THENAWM_PATHLAWIA BY Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

THENAWM_PATHLAWIA BY Tluangi Sagy Pachuau (Completed)

Unread post by Ngaia » October 16th, 2022, 7:20 pm

91tjs685.jpg
THENAWM PATHLAWI-A

CHAPTER - 1


BY Tluangi Sagy Pachuau




"Designing ka zir e te i tia, i zir zawh atang in kum 1 a liam leh tawh, i hmang tangkai leh chuang silo, ti hian i awm mawl tawp ringawt mai a" A bai chhuan lai chawh mawlh mawlh pah chuan ka nu chuan a ti a.




A sawi dik lo chuang lo, mahse inah ka tangkai ee




Chhan pawh chhang lo chuan salad tur tomato vel chan pah chuan pasaltha thawnthu chu ka ngaithla a, ka nui leh hak thin. "Ka sawi chu i hria em Lalruattluang" (Ka hming tak tak aw🤭) tih pah in ka lu ah chuan a fianpui ken lai chuan min khawng fawk.




"A naa nu i fanu hi min dim lo fawk fawk thei lutuk" Ka lu tuai vut vut pah chuan ka ti nang nang "aw i phu tawk chiah a nih kha, i zir nan sum kan seng a, hna thawh i tum leh mang silo, i thil zir i chhawrlo emmai" A ti leh tawn tawn....





Ka nu hi chu han ang tawn tawn in min hau vak vak pawh ni se thinrim a min hau a nilo a min hmangaih vang zawk a nia huat en ah pawh ka en lo.... Mahse hna chu ka duh vang reng a thawklo pawh ka nilo




"Hna te chu ka dil ve bawk thin alawm, ka tlinglo zel a nih kha"


"Hna dil ringawt lo hian dawr te siam la" A tih leh chuan "Naa dawr siam ringawt pawh hi a nilo, tunlai ah dawr siam an tam tawh kei ai a thiam tak tak, bakah tuman min la hmelhriat ve bawk silo chhungte thuamhnaw kan thui tlut tlut anga a man pangngai in min pe leh lo anga laina rate an ti zel anga, ka hlawk dawnlo lutuk" Ka ti zat zat




"Bakah maw nu lo lungngai suh LOLA FASHION COMPANY kha i hre ve em? Khatah khan dilna ka thehlut a naktuk tuk leh khian interview kan nei dawn alawm" Ka ti leh nghal zar




"Kha kha a nia kan Lalruattluangi ve hi chu nu leh pa neilo ang mai a mah hian thil hi a lo ti ve pawp pawp a mi rawn.... " A sawi zo hman lo pawn lam a truck thawm a hriat chuan a chhuak vat a fianpui lah chu a la keng tel zel lehnghal a




A hnu rei lo te ah chuan lo lut leh in gas chu a rawn off a ka pa room a awm chu a ko nghal zat "Pa-a saw thenawm thar tur chu a rawn thleng a nia kan va chu e kha dawn em ni" A tih chuan ka pa pawh chu a rawn chhuak a pawnah chuan an chhuak dun leh ta a...





Ka thil chan lai chu chan sawk sawk in ka zawh chuan tukverh ah dak in ka va bih ve a, Car atang a rawn chhuak ka hmuh chuan ka mit a la nghal chat, hmundang ka melh thei tawhlo hrim hrim




A hmeltha lo tih phal chi rual a ni lo, a hmuihmul leh khabe hmul buk lutuk ni silo a a zuah te chuan an ti lang pa ngawih ngawi vun ngo hluak ti a sawi tur a ni bawk silo... A hnar ngul lah chu tribal hnar nilo hial a mawi a ni, mahse a mit meng chu a ram lam mah chu a ni




A car chu kal hual in lehlam kawngkhar chu a va hawng a, a che tlai lai chu ka en reng. A chhung atang chuan hmeichhe naupang kum 2 emaw kum 3 emaw bawr vel tur hi a rawn pawm chhuak a, nupui a ni tawh a ni ngei ang, chu naupang lah chu a fanu a ni tih hai rual loh in an la in ang em em zui




Nupui leh fa nei ni a ka hriat na chuan min ti hnual ve em em ringawt.... Ve leh ringawt zel hian ah




Hrim hrim ah thenawm in leh ram saw engtik lai in nge an lo hralh reng reng ni. Ka pa hi in rohsan tawh leh a neitu ten an insawn chhuah duh vang a an luah duh tawh loh te hi tlawm te in a lei a thuam tha in a chei a, a aia to in a hralh leh thin... Chutiang chiah chuan thenawm pawh saw a ti a ni..





Ka nau te pahnih zawng tur in ka chhuak a, ka rin ang ngeii in kan veng Children Park ah an unau hnih in an lo awm leh tawh, ka nau te hi tar lam fa an nia kum 13 lai in kan in thlau, phir mipa leh hmeichhia an nia, an harh a an harh dan em em chu(h) Engkim ah an inthurual em em mai lehnghal a




Ka nu hian thuawmhnaw dawr lian ve tawk tak a nei a, keipawn ka hman chang chang in ka pui ve thin. Ama tawkah a buai ve thin em avang in ka nau te enkawl leh in chhung enkawl hi chu ka kut ah ka dah tawp a, mahse hna ka lo nei ve te a nih chuan loh theih loh a awm pui kan lak ngei a ngai ang
Mahse ka nau te erawh nau awmtu lak ka phal chuang hauh lo...




In thlen hnu in ka ti fai dun a, kum 8 lai an ni ve tawh a bawlh fai kher an la phut thin, mahni a in tih fai chu an tumlo ve khawp a ni




"Ka khawngaih reuh ngawt mai tikhan amah chauh in a fanu kha a enkawl dawn chu a ni si a" Ka nu chuan a rawn ti lut bawrh bawrh a "nu tumaw?" Ka lo tih chuan "Thenawm thar saw mawle, a nupui nen an inthen tawh a, a fanu lah saw nu mamawh rual lek a ni bawk si awi keizawng ka khawngaih emmai" A ti kur deuh nguai a.. Hmm in la mizo film thei lutuk mai a




Patlawi a ni tih ka hriat na chuan ka thinlung ah chhimbal a zam tir, ka lo lawm ve em em ringawt, ka thian te ka hrilh chak tawh lutuk, Pathlawi, hmeltha leh pian nalh bawk si kan thenawm ah a rawn in suan lut tih sawi ila chu dawt ka sawi leh amaw an ti ngei ang




Ka nau te homework ka tih pui zawh hnu in ka mu nghal a, kan thian ho group ah chuan "Thenawm hmeltha deuh kan nei" Tih hi ka va thawn a, hmeltha lawm tih tak ah min rawn zawt leh nghal sup sup "Patlawi lehnghal mawle" Ka ti chiah chu group video call a rawn lut nghal




Hruaitein "a thlalak i nei em ka hmu ve chak a nia" A rawn ti a Mary'n "I story chhiar te leh i suangtuahna te hi a tak emaw ti tlat thin suh, chutiang mipa perfect in thenawm ah a rawn awm lull lo ang" A rawn ti zek.... Han hmu ve chiah se chu a that na in an thinlung ah chhimbal a zam tir ve ngei ang





Ka room kawngkhar in chum dawt dawt ah chuan ka harh chiang hle sana ka en a ka rei a lo tlai tawh lutuk ringawt, ka nau te school ah hruai ka ngai a sin




Kawngkhar chu ka va hawng vat a ka nu a lo ding zuar mai "Tinge i va tho har ve i damlo em ni" Tiin ka chalah a rawn dek a... Ka damlo amaw a ti chu a awm ve tho mai tiang ang hunah hian tho ngai heklo




"Dam ee, nizan ka men rei vang mai mai" Ti a ka chhan chuan a thaw deuh huai a "Nidang ah i tho tlai ngai silo a ka ngaih i ti thalo alawm i damlo amaw ka tia" A tih chuan ka lo nuih ringawt




"A hrim hrim ah vawiin kha in interview hun tur i sawi kha a ni lo ami" A tih chuan ka lu thing mat mat in "naktuk" Ka lo ti vat




"Khawnge i kal dawn" Tiin a inthuamna kawr dum leh pawndum a bih chu ka thlek zauh a "I pa thianpa a hna thawh pui thin Saikhamakawn ami a boral a kan va kal ve ange" A ti a ka nau ten min nghah tawh thu sawi in a chhuk thla nghal a




Keipawh chu khawmuang tawhlo in ka in ti fai zung zung a ka nau te chu ka va thlah ta a




Ka nu te pawh an kal tawh aniang ka let leh chuan inchhung a lo reh ruih tawh dawhkan a lehkha ka hmuh chuan tihian a lo inziak a "In i tihfel zawh ah dawr ah lo va kal rawh aw bungrua a lo thleng dawn a naktuk interview na a i hak tur pawh i duh ber i lo la mai dawn nia, ka lo sawi theihnghilh daih a" Ka nui sak




Tunlai ah khawvel a changkang tawh a, a tu mai pawh in smart phone an hum fur tawh ang tih tur khawvel ah kan cheng a, duh duh in thil a in hrilh pawp theih tawh a ka nu erawh chu a la heti bik tlat zel





Ka nu sawi ang chuan dawrah chuan ka va kal a, mahse ka kal in awmzia a neilo khawp mai bungraw thleng vel pawh an lo ti fel vek tawh.... Ka nau te school ban hma chu ka awm ve ta reng a... Dawr pawn lam a ka mi hmuh avang chuan ka phu zawk... Pathlawi-a.. A hming pawh ka la hrelo... Coat suit ha in a in duang zarh a, a chhelo leh pek hle, a kal liam thleng in kan thlek zui hram kha





Ka nau te school bang ka hruai hnu in eirawng ka bawl malh malh a, bawl tur erawh a tam vaklo tukin khan ka nu in a lo bawl lawk vek tawh a ka hahdam phah phian..




"Au infiam ang u" Sofa a ka thu lai chu ka nau te chuan min rawn pawt tho a, ka zui ve mai, kawt zawl ah chuan ball kan pet a nuam kan ti tlang hle. Chutah Bawihpui-an a rawn pet chiah chu ka lo inring lo leh a lo pet sang ve bawk nen thenawm te inkawtah chuan a sawt phei auh auh a...




An ni pahnih lah chu "ka tui a hal lutuk" Tiin inchhung ah an la lut daih zui ah, phakar thiam dun lutuk mai




Thenawm te in leh kan in inkar ah hian tui luan kawr zau ve tak a awm avang hian kan mai theih a ni bawk silo, an in kawtah chuan ka va phei a, gate lah chu a lo in kalh tlat mai bawk si, ball awmna chu zawng in pawn lam atang chuan ka bih kual dek dek a





"Eng thil nge i tih a?" Aw thum chhak in a rawn tih chuan ka phu chiang lutuk chuan gate chu ka nek deuh rawk rawk "i mawl ami min ti phu nasa lutuk alawm" Vin angreng zet a tiin hnung lam chu ka leh hawi a




Kan pathlawia lek chu lo ni in tukin zing a a coat hak kha a ha tawhlo a, Coat suit tho a var lei rawng lam lek lek chu a ha a, ka sawi lo theilo a inhmeh hlee a ni.a coat chhanah pawh chuan a pian nalh zet chu a lang chiang hle




A kut ding lam in a fanu chu a pawm a, a mitneng lian zet chuan min lo la melh kiau a min nuih sen sen zui ah





"Eng thil nge ka in kawt ah hian i tih ka tih chu?" A ti bung leh nghut a... Ka harh chhuak zawk "ah.. Ahh. Englo i inkawt ah sawn ball kan lo ti lut palh a" Ka ti bah deuh nawk nawk




Engvang teh hrep a ka aw chu khur nge a nih pawh ka hrelo, ka hriat zawng chu a mi uap a na em em a chu chuan min ti zam hle tih chu a ni





"Engpawh chu ni se i lo kalsawn thei angem kan kawng i dal a naupangte" A tih chuan ngei zet in ka en, in la polite reuh lutuk mai, engmah sawilo chuan ka kalsawn ve mai bawk a





An hnungah chuan ka zui lut a ka ball chu la in chhuah leh mai ka tum a, mahse gate bul ah chuan ding leh in
"Naupang chu ka ni tawh biklo a nia aw, nula puitling kum 21 lai ka ni ve tawh, chuvang chuan naupang chu min ti tawh suh ang che ka pu" Ka ti ve deuh hmak... Ka sawi hrelo ang hmak chuan a la lut nal nal zui ah





*NOTE*

A KHUHHAWNNA CHIAH A LA NIA ENG NGE A AN DAWN AWM COMMENT NA AH KHAN LO SAWI RU AWW

MUTTUI VEK U🥰💞


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2022, 7:20 pm

THENAWM PATHLAWI-A

CHAPTER 2

BY Tluangi Sagy Pachuau




Interview tur a ka kal Company ka thleng chu mak ka ti ngang mai, kei a smart thei ang ber a in dress in coat suit nen ka in duang zuarh a, an ni lah chuan an taksa chhuang tak in thawmhnaw thehlep tak an ha a, ka kalna hi a diklo amawni aw ka ti hman lek lek a ni.




An zingah chuan ka danglam fal nalh a, min ti zam angreng zawk, sawtiang a in dress tur tih thu chhuah a awm awm pawh ka hre bawk silo, ka inchei danglam bik vang ringawt pawh chuan ka tlin loh ka ring nghal burr




Ka hun a lo thlen chuan hreh tak chung in ka lut a, ka mi hmuh avang chuan ka ding chawt. A ni, hetah maw, engtin nge sawtah sawn a lo thut ve ringawt theih, he company-ah hian a thawk ve tihna em ni, a ni pawh chuan keimah ka ni dawn tih a hre lawk biklo a ni ngei ang min melh ve ngur mai....




Ka chal beng thak thak in in(house) lam pan chuan ke in ka haw hnak hnak a, mihring fanu hi a lo va han fin var loh theih tak em, engtin nge hna ka dilna Company neitu pawh ka lo hriat loh theih "Lalruattluang i va han mawl chhah tak em" Tiin kawng sir a thingkung ah chuan ka in tauh dawt dawt.




Pathlawia lah khan midang in zawhna min zawh sup sup lai in ngawi reng in min lo melh kurr a, ka zam chhiat zawh vek phah lehnghal. Ka thingkung tauh lai a dup sawt ni a ka hriat chuan ka meng vat a, mipa kut tih hriat tak hlai pui ka chal zawn a awm chu ka hmu nghal....




"Tikha chuan thingkung in na a ti lutuk anga sin" Ti tu lam chu ka hawi a, min lo nuih sen sen.... A van hmeltha ve, a la nui mawi em em zui, kei aia a upat na a tam hauh lo ang... Mahse pathlawia chu a tluk leh chuang miahlo,,, huizz keihi pathlawia ni lo Douglas Remruatkima zawk mawle..




Haha Douglas tih chu class 12 english zirlai bu ah pawh khan a awm, interview lai a a hming an sawi pawh khan ka nui phuh tep a ni...



"A tawng theilo amawn le" Ti a kal nal nal chu a thil sawi awmzia ka hriat ve chauh avang chuan ka au zui vak.... "Hey lukir thingkung ti na tur khawp in ka lu a chang lo aw" Ka ti vak... A kut a la rawn phar zui hram ah,,, nghal reuh lutuk




In ka thlen chuan khua a thim chhulh tawh, ka nau te school bang ka hruai hman lo chu ka in thiamlo hle, mahse vawiin interview ka neih miau avang in min lo hrethiam hlawm khawp mai




Inbual pah te chuan vawiin a ka chet chhiatna ringawt te chu ka ngaituah a, ka te leh vak thin
Aaa,,, ka chhe vek ta, khati phei kha chuan ka tlinglo chiang viau ang, interviewer dang ho lah kha an chhelo in an stylish hmel bawk si, khang 100 chuang a 10 thlan chhuah tur ah kha chuan ka tel ve hauh lo ang




"Bawihte i interview na te chu eng nge a an a, i tlin te i inring ve em?" Chawi ei lai a ka pa in a tih chuan ka nu zawk chuan "Keichu beisei lo tihsan vak pawh ka duh tawhlo, company 6 in an hnawl tawh a, amaherawh chu a vawi 7 na tal hi chu tling ve hram se ka ti khawp mai, bawihte i tlinglo a nih leh chuan dawr chu i siam daih dawn nia" A lo ti zat zat a




"Au 7 te chu lucky number alawm tiraw" Ka nau hmeichhia zawk in min nuih sen sen a a rawn tih chuan ka lo nuih let ve vat



Ni e, ka nu sawi ang hian company 6 laiin min hnawl tawh, mi tamtak chu ni se ka thiam tawklo a ni mahna tiin mahni in rintawkna an hloh phah tawh hial ang... Mahse kei chu ka tlin loh chhan ka hria a, mahni in tih hnual ka tum lemlo, hnual a hnek in ka thin a rim em em zawk




Tunlai ah chuan sawipui tu neih that hi a lo hlu a ni mahna, sawi pui tu an neih that pauh leh hna an hmu hma a ni mai a, designing ka zir lai a ka zir pui thiamlo ve tak tak te pawh khan hna an hmu vek tawh,,,,



Keichuan an ni kha ka dem hauh lo, chu ai chuan an thiamna pawh en lo a sawipuitu an neih vang chauh a la tu company te kha ka dem fe zawk, an company hma hun aiin sum leh pai an thlang zawk a nia




"Bawihte kha thenawmpa kha chawhmeh hi va suah ve rawh, chaw a la ei tawp lo ang amah chauh in a ni bawk si" A tih chuan ka nur nang nang, ka va han kal peihlo tak




"Hemi te pahnih hi tir mai laa" Ka nau te pahnih kawh pah chuan ka ti a, "an harh thit thet si a in an thlen hma in an ti baw mai ang, bakah puitling i ni tawh a kan hnen atang a in saw lei a nia a nawm leh nawm loh te pawh i zawt ang chu" A va han tul kher kher lo tak... Ka va zawt dawnlo chiang ber,,,, chawhmeh ka pe ringawt anga ka haw leh nal nal ang




Container a chawhmeh a dah chu la in Pathlawia in lampang chu ka va pan a, ka va han hmu hreh tak em, vawiin lah khan ka che chhe bawk si.... A gate a in kalh loh avang chuan a haw tawh a ni phawt angah... A hna kal hlan khan a fanu engtin nge a lo awm ang tih chu a ni ka ngaihtuah daih ni




Doorbell chu ka hmet ri tlang tlang a, inchhung a pen thawm ka hriat te chuan ka thin an phu dup dup, kawngkhar a rawn hawn chuan chawhmeh chu pe sawk sawk in "ka nu in va pe rawh a ti" Ka ti a kal leh mai ka tum chu ka kawr nghawng ah chuan a lo man bet, ka ding nghal chawt..




"I va mawl ve min reh hlum i tum ami" Insum hman lo in ka vin leh tuar ka hmui ka hup leh rang khawp mai, mahse ka sawi zo vek hman tawh, uiii ngatinge hetiang a ka awm bik reng mai le, ka unlucky day a nih hi




"I chawhmeh rawn ken na hi ka sil chhung lo nghak rawh" Ti nghut in a lut nal nal a, inthlahrung deuh in ka zui lut ve a bang a naute thlalak lian ve tak in tar chuan ka mit a la chat a ka va kal hnai vat...




"Eima tet lai a nih kha" Ti tu lam chu ka melh chhuk a, Pathlawia fanu chu ka bul ah lo ding in min melh leh run, chutah a kut a rawn phar chhuak a, "min pawm rawh" A tihna a niang chu tiin ka pawm kang vat...




"I tet lai hian i va hmeltha ve, mahse tunah hian i hmeltha daih zawk" Tiin a biangah chuan ka piai a, a lo nui khek tuar tuar, a nui hmel te chu a tha in a cute takzet... A pa lo ang tak in a nelawm khawp mai...




"Kha i container hi la la haw rawh" Ka hnung lam chu ka hawi vut a, container keng chuan a lo ding zuar mai, "e,, ee aw,, awle" Tiin naute chu ka dah thla a ka chhuah dawn chuan




"E chuan ka nu ten i in chu eng nge a an lo zawt rawh min tia" Ka ti leh, ka zawt lo ang ka ti viau nang in ka zawt ta tho, "A nuam"
A lo ti bung nghut... Min melh leh tawhlo hrim hrim.. Nelawm loh leh lutuk mai, be chhunzawm tawh biklo chuan ka haw nal nal,




Khatiang a mipa nelawm loh lutuk khan engtin nge fanu fel deuh a neih theih ni...




Ka hna dil ah ka tling tih min rawn hrilh chuan ka awiloh na leh ka lawmna chu a in chen reng,,, khati khawp khan ka tlin ka in ring tawhlo a, ka tling tih min rawn hrilh chuan min ti hamhaih letling zawk...




"Pa ka tling, nu ka tling a nia aw" Tih vak vak pah in inhnuai ah ka tlan thla a ka nu te room ah chuan lut in an khum ah ka zuang tawr tawr "khawmaw khawmaw rawn chhuk teh khum i zuan chhe mai anga sin, i nau te ang rual lek khan khawsa thin suh" Ka nu in a tih hlak hlak chuan ka thu tha a.... Ka nu chu kuah in




"Lalanu thin hi aaa,,, mi hauh chiah thiam mai, i fanu hi ka hlim ve a nih hii" Tiin ka in sawi pui hluau hluau a, ka nu pawh chu a nui tawp,,, "ka lawmpui lutuk che ka fanu duat lai fanu hna nei kan nei ve ta che a ka chhuang lutuk che" Tiin ka biang ah a rawn piai vak... "A naaa" Ka lo ti tuar..




"Le,, duhtawk ula bawihtei hna nei i lo ni ve ta a, puitling tak in awm tawh tur aw, naupang chhia tak a khawsak te kha sim tum la" A tih chuan ka lo bu nghat nghat "chuan hna i neih ve tak avang a lawmthusawi tawngtaina kan nei ange, i nau te kha han ko la" A ti a...tawngtaina chu a nei ta nghal a


_____________________


Hna ka tan na ni hmasa ber ah chuan ka zam ngang mai, higher kan kal pui thin ka hmuh chuan ka pan vat a, a ni pawh chuan min lo hmu ve bawk...




"Ehee engtin nge tah i awm theih? I thawk ami?" Ka tih chuan a thawh thu leh CEO secretary a nih thu in min chhang a, mak ka tih rual in ka lawm pui bawk, a chhan chu higher kan kal lai kha chuan chhungkaw harsa ve tak kha an ni thin miau a




"Engtin nge ka tlin theih zawk le, i hre lo maw ka che chhe ropui sia interview lai lah khan" Ka tih chuan a rawn nui hawk hawk a, khami ni khan a awm ve a nih chuan a mit thla let a ni ngei ang




"Ka hrilh che tih sawi miah suh, khami ni khan CEO vang chauh a rawn kal an tam lutuk a, an thuamhnaw te kha i lo hmu ve em?" A tih chuan ka bu nghauh nghauh, ni tak e keipawn ka kalna ka hai amaw ka tih hial kha mawle"khang te kha a mit lak nan a an tih vek a nia huizz zaklo hlawm lutuk mai" A ti hap a...



"Chuan ka tlin theih dan chu?" Ka lo ti leh hmanhmawh
"Khang mi tamtak zingah khan nang chuan kan CEO kha tunge a nih pawh i lo la hre ve lo a, a awmzia chu a mah vang a rawn kal i ni lo tihna a nih chu, chu mai bakah i inthuam dan te kha a zahawm in hna dil tur in dress dan tur dik tak a ni" A tih chuan ka lawm hle




"Interview endiktu te pawh khan i chhuah hnu khan an nuih nasa mai che" A tih chuan ka zak leh hnuhnawh hle, ka biang a rawn sa hat hat... "Keinin vanduaina a kan ruat a hmangaihna lan tir tu" Tih chu ka rilru ah a rawn lut vang vang,, haha




Mi 10 an thlanchhuah te chu team 2-ah min then a, Designing team A leh B ah min then a ni..




Kan hma lawk a competition lo awm tur ah khian kan model chhuan vawr hian eng nge a hak ang tih chu kan inel na tur a ni a, kan ni hmasa ber atang chuan kan buai nghal map map hle




Tuna competition awm tur hi company tan hmasawnna lian tak tur a ni a, ram dang nen a contract sign theihna hial a nih avang in kan tang hlawm hlee bawk a, kan ko a tla chu a namai loh zia kan hre chiang hlawm hle bawk




Team leader neih ngei ngei a ngaih avang in ka teammate te chuan leader atan min ruat a, hnial ve sateh mah ila kei ai a an upat thiau avang in ka hnial hneh ngang lo, "keini aiin i tunlai zawk anga thiam thil i nei tha zawk ang" Min tih tlat vang a ni...




Nikhat chu CEO in kan hnathawh tawh te a en duh avang in Team A leader nen a office ah min ko a, Team A lam chuan an design chu a en tir a, tha a ti hle aniang a bu nghauh nghauh a "i lo va chhuak thei ang" A tih chuan a chhuak nghal a..




Kan design ka en tir ve lai chuan
Rum ul hian a en a, a hnu ah chuan file chu dawhkan ah chuan a nghat ri chawrh a ka lo phu zawk... "Engtin nge Team A nen khan in design a inang theih" A ti vin hrawk a, a hlauhawm takzet..




"Maw,, maww engting nge a nih theih" Tiin a dawhkan a file chu ka va en ve a , nilo a lo inang chiah chiah a nih chu a colour te thleng chuan a inang vek,,,,, beidawng zet hian Pathlawia chu ka han en a, rum zet hian min lo melh chhuk run...




"Naktuk ral hma in design dang ka dawhkan ah hian ka hmu hman tur a ni ang"ti nghut in a chair ah chuan a thu a, " Nilo sir, khami design tur ringawt pawh khan a kar chuang kan hmang a ni a, nikhat lek" Ka sawi zawh hma hma chuan "ti tur a ka tih ang che chuan ti mai rawh, mi design copy hi thil thalo tak a ni" A lo ti nghut a




"Nilo ka copy reng reng lo, keima kut chhuak ngei a ni asin" Ka tih pawh chuan a ngaithla duh tawhlo a kut zaizir chuan chhuak tur in min ti a, lehkha vel chu a en nghal mawlh mawlh... Engtin nge kan design te kha a in an chiah chiah theih?




Kawngkhar ka thlen tep chuan "a tul chuan i tlaivar mai tur a ni, i team te dinhmun hi i kut ah a in nghat tih hria ang che" A rawn ti leh a "awle sir" Tiin ka chhuak nghal nal nal...




Engtin nge kan design ang chiah chiah an lo neih theih....ka rilru a buai map a, thuamhnaw dang design leh nan chuan hun a tlem tawh bawk si, ka tah a chhuak ngut ngut tawh...




Ka nu te chu phone in zan ka haw theih loh tur thu ka sawi a, a chhan erawh thu dik tak in ka chhang lem lo, min lo ngaihtuah viau ang tih ka hlau a ni...




Zan khua a thim tawh hnu pawh chuan hna ka la thawk reng a, ka team te erawh inchhung ah mi pawimawh tak vek an nih avang in ka inthlahrung bawk nen ka haw tir ta kha a nia, zingah hma tak a an lo kal tur thu in min thlah thlap bawk...




Ka awm chhung zawng chuan Pathlawia a haw awm ka hrelo a, ka phone a rawn rik chuan *Pathlawia* tih hi a lo lang kalh, ka lak rual chuan "Coffee ka duh" A lo ti nghut... A la awm ve tak tak a ni awm ee




Hnial buai lo chuan a coffee tur chu ka va pe vat a, ka sawi hmaih loh tur, CEO hian room pahnih a nei a, top floor a CEO office leh kan room piah ah sawn a ni.... Hna thawh nan a hmang ve thin a ni..





Damdawi in chi hi min lo pe a "i chau chhe lutuk tur a veng ang che" A tih chuan mak ti deuh in ka en ha, engvanga min ngaihsak ta em em nge maw a nih le, nidang a a mizia nen chuan inang lo tak a ni




WHATSAPP LAM KHAN LO COMMENT THEUH RU AW A HNUAI A LINK AH HIAN,,,, 🤭KA PHUT SANG BIK TEH CHE U A NIA

https://m.facebook.com/groups/991354610 ... 625258219/


MUTTUI U🥰💞


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2022, 7:20 pm

THENAWM PATHLAWI-A

CHAPTER 3

BY Tluangi Sagy Pachuau



Pathlawia damdawi min pek chu ka tlak pawp a, ka ner nghal nawng nawng, a va han tuilo tak, kan tet lai a nghapuithau kan ei thin ang mai kha a ni, kan tet lai kha chuan tunlai ami ang hian damdawi mum ang in awm ve heklo, a thang sia a va han tuilo thei tak




Zan lai pelh thleng chuan ka thawk char char a, ka thuamhnaw design lah chuan duh thu a sam thei mawlh lo, ka mut lah chu a chhuak tawh ropui mai si, a tawp a tawp ah phei chuan ka lo chatthla ta nge nge a




Ka harh leh chuan khua a lo eng uarh tawh a,puan ka lo sin bawk,
Ka en chian chuan , nilo heihi puan a ni reng reng lo mipa coat a nih hi, a lan dan ah chuan nizan a Pathlawia coat hak kha a nih hmel khawp mai ka hnim vang vang, "Pathlawia rim" Tiin ka nui sak




Lawk a ni hi nizan khan haw lo in a awm tlang ve ringawt amaw ni le, a nih chuan a fanu engtin nge a awm ang le. A coat pek tum chuan top floor ah chhoh ka tum a, chumi pah chuan ka design hi eng nge a an tih entir hrim hrim ang tiin ka dawhkan a paper chu ka la a...




Ka thil hmuh avang chuan ka meng kawk, hei chu nizan a ka ziah nen kha chuan a in ang tawhlo hrim hrim.... A dang hlak in a mawi daih zawk bawk, Nazanah pathlawia nen chauh kan awm a, a nih chuan ama lo ziah tihna em ni ang..




Kawngka chu ka kik karh karh a, lut tur a min tih chuan ka lut vat, "sir ka lawm lutuk i coat min sin tir avang in" Tih pah in coat chu a sofa ah chuan ka dah a..... A lu a lo bu nghut ringawt...




"Chuan kha hei design kha a ni bawk a. Sir, kha kha nangma lo ziah a ni mial em? A nalh tawp" Ka tih chuan "engvang in nge kei ka lo inrawlh ngawt ang, in team inelna alawm" A ti nghut a, design pawh chu a lo la ve mai




"A nihchuan ka Fairy Godmother in ka harsatna a hria anga min pui a ni ngei ang" Ti a hlim deuh a chhuah ka tum chu a nui hawk ri ka hriat chuan ka hawi let leh "eheee sir i nui ve thiam alaw?" Kan ti pek ah, a nui tawp chiang asin aww.... "Chhuak rawh" A ti bung nghut. Ka kâ hi ka veng hman thin lo, a nui ka vawikhat hriat na a ni miau a




Kar khat a liam leh meuh chuan competition ah kan team kawr design hmang ngei chuan kan chak ta, kan hlim takzet a ni kan team in a lawmna pawh neih ngei kan tum bawk...




"Coffee ka duh" Min kal pelh pah a CEO in a tih chuan ka ngei hle, secratery pawh a nei ve reng a, kei kher min tir thin hi chu ka ngei takzet a ni, buai lai lai te hian min tir ziah a, CEO a nihna ah ka hnial ngam bik silo




Khawnge vawiin chu kha deuh in kan siam sak ange,,,,,min siam tir thin hi sim rak tur khawp in kan siam ange...



Ka va pek a a in lai chuan engtin mah a awmlo, kha ti ang pawn a awm lo, "A tui em" Ka tih chuan a bu nghut nghut "awihawmloh emai aw" Tih pah a kan in ve chhin chu ka khuh nghal bawrh bawrh, a kha lutuk ringawt, engtin nge kha tilo awm ang tak khan a lan theih... A rawn nui chhuak hawk hawk




A nui te thleng hian ka ngei tawh. A tui min pek chu la sawk in ka in nghal khawlh khawlh. "Lo la haw suh ang che, zanin tlai hian contract sign pah in dinner eina kan nei dawn" A tih chuan amah chu ka en ha "ka tel ve kher a ngai ami?" Ka awki ah pawh chuan ka peih loh zia a hrethiam ve tho ang




"I tel ngei ngei a ngai si chu a nii" Ka tawng thluk chiah chuan a rawn ti ve a, ngeiawm lutuk, pathlawi nghal tak a ni.




A office atangin ka chhuak a, Team A ho room ka kal pelh dawn lai chuan "An design kan lak sak tawh chung pawn engtin nge chak zawk an la nih theih" Tiin an leader Hmudiki chuan a team te chu a lo vin phiar phiar a




"Awww,,,, kan design lo in ang chiah chiah kha thil thleng palh ni in ka hrelo reng a ni in lo copy vang chu ni reng in" Ka va tih chuan a phu zawk a, rum em em hian min rawn melh a




"Ni e, engtin nge i tih vak anga CEO hnenah i va sawi dawn em ni, kal ta che va sawi rawh" A ti phiar phiar a, a meng lian bawk sia ramhuai te pawh a ang lek lek dawn alawm le




"Patea chuan a hre daih tawh ang, insiam that na hun a pe che a a la ban lo mai mai che a nih hi" Ka hnung lam atang chuan mipa aw fiah tak hian a rawn ti a, ka hawi let chuan hmanni a ka hmuh kha a ni tih ka hre thei... Mit min siai zuk pah hian "chal changnu" A ti sup, ka ngei tawk a tling leh em em




"Ehee Remlal nang maw, engtik in nge i lo haw a?" Hmudik in a tih chuan ka en vat, a hmel ah chuan a hlim hle tih ka hre thei, Remlala a tih chu ka en leh, a ni lah chuan a lo melh rum em em mai bawk si... An in melh dan ah inhre sa an ni tih chu a chiang phawt...




"Buaina a awm em ni?" Rawn ti tu lam chu kan hawi rual thap
"Ehe pate i lo awm reng alaw khawnge i kal dawn a?" Pakhata chuan nui sang chung leh phur deuh hian a lo ti a, Pathlawia chuan a chal a tuk rik fawk pah chuan




"I rawn haw a nih chuan in lam pan na chang hre ve ta che, khu lam kan phone a i rawn haw tawh thu an sawi a, nang lah in ah i haw bawk silo" Tiin a hau let zawk erh a.... "A naa pate min kuk fawk fawk zel suh" A ti nui nui...




Ngaithla tawh lem lo chuan "i hman tawh maw" Tiin ka ban ah a chelh a min chhuah pui nal nal
Min kal chak pui lutuk chu ka ke a kham vek tawh" Ding lawk teh" Ka tih pawh chuan hrelo ang hmak in a awm




"Ding teh ka tih chu, Hey pathlawi" Ka ti leh vak, a ding chiang teh e, ka inthlahrung leh si chuan "englo mi zahawm tak tak te kan hmu dawn sia inthlak tur a ka haw ve phawt a ngai alawm" A tawp lam phei chu a ri che che ka mawng pawn a hre phaklo ang tih tur a ni, "ka ti fel vek tawh" Tiin min kal pui leh nghal dawr dawr




Dawr lian tak chhungah hian min luh pui a, a dawr hming "Lola Fashion" Tih ka hmuh chuan a dawr a ni tih ka hre ve leh chiah




Kawrfual dum min hak tir a, a ban chu a tluan a dar atang a puk thla a hmawr a zuih leh a ni a, a fual zawng ka khup khuh a sir kak a ni a a arh lam lek lek a ni bawk...




Ka nghawng rawn vawt thlar chu ka khawih vat a, thi min lo awrh tir chu ni in, "kan hman e, kal ang" Tiin min kai chhuak leh dawt dawt




Ka nu te phone in dinner ka ei chhuah tur thu leh ka haw tlai tur thu ka hrilh a, hna ka thawh atang hian ban hun tur dik tak a ka ban hi a khat khawp mai, ka nu te lakah pawh ka inthlahrung ve deuh thin..




Mahse hna thil te a nih avang in min hrethiam hram hram zawk thin, Pathlawi a vek hi alawm, min chhawr hlum a tum emawni, midang haw hnu vek pawn tihtur min pe zel a, midang in hna inang vek an thawh lai in project hran daih te min pe a, chutih rual erawh chuan ka thawh zawh hma hma in min haw pui leh daih ang lawi thin lehnghal a...




Office a ka riah zan a coffee ka siam sak atang khan a zawngchhang riau lehnghal a, secretary a nei reng chung pawn ka coffee siam kher hi a tia, ka ngei a nia




Tluang tak in contract kan sign thei a, Pathlawia min fak lutuk te chuan ka awm an ti nuamlo, kawr kha ka design a nilo tih ka chiang ropui mai si a, amah pawh hian a hre reng si a engvang a min fak vak nge maw a nih ni




Kan inah chuan min thlah a, a kal leh mai tur chu "Ih,, thuamhnaw vel hi" Ka tih chuan "nei rawh, i hlawhtlinna lawmpuina che a nih kha" Tiin a nui sak a, a in lamah chuan a in khalh phei ta a..... Den Mutria viau thin mahse a chang hi chuan a nelawm ve thin alawm..




Ka nu ten thuamhnaw dang ha a ka haw leh makeup ka hmang ve tih min lo hmuh chuan thil awmzia ka hrilh vat a, thenawmpa chu fel an ti ngei mai, nge keipawh khan ka lo fak mah mah zawk ni




A tuk a hna ka kal leh chuan ka thutna a mipa khat lo thu hi ka va hmu a, ka va kal hnaih chuan Lukira bawk "hey lukir tho rawh ka thutna a nih kha" Ka tih chuan rawn dak chhoh vah pah hian "Ehe Chalchang i lo thleng tawh maw, i lo va thleng har ve ka nghak rei tawh lutuk che" A tih chuan a ngaihna ka hrelo hle




"Engvang a min lo nghak ve ngawt nge i nih? Ka tih chuan "Thian ni ila, thian ni tur a sawm che ka tum" A nui leh sen sen a
"Chu mi sawi tur ringawt chuan ami hetah hian min lo nghah" Ka tih chuan nui hui chung chuan a bu nghauh nghauh... A va han at hmel tak, lian ve uai tawh si.....




Rawn tho tharh in "thian kan ni ta, lo kal rawh thiannu thil ei dun ang" Ti a min kaih chhuah a tum chuan "ka ei thawh, khawmaw min thlah teh hna thawh ka ngaih hi" Ka ti ve tang tang a "ka la ei ve hleinem ka nghahna che a rei tawh lutuk ka ril a tam, ka nghah man ah che min ei pui angai" A ti leh zat zat




"Min nghak rawh pawh ka tih loh che kha aw" Ka tih leh chuan "ka mumang ah i ti, ka hre vek, i hre tawhlo mai mai a nih kha" A ti a min kai chhuak dawr dawr, ka tih ngaihna hrelo chu ka nui tawp tawh




Ka let leh hnu chuan tun thla chhung a kan team hnathawh dan en tir tur in CEO office lam ka pan a, eng nge ka hriat tehreng ni kawngka a lo in kalh lo bawk nen kik ta lo chuan ka lut tlang ringawt a




Ka thil hmuh chuan min ti hamhaih ngei mai, chet sawn ngaihna pawh ka hrelo, CEO leh a secratery chu an lo in fawp ngawng ngawng a nih chu...




Ka lo en reng tih min rawh hmuh chuan an in thlah a, eng emaw a sawi hnu chuan a secretary chu a chhuak a, a chhuah pah chuan mei nei zet hian min la melh zui ah, ka sawi thiamlo, a hma a ka lo kawm ve thin kha a ang tawhlo, min haw ngawih ngawih hmel a pu ka ti mai...




Hreh tak chung chuan Pathlawia lam chu ka pan a, min lo la melh ngur zui a, ka sawi lo theilo s hlauhawm takzet, an in kiss lai ka tihbuai vang khan a thinrim s ni ngei ang.... File chu a dawhkan ah dah zal zal a chhuah leh mai ka tum chu




"Lalruattluang" A rawn ti vin hrawk, ka ding chawt, hlau chung chung chuan ka hawi let a, a thutna atang a tho chhuak in min rawn pan a...




Min rawn hnaih zel chuan ka lo tawlh hnung ve zel a, a tawpah chuan bang ka su ta dawt, tawlh sawn leh na tur a awm tawhlo hrim hrim...




Bangah chuan in nem khalh in ka hmai zawnah chuan a rawn thaw lum ham ham "nang hian i hrethiamlo nge ni a, i hrethiamlo der mai mai zawk" A tih hrawk chuan ka lo phu zawk...




A sawi awmzia hi ka hre hauh lo
"Eng engmaw i sawi" Ka ti bah deuh nawk nawk... "I hrethiamlo tak tak em ni a" A tih leh chuan "Eeee,,, coffee i duh maw, i lam khat tawh lutuk a ka lo theihnghilh alawm" Tiin a ban bang a nem khalhna hnuai ah chuan ka chhuak zal zal a pawnah chuan ka chhuak ta daih...




Coffee a duh te chuan sawi that ve mai tur a nia, khatia min vin hrawk hrawk lo khan, a sual ve hrim hrim. An in kiss lai ka phawk vang khan a thinrim tih chiang reng reng..... Mahse an in kiss lai ka hmuh khan keimah ah engemawni a rawn awm zawk a... Thikna nge ni a mak ka tih lutuk vang pawh ka hre tawh biklo




Next ah Douglas Remruatkima(Pathlawia) POV kan ziak ve thung ang🤭



COMMENT KHA AW COMMENT MAWLH KHA CHUAN CLICK NEN
👇comment na tur

https://m.facebook.com/groups/991354610 ... 625258219/


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2022, 7:20 pm

THENAWM PATHLAWI-A

CHAPTER 4


BY Tluangi Sagy Pachuau






DOUGLAS REMRUATKIMA(Thlawitea) POV*


A tlan liam ta daih chu ka en reng, engmah kha a hrethiam lo tak tak em mawni le, ka ti lang ve viau thin khan ka hre si a....





Ni e, a dik, kei hian he nula la naupang tak hi ka duh alawm, atirah kha chuan ka duh tih ka in hre biklo a bul a awm kha nuam ka ti in ka hmuh phak a a awm khan ka thla a muang thin, ka bul hnaih a a awm reng theih nan tih tur tullo tak tak ka tuk sak a, midang ai a a haw tlai chang lah a ngah




Hna ka thawh chhung kha ka bulah ka awm tir a, ka zawh erawh chuan ka haw pui nal nal thin, khatih lai a hna ka lo tuk sak thin kha chu thil tul tak a nih loh avang in a zawh kher kha a ngai miau lo a





Ka tih dan ah khan a lungawi vak thin lo tih ka hria, mahse ka bul hnaih a awm tir dan ka hriat awmchhun a ni miau si a, chuan a coffee siam a tui em em bawk, ka zawngchhang hlee a ni




Chuan ka u fapa Delhi atang a lo haw nen a an nui dun leh an innel tih ka hmuh khan ka duh tih ka hre chhuak in ka thik em em bawk, ka ta ni tur in ka duh a, mahse hma ka la ngam bawk silo, kei patling phanchang, thankin zet tawh hian a bem dan ka thiamlo pawh a nilo, min lo duhlo ang tih a ni ka hlauh ni





Hah!, kei Remruatkima hian a vawi 1 nan hmeichhia in min duh loh ka hlau ve ta chu a nia, min duh ve leh ve loh ka hriat theih nan a thik tur in ka Secretary kha ka kiss ringawt kha a nia, mahse kha nu tereuh khan thik nachang pawh zuk hre hauh lo a





Ka coffee tur keng a a rawn luh te chuan a inthlahrung hmel hle a, mit khap lek lo in ka lo en reng a, a khabe phir leh a hmui chhah lam lek lek lang phir tai te, a biang thau ni silo a puar ve deuh kar a biang sum lo lang kek thin te nen hian a hmeltha in a cute takzet...




Engtin nge min duh ve leh ve loh hi ka hriat theih ang, Pathlawi rilru hi a va han buai tak em, he nula te reuh te vang hian. Amah a len loh tehreng nen hian ka ngaihtuahna erawh a luah khat vek ang lawi bawk si





"Tui deuh in i in dawn nia" Tiin a biangsum pahnih lang kek chuan a nui a, a chhuak leh nghal nal nal. Nichin a a thil hmuh avang khan a la lai tih ka hre reng, nichin sawi tak ah chuan ka secretary khan hope dang a nei leh ang tih ka hlau ang reng, ka fawh thut pawh khan min hnial lo chiang ropui si, hnial a hnek in a la uar em em zui a(h)





Reilo te ah Remlalfaka(Lukira) thawveng zet hian a rawn lut a "pate canteen a an thil siam khu a van tui hlawm em em nitin rawn kal ziah chi a nih khu" A rawn ti lut zat zat a, vei lem hi a ni silo a, a hahthlak "engting nge Aruati nen khan in inhriat a?" Ka lo tih daih chuan a ding chawt a





A ngaihtuah vang vang hnu ah "Eee Chalchangi kha maw, ka rawn haw tirh khan kawngah ka hmu a, thingkung a lo tauh chawrh chawrh a, chuan khami hnu khan kan inhmu fuh leh nawlh a, pate khuanu ruat kan ni hrim hrim" Thawveng zet a ti hian sofa ah chuan a thu hla thuk a "a thinchhe ve hlik hlek sia a cute reuh tawp" Te chu a la rawn ti ang deuh deuh a





"Khuanu ruat a?!! Ka mawng a nih chu a" Ka hriat tham lek chuan ka phun sup sup, Remlala hian a zem tak tak hma hian ka ta ah ka siam ngei a ngai a ni, hah kei hi mahni u fate ngei pawh ka han thik ta chu a nia





Ka fanu piancham a nih avang in ka haw hma a, a lawmna buasaih sak ka tum bawk, ka hnung lam atang chuan "Pate bawihtei chu eng nge ka lei sak ve ang?" Rawn ti tu avang chuan ka phu nghek.... "Remlalfak hetah eng nge i rawn tih? Engtin nge ka car chhungah hian i lo awm theih?" Ka tih chuan a nui vur vur a, min chhang lem hlei lo a




Kum 25 a ni ve tawh, a la mawl em em mai si, ka u te nupa inghah na chu a ni ve sia a beidawn thlak ngei mai





Ka fanu birthday party ah chuan ka pa leh ka uanu te, ka u te chhunkua leh ka naute pahnih an rawn kal a, chhungkua chauh a lawm ai ah tiin thenawm te, Aruati te chhungkua ka sawm tel ve bawk... Chuan thil dang kan unau hi mipa hlir pali kan nia kei hi a upa ber dawt ka ni bawk.....





Remlala leh Aruati nui dun bawk bawk ka hmuh chuan ka insum zo leh hmanlo an bulah chuan va kal in Aruati chu ka kai sawn leh nal nal, mak min tih hmel hle, bathlar ah chuan ka chhuah pui a "eng nge ni a sir thil pawimawh a awm em ni?" A tih chuan sawi tur ka haihchham hle,,,,





"Cake zai a hun" Ti hmuk in inchhung ah chuan ka luh san leh ta daih,

Ka ta pawh nilo lak ah hian ka thikthu ka lo pe chhe mah mah thin a ni, tunah hrih chuan insum hram hram ka ngai a i, ka ta em pawh a la ni silo




Ka fanu cake bul a hlim tak a nui har har bulah chuan ka zuk thu hniam a "bawihte bati hi chhem hlum rawh le" Ka tih chuan Remlala chuan "ngawi rawh bawihte i chhemhlum hma in duhthu han sam phawt teh le" A tih chuan bawihtei chuan a ngaihtuah vang vang a





A hnu ah chuan a kut chu suih in "Lola hian Anu a duh a ni, apa anu leh keimah te nen a hlim deuh a awm ka duh a ni" Tiin bati chu a chhem hlum ta a, a tu mai pawh hmel ah chuan danglamna hmuh tur a awm , amaherawh chu bawihtei hmuh lai chuan kan nui lui hram hram hlawm a ni ber....





Tih tur ang ang kan tih zawh hnu chuan Aruati chhungte chu an haw a, amah erawh bawihtein la leng rawh a tih tlat vang in an haw san ta kha a nia, bawihtei hian engvang a nel em em nge a nih pawh ka hrelo, mi a ngaihnat mai mai ngai loh tehreng nen





Bawihtei room a va luh ka tum chuan Aruati hnen a a zawhna vang chuan lut ta lo chuan ka ngaithla a "Uhmeltha Anu chu ni mai la?" Tiin ka fanu chuan a zawt a, a zawt pawh a nilo a ngen in a ngen a ni zawk mah ang chu,





"I nu ni tur in min duh em ni?" Aruati chuan a zawt let a, bawihtei bawk chuan "imm duh e, i hmeltha bawk sia i fel bawk sia" A tih chuan ka nui suk, kei chauh nilo ka fanu lung pawh a lo dum tel a nih hi,





Aruati chhanna ngaichang chuan ka ding reng "patee ka pu in lo kal lawk teh a ti" Remlalfaka chuan ring leng lawng hian min rawn ko a, ka u nen hian kan kum a inthlauh em avang a Remlalfaka pawh hi piang hma a nia, kan unau zing a naupang ber nen an inrual a ni deuhthaw a ni.




Aruati chhanna pawh hre hman lo chuan ka pa te chu ka va pawh ve a, engrin nge bawihtei kha a chhan tak ang, ka duhlo tih tawp a naupang kum 4 mi beisena nen a zawttu bulah chuan a chhan ka ring chiah bawk silo... Nakinah bawihtei ka zawt ang




Ka pa bulah chuan ka thu a, Remlalfaka chu ka melh rawm rawm "Patea chu i pawi ka sawi ami le, mi i melh rum emmai aw" Nui huah huah chung hian a lo ti a, a ngaihna ka hre tawhlo nau naupang chhia lutuk hi chu




"Bawiha naute hian nu a mamawh zia chu zanin pawh khan i lo hmu ve ang chu tiraw" Ka pa chuan thutak zawk hian a rawn ti a, ka lo bu nghauh nghauh,,,,,, "I hria a nih chuan nupui neih leh te hi i tumlo ami, i la naupang a duhtu che an la tam ang, han ngaihsak ve deuh la, bawihtei nu tur te pawh hi melh ve tawh rawh" A ti leh a




"Pu i hrelo mai mai a nih kha ka patea hi a luck teh mai a nia aw duh duh a thing thei" A lo ti leh zat zat, "ka pa bawihtei nu tur chu ka hmu tawh alawm, ka la hmelhriat tir ve vat ang che" Aruatin min duh ve leh ve loh hre hawt lo chuan ka ti ve ringawt....




"A nih chuan a tha a nih chu ka lo beisei reng ang, a tlai tawh si a kan haw tawh hlawm dawn em ni" A ti a an haw ta diak, a reh leh nghal duak in ka hria,,,





Bawihtei room atang chuan Aruati chu a rawn chhuak a "a muhil tawh a, a nih sir ka haw phawt mai ang aw, muttui le" Ti a chhuah mai a tum chu a ban ah chuan ka lo chelh vat, mak ti deuh chuan min en let haw a "min lo nghak rawh ka lo thlah ang che" Ka tih chuan
"A ngailo sawlai lawk saw a ni tho" Tiin min lo hnial vat...





"Min lo nghak la a ni mai" Tiin ka kawr chung chu ka va ha a, "kal ang" Ka ti nghut a, amah zawng chuan ka hnungah min rawn zui det det.... An in zawn thim lai ah chuan ka din pui a




A hmai zawnah chuan kun hniam in
Thawk ka la ham ham, a lo meng phawk vak ringawt. A hmui chu ka en reng a, kiss mai lo tur in ka insum hram hram.... "Va lut tawh rawh, muttui, chuan i mumang ah min hmu dawn nia" Tiin ka ding chhuak a...




Ka chet dan avang khan a hamhaih hle tih a awm dan atang chuan ka hre thei, engmah sawi lo chuan inchhungah chuan a tlan lut nal nal, ka fanu nen a an inbiak na mawlh kha a ni ka hriat chak chu a ni....




MORNING
________________________________


Chaw ei lai chuan ka fanu chu ka zawt a, "thuruk" Min lo tih sak duh lek si, a ngainat em em Unicorn lei sak a ka thlem pawn min hrilh duh thaklo, Lalruattluangi vang vek kha a ni, ka fanu pawn ka thu aiin ama thu a awi tawh zawk




RUATTLUANGI POV*


Nizan a pathlawi a chet dan kha ka ngaihtuahna ah a awm ngut ngut a, zan pawh ka mu tha theilo, ka tih ngailoh dan deuh in a IG account ka check phah ringawt leh nghal a





Chuan ka zawhna 'ngatinge a nupui ka hmuh ngailoh? Tih leh a nu ngatinge zanin khan a lo kal ve loh?' Tih chhanna chu ka hmuh phah bawk, an lo thih ve ve rawh vang a ni....




Mak tak mai in a nupui thi ta nen a an thlalak a post te chu hmuh hreawm ka ti a, a thihcham a a ngaih thu a post te khan ka lung an vit ngawt ngawt a nih kha, ka awm dan kha ka hrethiam, ni e ka hre lutuk, thikna ngei a ni, mitthi tawh ka thik na chuan inthiamlohna min neih tir a, mahse ka thik lo thei silo...





VAWIIN THAWHLEHNI A NI A, CHUAN TIHIAN NINGANI(NILAITHAWHTAN) AH A AWM LEH ANG AW, ZAN KHAT DAN AH ZEL 😊😊


CHUAN COMMENT KHA AW😘😘


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2022, 7:21 pm

THENAWM PATHLAWI-A

CHAPTER 5


BY Tluangi Sagy Pachuau




Ka lak a a chet dan hi hriatthiam a har ka ti a, a chang chuan min duh emawni aw tih mai hi rin a awl rum rum thin, mahse a nupui a la ngaih zia a post khan ka rin dan a dikloh zia a ti chiang thung si





Company ka thlen chuan ka team te pawh an lo thleng kim vek tawh, a, chang chuan a naupang ber leader min nih tir hi ka inthlahrung thin, tih tur han hrilh te an ngai thin a, ai upa te tirh awt awt hi ka inthlahrung thin si a, a, chang phei chuan keiman ka ti leh nge nge thin





"CEO in i thlen veleh coffee pe tur in a ti che" Uhriat-in a tih chuan mawng pawh hung hmanlo in a coffee tur chu ka siam sak leh nghal sawk sawk.... Coffee ka pek lai te chuan min lo melh leh ngur a, hetiang a min melh apiang hian ka zam in ka ti ril hi a khur der der zel





Ka chhuah leh dawn chuan "i mumang ah chuan min lo hmu em?" Nui suk chung hian a lo ti a, "hmulo aniang ka mu tui lutuk a mumang pawh ka neilo" Ti in ka chhuak ta daih....




A ni pawh a nupui a la ngai viau a nih te chuan engatinge ka chungah hetiang hian a awm, duh lo theilo turin tinge min siam, nge ni a kei hian a fiamthu ka lo ngai serious mah mah zawk em ni...





"Heyyy Chalchang" Chhun hna ka thawh lai a min rawn ti buai chu ka ngei hle, midang in lunch an ei vek a, kei erawh in Company megazine a pho chhuah tur kawr ka lo design thung, tuma awm loh hlan a ka in concentrate theih vang zawk a lunch ei lo pawh ka ni





"Eng nge i rawn tih leh dawn?" Ka lo tih deuh hmuk chuan lawm loh hmel zet a min en chung hian "Thianpa in a thiannu a hnathawhna a a hmu pawh chu a pawi viau ami" A rawn ti deuh nghut, chhang tawhlo chuan ka bu deuh nghut nghut ringawt




Ka thil design lai hi ka zo tep tawh a, in tih buai loh tir dan hram a ni ka ngaihtuah, chuan CEO hnenah ka hmuh tir anga, thil ka ei ve thei tawh ang ka ril a tam tawh lutuk ringawt....





"Ka zo tamm" Tiin ka ding deuh hluai a, ka bul a lo muthlu buk buk pawh chu a rawn harh zawk, CEO office ah chuan ka kal nghal, tha a tih ve hmel hle,,,, "thil i la eilo tiraw?" A rawn ti teh daih a, ka lo bu ngauh nghauh...





"Keipawh ka la ei bik lo a, ei tur in kan kal dawn em ni" Tiin kawngka lam a pan nghal thurh "Pate keipawn ka la ei biklo" Pakhata lah chuan lo ti ve in a hnungah a zui ve nghal, zui ve mai ka tum chu ka phone lo rik avang chuan kan ding leh rih...





Ka lak rual rual chuan hello pawh ka tih hma in ka nu hian tap hlawp hlawp chung hian "Bawihte i nau hi, i nau hi motor in a su a, a dinhmun a thalo lutuk" Ka mit deuh sulh, ka tlu tur chu kut tha chak zet hian min lo chelh a





Engtik lai in nge Pathlawia hian ka bul a lo thlen hman ni, kawngka bulah khan a awm reng amaw ti a "eng thil nge thleng?" A rawn tih chuan a mit ah tak chuan melh kalh in "k, kk, ka nau motor i in a su" Ka ti bah deuh nawk nawk...




"Khawi damdawiin ah nge?" A tih chuan ka lo hrilh vat... Damdawiin kan thlen chuan ka nu te lo awmna ah chuan ka tlan nghal vat, "khawnge bawihpuia chu?" Ka va tih chuan an zai mek thu in min lo chhang a, an bulah chuan ka thu thla dawt...





Hlawhtling tak in Bawihpuia chu an zai zo a, thaw a veng huai thei, amaherawhchu a harh hun tur an la hrelo thung, a thih thu hriat ngawt ai chuan a la lawmawm zawk ngawt alawm....





"I nau chu eng nge a an a?" Rawn ti tu chu ka melh zawk, a lo kal ve tih ka lo hre chang tawhlo reng reng, "an zai zo chiah a" Ka aw chu a chhuak che che chauh a ni, bawihpuia an dahna room chu ka melh reng a, ka nu a lo chhuak a





"Bawihte lo va haw rawh zanin chu kan riak ange" A rawn tih chuan ka lu ka lo thing nar nar "aih a ngailo keiman ka awmpui duh" Ka lo ti deuh tlat, "Hna thawh te i ngaih kha bakah ka awm pui thei alawm" A tih pawh chuan "aih" Ka lo ti deuh tlat, ka hna ai chuan ka nau hi ka ngai pawimawh daih zawk





"Ka pi a hna lam kha chu lo ngaihtuah suh, kan indaih lutuk alawm" Douglas-a chuan a lo ti ve a.... Ka tum tawh chu tih luih tlat tum mi ka ni tih ka nu pawn a hriat chian em avang in.




"Zanin chu lo va haw phawt la, i pu te inah i nau Nonoi a awm a, lo va lam rawh, naktuk ah i lo kal leh dawn nia" Min ti ta zawk a, Patlawia rual in ka haw a, Nonoi pawh min lam pui nghe nghe....




In kan thlen chuan kan in kawtah a ding hmasa a, kan chhuk hnu chuan a in lamah a phei mai dawn amaw ka tih hnu in car atang chuan a rawn chhuak ve a, ka hma ah chuan rawn ding in





"Tun hi sawi hun a ni em chu ka hrelo a, mahse ka sawi lo a nih chuan hun remchang ka nei thei tawh dawn in ka in hre silo a" Tiin a thaw ham ham a keiin eng nge sawi a tum tiin ka lo ngaichang reng thung




Ka darah chuan a rawn vuan a "Ka duh che, ka duh che a ni Aruat, tunah min chhang nghal rawh chu ka tilo che, i duh chen chen in ngaihtuahna hun ka pe ang che" A tih chuan mak tiin ka en ha ringawt, "Au ka mut a chhuak tawh a nia" Ka nau in a rawn tih chuan ka harh zawk...





Pathlawia min dawmna ata chu tal chhuak in "kan lut phawt mai ange muttui le" Tiin ka nau chu ka kai lut a, bawihpuia a awm miau loh avang in ka bulah chuan a mu a





"Au Bawihpuia chu engtik ah nge a lo haw dawn?" Mittui tling piau hian a rawn ti a, a ngai tih ka hre mai, an pahnih hian an inkawm deuh chawt a, thian dang an kawm ngai zen zen lo chuvang chuan an in ngai thei hle bawk,





"I ngai tawh em ni?" Ka tih chuan a bu nghauh nghauh "A lo haw vat mai ang,,, leee muhil tawh rawh le" Tiin a hnungah chuan ka beng thak thak, kei erawh mut chhuah ai mah in ka harh telh telh zawk a..... Bawihpuia vang a rilru hah mai bakah Pathlawia thil min hrilh te chuan ka mut an ti chhuak hlawllo a ni ber





Bawihpuia mutna bulah chuan ka thu a, kar hnih a liam leh tawh, ka nau erawh in harh tik ni reng a nei thei silo, Nonoi lah in a ngaih thu a sawi reng tawh mai si, kar hnih liam ta chhung khan Pathlawia a rawn kal awl lo a, chuan ka hna ah pawh chawlh min pe hmak, mahse thil pawimawh a awm erawh chuan damdawiin atang hian ka thawk ve mai thin




"Vawiin lam eng nge in lo an a?"ka hnungah a lo ding leh vang tawh, a rawn luh lai ka hre hauh lo lehnghal,,,,





"A ngai reng a ni mai" Tiin ka thaw deuh halh, dik tak chuan a rawn harh har ka ti tawh takzet, kan inchhung pawh a reh duk tawh, Nonoi hmeichhe naupang harhvang tak pawh a phirpui a awm loh chuan a harh thei tawh biklo




"Lo kal lawk teh" Ka ban a chelh chung chuan a ti a "khawi ah maw?" Ka lo tih ha chuan "lo kal la i hre mai ang" A tih talh avang chuan ka zui ve leh ta nfe nge a, min duh thu kha zan a a sawi bak kha a sawi nawn leh tawhlo a, a sawi a sawi ai chuan thil tih in a lan tie thin... Min ngaihsakna a ti lang awllo bawk...




Damdawiin chung zawl atang chuan ni tla tur in kawlkil a chhun sen phut chu kan en dun reng a, thli fim a thaw heuh heuh bawk, a hahdam thlak takzet a ni




"Ka zawhna che kha min chhang tawh la" A rawn tih chuan a lam hawk chuan ka in her a "i duh chen chen i in ngaihtuah thei i ti a ni lawmni" Nuih pah a ka tih chuan a nur nang, a cute reuh phian lehnghal





"Kar hnih lai a nih tawh hi, a rei ve tawh alawm" A ti nang nang, tunah tak hi chuan Patling kum 35 mi ni lo in tleirawl te te pawh a ang alawm le





"Kan in hriatna a la rei lutuk bawk silo" Ka tih chuan "Mihring inkarah induh na a awm theih nan in hriat rei kher a ngailo" A lo ti deuh hmuk, "mahseee" Ka tih leh chuan "min hnawl i tum tih sawi miah suh" A tih chuan ka lu ka lo thing nar nar...





"A nih chuan eng nge i buaina?" A ti nhgut, a lawm tawh vak hmel loh "Mitthi tawh thiktu nih ka duhlo a ni" Ka mit chhing chung chuan ka ti chhuak deuh halh.... A kut hlai tak chuan ka biang chu a rawn khuap lum vung vung....





"Min en teh?" Thuk ruih a a rawn tih chuan ka meng chhuak riai riai "ka nupui kha chu ka hun kal tawh ami a ni, hun kal tawh a cham reng in awmzia a neilo, hma lam ka pan tawh, ke min pen pui tur in ka duh bawk che," A ti dam ruih a...




Ka lo bu nghauh nghauh "kha kha eng nge a awmzia, " Aw" Tihna a mi, a tih chuan a lo bu leh nghauh nghauh ringawt.... A tawngkam hman te khan min aikaih a ni ber, tawng ngaihna pawh ka hrelo...





"Chuan" A rawn tih chuan eng nge tih nan ka mit ko ka lo san khum ak,,,, "ka "bialnu thar hi kan fawp ange" Nui suk suk a ti in a rawn kun hniam ruai ruai a, a hmui lum ther ther in a ka hmui a rawn dai rual chuan ka lo mur chem chem thei,,,,,,,






INRINNI ZANAH KAN INHMU LEH DAWN NIA U AWW🥰😊

MUTTUI VEK ULE💖💖



CHUAN COMMENT MAWLH KHA, 💖🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2022, 7:21 pm

THENAWM PATHLAWIA

CHAPTER 6


BY Tluangi Sagy Pachuau




Room a kan chhukthlak leh te chuan ka kut ah a chelh run reng a, khawiah emaw ka kalsan daih ang tih hlau ang mai hian a awm,,,,, a ruk chuan ka khi leh sak thin ka rilru a hlim veng veng mai,, he pathlawi chhelo leh hmeltha tak hi ka bialpa a ni ta mai chu a nia...





Room chhung kan luh chuan bawihpuia lo che tual tual chu ka va hmu a ka tlan phei nghal vat "bawihpui i lo harh tawh maw" Tiin a biang vel chu ka chul sak a "doctor ka va ko ange" Pathlawia chuan tiin a chhuak nghal a




Ka kut a a lo khawih chuan "eng nge i duh bawihpui" Ka lo ti vat a, tui a duh thu a sawi chuan ka tulh nghal a, doctor lo lut chuan a check nghal mawlh mawlh a, that lohna engmah a neih tawh loh thu a sawi chuan ka lawm hle,,,





Ka nu te phone in bawihpuia harh thu chu ka hrilh a, lo chhoh ve nghal an tum nang in ka lo phallo thung, zan a thim tawh si a, naktuk a lo kal law law turin ka ti a, an pawm ve leh mai,, khua a vawt tan tawh si a an tan pawh a hrehawm ang,





"I hria em Dougie min duh thu min hrilh kha ka nau accident zan a nih kha" Ka tih chuan Pathlawia chu a bu nghauh nghauh "tunah pawh ka duh thu che ka hrilh ve chiah che a, a lo harh ve leh chiah a, a mak tiraw" Tiin ka nuih sen sen a, mit tla lo lek hian min lo en reng





"Ninawm tiang khan min en ziah suh, min ti zam vek zel" Ka tih chuan a rawn nui chhuak hawk hawk "i hmeltha deuh hi ka en ning theilo alawm" Tih pah in ka biang chu a rawn piai vak ka lo melh rum hle, ka biang chu ka tuai nghal vut vut....




"Mahse tinge Dougie tih khan min koh a" A tih chuan lo nuih suk in "Douglas tih kha chu a thing alawm, class 12 ka nih lai a min hrem nasat deuh lai kha min ti hrechhuak thin i hria em, 12 zirlai bu ah Douglas tih a awm kha" Tiin ka nui tiah tiah...




"Hm, a common lo daih zawk, mahse min koh dan kha, i lam danah kha chuan uite koh na te pawh a ang alawm le" A ti nui nui a, tum hmuk mahse a thinrim lo tih ka hria a ka nuih vur vue





"Tun atang chuan tiang hlir khan ka ko tawh ang che Dougieee,,, va haw tawh rawh Lola in a ngai tawh ang che" Ka tih chuan a sana chu a en zauh "Umm haw chu a hun tawh a nih hi, mahse ka haw hma in Lola in a nu ni tur a a sawm lai che a i chhanna kha ka hre duh" A ti nghut a,,, kan inbiakna kha a lo hre vek amawni le




"Ehee min lo ngaithla ru a ni maw" Melh ram ram chuan ka ti a "ngaithla lo ka hre fuh ve mai mai" A lo ti zat zar,,,, "hmeichhe inkar thuruk a nih kha" Ka tih chuan a lawm loh hmel hle





"Ka fanu pawh in tiang chiah khan min chhang, ka fanu hian ka thu nilo a i thu a awi ta lutuk te hi eng dawi nge i lo hman ni" A tih chuan intih theih hmel fe hian ka lo en a, "min hrilh teh ka hre ve duh" A ti leh nghut, a tum lian mai si a, naupang titau te pawh a ang alawm le





"I hriat ve a thianglo haw mai mai teh" Ka tih chuan thutthleng ah hian a thu thla deuh hmuk a "i sawi hma chu ka haw dawnlo" A ti mauh mai, awww Lalpa pathlawia chung ah hian eng nge thleng a hetia a awm tak, tih danglam in a awm ta em ni...





"I va han luhlul tak aww,,, Pathlawi ve laii si" Ka tih chuan min rawn melh hrawk a, ka lo hlau hman lutuk ringawt mahse "min nei la ka thlawi lo a ni mai" A rawn tih chuan ka lo thaw huai....




"Lola bul a ka haw vat i duh a nih chuan sawi vat rawh a tlai zel zel a nia" A tih chuan sawi loh theih a ni pawn ka hre tawh lo, ka sawi hma chu a haw leh duh dawnlo tih ka hre tlat





A bulah chuan ka thu thla a, a lungawilo viau emaw tih lai in ka kut ah a lo vuan leh vat ang lawi a, 'Ihmaw a ho lutuk, "ka ni dawn alawm, i pa in min neih hunah' Ka ti ringawt alawm, chutia han hriat chak vak tur pawh a awmlo" Ka tih chuan





Min pawt tho nawlh chung hian "innei nghal ang" Ti a min kaih chhuah a tum ta mai "hey Pathlawi a a suh, i ti tak tak lo tiraw?" Ka tih chuan "aww tunah hian ka nei che anga, Lola nu chu i ni mai dawn a





"Mawl mawl suh, kan in ngaihzawn ve chiah hi, bakah ka la naupang" Ka tih chuan a rawn nui chhuak hawk hawk,,, "ka fiamthu a nih kha, ka nghak thei che, mahse rei deuh lo, chhan chu i hriat ang in pathlawi ka nih tawh hi" Tih pah chuan a mit chu a siai zauh, ka lo lai ve leh em em





"A nih ka haw ange aw, in ngaihtuah awm lo ang maw?" A tih leh chuan nuih sen sen chung in ka lo bu nghauh nghauh, "a nih muttui u naktuk ah ka lo kal leh ang" Ka chal a fawp zauh in a kal ta a, ka ruak huai thei in ka hria





Roomah ka lut a, ka mu ve ta nghal a,,,,



Khat _____khat_______ khattt________



Bawihpuia pawh damdawiin atang in a chhuak ve tawh a,Tlai ah chuan thla hualna neih pah in chhungkua in chaw kan ei khawm a, ka pu in tawngtaina a nei bawk




Zanah chuan thenawm Pathlawia te chu an pafa in an rawn leng ve a, Lola in min hmuh rual chuan ka lam a rawn pan leh nghal vat




Nonoi chuan rawn hruai hrang in toys a khalh pui mai mai a, heipawh an zing a tel awm hliah hliah a ni, Lola-i pawh a harh takzet a niii....




"Lola-i chu a fel hle mai a, kan in a a vawikhat lo chuan kai na a nia, a tlangnel em em mai si a" Ka nu in a tih chuan Pathlawia chu a lo bu nghauh nghauh a "ni e, keipawh mak ka ti thin teh asin, Aruati lah hi a hmuh vawi1 na ah khan a in pawm tur ringawt a" Tih pah a min rawn melh in min nuih suk...




An haw dawn chuan Lola muhil chu a pawm a, pawn ah chuan ka va thlah a "nakin ah chuan kan pafa chauh a haw lo in nang nen kan pathum in kan haw tawh thin anga" A tih chuan a darah ka lo chum tawlh




"Lai hma thei si" Tih pah in ka hmui ah chuan thei leh thei lo hian a rawn fawp zauh a "muttui le, i mumang ah min hmu la, mipa dang hmuh phal loh" Tiin a haw ta a




Ka hlim lutuk hi ka nui tawp hleitheilo a ni ber, tui bottle ka thun lai te chuan ka nui leh hak thin "kan va hlim awm ve aw" Ka hnung lam atanga ka pa in a rawn tih chuan ka phu zawk "ah hlim em em pawh a nilo" Ka ti nui nui a




"Khaih khaih,, zep neiloh tur aw,, Ruatkiman a melh dan che pawh kha ka hai biklo a nia, keini chuan kan dal dawn hauh lo che, mahse bawihte fimkhur rawh dan khatna ngei a pasal neih hi tum tur, i pasal tan pawh i lang zahawm sawt dawn alawm, hre reng ang che" A tih chuan ka lo bu nghauh nghauh...





Ka room ah ka luh chuan khum a ka phone dah a eng thim chiah chu ka va hmu hman a, ka en chuan pathlawia lek chu lo ni in ka phone let nghal thuai a..... "I mu tawh ami" A rawn tih chuan ka la mut loh thu in ka lo chhang a





"Min ngai em?" Thuk ruih hian a rawn ti a
Chhan mai ngaihna pawh ka hrelo
"Mawh bawihi min ngai em, keichuan ka ngai nghal der che a nia" A rawn tih chuan "imm" Tih te in ka lo chhang a





"Imm chauh maw" A rawn tih nghut chuan "keipawn ka ngai che Pathlawi" Ka lo ti let vat, a nui suk ri chu ka hre thei.... "I room tukverh ah khan lo dak teh" Thu awi tak chuan ka dak ve mai a




An in tukverh atang chuan a rawn dak ve a min bye bye lauh lauh "kha kha i room ve tho ami?" Ka tih chuan tawngka a min chhanglo in a lu a rawn bu nghauh nghauh a....





"Min duh ve tih ka hriat hma kha chuan, ka ngai thei bawk si che a, ka rawn be ngam chiah thin silo che a, heta tang hian i room lam kha ka rawn hawi thin"


"Mahse min duh thu i sawi hnu kha chuan damdawiin ah bawihpuia ka awm pui daih sia" Ka lo tih chuan "khami hma daih khan ka thinlung ah hian bu lian tak i khuar tawh alawm, khatih lai pawh khan i room hi ka thlir tho, nang awmlo mahla i lo chet tlatna a ni tho si a" A tih chuan ka thaw chhuak ham ham





Ka khawngaih letling zawk, kei lah khan ka lo chhang lawk bawk silo a "ka tihpalh" Ka ti ta ringawt, a chhan min zawh chuan "chutiang a i tawrhna hrelo in ka lo chhang har bawk si che a, chutiang chuan i awm dawn tih hre lawk ila chu ka chhang vat ang che mawle" Ka tih chuan a nui hak hak a...





"Hei tunah chuan ka ta i ni tawh alawm, min kalsan lo la a ni mai" A rawn tih chuan ka bu nghauh nghauh....




"Va mu tawh rawh, phone kha dahlo la, ka lo zai sak ang che" A tih chuan ka nui hak "eng nge ka zai thiam i ringlo ami" A rawn ti a.... Nui suk suk chung hian "ring e ka va mu ange" Tukverh chu khar in ka mu ta a....





Pathlawia a rawn zai chuan ka rin ai daih in a zai thiam




Zantiang chhawrthla eng leh
Chung siar zawng ten
Suihlung min len ngei e
Aw ka D nang ngaih vang hian
Rinawmna biahthu kan tiam vawng dun zel ang


Inthen lawng aw D kumtluang in
Karah hmelma lo hrang mahse
Hmangaih biahthu rinawm
Kan in hlan zawng kha
Nghilh bik suh ang che aw Sakhmelmawi

Dj Lalvenhlima sak ngei mai chu a rawn sa a, a sak tawp lam chu ka hre zawm tawhlo, ka muhil riai riai ta a





MONDAY ZANAH KAN CHHUNZAWM LEH ANG AW🥰🥰😘

MUTTUI VEK U


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)