TRUE LOVE BY Tom Tom Putar-a (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

TRUE LOVE BY Tom Tom Putar-a (Completed)

Unread post by Ngaia » November 6th, 2022, 6:55 pm

gcplgc4h.jpg


#PROLOGUE
Pawn lama a ṭhianpa ding chu a tlu zawi hnawk tih chu ka hmu hman. Rang takin a tawlhphei a, a chhuak zui nghal a. Keipawhin kawngkhar chu ka hawng thuai a. Ka chhuak zui ve nghal vat a, Andrew-a ṭhianpa lo tlu bawkkhup chu ka hmu nghal thuai a. "Awii...ka nu..." ka tichhuak ṭhawt a.
"Hmeichhe âwmnêm zawk duh lo chung man beh kha a pa viau lo ania" titu chu ka en thuai a, Bike êng in a chhun avangin ka hmuchiang hle. Zoramsanga!!!
🩸🩸🩸🩸🩸🩸🩸🩸🩸🩸🩸🩸
"Min thlah rawh" tih pahin rum zetin ka melh hrâwk a. "Ka zawhna che ila chhâng lovin ka hria. Mipa zawhna chhâng duhlo vel tur khawpa hmeichhe mawl ni suh" tih pahin a nui huk a. Ka chek tlak tlak a, "Min thlah rawh, ka sawi nawn tam lovang" tih pahin ka tâl chân chân a. "FIR thehluh i tum leh palh riau riau ange" tih pahin min thlah a, a inher zui nghal vut a.
"Ding teh" ka ti vîn ṭhat a, a ding nghal chawt a. Muangchangin a rawn inher a, "Ka chhânna hre duh in a ni lo'm ni i khawmuan?" ka lo ti hlak a. Engtinmah min chhâng lova, a bu nghut ringawt a. "Ka duh lo che ni rawh se. Nang ai chuan kan ṭhenawmte Ui lian chi, khawvel thil ri zawng zawnga ka nin tlaivar fo ṭhin pawh saw ka duh zawk ta ve ang" ka ti zui erh a.
💊💊💊💊💊💊💊💊💊💊💊💊
A khûr hlawk hlawk a, a chil awm hlei lo chu a chhâk pharh pharh bawk a. A kamsir phuan var liai chuan a kuta a Syringe ken khurh der der a mamawh zia chu a tarlang chiang viau bawk. "I thu ania, ka dang lovang che. Vawi tam kan inhrilh tawh, ka thusawi in i laka awmzia a neih loh zia pawh ka hrechiang viau bawk" ka sawi zawng pawh chuan ka ṭah a chhuak; mahse, ka chak lohna lantir chu a laka ka thuh rûk tur lian tak a nih pawh ka hria.
Min rawn en reng a, chulai hmun kâwm ṭawphnawk zingah chuan kan in enchiang dun hle bawk. A mitmeng a hriatthiam dilna chu ka hmuh hmaih luih a ngai tih chu ka hrechiang viau mai. "Bawih...tun ṭum chiah tak tak....khawngaihin?" a ti hniam ruih a.
Ka ding a, chiang takin ka en kal reng tho a. "Ka hmangaihna che aiin he ruihhlo hi i thlang tlat dawn anih chuan rilru na tawpkhawk chungin ka kal ange. Ka rawn kir tawh ngai lovang. Mahse, hei hian nge keiin hmangaih zawk che i lo in zawt nawn dawn nia" tih pahin ka hawisawn a. A ṭhu kun ngal a, ka mittui ka khap per sak a.



TRUE LOVE
Chap~1


By : Tom Tom Putara






Taxi rawn tlan chho mek chu an khah tawh leh tawh loh hriat tum tak, beisei nei sâng lutuk tawh si lovin ka lo thlêk leh vâng vâng a, tumah an rawn chuang tawh lo hlauh e. Ka bul zâwn a rawn thlen hma deuh chuan tîm dai chungin ka lo hûi zauh a, mahse a khalhtu Lu thing ka hmuh rual chuan ka lo beisei em em chu a thlâwn chiang hle tih ka hrethiam nghal.





Tleirawl chhuak tir hlawt, thil holam tê pawha zak mai ṭhin tan chuan ka sen deuh ap ap tawh pawh chu ka demawm hran bik miah lo ania. A zahthlak ve mai zia chu a! Taxi pasarih zak deuhin ka hûi tawh. Scooty -ka ngen nasat lai te ka hrechhuak thar a, tun hun atan hian anih hi khati taka ka lo ngen chiam chiam ni, ka thil ngen kha a ṭul loh zia leh a ṭangkai loh zia min sawikhum tak hrep hlawm a, chhân ngaihna ka hre vak lova, ka hmuchhuak ta chiah e. Vawiin tlai aṭangin ka ngên ṭha leh ngat ang.





Ka phone chu ka bih nawn leh a, dar zat ka hmuh rual chuan ka hmanhmawh zual sauh bawk. Taxi rawn tlan apiang an rawn inhnawh khat ṭhap zel tho si, khawia kal tur nge maw an nih zozai ni? A rûkin ka thinrim tihngaihna hre silo chu ka insawh tau ru nghawng nghawng tawh.





Ka bula Bike rawn ding chu ka melh zawk a. Ka hmelhriat ni pawhin ka hre lo bawk a, ka ngaihsak zui lem lo. Phone bawk chu ka thlêk zui zat a. Dar 11 a ri ṭêp,ka hmanhmawh tawh. Ka hmanhmawh zia hria sela chuan min hnawh lui hrim hrim ang. Taxi tlan liam mek chu ka melh zui ngheng a.




"Daisy...khawiahnge i kal dawn?," rawn titu chu rang takin ka melh nghal vat a. A ngaihna hre vak lo tak chungin. "Chhuah lawk ka tum a," ka ti ringawt. "Lokal rawh, keipawh ka chhuak chho dawn alawm" rawn ti vat tu chu melh leh zauh pahin, "Aaaa...a ngai lo mai, ka lawm" ka ti bah deuh nak a. "Lokal rawh, taxi avang asin" a rawn tih leh deuh sek sek takah chuan, "Ka lawm e aw?" ka ti ve ta ngawt a. Min melh uluk viau leh nghal a. Ka taksa pum chu a melh chhuak hman vek ni mai hian ka hria a, ka ngei ru viau na a, ngei hman ka ni tawh dêr bawk silo. Ka hmanhmawh tawh, kal thuai thuai ka duh.





A lehlam ngaihtuah chuan tlangval fel deuh anih dawn hi, chubakah min hre thlap bawk a. Mi hre thei deuh a ni ngei ngei ang. Nge, ka Taxi phar dê dê kha ralkhat aṭangin min lo thlir reng tawh zawk anga, min khawngaihin min rawn pan zawk nge maw'n le? Mahse, engtinnge ka hminga min rawn koh nalh theih si? Ka zak leh si e,min lo hmu reng a ni ngei ngei ang. Bike hnunga ka ṭhut rem sat sat lai chuan min tlanpui nghal vâwk nia. Ka va ngei reuh tak, ka eu deuh dârh a. Ka ngei rûk sa nak a laiin ka sik nawk nawk châk.





"Khawiahnge i kal dawn?" tih pahin min tlan chhoh pui vâwk vâwk a. "A...ih...ka ṭhiannu nen Bazar ah inhmuh lawk kan tum a?" ka ti deuh nawk nawk a. "Daisy...min va hriat loh hmel ve?"a rawn tih zui phei chuan min ti zam zual hle a. "Hrechiah lo," ka ti thla ngawt a; Mahse, a va rimtui chiang tak. Ka hnâr ka lên vang vang a, a hawihhawm in a fel ka tih mai bakah a rimtui ka ti in a rim chu a mipa khawp mai.




"I u Johny-a te nen hian kan inkawm ve zauh zauh ṭhin a. Ka hre lutuk che alawm"



"Anih chu..."



"Ka nau Muantei te nen in inhre zawk mai thei,"a rawn tih pawh chuan tu Muantei nge ni ang? Muantei tih ngawt te chuan engtinnge ka hriat ngawt bik ang? Amah hi ka hmuh hnu a ang riau chuan ka hria a. Mahse, a nau hming a sawi Muantei pawh chu ka hre ta chuang lo.




"Muantei u Zoramsanga" a rawn tih zawm ngial pawh chuan ka bo dan a la ngai reng.



"Ummm...anih chu" ka ti ve tho tak na a, ka rilru erawh in 'Muantei u Zoramsanga' chu a la ngaihtuah ngat ngat a, ka ngaihtuah chhuak zo ngang silo. A hma in ka tan a la pawimawh ngai miah lo te pawh a ni mahna.




"I u Johny-a kha phai lamah a la awm em ni? Ka hmu khât riau a. Chubakah, phone number-ka thlak aṭang khan tu number mah hi ka nei hlawm tawh lova "a rawn tih leh mawlh mawlh lai pawh chuan, 'Zoramsanga.... Zoramsanga.... Muantei...Muantei...'ka lo la ti rilru mawlh mawlh a. Tlangval rimtui-a zawhna min pek erawh ka hre nual tho.



"A...umm...la awm e" bah nakin ka ti leh a.



Zoramsanga nui huk huk chuan min ti zâm zual sauh bawk a. "Anih chu,"ti ringawta min rawn tih leh hnu phei chuan nuam lo ti rilru deuh siin ka awmdan chu lâi deuh hû in ka ṭhutdan chu ka siam rem deuh satliah ngawt bawk a.





"MC- kawtah hian em ni i chhuk mai ang?" min rawn ti teh deuh thut a. "Aw" ka lo ti rang kher mai.




Muangchangin a ding a, ka chhuk lai chu min lo thlêk deuh hâ a. "Ka lawm e aw," tih pahin min lo nuih suk zui. Keimah zawkin a ni lawm ni lawmthu sawi tur? Ka ngei lek kek mai,a khawsa zia hi ka tei thei dawn ṭhak lo. Han chhân loh ngawt chu dikin ka hre si lova, "Aw le...keipawh le" ka ti lêt nghat a, Uluk fahrana min melh chung in a bu nghut a.





"Remchangah kan la inhmu leh ang chu" tih pahin min kiai khum suk a, a han inla nui mawi vel chu ka ril rem zawng a ni love; Mahse, a hmel erawh a ṭha ka tih em em chi a ni tlat thung. A mitmeng fîm leh fiak kâk si kha mawi ka ti takzet bawk;Mahse, ka rilru tê tê a ka lo ngaihdan ve chu a hre lo bawk a, a ngai pawimawh lo bawk tih hriat takin kawngpui lam a melh zawk zawk a, a dawk chhuak zui nghal zat a.





"Hmmm....i chimawm em mai a," tih pahin ka ṭhiannu te dâwr awmna Bazar chhûng lam pan chuan ka chhukthla zui ve nghal a. Ka ṭhiannu te chu an dawr awmna lai te phone chuan ka zâwt zui zung zung a. Ka zawng hmu zui ve mai bawk e.




" Hey..ka rawn tlai chhe viau em?" tih nghal bawrh bawrh pahin ka ṭhiannu Zothani bulah chuan ṭhutna ka rem nghal a.




"I rei lutuk a....'rawn kal lo tawp rawh' ka rawn ti ṭep alawm" a lo ti deuh hmak a.




"Ka vanduai zia....Taxi ka phar apiang an khat zel bawk sia" ka tih laiin ṭhiani chuan nui hak chungin, "I zak vel awm bawk sia," a lo ti vat a.




"Ka thin a rim hman lutuk a. Mahse, ka û ṭhianpa a rawn tlan hlauh a" ka tih lai chuan Zothani chuan, "Enteh Dy" tih pahin a phone a mipa thlalak chu phûr takin min entir vat a. Ka phu deuh dawrhin ka in hria. Mahse, ka inthup hram hram chuan ka inhre bawk. Ka awmdan chu ka ṭhiannu chuan a hre lo niin ka hria, ka va han lawm chiang tak. 'Zoramsanga' phunchhuak si lovin ka thinlung chhungril ah ka inhrilh mawlh mawlh thung a. "Tunge?," tih pahin ka vawikhat hmuhna ni awm takin ka hmel awmdan zawng zawng nen ka khawsa zui a. Phûr tih hriat tak hian."Niminah ka ṭhiannu in a rawn hruai a,"a lo ti vat a, a mit min lo sân khum âk âk bawk.




"Dawr ah hian maw?" ka tih lai chuan mit sân âk pahin min lo bûk khum leh nghat a. "Chuan...engtin?" ka ti zui zat a.




"Ka chhuah dawn lo" nui rah rah chungin a rawn ti leh a. Thawveng ve mai sia aw..... Zothani hi kan inhriatna a la rei lova. A ṭawng duh a, engto em em a nei lem lovin ka hria. A mizia chhungril ber erawh ka la hre bik lo. Tunah pawh hian amah zawkin an dâwr ah hian leng turin min sawm a, ka hman lo chung chung ka va lêng ve hram chauh a ni. Chubakah, tumah hi ka ring chhe nghal ngai lo. Mahse, ka rin loh tawh erawh chuan ka ring leh mai mai ngai lo thung.




"Chuan...engtin?" hre chak deuh reuh tho si chuan ka ti a. Ka message dawn ho ka check pah ve zung zung bawk a.




"Engmah chu a la awm lo. Mahse, kan awmtir ang" nuih har har pah chuan a ti zui leh a. "A ho em mai," ti zui leh zatin a Make up- lei thar te chu a phawrh leh nghal mawlh mawlh a. Ka ensak den den a. Make up- hmang nasa ka nih lem loh avangin ka awh em em pawh chu ka hre lem hlei lova. Tin, hetiang incheina ṭul bak bak kawl ṭeuh tur lei nan pawisa ka ui riau ṭhin. Ani pawh hian a hmang seng dawn lo chiang lutuk.




" Engtinnge ka Birthday chu kan lawm dawn? Khawilai hmun emaw nuam deuh a lawm chu a chakawm viau na a, nikum khan ka che chhe lutuk a. Ka chhungte ka dil ngam chiah tawh lova," thutak fe hian a rawn tih zawm leh nghal daih a.




"Zan lamah phei chuan an phal dawn lo sa," ka nu leh pa in min la khuahkhirh zia chu ka sawi pah zui niap niap a.




Hetia ka rilru a awm ang ang sawia ka rîk phawng phawng avang hian ka upa zek tawhah te min lo ngai tawk te in awm ang tih ka hlau leh hnuhnawh ta riau mai. Chutihrualin, khungbeh rual lek leh vên a, en thlithlai ngai reng hmeichhe naupang erawh ka ni bik lo ve tlat.





Pu Lalchhuanmawia leh Pi Lalnunpari te fanu neihchhun, tlai khaw hnua an neih leh ka ni a. Kum 18 na ka hmang ve ṭan chiah a ni. Ka pa hi First Class Contractor niin, Sawrkar lamah hotu hmelhriat a ngahin duhsaktu a hmu thei a. Tin, hna a thawk ṭha viau bawk a. Hna pawh a hmu lian ṭhin in a âwl ngai meuh lo. Ka nu erawh Middle School ah zirtirtu ni thung. Ka u te pahnih Timothy Lalhruaizela leh kan upa ber Johny Lalrinzuala te erawh Delhi lamah zirna avangin an awm bo thung a. An fanu neihchhun, keh thei dawma an dawm ka nih avangin ka kalna, engnge ka tih a tunge ka kawm thlengin ka pa hian a chhui zui a ni ber in ka hria.




"Hello...pa..," ka ṭhiannu chuan a bialpa hlui chhiatloh zia, zei zia a sawi siam siam lai a ni a. Ka ngaithla lo tur chu ngai ngam lovin min lo melh ralh a, ka hmu reng. Duh leh nakinah min hrilh leh mai rawh se. "Aw...ka hre thei"ka ti zui leh zat a. "Aw...awle.."tih zui mawlh mawlh pah chuan ka tûm deuh bûr a. "Aw....anih leh aw?," dah pah chuan ka ner deuh sawk bawk a.




Zothani chuan."Haw tura order-lam ava nih hmel ve? Ka paltlang hnu," nuih hak hak pahin a lo ti nghal vat a.




Bûk nghat pahin."I sawi dik, 'Dar 2 hmain rawn haw rawh' a tih leh tawh kha. A zin chhuah loh lai leh hnathawh buai a neih lova, In lama a awm hi chuan khawiah emaw chhungkua a kal chhuah hi nuam a ti ṭhin a," ka ti zui nang nang a. Tunah pawh ka patea te In sak thar kan la lawmpui loh thu a rawn sawi leh hmasak ber tawh kha.





Zothani chuan nuih hak hak pahin. "Pa fel tak i nei anih chu, lawm hle ta che. Chhungte'n min ngaihtuah loh te'n min ngaihtuahtu tur an awm nang. Chubakah nu leh pa min ngai deuh tu an awm hi a nuam zawk,"a lo ti liam deuh puat a. A sawi chu a dikna chen pawh a tam ang; Mahse...





Ṭhiannu pawh a thawmhnaw zawrh a changkang in thil nalh, ṭhalai leh nu leh pa ni tawh tan pawha nalh tho si a hrethiam viau bawk a. A zuar nalh in a tunlai bawk a, dâwrtu a hmu thei viau mai. Tin, a ṭawng duh a, a che a zei bawk a. A lo lâwm thiam em mai a, duh aiin an en kual rei in an leisak zel ni maiin ka hria.





Ka rilru ah 'Zoramsanga' tih bawk a rawn lut a. Bike a min phurh dawn lai leh ka chhuk thleng pawh khan ngun takin min en a, a hmel chu ka hrechiang nasa. Ka ṭhiannu Zothani'n thlalak min hmuh tir kha min phurtu Zoramsanga kha a ni chiang tih pawh ka hai chuang si lo. Tlangval hmelṭha tak, palian leh inphut mawi tak,a hmel ah khan naupang chhe zawk zawk tawh lo ani tih pawh ka hmuchiang nawn hle bawk.





"Eitur ka va Order- lawk ange aw? Helai mai hi ania, ka rei dawn lo," amah dawrtute kal liam hnu in Zothani chuan a rawn ti lâr lâr a. Ka ril a ṭâm rûk deuh tawh avangin ka bu deuh nghat a. Ka phone chu hmet hawngin Whatsapp message rawn thleng ho chu ka enkual mawlh mawlh a. Message rawn ri tlang chu ka tuai nghal puat a. Ka hne lutuk. Lalmuankima, kan In thlang deuh lawk a mi, Kei aiin tlemin a upa hret. Min rawn be peih lutuk hi ka ning ru ngawih ngawih. "Ka ning...mi rawn be ve ziah" ka ti chhuak hial a. Midang ka ṭawng hre pha an awm leh awm loh ka zawngkual ru nghal dê dê thung.





"Thil ka lo en lawk duh a.." rawn titu chu ka melh nghal zawk a. Kan phu dun ve ve ni ber hian ka hre nghe nghe. Ka ân hlak kha chu a rawn hriat hman pawh ka ring lem lo. A hmel lam zawk, nachin deuh lawk a mi ngei kha.





"Nang..hetah....????"amah Zoramsanga pawh chuan min hmu leh thut chu mak a ti ve ngang tho ania nge. "Aw" aw lai deuh lek lek hian ka lo ti ve vat bawk a.




"E...i rawn thleng tawh maw?"tih pahin Zothani chuan a rawn be nghal bawrh bawrh a. "Ka rawn order kêp nghal che. Ka rawn thleng ṭep kha i ti tho sia"tih pahin a rawn nuih nghal var var a, an lo va in nel ru tawh awm ve maw le.





Zoramsanga chuan ka bul lawka ṭhut pahin, "Daisy te nen hian in lo in hria a ni maw?," a rawn ti ta! A thil rawn sawichhuah chu a hun lo ka ti takzet,Ka khûr ru der derin ka in hria. Ka thlen tirha a thlalak min hmuh khan engatinge min rawn phurtu a nih ka hrilh mai loh? Chawp leh chilha man chhuah ka ni dawn ta ngei tih pawh ka hai lo. Ka lo thaw deuh dêp dêp a.





Ka hlauhthawn ruk ang ngei maiin ka ṭhiannu Zothani chuan mak tih hmel lek lek a min melh reng pah chuan, "In lo inhre zawk..."a tih lai takin Zoramsanga chuan, "Amah chuan min hre lova, keimah hian ka hria a. Kan veng a in ang alawm," a lo ti leh nghal zung zung a. Zothani nen chuan a rûkin kan thaw huai ve ve tih kan inhre der bawk si lo.





Ṭhiannu Zothani erawh in hun rei tak in hre tawh ang hrimin a be nghal bawrh bawrh thei zel mai a, a mizia ang hi ka awt ve ngawt mai, in la mengmawi no kual kawi takin a melh leh ralh ṭhin. Ka mizia nen a inmil ve ṭhak lo. Nimin lawka inhria an nih thu kha a sawi a ni lo'm ni?





"Daisy chu be tu a ngah awm bik mange aw," tih pahin ngawi renga ka phone bih lai chu Zoramsanga chuan nui hul hak hian min rawn en reng a.




"Aih...chutiang lam pawh a ni lo..ih...englo..ka ṭhiannu maw le,"tih bah deuh nak pahin ka nui lui sak a. Ka hmelhriat em em a ni lova, engnge ka sawipui ve luam ang? Tin, a lerh riau a hriatna ka nei tlat. Ka hnaih duh tur chi mipa a ni lo, ṭhian ang pawhin.





Zothani chuan, "Engtinnge Kimkimi te nen khan in inhriat teh daih a? Awi...kan inhmuh loh na rei tawh zia chu.. Nimin pawh khan ka lo hai ṭep alawm. Kan vengah khan an awm char char bakah kan inkâwm ve zauh zauh ṭhin a. A hnua an insawn hnu kha chuan kan inhmu zui ta miah lova"tih pahin a thawmhnaw zawrh te chu a bâng fel zui mawlh mawlh a.





Zothani zawhna chhang chuang lo chuan. "Zothan...Cigarette-ka zu ru lawk dawn ania," a rawn ti zauh a. Phalna pawh a hmuh hma hauh chuan a lo inphawrh fel diam tawh bawk.




"Ummm...mahse, thukru deuh la aw?" Zothani'n a tih lai mek chuan a lo si vang vang hman tawh. Zothani bawk chuan, "Kimkimi kha chu a fel ve teh ania aw?" nuih hak pahin a ti zui leh zat a.





"Kimkimi maw? Ka cousin a lawm,a bula awm a nuam ania. Engto a nei vak bik lova" a lo ti lêt nghut a. "Daisy chu i va induh bik ve? Ṭawng ve bawrh bawrh rawh," min rawn tih zui pahin a Cigarette-zuk chu a si zui leh vang vang a. Ka ning tei vet mange, ka ṭhiannu Brenda-i nen kan inbiak tui tehreng nen. Chhân loh erawh a fuh bik chiah lo. Ka nui lui sak a. "In ṭawng ka lo ngaithla alawm," ka lo ti ve mai bawk a.


Ka hriat ve zawng leh ka lo zawm ve theih tur a nih loh bakah,ka nel lo in a mi uap a na ka ti. A aw thum leh fiah tak mipa aw atana inhmeh bik em em erawh chu ngaihthlak nuam ka lo ti ru viau thung. Zothani lah chuan chhuah tum lo tih hriat zet in nelawm thei ang ber in a nuih har har reng a,min hrechang tawh vak lo ni ber in ka hre tawh.




Ka phone rawn ri chu rang takin ka en vat a. "Aw hello..." hmui hup deuh chungin ka ti thâwp sat a. Ka nu in. "Naute....in rawn haw dawn tawh em?," a rawn tihdan ah chuan Inchhungah ka pa in haw har min tih thu a sawi leh sek tawh a ni ngei ang.




"Aw...ka lo haw hman dawn chiah," ka ti zui vat a. "I pa in chhuah lawk a ti deuh a, kan nghak che ania," a rawn ti nghal rêng a. "Aw...aw le..," tih pahin ka phone chu ka dah zui nghal a. "Lo inkâwm mai rawh u. Ka nu in min rawn phone a, ka patea te In ah lên an ti deuh a. Ka patea te chhungin In an sa thar ve a, kan va la lawmpui miah lova," ka ti nghal zung zung a. Dinchhuah zui pahin ka bag ah chu ka ban zui nghal bawk a.




Zothani chuan. "I la lengrei lo viau na a, remchang dang a la awm leh mai ang chu," min nuih sen sen pahin a lo ti vat a. Haw tawh mahila pawi a ti em em lovang tih chu ka man thiam ve tho.





Rang takin Zoramsanga chuan, "Kan haw rual dawn nia" tih pahin min lo melh zawk a. "Taxi i phar rei leh viau tho ang" nuih hul hak pahin a rawn la ti zui. Ka duh leh nileng pawhin ka phar ang, ani lo sawi ve tur pakhatmah a awm lo.





Rang fahran hian. "A...a ho lutuk. Keimahin ka haw thei," ka lo ti deuh ngat a. "Kei chu ka leng rei tawh alawm, i rawn kal ve chauh a, lo la inkâwm rawh u," ka ti zui leh kher bawk a.





"Kan haw rual dawn nia. Hei hi ka zu zo anga ka hman a ni mai" ka chhân lêtna ngai pawimawh lo zetin a Cigarette-zuk lai chu a fawp zui tâwk tâwk a. Zothani erawh a nui tawi hle thung. "Nia, in haw rual thei tak ang chu,"a lo ti ringawt a, ka melh zeuh chhung reilo te ah pawh a lungawi vaklo hmel chu ka chhiar thiamin ka hria.





"Kal ila" tih pahin a Helmet- chu a ban zui ta nghal mai bawk si a. "Anih Zothan" tih zui pahin kan inzui chhuak chu a ni nghal deuh mai a. Hmel hlim pu hram hram chungin. "Anih ule" a lo ti hlak a. "Kha in inhmeh phian dawn kha" thikna mitmeng thup hram hram chungin a rawn ti zui leh deuh kher bawk. Lungawi vak lova melh kâwk pahin. "I chhe lutuk" ka lo ti lêt hlak a. Zoramsanga erawh a lo nui huk ringawt thung.





"Kan In thleng chu a ngailo ania aw?," ka ti lawk sa thlap. "Zothani nen khan in lo in hria a ni maw?" a rawn ti daih thung a.




"Hria ti ila kan inhriatna a la reilo" a rawn ṭawng leh hma chuan. "Tun pawh kha an dâwr ka vawikhat lên na," ka ti zui nghal zung zung a. Zothani nen khan ṭhian inkawm, mizia, duhzawng leh ngainat zawng in ang takah min ngai ang tih te chu engvanga hlau ru ngawt nge ma ka nih le??.kan mizia a in let thawk tih ka hre nghal vek. Kan inhmelhriatna a la rei vak lova. Mahse, mi mizia man chak tak ka ni tlat. Mipa lo chu sawi tur a hre vak lova, incheina lam leh pawisa a buaipui em em tih pawh ka hrechiang hman viau tawh bawk. Ani ang khan min chhaih kual vel kha a tum ngawt ange, khatiang mi ka ni lo nasa.





A tlan muang hran lo bawk a, hlau ru deuh chungin kan Veng chu kan tlan thleng chu a ni leh dêr tawh a. Ka hmelhriat sa, ka ngam deuh chu nise kawngah khan ka ṭhâm phei nasa viau ang. Vawikhat ka ṭhiannu in min tlukpui tawh a, Thla hnih chhung zet ka bâi phah tawh a, tlan chak hi ka ngaina lo nasa mai.





"A fel hmel khawp kha," a rawn tih sup lai chuan, "Aw.. U Sang....khatah khan ding rawh" ka ti bah deuh niaih a. Kawngsira din pahin, "U Sang" nui hul hakin a lo ti nawn ve kher zui. Ka meng buai deuh nghâl nak a.





"Engnge i hming a ni lo em ni?" ka ti liam satliah puat a. Mawl biak tawp a dik bik lova, en reng reng pawhin kan upa ber nen an inrual tawk dawn tih ka hre ve vek. Rualpui koh chi a nilo tih pawh ka hai lo, û anga ka biak mai loh ten. "I number min lo pe ve la, i phal chuan?" nui suk chungin a rawn ti a.





Awmdan tur ka thiam lova, ka din dan zawng zawng nen ka che buai nuaih tih chu a hmuchiang em em ang;Mahse, engmah a sawichhuak lova, ka number chu ka hrilh ang nge hrilh lo ang? Hmaichhana min dil a ni bawk si, chhuanlam tur a vang ropui mai bawk si a, ka hrilh ta nge nge a, a phone ah a chhu lût mawlh mawlh a.





"I u chu lo hrilh rawh aw. Anih phawt le," tih pahin a Bike chu a tinung a. "Aw le," ka ti thla ve ngawt bawk a. A tlan liam tur chu ka melh zui zauh a, "Mipa lêrh tak i nih dawn kha" tûm deuh hmak in ka tih zui deuh sak kha!! Ka sawi sual pawh ka ring nek love.






In ka lut chiah chu ka nu leh pa lo insiam mawlh mawlh chu ka melh tawn hrak hrak a. Ka room lamah ka lut tlang zui nghal a, ka pa in. "Rawn insiam la, kan tlai lutuk dawn,"tia min lo biak pawh chu engtinmah ka chhang lo.Ka khumah chuan ka ṭhu hnawk a, ka phone chu ka kheuh hawng zui nghal a. Brenda-i message lo awm chu ka hawng zui nghal a. Ka chhang let nghal mawlh mawlh bawk a.






Ka room kawngkhar kik keuh keuh pahin ka pa chu a rawn nui sun sun a. "I hman tawh em? I patea te In ah kan zuk leng lawk ang chu," a rawn ti lut nghal suam suam a. Melh pawh ka melh lova, amah vang hian alawm Scooty- tun thlenga ka la neih loh,ka Taxi chân laia ka zah zia te khan min ti thinrim thar ut ut a, ṭhiante pawh kâwm rei hman lova ka awm chhan pawh amah vang tho hi a ni chiang lutuk.





"Engatinge kan va tûm nasa biau buau ve aw?," ka bula rawn ṭhut pah chuan a rawn ti nghal a. Ka hmelah ka lungawi lohna theihpatawp in ka tarlang miau hek. "Naute....engnge ni a? Lungawi lohna i nei em ni?," chîk zetin min en kur tih pawh ka mitsir in ka hmu ru reng.Ka nuichhuak ang tih hlau zet in ka insum ṭang ṭang na lamah ka hah viau tawh. Ka theih tawp in lungawilo hmel ka lantir a, Scooty- ka ngen chhuah ngei ngei a ngai tawh.





"Engmah," ti hlakin ka ṭhu kun chal a. Ka nuih a za miah tur a ni lo. In thlen ruala thinrim chawpchilh der pawh ni mahila ka thil tih mekah chuan ka tui tawh takzet bawk. Ka sam a rawn chûl hliau hliau pahin. "Lungawi lohna hriat loh in thlêm tum chu thiam a va har dawn ve aw," ka pa chu a nuih a za ru tih ka hriat phei chuan a hma aiin ka tih tak tawlh tawlh tawh zâwk a. "Eng thil nge ni a?," nui suk chungin a rawn tih leh pawh chuan ka la chhang duh lo. Ka thil sawi tur leh ka thil thlen tum hi an ngai pawimawh viau tur a ni, thil namai a ni lo.





Chutihlai chuan ka nu pawh a rawn lut mek tih kûn reng mahila ka hre thei vek. "Engnge ni nangni pafa chu?," a rawn ti lut nghal hlut rêng a. Ka bula rawn ṭhut pah chuan, "I lengchhuak peih lo em ni?," ka hmel hmuh tumin a rawn kûn deuh pah bawk a. "I pa hi alawm....eng emaw hlekah hian lên a ti ngawt zel bawk alawm," a ti zui leh hmuar hmuar a. Ummmm....chu chu a va han sawi dik tak. 'Ka lungawi lohna tur point- pahnihna tur a nih chu' ka ti rilru nghal vat a. A dik chiah a ni, ṭhiante bula ka awm min phone haw vawi engzatna nge ka sawi mai thei lo, a thleng ziah.





"Scooty min lei ve tawh rawh u," ka ti deuh tawl a. Ka pa chuan. "Eng maw?," a hrereng tih pawh ka hrechiang lutuk. Ka sawi nawn ve leh sak bawk a. "Chumi vang mai mai chuan maw kan lo lungawi loh?," nui huk huk chungin a rawn ti leh a. "Kan sawi vek tawh kha," tih pahin a hmaa an phal loh thu a sawi tawh kha min hrilh hre nawn leh ngat bawk. Ka hre ve reng, ka nu chuan zâwi sap hian. "A ṭhiante pawhin an nei vek bawk alawm,mamawh lo pawh a ni lo a,"alo ti zauh a. A dik chiah rêng a, an chhuanlam fahrah te te hi ka pawm tawh bik lovang. In lak fenfawn viau pawh tunlai ah chuan zahna mai a ni. Tin, mi zawng zawng neih ang Scooty- ka neih avang khan engnge ka sual vak na tur chuang ni??





"A hrim hrimin ṭhiante nen eng emaw thil pawh ti ve ila min rawn call a, 'rawn haw rawh' in ti nghal zel ringawt a. A zahthlak ve duh,nuam lo duh deuh mai a nia aw. Naupang chhia pawh ka ni tawh lo" ka ti ta chiam a. Ka châwm, ka hrâi phei chu nise a aia nasa a ṭawng ṭeuh pawh ka chak;Mahse, ka sawi chhuah ngam loh ka sawi ta hram chuan min ti hlim ru viau thung a, ka thâwl huai in ka hria.





Rang takin ka nu bawk chuan. "Vawiin pawh ka sawi mawlh mawlh alawm. 'A len chhuah khat tehreng nen call buai suh. Remchangah kan leng mai dawn nia' ka ti mawlh mawlh a. I pa hi alawm a ti mah mah thin," a rawn ti zui ngat phei chuh! Amen...ka lama ṭang an awm, ka tan hun ṭha a ni. Ka nu chuan a sawi dik dawn chiang tih pawh ka hria. Kan vai chuan kan ngawi reng a. Tumah kan ṭawng lova, nidanga ka sawi ai chuan ka nu in min lo pui ve bawk nen tun ṭum chu awmzia a awm deuh turah ka ngai.






"Thla thar ah kan ngaihtuah dawn nia," tih nghut pah chuan ka hnung ah min rawn beng thak thak a. "In siam tawh la,i patea te pawhin thleng har min ti lutuk ange," a ti zui nghal a, min chhuahsan zui a. Ka nu pawh chuan. "Ni e Naute, kal a ti tlat si a, kal vat ila haw leh lam hma ang u,"a rawn ti zui ve vat bawk a. Min chhuahsan zui ve nghal a, nui var var chungin ka insiam zui nghal ta vat vat a.





Mahse, buaina lian turu tak ka nei, ka khalh thiam lo. Aaaaaa.....lei phawt ila, ka thiam chhawm ve mai ang.







(to be continue.........)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 6:55 pm

TRUE LOVE
Chapter~2



By : Tom Tom Putara






In kan thlen in Zan dar 10 a ri dawn tawh, room ah ka lut tlang nghal a. Ka inthlak fel nghal sawk sawk a, khumah ka lawnkai zui nghal. Ka patea te In a kan awmlai khan Brenda-i nen kan inbe zawk a. A duh em em, Lalrosanga nen an in hmuthiam leh tawh tih min rawn hrilh luam a, ka lawmpui viau. Mahse, ka peihlo lawk,khawi emaw han kal ho changin mi zawng zawng aiin an in ngaizawng leh dawn tih ka hre sa,an inkai leh rial rial anga,nakin lawkah an inṭhen anga. Mi zawng zawng aiin an tuar na leh anga, an in status- khum leh vak vak bawk anga,ka hrechiang dun mai sia.




Zoramsanga'n zanah ka lo bia ang che a tih kha ka ngaihtuah chhuak zawk mai, ka ngaihtuah na mak zet chu ka nuih chhuah pui hak a, mak tak in ka phone chu ka ngaihven lo thei lo; Mahse,
Message tak ngial pawh a rawn thawn lova, min rawn be hek lo. A ho em mai a, engvangin nge ka lo ngaihven em em ngawt ang? A upat tawh hmel tehreng nen."Engvanga chutia lo buaipui ru em em nge ka nih ngawt? Vawiinah ka hmu ve chauh a," engang mipa nge a nih tur awm ang nen lah ka chhui zâwn thiam sa ve tho a.





Ka film en laklawh lutuk en tum chuan ka phone ka hmetkual nghal zung zung a. Mahse, zan danga ka en chak tehreng nen zanin chu ka ro hulh ni maiin ka hria, ka en châkna mood- a bo vek.




Ka phone chu lukham bulah ka dah a. Bible ka keu zui nghal a, rilru lut lo zet chuan ka chhiar zui niap niap a. Lehkhabu chhiar hi ka hunawl ah chuan nuam ka ti viau,Phone ri nghawr der der chuan ka rilru a la pêng thuai a. Rang takin ka en a, number ka hriat ngai a ni lova, ka la ang nge tih ka ngaihtuah rualin Zoramsanga a ni mai angem?



"Aw...hello" thâwm dim zet chuan ka ti sa sa a.


"I mu tawh em ni?" rawn ti sup tu aw chu ka hai lo nasa.


"Mut ka lo tum chiah,engnge nita?" ka chhâng bûl deuh hmak a.


"Min hria em?" a rawn ti zui leh daih a.


"Hre mai lo,tunge?" ka hre lo der lui ve hmiah.


"Anih chuan ka rawn tisual anih dawn chu," a ti chu dah tum tih hriat taka."Anih,"a tih zui leh lai chuan, "Aaaa...ummm....ih... U Zoramsanga i ni lo em ni?" ka ti deuh nawk nawk a.



Nui huk chungin, "Min lo Û biak leh ta...ka lang upa viau zawk nge ni," min lo ti lêt vat a. Chutihlai chuan a ṭhianpa niawm tak chuan. "Ti teh, ti teh. In zo teh, chhuk teh ang u,"a rawn ti mawlh mawlh chu ka hre thei vek.



Thâwm a reh zui daih a, chiang takin ka ngaithla reng tho a. "Saw tah lo va kal teh," fiah lo riai hian a ṭawng vîn lam lek lek chu ka hre viai viai thei a. "Mawh....min lo va ngai upa," a rawn tih leh mek lai chuan a hma ami aw bawk khan. "Tunge? Jenny-i bawk em ni? Min lo biak nghal teh," thawveng takin a rawn ti leh ham ham a.




Phone chu hup beh tih hriat zetin an ṭawng chu a zâwi leh deuh hret a. "Ka hria alawm maw le....ka lokal ve mai ang, lo va kal rawh," tia a ṭhianpa a hnawt kiang chu ka hre viai viai thei.



"Ka ṭhianpa maw le,hahthlak thei ania," thupha chawi aw tak hian ka thawm hriat chu a rawn sawifiah nghal a, ka ngawi reng thung a. "Hello,"a rawn ti nawn leh a.



"Umm..." tih chiahin ka chhâng. "Anih aw, ka buai hrih," tih zui zat pahin ka dah zui nghal zat a. Ka phone chu ka dah ngai ngaiin ka benga chuktuah reng chungin ka la ngaithla vang vang a. Ka rilru chu ka kâwm zui mawlh mawlh a. Tûm bâr chung chuan ka mu zui nghal a.





Zing dar 10 a pêl hret a. Ka inbual zo chu hmanhmawh takin room- lamah ka lut nghal sawk sawk a. Ka ṭhiannu biak vat ka ngai tih hria in hmanhmawh zetin phone ka hmet mawlh mawlh a. Ka ngaihthlak vang vang hnu pawhin a rawn chhâng thei lo, a ri tâwp ṭhak ṭhak a. Hmanhmawh zetin ka insiam san nghal vat a. Ka room pawh ka tifel mumal hman lo.





Siiting room ah chuan ka nu leh ka la hmuh ngai lem loh nu thau lampang hian sumdawnna thil lam an lo sawi mawlh mawlh a. "Nu, biak lawk che ka duh,"tih pahin ka kal tlang zui nghal a.




"Eng thil nge maw ni ṭhin aw?" tih pahin min rawn zui nghal. "Lo ṭhu lawk rawh aw,"tih pahin a bula ṭhu chu a rawn hrilh zui bawk a. "Engnge ni?" tih pahin ka bulah chuan a rawn ding zui nghal a.




"Pawisa ka mamawh deuh a, i neih remchan chuan," zawi sapin ka lo ti a. "Engzat?"



"2000" vel tih pahin ka phone chu ka bih zui zat a.



"Engnge in tih dawn reng reng a? ," ka hmel chu chîk zetin a en reng a.




Ner tim dai in ka nu chu ka melh zauh a. "Ka ṭhiannu nen kan Bazar lawk dawn,ka hmang kher lo maithei bawk a," ka ti zui leh sap a.




"Khati khan ṭha taka sawi nghal mai tur che ania," nui sâng in ka sam a chûl pah thuak a. Pawisa min pek pah chuan, "Rawn haw tlai suh aw,"a ti zui leh a. Ka bu nghat a, ka chhuak zui nghal vat a.





Hmanhmawh taka kal sawk sawk pah chuan, "Engnge i hriat a? Call i lak theih miah lova?" ka ṭhiannu Brenda-i chu ka hau zui nghal mawlh mawlh a. "ka lo buai lutuk a. Ka hman chiah, ka insiam mek,i rawn chhuak tawh em?" min rawn chhang zung zung a. "Ka rawn chhuak chiah,khawiah nge ka lo nghah ang che?" kawngsir ah chuan ka ding a, Taxi rawn tlan chu ka lo hui zeuh a, tun ṭum chu a rawn ding nghal hlauh e.



Ṭhut luh pahin, "Ka rawn chho ania, in kawmchhak ah chuan a ni mai aw?" ka ti leh nghal zung zung a. Kan inbiakna chu kan titawp zui nghal a.




"Khati lai ah khan ka lo chhuk ang, a remchan chuan," ka ti sap a. "Eeeee....rem tehreng mai," Driver chuan kawngsir a din pahin min rawn melh zauh a. Pawisa ka pek zawh chuan ka ṭhiannu ka lo ngahna tur lam pan chuan ka kal nghal a.





Khawvel mihringah hian a muangchang ber awm e,hetianga mi nghah reng hi ka thil peih loh ber te zing a mi a ni hial awm e. Keima hriat tawk lek chuan ka phun niah niah a. "Ka rei i lo ti leh awm," rawn tih pahin ka bulah chuan a rawn ding chat a. A hnunga ṭhutkai pahin, "Rei...rei...rei.." ka lo ti let vat a. Brenda erawh a ze ngai te te in a nui zui awr awr a.





"Enteh, nizan chu kan inbe tlaivar ṭep," a la rawn ti zui. A hnunga chum dat pah chuan, "Ka ning,mi bak hian in ngaizawng ṭhin suh u," ka ti let nghat a. Ka rilru tak tak ania ka sawi. Kei chu ka peih zawng a ni ve lo. Inbiak reng pawh ka peih hek lo. Min rawn biak reng chuan ka ning tlat zel. A khat tawkin in hmu zauh zauh ila ka duhtawk...englai pawha in hmuh an rawt reng phei chuan,tun a ka rilru leh awmdan ah hi chuan in ṭhen a ni mai.





"Engnge? Kan inṭhen rei zia kha,ka ngaih hman mai zia," a nui leh awr awr a. Kei pawh ka nuih a za, thla khat pawh an inṭhen hman a mawn le?




"Nangni pawh hi? A la rawn be ngai che em?" a rawn tih zauh a. Ka chhân hma hma in. "Ngaihzawng nghet deuh hi nei ve tawh rawh," a rawn tizui leh a.




"Engnge min rawn biak ngawt ang?" ka lo ti deuh bal bal a. Ka mitthla zui vak peih lo, a rawn sawi pawh ka hria. Puipuia bak a rawn sawi lovang.




"A duh ve em che a, ka khawngaih theih mai zia a. Kan inhmuh apiangin a sawi ve ziah che," a rawn ti leh a. "Ka ning,sawi tawh lo teh a,"ka ti deuh hlak a. Ni e, eng nilo mahila Puipuia hi chuan min duh ve ngawih ngawih tih ka chiang, kan inṭhen pawh khan a mipa zawk in a tuar zawk. Ka rilru a ka thil ngaihtuah chuan ka nuih a ti za viau bawk.




"Anih sawi tawh lovang,"a nui awr awr reng a. "A hunlai kha chuan i duh theih em kha maw," min run luih hi a peih ve hrim hrim he mihring hi chuan. "Amah zawkin a nih kha aw?," ka ti ve ngat tho. Mahse, Puipuia kha chu a fel ve thlawt. In fawh bak kha a ti em em hran lova. Ka duh chi tak maw le, mipa kut hlei deuh hi ka ten ru riau.




"Zanin chu i kal ve thei dawn em?" Mapuii birthday zan a ni tak,min sawm nasat tak kha maw le; Mahse, Mapuii nen hian a hranpa takin kan inkawm ve em em lova. Brenda-i te nena kan inkawm avanga in hmelhriat chauh kha kan nia.




"Khawiah nge lawm an tih?" ka ti zui vat a. A ruk tak chuan ka kal chak ve reng,In ah awm ila tih tur ka hre dawn lo nasa mai sia; Mahse,ka kal thei leh chuang lovang. Ka in ngaihtuah vir peih lo law law. Class-ṭan a hun leh ṭep tawh a, ka zalen loh sa nak alaiin ka zalen lo zual dawn tih ka hresa a. Zothani pawhin a Birthday-ah min beisei viau dawn tih ka chiang bawk.




"Khatla ah kan ṭhianpa Jerry-a'n dawr a hawng thar a. A hmun a nuam reuh phian asin," a ti deuh zung zung a. Ka kal ve chak reng. A nuam ang, nuam pawh an ti hlawm leh ang. "Anih chu," ka ti ringawt a.





Two wheeler Parking lo khat ṭhap chu a melh kual dan dan a, a awl a lo awm hlauh e. Kan indah fel ve ta! Bazar chhung lam pan chuan kan kal zui nghal a. Zothani dawr awmna te chu ka hrilh mawlh mawlh a. Ka hmelhriat thar anih thu te ka hrilh a, a lo 'aw' ve zung zung bawk a. Engmah lei tur ka neih pawh ka hre lo; Mahse, Bazar-a kal vel hi ka nuam tih chi ania. Ka kal apiangin mamawh nei lovin thil ka lei ṭeuh zel thung.





MC- lama kal tum kan nia, mahse Bazar chhungah Brenda-i hian thil lei mamawh nei a inti tlat sia.kan inzui thla hnak hnak chu ania, Zothani te dâwr chu ka pan pui a. Kan thleng chu a nu chiah a lo awm a. Kan inbiak liam luam hnu in kan kalsan zui leh nghal a. Amah Zothani pawh chu ka be ta hran lem lo, a rawn sawi leh duah anga, buai nen a in mil hrih lo.




"Zanin chu rawn lan tum ve rawh. Mapuii pawh a lawm viau ang,"


"Nia,ka lo tum ve chhin phawt anga,"


"Tak tak aw?," min thlêk zauh pah chuan a nui zui a.



"In pa nen khan in ni leh anga, biak pawh biak hleih theih loh ang vel khan," ka nui tat tat a. Min rawn nêk deuh salh pah chuan. "Ka hruai dawn lo," a ti vei khanglang, ka awihlo nasa.... Amah pawhin a awih lo tih hriat takin a nui zui nasa mai.





A phone ri ral ral chu a phawrh nghal a. "Aw," a ti sap a. "Aw kal e,hei Daisy- nen kan kal a," tih pahin min rawn en a, a nui var var a. A rawn be tu chu ka hai lo nasa. "Aw,kan rawn phei ang," a ti zui leh a. "Aw,anih leh le,kan rei lovang," a dah zui nghal a. Min rawn melh zauh pahin. "Mapuii te In ah phei ve lawk ila,amah chiah a awm," a ti leh nghal a. Ka lo bu nghat a. "Mapuii lo deuh pawh a awm tel ang," ka ti tel kher chu chum ṭawlh ka hlawh phah.





Kan mamawh ang ang kan lei zawhin Mapuii Birthday present tur kan en kual nghal a. 'Ka kal theih loh thut pawhin remchanga pek ah' tiin ka lei ve ta tho va. Ka phone a rawn ri ve thung, ka pa bawk.



"Aw...pa"


"Khawiah nge i awm Naute? I rawn haw dawn tawh em?"


"Haw dawn lo deuh," amak zung zung thin.


"Hei,kan hna thil ah Champhai ka chho thut dawn ania,ka haw mek a. Kan chhuak zui nghal dawn a,haw tlai suh aw?" Ka zuang zawk lo chauh a ni. Mapuii Birthday ah ka kal thei ve dawn,ka Nu dil chu ka huphurh lo, a phal awm em mai.



"Tunah maw?" lawm rilru zetin ka ti vat a, ka nui var var bawk.



"Aw,kan kal nghal deuh mai ang," a rawn tih phei chuan ka ṭhiannu chu ka piai nawk nawk a. "A naaaa," a lo ti vin hlur zui. Min melh kâwk bawk a.



"Anih chu...aw, haw har lovang," phur zetin ka ti let zung zung a. Kan inbiakna chu kan ti tawp zui nghal a.





"Engnge? Tunge?" min melh kar chungin Brenda-i chuan a lo ti vat a. "A nuam e.." ka ti ringawt a. Brenda-i chuan a ngaihna hrelo zetin min lo lâwmpui viau tho. "Ka pa maw le,a zin dawn," hlim zetin ka ti leh nghal vat a. Phur zetin, "Tunah maw?" a lo ti let vat a. 'Aw' ka tih rual chuan kan in kuah chûk chûk a. "Rawn kal ngei ngei ang che. A nuam dawn lutuk,"a ti leh vat a. Brenda-i bawk chuan, "Tirawh Mapuii te In ah chuan phei lawk ila?" a ti zui leh zung zung a, ka kal ve thei ngei turah a ngai a, a lo phûr lâwk em em ringawt tawh.





"Aih...."ka ti teh ngawt a, Brenda-i chuan min en hâ ringawt bawk a. Nuih sak pahin, "Ka lokal lovang, ka haw hma ange,mark score lawk a ngai," ka ti zui a. Brenda-i chu a nui hak a, min nam det pah chuan, "Phakar lian," tih pahin min nam zui leh dawt dawt a, kan chhuak zui nghal a.





Kan inthlah hnu chuan kan In lam pan tumin Taxi ka melh zui leh a, zan lam rilrua dah kar chungin ka haw thla ta! Ka phûr takzet,hetiang ang zan lam boruakah hian vawikhatmah ka la kal lova, ka châk tawh takzet bawk.





"Nu...ka pa chu a kal ta nge?" tih pahin Dawhkan bula ṭhutna chu ka pawt hnai nghal vat a. "Aw...an kalna a la reilo," a lo ti vat a. A pangpar lei thar chu a lo buaipui em em lah tak a. "Engnge in va lei a?" tih pahin min lo melh zauh ringawt a.





"Nuihzatthlak lutuk,kan ṭhiannu Birthday present tur ania. A ngei deuh deuh tur te kan lei," ka nui zui hak hak a. "In sual e a,"tih pahin ka nu pawh a nui var var a.





"Dar 3 a lo pel tawh anih khi,ka indahfel anga, eirawngbawl ṭan ila a ṭhat khi," tih zui pahin a in dahfel zung zung a. "Ka rawn pui ang che," tih pahin ka room lamah ka lut zui nghal a.





Whatsapp message -lo awm vâng chu ka en vat a. Zoramsanga ngei a ni. "Vawiin lam engnge i tih?" tih zawng a lo dah a. "Ka chhuak lawk,"tih bakin ka chhang let lem lo. A rawn ri leh a, ka bihzui vat a. 'OK' tih bak min rawn thawn lo nia.




Ka phone chu ka dah a. Ka inthlak zui mawlh mawlh a. Choka lam pan pahin ka bih pah zuai a, engmah a rawn thawn belh lo. Ka nu lo che sawk sawk chu ka tihpui nghal zung zung bawk a. "Nula fel deuh awmpui tur awm se," tih thu ka nu hian vawi tam a sawi tawh. Pa ngawhngawl, pa luhlul, mahni thu duh ber-a hian zuk ngaithla ṭha duh hauh lova. "I fanu puitlinna kawng daltu tur anih chu," a ti duh lek fan a.




Ka nu nen kan che dun sawk sawk a. Zan lam hun kan hman tum dan chu sawichhuah ngei ka duh a, ka huphurh ru viau lawi a. Mahse, ka pa bula sawi ai chuan a zia deuh ang. "Nu,zanin ah ka ṭhiannu Birthday kan lawm dawn a," ka ti sa sa a. Ka nu hmel chu ka lo en chîk viau bawk. Min melh zauh pahin, "Khawi ah maw? I pa dil phawt la..?" a ti hluk a, a hmelah chuan ka pa phalna lovin 'chhuah phalna' min pe theilo tih a tarlang chiang viau in ka hre bawk.





"Ka pa chu dil hran angai hlei nem,a phal dawn lo sa a," ka ti nghal hmiah. A dik rêng bawk a, ka sawisual lo chiang khawp ang. Nuih vur vur pahin. " Rawn haw hma la,zan rei tak tak thleng a khawlaia awm hi hmeichhe tan a him lo," a rawn ti zui chu leh!!! Ka 'Hallelui' lo chauh a ni ber e.





Dressing Table-hmaa ka duhthusam zâna ka insiam chu ka lawm tawk ve viau. Ka phone rawn ri ral chu ka en vat a. Message a lo thleng Birthday girl Mapuii.




"I hman tawh em? I rawn kal hman dawn em?"


"Ka hman a ni mai e"


"Kan ṭhianpa ka rawn hruaitir ang che"


"A ngai lovang,ka rawn kal thei ang," Message dang a rawn thlen zawm a. Rang takin ka en vat a, Brenda-i a ni.



"I buai loh hunah min rawn Call-rawh. Thil hrilh tur che ka nei ania,i phûr viau ang,". "Ok" tih zawngin ka chhâng a.




Ka nu chuan hmanhmawh zetin pawnlam a pan a, "Naute lokal teh" a rawn tizui nghal a. Ka nu awmna lam pan chuan ka chhuak nghal hlawk hlawk a. "Engnge?" tih pahin Pangpar bula lo ding nui var var chu ka pan hnai zual sauh a. "Ka dahna hi a inhmeh dawn em?" a lo ti vat a. "Hmm...thil pawimawh tak emaw tih nak a lai a," ka ti hlak a. Ka nu erawh a nui suk a, a Pangpar lei thar dahtlarna tur chu a siamrem zung zung a. Pangpar a tuipui ang leh a ngainat ang hian ka tuipui pha ve der si lo, han fak chiam dan pawh ka thiam lo, 'a mawi' tih bak.




"Ka lut ania," tih pahin ka kalsawn zui nghal a. Dawhkan chunga ka phone let bal chu ka ban nghal a. Brenda-i thu min hrilh tur hrechak zetin biakpawh tum chuan ka ṭhu rem zui sat sat a.



"Aw...engnge ni a?"


"I rei lutuk a, ka hrilh leh lo mai zawk dawn che nge ni?"


"Sawi mai mai teh"


"Mi pakhat duh deuhtu che ka hria a, vawiin khan a lo hmu che a,"


"Tu maw min lo duh deuh? Ka phulo asin," tih thâwr pahin ka nui zui hak hak a.


"Over mang e,in inphulo ve ve a, in inphu tawk viau bawk," tih mawlh mawlh pahin Brenda-i chu a rawn nui khêk ve nghal a.


"Khawilam mi nge? min rawn bâwl chiang lutuk"


"An hausa lutuk... Money box-atan tal," tenawm rawngkai zetin a rawn nui bâl hle.



"Ka ning,thu ho anih chu! Ka dah,i sawi tenawm tan dawn," tih pahin ka dahzui nghal a. Hetianga inbiak laklawh laia in dahkhum hmak hi kan sim dun thei lo chu anih hi.




Ka nu chuan ka kal hma ringawt pawhin thu tam min fah hman a, ka ngaithla kar a, ka hriat ngun tak thu hlir anih avangin ka tan thu thar bengverh tak a ni hran lem lo.




Harsa lo takin Mapuii Birthday- kan lawmna hmun tur chu ka thleng ve thuai a. Brenda-i chuan min lo hmuak a, a lo nui var var a. Ka rinlawk ang ngeiin a hnung lawkah a bialpa em em chu a rawn lang nghal zat bawk. Kan lut zui nghal a, Brenda-i nen chuan kan inkâi lût rial a, ka mit chuan hmun tin, kil tin a melhkual a. Hmelhriat ka hmu mai hrih lo.





Mapuii bulah chuan kan ding a, midang nena an lo inbiak laklawh em avang chuan ka ngaichang det a, min lo nuih sak pahin a biak mek chu kut zaizir nen meuh a be zui leh mawlh mawlh a.





An in biak zawh chuan min rawn en a, nui sâng chungin. "I rawn tel thei maw?" a rawn ti nghal vat a. Kan inkuah a. "Happy Birthday," tih pahin ka thil ken chu ka pe pah nghal a.





"Engnge hetiang i rawn tih duh a? I rawn kal thei ringawt pawh a lawmawm lutuk alawm," a lo ti chung chung a. Kan inkuah ṭha leh a, midang rawn thlen belh an awm zel a. Nui sâng chungin a lo chibai zel bawk a, "Sawlaiah sawn kan lo va ṭhu ange," ka tih rual chuan min pawtding dat a, "Nuam deuhin in hmang dawn nia," a rawn tizui vat a. Nui saka chhân pahin kan kalsan zui ta nghal a.





Hla hrang hrang an Play-a, a châng leh hla dukdak lo tak tak an rawn tiri a, ka lo beisei ang he hu chuan a nuam ka ti hran lem lo. Êng an ti thim ta ruih a, a êng sen nghulh a. Tumah kan inhmu chiang thei ta lo. Chutihlai pawh chuan rawn thlen belh an la awm zel tih erawh ka hmu thei vuai vuai.





Brenda-i leh a bialpa nen kan pathumin kilkhatah kan ṭhu a. An ni pahnih chu an inchûl nêl ṭan riau bawk. Ka en lova, hmuh pawh ka hmu chak hran lo.





Hla dangah an rawn chuangkai a, hla Cool- zet mai a rawn ri riai riai a. Kan ṭhutna aṭang chuan ka hmuh theih ang chin chin chu ka enkual a, ngaihzawng nei tan chuan a nawm viau ka ring.





A thim ruih na a, thil hmuh hrehawm leh har em em chu a ni hran lo. Keimah chauhin ka ṭhu tawh a, ka piah lawka tlangval chuan nula lampui pahin min rawn en reng tih pawh ka hria. An rawn lâm hnai leh sawt a, an hmel erawh ka la hmufiah thei chuang lo.





A nula lâmpui chu a chûl kual a, a mawngbawr vel a ṭham sak pahin min rawn nuih suk tih chu ka hria. Ka hawisawn a, a hmel hmuhchian erawh ka châk tho si.





Ka hma lawka lâmdun an ni bawk a, hmuh loh ngawt lah an har bawk si. Ka melh leh zawk a, a nula lampui chu a kuai dâk riai riai a. A fawh thleng chu ka hmu hman. Rang takin ka hawisawn a. "In zaklo mange" ka ti hlak a.




Ka mitsir in ka melh leh ralh a, an lo la infawp reng a. Ka thaw deuh halh a. "Brenda,khawnge maw i awm le, Keimaha ṭhu turin min han kalsan ania...i hre khawp ang," ka ti teh ngawt a.





Ka tan hawisawn reng ringawt theih lohna chen a awm ve bawk nen ka hmaa mite bawk chu ka melh leh zauh thin a, a nula lâmpui chu fawh pahin min en ngar a. "Tenawm dun hian," tih pahin ka tho a. Hmundanga kalsawnna tur chu ka melh pah ruai a.





A nula lâmpui bengbulah chuan thil a sawi sa sa a. A hmeichhe lâmpui chu a bu nghat a, a kalsawn zui nghal daih a. Keipawhin hmundang chu ka la melhkual ruai tho a. Ka dinna ngaiah chuan ka la ding reng a, ka lam panin a rawn kal a. Karei!!! Zoramsang...nangmah maw? tenawm lutuk!!!




"I rawn kal ve a ni maw?" tih pahin uluk lutuk in ka chhip atang ka ke thleng in min melh kual zui a. "I kal ve zawk a ni maw?" ka lo ti hmak thung. Chuti taka hnai a in en uluk te chu,min ti lai lo chauh a ni. "Ṭhu ila?" a rawn tizui zat a.





"Ka ṭhu hne tawh, i duh leh ṭhu rawh," tih hmak pahin ka ṭhiannu Brenda-i ka zawng zui thuai a. Ka hnaih ṭha duh vak lo, a lampuinu nen a an awm dan avang khan a zak ve miah lo nge, ngaiah a nei tawh zawk? Haw ka duh, min thlah se ka duh a, hmuh ngei ka duh.





"Tunge i zawn?" tih pahin ka hawina dâl tur takin a rawn ding hnai zui a. Namkian ka tum a, a ding khawng hle bawk si. Ka melh kâwk a, "Kalsawn teh," ka ti deuh ṭhat a. A nui suk a, "Tunge i zawn ka tih chu?" a rawn ti nawn leh ngat a. "Ka duh duh," tih pahin kal kian ka tum a.





Ka bânah a rawn chelh a, "Min thlah rawh," tih pahin rum zetin ka melh ngar a. Kan bul lawka ding te chuan min rawn en duh hlawm hle. A hma aia nghetin ka kutah chuan a hmer zui salh a. "Brenda.... Brenda..." ka tizui nghal tuarh a; Mahse, chulai hmun thawm bengchheng zetah chuan keia awrâwl chu a ring zo silo.





"Lokal rawh,ṭhu phawt teh," tih pahin min kaih lêt a tum a. Kei lah ka theihtawpin ka ṭang thung. "Engnge min huat tlat a?" tih pahin a nui suk a. Chutihlai tak chuan a hmaa min rawn melh rengtu, kan bul hnai lawka awm pa kha a rawn kal hnai a, "Hmeichhe âwmnêm zawk duh lo chung man beh kha a pa viau lo ania" a rawn ti ram hmak mai le..





Ka thin a phu nghal dawt dawt a, ka kut chu a thlah a. "Ka bialnu a nia, ka duh leh ka pawt tlaivar ang," a lo ti hmuk a. Chu pa lah chuan a rawn din hnaih zual sauh a, hnai takah an in en rân a. "Bialnu kaihbeh ṭung ṭung ngai a ni maw i neih a?" thamlo tih hriat zetin a vei nuih suk zui!!





Rang takin ka lo inrawlh thuai a. "Ṭhianpa...a bialnu ka nilo. Khawngaihin haw ka duh," ka ti thuai a. Ka hmelhriat loh mah nise tunah chuan min rawn chhantu awmchhun a ni miau a. Ani aia rin ka nei hrih lo.





"Lokal rawh," tih pahin ka kut a rawn chelh a, "I bialnu hi ka va thlah lawk ange," tihzui pahin a nui vur vur a. Engmah a sawi lo, ngawi rengin a dinna ngaiah chuan a ding reng a.





Kan inzui phei hlawk hlawk a, kan phei pahin Brenda-i ka zawng a, ka hmu ta chuang lo. Birthday-neitunu Mapuii tal hmuh ka beisei a, ani pawh ka hmu chuang miah lo. An lâm luih luihna kârah chuan min hruai phei zel a. "Hlau tawh suh aw?" rawn lehhawi pahin a rawn ti zauh a. Engtinmaha chhâng lovin ngawi rengin ka zui zel a.





"Tirawh...ṭhiannu hi va thlah lawk ang...kan haw nghal daih mai dawn nia," kawngka bul lawka mi pakhat lo ding chu a be lâng lâng a. Ani pawh chuan ngawi rengin min zui ve nghal mai bawk a.





Car-chhungah kan lut zui a, a ṭhianpa chu a hnungah a rawn ṭhu lut nghal bawk a. Kan veng te min zawt nghal zung zung a, ṭha takin ka chhâng thuai zel a. "Khatilamah khan i awm daih a, kan va buai ṭep alawm. Ka insum nasat ber ṭum aniang," a ṭhianpa chu kan hun tawn vel chu a hrilh hre zui mawlh mawlh a.




A tlanchhuak zui nghal a, Sana ka en thuai a. Zan dar 11- a lo ri ṭep mai. A ṭhianpa lah chu a lo lem deuh hman tih hriat takin a pâwr thar hle a. Min rawn chhantupa erawh a nui suk duh chauh a. "Ṭhiannu...engtinnge kan koh ang che," tih pahin min melh zuk a.





"Daisy," zâwi sapin ka ti thuai a. "I hming a mawi hle mai. Kei hi Andrew-a ka nia, ka ṭhianpa hi Sangtea," a lo ti ve thuai a. Nui lui sak chungin a ṭhianpa pawh chu ka zuk melh zauh a, min lo en kur a, ka hawilet rang hle.





Sikulpuikawn kan chhuak chho a, "Ṭhianpa,haw nghal kan tum sia,engtinnge i phone chu ni dawn?" tih pahin a tlân muang zui nghal a.




"Ka lo ngaihtuah lai mek," a rawn ti thuai a. A hnunga chuang Sangtea bawk chuan. "Min va lakpui lawk ula,a rei chuang nang. Nakina han kual leh kha kan tan a buaithlak mai mai a," a rawn ti leh zung zung a.




Nui sângin Andrew-a chuan, "Daisy,ṭhianpa Phone-hi va lakpui lawk ang aw? A rei dawn chuang lova," a rawn ti sur sur a.




"Khawiah?" ka lo ti thuai a. "Kulikawn ah,a rei lovang. Kawng bul lawk ania," tih pahin hmel nelawm zetin min melh khiau a. Ka lo bu deuh nghat a, "Ka hmanhmawh ania aw?" ka tizui hram thung a.





Kulikawn lam pan chuan kan tlan zui nghal a, zanrei lam a ni tawh bawk a. Motor tlan pawh a reh ruih tawh a, a khât tawkin kan tâwk thla leh zauh ṭhin chauh a. Bike chak mangkhenga rawn tlan kan tawh bâk phei chu a reh phei ruih mai.





Kan tlân zel a, Ngaizel khâm kan thleng phei dawn ta reng mai. Ka chhungrilah hlauhthawnna rûk ka nei a, "Engnge helamah kan la tlan zel a?" ka ti ban chalh a.




A hnunga a ṭhianpa chuan phone-hmangin mi a be mawlh mawlh a. "Ṭhianpa,ka rindan sa vek. A hmaa kan awmna ṭhinah khan an awm anih chu," a rawn ti zung zung a. Hmalam chu ka en ngar a, ka thinphu dut dut chu ka hrechiang viau bawk. "Khawiahnge kan kal dawn?" ka ṭah aw lek lek tawh mahin ka hria.





Min rawn melh zuk a. "Sawlai lawkah sawn min lo nghak,engmah hlauh tur a awm lo. Kan la anga, kan phei leh nghal dawn nia," a lo ti thuai a. Hlauhthawnna nen chuan ka ṭhu ngawi kar a.





Muangchangin a ding a, a hawi vang vang a. Motor êng a ti thim zui a. "Ṭhianpa,han call leh chhin teh,an va awm lo ve? Kan hmanhmawh tih hrilh la. Hei, ṭhiannu tan pawh hian a nuam lovang," a ti leh zung zung a.





Motor aṭanga chhuah pahin. "Ka han hrawk deuh ange,min tihder ve khanglan le?" a tichhuak nuah nuah a. Ka ṭhutna lam kawngkhar ngheng chuan a rawn ding zui a. Phone chuan mi a be zui mawlh mawlh a.




"Tirawh,chhuak ve hrih ang," tih pahin chhuah ka tum a, ka hawng thei ta reng reng lo. Ka kutah a rawn man chat a, a rawn tawlhhnai zui zat a. "Hetah hian lo nghak ang. An rawn kal ṭep ang," tih pahin ka biangah rawn khawih a tum a.





"Min khawih kher suh," tih pahin ka tawlh hla hrat a. A ṭhu ṭha zui ve mai bawk a, Car-tape chu a tinung a, ring zetin a zai tir zui nghal. A hma aia hnai ah chuan a rawn tawlh phei leh a. "I va hmelṭha ve a," tih pahin ka biang chu a rawn dawm a.





"Khawimaw....kal teh, ka duhlo ania," tih pahin ka thlesawn a, chhuah tum chuan ka bei leh a; Mahse, a ṭhianpa chuan pawn lam aṭangin ka kawngkhar hawnna tur a dang tlat si. Ka mangang tawh takzet. Ka ṭap pûr a, ka theih ang ang chuan a kut chu ka lo dang tak na a, ka hnute chu a rawn ṭhâm zauh tho.





Kan hnung lawka Bike rawn ding chu kan mi ngahte an nih ka ring a, ka thaw huai mai. Chu mihring tenawm zet pawh chuan a thlêk nghal hâ hâ a. Bike êng chuan a la rawn chhun reng a, ka bula ṭhu chuan ngampa zetin min rawn kuah a tum leh a. Ka theih ang angin a hmaiah chuan ka lo ham a. "Ṭhu ṭha hle hle rawh,kan ṭhiante tho an nih saw," tih tuarh pahin ka Sam ah a kêk nawk a. Ka mittui a luang nghal zawih zawih. "Khawngaihin....khawngaih takin...ka haw duh," ṭap ṭiau chungin ka ngen lawm lawm a ni ber e.





Pawn lama a ṭhianpa ding chu a tlu zawi hnawk tih chu ka hmu hman. Rang takin a tawlhphei a, a chhuak zui nghal a. Keipawhin kawngkhar chu ka hawng thuai a. Ka chhuak zui ve nghal vat a, Andrew-a ṭhianpa lo tlu bawkkhup chu ka hmu nghal thuai a. "Awii...ka nu..." ka tichhuak ṭhawt a.





"Hmeichhe âwmnêm zawk duh lo chung man beh kha a pa viau lo ania," titu chu ka en thuai a, Bike êng in a chhun avangin ka hmuchiang hle. Zoramsanga!!!





"Nang hian min la rawn umzui ngam a maw? Hmela," tih pahin a rawn pan phei a. Zoramsanga pawhin a pan ve nghal chat bawk a, ri deuh chawrh chu ka hria; Mahse, Car lehlamah a ni. Ka va hmu mai thei lo, hlauthawng zetin ka ding khûr hlak hlak a.





"Nang ang mi tenawm hnehlo rualah hian min ngai em ni?" a aw chang fak chu ka hrechiang hle. A ri deuh chawrh chawrh pawh chu ka hrechiang viau bawk. Hlauthawng zetin ka pên phei chhat chhat a, Zoramsanga chuan a lo ṭhutbet a, a lo hnek siah siah a.





Rang takin ka pan phei a, "A tawk...a tawk...a thi mai ang," tih chûl pahin a banah chuan ka chelh a. Vawi hnih chu a la hnek leh hram. A rawn tho chhuak a, Andrew-a erawh a la mu kawm chal a, "Mi tenawm pa," tih pahin a chhir zui chawrh a. Lei a mu chu a rûm hawk a, a mu kawm leh ṭalh ṭalh a.





Ka vawnna kut chu a thing per lawp a, a kalzui nghal a. Hmanhmawh takin a kalna lamah chuan ka kalzui ve leh nghal ngawt a. Sangtea lo ṭhu chhuak mek chu a ṭhutchilh zui a. "Insual i chak viau em? I ṭhianpa saw a nep hret a, nangin i châk em?" a ti nghal hrâwk a.





Sangtea chu a ṭhu kun chhar a. "Min ngaidam rawh," tih pahin a bek aṭanga thi rawn chhuak ṭiam ṭiam chu a dawm reng a. Thawh chhuah pahin Sangtea chu a nem bu dâwrh a, Andrew-a awmna lam pan chuan a kal zui leh a. Andrew-a chu a kaitho a. "Tho rawh,haw rawh u" a ti mawlh mawlh a.





Car chhungah chuan a nemlut a, Sangtea bulah chuan a phei leh a, kei lahin hlauthawng zetin ka zui kual ve zel bawk a. "Haw rawh u," a ti leh nghal hmuk a. Sangtea pawh a ṭhu lut zui nghal a. Ngawi rengin a Bike dahna lam pan chuan a kal zui daih a. Min be lova, min ngaihsak hek lo.





Ka ding dat a, ka en reng a. A bula kal turin min sawm lova, a Bike-ah chuan a ṭhu kai zui nghal a. Hmanhmawh takin ka pan phei a, hmel ṭi deuh dêk chungin. "Khawngaihin min hruai haw thei angem?" ka ti zâwi sap a.




Min melh ngur a, a hmel thinrim avanga dur thim khup chu ka hlau lo der tawp. "Kei aiin i ring zawk a ni lo'm ni?" a lo ti hluk a. "Khawngaihin..." ka ti thâm chhalh a. Min en reng a. "Chuang rawh." a rawn tih takah chuan ka ṭhu kai zui nghal a.





A inher pawp a, a ding leh dat a. Ka kut chu a la a, kuah turin min ti tih ka hrethiam mai. Tim dai a kuah rual chuan a dawkchhuak nghal zawk a. Nghet zetin ka kuah a, inthlahrung takin a hnungah chuan ka bei ta thlawp a. Bike ka chuan tawhna zawng zawngah a la chak ber awm e. A hnungah chuan ka bei thlawp a, tlan chak ngaina lo viau e tilo chuan ka thla a muang ru em em lawi si.





A ding a. "Kan thleng," a ti bûl hmuk a. Ka kuahna chu ka thlah a, ka sam thur bem chu ka chûl thuak a. "Ka lawm e," ka ti sap a.





"Lawmthu sawi a ngai hlei nem... Mipa diktak i hmelhriat ṭanna ni rawh se," tih pahin a nui suk a. "Muttui le," a rawn tizui a, ka nui lui sak a. "Nangpawh le," ka ti zâwi sap a. A tlân dawk chhuak zui nghal zawk a.





"Mi tenawm hlir in ni,nangpawh kha ka ngaidam ngai lovang che. Mamawhna che ka nei tawh lo tih hre rawh,min pawt buai lo la an ni kha ka tawng kher a ngem??" tih nang nang pahin kan In lam pan chuan ka haw zui ta nghal a.





A lo la êng kulh a, ka phone ka phawrh a. Sana ka en chu ka meng kâwk mai, zing lam Dar 2 a lo ri ṭep tawh. Thâwm dîm takin Kawngka ka hawng a, ka Ui duat em em 'Jacky' chuan min lo pan vat a. A mei a hêm tar tar a, min rawn bawh pahin a chîk ngher ngher a.




"In va rei em em ve?" pindan aṭanga rawn chhuah pahin ka nu chuan a rawn ti ram deuh hmuk a.




"Ka sim," tih hlak pahin ṭhutna ah chuan ka ṭhu nghal hnawk a. Ka nu chu rang takin ka bul sêt ah a rawn ṭhu zui nghal a. A hnâr a lên vat vat tih pawh ka hria; Mahse, chulamah zawng ka fihlim chiang em mai. "In va rei ve?" min melh kur pahin a rawn ti leh hlak a.





"Sawi pawh ka chak lo mu ang," tih pahin ka tho zui nghal a. "I sim hmel bawk a, a lawmawm e," ka nu chuan a rawn tizui hram.





Khumah chuan ka mu thlawp a, Brenda-i chu ka haw thar ngawih ngawih a. Biak duhna leh tumna pawh pakhatmah ka nei lo. Mahse, naktuk lamah erawh anmahni vanga ka buai nasat zia chu ânkhum pahin hrilh hriat erawh ka tum fan thung.





Zoramsanga leh a nula lâmpui lai mawlh khan ka mitthla aṭangin kalbo an tum miah lo. A hmeichhia pawh kha a va 'nasa' awm em em?




Ka ngaihtuahna luahtu lian ber erawh 'Engvanga khati teh ngawta haw nge kan nih? Ka laka mawilo taka chet tum tute kha kan chhuah zalên ngawt dawn nge? Ka lung a dam thei ta miah lo. Ka phone chu ka ban nghal a, "I mu tawh em?" message ka hnutchhiah zui nghal zat a.





Reifê ka nghah hnu pawhin engmah chhânna ka dawng lova. Lungawilo zetin. "I mit hmuhah ngei hmeichhe âwmnêm tak an khawih a, engmah tih mualphona leh man tir pawh awm lovin i muhil zui nghal thei a maw? Mipa hi angkhat vek in lo ni," tih thu ka thawn chu ka ennawn leh a, lungawi lo zetin ka Lukham hnuaiah ka thawlh lut nghal a. Muthilh tumin ka in siam ṭha zui sat sat a.







(to be continue.......)


Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 6:55 pm

TRUE LOVE
Chap~3


By : Tom Tom Putara






Ka harh hlawt pawha ka rilru a awm hmasa ber chu Zan lam thil bawk kha a ni. Zoramsanga kha rawn kal lo ta se ka dinhmun chhiat tur zia ka ngaihtuah ngam lo;Mahse, chuti chung chung chuan ani lakah pawh khan ka lawmna a famkim leh chuang miah lo. Ka dinhmun chhiatzia hria a, min rawn chhan a tumna ai mahin a hmaa an in hnialbuaina kha a ngaizam thei lova, phuba lak dan a rawn zawng ni maiin ka hre tlat. A rawn umzui a, a tum loh thil a rawn tawng tel ni berin ka hria.





Ka zi mar ṭalh ṭalh a, ka phone chu phawrhin ka hmet kual a. Ka message- hmu reng siin engvanga min rawn chhâng lo nge anih? Ka suangtuahna kha a dik ngei anih ka ringhlel lo zual vek.





"Nizan kha tihpalh lutuk aw mate? Kan pa khan min chhuahpui ta daih sia,kan rawn let lehin i lo awm tawh si lova, " chu mesaage kher chu ka chhâng châk hrih lo.





Khatiang tehrep khan hun ka va hmang dawn tih hria ila chuan ka châkna zawng zawng kha hupbetin ML- khelh tlaivar ka duh zawk ang; Mahse, siamṭhat theih loh hun kal tawh ah in ham chingchivet erawh ka peih teuh lo thung.





"Ka rawn leng ang,hmaichhan ah ngei ngaihdam ka rawn dil ang che, " Brenda-i thu rawn thawn zozai chuan chhânna beisei hrih suh se. Anmahni avanga mal taka awm leh buaina tenau tawk ka ni. E nilo, buaina lian tham tak hmachhawn ka ni. Mipa awmherh, thinrimna pâidam ve thei lo vang leka himdam hram ni berin ka inhria.





Ka phone chu ka hmet nawk nawk a, ka insehruh ru fan bawk. "Hello" phak zeta chhânna ka dawn chuan min ti thinrim nghal ngawt bawk a. "Engvanga nizan khan khatiang ringawt a tawp nge i nih? Police te ko ta che?" ka ti nghal chiam a. Ka thusawi ngaih pawimawh loh hmel zetin. "Ummm," a ti ri fan ruih a. "Tho la, in ti harh rawh. Kan sawidun a ngai, " ka ti zui nghal a.



"Engmah sawidun tur kan nei lo, " a rawn ti bûng nghut a. "Keiin sawidun tur kan neih ka hria alawm, " ka ti ve thung.


"I duh leh Police- ah chuan thlen la ti nia"


"Engmah chiangkuang sawi tur ka hre dawn si lova"


"Engnge i hriat loh ang? I va rui awm ve?"


"Engnga? Ka rui lo chiang khawp mai"


"Chuti si engatinge engmah sawi tur i hriat loh? Pawngsual che an tum nge, engtia tih che nge an tum?"


"Ngawi hmak rawh, " ka ti ṭhat a. A la rawn nui huk zui. "Anmahni ka hre silo alawm. Police-in min zawt chîk viau anga, ka talbuai ang tih ka hlau alawm, "


"I hriat ngai loh i ring a, i zui teh ngawt bawk a. An zilh tel hlak ang che"


"Nangmah kha i pawimawh alawm. Khawngaih takin min ṭanpui rawh," nizan lam thlen ṭan dan sawi nawn kher ka duhlo.


"Min rawn sawi tel suh"


"Police ka thleng anih chuan i tel ngei angai"


"Ka inrawlh duhlo, " a lungawi vak lo tih hriat takin a rawn ti bul hmuk a.


"Mipa nep tak i ni, min tanpui zo law law ta che, " ka ti ṭhat a.


"Hmeichhe ropui tak i ni, " a rawn ti ve leh kher chu ka sa zak mai. Phone chu ka dah tau hmak a, Khumah chuan ka theh thla ṭhak a. "Ka sawi tel ngei ngei ang che. Ka ngawi mai mai dawn miah lo ania, " ka ti zui hmawk hmawk a.




"Ka kalpui ang che, " tih a rawn thawn chu. "Ka lawm e, " ka lo ti lêt thuai thung.




Ka inbual fai a, pindan lamah ka insiam zui nghal zung zung a. Ka laka an chet duhdan ka ngaihtuah nawn leh a, ka lung a awi lova, ka thin a rim thar et et bawk. 'An sual man an hmu tur a ni' tih chu ka thutlukna a ni bur mai.





"Naute...i ṭhianpa a rawn kal ania, " tih thawm chuan ka beng a verh nghal zar a. Hmanhmawh takin ka inthlak sawk sawk a. Sam hruk mawlh mawlh pahin ka va dâk dêk dêk, 'Zoramsanga!!!'





"Engvangin nge i rawn kal?" ka ṭawngchhuak lek lek zawkin ka hria. Ka nu lah chuan hmel hlim min hmuh lo chiang viau mai leh nghal. "Ka rawn kal ve lo mai ang. Ka ṭhiannu nen chhuah dun kan lo tum a," tih pahin ka mit chu ka sân âk âk a. Hrethiam tak ang maw? Ka chhungte'n an hriat ka hlau takzet tih hrethiam rual chu a ni maw le.





"Aw le, " tih pahin a chhuak zui nghal vut a. Ka thaw huai, ka chezia ah khan a hrethiam em ang chu. Ka nu rawn lut chu inchei chungin Darthlalang ah ka hmu thei. "Tunge ni kha pa kha?" a rawn ti nghal chat. "Thian mipa i neih kan va hre ngai lo ve," a rawn tizui nghal zat a.





"Ka ṭhiannu bialpa anih kha,min rawn lamtir a niang. Ka tel lovin an inhmu thei, " ka lo ti vat a. "Min zawh belh tawh lo hram teh, " ka ti rilru pah mawlh mawlh bawk. "Kan hriatpuina tel thlapin ṭhian mipa kawm tum rawh. Ṭhian atan pawh mi pangngai chin hi an awm ve ania, " tih nang nang pahin a chhuak zui a.




Ner sawk pahin ka melh râm râm a. "Ngawt che u hian....ṭhian ka kawm turah lehzel.... inkhirh si, ninawm" ka ti rilru tlat tho.




Hmanhmawh tawkin phone chu ka ban a, ka ngaithla vang vang a. A la thei lo, ka tinawn leh ṭhin a. A ngai ang bawkin chhânna ka dawng chuang lo. "Phone la teh..phone la teh," tih pahin ka teikual sek a. Lungawilo zetin Khumah chuan ka ṭhu hnawk a, ka ngaithla leh vang vang a. Engmah chhânna ka la dawng ta chuang lo.





Ka nu hnena chhuanlam ka siam chu pawmsak ka nih tawh avangin sawinawn lovin ka chhuak tlang zui nghal a. Kawngpui ka thlen thlengin ka mit ka lên ru kual deuh ruai reng a. A hmel hmuh tur a awm chuang lo. Kawngpui bulah min lo nghah rinna tlem ka la neih avangin ka phei zui a, ka hawi kual leh zung zung a. Chulai hmunah pawh chuan a hmel hmuh tur a la awm ta chuang lo.





Ka phone hûmlai rawn ri chu ka bih nghal vat a. "Aw Brenda," ka ti bung nghat a. "Lo awm rawh, kan rawn thleng ṭep," a la rawn ti ṭâlh. "Ka chhuak dawn... Taxi ka châng mek, " ka ti let ve vat a.




"Lo awm la a ni mai, thil ṭha tawk Surprise- tur che ka nei, " a la rawn ti hram. Engtinmah ka chhâng lova, ngawi rengin ka ding ngawt ngawt a. Zoramsanga chu biak leh ka tum a, a hma ang tho a la ni reng. "Engnge i hriat a? Ka chezia ah khan thil awmzia tur i man thiam dawn emaw ka tia," keimah chuan ka in sawh ru nghawng nghawng a.





Bike rawn tlanchho chu amah ngei a ni; mahse, hmeichhe phurh a nei tlat. Min rawn hmu thuai a, ka bulah chuan a rawn ding zui chat a. "I ṭhiannu i la nghak em ni?" mit min siai zauh kher leh nghal. "A rawn thleng ṭep," nuih luih sâng pahin ka chhâng thuai a. A hmeichhe phurh chuan. "Kal ang, ka tlai ange, " tih pahin a lo nâwk zauh bawk a. "Anih aw," tih pahin a tlan dawk nghal zawk a.





"Misual....vawikhatmah min rawn be tawh suh. Ka mamawh miah lo che, " tih pahin a number chu ka block-zui nghal hmak a. Brenda-i message chu ka en pah nghal zat a. "In ah khan lo awm tawp la a ni mai, i inchhir lovang, " tih zawng a rawn thawn a. Lungawilo zetin kan In lam pan chuan ka lêt zui nghal a.





"Engatinge? In chhuak leh dawn lo em ni?" ka nu chuan a lo ti vat a, ka ding chat a. "Nia, kan ṭhulh leh thut, " ka ti nghal vat a. Room-lamah ka lut tlang zui nghal a. Ka room-chu kalhin Khumah chuan ka bawk thlawp a. "Engang mipa nge i nih a? Nizana ka chunga thil thleng kha khati khan min enliam pui tawp ang maw? Anmahni nen khan in rilru chhiat dan a in ang reng, " tih pahin a message rawn thawn te chu ka delete- zui hmawk hmawk a.





Ka tho a, lungawilo zetin ka inthlak zui sawk sawk a. Ka nu chuan min koh pahin kawngkhar a rawn beng a. "Ngawi lawk, ka inthlak, " ka lo ti vat a. Thawm a reh zui ve mai bawk a. "Chimawm ah pawh hian chintawk a awm ngai. Engmah ni mang silo, chapo ve em em ringawt, " awmze neilo zetin ka thinrimna chu ka la phunchhuah pui a, ka thawmhnaw chu ka hnawh tawm zui nawk nawk a.





"Khaw'nge Daisy?" ti lâng lâng chu Brenda-i tih ka hre nghal. Ka chhuak phei chu ka ding nghal chawt. Zaithiam leh hmelṭha ka tih em em Zohminga nen an lo nui sâng a. Ka pên phei zui na a, ka pên deuh nawk nawk ni mai hian ka hria. Brenda-i lah chuan a lo hrethiam chiang viau bawk a, a lo nui tat tat a. "Lo ṭhu rawh u, tui vawt ka rawn la ange, " tih pahin ka kaltlang zui a. Ka let leh thuai a, Brenda-i chu tui pek pahin ka melh pah hrep a. A lo la nui tak vur vur a, he nu pawh hi a mawl zo tawh anih hi.





"Daisy-i maw?" tih pahin a kut a rawn phar chhuak nghal vah a. "Naute-i chu a va han changsang ve aw? A zaithiam tih ber a rawn leng ania, " ka nu lahin a lo ti kher bawk a. Nui sak chungin a kut chu ka lo chelh vat a. "I va fel ve? Keini In ah te i rawn len ve duh?" ka ti bah nak a. Ka kut chu a hmer na salh a. "I ṭhiannu hian a sawi reng che a, ka hmuchak lutuk che a ka rawn zui vang vang anih hi, " a lo la tizui!! Rang takin ka ṭhu zui ve leh thuai a.





Phone ri chuan ka beng a verh nghal zar a. Ka number hriat ngai loh a ni. "Min lo hrethiam lawk rawh u. Ka chhâng lawk ange" tih pahin ka melh kual a, nui sângin an lo bu nghat nghat a. "Hello" ka tih rual rualin. "In in a rawn kal chu a zahthlak hle mai. Ka tihpalh anih kha, " a rawn ti fiah fak a. Zoramsanga a ni tih ka hriat rual chuan pindan lamah ka lut zui nghal vat a.




"Kan In a rawn kal turin ka ti reng reng lo che. Police a min kalpui a, thuhretu a lo ṭang ve turin ka ngen mai che a ni, " ka ti ve ngat a. "Dah rawh, i bialnu kha a rawn ṭawng ve leh riau riau ange, " ka ti zui leh zat bawk a.




A rawn nui hul hak a. "I duh chuan ka tel lovin FIR thehlut la; Mahse, i rin aiin i buai nek thei tho ania, " a rawn ti chu ka sa deuh phat a. "Kha aia buaina lian kha a awm dawn chuang em ni? Engvanga min sawiṭhaih tel tlat zel nge i nih? Khang thil kha ka laka in lak hero- nana i lo ruahman zawk nge mawn le?" ka ti lêt nek a.



"I ngaihdan dan le"



"Mipa chapo leh sual tak i ni,ka dah dawn,min rawn be tawh suh, " ka dah zui nghal hmak a. Tu phone nge a rawn hman ka hre lo, chu number pawh chu ka block- zui leh nghal hmak bawk. Lungawi lohna dahṭha luiin ka chhuak phei zui a.




"Kan chho dawn mai ang,kal pên lawk na tur kan nei a. Ani hian programme- pawimawh a nei bawk nen," Brenda-i chuan a lo ti thuai a. "Teh thut chuan,a la hma em mai a. Thingpui te kan in phawt ang chu. Nangmahni vangin ka chhuah loh phah a," ka ti thuai na a, an thawh chhuah ṭalh takah chuan pawnlamah kan inzui chhuak ta nghal a.





Brenda-i ka hmuh huna ka thinrim hriktlakna tura ka lo ruahman zawng zawng erawh a hlawhchham hrih chu ania. Mizo zaithiam zinga ka duh ruk em em, a zai ka ngaihthlak nin theih loh ngei mai khan kan ṭhiandun inkar boruak rawn siamṭhatna lai lai a rawn nei a, keimah bikah erawh a zaithiam ka tihna ah khan a tawp thung.





Khum chunga ka phone lo let bal a Message-lo awm vâng chu ka en nghal thuai a. "I dam em? Kan inhmu khat hle mai. Niminah ka rawn haw a, ka hmuchak hle mai che, " Ramthana message-chu ka chhiar nghal vat a. Ramthana hi ka ṭhian satliah a ni lova, ngaihzawng ka neih ve hmasak ber a ni. Mahse, kan in ngaihzawn kha chu thu mai chauh a ni thung. Engkim hrethiam ve vek chungin in terek hran lam erawh zahna riau in a ṭhutbeh hunlai a ni thung.



"Ka dam ṭha e, i rawn tluang chu a lawmawm e, " tih lêt erawh ka hmaih lo. Min rawn chhâng zui lova, keipawhin ka ngaihsak zui hran lem lo.




"Vawiin kha ka ngei zia che chu, khatianga rawn len reng reng?" ka phone chu dahin Khumah chuan ka mu thlawp a. Muthilh lawk ka duh, eng emaw ti takin khawhar rûkna in min tuam a, eng chu nge ka awmdan apiang ka nin em em nachhan erawh ka hre chuang lo.





Ka phone ri chu ka en thuai a. "I lawm viau ang chu ka lo tia, i number min dil a. Ka pe ania, " Brenda-i message chu ka chhiarliam nghal puat a. "A zaithiam ka ti, chuzawng chu a ni mai e. Keimahah a thawk danglam hran hauh lo ania, " tih zawngin ka chhâng.





Ka nu chuan min rawn ko a, peih loh zetin ka thochhuak zui nghal a. "Chaw ei dawn ang, i pa te nghah thlen law law ka ti deuh na a, rin aiin an rawn thleng har dawn riau mai a. I lo eisan mai ang, " a lo ti zung zung a. "Ril a va tam lo tak, " ka lo ti fan raih a, muthilh sek châkna rau in min chenchilh mawp mawp reng a, muthilh ai chuan thil hrang hrang ngaihtuah kual ka châk na erawh a lian zawk hlauh thung.





Ka pa rawn haw mek thu leh ka zalen rûkna in sûlpel tur chu ka lo ngaihruat thiam sa vek. Ka pa hian puitling ve ṭan tawh ah min ngai lova, min ngaih ngai pawh ka ring lo. Ka nu pawh hian ka pa zia, a ṭhen lai lai a la tawh a ni ber ang chu! Zanriah kan kildun chhung zawngin Mipa laka fimkhur tura min chahna Thupui ka ngaithla a ni ber e.





Khumah chuan ka ṭhu a, phone rawn ri chu ka en vat a, Ramthana bawk a ni. "Aw hello," tih pahin lehkhabu chu ka remfel pah a.


"I mu tawh em? Ka rawn tibuai che em?"


"Mu love...."


"Naktuk engnge i tih dawn?"


"Ka hrelo le"


"Chhuak lawk ila?"


"Chhuah tak chu ka hman ka ring lo, min lo hrethiam mai rawh, "


"Anih, naktuk zanah ka rawn leng mai ang, "


"Aih," ka ti deuh tlat a.


A rawn nui hul hak a, "I va duh loh hmel ve?" a rawn ti chhum hmuk a.


"Ka pa zin a rawn haw dawn a, rawn leng lo mai rawh, " ka ti leh a.


"Anih chuan,i phal loh miau chuan ka rawn leng lo mai aniang chu, " a rawn ti ve leh nghut a. "Naute i pa te an rawn thleng e, " tih thawm ka hriat rual chuan, "Duhtawk ang, ka pa a rawn thleng, " ka ti zui ve leh nghal a.




Ka pa leh nula hleitling zet lo ding chu ka hmu nghal vat a, ka nu nen chuan an lo in chibai mek a. "E khai...kan va tawmbo rei deuh ve?" ka pa chuan nui vur vur chungin min lo ban nghal vat a. "Hei hi Saitual lama i u Sawmi anih hi, Puanṭhui zir a duh miau mai si a. Kan In aṭangin a zir mai aniang chu," a lo tih zawm a, nelawm thei tur ang berin ka nuih sak a.




"Sawmi, hei hi kan te ber, kan nula neihchhun anih hi. Daisy Lalruatfeli ania. 'Daisy' tiin i ko mai dawn nia, " ka pa in ka hming a hrilh lai chuan min melh pahin min lo nuih var var bawk.




Nula hmelṭha tak a ni, a fel hmel hle in ka hria. Ka rilru a lo awm ber erawh ka hahdam ve deuh thei tawh dawn a, Inchhung chet velah ka hahdam thei tawh anga, hunthawl ka ngah tawh dawn in ka hria. Nidanga ka pa rawn haw aiin tun ṭum erawh lawmna ka ngah ve ta deuh e.





Mu chungin ngaihtuahna hrang hrang ka sêngkual a. Kha zan ṭihbaiawm zet khan ka ngaihtuahna a rawn luah thar leh a. Hetia ngawih liam san mai hi ka duh lo viau bawk; Mahse, ka pa in a hriat ka hlau viau bawk si. Police-lama ka zualko rual rualin ka pa beng a thleng thuai dawn tih ka hria. Chu tak chu min tibuaitu a ni. Ka mitthla ah a rawn lang nawn awn awn a. A hunlai aiin thinrimna ka nei thar zual sauh a, a hunlai kha chuan thinrimna aiin hlauhna in ka khat zawk tlat a. Engtia hmalak tur nge erawh ka hrethiam mai lo. Zoramsanga nena inhmuh a, ka chhungte beng thleng lova kha mihur pahnih kha hremna pek ngei ka duhna a lian ber a. Chumi tur erawh chuan Zoramsanga ber a pawimawh em em lawi si. He mihring chapo, sual lutuk nen hian inthurual ka duh miah tawh bawk si lo.





Ka inlet thak thak a, zai ngaithla chung chuan ka hmalak dan tur ka ngaihtuah zui neuh neuh a. Thutlukna siam tur khawp erawh chuan rilru mumal ka pu thei chuang hauh lo. "A tlachawpin le, " mahni inhrilh pah chuan phone ka hmet thim a, puan ka sinṭha zui sat sat a.







(to be continue..........)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 6:55 pm

TRUE LOVE
Chap~4


By : Tom Tom Putara






Kan upa ber, Johny Lalrinzuala rawn haw ni tur a ni a. Kan inhmu khât bawk a, min duat em em tu anih avang ringawt pawhin hmuh thuai ka châk hle. Ka u chiah, Timothy Lalhruaizela erawh a rawn la haw ve thei dawn lova. Ani hi chu ka va ngai viau em em lo, kan awmdun chuan kan in hau thuai zel a. Kumchhir a piang tih takah kan in thîk tawk viau zel.





"Vawiin kha ka hman dawn lova. Kimtea ka phone anga, in nufa in Mama chu inlo zuk hmuak mai dawn nia.." ka pa chuan phone hmeh nuap nuap pahin a rawn ti a. "Aw, Kima...i buai lo maw?" a ti dam zui duam a.



"E, a ṭhat hlauh chu. Englo ania, i u Johny-a a rawn haw dawn a, i pi te nen in lo zuk hmuak lawk mai dawn em ni?" a ti zui nghal a. Ka nu chuan lehkha ziah pahin a melh leh rulh ṭhin a. Ka pa in phone a dah rual chuan, "Engnge tih tur i nei em ni? I ṭhulh deuh thut a?" ka nu chuan a lo ti hmuk a.





"Nia, kan hnathawh chungchangah Office lamah min ko thut pek a, ka va lan lawk a ngai" a lo ti thuai a. "Keipawh ka hman hlei nem... Chhuahna tur pawimawh ka nei" a tih let rual chuan an in melh hrâw a, "Keimah paw'n ka kal thei tho a nia. U Kima nen kan kal mai ang. Ani pawhin tun ṭum chu a hrethiam ang" ka lo ti vat a, phur tawk in pindan lamah ka luhsan zui nghal a.





Lengpui lam panin kan chhuak thla a. U Kima hi Zu a lem ve zeuh zeuh tih lovah chuan a fel ve riau a. A ṭawng duhin a bul a awm a nuam ṭhin viau. "Hmanhmawh lutuk lo ila tiraw? A la hma deuh tho bawk a" tih pahin min melh zawk a. "Nia, tlanchak suh. Tunlai chu ka mumang a fuh lo thei viau ania" ka lo ti vat a.





"Nizan chu kan inhnial nasa khawp a..." a rawn ti teh daih a. Ka phone en in a thusawi erawh ka ngaihthlak sak tho. "A hma chuan ka Group awmna zawng zawnga nuam ka tihna ber ania..." a rawn tihzawm leh a. "Eng thu ah nge in inhnial a?" ka lo ti ve khauh a.




"I ngaihdan sawi ve tho la, ka ṭan hmun kha a dik zawk chuan ka la hre tho" a rawn ti leh hmasa te te a. Ka lo bu nghat nghat, "Ka awmna Group pakhat hi a hma chuan Pathian Thu sawina ṭhin ania. Zan Dar 8-velah hian Topic-tur an rawn dahchhuak ṭhin a. Rilru inpawh deuhin Kohhran hrang hrang ami te hian kan sawiho ṭhin. Hman kar deuh aṭang khan Topic-hran deuh kan nei chho ṭan a. Nizanah khan kan inhnial ta deuh a...." an inhnial chhan ber sawi chuang lo chuan a rawn ti teh duah a.




"Eng thu ah chuan inhnial tak che u maw?" tih pahin ka lo nuih deuh a.




"Zawhna pakhat an rawn zawt a...." tih pahin min rawn melh zawk a. "Engnge i ngaih ve dan erawh ka hre chuang lova. Video rawn darh chungchang kha ania. I lo hmu ve em? An sawidan chuan in ngaizawng pawh an nih loh hmel...ṭhiandun an ni awm e. An in play-vel a, Sex-chu an hmang chuang miah lo" a ngawi zui leh daih a.




Ka thlêk zawk a, "Eng chu nge in inhnial na? Video pawh chu ka hre ve leh pek miah lo" tih pahin hmalam chu ka en ngar a.




"Sex hmang lova in play-ringawt kha sual anih ka hre tlat lo alawm" tih pahin a nui huk a. "Entirnan, nang leh kei hi kan in ngaizawng miah lo. Tunah hian kan taksa in khawihin a nawmna vawrtawp in thlensak ta ila, Sex erawh hmang chuang miah lo ila...chu chu sual ah ka ngai ve lo. Kan mamawh kan in phuhrûk tawn ah ka ngai mai" a rawn tihzawm duah a.





Ka lo ner sawk mai, "Ka hrethiam e...kan ngaihdan a in ang lo hle anih chu" ka lo ti ve hlak a. "Engnge i ngaihdan ni ve hrim hrim?" a rawn tih zawh rual chuan, "Sex va hmang lo mahila 'ngaih chaka melh pawh sual' anih chuan chung ang thleng thleng chu sual a ni sa hrim hrim" ka lo ti thuai a. "Chutiang lam sawi chu ka châk vak lo bawk" tih zui nghat pahin phone- ka khawihsan zui daih a. Ka titi chak em em vak lo nen a thil rawn sawi chuan min ti chak lo leh zual; mahse, a khât tawkin ka lo zawm ve zauh zauh tho a. Chuti chung chung chuan kawngtluana sawi tur thildang pawh a haihchham chuang miah lo.





Ka nghahhlelh em em ka U Johny-a rawn chuanna chu a rawn ṭum ta ngei mai a. Hmuh thuai châk tak chungin ka lo thlek dâk dâk reng a, a tawp ah chuan ka ngaih em em ka U nen ngei mai chuan kan inkuah ta vawng vawng e. Car-awmna lam kan pan a, sawi tur kan ngah dun kher mai. A hnungah kan ṭhu lut zui nghal, Aizawl lam pan chuan kan chhuak chho zui ta nghal a.





Rangvamual kan pel chho hlawt tihin Motor a lo ding khat pût a, motor rawn chhuk thla chu U Kima chuan a lo tiding a. "Engnge ni reng reng a?" alo ti thuai a. "Bike leh Bolero- an insu a, Bike khalhtu khi a na ang reng...in la ding rei deuh mai thei. Police-an kova..." a rawn ti zung zung a.





Engtia insu nge tih pawh hre hawt lovin U Kima chuan, "An tlanchak thei lutuk bawk alawm. Two wheeler- him loh zia hi an la hre tawk lo a ni" a lo ti hman hmawh leh pek a. Ka u chu a chhuak vat a, "Lo ṭhu rawh u, ka han ngaihven ve chhin lawk ange" a rawn tizui a.





"A va ho mai mai. Engmah han..." U Kima'n a rawn ti hman chiah tihin, "A ho ngawt lo...ṭanpui ngai deuh, kan ṭanpui theih pawh an ni mai thei asin" tih pahin ka chhuk a, ka U chhohna lamah chuan ka chho zui ve a.




An lo ri deuh laih mai, an lo din hual tuau bawk a. A kar awl rem lai laiah chuan ka inhnawh chho zui nghal. A ṭhen in phone-in thla an lo la reng bawk a. "A tir aṭang khan lo buaipui nghal tur che u ania. In tam tehreng nen..." tih hmuk paha lo bawihsawm mektu ka hmu chu ka phu deuh zawk. "Ṭhianpa...ṭhianpa....i harh em?" tih pahin thisen nena lo mu hlawm reng chu Zoramsanga ngei mai chuan a lo sawi nawk nawk a.





Ka u pawh an bul a thleng nghal thuai a, "Khai a....Ramsang, nangni in ni maw?" a tih rualin Zoramsanga chu a rawn hawichhuak a. "Jo nang maw? I rawn haw a ni maw?" tih pahin a bul ami chu a sawi nawk nawk reng a. Thisen baw nuaih chu hmuh hrehawm ka tih em avangin ka mit ka chhîng leh sawk ṭhin. "Ka ṭhiante pawh an ni chiah bik lo. Keipawh Ka thleng ve chiah tho. Ṭhianpa....i harh em? Ambulance call-thei in awm em?" Zoramsanga chuan a mit a lenkual ruai a.





Ka en thei tawh lo, thisen rawn chik leh puat ṭhin chu hup bet mah se awmzia a nei tam lo tih chu kan hmu vek hlawm ang. "Kan be tawh, Police lam pawh an rawn kal mek" tia lo chhângtu lam chu hawi in ka thaw huai mai, min tichau ve vek thei mai, rang takin ka chhuksan zui nghal daih a.





Rei vaklo hnuah ka U pawh a rawn chhuk a, "A kal theih dawn e" a rawn tilut nghal a. Kan hmalama motor ding chu an che zui nghal zat a, keini pawh muangchangin kan tawlhchho zui ve nghal thuai a, a lum bawk nen, ka thil hmuh in a zir lo bawk si ka ni deuh nghulh mai.





"Lawk aw...ding lawk" ka u in a tihrual chuan kan ding zui nghal a. "Kan lo han chho ange, zanah rawn leng rawh aw? Thil ṭha deuh ka hawn ania" tia a va auh zui chu tudang mah a ni lo, kha Zoramsanga bawk kha a ni. A rawn kalhnai thuai a,min rawn en dawn tih hrereng chungin hmalam ka en ngar a. "Kha kha i nau kha em ni? A lo va nula tawh ve?" a rawn ti nghal chat rêng a, ka lo ei lo ru leh ngawih ngawih tawh.





"Nia, hei awm loh chhungin a lo nula ve uaih tawh mai. Zanah chuan aw...." ka u in a tihlai chuan hnunglama Motor-dingho horn-chu a rawn ri ṭhat ṭhat hlawm a. "Awle, ka rawn tum dawn nia. I nau rawn rim pahin..." a rawn tizui deuh kher a, ka melh hrep chak lutuk. Kan tlan zui ta nghal nen ka rilru in ngei lutuk in ka la ngaihtuah zawm char char chu ka duh lo hle bawk. Hepa nen hian engvang in nge kan inhmuh fo le? Ṭul lo deuh in ka ngaihtuahna thleng in min tibuai.





"Zoramsanga anih kha.....mihring talent ngah lutuk, awm ṭha duhlo anih kha..." nuih huk pahin a rawn ti zui a. Ka hria, a chimawm zia leh lerh zia pawh. Zoramsanga, mipa mawl chhah lutuk anih zawk kha...kha mihring khan engmah thiam thil a neilo.




"Football pawh a thiam lutuk. Volleyball-ah phei chuan kan School-in nghahna ber kha a ni ṭhin a. Music a thiam em em a, Solfa pawh a ti thei" ka u chuan Zoramsanga thiam thil ngah zia chu a sawi zui tui khawp mai. Kei lah hian a mizia ka hmuh chinah a chimawm zia leh a hmeichhe mi hle a ni tih bak a nun ah khan hmuh ka nei der lo.





Zan dang anglo takin engtin emaw hian ka phi cheng a. Sana ka en leh zauh ṭhin a, kha mipa chapo tak kha a rawn lang har ka ti ru viau bawk. Kei hi engnge ka lo phi ve cheng? Hmuh ka chak a, ka hmu peih miah lo thung. Ṭhutthlengah ka ṭhu awn diai a, U Sawmi'n a pindan lama min luhsan hnu phei chuan Sana ka bih zin ber zan a ni ta hial ang.




Door bell- ri chu ka lo chhâwn thuai a. Amah Zoramsanga ngei mai chu a rawn lut chhat chhat a, ka ṭhutna ep a ṭhut pahin, "Johny-a a awm em?" a rawn ti nghal a.




Amah pawh en chuang lo chuan, "Ka hre miah lo. A awm ang..." ka lo ti deuh hmak a. Awka nem tak a biak hi ka thiam lo he pa hi. Ka u chu a pindan lam aṭangin a rawn chhuak zui ve chiah bawk a. "I rawn kal thei maw?" a rawn tichhuak nghal a.




"Engnge rawn kal theih lohna tur awm a? Ka thu ber alawm" a lo ti deuh kher anih chu! Mipa chapo tak nia ka hriat kha a la dik tluang zel. A bula hun hman hrehawm tur zia leh ninawm tur zia te chu ka lo chhût zui nghal neuh neuh a.





"In inzui tawh lo em ni?" ka u in a ti chiah chu ka beng a verh nghal zar a. Phone chu ka keng sâng zui nghal zat a, ka phone hmai leh ka hma zawna ṭhu hmai chu a inzâwn vel viau. Phone en pahin ka en pah a ni ber zawk ang chu! Engtin tak chu zawhna chu chhâng ang maw?





A nui hul huk a, "I hre hlui em mai.... Hmeichhia an tam em hi" tiin zuk chhâng a. Ka lo thaw ru halh a, "Ka lo rindan che ang i ni chho char char anih hi..." ka lo ti rilru mawlh mawlh a. An inkawmna thu ngaihven ang erawhin ka awm hauh lo thung. Ka thil chhiar chu engnge anih pawh hre chuang miah lovin ka chhiar vel mai mai a ni. Rilru pek hmel zetin ka thil enlai chu ka nuih pah ver ver bawk a.





"I ngamlo theih em kha maw....khatin hmeichhia an tam ti ve reng reng suh. Kan picnic- hawlam te kha mitthla ah a lang uarh uarh mai" ka u in a fiamna thu chu hriatchian ka chak in ka beng ka lo chhit ruk kar lai chuan. "In chungah chho ila..." a tizui nghal daih.





"Kan han inkâwm lawk ange" tih pahin ka u chuan mit min rawn siai zauh a. Ka lo nui ringawt a, "Nau i nei hmelṭha hle mai. Ven uluk angai ṭan tawh dawn anih hi....pawngsual tum tawk te an awm duh tawh mai ang" tih pahin ka u chu a zui nghal a. Min en miah lo na a, rum zetin ka melh râm râm a. "Lokal mai mai teh...."ka u chuan nuih hawk hawk pahin a rawn ko zui nghal thuai a.





Rei vaklo hnuah Zoramsanga chu a rawn chhuk leh a. "Thianpa nau" a rawn ti leh kher tawh. "Sawi ṭha mai mai teh" ka lo ti hlak a. Min melh reng pahin a nui hul huk a, "Englo ania...kan chhoh hnu khan i u nen a room-ah kan lut a. Khumah kan ṭhudun a. Eng eng emaw sawidun kan tum viau na a, tui kan kengchho lo tih kan hrechhuak ve ve a. Rawn chhuk nghal ka tum a..chuan, ka rawn chhuk leh nghal vat anih hi" a rawn ti teh duah a, ka huat tur tak a awm dan hi a hre mah mah Zoramsanga hian.





Tui bottle-chu ka pe a, "Khami mai kha a ni lo'm ni i duh?" tih pahin min lo en rengtu chu ka melh râm râm a. "Ka lawm..." tih pahin a chho zui leh nghal a. "Awlsam taka sawi nghal mai theih a sawikual duah kher a. Lawmthu sawina sawi tluantling leh duh miah bawk si lo...chimawm lutuk" ti rilru chungin ka room-lamah ka lut zui nghal a.





Ka nu leh pa, ṭhenawm a damlo tlawh rawn haw thawm chu ka ngaithla reng a. "Mami...i mu tawh em ni?" ka pa min rawn koh lûng lûng chu ka hrelo der lui reng na a, ka chhuak phei nghal ta tho a. Ka u te pawh an rawn chhuk ve chiah e.





A hma in ka nu in a lo hmu tawh a. Mahse, tunah erawh vawikhatmah kan inbe miahlo thung a, U Jo- nen zawk an rawn inzui chu mak a ti ru tih hriat zetin min melh tawn leh ṭhin a. Engmah phei chu zawhna a nei hran lo.





Thingpui an in zawh chuan ṭhalai zinga hun hman ve reng an duhloh ai mahin ka u a awm tawh avangin min ngaihtuah lo tih hriat zetin an mu lut zui ta daih a. Ka u chu a chau ve deuh anih ka ring, a meng phelh phang a. A ṭhu awn deuh diai a, "Naute... Zoramsanga hi a awm loh hunah ka la puan dawn nia. Kan ṭhian zinga kan enthlak ngun ania" nuih huk huk pahin a rawn ti a.





Ka melh zawk a, phone a lo hmet mawlh mawlh thung a. A awmdanah chuan ka u thusawi chu hria awm ang pawhin a lang lem lo. "Kan ṭhian zinga zei ber ania" a rawn tihnawn pawh chuan engahmah a ngai lem lo tih hriat zet in a nui suk duh chauh.





"Ka chhuk dawn ange, ka ṭhiannu phone siamsak ka ngai."tih pahin a ding nghal hluai a. "Kan la inhmu leh dawn nia..." tih pahin min rawn nuih suk a, rang takin ka mit ka lo la sawn thuai a, ka lo en reng tih ka hriat chuan ka sa hat hat mai, chu thil chu ka duh miah loh thil ani.





Ka u nen an inzui chhuak a, ka tho nghal thuai. Hmunphiah banin ka hawl fel nghal zung zung a. Ka u rawn lut chuan nuih huk pahin, "Kan Zoramsanga chu a mizia a lo la thlak chuang reng reng lo anih kha..." a rawn ti lut bawrh bawrh a.




"A chapo hmel.." ka lo ti hlak a. Ka u chu a nui huk a, "A mizia ve hrim hrim anih kha...mipa fel tak alawm anih. Mahse, hnaih suh..." a rawn tizui a. "Hmmm...engnge maw ka lo hnaih ve ngawt ang?" ka lo ti nghat a.





Khumah chuan ka ṭhu hnawk a, kha mihring chapo zet kha ka mitthla ah a awm reng thung. "Ka ning...kalbo rawh. Engvangin nge ka u nen in lo inkawm ṭhin? Nang ang mipa khan min hnaih tur a ni lo" keima hriat tawk lekin ka ti mawlh mawlh reng a. "Mahse, mipa hmelṭha, ka lo suangtuah ṭhin chu nangmah ah hian a kim vek lawi si" ka ngaihtuahna chu duh lo in ka in thingharh vat a.




Ka phone rawn ri chu ka ban nghal thuai a. "Aw...Zothan..."



"Naktukah inhmuh lawk kan ngai" a rawn ti nghal phar phar a.



"Teh ngawt chuan? Engnge ni leh ta?" ka nui kar kar a, Zothani hian eng thil pawimawh mah rawn chhuahpui tur a nei dawn lo tih ka hrechiang lutuk. Thu holam mai mai bak kha a rawn paipawn leh dawn lo. Ani hi chu eng emaw thu ho te pawh a rawn rikpui hluai zel tih ka hrechiang ve tâwk tawh em a ni.



"Nidang anga holam a ni dawn lo ania...i rin aiin a ropui ang" a la rawn ti tak deuh deuh a. Kan pahnih chuan za fahranin kan nui leh rih bawk a. "Awle...inhmuh kan tum dawn nia" ka tih takah chuan a phûr hle tih pawh ka hrethiam nghal vat bawk.





Ramthana message-lo awm vâng chu ka hmu nghal a. Ka en chu ka phu deuh zawk thei hial, Class 9 kan zirlai, kan in ngaihzawn ṭantirh vela kan School bula kan thlalak dun chu a lo la nei ṭha khiau nia!!



"A va rei tawh tak..." tih zawngin ka chhâng a. "A lunglenthlak reuh asin" a rawn ti rang kher mai. Engtinmaha chhân loh ngawt chu dikin ka hre chiah si lova, "Nia..." tiin ka chhâng ta hram a. "I ngaih hoh hmel..." a rawn ti ve leh hram a. "Ngai ho hran love...a hlu alawm. Thlalak hlui hi ka lo nei tawh lo khawp a..." ka ti let thuai a.



"Ka type peih tawh lo...sawi tur ka la ngah bawk si. Ka rawn call ang che. A pawi em?" a awki chu a danglam hle bawk. "Aaa.....thil pawimawh khawih lawk ka ngai a, min lo hrethiam mai rawh. Remchangah kan inbe zawk dawn nia..." Beiseina siam sak ka duh lo, kan inkar ah engmah a awm tawh lo. "Awle, i thu thu ni rawh se" a rawn ti deuh hmak a, a out zui nghal hmak mai.





Khumah chuan ka mu zui nghal thlawp, Ramthana thlalak min rawn thawn chu ka ennawn leh a. Ani nena kan hun hmandun lai ngaih aiin chu hun zawk chu ka ngai thar veng veng thung. Chung hunlaia ka kawm tam ber leh ngainat ber Sentei kha ka mitthla ah a rawn lang thar nghal zat a. Samlukhai khua an nia, Krismas dawn ah haw a ngai si, zingah pawh an khaw Sumo Counter aṭangin ka vailiam nghe nghe a. Tlai lama ka thu hriat erawhin min dêng na hle. An khaw thlen hma deuh lawkin an chuanna Sumo a accident a, ka ṭhiannu ngawih ngawih chu a hmunah a boral nghal anih chu!! Kum a lo vei ve leh ṭeuh tawh a, hriatchhuah chang erawh ka la nei fo mai. Lunglen na chuan min rawn zem zui chiai chiai a. Suangtuahna khawvelah ka zuang lut nghal zat a.




Zing dar 6 a ri ṭep, hmanhmawh takin kan inzui phei hlawk hlawk a. Kan inkai rial bawk, a bungrua chu kan theih ang angin kan khâi bawr ve nasa mai. Melh zeuh pahin, "Engnge i hawn sak?" ka ti sap a. "Ka sawi duh teuh lo...i nuih a za ang" tih pahin a nui hak a. A hlim tih ka hria, a phûr takzet bawk.




"Ka ngai ngawt ang che...nuam deuhin i va hmang dawn nia..." tih pahin Sumo Driver che vel chu kan endun reng a. Driver-pa tereuhte, mawngzân hmel zet chuan Sumo chung aṭang chuan min rawn melh leh zuk ṭhin a. "Seni....i ngo tawh hle mai. 'Aizawl chu Hmeichhia leh Vawk in an ngeih' an lo tih ṭhin hi a dik tak tak anih hi...." tih zuah zuah pahin a rawn nui vur vur a.




Kan in en a, kan nui ringawt a. "Ṭhiannu lah chu i nei hmelṭha em em leh nghal a.." tih pahin a rawn chhuk zui nghal a. "A single lai tak..." a tih rualin ka nghawk sawk a. Driver-chuan min rawn thlêk nawn leh a, "Min lo biak teh aw" a rawn ti ve leh kher bawk a. Za vak lo in ka lo nui ve ngial, fiamthu mah ni se ka dawngsawng thiam lo, "Sawlai remchang laiah sawn lo va ṭhu ang" tih pahin ka kâisawn zui nghal a.





"Dy....i rilru lo tihah miah suh. Khatiang mipa lerh lutuk vanga ilo in dawmkun vaih zawngin...." tih pahin a kuttum min hmuh zauh a. Kan nuidun hak hak a, "In pa kha va duat hle la anih chu...lalṭuaha kha.."ka ti ve hlak a, min sik nghal nawk nawk mai.




"Ka ngai dawn lutuk che ania, i thleng phei anga, min rawn hrechang tawh awm der si lova..." ka rilru tak takin ka ṭhiannu chu ka thlahlel takzet bawk. "I nin hlûi khawpin ka rawn bia ang che" tih pahin min kuah zui nawk nawk, a nui hawk hawk zui a. "Kal dawn ang le..." Driver chuan a Motor-horn a ti ri zui nghal ṭhat ṭhat a. "Seni...kal ang le...i ṭhiannu kha rawn hruai ve bawk la..." thawveng tih hriat zetin a hawikual that that reng bawk a.




Engtinmah kan chhâng lo, kan nui ringawt a. Kan inchibai a, an chuanna Sumo chu a dawk chhuak a, ka manganna, rilru hahna leh thawpikna engkim ka hrilh na ṭhin chu a lan theih chhung zawng ka bân ka vaikhum lauh lauh reng a.




Sentei ka thlah hnu in ka nu nen kan chhuak a, a Pangpar nalh tih zâwng zawngin kan vak nileng hi a ni ber a. Pangpar nei nalh awmna lah a hre em em bawk a. Min hruai phar nileng hi a ni ber e.





In kan thlen hnu rei vak lovah ka tana thu thinṭhawng ber chuan min rawn dêng ta! Ka ṭhiannu boral thu chu mumang mai nise ka ti vawng vawng mai. Min kalsan hma lawk a, 'I nin hlûi khawpin ka rawn bia ang che' tih paha min kuah nawk nawk chunga nui hmel kha he Khawvela a nui hmel ka hmuh tawp ber a ni ta!




Ka tho a, tukverh bulah chuan ka ding a. Zan boruak thlifim thaw heuh heuh karah Van lam ka hawi a, "Lalsen, zanin chu ka ngai hle mai che. Engtikahmah kan inhmu tawh dawn si lova...i reh vung vung a. Vawikhat lek awmdun leh thei ila...hun hian min va daih dawn lo nasa tak... Nang pawhin thil tam tak min hrilh tur i nei ngei awm si a...." keima hriat tawk lek chuan ka phun sep sep a.




Tukverh ka khâr fel a, Khumah chuan ka lawnkai zui nghal. Sentei nui hmel te, kan inkawm dun laia a thu min hrilh ṭhin te, a bialpa nena an inkar thil thleng min hrilh melh melh lai te chu ka mitthla ram luahtu ber an la ni reng.







(to be continue........)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 6:56 pm

TRUE LOVE
Chap~5


By : Tom Tom Putara





Zothani han rei theih zia hi aw....kan inngahna hmunah hian Darkar dawn ka ding tawh. A rawn hmanhmawh lo lui a nih loh pawhin a Satel kechheh a rawn hmang leh a ni ngei ngei ang. Ka hawikual deuh sek, Taxi rawn ding dat tawk lah an awm reng bawk.




A rawn thaw deuh hlawi hlawi a. "Min lo nghak rei tawh em? Phone ka theihnghilh tih ka hria a, ka let leh alawm" a rawn ti nghal zung zung a.




"Nghak rei hran love, ka thleng ve deuh hlawt chauh ania..." ka lo ti thuai a. A hmel pawh a dang nghal vek. A inthlahrung lo deuh nghal riau a ka hriat avang chuan, "Darkar khat zen zawn chu ka ding tawh chuan ka hria...." ka tihzawm leh a.




Min nerkhum nâng nâng a, "Hmelchhe ṭha leh rawh...i sawi hmasak kha a dik zawk dawn..." tih ngheng pahin Taxi chu a lo phar zui nghal a. "I ringlo nge mawn le...helai pitar thil zuar hi zawt rawh..a hrechiang..." ka ti hman chiah tihin Taxi chhungah chuan min nawrlut a, "Sawi duah zel angai lo...kidnap i ni tawh" a ti sawk sawk a. "A kal theih e ka pu " tih pahin Taxi driver chu a va nawr ang nawk nawk a. A rawn lehhawi a, "Kan ṭha maw?" a rawn ti nghut a. "Aw, kan ṭha pumhlum vel vek." tih pahin a nui zui awr awr a. Kan driver chu a nui suk tak na a, a ngaihṭhat loh hmel ang reng viau.





Kan chhuk pah chuan, "Remchangah kan la in hmang leh dawn nia..." Zothani chuan a la ti zui hram a. "Kal ang" tih pahin ka kutah a rawn chelh a, kan kalzui ta nghal a. "Eng ber chu nge kan tih dawn?" tih pahin ka zui ve zel tho a. Ani hi chu hriatthiam a ngai ṭhin, a mizia hi a dangdai ve em a. Mi rel, mi sawichhiat leh mi chanchin ṭha lo lai sawi neuh neuh vel hi a ti ve ngai lem lo. A nihna ang angin a lang mai zel a. A bula awm hi chuan kan zângkhai vah ṭhin. Mahse, hrisel ṭhat erawh a ngai viau thung.





Dawr pakhatah min luhpui nghal a, "Kan lo thleng" a tilut nghal phar phar a. Thawmhnaw changkang tak tak a lo intâr ṭhût a. "Lo leng rawh u" lo titu chu ka en ve nghal thuai a. Tlangval nge pa anih ka hre hrihlo na a, mipa in vawngfel tak ni ngei chuan ka hria.




"Dy, hei hi ka pa u fapa upa ber, U Angaiha anih hi..." a rawn ti nghal vat a. Min rawn en in min lo nuih nghal ve suk bawk a, "Ṭhianpa pawh a rawn thleng ṭep ang, lo nghak lawk ila...kan chhuak dawn nia" a rawn ti nghal a. A ngaihna hrelo zetin Zothani chu ka melh hâ a, ani lah min lo en miah lovin thawmhnaw a lo melhkual dan dan thung.




Ṭhian hi ka kâwm kual duah a, tumah han kawm theih loh em em ka nei hran lo. Chutihrualin, Sentei tih loh kha chu thinlung taka ṭhian ngainat fal em em pawh ka nei tawh chuang hek lo. Ka awmdan hi mak an ti fo ṭhin rêng a. Brenda-i phei chuan min awt letling ṭhin. Engmah hi ka la thutak em em thiam lova, a hun mil zelin hlim takin ka awm thiam mai zel.




Zothani nen pawh hian thâwk khat lai kha kan inzui ve viau a. Kan inkawm zui lo leh vang vang a, tunah min rawn sawm cheng avangin kan inhmu leh chu a ni deuh mai bawk a. Class ṭan a la hunlo deuh bawk nen kan indah zalen ru ve bawk a. Chuti nilo se chuan tunah pawh ka chhuakvâk peih kher lo mai thei bawk.





"E, i lo thleng thei maw?" U Angaiha'n a tih rual chuan kan hawi rual ṭhawt a. Zoramsanga bawk chu!! He mihring hian min chhui ru hial a ni lo maw, ka kalna a pianga rawn lan ve thut hi a chimawm zia a tihlan na leh bawk nge, amah avanga ka thinrim hmel hi hmuh nuam a ti zawk? Ka lo en reng chu niin, mit ti zîm sun in min lo en let a. Ka hawisawn nghal thuai a, "Ka duh aiin ka thawh hma phah" a rawn ti lut a. Ka bula rawn ṭhut a rawn thle phei deuh in a mit ko leh lam a san uk a, "Daisy" a rawn ti leh kher a.




Zoramsanga nen hian kan inhria, ka u ṭhianpa, ka buaina tawh zana min rawn chhantu, min chhanchhuahna ai mah khan, a chimawmna leh chapo ka tih ruk ngawih ngawih na hi keimah ah a thawk na zawk a ni mahna, ka duh loh dan deuh in a khawsa ziah hian min ti thinrim țeuh zel si.




Angaiha nu a rawn thleng a, keini ho chu kan inzui chhuak nghal a. "Khawiahnge kan kal dawn?" Zothani chu ka bekbawr sar sar a. "I hre mai ang" tih pahin a nui sak ringawt a. Thuawih takin ka zui ve zel ringawt. Zoramsanga hnungah chuan rang fahranin Zothani chu a betkai nghal chat a. Ka en reng tih a hria a ni chêk ang chu, Zothani kut chu a la a, a inkuahtir nghal zat a. Ka mit ka la sawn rang kher mai "Tenawm" keima hriat tawk lekin ka ti sap a.




"Lo chuang la" rawn tih dam thluam pahin U Angaiha chuan min rawn nuih pah suk a. Engmah dang sawilo chuan ka ṭhu kai zui ve mai a. Kan piah deuh lawkah chuan min lo nghak a, kan tlan pel zui nghal a. Kan hnungah an rawn tlan zui ve nghal zat bawk.




Chak fahrana min rawn pelh pahin Motor dang karah chuan an leu lut nghal zawk a. "I huai nge huai lo?" tia min phurtupa zawhna ka dawn rual chuan, "Ka zuangthla nghal a ni mai" ka ti nghal tawp. A hrechiang viau ania nge, a hma aia muang mahin a tlan zui nghal a.




Ram dang anga ṭhalaite lenkhawthawnna hmun tur awm loh zia chu kan sawi fo ṭhin a. Kei ngei pawhin kan pan lam ngaihtuah chungin ka mitthla kual zung zung a. Khawiah nge min lenpui an tum ang tih reng ka lo la ngaihtuah chhuak zo chuang reng reng lo.




"Khawiahnge kan kal dawn?" tih pahin ka beng ka dawhhnai zui zat a. "An kalna lamah khan kal ve zel phawt mai ang" tih zawngin min chhâng a. "Anih chuan ka lo chhuk teh ang. Tumahin kan kalna tur min hrilh duh bawk silo" ka ti deuh hmak a.




Engtinmah min la chhâng chuang lo, Chaltlang chhohna lam panin kan her chiah tih chuan, "I ding dawn nge ka zuangthla dawn?" tiin ka vau zui hi a ni deuh ber tawh, ka lungawi lo ve em bawk a ni. Kawngsir lam chu a pan a, hnunglam thlek zauh pah chuan a ding zui nghal a. Hmeichhe dang anga tih tak tak loh tur sawi ve mai mai ah min ngai pawh a ni mahna, a din awlsam danah...




Rang takin ka chhuk nghal vat a, "I lo hrilh mai dawn nia...ka kal ania" tih pahin ka inher a, ka kal zui nghal a. Min rawn umzui nghal thuai a, "I va ho mai mai e aw, lokal rawh, ka hrilh dawn che alawm" tih pahin min rawn au zui a. Ka kut a rawn man chiah chu ka lo thingthla sawk a. "Min khawih miah suh" ka ti tuarh a. Chulai hnaivai a awm ho chu an rawn hawi nghal ṭhup a. Chung pawh chu engahmah ka ngai thei tawh lo, hmanhmawh takin ka pen zui sawk sawk a.




Taxi-chu ka phar a, ka lut zui nghal a. Vawikhatmah ka lehhawi chhin hek lo, ka vawikhat hmuhna ah ka kalna tur chin hrechiang lovin ani kha ka zui nghal ngawt nachhan tur ka hre hek lo.




"Khawi lamah nge ni ang" Driver in a rawn tih lai pawh chuan ka lo la in hûm ruh fan reng a. "Kal zel phawt rawh," ka ti hlak a. Phone ka phawrh leh a rawn rîk chu a inrual nghal zat. Zothani....ka reject nghal hmak a. A rawn ri nawn leh a, ka number neih loh aṭangin a ni. Lak loh ka tum zet a, a rawn rik nawn leh avang chuan. "Hello" ka ti bung hmuk.



"Khawiahnge i awm?"


"Ka awmna ah..."


"Chu chu ka zawt che" dawhtheih loh hmel zet in a rawn ti hrawk, a ve vak vak a.


"Taxi-ah ka chuang..."


"Ka rawn hruai ang che...tah khan lo chhuk rawh" a rawn tih rual chuan ka off-nghal hmak a. A rawn ri leh nghal a, ka reject-zui nghal hmak bawk a. "Zoramsangbera pawh ni rawh....ka be peihlo che" ka ti hlak a.




Brenda-i number chu ka thâi lang thuai a. "La teh...la teh...a hmanhmawhthlak...." ti sep sep chungin ka ke ka tiche dat dat a. Ka tinawn leh a, a la thei chuang lo. "Ka ning lutuk" tih pahin ka phone chu Silent-ah ka dah zui hmak a. Driver chu kan In awmna lam hrilhin ka kaltir zui nghal a.




In ka lut chiah chu ka hahdam tluk zet in ka thinrimna rukna chuan min la kian san chuang lo, ka thinrim hrikthlakna tur ka zawng hi a ni ber a. "Hei hi tu thawmhnaw nge ni leh tawh? Dahfel a har loh nen" tih pahin ṭhutna a T-Shirt lo in zam chu ka la kânga , a awmna ngaiah tho chuan ka thehtawm zui leh thlawp a.




U Sawmi chu a rawn kal thuai a, "Awii..U Johny-a kha a nilo maw? Badminton-khelh kha a tum a, khatah khan a inthlak aniang" a rawn ti nghal zung zung a. "He pa lah hi" tih pahin ka room-lamah ka lut zui nghal hmak a. Hmanhmawh takin ka chhuak leh thuai a, "U Sawm, khawnge an awm vek?" ka ti bak leh hlak a.




"I pa a awm, i nu hi ka hre mai lo. Damdawiin lama a kal kha a la rawn haw lo anih hmel... U Johny-a hi a inkhel anih ka ring" a rawn ti thuai thuai a. "Ka pa a awm maw?" ka ti lêt nghal vat a. A lu a bu nghat ringawt. Ka inthiam lo leh deuh, ka thinrimna thil danga ṭuan hi ka tih miah loh tur asin. Inbengdaih tum in muangchang in thawk ka la zui ham ham a, ka pa te pindan lamah chuan ka kalzui nghal a.




Kawngkhar ka hawng chiah chu ka phu zawk thei hial, Khumah chuan pawisa tam tham zet hi a lo rem fel mawlh mawlh a. Ka thawm hria in min lo en vat a, a nui pah bawk a. "Engnge ni Naute? I nu a rawn haw ve tawh em?" tih pahin a pawisa khawih lai chu a chhunzawm zat a.




"Karleh ka Birthday-a ni tawh... Birthday present atan Scooty-a ṭhat ka ring" tlawn aw zet in ka lo tih zawm nghal a.




Ka pa chu a rawn thochhuak a, ka bulah chuan a rawn ding a, ka hnar a piai zauh pahin, "A ni dawn tak e...kan ngaihtuah ang, i nu nen kan lo sawi dun leh phawt ang" a rawn ti ve mai bawk a. "Mahse, i khalh thiam chuang si lova...?" a rawn tih zawm a, a nui huk huk bawk a.




"Min zirtir tur an awm mai ang. Ka u pawh a awm alawm" Pangchang deuh tak in ka lo ti let bar bar a.




"I u ve hi maw...A zirtir peih meuh che ange maw?" tih pahin a ṭhutna ngai a pan leh a. "Kan sawi ṭha leh dawn nia" a ti dam thlup a. Phur lutuk in ka chhuahsan zui ta nghal a.




Zanriah kan eikham chu kan ṭhukhawm laih a. Ka pa chuan ka nu a lo sawipui tawh nge "Mama, i nau hi Scooty khalh i zirtir peih angem?" a rawn ti chu U Jo-a chuan min rawn melh a. "Engnge? Mak i va tih hmel ve?" tih pahin ka nerkhum sak a.





"Scooty leisak in tum a maw?" tih pahin ka u chuan min rawn melh leh zawk a. "Tum e..." ka lo ti thuai a. "I khalh thiam ngawt em ni?" a rawn ti leh nghut a. "Khalh thiam sa an awm ngai reng reng em ni?" tih pahin ka tum bâr a.




Ka nu chuan nuih var var pahin, "A thiam hma dawn em mai" a lo ti ve thuai a. Ka nui sak a, "I kal duhna ah ka hruai zar zar ang che. Ka pa te ho an hman ngai silo" ka lo ti thuai a.




Door bell-ri lam chu kan hawi rual deuh ṭhap a. Ka nu chuan, "Lo lut rawh" a lo ti thuai a. Tudang an rawn lut lo, Zoramsanga ngei mai chu a rawn pên lut chhat chhat a. "E...ṭhianpa, rawn leng rawh" ka u chuan a lo chhâwn zui nghal thuai a.




Ka u bula ṭhut pah chuan min rawn melh zuk a, "Ka rawn lenchhan miah lo che ania. I nau rawn rim ka tum" a rawn ti chu ka phu deuh zawk a. A fiamthu mah nise ka nu leh pa an ṭhu ve reng a, chutiang lam zawnga fiamthu thawh na hun a nilo tih pawh a ngaihtuah ve leh duh tawp nang, min tih zah leh tih thinrim bak hi tum a nei lo niang ka ti hial tawh... Nge kei hi hepa lakah hian ka rilru put hmang hi a dik lo zo tawh zawk.




Ka nu chuan a melh deuh vung vung a, "Kan fanu hi nula ah pawh kan lo la chhiar hlei nem maw le...." nuih suk pahin a lo ti thuai a. "Ka room ah lamah chho kan chho dawn em ni?" tih pahin ka u chuan a chhohpui zui nghal a.




Ka nu leh pa chuan min endun reng in, "Khawi ami nge i u ṭhianpa kha?" ka pa chuan a rawn ti nghal zat a. "Ka hre lutuk bik lo" tih pahin min zawh belh hma in ka tho zui nghal. Kha pa hming a rik tawh chuan ka inthunun hman ngai lo, ka tum loh thleng thleng in ka sawi ang tih ka hlau, hman zana thil thleng ang te kha. Min ngaihtuahin an hlauthawng thar leh ang tih ka hlau bawk, room-lamah kawh zetin ka lut zui nghal a. Kha mihring kha chuan min tibuai ve chiang a ni, amah ang a zahtheih lohna tlachham kha an awm kher lovang.





Ka phone chu ka en a, an reh duak hlawm nia. Eng message mah ka dawng hek lo. Lungawilo zetin ka ṭhu tûm bâr a, ka nu leh pa thawm ka ngaithla zui a. Engmah ṭawng thawm a awm lova ka hriat avang chuan ka chhuak phei leh a. Sitting room-ah chuan tumah an lo awm tawh lo.




Ka ṭhufel chiah tihin ka nu chu hmanhmawh zetin pindan aṭang chuan a rawn chhuak a. "Mama...Bawiha....rawn chhuk teh.." a ti nghal tuarh tuarh a. Phone chu a beng bulah a chuktuah pah reng bawk a, "I nutei a zual deuh anih chu.." tih pahin a mitmeng phili zet chuan min rawn melh hrâwk bawk a.




Hmanhmawh zetin pindan lamah ka tlan lut zui ve nghal a. Ka inthlak zui nghal mawlh mawlh a, "Nute, kan lo kal dawn ania. Lo ṭang fan fan rawh aw?" ka ti thla ve ngawt a. Ka hmanhmawh ang aiin ka insiam rang chuang der lo thung.





Pindan aṭanga ka chhuak chiah chu an lo awm ṭhap tawh a. "Nu...Civil Hospital ah tiraw?" ka tichhuak nghal mawlh mawlh a. Ka pa chuan, "Car-in kal mai rawh u, Naute-i kal ve a tum hmel bawk sia" tih pahin min enkual den den a. Ka nu lah chu a phi cheng tawh a, "A rem remin a ni mai" a lo ti thuai a. Ka pa chu a kal ve dawn lo tihna ah ka ngai, tunlai chu a damṭha lo ve bawk nen hriatthiam a ngai hle... U Joa awm lai a lo ni tho bawk a.




"Bike in a rang zawk ang, khilai lawkah khian Truck chhia a awm a, traffic a ti jam-nasa a ni awm e. Ka rawn kalpui ang che u" a rawn tih rual chuan Zoramsanga chu kan enrual ṭhap a. "Chu chu a ṭha ang" tih pahin ka u chu a chhuak zui nghal a. "Rawn kal vat ta che u..." a rawn ti zui zat a.




Ka u Bike ah chuan ka nu a lawnkai nghal a, Zoramsanga Bike ah chuan a vawihnih nan ka ṭhukai leh ta! A sawi ang ngeiin kan In chhak deuh lawkah chuan motor a lo ding tlar pût mai a. Hmun chêp takah chuan kan inhnawh chho naw naw a, min lo khak tawk an awm a, min ṭha enliam tawp pawl an awm bawk a. Harsa takin kan chhuak chho thei ta hram e.





Kan lenchhuahna boruak a rawn sawi rik ka rin nen engmah a sawi lo. Ngawi rengin ka u dawk zawk chu a chhunzawm zat a. Ka in ring hman meuh lo, ka kuah chawt a. Ka thlah leh rang kher mai. Ka nu chuan a hau tih hriat zetin ka u pawh chu a tlanmuang zui a. "Min kuah thei tho ania" a rawn ti sup a. A hnunglam aṭang chuan ka melh rum nghek.





Kan ding chiah chu ka chhuk nghal thuai a, ka nu dinna lamah chuan ka tlan phei nghal thuai bawk a. Ka nutei fate pawh an lo awm ṭhap a, an lo ṭap pûr hlawm mai.




A dinhmun a ṭha lova, beisei a sâng lo viau bawk a. Kan nufa thum chuan luh zawk a, a damlai hmel reilo te hmuh min phalsak a. Kan inzui lut ta nghal a, ka nutei chu a lo na em a ni. A hmaa nu hmelṭha ve tak ṭhin kha tunah chuan a chêr in a dawldang kher mai, a hmel awmdan mitthla ngaihna awmlo tur khawp in tuna a hmel landan chu a danglam in ka khawngaih takzet.





Ka nu chu ṭap ri ngam si lovin a insût hlawp hlawp a. Kei pawh ka bâng chuang lo, ka u erawh mipa ngang a ni a, a chalah a va chûl zeuh a. Mittui kâr aṭangin ka lo thlir reng a.




Nurse chu a rawn kal hnai a, "Ka pi, kan chhuahsan tawh dawn em ni ang?" aw dam dap a tih pahin min rawn enkual den den a. Chutihlai tak chuan ka nutei pasal chu a rawn lut ve chiah bawk a. "Nang chu chhuak ve suh...a kal ṭep anih hi..." tih pahin ka nu chu a lo chelh chat a. Nurse pawh chuan a lu a lo bu deuh nghat bawk a. Keini unau erawh kan chhuak zui ta nghal a.





"E he...teh nawlh che chuan..." tia ka u in a biak chu ka lo thlek ve nghal thuai a. A rei deuh tawh na a, a hmel a lo la paih miah lo. Ka nutei te khuaa Krismas kan hman ṭuma ka u bialnu Athu-i kha a ni tih ka hre nghal. Ani pawhin min lo nuih sâng a, ka u zawhna pawh chhâng lo chuan, "I dam maw?" a lo ti vat a. "Ka dam alawm..." ka lo ti let thuai a.




Ka u nen chuan an lo in chibai a, an kut a la inthlah leh miah lo. "Hei, kan khuaa zirlai, Aizawl a awmho kan in punkhawm anih hi..." tih pahin an in en reng a. Ka hawikual vat vat a, kawngsir a ṭhutna ah chuan min hnungchhawn zawngin Zoramsanga ngei chu a lo la ṭhu ve reng anih chu! "Lo inkawm rawh u" tih pahin ka nui sak a, ka kalsan zui ta nghal a.




"I haw daih tawh ang chu ka tia...ka lo ṭhu ve aw?" tih pahin a chhânna pawh nghak lovin ka ṭhu zui nghal a. "Engnge a dinhmun?" tih pahin min melh vung vung a, "A hniam khawp mai" ti zawngin ka chhâng.




"Nunna chungah ngat phei chuan thuneihna kan nei bawk si lova" ka tih zawm lai chuan a lo bu nghut a. "A pawi khawp mai" a rawn ti zui ve sup a.




Ṭap ri hak thawm ah chuan kan ding rual ṭhawt a, kan hawi phei thuai a. Ka nutei chuan a tlin ta lo ngei tih ka hrethiam nghal. Ka mitthla a rawn luah nghal zar zar a, ka naupan laia min duat theih zia te, ka nu tluk zeta min hmangaihtu leh min ngaihsaktu a ni. Ka mittui chu dan rual lohin a rawn luang nghal ngiai ngiai a. "Phei ve ang aw" tih pahin ka kutah a rawn chelh a, lo dan pawh ka tum buai lo. Muangchangin min kai phei zui nghal a.




Ka nutei ruang chu Kulikawn lamah lak phei phawt a, an khaw lam panpui leh tur a ni dawn a. Ka nu chu a rawn chhuak a, a mit a bui lâk bawk a. "Naute, i u nen kan zui mai loh chuan....kan zuk insiam ange, i pa ho in kan lo chho leh ang. Nang engtia awm nge i rilruk? Rawn haw thlak ve nghal mai a fuhlo maw?" a rawn ti nghal sawk sawk a.





"Ka hrelo le...rawn thlahliam chu ka duh ve tho mai" tih pahin ka bula ding chu ka melh zeuh a. Zoramsanga chu a lo bu nghat a, "I duh phawt chuan kan phei ve dawn nia. Ka thlah haw leh mai ang che" a lo ti thuai a. "Ṭhianpa, ka lawm lutuk ania" lo tih vat pahin ka u chuan a rawn bêng thuk thuk a.





Ka nu leh u Jo-a chu an haw zui nghal a. Keini pahnih erawh Kulikawn lamah ruang kan zui phei thung a. "A inthlahrunawm hle mai, ka tibuai ta hrep che a" ka ti niah niah a, ka buai lai taka min pui theia a lo awm ṭhin hi ka huat rukna leh chapo ka tihna hian a hliah khuh zo lo tih hi ka ngaihtuah zawm a. "Ka hria alawm...." tih ringawtin min chhâng a. A hma ai mahin ka inthlahrung zual sauh bawk. Engmah dang a rawn sawi zui hek lo.




Bike a dahrem zui a, Inchhung lama ṭap râwih râwih thawm chuan ka beng a verh nghal zar mai. "Ka lawm lutuk ania, min lo va hawsan mai rawh. Ka rawn in ngaihtuah ve mai ang" tih pahin ka en reng a. Muangchangin a rawn phei hnai hrat a, "I nu in ka kutah a dah che a, chuti maiin ka kalsan ngawt thei lo che" a rawn ti hmuk a.




"Ka chhungte vek an nih hi, ngaihtuah ka ngai lo" tih pahin ka inher a, min chhan leh na pawh nghak lo chuan ka kalsan zui nghal. Inchhung lamah lutin ka nutei ruang chu ka kîl zui ve nghal a.




Ka nu leh ka pa pawh an rawn thleng tawh a. Ka nu chuan In lam ngaihven turin min chah uluk viau bawk. Ka u te ṭhiandun pawh an rawn in zui lut a. Ka nutei chu a biangah ka chûl a, ka en ngawih ngawih a. Kuang a rawn thleng a, ṭawngṭaina hun te an hman zawhin kal turin an inbuatsaih zui nghal a.




An kalliam thlengin ka thlir vawng vawng a, kal ve duh viau mahila naktuk aṭangin Class ṭan ka ngai tawh a. Chubakah, ka pa damṭha lo nen kal tel ve thei dinhmunah ka dinglo ve bawk a ni.




Zoramsanga chuan min lo melh vung vung a, "Ka lawm e" ka ti sap a, a lo bu nghat ringawt. "Ka chhuk ange, ka mut a chhuak tawh takzet" tih pahin a hâm der ang bui bui a... Min tihhlim a tum ve deuh nge, a chimawm chhuah a tum zawk, a chet thawh dan mak deuh te hian min ti phu zawk zawk reng mai, mizia ka la hmuh loh hi engzat a tam nge a neih ang aw?




"Anih chu....keimahni vang anih chu" ka lo ti ve thuai a. "Mu ṭeuh rawh...." ka tizui zat a. Engmah sawilo chuan a tlan zui nghal a. 'Nang ang mipa hi ka la hre ngai lo. Ka rin ang i nilo, ilo fel viau hi maw... ka lo ti hman a. Ka rindan leh hmuhdan sa che kha a lo dik zel anih hi tih tur in i awm leh nghal zat a' ti niah niah chungin In lam pan chuan ka kalzui nghal a.




Ka pa nen chuan kan haw zui ve nghal a. Zing dar 4 a ri ṭep tawh. Khawpui chhung pawh a reh ruih tawh mai, ka pa nen pawh inbe mang lo in kan ngaihtuah na kawm in kan ngawi tlawk tlawk a. Ka nutei chu tikhan kan thlahliam chu a ni mai si a, thihna hi chu a tawp chiang em a ni...ka chau bawk nen room lamah ka lut zui nghal a. Khumah chuan ka mu thlawp a, ka ngaihtuah let neuh neuh a. "Mipa ka hriat tawh ah chuan ila chimawm ber" ka ti leh hram a.





(to be continue........)


Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 6:56 pm

TRUE LOVE
Chap~6


By: Tom Tom Putara





Zing dang zawng aiin ka tho phûr a, Class kan ṭanni tur a ni bawk nen, hmanhmawh takin ka che sawk sawk a. Ka nu nen kan inbe zuai tih loh chu tumah be hman pawhin ka khawsa lo. Ka pa chuan min rawn au a, "Engnge? Ka hman ṭep" tih pahin ka che zui sawk sawk a. Ka thawmhnaw hak tur thlangin ka buai zui hlek na a, ka lungawina khawpin ka inchei chuan ka hria.




Ka pa chu a lo nui vur vur a, "I birthday present tur pawh a rawn thleng tawh a ni awm e" a lo ti chu ka ding dat a, "Pa...i ti tak tak em?" ka ti nghal thuai a. U Sawmi pawh a rawn kal hnai thuai a, "Wow...kan va in ang dawn lo ve aw...." a rawn ti deuh hlut a. Nuih sak pahin, "I fel viau a, min duat viau dawn chuan ka phur ve ang che" ka lo ti nghal thuai, kan hlim tlang viau mai.




Class kal turin ka inpeih a, Brenda-i nen inhmuhna hmun tur kan in hrilh hre tawh bawk a. Chulam pan chuan ka chhuak zui ta nghal a. Karleh lawkah kum tling ka ni ve tawh dawn a, chu hun ka nghahhlelhna leh ka Scooty thar hmuh hlan ka nghahhlelhna erawh a danglam viau thung.




Brenda-i chu a lo ding vâng tawh a, nuih sâng pahin ka pan nghal thuai a. "Kal nghal ang" tih pahin a Scooty-ah chuan a ṭhu kai zui nghal a. "Nizan kan che chhe lutuk" tih pahin min tlanchhuahpui nghal a. Zawh chian ka tum lai chuan, "In chhiat tawh vel pawh ka hmu reng maw le...kan buai ta nuaih sia, min lo hrethiam dawn nia. Ka tawrhpui lutuk che" a rawn tihzawm takah chuan, "Ka lawm e" ka lo ti vat a, a thusawi hmasa erawhin sawizawm a hlawh hrih lo.




Class chhungah chuan kan pahnihin a hnung kilah chuan kan ṭhu dun rial a. Ka lam a rawn hawi a, "Nizanah kan che chhe dun pek a..." za vak lova nuih luih sak pahin a rawn ti leh ta nge nge a. "Engthil ah?" ka lo ti sap a.




"Sawi pawh a zahthlak...." tih pahin dawhkan ah chuan a chal a nghat a. Hnuailam chu a en ngar a. "A room ah kan awm a, a nu a rawn lut thut pek a...." a rawn tizui leh a. "A kalh khan ka hre sia...ka zah dan chu a...a nu pawh kha a zak ve hle tho chuan ka hria...a chhuak rang lutuk" a ti deuh bal bal a.




"Engtin chiah nge in lo khawsak a?" ka mitthla ah erawh an khawsak dan awm ang chu ka lo remkhawm chhin zung zung tho, chuti taka a zahna ah chuan ka lo mitthla dan chu a dik hlel lovang tih pawh ka ring nghet chat bawk.




"Tuma hnenah sawi suh ang che" tih pahin min rawn melh zauh a.




A hnungah chuan ka chûm dat a, "I mak ka ti....heti chen hi kan inkawm tawh a. Ka thuruk tam tak ka hrilh che a. Ka ringchhe ngai miah lo che. Nangpawhin vawi tam tak, thuruk tam tak min hrilh tawh bawk a. Vawikhat pawh ka sawichhuah i hre tawh em?" ka ti let ngheng a.




A rawn ṭhu ngil a, a sam a tuai mam zui puat a. "Tun ṭum ami chu a dan a dang em alawm" a rawn tizui leh a. "Chu pawh nise...." ka lo ti ve thuai tho.




"A ngial nganin min rawn hmu...a chunglamah ka la awm zui" tih pahin a sen ṭan ṭan a, min rawn chûm taih bawk a. Ka meng kâwk mai, chutiang lam chu a nih rinna ka nei a, a em em deuh chuan ka hre nghal thung. "Puan kha lo sin tal ila ṭha tur...a lum bawk sia" a rawn tihzui lai te chuan mak ti zetin ka en ngai ka en reng ringawt a.




"In va huai tak....chutiang em em..." ka ti ringawt a. Ka ṭhiannu chuan thlamuan leh hnem a mamawh tih chu ka hai hauh lo. Mahse, min ṭhâwng mah mah a, sawi mai tur ka haihchham hrih tlat thung.




"Nizanah pawh vawikhatmah kan inbe zui lo. Vawiin zingah pawh a message ka la hawng lo....a nu kha hmuh leh ka duh miah lo bawk" a tihlai te chuan a hmel chu ka lo en reng a, a inchhir in a zak takzet tih chu hai rual a ni lo.




"Engnge ani i biak duhloh ngawt nachhan erawh ka hre miah lo" ka lo ti sap a.



"Ka hre chuang bik lo. Mahse, ka ngei tho tho. A hun leh hmun hi a thliar ṭhin lo. Mi hi a nawr cheng cheng zel a..." a ti ban chat a. Amah pawh chu a thiam miah lo tih a hre duh lo nge a sawi ngam lo zawk.




"Ka hrilh tam tawh che maw le. Ani nen hian in innei kher angem tih hi zawhna lian tak a ni. In ngaihzawn pawhin a lutuk hi a awm ka ti. Inṭhen ta ula, ani nena in sulhnu pawr zet hi i theihnghilh tawh dawn miah lo ania. Chubakah, hmeichhe zahawmna hi kan incheina, kan pawnlam landan hi a nilo khawp asin" ka ti ta luam a. Nidanga ka hrilhfo tawh anih avangin ngawi rengin a ngaithla kar ringawt a.




Nilengin ka ṭhiannu te chungchang chuan ka ngaihtuahna an luah a. Mihring pangngai kan nih chuan hmel duhzawng, ngainat zawng te kan la nei chho ve ngei anga. Ngaihzawng ngelnghet tak neih hun te pawh ka la neih ve ngei ka ring. Chung hun thleng chuan ka ngaihtuah a. Ka hmangaihna chuan mipat hmeichhiatna a kentel kher a ṭulna ka hriat lohna pawh a lian viau bawk.




In ka thleng chu a lo reh ṭhap a, ka pa chu a chhuak a nih ka ring a. U Sawmi chu a awm ngei ka ring bawk sia. Ka enkual deuh thuak thuak a, ka hmuh mai loh avang chuan inthlak turin ka luhsan zui ve nghal a.




Ka nu chu biak tumin phone ka ban thuai a. A rawn chhâng rang kher mai, "Ka haw thleng chiah a, ka rawn be nghal che" ka ti nghal thuai a.



"Class kal chu a nuam dawn em? Ka ngai tawh teh mai che ania" a rawn ti deuh luam a.


"Engtikahnge in rawn haw theih dawn?" ka lo ti daih thung. "Naktuka rawn phei mai chu kan rilruk a, i pa nen pawh kan inbe zo deuh chiah e..i u hian a ning tawh khawp leh nghal..." tih pahin a rawn nui hak hak a. "Awmpui reng rawh... In a tawm zir nan te pawh a ṭha alawm" ka lo ti thuai a, hria sela chuan min piai nawk nawk chak leh viau ang.




Zan dang anglo takin kan reh deuh riai a, ruah lah chu sur a tum nge ni? Kawl a phe zuai zuai a, khawpui a ri leh dur dur ṭhin bawk a. Chaw kan eikham hlawt na a, U Sawmi chu a insu a, ka pa lah pindan lamah a lutbo zui nghal daih bawk nen keimahin Sitting room ah chuan ka tlu zal a, phone ka hmet kual deuh sek a.




Door bell-ri chu ka lo chhawn thuai a. Ka rinloh leh tum loh deuhin Ramthana a rawn lang hlawl mai. "Rawn leng rawh" tih pahin ka tho nghal thuai a. Ka bul ah chuan ṭhuthmun a rawn rem zui ve nghal zat bawk a.



"Khawnge, an va reh teh diak ve?" tih pahin a hawikual hruk hruk a.



"Ka nutei ruang zuiin ka nu leh ka u an kal a. Ka pa hi a nuamsam lo deuh a, a mu nghal anih ka ring. U Sawmi hi a insu mek aniang" ka lo ti zung zung a.



"Tunge i u Sawmi?" tih pahin a thlek kual pah dûk dûk a. "Kan chhungte maw le... Saitual ami ania, puanṭhui zir pahin a rawn awm thla a...." ka ti thuai a. "Anih chu...." tih pahin min melh zuk a.



"I induh hrim hrim.." a rawn ti zui leh a. "Teh ngawt chuan...." tih pahin za lo fe in ka nui sak a.



"A ni miau alawm...ka ngaih tehreng che nen..."



"Baryl-i i ngaih zawk ka ring..."



"Kha nu kha sawi ve sek suh" tih pahin min melh rûn a



Ka nui hul hak a, "Engnge? I duh hiam hiam em kha maw..." ka lo ti thuai a.



"Ngawi mai teh..." a ti nghal hlak a.



"Nia, thil chu hunlai nei hi a ni ve a. A hunlai kha chuan in inkaih rial zel kha maw...ka hmuhloh che u kha in hlauh hmel thei sia" nuih hak hak pahin ka la tilui ṭalh a. Ani erawh a nui lo chiang viau thung.



Min rawn ṭhut hnaih zui salh a, "Daisy...ka fiamthu miah lo ania" a rawn tizui leh a.



"Keipawh ka fiamthu bik hlei nem...thudik hlir anih kha ka sawi, a rei deuh tawh mai pawh a" ka lo ti thuai a.



"A hrim hrimin i va hrerei reng reng?" tih nghut pahin min en reng a.



"Nia, a rei tawh viau na a. Ka la mitthla thei reng mai. Ka tan a pawimawh ṭhin te pawh a ni mahna... Mahse, tunah chuan ka nuihpui thei tawh thung" ka lo ti ve ngat a.



A thaw hulh a, "Khawngaih takin min ngaidam hram rawh aw?" a rawn ti zui leh nghut a.



Ka melh zawk a, nui sâng chung chuan, "I va ho tak e aw.... Ka ngaidam vek tawh che alawm" ka lo ti vat a. A hawikual a, midang thawm a hriat loh vang nge, a rawn tawlh hnai leh zual sawt a. "Ka lawm lutuk e, hmelṭha chiang" tih pahin min rawn kuah a tum pah bawk a. Ka tawlhsawn nghal vat a, "Teh ngawt che chuan..." tih pahin ka melh rum nghal âl bawk a.



"In ngaihdamna tluka hlu a awm lo a ni lo'm ni?" nui suk chungin min en reng a.



"Hmangaihna dik leh rinawm pawh a hlu zawk. In ngaihdamna thleng tur chuan a hma in tihsual a awm ṭhin. Hmangaihna diktakah chuan chutiang a thlen kher a ngaih ka ring lo" ka lo ti deuh hmak a.



A bu deuh nghat a, "Ngawi teh lawk, in hmangaih tak te pawh hi an inkârah in ngaihdam tawnna a thleng ve fo asin" a rawn ti deuh nghut a. U Sawmi thawm a hriat rual chuan a tawlh hla zui thuai a. U Sawmi chuan, "Ka mu dawn asin...ka lu a na riau mai" a rawn ti vat a. Ka bula ṭhu chu chiang zetin a rawn thlek nawn leh ngat bawk a. "Awle..." ka lo ti ban chalh a.




"Ka thusawi chu i hrethiam pha chiahlo deuh niin ka hria.." tih pahin a rawn tawlh hnai zui leh a. Ka lo tawlh hla ve vat thung. "Rilru a thawk nghal tlat thil hi a awm ve a..." ka lo ti deuh nghat a. A ṭhu ṭha nghal thuai a, "Ka haw phei dawn ange" tih nuah nuah pahin a tho zui a. "Anih leh..." tih pahin ka melh a, "Muttui le..." tih zui pahin ka tho zui ve nghal a. Kawngka ka kalh fel a, hmanhmawh takin ka Khum lam pan chuan ka phei zui nghal a.




Phone chu ka hmet mawlh mawlh a, Brenda-i aw ngei chuan, "Aw, Dy" a rawn ti nghal vat a.



"Awiii...enteh, a haw chiah...ka nin dan chu" ka ti nghal thuai a.



Brenda-i chu a nui hul hak a, "Tunge maw i rawn rikluhpui bawrh bawrh ni aw?" a rawn ti thuai a.



"Ramthan kha...ila hre hrim hrim ang?" ka ti nghal vat a.



"Ramthana....in In thlang lawk ami kha?" a rawn tihrual chuan ka lo 'Aw' sawk sawk a. "Hausa deuh te kha tiraw?" a aia fiah zawk in rinna nena zawhna min rawn pek chu ka lo chhang nghal thuai bawk a. Brenda-i pawh chuan fiah tawk tawhah a in ngai a ni ngei ang, Ramthana chungchangah zawhna min pe zui hran lo.



"Naktuk chuan i hman thei turah ka ngai ania aw. Scooty-chu min va lakchhuahpui loh te chuan...." ka phûr zia chu ka aw ah chuan a hriat theih ngei pawh ka ring.



"Awle, thei ang. Nang ber in i tih te chuan..." a rawn ti na a, a aw chu a dang hle tih chu ka hai ta hauh lo. "Hey....min va phûrpui lo tak...i damsam lo zawk nge?" ka ti let vat a. "Naktukah ka hrilh ang che" ti zawngin min chhang a. Keipawhin zawh luih țalh chu ka duh bik hek lo.





Brenda-i nena kan inbiak zawh hnu rei vaklo ah chuan ka phone chu a rawn ri leh a. Ka bih thuai a, ka number hriat ngai loh a ni. "Hello..." ka tih rual chuan, "I ṭha maw? Min block kher kha a nuam viau a mi? "Nuih za aw deuh a rawn ti nghal tu chu Zoramsanga bawk a ni. " Ka thu thu" ka lo ti ve hmak. Ngaihpawimawh loh hmel fe hian, "Ka lo ropui hle mai" nui huk chungin a ti leh tawh.... "I u te an rawn haw tawh em?" a rawn tizui leh daih a...



"I thianpa a ni lo'm ni? Kei min lo be lo hian zawt la?" ka ti kher.


"Ka biak hlau deuh hi, ka be chak zual"


"Ngeiawm hek che...chuan, ka be ve chak lo che aw?"


"Engnge ka ngeiawm na?"


"A tam mai..." ka ti bak hlak a.


"Chuan....Scooty thar chu engtikahnge kan va lakchhuah dawn?"


"Naktukah ka ṭhiannu nen kan va la ang"


"Ka tel ve dawn nange?"


"I tel lovin kan ti thei turah ngai ang"


"Min mamawh chuan ka awm tih i hriat kha" Muttui" tih pah in a la dah hmak zui. Chimawma hi...ka phone chu ka melh nghek ringawt bawk a.



"I duh chuan min biak theih zel hi maw? Nangmah vanga buai ka peih lo ania" ka ti zui sap a, 'ka buai reng tawh zawk chu a ni bawk si' tih thleng te in ka ngaihtuah zui leh hnuhnawh bawk a...ka ngaihtuah ang chiah in ka block pawh chu a lo in ngaih ropui phah leh zel emaw ni?




Tukverh bulah ka ding a, pawnlam boruak inthlak lumlet danglam mek chu ka en reng a. Kawlphe zuai zuai karah hmun hla tak chu ka en reng a. Ka ngaihtuahna ah chu mihring bawk chu a rawn lang leh ṭhin. "Nang hi chimawmin ngeiawm viau mahla hlat i har ru viau si anih hi... Mahse, nang nena intawng tur erawh kan ni lo ve" ka ti melh melh a.




Khumah chuan ka mu a, muthilh tumin khawpui ri kal dur dur chu ka ngaithla kar reng a. Phone erawh ka On ngam tawh ṭhak lo thung. Ka Off hma khan Battery ka nei tlem hle tih ka hria a. Charge hrim hrim ka duh avangin ka Charger-ka dap rak rak a. Mahse, ka hmu mai tlat lo. Ka hrechhuak e, TV bulah ka dah tih ka hriat rual chuan ka tho nghal a, ka chhuak phei zui vat a. Kan choka lam light chauh a ên avangin Sitting room lam chu a thim deuh ṭhuap a.




Thawm ka hriatna lam chu ka hawi thuai a, ka pa te pindan aṭanga U Sawmi hmanhmawh taka a rawn chhuak chu ka va hmu a, ka phu deuh zawk nghe nghe. 'Engnge ka pa te pindan ah chuan tun ang hun tawhah a tih ang?' tih chu ka inzawhna a ni.




Muangchangin ka pên phei chhat chhat a, ka pa te pindan kawngkhar chu dîmte in ka nem a, a inhawng riai riai a, pindan chhung chu a thim ṭhiap mai. "Engnge ni? Lokal rawh.... Mahse, zingah i chhuah hma a ngai dawn a ni mai" rawn titu chu ka pa aw ngei a ni. Thil awmzia chu ka man thiam chho nghal mai, ka khûr der der a. Ka thinrim luat avangin ka kut ka hûm ruh ngâr ngâr bawk a. 'Ngawi renga chhuahsan tur nge, engkim ka hria tih hriattir zawk ni ang?' tih chu ka inzawt nghal mawlh mawlh a.




Engkim chiang taka hriat a ṭhat zawk ka rin avangin thâwm dîm takin ka tawlh let hrat hrat a, kawngka chu ka khâr zui nghal a. Hmanhmawh takin ka pindan lamah ka lut zui nghal a. "Engnge? Eng thil nge? Engnge ni ngai?" tih mawlh mawlh pahin ka khûr hlawk hlawk a.




Ka rilru ah zawhna lian tak a awm zui reng a. Nitin zantinin kan Inchhungah chuan ka zawhna chhânna hmuh tur ka zawng a. Mahse, kha zana ka thil hmuh kha mumang zawk nge tih tur khawpin engmah thawm dang leh hmuh zui ka nei lo. Rinhlelhna mitmeng nena ka en rûk fo pawhin a hmaa an khawsak phung rengin an awm tlat lawi si. Ka nu hnenah pawh engmah a thawi pawhin ka sawi lova, chiang fek fawka man ka nei tlat lo. Mahse, ka pa erawh ka rinhlelh vang nge, ka lakah a mizia a thlak sawt hle thung a. Mahse, chumi mai chuan ka rinhlelhna a la tichiang ngawt chuang si lo.




Ka Birthday Ni, puitling a chhiar ka nih ve ṭanna Ni tur leh Kan In kawtah Scooty thar inhûng vâng chu inhmeh ka ti ve thlawt. Mahse, khalh min zirtirtu tur ber ka u lah hi a ngawi rûn mai si. Keimahin ka tlan thiam ṭhak bawk silo. Brenda-i chuan min zirtir inhuam viau mah se keimah berin ka ringzo ṭhak bawk silo. Ngun takin ka thlek a, ka ṭhu chhin vel a. Ka zuam em em tho na a, a bul ṭanna tur erawh ka hlat viau lawi a.




Brenda-i ka be nghal thuai a, "Chhunah chuan min chhuahpui hman angem?" ka ti nghal vat a. "Enteh, Dy...Ka hman loh hmel...min hrethiam..." a rawn ti hman chiah tihin, "Ka ring che sin " ka ti vîn ṭhat a.



"Ka fiamthu anih kha...ka kalpui dawn chiang lutuk che" nuih tlawrh tlawrh pahin a rawn ti chu ka ngawi hmak a. "Hey...i thinrim em ni? Ka kalpui dawn che ka tih kha..." a rawn tihzawm leh lai chuan ka nui hak a.



"Lo inpeih thuai ang che" ka ti vat a, kan inbiakna chu kan duhtawk zui ta nghal a. Hmanhmawh takin ka pindan chu ka chhuahsan zui nghal a.




Ka pa chu Chanchinbu chhiarin a lo ṭhu a, a zawn ka thlen chuan ka ding dat a. Ka thusawi tum chuan min dêng dawt dawt a, ka thaw deuh halh a. Ngawi rengin ka kalsawn ta zawk a. Ka nu lah a pangpar ho thla la in a buai hle thung. U Sawmi chuan min lo nuih sêih a, "Birthday lawm dan tur hriat lâwk theih a ni tawh em?" a lo ti var a. Ka nui lui sak a, "A hunah le..." ka ti ram hmak a. Engmah dang ka sawi zui tawh lo.




Chaw kan eikham chu hmanhmawh takin ka insiam sawk sawk a. Brenda-i message ka thawn hnu chuan ka pindan chu ka chhuahsan zui ta nghal a. Ka nu chu dawhkan bulah a Pangpar chi thar buaipuiin a lo hmanhlel hle thung. "Nu...englo chu" ka ti zui sa sa a, ka nu chuan a thil tihlai chu a buaipui zui reng tho. "Brenda-i'n min nghak tawh"




"I pa lo va dil rawh" tih pahin a thil khawihlai chu a bih ngar reng a. Ka inher deuh hmak a, "Thil pawimawh dang hi in lo ngah mange" ka ti rilru a. Ka kal zui nghawng nghawng a, pindan kawngkhar hawn pahin, "Pa, Bazar na tur min lo pe" ka ti zui nghal a.




Min lo melh vat a, a nui suk. "Rawn ṭhu ve phawt teh. Thil sawidun lawk teh ang" a lo ti nghut a. "Ka hmanhmawh tawh viau asin. Ka ṭhiannu in min nghak reng tawh a..." ka ti thuai a. "A rei lovang..." tih pahin ka bânah a rawn chelh a, min pawt ṭhu zui nghal a.




"Engzatnge i mamawh reng reng a?" tih pahin lukham hnuaia a Wallet-chu a phawrh pah a. Pawisa chhiar nuap nuap pah chuan, "Ka fanu hmeichhe naupang ni ṭhin khan Puitling rahbi hmasa ber i rap ta... A hma angin khuahkhirh bur che ka tum lova. Mahse, i zalenna hmang thiam ang che" a rawn tizui a. Pawisa chu ka bulah chuan a rawn thehthla zui thak a, "Hun nuam tak hmang ang che ka fanu..." a rawn tizui leh a.




Ka nui sak a, pawisa chu ka hmehbawm zui mawlh mawlh a. "Ka lawm e, ka kal " tih pahin ka tho a, ka chhuak zui ta nghal a. Ngawi rengin ka nu chu ka kalpel zui a, "Pawisa chu in indil chhuak thei em?" tia ka nu zawhna chu ka bag ben deuh thak thak pah in ka bu nghat ringawt a. Min en lovin min bia tih ka chiang a, ka lu bu nghat pawh a hmu hek lovang.




Brenda-i chu a lo awm vâng tawh a, "Kal nghal vat ang, ka duh aiin ka rawn tlai tawh" ka ti nghal chu min lo melh râm râm a, "I va han thu thei tak" tih nghat pahin a tûm der hmak bawk a. Ka nui sak a, "Birthday present-min pek ṭhat loh phei chuan hei aiin ka nasa ang" ka tizui a. Kan inphur chhuak nghal a, inzawt si se lo mahila kan kalna tur hmun erawh kan chiang dun nghal em em lawi si.




Kan vak kual nasa bawk a, kan chau dun viau bawk. Kan chawlhna Restaurant-reh raih chu kan lawmna tak pawh a ni. Kan ṭhu hnawk a, ngawi rengin kan ei duh tur zawngin Menu-kan bih ngal rêng a. "Ṭhiannu, helaiah hian Waiter-chhelo zet a thawk an ti tak asin" tih sar sar pahin Brenda-i chuan a mit a lênkual zui nghal a. Kan lam pana rawn kal mek erawh a ni lo tih kan chiang dun viau thung. Nui sang chungin, "Engnge in duh ang?" a rawn ti nghal vat a.




"Ih...helaia thawk ve mipa chhelo zet kha a kal lo em ni?" tih pahin a lo nui hak thung a, ka lo ip chawih, Brenda-i chu Brenda-i a ni leh ṭhin. Ka tih ngam loh tur, ka hmui phun in a tihrik ngam miah loh tur thil hi a rîkpui phawng ngam zel hi kawng lehlama a fakawmna a ni ve tlat. "Vawiin chu a chawl a.." tia chhânna a dawn rual rualin, "Ava pawi ve aw...kan rawn chawlh chhan pakhat asin. I lo hrilh dawn nia" a ti zui leh hram a. Nuih vur vur pahin kan thil eiduh kan ziahna lehkha them chu a la a, a let zui nghal a.




"Ka zawt chak ve hrim hrim anih kha..." tih pahin a nui hak hak a. "I nghal maw le.." tih pahin ka lo nui ve sak bawk a. "Tidaih ila...zanin hman dan tur ka la buai... Kan In ah teh tlawng chuan a ho dawn chiang sa bawk si. Hmundangah hmanchhuah an phal ka ring chiah bawk silo" ka tizui niah niah a.




A hmui a tisawi kual a, thil tam tak ngaihtuah hmel a pu... A aw a thian kharh a, "Ngaihtuah ngai tak thil anih chu" a rawn ti nghat a. Ngaihtuahna kan seng dun ngial na a, thil ṭha ber kan ngaihtuah chhuak thei chuang lo.




"E...ka hria, ka hria...." a rawn ti deuh thut a. Ka lo melh kar a, "Ka ṭhiannu te In ah hmang mai ila? A free reuh nek asin. Mahse, a chep ve deuh a..." a rawn ti vat a.




Ka ngawi reng a, ngaihtuahna tam tak ka hmang bawk. Eng ber nge ṭha ang ka hrethiam chiah hrih lo. Ka chhungte chuan hman chhuah an phal ka ring lova. Ka nawrlui ngar ngar anih erawh chuan min khapbet reng chuan ka ring chiah lo tho bawk a.




"E....ngawi rawh" tih deuh hluai pahin a phone a phawrh zui a. "Lawk aw...." tihzui pahin min melh a. A bengbulah a dawh deuh vang vang a. "Apui, i buai em?" a ti nghal zat a. Ka phone phawrh ve nghalin ka thai kual zui niap niap a. "Englo maw le..in Dawr kha zanlam in hawng tawh tiraw? Kan ṭhiannu Birthday lawm nan kan duh deuh a? Engangin nge hman man te in tih?" a tih lai chuan ka lo thlêk hâ a. An inbiakna thu chu ka ngaihven nghal viau bawk. "E, aw...a ṭhat nasat chu..." tih pahin a bu nghat nghat a.




An inbiak zawh chuan ka lo melh vat a, "Engtinnge a tih?" ka lo ti thuai a. A thaw deuh halh a, "Zan khatah Rs.10000 anti daih..a hmun chu a nuam viau maw le.. Mahse, 'nangni in nih chuan in tlawm dan te kan zawng ang chu' a ti tho a" a rawn tihzawm leh a. Ngawi rengin ka en ngai ka en reng a, thutlukna siam mai dan ka hre hrih lo.




"Engpawh nise, kan inhrilh ṭha leh anga tiraw? Tute nge ka sawm dawn pawh ka la hre mai lo" ka lo ti thuai a. Kan thil chah chu a tuihnai ser sawr bawk a. Kan puar dun leh peng pawng viau tawh. Brenda-i nen kan inhmuh tawh hi chuan ei leh in lamah pawisa kan thehchhuak ṭhahnem viau zel.




"Engpawh nise, ṭhian sawm vak ka tum lo ania. In pa nen in rawn kal te chuan a tawk mai alawm. Kan In chung zawlah kan ti daih zawk mai dawn nge ni?" hmui hruk pahin ka tizui a. "Tirawh...chhuak phawt teh ang" a rawn tizui a, kan inzui chhuak ta nghal a.







(To be continue.....)


Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)