HIGHER LIFE BY Te-i MrsAmbrose (Completed)

[Ngaia]

Higher Life
By: Te-i Mrs Ambrose
Chapter 7






"Junior lo lutthar ve mai mai ho hian,, Black Stars ho in thlem tih hriat reng reng" a tih chuan sa ṭha tawh tak ka ni "Kan thlem nge thlem lo tih chu an mahni zawt ta che u, in duh duh a ngaihdan siamtheihna dan in neilo, a bikin Dreamer S ho chungchangah ngat phei chuan" ka ti fak.






"Oppss" ati duh lek chauh a, "Nanga Black Stars ho chan loh vang mai mai khan khatiang i mizia ṭhing ru zet kha lo pholang
tawh ngai suh ang che" tiin ka hawisan hmak a, ka pen chiah tihah ka hung lam atang min rawn tlawh chuan ka hmaa ding Eric chu ka bawh rawk rawk.






"Bawihte i tha em?" Eric chuan a lo ti a, ka bu nghat ringawt a, nichina mi nu lam kha ka hawi let a, " I duh deuh a ni maw" tiin a lama ka pan hnai a, kan feet phei chu inthlau tak kan ni, ka chhip a chhem thei ngei ang. A nui sawng a, "Girls, tumah lo inrawlh suh ang che u, henu hi chu ka chanpual" tiin ka ṭhiante lo pen hnai mek ho hnenah chuan ka hrilh a, thuawi takin an tawlhhnung ve mai.






Ka hmaa hmeichhe ding chuan "hmm,, nakinah min hnenloh hunah a inpuih tir leh toh ang" tih a a ṭawng lai mekin a khabe ah ka hneksak chawrh, a dak awrh a, a ke ah ka tlawh chuan a thu chawrh , "Nang hian tunge i tihbuai tih ila hre dawn lawm" tiin a chu a darah ka tlawh sak leh nghal a, chhuata a let reng chu ka ṭhutchilh a, ka hnek nghal sawk, a hnar erawh ka hnek lovang, thisen chhuak khawpa sawisak ka peihlo, ka samah a rawn tham ve rual chuan a kut chu ka sik vak.






Khatiang khan mi tumah ka la sik ngailo, ka sama a kehna chu a thlah a, arak chul bawk, a biangah bawk ka hnek leh a, hmeichhe insual dan ka thiamlo a, mipa insual chiah ka thiam. A hnu chuan a ṭap pur tawh a, mahse thlah mai kala tum deuh lo. ka ṭhutbet rem sauh sauh a. Mahse ka kang ta lawp.






"Bawihte, a tawk tawh e" tiin Eric chuanbmin chhuk en a, ka thinrim hlur thei, " Hmela ka la duhtawk ve reng renglo" tiin pan leh mai ka tum a, ka mi khawih nu pawh kha a thiannu khan a lo buaipui mek a, Eric chuan "A tawk tawh. insual hi inhnawtchhuana tham a ni" tiin min hrilh a, hrethiam ngei se tih melhin min melh bawk.






Lu ka buk nghat tak ah chuan min nuih suk a, mahse ka kal hma in chhuata a thu lai chu ka chhir leh hram. Eric chuan min melh vut a, ka chetdan a hmuh chuan nui chungin a lu a thing ringawt.






Thuthlengah chuan hotu tih hriat fahran hian a thu a, a bulah chuan min pawt thu ve nghal bawk, ka kawngah chelhin a lamah min pawthnai a, ka hawikual chuan midang ho khan kan insual chhung zawng khan min lo en vek tih ka hre chiah. "Tuna thil thleng zo chiah khan zirtirtute beng a thleng tur a nilo" tiin student ding khawm ho chu a melh kual hlawm a, tuman ṭik pawh an ti ngam lo.






"Chuan, nang Lalnunhlui khan khatiang khan ka Bawitei hi i leh tawh ngai tur a nilo.Black Stars ho min zah ang chiah hian Dreamer S ho pawh hi in zah tur a ni, tuna thil thleng kha i chochhuah a ni a, teachers te hnenah i thlen anih chuan..." tiin a ngawi zui daih. Lo thlen ta se, engtin tak ti ang maw?






"I hria em?" a ti chak fak a, Lalnunhlui a tih khan a hlauh hmel lutuk, "Midang ho pawh khan lo hre rawh u, Ka Bawitei lam hawiin eng thu mah inchhakchhuak tawh tur a nilo" a ti chang fak a, "Dreamer S ho hian vawikhat mah Black Stars hi kan la thlem ngailo bawk, chu chu kha in thinlung ṭawp ve te te ah khan thun ang che u" Clare chuan a lo ti ve zeuh, Eric chuan a thusawi lo chilh hnanin " in hriat ngei ka beisei " midang chu rum tak leh nelawmloh tak hian a melh hlawm a, mahse kei min melh ve erawh chuan a mitmeng a dam dup a, min duhna a mitmengah chuan chiang takin ka hmu a, ka lo nuih seih ringawt.






"Keipawh, ka Duati chungchang in sawi hauh tur a nilo" Max chuan tiin Clare chu a kawngah a chelh sak a, Clare-i'n engtinmah a lo ti hauh lo. Victor leh Drew pawh chuan an bialnu hualte chungchang midangin an lo sawi chuan a pawi tur zia an lo sawi ve bawk.






"Kal darh tawh rawh u" Victor-a chuan tiin ban a vai vut a, midang pawh an kaldarh sang sang a, a ṭhen phun mur mur chungin an kal sawn hlawm bawk a, min melh leh zeuh zeuh ṭhin pawh an awm nual.






Eric chu a ding vut a, a ban chu ka vawn turin a lo dahchhuak a, ka lo vuan ve mai. Min pawt dingin hmun fal lamah chuan min kai a,tumah awmlohna hmun kan thlen chuan ka lamah a lo in her a "Che pa leh lutuk mai" tiin a kiai suk a, keiin ka lo melhrum vak. "Eng nge, khatia awm leh tho tur si ina kut mi thlak hmasak reng ni" ka tih chuan a lamah min pawt hnai a, min kuah hle hle "Bawihte, na i neilo tiraw?" a tih chuan lu ka thing ner ner, "Atha e...Na i neih chuan khanu khan a tuar ang" a ti vawt ruih. "Ana viau tawh alawm" ka tih chuan a nui hawk a.






"Duhawm reuh lutuk mai. Insual i thiam si" a tih chuan ka chum nghek ringawt. Ka bialpa ngeiin insual ka thiam thu min hrilh chuan a dan a dang hmeichhe pa deuh, patil te ka ang dawn tlatin ka hria.







Dar a lo rik chuan kan class lamah bawk chuan min kai let leh a, midang chuan min lo em ṭhap, kan ṭhutna lamah ka va let chuan ka ṭhiante'n min lo en ngur hlawm a, Lizzy chuan "Vanlal, ngaihzawng neih kha a nuam em..a nawmhmel kan ti tawp a, a duat hmel che si" a tih chuan ka ngawi deuh vung vung. "Nuamlo chu a ni miah lo..A nuam ru zek" ka tih chuan Any a lo phul hlut.





"Keipawh naktuk chuan ngaihzawng ka lo nei ve tawh ang, chuan enteh hei Vanlal, Canteena in thlakak kha" a tih chuan a phone chu ka va bih a, a nalh zek. "Min lo thawn ve rawh aw" ka tih chuan Clare-i'n "Ka lak ngat anih kha" inchhuan hmel fe hian a lo ti a, Any-i'n a kuk fawk "Flash light i on kha a, mawl si, ka phone hi ṭhalo phei se chuan a chhe ngawt ang...chhun pachangah flash light nen meuh mi thla i laksak zui" a tih chiam. Clare lahin chhan mai dan tur a hre silo. A melh vak ringawt.






"awii,,Enteh, Vanlal i insual ṭha tawp" Clare chuan a lo ti ta daih. "Sawi suh, khawih zawm leh ka chak zia kha" ka tih chuan an lo then tha hlawm mai, eng tak ngaihtuah hlawm maw?






"Awii,, Eric khan a ngaihtuah hmel zia che kha, in insual lai khan a rawn pen leh vut thin alawm, chuan awiii,,, midang a vo dan te kha, a duhzia che a lang chiang e" Any chuan a lo ti ve nghal a, tuna an inhnialna kha an theinghilh leh daih tawh a nih dawn hi.






"Banah chuan Kalare te inah len tur aw" ka tih chuan Any leh Lizzy an lo phur leh viau tawh.






School kan ban chuan Eric chuan min lo melh a, 'Eng nge kan tih dawn?' tih min zawt hi a ang ber "Clare te inah" ka hmui phun chuan la hrilh a, a bu nghut a, min lo panin ka kawngah bawk a chelh leh a, ka chhipah fawp zeuhin "leng rei lo la, haw vat ang che" a tih chuan ka lo bu zeuh ringawt.
"Tluang takin in i thleng dawn nia" ka ti ve a, "lutuk e" tiin min thlah a, an ṭhian ho chuan an haw ta hlawm a.






Drew kha lo hawi letin "Liz, zanah ka lo bia ang che" ring leng lawng hian a lo ti a, kan lo 'eee' dual. An pahnih chuan an lai nge ni? Kan Lizard-i a kun daih a, Drew pawh a lo hawilet tawhlo hrim hrim.






Clare te in lam pan chuan kan pen hlawm a, pheichheh a zang vah vah khawp mai. Clare te in kan thlen chuan kan awm duhdah leh hle tawh, apa chuan Lalmatea lehkha a lo zirtir mek a, "Lalmate, chhiar tha rawh...ka tuk lawlh mai ang che" a ti keh khur khur zel, chutia a tih lahin Lamatea chuan "Nu,,apa in min tuk a tum leh tawh" tiin a nu hnenah a hek nghal zel bawk.






A hnu fe chuan Lalmatea chuan apa hnenah "Pa ka thiam tawh" a ti chul, apa in a chal a dawm vawng vawng, "Lalmate, eng tak sawi leh ang che maw" tiin Lalmatea lekhabu ken lai chu a laksak a, sum tam tak aiin tih kha a han chhiar mai chu ka nui phuh lo chauh.






"Sum tam tak aiin hmingṭhat hi thlan zawk tur a ni a, tangka leh rangkachak aiin duhsakna a ngaihnatawm.. A ni leh lo pa,, duhsakna ai chuan tangka leh rankachak chu a tha zawk" a ti mauh mai, apa in lehkhabu in a khawng fawk. "Nanga lo judge tur pawh a nilo, lehkhabua a inziak apiang hi vawng tawp thin rawh, nanga ngaihdan kha lo zeh tel ṭal a tullo" a pa chuan a ti a.






"Nu,, apa in ka luah lehkhabuin min vua ania" a ti vak "Lalmate, i nu hnenah khan min hek ve ziah suh, i nu chu ka tlawm hnu..chu vanga lo piang ve mai mai chauh inih hi" a tih chuan Lalmatea'n a pa a melh vak "hmm,,tangka leh rangkachak chu duhsakna aiin ka la thlang fe zawk" a tih leh chuan Any leh Lizzy te nen kan pum kan dawm ngar ngar. He nau han nghal zia hi chu


Show post links
Top

[Ngaia]

Higher Life
By; Te-i Mrs Ambrose
Chapter 8






"Lalmate lo kal teh" tiin Lalmatea chu ka lama lo kal tur chuan ka hui a, a rawn tlan ter ter "Chocolate ka rawn ken che" tiin chocolate chu a hmaah chuan ka lek vut a, a ban dawn chiah tihin ka pawt let leh daih. "I duh chuan..... I lam phawt a ngai" ka tih chuan lu a bu nghat nghat, Clare-i'n rum tawkin min lo melh.






"Vanlal, Lalmatea kha lamtir ziah suh, I rawn len apiang lah hian a âtna I rawn belhchhah, I haw hnu hian chhungkuain kan buai ziah, ramhuai hnawtchhuak thiam hial rawih a ngai thin" a rawn tih chuan lei ka chhuahkhum vak.






"Kalare, a duh leh Lalmatea chu a lam ang, a zei em asin, Lalmate, I lam dawn em?" ka tih chuan Lalmatea chu a bu nghut nghut. "U Elly, ka zei ber..lo en rawh aw..ka lo lam ang" a tih chuan Clare-i'n "A ngailo, Lalmate, I lam lovang" a rawn ti vak. "KALARE ka lam ang, i thiam veloh vang" a rawn tih chuan Any te nen kan pum kan dawm ngar ngar hlawm.






"Nu, Lalmatea hian 'Kalare' min ti ania" a ti vak. Lizzy chuan "Awii,,, Kalare, in chhungkua hian i nu hi in bia ami? Pathian tih ai chuan 'Nu' tih hi in inchhungah chuan a ri hnem zawk" a rawn tih chuan Clare a meng rang nasa.






"Lalmate, lam tawh rawh le" ka tih chuan Lalmatea chuan kawng a dawm a, hnung lamah penhnih a hnungtawlh a, mawng a sawi zeuh a, hmalamah penthum lo tawlh lehin mawng a ti sawi kual vel a, kei ka lo phur leh viau tawh. "I zei lutuk..i lam ṭhat viau phei chuan..chenghnih thir khawl bawma thlak tur ka pe ang che" ka ti a, chutia kavtih Lalmatea a phur leh viau tawh.






A kawng a dawmna kut chu a sir lam, hmalam leh chung lamah a beng leh thin a, chutia a tih zawh apiangin a mawng bawk a sawi leh thin, penhnih chuan a tawlh hnung a, a mawng chuan bang chu a nawk zeuh. A kut chung lamah a ben chiah chuan "Tho ka benghlum" tiin a zuang tawrh tawrh. "Yess,,tho ka beng e" tiin a nu choka a ei siam mek lamah a va tlan a, "nu tho ka benghlum" tiin a kut chu a nu kawr sirah a tat tehreng anih kha.






"Lalmuanpui, eng vanga min tat ve ngawt nge inih?" a nu chuan a ti a, "Ka kuta awm reng atan chuan ka ten deuh alawm, chu lovah nu, hriatrengna tur a nimai" tiin tap a on a, a kut a sil nghal mawlh mawlh. Ka lamah bawk a lo let leh a, "U Elly, kha tho kha a chawh tiraw, niminah pawh min mut tir lo reng reng, zan khuaiin thawm bengchheng a chhuah" a rawn tih chuan Clare-i'n "Lalmate, dawheh suh, dar sarih bawr vel atang khan i muhil daih aw.. kha tho khan a mutir lo lo che, i muttui leh ber" a rawn ti a. Lalmatea chuan






"Apa in nimin zan ka mut lai khan kha tho kha a rawn lut a, a rawn bengchheng vak a, zanah pawh ka mu theilo min ti alawm" a rawn ti ve nghal chuan Clare a ṭap lo chuah. "Nu, apa leh Lalmatea hi vaw tawh rawh. An ninawm dun lutuk" a ti vak.






Lalmatea chu chocolate ka pe a, pawisa thir ka sawi kha a la theinghilh silo a, kan len chhung zawng min dil char char, pawisa note pek ka tum lahin a duh silo. "Lalmate, la rawh. Thir ai chuan a tha zawk." ka tih pawhin "Thir kha a rit zawk alawm, thir ka duh" a ti ṭal. "Hei i la la, chuan Bank-ah i thawh hunah thir in i thleng dawn alawm. A tam dawn lutuk" ka tih chuan a lungawi ve ta hram.






In ka thlen chuan ka room lamah ka lut nghal a, ka phone ka check chuan number hriatloh atang hian *I haw tawh em*
*Min chhang ta che*
*Ka biak chak tehreng che nen*
*message hi seen ta che*
*I la haw lo anih dawn hi, I lo haw hunah min lo chhanglet dawn nia* tunge min lo thawn ang le?
*Tunge aw?* ka tih chuan a lo seen nghal.
*Keimah i bialpa*
*Ka number kha lo save nghal ang che*
*Mine tiin ka save che a, mine emaw, future husband tiin min save ang che*
*Anih loh pawhin Soulmate tiin lo save ang che*
*Chuan i va haw tlai ve*
*Ka ngai che tih i hre lo em ni?*
*min chhang ta che*
*aa,,min chhang hman pawh ni i leh lo, keiman ka type zung zung sia*
*I chhiar zawh veleh a dang chhiar tur a rawn thleng zel sia*
*Min lo reply ve tawh rawh le* minute khat chhung vel lekin message chuti zat a rawn thawn anih chu. Rapthlak hian.






*I va hman ve* ka ti ta ringawt,
*Nichin aṭang khan i message ka chang char char alawm* min rawn chhang ve nghal a,
*Chuan min ngaih loh pawn 'ka ngai che' tih message tal lo thawn la* a rawn leh a.
*Ka zak, ka ngam teuhlo* ka tih let a, ka ngamlo tak tak.






*Mawh, ka Bawihte, ka ngai lutuk che, tunah chuan i kawnga nghet taka chelh a, i rim nu chek te kha hriat leh ka chak* a rawn tih chuan ka lungphu a rang dup dup. Ka hlim veng veng bawk.
*Ka Bawihte, naktuk chu ka lo lam ang che*
*Muttui le, ka Bawihte* tih a rawn thawn chuan,
*Mangtha le* tih ka thawn let nghal a, typing tihin a zui nghal zat.
*Mangṭha chu min ti suh, muttui chiah min ti rawh, mangtha tih hi chuan a tawp tawh vang a ni ṭhin, kan pahnih hian kan tawp ka duhlo a, in mangtha ka duh lo, chuvang chuan muttui tih chiahin min thlah tawh ṭhin rawh* a rawn tih chuan a thusawi chu ka chhiatnawn char char.
A hnu fe chuan *Awle, anih muttui le aw, Duata* ka tih chuan ka lai ve pah reng.






Phone call a lo lut nghal a, tim dai chuan ka chhang a "Ka bawihte, tuna min koh dan ang khan min ko nawn leh thei ang em?" a rawn ti a, a aw ah a phur zia a lang reng "Ka ngam tawh teuhlo, message pawh kha engtin nge ka type ngam zawk tih ka hrelo" ka tih chuan a rawn nui suk a, "Khawngaihin Bawihte" a rawn tih leh a, a aw chu a ngenngawl hle. "Duata tlemin ka ngai che" ka tih chuan a rawn nui ta hawk hawk. "I sual emai" tiin phonecall chu ka cut nghal hmak.






Zak chung chungin ka sawi a, min la nuih mai mai zui. Phone call bawk a lo lut leh a, mahse ka reject hmak , a hnu phei chuan ka switch off ka daih. Ka ṭah a chhuak et et , ka ngaihzawng vawikhat neihna ania, chuan khatiang thu kha ka vawikhat sawina a ni bawk, a ni khan min nuih a maw, ka ṭhen nghal ang, chuan ka duh tawh ngailo ang, tunah khan eng nge ka ngaihtuah kha, kei hian ka duh a maw?






Ka lo duh a ni mahna, a chetdan te khan min hnen em em hlawm vek a, chuan midang hmaa ka thlavang a hauh zia te khan min lo hnenhman a ni mahna, mahse, nikhat chhung vel leka ka duh theih chuan tinge nikhat dang chhungin ka duhloh hman loh ang a. Mahni chuan ka kut ka hum nghek, khapa kha ka ngei lutuk. Min nuih vel a maw? Ala chaklo khawp ang. Thinrim ṭun chuan ka mu tau hmak.






School kal tur chuan ka insiam a, ka insiam zawh chuan breakfast ka ei a, pawna ka chhuah chuan ka meng zau kawk, Eric chu a bike ngheng chuan a lo ding a, min melh ngur bawk. A din lohna lamah chuan ka inher a, ka kal nghal nal nal, Eric chuan min pawt her lawp a, a awmah min kuahbet hle hle, "Ka Bawihte tihpalh, nimin avang khan" a rawn tih chuan ka tal vak, mahse min kuah nghet suah.






"I sual si, min thlah rawh" ka ti vak, "Aii,, Bawihte min ngaihdam hma chu ka thlah lovang che, ka tihpalh, ka tihpalh, ka hlim em a, ka insum hmanlo anih kha" a rawn ti leh a, "Katiang thu kha ka piantirh ata vawikhat chauh kala sawi, chupawh nimin zan khan, mahse nang chuan min nuih mai mai anih kha, I sual si, ka duh peih tawhlo che" ka tih chuan a meng zau kawk. Min nawr hla deuh a, ka darah vuanin







"Bawihte, sawi nawn leh rawh. Khawngaihin, nang hian min duh ve maw" a rawn tih chuan lu ka thing nghut, "Ka duh tawh dawn bawklo che, chuan ka sawi duh tawh kher lo" ka tih chuan a awmah bawk min kuah bet leh.






"A pawilo, sawi tura i inrin hunah min hrilh dawn nia, chuan nimin avang khan tihpalh, ka lo hlim em ani, chuan min ngaidam tawh rawh aw" a rawn tih leh chuan ka bu ta nghat. "Bawihte, min duh thu i sawi mai theilo em ni?" ngenngawl zet hian a ti a, min chhuk melh ngur bawk. "Ka duh che. I hria em Eric kei hian ka duh che, mahse he ka duhna che hi tichhe ngai suh ang che" ka tih chuan ka khabe ah dawmin min fawp nghal vawng vawng.






Mit ka chhing ringawt a, engtia han chhanlet tur nge tih ka hre miau lo, a hmui a lak hran hnu chuan min melh vang vang, "Nang hian min duh ve ania" a rawn ti a, a mitmengah chuan a hlimzia ka hmuthei.






"Eng vanga ka phalna tello a ka first kiss ru ve ngawt nge inih?" ka tih chuan min lo fawp leh zeuh, "tikhan i second kiss pawh ka ru" a tih chuan ka melh ngawt ngawt ringawt..






"ohh,, Ka Bawihte school kal kan ngai" a rawn tih chuan school kaltur ka ni tih ka hre chiah. A bike hnungah chuan min hlang a, a hnungzang hlai hlup leh thlamuan thlak ru zetah chuan ka bei hle hle a, mit ka chhing siar siar bawk "Ka Bawihte, mu suh aw" a rawn tih chuan "Ka mulo" ka lo ti vak. a rawn nui nghawr dat .






School kan thlen chuan mi ho chuan min lo melh vek hlawm nimai hian ka hria, mahse ka pawisa peih hlawm teh chiam lo. Eric chuan la bag min kensak nghal a, ka kutah nghet takin a chelh bawk.






Class kan luh chuan ka thiante bulah chuan Black Stars member ho kha an lo ṭhu a, an ṭhutna lam pan chuan kan kal ve nghal, ka thiante chuan min lo melh rum vak. Ka thleng tlai ve em bawk a ni. Emgmah ka lo hrilhhriat silo a, min lo nghak hrep awm sia.






Ka thiamloh pawh a ni bik chuanglo, Eric thiamloh a ni, Eric chuan ka ngaihtuahna hria ni awm tak chuan "I thiante I chunga an thinrim chhan ka nilo ania, min puh miah suh aw" tiin a nui deuh sawng mai. A bag chu an ṭhutnaah a theh a, Dreamer S thutna lamah chuan ka bag keng chuan min kai nghal a, ka bag chu dah in a thu nghal a, a kiangah min pawt thu ve nghal, ka kawngah chelhin ka dahrah a khabe a lo nghat nghal zat.






Dreamer S ho an ner nawng nawng a, "Ngaihzawng I nei bik ber" min tih chuan Eric-a'n "In bulah in bialpa turte an ṭhu vek tho alawm" a rawn tih chuan ka lo nui suk. Ka thiante'n min melh rum hle. "Nimin khan i online lo khanglang a, news pawh engmah i hrelo" Any chuan ner nawngin a lo ti.






"Eng news maw?" ka lo ti ha, mahse tuman min chhan pawh an tum hauhlo. Drew pawh chuan "Nang Eric pawh khan News i hre ve lo bawk, nge nimin khan i online loh vel a, in pahnih te khan in inngaihzawn bik vanga in lo online loh ve ve a" a rawn tih chuan Eric chu ka melh a, a nui suk ringawt. Nge maw nimina ka tihtauh vang ngawta a lo online loh ve mai mai ni. Eng News tak ni maw? Ka hre ve chak lutuk. Mahse min hrilh lah an tum hmel der silo


Show post links
Top

[Ngaia]

Higher Life
By: Te-i Mrs Ambrose
Chapter 9






Dreamer S ho chu ka melh vak, "Min hrilh vat rawh u" ka ti ṭhat, an zep rei leh lutuk mai. An la zep leh anih ngat chuan ka zawt tawhlo chiang khawp ang.







"kan Antlṭami leh Victor hi an in ngaizawng" Clare chuan a rawn ti a, ka ding hlaui, Eric-a'n ka darah a khabe a nghat sia, ka tauh chawrh a, a dak rawh. "Duata, tihpalh, a na em, a na viau em" ka ti mawlh mawlh, a khabe a dawm a, tukverh lamah a va dak a, chil a chhak pharh pharh, a thi tih ka hmuh chuan ka inthiam lo lutuk, ka hnaih ngam tawh silo. Ka chungah thinrim ta se.







Tinge le ka chet ṭhin viau thin le, Eric chu ka melh reng ringawt a, "Max, tui min lo pe rawh" a ti vin that, ka lo phu dawrh a, kei min vin lo mahse ka ṭah a chhuak et et, ka mittui a tling deuh pur tawh. Max chuan tui chu ava pe a, bottle chu a phih sak chawrh, a che reng reng chu a thinrim hmel hle a, keimahni lam chu min ngaihven hauh lo. Ka ṭah chhuak lutuk chu insum a har lam mah tawh a ni.






Tinge maw ni ka ṭah a chhuah et et le? Engtin mah min tilo mahse, a thinrim hmel ka hmuh sawn ka inthiamlo a, ka ṭah a chhuak et et. Eric chuan a kam a thuah thuak thuak a, a che reng reng chu a thinrim tih a hrait hliah hliah. Keimah chuan ka ding reng.






Hmeichhe thenkhatin "Awii,,, a che ṭhing e, Eric sawn rei pawh a kawp duh lovang, a che ṭhing si" an tih te chuan ka thin tihrim chu sawiloh, ka ṭahchhuak a rawn belhchhah.






Eric chu a lo hawi vut a, mitmeng thim khupa min lo melh chuan ka mittui a far fap. Eric chuan min rawn pan vut, kut min thlak dawn emaw ka ti hman. Mit ka chhing ta ringawt, mahse kut min thlak hauh lo. Min rawn kuah a, ka tapchhuak nghal hawk "Tihpalh" chu thu bak chu engmah ka sawi theilo.






Ka hnungah a chul hliau hliau a, "Bawihte, tap tawh suh le" tiin min kuah bet hlu hlu. Chu chuan ka ṭah a tichhuak sauh a, Eric chuan min pawm kang lawp a, class aṭang min chhuahpui ta daih. Ka la ṭap hliam hliam a. Zirtirtuten min hmu em tih pawh ka ngaihven peihlo, ṭah chhiah ka la duh rih. Hmana min hruaina hmun reh deuhah bawk khan min hruai leh a, thutthleng lo awmah chuan min ṭhatthlakpui nghal, min la pawm reng a, ka hnung a chulin ka chal a fawp leh vawng vawng thin. A hnu fe chuan







"Ka Naute, i tlṭap bang tawh em?" a rawn ti a, a mal chungah ka la thu reng, ka mittui chu ka hru tawk a, ka bu nghauh "Tinge i lo tah a?" min tih leh chuan "Ka chungah I thinrim emaw ka tia lawm" ka ti tiau, ka tah a rawn chhuak leh et et tawh. A rawn nui sup a "Ka Bawihtei chu pawn lama hlauhawm tak, Baby Devil chhung lamah angel note ang mai a lo ni a ni maw" a rawn tih chuan ka melh kha kha.






"Nge,,, I thinrim hmel em alawm" tiin a awmah ka hmai ka phum ta daih. Min rawn kuah nghet a, "Ka thinrim a lawm, nichina i awm ang khan awm tawh suh. Ka lakah inthlahrung viau tur in ka duhlo che. Nihchin khan i bialpa angah pawh min ngailo, ka lakah I inthlahrun em avang khan ka thinrim..." a tih chuan amah chu ka en vat. "Khami vang chauh khan maw I thinrim" ka tih chuan a bu nghut.







"Chuan Ka Angel Baby hi ṭap tawh suh se aw,, mite'n Dreamer D President chu a ṭahbleh lutuk an ti ang che" a rawn tih chuan ka melh khui khui. Chutia ka melh chuan a rawn hui hawk hawk a, ka hmui a rawn fawp zeuh.







"Tikhan thinrim tawh suh ang che. min ti hlauhthawng lutuk" ka tih chuan a kiai suk a, "Lutuk, Angel Baby" tiin ka hnar a rawn tawk zeuh. "Chuan nichina I din kur anga ding kur tawhlo khan min lo buaipui ve tawh thin ang che, hria em?" ka tih chuan a bu zeuh.







Class ah min letpui leh chuan midang chuan min rawn melh nghal vek kan vannei a, zirtiru an lo la lut lo hlauh. Ka lawm tak tak, Any ka hmuh chuan "Anṭam, ngaihzawng nei tharnu, ka lawmpui a che" ka ti vak a, a mood fuh ve hle a ni ang, 'Anṭam' ka tih avangin a thinrim hauh lo, chutah Max chuan Clare a rawn kawk a, "Bawihte, ka duhlai, ka lungdi, a dawta inngaizawng leh tur chu nang leh kei, hria maw, nang kei, kei nang, nang kei, kan phanihin" tiin a rawn nui sawng.






Clare chuan chhan a tum chiah a, mahse a hnung lam aṭangin hmana kan insualpui Nuthaui Saûmi ngei mai khan a sam a rawn kek a, Clare chu kan pan vut, mahse a kutin min lo dang a, kan kal lui ka bik lo, a sam a lo sei bawk a, a sam kektu lah khan a hmawr lam a keh lai a ni kher nen, Clare chuan a sam kektu lamah chuan a in her a, a sawm rawn kektu kut chu a chum chawrh, a tir chuan Nuthaui khan a thlah mai lo, mahse a Clare chuan a kut chu a hnek vak "hmelchhenu ka sam kha kek tawh reng reng suh ang che, tukinah hair mask in ka chiah thlap tih i hre na nge? Rapthlaknu I hrikin min en kur lehnghal. ilu va su la, Vestiges hair mask ngat lei ang che" a tih chuan na nuih chhuah loh nan Eric ban ka hmer ngawt ngawt a, ani pawh a nuih a zat hmel khawp mai, midang pawh tumah an bang bik lo.






"Hmeli hrik ka neilo" Saûmi khan a rawn ti a, Clare chuan Saûmi lu atang hrikpui a rawn phawrh ta mai, ka ten bawk, nuihza bawk si chuan Eric ka seh ta vak. "Hmeli, dah let leh vat rawh, ka thil engmah I khawih tur a nilo" Saûmi khan a rawn ti a, Clare lain a ten hmel tawkin hrikpui a neitu ang maia thau chu Saûmi luhah chuan a dah let leh.






"Kha, I thil ro em em chu. I robawm pawh rimchhe ngawt ang" Clare-i'n a tih chuan class ho an nui huk, "hmeli, ka robawm hi ka uluk asin, a rimchhe ngawt love" Saûmi'n a rawn ti ve a. "In sawi serious rih lutuk, thil dangah pakai ru" ka va ti zeuh. Robawm ngawt lo sawi, mipa ho an lawm dawn emai.






Chutia ka va sawi chuan an robawm chungchang sawi chu an tawp a, mahse ro bawm chung lam ami Sponges var ṭep a chhung a uk lamah an pakhai daih. Ava ṭul lo ber e aw. Mipa ho lan an lo 'haw haw' dur dur hlawm. Mipa ho lawm zawng tak hi chu aw.






"hmeli, ngawi mai mai rawh. Zanah ka delh pherh mai mai ngai lo" Saûmi chuan a rawn ti a, Clare-i'n "Ni tak e, delh tur nei hello che. Puff I hnawh mai mai anih kha" a rawn ti vat, an va han sawi rapthlak dun e aw, an mahni in an sawi a, hmeichhe thenkhat kan sen awp awp thung, a sawi ho lah an zak der silo.






Sir a lo kal chuan an inhnial tawp ta hram, sir-in class a lo luh hma chuan Saûmi kha a kalsawn a, Clare-i'n a hnung lam atang a kick chawrh dawhkan a bawh rawk rawk, a na ang chu aw, Sir chu a tarmit a bial hle a, a aw a ṭeng chhuai thin bawk. He sir hi ka hriasualloh chuan Sir Tarmitbiala an ti, "Naktuk aṭang sport kan ṭan ang, leader erawh twelve lamah an in ruat ang " a rawn ti a, Sir hi a hming diktak chu Sir Zama a ni a, mahse tupawn Sir Tarmitbiala an ti vek a, Matthew bialnu khan a hming hi phuahsak a ni awm e, a inhmeh viau lehnghal, break hunah Matthew bialnu kha va chibai dawn maw ni le? Hming a phuahsak thian riau (Oii,, our unfinished story zeh tel zeuh hi a nuam....an sport hunah phei chuan Matthew a rawn lang nasa dawn) .






Yess,, sports chu a nuam ngawt ang, Sir chu a chhuak a, Dreamer S ho leh Black Start ho chu kan thi ho a, Lizzy chuan "Awii,, niminah Delhi mi hausa in an rawka, a in neitu an tihhlum tak kha in lo hreve em?" a tih chuan kan lo hre hauh lo. Chutah Clare chuan






"rukru ho hian eng vangin nge an mi rawkna in neihtute an thah thin tih chuan... an thah duh reng vang ani lo a,, thil an ruk laiin an lo harh sia, man nih an hlau bawk nen an that mai thin, chuvang chuan in în an rawk laia I harh anih chuan in în rawktu kha I hneh leh hneloh tur ngaihtuah la I hneh dawnlo chuan muhil der char char ang che... chuan i thilo a nimai" inla fing fe chhan a ti a, Max an a lo thlawp khawp.






"Kalare mawl mawl suh" ka tih chuan a duhlo nasa teh e. "Vanlal, nangmah vanga Lalmatea mawl tawh zia i hria em? " a rawn ti daih. Lu ka lo thing ringawt. Min melh rum vak a, "Lo leng tawhlo la a ṭha ang, Lalmatea I rawn ti â vek zel mai" a rawn ti chuan "Ka thu, ka duh leh ka rawn leng ang" ka ti nghek.






"A ngailo, a mawl tawh zia chu..Nangin Literature power I nei I lo tih thin kha, hei tunah chuan a chhaw luk tawh, mizo an test naa a chhanna phei chu" tiin a ngawi ta diah. Keiin hre chak tawkin "Min lo hrilh teh" ka lo ti chul.






"A rapthlak lutuk. Sava a lo tleng tir a, vawk a thlawhtir bawk. Samuang te pawh a tlan chak tur lutuk ringawt, Sai lah kha Fanghmir bengah a lo tuhtir ringawt a, kan hauh lahin 'Literature power neitu ka nia, ka ṭanhmun a fuh chuan emgmah diklo a awmlo' a ti tlat zel lehnghal" a rawn tih chuan ka nui chhuak chiam.






"Lo nui suh, a ât vek tawh saw, ni hi zanah a chhuahtir a, tla leh arsi chhun lamah a chhuahtir bawk, Planet pawh sawmhnih pahnih 22 zuk awm tir a, Maths phei chu a, ka sawi peih lo zawk Pathum leh pathum belah mihring kutzungtang paruk zuk ziak a" a tih phei chuan kan nui vek.






Lalmatea nge nge ka duh ania "Lalmatea chu ka duh e" ka ti chuan ka bula thu Eric a rum nghut, a thikthu a chhe ee "lo thik kual vak suh, naupang mai mai alawm" ka tih chuan a la lungawiloh hmel nang mai, "Naupang chu sawiloh, I thawmhnaw haklai ho pawh kha ka thik vek" a tih chuan ka beng vak. Sawi awm leh awmloh pawh hrelo reng reng


(a tawi tih ka hria,,mahse ka type rei ve lutuk a nia)


Show post links
Top

[Ngaia]

Higher Life
By; Te-i Mrs Ambrose
Chapter 10






Eric thikthu chhe lutuk hi chuan min ti buai, ka thiante'n min nuih sawng hlawm a, hetiang em em a
thikthu han chhiat mai chu. A rapthlak zawk alawm.






Eric chu ka melh a, "Thikthu chhe Lalpa" ka ti vak, "Chhia ang chu. My Angel Baby" a rawn tih chuan kan thian ho an lo 'eee' dual. "Lo 'Eee' dual suh u. Ka vaw dup vek mai ang che u" ka tih chuan an hmui an petsawi kual vel. Ka van ngei hlawm e.






Teacher dang a lo lut a, house kan inṭhen tur thu min lo hrilh a, kei leh Clare chu white House kan ni a, Eric terawh blue house a ni thung a tum deuh hmuk a, min lo melh leh ngur thin bawk. "House khat nilo mah ila, I bulah ka awm char char tho ang" a rawn ti hmuk, house khat kan nih loh avang ngawt a a han thinrim chu le. Che Cute hian.






Ka lo nuih ringawt a, "nui ringawt lo khan lo bu ve tal ta che" a rawn ti leh hmuk, ka lo bu ta zeuh a, "Duata, thinrim suh le" ka tih chuan ala tum deuh tho. "keima Duat ber, thinrim suh le" tiin ka kutin love sign ka siam a, a lamah a vawm phei, a lo dawng chat a, a kut chu a kiss zeuh. A rawn nui a, a thinrim hma ang bawkin a lungawi hma.






A chetdan reng reng chuan min hneh vek a. A zei ru phian ṭhin lehnghal. School chu half chiah kan kal a, kan haw nghal, sport hi chu a lo nuam a ni e. Chu a chhapah ka duhte pahnih Matthew leh Lalrempuii group-ah kan la awm zui. Clare phei chu a hriat tirin a zuang vak. Dawhkanah a khup a tauh chawrh nghe nghe.






Zanah chuan Clare chu va text in a tuka kan kawr hak dan tur vel ka zawt a, a chhan chu kei ni ṭhian ho chuan house khata kan awmin thawnhnaw in ang vek kan ha thin. Tun ṭum erawh kan house a dang ta nuai sia, kei leh Clare chiahin thawmhnaw in ang kan ha thei dawn a nih hmel e.






Clare hnenah chuan *enge itih* tih ka va zawt a, alo seen nghal a, typing tihin a zawm nghal
*ka e* a rawn ti anih chu
*mimawl tawngkam i nei mawilo emai ka inthiar te tive tal ta che*
*hmm... thudik ka sawi mai ni...*
*I sawilo ka ti mi, i langtlang leh lutuk hi chu...i la buai viau ang, i che uih viau mai tur asin* ka ti leh a
*Hmm, duh leh, che uih ang hmiang, ka thiante'n a rim in hip vek mak dawn alawm*teh ṭal chuan a,, zah tehi a hre ve lo reng reng. A rapthlak thei ania. Thil ka ngaituah thui ngam ngai miah lo chu. Clare-i'n bialpa a nei ve tur hi a ni.






Amah a che over in zep ṭit ṭeṭ a nei silo a, a bialpa nen hian an buai viau maithei a ni. An inṭhen hma ngawtin ka ring. Clare hnenah chuan






*i phone dah la, ekham vat rawh, oli chhungte pawh an inthiar ve duh ang* ka ti a, a lo seen leh nghal. Henu hian biak tur a nei thlawt lo anih ka ring.
*Darkar khat chhung atan kan bathroom hi ka book tawh, ka duh chen chen ka awm ang* a rawn ti nghal.






*aa,, i tawngthei, naktuka kan haktur sawi ang* ka tih chuan tha takin min lo chhang ve mai a. Kan sawi mawlh mawlh lai chuan Eric message a lo thleng a, mahse Clare nen kan sawi laklawh em avang chuan ka chhang hman mai lo. A message pawh seen lovin ka dah tawp.






Clare nen chuan kan thu a inhmu meuh lo. Dar kua dawnah chuan kan sawi zo ta hram. Duhkhirh leh duhkhirh ve ve kan ni bawk sia. duh aiin kan sawi rei. Eric message ka chu ka han hawng a,






*Ka Bawihte ka ngai che *
* min lo biak pawh i tum velo reng reng*
*min chhang ta che*
*Hey, i online reng sia, tinge I seen miah loh*
*Mipa dang i bia em ni? *
*Hey, min chhang vat rawh, ka ngai che ania*
*Tu mipa chiah nge i biak a, kei pawh min be hman lo khawpa i biak chu*
*Ka la that dawn khawp*
*My Angel Baby, min chhang ve em em la*
*Misualna*
*Seen rawh*
a message ka hmuh chuan ka khawngaih reuh lutuk. a tan message chu ka type a






*Duata, tihpalh lutuk, Clare nen kan lo inbe daih a* ka tih chuan a rawn seen nghal a, mahse min lo chhanglet hauh lo.
*I thinrim em ni?* tih ka thawn leh a, a lo la reply chuang lo. Ka va call ta tawp a, min chhang hauh lo. Ka call nawn tluk tluk pawn min lo chhang duh ngai lo. Message in ngaihdam la dil pah reng bawk.






Mahse min chhanglet ngai hauh lo. Ka thin a rim deuh ṭun tawh, a tawp nan tiin ka call leh a, rin lo lutukin a rawn la ta hram, a chhan pawh ka ringlo kha ania "Enge" a rawn ti bul hmuk.






"Duata, i thinrim em ni? Thinrim tawhlo la, a nuamlo ania" ka tih chuan a ngawi vung vung. "Ka ngai em em che a, mahse nang chuan min ngai ve miah lo a nih kha, phur tawkin ka rawn bia che a, i online reng a, mahse seen pawh i seen lo" a rawn ti a, a aw a pangchhang in naupangin vui awka a an sawi ang hian a rawn sawi a, ka khawngaih reuh e a.






"Tihpalh lutuk, thinrim tawh suh aw, zan dangah chuan i Angel hian i message ka seen nghal zel tawh ang" ka ti a, mahse ala lungawi thei der lo. "Seen nghal pawh a ngai lo. Kan inbe tawhlo ang, i nuna ka pawimawh loh zia ka hriatchian belh mak mai ang" a rawn ti a, ava han titau peih e aw.






"Duata, Couple Dp nalh deuh kan hmang dawn nia, thinrim tawh suh" tiin naupang thlem tak tein ka thlem. "Naupang emaw min tia mi, chutiang chuan min thlem lungawi tum suh" a rawn ti bung nghut. "Lo online la, phone call erawh ka cut suh, ka lo thawn" tiin kan pahniha thlalak, Anṭami ina min lak leh Kalare ina canteen-a min lak mi chu ka va thawn a, alo seen nghal, a ngawi vung vung a, "i Dp kha thlak nghal rawh, class room a mi kan thlalak zawk kha hmang ang che" a rawn ti a, a lungawi deuh tawh tih ka hre mai.






Thuawi tak chuan Dp chu ka change mai a, mahse a la lungawi famkim leh tlat lo. Ka status a Eric-a thlalak chu ka hmang, *Ka duh ngawih* pa, lo thinrim tawh suh aw, nang aia pawimawh tumah ka nunah an awmlo ania* tin chu caption-ah hmangin ka up a, Eric-a'n a, seen hmasa ber a, Dreamer S member hoin an lo seen ve nghal vek bawk.






Chuan ka u, ka cousin Doctor-i'n a lo seen ve bawk, ka lo hide theinghilh, awii, ka thi dawn. Engtin tak min ti leh ang maw.






Eric chuan darkar fe kan inbiak hnuah "Ka ngaidam ang che, mahse ni dangah chuan ka message hi seen har tawh suh aw..My Angel Baby" a rawn ti a, 'Angel baby' tih lai tak hian min fan raih raih zel.






Kan inbiakna kan tihtawp hnu chuan Dreamer S group-ah ka lut zuai, min lo rel mawlh mawlh hlawm a, *Vanlal, keini aiin Eric-a chu a lo pawimawh zawk ta a maw?*
*I lo van rapthlak ve..Vanlal, ngaihzawng i nei ber*
*Vanlal, group message hi seen rawh, I bialpa ngawt kha buaipui suh* a dang pawh a tam mai.






*Nangni lehzel chu lo lungawi lo mah ta che u. Thikthu chhe lalpa thlem pawh tih tawh nak laiin nangni tal chu lo titau lo teh u* tih chu group-ah chuan ka thawn a, ka mu nghal daih.






A tuk chuan Eric-a chuan min rawn lam a, a sport dress chu inhmeh tak a ni, ka en ngawih ngawih lo chauh. Ani pawn min lo en vang vang a, "Angel baby I mawi lutuk" tiin ka hmuiah a fawp zeuh , kan school lam panni kan tlanchhuak nghal a, a hnungah ka bei hle hle.






School kan thlen chuan mi ho chuan min melh leh ṭhup tawh, ka ning hlawm tak tak a ni. Clare chuan ban min lo vai vut a, Eric nen Clare awmna lam panin kan kal nghal. Clare awmna kan thlen chuan Eric chu lo kun hniamin "Angel baby, kan House lamah ka ve phei ve tawh ang, mipa dang lo hnaih hauh suh ang che" tiin ka chalah a fawp zeuh a, "Nangpawn hmeichhe dang lo hnaih bik suh ang che" ka tih chuan a kiai suk a "Lutuk e" tiin a kal sawn a.






Kan sir lamah chuan kan va hawi a, kan Senior Rempuii leh a bialpa Matthew chu an ding duna, an inhmeh hliah hliah, an bula mipa tuai phakhat leh an thian ni mgei tur hmeichhia an rawn ding ve a ding a, eng emaw sawiin an nui ho leh bawk bawk thin.






An tuaia lah a tawngdan kalhmangah chuan tu emaw a rel a ni ngei ang, Senior Rempuii nen chuan an in set zeuh a, an hmuhnawm hlawm lutuk. An chanchin hi school-ah chuan a lar ve a, hrelo pawh an awm in a rinawm loh.






Sport chu kan han tan a, kan Leader Matthew leh Assistant Rempuii chu an ṭang hle tih a hriat khawp mai. Eric chuan an house lam aṭangin min lo en leh vung vung ṭhin, Eric-a'n items a neih ve tawh chuan ka lo auring thei hle.






Kan Assistant leader Senior Rempuii pawh Matthew-a'n item a neih tawh chuan a ṭang thei lutuk chu house ho kan nui leh tawp thin.




(Tunah chuan higher life atang kan peng rih deuh ang Our Unfinished Story kha...tlemin i revise lawk ang u)




Senior Rempuii chu Race a tel a, Senior Matthew a lo ṭang khawp mau, a writing board ken lai a hum nghek thin, an pahniha chezia chu Clare nen sport chhung zawngin hmuhnawm ti zetin kan en reng ṭhin.






Race an han tan a, kan house ho kan au ring teh a, Kan Assistant leader chu a tlan chak fal nalh, kan au dur dur hlawm. Chiang takin kan Assistant leader chu pakhatna a ni a, kan leader Matthew-a'n a pan nghal, Senior Rempuii pawn a lo pan ve nghal a, Matthew chuan Senior Rempuii chu tui a pe a, senior Rempuii'n a in nghal khawlh khawlh, Matthew-a'n a thlan a hruk sak mawlh mawlh a, an han inhmeh over uchuak khawp. Matthew chu a hawi kual thuak a, chutah Senior Rempuii chu a chalah chuan a fawp zeuh a, kan lo au ring teh e. a ṭhenin "Best couple" tiin an lo au bawk






Clare nen kan inbeng nawk nawk mai. Sawtiang em em a perfect couple saw an awm thei tawh dawn em ni?






Mipa football khel ve a hun a , Eric te house lam an la khel lova, ka lo lawm teh e, kan House ka ,an ve bawk sia, Eric ṭanloh ka duh lo bawka, kan house leh Eric te house an in match lo ti ka lawm thlawt.






First half an khelh zawh hnuin an han khel leh a, Matthew chuan a pet goal, kan ṭe ring hlawm khawp mai, Matthew chu a lo hawi a, Senior Rempuii chu a lo kawkin, Flying kiss a rawn pe a, kan lo ṭe leh vak, a pet goal ai mah khan kan tre ring zawk.






An ni pahnih ngawt chu Clare nen kan buaipui, an chezia kan hmuhhmaih ang tih hlau reng rengin kan awm a, items ah tel ve lo mah ila, ka ṭang lutuk chu chau vek. Senior Rempuii leh a bialpa Matthew chu an in hmangaih hliah hliah tih a hriat a. Clare nen kan lo en leh ngawih ngawih zel.





Eric pawh ka theinghilh lek lek ṭhin, item a a tel ve tawh erawh chuan ka lo ṭang thei lutuk. Kan house hovin min en leh hru zel. Kan Assistant leader Rempuii chuan
"I bialpa em ni?" tiin Eric chu a kawk zeuh a, ka lo bu nghat. Min nuih var var a, a hmetha in a lang duhawm takzet, heivang a nih dawm hi a bialpa khan 'Cutie' a lo tih ṭhin ni.






Senior Rempuii chuan "ṭan hle rawh aw, kan duh deuh ten min tan lutuk tih kan hriat hi chuan...keimahni kan phurin kan chak thei viau ania" tiin min nuih a, "Chuan...Relay Race ah tel ve rawh aw" a ti nghal zat, ka darah a beng thek thek a, min nuih sang chungin a kalliam a.






(Zanin chu Our Unfinished Story kha ka zep tel teuh sia, naktuk chuan higher life a ngawr* ka insawrbing leh tawh ang aw...
mahse Our Unfinished Story kha zehtel in duh chuan comment lamah lo sawi ula ka zep tel leh zeuh thin ang)


Show post links
Top

[Ngaia]

Higher Life
By; Te-i Mrs Ambrose
Chapter 11






Sport kan nei chu a nuam hem hem lutuk... Eric chu Item-ah a tel loh laiin a rawn kal ṭhin a, Relay race kan neih a hun ṭep tawh a, tel peihlo viau mah ila, Senior Rempuii'n tel ve rawh min ti tlat sia ka tel ve pauh a ni ang chu.






"Ka Bawihte, tha deuhin aw...ka ṭan che ania" Eric-a'n a lo tih chuan ka nuih ver ver. "Lutuk e, ka theih anga chakin ka tlan ang" ka tih chuan ka chhipah a fawp zeuh a. An house lamah a let ta nghal a.






Race chu kan ṭan a, kei a tawp bera tlan tur ka ni a, ka lo huphurh ve em em..Kan chak lovang tih mawlh ka hlau.Kan leader te an tihṭha sia, Dreamer S hotunu ka chetṭhat ngei ngei a ngai.






Race chu an ṭan a, kan team ho chu an la che tha phian, ka tlan ve chaih chuan Dreamer S ho an au ring fal.Ka tlan a, ka phakhatna... Red house lam atanga "Ka bialnu anih khu" Max a zawkin a lo tih vak chuan Eric-a'n a lu ah a beng bu lawp, Clare ka va melh leh chuan rum tawkin Max a lo melh ve a, henu hian a duh ve chiang.






Eric te lam kava hawi leh chuan Flying kiss min rawm pe a, ka lo nui ringawt. Ka ṭhiante over hri a chhuak tlat pek a, min vawr min vawr a, pakhatna ni ngailo te pawh ka ang alawm. 'Ka duh lo' ka tih pawhin min la vawr ngar ngar peih, A hnu fe chuan a tawp nan tiin min vawr leh a, mahse min dawn leh lam an ngaihsak tawh silo a, leiah ka thlathla chawrh.






Ka hnangin ka hria, Eric a lo tlan vat a, min pawm tho a, ka muttui te a tling pam thei, ana lutuk ringawt. Dreamer S ho chu ka melh hrep. "Ka Bawihte, i na viau em?" min la pawm reng chung chuan Eric chuan a ti a, ka tawng mai theilo, Dreamer S ho ka melh reng ringawt. Ka mittui pawh a rawn tla ringawt lehnghal.






A na em a ni. Eric chu a phun hluk a, min kalpui nal nal, midang chuan min lo em reng hlawm a, Eric lah chuan min pen pui vawk vawk. field chhak lama park ang deuh reuh an siamah chuan min kalpui a, min thutthak puiin ka mittui min hruksak a, "Oo,,Angel baby... Tap suh le" a tih chuan hnung ka chumsak pawp, "ka tap kher lo, ka mittui a far ringawt anih kha" ka tih chuan a kiai suk a.






"Tap silo a mittui far thei. My Angel baby duhawm lutuk" ka hmui a fawp vang vang a. Ka khawng at a, ka chhang let thiam deuh lo. A rawn nui suk a, "Angel baby, engkim ka zirtir che i ngai dawn a nimaw?" a rawn ti a "I zirtir ka ngailo, ka hur vek palh ang" ka tih chuan a nui hawk hawk.






"Angel baby, I ngaihtuahna kha a diklo anih kha, keiin chutiang rilru hmul pawh ka put loh laia nangma rilru hi a hmul ru tlat" a tih chuan ka melh rawm rawm mai, "Hmul lo, hmul lo" ka ti vak.






Kan sport na lama kan let leh chuan hmeichhe thenkhat hovin min lo melhrum vak hlawm a, ka chhu chawrh lo kha lawm hle tur an ni. Eric lah an house lamah pawh let tawh lovin min awmpui char char, ka taksa a nat leh natloh min zawt pah deuh reng bawk.






Min care em em a, a nuam lutuk. Hmeichhe thenkhatin min melh leh vak ṭhin erawh ka ti hleithei lo ṭep ṭhin a ni. Chutah Waiwaii bialpa ṭhianpa, hmana an sawisak hrep tawh khan "Hetiang hmeichhe tereuhte, hmel a pawh chhuan tlak nei mang silo hi kan Black Stars hotupa chuan a buaipui viau ania, a langlo lamah an ṭhing dun zek ang" a rawm tih chuan Eric chu a tho vut, mahse a kut ka lo chelhsak vat a, a ṭhuṭha ve leh mai a, mahse a in hum ruh nasa nang mai.






"Hmeichhia in a control theih mipa, nep lutuk" a rawn ti leh a, Eric chuan a melh rum nasa,,, "Nang hian ka bialnu chungchang sawitheihna dan i nei lo, ka bialnu ania, Elly Ka Angel baby aia ṭha hi ka mitah chan an awm lo, chuan kan pahnih a chungchang ah i rawn buai a ngailo, khawvelah ka bialnu ang hmeichhia hi zawng zawng mahla, i hmu chuang lovang, chuvang chuan kan pahniha kan inhne loh chuan lo buai ve tawh suh, min conrtol leh control loh pawh i buaina tur a ni hauh lo.ka bialnu ania, a duh leh min control anh hmiang " a ti fak, ka thlavang hauh chu a pe na khawp mai.






Khapa bawk khan "Hah,, khatiang hmeichhia te mai mai, duh duhin ka thlem thei ang chu. Zuam awl tak tur anih kha" a rawn tih leh chuan ka inhum ruh nghek, Eric chuan a hnek nghal sawk a.






Dan pawh ka tum hranlo, Eric hian khawih lo mahse, keiman ka khawih tho tho ang "nang hian tu bialnu chungchang nge i sawi tih i hria em? Eric bialnu chungchang I sawi tih hria la, kha i ka bawlhhlawh atang khan ka bialnu lam hawi engmah sawi tawh suh ang che" tiin a hnek leh ṭhuai a, a kick chawrh bawk.






Ka lam bawk a lo pan a, ka bulah ṭhuin ka kut nghet takin a chelh a, "Ka lawm e, ka thlavang I hauh ṭhin tlat avangin " ka tih chuan ka chal a fawp zeuh a, "Ka Angel baby thlavang ka hauh lovin, tu thlavang nge ka hauh chuan ang" a rawn tih chuan ka ṭhen sak.






Sport ah chuan chiang takin kan chak a, kan leader te an ṭangin an ti tha bawk a, Best boy leh best girl -ah pawh kan leader te ve ve thlan an ni , an han dingdun chu an inthlau hle Matthew a sang hle a, Rempuii erawh a te ve viau thung. Mahse an inhmeh lutuk a mipa zawk mita en tu chuan Rempuii a duh zia leh hmangaih zia an hrevek ngei ang.






Sport kan zo chu lehkhazir inkaihharh kum emaw ka ti hial , kan teacher te hian min hrual nawk nawk hi a ni ber. Class-a kan ṭhu ṭhap hlawm a, a ṭhenin Pangparhnima chungchang an lo sawi bawk, chutia a group group a kan lo ti to ho lai chuan Sir Puakphuka a rawn lut a. Sir Puakphuka hi a hma khan nuclear bomb a hrawkah a lo pai a, a puakphuk zel sia, tun thleng pawhin Puakphuka kan la tih phah






Kan ṭhu ṭha ngal sap sap hlawm, kan sir chuan hmeichhe ho chu min lo melh hlawm a, "Hmeichhe ho kha, lehkha te hi zir ṭha ta che u" a rawn ti leh nghal tawng. Mipa ho aiin kan nep bik awkawngka lo. "Hmm,,, Sir Dreamer S kan nih hi, ral hmaa tlawm ngailo, lehkha hmaah phei chuan kan tlawm dawn lo. Kan member te zinga tu emaw ber hi pakhatna a la ni ang" Clare chuan a ti a.






Dreamer S member zingah hian tu mahin pakhatna kan la thei lovang, chutah Sir Puakphuka chuan "a tu ber chu maw ni dawn a?" a rawn tih chuan Dreamer S hovin min lo kawk vek, heng ho hian eng nge an hriat? "In â ami, lehkhazir allergy ka neih hi, thi se min ti em ni?" ka ti vak, chutah Dreamer S ho chuan min lo em thup.






"Nang hian Eric hnenah 'i bialnu ka nih chuan pakhatna ka ni ang' i tih kha" tiin mit min san khum euh euh hlawm. "Engtin nge in hriat?" ka ti vak, keipawn ka lo theinghilh daih tawh asin. Eric khan a lo hrilh anih chuan a chaklo ang "Elee,,, kan zui ru che u" an rawn tih chuan ka melh nghek hlawm. "Tuin nge mi zuirukte zirtir che u?" ka tih chuan "Elee,, nangmah" an lo ti rual dual. "A ni tho sia," "mahse kei chu min zuiru tawh ngai suh ang che u" ka tih chuan an ner nang nang hlawm.






Sir Puakphuka chuan "Hmeichhe ho kha 'Story boy ka star e' in tia, Pangparhnima te hi in ti in tia, in class-ah Pangparhnima anga lukawlh an tam em hi, heng ho hi star ula, lehkha zir ṭhat nan te hmang ta che u." a tih chuan Clare-i'n "Awii,,, Sir engtin nge kan Pangparhnima lu a kawlh tih i hriat a, i chhiar ve thin em ni? Awii,, sir.. nun hi i van ti nuam chiang em" tiin sir chu ngaihsan hmel tawk hian a melh a.






"Kalare, ka chhiar ngailo" a ti hmuk, Clare lah chuan "Puakphuk, khatin 'Kalare' min ti suh ṭhiante pawh tih tawh nak laiin nang leh zel chu" a ti nang nang Sir Puakphuka chuan "Engtin maw min koh a?" a ti ṭeng chhuai, ala khuh puak puak zui, Nuclear bomb a pai awm pawhin ka hre silo. A lo khuhpuah leh phuk hman chu le.






"Hehe, sir engtin mah ka ko lo che" a tih chuan sir chuan a melh rum nang mai, a khuhpuah vang khan a zak a, kan chungah ṭuan te a tum emaw ni? "Ka sawi kha theinghilh suh ang che u, Story boy, mi ngaihtuahna puakchhuak aṭanga lo chhuak ve mai mai vei tawhlo khan Lehkhabu hi vei ang che u.Kar thar lamah in exam tawh dawn ania" a tih chuan kan meng zau hlawm nang mai.






"O my Gosh! Sir kar thar a ni?" Any chuan a ti chiam sir a bu zeuh. "Awikareisei, ngaihtuahna lapeng tu tur ngaihzawng ka nei tawh asin, ka fail ten" a ti leh chiam. Sir chuan "Enga, ngaihzawng a, Lalanṭam, ler suh" sir chuan a rawn ti a, Any'n sir chu a ngei hmel teh e "Sir Anṭam min ti suh...Ka duh miahlo ania, kapu ropuia'n thlan atangin sam tla kawlh vek tur khawpin a rawn beng mai tur che asin" a ti chiam.






Sir chuan "Oo,, Dreamer S ho hi zawng, kan school-ah hian in mikhual lo anih hi...hei keini teacher te pawn ka hrevek che u chu ania" a ti ta ringawt. "Ni reng ang chu...Sir Dreamer S ho inzarpharh tawhnaah reng reng kan mikhual ngailo. Cuase we are Dreamer S" Lizzy chuan a rawn ti a.






Sir chuan chhan pawh a chhang peih tawh meuh lo "Lizard inih mai chu" a ti ta ringawt. "Sir, Dreamer S ho hi min lo van ngaihsan hmel em em. Kan inkoh dan thleng thlengin i hre vek ania" ka tih chuan sir-in "Hrelo thei nang che u. He school-ah te chuan Dreamer S tih a ri ngun ber tawh alawm. Thlakhat leh a chanve in kal dek dek a, Teacher ho pawn in boruak kan zo meuh lo chu anih hi" a rawn tih chuan Dreamer S hovin Sir Puakphuka an en vek "Anih Sir, zir ngai miah lo turin Dreamer S ho chu min pass tir vek mai ula" ka ti a.






Sir chuan "Ka zolo... rihsangmual liam kala nap silo a, In class room atang hian ka liam rih tang e..
Hmangaih Vuani tang.
Student meet me in Dreamland. Forever and Ever.
Amen... a ni lehlo, ka rilna a tichhe ṭep. Kan sawi ṭha leh ang e.
Forever and ever Khiangawia nau. Khiangkhima" tiin a chhuak daih. kan class ho kan lo nui chiam.






Luch break chuan Canteen lam panin Black Stars ho nen chuan kan kal a, eitur kan chah a, Eric chuan a dan ngai tein ka kawngah a chelh leh tawh a, keiin ka lo ngheng ar ar. Chutia kan ṭhut ṭhap lai chuan Drew a rawn ding chhuak a, a kutah rose sen a keng bawk.





"Liz,, ka bialnu ni turin ka duh che, he thu hi engtin nge ka hrilh ang che, engtikin nge ka hrilh ang che tiin ka inkhak reng thin. Sawi lova ka duhna che hi thamral tir mai ka duhlo a, tunah hian i laka ka feeling chu ka pawrhchhuak tawh a, engtin nge min chhanlet ve dawn?" tiin rose keng chuan a thingthi a, Lizzy-i'n a hmui a hup tawp.






Kan Drew chu a che Romance ve em a ni. Midang ho pawhin min din bial laih hlawm a "Yes rawh, Yes rawh" an ti rual dual dual, a hnu fe chuan Lizzy chu a bu ta nghat a, Drew rose ken lai chu a laksak bawk. Chutah Clare chuan Max a beng bu lawp.






"Max, an romance bik zia khu a i hmu em? Nang ve lem Êkin rimchhe zet bulah min bem kha ania, ka Yes lo che hi ka lawm" a ti vak. "Ka Lungdi midang bulah ka bem ngam hleinem che, midang hmaa min duhlo thu i sawi ka hlau sia, kha toilet rimchhe zet kiangah kha chuan ka confi a, toilet rimchhe zet rim kha i ruih deuh chuan min Yes ve mai ka lo ring a" Max-a'n a tih chuan kan lo nui dir char char hlawm.






An va han romance dun lo tak em. "Kei hian Êkin rim ruih vangin ka Yes an che maw....Bengparh i va chhaw ve, kha hmunah khan lo Yes che ila, midangin kan bul tanna hmun zawt ta che se, kha Êkin bul kha i kawk ngam dawn em ni? " Clare chuan a ti chiam. "Ka lungdi, Nang nen chuan ek paih inhlawh pawh ka huam alawm" Max-a'n a rawn tih veleh chuan Victor a rawn nui phuh thawt.






"Bengparh, kei hiam ek paih ka inhlawh ang maw" tiin Clare chuan Max chu a melh rawm rawm chung chuan a kawng a dawm a, a thinrim hmel hle, chutah Eric chuan ka beng bulah "Sawti sawn hmeichhe te deuh, kawng dawm meuha thil an sawi tawh saw chuan thingpui inna no an ang thei e" a rawn tih chuan ka beng vak.






"Keipawh ka te in kawng dawm meuhin ka ṭawng ve thin a, thingpui inna no ka ang ang maw?" ka ti vak. Mi ho chuan Clare leh Max en tawh lovin Kei leh Eric chu min en tawh hlawm a, engtikin nge ka din hman pawh ka hrelo.


(Comment kha aw
https://m.facebook.com/groups/991354610 ... 744150907/
)


Show post links
Top

[Ngaia]

Higher Life
By; Te-i Mrs Ambrose
Chapter 12





"Bawihte, thinrim mah ta che...Thingpui inna no chu in ang tak tak sia lawm" a rawn tih leh chuan kawng dawm meuhin ka chek tlak tlak. "Hmela le, nang hian thingpui inna no ang min ti a maw, eng nge inih bik, sek ṭung ringawt mai" ka tih chuan min en a, "Angel baby, sexy min tih em kha" a rawn ti a, keiin rum eltiangin ka melh thung.






"Lo hmu sexy che mah ila, tun dinhmunah chuan ka hmu sexy thlawt lo che" tiin ka kal nal nal, ka ngei reuh tak tak a ni. Ka kal thinrim bawk a, ka hmaa mihring kal pawh ka lo hmu lova, ka su tawp, keimah zawk chu ka thu thla chawrh. Ka mi sutnu chuan "i mawl em ni? Kawng en ta che" a rawn tih chuan ka melh chho a, a thiante ni awm ngei ho chuan mawl min tih hmel fe in min melh hlawm a.






Engmah sawi lo chuan ka ding a, kalsawn ka tum chiah tihah "Ngaihdam min dil ta che" tiin hnung lam atangin min tlawh nghal tawp a, chhuatah ka bawk tawp. Mi ho chuan min lo en ṭhap hlawm a, ka thochhuak a, "Hmeli nang hian kut min thlak amaw" tiin ka pan hnai nghal a, thinrim tawh sa nak laiin henu hi a chakdawnlo khawp. Kei aiin a sang hauhlo bawk a, a samah thamin ka hnek nghal a, a thiante khan lo puih an tum nangin ka thiante an lo thleng a, kan insual nghal der.






Ka hmeichhe sawisak lai chu ka thutbet a, ka hnek leh dawn chiah tiha tu emaw hian min pawtding nghal tawp, Eric chuan min lo pawt chu niin chhuata ka hmeichhe sawisak chu a kaitho a "Hmingi i na em?" tiin hmeichhia chu a buaipui a, kei pawh min buaipui hmasa lova chunu a buaipui chuan ka thin a ti rim hlur mai.






Chutah Hmingi a tih khan "Ihh...ka tha" a ti a, "Engvanga insual nge in nih?" Eric chuan min melh pahin a ti a, chhan tumin ka ang zuai, mahse kha hmeichhia khan "Ka thiamloh a ni, ka lo su palh a, ngaihdam pawh ka dil, mahse a ni hian kut min thlak nghal ringawt a" tiin dawt muhlum a sawi a, a insut faih faih bawk. Chutah Eric chuan thuchiang pawh hre hmasa lovin "Elly, ka chungah i thinrim a nih pawhin hetiang hi chuan midang chungah i chet ka ringlo asin" a aw ah chuan min demna ri ka hre tel bawk.






"Khanu thusawi kha i ring nghal mai a maw...Ka sawi pawh ngaithla hmasa lovin nang hian thiamloh min chan nghal ringawt a" ka tih chuan min en a, "hei, Engkim a chiang reng alawm" a rawn tih chuan min tina ve det. A bialnu thusawi pawh ngaithla hmasa lovin hmeichhe pakhat thusawi lek chu a awi em em a maw.! A tha alawm. Min rinna pawh neilotu hnenah hian insawifiah ka peih/ paih hrep love.






"Thudik I hriat hunah ngaihdam min dil emaw tum hauh suh ang che" tiin inher mai ka tum a, kha hmeichhia Hriati a ti nu nui lai kava hmu hman hram. "Chuan nang chinghne beram vun sinnu kha, khatianga dawt i sawi man kha i la hmu dawn khawp, tunah chuan hnehtu chan chang inti zet khan lo nui mai mai rawh, min hmuh leh ni chuan....." tiin ka ngawi zui ta daih a.






Ka kal hmain ka lehhawi leh hram a, "Hmeli, I chungah ka lawm e, nangmah vangin Eric-a'n min rinloh zia ka hriatphah a, Chuan nang Eric, ngaihdam min lo dil chu sawiloh, hnaih pawh min lo hnaih hauh suh ang che" tiin ka hnungchhawn hmak a, mahse ka hnungchhawn fel awrh tihah ka mittui a tla nghal a, ka kutin ka mittui tla chu ka hru tawk.






Khati em em khan maw min lo ngaih sualin min lo rinloh a, mi chu ka insualpui ṭhin ngei mai, mahse tumah kut ka thlak hmasa ngailo. Chiang takin Eric pawh khan hre tur a ni asin, ka insawifiahna pawh ngaithla hmasa lovin thutlukna a siam nghal a, keipawn thutlukna chu ka siam ve thei alawm, min rinna chhete mah neilo tu hnaih ka tum tawhlo, thudik a hriat hunah lo inchhir sawm sarih mahse. Ka tan chuan hmelhriatloh ang bak a ni tawhlo ang.






Amah vangin ka mittui pawh ka ti tla tawhlo ang ti chungin ka mittui chu ka hru leh tawk. Any-i'n "Eric i tidik lo khawp mai, nang hian Elly hi hrechuang tur i ni asin, Elly hian tumah kut a thlak hmasa ngailo, chuthil chu kan inhmuh hmasak ber ni pawh khan hre tur i ni, thilthleng tak tak i hriat hunah chuan ngaihdam dil emaw kha lo tum hauh suh ang che, a chhan chu nang chuan i bialnu Elly ni tawhlovin Elly thar, hmeichhe lunglian leh nghet, tih tawhlo lamah chuan hmeichhe kawlh tak bak i hmachhawn tawhlo ang, I kianga a awm laia hmeichhe nem tak kha hmeichhe sak takah a inthlak tawh dawn tih hria ang che, chu thil chu keini Dreamer S aia hrechiangtu an awmlo" a tih chuan "Any, duhtawk rawh kal ang u..Khapa kha be tawh hauh suh ang che u" tiin ka kal nghal daih.






Class ka luh chuan kan ṭhutna lam ka pan nghal a, ka ṭhutna ka thlen chuan ka bawk nghal hnawk. Khatiang khan tuman min la tina ngai lo, ngaihdan a siam dawn pawhin ka thusawi ngaithla hmasa tal tur a ni asin. Lizzy chuan ka samah a chul a "Elly, i rilru tina duh suh" tiin ka samah a chul hliau hliau a, abak thildang erawh engmah sawitur a hrelo.






"Kha hmeichhia teh hrep kha a chaklo ang" Clare chuan thinrim zetin a ti a, "Ni e, hmeichhe dawheh lutuk mai, a te si, thingpui inna no ang mai" Any chuan a lo ti ve a, 'Thingpui inna no' a tih lai tak khan Eric nena kan inhnial lai min hriatchhuah tir, lo inhnial talo ila, tun dinhmun hi kan thleng kher ang em le "A awm kha a lawmawm zawk, awm lo sela Eric-a'n min rinloh zia ka hre dawn hleinem" ka tih chuan min en thap hlawm a.






"Guys, nangni ho leh Black Stars member ho in inngainat zia chu ka hre vek a, in be reng thei mahse a theih hram chuan Eric chu be lo hram ang che u" ka tih chuan an bu nghat nghat hlawm a. "Kei chu ka haw dawn" tiin ka bag ka la a, ka chhuak fel awrh tihah Any chuan ka darah min lo kuah a, "Nangmah chauh te chuan i haw kan phal nang," a rawn ri a, Lizzy leh Clare pawh an lo awm ve ran a, ka nui ringawt.






Clare chuan "Kan inah kal ang u Vanlal nang phei kha chu Lalmatea'n a ngai tawh che" a tih chuan ka nui suk, "Kal nghal ang u" tiin Clare te in lam pan chuan kan kal a, kawng tluan chuan ka ṭhiante chuan ka rilru nat emaw lungngaih hlauhin fiamthu an thawhin min tihnui phet an tum a awmlo sela ka ipik ṭunin ka ring.






Clare te in kan thlen chuan mak tih hmel tawkin Clare chhungten min lo melh hlawm heu mai, "Khatin chawngkawr mit khan min en suh u, kan lo haw zuai anih hi" Clare chuan a ti a, apa a chek tlak tlak. "Nangni thian ho hi engtikah tak piangthar hlawm ang che u maw" a ti deuh vang vang, "Pa, chu zawng ala hnailo, thlarau rah chikua pawh kan la hrelo lo, piangthar ta ila, tuna kan nun hi sim hmak a ṭul hmel sia, keini zawng tun dinhmunah chuan Paula in Pathian a phat hun laia a rilru kha put kan la duh zawk engtik niah emaw Paula angin kan la piangthar ve mahna" Any chuan a ti duah chutah Clare pa chuan a lu a rawn kuk fawk.






"Inla hre tawkin I sawi a, Paula te chuan Pathian pawh a phat nek love, Apostle zingah pawh a tello, Petera'n alawm Isua phat, dawheh zepzuap lutuk" a rawn tih chuan kan nui dir ngat ngat hlawm. "Pa, Petera ka tilo maw, avan xialo ve, milar Paul ka star a, a hming ka lo sawipalh a ni dawn kha" Any chuan a ti leh a, Pa Rina chuan a awiloh hmel teh e.






Lalmatea chu a rawn thlan haw a, a bang chiah a ni ang, uniform ala inbel thlap, a kutah paper a keng va a, apa awmna zawn a thlen chuan "Pa Answer paper min sem a, hei artui sen chi ka hmu" a rawn ti a, a la nui vur vur zui, apa a chek tlak tlak a, "Lamate, tu fa lubawk nge inih? Engtin nge mark bial I lo hmuh theih, mizo subject-ah tal chuan pass ta che" tiin Pa Rina chuan a chal a dawm vang vang.
"Pa mi zawng zawngin I pa I chhun lutuk min ti vek asin, I chal filh dan pawh I pa chal filh dan nen a inang chiah chiah min ti, kan themawmnu phei saw chuan 'i pa leh nangma chalah chuan tho pawh a fu theilo, an tawlh thla zel, in chalah tel(oil) in hnawih a ni ang, a mawm hmel sia, ni in a chhun phei chuan a tle var zel' a ti a" Lalmatea'n a ti chuan Pa Rina a ding hlaui,,






"Thenawmnu Vawki saw chu kan va zilh hlak teh ang" tiin a chhuak daih a, a chhuak fel chiah tihah kan nui vak vak hlawm, pa Rina a rawn lan leh rual chuan kan nui tawp hmak "Lo nui tawh suh ang che u" a tih chuan kan bu nghat nghat hlawm a, a kal leh rual chiah chuan kan nui leh vak vak hlawm. Keipawn ka broke deuhreuh tih ka theinghilh hmin der.






"Khawmaw, Lalmate, i paper chu" tiin Lalmatea chu ka hui a ka lamah a rawn kal a, a paper min pek chuan ka nui chhuak hawk, Any leh Lizzy pawn an lo en ve a anni pawh an nui vak hlawm mai, Clare erawh a hawisawn hmak.






Lalmatea chuan sentence a phuah rapthlak hlawm lutuk, a dik a awmve tho nangin then chu a phuah maksak viau thung.






Sentence hetiang hian zuk phuah rumro a,
Perh: Ramsa ka perh thin
Suamsam: Ka thinrim changing ka in suasam thin
Vawm: min inchung ka vawm ziah thin.
A thenah lah vawkpui a tleng tir zawr zawr a, rul hnim a pet tir bawk.

Lalmatea hi zawng nun tihlimtu a ni ve chiang e.






"Lalmatea, tinge Artui kher i rawn hawn a, hmawlh tal lo hawn la, mark bial ai chuan pakhat chu a tha zawk alawm" ka tih chuan "Hmawlh chu ka duhlo a, artui kha ka duhzawk a, inah kan (fry) tur ka tia, ka lo hawn alawm" a tih chuan Clate-i'n a beng fawk. "I chhaw lutuk,, I paper hi i kang pit ang, mawl lutuk mai, I future a ngaihtuah awm lutuk" a tih chuan Lalmatea'n "ka hmahun a ngaihtuah awmloh, Missionary ka ni ang a, suala tlu tawh ho ka mankhawm ang a, handcuffs hmangin ka hling vek ang" inchuan hmel fe hian a ti a. Clare chuan "Chutiangin tu missionary mahin misual an hling ngai love" a tih chuan Lalmatea'n a lu a hiat neuh neuh .






"thlarau bo ho chu an sual tho tho ka thu vek, ka la man khawm em em ang, ar inah ka la hnawh ang, a leng lo ho pawh ar mawngah ka hnawh ang" a tih leh chuan Clare beidawng lutukin a room lamah keini pawh min ngaihven tawhloin a lut daih.






Lalmatea lah chuan "Yes,, a u Kalate-i'n min hnial hneh lo" tiin a zuang tawr tawr a, keini pawh rei awm lovin kan haw ve ta daih. In ka thlen chuan ka zawi hnawk, Eric-a'n min ring lo lutuk mawlh khan ka rilru a luah leh ngut ngut tawh. Khapa kha ka ngei lutuk , amah vangin ka rilru a nem zo a, a hmaa hmeichhe pa ve tak ṭhin kha a kiangah chuan ka nu ve viau ṭhin, mahse a ni tawhlo ang, Tunah chuan hmana Elly, Dreamer S hotu diktak kha a lo let tawh ang. A hmaa mipa ngaihsak ngailo kha ka ni leh tawh ang.






A ni khan ka thusawi pawh ngaithla hmasa lovin min ringlo nghal em em a, a chhe ber ti hial angah min ngai a, hmeichhe nunrawngtak angah min ngai a, a chhan leh vang awm lova mi khawih mai mai ching angah min ngai a, tunah chuan a mi rinlohna avang khan inchhir sateh mahse, ka bengkhawn tawh hauh lovang




___________________


Show post links
Top