TRUE LOVE BY Tom Tom Putar-a (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: TRUE LOVE BY Tom Tom Putar-a (Completed)

Unread post by Ngaia » November 6th, 2022, 7:03 pm

TRUE LOVE
Chap~43



By : Tom Tom Putara






Brenda-i nen kan inbe fo a, ani pawh a chhungte'n engkim an hriatsak tawh a. Tunah chuan thlamuang takin a awm thei tawh. A pa in a hauh dan a sawi vel phei chu kan hlimpui zâwk ta phian. A zir thiam nasa mai si a, a pa aw phâwi diktak nena a han zir vel chu kan hlimpui ta phian a. Mi hlim thei, harsatna in salbeh tir ngai lo a ni tih ka hrechiang bawk a; a mizia a hloh rei kha ka beisei lo rêng bawk a, hmalam pan zel tur in ka duhsak tak zet a ni.





Nau neih hun tur te, kan inkawm tir vel dan tur te kan sawidun nasa thei hle. Kan pum len zawng ringawt pawh kan in teh ngun tawh teh e. A châng leh ka lêng chho a, a châng leh zan riak meuhin a rawn lêng a. Class-kan kal lai te sawiin kan titi dun nasa ṭhin viau.





In entir thlengin kan inthurual thei a, eng emaw zâwng tak chuan Brenda-i nau pai chu ka lâwm ru ta phian mai. Ramsanga lahin a mawhphurhna ah a la tel thiam em em a, theihtawp chhuahin a kêp ve zel a ni ber e.





Keimah ber hian midang hriatpui em em lo in buaina ka nei ru reng thung. Ka naupai a fual tih Doctor- in min hrilh a, indîm turin min chah mawlh mawlh reng a. Chu chuan hlauhthawnna nasa tak min siam a. Zan mu mang lo a ngaihtuah ngut ngut châng ka nei ṭhin. A châng leh nau chunga boral tur anga in ngaih tlat châng te ka nei ṭhin. Zanlaiah Ramsanga hriat hlau tak chunga thawh ka ngah a. Thlanfîm in min bual huh dup khawp a ngaihtuahna hrisel lo hman châng ka ngah mai.





Ka tâi na ru reng te chu ka ngaih a ṭha hlei thei lo. Din ngil ṭhat ngam loh châng te ka nei hial ṭhin. Ka nu leh Ramsanga'n an hriat erawh ka hlau em em thung a. Hmel hlim tak pu chunga ka awm luih châng a awm fo ta mai.





Ṭhiante ho lahin ka naupai lawm nan Chaw eikhawm an rawt reng a. Brenda-i pawh rang takin ka hrilh a. Ṭhiante an rawn kal sup ngei dawn a, chu chuan Brenda-i a ti huphurh thung.





Eirawng ka bâwl zo a, inbual tumin ka insiam zui sawk sawk a. Phone ri mek chu ka pan thuai a, U Tim-a ngei a ni e. "Aw, hello" ka ti thuai a.



"Naute, ka rawn haw a.."



"Nia, ka nu khan a sawi a. I rawn thlenna a rei tawh em?"



"Rei lutuk lo e...i buai em?" a rawn ti zung zung a.



"Buai tawh lo zawk....inbual ka lo tum chiah a"




"Anih chu, thil ka lo hawn che a nia. Engtiknge i rawn lam ang?" a aw zângkhâi lutuk chu ngaihthlak a nuam tak zet. Ka hnuk a ti ulh in ka ngai thar sawt, ka lakah lâwm lo mah se ka dem dawn loh tehlul nen; u zawk nih thiam takin min ngaihtuahna tihlan a hreh ngai lo te hi ka zah in ka thlamuanpui thar zual vawng vawng mai.





"Ka hre lo le...kan pa ka lo râwn phawt ang," ka tih rual chuan thil tam tak ka ngaihtuahna ah a awm.




"Aw le, chanchin kan inhrilh zel dawn nia. Ka hmu châk che, ka ngai tawh lutuk che, ka tupa tur pawh kha ka hmuchak tawh viau a nia," a rawn ti leh zung zung a. Ka nui var var a, "Kan inhmu thuai turah ngai ang, mipa cheiin in chei ringawt a. Ramsanga pawh hian a mipa biak hmiah hmiah a," nui hak hak in ka lo ti vat a, "A nu a chhun chuan a harh ṭha khawp ang," nui huk huk chung in a rawn ti leh a, ka naupan laia ka harh zia ngaihtuah lêt chungin ka nui ve hak hak tho. Kan inbiakna kan titâwp zui nghal a.





Ka nu chu chawhmeh khâi in a rawn haw thleng chiah e. Ka lo dahfel sak sawk sawk a, "Bawihi, vawiin lam engnge i lo an?" tih pahin a Bag-a hâi zui rak rak a.





"Ka ṭha lutuk, vawiin chu tih tur em em a awm lo bawk a. Khum nen kan inkâwm nasa viau mai" ka lo ti thuai a.





Damdawi ṭha leh ka eitur atana ṭha tur nia a rin ang a rawn leikhâwm chu a rawn phawrh zui dan dan a, "I rit ve tawh a, hahdam deuha awm tum ang che. Hei, i ei tur a nih hi aw? Hei hi Iron lam tho a nih hi, damdawi pangngai kha ei harsa i ti sia.." a rawn ti zui zat a, "Bawihtea a rawn hmelṭhat loh ka hlau nasa mai si," nuih var var pahin a rawn ti zui a.





Hmanni lawka kan in entir khan Doctor Rinpuii khan Ultra Sound in min en a. 'Mipa nge hmeichhia?' tih zawhna pêk aiah 'Naute thawmhnaw hi Blue nge Pink ka lei dawn?' nui chungin ka ti a. Doctor Rinpuii khan nui var var chungin, 'A blue a inhmeh zawk ang' a ti kha a nia. Khata ṭang khan kan chhungkua hi chuan Mipa nei turah kan in ngai nghet a, a hming turah chiah buaina kan nei tawh.





"E taka Bawihi, Zawngṭah kha i sawi reng sia. Ka rawn enkual viau tak na a, ka hmu mai lo tlat. A mu chiah ka hmu, a la to em em zui a," tih pahin chawhmeh dahkhawm chu a hâi nghal rak rak a, "I rawn lei duh kher a nih chu maw le. Tun ang hunah chuan a to viau ang," ka lo ti thuai a.





"Mahse, uih lam chu ei vak tawh lo la ka duh maw le" tih pahin a nui hul hak a. A ngaihna hre lo zetin, "Engatinge?" ka ti hâ a, "Engmah ni lo e, i pum in a huat ka hlau maw le," tih pahin a nui suk a. "I inbual tawh em?" a rawn ti zui zat a, ka thingpui pêk chu a dawm zui zat a.





"Inbual ka lo tum chiah a, ka han inbual ange" tih pahin ka chesawn zui a, "Zawngṭah mu hi ka chiah lawk ange," a tih lai chuan ka chho zui a. Thil uih lam ei a phal loh fiam laia a nui hmel kha ka ngaih a ṭha lo. Ramsanga rawn haw hunah ka zâwt chiang khawp ang. 'A chhânna diktak a hre lo a nih pawhin a thâwi tal a hria ang' ka ti rilru chho neuh neuh a.





Ka inbual zo ka chhuak deuh chiah tihin Ramsanga chu a rawn inkhâi bâwr lut hle mai a. A ngaihna hre lo zetin ka en reng a. Khumah chuan a thil rawn lei chu a bun hnuk a. Karei, naupang thawmhnaw chi hrang hrang, naute pianghlim aṭanga kum thum vel thleng hak theih tur chu a rawn hâwn kim viau ta ve ang.





Towel in Lu ka tuam a, thawmhnaw ka ha sawk sawk a. Khum lu lamah ṭhu in a thil lei chu in tihtheihpui tih hriat zetin a lo melh kual chapo âr mai. Ka ṭhutchilh a, naute pianghlim tuamna chi te, powder chi hrang hrang, naute chulh chi oil chi hrang hrang, toys lam thlengin. Ka en zui zel a, mipa naupang tlân ter ter in an hâk rual tur Jersey te. Ka nuih a za lo tulh tulh bawk a. Polythene dum a intuam fel thlap chu ka hawng leh a. Awi Lalpa leh! Naupang kum 4 bawr vel hâk theih tur, Coat suit- a nih chu!





Ka nuih a zat tawh loh nak alaiin, "Walker kha a man tlawm ho chu a chhe lutuk. Chêng sangli zathum man ka lei. In hnuaiah ka la dah rih," a rawn ti zui phei chu ka melh tlawk tlawk a.





Ka nuih a za lek lek tawh hial, "A âwm ang
lo lutuk mai. Mahni lo maha pawisa ren nâk a lai a. A vai vaiin ka sawisel pawh a ni lo, a ṭhen hi chu nakum kum kumleh lama a hâk tâwk tur chauh a nih hi," ka ti ngheng a. Ka insûm hman lo. He pa, awmze nei lova a lo phusa chiam ṭhin hi hrilh loh ang chiah zel in a la awm char char leh nghal, ka insûm hman lo ṭhin.




"Engnge a pawi vak na?" a la rawn ti tak deuh deuh a.




"Nau neihna tura pawisa inkhâwl duhthawh nâk a laiin...a hrim hrimin tuna lo lei ngai a nilo chiang lutuk. Hengte chu a hâk theih hunah meuh chuan a lo hlui bul tawh ang," ka ti zui ngheng a.




"A dahṭhat theih reng alawm," tih hmuk pahin a rawn tho nulh a.




"Awi, tâi na chung chungin thil ka remfel kual reng a. Kan thil neihsa pawh in remfel ninawm tehreng nen..." tih pahin ka ṭhu tûm bâr a.





"Mahni lo maha i hmuh hlan nghakhlel a ka rawn haw hmanhmawh ve tehreng nen..." tih pahin ka ep zâwngin a rawn ding zui a, "Anih chuan, a ngâi rihlo zawng chu naktukah ka thleng mai dawn nia. Ka ṭhianpa te Dâwr ami tho a nia. An phal tho ang," a ti hniam ruih a.





"Eng ngaihtuahna nge maw i put reng reng...?" ka tihlai chuan, "A vawikhatna te a ni ve a. In puahchah dan thiam a har em alawm," tih pahin a kalsawn zui a. A rackshack-chu banin a hawng zui nuap nuap a, "Zanah i zun a chhuak ngun sia, thawh i peih lo thei sia ka tia. Diaper pawh ka rawn lei che," tih pahin Puitling diaper-chu a rawn theh phei a, "Zoramsang..." tih pahin Diaper- bâwm chuan ka vawm a. Ka insûm thei zozai tawh lo, ka nuih za lutuk chu ka inpet fan fan a. Ka phuh zui hak a, Naupang Coat Suit- chu khâi parh pahin, "Hengte hi nangmah khan ha la a ṭha ang," ka ti zui phei chu za ngar ngar tawh tak a ni.





Ka bula a rawn ṭhut rual chuan ka chûm dawt a, "Ka nuih a za lo," tih pahin ka nui hak a. Nuih pût pût pahin, "Naktukah ka thleng dawn nia. Walker-khu chu i chhûn khawhar chânga i lo nawr kual ah tal awm mai rawh se," a la rawn ti hrâm. Amah zawk hi nawr nawk nawk hi ka châk ṭhin. A chimawm a chhuah hi chuan inhnial te hi a in peih at reng zel.





"I fapa Coat-te hi va khâi ṭha rawh," tih pahin ka tho a. Nui hak hak chungin ka inthlak zui mawlh mawlh a. A thil rawn lei ho ka mitthla nawn apiangin ka nuih bâwm a nghawr thar zel bawk.





"U Tim-a a rawn haw a, thil min rawn hawn a. Engtikahnge in rawn lam theih ang a tia. I rawn haw huna sawidun turin ka lo ti mai," tih pahin Darthlalang aṭang chuan a thil lei a remfel mual mual lai chu ka en a, ka nuih a za ru hle bawk. Rem ve rêng rêng rawh se, a lei âwm ang lo leh lutuk em mai.





"Vawiinah thil ka hre thar leh nghal" a rawn ti nghut a. "Eng?" hlauhthawnna nen ka inher a, ka en thuai a, "I u Jo-a chungchang," a rawn ti leh zauh a. A sawizawm nghakin hlauthawng ru zetin ka en reng a.





"A bialnu Athu-i nen in ngaizawng emaw min lo ti a ni âwm e. Athu-i u, Ms-a te nen kan inkâwm ve ṭhin a. Thil a lo hresual viau a nih hmel," a rawn ti a, "Vawiinah Ms-a a rawn lêng nawlh mai a. Chanchin kan in zawh na lamah ka hriat phah ta alawm," a rawn ti zui leh a, "Chuvang chuan maw a lo huat ve em em che?" ka lo ti thuai a, ka hawikual a; ka thaw halh a, "Chulam zawng ka hre chuang lo," a ti tak na a, eng emaw zat chu a hriat tho ka ring. A ṭul a tih leh a rawn sawi leh mai turah ka ngai.





Zan mutna ah thleng pawhin a thil rawn lei chu kan la inhnial fiamin kan la nuihpui reng tho, "Engtinnge naktuk chaw eikhawm chu i ruahman dan?" ka ti sap a.




"Vawiin khan ka hrilhkual a, an phûr khawp mai. Bawihtei te unau pawh naktuk zingah an rawn chhuk ang" a lo ti thuai a.





"Engnge u Tim-a thil rawn sawi chu i ngaihdan?" tih pahin ka melh kar a. Min nuih sak a, "Naktuk zanah emaw kan tum dawn nia," a rawn ti chu ka thaw huai mai. Kan In, ka pindan ngei te kha hmuh leh ka châk tak zet.





Min rawn kuah a, min pawm chial a, "Chuan....ka nghei rei tawh e..." a rawn ti fân ruih a. Nghawk salh pah chuan, "Hmm...i la nghei rei dawn sia," ka lo ti vat a. A hma aia hnaih in min rawn kuah a, "Ka ṭhianpa ka zawt a, a pawi lo a ti," a rawn ti chu ka nui hak a, "Chûngte mi han zawh..." tih pahin a kutah chuan ka sik hlawk a.





Ka kawr a rawn hlim zui a, "Dîm deuh a tihdan ka thiam..." a la rawn ti hram. Ka nui hak a, ka dang zui hran lo; Mahse, ka inchhîr zui vawng vawng mai. Ka tâi a na ngut ngut a, a dim viau lai pawh khan ka dawm ṭang ṭang kha a nia. Kan zawhfel meuh chuan ka tâi chu na tak a ni.





"Enteh, ka tâi a na lutuk a nia" ka ti thâm chhalh a. Hlauhthawn hmel zetin min rawn en thuai a. "Ka tihpalh aw? Tihpalh.." a ti mawlh mawlh a. Ka nui lui sak a, "A reh ve leh mai ang," tih pahin ka fawp zauh a.





"Tlai chaw ei lai khan Zawngṭah mu kha ka ei châk sia. Ka nu thusawi khan min ti tîm bawk sia," ka ti zauh a. "Engnge a sawi?" a lo ti thuai a, "Thil uih lam ei vak tawh suh a tia," ka ti chu ka en zui vat a. A ngaihna a hriat loh hmel viau mai, "Engatinge le tiraw?" ka ti zui leh a.





A ngawi vang vang a, "Nau neih hunah a uih a hlau a niang a?" tih pahin lehlam a hawi a, a nui huk kher chu ka chûm dawt a, "I phuahchawp," ka ti vat a. Kan pahnihin kan han nui tak tak mai a, ka tâi na bawk nen a va in rem lo tak. Ka nu in min hrilh laia ka rilru a awm tho in min chhâng chu ka nuihzat zualna a ni bawk.





Zankhua in ka tâi na a châwl mang miah lo. Ramsanga muhil tih harh hlau zetin ka meng reng a. Ka mutchhuak aiin ka ngaihtuahna kal diklo zet chu ka buaipui mah zawk bawk. Zingah emaw chuan thi a pût anga, Damdawiin min tlânpui anga. Kan nghahhlelh em em, ka naupai ngei chu ka thihpui ngei dawn a hriatna ka nei. Ka thaw a rawn sa pawp pawp a, ka hlau lutuk chu ka khûr hlawk hlawk thei hial...





"Ramsang...tho teh...ka thâwk a nuam thei lo a nia," ka tih rual chuan a rawn meng kâwk a. Hmanhmawh takin a rawn tho nghal a, "Engtinnge i awm?" a rawn ti nghal sawk sawk a. Engtinmah damlamna sawi tur phei chu ka hre hauh lo. Ka awmdan a rawn man rang em em a. Min ṭhutchilh a, a thiam tâwk chuan min hnêm mawlh mawlh a.





Towel ti huhin min hru thuak thuak reng bawk a, ka ziaawm deuh hnu chuan rem lo zet in a malchungah min pawm in min kuahbet chial a. Amah pawh chu a hlauhthawn vang nge a thlan a tla ve phung mai, "Thil ngaihtuah vak vak ṭhin suh ka tih kha, i mut theih loh chuan min kai tho zel tawh ang che," a rawn ti sup sup a. Ka lu ka ti che ringawt, ka zawiin mut chhuak chuan min rawn zem chiai chiai a, ka hnungzâng a chûlna nen chuan ka hahdam veng veng mai.





A tuk ah chuan ka tho nuam deuh chuan ka hria. Ramsanga chuan mu hahchawl turin min ti nasa viau na a, ka tho lui ta tho a. Chaw ei hun ṭepin Bawihtei te unau an rawn thleng a. In chhung boruak a danglam nghal vek. Ka nui leh ringawt ṭhin, Bawihtei hi chu kan hlimpui ṭhin teh e.





"Enteh, U Zothani kha a rai a nia," tih pahin a u Ramsanga chu a nuih awr awr a, "Engnge ani rai chu min hrilh kher?" an inti khâi khâi a. Kimkimi nen chuan kan lo nui nasa mai.





"Awwww....i ex-te a ni ve sia, khawngaih ve ta che, i mawl siah," tih pahin a la nuih zual sauh leh nghal. Ramsanga'n rum taka a melh chu nuih a za zual ting bawk, "Hmu ve la chuan i khawngaih ngawt ang. A chêr sia, a nau pai a lian tawh sia. Goal bana Ball phuarbeh a ang lutuk, ka khawngaih a nia aw," a tizui phei chu mi nuih vak ka hreh viau na a, Zothani ka mitthla ah a awm a. Ka nui lo thei lo a ni ber e, "Nangpawh rai la engmah i ni bik lo ang aw? I chhe ngawt ang," a u Kimkimi chuan melh râwm râwm in a lo ti ve hlak a, a ṭhiannu ve kha a ni bawk a; a lo ṭan ru ve tho chu a âwm viau.





"A nu paw'n ṭhian i duh tui lo thei lutuk a tih che kha aw? 'Badbarbie-i tih te Blizzy Kopiko Pach-i te....an hming aṭang reng reng hian kî te hi an neih duh hme'l a tih che kha aw," a rawn tih leh pâng pâng chu mittui tlaphungin ka nui tawh.





Ramsanga pawh Bawihtei chu melh ngur in a nui ve suk suk tho, "Ka nu Dar Hmari kha maw? Ka hlau ther te lo, a hmar bai a duplicate theih theih nen ka hlau lo aw?" nui uar uar chungin Lallawmkimi chuan a ti lui nghek a.





Bawihtei chuan rum zet a melh chungin, "I nuih dan te kha i hlauhawm zawk e a," a rawn ti leh chiah chu Ramsanga meuh pawh a rawn nui chhuak hawk hawk tawh. A u a ei lo hmel te hlei hlei chuan nuih a ti za zual ting mai, min tihlim in rilru an ti zangkhai ṭhin teh e.





Nilengin kan che zar zar reng a, Bawihtei chu mamawh lam khâwmah kan hmang a ni ber a. Ani lahin chhuahvah nuam a lo ti nasa mai. Bsa leh Lucy-pawh an rawn thleng e. Nau neih huna kan mamawh tur nia an rin ang ang te an rawn keng a, "Engnge hêng te in rawn tih duh? Engmah a ngai lo," ka lo ti zung zung a. Lucy-i chuan, "Daisy, râi i ngeih a nih kha...i hmelṭha tawp," tih pahin min nuih var var a,awih lo chung chung chuan ka nui ve tho.





Anthony-a te ho thawveng zetin an rawn thleng a. Te-i erawh a rawn kal thei lo, a u nupui Nau nei a awmpui a. Damdawiin lam aṭangin kan ṭhianho Whatsapp Group-ah a rawn bengchheng ber tho, "Bawiha, insûm ve deuh ta che? 'A pa ka nih hi' tih avanga zan tin naute hmel hmuh i tum a ni maw? Daisy pawh a naupai nen a chhiat chak em hi," Anthony-a'n ring leng lawnga Ramsanga a fiam lûng lûng chu ka melh râwm râwm a, an nuih zui dar dar phei chuan ka lâi ṭût tawh. He pa boruak hap sang lutuk hi chu....ṭhianho chauh chu ni ila a zia, huat hleih theih bawk si loh; in ring renga awm hi a ngai ṭhin.





U Mapuii te an rawn thleng chu kan ri chêl chûl a. Brendon-a pawh kan inhmu khât deuh a, min duhlo lek lek mai, "Ka pawm ngam lo che Bawihte....lokal teh," tih pahin ka man bet a. A tâl nasa mai a, U Mapuii chuan, "Tunlai chu a pangchang zual a. A pa pawh a duhlo, min ti hah tak tak a ni," a lo ti thuai a.





"Riak rawh u aw?" tih pahin U Mapuii chu ka melh a, "Kan tum sa alawm," a lo ti chu ka va lawm tak. Kan chhung tê chauh a zan hun hman hi ka huphurh ṭhin.





Brenda-i a rawn thleng hlawl mai. Ka tho a, ka pan vat a, "I van fel tak, i rawn kal theih ka beisei ngam chiah lo a," ka lo ti sawk sawk a, "Nia, ka rawn kal lo ṭep tak tak. Ka ngai pawimawh ngang bawk che u sia," tih pahin a nui var var a.





Bsa chu a rawn kal hnai thuai a, "Khai..Brenda-i chu, zêp theih loh thil a awm a nia. I ngeih a ni maw? I no suah mai, siam ve vat vat a ngai,"a rawn tifiam zuk a. Kan nui hak hlawm a, "I siam thiam tawp loh kha...saw, a la chêr ṭhei saw," tih pahin Lucy-i chu a kâwk zauh a. Bsa chu a ner nasa ngang mai, "Hmanhmawh loh lam thil zawk; mahse, muangchan a chi vak tawh lo a nih hi, kan fate'n in fate an ngam lo dawn tlat," nui huk huk chungin a la ti ve nasa.





Chaw ei dawnin Ramsanga a ding a, min lawmpuina te, min duhsakna te avangin lawmthu a sawi a. Ka nu a rawn ding zui a, hunserh a hmang a. Chaw kan ei zui a, kan chaw eikhawmna thil velah kan che nasa deuh nge ka tâi nâ a reh hlei thei reng reng lo.





Chaw eikham chuan kan ṭhu ṭhap a, fiamthu thawhin kan inkâwm khâwm a. Anthony-a chuan, "Daisy te naute hming tur ka phuah ang, Mipa a nih chuan Zoramruatfela nise; hmeichhia a nih chuan Lalruatsangi," a rawn ti chu kan nui dar dar a. Ramsanga chuan, "Brenda-i ve?" a lo ti vut a.





Bsa chuan rang fahranin, "Lallangchhuaka" a rawn ti zauh pek a. Brenda-i chuan a melh rum teh e, kan nui dar dar hlawm a.





Thil hrang hrang sawiin ṭawng an in chuh laih laih a, kei erawh ka tâi chu ka dawm ru leh vang vang ṭhin. Ramsanga chuan min rawn melh leh zauh ṭhin tih pawh ka hria. A awm danah chuan a bet lo hle tih pawh ka hria.





Bsa te ho haw tur pawh awmhmun aṭangin ka thlah peih hram. Ramsanga chuan a va thlah liam thung a, "Bren, riak ve rawh. Ka bulah i mu dawn nia. Inkawm a châkawm," ka lo ti sat sat a.





"Aih riak lo ang, ka nu a damsam vak bawk si lo" a ti teh deuh ṭung a. Dam lohna thil te a ni bawk a, ka nawrlui vak ngam lo. Ramsanga rawn lêt chuan min rawn hnaih thuai a, "I nawm loh hmel?" a rawn ti thuai a. Bawihtei pawhin min rawn hnaih thuai a, Lawmkimi erawh ka nu nen kan bungraw hman te an dahfel ri rum rum thung a.





Ka tâi chu a rawn na mar ṭawng ṭawng a, ka kap lam a rawn lum deuh pap in ka hria. Ngaih ṭhalo zet chuan ka tho a, "Inthiar ka tum lawk ange. Ṭhiannu, lo ṭhu lawk rawh. Nakinah Ramsanga'n a thlah dawn che nia," tih zung zung pahin Choka lam chu ka pan phei zui nghal a. Bathroom ah ka lut tlang nghal a, kawngka ka kalh a. Ka kekawr leh kekawrte ka pawt thla zui a. Ka kûn a, ka en chiah chu ka kekawrte a vâr ṭha bawk a, thisen tharlâm tak lo awm chu ka hmuchiang kelh kawlh viau mai.





Thisen chhuak chu a tam lo, a hming chauh a ni; Mahse, ka thâu ah a man ni hmiang. Ka che hlei thei dêr lo. Bathroom bang ngheng chuan ka tawlh hnung hret a, ka khûr hlak hlak bawk. Ka in ha ṭha a, muangchangin ka chhuak a. Engmah dang sawi lo chuan kan room-lam pan in ka chho zui nghal a.





Bathroom ah bawk chuan towel nen ka lut nghal a. "Dy...." tih pahin kawngka a rawn kik dat dat a. Towel vengin Bathroom chhuata ka kekawrte dah chu ka en reng a, ka zâm chhe takzet bawk. Muangchangin ka tho a, kawngka ka hawng a. A rawn lut vat a, "Eng thil nge ni ta?" a rawn ti nghal thuai a.





"Ka thi a pût ringawt" ka aw khûr hlak hlak chuan ka hlauhthawn zia a tarlang chiang viau bawk ang. "Khaih aw...engtinnge kan tih ang? A rang thei ang berin damdawiin pan a ngai a nih kha..." a ti zung zung a.





A tlanchhuak a, "Brenda....ka nu....Lallawmkim" a ti zui ṭhat ṭhat a. Hmanhmawh takin a rawn tlân lêt thuai a. Ka kekawrte chu ka lo su sawk sawk a. Bathroom aṭang chuan ka chhuak nghal thuai a, an vaiin an lo awm ṭhap tawh.





Ka khaw hmuh a fiahlo ruai a, ka mit a vai chum chum a. Ka thinphu a su dawt dawt a, ka taksa rawn lum pup pup rualin ka thaw a chham dawn ni mai hian ka hria. An ṭawng te chu fiahlo ruaiin ka hria.





Ramsanga'n thil awmzia a hrilh mawlh mawlh te chu ka mang hriat ruai a. Khumah chuan ṭhu in Brenda-i'n min kuah tih chu ka hre tho. Ka nu chuan, "Bawihi, hlauthawng suh aw? Eng thil pawi mah a thleng lo ang. I u Mapuii ka pâi lai pawhin i awmdan ang hian ka awm tawh a nia," a rawn ti te chu hla tak aṭanga rawn au vau vau ang maiin ka hria.





"Kal ang u" Ramsanga chuan dîm takin min rawn pawm nawlh a. Chutah chiah chuan tha ka neih loh zia ka hrechiang hle. In hnuai kan thleng thla a, U Mapuii aw ka hre nghal vat. "Daisy, hlauthawng lo la...eng êm a ni lo ang" a lo ti chu chiang takin ka hria. Mahse, amah chu ka hmu miah lo thung. Hmanhmawh takin Damdawiin lam min panpui a. Ramsanga chuan horn- a hmet ṭhat ṭhat reng a.





Brenda-i chuan min sâwi a, min ko mawlh mawlh reng a, "Ṭhiannu, ka ṭha e," tih ka duh; Mahse, ka khabe chu a khawng vek ni maiin ka hria. Ka ṭawngchhuak thei lo reng reng. Ka harh tih erawh a hriat nan theih ang angin ka Lu ka tiche leh zauh ṭhin.





"Bawihte, i chungah engnge thleng? Tunah chuan ni rih lo. La nghak hram hram rawh" ka ti rilru thla ngawt a. Engangin nge a hlauhawm a, a hlauhawm loh dan hre lo mahila ka awmdan erawh ka duh lo em em thung.





Ramsanga chuan, "Engmah hlauhawm a awm lo aw? I ṭha leh vat mai ang," a rawn tih te chu a thlamuan sawng sawng nana ṭawngchhuah ka duh, ka thei mai bawk si lo.





"Dy, i bulah ka awm reng a nia. I nu leh Ramsanga pawh an awm a nia. Engmah hlau suh, engmah pawi a thleng lo ang," a rawn ti leh mawlh mawlh a.







(to be continue........)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:03 pm

TRUE LOVE
Chap~44



By : Tom Tom Putara






Ka mu zawi hniang a, Ramsanga che vel chu ka en reng a. Kha zan, mangang taka Damdawiin min panpui zan kha ka mitthla ah a rawn awm leh ṭhin. 'Nau chhiat tur i ni' min lo ti mai ang tih hlauhna khan ka khat a. Pathian hruaina leh venhimna a zarah thil pawi a thleng lo hlauh kha lawmthu sawi mawlh mawlh tur ka ni.






"Ka duatnu, in siam ila? I peihlo viau em? I u Tim-a thil rawn hawn chu kan va lam lawk dawn em ni?" tih pahin Khumah chuan a rawn ṭhu kâi a, "Ka peih loh pawh ka hre lo. In siam vak a ngai hlei nem...heti hian a ni mai alawm," ka lo ti thuai a.






A rawn kûn hniam a, duat takin ka pum chu a chûl a. Rang takin a beng a dawh a, "Bawiha, tun aṭang khan pa takin awm ang che. I pa hian ka nghakhlel tawh teh che a nia," a ti sup sup a.





"I pa angin thil ṭul lo lei duah chîng suh tih te kha chah sa nghal vek rawh," ka lo ti chu a rawn hawichho a, a nui suk a, "I nu hian min tîr phar nasa bawk sia, i rawn chhuah hunah kan ṭangdun anga; kan tîr reng dawn nia," a rawn ti kher chu a sam ah chuan ka pawt zauh a, "Hettt...khatin ka fapa fuihpawrh suh," ka lo tifiam zui zat chu," I fapa a ni bik lo aw? Ka tel lo in a piang thei lo," nui suk chunga a tih chuan, "Ka pum a awm a nia, ka pai a ni bawk; ka thu zawk hrim hrim," dâk vak in ka lo tih zawm leh zat a. "Nang a pai tu, kei a siam tu. Ka hmanraw hlut zia chu han chhut teh," a rawn ti leh hram chu kan nui zui dun hawk hawk a.





"Tirawh, kal lam hma ila; kan haw hma zâwk dawn nia. I mut hahdam tam kha a ṭha a nia," tih pahin la nui huk huk chung chuan a tho nghal a, "Engnge i hâk dawn?" tih pahin ka thawmhnaw khâina chu a hawng zui a.





Ka tho a, nuih hak pahin, "Keima'n ka rawn en ang. Lo hahchawl rawh," ka tih lai chuan 'rai kawr fual' ka neih ho chu a rawn khâi chhuak zung zung a. Nuih hak hak pahin ka pan phei a, "Hei hi ka lo ha ange," tih pahin ka ban nghal a.





Ka in siam chhung zawng pawhin ka mamawh tur nia a rin chu a lo dapkual zung zung a, "Peikhawk kha ka bun peihlo. Heti hian a ni mai," tih pahin ka ding zui a, "Ka hman e," tih pahin ka ding kawh ve luah tawh mai.





Ka phone ri chu ka en thuai a, Brenda-i ngei a ni. Ka chhâng thuai a, "Aw, Bren..." ka ti thuai.





"Dy...ka pum a nuamlo thut a. Damdawiin lamah kan kal. Zaninah ka neih hman hmel a nih chu," aw zângkhai vahin a rawn ti nghal vat a.





"Anih chu, a va lawmawm tak. Tluang taka i neih ngei ka ring," ka tih lai chuan, "Brenda-i em ni?" Ramsanga chuan a lo ti thuai a.




Ka bu nghat a, "Chuan, rawn kal a ngai em?" ka ti zui vat a.




"Aih, ngai lo e. Rawn kal buai duh suh u. Ka ṭha a nia. Chanchin ka rawn hrilh vat dawn che u a nia," a rawn ti sawk sawk a.





"Aw le, zanrei pawh nise min rawn hrilh ngei ngei ang che," ka ti vat a. Phone-ka dah rual chuan ka rilru ah Nau neih châkna leh huphurhna a awm kawp ṭhawt, "Kal ang le.." ka ti zui a.





Ka nu chu chanchin ka hrilh zung zung a, a rilru chhungril ber chu ka zuk hre lo na a; a ngaihdan a nih vak loh ka ring,kan boruak lo neih tawh dan nen ngaihtuah phei chuan ka dem thei lo; Mahse, chutianga engmah ti lang chi a ni ve lo, "Va leng rawh u. An hmuchâk viau ang che u," nui sâng chungin a lo ti thuai a.





"Kan rei lo ang" tih pahin kan inzui chhuak ta nghal a. Ramsanga chu a ngawi ngal mai. Eng tak ngaihtuah ang maw? "I peih lo viau em?" ka ti sap a. Min rawn en zuk a, "Ka peih a, ka hruai che chu a nih hi," tih pahin a nui suk a. Ka thaw halh a, "Ka awm alawm, engmah a thleng lo ang," ka ti teh ngawt a. Eng ka nih loh zia te, thuneihna ka neih tawh loh zia te chu a hrechiang viau si ang. A nui suk a, "Engmah a thleng lo turah ngai ang," a ti nghut a.






Kan thleng ta!! Kha zan kha ka rilru ah rawn lang thar leh in rilru buai em em a ka chhuahsan lai te chu ka mitthla ah a rawn lang uar uar a, engkim huam a ka duhthlanna, ka thutlukna kha kan vaia damna ni nghal lo mah se beidawng lo a kan beih a, kan tum chuan kawng nuam tak zawh hun a lo inher chhuak leh mai ṭhin tih hi ka chiang thar takzet. Thaw hak in Kawngka ka kik dat dat a, ka nu aw ngei mai ka hriat rual chuan kan lut zui nghal a, "Awii Naute..." tih pahin min rawn pan nghal a. Kan inkuah nghal vawng vawng a, tun ṭum chu ka zawng zawngin ka kuah vawng vawng a ni berin ka hria.





Ka pa pawhin min rawn pan thuai a, Ramsanga nen an in buk khum nghut a; min rawn pan nghal thuai a, "Naute, va ṭhu châwl rawh u," tih pahin min kâi nghal a. Ka nu lah chu In chunglamah a tlânchho nghal a.





"Naute, in va fel ve?" lâi zetin ka pa chuan a rawn ti nghut a. U Tim-a aw ka hre nghal zat. Ka nu nen an rawn inzui thla hlawk hlawk a. "Hmelṭhanu..." tih pahin U Tim-a'n min rawn pan nghal zat. Kan inpawm a, ka dul erawh a rawn nâwk ang tih a hlau viau. Ka dul chu a rawn chûl a, "Min chhûn viau ang che," a rawn ti zui a. "Ka theihnghilh daih, ka thil pek tur che," tih pahin a lêt chho leh nghal a.





Ka nu leh pa te nen kan han ṭhu ho leh chu a boruak a dang zar mai. Ka nu chuan kan nau neih hun tur te min zawt chîk viau mai. Ka pindan lamah chuan kal châkna ka nei, ka kal zui nghal a. Ka lût chiah chu ka ding chawt!! Engkim khawih hnûm ṭhan tih hriat takin a felfai em em vek a. Min theihnghilh ngai lo tih ka hriat thiamna chuan ka hnuk a ti ulh a, ka in sûm thei lo thung. Ka ṭah a chhuak em em thung a. Ka khum, puan in thlep fel thlap te chu ka en tlawk tlawk a. Muangchangin ka pan chhat chhat a, Khum ah chuan ka ṭhu hnawk a. Khum lu lama ka thlalak târ zawng zawng te chu ka en kual a, ka lung a lêng vawng vawng mai. Ka uite duat, Jacky nena kan thlalak dun te chu ka en vawng vawng a. A mutna ṭhin chu ka en thuai a, a lo ruak felfai hiai tawh thung.






Ka nu chu a rawn lut a, ka bulah chuan a rawn ṭhu a, "Naute, engkimah kan tlâwm e. Kan tihpalh vek a ni," a rawn ti niah niah a, "Ka nu, engmah sawi a ngai tawh lo. Hun kal tawhah in hambuai a ngai tawh lo. Kan hmalam hun hi a pawimawh tawh zawk," ka lo ti thuai a.





"Enkual la, i mamawh engnge awm?" a rawn ti leh nghal zat a, "Engmah mamawh ka nei hlei nem...ka mamawh zawng zawng chu Ramsanga'n min pe vek alawm,a hmangaihna leh a hma hun zawng zawng nen," tih pahin ka nuih sak a, ka nu pawh a nui hul hak mai.






Kan chhuak phei a, U Tim-a thil min hawn chu ka phawrh darh a. Naute thawmhnaw tur te, ka thawmhnaw tur te, Ramsanga pheikhawk tur te a ni nuaih mai. Ramsanga pawhin a bun tawk chiah a, a lawm thiam khawp mai.





Thingpuite kan in zo ta bawk a, "Kan phei phawt dawn em ni?" tih pahin Ramsanga chu ka melh a, "Nia, phei phawt ang," tih pahin a tho zui nghal a. U Jo-a a lengchhuak kher chu a pawi ka ti. Keimah ngei hian a mit taka en chunga zawhna zawh ka duh.





Ka nu leh pa chuan pâwn thlengin min thlah a. Ramsanga lakah chuan an inthlahrung ru dêk tih ka hria. Ramsanga erawhin engmah a tilang eih lo. Ka fakna em em ṭhin a ni. A lungawilo viau a nih pawhin mi tana nuam lo tur angin a tilang ngai lo.






"A nih muttui em em ule," tiin kan in vai liam lauh lauh a. Theihtawpin kan inkâr siamṭhat an tum tih ka hria. Kei pawhin ka duh ber a la ni fan;Mahse, thil thleng tam tak vangin Ramsanga rilru chhungril ber erawh ka hre hauh lo.





"Engkim a ṭha leh mai ang ka tih fo ṭhin kha i la hria em? Tunah chuan i ṭhatna in engkim i hneh chho ta a nih hi.." a rawn ti a nih chu! Mak ti zetin ka en reng a, ka nui sak bawk. Ka ṭhut hnaih salh a, ka ngheng a; lungawina famkim hian min tuam mup mup ni ber hian ka hria, "Nang ang pasal ka nei hi chu ka lawm takzet. Ka damchhungin i hlimna thlentu nih ka tum fo ang," ka ti mawlh mawlh a.






"Engkimah bul i ṭan a, i ṭhatna in keini nufa thlengin min siamṭha tawh a nih hi," a rawn ti zui leh phei chu kuah vawng vawng ka chak takzet, "Ka lawm e, i ṭhat ve tho vang a nih chu,ka nu pawh,engmah hi keimah chauh in ka ti thei lo tih i hriat kha,Pathian kan lamah aṭang bawk," ka ti sap a.





Ka nu in min lo la nghak a, kan hmel a lo en uluk hle tih ka hria. Kan awmdan leh hmel landanah thil danglam a awm lo tih a hrethiam a ni chêk ang chu; a hmel hmuh a nuam hle, "Bawihi, han mu hahdam tawh rawh u. Mut tam i mamawh a nia," a rawn ti thuai a.





Khumah kan mu kâi chiah chu ka taksa in mut a mamawh zia ka hrechiang hle. Ramsanga pawh a dân pangngai tê in a inbual leh phar phar tawh. Mu chungin phone ka hmet mawlh mawlh a. Brenda-i message-a lo awm vâng mai, "Dy....min ngaihtuah suh aw? Zanin ah ka neih hmel," tih a lo dah vâng mai.





Rang takin ka call-nghal a, ka nghak deuh vang vang a, "Aw, hello...Daisy," rawn titu chu Brenda-i nu aw ngei a ni.



"Engnge in chanchin?" ka ti thuai a.




"Hei, nau neihna room-ah an nawrlût fel chiah e," a rawn ti chu ka nui sak a, "Awi, ka hre châk tawh e," ka lo ti thuai a.




"Engnge nang i an?" a rawn ti ve thuai bawk.




"Ka ṭha lutuk e. Tlêm in ka kut leh ke a vûng ve deuh a. Engmah hlauhthawnawm a awm lo e," ka ti zung zung a.




"Lo ṭha zel rawh khai, chanchin ka rawn hrilh vat dawn che u nia," a rawn ti leh vat a, "Aw le, ka lo ngaichang dawn nia," ka ti ve vat bawk.





Ramsanga inbual chu a rawn chhuak a, "I inbual ve dawn em? A dai nuam sawng sawng khawp mai," a rawn ti chhuak a. Mu chungin ka lo en reng a, a taksa inphiar fut ni silo; a inkhâi thli zaih bawk a. A 'v line' lang kalh te chu en loh a har ka ti, "Engnge min en reng a? Min ît viau zel suh," nui huk chungin a rawn ti a.





"Awi, ka tun dinhmun aṭang hi chuan i îtawm lo," ka lo ti hlak a, ka tûm der bâr a, "Tak taka, tlaiah ka inbual tawh alawm. Ka peih tlut tlut lo," ka ti zui a.





A inthlâk zo a, phone en in a ding reng a, "Khai, naktukah Studio ka kal lawk a ngai dawn a nih hi," tih pahin a phone chu a rawn theh thla thak a, "Eng thil nge?" hlauhthawnna nen ka en reng a.





A rawn mu a, a thaw deuh halh a, "Mahriati, zaithiam ve deuh kha a lungawi lo deuh nge mawn le. Naktukah ka han hmuh lawk a ngai," a rawn ti zui a, "Eng lam thu ah nge?" inthlahrung ru deuhin ka lo ti sap a, "A hla thar a mi tur Music Arrangements kan buaipui sak a nia, chutiang vel chu, naktukah engkim chiang zâwkin ka hre turah ka ngai. Kan la sawi ṭha dawn nia," a rawn ti sup a.





Min chhânna chu ka rindan sa thlap a ni. Ramsanga hian kan nupa inkârah pawh nise mi chanchin leh thil thleng eng pawh; chiang taka a hriat hma chuan a sawi mai mai ngai lo. Kei, a nupui bulah ngei pawh mi chanchin sawi lamah chuan ngawih a chuh thei viau mai.





Harsa takin ka in let ṭaih ṭaih a, ka châwn leh malpui vel chu sil ṭhem ṭhem tak a ni,"I rilru diktak ka hre chak....." tih pahin ka melh kar reng a.





Min en a, ka biangah a chûl heuh heuh a, "I rilru diktak ka hre chak zawk asin," a rawn ti nghut a. Ni e, ka rilru len zia leh ka tih tawh loh lama ka harsat zia hrechiang ber tu a ni. Ka chhungte lakah pawh ka lan ang ngawt ka nih a ring kher lo ang tih pawh ka rin hriat sa a ni.





Ka mu rem hlei thei lo, ka in her rem zui leh deuh a, "Dawt sawi miah loh ah chuan ka chhungril hi chu a la na reng; Mahse, engang pawhin ka chungah rilru dang pu mah se ka chhungte; ka nu, ka pa, ka û te an ni tho si a. Thil chhe ber pawh tâwk se ka chhungte an ni tho," ka ti mawlh mawlh a.





A rawn kûn hnai a, ka chalah a rawn fawp zauh a, "Thil engkim hi i ngaihtuah kual fel thiam ṭhin mange," a lo ti nghut a, "Ngun taka i ngaihtuah a, a ṭha i tih hi chu a sual mawh viau zel a nih hi maw..." a rawn ti zui zauh a, ka hmuiah a rawn fawp pah zaih a.





Ka phone rawn ri chu ka en thuai a, Brenda-i number ngei a ni, "Aw, hello," ka ti thuai a, "Hmeichhia kan nei e. Kg 3.700g a ni e," phûr zeta Brenda nu, Nu Mabiaki aw zângkhai vah chu hriat nuam ka va ti tak, "A ngo sia, a hmelṭha bawk sia.." a rawn ti zui zung zung a, "Thlalak min rawn thawn rawh aw? Kan hmu châk tawh lutuk a nia. A nu a ṭha em?" ka ti lêt ve zung zung a.





Ramsanga chuan a beng a lo chhi nasa viau tih a hmelah chuan a lang reng, "Brenda-i'n hmeichhia a nei," ka ti sâ sâ a. A lo thaw huai a, "Nu Mabiak, thlalak chu aw?" ka tih leh lai chuan, "Hei, an la rawn chhuak lo. Nurse in chanchin min rawn hrilh a. Ka rawn hrilh nghal vat che u," a rawn ti zung zung a. An tu hmel chuan ka ṭhiani dinhmun pawh an chhungkua ah danglamna thlen mawlh teh se.





Nu Mabiaki thlalak min rawn thawn hun kan nghak rân a, "Awi, ka va lawm tak. Ṭha deuhin a nei thei a," ka ti zui zat a.




"Nang pawhin ṭha deuhin i nei dawn alawm. Thil ṭha lo lam ngaihtuah loh tum hram hram ang che. Ka nu pawh khatiang tur tho kha a nia. A duat sual ang tih erawh ka hlau viau bawk," a rawn ti zung zung a.




Message rawn ri tlang tlang chu ka en nghal thuai a. Ani pawhin hmuh tlai bîk a hlau a ni chêk ang chu! A rawn bih ve nghal thuai bawk a, "Awiiii....a hmelṭhat zia hi," ka ti chûl a. "Angela Lalruatsangi a nih hi," ka ti zui zat a.





"Teh ngawt che chuan?" nuih huk huk pahin Ramsanga chuan a rawn ti thuai a, "Engnge i nuih ngawt? Hmanah kan inkawm in fa neih hun te kan sawi a. Ama'n fanu ka neih chuan, 'Angela Lalruatsangi ka ti ang' a ti alawm," nui rah rah chungin ka lo ti thuai a





"Anih nangin?" a rawn ti nghal zat, chu zawhna chu min zâwt miah lo se mak ka ti zâwk hial ta ve ang.





"Kei chu a theih ve dawn loh," tih pahin ka nui hul hak a. A hmel a zawhna rawn in pholang chu ka hmuthiam hle bawk, "Zoramsanga ka ti...tak tak in i hming ka hriattirh khan ka phu deuh zawk alawm," ka ti zui zung zung a. A pawm chiah lo nge, a nui suk ringawt a.





"Nangmah ngeiin naute hming te chu i sa ang chu," ka tihzawm zat a. A lo bu nghat a, "Ka sa chal viau mai angah?" tih pahin a nui pût pût a, "Muhil tawh ang. Rilru hahchawlh tam i mamawh a nia," a rawn ti zui a.





Phone chu ka lek kâng a, "Vawikhat chiah ka ennawn leh lawk," tih pahin Brenda-i fanu chu ka en leh vang vang a.





Brenda-i nau en tur pawhin ka chhuak hlei thei meuh lo. Ka ṭawp a zual pek a, ka ke a vûng nasa bawk si. Ramsanga pawhin min chhuahsan ngai lo. Zun ram thiar a ka kal vel pawh min zui chawt a ni ber a. Tlâwmla viau mahila ka ke tha chak loh zia ka hrechiang em mai a, ka khapbet duh hran ta bik lo.





Ka nu pawhin min ngaihtuah em em a, engkimah min âwl hneh em em bawk. Ei tur ṭha leh tuihnai tak tak min rawn chhawp âwl lo a, min hringtu ka nu ngei pawh khan hetiang ang em em hi chuan min duatin min ngaihsak kher lo ang.





Ramsanga'n muthlu duar duar chunga ka ke a hmeh châng pawh a awm. A hmeh zal loh chuan ka ke za na lutuk hi ka muhil thei ṭhin lo. Zingah nise ka harh hma hauh aṭangin a thiam ang tâwkin a che ve reng a. Chhuat a phiat dûrh dûrh te chu ka va lainat thei tak. A phiat zo a, a nâwt leh thlap zel bawk a. Thawmhnaw a thlep fel ve nuap nuap zel te chu lainat ru tak chungin ka lo thlir leh veng veng ṭhin.





Nau nei turin kan inpeih takzet tawh a, ka pum na zing lutuk te chuan lang thei a kan in puahchahna bâkah chhungril lamah pawh kan inpeih thawkhat tih min hrilh hria ni mai hian ka hria.





Brenda-i nen pawh nitin zantin kan inbia a ni ber a. Engkim chipchiar takin ka zâwt a, ani lah tawnhriat in ti nei zetin a rawn ṭawng deuh phar phar zel a, kuk lawlh hi ka châk ṭhin. A fanu thla khat tlin lawmna atan a in buatsaih nasa mai a. Min beisei ngam lutuk lo na a, lang thei ngei ila min duh tih erawh a ṭawngkam aṭang chuan ka hrethiam mai.





Ka harh hlawt chu Ramsanga a lo mu leh tawh miah lo. Ka hawikual ruai a, ka hmu mai lo. Bathroom lamah a awm nia rinna ka nei a, beng ka chhi deuh hrâ a; Mahse, bathroom lamah pawh eng thâwm mah ka hre chuang lo.





Kawngka rawn in hawng chîk ri ṭât lam chu ka hawi thuai a. Bawnghnute leh chhang tuihnai tak rawn châwi luh pahin a rawn nui suk a, "Hello...morning, i mutui bawk maw?" a rawn ti nghal thuai a.




Ka nui sak a, "Ka mutui bawk aniang, i thawh lai ka hre miah lo," ka lo ti thuai a. "Morning..." ka ti zui leh vat bawk a.





Ka tho chhuak a, ka pum na chuan min kam ta ṭalh mai. Ka ṭhutdan ka siam rem zui thuai a, "I in tawh em ni?" tih pahin Bawnghnute No chu ka ban zui nghal a, "Ka nu a tho tawh em?" ka ti zui thuai a. Ka pum rawn nat dan riai riai chu ka ngaih a ṭha chiah lo bawk.





"In tawh e, ka nu nen inkawm pahin kan in tawh alawm. In khawlh khawlh rawh" a rawn ti zui thuai a.





Ka in zo hram a ni ber e, ka ṭhutdan a rem thei thlawt lo, "Vawiin tlai kha Brenda-i lah khan inthlahrung deuhin a fanu thla khat tlin lawmna ah min beisei viau mai a," tih pahin Khumah chuan ka ṭhu rem zui a.





"Tun dinhmunah chuan khawiahmah han chhuak chi kan ni si lo a, nakinah kum a tlin hunah pui deuhin kan la lawm sak dawn nia," a rawn tidam dup a, "Nia, min beisei sâng ngam chuang lo," ka lo ti thuai a.





Nilengin ka awm dan hnuhnung apiang chu a nuam lo ni berin ka hria. Ka awmdan ka siam rem a, ka awmdan thar ber apiang lah nuam tihna ka nei chuang hek lo.





Zan boruak inlâr ṭan chuan na a rawn belhchhah ni mai hian ka hria. Ramsanga chu zan lamah min menpui rim bakah chhûn lamah a chêt nilên avangin a chau viau ang tih ka ring. Ka bulah chuan a muhil sûk sûk a, ka en reng a; tih harh hlau zetin ka mutdan ka siam rem sek bawk a.





Sana ka en a, dar 7 a ri ṭep. Ka nu chuan a vawihnih nan min rawn en leh dêk dêk a, "Bawiha chu chaw te ei phawt se a va ṭha em.. Bawihi, nang i rilṭam tawh em?" a rawn ti sar sar a.





"Ṭam lo e, thil min ei tir reng a..." tih pahin ka lo nuih sâng a. Ramsanga chu ka sâwi a, a rawn harh thuai a. A rawn meng phelh phang thung, "Chaw zuk ei rawh, kei chu ka ei peih rih lo a nia," ka lo ti thuai a. Ka nu lah chuan, "Ni e, in eifel vat kha a ṭha a nia. 'Khawchin leh nau chin' a hriat loh an tih kha maw," ka nu chuan a lo ti vat a.





Ramsanga chu a la hâm bûi bûi a, "Ka lo mutui âwm hle mai," tih pahin a tho a. Ka nu chuan, "Ka lo zuk siam ange, Bawiha'n rawn kengchho mai rawh se," tih pahin min rawn nuih sâng a. "Ka nu, tam a ngai lo a nia," ka lo ti thuai a.





Chaw an ei ṭan chauh ang tihah chuan ka kap lam chu a rawn lum pup a. Hlauhthawnna in ka khat nghal zat. Thi a pût leh ngei nia ka ngaih avangin ka thaw a rawn sa nghal pap pap a. Muangchangin ka tho a, Bathroom lam chu ka pan zui chhat chhat a. Ka phei pah te chuan thisen kai in hlau ru deuhin ka kal kâk phei hrat hrat a.





Kûn vel ka harsat em avangin Kekawrte phelh chhung pawh a rei fat mai. Ka in phelh fel a, hlauthawng ru zetin ka en a. Engmah thisen awm si lo in a lo huh hlap thung. Zun cheh a in puhthluk chu ka duh miah lo thung a; Mahse, puh tur dang ka hre dêr bawk si lo.





Bathroom aṭanga ka chhuak phei leh chiah chu ka pum a rawn na zual sauh a. Ka kâwng ka dawm a, kut lehlamin bang ka nem ngar ngar bawk a. Ramsanga rawn lut chuan min rawn hmu thuai a. Ka chaw thleng a rawn chawi chhoh chu a dah nghal sawk sawk a, "I hmel a va diklo zual ve? Na i nei em ni?" a rawn ti nghal sawk sawk a.





Khumah chuan min ṭhutpui a, ka awmdan apiang chu a nuam lo zual sauh thung. Ka thlanfim a rawn bawl ṭek ṭek a, Ek chhuak ang maiin min kam ṭûn bawk si, "In thiar ka va tum chhin ange," tih pahin ka tho thuai a. Rang takin min rawn zui nghal vat a.





Ka ṭhu rân a, engmah phei chu awmzia a nei lo. Chulai hmun thleng phei tur pawhin ka kal chak hlei thei lo a, a reh leh vek hman a nih rinna ka nei hial bawk, "I inthiar thei em?" Ramsanga chuan a lo ti thuai a. Ka lu thin nâ nâ pahin ka thaw hawk a, ka thlanfim chuan min rawn bual ṭan.





Ramsanga chuan ka nu a ko a, a rawn thleng chho rang hle. Thil awmdan ka lo hrilh chu a nui sak a, "Bawiha, kan mamawh tur kha lo zuk khâithla rawh. Nau a vei a nih hi..." a rawn ti ta!





Ramsanga chu hmanhmawh takin a che sawk sawk a. A chêt pahin ka na viau tawh em tih min zâwt sek bawk a. Thawmhnaw chu a khâithla zung zung a. Muangchangin min hruaithla a. Ka nu erawh hmanhmawh takin a chhuk a, a lo zuk insiam sawk sawk a.





Car-ah chuan rem thei ang berin min ṭhut tir a, "Ka lo siam rem leh deuh dawn che em ni?" Ramsanga'n a rawn tih lai chuan, "Kal vat vat teh..." ka lo ti bak hlar a. Ka nu chuan, "Bawihi, zun cheh anga i awm kha 'tui bâwm a keh' a nih kha. Hmuh theih chinah ringawt pawh i vei na chak em mai, kan nei vat ang," tih pahin min ṭawng thlamuan zui zar zar a.





Damdawiin kan thleng a, min lo endik thuai a. Nurse-ho an felin min ngaihtuah em em a. Doctor chuan min endik nghal zung zung e, "Chhul kawngka a in hawng tawh e," a nau te chu a hrilh tel pah a.





Hmanhmawh takin an che sawk sawk a. Nau neihna thawmhnaw min rawn hâktir nghal chûk chûk a nih chu! "Rawn lut ve rawh aw?" hlauhthawnna mitmeng thup lo zetin ka en kar a. Ka lo bu nghat nghat a, ka nu chuan, "Hlauthawng miah suh aw? Engkim thil pangngai, nau nei tur te awmdan zel a nia," a lo ti ve thuai bawk a.





Nau neihna pindanah chuan min luhpui ta! Zoramsanga erawh a rawn lut ta lo. Thil pangngai, nau nei tur awmdan pangngai a ni ngei ang tih chu ka ringhlel miah lo;Mahse, ka ngaihtuahna hrisello zet chu a rawn luanglut hum hum a. Ka khaw hmuh a fiahlo ruai a, ka mitmeng phili leh buai zet chu Nurse pakhat chuan a rawn hmu fuh a ni chêk ang chu; Doctor rawn lut chu a lo hrilh zung zung a.





Ka thaw a rawn sak a, ka ni deuh nghulh nghulh a. Thawhah chuan min rawn zui ta tak tak e, ka thaw deuh kâwk kâwk a. Nurse leh Doctor- ho chu an inbe sawk sawk a. Khawl chi hrang hrang an rawn hnûk khawm zung zung a. Chu chuan min ti chiai zual a, "Ramsanga kha....Ramsanga..." harsa ti takin ka tichhuak thei hram a.





Doctor Rinpuii chuan a nau te chu Ramsanga ko turin a hrilh tih pawh ka hria. Ka meng ngam tawh lo na a, an chêt hmanhmawh danah ka ṭha lo anih rinna ka nei nghet hle bawk.





Ramsanga chuan ka kutah a rawn chelh a. "Dy....i bulah ka awm a nia. Engmah hlau suh aw?" a rawn ti nghal sawk sawk a. Rang takin Doctor Rinpuii chuan, "Rang taka kan zai nghal a ngai," a tih ri ka hriat rualin ka ni deuh lawih a. Ramsanga kut chu nghet takin ka hmer ngawt ngawt a.






(to be continue......)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:03 pm

TRUE LOVE
Chap~45





By : Tom Tom Putara







Hmanhmawh taka an phe zung zung chuan min ti hlauthawng zual sauh a. Ka thaw rawn hah tur in ṭham ni mai hian ka hria, ka thaw leh hawk ṭhin a. Ramsanga chuan ka chalah a rawn fawp a, ka kut chu nghet takin a chelh bawk. "Dy....hlau miah suh. Engmah thil danglam a awm lo a nia, i tuar chhuak leh em em ang, i thei a nia. Kan naute kha ngaihtuah tlat la, " a ti mawlh mawlh a. Nurse leh Doctor in lo va chhuak tur a an tih te chuan ka zam zual sauh a, hlauthawng tak leh chiai zet in ka melh zui ṭâwk ṭâwk a.






Rang takin ka bulah chuan khawl an rawn hûng zung zung a. Ka thaw hah tihzia na turin ka hnarah an rawn vuah châwt châwt tih ka hria. Ka thaw hawk a, muangchang leh dîm takin min kuai saisir a. Ka kâwng, hnunglamah chuan min rawn chiu a. Chutah zet chuan zâmna thlarau in min rawn thing nawk nawk ni maiin ka hria. A hma ai mahin ka thâwk a sak bawk. Hit chhah mup in min rawn tuam a, thâwk harsa ka tiin ka zâm a, ka hlau tel em em bawk. Ka ṭhen deuh sawk a, mumang ruaiin ka awm zui nghal.






Ka khaw hmuh te chu a fiah lo ruai a. Ka taksa chu chêt sawk sawk ka tum a; mahse, ka tum lai chu ka chêt lai a ni ber.






An ṭawng chu hmun hla tak, ramngaw reh ruih kâr aṭanga rawn chhuak veu veu ang mai ni hian ka hria. Ramsanga chu hmuh ka duh; mahse, ka meng fiah hlei thei lo. Ka hawikual dawn a, ka Lu a che ṭha thei miah lo bawk.






Ka chhak tlâng aṭang chuan ni maiin ka hria. A hmaa thâwm a rawn chhuah ang bawkin a rawn ri leh hruih a. Ka piah lawka Ramsanga, engmah hre lo a mu let bal chu ka ko dawn ṭhin. Ka hmui a pawnchhe inhnawh ṭûn avang chuan ka ṭawngchhuak thei der lo. "Ramsanga...tho teh, harh teh.." tih rilruk pahin ka kut an phuarna hrui chu thingkung ah chuan a theih ang a nâ in ka hrût hraih hraih a.






Thâwm ri ngai bawk, ri hruih hruih ri chu ka hre leh a. Ramsanga zi ṭalh ṭalh chu ka en a, "Tho teh...kan tlanchhiat a ngai, " tih pahin a hma aia na in ka tâl sawk sawk a. Ka kut inphelh rual chuan ka thaw hawk mai.






Ramsanga lam pan chuan ka tlân vat aa, "Tho rawh...kal ang," tih pahin a kutah chuan ka hmer chat a. "Khawiah mah i kal thei lo, thisen pêk phawt i ngai," min lo ti teh daih a. Kan chhak lam aṭang chuan ṭawng ri nuaih nuaih ri ka hre zui chat.






Engkim mai chu a thim tulh tulh a, ṭawng ri kârah chuan, "Thisen pe thei in awm em?" tih ri te chu ka hria; Mahse, chu ri erawh chu a hmaa hla tak aṭanga thâwm ka hriat ang khan a rawn ri tlat. A bak chu engmah mumal leh fiah taka hriat ka nei mai lo.





Ka harh leh ruai ruai a, a hma ami bawk kha ka mumang ang maiin a rawn lêt leh zut zut a. Ramsanga chu a rawn hawichhuak a, a mitmenga thinrimna chu ka hmuh hmaih lo, "Tlan chhe rawh u, khawiahmah ka kalsawn thei tawh lo. Bawihpuia khu tlanpui rawh," a rawn tih rual chuan ka thlang chiah a Naute ṭap ri chu ka hria.






Ka mit chu ka meng kâwk na a, ka hmu phê ruai tho,"Mipa i nei e," tih thâwm ka hriat rual chuan ka kiai sak a. Kim taka engmah hriat zui erawh ka nei lo, a chang in ka hre ruai ruai a, a changin engkim tawp vek ang mai hi a ni.






Thil tam tak hre ṭeuh ang in ka awm a, a vai erawh chuan ka hre mumal lo thung. A ri nuaih nuaih a, a chângin a fiah em em bawk. Naute ṭap ri chuan min ti nui sak a, ka fapa, ka pum a ṭhanglian ngei mai ṭap ri chu mi nui ri aia a mawi lohna ka hre chuang lo.






Ka mit ka meng diar diar a, Khum bulah chuan Ramsanga ka hmu hmasa ber. Nui var var chungin min lo en reng a. Ka kut a chelhna erawh a la thlah lo. Ka hawikual a, ka nu te pahnih hmel ka hmu leh a. Ka dinglam ka hawi kual leh a, ka u te pahnih ka hmu chu a ngaihna hrelo zetin ka nûr nâng nâng a. Hlimna hian min rawn tuam nghal veng veng ni mai hian ka hre bawk.






Ka fapa, ka taksa ngheng a mu chu ka melh leh vat a. Ka hmui ro rep chu ka liak huh pah zauh a, "Ka fapa, i va mutui ve?" ka ti pah sap a.





Nurse-chu a rawn kal hnai a, "I harhchiang tawh em?" a rawn ti vat a. Ka lo nui sak a, "Ka ṭha e," ka ti thâm chhalh a, "Ka va in phih harh lawk ange, " tih pahin Ramsanga chu a tho zui nghal a.





Ka nu chu a rawn kal hnai a, "Awi, min ti mangang ṭep alawm, i vaih rei lutuk a. Ramsanga phei chu zunram thiara a kal sawn zawk tih loh chu i bulah a awm reng. A chau viau ang," a rawn ti chu a kal liamna lam chu ka melh zawk a.





"Naute, i rawn harh leh har lutuk a, kan mangang alawm," tih pahin ka nu pawh a rawn kal hnai thuai e. Min hringtu nu ngei mai hmelah chuan hlauhthawnna, manganna châwl lo; hlimna in a thlakthleng mek chu ka hmuh hmaih lo.





"Thisen pek ngaiin i awm sia, i u Jo-a nen in lo in mil hlauh a...i pa lah natna nei a ni si, " ka nu in a rawn tih lai chuan rang takin ka en thuai a. Ka u Jo-a chu a lo nui suk a, "Ka lawm e" ka ti sap a, a lo ṭhen suk.





Ramsanga rawn luh lai chuan ka bula ka fapa mu chu a rawn ṭe ṭhat ṭhat a, rang takin a rawn hnaih nghal a, "Ka fapa hi ka awm loh a hre thei dawn riau mai," a rawn ti nghal a, "Ka va awih ziah zuah lo tak," u Jo-a'n a lo ti chu an nui hak a, keipawh ka nui sak tho.





Ka nu te pahnih chuan an rawn her rem a, hnute an rawn hnêk tir a. Kan buai zui deuhna tur ni pawhin a lang. Harsa tak chuan kan in hnek tlei tir ve thei mai e.





Ka nu te pahnih chu an haw rual a, Ramsanga chu thlak tum viau mah se an ti lui thei dawn lo tih an hrechiang viau ang. U Tim-a ho in an haw a, U Jo-a nen kan pathum in kan awm a. Tlai lamah U Jo-a pawh a haw a ngai ang chu!





"Ka lawm khawp mai, nangin i lo mil hlauh a. Midang zawn buai ngai lo in," Ramsanga chuan thisen min pek chungah lawmthu a hrilh pah mawlh mawlh a.





"Pek loh ngam pawh a ni nang...min hnek mai ang tih ka hlau alawm, chubakah ka farnu neihchhun nunna a lawm, " tih pahin a nui huk huk a.





"Min hnekna nâ kha a la reh lo, a reh hma in vawikhat chu ka kuttum hi dawng ve reng reng la a ṭha ang," nui hul huka Ramsanga'n a tih chu kan nui hak a. U Jo-a lah chuan, "Khatiang khawp khan i nep ka ring hlei nem..." a rawn ti chu Ramsanga chu a rûm nghut a. Ka nuih zawng chuan min zaina lai chuan min pawt in a thîp zawk mai! Ka ṭhen sak a, "I ṭha em? " Ramsanga chuan min ngaihtuah hmel zet in a lo ti thuai a, "Ka ṭha, ka nuih zawng khan min pawt deuh mai a nia," ka lo ti ve thuai a, a hmel hahdam huai chu hmuh a nuam takzet.





"I farnu ngaihtuah chang lo lêk in ka hnek ve ṭep che a ni," a ti chu an pahnih chuan an nui dun hawk hawk a, ngawih mai chu a duh bik ṭhak lo. An inhnial fiamna vel chuan nui ṭha ve ngam lo mahila ka hlimna an tibo zo chuang lo. Engmah hrelo a ka awm lai khan eng thil chiah nge thleng ka hre lo. An infiam dan ah an ṭhiandun inkâr a ṭha hle tih a langchiang hle bawk si.





"Hre rawh, ka farnu natna hi i thlen vaih chuan veilam nilo, dinglam ngeiin ka hnek ang che," tih pahin rum zetin a melh ngheng a.





Ramsanga nuihza insûm chu ka en reng a, ka lo nui sak bawk. "Ngawi mai teh, i theihtawpin dinglam i hmang a. Ka khem tet chauh a nia. Chupawh, ka ding mai mai leh nghal..." a lo ti thuai a, an nui dun zui hawk hawk chu, ka nuih za ve bawk si, nui ṭha thei si lo chu ka lo ṭhen leh sak ṭhin a, "Haw teh, hei i ti khawlo zo dawn," tih pahin u Jo-a chu a chhâng zui hluk a, an pahnih chuan insum zet in an nui dun pût pût a. Ka melh zui nghek chu an nuih a za ting a, kan vaiin za fahranin kan nui vek; ka tâi ka dawm vawng vawng mai.






Damdawiin kan awmchhungin thil tam tak zirchhuah ka nei hman. Ramsanga min ngaihsakna, hmangaihna leh enkawlna zawng zawng chu atana ka theihtawp chhuaha ka lo hah ve na te kha engmah a nilo tih ka hmuchiang hle. Vawikhat mah zanah pawh a muhil lo ni mai in ka hria. Kei lah kaithawh ngâwng ngâwng ngai khawpin mut ka kham thei lo a ni ber e.






Zingah ka nu rawn lang vat in, zan kan mut ṭhat leh ṭhat loh te min zawt luam a. Ka mut nasat thu leh Ramsanga zawk a mut tlem thu ka lo sawi vat a. Ka nu zawk pawh chu a mut tam loh hmel kher mai; mahse, a hmel chu hlimna avang in hmuh a nuam em em thung si.K hum bulah a rawn ṭhu a, a tupa kut tereuhte chu vuanin a tiche lap lap a. "Harsatna tam tak nen i nu leh pa in bul an ṭan a. I rawn pian dawn thlengin harsatna nen in inbuan a. Kan ṭawngṭaina chhânin a awm a, Lalpa min pek hlu tak i ni. 'Vanlalpekhlua' ni rawh" tih mahin a nuih var var a.





A lu ah lo tuai zauh in, "I sa nalh hle mai," Ramsanga chuan tih pahin a fapa chu a en ngawih ngawih a, ka melh reng a. Keimaha hlimna awm zawng zawng hi eng rohlu mahin ka thleng phal lo ang. Ka tana a hlutna, ka mamawhna zawna a pawimawhna, ka nun atana a pawimawhna zawng zawng te chu ka va hmuchiang tak em...






Ramsanga chuan engkim a buaipui zung zung a, Birth Certificate-chu rawn luhpui pahin a rawn nui var var a, "Ka rawn zâwt pah nghal a. Naktukah kan chhuah theih hmel e," a rawn ti nghal a. "In ah hahdam taka mut ka châk tawh," ka lo ti thuai a.





Ka phone rawn ri chu ka en thuai a, "Aw, Brenda..." ka ti nghal thuai a. "Nizanah rawn biak che ka tum a, ka inthlahrung deuh a. Ramsanga khan a hrilh che em?" a rawn ti thuai a. "Aw, hrilh e. Ka ngaih tawh che nen..." ka lo ti thuai a.




"Engnge in an zel?"




"Hei, kan ṭha tawh lutuk. Naktukah kan chhuak thei mai thei"



"Yessss....kan rawn leng nghal ang"



"Ka hmu chak tawh che u"



"Kan changkang tawh bik teh mai a nia"




"Keini pawh, a pa hian a chhaih nasa thei khawp a..."




"A changkang ve vat mai ang"





Doctor leh Nurse rawn lut mek chu ka lo melh thuai a. "Ṭhiannu, nakinah kan inbe leh dawn nia...." ka ti thuai a. "Aw le, lo ṭha zel rawh u" a rawn ti thuai a.





Doctor chuan uluk takin min en a, zawhna min zawh ka chhânna pawh a ngaithla uluk viau bawk, "Naktukah in chhuak thei turah ngai ang," a ti chu ka thaw huai mai. Kar khat lai damdawiin ah kan awm tawh a, mahni In lum ngeiah, kan Khumah ngei ah khan mut diai diai ka châk tawh.





Ramsanga insiam chu mu chungin ka en reng a. A kal paha Bawihpuia mu a chhaih pah kher zel chu ka lo nuih leh ṭhin a. Bs-a nena an inbiak dan te, Inneih an rilrûk thu te chu phûr takin a sawi pah mawlh mawlh a. Ka u te pahnih, U Jo-a leh U Tim-a te an rawn kal thei dawn tih ka hre thar bawk a. Ka hahdam huai bawk.






Ka nghahhlelh hun a rawn thleng ta..zing aṭangin ka phûr ru em em reng a. Kan In ka ngai tawh takzet. Ka nu lahin min rawn be âwl lo a, min ngaihtuah takzet tih ka hriat in ka lawmna hi sawichhuah thiam rual a ni lo.






Ka u te pahnih an rawn thleng tawh bawk a, kan thawmhnaw te an khâi chhuak zung zung a. Ka nu pawh a rawn thleng zui ve chiah e. Bawihpuia chu a rawn pawm thuai a, "A hritlang palh ang," tih pahin puan pan nem chuan a khuh zui nghal a, an inpawm chhuak zui nghal a.






Ramsanga leh U Jo-a chuan hnehsawh zetin min chelh a. Muangchangin kan chhuak zui a. Kan chhuah hma in Ramsanga'n kan awmna Bill-zawng zawng a lo tifel vek hman a. Engkim hi a ngaihtuah kim vek ni mai hian ka hria.






In kan thleng chiah chu ka nu leh pa in min lo hmuak nia. Rang takin min lo ngaihven nghal a. Kei aiin an tupa erawhin hmun a changsang tawh zawk tih erawh ka hmuh hmaih hek lo.






Keimahni Khum ngeiah ka fapa nen kan han mu diai diai mai chu a nawm dan a danglam hle. Ramsanga chuan kan fapa thar lawmnan zanriah kilho a rawt nghal a. Chawhmeh siam tur lamin a chhuak zui nghal a. Ka nu te pahnih leh ka pa chuan min awmpui nghal chawt a. Kan thawmhnaw bâl leh chinfel ngai apiang min tihsak nghal zung zung a. Mu chungin an dahna tur ka lo kawhhmuh zung zung bawk. Ka pa lahin hmundang a pan hlei thei lo, "Ka tupa hmelṭha..." tih pahin a rawn bih sek bawk.






Zanriah hlim takin kan kîlho a. Kei pawh ziaawm tawh tak ka ni. Chêt vel la harsat deuh mahila awmhmunah erawh hma ka sawn tawh viau thung. Engkima tirh reng chu ka inthlahrung tawh, awmhmun aṭanga chêt lo thawh ve lahin min hau nghal zel bawk si.






Ka nu te haw tur chuan min rawn bih leh zuai a. Ka pa chuan rawn hnaihin, "Tlangval tê, lo fel em em rawh aw?" tih pahin a kut tereuhte chu a vawn sak a. Ka nu pawhin dîm zetin a piai hlak a. Ka pa chuan min rawn melh zuk a, a ipte zenin pawisa a rawn phawrh a, "In ei châk zâwng te in lo lei dawn nia," tih pahin min rawn pe nghal a, "Ka pa, engmah a ngai lo," ka tih pawhin ka nu nen chuan min nawr nasa mai a, Ramsanga melh ralh chungin ka la ta nge nge e, "Anih, kan haw phawt ange. Bawihpuia chu kan rawn tlawh ziah dawn nia," tih pahin ka nu chuan min en reng a. A mitmenga hmangaihna, khawngaihna, inchhîrna, hrehawm tihna zawng zawng in kalpel suau suau chu ka hmuh hmaih lo.






Ka nu te haw hnu chuan Ramsanga te chu an rawn inzui lut a. Ka nu chuan, "Bawihi, zanah eng emaw harsatna in neih chuan min rawn hrilh hre vat zel rawh u aw? In dîm em em la, i dam var khan nangma tan zel a ni tih hrereng ang che. I u Mapuii nen kan inbe zo chiah a, nula fel deuh min awmpui thei tur a hmu hlauh mai a. Naktukah an rawn hruai pah dawn a nih chu... Brendon-a lah chuan 'ka sik dawn a ti' an tih chu," nuih hak hak pahin a rawn ti zung zung a, "I nute Âdari'n a rawn Phone a, Kimkimi a rawn riak phei thei lo ni awm tak a ni. A ṭhiannu thingtlang aṭanga Aizawl a College rawn kal 'Tlaitlate-i' ni leh lo, 'Tlaitlamawii' aaaa.... ka hre teh nuaih lo, amah a In luah a awm, a damlo niawm tak a ni. Riahpui a ngai a, a rawn ti a, a rawn inthlahrung khawp mai,"a rawn ti zui mawlh mawlh a, ka lo nui sak.






"Lallawmkimi lokal thei lo chu a ṭhat nasat chu, a nui uar uar ang a, min ti septic zo palh ang. 'Tlaitlaengmawii' a niang, a ṭhiannu chu a sawi ve sek ṭhin kha. Lallawmkimi ṭhiannu ni âwm rêng a nih chu a hming aṭang chuan.... 'Badbarbie, Blizzy kopiko pach' tih vel a kawm mah a nu in a khak reng tawh a nia, nutei Rapper ah a chhuah leh dawn a ni maw? An rap leh tur vel chu hriat a va chakawm ve," nuih huk pah in a ti zui hluk chu nuihza insûm lutuk in ka lo tlawh zauh.






Nui suk in a tho nulh, kan room-chu a lo tifai zung zung a. Ka nu chuan zâwi sap hian, "Tlaiah khan min rawn zawt a, 'thla khatah engnge a tih theih ang?' a rawn ti a, a fapa a buaipui viau dawn e," a rawn ti sa sa a. Kan pahnih chuan kan nui var var a.






Ka nu chhuk hnu chuan ka pa pawisa min pek chu ka chhiar a, singhnih lai min pe a; Bawihpuia thil lei tur ka mitthla nghal pang. Ramsanga chuan min rawn pan hnai a, "Engtikah emaw chuan i ṭhatna hian min la ṭhuikhawm vek ang ka tih ziah kha..." tih pahin a rawn kûn hniam a, min rawn fawp zauh a.






Zankhua in buai kan nei lem lo a, Ramsanga pawh a mu pangngai lo rei tawh bawk nen a mutui viau mai. Kei erawh ka harh tlat lawi a, ka meng kar reng a. Bawihpuia mutui thaw ri sêk sêk chu ka ngaithla kar reng a. Ramsanga mu chu ka va melh leh zawk bawk a, "Ka hmangaih che u, in tan theihtawp ka chhuah zel ang. In tan nu ṭha ber nih ka tum ang," tih harh hlau takin ka phun melh melh a.






Zing ka harh chuan a pa chu a lo mu leh tawh lo. Thingpui leh a hmeh kengin a rawn lut zui nghal a, "Bawihpuia hi lo awmpui rawh, ka va inphih fai ve lawk a nge," tih pahin ka tho zui tur chu min lo pui vat a, Bawihtea pawh a meng ker a, a hawikual ve deuh in ka hria.






Ka phei chiah tihin a tihdan ṭhan takin Khumah chuan a lawnkai nghal tih en lêt lo mahila ka hre thei. Ka in phihfai zo chu muangchangin ka lêt a, ka hmai hru hul nghalin ka hmai ro tur ven nan ka hmai hnawih chu ka inchulh zui mawlh mawlh a. An ni pafa erawh an lo tlei viau mai.





Kuah nat hlau takin a lo kuah deuh rûn a, "Ka fapa, i len hunah engnge kan tih ṭhin ang aw? Inkhelh thiam deuh te ni la ka ti deuh a; Mahse, a ngai leh lo...i kezungpui a na ang. Ummm...ka hria. Music thiam tak ni mai rawh," tih pahin a biangah chuan a piai zeuh a.






Ka pan phei zui a, an pafa infiam aia hmuhnawm tih ka nei rih lo. Thingpui in pahin ka en reng a, "Nula te ngaihzawn rawn, tlangvalte entawn rawn i la rawn ni dawn alawm," tih pahin a fapa chu a chek khum ri kurh kurh a, "Mahse, lâm zâw zâw chi i nih vaih chuan ka vaw ngei ngei ang che," a ti zui kher chu ka lo nui phuh ṭhat a, "Engmah a la hrethiam lo..." ka lo ti vat a.






Chaw kan eikham hlawt tihin Bs-a a rawn thleng. 'Nau ennan' tiin pawisa a rawn thehthla chu pek let ka tum nasa, hre âwm angin a awm duh lo. Khum bul lawkah chuan ṭhuthmun a rem a, "Hna ṭan hma in ka rawn lut kual zuai maw le..." a ti nghal a.





"Bawiha, nizana message-a i sawi awmzia kha ka man chiah lo," Bs-a bula ṭhut pahin Bawihpuia pa chuan zawhna a nei nghal a.





"Nia, ka sawi thuak ang kha a ni mai. Amah hian in rûk mai te a rawt ut ut tawh. A patea te bula khawsa a, seilian a nia. A nu leh pa hi an inṭhen a, a nu hian pasal dang a nei a. A pa bulah amah bik hi a khawsa reng ṭhin a. A pa kha Motor accident in a boral leh ta si a. A patea te bulah a khawsa chho ta a ni awm e," Bsa chuan ngaihtuahna tam tak hmang tih hriat zetin a rawn ti thûm dât a.





"Chuan....?" Ramsanga nen chuan kan lo ti rual ṭhat a.





A thaw halh a, "A patea hian a ṭhianpa fapa nen innei se a lo ti vel nge mawn le. An ni, a patea ṭhianpa te chhûng lah an lêng deuh tlut tlut a ni awm e. A mangang ru tawh a, rilru siamdan pawh ka thiam chiah lo," a ti hniam ruih a.





"I hmangaih em? Kumkhua in i nei duh angem?" Ramsanga chuan a lo ti hluk a.





"Ka hmangaih vangin alawm kan inkâr thil ah ka buai," a ti teh daih chu a ngaihna kan hre dun vak lo. Amah bawk chuan, "Engtinnge ka tih dawn ni, keimaha kal hran ka rilruk ve ṭana chhungkua han din tur em chuan ka la huphurh deuh a ni," a rawn tihlai chuan Ramsanga'n amaha bulṭan chhoh a duh ve tawh tih a sawi leh Bsa awm lo tur a huphurh ruk zia ka ngaihtuah pah a. Ni e, nupui fanau chawm tur chuan thil thui tak ngaihtuah a ngai ve a ni. Eizawnna bulṭan rilruk mek lai lehnghal phei chuan, nitin mamawh pung thar zel nen a tan chuan huphurhawm a nihna chen pawh a awm ang chu.






"Ṭhianpa.... tun hun thleng thei te, ka nupui fanaute bula thlamuang taka hun ka hman theihna zawng zawng hi nangmah vang a ni tih ka hrechiang lutuk asin. Studio pawh tih len leh tih changtlun kan tum chho ang chu, nangmah lam kha chu kan la ngaihtuah ṭha dawn nia," a lo ti thuai a, "Zaninah kan ru nghal ang," tih pahin Bsa chu a bêng thuk thuk a.






Bsa nen chuan chanchin in hrilh leh tur te, Lucy-i nen inhmuh an lo tum tur thu te nen an ṭhiandun chuan an ri hlut a. "Anih Pi Daisy...ka kal ange," tih pahin a rawn nui var var a, "Aw le... Pu Bsa ni ve thuai teh," ka lo ti thuai a, an ṭhiandun chuan an in zui chhuak nghal a.






In hnuai lamah chuan thawm ri deuh hlut chu ka hria a, U Mapuii te an rawn thleng ni ngeiin ka hria. Kawngka rawn in hawng chu ka lo en thuai a, "Keini chu naute hmelṭha deuh kan nei a nia aw...a hmelṭha teh mai ania," tih mawlh mawlh pahin Ramsanga chuan Brendon-a chu a rawn pawm lut a, "Awii Bawihpuia u fel deuh te, in lo thleng tawh a law?" tih pahin ka lo ko thuai a. Brendon-a chuan Bawihpuia chu a en duh hle. U Mapuii te an rawn lut zui a. Thâwm an rawn dîm lut viau na a, Bawihpuia a lo meng kar mai an hmuh rual chuan an ri zui deuh hlut a.





Kan nula thar, min awmpuitu tur pawh a fel hmel viau mai. Naupang chhawnchhaih a peih danah nula fel tak a nih ka ring. U Mapuii chuan kan hming te a hrilh zung zung a, "Daisy, hei hi kan nau 'Angaihi' anih hi, a fel a nia," a tihlai chuan nui sâng chungin ka lo chibai thuai a. "Angaih, keimahni min nel ang chiahin i nel thuai ang," a tih lai chuan min melh ralh a, a nui sak a.






U Mapuii te chu zanriah ei nghal turin chelh tum viau mahila mikhual an neih tur thu leh haw vat an ngaih thu a lo sawi thuai a. Brendon-a chuan Bawihpuia chu a sik châk tak tak tih a awmdanah a lang reng. Ka nuih a za ru ang reng viau mai.





U Mapuii te chhuk hnu chuan ka phone ri chu ka melh thuai a. "Aw Bren..." ka ti vat a. Naute ṭap ri ṭhat ṭhat ri leh 'hmmm...hmm...hmmm..' ti ri nawk nawk ka hre hmasa phawt. "Aw...Dy...kan rawn kal dawn chiah...khawinge, a mak...kan kal dawn.." a rawn ti nawk nawk a.





Ka nui hak hak a, "Aw, rawn kal phawt mai teh u. In mak nawk nawk em mai," ka lo ti thuai a, "Buaithlak lutuk, inbual hi kan peihlo ṭhin a. Inbual zawh hi chuan kan chiarhiar tlat zel," a rawn ti zung zung a, "Anih, kan rawn kal..." tih pahin a dah zui a.





"Bawihpui, i u te an rawn leng dawn a nih chu! Nang chu fel deuhin lo awm rawh aw?" tih pahin hnute ka pe zui nghal a.





Brenda-i te nufa an rawn thleng. A fanu muhil bâm chu ka lo en thuai a, "Awi Bawihte, i hmelṭha lutuk. I nu aiin i hmelṭha dawn e," ka lo ti thuai thuai a.





"A pa a va ang dawn ve? A hnar ngul a sâng nghal vah mai," tih pahin a nui sen sen a. Ramsanga rawn lut chuan a rawn hre hman, "I fanu te ho rual chuan an atchilh dawn teh a nia," a rawn ti nghal a.





"A pa a chhun chuan a nghal viau ang" Brenda-i chuan a lo ti thuai a. Kan nui ring ngam si lo, Ramsanga chu za vak lo in a nui huk thung, "Engmah kan la rawn ei lo a nia. Naute pa in eitur tuihnai deuh a ngaihtuah tho ka rawn ring ngawt a..." tih pahin Brenda-i chuan a melh tâl tap a.





"Tehreng mai, rilṭam a hun tawh alawm. Ka han ngaihtuah ange..." tih pahin a thawmhnaw hâk bûl zet chu a thlak nghal sawk sawk a, "Ka kal a nia..." tih pahin a chhuak zui nghal a.





"Enteh Dy, hmanni i nau neih ni khan ka rawn Call-a, i nu khan a lo chhâng a. In pa kha a chhungah a rawn lut ve a ni maw?" mak tih hmel zetin min en hâ bawk a.





Ka nui sak a, "A rawn lut a,min zai hma in a chhuak leh alawm," ka tih chuan "An phal a ngai lo rêng a ni," tih pahin min en reng a.






"Mahse; kan Doctor pan ṭhin, Doctor Rinpuii hian nau kan neih hma daih aṭang khan a sawi fo ṭhin. 'An nupuite nau neihna ah hian an pasalte hi ka awmtir fo ṭhin. An duh lem lo a nih erawh chuan ka tilui chuang lo a. An na tuar lai, an pasalte tana fa an hrinsak lai hrehawm zia leh an tawrh nat zia hi hmu sela, nupa inṭhenna tam tak hi a awm lo ngeiin ka ring' a ti fo ṭhin, awm kha a tum deuh sa a; mahse, kei kha ka buai chho ta vak a. Zai ngai leh thisen pek ngai hial khan ka awm chho a. A hnua ama sawi dan chuan Doctor te khan nau nei satliah tur ka nih loh avang khan awm an remti leh ta lo a ni awm e. 'I tawrh ai kha a zahve tal tuar ṭhen thei ila ka ti ber a. Kha room chhung tluka ka rilru zawng zawnga ka ṭawngṭaina hmun kha a la awm lo hial ang' a ti alawm" ka ti chu Brenda-i chuan a lu a bu nghat nghat a.





"Doctor-sawi chu a dik ru viau mai" a lo ti sap a. "Nia, a dik ka ti. Chubakah, kha hunah khan rei lo te a lo awm ve chhung pawh khan ka thla a muang lutuk. Amah khan chakna tam tak min pe," ka ti thuai a.





Bawihpuia chuan hnute a rawn zawng a, a ṭe ṭhet ṭhet a. "Hey....harh teh. I mitmeng a mawi em tih te ka hmu duh," Brenda-i chuan a lo ti deuh hluai a. Bawihpuia erawhin a duh ber chu a zawn ngaiin a rawn zawng chên chên reng a.





"Ṭhiannu, hmanni ah a pa hi ka hmu asin; Mahse, min hmu ve lo. A bialnu ni awm tak nen an inkâi lai ka hmu," Brenda-i chuan a rawn ti hul hak a. "Ṭhiannu..." ka ti halh hman tih in, "Ka hria....engahmah ka ngai tawh hlei nem... Mahse, zanah hian mutna ah hian ka ngaihtuah ṭhin. Ka fanu hi a rawn la ṭhanglian ve anga. A pa chanchin min zawh hun a la nei ngei ang. Chutih hunah chuan engang chhânna nge ka pek ang tih ka in zawt fo ṭhin," a rawn ti zui zat a.






"Hmangaihtu diktak, nang leh i fanu tana mi ṭha tak tur tawng thuai la ka ti. I fanu in a pa a nilo tih a hriat hma in nei la ka ti," ka tihlai chuan min lo melh râm râm a, "Khatin min melh suh. Kan dinhmun hi inthlak thawk sela chuan nang phei chuan a zawn in min zawnpui char char dawn tih ka hre nghal," ka ti chu kan nui leh rih thul.





Ramsanga a rawn haw a, eitur tui tak tak nen a rawn lut bâwr hle. Brenda-i fanu tih harh hlau takin kan ei nghal zung zung a. Ramsanga chuan engkim a lamkhawm zung zung a. Brenda-i chuan, "Ṭhiannu, engang chiah nge i nih le? Heti tak maia mipa inla ve tak, luhlul ve ngel ngawl rilru i thlak danglam theih le?" a rawn ti sar sar a. "Ka tih aiin ka ṭawngṭaina rah a ni zawk e," ka tihlai chuan a sen deuh ap ap tih ka hria. Lalrosanga chungchanga kan inhnial ṭumin, "Ṭawngṭai sak ringawtin awmzia a nei lo..amah ngeiin a tum a ngai," a tih bak hlar lai te ka hrechhuak....






"Ṭhiannu, engtikah emaw chuan ṭawngṭai hlutna i pawh ang hian ka pawh ve anga, kan nufa tana ṭha tur ber kawng a rawn in hawng ve mahna" a ti sap a.





A kutah ka vuan a, a fanu tâl set set chu a dinpui zui thuai a. A harh hlau takin a in sâwi zui hliau hliau a. "Bren...engkimah Amah ring rawh...in nufa tana ṭha ber rawn chhawpchhuah hun a nei ngei ang," tih pahin an nufa in âwi kual lai chu ka thlir vawng vawng a.







(to be continue.........)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:03 pm

TRUE LOVE
Chap~46




By : Tom Tom Putara






Kan chhungkaw hlimna chuan hmalam a pan ve zel a. Bawihpuia pawh thla nga hmel a hmu ve tawh a. Naupang chak vak chi tih takah thla thum ah a bawkkhup thei tawh. Mahse, a tihfuh loh chuan a ṭah phah fo ṭhin kha a nia. Tuna thung chuan a awmhmunah a kut a hlei ve tawh viau.





Bs-a leh Lucy-i te erawh kan beisei loh deuhin engkim a kal dik thlup a. An Inneih ni erawh Ramsanga chiahin a ṭawiawm thei thung. Bawihpuia hritlang khawsik nen kan chhuak ve ngam ta lo kha a nia. Tun thleng hian nuam lo tihna riau ka nei. Anmahni erawhin min hrethiam em em thung a.





Studio-lam pawh a hma zawng aiin sum an thawkchhuak ṭha a. Aizawl chhung mai bakah hmun hran hran aṭangin pan an hlawh ve hle tawh a. Bsa tel lo in engmah kan ti hlei thei lo tih kan hriatchian em avangin Bawihpuia pa pawhin felfai takin ruahmanna a siampui a. An sum thawhchhuah aṭangin Dawr luahman engkim an pe a, chumi bâng chu a inzat in an in sem a. Studio-a mamawh awm ang ang te felfai takin an sum an thawhdun mai ṭhin; Mahse, Ramsanga hnuaia thawk ang maia in ngaitlawm taka a awm reng thei chu Bsa fakawmna leh a fel em em na a ni.






Brenda-i te nufa pawh an buai ve ṭhin khawp a. Brenda-i fanu chu la nau hle mah se Dâwr nghakin a chhuahsan lâwp lâwp a. A pi nen an in awm nileng chawt hi a ni ber a. Mahni kawng ṭheuh zawhin kan buai ve laih laih a ni ber a. Chu chu hringnun rahbi laihawl chu a ni ve miau mai bawk si.





Zing thawh hlawt aṭangin mawng pawh hûng hman lo lêkin ka phe buai nghal char char a. Bawihpuia leh a pa muhil chu ka en a, an inchhûn pafa khawp a. Bawihpuia pawh hi a pa ang chiah tho. Zanah hian thlan tla phung khawpin a pa nen kan in awih chhâwk zak zak ṭhin. A pa lah hian a paw zei lo khawp a, a sâwi harh tulh tulh emaw tih mai tur hi a ni.





Bathroom chhung tifaiin ka buai khawp a, naute ṭap ri ṭhet ṭhet ri chuan ka beng a verh nghal zar mai. Ka thil tih laklawh lai kalsanin hmanhmawh zetin ka chhuak nghal thuai a. "A khaih...khaih...tlangval lian ṭah loh tur.... Le..le....bâng rawh le. Enteh, hei â pa in a awmpui reng," thiam ang tâwka a fapa ṭap thlem thâwm chu ka hriat hmasak ber a ni.





"Bawihpui...ka lokal e..." tih pahin ka phei sawk sawk a. Rang takin Khumah chuan ka lawnkai nghal a. Hnute a beisei tih ka hria, rang takin ka barh zui nghal thuai a, "Bawihpui, i pa in lehlam lo hne ve se. Zing kâr bawnghnute a hek lo deuh ang chu..." tih pahin a tho zui nghal a. A mawngah ka tlawh zui hram a. A nui huk huk a, "Thingpui i in tawh em?" a rawn ti zui a, "Sana te kha en ve la," ka lo ti thuai a. A hawi phei nghal zuk a, "Ka tho hma mah mah a nih khi.." a rawn ti kher chu ka ner khum sak a.





Bawihpuia nen In hnuai lamah kan inpawm thla a. Ka nu chuan rang takin a lo ban thuai a, "Ka bawihlian, i mutui sûk sûk em?" tih pahin a fawp nawk nawk a. Angaihi pawhin a lo chhaih nghal thuai a, "Angaih, vawiin chu kan va chhuak lawk dawn em ni?" ka ti sap a. "Nia..." a lo ti ringawt a.





Chaw eikham, Office kal hma in Bawihpuia leh a pi hi an inpawm a, an infiam hmasa ngei ngei ṭhin a. A pi hian a ngaiin a duat bawk a, Bawihpuia pawhin a hmuh tawh hi chuan a thiam ang angin a ngen fo mai.





Ramsanga rualin kan chhuak a, ka nu erawha an thawhpuinu boral an râl dawn avangin Taxi-in a kal thung, "Kan rawn kual lo mai ang. Kan Bazar zawhah Angaihi hi Taxi-in lo zuk haw thla sela. Ka nu te In ah kan lengkual lawk dawn em mawn le ka ti rilru deuh a. Rem lohna a awm em?" tih pahin ka melh ralh a.





"A remchang khawp ang chu...mahni buai buaiin kan buai hlawm a. Duh angin kan leng hman si lo a," a lo ti vat a.




"Ka pa chu hna thilah a zinchhuak a, ka nu a awm dawn a. Tlawh lawk a remchang ka ti maw le..." ka lo tih zawm leh a. Ka thusawi a pawm tih hriat zetin a lo bu nghat nghat a.





Kan chhuksan a, "Bawihpui, bye..." a tihlai chuan hnunglam aṭangin motor-horn a ri ṭhat ṭhat hman a. Hmunâwl dinna remchang kan hmuh mai loh avangin tlêm chauhin kawng aṭangin kan tlânsir det chauh kha a ni bawk a, "Ka kal," tih pahin a tlanchhuak zui nghal a.





Angaihi hian thawmhnaw a nei vak lo tih kan hriat vang a nia Bazar puiah ka sawm kher ni. Chawhmeh lam hi chu kan In bul lawkah a awm tho a. Bazar a chhuah kher ngai lovin kan lamkhawm mai ṭhin. A thawmhnaw duhzawng ka thlan tir chu a inthlahrung hle tih chu a awmdanah ka hai lo. A nalh leh to deuh a melh duh miah lo te chu lei sak ṭâlh a ti chakawm daih thung lawi a. Ramsanga nena kan lo sawidun fo tawh a nih avangin a man ah pawh zahpuiawm lo tâwk chu ka thlan luih sak a, a lawm lutuk hmel mawlh te chu ka en kham lo lek lek zawk.





"Angaih, kan thil lei nen hian lo zuk haw thla mai ta che. Ka nu te In lamah ka rawn haw kual zuai ange" ka tih lai chuan nui var var chungin a lo bu nghat nghat a. "Tlangval....bye.." tih pahin a biangah a rawn piai zauh a, a kal zui nghal a.





Muangchangin Bawihpuia hmathlak chung chuan ka kal chho ve nghal a. Ka chhak lawka ka thil hmuh chuan min tiding chiang hle, "Niminah pawh ka in hrilhfiah vek tawh a ni lo'm ni? Nang lo pawh hi bungraw thiar tur hi an tam lutuk," chu pa in a ânkhum mek chu ka ṭhiannu Brenda-i ngei a ni. Min rawn hmuh hlau zetin inphenna ka zawng nghal a.





Pa thau, ngo vuah bulah chuan nu thau lam deuh, tâwi bing turh mai a ding kawh lah mai bawk a. An pahnih chuan ṭawngkam an duhtui lo viau bawk. Nupa an ni ngei anga, an dinna bul Wholesale dawr neitute chu an nih ngei ka ring bawk. An nu zawk chuan a kâwk siah siah a, "Hmanni ah pawh bungrua a bothlâr tawh a. Kan ringhlel ber che a, i nih ka ring ta tulh tulh mai," a ti hmuar hmuar a.





Brenda-i'n min hmuh ka hlauhna leh han pawh ngei ka duhna chu a in chen viau bawk. Brenda-i hian engvanga dawt min hrilh nge a nih ang? Ka hriatdan chuan dâwr nuam takah a thawk turah ka lo ngai a. An dawr hming ka zawh a min chhânna mumal lo lutuk ṭhin kha rinhlelhna ka lo nei miah lo te kha keimah chu mak ka in ti thar bawk. Tunah ka hmu ta chiah e, dawr bungraw phurkual in a lo inhlawh ṭhin a nih chu! A fanu tana a theihtawp a chhuahna chu ka zah em em rualin a ṭhiannu min bum kher erawh ka na tel em em thung.





Kut êm an thlak lo a ni mai a, ṭawngkam chhe tinrengin an ânkhum a ni ber e. Midang chulai hnai a awm te lah chuan ka ṭhiannu chu misual ber kawh in an kâwk vek ni mai hian ka hria. Kal chhoh tumin ka pên dâwn chiah tihin ka phone a rawn ri a, ka phu zawk nghe nghe. Rang takin ka tawlh lêt thuai a. "Aw, â pa.." ka ti thuai a.




"In bazar zo tawh em?" a rawn ti nghal thuai a.




"Aw, Angaihi pawh a haw thla chiah a. Kei ka phei dawn chiah e"



"Angaihi chu i leisak ta em? A lawm em?" a rawn ti zung zung a. Ka beng lehlamah Bawihpuia pa thusawi ka ngaithla a, lehlamah ka chhak a Pa thau nel nul te nupa ṭawng vin hlar chu ka ngaithla thung.




"Aw, a lawm thiam ve khawp mai" ka ti zung zung a. "A lawmawm nasa a nih chu...anih, va phei rawh u" a rawn tih rual chuan, "Aw le, phei pui vat ka duh. Bazar boruak hi phei san vat ka duh," ka lo ti thuai a, kan inbiakna kan tihtâwp rual chuan ka hawi chho nghal thuai a.





An thâwm an dîm lêm lo bawk a, mi pawh an ding deuh ṭhap mai. A ṭhen Phone camera chelek ru tâwk an awm tih pawh ka hmu thuai. Brenda-i chu zak tih hriat takin a rawn hawikual a, min hmu ve lo na a; kei erawhin ka hmuchiang em em thung.





A hmel chu ka en tlawk tlawk a, ka ṭah a chhuak. A hmaa nula hmelṭha, vun nung sar ṭhin kha a bo vek tawh. Hmeichhe lu zo vah ṭhin, harsatna hmachhawn thiam em em ṭhin kha hmuh tur a awm tawh lo. Rim taka hnathawk ṭhin tih hriat takin a hmel a thú thap a, a mitmeng nung sar ṭhin te pawh kha a chuai raih tawh.





Engmah chiangkuangin min hrilh duhlo a nih chuan chhan tam tak a nei ngei ang tih ka ring. Engmah hriatsak loh anga awm rih chu a ṭhat ka ring bawk. Muangchangin a tho a, a bungraw phurh chu a hûng rem a, "In chhungah va dah ta che," ti vîn ṭhat thupek chu a bawhzui rang hle.





A rawn chhuak leh thuai a, muangchangin a kalchho zui a. Bân a nih thu a an vawmzuina thu kha zet chuan a kal lai a tibuai lo a, a hmalam hun kal tur tam tak a ngaihtuah ngei dawn tih ka en mek, ka ṭhiannu rilru ṭâwmpui pha tu chuan ka hrechiang lutuk tlat.





Muangchangin kan nufa chuan kan zui chho a. A thawmhnaw inbel nen chuan ka ṭhiannu chu ka en reng a. Ka mumangah pawh ka la hmuh chhin loh thil a ni. Hnathawh ka zahpui lo a, chu a hnathawh chu diktakin min hrilh nghal sela, ka ngaihsanna a zual sauh bawk ang; Mahse, engvanga chu a nihna chu ka laka zêp ta tlat nge a nih? Vawi thum lai ka zawt tawh nghe nghe a. Chuti taka ka hriat duhloh tu nihna chu chawpchilh taka ka hriatsak thu tihlan kher lah ka tum hek lo.





Bus stand lam a pan a, haw a tum tih pawh ka hrethiam mai. Bus chhuak chiahah chuan a chuang lo a, a hnung chiaha ding tur rawn tlan mek chu a nghak tih ka hrethiam mai. Ka phone phawrhin Brenda-i number zawnah chuan ka tâwp chat a. Ka ngaithla reng a, a ri char char a. A ngaihven miah lo mai, In ah a dah a nih rinna ka nei bawk.





Bus ah chuan muangchangin a lut a, keini nufa pawh Taxi stand lam panin kan kal zui a. Taxi lo ding hmasa ber chu ka be nghal a, ka kal duhna ka sawi a, min tlânpui ta nghal a. Kan kal pawh chuan chu Bus, hmeichhe naupang tereuhte nu, a fanu tana hnathawh hreh neilo chuanna Bus chu a la ding reng.





Ka nu te In kan thlen thlengin ka rilru ah min luh ngut ngut reng a. Ka nu pawhin Bawihpuia lo ban pahin, "Engatinge i va hlim loh hmel ve, in in hau em ni?" a lo ti chat rêng a.





Ka in thing harh thuai a, "Teuh lo mai, Ramsanga nen hian kan in hau ngai miah lo a nia. Thil ṭul lo tak tak ka lo ngaihtuah ngut ngut pek alawm," ka lo ti vat a. Ka nu chuan min lo nuih sâng a, "I hmel ka hmuh khan ka hlauthawng hman alawm," a rawn ti leh hram a.





Ka nu hi nau lâwm chi a nilo a, ṭhenawm naupang pawh ngai thei ṭhak lo chi zawk kha a nia. Mahni tu te ngei erawh a thiam ang angin a lâwm dûrh dûrh thung. "Ka nu, ka pa hi engtik thleng nge a châm dawn?" ka ti sap a.





"Naktuk hian a rawn haw hman a in ring a. I pa hi a ṭha lo ru viau maw le. Amah hi in tung harh peih chi a ni ve hrim hrim zawk a" tih pahin Bawihpuia ṭe ṭhut ṭhut chu a chhaih pah reng bawk a, "Nu, rawn hruai rawh. A tuihal tawh a nih ka ring. A mut pawh a chhuak tawh ang. Hnute hne puar sela, i paw mu dawn nia," tih pahin an lam hawi chuan bân ka phar chhuak nghal vah a.





Bawihpuia chuan ṭap ṭhut ṭhut chungin min rawn ban nghal vat bawk a. Ka nu chuan ka malchunga rawn dah pahin, "Tete hne vat vat la, â pi in a paw dawn che nia," a rawn ti zung zung a. Hnute kan inbarh nghal châwn châwn a.






A muthlu nghal a ni dêr mai a, ka nu chu a kûn zui nghal a. A hnungah chuan ka hlângkai nghal a, an in âwi nghal dûrh dûrh a. Naupang harsa lo tak, mutchhuah vanga buai nei ngai lo a ni te hian nau pawm hrehawm an tih tam tak min pumpelh tir ni maiin ka hria,"Thingpui in ang," tih pahin ka tho zui nghal a.





Ka nu thingpui tur chu Dawhkan chungah chhawpsak pahin ṭhutna ka pawtchhuak zui nghal a. Ka nu pawh a rawn ṭhu zui nghal a. Ka u te chanchin te ka zawt luam a, ka u Jo-a nupui neih ngen chungchang a rawn sawi phei chu kan nui dun hak hak a.





"Ramsanga lakah hian kan la inthlahrung reng. Kan lakah pawh a lungawilo ru ve reng chuan ka ring; Mahse, mipa fing tak a nia; engmah a tilang lo mai mai a niang," a rawn ti ta mawlh mawlh a. A rilru a riak reng a rawn sawichhuak ni ngeiin ka hre bawk.





"Ka nu, ka hriattirh aṭanga tun thleng hian a rilru chhungril tur hriatsak thei lo khawp in ka la awm ngai lo. In lakah hian rilru chhia a la pu ngai lo in ka hria. A thinlung takin a ngaidam hmak ang che u. A rilru chhungril ka hmuhchian em vangin alawm in phal lo chung chung pawh engkim chân huam a ka zui ni," tih pahin ka nui hul hak a.





Ka nu chuan min melh kar a, "Hringnun Nupa Lehkhabu hi inngaihzawn hunlai chuan a bu chhûng keu lo in a kâwm cheina velah kan buai tawk em em mai a. Pathian hmaa thu kan tiam rualin chu Lehkhabu phêk hmasa ber chu kan keu ṭan tihna a ni. Nitin chu Lehkhabu chu kan keu phei ta zel a, zirlai thar a lo in chhawp zel a ni," a rawn ti dap dap a.






"Mahse, kan nupui pasalte a zirin chu zirlai phêk kan keu dan te, a chhunga thu in ziak; kan zawm tur erawh a in ang miah lo thung. He Lehkhabu hi zir zawh tih a awm lo a, kan zirbelh zel chu a nih hi," tih pahin min en reng a. Hrethiam chiang viau leh fiah lo ru riai in a thusawi chu pawm pui tak siin ka lo bu nghat nghat a.





"In nupa inkârah Isua Lal ber se, pasalte kaihza vengtu rinawm nih tum reng ang che. Hmeichhe fel leh fing nih hi zirlaibu aṭanga chhiar thiam chi a ni lo. I tawn chhoh aṭangin i zir chho dawn tih vawng la, pawm nghet hmiah rawh. Midangin an zah a, an hmuhsit theih na pawh a laka i ṭawngkam te, amah i en danah te a ni tih hrereng ang che. 'Mipa ropui tak phênah hmeichhe ropui tak a awm' an tih ṭhin kha vawng reng ang che," a ti leh nghat nghat a.





Min zilhna thu ka hne leh nin theih nen; mahse, ka nu ka thlakhlelhna leh kawng hrang hrang a ka lo mamawh ṭhinna khan a thil sawi engkim mai chu ka tan a hlu a. A hma a ka nin ṭhin zia te ka ngaihtuah a, ngaia kan neih thil tam tak, a hlutna kan chhût ṭhat duh ngai loh te hi kan tan a harsat hnu ah chauh a hlutna kan hre ṭhin a lo nih zel hi. Ka mamawh em em thu min hrilhtu, ka nu chu pawm vawng vawng ka châk viau, "Mipa in thu tâwp an sawi tawh chuan i dikna rengah pawh ngawih chuh thiam la. In nupa chauh a in awmdunna, in pindan chhungrilah zahawm taka bia in i dikna sawichhuah erawh ṭhulh ngai suh ang che," a rawn ti zui leh te chu ka chhinchhiah ṭha hle.





Bawihpuia thawh hnu chuan U Jo-a te nen kan in Video call-a, an thiam ang angin an rawn chhaih ve nasa hle. Ka nu chuan min la chelh châk tih ka hria; Mahse, duh aiin ka rei tawh mah zawk, "Nu, kan va phei phawt ange," tih pahin kan in paw ṭha sawk sawk a. Ka nu chu a rawn kal hnai a, "Ka duat sukpui hmelṭha..." tih pahin a rawn fawp nawk nawk a. "Bawihte, rawn leng leh vat rawh u aw?" tih pahin kan in zui chhuak ta nghal a.





Taxi kan lut fel chiah tihin Ramsanga Call-a rawn thleng a, "In haw tawh nge, ka rawn lamkual dawn che u em?" a rawn ti nghal zat a.




"Awiii, ka ngei che e" ka ti teh ngawt a, "Engah chuan?" a rilru a nawm loh hmel nghal hle in ka hria, a aw a dik zân lo, "Kan chhuak chiah, ka nu in Bawihpuia a la ngaih tehreng nen..." ka ti chu a thaw halh tih ka hria, "Anih chuan ka rawn haw tlang nghal ang," a rawn ti nghal zat a.






Zan boruak chu a dang tawh hle, thlasik rim a nam ṭan ruih tawh mai. Tukverh hawng a, thlifim dawn nuam ti em em ṭhin kha kan ni ṭhin a. Tunah chuan Bawihpuia hritlan hlauh vang ringawt pawhin kan hawng khât raih tawh mai.






An pafa in Khumah an inchhaih nui leh nasa tawh mai. Thawmhnaw bâl ka khâwm zung zung a, "Lo in ti ṭap miah suh u, ka insu lawk ange," tih pahin bâlbâwm nen ka pheisan zui nghal a.





Ka insûk chhung zawng pawhin ka rilru ah Brenda-i ringawt a awm. Hmeichhe hlim thei tak, harhvang leh ṭhiante tana inpe zo em em khan mipa laktlak loh leh tenawm tak a tawng a. Kha mipa hurherh lutuk khan hmeichhe pakhat nun a khawih chhe vek tih a ngaihtuah angem? Kha mipa zaktheilo tak kha hmuh a, a hma zâwnah din a; a thil tih pawizia hi hrilh hrep ka châk.






Brenda-i lam ka ngaihtuah kâi zel a. Ka hriattirh aṭanga a nuna entawn tur ka hmuh hnem zia te, a thutlukna siam tawha a din ngheh theih zia te ka ngaihtuah kai zel bawk. Tunah pawh a fanu enkawl nan theihtawp a chhuah tih ka mit ngeiin ka hmuchiang hle.






Ka insu zo a, ka insilfai zui thuak thuak bawk a. Hmanhmawh taka chêt zung zung ngai ṭhin hi a harsa ka tih em em ṭhin kha a ni a; Mahse, tunah chuan ka ziaawm tawh viau mai. "Vanlalsuklianpui....ka chatuan lungpui lian...hmelṭha lalpa..." a lo tikâwi leh duah tawh. Nui sak chungin, "Muthilh a va hun tawh em..." tih pahin an pafa chuan ka en a, "Ṭawnkhawm tel tel, ṭawnkhawm tel tel...vai lalpa ṭawngkhawm tel tel...bendarh suau," a tih laia kan fapa nui hmel ah chuan a pa nui hmel ka hmu tel chu a hmuhnawmna a zual chiang viau in ka hria.






"Khawi Bawihlian...ka paw hmasa ang che. I nu in Khum hi lo pawt mar vel teh se. Pa ber che na viau ah te min ngai riau riau ange," a rawn ti deuh kher a. Rang takin ka melh vat a, a la nui duh miah lo zui, "Chêtlak ka phal tawh miah lo ang," tih pahin ka melh ru leh zeuh. A rawn hawi rang kher mai, rang takin hmundang ka melh vat a, "Artui ka hîp vek tawh," a rawn ti thuai a, a nui huk chu lehlam hawiin ka lo nuihpui sak thung a.






An pafa chuan an in âwi leh ta dûrh dûrh e, "Ka lal fapa hmelṭha em em tê hiiii....lal fapa hmelṭha lungrun hi...in lo hauh chuan lal â pa in a sawisa ang che u. A pêt thal rem rum ang che u," tih pahin a âwi bu nghut nghut a. Min hmuh hlau takin ka nui ru leh ṭhin, "Hla te hi in sa bawnra thei mai sia..." ti rilru chungin ka en leh zauh ṭhin a.





Brenda-i status ka hmuh rual chuan ka hmet ding chat.



'Van boruak zau takah khian thlawk ila,
Chu hmunah chuan ṭahna mittui hul tak maw?
Keimah mai chuan ka pal thiam ṭhin lo,
I bân chelh theih loh leh chelh phâk loh,
Beisei tur awm lo kha ka ban thlâwn nawn fo si,
Mahse, min hnutchhiah ka rohlu hian...
Beiseina thar nen ka ṭahna ruam aṭangin,
Kâwla Ni chhuak min chhiar thar tir fo ṭhin...'





Vawi tam tak ka chhiar nawn a, Sana ka en a; dar 10 a pel leh duai tawh, "Ṭhiannu, naktukah kan inbe dawn nia," tih chu ka thawn ta hram a. A en lo a, a reh zui tlawk tlawk a. Bawihpuia ka puak dawn thlengin ka bih nawn hram a, a reh zui vawng vawng si.





Bawihpuia chu dîm takin ka mut a, a pa pawh a in tifai zo a lo inthlak ve mek bawk. Brenda-i chanchin chu kim thei ang berin ka hrilh ta mawlh mawlh a, "Anih chu maw le aw...a zialo hle mai. Kan kutah a awm tih hrereng la, ngaihtuahna thar kan sêng dun dawn nia," a rawn ti chu ka ṭhiannu tan chuan ka thaw huai mai.





"Bawihpuia hi..." tih pahin a rawn melh zauh a. Ka hrethiam lo lui tlat a, "A mutui khawp mai," ka lo ti daih a, "Chutiang pawh a ni chiah lo," tih pahin a rawn nui leh suk a, "Mu mai mai teh," ka tih rual chuan ka mutna bul a rawn thleng nghal, "Khawi maw, a chêp si. I nupui chêtna hmun a zîm," tih paha ka melh kal ralh chu a lo thaw hawlh thei nia.






Bawihpuia chu dîm takin ka sawn a, a harh kan hlau bawk nen thâwk pawh kan thaw ṭha ngam meuh lo. A muhil thaw sêk sêk chu kan en reng a. Min melh pahin min rawn pawm a, muangchangin min bawhthlu riai riai a.






"I duhthusam a nuam in ka siam ang che" tih pahin ka kuai her a, a chungah chuan ka bawk kai nghal zat a. Ka pasal lakah hian nawhchizuar ang maia chêt ka hreh lo a, nupa kan ni a, thianglo a awm hek lo. Kan nupa pindan chhungah hian kan in thlakhlelhna leh kan in mamawhna hi kan tihlan a thiang tlat. Duhthawh zetin ka fawp zui a, a kut pahnih suihin a kham zui nghal zat a. Thawmhnaw ka phelhsak vek a, engmah ha lova a mu chu hmuhnawm ka ti takzet, "I pasal lakah hi chuan hmeichhe sihhnip ber ang ni mahla ka pawi ti miah lo," tia duhthawh zeta min hrilh kha ka vawng reng.






A khurpui kan luh hma in a duhthusam ram ah ka chêntir veng veng a. A duhthawh mah mah erawh vawi thum lai ka khap hman, "Vawi nga tal thleng phawt la, ka che ṭan ang," tih pahin a thiam thil a phochhuak tak tak mai chu Lei Vanram ah min chentir ni berin ka hria.





Ka chungah a rawn bawk phêk a, a vanglai kan thleng chho mek tihin Bawihpuia chu chhuak fahranin a rawn ṭap ta! Rang lutukin ka sirah a inlet thla nghal a, "Bawihpui, hetah a mâ a awm," tih pahin ka tawlh hnai thuai a. Ka lam hawiin ka kuai her zui zat a, "Laklawh teu teu ve, ka fapa mah nise pumbilh vek che a tum hi a fair lo," a rawn ti hluk chu ka nghawk salh a. Rang fahranin min rawn siamrem zui a. Pakhatin hnunglam aṭangin ṭan rawn khawh bawk, pakhatin hmalamah duhthawh zetin hnute a hne ri khalh khalh bawk a, "Nau pakhat ka pawm dêk dêk a, chhangchhe nu ka ni dêr chu a nih hi..." ka ti sap chu a nui ri huk a.








(to be continue........)



Ads khu min lo click sak ve hram zel dawn nia...👇🏻👇🏻👇🏻 Ka lawm viau ang🥰🥰🥰


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2022, 7:04 pm

TRUE LOVE
Chap~47 (Last Chapter)





By : Tom Tom Putara







Thâwm dîm takin ka tho a, Inhnuai lamah ka chhuk vat a. Angaihi chawhmeh siam rim chu ka hre rang kher mai. Chawhmeh hmui rim ka hriat rual chuan insûm hman pawh a ni lo. Ka uak nghal ṭhat a, inthiam lo zetin Angaihi lah chuan min lo en reng, "Ka pum a dik lo," tih pahin ka uak zui leh a. Hmanhmawh takin In chung lamah ka tlanchho zui nghal a.






Bawihpuia te pafa muhil chu ka en reng a. Ramsanga perfume-rim ka ngaih theih loh deuh kha a rawn awm leh ṭan a. Zing kawruah nen Angaihi chawhmeh rim hmui zet khan min ti danglam zual a. Ka pum chu ka khawih a, "Hmeichhia ni ve tawh thung la aw..." ka ti sap a.






'Miin chhang zing min ti angem?' tih ngaihtuahna hman pahin Bawihpuia muhil sûk sûk chu ka en reng a, "Kum thum i pêl ve tawh alawm. Chhang nei rual i ni ve tawh," ka ti pah zat a.






Ka insûk chu khawlah ka her ro zui a, bathroom rim chuan ka hnâr a verh zar mai. Ka hnâr hup pahin ka tifai sawk sawk a. Bawihpuia te pafa in kaitho thâwm ka hriat rual chuan ka phei ve nghal thuai a.






Thawhphan pe na em em thlem kan hna a ni tih ka va hmu nghal, "Â nu in...â nu in..." tih pahin min lo melh kar a. A men pâr bawk a, "Keimahin ka thiam ve tho," tih pahin pa ber lah hian a ti ṭe peih tak bawk a, "Engnge ni leh ta?" tih pahin ka pan phei thuai a.






"A thak bawk kha...." tih pahin Ramsanga chu a lo nui kur kur a, "Nuih a duh lo," tih leh nasa taka ṭah a rual zui, "Ti ṭap vak kher zel suh,thawh veleh aṭangin a hahthlak ṭhin em mai," tih bak hlarh pahin ka pawm thuai a, "Naupang, an duhloh zawng deuha tih ṭe kher hi ka ngei zawng tak, puitling zawk lehnghal in," tih nawn leh hmak pahin Bawihpuia chu ka pawm tho zui a.






"Anih tak chu" tih pahin a tho a, a in ha sawk sawk a. A chhuak zui nghal a, thinrim a sawi ka ni miah lo, "Nangpawh bâng rawh, ṭul lo ah boruak i tichhe vek zel," tih paha ka vin leh deuh chu a ṭap uar sauh a, "Lokal rawh, i pi bulah chhuk ang," tih pahin ka pawm a. In hnuai lamah chuan ka chhukpui zui nghal a.





Ka nu chuan a lo ban thuai a, "Tunge hau ṭhin? Engnge ni ka duat lian?" a lo ti nghal sawk sawk a.





"A bân thak a ṭahpui leh a nih kha, tuam a ngen a," tih pahin ka nui var var a, hahthlak thei bap bap a nia. Bân thak tuam a ngen tlat zel hi, 'an tuam ngai lo' kan tih rual in ṭah in a zawm nghal zat zel. "Engnge chutiang mai mai ah in tih ṭah vak ṭhin? Lokal rawh, â pi in a tuamsak daih ang," tih pahin pindan lamah an in pawm lut zui a.






Chaw ei vel pawha kan buaina ziah chu Bawihpuia tho a ni. Awmdan phung pangngai hrilh reng ngai khawpa harh a ni. A pi lah hian, "Naupang an mut zawi reng chuan hrehawm deuh a nia, harh theia a awm te kha lawm hle rawh u," ti zâwngin thu a la tlat pek a. Naupang â anih loh zia chu a pi a bêl chat thiam tlat. Lehkhabu ka chhiar pakhat ah chuan, 'Naupang hi kum 5 an nih hian an rilru tur zahve an zir bel hman' tih a ni a, an len hnua enkawl vak a sawt mawh zia te, ṭan lak nghal a ngaihzia te chu lehkhabu ah chuan a in ziak kuau mai a. Ka chhiarlai ang maiin Bawihpuia kan enkawl mek lai hian ka mitthla ah a chiang em em ṭhin.






Chaw kan eikham a, kei chu ei lo ang vel ka ni. Ka nu chuan Bawihpuia chaw ei a ṭhutchilh a, an in buaipui ngar ngar zel, "Bawihi, i va ei tlem ve?" a rawn ti thuai a, "Ka puar hman tho alawm." ka ti ringawt a.






Ramsanga nen chuan kan la inbe leh miah lo. Ka ngaihtuah lêt a, han thinrim viau na tur awm anga ka ṭawngkam hman kha a vîn deuh tih loh chu a fuhloh viau emaw ka hre hauh si lo. Ka nu in min chah mawlh mawlh te kha ka hrechhuak uarh uarh a. Thawhhlim aṭangin zirlai thar, phek thar kan keu tih chu ka hmu ta chiah e.






A insiam mawlh mawlh a, Khumah chuan ṭhu in ka en reng a, "Biak lawk che ka duh a," ka ti zâwi sap a. Engtinmah min chhâng lo, ngawi rengin a pheikhawk a bun zui sawk sawk a, "Ka ṭawngkam hman kha a lo fuh tâwk lo emaw i duhloh zawng deuh a lo awm a nih chuan min ngaidam dawn nia," ka ti zo chu ka thaw hawk in ka hria. Ka rilru chhungrilah erawh ka tlâwm hauh bik si lo. Ka thaw ru halh a, "A tir aṭangin i lakah hian ka tlâwm chho ngar ngar a; Mahse, heti ringawt chuan ka tlin loh hun a awm ang," Mahni thiam intih rukna lian tak chu ka nei rilru ve ran tho. Ka nu thu min hrilh kha ka bengah a rawn ri thar nghal zat a, a lungawi hunah ṭha takin sawi nawn pui ka tum tho.






"Ka tihpalh zâwk pawh a ni mai thei," a rawn tichhum hmuk a. Inchhir ve hmel a pu pawhin ka hre chuang miah lo, "Nupa in nghirngho nan chuan a holam deuhin ka hria. Ka thiam loh thil a awm a nih chuan min ngaidam dawn nia," ka ti leh chu a rawn ngaihven deuh, "Chuan, ka râi in ka hria," ka ti zui sap a.






A rawn kal hnai a, ka bulah a rawn ṭhu a, "Ka thiam loh thil a awm a nih chuan min ngaidam teh. I lakah ka lo pangchang thiam lo zawk pawh a ni mahna," tih pahin ka pum chu a rawn khawih a, hlîm in a rawn fawp vang vang a, "Hrisel takin lo ṭhanglian la, a nu thinchhiatna tur siam sak lo la," tih pahin nui suk in a rawn dak chhuak chu a chalah ka lo kawk sawk, a nui huk huk zui! "Bawihsuk, nui rawh le," tih pahin ka kamsir chu a rawn hmer zui a, "Nuih chawp tir chuan i lo nui mawi hran lo a nih hi..." tih pahin min en a, a nui suk a. Chum dat pahin ka nui hak a, "I ninawm, ti tau leh rawh. Mipa titau.." ka ti hman chiah, ka hmuiah a rawn hup a. Hneh zetin min pawt hnai a, ka hmuiah chuan a rawn fawp nghal ngawng ngawng a.






Phone a rawn ri ve chiah e, "Khawi maw..." tih pahin ka ban nghal chat a. Brenda-i ngei a ni. "Aw, ṭhiannu...." ka ti vat a.




"Dy...i buai em?" a rawn ti hmanhmawh hle.




"Buai hran lo e, engnge ni ta?"




"In pa biak ka tum a, a la thei miah lo a.." a rawn ti zui leh vat a.




"A la silent a mawn le..a insiam mek," tih pahin Ramsanga chu ka melh ralh a. Rang takin a phone awmna lam a pan zui nghal a.




"Awi ṭhiannu, ka lawm zia chu maw... Zaninah rawn len pahin in pa pawisa ka pûk kha ka rawn rúl zo thei tawh ang. Ka thawveng huai mai. Pathianin kan ṭawngṭaina a chhâng a, ka sumdawnna ka tluang khawp mai," a rawn ti zung zung a. A aw hriat a nuam takzet, ka nui nghal var var a. Ka chhungrilah hian hlimna in hmun a chang sâng viau bawk.





"A va lawmawm ve aw... 'I ti thei ang' ka tih rêng kha..." ka tihlai te chuan a hlim nui ri chu ka hre thei. Thinlung takin a hlim tih ka hre thei mai, "Zanah chuan rawn lêng ngei ngei ang che u," ka ti zui leh thuai a, "Aw le, chanchin kan inhrilh zel dawn nia," a tih hnu chuan lungawi zetin phone chu ka hmet hlum a.






Ramsanga chu thil awmzia ka hrilh zung zung a, "Engzatnge rulh a la hmabak hrim hrim a?" ka ti pah bawk a, "Nuaih li sing hnih vel niin ka hria. A rawn rúl chak em alawm," a rawn ti thuai a. "A va lawmawm ve aw...hmalam pan zel teh se. Hahdam deuhin hun a hmang chho thei turah ngai ang," a rawn ti zui a, "Tirawh, chhuk ang. Ka kal dawn a nge," tih pahin a rawn kal hnai zui a. Kan in kuah a, min rawn fawp pah nghal zat a, "Vawiin tlaiah chanchin chiang zawk hriat beisei ang," tih pahin ka pum chu a rawn khawih leh a, kan inzui chhuak ta nghal a.





"Ka nu khan min rawn bia a, 'Bawihtea ka ngai tawh lutuk, rawn dah phei teh u' a rawn ti nasa mai," In hnuai kan pan lai chuan ka hrilh a.





"A harh lutuk hi ka inthlahrung ṭhin maw le. A pi ngawih ngawih ni tho mah se mi hrang an awm ve tawh a. Athu-i lah raino haw mi a lo ni nen, a lo nin mai te ka hlau deuh maw le," a rawn ti zung zung a, "Bawiha, i hman em ni?" ka nu chuan a lo ti thuai a.





Sitting room-lamah, awm ka phal lohna hmunah an pitu in an lo in lâwntir leh ṭawi ṭawi tawh. Aquarium-pawh a titla keh tawh a, a pi lahin engah teh ual a ngai ṭhin lo hi a hahthlak em em lai chu a ni. 'Naupang enkawlna ah hian ṭanrual a ngai hle' tih hre vek hlawm mahila kan in thurual hlei thei meuh lo a ni ber e.





"Bawihlian, i nu nen chocolate va lei rawh u," tih pahin pawisa a phawrh a. Bawihpuia chuan a lo ban rang hle. A pi hi a ngen nasat theih em avangin an chhuah dawn hi chuan awmbo pui a ngai ṭhin. Rang takin ka chhuahpui zui a, ṭhenawm dâwrah ka awmbo pui zui a.





A pa leh a pi chhuah hnu chuan kan haw a, kan insiam zui sawk sawk a. Angaihi pawh a pa a rawn zin a, hmu tura chhuah a lo tum ve bawk a. A pawisa khâwl ang ang te pêk a tum tih kan hriat khan ka nu in sing khat lai a belh nghe nghe. Angaihi fel em em na chu chhungkaw tan hian ṭhahnem a ngai em em reng a. Chhungkaw mi leh sa nghet ang maiin engkim a ta neih thiam em em te hi kan chhungkaw lawmna em em a ni.





Angaihi nen chuan kan chhuak rual na a, kan kalna lam tur a in an loh avangin kan inṭhen zui nghal a. Bawihpuia nen a pi hmu turin kan kal zui ve nghal a. Nidangah pawh kan tel lo pawhin Bawihpuia hi an awm fo mai. U Jo-a leh Athu-i inneih hnu pawhin naupang la awm lo ta chu an rawn phone fo tho mai. Naupang harh leh tlei mi tih takah kan tel lo pawhin a awm nileng thei zel tho mai. Lehlam zâwng chuan zângkhai phah viau mahila a rawn haw in a luhlul zual tlat ṭhin hi a buaithlak ṭhin.





A pu in min lo hmu hmasa a, a rawn tlan phei rang hle,"Awiii...ka lal fapa hmelṭha," tih pahin a pi pawh a rawn tlân nghal thuai mai. Athu-i pawhin a lo chhaih ve zuk a; mahse, nidangah pawh 'nau lawm chi a ni lo a nih hi' tih turin a awm fo tawh ṭhin a. A chhawnchhaih zui em em lo pawh chu ka hrethiam tawh viau.





A toys bûr chu a pu in a rawn phawrh thuai a, chhuatah chuan an bunsak nghal rûih a. A pu pawh chhuatah a ṭhu nghal rui mai. A pi nen chuan lungawi zetin ṭhuthmun aṭangin an putu in awm chu kan en reng a.





Athu-i chu a reh vang vang a, pindan aṭangin inchei takin a rawn chhuak a, "Ka kal a nia," tih pahin a kaltlang zui nghal a. Ka nu chuan, "Engnge in tih dawn?" a ti nghal vat a. Ka nu hmelah chuan lungawi lohna ka hmu nghal zat, "Jo-a nen thil kan en lawk dawn. Min lo nghak dawn," tih liam puat pahin a chhuak zui nghal a.





"A hma te pawhin sawi lâwk ve ṭhin tur a lawm maw le..." ka nu chuan a ti niah niah a. Ka pa erawhin, "An pa nen an chhuak lawk dawn a nih chu...sawi zui ngai thil a awm loh chu," a lo ti nghut thung a, "Engmah sawi lo a chhuah ngawt zel chu a fel ber lo em a..." ka nu chuan a rawn tizui leh hram a.





"Keini hi kan lengrei hman lo a nia. In ah tih tur a awm ve reng zel mai. Bazarah damdawi han en lawk ka duh bawk a," ka ti sap a. Ka rai ngei em tih hriat vat ka duh. Kan In bul vel dâwr ah Zun test-na zuar an awm tlat lo, "Tikhan han kal lawk la, Bawihpuia chu i rawn lam haw mai dawn a lawm. A hrim hrimin khinglai ah han chhuahpui vak vak loh a ṭha. A hritlang leh palh ang," ka nu chuan a lo ti thuai a.





"A nih lo awm rawh se, ka han kal lawk a nge" tih pahin ka tho a, Sana ka en pah thuai bawk a, "Ka rei lo ang," tih pahin Scooty-chahbi chu ka ban zui a. Damdawi dawr lam pan turin ka chhuak zui nghal a.





Ramsanga damdawi mamawh tur ang te ka en sak pah bawk a. Naupang kawl kan nih avangin 'nachhawkna mawnghnawh' thlengin ka dapkim nghal viau. Bawihpuia te eitur te, chhûn thingpui hmeh tur thlengin ka dap nghal vek a. Ka inkhâi bâwr haw viau mai. Scooty-ka khalh khât tawh nen ka khawr riau leh nghal. Ramsanga hian lei a rawt ziah a, nau ka pawm chho nen khan kan ngaihsak zui ta vak lo a. Naupang School-kal theih hunah chuan kan lei a la ngai ang chu!





In ka thleng thla chu ka chhuahsan tih pawh a lo hre leh pek miah lo ang. A pu nen ṭhutthleng bân kual ah zawng zawng nen a toys-an lo remkual ṭhap a, an lo la tui viau mai.





Thingpui te kan in zo a, Bawihpuia pawh a in eipuar zo a. Haw ka hmanhmawh tawh nen a la ngaihsak lo nasa mai. A pu lahin a haw mai a hlau bawk a, a hma ai mahin toys-khalh a uarpui sauh a. A pi lahin, "Bawihte hmelṭha lian...tlaiah ka pahnihin kan chhuk dawn nia aw? Dawrah thil tui deuh deuh kan va lei dawn em ni?" a lo ti sek bawk a.





"A pa hian a rawn lam haw hman ange maw? Ka be chhin ange," tih pahin phone ka phawrh a. Bawihpuia chu ka en pah reng bawk a, a toys khalh tui ai mahin a pu in a tihpui nasa leh lutuk chu a tui thar zel zawk mai niin ka hria, "Aw, i buai em?" ka ti nghal vat a, "Buai em em lo e, engnge ni ta?" a rawn ti thuai a.





"Bawihpuia hi haw a duh dawn lo nasa mai. A pu nen toys an la khalh hnawk nuaih mai. I rawn lam haw mai dawn em ni? In ah tih tur ka ngah bawk sia, haw ka duh a.." ka ti nghal sawk sawk a.





"Aw, rawn haw hma ka tum mai dawn nia. A awm duh tho chuan hawsan mai rawh," a rawn tih takah chuan kan inbiak tâwpna ka siam thuai a, "Anih Bawihlian, ka haw dawn a nia," ka ti nghal a. Bengngawng biak ang vel a ni leh tawh, "Â nu bye rawh," an tih pawhin rawn hawi lo in a kut a rawn vai hram...





Bawihpuia a awm loh hian thil tih vel awlsam viau mah se a khawharthlak ṭhin. Ka rilru kaptu ber erawh hman vengvawng a tih ka duh avangin ka tih tur ṭul leh pawimawh chu ka ti sawk sawk a. Inchhung ka khawih fel meuh chuan a lo tlai ruih tawh. Kan pindan bîk erawh zing leh tlaia khawih reng ka nih avangin tihfai a hautak ṭhin lo.





Angaihi pawh a rawn haw ve chiah a, "I pa chu engtinnge a awm? A rawn riak phei dawn lo em ni?" ka lo ti thuai a.





"Aw, riak phei hman dawn lo. Vawiin tlaiah kan khua ami dawr bungraw phur haw tur a awm a, a remchang em mai a; chumi ah chuan a haw nghal dawn a," a rawn ti nghal zung zung a, "Khawnge tlangval tê-a," tih pahin a hawikual ruai a.





Ka nui hak hak a, "A rawn haw duh leh tawh lo. Tlaiah a pa in a rawn lam haw mai ang," ka lo ti thuai a. Angaihi chuan, "A tlei ve ngawt mai, naupang fel tak hi chu a ni ve chiang alawm," a rawn ti ve thuai a. "I pa chu rawn riak phei hman sela a ṭhat nen aw...hmuh ve a chakawm tehreng nen," ka lo ti leh thuai a.





"Nia, ani pawhin a châk lutuk maw le...," a rawn ti thuai a. "Eirawngbawl ka ṭan ange, inbual vat ka duh. Tlai lamah chuan a vawt vur zel tawh mai," tih pahin a che nghal sawk sawk a. "Aw le, ka rawn pui dawn che nia," ka ti chu a lo ṭeu hlar mai. Chawhmeh hmui rim ka ngaih theih rih loh zia a hre reuh reuh pawh a ni mahna!!





Kan pindan lamah ka chho zui nghal a, inbual turin ka insiam zui nghal a. Zun test-na nen Bathroom-lam ka pan zui nghal a. Ka nghak vang vang a, thin a phu dut dut thei nia. A rawn in rîn chiang tulh tulh a, ka rai ngei tih min rawn nemngheh sak zui zat. Ka nui sak a, "Lalpa kan lawm e,min venhim sak ang che," ka ti chhuak sap a, "Ramsang, i fa pahnihna nen kan lo hmuak ang che. Ka ngai tawh che. Ka hrilh chak tawh lutuk che," ka ti zui leh mawlh mawlh bawk a.





Ka inbual zo chu zâi rât rât chungin ka inthlak zui mawlh mawlh a. Bawihpuia thawmhnaw te ka thlep fel zung zung a, "Chhang nei la, i pangchang lutuk pawh a ziaawm mahna,tunlai i chiarhiar lutuk te hi,i nuhah ve deuh a nih hmel," nui sak chungin a thawmhnaw chu ka dahfel zung zung a.





Dar 4 a ri ṭep tihin an thawm ka hria a, In hnuai lam ka chhuk tur chiah chu Ramsanga chu a rawn chho ve chiah a. A hmelah chuan thinrimna ka hmu ta tlat! Hmel hlim takin ka lo hmachhawn tak na a, min be miah lo in min pêl zui nghal hmak a. In hnuai lamah erawh Bawihpuia leh a pi an infiam ri lâng lâng thung.





Ramsanga chu ka zui lut nghal a, "Engnge thil diklo a awm em ni?" tih pahin Khum chunga ṭhu chu ka en reng a. Min rawn melh zuk a, "Kan thil buaipui fuh thei lo lutuk maw le..." a rawn ti bung nghut a.





A bulah chuan ka ṭhu thuai a, "Chutiang thilah mihring nep tak angin an khawsa ngai lo. Thil harsa leh khirh tak tak pawh i lo paltlang fo tawh alawm," tih pahin ka kuah a, "Bawihpuia hi enkawl uluk zual deuh kan ngaiin ka hria. I nu te In lamah pawh hian thleng phei tam lutuk lo se ka ti. Thil a man chak si, a luhlul chho dawn riau," a rawn ti zui nghut a.






"Nia, a buaithlak khawp mai. A luhlul in a pa ang maia rilru sak a ni hi a ṭha zâwng a kan her fuh loh chuan a buaithlak viau ang" ka lo ti thuai a.





"I u Jo-a hi ka lo rin ang a ni lo. Ka sawi ang ka ti ṭhin a, i bula sawi atan em chuan a ho ka ti deuh bawk si a..." a rawn ti zui nghut a.





"Athu-i duh duh dana a awm saw i ngaithei vak lo deuh nge?," eng emaw tak sawi tum a nei tih ka hrechiang. Ka pasal hian rilru a vei a neih chuan heti hian pehhel takin thil a sawi ṭhin tih a nupui hian ka hrechiang khawp mai.





"Nupui leh chhungte inkâra lâi taka din a thiam lo riau mai," a rawn ti leh nghut a. Ka tih kha maw....eng emaw tak rawn vei haw a nei tih ka hrechiang. An hna lam chu a rawn chhuanlam mai mai tih lah ka hai hek lo.





"Vawiinah pawh ka nu te engmah hrilh hre hmasa lo in nalh taka inchei in a rawn chhuak a nih kha....," ka lo ti zauh a.





"A thil rawn lei haw Dawhkanah a dah tawp a ni awm e. Bawihpuia harh a chhuak a, a lo tihchhiatsak a nih hmel; Athu-i ṭawngkam aṭang khan..." a rawn ti chiah chu ka beng a verh ta zar mai, "Engnge a lo sawi a?," ka ti nghal thuai a. Bawihpuia'n a thil lei a lo tihchhiat sak a nih chuan ka fapa chunga a ṭawngkam cheh duh dan tur pawh ka ngaihruat thiam thuak mai.






"Ka hrechiang lutuk hman lo;Mahse, phei tam tawh lo se ka duh,Athu-i raino thinchhia nen insum te pawh a har ve ang," tih pahin a tho a. A inthlak nghal sawk sawk a. Ka en ngai ka en reng a, thil tam tak ka ngaihtuah a. Bawihpuia a vîn khar khar tur anga ka mitthla in a thlen meuh chuan ka thin a rim tet tet mai.





"Ka va inbual ve lawk ange," a rawn tih rual chuan, "Bangah khan i thil en tur ka dah kha," nui sâng chungin ka lo ti thuai a. A hrethiam ni hmiang, hmanhmawh takin a kal phei zui nghal a.






Phone ka ban a, ka ngaithla zui kar a. "Aw, Naute..," ka nu in a rawn tih rual chuan, "Midang an awm hnai em? In chung zâwlah chho teh. Ka be lawk duh che," ka ti nghal vat a, ka nghak zui nghal vang vang a.





"Aw, engnge ni ta?," a rawn tih rual chuan, "Eng thil nge ka fapa chuan in u Athu-i thil chu a tihchhiat a?," ka ti ram hmak a.





"I u hi a mawl teh a nia. A nupui hriat lai reng te hian a thlavâng a hauh ṭung zel a. Athu-i hian a kheuh hrang hneh lutuk a. I nu leh pa ngei pawh zahpah miah lova a chet châng a tam mai. Athu-i mizia chu i hriatthiam mai ka ring. Ṭhenawm khawveng hriat em em loh hian neuh neuh kan ngah sawt khawp mai," a rawn ti ta duah a.





"Kan fapa harhzia a hriat sa reng a nia, a khawih phak ah thil ṭha kan dah ngam ngai hlei nem...," ka lo ti deuh kher a. An room banga târ tur Sana a lei chu dawhkan ah a lo dah mai a, chu chu Bawihpuia'n a lo titla a, a keh a ni awm e. Chumi thinrim, Bawihpuia ti vak ngam silo thinrim âng vel chu Ramsanga hriat ngei chu a nih hmel e.






Ramsanga chu nui var var chungin a inbual zo chu a rawn chhuak a. Phone ka lo hmang zo fel chiah nen ka lo en reng a. Ka bulah chuan rawn ṭhu in ka pum a rawn khawih vat a. "Lal fanu hmelṭha a nih ngei dawn hi, ka hre thei mai," a rawn ti nghal sawk sawk a. "I beisei ang ngei chu ni rawh se," ka lo ti thuai a.






Ka pumchhung daih ah awm in, engang nge a nih pawh la hriat loh tur khawpa tuirîl mai mah la ni mah se kan hlimna erawh a siam ṭan der chu a ni si a.




Ka ngaihtuahna ah erawh ka nu nena kan inbiakna thu chu a awm reng a. Athu-i dinhmunah ka inchan kual thul, thil tam tak hriatthiamna chen erawh ka nei. Bawihpuia lah naupang ah pawh naupang harh tak a ni a, ani raino awm nuam lo tan phei chuan ninawm nih châng a ngah ka ring. Chutah, a pi leh pu in kehthei dawmin an lo dawm bawk nen thîkna chen te pawh a neih rinna ka nei bawk.






Kei ngei pawh a hma anga ka va awm a rem tawh chiah lo tih te ka ngaihtuah kai phah ta zel a. Pasal neiin ka awm chhuak tawh a, ka dinhmun awh turin midang an awm tawh a. Chu nihna leh dinhmun inthleng chu ka hriatthiam ngei a ngai tih te thlengin ka ngaihtuah kai zel a. U Mapuii hi pasal nei tawh tih lang map lo khawpin he In ah hian rawn tâl sela, keimah ber pawh hian ka ngai thei lo ru viau in ka ring.






Zan boruak a rawn in her thleng a, an dan ngai tê in Bawihpuia leh a pi pawh an bengchheng leh hle. Ramsanga nen chuan kan en reng a, ani erawh a khât tawkin Bsa nen an in text- reng thung.





"Enteh..." tih pahin a phone chu ka lamah a rawn lek phei a. Ka lo chhiar nghal thuai a, 'Nau kan pai ve tawh a...' tih a rawn thawn! "A va lawmawm ve aw..." nuih sak pahin ka lo ti vat a. "A va lawmawm ve Pu Bs ti rawh," ka tih rual chuan nui suk chungin phone chu a hmet zui mawlh mawlh a.






Ka phone message rawn ri ṭang chu ka hawng thuai a, "Kan rawn kal dawn chiah e," Brenda-i message ngei a ni, "Rawn thleng vat rawh u. Kan ngai tawh che u," ka lo ti thuai a. "Aw le..," a rawn ti vat a.





Brenda-i te nufa chu hmuh ka châk tawh takzet. Hun kal tawh te ka ngaihtuah kir a, kha hun thim mup ah khan ka ṭhiannu tawrhchhel zia ka hmuchiang hle. Eizawnna nghet leh ṭha a nei lo a. A pa lah natna hrang hrangin a tlâkbuak chho a, a enkawlna atan an in sêng nasa hle.





Mo an nei chho a, a fanu chauh awmlai a chhungkua a buaina awm ngai lo kha naupang pahnih an awm bâkah hrin hran an han awm ve takah chuan buaina neuh neuh an nei chho a. Theihtawp chhuaha an enkawl, a pa in a boralsan chho leh zel nen; chu In chhungah chuan an lâng sawt bawk.





An unau zinga te berin College-a kal chho bawk nen, In chhung enkawl leh theihtawpa inhlawh chawpin a buai a ni ber a. A fanu tan chauh pawh a thawk tawh lo. Chhungkaw tan theihtawp a chhuah a ni ber a;Mahse, Sawrkar hnathawkte ang a ni lo nen a hah zual in a rim zual sauh thung.





A tawpah chuan Ramsanga hnenah bulṭanna tur ka sawipui ta tawp kha a nia. Ngun takin kan ṭhiandun in kan ngaihtuah a, Dâwr siam a ṭha kan ti ta ber a. Seconhand bale-te hawng bawkin eichawp dawr nen a hawng kawp turin kan sawifel a. Bawihpuia pa in Cheng Nuaih sarih ngawt a hmantir ta hlauh a. Bank-te anga thla tin rulh leh pung awm ang pawhin an in hman tir lem lo.





Theihtawp chhuahin a bei a, zing aṭangin zan thlengin. Tunah chuan Dâwr tereuhte kha Dâwr lian leh lûn takah a chhuah tawh. Khang harsatna te kha a pal liam bawrh bawrh bik reng reng lo. Hrehawm ti taka min rawn ṭahkhum châng pawh a tam mai;Mahse, chûng harsatna te chu a in pawhbeh tir reng reng lo. Theihtawpin hmalam hun a thlir a, beiseina êng de ve ve kha a chhêm alh zel a, tun hun hi a thleng ta!!





Brenda-i te an rawn thleng a, kan ri nghal hlut mai. Bawihtei pawh a fel tawh vîng vêng mange. Kan Bawihpuia erawh hmel thar a hmuh rualin a lo in 'show' kual nasa leh tawh.





Ka nu chuan pindan lamah min in thiar fihlim san a. Brenda-i nen chuan kan ṭhu dun a. Kan fate harh zia te, naupang enkawl harsat zia te chu kan inhrilh mawlh mawlh reng a, "Dy....ka hmuhchhuah tâk chu, 'mahni fate ni lo in, ṭhenawm fate enkawl an awlsam zawk," a rawn ti chu kan nui dun har har a, "Dik chian, fa pakhatmah la nei lo. Engmah tawnhriat nei lo hian Naupang enkawl dan tur ṭha te hi an sawi zuah zuah ringawt a..," ka lo ti thuai a.





Brenda-i chuan a la duhtawk lo nasa mai, "Ṭhenawm naupang, an fate enkawl dan tur chu a Bu a chhuah tham khawp ka ziak thei ang chu...," a la rawn ti hram.





Thingpui te kan in a, hlim takin kan inkâwm ho a, naupang rilru thianghlim tih takah, inhmu khât viau mah se kan fate pawh an inkâwm tui viau mai.





"Bawihpuia pa, ka pawisa hmansak che kha ka rúl zo thei hram dawn e. Cheque-in nge i account-ah ka transfer mai dawn?," Brenda-i chuan a rawn ti ta nge nge e. "A pung te kha sawi thei la ka lawm viau ang," a rawn ti zui a.





Ramsanga chuan muanchangin,"I ṭhiannu in i dawr tih changtlun belh nan a thawh a nih kha...engmah a pung pawh a awm lo," a ti chu Brenda-i nen chuan kan phu zawk in ka hria.





Brenda-i mit aṭanga mittui rawn hnâm ṭiam ṭiam chu mittui ka hmuh tawh a zawngah a la hmuhnawm ber awm e. "Ka lawm lutuk aw?" ṭah aw ṭiau in a rawn tichhuak a. Bawihpuia te toys khâl pawhin puitling ṭap aw chu mak tih hmel zetin an rawn en vat a. Bawihtei erawh a tho rang viau mai, a nu bulah chuan a kal thuai a. "Bawihte, i pa te nupa hian min ngaihtuah zia hi hrethiam rual ni la ka hrilh chak tawh lutuk che," tih pahin a fanu chu a kuah a. A in sûm zo tawh lo, a ṭap chhuak hawk a.





Rang takin ka pan thuai a, ka kuah vat a. Ramsanga pawh lehlam a hawi daih, mipa takin lehlam a hawi leh tawh! Hmeichhe hmuh a mittui titla hreh a tak hi chu aw...





"Dy....engtikahmah ka chunga in ṭhatna hi ka rúl sêng lo ang che u. Pathianin a lêt tam takin rúl che u rawh se," tih pahin a inhnît hlawp hlawp a. Thusawi tur tam tak ka nei; mahse, ka ṭawng thei lo. Ka hrawkah hian min hnawhtu a awm tlat.





Lawmna mittui nena an haw tur insiam chu kan en reng a, "Bawihpui, in hman ve leh rawn leng rawh u aw? Kan haw tlai lutuk zawngin kan chhungte'n min ngaihtuah lutuk ange," tih pahin a tho a. Lawmthu a sawi pah leh mawlh mawlh reng bawk a.





Ramsanga chuan thlah a tum viau na a, a ṭang kawh nasa mai si a. Kan tilui duh ṭalh ta bik lo. Bawihpuia chu a pa in a pawm a, Bawihtei chu pawn thleng ka pawm ve thung a. Taxi rawn tlan chu kan lo au ṭhat ṭhat a, a rawn in her rem thuai e.





Taxi chhungah chuan an lut a, Ramsanga chuan a fapa pawm chungin min rawn kuah a. Ka pum chu dawmin ka ṭhiani lawmna mittui far mitthla tel reng chungin ka en ve reng a. Ka ṭhian ṭha ber, harsatna hrang hrangin a buan hneh loh, hlimna leh a fanu ban chelh mek te tlan liam chu kan chhungkua chuan kan vai liam lap lap a....






THE END.......





Ka story ziah tlawm tak, 'TRUE LOVE' chu a hmawr kan bawk ve thei ta!!



A hmasa berah chuan Pathian hruaina ka dawng in ka chang nasa hle mai. Keimah ber hian ka hlawkpui viau bawkin ka hria. Ka hriat loh, ka tawn loh ruamah ka tlu lut a. Hriatbelh ngai tam zia leh ka hriat loh tam zia ka hre thar a. Hriatbelh tumin ka ban phak apiang ka ban a ni ber e.




Story kan ṭan zan aṭangin chhiartu duhawm tak tak ka nei nghal a. Theihtawp chhuahin min ṭawiawm a. Story chhiar nana hun hlu tak min pek bakah, min tih phûr nan Comment hlu leh ngaihnawm tak tak min pe tluan parh a. Nangmahni vang liau liau in chakna thar ka nei zel a ni tih min lo hriatsak ṭheuh dawn nia.




Zantin dah chho ka nih avangin buai nak nak chang ka ngah chho viau mai a. Chung hunah pawh chuan theihtawp chhuahin Rengpuii Ralte hian min fuih sauh sauh reng a, he Story hlawhtlin nan hian a langlo lama ka tana mi hlu leh ṭangkai em em a ni. Ani hi sawi rîk ngei ngai a niin ka hria. He story bik nilo, Story ka ziah hmasak ber aṭangin, hun harsa tak karah pawh min fuih, fak, zilh leh khak chho ngar ngar reng tu a ni a. Fakna tur ah min fak hreh lo a, hauh ka ṭulna ah min hau bawrh bawrh bawk a. Ka tan hian a hlu em em a ni ber e.




Cover-atan Video ka hmang ve a. Video nalh taka min siamsaktu Lansiami Pachuau chungah ka lawm zia kha aw... A hnuah a Story nena in mil thei tur nalh tak min siamsak leh a. Mahse, harsatna kan tawk ta tlat!! Video kan dah ngam tak lo ah chuan Pi Lansiami Pachuau bawkin a hun hlu tak sêngin Zantin Cover-nalh tak tak min siamsak ta zel a nih chu!! Ka va lawm tehreng em...




Hming hmerh a sawi awm tak tak in awm fur tho anga. Lawmthu sawina ringawt pawh Chapter puitling zah lawih sawi tur a awm ngei ang. Engpawh nise, ka thuziah tlawm tak min lo hlut der sak thiam a, min lo chhiarsaktu te zawng zawng chungah thinlung takin lawmthu ka sawi e. Comments hlu tak tak min hnutchhiah ṭhintu te zawng zawng kha, ka chakna hnâr in ni tih lo hrenawn fo ang che u. Comments lama lang lo, min lo chhiarsaktu te pawh in hlu em em vek.



Lo hrisel in lo damṭha ula, Pathian in rem a tih chuan Story thar nen inhmuh thuai kan tum dawn nia... IN VAI A CHUNGAH KA LAWM EM EM E.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)