TRUE LOVE BY Tom Tom Putar-a (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: TRUE LOVE BY Tom Tom Putar-a (Completed)

Unread post by Ngaia » November 6th, 2022, 6:59 pm

TRUE LOVE
Chap~25



By : Tom Tom Putara






"Naute....i pa a in peih vek tawh ania," chu thu chu vawi thum harhchiang lo ruaiin ka hre tawh. A 'aw' ka hriat chuan nizan lama thilthleng ka ngaihtuah chhuak nghal zat bawk. Ka nu 'aw' ah erawh danglamna a nei ve lem lo, hmeichhe chak tak leh huaisen tak kha a ni miau a lawm.




Zoramsanga ka ngaihtuah thleng nghal zat bawk a, min mamawh ni a ka hriat ang ai hian min mamawh ve ang ngem? Ka nu sawi ang kha lo ni ta se.... ka ngaihtuahna chu duh lo lutuk in ka Lu ka thing zui nawk nawk a.




Ka mit ka nuai sat sat a, Khumah chuan ka ṭhu ngui bâm a. Sana ka bih zawk a, zing Dar 5 a pel hret. Zing dar 6 ah kan inentirna tur Doctor Malsawma a ṭhu chauh dawn tih ka hria..hun ka chhût a, tlêm zawi taka awmna hun ka la nei tih ka hria. Khumah chuan ka bawk leh thlawp a.




"Tho teh...i pa in a nghak reng che. In tlai palh ange" ka nu chuan a rawn ti vîn ṭhat a. "Ninawm....ka dam ṭha" keima hriat tawk leka tih pahin ka ṭhu ngil zui zat a.




Ka tho a, ka inphihfai zui a. Muangchangin ka insiam zui nghal a. Darthlalang hmaah chuan ka ding a, ka in thlek kual sek a. Zankhat lek mah ni se ka pawr chhep mai, ka mit hnuai a val dum kalh a. Ka mut tlem zia ka hre chhuak nghal zat. Huaisen turin chakna ka nei rih lova, engnge ka tih ang a, 'engtinge?' tih zawhna erawh ka in zawt tâwp thei si lo. Ka zawhna zawng zawng chhanna hi ka duh a, chumi hre tur leh hmachhawn tur erawhin ka huaisen tawk thei lo hi ka in haw lek lek tawh.




Ka pa nen chuan kan in zuichhuak nghal a. "Nizan i mutui em?" tih pahin min rawn melh vung vung a. Ka lo bu nghat a, ka phone chu ka enkual dan dan a. Zoramsanga Whatsapp message tak ngial pawh a la awm lo, engtingnge a awm ang? Min mamawh em em si in min chelh ngam lo se, a hma ang chiah khan ka nun aṭangin inthiarfihlim thlang leh zawk se? Ka hlim in ka nun a famkim phah chuang angem?Zawhna chhan sen loh hi ka ta niawm rêng in ka rilru ah an nghet tawh chu a nih si hi!





'Ka hringnuna a lo luh rual khan a kalh nghal a, a chhuahsan tawh lo; Mahse, a beidawnna ruam aṭangin beiseina thar siamsak turin hmun sang takah ka lawnpui a, lawnchhuak tur erawh chuan a ler thlen hma in Lungpui sak tak te kan tâwn dun angai si...'



'A tan ka chak tawk lova, a nun a tel tur hian huaisenna leh chakna te hian min chenchilh reng se. A nunah harsatna tam takin a tlakbuak tih hrereng mahila ka chhungte tan chuan chhuanlam mai a ni dawn si'




Ka thawchhuak halh a, ka ngaihtuahna tawp thei lo leh awmze nei lo inchawhpawlh kual nasa lutuk avang chuan ka hah hluah hluah.




Ka pa chuan min mitsir leh rulh ṭhin tih pawh ka hria. Thil tam tak ngaihtuahin pawnlam ka hawi reng a. Ka pa lahin min be hek lo.




Doctor a lo la ṭhu lo a, kan nghak reng hlawm a. Sana ka en zauh a, dar 7 a ri tak ngial dawn, "Hetiang hi ania eirukna chikhat chu.. Mipui hun, kan hun min eisak ṭeuh anih hi," ka bula pa upa lam chuan a ti mawlh mawlh a. Ka ngaithla kar reng a, a dik viau pawhin ka hria. "Morning" tih ka thawn a, ka ngaihven zui nghal deuh reng a. Mahse, chhânna engmah ka hmu lo.




Kan Doctor nghah pawh a rawn thleng ve ta hram a. Parukna ka nih vangin tlem la nghah a ngai tih ka hria. Ka pa lah chuan Chanchinbu rawn thleng thar chu a lo bih leh daih tawh. Ka hun a rawn thleng a, ka lut zui ve nghal a. Ka pa chuan min rawn luhpui a tum ngial na a, ka zah ve deuh avangin pawnlamah min lo nghak a. Eng eng emaw kan test ve nual a, Dengue, Septicemia te min lo test sak nual a, results nghah chhung nen kan rei ta phian.




Ka in entir zawhin kan haw thla nghal a. Ka nu chuan min lo ṭhutchilh a, hritlang khawsik ka la na deuh ringawt a nih thu a hriat chuan damdawi min chawh te chu a lo en nghal zung zung a. Kei erawh pindan lamah ka lut zui nghal a. Khumah chuan ka ṭhu hnawk a, phone ka bih a. Engmah chhânna ka la hmu chuang lo.




Nilengin ka rilru ah a awm reng a. Biak ka tum ṭhin a, a switch off tlat bawk si. A dinhmun ka ngaihtuah kual a, in kiltawih reng rengin a awm dawn tih a mizia ka ngaihtuahin ka hria, ka lainat takzet bawk.




Ka inbual a, ka in tilum zui nghal a. Ka nu eirawngbawl pui turin ka chhuak phei zui a. Ka nu chuan thingpui min lo pe thuai a, "Engnge i an? I zia em?" a lo ti thuai a. "Ka zia khawp mai" ka ti vat a.




"Nizan a ka hrilh che kha vawng reng ang che. Ka hmangaih vang che, i hmalam hun thui tak ka ngaihtuah vang zawk a ni. Ka thil tawn ang tam tak hi mittui nen i rawn pal chhoh ka hlauh vang a ni," a rawn ti leh dap dap a.




"Ka hria alawm," tih nghat pahin thingpui ka lem khalh a. Ka phone chu ka en leh thuak thuak a. Bs-a status chu ka chhiar nawn leh ngat.



'Ṭhianpa...vawiin zet chu i khua a har viau ang tih ka ring. Mahse, tuar hram hram la...in ti chak ang che. Kha chen i tawrhchhuah tawh kha...'




Ka ngaihtuah kual a, Bs-a hian Ramsanga bak ṭhian kawm a neih em em pawh ka hre lo. Rang takin message-ka thawn nghal thuai a. Ka nghak rei lo, a rawn chhâng thuai a. "Vawiin a pa thih cham ania... Thlanah a awm ka ring...." a rawn ti chu ka meng kâwk a. "Amah chauhin maw? Engatinge i kalpui loh?" ka ti lêt thuai a. "A duh ngai lo..amah chauha a pa thlan a ṭhut nilen a duh ṭhin" a rawn ti leh zel phei chu ka thin a phu nghal det det a.



"Ka kal ve dawn, hnawk min lo ti angem?"


"I chhungte'n an remti dawn em ni?"


"Remti lovang"


"Ka ring...mahse,a mamawh khawp ang che"



Thawh pahin, "Kâwnah ka va kal lawk teh ang. Ka rei lovang" tih pahin ka pindan lam ka pan nghal a. Ka kekawr bûl hak chu ka thlak a, ka chhuak phei leh nghal a. Ka nu chuan min lo melh zuk a, "Va rei lo la.." a lo ti nghut a.




Thlanmual lam panin ka inkhalh chhuak zui nghal a. Ka rilru kâwm melh melh chungin ka chhuk thla zel a. Engang chiahin nge kan in hmachhawn dawn tih hrelo mahila a bula awm hlan ka nghakhlel takzet.




Thlanmual chhak kawngpui chu ka zawh phei zel a. A Car emaw Bike emaw pawh ka hmu lo. A awm lo anih ka rin rualin a kal ngei ka ring bawk si. Kawngsirah chuan ka inhûng ṭha zui a. Muangchangin hawikual hrek hrek chungin ka chhukthla zel a.




Thlan lung nghenga a ṭhu ka zuk hmu chu ka ding chat a, ka en reng a, "Misualpa... engvanga engmah min hrilh lo nge i nih?" ka ti sap a. Ka chhuk thla leh chhat chhat a, ka pan phei zui a. Ka aw ka thian kharh a, ka en pah reng a; Mahse, a rawn hawi lova, min ngaihsak chuang hek lo.




Ka pan phei chhat chhat a, a bul ka thleng a. A bulah chuan ka ṭhu a, ka melh reng a. Min lo en lova, hmun hla tak a en tih erawh ka hria, a mitmeng sen râm leh thîp râm te chuan ka kal ve ringawt chu min ti zam zual, "I ṭha em?" ka ti sap a.



Engtinmah min chhâng lova, ka biakna chu hria ang pawhin a awm heklo. Ding taka ngaihtuah nei ang maiin a hmalam hla tak chu a melh ngar reng a, a kut veilam sira thil awm chu chiang takin ka en zui a, Syringe- ka hmu chu ka meng kâwk mai. "I ṭha tiraw?" ka tinawn leh nghat a.




"Engvangin nge i rawn kal? Haw rawh," tih pahin min melh a, i pik hmel fe in a thawchhuak hawlh a, ka kal kher kher chu ka inchhir ṭan der tawh, "Ka ngaihtuah che lawm," ka ti sap a.



"Min ngaihtuah suh....tuma ngaihsak nih ka duh lo"



"Ka ngaihsak che i duhlo maw?" min chhâng tawh lo, a kut hûm ruhin a in seh ruh nghal ngawt ngawt a. Tumah mamawh lo nia a hriatna te, ngaihsak nih a duh lohna te hian a mamawh zia min hriattir thung a. A landan phenah hian chu chu thukru tlat in a tihreh nan damdawi ah bawk a natna te tihdam nan hahdamna a zawng leh ṭhin. Mahni in pawm hi a lo har viau a nia nge.




"Ngaihtuah tawh lo tur che in min ti suh..." ka sawizawm thei tawh lo. Ka na ngawih ngawih...



"Haw rawh...i chhungten an ngaihtuah ang che," a rawn ti leh nghut a.



"Min en teh," tih pahin ka melh ngar a. Muangchangin a rawn hawi a, nuih suk pahin, "Nang hnaih tur che in ka mizia in a tlin lova, ka tling hek lo," tih pahin a thaw chhuak hawk a. A ipik hmêl chuan min tina a, a nun a ka tel ve hian a belhchhah sauh a hriatna te min neihtir hial mai.



"I rindan leh ngaihdan ringawtin kal tum suh," tih pahin ka ṭhut hnaih nghal. A kut a hûm ruh tlat chu la in a kutṭang karah ka kut chu zen lut in nghet takin ka suihzawm a.



"Engkim hrethiam turin ka mit a del hlei nem, ka dem lo bawk," a ti leh nghut.



"Min hmangaih em?" tih pahin ka thlêk vang vang a.



"I hriat kha; Mahse, a ṭangkai lo," a ti anih chu!!



Ka thaw halh a, "Min hmangaih reng rawh," ka ti láwi rât a, engmah kan sawi zui lo. Ngawi rengin kan ṭhu vang vang a. Cigarette-a phawrh a, a ṭankai zui a. A sî zui vang vang a, "Haw tawh rawh..an ngaihtuah ang che," a rawn ti leh nghut a.



"Ka haw lovang....ka zawhna che diktakin min chhâng phawt rawh" ka ti ve leh hmak a.



"Ka chhân tawh che kha," tih nghut pahin a meizuk chu a fawp tâwk tâwk a. "I chhânna kha a rintlak maw?" tih pahin ka tho zui nghal a. Engtinmah min chhâng lo.




A hma zawnah ka ding a, chiang zetin ka en kal bawk a. "Min en rawh..." ka tih rual chuan a mitmeng fiah leh chhungrila thîp zet chuan min en ngar a. "Nang hmangaih tur chuan zinkawng ṭawp ka zawh thui tawh lutuk," a rawn ti nghut a.




Ka hnaih a, a biangah chuan ka dawm a. Chiang zetin ka en reng a, "Nang bansan tur che in ka kawng zawh a thui tawh lutuk. Keimahin min let tir ngawt thei lo," ka tih rual chuan ka kûn a. Kan chal a insîk rual chuan, "Ka hmangaih lutuk che, i hria tiraw? Ka hmangaih che....chu chuan engkim a thlak danglam zo lo em ni?" ka ti chhuak ṭiau a.




"Dy....i thei lo...min kalsan rawh," tih pahin min nemsawn dat a, "I tan a ṭha zawk," tih pahin ka chalah a rawn tauh dat a, a nui lui suk a. A za lo hle tih chu a thawk chhuah hawk danah a chiang reng si.




"Ka nuih a za lo," tih pahin ka kûn hnai a. A taksa depa a thil dahṭhat chu ka ban a. Syringe leh damdawi bur tereuhte chu ka la a, ka bânah a lo man chat a. "Dah rawh...i mamawh lo," a rawn ti hrâwk a.




"Nang pawhin...." tih pahin ka pawt ṭang ṭang a. "Kei chuan ka mamawh alawm," a la rawn ti anih chu!! Ka thlah a, ka ṭhu hnawk a. "Keiin ka mamawh ber che a, nang chuan infiam nan chauh a ni maw min lo hman? Hei hi kei aiin i thlang zawk maw?" tih pahin ka kûn chal a.




Thil ri pawp ka hriat rual chuan ka phu zawk a. Ka hawichhuak thuai a, a ke in a rah nawk nawk chu ka en nghal vat a. Ka nui sak a, Syringe keh nuaih leh Damdawi bûr keh nuaih chu ka en reng a. "Nang aia ka thlan loh zia chu i hrechiang tawh em?" a rawn ti nghut a. A aw khûr dar dar chuan a mamawh zia chu min hrilh hre tho si.




Ka pan hnai a, dingdihlip âk âk in a bek tawn tawn ah ka chelh a, "Ka hmangaih che," ka tichhuak ṭiau a. Engtinmah min chhâng lo mah se nghet zetin ka kâwngah min lo kuah let thung, "Harsatna hmachhawnpui che ka in huam anih chuan nang pawhin ka duhloh thil hi bansan in huam ve ang che aw? Kan pahnih tan i thei ti raw?" ka tih pahin beiseina sang tak nen ka melh ngawih ngawih a.




"Ka mamawh ngawih ngawih laiin nangmah vangin ka tichhia chu anih hi, ka tum ang," a rawn ti nghut a. "Kan pahnih in kan bei ang, harsa mah se nghet taka kan inchelh tlat chuan ka beidawng ngai lovang," tih pahin a khabe chu ka fawp zeuh a. "Theihtawp chhuah rawh aw? Ka ring tawk che ania," ka ti zui vat a.




A pa thlan lungphun chu a en reng a. Ngawi rengin ka en ve tlawk tlawk ringawt a. "In thiam lo reng rengin hun hmang tawh suh. Pathian rorel dan hi dan theih a ni lo," tih pahin a kutah chuan ka chelh a. "Tirawh...haw tawh ang" ka tizui sap a.




Kan inzui chho nghal a, nghet zetin a kutah chuan ka chelh a. Ka kal ṭha duhlo, pangchang zeta ka kal chu hnehsawh zetin min pawtkal zel a. Ka nui hak hak a, ka hmaa kal chu ka melh reng a. Ka lungawina chu tumahin min chhuhsak ka phal hek lo.




"Lo han chho rawh...muangchangin ka rawn chho ang," tih nghut pahin a ding chat a. "Aih...i scooty khalh ah ka chuang khat tawh," ka ti lui tlat a. "Kei aiin i khalhthiam zawk daih ang," tih pahin a kiai suk a. "I sual a nih chu a," tih pahin ka melh zui râm râm a.




Khua a thim ṭan tawh a, engmah ka sawi si lo. Ka phone tak ngial pawh ka ak lo tih ka hriat chuan ka nu leh pa min ngaihtuah dan tur chu ka ngaihtuah thleng nghal vek.




Ngawi reng in a hnungah chuan ka ṭhu kai a,ka hlim rukna te chu an reh nghal rawih rawih thei. Ka nu tumruh hmel ka mitthla ah a rawng lang nghal zat a, a kâwngah chuan nghet takin ka kuah zui vak a, "A vawt i ti em ni?" a rawn tih chuan ka Lu ka thing vat, hrechhuak lehin, "Tlak ka hlau alawm," ka tih chuan a taksa chet danah a nui tih ka hre thei. Thlifim thaw heuh heuh chuan min rawn chhem dai sawng sawng a, ka buaina te hi chhem kiang vek se ka ti takzet. Ka ngaihtuahna mawlmang zet chu awihlo lutuk in ka nui chhuak hak a, a za hlawl si lo.




Kan Gate zawnah a ding dat a, kan in kawngka chu rawn in hawng in ka nu a rawn chhuak a, a rawn pen phei nghal hlawk hlawk chu thin hu dawt dawt in Ramsanga kawr tlangah chuan ka ṭham ngawt ngawt a, chhuk in ka kut chu nghet zetin a rawn hum nghal hmiah a.




"I phone i keng bawk si lo, kan ngaihtuah zia che i hria em?" in sûm tih hriat tak chuan a rawn ti fak a, "Lut rawh, i kalna tur sawi lo in chhuak tawh suh. Ramsang ka be duh che," a tih zawm zat a. Chu chuan min ti hlauthawng zual sauh, "Daisy" a rawn tih nawn leh chuan Ramsanga chuan ka kut chu thlah in a bu nghut a, a mitmeng in kal turin min hrilh nghal bawk.




Hreh tak chung chuan ka kal chhat chhat a, dawhtheih loh hmel fe in ka nu chu a lo thaw halh a. Ramsanga chu ka melh zauh a, hahdam tur a min hrilh niawm fahran in mitmeng dam ruih hian min lo melh a, bu nghat in a nui zui suk.




Inchhung ka luh chuan thawk ka la ham ham a, ka taksa ṭang nasa lutuk chu ka hahdam mai thei lo. Rilru chawmawlh zetin ka room ka pan nghal a, Khumah chuan ka ṭhu thla hnawk a, ka phone lo let bal chu ka ban vat a. Ka nu lo Call tam zet chu ka hmu nghal, chu thil erawh chuan min tibuai rei lo. Ka nu in Ramsanga a biak duhna mawlh chuan a ni min kap.




Ka room kawngka chu rawn in hawng rawk in ka nu chu ka hmaah tak a rawn ding nghal a, "Min nawr lui suh, ka nat anga i nat ka duh lo. Chu mi i tawrh lohna tur anih phawt chuan engpawh ka ti ang," nghet charh in a rawn ti zui a. A aw chu dam hle mah se a tumruh zia ka hriatchianna a ni thung si.




"Mahse, nu...a nghei.." ka sawi zo hman lo, chiang taka min melh chungin, "Kum sawm an nghei hnuah pawh awih duh suh, an thih hunah chiah an nghei hlen ṭhin. Chu chu an nun a ni tawh," a rawn tihzawm leh zat a, rapthlak ti lutuk in ka melh ngawt ngawt.




A hmel ka en chuan ka chak thar a, a luhlul ang chiah a luhlul ka nih zia a la hre lo nge, bum reng a nih fo avangin hlauhthawnna in a khat zo tawh zawk? Ka nui sak a, ka duhna ah ka chiang tih ka hriatna chuan lawmna tur awm miah lo mah se ka zâng in ka thawl hawk mai.




Kan chhungin kan ṭhukhawm a, TV kan en ṭhap hlawm a. "Naute...i Inkhawm ve peih dawn em?" tih pahin ka pa chuan Sana a thlek pah zauh a.




"Ka peih chiah lo....han Inkhawm rawh u. In ka lo nghak ange," ka ti vat a. "Tirawh...in siam ila?" tih pahin ka nu chu a melh pah rulh a, a tho zui nghal a. "A la hma viau lo'm ni?" tih nuah nuah pahin ka nu pawhin a zui ve nghal vat tho.




TV chu ka hmetkual sek a, a hmaa ka channel ngainat em em te pawh ka en ṭha peih tawh lova. A hma zawnga ka thlir tui ṭhin em em pawh ka ngaihven lem lo. Phone ka bih a, Whatsapp leh Fb velah ka luhchhawk deuh sek bawk a.




"Naute...kan kal aw?" ka pa in a rawn tih rual chuan ka melh zawk a. "Umm...." tih bakin ka chhâng lo. Phone chu ka bihzui ngar a, "Room lama i awm dawn chuan kawngka hi kalh ang che," ka nu in a rawn tihzui pawh chu ka chhâng lem lo.




Ka nu te kalliam hnu deuh lawk chuan Door bell-ri ka hre nghal zat a. "Lo lut rawh" ka ti nghal zat. Zoramsanga rawn lut hmel chu ka en reng a. A hmel hmuh ka in ringlo lutuk bawk nen min ti hrilhhai ang reng viau. "Nang maw?" tih pahin ka lo nui sak a.




Ka bula rawn ṭhut pah chuan, "I tum loh zawk ka rawn lang a ni maw?" a rawn ti nghut a. "Hmmm...." tih pahin ka lo melh nghek a.




"Khawnge midang?" tih pahin a hawikual thuak a. Duhdah zetin a ṭhu zui leh nghal a, "An Inkhawm," tih pahin ka melh zauh a.




Door bell-rawn rik rual chuan ka rilru a nuam lo nghal. "Rawn lut rawh u" ka ti nghal vat a. "Kha maw..." ngeiawm zeta kiai suk pahin a lo ti vei hluk a.




U Chhuanmawia leh a ṭhianpa rawn inzui lut chu kan lo endun reng a, ka thaw huai thei. Ka nu te an lo let ah ka ngai hman ania, "In awm maw? Kan rawn tibuai che u em?" U Chhuanmawia chuan a rawn ti nghal zat.




"Teuh lo mai...rawn leng ṭhu rawh u," ka tihrual chuan ṭhuthmun an rem ve nghal vat a.




"Tlaiah khan i nu nen kan inhmu a, 'Zanah rawn leng ngei ngei rawh u' a ti sia... Khawnge amah pawh chu a awm reng reng?" ngeiawm zeta nuih sâwng pahin a rawn ti nghal zat a.




"An inkhawm a...an bâng har lovang. Lo nghak rawh u," ka lo ti thuai a.




Ka bula ṭhu chu ka melh ralh a, phone a lo thâi mawlh mawlh a. "Daisy...i u te hi helamah an awm lo tiraw?" a rawn ti leh nghut a. A ṭhianpa erawh Zoramsanga ang thovin phone a hmet nuap nuap a, an in an lohna chu a nui vur vur chu a ni deuh ber mai e.




Ka chhâng ve zel a, zawhna a ngah lutuk chu ka hne takzet. Ka bula duhdah zeta ṭhu kawisawi chu ka be leh zauh ṭhin tih loh chu a rawn ṭawng ve lem lo.




Ka nu te Inkhawm bâng rawn lut ka hmuh rual chuan ka ṭang nghal ṭeuh, "E he...Machhuan, in rawn leng tak tak a ni maw?" a rawn ti deuh hluai a. Ka pa erawh pindan lamah a lut tlang thung. "Lo ṭhu rawh u, kan va inthlak felfai ve ange," tih pahin Zoramsanga ṭhutdan ngeiawm zet chu a rawn en hâw a, a hawilet hmak rual chuan ka nui sak a. "Mi nghal pa...i duh hi chuan i chimawm thiam ve maw le" ka ti rilru neuh neuh a.




Ka nu chuan a rawn kâwm nghal bawrh bawrh a, "Naute...i u Machhuana hi i hre hrim hrim em?" tih pahin nui var var chungin a rawn ti pah zung zung a. "Police officer a ni tawh ania," a rawn tizui leh zat a. Zoramsanga erawh a ṭhutdan ngai rengin phone a hmet mawlh mawlh reng a.




"Thingpui te in lo in tawh em?" ka nu chuan a ti leh zung zung a. Ka bula ṭhu Message- ka thawn mek lai chuan, "Naute...thingpui han lum rawh," a rawn tizui zat a. Ngawi rengin phone bih reng chung chuan ka tho zui nghal a.




Engmah chhânna ka dawng lo, ka bula a awm reng lai pawhin duhtawkin ka kâwm ngam lo a ni si a. "Ka tihpalh..." tih sap pahin thingpui chu ka siam pah mawlh mawlh a.




"Engnge i din teh hluai? Thingpui a siam kha...." ka nu in a tih ri chu ka hria. Ka misualpa bak a ni dawn lo tih pawh ka hrechiang viau bawk. "Zan dangah ni mai rawh se...." tih pahin ka awmna lam pan a ke pên thawm chu ka hre zui a.




"Heyyy..." zâwi sapin ka lo ti a. A ding dat a, a rawn hawi phei zawk a. "Thingpui in phawt ang" ka lo ti zui sap a. "Zan dangah kan la in dawn nia...ka hmanhmawh deuh thut a," tih nghut pahin a nui lui suk a. "Ka phei phawt ange" tih pahin a kal zui a. Rang takin ka ûmzui vat a.




Kawngka bulah chuan ka ding a, ka en reng tih hria ang pawhin a lang lo. Vung takin a kal phei hmawk hmawk a. "Anih...muttui le," ka tih pawh chu hria awm angin a lang lo.




Ka lêt a, thingpui chu ka châwi phei a. Ka nu chuan uluk fe in min lo en reng tih pawh ka hria. Ka ṭhutna ngaiah ka ṭhu a, phone chu ka khawih zui nghal a. Ka message thawn pawh chu a la en miah lo anih chu!!




"Daisy chu i lungawi vak lovang a? I inleng kan rawn hnawt haw te pawh a ang riau mai," U Chhuanmawia chuan a rawn ti zauh a. Ka lo nui ringawt a, "A zialo hle mai" a rawn tizui a. "Chutiang engmah a awm lo" ka lo ti thuai na a, ka chhungril erawhin a haw ngawih ngawih thung.




"Machhuana te hi in fakawm ngawtin ka hria. Nangni awmlo ta ula kan ṭhalaite ruihhlo avanga an boral tam dan tur hi," ka nu chuan sawi satliah angin lang mah se a tum erawh ka chiang viau.




Ka nu sawi nuam tih zawng a nih ang bawkin ka hma zawna ṭhu lah chuan fak nih chu nuam a ti hle tih ka hria. Ka nu chu a ṭawng tui bawk a, ka pa in a koh pawh chu a hre miahlo niin ka hria. "Nu....ka pa in a ko che in ka hria," ka lo ti thuai a.




Ka nu chu pindan lamah a lut phei zui a. Ka awmdan leh khawsa ziaah chuan thup hle mahila ka kâwm châk vak lo tih an hrethiam a ni chêk ang chu, "Ṭhianpa....kan phei dawn em ni?" tih nghut pahin min rawn melh zuk a. "A la hma em mai," ka ti liam puat a, an tho zui ta tho.




Kawngka ka kalh fel a, hmanhmawh takin pindan ka pan thuai a. Khumah chuan ka ṭhu hnawk a. Ka thaw halh a, ka phone chu ka hmet kual sek a.



Whatsapp ka lut chiah tihin Brenda-i call a rawn kal. "Aw ṭhiannu..." ka ti nghal thuai a.



"I buai em? Awiii...sawi tur ka ngah lutuk" a rawn ti nghal bawrh bawrh a.



"Ka rindan sa tho alawm" ka lo ti vat a.



"I rin aiin a ṭhâwng mai thei che"



"Eng lampang nge?" ka ti vat a.



"Enteh ṭhiannu....ka na hi a ni tawp.." hriatchian thuai ka ngahhlelh nen a sawi kikual sek zui a.



"Rsa hian damdawi a khawih leh a..." a rawn ti chuai raih a.



"Engnga? Engtin maw i tih?" ka lo ti mawlh mawlh a.



"Kum 5 a ngheina a ni tawh sia...ka rilru a na zual.." a rawn tih rual chuan, 'Damdawi ti ho chu Kum sawm tâl tap an nghei anih loh chuan rin loh tur' an tih te chu ka hrechhuak zawk a. Ka nu thusawi pawh ka hrechhuak zawk bawk a.



"Bsa-ṭhianpa hi Zoramsanga te nen pawh an inhre lutuk," a rawn ti hnual raih a.



"Rsa te nen an ti ho em ni?"



"Ka hre tawh bik lo. Chubakah, a aia chanchin lungchhiat thlak a la awm..." a rawn tih lai chuan ngaihtuahna tam tak ka lo sêng hman a. Zoramsanga nena in kaihhnawih chanchin lawmawm loh hriat ka duh lo.



"Hello..." a rawn ti leh a. "Aw..." tih ngawtin ka chhâng a. "I ngawi reng ringawt a, i dah emaw ka ti alawm" a rawn tizui leh a. "Ṭhiannu...ka in ngaihtuah nasa lutuk; Mahse, ka ṭhian i ni a. Ka tih tur hi ka lakah pawh i tih tur tho niin ka hria..." a rawn tizui leh a.



"Ummm....engkim chiang taka hriat ka duh," ka ti nghat a.



"Bsa ṭhianpa Sawmtluanga sawidan khan," a ngawi zui leh vang vang a. Engmah sawi lovin ka lo ngaithla kar reng a. "Zoramsanga hi a thisen a thianghlim lo anih hmel," a rawn tih zawm anih chu!



Ka thaw hawk in ka hria...ka bing mup mup a. Chu thu chu zawh nawn ka duh lo. "Bren....naktukah kan inbe leh dawn nia," tih pahin phone chu ka dah hmak a.




"Ni lo...ni lo... Zoramsang... nangmah nilo Zoramsanga dang an ni ngei ang," ka ti mawlh mawlh a. Mahse, ngun takin ka ngaihtuah a, thil ni thei, thil thleng thei a ni ve tho tih chu ka hrechiang em em mai si.





(to be continue.......)


Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 6:59 pm

TRUE LOVE
Chap~26



By: Tom Tom Putara






Ka insiam sawk sawk a, ka rilru a zawhna awm reng chu chhânna hmuh ka duh. Ka naupan lai aṭang tawhin ka mizia a bet nghet em em pakhat a awm. Thil reng reng hi a chhânna diktak hmuh ka duh ṭhin, ka tana nuamlo leh hrehawm zui ngawih ngawih tur thil pawh nise a chhânna diktak hriat ngei ka duh ṭhin.




Zoramsanga ka nuna a lo luh chinah erawh ka nihna te hi keimah ngei pawh ka ringhlel zo ta. A chungchang anih chuan ka hlauthawng a, zawhna ka neih te pawh chhânna hriat duh leh hre ngam si lovin ka zeldin kual ta fova. Tunah pawh hian hriatchian ngei ka ngaihzia chu ka inhrilh nawn mawlh mawlh a, thil ni thei ah pawh nih theihna chhan ṭha tak a nei miau si.




"Aw....Bren...ka rawn chhuak hman ṭep," ka phone chu ka chepbet a, remlo zetin ka insiam zui mawlh mawlh reng a. "Awle...ka lo nghak ang che. Ka insiam zo tawh," a rawn ti thuai a.



"Pawisa ka neilo teh ania...vawiin chu ka ring dawn che," tih pahin ka nui hul hak a.



"Nei lo ve ve...kan insûm deuh a ngai dawn anih chu," a rawn ti bung nghat a. "Lungngai suh, i puar pengpawng na tur khawp chu a awm ve leh mai ang," ka tizui zat a.




Ka insiam zova, Helmet ka ban a, ka chhuak phei zui a. Ka nu a lo chhuak hman chu ka thaw huai. Ka pa chu ka au a, a rawn chhuak thuai a, "I chhuak dawn nge?" ka lo ti thuai a, a Kamis a bilhlut pah mawlh mawlh a, "Nia, Office lam ka han dawr kual lawk ange," a rawn ti thuai a, "Ka rualin i rawn chhuak duh em?" a rawn tizui a, "Duhlo mai, ka ṭhiannu in min nghak....ka kal aw?" tih pahin ka chhuak zui nghal a.




Brenda-i te In ka luh rual chuan, "Nu Rem, khawnge in nula thawhchhuah nei lo, nula thawvengi hi a awm?," ka ti lut nghal bawrh bawrh a. Nu Remthangi nuihza lutuk chu a lo nui awr awr a, "A inthiar leh tawh aniang chu..a ni Rengpuii a chhûn lutuk a. A E reng mai," a rawn tizui a.




"Chhephak....engmaw i rawn sawi luh kha?," tih pahin Bathroom aṭangin a rawn chhuak a. Min rawn melh râwm râwm a, kan nui hak hak a. "Tirawh...kal ang," tih zui pahin a rawn in peih nghal a, "Nu, kan kal..," tih pahin kan inzui chhuak nghal a.




Chhun rilṭam hun a ni tawh tho bawk nen kalna tur dang em em kan nei chuang lo bawk a, thil sawi mai mai paha chawlh khawmuanna tur kan melh a ni ber e. Kan chawlh ṭhanna hmun ber kan pan nghal a. Kan chawl ngun tawh bawk a, chu Restaurant a thawk leh a neitute ngei pawh chuan nêl takin min lo be sawk sawk a.




Kan ei duhzawng kan han lam dun a, an rawn dah chiah chu pawisa a tla leh hak dawn tih a chiang reng. Kan in en a, kan nui ringawt a, "Ninawm...ei ang. Rilru hah bo ṭhak khawpin lim nek mai ang," a rawn ti kher chu ka lo nuihpui hak hak a.




"Bren...nizana i thusawi kha i ti tak tak em?," melh zauh pahin ka zawt sap a.



"Khawi zawk?"



"A pahnih in..."



"Zoramsanga chungchangah chuan thudik anih ngei leh ngei loh ka hre lo. A sawitu khan a inti hrechiang viau thung a ni awm e"



"A ni awm e....han tih. I bula a sawi a ni lo em ni?," chiang zetin ka melh kar a.



"Lalrosanga min hrilh," a eitur inchhawp chu a hawlh zui rak rak a.



"Anih chu," ka ti ringawt. Ka ring lo, ka ring lo hulhual. Engvang mahin chutiang a thlen ka ring lo. Zoramsanga hi ka hrechiang ve thawkhat bawk. Mipa in vawng tak a ni, midang nen Syringe in hmanpawlh duh tur khawpin ruihhlo in a bual ât ka ring lo; Mahse, Sex aṭangin... Ka ngaihtuahna chu duh lo lutuk in ka Lu ka thing zui nawk nawk a, hetiang thuhriat hi ka mamawh loh lai ber a ni asin; Mahse, ka hriatchian erawh a ngai hle si.



Ka thaw halh a, "Engtikin nge Damdawi a khawih leh tih i hriat a?," ka melh pah zawk a. A bialpa Lalrosanga chanchin lamah ka kualpui leh rih a.



A ngawi vang vang a, a thaw halh a. "Ṭhiannu, thil pakhat ka zawt ang che. Diktakin min chhâng ang che," a rawn ti daih thung. Amah ang lo taka a thutak vei lutuk te chuan awm a ti nuamlo zual sauh.



"Umm..." tih pahin ka bu nghat a.



"I hmangaih em?"


"Aw, ka hmangaih...."


"Anih...hmangaih tak chungin i kalsan thei angem?,"



"Ka theih ka ring lo. Chutianga kalsan leh mai mai turin ka hmangaih lo"



"Thei la ka ti," a sawi zâwng pawh chuan a hmelah chuan a beidawn hmel hle in ka hria.



"Nia...keipawhin thei ila tih ngawih ngawih hun pawh ka la nei mai thei bawk; Mahse, chu erawh thleng lo turin ka duh," ka ti dul raih a.



"Heti chen hi theihtawp chhuahin ka ṭanpui ve chuan ka hria. Amah vangin ka neih tur tam tak ka chân a, amah vangin ka tihchâk leh duhzâwng ka chân fo bawk; Mahse, atana ka inpêkna zawng zawng hian awmzia a nei lo chu anih hi," a rawn tihnual raih a.



"Anih...engtinnge tunah in awm?," chiang takin ka en reng a. A thusawi tur te hian Ramsanga nen kan inkarah min pui dawn lo nasa, min tibuai zual sauh zawk.



"Engmah kan inkârah a awm tawh lo. Kan inṭhen tawh," a rawn tibûl nghat a.



Ka lo nui chhuak hak a, min rawn melh ngheng a. "Lalruatfel....ka fiamthu lo aw? Nuihzat tur engmah a awm lo," a rawn tizui hlak a.



"A hma pawhin i fiamthu lo fo tawhin ka hria," tih pahin Lassi vawt dâi raih chu ka fâwp pah tâwk a.



Min melh ngheng a, "Hman ang ka ni tawh lo...kumkhuaa ka belhngam loh tur laka hun khawhral reng ka tum lo," a rawn ti bûl nghat a.



"Ka ring ngam che angem?" nui rah rah chungin ka tizui ve ngat kher a. Ka ring lo ve em a ni. Tun ṭuma an nih ṭhat leh min rawn hrilh tirh pawhin ka nuihpui hak kha ania. An in ngaihzawn laiin mi bâkin an in ngaizawng a, an inṭhen lahin mi bâkin an inṭhen bawk a. He mite pahnih hi chu hriatthiam an har em a ni.



"Min ring rawh... Kei aia Damdawi hmangaih zawk mihring hmangaih a, buaipui reng turin hun ka nei lo," a rawn ti zui hlaih hlaih a, "Drugs Addict mai mai," a rawn tizui chu ka ner ru sawk. Ka melh renga, a beidawng a nih pawh in dem thei ka ni lo; Mahse, diriam taka sawi zui kher hi a tih loh tawp tur a ni.



Insûm tak chung chuan, "I beidawng a nih pawh in diriam zui kher suh, i duhthlanna ngeia a nun a lut alawm i nih, " ka tih chuan a muttui chu a rawn luang thla pap a. A kutah chuan ka lo hûm sak vat a. "A hma pawhin Drugs Addict a ni reng tawh ṭhin a. A lakah ṭawngkam mawilo i hmang ngai em ni?" ka ti zui leh sap a.



"Hmangaihna a la kal vung deuh te pawh a ni mahna," nuih luih sak pahin a rawn tizui a. "Duhtawk rawh...ani chanchin sawi reng turin ka inhawng zau em em hran lo, awmze nei lova hun khawhral hi ka kham ta," a rawn tizui hmiah.



Ka thaw halh a, "Thil pakhat lawk...a laka i ṭawngkam hman kha ka sawisel mai a ni," ka ti ve leh ṭalh a. Min rawn en nghal hrâw a, "Ngawlvei hming puttir a, diriam ngawt hi ka duh lo. Eng emaw hming dang pu thei turah ka ngai," ka tizui leh sak. An duhthlanna chu a ni teh meuh mai. Mahse, tu paw'n chak lohna kan nei vek. 'Engtianga nasa in nge ṭanpuitu leh hrethiamtu hi an mamawh ang?' tih hi ka ngaihtuah tâwp theih ngai loh chu a ni.



A nui hul hak a, min nerkhum sak a. "I bialpa nihna a nih ve tho vang mai niin ka hria. Tlangval fel tak nena inzui ni ula chuan tuna i rilru kha i paih daih si ang, " a rawn ti ve leh ngat a.



"Tlangval fel tak a ni alawm. A felna lai min hmuhpui thiam lo mai mai anih chu, tumah sawisel bo khawp a famkim kan awm lo. Kan sualna te hi Pathian lakah chuan a thuhmun vek," tih ngat pahin eitur in chhawp chu ka ban zui a.



"A ṭhat chu...ka rilru hmasa ang i rawn pu anih chu....duhtawk ang," min rawn ṭawng elsen zui ngat a, hnial leh ngat duh viau mahila ngawih ka chuh ta zawk a.



"Bsa ṭhianpa kha tu maw a hming i tih kha?" kha mihring kha biakpawh dan zawn ka duh. Engtinnge a ṭhianpa pawh nilo, Bsa ṭhianpa daihin a lo hriat daih theih? Ka awih lo tulh tulh mai. An awmho na hmunah Zoramsanga hian, 'Kei chu ka vanduai lutuk a, HIV positive ka nia' a ti zuah zuah ang maw? Ka ringlo nasa mai bawk si.



"Sawmtluanga ania...a number ka nei alawm. Zanah ka lo va be dawn nia. Ani tê hi dawt sawi a hmang reuh riau in ka hria," a rawn ti chu ka chhungrilah hian beiseina thar a rawn nung nghal. "Nia...lo va be ngei rawh. Engkim chiang taka hriat ka duh," ka ti ve vat a.



Ka phone message rawn ri chu ka thâi hawng thuai a. "I ṭha em?" tih zawng a rawn thawn, "Ka ṭha e....i ṭha zawk em?" ka ti lêt thuai a. Min rawn chhâng zui lova, a Online leh tawh hek lo.




Kan ei zova, pawisa kan han thawhdûn chu kan nui leh rih ṭhin, "Ei leh in lam hi thei hle phawt mai ang," tih pahin kan nui dun hawk hawk a, "Tirawh...chhuak ang. Kan thil eilai tih loh chu boruak uap tak a ni," a rawn ti hlak a. Ka lo nui sak a, "Thu pawimawh leh hlu tak kan sawidunin ka lo hria asin, " ka ti ngat thung.




Brenda-i ka thlah a, ka haw tlang zui ta nghal a. In ka thleng chu ka nu pawh a lo haw tawh. Min lo be nghal bawrh bawrh a, a mitmeng erawh rinhlelhna mitmeng a awm reng tho tih ka hria, "Ka pa a la rawn haw lo nge?," tih pahin Bawnghnute ka thli zui nghal a.



"Haw tawh e...a inbual anih kha," a rawn ti vat a.



Ṭhutna ka rem a, ka nu che vel chu ka en reng a. "Nizanah u Mama nen kan inbia a. An rawn haw thei thut mai thei. A rawn hrilh che em?" ka ti zui a.




"Engmah a rawn sawi lo...thimhlim khan kan inbe zuai a. A hnu chuan kan la inbe leh miah lo. Nakinah ka zuk bia ange, an ngaihawm tawh hrim hrim, biak loh chuan mi biakna chang hi an hre ṭhin lo," a rawn ti zung zung a.




"U Chhuanmawia te kha 'rawn leng rawh u' i ti em ni?," lungawilo ru deuh chungin ka ti ta nge nge, ka insum thei thlawt tawh lo.




Min rawn melh zawk a, a khawih ngai bawk a khawih zawm leh a, "Kâwnah kan inhmu hlawl a. Kan chanchinte min zawt luam a, 'zanah rawn leng rawh u' ka ti tel luam maw le," a rawn tihlai chuan ngun fahranin ka lo melh kar reng a, engmah ka sawizawm tawh lo. No ka silfai zawh chuan ka pindan lam panin ka phei zui ta nghal a.




Zan boruak thiang kâk chuan ka ngaihtuahna a hruai ding sauh a. Chhun lama Brenda-i thusawi tam tak te khan ka ngaihtuahna a luah ngut ngut bawk. Tukverh ka hawng a, ka ding vang vang a, misual tak hmuha hmuh nghal ngawt ka thei ve lova, ka duh hek lo.




Eng anga harsatna lian nge a lo tawrh tawh ang, ka hriat aia thuk pawh a tuar ngeiin ka ring bawk a. Khawilai emaw ah tal a kaltlang theihna tur kawng a awm ngei pawhin ka ring. A laka ka beisei san em em na hi hmuthiam se, chu chuan chakna pe se, kan pahnih tan hmalam thlir tlat se ka duhna chuan beidawng lo turin chakna thar min pe a, ka beidawn loh phawt chuan ka hlawhchham ngai dawn lo tih ngaihtuahna nen ka infuih ru mawlh mawlh bawk.




Khum bula ka phone charge chu a rawn ri ral ral a. Rang takin ka in thingharh thuai a, ka pan nghal thuai a, "Aw, ṭhiannu," ka ti nghal vat a.



"Enteh....ka va zawt chiang ngat a. A sawi nawi kual leh nasa mai," a rawn ti nghal zat a.



"Engtinnge i va tih?" ka ti nghal thuai a. Diktak chuan ka phûr takzet. Ka rilru chhungril berah hian 'Zoramsanga Thisen a thianghlim tawh lo' tih hi pawm har ka ti fan reng. Thil ni thei, thil thleng thei chu a ni nameuh mai; Mahse, ani chungah ber kher chuan a thlen ka phal lo.




"Amah ngei ka va bia a.... 'Bsa khan Zoramsanga a fakna thu a sawi reng a. A hma khan kan ṭhianpa accident kha thisen pek a ngai a. Khami ṭum khan an thisen a inmil chiah a, a pek theih loh thu a sawi a....Ka ngaihsan loh chi a lo ni bawk nen ka ring ve nghal hmiah' a rawn tia..." a ti chiah chu ka sa deuh phat.




"Ve ngawt chuan....chhan hrang hrang vangin thisen pek theih loh chhan a awm ang chu....amah phei chuan hria se a lungawilo viau ang. Thubuai a lak theih thil anih chu...chutiang chiah chuan engmah hrechiang mang si lovin min sawi se FIR ka thehlut duh hial ang," ka ti hlak hlak a.




"Dik chiah....keipawhin ka va ti hrep alawm. Eng emaw thudang ang a ni lova. 'A bialnu in a hre nghe nghe a, a hrilh ngei ka ring' te ka va ti alawm. Nuamlo a tih hmel lutuk a, thupha te a rawn chawi nual alawm. Mawl lutuk, drugs addict ho hi chu dawtsawi te hi an hreh lo nia," Brenda-i chuan a rawn tizui leh kher a.




'Drugs addict'... he ṭawngkam hi pawm har ka ti a, ka lo natpui ṭhin; Mahse, an thiltih leh an nihna a ni miau si. An tihchhan a in ang lo ṭheuh ang, puitu leh hrethiamtu erawh an mamawh hian ka ring vek a ni.




Ka lungawi hlei thei rih lo nen, "Hmm....a zak lo anih chu a!! Engnge nangma chungah thupha a rawn chawi daih? A ṭhianpa, engmah hrechianglo chunga a chanchin a sawi ve ngawt hnenah chuan ngaihdam dil rawh se," ka ti hmawk hmawk a.




"Awiii...keimah pawh hi min mawhpuh tel lek lek tawhin ka hria. I ṭan ve nasa ngang si a," a rawn ti nghek a. A nui zui har har a, "Nui suh...a za lo," tih pahin ka nui ve leh hak hak tho.




"Ka dah dawn...hla ngaihthlak paha mut mai mai ka duh," a rawn ti chiah chu ka nui hak a, "I lung a leng a ni maw? Vawiin lama i in hrosak nasat nen," ka tizui zat a. Kan nui dun nasa kher mai. "Anih aw Zohmelsek?" a rawn tizui veleh a. "Awle...dear ex" ka ti chu a duhlo viau.




Kan inbe zo chu Khumah chuan ka ṭhu hnawk a, ngaihtuahna tam tak ka hmangzui mawlh mawlh a. 'Drugs Addict' ah ka dah phal lova, he hming hian min ti na vawng vawng ṭhin. Thil ka ngaihtuah chhuak zawk mai, kan duhna ah hi chuan ngaihtuahna te a chak theih zia ka hrethiam ta lutuk chu ka nui chhuak hak. Ka hmuhtirha ka thai liam mai mai kha ka tan a ṭangkai ngei beiseina nen chuan ka phone chu ka ban thuai a. Ka hâilêt char char a, ka duh chu ka hmu ta hlauh e.





Nu Thari, ka naupan laia min awm ṭhin tu, ka nu ang maia ka ngainat a ni. A status ka thai liam ngawt chu ka hmu leh hlauh e. 'Pathian hi chu a ṭha ni, ka fapa damtheih nan hun ṭha a pe leh a. Kawng engkima min buaipuitu Dr. Tlanhlua enkawlna a zarah a dam tak tak tawh turah ngai ang' a tih chu ka chhinchhiah nghal. A fapa naupang ber hi Damdawi hmansual avangin an buai chhungkua ve reng a ni. Ka thiam ang tawk tawka ka buaipui na hian rahṭha a la chhuah ngei ka beisei.




Ka ngaihtuah chian hnu chuan Dr. Tlanhlua ngei biakpawh duhna ka nei nghal. Nu Thari chu hreh ru deuh chungin ka dil a, min rawn pe hlauh e; Mahse, engtinnge ka biak ang? Engtinnge ka va sawi ang? Ka hlauthawng a, ka zak ru ve ngawih ngawih bawk. Ka tih ngei erawh a ngai si.




Thawk ka la vang vang a, beidawng lo turin bul ka ṭan tawh a, tawlhkir leh mai mai thei ka ni lo. Kawng dik a zawh theih nan hian theihtawp ka chhuah ang. Hei hi atan chauh nilo, ka tan pawh a lo ni mai thei asin. Engmah ti lova sim tura in nawr reng ai chuan a mamawhna a puitu tur rilru leh taksa thlenga hrechiang a, hrethiam tu a mamawh a ni, "Lalpa...min ṭanpui rawh. Ka kutah min pe ngam anih chuan theihtawp ka chhuah ang. Thiam taka ka biak tur ang be thei turin finna min pe rawh," ka ti mawlh mawlh a. Ka thawveng deuh huai a hriatna ka nei ve tlat tho.




Dr. Tlanhlua chu biak tumin ka phone chu ka chelh a. Ka ngaithla vang vang a, min chhâng dawn tawh lo emaw ka tih hnu ah, "Hello..." a rawn tidam dup a.



Ka ngawi deuh vang vang a, "Hello..." a rawn tinawn leh chiah chu, "Aw....aaaa... Pu Tlanhlua... Dr. Tlanhlua maw?" ka ti bah nak a.



"Aw ni e...engnge ni ta? Khawi aṭangin nge?" a rawn tidam leh duam a.



"Aaaa....ihhh....englo...râwn lawk che ka duh a," ka ti bah leh nawk nawk a. Sawizawm tur ka hre mai tawh lo, ka sa pawp pawp a, min hmu thei dawn lo mah se ka zâm zia chu a hriatthiam vek ka ring a ni. Ka 'Aw' ah lang miau hek.




"Engthil ah nge ni ta?" a rawn ti leh ringawt bawk si. Amah chuan 'i ṭhianpa chuan chutiang chu a mamawh' te rawn tise tihna ka nei a; Mahse, engmah a la hre bawk silo, mawl inti zet in ka lu te chu ka thing leh nawk nawk a.




"Ka ṭhianpa chungchangah biak lawk che ka duh maw le," ka ti sap a. "Umm...han sawi rawh le...ṭanpui theihna che ka nei em?" a rawn tidam dup a.



"Ih....englo ania. Amah phei chuan engmah a hrelo. Ṭanpui ka duh si, hmalak dan tur ka hre bawk silo," ka ti ta tawp a.



"A ni maw... Engpawh nise naktuk lamah min rawn hmudun dawn em ni ang?" a rawn ti dap dup a, "A duh dawn em tih ka sawi thei lo," tih zawngin ka chhâng.



"Anih chuan naktukah min rawn hmu la, phone ah ringawt chuan a kim tawk lovang tih ka hlau maw le.." a rawn ti chu ka lo bu nghat nghat a. "Awle...ka lawm lutuk aw?" ka ti thuai a.



"Tlai lam dar 2 velah ka hman theih ka ring e. I rawn kal mai dawn nia aw?" a rawn ti leh a. "Awle...awle.." ka ti sawk sawk a. Phone chu dah thuai ka duh, ka sa pup pup tawh.




Khumah chuan ka ṭhu hnawk a, ka mu zui thlawp a. Ka theihtawp ka chhuah ang, atan anih dawn phei chuan ka zahna kalpel ṭhakin hma ka la ang. Ka kalsan hauh lovang, amah chauh nilo keimah ngei pawh hian atan beiseina ka neih reng a ngai a ni .




Phone ka en a, engmah message ka dawng lo, "I mu tawh em?" tih ka thawn a. A en lova, a chhânna lah ka beisei hek lo. Ka nui sak a, atan a ke ka pen ṭanna hian chakna thar min pe a, a mamawh dik tak a hriat theih nan ka bei zel ang. Vawiin aia ṭha in naktuk ah ka ti leh bawk ang.






(to be continue......)


Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:00 pm

TRUE LOVE
Chap~26



By: Tom Tom Putara






Ka insiam sawk sawk a, ka rilru a zawhna awm reng chu chhânna hmuh ka duh. Ka naupan lai aṭang tawhin ka mizia a bet nghet em em pakhat a awm. Thil reng reng hi a chhânna diktak hmuh ka duh ṭhin, ka tana nuamlo leh hrehawm zui ngawih ngawih tur thil pawh nise a chhânna diktak hriat ngei ka duh ṭhin.




Zoramsanga ka nuna a lo luh chinah erawh ka nihna te hi keimah ngei pawh ka ringhlel zo ta. A chungchang anih chuan ka hlauthawng a, zawhna ka neih te pawh chhânna hriat duh leh hre ngam si lovin ka zeldin kual ta fova. Tunah pawh hian hriatchian ngei ka ngaihzia chu ka inhrilh nawn mawlh mawlh a, thil ni thei ah pawh nih theihna chhan ṭha tak a nei miau si.




"Aw....Bren...ka rawn chhuak hman ṭep," ka phone chu ka chepbet a, remlo zetin ka insiam zui mawlh mawlh reng a. "Awle...ka lo nghak ang che. Ka insiam zo tawh," a rawn ti thuai a.



"Pawisa ka neilo teh ania...vawiin chu ka ring dawn che," tih pahin ka nui hul hak a.



"Nei lo ve ve...kan insûm deuh a ngai dawn anih chu," a rawn ti bung nghat a. "Lungngai suh, i puar pengpawng na tur khawp chu a awm ve leh mai ang," ka tizui zat a.




Ka insiam zova, Helmet ka ban a, ka chhuak phei zui a. Ka nu a lo chhuak hman chu ka thaw huai. Ka pa chu ka au a, a rawn chhuak thuai a, "I chhuak dawn nge?" ka lo ti thuai a, a Kamis a bilhlut pah mawlh mawlh a, "Nia, Office lam ka han dawr kual lawk ange," a rawn ti thuai a, "Ka rualin i rawn chhuak duh em?" a rawn tizui a, "Duhlo mai, ka ṭhiannu in min nghak....ka kal aw?" tih pahin ka chhuak zui nghal a.




Brenda-i te In ka luh rual chuan, "Nu Rem, khawnge in nula thawhchhuah nei lo, nula thawvengi hi a awm?," ka ti lut nghal bawrh bawrh a. Nu Remthangi nuihza lutuk chu a lo nui awr awr a, "A inthiar leh tawh aniang chu..a ni Rengpuii a chhûn lutuk a. A E reng mai," a rawn tizui a.




"Chhephak....engmaw i rawn sawi luh kha?," tih pahin Bathroom aṭangin a rawn chhuak a. Min rawn melh râwm râwm a, kan nui hak hak a. "Tirawh...kal ang," tih zui pahin a rawn in peih nghal a, "Nu, kan kal..," tih pahin kan inzui chhuak nghal a.




Chhun rilṭam hun a ni tawh tho bawk nen kalna tur dang em em kan nei chuang lo bawk a, thil sawi mai mai paha chawlh khawmuanna tur kan melh a ni ber e. Kan chawlh ṭhanna hmun ber kan pan nghal a. Kan chawl ngun tawh bawk a, chu Restaurant a thawk leh a neitute ngei pawh chuan nêl takin min lo be sawk sawk a.




Kan ei duhzawng kan han lam dun a, an rawn dah chiah chu pawisa a tla leh hak dawn tih a chiang reng. Kan in en a, kan nui ringawt a, "Ninawm...ei ang. Rilru hah bo ṭhak khawpin lim nek mai ang," a rawn ti kher chu ka lo nuihpui hak hak a.




"Bren...nizana i thusawi kha i ti tak tak em?," melh zauh pahin ka zawt sap a.



"Khawi zawk?"



"A pahnih in..."



"Zoramsanga chungchangah chuan thudik anih ngei leh ngei loh ka hre lo. A sawitu khan a inti hrechiang viau thung a ni awm e"



"A ni awm e....han tih. I bula a sawi a ni lo em ni?," chiang zetin ka melh kar a.



"Lalrosanga min hrilh," a eitur inchhawp chu a hawlh zui rak rak a.



"Anih chu," ka ti ringawt. Ka ring lo, ka ring lo hulhual. Engvang mahin chutiang a thlen ka ring lo. Zoramsanga hi ka hrechiang ve thawkhat bawk. Mipa in vawng tak a ni, midang nen Syringe in hmanpawlh duh tur khawpin ruihhlo in a bual ât ka ring lo; Mahse, Sex aṭangin... Ka ngaihtuahna chu duh lo lutuk in ka Lu ka thing zui nawk nawk a, hetiang thuhriat hi ka mamawh loh lai ber a ni asin; Mahse, ka hriatchian erawh a ngai hle si.



Ka thaw halh a, "Engtikin nge Damdawi a khawih leh tih i hriat a?," ka melh pah zawk a. A bialpa Lalrosanga chanchin lamah ka kualpui leh rih a.



A ngawi vang vang a, a thaw halh a. "Ṭhiannu, thil pakhat ka zawt ang che. Diktakin min chhâng ang che," a rawn ti daih thung. Amah ang lo taka a thutak vei lutuk te chuan awm a ti nuamlo zual sauh.



"Umm..." tih pahin ka bu nghat a.



"I hmangaih em?"


"Aw, ka hmangaih...."


"Anih...hmangaih tak chungin i kalsan thei angem?,"



"Ka theih ka ring lo. Chutianga kalsan leh mai mai turin ka hmangaih lo"



"Thei la ka ti," a sawi zâwng pawh chuan a hmelah chuan a beidawn hmel hle in ka hria.



"Nia...keipawhin thei ila tih ngawih ngawih hun pawh ka la nei mai thei bawk; Mahse, chu erawh thleng lo turin ka duh," ka ti dul raih a.



"Heti chen hi theihtawp chhuahin ka ṭanpui ve chuan ka hria. Amah vangin ka neih tur tam tak ka chân a, amah vangin ka tihchâk leh duhzâwng ka chân fo bawk; Mahse, atana ka inpêkna zawng zawng hian awmzia a nei lo chu anih hi," a rawn tihnual raih a.



"Anih...engtinnge tunah in awm?," chiang takin ka en reng a. A thusawi tur te hian Ramsanga nen kan inkarah min pui dawn lo nasa, min tibuai zual sauh zawk.



"Engmah kan inkârah a awm tawh lo. Kan inṭhen tawh," a rawn tibûl nghat a.



Ka lo nui chhuak hak a, min rawn melh ngheng a. "Lalruatfel....ka fiamthu lo aw? Nuihzat tur engmah a awm lo," a rawn tizui hlak a.



"A hma pawhin i fiamthu lo fo tawhin ka hria," tih pahin Lassi vawt dâi raih chu ka fâwp pah tâwk a.



Min melh ngheng a, "Hman ang ka ni tawh lo...kumkhuaa ka belhngam loh tur laka hun khawhral reng ka tum lo," a rawn ti bûl nghat a.



"Ka ring ngam che angem?" nui rah rah chungin ka tizui ve ngat kher a. Ka ring lo ve em a ni. Tun ṭuma an nih ṭhat leh min rawn hrilh tirh pawhin ka nuihpui hak kha ania. An in ngaihzawn laiin mi bâkin an in ngaizawng a, an inṭhen lahin mi bâkin an inṭhen bawk a. He mite pahnih hi chu hriatthiam an har em a ni.



"Min ring rawh... Kei aia Damdawi hmangaih zawk mihring hmangaih a, buaipui reng turin hun ka nei lo," a rawn ti zui hlaih hlaih a, "Drugs Addict mai mai," a rawn tizui chu ka ner ru sawk. Ka melh renga, a beidawng a nih pawh in dem thei ka ni lo; Mahse, diriam taka sawi zui kher hi a tih loh tawp tur a ni.



Insûm tak chung chuan, "I beidawng a nih pawh in diriam zui kher suh, i duhthlanna ngeia a nun a lut alawm i nih, " ka tih chuan a muttui chu a rawn luang thla pap a. A kutah chuan ka lo hûm sak vat a. "A hma pawhin Drugs Addict a ni reng tawh ṭhin a. A lakah ṭawngkam mawilo i hmang ngai em ni?" ka ti zui leh sap a.



"Hmangaihna a la kal vung deuh te pawh a ni mahna," nuih luih sak pahin a rawn tizui a. "Duhtawk rawh...ani chanchin sawi reng turin ka inhawng zau em em hran lo, awmze nei lova hun khawhral hi ka kham ta," a rawn tizui hmiah.



Ka thaw halh a, "Thil pakhat lawk...a laka i ṭawngkam hman kha ka sawisel mai a ni," ka ti ve leh ṭalh a. Min rawn en nghal hrâw a, "Ngawlvei hming puttir a, diriam ngawt hi ka duh lo. Eng emaw hming dang pu thei turah ka ngai," ka tizui leh sak. An duhthlanna chu a ni teh meuh mai. Mahse, tu paw'n chak lohna kan nei vek. 'Engtianga nasa in nge ṭanpuitu leh hrethiamtu hi an mamawh ang?' tih hi ka ngaihtuah tâwp theih ngai loh chu a ni.



A nui hul hak a, min nerkhum sak a. "I bialpa nihna a nih ve tho vang mai niin ka hria. Tlangval fel tak nena inzui ni ula chuan tuna i rilru kha i paih daih si ang, " a rawn ti ve leh ngat a.



"Tlangval fel tak a ni alawm. A felna lai min hmuhpui thiam lo mai mai anih chu, tumah sawisel bo khawp a famkim kan awm lo. Kan sualna te hi Pathian lakah chuan a thuhmun vek," tih ngat pahin eitur in chhawp chu ka ban zui a.



"A ṭhat chu...ka rilru hmasa ang i rawn pu anih chu....duhtawk ang," min rawn ṭawng elsen zui ngat a, hnial leh ngat duh viau mahila ngawih ka chuh ta zawk a.



"Bsa ṭhianpa kha tu maw a hming i tih kha?" kha mihring kha biakpawh dan zawn ka duh. Engtinnge a ṭhianpa pawh nilo, Bsa ṭhianpa daihin a lo hriat daih theih? Ka awih lo tulh tulh mai. An awmho na hmunah Zoramsanga hian, 'Kei chu ka vanduai lutuk a, HIV positive ka nia' a ti zuah zuah ang maw? Ka ringlo nasa mai bawk si.



"Sawmtluanga ania...a number ka nei alawm. Zanah ka lo va be dawn nia. Ani tê hi dawt sawi a hmang reuh riau in ka hria," a rawn ti chu ka chhungrilah hian beiseina thar a rawn nung nghal. "Nia...lo va be ngei rawh. Engkim chiang taka hriat ka duh," ka ti ve vat a.



Ka phone message rawn ri chu ka thâi hawng thuai a. "I ṭha em?" tih zawng a rawn thawn, "Ka ṭha e....i ṭha zawk em?" ka ti lêt thuai a. Min rawn chhâng zui lova, a Online leh tawh hek lo.




Kan ei zova, pawisa kan han thawhdûn chu kan nui leh rih ṭhin, "Ei leh in lam hi thei hle phawt mai ang," tih pahin kan nui dun hawk hawk a, "Tirawh...chhuak ang. Kan thil eilai tih loh chu boruak uap tak a ni," a rawn ti hlak a. Ka lo nui sak a, "Thu pawimawh leh hlu tak kan sawidunin ka lo hria asin, " ka ti ngat thung.




Brenda-i ka thlah a, ka haw tlang zui ta nghal a. In ka thleng chu ka nu pawh a lo haw tawh. Min lo be nghal bawrh bawrh a, a mitmeng erawh rinhlelhna mitmeng a awm reng tho tih ka hria, "Ka pa a la rawn haw lo nge?," tih pahin Bawnghnute ka thli zui nghal a.



"Haw tawh e...a inbual anih kha," a rawn ti vat a.



Ṭhutna ka rem a, ka nu che vel chu ka en reng a. "Nizanah u Mama nen kan inbia a. An rawn haw thei thut mai thei. A rawn hrilh che em?" ka ti zui a.




"Engmah a rawn sawi lo...thimhlim khan kan inbe zuai a. A hnu chuan kan la inbe leh miah lo. Nakinah ka zuk bia ange, an ngaihawm tawh hrim hrim, biak loh chuan mi biakna chang hi an hre ṭhin lo," a rawn ti zung zung a.




"U Chhuanmawia te kha 'rawn leng rawh u' i ti em ni?," lungawilo ru deuh chungin ka ti ta nge nge, ka insum thei thlawt tawh lo.




Min rawn melh zawk a, a khawih ngai bawk a khawih zawm leh a, "Kâwnah kan inhmu hlawl a. Kan chanchinte min zawt luam a, 'zanah rawn leng rawh u' ka ti tel luam maw le," a rawn tihlai chuan ngun fahranin ka lo melh kar reng a, engmah ka sawizawm tawh lo. No ka silfai zawh chuan ka pindan lam panin ka phei zui ta nghal a.




Zan boruak thiang kâk chuan ka ngaihtuahna a hruai ding sauh a. Chhun lama Brenda-i thusawi tam tak te khan ka ngaihtuahna a luah ngut ngut bawk. Tukverh ka hawng a, ka ding vang vang a, misual tak hmuha hmuh nghal ngawt ka thei ve lova, ka duh hek lo.




Eng anga harsatna lian nge a lo tawrh tawh ang, ka hriat aia thuk pawh a tuar ngeiin ka ring bawk a. Khawilai emaw ah tal a kaltlang theihna tur kawng a awm ngei pawhin ka ring. A laka ka beisei san em em na hi hmuthiam se, chu chuan chakna pe se, kan pahnih tan hmalam thlir tlat se ka duhna chuan beidawng lo turin chakna thar min pe a, ka beidawn loh phawt chuan ka hlawhchham ngai dawn lo tih ngaihtuahna nen ka infuih ru mawlh mawlh bawk.




Khum bula ka phone charge chu a rawn ri ral ral a. Rang takin ka in thingharh thuai a, ka pan nghal thuai a, "Aw, ṭhiannu," ka ti nghal vat a.



"Enteh....ka va zawt chiang ngat a. A sawi nawi kual leh nasa mai," a rawn ti nghal zat a.



"Engtinnge i va tih?" ka ti nghal thuai a. Diktak chuan ka phûr takzet. Ka rilru chhungril berah hian 'Zoramsanga Thisen a thianghlim tawh lo' tih hi pawm har ka ti fan reng. Thil ni thei, thil thleng thei chu a ni nameuh mai; Mahse, ani chungah ber kher chuan a thlen ka phal lo.




"Amah ngei ka va bia a.... 'Bsa khan Zoramsanga a fakna thu a sawi reng a. A hma khan kan ṭhianpa accident kha thisen pek a ngai a. Khami ṭum khan an thisen a inmil chiah a, a pek theih loh thu a sawi a....Ka ngaihsan loh chi a lo ni bawk nen ka ring ve nghal hmiah' a rawn tia..." a ti chiah chu ka sa deuh phat.




"Ve ngawt chuan....chhan hrang hrang vangin thisen pek theih loh chhan a awm ang chu....amah phei chuan hria se a lungawilo viau ang. Thubuai a lak theih thil anih chu...chutiang chiah chuan engmah hrechiang mang si lovin min sawi se FIR ka thehlut duh hial ang," ka ti hlak hlak a.




"Dik chiah....keipawhin ka va ti hrep alawm. Eng emaw thudang ang a ni lova. 'A bialnu in a hre nghe nghe a, a hrilh ngei ka ring' te ka va ti alawm. Nuamlo a tih hmel lutuk a, thupha te a rawn chawi nual alawm. Mawl lutuk, drugs addict ho hi chu dawtsawi te hi an hreh lo nia," Brenda-i chuan a rawn tizui leh kher a.




'Drugs addict'... he ṭawngkam hi pawm har ka ti a, ka lo natpui ṭhin; Mahse, an thiltih leh an nihna a ni miau si. An tihchhan a in ang lo ṭheuh ang, puitu leh hrethiamtu erawh an mamawh hian ka ring vek a ni.




Ka lungawi hlei thei rih lo nen, "Hmm....a zak lo anih chu a!! Engnge nangma chungah thupha a rawn chawi daih? A ṭhianpa, engmah hrechianglo chunga a chanchin a sawi ve ngawt hnenah chuan ngaihdam dil rawh se," ka ti hmawk hmawk a.




"Awiii...keimah pawh hi min mawhpuh tel lek lek tawhin ka hria. I ṭan ve nasa ngang si a," a rawn ti nghek a. A nui zui har har a, "Nui suh...a za lo," tih pahin ka nui ve leh hak hak tho.




"Ka dah dawn...hla ngaihthlak paha mut mai mai ka duh," a rawn ti chiah chu ka nui hak a, "I lung a leng a ni maw? Vawiin lama i in hrosak nasat nen," ka tizui zat a. Kan nui dun nasa kher mai. "Anih aw Zohmelsek?" a rawn tizui veleh a. "Awle...dear ex" ka ti chu a duhlo viau.




Kan inbe zo chu Khumah chuan ka ṭhu hnawk a, ngaihtuahna tam tak ka hmangzui mawlh mawlh a. 'Drugs Addict' ah ka dah phal lova, he hming hian min ti na vawng vawng ṭhin. Thil ka ngaihtuah chhuak zawk mai, kan duhna ah hi chuan ngaihtuahna te a chak theih zia ka hrethiam ta lutuk chu ka nui chhuak hak. Ka hmuhtirha ka thai liam mai mai kha ka tan a ṭangkai ngei beiseina nen chuan ka phone chu ka ban thuai a. Ka hâilêt char char a, ka duh chu ka hmu ta hlauh e.





Nu Thari, ka naupan laia min awm ṭhin tu, ka nu ang maia ka ngainat a ni. A status ka thai liam ngawt chu ka hmu leh hlauh e. 'Pathian hi chu a ṭha ni, ka fapa damtheih nan hun ṭha a pe leh a. Kawng engkima min buaipuitu Dr. Tlanhlua enkawlna a zarah a dam tak tak tawh turah ngai ang' a tih chu ka chhinchhiah nghal. A fapa naupang ber hi Damdawi hmansual avangin an buai chhungkua ve reng a ni. Ka thiam ang tawk tawka ka buaipui na hian rahṭha a la chhuah ngei ka beisei.




Ka ngaihtuah chian hnu chuan Dr. Tlanhlua ngei biakpawh duhna ka nei nghal. Nu Thari chu hreh ru deuh chungin ka dil a, min rawn pe hlauh e; Mahse, engtinnge ka biak ang? Engtinnge ka va sawi ang? Ka hlauthawng a, ka zak ru ve ngawih ngawih bawk. Ka tih ngei erawh a ngai si.




Thawk ka la vang vang a, beidawng lo turin bul ka ṭan tawh a, tawlhkir leh mai mai thei ka ni lo. Kawng dik a zawh theih nan hian theihtawp ka chhuah ang. Hei hi atan chauh nilo, ka tan pawh a lo ni mai thei asin. Engmah ti lova sim tura in nawr reng ai chuan a mamawhna a puitu tur rilru leh taksa thlenga hrechiang a, hrethiam tu a mamawh a ni, "Lalpa...min ṭanpui rawh. Ka kutah min pe ngam anih chuan theihtawp ka chhuah ang. Thiam taka ka biak tur ang be thei turin finna min pe rawh," ka ti mawlh mawlh a. Ka thawveng deuh huai a hriatna ka nei ve tlat tho.




Dr. Tlanhlua chu biak tumin ka phone chu ka chelh a. Ka ngaithla vang vang a, min chhâng dawn tawh lo emaw ka tih hnu ah, "Hello..." a rawn tidam dup a.



Ka ngawi deuh vang vang a, "Hello..." a rawn tinawn leh chiah chu, "Aw....aaaa... Pu Tlanhlua... Dr. Tlanhlua maw?" ka ti bah nak a.



"Aw ni e...engnge ni ta? Khawi aṭangin nge?" a rawn tidam leh duam a.



"Aaaa....ihhh....englo...râwn lawk che ka duh a," ka ti bah leh nawk nawk a. Sawizawm tur ka hre mai tawh lo, ka sa pawp pawp a, min hmu thei dawn lo mah se ka zâm zia chu a hriatthiam vek ka ring a ni. Ka 'Aw' ah lang miau hek.




"Engthil ah nge ni ta?" a rawn ti leh ringawt bawk si. Amah chuan 'i ṭhianpa chuan chutiang chu a mamawh' te rawn tise tihna ka nei a; Mahse, engmah a la hre bawk silo, mawl inti zet in ka lu te chu ka thing leh nawk nawk a.




"Ka ṭhianpa chungchangah biak lawk che ka duh maw le," ka ti sap a. "Umm...han sawi rawh le...ṭanpui theihna che ka nei em?" a rawn tidam dup a.



"Ih....englo ania. Amah phei chuan engmah a hrelo. Ṭanpui ka duh si, hmalak dan tur ka hre bawk silo," ka ti ta tawp a.



"A ni maw... Engpawh nise naktuk lamah min rawn hmudun dawn em ni ang?" a rawn ti dap dup a, "A duh dawn em tih ka sawi thei lo," tih zawngin ka chhâng.



"Anih chuan naktukah min rawn hmu la, phone ah ringawt chuan a kim tawk lovang tih ka hlau maw le.." a rawn ti chu ka lo bu nghat nghat a. "Awle...ka lawm lutuk aw?" ka ti thuai a.



"Tlai lam dar 2 velah ka hman theih ka ring e. I rawn kal mai dawn nia aw?" a rawn ti leh a. "Awle...awle.." ka ti sawk sawk a. Phone chu dah thuai ka duh, ka sa pup pup tawh.




Khumah chuan ka ṭhu hnawk a, ka mu zui thlawp a. Ka theihtawp ka chhuah ang, atan anih dawn phei chuan ka zahna kalpel ṭhakin hma ka la ang. Ka kalsan hauh lovang, amah chauh nilo keimah ngei pawh hian atan beiseina ka neih reng a ngai a ni .




Phone ka en a, engmah message ka dawng lo, "I mu tawh em?" tih ka thawn a. A en lova, a chhânna lah ka beisei hek lo. Ka nui sak a, atan a ke ka pen ṭanna hian chakna thar min pe a, a mamawh dik tak a hriat theih nan ka bei zel ang. Vawiin aia ṭha in naktuk ah ka ti leh bawk ang.






(to be continue......)


Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:00 pm

TRUE LOVE
Chap~28



By : Tom Tom Putara






Zanriah kan ei lai chuan ka nu in min zilh hlak a, ka haw khan a Sikul bâng a lo thleng tawh a, eirawng a lo bawl ṭan mek a. A mitmeng thîp ru tak insûm tih hriat tak kha ka hrethiam mah mah.




"Duh aiin i chhuak tam hret, karleh Class inṭan hunah phei chuan i rilru kha i zirlai ah chauh dah ang che," a rawn ti ta chiah rêng bawk a, ka chhâng lo ka bâr zawm mawlh mawlh ringawt. "Zirlai nih chuan in zirlai ah in rilru pe ula, a bak tih tur in nei lo. Thildanga phar kual sek hi an hlawhtling mawh a nia," ka pa in a lo ti zui ve zat bawk a. Ka thiamlo tih ka hriatchian em avang chuan an sawithui loh nan ka ngawi kar ringawt, chaw ei erawh a ti tuilo duh kher mai.




Kan intih fel fai zawh chuan intihfai thuak ka duh avangin room lam ka pan nghal a. Ka rilru zangkhai ta deuh hawk chu a chhan ka hrechiang viau. Ka dinna ngaia ding lovin pên khat in hma ka sâwn a. Chu chuan ka lo beisei leh suangtuahna thleng turin nasa takin min pui a ni. Zoramsanga hmel ka mitthla ah a lo lang zui a, beiseina ka neih te hi a sang mah mah angem? Mahse, beiseina neih loh tawp ai chuan a ṭha zawk reng reng e.




Ṭhutkhawmna pindan ka thlen hma chuan ka nu ṭawng ri chuan min ti ding chawt, "Hman zan khan ka hrilh chiang viau tawh che in ka hria. Kan fanu hi kalsan rawh Ramsang.....a hma hun tihchhiat sak suh. Hmangaihna emaw a tih hi hmangaihna a ni lo. Nangpaw'n danglam bikah ngai suh. I nun ai pawha i thlan tawh kha chuti maiin i kalsan thei lo tih chu a hrechiang ber tu tur i nih kha," chang fak in ka nu chuan a rawn ti chhuak a. Tunge a biak chu ka hrechiang mah mah, Vawiin a Ramsanga ka zawha min chhan dan nen chuan a inpersan ta hle tih chu a langchiang mah mah. Ka hlim rûkna te chu a chuai rawih rawih a, engnge ka lo beisei san viau ni? Hman zan lawka a thusawi nen phei chuan ka lo beisei sang lutuk chu ka nuih a za hial zawk.




Ka thleng phei a, ka nu chuan mitmeng danglamna awm miah lovin min lo en a. Ramsanga pawh chuti tho, tîm dai chuan a bulah ka ṭhu thla a, "I lo thlenna rei tawh em? Ka inbual zuai a," engmah hre lo ang mai chuan ka ti nghal zat a. "Ka rawn thleng chiah," a tih chuan... 'Dawt' ka rilru in ka lo ti vat. Ka rilru nat leh hrehawm hlau a, a zêp kher chuan min tina a, amah chu ka khawngaihin tih theih ka nei tlem lutuk chu ka inhua. Hmalam an panna tura kan puithei lo a nih pawhin diriam a tihbeidawn nawn fo hi an phu bik lo. Doctor thusawite ka ngaihtuah lêt a, a la hneh ngei ka beisei takzet.




Ka nute chu an ṭhu ve reng a, min veng deuh nge ni? Ka ngaihtuahna chuan min ti ner sak thei. Ka pa takngial paw'n thingpui a lam ri eih lo. An awmdan chu ka haw ngawih ngawih. "Thingpui in ang aw?" ka tihlui ve sak, min lo melh vut in a nui suk a, "Ka haw zawk ang, Bsa te In ah kal pah ka duh deuh a," a tih chuan ka hnual nghal rawih thei; Mahse, atan a nawm loh tur zia ka ngaihtuah chuan thlahlel viau mahila chelh loh chu a fin thlak zawk in ka hria.




"Min thlah lawk la? Pawn thleng...." tih sup pahin a ding zui zat a, ka ding ve nghal vat bawk. Kan kal tur chu, "Rei suh ang che, i dam a la chian loh kha," ka nu chuan a rawn ti ram hmak a. Ka inhûm ruh nghal nghek, Ramsanga thaw hawk ri in a rawn zawm nghal zat bawk. Chhâng buai lovin ka kal zui nghal nal nal. Ka nu chuan min melh reng tih ka hre thei, ka thukhum zat mer mer danah. Pawn kan chhuah chuan ka thaw ham ham a, kan boruak rit ru lutuk khan min ti hah ngei mai.




Gate- kan thlen chuan ka ding dat a. Ka kut ah rawn chelh vat in a Car- dinna lam pan chuan a pên nghal pâwk pâwk a, "Ka luh leh vat loh chuan ka nu kan ti thirim zual mai mai," ka ti sap a. A Car- ngheng chuan a ding nghal a, "Rei lo te," tih pahin a lamah min pawt hnai hrâwk a.




Nghet takin min kuah in a thaw suai suai a, thlahlel lutuk in ka lo kuah nghet ve sauh sauh, "Engatinge thudik min hrilh loh, ka nu nen in inbiakna kha?" a âwm aṭanga melh chho in ka tichhuak sap a. Ka chalah rawn fawp zauh in, "Dawt pawh a ni chiah lo, itan leh ka tana ṭha tur alawm a sawi vek ni," tih pahin zat loh hmel fe chuan a ṭhen suk a. "Ka hrethiam alawm....nu pangngai chuan an tih tur dik tak a ni, a thil tih kha," tih pahin ipik hmel fe chuan a thaw leh hawk a. A hmel chu ka en ṭhin, a chauh hmel in a tla ve kuam mai. A kianga awm reng theih a, a mamawh hun apianga a hnaih theih a awm chu ka chak takzet.




"Engnge i ngaihtuah?" tih pahin ka chalah a rawn tauh dat a, ka nui hak hak chu min melh vung vung in a kiai ve suk. Ka bek tawn tawn ah chelhin ka chalah a rawn fawp leh vang vang a, a hnar in ka hnar a rawn nul na na a, ka lo nui var var. A chet dan dam dup mai chuan min fan raih raih mai.




A kutzungpui in ka hmui a rawn nul chuan ka nui tâwp riai riai a, hnai takah kan in melh a. A mitmeng fim kâk chuan ka hmui a melh ding zui ngar a, thaw hawk in a hmui in a rawn nul thuak a, a liak zauh! Nghet lutuk in a banrêk ah ka chelh vat a, duhthawh takin min rawn fawp nghal ngawng ngawng a. Thaw hakin ka lo chhânglet ve nghal zat bawk. Chu chuan a ti phûr zual sauh emaw tih mai turin a lei lum huam chu ka kâ chhungah rawn hawl lut in, min fawp zui ngâwng ngâwng a, kan duhthawh dun kher mai. Thaw hawk in ka heh hnuai lam chu pet in a seh zauh a, ka nui hak.




Thaw ham ham in kan inthlah a, ka chalah ah a chal rawn nghatin ka melh vang vang a, "Danglam tawh suh aw....i ti thei a nia" ka tih chhuak sap a, min kuah hnai leh hrâwk in, " Ka thei lo, ka danglam nghal," a rawn ti zâwi sup a. Ka ṭang nghal at chu ka dul ah tak a mipatna ruh ṭang chuan min rawn nawr salh a, "Zoramsang" a ngal a chhuih pawp pahin ka ti chhuak ṭhat. A lo nui huk huk chu nghal ti lutuk in ka melh zui nghek.




Min tihlauthawng hman lutuk chu ka ngei lek lek. A la nui huk huk chu en in ka nui ve tawp. A nuih chu a zat hmel tak zet, a ha var rual tak lang chuan a ni, a nuih ni! Chu chuan thinlung takin, a der ni miah lovin a nui a ni tih min hriat tir thei. Hlim reng se, 'nun hi natna tam tak karah pawh hlimna tam takin min hual ve reng tho tih te hi hmuthiam se' tih rilru pu in ka lo melh vang vang a.




"Lut rawh le, ka lo en ang che," tih pahin a la nui suk a. Nui var var in a hmui ah chuan ka fawh sak zauh a, a thlen hun a min rawn be tur a hrilh in kan in thlah a. Ka ke pên chu a zangkhai in tun hnaia ka hlim ber ṭum a ni hial ang. Ka lehhawi a, min lo la en ngar a. A palian in a inthuamna smart tak nen chuan ka thla a ti muangin min ti hahdam veng veng thei.




Inchhung ka luh chuan ka nu te chu an lo la awm reng, min nghak pawh a ni mai thei. An thusawi zawm tumna leh rilru sawhsawn tumna nei lo mahila hlauhthawnna chuan min kal pel bik chuang lo. Kal pelh mai ka tum chu, "Rawn ṭhu teh, ka thusawi te kha zawm i tum lo hle mai," a rawn ti chang fak a. In hûm ruh vakin ka ding khawng lah a, "Lalruatfel..... rawn ṭhu rawh, min nawr lui miah suh," a rawn ti fiak leh ṭhak a.




Thaw hak in ka lêt a, ka ṭhu thla zui hnawk. "Kan thusawi i palzam mah mah, i nu nen ṭha te te a sawiin i zawm mai kan ring ania. I zâwm duh miah lo mai, itan miṭha a ni lo, inzui tawh suh ang che u," ka pa chuan a rawn ti zawm ve nghal zat bawk. Ka ṭhu khawng at a, ka in hûmruh em em ringawt.




"Kan hmangaih vang zawk che a ni tih hria la, kan thusawi zawm tum rawh," ka nu chuan dam deuh zawkin a rawn ti leh a.



"A beilêt ve mek asin, a thei em em ang," ka ti ve hlak. Ka insûm hman tawh lo. Tu nu leh pa mah hi an lawm dawn lo tih ka hria. Damdawi khawih chîng nunah chuan thil ropui tak hmuh tur avang pawh a ni mahna; Mahse, 'mahse' tih ngai lai hian a ni an nun belhchian sak an ngaihna lai chu.




"Min nawr luih suh, vawi engzatnge i beidawn ang tih pawh i chhût pha lovang. An thisen ah a intuh nghet tawh lutuk, engmahin a thlak danglam ring suh. Danglam viau a i in ngaihna kha a ti na tu tur che a la ni fo dawn," tih pahin chiang fe in min melh zui ngar a. Ka in hûm ruh sauh a, chubak tih theih ka nei hlawl lo chu ka hah hluah hluah.




"Mahni nun pawh ching fel thei lo tu thusawi kha i lo ring lutuk ange. An duh an hmuhna anih phawt chuan sawi hreh leh tih hreh an nei ngai lo. Danglam bik ah ngai suh, thuhmun vek an ni Drugs addict," a rawn ti leh bawrh bawrh chu, "Nu.." ka ti vîn ve ṭhat.




A ṭawngkam hman duh dan leh a duhthawh bawrh bawr lutuk chu ka tuar thei ngang tawh lo, "Kei hi engnge ka nih bik? Uire...," ka sawi zo hman lo, ka biang chu a thîp zawk. Ka nu mita thinrimna leh rilru natna te ka hmuh chuan ka sawi loh tawp tur ka sawi tih ka hria. Ka biang chu ka dawm vang vang a, ka mittui tla tur chu ka khap per sak sak, "Min nawr lui suh ka tih che kha, i ṭhat zawk na tur a nih phawt chuan Nu nasa leh rapthlak tak nih pawh ka pawisa lo tih hre nawn leh rawh. Vawikhat pawh he Inchhung hi rawn rap tawh suh se, in la inkawp zui zel tih ka hriat chuan tun ai hian ka nasa ang. Eng anga dinhmun sang a awm pawh ni mah se 'Drugs addict' hian khawiah mah zah an kai ngai lo. An hlawhchhuah zawng chu hmuhsitna, mi rin loh an hlawh tel fo bawk" thinrim sehchilh zet in a rawn ti zui leh hrâk a.




"I tana ṭha tur a ni tih hria la, ngun takin i rilru siam rawh. Nu leh pa do nan i hmang nghal pang a ni tih hria la, i tan a ṭhat loh zia hmuh kân suh," ka pa chuan a lo ti bung nghut bawk a, "I room ah phei rawh. I nu leh pa kan nih chhung chuan i chungah thuneihna kan nei tih theihnghilh suh," a rawn ti zui leh hmiah a, ka ṭawngchhuak thei lo, ka ṭap chhuak thei mai ang.




Ka pindan lam panin ka kal nghal hlawk hlawk a, "Laklawh laklawh a awm lo, a u te bulah chhuk rawh se," ka nu in ka pa bula a tih chu ka hre zui hman tho. Ka pindan ka luh chuan Khum ah ka bawk nghal thlawp a, ṭah ka châk a, ka ṭap thei lo. Ka hrawk ah hian min hnawh tawt lutuk a, ka mittui erawh a luang zung zung tho.




Ka phone rawn nghawr der der chu ka en reng a, 'Zoramsanga' hming a lo lan chuan ka ṭapchhuak hawk. Kan inthlah laia a hlim nui huk huk ri chu ka bengah a rawn ri nawn nghal a, ka ṭah a chhuak zual sauh. Beiseina ka siam a; Mahse, kil tinah dan chêp in ka awm si. Ka inrintâwkna te chu an hnûkhniam in min nuihzat a, atan ka tih theih tlem lutuk chuan min tina nawn awn awn mai.




A 'ring' ral ṭhak a, a rawn rîk nawn leh chuan ka 'aw' thian kharh kharh in ka chhâng a, "I va'n la har ve? Ka thleng chiah, i muhil hman em ni?" a rawn tih chuan inthunun tum takin thâwk ka la ham ham a, "Ka inbual lawk a," ka ti láwi rât a.



"Dawt sawi kher a ngai lo, i inbual tawh kha?" a rawn ti bul hmuk a, mawl inti lutuk in ka Lu ka thing zui nghek ringawt, "Buaina i tawk tiraw? Keimah vang a ni em?" thaw hawk in a rawn tih zawm nghal zat a.




Ka chhang thei mai lo, ka ṭawngchhuak anih chuan ka ṭap mai dawnin ka hria. Min ngaihtuahna 'aw' ri chuan min ti 'no' zual a, kan hmabak pik lutuk chuan a ngaiah bawk a hnuklut leh ang tih hlauhna nen ka ngaihtuah kim hman vek.




"Ti khan ka hlat fo ṭhin nachhan che chu i hrethiam em? Dy...beidawng a, na nawn fo tur che in ka duh lo che alawm," harsa tih hmel fe chuan a rawn ti chhuak a,



"Aih...ka ṭha, ka bulah awm tlat la ka ṭha a ni mai. I thei a ni tih hmuhtir zel la, ka bulah awm tlat rawh," ka tichhuak ṭiau a, ipik hmel fe in a rawn thaw leh hawk ṭhin. Sawi tur a vâng a, kan thaw ri chu kan in ngaihthlak sak a ni ber.




Kan hmabak hrereng in ka chelh lui a, beidawng ila a hma aia a beidawn nasat tur zia ka hria. Bul ṭan chauhin ke ka pên a. Chutah chuan harsatna kan tawk nghal a. Bansan ila, beidawng nghal ila, a tluk luh lehna tur nen lam in ka hrechiang viau bawk.




"Ka rawn hruai ang che aw?" a tih leh hmuk lai chuan ka nui chhuak ta hak a. Min ngaihtuah si, tih ngaihna a hre vak lo ni ngei tur a ni. A ngaihtuah thlen chin erawh chuan min tihlim in ka nuih pui hak hak a. "A nuihzatthlak loh," lungawi loh hmel fe in a rawn ti bûl hmuk a, ka nuih chu a za telh telh. "Keimah vanga buaina i neih chuan zêp tawh suh aw? Ka tel lova hmachhawn turin ka duh lo che, i hrethiam tiraw?" ril ruih maia a rawn tih leh chuan ka nui tâwp riai riai.




Ka nu min ben lai ka mitthla ah rawn lang in ka hnuk a tiulh thar leh a. Ka ngai a, a bula awm ka châk zual takzet, "Ka ṭha aw...danglam lo la, ka bulah awm tlat la a ṭha vek a ni mai," ka ti lêt sap a.




"I bula ka awm chuan ka danglam zel sia, a theih ngawt loh," a rawn ti leh ṭalh tawh! A van sual thiam thei tak, ka nui ve hak hak tho. A chang in min ti lungngai a, beidawng ngawih ngawih in min siam fo bawk. Hlimna tam tak min thlen rualin ka natna tur ngei, a nuna bet tel zawng zawng nen hian ka pawm vek thei si hi hmangaihna hian a lo huam zau zia min hriatnawn tir fo bawk.




Chawlhni tuk chhung Inkhawm chu ka pa in hun a hmang a, ani paw'n a nun a sim theih laia midanga rinna nei miah lova min zilh paha a thusawi chuan ka beng bak a thleng lo. Mahni tan chauh a Pathian thuawih, midang sualna hmulian leh hmuthiam tawk chauh a piangthar nun hi ka pawm hlei thei lo.




Tukṭhuan kan kil laiin, "Fellowship bânah rawn haw nghal ang che," ka nu chuan a rawn ti leh nghal chat a.



"Insûm teh, em em lutuk a che. Rin ngam chin thliar thiam rawh," ka pa in a rawn tih zawm ve hluk a. Ka ṭhuthleng nawr sawn rawk rawk in ka thleng ka thawhpui ve hmak, "Chu chu tu thiam loh nge? Midang rinna nei lova min siam tu chu nangmah," ka nu in a ti zui ve salh bawk.




An in hnial zawm chu ka ngaithla peih tawh lo, ka room ka pan nghal hlawk hlawk a. An pahnih nun thlengin keimah avangin an inhnial thar nawn leh na chuan min tibuai zual kher mai. Tuna tan phei chuan ka mamawh belh lo takzet.




Inkhawm tur chuan phûr fahran lovin ka insiam nghal a, rilru in Biakin lam a hawi hlawl lo chu ka inthlahrung viau thung. Chiang fahran in ka nu in min rawn au a, "Aw, ka lokal ," tih pahin ka pindan kawngkhar chu ka melh rum nghek a, muang fahranin ka chhuak phei lui ngat.




"Tirawh u le, kal ang" tih pahin ka pa chuan hnung a rawn dâwl a, kan inzui chho nghal a. Lalmuankima'n min rawn ûmpha chu ka ngei ru viau. "Phakar nu...hmanzan kha engnge i haw leh daih si a...?" ka ngeina a rawn belhchhah chiah.




Ka lo nui ringawt a, ka nu lah chuan min lo melh hrak a, "Nu Parte, i fanu zaithiam hi hla zir turin ka sawmthlu zo lo ania," ala rawn ti tak deuh deuh a. Ka nui hul hak a, "Ka zaithiamlo em alawm, bakah ka nawm loh vang a nih kha," ka lo ti vat a. Ka nu lah chuan, "Rawn sawmchhuak ngei ngei rawh. A ho khawp a ni...nula uaih tawh si hi," tih pahin min rawn nuih lui sak a.




Chawhma Inkhawm hi ka ning ṭhin, ka mut a chhuak ziah. Upa Zolawma'n Zirlai a khaikhawm hlauh a, kan bâng hma hlauh e.




KṬP Fellowship na tur hmun lamah Mazari nen kan inzui chho nghal a, "Vawiin chu i va rawn nalh em em?" tih pahin min nuih sak a, "A awiawm loh lutuk. Nang alawm nalh," tih pahin kan inkâwm chho bawrh bawrh a, "Tunlai chu kan inhmu khât hle mai," ka tizui zat a, "Nia, kan zirlai lamah rilru ka pe ve deuh a..." a rawn ti ve vat a.




Kan zai dap dap a, zai lam hi ka tui em em lo na a, ṭhalai rual kan zai hi chuan nuam tihna chu ka nei ve deuh ṭhin, "Zar...vawiin programme ka bih miah lo," ka ti sap a, "Sharing-a niin ka hria...," a rawn ti ve sap a.




Lalmuankima'n Fellowship a kaihruai a, ṭantu te a sawm hnu ah Sharing-hun a hawng a. Kan reh ṭhiap a, "Din kan inthlahrung hlawm deuh niin ka hria. Ka rilru a awm reng, min luah hneh em em tu sawilan ka duh a, ka sawi rei lo turah ngai phawt ila..." rawn ti hmasa te te tu chu ka lo melh kar a. Pa hmelṭha tak a ni, pa anih tawh ka ring ve ngawt a. Ka hmuh tawh hnu a ni. A rei veleh tawh, Muakima nen kan Inkhawm ṭum bawk a thusawi tu, Pu Lalfakzuala kha niin ka hria. Ruihhlo chungchang sawitu kha a ni tih ka hre thei nghal.




"Nizanah kan nau pakhat chungchangah min rawn kova, ka va tlanphei nghal a. An lo buai ang reng viau mai a, an lo indang deuh laih laih a. Ka rilru ah zawhna tam tak a rawn lut a. A pindan lamah ka luhpui a, ka titi pui hrep nghe nghe a. Ruihhlo a khawih chhan te, engtianga hmachhawn tur nge tih te thiam ang tawkin kan inhrilh a. Ṭawngṭaina hun ka hman zawhin kan in hawsan ta ania....



Ka muhil ṭep tihin kan In bul lawkah tleirawl ho an in tibuai a. 'Ka kal ang nge' tih ka ngaihtuah a, an intibuai thawm a reh zui deuh avangin ka chhuak ta lova; Mahse, an thusawi te, an han in ṭawngkhum dan te erawhin min luah hneh hle thung," a rawn ti leh dap dap a. Ka ngaithla ulukin mit khap lêk lovin ka en reng a.




"Ka chanchin tlem han rawlh hmasak ka duh a. Hei, min hmuh angin ruihhlo in a sawisak. Ruihhlo in a sawp chhiat, mi ang pha lova a siam ka ni a. Ka dinhmun lam chu sawi ngai lovin in hre vek ang...." tih pahin a din dan a siam rem sek a.




"Hmeichhe pakhat, min hmangaih a min duh em em tu nen kan inkara in hmangaihna ringzo lovin dawt puarpawleng vangin ka kalsan a. Chu chuan ruihhlo bâwih ah min nawrlut a. Kha ruihhlo kha ka hrehawmna inhnemna tur, ka lungngaihna chhâwktu tur, ka khawharna ata hlimna min thlentu tur emaw tiin ka kâwmnêl a; Mahse, chu chuan a tawpah beidawnna, ṭahna, manganna, hrehawmna bak min pek tur a nei silo. Chu ruihhlo ka khawih chhan lah engmah lo mai, mi thusawi ka lo râlkhat pawm ve ngawt vang mai mai a ni si...



Hun a kal a...chu ka nun tihchhiat vek nana ka hman nula fel em em chu ka u nen an lo intawng a. Chhungkaw nuam tak dinin hmeichhia a zawnga ropui ber, mipa te tana nupui ṭha tak a ni chho zui zel a. Chulam chu duhtawk ila," a chil a lem khalh a. Tumah thawm chhuah kan awm lo. Kan reh ṭhap hlawm a.




"Zankhat chu ka mumangah thil rapthlak tak tak ka hmu a. Setana leh a tirhkoh te'n min lo chîmbuai nasa mai a. Ka harh zawk a, thlan in min bual huh vek a. Ka hlau a, mut leh kha ka hlau a ni ber.



Mahse, engtinnge ka tih vak chuang ang ni? Vawi tam tak Doctor ah kan kal a, Pathian thu lama kan mithiamte hmaah min hruai a, Psychiatrist ah nen lam vawi tam kan kal; Mahse, engmah keimahah hian hmasawnna tur a awm ngai chuang lo. Beidawng lutukin ka pindan chhungah chuan ka veikual sek a. Ka tana kawng awlsam ber nia ka hriat chu 'thih' a ni; Mahse, ka mumang lama ka thil hmuh kha min lo hmuaktu tur an ni dawn tih ka inhriatna khan engmah min tih tir ngam silo....." a châwl dat a. Tumah chuan a rei kan tih ka ring lo. Nge, ka hriatduh leh mamawh, ka bengverh zawng anih vang maia la reilo ti mai zawk nge ka nih?




"Zing khua a var ṭep tihin ka beidawng lutuk tawh chu ka Khum bulah ka ṭhingṭhi hnawk a, "Lalpa...min ṭanpui rawh," ka ti ta ringawt. Chubak chu chhamzui tur ka hre chuang lo. Engtiknge ka ṭawngṭai hnuhnun ber lah ka hre tawh hek lo. Ka mittui a rawn luang zawih zawih a. Ka mamawh, ka taksa leh thlarau hahdamna tur chu ka hmu ni mai hian ka inhria. Ka chham tawi tehreng nen engtin emaw tak hian thlamuanna ka nei tlat," a rawn tizui leh chu a. Hmundang reng ka hawi thei lo, a hmela hlimna famkim rawn inpholang chu hmuhnawm ka ti takzet.




"A rei lutuk ange...sawi kân ta ila... Chuta ṭang chuan ka hawi lam ka thlak ta a. Ka nu leh pa ten theihtawp chhuahin mithiamte râwn chungin min enkawl a. Kei lah ka awm mai mai tawh lo. Pathian ka mamawh zia ka in hrechiang em em tawh a. Chu ruihhlo bâwih aṭanga chhuahna awmchhun chu Keimahah hian thui tak a in nghat tih ka hria. Chuvangin thil tam tak tuar chungin ka duhthlanna chu ka keng tlang a. Pathian khawngaihna a zarah kumin hi kum sawmpanga ka ngheina a ni ve ta reng mai..." a rawn tihlai chuan ka thaw halh a, eng emaw ti tak hian hlimna in min chiah veng veng bawk.



"Ka sawi duh em em chu...hawh u, keini ṭhalai, Lal Isua Krista neitute hian theihtawpin ṭan ila thar leh teh ang u. Kan bul maiah hian chhanchhuah ngai ngawih ngawih an tam teh ania. Bâng lovin ṭawngṭaina nen anmahni chhawmdawl chungin hma la thar leh ila...he ruihhlo bâwih aṭanga talchhuak tur hian anmahni ngei an pawimawh a ni tih hre turin i ṭawngṭaipui sauh sauh ang u," a rawn tizui leh a. A ṭhutna lam pana a kal te chu ka en reng a, a hmel a hlim hmel chu ka hmuh hmaih lo.




Lalmuankima chuan a rawn tuihnih zui luam a, chu erawh ka rilru ah a awm miah tawh lo. Thusawi kan ngaihthlak ringawt kha ka rilru ah a awm a. A dik hi ka ti nghal em em bawk. Doctor Tlanhlua'n, "An tih tur pawimawh tak an tih loh avanga kal diklo an ni. An damna kailawn atan hian 'Pathian alawm' anti leh ngawt ṭhin a, a dik ngei e; Mahse, keimahni mihring lama kan tih tur, kan chanvo, kan tih loh tur kan tih te, kan tih tur kan tih loh te....khang kha an tih thiam tawh loh avangin puih an ngai nasa. An khawhar changin ruihtheihthil, an hlim dawnin ruihtheihthil, an thinrim changin ruihtheihthil...khatiang thil hlir kha an rilru ah a awm tawh avangin anmahni enkawlna hi lak thutak a ngai hle a ni; Mahse, keini a enkawltute hian kan tidam thei lova. A damna tur chu amahah a awm a; Mahse, chumi a damna tur chu a hmuchhuak thiam ta ṭhin lova, kan pui mai chauh a ni," a tih kha a dik ta hle in ka hria.



Kan ding a, bânna hla kan sa a. Kan ṭawngṭai lai pawhin ka rilru ah Zoramsanga tana ka hnathawh theih tur ka dapkual reng thung.



"Vawiin kan thu ngaihthlak chuan min hneh hle mai," Mazari chuan kan chhuk pahin a rawn ti chu ka ding chat a. Ka en nghal vat a, mak ti hmel lek lekin min rawn thlek vat a, "I lo ni ve maw? Ka ngaithla kham lo takzet," ka lo ti thuai a. A lo nui sak a, "Rilru a hneh bik asin" a rawn ti sap a. Kan chhukthla zui ta zel a.




Mazari nen chuan kan inṭhen a, muangchangin kan In lam panin ka kal chhat chhat a. "Ka beidawnsan dawn lo che. Eng anga harsatna pawh kan inkârah thleng mah se theihtawp kan chhuahdun zel ang. Nangpawhin i tih theih ngei angai. Nangmah i pawimawh ber a, ṭanpui tur che in i kiangah ka awm reng ang. Ka hmangaih che...." ti pah mawlh mawlhin ka suangtuahna chu ka kâwm pah reng a.






(to be continue........)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:00 pm

TRUE LOVE
Chap~29



By : Tom Tom Putara






Dan ngai tê in nitin Class kan kal chho leh ṭan dawn chu ania. 2nd Semester ah hi chuan inthlahdah thei ka ni tawh lo, ka zirlai baka thildang in ka rilru a luah chuan a nghawng a lo na anih hi, ka pa thusawi ka hrechhuak rauh rauh mai. Ka Grade- a chhe lutuk mawlh hian chhungte bulah hmai a uang lovin inthlahrun a na zual duh ngei mai. Ngaihbel tur leh mawhpuh tur an hre dawn in, an rilru a awm tur lah chu a hriat reng mai si. A dikna chen a awm tih chu kei ngei paw'n ka chiang viau a ni. Lehkha thiam thei leh tichhe ngai miah lo ka ni ve a, zirlai nih laia buaipui dang neih chu a lo hriat khawp mai; mahse, ka duhthlanna a nia, midang mawhpuha in hnem emaw inchhir leh hni hne ang erawh ka tum lo bur. Brenda erawh a zirlai ah nghawng a nei lem lo aniang, a result hian a tuar ngai lem lo.





Kan result chhuah aṭangin engmah result sawizui leh fuihna, lungawi lohna thlengin ka la tawng lo; Mahse, chung chuan thlamuanna min pe hauh silo. Ka nu tumruh zia ka hria, sawi lo mah se a rilru a khauh tulh tulh dawn tih chu a hriat reng. Engtiklai pawhin ka result chuan sawichhuah a hlawh ang tih hlau reng rengin hun ka hmang a ni ber. UJo-a lo thleng tawh dawn bawk nen ngawih reng chu a finthlak zawk in ka hria.





"Bawiha pa, kan siam zo ania," tih pahin ka nu chu a ṭhu nghal a. Kut ka sil a, ka ṭhu ve nghal zat a. Ka pa chu pindan aṭangin phone hmang mawlh mawlh chungin a rawn chhuak a, "Anih chu nangmah in i rawn in ngaihtuah theih mai dawn chu? Motor chu ka rawn tir lo mai ang maw?" a rawn tichhuak pah mawlh mawlh a. Dawhkan rawn kîl chung chuan, "A buaithlak em mai. Amah in a rawn chho mai dawn anih chu," a rawn tizui zat a.




Ka nu pawhin, "A awlsam a ni mai alawm," a lo ti thuai a. Engmah ka sawi lo, ngawi rengin ka ei mawlh mawlh a. Eikham vat a, In chhuahsan vat ka duh ber.




"I rilru ah engmah dang dah tawh suh ang che. A hma zawnga Lehkhathiam ṭhin em em kha, i Grade chhiatzia kha. Khata ṭang ringawt pawh khan kan thusawi dikzia chu chhût duh la, a hrechiang ber tur i ni ang chu. I hnungtawlh nasa hle tih hria la, i result hian min ti lawm lo takzet," ka nu chuan a rawn ti ram ta hmak a. An ngawitluan dawn emaw tia, ka lo lawm tawh tehreng nen.




"Vawi tam tak thu ṭha hrilhnawn ngai suh ang che. Kan thu i pawm duhlo anih chuan i inchhir hunah i thu kan ngaithla bik lovang," ka pa paw'n a rawn ti ve nghut a. Ka pa hnen aṭanga zilhna ka dawn rual hian thil tam tak ka hrechhuak a, ka thinrim lutuk hi ka sa ru pap pap ṭhin.




"Ka sawi fo tawh kha...min nawrlui suh ang che. I duh bakin Nu nasa ah ka chhuak mai ang," ka nu in a rawn tinawn leh chu chaw ka lem hlei thei tawh lo. "I u a rawn haw dawn leh nghal a, i awmdan i thlak loh a; a hriat zawngin a lungawilo viau ang," a rawn tizui leh chu ka ngaithla tluantling zo meuh tawh lo. Ka tho a, kut ka sil bawrh bawrh a. Intifai turin Bathroom lamah ka luhsan zui nghal a.




"Ka nawrluih che u in duhloh ang bawk khan min nawrlui suh u. In duh loh thleng thleng ka kal ve zawngin in buai ve khawp ang," keimah chauh chuan ka phun mawlh mawlh a.




Ka pindan lamah ka phei zui a, ka insiam zui mawlh mawlh a. Brenda-i nen kan la inthurual zel thei chuan min la tihlim ru ve viau bawk. Nidang ang erawhin ka eng tih mah hi a tui tak tak thei lo thung. Ka sawichhuak thiam lo, thil rit takin min delh ni mai hian ka hria.




Ka pa in office dawr nan Scooty a keng dawn a, a motor tlan loh Ni anih bakah Traffic Jam ah a lo awlsam deuh zawk nen min ṭawm fo mai. Bus chân ka la ngaih avang chuan ka hmanhmawh ru ang reng viau tawh.




Pindan aṭanga ka chhuak tur chiah chu ka phone a rawn ri ṭang a, ka bih nghal thuai a, "Vawiinah inhmu ang. Dâwrah ka lo awm ang," tih zawng a rawn thawn a, "Ka lo tum ange," ka ti thuai a, ka chhuak zui nghal a.




Message rawn ri chu ka en leh vat a, "Rawn kal ang che, ka ngai tawh che," tih zawng Brenda-i chuan a rawn thawn. Ka nui sak a, "Awle Boss" ka ti let vat a. Engtinmah min rawn chhâng tawh lo.




College Gate- bulah Brenda-i chu lo ding in, min lo nuih var var a. Ka bân ka vai khum zauh a, mi hlim thei tih takah a nun chu a la harhvâng vah mai. Inkai rial in kan Class lam kan pan a, "I chhe lo," ka lo ti sap a, a nui hak a, "Ka nalh tulh tulh dawn...ṭan angai alawm," a rawn ti vat a, kan nui dun bâwk bâwk a. "In tâwp hlen ta tak tak em ni?" tîm daiin ka tichhuak a, ka ring tho a; mahse, Lalrosanga'n a zar leh tak tak chuan a khawngaih leh ziah tho.




"Kan inbe zuilo hrim hrim? A duh duh danin awm rawh se, rinnawn leh tumna hi ka nei tawh lo hrim hrim. Ngaiah ka nei tawh," nuih hak pahin a rawn ti liam puat a.




"Ngawi lawk..." ka sawizawm tur ber erawh ka hre leh tawh chuang lo. Ani lah chuan ka sawizawm tur nghakin ngawih a chuh zui reng a.




"Theihtawp chhuahin ṭan la la, a nghei thei mai thei asin, i beidawn san phei chuan a nun chu a nasa leh zual dawn anih chu," inthlahrung ru deuh chungin ka tizui sap a.




A ding chat a, ka bânah a chelh a. "Ṭhiannu...thudik tak ka hrilh ang che. I rilru tihnat ka hlauh em avangin ka ngawi tluan anga, i rawn in tawng harh ve mai ang ka tia; Mahse, a ni lo," tih pahin chiang zetin min en a.




"Dâwt bûr an ni vek...damdawi leh dâwt bak an nunpui lova. Anmahni hma an sial em em a, i nat ngawih ngawihna tur pawh a tih hreh loh hun a awm thuai ang. Chawp leh chilh pawhin i hma ah, i bulah ngei pawh dâwt a sawi zung zung hun a thleng thuai ang. A tana theihtawp i chhuahin awmzia a neih miah loh hun a thleng thuai dawn. Chu hunah chuan i ṭhahnem ngaihna in beidawnna, atana i beihna in lungngaihna, engkim kalsana atana i inpekna in thinrimna thlengin a luah ang che. Chu chu Drugs Addict te nena nunkawng chu a ni," a rawn tihzawm leh a, "Ka sawifiah zawh loh leh i tawnbuak tur thil tam tak a la awm," a rawn tizui leh hmak bawk.




"Ni e, kei ai chuan i hre fe ang" ka ti zâwi sap a.




"Kal ang" tih pahin min pawt zui nghal a. Muangchangin kan inzui phei a, "Dy, ka sawi kha hrereng ang che. I rin ai bakin Drugs Addict zinkawng zawh ve hi a hautak ang," a rawn tizui leh a. Engtinmah ka chhâng lo, ka hmangaih a, hmalam pan turin theihtawp chhuahpui ka duh a, a bak ka rilru ah dah ka duh rih lo. Ka rilru a ka sawhngheh tawh tidanglam turin ka bula an sawi hian awmzia a nei thui lem lo bawk.





Ka rilru hian thil dang a dap hlei thei lo, Zoramsanga bak hian ka rilru a luah thei lo. 'Engtikah nge min rawn biak ang?' tih ngaihtuah ru reng chungin Phone ka bih sek a. Ani lah a reh leh vung vung tawh.




Class chu a hmingin ka awm tluan ve zel hi a ni ngawt a. Ka rilru ah hian a awm hlawl lo. Zoramsanga hi ka tan Zirlaibu chhah tak, phêk tin zirlai har em em a ni ringawt; Mahse, fail erawh ka tum lo. Zirchhuah ngei ka tum nghet sauh sauh thung.




"Tirawh....Canteen ah chawl ang," tih pahin Brenda-i chuan min rawn sâwi nawk a. Ka harh hawkin ka hria..."Ummm..." tih pahin ka tho nghal vat a, "I mak," tih hlak pahin a kalzui nghal a, ngawi rengin ka zui phei ve nghal thuai a.




Ka phone a rawn ri, din dat pahin ka bih nghal thuai a. Nuih sak pahin, "Aw, hello," ka ti nghal vat a, "Ka nghak che" a rawn ti nghal ngut a, "Umm...ka lokal," ka ti nghal a. Brenda-i chuan min lo melh kar reng a, "Ṭhiannu, va kal lawk ang," tih pahin ka kal nghal a, ani pawhin ka sawi hrethiam zetin min zui ve nghal mai bawk a.




Gate kan chhuak chiah chu zawn rei a ngai lo, a piah deuhah chuan Bike chunga ṭhu in min lo en reng a. Rang takin kan pan phei nghal a, uluk lutuk in ka taksa chu a melh chhuak dap, ka lâi leh ringawt tawh! A mitmeng thil ti thei zeta min melh tawh hi chuan tawrh a har ṭhin, "I awmna a rei tawh em?" ka ti nghal sat sat a.




"Ka rawn thleng chiah," a lo ti sup a. "Brenda....kan ṭha maw?" a rawn tihzawm zat a.




Nui hak hak chungin, "Nangni pahnih hi engnge tih tum in neih?" a ti nghal daih thung. Kan in en a, kan nui ringawt, "Ka rawn zui ve zel dawn che u nge ni?" a la rawn tizui tak deuh deuh a.




"Tak tak a, kan chhuak lawk ange," tih pahin Brenda-i chu a nuih var var a. Brenda-i chuan min rawn melh ralh a, "Kan ṭha zel turah ngai ang," awmze nei zetin a rawn tizui a.




Ka lo nuih sak a, "Zanah ka rawn bia ang che," tih pahin Zoramsanga lam chu ka pan hnai nghal a, "Anih Bye u..." tih pahin a nui sen sen a, a kal zui nghal a. Keipawh Bike ah ka lawn zui nghal a, "Ka hman e," tih pahin ka ṭhu ṭha sat sat a.




Ka lo rindan lâwk ang lo takin Studio-lam kan pan miah lo. An In hi ka la lut chiah lo na a, an awmna erawh ka hrechiang a. Chulam pan chuan min kalpui tih pawh ka hria, "Tunge awm?" ka ti hlak a. Engtinmah min chhâng lo. Ka ṭhuthnaih em avangin a taksa danglam chu ka hre thei. A khûr deuh dar dar tih pawh ka hria; Mahse, chu chuan min tinui sak thung. Theihtawpin a la nghei tih ka hria.




An In kan thleng a, kawngka inkalh ka hmuh rual chuan ka thaw huai mai. Ngawi rengin ka zui lut a, an In chhung felfai thlip thlep ka hmuh chu mak ka ti hran lo. Mipa chefel thlip thlep a ni tih ka hria.




Ṭhutthleng a kan ṭhut rual chuan min rawn kuah nghal a, "A mak..mi an lokal ang," ka lo ti vat a. Rang takin a tho a, kawngka a va kalh zui a. A rawn let thuai a, min pawt tho zui nghal zat a. A darah min pu nawlh a nih chu! "Zoramsang" ka tichhuak ṭhat, a nui huk huk duh chauh lehnghal. A hnungzang a chum pah chuan ka nui ve hak hak tho, pen pâwk pâwk in a pindanah min luhpui nghal a.




Khumah chuan min thehthla tîng nawlh a, nui suk in min rawn bawh zui nghal zat. Nui hak hak chungin min khawih ang ang chuan ka awm tawp a ni ber. Ka chungah a rawn bawk a, chiang zetin a mitmeng chu ka en reng a. A taksa khûr ru der der leh a mitmeng fîm kâk ṭhin, reh ru tlat chuan a taksa mamawh tak zawk chu min hriattir chiang viau in ka hria.




A rawn kûn hniam a, duhthawh zetin min rawn fawp a. A lei sa ham ham maiin ka ká chhung a rawn lut a. A rawn hawlkual chiah chu ka nui tawp chiang hle, chhânlet phût ngar in min fawp ngawng ngawng a. A chhânlet na pawh a dawng ṭha kher. Ka thlakhlelh rûk em em reng chu lungawi zetin ka lo kuah nghet ve sauh sauh a.




A kut veilamin a in do khalh a, min delh rih lutuk a hlau tih pawh ka hrethiam mai. A kut dinglam erawh ka dang buai peih lo. Ka kawr chhanah ka hnute a ṭhâm nawk nawk reng a. A hmui lasawnin ka bekah a fawp a, ka nghawngah fawp lehin ka beng a rawn seh pah ner ner a. A thaw lum ham ham te chu ka hrechiang viau bawk, keipawh ka danglam bik chuang lo. Ka thâwk lak a rang in, lum tih vang ni miah lovin a thiltih avang chuan ka sa pup pup a. Ka thaw hak hak te chuan ka chunga a thil tih nghawng chu a hrechiang ve viau ang.




Ka kawr a hlim a, ka hnute ka taksa lâwng a rawn hum hmiah a, a ṭham zui salh bawk. A hmûr chu a hrual niap niap reng a. Hnuai lam lah a awm mai mai lo, a mipatna chuan min rawn nawr salh salh reng a, ka lo thaw leh hak hak ṭhin leh a thaw ri huam huam bak ri dang a awm lo.




Ka thle tawn sek leh ka rûm nghat chuan a tiphûr zual sauh tih ka hria. Ka sir lamah a rawn let phei a. A lam hawiin min kuai saisir thuai a, ka hnute chu a khawih ngaiin a la khawih reng. Ka kut a la a, a kap lamah min dahthlak sak a. Ka ṭang ṭung thung a, a nui huk a, "Min hrem nasat zia hi i hria em?" tih pahin ka hnute chu a ṭham tâwk a, "A na..." tih pahin ka chûm dawt a, a nui hawk hawk a.




A thlan rawn bawl ṭak ṭak chu ka en reng a, "A lum i va ti ve?" tih pahin a hma aia chiang mahin ka en zui reng a.




A mu zangthal a, a thaw hawk a, "Innei tawh ang" a ti nghut a. Muangchangin ka tho a, a chungah chuan ka bawk phei a. A âwmah chuan ka bei hle hle a, "Inneih thuai chu nang aiin ka châk a. Min mamawh bawk," ka ti sap a.




"Tunah pawh ka mamawh che hi.." tih pahin a nui hul huk a.




A bengah chuan ka pawt sawk a, "Mamawh chikhat chauh a awm lo," tih pahin ka nui var var a, "Tuna min mamawh ang pawh hian ka la mamawh viau ang che," ka ti chu min en a, a nui suk a, "Ka induh khum ve thung ang che...lehlam ka hawi anga, ka mu hnâr sûk sûk ang," a rawn ti chu ka nui chhuak hak, "I theih a thu...." tih pahin a hnârah chuan ka piai sak zui hlawk a.




A taksa khûr der der kha a hma aiin a nasa tih ka hria. Ka theihtawpa ka lo zirchian ve tawh avangin a taksa, a thisen zungzâm chuan tun dinhmunah kher chuan kei aiin Damdawi a mamawh tih ka hrechiang takzet; Mahse, amah ngei pawh chuan chung chu thlawhkhûm in a rilru lâkpên a tum nasa hle tih chu a khawsa zia ah chuan ka hmuchiang hle bawk.




Min nem sawn a, a tho nghal vat a, "Min lo hre...thiam...lawk," a ti sehchilh nak mai. Rang takin ka hnaih a, a taksa khûr hlawk hlawk chu ka kuah thuai a. A hma aiin a khûr nasa fe tawh tih ka hria, "Kal rawh...haw rawh..." a rawn ti bung nghut a.




"A teuhlo mai...ka kalsan lovang che. I ti thei," tih pahin a hma aia nghetin ka kuah a. Ka kuahbehna chu engahmah a ngai lo, a tho lawp a. Tukverh chu a hawng sawk sawk a. A thaw chhuak hawk a, tukverhah chuan dâkin a thaw leh kâwk a; Mahse, rei a ni lo. A rawn lêt a, min pawt tho nghal sawk a. "Kal rawh...haw tawh rawh...hetianga ka awm lai hi min hmu turin ka duh lo che," tih pahin pindan aṭang chuan min nawrchhuak nawk nawk a.




Rang takin pindan kawngka a kalh a, a ṭhu hnawk tih chu ka hria. Ka mittui ka dang zo lo, a rawn luang zawih zawih a. "Ramsang...khawngaihin hawng rawh," tih pahin kawngka chu ka chûm zui a. A thaw ri huam huam bâk erawh hriattur a awm lo, "Ramsang....khawngaihin..." tih pahin ka ṭhingṭhi hnawk a. Ka rilru chhungrilah ṭawngṭai duhna ka nei a. Mahse, engmah chham tur ka hre silo.




Ka phone phawrhin ka ngaithla vang vang a, "Bs...phone la teh...la teh...ka mamawh che,khawngaih in," ka ti pah mawlh mawlh a; Mahse, ka tihnawn ngial pawhin a ngai rengin chhânna ka dawng lo.




Kawngka kalhna rawn ri rak ka hriat rual chuan ka tho thuai a. Rang takin ka lut zui nghal a. Kilkhatah chuan a lo ṭhu thlan hluam a. A khur hlawk hlawk bawk a, a meng sen rûm a, thlan in a bual huh zûih bawk. Ka ṭhutchilh nghal thuai a, "Tirawh..Khumah mu rawh," tih pahin a bânah chuan ka chelh a,ka phu zawk nghal. A bân chu a lo seh val kulh a, a thi ser ser bawk. Chu thil chuan min ti khûr a, ka na vawng vawng.




"Dy...min hawsan rawh..min kalsan tawh rawh...ka thei lo," a rawn ti thâm ṭuak a. Min en lova, a insâwi hluau hluau reng a. A biangah ka dawm a, "I tuarchhuak ṭep...i ti thei tih ka hria. Mipa ah pawh mipa diktak, ka innghahna i nih hi..." tih pahin ka fuih pah sauh sauh a. A hmaa ka pawhna a ṭang ṭun ang kha a ni tawh lo, a rawn tho zui nghal a.




Khumah chuan muttir ka tum a; Mahse, a duh tlat lo. Nachhawkna a kawl leh kawl loh ka zawt a. Ngawi rengin min kawhhmuh thuai a. Ka pan vat a, a damdawi dahna chu ka hâi rawk rawk a. Tui ka ban leh thuai a, damdawi chu ka pe nghal a. Damdawi a ei lai chuan ka Phone chu a rawn ri a, rang takin ka en thuai a. Bs-a tih ka hriat rual chuan ka reject-nghal.




"I chhungte em ni?" a rawn ti sup a. Zawhna dang a piang tam mai mai ang tih ka hlauh avangin ka bu nghat a. "Tlem ka Lu hi nuam deuh se, ka thlah dawn che nia," a rawn tizui sup a.




"A harsa ang tih ka hria. Mi tam tak an lo beidawng tawh ṭhin a; Mahse, nang chu i ni ve lo. Itan chauh a bei lova ka tan leh kan hmalam hun atan thleng a i beih vang aniang," tih pahin a kut chu ka khâl niap niap a.




"Ka kiangah awm reng ang che," a rawn ti nghut a. "I rin phâk bâkin ka mamawh che," a rawn ti leh chu ka lo nui sak a, hnukulh ṭun in ka en tlawk tlawk a.




"Ka kalsan ngai lovang che. Kan sualchhuak ṭep tawh ania," ka tihlai chuan ka kut chu a lo hmer nghet salh.




Bs-a min rawn biak tuma ka dah rual khan ka silent zui nghal kha ania. Sana ka en zauh a, dar 4 a lo ri tawh. Ka phone phawrhin ka en vat a, ka chhungte'n min rawn biak an tum tih chu ka hre nghal. Ka thin a phu dat dat a. Message lo awm vâng chu ka bih nghal a, "Lalruatfel,khawnge i awm? Rawn haw nghal rawh," ka u Jo-a message chuan min ti zâm zual.




"Engnge? Thil diklo a awm em ni?" tih pahin chiang zetin min en a. Ka nui lui sak a, "Aih, awm love," ka ti tak na a, ka mitmeng leh chezia a thil man chak em em hian min ring dawn lo tih pawh ka hai chuang hek lo.




A tho a, "Ka in phihfai lawk ange," tih pahin Bathroom lam a pan a. Ka phone chu ka thâikual sek a, ka tawt up up ni mai hian ka hria. A rawn chhuak leh thuai a, a thawmhnaw a thlak a. Ka mitsir in ka melh zauh a. A pian nalh zia chu ka hmuchiang hman em em tho. A taksa inkhaithli zaih te chu ennawn loh har tak a ni. A hmel dânglap erawhin min ti chau vek thei.




"Tirawh le..." tih pahin a kut a rawn phar a, ka lo ban thuai a. Hnehsawh zetin min kaitho zui lawp a. Nget zetin min kuah a, "Keimah vangin harsatna i tawk dawn chauh m. Min tlansan nal nal duh anih pawhin ka dem dawn hlek lo che ania," tih pahin ka mitah chiang zetin a en kal a.




"Ka sawi tam tawh tawk viau lo'm ni? I kiangah ka awm reng ang," tih pahin a hmuiah chuan ka fawp zauh a. Duhthawh zetin min fawp let nghal zat a. "A tawk..." tih pahin ka thaw hawk a. Nui sak chungin, "In khêk ve ṭhin teh," ka ti fiamthu zui zat a. "A tlai tawh, kal ang," ka tizui a.




Kan kaltirh aṭanga ka rilru a zawhna awm reng chu, "Ka nu, ka chhuak leh lawk ania," a rawn tih chuan eng emaw chen chu chhânna min pe. Engmah phei chu ka zawt zui duh chuang lo.




Ka theihtawpin ka fuih mawlh mawlh reng a. Thil awmzia hrethiam chak lutuk anih avangin kan Chhungkaw boruak tur pawh a man thiam leh vek tawh dawn tih ka hria. A tana ka din tlat tur thu te, a lama ka ṭan tlat tur thu te chu ka hrilh mawlh mawlh reng a. Engtinmah min chhâng lo mah se a theih ang angin zawm a tum leh dawn tih ka hria.




In kan thleng a, ka mit ka lên ruai a; Mahse, tu hmel mah ka hmulo chu ka thaw huai mai. "Anih phawt aw? Zanah ka rawn bia ang che," tih sap pahin ka nuih sak a.




"Awle...ka chhuk ange" tih pahin min nuih suk a. "Anih aw..." tih pahin a Bike a tinung nghal a.




"Lalruatfel...." ti fiak ṭhat lam chu kan enrual ṭhawt a. U Jo-a hmelah chuan pawisak hmel hmuh tur a awm miah lo chu hmuh hrehawm ka ti takzet. Rang takin Zoramsanga hmel chu ka en leh a, a hmelah chuan zâmna ka hmu lova. Engkim hmachhawn huam hmel bak ka hmu lo. Kei erawh hlauhthawnna in min man a, ka tiril khûr ru der der nen ka lo melh ve ngar a.




"Lalruatfel...lut rawh," tih pahin min rawn pawt sawk a. Ka nu leh pa rawn tlanchhuak rawk rawk chu ka lo melh khiau a, "Engvanga ka farnu hi rawn hnaih lui reng nge i nih? Ṭawngka in a daih loh hun a thleng mai ang, i nihna hre rawh," a ti vîn ṭhat chuan min chhu nghing lawih in ka hria.




Ka nu chuan ka kutah a rawn chelh a, rang takin ka thingtla thuai a. Ka pa erawh Zoramsanga te lam panin a kal tlang phei thung. "Hre rawh...nang Drug Addict leh he Inchhung hian inzawmna an nei ngai lovang," a tih lai chuan ka en ngar a. Zoramsanga chuan engtinmah a chhâng lova, chiang zetin ka u Jo-a chu a en ngar reng thung. Chu chuan min ti hlauthawng zual sawt thung.




"Mama, a tawk...phei rawh" tih ṭhat pahin ka pa chuan a din hnaih zual sauh a. U Jo-a rawn phei hmel dur khuih chu en kânin Zoramsanga hmel, thinrim lutuk inthup hmel chu ka en ngawih ngawih thung a.




"Lut rawh..." tih pahin min rawn nem nawk a. Thinrimna zawng zawng hi keimahah hian a rawn luanglut vek ni mai hian ka hria. Ka luh hma in ka hawi lêt zawk a, ka pa in ṭawng mawlh mawlh paha Kutzungchal a hmuh vâng chu ka hmu hman. U Jo-a chuan min nawrlut dawt dawt a.





Ka rilru ah thil pakhat chiah a awm... "In rin ang leh duhdan ang chuan min dah emaw chu, ka ngaihdan pêl ṭhakin min nawr suh u" ka ti rilru mawlh mawlh a.





(to be continue....)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:00 pm

TRUE LOVE
Chap~29



By : Tom Tom Putara






Dan ngai tê in nitin Class kan kal chho leh ṭan dawn chu ania. 2nd Semester ah hi chuan inthlahdah thei ka ni tawh lo, ka zirlai baka thildang in ka rilru a luah chuan a nghawng a lo na anih hi, ka pa thusawi ka hrechhuak rauh rauh mai. Ka Grade- a chhe lutuk mawlh hian chhungte bulah hmai a uang lovin inthlahrun a na zual duh ngei mai. Ngaihbel tur leh mawhpuh tur an hre dawn in, an rilru a awm tur lah chu a hriat reng mai si. A dikna chen a awm tih chu kei ngei paw'n ka chiang viau a ni. Lehkha thiam thei leh tichhe ngai miah lo ka ni ve a, zirlai nih laia buaipui dang neih chu a lo hriat khawp mai; mahse, ka duhthlanna a nia, midang mawhpuha in hnem emaw inchhir leh hni hne ang erawh ka tum lo bur. Brenda erawh a zirlai ah nghawng a nei lem lo aniang, a result hian a tuar ngai lem lo.





Kan result chhuah aṭangin engmah result sawizui leh fuihna, lungawi lohna thlengin ka la tawng lo; Mahse, chung chuan thlamuanna min pe hauh silo. Ka nu tumruh zia ka hria, sawi lo mah se a rilru a khauh tulh tulh dawn tih chu a hriat reng. Engtiklai pawhin ka result chuan sawichhuah a hlawh ang tih hlau reng rengin hun ka hmang a ni ber. UJo-a lo thleng tawh dawn bawk nen ngawih reng chu a finthlak zawk in ka hria.





"Bawiha pa, kan siam zo ania," tih pahin ka nu chu a ṭhu nghal a. Kut ka sil a, ka ṭhu ve nghal zat a. Ka pa chu pindan aṭangin phone hmang mawlh mawlh chungin a rawn chhuak a, "Anih chu nangmah in i rawn in ngaihtuah theih mai dawn chu? Motor chu ka rawn tir lo mai ang maw?" a rawn tichhuak pah mawlh mawlh a. Dawhkan rawn kîl chung chuan, "A buaithlak em mai. Amah in a rawn chho mai dawn anih chu," a rawn tizui zat a.




Ka nu pawhin, "A awlsam a ni mai alawm," a lo ti thuai a. Engmah ka sawi lo, ngawi rengin ka ei mawlh mawlh a. Eikham vat a, In chhuahsan vat ka duh ber.




"I rilru ah engmah dang dah tawh suh ang che. A hma zawnga Lehkhathiam ṭhin em em kha, i Grade chhiatzia kha. Khata ṭang ringawt pawh khan kan thusawi dikzia chu chhût duh la, a hrechiang ber tur i ni ang chu. I hnungtawlh nasa hle tih hria la, i result hian min ti lawm lo takzet," ka nu chuan a rawn ti ram ta hmak a. An ngawitluan dawn emaw tia, ka lo lawm tawh tehreng nen.




"Vawi tam tak thu ṭha hrilhnawn ngai suh ang che. Kan thu i pawm duhlo anih chuan i inchhir hunah i thu kan ngaithla bik lovang," ka pa paw'n a rawn ti ve nghut a. Ka pa hnen aṭanga zilhna ka dawn rual hian thil tam tak ka hrechhuak a, ka thinrim lutuk hi ka sa ru pap pap ṭhin.




"Ka sawi fo tawh kha...min nawrlui suh ang che. I duh bakin Nu nasa ah ka chhuak mai ang," ka nu in a rawn tinawn leh chu chaw ka lem hlei thei tawh lo. "I u a rawn haw dawn leh nghal a, i awmdan i thlak loh a; a hriat zawngin a lungawilo viau ang," a rawn tizui leh chu ka ngaithla tluantling zo meuh tawh lo. Ka tho a, kut ka sil bawrh bawrh a. Intifai turin Bathroom lamah ka luhsan zui nghal a.




"Ka nawrluih che u in duhloh ang bawk khan min nawrlui suh u. In duh loh thleng thleng ka kal ve zawngin in buai ve khawp ang," keimah chauh chuan ka phun mawlh mawlh a.




Ka pindan lamah ka phei zui a, ka insiam zui mawlh mawlh a. Brenda-i nen kan la inthurual zel thei chuan min la tihlim ru ve viau bawk. Nidang ang erawhin ka eng tih mah hi a tui tak tak thei lo thung. Ka sawichhuak thiam lo, thil rit takin min delh ni mai hian ka hria.




Ka pa in office dawr nan Scooty a keng dawn a, a motor tlan loh Ni anih bakah Traffic Jam ah a lo awlsam deuh zawk nen min ṭawm fo mai. Bus chân ka la ngaih avang chuan ka hmanhmawh ru ang reng viau tawh.




Pindan aṭanga ka chhuak tur chiah chu ka phone a rawn ri ṭang a, ka bih nghal thuai a, "Vawiinah inhmu ang. Dâwrah ka lo awm ang," tih zawng a rawn thawn a, "Ka lo tum ange," ka ti thuai a, ka chhuak zui nghal a.




Message rawn ri chu ka en leh vat a, "Rawn kal ang che, ka ngai tawh che," tih zawng Brenda-i chuan a rawn thawn. Ka nui sak a, "Awle Boss" ka ti let vat a. Engtinmah min rawn chhâng tawh lo.




College Gate- bulah Brenda-i chu lo ding in, min lo nuih var var a. Ka bân ka vai khum zauh a, mi hlim thei tih takah a nun chu a la harhvâng vah mai. Inkai rial in kan Class lam kan pan a, "I chhe lo," ka lo ti sap a, a nui hak a, "Ka nalh tulh tulh dawn...ṭan angai alawm," a rawn ti vat a, kan nui dun bâwk bâwk a. "In tâwp hlen ta tak tak em ni?" tîm daiin ka tichhuak a, ka ring tho a; mahse, Lalrosanga'n a zar leh tak tak chuan a khawngaih leh ziah tho.




"Kan inbe zuilo hrim hrim? A duh duh danin awm rawh se, rinnawn leh tumna hi ka nei tawh lo hrim hrim. Ngaiah ka nei tawh," nuih hak pahin a rawn ti liam puat a.




"Ngawi lawk..." ka sawizawm tur ber erawh ka hre leh tawh chuang lo. Ani lah chuan ka sawizawm tur nghakin ngawih a chuh zui reng a.




"Theihtawp chhuahin ṭan la la, a nghei thei mai thei asin, i beidawn san phei chuan a nun chu a nasa leh zual dawn anih chu," inthlahrung ru deuh chungin ka tizui sap a.




A ding chat a, ka bânah a chelh a. "Ṭhiannu...thudik tak ka hrilh ang che. I rilru tihnat ka hlauh em avangin ka ngawi tluan anga, i rawn in tawng harh ve mai ang ka tia; Mahse, a ni lo," tih pahin chiang zetin min en a.




"Dâwt bûr an ni vek...damdawi leh dâwt bak an nunpui lova. Anmahni hma an sial em em a, i nat ngawih ngawihna tur pawh a tih hreh loh hun a awm thuai ang. Chawp leh chilh pawhin i hma ah, i bulah ngei pawh dâwt a sawi zung zung hun a thleng thuai ang. A tana theihtawp i chhuahin awmzia a neih miah loh hun a thleng thuai dawn. Chu hunah chuan i ṭhahnem ngaihna in beidawnna, atana i beihna in lungngaihna, engkim kalsana atana i inpekna in thinrimna thlengin a luah ang che. Chu chu Drugs Addict te nena nunkawng chu a ni," a rawn tihzawm leh a, "Ka sawifiah zawh loh leh i tawnbuak tur thil tam tak a la awm," a rawn tizui leh hmak bawk.




"Ni e, kei ai chuan i hre fe ang" ka ti zâwi sap a.




"Kal ang" tih pahin min pawt zui nghal a. Muangchangin kan inzui phei a, "Dy, ka sawi kha hrereng ang che. I rin ai bakin Drugs Addict zinkawng zawh ve hi a hautak ang," a rawn tizui leh a. Engtinmah ka chhâng lo, ka hmangaih a, hmalam pan turin theihtawp chhuahpui ka duh a, a bak ka rilru ah dah ka duh rih lo. Ka rilru a ka sawhngheh tawh tidanglam turin ka bula an sawi hian awmzia a nei thui lem lo bawk.





Ka rilru hian thil dang a dap hlei thei lo, Zoramsanga bak hian ka rilru a luah thei lo. 'Engtikah nge min rawn biak ang?' tih ngaihtuah ru reng chungin Phone ka bih sek a. Ani lah a reh leh vung vung tawh.




Class chu a hmingin ka awm tluan ve zel hi a ni ngawt a. Ka rilru ah hian a awm hlawl lo. Zoramsanga hi ka tan Zirlaibu chhah tak, phêk tin zirlai har em em a ni ringawt; Mahse, fail erawh ka tum lo. Zirchhuah ngei ka tum nghet sauh sauh thung.




"Tirawh....Canteen ah chawl ang," tih pahin Brenda-i chuan min rawn sâwi nawk a. Ka harh hawkin ka hria..."Ummm..." tih pahin ka tho nghal vat a, "I mak," tih hlak pahin a kalzui nghal a, ngawi rengin ka zui phei ve nghal thuai a.




Ka phone a rawn ri, din dat pahin ka bih nghal thuai a. Nuih sak pahin, "Aw, hello," ka ti nghal vat a, "Ka nghak che" a rawn ti nghal ngut a, "Umm...ka lokal," ka ti nghal a. Brenda-i chuan min lo melh kar reng a, "Ṭhiannu, va kal lawk ang," tih pahin ka kal nghal a, ani pawhin ka sawi hrethiam zetin min zui ve nghal mai bawk a.




Gate kan chhuak chiah chu zawn rei a ngai lo, a piah deuhah chuan Bike chunga ṭhu in min lo en reng a. Rang takin kan pan phei nghal a, uluk lutuk in ka taksa chu a melh chhuak dap, ka lâi leh ringawt tawh! A mitmeng thil ti thei zeta min melh tawh hi chuan tawrh a har ṭhin, "I awmna a rei tawh em?" ka ti nghal sat sat a.




"Ka rawn thleng chiah," a lo ti sup a. "Brenda....kan ṭha maw?" a rawn tihzawm zat a.




Nui hak hak chungin, "Nangni pahnih hi engnge tih tum in neih?" a ti nghal daih thung. Kan in en a, kan nui ringawt, "Ka rawn zui ve zel dawn che u nge ni?" a la rawn tizui tak deuh deuh a.




"Tak tak a, kan chhuak lawk ange," tih pahin Brenda-i chu a nuih var var a. Brenda-i chuan min rawn melh ralh a, "Kan ṭha zel turah ngai ang," awmze nei zetin a rawn tizui a.




Ka lo nuih sak a, "Zanah ka rawn bia ang che," tih pahin Zoramsanga lam chu ka pan hnai nghal a, "Anih Bye u..." tih pahin a nui sen sen a, a kal zui nghal a. Keipawh Bike ah ka lawn zui nghal a, "Ka hman e," tih pahin ka ṭhu ṭha sat sat a.




Ka lo rindan lâwk ang lo takin Studio-lam kan pan miah lo. An In hi ka la lut chiah lo na a, an awmna erawh ka hrechiang a. Chulam pan chuan min kalpui tih pawh ka hria, "Tunge awm?" ka ti hlak a. Engtinmah min chhâng lo. Ka ṭhuthnaih em avangin a taksa danglam chu ka hre thei. A khûr deuh dar dar tih pawh ka hria; Mahse, chu chuan min tinui sak thung. Theihtawpin a la nghei tih ka hria.




An In kan thleng a, kawngka inkalh ka hmuh rual chuan ka thaw huai mai. Ngawi rengin ka zui lut a, an In chhung felfai thlip thlep ka hmuh chu mak ka ti hran lo. Mipa chefel thlip thlep a ni tih ka hria.




Ṭhutthleng a kan ṭhut rual chuan min rawn kuah nghal a, "A mak..mi an lokal ang," ka lo ti vat a. Rang takin a tho a, kawngka a va kalh zui a. A rawn let thuai a, min pawt tho zui nghal zat a. A darah min pu nawlh a nih chu! "Zoramsang" ka tichhuak ṭhat, a nui huk huk duh chauh lehnghal. A hnungzang a chum pah chuan ka nui ve hak hak tho, pen pâwk pâwk in a pindanah min luhpui nghal a.




Khumah chuan min thehthla tîng nawlh a, nui suk in min rawn bawh zui nghal zat. Nui hak hak chungin min khawih ang ang chuan ka awm tawp a ni ber. Ka chungah a rawn bawk a, chiang zetin a mitmeng chu ka en reng a. A taksa khûr ru der der leh a mitmeng fîm kâk ṭhin, reh ru tlat chuan a taksa mamawh tak zawk chu min hriattir chiang viau in ka hria.




A rawn kûn hniam a, duhthawh zetin min rawn fawp a. A lei sa ham ham maiin ka ká chhung a rawn lut a. A rawn hawlkual chiah chu ka nui tawp chiang hle, chhânlet phût ngar in min fawp ngawng ngawng a. A chhânlet na pawh a dawng ṭha kher. Ka thlakhlelh rûk em em reng chu lungawi zetin ka lo kuah nghet ve sauh sauh a.




A kut veilamin a in do khalh a, min delh rih lutuk a hlau tih pawh ka hrethiam mai. A kut dinglam erawh ka dang buai peih lo. Ka kawr chhanah ka hnute a ṭhâm nawk nawk reng a. A hmui lasawnin ka bekah a fawp a, ka nghawngah fawp lehin ka beng a rawn seh pah ner ner a. A thaw lum ham ham te chu ka hrechiang viau bawk, keipawh ka danglam bik chuang lo. Ka thâwk lak a rang in, lum tih vang ni miah lovin a thiltih avang chuan ka sa pup pup a. Ka thaw hak hak te chuan ka chunga a thil tih nghawng chu a hrechiang ve viau ang.




Ka kawr a hlim a, ka hnute ka taksa lâwng a rawn hum hmiah a, a ṭham zui salh bawk. A hmûr chu a hrual niap niap reng a. Hnuai lam lah a awm mai mai lo, a mipatna chuan min rawn nawr salh salh reng a, ka lo thaw leh hak hak ṭhin leh a thaw ri huam huam bak ri dang a awm lo.




Ka thle tawn sek leh ka rûm nghat chuan a tiphûr zual sauh tih ka hria. Ka sir lamah a rawn let phei a. A lam hawiin min kuai saisir thuai a, ka hnute chu a khawih ngaiin a la khawih reng. Ka kut a la a, a kap lamah min dahthlak sak a. Ka ṭang ṭung thung a, a nui huk a, "Min hrem nasat zia hi i hria em?" tih pahin ka hnute chu a ṭham tâwk a, "A na..." tih pahin ka chûm dawt a, a nui hawk hawk a.




A thlan rawn bawl ṭak ṭak chu ka en reng a, "A lum i va ti ve?" tih pahin a hma aia chiang mahin ka en zui reng a.




A mu zangthal a, a thaw hawk a, "Innei tawh ang" a ti nghut a. Muangchangin ka tho a, a chungah chuan ka bawk phei a. A âwmah chuan ka bei hle hle a, "Inneih thuai chu nang aiin ka châk a. Min mamawh bawk," ka ti sap a.




"Tunah pawh ka mamawh che hi.." tih pahin a nui hul huk a.




A bengah chuan ka pawt sawk a, "Mamawh chikhat chauh a awm lo," tih pahin ka nui var var a, "Tuna min mamawh ang pawh hian ka la mamawh viau ang che," ka ti chu min en a, a nui suk a, "Ka induh khum ve thung ang che...lehlam ka hawi anga, ka mu hnâr sûk sûk ang," a rawn ti chu ka nui chhuak hak, "I theih a thu...." tih pahin a hnârah chuan ka piai sak zui hlawk a.




A taksa khûr der der kha a hma aiin a nasa tih ka hria. Ka theihtawpa ka lo zirchian ve tawh avangin a taksa, a thisen zungzâm chuan tun dinhmunah kher chuan kei aiin Damdawi a mamawh tih ka hrechiang takzet; Mahse, amah ngei pawh chuan chung chu thlawhkhûm in a rilru lâkpên a tum nasa hle tih chu a khawsa zia ah chuan ka hmuchiang hle bawk.




Min nem sawn a, a tho nghal vat a, "Min lo hre...thiam...lawk," a ti sehchilh nak mai. Rang takin ka hnaih a, a taksa khûr hlawk hlawk chu ka kuah thuai a. A hma aiin a khûr nasa fe tawh tih ka hria, "Kal rawh...haw rawh..." a rawn ti bung nghut a.




"A teuhlo mai...ka kalsan lovang che. I ti thei," tih pahin a hma aia nghetin ka kuah a. Ka kuahbehna chu engahmah a ngai lo, a tho lawp a. Tukverh chu a hawng sawk sawk a. A thaw chhuak hawk a, tukverhah chuan dâkin a thaw leh kâwk a; Mahse, rei a ni lo. A rawn lêt a, min pawt tho nghal sawk a. "Kal rawh...haw tawh rawh...hetianga ka awm lai hi min hmu turin ka duh lo che," tih pahin pindan aṭang chuan min nawrchhuak nawk nawk a.




Rang takin pindan kawngka a kalh a, a ṭhu hnawk tih chu ka hria. Ka mittui ka dang zo lo, a rawn luang zawih zawih a. "Ramsang...khawngaihin hawng rawh," tih pahin kawngka chu ka chûm zui a. A thaw ri huam huam bâk erawh hriattur a awm lo, "Ramsang....khawngaihin..." tih pahin ka ṭhingṭhi hnawk a. Ka rilru chhungrilah ṭawngṭai duhna ka nei a. Mahse, engmah chham tur ka hre silo.




Ka phone phawrhin ka ngaithla vang vang a, "Bs...phone la teh...la teh...ka mamawh che,khawngaih in," ka ti pah mawlh mawlh a; Mahse, ka tihnawn ngial pawhin a ngai rengin chhânna ka dawng lo.




Kawngka kalhna rawn ri rak ka hriat rual chuan ka tho thuai a. Rang takin ka lut zui nghal a. Kilkhatah chuan a lo ṭhu thlan hluam a. A khur hlawk hlawk bawk a, a meng sen rûm a, thlan in a bual huh zûih bawk. Ka ṭhutchilh nghal thuai a, "Tirawh..Khumah mu rawh," tih pahin a bânah chuan ka chelh a,ka phu zawk nghal. A bân chu a lo seh val kulh a, a thi ser ser bawk. Chu thil chuan min ti khûr a, ka na vawng vawng.




"Dy...min hawsan rawh..min kalsan tawh rawh...ka thei lo," a rawn ti thâm ṭuak a. Min en lova, a insâwi hluau hluau reng a. A biangah ka dawm a, "I tuarchhuak ṭep...i ti thei tih ka hria. Mipa ah pawh mipa diktak, ka innghahna i nih hi..." tih pahin ka fuih pah sauh sauh a. A hmaa ka pawhna a ṭang ṭun ang kha a ni tawh lo, a rawn tho zui nghal a.




Khumah chuan muttir ka tum a; Mahse, a duh tlat lo. Nachhawkna a kawl leh kawl loh ka zawt a. Ngawi rengin min kawhhmuh thuai a. Ka pan vat a, a damdawi dahna chu ka hâi rawk rawk a. Tui ka ban leh thuai a, damdawi chu ka pe nghal a. Damdawi a ei lai chuan ka Phone chu a rawn ri a, rang takin ka en thuai a. Bs-a tih ka hriat rual chuan ka reject-nghal.




"I chhungte em ni?" a rawn ti sup a. Zawhna dang a piang tam mai mai ang tih ka hlauh avangin ka bu nghat a. "Tlem ka Lu hi nuam deuh se, ka thlah dawn che nia," a rawn tizui sup a.




"A harsa ang tih ka hria. Mi tam tak an lo beidawng tawh ṭhin a; Mahse, nang chu i ni ve lo. Itan chauh a bei lova ka tan leh kan hmalam hun atan thleng a i beih vang aniang," tih pahin a kut chu ka khâl niap niap a.




"Ka kiangah awm reng ang che," a rawn ti nghut a. "I rin phâk bâkin ka mamawh che," a rawn ti leh chu ka lo nui sak a, hnukulh ṭun in ka en tlawk tlawk a.




"Ka kalsan ngai lovang che. Kan sualchhuak ṭep tawh ania," ka tihlai chuan ka kut chu a lo hmer nghet salh.




Bs-a min rawn biak tuma ka dah rual khan ka silent zui nghal kha ania. Sana ka en zauh a, dar 4 a lo ri tawh. Ka phone phawrhin ka en vat a, ka chhungte'n min rawn biak an tum tih chu ka hre nghal. Ka thin a phu dat dat a. Message lo awm vâng chu ka bih nghal a, "Lalruatfel,khawnge i awm? Rawn haw nghal rawh," ka u Jo-a message chuan min ti zâm zual.




"Engnge? Thil diklo a awm em ni?" tih pahin chiang zetin min en a. Ka nui lui sak a, "Aih, awm love," ka ti tak na a, ka mitmeng leh chezia a thil man chak em em hian min ring dawn lo tih pawh ka hai chuang hek lo.




A tho a, "Ka in phihfai lawk ange," tih pahin Bathroom lam a pan a. Ka phone chu ka thâikual sek a, ka tawt up up ni mai hian ka hria. A rawn chhuak leh thuai a, a thawmhnaw a thlak a. Ka mitsir in ka melh zauh a. A pian nalh zia chu ka hmuchiang hman em em tho. A taksa inkhaithli zaih te chu ennawn loh har tak a ni. A hmel dânglap erawhin min ti chau vek thei.




"Tirawh le..." tih pahin a kut a rawn phar a, ka lo ban thuai a. Hnehsawh zetin min kaitho zui lawp a. Nget zetin min kuah a, "Keimah vangin harsatna i tawk dawn chauh m. Min tlansan nal nal duh anih pawhin ka dem dawn hlek lo che ania," tih pahin ka mitah chiang zetin a en kal a.




"Ka sawi tam tawh tawk viau lo'm ni? I kiangah ka awm reng ang," tih pahin a hmuiah chuan ka fawp zauh a. Duhthawh zetin min fawp let nghal zat a. "A tawk..." tih pahin ka thaw hawk a. Nui sak chungin, "In khêk ve ṭhin teh," ka ti fiamthu zui zat a. "A tlai tawh, kal ang," ka tizui a.




Kan kaltirh aṭanga ka rilru a zawhna awm reng chu, "Ka nu, ka chhuak leh lawk ania," a rawn tih chuan eng emaw chen chu chhânna min pe. Engmah phei chu ka zawt zui duh chuang lo.




Ka theihtawpin ka fuih mawlh mawlh reng a. Thil awmzia hrethiam chak lutuk anih avangin kan Chhungkaw boruak tur pawh a man thiam leh vek tawh dawn tih ka hria. A tana ka din tlat tur thu te, a lama ka ṭan tlat tur thu te chu ka hrilh mawlh mawlh reng a. Engtinmah min chhâng lo mah se a theih ang angin zawm a tum leh dawn tih ka hria.




In kan thleng a, ka mit ka lên ruai a; Mahse, tu hmel mah ka hmulo chu ka thaw huai mai. "Anih phawt aw? Zanah ka rawn bia ang che," tih sap pahin ka nuih sak a.




"Awle...ka chhuk ange" tih pahin min nuih suk a. "Anih aw..." tih pahin a Bike a tinung nghal a.




"Lalruatfel...." ti fiak ṭhat lam chu kan enrual ṭhawt a. U Jo-a hmelah chuan pawisak hmel hmuh tur a awm miah lo chu hmuh hrehawm ka ti takzet. Rang takin Zoramsanga hmel chu ka en leh a, a hmelah chuan zâmna ka hmu lova. Engkim hmachhawn huam hmel bak ka hmu lo. Kei erawh hlauhthawnna in min man a, ka tiril khûr ru der der nen ka lo melh ve ngar a.




"Lalruatfel...lut rawh," tih pahin min rawn pawt sawk a. Ka nu leh pa rawn tlanchhuak rawk rawk chu ka lo melh khiau a, "Engvanga ka farnu hi rawn hnaih lui reng nge i nih? Ṭawngka in a daih loh hun a thleng mai ang, i nihna hre rawh," a ti vîn ṭhat chuan min chhu nghing lawih in ka hria.




Ka nu chuan ka kutah a rawn chelh a, rang takin ka thingtla thuai a. Ka pa erawh Zoramsanga te lam panin a kal tlang phei thung. "Hre rawh...nang Drug Addict leh he Inchhung hian inzawmna an nei ngai lovang," a tih lai chuan ka en ngar a. Zoramsanga chuan engtinmah a chhâng lova, chiang zetin ka u Jo-a chu a en ngar reng thung. Chu chuan min ti hlauthawng zual sawt thung.




"Mama, a tawk...phei rawh" tih ṭhat pahin ka pa chuan a din hnaih zual sauh a. U Jo-a rawn phei hmel dur khuih chu en kânin Zoramsanga hmel, thinrim lutuk inthup hmel chu ka en ngawih ngawih thung a.




"Lut rawh..." tih pahin min rawn nem nawk a. Thinrimna zawng zawng hi keimahah hian a rawn luanglut vek ni mai hian ka hria. Ka luh hma in ka hawi lêt zawk a, ka pa in ṭawng mawlh mawlh paha Kutzungchal a hmuh vâng chu ka hmu hman. U Jo-a chuan min nawrlut dawt dawt a.





Ka rilru ah thil pakhat chiah a awm... "In rin ang leh duhdan ang chuan min dah emaw chu, ka ngaihdan pêl ṭhakin min nawr suh u" ka ti rilru mawlh mawlh a.





(to be continue....)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)