Forbidden Love by Hlutei Jocund Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Forbidden Love by Hlutei Jocund Pachuau (Completed)

Unread post by Ngaia » November 27th, 2022, 5:38 pm

Forbidden love chapter-7
by

Hlutei Pachuau

"Hunserh an ṭan dawn, kal ang" tihpahin Zualtea chuan ka kutah chuan rawn kaiin min hruai sawn ta daih a, min en zui reng tih ka hriat vângin ka hawilet ngam tawh lo, ka hnungzang erawh a mur sung sung thei.

Hunserh kan ṭan lai techuan ka ep chiah ah hian a ṭhu bawk nen, khawdang hawi lêk lo in min en char char anih chu, awm dân pawh ka thiam lo, ka kut chu ka sik nep nep reng a, kan kal tirh a ka mizia ang kha ka pu ta lo lutuk chu Zualtea chuan ka nuamsam lo emaw te ati hial, ka ṭawng thei lo a, ka lungphu rang nasa lutuk chuan min ti chau vek thei, mahse ka mawhphurna a nih vangin Lindsay stirling album ami crystallized a ahla pakhat chu ka tum sak a, Zualtea'n piano alo tum vek bawk, violin ka tum lai chuan maimitchhîng in Pu Alberta hmel dur khup chu ka mitthla ah rawn langin ka rilru chuan ka ṭawngṭai tawp, a music mood ah ka cheng bawk nen ka mittui arawn hnâm ṭiam ṭiam a, a tlâk loh nan ka insum nasa hle bawk, ka ti hrilh hai hlê tih ka in hria, Zualtea hi a farnu fa a ni tih chu hria ila ka be ṭha tawp lo tûr, ka kal kher kher chu ka inchhîr takzet a ni.

Ka zawh fel chuan kut an lo beng dar dar a, min fak na ṭawngkam chu lawmin nui ve bawk mahila mipakhat min uap churh reng tu vang chuan ka awm anuam thei lo,a tâwp thleng awm tur chuan min la ti ta deuh deuh zui, A nupui hlim hmêl te, an chhungkua a an awm ka hmuh techuan ka thinlung hi vih sawk sawk ang mai hi a ni, a nupui chuan a banah vuan in in ti ta tu tak chuan a nuihpui vei har har ṭhin,an chhungkua chuan thlâ te an lâk sak a, chutah an nu in a biangah a fawp zauh ka hmu fuh chu ka tuar thei tawh ngang lo, ka thâw a tawp mai dawn in ka hria,in tih harh tum in bathroom lam ka pan rawk rawk a, bathroom ka thleng a luh nghal mai ka tum chu tu emaw hian ka banah arawn man thut, tal ve nasa teh mahila thâ reng ka nei lo, a car awmna lam chu min pan pui hlawk hlawk in a car ah chuan min nam lut rawk rawk a, Car chu chak lutuk hian a khalh chhuak zui a nih chu.

Ka che ngam tawh lo, kan thlâwk in ka hre ber tawh, ka invuan ve ṭang ṭang a, a hmel dur khup chu ka en ṭhin, ṭo haw tur ang maiin a dur khup bawk si, engmah ka sawi thei lo, ka ṭawng chhuah chuan ka ṭap a ni nghal dawn si, A lodge lamah bawk chuan min hruai thleng leh ta, nichina vai truck kha kan su dawn maw ka ti hman tawh, car aṭanga ka chhuak chu ka uak nghal tuar tuar a, ka luhai lutuk chu din pawh ding ngil thei lo in a car vuan chung chuan ka invuan ṭawk chauh a ni,
"Engthil nge thleng kha sawi fiah rawh" inseh chilh lek lek hian arawn ti a, a awki a sâng hran lo, mahse ka hlauhna a nep phah hauh chuang lo, ahmâ aiin ka hlau daih zawk, ahmel dur khup chu ka en vang vang a, sawifiah ngaihna pawh ka hre lo, "Engtin nge in inhriat? in inngai zawng em?" arawn ti leh,
"Ngaizawng teuh lo, ṭhian chauh kan ni" Ka lo ti sap a, ka luhai lutuk chu ka tlu lo chauh tawh,
"Anih, In mu dun tawh em?" arawn ti nih chu, ka kawchhûng a fan nghal rawih thei, rilru na zetin a hmel chu ka en a, ka chhân hma chuan ka phone arawn ri a, lâk mai ka tum chu min rawn chhuh lawp, Zualtea a ni tih ka ring thiam nghal mai, "Ka haw chhan tal ka lo sawifiah ang, a rualin kan bo bawk si" ti a lâksak ka tum chu ka kuta rawn man chawtin nghet zet hian a hmer a, hnai zeta dur khupa min en chung hian, "Engtia rei nge in inhriat tawh?" a thaw chhuak hawlh a, a aw a khur deuh bawk nen thawk pawh ka thaw ngam lo, "A rei ve leh tawh, Ṭhian chauh kan ni" khur dar dara ka tih rual chuan ka mittui arawn luangthla nghal, ka hlau bawk nen, hetianga a awm hi ka vawikhat hmuhna a ni bawk si, "Mipa dang hnaih lo turin ka ti che ni lawm ni? In infawp tawh em? in mudun tawh em?" a awki rawn sang thut chu ka phu nasa ngang mai, "Iti mah mah lo maw? engtin nge chutiang chuan min rin theih a?" ṭap âw ṭiau chuan ka lo ti lêt ve a, ka phone bawk chu arawn ri leh tawh, "Khawi min pe rawh" tihpaha ka ban leh chu lei ah chuan a paih darh nghal vek nia, ṭê ṭhat pahin ka hmui ka lo hup vat, ka phone chu a darh vek thei nia, " A thinrim insum chu a hmai tuai puatin thawk ala hrâwk a, "Iti mah mah a ni" ka ti chhuak thei ṭâwk, "Ka hrilh chiang viau che sia, ka farnu fapa a nih kha" ala ti ta deuh deuh, "Ka hre lâwk bik hleinem, pawisa hlawhin alawm ka rawn kal, a thlâwn in ka rawn kal hleinem" ka awki pawh asang ve ta hle mai, ka thinrim lutuk chu thâw a chham lo chauh a ni, "Pawisa i duh amaw? min dil mai ta che" tihpahin a wallet-a pawisa awm chuan min rawn vawm a nih chu, "Nei vek rawh, mipa dang hnena la lovin ka hnena la tûr inia sin" tihpahin ka hmai ah ala bêng zui, ka kehsawm vek in ka hria, tunah khân kut min thlak tak tak em? min benna na ai mah chuan ka thinlung mawlh chu ni, ka ṭawng thei tawh lo, ka che thei hek lo, ka banah chuan min kaiin inchhung lamah chuan min hruai lût nghal dawr dawr a, kawngkhar chu kalhin room awmna lamah chuan min kai phei dawr dawr, ṭang turin thâ ka nei bawk si lo, ka kawr chu min phelh sak tumin ka awm zawna kawrkilh chu arawn khawih bawrh bawrh a, a thinrim thaw hrâwk hrâwk ri tluka hriat hrehawm tih tunah chuan ka nei rih lo, ka ding ngil thei tawh lo chu ka tlu dawn ta mai, ka hai mup mup reng a, "Duhtawk teh" khur dar dar chuan ka ti a, chhuatah chuan ka ṭhu thla hnawk, a inthiam lo leh deuh chu hmai a tuai leh puat a, ka hmai chu hupin ka ṭap ri zui hak, "I van sual tak" ṭap hlap hlap chung chuan ka ti a,a ngawi ta reng, min chhâng tawh lem lo, ka ṭah pawh a chhuak tawh lo, ka kê chu tawm kâkin ka hmai ka phum a,"Ka tihpalh" arawn ti zâwi sup, ka la chhâng duh ta chuang lo, "Anun" dam thlupa tiin ka tukhum samah chuan arawn chul a, a kut chu ka lo paihthla lawp, âw ka damthlupa ka hminga min koh takah chuan ka dam leh nghal vek nia,ka inhaw letling zawk ṭhin, ka inring hma chuan min rawn pawm kâng nawlhin Khumah chuan min mut riai riai a, ka la ṭawng duh chuang lo, ka lu ahaiin ka luak a chhuak bawk si, "Ana viau em?" tihpahin ka biang sa hat hat chu arawn khawih a, ka chhâng lo, ka mittui arawn luang zui ngiai ngiai ringawt, "Ka rui deuh bawk nen, ka ti mah mah a ni" a ti leh sup a, a hmêlah chuan inthiamlohna tak tak ka hmu tho na in, tunah rih chuan ka chhang peih lo, "Anun" tihpahin ka kutah chuan arawn hum lum vang vang a, ka muttui luang ngiai ngiai chu rawn hrûk pahin min rawn fawp vang vang, zu rim anam hak, "Mipa tupawhin khatianga an tâ ang maia an cheibawl che kha ka duh lo, i kuta a vuan ka hmuh phei kha chuan ka â lo chauh a ni" a inthiamlo hmêl chu a danglam hran lo, ani chu a hmel pangngai pawh a chal hi a chuar reng tho, mahse a inthiamlo in a thin a rim hle tih erawh ka hre hrang vek thei, "Ka ta chauh ini tiraw?" zawi supa arawn tih chuan a hmel chu en in "Min ring tur inia sin, Inchhungkua a in awm ka hmuh khan ka nat loh bik i ring ami?" ṭap âw ṭiau chuan ka lo ti bak hlar a, thâwk ala hawk, "Ka hria lawm,ka hriat vang ania khatia kan chhungkua a kan awm lai hmuh che ka duh ngai loh" tiin ka kutah arawn vuan a.

Zan in ka thil tawn zet chuan thil thui tak min ngaihtuah tîr, heti hian kan awm reng dawn nge kan inṭhen ang?, nge ni a mi nupui luahlan nihna neiin ani hi ka nei ang? a nupui hi a ṭhen duh tak tak angem? ṭhen duh pawh ni se ka nei duh kher em ka hre lo, ni lo, neih chu ka duh lutuk, chu aia duh chu ka nei lo, mahse ka hlau a ni, ka mutna aṭang chuan inlet thawkin ka va hawi phei chu alo la meng ve reng a, beer a in pah leh khalh khalh tawh, "I thil in rim kha ka luak ati chhuak ania" ka tih chuan min rawn en zuk a, "Ka in zo chiah" tihpahin a chhuak a, ava paih zui a niang, a rawn kal leh hnu chuan ka bulah arawn inthawlh ve sut sut a, ka bianga a ben lai kha ka mitthla ah arawn lang zawk, ka theihnghilh mai mai theih ka ring tawh lo, "Engtin nge kut min thlak theih zawk le?" ka tihrual chuan ka mittui arawn luangthla leh zâwih tawh, min rawn kuah a, a awmah chuan beiin ka lo ṭap ri hak, min thlemna tur ṭawngkam khat tal chhah chhuah tur hi hre ve ṭhin se ka ti, "Naktukah phone thar kan lei dawn nia" arawn ti leh ringawt, ka nuih tepawh aza let ling zawk, mi thlêm ngaihna a hre lo ni ngei tur a ni, naupang chhia taka min treat ṭhin hi ka duh vak lo, ka pangchang lutuk ang tih ka hlau ṭhin, hetianga min duat tu hi ka nu leh pa tih loh ah ka la nei ngai bawk si lo, "Ka phone ngai ang chiah kha ka duh leh" ka lo tih chuan a bu nghut a, "Hetah hian ka riak thei lo ania,Ka nau amah chauhin in ah a awm si a" ka tih chuan min rawn en vut a, a inthiam lo deuhin ka hria, "I nau hi hostel-a dah i duh em?" arawn tih chuan a hmêl chu ka en vat a, "A hnawk iti ni maw?" thinrim lek leka ka tih chuan, "Hostel-ah chuan zirna te a ṭha zawk a" a tih chuan a dik ka ti viau, pawl 11 a zir ve tawh a, pawl 12 thleng Hostel a dah theih tluk chu a awm lo, "A ṭha lawm" ka lo ti mai a, a zirna sen so a tum tûr thu a sawi chuan ka lo hnar nasa mai, mahse "Ka ti ang" a tih tawh hi chu hnar eng ang mahila ṭawngka a min hnial lo in ngawi reng hian a ti lui tho zel.

Lungawi tak chuan kan inphur haw ve leh ta mai a, Sana ka en chu dar 11 alo pêl hret tawh, ina ka haw chu Ka nau chuan lehkha alo la zir mial mial a, In ti fai sawk sawkin keipawh ka mu nghal,Khatia ka haw ta daih kha insawi fiahna hun ka nei lo bawk nen hrehawm ka ti hle a, mahse insawi fiahna tur ka hre dawn bawk si lo, Zualtea chu ka ti hrilh hai viau ang le.

Tûk dang ang lo takin tûk in zing chu kan buai lo hle a, Nizan lamah ka nau pawh hostela dah ka rilrûk thu ka hrilh chuan ani pawn alo duh daih zawk na in, min ngaihtuah vâng leh pawisa ka neih a rin loh vângin alo sawi ngam lo mai mai a ni awm e, a subject lak ahar bawk nen in lamah a ṭhian ten an ngai ropui mai si a aduh ang pawn a zir tam hman lo, Chhûng te dang nei loh mahila unaupa fel tak ka la nei tal alawm tiin ka inhnêm fo ṭhin, mahse a châng chuan kan unau kan mal lutuk hi hrehawm ka ti thei khawp mai, mahni pawn ka ṭap ru fo,mahse Pu Albert-a arawn lan hnu hi chuan engkim a danglam tawh.


Zinglamah kan buailo na in tlai lamah erawh kan buai khawp mai, Umami nen ti ti paha dawhkân kan hrûk fai mawlh mawlh lai chuan, Pu Albert-a arawn lût hlawl, "Anuni hi biak lok ka duh a" tih zawng chu sawiin a chhuak leh nghal daih, phawk hrâ a U Mami ka en lai chuan, "Enge? Enge awmzia?" Afaki chuan arawn ti leh cheng cheng tawh, "Ka inluah saw ama ta ania, chumi vêl chung changah chuan min be duh aniang" tiin ka chhuak zui vat a, khatiang em em khân dâwt sawi ka lo thiam tih pawh ka in hre lo, pâwn ka chhuak chu min lo nghâk ve rûn a, kan dawr bul lawkah hian phone dawr a awm avangin tah chuan min luhpui nghal.

Tunlai an phone hman uar zet man to zet ni si hi rawn la in "Hei hi kan lo duh ang" ati nih chu "Aih angai lo, ato lutuk" tihpahin ka dah let leh rawk rawk a, ka phone hlui ang chiah hming chu ka hrilh nghal a, Dawr nghâk tunu lah chuan, "I u chuan a duat hle mai che" ala ti zui, ka nui chhuak hak a, Pu Albert-a erawh a nui ve duh ṭhak lo, "Ka u ni hleinem" nui chung chuan ka lo ti a, phone chu min rawn pêk pah hian "A nih tak chu, i patea nge i putea?" dawr nghâk tunu in arawn tih nawn leh phei chuan ka nuih aza zual sauh, "A pasal" tih hmuk pahin pawisa chu a pe a, a chhuak nghâl nulh, ka phone tur chu la in keipawn ka zui chhuak ve nghal a,

"Khatia tih kher angai ami? a hre lo ve ni mai lawm" nuih za insum zeta ka tih chuan alo la nui ve duh ṭhak chuang lo, chutia kan din dun lai chuan min ko thâwm hi ka hre tlat, kan dawr lam ka hawi chu Zualtea chuan Min lo en reng a nih chu.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2022, 5:38 pm

Forbidden love
chapter-8
by
Hlutei Pachuau

Pu Alberta chu a hmel a hmuh loh nan ka kuai her nghâl thuai a, "Nizana ka kal daih vang khân insawi fiah ka ngai sia" nuam lo ti zeta ka tih chuan "Hmu tawh suh" ati deuh hmuk ringawt a, a thîk zia ka hre chiang si a nuam lo ka ti kher mai, "Ka ṭhian chauh ania, min ring lo emi?" ka tih pawh chuan min chhâng duh tawh lo, dingdihlip in a dârah chuan ka vuan a, a beng bulah chuan "Zânah lo leng la a dik vek mai ang" ka han ti sar sar, nui ver ver in Zualtea awmna lam chu ka pan zui vat a.

Nizana ka kal daih chhan techu ka nawm loh thut vanga taxi la a haw ta angah ka insawi ta ringawt, ka hlauh ang ngeiin ka din pui pa chu tunge a nih min zawt ngei bawk, "Ka in luah na pa ania" ka tih chuan ka mita min enkar chung hian, "In inpawh hmel hle mai" a ti zui zauh, a mit meng fing zet chu ka enkiau a, chhân ngaihna pawh ka hre ta mai lo, "Ka buai sia ka lût phawt ang aw, chuan ka inthiam lo lutuk ania" ka han ti zui a, min zawh thui ka hlauh vang chuan ka luhsan ta daih.

Kan ti nek nek a tlai lam alo ni leh der tawh,engmah hah pui tham em em ti si lo ah chuan ka chau nghulh a, ka mut lah chu a chhuak em em reng lehnghâl, zân ka mengrei thei a, chumi vang tepawh chu nih ka ring, Midangin thil an ei siam siam lai techuan kei erawh engmah ka ei chak lo, "Tunlai hi i cher riau in ka hria" UMami chuan ka thil ei tur ka thai let ka thai let lai chuan arawn ti chhuak hlawl a, "Nia, tunlai chu nuam lo rem rem ang hian ka awm tlat reng mai" Ka lo ti ve mai a, khawsik tur inṭham er er ang tehian ka awm fo na in, hnathawh ka ngaih vangin engmah erawh ka sawi duh ngai lem lo.

Ka haw chu Matea chuan rawng alo bawl vek a, ka chau hmel a hmuh chuan "In ti fai la chaw ei ang,U zan in chu Mawia te inah min thlahna an siam dawn nia aw" a'n ti chhunzawm zat a, "I riak nghal dawn mi?" ka tih chuan alo aw vat, "Pawisa te i duh chuan ka nei ania, cake emaw engemaw te lei vela" ka tih chuan a hmarcha râwt lai chu tawp chatin, "U, khapa khan pawisa a pe ṭhin che mi?" arawn ti chhuak deuh hlawl, ka insil lai tâwp chatin mak ti zet hian ka va en hâ a, ka mitah tak min lo en ve, "Pe lo e, pawisa techu ka thawh chhuah reng hi, ka inkhâwl ve lawm" thinrim lek leka ka tih chuan, a inthiam lo deuh nge, "I thin tih rim ka tum vang a ni lo nia, Hostel-a min dahna tur pawisa i neih ka rin loh vang zawk ania" ati leh mai a, "Taima takin lehkha zir la, hna ṭha tak thawk vat rawh,min châwm hun ka nghakhlel teh mai nia" tiin kan thusawi awmze nei zet chu thlâk ka tum a, min chhâng zui ta lêm lo, ka nau mit menga ka en khân thil sual lian tak ka tih zia leh ka thil tih pawi thui tawh zia ka hmu thei, chu chuan min tina takzet a ni.

A ṭhian techuan rawn hruaiin chêng sanghnih chu ka pai chhuah tir ve a, Pu Alberta pawh arawn thleng zui ve mai, nuam tihna pawh ka nei leh tawh lo, "Iva nawm loh hmel ve?" tiin ka chal chu arawn khawih a, "Tûnlai chu ka chau thei lutuk a" ka lo ti mai a, ka sawi tawh ang khan Keiman tî tî ka vawrh loh chuan kan ṭawng lo tluan a ni mai, ani ve hi chuan sawi tûr a hre ngai mang lo, "Chuan ka ngai bawk che" tiin a kâwngah chuan ka kuah a,a âwmah chuan ka bei nghal hle hle, ka samah chuan duat zet hian min lo chûl ve hauh hauh a, hetiang hian kum 10 vel chu hun hi ding thei se ka ti, "Zan in chu lo riak la" tiin ka han hawi chho a, nui sukin ka hmui ah arawn fawp zauh, keimah ang hian a nupui khan a ti nui ve ṭhin angem? min duat ang hian a duat ve ṭhin angem ? ka hre lo, ka kal san angai tih erawh ka hre chiang hle thung, zan in bak hi chu zawi tê tê in ka hlat tial tial anga, ka ṭhen hlen ve theih mai erawh ka ring, rem thei ngai lo tur laka in tah luh reng hi ka tan awmzia a awm loh mai bakah, ka hmangaihna vâng tal pawh hian ka kalsan ngei ngei angai.

"Ka Lodge ah khan kal zawk ila" arawn ti a, pawi ka ti hran lo, rei pawh rial lovin kan inzui chhuak leh ta nge nge a, Chaw ka ei mumal theih loh thu hria in eitûr min lei sak ṭeuh bawk.

"Tunlai i hna lam te enge a an?" chips ei malh malh pah chuan ka han ti a, "A hahthlâk, tunah pawh koh theih renga ka awm angai, i mut a chhuah chuan mu mai rawh aw" alo ti ve mai a, A laptop chu khawihin engemaw hi a ti mial mial, kei erawh a bul khumah mu in chips ka ei mial mial thung, "Kan awmdan hi nupa kan ang e" nui chunga ka tih chuan ho min tih hmel zet hian arawn nui ve suk a, a laptop chu dah in min rawn fawp leh vang vang,ani aiin ka duhthâw zawk,mak min tih hmel zet hian min en hû a, "Enge? ka ngai che a, ka thlahlel che lawm" ka tih chuan a nui leh suk tawh, ngawi rengin a jacket ipte aṭang chuan a fapa nena an thisen test na result hi alo ni a, "Mahse hei chu.." ka han ti leh ringawt, sawi mai tur pawh ka hre lo, "Ka nupui hi ṭhen ka tum tawh a, mahse naupang pawisawi lo in a tawrh a ngai ta hi ka inthiam lo takzet a ni" ati deuh sup a, thâwk ka la halh, "A dik lo viau lo tiraw?" ka tih chuan "Min ring top la nghâk rawh" a ti mai a, ka rilru puthmang hi thlâk ka tum tawh lo na in, nghah chu ka duh takzet a ni, mahse nghâk ta ila ka natna tur mai mai a ni angem?.

"Ka ring che alawm" amah enkiau a ka tih chuan min rawn fâwp vang vang, ka awm bawr chhuan tlâk lutuk lo chu hup thakin a mitmeng sexy zet hian min rawn en a, ka kawr chhungah chuan zen chho in a kut lum thur thur chuan atawn tawnah hian arawn hup thuk, mahni inthiam lohna a khat chungin ka hnar thei chuang si lo, "Ka nupui i nih hunah phei chuan i damlo thiang lo ania" arawn ti zauh, ka lo nui hak a, amah lam hawi chuan a mal chungah ka ṭhu zui a, ka kawr chhùngah chuan a lû a thun zui hmak, a thaw lum deuh halh halh chuan min ti danglam zo leh vek tawh, "Kum 36 mi hi kum 23 mi zûnah ka uai ania" ti sup a nui zui hak a, keipawh nui ver verin a tukhum samah chuan ka lo tuai niap niap bawk, "Ka hmuh tirh ber che khân ka hlauh zia che kha, i nêlawm loh si" ka tih chuan ka hmuh hmasak ber ṭum kha mitthla ah arawn lang zui a, "Kha ta ṭang tawh khân i ta a min siam i tum sa ti raw?" tiin a lu a khuhna ka kawr chu ka hlîm a, mit meng de sur hian min lo en, a nui suk ringawt, "A dik em?" ka tih chuan, "Min duh ka ring lo a" arawn tih chuan a nghâwngah kuah châih pahin ka nui zui hak a, "I hmelṭha kan ti hlawm lutuk, ka la sawi ngai miah lo a, kan vai khân kan star vek che, i chanchin tehi kan sawi nasa thei râp" ka han ti zui siam siam a, alo nui ve vur vur mai, min chhâng em em chuang lo, "Ka pasal inih hunah chuan engtin nge ka koh ang che?" tiin ka han zâwt a, "I duh duh dan in min ko dawn nia" alo ti dam thlup, "Pu Albert tih reng chu a mawi dawn si lova...U che ila pasal te u ṭût chu a ṭhing dawn sia..." ka tih mawlh mawlh lai chuan min rawn fâwp thut a, "I duhawm lutuk" ti zauhin min fâwp zui leh mawlh mawlh a, kan nui leh rih ṭhin, kan hlim dun takzet a ni . Zan hun nuam tak chu kan hmang dun leh a, inchhîrna pawh ka nei em em tawh lo, ataksa lum ham ham ka taksa vawtthlar maiin a deh zawng ringawt techuan ka thla hi a muang hliah hliah reng mai, chau thaw halh halh chungin a âwmah chuan ka bei hle hle a, "Ka hmangaih che" ti sar sarin ka chalah arawn fawp zauh, ka lo nui sak, ka chau lutuk chu men pawh ka meng ṭha thei lo, "Naktuk chu chawl mai la i nawm loh hmel sia" arawn tih chuan "Ka ṭha lawm" ka lo ti mai a, mahse vitamin min lei sak atum thu asawi tho, mahni tâwkah cher lam lek lek ni mahila chêr chhia ka ni ngai lova,heti taka ka chêr chak hi angaih aṭha lo ni ngei tur a ni, "Hna ka thawh chhunzawm dawn a, lo muhil rawh" tiin a in ha ṭha sut sut a, chhang zui tur ka awm tawh lo, ka lo muhil tlang daih chu niin.

Zîng ka harh chu ka lu ana bûr a, ka pum a dik lo reng bawk si, mut lah chu ka kham lo em em lehnghal, sana ka en chu dar 7 alo ri vâ tawh, ka hmai chu phih sawk sawkin ka in ha ṭha nghal thuai a, choka lamah chuan pu Alberta'n thingpui alo siam ve ruk ruk mai, ka nuih aza ru ngei mai, a inhmeh lo lutuk chu nui sak pahin a kawngah chuan ka va kuah a, "Iva inhmeh lo tak" tiin ka nui zui hak hak, "I châwl dawn ta em?" a rawn tih chuan muang chânga thlah riai riai chungin "Chawl lo ang, Matea hi a hautak ve tial tial sia,pawisa induh thâwh ana lawm" thingpui chu min rawn pe zui a, "I nau chu lungkham angai lo, ka enkawl dawn lawm" arawn ti leh tawh, ani ang tan chuan a ho tham dawn lutuk, mahse engkim min tihsak a tum ṭhin hi lawm ka duh loh chu,mahse ka chhang zui tawh lo, a phone arawn ri leh tawh, a phone screen ah chuan ka pa tih hi ka hmu hman zauh, "Aw ka ti fel tawh e" ati bung nghâl hmuk a, ka naupan chhiat chhuakin ring zet chuan ka lo zai vak vak a, a kut zung chalin bengchheng lo tur chuan min ti na in a ai ring chuan ka zai lui vak, "Aw ka pa nakinah ka rawn be leh ang che" tihpah chuan a off zui a, "Chimawm lutuk" tihpahin ka biang arawn piai vak, ka lo ṭe ṭhat thung, min rawn kuah bet nghal vawng vawng a, chutia hlim zeta kan nuih dun lai chuan tu emaw hian kawngkhar arawn hawng thut chu ka va han kalsawn rang chiang tak, "Enge awmzia? Bert-a" arawn ti nghâl hâ a, nu upa lam zahawm zet ngo lam hi a ni, a nu anih ka ring nghal hmak, ka zak lutuk chu hawi pawh hawi chhuak ngam lo in ka kûn nghal ngar a, ka thâ a khûr a,ka lungphu a su nghal dup dup mai, "Anun, chibai rawh ka nu a nih hi" ring si lo fiah tak hian arawn ti a, ka che ngam tawh lo, "Hei hi i bialnu chu maw?" arawn tih chuan a hmel awmdan pawh ka hre lo, ka en ngam hlawl lo, "Aw a nih hi" alo ti mai a, "Ka rei leh!...i pa in a hriat vaih chuan aw..." a ti zuai raih a, ka kut pahnih chu nghet zetin ka hûm nghet sauh, "Mami, i bialpa hi mi pasal a ni tih i hria em?" arawn ti ta, ka kawchhûng a nghawr nghâl dawt thei, "Aw, ka hria lawm" ka lo ti thâm ṭiak a, "Tunlai hmeichhia hi chu âw in va han mak tak" a ti chuai leh raih a, sofa ah chuan a ṭhu kun ngal mai, ka kut khûr dar dar chu nghet zet hian arawn vuan a, "Engtin nge mi pasal hetiang hian ilo khawsak pui ngam? i chhungten an hre lo mi?" awki sâng lek lek ṭah chhuak aw deuha arawn tih chuan "A tawk ka nu" Pu Albert-a chuan alo ti chang fak a, "Lo chhan reng reng suh, i nupui in hria se engtin nge a tih ang? in awm dan hian ka ngaih a ti ṭha lo reng a ni, inṭhen nghal hmak ang che u" a ti hlaih hlaih a, ka lo ding khawng reng ringawt, "Ka ṭhen dawn lo, Sara-i hi ka ṭhen dawn" a tih techuan a nu thinrim rilru na lutuk chu a ṭap ri hak, "Bawiha lehh...i â tawh ami? henu hian a dawi â vek tawh nih hi" a tih techuan awm ngaihna pawh ka hre lo, ka zak bawk si, "Keima'n alawm pan hmasa, ka hmuh tirh aṭangin ka duh nghal, ka neih theihna nih phawt chuan engpawh ka ti mai ang" ala ti zui, "Henu hi i ṭhen vat lo a nih chuan i pa hian a tui thlâr duh mai ang che, i â lutuk" ngen ngâwl zet hian a nu chuan a ti a, "A pawi ka ti lo, dâwt hlawm lian tak hmanga min nei a, ka hmangaih te min chan tîr tu leh ka nun tichhe vek tu neih ai chuan tui thlâr chu ka la thlang zawk tho" thinrim inseh ruh ṭun hian Pu Albert-a chuan alo ti a, "A tawk tawh, ka kal mai ang" zâwi sapa ka tih chuan min pawt ding dat, "I pa hian thudik chu hre ve phawt se, ni e, inṭhen fel phawt ula, tichuan in inkawp zawk dawn nia, tunah chuan inṭhen rih phawt rawh u" a ti ta a, a nu pawh hian a monu chu a ṭan vak lo a ni mahna, a pa ber chuan thudik ala hre lo ni ngei tur a ni, "Inṭhen phawt ula, in hmu rih tawh suh u" Ati leh hlaih hlaih a, "Nangpawh Mami, hetianga vah vah techu, i nu leh ipa ten an ngaihtuah lo che mi? a hmei ang deuh thaw i awm alawm, ila naupan hmel tehlûl nen" arawn tih chuan "Ka tihpalh a ni" ka lo ti tawp a, sawi tur ber pawh ka hre lo ka zak ngawih ngawih a ni tawp mai ni, "Thiamlohna a nei lo, hâw phawt la, hna ah kan kal ve ve dawn" pu Albert-a bawk chuan lo ti leh a, a fapa chu rum lutuk a en chung hian, "Inṭhen ngei ngei ang che u, miin an hriat tam hma in, i nupui saw hlau hle rawh" ti chungin a chhuak zui ve mai a, a chhuak chiah chu thâwk la hawkin chhuatah chuan ka ṭhu thla hnawk, "Engtin nge niang?" Ka tih chuan min rawn en vang vang a, rawn ṭhu hniam ve in min kuah zui vang vang, "Hlauthawng lo la, ka nu talin a hre tawh a azia lawm" ka hnunga ben thak thak pah hian a ti a, "I nupuiin a hriat chhuah vaih chuan, ni lo, midangin hre chhuak vek ta se engtin nge kan tih ang? inṭhen chu aṭha ka ti" ka tih chuan lungawi loh hmel fe hian min rawn en a, "Ka venghim ang che, inṭhen chu ngaihtuah pawh ngaihtuah tawh suh" ati hmak, "Ṭhen duh lo tlat ta che sela" ka lo ti leh a, "Ngaihtuah tawh suh ka tih chu" tiin min vîn ṭhawt, ka la phu zawk zui.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2022, 5:39 pm

FORBIDDEN LOVE

CHAPTER-9

HLUTEI PACHUAU







Kan in kawt kan thleng chu "In dawra thawk tepawh hian hre mahse a pawina a awm lo nia" arawn ti a,ka chhang lo, ngawi reng chuan ka chhuak ta daih a, "Anun" ti a min koh lêt na pawh chu ka chhang chuang lo, maimitchhîng vang vangin a hmel chu ka mitthlâ a, "Ka ring che" tiin ka phun sap, leh hawiin "Ka hmangaih che" hmuiphun chuan ka va ti zauh, a motor chuan rawn tlan pheiin "Mi zingah fawh i duh loh chuan tiangkhan rawn ti tawh suh" chang fak hian arawn ti a, ka lo nui hak, "Kal tawh rawh, min rawn bia la" tiin kan inthlah fel thei hrâm.

Kan in ka lût chu ka nau chu alo in pack diam tawh a, mahse school lo kal tawhin tlai lama arawn lak tur thu message min hnutchhiah ringawt, keipawh engmah ka ei chak loh vângin ka inthlak fel a ka hna lamah ka tlang nghal.





Nilêngin ka awm anuam lo, mi tehian min en duh riau a hriatna te ka nei, ka ngaih bel nge? U Mami lah chuan a hre tawh tih a awm dan aṭangin ka hre mai, "A nupui saw a rapthlâk ania, ti sawn mi hrang laka a fa hmangin a nei lui thei ania,i hma chhawn tûr mihring chu ngaihtuah teh" U Mami'n thleng ka sil malh malh laia arawn ti deuh sar sar chuan ka thlengsil lai chu ka tawp chat, "Inṭhen chu ka duh reng a, mahse amah hian a duh tlat lo a" ka lo ti zawi sap a, "A khawngaih thlâk ve e lawm Pu Alberta chu, a nun hi a hrehawm ve ngawt ang, a chhelo sia tianga awm mai mai atan chuan a uihawm ve ê lawm" fiamthu in ala ti zui, za lo zet chuan ka lo nui lui hak a, "Ka u Mama te nen hian an in kawm ve ṭhin a, a sawi dan chuan a nupui nen sawn an in hre sa a, internship an tih laiin a nupui sawn a fa pai angin a in sawi a, kum 4 hnu velah an innei chauh alawm, Pu Alberta hian a duh lo lutuk a, bialnu duh deuh mai a nei a, mahse a chhung tekhan an ti lui tlat sia, en teh a bialnu chu a in tih hlum phah an ti, Ka ngaihtuah a Pu Alberta tan hi chuan a nupui saw natna hrik ang chiah a ni mai, hlim lo mahse keichu ka dem lo" a tih chuan ka chil ka lo lem khalh, "Ka hre tawh alawm" ka lo ti sap a, "A hrilh ve ngei che law? a chanchin hi tuma bulah a sawi ngai zen zen lo asin, Anun keichuan ṭhen miah lo mah la ka dem lo che nia, Hlim in phû" ati leh siam siam a, "Mahse tumah hian min pawm pui thei nang, mi pasal luahlân ka ni tho dawn asin" ka ti a, thâwk ka la zui halh, "Mi chuan an duh duh an sawi thei alawm, thudik kan hria a, chu chu a tawk chiah, Pu Albert-a hian a hmangaih tak tak che in ka hria" arawn tih leh chuan ka lo nui lui sak, ka ngai thar ta riau mai, Ka call nghal nghe nghe a, mahse ala thei miah lo, ka missed call a hmuh chuan min rawn call back mai ringin ka thil tih lai chu ka tih chhunzawm leh a.

Tlai lamah chuan chaw ei te neiin kan buai rum rum hle a, ka chau lutuk chu ṭawng pawh ka ṭawng ṭha peih lo, ka chau ngawih ngawih top mai ni, "Anun, chawl rih teh, i hmel kha dik lo reng reng" Umami'n arawn tih chuan, "Lo ti ve tawh suh ka ti ka tia ati lui tlat a" Afaki pawn alo ti vat, Ka taksa na lutuk chu ṭhutthleng ah chuan ka ṭhu thla hnawk, ka indawm kun ngawih ngawih lai chuan, "Anun" tiin u Mami chuan min rawn sawi dat a, ka hawi chhuak chu Pu Albert-a nu kha alo ni, ka ding nghâl zawk mai, "Lo ṭhu rawh" inthlahrung tak chuan ka lo ti a, "Cabin in nei tiraw khah? in be lawk ang hmiang" dam dap hian a ti a, U Mami chu ka en a, kal tur chuan min mit mei zauh, Cabin lamah chuan ka zui phei ta hna hna a, A ṭhut hnu pawh chuan ka la ṭhu mai lo, "Ṭhu rawh, ka hau dawn lo che" arawn tih takah chuan muangchangin ka ṭhu ve a.

"Kum engzat nge i nih?" a mit meng fing zeta min en pah hian arawn ti a, "Kum 24 ka tling ṭep" ka lo ti sap a, "Ka fapa hi nang aiin kum sawm chuangin a upa asin" a tih leh chuan chhân dan tur pawh ka hre tawh lo, "Nu leh pa i nei em?" arawn ti leh, "Min boral san tawh a, ka nau nen chauh kan ni mai" ka tih chuan a zawhna min zawh vang chuan inthiamlo leh deuh hmel a pu, "En teh ila naupang a, i hmel aṭha bawk a, ka fapa ai ṭha pawh hi i hmu lutuk ang, ani chu nupui nei lai ania, inṭhen rih mai rawh u, apa hian an inṭhen hi a rem ti dawn lo, an hriat chhuah hunah che chuan a nupui hian a zuah lo top ang che, nakina i natna tur leh i mualpho na tur a ni tih i hre lâwk vek awm sia" a han ti nghâl zung zung a, ka mittui arawn luangthla nghal ngiai ngiai mai, "Ka tihpalh a ni", tih bak sawi tur pawh ka hre lo, ni leh lo, sawitur ka ngah lutuk, ka sawi ngam lo a ni mah zawk, "Ngaihzawng a nei tih chu kan hria a, Mahse tunge anih kan hre lova" tiin a mitmeng lian zet chuan min rawn en a, min khawngaih ve hmel khawp mai, "Ka fapa neih chhun a ni a, keipawn a hlim lo hi hrehawm ka ti ve lutuk, mahse hei hi chu a dik lo a ni" tiin athaw zui halh a, "I ṭhen thei ang tiraw?" awka dam dap hian arawn ti a, "Ka hre lo" tiin ka insût zui hraih a, "Engvangin maw?" arawn ti leh,ka kut chu hum ruhin "Pu Alberta hi ka tan chuan ka chhungkua, ka pa leh ka unaupa ang mai a ni a, ani chauh hi min ngaihsaka min duat ṭhin tu awm chhun ania sin, chuti maiin ka ṭhen thei lo a ni, runluih che u ka tum vang a ni lo, a harsa ka ti em a ni" tiin ka ṭap chhuak zui hak a, a thaw hak ri ka hre zui, tihngaihna vak a hre tawh bik lo a ni mahna, "Engtin nge maw in lo induh theih reng reng le? hmeichhe ngaihsak lo tak ania sin" Ati chuai raih, ka chhang tawh lo, "Ka tihpalh takzet a ni" tiin ka phun sap ringawt, chutah a bag aṭang chuan envelope vâr puar deuh âl hi min rawn pe a, "Hei hi lâ la , hnawh bo che ka tumna ni lo, ka fapa hmeichhe hmangaih tak inih vanga pe che ka ni, ka mo ni thei dawn lo mahla keipawn ka hre reng dawn che nih hi" tiin min nuih lui sak a, thil min pek a tum chu pawisa a nih tih ka hre nghal mai,ka en tlawk tlawk ringawt, "Ka mamawh chu ka thawk chhuak thei alawm" tiin ka pe let leh a, "La mai mai rawh, ka fapa hi i hmangaih takzet a nih chuan i kalsan angai" a tih techuan ka thin a rim deuh ṭun mai, "Ka lo tum ang'e mahse pawisa hi chu ka la lo zawk ang, min khawngaihna vangin ka lawm lutuk" ka ti ve sap sap a, "Ni e, ka haw hran lo che, mahse Sawi tawh angin Albert-a chauh hi fa ka neih chhun a ni a,hmeichhe pakhat vang mai mai a Anun leh a thil kalsan tur zo zai ka ngaihtuah hian ka pawm thei lo che ni" a tih chuan ka mengkhup zâl zâl mai, "Ka hria lawm, mahse ka kalsan thei kher angem ka hre lo, engmah ka tiam thei lo che a, ka lo tum dawn nia" ka lo ti ve a, min chhang tawh lo in a tho a, akal zui hmak, ka ṭhut na aṭanga ka tho chu dawhkanah chuan pawisa kha alo la awm reng, hmanhmawh takin ka la a, ka tlân chhuak zui nghal, car ah chuangin an lo tlan hman tawh, "Enge a? tinge?" U Mami chuan rawn tih sawk sawk pahin ka thil ken lai chu min rawn laksak in a en zui chu a meng phawk nasa mai, "Pawisa hmangin hnawh bo che a tum maw?" mak tih hmel fe hian arawn ti a, kei aipawn a thinrim hmêl zawk, "Ṭhen reng reng suh, kawp char char ang che, an chet dan hi ka ngei tlat" ti zuiin min luhsan leh hmak a,chutiang rilru put chu ka duh hauh lo, kalsan chu han tum chhin phawt ila, mahse chutiang tuar thei tur chuan ka chak tawk hle erawh angai tih ka hria, ka thei kher angem ka hre lo, mahni inrin tawkna ka nei lo bawk nen, a harsa viau ang le.

Tlai lamah chuan ka nau chu ka thlah a, ka ṭap lo chauh,in be tam lo mahila kan pahnih chauh kan nih vang hian kan in ngai hle thung, harsa ti zetin ka thlah liam ve a, Afaki'n min tel pui bawk, "Thi turin a kal pawh ni hlei lo engemaw i ṭah pûr reng le?" min la ti sek zui, taxi driver pawh alo nui tawp, Kan inah chuan chaw te min ei puiin lo riah a tum nghe nghe, Ani pawh hi nu leh pa kara seilian a ni bik lova, mahse u hmeichhia leh mipa a nei a, nu ala nei bawk, kei ai chuan a chan erawh ala ṭha tho mai, mahse restaurant a a inhlawh reng vang hian an khawsak erawh a nuam bik zawk zawk lo tih ka hre mai, chaw kan ei lai chuan, "Pu Albert-a in chu avan nuam reuh, in luah nuam reuh sia, a to viau lo maw? engzat in nge i luah a?" arawn ti leh phawng tawh, "Man tlawm te in", tih zawngin ka lo chhang, "Zep duh suh, engkim ka hria lawm, i dinhmun ah hian ding ila keipawn ka hnar thei bik teuh lo" ala ti zui, ka lo nui lui sak tawp, "Chuan, engtin nge tih i tum? i ṭhen dawn ta em?" arawn ti leh a, "Ka hre lo le" ka lo ti chuai raih, ka hre lo takzet, kalsan chu ka ngai tih ka inhria, "A harsa em a ni" tiin hnuailam ka melh a, ka mittui bawk chu arawn hnâm leh tawh, "Inṭhen lo mai ula, nghak rih la, mi hriat vak loh in in inkawp char char anga, an inṭhen fel hunah in innei daih dawn lawm" a tih chuan, "Keipawn chu chu ka duh a, mahse a chhung tehian min duh dawn lo sia, a nupuiin a hriat chhuah hun a huphurh awm ber" ka tih chuan min hrethiam takin alo chek tlak tlak ringawt.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2022, 5:39 pm

Forbidden love chapter-10
by
Hlutei Pachuau


Zanah chuan phone hmangin room lamah Afaki chu a awm a, kei erawh chhuat te ka la nawt leh rih, ni dangah pawh tiang hi ka ti ziah tho a, tunlai chu ka thil tih ho te pawh hian min ti chauh ngawih ngawih reng mai, ka inbual fai hnu deuh lawkah Pu Albert-a arawn lang ve leh hlawl mai, "Phone i la thei lo a" arawn kal thut chu inthiam lo deuh awm fahran hian arawn ti a, "Ka buai deuh a" tiin ka lo chhang mai a, peh hêl tumin thil ṭullo pui pui techu ka tihsan a, "I thin a rim ami?" ti a ka hnunglama min rawn kuah a tum chu ka lo in la hrang vat, "Afaki a awm ania" ka lo ti sar sar a, "Ka tihpalh" tiin ani pawh a in la hrang zui ve mai a, "Lo ṭhu rawh" tiin room lam chu ka pan san a, a nu pawisa min pek chu la chhuakin pek let ka tum a, "Mawli, pe suh, a nu chuan a bulah i hek angah angai anga, an duh lo zual sawt ang che" Afaki chuan alo ti vat, "Mahse ka kawl reng thei hleinem" ka tih chuan, "I hmuh fuh hunah i pe zawk dawn nia" tiin min chhuhsak ta daih a, a thû chu awih in ka chhuak leh mai a, ṭhutthleng ah chuan alo ṭhu ngawi ve reng mai, ka chhuak chu min lo la en rûn zui.

"Coffee i induh em?" ka tih chuan alo bu nghauh a, ka siam sak lai techuan min en reng tih ka hria, pangngai taka awm ka tum na in, Ka awm dan teh hrep chu nuam ka ti chiah lo, "Afak, coffee ka siam ania i duh ve em?" ka han ti lang lang a, "Duh lo mai" arawn ti ve vat, Coffee chu pe in a bulah chuan ka ṭhu thla zui ve a, ka dârah a lût nghatin a chau tih hriat zet hian a thaw deuh halh,a chau viau ang, ngaihtuah tur a ngah in a hna lamah a buai ṭhin si, in lamah pawh ala haw lo aniang a kawr pawh ala thlâk miah lo, "I chau viau a ni maw?" Tiin a biangah chuan ka lo dawm a,a lum deuh vung vung mai, "Ummm..." a ti ringawt, ka nui deuh hak a, a lû chu rawn kân uk in min rawn en hu mai, "I ṭawng tlem thei lutuk hi ka nuih aza" nui chunga ka lo tih chuan a awm angai bawk chuan a awm zui leh sut sut a, "Sawi tur ka hre lo, min hrilh tur te i nei lo mi?" a tih chuan ka nui tawp riai riai, a nu chungchang chu hrilh duh viau mahila an inhmuh thiam loh phah ang tih ka hlau bawk si, "Tunlai chu keipawh ka chau thei lutuk a" ka han ti ve ringawt a, ka kut chu arawn hûm lum zui vang vang, "I chau viau ang, nikhat tal techu chawlh ve ṭhin tur che nia" arawn tih chuan ka lo nui sak ringawt, "Hahdam deuhin tikhân muhil rawh" tiin a biang sa ham ham chu ka kut lian lo tak chuan ka beng thak thak a, ka bulah hetiang hian nuam takin a awm theih tawh hmel si loh a, zan in na na na chu hahdam takin han awm phawt teh se.

"Ka lodge ah kal ila" arawn ti thum dût, "A chi loh, Afaki a awm hi" ka lo ti deuh nang nang, min chhang zui tawh lo, "Bazaar ila, thil ka lei sak ve ang che" ka tih chuan min rawn en hû mai, "Enge i duh? Man to deuh ni lo" ka tih leh chuan alo nui veleh suk, "I duh duh ni mai" alo ti ve mai a, "Ka'n insiam ang, ala hma tho a, dawrah kan chawl anga" ka tih chuan mak min tih hmel fe hian "Iva phûr ve, midang hmuh a inzui kha i duh ngai si lova" arawn tih chuan nui sen sen pahin, "Zan in tlai chu ka châk ve riau a" tihpahin room lamah ka kal nghal, "Afak, kan chhuak lok dawn nia aw" inthlahrung ru taka ka tih chuan, "In duh leh riak chhuak r'u,ka hlau hleinem, in a haw ka peih si lo a" a tih chuan an mo nu nen an in ti thiamlo tih kha min hrilh tih ka hre chhuak chiah, "Riak chhuak lo ang, mahse kan rei deuh maithei, kan bazaar dawn a" ka tih chuan phûr hmel fê hian a phone khawih lai chu dahin arawn tho rawk rawk a, "Ka chei ang che" tiin ka thawmhnaw bawm chu a hawng nghal,Coat fual a buang leh kekawr dum hi min rawn laksak a, ka boot te nen chuan ha turin min ti, "Kan inchei vur duh lo, ka inchei ngai silova ka zak ve deuh a nia" ka tih chuan ka kawrfual lei thar, ama min lei luih tir tho hi arawn phawrh a, school form kawrfual ang type hi a ni a, stockings dum nen, loafers min bun tir leh, a vawh vangin coat fual chu ka ha ta tho a, "I hmai kha chu chei vak angaih loh hi" tiin ka sam chu arawn thlah a, lipstick tlem leh blusher kha chu a hmang ve in ka hria, ka chhuak chu nui suk hian min lo en a, ka lai deuh reuh chu ka hmai ka hup ringawt.

"I nalh lutuk" ti supin min rawn fawp zauh, "Ka lang naupang viau em?" ka tih chuan alu alo thing vat, a zan a zan in kan inzui chhuak leh ta nge nge a.

Mall ah chuan kalin necktie pin ka lei sak a, thil dang leisak ka tum chu a duh tawh ṭhak lo, a banah vuan in ka kalpui a, tu mit mei mah ka vêng lem lo, ka ṭhen vat dawn tho a,bakah mit mei vûn tur em em an awm paw'n ka hre lo, Hotel changkang takah thil kan ei dun a, ka chaw ei na ala rei loh vang nge engmah chu ka ei leh thei lo, Vitamin techu min leisak in thawmhnaw pawh ka duh lo chung min lei nual a, a hlim erawh ka hlim chiang a ni, zan khat atan hotel nuam tak chu kan book leh a, hotel room changkang tak khum ah chuan ka mu nghâl thlawp, ka mut a chhuak ngang mai, "I chau viau a ni maw?" tiin ka coat hak lai kilhna chu arawn phelh a, ka pheikhawk min phelh sak leh thlap, "Night dress hak tur a awm hi, inthlak phawt la" a tih pawh chuan ka che ṭha peih lo, "Ka mut a chhuak tawh" pangchang zet chuan ka lo ti a, ka thawmhnaw chu min phelh sak leh vek, ka awm ruak lutuk chu min en vung vungin ka dulah chuan arawn fawp zauh a, "A vawt ania" ka lo ti hlar mai, Pajama hi min hak tir leh a, sex kan hman dawn hian ka phalna lo chuan min ti lui ngai lem lo, ani pawh inthlak ve nghalin ka bulah chuan arawn mu ve a,"Vitamin chu ei ṭha rawh i cher lutuk chuang lo na a i dâng lutuk" ka sam a duat zeta rawn chûl pah hian ati ve a, ka lo nui lui sak, "Thil ka zawt che anga thui deuhin min chhang ve tawh la" ka tih chuan arawn nui hawk a, keipawh ka nui tawp, "Enge ni a?" tiin ka biang arawn piai zauh a, "Tinge min hmangaih a? chuan a tir aṭang reng khan, kan inkar hi a thleng deuh thut bawk sia" ka han ti a, ka zawhna chu a âtthlâk viau maithei, "Ka hre lo, Damdawiin a ilo ṭah khan ka khawngaih lutuk che a, bakah kha tih lai khan i hriat angin ka kehchhiat vek lai a ni a, ka thil neih tekhan min ti hlim hlawl lo a ni ber, ka duh dan phei chuan ka pawisa zawng zawng kha hmang vek la ka duh zawk, ka rilru buai i nang fuh a, bakah i bula ka awm khan engemaw ti tak hian ka zâng huai ṭhin" arawn ti ve sup sup a, a sawi thui ve lutuk chu a inhmeh lo ka ti kher mai, "I rilru ana tih kha hai rual a ni lo lawm i hmel aṭang khan" ka tih chuan ka chalah rawn fawp zauhin, "Theihnghilh daih ang, muhil rawh" a ti leh daih a, engmah a sawi duh ta chuang lo, sawi lo mahse a âwm tho mai, abialnu hlui a duh deuh boral ta chanchin erawh chu ka hre chiang châk ang reng viau mai, "Haw leh daih ila, Afaki kha ka khawngaih reuh e" ka tih chuan min rawn en hû a, ka mutchhuak a reh leh daih tawh, "A pawi chuang hleinem" alo ti ve mai a, "Mahse i room hauhna pawisa kha i ui lo mi?" ka tih chuan, "Tikhan i hahdama ka chawi thlawn chuang hleinem" alo ti thên, Haw leh ka rawt vang chuan kan haw leh ta nge nge a.

Receiptionist pawisa a pek lai chuan, "Anun" ti rî chuan min ti phu zawk, ka hnunglam ka hawi chu Zualtea alo ni, sawi mai tur pawh hre lovin ka en hâ reng a, "Enge hetah i tih a?" tiin min rawn pan a, "Englo..ihhh...ka..." ka han ti bah niai a, sawi tur ka vân kher mai, "Kan kal dun alawm" Pu Albert-a chuan arawn ti nih chu, "A ni maw? Enge in tih a pute?" min en dan chu a dik lo ṭan, "Hotel-ah mipa leh hmeichhia kan kal a nih chuan enge kan tih i rin a?" alo ti hmuk a nih chu, "Zualte, a fiamthu nih kha, kan kal dun lo nia" tiin thudik chu thup ka lo tum nasa mai, "Anun hmeichhe fel tak emaw ka lo ti che a, hetiang hmeichhia hi maw ilo nih?" dur khap hian min rawn en a, midang chuan min melh ta hrek hrek mai, "Malsawmzual" Pu Albert-a chuan alo ti khur khur a, "Ka ten lutuk che u" tiin a kal zui daih, ûm zui ka tum chu Pu Albert-a chuan min lo dang vat a, "Ala hre dawn tho a, tuna a hriat kha aṭha zawk" ti hmukin min hruai chhuak nghal daih a.



"Khatianga tih kha a dik lo sin, i nupui nen pawh in la inṭhen lo a, hriattîr kha ka duh rih hleinem, midang bulah sawi ta se engtin nge niang?" a car a ṭhu chung chuan ka ti hlaih hlaih a, "A sawi lo ang" alo ti leh ringawt, mahse ka hlauthawng telh telh thung, ka awm pawh a nuam thei tawh lo.

Kan haw hnu chuan Afaki nen chhuatah kan mu dun a, thil thlen dan techu ka hrilh ve a, pawi alo ti kher mai, "Pu Albert-a hi Zualtea lo ni zawk se i tan a awlsam deuh tur" tiin min khawngaih hmel fe chuan min en vang vang a, ka ṭah pawh a chhuak lo, ka hlauthawng et et reng mai, "A tirah nupui a nei tih i hre sa tiraw?" arawn ti leh daih, "Hre sa e, engkim hre sa in ka ti sual a, ka invêng ve asin, mahse...hmeichhe tenawm tak ka ni tiraw?" tiin ka han zawt lêt a, "I thiamloh a ni hleinem, in awmdanah hi chuan tu ber nge dem tur ka hrethiam lo, nangpawh i dik vek bik chuang lo a, a nupui paw'n lo bum khanglang lo se in intawng kher lo ang" a ti ve niah niah a, a dik ka ti kher mai, mahse keimah hi dik lo ber chu ka ni tih ka inhrilh nawn fo tho.

Zingah chuan chaw ei tawh lêm lo in hma takah kan kal dun a, Dawr kan thleng chu kan buai leh nghal hle tawh, zingkar lamah hi chuan kan buai tlangpui ṭhin, Kan buai viau na in Raju ṭawng chu techu kan han nuih leh rih ṭhin, an bula awm hi chu a hlimawm ṭhin a nia, "Anun lo kal vat teh" UMami chuan choka lama ka awm daih vangin arawn ti chûl a, Kei aiin Afaki a hmanhmawh zawk, "En rawh en rawh" tiin a phone a thil post chu min entir ta, ka rei!!!...Pu Albert-a leh an hospital hming lamin a nupui phatsanin call girl mai mai a tawm pui thu facebook lamah an lo post anih chu, call girl ang te'n min lo la chhuah zui, ka mit nghal sulh thei, sawi tur ka hre lo, boruak chu a reh ṭhap a, thlalakah chuan kan pahnih damdawi dawra thil kan lei lai kha ni ngei tur a ni, Pu Albert-a pa hi politician a ni bawk si, "Thudik lo bak thehdarh tur an hre lo nih hi, hman hlawm lutuk mai" Afaki chuan ahan ti tân tân a, kei erawh ka nui lui sak, ka tawn tur dik tak a ni tiin ka pawm nghal thlap, mahse ka rilru erawh ana ru viau tho mai.

"An hre vek tawh awm sia, Anun" U Mami chuan dam dap hian arawn ti a, "Ka ṭhen dawn tho alawm, hre mahse a pawina a awm hleinem" ka lo ti sap a, min khawngaihna mit meng chuan min ti lawm letling zawk, "Ka lamah in ṭang tlat reng a, ka tan chuan a tawk lutuk" tiin ka nui chhuak hak a, ka nui lui a ni tih hrilh chawp an ngai lo, min khawngaihna mit meng chuan ka hnuk khawih viau mahse ṭah erawh ka tum tawh lem lo , "Engpawh ni se, hnathawk ang u, a hlimawm daih zawk" Ruattei kan chhawr pakhat chuan arawn ti ve a, ani erawh hi chu ala naupang fâl deuh, Customer nei tawh lem lo mahila naktuk in hmakhua lâwk angaih vangin kan han buai leh sang sang a, Ka vegetable chan sa choka aṭanga ka chawi chhuak chu ka mi hmuh vâng chuan ka ding dat, UMami bulah chuan "Henu hi a ni em?" tiin Pu Albert-a nupui chuan min rawn kâwk deuh sawk a nih chu


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2022, 5:39 pm

Forbidden love
chapter-11
by
Hlutei Pachuau





Hlauhthawnna in ka khat nghal a, ka khur ru nghal dar dar mai, "Insum rih phawt teh a fâlin inbia ang" Tiin UMami chuan lo beng daih a tum, a thinrim hmaisen chu hlauhawm tak a ni, hmanhmawh zeta min rawn pan hlawk hlawkin ka hmai ah chuan arawn beng nghâl ṭhuai a, ka thil ken lai ka thlauh nghal vek, ka hmai thîp lutuk chu ka dawm nghal vang vang mai, "Engtin nge i ngam zawk a?" Tih tuar pahin ka samah chuan arawn kêk a, lei ah chuan min paithlu nghal rawk, "I hmelṭha tak hi ka ti chhe vek dawn" tiin ka hmai ah chuan arawn beng zui nghal buan buan a, midang ho chuan an lo dang nghâl vat, Afaki'n min lo kuah a, ka ṭap thei lo, ka mittui erawh atla, ṭap leh tur chuang ka awm tawh lo a ni ber, ka thaw techu arawn hah a, ka taksa khûr nasa lutuk chuan min tina vek thei, chutah ka hnapthlêng chu arawn lum thla pap a, "Eheee...!!!...A hnar a thî nia, rawmawl kha" tiin Afaki chu a au nghal chûl a, ka lu techu a hai nghâl rum rum mai, "Nang mihurnu,ka ngaidam ngai lo che, ka pasal hi ka ṭhen dawn hlek lo ania hre rawh, ka thih thlengin a bulah ka awm ang, Zawngi, Hremhmuna nawr liam i duh loh chuan kalsan hmak ang che, min thlah rawh u" ti tuar tuarin a chhuak leh nghal hmak a, ka mit meng arawn fiah lo a, ka khaw hmuh chu a thim nghal vek.

Ka harh leh chuan damdawiin ah ka lo awm tawh a, Afaki'n min lo awmpui chu niin, "I ṭha em? na te i nei em?" arawn tih chuan nui lui sakin ka lo bu nghauh a, "Pu Alberta'n a hre tawh em?" aw khur dar dar a ka tih chuan, "Hre daih tawh, ka va call a ka hrilh vek" alo ti awlsam êt,hre lo se ka tih teh lûl nen, "Chuan thil pakhat" tiin min rawn en vang vang a, sawi hreh hmel fe hian thâwk ala deuh halh, "Enge?" ka lo ti thuai a, "Eng lo, Doctor khan...ihh...i rai an tia" arawn ti nih chu, "Engmaw?" ka lo ti chhuak sap,ka mittui arawn luang nghal, Afaki paw'n min ṭah pui tawp, "Nang hi chu âw ..i van vanduai reuh tak" ṭap ṭiau hian arawn ti ve a,Ka hmui hupin ka ṭap chhuak hak, "Engtin nge i tih tak ang?" ṭap ṭiau bawk hian arawn ti leh a, ka chhang thei tawh lo, Ka rai leh rai loh tur ka lo ngaihtuah ngai miah lo a, "Chutia kan ṭah lai chuan pu Alberta pawh arawn thleng hlawl,Afaki chu alo inthiar fihlim zui nghal a, ka kutah chuan rawn vuan in, "I ṭha em?" dam thlup hian arawn ti a, ka chhâng lo, tunah tak hi chuan khûk ral daih mai ka duh, "Ka tihpalh takzet a ni" a ti leh sup a, engmah sawi lo in ka kut chu ka la a,ngawi rengin min en vung vung mai, nurse bulah chuan cabin ruak a awm leh awm loh te a zawh hnu chuan Canbin room nuam berah min hruai lût a, damdawiin a riah ngai pawh ka in ti lo, haw leh nghal rum rum ka duh na in, Doctor khan a phal tlat lo, thisen ka lo nei lo bawk nen, HB lah chu a hniam em em lehnghâl a, naupai lai tan phei chuan damdawi satliah ei chi ka ni lo bawk nen, Room ah chuan sofa, tv lian tak, fridge leh sofa te a awm a, engmah phei chu ka sawi lo, ka lungawi lo tih hria in a inthlahrung dûk reng a, ka khawngaih takzet a ni, mahse tihlan erawh ka duh lo, ṭhen a, kalsan vang vang chu ka tih tur lian ber a ni tih ka hre chiang, ka rai thu a hriat vaih chuan min ṭhen duh dawn lo tih pawh ka hria, a hriat ka hlau hle bawk, ka bulah chuan ngawi reng hian a ṭhu a, phone a hmang leh zauh ṭhin, Darkar chanve kan awm dun tawh, engmah kan la sawi dun lo.

" Pu Albert " ka ti zawi sap a, ka in beng tho ṭaih ṭaih chu min rawn pui zui vat,ṭhu chungin a hmelṭha tak chu ka en vang vang a, " In ṭhen ang " tih ka duh, mahse ka thei lo, a harsa takzet a ni, hrereng chunga tisual lui ka ni a,heng techu ala nêp lutuk ti rilru in ka mittui arawn luang a, ka ṭawng thei lo, ka khâ a chih tlat nia, " I ril a ṭam em ? " arawn tih chuan inhnît feih chungin ka lû ka lo thing a, min rawn kuah nghâl vat , a dârah chuan beiin ka ṭap chhuak zui hak a, ni e , tun hi a tawpna tur a ni, tiin nghet tak chuan ka kuah a,ka hnungah chuan alo beng zui thak thak a, min thlem turin thu thlum tak chhâk chhuah tur a hre lo, ka beisei lo bawk.

" I tâwp tawh mai ang hmiang " ka ṭah zawh hnu chuan ka ti a, Min rawn en vang vang a, a hmelah chuan natna ka hmu thei, " Engkim hi ti tawp ang, a hrangin bul ṭan ṭha ila,i nupui nen fa duhawm deuh neiin chhungkaw ṭha tak din turin ka duh che u, keichu i nun aṭangin min paih bo daih rawh " ka han ti a, " Ka nupuiin a sawisak vang che em ni hetianga i awm a ? " arawn tih chuan , " Aih....rei tak chhung ka lo in ngaihtuah tawh a, thil dik lo tak a ni tih kan hre ve ve, chuvângin kan inṭhen ngei ngei hi a ngai "
tiin a kut chu ka va vuan a, " A theih loh, ka ṭhen dawn lo che " chiang zeta min rawn en chung hian a ti nia, " Ka nupui ka ṭhen nan chuan engpawh ka ti mai ang " arawn ti fiah leh fak tawh, " Mahse hei hi chu a dik lo... "

" Dik lo mahse ka hmangaih che " min chhoh en rûn chung hian arawn ti fiah leh fak tawh, sawi mai tur pawh hre lo a ka en vang vang reng lai chuan , Afaki arawn lût thut, " Awi!!...ka tibuai cheu em ? " arawn ti nghâl chûl a, " Buai lo e, lo kal rawh, Afaki hi min riahpui turin ka sawm a " ka han ti zawm zat a, min chhâng lo, a ṭhut ngawih leh vang vang hnu chuan a chhuak ta daih, Afaki chuan mak tih hmel zet hian a en zui vang vang a, " In in hau ami ? " arawn ri nghal hû mai, ka tui in ka lem khalh hnu chuan, " Ka ṭhen a " ka lo ti sap a, " Mawww ! ?....Mi â nu, engtin nge i naupai hi i enkawl anga ? " min rawn ti zêk a, " Ka hre lo, a awm chawp ve mai ang " ka tih chuan ka darah arawn beng taih, " I va han mawl chhah tak, pa tello in i fa hi enkawl i tum amaw ? i nau enkawl i ngai bawk a, engtin nge i awm anga ? i nau in hria se school a kal reng duh angem ? i unaupa rilru nat dan tur han ngaihtuah teh, Bakah Pu Alberta fa a nia, a fa hmasa ber tur, a hriat ve ngei angai lawm " ati zui hlaih hlaih mai, thil thui tak ka thlir ngam lo, ka pai ngam a nih chuan ka enkawl ngam tur a ni , ka enkawl zawh loh leh ka thih chilh anga ni mai, " Hrilh reng reng suh ang che " ka lo ti chang fak, a hrilh lui ngam dawn lo tih ka hria, ka tâwt lutuk hi film ami ang hian hriatna hlohna damdawi tehi awm se ka ti, " Ka rilru iva han ti hah tak " a ti tlawk tlawk reng ringawt.

" Ka chhuah vat a ngai, naktuk zingah chhuah ka dil ang " Ka tih chuan Afaki'n mak ti zeta min enna pawh chu ka hre lo der top, " Engtin nge i tih ang? naute chu tih tlâk i tum ami ? " vîn deuh lek lek hian arawn ti tân tân a, " Ka hre lo, engmah ka ngaihtuah thei lo, ka chau ngawih ngawih ,ka rilru hi a bîng mup mup mai " tiin ka melh ngai ka melh vang vang a, ka hma hun thim mup ka ngaihtuah duh ngai miah loh ka rilru ah arawn luh chuan ka na nghal vawng vawng mai,Dan rual lohin ka biangah ka mittui arawn luang a, ka ṭah loh nan ka hmui hnuai ka pet fan fan ringawt, " Anun in ngaihtuah chiang teh, innei dawn lo mah ula i rai thu tal hi chu hrilh ve la, hriat a phû ve sin, ka va han khawngaih dun tak che u " tiin ani pawh a ṭap ve tawp, Kan pahnih in inkuah chung chuan kan ṭap ta tawp a.

Afaki mut hnu techuan ka la muhil maithei lo, ka rai thu ka hrilh chuan a nupui ka luahlan ngei angai dawn si,mahse ka thei lo, ka chunga thleng tura ka duh loh leh ka hmelma chungah pawh thleng lo se ka tih ber pawl a ni si , engah nge maw kan lo intawn kher kher le? tiin inchung fan muangchanga vir chu ka en vang vang a, ka beka ka mittui rawn luang leh ngiai ngiai ṭhin chu ka hru zauh zauh bawk , vuan tlat ta ila misual tawp khâwk ka ni dawn si , mahni fa ngei ti tla tu nih ka duh bawk si lo, ka rilru hah leh tâwt up up reng vâng chuan thâwk ka la leh halh ṭhin , zân lah chu a rei telh telh a ka harh telh telh bawk si.

Zîng lamah chuan ka lo muhîl ve a , ka harh chuan dar 8 alo ri tawh , ka bulah chuan Pu Albert-a leh a fapa tê kha an lo awm a, mak ti zeta ka en reng lai chuan Afaki arawn lût , ei tur arawn khâi nual bawk , ka ril a ṭam tih ka in hre ve chiah, " Aw in lo awm reng elaw? Pu Albert hei hi i fapa maw ? " tiin Afaki chuan a fapa biangah chuan a rawn piai zauh a, a pa chhunna eih anei lo, a nu pawh a chhun hmel chuang loh, a ngên hmel in a luhlul hmel hle, " A hmuh ngai loh bulah hi chuan a ngawi châwi teh mai a nia " Pu Albert-a chuan alo ti ve, thawh tum chuan ka in beng kâng âk âk a, " Tho suh " arawn ti vat, mahse ka tho lui ta tho a, " Enge i an? nizan lam te i mu thei em ? " dam thlupa arawn tih chuan " Ka ṭha e " ka lo ti ve a, ka âw pawh a chhuak thei mang lo, " Bawihtea hi ka va thlah lok anga ka rawn lêt leh ang, sawi tur ka nei " tiin ka chalah arawn fâwp zauh a, an chhuak zui nghal.

" I kalsan thei meuh ang maw ? a hmangaih ropui che si, nang lah chuti bawk " Afaki chuan thil kan ei lai chuan beidawn hmel fê hian arawn ti a, " Ka tih ngei angai alawm, ka ṭha mai ang, Pu Albert-a pawh aṭha ang tih ka hria " ka tih chuan min khawngaih hmel fê hian min rawn en leh tawh , " A nupui a ṭhen hun chu nghâk phawt la, a nupui nen hian innei pangngai paw'n an innei lo a, an in hmangaih chuang lo bawk a, indem bîk reng teh suh " tiin min han fuih ve, mahse kei hmeichhe luhlul tak hian chu chu ka ngai zam ve thei tlat lo, ka hma ka sial hlê tih ka in hria, Thil kan ei kham chuan Doctor arawn kal a, ka chhuah theih thu arawn sawi a, kan lawm hle, mahse keimah ka chak lo in nau ka pai bawk nen in enkawl ṭha tur chuan min chah ngun hle, zawm ngei pawh ka tum, " Ti daih ila Doctor Albert-a te nen hian engtin nge in inchhûn teh daih a? " arawn ti chhuak hlawl a, chhân dan tur ka vân hle, " Kan dawrah alo chawl ṭhin a,min duhsak ve a nih hi " Afaki chuan alo ti vat a, " A nih dawn chu " alo ti leh mai a,ka damdawi ei tur a ziak zo chu a chhuak leh mai a, ka rai thu hi a sawi ang tih ka hlau ngei mai.

Kan insiam melh melh lai chuan Pu Albert-a pawh arawn lût ve a, hlauthawng dêp dêp in ka awm reng mai, biak pawh ka be lêm lo, " Doctor nen khan in inbia em ? " Afaki chuan phâwk hrâ a en chung hian alo ti a,kei erawh ka lo ngawi reng thung, a nupuiin min sawisak vanga thinrimah min la ngai reng aniang, pawi pawh ka ti hran lo,ka thinrim hran lo, ka phû tawk chiah a ni ka ti mai, " Be lo, va biak a ngai ami ? " arawn ti hû a, " Ngai lo ngai lo " Afaki chuan alo ti vat a, keipawh chuan abia ang tih ka hlau ru kher mai,mahse in be lo chuan kan insiam sawk sawk a kan haw nghal chu ni mai.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2022, 5:39 pm

Forbidden love
chapter-12
by
Hlutei Pachuau




Car a kan chhuah dawn chuan damdawi lei a ngaih leh ngaih loh techu min zawt a , ka lei tîr chuan ka damdawi ei aṭangin ka rai tih a hre dawn tih ka hriat ve kar vang chuan nakina lei ah ka ti deuh tlat , min ti lui bîk lo, in ka thlen chuan ka hahdam huai mai , Na ka neih tawh em em loh vângin ka che nghâl char char a , Pu Albert-a pawh ka la be eih lo , Afaki pawh kan awm dan vâng chuan min thlah fâl ngaiin a hria niang haw chhuanlamin a chhuak ta daih a , a haw tak tak dawn lo tih ka chiang lutuk tlat ,

" Anun " zawi supa rawn ti tu âw ka hriat chuan ka lungphu arang nghâl dut dut mai , thingpui ka lum tûr chu châwl dat in ka ding ngawi vang vang a , chutah ka hnung lam aṭang chuan kawng ah rawn kuahin ka kut khûr dar dar chu arawn vuan a , ka ṭah loh nan ka hmui ka pet fan fan ringawt , " Kan inṭhen tawh a " arawn tih chuan ka nghîng dawt thei , alam chu rang takin ka hawi a , " Tinge i ṭhen ? i ti thei lo ang " tiin a mitah chuan ka chhoh en hâ , " Ka nei dawn che mawle " ati leh sup , "Ni lo, Pu Albert, tuman an pawm lo ang " tiin ka in la hrang zui vat a , " Midang min pawm pui ka mamawh lo " arawn ti leh , " I nupui chuan inṭhen a duh amaw ? " ka han ti leh hâ a , ka la awih thei lo, inṭhen a duh tak tak teuh lo, Pu Albert-a hian hnawt chhuak eng ang mahse a ṭhen duh dawn lo tih ka chiang , " A duh lo thei ngawt lo " arawn ti leh a , " Mi pasal chhuhsak nih ka duh lo, bakah fa innei tawh a,inṭhen zawk ila, bul ṭan ṭha leh la, chhungkaw hlim tak ni zawk rawh u, keichu i nuna lo lang ve pakhat angah min ngai tawp thei ang " ka ti a, ka ṭap tawh lo, " Naupang saw ka thisen zawm a ni lo tih i hria, intawng lo in lo inngaizawng lo mahila ka ṭhen dawn tho tho " ka chhân ngaihna hre tawh lo chuan ka en top, " Anun, mi tupawn engtin pawn sawi mahse ka hmangaihna che hi a danglam ngai lo ang,chuvângin min ring tawp rawh " a rawn ti dam thlup a, " Min hmangaih tiraw ? " a rawn tih chuan ka lo bu nghauh a, " A nih chuan min ring dawn em ? " arawn ti leh, "I chhungten an rem ti lo anga, mi zawng zawng dem rawn kan ni dawn asin, i hlau ve lo a miah lo em ni ? " ka tih chuan a kiai suk, " Min kalsan ka hlau ber " thu tak zet hian arawn ti a, mittui tling pam in ka lo nui lui sak ringawt, "Ni lo e, ka thei ka ring lo, ka tawrh theih ka in ring lo a ni " tiin ka thawk ka la zui halh, min rawn kuah a tum chu ka lo in dang vat a, " Haw rawh,lo kal tawh lo la, nang leh i nupui te, in vai hian ka hne ngawih ngawih che u , I hmel hmuh leh pawh ka duh tawh lo " Ka han ti hlak hlak a, ngawi rengin a ding ta reng mai, boruak chu a reh ṭhiap a, sana chek ri tlak tlak chu che lovin kan ngaithla ta reng mai, tunah tak hian in ti bo daih thei ila ka van ti tak, " Ila thinrim vang a nih kha, in ngaihtuah ṭha leh la, zan in chu ka haw san phawt ang che " dam thlup a tih pahin arawn kûn hniam a, ka biangah arawn fâwp zauh, rawn hawi lêt tawh lovin a chhuak zui ta nal nal a, ka mittui arawn luangthla nghâl zâwih, kawngkhar lam chu ka en ngat ngat reng lai chuan Faki hmanhmawh zet hian arawn tlan lut zui a, ka mittui a hmuh chuan min rawn kuah nghâl, " Engmah sawi angai lo, ka hria lawm " tiin ka hnungah chuan min beng zui thak thak a, " I tuar chhuak thei em em ang " a ti zui leh sap.

Zan alo nih chuan ka mu thei ṭhak lo, ngaihtuahna a kal kual ruai a, ka hlau a ni, a tello awm ka ngaihtuah zawng ringawt pawn ka lungphu arang dup dup mai, ka tello a ahlim theih ka ring a, a nupui nen chuan bul ṭan ṭha leh mai se tiin ka han ngaihtuah a, mahse ka na tho si, aw...ka na tehi ka thla leh ka arsi tekhian min rawn hriatpui ve angem le? keimah anga an kianga awm ve thlahlel ngawih ngawih tehi an awm ve angem? tiin ka ngaihtuah a, ka hmangaih loh tawp tur ka hmangaih a ni tiin mahni leh mahni chu ka indem thûl, ka na dawn tih kha ka hre lâwk vek tho, mahse ka hnar thei lo kha mak ka la in ti reng, ka tan mipa hmasa leh hnuhnung ber a ni ang tiin ka in tiam a,a ni ang renga hmangaih kha ka neih tawh ka in ring chuang lo, hmangaihna ka lo ngaih ropui em em ka hmelhriat dan hian min tina takzet a ni, ṭhen tum mahila, kalsan tum tho mahila a ṭha ber ka la duhsak tho, ka ngai a, theih ni se a kianga ka thih ṭhak thleng pawh awm ka duh ang,mahse helai hmun hi chu kan tana siam a ni lo tepawh a ni mahna le, ka lo piang nawn leh ta a nih pawhin amah tho kha hmangaih leh ka la thlang fan tho ang.









Ni a liam a, karkhat dawn a ni ve leh ta,zan tin Pu Albert-a chuan min rawn tlawh a tum a, phone ah lah ni se a nunber ka block daih bawk si, kawngka ka hawn duh ngai lo, ka ṭah tlaivar châng a tam a, mahse engtikah emaw chuan ala danglam ve mai ka ring, zangkhua tepawh ala bungbu mahna, zangkhaw bungbut hun nghah chu a rei duh dawn ngar ngar khawp mai,mahse ka beiseina neih chhun a ni miau si a, Rui chung te'n kawngka arawn chûm dawt dawt zan pawh a tam mai, U Mami paw'n min rawn tlawh ve a, Pu Albert-a pawh arawn hruai nghe nghe, mahse ka rilru ka thlâk phah chuang lo, ka luhlul leh rilru len zia an hria,tih luihna pawh ni se lêt leh ka tum tawh lo bur, ahnu ah chuan a beidawng ta niang nizan hmasa aṭang khan min rawn tlawh ta miah lo a, mahse a hrehawm, ka tawt up up thei hial a ni.

Faki khan ka hriatpui miah lo in Pu Albert-a nu pawisa kha alo tlânbo pui daih bawk a, Tumah ka hrilh ngam bawk si lo, ṭhianṭha ah ka lo ngai a, mahse ka hnunglam aṭangin min lo bum reng si a, ka chau in ka hah takzet a ni, ka nau ka tlawh erawh chuan engmah ka sawi lang lo a, ka thup hram hram zawk, U Mami techuan Faki chanchin chu min zawt ṭhin, a kalna ka hre lo a, lehkha hnut chhiahin pawisa a mamawh zia thu chauh a sawi kha nia, Pu Albert-a chanchin pawh min hrilh châmchî reng a, a nupui nen chuan an inṭhen tawh a, U Mami chuan nei mai turin min tina in, ka la tawrh tur ka ngaihtuah hian ka tuar ngam lo a ni ber zawk, Faki tlanbo pui pawisa chu engzat chiah nge awm pawh ka hrie si lo, hnawh khah ngaihna pawh ka hre lo, vawiin tlau chu chau tak in lam ka pan a, car var pakhat hi kan in kawtah chuan alo ding reng a, muangchâng chuan pan chhat chhat in ka thlen dawn ṭepah chuan Pu Albert-a nupui arawn chhuak hlawl mai.

Ka hmu chu ka ding dat a, hmanhmawh zeta min rawn pan hlawk hlawk pahin ka hmai ah tak chuan a rawn bêng leh sawk nia, kei chau leh damsam lo sa lo ding nghet lo bawk chu lei ah chuan ka ṭhu thla nghâl nawk a, "Mi tenawmnu, thi rawh" ti tuarin ka pumah chuan a pheikhawk sâng zet hian min rawn chhir nawk, kan ṭhehawm ami Pi Sangi tar ve tawh tak chu ṭe ruai chung hian arawn tlân chhuak zui a, " Enge khatia i tih tak chiam chiam a? tunge maw i nih le ? " tiin arawn dang a, ṭap leh tur chuang pawh ka awm tawh lo, " Tunge ka nih maw ? a bialpa nupui ka nih hi " tiin a au zui tuar a, ka zak eng ang mahila ka che thei tawh bawk si lo, " Henu hian ka pasal a fawr pui ṭhin asin " ahan ti leh tuar a, kan in bul a cheng ve ho pawh an lo dâk chhuak far mai, " I pasal chuan lerh san awm reng che pawh a nih hi,nang ang hmeichhe rapthlâk lutuk " Pi Sangi chuan tiin ka thlavâng alo hauh a, ka thlahvang hauh tu ka nei ve chu lungchhe bawk si rilru na bawk si inpawlh nawkin ka lo ṭap chhuak hak a, chutah Motor pakhat hi arawn ding ri tuar a, ka hawi chhuak chu Pu Albert-a chuan hmanhmawh zetin min rawn pan nia, a nupuiin min rawn khawih leh a tum chu kan ṭhenawm aṭanga rawn chhuak ve nu ho chuan an lo dang a, ring zetin a au tuar tuar mai, " Anun " dam thlupa rawn ti tu âw vang chuan ka mittui a luang nghâl zung zung mai, ka hmai a huh vek thei hial a ni, " Bawiha i nupui hi han ching fel hmasa phawt teh " tiin min rawn buai pui tur chu Pi Sangi chuan alo dang a, chu veleh ding chhuakin a nupui chu car ah chuan a nam lût rawk rawk a, a driver rawn hruai chu pawisa pe in heilaia rawn hruai tawh lo tur chuan a ti nghâl bawk.

Chutah min rawn pawm kang nawlhin ka in lamah chuan min hruai lût a, Pi Sangi chuan puan huh in ka biang chu arawn dep vang vang a, tlêm in ana pawh a zia deuh, " Tinge ngawi renga i inkhawih tir a, khawih let ve hrep mai tur alawm " nui lui sak in " Nang angin ka huai ve hleinem ", fiamthu a ka lo tih chuan kan han nui dun leh rih a, " Ka lawm takzet a ni Ka pi " tiin Pu Albert-a chuan lawmthu alo sawi ve a, " Ka kalsan ang che u, sawi tur in ngah in ka ring " tiin a chhuak zui a, ka pum la chu ana riai riai reng mai, sawi chhuah kher erawh ka tum hran lo.

Min rawn en vang vangin " Ka tihpalh a ni " a ti chhuak sup a,a rui lo a, mahse a hmel erawh a chau a ni tih ka hria, a hmuihmul arawn ṭo ṭan bawk, ka tawt up up chu tih zia tumin ka thaw chhuak halh, hetiang hi a thleng dawn tih ka rin lâwk sa vang ania kal san ka tum hram hram ni, " I thiamloh a ni hleinem " ka lo ti sap a, a âwmah beia ṭah hawm hawm ka châk kher mai, mahse ka chak lohna tihlan ka tum lo a, a tello pawn ka awm thei a ni tih hriattir tlat chu ka duh ber a ni, ka bulah chuan rawn ṭhu thla in, " Khatiang khan a tih leh ka lo ring phak lo a " a ti leh sup a, " A pawi lo " ka lo ti ve mai, kan inṭhen tawh tih hi a nupui khan ala hre lo tepawh a ni mahna le, ka pum lah chu arawn na telh telh leh nghâl, ka thlan fîm a tla a, ka tai bâwr vel chu ana ut ut tawh, " Na dang i nei ami ? " tiin min rawn en a, ka thlan fîm tla chu min rawn hrûk sak nghâl, " Ka ṭha e " thaw halh halh pah a tiin thawh ka tum chu ka serh aṭang chuan thisen hi arawn luang thla nghal ngiai ngiai a, kekawr var ka ha bawk nen a lang chiang kher mai, " Thisen, Anun i ṭha em ? " a tih na chu ka hre hla tial tial a, arawn thim ta mup mai.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)