THENAWM_PATHLAWIA BY Tluangi Sagy Pachuau (Completed)

[Ngaia]

THENAWM PATHLAWIA

CHAPTER 13


BY Tluangi Sagy Pachuau





"Eng nge i sawi awmzia, phuba maw?"



"Aw phuba ni e, ka chhungte phuba la turin ka rawn let leh" Ka ti vin tuar; mak tih hmel zet hian min en a




"Khati khan min en suh, fahrah ka ni tih te chu i hriat vek tawh kha, chuan min thah tum tu pawh in chhuah zalen a, i unaunu a nih vang a ni lawmni" Ka ti leh sak a, a meng buai nak a




"Nilo bawihi i ngaih ang kha a nilo" A ti chul a "a nih si chuan eng nge, engvang a jail a tang lo nge a nih?" Ka ti let ve kha kha "Jail ah chuan kan khung ngei alawm, mahse..... "




"Mahse sum hian thil a lo ti thei emm a, in la chhuak leh nghal mai thei a ni lawmni" Ka lo ti hmanhmawh, ka darah chuan a thing nawk a, ka nghing lawih thei




"'In' ti fo suh, 'in' i tih zingah khan ka tel ve lo" A ti hrawk, a thinrim ve hmel takzet, hmeichhia ang mai in a biang te chu a sen tawnn mai





"Engvang in nge ka tih loh ang, Remruatkim rin che hi harsa ka ti takzet tawh asin, i chhung ten ka chhungkua min thah sak asin, nang in min thah tum tu i buaipui bawk a" Lei a thut thlak hnawk pah chuan ka ti a, accident ka tawh zan kha ka mitthla ah an rawn lang a, ka thawk a sak tung a, ka thaw lak a buai ti tih tawh




Accident ka tawh atang khan hetiang hian ka awm ziah a, taksa leh rilru ah hah tak a awm chi ka ni lo a ni,ka u phei chuan a thil tih te hi a nazawng in min hrilh ngailo, zan tin kha phengphehlep kha ka mumang ah ka hmu ziah lehnghal




Ka thu sawi chuan a thawng deuh nge a ni erawh chu a la ding ngawi reng




Chutia thawk tlachham ang mai a ka thaw kawk kawk min hmuh chuan a rawn thu hniam a, "Bawihi engtin nge i awm, i tha em? Lalruattluang" A hlauhthawn hmel takzet




A tih ngaihna hrelo chuan min kuah bet in ka hnung chu a chul hauh hauh a "relax baby engkim a tha vek a nia, hlauh tur a awmlo" A phun mawlh mawlh a, mak tak in a mi thlamuan na tawngkam chuan min ti dam sawng sawng thei




Ka thawk a zia awm deuh hnu chuan min pawm kang nawlh in in(house) te lam chu min pan pui nghal a
A pen thauh thauh a, a lan dan ah chuan rit min tih hmel loh khawp mai, min zo tha thauh thauh khawp





Chair ah chuan min nghat thla a, ka hmai zawnah chuan rawn kun hniam in "tiang khan i awm fo thin em ni?" A tih chuan ka bu nghauh nghauh ringawt




"Engtik atang in eng nge a chhan, a hma kha chuan tiang khan i awm ngai hauh lo" A ti leh mawlh mawlh a
Chhang lo chuan ka ngawi reng




Min rawn kuah a, ka lo phu deuh zawk
"rin ka harsa ang tih chu ka hria, mahse i tan rintlak ka ni bawihi, ka chhungten i chungah chutiang thil an lo ti a nih pawh in in hnamhnawihna ka nei ve hauh lo" A ti dap dap a




Ka la ring ngam mai chuanglo, mahse a mak ti hmel khan engkim a ti chiang vek lawi bawk si




Min kuah na chu phelh in ka hma zawnah chuan a thu thla a ka mit ah twk min en chung hian



"Min hmangaih a nih chuan min ring ngam tur a ni dawn lawm ni Bawihi, i tan chuan engpawh tih ka huam, a tul phawt chuan ka chhungte chu Jail ah pawh ka khung vek mai ang" A rawn ti ta mai, hetiang a a sawi hi ka lo ring pha miahlo




A hmel ah chuan uang hmel a awmlo a, a thutak hmel em em lehnghal




"I uang ami a?" Ka ti ta hram a, lawm loh hmel tak a nur nung chung hian "uan na chi a nih loh chu Ruati" A ti fak, min koh dan mai mai chu thing ka tih chi tak a ni leh nghal




"Le sawi tawh rawh le?" A rawn ti dam diai a, nichin a a aw kha chu hriat tur a awm leh tawh lo hrim hrim




"Lola a dam tha em?" Ka ti teh daih a
"Imm dam tha e, a, ngai thei lutuk che, bawihi thil dang sawi daih a ngailo, ka zawhna che chu min chhang rawh" A ti leh nghal zat




Ka u thil min hrilh ang ang te chu ka hrilh chhawng ve ta vek a, a chhan pawh a ni hi rin ngam a ni tih ka hriat tak vang a




Ka sawi zawh meuh chuan ka thaw huai thei, a ni erawh a hmel a chang run a, a chhungte thil tih sual a hriat chuan a thin a tih rim hmel tak zet




"A nih chuan nichin thil thleng kha min hrilhfiah la, min ti mangang lutuk" A hmel a rum ang aiin a tawngkam chhuak chu a dam phian lehnghal a




"Ka accident na vang kha a nia, zantin kha phengphehlep pheikhawk kha ka mumang ah ka hmu a, chi hrang hrang in, a chang in min tih thaih a, nasa tak in ka nun a khawih danglam a, rilru leh taksa ti hah chi ka nilo, hlauthawng tak a awm chi ka nilo bawk" Ti chuan ka hrilh a




A in hum ruh in a bek thisen zam te chu a pawng tawlh tawlh thei, hetiang tak a pathlawia thinrim hi ka la hmu ngailo, "Vanlalneihpuii vang vek kha a ni" A ti chang rût a




Ka thu sawi a ring chu ka lawm a, mahse keimah vang a a chhungte a haw tur ka ngaingam leh chiah bawk silo




"Pathlawi i lo inrawlh ve a ngai hauh lo a nia, keimah vang a in chhungkua ah in nghirnghona a thlen ka duh lo" Ka ti mawlh mawlh a




A ni chuan "chhungkaw in lungrual tak kan ni ngailo hrim hrim, ka u leh patea te hi chu kan chhungkua atang hian an hrang hlak" A ti fak fak , mak ka ti letling zawk chhungkaw in lungrual tak an ni khan ka hre si




Ka phone a lo rik chuan ka u a lo ni a ka pick nghal vat




Ka awmna min zawh chuan tha tak in Pathlawia bulah ka awm thu ka sawi a, min ngaihtuah nghal viau, mahse thil nihdan ka sawi chuan ngaih ngam zan lo mahse ka sawi a nih miau avang in a awi lo ngam lo




"A ni kha i u tak tak a ni tih hi ka la awi theilo" A tih chuan ka en ha a "engatimaww" Ka lo tu hu




"Lola-i nu nen a kan in neih hnu chauh khan Mizoram ah kan awm a, chuan ram dang a ka awm lai atang tawh khan i u hi ka hre thin alawm, a ni chuan min hre ve em chu ka hrelo, mahse a thiamna sang lutuk avang te khan ka hnampui a nihna ah pawh ka lo chuuang thei viau asin" A ti a, keipawh chuan mak ka ti




Thil mak deuh deuh hi a thleng reng mai a




"Intawng tur reng kan lo in tawng khawm a nih chu" Ka ti ta ringawt a, a rawn nui suk




"Khuanu ruat a nih hi" A lo ti ve leh a, kan in nuih vur vur




"Ti daih ila, kan haw hnu hian min hrelo der chhunzawm leh dawn tihna a mi?" A tih chuan nui vur vur chung hian ka lo bu nghauh nghauh




"A ngai kher chuang em ni" Nur nang chung hian a ti a "ngai tlat Pathlawi, kan hna kan la zo lo, ka u hi tuman a a chhungkaw background an hrelo a, chuvang chuan a hma ang a numg thei kha ka ni hrih lo, a hma a ka nun ah kha chuan i patea te hian tunge ka nih an hre si a" Ka ti dap dap a hrethiam tak ang maw




"I sawi awmzia ah chuan, a hma ami kha i nih chuan i u pawh hi an hre chhuak anga in duhdan in thil a kal lo thei i tihna maw" A ti a ka lo bu nghauh nghauh, a hrethiam chu ka lo lawm hle, tawngkam ka thiam lo si a, kha aia chiang kha chuang sawi fiah dan ka thiam dawn hauh lo




"Chuti min fawp rawh" A rawn ti teh daih a


"Engah ngawt chuan maw?" Ka lo ti deuh hmuk



"Min hriat loh der dawn ai ah min fawp thei, chuan nakin zel ah pawh chutiang ti tur chuan in company ah ka la rawn kal fo ang" A la ti ta deuh deuh
Eng nge maw a hriat reuh le, a va naupang chhia tak




"Bawihi hmanhmawh rawh, a tlai zel a nia, hun hian min nghak lo" Tiin a hmui chu a rawn dawh zum put put a




Nuih suk suk pah in ka zuk fawp zauh a, a, rawn nui nghal vur vur, Pathlawi cute lutuk




Kan company zawn kan thlen chuan khua a thim deuh chhulh tawh, company kal tur a zing a ka chhuak kha tlai ah ka thleng ve chauh chu a nia




Car atang a chhuah pah chuan, pathlawia chu kan melh ram ram a



"Ka phal na lo chuan khawi ah mah min hruai tawh hauh suh" Ka ti deuh that, a ni pawh chu a phu zawk mai, khatiang a ka tawng kha a ringlo a niang




A hmu ah chuan a hrethiam a ni ngei ang a rawn khi suk suk a, "bawihi hawi kual teh, tumah an awm loh hi" A tih chuan ka hawi kual a tumah an lo awm lo tak tak




"Hehe, a nih hi mawle" Ka ti tawi tak ringawt




A nui put put a "a nuihzatthlak loh emmai a" Ka ti hmuk a, ka tum nghal vuau bawk



"I van cute tak" Tih pah a ka lam a rawn awn phei in ka biang ah chuan a rawn fawp zauh a, a ban puam ah ben chawrh pah chuan "amak miin min hmu ange" Ka lo ti kha kha "tumah an awm lo ka tih kha" Ka awki ang chiah chusn a rawn ti ve leh



Ka va han ngei mai mai tak, nghal bawk si





NOTE*

AWLE TIZAWNG HI NI LEH MAI

Zantin ka rawn dah ang ka tih chu nizan khan ka rawn bawh chhe chiang viauuu a, ka inthlahrung hle mai,a chhan chu-
Ka phone hi a tar tawh lutuk a, duh ang a control theih loh chang a awm thin a, a thu te hi a duh reuh lutuk a
Nizan pawh chuan a buai leh vak a, ka rawn ti ta lo mai a nih kha
🥲


Show post links
Top

[Ngaia]

THENAWM PATHLAWIA

CHAPTER 14



BY Tluangi Sagy Pachuau





Company chhung ka lut tur chiah leh ka u rawn chhuak tur chiah chu kan in tawk a, "haw tawh ang" A rawn tih chuan ka lo nui hak, company a kal tur ber a chhungah pawh lut lo in zing atang khan ka awm tawh





"Pu Duhawm kan inbe lawk thei angem?" Ka hnung atang chuan Pathlawia chuan a rawn ti a, a kal daih tawh amaw ka tia, ka u rawn chhuak lai kha a hmu anga a rawn chhuk leh a ni ngei ang




Ka u chuan ngawi reng in a en a "i ngaihtuahna kha a dik ka ring" Pathlawia chuan a rawn ti teh ngawt a, ka u ngaihtuahna hre thei awm ang zia zang in




"Chuti chu hei haw ka lo tum tawh si a, min zui haw a va ngaih hmel ve" Ka u chuan a ti khoh a, in la value ve hle mai a



"Awle" Pathlawia pawh chuan a lo ti ve mai bawk, eng ah tak biak duh ang maw, ka u lah khan a lo hrethiam mai bawk si a




Ka u bula chuan ka tum chu Pathlawia chuan ka kut ah a rawn chelh a, "ka bulah lo chuang rawh, in in kawng ka hre hleinem" A rawn ti sup




"Matei chu ka bulah a chuang ang, kan hnungah lo tlan zel mai rawh" Ka u beng chu a tha hle mai a, a tawng zawi viau khan ka hre si a, a lo hre pha vek




Ka u thu chu hnial ngam bik lo ni ngei tur a ni min thlah ve mai bawk a, mahse a hmel chu a nur nang nang mai, Patling hi hetiang tak hian a lo cute theih a nih hi ka ti ta rum rum




"U i rilru chu i siam fel tawh em?" Car a kan chuan lai chuan ka u chu ka zawt a




Min chhang tawh dawnlo amaw ka tih hnu ah chuan "ni e, i ti dik alawm, an tih ang a kan tih ve kher hi a ngailo, kan tih ve chuan an mahni ang kha kan ni ve dawn tihna a ni a, kan huat em em ang khan kan nung ve dawn tihna a ni si a" A rawn ti dap dap a




"Chuan i thuthlukna chu?" Ti in ka lo zawt leh vat a




"Ka pa Company hi chu kan la let anga, an ni chunga ka phuba lak tum erawh Pathian kut ah ka dah e 'phuba reng reng keima lak tur a ni; keiman ka thungrul ang'(Rom 12:19)
A ti si a" A rawn ti leh a




Min rawn nuih suk "duh thlanna dik tak i siam a ni ka u" Ka tih chuan min rawn en a " 'Ka u' ti a min koh hian ka famkim hliah hliah hian ka in hre thin, kum 20 chuang i hlat ah ka awm a, tunah chuan ka kiangah awm in ka u tiin min ko thei bawk a, ka chhungkaw neihchhun i ni a, pasal i neih hun tur a huphurh awm khawp mai,, chhung khung tur zawng mai rawh" Nuih suk suk pah hian a rawn ti a




Keipawh chuan a fiamthu ah ngai in "nang in i tih tlat te chuan kan zawng anga a ni mai lawm" Nuih hak hak pah hian ka lo ti ve a





Ka tleirawl chhoh lai vel kha chuan pasal neih te kha ka lo suangtuah ve fo thin a, a nuam lai chauh hi ka lo suangtuah thin a, inneih ni mo kawr hak lai te ang te





Mahse ka u khan a mona chanchin a sawi thin khan min ti chaklo vek, an tih peih loh tha tha tih a ngai anga ka u phei chuan 'an tih peih loh tha tha pawh ka ti duh lo, an tih peih loh chhi chhia ka ti mai'a ti thin




Nula senior leh nuthlawi awmna ngat phei chu in chhung a lal ber emaw an in ti a te a tia, a sawi hlauhawm thei lutuk a pasal neih min ti huphurh vek tawh, pasal te nen a hlim tak a awm chauh kha a lo ni vek silo a, an chhungte pawh kan hrawn tel vek dawn si a





"Remeuatkima hi pasal atan i duh em?" Ka u chuan a rawn ti teh thut , min ti hamhaih lek lek zawk




"Chutiang tur chuan ka lo la ngaihtuah ngailo reng reng" Ka ti a, ka ti tak tak bawk, Pathlawia hi ka pasal ni tur in ka lo la ngaihtuah ngailo hrim hrim




"Ngatinge min zawh a?" Ka tih chuan
"Eng ni lo e, in inzui zel a nih chuan in neih lam te in la tintuah ve ngei awm si a ka ti mai mai mawle" Tiin a nui mai a, a huphurh hmel viau in ka hria





"Lungngai mah ta che, ka u hi pasal ka neih san mai mai lo ang che, mahse nupui tur zawng ve la" Ka tih chuan a rawn nui huah huah




In kan thlen chuan chawp leh chilh in Pathlawia pawh a rawn thleng ve nghal ka u in hma a hruai a, a hnungah chuan Pathlawia nen kan zui zel a




"Ka u chu eng thil ah nge biak i duh a?" Ka han bekbawr sa sa a




Rawn kun hniam deuh hian "nupui ah dil che ka tum" A rawn ti ta mai, phawk hra hian ka melh chho a, a hmel lah chu a lo la thutak hmel em em zui a




"Hey uang uang suh, ka uanglo a nia" Ka ti ta ringawt "ka uanglo" Te chu a la rawn ti ta deuh deuh




Ka melh dan min hmuh chuan insum zo lo in a rawn nui chhuak hawk hawk
"Nang hi chu tihder zen zen chi pawh i nilo, i awih thei leh lutuk a" A ti a, a la nui pah reng, a za ve ngangg a niang a nuihna ah a biang leh beng vel pawh zu han sen vek thei a




Inchhung kan luh hnu chuan ka u pawh chu inthlak hmasa lo in Remeuatkima nen chuan sitting room ah an inzui phei nghal a, eng thu tak sawi dun ang maw




An inkawm pah a an thingpui in tur ka chhuan sak nghal a, thingpui lum hi chu ka bengvar ve na zawng tak a nia, ka pa khan in leng a ngah thei lutuk a tunah chuan ngai ah ka nei tawh,,, nupui tlak ka va ni si em




A so hun nghak chuan chair ah chuan ka thu a, dawhkan ah chuan kiu nghat a in dawm chung in thil ka ngaihtuah neuh neuh a




Pathlawia nen hian lo innei ta ila(h)
Tih ang reng te chu ka ngaihtuah
A nuam riau dawn hian ka hre tlat pek a, chutih rual in ka lo ngaihtuah ngai loh a nih vang chuan min ti lai em em lawi si





In khat ah kan cheng dun anga, a office kal tur a dress ka thlan sak anga, a rawn haw hun in pawn ah ka lo nghak anga "i chau em?" Te ka tia nga,,, awi ka lai lutuk chu ka hmai hup in ka ke ka per vak vak




"Chu eng rim nge ni a?" Ka u aw ka hriat chuan ka hawi chhuak vat a, a hnar a lo len dauh dauh




Thil ut rim ka hriat chuan ka tho chhuak nghal vat, chi loh lutuk thingpui ka chhuang kang a nih chu, a kang mai bakah a la ût zui




Ka hmanhmawh lutuk engmah ngaihtuah hman lo chuan dawm chhan pawh hmang lo chuan ka kut lawng chuan khai kan tum ngawt pek a, a sa nagangg mai ka rak that




"Fimkhur ta che" Ti a ka u in min rawn pan a tum lai chuan Pathlawia chuan ka u chu rawn nek deuh rawk rawk in
"Eng nge, engtin nge i awm, a na em?" a rawn ti sawk sawk a, ka kut ka lo vawn beh tung chu la in tui dehna hmun ah chuan min kai phei nghal rawk rawk




A hlauthawng leh che hmanmawh lutuk chuan min ti hamhaih zawk




"Engtin nge i in tih kang theih a, i va fimkhur lo ve" A ti hluk hluk a, a thinrim ringawt emawni leh nghal ni "a na lutuk lo" Ka tih rual deuh thaw chuan "a na" A lo ti vak, ka phu dawr thei, a tuartu pawh a ni tawp silo a




Ka u ka va en chu a lo nui put put




"Khawnge toothpase?" A tih chuan a awmna ka lo hrilh vat a, la chhuak in ka kut kâng lai ah chuan a hnawih nghal mial mial, a dai nghal sawng sawng thei, a chhem nghal heuh heuh a




"Che pawlh pawlh thin suh, puitling i nih tawh kha fimkhur deuh in che la, i inti na lo mai dawn alawm" Nu in a fa a, zilh ang mai hian min zilh a, ka kut chu a en deuh vang vang





"A durh angem aww" A ti deuh vang vang, min bia nilo in amah leh amah chu a inbia a ni zawk mah,,,,,a tuartu zawk hi a ang thin




A haw dawn chuan pawnah ka va thlah a, "naktuk atang chuan min mi hran leh dawn sia khawmaw kan hnam teh ang che" Tih pah in ka hmui ah chuan a rawn fawp tawkkk, a na lam mah chu a ni.




Ka kut chu a en leh a, "a durh em lo ang chu maw" A ti leh hap, a va han buai hma thei tak, ka kut chu fawp zauh in ka hmui ah a rawn fawp leh zauh a a kal ta a





Inchhung ka luh leh chuan ka u in min lo nuih vur vur "khai a, makpa hual chu, a va chi ai hma ve le aww" Tiin min lo chhaih zuk zuk a





"A na lo ka tih pawh khan a tuartu zawk ang mai khan a awm aa" Lo ti ve in kan nui zui hak hak,,,,, lehlam kawng zawng tak ah chuan min ngaihtuahna khan min ti hlim em em thung




"Tak a, eng nge in sawi dun a?" Ka tih chuan kum 20 kal ta a thil thleng kha a lo zawt fiah a lo ni a




Tichuan Remeuatkima chuan ka pa company kan neih let leh theihna tur in min puih a lo tum bawk hi a lo ni a.....




Ka ngaisang tak zet, a chhungte an nih vang ngawt a pawngtawng tan mai lo in dikna a tan zawk chu a ni si a


Show post links
Top

[Ngaia]

THENAWM PATHLAWIA

CHAPTER 15



BY Tluangi Sagy Pachuau





Mu tur a ka in tin tuah lai chuan ka phone a lo ri a, Pathlawia a lo ni a, engtin nge ka number hi a neih theih zawk le, ka u in a pe a ni ngei ang
Kei erawh chuan a number ka byheart avang khan ka save leh nghal kha a nia




Ka lak rual rual chuan Lola zawk chu a lo lang a "mama" Tiin a rawn au lang lang a, ka lo nuih nghal vur vur
Ka awm loh hlan a min ngaih thin thu te chu a sawi siam siam a, a bulah chuan a pa chu a lo tawng thum leh bul bul thin, a aw a thum sia eng nge a lo sawi ve pawh ka hre tha theilo




"Ihmaw mama school ka kal ve tawh a, school ah chuan an nu leh pa ten an lo thlah vel a, ka chak ve rap kan bulah lo awm ve tawh mai la" A rawn ti niah niah a amah bawk chuan "apa pawn kan bulah i awm theih tep thu a sawi a" A rawn ti leh a




Keipawh chuan tih lunghnur ka duh loh vang chuan "ka lo awm vat dawn alawm" Tiin ka chhang ta ringawt a, ka sawi tawh ang khan pathlawia nen a inneih hi ka lo la ngaihtuah ngai miahlo ka tih tawh kha




"Bawihte mut a hun tawh e, mama kha muttui ti la" A pa in a rawn tih chuan "mama muttui aw kan inbe leh dawn nia" A rawn ti vei luam a, ka lo chhawn ve vat





"I ngaihthlak zawh chiah ang khan, kan inneih vat a ngai a nia" Phone screen a rawn lan pah chuan a rawn ti a, a sawi zing tawh viau mai a, a duh ve tak tak tawh chu a nih hmel, 'ka nghak thei che' min ti mahse a châk tawh zia a hriat vek theih





"Kan thil tih tum te hi han zo fel phawt ila kan la ngaihtuah tha dawn nia" Ka lo tih chuan a pawm ve thlap a, min puih tur thu a sawi bawk a kan tan thil a awlsam sawt chu ka ring a ni, company lak let ringawt a ni bawk a




Sual kan khawih pawh ni hleilo, a neitu in a ta sa a la let dawn a ni mai a





"Pathlawi zep miahlo in maw, i patea leh i u te an ni bawk si a, nuamlo i ti em?" Ka ti ringawt a "Dikna in chi leh kuang a thliar lo ka tih tawh kha bawihi, nuamlo tih chhan tur a awmlo" A rawn ti charh charh a





Lukham chu kham tha sat sat in ka melh kiau a, "Police lo ni zawk la tha tur a nia aw" Ti vawng vawng in ka en char char a





"Tikhan min melh kiau suh, patling i melh lai thei mai dawn alawm le" Tiin rawn nui huah huah, keipawh chu a thu sawi dan vang chuan ka lo nui ve hak hak





"Apa ka muhil theilo, min zai sak rawh" Lola in a rawn tih chuan a bih thla vut a, "bawihi lo nghak lawk aw, la dah chuang suh" A ti a phone chu a hma ah chuan a tung a





An pafa in awimu lai chu ka khum atang chuan ka lo en ve reng a, nau awih hla a sak te chuan ka mut an ti chhuak ve zo vek, rei lo ah chuan mang ram ah ka lut ve ta riai riai a





Ka harh leh chuan zing ni chhuak chuan ka room tukverh chu a rawn chhun tlang phût tawh a, thawh phan pawh awmlo chuan ka thu ngil awt a
Thil dang zawng zawng ka tih hma chuan ka tawngtai leh hmasa te te a, ka kut hma lam ah suih in





"Lalpa, zing ni chhuak eng mawi tak hmu leh thei tur a min kaihthawh leh avang in lawmthu ka hrilh a che, zan mut dawn a tawngtai ka theihnghilh fo laiin nang erawh chuan min kaihthawh theihnghilh ve ngai silo, ka vawiin hun hman tur i kut ah ka rawn hlan e. Amen."





Ka tawngtai zawh chuan bathroom ah lut in ka in ti fai zung zung a, ka zawh hnu chuan ka phone chu ka en ve ta chauh a, Pathlawia message awm chu ka open nghal vat





Nizan a ka muhil lai thlalak kha min lo thawn a "ka fanu chang nilo in a mama pawh ka lo awi mu tel a nih hi, min mut san mahla i hmeltha tho" Mit siai suk emoji hi a rawn dah tel a




Zawngte hmai hup lem hi thawn let tuar in "Thlawi zei" Ka va ti ringawt
Ka message chu a lo seen nghal vat a,
A call a rawn lut nghal zat bawk




Ka la chiah tih ah chuan "i tho nuam em ka zingtian Lalnu" A rawn ti nghal varr a, a phur hmel ngang mai, "tho nuam e" Tiin ka lo chhang a




"I aw chu zingkar atang a hriat atan chuan a va hahdam thlak, nileng hun hman ti nuam tu tur" A rawn ti deuh duah a, awi hepa hi eng nge a hriat a, in la zei leh lutuk, ka lai lutuk tih ngaihna hre lo chuan "eng nge i hriat a?" Ka lo ti nghut, ka thinrim vang pawh a nilo, ka lai em a ni




"Pathlawi mood fuh" A rawn ti varr a, a fuh ve ngang a nih dawn hi ka ti ta ringawt




A hnu ah chuan thutak deuh zawk hian
"Vawiin eng nge i tih ang?" A rawn ti a
"Chawhmeh lei a bazar ka tum a, nang?" Tiin ka lo zawt let nghal zat




"I u nen khan khawiah emaw kan kal dawn" A ti ringawt a, an kal na tur erawh ka zawt bik chuang lo a, a tul a nih chuan min hrilh mai tur ah ka ngai




Tangkaina hi ka nei tlem khawp a, ruahmanna kan thlak hnu phei kha chuan engah mah in hnamhnawih ka tum tawh lo law law, company lampang hi engmah hriat pawh ka neilo a tirah khan ka u bulah khan 'ka pui ang che' ti ve mah ila tih theih ka nei tlem khawp





Kan in biak zawh a inhnuai ka chhuk chu a hmasa ber in arsa kan rim ka hre nghal, rim ka hriat na lam chu ka pan vat a, ka u chuan apron ha in eirawng a lo bawl turh turh, a palian sia a in hmeh letling phian




Eirawng bawlna chu a tan chuan a kawng chen ai a hniam hret, a kun du du mai, a nuihzatthlak takzet thla ka lak sak nghal hmiah




"Khatia thla min lak sak lo min lo pui zawk la, tanpui ngai i tanpui a ni mai dawn a ni" A rawn ti a, ka phone chu ak vat in ka va pui ve nghal a




A thil siam chu ka tem zeuh zeuh a "I pasal tlak hle mai a" Ka ti leh thin chu min nuih hak hak "E u ihmaw i hre tawhlo maithei a, kha a hma a in check up tur a min hruai tum kha, khata nurse lo awm ve Puipuii khan min lo biak rawh a tia" Ka tih chuan a ngawi vang vang a a ngaihtuah a ni maithei a ni

(Hei Whatsapp lam a min lo biak rawh ti tu kha, i inhriat mai ka ringka lo biak tawh che hi aw)





"Ee, ngo ving veng nangmah ai pawh a te ve leh chhawng kha maw" A rawn ti chhuak phawng a, a lo la hriat ve avang chuan "aww kha kha" Ka lo ti vat, chutin a te bik em em lo, kei aiin kum 1 in a upa zawk lehnghal




"Eee" A ti fan raih a, thil dang a sawi chhunzawm dawn amaw ka tia, a ngawi daih mai




Eirawng kan bawl chhung zawng chuan Puipuii chanchin ngawt chu ka sawi pui a E, AW, AIH tih vel pawh in pakhat mah in min chhang lo, min khap lo a a ngaihthlak hrim hrim avang pawh chuan ka sawi khum char char tho




Chaw ei lai chuan "chawhmeh vel lei chuan i bazar dawn ami?" A ti a ka bazar tur thu in ka lo chhang vat
"Fimkhur ang che, Pu Sangvunga hian a ringhlel deuh che in ka hria" A tih chuan ka fimkhur tur thu chu ka sawi leh mai a




Ka zawh ngai miah lo in a tihtur te chu a tlangpui chu min hrilh leh zai zai a, pu Sangvunga Company ka pa company ni thin ah chuan Pathlawia nen kal an tum a lo ni a, an tih tum vel chu min hrilh vak chuanglo, ka rilru ka lo sen ve vak a ka lo tih hah kha a duh lo a ni




Bazar ah chuan thlai thar tha deuh deuh chu ka en a, ka sir a nutling en reng reng pawh a awm thei tih hriat tak hian pitar pakhat chawhmeh zuar chu a lo dil tlawm char char a, ka en reng mihring lo mak dan hi aw




An thawmhnaw duh leh it zawng an hmuh in eng ang pawn to mahse tlawm dil hauh lo in an lei mai a, heng mi rethei tak tak ten a ei an zawnna, ei an hmuh ve tek tek na thil an han dil tlawm vak mai thin hi chu an mak hi ka lo ti thin




Ka thil leina man ka pek zawh chuan an lam chu ka va pan phei ve a, a tomato zawrh chu lei tawh tho mah ila a man chu ka zawt a, a la thar tha em em zui, nichin a ka lei ai khan a tlawm in a la thar tha daih zawk zui a




"Ka pi Kg2 ka lo leiang chu" Ka tih chuan a buk nghal thuai a, a hma ah chuan thu in "i thlai ho chu an thar tha hle mai a" Ka ti a "nia chuktuah huan ka siam ve e ka tia, tukin zing a ka lak thar a nih kha" A lo ti a




"E a va thar tha ve, tiang chu ka pi tlawm chi pawh a la nilo a nih chu tiraw, a man ngai in la pe char char rawh, helai a nileng a thu tur i nih phei chuan, tunah zing chauh a la nia, a man pangngai a lei pawh a tha nat thlak loh emmai an thar tha si a" Fuihpawrh ti tih chuan ka han ti a




Ka bul a ding nu chuan min ngei teh ang chu aw, a kal tau daih lehnghal
A man chu pe in nui vur vur chung chuan ka kal ta a, tomato chu ka lei hnem phah hle mai




Restaurant a ka chawlh lai chuan hmeichhe pahnih hi ka hnungah an lo thu a, an aw ka hriat rual chuan ka meng nghal kawk

Mary leh Hruaitei




Hruaitei zawk chuan "Remlalan a sawi a, Aruati chu a ang a, mahse a nilo a tia" A ti a, ka chungchang an sawi tih ka hre nghal, engtin nge Remlala nen chuan an in hriat le, Remlala chuan hma a lo la tak tak amawni le





"Amah ni se chu min rawn biak ve awm tak a nia, ka hmu ve chak e, amah a ni emaw ni lo emaw, ka ngai tawh a bo rei tawh eee Uruatkima pawh hian a hmu ve tawh angem le chunu chu" Mary chuan a ti vang vang a,,,, Pathlawia khan a sawi tak e, ka bo daih hnu khan ka thiante nen an inbiak nasat thu




Thu dang sawi in "Remlala nen chuan eng nge in chanchin zel?" Mary chuan Hruaitei chu a zawt a "Naktuk zanah Palai ka lo tir ang a tia, nau ber kan keng tawh si a" A tih chuan ka ei tur hmuam lai chu ka lo hak bawrh bawrh




Ka hnung chiah a thu zawk Mary chuan ka lam rawn hawi in "i tha em, i hak em ni" A rawn ti a, keichuan ka lu lo thing nar nar in ka that thu in ka lo chhang a




Kun chhal chung chuan ka tho chhuak a, ka ei na man chu ka pe a ka tlan chhuak nghal daih




"Aruati a ni in i hre tak tak em?" Tih ri ka hriat chuan ka bul a pheikhawk dawr ah chuan ka lut ta ringawt a, phekhawk an remna hnung lam ah chuan ka biru tithh




Tunah rih chuan ka thian te pawh hi ka la hmachhawn thei rih lo a ni, an sawi danah Pu Sangvuanga te nen an in hre tha dawn tih a hriat a, an hma a la in lan chi ka la nilo


Show post links
Top

[Ngaia]

THENAWM PATHLAWIA

CHAPTER 16



BY Tluangi Sagy Pachuau




An kal ta a ka hriat avang chuan muang chang in ka chhuak a, dawr nghaktu te pawh chuan min lo en duh khawp mai, ka zahzel ah chuan mipa smartshoe te chu kan en ve leh vel mai mai a "ka u duh chi a nilo" Ti sep in ka chhuak daih




Taxi phar in haw ka tum ta a, kawng chanve vel kan tlan hnu ah pawh chuan kan hnung a car chuan min zui reng ni hian ka hria a, hnung lam chu ka hawi leh zeuh zeuh thin




Ka phone lo rik chuan ka la vat a, "khawiah nge i awm?" Pathlawia chuan a rawn ti a, Taxi a ka haw mek thu ka lo hrilh nghal vat, mi in min zui ru ni a ka hriat te chu ka hrilh a




"In i thlen hma chu phone kha dah hauh suh ang che" A rawn ti nghal reng a, "ka u company ah khan ka lo va kal ang, min lo hruai ru aw, kan chheih buai tak tak ange" Ka tih chuan min lo hruai tur thu chu a sawi a, "kan inah ka haw dawn chuanglo a, phone hi ka dah aw" Ka tih chuan a nui hak ri chu ka hria

"Awle" A ti a min rawn hruai tur thu chu sawi nawn leh in a dah ta nghal a




Kan in thlen hma daih kawng kawi ah chuan ka pen pui ta daih a, ka rin ang ngeiin chu car pawh chuan min lo zui leh, thui tak kan tlan ta maw tih ah chuan turning point ah chuan kual tirin kan tlan na hnu ah bawk chuan ka let pui leh a, kan company lam chu ka pan ta a




A hnu fe ah chuan ka u te pawh chu an lo thleng ve a, him tak a min hmu chu thawveng huai hmel hi an pu a




"Tunge zui ru tu che chu i hmu em?" An tih chuan ka lu ka thing mat mat a
"Hmulo, mahse company ka thlen hnu hian a tlan tlang daih a, a motor hnung lam pang kha chu thla ka lak sak hman hram a" Ka tih chuan phone chu min dil a, ka lo pe ve mai bawk




Pathlawia hmel chu a dur nghal khui khui mai , "ka kal a ngai" Tiin ka bulah chuan a rawn kal hnai a, ka biangah min chukss zeuh in "zan ah ka lo bia ang che" A ti a ka u office atang chuan a tlan chhuak nghal daih, ka u nen chuan kan en zui vawng vawng ringawt




In lam pan chuan kan haw ve ta nghal a. Hruaitei leh Remlala chanchin te chu ka hrilh ve a, a ni pawh chuan ka thiante takngial pawh chu hmu lo tur in min hrilh nghal mawlh mawlh




Kawng sir a inkhai bawr deuh ka hmuh chuan ka u chu ding tur in ka hrilh nghal a, a ding ve mai bawk;tukverh ah chuan dak chhuak in




"Puipui lo chunang ve la, kan lo thlah haw ang che, ruah a, sur bawk si" Ka u nen kan ni tih chu ka mit hmang in ka signal pah zuk zuk bawk, a lo hrethiam ngang mai




"Aa ka in khai bawr bawk si a, bakah hei ka huh deuh bawk si" A ti a, ka u chuan engemaw tal rawn sawi se ka ti tak zet, chuang tho tur a sawm tum a ka kâ ka ang zuau tawh chu ka u chuan




"Lo chuang rawh a pawilo" A rawn ti nghut a, hma lam a la hawi reng, a lai deuh amawni le




Lawm tih hriat zet hian a nui suk suk a, car hnung lamah chuan a rawn lut nghal bawk




Pupuii nen chuan kan titi barh barh a, ka u erawh hmui tuam ang hmak a ni, nichin a a tawng bak kha a la tawng leh lo reng reng, puipuii lo chuan hma a a tawng nasat tehreng nen




"Khawiah nge in awm?" A rawn tawng chhuak ve ta alawm, Puipuii chuan a rawn chhang vat. A ka pawh zen ila min seh lo ang tih tur ang hi a ni, a nui thaw reng mai, zanin ah a sawi leh ngei dawn a nih hi




Puipuii kan thlah zawh hnu in kan in lam kan pan ve leh ta chauh a. Kawng tluan in puipuii chanchin ka sawi pui leh nghal char char, "a hmelthat reuh ving veng kha" A rawn ti ve a ka nuih hak, ka bulah hian hmeichhia hmeltha a tih hi a la sawi ngailo reng reng




"Han bem la chuan ee, tlu sa ang a ni ang" Ka tih chuan


"Hmeichhe ho hi chu in mak khawp a, in duh reng ten an bem che u pawn in lo duhlo der vel a, duh tih chiang reng ah pawh in ngaihtuahna hun te hi in la dil ve leh khanglang zel, a hnu ah in yes leh tho zel sia" A ti bul bul a




Dik ve tho mai "aww easy min tih te kan duhlo a, min ngaihdan tur te kha kan ngaihtuah tel vek thin alawm, ngaihtuah thui deuh hi asin kan nih" Tiin ka lo chhang ve a "in ho e a" A ti tawi tak ringawt




Zanah chuan pathlawia min rawn biak hun ka nghak reng a, min rawn be har ka ti tawh takzet a ni




Tukverh ah chuan ka dak chhuak in van lam chu ka hawi a, tlai lam a khua a chhiat ang aiin zan lam chu khua a thiang kak a, arsi pawh an pe tuar mai




Thla pawh chuan a eng chu mi ten an hmuh loh hlau ni awm fahran in eng mawi tak a chhuah a, lung a ti leng takzet




Ka phone khum a ka dah chu a rawn ri ral ral a Pathlawia a nih ring in ka pan vat, ka ringtone *even if the sun drop* a thunawn lai chu ka sak pui al al




Ka ringtone zai pui ka hrat lutuk vang hian a chamg chuan a vawikhat na ah huan ka la hman thin lo ziah




Ka rin loh deuh in Pathlawia a nih loh vang chuan ka hnual nghal rawih thei, a rik tawp dawn lamah chuan ka la ve hram a




"Awii i u pa zia kha, a hmeltha bawk sia e, hman a ka hmuh tirh atang khan ka thinlung duh zawng a ni, mahse vawiin ka lo chuan khan nuam a tih loh hmel e a tawng tha ve duh bawk silo" A ti nghal barh barh a, a thawveng reuh mai sia




Ka sawi tawh ang khan kei aiin kum khat chauh in a upa a, mahse kei aiin a naupangchhia zawk in ka hria, nurse ni si ah chuan inla kulmuk lo ve tak a ni, thawveng tak a ni a te ve reuh sia a harh phian in ka ring




"A mizia ve hrim hrim a nih kha, a tawng tam lo ve a" Tiin ka lo chhang a, a ni reng bawk a, ka bulah leh Pathlawia bulah lo chuan a tawng bul hmuk hmuk thei khawp mai




Kan inbiak pah te chuan Pathlawia message a awm leh awm loh ka check reng a, engmah hmuh tur a awm bawk silo a reh tlawk tlawk mai a ni, Puipuii nen kan inbiakna ah pawh chuan ka rilru ka pe hleithei lo




Kan inbiak zawh thleng pawh chuan ka Pathlawia chu a la reh reng a, a tlai tawh bawk nen mut san chu ka tum ta zawk a, thinrim tunn in ka mu a, ka rizai sin tur awmdan diklo te thleng thleng chuan ka thin an ti rim a, ka mu tau sawk sawk mai




Naktuk zingah min lo bia a nih vaih chuan a chaklo viau ang chu aww,, ka tih tauh khum ang rei deuh




Zing ka thawh chuan ka dan ngai te in ka tawngtai leh hmasa te te a, phone ka en ta chauh Pathlawia message pawh a lo awm ve tawh vang alawm, 2 missed call nen




"Bawihi nizan khan ka buai leh ta sia, Lola a damlo a, damdawiin ah kan tlan pui leh nghal nen" A rawn tih chuan nizan a ka thil tum tih tau khum ka lo tum te kha ka in thiamlo leh hmuhnawh zawk




"Tunah eng nge a an tawh a" Ka ti ta zawk a, nizan ah ka thin a lo rim tih kha chu sawi a zahthlak tawh zawk "tunah chuan a tha tawh, nimin ruah sur kha a lo do a, a khawsik a sang lutuk a, ka tih ngaihna hrelo ka tlan pui ta mai mawle" A rawn ti a,




A aw ah chuan a chauh hmel riau in ka hria, nizan ah a mu thalo a nih ka ring




Chumi hnu chuan nitin deuhthaw ka u nen chuan an in zui chhuak a, eng nge an tih tih erawh ka hriat pui ta ngai hauh lo, zawt tang nge pawh ka ti chuang lo a, keima buai buai hian ka buai ve tawp mai a ni




Puipuii kan thlah ni atang khan Puipuii nen chuan kan inkawm nasa zual a, ka u pawn a chanchin min zawt ve ta zauh zauh, a number ka pek hmiah kha, hma a la chhunzawm angem tih zawng ka hriat pui lo a




Tlai khat chu in a ka awm nin em avang in tei thawveng turin kan intang chuan ke in ka chhuak a, kan in kawng peng ka thlen thlak hnu chuan motor pawh an in sul pel leh zut zut tawh mai




Kawng sir ah chuan ka kal zel a, ice-cream zuar ka hmuh chuan ka ei chak em avang in ka lei sak a, ka liak nghal hlak hlak




Pathlawian min lo call a, kal pah chuan ka chhang a,inah ka awmlo tih a hria ni tur a ni ka awmna min zawt nghal chat a, ka hrilh nghal vat




A ngawih vang vang hnu chuan "bawihi" Thuk ruih hian a rawn ti a, ka ti ril thleng hian min fan raih raih ni hian ka hria



"Imm"

"Ka ngai che, innei tawh ila, ka nupui ni tawh la ka ti"

A ti leh ta, inneih a sawi leh ta, chhan mai dan tur ka hrelo, a pawi ka sawi ang tih ka hlau si




"Keipawn ka ngai che, buaina hi ching fel vat vat ula, nupui ah min nei rawh" Ka lo ti ve a, a rawn nui suk
"Tehreng mai, min nei suh pawh ti la ka nei tho ang che, ka hual na che a rei tawh" A rawn ti duah a, kan nui dun hak hak




Chutia hlim tak a kan inbiak lai chuan ka hnung a Van lo tlan chu ka zawn ah chuan a rawn ding a




A ngaihna hrelo deuh a ka awm lai chuan a kawngkhar chu rawn in hawng in ka banah chuan min rawn pawt ta mai




"Hey engthil nge in tih a, min thlah rawh u, min pui ru" Tiin ka au chiam a, motor tlan van lai a ni kher lehnghal




"Bawihi engthil nge thleng, bawihi" Pathlawia pawh chuan a rawn ti chiam a




"Pathlawi min pui rawh, Douglas, Van dum" Tih chauh ka sawi hman min pawt lut rawk a, ka phone pawh chu pawn lamah chuan min theh chhuah sak ta daih




"Tu te nge in nih, eng vang a min man ve ngawt nge in nih a, min chhuah rawh u" Ka au nghal tuar tuar a, a hnu ah chuan ka nghawng chu a rawn na zawk a, a thim ta hmuk mai






A tawp lam kan hnaih tawh hle mai a🥳


Show post links
Top

[Ngaia]

THENAWM PATHLAWIA

CHAPTER 17



BY Tluangi Sagy Pachuau




Ka mit chu ka meng riai riai a ka hmu fiah thei mai lo ka khaw hmuh chu a phe ruai mai, chet ka tum a ka thei hauh lo, chair ah min thut tir in min phuar bet hi a lo ni a. Chutih rual chuan pen thawm ka hre zawm nghal zat




Ka hma zawn ah chuan taksa ruangam lian zet hi a lo pen phei zel a, ka hnaih tak a a rawn awm hnu chuan a hmel ka hmu chiang thei ta, tu dang nilo in Pu Biakkima (Pathlawia Patea) ngei kha a lo ni




Amah hi chu ka la hmu lo nang in ka u in a thlalak min hmuh tir tawh a ni, ka fimkhur zawk theih nan, mahse hei ka fimkhur seng leh ta lo chu a nia




"Tunge i nih? Engvang a helai hmun a min hruai ringawt hi nge in nih?" Aw ring vak silo chang angreng tak chuan ka han ti a, min chhan pawh tumlo chuan van va dak meuh chuan a nui hawk hawk a, rapthlak ti zet hian ka lo en tlawk tlawk




A duh tawk a nui zo ta maw tih ah chuan "min hriat loh der vel kha a ngai hleinem mami, tunge i nih tih te chu kan hria alawm" min melh ngur chung hian a rawn ti a




"Min hria pawh ni la keiin ka hre ve hleinem che" Ka lo ti khauh a, a nui tawp chiang hle




"Naupang min hrelo ang a awm kha tum hauh suh, engvang a rawn let leh nge i nihh, ka fanu hremna pe turin maw, nge i pa company la let tur in?" A rawn ti vin tuar a, ka lo zawk nghe nghe




Zam duh bik thak lo in kei chuan "eee kha mi duham deuh ka chhungte min thah sak tu kha maw i nih, chuan kei leh zel min thah tum tu chu i fanu a ni bawk a huizz, 'Sial rang in sial rang a hring a Sakâwl in sakâwl'" Ka ti deuh hap a, a thin a rim hmel tawh ngang mai




"Ngawi chip cham rawh, ka that hreh hauh lo che a nia, i chhungte ka thah ang chiah khan" A pistol ken lai a min tih pah chuan vin angreng tak hian a ti a, ka lo nuih hak





"Ti la min that rawh, ka hlau therte lo che thih hi ka hlau reng reng lo, ka chhungte bulah ka awm thei anga a nuam hlei hlei ang chu" Ka lo ti leh hmanhmawh, tawng leh a tum chiah chu a phone a lo ri a, phun hluk chung in a phone chhang tur chuan a kalsawn ta a





Kan awmna hmun vel chu en in ka hawi kual vel a, kil khatah chuan mipa rual hi an lo awm khawm a, motor a min hnuk lut tu te kha an nih ngei ka ring bawk





Mihring hi a lo va han duham theih tak em, mahni ta lo pawh neih tum in leh hum tum in heti tak mai hian an buai a, tual tuah hial pawh an hreh lo chu a nia





Pathlawia kha min rawn zawng tur a a rawn kal ngei ka ring a, mahse a lo thleng har tawh takzet, nge kan awmna hmun hi a la rawn zawng hmulo zawk ni ang




Pu Biakkim a phone hmang zo pawh chu thinrim hmel zet hian a rawn let a ka khabe ah chuan rawn hmer vak in min kuai dak sawk bawk "nang ni ho hian ka company min laksak amaw, engtin nge in ngam zawk" Ka hmai zawn a au vak vak pah chuan a kut chuan ka khabe a dawmna chu a phih deuh sawk





"A lan dan ah chuan ka u chuan kan company mai ni lo in i company thleng in a ni maw a lo lak ni" Nuih hak pah chuan ka ti a, a ni hi hlau ang a lan ka tum hauh lo





Rawn hawi vut in "I u, hah kha i u tehrep khan min bum in kan rinna a hlawh chhuak a, engkim min laksak ta chu a nih hi, a tum ah chuan a hlawhtling chiang e, mahse a ai ah nang a nau hi ka laksak thung dawn che a ni" A ti a a silai ken lai chuan min tin leh




Ka mit ka lo chhing a, thi tur in ka in ring hmiah tawh "nu, pa ka u te u in hnen ka rawn kal ve thuai dawn e" tiin ka phun chhuak sep




Kawngka ri bur ri ka hriat rual in silai a puak a, a thip nghal zawk


Pathlawia leh ka u mangang tak a rawn tlan lut ka hmu a, "man rawh u, tumah an tlanchhuak tur a nilo" Police ho in an tih pawh chu ka hria




Min phuarna chu ka u zawk chuan min phelh sak mawlh mawlh a, Pathlawian a mal chung ah min lo pawm vat bawk
Min au mawlh mawlh a, ka biang te chu an beng leh thek thek thin




"Bawihi min kalsan thianglo a nia, inti harh hram hram teh" Pathlawian a tih ri te chu hla tak a tawng ang maiin ka hre tawh, a hnu ah chuan engkim a thim ta hmuk a engmah ka hriat chhunzawm tawhlo




DUHAWMA (A changtunu U) POV*




Ambulance lo thlen chuan Remruatkima chuan ka nau chu pawm nawlh in a toan chhuah pui nghal thuai a, ka sam tuai pawk in ka zui ve nghal zat




Ka nau hian a va han tuar hnem tawh bik tehlul em




Damdawiin kan thlen meuh chuan ka nau chu mitthi ang mai a ni tawh, a hmel a dang bel a nunna nei hmel hi a pu tawh hlawllo, min kalsan ve mai ang tih ka hlau




Doctor leh nurse ho chuan min lo buaipui vat a, inzaina room ah an nawr lut nghal bawk, an che reng reng te chu an hmanhmawh




"Nu pa, ka nau hi in ngai tawh lutuk a, in hnen ah hruai ve mai in tum em ni, engatinge a nunna hi derthawng tak ah hian a awm bik ziah. Nu ka nau hi in la hruai theilo ang he khawvel a ka neih chhun a nih tawh hi. Lalpa khawngaih in ka nau hi min laksak suh, ka nu leh pa ka unau te i kiangah i la tawh a a ni lehzel hi chu min laksak suh ka neihchhun tak meuh meuh a nih tawh hi" Ka rilru chuan ka ti mawlh mawlh





Matei an zaina room chu rawn in hawng in nurse pakhat hi a rawn chhuak a, Puipuii kha a ni, nichin khan ka lo hmu hauh lo




Ka thutna atang chuan ka tho chhuak vat a, Remruatkima chhuat a vei sek pawh chuan a rawn hnaih chilh nghal ruak




"Thisen a hloh hnem lutuk a, a mil pui kan lo kawl tawhlo bawk nen a pe thei tu tur in awm em?" Hi a rawn ti a, i he lo in ka pek theih tur thu ka lo sawi nghal hmiah bawk




Puipuii chu ka zui nghal vat mutna ah chuan min mut tir in ka thisen chu a la nghal mai bawk, a kut a dam zek lehnghal, a che reng reng chu a lai deuh tut lehnghal a. Ni e, phone ah chuan in be fo mah ila hetiang a in hnaih chilh tak hian kan la awm ngai miau lo a ni




A zawh hnu chuan ka ding chhuak a
"I thisen in i nau ngei nunna i chhanhim dawn a nia" Tiin a ha var rual nalh zet lang chuan min nuih a




Ka melh run run lai chuan min rawn pan hnai in a kut tetakte chuan ka hmai a rawn khawih a "lungngai reng reng suh, i nau chu hlawh tling tak in an zai em em ang, Pathianah i rinna nghat tawp rawh" A ti a a kal leh ta nghal a





Mak tak mai in a mi tawng thlamuanna tawi te khan min ti thlamuang suai suai thei




Remruatkima awmna lam chu ka pan leh a , ka nau an zaina room pawnah chuan a lo vei kual deuh sek a, a rilru mangan tur zia ka hriatthiam pui khawp mai, a chhan chu ka nau hi a hmangaih zia ka hriat vang a ni.




"Ruatkim lo va haw rawh, i fanu in a lo nghakhlel tawh ang che" Ka tih chuan min rawn en zawk a "a pu te inah a awm" Ti nghut in thutthleng ah chuan a thu thla dawt




A luhlul ve zia ka hria, tih luih chu a har ve khawp ang


"I haw a ngai alawm, Pu Sangvunga pawh kha police ho khan an lo va la tawh ngei anga, midang thil awmzia hrilh tur a an kiang a i awm a ngai alawm" Ka ti leh a, a rawn ding chhuak leh vut




"Ni e i ti dik, tinge chutiang ka lo ngaihtuah miahloh" A ti a, mate an zaina room lam chu a hawi vang vang




"A nih ka va haw phawt ange chanchin min lo hrilh ve zel rawh aw" A ti a, room chu va kal hnaih in a phun sup sup eng nge a sawi tak ka va hre thei lo




A hnu ah chuan damdawiin chu a chhuahsan ta a




PATHLAWIA POV*
(A changtunu dam leh hma chu an POV* hi lo in chhawk mai rawh se )



Hmun dang pan hmasa lo in keima in awmna lampang chu ka pan a
Bawihi lo chen tawh na thin a nu leh pa lo ni thin te inah chuan ka lut a, chanchin te chu ka hrilh ve ta vek, a chhan chu kha leh chen bawihi hmangaih tak a an lo enkawl tawh na ah hriat ve an phu ka ti a ni




Bawihi damdawiin ah zai mek a ni tih an hriat chuan a thawng hle mai a
Nu ber chu thutthleng ah chuan a thu thla hnawk a "aww ka fanu khawngaihthlak, i va han tuar nasa tak em" A ti a a tap rawih rawih




A pasal pu Rina chuan a nupui chu buaipui vat in "nu-i in ti pachang hram hram teh, khawnge insiam ila bawihtei awmna hospital ah chuan han kal ve zawk teh ang, bawihpuia te unau kha ka nu te in lamah dah ila" A ti zung zung a




An nu pawh chuan a mittui te chu hru hul in a pasal thusawi thlawp zet chuan room lamah chuan a lut a "Ruatkim chanchin te min hrilh avang in kan lawm takzet e, bawihi awmna aj chuan kan han kal ve ange" A ti a a ni pawh chu room ah chuan a lut ve ta nghal a




Pawn ah chuan chhuak in thawk ka la vang vang a, ka phone a lo rik chuan ka pa a lo ni a, min rawn phone har ka ti tawh zawk ngawt a ni




Ka la chiah chu zawhna a ngah ngei mai min zawt nghal mawlh mawlh a, engmah a chhang lo chuan an awmna ka zawt ta zawk a, ka rin ang ngeiin ka u te in lam ah ka nau te nen an lo va phei diak a ni.




"Ka rawn thlen hunah engkim ka hrilh zawk ang che u" Ka ti a phone chu ka dah ta a




Ka u te in lam ka pan lai pawh chuan bawihi ngawt ka rilru ah a awm a, a vawi 2 nan hlauthawng tak in min siam leh ta, a rawn harh hun a a dam that hunah chuan nupui ah nei nghal in ka venghim tlat tawh ang


Show post links
Top

[Ngaia]

THENAWM PATHLAWIA


CHAPTER 18



By Tluangi Sagy Pachuau






Ka u te in ka thlen chuan ka pa chuan pawn ah min lo nghak a
"Pa tinge pawn khaw vawt ah i lo awm a?" Ka ti nghal vat a, a tar upa ve tawh si a, pawn khaw vawt a awm chi vak pawh a nilo






Ka zawhna pawh chhanglo chuan "bawiha heng thil thleng te hi eng nge a awmzia ni a, i u khan tual a lo that reng em ni?Police an lo kal a i u kha tual that tuah an lo puh a, chuan i patea pawh" A ti nghal mawlh mawlh a





A hmel ka en chuan ka khawngaih takzet, a diklo ti a ka chhan a beisei hmel mawlh chun ka rilru a ti na
Engvang a ka u te khan mi neih rosum it tlat nge maw an nih le, an neihchhun pawh sawn an dam chhung a chawm zawh dawn tehrengg nen





"Pa an thu sawi kha a dik vek a ni" Ka tih chuan a meng phawk vak a, ka thu sawi in a a thaw zia chu a hmel ah chuan a rawn lang chhuak chiang hle
Muang chang in thutthleng lam chu a pan a a thu riai riai....





Kil khat ah chuan ka u nupui pawh chu lo tap in a in hrût ri leh hrawih thin





Ka u nen hian chuti falua in kan innel lo, a chhan chu kan lak atang a a in lak hran em vang a ni, mahse ka haw ta tiha a ni chuanglo a, a nupui fanau te lakah ngat phei hi chuan kan innel lohna kha kan ti lang ngailo,,,, mahse tunah chuan ka haw tawh takzet





Remlala inchung atang a a rawn chhuk thlak chuan Lola awmna ka lo zawt vat a a room ah a mutthilh thu in min lo chhang a, a hmel chu a hlim loh hmel riau lehnghal,,,, sitting roomah chuan thu khawm in kum 20 liam ta a thil thleng te leh tun hnai a thleng te chu ka hrilh ta vek a





"Aww ka fapa, ka nau...chutiang khawp a mi rosum it a tualthah duhna hial rilru pu tur chuan kan harsa ngailo asin mawlee" Ka pa chuan a ti vawng vawng a





"Kum 20 chhung tehmeuh tualthattu ka lo chen pui a ni maw" Tiin ka u nupui pawh chu a lo la tap deuh pur a
"Tunah silai a an kah hliam chu engtin nge a awm zel?" A rawn ti a
"Ka rawn kal dawn thleng kha chuan an la zai a" Ka lo ti ve mai a,,, bawihi chu ka ngaihtuah takzet a ni





Remlala inchung a a chho ta daih chu ka zui chho a a room a kalh loh avang chuan ka lut ve nghal mai bawk
Ka fanu chu a khum ah chuan tui em em mai hian a lo mu bam a




Tukverh lam hawi chuan Remlala chu a ding reng a "i tha em?" Ka han ti a
Min chhang tu an awm lo
A patea ni mah ila thian ang in kan inkawm nasa a min nel em em bawk, tunah chuan a rilru ka hrethiam lo a pa ka man tir avang hian min haw ta viau angem





"Pate" A rawn tih chuan a lam chu ka hawi vat a
"Eng nge ni?" Ka lo ti vat


Ka lam hawi chuan a rawn in her ve riai riai a, a che reng reng chu a chauh hmel in a zawi takzet




"Ka ngaisang lutuk che ka pate, thil tha tak i ti a ni" Tiin min nuih a, a lang ah nui mahse a chhungril nat zia ka hriat thiam pui takzet





"Min hua em" Ka tih chuan a lu a thing mat mat a "teuh lo, pate thil tha tak i ti a ni, i dinhmun angah hian ding ila i tih ang hian ka ti ve thei kher in ka ring lo ka ngaisang zual sawt che" A ti a a nui leh seih





Sawtiang a a nui hmel min hmuh tur sawn a bei nasa viau ngei ang
"Rilru hrehawmna i neih chuan sawi hreh suh, i patea ka nihna ang nilo in i thian ka nihna ang zawk in" Ka tih chuan a thaw hawk a




Ka lam rawn pan phei in Lola bulah chuan a thu thla a
"Hruaitei hian kei tualthattu fapa hi min la nei duh tho angem le?" A rawn ti chhuak ta nge nge a





Nau an keng tawh tih ka hria a, palai pawh zan khat chu an kal tawh nghe nghe, chhungkua an lo in rawn khawm tur thu an sawi a mahse palai kal nawn leh hma in hetiang hi kan boruak chu a ni ta si a





"Pate chanchin hi an hre ve ngei anga, a chhung te pawn min iai tawh ngawt ang tiraw" A tawng chu a ring lo a, hrehawm a ti hle tih a tawngri ah chuan a hriat theih "ka hriat tirh khan ka pa in khatiang thil a lo ti kha ka haw dawn dawn a, mahse min hringtu ngei ka pa a ni bawk si" A ti chuai leh ruih a





A nu leh pa lakah hian suah sual rawng bawl in an bulah awm tlem viau mahse a hmangaih zia ka hria,





"Hruaitei hi ka hmangaih a nupui ah pawh neih ngei ka duh mahse engkim a buai ta vek a nih hi" Tiin a lu chu a dawm ngawt ngawt a, a bulah chuan thu thla in "hrehawm ti reng reng suh, Hruaitei pawn a hmangaih che a nih chuan heng thil te avang hian a neih duh loh phah hauh lo ang che" Ka ti a
Ka thiam ang tawk chuan ka hnem ve a




Ka phone a lo rik chuan Duhawma a ni a bawihi chungchang a nih ka rin avang in Remlala chu thawh san in ka va chhang a "hello"





Lehlam atang chuan "Ruatkim hei Matei chu an zai zo a, engkim a tha vek e aw, a harh har vak loh tur thu doctor ten an sawi bawk a, i rilru i lo ti hah ang tih ka hlauh vang in ka lo hrilh nghal che" A ti zung zung a, hlawhtling tak a an zai chu ka lawm takzet




"Naktuk ah ka lo kal ve dawn nia" Tiin phone chu kan dah ta a, ka let leh chuan Remlala chuan min lo en reng a
"Chalchangi chu an zai hlawhtling em ni?" A tih chuan ka bu zauh





"A ni pawh chu ka hmu ngam tawh dawn em ni, ka pa in a chungah hetiang zozai thil a tih hnu ah hian, min haw tawh viau ang" A ti leh hap a, hrehawm a ti lutuk hi ka khawngaih a, ka u ka huat na a ti nasa zual sauh,,,,




A thil tih ah te khan a ni chuan inchhirna a neih miahloh lai in a chhungkua a nupui leh a fapa chuan heti khawp a hrehawm hi an tuar chu a nia





"Aruati rilru that zia chu i hriat kha, a haw hauh lo ang che, nang te chu a thian tha tak i nih thin kha" Ka ti leh a, engtia han hnem tur nge pawh ka hrelo





"Enteh mipa i nih kha, khatiang in i inti hrehawm tur a nilo, Hruaitei nen chuan in inbe tawh hrim hrim em?" Ka tih chuan a rawn call thu leh a chhân ngam loh thu a lo sawi heu mai





"Engah nge chutiang a i lo tih, call let leh vat rawh" Ka tih chuan "mahse pate inneih a duh leh loh thu rawn sawi ta se" A ti a
A hnung ah chuan ben thuk thuk pah hian "eng ang thu pawh dawng dawn ni la i ngaithla ngam tur a ni, mipa i nih kha khatiang khan nep ber ang in awm suh" Ka lo ti a





A khum sir dawhkan a a phone awm chu a ban riai riai a, a hmet nghal nuap nuap, a phone chu a bengah a dah nghal bawk "i lo call ami?" Te chu an ti khaw mawi ve ah




A hnu ah chuan a ngawi vang vang a, lehlam in a thil sawi chu ngawi reng in a ngaithla a "maw?" A rawn ti thut, a la meng phawk em em zui
"I ti tak tak a mi a?" A tih leh lai chuan a hmel ah hlimna ka hmu thei





Va kal hnaih in a phone chu ka laksak a loud speaker ah chuan ka dah a
Hruaitei chuan "mi mawl ka hmangaih che ka tih kha, khatiang vang mai mai in eng nge ka neih loh phah ngawt ang che, khatiang thil tullo ngaihtuah ai kha chuan kan inneih hun tur te kan naute te hi ngaihtuah zawk rawh bakah i pa ka nei dawn pawh a nilo a nangmah a nia ka neih dawn che, ka pa te pawn an iai phah reng reng lo che,,, â leh lutuk" A rawn ti hlak hlak a




Nui vur vur chung hian Remlala chuan
"Awle awle ka hria e" A ti a a hnu ah chuan a dah ta a
Min rawn en in min nui vur vur chung hian "a raino thin chhiat lai a nia, a duhawm tiraw" La nui reng chung chuan a ti a, a, phone chu a bih leh ngur ngur a, a nui chhuak leh hak thin tunah chuan a hlim hmel tawh takzet




A rilru kil khat ah erawh chuan a pa chu a awm ve reng ka ring tho




A tukah chuan Lola chu hruai in damdawiin lam ah chuan kan pafa in kan kal dun a

"Apa mommy bulah kan kal dawn maw" A tih chuan kan kal dawn thu in ka lo chhang a, a hlim hmel ngang mai
Khang a awm loh chhung zawng hian Aruati kha a ngai thei em em a, thenawm ah te khan a mah ten a lo va kal fo thin, mahse a hmu ngai silo a, beidawng deuh hian a lo haw leh thin




Bawihi room kawt a lo thu te ka va hmuh chuan ka nui suk, an inkarah sawn engemaw tak chu a awm alawm, nizan ah pawh an in melh danah khan ka hrethiam daih tawh





Kal kal tih an hriat chuan an lo ding dut vat a "in cahnce nei lai ka lo ti buai em lo che u chu maw" Ka tih chuan Duhawma chuan min signal zeuh zeuh a ka nuih a za hle, a bul a hmeichhe lian lem lo tak ding lah chu a lai tih hriat tak in a ding zum zût lehnghal a





"Bawihtee mommy awmna ah lut ang aww" Tiin bawihtei chu ka pawm lut daih a, bawihi kum a a mu bam ka hmuh chuan ka lainat takzet, venhim ka duhna a nasa zual sauh bawk




"Apa tinge mommy hi hetiang ah hian a mut ziah a" A tih chuan a dam that loh thu in ka lo chuang mai a, hman a damdawiin khum a a mu lai kha a la hre reng a ni ngei ang




Khum bulah chuan ka nghat a, Aruati khum ah chuan a lawn kai nghal zat "bawihte fimkhur rawh mommy kha i ti na hlauh ange" Ka tih chuan min chhang lo in a kut tetak tee chuan Aruati hmai chu a tuai sak a





"Mommy lo tho vat vat rawh, ka ngai tawh lutuk che a nia, infiam pui tur pawh ka duh apa pawn a ngai tawh che a nia" A ti reuh a, a thil sawi lai chuan mak ti deuh in ka fanu chu ka melh





Engtin nge khatiang sawina chang kha a hriat zawk ni




"I mawl thei emmai aw Ruatkim i tih zah zia kha i lo hmu em, i luh hnu khan a kal nghal daih alawm" Duhawma chuan a rawn ti lut lung lung a
"Ka va koh sak leh mai dawn che em ni" Ka tih chuan
"Fiamthu thawh teh suh" A ti hluk a
Kei ka lo nui huah huah thung


Show post links
Top