HIGHER LIFE BY Te-i MrsAmbrose (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HIGHER LIFE BY Te-i MrsAmbrose (Completed)

Unread post by Ngaia » October 31st, 2022, 1:20 am

Higher Life
By; 🌼Te-i Mrs Ambrose🌼
Chapter 31






Eric chutia a awm vang chuan ka chi ai zo va, eng nge tih tur pawh ka her thiam lo, Victor chu Teacher room lam panin a tlan nghal a, Max-a'n Eric chu a paw lawp a pawn lamah a tlanchhuah pui a, kei erawh ka ṭhut ngaiin ka ṭhu reng, engtin nge khatiang thil kha a lo thlen phut theih.








Eric kha mipa chak tak a ni a, eng vanga khatianga awm kha nge a nih. Ngaituahna chuan kil tin kil tang a dap ruai a, mahse eng chhanna mah ka dap chhuak zo lo, leiah chuan ka ṭhut ngaiin ka ṭhu reng, a hnu chuan harhchhuak thutin Eric an chhuahpuina lam chu ka pan a, mahse tumah an lo awm tawhlo.








Ka darah Ms-a'n a lo hmer a, "Damdawiin lam panin an kal ta anih kha" a rawn ti a, "Ms, ka kal ve a ngai, Eric kha lo harhin min hmulo ta se, min dem dawn lutuk, Ms khawngaihin min hruai rawh" tiin Ms-a chu ka melh reng, Eric kha lo harhin a kiangah ka awm lo tih a hriat chuan min hlat leh duh mai ang. Eric ka ngaihtuah avang chuan ka biang a lum thla pap, tinge kan ṭha leh dawn chiah a, a chungah hetiang thil hi a thlen.







Ms-a chuan a lu a thing a, "Ell, kal lo mai rawh, damdawiina i kal khan a tih nat belh che ang a, i chauhpui mai ang" a tih chuan lu ka thing nawk nawk, "Aii,, Ms, kal ngei ka duh alawm,, min thlah duhloh chuan mahni pawhin ka kal mai ang" tiin Ms-a chu ka en a, beidawn hmel lutukin Ms-a a thaw halh, "a ṭha alawm, anih min lo nghak la, ka bike ka va la ang" tih leh garage lam pan a rual a, kei erawh ka ngaihtuahna a fim theilo a, Eric chungah a aia thil ṭhalo a thlen leh mawlh ka hlau a ni.







Ms-a chu ka hmaah a lo ding a, bike a chuan ka lawn nghal, Eric chuan ngaihtuahna a chhuahsan theilo a, ani kha ka chan mai ka hlau, chu thil ngaihtuah vang chuan ka biang a mittui a hul theilo a, thaw ipik lutukin ka thawchhuak leh hawk ṭhin. Damdawiin kawta Ms-a'n bike a tihdin chuan ka chhuk nghal a, amah Ms-a pawh ngaituah tawh lovin damdawiinah chuan ka lut nghal.







Eric lah chu khawiah ber nge a awm tih ka hre silo, ka ṭah a chhuak takzet tawh, Nurse lo kal mek hnenah chuan "nichina school naupang damlo an lo hruai kha khawiah nge tunah an dah" tiin ka zawt a, a ni chuan ICU lama a awm ti a min chhan chuan ICU lam pan chuan ka tlan nghal dawr dawr.







ICU kawtah chuan Black Stars members ho an kim ṭhap a, an ṭhu kun lap a, an kiangah Eric nu leh pa an ṭhu ve bawk, Victor-a'n min lo hmuh chuan min pan lo nghal a "Elly, hmanah nangmah ṭhawng dawt tur che ila tawng dawn ka tih che kha ila hria em? Tunah chuan ka thilsawi awmzia hi i hrethiam tawh tiraw" a rawn ti a, lu ka thing nawk nawk.







"Aii, Victor engmah ka hrethiam velo, eng vanga Eric saw sawtianga awm saw nge a nih? Ani sawn min kalsan mai ang em?" tiin Voctor chu ka zawt a, Victor chuan a lu a thing a, "Engmah ka sawithei bik lo" tiin a indawm kun ngawih ngawih , Reilote hnuah Ms-a a rawn thleng ve a, ka bulah dingin ka ṭhat leh ṭhatloh min zawt a, lu ka bu nghat ringawt.







ICU atang chuan Doctor a rawn chhuak a, kan lo bawr nghal Eric nu khan "Doctor ka fapa chu a ṭha tiraw" tiin mittui nen a lo zawt a, Doctor chu a thaw hawk, "Kapi, kan chhan hman hram a, mahse, in hriat tawh ang khan a lung hi thlak anih loh chuan rei a daih tawhlo ang, tunah pawh hian a la harh mai thei dawnlo a, a pawi ka ti a, hei ai baka enkawl ngaihna kan hre tawh lo a ni" a tih chuan ka nghing lawih.








Ka awn riai riai a, Ms-a chuan min lo dawm hman hram, ka biangah mittui a sur zung zung a, tunah khan eng thu nge ka hriat kha, Eric hi a lung thlak a ngai dawn a maw? Ka hresual a ni ngei ang, Eric nu leh pa chu an ṭhu kun tlawk tlawk a, Victor lam chu ka hawi a, "Victor, tuna Doctor thusawi kha ka hresual a ni tiraw?" ka tih chuan Victor chuan lu a thing a.








"Ell, i hriat a hun ve tawh alawm.
Eric hi lung cancer a ni. He thu i hriat hunah tuna a ṭhawn ang che leh i nat ang khan i na ang tihEric khan a hlau a, chuvanga kalsan che kha a ni" a tih chuan ka nui hak, "Victor, infiamna chi a ni miahlo ania, ka chi ai tawh tehreng nen...khawngaihin dawt chu min hrilh lo teh..Max, tunah khan Victor khan dawt min hrilh a ni tiraw" tiin beisei nei lutukin Max chu ka en a, Max chuan kaa min chhang mai lovin lu a thing ringawt.








"Nangni thian ho hian mi hi fiam reng tum ṭhin suh u, natna chungchang anih hi kan sawi, dawt inhrilh hun a nilo, chuan lung natna in vei tir ber lah saw in thianpa Eric anih saw, hetianga sawi te chu a malsawm lo, Eric sawn lung natna a vei tak tak mai tur asin" ka tih chuan Victor chuan min hnaih hrut a.








"Elly, thudik hi i pawmngam a ngai. Hetianga awm turin Eric khan a duhlo che a, chuvang renga hlat che kha a ni , a hlat lai che khan a kehsawm tih kan hria, mahse ani khan a thinglung kehsawm ai chuan nangmah kha a dahpawimawh zawk che a, damlohna nei chung leh na chung khan a thlah che a, kha a thlah lai che a a tawrhna avang tal khan hetiang hian awmsuh" tiin ka darah a rawn vuan a, lu ka thing nawk nawk.







Eric nu khan min lo kuah a "Bawihi, engkim hi Pathian ruat sa vek alawm, eng ang pawhin pawm duhlo mah ila, ka fapa Eric chu a ral mek zel anih hi, chu chu thudik a ni" a tih chuan a ri in ka ṭapchhuak hawk.








Eric nu chuan "Bawihi, ka fapa hian a hmangaih lutuk che asin, a hmaa ṭawng,ai ngailo khan nang kalsan che a hlauh avangin a dam theih nan nitin a ṭawngṭai lai ka hmu ṭhin, kha khan nu mittui a kochhuak lo theilo a, ka fapa natna hi keihian tuar zawk ila ṭha tur" a ti vawng vawng mai. Kei erawh ka mumal hleithei meuh tawh lo, ka thawk a sak ṭalh a, tunah chuan boruak thianghlim dawn ka mamawh ber a ni.







ICU atang Eric chu an rawn nawrchhuak a, engmah hrelovin a muhil bam a, a hmel dang lap te chuan ka mittui a kochhuak leh ta nge nge.He mimawlpa hian tinge a natna hi ka lakah a zep. Engkim min hrilh se, a kiangah a chakna leh amah fuihtu ni tur tala awm reng ka duh asin, mahse ka nat a hlauh avangin ani hian min kalsan kha a nia. Eric chu cabin lamah an sawn a, kei erawhin zui lut tawh lovin damdawi inchung lam ka pan a, inchung zawl ka thlen chuan ka thaw hawk.







Thli a thaw heuh heuh a, ka thawk a pangai chho tan deuh a, mahse chiang lutuk tak maia Eric hmel ka mitthlaa a lan avang chuan ka thawk chu a sak lek vek, van lam ka thlir a, "Eric hi ka chan theilo, khawngaihin i kianga awm tur chuan lo la la rih suh aw" tiin van thiang kak mai chu ka thlir a.







Ka thawk a ipik ṭun a, Eric khan ka nat a hlauh avangin a na tur pawh dawn lovin min kaltir anih kha.Tinge khatiang khan a tih kher, amah khan a lo tuar ngawt ngawt ṭhin awm si a, Siampuii thusawi kha ka hrechhuak a, ani khan a sawidik chiah a ni. Kei kha chuan ka tuar ve ngei mahse Eric tawrh ngaituah erawh chuan ka tawrhna kha chu nep te a ni.
.






"Eric khan a natna vangin min kaltir a, amahin a lo tuar ngawt ngawt ṭhin, tunah hian nang hian Eric hi min laksak theilo ang, rei tak a natna vangin kan lo awmhrang tawh a, chuan kan inkar a fel ve ta cheng a, nang hian thihna in min pawhṭhen i tum a maw? Aihh, a theiloh, nang hian Eric hi i la hruai theilo, kan inkar a ṭha ve chauh a tinge kan chungah hetiang thil hi i thlentir...Khawngaihin Eric hi hruai miah suh aw" tiin mittui tla zawih zawih chung chuan van lam chu ka thlir reng.








Tuna ka hlauh ber chu Eric hian min kalsan ang tih hi a ni. Kha leh chen a natna avanga kan kar a chhiat hnuin kan ṭha leh chauh a ni a, tunah Eric chu hetiang hian a awm leh si a. Thihna in min ṭhen ai chuan kan kar kha hla leh se tih hi ja duh zawk. Thihna in kan kar a ṭhen ang tih ka hlau em a ni.








Ka bianga mittui luang chu ka hru seng lova, hru tur pawhin tha ka nei heklo. Tinge Siamtu hi a nunrawn em em.Eric min laksak hi a duh ngawih ngawih em ni? ka phal lo, Eric hi ka chan theilo.







Chutia ka din reng lai chuan ka hnung lam aṭang tu emaw hian min lo khawih a, ka en chhan Ms-a a lo ni, Ms-a chuan min kuah nghal
nghal tawp a, "Ell, I duh chuan i ṭap thei ania, i natna kha up bet reng suh" a rawn rih cbuan ka ṭapchhuak hawk a, "Ms, Eric saw chan ka duhlo" tiin Ms-a chu nghet em em in ka kuah a. Ms-a chuan ka chal a fawp zeuh a ," i chan dawn hleinem, nang leh Eric chu tarkun thlengin in dam dun dawn alawm" a rawn ti chhuak a,








"Ms, i sawi ang chu ni thei se keipawn ka ti alawm, mahse beiseina kan neih san pauh leh tlakna a sang tih anih kha" ka tih chuan Ms-a chuan lu a thing a, "Elly, a dam dawn, Eric chu i tan a dam reng a ngai, ani chuan lung donate tu tur a hmu tawh alawm " a rawn ti a, ka melh reng. "tumaw?" lawm lutuk chuan ka ti a, Ms-a chuan min nuih sak a, "keimah" a tih chuan ka beng vak.








"Ms-a fiamthu thawh suh" ka ti vak. Ms-a chuan lu a thing a, "Elly ka ti tak tak, Eric nen hian kan lung a inmil chiah a, kei hian ka lung chu Eric ka pe thei dawn alawm" a rawn tih chuan ka hlim hmel kha a reh vek "Ms, chutin ti miah suh, midang lung pe thei tu tur an la awm mai ang, nang hian thilṭha dang tihtur dang ila ngah, hetiang thil hi ti miah suh" ka tih chuan min nuih a,








"Elly, kei leh Eric tan hian dam theihna chance a tlem dun lutuk, Eric hi a lung an thlak vat anih loh chuan rei a daih tawh dawn lo mahse an thlak anih erawh chuan a mi chu a dam leh thei dawn.
Mahse kei erawh chu eng ang pawhin in enkawl ve mahila, ka dam thei tawh dawnlo, chuvang chuan kan pahniha min chan ai chuan Eric leh i tana thil tha tih a thih chu ka duh zawk" a rawn ti a ka lu ka thing vak.








"Aii, a theihloh, chan che ka duhlo" ka tih chuan "kei min chan i hlauh aiin Eric chan i hlauhna kha a nasa zawk. Ell, i hriatthiam a ngai. Pahniha kal ai chuan pakhat kal chu a ṭha zawk alawm. Eric lung hi an thlak anih loh chuan a tan dam theihna chance a awm tawh lovang, chuan keipawhin khawvel ka la chhuahsan dawn tho, chuvang chuan khawvel chu keimahin chhuahsan a, Eric-a'n keimah vanga nun bul a ṭan theih chu ka duh zawk" a rawn ti a, amah bawk chuan








"Elly, he thinlung hian a theinghilh ngai dawnlo che" tin a awm zawn a khawih a, "khawvel ka chhuahsan pawhin he ka lung hi nangmah hmangaihtu che leh i hmangaih lung a ni tawh dawn a, he lung hian tuna i hming a phutpui ang hian la phutpui reng se ka duh a, Eric chuan chu chu a thei tih ka hria, kei chu lo fam ta pawh ni ila, he ka lung hi i tan ala phu reng dawn, chuthil la hriat chuan la hlimphah asin.








Ka taksa hi piallei thuahriat kara an zalh hunah chuan Arsi ah changin ka lo thlir ṭhin ang che i lunglen zual niin van lam lo thlir ṭhin la, hnem thei tawh dawnlo che mah ila, i lungngaihna tal ka rawn ṭawmpui ṭhin ang che







Chhum a zin a, Arsi a chhuahloh lai pawhin i tan Siamtu hnenah dilin chhum a zin lai leh engtik lai pawhin i tan ka êng reng ṭhin ang,
I tan i Midnight Star ka lo ni ang" tiin min nuih suk. Kei erawh ka ṭapchhuak ta tawp.







Lehlamah ka hmangaih Eric a awm a, lehlamah Ms-a a awm bawk Tu emaw zawk zawk hi ka chan dawn tih ka hrechiang a, Ms-a sawi ang hian mahni hmasial takin ka hmangaih a dam theih nan a sawi kha ka lo pawmpui mai dawn em ni? Ms-a tan thih ala hun lo, a tan dam theihna hun ala tam lutuk, mahse Eric erawhin hun tlemte chiah a nei tawh si. Engtin nge ka tih tak ang? Ka thian hi chan la duhlo a, Ka hmangaih pawh chan ka duh heklo. Emgtin nge ni ta ang??






(Khawngaihin comment leh bawk kha aw🙈😂)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:20 am

Higher Life
By; 🌼Te-i Mrs Ambrose🌼
Chapter 32







Ms-a thil min hrilh vang chuan rilru mumal put a har ka ti takzet. Eric lah chu karkhat lai a mu reng tawh a, ṭhat lam aiin zual lam a pan zel bawk si. Ka ṭah hi a chhuak ṭeuh tawh. damdawiinah a changin Eric ka va riahpui leh tawp ṭhin.Zah lam pawh a lang tawh lo Eric nu phei chuan min duat em em a, a fanu ang maiin min en a, midang pawn min hrethiam lutuk.







Tunah pawh Eric kiangah ka ṭhu mek a, a kut ka chelh a, ka mut lohna a rei tawh a, ka mit pawh ka meng thei meuh tawh lo.A hnu chuan ka chhing diar diar a, mipa pakhatin ka sama a lo chul chuan ka meng a, Eric chuan min lo en reng, "Eric i harh" tiin ka kuah nghal tlawp a, ka mittui pawh a tla ringawt.







Doctor ho ka ko vat a, a chhungte leh ṭhiante chu engtikin nge an lo thlen hman tih pawh ka hrelo, an kim deuh ṭhap a, Doctor ho pawh an lo lut a, reilote hnuah Eric chu a rawn buai a, Doctor ten enkawl vat an tum, mahse amah Eric chuan a duh lova, lu a thin khum a, "Engmah tihtheih a awm tawh chuang lo, khawngaihin hahdam taka ka chawlh theih nan hetiang hian min awmtir rawh u"a aw ah chuan a beidawng tawh hi a hriat a, Doctor te pawh chu an ding mawl tawp a, a chhungte leh ṭhiante pawh chuti tho chu.







Eric chuan na tih hmel zet hian min en a, min nuihluihin "Angel baby, ka kal hi rem ti tawh mai rawh aw, a na tawh emai" tiin min melh ṭawk ṭawk a, "Aiihh,, Eric ka phal lo..Min la kalsan suh" hlauthawng lutuk chuan ka ti a, Eric erawhin a mitmengah na a tuar tih hriat lutuk hian min melh a, "Khawngaihin Angel baby, nang mangṭha lo che a kal ka duhlo a, chuan nangma phalna tel lova kal ka duh heklo.Angel baby, i rem tihna ka nghak" tiin ka mitah chuan a rawn en a, kaltir phal hram tur chuan a mitmeng chuan min dil a ni berin ka hria .







Lu ka thing nawk nawk, Eric hian min kalsan theilo ang.Mahse, amah Eric ka hmuh erawhin ka chelh ngam silo,ka hmangaih ina min kalsan ka duhlo a, mahse a na hmel chuan chelh tawhlo turin min ti bawk, engtin nge ka tih dawn? Eric chu a thawk thleng chuan a buai zo tawh a "Elly, khawngaihin" tiin min en leh a.






Ka chelh ngam chi leh ka chelh zawh rual a ni dawn ta lo. Ka phalna ngeia kal duhtu chuan a na chu a bei ve fan fan tih hriat takin min en reng a, a lo thlir rengtu Doctor, a nu leh pa leh a ṭhiante pawh chuan lainat hmel zetin Eric chu an en a, Eric nu chuan "Bawihte, chelh tawhlo mai rawh...Thlamuang taka a chawlh theih nan phalna chu pe tawh mai rawh" tiin mittui nen a rawn sawi a, ka mittui chu hruk senlohin a luang a, Eric mitah chuan chiang takin ka en a, Ka kuah vawng vawng







Ka thlah hnu chuan lu ka bu ta nghat a, "Eric, min lo thlir reng thin rawh aw..vanah chuan i na te zawng zawng i theinghilh tawh ang a, mahse keini chu min lo hre reng ṭhin rawh aw" ka ti a, ṭawng thei tawhloin Eric chu ka en ngawih ngawih, a hmelah hahdamna ka hmu a, a rawn thaw hawk a.







"Angel baby ka lawm e aw" tiin min en a, a mu lai chu a rawn thuchhuak a, ka bekah dawmin ka hmui chu a tawp nan tih hriat takin a fawp a, min thlah hnu chuan a mu zawi nghal hnawk, Eric chu a lungphu chuan a phatsan a, na nei tawhlo tih hriat tak chuan khumah a mu zawi tawp a.






Ṭap ri hawm hawm thawm a lo chhuak a, Eric chuan min kalsan ta, ka mit a fiahlo a, ṭap thawm lo chhuak kha a hla tial tial a, ka mengchhuak kawk.Eric mutna khum bawhin ka lo muhil a, Eric chu ka en vat, engmah hrelo chuan a la mu reng, nichina mi kha ka mumang a ni. Ka bianga mittui chu ka hru a, Eric chu ka en ngawih ngawih, "Eric, min kalsan miah suh aw..I tello chuan engmah ka ni dawnlo..khawngaihin ka tan lo harh leh hram rawh aw" tiin Eric kut chu ka fawp vang vang.







Ka mumang vang chuan chhin khat pawh ka chhing ngam tawh lo, ka mut hlanin Eric chuan min kalsan mai ang tih ka hlau a, a khat tawkin a thawk leh thawklo ka check leh ṭhin. Ka lu a hai a, ka chhehvel ka hmu phe leh ruai ṭhin bawk. Mahse ka muhil ngamlo a, ka duh heklo. Eric min kalsan tluka hlauh chu ka neilo.







Ka phone sana ka en a, dar 11 a ri dawn hnai tawh,Ms-a message ka hmuh chuan ka open nghal a, *ka rawn kal mek* tih chauh hi a ni a, a rawn thawn aṭang minute 20 vel a liam tawh. A rawn thleng ṭep tawh ang. Chutia ka ngaihtuah lai tak chuan Ms-a chu a lo lang a, min lo nuih var.








Ka bul alo thlen chuan a rawn ṭhu nghal a, min melh vung vung "Ell, thil diklo a thleng em ni? Tinge i lo ṭah" a ti nghal a, "ti vakmah" ka tih chuan ka kut pahnihin a hum a, "Ell, engkim min hrilh rawh le nidangah chuan eng thil mah min hrilh thei tawh dawnlo ania, min hrilh chak viau ṭhin mahla, i lak ata hla tak, khing Arsi ho zingah khian ka awm ve tawh dawn. Chuvang chuan i kianga ka awm lai hian engmah ka lakah zep lo la,,engkim min hrilh vek rawh, i rilru hahna leh i rilru natna te kha chhawk sak nan che hun ka ngah tawhlo ania" a tih chuan ka ṭapchhuak tawp.







"Ms, tinge chutiang lam hawi hlira thu hi i sawi ṭhin, i kal vat ka phal hleinem, nang chu engtik lai pawhin ka kiangah ka unaupa leh ṭhianpa anga awm turin ka duh che alawm" ka tih chuan a mitmengah natna a lo lang zawk, mahse a bo leh nghal a "Ell sawi rawh le" tiin ka thilsawi chu hrelo ang hmakin a awm a, a hnu chuan thaw hakin ka mumang vel chu ka hrilh a, Ms-a chuan uluk takin a lo ngaithla a.







"Ell, hriattirna anih kha, Eric hian rei a daih tawh dawnlo" a tih chuan lu ka thing nawk nawk, "Aii,, Eric hian min kalsan dawnlo" ka tih chuan min nuih a, "a dik, a kalsan dawnlo che. Naktuk hian Delhi lam panin kan chhuk ang a, Eric chu dam ṭha varin a rawn let tawh ang" a rawn ti a, "Aii,, Ms, i tihtum kha ti miah suh" tiin ka mipa hmangaih dam nana ama lung pek mek tumtu Ms-a chu ka en reng.







"Ell, Eric hian hun tam a nei tawhlo tih i hriat kha, duh i thlan vat a ngai tawh, Lung dang kan zawn chhungin Eric hi kal tase, i inthiam thei dawn em ni? Kei chu thisen cancer ka ni hi, engtikah mah dam tawhlo tur, he natna hian khawlvela ka awm chhung chuan min kiansan dawnlo. Eric erawh chu dam thei a ni. Elly, ngaihtuah chiang la, pahnihin an tawrh ai chuan pakhatin a tawrh chu a ṭha zawk" a rawn ri a, sawi mai tur hre tawhloin Ms-a chu ka en reng ringawt.








Ms-a chuan ka kut chu a la a, a lung zawnah nghatin "Elly, helung hi i tan chiaha phu turin ka duh tih i hriat kha," a rawn ti a, min en a, a mitah chuan natna tamtak ka hmu a, mahse hnem ngaihna ka hre silo.







"Elly, kei chu damin ka rawn let ve tawh dawn lo. Min lo hre reng ṭhin la, mihring chu vaivut a siam, vaivut a kir leh mai tur, chhum reilo lo langa ral leh mai thin ang lek chauh kan ni a, tu emaw chuan Hahdam taka chawl tawh turin ka liam tirh chuan min thlah ngei ang, mahse hun a liam hunah min theinghilh leh mai dawn, mahse nang chuan min theinghilh ve lo turin ka duh che.








I rilru nat changa hnem duh ngawih ngawihtu che hian mit ka chhinsan hunah meuh che chuan i nat lai ber leh lungaih lai ber pawhin ka hnem thei tawh dawnlo che a, mahse i natna tal chu van lam hawiin lo sawi ṭhin rawh aw, chuan i natna tawrh chu la lo tawrhpui ve ṭhin ang che. Ka tan chuan beisei phakloh i ni a, piannawnlehna hi a awm anih ngai chuan nang ang hmeichhia hi min tawntir leh turin siamtu ka dil ang." a ti a, sawitur hrelovin Ms-a chu ka en ngawih ngawih.







"Ell, naktuk chuan kan chhuak hma dawn, kan chhuah hmain Rose sen min pe rawh aw" a rawn ti a, ka en ha"Rose sen" tiin ka phun sap. "Aw, Rose sen, ka fiamthu lo aw, i lak aṭanga ka thilpek dawn hmasak ber leh hnuhnung ber atan chuan Rose sen ngei kha ka duh" a ti a, ka chal fawp zeuhin "anih ka kal aw," tiin a ding nghal a.







Kawngka a thlen dawn chuan a lo hawilet a, "Elly, mangṭha aw...Ka hmangaih che" tiin kohdin hmanloh chuan a chhuak nghal a, ka ṭap leh ta nge nge. Tuna min mangṭhana kha a tawpna tur a ni tih ka chiang em a, mangtha let ve ka duh, mahse a liam ta si. "Siamtu, i rorel dan hi a fairlo ve ngawt mai. Ms-a khan kei aia hmeichhe ṭha a phu a, rei dam ala ohu bawk a, mahse nang chuan tih dam theiloh natna i pe a, ani khan ka hmangaih chhan nan a nun hial pawh hlan a tum a, khatianga mipa ṭha kha an awm leh tawh dawn em ni? " tiin kawngka lam chu ka en reng.








Ms-a chu chan tawh ang ka ni a,ani ang mipa kha an awm leh tawh dawn em ni? A naupan laiin a nu leh pa a chan a,kum naupangte ni chungin rim takin a thawk a, a jau a chawm a, ani khan nun nuam a phu, mahse ani chuan vaituta vek kir leh tawh tura kohna a dawng ta si.







"Ms, eng vanga i chunga hetiang thil hi thleng bik nge anih le? Nang hian hmangaih tlakloh ber kei hi min hmangaih tlat a, kei aia hmeichhe ṭha i phu asin, tunah lah ka mipa hmangaih nunna chhan turin nangmah inpek i tum bawk a, nangmah ang hi chu vawi sang sawmsarih pawh piang nawn ila, ka tawng tawh mawlh lovang" tiin Ms-a nena kan thlalak chu ka en a.







A thil min dilchhun chu Rose sen pakhat chiah maw. Ani khan ka tan thil tamtak a ti tawh, a letah ani chuan Rose sen pakhat chiah a duh thung."Ms, hmangaih ve thei che ila tha tur" tiin ka muttui chu ka hru zeuh a.







(Final kan thleng tep tawh a..khawngaihin Comment kha min ngaihpawimawh sak ula aw🌼❤)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:20 am

Higher Life
By; 🌼Te-i Mrs Ambrose🌼
Chapter 32







Ms-a thil min hrilh vang chuan rilru mumal put a har ka ti takzet. Eric lah chu karkhat lai a mu reng tawh a, ṭhat lam aiin zual lam a pan zel bawk si. Ka ṭah hi a chhuak ṭeuh tawh. damdawiinah a changin Eric ka va riahpui leh tawp ṭhin.Zah lam pawh a lang tawh lo Eric nu phei chuan min duat em em a, a fanu ang maiin min en a, midang pawn min hrethiam lutuk.







Tunah pawh Eric kiangah ka ṭhu mek a, a kut ka chelh a, ka mut lohna a rei tawh a, ka mit pawh ka meng thei meuh tawh lo.A hnu chuan ka chhing diar diar a, mipa pakhatin ka sama a lo chul chuan ka meng a, Eric chuan min lo en reng, "Eric i harh" tiin ka kuah nghal tlawp a, ka mittui pawh a tla ringawt.







Doctor ho ka ko vat a, a chhungte leh ṭhiante chu engtikin nge an lo thlen hman tih pawh ka hrelo, an kim deuh ṭhap a, Doctor ho pawh an lo lut a, reilote hnuah Eric chu a rawn buai a, Doctor ten enkawl vat an tum, mahse amah Eric chuan a duh lova, lu a thin khum a, "Engmah tihtheih a awm tawh chuang lo, khawngaihin hahdam taka ka chawlh theih nan hetiang hian min awmtir rawh u"a aw ah chuan a beidawng tawh hi a hriat a, Doctor te pawh chu an ding mawl tawp a, a chhungte leh ṭhiante pawh chuti tho chu.







Eric chuan na tih hmel zet hian min en a, min nuihluihin "Angel baby, ka kal hi rem ti tawh mai rawh aw, a na tawh emai" tiin min melh ṭawk ṭawk a, "Aiihh,, Eric ka phal lo..Min la kalsan suh" hlauthawng lutuk chuan ka ti a, Eric erawhin a mitmengah na a tuar tih hriat lutuk hian min melh a, "Khawngaihin Angel baby, nang mangṭha lo che a kal ka duhlo a, chuan nangma phalna tel lova kal ka duh heklo.Angel baby, i rem tihna ka nghak" tiin ka mitah chuan a rawn en a, kaltir phal hram tur chuan a mitmeng chuan min dil a ni berin ka hria .







Lu ka thing nawk nawk, Eric hian min kalsan theilo ang.Mahse, amah Eric ka hmuh erawhin ka chelh ngam silo,ka hmangaih ina min kalsan ka duhlo a, mahse a na hmel chuan chelh tawhlo turin min ti bawk, engtin nge ka tih dawn? Eric chu a thawk thleng chuan a buai zo tawh a "Elly, khawngaihin" tiin min en leh a.






Ka chelh ngam chi leh ka chelh zawh rual a ni dawn ta lo. Ka phalna ngeia kal duhtu chuan a na chu a bei ve fan fan tih hriat takin min en reng a, a lo thlir rengtu Doctor, a nu leh pa leh a ṭhiante pawh chuan lainat hmel zetin Eric chu an en a, Eric nu chuan "Bawihte, chelh tawhlo mai rawh...Thlamuang taka a chawlh theih nan phalna chu pe tawh mai rawh" tiin mittui nen a rawn sawi a, ka mittui chu hruk senlohin a luang a, Eric mitah chuan chiang takin ka en a, Ka kuah vawng vawng







Ka thlah hnu chuan lu ka bu ta nghat a, "Eric, min lo thlir reng thin rawh aw..vanah chuan i na te zawng zawng i theinghilh tawh ang a, mahse keini chu min lo hre reng ṭhin rawh aw" ka ti a, ṭawng thei tawhloin Eric chu ka en ngawih ngawih, a hmelah hahdamna ka hmu a, a rawn thaw hawk a.







"Angel baby ka lawm e aw" tiin min en a, a mu lai chu a rawn thuchhuak a, ka bekah dawmin ka hmui chu a tawp nan tih hriat takin a fawp a, min thlah hnu chuan a mu zawi nghal hnawk, Eric chu a lungphu chuan a phatsan a, na nei tawhlo tih hriat tak chuan khumah a mu zawi tawp a.






Ṭap ri hawm hawm thawm a lo chhuak a, Eric chuan min kalsan ta, ka mit a fiahlo a, ṭap thawm lo chhuak kha a hla tial tial a, ka mengchhuak kawk.Eric mutna khum bawhin ka lo muhil a, Eric chu ka en vat, engmah hrelo chuan a la mu reng, nichina mi kha ka mumang a ni. Ka bianga mittui chu ka hru a, Eric chu ka en ngawih ngawih, "Eric, min kalsan miah suh aw..I tello chuan engmah ka ni dawnlo..khawngaihin ka tan lo harh leh hram rawh aw" tiin Eric kut chu ka fawp vang vang.







Ka mumang vang chuan chhin khat pawh ka chhing ngam tawh lo, ka mut hlanin Eric chuan min kalsan mai ang tih ka hlau a, a khat tawkin a thawk leh thawklo ka check leh ṭhin. Ka lu a hai a, ka chhehvel ka hmu phe leh ruai ṭhin bawk. Mahse ka muhil ngamlo a, ka duh heklo. Eric min kalsan tluka hlauh chu ka neilo.







Ka phone sana ka en a, dar 11 a ri dawn hnai tawh,Ms-a message ka hmuh chuan ka open nghal a, *ka rawn kal mek* tih chauh hi a ni a, a rawn thawn aṭang minute 20 vel a liam tawh. A rawn thleng ṭep tawh ang. Chutia ka ngaihtuah lai tak chuan Ms-a chu a lo lang a, min lo nuih var.








Ka bul alo thlen chuan a rawn ṭhu nghal a, min melh vung vung "Ell, thil diklo a thleng em ni? Tinge i lo ṭah" a ti nghal a, "ti vakmah" ka tih chuan ka kut pahnihin a hum a, "Ell, engkim min hrilh rawh le nidangah chuan eng thil mah min hrilh thei tawh dawnlo ania, min hrilh chak viau ṭhin mahla, i lak ata hla tak, khing Arsi ho zingah khian ka awm ve tawh dawn. Chuvang chuan i kianga ka awm lai hian engmah ka lakah zep lo la,,engkim min hrilh vek rawh, i rilru hahna leh i rilru natna te kha chhawk sak nan che hun ka ngah tawhlo ania" a tih chuan ka ṭapchhuak tawp.







"Ms, tinge chutiang lam hawi hlira thu hi i sawi ṭhin, i kal vat ka phal hleinem, nang chu engtik lai pawhin ka kiangah ka unaupa leh ṭhianpa anga awm turin ka duh che alawm" ka tih chuan a mitmengah natna a lo lang zawk, mahse a bo leh nghal a "Ell sawi rawh le" tiin ka thilsawi chu hrelo ang hmakin a awm a, a hnu chuan thaw hakin ka mumang vel chu ka hrilh a, Ms-a chuan uluk takin a lo ngaithla a.







"Ell, hriattirna anih kha, Eric hian rei a daih tawh dawnlo" a tih chuan lu ka thing nawk nawk, "Aii,, Eric hian min kalsan dawnlo" ka tih chuan min nuih a, "a dik, a kalsan dawnlo che. Naktuk hian Delhi lam panin kan chhuk ang a, Eric chu dam ṭha varin a rawn let tawh ang" a rawn ti a, "Aii,, Ms, i tihtum kha ti miah suh" tiin ka mipa hmangaih dam nana ama lung pek mek tumtu Ms-a chu ka en reng.







"Ell, Eric hian hun tam a nei tawhlo tih i hriat kha, duh i thlan vat a ngai tawh, Lung dang kan zawn chhungin Eric hi kal tase, i inthiam thei dawn em ni? Kei chu thisen cancer ka ni hi, engtikah mah dam tawhlo tur, he natna hian khawlvela ka awm chhung chuan min kiansan dawnlo. Eric erawh chu dam thei a ni. Elly, ngaihtuah chiang la, pahnihin an tawrh ai chuan pakhatin a tawrh chu a ṭha zawk" a rawn ri a, sawi mai tur hre tawhloin Ms-a chu ka en reng ringawt.








Ms-a chuan ka kut chu a la a, a lung zawnah nghatin "Elly, helung hi i tan chiaha phu turin ka duh tih i hriat kha," a rawn ti a, min en a, a mitah chuan natna tamtak ka hmu a, mahse hnem ngaihna ka hre silo.







"Elly, kei chu damin ka rawn let ve tawh dawn lo. Min lo hre reng ṭhin la, mihring chu vaivut a siam, vaivut a kir leh mai tur, chhum reilo lo langa ral leh mai thin ang lek chauh kan ni a, tu emaw chuan Hahdam taka chawl tawh turin ka liam tirh chuan min thlah ngei ang, mahse hun a liam hunah min theinghilh leh mai dawn, mahse nang chuan min theinghilh ve lo turin ka duh che.








I rilru nat changa hnem duh ngawih ngawihtu che hian mit ka chhinsan hunah meuh che chuan i nat lai ber leh lungaih lai ber pawhin ka hnem thei tawh dawnlo che a, mahse i natna tal chu van lam hawiin lo sawi ṭhin rawh aw, chuan i natna tawrh chu la lo tawrhpui ve ṭhin ang che. Ka tan chuan beisei phakloh i ni a, piannawnlehna hi a awm anih ngai chuan nang ang hmeichhia hi min tawntir leh turin siamtu ka dil ang." a ti a, sawitur hrelovin Ms-a chu ka en ngawih ngawih.







"Ell, naktuk chuan kan chhuak hma dawn, kan chhuah hmain Rose sen min pe rawh aw" a rawn ti a, ka en ha"Rose sen" tiin ka phun sap. "Aw, Rose sen, ka fiamthu lo aw, i lak aṭanga ka thilpek dawn hmasak ber leh hnuhnung ber atan chuan Rose sen ngei kha ka duh" a ti a, ka chal fawp zeuhin "anih ka kal aw," tiin a ding nghal a.







Kawngka a thlen dawn chuan a lo hawilet a, "Elly, mangṭha aw...Ka hmangaih che" tiin kohdin hmanloh chuan a chhuak nghal a, ka ṭap leh ta nge nge. Tuna min mangṭhana kha a tawpna tur a ni tih ka chiang em a, mangtha let ve ka duh, mahse a liam ta si. "Siamtu, i rorel dan hi a fairlo ve ngawt mai. Ms-a khan kei aia hmeichhe ṭha a phu a, rei dam ala ohu bawk a, mahse nang chuan tih dam theiloh natna i pe a, ani khan ka hmangaih chhan nan a nun hial pawh hlan a tum a, khatianga mipa ṭha kha an awm leh tawh dawn em ni? " tiin kawngka lam chu ka en reng.








Ms-a chu chan tawh ang ka ni a,ani ang mipa kha an awm leh tawh dawn em ni? A naupan laiin a nu leh pa a chan a,kum naupangte ni chungin rim takin a thawk a, a jau a chawm a, ani khan nun nuam a phu, mahse ani chuan vaituta vek kir leh tawh tura kohna a dawng ta si.







"Ms, eng vanga i chunga hetiang thil hi thleng bik nge anih le? Nang hian hmangaih tlakloh ber kei hi min hmangaih tlat a, kei aia hmeichhe ṭha i phu asin, tunah lah ka mipa hmangaih nunna chhan turin nangmah inpek i tum bawk a, nangmah ang hi chu vawi sang sawmsarih pawh piang nawn ila, ka tawng tawh mawlh lovang" tiin Ms-a nena kan thlalak chu ka en a.







A thil min dilchhun chu Rose sen pakhat chiah maw. Ani khan ka tan thil tamtak a ti tawh, a letah ani chuan Rose sen pakhat chiah a duh thung."Ms, hmangaih ve thei che ila tha tur" tiin ka muttui chu ka hru zeuh a.







(Final kan thleng tep tawh a..khawngaihin Comment kha min ngaihpawimawh sak ula aw🌼❤)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:20 am

Higher Life
By;🌼Te-i Mrs Ambrose🌼
Chapter 34







Engtin nge operation chu a hlawhchham theih. Ms-a pawh tih tawh nak laiin Eric lehzel chu ka chan theilo ang. A theihloh, Ms-a khan min tiam a lawm, Eric chu nung damin a lo let leh ngei ang. Min kalsan dawnlo.






"Victor, Eric, Eric chu a ṭha tiraw, ka sawi dik em?Ani khan min kalsan dawnlo,,, min kalsan theilo.Victor Eric chu a ṭha a ni tiraw" tiin Victor chu ka en reng, chhanna min pe theilo a, lu a thing ringawt.






"Victor, a dam dawn...Ms-a khan Eric chu dam taka Mizoram a lo thlen leh tur thu min hrilh alawm, Eric chu a thi dawnlo" tiin lu ka thing vak, ka chan theilo. A theihloh hi a ni tawp, a kal dawn anih pawhin ka phalna a lak ngei a ngai, a kal ka la phallo.







Ka ṭhiante chuan min en a, an ṭap an ṭap a, chu chuan ka thin a tirim ṭeuh, "tumah kha ṭap tawh suh u...mihring dam lai inṭah ngawt thu a awmlo, tumah kha ṭap tawh suh u" ka ti ṭhawt, chutia ka tih chuan an ṭah a tichhuak zual sauh emaw tih turin a hma ai mahin an hmelah natna a lang tam a, an mittui pawh hruksen loh ang vel a ni.







"Tumah ṭap tawh ṭhak suh u, thil ṭhalo a thlen in duh loh chuan ṭap tawh suh u" tiin ka thochhuak a, ka hmai vel phihin ka insiam mawlh mawlh. "Ms-a leh Eric hmuah kan ngaih kha, insiam ve ta che u" tiin ka insiam a, ka ṭhiante chuan min la en reng.
Mahse Ms-a ka sawi takah chuan thil hriatchhuah ka nei, ka ding lai chu ka ṭhuthla hnawk. Ms-a chuan van lam min pansan tawh ngei ang.







"Ms, i lo let ve dawn talo em ni? I lo let hunah chuan Rose sen ngei kha ka pe ang che aw...min lo nghak la..nang thlahnan che eng thu mah ka la chhakchhuak lo va, i thu chuan i kal ngawt theilo aw" tiin ka phun sep. Tunlaia ka thil tawn te hian min hmet chau vek tawh, eng nge awi tura, eng nge awi loh tur tih takngial pawh thliarhran thiam a har.







Engthil pawh lo sawi se, ka mita ka hmuh phawt loh chuan engmah awi ka duh tawhlo. Ka ṭhu chu ka thochhuak a, insiam zung zungin Rammuana chu ka pawt a, "Rammuan, bazar lamah min va hruai lawk teh" tiin ka pawt ti tih a, "engthil nge kan tih ang a" a tih chuan ka en a "Pangpar ka lei dawn" tiin ka chhuak nghal.







Pawn ka thlen hnu reiloteah ka nu leh pa an lo thleng a, min kuah nghal, ka nu leh pa hi ka ngai tawh takzet, "Bawihte, tinge kan awmloh chhung khera khatiang thil kha i lo tawn ni? Hei i cher vek alawm" ka nu chuan a lo ti a, "nu, engtin mah ka awm tawhloh hi..Ka ngai viau che u nangin Rammuana nen hian thil tihtur kan nei sia, kan kal mai aw" tiin Garage lam ka pan a, ka rin ang ngeiin Rammuana bike chu a lo inhung vang.







Reilote hnuah Rammuana a lo lang a, a bike ah chuan lawnin a start nghal a, keipawh ka lawn ve vat,tichuan Bazar lam panin kan tlanchhuak ta nghal a, bike a ka chuan lai chuan mitthlaah Eric leh Ms-a an inlan chhawk zawt zawt, an pahnih chuan ka ngaithar ngawih ngawih a, a bikin Eric phei chu... Rei tak kan inhlat a, a hnuah kan inkar a ṭhat hnuah khatiang thil kha thleng leh si a.







Eric nen kan inhmuh tirh lai vel kha ka ngaihtuah a, story boy ka sawi pawh khan a thik em em kha ania, kan ingaihzawn hma hauhin min hauh bur a, khang hunah khan let leh ka chak takzet a ni.







Pangpar an zawrhna zawn kan thlen chuan Rammuana hnenah chuan ding turin ka hrilh a, a ding ve mai, dawrah chuan kan inzui lut a, pangpar ho chu ka en a, Rose sen chu ka la nghal chat, dawr neitu chuan min lo en reng a, Rose sen chu kan lak tur thu ka hrilh chuan Rose var pakhat hi min pe tel a, nalh ka ti takzet.









"Rose var kha ka lo present ang che u" tiin min nuih var a, ka lawm zia chu, ka nuih sen sen a, lawmthu ka hrilh luam hnuah kan chhuak a, pangpar var chu ka hnim vang vang a "Eric i lo thlen hunah chuan he pangpar hi ka pe ang che" tiin ka hnim leh vang vang.





Third Person;





Elly leh midang chuan Ms-a chu an lo hmuak a,Elly awmdan avang chuan a ṭhiante leh midangte chu an rilru a na hle a, Elly chuan Ms-a chu dama a lo let leh a ring tlat a, mahse Ms-a erawh chuan chatuan ram a pan tawh si. A khat tawkin Rose sen chu a en a, a phun leh sep ṭhin.






Eng thil chiah nge a sawi tih hriatloh mahse, Ms-a tana a rose ken leh ama awmdan avang chuan tu pawhin Ms-a chu an lainat zual a, dam taka a lo let leh chu an duh vek, mahse an mi nghah chuan Chatuan ram a pan tawh. Ms-a chuan lainattu a ngah a, a dam hun chhung tawite ah khan tu pawi mah a sawi ngailo a, an mahni aia rethei zawkte a pui fova, a zaidam a, thil tih nikhuaah pawh a taima thei hle a, uitu a ngah pawh hi thil mak a ni hran lo.







Thlan lai ho pawh chuan Ms-a an lainat thu hlir chu an sawi a, a kum naupan ngaihtuahin amah a ouitling thiam a, naupang tê anih aṭangin hna rim takin a thawk ṭhin a, tuna a thlan laihna a kal ve ho hian Ms-a chungchang lo chu sawi tur an hre mawlh lo.







Tlai lam darhnih velah chuan Ms-a ruang chuan an in a lo thleng a, a nau Remremi khan a u kha a zui ve a, amah erawh a lo thleng ve tawh hauh lo, mi chuan an zawng ru deuh a, mahse hmuh tur a awm silo. Ms-a chuan khawvel a chhuahsan niin chhungte thlahtu tur a neilo a, a ruang kil a tahpuitu awm ve mahse, ama chhungkhat laina hmel hmuh tur a awm hauh lo.







Elly Vansangpuii Point of view;








Ms-a khuma an mut reng chu kaihthawh ka tum a, "Ms, lo tho rawh ...Hei ṭhiante awm laia mit inchhinsan chu a mawilo emai, lo tho tawh rawh" tiin ka sawi dat dat. Mahse Ms-a erawh a vawt thler tawh."Khawnge Remremi kha, lo hruai ula, a u hi kaih thawh tir rawh u" tiin ka hawikual a, Remremi ka hmu hauh lo.







"Ms, lo tho tawh teh" ka tih pawhin a lo tho miah lo va, ka bulah mi ṭap ri lah chu a ring telh telh lehnghal. Chu an ṭap ri avang chuan ka mittui a far ve fap, Ms-a lah chuan thawh a tum reng reng silo. Ka bula mi ina "Bawihi, Ms-a chu a awm tawhlo...Ani chuan chatuan ram min pansan tawh alawm" a rawn ti a, ka awilo lutuk.








"Ms, miin a thi tawh an tih che chu ... lo tho la, i la thi lo a ni tih hi lo hrilh ta che" tiin Ms-a chu ka sawi leh a. Mahse min la chhanglo fo a, hahdam hmel leh engmah hrelo ang mai hian a mu a. Chu chuan hlauthawnna min rawn siam a.








"Ms i kal tak tak tawh em ni?
Ehteh hei 'Nakinah chuan Rose sen min rawn ken rawh aw' i tih kha, Ka tlai mah mah em ni? Tinge min chhan tawh miah loh, ka pangpar lo ken che tal hi i la dawn lo em ni? Mawhh..Ms, min kalsan turin ka la phallo che asin , tinge khuanu hi i chungah a nunrawn em em.








Tinge kan lak aṭanga a lak hmat bik em em che. I vanglai i chen dawn chauh a, mahse natna tihbaiawmin a tlakbuak ta si che a, khati chung khan i hlim reng thei a, nangmah ang hi chu khawvel fangchhuakin zawng mah ila, ka hmu tawh awm silo. Tinge i kal hmat em em a" tiin Ms-a taksa vawt thler tawh chu ka kuah a.






Ani chuan hahdamna a chang tawh ang a, keini a kalsan tak te hi min lo hre ve reng thin ang em le? Ms-a kutah chuan ka Rose sen kenlai chu ka humtir a, a thawmhnaw neihṭhat ber an beltir a, a nalh takzet. A dam lai ang mai khan a la lang ṭha a, a mit min chhinsan tawh mahse, lungawina tamtak nen a zal ang hian ka hmu a. Ka mittui chu ka hruleh thin , mahse mittui chu a hul thei mawlh si lo.







Ani hi a ni lawm ni ka ṭah ni a min buaipui a ka tana awm reng ṭhin kha.. Ani nen khan rei kan inhre hman lo. Mahse ka tan chuan mi hlu ber zing a mi a ni. Ka hriatchhuah tak chu mihring hi in nèl a, in ngaina tur hian hun rei kan mamawh lo.Inhrechiang tur pawhin hun rei kan mamawh hran lo. Reilote chhung hi inpawhnan leh inhriatchian nan chuan a tawk lutuk.








Ms-a chu ka thlir ngawih ngawih, tun bak hi ka hmu leh tawh dawn silo. Ka ṭhian tiha ka lo chhal ve ṭhin, Ms-a chu kan thlah ta. A thlah niah pawh chhungkhat a neilo a, riang em em in khawvel a chhuahsan a, a kuang an thlak dawn lai chuan Rose par mawi tak Eric tana ka tih chu ka thlak thla a, "Ms, ka ngai ngawt ang che..Mangtha le aw, vanah chuan hlimna chhiarsenlohin vur che sela, keini chu min ngaihtuah miah suh aw...Ka ngai ngawt ang che" tiin Ms-a chu ka thlah ta.








Ms-a awm talo chu khawvel hi ka hmu hnim riau a, mi inngaitlawm tak leh puih ka ngaih lai bera ka tana awm reng thin kha a awm talo. Ani tan khan engmah tihsak hman ka nei lo a, mahse ani erawh chuan thil tamtak min tihsak thung.








Ka tan ṭhian nih a tlin a, ama ngaihah chuan mi zawng zawng chu an ropui a, amah chu a tlawm bik em em a, mi an changkan chhoh telh telh laiin ani chu a pangai reng a ani ang kha chu an piang nawn tawh kher lovang.








Ms-a te inah chuan mi a phai zel a, a rem dawn tawh tihah chuan nutling pakhat hian , "Bawhi, Elly i ni em?" a tih chuan ka bu zeuh a, "Hei Ms-a khan a kutah he lehkha hi a lo hum a, i ta tur a ni ngei ang" tiin lehkha chu min rawn pe a.






Lawmthu hrilhin lehkha chu ka hawng nghal. lehkhathawn chhungah chuan







*Elly i ṭha tawh tiraw, ka ngaihtuah lutuk che a, buaipui che a i kianga awm kha ka chak, mahse ka thei silo a, i ṭha tawh tiraw* tih ka hmu hmasa ber, ka mittui a far fap, min lo ngaihpawimawh zia ka hriatchian phah a, amah ka ngaihzual phah hle bawk.







*Elly ka kalsan che avang khan min ngaidan rawh aw, Mizoram ka lo thlen leh hunah chuan ka thlarau a tel tawh dawnlo a, lo ṭap lo la, kei chu thlamuang takin ka Pa hnenah ka chawl tawh tih i lo hre dawn nia chuan nang hian 'engthil mah ka pe hman ta silo' lo ti miah suh ,nang hian khawvela thil hlu ber hmangaihna awmzia min hriatnawn tir leh a, chu aia thilpek ṭha chu ka tan a awm hauh lo







ka hrilh che ka hre reng la, hnem tur che in ka awm tawh dawn lo. Mahse i lungngaihna leh natna ṭawmpui tur erawh che chuan ka awm reng ang. Van a Arsi tamtak ho zingah khian i tan Arsi êng ber ni turin Siamtu ka dil ngei ang.







keimah vangin lo ṭap lo la, ka hlim a ni tih hi hre reng la, min lo ngaihtuah suh aw, mahse min nghilh lo la, min theihnghilh hlen loh nan Van lam lo thlir thin la, ka nuihmel ka lo hmuh thin ang che.








Eric nen chuan dam taka in intawn vat ka beisei, nangni chu eng mahin lo ṭhen che u suh se, a tawp nan...Elly ka ngai ṭhin ngawt ang che 1~4~3* tih hi a dah a, ka mittui chu ka hru a







"Nang chu kan lak ata hla takah laksawn i ni tawh a, Vanah chuan natna i tuar tawhlo ang a, hlim takin i awm tawh ang tiraw?" tiin ka dak chho a, ka nui sap.






Skip............. Skip............ Skip







"Max, engtikah nge Eric hi a lo thlen ve dawn? Kan ngaih zia te hi a hre lo em ni? "ka tih chuan Max chu a lungngaih hmel hle a "Elly, a nu leh pa pawh kan be thei tawh hleinem" a rawn ti a, a ngaihna hriatloh hmel zetin ka ding reng.








(Hei hi last second chapter a ni tawh a, khawngaihin min lo comment sak vek ula aw❤🤞)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:20 am

Higher life
By;🌼Te-i Mrs Ambrose🌼
Chapter 35






1 and half year later;







"Vansangpui, samuang ang mai, lo kal tawh rawh" pawn aṭang Rammuana chuan a lo ti lang lang, pangpar sen chu ka la a, ka tlanchhuak nghal. Board exam hmachhawn mai tur kan ni hlawm tawh a, vawiin hian Msa thlan tlawh turin Black Stars members te leh Dreamer S ho kan kal vek dawn a, mahse Eric erawh a awm velo.








Damdawiina nikhaw hrelo a a awm lai kha ka hmuh hnuhnun ber chu a ni. Ms-a khan a dam theih nan a lung a pe a, mahse Eric chu hmuh tur reng reng a awm lova, kan thu hriat hnuhnun ber kha chu Operation a hlawhchham tih chiah kha a ni.








Eric ka ngaihtuah avang chuan ka biang a lum thla pap, "Eric, nang oawn van lam i pan ve em ni? Tinge lo lan tik ni reng reng i neih loh..ka nghak che a, ka nghak fan fan che asin" tiin ka mittui chu ka hru a chutih lai tak chuan Rammuana chu ka room-ah a lo lut a, ka mittui hru lai min lo hmuh chuan min pan nghal a.







Ka hmaah tak chuan dingin ka kut lehlam chu a rawn chelh a, ka mitah tak chuan min enin "Ell, hmalam pan a hun ve tawh i ti lo em ni? Eric chu a lo lan a hun daih tawh, mahse..." tiin a ngawi a, a thawchhhak ham ham phawt a, "Elly, hmalam pan ve tawh rawh " tiin min en ngur a, "Rammuan, ka tum alawm, mahse a harsa em a ni" ka ti halh.







Ka ṭhiante chuan hmalam ka pan tawhin an ngai vek, an kiangah chuan ka nui a, Elly Vansangpuii vei neilo ang khan ka lang ṭhin. Mahse Elly Vansangpuii diktak kha ka ni thei tawh lo. Amah Eric tel lo kha chuan he Elly hi chu a kim tawh lo va. Elly Vansangpuii diktak ni leh tur chuan kha ka taksa peng pakhat Eric ngei kha ka mamawh a ni.







Ani khan ka thinlung a kawl a, thinlung berna telloh chuan engtin nge ka kim theih reng ang. Rammuana chuan tun thlengin hmalam ka la pan theilo tih a hria, mahse midang chuan an hre ve kher lo. Rammuana chu engtik lai pawhin ka kiangah a awm reng ṭhin a, ka hlimthla ang mai a ni. Kan school ah phei chuan kan inngaizawng angah an ngai vek. Mahse kan in ngaihzawn lo zia hrechiang tute chu kei, Rammuana leh kan ṭhiante an ni.







Pawn lama kan ṭhiante chuan min lo au lang lang hlawm a,Rammuana chuan kan chhuah hmain ka chhip a fawp vang vang, "Elly,kal ang le" tiin min kaichhuak a, kan chhuah chuan zhiante chu Car-ah an lut a kei leh Rammuana erawh bike in kan inphur a, thlan lam pan chuan kan kal ta hlawm a.







Thlan kan thlen chuan Ms-a thlan lam kan pan ding a, a hmun kan thlen chuan mittui a tling leh pam tawh. A thlanlungah chuan a thlalak chu nalh zet hian a in ker a, a damlai ang mai khan a lang ṭha. A thlan chungah chuan ka pangpar ken chu ka dah a "Ms, i lo dam ṭhin tiraw? I hlim zel em? " tiin van lam ka thlir vawng vawng.








Kan ṭhian ho chuan Ms-a thlan bul vel chu kan tifai a, kan chei ṭha leh bawk, keini lo chu a thlan hian tlawhtu a nei ngailo, a nau lah kha lo lan tik ni reng a nei silo. Ms-a chu a lungngai ve ṭhin ngawt ang.







Reilote hnuah chuan thlan bulah kan ṭhu ṭhap a, Ms-avkha tupawh hian kan ngaina vek, a bikin Black Stars ho phei chuan an President tana a lung a pek vang khan amah awm tawhlo mahse an ngai hlu a, an ngawipawimawh viau bawk.








"Ms, kan va ngai che em. Lo let la tih hi kan duh a, mahse chu zawng duhthu mai chauh a ni si a. I ṭhiante hian kan theinghilh ngai lo che a, i dam chhung khan ṭhianṭha hlutzia min hriattir a, he khawvelah awm tawh lo mahla, kan thinlungah erawh i nung reng tawh ang, kan hmangaih che ania" tiin thlan bulah chuan kan ding hlawm a.








"Ms, kan exam a hnai tawh sia, kan lo kan thei tawh dawnlo che a, min lo ngai lutuk suh aw, kan lo lang leh vat ang.Kan ṭhian ho hian kan ngai lutuk che ania" ka ti a, Hrangzo-i chu thlan bulah a va thu a, "Ms,,i kal hma khan i laka ka feeling kha lo hrilh che ila, tun ang hian ka ipik ṭun bik lovang mawle, ka lo dawizep em a ni" a ti vawng vawng. Ka khawngaih hle a a bulah ka ṭhu a, ka kuah ringawt.







Chutia ka kuah chuan Zo-i chuan min lo kuah let a, a rawn zapchhuak a, a awm chu na tih hmel em em hian a dawm a, "Elly, heilai hi a na thei lutuk" tiin a awm zawn chu a kawk a, hnem ngaihna hrelovin ka kuah hle hle ringawt.







Darkar chanve dawn kan ṭhut hnu chuan kan thochhuak a, Ms-a thlanlung chu ka thlir leh vawng vawng a, "Ms, mangtha rih phawt aw" tiin a thlan chu ka hnungchhawn a, kan ṭhian ho chuan Ms-a thlan chu kan chhuahsan ta hlawm a.






Skip.....


Exam Time....







"Yess...Subject khat chiah exam kan hmabak ta" Any chuan a ti a, amah leh keimah chiah kan la chhuak a, midang erawh an la chhamg tui viai a ni mahna. Reilote hnuah Clare a rawn chhuak a "Clare i chhang ṭha em?" kan tih chuan a pawi kan sawi ta emaw tih tur khawpa nasa hian min melh rum dun a







"ka own word vek" a rawn ti hmuk Any chuan "a dik ang maw? " a ti a, "Anṭam, ngawi rawh, ka own a nia, ka thu thu, ka own na na chu ka own a nih avangin a dik, i hria em? Ka OWN ka thu ber, diklo ti thei an nilo, ka own a nihna lam aṭang chuan a dik vek" a ti nghek anih chu. Any nen kan in en a, kan nui ringawt.







Lizzy a rawn chhuak veleh a, "Lizard, chhang ṭha maw? " ka tih chuan a sam hmawr a khawih niap niap "Question ṭhenkhat chu 'a thiam ṭep anih hi' tih theih bawr vel khan ka chhang" a lo ti a.







Hrangzo-i leh Hrangmuani an lo chhuak dun a, an chhanṭhat leh ṭhatloh zawh ngailovin "ṭhiante u, kan thiam a lo chhuak silo a, keimahni kan lo chhuak tawp" an rawn ti a, chutia an tih chuan awilo lutukin kan ner nang hlawm, "in thiam chhuak silo, in va ṭhu rei ve" Clare chuan a ti a, keini kan lo bu nghat nghat.







"chhuahhmat chu kan tlawm la deuh tlat a, ka pencil hi en ta che u. a kawr hihtheih loh mahse, ka hik ngar ngar. Chuan pencil hmawr lam dum bik kha ka ei pah zeuh zeuh bawk a, en ta che u, ka kà leh lei a dum vek hi, pencil ka ei ral vek" Hrangmuani khan a rawn ti a, mak ti lutukin kan en reng.







Rammuana leh mipa ho chu an lo chhuak ho a, Rammuana chuan kan bul a lo thlen rualin "ka fail tih sawidarhtu in awm chuan FIR ka thehlut ang a, chuan mipa pawngsual ching leh mipa kutthlak ṭhin angin ka report dawn che u" a lo ti nghal tawng anih chu.







A hnungzangah ka beng vak, "Rammuan, lo over suh. Pass tur chiang sa in rilru in lo tihah der ṭhin hi chu,, fail vek tak tak ula ka ti ṭhin" ka tih chuan Dreamer S ho ten min lo thlawp em em. Rammuana lah chuan' ka thiamlo' a la ti ve ṭang ṭang.







A hnu chuan kan haw hlawm a ka room ka luh chuan ka dawhkana Eric thlalak chu ka hmu hmasa ber. Dawhkan bula ṭhutthlengah chuan ka ṭhu a, ka mitthlaah Eric hmel chu chiang takin a lo lang leh a "Eric, ka ngai tawh lutuk che. Midang kiangah chuan nui ve mah ila, chhungril taka nuih erawh ka mei tawh ngai lo asin. Tinge tun thlenga i lo la let loh. Ka ngaih zai che hi i hrelo em ni? Ms-a'n min kalsan hnu khan i lakah beisei ka nei sang a, a chhan chu Ms-a khan i dam theih nan a lung a pe miau che a, mahse tinge tun thlenga i la rawn let veloh







Nitin khan ka nghak ṭhin che a tunah pawh ka la nghak tho che ania, lo let thuai tawh rawh aw" tiin thlalak chu la fawp zeuh. Ka inthlak a, ka inthlak zawhin lehkhabu hmaah ka ṭhu a, Eric vang khan lehkha pawh peihloh chung chungin ka zir thin anih kha. Tunah amah hmuhtur awm lo mahse, a lo let leh hunah a chhuan tlak ni thei turin tumah fuih pawh ngailoin lehkha ka zir ta ziah anih hi.







Last exam ni kan thleng a, Any nen bawk kan ṭhian ho kan nghak a Hrangzo-i a lo thleng a, Any chuan midang a zawh fo dan bawk chuan "I thiam em?" a lo ti leh var tawh. Hrangzo-i chuan "ka thiam emaw i tih chuan i thiamloh a ni mai, result a chhuah hunah pawh 'a thiam hmel tehreng nen engtin nge? ' i tih vaih chian ka beng darh chuai ang che" a lo ti a, ka nui vak.







Exam kan ṭan a, rin ai zekin ka thiam a chhuak tam, zawimuang leh uluk tak chuan ka chhang a, ka chhanzawh meuh chuan mi an lo phai duai tawh, ka va chhuak a, ka ṭhiante leh mipa ho chu an chhuak vek tawh. Ka va kal chuan kut an lo beng dar dar hlawm a "thiam awm bik" an lo tih chuan








"tlemte chu thiam ve e" ka ti a min awilo hmel lutuk. Chutih lai chian Hrangmuani chuan Lizzy bulah "Lizzy pen i thlauh" a ti a, Lizzy chuan a thil hrilh pawh chu a bengah a lut lo tih hriat zet hian "awii,, ka hrelo ka own word vek" a rawn ti a, Hrangzo-i pawh khan "keipawhhh..ka own dan chu ropui tak a ni" a ti ve bawk a, ka nui phei char char.







Ka hnung lam atang mipa pakhat hian "Hey chhelote" a rawn ti a, ka hawilet a, a hmel chu ka ten chi, hrelo der hmakin ka kal leh a, reilote hnuah min pawt her a, ka ṭhiante pawh an lo thleng chawpchilh ve nghal. "Hmela min thlah rawh" ka ti chang rat, a nui duh lek chauh.







"C'mon babe, in la eng emaw kual vel lo teh" a rawn ti a, ka kut lah chu a chelh nghet zual sauh. Ka ngei zia chu pui tak a ni. Chutih lai chuan kan sir lam aṭang mipa aw hi a lo chhuak a, mask a vuah a, cap a khum bawk, mahse a aw aṭang ringawt pawh chuan tunge a nih tih chu chiang tak ka ni. Ka muttui a tla nghal







(Ti hi chuan Higher life diktak a ni leh tawhin ka hria 🤭🙈)

(kan final tawh ang ka ti nangin chapter khata thun vek atan chuan a thui deuh sia..... lehpekah kan final mai dawn nia)


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:21 am

Higher life chu last chapter kan thleng ta reng mai a, readers fel tak tak, ka story min lo ngaihhlut saka, min lo chhiarsak thintute hnenah thinlung takin lawmthu ka sawi takzet a ni💜❤)







Higher life
By; 🌼Te-i Mrs Ambrose🌼
Last Chapter
(Chapter 36)







Kan sir lam aṭang chuan mask vuahpa chu a lo kal phei zel a, ka kutah chuan chelhin hnungah min dintir nghal . Ka kut lo mantupa khan a lo melh rum nasa mai. "Tunge ni a i inhriat a?" a ti khur khur, "Tudang ni lem love, he hmeichhia hi i kut hmawr pawn i khawih leh a nih vaih chuan thi silo, dam silovin ka siam ang che" a ti vawt ruih.







Ka kut mantu pa lah kha a pawr nasa mai, "thi silo chuan ka dah zawk khawp ang che...Nang hian kha hmeichhia kha i lo chhan vel amaw! Hero emaw i intia mi?" tiin deuhsak tih hriat tak hian a nui a, midang ho chuan min lo bawr sap sap hlawm a, ka hmaa ding, mask vuaha cap khum thlatpa chuan ka kut a vawn pawh ala thlah lova, a chelh nghet hle. A mi khawihna aṭang chuan tunge a nih tih ka chiang.








'Hero' tiin a phun sup a, "A tan chuan Hero ka ni pawh a ni mahma" tiin a nui ri suk. Kan piaha ding pa hnenah chuan "Black Stars ho i hmu tawh ngai em? " tiin a zawt a








"aii.." tiin lehlam ami chuan a chhang a, a hmel a tim nghal dai mai, ka hmaa ding bawk chuan "An chanchin i hre tawh ṭhin em? " tiin a zawt leh, lehlama mi pa chu a bu nghat ringawt. A hmelah hlauhna a lang ṭan a, ka bula ding lah chuan "i hmu duh em? " tiin a zawt leh "aw.." tiha lehlampain a chhan zawh chiah chuan a hnek nghal thuai.








"tihkhan Black Stars president kutthlak i tuar zo chiah" a rawn ti a, a mi hnekpa lah chuan a hlau nge kutthlak let pawh a tum lo va, a ngawi reng a, a ṭhian dangte an lo kal rualin kan ṭhian dang Black Stars member ho an lo kal ve leh bawk a, "Eric" tiin ka phunchhuak sup. Eric chuan nichina min lo chelh ve ngawttu kha a en leh a









"Ka Angel Baby hi i kut hmawr pawha i khawih leh anih chuan hre rawh nang hian min cho chhuak angah ka ngai ang" a ti a, a mi hnekpa chu ṭhiante nen chuan an kal nghal a, Eric chu la lam a rawn hawi a, ka lo en reng. Ka mittui pawh a la hul thei meuh lo. Ka mittui tla a hmuh chuan dimte hian min hruksak a, a mask chhan aṭang chuan ka chal a fawp zeuh.








Dingdihlipin a cap ka lakthlak sak a, a mask ka phelh leh bawk, rei tak ka hmuh tawhloh Eric chu ka hmu leh ta, ka kuah thlawp. kut lo beng thawm ka hriat chuan midang an awm ve tih ka hre chiah.Ka zak leh hnuhnawh a, inlakhran ka tum , mahse Eric chuan nghet lutuk hian min kuah a, "Angel Baby ka ngai che" ka beng bulah a ti zawi sup.








Min kuah vang vang hnu chuan min thlah a, kan zhian dangte chuan Eric chu an rawn chibai a, mikhual a ang ka lo ti hman pek. Back Stars ho phei chuan an kuah liam liam hlawm a "Welcome home Bro" Max chuan a ti a, "home nilovin School compound anih hi" Clare chuan a ti zeuh. Kan nui ho dar dar.








Eric chuan "lo kal kiang lawk teh u" tiin kan ṭhian ho chu a nam kiang deuh a, ka hmaah a rawn ṭhingṭhi a,bawm sen hi a a keng bawk, "Angel baby, a la hma tih chu ka hria, mahse nang kalsan leh che hi ka hlau em a, kum lam ka ngaihtuah duh lo va, nang hi ka nupui hual ni turin ka duh che...Tunah leh kumkhuaa i kianga awm reng ka duh , ka nupui i duh ang em?" tiin min zawt a, ka mittui a tla leh ringawt.








Ka chhang mai lova, Eric lah chuan ka chhana nghakhlel tih hriat zet hian min melh a, midang chuan "Aw tirawh" an lo ti rual dual, Eric chu ka en a, lu ka bu nghat a, ka kut ka lekchhuak bawk.








Midang chu an lo au vak hlawm a, Mahse Eric chuan zungbun min bintir hauh lo, ka en reng, Lizzy chuan "Seka, zungbun chu" tiin Eric chu a rawn au a, Eric chuan lu a hiat neuh neuh. "Zungbun pawh ka lei hleinem" a rawn ti anih chu. Ka kut ka lo pharchhuak ve tawh si. Ka awmdan chu a lai kual vek. ka kut chu a rang a rangin ka la let a, ka zak bawk si, ka hmai a sa hat hat.








"Anih zungbun lei silo, ngatan nge bawm kha?" Clare chuan a ti a, Eric chuan a lu a tuai vut a, "inhual nan zungbun chu a common ka ti sia, ṭhi leh bengbeh ka lei a" zawi sup hian a ti a, ka ṭhiante'n an chal an dawm vang vang. keipawh chuan a ngaihna ka hre hlawl lo.








Victor chuan "tikhan nupui neih i lo dream ve thin awm sia" a rawn ti a, Eric chu a ding vut, "Ho mai mai, ka nupui a nih dawn phawt chuan a tawk, inneih zungbun a common, thil common hi a ṭhalo. a common ka duh velo, nuthlawi leh pathlawi te hi a hma chuan an thlawi bik hleinem, thil common lutuk inneih zungbun in leh danin a phuarna a chah vang alawm an thlawi ṭhin." a rawn ti duah. a thusawi leh common chu ava inzawm lo nasa em em ve.








"Anih dan khatna leh dan hnihna hi a common ropui sia" Rammuana chuan a ti zeuh "Dan khatna leh dam hnihna in kan innei kawp dawn, chu zawng a common lo ve ngawt ang, nge dan sawmna zawkin ni ang aw" Eric chuan a ti vang vang. Kan zhian dangte an ṭawng leh dawn chiah tihah








"ngawi ru. ka tihtur ka theinghilh ṭhelh anih kha" tiin min lo pan a, lehlamah min kuaiher a, ṭhi nalh zet chu min awrh tir a, a nalh takzet. A locket ah chuan love chanve a awm a, ka khawih niap niap, "a nalh lutuk, ka lawm e,a khing hi i rawh em ni?" ka tih chuan a lu a thing a," ka tan chuan ṭhi siamtir lovin zungbun ka siamtir zawk a, hei" tiin min hmuh a, love khing chu a zungbunah a lo awm ngei a.







Inhualna zungbun aia ṭhi min pe chu a common lo takzet. Mahse ka duh viau lawi .kan thian ho chuan kan spot lam kan pan leh ta ṭham ṭham hlawm a, spot kan thlen chuan Eric lam ka hawi a







"exam kan zo chiaha i lo lang nghal a" ka tih chuan a kiai suk a, a hmelṭhat ngaiin a la hmeltha reng, "keipawn vawiin khan Exam ka zo chiah a, private jet in ka rawn thlawk nghal alawm" a rawn ti a, "Hmm,, Delhi lamah school te iva kal bik a" ka ti a, min kuah pahin "Online in...kum khat dawn kha chu khumah ka mu a" a rawn ti a, ka khawngaih hnuhnawh.








"Tinge min lo biak ngai lova" ka tih chuan a ṭhiante pawh chuan an hrechhuak ve nge ni? Eric chu an en hlawm a, "dik chiah, i nu leh pa pawh biaktheih an nilo" an rawn ti a, Eric chuan "Rukru in ka nu leh pa phone an ru daih" a rawn ti a, kan lo en hlawm tawp. "ka phone lah khan Mizoram a chhuahsan ve silo a, biakpawhna tur che u a awmlo a" inthiamlo ru tak chuan a ti a.









"Khawnge Remremi kha, a u pawh a lo thlah silo a" ka ti leh a, Eric chu a thaw ham ham a "ka nu leh pa sawidan chuan Ms-a'n a lung min pek khan Opperation a kalsual deuh a, Ms-a kha chu harh tawhlo tura ngaih a ni hrim hrim kei erawh ka harh vat an beisei a, mahse kei ka harhthei ta lova, Ramdang min panpui an tum a, Remremi lah a u thihna kha a tuarthiam lova, nikhua a hre mang silo a, ka nu in Mizoram lama lettir lovin kan rualin Foreign lama a hruai ta daih a, lo let leh mahse, belh tur a nei dawn chuang silo, kan kiangah a awm ve tawp mai a









Ka nu chuan a fanu ang maiin a en a, Ms-a lakah a enkawl tur thu a lo tiam tawh a ni ngei ang. Remremi khan a u thlan kha hmuh ve a chak lutuk, vawiin pawh hian a lo let ve a, thlan lam a pan ta nghal anih kha" a rawn ti a, ka khawngaih lutuk.









Eric chu van lam a hawi a, "Ms, ka lawm e, awmlo la chuan vawiin hian ka hmangaih kiangah ka awm tawh kher lovang, i chungah ka lawm takzet" tiin a chhing vang vang. A men leh rual chuan min melh chat a, ka chal a fawp vang vang.








"Angel baby ka tan chuan chi (Salt) ang vel i ni" a lo tih chuan kan ṭhiante an nui vek, Eric chuan a kut a vai thuak, "nui suh u, ka la sawizo reng reng lo" tiin a chek tlak. "Angel baby, ka tan chuan ka sawi ang khan chi ang i ni, eng chawhhmehah pawh chi a tel loh chuan a tui tur angin a tui lo va, eng anga bawl hlo ṭha pawh telh mah ila, a tuidan a famkim thei ngai lo. Chutiang chiah chuan ka nunah nang i awm veloh chuan ka kim thei ngailo a, ka nun chhungril hi a ruak huai ṭhin. I tello chuan keimah hi ka keimah thei tawh lo" a rawn tih chuan Drew-a'n









"kha kha Delhi a i awm chhung leh Foreign a i awm chhungin nitin zantin i sawidan tur i zir tluk tluk ṭhinlo maw?" a rawn ti a, kan ṭhian ho an nui vek."ka rilna tur in dal, kal teh u, ka lo thlen lawm nan eitur ka show ang, va lei darh ru" a ti a, kan ṭhiante an lo phur ngang mai. Pawisa an la a, an kal hlawm vek. Kei leh Eric chiah kan awm tawh









"Angel baby ka ngai che" a ti sup, "keipawn ka ngai che alawm" ka tih chuan a lamah hawi thei tur chuan min thut rem tir a "ka ngai lutuk che hi nangmah ngei pawh hian min hnem zawh pawh ka ring ṭhinlo" a tih chuan over ti lutukin ka melh nghek.








"I tel velohna khawvel chu maw a reh thuap mai a, thlaler ram ro ang mai kha a ni asin. A chhan chu i lo tawngthei em a" a lo tih leh chuan a samah ka kek vak, "chutin min ti suh" ka ti vin hlar. Min rawn kuah ṭha a, "kha i mizia kha ania ka lo duh a ka ngaih em em ṭhin" a rawn ti a, ka thinrim rei thei lo. ka ngaih takngial pawh ala reh fel silo a, ka kuah let ve nghal vat.








"kan ngawih rengna hian thil tamtak a sawi a, mahse a lo ṭawng tam na na hi chuan ngawi renga thil tamtak sawi ho ai khan in lo sawitam ṭhin sia, hei vang hian ngaih in na bik" a rawn ti a, sawitur lah chu a nghah hmel hle lehnghal. A sawi peih chhung chu ka ngaithla char char peih.








"nuam in ti lutuk" kan ṭhianten an lo ti a, "Sana ta kha en ve ru Darkar khat lai chance kan pe che u a, in la kham khawp nang e" an lo ti a, darkar khat kan ṭhu tling ang tih pawh ka lo ngaihtuah miah lo. Eitur an lo lei ho chu kan ei a, reilote hunah chuan kan haw ta hlawm a.








Eric chuan min lo thlah a, ka famkim takzet tawh.Kan inah pawh ka khi ver ver . Ka nu leh pa chuan min en a, an nui tawp.








Result chhuahni a ni a, kan ṭhian ho chuan kan spot ah kan kalkhawm a, phone aṭang Result kan en a, riloh lutuk tak maiin Distinction-ah ka pass ve a, kan ṭhian ho zingah chuan kei, Eric, Rammuana, Hrangzo-i leh Any chu distinction ah kan pass a, midang ho pawh tumah an fail lo.









Eric chuan ka hmui a fawp zeuh a, "ka chhuang lutuk che" a ti a, ka nuih ver ver. Kan ṭhian ho chuan van lam kan thlir a, Ms awm ve sela kan kim ngei ang.Mahse ani chuan nidangah min lo hmuak turin van lam a pan tawh si.








Kan ding a, Eric chuan "Kan higher life chu a zo ta reng mai khang kan hriatrengna duhawm takte kha kan theinghilh ngai lovang" a rawn ti a, kan bu nghat nghat hlawm.








School kan kalni hmasa ber te kha kan sawilet a, Beauty girl ho nen kan intibuai nghal pang anih kha. A hun lai khan thinrim hle mah ila, tunah chuan kan nuihpui a,a hun laia hlimawmna nei miah lo kha tunah chuan nunhlui hlimawm an chang ta.









"Khang hunah khan let leh ka chak" ka ti vawng vawng. "Ni e, tunah chuan Higher life a liam a, College kan kal hlawm anih chuan College life kan chen leh hlawm ang a, Higher life ai mah khan a nuam maithei asin" Any chuan a ti a, Hrangmuani chuan"kan kal ho leh vek thei ang em emaw? Nangni ho nen a nih phawt chuan a nuam dawn chiang sa" a ti a, Clare pawh chuan"a dik alawm College life chu a nuam viau maithei. Mahse kan higher life kha tluktu awm tak ang maw" a ti vang vang.








Ni tla tur chu kan thlir ho a, kumhlui thlah lai ang mai kha niin ka hria, kan zavai chuan kan inchelh a, "Mangtha aw, Higher life nang hian hriatrenga duhawm tak mai kha herliampui tawh mahla,kan thinlung leh hriatrengnaah erawh a liam ve ngai lovang" kan ṭhian ho chuan kan ti rual a.








Kan kut kan thlah a, Eric chuan ka kawngah chelhin "Angel baby ka hmangaih che" a rawn ti a, "Eric keipawn ka hmangaih che" ka ti let ve nghal. "kan pahniha nun thar tan tawh turin i inpeih maw? Higher life ang khan awlsam tawh dawn lo mahse, ka thlah tawh ngai lovang che. Tunah chuan hringnun bung thar zawh a hun ta. I inring tiraw" a tih chuan ka bu zeuh a. Ka hmui a fawp vang vang.








Tunah chuan school naupang nih hun leh Higher kallai hun kha a liam a, kan ṭhian ho chuan eng nge kan tih zel ang tih kan hrelo. College life kan join dawn nge? Mahni duhna lam lamah kan kal hrang tawh dawn. Kan higher life hun ang khan kan awm ho leh vek thei tawh kher ang em le?









Higher kal thin ho kha tunah chuan Higher life a zo a, kan sawi nin theiloh leh hlimlai ber hun kan sawi changin HIGHER LIFE tih hi kan sawi nawn fo tawh ṭhin ang.









A TAWP TA




(Last chapter te a ni ta bawk a, nidanga comment ngai lo te pawh khan khawngahin min lo comment sak ula aw🙈🤗)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)