve lo mah ila broken king-a tan a ni pawimawh anih hmel sia a sawi ang zel a awm chu atha ber in ka hria




Cake chu zai in ka barh a, ani pawn min lo barh ve bawk ka mit ah tak min en kiau a, a mitmeng atang a a thusawi duh hi hrethiam ila chu he gday awmzia hi ka hriatthiam ngei ka ring




Midang ho pwh chuan cake chu zai in broken king-a chu an barh ta zel a, ani pawn alo barh let ve zel bawk




An titi laih laih lai chuan ka phone ka en a, officer-a message ka hmuh chuan nizan a a thil sawi kha ka hre chhuak leh chiah



*i chhuak a maw* tih zawng hi alo thawn a, ka in thiamlo kher mai engmah ka tihloh tur thu kha ka hrilh ve sia





*umm. Ka thian ten min hruai chhuak a* tiin ka reply ve nghal thuai a, abuai ka rin teh reng nen a bluetick nghal thuai a




*okhay nidang ah ani mai nuam deuhin hmang ru* arawn tih leh chuan nuamlo ka tih a zual a, engtin nge maw ka theihnghilh theih reng reng le




Ka reply duh tawh lo a, zan ah ka call mai ang ka ti ta ringawt





Ka thiante ho chuan zai tur a min tih ve tlat avang chuan ka zai ve ta nge nge a



Taylor swift hla enchanted chu ka sa a, kan naupanlai atang a ka duh tawh ani a, a mood ah ka cheng hle nghe nghe


I was enchanted to meet you
Please don't be in love with someone else
Please don't have somebody waiting on you
Please don't be in love with someone else
Please don't have somebody waiting on you




Zawri leh Atei an phur fal hle a, an zai a, zai pah in an lam bawk a, kei erawh vawi khat ja zai kha ka duh tawk viau thung





Broken king-a pawh zai ve turin kan tia inla man tawkin a thu(thru) tlat a, a lu a thing mut mut ringawt




Darkar li zet kan awm hnu chuan haw zai kan rel ve thei ta hram a, u siami leh ka pa chance pek ka duh avangin ka pi te in lam ah Gorya ka in thlah tir a, ka thiante erawh an haw tlang a




"I hlimna hi ka duh ber nui reng ang che" karoke kan chhuahsan dawn a broken king-a thusawi khan ka ngaihtuahna a ti kal thui leh kher mai



Engvang a khatiang thu te min hrilh ringawt nge anih ang




Amah zawk hlim loh hmel lutuk khan a mamawh daih zawk




Hlim reng tur te chuan min la hrilh zawk zamah a, engpawh chu nise ka hlim na a duh avang ringawt pawh khan min ngaihtuah ani tih min hriattir a, ka lawm tawk emem tho



Ka pi in pawn ah min chang a, min hmuh rual chuan a nui nghal ver ver min ngai ve thin tih hre reng chung hian ka tlawh tam thei lo a, ka pa nen a kan kal bak hi chu ka kal khat thin viau ani





"Pi ka lo kal tih hi ka pa hrilh miah su aw" in chhung kan luh hnu chuan ka ti a, mak tih hmel deuh a min en avang chuan "ka hrilh dawn che alawm" ka ti ringawt a, a ngaih ala that hmel chiah loh




Sofa ah min thut pui in "i pa in a hau che em ni?" ngaihthlat loh hmel zet chuan ati ta reng a, nui suk in a kut chu ka vawn sak a "pi chutiang lam ani lo" ka tih chuan "englam nge a" alo ti vat chutah thawhalh in "ka pa hi nupui tur ka zawn sak a" ka tih chuan ani pawh hahdam hmel zet chuan a thaw suai suai a,





"I hmu tawh ami" atih chuan ka lu ka lo bu nghat




"Tunge a, khawi mi nge? I pa chuan a duh ve em" tiin zawhna pa thum ngawt chu min zawt nghal zat a, ka pa hian nupui nei leh se ti ber te zing ami ani a, a hmel a phurna awm hi ka hmuh hmaih hauh lo mahse ka pa hian u siami hi a duh ve em ka hrelo




"Ka hrelo " ka ti chuai raih a, chu ve leh ka pi chuan "tunge ni reng reng nula nge" atih leh chuan nui sang chung hian "u siami" ka ti a, ka pi hmel a mak tihna chu ka hmu hman zuai a, mahse in thlak danglam leh nghal thuai in "siami chuan i pa chu a duh em ni?" ati leh a, chu pawh chu ka chiang bik chuang hauh lo




"Ka hre biklo pi" ka tih leh chuan a kut ka vawn na chu a kut leh lam a rawn vuan in a rawn beng thek thek a





"I u siami chu i pa nupui turin i duh reng reng em?" atih chuan duhloh na chhan tur ka nei in ka in hrelo mahse u ka nei tawh lo tur a ka ngaihtuah erawh in hrehawm ka ti ve deuh





"Ka u kha ka nu ani dawn tihna ania min duat hrim hrim bawk a, duhloh na chhan tur ka nei hleinem ka pa nen a kan chung ah a tha in min ngaihsak dun emem a, keimah leh ka pa tan chuan u siami tluk tu an awm kherlo ang" ka tih chuan ka pi chu lo bu nghat nghat in "siami leh i pa chu ka lo la hmehbel chhin ngai miah lo a, nangber in i hnar loh te chuan hma kan la dun dawn nia" ati ta nge nge a, kan phur dun kher mai




Kan chhungte dang erawh tumah hrilh kan duh rih loh avangin ka pi nen te chauh chuan kan hria a, hma la tu tur kan nih avangin ka a night loh zan apiang in ka pi ten ah ka riak phei ziah anga, an pa hnih chauh a awm dun tam tir chu kan duh dan anih vangin chutiang a ti tur chuan ruahmanna kan siam a






Ka pi nen chuan rawngbawl pah te chuan kan sawi dun reng a, ka ni lo haw hnu erawh in kan sawi tawh lo




Kan phur in kan hlim dun emem a, mahse ka hlauhthawn ber chu ka pa hian ka nu kha a hmangaih emem a, a nun ah hmeichhe dang seng luh hi a tum ngai lo a, u siami hi duhlo in alo hnar leh ang tih ka hlau ani





Kan rawngbawl laklawh lai chuan ka pa in min rawn call a, ka ni a awm ve avang chuan alo tawng ang tih ka hlauh avangin bathroom ah ka tlan lut nghal a



"Aw pa" pangngai thei ang ber chuan ka ti a
"Bawihte i lo haw har angem" arawn ti su su a, min ngai leh tawh ani ngei ang a hnathawk rawn haw hi in a ka lo awm loh chuan a khua hi a ahar tlat zel a, ka thiante in a ka riah ve dawn lah in kan mutthilh hma chu min rawn call reng zel avangin khawiah mah ka riakchuak ve ngai ta lo




"Ka riak mai dawn mawnle" tiin ka lo fiam a, engtin nge a tih reng ka hre chak ani





"I riah daih te chuan ka khua a va har awm ve" ati ta reng a, keimah chuan lawm loh in ka nui vur vur




"Ka riak ve chak alawm" titau aw ang thei tur ber chuan ka ti vel a, chutah rawn thawhalh in "i riak chak viau ami" arawn ti ta hram a, keihi ka pi ten ah hian ka riak taktak dawn mawnle a tih chi viau in ka ring




"Chak ve tho e i phal te chuan" ka ti a, a phal kher pawh ka rin loh laiin "zingah hna ka kal hma talin lo haw la" arawn ti ve ngei a, chutah phur zet in "tehreng mai pa u siami kha ka awmloh chuan a khua ahar ang lo kawm ve rawh aw room ah te khan ilo tawm bo leh daih ange" ka tih chuan "awle bawihte naktuk zing chu thawh hma kha i peih loh chuan hospital ah minlo tlawh kawi mai la" min ngaihtuah hmel zet chuan a rawn ti leh a, min ngai a, ka riah chhuah san dawn avangin a hna kal hma tal a ka hmel hmuh a duh a, zing ka tho hma tur erawh a ngai ngam leh silo anih hmel




"Tehreng mai pa, zawri rawng ka bawl pui dawn a, nagpawh u siami kha lo va pui ve rawh a buai thei si a khawngaihthlak" ka ti tel leh hram a, ka pa pawh a chau dawn tih hre tho mah ila u siami nen a an inkar a thek(trek) chhuai chhuai siam tur chuan khatiang a kan tih kha angai tlat ani




"Awle ka lo pui dawn nia" dam zet chuan alo ti leh thuai a, naktuk a in hmh turin phone chu ka ti tawp leh rih a





Choka ka lut chu ka pi chuan min lo en reng a, zawhna min zawh a chak tih ka hria ka ni a awm ve avang chuan a in sum maimai ani





"Bawihi ka room ah khan ka tarmit mi va lak teh" tiin ka ni chu a tir chhuak ta nge nge a, chu ve leh ka pa nen a kan inbiak dan leh ka riah tur thu chu ka hrilh nghal a, ka pi pawh alo phur kher mai




Dar 7 ah chaw kan ei a, ka pu in" kan bulah mu rawh i lo kal khat si" ati rup mai a, officer-a kha call ka duh si ka ni chu ka ve melh zeuh chu ve leh "pa nula te anni ve tawh a, pi leh pu bul a mut te chu anuam tawh nang" ati a ka pu lah chuan "kan ngai ve alawm kan khum a zau lutuk" ati tlat bawk si, ava han buaithlak thei tak




Ka riah duhloh chuan a titau leh vel emaw ania nga, pawilo text in ka be tawh mai ang





Chaw ei na kan tihfel lai chuan ka pa bawk chuan minlo call leh a ka pa hnen ah zawri te in a riak anga ka in sawi thu hrilh in ka ni chu lo tawng miahlo turin ka ti a , alu alo buk ve nghat nghat tak si ah chuan ka pa call chu ka chhang nghal thuai a




"Bawihte i thianpa alo kal a" hello pawh ka tih hma hma chuan arawn ti a, tu ka thianpa nge mawn le


"Tunge chuchu" ka tih chuan "awwww i officer-a " arawn ti liam puat a "maw" ka lo ti thawt min rawn be bawk silo a enge maw kan in ah te alo tih le







(Nizan ah mitthi kan nei leh a, kan tlaivar a, ka la muhil lo thingpui kan lum leh a, zan ah kan kal leh a, mumang nen ka lo type, chuan a thui lo leh viau ania)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:56 pm

VE RUP MAI NA! CHAPTER-34


By Pie sangtei





"Zawri ten ah ka awm daih bawk sia" ka ti a, avan buaithk thei tak alo va leng reng ang tih ka hlau bawk si alo va len reng chuan ka pa leh u siami ka chance pek in engmah awmzia a nei dawn silo




"E pa, khawmaw ka lo be lawk" ka ti leh nghal zat a, engpawh chu nise kan in atang hian Officer-a hi ka chhuah tir vat angai ani.






"Hello" a rawn ti thum dut a, ka lo nervous leh nghal emem ringawt



"Englo loud speaker ah i dah em" ka tih chuan "dah lo e" alo ve mai a, thawhuai in "engmah lo sawi miah suh aw" ka ti a, kalsawn rawh han ti dawn ila ka pa lakah nuam ka ti chiah bawk silo




"Enge ni a" arawn tih chuan "ka thiannu ten ah ka awm lo a, ka pi ten ah ka awm mahse ka pa kha hrilh chi miahloh" phone atang mah nise ka thawng zawi kher mai



"Chuan" arawn ti thum leh dut a, ava han tawi thei tak




"Ilo kal ve peih em" inthlahrung deuh chuan ka ti sap a, a ngawi vang vang a chutah rawn thaw halh in "ka rawn bia ang che" tiin phone chu a dah ta nghal hmak a, a thinrim a mawnle? Ka pa bul ah ka awm na hi a sawi veih chuan a pawi khawp ang




In chhungah chuan ka vei tawn sek a, minute 15 lai a liam hnu pawh chuan min la rawn be bawk silo



Ka pa nen ka chungchang an sawi dun ani hrim hrim



Ka pi in "thu maimai teh" atih pawh chuan ka thu zuai a, ka thu rei theilo ka ding a , ka vei tawn leh sek ani ber



Ka pa hian min man chhuak ang tih ka hlau ber mi ka tihpui dawn in ka mitmeng ah engkim a hrethiam a, ka pa bul a ka sawi ni lala la in a hrechhuak nghal thin



Tun tum hi chu a tawp ka thlen pui hram angai ani




Minute 25 dawn aliam hnu ah Officer-a hnen atangin call ka dawng a, rang zet in "aw hello" ka lo ti vat "pawn ah ka awm" tih zawng sawi in phone chu a off leh nghal hmak a



Rang zet in ka tlanchhuak nghal in kawt a Officer-a ka va hmuh rual chuan ka pan phei nghal a, "ngati nge i sawi kher a" a bul ka thlen rual chuan ka ti nghal zat a




Ka pa bul ah a sawi vek anihhi chuti nilo se ka pi te in awmna lai hi a hre teuhlo mai



"Hrilh suh ka tih mawlh mawlh kha ka plan iti chhe vek" tiin rum theih patawp in ka melh khai khai a, min chhang lo a a din ngawi reng avang chuan ka ngei kher mai



"Hrilh suh tih mawlh mawlh pawn" ka ti leh chuan a dar ti kang ak in "engmaw" ati duh lek choh a, "ka pi ten a ka riah thu" vin zet in ka lo ti nghal thawt chutah thawhalh in "ka hrilh hleinem lo kal teh" tiin ka ban ah chuan rawn vuan in alam ah chuan min pawt phei dawrh a, a awm ah ka va bei thlawp




"Hrilh suh itia ka hrilh duh bik hleinem" ati dam dap a, hepa han zaidam dan emem hi a awm ah min bei tir in dam deuh in min bia a, ka thinrim na zawng zawng te pawh a reh leh nghal duak mai



"Mahse engtin nge ka pi te" ka sawi zawh hma hma chuan "ka hresa alawm" alo ti vat a, "engmaw" lo ti hu in Officer-a nui che dawt chu a awm a ka bei chung chuan ka hre thei "i pi te in awmna hi mawle" atih chuan amah chu en chho ha in "engtin maw" ka lo ti ve vat a, ka pi te nen hian anlo in thurual leh vek tawh zawk nge mawni




"Kan chhungkua leh i pa te nen kan leng tawh alawm" ati sup a, engtik khan nge anlo len leh hman tawh ni keimah chiah hian ka lo hrelo bik animaw




"Engtik khan" ka tih chuan "ala reilo i pa leh ka pa an in hmuhchhuah tirh khan" ati dam leh dup a, min kuah na chu ti nghet sauh in "zawhna dang ila nei em" atih chuan ka lo ka lo thing na na a,nui che leh dawt in

"Ka va haw phei ange naktuk zanah ka hman chuan lo len ka lo tum ang" tiin min thlah a, ka dar tawn tawn ah vuan in ka mit ah tak min en chung in "tunah chuan ka duh ang che hian minla duh theilo maithei mahse itan a mipa tha tak nih ka tum zel dawn a, kei aia tha awm leh tawh lo tur in ilak ah ka thatna zawng zawng ka chhuah dawn chumi ka tih hnu ah chuan min la duh ve emem ang lungngai lo la min ring tawp rawh" ati a, a tawng zawng a a hrawk bawk lo lang ralh ralh thin te chuan a ti lang sexy tlat mipa hrawkbawk in hmeh ber ani hial ang




"Min chhang dawn em" tiin ka chhanna nghak chuan min en reng a "awle" ka tih chuan a awm ah bawk min bei tir in min kuah leh hlu hlu a, hetia min kuah hian sawi fiah thiam loh thlamuan na mak tak mai chu ka nei tlat ani





In chhung ka lut chu ka pi in "tinge i nuih vur vur a, i tlanchhuah dawn a i hlauhthawn tehreng nen" alo tih chuan ka ngaihtuahna kawm in ka lo nui ani tih ka hre chiah




"Officer-a alo kal a" ka tih chuan ka pi chuan "asawi ami i pa bulah " alo ti nghal vat a, ka lu chu thing na na in "sawilo e "tiin nui sang in ka pi chu ka en a, ani pawh alo thaw ve huai mai



" i pu a mut na a rei tawh si lo kal rawh i mu ve vat ang" atih chuan ka mut ala chhuah loh thu in ka chhang a, a chhan pawh Officer an minlo call tur thu a sawi vang ani



Ka pi an room ah aluh hnu lawk ah Officer-a hnen atangin call ka dawng ta ngei a,



"Ka thleng chiah" call ka chhan rual chuan a rawn ti nghal zat a, ka lo nui leh ver ver tawh


"Iva tlan chak awm emem" ka tih chuan "ka chhun zo tawh che anih hi" rang zet chuan a rawn ti ve leh nghal a



"Ka khalh chak ngai lo hrim hrim" ka lo ti ve vat bawk


Eng eng emaw te sawiin kan in be ve ta reng a, a mah hi ka sawi tawh ang khan palian in ro thap hle mahse a dam dup a, a zaidam emem bawk



Ahma zawng a be hreh hle thin si khan inbiak te chu nuam ka ti chho a, biak loh mawlh chu ka hlau thin



College kan tan hma zawng chu zantin alo leng ziah a, alo kal apiangin choclate minlo ken ziah bawk



College kan luh tawh hnu ah erawh lehkha zir tur a min duh avangin karkhat ah zan thum emaw zan hnih te alo leng ve thin



Ka zirna hi a tihbuai hran loh avangin zantin lo leng se hi ka ti thin a, mahse a duh tlat lo "hna ka nei a" ati mai zel bawk a nei taktak nge taktak lo chu ka hre chuang lo a, a tam zawk ah hi chuan lehkha zir tur a min duh vang chu ni tho mahse hna a neih chu ka ring tho





Ka ngaina tulh tulh a, ka ngai thei emem bawk a kiang a awm thlakhlel na te ka nei chho a, a bul a ka awm reng lai pawn ngaih veng veng chang te ka nei thin



Ahma a Officer an ka hnen a a sawi "min la duh ve ang" atih kha a takin a thleng chho mek ani tih ka hria inthup ka tumlo a, ka duhna chu ka lanchhuah tir mai zel




Ani pawn min duh ve takzet in ka hria a, inneih erawh ka la ngam loh avang leh ka la naupan avangin ka sawipui vak duh lem lo




Vawi hnih vel chu a sawi lang ve zuai tawh a, kum riat laiin kan in upat hleih a, pathlawi mah nise nupui neih leh chu a hun ve tawh viau ani


Mahse tun ang kum a pasal nei tur chuan ka ngaingam thlawt lo a, bakah pasal neih hma in bachelor' tal hi zawh ka duh chuti lo zawng nakin ah hrehawm ka la ti ang tih ka hlau ani




An chhungkua leh kan chhungkua pawh kan innel in kan in pawh tawh hle a, u siami pawh an ngaina in ka unaunu ang maiin pa muanpuia leh nu tetei pawn an en tih ka hriat hian an ni nupa tluk a nupa fel hi an awm tawh kher hian ka ringlo



Nu tetei phei chuan "Rose-i u" tiin U siami a sawi dawn chuan ati kher zel ka lawm rual rual in U siami leh ka pa tihpui ka tum avangin nu tetei chu a rukin ka hrilh a, ta tang chuan siamtei ati tawh a, ka thil tih tum ah hian nu tetei hian min pui dawn bawk a, tunah chuan pa hnih chiah ni tawhlo in pa thum kan ni ta, ka pi nen ngawt ai chuan nu tetei chu a zei ka ring a, ka pi ka hrilh pawn alo phur ve hle nghe nghe


Nu tetei chuan "ahma khan hrilh che hi ka duh lutuk a, mahse i rilru ka tihnat ka hlauh avangin ka sawi duhlo a, hetiang rilru ilo pu hi ka lawm takzet ani Siamtei pawh i thlang thiam khawp mai, ala naupang a, a kum zat ka zawh khan mama ai hian kum hnih lek in a upa ringawt a, i pa pawn fa ala nei thei ngei ngei ang nau i nei tawh dawn anih chu" ati siam siam a, a tawngkam atang chuan ka pa hmalam hun tur thui tak hi an ngaihtuah pui ve hle tih ka hria a, ka lawm takzet nu tetei chu kuah in lawmthu ka hrilh mawlh mawlh tak anih kha




Ka thiante pawn min duh pui ve hle a ka vanneih zia an sawi chamchi thin Broken king-a lah chuan "i then anih chuan i lu ka tan ang" ati mauh mai bawk a, a tan taktak dawnlo tih hre mah ila Officer-a min duh pui ve emem hi amak ka ti zawk ani




Officer-a nen a kan in kar pawh a nghet in kei ngei pawh hian ka hlimpui takzet a, a upat tawh vang nge pathlawi anih vang a zei in min duat thiam emem a, ka tlinloh na lai tamtak ah min dawhthiam in ka thiamloh lai leh ka tih dik loh lai te thinrim mai lo in zaidam takin min hrilh fiah thin a, akiangah chuan ka thla amauang a, min duatna tawngkam leh a chetzia leh awmdan zawng zawng te hi ka kham ngailo




Vawiin tlai pawh an chhungkua in chaw an lo ei leh dawn a, inrinni anih avangin college kal a ngailo a, u siami nen bazar ah chawhmeh vel lei turin kan chhuak a, t-shirt pa hnih vel lei tel ka duh hrim hrim bawk nen scoty pawh kenglo chuan taxi in kan kal a






Chawhmeh vel kan lei hma in tshirt kan lei hmasa a, u siami leh ka pa te nen a kan hak tur a in ang ka la tel bawk




Keichuan ha lo mah ila pawi ka ti hranlo a, couple tshirt an neih ve hrim hrim kha ka duh vang ani




Bazarpui lam ah kan lut thla a, chawhmeh lah hi lei dawn chuan lei tur reng reng ka hrelo a, ei chak lah ka nei ngailo mahse han siam ila ka ei tui leh emem zel tho a, U siam in min zawh pawh chuan "ka hrelo" tih bakin chhan ngaihna ka hrelo




"I duh duh kha la tawp rawh min rawn duh suh" ka ti a, "anih leh eng sa nge kan lei ang" atih chuan "vawksa , arsa , leh bawngsa" ka lo ti vat a, u siami nui chu ka en reng a, ka sawi sual emaw ka ti hman hial ani



"Kan lei vak ang minlo zui rawh" tiin sa zawrhna lam chu a pan nghal a, a hnung ah ka zui ve vat



Thlai vel chu bag lian te takah ka ak luah a, inrinni anih avangin bazar lah chu a tawt emem mai leh nghal



Ka kal pui tha hleithei der lo min su leng dawp dawp zel a, an chuhhelh hlawm sia kal ve ngaihna reng ka hrelo



Ka bag ah lai chu a zang hawk a, ka hnung lam thei leh thei lo a ka va hawi phei chu Officer-an ka bag ah lai chu alo keng kang vu chu lo niin




"Enge hetah itih" ka ti hu a, nui suk in "a changtunu ka rawn zui" atih chuan ka lo ner kum nang a



"U siami ka ti bo daih" ka tih chuan "siami nen ami in kal" tiin ka bag ah lai chu min laksak in a dar ah a bat ve ngei a, amah a palian ropui sia a hmuhnawm takzet




"Aww. Sa lei kan tum a, a tawt ltk a, ka ti bo" ka ti chuan ka kut ah rawn kaiin "ka kut hi thlah miah suh" tiin min kal pui nghal a, amah a palen vang nge kawng te chu anlo kian sup sup in ka hria




Sa zawrhna bul a u siami ding ka hmuh chuan "sawta saw" ka ti a, Officer-a pwh chuan alo hmu ve aniang min pan pui nghal thuai a



"Awi minlo zui amaw ka tia" in thiam loh hmel zet chuan alo ti a "ka tang alawm" nui sang chung a ka lo tih chuan "bag kha awii.. Khawi ka lo ak ang" ati nghal chul a, Officer-a lah chuan alo phallo nasa



Sa lei tur chuan kan pa thum chuan kan kal a, arsa kan lei na nu chuan "Officer duhawma ini tiraw" tiin arsa sat mawlh mawlh pah chuan ati a, officer-a chhan hma chuan u siami lah chuan anih thu alo sawi zung zung bawk




"I hna i tlin si, i thiam si, i in pe zo bawk si, kan chhungkua hian kan duh teh mai che ania" arsa zuar nu in atih chuan "ka va lawm ve" tiin alo chhang ve nghal thuai a "tu nu leh pa mah hian makpa atan an iai che hi ka ring hauh lo" atih chuan Officer-a chuan "kan la hmu zo ve lo chu anihhi" tiin alo chhang leh mai a





"Nupui tha deuh nei leh rawh" atih leh chuan Officer-a chu ka lo en vat a, nei leh rawh han tih teh tawp chu a




"Nia la nei ve leh ang engtik ah emaw" atih pah chuan minlo melh zeuh a, nuam ka lo ti ve em em ringawt




Chutah arsa zuar nu bawk chuan "kan fanu te hi han duh ve la tha tur M.A a zo chiah a, a sang tha sia, a vun analh sia, kan veng mi te pawn hmeltha an ti thei lutuk" tiin a fanu chu a fak chiam a, officer-a chu a en deuh hau leh nghal a, ka lo ngei ru kher mai




"Fanu tha tak inei anih chu" tiin kan Officer-a lah chuan alo chhang kher bawk nen chu nu lah chuan a fanu chanchin chu sawi nuam ati in kan hriat ngai miahloh chanchin chu kan ngaithla ta reng a




"Nakin ah lo la leng rawh aw, anihloh pwn ka lo len pui ang zawn chhuah i awlsam zawk" tiin polythene ah arsa chu dah in min rawn pe a, min en vung vung pah chuan "i nau te ami" atih zawm leh nghal zat a , "nilo e ka bialnu anih hi" atih chuan inla nei tu tak chuan ka lo en ve nghal hmak a, chunu chu ner sawng in "iva duh naupang ve nauang deuh deuh hi chu neih chi anni lo ania" ati a, Officer-a chhan na pawh ngaithla lo in ka inher a ka kal zui nghal hmak







Taxi stand bul ah ka ding vang a, Officer-an min biak na pawh chhang duhlo in taxi chu ka phar a ka lut zui nghal hmiah




U siami nen chuan an in be mawlh mawlh a, an thusawi hre chak si, hre chakawm deuh a awm hreh si chuan ka mitmei ru reng a, kan mit anin tawn fuh lah chuan rum mangkheng in ka lo melh a, ani lah chu a nui suk duh choh




U siami lo luh hnu chuan kan tlan chhuak nghal a



"Kha pitar tawngtheih zia kha" ka tih chuan u siami chian "adik chiah a zaklo ve khawp mai" alo tih chuan ka pawngpwrh sawt a, ka ngei zia kan sawi taktak mai anih chu



In chhung kan luh thleng chuan ka phun char char a ka pa in a chhan min zawt nghal thuai a, "sawi pawh ka sawi peihlo" ti in ka phun leh nghal a, "i sawi peih silo a, i phun reng tho sia" a ti dam dup a, "ka sawi peihlo lawm" tiin room lam ka pansan nghak daih a, ka pa nui ri ka hriat te chuan ka thin a ti rim zual





Officer-a lah chuan min rawn be miahlo leh nghal a, ka va han be awm biklo tak e aw! Tlai ah chaw ei tur a an rawn kal hun ah pawh ka be lo chiang ngawt ang.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:56 pm

Ve rup mai na! Chapter -35


BY pie sangtei









U siami rawngbawl pawh puih ka duh viau na in kan bawl laklawh laiin Officer-a te anlo thleng hman ang tih ka hlauh avangin ka room ah chuan ka awm ta reng a, hna a bang hma dawn tih ka pa leh pa muanpuia in biakna ka hre ru leh nghal a, ka chhuak dawnlo hi ani tawp





Games ka khel a, ka rilru ah a lut thei chuanglo

Broken king-a chu ka call a, hmeichhia in alo lak avang chuan rang lutuk in ka dah leh nghal vat


Beiseii ani pawn ka hre leh pek lo ani hi midang anei nge maw ni



Engmah hi a fuhlo anih hi vawin hi ah



Games bawk chu ka khel leh a, kan chak tluang phian leh nghal a


Ka start leh chiah in doorbell ri ka hria a, officer-a te an nih leh nihloh ka va en thla dek dek a, Pa muanpuia ka hmuh chiah chuan chhuat ah chuan ka bawk thlawp a



Officer-a a tel ve leh ve loh ka hriat ngei angai ani



Ka bih leh dek dek a, a hnuhnung berah muang chang in a rawn pen lut chiah chu ka zu hmu a, chhuat ah bawk chuan bawk leh nghal vat in ka room lam ah chuan ka bawk vak phei nghal a



Second reilo te chhung lek pawh khan a dress zawng zawng ka hmu hman vek a dum vekin a in thuam a, a pian zawng zawng leh a hmel nen a in hmeh fai vek



Khum ah chuan ka thu ta reng a , min rawn ngaihven loh hlawm em avang chuan ka room kawngka chu ka va hawng dek dek a, Nu tetei in "khawnge Rose-i hi" atih ri ka hre ta, ka pa in sitting room lam ni ngei tur atang hian "a room ah a awm anih kha" alo ti vat a, chu ve leh Officer-a chuan "ka han en dawn mi" atih ri chu ka hre leh hmanhmawh deuhin kawngka chu ka khar a, min hmu tur anilo tih dan tur ngaihtiah chuan ka vei kual sek a




Room kawngka chu hawng leh in hmanhmawh deuhin u siami room ah ka tlanphei a, kawngka pawh chu ka lock chuan lo ka lock anih chuan hetah ka awm an ring vek dawn tho




U siami room ka lut chiah tih in step a pen thawm ka hre zawm nghak zat a, u siami thawmhnaw dah na drawer ah chuan ka lut nghal vat kawngkar lah chu ka la khar fuh theilo leh nghal a, thinphu dup dup chung in ka ngawi ta reng


pen thawm chu a rawn hnai zel a, ka room zawn ah ading chat


Kawngka kik karh karh ri ka hre zawm leh nghal zat a, vawi li vel a kik hnu ah room kawngka in hawng thawm ka hre leh a, a reh ta vang vang ka room ah min zawng ani ngei ang



Minlo call ka hlauh avangin ka phone pawh chu ka silent nghal thuai a, ka hlauhthawn em avangin ka kut lah chu a khur ti tih leh nghal




Minute 10 vel a liam hnu ah a beidawng ta aniag kawngka in hawng ri ka hre leh a, chumi rual zet chuan step a pen thla thawm ka hre zawm nghak zat



Ka bihruk na drawer kawngkhar chu ka khar tha nghal sawk sawk a, ti hi chuan min hmu maimai tawh lovang



Call ka dawng a, ka pa ani , chhang lo chuan ka dah reng a, vawi nga lai alo call hman



U siami leh nu tetei pawh chuan minlo call leh a chupawh chu ka chhang lo


A tawp ber ah Officer an minlo call a, chu phei chu chhang lo chiang tak ka ni


Ka phone chu ka switchoff nghal hmak bawk


Kha pitar khan makp atan a awh em kha va leng sela, innei vel rawh se


"Kan lo leng ang" atih pawn "angailo" te pawh tih ve mai awm ania "tehreng mai lo leng rawh u" tih vel kha angailo ka ngei tlat vawin a awmdan vel kha



Step a pen thawm ka hriat rual chuan ka hmui chu ka hup nghal thuai a , "room a a chhoh atangin ala rawn chhuk lo hrim hrim bike leh scooty chahbi a awm bawk sia" u siam in a ti ri te chu ka hrethei a, min rawn zawn that leh an tum a mawnle



"Aw zawri rose-i alo kal em" u siami bawk chuan ati leh a, ka thiante in a ka kal leh kalloh an va zawt anih hmel ka kal tawp silo a ti rilru chung chuan ka nui var var a,



"Daniel" ti tu chu Officer-a ani Broken king-a hi kan in ah alo kal amawn le



"Khawnge daniel-a" vin zet a ti tu chu Officer-a bawk ani, chutiang tak a, a vin chu ka vawi khat hriatna ani



"Pe rawh tunah" thupe aw zet in ati a, nichin a ka call pawn hmeichhia in alo chhang a, khanu bawk khan Officer-a call pwh saw alo chhang ve ni ngei ang mahse engvang a thinrim emem nge maw anih le...




"Khawnge Rose" bung zet chuan ati a, leh lam ami chuan engtin nge alo chhan ka hre thei bawk silo hriat tum chuan kawngkhar hnaih thei ber chuan ka beng chu ka dawh a, van a arsi lak tum ang mai a harsa ani hriat ngaina a awm lo



"Engmah a thleng lo i hmuh chuan min rawn hrilh ang che" ati leh nghut a, ahma ang kha chuan a vin tawh lem lo mahse a aw ki atang chuan sakeibaknei thinrim ang mai ani thung




An reh vang vang tak avang chuan ka hahdam huai a, mahse ka va hahdam reilo lulai tak em


"Saw saw eng room nge" Officer-a ti ri chu ka hre leh a, ka awm mek na room ani tih ka hrethei




"Ka room ania tah saw chuan a awm lo ang, vawi khat mah alo kal ngailo" u siamin alo tih chuan ka lawm kher mai


Mahse Vanlalbeidawngduhloa chuan "ka enchhin i phal em" ati hram anih chu beidawn ve tawh mai awm ania hehu mai



"Tehreng mai va en rawh" u siami lah chuan alo la ti zui ka van ning tak e aw



Chu ve leh pen thawm ka hre ta, alo hnai zel a, room kawngka zawn ah chuan a ding chat mai



Rawn hawng in a vei kual thek thek a,a thawm atang chuan khum hnuai zawng zawng nen min zawng anih ka ring





"Drawer saw hawn i phal em" ati chiah chu ka thinphu nasa lutuk chu a ri dut dut a, ka thinphu ri avang chuan ka awmna a rawn hriat mai a hlauhawm zawk hial ta ve ang




Rawn phei in a ding leh chat a, a rawn pawt hawng tawh dawn emaw ka tih laiin ka pa chuan "bawia lo kal lawk teh" arawn ti hlauh mai tawi khawmuang tawhlo in Officer-a pawh a kal sawn zui nghal a, ka thaw suai suai thei ka hlauhthawn hman zia kha



Kawngka in khar ri ka hriat phei chuan ka thlanfim chuak te chu ka hru mawlh mawlh a, mahse a rawn in pawt hawng leh rawp a




Ka awmna lam pan in a rawn kal phei zel a, chutah ka awmna drawer chu a rawn in hawng pawp a, a kawr chu phelh in bra nen chauh u siami chu alo ding teu mai



Min hmu thut chu a phu zawk a, "shhhhhh" ka lo ti nghal vat



"Hetah enge itih" hlauhthawn hmel zet chuan ati a, a tawng zawi bawk a midang pawn an hre phak lovang



"An hria ange " ka lo ti nghal vat a, hnung lam chu hawi zeuh in "kan zawng nasa lutuk che" arawn ti leh a, ka lu lo bu zeuh in "hmanhmawh rawh" ka ti a, ani pawh hmanhmawh deuh in thawmhnaw ha sawk sawk in drawer chu a khar a, a khar hma chuan beidawn hmel zet in min en a, nuamlo chu ka ti ve reng..




Drawer a khar fel ta maw tih ah Officer-a arawn lut a, "ka in thak lawk a" u siam in alo tih chuan "ka tihpalh lutuk ka tibuai che em" tiin inthlahrun hmel deuh chuan a ti a, ka lo eilo nasa



"Tibuai lo e , ka zo tawh alawm" u siami pawh chuan alo ti ve leh vat a, "FIR kan theh lut dawn a" Officer an a tih chuan ka lo ip chawih a, FIR tehluh kher enge a ngaihna khawi ah emaw ka leng ani ve mai a, minti mualpho vek ang




"A thiante in ah a leng a niang " u siami chuan lo ti nghal vat in "ka zawt vek tawh vengchhung information ah te puan tir mai chi niin ka hria" Officer-a bawk chuan ati leh a, tul hi ka va han tilo chiang kuang tak e aw hrim hrim ah ka pa pawh anilo a , enge alo buai khuk chiam




"Ka va zawng dawn ami chutiang a tih chu atha pawn ka ring lo anu thlan lam ah te hian a kal nge mawni" tiin u siami chuan Officer-a thil tum chu thulh tir ngei tum in alo ti ve tang tang a, Officer-a erawha ngawi vang vang a, ke pen thawm ka hre zawm nghal zat a, ka lam a lo hnai zel a, ka thin erawh a phu dup dup thung




Chutah a rawn in pawt hawng thuai a, ka hma zawn ah officer-a chu rum ngul hian alo ding a, engtin nge min rawn hmuh theih u siami hian alo signal zawk nge




"Enge hetah i tih" ngainatawm loh zet chuan ati chang fak a, a hmel pawh en duhlo in a pheikhawk ringawt chu ka en ngar ngar a







"Min chhang rawh" atih pawh chuan ka awm dan ngai ngawt in ka la awm reng ka tah lah chu a chhuak emem mai leh nghal a




Chutah rawn thu hniam in a thawhalh a "min tih hlauhthawn zia i hria em" ahma ai a dam zawk chuan arawn ti leh a, ka tah chhuah mai loh nan ka in sum char char





"Ngati nge hetiang hian i awm" ka dar tawn tawn a rawn khawih pah chuan ati leh a, ka la chhang chuang lo ka mittui erawh ka khap per fak fak a



Ka tah chhuah emem na chhan lah ka hre bawk silo a rawn chhuak tawp ani ber




"Duhawm" tih ri ka hriat chuan ka hawichhuak nghal thuai a, ka pa ka va hmuh chuan rang zet a ka awm na atang a chhuak in ka tlan phei a, ka pa chu kuah in ka va tap ta bawrh bawrh a



Ka in sumna a rei tawh bawk a, ka tap chhuak hawm hawm ani ber



Officer-a pawn a ngaihna a hrelo ve ngawt ang keipawn ka tah na chhuan ber hi ka hre tlat lo ani



Ka pa chuan ka hnung ah beng dat dat in "ngatinge bawihte" ati a, a aw tang chuan a hlauthawng ani tih ka hre thei



Ka lu chu thing in ka tap uar sauh sauh a, p muanpuia leh nu tetei rawn phei pawh ka hmu phe ruai mai




"Mama engtin nge itih a" nu tetei chuan lungawiloh hmel deuh chuan ati a, Duhawma vang a tap pawh ka ni ber lo



"Lo kal teh" tiin nu tetei chuan ka pa ka kuah na ata chu min la hrang in min kuah a, ka room lam min pan pui lai te chuan ka la tap feih feih





Khum ah chuan min thut tir in "a chhan han sawi teh le" ati dam diai a, a chhan sawi tur ka hriat loh avang chuan ka ngawi reng a




"Tumah an lo kal lo ang Duhawma khan a hau che ami" atih chuan ka lu ka lo thing a, nu tetei chu thawhuai in "a haulo taktak che maw" ati leh a, ka lu ka lo bu zeuh "ahau che emaw ka ti alawm, anih enge i tah chhan le" ati a, ka ngawi leh ta reng



"Sawi chiloh ani maw" atih chuan ka lo ka lo bu leh zeuh a, chutah rawn nui chhuak hak in ka biang a mittui chu a hru a "fanu ka neilo a, ka fanu ang chiah ini ka tih tawh kha hetia i tap ka hmuhchiah phei hi chuan ka thinlung hi a thleng phak a, ka fanu taktak ang maiin ka ngai che ani, keipawh chutiang a ka awm anih chuan i pa phei chu a mangang in a hlauthawng dawn lutuk ania tap tawhlo la, i hmeltha tak pawh kha a chhe vek dawn ania" ngaihthlak nuam leh dam diai chuan ati a, ka ta chhuak tawhlo a, mahse ka la ngik feih feih




"Nu tete ti tawh lo in nu tiin min au tawh zawk la tiraw" tiin a nui var a, a nui hmel te lah chu a ngainatawm in a tha takzet ani




"Min han au chhin teh le" atih chuan ka tim deuh avangin ka tawngchhuak thei mai lo



Ka kut ah rawn vuan in "hlau suh engmah hlauh tur a awm lo ania" ati a, chuchuan mak tak maiin huaisen na min pe a "nu" ka ti sap "tha lutuk khatiang hlir khan min au tawh ang che aw" tiin ka sam ah chuan a rawn chul a, ka nu laka tang a ka mamawh emem thin chu nu tetei in min pe a, ka mittui chu a rawn luang leh zawih zawih dan tum mah ila ka dan theih rual anilo tah erawh ka tap duh tawh biklo a, ka in sum ngar ngar thung.




Nu tetei nen chuan ka khum ah chuan kan thu dun ta reng a "i pa hi kolkata a doctor a zirlai khan i nu nen hian an in tawng a" atih chuan nu tetei chu ka en vat a, kolkata ah daih an in tawng ani tih ka lo hre ngai miahlo




"I nu khan i pu zokunga (ka nu pa, pa) damloh khan kolkata ah a zu kal pui a, chuta tang chuan ania an in tawn i pa khan a hmuh hmasak ber na atang khan a duh nghal a, i nu kha chu a hmeltha ve em a, a vun a nalh in a nu hnap a, a sam te kha a sei a a dum hlap zel a, a in hmeh thei lutuk" tiin nui var var chung chuan min rawn en a





"Inu te an haw chhoh hnu pawh chuan an in be zui ta reng a, kum khat an in ngaihzawn hnu ah i pa alo haw chho a, i pa muanpuia nen erawh kan innei tawh a, naupang te in kan innei a, chumi tum pawh chuan an rawn leng nghe nghe alawm chaw te an lo ei nghal a" tiin a chawl dat a, an nunhlui te a ngaihtuah ve animai thei tukverh lam chu a melh ngar ngar a,




"I pa a chhuk thlak leh hnu lawk ah i nu khan a pai ta che a" tiin min rawn en leh a, a nui var var a, keipawh ka lo nui suk ka nu leh p chanchin min hrilh tu tur ka nei hi nuam ka ti takzet ani




"Ka chhuk san ang che aw, hahdam la, ilo chhuk ve thuai dawn nia" tiin ka room chu a chhuahsan ve nghal a,




Ka nu ang chiah in min hmangaih thei dawnlo mahse a mitmeng ah khan min lainatna te hmangaihna te ka hmu a, ka tan pawn nu ka lo mamawh emem avangin ahlu takzet ani




Khum ah chuan ka mu thla hnawk a, ka maimitchhin chuan ka pa mangang hmel te ka hmu a, ka thawk a pik ngei mai




Engvang a tap ringawt nge maw ka nih leh zahthlak thei emai



Ka room kawngka in hawng ri ka hriat chuan ka tho nghal thuai a Officer-a ka va hnuh chuan ka zak takzet ani




Rum zet in a rawn pen phei pawk pawk a, khum ah chuan rawn thu in min en ngur ngur a, ka chil ka lo lem khalh




"Ka tihpalh aw" dam zet a arawn tih chuan ka en hau ringawt



Thinrim in min hau vakvak dawn emaw ka ti a, ka lo in ring vek tawh asin




"Ka hlauthawng lutuk a" tiin min rawn en a, ahmel ah chuan a tihtak zia ka hmu thei



"Aho lutuk khatia min rawn hmuh khan ka tah a chhuak thut a, pa muanpuia ten an hau che em" ka ti a, ka thilsawi avang chuan nui suk in "hau lo e" tiin ka sam chu ka beng ah a rawn zep a, ka lo mur sur sur thei




"An hauh loh che chuan a that chu" ka ti leh ringawt a, min en vang vang in "hlauthawng deuhin min siam tawh suh aw" ati sup a, ka lu ka lo bu nghat



A hmel ah hian a hlauthawng hle ani tih ka hmuh hian keimah leh keimah in thiamloh na lian tak ka nei tlat ani




"Min kuah la" tiin a kut chu a phar a, zahthlak thei lutuk



"Ka duh teuhlo mai" tiin lehlam ka lo hawi hmak a, nui suk in "nge keiman" atih rual chuan min rawn kuah hle hle a



A pangtilum in min ur chem chem a , a dar pharh hlai emem mai te chuan thlamuanna tamtak min pe leh ta in sum thei tawh biklo in nghet zet in ka lo kuah let a




Chu ve leh "umm ti khan atha" ati sap a,ka zak duh tawh bik lo a, ka lo nui ver ver ....


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2022, 10:56 pm

Ve rup mai na! Chapter -36


By Pie sangtei



















"Kan chhuk dawn ami kan nu leh pa te kha" atih chuan ka kuah na chu ka thalh nghal thuai a




khum atang a ka tho tur chu "Rose" alo tih sap avang chuan ka thu leh rih a, amah chu ka en kar




"Ka duh lutuk che ani tih hi i hria em" ati leh sap a, a mit ah tak ka lo en kar a, min duh takzet em tih hi ka la chiang bik lo tlat ani





Thla hnih lai in zui chawt tawh mah ila ngaihzawng ka la neih ngai loh avang hian engmah ka hrethiam lo a, mahse min ngaihsak in ka duh leh ka chak a piang min tihsak a tum thin




Ka chhanna nghak chuan min en reng a, a hmel atang chuan a duh ang chhanna a hmu lo anih chuan rilru na tur hmel a put avangin "umm" ka ti ve a, a rilru na tur hmel ka hmu duhlo ani




"Anih nang in" tiin min zawt a, "ummm" ka ti leh ringawt chutah rawn nui suk in "ka fawp thei che ngem?" arawn ti a, amah chu ka lo en deuh ho a, in kiss ka thiam reng reng lo



Ka lam ah chuan rawn kun hniam in ka bek tawn tawn ah chuan a rawn vuan a, alo hnai tial tial a, ka zam tulh tulh


Ka hmui a rawn sik tep ah chuan ka lo namsawn a, mak tih hmel tak kn min en reng




"Englo in kiss ka thiamlo" zak chung chung chuan ka ti ta tawp a, a nui lo a, thinrim hmel pawh a pu chuanglo




"Ilo awm tawp dawn nia" tih leh min fawh a rual a, min fawh dan chu a dam in awmze nei takin a hmui chu a ti che kual vel a, lo dawh tawp chu nuam ka tih bikloh avangin ka hmui pawh thiamlo deuh chuan ka ti che ve a





A chal leh ka chal chu in sik tirin a thawhalh a "i thiam em kha" ati sap a, ka zak ru kher mai



"Ka ta chauh ini" atih leh chuan "ka nilo" ka lo ti vat



Chutah rum lutuk a min melh chung chuan "ngaihzawng dang i nei ami" arawn ti thum dut a, "nei nang" ka tih chuan "athat chu anih chuan ka ta chauh ini" ati leh a, a lawm hmel tawh chiah loh



"Ka nilo ka tih kha" ka ti ve leh a, "pasal hual inei ami" a zawhna chu a naupang chhia in ka nui aza kher mai



"Nei nang" ka tih chuan thawhalh in "thudik sawi rawh" ati leh a, a hmel ka en chuan a rilru a buai hmel takzet ani




"Tu ta mah ka nilo Pathian ta chauh ka ni" ka ti ve leh "hrep tak chuan" tih pah in ka hmui ah bawk chuan a rawn fawp leh a, ahma ang emem in ka zam tawh lo a, Officer-a fawh chu ka chak a, nuam ka ti takzet tawh




Inhnuai ah chuan kan in zui thla dat dat a, Sitting room lam kan pan lai chuan Kan nu leh pa te chuan nui var var chungin minlo en kar a, ka chet dan mawilo lutuk khan min ti zak takzet ani



An bul kan va thlen phei hnu chuan thu mai lo chuan ka ding reng a, Officer-a pawh chu a thu dawn maw tih laiin ka bulah chuan alo ding ve kur a, ka va sik zeuh a, minlo en tih ka mit sir atangin ka hmu thei





"Inneih in duh ami" Pa muanpui an a rawn tih chuan Officer-a chu ka en nghal vat a, ka chetdan mawilo lutuk avang khan ngaihdam dil ka tum ani reng sia




"Nilo.... Chutiang lam anilo" ka tih chuan nui hak hak in "anih eng lam nge? In ding dun reng sia inneih min dil dawn aniang chu ka lo tia" ati leh a, inneih lam daih anlo ngaihtuah avang chuan nuam ka ti chiah lo





"Sawi duh inei ami" officer-a pawh chuan ka bengbuk set ah chuan a rawn ti su su a




"Ihh ka chetdan mawilo tak avang khan ngaihdam dil chu ka tum a" ka tih chuan an nui dar dar a, Lalduhkiman min nuihsawh lai ka va hmu hman hram a, ka zak takzet ani.




Officer-a ka en chuan ani pawh alo nui suk a, ka zak lutuk chuan ka va sik leh a, chutah min rawn kuah thut in "Nu , pa, pa daniel, inneih lam pawh hi kan ngaihtuah tlan vat hi atha in ka hria" ati ta thut mai officer-a chu ka en nghal vat a, mit minlo siai ringawt





Inneih maw? Pasal nei rual ka la ni reng reng lo a hrim hrim ah ngati nge tupawh mai hian inneih lam chu an ngaihtuah emem a, ka dinhmun tur engmah dawn lo in Officer-a upat tawh zia ngawt an ngaihtuah a, ka la naupan zia engmah an ngaihtuah ve silo





Ka pa te awmlai a Officer-a chu hnial ka duhloh avangin ka ngawi reng a, zan ah hemi chung chang vang hrim hrim hian ka bia ang.






"Kan la sawi ho dawn nia" pa muanpuia chuan alo ti vat a, ka pa ka en chuan ani pawh alo nui ver ver a, eng an ti zo ta nge pawh ka hrelo




U siami rawngbawl ka puih lai chuan Lalduhkima chu a rawn phei chhet chhet a, rawn kun hniam thut in " in inneih hun ah ka u dawn miahlo che ania" arawn tih chuan ka melh rum nghek



Ani leh zel in inneih arawn sawi chu ka ngei ani tawp




"Kal mai teh" ka lo tih chuan nui vur vur in a kaslawn ve mai bawk a,



"U siam, ngati nge inneih ringawt hi an ngaihtuah le" ka ti chhuak tawl a , kan in ngaihzawn na ala reiloh mai bak ah kan la in hre chiang lo emem a, ka pa leh pa muanpuia thian annih avang ngawt a inneih an hmanhmawh ni te hian ka hria ani




"In hun ve tawh alawm" u siamin alo tih chuan "Officer-a te chuan hun tawh e, keiman ka ka hun ve hleinem" ka tih chuan "Rose, ka hunlo itih lai khan Officer-a hi midang in nei daih ta se ani ang hmeichhia zawng zawng te dream thin mipa hi i chan daih dawn asin" ati a, ka ngaihdan ala ni chuanglo



"Kum khat em pawh kan la in ngaizawng lo a" ka ti chuai raih a, kan pa hnih in kar a rik ret ret atang phat in inneih ngawt an rilru a a awm nghal hi ka ngaihdan ani tawhlo




"Khuanu ruat te chu kum 1 emaw kum 5 kher inngaihzawn angai hleinem thla khat lek in ngaizawng a innei ta pawh an tam alawm" atih chuan dik ka ti leh tho bawk si




"Mahse ka pa hi ka kalsan thei lo ang a khua ahar dawn lutuk nang in pasal ineih bawk phei chuan " beisei nei deuh chuan ka ti a, u siami erawh a ngawi reng thung




"U siam" ka tih chuan minlo en vat a, "englo ka pa hi i duh zawng ani reng reng em" ka tih chuan a hawi kual nghal thuai a, chutah thawhlah in "ngati nge chutiang te min zawh " zawi te chuan ati a, nui var var in "ka nu nih i hrehloh chuan ka nu ni daih mai la" ka tih chuan ka chal chu a rawn khawih a "i khua a sik bawk silo a" ati sap a, ka nuih aza ru ang reng kher mai



"Mawhh" naupang chhia zet a ka tih chuan "i a lutuk chutiang ngaihtuah tawh reng reng suh" ati deuh hmuk a, ka pa chu a duhlo tihna ani maw





"Pasal ka nei ngam dawnlo anih chu" amah ngaihsak lo deuh chuan ka ti sap a, ka mitmei ru zeuh zeuh tih erawh a hmu hauhlo ang




"Rose, i pa te chu tu pawn an duh ang chu mahse" a chawl dat a, a chhanna ngakin ka lo en kar thung





"Enge mahse" a ngawih rei tak em avang chuan ka lo ti thuai a



"Pa daniela hian min duhlo ang" atih chuan ka thawhuai thei u siami chuan a hnar lo tih ka hre chiang tawh a, tunah chuan ka pa chiah ani ta, zanin ah a bul ah ka riah ngei angai ang




"A hriat ngawt loh ania, ka awm hi" ka ti chuan "engthil mah tih tuk miah suh a zahthlak" alo ti nghal thuai a, ka lo nuih liam mai thung





"Roseprmawi ka zahna tur engthil mah ti suh ang che" ala rawn ti hram a, a ngaih that nan "engmah ka ti dawnlo" ka lo ti vat a ngaih erawh a tha chiah lo tih a hmel atangin ka hre thei





"Room ah ka han chho lawk" tiin thawh ka rual a, u siami ang zuau chu ka hmu hman a, mahse engmah a sawi hma in ka kalsan zui nghal





Hlim deuh in room ah lam pan chuan ka chho a, ka pi ka hrilh chak tawh lutuk a, ka hrilh vat lo anih chuan ka puak keh thei mai ang




Room ah lutin ka pi chu ka phone nghal thuai a "pi news ka nei" call alo chhan rual chuan ka lo ti nghal vat a



"Englam nge" ka pi pawh chuan beisei nei deuh chuan alo ti ve bawk




"Pi u siami ka bia a maw u siami chuan ka pa chu a duh a, kan buaina ber chu ka pa hi ani tawh" phur deuh chuan ka ti a, ka pi pawh alo phur ve khawp mai



Ruahhmanna kan siam mek laiin ka room kawngka a rawn in kik karh karh a, lo lut tur a ka tih chuan nu tetei chu nui vat var in alo lut a, ka thaw huai mai




"Nu tete lo kal rawh" ka lo ti nghal vat a, kan pa thum chuan ro kan rel leh a, mahse engmah kan rel chhuak lo



A tawp ah zanin ah ka pa bul ah ka riak anga chuta ka sawipui tur chuan thu kan ti tlu leh ta ringawt a, ka huphurh viau na in ka phur tawh hle bawk




Ka pi nen a kan inbiakna kan tih tawp hnu chuan nu tetei chuan "ka be lawk duh che a" atih avangin a bul ah chuan ka va thu a



Ka kut rawn vuan in "Rose ...Mama nen a inneih hi enge i ngaihdan ni ve reng reng" ka rinloh lutuk thil a sawi avang chuan ka hamhaih hle a, chhan mai dan tur pawh hrelo in hnuailam chu ka bih ngar ngar a





"Ka thusawi vang hian min ngei mai thei naupang i la inti tih ka hria a" tiin a chawl dat a, rawn sawi zawm leh in "i pa muanpuia nen a kan ineih hian kum pawh ka la tling lo hrim hrim a" ati leh a, chupawh chu lo nise ngati nge kan in ngaizawng ve choh a innei tur a min tih nghal nachhan hi ka hrethiamlo





"Mama hian nupui hmasa anei tawh tih ilo hriat tawh tho ka ring a, a nupui hmasa nen khan kum li ngawt an innei a, fa erawh an nei lo mama lah a tha vek a, Mazualtei pawh atha chu an tia doctor te pawn in danna te alo ei thin nge pawh ka hrelo" tiin rilru nat hmel deuh chuan a en ngai a en ngar ngar a





"Mama hnen atang chuan i hriat ka ring hauhlo a mahse hria la ka duh avangin ka hrilh ang che Mazualtei kha a uire a, a thianpa nen khan a rukin anlo chesual dun fo aniang Mama khan a man chhuak a, a man chhuah dan tak pawh kan hnen ah a sawi duhlo khata tang khan hmeichhia hi ngaihzawng ang in tumah a en tawh ngailo nang ilo lan hma zawng kha chuan " ati leh a, a fapa a hmangaih zia leh a fapa natna a tawmpui zia a mitmeng leh awm dan engkim atang chuan alang a, keipawn ka lainat takzet ani




"Kan hma kan sial pawh iti mai thei mahse Mazualtei vang a a natna kha a nasa em a, mipa meuh si kha ka mal chung ah a tap chhuak hial ani, khatiang a awm kha apa nen a hmuh hi kan hreh tawh em a, nilo kan duh tawhlo zawk Daniela fanu ilo ni ve kher bawk nen chan che hi kan duhlo ani" a tawhalh a, chutah ka mit ah tak min en chung in "pasal atan chuan i nei thei mai lo em ni" ati leh a, pathlawi anih vang hian ka iai reng reng lo pasal nei tur hian ka la in ring tawk lo ani




"Min chan dawn hleinem kan in then dawn tihna pawh anilo a" ka tih chuan "nilo kan hmalam hun hi kan hrelo a, eng emaw thil vang a inthen pawh thilawm thei ani" atih leh chuan chhan dan tur pawh ka hre tawhlo



Kei hian pasal ka nei anga maw?


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)