Ka Vawk Pu BY Lalcyi Renthlei Euricka-Era (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Ka Vawk Pu BY Lalcyi Renthlei Euricka-Era (Completed)

Unread post by Ngaia » October 9th, 2022, 5:43 pm

Ka Vawk Pu



Chapter 25:




"Hriatpui,rooma inkhung reng lo khan lo chhuk vat rawh.Chaw ei dawn hian koh i ngai ziah mai"ka nu pawh a zaidam rei thei tak tak lo.A pawi lovah ngai mai teh ang,kum thum chhung,zaidam a zir ve hrâm hrâm a,a in zir chhungin ka nau pawhin an graduate san daih.A thiam thei ngang lovah ngaih sak mai ang.







Inhnuai ka chhuk chu,Duhzuala leh Austin te chaw ei dawhkân kilin an lo ṭhu ve luau mai."Zing zingah,engnge tih in tum leh tak"an bula ṭhu thla chung chuan ka ti a.






"Lui kal kan tum leh a,kan ṭhuam ṭhiani hian a phal silova,vaivakawnah pangpar dawr kan nghak dâwn"Austin chuan lo ti nghal in,ka nu hmuh theih turin a phui a ti pawrh tarh a.Ka nu lah chuan Austina hmui tih pawrh chu lo ṭhuai sak in,"lui dung vela kekawrte mawng pawp nena zuk vah vaih ai chuan pangpar bulah ṭhu tum luau ula a ṭha zawk"lo tih sak hlak in,chaw a rawn khawrh nghal a.






"Rose pawh a vul lai a chuai dâwn ṭan.Nula senior ani ve ṭan der tawh"Dinpuia'n tiin Duhzuala alo nui phuh ṭhawt mai."Daidep tak ngial pawh that ngam lo hian,ka in la Mafia e in tia,in khabe hmul in zuah thul.Khatiang te chuan nupui pawh in hmu zo ve dâwn em ni?"Dinpuia ka chhan hma chuan ka nu'n alo ti leh hlak hlak a.Tukin chu, Duatlaii'n a duat vak lo aniang,a ân a kal tlat.






"Rose,vawiin i off kha,dâwrah lokal ve la"Duhzuala'n a rawn ti ve khauh mai."Kan spicnic dâwn"nui var vara tiin ka kham san a."In siam ka ngai,lo seng fel mai ru,in in daih tho"tiin inchungah ka chhoh san leh ta daih a.






Ka insiam laiin Apuii call a rawn lût a,"Ka nghak tawh che ania.Hmanhmawh ve deuh la"leh hlak hlak chuan,kar hmasa aṭang a sawi tawh,a phûrthak mai bawk sia."Aw ka hman ṭep"ti a ka chhan rualin Saizami call a rawn lut leh a.Apuii chu dah tîr in,Saizami call chu ka la ta a.






"U Hriatpui,mumangah ka hmu nasa lutuk che.Luiah in kala,U Faka pawh a tel,i ṭhiannu a tla hluma.Mang ngai ka mang nawn tluk tluk mai.Luia kal lo turin fîmkhur rawh aw,i ṭhiante pawh hrilh la"a aw aṭang chuan a thla a phang hle tih ka hre thei."I vei lutuk anih kha,engmah a thleng lovang"tiin ka lo hnem ve bawk a.Vawiin kan picnic na tur hi lui anilo hlauh a,ngaih ṭhat lohna em em pawh ka nei lo.






"U Hriatpui,ka u nen in la in be miah lo em ni?"thu dang daih min zawh leh chuan ka dang a ti awk zo leh vek tawh.Kum thum lai kan in be tawh lova.A chanchin hriat tumin vawitam detective Zara pawh ka zawt tawha,a biak theih bik loh thu hlirin min chhang a.Saizami lah chuti bawk,dawt an sawi ka ring êm silova,a chhûngte pawh be lova chuti chen chen a reh bo hmak chu ngaih ṭhat lai ka nei ngai lo.A ni telin ka ngai tulh tulh mai si a,min rawn biak hun châng in zan rei tak tak thleng ka nghâk a.Beisei bo ah an chang zo zêl si a.






"U Hriatpui,a la rawn be bik lo che animaw"a rawn ti zuai leh raih mai."Aw,be lo,kei min be lo chu ka hrethiam.Mahse a chhûngte pawh be lova kum thum lai a awm thei chu ngaih a ti ṭha lo ê"ka ngaih ṭhat loh thu hi khang kum liam ta chhung khan ka van sawi ngun tawh tak em.






"Zarzoliana hian a hriat ka ring,ka lo dawp nawn leh ang.Ka biak theih chuan ka lo hrilh dawn che ania"tiin call a cut nghal a."I ṭha em?"tih tal chu hre thei ila ka awm a nuam ve deuh tur,vawk pu kha ini miau a,i awmna hmun apiangah,hlimna thlen tu i ni zêl ang.Mahse ka ngai ṭhin che,ka Hrangchhuan,imi ngen ang ngeiin ka mangṭha thei lo che chu anih hi.







"Rose,ila insiam zo nange"Dinpuia'n a rawn tih chuan ka harhchhuak zawk a.Ka bianga mittui lo luang leh ringawt chu hru hul in,ka in siam chhunzawm leh nghal a.






Dreamland resort a kal tum kan ni bawk a.Fakzuala carah ka chuan ve theih dawn avangin,ka scooty pawh keng lovin,Apuii te in thleng Dinpuia ka in thlah tîr ta ngawt a.






Fakzuala leh Apuii te chuan an kawtah min lo nghak reng tawh a.Couple tshirt an la ha zuia,an inla choco pie ania."Kan mawi em?"Apuii chuan alo ti nghal zat a."Choco pie"ner nàng chuan tiin carah ka lut nghal daih a.






Kan tlan chhuak chiah tihah Dr.Zorina'n min lo call a.Ni tak,a lokal ve dâwn tih ka theihnghilh daih,a morning wish pawh ka chhang silova a thinrim ngawt ang.






"Duati in lo chhuak tawh em?"ka lak rual chuan a rawn ti nghal a."Mmm kan chhuak chiah"ka ti zawi sap mai.Apuii chuan min rawn nuih var var lehnghala.





"Awle,a hmunah kan in nghak mai dâwn ania aw.Rawn tlan chak lutuk lo ula"a tih zawh rual chuan chhang tawh lovin call ka cut daih a."Thei thlawt lo em ni?"Apuii'n a rawn ti nghal,ka ten zia hrechiang tu ania,sawi kher ngai lovin alo hrethiam nghal mai zel.





"Vawk pu kha a zûn a uai a nat na chhan ka hre tawh asin"Fakzuala chuan a rawn ti khauh mai.Apuii nen chuan kan melh nghal hâw a.






"A sam a kir,sam kir zûna uai ana an ti alawm.Tangkeui pawh pathlawi samkir zûnah a uaia,khuahkhirh pawhin tukverh aṭangin an lo in chhawrthla hman zel tho"huizzz a zawhte upa deuh chanchin bawk a sawi leh tawh.Non-mihring ho hi engtikah nge mi pangngai an nih ve ang le.






Tukverh ka hawi chhuah rual chuan 'Euricka Hotel' lian tak chu ka thlîr zui vawng vawng a.Tah sawn vawk pu chauh ni lo,kan pahniha kan sûlhnu a châm a,a châm hlen kumkhua tawh ang.






Kan tlan zêl a,ran damdawi zawrhna ka hmuh rual chuan,Duatlaii damdawi tur ka nu in min chah ka hrechhuak zawk a.Kan haw hun tur a hriat si lova,an lo inkhâr hman hlau in motor chu ka din tir a.





Hmanhmawh takin dâwrah chuan ka lut a,Duatlaii chaw ei tuina lei sak in,a saruh khel tur ka lei sak bawk a.Apuii'n min rawn phone in,motor park an phalloh avangin a piah deuha min nghah thu alo sawi a.Ka thil lei man ka pêk hnuah in khai bawr chungin,Apuii ten min nghahna lam chu ka pan ta a.






Ka hmaa vawk damdawi keng a hmanhmawh taka kal lawp2 ka hmuh chuan ka ding dat a.A hawi her,a kaldan thleng chuan hriat chhuah ka neiin mitthlaah a rawn lang nghal a.






Amah ani tiin ka um zui a."Rinzam"tiin ka kuai her dawrh.Ka nui hmel chu ṭahnaah changin,"min hrethiam rawh"tiin muang changin ka kalsan a.





Kan pahniha kan chawlh fo ṭhîn na Euricka hotel-ah chuan lût in,inchung chhohna tur step bula thlalak frame mawi taka an tar chu en in,"Engtikah nge I lo haw dawn?Ka nghak rei tawh lutuk che"tiin ka phun chhuak sapa.






"Hriatpui,i dam ṭhin maw?"ka hnung lama detective Zara rawn ṭawng ri chuan min ti phu zawk mai.Nui var var chunga hawi lêt in,ka ṭhat thu chuan ka chhang a.Vawk pu thlalak chu a en ve vang vang a,"Zams,a ngaihawm tawh tiraw"zawi tak hian a ti chhuak sup a.Ani pawhin a ngai ve ngawt ang,a ṭhian ṭha ber ani si a.






"Tih tur dang ka la nei sia,ka kalsan phawt ang che.Lo in enkawl ṭha rawh aw"tiin step-ah chuan min chhoh san a.Vawk pu thlalak chu en leh in,"I ṭhianpa pawhin a ngai tawh che,Pahlira pawhin a nghak thleng zo lo che ania aw"ti leh sap in,kawngka lam pan chuan ka kal leh ta a.






Ka chhuah hma chuan thlang lam bathlâr bula ṭhut na awm chu ka thlîr leh vang vang a.Saw tah sawn,blind date nei turin ka ṭhiannu ai ka kal a.Mi mawl tak,ka thinlung zawng zawng nei vek tu ka tawng ta anih kha.Kei min hriat tawh loh pawhin,kan sûlhnu tal chu a theihnghilh bik êm lovang chu maw.Peter Pan i neverland chu kalsan Iva hreh awm ve,i Chawngmawii hian a nghak rei tawh lutuk che ania.






Ka phone rawn ri chuan ngaihtuahna ram ata min ti harh zawk a.En chiang mang lo chuan ka chhang ve mai bawk a."I rei lutuk,kan tlai dawn"Apuii a rawn ṭek leh tawh."Aw kalo kal"tiin phone ka dah a.






Hotel aṭanga ka chhuak chiah chu ka thil khai na a rawn peh thut a.Duatlaii thil ka lei sak ho ka thlauh vek."Buai bik reng mai"ti a phun chhuak sap in,Duatlaii thil, leia tla nuai chu ka chhar khâwma.Sarangah chuan khung khâwm leh in,Duatlaii saruh khel tur ka lei pakhat chu mi pakhat hian min rawn chhar sak a,amah pawh en lêm lo chuan ka lo ban ve mai bawk a.A kal leh tur chu a faifuk pah a,"vawk pu" in ka hriat reng tura atih,ama faifuk ngei min thawn kha ani tih ka hai lo.A pheikhawk bun ka hmu hman hlauh a,mawza a bun miah lo,vawk pu tiin ka phun chhuak nghal a.Ka hawi chhuak nghal vat,mahse Hotel chhunga lut tur midang an lokal ve mek a.Dingdihlip chungin mi pakhat coat fual haa hmanhmawh taka kal liam chu ka hmu hman a.







"Vawk pu" ti a ka pan mek lai chuan motor horn rawn ri tuar in,"Lo lut vat rawh"Apuii'n a rawn ti nghal a."Hriatpui,hmanhmawh rawh"a rawn tih nawn leh takah chuan vawk pu ni ngeia ka hriat kal liam na lam thlir chungin motor ah chuan ka lut leh ta a.






Glass ti hniam in,ka hawi chhuak leh nghal a.A kal liam na lam chu a hmuh theih chhung zawng ka thlîr char char a.





"Ka tello chuan kal tawh suh ka tih che kha"Apuii'n a tih chuan,ka khi sak a."Vawk pu ka hmu"ka ti zawi sap mai.





Chek hlak hian,"i hmu sual leh tawh aniang,lo haw se chuan keini pawhin kan hmu em em ang"atih chuan mittui a rawn hnai leh der tawh.Ka ṭah chhuah loh nan ka in hum ruh ngar ngar a.






"Chuti taka i ngai anih chuan,a zawhte tura ka dah hran ka pe dâwn che ania"Fakzuala chuan lo tiin a khi sung lehnghala.






"Bawih,kum thum ani tawh,hma lam pan tum ve tawh rawh"Apuii'n a tih leh pawh chuan ka thinlung hian kum a chhiar lo.Nimin lawka thil thleng ang maiin ka la ngaia,a hlui thei tak tak lo.







Resort chu kan thleng a,Dr.Zorina leh kan thawhpui ṭhenkhatte an lo thleng kim vek tawh a.Motor aṭanga ka chhuah rual chuan Dr.Zorina'n min lo pan vat in,min kai hrang nghal daih a.





Swimming pool bula ṭhutna an siamah chuan min ṭhut puiin,a zei lohna ti famkim tûrin nihawichi a rawn phawrh chhuak leh tawh.Tui cheng ho thlir chungin ngawi rengin nihawichi chu kan chip dun leh a.Phone ah hi chuan thil a sawi huaiin,fiamthu pawh a thawh nasa ṭhin.Mahse hmaichhana kan in hmuh hi chuan sawi tur hre lovin a ngawi leh tlat zel.






"Hriatpui,sawtah kal lawk ang u,hmun nuam deuh ka hria"Apuii chuan kan bula rawn kal in a ti a.A mitmeng aṭang chuan he kan mi zeilo pa lak aṭang hian min chhanchhuah a tum tih ka hre nghal a.





"U Zorin,min lo pui lawk"Nurse Marini'n alo ko ve chiah bawk a."Ka lo lêt leh vat ang"tiin hmeichhe ho pui tur chuan a kal a.Apuii nen in en in kan nui nghal var var a.A awm loh lai chuhin,Fakzuala motor chuan kan tlan san leh ta daiha.





Apuii'n hmun nuam a tih kan thlen chuan,a dai nuam in,tu vak mah an awm bawk silo nen ka hahdam ve sawng sawng mai.





Lui kamah chuan ṭhu in,nalh taka thlalak dan kan hriat zawng zawng thawh khawm in thla kan la nasa ngang mai.Apuii hlim lutuk,nui hawr hawr reng chu,engtin emaw tak hian ka rap deuh thut.Mahse ka ṭhiannu ania lawm tiin,in thing harh in ka nuih pui ve ta zawk a.Fakzuala'n a motor aṭang ei tur a rawn la bawk a.Lui luang ri leh sava hrâm thawm ngaithla chungin,kan ei tur ken chuan kan in hnawh puar a.






"Ka va in chiah dai lawk,in ei zawhah lokal ve ru"Apuii chuan tiin lui lam pan chuan a tlân nghal a."A thuk lai dai suh aw choco"Fakzuala chuan alo ti nghal bawk a.





"Hei hi ania,kan vawk pu zawhte tur chu"tiin a phone a thlalak chu min en tir a."A mit a kalh anih hi"thlalak en chiang chung chuan ka ti a.Lo nui hawk in,"mitmeng kraws pu tal ka pêk loh chuan,meidil aṭangin Faka tui min lo pe teh ati mai dâwn asin"nui suk suk chung chuan a ti a.



Zawhte mit kalh pawh a hmu kraws vek ania,hepa hi Kalvari zûnah alo uai tak tak anih hi."Ka nau nen kan lo lam dâwn ania.A thlalak kha min lo thawn ve"tiin ka nui sang a.





Eng sawi lovin a zawhte thlalak chu min lo thawn ve mai bawk a.Vawk pu chanchin ka ziah pawh chapter tawp lam ka kai tawh sia,a zawh te thlalak hi dah tel ila a ṭha ang ti rilru chungin status ah chuan ka hmang nghal bawk a.





"Choco chu ava reh ta ve"Fakzuala'n a tih chuan Apuii kal na lam chu ka hawi nghal vat a.Thil ṭhalo thleng tlata hriatna in min zêm nghal a, phone dah in,lui lam pan chuan ka tlân ta nghal a.





Fakzuala pawhin min rawn tlân pêl in,"choco"tiin a au nghal a.Lui kan hmuh theih chinah chuan Apuii hmel reng reng hmuh tur a awm lo.





Ka mangang lutuk chuan tui chu daiin,Apuii hmuh mai in ring chuan ka ko ta chiam a.Fakzuala au ri bak eng thawm mah hriat tur a awm loh avâng chuan ka ṭap pur tawh mai.





"Hriatpui,midang phone la,khu lam ah khuan keiin ka lo zawng ang.An rawn thlen hunah chanchin lo hrilh bawk la aw"tiin lui mawng lamah chuan a tlân chhuk a.Keipawh hmanhmawh takin ka phone dahna lam ka pan nghal a.





Ka mangang tawh lutuk chu ka tha te khur vek in,ka phone pawh ka hawng hleithei lo.Ka awm rawn tawt leh ṭhin chu chum dat dat in,thawk ka la leh a.Phone ka hawng ve thei ta.Dr.Zorina ka be nghal a,kan awm na lai hrilh in rang taka lokal tur chuan ka ti chûl a.






A thusawi pawh ngaithla tawh lo chuan lui kamah dingin Apuii ka ko leh vak vak a.Ṭap chunga ṭawngṭaiin,a hmel min hmuh tir tur chuan ka dil ta ngat ngat mai.






Ka ṭawngṭai lai chuan,"Hriatpui"Apuii aw ka hriat rual chuan ka meng nghal a.Ka bulah chuan tumah an awm bawk silo.Apuii ko chung chuan tuiah chuan ka lut leh a,in ngaihtuah harh thut in,"dam lai hmel hmuh tum zâwk tur,ala thi lo"tiin ka in thing harh a.Luikam khawi emaw lai velah hmuh mai in ringin ka kal kual leh a.






"Duati"Dr.Zorina aw ka hriat rual chuan ka aw hriatna lam chu ka pan leh ta a.Kan thawhpui te ho pawh an lo thleng kim vek a.Apuii kan hmuh loh thu ka sawi chuan,tui thiam ho in zawng tûrin luiah chuan an zuang lut nghal a.





Rei fe kan zawn hnuah,lui mawng lam aṭang chuan Fakzuala'n Apuii chu chau tak hian a rawn pawm chho a."Ala dam"tiin ka pan nghal vat bawk a.





Mahse Fakzuala hmela beidawnna ka hmuh rual chuan ka ding chat a.Midang chuan lo pui nghal in,luikamah chuan an mut tîr a.Apuii nunna chhan tum chuan an bei nghal char char a.Kei erawh ngawi rengin an bulah chuan ding in,Apuii chu ala dam ani tiin ka in hrilh mawlh mawlh a.





"Kan tlai"Dr.Zorina'n beidawng taka a tih chuan a awmah ka ṭham nghal a."Kan tlai lo,chhan chhuak ta che,kan la tlai lo"tiin ka vin tuar tuar a."Duati,a pawi ka ti lutuk,kan tlai hret ani"hrehawm ti taka a sawi chuan nam sawn in,Apuii chu kuah in,ka ko nghal a."Apui,harh rawh,haw a hun tawh ania"tiin tih harh tum chuan ka sawi nawk nawk a.



"Choco,ala hun lo,i hman hnawh lutuk"Fakzuala'n ṭah chhuak in sum taka a tih pawh chuan,Apuii chu ala dam tiin ka la in hrilh fan a.





"Haw pui ang u,khua a thim hma hian.Duati in ti harh la,a chhûngte be rawh aw"Dr.Zorina'n tiin ka phone min pe nghal a.





"Apui,kan haw tawh dâwn,harh tawh rawh"tiin a chhungte be ta lo chuan Apuii bawk chu ka buaipui leh a.




Fakzuala chuan in ti pachangin,Apuii chhûngte chu a be ta a.Ani pawhin sawidan tur a hre bik lo,harsa ti tak chuan Apuii tui tlak thu chu a sawi thei hram a.





Fakzuala motor ah chuan kan zâwn lût a.Fakzuala'n motor a khalh theih an rin loh avangin,Dr.Fela'n a khalh ta ngawt a.Seat hnungah chuan Fakzuala nen Apuii chu ṭhut puiin,hrilhhai tak chuan kan koh loh leh kan en tlawk tlawk a.





A hnar aṭanga tui rawn chhuak te chu lo hruk sak in,a harh leh mai beiseiin ka ko awl lo bawk.




"Choco,min tih der tiraw,dawt ka ngaina lo tih i hriat kha"Apuii ke pawm chung chuan tiin,a ṭah loh nan a in hum ruh ngar ngar bawk a.





Lo ṭhu khawmuang lovin,lo zui ve che ila,tun hi kan thleng lo tur.Apui,i ṭhiannu mawl tak hi min ngaidam rawh aw.Lo harh leh in,min hau leh bawrh bawrh mahla engtinmah ka ti lovang che.I tello chuan engtinnge in chhûngte ka hmuh ngam ang.Apui,i hre thei tiraw,i pie pawhin a koh lawm lawm che hi,i pie hi a choco tello chuan a kim dâwn lo asin.







Apuii te in kan thlen rual chuan a nu leh pate an lo chhuak nghal a.An fanu an hmuh rual chuan ṭap nghal in,an fa neih chhun,an ro hlu ber,ṭap chunga inchhung an luh pui chu,thinlungah ka lo nat pui ve vawng vawng a.





Hnem thei bîk ka awm lo,ka ṭhian neih chhun ngawih ngawih.Ka taksa pêng ang hiala ka ngaih,engtiklaipawha min buaipui ṭhin tu,a mangang au rawl pawh hre thei lo khawpa ka awm chu ka in haw ngawih ngawih.Apui,i hlau thawng ve anga,mangangin ṭanpuitu i zawng ngei dâwn si.Engtinnge i ṭhiannu hian ka hriat loh theih.Ana em mai,Apui,in kan thleng tawh ania,i muhil rei mah mah ania aw.








Ka nipui chu a her liam ta,thlasik chuan lunglênna a rawn kai tho leh anga.Mi pangngai ka nih ve theihna,ka khawvel nun nuam taka min hman tir ṭhin tu ka ṭhian,i tello chuan keimah hi keimah ka ni zo dâwn lova.Kan hun hman dun zawng zawng te kha,hriatrengnaah a chang zo dâwn ta maw.Vanah chuan ṭhian thar tam tak i han nei leh ngei anga,khawvel hrehawma,khawhar taka i hnutchhiah i ṭhian hian vân angel te ka thik rum rum mai.Lo lêt leh i tum miah loh danah i awmna chu a nuam ngawt ang tiraw.Ka lo haw ve hunah chuan i ṭhian thar tawn te bulah,hei hi ka ṭhian ṭha ber tiin min lo lawm ang che aw.














Apuii boralna pawh kar khat lai a liam ve ta.Ngai kala awh thei lova,ka hna pawh chawl rih in,ka room ah ka in khung nitin ta ringawt mai.






Fakzuala nen pawh ka ṭhiani boral aṭang kan la in be miah lova.A tuar ve ngawtin ka ring.Ka ṭhiani la dam se chuan kum tawp lama in neih an tum ve kha ania.Mahse chunglam rorêl dân kan hre lawk silova...





"Rose,chhuak thawveng ang hmiang.Boruak dang dawn te hi a ṭha ngai"Dinpuia'n ka room a lo lût in a ti a.Ka room pawh chhuah san peih lo hian boruak dang hip chu ka peih a ring rêng rêng emawni.





"Ti teh Rose,U Apuii chu hei aia hmun nuam zâwkah a kal tawh.In ti harh la,hmun nuam deuhah ka hruai ve ang che.Thawnthu te pawh i ziak thei maithei asin"tiin dressing table hmaah chuan min nawr phei a.Ka sam min khuih sak in,a thiam ang tawk chuan min ṭawn sak ve a.Ka hmai chei a tum chu lo phal lovin,wipes chuan a bal zualpui ka hru fai ta ringawt a.






Ka lehkhabu leh pen rawn la chhuak in a bag ah chuan a ak nghal a.Ka thawmhnaw bâwm a hai leh a,cardigans rawn phawrh chhuak in,min hak tir bawk a.Ka peih lo chung chung chu min nawr chhuak in,a bike lâk chhuah sa chuan kan tlan chhuak ta a.






Khawilam nge min pan pui dâwn ka hrelo.Ngawi rengin a hnungah chuan ka ṭhu mawl ve tawp a.Rei fe kan tlan hnuah Resort pakhat,hmun fian rial takah chuan min luh pui ta a.




Chawlhbuk tê,a chhawnga an sakah chuan chuan min chhoh puiin,kan piaha tlang lo cham duai chu thlirin ṭhut hmun ka rem ve ta a.






"Fianrial i duh takin,a thlang lamah khuan ka lal dawn ania.I haw duh hunah min lo call mai rawh aw"tiin min chhuk san leh ta a.






Ka awmna piaha tlang lang chuan lung a ti lêngin,rilruah chuan thu a rawn lang nghal tup tup mai.Ka nau bag min hnutchhiah chu hawng in,ka lehkhabu leh pen chu ka la chhuak a.






Rilru a thu lo lang apiang chu ziak chhuak zêl in,phêk keu tham ka ziak tling leh ta der mai.






Chutia tui taka ka ziah lai chuan ka chhak lawk aṭang faifuk ri ka hre ta a.A tirah chuan ngaihsak duh lovin ka thil ziah laiah chuan ka rilru ka sâwr bing hle a.





Mahse!!!.......





Ka ngaihthla chianga,vawk pu fai fuk ri ngei ani.Ka hawi chhuak nghal a.Ka awmna chhak lawk bûk te ah chuan ka thlîr ang tho,kan piaha tlang cham duai chu thlirin,lunglên hmel tak hian a faifuka.






A faifuk chauh nilo,a sam kir dan leh a tukhum aṭang ringawt pawhin vawk pu,ka Hrangchhuana ngei ani tih ka hre thei.





Ka thil ziah lai chu dah rawk in,ka awmna aṭang chuan ka chhuk a.Hmanhmawh takin vawk pu awmna pan chuan ka tlân a.Buk te luhna tura leihlawn an siamah chuan tlân chho in,ka thleng dawn chiah tihah chuan Ka hmanhmawh luatah thingah chuan in pal in,vawk pu hma takah chuan ka tlu bawk khup thlawrh a.





Ka ban ka vaw bawk nen,ana lutuk chu tho ṭha thei lovin,muang chang chuan ka in beng kâng a.Thaw hlawp hlawp chung chuan ka in beng fai nghal nawk nawk a,ka hmaa faifuk tawp chata min en reng tu chu zak ru tak hian ka en ve nghal a.





Amah ngei ani.Amah lo hi vawk pu dang reng reng an awm lo.Ni tla tur kawl êng chuan a hmel rawn chhun in,ka ngaih em em ṭhin,a mit meng de sar chuan mak tih hmel tak hian min lo en reng a.






"Vawk Pu"mumang mai anih hlau taka chiang taka en chung chuan ka ti fiah kâk a.




Min chhang lo chuan hamhaih tak hian min la en reng a.Thawk la leh te te in,"Hrangchhuan"tiin ka ko leh a.




A lu thing nawk in,a biang sum langin a nui leh suk a."I dam maw?"alo ti zawi ve sup mai.





Ka mumang mai anih hlau in ka hmai chu ka beng leh a.Na ka hre thei,mumang anilo tih hria in,"I dam maw?"tih min zawhna chu a hnên aṭanga hriat hmasak ka in beisei loh lutuk avâng chuan chhang lovin ka en ta reng a.







"Hriatpui,i dam maw?"a ti thawp leh sup mai.A hmela min ngaihna ka hmu tel ve lo chu ka lungawi lo dawn dawna,mahse kan in ṭhen tawh tiin ka rilru chuan ka sawi mawlh mawlh a.






"Aw,dam e"tiin harsa ti tak chuan ka nuih let ve a.A ṭhutna aṭang chuan rawn tho chhuak in,"I lo dama ka lawm e"tiin a kut a rawn dawh a.






Min biak danah lawm lo ru hle mahila,a kut ka vawn khat tawh zia ngaihtuahin,lungawi harsa ti tak chung chuan a kut chu vuan in kan in chibai ta a.





Rei pawh min vuan lo chuan,"lo dam ṭha zêl rawh"tiin a kawr chung hâk ṭhutthlenga a dah chu la in hmanhmawh takin min chhuh san ta daih a.





Hriatrengna hlimawm nei turin kan in tawng a,hlim takin kan in nuih dun ṭhin anih kha.Ni leh thla te khian kan hlimna min hriat pui reng a.In tawng leh turin,ni chuan a chakna rawn chhuah puiin,thla pawhin min hriatpui tûrin a ênna a rawn pho lang leh a.Ni leh thla pawhin an theihtawp min chhuah pui hnuah,"I dam maw"tih zawng ka dawng a.Hei hi kan tana ruat ani e,nangchu ni ang ini a,kei erawh thla ang chauh.In tawng lo tura ruat kan in tawng fuh palh mai chauh ani.




Kal leh mai ka tum chu thliin ṭhutthlênga lehkhabu a chhêm chêt chuan ka mit ala tlat a.Vawk pu lehkha bu ngei kha ani tih hriain, ṭhutthlengah chuan ṭhu in lehkhabu a lem in ziak chu ka en chiang a.





Mak ka tih em avangin phêk tîr ber aṭang chuan ka keu chhuak vek a.Ka lem hlir,nurse form ka hak lai te,bazara ka chhuah lai te leh kan kawtah pangpar tui ka pêk lai te alo in ziak vek a.Min thlir reng ṭhin tu an awma ka hriat ṭhin kha ka vawk pu ngei ani.





Lehkhabu chu pawmin,ka nui chhuak hawk a.Min ngai lo ang deuhin a awm a,mahse a thil theihnghilh hian min ngaih ṭhin zia min hriattir.





Vawk pu zawng tur chuan ka chhuk ve leh a.Buk tinah chuan ka zawngchhuak vek a.Gate pawn thleng chuan hmuh tur a awm tawh lo.






Ka buk chawlhnaah lêt leh in,Saizami ka phone nghal a.A rawn lâk rual in,"I u ka hmu"lawm tak chuan ka ti nghal thâwr a.







"U Hriatpui,a lo la haw hleinem,i hmu sual aniang"a rawn ti ban charh mai.Mahse ka hmuh kha vawk pu ngei ani,ka mit vai emaw ka mumang pawh ani lo.A kut ngei ka vuana,a kut lum ka hriat ṭhin kha ala danglam lo.A nui hmel leh a mitmeng ngainatawm tak te pawh hmana ka vawk pu ngei kha ani.Engtinnge a nau hian a rawn haw tawh tih a hriat miah loh theih zawk.




🦋


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:43 pm

Ka Vawk Pu



Chapter 26:





"Saizam,i u chu alo haw miah lo tak tak amaw?"ka mi hmuh kha vawk pu ani tih ka chiang ve ani."Aw,U Hriatpui i hmu tak tak em ni?"rinhlelh a nei ve ṭan in ka hria.





"Aw tun lawkah khan ka hmu,a lemziahna lehkhabu pawh a theihnghilha,ka kutah a awm mek"tiin vawk pu lem ziahna bu ka pawm beh tlat chu ka en nghal a.





"Tûnah khawnge i awm.Ka lokal dâwn"a ṭap lek lek tawhin ka hria,a aw a lawi tlat.Kan Resort kalna ka sawi chuan,"Awi lalpa,kha hmunah khân min hruai fo asin.Amah ani ngei ngei ang.Min lo nghak reng rawh aw,ka lokal"tiin call a cut nghal a.





Vawk pu lehkhabu chu en leh in,bianga mittui a lo tlak rual chuan ka nui chhuak hak a."In biruk siak hun a zo tawh"tiin ka phun chhuak sap mai.






"Rose,kan haw tawh dawn em ni?"thaw hlawp hlawp in Dinpuia a rawn thleng hlawl mai.Ka lo awmdan chuan a ngaih a ti ṭha lo ve deuh nge,chik zeta min en chung hian,"Rose,U Apuii chuan I ṭah a phal miah lovang.Van aṭang a lo thlir reng dawn che asin"tiin ka bulah a rawn ṭhu nghal a.





Apuii chu ka ngai,ka ngai takzet.Mahse tuna ka mittui tlakna chhan hi Apuii anilo.Ka mittui ti tla tu zâwk chu Vawk pu lem ziah hi ani.He lehkhabu hian engtiklaipawhin min ngaihtuah ve ṭhin tih min hriattir a.Harsa ti takin min kalsan a tum ve tih pawh ka chian phah asin.A kianga ka hlim zawh a rin loh vanga min kalsan chu ni bik lul lo se,chu aia chhan ṭha dang chu lo siam mahse,a thinlung a bum rei thei bîk lovang.





"Rose,ni a tla tawh ania,haw tawh ang"Dinpuia'n a tih leh takah chuan Saizami ka call nghal a.Lo la vat in,a lo thlen chiah thu a sawi a.






Dinpuia chu gate lamah ka chhoh pui ve bawk a.Gate aṭang chuan,Saizami leh detective Zara te an rawn lut ve mek a.






Kawng sirah chuan lo ding leh rih in,Saizami te rawn thlen rual chuan,vawk pu lehkhabu chu ka lo entir nghal a.Dinpuia pawh chuan en ve in,lehkhabu a lem in ziak nen chuan min en tawn chhen lehnghal a.






"Khawnge Lalrinzama chu"Saizami chuan rawn ti chhuak ṭhawt in,hmuh tum ni awm tak chuan a hawi kual ruai bawk a.






Ditective Zara ngawi reng chuan ka rinhlelhna a ti zual vek."Zar,i hre vek tiraw"ka rilru a zawhna awm chu Saizami'n a zawt ve ta.






Detective Zara chu ngawi run run in,hnuai lam a bih tlat lehnghala."Zara,ka ti ve tawpa.In biruk siak tawh lovang u,khawnge Rinzama hi a awm?"ka lo ti ve nghal bawk a.A thuk ru anih loh pawhin a awmna chin chu a hriat ka ring tlat ani.





"Zar,sawi tawh la,i zêp rei tawh mah mah lo maw"Saizami'n ngên ngawl taka a tih takah chuan,Zara chu a rawn thaw chhuak hawk a."Min lo zui ru"tiin gate pâwna a car dahna lam pan chuan a kal nghal a.





Dinpuia nen chuan Zara car chu zuiin,ka rin rûk ang ngeiin Euricka Hotel ah chuan kan in zui lut ta a.






Room chung berah chuan chho in,private room tih lo in ziak kulh chu Zara chuan a kik a.Rei vak lo hnuah,rawn in hawng in,"Zars min rawn tibuai...."amah zawng tute min hmuh ṭhap takah chuan,"Surprise"tiin a ban a phar hluai a.






Saizami chuan a awmah chum sak nghal in,"mi mawl pa,i mawl lutuk"ṭah aw chuan a ti a.Dinpuia'n min rawn kai nghal in,"Rose,i ṭha tiraw?"a rawn ti zawi sup mai.






He hotel-ah hian alo awm renga,hotel kawta faifuk ri ka hriat te kha amah ngei hi ani.Engvanginnge min biruk san le,kei chauh nilo,a chhûngte thlengin a biruk san vek chu ani si a.






"Tinker,puitling inih tawh kha"tiin Saizami kut chu man sak in,keimah ngawt chu min melh leh reng tawh.






"Hriatpui,engnge in lo tih dâwn?"ka biak hma hauh chuan a ti lehnghala.Zawh duh tam tak ka nei,ka thinlungah hian zawhna hlir a khat nghal vek a.Mahse,"I ṭha em?"tih zawng ka sawichhuak thei,chupawh harsa ti tak chungin ka sawichhuak thei ṭawk ani.






"Ka ṭha,haw tawh ru"ka nau nuih suk chung chuan a ti a.Dinpuia'n tlawmah a la leh tawh aniang,ka kut a vawnna chu tinghet sauh in min kalpui ta daih a.Kan kal liam dâwn thleng chuan thei leh thei lovin ka hawi lêt ṭawk ṭawk a.






Pawn kan chhuah hnu chuan min kaihna chu phelh in,"Rose,khapa hnênah khan lêt i tum tawh lo tiraw?"a aw aṭang chuan a thinrim tih ka hria.Ka dem hran lo,ka nat zia min hriatpui tu kha ani miau a.





Lo nuih sak in,"nunhluiah ka dah tawh"ka thusawi zawh chiah chu keipawh hian ka awih lo."Anih chuan vawikhatmah hmu tawh lo la ka duh"tiin a bike chu a start nghal a.A hnungah chuan ṭhu ve nghal in,a kawngah chuan ka kuah nghet sauh a."Thlawk ang"tiin ka nui chhuak hawk a.He khawvel hrehawm lutuk hi thlawh bo san vang vang ka chak ngawih ngawih.Dinpuia chu ka duh ang ngeiin chak tak chuan a tlân chhuak ta a.






Kawng tluan chuan ngaihtuahnaah vawk pu bak a awm leh tawh lo.Min biak dan danglam ta lutuk te chu ka run ngawih ngawih a.Mi hrang hlak anga min en leh,min ngai lo ang maia lem a chang kual te chu ka haw takzet.






Ngaihtuahna kawm chhungin in kan thleng leh der tawh a.In chhûng kan lut chu,Fakzuala leh ka nu common room a an inkawm lai kan hmu hlawl mai.






Fakzuala chuan min hmuh rualin min lo nuih sâng a.Zan a mu ṭha lo tih hriat tak hian,a mit khur te chu a thuk vek tawh a.Lo nui lui ve mahse a nui hmelah chuan hlimna pakhatmah ka hmu lo.






An bulah chuan kan unauin kan ṭhu ve nghal a."Faka hi chaw ei ah ka sâwm a.Hei Bible a zir ṭha leh dawn sia,in hmuh mai mai a khat tawh dawna"a tih chuan zawhna mitmengin Fakzuala ka en nghal a.






"Tun kum chu helamah ka zir anga,nakum ah phaiah chuan ka kal chauh ang"tiin a nui leh suk a."U Fak,i rual in ka zir ve daih dâwn emawni le"Dinpuia'n alo ti ve nghal a.A ngaisang thei ania.






"Kraws thu in a koh loh che chuan ti duh rih suh.Kalvari kawng te chu hetiang lo pawh hian a zawh theih lutuk alawm"a tih chuan,Bible zir satliah mai mai lovin,eng emaw tak nih a tumah ka ngai nghal hmiah.






Duatlaii leh zawhte pakhat an rawn in um a,an bengchheng nasa mai.Duatlaii hlauh vanga kan lam pana rawn tlânchhia zawhte chu lo man in ka pawm nghal a.A mitmeng ka en chu a meng kalh rá mai."Kraws thiltihtheihna keng tu anih kha"Fakzuala chuan lo ti nghal in,Dinpuia pawh chuan a lo lawm ve nghal a.






"U Fak,hming a nei em?"Dinpuia chuan min lak sak pah chuan a zawt a."Laibata anih ve mai mai kha"tiin alo nui suk mai.Lusun tawh chung pawhin,a non-mihring zia chu a la thlah thei bîk lo anih dawn hi.





Ka nu chuan chaw ei a hun tawh thu sawiin,Fakzuala chuan hun a hmang nghal zat a.A ṭawngṭainaah pawh Apuii chhûngte thlamuanna ala dil sak fan a.Kei hmeichhe awm nem tak,rilru no lo chhuak leh chuan in sum zo lovin,ka ṭhiannu chunga ka in thiam lo lutuk leh ka ngaih em avâng chuan ka ṭap leh ta ringawt.





In sut hlawp hlawp chungin chaw ei ka siam ve a."Hriatpui,mitthi ngaia ṭah tûr ani hleinem,vânah hlim takin an awm tawha kan lawm pui tur zawk ani dâwn lawm ni"a kut sil pah chuan a ti a.




"Ni e,ngaiin ṭap ṭap mahila a lokir tawh dâwn chuang lo.I sun rei mah mah ani.In ti chak la,hlim takin I nun hmang ve rawh.Nakina in in hmuh hunah sawi tur i neih tam kha a ṭha zawk"ka nu pawh chuan rawn ti ve in,chaw bêl bulah chuan a ṭhu nghal a.





Keipawh in sum ruh ṭeuh chungin ka kil ve a.Mahse ka ah a lut hleithei lo,hetiang hian kar khat chhung ka awm tawh.Ka thil tui hriat na zawng zawng a bo vek a.Thil ei chakna pakhatmah ka nei thei tawh lo.Ka tih ngaihna hrelo chu ka kham leh ta ngawt a.Filtera tui chu thliin ka in leh ta ringawt mai.Tui ring in ka nung ve ṭawk ṭawk anih ber chu.





Chaw eikham hnuah rei vak lo,kan titi leh a.Fakzuala chu kalna tur a neih avangin a haw ta mai a.A zawhte Laibata chu min hnutchhiahin,Duatlaii thik tur kan kawl ve tawh dâwna,thawm kan nei leh reng dawn a ang khawp mai.






Ka nu a chauh deuh avangin mu turin room ah min luh san a.Ka nau nen chuan t.v en in,Duatlaii leh Laibata te chu kan pawm pah bawk a.






Fakzuala awmdan khan ka ngaih a tih ṭhat theih thlawt loh avangin ka nau chu thlanmuala min kalpui turin ka sâwm leh ta ngawt a."Â Rose,chhunah kal zawk ila,zan chu kawng hmuh a har thei si"a ti nuah nuah rauh a."I hlauh vâng anihkha"ka tih chuan ani lo in la pa ve bawk nen,"hlau lo tak ka ni,ramhuai te chu kan pen mai mai zel"tiin a tho nghal at a.A bike chuan thlanmual lam panin kan in phur chhuak leh ta a.





Rin ang ngeiin Fakzuala chu Apuii thlânah alo awm a.Kan va thlen chuan,a phone light in min lo chhun nghal a,a lo meng phawk em em zui lehnghala a.





"Nangni maw?"a aw aṭang chuan a ṭahna ala rei lo tih a hriat."Keini maw?"ka nau chuan lo ti ve nghalin,mak tih hmel tak hian an in en hô lehnghala.






"Engnge in lo tih dâwn?"zawhna lah chu angah thei mai bawk sia."Thlanmual hi i ta bik ani em ni.U Apuii kan rawn tlawh ve dâwn"Ka nau chuan tiin,Apuii thlan ah chuan kan ṭhu ve nghal a.





"Ka choco hian,a ngai ve lo che u"Fakzuala chuan tiin Apuii thlâna pangpar awm ho chu a rem ṭha malh malh a.





"Keinin kan ngai thung alawm"ka lo tih ve chuan,a thiltih lai chawl in,"Guys,a nuam lo,ka feel thei lo ania.Khaw ên hunah kal leh mai rawh u.Chance te min pe ve ula,Kalvari lam hawia kal hi a ṭha ngai"a tih leh hluai takah chuan,amah chauha awm a duh ani tih hrethiamin,ka nau nen chuan kan kalsan leh ta a.






In kan thleng a,ka nau chu a in bual hmasak phawt tur thu sawiin a roomah min luh san a.A inlak puitlin tawh nen,a roomah ala mu duh lo tluang zêl a.Keipawh in ti faiin,ka chau ve deuh bawk nen,ka thil ziah lai pawh chhunzawm lo chuan ka mu nghal a.Dinpuia rawn lut chuan light off in,a puan sin tur ka dah hran sak chu la in a rawn mu ve nghal a.












Ar khuang ri in min ti harh leh tawh."Off teh"tiin ka in khuh ṭha leh a.A rawn rik nawn leh chuan thinrim tak hian ka ṭhu chhuak hlawl.Ka bula Dinpuia bawkkhup zawnga lo mu chu tlawh zawt in,"i alarm hi thlâk rawh ka ti ngun tawh lutuk,off vat rawh"ka ti vin hlar a.Off ta mai lo chuan,ka kutah rawn vuanin,min pawt mu leh a,min kuah ṭha in,"Siam Siam"a rawn ti chhuak sup mai.Ala harh miah lo emawni."Laldinpui,tho vat rawh,mahni bialnu te hai rual pawh i ni tawh lo"tiin min kuah na kut ata chu ka tal chhuak a.






A mit rawn nuai nuk nuk chung hian,"zing ani tawh maw?"a ti phak chuap mai."Good morning,Siam Siami bialpa"tiin ka thawh san a.






"Siam Siami"tiin a phun chhuak sup a.Chutah thil hriat chhuah a nei tih hriat tak hian,"Siam Siami,ngatinge min kaih thawh vat loh"tiin a in perh tho nghal a.A alarm rawn ri leh chu ning tak hian ka off sak a.A screen lock lah chu arpa,a khup a hnung lama awm daih ala hmang zuia.





"Rose,khawnge ka towel"tiin bathroom aṭang chuan a rawn au lung lung a.A tho â emawni zawk le,ka bathroomah a inbual ngai der silo.





"I room ah a awm ang chu"ka lo tih chuan,rawn tlân chhuak leh in,"Siam Siami"ti chungin a room lamah a tlan phei leh ta a.Engnge maw a hriat rauh ni,a thawh fuh loh ṭhin nen,tukin chu thawh fuh chhan nei a ang tlat.






Ngaihzawng a nei ve ta anih ringin ka khi sak a.In ti fai turin bathroom ka luh zawm nghal zat a.





Bathroom aṭanga ka chhuah rual chuan,ka phone a rawn ri a.Towel a ka lu hru chung chuan ka la a."Duati,inhmuh kan ngaiin ka hria"Dr.Zorina pawh chu,vawiin hi ni special deuh ani tihna em ni.






"Ka va hman loh hmel ve"tiin ka lo chhang a.Apuii boral aṭang vawikhatmah kan in be leh tawh lo kha ania."Kan in hmuh ngei ngei angai,thil sawifiah ka duh"a tih takah chuan ka lo aw ve tawp a."Euricka Hotel ah aw,dar 10 ah ti ila,seat ka book lawk vek tawh"a tih chuan,vawk pu mitthlaah a rawn lang nghal a.Nimin khan kha Hotelah khan a awm tak e,an hruai haw ta nge,ala awm reng tih pawh ka hre bawk silo.






"Duati,dar 10 ah aw"rawn ti nawn leh in a off daih a.Mmm a pawi lo,vawk pu lo awm pawh nise engnge pawi,kan inṭhen tawh tho alawm ti a inngaihtuah in,phone chu ka charge ta rih a.






Ka sam ti ro in,inhnuaiah ka nu rawngbawl pui turin ka chhuk leh ta a.Stepa ka chhuk lai chuan, Dinpuia'n min rawn tlân pêl fua mai."Khawnge i kal dawn"ka nu'n lo ti nghal in, Dinpuia pawn chhuak tur chu rawn hawi lêt leh in,"Siam Siami alo haw"nui var vara tiin a chhuak ta daih a.






Ka nu nen in en in,a ngaihna hrelo takin kan dar kan ti kang uk ringawt.Pangpar tui alo pe zo tawh bawka,hmeh ṭhing chhuan lum bak angaih tawh loh avangin chaw ei min siam tîr nghal a.






"I nau hi tunlai chu awm a awm deuh aniang,a inbual ngun riau mai"chaw ei paha a tih chuan,ka lo chik vak lo nge,chutianga a awm pawh ka lo hre lem lova.





"Nangpawh,pasal neih i hun ve tawh.Faka nen hian kan sawi rem mai dâwn che u em ni"a fiamthu emaw tiin ka lo nui nghal hawk a.A nuih ve tak miah lovah chuan in sum leh in,"ka ṭhiannu nen an inhmangaih zia ka hriat pui ve a.Engtinnge ka duh ngawt theih ang"ka ti ta zawk a.Apuii nen an inneih hun tur pawh kan sawi nasaa,engvanginnge ka ṭhiannu hmangaih em em hi ka neih ngawt ang.






Chaw eikhamah Dr.Zorina hmu tur chuan ka chhuak ta a.Ka luh hreh em avangin Hotel kawtah chuan ka ding ta reng a.Dr.Zorina'n min rawn biak leh takah chuan,huphurh ru tak chung chuan ka lut ta a.A seat book lah chu vawk pu nena kan ṭhut dunna ṭhin ala ni zui a.






Midang awm ve ho pawh en chiang lo chuan Dr.Zorina nen in hma tawnin kan ṭhu ta a.Ei tur chah nghal mai a tum chuan,lassi bak ka chak loh thu sawiin,lassi chu min chah sak ta a.






"Duati,ka koh nachhan che chu,nupui neih ka tum a.I laka ka rilru put hmang i hre vek tawha.Mahse,ka tan hmun a awm ve lo tih ka hrechiang.Kan in kar thu hi sawi ṭhat ka duh.Ṭhian kan ni thei angem?"a tih chuan lawm avangin ka zuang lo chauh.Apuii'n min hriat pui ve se,kei aiin a hlim zawk ka ring hial.






"Thei e,ṭhian kan ni reng tawh alawm"tiin ka lo nui ve var var.Dr.Zorina hnungah chuan Zara leh Vawk pu te plants lian tak bula an biru lai ka hmu fuh lehnghal.






Plants kar aṭang chuan min rawn bih duk duk a.Lo hmu lo der in,Dr.Zorina thusawi chu nuihzatthlâk a awm miah lo nachungin Vawk pu tih el nan hrim hrim tiin,ka nui lui vak vak a.






Vawk pu lah chu an birukna bula plants chu a pot chawpa chawiin,biru chungin a rawn tawlh hnai pui hrut hrut lehnghal.Zara lah vawk pu hnungah midang hmuh hlau tak chuan a kûn ve ngar ngar bawk a.An lian dun si,in phên nana an hman pawh chuan a hliah khuh zo der silo.Hmuh loh der tum pawh ni ila,kan ṭhut na an rawn hnaih tak em avâng chuan a hmuh loh theih loh.






Waiter kan thil order keng in a rawn phei a.Vawk pu chuan lo pawt ding in,a tray ken chu a lo lâksak nghal a.Zara nen chuan kan dawhkanah rawn dah in,"vawk thlarau kan pawlh ania"tiin Dr.Zorina chow tui nei chah chu a hmaah a chhawp ri bur mai.Ka lassi chah chu,min pêk hmain a fawp zeuh a,"mmm Bawihbawihi hnute tui animaw"ti a tep chap chap in ka hmaah chuan a rawn dah bawk a.





Dr.Zorina chuan mak tih hmel tak hian a en a."Ka pu,tui deuhin ei rawh aw"Vawk pu chuan tiin kan ṭhutna piahah chuan Zara nen ṭhu in,Dr.Zorina chu rum tak hian an la melh zuia.






Dr.Zorina chuan an awmdan aṭang chuan a hrethiam ni ngei tur ani.Dawhkana tissue chu la in ka hmaa rawn dah pah hian min siai suk a.






A aw thian leh kharh in,"Duati,khawnge kan kal leh ang.Vawiin chu nilêngin ka awmpui hman che ania"tiin a nui var var a.Vawk pu te melh zeuh in,"marshmello ka ei chak ê,MC ah kal leh ila"tiin ka nui ve sang mai.






Kan piah ami te lah chuan aw an thian dun deuh reng a.Vawk pu thaw leh hawk ṭhin pawh chu hre reng mahila,ka ngaihsak duh ṭhak lo.






Dr.Zorina chuan a aw thian leh in,"Duati,muangchangin in rawh,hun kan ngah ania,hmanhmawh duh reng reng suh"a khabe dawm chunga,nui var var a min en pah chuan a ti a.





Vawk pu a ṭhutna aṭang a tho chhuak hlawl!???






A dawhtheihna in a tlin ta lo ani ngei ang.Kan ṭhutna bulah a rawn ding nghal a.Angaihna hriat loh hmel tak hian ka en chho hâ a.A bulah Zara,kei ka ni in ti ve tawk tak hian a rawn ding cham ve luah bawk a.Dr.Zorina nen chuan min en tawn in,thinrim hmel tak hian an la inkuangkuah hlun zui a.






Dr.Zorina lah chuan an awm ve lo angah ngaiin,a thil ei lai chu lungkham nei miah lo hian,tui tih hmel takin a ei a.Duati ti a min ko leh chiah chu,vawk pu a thaw chhuak leh hawk tawh.






"Duati maw,a duati ilo ni reng tawh amaw?"a aw ki ring ta lutuk chuan min ṭhawng takzet.Dr.Zorina chuan min nuih suk a,"Ka duati anih hi,ka bialnu nen hian fian rial hun kan mamawh ania.A engnge i nih?"nuih in sum tak chuan a ti ve bawk a.Kei erawh ka nuih a za tawh hauh lo.Vawk pu hian min la duh reng tih ka chian em vang nge,Dr.Zorina fiamthu chu ka lo lak thutak pui tlat pek a.






"Kei hi maw,a engnge ka nih maw?a vawk pu ka nih hi.Nang doctor ha var satliah ve mai mai khan Pahlira thlarau zah deuh rawh aw"thinrim in hum ruh ṭeuh chung chuan a ti a.A vawk hero hi chu a chhuang ve thlawt,rem lo tak chung pawhin a sawi lang hrâm zêl.






"Pahlira thlarau i zah loh pawhin,kan hero thar Rotawta i hneh miah lovang"Zara chuan vawk pu dara kuah chungin alo ti ve bawk.Avan puitlin loh thlâk tak.






"Ṭhian te u,min hrethiam teh u.In hero thar chu operation theatre ah rawn hruai ula,a thluak tih chak nân ka lo zai dawn ania"Dr.Zorina pawh chu avan fiam rei peih tak.





"Rinliani'n a lim hrep mai ang che"Zara chuan alo ti veleh.An ran chhuanvawr te bak an ni leh tawp lovang.Tlangval senior ho in hnial na atân chuan a ho mah mah ani.






"Khai aw Senior 2nd batch ho in hmuh khawm in lo ti deuh em ni.Ka tel ve duh ania"Fakzuala aw ka hriat rual chuan ka lo hawi chhuak vat a.Non-mihring,val senior 2nd batch ho an kim leh ta chiah e.






"Mmm Kalvari zûn uaia pawh kan lama ṭang anih hi aw"Vawk pu chuan in tih theih hmel tak hian alo ti a.Ka ṭawng mai loh chuan hêng ho hian boruak an ti sang dâwn tlatin ka hria.






"Rinzam,kal sawn ru,min rawn ti buai tawh su"mipa ho kârah chuan ka ti ve tawp.Vawk pu lah chuan ka hmaa ṭhu pa lah chu melh puah pawp tum ang maiin a melh rum em em lehnghala.






"Guys,buaina a awm em ni,lokal ru che hrut ang u"Fakzuala chuan lo ti ve nghal in,Vawk pu leh Zara te inkuangkuah hluna ding reng chu a kuah phei lui ta a.






Dr.Zorina chuan,"kan kal tawh mai dâwn em ni.Tih tur kala nei sia"a tih rual chuan ka tho chhuak nghal vat a."Chhuak vat ang"tiin ka bag la in ka kal nghal a.




Dr.Zorina pawh chuan min lo zui ve nghal in,pawn kan chhuah rual chuan,hnung lam aṭangin vawk pu in ka kuta rawn kaiin, Hotel chhûngah chuan min kai lût leh dawt dawt mai."Lalrinzam,min thlah rawh"ka kut lak thlak tum chung chuan ka ti vin hlar a.





Min thlah duh lovin inchungah min chhoh puiin,a room chhûngah chuan min kai lût a.Kawngka kalh nghal in,chhuat laiah chuan min theh phar lawp mai.Thinrim tak hian ka darah rawn ṭhamin,hnuai lam bih chung hian thawk a la hrawk a.





"Rinzam,min thlah rawh"a awmdan mangang thlâk tak avang chuan ka buai chhe lo chauh.




"Min hrilh rawh,kha pa nên khân engnge inzawmna in neih?"a ti zawi sup mai.A mitmeng sen râm chuan min en a,ka dar a vawnna kut pawh a khur zawih zawih tawh.






"Ka thawh pui anih kha"ka ti chhuak thei ṭawk.Ka dar a ṭhamna,na ka ti tawh lutuk chu ka ṭhen sawk a."Thawh pui"tiin za lo tak hian a nui chhuak hawk a.






Chutah rum taka min en leh in,thinrimna leh thik na ka hmu tel bawk a."Min mangṭha suh"harsa tih hmel tak hian a ti chhuak leh hrâwk mai.





"Na taka min siam tu kha tunge?Min kalsan hmasa tu kha tunge?"ka aw ki pawh a sang leh tawh,mittui lah chu hun lo lutukah a rawn luang chhuak ve ziah lehnghal.





"Kalsan tu che maw?"tiin a nui ro hak a,ka dar a ṭhamna thlahin,a kut pahnih chuan a sam ṭhamin a au chhuak leh hrâwk mai."Kalsan tu che,ni e,ka kalsan che"chung lam hawiin,za lo tak chuan a nui leh a.Tuna ka awmdan hi ka hrethiam lo,hrehawm ka tih pui ve vang nge,ka khawngaih vang pawh hre lovin chhûngrilah hian hrehawm tih na in min tur ut ut mai.





"Rinzam"ti a ko in,beng daih tum chuan a kutah ka vawn sak a.Ka kut chu rawn hum hnan in,"Chawngmawi,chhum dumin ruah a keng ṭhin i hria em.Van thiang tak rawn hliah khuhin,a thinlung tawt lutuk chu leiah a paih darh ṭhin."Thinlung na tak aṭanga chhuak,a thinlung keh sâwma awm mek,a tuar zo dâwn lova in hriat na in a bual khat mek ani ngei ang.Van theng rengah pawh biru hlen thei lovin,a natna a rawn phawrh chhuak chu kei ngei pawh hian ka nat puiin,kan inkar boruak hi hrehawm ka ti takzet.







"Rinzam,i natna te chu thup bo lovin au chhuah pui la.I tan ka awm reng ang ka tih ṭhin kha.Kha thu sawi tu khan,a nghak reng che tih i hrelo em ni?"in hnit hlawp hlawp chung chuan ka ti a.






"Natna thlen tu che hian,i naah chuan chi ka phul belh ang maw?I pem a pûn phah dawn asin?"a aw a khur ve lek lek mai.Ka vawk pu hi hetiang êm hian alo luhlul ang tih ka ring pha ngai lo.






Ka awm thip tawh lutuk chu,chhuatah ṭhu in ka dawm vang vang a.Ṭah chhuah mai chakna chuan min nawr leh ut ut tawh.Mahse,ka ṭap tawh lovang,he mittui hian min ti chak lo fo ṭhin.Ka chakna bei tham tak chu sâwm khawmin,ka hmaa vawk pu,rilru buai hmel taka in dawm kûn reng chu en in ka tho chhuak leh ta a.






"Rinzam,hmana ka vawk pu kha ka duh.Thin nel tak leh hmangaihna ngah tak anih ṭhin kha.I thurûk chu eng chiah nge anih ka hrelo,mahse,nangmah i in ngaihtuah lutuk na lamah hmangaih tu che i chân palh hlauh ange"tiin ka mit ka chhing vang vang a.Tuna ka hmaa awm mek vawk pu hi ka kalsan dâwn nge,hmangaih na nen ka la nghak reng dawn tih ka hre tawh lo.A nuna châm hlen tura min tih chuan ka châm anga,kal tura min tih chuan hawi lêt tawh lo turin ka hniak ka thai reh ang.







"Chawngmawi,engthil nge ka tih dâwn min han hrilh teh.Midang nena in awmdun ka hmuhin chhun angin ka na vawng vawng a.I hmel hmuh loh chhung rei lo tê pawh ka tan chuan kum sâng tam tak ang ani.Mangṭha ti hmasa tu hian min mangṭha ve ang tih hlauhna in ka khat a.Ka awmdan hi ka hrethiam tawh lo,engtinnge he thluak buai tak hi ka chin fel dawn?"rilru buai hmel tak chuan tiin,a lu chu a chum chawrh chawrh a.






A kut lo man sak in,"i luhlul na kha paih bo la,i thinlung ngaithla rawh"ṭah chhuak in sum ru ṭeuh chung chuan ka ti ve bawk a.Min kalsan tumin a theihtawp a chhuah,mahse,a luhlulna zawng zawng hi a thinlunga thu awm hian a hneh zel si chu anih hi.






Hrehawmna tam tak a tawrhna mitmeng
chuan min en in,nghet takin min pawm nghal a."I Hrangchhuana hi i ngai tawh êm?"ka beng bulah chuan ati zawi sup mai,a awm rawn nghawr dawt chuan a nui ani tih min hriat tîr bawk a.





Lo nui ve in,"I Chawngmawii hi i ngai tawh êm?"a awma bei chung chuan ka ti ve bawk a.





"Ngai lutuk,Pahlira te chhungkua ai pawhin ka ngai"tiin min pawm nghet sauh mai.A rilru zawng zawng luah tu a vawk te ai pawha min ngai chu rilru ah a thawh dân a dang bik.





Min kuah nghet lutuk ka thaw ṭha hleithei tawh lo chuan,"Rinzam ka thaw thei lo ania"tiin a awmah chuan ka nam a."Thaw thei lo la,i ṭawng tawh nang"tiin a awm a rawn nghawr leh dat mai.





"Khawimaw min thlah teh,ka thi dâwn, Lalrinzam"ka ti vin ta ṭhat mai.Min kuah na phelh in,ka biangah chuan a kut pahnihin min dawm a.Nui vur vur chunga min en in,"Hrangchhuan tirawh"nuih in sum tih hriat tak chuan tiin a hmui a chip deuh tlat a.





Room kawngka a rawn in chum dawt dawt mai.A chek hluk a,"mi pangngai ani miah lovang"tiin kawngka chu a hawng ta a.Min kuah na lama ka sam thur deuh bam chu kalo tuai pial nghal mawlh mawlh bawk a.





Kawngka a hawn rual chuan,Zara leh Fakzuala te an rawn khi lût ṭhaw a."Welcome back Hrangchhuana ka zawlnei"Fakzuala chuan tiin vawk pu darah a beng thauh thauh a."Zams,engtinnge Rotawta chu kan tih dâwn?"Zara'n alo ti ve nghal bawk a.





"Tinkeri chuan a bual thei nange?"Vawk pu in lo ti ve in,Zara chu a lu a bu nghut a.Chek hlak hian,"Phone la,tui lo lum rawh se.Tuilum lo chuan bual a duh lovang,a pa Pahlira a chhûna,a inla true seeker tlat"nui duh miah lova a tih chuan ka lo nui chhuak hawk a.An vai chuan min rawn en nghal in,"sawi zêl ru"tiin ka lo in hup ringawt.






"Chawngmawii hian I Laibata a kawl a,ani pawh zingkarah bawnghnute in lovin a awm thei lo.Ni lum a ngaina lo bawk,kraws thiltihna ka chhuang e a tia,danglam bikna rau a chang a.Tihdam theihna neiin a in hre ṭhin bawka.Hadasi oh ni tawh lo,Chawngmawi,in kut a khawih tawh em?"thutak deuh chuan a ti ve bawk sia. non-mihring ho zinga awm hi engtikah nge ngaiah ka neih theih ang,an thluak te hi engtikah nge ka man ve theih ang le???








🦋


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:44 pm

Ka Vawk Pu



Chapter 27:




"Â,Zams ka ngam lo,kan pahnihin bual mai ang"Zara chuan tiin,vawk pu pawh chuan,"kal nghal ang,tlai deuha bual chuan a khua a sik anga,a nu in min hau ang"tiin chhuah nghal mai an tum.





"Ka vawk te ai pawhin ka ngai zawk che" ti tu ve saw,a vawk te aia min ngaih loh zia ava chiang ta ve.Rawn hawi lêt miah lovin an chhuak daih lehnghal.






Fakzuala pawh chuan mak a ati ve ngang aniang,kawngka lam kâwk in,min en hû mai."Chawngi Hetiang hunah hi chuan anṭam tuihang a tui ber"a tukhum hiat nauh nauh chunga a tih chuan,"Fakzuheh"ka lo ti vin ṭhawt.A phu zawk a,phawk taka min en in,"I pawi ka sawi ta êm ni.Lalpa ngaidam hram rawh,ka nunhluia min hruai lêt leh a tum ania"tiin a kut suihin chung lam a melh run lehnghal.Huizzz khua hi kan var zo thlawt lo.





Thinrim in seh ruh ṭeuh chung chuan,"Vawk pu kha lo hrilh rawh,ka ṭhen fel hmak"tiin chhuah san ka tum a.





Vawk pu bawk chu rawn lêt leh in,inthlahrung tak hian a meng khup dui lehnghala."Chawngmawi, engnge hetah ila tih reng.He Kalvari zûn uaia nen hian Kalvari kalkawngah artui zawrh in lo rilruk deuh em ni"tiin Fakzuala chu a melh run run a.Zawk zamah hian,min thinrim khalh leh daih.Min la ringhlel zui lehnghal.





"Lalrinzam,Rotawta chu va bual ta che"ti vin ṭhawt in,ka hmaa ding run chu nam sawnin kal nghal ka tuma.Ka kuta lo vuan in,"Chawngmawi,tikhan i ti tau tihna em ni"a ti leh sup mai.Ka thinrim tih te chu sawi kher ngai lovin a hre ve mai lo emawni.





"Ka ti tau hman lo"ti hlak in,a kut ka thin thlâk saka."Chawngmawii leh Hrangchhuana pawh in nilo,simeikhu in nih kha.In thu leh hla,a Kalvari lo tlat"Fakzuala'n lo tiin min chhuah san daih.





"Chhuak rual ang"vawk pu bawk chuan lo ti leh in,"Ka hman lo"lo tih sakin ka chhuah san ve daih bawk a.





Fakzuala leh Zara te bang nghengin an lo ding run lehnghal."I haw dawn em ni,Hriatpui"Zara'n a tih pawh chuan chhang tawh lem lovin hmanhmawh tak chuan step-ah ka chhuk nghal a.






"Kha ka thil a ru ania,lo man ru"kawngka ka chhuak tur chu Vawk pu in stepa rawn tlan thla chungin a rawn ti anih chu,avan zam lo tak.Duty te lah chuan min lo dang tlat lehnghala.





Vawk pu a rawn thlen rual chuan,"Lalrinzam,i engmaw ka rûk"thinrim tak chuan ka lo ti a.Nui vur vur in,"Ka thinlung,eeeh ka zei em?"ala ti zui.Uanna chi pawh ani em ni,mi lah chuan min en ṭhup lehnghala.





Ka thinrim lutuk chuan chhang duh lovin duty te chu nek sawk in ka chhuak zui a.Ka scooty dahna ka pan lai pawh chuan min rawn zui ve zêl in,"ka lo khalh sak ang che"ala rawn ti ngam nia mawle.A tlân bo hnu hian a mawl zualin ka hria.





"Rinzam,lo in rawlh duh suh,i Rotawta chu va bual mai mai rawh"thinrim in sum tak chuan ka ti ve a.





"Ava buaithlak,Rotawta chu ka bialnu ani hleinem.A pi ni mai tur hi ka buaipui hmasak i ngai alawm"a ti ve ta hluk mai."Â ka ning,ka kal phawt ange"tiin ka scooty chu khalh chhuah ka tum a.





"Mmm kal rawh,i doctor ha var satliah,sai ngho kha va hmu rawh.In lêng dûn dâwn ani lawm ni"a rawn ti leh daih.Engngemaw a hriat le,vawiin chu a zia a dang tlat.





"Aw kan lêng dûn dâwn"ka ti ve hmak,Dr.Zorina kha alo thik tak tak anih dawn hi.





"Chawngmawi,i thinrim thawi dam nan hian vai hla sak kher angai dâwn tihna em ni?"a rawn ṭawngchhuak mak thei si.Rotawta pu a nih aṭang hian a zia a dang vek.





"Ka ning ania,in ṭhen leh zawk mai ang,ka hahdam zawk"ka ti ta thlawt.Hetiang ze mak lutuk bula damchhung hun ka hman chuan ka thi thei mai ang.





"Inṭhen maw?ka hman lo"ti leh hluk in,ka biangah a rawn fawp!!!





"I Hrangchhuana hi ka hman hma chu min ṭhen turin lo hmanhmawh suh"thutak deuha a tih chuan, chhan ngaihna hre lovin ka tlân chhuak ta daih a.





Apuii thlan tlawh kawi ka duh avangin ka nu dâwrah pangpar la kawiin rei pawh chawl lo chuan thlanmual lam ka pan leh nghal a.




Min kalsan aṭangin,nitin tlawh loh ni nei lovin ka lang ziah a.Vawiin pawh a thlan ka chei mawi sak leh e.A thlanah chuan ṭhu in,vawk pu lo lêt leh chungchang chu ka hrilh mawlh mawlh a.




Thlang lama tlangval pathum rawn chho chuan min la fiam zuk zuk lehnghala.An hmel leh an taksa en chuan damdawi an ti tih ka hai lo.An zînga a sang ber lah chu a chhelo hrep lehnghala.Damdawi ei ral mai mai tur atân chuan an uiawm hret ani.





Kal ta mai lo chuan ka bulah rawn ṭhu kawiin,"Lalhriatpuii,hei hi i unaunu em ni ṭhiannu"an zinga sang ber chuan meng duar duar chungin a ti ban charh mai.





"Samuel Lalruatkim,midang tibuai lovin haw ru.Kha i nau phei chu kal thei pawh a awm tawh dâwn em ni"kan chhak lawka hmeichhe pakhat pa hmêl tak chuan a rawn ti a.





"Âw unaunu,kan ṭhiannu hi hnem kan tum alawm.I man lo em mai"Samuela ni awm tak,a sang ber chuan alo ti fân leh ruih mai.





"In hnemna a mamawh lo,haw ru"chu nu bawk chuan rawn ti lehin, lungte in a rawn vawm bawk a.





"Bro,hei hi ani lawm ni,nizan hmasaa kan hmuh kha"a ṭhianpa chuan mut chhuah hmel tak hian alo ti veleh.





"Shhh,chutiang an sawi ngai lo"Samuela chuan alo ti nghal vat a."Ani tihna animaw,enteh ṭhiannu,i unaunu kha a hrâng ania.Nizan hmasaah pawh khata i ṭhutnaah khan alo ṭhu"tiin ka ṭhutna chu ala kâwk zui a.





"Thil awihawm loh lutuk sawi suh,min kalsan ru"ka lo ti vin ṭhat mai.Ka ṭhiannu,thlahrang anga an chhuah chu ka pai dam thei ṭhak lo.





"Kal ang u,kan rose par thliah tum hian hlîng a nei hriam em mai"Samuela chuan lo tiin,ka beng bulah chuan a rawn kun hniam a."Damdawi ti mahila,dawt kan sawi ve ngai lo"rawn ti sur surin a ṭhiante chu pai chawn chawn hian a kuah chho a.





"Lo hrethiam hram hram rawh aw.Ka hauh ngun tawh tehreng nen helai hmuna kal hi an sim thei der lo"nula bawk chuan rawn ti leh in,ka lo nuih ringawt a.





Ani pawh chu a kal mai dâwn emaw tih laiin,ka bulah chuan a rawn ṭhu ve leh a."Lalhriatpuii hi i unaunu maw?"tiin Apuii hming inziahna chu a en a.





"Ka ṭhiannu ania,ka unaunu anga ka en"ti a ka chhan chuan,a lu bu nghat in,"Lalrammuani ka nia,Muan engtheii"tiin nui sung hian a kut a rawn dawh a.





Lo ban ve nghal vat in,"Lalhriatpuii ve tho "tin ka nuih ve bawk a."Ṭhian dunin hming in ang in nei animaw?"tiin cigarette a ṭan nghal a.




"Mmm anih hi"tih chauhin ka lo chhang a,a zial zuk lah chu ala si hlarh hlarh zui a."Awm rei suh aw,thlanah mahni chauhin an awm rei ngai lo"tiin a kekawr mawng a beng fai a.





Chhang tawh lo chuan Apuii pangpar ho chu ka rem ṭha leh a."Hriatpui,awm rei suh aw,pangpar kha ka khawih sawn ani miah lo ania"tiin,hlauh nei tih hriat taka hawi zak zak chungin hmanhmawh tak hian step-ah chuan a tlân chho a.





Min tih ṭhaih an tum ve deuh animaw tiin ka nui suk a.Apuii pangpar ka siam mek lai chuan,ka dah rem sa chu a rawn in theh lawp mai.Ka phu nghal zawk a,pangpar chu chharin,angai ang chiahin ka dah leh a.





Apuii thlan ka en reng lai chuan,pangpar zawng zawng chu a rawn in theh darh leh nuai mai."Apui,i duh lo em ni?"hlau ru tak chung chuan ka ti a.






Eng thawm mah ka hriat loh avâng chuan pangpar chu chhar khâwm leh in,Apuii thlâna dah leh ka tum chiah chu,"Hriatpui"Apuii aw ngei ka hre ta.Aw ka hriatna lamah chuan ka hawi chhuak nghal a.





"Apui,nangmah ini tiraw"tiin amah hmu bawk silo chuan ka ṭap ta ringawt a.Thawm engmah hriat tur a awm tawh loh hnuah pangpar chu dah ṭha leh in ka haw san ta a.





Nidanga ka kalin eng thawm mah ka hre ngai silo.A thlarau lung ka ti awi lo tihna em ni?Nge thil min hrilh duh a nei zawk?kawng tluan chuan ka ngaihtuah a.





In ka thleng chu Dinpuia leh hmeichhe pakhat naupan hmel deuh,te fel ât mai,ama tawka chhelo ve tak hi ka hmu dun a.Dinpuia'n min hmuh rual chuan,"Rose,hei hi Siamsiami"tiin a bula ṭhu chu a nuih var var a.Ka nau in a en dan aṭang chuan a duh ve hle tih ka hre thei a.Ni e,a duh ve chiang lawm,a ṭawngvaihnaah pawh a hming kher alawm a lam.





"I dam ṭhin maw"tiin Siamsiami chu ka chibai nghal a."Ka dam e,nangzawk"tiin min nuih ve var var a."Ka ṭha e,Iva fel ve"tiin an bulah chuan ka ṭhu thla ve nghal a.





"Rose,a hmelṭha tiraw.I aiawh tu tur anih hi"tiin a nui leh sung mai."Laldinpui,min va ui lo ve"ka ti faimthu ve bawk a.






"Nangchu duhaiin i liana,i mi hip ana lo.A te te hian hipna an ngah zawk ania,an thinrim pauh leh an cute tawlh tawlh, duat kan chak em em zêl"tiin Siamsiami chu a nuih var var a.Siamsiami zak lutuk hmai sen vek chuan vawk pu hmaa ka chet chhiat lai min ti hrechhuak daih a.






"Siamsiam,chaw lo ei rawh aw,rawng ka'n bâwl nghal ange"tiin ka kut ka sil nghal a."Ka lo sâwm fel vek tawh,tui deuh siam sak rawh aw"Dinpuia'n lo tiin,ka ei lo lutuk chuan ka melh hrâwk a.Ani lah chuan min ngaihsak duh miah lo lehnghala.





Siamsiami chuan min pui ve in,Dinpuia chu pangpar tui ka pêk tir bawk a.Chaw ei kan hman dawn ah ka nu pawh Duatlaii nen an rawn haw ve a.Duatlaii ka hmuh takah chuan Laibata ka hre chhuak zawk a.






"Khawnge Laibata hi"tiin ka zawng kual nghal a.Ka nu room te leh sitting room lam ah te chuan ka zawng kuala ka hmu bawk silo chu inchung lamah a awm anih ringin Dinpuia chu zawng turin ka tîr a.Rei vak lovah inchung aṭang chuan rawn pawm thla in,"Rose,Laibata hi bathroomah alo ṭapa"a tih chuan awih lo zet hian ka lo en nghal vat a.Laibata lah chu in la khawngaihthlak awm deuh hian Dinpuia chu a melh kiau a.Fakzuala'n "in tih danglamna rau a dawng" a tih kha hrechhuak zawk in,ka nui chhuak hawk a.






"Banwghnute ka lo pe ang"tiin fridge a bawnghnute kan dah chu la in,Laibata thleng ah chuan ka chhung a.






Bawnghnute chu alo ngaina tak tak anih hi,rei lo teah a liak zo vek a.A thlenga tling pam chuan k chhûng nawn leh a.





Ka nu chuan Siamsiami chu zawhna a zawt nual a.Kan inchhung monu ni turin a endik nimai hian ka hria.






Chaw eikhamah pawh chuan Siamsiami chu ka chelh lui tlat a.Ka nu, kohhran hmeichhe inkhawm zanah hun a neih dawn vangin,a roomah in buatsaih turin a lut zui bawk a.





Dinpuia chuan inchung chhoh a rawt avangin kan pathum chuan kan chho ta a.Ka nau bialnu anih vang nge Siamsiami chu ka nêl nghal mai a.Kawm a nuamin,a nuapan ngaihtuahin ṭawngkam te chu a nei puitling thei zêk lehnghala.






Dinpuia fiamthu thawha kan nuih laiin,Fakzuala te ṭhian dun leh Vawk pu te ṭhian dun an rawn lang hlawl.





"Ê khatah awm vek cheu a,in lo dam amaw kha"Fakzuala chuan a aw ti thum chawpin a rawn ti a.Hmingsanga alo khi suk mai.





Zara chu ka bulah a rawn ṭhu thawr a.Vawk pu chu Zara hnungah ding in,a aw a thian khurh a.Chu veleh Zara chu phu zuk in a tawlh sawn nghal a.Fakzuala te ṭhian dun pawh rawn ṭhu ve nghal in,Midang ṭawng ve hma chuan,Fakzuala chu ṭawng hmasaah ṭang in,a zawhte chanchin a sawi loh leh Kalvari chanchin bawk chu a sawi leh a.






Hlim luih tumin,ṭhian a kawm nasat phaha.Pathian thu lamah pawh a thusawi aṭangin a kal nasa tih a hriat theih a.Fakzuala hmel ka hmuh takah chuan vawiina Apuii thlarau chet dan kha ka ngaihtuah lêt a.Thil sawi duh a nei anih loh pawhin,a thih dan chungchangah lungawi lohna a nei anih te ka ring ta ngawt a.





Vawk pu chuan Pepsi cane kan in chhawp chu hawng in,min pe a.Fakzuala titi an ngaihthlak lai chuan kal sawn in,thlang lama bar chu ngheng in,Apuii chungchang ngaihtuah chuan Pepsi chu ka in pah bawk a.Vawk pu pawh a awm rei peih bik lo aniang ka bulah chuan rawn kal ve in,ngaihtuah nei ni awm tak hian hnuai lam a bih run run bawk a.






"Zars pawhin nupui a nei dâwn,in nei ve tawh mai ang.Rotawta te pawhin pi thar neih an chak.Min neih loh chuan nawrh an tum ania"min vo nge min sâwm tih pawh ka hrethiam lo.A vawk te pawh an nawrh ka ring hek lo.He pa pui rauh hian inneih a duh ve tak tak tawh animaw.





"Chawngmawi,nang ka neih na tur che anih dawn phawt chuan si ar pawh lâk ka huam.Mahse phut miah suh,a awmna a sang si,lak ka tumna lamah ka kawng te herh ta ila,engtinnge Seeker family an awm ang?"nui duh miah lo chuan a ti leh a,ka nuih za in sum zo tawh lo chu,a hmaiah tak ka Pepsi in lai ka phuh chhuak ṭhawt.Hei ngei hi ani ka vawk pu chu,a sial ve em asin!!!





"Chawngmawi,min ti duhdah thei lutuk" tiin a kawr chuan a hmai chu a hru fai nghal a."Ka tihpalh lutuk,ka in rin loh laiin ka nui a"ka tih chuan lo chek hlak in,"bâwng tar ang mai"tiin a ner nang lehnghala.





"Zara te chu engtikah nge an in neih dawna"tiin titi dang ka vawrh ta daih a.A Pepsi ken in leh zuai in,"tun Inrinniah hian"tih chauha min chhangin,rilru pik hmêl tak hian a thaw chhuak leh hawk a.A Tinkeri a ngaihtuah vang chu ani em lovang chu maw.





"Zams, khatual"Zara'n rawn tiin,Vawk pu nen chuan engmah min hrilh lovin an kal leh tawh.Zan ani tawh sia,an vawk te buaina chu ani thei tawh dâwn em ni.





Fakzuala titi ngaithla tur chuan ka ṭhu phei veleh ta a.Rei pawh ka ṭhut hma chuan,Siamsiami mut a chhuak tawh aniang, Dinpuia'n a chhuah pui veleh bawk a.





Fakzuala te ṭhian dun nên chauh kan bâng ta.Fakzuala chuan uluk taka min en in,"Chawngmawi,mal bik riaua in hriatna rau in a zêm mek che animaw"ka rilru hmuh tlang tum ang mai chuan min thlêk leh vang vang a.





"I mal lo,chak lova i in ngaih na lai tak i chakna.Mal leh khawhar ngawih ngawiha i awm pawhin,Khawvelah hian nangmah aia mal leh zual an awm ring tawp mai rawh.Ti beidawng thei tur che i tawh chang pawhin luhlul takin din chhuah tum tlat la.I êng chu ni ai pawhin a êng zâwk ang.Hriatpui,i ti thei,fighting"min khawngaih ve deuh tihna emawni le,amah leh amah a in fuih fo ṭhinna ani ngei bawk anga."Ka lawm e"tiin ka nuih ta ringawt a.





"Bro,danger point ah Ṭingṭangi'n red zone a hmet"Hmingsanga'n a phone khawih pah chuan alo ti a."Danger point maw,Ṭingṭangi lehnghal,kal nghal ang"tiin an tho thurh a.Keipawh ka tho ve nghal tharh mai.





"Hriatpui,ka sawi kha hre reng rawh aw.Kan kal phawt ang,muttui le"tiin ka chhan ve hma chuan an kal ta daih a.





Non-mihring ho tak hi chu âw,engnge khatual chu ni ang?Engnge danger point,red zone a hmet tih vel te. kan khawvel in ang lo lutuk hi a buaithlak,in zawm khawm chu kan tum ve bawk sia.In pawh tak tak alo har anih hi.




Chutia kawm tur awm ta lo chu inhnuaiah chhuk in, mutchhuak nghah nan tiin,computer on in,vawk pu chanchin ka ziah,ka chawlh san tak vang vang hnuah ka ziak leh ta a.A tawp lam ka hnaih tawh vang nge,ka inthlahdah thar riau lehnghala.





"Rose,sawi tawh rawh le"Dinpuia aw ka hriat rual chuan ka au chhuak ṭhawt mai.Kei ai mah in alo phu nasa zawk lehnghala.





"Thawm nei ve ta che"ka ti vin hlar a.A lu hiat nauh nauh chung hian a nui suk duh lek chauh a."Sawi tawh rawh"a rawn tih leh chuan,a sawi awmzia hre lovin computer bawk chu ka khawih san leh a.






Ka bulah rawn kal hnaiin,"i rawn haw khan sawi tur i nei tih ka hria alawm"a tih leh takah chuan,ka thil tawn te hrechhuak leh in,ka thil ziah lai chu ka tawp san leh ta a.





"Apuii thla a hrâng an ti"tiin bul ka ṭan a.Awi loh hmel tak hian,a nui ro hawk mai."Bawiha,amak lutuk,ka hming in min ko a,mahse ka hmu thei lo.A pangpar tur ka dah te pawh a in paih darh zêl"min awih sak dawn nge dâwn lo hrelo chuan ka sawi ta phawng phawng mai.





"U,a tak tak anih chuan,a thlarau ala kal lo aniang"ngaihtuah mûk zet chuan a ti ve ta a."Chu chu keipawh ka ring a,tuia tla hlum ni lovin,thah zawk ani lo maw"tiin ka meng phawk nghal a,ani pawh chuti tho.





Chhuat laiah chuan kal kual in,ngaihtuah nei tih hriat tak hian inkuangkuah chungin a vei kual sek a.





"U Faka'n a hmu hmasa ber tiraw"ka bula rawn kal leh chuan a ti a.Ka lu lo bu in,"lui mawng lam aṭangin a rawn pawm chho"ka tih chuan,a kut rawn beng in,"a thang rei em?"tiin min zawt leh a.





Thil thlen dan ka ngaihtuah lêt leh a,"thang rei ve tho"ti a ka chhan chuan,"U,U Faka hian a hnim hlum zawk ani maithei asin.Thlâna a kal zân te khan ka lo ngaihtuah,a ngaih vang ngawr ngawra kal chu ani thei dâwn em ni.Hmaikawr alo vuah ve reng anianga"chiang ngam bik chiah lo hian,a rin thu a sawi takah chuan keipawhin ka ringhlel ve ta ringawt.Pathian thu sawi rêng si hian mihring hi kan sual ru ve thei reng a.Fakzuala pawh hi alo ni ve reng maithei ani.






"U Faka hi kan en thla ru dâwn em ni?Nge,U Apuii thla chu kan fiah zawk dâwn?"rilru buai hmel tak chuan ati a.Apuii thla chu fiah ta ila,lo awm tak tak silo se,Fakzuala kan ringhlel sual der dâwn tihna ania."Bawiha,mi pawi sawi a hlauhawm si,Apuii thlânah kal zawk ila,Faka enthlak ai chuan"tiin thuthlukna ka siam fel ta a.






A zan a zanin Apuii thlânah chuan kan unauin kan kal ta a.Zan a rei ve deuh tawha,a reh ruih mai.






Ka nau chuan a phone light on in,Apuii thlan chu a chhun kual a."U Apui,i awm tak tak anih chuan khawngaihin rawn in lan rawh"tiin thlân hma takah chuan a ding a.Hmuh mai in ringin keipawh ka hawi kual chiam mai.




Dinpuia'n a koh nawn leh pawh chuan thawm hriat tur ala awm lo fo."U,i hre sual mai mai ani lo maw?"a rawn ti ve ta.Mahse,ka hminga min ko tu kha Apuii aw ngei ani tih ka chiang.A pangpar te pawh vawiina ka dah dan ngaiin alo awm ṭha leh vek a.A aw kha chu ka hrechiang ngei a,mahse a pangpar darh tih vel kha chu ka hmu sual zawk anilomaw ka ti ta hial mai.






"Bawiha,ka hmu sual ani maithei,haw tawh mai ang"inthlahrung taka ka tih lai chuan kan thlang lam aṭang,"Hriatpui,nangni maw?Chhun êngah kal ru ka ti che u ani lawm ni"Fakzuala chuan a phone light ti êng in a rawn ti chho bawrh bawrh mai.






"U Fak,engnge ilo tih dâwn"Dinpuia pawh chuan alo ti ve nghal a."Ka choco thlâna ka kal chu eng thil dang nge ti a min rin"a lungawi vak lo tih hriat hian a ṭawng a.





"Nangpawh chhunah chauh kal tawh rawh"Dinpuia chuan lo ti leh in, Fakzuala chu alo chek hluk a.





"Lo kal mai ru,kan plan an rawn ti chhe vek"Fakzuala chuan alo chhuahna lam hawi chuan a ti leh lung lung mai.





"Midang an awm ve maw?"ka lo ti nghal hù a."A sur a sa hnuaia ka ram vah pui te nen mawle"Fakzuala'n a tih chuan,"ramhnuai pawh anih loh hi"Dinpuia'n alo ti leh hmanhmawh.





"Hey,i thlarau mit var nan ṭawngṭai nasa rawh.Khati te chuan I kalvari pan dan pawh a khawngkhawbai reng dawn asin"Fakzuala'n a tih rual chuan thlang lam aṭang thawm a rawn awm ṭak ṭak a.





"Hriatpui,engnge in lo tih dâwn"U Sangtei pawh alo tel ve reng animaw."Kan kal mai mai"tiin ka chhang ve tawp a.





"Hriatpui,zanah chuan kal loh tur asin,thla a êng bawk silo,in hlau lo em ni"Dr.Rimawii pawh a tel.





"Lunglên te chu in dan mai mai theih ani hleinem tiraw Hriatpui"Hmingsanga pawh chuan kan bul a rawn thlen rual chuan a ti ve nghal a.






"In danger point chu hei hi em ni?"Fakzuala te haw chhan hrechhuakin ka zawt leh tawp mai.An vai chuan an in en ṭhap hlawm a,"Ghost hunting crew 1st bacth te kan nih hi"Fakzuala chuan alo ti leh khauh mai.Engvanga Apuii thlan chu danger point a sawi ringawt nge an nih hriat ka chak zek zek.He mite hian Apuii thawm an lo hre ve reng ani thei mai angem.






"Anih chuan,nangni pawh hian U Apuii thla in hmu ve animaw?"Dinpuia chuan ka rilru a awm reng chu a rawn zawt ve ta a.





In en kual leh hlawmin,"kan thawhpui ani sia,kan ṭhianpa bialnu alo ni bawk nen,kan hman hun a in rual lo thei lutuka,kan vaia kan hman rual lai tiin kan kal mai zawk alawm"Dr.Rimawii'n lo ti vat in,U Sangtei erawh chu hmuh nei ni awm tak hian a ṭhiante thusawi pawh ngaihsak lovin Apuii thlan hnung lam a melh ngar ngar a.






"U,haw tawh mai ang,U Faka te an awm bawk sia.Naktukah kan kal leh mai dâwn ania"Dinpuia pawh chuan rawn tiin,ka ṭhutna aṭang chuan ka tho chhuak nghal a.





"Hriatpui,engtikah nge hna i rawn ṭan leh theih ang"Dr.Rimawii bawk chuan ti leh in,ka hriat rih loh thu chuan ka lo chhang mai a.Apuii tello chuan hna kal pawh ka la zuam lo.Kan sûlhnu a tam si,hmun tinah a hmel hmuh tur ka zawng leh reng dawn a,thla tal hi vei se,ka zia ve deuh ka ring.





Dinpuia nen chuan Fakzuala te ṭhian ho chu mangṭha in,kal mai kan tum a.Kan piaha ding U Sangtei chuan ngawi rengin Fakzuala hmaiah a beng chawrh mai.Hmingsanga'n lo ṭhelh vat in,"Siali,in sum theihna i mamawh"a ti nghal bawk a.






"Tenawm pa"tiin kut thlâk leh tum chuan a kut a tin leh uai mai."Siali,duhtawk rawh,kan ṭhianpa anih hi"Dr.Rimawii chuan tiin alo dang ve bawk a.





Dinpuia pawh chuan min kal pui mai lovin,Fakzuala te ṭhian ho awmdan chu ngawi rengin alo thlir a.





U Sangtei hian thla a hmu thei tak e,tûnah hian Apuii a hmu mek ani lo maw.Mahse,Fakzuala hi engvanginnge kut a thlâk rikngawt.Fakzuala hian kan rin ang khân thil tih sual a nei anilomaw?






"Siali,engnge awmzia"Fakzuala pawh chuan hamhaih tak hian alo ti ve a."Apuii mangang au thawm hrelo khawpin engthil nge I tih?"U Sangtei chuan alo ti vin hlar mai.






Fakzuala nên khân zawhte thlalak en in kan in bia anih kha.Keipawhin Apuii au thawm ka hre miah lo kha mak ka ti.







"Siali,hetah a awm tiraw"Fakzuala chu harsa tih hmel tak hian a rawn ṭawng chhuak leh a."Hriatpui,nangpawh a hmunah i awm ani lawm ni.Engtinnge i ṭhiannu au thawm i hriat loh theih.In pahnih hian engthil nge in tih dun"tiin Fakzuala nên chuan min en tawn in,a vin leh hrâwk mai.






Dinpuia chuan min rawn kai nghal in,min kalpui mai a tum a.Mahse,kan buaina hi tlanchhiat san ka duh loh avangin Dinpuia pawh chu ka chelh rih a.






"U Sangte,Apuii i hmu tiraw,eng thil nge a sawia?"tiin ka zâwt ve nghal vat a."Hriatpui,i rilru tihah duh suh,haw tawh ru"U Sangtei chhânna ka nghah lai chuan Fakzuala'n lo tiin Dinpuia chu a mit mei nghal a.







Mahse kal duh bik lovin,U Sangtei chhânna chu kala nghak fan.U Sangtei chu a ngawih vang vang hnuah rawn ṭawng chhuak leh in,"Apuii kha lui mawng lama a kal dawnin a ko che u,mahse a koh na hre lovin in pahnihin hlim taka in nui dun lai a hmu bawk che u.A rilru na in ko duh tawh lo che u in,tuiah a luh san ta cheu a.A tlak dawna a in ham buai pawhin a thawm in hrelo.In ti lui nge in hrelo tak tak?"tiin min zawt leh phawng mai.







Fakzuala nên chuan in en in,"chuvang chu em ni,thlamuang taka ala kal theih loh"Fakzuala chuan alo ti ve bawk a.






"Apui, khawngaih takin min ngaidam rawh,ka thiam loh vek ani.I rilru tih nat ka duh lo ania",hmu ve thei lo chungin ka be mawlh mawlh a.






Fakzuala pawh chuan Apuii thlan chungah ṭhingṭhiin ngaihdam a dil ve bawk a.Ni e, Apuii thihnaah hian ka thiam lo takzet.Amah khan lo tlat fal tîr lo ila a ṭha tur ania.Saizami khan min chah lawm lawm chung pawhin ka venghim zo chuang lo chu ania,eng ang ṭhian nge maw ka nih le.






"Apui,ngaihdam an dil tawh che hi,thlamuang takin kal tawh rawh.An duh vang leh tih luih vanga hre lo an ni lo.Kal hlat san lo lang chuan buaina i tawk lo maithei ani.Mahse,thihna hi chu kan dan zawh rual ani lova.Pathianin i kal hun a tihah a la mai zawk che ani.Dem kual tur zawng lovin,thlamuang takin kal tawh zâwk rawh.Mi nun tih buai reng a ṭha love"tiin kan hmuh ve theih loh Apuii thla chu a be mawlh mawlh a.







Chutia ka lo en reng lai chuan,"Hriatpui"Apuii min koh na ri ka hre leh tawh.Ka hawi kual nghal a,"Apui, nangmah ini tiraw"tiin ka ṭah a rawn chhuak leh tawh.






"Hriatpui,a kal tawh,a ngaidam tawh che"U Sangtei chuan lo ti nghal in, Dinpuia chuan min rawn kuah nghal a.






"Fakzuheh,nangpawh tho tawh rawh.Haw tawh ang u"ṭha tak chuan ati leh mai bawk a.






Ka nau nen haw ve nghal in,in kan thlen thleng pawhin,Apuii chungchang chu kan sawi char char a.Mangang taka a awm laia,a tana ka awm lo kha na ka ti.Ka in ngaidam thei ngai lovang.






Mut tuma light kan off hnuah ka phone a rawn ri a.Vawk pu hming rawn lang chu en in,a number ngai a hmang leh tawh animaw tiin ka la vat a.






"Vawk pi,Rose,Chawngmawi,hming i ngah lutuk"tiin a rawn au lung lung mai.Party naah a kal emaw tih mai turin thawm a ring ṭha viau bawk.






"Lalrinzam,khawnge i awm?"ring tak chuan ka lo ti ve bawk a.Dinpuia mu pawh a rawn harh ve nghal.







"Chawngmawi,in neih a hun tawh.Zars nen hian kan lo ru chhuak dawn che.Ka kekawrte par ho min hak ṭawm i duh loh chuan lo in siam sa rawh"a rawn ti leh lung lung mai.






🦋


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:44 pm

Ka Vawk Pu



Chapter 28:




"Lalrinzam,i mawl em ni!"ka ti chhuak hrâwk mai.Dinpuia rawn harh chu zung turin a tho zui a.




"Rose,Vanlalchawngmawi ka duh nu,ka favourite colour"tiin a rawn au leh lung lung a.Hepa hi a rui animaw,a thluak a nu leh vek tawh.




"Vawk pu"ka ti vin leh hlara,"Eih,Zars Vawk pu min ti,a sial tiraw"ala nui zuiin ka hria,hahthlâk hian.




"Ka mu tawh,min rawn tibuai suh"tiin phone ka dah hmak a."Rose,vawk pu em ni?"Dinpuia rawn lêt leh chuan tiin a mit a nuai nuk nuk a.





"Mmm"tih tawpa chhangin ka puan sin siam ṭha in ka mu zui a.Dinpuia pawh rawn mu ve nghal in, puan hrang sin si hi,ka puan a rawn pawt tel hrâm zêl.










Ka mu tui dâwn chauha ka phone a rawn ri leh tawh.Vawk pu bawk anih ringin,en duh lovin ka in leh san a.Dinpui pawh lehlam hawiin a hnar leh suk suk tawh.




Ka phone ri ngun lutuk chu,ning tawkin ka la a,"Engnge"ka ti vin hlar mai.Dinpuia hnar lai pawh a tawp leh hmak.




"Rose, Rose,Roses are red.Chawngmawii tel lovin Hrangchhuana a awm thei lo"rui tih hriat tak hian a ṭawng buh nuai bawk a.





Ka ning lutuk chu ka thaw chhuak hawk a."Rinzam,ka mu tawh ka ti em?"thinrim in sum tak chuan ka ti zawi sap a.





"Aw,e,aih,ka sawi awmzia chu maw,Vawk pu hian a ru bo dawn che.Neverland ah a thlawh bo pui daih dâwn che,i in ring em,khai aw,thlawk ta che pip pip pip"a rui nawi lutuk chuan ka nuih a ti za let ling.





"Chawngmawi,I am coming.Zars kan thei tui inah khan English a tel aniang"ati zawm leh nghal zat a.Ava buaithlak ṭhin tak.






"Rinzam,haw la,mu vang vang rawh.Naktukah kan in be dâwn ania"ti a phone dah leh mai ka tum chu lo ṭawng leh in,"Peter Pan hi a Tinkeri'n pasal a neih san dâwn,hmmm,a pasal tur pawh khawvel dang ami.Peter Pan hian a zui ve dâwn"rui chunga sawi ni mahse,min deng leh zawk mai.Chawngmawii a nei tawh chung pawhin,a Tinkeri hi a theihnghilh thei lo ania.Chu chu ka dan theih ani lova,hmangaih taka ka dawh hram hram angaiin ka hria.






"Awle,Peter Pan,Tinkeri te chu khawvel dangah kal mahse,keini chu kan kal ve dawn hleinem.Keini chu Neverland a awm kan ni a,tah chuan kan duhthusam ti puitling zawk ang aw"nêm tak chuan ka lo ti ve a.A rilru hah tawt lutuk hi ka hah pui ve vekin ka hria.





"Anih chuan,Chawngmawi,van aṭang khan rawn uai thla rawh.In kawtah ka nghâk reng che"a rawn tih leh chuan ka tho chhuak nghal awt mai.





"Rose,engnge thleng a?"Dinpuia chuan phak chuapin alo ti ve bawk a.Ka phone chu kâwk zeuh in,"Vawk pu a lokal"tiin ka phun ru sur sur a."Haw tir rawh"lo ti liam puat in,a mu ṭha leh nghal a.





"Rinzam,haw phawt rawh,a tlai tawh lutuk"zaidam tak chuan ka ti a."Aih,vawk pu generation anih hi,tlai tih ṭawngkam kha a awm velo"fiah tak chuan a rawn ti leh tawh.Engtia tih chi nge le,avan buaithlak tak.





"Ka mu tawh,haw phawt rawh"ka tih leh pawh chuan,"Zaleng zawng te u,Vawk pu hian a Chawngmawii a ru dâwn,min lawm pui ru"ti a khawlaia a au ri ka hre nghal a.





"Rose,a rui em ni?Ava buaithlak ve"tiin Dinpuia pawh chu a rawn tho leh ta nge nge a.Ṭhenawm ten an hriat hlau in,kan unau chuan inhnuaiah kan chhuk vat a.




"Hriatpui,Lalrinzama em ni"ka nu pawh a room aṭang a rawn chhuak ve chiah bawk a.Vawk pu thawmin a ti harh ve ani ngei ang.





Chhang lo chuan kawngka hawn sak mai ka tuma.Ka nu chuan min lo dang in,"i hmel hmuh tir suh,a ti zahawm loh vek che alawm"tiin kawngka pui chu a hawng a.




"Aw ka Rose par......."ka nu hmel zawk a hmuh thut sia,"Hmm hei chu a par chuai tawh lam animaw.Ka pi duhtak,i fanu hi min lei tir rawh cheng sâwm in"tiin a zai pah zui lehnghala,no engzat fa kau nge a in le.🤦‍♀️






"Lalrinzam,zanreiah engvanginnge ka fanu i rawn tih buai,haw vat rawh"ka nu chuan ati chang ta fak mai.





"Ka pi,ka lo inrawlh ve lawk.Nupui nei tur ka nia, bachelor party kan neia.Chuan...."sawi zawm hleithei lovin a riat nawk nawk mai.Zara pawh chu a rui ve tho animaw,he mite pahnih non-mihring lutuk hi chu âw,min tibuai hnehsawh lutuk.





"Mmm in in tam mah mah anih kha.Mi inah kal kual lovin haw vat zawk rawh u"ka nu chuan ti leh in,kawngka khâr mai a tum chu,Vawk pu lung a awi zo tlat lo.






"Chawngmawii bialpa Hrangchhuana ka nih hi,ka pi,i fanu Rose par ang maia mawi hi khawngaih takin min pe ngei ngei tur ani"thu pe aw tak hian,kawngka vuan chung chuan an ti chang ve fak mai.






"A dik chiah,i pe ngei ngei tur ani"Zara pawh chuan vawk pu hnung aṭangin a rawn ti lauh mai.

"In va han zak thei lo em em ve,haw rang rawh u"ka nu chuan thinrim tak hian ti leh in,kawngka chu khâr a tum leh a.





"Â ka pi min khawngaih ve la,kut ruaka kan haw leh chuan Rotawta te chhûngkuain min hmusit dâwn lutuk"ngên ngawl tak hian a dil leh a.






Ka nu chuan min rawn en in,"i roomah lût rawh.Bawiha,i roomah hruai chho la,mut tîr mai rawh.Ṭhenawm ten kan thawm an hre palh ange"tiin ka nu chuan ro a rêl leh nghal zung zung a.






Muangchangin inchungah chuan ka chho a.Dinpuia chuan vawk pu chu kuah in a rawn luh pui a.Zara'n an hnungah rawn zui ve in,ka nu darah a kuah hlun zui a.






Room kawngka aṭangin,Vawk pu te ka nauin a room a a hruai luh mek chu ka lo thlir reng a.Zu a in thei lo tih hre reng chungin a in lui leh a.A nau pasal nei tur chu a tuar ve viau ani phawt anga.Mahse Zara sawn ngatinge a in ve kher le.






Dinpuia rawn chhuah leh thleng chuan ka lo thlir reng a."Rose,vawk pu hian a duh ve tak tak che anih hi.A chahthlak dâwn thleng pawhin i hming a lam char char"Dinpuia rawn lut chuan ati nghal a.






"Zara kha a rui chhe lutuk lo tiraw?"ka lo ti daih.A ruih chhiat lutuk loh chuan thil zawh fiah a hun tawhin ka hria.



.

"Rui lutuk lo,a kawm nuam tawk vel"lo ti ve maiin khumah chuan a mu leh nghal a."Ka rawn lêt leh vat ang"tiin ka nau room chu ka pan nghal a.





Room chhûng ka luh chuan,vawk pu chu tui takin alo muhil tawh a.Bathlarah Zara'n phone a hmang bawk a.A ṭawng dan aṭang chuan Saizami a bia ani ngei ang.An in biak zawh hun nghak in vawk pu mutna bulah chuan ka ṭhu thla nghal a.





Tui taka mu in,a thaw ri sek sek a.A mutthilh lai ang hian,a rawn harh hnuah pawh thlamuang takin awm ve se.A nunhluiin ti buai tawh lovin,a rilru ti hah tu awm tawh lo se.A thla zâr hnuaia awma,chhungkua dinpui atân ka duh takzet.





"Hriatpui,ila mu nange"Zara'n a rawn tih chuan ka hawi chhuak nghal a.Ani pawh rui lo chu ani bik lo,a meng nu ve phut mai.






"Zara,vawk pu hi engtikah nge alo lêt leh?"tiin ka zâwt nghal thâwr a."thla hmasa khan"ṭha deuha min chhan takah chuan ka duh ang chhânna min pe ngei dâwn tih ringin ka phur thar ta riau a.






"Dubaiah khan engnge atih?"tiin ka nuih tlawn kual vel a.In ngaihtuah buai miah lovin,"A nau damdawi siam chhuak turin a kal,aman treatment ala bawk a"a sawi zawh rual chuan thuruk sawi chhuak ta ang maiin a hmui a hup nghal a.






"Eng treatment nge a lak?a nau chuan eng natna nge a neih a?"ka dilchhut mai bawk sia,ka rilrua zawhna awm zawng zawng hi min chhang vek thei se ka ti.






"Ka Tinkeri hian Nightmare disorder a nei a,natna satliah ani lo.A zual zêl si a,"keimah ngeiin ka siam dâwn"a ti tlata,ka dang thei lo anih kha"ka beisei ang chhânna zawk min la pe lo.






"Eng treatment nge a lak?"tiin ka zâwt leh nghal a.Thawk a la hawk a,"color blindness a nei a"tih tawpin min chhang.Mahse chu chu min kalsan nan chhuan lam tlingah ka ngai lo.Chhan dang ala awm chiang alawm.






"A rawn lêt hnuah ngatinge ina haw lova hotel-ah a khawsak?"zawhna lah chu ka ngah bawk si,ka mi zawh ber lah hi a mut chhuak tawh lutuk chu a ham bui bui reng bawk a.






"Airport ah Pahlira boral thu ka hrilh a,a sûn ve anihkha"atih chuan awih lo zet hian,ka nui chhuak hawk a.






"Hriatpui,in in mah nise,ka mut a chhuak tawh ê"in thlahrung taka a tih takah chuan,mut a duh tawh tih hrethiamin ka chhuah san ta a.





Mut hmunah chuan muhîl mai lovin,vawk pu in color blindness a neih vang chauha min kalsan chu hrethiam lovin,a chhan dang tur awm ang,ka ngaihtuahna chuan ka dap kual vak a.Saizami damdawi tur pawh chu hetah a siam theih mai awm sia,tih te in ka ngaihtuahna chu a vak kual ruai mai.






"Siamsiam"Dinpuia a rawn ṭawngvai leh tawh.A ke in min la khan zuar lehnghala.A ke chu dah thlâk sak in,lehlam hawiin ka muhil ve ta nghal a.






Dinpuia thawmin min ti harh a,mut kham lo tak chungin zawi tak chuan ka tho ve a.Tukverh hawngin ka zimar ṭaih ṭaih a,"Rose,vawk pu te va kai tho tawh mai teh,ka inbual duh ania"bathroom aṭanga Dinpuia rawn chhuak chuan a ti a.






"Hetah inbual mai rawh,duhtawkin mu rawh se"lo tih liam sakin,khum bula tui chu la in ka in nghal a.



"Chulam ani lo,ka bathroomah ka kekawrte par ka dah"zawi taka a rawn tih chuan kâ ho hian ka lo en a.




"Mipa pawhin a par te chu kan lawm tho alawm,Siamsiami min lei sak ania"tiin a in sawi thiam nghal zung zung mai.




Chutia min ngen tlat takah chuan,ka phei leh ta nge nge a.Room chhûng ka lut chiah chu,ka thil hmuh avang chuan ka phu zawk mai.






Vawk pu leh Zara te in ngeih takin an lo in kuah rial a.Vawk pu chalah Zara'n a hmui a chuktuah vâ bawk.Puan tlawh thlain an lo in khan chial bawk a.Ka hmui hup in,ka phone ka la chhuak nghal a.An bulah chuan kal hnaiin,duhtawkin thla ka lâksaka,Saizami ka thawn nghal.An harh hunah an duh lo ve ngawt ang.






Parda hnawl tawmin,tukverh ka hawng nghal a.Thli rawn thaw heuh heuh chu rei vak lo dawng in,vawk pu te kaihthawh ka tum ta a.





Vawk pu lu ah chuan sawiin,"thawh a hun tawh ania"ka ti zawi sap a.A rawn meng diar diar a,a bula Zara lo mu a hmuh rual chuan a in perh tho nghal at mai.Zara pawh a rawn zi ve ṭaih ṭaih a.Vawk pu chuan,"Zars,engthil nge ka chungah i tih"tiin a hmai a hup nghal a.Zara rawn meng chuan,"good morning,ka duat"tiin ala nui sang zuia.





"Awi ka duh lo,ka chhe vek"vawk pu chuan a hmai hup chungin a aw a ti sin chawp a."Zams,zan nuam tak hriatreng tlak kan hmang dun alawm"nui vur vur chung chuan alo la ti.Zingkar aṭangin an non-mihring zia an phawrh chhuak nghal chu ka lo khi ve var var mai.





"Good morning"ka phone lek va va chung chuan ka lo ti a."Good morning"vawk pu chuan rawn ti liam puat in,rang deuh hian a rawn hawi chhuaka.





"Rose,oh Chawngmawi,engnge hetah i tih"phawk zet chuan tiin,a hawi kual nghal hû mai.Nizanah a rui lutuka engmah a hre tawh lo ani ngei ang.





"Zams kan haw nghal dawn em ni,Rotawta te an ril a ṭam tawh ang"Zara chuan nui vur vur chungin alo ti ve bawk a.





Vawk pu chuan a hmai beng thlawrh in,"mumang anilo,Zars,nizân ka tibo daih ania,min zawn pui rawh"tiin lukham chu a keu nghal a.





"Nizân kha chu i che hero lutuka kan delete sak che"Zara chuan lo tih liam sak puat in,a tho chhuak nghal a.




"Chawngmawi,nizânah min kidnap animaw.Tihian kan in ru tihna em ni?"ava buathlak tak,ala harh chiang lo animaw.





"Lalrinzam,mawl mawl suh,va inbual la,i harh kâwk mai ang"tiin an rizai tlawh thlak chu ka chhar nghal a.





"Mi ina inbual ka duh lo,ka kekawrte a ṭhing si"nui duh miah lova atih chuan,ka melh nghal hrâwk mai."Dumde rawnga ṭial bawk kha em ni i hak"nuih in sum ru ṭeuh chung chuan lo tiin,a kekawr ka pawh thlâk sak kha mitthlaah a rawn lang nghal a.





"Dumde rawng chu engnge? phêngphehlep maw?"bo deuh taka a tih chuan a ti der miah lo tih ka hre thei.Dumde rawng pawh hre hrang lo khawpin buaina alo nei tawh animaw.





"Zams Jack ka thlah liam zo chiah,va thlah liam ve rawh,a in up rei lutuk ange"bathroom kawngka khârin Zara chuan a rawn ti a.An thusawi awmzia pawh hre chuang lo chuan ka lo khi ve ṭhaw mai.





"Chawngmawi,i pasal ka ni tawh sia, zingkarah chuan thingpui in lovin tui so ka in ṭhin aw"tiin a khi suk a.Ka ru angah a ngai tak tak rauh nge ni,a ṭhianpa nen engtinnge ka rûk theih a rin reng reng ni.





"Mmm ka lo lum dawn ania,va in tifai phawt rawh"tiin ka chhuah san a.Ka roomah pawh lût tawh lovin inhnuaiah ka chhuk ta daih a.





Ka nu pawh a rawn tho ve chiah,zan a mu ṭha lo nge ni,a mit a bui lâk lehnghala.Vawk pu in tur chu lum ngal in,chaw chhum ka siam nghal a.





"Rinzama te chhum kep rawh aw,rilṭama haw tir loh tur"ka nu chuan tiin pangpar tui pe turin a chhuak leh ta daih a.Nizan khan a thinrim viau emaw ka tia,a khawngaih leh si animaw.






Chaw chu ka chhum kep a,chawhmeh siam tur ka hre leh tawh lo.Kawta ka nu pângpar tui pe mêk chu ko in,siam tur ka zawt leh a.Siam tur min hrilh loh chuan chaw chhum bak tih tur ka hre ngai lo.






A sawi ang chuan sakhi sa rep chu cookerah ka phit a.Anṭam par zai sin in,tel saah ka thlak zuai a.Badam rawt dip leh hmarcha leh chi nen,hmeh han tlem ka pawlh bawk a.Thlairah bai siam leh in,iskut ka steam bawk a.Salad atân Fanghma ka zai lêp bawk.Chawhmeh ti tam tu ah tiin anthur rep ka bai thak leh bawk a.






Rawng ka bâwl zawh hnuah pawh kan mipa te rawn chhuk har lutuk chu choka aṭang ka au leh lang lang mai.Rinzama pawh tui ka lum sak ve sia,a in hman dawn lo anih hi.An hriat lawk loh avâng chuan,Duatlaii thleng bawk chu ka khawng ri leh a.






"Lalhriatpui,i nau thleng khatin ti ziah suh"ka nu chuan tiin Duatlaii a pawm leh tawh.Laibata pawh ka thleng khawng riin a ko ve aniang,in thing harhin a rawn kal ve bawk a.






Duatlaii leh Laibata te chaw tur ka siam sak laiin,mipa ho chu an rawn nui thla bawk bawk mai.



.
Dawhkân chu an kil bial laih a, Dinpuia bula ṭhut ka tum chu vawk pu in min lo melh rum leh hle tawh a.Ka nu melhru zeuh in,vawk pu bulah chuan ka ṭhu ve ta ngawt a.





Chaw lah chu ala vei bar zui lehnghala.Ka kut vei lam chu rawn hum ru in,engmah thleng lo ang chuan ala awm hmak zui a.






Ka nu chuan ṭha taka bia in,rui tawh miah lo tur te chuan a zilh ve bawk a.Sawi lan kher ngai lovin,vawk pu nen kan ṭha leh tih a hre nghal mai nge ni,a makpa chei leh hmiah hmiah tawh.






Ka kham hnu pawh chuan thawh theih ala ni lo,ka kut vuan tlat tu hian ala ei tu mai bawk sia."Hriatpui,i puar chuan tho tawh rawh,thleng ruak nena dawhkan kil reng a mawi lo"ka nu'n a rawn tih chuan ka kut min vawn sak chu phelh tumin ka pawt a.He vawk pu lah hian,thlah duh miah lovin chaw te chu ala lam belh zui lehnghala.Mi ina chaw ei ve si,a ei hnem zek lehnghal.Zara pawh a bang chuang lo,ka nu ban a kham tawh ngawt ang.





Ka tih ngaihna hrelo chuan chaw ka lam leh tawp a.Vawk pu alo nui suk mai.Ka pumin a pai zawh loh thleng chuan ka ei a.Kan kham meuh chuan ka luak a chhuak hle tawh.Khatiang em em a chaw ka hne kha ka la hre ngai lo.






Thleng sil ka tum lai chu vawk pu bawk chuan min lo dang in,sil a chuh tlat lehnghal.Nula awm ve reng laia tlangval thleng sil tîr chu zahah la in,ka sil lui ta tlat a.Ka sil chhûng zawng,ka bulah ding in,"kha lai kha ala fai tawk lo,bêl mawng te kha nâwt tel ta che"alo ti zung zung a.Thleng sil ṭhîn awm zia zanga sil dân tûr alo sawi chhen chu ngai thei lovin,"nangman sil rawh"tiin chawhtawlh chu a lamah a nawr hnai a."Khati daih tawh tur kha alawm,vawk pu generation",tiin ala nui suk zui a.






Common room a Zâra leh Dinpuia te min hnungchhawn zawnga chhuata lo ṭhu run chu engnge an tih hriat tumin ka pan hnai a.Laibata hrik an lo zawng chu niin,"Bawiha,a lu lamah khan a pa chal a rawn tlân chhia ania,lo chhuah hlek suh"Zara chuan tiin,Laibata bawp chu alo khai pharh a.Laibata lah nuam tiin alo chhing diar diar bawka.






"Class i kal dawn nange?"Dinpuia dara nem chung chuan ka ti a."Sir in leave a la"ngaihsak vak lo chuan alo ti ve mai a.Ka awih lo lutuk chuan a hnung ah beng in,"naupang sual thawmhnaw lutuk"ka tih chuan,an pahnihin min rawn melh nghal hû mai.Zawhna mitmeng nen lo en ve in,"a pachal kan tih bo phah"Dinpuia chuan tiin ala lungawi lo em em lehnghala.




.

"Hriatpui,vawiin chu dawr thlang zawk i nghah angai dawn ania.Kan nula a dam lova,zuk hawng vat la,haw tlai suh aw"tiin Duatlaii nen dawr chhak zawk nghak turin an chhuak zui a.





In chung chhoh dawnah vawk pu thleng sil ka en leh chuan,gas alo nawt hliau hliau mai,ala faifuk rat rat zui a.Nui sakin ka chhoh san ta a.





In bual fai hmasain,dawr nghak tur chuan ka in siam nghal a.Khuma ka phone dah chu rawn riin,Saizami hming a rawn lang nghal a.





Ka thlalak thawn a hmu tawh anih ringin nui sang in ka la a."U Hriatpui,ka u te an riak tak tak alaw,nizana Zara'n a sawi khan ka awih lo lutuka"a rawn ti nghal siam siam a.





An riah thu a lo chhangin,vawk pu in thleng a sil thu te ka lo hrilh nghal a.Za zet hian a rawn nui hak hak a,"inneihnnaah chuan sawm ngai lo ah ka ruat che ania aw.Vawiinah man kan in hlan dâwn bawk a,i hman chuan lokal ve la"a rawn tih chuan a hlim ve hle in ka hria."Vawiin chu min hrethiam mai rawh,dawr nghah ka ngai sia.Naktukah ka lokal zawk dâwn ania"ka tih chuan alo hrethiam nghal em em a.





A hmeichhia lam ka nih dawn avangin an kawr rawng hak tur te chu min hrilh nghal bawk a.Ṭhui tîr na hun a awm tawh lo bawk nen,ka neih saah chuan kan hak tur rawng a awm tho avangin,ka ring mai ang ka ti rilru ta a.





Phone kan dah hnu chuan in siam chhunzawm leh in,ka bag la in inhnuaiah ka chhuk a.Kan mipa ho chu phone pakhat bih in chokaah an lo ṭhu a.Ka kal tur pawh chu min ngaihsak lo reng reng.Ka chhuah hma chuan,an phone bih chu ka en ve chak ta tlat a.






Vawk pu bulah ding in ka bih ve dek sek a.Arngeng deh lai uluk taka an lo en chu ka nui chhuak hawk mai."Chawngmawi,khawnge kal i tum"vawk pu chuan thutak deuhin min lo zawt nghal a.Ka in chei dan chu Chik takin a en chhuak vek bawk.






Dawr ka nghah tur thu a ka chhan chuan,"khatiang thawmhnaw nen khan dawr nghah i tum amaw,i pasal ka awm ve reng laiin mipa dang hmuh i tum zawk anilomaw"tiin chik tak chuan min en a.






Ka chhan leh hma chuan,ka hmui chu rawn tuaiin,"duhaiin i vul"tiin ka sam ṭawn chu a rawn phelh nghal bawk a."I nghawng an lo hmu ve palh ang"a ti sup mai.Kan va strict ṭan dâwn ve,thikthu lah hi a pe chhe thar tlat lehnghala.






Kal nghal mai ka tum chu min pawt ding leh in,"ka lo thlah ang che"tiin inchungah a tlan chho leh nghal a.





Rei pawh thang lovin,a car chahbi vawrh virin a rawn chhuk leh nghal a."Zars,khatual"tiin Zara chu a mitmei zauh a.






Pawna min chhuah pui rual chuan,"lawkin,nizâna ka tih bo ka hmu let dawnin ka hria"tiin a ding chawt a.Kan kawt leh kawngkapui te chu en kual in,"Chawngmawi,min kidnap dawn pawhin in inah kher ti mah ta che.Hetiang te chuan ka luhkhung daih che asin"a rawn ti daih.A au vak vak kha a hrechhuak emaw tih laiin,kidnap ang zawng ringawt chuan a ngaihtuah lehnghala.Min luhkhung chu a ring tak tak emawni le,he a thluak ṭha tak hi,Rotawta'n a ei zo ṭep anih ber hi.



.

"Zams,i bungrua kan la dawn em ni?"Zara pawh chu,fin hmel deuh si hian a mawl huih rauh a."Ka nu ten min hmuh chuan min pawt let animai"vawk pu lah chu alo la thutak mai bawk sia.






"I ninawm,ka kidnap bawk lo che,i rui nawi lutuka,engmah i hre tawh lo anih kha"ka lo ti vin hlar a.Vawk pu chuan Zara en in a tukhum chu za lo takin a hiat nauh nauh a.






"Anih chuan min kidnap kha,ka mumang animaw.Chawngmawi,tun thlaah tuipui sen i kân tawh em?"ati leh daih.A zawhna te hi a mak thei si.






"Kân tawh"lo ti hmuk in,a car ka pan nghal a."Ava mak awm ve,tuipui sen i kân tawh chuan,ka mood swing hi Tinkeri zawk animaw.Zars tuipui sen kân chunga khumpui luah dun chu ava tui tang awm lo ve"ti nuah nuah chungin ka hnungah min rawn zui ve bawk a.A bul hnaia awm te period avanga mood lo tih swing ve rikngawt,awih tlak pawh ni lo hian!!






"Zams ka Tinkeri'n tuipui sen a kân chhung chu,ka sat phel ngam lo.I bulah ka riak mai dawn"Zara pawh chuan lo ti ve nghal in,min rawn kal pêl thuak a,front seat ah a ṭhu hmak mai.






Seat hnungah chuan ka ṭhu ve tawp a.Vawk pu in a khalh chhuah hma chuan,Zara leh kei chu min en tawn in,"Zars min ngai tih chu ka hria alawm,kei pawh hian ngaih deuh ka nei ve a"tiin Zara chu a melh run run mai.





Zara'n angaihna hriat loh hmel taka vawk pu a en ve hû chu ka nuih alo za leh tlat pek a.Vawk pu chuan a aw a thian leh kharha.Chu veleh Zara chu phu zuk in,car aṭang chuan an chhuk nghal a.Ka bulah chuan rawn ṭhu lût leh in,uluk tak hian min la thlêk zui a.






"Chawngmawi,i che changtunu lo thei lutuk"vawk pu chuan rawn ti leh hluk in,nui var var chungin front seat ah chuan changtunu takin ka ṭhu veleh ta a.





Dawr kan thleng a,min hawn pui vek hnuah,Saizami te man hlanni anih vangin,Zara chuan haw a rawt a.Vawk pu pawhin hreh tak chungin a zui ve mai bawk a.





Dawr chhûng ka tih fai laiin,Fakzuala hmel ka hmu leh hlawla."Chawngi, anṭam tui hâng chu i in ta em,a chhâwk ngei ngei ang che"nui sung hian a rawn ti lut zui a.




"Engnge ilo tih dâwn"pot rem ṭha chung chuan ka lo ti ve bawk a.Pangpar ho chu rawn en kual in,"Lotus par i nei em?"ati zawi sup a.Lotus kher kher chu a vâng ve khawp ang.




"Apuii thlâna dah tur maw?"a pangpar khawih lai lo lâksak chung chuan tiin,pangpar dang khawih leh a tum chu a kut ka lo ben sak pawp a.





Nui vur vur chung hian,"Detective legend te inneihnaa pêk tur"atih chuan awih lo lutukin ka lo melh râwm mai.





"Lotus a awm lo,daisy hi pe mai rawh"tiin daisy par bawr lian tak chu ka la nghal a.Ka pangpar ken chu la lawk lovin a hnim kual leh te te a.Pawn lam melh zeuh in,"a chhawr thla dan che saw,ava cute ve.Anṭam tui hâng in result anih saw"ka beng bulah a rawn ti zawi sup mai.





Pawn lam ka hawi phei chu,kan dawr bang,glass a a kut nghat in,rum tak maiin Vawk pu in min lo en thla reng.Zai zir hian min rawn kâwk a,i thi dâwn a tihna ni awm takin,thinrim hmel tak hian,a kut zungpui chuan a nghawng a thai phei leh a.A mitmeng aṭang reng reng sawn biak ngam chi pawh va ni suh,min that duh mai ang.




Fakzuala lah chuan engahmah ngai lovin,ṭhutthlengah chuan min ṭhut tîr a.Ka pangpar ken chu la in,vawk pu melh zeuh chung hian ka sam rawn tla niai chu ka bengah min zeh sak a."Kal vat rawh"ti zawi sap in,hawi chhuak ngam tawh lovin ka ngun ngar ngar.





"I ral veng tu ah min hmang ta che"thutak zeta a tih chuan,mak ti takin ka en hâw a."Ral ka vêng thiam,a Kalvari ṭawng tak phei chuan,Sipai za hotu thla zâr hnuaia awm tihna"nui sung mahse,a mitmengah chuan thil engemaw hriat a nei tih ka hmu thiam nghal a.Ka hriat ve loh thil engemaw tak a hria ani.





"Chawngmawi"rawn ti vin ṭhawt tu avâng chuan ka phu leh dawrh mai.Vawk pu chu thinrim tak hian a rawn pen hmei hmawk hmawk a.Kan hmaah tak rawn ding in,"Kalvari kawngah chuan artui min zawrh san dâwn amaw?"lungawi lo tak chuan tiin,a kawng ala dawm vah zui a.






"I hmuh ang kha anilo"lo ti zawi sap in,hlauthawng tak hian ka en ve rân a."Ni e,i hmuh ang kha anilo,I vawk seeker family te chanchin erawh kan sawi miah lo"Fakzuala chuan tiin ala ṭhen ṭhaw zui a.Vawk pu ti thinrim turin a rawn kal ani ringawt.





"Ka Chawngmawii anih kha,ka ta chauh"thinrim taka a tih leh hnuah,Fakzuala chuan a kut rawn beng in,"Hrangchhuana leh Chawngmawii an êng dûn thei ta"nui vur vura tiin a tho tharh a.Vawk pu darah chuan beng in,"anṭam tui hâng in ngai khawpin siam tawh suh"ti thawp supin,a pangpar ken chu a en leh zeuh a.A wallet aṭang pawisa rawn phawrh chhuak in,a kîr pawh la hman ta lo chuan a chhuak ta daih a.






"Haw tawh ang,rawngbawl angai"vawk pu bawk chuan rawn ti leh in,ka bulah a rawn ṭhu nghal a.Hepa pui hi min luhkhung a tum tak tak rauh ami le,a nau in naktuk maiah pasal a nei dawna.A chhûngte a ti thinrim mai mai dawnin ka hria.Ka nu pawhin makpa chhungkhung neih a duh ka ring bawk hek lo.






"Lalrinzam,zahna te hi nei ve deuh rawh.Kan la innei lo,i nau in naktukah pasal a nei dâwn.Bakah ka nu'n makpa chhungkhung neih a duh lo"ṭha deuh chuan ka ti ve mai a.





"Anih chuan min zui haw rawh,ka chhungten fanu an chân dâwn a.Keiin fanu ka pe leh animai"ala ti zel lehnghal.Inneih hi ngatinge a hmanhmawh tak em em le.Ṭha taka in ngaihzawnna hun pawh kan la nei tawp silo.





"Min zui dawn em?"min melh leh run rûn tawh.Engnge maw a hriat le,a ruih ka ring tawh bawk silo."I nau in pasal nei phawt rawh se.Kan sawi ṭha leh dawn ania"ka tih pawh chuan a thu ah ala ding nghet tlat.Hepa luhlul zia hi,a rilru a sawh sawn thei lo reng reng.





"Lalrinzam, puitling deuhin awm rawh,inneih ala hun lo"ka ti bak hlar tawh mai.A puitling thei thlawt lo hian min ti thinrim ngawih ngawih.





Biak tur nei ni awm takin a phone a phawrh chhuak a."Dolly,nupui ka rawn hâwn dâwn,fanu thar i nei leh tawh e"tiin phone a dah leh hmak.Min rûk a tum tak tak animaw.




"Kal ang,i mo kawr tur pawh ka lam vek tawh"tiin min kai nghal dawr dawr mai."Lalrinzam,mawla,i mawl hlum lo chauh"tiin ka lo ṭang ve tlat a.





"Mawl e,he mi mawl pa hian a duh lutuk che tih ila hre nange"tiin min pawt lui tlat lehnghal.Ka bag la in,min kai chhuak ta ringawt a.Car chhûng luh dâwnah pawh,ka la ṭang ve ṭang ṭang.






A tha ka hneh bawk silo,ṭap pur chungin a car ah chuan ka chuang ta ringawt."Dawr chu ngaihtuah suh,Bawiha ka be tawh"tiin a khalh chhuak nghal a.






🦋


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:44 pm

Ka Vawk Pu



Chapter 29:





"Lalrinzam,duhaiin fiamthu i duh mah mah.Min fiam tawh suh"ka thinrim lutuk chu ka tha thlengin a khur chhuak vek tawh.Ani lah chu ka thusawi hre lo ang hmakin,faifuk chungin a motor khalh chauh chu a ngaihtuah a.





A awmdan ka run lutuk chu,"ding rawh"tiin ka au khum chiam a.Nui suk in,a hma aia chak chuan a khalh leh nghal a."Rinzam,ding rawh ka tih chu"ṭap pur chung chuan ka ti leh a.





"Shhh,ṭap suh,i ṭah ka phallo ka tih tawh kha.Min neiha ka kianga awm i duh ani lawm ni"zaidam tak chuan ati leh rauh a.Kan dinhmun hi a hrethiam duh lo lul zawkin ka hria.





"Neih che ka duh alawm,mahse tunah ni lo"ka mittui ka hru leh zauh a."Tûnah ka duh,anih loh chuan vawk pu generation a tel ve ngai lo,'tlai'tih thumal kan lam rik angai palh ange"a uang tawh miah lo,hepa hian min kalsan leh vat a tum zâwk em ni?





Sawi tur kala ngah tehlul nen an in kan thleng der a.Car aṭang chuan min kai chhuak leh in, inchhungah chuan a pawhin min pawt lût.






Saizami man hlan ni alo ni bawk nen an inchhungah chuan an lo khat hmur a.Ṭhutthleng in rem kâra kalna tur an dah âwl ah chuan min kai pheiin,a nu leh pate bulah chuan min din pui ta rân mai.





A chhûngte chauh nilo,helaia awm zawng zawng hi kan ṭhawng tih ka hria.Ka zak lutuk chu hawi chhuak ngam lovin,ka kûn tlata.Vawk pu in ka kut nghet taka vuan in,"hahdam rawh"ka beng bulah a rawn ti zawi sup a.Hahdam thei pawh ka ni lo,hepa mawl lutuk vang hian ka chhe vek dâwn anih hi.






"Bawiha,inchungah chho ang u,i nau te programme tibuai zawngin khawsa miah suh"a pa chuan tiin,inchung lam panin a chho nghal a.Saizami man ei tute an ṭhahnem bawk nen,he mi mawl hian a at a chhuah leh vaih chuan kan hmingchhe dâwn lutuk.





Vawk pu chuan inchungah min kai chho ve leh a.Apa lah chu inngaihtuah muk hmel tak hian tukverh lam hawiin a lo ding a.





"Pa"vawk pu in a tih rual chuan,a rawn hawi vat a."Bawiha,in ngaihtuah nawn leh la ka duh,i nau in naktukah pasal a nei dawna.Tunah a man kan dawng tawha.I nau buaipui tur i nih laiin,nupui ka rawn hâwn i tia law.I harhchiang meuh maw?"vin miah lovin fiah tak chuan a ti a.A fapa khawsak dan hian a lung ati awi lo takzet ani.Ka dem hauh lo,tu nu leh pa nge lawm tehlul ang.






"Pa,thutlukna ka siam fel tawh.Chawngmawii hi ka nupui ani tawh,ka dah let lovanga,vawiin aṭangin he in hi a in ani ve tawh ang"in ring tâwk tak chuan a chhang ve a.A lung lian lutuk hi tumahin an hneh theih pawh ka ring love.






"Hriatpui,lo va haw rih phawt la,a nau te inneih zawh lamah duh leh palai te kan rawn tîr anga.In neih lam pawh kan sawi vat dâwn ania"zaidam tak chuan a ti leh a.Chhan ka tum lai mek in,"Ka pa,ka sawi tawh kha,ka nupui ani tawh"vawk pu chuan alo ti chang fak mai.






"Lalrinzam,ka rem ti lo chungin nupui i rawn hruai lût a.Min zah lovin i nau te man hlan pawh i rawn ti buai lek lek a.Ka thu anga awm duh lo fapa ka mamawh lo"a pa pawh a thin in a tuar ta bik lo ania nge,a vin ve ṭhawt mai.






"A fapa dinhmun pawh hrethiam duh lo pa ka mamawh bik lo"tiin vawk pu chuan room aṭang chuan min kai chhuak leh dawr dawr mai. A thinrim zia ka hmuh in,dan chi rual aniin ka hre lo.Hmingchhiat pawh huamin thuthlukna a siam anih chuan,chhan ṭha tak a nei ngei ang.






Inhnuaia awm lah an tam si,min lo en hê hâw hlawm lehnghal.Vawk pu chuan a nau pawh ngaihsak lo chuan a car ah min ṭhut tîr leh hmak tawh.Ṭawng miah lovin chak takin a tlanchhuak leh nghal a.






"Chawngmawi,min nei duh em?"motor khalh pah chuan tiin,in ngaihtuah mûk deuh hmel hi a pu bawk a.





"Duh e,mahse Rinzam hetia awm chu a ṭha lo.I pa sawi kha a dik,i nau chauh pawh nilo,i ṭhian ṭha ber te inneih dâwnah chhungkua i chawk buaia.In ngaihtuah harh rawh"a rilru hneh tum tak chuan ka ti ve bawk a,sawt tak ang maw.






Rilru ipik hmel tak hian a thawk leh kâwk a."Engthil nge ka tih dâwn,min han hrilh teh"ati zawi sup mai.Enginnge tibuaia,heti taka a rilru a hah tak mai le.






"Khaw thim hma hian inah min dah lêt leh rawh"tiin ka ngên ta ringawt.A nui chhuak hawk a,"mipa nêp tak ka ni dâwn asin.Khaw thim hma ngeiin ka nupui i ni dâwn.Vawiinah ngei hian kei Lalrinzama hian nupui ka nei dâwn"tiin a speed a up leh vak a.





Chhunah engmah ka ei bawk silo,ka kaw ruak lutuk nen,a khalh chak ta lutuk chu ka pum a let but but mai.Ka kâ hup in,a bânah chuan ka va beng ringawt.Min rawn en vat in,ka awmdan a hmuh chuan kawngsirah a motor chu ati ding nghal a.Min biak na pawh chhang lo chuan ka hawng rawk rawk a,kawngthlang lamah chuan ka luak ta ringawt.






Ka hnung a rawn chûl a,tui bottle min pe in,"in kutsuih hmain i uak der ania.Ka chi ava chak ve"tiin a nui suk mai.Mi mah chauh naklaiin fiamthu alo la thawh chu tlawh zawt mai ania ka duh.






Ka chau lutuk chu lei ah ka ṭhu hnawk a.Kan awmna bul vel chu a en kual vut vut a.Kan piah lawka tlangsam kûng tereuh tê chu a zung chawpa pawt chhuak in,ka bulah chuan a rawn ṭhu ve a.Tlangsam hnah chu a mal nghal a,ka tui ken chu min lak sak in,a sil fai nghal a.






"Ei zo vek rawh,khatual sâwn anih kha"tiin a silfai sa chu min pe a.Pem damdawiah bak an hman awm pawha ka hriat loh ei tura min ti ringawt chu ka lawm lo nasa mai.






"Ṭam chhawl dawn mahila ka ei lovang"lo tih sak hmakin leiah chuan ka paih nghal a.A chek hluk a,lei a tla chu chhar leh in,tui chuan a sil nawn leh a.





"Ka fah kher i duh loh chuan,ei rawh.Rotawta te hian an pi hi an lo chhun che anih dawn hi"tiin a nui leh vur vur mai.





"Lalrinzam,vawk ka nih loh hi,hnim ka ei ngai lo"ka lo ti vin hlar a."Magic hnim anih hi,i luak chhuak a reh mai ang"tiin ka kâ ah chuan a rawn hnawh lui a.Ka chhah chhuah loh nan ka hmui a rawn hup nghal hmak.





"Muangchangin ṭhial la,a dip vek hnuah,i pum chhûngah i bye bye dâwn ania"tiin uluk tak hian min en a.Nichina a thinrimna mitmeng kha ka hmu leh tawh miah lo.Ka kianga awm,nuam tih hmel takin,a mitmeng pawi sawi lo zet chuan min en a.A hmangaihna mitmeng chu ka hmuh hmaih lo.






A sawi ang chuan muangchangin ka ṭhial ta a,a tui lo lutuk chu ka ner nâng mai.Harsa ti takin ka lem lui a."Mmm naupang fel"tiin tui min in tir leh nghal a.






Ka ṭhu rei a ti ta deuh nge,min tung tho nawlh a."Khua in min thim hnan ange,ni leh thla ten kan inneih thutiam min hriatpui se ka duh"tiin car ah chuan min kai lût leh ta a.





"Rinzam,ngatinge vawiinah kher inneih i duh tlata.I nau vang chu anilo tiraw"a tlan chhuah rual chuan ka ti ta thlawt.Chhan awm lovin inneih a hmanhmawh ngawt dâwn lo tih ka chiang.





"Naktukah chuan a tlai tawh maithei asin"mi pawh en lo chuan a ti leh khurh mai."Engvanginnge a tlai ngawt ang,duhai chuan I hmanhmawh mah mah"ka tih rual chuan hla ring tawkin a play nghal a,a zai pui leh daih.Ka zawhna chhe te chhan pawh chu a harsa viau emawni.





Ka bag a ka phone dah a rawn ril ral ral a.Chhân tuma ka en chu ka nu hming alo lang,vawk pu chu ka melh nghal kâwk a.A hla play ti zawiin,ka phone chu min lâk sak nghal a."Aw ka pi,Chawngmawii chu ka bulah a awm,lo ngaihtuah suh aw"tiin a cut leh daih.Min pe leh mai dâwn emaw tih laiin,min switch off sak daih lenghala.





Thui pawh tlân tawh lo chuan,a hmaa Saizami birthday an lawmna Resort ah chuan a tlân lut a.Motor a tih din hnuah,kawngka min hâwn sak in,a kut chu ka vawn theih turin a rawn dawh a.Vawn sak duh lovin keimahin ka chhuak ve ngat.





Chek hluk in,min rawn kai lui hram a.Car hnung lamah min hnuk phei leh tawh.A car hnung chu a hawng nghal a.Mo kawr chu alo hawh tak tak rauh a,a coat hak tur nen rawn la chhuak in, Resort chhunga in lian berah chuan min hruai lût a.





Room chungah min kal pui nghal in,a hawn rual chuan mi pakhat lo awm in,min lo nuih sang mai."Awi,ka lo nghak rei tawh lutuk che u,Rin hei hi em ni changtunu chu"a hmel a pa tehlul nen,a tuai ta lutuk chuan min ṭhawng lek lek.





"Mate,mo zawng zawnga hmelṭha ber,mi zawng zawngin an sawi luai luai khawpa hmelṭhain ka chhuah ang che,tah hian lo ṭhu la"a ti nêm leh duai mai.Rinzama chuan a thawmhnaw hak tur chu la in,a chhuak daih a.






"Mate ka vânnei thlawt,hetiang resort lian lutuk neitupain a nupui tur chei tura min sâwm hi ka phu lo ngawih ngawih.In inneihna tur lah duhthusamin a romantic lehnghal.Awi,min lo pe daih mai la,ka duh ve ê"min chei pah chuan a ti siam siam a.Ka lo nuih ringawt,chhân dan tur ka hre thlawt lo.





A chhungten an phal dawn lo tih hre sa in,heng thil zawng zawng hi alo plan lawk vek ani ngei ang.In rûk pangngaiin min ru dâwn emaw ka tia,mahse mo kawr te min hawh sak danah Pathian hriatpuinaa min neih ngei alo tum zâwk ani maithei.Ka vawk pu hi vawk pu satliah anilo tih a chiang leh ta.





Min chei zawh hnu chuan mo kawr chu ka ha nghal a.Pheikhawk sang vak lo bawk pu lei tho chu ka bun bawk a.Darthlalangah chuan ka in ena,mawi ka in ti ngawih ngawih,engtinnge ka hâk tawk tur leh ka ke size a hriat vek theih zawk le.Min chei tu chuan ka lu ah crown mawi tak min khum tir bawk a, makeup lah nise a bei simple in a class ngawih ngawih bawk a.Nikhat thil thu ah pasal ka nei dâwn chu ani si a,la inpeih chiah lo mahila,thuam famkim in bel takah chuan Cinderella ka in chan hial.






"Awi Mate i mawi lutuk,i vul chhuk chho vel vek.Ka awt che ê,thla ka lo lak pui che aw"min chei tu chuan tiin ka lo nuih var var a.Thla min lak pui lai chuan room kawngka kik tu an awm a.Chu veleh min cheitupa chuan ka kawr te chu siam ṭha in,light ka on hnu second 2 naah i rawn in her dâwn ania"tiin hnung lam chu min hâwi tîr daih a.






Room kawngka a hawn hma chuan light a off zauh a.Chu veleh room kawngka in hawng ri ka hre nghal zat a.Ligt chu rawn êng thut in, second 2 hnuah chuan muang changin ka in her ta a.






Room kawngkaa vawk pu hlim taka a nui var var lai ka hmuh chuan ka hlim ve takzet.Rawn lut lawk lovin a mit te chu a nuai leh rih a.A hmui hup in,a nui leh suk a.A mit aṭanga mittui rawn tla chu hru zauh in,"Ka Chawngmawii ngei ani"tiin min rawn pan hnaia,a kut pahnih chuan ka biangah rawn dawmin,"I hmelṭha lutuk"tiin a mit meng de sar chuan min en a.Ka khabe kuai dâk a, min fawp in a chhing vang vang a.







"Oh my God,romantic lalnu leh Lalpa"kut beng chungin min chei tu pa chuan alo ti bawk a.Vawk pu chuan muangchanga min thlah in,"I êng mawi takzet,nang ngei hi ani an sawi Chawngmawii chu"tiin ka kutah kaiin min chhuah pui a.Stepa kan chhuk lai chuan a pheikhawk bun ka lo en leh hmanhmawh tawh a.Mawza a bun lo leh tawh,a coat suit hak lah chu a common lo em em lehnghal a.







Pawnah min chhuah puiin,kan inthlakna in thlang lamah chuan min kai thla leh a.Phul chungah rose par sen alo in theh chhuak vek a.Ni tla tur kawl sen phut nen chuan a ti mawi zual.Wedding booth mawi tak leh uluk taka siam a awm bawk a.Fakzuala te ṭhian dun leh ka nau te ṭhian ho chu coat suit nen,an lo ding ṭhap mai,an la khi ṭhaw hlawm lehnghala.Rin loh leh beisei loh lutuka anni ka hmu thut chu ka hamhaih hman lek lek lehnghal.






Vawk pu chuan ka kuta kaiin muang changin wedding booth awmna lam chu min pan pui a.Fakzuala te bul kan thlen rual chuan Fakzuala tih loh midang ho zawng chu a sirah an tawlh hla hlawm a.






Fakzuala chuan a Bible la chhuak in,thutiam min chham tîr nghal a.Zungbun in bun tir dâwn chuan vawk pu nen in hma tawnin kan dinga,ka kut pahniha vuan chungin,"Chawngmawi,hmangaihna ka la dawn ngai loh zawng zawng min pe a.Mahse keichuan natna leh hrehawmna hnutchhiah che in hmun hla takah ka kalsan che a.Chuti chung pawha min hmangaihna ngai renga min hmangaih avangin ka lawm e.Tun aṭang chuan I phaw ka ni tawh anga,ṭahna thlen ṭhîn tu che hian,hlimna chhiar sên loh pêk che ka in huam.Khuarkhurum thûk tak aṭang min la chhuak in,ka nihna zawng zawng nên hmangaih takin min pawm a,ka phu lo takzet.Keimah vanga i lungngaihna chu niin liam pui se, keimah vanga zan thim khawhar taka i ṭahna chu ni lo chhuak chuan hlimnaah rawn chan tir bawk rawh se.I ta ka ni a,i ta chauh ka ni reng ang................â ka in buatsaih nasat nen,i ziak chhuak hnem lutuka ka hre sêng tawh lo"ti nuah nuah in Fakzuala chu a melh nghal a.Ka lo lak lungrun tawh nen,ka mittui a ko chhuak ṭep tawha, non-mihring ho tak hi chu.







Fakzuala chuan a aw lo thian khurhin,"Aw,a pawilo,Kalvari ah chuan kan sual tlen fai ani tawh tho.Chawngi,i sawi ve dâwn em?"tiin min zawt nghal daih a.Sawi mai tur ka vân in,inbuatsaihna awm bawk silo chu,"ka hmangaih reng ang che"tih zawng ka sawi ve tawp.






"Mmm,kha thu kha a famkim ber,khatiang khan kan lo ti mai lo ani"Fakzuala bawk chuan a ti leh a.Hmingsanga'n Bible chungah chuan zungbun a rawn dah a,Fakzuala chuan Kalvari hmangaihna sawi kual leh nghekin,zungbun chu min in bun tir leh ta a.






Phûl chunga rose par zâm nuai chungah chuan min ṭhingṭhit tîr a.Kan lu chungah kut nghatin malsâwm ṭawngṭaina a nei nghal a.





Inneih programme a zawh hnu chuan khua a thim der tawh a.Vawk pu chuan a kut ti ri khep in,kan awmna chung leh a chhehvêlah chuan decoration light hrang hrang a eng nghal chuai a.Van lamah pawh hal mawi an kap chhuak nghal chuai chuai bawk a.Kan chung zâwna halmawi mawi taka êng ka thlir reng lai chuan,vawk pu in ka biangah a rawn fawp zauh a."Chawngmawi,khing êng mawi tak ai khian i êng mawi zawk.I hmelṭha takzet"tiin ka hmuiah chuan a rawn fawp leh zauh bawk a.






Dinpuia te ṭhian ho chuan min rawn chibai in,"Rose,ka nu ka la hrilh rih lo,haw hunah ka lo hrilh dawn ania.Hlauthawng lo la,engkim a ṭha vek mai ang.Hlim reng ang che aw"tiin nghet tak hian min kuah a.






"Rose,i thawmhnaw zawng zawng,in room turah kan dah vek tawh ania.I thuam chhawm tur pawh chawpchilh deuh in kan en a.Kan hmuh ang ang kan lei tawp"Austina'n a tih chuan,"tu pawisa in"ka lo ti nghal vat.Pawisa ka pe bawk silo,anni hian,chutiang leina khawp chu an neih ka ring lo bur.






"U Faka'n min pe"Duhzuala'n alo ti nghal zat.Wedding booth a daisy par lo awm tel chu ka hmu nghal bawk a.Heng ho hian an lo hre lawk vek animaw.






"Guys,Kalvari dance move in hmu duh em?"Fakzuala chuan alo ti lung lung mai.Hmingsanga'n sound box lian zet mai hi a rawn pu bawk a.Fit ṭha in,hla a play nghal zat a.





Duhzuala leh Austina ten thei tui an rawn chawi bawk a."Thil theihnghilh kan nei ania"tiin Hmingsanga chuan Dinpuia pawt in a kal sawn pui leh daih mai.Thei tui in pahin,Fakzuala lam durh durh chu kan lo thlîr reng a."A Kalvari dance move saw,SDO Dance nen a chawhpawlh"vawk pu chuan tiin thei tui chu a in leh nghal zat a.






Ka chik ka chika,alo chawhpawlh tak tak chu niin.A lam tui ta nge,Duhzuala leh Austina te chu lam tura tiin a pawt pah bawk a.Sangtei khuptong hla,"Awm lo ta la"tih chu lam puiin,an pathum chuan phûl chungah an heih raw vak mai.Fakzuala lam tui lutuk chu ṭawng hriat loh te nên a bei chho nuaia.An hla play nen a in rem tawh lo lutuk chu awm hmunah ka nui dir char char.





Dinpuia leh Hmingsanga te chuan cake chhâwng thum mawi taka chei chu an rawn zâwn a.






Kan hmaa an hun hnu chuan an hla play chu ti tawp in,vawk pu nen cake chu kan zai leh ta a.In la professional tak hian,Duhzuala'n angle hrang hrangin a digital camera in thla alo la bawk a.Kan in daih zai angreng ania.Ka beisei phak loh inneihna hlimawm tak,Pathian hriat pui na ngei a kan nei thei chu ka hlim takzet.






Cake zai hnuah chuan kan vaiin kan lam ho a.Hla cool tak tak play in,vawk pu nen chuan in kuah rialin phul chungah chuan kan lam dun a.Thla leh arsi te pawhin kan inneih min lawmpuiin an enna an lo chhuah ve bawk a.Zan rei tak thleng kan lam hnuah chawl hahdam tûrin inah kan chho leh ta a.






Inchhung kan luh hnuah Duhzuala chuan kan nupa in thla min lak sak leh a.Style hrang hrang chuan min in post tîr a,chhuak mawi tak ang maw.





"Rose,han inthlak ula,rooftopah kan lo awm ang.Ar kan hem hmin dawn ania"Dinpuia chuan lo tiin,ka chau ve deuh bawk nen thlalak chu duhtawk rih in,inthlak tur chuan kan chho ta a.






Inbual nghal mai ka tum chu vawk pu chuan lo phal lovin, inchunga chhoh vat a duh zawk thu a sawi daih.Ar kan hem hmin dawn tak e, mut dawnah law law inbual zawk ila a ṭha zawk ang.






Inchunga kan chhoh chuan,ar hem na bulah guitar perh in an lo zai ṭhap hlawm a.Fakzuala pawh a lung a leng ve aniang,chhing duar duar in fam ngaih hla a sa a.Apui,min lo thlir ve reng ang tiraw,i ṭhiannu hian vawk pu mawl deuh kha pasalah ka nei tawh ania.La dam lang chuan nangpawh kumtawpah i nei ve awm si a.I hmangaih i pie hi a choco tel lo chuan a hlim lo takzet.In tih hlim chawp tumin a ṭhiante bulah awm mahse,a hlimna ber nang i awm silo,a khawhar rukna hi nangmah chauhin i hnem thei ania.Van aṭang khan rawn veng tlat ang che aw.







"Mopa zai ngaithla ila"Hmingsanga'n a tih chuan,vawk pu alo phu zuk mai.A mitmei chuan min rawn râwn nghala.Nui sangin ka lu ka lo bu nghat.Fakzuala chuan guitar a pe nghal a,"Kalvari biahthu han fah teh"lo tiin,a coat a phelh thawl nghal bawk a.






Vawk pu chuan guitar perh riin, Enrigue hla 'Only You'tih chu ka mita min en reng chung hian uluk takin a sa a.
"All i need was the love you gave;
All i need for another day;
And all i ever knew;
Only you"



A mitmenga hmangaihna lang chhuak chu ka hmuh hmaih lo.Ka ta chauh ani a,keipawh a ta chauh.Kan hriatreng tawh tur leh kan zinkawng bulṭanna chu he hmun ngei hi ani.







A zai zawh chuan kut kan lo beng dar dar a."Vawk pu, Enrigue hla hi i sa ziahin ka hria.A fans ini chiang"Austin chuan alo ti nghal a."Ka fans zawk alawm"alo ti liam mai.A hla a ngaithla ngun ve hle aniang,luia kan kal pawh khan hepa hla tho hi a sa in ka hria.







"Guys ei in tawh ang u,kan vawk pu zai hian ka ril a ti ṭam vek min fan hneh raih raih lutuk"Fakzuala'n tiin ar hem hmin chu a ṭhet darh pah bawk a.






Pepsi nen kan hmeh a,kan ril a ṭam hlawm aniang,a len tehlul nen kan ei zo vek.Kan ei zawh hnuah reilote kan zai leh a.A tlai deuh tawh avângin mu turin inhnuaiah kan chhuk ta a.






Room ngaia luh leh ka tum chu vawk pu in min kai sawn leh tawh.Pawnah min chhuah pui leh in,kawng thlang lamah chuan min kal pui zêl a.Tui luang ri kerh kerh ka hriat na lamah chuan min hruaiin,In te fel ât,design mawi taka sakah chuan min luh pui a.






Chhuatah chuan rose par alo in theh darh leh niai a.Chhuat lai takah chuan bati rimtui,love sign in a lo in chhi tlar diat bawk a."Zan lalnu rimtuina hian zanin chu min hual vel rawh se"vawk pu chuan tiin,ka chalah a fawp vang vang a.





Ka kuta kai leh in,room chhûngah min luh pui a.Khumah pawh rose par leh jasmine in love sign bawk chuan alo in rin fel thlap a.Khum bulah chuan bati rimtui chi alo in chhi va va bawk a.





"Kan inbual phawt dâwn em ni?"vawk pu chuan awmze nei taka min en chung chuan a ti a.Ka lo ip chawih thei,a mit mengah ringawt pawh ka zâm chhe der chu ania, engtinnge inbual zawhah ka awm leh ang??






"In bual hmasak chu i duh lo em ni,ka Chawngmawi"tiin ka hmai chu a zut kual a.Ka mur chhuak vek tawhin ka hria."Aw,ih,englo,ka lo inbual hmasa ang"ti bah nakin,bathroomah ka tlân lut nghal a.Kawngka khâr in thawk ka la nghal kawk kawk mai.






Bathtub lah chu rose in alo in chei khat leh vek a.Ka kawr chu phelh sawk sawk in,ka ṭhu lût hmiah.Tuia ka in chiah vang vang hnu chuan ka chauh zia ka hre nghal a.Tub kotlângah chuan ka lu nghatin ka chhing vang vang a.





Ka hmaia chûl tu an awmah chuan harh zawk in,ka bulah vawk pu alo in chiah ve reng ka hmuh chuan ka au chhuak ṭhawt lehnghal.





"Shhh,Chawngmawi,min ti hlauthawng dawn alawm"tiin ka hmui a rawn hup a.Kawngka kha ka kalh emaw ka tia, engtinnge alo luh theih.Ruak vêkin a awm lehnghalin ka hria.





Muangchangin a rawn hnai zêl a,"zak duh suh,nupa kan ni tawh alawm"tiin ka kut chu la in a fawp nghal a.Ka hmuia rawn fawh leh a tum chu ka mit ka lo chhing tawp."In tleuh fai phawt ang"tiin ka hmui zâwnah chuan a thaw chhuak hawlh a.






Bathtab a tui chu drain in,shower a on nghal zat a.Ruak vek in kan pahnih chuan shower hnuaiah duh thaw takin kan in fawp a.Kan thlen thui hma chuan in sum rih in,towel la in kan chhuak leh rih a.






Kan sam te kan chhêm ro a,vawk pu chuan Night dress taksa lang tlang lek lek chu min rawn pe hlawl mai.Ka khai pharh a,ani lah chuan,"i size ka hria alawm"alo ti mai a.Hepa hi min lo van chik ṭhin awm em em.






Phur lo takin ka ha ve ta ngawt a.Khuma ka mut hnu chuan,vawk pu in light off in,bati rimtui chauh chu kan chhi êng a.





Kan ngawih dun reng hnu chuan,"a rimtui tiraw"ka sawi tur hrelo lutuk mut chhuak bawk silo chuan ka ti ringawt.





Vawk pu chuan lukham chungah a kut khamin,ka lam hawiin a rawn in her a."Ka zan lalnu hi a rimtui ber,i rimtui na hian min zêm â zo tawh"tiin ka chalah a rawn fawp a.Ka mitah rawn fawp leh in,ka hnârah leh ka biangah chuan a fawp leh a.






Rawn thaw ri hawlh in,ka sam chu hui kiang in ka dar ah chuan a fawp leh a.Chhuk thla zel in,ka hnute a fawh lai te chuan ka lo ip nasa lutuk chu ka thaw a chham dawn hial.






"I mawi takzet"tiin ka khabe ah chuan a rawn fawp a.Dim tê in ka hmuiah rawn fawp lehin,a uar zêl takah chuan ka lo chhang lêt ve a.Ka chhan lêt takah chuan rawn uar sauhin,ka chungah chuan muangchangin a rawn lawn a.🙈








Ka thianghlimna ka lo vawn reng ṭhin chu ka hmangaih ka pasal hnênah ka hlan ve ta.Tunah chuan nula ni tawh lovin pasal nei ka ni ve tawh a.Ka hmangaih ber ka nei thei hi ka hlim takzet.






Kan zawh hnu chuan chau takin kan thaw dun hlawp hlawp a.Nghet taka min kuah in,ka chalah a rawn fawp leh a."Muttui suk suk le,ka Chawngmawi"chau tak chuan a ti zawi sup mai."Muttui le Ka Hrangchhuan"tiin ka mit ka chhing zui ta a.

















Zing ni chhuak chuan kan mutna rawn chhun êngin,sava hrâm ri chiah chiah chuan min ti harh a.Duat taka min kuah tu ka vawk pu tui taka mu chu en in,ka khi sak a.A mit hmul buk tak leh sei sang mai te chu khawih sakin,a hnar ngul chu ka rin thla zel a.A hmui ka rin thleng dawn chiah tihah a rawn meng thut mai.Ka zak lutuk chu ka lei ka lo chhuah ringawt a.






"I mutui em ka duatte"tiin ka hmui a rawn fawp leh zauh a.Lo nui sak in,ka lu ka bu leh nghat a.Nghet taka min kuah leh vang vang hnuah harhchhuak thut ang mai hian min kuahna phelhin a kang nghal awt mai.







"Engnge"ham bai bai chung chuan ka lo ti a."Ngatinge hetah ka awm"tiin khum aṭang chuan a tho chhuak thut a.Hmanhmawh taka a thawmhnaw a in bel nghal sawk sawk chuan min ti mangang leh tawh.






"Rinzam,engnge a"khum aṭang chuan ka ṭhu chhuak ve nghal a."Dar engzatnge?"tiin a chapal a bun nghal sawk sawk a.





Khum bula sana chu en in,"dar 7"a ngaihna hrelo taka ka tih chuan,chek hluk in,"A pawi lutuk"pawi tih hmel tak hian a ti leh a.Room aṭanga chhuah mai a tum chu,"Rinzam,khawnge kal i tum"ka ti vin ta ṭhawt mai.A ding dawt a,rawn hawi letin,"Rotawta te ril a ṭam tawh ang"mangan hmel tak hian a ti anih chu.Resort ah kan awm tih a theihnghilh daih emawni.






"Mawla, Resort ah kan awm hi"ka ti bak leh hlar a.Room chu a en kual leh te te a,a tukhum hiat nauh nauh chung hian,"vawk pu generation"tiin a khi suk mai.Khua hi kan var lo ṭhin ania.






"I che changtupa lo em mai"ti hlak in,ka tho chhuak ve nghal a.Bathroom ka lut tur chu hnung lam aṭang min rawn kuah leh in,"i changtupa ka ni tho alawm"tiin ka ngawhngah a rawn fawp leh zauh mai.






"Min thlah rawh,luh vat ka ngai ania"ka ti vin leh hlar a."Nupa kan ni tawha kan lut dun zêl ang chu"tiin bathroom kawngka chu phur tak hian a hawng nghal a.In thiar ka tum tih a hrelo ani ngei ang.






"Lo lût ve lo zawk rawh"tiin ka nam sawn a."Chawngmawi,i pasal ka nih hi"tiin rawn luh ala tum lui ṭalh anih chu.Ka pum ana tawh bawk si,min tur nasa tawh lutuk chu,ip chawih in,"Thih i duh loh chuan lo lût suh"tiin a chhânna pawh ngaithla hman lo chuan bathroom ah chuan ka lut nghal a.






A hrethiam ta aniang,rawn lut ta lo chuan kawngkhar bulah a ding renga."Mawla,khar ta che"in thiar chunga ka tih chuan,"I thin a chhe thar tlat,naute a awm tawh animaw"a rawn ti leh khauh mai.Nizanah kan hmang ve chauha,engtinnge nau ka pai nghal theih ngawt ang.A thluak a hmang thiam thlawt lo.











(Min hrethiam mai teh u,ka muthlu zela,ka edit hleithei lo)




🦋


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:44 pm

Ka Vawk Pu


Chapter 30:





Ka inthiar chhûng,ka kal bo hlau ang mai,kawngkaah dingin min vêng tlat a.Duh ang pawhin ka inthiar thei lo,ka thlim ta emaw tih mai turin min melh run run lehnghala.






Ka zawh hnuah pawh a dinna ngaiah dingin,min la en ngar ngar a.A bulah kal hnaiin,a hmaah chuan ka ding rên râwn a.Chet pawh ala chêt sawn eih loh avâng chuan,a hmai zâwnah ka kut vai in,"engnge i ngaihtuah?"ka ti zawi sap.






Ka biakna chu hria ang pawhin a lang lo,a melh ngai a melh tak reng avâng chuan a hminga ko leh in,a kut ka vawn sak nghal a.A ngaihtuahna aṭang a rawn harh chhuak ve ta aniang,a lu a thing nawka,a mit khap sukin,a kut chuan a nuai leh a.Phawk taka min en in,"Chawngmawi"ati buh nuai mai.





"I ṭha em?min hmu thei tiraw?"ngaihṭha lo tak chuan ka ti a.Min en dan kha min hria ang pawhin a lang lawk lo anih kha.




"Chawngmawii ka kianga a awm chuan ka ṭha animai"tiin min kuah leh hlu hlu a."Vawiin chu kan mu nileng mai dâwn em ni?"ka beng bulah a rawn ti sur sur mai,a za lutuk chu ka lo ip leh chawih mai.





"Mu tawh lovang,ka ril a ṭam"tâl chhuah tum chung chuan ka ti ve bawk a.A za ka ti tih a hre laklawha,min man bet in,ka darah a khabe a rawn nghat anih chu.Ka sa huat lai kher ani lehnghal,"Rinzam,a za ania"nui chung chuan ka tal vak vak a.






"I sawi ka hre thei lo"ti chungin a khabe chuan a rawn nawr leh tawk tawk mai."A za,min thlah rawh" a za bawk si nuih a za tel bawk nen ka tal vak vak hnuah min thlah ve ta hram a.





Min thlah rual chuan room aṭanga tlan chhuak in,pawnah ka tlân chhuak nghal vang vang."Chawngmawi"ka hnungah min rawn zui chu niin."Min rawn hnaih suh"tiin nizâna kan inthlakna hmun pan chuan ka tlan chho zel a.Ke lawngin ka tlân bawk si nen ke ana duh viau mai.





Nizâna kan in thlakna in ka ti ringawta,guest house ani zawk mah ang chu.Guest house kawt ka thlen rual chuan Fakzuala leh Hmingsanga te boxer chauh ha in,sam pawr chhapin an rawn chhuak ve mek bawk a.






Hmingsanga'n min hmuh rual chuan,a awm a hup nghal chawih mai.Fakzuala pawh chuan min lo en ve nghal a.A ka hup in, lêt turin a kut chuan zai zir in alo ti bawka.Engnge maw an hriat le,an kawr ha lo chu an zak viau ani phawt anga.





Ka hnung lam aṭang puan hlai takin vawk pu in min rawn khuh hlun a.A lum lum nen ani pawh chu engnge a hriat.





"In mit kha,lo veng ṭha tawh ang che u"Fakzuala te pahnih en chung chuan ati fiah leh fak mai.He pa thikthu chhiat zia hi,a ṭhiante ngei ngei pawh a thik duh ania.A nupui hmelṭhat vak loh zia hi a hrechiang lo tawp anih hi.





"Chawngi zing zingah engahnge Angel thuam nen i rawn tlân.I tho â zawk em ni?"Fakzuala'n a tih pawh chuan,ka bo telh telh.Vawk pu chu en in,"Engnge a sawi awmzia?"ka ti tawp.Ka beng bulah rawn kun hniam in,"Angel ang maia mawi ini a tihna"a rawn ti zawi sup a.






Chu veleh Fakzuala chu ka melh rum nghal a."Fakzual,min it viau suh"ka ti bak hlar mai.Ani lah chuan engahmah ngai lovin,"Tangkeui vanglai pawh i tluk lo"nui chunga tiin Hmingsanga chu a kuah lut leh ta daih a.






Heng non-mihring ho hian eng hmuhin nge min hmuh bik le.An ran vulh te nên min khaikhin ziah hlawm mai.Ran ka ang viau zawk emawni.






"Chawngmawi,han thlîr vel teh,tun aṭang chuan he hmun hi i ta ani tawh.A mawina hian ram tin ala hip ang"tiin kan chheh vela Eucalyptus leh coconut kûng ding ṭhup chu a kâwk kual a.




"Coconut kûng te chu vai ramah a tam si,a hip vak lovang"ngaihtuah vak lo chuan ka chhang liam puat a.Rawn nui chhuak hawk in,"naute tan a ṭha alawm"tiin ka pum a rawn chûl nghal.He pa hian fa a awt tawh hle aniang maw."Fa neih i chak tawh em ni?"a kut vuan chuan ka ti ta ringawt."Peter Pan junior neih ka chak tawh"tiin a nui leh suk mai."Chhûngkuaa football khel tham kan nih hma chu kan siam char char dâwn ania"ti a ka fiam chu a nui dawn emaw tih laiin,a ngawi daih a.





A lamah chuan in her in,"i duh lo em ni?"tiin a mitah chuan ka en kalh a.A mitmeng buai lutuk leh rilru hahna nei tih hriat taka a thaw leh hrâwk chuan ngaih a ti ṭha lo lek lek.Ka en reng tâk avâng chuan ka ngaih tih ṭhat nân za lo tak hian min nuih suk a."Apa team leh Anu team daih tur kan siam dâwn ania"tiin min pawm kang nawlh a.Zawi muangin zan hun kan hmanna in tê chu min pan pui leh ta a.






Khumah chuan dim tê in min nghat a.Puana min khuhna chu phelhin,ka nighty chu muang chang hian min phelh sak leh a.A thil tih tum hria in nui var var in ka lo dawh ve tawp a.*******









Hah tak hian ka chungah a bawk leh thlawp a.Ka beng bulah chuan a rawn thaw ri hawlh a.Keipawh thawk lo la ve in,ka pum a rawn ri rawk rawk mai.Ka chunga bawk mek chu a rawn nui nghawr dat a.Ka biangah fawp zauh in,"naute leh anu ril a ṭam tawh animaw"tiin a in beng kâng nghal a.





"Nichinah pawh ka rilṭam thu ka sawi tawh kha.Min ngaihsak lo lutuk"tiin khum sira ka nighty a hnawl tawm chu la in ka ha nghal a.Awi Lalpa,he thil chauh ha hian Fakzuala te kha ka hmu tak e,hei vang hi animaw khatiang khan an lo awm.






Vawk pu in ha ṭha mek chu lukhama vawm in,"sawi vat ta che"ka ti vin ṭhat.Ka zak lutuk hi ka sa chhuak vek tawhin ka hria.





"Inneih tûkah i tlân nghal anihkha"tiin ala khi sung zui a.Ka run lutuk chu lukham danga vawm leh in,"ka tlân loh kha"ti vin leh ṭhat in,ka thawmhnaw dang ka zawng nghal a.Ani lah chuan ngawi rengin ka thil zawng chu min lo en reng a.





Ka hmuh zawh tak lovah chuan,"khawnge ka thawmhnaw"tiin ka ṭek leh hlê tawh.Ka zawhna min chhang lovin,faifuk rût rût chung hian khum min siam san daih.Bedsheet chu suk turin a dah hrang nghal bawk a.Fel fai taka a siam hnuah min rawn en leh in,"in beng dai rawh Chawngmawi,Siakmawii pawh a thinrimin a hnar a nawr tawk tawk zel ania.Thinrim chuan khaw hmuh a har.Nizana i hak kha i ha leh dawn anih chuan bathroomah a awm"ati duah mai.





"Siakmawii ka nih loh hi"tiin bathroomah chuan ka lut nghal a.Nizana ka inbual dâwna ka dahnaah khawih chet miah lovin a ngai ang chiahin alo la awm.Ka in bual nghal ta ringawt a,thawmhnaw haa ka chhuah leh chuan alo awm tawh miah lo.






"Rinzam"tiin room aṭang chuan ka chhuak nghal a.Ka hmuh tak silovah chuan Guest house ah a chho anih ringin ka tlân chho ve nghal a.Rei lo tê pawh a hmel hmu lovin ka awm hleithei tawh meuh lo chu anih hi.






Guest house ka thleng a,Fakzuala te ṭhian dun chu Chinese checker khel in verandah ah chuan an lo ṭhu a.Vawk pu an hmuh leh hmuh loh ka zawh chuan an meng phawk leh hû tawh."Innei thar tih takah in in ngai hle mai maw.In pa pawhin a rawn zawn ve che kha.Inchhungah a awm ang."Hmingsanga'n a tih chuan, inchhungah ka lut nghal a.Ka inbual tih kha a hre ve reng sia,engvanga min zawng ve ngawt nge maw anih le.






In chung room ah chuan ka zawng chhuak vek a.Ka hmu mai bawk silo chu rooftopah ka chho leh a.Ala awm chuang lo,khawnge maw a kal daih le.






Beidawng takin inhnuaiah chuan ka chhuk leh a.Choka lama faifuk ri ka hriat avang chuan ka lut phei ve tawp a.Faifuk hlarh hlarh chung hian rawng alo bawl a.






"Haihawt lian,i nupui hi min theihnghilh in hetah ei tur ilo siam daih amaw"a eitur siam en dik pah chuan ka ti a.A faifuk lai tawp chat in,uluk tak hian rei fê min en a.Rawn nui leh suk in,"good morning,i ril a ṭam tawh em?"tiin min zawt leh daih.Ka rilṭam thu hi vawi engzatnge hrilh nawn a phut le.






"Ṭam"tih tawpa chhangin,a chawhmeh siam ho chu ka tem kual a.A tel chhuan laiah chuan artui thlâk in,butter fruit a pawlh bawk a.A kawngah kuah in a rawngbawl lai chu uluk takin ka lo thlir kual a.






A siam zawh hnu chuan chaw ei min siam sak nghal zat a."Kalvari zûn uaia te pahnih kha va ko la"tiin a mit ko a san zuk a."Yess boss"tiin ka nui var var a.Fakzuala te chu ka va ko nghal a.






Kan pali chuan kan kil bial laih a.Fakzuala chuan ṭawngṭaina hmang leh in,kan nupa chu thu ṭha min hrilh nghal bawk a.Rilṭam tawh nen a in rem viau lo ṭhin.







Vawk pu rawng bawl chu tui ti takin kan ei ho a."Chaw eikhamah kan haw san rih mai ang che u.Min mamawh chuan red zone in rawn hmet mai dâwn ania"chaw bar chung chuan Fakzuala'n a ti a.





"Ar lu kan rawn hmet dawn ania"vawk pu chuan lo ti liam puat in,ka thlêngah chuan arsa min rawn suah sak nghal a.






"Taka inneih certificate kha in roomah ka dah ania,Chawngi i pasal hi zah thiam la,nangpawh Hranga i nupui hi duat bawk ang che.Kalvari hawi zawng zêlin chhûngkua in din dâwn ania"tiin min fuih leh a.Vawk pu,Hranga a tih chu ka nuih a za ru leh hlè tawh.Vawk pu lah chu alo bu nghut nghut lehnghala,Hranga tih chu a duh reng reng emawni.






Kan eikham hnu chuan kan vaiin kan seng fel a.Thlengsil lah chu Vawk Pu leh Fakzuala'n an inchuh tlat lehnghala.A tawpah chuan "keiman ka lo sil ang"tiin an inkarah chuan in zep in ka sil ta ringawt.An pahnih chuan ka sil fai loh hlau in,chik tak hian min lo en dik a.






Fakzuala phone rawn ri hlauh chuan thaw ati veng ve deuh e.A kal sawn dawn emaw tih laiin ka bula ding chung chuan a la mai a."Martin,Bawiha,i mutui em?"atih chuan ka hawi chhuak zawk a.U Sangtei te nufa an lo ni reng mai,a fapa pawh hmuh loh karah alo lian tawh hle mai.






"Fakduheh toklet a duh"fiah lo tak hian alo ti ve a.A chum buang bawk si,a duhawm lutuk chu ka piai nawk nawk chak."Mmm Isua nu hming sawi phawt la kan lei ang"Fakzuala pawh chuan lo tiin a khi ve sung mai.Martin chuan chunglam melh in a ngaihtuah ve rauh rauh a."Mali"in ti thei tak hian a rawn ti leh,a nuih zawnga a mit a chhing vek te chuan ati duhawm ngawih ngawih.






"Fakzuheh,rawn lei tawh reng reng suh,a rukin ilo pe zela.A ha a chhiat vek tawh hi"U Sangtei chuan a rawn ti lang lang mai.






"Siam leh ila"ka beng bulah vawk pu in a rawn ti ru sur sur mai.A nâka nghawk sak zauhin,ka melh nghal rawm rawm mai."Sil zo vat vat la,in bual dun ang"awmze nei taka min melh in,a nui leh suk mai."Ka inbual tawh"tiin ka thleng sil lai ka chhunzawm leh a.






Ka sil zo a,Fakzuala te an in biak tui êm avangin,be ta lo chuan inchungah kan chho a.






Kan room turah lut in,ka thuam chhawm alo in hung dul mai.Mipa si an van fawm chikim em em,bal bawm thlengin a lo awm vek.Dressing table leh wardrobe te chu ka en kual a."Kalvari zûn uaia hian khum thlengin a lei vek"vawk pu chuan tiin khum zau takah chuan a mu thla nghal a.A mutna bul chu beng thakin,min siai suk lehnghala.Fakzuala chu tlem a zawng tal rulh ve a ngai ang.Apuii ṭhiannu ka nih vang em ni,hetianga alo in sên vak le.Ka lâwm rual rualin ka in thlahrung ngawih ngawih.






"Tah hian kan chêng dâwn tihna em ni?"vawk pu melh hâ chung chuan ka ti a.Chhungte ngaihdam dil lova hetia awm rikngawt chu a dik ber dâwn em ni.A nau te inneih ni ala ni zuia,hepa hian a ngaihtuah miah lo tihna nge,a rilru na hian min nei lui mai mai zawk.






"I duh lo em ni?"khum aṭanga rawn tho pah chuan a ti a,ka awmdan chuan a ngaih a ti ṭha vak lo ani tih a hmel aṭang chuan a hriat nghal a.





"Kan chhûngte bulah ngaihdam dil phawt ila"tiin min rawn pan hnaih lai chuan ka lo nuih tlawn a.Za vak lo hian a nui lui ve bawk a,"He Resort hi ka ta ania,i ta ani ve tawh bawk a.Chhungte ngaihdam dil ngai khawpa thil sual tih ka neih ka hrelo"tiin min rawn kuah leh hlun tawh.Hepa lunglen dan em em hi,a chhûngte rem ti lo chung min nei luia,chu chu a thiamloh ah a ngai miah lo tihna em ni.Engthil nge a ngaihtuahnaah hian awm ve ang le.






"Rinzam,vawiin hi i naute inneih ni anih hi"lungthlu zân lova a awma bei chung chuan ka ti ve bawk a.A rawn thaw chhuak hawka,"kan tello pawhin an innei thei.Keinipawh an tellovin kan inneih hi"a thu lak dân te lah chu,midang a ngaihtuah tawh lo reng reng.






"Chawngmawi,kan Khawvelah hian midang kan mamawh hleinem.Ka châwm zawh loh che i hlau deuh em ni?"min kuahna phelhin,ka darah chuan a vuan leh a.Ka chhânna nghakin min melh leh run run mai.





"Engtinnge min châwm ang"nuih in sum chungin ka lo ti fiamthu a.A tukhum a hiat leh nauh nauh a,"lungngai suh, Rotawta te chhûngkuain min châwm dâwn alawm"vei nei loh hmel tak hian ati leh daih.A vawk te pawh talh a phal ṭha ngai lo ania,vawk ringawta in nghah chu a tih chi dawn em ni.






"Ka hnaah ka lêt leh dawn alawm,nangin vawk i vulh bawka,kan in enkawl zo em em ang"ka ti ve tawp.Inneih hmaa rêl tur inneih hnuah kan rêl ve chauh chu ani si a.Vawk pu generation ah hi chuan thil reng rêng hi a kawkalh nuai dâwn anih hi.Fakzuala'n Kalvari lam hawi zawng zêlin a tih nen pawh a in rem viau in ka hria.






"Chawngmawi,min nei tawha,hna i thawk tawh lovang.Rotawta te min enkawl pui dâwn alawm.Resort ah hian an in tur kan sa mai dâwn em ni?"thil ala thutak lo ṭhin hi alawm ka huat em em.






"Ninawm,ka ngaihtuah pui peih tawh lo che"tiin ka bungrua ho rem fel dan tur chu ka ngaihtuah san ta daih a.






"Chawngmawi,min van ngai lo ve.Min hlat dân tur ringawt i ngaihtuah.Nitin,chhun zan zawmin ka bulah i awm ang,thildang i buaipui tur anilo"ka hmaah dingin a rawn ti leh hmuk mai."Hna thlengin i thik veka,engtinnge ka nun ve ang"tiin a sirah
chuan ka tawlh sawn leh a.






Ka darah rawn vuan leh in,"ka tellova inthiar pawh ka phallo.Engkim kan ti dun vek ang"inla neitu lutuka a ti chu ka ngaithei der lo.A kut paih thlâk sakin,"chung leh zêl te chu kan dah privacy ve ang chu,miin strict lutuk ang ti ang che"ti hlak hlak in,dressing table chu nawr sawn ka tum a.






"A pasalin a venghim hneh bik hle mai an ti zâwk ang.Ka ta i ni tih hre reng rawh"khauh deuh chuan a ti leh hmuk mai."Mmm min rem fel pui phawt la,kan sawidun leh dawn ania"hnial dân tur ka hre tawh lo chuan ka ti ta ringawt.Thuawih tak chuan min pui ve mai bawk a.





Fakzuala leh Hmingsanga te pawh rawn lût ve in,min rawn pui nghal a.Mipa pathum an awm tawh bawk a,kei chu chawl rih in,an tih tur sawiin ka lo kawk zat zat a.






Kan zawh fel hnuah,chhuatah chuan kan ṭhu dial a.Fakzuala lum ti chuan ac on leh zuaiin,a chapal phelhin a rawn ṭhu thla leh a."Faka,ka ngaihtuah phak loh min lo ngaihtuah sak veka,ka lawm lutuk ania.A vai chuan ka rul nghal vek thei lo che anga,mahse a zatve tal chu pêk che ka duh.Engzatnge i sên min hrilh la,ka lo thawn nghal dawn che ania"thutak deuh chuan ka ti ve a.Ani lah chuan ngaih pawimawh loh hmel tak hian min ner khum nâng mai.







"Chawngi,i pa ka ni tawh"tih chauha min chhangin,intihtheih hmel tak hian Hmingsanga chu a melh zauh bawk a.A ngaihna hrelo takin vawk pu ka en nghal hû mai.Ani lah chu kan thusawi ngaihsak lo zet hian,a en ngai en ngur ngurin a lo inkuangkuah hlun mai,eng tak chu ngaihtuah leh ang maw.Vawiin chu a awmdan mak tih châng ka nei fo mai.







Fakzuala chuan a aw thian leh khurh in,"I man pawh ka dawng vek tawh.Tun aṭang chuan I pa ka ni tawha.Min rulh lêt duhna rilru i put kha ka duh lo.Kalvari hawi zawng zêlin pafa kan ni ang"thutak deuh chuan a ti veleh a.Ka hriat miah lovin man hlanna te pawh an lo nei vek tawh anih hmel.Mahse ani kher pa anga en chu ava har dâwn ve.Ka nu in a hriat hunah chuan ka chan avan chhe dawn em.







"Hriatpui,keipawh i Patea ka ni tawh ania.I man te pawh ka ei ve a,eng thil hlu mah pêk theih che ka nei lo.Mahse,buaina i tawh apiangin min rawn hrechhuak hmasa ber zel ang che"Hmingsanga pawh chuan alo la ti.Non-mihring ho hian min pawngsual lo chauh chu anih hi.Engtiklaiin nge chung zawng zawng chu an lo rêl vek hman bik le.






"Kan makpa hian a tih nat che chuan,we will kill him,maw,kha kha animai"Fakzuala chuan lo ti lehin vawk pu chu a nuih sun sun a.Vawk pu lah chu khap lêk lovin a awmdan ngai bawk chuan alo la awm char char.






"Rinzam,kan thusawi kha i hria em?tiin a mal chu ka beng thawk a.Rawn phu zuk in,"ka lo lêt leh chiah e"tiin a sam kir zet chu nuaiin a khi sung mai.Khawvel dangah alo awm leh daih animaw.






Rum taka ka melh lai chuan,"nangni pahnih chu,zung kaih in tum em ni.In va tang rei bik ve"fiamthu ti tak deuh si hian a ti nghala.Fakzuala leh Hmingsanga te chu in en leh zauhin,"legend te inneih naah kan kal dawn"tiin an tho thurh mai.Saizami te inneih naa kal dawn chuan kal a hun tawh rêng ani.






An kal hnu chuan,ka phone awmna ka zawt nghal a.Nimina min lâksak hnu khân min pe lêt leh miah lo kha ania."Inbual phawt ang"tiin awmze nei tak hian min melh leh ralh tawh."Ka inbual tawh"lo tih san in,thawh mai ka tum chu min rawn pawm nawlh a.Bathroomah min luh pui nghal daih.






A in phelh ruah vek hnuah,ka kawr rawn phelh a tum chu,"ka ti thei"tiin ning zetin ka in phelh sawk sawk a.Shower hnuaiah chuan duhtaw takin min fawp leh tawh.(ngaihtuah zawm mai chi🤭)










Kan in bual zawh meuh chuan chawhnu her alo ni leh reng tawh a.Thawmhnaw te ha in,ni a nêm deuh takah chuan resort chhûng chu min fan kual pui a.Inneih nâna hman a duh vanga khâr rih anih thu a sawi chuan tuvakmah an rawn kal loh chhan chu ka hrethiam ve ta .







A hmun a zau bawk a,guest house a kan lêt leh meuh chuan ni a tla dâwn der tawh.Roof topah min chhoh pui leh in,ni tla tur chu in kuah rialin kan thlir dun a.








Ka ril a ṭam leh der tawh,vawiin chu ka dik thei meuh lo.Inhnuaiah chhuk in,chokaah chuan kan in zui lut leh a.Rawng ka bâwl phal lovin,chairah min ṭhut fel tir ât a.A rawngbawl lai chu hmuhnawm ti tak in ka lo thlir.A khat tawkin,"min nei hi i inchhîr em?"a ti sek bawk a.Amah zawk hi a inchhîr leh zawk te hi anilomaw.







Zanriah pawh tui ti takin ka ei leh a.Mipa rawngbawl thiam tawh laileng hi chu hmeichhia aiin an siam tui zêk zêl lehnghala.Ka vawk pu eisiam pawh a zawngchhang tlak dâwn khawp e.






Thleng pawh ka sil phal lovin amah bawkin a sil leh a.Min duat lutuk chu ka awm thiam lo lek lek mai.A sil chhûng zawng a bula awm tlat tura min tih avângin ka awmpui ve ngar ngar a.






A sil zawh hnuah room ah chho in,khumah mu chungin laptopah movie kan en dun leh a.Kan thil en lai ai mah chuan ka phone mawlh chuan rilru a kam tlat a.Ka nu mangang takin ka siam dâwn si a.Min biak tumin a bei leh nasa tawh ngawt ang.






Vawk pu chu inthlahrung deuh tak hian ka dil leh tawp a."Nakinah"tih chauha min chhangin,min rawn kuah leh hlun mai.Tui vak lo chungin movie chu ka en pui leh ta ringawta.Nizan kan mut tlêm vang nge ka mut lah chu a chhuak em em lehnghala.












Room kawngka in chum ri chuan min ti harh zawk a.Vawk pu pawh alo muthlu ve aniang,a rawn phu ve zawk mai.





Min kuah na phelh in,khum aṭang chuan a tho chhuak nghal a."Hlau duh suh,Bawiha te ṭhian ho bak an ni lovang"tiin ham bui bui chungin kawngka chu ava hawng a.






Ka beisei aia hmain,a nu leh pa te hmel ka hmuh chuan hlauhthawnnain ka khat nghal a.An hnungah ka nu leh ka nau te an rawn lut ve bawk.Ka nu chuan min haw viau dâwn emaw tih laiin,lainat hmel tak hian min en a.Ṭap tih hriat tak hian a mit a bui lâk bawk a.






Vawk pu pawh a beisei loh zawk a hmu tih hriat tak hian a lai lutuk chu Dinpuia kutah a kai ta ringawt.






"Bawiha,hetah hian animaw in lo awm.Mahni nau te inneihna ah pawh kal hman lo khawpin nupui neih i lo hmanhmawh ve vak a.I rilru puitling lo lutuk rah chhuah hi i hmu em"thinrim in sum tak hian ati a.Keipawh khum aṭang tho chhuakin,engkim tawrh in huamin vawk pu bulah chuan ka va ding ve nghal a.






"Pa,ti lo thei lova min siam tu kha tunge"vawk pu lah chuan alo ti.Ngaihdam a dil dâwn emaw tih laiin rin loh lutukin a chhang leh sia.An thin a ti rim zual vek dawn anih hi.






"Lalrinzam,tu fa nge maw inih le?"A nu'n rum taka en in a ti vin ṭhawt a."Keimah Lalrinzama Mrs.Dolly fapa,piang nawn leh pawh ni ila i fapa tho ka ni ang chu"uang zet hian alo chhang leh rauh a.Anu thinrim in seh ruh chu beng daih pawh tum lovin,a nuih sun sun ringawt.





"Bawiha,i nau kan thlah liam zo chiah a.Chhungkua kan mualpho ta sa sa,nangnipawh rawn haw tawh rawh u.Chhungkaw keh darh a ṭha ngai love"A pa chuan dam tak hian a ti leh a.A fapa chu hriatthiam hmel tak hian a en a,a lungngai tel tlatin ka hre leh nghala.





"Pawi ka ti khawp mai ka pa,kan lo haw thei rih lo"Vawk pu pawh a thutak sawt ta khawp mai.




Ka nu chu vawk pu hma ah tak rawn dingin,"Rinzam,ka fanu hi helai hmunah hian I awmpui angamaw,nunphung pangngai tak a neih theih nân,zirtirna ka pe ṭha asin.Henglai hmun fal lutuka khawhar taka a awm ka phallo"khur hlak hlak chung chuan a ti a.A theihtawp chuan a in sum ve tih ka hria.






"Engahnge ka fapa i dem.I fanu pawh hian thil a tisual ve tho.Hriatpui,ka fapa hi a naute inneih pawh lawmpui thei lo khawpin engahnge i zar buai."Vawk pu nu chuan thinrim taka min kâwk chungin a ti ve bawk a.Vawk pu lo ṭawng tur chu ka lo dang nghal a.







"Ka fanu hian a zar buai love,in fapa zawk hian zanah rui chungin a rawn tlawh tih in hria em.Ṭhenawm khawveng te pawhin a rawn zar buai zia chu min hriat pui vek"ka nu lah chuan tlawm zawk nih duh lovin alo la chhang ṭalh.






"In fanu hian zar buai hmasa lo se,ka fapa hian a buaipui lovang.Ka fapa hi ka hrechiang ve tawk,hmeichhia a ngaihsak ngai lo"Rinzama nu pawh a zâm duh bik lo.An rawl a ring dun si,an inhnial thawm chuan room chhung a fan chhuak vekin ka hria.






Chutia nu ber pahnih thinrim sen phiar in in chhân takah chuan vawk pu chu an hmaah a ṭhingṭhi ta ringawt.Thawm a reh nghal ṭhap a,vawk pu meuh ṭhingṭhi ta chu mak tiin kan en ṭhap hlawm mai.






Vawk pu chuan,a kut hum ruh ṭeuh chungin,"Min ngaidam rawh u,keima thiam loh vek ani.Chawngmawii ka duh luatah khua ka hmu zo tawh lo ani ber e.Ka pi khawngaihin i fanu hi ka bula awm phal sak hram rawh.A tello chuan keimah hi keimah ka ni thei ngai lovang.Sawrkar hna ka thawk lova hlawh tam tham tak ka nei bawk hek lo.Mahse he kut hi ka hman theih chhung chu i fanu hi rilṭamin a awm ngai lovang.Ka lungphu hi a phut chhûng chu mal tak leh khawhar takin ka siam ngai lovanga,a mittui ka ti tla anih pawhin hlimna vang chauha tla ani ang"tiin ngênngâwl tak chuan a dil a.Vawk pu meuhin tlawm taka ngaihdam a dil chuan ka thinlung a khawih takzat.







Keipawh a bulah ṭhingṭhi ve in,thinlung takin ngaihdam ka dil ve nghal bawk a.Ka nu chuan vawk pu chu kuahin,"ka fanu neih chhun ka ro hlu tak anih hi.I thutiama i ding zo lo anih chuan,khawvela nu rapthlâk ber i hmachhawn dâwn tih in hre reng ang che"tiin vawk pu kut chu la in,ka kut chu a vawn tîr nghal a.







"Hmingi ka fanu hi,i fanu ang chiahin lo en ang che aw.Hmanngaihna ka pêk zawh loh tam tak lo pe la.A chawr chhuahna inchhung ngai lo turin siam ang che"tiin vawk pu nu chu bia in a mittui a hru zauh bawk a.






Vawk pu nu chu rawn kun hniam ve in,kan kut chu an rawn vuan ve nghal a."Ka fanu,kan chhungkuaah kan lo lawm a che.Kan fapa mawl lutuk hmangaih taka enkawl tu tur kan nei ta che hi kan lawm takzet"tiin ani pawh a mittui a hru ve nghal bawk a.







Vawk pu pa erawh ngawi rengin an hnungah chuan alo ding a.Vawk pu chuan ka beng bula rawn kûn hniamin,"I nu hi ka pa first love anih hi"a rawn ti zawi sup mai.A pa chu en leh in,a lai deuh tlatin ka hre lehnghala.Nuih in sum ṭeuh in vawk pu thawh hun nghakin ka ṭhingṭhi ve ta reng a.







Room pawn lamah chuan thawm a rawn awm ṭak ṭak a.Fakzuala hmel a rawn lang leh hlawl mai.Chhuata kan ṭhingṭhi ṭhap a rawn hmuh rual chuan kan bulah a rawn ṭhingṭhi ve ringawt a.Vawk pu nên mak ti takin kan in en nghal hâw mai.






Fakzuala chuan ka nute chu en in,"ka pi duhtak te u,in fapa hi min ngaidam lul rawh u.Keima thiam loh vek ani,thil ṭha lo a thlen hlauin,Kalvari hawi zawngin ka lo insuih tir ve tawpa.He Fakzuheha aka Lalfakzuala hi khenbeh tlâk ka ni"uar fahran chuan tiin,a ṭap hial lehnghalin ka hria.Vawk pu chu ka beng bulah bawk rawn kun hniam leh in,"Vawk pu generation"a rawn ti ru leh sur sur mai.Non-mihring ho hi engtikah nge ka hriatthiam ve ang le.




🦋



(Edit hleithei lova min siam tu,min rawn call buai sek tu kha,vawihnih lo chhiar chhuak ang che🤭)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)