ARJIT BY Angeli Lalmawizuali Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ARJIT BY Angeli Lalmawizuali Fanai (Completed)

Unread post by Ngaia » January 4th, 2023, 11:26 am

ARJIT







Chapter - 19






min fawhna chuan zun a nei pawh a nimahna ka hriat loh laiin ka lo fawp let ve reng a , ka harhchhuah chuan ka in la hrang nghal vat bawk . Mak ti lutuk a min en na pawh chu ka hmu lo der char char ringawt .







Ni e , a hma kha chuan tiang hi chu ngai ah ka nei pawh a ni mai thei mah se kum fe insi miah lo a kan awm vang a nih ka ring ka zak tlat . Bak ah hetiang mai a awlsam a kan awm dun leh pawh hi a dik berin ka hre hek lo , ka rilru chu a insual buai nuai nuai nimai in ka hria .






A malchung a tang chuan tho in choka lam ah ka phei tlang nghal a , ei tur ka insiam mawlh mawlh lai chuan " Keipawh ka ril a tam ," rawn ti tu chu chiang fahran hian ka en nghal a .






" Ei tur tui vak a awm lo a sin , engmah ka siam lo a ," ka ti zawi sep a , rawn kal hnai vatin fridge chu a hawng nghal . A duh zawng chu la chhuakin a siam zawm nghal mawlh mawlh a , sawi lo mah se a man eitur a siam dawn tih ka hre thei nghal a , ka nui tawp .






A che vel chu hmuhnawm ti zetin ka en reng a , ka ngaihtuahna chu a vak thui viau bawk . Goa a kan awmdun lai te ka hrechhuak thar a , kan 2 khan duhthusam kha kan ngah dun viau a nih kha . Tun ang tho hian eitur kha min siamsak thin a .








Suangtuahna ram ah ka lo cheng nasa lutuk a ni mahna ka hma a kut vai chuan min ti harh zawk bawk . " Ngaihtuah nasa ngur ngur ve pi ber ," a rawn ti chu ner nang hian ka lo en thung a .






" Ngaihtuahna nasa e , chuan mi thil ngaihtuah nasa deuh i rawn tih buai vang hian in thiamlohna i nei lo a nih chuan i mawl ve hle a niang ," ka lo ti let hlar a , rawn nui chhuak hawkin " Duhawm lutuk ," tih zawng ala sawi zui , ka melhno lo viau .







Chaw te chu ei dunin a thil siam pawh chu tui ka ti viau mah se ka fak sak duh miah lo thung . A inti thei dawn lutuk tih ka hriat vang a ni pakhat . Zan ah chuan a awm ve reng a , biak ve chu duh mah ila han biak vak ngaihna ka hriat bik mai loh a vang chuan ngawih ka chuh ta hrih a .







A tawp a tawp ah chuan rawn tawng chhuakin " Naktuk ah maw Mizoram ah chuan i chhoh dawn ?" a rawn ti hlawk a , lu lo bu vatin " Aw ka tum dan chu a nia lawm ," ka ti ve nghal vat bawk . A hmel ah chuan lungngaihna thuk tak nei hmel a pu .






Ka tawng loh chuan a ngawi leh reng dawn a ka hriat vangin " Tinge min zawh a ? min zui chhoh ve i tum a mi?" fiamthu hian ka ti a , min rawn melh vatin " Aw tum e , ka zui chho dawn che . Inu tlawn te pawh ka ngai a lawm , min pawm loh chuan ka ru ang che ," thutak deuhin a rawn ti a , ka nui lai chu ka tawp chiang viau .






A hmel saw a thutak mah mah tawhin ka hria , a ti duh tak tak ang tih pawh ka hlau ru viau bawk . " Rawn tih tur i neih ve pawh ka hre lo ," ka ti leh nghal thuai a . Min rawn awm hnaih vatin ka kut a rawn vuan. a" Bawihi ka hmangaih zia che i hriat ka ring , nangin min peh hel hram hram lai pawhin kei chuan ka hnaih lui thin che .








Mipa mahni tawk a kei ka ni ti ve thin tan chuan ka awmdan hi a tlawm zia ka hria mah se ka neih theihna tur che a nih chuan tlawm nih ka hreh lo . Pathian hneh ah khan ka dil tawh a chuan nang hi ka dilna chhanna i ni bawk , kan in tawng leh a ka nupui i la nih ngei ka beisei bawk . Chumi tur pawh chuan ka bei zel ang .






I tan chuan tlawm ka hreh lo mah se theihtawp a ka tlawm chung pawh a min pawm lo emaw min hmusit zawk a nih erawh chuan ka tiam ang che engtik ah mah i nun ah ka rawn in lan leh tawh ngai lo ang . Chutiang thil chu thleng lo se ka ti bawk . Ka hmangaih che a ka hmangaih reng bawk ang che .







A hma ai nasa khan bul tan tha ila nakin ah ka fate nu ni turin ka duh che , nang chiah hi ka duh , midang ka duh lo ," a ti zawi sup a . A tawngkam hrim hrim chuan zun a nei nimaiin ka hria , eng in nge min mawlh pawh ka hre lo , a hmui ah chuan ka fawp nghal hmiah a .






A thil sawi khan min hneh bak ah a thusawi ah khan a ding nghet dawn tih ka hriatchian em vangin ka lawm a ka hnuk a ulh dawn hialin ka hria . Ril ruih hian min fawp a ka hmui hnuailam te chu a hne leh dek dek thin .






Nichin a ka zahna te kha bo chhem bo ang vek an ni leh tawh . Arjit hi ka hmangaih tih ka hria , hman a ka hmangaih ai nasa khan tun ah hian kala hmangaih reng . A tan hian ka bei ve ngam tur a ni bawk , khawvel ah hian kan famkim thei dawn lo engtik lai pawhin min sel tu chu an awm reng dawn chuvangin an selna chu ngaia neih mai thain ka hre bawk .







Min selna vanga mahni hmangaih pawh ka neih theih loh chuan ka nung hrehawm leh zual dawn em a ni chuvangin engtiang pawhin awm ila emaw eng thil pawh tawng ila Arjit tan hian vawikhat tal chu tawrh ka huam ve tur a ni .






A tuk ah chuan Airport ah Arjit chuan min thlah a , hna laklawh a neih vangin a rawn chho ve nghal thei lo a , nakin ah a maha a rawn chhoh tur thu a sawi bawk . A thusawi angin a awm ngei dawn tih ka hriat vangin keipawhin ka remtihpui mai bawk .






Mizoram ka thlen chuan kan khaw lam panin ka chuak leh nghal a , khawi ah mah chawlh kawi kha ka chak hrih tlat lo a ni . In ka thlen chuan ka Nu chuan min lo kuah nghal vat a , sawi lo mah se ka han thleng chuan a tihlim tih a hriat nghal vek a , chu chuan min ti hlim viau bawk .




Ni 3 zet kan khua ah pawh chuan ka awm leh tawh a , a tul tul te tihpui in ka feh ngun leh viau tawh . Model no tak hi chu ka ni lo ve chiang a ni , ka Nu bul ah lo nei lo a eichawp dawr siam tur a ka tih pawn lo neih loh ngawt hi chu a ngam lo a nimahna , kum tin in a nei ve zel chu a nia .







Zan ah chuan ka Nu chu bia in Aizawl lam a insawn thlak ka rilruk thu ka hrilh a . Rei fe a ngawih vang vang hnu ah " Helai hmun hi Ipa lu nghana a ni tawh a , chutiang mai a chhuahsan chi a ni hleinem . In unau in duh leh lo zuk awm thla ula keipawh ka rawn awm deuh reng thin dawn a lawm .







Pem hming pu a awm ka ngam tlat lo a ni . Dawr siam a mahni a eizawnna neih i chak zia ka hria a lawm , chu thil chu ti hlawhtling turin ka duh bawk che , hmanhmawh lutuk lo la , kan la ngaihtuah tha dawn nia ," a tih vang chuan ka thaw huai thei .




A sawi ang chuan tih phawt tha a ka hriat vangin ka dawr luah tur te chu ka zawng nghal char char a , tlem ala thar leh changtlung deuh ka duh ve bawk nen ka duh ang chu hmuh a har viau . In erawh ka neih sa tho vangin ka lungngai hran lo .






Ka nau te zirna chhunzawm an ngai ve tho bawk nen kan khaw lam ai chuan Aizawl lam a kan awm ngun ka ring deuh zawk hrim hrim bawk . Kan khua ah chuan thla khat dawn ka awm leh tawh Arjit nen pawh kan inbe reng a , a hman ve leh a rawn chhoh tur thu a la sawi reng bawk .





Eng vak mah ka sawi tam pui duh lo thung , rawn chho lo pawh nise a buai zia hrechiang tu ka nia a awm ka ti vek tho . Zan ah chuan phone ah hla ngaithla chungin ka mu a , ka lo chhing sek a nimahna kawngka in kik ri karh karh ah chuan ka harh zawk mai .





Mama thiante an nih ringin ka tho vat a kawngka chu ka han hawng rak rak bawk . Kawngka zawna mihring lo ding ka hmuh chuan ka phu hlum lo chauh " Surprise ," rawn ti supin min kuah nghal a , ka kuah let vat bawk .





Hetianga a rawn kal mai hi ka ring lo a nia , min surprise chiang tak a ni . Tiang tiang a rawn kal ka ring ngam vak lo kha a nia a rawn kal tak tak vang chuan ka lawmin ka hlim zual sawt bawk , min ngaih pawimawh zia a hriat ve em a ni .







Ka Nu chu rawn tho chhuakin Arjit chu a rawn hmu ve a , a thawng deuh a nimahna tawng mai nachang a hre bik lo . A awm ve reng hman a tangin Arjit hi vai zaithiam ah chuan a duh pawl kha a ni ve tlat mah we ka pasal a tan em chuan a duh a ngem ka hre bik lo le .





" Teh hlawl che chuan eng nge i rawn tih dawn a?" a ti bah deuh nak a . Arjit chuan " Rawn kan ve hrim hrim che tha in ka hria a , bak ah i fanu hi ka lo dil dawn che a ," a ti heu mai . Thawk pawh ka lo thaw tha ngam lo thung , chutianga awlsam a ka Nu bula a sawi ngam chu mak ka ti viau .






Ka Nu chuan " Mu ila naktuk ah kan sawi dawn nia , tun a rik hluai pawh a hun tawh lo . Mami a mutna tur kha siamsak rawh , hmingchhiat a awl tih i hriat kha hetiang mai mai pawh hi mi chuan sawi nuam an ti a nia , in nun uluk ang che u ," ti duahin room ah chuan a lut leh nghal a .






Thawk ka lo la nghal ham ham bawk . A mutna tur ka siam lai chuan min lo tibuai ve sek a ka kuk fawk nghe nghe . Room a ka luhsan dawn chuan min fawp leh hram a keipawhin ka chhang ve mai bawk , min ngaih leh min thlakhlelh ang chiah hian ka thlahlel ve tih hria se ka duh .







Arjit chuan ka Nu hnen a min dil hlawhtlin hma loh chu haw a tum lo bawk nen nitin an inzui kat deuh reng mai , thenawm khawveng te chuan kan hriat ah fak viau mah se kan hriatloh lam ah min sawi nasa viau tih ka hre thung .






Ni e , a zahthlak ve deuh bawk em a ni , kei ngei pawhin zahthlak tih chang ka nei fo mah se a hma a ka sawi lawk tawh angin ka hmangaih tan vawikhat tal tawrh ve kha ka tum miau a ni .






Aizawl lam ah ka dawr tur en a ngaih vang chuan ka chhuksan a , a ruk tak chuan ka ngaihtuah viau thung . Ka Nu hian a haw hran lo tih ka hria mah se tawngkam tha vak erawh a hmuh lo thung , tih beidawn a tum nge pawh ka hre tawh bik lo le .





Arjit chu a beidawng mai ang tih ka hlau ru leh rum rum thin . Aizawl a ka cham chhung pawh chuan chanchin ka han zawt reng mah se mumal tak a min chhan a nei ngai lo thung , thu ho deuh deuh ah pakai daihin a tawng nawi niai zel .






A duh ang a hmu lo tih a hriat reng a chu chuan a ti beidawng tan a nih ka ring bawk , min ti hnual ve viau . Engtiiah mah a theih ve dawn loh te pawh a nimahna le , a ni hi ka nei thei lo a nih chuan mipa dang tawn leh pawh ka duh tawh lo , ka chak lo bawk .





Dawr chu tifel in thla 2 luah man ka pe nghal bawk , a rang lama tihfel nghal vat a ngaih dawn a vangin ka mamawh tur ang ang chu ka lei khawl phawt a . Khua ah haw chhoh leh phawt a chuta tang chuan a tul anga remruat chu ka tum ta a .






In ka thlen chuan Arjit chu ka zawng nghal ruai a , thlang lam ah a lo thu chu ni in . A hmel chu a ngui nghiai nimai hian ka hria , ka awm loh hlan khan an in dil hlawhtling lo a nih ka ring hmiah bawk a ka khawngaih viau .






Ka thawm ah chuan rawn hawichhuak in a rawn nui nghal suk a , min rawn ban vat bawk . A bulwah chuan thu thla ve nghalin engmah kan sawi lo ve ve a , ngawi reng in kan khua a lang thei chin chu kan thlir mawl tawp ringawt .





" Engpawh theng se itan ka bei zel ang ," kan ti ringawt a ka hnem theih dan awmchhun ni in ka hria a ni . Min rawn en in " A tir ah chuan hrehawm i ti mai thei , mi tamtak in an sel bawk ang che mah se a rei lo ang tuar hram hram la ila tuar chhuak vat dawn a nia ," dam dap hian a rawn ti a .





A thil sawi awmzia chu ka hre lo viau , ka Nu in min neih a remtih sak tihna em ni? Mak ti lutuk a tawngchhuah ka tum lai chuan " Ka hria a lawm , min remtih sak i ring lo a nimaw . A tir ah keipawh in ka ring bik lo mah se ka hmangaih zia che a hrethiam a animahna " Tina ngai suh ang che a neihchhun i ni dawn a chutiang bawkin i neihchhun a ni tur a ni , a mittui i tih tlak sak chuan i chak dawn lo a nia " tiin min vo lawk vek ," nui pah a a tih chuan ka lo tah nuih ve hak bawk .





ka lawm em ani , buaina leh harsatna hrang hrang kar ah Arjit ngei ka nei thei tur hi ka lawm , tun ah tak hi chuan kei aia hlim leh lawm an awm bik in ka ring lo hial .




( A tawp lam kan hnaih tawh aw , a hmawr kan bawk tawh dawn ❤️)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 11:26 am

ARJIT






Chapter - 20 (Last chapter)





Arjit chuan in neih duh nghal tut tut mah se keiin ka la duh mai lo thung , ka dawr te tihfel ve phawt a eizawnna ngelnghet tak neih ve ka duh a ni . Arjit chuan tul lo a ti viau hna lo thawk ve lo a house wife ni zawk turin min beisei tih ka hria mah se ka chhungte chawm pah reng ka duh a vangin tun a dawr ka siam hian nakin zel a tan ala tangkai dawn tih ka hriat a vangin ka tum nghet ve viau hrih .







Aizawl lam ah chuan ka nau te nen kan chhuk thla a ka Nu pawhin min zui thla ve bawk , a ni hi chu nakin lawk ah chhoh leh nghal a tum a ni . Aizawl a ka in neih ve chu a ruk in ka Nu hmingin ka dah a , ka awm loh hun ah pawh ka nau ten an la mamawh reng dawn tih ka hriat vang a ni bawk .






A milai college kalna tur pawh kan be fel tawh a , kan naupang ber school kal zawmna tur pawh ka tifel vek bawk . A hming in Mizoram ang ah chuan min hre tu leh hmelhriat ka nei hnem ve bawk nen thil chu harsa lo takin kan ti fel thei zela a lawmawm viau .







Keipawhin dawr chu luah lutin bungrua pawh ka ngah nghal viau , ka hmelhriat milar thenkhat ten min tlangzarh sak bawk nen a nikhat ni a tang pawh chuan ka in hralh thei fu a , ka lawm bawk nen nileng chuan ka khi sang reng mai .






A rukin in neihna a pawimawh tur leina tur chu ka inkhawl tan tawh bawk a , ka account ah kala nei ve nual bawk nen khalam ah kha chuan ka lungngai hrih lo a ni . Arjit chuan " Mizo inneihna anga inneih i duh chuan kan ti zawk dawn nia , kan hnam dan ang chu sum sen a ngai nasa bawk nen i duh dan danin a nimai ," a ti a .







Christian ah a inpe tawh bawk nen Christian inneih dan pangngai a inneih chu ka duh zawk a ni mah se a lo ber ah thla 5 emaw vel tal hun ka mamawh thu ka sawi bawk . Dawr ka hawng thar ve chauh a Arjit hian Mizoram lama awm a ti dawn lo tih ka chiang bawk nen , dawr enkawltu tur ruai pawh ni ila keiman tha tak a rei lo te tal enkawl ka duh ve a ni .






Ka dawr ah chuan thawktu hmeichhe 2 ka chhawr tel a , an felin an rilru pawh a tluang khawp mai , nileng deuh thaw chuan kan nui leh uar uar thin . A chang leh " Nang chu i vannei e Arjit te anga mipa hmangaih tu che i tawng a ," an ti leh ringawt thin .







Hun pawh chu a kal ve zel a dawr pawh thla 3 lai chu ka luah ve tawh . Pathian zar ah kan in hralh theiin a lun thei phian a rinai takin mipuiin an lo duh bawk nen lawm tak hi ka ni ringawt .






Arjit chuan Mumbai lama a chhungte in hmelhriatna tha deuh neih a duh thu a sawi a , a chhungte pawh inneih lam a sawipui tawh thu a sawi bawk . An remtih ka ring vak lo kha a nia rin ang em em chu a ni dawn lo a nih hmel a ka lawm ru viau .







Dawr ah ka ai lo awh tur ka hmuh fel hnu chuan Mumbai lam pan chuan kan kal ta a , a hmain hmu tawh tho mah ila tun a mi ang a nih loh vangin a dan a dang deuh bawk a ni .





Kan thlen chuan hotel lam ah ka awm nghal a Arjit chuan a in a awm ve turin min duh viau na a keiman ka hnial lui tlat thung . Kan innei tep tawh tho a tiin ka riah chilh duh ta hrih lo .







A tuk lam ah chuan Arjit-a chhungte hmu tur chuan kan 2 in kan chhuak dun a , an in kawt kan thlen chuan thawk chu ka la hak phawt a , inchhung ah chuan kan in zui lut a Arjit chuan ka kut a kai reng bawk mah se a chhungte hma a chutiang a awm chu ka duh loh a vangin ka kut chu ka thing leh deuh vak thin .






Arjit-a Pa chuan room lam ah min ko nghal a , kan zui lut ve mai bawk . Couch ah chuan kan thu ran a , rei fe ngawi reng a kan thut hnu chuan " In inneih na hi ka pawm lo hran lo mah se Christian dan ang kher a inneih in tum erawh ka remti lo , inneih in duh tal a nih leh Hindu dan ang takin inti tur a ni ," a tih chuan ka thaw lo char char in ka hria .







" Christian ah ka in pe tawh tih pawh i hria , tiang buaina tur a ni lo , hman hman ah kei chu Christian ka ni tawh Bawihi Christian a ni bawk a . Engvangin nge Christian ve ve chu Hindu dan anga inneih kher a tulna ?" Arjit chuan a ti ram hmak bawk .






Kei chu ka lo tawng ngam ve lo hrim hrim , ngawi rengin an in hnial chu ka lo thlir a , ka thin a phu dup dup bawk , inneih na hi a thlen pawh ka ring tawh lo , ka lung a chhia in ka tawt ru up up mai .






Arjit-a Pa chuan " I duhdan in i awm ziah a hma pawn remti lo chungin ka pawmsak hram che , tun ah hi chuan ka thu zawm ve tawh rawh ," a ti rum leh ul a .






" Ka Pa ka zah zia che chu sawi kher ngailo a i hriat ka ring mah se tianga buaina min siam erawh ka lawm lo khawp mai ," Arjit chuan a tih zawm leh nghal zat bawk .







" Ka thu zawm lo a ka duh dan a i kal dawn lo a nih chuan ka ro ah engmah chan i nei lo ang tih hria ang che . Company emaw hotel pawh nise engmah i chang ve lo ang ," sehchilh deuh tak hian a rawn ti chhuak leh a , a aw khur dar dar a tang pawh chuan a thinrim ve hle tih a chiang reng .







Arjit chuan " Ka pa i ro leh thildang hi ka duh lo , duh vanga enkawl pawh ka ni hek lo . Ka Pa inihna angin kei chuan ka zah che a i hmingchhiat ai chuan tiin ka enkawl mai a ni . Min pe lo a nih pawhin ka lungngai lo Akash a awm a lawm , a puitling ve tawh bawka a kut ah engkim ka dah ngam .







Min pawmpui thei ta ngang lo a nih pawhin ka dem lo che mah se hriattir lo che a nupui neih aiin i hriatpui na nen ngeia nupui ka duh vangin ka lo hruai a ni e . Ka Nu nen a in inkar te , buaina in tawh zawng zawng vanga in awmdan te kha ngaihtuah la , vawikhat tal i thuthlukna hi ilo ngaihtuah tha leh dawn nia .






Kan lak a thinrim ngai a kan siam che a vangin min hrethiam dawn nia ," dam dap hian a ti a , ka ban ah kai in min chhuahpui nghal bawk . Khatiang em em a Arjit a puitling tih kha ka neih awm ka la hre lo , a puitling ka ti in ka chhuang tak zet .





Motor a khalh lai pawh chuan ka en reng ringawt , a chetdan engkim hian zun a nei a nih hi .




" Khatianga min en reng chuan ka motor khalh lai theihnghilh thak khawp hian ka fawp duh mai ang che ," a rawn tih chuan ka hawi sawn nghal daih bawk .




Rawn nui chhuak hawkin q kut lehlam in ka kut a rawn vuan a , a hmel ah chuan hahdam hmel a pu bawk . Ava han tha ngawih ngawih tak em .






Hotel ah chuan rawn peng kawiin zanriah te kan ei dun nghal a . Mizoram lam a chhoh leh hmain ni 2 vel chu intih thawven nan chhuah dun kan rawt nghe nghe , ka phur viau bawk .






Nu chu a kal chak viau Arjit nen a kan inneih ni tur pawh ruat fel a ni tawh a , kan in buatsaih tan luih luih tawh . A mah hre tu leh ngaisang tu a ngah bawk a kan inneih hma a tang rengin lawmpuina thil pek kan dawng awl lo .





Mizoram lam ah erawh min sawisel nasa in fb group ah phei chuan min troll reng mai . Ka tihsual a ni tih ka chhian em a vangin en liam mai mai ka tum thung , a tir ah kha chuan harsa ti ve mah ila kan in hmangaihna vangin kan tuar chhuak thei dawn tih ka hre tlat a ni .





Ka dawr pawh chu ka chhang chiah ka pe tawp bawk , tun ah enkawl dan thiam lo mah se nakin ah chuan ala tangkai pui dawn tih ka chiang a ni . Arjit-an Mumbai lam a awm a dawr pawh changtlung tak a siam a duh zawk vang a ni pakhat .







Man leh mual te in hlan felin kan inneih hun tur pawh kar thar lawk a ni ta , nitin mai chu ka tan a phur awmin a ropui em em vek tawh a . Mi tamtak in min sel mah se ka chhungte , Arjit leh min duhsaktu dang nui hmel ka hmuh hian ka dam thin .






Maicham hma a mipa ding chu en in ka nui sak a , lawm a vang a ni zawk . Ka kut a lo ban lai chuan a kut lehlam in a mittui chu a hru zauh bawk . Min nei tur a lawm vangin he mipa hi a mittui a tla chu a nia , chu aia ropui tih chu ka nei tawh bik lo .




ARJIT POV :



Ka hma a mo kawr var thianghlim tak ha a ka lam pana rawn kal mek chu ka en a , ka hlim a ni . Tun ah chuan ka ta tur chiah a ni tawh ka ta pumhlum a ni tawh dawn , Pathian leh khawvel hriatpui ngei ah .






Ka lawm lutuk vanga ka mittui tla chu ka hru nghal vat a , hlim hmel pu sang a min en tu chu a tha tih mai hian a sawifiah zo lo a ni .





Kan inneih zawh chuan honeymoon hmang turin California lam kan pan a , ram dang ah pawh kal kan la tum bawk . kan hlimana in van a tawng hial dawnin ka hria .



Kan inneih hma lawk khan ka Pa in min rawn bia a " Ka fapa Ipa hian ka ti dik lo a ni , in inhmangaihna kha ka hmuh thiam sak lo che u a mah se Inu nen a kan buaina ang leh ka hmangaih ka chan ang khan nang chuan tawng ve lo la ka duh .






Hlim takin awm ula in hmangaih takin awmdun reng ula , chhungkaw hlim tak dinin fa tam deuh in nei dawn nia . Ipa hi min ngaihdam la , hlim tak a in awmdun reng theih nan duhsakna ka hlan a che u ," tih min rawn thawn a .








Engkim a buaipui nghal vek bawk , ka Pa nen kan inkar tha chu ka lawm viau .





Bawihi nen chuan hlim takin hun kan hmang dun a a kal chakna ram ah te kal dunin kan 2 chuan kan hlim dun viau . Ruatsangi ka tawng hi ka inchhir ngai lo a , ka inchhir pawh ka ring tawh hek lo .




Ka hmangaih a , ka hmangaihna hi a danglam ka ring tawh lo a ka hmangaih reng tawh ang .



--------------------------🎀-----------------------------




" Daddy tho tawh rawh ," fiah lo zet a rawn ti tu chu ka lo kuah thut a , rak vakin a nui hawk hawk bawk . Ka fanu Amelia chu ka kuah bet tlat a , a sam kir chiat te hian a ti duhawm tak zet .





Kum 3 na a hmang ve mek , tawng fiah har chi a ni bawk a duat rawn a ni tih a in hria nen a la no viau . Anu hian a duat lo lutuk thin erawh a buaithlak chang a tam .




" Amelia Ramdinsang ," chaw rawn ei rawh pawr tak a rawn ti tu chu kan lo nuih suk suk thung . Anu hian nau thla 2 mi a pai mek a vangin a raino thinchhia nen a bula awm a den thei riau .




Nau a pai hian ka hmu sexy tlat zel leh nghal . Rooma a rawn luh chuan a incheina a vang chuan ka tho chhuak zawk .




" Hna kal i tum tih sawi miah suh ," ka lo ti nghal vat a , min nuih tlawnin " Vawiin chu ka va enpui ve lawk ang chu ka tia ," tim dai hian a rawn ti a .




" A tul lo , in ah hian awm mai mai teh , a hma ang khan accident tawk leh ta la engtin nge kan awm ang ? I gonna ka duh ber , in ah hahdam deuhin awm zawk rawh ," ka tih chuan a tum bar bar mai .




Lungawi lo deuh chunga room chhuahsan tu chu en in ka nui suk ringawt . Ka sawi tum hi hrethiam ve thin set ka ti , bawihtei a pai lai khan a hrisel lo in a la na viau a nih kha , kan buai fo .




A dawr ah a lo tlu bawk nen tlem a tlem ah bawihtei leh a mah ngei pawh kan chan lo chauh kha a nia . Tun ah pawh nau pai a la na leh viau , khatiang thil kha a thlen ka hlau tawh bawk nen engkim ah ka fimkhur tawh a ni .




Choka a a awm lai chu a kawng ah ka va kuah a , engmah a sawi lo . A dar ah ka khabe chu nghatin " Bawihi itan a tha tur chiah ka duh tih i hriat kha . Buaina i tawh ka hlau a hma pawh khan ka buai vek a .




Hetia him tak a in a i awm hian ka thla a muang ber thin , dawr the chu i duh talh leh nau I neih zawh hun ah pawh ila enkawl dawn chauh a lawm tiraw ," thlem pah chuan ka ti a .




Ka kut chu rawn chulin " Ka hrethiam a lawm , ka lawm lutuk a nia ," a rawn tih ve tak ah chuan ka thaw hak thei . Ka lam chu hawi tirin " Ka tawng che hi kala inchir ngai lo , ka hmangaih che a ka hmangaih reng bawk ang che . Ka hmangaih lutuk che u ," ti supin a dul chu ka chul a .




" Kei ni pawhin kan hmangaih lutuk che , nang ang mipa ka tawng hi ka lawm tak zet ," a tih ve sup chuan a hmui ah ka lo fawp nghal a .





Bawihtei a rawn tlan luh chuan ka lo pawm kang nghal vat bawk . Ka chhungkua , ka neihchhun te hi ka hmangaih a , engtik ah mah chan ka phal ngai lo ang .





THE END



( ARJIT story a tawp thleng a min chhiarsak tu te chung ah lawmthu ka sawi tak zet❤️. Christmas leh kum thar dam leh hlim tlang tak a in hman ngei ka duhsak che u . Ka chauh ber lai pawhin in comment ka hmuh khan min ti dam thin , ka tan chuan in hlu tak zet💙🌸💙)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)