Ka Vawk Pu BY Lalcyi Renthlei Euricka-Era (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Ka Vawk Pu BY Lalcyi Renthlei Euricka-Era (Completed)

Unread post by Ngaia » October 9th, 2022, 5:39 pm

kyghqg3l.jpg

Prologue:
Ka hmaa vawk damdawi keng a hmanhmawh taka kal lawp2 ka hmuh chuan ka ding dat a.A hawi her,a kaldan thleng chuan hriat chhuah ka neiin mitthlaah a rawn lang nghal a.
Amah ani tiin ka um zui a."Rinzam"tiin ka kuai her dawrh.Ka nui hmel chu ṭahnaah changin,"min hrethiam rawh"tiin muang changin ka kalsan a.
Kan pahniha kan chawlh fo ṭhîn na Euricka hotel-ah chuan lût in,inchung chhohna tur step bula thlalak frame mawi taka an tar chu en in,"Engtikah nge I lo haw dawn?Ka nghak rei tawh lutuk che"tiin ka phun chhuak sapa.



Ka Vawk Pu








Chapter 1:




"Lalhriatpui eng thil nge I tih leh tak"ka thleng rem ka tih tlak ri leh ka nu aw a in rem leh tawh viau."ka kut a chawl a"ti liam puat chungin ka thleng tih tlak chu ka chhar nghal mawlh2 a.






"Tlema tlemah a keh lo chauh anih kha.Steel hlang lei tawh ila a ṭha ang,i kutah hian engmah a tlo thei lo"ti hlak2 chungin Duatlaii hmul a khuih mawlh2 a.






A chang hi chuan a ui pawm lai nên sawn kan nihna in thleng mai te ka châk ṭhîn.Lalhriatpuii rau2 ah pawh mi fa te Lalhriatpuii ka va tluk lo ṭhîn em.





Sawi tawh ang hian ka hming chu Lalhriatpuii ani a.Aizawl Dawrpui Vengtharah ka nu leh ka nau nen kan khawsa ve naw2 a.Civil Hospitalah Nurse niin,kum hnih lai ka thawk ve tawh.Kan unau hi pahnih niin,ka nau hi Laldinpuia ani a.Zana bike in tlansiak nuam ti mi niin,a kawlhrawng ve thawkhat viau.Ka pa hian kum thum kal ta ah khan lung ṭhalo avângin min boral san a.Ka nu hian pangpar a tui chilhin,Zarkawt ah leh Vaivakawn ah pangpar dawr siamin a buai ve thei hle a.Hun awl ka neih changin,Vaivakawn lama a dawr nghakin hun ka hmang ṭhîn.






"Khawnge,Dinpuia pawh hi a awm leh tawh.Inchunga ka pangpar ho khi dah thlâk angai tawh asin"ka nu bawk chuan rawn ti leh in,"Ṭhuam ṭhian,min mamawhna apiangah Ka kal zêl ang.Engnge ka tih sak theih ang che"ka nau chuan a room kawngka aṭanga lo chhuak in,ka nu a rawn nuih tlawn leh tawh.





A nuih tlawn dan hi ka hrethiam tawh ropui mai sia,engtinnge ka nu hian a hmuh hmaih theih zawk le.





Ka nu nên chuan inchungah an inzui chho a.Keipawh ka thleng sil lai sil zovin,turkish serial enin Duatlaii ka pawm a.





"Hriatpui,kan in daih lo,min rawn pui mai teh"inchung aṭang ka nuin min ko leh lâng2 tawh.Ka tellova engmah ti thei der silo hi min hau reng lo hian min chûl nêl ve sela,hei ai hian fel ka la chhuah thiam asin le.






Inchung ka thleng chu,a chi ṭiak thar poly pot ho chu,"saw lamah sâwn lo sawn phei rawh"tiin ka tih tur alo kâwk leh zat2 a.





Ngawi rengin ka sawn phei ve mai bawk a.Ka sawn zawh dâwn ah chuan ka nau inhnuaia a pangpar dah fel rawn chho leh chuan,"Ṭhuam ṭhian,i duh ang thlap anih ngei ka beisei.Ka pui zêl ang che"tiin ka nu dârah chuan a kuah nghal a.Ka nu chuan a bag ah thiam hawng in,ka hmuh hlau takin pawisa a pe ru leh a.Dinpuia'n ka nu biang chuk sak zeuh in inhnuai lamah min chhuk san a.






"Hriatpui i zawh tawh chuan chhuk ang,thosi an tam si.Kha hei hi lo chawi ve la"tiin a bula saron par var pot dum ami chu a melh zeuh a.





Ka kut beng faiin,a Saron pot chu ka chawi ve mai a.Inhnuai lam pan chuan ka zui thla ve nghal a.





Inhnuai kan thleng ṭep tihah chuan ka chapal chhûng a huh bawk si,a nal lutuk chu ka mawng sawh dawpin ka tawlh thlu a.Ka pot kenin ka nu hnung a deng dawt bawk.






"Lalhriatpui,i kut a chawl leh tawh em ni?"a hnung a na ani tih hriat tak hian eu ngawng2 chungin a ti vin leh ṭhat a.Ka mawng nuai nawk2 chungin,"i na em,te min ti hmasa ve phawt la.Na te pawh kalo nei maithei asin"ka ti niah2 a.







"I na lovang,inchung aṭanga i tlak pawhin i thih chuan loh kha,zawhte nunna neih zat i nei alawm"tiin ka pot thlauh chu chhar in,lei tla nuai chu a rût khawm nghal a.






"Nu,i hnung chu ana viau em,ka lo hmeh sak dawn che em ni"tiin a bulah chuan ka ṭhu ve ta ngawt a.






"I kut a châwl leh anga ka thi palh ang"tiin pot chu chawi kâng in min kal san daih a.Nu te na tuar hmu duh lovin ṭhat ka chhuah ve em2 a,nat a duh anih kha,ka ngaihsak tawh bik awm lo em mai ti a phun mawlh2 chungin hmun phiah leh a ruhna la in stepa lei nawi chu ka phiat fai nghal a.





Kut te sil faiin,ka thil en lai en chhunzawm tûrin ka nu tv lo en lai bulah chuan ka ṭhu thla ve a.Ka film en lai alo hmet sawn leh tawh.Nutling pui si hi Boxing anih loh leh eisiam,en a tui tlat ṭhîn hi chu mil a har ve deuh ani.





Ka en duh ka en theih tak silovah chuan ka room ah chhoh san in,Ka computer on in ka novel ziah ka ennawn a.Nurse ni mahila ka hna hi ka tui teh chiam lo,Mizo novel ka ziak ṭhîn a.Ka blog ah ka dah mai ṭhin.Comment chhiar hi nuam ka ti ṭhin a,hmaih nei miah lovin ka chhiar chhuak vek zel.






Tuna ka novel ziah thar 'Senhri'hi rin ai takin hlut a hlawh a,comment pawh a ṭhahnem thei phian mai.





"Thiam i in tiin ka hria.Vawk vulh lam te hi ziak tel la,a ngaihnawm viau ang.I novel ziah ho ah hian vawk lanna a awm lo reng2 tui lo deuhin ka chhiar lui ṭhîn".Chu comment mai2 chu,min va tham lo deuh ve.Ṭawngkam naa reply ka chak,mahse midangin an hmu ve vek dâwn sia tiin,"tunge i nih?"tiin ka reply ve tawp.





Minute khat pawh a ral hman lovang,"keimah vawk pu"tiin min rawn chhang nghal a.Nui chhuak hawk in,vawk a buaipui ve hle dâwn anih hi ti rilru chungin a comment ka like sak a.





Computer off in,naktuk duty ka tlai hlau in,mut hma ka tum ve bawk a,12 ah pawh lehkhabu chhiar in ka la nuih pui tluk2a,a changin min ti ṭap leh bawk a.





Ka lukham hnuaia ka phone dah chu a rawn ri ral2 a.Tun ang zan reiah tunge ni ang ti chungin ka phone ka ban a.Dinpuia ani leh tawh,eng buaina nge a tawh leh tâk ang.








Ka lak rual chuan,"first aid nen lokal rawh"chauh hmel tak hian a rawn ti ṭawk2 a."Engmaw,khawiah nge I awm?"tiin khum aṭang ka tho chhuak nghal a.







A awmna hmun a rawn sawi chuan,kal sawn miah lo tura tiin phone ka dah a.Ka first aid kit la in kawr lum ka ha leh a.Ka nu a harh hlau in dim tê in step-ah chuan ka chhuk a.Kawngka pui aṭanga chhuak ngam lovin kawmchar lama kawngka aṭang chuan ka chhuak ru a.Gate pawh dim thei ang berin ka hawng dek2 a.Inchhung aṭanga Duatlaii bauh thawm ka hriat rualin chak zet in ka tlân chhuak nghal a.







Ka nau in a awmna a sawina hmun ka thlen chuan ka nau leh a ṭhian te chu waiting sheet ah chuan mi pakhat hian alo buaipui mawlh2 a.






"Laldinpui,min van ti mangang ṭhîn tak,in siam ṭhat a hun tawh lutuk"ti hlak2 chungin ka nau kil khatah lo ṭhu ngawi reng chu ka hau nghal mawlh2 a.





Ka first aid kit . chu hawng in,a hmaia thi kai nuai chu lapua in ka hruk fai sak a.Ka hruk fai hnu chuan hliam engmah alo nei silova,mak ti takin a hmai ka thlêk kual leh ṭhin chu,"A ninawm,ka in hliam lo, ka ṭhian te zawk alawm buaipui ngai"a rawn ti hlur lehnghala.A ṭhian te buaipui tûrin a u hi zanlaiah min ko chhuak amaw,haw hunah ka khai khawp ang.






Kan piah lama a ṭhiante buaipui tu chu bia in,"ka pu,kan lawm lutuk,ilo awm hlauha"in la hawihhawm tak chuan ka ti a.Rawn hawi chhuak duh miah lovin,a thiltih lai ti reng chung chuan,"Pu tih hi ka ngaina"alo ti duh lek chauh a.




"Anih chuan ka pu,engtinnge i hmuh reng2 a,zan a rei tawh nen,vei vak an awm pawh ka lo ring tawh lova"midang pem hruk fai sak chung chuan ka ti leh siam2 a.




"Chu zan vâk angah min ngai deuh em ni?"aw ki sang deuh hleka a rawn tih takah chuan ka sawi sual anih ring in,"teuh lo mai"ka lo ti nghal vat.



Ka ṭawngkam thiam loh luatah leh ka ṭawng duh lutuk ṭhîn na lamah hian mi pawi ka lo sawi fuh leh nawlh zela.Fimkhur ve ṭhin viau mahila,ka lei che châk thei lutuk hi ka vêng sêng lo ṭhîn.






"Min ngai ta che"chu pa bawk chuan a rawn ti leh a.A awmna lamah hawi chhuakin,mak ti zet hian ka en reng a.





Ka ngawih reng takah chuan ani pawh a buaipui lai a zo tawh ni hmiang,ka lam a rawn hawi ve chiah bawk a.Street light eng chuan,a hmel a chhun pha chiah2 a,ka mipa hmuh tawh a zawnga pa ber ani hial awm e.A kut a rawn ti ri zeuh a,nui leh sukin,"zan vâk mi alawm ka nih"tiin ka nau ṭhianpa a buaipui zawh chiah sam chu tuai sak zauh in,"fîmkhur tawh ru aw,mipa chu pa taka chêt tur,an ha bung rum2 khawpa hnek tur ania"tiin kal nghal mai a tum a.





Rawn hawi let lehin,"nangpawh aw"a rawn ti ringawt.Kâ hô chuan ka lo en a,"in sual mawle,chak taka awm tûr"tiin a kut a rawn hum lang a.A kal liam thleng pawh chuan mak tiin ka en ngai ka en ta reng a.





"U Rose,min buaipui vat la,"ka nau ṭhianpa ka buaipui mek Austina'n a tih chuan in ngaihtuah harh in,a mit ko thi lai chu hruk sak in,dam dawi ka hnawih sak nghala,band aid ka bêl sak bawk.






An pali chuan ka check nawn vek a, tumah damdawiin kal ngai khawpa na an awm ka hriat loh avâng chuan haw ka rawt ta a.Zanin chu engnge an hriat hlawm le,nidanga min nel em2 ṭhîn kha, kan thlen aṭang ṭawng an la awm mumal lo reng2.An in sualnaah an chau te pawh ani mahna.






Ka nau bike a ka chuan rual chuan,"ngatinge ke a ilo kal"a helmet khum ṭha chung chuan a ti sup a.





"Ka la chhuak ngam tawh hleinem,duatlaii'n min hêk leh dawn asin"tiin ṭha deuh chuan ka chhang ve mai a.Khi suk chung hian,ka kut rawn la in,a kawngah a dah a."Ka duh lo ania"kalo ti nghal vat.A kawng min vawn tîr tawh hi chuan a speed a chak leh dawn tih ka hria alawm.Ka thusawi ngai pawimawh duh lo chuan chak takin min tlan pui a.A ṭhian te nên in ṭhen hrangin kan in awmna kawng hnuai lamah kan tlan a.






Kan gate bulah chuan bike ti ding in,dim tê chuan Gate a hawng a.A bike nawr lutin,keiin dim thei ang berin gate ka khar bawk a.Gate ka khar zo,ka in her tur chu,kawngpuiah chuan engemaw thlawk lai ka hmu thawi a.Ka ding dat a, Dinpuia chu ka ko nghal a.Ka thil hmuh ka sawi rual chuan,ṭhenawm te varandaha Pi Kawmi kan lam hawia lo ṭhu reng ka hmu nghal a.Dinpuia chu mit meiin,zawi tê hian,"khi Pi Kawmi'n min hmu ania,ka nu bulah a sawi hrim2"ka ti ru sur2 a.







Ka nau chuan Pi Kawmi ka hmuhna chu a en ve a,"a awm loh saw"a tih rual chuan ka hawi phei ve leh a,alo awm leh tawh miah lo.Nichin khan ka hmu ngei sia."Ka hmu reng sia"ka ti zawi sap a."A uikawm lutuka,ka hmuh a in lan chu a hek duai dawnin a hria aniang"ti chungin a bike chu a nâwr leh a.








Kawm char lama ka kawngka hawn sa ah lut ru leh in,dim tê chuan kan in zui a.Inchunga kan room awmna lama kan chho tûr chiah chu light a rawn eng thut a.Dinpuia ka kai nghal chawt.





"Lalhriatpui,i nau hi hruai chhuak fo suh ka ti che ani lawm ni.Dar zat en nachang hre ta che.Zan arei telh2 a,i harh tawlh2 emaw tih mai turin i chhuak ru ziah mai"dan ngai te bawkin ka nau vangin hauh ka tawk leh ta.







"Nu,sazu kan um alawm,inhnuai lamah a rawn tlan thlaa"ka nau chuan min chhan nan alo ti.A chhuan lam siam kher2 lah chu tu khaw kha mah awih chi va ni suh.





"Sazu lian chi in um zawk anilo maw.Mu vat rawh u.Hriatpui naktukah kan sawi ṭha ang"tiin a room a khâr ri nghal bur mai.





"Nangmah vang vek"ti hluk chungin ka nau inthlahrung taka min en tu melh ralh chung chuan ka chhoh san a.





"Rose,thinrim lo la,ka ṭhian te khan an mamawh che tih i hmuh ve vek kha"ka hnung lama min rawn um chung chuan a ti ve a.





A thawk a phita Rose in tih reng pawh hi ka kham."Rose ka ni lo"tiin thinrim takin ka hawi lêt a.A mit meng tle sar leh a nui hmel lem lutuk chuan min run ngawih2.






"Âw Rose,i heh sen mawi tak te hi rose par sen ang chiah ani tih i hre lo em ni.Kei leh ka ṭhian te tan chuan Rose par mawi tak ang alawm inih"ka nu a thlêm lungawi ṭhîn dan chuan min thlêm a tum ve a.Thinrim lutuk avâng chuan ka nui ro hak.Chhang buai peih tawh lovin ka room lam ka pan san a.






Dar 2 a pêl fel leh dêr tawh,mut ka kham leh dawn ta lo anih hi.In sil fai peih tawh lovin khumah ka bawk nghal thlawp a.Mut chhuak a rawn kal riai2 a,puan pawh sin ṭha tawh lo chuan ka muhil zui nghal a.





Ka pum ah chuan thil rit takin min delh tlat avângin thawk a harsa lutuk chu ka harh leh ta nge2 a.Ka mit ka meng a,ka nau in a ke a rawn kham phei leh duai tawh.






A ke chu lak sawn sak in,khum sir lamah chuan ka tawlh phei a.A kuta min rawn kuah bet leh in,ka beng zâwnah chuan a rawn thaw ri leh suk2 a.





Khua var tawh mahse ka alarm set ala rik loh avâng chuan rei lo tê tal mut belh tumin ka tawlh hla leh a.A ngai te bawkin ka lamah rawn tawlh hnai leh in a rawn thaw ri leh tawh.





Ka ning lutuk chu khum aṭang ka tlawh thla dawrh a.A mit nuai nuk2 chung hian,"zing2 ah kut thlâk ka tuar duh hleinem"fiah lo taka ti chung chuan rawn lawn chhoh leh a tum a.





Ka ke chuan tlawh tuma lo tin leh in,"i roomah phei rawh.Naupang chhia pawh ini tawh lo"ka ti bak hlar a.A khuma mu duh lo hian zan reiah a rawn in sawn ve ziah mai.A ṭhian te bulah pa thei ang berin a awm leh a,ka ngei ania.





"Rose,i nau ka nih hi"ti chungin ka ke chu min dah thlâk sak a.Dim takin a rawn mu leh nghal."Min kuah tawh hlek suh"tichungin ka in leh san a.





Puan sin ṭha in,mit ka chhing leh a.Ka muhil leh dawn chiaha, information mike aṭang chhiat tawh thu an rawn puan chuan min ti phu zawk.





Kan ṭhenawm Pi Kawmi hming sawiin an puang nawn leh a.Ka sir a mu ka nau chu ti harh nghal in,"Pi Kawmi a thi ania"ka ti hluai a.





Phak chial hian min chhang a,"a ui kawm lutuk anih chu"tih chauha min chhangin,a in let daih a.





A mawngah pet leh zawt in,"kan haw khan ka hmu ka tih kha"duh aiin ka aw a ring leh hret.





"Aw a damlai thla i hmu anih chu"tih zawnga min chhangin,puan in a in khuh leh daih a.




Khum aṭang chuan tho chhuakin,ka room tukverh chu ka hawng a.Pi Kawmi te in pawh an lo in sing sa nasa mai.Ka nau hian tlawmngaia puih duhna rilru a pu leh miah lovang chu.Vengchhunga mitthi an awm apiangin,zan tleivar ngam lovin inah a tawm ziaha,a chang leh hmuh nei ang maiin a rawn au chhuak leh ṭhawt ṭhîn.Engmah min hrilh duh na rilru a pu leh chuang miah lova.






Pi Kawmi damlai thla lo hmu ta tehreng pawh ni ila,thla hmasaa kan kohhran upa boral ta ka hmuh te kha engnge ni ta ang.A damlai thla ka hmu leh tho tihna em ni?






In hnuai lama ka nu au thawm ka hriat chuan min ti harh zawk a.Ka nau pawh a meng ve kâwk mai.In hrilh chawp ngai lovin inhnuaiah kan tlan thla nghal a.Ka hmanhmawh lutuk na lamah step-ah ka tawlhthlu leh tawh.Nizanah ka mawng ka sawh tawh sia,a vawihnih nan a sawh nawn leh chu na ve duh tak ani.






Thei leh thei lovin step vawn chhan rin chhan in ka tho chhuak a.Ka nau ka nu room a tlân lut chu kal ṭha hleithei lo chuan ka zui a.





"Tu in nge ka ṭhuam ṭhiani ti hlau"ka nau chuan ka nu kuah chung chuan a ti nghal a.Ka nu room chu keipawhin ka en kual ve bawk a.Hlauh tur engmah ka hmu lo.





"Sazu a rawn lut alawm,ka chapal in vawm tuma,min en ve kuau anih kha"aw khur zawih2 chunga tiin ka nu chuan ka nau a vuan bet tlat a.





Rûk ru an lo lût emaw tiin ka mangang ve em2 a.Sazu lek ani chu ka thaw huai thei.Ka nau pawh nuih za in sum chungin,"engahnge ka ṭhuam ṭhiani ilo en"ti chungin ka nu khum hnuai a bih nghal zat a.Ka nu khum hnuai aṭanga sazu lian pui rawn tlân chhuak kan hmuh chuan kan au rawl ṭhawt.Ka nau phei chu a petek dawrh mai.




Ka nu room ah chuan tawm himna tur zawngin a tlan kual chhên a,a tlanna lam apiangah kan hawi rual ṭhap2 a.Ka nau chuan a chapal phelhin a tin run2a.Kawngka bul a rawn tlân phei leh chuan a chapal chuan a vawm nghal a.Chik rût2 chungin kawngkaah chuan a tlân chhuak a,thin phu dawt2 in a tlân chhuak lai kan thlir liam ta a.





"A kal ta"thaw hlawi2 chungin ka nau chuan a rawn ti chhuak thei hram a."Hriatpui,i duty dawn ani lawm ni,engahnge laiking ni lum ai ang maia i chet duh miah loh.Rawng va bâwl rawh"ava mak tak,a hlauhna leh thinrimna ka chungah hri tla leh ta.Tun ṭum chu ka nau vang ni lovin kha sazu vang kha ani.Chhuk ve lo ila a ṭha tur hi ania.





Ka nu khuma Duatlaii mu a rawn tho ve chiah bawk a.A mei vai lauh2 chungin,ka nu a rawn lawm leh tawh.Kan thawm a bengchheng tehlul nen,engtinnge tui taka a mut theih zawk.Kan chhungkuaah hian kei chauh hi ka nu,ti lungawi zo lo ka awm anih dawn hi.







Ka nu te nufa ho kâra awm ve reng pawh chu nuam ka tih loh avangin,rawng bawl tûrin ka chhuah san a.





Alu ka vel mawlh2 laiin,ka nau,ka nu room aṭanga rawn chhuak chuan,"Pi uikawmi chu ka va thlah liam ve lawk ange."tiin a chhuak zui bawk a.






Ka nu room aṭanga Duatlaii rawn chhuak chuan min rawn pan nghal a.Ka chet na lai apiangah chuan min zui kawi ve zel a.Ka chawhmeh kanna tel a khuk rum2 tawh avângin gas off in dish ah dah daih deuh tuma ka chawi sawn chu,ka vawnna pelh in,ka ke bula Duatlaii lo ding ve reng chu,tel sa chuan a tlak a.Ka hlau thawng lutuk chu ka au chiam a,duatlaii na ti lutuk pawh a beleuh tuar2 a.





"Lalhriatpui,engnge ni leh ta."tiin ka nu a rawn tlân.Duatlaii na tuar a hmuh chuan ka hmai ah min beng ri chawrh a."Tual thah nawn i tum em ni,rapthlâk lutuk"tiin Duatlaii pawmin,ka nau a phone nghal.






Ka nau rawn lêt chuan,Duatlaii kang a hmuh veleh,"u,i kang ve em,khawi maw"tiin ka kut leh ke te chu a en kual a.



"Dinpui,khatiang ti hman pawh ini lo,Duatlaii buaipui angaih hi.I bike ti nung rawh"tiin a nawr chhuak nghal a.





Ka nu te an chhuak ta chu ka thaw chhuak hawk a.Tualthah nawn tih a sawi kha ka la pawm dam thei lo.Chhungrilah hian min vit ngut2 a,min hringtu chu ani ngei sia.Ka pa thihna avanga mawhphurtu a min la ngai tlat hi engtikah nge a reh anga,hlim taka kan awm dun hun hi engtikah nge a thlen ve ang le??


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:39 pm

Ka Vawk Pu


Chapter 2:





Ka nu te an rawn haw leh hma in rawng ka lo bâwl zo a.Inchungah chho in ka in ti fai a.In siam leh nghal in,ka ṭhiannu ka thawh pui ni bawk mi hausa fanu mal duat sual theih loh ka hming pui ni bawk chu ka call a.




"Hello"a rawn ti tham leh ṭêk tawh."Tho tawh rawh,kan tlai dawn ania"ka ti nghal zat ."Awi ni tak,nizân film ka en rei lutuka,thawh ka hai alawm.Min rawn call nachang i hriaa ka lawm zia chu"a rawn ti leh nghal zat2 a.






"Ka rawn sâwm chho dâwn che ania"tiin ka dah a.Chaw ei turin inhnuaiah ka chhuk leh nghal.Ka kal a hun tawh sia,ka nu te rawn haw har lutuk pawh chuan min ti buai.Dinpuia Class kal te angai dâwn sia,a tlai phah dawn anih hi.





Chaw ka ei san tawp a,ka nu te call leh in,an rawn haw hnai leh hnai loh ka zawt a.An rawn haw mek thu a min chhan chuan inchungah ka bag la in,ka scooty chahbi ka la nghal bawk a.Kawngka pawh ka kalh ṭha thlap.




Ka scooty ka start a gate ka hawn lai chuan nizâna ka nau te lo buaipui tu kha ka hmu thut a.Khawlum kârah jumper dum lian pui ala rawn ha zui a.





Min rawn kal pelh dâwn chuan,"ṭhenawm lawka mitthi awm pawhin a khuah khirh zo lo che animaw"nui suk chung chuan a rawn ti kher."Kha lum pawh hre lova kawrlum ha chut2 duh hmel i put kha"ka ti hriam ve hrâk a.






Min en reng chungin a jumper lukhum a khum ṭha zui.Engmah sawi tawh lo chuan min kalsan a.Khatiang mihring mi zah pah na pawh nei lo,nizân khan a fel ve hmel nen.Kalo ring sual hret ani,hmu tawh lo ila ka hlim zawk ang.





Ka ṭhiannu ka sâwm chho a,kan chhuah leh hma hret in,ka nu call a rawn lut a."Lalhriatpui khawnge chahbi i dah"ka lak rual chuan a rawn ti nghal ṭhat.Phu zawkin ka phone ka en nghal hâw a.





"Ka dah lo ami?"ka lo ti ṭha ve mai a."Khawi maw lo la teh" ka nau aw ka hre nghal a."Rose,i bag kha dap teh,i ak tel palh aniang"zaidam tak chuan a rawn ti veleh a.Ka nau hi chu awm lo se,ka nu nen hi chuan kan in chal tauh ngun viau in ka ring.





"Ava mak e âw"ti chungin ka bag ka dap chu kalo ak tel reng.Ka dah theihnghilh leh tawh animaw,avan buaithlak thei tak.Ka ṭawng leh hma chuan,"Khawilai nge I thlen tawh,kalo lam mai ang"ka nau bawk chuan a rawn ti leh a.





Tuikual veng ka thlen tawh thu ka sawi hnu ah,"min lo nghak mai rawh"tiin a dah a.Kan tlai lek2 tawh bawk sia,Apuii ka hmaizah deuh chuan ka nuih sen2 ringawt.






Rawn nui ve nghal in,"a ho lutuk,i haihawt lutuk zawk hi buaipui angai.Nimin te kha awm lo ila,engtinnge i tih ang"a ti leh siam2 a.Nimin kha chu ka ṭhiannu awm lo se chuan ka buai ngawt ang.Damlo ho damdawi pêk tûr ka theihnghilh ngun lutuk leh cabin ka lut sual fo kha ania.Vawi engzatnge ka ṭhiannu hian min chhan chhuah tawh ang le,ka tan hian a hlu ania.








Ka nau pawh a rawn thleng rang khawp mai.Chahbi chu kalo pe nghal a,Duatlaii chanchin pawh zawt khawmuang lovin kan chhuak ve nghal a.






Damdawiin kan thleng a,in thlak nghal in,Doctor ward fang ka zui leh ta a.Duhaiin hmarcha ka ei hnem deuh nge ni ka pum ana riai2 reng lehnghal a.





Ward fan zawhah,puan pho in inchungah ka chho leh a.Ka thlang lawka Aizawl khawpui lang chu thlirin ka ṭhu khawmuang rih a.





Ka hnung lawka hmeichhe ṭap thâwm ka hriat chuan,ka puan zâr phên aṭang chuan hmeichhia,chhuak em2 a ṭap chu ka va hmu a.





Pan phei nghal vatin,a hnungah chuan ka chûl sak nghal a.A duhtawka a ṭah zawh hnu chuan,a mittui hru hul mawlh2 chungin,"ka lawm e,ka thih dâwnah tal chuan vantirhkoh ka hmu ta che alawm"a tih chuan bang bo tak hian ka en tlawk2 ringawt.






"Ih maw,mihring te chu thi tur vek kan nia,ka natna avang hian hei aia hrehawm ka la tuar dawn.Natna tawrh hrep hnu a thih ai chuan rei lo tê nat zawka thih ka thlang zawk"a rawn tih leh chuan,"Eng na nge inih chu ka hre lova,mahse,rei lo tê khawvel eng la hmuh chu i hlim pui zawk lo em ni"dam thlap chuan ka ti ve a.






"Aih ni lo,ka nat anga i nat ve loh avâng chauha sawi thei inih kha.Thi tur tih in hriat reng hnu a,na tawrh leh hrep chu a hrehawm dan i hrethiam pha lovang"kûn lâp chung chuan a ti leh a.






"Ṭhiannu,chutiang zawngin ngai lo la,i natna phenah khan Pathian a awm asin"tiin ka hnêm ve tawp.A baka chhân dân tur ka hre tawh lo.






Ani pawh ngawi rengin hnuai lam a bih tlat a."Chhuk tawh ila,thli a thaw nasa sia,i khua te a sik ang"tiin chhuk pui ka tum ta ngawt a.






"Rei lo te ka'n awm leh lawk,lo zuk chhuk rawh,ka rawn chhuk ve vat ang"tiin hma lam a en zui a."Rei suh aw, treatment lâk ngai i neih phei chuan rei chi miah loh ania"tiin ka chhuk zui a.A rilru a buai ve hle anih dawn kha,rilru pik lutuka awm chuan boruak thawveng dawn mamawh chang a awm ve ṭhîn a.Keipawh ka rilru a hah zual chuan inchungah chho in,ka rilru hahna ka hri thla mai zel a.Thlah fal ve te pawh a duh ve ani mahna.






Duty room ah ṭhu in,tlai lama damlo damdawi pêk dân tûr ka en fel a.Apuii pawh ka bulah rawn ṭhu in, coffee min lo lak kep bawk a.






Inchunga ka hmeichhe hmuh thu ka sawi chuan,"engtinnge a chhoh theih,jection a ngaia ka zawng hmu zo lo asin.Khing lai daih2 ah chuan a kal theih ka ring lova"tiin a tho hluai a.






A hnungah chuan ka zui chho ve bawk a.U Sangtei kan medicine Doctor pawh kan hnungah a rawn tlân ve bawk.Eng ka ti ṭhin bik nge,step-ah chuan ka khup sawh in ka in pal tlu leh tawh,ka kut ka vaw tel bawk a.





"I ṭha em,ana em?"U Sangtei chuan a rawn ti nghal vat.Ka ṭhat thu sawiin ka form te chu ka beng fai a."Hmanhmawh ang"tiin U Sangtei chuan min kai chho leh dawr2 a.Engnge maw an hriat le,thil hlauhawm a thleng zâwk nge.





Inchung kan thlen chuan, Apuii leia lo ṭhu hnawk chu ka pan nghal a.Tha khur zawih2 chung hian kan piah lama bar chu a kâwk a.U Sangtei a hawi thla vat."Lalpa,a pawi lutuk"tiin in hnuai lamah a tlân chhuk leh nghal a.





Angaihna hrelo takin,Apuii chu ka kuah a."Engnge thleng"tiin ka zâwt ve tawp."A zuang thla"khur zawih2 chung chuan a ti leh a."Engmaw"ti hû chungin Apuii ka en nghal.






"Kha nu kha a zuang thla,ka man hman lo"tiin a ṭap nghal a.Ka nghilh dup thei.Intihhlum duhna rilru a put ka ring pha lo hrim2.A rilru hah lutukin boruak thianghlim a dawng duh ah kalo ngai ngawt a.Lo hruai thla lui ila a ṭha tur hi ania.Lalhriatpui ngatinge i chet sual reng bik le.






Apuii ṭap a ban hnu chuan inhnuaiah ka chhuk pui a.Duty roomah hruaiin,a kut ka vawn sak a,"I thiam loh anih loh kha,in thiam lo duh reng2 suh"tiin ka hnêm ve mawlh2 a.






"Nurse"tih ri ka hriaa,kan duty na ward chhûng ami te an buai leh tawh aniang,Apuii kal san in ka pan nghal a.







Tlangvâl pakhat alo luak bawrh2 mai.Ka buaipui vat a,luak danna te chuan ka jection nghal bawk a.A khum piah ami chu a rawn tlun leh bawk a.Nachhawkna khai sak in,tuilum ip chu ka pe bawk a.






Bus accident a awm avângin damlo an rawn phur lût leh ṭeuh bawk a.Vawiin chu buai ava na ve,chhun thil eina hun pawh a awm lo reng2.






Dam lo buaipuiin ka buai nileng zak a.Apuii pawh kan buai zual tak avâng chuan min rawn pui ve zung2 bawk a.







Kan Gynecologist Doctor Maremi'n inzaina room-a nurse an mamawh thu rawn sawiin,ka zui lut ve nghal a.





Mak tak maiin,kan mi zai lai chuan min en tlata hriatna ka nei a.A chhûl an zai hawn lai chuan thi a rawn put vak a.Dr.Maremi leh Dr.Hruaia te pawh an mangang ṭan tawh.Keichuan ka hmaa thil hmuh ka neih avâng chuan,doctor te pawh pui thei lovin ka ding ngawi reng a.






Kan mi zai mek chungah chuan eng mak tak a awm tlata.Chu eng chu chûng lama a thlawh chhoh rual chuan,kan zai lai mek nunna a tawp ve nghal a.





"Ding reng lo khan lo ṭhui ta che"Dr.Maremi chuan a rawn ti hrâwk a.Phu zawk in,an zai hawn chu Zotei nen kan ṭhui nghal mawlh2 a.






Vawiina ka thil tawn ho chu theinghilh mai2 theih loh.Hriat reng atana duhawm loh hlir ani thung a.Haw kawngah pawh ka ngaihtuah zui nasa viau.





Engtinnge kha êng kha khanu taksa aṭang khan a chhuah theih le.Midang khan an hmu ve miah lo nge engmah an sawi bawk silova.





"I kalna en rawh"ti a au thawm ka hriat rualin a ri nghal chawrh a.leiah ka tlu fel der tawh.





"Motor khalh lai chuan mawl chhuah miah loh tur asin"ti chungin kut tha chak zet chuan min tung tho nawlh a.





"I kal na en fîmkhur ta che,a glass a keh vek hi"ka hmaa motor ka sut sak neitupa chuan a car en dik chungin a ti lung2 a.A pa lian bawk sia,min vin bawk nen,ka hlau lutuk chu ka tha a khur hial.






"Ṭhiana,thinrima lâk chi anih loh kha, khatiang te chu no khatin a that vek"min kai tho tu chuan nui sung chungin alo ti.Fiamthu thawhna hun pawh ani dâwn ami,kan hma ami lah chu a thinrim ropui mai si.






"Thinrim loh chi ani hleinem,hei en ta che a keh vek hi"tiin a thinrim a zual emaw tih mai turin a rawn pawr tawh hle.Ka bula ding chuan,"Faktea motor works i hre ngai em"dam tak chuan a rawn ti leh a.Ka la hre ngai miah lo dawt a phuah chawp dâwn ami le.A thinrim zual vaih chuan ka chhe vek animai.





"Aw hria e,ka car leina pawh hi ani alawm"kan hmaa mi chuan alo ti ve bawk a.Alo awm tak2 ani maw,avan lar lo awm em2.





"Ka ta ania,naktukah i car hi rawn kal pui la,kan lo siam ṭha dâwn ania"tiin ka bul ami chuan a no.a pe nghal a.





"Nula,fîmkhur tawh ang che"tiin kan hma ami chuan a carah min luh san a.Mak ti takin,ka bula ding chu ka en ta reng a."Ava mak vauh2 ve,min hmu chhawrthla nghal ami.Ti lo duh suh,a awm lutuk alawm"tiin a nui leh a.A nui hmel lah chu ala mawi em2 zui.






"Ah,ka lawm lutuk ania,engtinnge ka rulh ang che"ka ti bah nak a.A khabe tuai nauh2 chung hian,"i no.min pe la a tawk animai"tiin min siai suk leh nghal.






Ka no.ka pe ve mai a,ka scooty min check sak nghal in,"A chhiat hnem loh hi,nangpawh i hman hunah lokal mai rawh aw"tiin min hun rem sak a.





"A awmna ka hre hleinem"kalo ti leh nghal zat."Ka rawn be dâwn che alawm"tiin min kal san a.Ka thlîr zui reng lai chuan rawn hawi let in,a ban rawn vai chungin a nui suk bawk.Tunge anih pawh ka hre tawp silova,a nui hmel ka mitthlaah a cham zui ve ringawt.






Ka phone rawn ri chuan min ti phu leh zawk a.Apuii call alo ni."Hriatpui engnge min haw san daih a,canteen ah ka nghâk ve char2 che a.I hre leh tawh lo em ni"a rawn tih hluk takah chuan ka lu ka beng nghal a."Tihpalh lutuk,a thleng nawn tawh lovang"tiin ka chhang ta ringawt.






"A thleng nawn tawh lovang iti ziaha,vawi engzatnge min haw san tawh"ka ṭhiannu hi a thinrim tawh takzet ani.Keipawh ni ila ka thinrim ve tho ang.





"A thleng nawn tawh lo tak2 ang,promise"ka ti leh sap a."Awle,ka hre reng dawn ania"tiin a dah a.Engtinnge ka ṭhiannu ka theihnghilh theih,ka haihawt lutuk hi a buaithlak.Ṭhian ni tlak pawh ka nilo.




Ka scooty hma chhe chung chuan ka in khalh haw leh a.Kawtah Dinpuia'n a bike alo sil suah2 a.Ka nu'n Duatlaii paw chungin pangpar tui alo pe bawk.






Scooty ka dah fel a,ina ka lut tur chu ka nu'n Duatlaii an kal puina chungchang a sawi nghal a.Ka in thiam lo ve reng,mahse ka duh vang renga ti ka ni bik lova."A dam leh vat mai ang"ti liam puat in ka luh san ta daih a.





Room ah lut in,khumah ka mu nghal a.Ka chau,ka chau takzet,chaw ei chakna pawh ka nei lo.Nilengin engmah ei hman lovin ka buai a,in lamah tal hi chuan hahdam ve ka duh.






"Rose,chaw kan ei dawn"ka nau in min rawn kai tho.Ka mutthilh lai pawh hre lo khawpin kalo chau ani ngei ang.





In thlak hmasa in chaw ei tur chuan ka chhuk ve ta a."Nu,ka hna hi ka ning tawh ê,ka bang daih mai dâwn.Ka pui ve zawk che anga,kan harsat phah awm chuang silova"chaw ei pah chuan ka ti a.




"Sa i sat dawn anih loh chuan bang suh.Hetiang hna zahawm te chu ban mai2 chi ani hleinem.I thawk rei anga,i hre chho mai ang"ṭha deuh chuan alo ti ve mai a.







"Rose,keipawh rawn thawh ve ka tum alawm.Kan thawk dun anga,i thla a muang mai ang"ka nau pawh chuan alo ti ve bawka.Ka thlamuan leh muan loh lam ni lovin ka tui thlawt lo tih te hi hre ve se,min thawh luih tir bik ka ring lo







Ka kham san a,ka lu a nat deuh avangin damdawi ei tur la in filter tui ka thli nghal a.Tui ka in zo,en lêm lova no dah leh mai ka tum chu ka dah ṭhelh a,a tla keh leh chuai mai.







"Lalhriatpui,tun thla chhungin no darzen khat i ti keh tawh"ka nu chuan a chaw hmuam ṭum chung chuan a rawn ti.






"Ka lei leh mai dâwn ania"tiin no keh chu ka chhar khâwm nghal a.Ka kut ka la thi zui,ka kut thi chu ka fawp nghal a.






"Rose,khawi ka lo ti ang"ka nau chuan rawn tiin,no keh chu a rawn chhar nghal zung2 a.






"I in ti palh reng bawk si,nakinah phei chuan I chetsual na lamah ila thi daih anga ti nia"ka nu chuan alo ti leh.







"Nu,thihna chungchâng sawi tawh suh.Rose hian a duh vanga ti ani hleinem.A vanduai ve ani mai"ka nu ka chhân hma chuan ka nau in alo ti nghal a.Ka nu pawh,ti mah2 a in ti ve deuh nge a ngawi leh ta daih a.







Thleng vel tih fel hnuah room ah ka chho nghal a.Ka chau reh thei lo tih zia nân ka in bual harh leh te2 a.Tlem chuan ka zia ta deuh e.






Emergency anih loh chuan dryer ka hmang khat khawp a.Ka sam ro hun nghak in computer hmaah chuan ka ṭhu leh a.Ka novel ziah lai,chapter hnih post leh in,comment hlui ho ka chhiar leh vek a.Mahniin ka khi leh ver2 mai.






Comment thar a rawn awm leh a,"Chapter tharah pawh ka duh ang ila ziak chuang lo.I thil ziah hian ṭangkaina a neih pawh ka hrelo.Vawk chanchin ziah tur i hriat thlawt loh chuan ka lo hrilh ang che, experience ka ngah mai"tih hi ani a.A comment tu ka en chuan vawk pu in ti bawk kha ani.






Ka thil ziah lai leh vawk chanchin ziah tel chu a in per san lutuk tih te hi a hre lo amawni.Ka reply lova,like pawh ka peih lo.





A rawn comment nawn leh a,"Vawk hero ziak tel ang che.Hero hmingah chuan Pahlira i vuah anga, worrior tur an awm angai bawk a.Worrior tur chu a nu i hmang anga,a hmingah Bawihbawihi i ti ang.Vawk smart leh thiltithei tak,a pu phatsan ngailova,rinawm em2 te i ti bawk anga.Viewers an pung mai ang,comment tu te hi a tam zawk chu ka fake account aṭang vek ania.Ka khawngaih vang che a sawi ka nih chu.In ti thei viau rawh.Ka vawk chanchin tlangpui ka rawn sawi tel dâwn em,i ziah thiam theih nân"a rawn ti leh duah.Ka van ning tak ka block daih zawk dâwn nge.






Insum zo lovin,"tunge ni a i in hriat a"tiin ka reply hmiah.Comment hmu tu te pawhin min dem ka ring tawh lo.






"Tu dang ni lovin,keimah vawk pu"tih chauhin min chhâng leh.Ka ngei lutuk chuan,"Vawk pu ni awm reng inih chu"tiin ka reply leh hmiah.A reh mai dâwn emaw ka tih hnuah,"ni awm reng ni lovin,ka ni aw.Vawk i talh ṭut ṭut duh hmel"a rawn ti leh kher chu ka ngei lutuka ka block hmak.






Khatiang comment ho lam lutuk khan hah taka ka ziah hi rawn ching phûl ve suh se.Novel awmzia pawh a hre tawp nang.







Thinrim takin computer ka off a.Ka phone a rawn ri nghal zat.No.hriat ngai loh aṭang niin,"min hria em?"a rawn ti nghal zât a.





"Hrelo"

"Scooty i rawn siamna tur kha ka nia,i hero"

"Aw anih chu"

"Ka no.lo save rawh aw,chuan I ṭawngṭai ṭhîn em?"

"Aw ngatinge"

"A ṭhat chu,Kalvari zûn a uai hi a nuam tiraw"

"Nia"


"Lungpui kâra lili ka hmeh bêl tawp che"

"E"

"I chau lutuk ang,mu tawh rawh.Ka rawn be leh dawn che ania.Muttui,chhawr thla mang nuam"

"Muttui le"





A no.chu ka save nghal a.A dp lah chu sadenmuanga lem ala hmang zui.Ze mak tak a nei chiang mai.A ṭawngkam lah kha huat theih siloh,chhan thiam siloh a hmang nual leh nghala.Belhchian chi anih leh nih loh pawh ka hrelo.






In hnuai lama ka nu au ri ka hre leh a.Hmanhmawh takin ka tlân chhuk nghal.Dautlaii nen a room chhûngah an lo tlân kual nasa mai.






"Engnge"ka ti hluai a.A khum mawng lamah chu kâwk in,"Sazu"a ti leh tuar a.Ava buaithlak tak,ngatinge a room ah hian sazu an awm tak tlat le.






"Ṭhuam ṭhian,sazu leh bawk ami"ka nau pawh a rawn tlân lut a.Ka nu khum mawng chu Duatlaii'n a bauh vak2 bawk a."Man ta che"ka lo ti ve sek.Ka nau chuan ka nu bathroom a chhuat nawhna chu la in,khum hnuai a hawl nghal a.Sazu pahnih an rawn tlân chhuak nghal.Ka nu nen kan lo râk leh teng tung a.A te zawk chu Duatlaii'n a lo man nghal a.A lian zâwk erawh a tlân chhuak hman.






Duatlaii chuan a seh hlum a,ka nau in a paih sak nghal a."Khawi aṭang nge alo chhuah a"ka nu en chung chuan ka ti a."Ka hre bik lo,tunlai chu an rawn lang fo mai"alo ti ṭha ve mai bawk a.A room chhung chhuat chu ka nawh fai sak leh a.Mu tûrin in chungah ka chhoh san nghal a.




Zan reiah ka nau a rawn mu phei leh a.Keipawh ka chau bawk a,ka muhil chhunzawm leh.





Ka nau au thâwmah chuan ka harh zawk a."Engnge Bawiha"tiin ka ṭhu chhuak ve nghal."Saw"tiin a kut khur dar2 chuan tukverh lam chu a kâwk a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:39 pm

Ka Vawk Pu



Chapter 3:




Ka hmu ve thei silo chu ka mit ka nuai ka nuai a."Engmah a awm loh saw"tiin ka kuai mu leh a.Min rawn kuah hlun chung hian,"ka mutthilh hma chu muhil suh,min lo en leh palh ang"ka beng bulah chuan ati sur2 a.A tho â anih ring in,ka ngawih san rih a.







Ka nau a mut hnu chuan thawm ri rak2 a awm reng a,sazu bawk anih ringin ngaihsak duh lovin ka muhil zui ve mai bawk a.






**"Rose"ka nau aw ka hriat na lam chu ka hawi nghal a.Chhum a zing nasa nen,ka nau hmel pawh hmu hleithei lo chuan chhum kar aṭang chuan ka ko a.





"Rose"a aia ringa rawn ti lehin a dinna ngaiah chuan a ding reng a.Kan la mu rengin ka hre sia,engtinnge helai hmunah hian kan awm daih theih.Kan kal lai ka hrelo reng2.





Ka pan hnai zêl a,"Rose"fiah taka a rawn tih leh chuan,ka nau aw nilovin a ṭhianpa Hlimpuia aw zawk ani tih ka fiah nghal a.





"Hlimpui,engnge hetah i tih"a hmaa ding chung chuan ka ti a."Rose,a hun a thleng tawh.An lo lêt leh dawn i tan"tiin a kuta a ken rose par sen chu min pe in,chhum zing mup kârah chuan min kalsan a.





A rose par sen min pek chu,a rawn lung nuai2 a.Au chhuat ṭhawt in,rang zetin ka paih nghal.Chhum zing phui mup kârah chuan kal na tur hre lovin ka hawi tawn sek bawk.





Hla deuh aṭanga "Rose"tih ri ka hriat rualin ka aw hriatna lamah chuan ka rin kal leh hmiah2 a.Ka kal chak thei silo.Kawng ka hmu hleithei bawk silo chu,"min lo hruai ru"ka ti chhuak ta ringawt a.**






"Rose"min sawi nawk2 tu an awm ah chuan ka harh zawk.Ka khuh nghal bawrh2 a,tui ka lam nghal bawk.






"I au vak2 a,thlahrang an awm emaw ka ti hman alawm"tui min pe pah chuan ati a.Ka hah lutuk hi ka thinphu te hi a tawp mai dawnin ka hria.A tak ang chiahin ka hmu si a,engtinnge mumang anih theih.






Dinpuia'n tui dah let tura a rawn ban rual chuan a kut ka lo man nghal a."Bawiha, pianthar kan ngai"thaw hlawp2 chung chuan ka ti ṭhuai.






Angaihna hrelo takin min en a,"teh daih che chuan,kan piangthar lo ami".Alo ti hû mai."Ni tak,kan piangthar tak"ka ti leh hluai a.





"Rose,inlârna i hmu ami?"ka nau bawk chuan a rawn ti leh."Pialral kalkawng zawk"ti a chhangin ka thawh san a.






Rawng bawl tûrin ka chhuk a,Duatlaii paw chungin ka nun ei rawng alo bawl a.Min hmuh rual chuan,"Hriatpui,kawta pangpar ho saw tui ka la pe lo,lo va pe mai teh"alo ti nghal zung2 a.






Pe tur chuan ka chhuak ve nghal mai a,a rose phun, tui ka pêk lai chuan ka mumang hre chhuakin,a par sen kher alo ni ve bawk nen ka rap thar lutuk chu au chungin ka zuang tawr2 a.






"Hriatte ava mak tawr2 ve,engnge i hmuha"gate lama rawn ti tu chu ka en nghal a.Ka hmuh rual chuan a hma aia ringin ka au leh.





"Lalhriatpui engnge ni leh ta"ka nu'n min vuan ding chunga a rawn tih chuan gate lam ka hawi leh nghal a.Ṭhenawm putar alo nia,nichin kha chuan Pi Kawmi ka hmu ngei sia.






Gate lam kâwk in,"Pi Kawmi"ka nu kut vuan chung chuan ka ti.Ka nu pawhin gate lam chu a en ve nghal a."Ka pa Rual engnge i an tawha?"ati nghal zat.Ka nu kawr hmawr pawt chung chuan,"Pi Kawmi alawm"ka ti ru sur2 a.







"Eng mit nge maw i neih le,en chiang ta che"rawn ti hlak in,gate lama kal tuma a pen tur chu lo dang in,"kal suh nu,Pi Kawmi thla anih saw"ka la ti hrâm.Pu Ruala pawh lo ni tehreng se,min rawn biak khan Pi Kawmi aw chiah2 ania,a hmel pawh Pi Kawmi tho2.A thla a hrâng ani hrim2.







"Mawl2 lo khan lo va lût rawh.Dautlaii ka kalsan ania"ti chungin Pu Ruala min biak san daih a.Pi Kawmi thla anih tak2 hlau in,ka nu chunga thil ṭha lo a thlen ka hlau chuan inchhungah pawh lut mai lo chuan ka nu te inbe lai chu ka en zui reng a.






Ka nu rawn let leh thleng chuan ka din ngaiin kalo la ding reng."Lalhriatpui,lût rawh.Engnge maw i hriat le,mi dam ṭha lai thlaa chhuah ṭalh tum suh"ti chungin min nawr lût a.







Duatlaii leh Dinpuia an lo in fiam a,ka nu chuan min hau chhunzawm dawn emaw tih laiin a fate infiamnaah ava tel leh ringawt tawh.Naupang chhia nghal lo chuan.






Chawhmeh chhuan lum ngai ka chhuan lum zawh hnuah chaw kan ei nghal a.Ka mumang chungchang sawi chhuakin,ka rose ken rawn lung ta daih te chu mak ka tih nen,ka chhûngte hian mak ti hmel pawh an pu lo.Min chhang miah lova an ei lai chiah an ngaihtuah avâng chuan ngawi duh bik mai lovin,chaw ei dawhkân ka beng ri ṭhuai a.An tui suahna fian chu la in,ka hmui bulah chuan ka tin zawn a.Ka nu leh ka nau pawhin min ngaihsak ve ta.






"Lo ngaithla ru,ka mumang ka sawi dawn"ti a bulṭanin ka sawi zawm leh tûr chiah chu,"Rose,ila tho â reng em ni?i kum nen a in mil tawh lo"Dinpuia'n alo ti nghal.Ka nu ka en leh a,min melh ling hlar chung hian,"ṭhu rawh"alo ti chang fak a.Chuti taka ka nu thinrim hmai sen ka hmuh takah chuan meng khup dûi chungin ka ṭhu thla leh ta a.






Chaw ei pawh a tui tawh lo.Ka nu min melh dan hian 'kham vat rawh'min ti chiang lutuk.A thu zawmin a fanu duhtak hian kan thawhsan mai ange.





"Rose,thleng chu sil duh lo mai rawh.I tlai ang han in siam rawh"a tih chuan,duty ka ngai tih ka hrechhuak leh chiah.Nui sen2 chung hian,"vawiin chu ka off day alawm"ka ti ve hmiah.






"Lalhriatpui,i off ni a ral na ala rei lo.Han insiam mai2 rawh.Ka kal peih lo e itih chuan vawk sa ka sah tîr ang che".Huizz ti hian min vo ve ziah,bum ve theih reng2 loh mai.






"Ka pum avan na tak,hmarcha ka ei hnem leh tawh aniang"ti chungin ka pum ka dawm der a.Min ngaihsak duh bawk silo chu,"Awi ana lutuk"si sap chung chuan ka ti leh.







"Han chho vat rawh.Pum na an si ngai lo"vin taka a rawn tih leh chuan,eng chhuanlam mahin awmzia a nei dâwn lo tih hria in peih lo em2 chungin insiam tûrin ka chho leh ta a.






Peih loh ang ngaiin hospital thlen hnuah pawh zawi theih pa tawpin ka zawi a.Ka ning lutuk chu thawhṭan emaw ka ti hial.Nimin ang tho in kan buai leh a,Apuii bulah pawh private hospitala thawk turin vawi duai lo ka sawipui.Anih lah chuan a hna nuam a tiin a phur sarh reng a.Amah ang nih ve hi ka chak.Keimaha sakei awm hi a thau chi anih te ka ring,heti em2 a fanu laktlak loh bik nih hi.





Ban hnuah Faktea motor works ah chuan Anpuii'n min kalpuia.Ka tum dân aiin alo pui daih.Mizoram ah chuan a ber anih hial te ka ring.A chhûng kan lut chu thawk tu ten min lo be ṭha nghal vek a.Ka scooty chhe lai chu hmuhin,a thar ang biaiin min siam ṭhat sak a.







Bill pêk naah chuan kal in,a man ka zawt nghal a.An cashier chuan min en vang2 hnuah a phone a en leh a.Chutah nuihmel duhawm tak min hmuhin,"kan pu in a pêk sak tawh che aw"atih chuan Apuii nen kan in en nghal hâw.Khapa kha an pu tak2 anih ka ring chiah lo asin le.







"Pawisa ka nei ve alawm,aman chu sawi rawh"ka ti leh a."A man a sawi chuan kalo zawt kha ka inchhir ngawih2."Installment in a pêk theih angem?"ka ti nghal a.Apuii'n,"ka nei alawm"tiin a purse a rawn phawrh nghal zat a.






"Man a lei ani tawh alawm,pêk angai tawh lo"ka aw hriat tawh ngei chuan hnung lam aṭang a rawn ti.Ka zak lutuk chu Apuii kut ka vawn sak nghal a.






Kan hmaah chuan rawn dingin,a nectie awrh a phelh thawl deuh a."I hming kala zawt miah lo che"nui suk chung chuan ati.Keipawhin a hming kala hre bik miah lo.





"Hriatpuii ka nia"tiin chibai tumin ka kut ka phar chhuak a.Rawn vuan ve nghal in,"Fakzuala aw"tiin mit a siai leh suk tawh.Ka kut a vuan rei lutuk chu Apuii'n a aw alo thian kharh a.Hre chhuak ni awm takin min thlah ve nghal a.






"Ka thlah haw dawn cheu em ni?"tiin a kekawr Ipte a zen nghal a."Scooty kan lo keng ve2 a,kan lawm lutuk e"Apuii'n alo ti.Ka chhâng thiam dâwn lo tih a hre leh tawh aniang.






"Ka nau te ka tîr mai dâwn alawm,ka thlah ang che u"ati teh tlat a."Fakzuheh"Gate aṭanga rawn lutin U Sangtei kan medicine Doctor a rawn lang hlawl.Ka hma ami pawh chu a phu zuk a,hawi let vat in,"Siali,i rawn kal dawn te chuan sawi lawk ve ta che.Mi pawimawh ka nih hi"alo ti nghal vat a.






U Sangtei chuan a hnungah rawn chum dawtin,"I phone en nachang hre hek lo che,Ṭingtangi'n red zone a rawn hmeh kha"ati hlak2 a.Hospitala ngawichawi leh fel ti a kan sawi,kan senior zînga entawn tlak bera kan hriat U Sangtei hetia kan hmaa a khawsak dan hmuh chuan kei chauh nilo ka ṭhiannu pawh hian mak ati ve hrim2 ang.





"Ehe nangni maw?Engnge helai daih2 ah in tih a?."U Sangtei'n min hmuh rual chuan a rawn ti a."Scooty an rawn siam tîr"a bul ami chuan min lo chhân khalh a.





"Anih chu,in duh angin an siam thei em?"nui sâng chunga min en chung chuan ati leh a.Ka lo bu nghat ringawt.





"Kal ang,kan tlai dawn",tiin a bul ami chu a be leh a.Min rawn en leh in,"naktukah kan inhmu dawn ania,anih phawt u"tiin a bul ami chu a kai chhuak nghal dawr2 a."U Sangtei kid anih kha,an in zui lai ka hmu fo mai"Apuii chuan a rawn ti ru sur2 a.Kalo kâ ho ringawt.






Bill pêk angaih tak lovah chuan kan haw ve nghal a.Kan tlan chhuah dâwnah,"hmelṭha ka tih chi,a nupui nih ka châk U Sangtei'n khati taka a nêl theih chuan a fel tih ka chiang,nupuite duat tur chi anih kha"a ti leh zung2 a.Chhân leh ka tum lai mekin,"a hmel phei chu duhthusam"tiin a tlanchhuak a."Keipawn ka ti"ti a phun chhuak sap in a hnungah chuan ka zui ve a.







Apuii te in pêng kan thlen chuan ka ding dat a,"naktuk zan kan night dawn kha aw,chuan chhun kan off a,mahse thil min tih sak angai"tiin a nui leh sâng tawh.Thil min dil dawn hi chuan hetiang nui hmel hi min hmuh ziah.







"Ka hman lovang"ka ti nghal zât a.A hmui rawn ti pawrh tarh in,a in kuangkuah nghal a.Hetianga a awm hi chuan ka nem leh nge2 zêl.






"Engnge ka tihsak ang che?"ka ti leh ta ringawt a.Chu veleh a nui leh nghal sâng a,"blind date leh bawk ania,nichina kan hmuh zawh chiah kha,ka try duh dâwn sia.I hrethiam tawh mai em"a mit ko a rawn san âk a.A ti leh ta,vawi engzatnge a ai ka kal tawh le.Ram dang style la in,blind date zawnna group-ah a awm a,a tak ram a thleng leh peih tak2 der silo,ka tuar ve ziah mai.






"Mawh! tun chiah ani tawh ang please"a in la khawngaih thlak awm leh tawh.Chhang lovin kala melh rum fan a,"tun ṭum chu keima thlan pawh anilo.Ka nu thlan ania,tun bak ka tîr tawh miah lovang che.Thlahnih chhûng lunch ka treat bawk ang che"tiin min tlawn leh nghal a.







"Awle,mahse a hma ang kha chuan ka in chei peih tawh lo ania"ka tih chuan "yes miss"tiin salute min pe a."Khawiah nge ka hmuh dâwn?"ka ti nghal vat a."Euricka hotel ground floor table no.7,dar 11 ah aw"ati leh nghal zung2.






"Lo kal ve ang che"tiin kalo chhang leh daih a.A lu bu chung hian,"lutuk2"tiin a nui leh sen2 tawh."Kan in be leh dawn ania"tiin in lam panin ka tlân haw a.






Ka nu'n inchungah pangpar tui alo pe leh a.Duatlaii alo paw leh tawh,naute ang chiah hian a cheibawl a.Duatlaii pawh a ti pangchang zo vek tawh.







Tuilum in pahin phone ka khawih a,ka blog ah chuan lût leh in,kha vawk pu in ti comment kha hmuh tur a awm tawh lova ka thawveng huai thei.Khatiang kha chu a chhungte pawhin an ning ve tho ang ka ring.A kalna apiangah buaina a siam duh hmel,a ṭawngkam chaltlai lutuk te kha,kei aiin a naupang daih zawk dâwn sia,a in zah loh thlâk ê.Ka ngaihtuah na ka thinrim pui leh ringawt tawh.








Ka nau Basketball khel pawh a rawn haw tawh a.Chaw ei kalo siam nghal sawk2 a.Ka nu bai siam sial lutuk pawh kan duh ngang aniang,a zo ṭep tawha,bowl tê ah suah tumin bêl ka chawi kâng chu ka rin aiin alo nal sia,ka thlauh ri leh pawp tawh.Avan pawi vawng2 ṭhîn tak.






"Lalhriatpui,amak ê,zilh fin theih loh,fanu laktlak loh lutuk.Ka la ei duh tih i hre reng ani lawm ni"ala chek hlak2 zui a.",Ka kut a chawl a"ti liam leh puat in,ka thil tih hnawk chu ka tifai nghal zung2 a.





"Angaihna pawh ka hre tawh lo,tunge maw i chhun le"thinrim taka atih leh chuan,"Nu,ṭhenawm te pawhin inu i chhun lutuk min ti ziah asin"chhuat hru fai chung chuan ka ti a.Dinpuia lo nui chhuak hawk.







"Zit zet che hian"tiin chaw min ei san daih a.Keipawh ka thiltih lai ti zovin,kut sil nawn lehin ka ei ve nghal a.Naktuk zan ka night tur thu te ka sawi bawk a."I tel lovin ka mu thei lo tih i hre ve renga"ti tau chung hian Dinpuia'n alo ti nghal.






"Naupang chhia pawh ini tawh lo,nang ang rual mahni a mu ngam lo an awm tawh lo.Zahthlak lutuk"ka nu'n alo ti leh zat a.





"Ṭhuam ṭhian,engnge ka hmuh ṭhîn pawh i hre ngawt ami.Mut ngam lohna chhan te kan nei ve a"ka nau bawk chuan lo ti leh in,a kham tau nghal hmak a.



"Daidep bak i hmu lovang"ka nu'n alo ti leh."Perhpawng mawle"tichungin Duatlaii a roomah a pawm chho zui a.






Thleng tih fel zawh hnuah ka nu'n a duhzawng a en leh tawh avângin,ka thil ziah lai chhunzawm tûrin room ah ka chho a.





Ka luh rual chuan khuma ka phone dah a rawn ri nghal a.Ka lak rual chuan,"in thleng tluang em,vawiin kha thil pawimawh a awm leh thut sia,a pawi hle mai"a rawn ti nghal a."A pawi lo,scooty kan keng tho alawm"tukverh parda zâr ṭha chung chuan ka ti a."Awle,muttui aw"tiin a dah leh daih,ka phone ka en hâw ringawt.






Computer on in,ka thil ziah lai ka chhunzawm mawlh2 a.Ka tukverh rawn ri leh ṭhin chuan ka rilru ala pêng.En duh lawk lovin,ka chhunzawm lui a.Ê ni tak,naktuk zanah ka dah hman dawn silova naktuk zan ami tur nen pahnih dah leh mai ang.






Ka type khawl sa ami ka post leh a.Ka post zawh minute 10 pawh a ral lovang tihah comment mak deuh a rawn lut leh."Ka hnung dawltu ka ran te nên"tiin vawk leh ar emoji a rawn dah ṭeuh bawk.A hming ka en a,"Pahlira pu" tih alo nia.A hmaa vawk chungchang rawn sawi tu khan Pahlira tih hming hi a sawi tel tawh.Kha pa bawk kha anih ringin block ka tum leh a.Ka block hma chuan comment a rawn luh chhunzawm leh nghala,comment tu ngai bawk aṭangin.



"Zawhte chuan miau miau ati ṭhina,vawk chuan nguk nguk a ti ṭhin.Ar in titi ik ik a ti ṭhin."Tih zawng hian a rawn comment leh a.A rawn type leh ngal a,"kut zungchalin chung lam a kâwk lai dah hmasa in,a awmzia hriat tum rawh"tih a rawn dah leh.He mihring mawl lutuk inla fing bawk si hi engtinnge ka blog ah a awm theih.Ka blog a rawn ching phûl vek,ka nu ai pawhin ka haw zawk.






Reply duh miah lovin ka block leh nghal a.Khawvelah hian amah chauh mipa awm ta se,patil daih ka duh zawk ang.





Ka post zo tawh bawk a,ka ziah lai ziah chhun zawm leh in,ka tui lutuk chu ka phone ri pawh ka hre lawk thei lo.




A rik ngun tak em avâng chuan ka la a,Dinpuia bawk ani.Buaina a tawk leh tawh animaw.




"Rose,angaiah bawk khân"tiin a dah leh daih.Hepa min tihbuai theih zia hi chu,zan reiah bike in tlansiak atih loh leh insual pui a nei ziah a.A u tel lovin engmah a ti thei tak2 der silo.






First aid bâwm keng chungin ka chhuak leh a.Tun ṭum chu thawm dim duh miah lovin ka chhuak,kan haw hunah pawh ka thawm ka ti ring lui tlat ang.Ka nu hian a fapa nunphung diktak hi hre ve rawh se.






Ka nau te awmna lam chu ke bawk in ka pan leh a.Bike a keng leh dawn tho a,ka petrol ka ui ve deuh bawk nen,min phur haw thei tho tiin ka keng duh lo lui ve ngat a.






Waiting sheet ah bawk chuan an lo awm leh a.Ka nau chu hliam nei lo pawlah alo ṭang leh tawh,a tlânchhe pawlah a ṭang anih ka ring tawh.Hliam a neih awm ka hre ngai lo reng2.






Chhuata Hlimpuia lo mu zal reng chu pan vat in,a hliam awmna lai ka check nghal a.A hnar a thi phung a,a kâ aṭangin thi a chhuak bawk.A mit a meng peih lova harsa ti takin a thaw ṭawk2 bawk.





A hnar thi te chu hruk fai sakin,na a neih leh neih loh ka zawt nghal a."Na a neih vang anih kha a mut"rawn ti tu lam chu kan hawi rual ṭhup a.Hman zan ami bawk kha.Hepa hi duhaiin ka hmu ngun dâwn riau.






"Engnge i rawn tih leh dawn"ka lo ti nghal zât a."Ka leng a"tih tawpa min chhangin,Hlimpuia chu a rawn endik ve nghal a.





"Damdawiin pan pui nghal angai,pen in kawl em?"tiin a rawn hawichhuak nghal a.Ka first aid bâwm a hmuh chuan hawng nghal in,syringe chu a la chhuak nghal a.Hlimpuia kawr hma chu pawt ṭet in,a nâk bawr chu a dap leh dun2 a.





"Ka ṭhianpa kha engtia tih nge I tum"Austin chuan pawr takin a rawn ti."Thlah nghal rawh"Duhzuala'n a rawn ti ve bawk a.





Hlimpuia buaipui tu pa chuan,"relax,in ṭhianpa hi tûr ka barh dawn hleinem"ti chungin a nak zawnah chuan a syringe a hriau lian chuan a vit lut nghal a.A thisen hip chhuah sakin,a paih chhuak leh nghal zêl bawk a.A chetdan chu ngawi rengin kan lo en ṭhap ringawt.





A duh ang a hip zawh hnu chuan Hlimpuia pawh a rawn thaw chhuak hrâwk a.Kan vai chuan kan thaw ve hawk hlawmin ka hria.






"Doctor ini em?"midang lo ṭawng hma chuan ka ti nghal thâwr a.A chet dan kha Doctor ang ka ti em ani.Rawn nui sukin,"Doctor ni lovin,vawk vulh mi ka ni"a rawn ti thawp sup.





"I â em ni,a thi thei asin"ka ti vin nghal ṭhat a.Dinpuia'n a awmah rawn ṭhâm nghalin,hnek tumin a kut a tin uai chu lo dang nghal vat in,Hlimpuia damdawiin pan pui angaih thu ka sawi chhuak nghal a.






Dinpuia pawh in thlah dul in,Hlimpuia chu kuahin,a kalpui nghal a.Austin leh Duhzuala te pawhin an zui ve nghal a.






Ka bula ngawi renga ding chu ngaihsak duh lovin,ka first aid bâwm chu ka chhin nghal rawk2 a.Ngawi rengin ka kal san ve nghal.Thui pawh ka kal hma chuan ka bul lawkah bike a rawn ding a,a helmet phelhin,a rawn nui sung zui a.






"Engnge"kalo ti bak hlar mai.A bike hnung chu beng thak in,"lo chuang la"a ti nghal zât a."Ka lawm e,a ngai lo mai"ti a kalsan ka tum chu ka kut rawn vuanin,"a tlai tawh lutuk,vai ho in an lo melh thinlai ang che"atih takah chuan tunlai pawngsual hluar lutuk ngaihtuah chhuakin,hnial ta lo chuan ka chuang ve nghal a.





Kan in awmna pawh kawng tluanin min zâwt nawn.Kan in kawtah min dah in,engmah sawi lovin a let leh nghal a.Ding khawmuang tawh lovin keipawh inah ka lut zui.Ka thawm a rin tehreng nen ka nu a harh miah lo chu ka awih lo lek2 zawk.






Ka in sil fai nghal a,ka khum bulah ka phone charge in ka mu ve ta a.Ka mutui dâwn chauha,ka phone riin min tiharha.Dinpuia bawk ani.La nghal vat in,eng a sawi hma chuan Hlimpuia chanchin ka zawt nghal a.





A ṭhat vak loh thu leh ICU a an dah thu a sawiin, zînga a rawn haw tur thu a sawi a.Thil engemaw thleng a awm anih chuan min hrilh tura chah in call kan ti tawp a.






Phone charge leh nghalin,lehlam hawi a mutthilh ka tum leh chiah chu,ka tukverh chhak lam a rawn ri leh a.Zan tîr lamah pawh a ri tawh a,sava mitdel rawn thlawh luh tum a anih ringin mut san leh mai ka tum a.A rawn rik leh fo avâng chuan endik tûrin ka tho leh ta nge2 a.Parda ka keu dêk2 a,ka thil hmuh ka râp lutuk chu ka au chhuak nghal a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:39 pm

Ka Vawk Pu



Chapter 4:




Parda pawh keu zau ngam lo chuan tukverh darthlalang pâwn ami nen chuan kan in en chiang tawh hle.




Ka au nasat nen,ka nu a rawn thleng thei bawk silo.Ka mi hmuh lah chuan min en chiang ropui mai sia.Ka au rual chuan alo nui ve zel lehnghal.Chutia ka au ka au takah chuan ka nu pawh a rawn thleng ve ta.






"Hriatpui engnge ni vak2 a?"a rawn ti lut nghal a.Ka tukverh lam chu kâwk in,"Hlimpuia"tiin ka au leh chûl a.Ka au rual chuan ka nu pawh a au ve ta vak mai.Kan pahnih chuan tukverh lam kan en rual leh a,Hlimpuia chu alo awm tawh lo.A awm tawh lo chung chuan ka nu nen in en in kan au chhunzawm leh.







"i hmu ve em?"tiin ka nu be chung chuan ka rak leh teng tung a.Ani pawh au ve zel in,"hmu lo"tiin a râk chhunzawm leh nghal.Ka au lai chu ka tawp chat a,"i hmu lo maw?"ka nu chu ka zawt leh."Hmu nang"ani pawh a râk tawh ta bik lova.






"Anih chuan,engnge i râk ve vak a?"ka ti hmuk a."I râk nasa êm alawm"alo ti ve mai a.Nutling a pum pa khatia engmah pawh hmu hawt lova rawn râk ve vak chu ṭhenawm ten hria se min hmu mawl leh nu fa ngawt ang.





"Tumah an awm loh kha,tlaizawng kûng saw i hmuh sual aniang"a tih leh takah chuan tukverh bula Tlaizawng kûng chu ka en ve nghal a."Tlaizawng kûng leh Hlimpuia chu an in ang lo ê"ka ti chhuak sap a.Ka tukhuma min kuk chawrh chung hian,"mi mawl,an in ang ka tia mi.Tlaizawng kûng i hmu sual aniang ka ti mai alawm"ati leh hlar tawh.Engtinnge Tlaizawng kûng ni na3 chu mihring emaw ka tih ngawt bîk ang.Ka hnial peih tawh love a,ka hneh leh dawn chuang lo.







"Parda zar phui la,mu rawh"tiin kawngkhar lam a pan a.Ka khum chu en leh in,"khawnge i nau?"ati ve ta.







"Hlimpuia a chesuala damdawiinah a riahpui dâwn"tiin ka lo chhang a."An in sual leh tawh em ni?"a rawn ti chhuak hluai a."An in sual ṭhîn tih i hria tihna maw?"ka aw ki ka san hret,an in sual ṭhîn tih a hriat reng te chuan ngatinge a hauh ngai loh le.






"Â aw hria e,Bawiha te chu ana ve ngai chuang hleinem"ti zawi sap in hmanhmawh takin a chhuak a."Hre reng si,hau ve ta che.Mahni fate sualna hre renga,lo ṭan tlat kha,sual ani"tiin a chhuak chu ka au zui a.






Hre ve se ka duh,ka duh vang pawh ni lova ka chetsual palh na apiangah ṭawngkam na in min hau fo a.Fanu leh fapa kar lo hlat zia hi.








Ka thil hmuh te ngaihtuah neuh2 chungin ka in let kual sek a.Ka taksa a chak tawk lo anih ringin,mut hnem ka mamawh ah inngaiin damdawi ka ei leh ta ringawt a.A thawk chak chi ani bawka,mut a chhuak nghal riai2 mai.






Nizâna ka mang ngai bawk mang leh in,thlan tla hliam chung chuan ka ṭap chhuak a."An lo lêt leh dawn i tan"tih ringawt chu ka bengah a thum nawn tluk2 mai.Tu te nge lo lêt leh tûr chu,mumang mai2 a chhiar chi anih leh nih loh pawh ka hre hrâng tawh lo.Ka awih chuan,a awmzia engmah ka hre bawk silo,engnge lo lêt leh nachhan tur an neih.Hmelma kalo nei reng zawk nge,Hlimpuia khan thildang sawi a tum zawk? ngaihtuahna avan buai duh ve,ka nau tal awm se a ṭha tur.






Khua ala var chian loh avâng chuan mahni a mu ngam tawh lovin,ka nu bulah ka in sawn thla a.Duatlaii kuah chungin alo la mu tui mai.An bulah chuan ka in thawlh ve nghal a.Nu bul nge2 alo hahdam thlâk e.





Apuii nen hmai kan facial a,min facial sak tu lah chuan,cream leh tui chawhpawlh in,uluk takin ka hmai chu a khawih kual a.Step dang kai lovin angai ang hlir chuan a khawih char2 a."Hriatpui,thawh a hun tawh.Kha i nau pawn kaihthawh che a tum ve kha"ka nu aw chang fak,zingkara hriat nghal chu ka peih lo asin le.Ka mit ka meng chu min facial emaw ka tih kha Duatlaii'n ka hmai alo liak hlup2 chu niin.






Lehlamah ka in her san a,ka hmai zâwnah chuan rawn kal leh in min liak leh tawh."Aw ka tho ang,ka ning"ti hlak2 chungin ka ṭhu chhuak hluai a.






Duatlaii chu rum tak hian ka melh a,ṭhâm râk nawk2 ka chak nen,ka nu ala awm ve reng bawk nen.Tuna ka chak em2 hi ka ti anih chuan,ka nu ân hla a châng kima ngaihthlak angai leh dawn bawk nen.Engthil pawi mah ti lo tûra in sum chungin ka thawh san a.






Kawt phiat faiin,ka nu pangpar tui ka pe leh vek a.Rose bawk chuan min ti ṭim leh mur2 tawh.Mit chhing chungin tui ka pe ta ngawt a."Rose"ka phu nasa lutuk chu ka thlawk chhuak lo chauh.






"Ava buaithlak"Dinpuia aw ka hriat leh rual chuan ka au pawh ka tawp hmak."Thawm nei ta che"kalo ti hluk a."Thawm dang a tam tho ê"ti sup chungin min luh san a.






Ka pangpar tui pek lai pawh zo lovin,inchhungah ka lut ve nghal a."Hlimpuia chu engnge a an?"ka nau a room a chho tûr chu ka ko lâng2 a.





"A ṭha"tih tawpa min chhangin a chho zui daih.A hmelah khan engemaw dik lo a awm.Hlimpuia vang chu ani em lovang chu maw.A ṭha ati sia,zan a tlaivar sia,a mut a chhuak te pawh ani maithei.Mahse,a min en mang lova min chhang khan ngaih ati ṭhalo.Khatiangin ka nau a awm ngai lo.






Ka nu rawngbawl pawh pui ta lo chuan,ka nau room ah ka lut nghal a.Bathroom ah thawm a nei sar2 renga,a rawn chhuah hun nghakin,a room ka lo en kual a.Ka nau room mah nise ka lut khat lutuka,ka in dah mikhual hû lehnghal.





A khum bula lehkhabu pakhat lo awm chu keu in,milem alo ziak ṭeuh a.Ka nu leh keima lem te,Duatlaii lem thleng chuan alo ziak vek a.Ka keu zêl a,Rose par aṭanga lung lo chhuak lai lem a ziah ka hmu chiah chu ka meng phar nghal awn2 a.A date ziah ka en lah chuan ka mumanga ka hmuh hma daih kha ani tawh sia.Alo hmu ve tho nge,thlalak ṭhenkhat ami a ziak chhâwng mai2 zawk.






"Engnge i tih?"ka phu dâwrh a.Ka lehkha bu ken lai zawi muanga dah thla in,nui sâng chuan ka in her a.A mit meng thip lutuk chuan ka lungphu a ti rang leh dawt2 tawh."Engnge i tih ka tih chu"tiin min vin ṭhat a.





Aw thian kharh in,"lem ivan ziak thiam em2,ka lem i ziah kha a thla lâk ka lo tum a"tiin ka kut ka sik ru neuh2 a.A lehkha bu chu rawn la vat in,ka lem a ziahna chu keu in, a pawt thla nghal a.Ngawi reng hian min pe a,a lehkhabu chu drawer chhûngah dah ṭha nghal in,a kawr hak tur a zawng nghal mawlh2 a.





"Bawiha,i awmdan a dik miah lo ania.Engnge thlenga?"ka ti ta thlawt.A awmdan hian min ti buai em ani.Min chhang lo chuan a thawmhnaw a ha sawk2 a.A chhuar chu khâr ri leh chawrh in,darthlalang hmaah a sam a siam ṭha leh nghal a.





"Bawiha" en reng chung chuan ka ti fân leh raih a.Thaw chhuak hawk in,"i awih dâwn chuang lo"a rawn ti hmuk.A hmel thim khup ala reh loh avâng chuan a chhan hriat tumin,a bulah chuan ding hnai in,ka en nghal hâ a.





Min rawn en zeuh in,"i awih dâwn chuang lo ka tih kha"ti leh hmuk in,bathlar lamah a towel a zâr chhuaka.Kei pawh chuan beidawng duh bik lovin ka zui ve zêl a.





"I thusawi ka awih lo ngai em ni?"nêm tak chuan nuih sen2 pahin ka ti leh a.Ka mita ngun taka min en chung chuan,"Senhri"kha engvanga ziak nge inih?"a rawn ti khâwl mai.Ho ti takin ka nui chhuak hawk a.






"Ka rilru a awm ka ziak ve mai alawm,ngatinge?"bathlar bar ngheng chung chuan ka ti a.Rawn thaw leh hawk in,"i ziah dan kal hmang khan ramhuai ho a ko tih i hria em?ka ṭhianpa khawih tute hi tute nge annih i rin a.I ramhuai koh ho in kut an thlâk asin.Mitthi kawngkhar i hawng tih i in hria em?"ati chang ta fak mai.Ka ziahah khan mi pakhat nun beidawng lutuk intihlum leh a thlarau ramhuai ho hnêna a hralh thu ka ziak tel tak e.Awi leh,kha vawk pu in ti khan a ran hmangin min hrilhfiah atum animaw.Vawk chungchang hlir a sawi a, Bible ah chuan vawk kawchhunga ramhuai luh thu a in ziah tak kha.Ran hram dan a sawi zawng2 te kha,fîmkhur tura min chahna maw lo ni.Râl khêl dar alo vaw ri reng anih chu.Kei lah chuan hrethiam lovin ka lo block hmiah2 sia,mawl min ti ngawt ang.






Mahse engvanginnge Hlimpuia chuan a tawrh ve rikngawt.Hei hi em ni ka mumanga a sawi,"an lo lêt leh dawn"atih kha le.







"I awih loh kha ka ring rêng a.Hlimpuia kha nun beidawngin a awm mek tih i hria em.Vawi tam intihhlum alo tum tawh asin.Ramhuai ho khan hneh theih in ring in an bei tih pawh i awih leh miah lovang"thinrim tak chuan ati a."Ka awih alawm,ka va delete nghal ange",tiin ka room lamah ka phei leh ta a.






Ka blog ah lut in,"Senhri"tih hmanga ka novel ziah chu ka delete ta hmak.Tihian awmzia a awm phah angem?engtinnge hei mai2 hian ramhuai a koh chhuah theih le.A rûk tak chuan awih harsa kala ti reng.Mahse ka nau hi thil awihawm loh lutuk buaipui mi ani silo.Engpawhchunise a ṭhianpa vangin a rilru a hah ve te pawh ani ang.A thusawi a dik nge dik lo chu hun in ala hril ang chu.






Tuk chhuan ei tura ka chhuk tur chu ka khum bula ka phone dah a rawn ri a.Chhuk ta lo chuan call chu ka pick up ta a."Vawiin i duty dawn lovin ka hria,thil ei dun ang hmiang"kha motor works neitupa bawk kha.Apuii puih ngai kher2 chu avan pawi tak,thil ngaihtuah chhuak thut in,"dar 11:15 ah Euricka Hotel table no.7 ah lokal rawh"tiin ka dah san a.Ka ruahmanna hi a chhe dawn lo tih ka chiang,Apuii ka chhanchhuah theih nân kawng awmchhun aniin ka hria.Nimin khan a hming kha Fakzuala atiin ka hria,a hming save nghal in,inhnuaiah ka chhuk zui a.








Dinpuia rawn chhuk har lutuk chu a room lam ka melh chho leh ṭhin a."Mu hah dam rawh se,a chau ve ang"ka nu'n alo ti.Ka melh chhoh danah khan a hriat viau ami le,nge ka chalah hian a in ziak zawk."Hriatpui,ei mai2 rawh,ngaihtuahna kawm vung2 rual pawh ini tawh lo"a rawn tih tak hlakah chuan harh chhuak zawkin,ka ei chhunzawm a.







Ka nu chu en leh in,min ṭawng khum ṭhîn dan te,a fa tak ka ni lo emaw tih mai tura min enkawl dan te ngaihtuah chhuakin,huat ka duh ve ṭhin.Mahse kan ngaihdam nawn fo ngai te,kan beidawn san tawh an ṭawngkam khat lek pawh in beiseina min siam sak leh ṭhin te hi ani kan lo hmangaih nawn fo ṭhîn te chu.







"Lalhriatpui,i ngaihtuahna thleng khan a chawl em ni?"ka nu aw fiak ṭhat ka hriat rual chuan,"chhuah ka tuma ka dil dân tûr che ka ngaihtuah ve alawm"tiin ka lo chhang ta daih a.Ka tum loh ka sawi leh daih avan ho ṭhîn tak.Dawr a nghak leh dawn tho sia,dil ngai lovin an chhuah hnuah ka chhuak thei dâwn tho asin le.






"Chhuak hla lo la animai"tiin chaw min khawrh nawn nghal a."Hla lo tih chu phal tihna maw?"ka tih leh dâk2 a.A thusawi awmzia kha ka hre thiam lo ve em ani.





"Mmm chhuak la,kal hla suh ang che"tiin min kham san a."Naaa hla deuh hleka chhuah ka ngai asin"pangchang tak chuan ka'n ti ve vel a.Ka hriat theih chinah a bulah pangchang deuhin ka awm ngai silova,ka zak leh hnuhnawh.






"I kum mil in khawsa rawh,zahpuiawm lutuk"tiin pawnah min chhuah san zui daih a.Kum mila khawsa tlâkah min ngai em ni?kei chu mi fate ni lovin ka nu fanu Lalhriatpuii ka ni miau a.Kum mila khawsa tur chuan mi fate nih a ngai.






Eikhama ka in seng fel hnu chuan ka vawiin hna,ṭan tûrin hak tûrin ka zawng kual nasa leh tawh hle a.A hmaa ka hak ṭhîn ho bawk chu la chhuak leh in,ka'n ha chhin ngiala,ka in hmu nalh thei thlawt lo.Ka pian hi mawngtam leh chawn in hnaih ka ni ve vak lo chung pawh hian inhmeh bik tê hi ka nei a.Thawmhnaw lei dâwn pawhin ka hâk chhin hmasak phawt loh chuan ka lei mai2 ngai lo.







A tawpah chuan satin puan,kawrfual hring duk khup chin ha in,bag te dum ka ak leh ta ringawt.A hring duk hi chuan ka vun a ti êng in ka hre ve deuh.Make up pawh in bêl chhah vak lovin,thil ei zawh huna hnawih tur lip gloss ka ak tel bawk a.





Apuii bia in,ka hman tawh thu ka hrilh chuan a in siam mêk thu a min chhangin,ka sâwm chhoh tûr thu sawiin phone ka dah a.






Ka nu inchunga a chhoh hun nghakin ka room chhung kawngka bulah chuan ka ding reng a.Rei vak lo hnuah a thawm a rawn awm a,room kawngkhar ti kau deuhin ka bih thla dêk2 a.Duatlaii paw chungin pot a pawm chho bawk a.A liam hnu chuan dim tê in in hnuai lam panin ka chhuk ve ta a.






Scooty la chhuak in,gate pawh thawm awm vak lo turin ka hawng a.Gate pawn aṭangin Scooty pawh ka start ve chiah.Ka tlan chhuah dawnah,"Lalhriatpui,kal hla suh ka tih che kha"hlauh ang ngeiin min rawn hmu hman."Ka la kal loh hi,a hlat dawn leh dawn loh pawh i hriat loh kha"tiin a thusawi pawh ngaithla duh tawh lovin ka thlawkchhuak nghal.Haw hunah zâwng hmai sen ka hmu leh anga animai.Vawiin bak a thleng tawh dâwn hleinem.






Apuii te in zâwn ka thleng a,ka scooty dah rem leh te2 in ka phone phawrh chhuak in ka call nghal a.",Ka rawn chhuak dawn,lo lût miah suh aw"tiin call a dah a.A chhungten min hmuh tel leh chuan kan thil tum an hriat leh a hlau leh tawh ani ngei ang.A awm lo hran love,a hmaa a date ho pawh kan ti buai vek sia,a chhungten min hau nasa anih kha.






A scooty keng lovin ka hnungah chuan a rawn chuang bawk a."I inchei dan a tawk chiah.Ṭawngkam chhia leh ngeiawm deuh2 tah hian ka ziak a,hetiang hian I chhang hmak2 dâwn ania,"tiin lehkha tê a kuta a hum ṭat chu min pe a."Min ring tawp rawh,anchhia ka lawh lo chauh ang"tiin a lehkha min pek chu ka pe lêt leh.Rawn thaw hawk in,"tun bak a ngai tawh lo tak2 ang,nimina kan hmuh pa kha ka duh tak2 aniang, nizânah pawh ka mang phan ania"a rawn tih leh takah chuan,kan inbiak dan ngaihtuah chhuak in,"A lo kal ve dâwn asin,11:15 a lokal tûrin ka tia"ka tih chuan,rawn au ṭhat in,"ngatinge in2 biak a,nangni pahnih hi"a sawi zawh hma chuan "engmah a awm lo"ka tih khalh a."Awle tlân chhuak phawt teh,ka nu ten min hmu hman ang"ka dara rawn beng chung chuan ati a.Keipawh engmah sawi tawh lovin ka tlân chhuak leh ta a.Euricka Hotel lam pan chuan kan tlan ta a.







Dar 11,minute 5 in ala ri lo deuh a.Scooty kan park fel a.Kan luh hma chuan ka sam te ka siam ṭha sawk2 a.Kan inpeih fel hnuah kan lut ve ta a.Table no.7 chu kan zawng nghal a.Waitress in min lo kawh hmuh in,kan ṭhutna tur dawhkan bulah chuan tukverh lam hawiin mi pakhat alo ding reng tawh a.






"Saw2 aniang,eng hmel pu pawh ni se,tûr fah ang che"Apuii chuan min hrilh ru sur2 a.Kan piah lawk table no.6 ah a ṭhu thla nghal a.Tûr em2 te chu ati ve deuh mah2 in ka hria,a beisei zawm theih loh tûra awmdan te chu ka hria alawm.






Tukverh lam hawia ding melh chung chuan ka ṭhu thla ve ta a.Ka aw thian kharh in,ka ṭhut dan ka siam rem nghal a.Ka lam hawiin a rawn in her a,nizung kar aṭang chuan a hmêl pa leh mit meng thip tak,mahse nelawm ru tlat si chu ka hmuh hmaih lo chiang viau.Ka en chian ang bawk chuan chiang takin min en ve a.Chutah thil hrechhuak zawkin,ka nau te ṭhian ho buaipui tu a hming pawh ka hriat loh kha ani tih ka hre nghal a.






"Nang maw!!"kan ti rual ṭhawt a,ka chhûngrilah hian thinrimna a rawn in mung chho tup2 leh nghal a.Ka hmaah chuan rawn ṭhu ve in,a khabe dawm chung hian,"Ngatinge min zui reng"ala ti thum dût zui,zawk za mah chuan."kei hian maw"ka aw pawh a ring thawkhat tawh viau.






"Tunge inih"te chu min la ti tak deuh2 a.Ka hmaa tui inchhawp hian ka theh ṭhawt zawk dâwn emawni.




"Tunge i nih zawk?"ka ti chhuak ve khâwl mai.A khabe tuai nauh2 chung hian,"Rinzama,vawk pu ṭha leh fel,pa leh hmelṭha,zûn ngah an tih ṭhin,ran hmangaih em2 tu"thutak deuh chuan ala ti zui a.






Kan piaha ṭhu Apuii a rawn nui phuh ṭhawt.Ka va en phei chuan a kut zung pui a rawn ti pir vah lehnghal.Engtinnge a nu in vawk pu mai2 makpa atan a duh theih zawk.






"Awle tikhan kan inhmu tawh bawk a.A tawp na tur ni rawh se"ti ram hmak chungin thawh san ka tum a."Hriatpui"ka hnung lam aṭang Faka aw ka hriat chuan ka nui sak a."Ka bialpa a rawn thleng"ti a mit ko san khum in Fakzuala lam chu ka hawi a.





"Ṭhian kan nei animaw.Ka hriat tawh hnu ini reng mai"Faka chuan ka hmaa ṭhu Rinzama be chung chuan kan bulah a rawn ṭhu thla ve bawk a.




"kan Kalvari zûn uaia chu engnge i rawn tih ve dâwn"ka hmaa ṭhu Rinzama chuan tham lo zet hian alo ti ve a.Apuii ka va melh zauh a,mak ti hmel pu chung hian a hmui alo hup nasa mai.






Ka bula awm te pahnih in en dan hian ka lung phu a ti rangin ka tha te a ti khur thei hial.Hetiang em2 hian an mi uap a nat ka ring pha lo hrim2.





"Vawk master nen hian in2 hre ngai em ni?" Fakzuala chuan a rawn ti hlawl.Rang tak chuan ka lu kalo thing nghal a."Kan vawikhat inhmuhna"ka ti chhuak sap.Ka hmaa ṭhu lah chuan nuih za in sum tih hriat tak hian a hmui alo pet bawk a.





Fakzuala chuan ka hmaa ṭhu melh chung chuan,"I hmuh tum i hai anilomaw?"ati ta sak a.Pakhata lah lo duai duh bik lo chuan,"ka hmuh tum chu Lalhriatpuii,Civil hospitala Nurse ni mek ania"tiin kan piah lawka ṭhu Apuii chu a melh pah zauh bawk a.Hepa hian a hmuh tur diktak alo hre reng tawh zawk animaw.Kei hi min lo fiam kual mai2 zawk tih ka hre ve chiah.Ka rei leh!!avan zahthlâk ngai ve,thawk leh khatah bo hmak thei ila.Anihloh pawhin khu ral chem2 ila,Fakzuala zawk pawh hmuh nawn ka ngam tawh dâwn em ni.





Apuii chu rawn che chhuak tûrin ka mit mei reng a.Buaina ka tawk tih hrethiam in kan bulah chuan a rawn ṭhu ve ta ringawt a."Lalhriatpuii ve tho ka nia,Hriatpuii bulah ka hmuh châk che avângin ko tur che in ka ti tawpa"ti chungin Fakzuala chu a bia a.Dawt muhlum lutuk a rawn sawi ve avâng chuan Fakzuala chauh nilo kei tak pawh min ṭhawng.A zak ve tho ani tih chian nan ka kut a rawn sik neuh2 bawk a.





Kan hma ami chuan,aw rawn thian in,"Lalhriatpuii ka hmuh tur zawkin he Kalvari zûna uai pa hi a hmu duh a.Chuan he Lalhriatpuii in ti ve tho hian kei Vawk pu hi min hmu duh tihna maw?"a rawn ti thawp sup mai.Ka zak lutuk chu ka hmai a sa hat2 tawh ka khup te thleng chuan a sai hlawk2 tawhin ka hria.






"Ka hmuh tum zâwk chu Hriatpuii hi ania"Fakzuala chuan alo ti dam thluam a.Pakhata lah chuan,"Ka hmuh tum zâwk chu Lalhriatpuii"alo ti ve bawk.Vawiin ang em2 a kan ṭhian duna kan chêtchhiatna hi ka la hre lo.






"Hriatpui,hepa hmu tur hian I kal tihna em ni?"Fakzuala chuan min en chungin a rawn ti leh a.Apuii ka hmai zah tawh bawk si chu ka lu ka lo bu nghat ringawt."Chuan min koh chhan chu i ṭhiannu'n min hmuh duh vangin maw?"a rawn tih leh chuan chhâng ta mai lo chuan Apuii ka melh hâ a."Aw ka hmu duh che a.Rinzama hi ka ṭhiannu nen in hmelhriat zawk se ka duh vangin ka aiawhin ka ṭhut tîr anih hi"Apuii chuan zawi tê fiah zet si chuan a ti bawk a.






Kan hma ami chu rawn thaw hawk in,"ngaithla teh,ka nu min tih luih na avâng chauha lokal ka ni.Min ngên chiam lo se chuan,tûnah hian ka vawk te nên sport kan nei mek tawh ang"alo ti ve khauh a.Kan vai chuan a thusawi mak kan ti lutuk chu kan en hô hlawm mai."Vawk in sport an nei ngai em ni?"tiin ka zâwt nghal vat a."Zo vawk ka vulh ve hleinem"alo tih duh lek chauh lehnghala.







"Awle,tihian kan inhmu khâwm ta sa2,thil ei ho mai ang u.A hranpaa in hmuh ai chuan a ṭha zâwkah ngai ang"Fakzuala chuan thu rem tumin alo sawi ve bawk a.





Waitress ko in kan duh zâwng kan order ta a."Kei chu kan pu Abrahama menu aw"Fakzuala chuan alo ti leh khauh a.A ngaihna hrelo takin waitress pawh chuan a en."Bawngsa fry leh thin tih vel anih chu"Rinzama'n alo ti ve bawk.Apuii'n min rawn hrilh ru in,"kan bula mite hi mi pangngai an ni chiah em?khawi khawvel aṭanga lokal nge"a rawn ti sur2 a."Bible khawvel aniag"tiin ka lo chhang ve hmiah.






"U,engnge hetah i tih"hmeichhe aw kan hriat rual chuan kan hawi chhuak rual ṭhap.Kan bulah chuan hmeichhe hmeltha zet sam kîr bim bem te hi a rawn ding a.A sam kîr lah chu ala in hmeh em2 zui.





"Tinker,u te lên naah an zui du2 ngai lo"ka hma ami chuan a rawn ti hmuk."Ka zui peih bawk lo che,Zara helamah"tiin kan hnung lam ami chu a ko nghal a.







"Zams Pahlira lung a lêng tawh ania.Hrilh lâwk lovin i chhuak daih a".kan bula rawn ding chung chuan mi pakhat hian a ti nghal zat a."Zars,hei Kalvari zûn uai pa kha"tiin ka hmaa ṭhu chuan Fakzuala alo kâwk vâ a."Kan detective bawna chu nula date nan hun i nei ve animaw"Fakzuala pawh chuan kan bula dingte chu a melh ve nghal a.







"Ka Tinkeri hi check up angai leh tawh a"Rinzama nau bula ding chuan a rawn ti thum dût bawk a."No khatin a that vek"Fakzuala chuan nui ṭha duh miah lovin alo ti ve bawk."Kal ila"tiin Rinzama nau chuan a bula ding chu a kai chhuak nghal a.






Apuii nen kan in en nghal hâ a,kan boruak tawn mek hi a nuam nge a hrehawm pawh ka hrethiam tawh lo.Apuii kaiin ka chhuah rûk pui daih dâwn zawk emawni.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:40 pm

Ka Vawk Pu



Chapter 5:




Kan hriat thar ve chauh te mi in pawh tak an lo nih hlawm avâng chuan Apuii nen zak chung2 in,eitur kan lo order ve tawh laklawh bawk si nen ngaih ngam zân lo chuan an bulah kan ei ve ta ringawt a.





Kan ei zawh hnu chuan,haw nghal mai tumin kan tho a."Ka thlah ang che"Ka hma zâwna ṭhu Rinzama,vawk pu in ti chuan min melh rulh chungin alo ti.Apuii nen kan in en nghal a."Ka lo thlah ang che"Fakzuala'n Apuii melh chung chuan alo ti ve bawk a.Hrethiam lo takin Apuii nen kan in en tawn leh zak2 mai.







"Guys,in mihrang en lo teh ang.Lalhriatpuii ve2 tho in nia,Hriatpui he vawk pu hmu tur hian I kal a.I ṭhiannu i hming pui hi min hmu tûrin a lokal ve bawk a.Tichuan thil awmzia a chiang tawh mai lo em ni.Vawk pu vanga hnawl ka ni erawh ka ṭawngṭai hnem loh vang ani miah lo ania"ti a mit min siai khum zeuh chungin Apuii chu a kai chhuak nghal a.Fakzuala chu rawn hawi let leh in,"Vawk pu kutah bill chu aw"tiin a rawn hui zauh a.Apuii nuam ti lutuk insum hmel mawlh mai chuan min ti ṭhen ve ṭhaw thei.






Ngawi renga min en ngur2 tu ka hmaa ṭhu chu melh zeuh in,"Ih eng lo,thlah ka ngai lo ania.Scooty kalo kenga"kut sik neuh2 chung chuan ka ti a."I nau ṭhian te kha engnge an an tawh"alo ti leh daih.Ka beisei loh deuh min zawh avâng chuan kâ hô chung hian,"Ka nau te maw?"ka ti bah nak a.






"Ngaithla teh Chawngmawi,tûnah hian ka vawk te chanchin sawi lovin,i nau ṭhianpa chungchang ka zawt che aw"fiah fel fai tak chuan a ti ban charh a.Ka hming a hre reng sia,engvanga hming lem min phuah ringawt nge maw anih le.Ka nau te chanchin pawh ani lo ngaihsak ve angaihna ka hre love a.





"ICU ah ala awm a,a ṭha mai ang"ka lo ti liam puat a.Kal mai a tum bawk silo chu,chhuah hmasak ṭûl a ka hriat avangin,"Ka kal tawh mai ang"tiin kalsan ka tum a."I date ka nih hi,ka thlah haw che angai ve alawm"a rawn ti thum leh dut mai."Chutiang thu khawiah mah a in ziak lo"tih leh kal ka rual a.Min rawn ûm zui leh in,min kuai her a."Tah hian a in ziak vek alawm"tiin a lehkha them ken chu min en tir a.Ṭawngkam hman dan tur ril ve deuh2 inziak ṭeuhin a tlar tawp berah chuan in thlah haw tur tih alo in ziak tel tak2 a.A hnuaiah i tana rinawm Zars tih a in ziak bawk.Hepa hi a upat hmel ve tawh teh lul nen,engtinnge paper a ziah entawn chunga mi a date theih zawk le.Ani pawh a tum angin engmah a thleng bik lovang ka ring.Kan boruak kha a buai nei nuai em mai.





"Hetiang te chu ziah chawp mai2 anih hi"ti hlak2 chungin paper chu ka pe lêt a."Ziah chawp vek alawm kan zir"alo ti ve leh bawk sia.Dikna lai chin a awm ve tho.





"Scooty ka kenga"ka tih pawh chuan bill a pêk chhûng zawng min vuan tlat rauh a.Pawna kan chhuah thleng pawh chuan min thlah duh ṭhak lo."Keimahin ka kal thei ka tih chu"ka ti vin ta ṭhat a.Mak ti deuha min en chung hian,"bike i khalh thiam em?"ati leh daih.A ngaihtuahna ah hian engnge awm ve ṭhîn ang le.





"Khalh thiam e"ka ti tawi tak a.Thaw leh hawk in,"A ṭha,khawi i scooty chahbi"tiin a kut a rawn dawh a.Angaihna hrelo tak chung chuan chahbi chu ka pe ve mai bawk a.A kawr ipte aṭang a motor chahbi rawn la chhuak in,"kan in khalh thleng dawn ania,in in thleng ka zui dawn che"ati leh hmuka.Motor park na lamah a kal zui nul2 mai .





A hnungah chuan ka um zui ve a,a hminga ka koh pawh chuan alo hawi let duh ṭhak lo.Motor park naa a lût tûr chiah chu,"Vawk Pu"ring tak mai chuan ka ti chhuak ta a.A rawn hawi lêt rang viau.






Nui sakin,a awmna lam pan chuan ka tlân hnai a."Bike ka khalh thiam leh lo"tiin a bike chahbi min pêk chu ka pe lêt a.Ka scooty chahbi min pêk duh mai loh avâng chuan,kalsawn duh lovin a hmaah chuan ka ding tlat a.






"Ava mak e âw,Bawihbawihi ang mai"ti hluk chungin motor awmna lamah chuan min nam dawr2 a."Khatin,nula an ti ngai lo"ka tih pawh chuan ka ṭawng hrelo ang maiin ngawi rengin,a thapuiin min nawr dawt2 mai.




A bike awmna kan thleng a,chabi vuah in a start nghal a."Khawnge i scooty chu" tiin min melh leh rûn a.Ka scooty awmna lam chu ka kawhhmuh ve mai bawk a.





Ngawi rengin a pan phei a,a bike bulah chuan dingin, engnge tih a tum kalo thlir reng ringawt.Ka scooty chu a start nghal a,ala chuang nghal tharh zui a.Min rawn tlân hnaih chung chuan,"i thil tih sual man i hmu dawn"tiin min tlan pêl daih,Ka helmet pink ala khum daih zuia,hmêl pa lutukin helmet pink a khum chu ka nuih a za rui viau.




Hmanhmawh takin a helmet chu ka vuah nawk2 a,a bike chuan ka thlawk chhuak ve hmiah.Ka vânnei a,lirthei hi khalh thiam loh ka nei mang miah lo,ka chem kalna ve tûr tak pawh ani maithei ani.Ka hnathawh ka ning lutuk kha,bus service te kha ka tum rum2 ṭhîn kha ania.Ka nu phal loh vang chauhin ka ti leh ngam lo ta kha ania.






A tlanna lamah chuan chak zetin ka tlana,kawng kawi kan pelh zawh chiah aṭang tlân pêl in,kan in lam panin ka tlân zui a.Ani pawh min rawn um zui ve zêl in,kan in kawtah chuan ka ding dat a.A ding ve mai dâwn emaw ka tih laiin min rawn tlân pêl fua chung hian,"Break a fail ania"tiin a ṭe chêl chûl a.Ni tak ka Scooty hi a break a chiang lova,hmanni khan ka siam tel tîr ang ka tia,ka theihnghilh leh ta daih a.









Mangang tak chuan ke in a tlân na lamah chuan ka tlân zui a.Thui kal pawh ngai lovin,miin an zîm luih2 na lam chu pan nghal in,an inkârah chuan ka in zêp ve ta ringawt a.Awi leh,kan vawk pu chu balu chhêk khawm alo su niin.Tum hmuk chungin balu chungah chuan alo ṭhu a.Ka scooty chauh nilo a kawr hak leh a hmel zawng2 nen,a sam te thleng chuan a paw phuar mai.A bulah chuan ding in,"I ṭha em?"ka ti zawi sap a.Rum taka min en chung hian,"Ṭha"ti chungin balu a rawn khuh chhuak bawrh2 bawk a.A hnungah lo chum sak in,ka kai tho nghal a.Ka sctooy lah chu an bal turu ropui lehnghala.Kan vawk pu vangin ka sil fai leh angai dâwn anih hi,ka silna ala rei loh teh reng nen.




Ka scooty chu nawr in,ani pawh ka hnungah a rawn kal khu luih2 a.A pheikhawk te a phelh leh rih a,thing nawk2 in,a bun leh a.Miin min en ṭhap chung pawh chuan zâm map lovin hawi sang vah chungin min zui ve zêl a.






Kan in kan thlen chuan,in sil fai mai turin ka ti a.A sana paw tak chu hru faiin a en a,"ka tlai dawn"tiin a bike lam a pan daih."Tih tur i nei em ni?"mawihnaiah ka'n zâwt ve bawk a."Vawk chaw pêk a hun"tiin a tlân chhuak leh daih.Vawk a vulh tak2 ami le,Doctor ni awm tak khan ka nau te ho kha alo buaipui ṭhîn bawk sia.Hepa hi engemaw tak ani ngei ang.A hmel lah chu mitthlaah a châm duh zêk lehnghala.





Keipawh thildang buaipui khawmuang tawh lovin,ka night dawn si a,rawng bawl ka ṭan nghal a.Fridge a lehkhaa in tuam chu la chhuak in,sangha lian chi a rep leh nghal alo awm a.Ka nau ngainat ber anih avangin ka siam nghal a.Bai leh thildang neuh2 ka siam nual bawk.





Rawng ka bâwl zo a,ka nu pângpar te,tui pe in hun ka hmang leh a.Rose par bawk chu,Dinpuia hrilh ila hung sawn daih sela a ṭha ang.Ka pêk zawh thleng pawh chuan ka nau alo la chhuk silo chu ka ngaih a ṭha ta lo.




A room ah ka han dâk dêk2 a.A khum kilah hlauh nei tih hriat tak hian a lukham pawm chungin a lo ṭhu.Ka pan phei nghal vat a.A biangah dawm in,"Bawiha,engnge i hlauh?"tiin ka zâwt nghal bawka.




A khum mawng zâwn chu kâwk in,"Hlimpuia"ati chhuak hrâwk a.Ka en ve pawh chuan engmah ka hmu ve bawk silo.A taksa chak lo lutukin a ṭhianpa a ngaihtuah ve bawk si ah ngaiin,ka room lamah ka hruai phei a.Nachhawkna te pe in,a mut theih nân ka jection bawk a.Ka first aid bâwm lian zawka Ns drip ka dah chu la in ka khai sak nghal a.Rei vak lovah a muhil nghal a.A thlan tla te hruk hul sak in,puan ka sin ṭhat tîr hnuah ka in siam a.






Ka nu alo la haw bawk si lova,keimahin chaw ka ei ta ngawt a.Ka tiffin tûr te siam fel in,inchungah ka nau endik tûrin ka chho leh a.A mut dan ngaiin tui takin alo la mu a,a drip khai te tih muan sak in,ka nu ka phone haw ta ngawt a.






A fapa drip khai a rawn hmuh rual chuan a phili buai leh vek tawh.A taksa chak loh lutuk vanga thil a hmuh sual te hrilh in,hna kal ka ngai tawh sia, vêng tur chuan ka ti ta a.Keipawh dar a tlai zêl sia,Apuii sâwm chho tûrin ka chhuak zui nghal a.





Ka scooty kala sil fai bawk silo,ka nu scooty chu ka hmang ta ringawt a.Zingah a chhuah hmain ka haw leh hman dawn tho tiin ka dil buai duh ta lova.Apuii te in ka thlen dâwnah ka phone ka theihnghilh,hrechhuakin ka lêt leh a,ka haihawt lutuk avâng hian ka hah phah ziah lehnghal.




Ka lêt leh pawh chuan ka nau chu alo mutui khawp mai.Ka nu bulah chuan tuna a khai lai a zawh hunah Rs khai sak leh nghal tura tiin ka dah chhuah sak sa a.Ka phone la in in hnuaiah ka chhuk zuia, dawhkâna ka tiffin dah ka hmu leh,phone ka theihnghilh tih in hre lo ila chuan zanah Apuii tiffin ka ṭawm leh dawn chiang anih hi.




Apuii chu ka sâwm chho leh a,vawiin chu a duh takin a thlah haw bawk a,a hmel hmuh a nuam leh zual khawp mai.A scooty keng duh lovin ka khalhah bawk chuan a chuang leh a.Kawng tluanin an in thlah haw dan leh kan chêtchhiatna,a hlawk pui zia thu hlir a sawi chho a,ṭawng na hun pawh ka chang mang lo.





Dam lo ho damdawi pêk tûr kan siam sak leh vek a.Zanin chu ICU lamah kan duty dawna,ka huphurh ru ang reng hle.Generala duty ho indaih loh avangin damdawi kan han sem pui leh lawp2 a,zanin chu engnge ka hriat pawh ka hrelo,thil engemaw min mawlh tlat tu a awm reng a.Ka awm a nuam thei meuh lo.





ICU lamah kal leh in,room tin chu ka check chhuak leh vek a.Hlimpuia pawh a thawk alo pangngai khawp maia,mahse ala harh ṭha hleithei lova.A bulah rei vak lo ka ṭhut hnu chuan chhuak leh in,Apuii leh Zotei te bulah chuan ka ṭhu phei ve a.Coffee in pah in kan titi luam a,"Naktuk chu kan kal vek thei awm silova,Night ho hi chu kan kal thei ang chu"Zotei'n a tih chuan keichu ka lo bo leh hû tawh.





"Nia,kan kal thei ang.Awi a mak ê,a ngawi chawi leh rei tak leng tura ka rin berin a nei dâwn chu ania"Apuii'n a ti veleh a."Tu chu maw?"kalo ti hû mai.Chek hlak chung hian,"U Sangtei'n pasal a neih dawn kha i hre tawh lo ami"Apuii chuan a ti nghal zat a.





Kei mi haihawt hian kalo hre leh tawh lo reng2.Hai hawt lutuk chu mi kan ang pha ve tak2 lo,an titi pawh man loh châng ka ngah ṭhîn,ka lo ngawi mai zel a.A hnu a an sawi thui fê hnuah ka man ve chauh zêl.






Bed no.5 saw a ṭha lo ania,an rawn tih chuan kan phei nghal vat a.Ka rei leh!Hlimpuia harsa taka lo thaw kawk2 hmel ka hmuh chuan ka bing nghal mup2 mai.A oxygen hip lai an phawi saka,cpr an pêk lai te chuan a bul velah thim mak tak a rawn awm khup2 a.Doctor an rawn luh pawh chuan ka la pangngai thei lo.Ka mitthlaah ka mumang kha a rawn lang nawn leh awn2 a,"an lokir leh dawn i tân"ti a a sawi kha ka bengah a ri nawn tluk2 bawka.Ka mit a vai nghal vek a,ka lam pana Apuiin min ko ri pawh hla taka awm ang maiin ka hre chang2 .





***"Rose"Hlimpuia aw ka hre leh ta.Chhum zing in a hual khah vek aṭang chuan "Rose" a rawn ti leh ṭhin a."Hlimpui,ila thi lo tiraw"tiin chhum zing aṭang kârah chuan Hlimpuia hmuh tumin ka hawi ka hawi a.





"Rose,ka kal a hun",tiin Hlimpuia aw chu a hla tial2 a.Vawilehkhatah chhum zing pawh chu a thiang nghal vek a.Hlimpuia zawng chuan ka hawi kual ruai a,kal sawn tuma ka pen chiah chu engemaw rah fuh ka nei a,ka en chian nak chuan,Hlimpuia bawk chu hnar thi hnuang in alo mu reng a,a dul ka rah beh lai pawh ka hre lo.Hlimpuia bulah chuan ṭhu in,ka ko leh ngat2 a,a rawn thaw chhuak hrâwk a,chiang taka min en chung hian,"min that"a rawn ti chhuak leh hrâwk mai.






Chu veleh kan awmna lei chu a rawn chim thut a,lei hnuaia khuarkhurum ah chuan kan tla thla dun vawn2 mai.Ka mangang lutuk chuan ka theih tawpin ka au vak a,in ham tanna mai tur a awm silo chu a nih nih ni tûrin ka mit ka chhing zui ta tawp a"*****







"Hriatpui,min hre thei em"rawn ti tu chu ka hre rêi ruaia,"Hriatpui"min koh nawn leh takah chuan ka harh chiang ve thei ta.Ka harha,ka mit ka men chuan oxygen mask ka lo vuah reng a,thawk harsa lutuk tur pawh a zia ta deuh e.




Thawh tuma in beng kâng ka tum chu ka bânah drip an lo khai reng bawk a.Hrilhhai takin Apuii ka en ta ringawt a,ani lah chu kei aia hrilh hai hmel lo pu in,"i zia deuh tawh em"a lo ti nghal a.Ka lu bu nghat in,ka nuih sak a.




"Rose"ka mutna pawn lam aṭanga min ko tu ka hriat rual chuan ka phu nghal dâwrh a.Ka mutna parda chu rawn in keu in,ka nau ka hmu hlawl.Ka oxygen vuah leh ka drip khai te chu a en nghal a, Apuii'n a ṭhut na alo kian bawk a.Ka bulah chuan rawn ṭhu thla in,ka kutah chuan a vuan nghal a.






"Ka mumangah ka hmu nasa lutuk che a,ka harha,Hlimpuia thih thu ka hre leh nghal a.Rawn phone che ka tuma,U Apuii'n alo la a,ka ngaih a ṭha lo nghal alawm"ati leh zung2 a."I mumangah min hmu maw?"ka lo ti nghal vat.A lu bu nghut in,"Rose par sen lung nuai2 ilo kenga"a tih chuan Hlimpuia ka ngaihtuah chhuak leh.A ṭhianpa hian kan unau hi min nel in,a lungawi loh chang pawha a tih tauh khum ngam kan nia.A thih dâwn ah pawh min tlawh ve in,a thih tur thu min hrilh lawk ve anih ngei dâwn hi.Mahse kha rose par kha chu hmu tawh lo hram ila ka ti.Kal tur chu a kal tawh a,thlamuang takin a kalna tur hmunah kal tawh sela,ala dam a te hi min ti buai lo sela,chu2 ka duhthusam ani.





ICU aṭangin zâninah mitthi pathum lai kan neia,kan buai zual laia ka thawh puite pui thei lova lo mut daih chu a in thlahrunawm ngawih2.Ka hna bawk hi ka haw leh ṭhin,ka pa thu awih in ka zir a.A nat pawhin ka thiamna ka hmang ṭangkai leh thei bawk silo.Nurse nih hi ka tân engngemaw a ṭangkaina le.Ka nu min vo na kha a takah ti hlawhtlingin bazarah vawk sa ka sat tawh zâwk mai dâwn emawni.





"Rose,i zia deuh tawh bawka, Hlimpuia te inah ka va kal tawh ange,ṭhian te pawh an kim vek tawh ang"Dinpuia'n a phone hmang zovin a rawn ti nghal a."Ka ngaihtuah awm loh ania"tiin kal tûr chuan ka tîr liam ta a.




Ka oxygen hip chu phawiin,ka drip khai lai nen chuan ka thawhpuite bulah ka chhuak phei ve a."Lo chhuak duh mah ta che,i inthalhrung lutuk anih kha,va mu leh rawh"Zotei'n dam lo in jection na tur lo siam pah chuan ati zung2 a.





"Ka ṭha vek tawh alawm,in sawiselna ka nei tawh lo"tiin ka drip khai lai min tih tawp sak tur chuan ka ti a.Ka khai lai tal chu khai zo law2 tura min tiin,ka mutna lamah min nawr phei ta zawk a.Chutia thawhpuite berin an tih tlat chuan hnial lovin thlamuang tak chuan ka awm ve mai bawk a.Mahse kha mumang bawk kha,khatiang mangchhia kha ka la mang ngai miah lo.A mak ve ê,kei chauh nilo ka nau pawhin engemaw hmuh chu a nei ve ngei tih a chiang a.Kan unau hian kan taksa a chak lo dun lutuk te pawh ani mahna.




Engmah ti lova awm mai2 aiah tiin phone khawihin ka novel ziah hlui ho ka hai kual a.Dinpuia sawi kha a tak2 anih hlau in,khatiang rawng kai chi ka ziah ho,"Senhri"nilo ka la delete ho kha ka delete ta vek a.Setanic lampang ziahna te,nun beidawng leh chhiatna thleng tamtak ka ziah lanna thleng chuan hmaih neih hlau takin ka en kual vek bawk a.Hetiang anih dawn chuan,ziah tur ka van hre tawh awm lo.Ka thil ziah apiangah hian,ka rilrua lo lang hmasa ho hi hetiang lam hlir hi ani ṭhin sia,readers te pawhin an hlutin fak ka hlawh fo na ani bawk nen,ka ui ru ve reng.Mahse thil ṭhalo thlenna alo nih tak2 hlau in,ka ui na chu ka hlauhna in a hneh ta zawk ani





"Hriatpui"Apuii aw ka hriat rual chuan ka harh nghal a.Ka mutthilh leh lai reng2 ka hrelo.Ka hmai mawm lutuk chu ka tuai puat a,Apuii chu be nghal in,"khua a var tawh em?"tiin ka zâwt nghal a.A lu lo bu in,"kan haw tawh dâwn em ni.Inneih naah chuan i kal thei ang tiraw?"ati nghal zat a.






A mu lo zawk pawh a kal dawn chuan,kei,duh thawh taka lo mu tan chuan hnial ngam chi va ni suh."Kan kal dawn ania,mahse in chei vul vak lovang aw.Monu kan luahlan palh ang",tiin fiam thu ka thawh nghal a.Apuii pawh lo nui ve nghal in,"vul chûk mahila,U Sangtei te zawng tuman an khum dâwn lo.A hmelṭha si,a pian a nalh bawk si.A pasal tur phei chu si hlir ani ringawt.An pahnih hian si sâwm sarih vel an ni"ti chungin ka mutna a thlep fel nghal mawlh2 a.




"Tunge a pasal tur"kalo ti leh hû tawh,angaihna ka awm lo ṭhîn ania,nakinah chuan pasal ka neih ni tur te pawh kala theinghilh lovang tih a sawi theih loh.






"Group ah an rawn dah kha,a pa lutuk a mit meng a nalh si.E taka nimina hmeichhe sam kîr bialpa ni awm tak pawh kha a mit meng paw râm kha ilo hmu ve em,a hmelṭhat zia kha"ati leh zung2 a.Ka ṭhiannu hi chuan hmelṭha hi a hre thei ania.Ngaihzawng a ngaihsak lo mai pawha,pasal kan hmuh zawh loh chuan home kan din anga,fa tam tawk enkawl tur kan nei mai ang.Kan ti ṭhin kha ania,min phatsan mai ang tih ka hlau tawh ngawih2.





"I tiffin ka ei zo daih ania aw,chauh nen ka ril a ṭâm bawk sia"ti niah2 chungin ka tiffin box ka bag ah a khung pah nghal a.Lo nuih suk in,"ka ai i awh man ani mai"kalo tih liam san ve mai a.






Kan in tih fel hnu chuan kan haw ve ta a.Haw lamah pawh nizân ka mut san phuba a la nge ni,nimina thlah haw tu Fakzuala zûna a uai hnehsawh zia hlir a sawi leh tawh.Lo duh ru ve deuh mahila,chuti taka ka ṭhiannu'n a duh chuan min lo biak pawhin biak dan chin tawk thiam angai dâwn anih hmel.




An in kan thlen chuan,kawi lovin,inneihnaa kal tura in sawm tûrin kan in thlah liam ta a.In lam pan chuan ka tlân tlang ta nghal a.






In ka thlen chuan,Dinpuia alo la haw lo a,ka nu leh Duatlaii te common room ah an lo in fiam râk leh nasa tawh mai.Ka nu'n min lo hmu chiah chu thinrim tak hian min rawn pan vang2 a,"Lalhriatpui,engvanginnge i Pa Kima te rul sa siam tur ilo siam daih.Nangmah vangin pawisa ka chawi ṭeuh phah"a kut zungchala min kâwk sawk2 chung chuan ati a.A va han buaithlak ṭhîn tak,in ti thei deuhin,siam tûr pawh zawt buai duh lovin ka lo siam sak ve em2 a,thil pawi ka lo ti leh reng tawh.





"Ka hre hleinem"ti chungin fridge a tui vawt chu la in ka in nghal khawlh2 a."I Pa Kima damdawi tur ania,hmuh mai2 tur a vâng asin"ati leh takah chuan,"Engtinmaw,sangha emaw tiin ka lo siama,rûl sa zawk maw lo ni"ka ti veleh.Nichina a sawi kha ka hrethiam ve chiah lehnghal.Ka tem chhin pawh khan sangha thâng lo chi anih ringin ka ngaih ṭha awm ve hmiah2 sia.





"Rûl sa ni e,I Pa Kima'n scrub typhus a nei a,a damdawi atân min chah tîr anih kha"thinrim tak chuan a ti leh a."Rûl sa ani tih ka hrelo reng2"lei chhuah tet chung chuan ka lo ti zawi sap."I ât dan em2 hi chu tihngaihna ka hre tawh lo che"ti chungin a room ah min luh san daih a,a hnungah Duatlaii'n a zui ve bawk.





Damdawiinah te khan ka pai sia,Apuii khan ka ei zo vek ati ngei a.Ani pawhin eng sa nge an hre bik miah lovang.Tun ṭum chu mi fate pawhin an hre bik lo anih chuan ka tan phei chuan hriat ngaihna a awm lo hul hual tawp.





Ka tiffin te ka sil zawh hnuah inchungah ka chho nghal a.Ka phone charge chhungin ka inbual fai a,11 ah inneih an ṭan tawh dâwn sia,ka tlai hlau in ka in siam nghal a.Vawiin chu inneih ni ani bawk nen rawng êng lampang a sen no ha in,a mil tur puan ka thlang nghal bawk a.Pheikhawk sang vak lo bun leh in ka sam hmawr te chu ka roll ve nual bawk a.Ka in peih hnu chuan Apuii call nghal in,an inneihna tur ka zawt leh a.






"Amak ê,group ah pawh an sawi vek kha"a rawn ti hluk.Group ah lut nghal in,Kanan Presbyterian Biakin tih lo in ziak kulh ka hmuh chuan ka nui sak a."Min lo sâwm thla la"dam tak chuan ka ti veleh a.A hman chiah thu sawi ve in,min rawn sâwm thlâk tûr thu leh pawna lo awm sa tûr chuan min chah bawk a.Kan chhûngte hian kan inkawm hi an rem ti chiah lo ve2 a,a chhan pawh kan in kawm chuan kan â dun lutuka,thil engemaw kan tisual ngei2 ṭhîn,buaina an duh tawh loh vang ani ber.





Ka nu Scooty bawk chuan kal ka tum leh a,ka tlân chhuah dawn lai tak chuan,ka nu dawr kal tûr a rawn chhuak ve chiaha."Lalhriatpui ka scooty nên khawnge kal i tum"rum taka min melh chung chuan ati chang leh fak mai."Inneihna ah ka kal dawn",ti chungin ka tlanchhuak nghal daih a.Kawng pêng ah chuan Apuii a rawn tlan thla ve mek bawk.Ding tawh lovin, Inneihna tur chu kan pan nghal a.





Thawh pui te inneihnaa kal zawng2 chuan kawr hring dal an lo ha vek a.A thawk ho zingah keimah chauh in rawng hran ka ha leh bik tawh.Apuii chuan sawi pawh a sawi peih tawh lo,ka haihawt lutuk hi a thin ka ti rim fo mai.Thlalak lai te chuan ka hrang bik riauin ka in hre leh nghal a.




(Next Chapter ka nghakhlel keimah ber hian😆)


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 5:40 pm

Ka Vawk Pu


Chapter 6:





Hall ah hun kan hmang chhunzawm leh a,nizân ka mut nasat nen ka mutchhuak a reh thei der lo.Midang an nuih uar2 lai te chuan engmah hre mumal lovin,kut an ben lai te chuan,engnge thleng pawh hre lovin ka lo beng ve ringawt ṭhîn a.





Apuii'n ka kut a rawn lâk chuan ka harh zawk.Ka kut chu chung lamah alo phar tîr vah a.Chu veleh kut an beng dur2 a,a awmzia hrelo tak chuan hawi kual in,ka nui ve mai bawk a.









"Va kal ta che"Apuii chuan a rawn ti leh.Angaihna hrelo takin ka hawi hô ringawt a.Min nawr chhuah leh takah chuan stage an siamah chuan ka phei ve ta ringawt.Eng tak chu ti dâwn nimaw,mi lah chu an lo nuih sung hlawm lehnghal a.




Ka tih tur ber hrelo chuan,U Sangtei te nupa chu ka chibai ta ringawt a.U Sangtei chuan,"Ṭha deuhin zai rawh aw"min lo ti hlawl bawk a.Angaihna hrelo tak chuan an bulah chuan ka ding ta reng.





"Perh sak tur che in min duh em?"stage sira Rinzama lo ding ve reng chuan guitar pawm chungin a lo ti.Ka beng ka sik neuh2 a,Apuii ka haw ngawih2.Mi te pawh hrilh hmasak ve awm ania,ka zai ngai der silo.Kei,music ngaina lo lutuk hian eng hla nge ka sak ve tehlul ang.




Stage ah ka ding ve tawh laklawh bawk si chu ka phone ami hla zawn mai ka rilruk a.Ka bag ka ṭhut naah a awm daih bawk si.Ka hawi chhuak leh a,mipui lah chuan min lo en ṭhup tawh bawk nen ka tihngaihna hrelo lutuk chuan,ka piaha Mike an dah chu la ve rawk in,Rinzama chu pan hnaiin,a phone ka dil ta ringawt.




Rang deuh chuan min lo pe ve mai a,sak tur ber pawh hrelo chuan ka hmet kual ka hmet kual ta ngawt a."Khawi kalo thlan sak ang che",tiin Google ah chuan a lût a.Hla hming hrang2 chu hmet kual in,"hei hi i thiam em?"a tih chuan lu kalo thing zêl.A tawpah chuan a beidawng ve ta nge,"hla i ngaithla ngai lo tih min hrilh miah suh"a ti chhuak hluai a,a la thinrim hmel em2 zui.




Ka ngaihtuah lêt vang2 a,"Pantei te hla,hrilh thiam a har ka ti,tih vel kha niin ka hria,kha2 ka thiam ang"ka ti ta ringawt a."Mmm kal rawh"tiin stage laiah chuan min nawr phei a,chair a rawn dah leh bawk a.Ka bulah chuan ṭhu in,Mike stand a Mike in vuah sa chu a hmaah a dah bawk a.Guitar a rawn perh a,a ki a dik leh dik loh pawh ka hrelo.




Ka in rin hma in,a rawn zai ṭan a,a ṭawng pangngaiin a aw a thâm miah silo,a zai takah chuan a aw a thâm nalh hle a.Hlim hmel taka min en chung chuan thiam takin a sa ve mai bawk a.Ka ngaithla tui lutuk chu ka sak tur lai chin a thlen pawh chuan zai lawk nachang hrelovin ka lo en reng a.





A guitar perh lai chu a bul aṭang bawk ṭan leh in,a lâk hunah chuan min lak pui nghal a.Aw khur dar2 chung chuan phone en chungin ka sa ve ta ngawt a.A tawp thleng chuan ka zai hun tur min mit mei chung chuan min zai pui tluan ta ṭhak a.Mipui lam aṭang pawh thawm a ṭha in ,an au ring dur2 hle,kan zai ṭha anih ka ring ve ta ringawt a.





Kan zai zo a,kal mai ka tum chu Mike hrui pal fuh palhin stage lai takah chuan, Rinzama hnungah tak ka tlu bawk thlawrh a.Ka zak lutuk chu ka hawi chhuak ngam tawh lo.Rang lutuka thawh mai ka tum chu,ka chung zâwna ka thil hmuh vang chuan ka au chhuak vak a.




"Thlah rawh,ka vawk te pawhin khati em2 khan min ti duhdah ngai lo"ti chungin a kekawr ka pawh thlâk chu a lo pawt ve vak bawk a.Ka zak lutuk chu khawvel hi tawp daih se ka ti rum2."Ngatinge kâwnghrên i hrên loh"tho chhuak chung chuan ka ti.Mipui lah an lo bengchheng bawk si,engnge a sawi pawh ka hre thei tawh lo.



Stage aṭanga chhukin pawnah ka chhuak tlang nghal daih a.Apuii chu tukverh aṭang ka bag min pe tura koh tumin ka thlêk ka thlêk a.Ani lah chu rawn hawi nachang reng2 a hre bawk silo.





"Tu chhûl chhuak nge inih"rawn ti tu an awmah chuan ka phu leh dawrh a,"Mihring ini miah lovang"chek hlak chunga rawn ti leh tu chu melh nghal vat in,"Lalrinzam oh Vawk pu maw inih kha.Smart deuha in chei si, kâwnghrên pawh hrên nachang hre lo"ka ti ve ta fak a.



A kekawr kilhna ka tih chhiat chu rubber sen hian alo ṭawn zui.Zak map lo chuan,
"Ka hrên ṭah te chuan over smart ka ni dâwn asin"nui sung chung chuan alo ti."Anih tak chu kekawrte nei ṭhing pa"ti hlak2 chungin kal sawn mai ka tum chu ka bânah alo vuan nghal a."I kal ngawt thei lovang,chaw pawh ila ei hleinem"khi sâng chung chuan ati leh."Ka ei dawn lo"ti hmuk chung chuan min kaihna phelh ka tum a.





"I ei ngei2 a ngai,Pahlira u kan talh a,a thianghlim lutuk,nizânah ka bual fai thlap alawm"thutak deuh chuan ati leh."Tumahin vawk talh tur an bual hmasa ngai lo"ka aw ki pawh a sang ṭha tawh viau."Tumah,zingah chuan ka tel ve lo.Rinzama ka nih hi"ti leh hluk in counter lamah chuan min kai phei hmawk2 a.




Counter ah chuan Fakzuala alo ṭhu ve reng a.Mak tak maiin a hmel ka hmuh chuan ka inthlahrung nghal dûk lehnghal a."Hriatpui,Iva zaithiam ve"nui sâng chung chuan alo ti.Nuih pawh ka nui ngam ve lo,vawiin a thil thleng kha delete daih dan awm se ka ti ngawih2.




"Chaw kan ei duh tawh",Rinzama chuan alo ti hmuk."Lungpui keh kak kâra lili ka tih na chhan che kha i hria em?"Fakzuala chuan Rinzama thusawi ngai pawimawh lo zet chuan min nuih sâng chung chuan a ti leh a.Ka hrelo tih nân ka lu ka lo thing ta ngawt a.





"Mihring ini lo a tihna anih chu"Rinzama'n alo ti veleh.He mihring ṭawngthei lutuk hi ka hne ania."Lungpui keh kak kâra lili par mawi tak.Miin an lawh mai2 theih loh...."Fakzuala'n a sawi zawh hma chuan,"Thliin a chhêm lêng daih thei,ni sa in a em vuai bawk anga,ruahin a sur hnan anga,tui hawk in a len thei.A ho lutuk,ṭhianpa tuna i thusawi kha vawk ek mai ani"Rinzama chuan alo ti leh zung2.A dang nal lutuk chu Fakzuala nen kan en hû mai.Amah lah chu in ti hmel pu tak hian alo hawi sang vah zui a.Chhut thluk pawp hial ani ka duh.






"Ar pual ang mai,min melh hlum daih ange"ka chala rawn pen chungin ala ti zui.Ka chal nuai nauh2 pahin a ai rumin ka melh leh a,"i kekawrte anih chu"ka ti ram hmak.Ka hmu ve chiang em mai,a kekawrte ṭial2 nen.







"A mawng zep ami a hak"Fakzuala chuan nui sung chungin alo ti ve bawk.Rinzama erawh kan thusawi hrelo ang maiin a hmaa lung te chu faifuk chungin a chhir a chhir a,a kekawr Ipte ala zen ṭat zui.




"Dumde rawng leh..."ka ka min rawn hup sak nghal a."Ai lai dum khak zia i hre tawh em.Feel ngawih2 theih tura siam dân ka thiam ania"ati hluk mai.A kekawrte rawng sawi chu a hlau ve ngang aniang.A kut a la thla har lutuk chu ka seh sak ta vak a,rang taka la thla chungin a rum nghut a.Fakzuala alo nui ṭiah2 bawk."En teh,Kalvari zûn uai,a ha thla hi amak lutuk,ka vawk pui Nupuii ha thla nen a in ang chiah2"ti chungin Fakzuala chu a kut ka seh na chu a hmuh tir a.Vawk ha thla nen chuan a in ang tak2 angem le,hepa hi ngatinge ka zahna tura a ṭawng ziah lem le.





"Hriatpui vawk ha thla ang pawh nei mah la,a pawi ami,ka tawnah chuan maw...."Fakzuala'n min biak laklawh lai chuan,"Avan lum ve"tiin Rinzama a kut in alo in zâp.A sam kîr thur zawng2 nen,amah tawp hi khawlum anih hi.




"Chawngmawi chaw chu dawh rawh"kalo melh sala viau lai chuan a rawn ti thut a."Chawngmawi a!"Fakzuala'n alo ti ve chiah bawk."Chaw kha dawh vat2 la,haw vat rawh"a lu tuai nauh2 chung chuan Rinzama'n alo ti leh daih.Min en ṭha duh tawh miah lo lehnghal,a awmdan hi ka hrethiam love a.




Hall chhûng lam chu an khêk ri leh tuar2 tawh a.Che chhe lo ila chuan he mi mawl lutuk thusawi hi ngaihthlak a ngai lo tur ania.Engngemaw ka chet chhiat ve ziah le,chhet chhiat dawn pawhin hre lawk ṭhîn tal ila in ven lawk dan ka hre tur hi ania.






"Hriatpui,Iva rei ve"Apuii rawn ṭawng lang2 chuan min van ti hlim tak.Keimah chauha he mite bula awm chu hremhmuna awm ang maiah ka in ngai hman alawm.Nui var2 chungin ka hawi phei nghal a.A rawn kal lâi phei em2 leh nghal."A mai khai kal ṭep ania,1,2,3"ka hnung a ding Rinzama chuan lo tiin,a kut a ti ri leh zeuh a.Apuii lah chu a rawn kal buai tak2 rauh a."Chhawrthla ava eng ve"Fakzuala pawh chuan a kha be tuai nauh2 chungin alo ti."I chhawrthlapui anih saw"ka hnung ami chuan alo ti leh bawk.An va han ṭawng thei dun tak,ka beng an ti kham zo.





Apuii ka bul a rawn thlen rual chuan,"I kal ve tih ka hre chiah,Iva mawi ve"Fakzuala nuih sen2 chung chuan ati nghal thâwr a.Fakzuala lah chu a kamiz nghawng siam ṭha in,a aw thian khurh chung hian,"ka ṭhiante inneihna ania,tiam tlat e tih pui tur zawn pahin ka kal ve mawle"a tih zawh rual chuan,"chaw bêl nâwt fai tur nen"Rinzama'n a rawn ti leh tawh.Ava in rawlh chikim tak,Fakzuala thusawi apiang hi lo delh hlum vek a tum ni maiin ka hria.





"E ni tak e,U Sangtei hi i ṭhian ani tak tiraw"Apuii chuan Rinzama rawn ṭawng ngaipawimawh lo tak chuan Fakzuala ngawt chu a be leh a.A lu bu nghat in,"naupan lai aṭanga in kawm kan nia"tiin alo chhang ṭha ve mai bawk a.




"Zars,Iva rawn chhuak har ve,ka mamawh tawh lutuk che"tih pahin hall aṭanga rawn chhuak chiah mipa hleitling leh hmelṭha zet chu Rinzama'n alo au nghal lung2 mai.Chu pa pawh chuan rawn hmu ve nghal in,Rinzama chu a rawn pan ve bawk a.Rinzama pawh kal hnaiin,an in tawh dâwnah chuan an han kal bai lui ngei a,an kut in suih rialin,an mawng an in sik tîr zeuh bawk a.Apuii leh Fakzuala pawhin hmuhnawm an ti aniang,an thusawi laklawh lai pawh an hre zui tawh lo reng2.





In kuah rial hian kan bulah an rawn ding ve a."Chawngmawi,hei ka ṭhianpa,ka makpa leh ka unaupa ni tûr.Pahlira Patea anih hi"tiin min in hmêl hriat tîr ve bawk a.Chu pa en chung chuan ka lo nui liam ve tawp."Chibai le,Zara oh Zars ka nia,Chawngmawii maw inih"a kut rawn dawh chung chuan ati ve maia,lo chibai ve nghal in,"Hriatpuii zawk"nui sang chuan kalo ti ve bawk a."Hei pawh Hriatpuii tho,an pahnih hian Hriats an ni mai"Rinzama bawk chuan a rawn ti leh."A Kalvari biahthu lo em mai"tiin Fakzuala pawh alo in rawlh ve leh."Anih chuan Hriats chaw ei ve nghal ru aw,Pahlira u kan talh ania,nizânah kan bual faia,ṭawngṭaina nen kan thlah thlap.Nizan te khan rawn kal ve tûr che alawm in thlahna hun serh kan neih lai te khan"Zars an ti emawni chuan min be reng emaw tiin Fakzuala a biak chhunzawm leh daih.




"Vawk programme hi chu ka ngai pawimawh vak lo.Siali ân hla ka ngaithla zankhua"Fakzuala'n alo ti veleh.Awi hemite ṭawngkam hi ka hrethiam nei nuai lo.Apuii chu kai hrangin haw pui nghal ka tum ta ngawt a.Thui kan kal hma chuan,"chaw in ei dawn ka tih tawh kha"Rinzama bawk chuan min rawn kai sawn leh dawrh mai.Ava buaithlak tak,he mihring hmelhriat nih hi ka duh lo tak zet.





Apuii chu duh lo turin ka mit mei a,a hrethiam ve mai dâwn emaw tih laiin,"kan ei ang chu, programme pawh a zo ṭep tawh ang"tiin counter lamah chuan min kai phei leh."Haw vat ka duh asin"Apuii bulah chuan ka ti ru a.Ngai pawimawh lo tak hian,Fakzuala ngawt chu a melh lehnghala.




"Tangkeui'n no a nei leh a,in la ve duh em,tun hi no a neih vawi li na anniversary ania"Fakzuala chuan thutak deuh hian biak bik pawh nei lo chuan a rawn ti leh a.Apuii nen kan meng phawk teh e,vawk a vulh ve tho tihna em ni.



"Vawk nilovin zawhte zawk"Zars an tih chuan min nuih suk chungin alo ti.Ka ngaihtuahna kha ka sawichhuak leh pek animaw."Sawi chhuak love"tiin a nui leh suk a.Mi mitmeng zirchian a hrat hle anih dawn hi tiin hall lam ka melh sawn ta daih a.



"Ka ṭhianpa hi legend anih hi"Rinzama'n a ṭhianpa dara beng thak2 chung chuan alo ti ve bawk a."Tangkeui no chu pakua ania,a pa pali leh a nu panga"Fakzuala bawk chuan alo ti leh."Chutia i ro i sem dâwn chuan a pung thei chi,a nu pakhat kalo la ve ang,a mit kalh ber ka lo thlang dawn ania"Rinzama bawk chuan alo ti leha."Keipawh Zams sawi ang khan animai"Zars an tih chuan alo ti ve bawk.Apuii nen chuan an thusawi mak zet chu sawi tûr hre ve hek lo le,kan ngaithla tluan ta ringawt a.




Programme pawh an nei zo ve ta a.Monu leh mopa te chu shooting nei turin an tlan chhuak nghal a.Mipui rawn chhuak nak2 chu lo thlir in,"Tinker"Rinzama chuan a ban hui zauh in koh a nei leh tawh.Hmeichhe sam kîr nimina kan hmuh bawk khan kan bul a rawn thleng phei ve nghal a.Zars an tih bânah chuan vuan nghalin,an in nuih sen2 reuh a.An in en dan aṭang chuan an in ngaizawng tih kei mi mawl ber pawh hian ka hai bik lo.




Rinzama lam ka hawi leh a,Zars a tih leh Tinker atih te kut in kai lai chu rilru nat hmel tak hian alo en tlawk2 a.Chutah a lu thing leh zawk in,a hmaa hlim hmel kha a rawn pu leh a,"kan sawhchiar Lalpa khan thlalak kar laka ei tur a pack tîr leh hrâm em?"ti chungin Fakzuala chu a en nghal a."Bowl thum ka pack sak"Fakzuala chuan nui sang chungin alo ti ve bawk.Tu chungchang nge an sawi pawh hrelo chuan Apuii nen kan lo khi ve ṭhaw ringawt.






Chaw a dawh theih takah chuan kan dinna a hma bawk a,a dawh hma pawlah kan ṭang a.Rinzama'n ṭhutna tur min kawhhmuh ah ṭhu in,kan thawhpui te nên kan ei khawm a.Min la fiam zuk2 hlawm lehnghala,Apuii vang vek.Ani lah chuan nui chungin,"ka tihpalh"alo ti liam mai bawk sia.Huat dawna huat chi ni chiah bawk silo,huat loh dawna ngeiawm ru tlat bawk si hian a awm thiam reuh a,ka ngei ania.





An siam tuiin,rin aiin Pahlira u sa chu ka ei tui phian lehnghala .Kan vawk pu hian vawk a duat hmel sia,vawk sa a ei ve tho angem le?




Kan eikham hnu chuan,Rinzama ten min hmuh hman hlauin,thawh pui te pawh be ṭha hman lovin kan motor awmna lam kan pang ding nghal a.Ka scooty ka la chhuak chiah tihah hnung lam aṭang,"Ka Tinker"rawn titu chu ka en nghal vat,hmeichhe sam kîr tê khan ṭap chungin min rawn tlân pêl chiah bawk a.




An in ti thiam lo satliahah ngaiin tlân san mai ka tum chu, Rinzama'n min rawn tlân pel in,a ṭhian te tlanna lamah chuan a tlân ve nghal bawk a.Apuii mi hawkdak lutuk tak mai hian a kalsan phal leh dawn lo tih ka hria,hlauh ang nge2 in,ngawi rengin ke chuan a um zui ve nghal a.Chutia ka ṭhiannu ber a tlân ve tak si ah chuan keipawn um zui ve in,engnge thleng tih hriat ka chak thar ve riau lehnghala.




Kâwn chhaka waiting sheet ah chuan kan mi um te chu an lo ṭhu ṭhap a.Tinkeri chu ṭap chungin Zars awmah chuan alo bei a,Rinzama hrehawm ti hmel chu ka hmuh hmaih hauh lo lehnghal.





An bulah chuan han thleng chho ve in,thaw hlawp2 chung hian,Apuii chuan,"thil ṭhalo thleng a awm em ni?"zawh bik pawh nei lo chuan ati a.Tumah lah chuan chhan tinah an tin lo nge ni,mipa pahnih chuan Tinkeri ṭap chu an thlêm ta daih a.



Apuii nen chuan hrilh hai takin kan lêt leh hna2 ringawt."An chhungkaw buaina nge,an inkârah buaina a awm i rin"Apuii'n min biakna pawh chu ngaihsak lovin, Rinzama'n Tinkeri a melh dan leh, Zars nen an awm dûn,hmuh hrehawm a tih zia ringawt chu kalo ngaihtuah daih a."Hriatpui,min ngaihsak ta che"ka tukhuma min beng nawk chung hian a rawn ti leh.Ka tukhum tuai vut2 in,"mi buai naah in rawlh lovang"tiin ka lo chhang ve tawp.A lung a awi leh dawn lo tih ka hria,mahse hre ve tura min duha min hrilh ve te anih loh chuan tu nunah mah ka in rawlh buai ve ngai lo.



"Khatianga an buaia,an awm khawm leh vek tho anih chuan anni ho inkar chu ani lo tawp ang"Apuii bawk chuan a rawn ti leh.Ava vei tak,ka sawi buai pui ve peih lo."Zars leh Tinker an ti tiraw sam kir kha,an inzuina a rei ve tawh angem le.E taka sam kiri kha U Sangtei cousin ani tak asin.U Sangtei nu thih hnu khân an in hmu chhuak chiah ani awm e,vawiin khan an sawia"ati leh siam2 a.Chung an sawi lai pawh chu kalo hre ve leh miah lo.Cousin an loh nih vang anih dawn chu an hawi her in ang ka lo tih rûk em2.



Apuii titi chhûng chuan kan scooty awmna kan thleng der a.A titi lai pawh ngaihsak lo chuan ka tlân chhuah san nghal a.Ka hnungah min rawn zui ve in,"Hriatpui,a mak ê,min lo nghak ve ta che"a ti leh hlak2 tawh.Kan in panna kawng pêng ka thlen chuan ka ding dat a,Apuii pawh a rawn thleng ve nghal mai a.



"Tlai loh tur aw"ti chungin kawng chung lamah a tlan zui a.Keipawh kan in lam panin kawng hnuai lamah chuan ka tlân ve ta a.



In ka thlen chuan kawngka alo in kalh a,ka nu chahbi dah la nghalin ka hawng nghal zat a.Sazu lian pui a rawn tlân chhuak nawlh leh nghal,ka au ṭhat a,ka ke lehlam ka thing nghal tawr2 mai.A hmaa sazu awm ngai hlei lo,ngatinge tun a taka an rawn awm chiam le.Inchhhung ka lut a, Duatlaii thawm pawh a awm lo,ka nu'n a hruai leh tawh anih ringin ka room ah ka chho nghal a.




Ka in thlak lai chuan ka phone a rawn ri a,Dinpuia niin,ka la nghal a.Hlimpuia te ina chaw a ei tur thu rawn sawiin,zan pawh a riah leh tur thu a rawn sawi nghal a.In enkawl ṭha tur te chuan min chah luam bawk a.Phone a dah dawnah,"ka room ah khan lo lût miah suh"ala ti hrâm bawk a.A room a ka luh khat nen,engnge maw a room pawh chu a ui viau ni,ka roomah a rawn riah ngun2 nen.Call kan dah hnu chuan ka in thlak chhun zawm leh a,darthlalanga ka in en lai chuan ka room kawngka in hawng ah chuan Dinpuia room lam pana phe fua ka hmu a.




Meng phawk hrâ chungin ka hawi let nghal vat.Tumah ka hmu bawk silo chu ka hmuh sual mai2 anih ringin ngaih ka ti ṭha lui a.





Ka in thlak zawh hnu chuan inhnuaiah chhuk in,ka nu ei tur ka siam sak nghal a.Ka ei tawh tho tiin ka siam hnem duh lova,ka tiffin tur dah hrang leh in,chhuah nghal mai ka tum a.Inchung lam aṭang chuan mipa nui thâwm ka hre tlata ka hriat avang chuan ka chho leh a.Nui thawm lo chhuahna chu Dinpuia room lam aṭang niin,luh a phal lo chungin ka lut lui ta a.Room kawngka ka hâwn rual chuan,nui thâwm chu a reh nghal duak a.Dinpuia room chu ka en kual thuak a,engmah hmuh ka nei bawk silo chu khâr leh in ka chhuk zui ta a.



Ka nu scooty bawk keng chuan Apuii ka sâwm chho leh a.Ala hman loh deuh avangin an inah ka lut ta ringawt a.A nu chiah alo awm a,bathlar lamah phone hmangin a awm daih bawk nen,ṭhutthlengah ṭhu in ka phone ka khawih malh2 a.





Fakzuala message a rawn lut hlawl a,"In thleng tawh maw?"tih zawng hi alo thawn a."Thleng tawh e"tiin ka chhang ṭha ve mai a."A ṭhat chu"tih te tawp hi a rawn thawn leh.Apuii a hman takah chuan,Fakzuala chu chhang tawh lovin phone pawh ka dah ta ringawt a.





A nu pawh hrilh ta lo chuan Apuii chu a chhuak nghal daih a.Kei pawh a nu melh rauh2 chung chuan ka chhuak zui ve ta ringawt a.Ka khalhah bawk chuang leh in,Fakzuala a biak thu te min hrilh a.Ka motor khalh lai chu ka din phah hial lehnghal."Engtinnge a chhan che?"ka ti nghal a.Rawn thaw hawk in,"Ka lalpa min koh na hi ka hnar thei lo"ati atih chuan angaihna hrelo takin Apuii chu ka en nghal hâw a.Ani lah chu hrehawm ti hmel alo la pu zui a.




"Chutianga in hnawl tawp te chu avan ti mak ve.Ṭawngkam dang te hmang ve se"ka ṭhiannu ti beidawng tu chu ka haw ve em2 ringawt."I ṭhiannu hi ka beidawng dawn hleinem,ka zâr buai hnehsawh dâwn,min la duh ve em2 ang"nui sang chung chuan ati leh lawi a."I thu2 le"tiin ka tlanchhuak leh a.




Zanin pawh ICU ah bawk kan duty leh dawn a.Damlo damdawi pêk tûr chu kan siam leh a.Bed no.2 ami chu nizâna ka damdawi pêk aia tam pek tur tiin alo in ziak a.Nizan pawh khan a ngaihtuah awm loh pawlah a ṭang sia,vawiin lamah a zual leh zual loh te ka en dik a,report ah chuan chutiang engmah a in ziak bawk silo chu mak ka ti ve deuha.Apuii bulah pawh ka sawi hial a.Ani pawhin mak ti ve in,Doctor ten an tih miau chuan hnial lo turin min ti ve bawk a.



Apuii'n chutia alo tih ve takah chuan doctor te ziah ang chuan damdawi pawh ka pe ta ringawt a.Ka awm chu a nuam zân lo,engemaw min mawlh tlat tu a awm leh tawh.Thil ṭhalo thleng leh in,mitthi kan ngah leh dâwn zawk nge niang.Dar 1 a pelh hnu chuan Apuii nen mut kan rilrûk a.Mut hmain damlo te kan en kual leh vek a.Kan lêt leh lamah chuan bed no.2 chu a infusion pump ri ah dik lo a rawn awm ta chiah a.Hmanhmawh takin kan buaipui nghal a,minute 5 pawh kan buaipui hman ka ring lo,a thaw chu a rawn tawp ta daih a.




Doctor Siamkima rawn lang nghalin,a rawn buaipui ve vat bawk a.Ani pawhin a chhan zo bik lo.A damdawi ka pêk te chu report kalo pe nghal a.Damlo report chu en nghal in,rum taka min melh chung hian,"engvânginnge a dose aia sang i pêk.Tual i that tih i in hria em?"min ti ta hrâwk a.Hamhaih tak chuan Apuii ka en nghal a.Ani pawh kei ang tho in alo hrilh hai ve tho.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)