HIGHER LIFE BY Te-i MrsAmbrose (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

HIGHER LIFE BY Te-i MrsAmbrose (Completed)

Unread post by Ngaia » October 31st, 2022, 1:14 am

2u5m4449.jpg

#PROLOGUE

Higher life
By: 🌼Te-i Mrs Ambrose🌼

Elly Vansangpuii & Eric Zomuanpuia

Elly Vansangpuii: Hmeichhe thawveng, vei neilo, insual ching, lehkha thiam thei tak, mahse allergy nei tlata inhria, hmelṭha, feet nga boruak hip pha chang chang.

Eric Zomuanpuia: Mipa hmelṭha an school a lar hat hat tak, Black Stars Hotu ber, hmeichhe ngaihven lo zet. Midang care ngailo.Mahse a ṭhiante tan erawh ṭhian nih a tlin em em lawi.

🌼🌼🌼

New commer pali (4) lo lut thar te chuan school an kal ni hmasa ber atangin buaina a thlen nghal pang a, chung hmeichhe pali, naupan tet atanga inkawm tawh te chuan an school thara 'Beauty Girl' tih group hotute nen an insual nghal hmiah bawk.

An mizia avang chuan 'Black Stars' hotute mit an la hle a, 'Black Stars' ho hmeichhe ngaihven ngailote khan an vawikhat hmuhna aṭang an vei nghal bur mai.

'Dreamer S' ho leh 'Black Stars' ho inngaihzawng tan dan nuihzatthlak leh Romantic riai mai chu.

Higher life ah hian hmuh a ni ang



Higher Life
By: 🌼Te-i Mrs Ambrose🌼
Chapter 1





Ka mumang neih tui em em lai chuan ka phone a lo ri thut a, ka phone ri lah chu duhthusamin a ring, ka meng kawk ,chuti taka mang nuam ka neih laia ka phone lo ri chu thinrim zet chuan ka chhang a,ka mulai min call harh tu tiloh hi chu ka ngaidam thei vek, mahse ka mutui lai min call harh tu erawh hi chu keh sawk sawk ka chak thin, hello pawh ti hmasa lo chuan "enge" ka ti bul hmuk, min lo chhanna chuan ka thinrimna leh ka mumang zawng zawng min theinghilh tir vek, "ka pass maw" tiin ka rak chel chul a, zanrei a ni tawh tih kan theinghilh phiar chu le.






Thenawmte in thim vek tawh pawh chu a lo eng sup sup a, ka zak leh hnuhnawh a, kan muhil der leh hmak mai anih kha.







Zing ka tho chu ka helhawlh nasa kher mai, ka thiltih engkim chu ka phur em em ringawt mai a, nidanga engmah ti peihlo khan chaw te ka chhum ve ngei a, ka nu leh pa ten ang huangin min en char char, ka pa chu lo kal hnaiin ka ka chal a lo dek a, "a va mak ve, I damtha reng sia, eisual te i nei a ni lo maw!? " a tih chuan "Naa,,apa chu eisual nei tur pawhin engmah ka la ei lo" ka ti hliai.






Ka insawi hmaih palh takin kei hi Elly Lalduhsaki ka ni a, ka nu leh pa te famal duat lai ka ni, Tin, *Dreamer S* hotu ber ka ni bawk, nimin zan khan ka thian Clare-i chuan Metric exam ka pass thu min lo hrilh a , ka pass pawh ka inring lo va, result pawh ka en lo law law mai, ka nu leh paten ka pass thu an hriat ve chuan kei ai mahin an hlim zawkin ka hria.







Ka nu leh pate chuan school tha takah Admission min laksak a,naktuk maiah school kan tan tawh dawn bawk, kei Elly Lalduhsaki zirna run bel peih thak lo, thiante vanga school kal mai mai thin hi ka va phur si em.






Kan thian ho chuan school khatah kan lut leh vek dawn a, naupan tet ata inkawm tawh kan ni a kan thian ho a kan awm khawm tawh hi chuan kan phawk hri a chhuak ngei ngei, tin tumah kan hlau tehchiam lo bawk






Zing ka thawh chuan shower ka nei nghal a, ka insiam nghal zung zung, ka school form thar chu inhmeh ka inti thlawt, hmanhmawh fe chuan inhnuai lamah ka chhuk thla a, ka nu min auh zuina pawh chhang let ta lemlo chuan kan thian ho innghahkhawmna tur hmun chu ka pan nghal, kan innghahkhawmna tur hmun ka va thlen ve meuh chuan a tlai ber ka ni leh tawh.






Kan school thar tur chu kan pan nghal a, kan school thar tur kan thlen chuan melh ngar hlawm, duhthusam a ni ringawt, tin, ka school piahah hian *Dreamer S* ho kan spot a la awm zui, chutah kan thian zinga ngaihsam ber Clare chuan school la thlir reng chung chuan "Wow, many chicks" a ti mauh mai a, dang thler dawn dawn chuan kan nui, Clare lah a nui nasa ber berah a la ṭang zui.






School-ah chuan ka pen lut a, kan room tur lam kan pan nghal ṭhap bawk, class kan luh chuan tlar hnung ber kan chuh nghal.






Dreamer S ho hi pali niin ka sawi tawh ang khan naupan lai atanga inkhawm tawh kan ni , tunah hian science vek kan la bawk, kan mizia lah hi a in ang hlawm hle a, tudang kan ngai lo.






Kei hi, ka vanduai a, feet nga ka tling chang chang chauh a ni, mahse ka thlamuang em, Lizzy leh Clare pawn feet nga a tling chang chang chauh ania, lung ka phang lo ve chiang emai. Clare hi harh tak, ler ve zet mai leh ngaihsam em em hi a ni a, Lizzy erawh thil ngaihtuah veng veng a ching a, mahse a chang hi chuan Clare emaw tih mai turin a chet dan hi Clare chezia nen in ang thei hle , tin, Any thung hi chu kan thian ho project tih nikhuaa kan thluak bur ber a ni a,mahse a ni pawh a phawk hri a chhuah tawh hi chuan a nasa ve thei hle.Kei ve hi chu, fiamthu bawm ka ni ringawt ka ngaihsam hle,mahse ka thinchhe hle thung, ka duh tawhloh naah hi chuan kawlh tak hi ka ni.






Class a kan thut hle hle lai chuan kan hmaah hmeichhe pali an lo ding a, kan dawhkan lo beng pawpin "nangni ho hian kan thutna in luah elaw, hmel ho tho nghal ru" an lo tih chuan kan sa nghal phat mai.
Ka sawi hmaih chu le, keini Dreamer S ho hi kan school hluiah chuan insual huai vanga lar pha ngat kan ni. Heng ho hian tu te nge kan nih an la hre dawn khawp.






Annie chu a ding nghal a "Hmelo tawngkam ṭha i hre thlawt na nge? Tha deuhin sawi ula, kan kian ve mai tur che u, mahse i ṭawngkam in kan pawi a sawi tlat Matei te u,kum tawp thleng rakin kan thu dawn" a tih chuan kan va thlawp si em. A hnu phei chuan ṭhut hmunah chuan kan buai nawk nawk hlawm mai.






Chutah a hmasa ber a ding hmeichhia sam waiwai ang mai a kir, hmaifang zei zet mai chuan "in thulo nangni new commer ve mai mai tho nghal rawh u" a ti leh chuan, "New commer de de dei dei tih a ngailo, kan thu thu, non of your business" Lizzy in a lo ti ram hmak, Clare pawh chuan "ka Duat Waiwaite, sawtah sawn lo va thu hle hle rawh aw" tiin bench leh desk hlui zet chu a kawk a, kan class ho an lo nui huk, Keipawh ka insum theilo ṭhelh a ni.






"Nang, nangnu khan engtin maw min koh a?" tiin Waiwaii chuan Clare chu a kawk a, Clare lah zam duh thak lo "Elee,,, Waiwai ka ti che mawle, nge Fanghma tuai tirte ka ti zawk dawn che" a ti leh ngat, "hmelchhenu chutin min ngam vel a maw, tunge ka nih i hria em?" Waiwaii chuan a ti leh, a thinrim hle tawh a ni ang, a hmaite a sen vek tawh, "aw, ka hmeltha tih ka hria lawm" tiin Clare chuan a bag a zen rak rak, a hnu chuan compact leh lip gloss a lo phawrh a, Waiwaii leh a thiante hmaah chuan a inhnawih mawlh mawlh, ham ham hian a, Clare-i han over fal theih zia hi chu aw, "In duh ve em? Kha in thu sia, ka hmuhtirh che u phei kha chuan nghathu emaw ka ti che u alawm, a zialo tak tak a ni" deuh deuh chuan a.






Waiwaii te thian ho zinga a thau ber chuan Clare-i compact ken lai chu a ben thlak sak pawp, Clare chu a thinrim viau dawn emaw ka ti tawh, a compact vel chu a keh darh nuai mai "Nang hmel Saûm ve mai mai khan ka ben thlak sak e te i tia maw" tiin Clare chu a nui ro halh., kun hniamin a compact keh darh ho chu a chhar khawm a, a kuta nuai dip leh vekin kan Nuthaui hmaiah a tah sak pawp a, a hma zawnah chuan a la chhem ngei zui anih chu.






Buaina a sang chho telh telh a, Clare-i'n min sik leh zeuh thin, Dreamer S ho zingah chuan ka tawngthei ber a, mahse engmah ka la sawi velo a changin ka thinrim a, a chang leh hmuhnawm ka ti em em ṭhin bawk, Clare hian sawi ve se min ti tih ka hria, mahse an inhnial hi hmuhnawm ka la ti tlat , Clare chuan ka beng bulah "Vansangber eng emaw sawi ve ta che, Dreamer S hotu ni ve si, Dreamer S ho kan thangtlawm mai dawn" a ti sar sar, "lawk in la hmuhnawm emai" ka lo tihsan a.






Waiwaii khan ka sawi a lo hria a ni chek ang chu "Engmaw hmuhnawm i lo tih a, mi inhnial chu hmuhnawm i lo ti viau a ni maw" a tih chuan ka ṭawng ve ngei a ngai ta, an inhnial kha hmuhnawm ka la ti asin le "Huhh,,ka thu duh leh hmuhnawm ka ti ang chu, hmuhnawm ka tih chuan a va khei awm che ve" ka nui suk. "Min khei ka tia mi?New commer zak theilo pui pui hi lo luh loh tawp tur ania".






"New commer kan nih vanga mi I han chaldelh viau chu le, new commer pawh ni ila, inthlarun viau a ṭulna ka hre lo, in thla fee pek zak tho kan peve dawn a, eng vang ngawtin nge ṭi dak a kan awm bik ang" ka ti let ve sak "Chu lovah maw Waiwaite school kal te chu enjoy tur, kei leh ka thiante ang hian, chuan lo hre rawh, he school ah hian karkhat a liam meuh chuan Dreamer S ho kan langsang ber dawn" ka ti zawm zat.






"Zaktheilo thian za ho chu in nih chiah hi" Nuthaui'n a lo tih chuan "Nia,nia, nia, zahtheilohna te hi chu e, kan thian ho hmaa a din meuh hi chuan a zak chem chem zel asin" ka ti leh..






"Kan thian ho hian heta kan ṭhut vanga min lo bia pawh nilovin min ngaihsan vang tih chu kan hre tho a maw, mahse khawngaihin kal tawh mai ta che u. Kan fans ruhkawl in ni tih chu kan theinghilh lovang, lungmuang tak khan kal tawh rawh u le" Lizzy chuan a lo ti a, a ning tawh anih ka ring keipawn ning tawh tak ka ni.






Any chuan a bag atang lehkha hlai hlip hlep hi a lo phawrh a, a hming chu hawrawppui ngatin a ziak a, Waiwaii hmaah chuan a lek kang va va, "kha le ka signature ngat hi nei rawh u" a tih chuan kan thian ho kan lo nui sawng mai, Waiwaii te thian ho lah an thinrim teh e, thei ngat chu nise an beng atang te sawn thinrim lutuk avangin meialh a chhuak fua fua in ania ka rin ni.






Kei chu ka ngawi leh ran tawh, kan buai rei mah mah tawh a ni, Waiwaii tawng tum leh chiah a ang zuai tawh tihah dawhkan chu beng pawpin ka ding a, ka hmaa Waiwaii leh a thiante an phu dawr mai, Waiwaii ngat phei chu a petek nawlh mai, ka hmaa ding te chu ka melh kual den den hlawm , "kan first day a ni a, buaina kan duhlo, mahse nangni thian ho hian buaina in lo siam a,buaina hi kan hmaa a din tawh phawt chuan kan tlanchhiat san ngailo.Nangni ṭhian ho hian min cho chhuak ta a ni e, hetia inhnial reng lo hian banah kan chingfel ang" ka ti hmak, Waiwaii chuan a hlau ve deuh a ni ang, "chutiang kan duhlo, tho thuai mai ru" a lo ti leh "Min ngam na nge? Min ngamlo ro ro anih chuan thlawk bo vang vang ru" Lizzy chuan a ti leh keiin a thusawi lo thlawp nghalin "ni e, in ngamloh chuan kal vang vang ru a nihloh leh banah aw"ti leh ka kawr ban thleh chho ka rual a, ka ṭhu a, ka thiante pawh engtikin nge an din tih reng reng ka hrelo, an lo ṭhu thla ve nghal a, Waiwaii chuan " a tha lawm, banah chuan le" a ti ve ta nge nge, an ṭhian ho chuan an kal ve ta hram.






Kan han hawi nak chuan class ami ho zawng zawngin min lo thlir thap mai, engah mah kan ngai duhlo.Tlar hnung a mipa pali lo thu te chuan min lo melh ṭhap mai a, kan zak ve det, an hmeltha hlawm em em lehnghal, kan hmulo der ta hmiah mai.



Unknown point of view:



Class-ah chuan ngawi rengin kan ṭhian pali chuan kan thu a, mahse kan ep lama thu te chuan buaina an nei nge ni an ri nak nak hlawm mai, kan va hawi chuan Mary te thian ho bawk, "Beauty girl" an la inti ngei zui, *Beauty girl* group ho hi an hneawm riau lehnghal mahse an mi tibuai te saw, an pui hlawm teh e, an chhang let par par hlawm mai, ka thiante mit chu an la hlawm ngang mai, keipawh ka bang bik chuanglo, an zinga la ngawi kur chuan ka mit a la lutuk takzet,a thinrim vang nge ni, a biangchu a tai sen hlar tawh a, chu chuan min hip lehzual.






Chu hmeichhiate chu a thiannu chuan a sik leh zeuh zeuh thin,zawitein a thiannu chu a chhang let a, a tawng ri erawh ka hre theilo Mahse mary sawi hmangah an inhnial chu hmuhnawm a lo ti viau a ni ang. Mary thil sawi avang chuan a ui hmel teh e an inhnial kha hmuhnawm a la ti viau a ni ngei ang. A han ṭawng ve tak tak chuan ka nui suk. A cute reuh lutuk, a hnuah a ṭhu leh daih a, a ṭhian dangte erawh an la ri nak nak mai.






Thawk leh khatah ka mit la deuh tu kha dawhkan beng pawpin a ding hluai a, keipawh ka ṭhuthmuhah ka phu nghek lo chuah. Mary chu a phu nasa lutuk a, a petek nawk mak. Kha hmeichhe tereuh te khan insual a cho piap mai a, a kawrban a la thlep ang tak deuh deuh zui, ava han duhawm chiang tak.






Saw hmeichhia saw chu ka ta ala ni hrim hrim ang, Mary te an kalsawn hnu chuan an thian ho chuan an thu ṭha a, kan ṭhian pali a kan lo en ṭhap tih an hriat chuan an zak deuh a ni chek ang chu, an hrelo der hmak zuk nia.






Kam thian pali chuan kan ti ti khawm a, agenda tenau kan nei ani ringawt Max-a'n inla puitling fahran hian "Kei chuan banah an insual dawn chuan zui ruk ngei a tha ka ti, kan nu tur chetla lai pawh hmuh a chakawm reng reng alawm" a tih chuan Victor a nui nghek "In la pipu hunlai e, lalpa emaw, lal khawnbawlah i inngai a mi?" a tih chuan Max a khabe hmul tlem te tak meuh meuh a zuah chu a tawk zeuh a, "Ngai lem chuang nang aw, 'Ze nge' ka tih loh rikngawt avang pawh hian ruaipui theh (treh) chu a ngai ang, mi lo in lak thutak laia chutia mi han tih" a tawng dan ala thlak chuanglo reng reng, Lal khawnbawl emaw a inti a ni hrim hrim ang.






Drew pawh chuan "Max sawi kha ka thlawp, kan enthla hlawm ang chu, keichu eitur pawh lei tel ila a that ka ring" tak deuh deuh hian a, "I thil ei ri a ring bik, min lo hreta se engtin nge ni ang?" Victor-a'n a lo ti let vat, "Nia, eitur em chu I lei lovang u" ka ti ve a, Drew a ner nang nang mai.






"Khang Dreamer S ho kha Black Stars hotute bialnu an la ni vek ang, chu chu Black Star ho thutiam a ni a, tun atanga kan mission tur a ni bawk ang".


(hetu thleng hi nirih mai teh se aw🥰)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:14 am

Higher Life
By : 🌼Te-i Mrs Ambrose🌼
Chapter: 2



Elly Vansangpuii POV



"Vanlal, Dreamer S hotu inih hi, kan group an lo sawisel tawh chuan mawngkawtha nen lo ṭang ve ṭung zel ta che, kan inhnial mood ah lo cheng tawhlo khan inhnial mood ah lo lut nghal thin ang che" Clare chuan a ti chher chher, ala thinrim hle a ni ang "Vanlal min ti kher suh" ka tih chuan kut a lek vut, "khang zozai ka sawi zingah khan 'Vanlal' tih chiahin maw kha i beng, midang beng zawng aia te fal bikah khan lo lut a" a tih leh chuan keipawn kut ka vai vut "Kalare khatin Vanlal emaw, Vansangber min ti tei vet zel thin suh, ka beng tet pawh chu nge i ngaihmawh viau" ka tih chuan a hming ka lam dan avangin min melh hrep.






"Sangber hming pu si a hniam ber, khatin Kalare min ti thin suh," a ti a, "Sangber hming puin hniam ber mah ila, kei aiin i sang bik awkawngka lo, kan inchen chiah, Rapthlaknu, khatin hniamber min ti tawh ṭhak suk" ka ti let ve nghal a, a hniam hniam hi kan i hmusit a, a hahthlak zawng a ni e.






"Lizard leh Anṭam kha, nui ruh ruh suh u, hmingmawi in nei biklo ania, nge in lo nuih" ka ti leh nghal zat. "Khatin Lizard min ti ziah su, ka duh reng reng lo ania"
"Keipawh Anṭam min ti tawh su, ka pu ropui bera'n Any tih ngata min phuah laia nangni mi lawilo ho in a Anṭam min lo ti teivet, in chhip ka chhem ham ham mai tur asin" Any in a lo ti ve nghal a.






"Lizard, Kalare min tih khan ka lo lawm bik viauin I ring em ni? Nang Pi Anṭam Frem, kan chhip i chhemtheih vang khan lo chapo suh, I chhip kan chhem ve thei reng" Clare-i'n a ti nghal zat zat.






"Listen, keini lo inhnial hun a nilo, bana tihtur kan neih kha, Khang Waiwaii leh a thiante kha Dreamer S ho hi eng chiah nge kan nih tih hmuhtir an ngai, keini Dreamer S atang chuan buaina awm tawh rih suh se" ka tih chuan an lo bu thliar tliar hlawm.






"Keichu,,insual thuai thuai ka chak tawh, an inla no hlik hlek sia, ka sawp hrep chak, Nuthaui kha ka hual" Clare-i'n alian ber a hauh leh tlat tawh, a rapthlak fal thei ania.






"Enteh u, mi thusawi ka hria a, khang Waiwaii te thian ho kha *Beauty girl* an lo inti a ni awm a, chhe te te inbawk khawm ho Khan *Beauty girl* lo intih reng reng, miin an hnung lam atang an nuih fo thin in ka ring" Lizzy-i'n a tih chuan kan nui uarh uarh hlawm mai, "Zathlak, *Beauty girl* lo intih,,, *Unbeauty* tih tlak pawh an nilo sin le, *Ugly* inti se tha tur" Any'n a lo ti ve bawk.






An thian ho chu fiamthu thawhnan tak kan hmang a, "First day nge nge...a lo nuam e" Clare-i'n ban phar meuhin a lo ti a, kan in set tliar tliar hlawm. First day a ni bawk a, class pangai la lovin introduction an nei hlawm a, kan thian ho introduction neih ve hun anih chuan Clare a ding hmasa ber.






"Ka hming chu Clare Lalmuanpuii a ni a, New commer ka ni," sir in thu turin a lo ti nghal a, "aii, sir kala sawi zolo" a ti mauh mai, sir-in mithmul a kan ak, "Ka sawizawm duh chu, kei hi he school a la lar ber tur *Dreamer S* vice president ka ni bawk, chu zawng chu a ni e" a tih chuan an lo nui huk hlawm, Lizzy-i'n inhmelhriat tirna a nei zo a ṭhut hmain Clare bawkin "Kha kha kan Secretary" a lo ti hman pek.







Ka ding ve a "Ka hming chu Elly Vansangpuii a ni a new commer ve tho ka ni e" ṭhut mai ka tum laiin kan sir chuan "*Dreamer S* ho zinga mi inih hmel sia, I nihna i sawi tel duh lo maw?" nui chungin a lo ti a, eee,,chuzawng ka chak zawk tak alawm, ka sawi loh a tak ah "Keihi Dreamer S hotu ber, President ni lai mek ka ni a, kan group lo join duh in awm takin,,, in lo join hmain Criminal Case, insual thiam award leh Tawngtheih a ngai, inhnial nikhua atan tawngtheih a pawimawh zia chu a hretu vek in nih ka ring" ka ti nghal zat zat, kan sir a nui tawp, nge min sawi tir reng reng ni. Any pawn introduction a nei ve a, a tawp lamah ka thusawi lo tuihnihin "Kan Dreamer S hotunu sawi kha kan bleh hram ang a, Criminal Case mai bakah mahni nunna la thei ho kha chu kan Group in Best Ever Award kan pe thin bawk, I'm treasurer in Dreamer S" introduction kan nei chu a nuam phian.







Teachers dang an lo luh pawh chuan class pawh kan la la lo, mahse pawi ka ti hauh lo, ka lawmah a tla a, ka khur lo chauh, ka phur tawh hi chuan ka che masak thei lutuk. Ka naupan deuh lai, class 8 ka nih lai phei kha chuan kan class ah phakhatna ka nia, ka lawm lutuk kha kan kawmthlang ho vawkpui lian zet bawk reng mawngah hmawlh zumin ka hawlh hrep a, ka lo hawlh na deuh nge ni, an vawk kha a lo ngik vak a, ka hlauthawng lutukin hmawlh kha ka phawi vat e ka tia, mahse a ngil zawnga phawi ta mai lo khan a sir zawngin hmawlh kha ka lo phawi a, a tliak daih sia. A hun laia ka chet buai zia kha.






A neitu phei kha chuan "Vansangpui kan vawk mawng hi lo khal viau pawh nise, nge hmawlh I lo hnawhluh kher nanga mawng thep vang maia mi vawk awm tha hle hle a khal avang ngawta a mawng lo hawlh tur a nilo" a ti zui vak reng anih kha.






Dar a rik chuan kan thian pali chuan Canteen kan zawng a, kan hmu nghal mai. Eitur kan chah a, a lo thlen chuan kan ei nghal mawlh mawlh, Clare-in a eizo hmasa ber a, ka ei lai thleng chu a lo pawt a, a ei leh nghal mawlh mawlh anih chu, a zamlo pawh a nilo, Amah hian zamna chhete mah a awm ṭhak lo "Kalare zak la, ka thleng kha min pe let rawh," ka tih chuan a thil ei laia min phuh lo chu a mak ka ti zawk, a ka khat ṭunin a ei a, a ṭhial thei dawn emaw ni le ka ti hial, a thil ei chu a lem phawt a, "Alien-nu 'Kalare' min ti ziah suh Clare min ti ve mai rawh, I te si, ka thil ei lai ah hian thlak che in ei zo vek che mah ila ka puar chuang lovang" a tih chuan ka melh rawm rawm.






"Kalare, kalare, khatin Alien-nu..emaw hming maksak pui pui khan min ko ve ziah suh. I chalpadara arsik kha ka deh puah sak ṭhuai mai ang che" ka tih chuan Lizzy in a juice in laiin Clare hmai a phuh thawt, Lizzy ve pawh hi. a che tawp thei reuh lutuk mai. A naupan lai phei kha chuan a hnap a tam thei sia, a eiturah te khan a kai ang tih hlau reng rengin thil a ei tawh kha chuan a kiangah Scarf kengin kan ding reng zel.Sir in blackboard a thil ziak tura a koh tum pawhin class 6 kan ni ve tawh a, sir khan fiamthu a thawh a, Lizzy thil ziak lo hawk lai a ni kher bawk sia, a nui pahin a hnap a lo dawk zawk , lehlam chu hawi leh nghal vat mahse, keini thian thum khan kan lo hmu chiang sia.Tun thengin Lizzy phei hi chu a changin Hnaptam kan la tih phah.






Any a lo nui vak chuan kan pathumin Any kan melh thap, "Khatin lo nui vak suh, I chetchiatna lai ka phawrh mai tur sin" Lizzy-i'n a tih chuan Any a hawi sang vah, "Lizard, I hre thlawt lovang" tiin Lizzy chhip a chhem sak kher.






"Antlak, khatin mi hniam zawk lo hmusit vak suh, i naupan deuh laia i tluk tuma i pawnfen nen lam a inhlih chhoh vek lai pawh kha kala hria, chu lovah,, I chetchiatna lai sawi tur ka hre tam" Clare-i'n a lo tih chuan Any chuan inla khawngaih thlak tawkin kutsuih meuhin Clare chu a melh a, "Ka duat Kalare, sawi tawh suh aw" a tih chuan Clare a sa leh ang chu aw, 'Kalare' tih hi chu a haw ve thlawt alawm.






Class lama kan let leh chuan khang Beauty girl inti ho khan thip em em hian min lo melh a, Waiwaii chuan "Saw le,,Dreamer S hotunu leh a meite an lo inzui e" a tih chuan ka hnek chawrh lo chauh a ni. "Bawihte Waiwai, Nangni chheve te te inbawk khawm Beauty girl inti a inzui dun dun, sazu leh a note banga inzui chunga tlan kual ho in an nen, keini Dreamer S min khing pha tur chuan in la junior mah mah, Senior te chu zah tur...Chhe ve te te hian" ka tih chuan Waiwai-i'n min ben tumin kut a lo lek vut a, mahse mipa pakhatin a kut a lo man chat, min beng se, insual ṭan nghal ka tum asin le.






Chupa hnungah chuan mipa pathum an lo ding a, zinga kan inhnial ṭuma last bench aṭanga min lo thlir reng tute kha an ni. Chupa chuan "In insual duh chuan banah insual ang che u. Monitor ka nihna angin kan class a hmingchhiat ka duhlo. First rule kha" a tih chuan kan class hoin "Insual loh tur, insual an awm chuan warning pe lova hnawhchhuah nghal tur" an lo tu rual dual a.







Min hnawtchhuak dawn mahse mawi ka tihloh nen, ka hmaa mipa ding chu a kamiz hak chhana a pian tur zawng zawng pawh ka dream thiam nghal vek. Hei tak hi Dreamer S kan nihna pakhat ve ania, a kamiz ka thlir reng chu tlemin ka hawi chho leh deuh a, a hrawkbawk ah ka tawp leh chat, a chil lem zawnga a hrawkbawk che chu a lang sexy hluah hluah, chil ka lem khawlh a, mipa awthian kharh ri ka hriat chuan ka harhchhuak zawk, ka melh rum leh vel a, "You ti chingpen mai Plan.... min sual hmasa lo tu kan sual hmasa ngai lova, min sual veleh a sual let rum rum ka tum asin" ka tih chuan a nui mai, a nui mawi phian. Mahse ka pawi a sawi laklawh.







"First rule chu i hriat tawh kha, ka class aṭanga insual a chhuah ka duhlo, Monitor ka nihna angin hetiang thil a thlen chuan ka hmingchhe ber dawn, chuthil chu a thlen chu ka duhlo" a tih chuan ka melh rum vak. "hmingchhiat I lo hlauh hmel hle mai" tiin ka kalsan nghal vang vang.






Hmeichhe thenkhatin "Awi...an thian ho sawn an rapthlak e, Black Stars ho pawh an chhang let ngam ania"
"New commer te te si, an nghal phian" tih te
"Zah an hrelo ve thlawt anih hi,"an tih chuan ka ding nghal chat.






"Tuna min lo rel ho kha,, engtin maw in lo sawi a?" ka tih chuan hmeichhe pakhat nasat hmel fe nu hian "in chaltlai kan ti mai mai mawle" a lo tih chuan a bula bang ka hnek chawrh. "None of your business...kan thu..Dreamer S ho awmna a nih tawh chuan engmah lo sawi tawh suh u" tiin ka kalsawn nghal vang vang.







Tuna mi nasa-i kha a phu nghek, midang phun mur mur thawm pawh kha a reh hmak, a rukin ka kut chu ka chul hliau hliau, mihring chu ka hnek ve fo nangin bang hnek erawh a dan a dang. A nat dan a sa hem hem.







"Kut ka thlak hrepvlo kha lawm hlawm hle rawh se, ka kut duatlaiin a tawrh phah zui" ka tih chuan Any in "Keipawn I kut kha ka lo en reng alawm, an hmaah khan i kut i tuai vut vut ang tih ka lo ngaihtuah lutuk a" a tih chuan ben buk lawp ka chak. min ngaihtuahna an neilo reng reng mai.






"Tuman min ngaihtuah lo hrim hrim" ka tih chuan min nuih tlawn ver ver hlawm, "Kan ngaihtuah lutuk che alawm, kan hotunu ber chetla khan kan mitthla a luah tlat a, Present time ah kan la cheng meuh lova" Clare-i'n a lo ti a, henu tawngkam han indaih dan hi chu aw.






"Misual pawl din ila, lo lut duhtan mahni inthah phawt kan tia nga ka Pate Keeper (Seeker film ami aw🤣) hnenah Beinling a chantir turin an dil anga, chuan kan misual group chu an lo join ang a" Clare bawk chuan a lo ti leh a.






Lizzy a lo bu nghat nghat, "Mawl mawl suh u, kan Best ever Award pawh dawng tu tur an la awmlo, chutih laia nanga Pate Keeper lo hmuh vel chu a,,, a offer pawh tuman an pawm ngai tawh lo hi" Any-i'n a lo ti vak. "Treasurer te ka ni ve a, kan sum hmanna tam ber hi in hria em? Eiter leinan chauh a ni..Chu pawh kan Kalare hian a eithei ber" a ti leh nghal zat.






Clare a ang chiah tihah Lizzy chuan "Lo ngaithla ru, kan school-ah hian Best couple class twelve ah sawn an awm asin, hmu turin ka va kal ang u" a lo tih chuan kan lo en ha hlawm. "Engtin nge chung best couple te chu an awm tih i lo hriat bik a" Any-i'n a ti a, Lizzy chuan "Ele,, an lar lutuk, he school-ah chuan Best couple tihin miin an hre vek," a tih leh chuan kan lo phur teh e.






Couple ho hi kan ngaisang a, a bikin hmeltha deuh te phei hi chu, kan en vawng vawng zel. Keini Dreamer S ho hi chu S tih pawh hi SINGLE leh STORY tihna a ni ber. "Tute nge?" ka lo ti chul "Lalrempuii leh Matthew, kan senior te an nia, Perfect couple an ti tawp" a tih leh chuan a rang a rangin Twelve Science lamah kan phit nghal,(Mahni Story tellan zeuh hi a nuam dangdai ve a🤭😘) kan sawi hmaih chule, Lunch break ala ni reng.







Twelve room kawngkaah chuan kan va dak da da a, mipa leh hmeichhe hmeltha deuh hi an lo thu dun a, kan thlir ngawih ngawih, a hmeichhia zawk a tawng zat zat a, a mipa erawhin a hmeichhia chu duh hmel deuh hian a lo en vawng vawng, ngaihzawng neih min ti chak rum rum alawm, ka mitthlaah kha Monitor pa khalo lang lehnghal, hrep hian.






Clare chuan "Awii,,,an in match zia saw,, a mipa zawk saw ka star dawn maw nile" a ti vawng vawng, Any chuan "I chang lovang" an inhnial thui tak tak hmain kan room lamah let ka rawt a, kan let leh nghal.






Kan let hnu reilohteah dar a lo ri a, teachers an lo lut lova, kan thian ho chuan inhma tawn vekin kan thu khawm a, hetia kan thut tawh hi chuan insual Agenda kan neih vang a ni deuh tlangpui thin.




(Dreamer S ho inkoh dan hi atam lutuk a, in lo hrethiam chiah lo maithei a,,mahse nidangah kan kohdan hi chu...in hrethiam vek turah ngai ang aw..a remchan dan* khan an inko tawp tawp a😂)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:14 am

Higher life
By; 🌼Te-i Mrs Ambrose🌼
Chapter 3






"Le,,banah kan spot-ah kan hruai anga, anih loh pawn kan spot-a innghah kan ti ang, kan spot anih loh chuan eng anga na pawhin min lo ṭawngkhum mahse ngawih san mai tur, bawng 'bu' ang lekah ngaih mai tur, kan spot a kan inphin anih loh chuan hmun dangah lo inkeh chawrh chawrh leh lo invai buan buan kha a thianglo bur, buaina tawk thei kan ni tih kha hrereng ula. Dreamer S kan tlawm ngailo, tlawmngailo Val kan ni lawm ni" ka tih chuan an lo bu vek.






Chutah ka hriat sualloh chua Black Stars an tih ho kha niin ka hria, palian leh sang lam chuan "Tlawm ngailo Val chu ni kher suh u, Tlawmngailo lanu ni zawk ru" a tih chuan Clare a ding nghal uaih, "Bengparh, kan sawi i lo ngaithla ru ami?" a tih chuan lehlam ami chuan "Duat, bengparh nilovin Max ka ni e, nangmah ang thovin Vice President ka ni ve" a tih chuan kan class ho an lo thum huk, Clare a sa nghal phat "Eng,,,engtih maw min lo koh kha,, Du..duat a,,tenawm ka kickback lo che hi lawm hle rawh" a ti nghal vak.






Henu han kawlh hlik hlek zia hi, "Bawituai, ka duat, ka bawihte, ka di ka parmawipui, ka lunglai, ka lungdi, ka thinlai luahtu ka thinlung la hmutur nu, ka zuna uai tur nu...khawvela ka hmangaih ber la ni tur nu..." awii ,, ava tawngthei ve, rapthlak hian, "i lei ava sei ve, chhelo viau mahla, ka mit i tlung hlawl lo a ni e, Rawlthar , Rawimawi, valmawi chu la ni rih lo mai rawh aw" Clare pawh chuan a lo ti ve a.






Inla pawimawh tawka Agenda thulaimu kan lo khel laia min lo tibuai tu te tehrep saw hnek dup vek ka va chak em, an chhiatlohna sawn ala chhanhim rih mai mai anih saw, "Blacks Stars ho kha, eng vanga kan Agenda khel lai min lo tibuai nge in nih?" ka ti nghek, kan Monitor pa ngei khan "khawiah tak in thu khellai chu awm maw? " a lo ti duh lek chauh, hmeichhe ṭhenkhatin "Awi Eric hi chu aw.." an ti vawng vawng, ka beng hi a tha ve a, midang chuan an hre kher lovang.






Chuan kan class Monitor hi Eric a ni tih la hrethiam nghal mai. "nang Eric kha,lo inrawlh suh" ka tih chuan min nuih ringawt."Ric, I hming pawh a lo hre thlap" an thian zinga pakhat cher lam sam dum hlap chuan a lo ti a, "VanlalVictor... Lo inrawlh ve tum suh..Kan boss leh in boss inhnial ka en chak tih I hre na nge?" Any in a ti nghek. Engtin nge kan Anṭami hian a hming alo hriat hman le...






"Lutuk e,,Ann....An inhnial lai kan thlir dun dawn nia" Victor a tih pa pawh khan a lo ti ve a, an inhre sa emaw ni le? Awi,,, ka thluak an ti chau rih e a, ngaituah rih lo phawt ang, an inkoh dan lah kha, pakhatin 'VanlalVictor' pakhatin 'Ann' awi,, an in hrepawh ṭha viau a ni ang, han in star dun nghe nghe se... eeiss






"Kan inhnial chu I hmu kher lovang" Any lam hawi chuan ka ti a, henu ve hi, ka tawng zat zat lai hmuh a chak reng mai, ka kã leh hmui, ka dang aa,,, engtik lai pawn ka dak zat zat theilo, Always Duckler emaw min ti zawk maw ni?






"Ni e, kan inhnial lovang" monitor pawh chuan a lo ti ve a,ka thusawi lo thawp mah nise ka hnial chak zet zet, mahse kala insum rih ang "Zamngailo val ho" tia Eric a phun sup leh nui chu ka hmu ham hram, ka beng leh mit hi a tha a, beng leh mit lamah chuan Perfect award dawng tlak ka ni.






"Engtin maw I sawi kha?" ka ti nghek, 'keimah maw' a tih nan Eric chuan amah chu a inkawk vu a, lu ka but nghut, "Engmah ka sawi lo, Zam ngailo val te u" a tih chuan min khei zak mai " Khatia nang ina 'Zam ngailo val' min tih ngawt kher tur kan ni lo, ka duhpa Eric hming pu kherlo la chu kut ka thlak tawh hial maithei che ni...lo inrawlh suh" ka ti vak, Kan monitor chuan min melh rum hrep. A thinrim hmel em em lehnghal.






"Tumaw i duhpa Eric chu,,, ka va sawisa nghal ang" a thinrim tak tak emaw ni le, nge Eric hming ka sawi pawh chu a lo thinrim pui ve em em ni... "Ka sawi kher lovang" ka tih chuan kut min thlak pawh hreh hauhlo hmel a pu tawh nge maw a lo thinrim thar thut ni? "Vatin,, min hrilh lo mahla ka la hre dawn tho,chuvang chuan sawi vat rawh, midang an nat hmain min hrilh vat rawh" a tih chuan ka ngawi ngul.






Min lo panin ka banah a man nghal chat a, kan class atang min chhuahpui nghal daih anih chu. Teachers ho tawh ka hlau si, ka ṭawngring ngam lova, katal ve lahin min kai tu pa hi a lian mah mah, kei feet nga boruak hip pha chang chang leh ani feet ruk boruak hip pha ngat hi chu tha lamah pawh i thlau tak ka ni.






"Eric min thlah rang rawh, nge min kaihchhuah ve ngawt? Agenda pawimawh kan nei tih i hrelo em ni" ka ti vak, "Tuna in agenda khellai saw chuan vawiin tlai bak a daih lovang, mahse ka sawi tur erawhin i damchhung a daih ang" a aw a vawt ruih.Nge maw a lo thinrim ve ngawt ni.






Ka ban a vawnna lah chu ala hmer nghet em em zui, min thlah chiah chuan ka ban ka tuai nghal a, a lo sen vek, a duk ngei bawkin ka a ring. Nidanga ka thinlung a sak ṭhin tehreng nen. tunah lem ka kut vang maiin ka ṭah a chhuak et et.






Ka kut ka tuai lai chu a rawn la a, amahin a phun hluk. "Ka tihpalh" a tih chuan "Hmela" ka ti vak ringawt, ka kut chu min chhem sak hliau hliau a, reitak lo inhre tawh te pawh kan ang lutuk. "Enge i hriata min chhuahpui a, ka ban i hmer vak kher" ka tih chuan min melh rum leh hrep tawh. Tuna a hmel zaidamna leh nunnemnaa khat kha a bo nghal hmak anih chu.






"Ka hmaah mipa dang chungchang sawi tawh suh. ka hmeichhia la ni mai tura ka hual ina midang chungchang leh a duhpa chungchang ka hma ngeia min hrilh ka duhlo" a ti nghet churh, kei erawh ka meng bial kawk 'ka hmeichhia ni tura ka hual' a ti em ni? "Engtikin nge ka duhpa chungchang chu ka hrilh che a?" ka tih chuan ka kut a thlah chawrh, athlah rualin nichin zawng khan min lo vuan char char tih ka hre chiah. Chuan a thil sawi awmzia hi ka hre lo ka duhpa chungchang sawi tur pawhin duhpa ka neilo reng reng






"Classah khan i duhpa Eric hming vel kha i sawi lo em ni?" a aw lah hi a thum chhap lehnghal.mahse a rawn sawi tak ah chuan ka hrethiam ta chiah "hmela chu vang te lek chuan min hruai chhuakin ka ban i tina ringawt a maw, Eric te chu Story boy asin" ka ti nghek.






"Hre rawh, story boy a ni emaw, ni lo emaw ka hmaah mipa hming hrim hrim lam ngai suh ang che" ava zaklo e, duh leh ka sawi ang chu "Duh leh ka sawi ang chu, ka ka ania, i ka pawh ka hawh lo, sawilo tura min hrilh turin ka bialpa pawh i nilo, ka nuna inrawlh theihna dan i nei lo" ka tih chuan van vadakin a nui hawk.






Min lo melh chhuk nghal a, "I nuna inrawlh theihna dan chu ka nei thuai ang, chuan i bialpa ka nih lo thu kha i sawi tiraw, ka la ni vat ang" a tih chuan zamlo ti lutukin ka melh reng. "Nang hi ka bialpa inih chuan kan school ah topper ka ni ang" ka tih chuan 'kan la en ang chu' tih melh hian min melh, a hunah "Ka bialnu he school topper anih chuan ka lo chhuang ngawt ang" a tih chuan keh sawk ka chak.






Hmeichhia hi chu ka hnek thin, mipa erawh hnek loh tur, an samah keh sak tur, na an tithei lutuk, an inhnek durh chawrh pawha tap ngailo kha, an samah kan keh (k) tawh hi chuan an mittui a tling pam zel. Na an tive chiang em. Mi chu an sahuatah tak khawih sak thin tur Dreamer S ho rule number 4 anih chu.






Ka hmaah kut an lo vai chuan ka harchhuak zawk, Dreamer S hotu nu hi Dream ah kan chen hman pek chu le.






"Lo hre rawh, ka bialnu ila ni anga, chuan he school topper ila ni bawk ang, vanneihna pahnih a ni ringawt" Eric-a'n a tih chuan ka melh hrep. "I dream ah le" tiin ka kalsan daih.






Class a ka luh chuan minlo en vek, ka hnungah Eric pawh a lo kal ve chu niin, kavan ngei chiang tak, a ler phianin ka ring, a bialnu ka nih chuan topper a ka lan nan lehkha pawh ka zir hrep ang, chu erawh thil thleng ngailo tur a ni, kei hian lehkha zir Allergy ka nei. lehkha ka zir tawh chuan ka thak sep sep zel.






Tihtur lah ka hre tam hrep zel, lehkha ka zir lai chuan ka mitthlaah ka kawra thil bal kai pakhat lek pawh kha a lo lan tawh chuan suk ka chak tlat zel a, ka su leh nge nge zel. Kuttin leh ketin hleh phei chu, nail cutter awmloh pawn ka hain ka seh ngat ngat peih.






"Dreamer boss, kal rawh" ka beng bula an lo tih chuan ka inher vut, Eric a chu lo niin ka kal hmain a samah ka thamsak hram a, ka thutna lam panin ka phit nghal.Eric ka ve en chuan a sam ka thamna kha a lo tuai heuh heuh a, a la nui suk anih chu. Ler hmel hi ka ti ngawih ngawih.






Ka thiante chuan engnge thleng tiin min lo zawt a, "Engmah, a ler sawitur hrelo min pawtchhuak mai mai anih kha" ka tih chuan min awilo hmel hlawm teh e, "Khatin awilo hmel deuh khan min en su, Agenda ngai khel a hun e" ka tih chuan an thu tha hlawm a.






School kan ban chuan Beauty girl inti ho hnenah chuan kan spot a lo kal tur in kan hrilh a, kan spot lam kan pan nghal vang vang.






Kan spot kan thlen chuan kan ṭhu ngawi chawrh chawrh hlawm. An lo thleng har hrep lehnghal. "Anva rei e aw..In lock ka chak tawh sin le" Clare-i'n a ti vang vang, "Khawmaw kan practice teh ang" tiin a bula thingtuai chu a hnek ṭhuai, amah zawk a rak that, "Shalaa,, an chan(g) zek chu le..." tiin a kut a a tuai vut vut, a thu ngawi ta vang vang, a kut a en reng bawk.






Thawk leh khatah a ding vutin nichina a tingtuai hnek kha a pet ṭhuai, a thinrim thar tut emaw ni le? "Nang thingtuai, thing ah pawh tuai ve ngat vanga Nuthaui kha ka hneh loh chuan ka kit tlu ang che" tiin thing chu mihring biak in zuk bia a, ka lo nui ringawt.






"Kan beauty girl ho pawh chu an lo va thleng tlai ve" ka ti ta thlawt, darkar khat kan nghak tling tep tawh, "Enteh,,, Vanlal..Bang i hnek vang khan min cho leh tawhlo a ni ang" Lizzy chuan a lo ti a, ka melh nghek. "Lizard, kei a bang hnek vang mai mai a min nghamlo tur pawh an ni lo. Midang hi pun an tum mawni le?" ka ti ringawt.






Beauty girl ho ka ngaihtuah let chuan ka sawi kha dik dawn tlatin ka hria, khang ho khan an mahni chauh chuan min ngam lo tawp ang, an inla no hlum lo chuah a ni si a.






"Ti te chu, i kal ang u, nidangah kan la in punch dawn nia, an ṭhian te an ruai dawn a ni ang, Dawi zep zuap lutuk mai" ka ti nghek. Kan chhak lam ka va hawi chuan ka meng bial kawk, "Chhak lam saw en ru, mahse a rual khan hawi thap lo ula," ka tih chuan ka thiante chu a dawt dawtin chhak lam an va en a. A en zo ho an meng bial ve kawk kawk tho.




Hrep hian, hmel ho chu...


_________


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:14 am

Higher Life
By: 🌼Te-i Mrs Ambrose 🌼
Chapter 4






Black Stars ho chuan min lo zuiru chu niin. "Hey, Arsi dum chhe ho, a rang a rangin lo chhuk rawh u" ka ti vak, an zavai mai chuan kan hmu tih an hriat chuan an phawk hra mai, tihphut hlim ang mai, an zavai chuan tha tho lo zet chuan an lo chhuk hna hna, kan lo en reng.






"Engvang teh hrepa min lo zui nge in nih?" ka ti chang fak, an in en hu hu hlawm a, ka ban ka lek uaih lo chauh a ni, Max inti kha lo tawngchhuak in "Kan nu tur chetla lai hmuh ka duh a" tiin Clare a melh ralh, "Hmela,,, khatin min lo melh kher suh" Clare chuan a lo ti fak, Max a khap fak fak ringawt "Mahse, kan nu ni turin ka hual si che a" Max chuan ala ti let ve hram.






Clare-i'n a chalah a kuk fawk "Min hual ngawt suh. Kei te chuan pathlawi ngat asin ka dream ṭhin, Pathlawi niin I inhmu em ni?" a tih chuan an ṭhian zinga la ṭawng ngai miahlo khan Lizzy chu a melh a, "Nangkhan pathlawi tho neih ve i tum em?" a lo ti vat, Lizzy in amah leh amah a inkawk vu "Keihi maw" a tih chuan chupa (Drew) chu a bu nghut "Hnailo, Secondhand mai mai kha duhlo" Lizzy chuan a ti vak, chupa pui chu a nui vur vur anih chu. "Yess,,anih chuan chance ka nei tihna" tiin a nui ver ver a Lizzy lah a lai ngei emaw ni? Engmah a sawi hauh lo






Max khan "Ka bawihte, pathlawi aiin min la duh zawk ang" tiin Clare chu a melh ralh a, Clare a meng rang vak, "nang hi chu thlawi kua (9) pawn lo thlawi la ka duh ngai chuang lovang che" tiin lei a chhuah vak "Ka bawihte, thlawi kua a ka thlawi hmain min duh dawn alawm, Original Virgin ka nih lai ngei hian min la duh dawn"
"Zamlo ve, kan kawmthlangah sawn maian te nen zâm duh turin ka phun tawp mai ang che" Clare chuan a ti vak. A ner zui nawng nawng bawk.



"Ka bawihte, Zâm lovang, ka zâmte anih ngai chuan i thinlung chhungah chauh khan ka zâm ang" a zaklo reuh zek a.






"Bengparh, 'Ka bawihte' min ti chhen suh" Clare chuan a ti a, a hawisan nghal hmak. "Ka bawihte, ka lungdi, Duatte, My world" a rawn tih chuan Clare-i'n a chhang tawhlo hrim hrim, Max pawh chu a ngawi ve ta hram a.






"Ann,,,nang leh kei hi" Victor chuan Clare leh Max an ngawih dun hnu chuan a lo ti a, "Eng nge nang leh kei chu?" Any-i'n a lo tu hu.






"Aa,,i zeilo emai, zanah ka hrilh ang che"
"Zeilo min tia maw? Ka zei a ka zei zia hi e, I la hre dawn lawm"
"Chu tak chu ania hriat ka duh..Zanah chuan aw" Victor chuan a lo ti ve a.






"A ṭul kher lo, ih e,,,ka zeizia hi i tem phak mai mai a ni lo" Any chuan a lo ti a, Victor-a'n hmui a petsawi kual vel, "I zeilo chuan zep kher duh suh, i nihna ang ang khan ka pawm thlap ang che" a tih chuan Any chuan a samah a kek vak, "Hmela, ka zei...ka zei ber" a ti chiam..






"min thlah hram teh, a na ania" Victor-a chuan a tih pawh chuan a la thlah mai lo, An thian zinga tawng ngailo pa chuan Lizzy bulah "Keini chu hetiang hian inti ve ngai miahlo ang aw, ka sam hi ka duat reuh lutuk a" tiin a sam a khawih zeuh. Lizzy a lo nui ringawt.






"Any min thlah tawh rawh" Victor-a chuan a ti leh a, "Khatin zeilo min ti tawh ngai suh ang che" tiin a thlah chawrh.






"Nangni hi in inhre tawh ṭhin a mi?" ka lo ti hu "Hreve tih lemah.... Aw,, Hmanah dawrah kan inhmu a, chuan kan la intheinghilh rih lo anih hi" Any chuan a lo ti a, ka awilo nasa lutuk chuan hmui ka petsawi a, ka mithmul pakhat zawk chauh ka kân bawk.






Chutia ka tih chuan Eric kha a lo nui huk, ka melh nghek, a hmui phunin 'Cute lutuk ka bialnu hual' a lo ti a "Engtin maw? Ka hnek pawp ang che" ka tih chuan an zavaiin Eric tiam lovin mak tih hmel tawk hian min lo melh a, Eric-a'n hmuiphuna a sawi kha an hreve silo a, an ngawih thap laia sawi ka ni bawk si, mak chu a ti khawp anih dawn hi.






"Min melh phawk vak su, saw kan piah lam saw hawi ru" tiin Beauty girl inti ho leh mipa panga lo kal ho lam chu ka hawi a.






Hmel ho hrep chu, mipa an lo pun anih chu, "hmel ho chu Mipa te an lo pun chu le... An chaklo khawp ang" Clare chuan a lo ti a,a kut a hum nghek, kan rilru a awm a inang tlang deuh vek anih ka ring.






Clare kut humlai chu Max chuan a va vawnsak a, Clare erawhin engtin mah a lo ti hauh lo, a thinrimin sawng hoah chauh sawn a rilru a sawrbing anih ka ring. Max chuan Clare kut a chelh chu a thlah vat a, Black Stars ho chu hma lamah an penchhuak vek hlawm, an inthurual emaw tih mai tur alawm.






"Nangni kha, mipa in ni lawm ni? Hmeichhe sual tura in lo kal mai mai" Max chuan a ti a, lehlama mipa an boss ber niawm chuan "Nangni pawh in lo kal ve tho a, kan Beauty girl ho insual pui tura lo kal ve tho in ni lo maw?" hmusit leh chaldelh hmel fe hian a lo ti ve a, " chuan nangni khan ka duatlai Mary (Waiwaii kha aw) hi khawih in lo tum a maw?" tiin min lo melh ralh hlawm a






"Hmela, nangni ang an nilo, chuan ka hrilh ang che, nang a duatlai Waiwaii te mai mai, kan khawih peih zawng pawh a nilo, pangang a ang si, chuan nang khan ka Duata kha hmusit hmel takin lo be tawh bawk suh" tiin Max kutah a chelhsak a, Max-a'n a lo melh hu, mahse a hnuah a nui ta ver ver, an awmdan avang chuan lo hawi hu hu mai ,midang pawh an ni vek tho in ka ring.







Clare kava en chuan ka hrethiam ta chiah, kan lemchan thiamna show a hun, Dreamer R ho chu kan in signal kual hlawm a, an hrethiam vek ani hlawm ngei ang chu, kan zavai chuan kan hmaa mipate kut chu kan vawnsak a, Black Stars ho erawh an bo rih hle thung. Mak tih hmel taka min lo melh reng tu Eric chu ka siai zeuh a, lo khi sukin ka kawngah a lo chelh a "Kan chance neilai min lo ti buai tih in hria em? Nangni midawizep ho chu inlo kal ngam kan ring silo a, hei a pair pair in in date-na hun tenau kan lo nei a" ka tih chuan Waiwaii a meng ling hlur mai.






"Nangni ho hian Black Stars te hi in lo thlem ani maw? Tenawm hlawm che u chuan" Powdertlangi'n a lo tih chuan "in chanloh vang a nilo maw? A dik em Duata" tiin Any chuan Victor-a chu a melh ralh a, awi, an inmelh dan saw,, an va han induh hmel tak tak ve. Drama pawh a ang lo.






Victor chu a nui suk ringawt a, Nuthaui lah sawn Clare ala melh rum em em zui, a thau ve tehreng nen, Star a lo nei ve anih dawn hi. Ka nui chhuak lo chauh "Khantin min melh rum mah ta che, Saûmte" Clare chuan a ti ta reng a, a ngawih reng ka ringlo reng a ni.






"Ler hlawm lutuk" Nuthaui'n a tih chuan "Keini aia ler in awm alawm, ka bialpa te I lo Siar hmuh vel hi, mahse i Siar sual deuh, kan pa tur, ka future husband ngat anih hi" tiin Clare chuan Max chu a melh ralh.





"Duata, kei chu ka ning ṭan der, nidangah chuan hmun dangah leng tawh ang u aw" inla no tawk chuan Clare chuan a ti a, "Awle, ka bawihte" tiin Max chuan Clare samah a chul sak zeuh.






"Drew, nang khan khanu tereuhte kha i duh amaw? Ka rin ai daihin i duh ṭhing" hmeichhe pakhat nasat hmel fe nu chuan a lo ti a, Lizzy a sa ang chu aw, "Bawihpui,, Nasate, Drew nuna pawimawh ber ka nih hi ka inchhuang" rin ai daihin Lizzy kha a ṭawng nem."i pak huam huam a ni ang chu" Nasathmeli khan a lo ti leh a,, "Nang ang kan nilo, Drew leh kan inkar hi chu in hrethiam ve kher lovang, ni lawm ni? Duata" tiin Lizzy chuan Drew chu a melh ralh a, sawng ho pawh saw Victor leh Any ang mai, an induh hmel tak tak lutuk.






Heng ho hian Drama phenah an rilru tak tak an phawrh emaw ni le? Sawtianga inmelh si-ar tur saw chuan induh tak tak a ngai ngei ang.


Ninawm ah...Drama pan chang ve lawk ang e


"Aa,,kan chance nei lai min lo tibuai a ni ringawt alawm...Ka hne tan riau" tiin ka ham bai bai.Kan mipa ho leh lehlam mipa ho erawh an ngawi vek hlawm a, hmeichhe ho kan inhnial rih a ni ber.






"Kal tawh ru mi chance nei lai kiangah rei awm loh tur, a ṭhin thlak lutuk....There is no manner" sap taawng pawh a pai thei ang ber tur chuan ka hmang a, Waiwaii a ang chiah tihah "Hmeichhia leh hmeichhia inkarah chuan Mipa inrawlh tir tawhlo tur aw,, Waiwaite" tiin Waiwaii chu ka melh kher a






"Hmeli" tiin kut alo vai vut a, ka bula ding Eric chuan a kut chu lo chelh a tum a, mahse ka lo vuan vat, ka biang a ri chawk a, ka nui sak. Eric chu a inhum ruh ṭawlh ṭawlh, mahse a kut chu ka hum sak a, a taksa ṭan zia pawh ka hre thei mai, mahse tunah chet buan buan kala duh lo






"Nang hian bialpa nei reng chungin ka bialpa hi ilo vei ngawih ngawih chu ania, I bialpa saw ka khawngaih" ka tih chuan kut a lek leh vut, mahse tun ṭum erawh ka man ta chat, ka sawi tawh kha, vawikhat kut min thlak hmasa anih loh chuan kut ka thlak hmasa ngailo.







A kut chu ka paih thla chawrh. "Kan sawi leh ang e aw...i mitmeng zim te, purun var ang maia te leh pian chhe zet khan ka bialpa hi lo melh tawh suh, i awmdan aṭang khan i duh tih ka hriat loh i ring em ni? I bialpa tuna nangmah vanga hmeichhe pawh kut thlak huama lo kal hi ka khawngaih mang e" ka tih chuan Waiwaii chuan min en reng, a nihna a bialpa hmaa ka phawrhsak chu, mak a tiin engtin nge ka hriat tih a ngiahtuah nasa a ni ang, angawi reng.






Ka hmuhtirh atang henu hian Eric hi a duh ka ringthiam nghal mai, chuan ka chian takna chu Eric-a'n min pawhchhuah tum khan a duh tih ka hre chat, chuan tuna a bialpa pawh saw, a mamawh hun atan bak a ngaihzawn ka ring nek lo






"Hmeli, i duh duh sawi ngawt suh, I chaltlai riau" tiin angaite bawkin kut a lo lek leh a, lo man chatin ka herhsak vak, a biangah ka hnek nghal ṭhuai bawk. " Hre rawh, kut min thlaktu hi thlak let lovin ka chhuah mai mai ngai lo" tiin a vawihnih nan ka biangah bawk ka hnek leh ṭhuai.






Ka chetdan chuan an mipate chu a thawng hlawm hle ani chek ang chu, tumah an che lo, Waiwaii chu a tap pur s, a bialpa chu kuahin a tap ta hawm hawm. a bialpa chu a harchhuak thut nge ni? Waiwai a kuahna chu lathlain min lo pan vut, ka hlau therte lo.






Kut a rawn lek chiah tihah Eric chuan a pumah tlawh chawrhin leia a tlu chu a ṭhutbet nghal zatin a hnek nghal siah. "Nang hian ka hmeichhe i khawih ang maw?" tiin a hnek leh sawk.






Midang pawh an insual tan der. Keini lam pariat niin lehlam ho erawh Sawmpakhat an ni thung. Mahse kan va han zamlo tak. Clare lam ka va hawi chuan Nuthaui kha a lo bitum chat a, a kut pakhat zawkin Nuthaui samah a lo kek a lehlam zawngin a hnek leh thin bawk.






Ka samah hnung lam zawnga min lo kek tu an awm chuan ka dak awrh mai, chet lakna a vang hrep lenghal, ka ke hung lamah leng vakin a khup awmna zawna ka rinah chuan ka leng vak ka fuh ta reng bawk. Ka sam a kehna chu a thlah a, ka hnung lamah hawi let nghalin Powdertlangi chuan a khup a lo dawm a, a khupah ka chhuih chawrh, "nang hian kut ka thlak e min tia maw, Dreamer S boss hi hnung lam atang min bei amaw" tiin ka nui ro halh.






a khupah bawk chuan ka chhuih sak leh a, nichin aṭang khan a la ding leh lo hrim hrim. Ka insual thin laia ka tih ṭhin lo dan ang takin a samah ka kek vak, a dak awrh awrh mai, a tap lo chauh, mahse thlah mai mai ka tum hauh lo, mi hnung lam atanga bei ṭhin ho hi ka hua.

(that's all for tonight🤗)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:15 am

Higher life
By: 🌼Te-i Mrs Ambrose🌼
Chapter 5






Kan insual zawh meuh chuan Beauty girl ho leh an ṭhian mipa ho chu an duk haw thleh thluah a keini pawh kan chau khawp mai, kan mu zawi ngiai, Eric pawh ka bialpa lem tih takah a fel khawp mai, tunah pawh a mal nghengin ka mu reng, ka sam a la chul hliau hliau zui ka bialpa tak tak han ni mai se, awii,, a eng thil nge ka lo dream kha, rapthlak hian.






Kan insual lai khan Black Stars ho hi lo awm lo tase, kan chan kha a chhe ve ngawt ang, an hnenah hian lawmthu hrilh ngei kan ba a ni.






A mal ka nghen sak mek pa chu ka thlir chho a, sirlam a lo melh a, eng a ngaituah ni maw, a hmel pa tak chu ka en reng, a chil lem zawnga a hrawkbawk che leh ṭhin melh chung chuan chil ka lem khawlh.






Ka ṭhu thuai, ka rilru a hmul deuh dawn tlat, nichina a thusawi lah kha ka bengah a la ri nawn awn awn zui 'Nang hian ka hmeichhia hi i khawih ang maw?' a tih mawlh kha a ni.A aw kha vawtin hlauhawm viau mahse, ka tan erawh rimawi a tling tlat zuk nia, a aw ah khan min chhan a pek nat zia leh min humhalh bik zia a lang a. Amah kha ka hmu man hliah hliah a, alo hmeltha tel kher bawk nen, a... ka rilru hi a hmul pangai ngai mai pawh nilovin a nubulh bawkin ka hria.






'Tinge I tawh daih a?' tih melh hian Eric chuan min melh a, ka dar ka kan uk ringawt. Ka ṭhu ngil fel awrh chauh tihah ka mal nghengin a lo mu a, zaklo ti lutukin ka lo melh vak, engah mah ngailo chuan ka kut chu a la a, Waiwaii ka hnekna lam kha a ni bawk a, tlemin a lo sen deuh a, a tuai heuh heuh "Pa reuh lutuk mai" tiin a phun sup a, ka kut chu a chhem hliau hliau, min bialnu chei ve ngawtin ka hria hepa hi.






"Ka pa thlawt lo" ka ti nghek, mahse ka aw erawh a ring hran lo, "Nia, Elly, khawvel hmeichhe zingah chuan nangchauh hi hmeichhia angin ka en che" a tih chuan amah ka en reng ringawt, A vawikhat nan Elly tiin min ko a, ami kohna khan ka tiril thleng in a fan chhuak vek "Ka bialnu ni tawh mai la" a tih chuan ka meng zau kawk.






"Rapthlak pa,,vawiinah min hreve chauh a, min bem nghal a maw,, ? I va rapthlak ru em em ve" ka ti vak, darkar sawmhnihpali chu sawiloh, darkar sawmpahnih em pawh kan la inhrelo a, mahse hei min bem nghal der ania, awii,, lo yes ve phei ila, darkar sawmpahnih a pelh hmain kan inthen leh hman tho ang.






"Anih chuan ka lo nghak ang che, mahse....nghah thlawn che ka duhlo, mi nghak ṭhin mi ka nilo, mahse nang chu engtiang a rei pawh ka nghak ang che. mahse ka nghah rei theih avang che hian min innghah rei tir lutuk suh " a tih chuan chhan mai dan tur ka hrelo. Mak tak maiin a thusawi tin te hian ka tiril a fan raih raih zel.
.




Ka biang lah a sa hat hat, tumahin hmai chhanah min la bem ngailo, min lo bem ve pawn whatapp kaltlang te'n a ni tlangpui a, zah chu sawiloh, min bem uar pauh leh ka hnawl let uar a nimai, mahse tuna ka mal ngheng mek tu erawh hi chu a danglam bik lutuk, chhan mai dan tur ka hrelo a, ka mal nghengin min bem mauh mai a, ka awmdan chu...sawithiam chi pawh a nilo.







Ka lai chhe hnehsawh lutuk tlat, ka piantirh ata ngaihzawng kala nei ngai lova, neih tumna pawh ka nei ngailo, ngaihzawng neih hi vawikhat chiah kala dream chhin chupawh ka mal ngheng mek tu Eric hi ani. (Previous lamah in lo hmuh tawh kha🤣) .






Eric chuan min en reng a, ka lai lutuk a hmuh chuan nuiza insum lutuk hian min en a, ka lai emaw ka tia, mahse ka lo lai lo anih dawn kha, a lu ah ka nam bu lawp, lei char laiah a lu a tauh chawrh, midang chuan kan lo an lo hawi ṭhap.






A lu chu a na ve khawp a ni ang, a thu kun chawrh chawrh, a na viau tak tak emaw ni? A hnu chuan ka inthiamlo deuh a, a bulah ka ṭhut hnaih a, "Ana viau em ni" tiin a lu a dawmna ah chuan ka kutin ka va khawihsak a, "Waikareiseiii" ka ti vak, a lu a pawng ul anih chu. Chu chuan ka inthiamlohna a tizual sauh, min nuih ngam chiah siloa khatia min en khan min khei em a... A ka kut a zang lutuk hi chu a pawi a ni.






"Ka tihpalh" ka ti sep, mi hi ngaihdam ka dil ngailo asin le, mi chhang mai lova, a thu kun reng ringawt, midang lahin min en reng a, ka awmdan chu a nuam viau lo.






"Mawh, 'ka tihpalh' ka tih chu" ka tih leh chuan a ding vut a, ka phu nghek bawk, a lu la dawm reng chung chuan "Boyz, kal a hun" tiin a pen vut a, ka inthiamlohna ae nasa zual e a, tinge maw ka lo inthiamloh ve em em le, ka inthiamloh ngailo asin.






"Hei, min ngaidam phawt ta che" tiin a kal lai chu ka man a,a ding vut a, a hmaah tak ka ding nghal bawk, ka chhoh melh kiau a, a ni erawhin melh pawh min melh lo "Min ngaidam dawnlo maw?" ka tih chuan a ngawi ngul "Mawhh,, ngaihdam ka dil khat zia i hria em?" ka tihkhum nghek, "Mi ngaihdam i dil khat aia khat mah khan mi ka ngaidam khat zawk" tiin a pen leh vut, tinge maw hepa min ngaihdam pawh chu ka phut tlat ni.






"A tha alawm, chhanna pawh ka pe ngai lovang che" ka tih chuan a ding chat, midang erawhin hriatthiamloh hmel lutukin min melh, a chhan chu kan thusawi kha engmah an hreve miau lova. Eric chu ka lamah a rawn inher vut a, min melh ngur " min la pek tho tho a ngai" a lo tih chuan a mitah tak ka en reng "min ngaihdam hma chuan ka pe ngai lovang che" ka ti let leh. Hrep hian, nge maw ngaihdam ngaihdam ka tih ka tih ni, ka in ning. "Nih ka ngaidam che" tiin a kal nghal daih. Hrep hian.






"i chawh..i mi ngaihdam dan kha ka pawm zawng pawh a nilo e a, chhanlet enah pawh ka enlo che" tiin keipawhin ka hungchhawn a, kal kal zui ve ta daih, mahse ka kal reilo khawp mai, tu emaw in min pawt let sawk, "Hrep che hian" ti hrawktu chu ka melh ngar ngar "Hrep zawk che hian" ka tih chuan ka a nui suk.






"Ka ngaidam che, a tha em?" tiin min en a, keipawhin a lak atangin ka mit ka lasawn hauh lo "i ngaihdamna ka mawmawh ther te lo" tiin ka hungchhawn leh hmak, mahse a reilo, min pawtlet leh a, a chalin ka chal a rawn nawr si a, awii,,, hepa hian a ngaihzawng treat hian min treat reng mai, kei ve lah hian ka lo hnar buai ngailo bawk nen, ka hrethiam teh nek love a.






"Min chhanlet a ngailo, tun atang hian ka bialnu i ni tawh," a tih chuan zaklo ti lutukin ka melh nghek, ka chal chuan a chal chu ka tauh sak chawrh "i dream anih chu" ka tih chuan a nui suk "Dream ni e, chuan nang Dreamer S Boss hian ka dream i ṭawm ve bawk"
"i mangah hian cheng tawh suh" tiin ka hawisan daih, hetia min melh reng chuan ka lai chhe leh vek mai ang "Blacks Stars ho kha, sawmlohin lo kal mah ula, in chungah kan lawm takzet ania, kan bialpa thanin in thang dawn sia, ka lo khawngaih che u" ka tih chuan Eric a rum nghut, "Bialpa than mai maiin kan thang lovang, nang phei kha chu, ka bialnu tak tak anih kha" a rawn tih chuan Dreamer S ho an meng bial kawk a, min en vek hlawm bawk






"Khatin min melh suh u, kan ni bawk lo" ka tih chuan Eric-a'n "A ni" a lo ti zeuh "Ngawi rawh, ka nilo" ka ti khum nghek "I ni, I ni tho tho, Black Stars hotupa hian dawt a sawi ngailo, chu chu Black Stars hretu ho chuan chiang takin an hria" a rawn tih chuan Drew khan "A ni tak tak ani ang, Kan hotupa hian dawt a sawi ngailo" a rawn ti ve zeuh "Lo inrawlh suh" ka ti khum nghek.






"Dreamer S hotunu hian dawt ka sawi ngai bik em ni?" ka tih chuan Any-i'n "Ngailo" a rawn ti vat.





"in ngaih ngaih khan ngai rawh u, mahse ka bialnu a ni tho tho" tiin ka chal a rawn fawp anih chu, min hnungchhawn ngal a, a kal diah, kei ka ding khawng reng, ka chal a fawhna chu ka dawm ta ringawt Eric chu a lo hawilet a, ka awmdan a lo hmuh chuan a nui suk, a thiante pawh chuan an zui ve a.






Max kha lo hawiletin "Ka bawihte zanah ka lo bia ang che" a tih chuan Clare chuan a chhang let hauh lo, Clare chu kan melh reng ringawt, a duh ve deuh emaw nile? "Kalare, khapa kha i duh deuh em ni?" ka tih chuan min la chhang mai lo. a â ani ang a, "Kalare" a beng bulah Any chu a au vak, Clare chu a phu zawk "Anṭam, tunge khatia mi beng bulah au vak ngai? Mawl lutuk, Cherpana nen khan in inhmeh tawk chiah, mawl dun si" a rawn tih chuan Any-i'n "Nag leh kha bengparha kha in inhmeh fe zawk, ṭawngthei dun uchuak si, Elly, tawngthei award kan neih kha couple ṭawngthei award ah thlak ila, Bengparha leh kan Kalare hian dawng dun teh se" a rawn ti vak.






Kei ka lo bu nghut nghut, "Kan dawngdun nguar ang, Vanlal lo bu bawk suh, Black Stars ho hotupa I duh hmel dan kha I hria em?" keimahah a pakai daih chu le. "Duh leh ka duh ang chu, lemchan kha i lo duan chhuah ania, keichuan ka lo follow mai a ni" ka tih chuan a ner nang nang. "hmm,,Beauty Girl ho an awmtawhloh hnua thil thleng kha engtin nge i sawifiah dawn?" mithmul kan ak a a rawn tih chuan sawitur ka hrelo.






Mahse Lucifer-a'n min rawn pui ka ti mai, keimahah sawitur a lo thleng zut zut "Ele,,kan practice lawk anih kha, nitin deuhthaw drama kha chanzawm a ngaih hmel sia, keini Hotu te ve ve tih takah, in aiin role kan play ropui bik dawn sia, kan lo inzir lawk" ka ti zat zat .






"Ṭawngthei award leh dawheh award fawmkhawm vek rawh" Clare chuan a ti ta ringawt. "Haw ang u, kan chhungte'n min lo ngaihtuah tawh ang" Lizzy chuan a lo ti a, tuman kan hnial hauh lo. Kan spot chu chhuahsanin kan in lamah theuh kan haw ta hlawm a.






A tuk zingah chuan school lam bawk kan group ho chuan kan pan leh a, school kan thlen chiah chuan min lo melh hrek hrek hlawm, eng an hria nimaw? Engah mah ngai duhlo chuan hmalam chu kan pan hlawm a, banga thil lo inbel ka hmuh chuan ka sa zak, hethil titu hi hremlohin a chhuak hauh lovang.






Dreamer S ho hi beih mi kan ni hleinem, a titu hi ka hriatchhuah hunah a chan tur chu khang Beauty girl ho chan ai khan a chhe zawk ngei ang. Hrep hian.. Engthil nge ti ni a a lo inhriat, tute pawi nge a sawi tih ala hre dawn khawp




____________________________


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 31st, 2022, 1:15 am

Higher Life
By: 🌼Te-i Mrs Ambrose🌼
Chapter 6






Bangah chuan Nimin kan insual zawha kan zavaia thlalak kha an lo bel a, kei Eric mal nghengin ka mu a, midang ho pawh inhnaih te te in an lo ṭhu bawk, tu takin thla hi lo la ang maw ? A hnuaiah *Heng new commer Dreamer S ho leh Black Stars hotute hi an inngaizawng em ni? Nge Heng Dreamer S ho hian an lo thlem zawk* tih a lo ni a.







Huhh,,, he poster lo siamtute hian Black Stars ho an duh tih hriat reng reng.. khang Black Stars ho kha hnaih tawhlo turin tukin zing khan ruahmanna te ka lo siam vek, chuan Dreamer S ho pawn an lo pawm ve mai anih kha. Mahse he poster pakhat lek hian ka pawi a sawi.






An thik huam huam nan Black Stars ho hi kan la hnaih khawp ang. "Girls, tukin zinga ka thusawi kha thaichhiat a ni e, he thil titu te hian ka pawi an sawi, duh leh Black Stars ho in hnaih vek thei ang. He poster siamtute hian min thik nan engpawh ka ti ang" ka tih chuan an bu ngauh ngauh hlawm.






"Lizzy nangin Dreamer S members ho hnenah *Dreamer S hotu lu ber President ni lai Elly Vansangpuii chuan bialpa a nei* tih member ho lo thawnchhuak vek ang che, chuan Rule number One * Dreamer S member tawh phawt chuan ngaihzawng a nei tur a nilo* tih kha lo thaichhe bawk ang che u" ka tih chuan mak tih hmel tawkin min melh hlawm "Khatin min melh vak su, Eric nen kan inngaizawng" ka tih chuan an meng bial kawk kawk hlawm.






Kan inngaizawng rih lo, mahse Eric ka hmuh hmasak berah kan inngaizawng nghal ang. Dawt sawia ka bialpa anga theh lar leh lemchan kual vak ka peihlo, chuvang chuan ka chhanglet nghal ang a, He poster siamtu ho hi anla inchhir khawp ang. An duhte chuan bem ṭha mai rawh se, keini min lo beih chiam a ṭul lo.







"Nang hian ngaihzawng, chu pawh Black Stars hotupa, awihawm loh lutuk" Any chuan a lo ti nghek. "He poster siamtute hi ka tan Paparazzi ho ai pawn an ninawm zawk, lo en rawh se, an la thik khawp ang....Elly Vansangpuii hi engtiang chiaha sual nge ka nih an la hria ang, an thiktur ang berin ka la che ang" tiin ka nui sawng.






"In inngaizawng tak tak ami?" Lizzy-i'n a lo tih chuan.... "Tak tak dawn, dawt sawia mi han inthik tir vel ai chuan a tak ngeiin ka bialpa nen hian ka han inthik tir ang e, engtiang chiahin nge he poster lo siamtute hi an awm tih hmuh a chakawm" tiin ka la nui sawng tho. "Nui sawng kher suh, I rapthlak hmel lutuk, Cinderella nuhrawn ai pawn i rapthlak zawk" min tih chuan ka puanfen sir pahnih pawt parhin ka bu zeuh, "Ka lawm e" ka tih chuan Clare-i'n ka lu a lo kuk anih chu.






"Kalare, khatin I boss hi min ti suh, I nau Lalmatea kha ka lo leng dawn" ka tih chuan Clare-i'n uar mangkhengin "Lo leng lovang, a â vek tawh, ka nau a ni tih pawh ka awilo, a mawl dan em em chu " a tih chuan ka lo phur telh telh, "School banah kan leng ang" ka tih a Any leh Lizzy pawh an lo phur lutuk , an bu vak vak, an lu te ana ang tih a hlauhawm zawk.






"Kalare kan lo leng dawn tho tho,kan thu ber"ka ti chuan a ner vak "Girls class a luh a hun e, C'mon" tiin ka ban ka vai vut, class lam kan pan nghal nal nal.Class kan luh chuan an phun nghal sur sur, Black Stars ho paw an lo thu vang a, Eric lam hawi nghalin "nimin a i zawhna kha vawiin a chhan let nghal ini, ka chhan na che chu " 'YES' tih ani, mahse min care in min duat tur ani" ka ti chuan a khi vur vur "Lutuk, ka bawihte" a rawn tih chuan ka lai ṭep.






"Min duh tak tak vang ani em?" tih a Eric-a'n ka beng bula min zawh chuan chhan mai dan tur ka hrelo, a chhan chu ka duh em tih ka hrelo a, chuan ka duhlo em tih pawh ka hre chuang lo. "Ka hrelo" ka ti ringawt "Fine, min duh chho telh telh ang, tumah thik kual vel ka peih lo ania, chuvang chuan mipa biak ka khap bur" a tih chuan ka melh vak. Min va ngaih ler hmel e..






"Hei hi hre zawk rawh, ka bialpa hmasa ber tur i ni a, min duat thiam viau ang che, nihpui che ka awlsam ang bawk hian ṭhen che pawh ka awlsam ka ring" ka tih chuan min melh ngur "Min nihpui chu a awlsam, mahse min ṭhen leh erawh thil harsa tak a ni ang" mahni inringtawk zet chuan a ti a, keiin "Kan la hria ang chu" tiin kan ṭhutna lam pan nghal mai ka tum chuan min man ding chat a, a lamah min pawh hnai dawrh bawk.






Ka kawngah nghet takin a chelh a, min chhuk melh ngur bawk, "Ka sawi kha theinghilh suh, tumah thik kualvel ka peihlo, ka care in ka duat ang che, mahse keipawn i phut ang tho hi ka phut ve" a tih chuan ka en reng ringawt. "Aṭha lawm, Frank takin ka hrilh ang che ka zei tehchiamlo ania, min phut sang lutuk suh ang che,"





"chuan i kut hi la nghal la, class ho zawng zawng hmaa hmuhnawm ka chhuah peih te chiam lo, hei min en vek ania" ka tih chuan a nui sup "Ka bawihtei chu a lo zak deuh a ni maw?" tiin aia hnai zawk mahin min pawt leh a, ka zak tak tak tawh. "Min thlah rawh" ka ti chang fak, midang hmuha hetia awm vel hi ka peih zawng leh duhzawng anilo. "A tha alawm" tiin ka chal a fawp zeuh a, min thlah ve ta hram. A rang a rangin kan thutna lamah ka tlan nghal.






"Awii,,,Enteh...Vanlal Dreamer S aṭanga ngaihzawng nei hmasa ber ini a, kan tuipui lo lek lek che, mahse in inhmeh em a...Keipawhin a rang a rangin ngaihzawng ka nei dawn. Enteh..hei in thla ka lo laksak che u a" Any chuan a lo ti nghal zat zat, "Phone i lo ken a" ka tih chuan min melh rawm rawm. "Ka phone ken avang hian lawm hle rawh. Hei inthla mawi mangkengin ka kalsak zawk che a, chutia min tih" a tih chuan a phone ken lai chu ka phih pawp, "Ka delete dawn" tiin phone chu ka bih zeuh a, mahse ka delete phal lo nasa.






Hmeichhe tereuhte pakhat leh mipa sang tha zet ang mai kan ni a, mahse a thlalak dan a nalh lutuk. Eric chuan ka kawngah chelhin min chhuk en a, keiin a banah manin ka chhoh melh ve bawk, ka sam a sang zawnga ka tawn chuan a ti nalh hle a, a sir lam a lo in roll bawk nen. A nalh lutuk ringawt.







"Khawi min lo send ve nghal ang che" ka tih chuan "Ka delete mai ang" a lo ti nih chu.Ka kuk lo hi lawm hle rawh se "A ngailo min lo send mai mai rawh" ka ti vak, "Chu chu maw delete i lo tum vel a? " a tih leh chuan ka melh rum hrep "Nge,, kan thlalak ka hmuh hma kha chuan ka duhlo a nimai a" ka ti ringawt. "Hmm" ti chungin a phone a hmet melh melh a, ka lam lo hawiin "Lawm hle rawh" a lo tih chuan " I lawm e" tiin ka thu thla chawrh.






Lunch breakah chuan Canteen lamah kan thian pali chuan kan va kal a, kan lut chiah tihah an phun nghal sur sur, ka ngei reuh hlawm tak tak, a ṭhenin min thlek leh vur vur thin bawk. Eitur kan chah a, kan nghah laiin Black Stars ho an lo lang a, Eric chu ka bulah a lo thu nghal a, ka kut a hum nghal hmak, ka lo en reng. Ka lamah lo hawiin ka chal a fawp zeuh a, "Ka Bawihte, min lo nghak tawh thin rawh, khawi hmunah pawh, class a kan ṭhuhrang tihlohah chuan ka lak atanga inches hnaih teah i awm zel ang, chiang em?" tiin min melh ngar a, a kiai suk bawk.






"Ka bawihte min chhang dawnlo maw" tiin ka kawngah chelhin a lamah min pawthnai salh a, ka lo lai em em ringawt, eng hria a hepa nena inngaihzawn tumna rilru te kha lo pu thawt thawt nge maw ka nih le? Ka va inchhir ber kher em. "Inṭhen tawh ang ka awm thiamlo" ka ti tawl. Ngaihzawng nei chi hi ka nilo. Ngaihzawng ka neih atang darkar thum a ral tawk a, hei ka chua ngawih ngawih hman, Han induat vel te... Awii,,, Dream thui lo phawt teh ang. I the chau.






"Engthil maw i sawi kha?" ka kawnga chelh tupa chuan a ti hrawk, "inṭhen ang ka ti, ka awm thiamlo" ka ti leh a, mahse a hmel landan avang chuan ka thusawi zawh chiah kha ka inchhir lek lek.






"Ka rem tihna tello in min ṭhen hauh lovang, chuan ka rem tih hi ring ngai bawk suh. Kha thu kha i sawi nawn tawhlo ka beisei" a ti vawt raih chuan ka chil ka lo lem khawlh ringawt. Ka pa viau thin emaw ka tia, mahse tinge hepa thusawi hi hnial ka hreh em em a, ka thauah min man deuh tein ka hria. A thusawi mal tin te khan min thunun a ni ber.






"Ka Bawihte, khatiang thil kha sawi tawh ngai suh" tiin a chal a fawp leh a, ka lo chhing ta ringawt. Camera a lo det zawk chuan ka hawichhuak vut.






Any chuan Clare hnenah "Kalare mimawlnu, flash light te i lo on a? Mawl lutuk" tiin a chal a kuk fawk, Max-a'n Clare chal a lo tuaisak a, "Vic, in nu tur sawn ka Duati chal a kuk hi, zilh rawh" a tih chuan Any a ner nang nang mai, "Bengparh, khatin Victor hnenah khan min hau turin ti bawk suh.Kalare kha i bialnu pawh a nilo, chuan nang Kalare, Nge i ngawih reng Bengparha khan 'Ka Duati' a tih che kha" a tih chuan Clare chu ka melh vut.






Nitak, tunah khan Clare-i'n Max kha engtin mah a ti hauh lo. Clare hian Max hi a duh ve emaw ni le? Awi.. Dreamer S ho hi kan va danglam nasa tawh ve. "In lo inthlak danglam tawh hlawm hle mai" tiin ka ṭhiante chu ka melh hlawm a, inthurual ni awm hrimin an zavai chuan "Nang ber kha lawm, ngaihzawng i neih kha ngawi ṭut rawh" min ti let hlawm zek a.






"Duh leh ka nei ang" ka tih chuan ka kawnga chelh mek tu chuan ka kawng a chelhna a ti nghet sauh, ka melh zawk a, mit min siai zeuh a, ka nui ringawt. Ngaihzawng neih hian ka lo chau lutuk leh lo a nih dawn hi.






"Eitur pawh chu a lo va thleng tlai ve" ka ti nui nui, ka ril a tam tawh lutuk, "Chuchiah" Clare chuan a lo ti ve a, Ka bul ami lah hian ka kawng a chelhna thlah a tum lo hrim hrim emaw ni? "Min thlah te I tum hnai em?" ka tih chuan lu a thing ringawt. Hepa hi, ngaihzawng nei ho zawng zingah pawh a lo nei bik ber anih hi. Amah vangin keipawn bialpa hi ka nei bik hliah hliah, ka kawnga a chelh reng mai, tukin zing atang khan ngaihzawng ka nei tih leh amah pawn ngaihzawng a nei tih hi miin an hriat loh hlau ni awm hrimin ka kawngah chelhin ka chal a fawp reng.






"Ka Bawihte" ka beng bula a lo tih chuan ka en vat, "Eitur a lo thleng a" tiin eitur dahna plate chu a lek kang zeuh. Thil ka lo ngaituah nasa leh lutuk a nih dawn hi.






Ka ril a tam tawh bawka eitur chu ka ei nghal mawlh mawlh, ka bula mi ka bialpa thar lah hian dawhdan chungah I kiu nghatin a biang a dawm a, hmuhnuam tih hmel fe hian min melh reng ringawt. Mahse a mi melh te mai mai pawisa hman ka nilo. Kan sir atanga hmeichhe pakhatin "Awii,, a ei ṭawp e, Sawnu te saw kan Black Stars hotupa bialnu ala ni zui, vawk riltam reitak ei hmulo pawh a ang alawm, an rethei viau a ni ang" a tih chuan ka thil eilai ka hak ṭhawt.






Ka khuh bawrh bawrh a, Eric chuan ka hnung a chul a, na lo tein a chum leh thin bawk, tui intur min bansak a, ka in nghal khawlh khawlh. Ka inzawh chuan Eric chuan "i tha em?" min ngaituah hmel fe hian a ti a, lu kalo bu nghat. Nichina min lo reltute aw lo chhuahna lam kha ka hawi a, hmeichhe pahnih ka hmuh chuan an mahni an nih ka ring thiam nghal mai.






"Nangni khan engtin maw min lo sawi kha? Ka bialpa hian min duh leh duhloh, a bialnu ka nih leh nilohah in lo buai a ngai lo, chuan ka thil ei chungchang te kha in sawi a ṭul kher lo, ka ka ania, duh leh plate khat pawn ka ka ah ka thun ang, lo buai suh u" ka ti nghek, an pahnih chuan an thusawi ka hria tih an hriat chuan an meng bial kawk a, midang pawn an hreve lo a ni chek ang chu, mak tih hmel fe hian min lo melh hlawm a, hmeichhe pahnih ho hnenah bawk khan "keia thil ei hmeichhiat lai ber pawh kha in tluk teuhlo, hmelchhe si khumfa ang mai, tubohah chhut keh pawp in duh a mi?" ka tih chuan hmeichhe pakhat zawk chu a rawn nui a, henu hi nichina tawng zawk kha anih ka ring. A chaklo ang


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)